꧁ꦏꦶꦢꦸꦁꦫꦸꦩꦼꦏ꧀ꦱꦲꦶꦁꦮꦼꦔꦶ꧂
꧃꧉ꦧ꧀ꦖ꧉꧃
ꦲꦤꦏꦶꦢꦸꦁꦫꦸꦩꦼꦏ꧀ꦱꦲꦶꦁꦮꦼꦔꦶ
ꦠꦼꦒꦸꦃꦲꦪꦸꦭꦸꦥꦸꦠ꧀ꦠꦲꦶꦁꦭꦫ
ꦭꦸꦥꦸꦠ꧀ꦠꦧꦶꦭꦲꦶꦏꦧꦺꦃ
ꦗꦶꦩ꧀ꦱꦺꦠꦤ꧀ꦢꦠꦤ꧀ꦥꦸꦫꦸꦤ꧀
ꦥꦤꦼꦭꦸꦃꦲꦤ꧀ꦠꦤ꧀ꦲꦤꦮꦤꦶ
ꦩꦶꦮꦃꦥꦁꦒꦮꦺꦲꦭ
ꦒꦸꦤꦤꦺꦁꦮꦺꦴꦁꦭꦸꦥꦸꦠ꧀
ꦒꦼꦤꦶꦲꦠꦼꦩꦃꦲꦤ꧀ꦠꦶꦂꦡ
ꦩꦭꦶꦁꦲꦢꦺꦴꦃꦠꦤ꧀ꦲꦤꦔꦫꦃꦲꦶꦁꦩꦩꦶ
ꦒꦸꦤꦢꦸꦢꦸꦏ꧀ꦥꦤ꧀ꦱꦶꦂꦟ
ꦱꦏꦺꦃꦲꦶꦁꦭꦫꦥꦤ꧀ꦱꦩꦾꦧꦭꦶ
ꦱꦏꦺꦃꦲꦶꦁꦔꦩꦥꦤ꧀ꦱꦩꦶꦩꦶꦫꦸꦢ꧀ꦢ
ꦮꦼꦭꦱ꧀ꦲꦱꦶꦃꦥꦤ꧀ꦢꦸꦭꦸꦤꦺ
ꦱꦏꦺꦃꦲꦶꦁꦧꦿꦗꦭꦸꦥꦸꦠ꧀
ꦏꦢꦶꦏꦥꦸꦏ꧀ꦠꦶꦧꦤꦺꦁꦮꦼꦱꦶ
ꦱꦠꦺꦴꦒꦭꦏ꧀ꦠꦸꦠꦸꦠ꧀
ꦏꦪꦸꦄꦌꦁ꧈ꦊꦩꦃꦱꦔꦂ
ꦱꦺꦴꦔꦶꦁꦭꦟ꧀ꦝꦏ꧀ꦒꦸꦮꦤꦶꦁꦮꦺꦴꦁ꧈ꦊꦩꦃꦩꦶꦫꦶꦁ
ꦩꦾꦁꦥꦏꦶꦥꦺꦴꦤ꧀ꦤꦺꦩꦼꦫꦏ꧀
ꦥꦒꦸꦥꦏ꧀ꦏꦤ꧀ꦤꦺꦁꦮꦫꦏ꧀ꦱꦏꦭꦶꦂ
ꦤꦢꦾꦤ꧀ꦲꦂꦕ꧀ꦖꦩꦾꦁꦱꦒꦫꦲꦱꦠ꧀
ꦠꦼꦩꦃꦲꦤ꧀ꦫꦲꦪꦸꦏꦧꦺꦃ
ꦄꦥꦤ꧀ꦱꦫꦶꦫꦄꦪꦸ
ꦲꦶꦔꦶꦢꦼꦂꦫꦤ꧀ꦲꦶꦁꦮꦶꦢꦢꦫꦶ
ꦫꦸꦩꦼꦏ꧀ꦱꦩꦭꦺꦏꦠ꧀ꦭꦤ꧀ꦱꦒꦸꦁꦥꦿꦫꦱꦸꦭ꧀
ꦥꦶꦤꦪꦸꦁꦔꦤ꧀ꦲꦶꦁꦲꦾꦁꦱꦸꦏ꧀ꦱ꧀ꦩ
ꦄꦠꦶꦄꦢꦩ꧀ꦈꦠꦼꦒ꧀ꦏꦸꦧꦒꦶꦟ꧀ꦝꦌꦰꦶꦱ꧀
ꦥꦔꦸꦕꦥ꧀ꦏꦸꦪꦩꦹꦯ
ꦤꦥꦱ꧀ꦏꦸꦤꦨꦶꦆꦯꦭꦶꦤꦸꦮꦶꦃ
ꦤꦨꦶꦪꦏꦸꦧ꧀ꦥꦩꦶꦪꦂꦰꦤꦶꦁꦮꦁ
ꦝꦈꦢ꧀ꦱ꧀ꦮꦫꦏꦸꦩꦁꦏꦺ
ꦤꦨꦶꦆꦧꦿꦲꦶꦩ꧀ꦚꦮꦏꦸ
ꦤꦨꦶꦱꦸꦭꦺꦩꦤ꧀ꦏꦱꦼꦏ꧀ꦠꦺꦤ꧀ꦩꦩꦶ
ꦤꦨꦶꦪꦹꦯꦸꦥ꦳꧀ꦫꦸꦥꦺꦁꦮꦁ
ꦆꦢꦿꦷꦰ꧀ꦲꦶꦁꦫꦩ꧀ꦧꦸꦠ꧀ꦏꦸ
ꦧꦒꦶꦟ꧀ꦝꦄꦭꦶꦏꦸꦭꦶꦠ꧀ꦠꦶꦁꦮꦁ
ꦄꦨꦸꦧꦏꦂꦒꦼꦠꦶꦃ꧈ꦢꦒꦶꦁꦈꦩꦂꦱꦶꦁꦒꦶꦃ
ꦧꦭꦸꦁꦧꦒꦶꦟ꧀ꦝꦈꦰ꧀ꦩꦤ꧀
ꦱꦸꦩ꧀ꦱꦸꦩ꧀ꦲꦶꦤ꧀ꦱꦸꦤ꧀ꦥ꦳ꦠꦶꦩꦃꦭꦶꦤꦸꦮꦶꦃ
ꦱꦶꦠꦶꦥ꦳ꦠꦶꦩꦃꦧꦪꦸꦤꦶꦁꦲꦺꦴꦁꦒ
ꦄꦪꦸꦧ꧀ꦲꦸꦱꦸꦱ꧀ꦏꦸꦩꦁꦏꦺ
ꦤꦨꦶꦟꦹꦃꦲꦶꦁꦗꦼꦗꦤ꧀ꦠꦸꦁꦏꦸ
ꦤꦨꦶꦪꦹꦤꦸꦱ꧀ꦲꦶꦁꦲꦺꦴꦠꦺꦴꦠ꧀ꦩꦩꦶ
ꦤꦺꦠꦿꦏꦸꦪꦴꦩꦺꦴꦲ꦳ꦩ꧀ꦩꦢ꧀
ꦥꦩꦭꦸꦏꦸꦫꦱꦸꦭ꧀
ꦥꦶꦤꦪꦸꦁꦔꦤ꧀ꦄꦢꦩ꧀ꦲꦮ
ꦱꦩ꧀ꦥꦸꦤ꧀ꦥꦼꦥꦏ꧀ꦱꦏꦛꦃꦲꦶꦁꦥꦫꦤꦨꦶ
ꦢꦢꦶꦪꦱꦫꦶꦫꦠꦸꦁꦒꦭ꧀
꧃꧉ꦆ꧉꧃
kiduŋ rumĕkṣå iŋ wĕṅi
aṅgitanipun: kañĕŋ sunan kalijågå
ånå kiduŋ rumĕkṣå iŋ wĕṅi
tĕguḥ hayu luputå iŋ lårå
luputå bilahi kabèḥ
jim sétan datan purun
panĕluhan tan ånå wani
miwaḥ paṅgawé ålå
gunaniŋ woŋ luput
gĕni atĕmahan tirthå
maliŋ adoḥ tan ånå ṅarahiŋ mami
gunå duduk pan sirṇå
sakèhiŋ lårå pan samyå bali
sakèhiŋ ṅåmå pan sami mirudå
wĕlas asiḥ panduluné
sakèhiŋ bråjå luput
kadi kapuk tibå nèŋ wĕsi
sato galak tutut
kayu aèng, ḷĕmah saṅar
soṅing laṇḍak, guwané woŋ, ḷĕmah miriŋ
myaŋ pakiponiŋ mĕrak
pagupakaniŋ warak sakalir
nadyan arcå myaŋ sagårå asat
tĕmahan rahayu kabèḥ
apan sarirå ayu
iṅidĕran kaŋ widodari
rumĕkṣå malékat lan saguŋ pra rasul
pinayuṅan iŋ hyaŋ sukṣmå
ati adam, utĕkku baginḍå ésis
pangucapku yå muså
napasku nabi isa linuwiḥ
nabi yakub pamiyarṣaniŋ waŋ
ḍawud swaraku maṅké
nabi ibrahim ñawaku
nabi suléman kasĕktèn mami
nabi yusup rupèŋ waŋ
idris iŋ rambutku
baginḍå ali kulitiŋ waŋ
abu bakar gĕtiḥ, dagiŋ umar siṅgiḥ
baluŋ baginḍå ṅusman
sumsum insun patimah linuwiḥ
siti aminah bayuniŋ aṅgå
ayub ususku maṅké
nabi nuh iŋ jajantuŋ
nabi yunus iŋ otot mami
nétraku yå moḥammad
pamaluku rasul
pinayuṅan ådam kåwå
sammpun pĕpak sakaṭahiŋ pårå nabi
dadiyå sarirå tuṅgal.
