 |
| label ꦨꦰꦗꦮ |
1. paribasan yå iku unèn unèn kaŋ gumaṭok lan ajĕg paṅaṅgoné sartå nduwèni tĕgĕs wantaḥ.
2. babasan yå iku unèn unèn kaŋ ajĕg paṅaṅgoné lan nduwèni tĕgĕs éntar kaŋ ṅĕmu suraså ṅGambaraké tindak tanduké manuṅså.
3. salokå yå iku unèn unèn kaŋ ajĕg paṅaṅgoné kaŋ ṅĕmu suraså papiṇḍan, déné kaŋ dipiṇḍakaké kuwi uwoṅé.
01. abaŋ abaŋ lambé {paribasan}.
tĕtĕmbuṅan kaŋ muŋ samudånå utåwå lalamisan.
02. abot anak tinimbaŋ tĕlak {paribasan}.
luwiḥ mrĕlokaké kaprĕluwané anak tinimbaŋ kaprĕluwané ḍéwé.
03. aḍaŋ aḍaŋ tètèsiŋ ĕbun {paribasan}
ṅaṛĕp aṛĕp pawèwèḥ kaŋ duruŋ karuwan tĕkané.
04. adigaŋ, adiguŋ, adigunå {paribasan}
adigaŋ : ṅĕndĕlaké kakuwatané.
adiguŋ : ṅĕndĕlaké kaluhuran lan kapintĕrané.
adigunå : ṅĕndĕlaké paṅuwasané.
05. adol ḷĕṅå kari busiké {paribasan}
dum duman ora kumanan ḍéwé.
06. aji goḍoŋ jati akiŋ ( {paribasan}
tanpå aji babarpisan.
( akiŋ = gariŋ )
07. akal bulus {paribasan}
ṅapusi kuraŋ julig, gampaŋ diṅrĕtèni déniŋ woŋ kaŋ aṛĕp diapusi.
08. akal kojå {paribasan}
ṅapusi kaṇṭi cårå kaŋ alus baṅĕt.
(kojå = soḍagar båṅså iṇḍu)
09. akèḥ saṇḍuṅané {éntar}
kĕṛĕp olèḥ alaṅan.
10. aliŋ aliŋ katon {paribasan)
aṛĕp ñélaki kaluputan, konaṅan såkå tiṅkaḥ lan gunĕmé ḍéwé.
11. aluwuŋ kalaḥ waŋ tinimbaŋ kalaḥ woŋ {paribasan}.
aluwuŋ kapitunan naṅiŋ prawirå, tinimbaŋ olèḥ untuŋ naṅiŋ niṣṭå.
12. ånå bapaŋ sumimpaŋ {babasan}
ñiṅkiri ruruwĕt.
(bapaŋ = blalag, ñjĕpapaŋ måwå cagak dipaku iŋ piṅgir dalan diĕṅgo tĕṅĕr jĕnĕṅé dalan utåwå jĕnĕṅé déså ).
13. ånå catur muṅkur {paribasan}
ĕmoḥ ṅruṅokaké rarasané liyan kaŋ kuraŋ prayogå.
( catur = gunĕm )
14. ånå ḍahulaté ånå bĕgjané {paribasan}
arṛĕl nĕmu kabĕgjan naṅiŋ ora sidå.
15. ånå dinå ånå upå {paribasan}
woŋ kaŋ ora ṅuwatiraké paṅan.
16. anak anuŋ aniṇḍitå ( {båså rinĕṅgå}
anak kaŋ linuwiḥ tanpå cacat.
17. anak polaḥ båpå kĕpraḍaḥ {paribasan}
woŋ tuwå nĕmu riribĕt såkå tiṅkaḥ polahé anak.
18. anak anak timun {båså rinĕṅgå}
ṅĕpèk anaké liyan, baṛĕŋ wis gĕḍé diĕpèk bojo.
19. añcik añcik pucuké ĕri {paribasan}
ora kĕpénak atiné, tansaḥ kuwatir.
20. aṅgĕṇṭoŋ umos {babasan}.
ora biså ñimpĕn wawadi.
21. aṅloŋ jiwå {båså rinĕṅgå}
katon såyå kuru awaké margå sĕḍiḥ.
22. aṅon iriban {paribasan}
aṅon wayaḥ.
23. aṅon ulat ṅumbar taṅan {paribasan}.
maspadakaké ulaté liyan, aṛĕp dikutil baraṅé.
24. aṅuk aṅuk kubur {paribasan}
wis mèḥ mati.
25. antĕŋ kitiran {sanèpå}
èsrèg baṅĕt ora biså mĕnĕŋ.
26. apik kĕmripik nañcaŋ kirik {paribasan}
lairé katon apik naṅiŋ batiné ålå.
27. aṛĕp jamuré ĕmoḥ wataṅé {paribasan}
gĕḷĕm kĕpénaké, ĕmoḥ kaṅèlané.
(wataŋ = kayu prĕbataŋ = kayu papan uripé jamur)
28. asraḥ jiwå {båså rinĕṅgå}
masrahaké pati uripé.
29. asu aṛĕbut baluŋ {babasan}
ṛĕgĕjĕgan prakårå sĕpélé.
30. asu bĕlaŋ akaluŋ waŋ {babasan}
woŋ asor naṅiŋ sugiḥ.
31. asu gĕḍé mĕnaŋ kĕrahé {salokå}
woŋ kuwaså yèn padudon lan woŋ cilik paḍatan mĕnaŋ sanadyan woŋ kuwaså iku kuduné kalaḥ jalaran luput.
32. atåṅgå macan {paribasan}
tataṅgan woŋ kaŋ ṅaṅkaḥ rusaké liyan.
33. ati béṅkoŋ olèḥ oñcoŋ {paribasan}
woŋ ålå olèḥ kåñcå ålå, utåwå : duwé kaṛĕp ålå bañjur olèḥ dalan kaŋ ora prayogå.
(oñcoŋ = oñcor, obor, urubiŋ péni).
34. atiné mĕtu wuluné {paribasan}
tuwuḥ drĕṅkiné, tuwuḥ panastèné.
35. atiné momot {éntar}
atiné sabar baṅĕt.
36. awak pèṇḍék budi ciblèk {babasan}
woŋ asor kaŋ ugå asor budiné.
37. bacin bacin iwak ålå ålå sanak {babasan}
sanadyan ålå woŋ isiḥ sadulur, yèn saṅsarå yå ora mĕntålå.
38. baladéwå ilaŋ gapité {babasan}
tanpå dåyå jalaran ilaŋ kakuwatané.
39. bali mĕñaŋ kiñjĕŋ domé {babasan}
woŋ cilik dadi woŋ gĕḍé, wusånå dadi cilik manèḥ.
(kiñjĕŋ dom = kiñjĕŋ cilik saĕdom )
40. båṇḍå bahu {pacalaṭon}
muŋ pawitan bahu, tanpå kapintĕran.
41. bañu pinĕraŋ {paribasan}.
pasulayané (tukarané) sadulur éṅgal rukun manèḥ.
42 .bañu sinariŋ {paribasan}
tansaḥ ṅati ati ṅulataké budiné liyan.
43. båpå kĕsulaḥ anak kĕpraḍaḥ {paribasan}
anak wajib taṅgunbg jawab maraŋ prakarané woŋ tuwané siŋ wis mati, ñahuri utaṅé lan sapanuṅgalané.
44. baṭaŋ gajaḥ {babasan}
woŋ gĕḍé kaŋ wis ilaŋ paṅuwasané.
45. baṭaŋ lalaku {babasan}
woŋ ijèn kaŋ ṅambaḥ dalan kaŋ mBabayani.
46. baṭaŋ ucap ucap {babasan}
woŋ loro ṅambaḥ dalan kaŋ mBababayni.
47. baṭok bolu isi madu {babasan}
woŋ asor naṅiŋ sugiḥ kapintĕran.
(baṭok bolu = baṭok waḍaḥ jamu jaman biyèn)
48. bahu kapiné {babasan}
ora påḍå paṅrĕṅkuhé, piliḥ siḥ.
49. bèbèk diwuruki ṅlaṅi {babasan}
woŋ pintĕr diwuruki.
50. bibisik ṅuwuḥ uwuḥ {babasan}
aṛĕp ṛĕmpit maraŋ wadi naṅiŋ solaḥ bawané ṅĕtarani ñjalari kĕwiyak wadiné.
(bibisik = omoŋ alon, bisik bisik )
51. bĕcik kĕtitik ålå kĕtarå {paribasan}
kalakuwan kaŋ bĕcik utåwå ålå mĕṣṭi bakal katon ḍéwé.
52. bĕlo mèlu sĕton {babasan}
woŋ kaŋ muŋ anut grubyug.
(sĕton = wataṅan iŋ dinå sĕtu)
(wataṅan = latihan tumbak tumbakan)
53. bĕras kutaḥ araŋ muliḥ takĕré {babasan}
pawartå kaŋ wis sumĕbar ora biså bali wutuḥ.
54. bèrbudi bawå lakṣåṇå {båså rinĕṅgå}
sĕnĕŋ wèwèḥ lan nĕtĕpi jañjiné.
55. biså ñjårå laṅit {paribasan}
pintĕr baṅĕt.
(jårå = bur cilik kaṅgo ṅĕbur kayu).
56. biså ñjariŋ aṅin {pb)
pintĕr baṅĕt. biså ṅrampuṅi pagawéyan kaŋ woŋ liyå ora biså nindakaké awit sakiŋ aṅèlé.
57. blåbå wudå {paribasan}.
margå såkå baṅĕt lomané ṅanti awaké ḍéwé kĕciṅkraṅan.
58. blilu tahu pintĕr duruŋ ṅlakoni {paribasan}
sanadyan boḍo naṅiŋ biså nindakaké jalaran wis dadi pagawéyané.
(blilu, balilu = boḍo)
59. bocaḥ wiṅi soré {paribasan}
woŋ déwaså isiḥ dipaḍakaké bocaḥ jalaran isiḥ ĕnom.
60. bolu rambatan ḷĕmaḥ {babasan}
prakårå kaŋ ĕmbĕt ĕmbĕtan, ora ånå rampuṅé.
(bolu = arané tutuwuhan lan wohé kaŋ mrambat ḷĕmah).
61. buŋ priŋ pĕtuŋ {babasan}
bocaḥ kaŋ wlagaŋ baṅĕt, gĕlis gĕḍé.
62. buṅahé kåyå woŋ nuṅgaŋ jaran èbĕg èbĕgan {paribasan}
buṅaḥ baṅĕt.
(jaran èbĕg èbĕgan = jaran képaŋ )
63. busuk kĕtĕkuk pintĕr kĕbliṅĕr {paribasan}
woŋ boḍo lan woŋ pintĕr påḍå cilakané.
64. bubuk olèḥ lèŋ {babasan}
duwé kaṛĕp ålå olèḥ dalan ålå, sayå olèhé ṅaṅsĕg såkå sĕnĕṅé.
(bubuk = arané kéwan baṅsané ṭèṭèr kaŋ maṅan kayu)
65 . byuŋ byuŋ tawon kambu {babasan}
woŋ piraŋ piraŋ grudag grudug margå kèlu maraŋ pawartå.
66 . cablèk cablèk ḷĕmut {paribasan}
ora tahu nindakaké pagawéyan abot naṅiŋ pénak baṅĕt uripé.
67 . cacaḥ cucaḥ caturan karo ḍaṅkliŋ
éman éman caturan karo woŋ gĕṇḍĕŋ, marakaké ora kajèn.
68 . caṅkĕm gatĕl araŋ miṅkĕm
sĕnĕŋ ñatur ålå.
69. caṅkĕm karut .
ṅgragas, åpå åpå doyan.
70. caṅkĕm luñu {paribasan}
ora kĕnå diprĕcåyå gunĕmé.
71. caṅkĕm rusak goḍoŋ jati kråså opak
baraŋ kaŋ sajatiné ora patut dipaṅan, mĕkṣå dipaṅan.
72. caṅkĕm urab uraban
sĕnĕŋ ṅunèn unèni ṅaṅgo tĕtĕmbuṅan kaŋ saru.
73. car cor kåyå kuraŋ jaṅanan {paribasan}
gunĕman kaŋ ora patut, saru.
74. caruk bañu
gĕḍé cilik, ålå lan bĕcik diaṅgĕp påḍå.
75. cĕblok alu {paribasan}
giliran.
76. céblok kaṅkuŋ {paribasan}
bakul kaŋ nawakaké dagaṅané kaṇṭi muṇḍak muṇḍak.
77. cébol ṅgayuḥ lintaŋ {babasan}
taṅèḥ bisané kaḷĕkṣanan.
78. cĕḍak kĕbo gupak {babasan}
sasrawuṅan karo woŋ ålå watĕgé.
79. cĕgaḥ ḍahar lan guliŋ {båså rinĕṅgå}
tirakat ṅuraṅi maṅan lan turu.
80. cĕṅkir kĕtiṇḍiṅan kiriŋ {babasan}
aṛĕp omaḥ omaḥ kĕpĕkṣå duruŋ biså jalaran saduluré tuwå duruŋ omaḥ omaḥ, aṛĕp ṅlaṅkahi ora wani.
(kiriŋ = krambil tuwå kaŋ gariṅ)
81. ciñciŋ ciñciŋ mĕkṣå klĕbus {paribasan}
niyaté ṅirit, malaḥ ṅorot, malaḥ ĕntèk akèḥ ragadé.
82. ciri wañci lélahi ginåwå mati {paribasan}
kalakuwan ålå mariné yèn woṅé wis mati.
(lélahi = léléwå )
83. cĕcak ṅuntal élo {babasan}
pañjåṅkå kaŋ ṅlĕṅkårå kalakoné.
84. colok lintaŋ {båså rinĕṅgå}
luluṅan wayaḥ bĕṅi tanpå obor.
85. criwis cawis {paribasan}
dikoṅkon tansaḥ madoni naṅiŋ gĕḷĕm tandaŋ.
86. cumbu laḷĕr
watĕgé ora antĕpan, sok miṅgat.
87. cuplak aṇḍĕŋ aṇḍĕŋ yèn ora prĕnaḥ paṅgonané {babasan}
sadulur utåwå kåñcå kaŋ ñjalari ålå prayogå disiṅkiraké.
88. dadi kĕmbaŋ lambé
tansaḥ digunĕm.
89. dadiyå bañu ĕmoḥ ñawuk
ĕmoḥ kaŋ kapati pati.
90. dadiyå dalan ĕmoḥ ṅambaḥ
ĕmoḥ såpå aruḥ.
91. dadiyå goḍoŋ ĕmoḥ ñuwèk
ĕmoḥ.
92. dagaŋ tunå andum baṭi {babasan}
gawé kabĕcikan lumantar woŋ liyå.
93. dahwèn pati opèn {paribasan}
nacad supayå woŋ liyå ṅĕmohi, prĕluné baraŋ kaŋ dicacat iku aṛĕp diĕpèk ḍéwé.
94. dåwå ilaté {paribasan}
sĕnĕŋ golèk paṅaḷĕmbånå sarånå madulaké alané liyan.
95 . dåwå dåwå ulå
ṛĕmbugan ṅanti kĕdåwå dåwå.
96 . dĕmaŋ ṅiras taṅkilan {babasan}
tamu ṅiras dadi pladèn.
(taṅkilan = sowan, sébå ṅarṣané ratu )
97 . déså mawå tatå, nagarå méwå cårå {paribasan}
siji sijiné paṅgoinan nduwèni adat tåtåcårå ḍéwé.
98. ḍaḍap kĕtuwuhan caṅkriŋ {babasan}
prakårå bĕcik ånå kaŋ ñjalari ålå.
(caṅkriŋ = arané wit kåyå ḍaḍap kaŋ uwité ånå ĕriné )
99. ḍalaŋ krubuhan paṅguŋ {babasan}
woŋ kaŋ kaṇḍĕg gunĕmé jalaran kĕwĕlèḥ.
100. ḍalaŋ ora kuraŋ lakon {paribasan}
woŋ ora kuraŋ akalé.
101. ḍalaŋ opaḥ opaḥ {babasan}
wis ṛĕkaså malaḥ tombok.
102. ḍayuŋ olèḥ kĕḍuŋ {babasan}
duwé kaṛĕp alam olèḥ dalan.
(ḍayuŋ = wilaḥ kaṅgo ṅlakokaké prahu)
103. ḍĕmit ora ndulit, sétan ora doyan .
tansaḥ slamĕt, ora ånå kaŋ ṅaṅgu gawé.
104. ḍĕṅkul ikĕt ikĕt {babasan}
woŋ boḍo didadèkaké paṅaṛĕp.
(lumrahé margå isiḥ sadulur).
105. dibĕciki mBalaŋ tahi {babasan}
dibĕciki malaḥ maḷĕs ålå.
106. dicuṭat kåyå caciŋ {paribasan}
dituṇḍuŋ kaṇṭi dĕgsiyå baṅĕt.
107. digarokaké dilukokaké kåyå kĕbo ḍĕblĕŋ {babasan}
dikon ñambutgawé abot lan prasasat ora biså ṅaso.
108. digĕbyaḥ uyaḥ
diaṅgĕp påḍå bahé.
109. digèmbol ora mrojol, dibuwaŋ ora kĕmrosak {paribasan}
pipiṇḍané kawruḥ utåwå ṅèlmu.
110. digĕtak aṅop {babasan}
diḍawuhi nindakaké pagawéyan sarånå dadakan.
111. dikĕmpit kåyå wadé, dijuju kåyå manuk
diopèni bĕcik lan diwĕḷĕg paṅanan.
112. dikĕnå iwaké åjå buṭĕk bañuné {babasan}
bisowå kĕnå naṅiŋ åjå ṅanti gawé gĕndrå.
113. dipalaṅånå mlumpat, diḍaḍuṅå mĕḍot {paribasan}
woŋ kaŋ wis ora kĕnå dipĕṅgak kakaṛĕpané.
114. disosog iŋ ujar
diuné unèni ålå.
115. diuluṅaké ĕṇḍasé digaṇḍuli buntuté {babasan}
iŋ lahir lilå, iŋ batin owĕl.
116. diuyaḥ asĕmi {paribasan}
ṅaḷĕmbånå luwiḥ såkå samĕṣṭiné.
117 . diwènèhi ati ṅrogoḥ ṛĕmpĕlå {babasan}
diwènèhi kaloṅgaran isiḥ kuraŋ trimå.
118. dolanan ulå mandi {paribasan}
ñjarag nindakaké åpå åpå kaŋ mBabayani.
119. dudu bĕrasé ditĕmpuraké {babasan}
uḍu ṛĕmbug kaŋ ora cocog karo bab kaŋ lagi diṛĕmbug utåwå : awèḥ waṅsulan kaŋ ora cocog karo pitakonané.
(ditĕmpuraké =diĕdol )
120. dudu sanak dudu kadaŋ yèn mati mèlu kélaṅan
sanadyan woŋ liyå naṅiŋ yèn ṅanti nĕmoni ora kĕpénak yå dibélani, utåwå : ugå biså atĕgĕs bojo.
121. dudutan olèḥ añculan {babasan}
woŋ loro wis kĕṭikan.
(añculan = wĕdèn manuk iŋ sawaḥ sarånå didudut)
122. dugaŋ mirowaŋ {paribasan}
mahuné ṅréwaṅi, wusånå maliḥ dadi muṅsuhi.
(mirowaŋ = mituluṅi, ṅréwaṅi)
123. durgå ṅaṅså aṅså {paribasan}
woŋ aṅkårå murkå.
124. duruŋ kĕbak kĕsĕlak jujul {babasan}
duruŋ pintĕr wis pamèr.
125. duruŋ ilaŋ pupuk bawaṅé {paribasan}
isiḥ diaṅgĕp duruŋ déwaså.
126. duruŋ ilaŋ pupuk ḷĕmpuyaṅé {paribasan}
isiḥ cilik.
127. duruŋ pĕcus wis kĕsĕlak bĕsus {paribasan}
kawruḥ duruŋ sapirowå wis kĕsĕlak rabi.
utåwå : duruŋ biså golèk paṅan wis wani rabi.
128. drĕman olèḥ momoṅan {paribasan}
wis akèḥ taṅguṅané ndadak nindakaké åpå åpå ñjalari såyå wuwuḥ taṅguṅané.
(drĕman = woŋ wadon kaŋ sugiḥ anak)
129. ĕdom sumurup iŋ bañu {babasan}
tindak kaŋ alus ora ṅĕtarani, dadi tĕlik sandhi.
(tĕlik sandhi = måtå pitå)
130. ĕduk saṇḍiŋ gĕni {paribasan}
gampaŋ nuwuhaké prakårå.
131. ĕmban ciṇḍé ĕmban siladan {babasan}
piliḥ siḥ, ora påḍå paṅrĕṅkuhé siji lan sijiné.
132. ĕmpol pinĕcok {paribasan}
gampaŋ baṅĕt.
133. ĕmprit abuntut bĕḍug {babasan}
prakårå sĕpélé dadi gĕḍé
134. ĕṇḍas guṇḍul dicukur {babasan}
wis ora nduwé ndadak diapusi.
135. ĕṇḍas guṇḍul dikĕpĕti {babasan}
wis kĕpénak isiḥ dikĕpénakaké manèḥ.
136. ĕṇḍas digawé sikil, siki digawé ĕṇḍas {paribasan}
golèk paṅan kaṇṭi ṛĕkaså.
137. ĕṅgak ĕṅgok lumbu {paribasan}
muŋ manut maraŋ ombyaké liyan.
138. ĕṅgon cinå didoli dom {babasan}
woŋ pintĕr diumuki.
139. ĕṅgon wĕlut didoli uḍèt {babasan}
woŋ pintĕr diumuki kapintĕran.
(uḍèt = anak wĕlut, wĕlut cilik )
140. ĕntèk golèk kuraŋ amèk
ṅuman uman woŋ sakatogé, tĕmbuṅé ora ånå ĕntèké.
141. ĕntèk jaraké {paribasan}
ĕntèk kasugihané.
142. ĕntèkk ṅomaḥ ĕntèk ṅalas
ĕntèk sakabèhé, ora ånå sisané.
143. èṇṭèṅan bahu
sĕnĕŋ tutuluŋ rumagaŋ gawé.
144. èṇṭèṅan taṅan
cĕṅkiliŋ, sĕnĕŋ mårå taṅan, sĕnĕŋ milårå.
145. ésuk ḍĕlé soré témpé
gunĕmé méñcla méñclé.
146. gagak ṅaṅgo ĕlaré mĕrak {babasan}
woŋ cilik kaŋ uripé, paṅgonané lan sapanuṅgalané kåyå woŋ gĕḍé.
147. gajaḥ marani wantilan {babasan}
ñjarag marani kacilakan.
(wantilan = cagak kaṅgo ñĕñcaŋ gajaḥ)
148. gajaḥ ṅidak rapaḥ {babasan}
woŋ kaŋ nĕrak wawaḷĕré ḍéwé.
(gogoḍoṅan utåwå ṛĕṛĕgĕd kaŋ mBlasaḥ iŋ ḷĕmah)
149. gambrèt siṅgaŋ mrĕkatak ora ånå kaŋ ṅopèni {babasan}
prawan kĕnès ora ånå kaŋ ṅlamar jalaran ora ånå priyå kaŋ sĕnĕŋ ṅalap bojo.
(gambrèt = siṅgaŋ kaŋ kapṇḍo tumrap pari)
150. gandané arum jamban {sanèpå}
baṅĕr baṅĕt.
(jamban = pakiwan, padusan ṅiras kakus)
151. ganti wataŋ
ganti pagawéyan.
152. gantuŋ kĕpuḥ
ora duwé saṇḍaṅan kaṅgo salin.
153. gariŋ gariŋ aṅgĕré garaŋ {paribasan}
sanadyan mlarat naṅiŋ åjå ṅanti ṅisin isini.
( garaŋ = katon gagaḥ)
154. gĕḍaŋ apupus ciṇḍé {babasan}
kabĕgjan kaŋ élok baṅĕt.
(ciṇḍé , kain sutrå abaŋ jinisé kĕmbaŋ kĕmbaŋ)
155. gĕḍé ḍuwur ora paṅur {babasan}
wis déwaså duruŋ ṅrĕti tåtåkråmå
156. gĕḍé ĕṇḍasé
kumaluṅkuŋ, gumĕḍé, aṅkuḥ.
157. gĕmbluŋ jinuruŋ, édan kuwarisan {paribasan}
ugal ugalan naṅiŋ tansaḥ slamĕt.
(gĕmbluŋ = gĕṇḍĕŋ, édan )
158. gĕni pinaṅgaŋ ({babasan}
lagi nĕsu tampå wawadul, såyå muṇḍak nĕsuné.
159. gĕṇṭo tlésor {paribasan}
woŋ ålå ñĕñoloŋ iŋ paran.
(gĕṇṭo = maliŋ )
160. glaṭik sakuruṅan {babasan}
woŋ woŋ kaŋ wis goloŋ gilig.
161. gliyak gliyak yèn tumindak
sanadyan kaṇṭi alon, yèn tĕrus ditandaṅi, suwé suwé mĕṣṭi bakal rampuŋ.
162. gluṇḍuŋ sĕmproŋ {paribasan}
wanitå nalikå wiwit babrayan karo priyå ora ṅgåwå åpå åpå.
163. giri lusi janmå tan kĕnå iṅinå {paribasan}
caciŋ bahé biså ṅgrĕmĕt tĕkan pucuk gunuŋ, apamanèḥ manuṅså, sayå ora kĕnå disĕpèlèkaké.
(giri = gunuŋ, lusi = sukĕt, janmå = woŋ, tan = ora )
164. golèk klimikaŋ lambé ( .. )
golèk suguhan.
165. goŋ lumaku tinabuḥ {babasan}
kumudu kudu ditakoni.
167. goŋ muni sasĕlé {babasan}
mrikṣå prakårå lagi ṅruṅokaké gunĕmé woŋ siji, woŋ sijiné duruŋ ditakoni.
(sasĕlé = sasisih)
168. grĕgĕt grĕgĕ suruḥ .
nĕsu naṅiŋ ora kawĕtu.
169. guḍaŋ ṛĕmpĕlas .
pintĕr ṅapusi.
170. gumĕmbraŋ ora adaŋ
muŋ aṅgras ṭok, muŋ ṅgĕtak ṭok sarånå swarå.
171. gupak pulut ora maṅan naṅkané {paribasan}
lèlu kaṅèlan ora lèlu ṅrasakaké pituwasé.
(pituwasé = asilé )
172 guru aḷĕman
sĕnĕŋ diaḷĕmbånå.
173. guru bakal {båså rinĕṅgå}
samubaraŋ kaŋ isiḥ wujud bakal, duruŋ dadi dandanan. kayadéné : mas lantakan, kapuk, kayu, wĕsi lan sapanuṅgalané.
174. guru dadi {båså rinĕṅgå}
samubaraŋ kaŋ wis dadi dandanan, kayadéné : gĕlaŋ, kaluŋ, jarit, kurṣi lan sapanuṅgalané.
175. guru lagu
ḍoŋ ḍiṅé swårå iŋ puṅkasané tĕmbaŋ måcå pat.
(maca pat = tĕmbaŋ cacaḥ 9, yå iku : kinaṇṭi, pucuṅ, asmåråndånå , mijil, maskumambaŋ, paṅkur, sinom, ḍaṇḍaŋ gulå, durmå ).
176. hèr guŋ råjå manuŋ {babasan}
kaŋ sugiḥ, kaŋ bèrbudi.
(hèr = bañu , guŋ = aguŋ )
177. hèr minå kåtå .
nuṅsuŋ pawartå, ñjaluk kabar.
(hèr = bañu, minå = iwak, kåtå = paṅucap, ujar, gunĕm ).
(kåyå iwak iŋ bañu kaŋ tansaḥ obaḥ lambéné, kåyå lambéné
woŋ takon).
yèn iŋ critå pawayaṅan, kaŋ ajĕg takon maṅkono iku durṣasånå maraŋ båpå pamané, haryå saṅkuni, patiḥ pråjå hastinå, sawusé saṅkuni mundur såkå paséwakan ( sawusé ṅaḍĕp ratu). iŋ pagĕlaran ñjabå, wis dipapag durṣasånå sakadaŋ kuråwå" ha ha ha ha...., hèr minå kåtå, man. nuṅsuŋ pawartos, punåpå iṅkaŋ dipunṛĕmbag. ha ha ha ha..."
178. holobis kuntul baris
sĕṅkut gumrĕgut maju babaṛĕṅan.
179. idu didilat manèḥ {babasan}
ñjabĕl kasaguhan kaŋ wis dijañjèkaké.
180. idu gĕni {babasan}
klakon sagunĕmé.
181. ilå ilå woŋ tuwå malati
ṅèstokaké kaṇḍané woŋ tuwå.
182. ilaŋ ilaṅan ĕṇḍog siji {paribasan}
tékad tékadan kélaṅan anak siji ora dadi åpå, yèn anak iku ora manut woŋ tuywå.
183. isiḥ ambå jaṅkahé
isiḥ akèḥ kaŋ dijåṅkå, isiḥ biså ñjåṅkå kaŋ muluk muluk jalaran umuré isiḥ ĕnom.
184. isiḥ mambu kulit {paribasan}
isiḥ klĕbu sadulur.
185. iwak klĕbu wuwu {babasan}
kĕnå diapusi kaṇṭi gampaŋ. utåwå : nĕmoni babayå kaŋ wis ora biså ṅoñcati.
186. jajabaŋ mawiṅå wiṅå (cd)
rahiné maṅaṅaḥ abaŋ kåyå kĕmbaŋ wora wari såkå baṅĕt nĕsuné.
(wiṅå = katon abaŋ mbranaŋ tumrap raih, mawiṅå wiṅå = baṅĕt abaŋ ).
187. janmå mati murkå {paribasan}
woŋ cilakå margå såkå murkané.
188. jaran krubuhan ĕmpyak {paribasan}
wis kañji baṅĕt
(kañji = kapok, jiñjå, trahumå )
189. jati kĕtlusuban ruyuŋ {babasan}
goloṅané woŋ bĕcik bĕcik kĕtlusuban (klĕbon) woŋ ålå.
(ruyuŋ = ruruṅkutan baṅsané glagaḥ alaŋ alaŋ luwiḥ gĕḍé)
190. jĕmbar ḍaḍané {éntar}
sabar.
191. jĕmbar kawruhé {éntar}
akèḥ ilmuné.
192. jĕmbar kuburé {éntar}
mlĕbu swargå, diapurå kabèḥ dosané.
193. jĕmbar sagarané {éntar}
sugiḥ paṅapurå.
194. jĕnaŋ dodol tibå wĕḍi {babasan}
ṛĕmbug wis dadi bañjur ånå kaŋ ñjalari jugaré.
(jugar = buyar, wuruŋ, ora sidå )
195. jumambak manak jumĕbaŋ mĕtĕŋ {paribasan}
woŋ wadon kaŋ sugiḥ anak. (sabĕn rambuté anaké wayaḥ jumambak, kĕnå dicambak, duwé anak manèḥ. sabĕn anaké manèḥ iku rambuté wis jumĕbèŋ, wis wiwit wĕtĕŋ manèḥ.
jumĕbèŋ = wayaḥ ṅaṛĕpaké jumambak ).
196. jun lokak kocak {babasan}
woŋ kaŋ ora akèḥ kawruhé, sok ḍĕmĕ umuk.
197. juraŋ grawaḥ ora mili {babasan}
katoné lomå naṅiŋ cĕṭil.
198. kabĕgjan kĕbrayan
sugiḥ doñå, sugiḥ anak.
199. kadaŋ kadéyan
sanak sadulur, kadaŋ wargå.
200. kadaŋ katut
dadiné kadaŋ karo woŋ liyå jalaran ånå saduluré kaŋ dialap bojo déniŋ woŋ liyå mahu.
201. kadaŋ konaŋ {babasan}
kaŋ diaku sadulur muŋ kaŋ sugiḥ.
