꧁ꦠꦽꦰ꧀ꦤꦏꦸ꧈ꦠꦽꦰ꧀ꦤꦩꦸ꧂

꧁ꦠꦽꦰ꧀ꦤꦏꦸ꧈ꦠꦽꦰ꧀ꦤꦩꦸ꧂

꧃ꦤꦭꦶꦏꦏꦺꦴꦫꦶꦢꦏ꧀ꦧꦸꦏꦏ꧀ꦧꦾꦏ꧀

ꦏꦪꦱꦶꦤꦩ꧀ꦧꦼꦂꦒꦼꦭꦥ꧀ꦊꦥꦠ꧀

ꦲꦶꦏꦶꦠꦼꦤꦤ꧀ꦲꦥꦲꦶꦩ꧀ꦥꦺꦤ꧀

ꦱ꧀ꦭꦶꦫꦩꦸꦗꦸꦩꦼꦤꦼꦁꦚꦸꦁꦒꦶꦏꦠꦽꦰ꧀ꦤꦤ꧀

ꦥꦁꦒꦃꦲꦺꦴꦫꦲꦺꦴꦮꦃ

ꦢꦶꦤꦺꦴꦝꦺꦴꦏ꧀ꦫꦱꦗꦿꦺꦴꦤꦶꦁꦝꦝ

ꦩꦺꦃꦧꦲꦺꦲꦏꦸꦏꦤ꧀ꦠꦏ

ꦲꦁꦒꦺꦴꦤ꧀ꦏꦸꦢꦏ꧀ꦭꦫꦁꦲꦶꦁꦥꦔꦸꦩ꧀ꦧꦂꦫꦤ꧀

ꦠꦼꦭꦸꦁꦥꦸꦭꦸꦃꦭꦺꦴꦫꦺꦴꦮꦂꦰꦏꦥꦸꦁꦏꦸꦂ

ꦏꦁꦩꦱ꧀

ꦫꦱꦠꦼꦤ꧀ꦠꦽꦩ꧀ꦫꦶꦤꦼꦁꦏꦸꦃꦲꦶꦁꦲꦱ꧀ꦠꦩꦸ

ꦌꦝꦸꦩ꧀ꦚꦮꦁꦱꦺꦴꦫꦺꦴꦠ꧀ꦤꦺꦠꦿꦩꦸ

ꦲꦏꦸꦏꦠꦽꦩ꧀‌‍ꦲꦏꦸꦏꦱ꧀ꦩꦂꦫꦤ꧀

ꦲꦺꦁꦒꦮꦏ꧀ꦠꦸꦗꦸꦩꦁꦏꦃꦩ꧀ꦭꦏꦸ

ꦠꦽꦰ꧀ꦤꦏꦸꦠꦽꦰ꧀ꦤꦏꦸꦢꦢꦶꦫꦁꦔꦸ

ꦏꦭꦶꦟ꧀ꦝꦼꦱꦮꦼꦏ꧀ꦠꦸ

ꦢꦏ꧀ꦠꦤ꧀ꦠꦁꦢꦏ꧀ꦠꦤ꧀ꦠꦶꦁꦲꦺꦴꦫꦩꦲꦺꦭꦸ

ꦱꦤ꧀ꦱꦪꦲꦢꦺꦴꦃꦭꦸꦩꦪꦸ

ꦠꦔꦺꦃꦲꦁꦒꦺꦴꦤ꧀ꦏꦸꦧꦏꦭ꧀ꦔ꧀ꦭꦸꦫꦸ

ꦏꦁꦩꦱ꧀

ꦠꦽꦰ꧀ꦤꦏꦸꦠꦽꦰ꧀ꦤꦏꦸꦒꦶꦤꦸꦧꦼꦭ꧀ꦮꦼꦏ꧀ꦠꦸ

ꦭꦮꦱ꧀ꦱꦺꦥꦝꦥꦥꦿꦺꦤ꧀ꦠꦃꦲꦤ꧀ꦲꦺꦴꦂꦝꦼꦧꦫꦸ

ꦮꦸꦱ꧀ꦏꦸꦏꦸꦠ꧀‍ꦮꦸꦱ꧀ꦏꦼꦩ꧀ꦥꦸꦠ꧀

ꦤꦢꦾꦤ꧀ꦤꦺꦴꦫꦧꦶꦱꦚꦮꦶꦗꦶ

ꦤꦔꦶꦁꦠꦽꦰ꧀ꦤꦲꦗꦶꦭꦤ꧀ꦱꦸꦕꦶ꧈ꦠꦽꦰ꧀ꦤꦱꦗꦠꦶ

ꦧꦏꦭ꧀ꦢꦏ꧀ꦫꦸꦏ꧀ꦠꦸꦔꦤ꧀ꦠꦶꦠꦸꦩꦼꦏꦺꦁꦗꦚ꧀ꦗꦶ꧉

trĕṣṇaku trĕṣṇamu

rikålå kori dakbukak, byak!
kåyå sinambĕr gĕlap ḷĕpat

iki tĕnan åpå ngimpi ?
sliramu jumĕnĕŋ ñuṅgi katrĕṣṇan
paṅgaḥ ora owaḥ
ḍinoḍog råså jroniŋ ḍåḍå
mèh bahé aku kantåkå

aṅĕnku daklarak iŋ paṅumbaran
tĕluŋ puluh loro warṣå kapuṅkur
kaŋmas,
råså tĕntrĕm rinĕṅkuh iŋ astamu
éḍum ñawaŋ sorot nétramu
aku katrĕm, aku kasmaran

éṅgå waktu jumaṅkaḥ mlaku
trĕṣṇaku trĕṣṇamu dadi raṅu
kĕlinḍĕs wĕktu
daktantaŋ, daktantiŋ ora mahélu
sansåyå adoh lumayu
taṅèh aṅgonku bakal ṅluru,

kaŋmas,
trĕṣṇaku trĕṣṇamu ginubĕl wêktu
lawasé påḍå papréntahan ordê baru
wis kukut, wis kĕmput ...
nadyan nora biså ñawiji
naṅuŋ trĕṣṇå aji lan suci, trĕṣṇå sajati
bakal dakrukti ṅanti tumĕkèŋ jañji.