ꦢꦺꦤꦶꦁ꧇Sêtya Amrih Prasaja
꧄꧈ꦧ꧀ꦖ꧈꧄ꦱꦼꦏꦂ ꦥꦸꦝꦏ꧀ꦠꦚ꧀ꦗꦸꦁꦧꦶꦫꦸꦮꦸꦱ꧀ꦧꦶꦤꦸꦏ꧈
ꦧꦼꦧꦸꦏꦤ꧀ꦤꦶꦁꦏꦟ꧀ꦝꦏꦁꦗꦶꦤꦤ꧀ꦠꦸꦂꦲꦤ꧀ꦠꦂꦫꦤ꧀ꦤꦺꦲꦏꦸꦭꦤ꧀ꦱ꧀ꦭꦶꦫꦩꦸ꧈
ꦱꦶꦤꦼꦏ꧀ꦱꦺꦤ꧀ꦕꦃꦪꦤꦶꦁꦥꦸꦂꦟꦩꦱꦶꦢ꧀ꦣꦶ꧈
ꦧꦶꦤꦉꦁꦲꦁꦒꦪꦸꦃꦏꦱꦩ꧀ꦥꦸꦂꦟꦤꦶꦁꦗꦠꦶ
ꦲꦩꦼꦩꦁꦔꦸꦤ꧀ꦧꦻꦠꦚꦮꦶꦗꦶꦤꦶꦁꦏꦭ꧀ꦨꦸ꧈
ꦤꦚ꧀ꦕꦼꦥ꧀ꦏꦪꦺꦴꦤ꧀ꦲꦩꦺꦴꦁꦫꦒꦫꦒꦤꦶꦁꦠꦽꦱ꧀ꦤ꧈
ꦱꦼꦏꦂꦠꦚ꧀ꦗꦸꦁꦧꦶꦫꦸꦒꦶꦤꦮꦺꦲꦪꦸ꧈
ꦲꦪꦸꦲꦪꦸꦤꦶꦁꦥꦔꦰ꧀ꦠꦸꦠꦶꦔꦂꦰꦤꦶꦁꦓꦸꦱ꧀ꦡꦶ꧈
ꦧꦸꦱ꧀ꦱꦶꦁꦲꦠꦶꦏꦁꦏꦼꦠꦩ꧀ꦩꦤ꧀ꦭꦒꦼꦤ꧀ꦲꦱ꧀ꦩꦫ
ꦏꦠꦸꦁꦏꦱꦸꦩꦶꦭꦶꦂꦫꦶꦁꦱꦩꦶꦫꦤꦮꦶꦤꦶꦮꦲ꧈
ꦮꦶꦮꦃꦲꦤ꧀ꦤꦶꦁꦠꦾꦱ꧀ꦏꦭꦮꦤ꧀ꦏꦂꦢꦶ꧈
ꦤꦩ꧀ꦧꦸꦠ꧀ꦠꦭꦶꦤꦶꦁꦲꦱ꧀ꦩꦫ꧈
ꦫꦶꦤꦺꦴꦚ꧀ꦕꦺꦠꦭꦶꦤꦶꦁꦠꦽꦱ꧀ꦤꦏꦁꦤꦼꦢꦾꦏꦮꦶꦮꦃꦲ꧉
sĕkar puḍak tuñjuŋ biru
Sêtya Amrih Prasaja
sĕkar puḍak tuñjuŋ biru wus binukå
bubukaniŋ kåṇḍå kaŋ jinantur antarané
aku lan sliramu
sinĕksèn cahyaniŋ purṇåmasiddhi
binaṛĕŋ aṅgayuḥ kasampurṇaniŋ jati
amĕmaṅun bahitå ñawijiniŋ kalbu
nañcĕp kayon amoŋrågå raganiŋ trĕṣṇå
sĕkar puḍak tuñjuŋ biru ginawé ayu
ayu ayuniŋ paṅastuti ṅarsaniŋ gusti
bagusiŋ ati kaŋ kĕtaman laṅĕn asmårå
katuṅkå sumiliriŋ samirånå winiwåhå
wiwahaniŋ tyas kalawan kardi
nambut taliniŋ asmårå
rinoñcé sĕkariŋ trĕṣṇå kaŋ nĕdyå kawiwåhå
