sĕrat babad majapahit #1

1. ḍaṇḍaŋgula

1. srinraṅkara sinawuŋ mamanis, amurwani gèn patikbra nĕrat, sĕrat babat kĕŋ kacriyos, prabhu kĕñcanawuṅu, kĕŋ jumĕnĕŋ iŋ mahospahit, iŋ wañci jam sawĕlas, suma piŋ trilikur, sasi mèhi sinĕṅkala, surya ilaŋ térusé iŋ sanubari, déné sĕṅkalan jawa.

2. ari kĕmis wagé taṅgal wukir, wulan sapar warṣanira ĕdal, mawulu pariṅkĕlané, wukuné watugunuŋ, sinĕṅkalan tibaniŋ maṅsi, rupa gĕni iŋ madya, damarwulan laju, jumĕnĕŋ nèŋ majaḷĕṅka, wit katrima karṣané ṛĕkyana patiḥ, sira saŋ mahundara.

3. kaŋ jinĕjĕr iŋ wiyosiŋ tulis, riŋ saŋ maha prabhu brawijaya, hayamwana jujuluké, kĕrtawijaya prabhu, kaŋ bawani iŋ majapahit, naréndra binaṭara, kasusra rat puñjul, para raja samya brata, aṅabĕgti iŋ naréndra majapahit, kinasihan jawata.

4. śri naréndra pan adarbé siwi, kĕña juga ayu warṇanira, dyaḥ kĕñcanawuṅu juluké, sĕḍĕŋ birahinipun, sadayané sampun mĕpĕki, samana saŋ aṛĕtna, kawĕntar rat puñjul, sakèḥ raja samya ṅlamar, datan purun tagsiḥ momoŋ sarirèki, datan sĕnĕŋ mriŋ priya.

5. sasuruté kaŋ rama saŋ aji, saŋ dyaḥ nulya pan jinuñjuŋ dadya, naréndra gĕntos ramané, apan wus lumĕstantun, lir saŋ maha brawijaya di, ṅrĕṅgani majaḷĕṅka, kasub iŋ rat suyut, maha saŋ prabhu wanodya, wus kalilan iŋ saŋ hyaŋ maha déwa di, jinuruŋ sugsmanaṅsa.

6. hyaŋ jaya samba kanékaṛĕsi, pra jawata umuŋ mèstudéya, widadari tumrun kabèḥ, kala umadĕgipun, prabhu kĕña iŋ mahospahit, siliḥ nama ratu mas, dyaḥ kañcanawuṅu, ṛĕtna di sasotyaniŋ rat, ḍasar ayu kinamulèn widadari, lir sariniŋ purṇama.

7. maṅéndralaya maṅgiḥ, iṅkaŋ mèmprĕ saŋ sĕsotyaniŋ rat, tuhu baṭaraniŋ sinom, prabhu kĕña saŋ iŋ rum, datan kĕna rinĕṅgèŋ kawi, mamanon iŋ bhuwana, maṅkana winuwus, kyana patiḥ mahundara, sakĕlaṅkuŋ kaprĕm iŋ puja sĕmèdi, kocap aṅraga sugsma.

8. lumuḥ aṅolaḥ iŋ kramaniti, datan pĕgat bĕntur kasutapan, aṅĕdohi praja ramé, kajuwatan rinasuk, pan iŋ maṅké sampun gumiṅsir, paḷĕṅgaḥ kĕpatihan, ari gumantya wus, patiḥ lugĕndèr dipatya, kaŋ gumantya iŋ rama séta kumitir, dyan arya simpiŋ dadya.

9. mujaṅgani kabupatèn carik, wus kagantyan radyan layaṅséta, ya ta maliḥ winirahos, mahundara winuwus, wus murcita kados tan pĕṣṭi, winulat iŋ manuṅsa, katrimèŋ déwa guŋ, pan sampun asiliḥ nama, akakasiḥ hyaŋ bĕgawan tuṅgulmanik, abrota hyaŋ wisésa.

2. asmaradana

1. tulusa pañjĕnĕṅan aji, ratu mas sĕsotyaniŋ rat, laṅkuŋ luhur kĕratoné, kasub iŋ rat pramuditya, tĕpuŋ iŋ kina kina, jaṅkané kaŋ para nujum, myaŋ paṇḍita kaŋ mrĕtapa.

2. bésuk ana ratu èstri, jumĕnĕŋ iŋ majaḷĕṅka, suka buṅaḥ saguṅiŋ woŋ, muraḥ saṇḍaŋ lawan boga, siṅa tinanĕm dadya, ardi wana tĕmaḥ ḍusun, désa apiṇḍa nagara.

3. bèbèk ayam kĕbo sapi, gumĕlar anèŋ paṅonan, tanpa kaṇḍaŋ siŋ arjané, diwĕgdal dadya lampahan, maha saŋ prabhu rara, iŋ sabĕn sabĕn kawuwus, dènira miyos sinéba.

4. yèn kalanira tinaṅkil, muṅgwèŋ sitiṅgil kasoṅan, witana di rirugmabyor, pinarak ḍampar kañcana, pinatik nawa ṛĕtna, sarta iṅayap pararum, samya ṅampil upacara.

5. ḍasar samya ayu luwiḥ, apĕṅawak liṇḍu sĕkar, sarya bisa awèḥ wiroŋ, ṅambar samya ṅanuhara, śri nata ayu ṅraras, lir apsari swarga nurun, wimbuḥ akarya la ĕla.

6. ginaṛĕbĕg para cèṭi, miwaḥ kaŋ para biyada, supĕnuḥ èbĕg punaŋ woŋ, palawija anèŋ ṅarṣa, bulé paṇḍak palaṅkan, cébol bucu waṇḍan jamus, miwaḥ laré kakésodan.

7. laré wuṅkuk bajaŋ wujil, laré sukun ḍampit bĕlaŋ, piṇḍoan laré kabirèn, jajarannya tuṇḍa sapta, apan samya wanodya, tĕbiḥ kaŋ prawira kakuŋ, sèwu sisiḥ amĕlatar.

8. pinrakira saŋ adèwi, mawi laṅsé tuṇḍa sapta, samya sinulam rukma byor, palisir sinĕla sĕla, kinĕmbaŋ iŋ hèrṇawa, amyarṣujyarṇa sumawur, lir raras juṅgriŋ sĕlaka.

9. wimbuḥ riŋ saṅsaya wiṅit, tan kahègsi balatantra, kacatur saŋ prabhu sinom, darbé kakasiḥ wanodya, kinadaŋ śri naréndra, dé parabira arum, putrané dipati daha.

10. awasta dyaḥ rarasati, bĕsus yèn olaḥ wiraga, wasis sĕbaraŋ karyané, rampuŋ sandiniŋ sasmita, gaṇḍaŋ sèḍĕt prasaja, tan liyan sinawuŋ tĕmbuŋ, amuŋ ṛĕtna rarasatya.

11. iŋ saŋ maha prabhu dèwi, mĕṅgaḥ pasaŋ rèhiŋ praja, datan sumiyèŋ ṅarṣané, sor soranira sĕkawan, putrané adipatya, anĕṅgiḥ iṅkaŋ rum arum, ṛĕtna dèwi citrasmara.

12. kaliḥ ṛĕtna citrawati, tiga ṛĕtna widasmara, déné iṅkaŋ sĕkawané, ṛĕtna widawati saŋ dyaḥ, tansaḥ sumiwèŋ ṅarṣa, myaŋ luraḥ pawoṅanipun, sĕpĕtmadu lan wilaja.

13. tansaḥ moŋ karṣaniŋ gusti, ya ta saguŋ pra biyada, pra sarimpi piṅitané, maṅguŋ tĕnapi bĕḍaya, tarap muṅgèŋ iŋ ṅarṣa, patiŋ paṛĕlok dinulu, luhur linuhuran raras.

14. kĕprabon sikĕpiŋ jurit, panaḥ ḍaḍap ṛĕṅkran dĕnta, tan tĕbiḥ lan prabhu sinom, déné saguŋ kaŋ sumiwa, aṇḍèr iŋ pagĕlaran, para raja pra tumĕṅguŋ, dipati lan para ménak.

15. myaŋ dĕmaŋ raṅga ṅabèhi, kaṇḍuruhan srinaṅsraya, lan para raja jaré, taṇḍa mantri pĕṅalasan, kalaŋ gĕḍoŋ mĕlandaŋ, para buyut lawan ĕmpu, dipati lugĕndèr ṅarṣa.

16. kĕlawan dipati tubin, kériŋ dipati sindura, ménak koñcar pan jiwané, sinambuṅan para nata, raja ṅriyo myaŋ gĕḍaḥ, raja johar jambi prabhu, tatar raja śri palémbaŋ.

17. raja minaṅkabuwin, raja prĕtani śri siyak, raja bugis lawan rajèŋ, lampuŋ raja sokadana, raja kĕliŋ śri waṇḍan, atĕnapi saŋ aprabhu, tĕrṇaté lan ṅambon raja.

18. śri baṇḍuŋ lan rajèŋ bali, madura raja baléga, sumĕnĕp mĕkasar rajèŋ, atĕnapi pamĕkasan, bupati majaḷĕṅka, paṅagĕŋnya kaŋ winuwus, sira raṅga minaṅsaya.

19. kĕlawan ménak giyanti, kumitir lan layaŋ séta, arya sasimpiŋ jajaré, saguŋ iṅkaŋ siniwaka, tinon anéka néka, kadi ta prawata santun, lir wana kaṛĕmbun maṅsa.

20. saṅsaya minuni sari, myaŋ luṅidiŋ prĕnadèŋ rat, kĕbĕg supĕnuḥ guṅiŋ woŋ, woŋ sabraŋ wor wadya jawa, pasisir mañcapraja, saṅkiŋ mandrawa dinulu, lir sĕgara rob bĕlabar.

21. kaŋ wĕnaŋ ṅambaḥ sitiṅgil, lawan wadyabala kusya, muŋ ṛĕkyana patiḥ lugĕndèr, anampèni karṣaniŋ dyaḥ, sabĕn sabĕn maṅkana, yèn miyos saŋ nataniŋ rum, ṛĕkyana patiḥ ṅandikan.

22. miwaḥ ṛĕtna rarasati, dinaṅu solahiŋ praja, miwaḥ sawadyabalané, pradata iŋ rèḥ ruhara, ṛĕntĕŋ paḍaṅiŋ tindak, tanapi darganiŋ muṅsuḥ, suḥ sirṇaniŋ kawĕndakan.

21. kocapa sampun alami, sampun anduṅkap sawarṣa, jumĕnĕŋnya prabhu sinom, pra raja iŋ tanaḥ sabraŋ, wus samya abubaran, sadaya tinuṇḍuŋ mantuk, pra ratu mañcanagara.

22. unduré para bupati, para raja kaŋ séwaka, datanapi para sinom, kaŋ muṅgiŋ iŋ ṅarṣaniŋ dyaḥ, lugĕndèr kyana patya, wus samya lèṅsèr sĕdarum, maliḥ maṅsuli carita.

23. ki raṅgalawé iŋ tubin, nĕṅgiḥ putrané titiga, pan wanudya pĕmbajĕṅé, iṅkaŋ kakaliḥ satriya, patutanira lawan, putri lumajaŋ saŋ ayu, ṛĕtna dèwi banuwatya.

24. iṅkaŋ wanudya kakasiḥ, ṛĕtna sĕkatiutama, lir kĕñcana pamuluné, ṛĕspati dĕdĕg sĕmbada, wasis sĕbaraŋ karya, gaṇḍaŋ sabda pasmon ruruḥ, lir putra ṅastinalaya.

25. panĕṅgak buntaran pĕkik, aluṅit pasaŋ grahita, akarya braṅta kaŋ tumon, kaŋ anom radèn wataṅan, sigit kaduk barañak, kakalihira saŋ bagus, wayahé jaka kumala.

26. ya ta kaŋ kinaṇḍa maliḥ, woŋ aguŋ iŋ kapatihan, saŋ adipati lugĕndèr, titiga atmajanira, kaŋ sĕpuḥ layaṅséta, layaṅkumitir paṅgulu, kaliḥ sami andĕladag.

27. ḍasar putrané ṅapatiḥ, tur aṅsal sihiŋ naréndra, mĕdanani waṅsa iŋ jro, nora pati yèn bagusa, bĕsusira ṅayaṅan, rada ambĕḍaḥ dĕlaṅguŋ, tur dadi paṅéwén awan.

28. kakudaṅannya ki patiḥ, salaḥ saji putranira, ciptané dèn magaṅaké, ratu mas sasotyaniŋ rat, piraṅbara iŋ béñjaŋ, aṅgiñĕri sirahipun, woŋ sanagri majaḷĕṅka.

29. mila radèn arya kaliḥ, atiṅkaḥ sawĕnaŋ wĕnaŋ, nĕrajaŋ laṇḍĕp pamoré, gĕlar ambĕg kumawawa, bèr budi sugiḥ bala, praḍaḥ kapara iŋ saṅgup, dora winor nitikrama.

30. rinapĕtan adu manis, panastènira kalintaŋ, sinaṅkan iŋ nalar rèrèḥ, bara bara dadi karya, sasamaniré ṅabdya, datan sĕpi pamriḥ luput, ginĕtak tindakiŋ praja.

31. jahilé sinamun luṅit, luṅidé kinarya karya, lumuḥ ṅaṅgur kuraŋ gawé, warujunipun wanodya, ran dèwi añjasmara, yĕkti dadi sĕkar kiduŋ, biyadané kĕpatihan.

32. ḍasar ayu dèn padèni, iṅuguŋ maraŋ sudarma, tĕka dadi papantĕsé, sĕmbada wasis iŋ karya, rampuŋ sandiniŋ sastra, basaniŋ kawi wus putus, gulaṅané timur mula.

33. ramaya gada balik, wiwaha lan bomataka, myaŋ kawi paṇḍawa laré, sasrabahu krĕsnaputra, saŋ dyaḥ pragat sadaya, tan ana kawi kaŋ luput, miwaḥ yèn tilawat kuran.

34. pasékat syararum manis, trampil wiḷĕdiŋ kalimaḥ, datan pot limaŋ wĕgtuné, taṅat tĕnapi puasa, tuhu braṅta hyaŋ sugsma, tan lali pĕmbaṭikipun, n‍ênun rénda aṅĕmasan.

35. punika sinambi ñuṅgiŋ, añoṅkèt aṅalu alam, tĕnapi n‍ênun limaré, sadina olèḥ roŋ kĕbar, ṅantiḥ alit anulam, mĕrada an‍ênun kuluk, pratiṣṭa tanpa dondoman.

36. ḍasar ratuniŋ winasis, bĕsus olaḥ kawiragan, gandĕs luwĕs saléwané, ḍasar ṛĕmit karya rimaŋ, kulina andon sĕkar, miṅiŋ saparanira nrus, jĕbat kasturi tan pĕgat.

37. ganda wida nora lali, tinoyanan iŋ hèr mawar, gĕrahuyaŋ sarirané, nora baburat saĕjam, biyada kĕpatahan, siṅa mulat kaṭaḥ biṅuŋ, cacadé amuŋ satuṅgal.

38. iŋ tĕmbé yèn wus akrami, tan kĕna winayuḥ iŋ dyaḥ, agĕḍé butaṛĕpané, abot sinaṅga iŋ priya, nora kĕna kumiṅkaŋ, tĕliké sinuṅsun suṅsun, aṅiŋ utamané rumat.

39. amamantĕs mamĕdèni, añukupi sumèḥ sumraḥ, sok aja winayuḥ bahé, sĕdéné sinĕliṛĕna, kusuma añjasmara, méndaḥ ta pañjĕṅgitipun, gliyak gliyak linampahan.

40. bĕjané kaŋ aṅlakoni, tan bisa maṅsuli trisna, naṅiŋ cupĕt pĕsabané, maṅsa nora binoṇḍétan, awraté darbé garwa, éman manisé yèn putuŋ, gaṇḍaṅé yèn pĕlarasan.

41. owĕl yèn dlèrèṅé runtik, srèrèḥ kĕmpyaṅé yèn késaḥ, tur yèn ñuda gumriniṅé, sapa baya ṅĕlipurṇa, yèn runtik añjasmara, ṅèṅèhané kali gunuŋ, yèn bañjir maṅsa daṅua.

42. mila kaŋ rama laṅkuŋ siḥ, gumatènira kalintaŋ, tur praḍaḥ baraŋ karṣané, sudarma nora cumĕṅaḥ, mila ciptaniŋ rama, kahuguŋ sakarṣanipun, pinaṅkur iŋ ibu rama. 

3. paṅkur

1. kawarṇaa bĕlambaṅan, ménakjiṅga datan bisa tinaṅkil, mriŋ nĕgari majalaṅu, baléla paṅabdinya, tur rumaṅsa ambaṅkat mukul iŋ muṅsuḥ, pan sampun aṅsal sawarṣa, dènira datan sumiwi.

2. akaṭaḥ sĕṅadinira, muŋ réréhanira kaŋ sami naṅkil, mriŋ nĕgari majalaṅu, wĕnèḥ ana tan séba, ya ta saṛĕŋ tinuṇḍuŋ siŋ majalaṅu, apan ta lajĕŋ kéwala, ḍatĕŋ bĕlambaṅan sami.

3. déné saguŋ para nata, wus kapaṅgiḥ anèŋ bĕlambaṅan sami, saha bala sakuswa guŋ, sira saŋ ménakjiṅga, laṅkuŋ suka wus dadya iṅkaŋ piṛĕmbug, siyaŋ dalu akasukan, arṣa gĕpuk mahospahit.

4. ṅandĕlakĕn kadigdayan, awak awuk adiguŋ tur sinĕgti, linulu iŋ déwa aguŋ, sira saŋ ménakjiṅga, pan prĕñata réréhané para ratu, pra dipati para ménak, kabuyut para ṅabèhi.

5. kaṭaḥ kadaŋ priyaṅga, sanak prĕnaḥ kaŋ paman bapa kaki, kaŋ liya iṅambil mantu, kahipé kasĕntana, kambil bésan wĕnèḥ sinuŋ garwa ayu, pinikat iŋ bojakrama, kèdĕg kèḷĕs iŋ kasĕgtin.

6. prĕñata saŋ ménakjiṅga, ambĕg rusuḥ sura braṅasan ĕdir, tan kĕna pinaḍan saṅgup, saadĕg tur saĕñat, parapisuḥ parataṅan kĕprak kĕpruk, déné kaŋ nuṅgil kulina, iṅakĕn sudara wèdi.

7. kinulit dagiŋ winor byat, praḍaḥ saṅgup saĕñat tur sayĕgti, apan mari mari yèn wus, ṅèstudi pada déya, saya kaṭaḥ woŋ wétan kaŋ sami nuṅkul, gilig ṅrĕmak majaḷĕṅka, kapiṇḍo kaŋ pra dipati.

8. ḍasar jriḥ mriŋ ménakjiṅga, piŋ tigané kaŋ dèrèŋ ñuwawèni, paréntahiŋ majalaṅu, kaŋ mijil kyana patya, adipati lugĕndèr kèḥ manaḥ kuwur, taṅèḥ maṅgiha utama, kaniṣṭan kasrambaḥ dadi. 9. kagiri magora goḍa, tur caṇḍala tur tĕpuŋ laras budi, gèsèḥ larasé lan ratu, tan paṅgaḥ pambĕgiŋ tyas, kumaluṅkuŋ iŋ wéwéka kuraŋ putus, ṅĕndĕlkĕn pusakaniŋ rat, binapa bapa iŋ gusti.

10. katĕmu piraŋ prakara, ratu èstri wignya guḷĕt lan dasiḥ, paṅragoḥ paṅrowa wuwus, sĕdéné wadya iṅkaŋ, sĕca tuhu kakĕniŋ rèḥ tan ayu, taṅèḥ katur iŋ naréndra, sĕdéné kaŋ lara ati.

11. maṅunĕg unĕg iŋ praja, śri naréndra méndaḥ kĕlamun mègsi, ji kumbala iṅkaŋ matur, rèḥ ratu binaṭara, kèṛĕm ujwala adi nugsmèŋ déwa guŋ, maṅrĕsĕp mulyaniŋ jagat, sumiṅkir iŋ rèḥ tan yĕgti.

12. kuwur tinawar iŋ praya, iṅkaŋ mijil kaŋ lumrahiŋ apatiḥ, aṅsriŋ kaṭaḥ nalar kuṅsul, glar arja tĕmaḥ rusak, wus kawayaŋ dudu trapiŋ baṅsa luhur, kèḥ wadyaḥ salaḥ grahita, tan tĕpuŋ larasiŋ gusti.

13. mila saguŋ réréhannya, ménakjiṅga èṇṭèŋ sĕtyaniŋ gusti, iŋ kramaniti pan biṅuŋ, antĕpé asar saran, sosraḥ kisruḥ kuwuriŋ tyas tĕmaḥ ṅlulun, tĕmaḥ bana balik suṅsaŋ, ménakjiṅga kaŋ ginusti.

14. maliḥ maṅsuli carita, ménakjiṅga saŋ hyaŋ pamĕṅgrĕ siwi, pinuja atĕguḥ timbul, aṅiŋ ta pinañjiṅan, kumarané rasĕgsa saŋ raja diyu, wimbuḥ adarbé pusaka, wĕsi kuniŋ ḍapur bindi.

15. pinañjiṅan saŋ hyaŋ brama, pan prĕñata ṅuni ḍapur iṅuṅsi, siŋ ajriḥ saŋ hyaŋ wisnu, iŋ sapta sapta janma, nora koṅkiḥ maṅruraḥ kroḍa mapikut, sor kèḷĕs iŋ kabudayan, mawanti maṅkrak katitiḥ.

16. nèŋ saptatala kabĕḍag, madyapada wanti wanti kapilis, nèŋ triloka kosik kawus, ṅariloka kabuñcaŋ, bandan déwa wiguḥ kroḍanya tan paṅguḥ, nèŋ suralaya kabrĕbaḥ, sĕdéné manuṅsa jisim.

17. gora rèḥ kagiri kéntas, mila maṅké mañjiŋ iŋ wĕsi kuniŋ, paṅluput woŋ tĕguḥ timbul, mila kaŋ sĕgti ywana, ponaŋ bindi pĕnuḥ dènnya makan ratu, miwaḥ prajurit wuḍu praŋ, tanpa wilaṅan kapilis.

18. wawasi kèḥ pinĕjahan, guntuŋ guntuŋ maṅuyu makan bĕsi, rèḥ mayaṅi tyas kĕlaṅkuŋ, kalimput iŋ sukarda, tuwin ṛĕṣi pamĕṅgrĕ tansaḥ pitutur, iŋ atmaja ménakjiṅga, agèḍèg nora prĕduli.

19. hyaŋ pamĕṅgrĕ kawlas arṣa, paṅucapnya saŋ tapa ṅasiḥ asiḥ, kaŋ putra tansaḥ rinaṅkul, sinuṅan éraŋ éraŋ, tĕpa tlaḍa iŋ kina kaŋ para ratu, miwaḥ kaŋ para dipatya, kaŋ sampun dados palupi.

20. kaŋ niṣṭa padya utama, tur jinatèn sabda iṅkaŋ piniṅit, kĕñataan iŋ déwa guŋ, lan wahyuniŋ naréndra, rèhniŋ bala kuswala samya tinutur, saŋ wiku sarya maṅrĕpa, dènnya pitutur mriŋ siwi.

21. ménakjiṅga tansaḥ ñĕntak, ñĕntak sugal wuwusira mawĕṅis, sudarma tan kéṅiŋ muwus, tansaḥ sinĕṅap sĕṅap, yèn ajaa sudarma mĕṣṭi pinukul, hyaŋ pamĕṅgrĕ ṅlĕṅgrĕ mulat, tinuṇḍuŋ mantuk iŋ wukir.

22. hyaŋ pamĕṅgrĕ sru suṅkawa, laṅkuŋ déné kapita èsmu taṅis, byatiŋ woŋ adarbé sunu, tĕmaḥ amuraŋ krama, nĕṅèŋ wiyat umatur iŋ déwanipun, hèḥ juwata iṅkaŋ mulya, ménakjiṅga suta mami.

23. suṅana manaḥ raharja, hyaŋ narada aṅsuŋ swara dumĕliŋ, hèḥ pamĕṅgrĕ mitraniṅsun, sayĕgti datan kĕna, budi aṇḍap lawan bubudèn kaŋ luhur, pinintakakĕn iŋ liya, wus gañjarané pribadi.

24. lamun ta si ménakjiṅga, darbé sĕdya maminta iŋ sugsma di, iŋ bubudèn kaŋ rahayu, sayĕgti pinariṅan, aja sira salaḥ cipta iŋ déwa guŋ, saŋ hyaŋ pamĕṅgrĕ karuna, gya mantuk ḍatĕŋ iŋ wukir.

25. iŋ maṅké saŋ ménakjiṅga, siliḥ nama ran prabhu urubĕsmi, siniwi kaŋ para ratu, miwaḥ kaŋ para ménak, dĕmaŋ raṅga ḍahèŋ lan para tumĕṅguŋ, mantri prajurit bĕlabar, lir sĕgara tanpa tĕpi.

26. papatihira saŋ nata, aṅkatbuta kotbuta aṅajrihi, kaliḥ samya suranipun, tur kaliḥ sami sanak, kĕmbar méṇḍa dumragsa kampana diyu, tĕguḥ timbul widigdaya, suméwa ṅarṣaniŋ gusti.

27. datansaḥ aséwa gora, para raja aglar muṅgèŋ iŋ kurṣi, déwata karajèŋ baṇḍuŋ, sumĕnĕp déwa sraya, śri déwa guŋ walikrama rajèŋ waṅsul, saŋ baṭara basutantra, mĕkasan madura aji.

28. raja déwa bahuḍĕṇḍa, déwa jarumaka saŋ raja bugis, déwa prĕlagi saŋ prabhu, iŋ kĕliŋ maharaja, déwa danurwénda iŋ baléga tĕpuŋ, anĕṅgiḥ iŋ pakacaṅan, ménak prĕmaṅsul dipati.

29. iŋ wajak ménak caluṇṭaŋ, ménak cruriŋ dipati iŋ wĕlèri, panatasiṅron tumĕṅguŋ, nĕṅgiḥ iŋ pajarakan, ménak wilantaka iŋ gĕmboŋ sumuyut, ménak paṅsĕŋ pasuruan, ménak panuntuŋ iŋ baṅil.

30. radyan ménak jayalana, prabaliṅga maliḥ saŋ adipati, iŋ trĕṅgalèk sampun nuṅkul, dyan arya ménak sopal, para raja para ménak pra tumĕṅguŋ, anigan sapĕtaraṅan, gilig ṛĕṛĕmponiŋ jurit.

31. kantun dipati satuṅgal, iŋ lumajaŋ mogok madĕg kaŋ baris, radyan ménak koñcar pĕṅkuḥ, nadyan tĕkĕmanira, ménak koñcar apan ta sayĕgkti purun, jajahan nagri iŋ daha, kaṭaḥ nuṅkul pra dipati.

32. kagyat dipati sindura, bĕlambaṅan iŋ maṅké madĕg aji, bawahira kaṭaḥ tĕluk, rumaṅsa lamun tiwas, iṅabdèkkĕn dadi taṅgulaṅiŋ pupuḥ, sakĕlaṅkuŋ dukanira, tan sĕdya mundur iŋ jurit.

4. durma

1. siniwaka sira dipati iŋ daha, anèŋ iŋ pañcaniti, aglar kaŋ puṅgawa, miwaḥ kaŋ pra sĕntana, patiḥ kĕbo gĕḍaḥ ṅarṣi, samya siyaga, sasikĕpiŋ ajurit.

2. saŋ dipati jaja baŋ lir baḷĕḍosa, kĕdaḥ aṅlaṅgar jurit, ḍatĕŋ bĕlambaṅan, maṅkat sami sĕkala, kasaru wahu kaŋ prapti, dyan ménak koñcar, sigra dènñatur bĕgti.

3. saŋ dipati sindura kagyat tumiṅal, tandya ṅañcaran aglis, arya ménak koñcar, riwusnya tata ḷĕṅgaḥ, gĕpaḥ saŋ sindura aṅliŋ, laḥ paran karya, sira gĕpaḥ sun ègsi.

4. awotsĕkar radèn arya ménak koñcar, amba atur udani, uwa mriŋ panduka, iŋ maṅké ménakjiṅga, samĕgta atata baris, saréréhannya, saha raja sĕdasiḥ.

5. apan siliḥ sampun anama naréndra, ran prabhu urubĕsmi, sumĕdya maṅrĕmpak, nĕgari majaḷĕṅka, sadaya wus sami balik, saguŋ pra ménak, ya ta saŋ adipati.

6. saṛĕŋ myarṣa aturira radèn arya, taliṅan lir sinĕbit, panabdanira kras, lidok si bĕlambaṅan, dyan kinèn tĕṅara jurit, ki kĕbo gĕḍaḥ, gĕpaḥ nuṅkĕmi naṅis.

7. ḍuḥ gustiku pukulun tuwan lèrèha, dyan ménakjiṅga sĕgti, bala yutan wĕndran, kahinan mapag iŋ praŋ, ṅantosa para bupati, myaŋ para ménak, sĕḍĕŋ umaṅsaḥ jurit.

8. lawan maliḥ pukulun dèrèŋ tur wikan, mriŋ maha prabhu dèwi, sampun tuwan maṅkat, prayogi tur uniṅa, kaŋ lumampaha kariyin, sarta mĕpĕka, kéwala ponaŋ baris.

9. sĕḍĕŋ p‍êpak kaŋ bupati para ménak, nuntĕn suḍiyèŋ jurit, mĕṅgaḥ saŋ dipatya, tansaḥ aṅusap jaja, kumrĕrot kaŋ waja gaṭik, sira dyan arya, umatur awotsari.

9. kaṅjĕŋ uwa ḷĕṛĕs aturé pun bapa, apan yogi rumiriḥ, ḷĕṛĕs tan wandé praŋ, naṅiŋ ta amriḥ mĕnaŋ, pintĕn daṅuné woŋ mati, yèn pandukarṣa, uṅgul iŋ praŋ kaŋ pinriḥ.

10. saŋ dipati wus sarèḥ iŋ dukanira, karya nuwala aglis, ponaŋ duta mĕsat, miwaḥ kaŋ pajinĕman, pan sampun sinĕbar sami, pariŋ uniṅa, ḍatĕŋ mañcanĕgari.

11. mĕné gĕnti iŋ maṅké kaŋ kawarṇaa, nĕṅgiḥ saŋ urubĕsmi, pan sampun utusan, papatiḥ kaŋ umĕsat, saha sĕrat kaŋ katur mriŋ, saŋ prabhu rara, ḍapur bun ĕbun éñjiŋ.

12. sarta nuṅkak woŋ aguŋ iŋ bĕlambaṅan, ciptanira iŋ galiḥ, lamun wus kĕtampan, laju aṅadĕg pisan, jumĕnĕŋ iŋ mahospahit, lamun katulak, lajĕŋ gĕcak nĕgari.

13. mila iṅkaŋ pramèswari para garwa, saguŋ kaŋ para sĕlir, binĕgta sadaya, tuwin kaŋ para raja, sami bĕgta garwa guṇḍik, maṅsa wuruṅa, añakup prabhu dèwi.

13. kaŋ sinĕdya abaris anèŋ lumajaŋ, wus boḍol saha dasiḥ, bala wĕndran yutan, juraŋ maalas alas, kèdĕg kèḷĕs guṅiŋ dasiḥ, atĕmaḥ ratan, samarga aṅajrihi.

14. rowak rawuk prajurit iŋ bĕlambaṅan, aṅsal sĕṅajèŋ gusti, samarga ṅĕrayaḥ, aran woŋ golo goṭaŋ, bajo baroŋ orak arik, woŋ gaṭu gara, juraŋ gaṭu maṅiyip.

15. macanambal carukḍĕṅguŋ surarayaḥ, lawan woŋ cukilmanik, rujakpolo lawan, sarubĕṭot sumahab, asikĕp gaṇṭol cĕmpuliŋ, gĕrènèŋ caṅgaḥ, papĕṇṭuŋ myaŋ suligi.

16. taṅèḥ lamun kinaṇḍa woŋ bĕlambaṅan, tan kawarṇa iŋ margi, wus prapta lumajaŋ, saṛĕŋ lan ménak koñcar, saṅkiŋ nagri daha prapti, amapag iŋ praŋ, saṅkiŋ kiṭa mĕdali.

17. aṅiŋ para garwa pra sĕlir sadaya, wus dèn ilokkĕn sami, rumahos tan baṅkat, suwuŋ sajroniŋ kiṭa, anak rabi sami ṅili, janmané lanaŋ, kĕrig umagut jurit.

18. woŋ lumajaŋ gagamanira roŋ nĕmbaŋ, roŋ bitiŋ nitiḥ wajik, samya gagaṅsiṅan, iṅaran truna lanaŋ, tutaté tinumbak milir, tinataḥ mĕndat, kawan dasa kinaṇṭi.

19. mriŋ dyan arya samarga samya bĕg pĕjaḥ, sampun aṅayun jurit, ramé loŋ linoṅan, muṅsuḥ kalawan rowaŋ, bĕṛĕg binĕṛĕg mapaṅgiḥ, samya sudira, tan ana ṅéman pati.

20. baris wétan makĕṭi mayuta yuta, ḍasar maṅrobi taṇḍiŋ, maṅiḷĕs maṅidak, rok biriŋ caruk pĕḍaŋ, kumrapyak patiŋ caṛĕṅkliŋ, swaraniŋ surak, lir udan sinĕmèni.

21. tambur awor kĕṇḍaŋ munya sahuran, bĕgor kaŋ bĕṇḍé bèri, akuwĕl dènnya praŋ, kèkèt jambak jinambak, sawĕnèḥ agĕnti kĕris, dugaŋ dinugaŋ, ramé bantiŋ binantiŋ.

22. ménak koñcar wuru gĕtiḥ saya nĕṅaḥ, sarwi sikĕp jĕmpariŋ, ṅamuk nèŋ turaṅga, tĕguḥ sakudanira, pun jaṭa suranya mijil, uḷĕsnya krĕsna, sukunya paṅguŋ putiḥ.

23. galak nahut iŋ mĕṅsaḥ pagas matatas, radyan numbak manitir, lawuŋ lir kitiran, siṅa katrajaŋ bubar, sinosog gañjur tan osik, sira dyan arya, siṅa sinĕraŋ mati.

24. wus caruk woŋ tanbuḥ muṅsuḥ lawan rowaŋ, woŋ lumajaŋ kèḥ mati, sasisaniŋ pĕjaḥ, lumayu asar saran, dyan arya ṅamuk maṅuṅkiḥ, lan truna lanaŋ, tan pasaḥ déniŋ biriŋ.

25. saya sayaḥ dyan arya dènira apraŋ, sĕgsana aṅunduri, sarya pinétaran, wadyané truna lanaŋ, siji nora nana giṅsir, muŋ kudanira, akaṭaḥ iṅkaŋ mati.

26. wus iṅuṅsir rahadyan saparanira, lumĕbèŋ iŋ wanadri, laṅkuŋ kasayahan, mundur ṅurugan baṭaŋ, marga iṅkaŋ sami ṅuṅsir, pan wus katilap, ṅalor lampahiŋ baris.

27. mriŋ lumajaŋ sapraptanira ṅĕrayaḥ, gègèr kawula alit, prabhu urubĕsma, ṅĕbruki iŋ jro kuṭa, para nata magrĕsari, ababarisan, lir samodragni ṅaliḥ.

28. wadyanira ambĕlabar kériŋ kanan, saya ṅoboŋ oboṅi, gantya kaŋ kocapa, kotbuta aṅkatbuta, rahina wĕṅi lumaris, untap untapan, duta sindura mijil.

5. mijil

1. kawarṇaa kaŋ miyos tinaṅkil, prabhu rumiŋ sinom, mĕṅgĕp muṅgèŋ iŋ siti iṅgilé, kasoṅan witana di rinugmi, pinrak ḍampar gaḍiŋ, rinĕṅgèŋ mas murup.

2. sarya iṅayap piṅitan cèṭi, muṅgèŋ iŋ kĕkaboŋ, ṛĕtna rarasati iŋ ṅarṣané, citrasmara miwaḥ citrawati, widasmara tuwin, widawati ṅayun.

3. sĕpĕtmadu wilaja tinudiŋ, gya lumĕgsanalon, animbali ki patiḥ lugĕndèr, praptèŋ ṅarṣa ṅandika saŋ dèwi, paran kaŋ pawarti, bapa milanipun.

4. ménakjiṅga sawarṣa tan naṅkil, apa kaŋ suwados, awotsĕkar ki patiḥ lugĕndèr, giḥ kawula amiṛĕŋ pawarti, kĕdaḥ madĕg aji, gĕmpur majalaṅu.

5. tan rumahos gusti lamun abdi, aṅrĕbat kĕraton, aṅiŋ dèrèŋ miyarṣa yĕgtiné, woŋ dagaŋ layar gusti sampun wradin, pawartosnya sami, ménakjiṅga purun.

6. prabhu rara duk miyarṣa warti, anulya nudiŋ woŋ, kinèn bĕgta nuwala dèn agé, maraŋ tuban katur saŋ dipati, kasaru kaŋ prapti, duta kaliḥ sampun.

7. sarta muṇḍi iṅkaŋ punaŋ tulis, katur prabhu sinom, saṅkiŋ adipati sindurané, ri wusira winahos kaŋ tulis, yata bubukaniŋ, nuwun wiyosipun.

8. amba gusti pan anuwun runtik, saṅkiŋ tiwasiŋ ṅoŋ, déné saṅkiŋ añjagi prajané, katiwasan amba tan udani, ménakjiṅga gusti, maṅké madĕg ratu.

9. iŋ blambaṅan sadaya para ji, pan sampun agoloŋ, karṣanira gĕpuk nagri maṅké, mila ulun pan aṅsuŋ udani, titi punaŋ tulis, nuwun agsamèṅsun.

10. sasampuniŋ gĕnti iṅkaŋ tulis, gĕnti kaŋ wirahos, aṅkatbuta lan aṅkotbutané, sampun mañjiŋ anèŋ jawi puri, gègèré iŋ jawi, wontĕn bhuta rawuḥ.

11. ponaŋ duta kinèn animbali, prapta ṅarṣa katoŋ, apan sarwi bĕgta nuwalané, ṅiŋ tan suka tinampan iŋ patiḥ, dyan séta kumitir, kaliḥ ṅiṅrĕ ḍuwuŋ.

12. sarya ḍĕsĕg dènira aliṅgiḥ, kaliḥ mriŋ dutèŋ woŋ, layaṅséta mrĕdapa liṅgihé, asta kiwa ṅusap usap rawis, kaŋ tĕṅĕn mipit kris, akras dènnya muwus.

13. hèḥ kotbuta apa bosĕn urip, apa kudu ṅlamoŋ, nora suka kaŋ sĕrat tinampèn, amaṅsuli kotbuta saryandik, ulun tan tinudiŋ, mriŋ ramanta tuhu.

14. dinuta mriŋ saŋ naréndra putri, surat kinèn ñahos, akĕn sarya tinampénan ḍéwé, onĕŋ mriŋ saŋ maha prabhu dèwi, oṛĕg kaŋ jajari, majĕŋ baris tĕpuŋ.

15. lir aṅugar dyan layaṅkumitir, myarṣa grĕgĕtiŋ woŋ, pun kotbuta cinaṇḍak bahuné, prabhu rara mèsĕm jroniŋ galiḥ, laṅsénya kawiṅkis, gumĕbyar kadulu.

16. pun kotbuta dinukiŋ tiṅal mriŋ, prabhu rumiŋ sinom, sagĕbyaran gumĕtrĕ ragané, manaḥ aṅlĕs kariṅĕtnya mijil, lir krĕtas winantiŋ, sĕmunya añjĕntuŋ.

17. mukanira lir koñjĕm iŋ siti, pan sarya ḍaroḍog, kaŋ nuwala gya iṅaturaké, mriŋ kya patiḥ gya maṅarṣa aglis, ṛĕtna rarasati, nampèni sastra wus.

18. ya ta aṅandika arum manis, maha prabhu sinom, yayi dèwi wacanĕn dèn agé, layaṅiŋ woŋ kaŋ apagsa luwiḥ, dèw rarasati, manugsma sastra wus.

19. nora paja kawĕntariŋ laṭi, ya ta kaŋ wirahos, wusiŋ sĕmbaḥ iŋ maṅké dyaḥ aṅgèr, ménakjiṅga wus amadĕg aji, prabhu urubĕsmi, bhumintara kasup.

20. arèntaḥ saminiŋ nrĕpati, wuḍu iŋ palugon, sarta paran yèn paṛĕŋ naḥ aṅgèr, urubĕsma suwitèŋ jinĕm mrik, owĕl lami lami, lalamban saŋ iŋ rum.

21. mamuṇḍuta sajoŋ sabĕḍati, kawula sumahos, pèni pèni raja pèni aṅgèr, guru bakal iṅkaŋ guru dadi, paran kaŋ dadyègsi, dasihé sumugun.

22. tan sumiṅggaḥ sapamuṇḍut gusti, śri bĕsma ataṅgon, sarta pantĕs akaṭaḥ wigñané, togiŋ prana kéṅiŋ dipun tagiḥ, kawula woŋ sĕgti, wuḍu iŋ apupuḥ.

23. yèn panduka tan arṣa iŋ mami, urubĕsma abot, datan wandé aṅlaṅgar jurité, dados karaŋ abaŋ mahospahit, tur tan wuruŋ paṅgiḥ, śri nata kĕcakup.

6. sinom

1. ṛĕtna dèwi rarasatya, sawusnya amahos tulis, waṣpa drĕs tumibèŋ jaja, kaŋ sĕrat sinĕbit sĕbit, dyaḥ matur awotsari, surahos tan yogi koñjuk, ḍapur sawĕnaŋ wĕnaŋ, aṅlamar paduka gusti, prabhu rara mèsĕm sajroniŋ wardaya.

2. nora talaḥ ménakjiṅga, bisa timĕn aṅlakoni, dadi wayaṅiŋ juwata, wusana saŋ prabhu dèwi, ṅandika mriŋ kya patiḥ, kinèn magĕlaran gupuḥ, saŋ dyaḥ tĕḍak siŋ ḍampar, sarwi riyak tibèŋ wuri, prabhu rara wus kondur mriŋ ḍatulaya.

3. kyana patiḥ magĕlaran, prayitna saguṅiŋ naṅkil, sira katbuta kotbuta, wus ajĕŋ ajĕṅan liṅgiḥ, tandya pawoṅan mijil, wilaja lan sĕpĕtmadu, matĕḍakkĕn nuwala, mawi uḷĕs tluki kuniŋ, ḍatĕŋ tuban tuwin wawaṅsul iŋ daha.

4. myaŋ sasĕbitan nuwala, ya ta wus tinampan sami, waṅsul ni sĕpĕt wilaja, dyan layaṅséta kumitir, sĕbitan nuwala glis, kinĕpĕl binantiŋ mawut, anèŋ ṅarṣaniŋ duta, riyak sarwi ṅusap rawis, dyan kumitir nĕpsuné tan kĕna ṅampaḥ.

5. mriŋ ki raṅga minaṅsraya, miwaḥ mriŋ ménak giyanti, kumitir pĕgsa anacak, mriŋ bhuta kotbuta patiḥ, datan kawrat iŋ kapti, mulat iṅkaŋ pĕgsa diguŋ, riŋ saŋ duta sudira, apasaŋ dènira liṅgiḥ, pĕgsa nĕsĕg rakité woŋ majaḷĕṅka.

6. grĕgét grĕgĕt aṅkatbuta, lir ditya anahut jalmi, oṛĕg woŋ iŋ bĕlambaṅan, sĕdya aṛĕṛĕmpon jurit, ya ta saŋ adipati, lugĕndèr alon amuwus, duta sira muliha, saŋ nata datan maṅsuli, umatura sasmita ajuriŋ sastra.

7. katbuta kotbuta mĕsat, asĕṇḍu dènnya lumaris, kuñcanira anĕrampat, kya patiḥ dènira liṅgiḥ, sawadyanira sami, asugal sasolahipun, aṅajab dadiniŋ praŋ, iŋ alun alun wus mijil, tandya buḍal dadamĕliŋ majaḷĕṅka.

8. woluŋ atus jajaranan, samarga ṅoboŋ oboṅi, siṅa kamargan rinayaḥ, paḍusunan marga tapis, nĕṅna kawarṇa maliḥ, duta nagri daha sampun, sinuŋ wawaṅsul mĕsat, nuwala kaŋ ḍatĕŋ tubin, arya simpiŋ iṅkaŋ bĕgta gagañcaṅan.

9. kocapa dyan ménak koñcar, kaŋ tĕtruka iŋ wanadri, iŋ sagarwa sĕlirira, saguŋ woŋ kaŋ sami ṅili, ṅumpul dadya satuṅgil, wus rinakit bitiṅipun, wus tigaŋ dalu dènnya, anèŋ tĕṅahiŋ wanadri, cinarita radyan dalu lampaḥ ḍuṣṭa.

10. roŋ puluḥ woŋ trunalanaŋ, kaŋ kinèn atĕṅga bitiŋ, sĕpaliḥ tumut rahadyan, mriŋ lumajaŋ ñidra pati, nuju saŋ urubĕsmi, mĕntas abubaran nayup, ya ta kapaṛĕŋ nĕndra, ménak koñcar aṅlĕbĕti, kaliḥ iṅkaŋ binĕgta woŋ trunalanaŋ.

11. déné iṅkaŋ kaṭaḥ kaṭaḥ, wus pininta pinta kardi, ñiluman iŋ prĕnaḥ samar, paṅamuknya kinèn ṅanti, maraŋ rahadyan mantri, yèn wus karuwan kapaṅguḥ, anigas ménakjiṅga, suwarèŋ dasiḥ, trunalanaŋ roŋ puluḥ kinèn.....

12. dyan mantri ampiŋ ampiṅan, wu[...]saŋ urubĕsmi, aṅaglaḥ dènira néndra, [...]nèŋ kasur sari, wus awas radyan mantri, wadya [...]kinantun, ménak koñcar nĕrajaŋ, uru[...]kahi, sinudukan éca aṅorok kéwala.

13. mukané cinacaḥ cacaḥ, tan pasaḥ datan ṅulisik, nétranira iṅuṛĕgan, gumilir tan mawi osik, samana amaṛĕṅi, saŋ prabhu bĕsma ṅalindur, radyan arya malumpat, ṅĕjlogi pawoṅan guliŋ, samya opyak sajroniŋ pura gumĕraḥ.

14. gègèrira awurahan, pasaṅgrahan klĕbon maliŋ, obor lir péndaḥ rahina, radyan saparané kègsi, woŋ bajo baroŋ aglis, woŋ goloŋ goṭaŋ maṅĕbyuk, dyan arya ménak koñcar, paṅamuké karo kĕris, siṅa iṅkaŋ katĕrajaŋ aṅgulasaḥ.

15. siṅa maju maju pĕjaḥ, kaŋ lumayu naṇḍaŋ kanin, sadaya woŋ trunalanaŋ, ṅamuk aṅulara gusti, rinampog datan osik, linamĕŋ pinĕḍaŋ milur, siṅa katrajaŋ pĕjaḥ, paṅamuké lawan kĕris, saya kaṭaḥ sumahap woŋ bĕlambaṅan.

16. radyan arya ménak koñcar, lumayu sarwi nuduki, sawadyané trunalanaŋ, lumayu amiyak biriŋ, ya ta radyan kasupit, milariŋ bata sumiyut, lajĕŋ atĕruntunan, wus añjog prapta iŋ jawi, sawadyané ana iṅkaŋ mĕdal lawaŋ.

17. wĕnèḥ nusup margi toya, warṇa warṇa ṅrĕbut urip, wĕnèḥ mañcik paḍa rowaŋ, gĕnti gĕnti anuluṅi, wus sami praptèŋ jawi, anti iṅanti wus kumpul, dyan arya mĕgap mĕgap mĕgap, sisiriŋ ṅébat ébati, kahupama damaré tan kĕna pĕjaḥ.

18. wadyanira trunalanaŋ, akaṭaḥ lajĕŋ gulintiŋ, sawĕnèḥ amĕgap mĕgap, watukira turut margi, wĕnèḥ sĕṅara sami, tobaté akambon apyun, bukan makanan oraŋ, trayoli uwoŋ madati, radyan arya sawadya mantuk iŋ wana.

19. pan sarwi agiyak giyak, amarṇa tiṅkahiŋ ṅuni, si binantaŋ sétan alas, sakĕrmin sakĕrbi añjiŋ, sudun tan ṅulipik, si drondosi asu buntuŋ, krañjiṅan sétan kawak, si luwak aṅgĕgilani, sun tatĕḍa olèha taṇḍiŋ prawira.

20. aṅlèlèḥ dyan ménak koñcar, aṇḍéprok piṅgir wanadri, lan wadyané trunalanaŋ, ṅariṅakĕn napas sami, ana wadyané siji, duk kala samaṅkatipun, apyuné dèrèŋ ṅantya, iṅuntal sĕlak lumaris, jriḥ sumaya apyun binuntĕl kéwala.

21. roŋ pés satali bobotnya, kaŋ satali wus dèn gigit, kaŋ sapés kinarya jimat, nèŋ ikĕt tugil sĕmahil, sadaya opyak sami, tiŋ saḷĕṇṭĕŋ mambu apyun, kaŋ bĕgta tinakonan, tan ṅaku mĕgsa dèn udi, woŋ satuṅgal ginujĕg maraŋ woŋ kaṭaḥ.

22. wus kapaṅgiḥ kaŋ pés pésan, nèŋ ikĕt binuntĕl brĕṇḍil, tandya iṅĕdum woŋ kaṭaḥ, iṅkaŋ gaḍaḥ mrĕbĕs mili, dyan arya gumya aṅliŋ, yèn wus prapta kuwon, sun lironi bot sréyal, sahiki aja ṅrĕdatin, sambuŋ umur iku otot tuṅgu ñawa.

23. warṇanĕn iŋ pasaṅgrahan, magsiḥ gumuruḥ swaratri, gègèr woŋ sapĕbarisan, prabhu bĕsma tan ṅulisik, ya ta kawarṇa éñjiŋ, kajinĕman daha rawuḥ, adipati sindura, sinéba busanèŋ jurit, sakèriné pra ménak lan pra dipatya.

24. wus kumpul abrĕdandanan, duta prapta awotsari, iŋ purwa madya wasana, saaturira wus titis, sarta ṅaturkĕn tulis, wawaṅsul iŋ majalaṅu, cinaṇḍak kaŋ nuwala, binuka sinugsmèŋ galiḥ, sasampuniŋ paman iŋ paṅèstuniṅwaŋ.

25. rèḥ paman atur wuniṅa, yèn si ménakjiṅga balik, paman nuwun iŋ paréntaḥ, dènnya arṣa magut jurit, laṅkuŋ tarima mami, naṅiŋ datan sagĕt iṅsun, paman aṅsuŋ paréntaḥ, wuruk wuruk kaŋ ṅlakoni, lamun ajriḥ paran gon sun murunĕna.

26. lamun purun sun tan wignya, amapag suraniŋ janmi, déné ta si ménakjiṅga, iŋ maṅké sampun ḍatĕṅi, paṅlamarṇya mriŋ mami, yèn sun ḷĕṅgana ginĕmpur, kinarya karaŋ abaŋ, paman nagri mahospahit, datan wandé ménakjiṅga riŋ praŋ.

27. waṅsul manira tatanya, aṅgĕpé paman mriŋ mami, iŋ maṅké kaananan, manira arṣa udani, titi tĕmbuṅiŋ tulis, saŋ dipati mijil kaŋ luḥ, sarya nuṅkĕmi sastra, wusana saŋ adipati, ciptanira umaṅkat yuda kĕnaka.

7. paṅkur

1. kapitiŋ tyas saŋ dipatya, réréhannya akaṭaḥ iṅkaŋ balik, pra ménak para tumĕṅguŋ, iŋ gĕmboŋ pasuruhan, iŋ trĕṅgalèk iŋ baṅil pan wus anuṅkul, saklaṅkuŋ dènira méraŋ, lawan iṅkaŋ kapiŋ kaliḥ.

2. cinacat kuraŋ grahita, awusana sinĕmon wĕdi mati, sami sakĕḍap wus dahut, buḍal sakañcanira, para ménak dipati para tumĕṅguŋ, akĕrig wadya iŋ daha, kadi ta séla blĕkiṭi.

3. yaṅyaŋ wrĕdu aṅga sasra, tĕṅara ṅrik awor ṅrikiŋ turaṅgi, gumĕntar kaŋ kalagañjur, cucukira iŋ lampaḥ, giwaṅkara iŋ malaŋ ika tumĕṅguŋ, sumambuŋ dipati ṅrawa, dyan arya suraṅgapati.

4. kalaṅbrèt ki nilasraya, aṅun aṅun iŋ wajak watuurip, iŋ panaraga sumambuŋ, kaliḥ bupatinira, éndrajala lawan ménak candrakètu, ya ta woŋ aguŋ iŋ daha, anitiḥ swandana èṣṭi.

5. sinoṅsoŋ asutra jĕnar, kawan nĕmbaŋ prajurit wani wati, sèwu gagaṅsiṅanipun, aran woŋ saradula, winĕkasan woŋ surabaya sumambuŋ, dĕmaŋ ṅabéi pra ménak, réréhané saŋ dipati.

6. sinawaŋ saṅkiŋ mandrawa, abra murup aṅlir wukir kabĕsmi, wĕnèḥ lir mĕṇḍuŋ lalaku, aṅlir sĕkar sĕtaman, winĕntara saḷĕgsa aṛĕbut puñjul, untapé kaŋ wadyakuswa, lir sĕgara tanpa tĕpi.

7. pramugariniŋ alaga, saŋ dipati sindura gĕŋ ṅajrihi, ḍasar pamulu ṅron ron puḥ, wuwuḥ jaja lir ṅobar, yèn sinawaŋ lir duryadana mapupuḥ, nétrandik lir surya kĕmbar, ṅagĕm limpuŋnya cinaṅkiŋ.

8. agĕmnya bindi nèŋ ṅarṣa, gotoŋ wolu tur wĕsi pulasani, sinĕrasaḥ abra murup, mĕnur manik dumilaḥ, sarya ṅagĕm turaṅga anèŋ iŋ ṅayun, aran pun jaṭa payudan, uḷĕsira maṅsi wariḥ.

9. kaliḥ agĕmnya iṅaran, pun subraṣṭa naté iṅagĕm jurit, aṅlarug iŋ tindakipun, nèŋ marga gagañcaṅan, mĕné gĕntya iṅkaŋ kinaṇḍa iŋ wuwus, ki raṅgalawé iŋ tuban, kaŋ lagya miyos tinaṅkil.

10. mĕṅgĕp anèŋ sokasana, p‍êpak saguŋ para arya pra mantri, dipati para tumĕṅguŋ, raṅga myaŋ para ménak, kaṇḍuruhan ĕmpu mĕlandaŋ bubuyut, pĕcattaṇḍa minaṅsraya, supĕnuḥ mantri iŋ tubin.

11. pasisir mañcanagara, samya p‍êpak sadaya anèŋ tubin, ménak binaroŋ tumĕṅguŋ, dipati garobogan, ménak ganda mĕstaka dipati waruŋ, iŋ dĕmak sliriṅan ménak, iŋ paṭi ménak widuri.

12. iŋ lasĕm ménak prĕmuja, iŋ balora ki ménak saṅgalaṅit, purbarana iŋ sĕdayu, tohpati iŋ lamoṅan, iŋ gaṛĕsik sawuṅgaliŋ ki tumĕṅguŋ, jipaŋ ménak kĕrtagñana, aglar saguŋ muṅgèŋ ṅarṣi.

13. saha bala sakuswala, amiranti sasikĕpiŋ iŋ jurit, raṅgalawé miṛĕŋ sampun, iŋ maṅké bĕlambaṅan, wus sahèstu ménakjiṅga mĕṣṭi purun, sakahit lan para raja, gilig lan para dipati.

14. maṅruraḥ surèŋ praŋ paḍa, aṛĕbut rok lawan iŋ mahospahit, mila pinĕpak sĕdarum, pasisir mañcapraja, éca lagya agunĕman patihipun, dyan arya jayakusuma, kasaru dutèndra prapti.

15. dyan arya sasimpiŋ sarya, muṇḍi sastra miyak saguŋ kaŋ naṅkil, dipati tuban agupuḥ, tĕḍak saṅkiŋ kurṣinya, kaliḥ gĕpaḥ saŋ arya simpiŋ amuwus, ki raṅga tampi timbalan, kaŋ paṅèstu prabhu dèwi.

16. ḍumawuḥ iŋ jĕṅandika, lawan maliḥ gusti pariŋ sastra di, gĕpaḥ tampi matur nuwun, ri wusnya tata ḷĕṅgaḥ, gya binuka nuwala udayèŋ tĕmbuŋ, paman paṅèstu manira, ḍatĕṅa paman dipati.

17. sampuniŋ kadya punika, wiyosipun ulun aṅsuŋ udani, ménakjiṅga madĕg ratu, saha ṅlamar mariŋ waŋ, yèn tan purun iŋ majapahit ginĕmpur, kawula sumaṅga paman, pasraḥ nagri mahospahit.

18. sintĕn mapagĕna iŋ praŋ, iṅkaŋ yogya namuŋ paman dipati, sun darma jumĕnĕŋ ratu, paman iṅkaŋ kawogan, mugĕriŋ rat ṛĕṛĕntĕṅiŋ praja hayu, manira sumaṅga paman, wus titi tĕmbuṅiŋ tulis.

19. brĕmantya dipati tuban, wadana brit sumyak lir wora wari, jaja baŋ maṅlatu latu, kadya blĕḍos winulat, ciṅak saguŋ pra dipati pra tumĕṅguŋ, goyaŋ siŋ paḷĕṅgahira, pan sarwi aṅusap rawis.

20. sinamun saya kawĕntar, sasĕmutĕn sarira ṅĕmu gĕtiḥ, sĕrat iṅidrĕkĕn sampun, gantya manugsmèŋ diya, warṇa warṇa pra ménak lan pra tumĕṅguŋ, sawĕnèḥ mijil kaŋ waṣpa, sawĕnèḥ kaŋ waja gaṭik.

21. ṅiŋ tan kawĕntar iŋ sabda, tiŋ baṛĕṅkuḥ samya aṅajap jurit, sigra luluwaran sampun, sarya ubaya maṅkat, radèn jayapuṣpita swarèŋ wadyaguŋ, prajurit woŋ dulaŋ maṅap, kalawan woŋ juḍipati.

22. akalawan woŋ tramtraman, sarawisa saḍiya iŋ ajurit, ki raṅgalawé wus kondur, tansaḥ kĕkaṇṭèn asta, lan dyan arya sasimpiŋ aruntuŋ runtuŋ, bisik binisik sumrasaḥ, adu sĕmu paḍa luṅit.

23. gya pinarak iŋ paṇḍapa, saŋ dipati lawan arya sisimpiŋ, iŋ purwa wusananipun, dinaṅu mriŋ dyan arya, amaṅsuli sasanès karyanya rampuŋ, maṅgut raṅgalawé tuban, tan mawi maṅsuli aṅliŋ.

24. wus mijil iṅkaŋ taḍahan, kampuḥ biṅgĕl botor lan ali ali, paniṅsĕt cĕlana sampun, tinampan mriŋ dyan arya, tandya ṅuñjuk ḍaharan dĕḍaranipun, kĕmbul saambĕŋ kaliḥnya, kaŋ ṅladosi para sĕlir.

25. miwaḥ kaŋ para bĕḍaya, lagi ana surya bisikan miṅiŋ, kaŋ gĕṇḍiŋ slukat binaruŋ, ṛĕbab suliŋ maṅraras, saŋ dipati dènira ḍahar aṅinum, sabĕn sabĕn katamuan, woŋ aguŋ miwaḥ bupati.

26. maṅkana yèn añugata, mila iṅkaŋ wadya sami wĕdyasiḥ, réréhannya para ratu, sĕdéné pra dipatya, para ménak ambĕg marta amoŋ tuwuḥ, miwaḥ tamuan paṇḍita, adamĕl gunĕm sĕmèdi.

27. sawusira bojakrama, dyan sasimpiŋ sinuŋ waṅsulan gya mit, mĕsat saha bala dahut, lampahé gagañcaṅan, aprayitna dyan arya sabalanipun, kunĕŋ maliḥ kawarṇaa, saŋ adipati iŋ tubin.

28. nimbali santananira, kasalira pamomoŋnya dyan kaliḥ, kaŋ wasta ki dĕmaŋ gaṭul, sĕpuḥ cucut iŋ sabda, praptèŋ ṅarṣa kaŋ putra kinèn anuṅkul, ḍatĕŋ wana pĕgrogolan, ḍasar tatumpon wus lami.

29. dĕmaŋ gaṭul sigra mĕsat, radyan kaliḥ iṅaturan mriŋ wanadri, makat lan panakawan wus, asikép towok kantar, panaḥ pasrĕ suligi sawadyanipun, ḍasar samya warganira, dyan kaliḥ nĕḍĕŋ birahi.

30. cĕṅkrama saṅsam andaka, kĕbo danu siniwo iŋ turaṅgi, wulaṅé kaŋ rama rampuŋ, radyan wus linampahan, wasis olaḥ turaṅga anandĕr mampruŋ, oñclaŋ magĕbaŋ manumbak, supitiŋ wéwéka ṅĕntiŋ.

31. tuwan yèn asikĕp pĕḍaŋ, myaŋ sañjata tuhu yèn aṅĕnèni, sĕdéné iŋ ḍaratipun, rikat trampil traṅginas, tahu ijèn iŋ baṇṭèŋ minuṅsuḥ ḍuwuŋ, lumpatira kadi kilat, yèn ṅañcap aṅrĕspatèni.

32. manuduk sarwi amilar, mila laṅkuŋ ṛĕnanira iŋ galiḥ, paṅgulaṅiŋ rama rampuŋ, lésan sabaraŋ lésan, mahin pĕḍaŋ atĕnapi mahin gañjur, wus laju mriŋ pagrogolan, mĕgatruḥ kaŋ anèŋ wuri.

8. mĕgatruḥ

1. wus sadintĕn sĕdalu dènya ṅimur kuŋ, sira dipati iŋ tubin, mriyĕmbada para arum, agantya sinawuŋ iŋ siḥ, tuhu bahut asmarèŋ don.

2. aṅiŋ garwa pupuñcĕriŋ tyas kaŋ kantun, dènnya aḍatĕṅi iŋ siḥ, iŋ maṅké saŋ dyaḥ iṅimur, ṛĕtna dèwi banowati, gĕpaḥ sinambut jinĕm rom.

3. laḥ kantuna gusti mamanisiŋ arum, pun kakaŋ aminta jurit, maminta sihiŋ saŋ iŋ rum, mapag woŋ sura sinĕgti, widigbyèŋ rat iŋ palugon.

4. tan tumama iŋ braja tapakiŋ palu, gurénda sisaniŋ kikir, sèwu tan loro kaŋ purun, mriŋ ménakjiṅga ta yayi, muŋ iṅsun purun siliḥ rok.

5. yèn ta aṅsal paṅèstunira mas iṅsun, sarta tampi sihiŋ gusti, tĕḷĕṅiŋ pinujyèŋ kayun, ywa tansaḥ mindĕl woŋ kuniŋ, baya pun kakaŋ rinĕṅon.

6. iya apa suwadiné duka mriŋ sun, pun kakaŋ ataḍaḥ runtik, suka sinĕṛĕŋ alulut, kinuñjara iŋ jinĕm mrik, maṅèstu pada sumahos.

7. nadyan akèḥ yayi iṅkaŋ para um, tĕnapi kaŋ para sĕlir, nora paja paja iṅsun, saŋ dyaḥ iŋ aṅin ṅèmprĕri, andika guruniŋ sinom.

8. wilutama iŋ swarga ṛĕbutan pasmun, taṇḍiṅa rumiŋ mamanis, yayi tan mantra mèmprĕ kuŋ, saguṅiŋ kaŋ widadari, pantĕs añèṭi saŋ sinom.

9. muŋ andika gusti kaŋ asiḥ mriŋ kakuŋ, aṅratoni iŋ wawaṅi, muṣṭikaniŋ asmarèṅsum, pun adipati iŋ tubin, pan sinihan iŋ sugsmanon.

10. pinariṅan garwa tutuṅguliŋ patut, sasotyané luwĕs manis, kumaraniŋ widasantun, pinuji iŋ hyaŋ pramèṣṭi, nitis andika mas iṅoŋ.

11. ciptaniṅsun yayi muŋ andika maṣku, aṅabdi abdi sayĕgti, tan rumahos garwa iṅsun, iŋ ariloka mas gusti, pun kakaŋ malawijaṅron.

12. lamun cidra tĕṅrĕrana iŋ sahumur, iŋ ariloka wak mami, tagihĕn ṅarṣa dèwa guŋ, yayi yèn ginaliḥ lamis, pun kakaŋ tumamèŋ pakon.

13. paṅèstulun iŋ gĕsaŋ pan namuŋ catur, kaŋ ḍihin hyaŋ sugsmana di, kapiṇḍo dyaḥ ratu ayu, kapiŋ tri dika woŋ kuniŋ, baku titisiŋ krahahon.

14. ciptaniṅsun iṅkaŋ amriḥ ayu ayu, iṅkaŋ mupaṅat iŋ bhumi, pujiku jaṅkĕpnya catur, éwa maṅkono ta gusti, pĕpĕt pĕpĕtiŋ ciptèṅoŋ.

15. kaŋ gumarit muŋ andika iŋ sir suwuŋ, suwuṅé yayi ṅlimputi, kahana wujudiŋ arum, kaŋ momor sajroniŋ mèdi, muŋ dika saŋ murtiniŋ ron.

16. saŋ dyaḥ daṅu iṅimur jroniŋ tilam rum, pinaṅkya iŋ kasur sari, sĕmaŋ driya kapiraṅu, kawlasĕn sĕpdaniŋ laki, nambaŋ liriŋ turiranor.

17. aḍuḥ gusti saŋ dipati nuwun sampun, kapuṇḍi sihiŋ akrami, wratiŋ tyas tinilar pupuḥ, ulun datan sagĕt kèri, mĕnaŋ tiwas iŋ palugon.

18. ulun tumut yèn layon tuṅgil capuruŋ, yèn uṅgul kula ṅladosi, mawoṅan madyaniŋ pupuḥ, sukaŋ saŋ kakuŋ namur siḥ, aṅrĕs binaruŋ sĕbda lon.

19. nora kamas aṅgĕr kaŋ gĕtir juruḥ, kasuwun kapuṇḍi puṇḍi, kasugsmana wrĕdayèŋ kuŋ, woŋ ayu trĕsna iŋ laki, kĕdyarṣa milyèŋ palugon.

20. yĕgti rikuḥ sèḍèŋ pamĕḷĕṅiŋ pupuḥ, maṅsa kobrĕra ṅladèni, aṅgèr mriŋ andika maṣku, baya duruŋ babak busik, wadya guŋ sun tĕkèŋ layon.

21. salabĕtiŋ paṅèstu pujwa mantra nrus, sun tan étaŋ baya pati, katoṅton manisiŋ pasmun, èsĕmé gumarit ati, képyan iṅrĕriŋ palugon.

22. dèn pracaya yayi gon iṅsun praŋ pupuḥ, yèn rinusak jawata di, nora piliḥ marganipun, tan kĕna dipun palaṅi, aṇḍap tiwasiŋ palugon.

23. wus pinaṣṭi jañjiné tan kĕna wuruŋ, yèn rinĕgsa sugsmana di, sapa bisa ṅrusak mriṅsun, yèn kinarya uṅgul jurit, sapa klar muṅsuḥ lan iṅoŋ.

24. balik yayi liṇḍuṅna maraŋ hyaŋ aguŋ, sapaṅrèḥ darma ṅlakoni, myaŋ aṇḍap uṅguliŋ pupuḥ, dudu pakaryaniŋ janmi, atas karṣaniŋ sugsmanon.

25. saŋ dipati ṅrakĕti jwala paṅuṅrum, ṅladosi gantyaniŋ ari, aluwĕs sasolaḥnya lus, ṅĕsĕp ĕsĕp pasaŋ liriŋ, lir brĕmara maṅuswèŋ ron.

26. ñĕñĕt manis saŋ kakuŋ iṅkaŋ pitĕmbuŋ, maṅranu padaniŋ ari, naḥ aṅgĕr jimatiŋ ulun, muṣṭikaniŋ adi luwiḥ, muŋ dika gusti sun ĕmoŋ.

27. wusanané muŋ andika akèn wuruŋ, pun kakaŋ tan èstu jurit, prandéné para tumĕṅguŋ, pra ménak para dipati, p‍êpak lir jalanidi rob.

28. lawan bĕnrĕ pamintanira masiṅsun, ala kinèn wuruŋ jurit, naṅiŋ wus karṣaniŋ ratu, éwa maṅkono mas yayi, wuruk wuruk karṣaniṅoŋ.

29. prabhu rara pantĕs aṇḍahar rèḥ iṅsun, sĕnadyan wuruŋ ajurit, pun kakaŋ sayĕgti saṅgup, piraṅbara tĕmbé yayi, nĕmtokakĕn praŋ madu ṅron.

9. ḍaṇḍaŋgula

1. saŋ dyaḥ ñiwĕl aturṇya mikat siḥ, kagawokan lamun duwé sabda, tur iku lalamis bahé, méndaḥ surakiŋ muṅsuḥ, yèn ta lamun woŋ aguŋ tubin, yèn tan miyos kĕlagan, ṅèsĕman déwa guŋ, prajurit añjayèṅrana, muŋ cacadé tan asiḥ adarbé cèṭi, nora nimbaṅi trĕsna.

2. sun tatĕḍa iŋ siyaŋ myaŋ ratri, sun bubuntar nèŋ padoniŋ kuñca, aja pisaḥ lan ḍèwèké, naṅiŋ tan pinilahur, winastanan ṅribĕdi jurit, saŋ kakuŋ ṛĕsĕp mulat, mèsĕm maṅuswèŋ guŋ, kaŋ guywa binaruŋ sabda, nahiŋ aṅgèr kaŋ nora nora ginaliḥ, méndaḥ yèn maṅkonowa.

3. nora liwat gusti woŋ akuniŋ, ginaliha utamaniŋ yuda, lir woŋ sĕmèdi ciptané, iku pamĕndĕŋ anrus, pĕndadaran sugsmana luwiḥ, tan kĕna maro tiṅal, ḍompo wawasipun, sĕdéné yèn tĕkèŋ ajal, kuraŋ budi karon utamaniŋ pati, cinĕla sugsmanoṅsa.

4. bènèḥ lawan pati kaŋ patitis, trusiŋ tiṅal tĕkèŋ kawisésan, aṅgulaṅguŋ kaswargané, mas miraḥ ariniṅsun, dipun pasraḥ kaŋ murbèŋ urip, sagĕlar isiniŋ rat, tan liyan woŋ ayu, amuŋ siḥ dika kusuma, sun karyané aṅgèr saṅuniŋ ajurit, minaṅka tumbaliŋ praŋ.

5. maṅuswèŋ dyaḥ ṅĕsĕs nambaŋ liriŋ, anoragèŋ lumèṅsèr siŋ paṅkyan, winor iŋ èsĕm dĕliṅé, bok sampun saŋ binagus, mriyĕmbada maraŋ iŋ cèṭi, apa tan bosĕn mana, woŋ wus paḍa sĕpuḥ, bok tĕpuŋ sanak kéwala, nora isin putrané titiga sami, tur paḍa wus diwasa.

6. saŋ dipati sĕbdanira manis, nahiŋ aṅgèr duk paṅrasanira, abènèḥ lawan yĕgtiné, sĕkati putraniṅsun, kakaṅira pantĕsé ṅaḍi, mas miraḥ lawan sira, pinĕṣṭi déwa guŋ, gĕsaŋ dèn tumĕkèŋ léna, ṅariloka dèn tulus woŋ loro ṛĕsmi, sĕṅsĕm andon asmara.

7. yèn sun dulu maraŋ sira yayi, kaya duk añar duruŋ sawarṣa, lami sayimbuḥ ḷĕṅĕsé, duk putra siji wuwuḥ, mamanisé ya nusuli, paputra kaliḥ wêwaḥ, iṅuṅsi sumyarum, paputra tiga mas miraḥ, kumarané luwĕs mĕsĕs amiḷĕt siḥ, ṅumpul mriŋ banowatya.

8. sriniŋ bhuwana lan sriniŋ manis, pasraṅkara myaŋ sriniŋ sasékar, ṅumpul maraŋ dika kabèḥ, sriniŋ kaswargan pitu, sriniŋ widadari wus ĕntiŋ, ṅumpul iŋ banowatya, gusti miraḥ iṅsun, midrĕ riŋ rat tanpa sama, sumraḥ rumnya gaṇḍaṅé aṅrĕspatèni, ṅĕbĕgi nagri tuban.

9. kĕmanisĕn ṛĕtna banowati, sinugun sugun pinujwèŋ tilam, ḷĕṅlĕŋ ṅĕṅlĕŋ iŋ driyané, lir saraḥ muṅgèŋ ranu, wus rumojoŋ karṣaniŋ laki, wimbuḥ iŋ kadrĕsanan, kagunturan madu, winayaŋ susila braṅta, amartani iŋ rèḥ kasmalaniŋ ṛĕsmi, maharṣèŋ tama sabda.

10. pan kacatur kaŋ anèŋ jinĕm mrik, wus dumugi gènnya pulaŋ laras, éñjiŋ gumĕntar swarané, tĕṅara muŋ gumuruḥ, kaŋ kĕṇḍaŋ goŋ tambur lan bèri, salumprèt munya ṅraras, tĕtĕgnya lir kĕtug, sumahab kaŋ pra bupatya, balakuswa pra ménak raṅga ṅĕbèhi, aglar muṅgèŋ paséban.

11. sajuru juru saguṅiŋ dasiḥ, anéka néka dinulu sinaŋ, satuṅgul kumlap layuné, lir obar abir kuwuŋ, kaŋ kĕkaṇḍa bandéra asri, pĕnuḥ wadya iŋ tuban, aglar ṅalun alun, dyan arya jayapuṣpita, minta minta mamataḥ lakuniŋ baris, ya ta saŋ adipatya.

12. wus aṅrasuk kapraboniŋ jurit, saŋ dipati pinarak paṇḍapa, kinubĕŋ para garwané, saŋ banowati ayu, lir mintuna kĕlawan mimi, dahat tan kĕna bĕṅgaŋ, saŋ dipati bagus, aṅĕlipur paribraṅta, ṛĕbut manis kaŋ pra garwa para sĕlir, sinrambrama iŋ sabda.

13. putranira saŋ ṛĕtna sĕkati, tansaḥ rinaṅkul ḍatĕŋ kaŋ rama, winaṅwaŋ waṅwaŋ citrané, lir suṅgiṅan winaṅun, krahosiŋ tyas dipati tubin, apan kadi sinĕṇḍal, kaŋ putra iṅimur, ḍasar guṅan iṅla ĕla, ya ta garwa kaŋ putra lan para sĕlir, ri wusnya nugsmèŋ pada.

14. alon maṅkat riŋ saŋ adipati, ginaṛĕbĕg para garwanira, putra amboṇḍèt soṇḍèré, kĕkaṇṭèn asta muṅguḥ, lan kaŋ garwa saŋ banowati, kaṇḍĕg nèŋ parégolan, ki raṅga nĕbda rum, laḥ kantuna miraḥ iṅwaŋ, nahiŋ aṅgèr pun kakaŋ umaṅkat jurit, sun minta jampi braṅta. 15. saŋ dyaḥ mucaŋ muluŋ saṅkiŋ laṭi, tinarimèŋ waja saŋ dipatya, maṅrĕs maṅraṅkul garwané, kadya pĕkṣi ataruŋ, daṅu dènnya amĕgat iŋ siḥ, pan sami èsmu waṣpa, sadaya pararum, ya ta iṅkaŋ kawarṇaa, saŋ dipati wus pinarak pañcaniti, aglar iṅkaŋ suméwa.

16. ménak raṅga myaŋ para dipati, kinèn maṅkat saha wadya buḍal, kaŋ gĕṇḍiŋ tinĕmbaŋ ramé, kalantaka jumĕgur, kadya gĕraḥ swaraniŋ janmi, lir suluŋ mĕdal éñjaŋ, èbĕg wor supĕnuḥ, tan kaliru prĕnahira, wijaḥ wijaḥ asĕlur agoloŋ pipit, makupu kupu atap.

17. pasraŋ gurṇitaniŋ kaŋ kuswa śri, pañjraḥ bajra prakaṭa lir gĕraḥ, sumahap patya wèṣṭiné, ywa na sriniŋ mawa gyut, piraŋ piraŋ winulat kadi, tataru iŋ udaya, kamaṅsaniŋ catur, kaŋ dadya cucukiŋ lampaḥ, kĕrtagñana iŋ jipaŋ sumambuŋ wuri, tohpati iŋ lamoṅan.

18. sawuṅgaliŋ gaṛĕsik nambuṅi, gya cumuṇḍuk arya purbarana, sĕdayu ya ta wuriné, saṅgalaṅit tumĕṅguŋ, iŋ balora iṅkaŋ nambuṅi, ṅlasĕm ménak prĕmuja, sumuṇḍul iŋ puṅkur, ménak sliriṅan iŋ dĕmak, sinambuṅan ménak widuri iŋ paṭi, tandya wadya iŋ tuban.

19. sarawisa araniŋ prajurit, sèwu sikĕp biriŋ lawan tiṅgar, sinambuṅan iŋ wuriné, dulaṅmaṅap pañca tus, sikĕp kĕrbin iṅkaŋ sĕpaliḥ, saparo ḍaḍap kantar, towok oṇḍé tulup, sinambuṅan woŋ trantaman, satus samya wisésa sikĕp jĕmpariŋ, jamaŋ mas kinartipa.

20. wuri pisan iṅkaŋ anambuṅi, kawandasa prajurit iṅaran, joḍipati andĕl tos tos, ḍarat asikĕp gañjur, gagaḥ gagaḥ prakosèŋ jurit, brĕṅos goḍèg plawaṅan, tur samya guŋ luhur, rampèt polèŋ kuluk cawaŋ, ababaḍoŋ kotaŋ jro baludru laṅkiŋ, tahu tinataḥ mĕndat.

21. pinétaran gèbèg nora osik, taha taté akĕramas obat, aṅrĕmpak gañjur luṅidé, wurinira sumambuŋ, upacara samarga asri, lanté gĕṇḍaga bawat, kuṭuk lawan kacu, tĕnapi kandil lantaran, tandya tindakira riŋ saŋ adipati, amuṅkur durmèŋ ṅarṣa.

10. durma

1. kaŋ minaṅka pramugariniŋ alaga, sira saŋ adipati, mĕṅgĕp nitiḥ kuda, ḍawuk ran sariyuda, pinaṅaṅgyan sarwa rugmi, solaḥ wiraga, asoṅsoŋ mliyo kuniŋ.

2. yèn sinawaŋ lir sasrabahu maṅsaḥ praŋ, makuṭa bra ṛĕtna di, murup kaŋ ujwala, kĕñar liriṅiŋ nétra, méraŋ hyaŋ prataṅgapati, kinariŋ cahya, nĕṅgiḥ minuni sari.

3. kudanira aṇḍuṅan kaŋ anèŋ ṅarṣa, aran pun saṅupati, uḷĕsnya ḍawuk baŋ, taté iṅagĕm apraŋ, gulaŋ gulaŋ amĕrapit, dipati tuban, kadya binayaṅkari.

4. ginaṛĕbĕg iŋ mantri para santana, soṅsoŋ mawarṇi warṇi, lir krĕṇḍa maṅlayaŋ, èbĕg busana raras, piraŋ piraŋ kaŋ kuswasri, radèn apatya, jayapuṣpita pĕkik.

5. amĕkasi iŋ wuri amaṅku wadya, ṅirit kaliḥ dipati, binaroŋ grobogan, waruŋ ganda mustaka, pratiṣṭa rahadèn patiḥ, nitiḥ turaṅga, aran pun layarwariḥ.

6. sinoṅsoṅan dyan arya maliyo jiṅga, jamaŋ mas winarja śri, ginaruḍèŋ wuntat, arumbiŋ gagĕŋ kéntar, sĕmbada dĕdĕg ṛĕspati, jĕnar bĕrañak, lir sadéwa ajurit.

7. sampun dahut sadaya kaŋ maṅkat apraŋ, lir hyaŋ séla blĕkiṭi, wĕrdu aṅga sasra, mawukir guntur agra, pañjraḥ kumilatiŋ rawi, sakiŋ guṅira, lir péndaḥ kilat ṭaṭit.

8. rindik rindik gonastra aṅgana raras, tuṅgul kĕkaṇḍa asri, lalayu bandéra, hyaŋ hyaŋ ḷĕṅkawa téja, saṅkiŋ mandrawa kahègsi, kaŋ balakuswa, lir jalaniḍi ṅaliḥ.

9. asri tinon kaŋ busana warṇa warṇa, kaŋ kuniŋ paḍa kuniŋ, aṅrok tiniṅalan, lir poḍaŋ sèwu nĕba, samya baŋ sinaŋ lir agni, kaŋ sarwa séta, lir kuntul nĕbèŋ wariḥ.

10. wuṅu goloŋ lir mĕṇḍuŋ ṅĕmu ludira, kaŋ ijo ijo asri, lir bèṭèt sayuta, kaŋ biru biru samya, lir mĕṇḍuŋ tumibèŋ siti, wĕnèḥ kaŋ samya, aṅaṅgo sora sari.

11. lir mañura raraton lamun sinawaŋ, kaŋ laṅkiŋ ṅumpul laṅkiŋ, lir ḍaṇḍaŋ sayuta, tuhu manéka néka, lir sĕkar sĕtaman asri, untapiŋ bala, lir sèwu guntur ardi.

12. gantya kawarṇaa saŋ śri urubĕsma, ri sĕḍĕŋnya tinaṅkil, para raja miwaḥ, nata arya pra ménak, ménak raṅga lan ṅabèhi, kaŋ sinraṅsaya, dĕmaŋ raṅga bupati.

13. para ḍahèŋ para andĕl para luraḥ, tinon awarṇi warṇi, wĕnèḥ lir rasĕgsa, wĕnèḥ aṅlir andaka, wĕnèḥ kadya gajaḥ srĕṅgi, wĕnèḥ lir siṅa, baroŋ dèn babasahi.

14. kaŋ sawĕnèḥ pinaṅku jajéṅgotira, brĕṅos macarak sisiḥ, goḍèg wok plawaṅan, simbar lir babaroṅan, busana mawarṇi warṇi, wĕnèḥ makuṭa, kĕñcana kaŋ kinardi.

15. kaŋ sawĕnèḥ tatopoŋ aṅlir gupala, praba mariṅiḥ riṅiḥ, dinulu lir paraŋ, tĕbaḥ jaja asinaŋ, babaḍoŋ awañci wañci, kadi gupala, tĕkĕs mawarṇi warṇi.

16. jamaŋ suṅsun sumuṅsun abra asinaŋ, sawĕnèḥ uḍĕŋ gilig, sapupu gĕṅira, rinénda iŋ kañcana, sasumpiŋ mawarṇi warṇi, wĕnèḥ kañcana, rinéka surèṅpati.

17. kaŋ sawĕnèḥ piṇḍa sĕkar kanigara, sawĕnèḥ gajaḥ ṅuliŋ, sawĕnèḥ sumpiŋ mas, cara puḍak satĕgal, sawĕnèḥ iṅkaŋ sasumpiŋ, masĕkar sĕkar, gogoḍoṅan wanadri.

18. kaŋ sawĕnèḥ rinaṅkĕp iṅkaŋ curiga, rinaṅkĕp cara bali, anracak sadaya, ukirannya kĕñcana, rinéka mawarṇi warṇi, iṅkaŋ satĕṅaḥ, sagolèk gĕŋ ṅajrihi.

19. maṅaḥ maṅaḥ lir nahut lambuŋ winulat, wĕnèḥ ñuriga bindi, kaŋ sawĕnèḥ pĕḍaŋ, pĕḍaŋ saḍĕpa ḍĕpa, ana iṅkaŋ géṇḍoŋ krĕbin, kaluŋ bĕḍama, wĕnèḥ gada sinaṇḍiŋ.

20. kaŋ sawĕnèḥ rambuté pinara tiga, cinakot kaŋ sapaliḥ, prajurit balabar, aran woŋ goloŋ goṭaŋ, bajo baraŋ kanan kériŋ, woŋ gaṭodara, juraṅgaṭo nisihi.

21. macanambal carukdĕṅguŋ surarayaḥ, miwaḥ woŋ cukilmanik, rujakpolo lawan, surabĕṭot mĕlatar, samya iṅuguŋ iŋ gusti, sawĕnaŋ wĕnaŋ, saguŋ woŋ ṅajap jurit.

22. prabhu bĕsma dumugi siniwagara, kasukanira ṅĕntiŋ, giyak andrawina, kasaru praptanira, katbuta kotbuta patiḥ, asigra sigra, miyak saguŋ kaŋ naṅkil.

23. kagyat mulat saŋ nata iŋ praptanira, duta patiḥ nèŋ ṅarṣi, laḥ ta paran bapa, sira mriŋ majaḷĕṅka, ṅaturakĕn surat mami, mriŋ sotyaniŋ rat, ḍénok woŋ añjukiniŋ.

24. kaŋ kahègsi iŋ siyaŋ dalu katiṅal, ratu mas majapahit, kaŋ akarya rimaŋ, wèḥ édan karuṅruṅan, kaŋ gawé ṛĕntĕṅiŋ ati, katiga dawa, kĕsĕl aṅĕluk gigir.

25. agé arṣa ṅĕmban ratu majaḷĕṅka, matura bapa patiḥ, sira gawa sastra, wawaṅsulé saŋ ṛĕtna, prabhu dèwi mahospahit, kotbuta nĕmbaḥ, gusti tan aṅsal kardi.

26. sĕrat daḷĕm sampun katur prabhu kĕña, gusti kaŋ nugsmèŋ tutulis, santananiŋ nata, wanodya ayu éndaḥ, aran dèwi rarasati, wusananira, ponaŋ sĕrat sinĕbit.

27. apan ṅantya prabhu rara luluwaran, ulun tan dèn waṅsuli, ḍatĕŋ prabhu rara, wusana layaṅséta, maṅsuli pupucuk jurit, apĕgsa lanaŋ, ayya ṅuṅkurkĕn jurit.

11. paṅkur

1. ya ta prabhu urubĕsma, duk miyarṣa aturṇya kyana patiḥ, sakĕlaṅkuŋ dukanipun, idĕp maṅada ada, wadanabrit kiṭal wor suḥ wuwusipun, wus pinaṣṭi iŋ juwata, tan kĕna ginawé bĕcik.

2. nagara iŋ majaḷĕṅka, nora wuruŋ sun karya karaŋ abrit, déné ṅrĕgĕdi ḍaḍĕṅkul, iya si layaṅséta, kumasura aṅajab dadiniŋ muṅsuḥ, ĕṇḍasa sèwu sĕnadyan, rupowa bhuta sakĕṭi.

3. kaŋ kaya si layaṅséta, sun tan ulap tĕka kĕpati pati, aṅĕṇḍĕgkĕn surat iṅsun, sĕdèné rarasatya, kumalañcaŋ anĕbit nuwalaniṅsun, lumuḥ bosĕn iŋ agĕsaŋ, si binantaŋ gégé pati.

4. yèn ta si sĕsotyaniŋ rat, mokal lamun anampik maraŋ mami, tan kĕna ginawé hayu, lamun nampik mariŋ waŋ, aṅkatbuta kotbuta nĕmbaḥ umatur, ḷĕṛĕs gustiku śri bĕsma, amba gusti dèrèŋ uniŋ.

5. yèn siniwi prabhu kĕña, dèrèŋ naté katiṅal miyak samir, amuŋ sapraptaniŋ ulun, aṅlèla miyak gobaḥ, mañcĕr liriŋ mriŋ kawula saŋ aprabhu, tĕrṣaṇḍa paṅgiḥ kawula, dènira akarya sandi.

6. rarasati layaṅséta, kumapurun adiguŋ kumasĕgti, déné ta saŋ ratu ayu, katĕmbèn iṅsun mulat, iŋ citranya kawula tan sagĕt muñjuk, lir gambar jroniŋ supĕna, sĕjagat tan aṅsal kaliḥ.

7. śri bĕsma kadya iṅuṅgar, sigra kinèn nĕmbaŋ tĕṅara jurit, sawadya iṅatag dahut, gumĕntar salaŋ tuñjaŋ, nata lampaḥ sabalakuswa nuŋ anuŋ, saha bala sadipatya, gumrĕgut atata baris.

8. kawarṇaa prabhu bĕsma, sampun ṅrasuk sakapraboniŋ jurit, para garwa sĕlir maṅguŋ, tata kaprajuritan, tandya miyos wahu ḍatĕŋ tarup aguŋ, saŋ nata sagarwanira, saha maṅguŋ para sĕlir.

9. majĕmur taṅara gumraḥ, kaŋ kĕṇḍaŋ goŋ tĕtĕg mawanti wanti, sañjata mriyĕm gumluḍug, pracina maṅkat iŋ praŋ, kaŋ gora rèḥ kaŋ suwara gumaluḍug, bĕḍol sakala sumahab, śri bĕsma anitiḥ èṣṭi.

10. séta galaknya kagila, aranira pun palwaga ṅajrihi, soṅsoŋnya mañura suṅsun, pratiṣṭa saŋ śri bĕsma, agĕmira bindi pusaka amuṅguḥ, tan pisaḥ muṅgèŋ matĕṅga, para garwa maṅguŋ sĕlir.

11. kawan dasa muṅgèŋ ṅarṣa, warṇa warṇa wahananira sami, sawĕnèḥ anitiḥ crupuŋ, wĕnèḥ joli jĕmpana, kaŋ sawĕnèḥ bĕḍati tihanipun, wĕnèḥ gĕrboŋ ya iṅkaŋ, titiga kaŋ pramèswari.

12. pan samya anitiḥ liman, kaŋ paṛĕkan pawoṅan para cèṭi, anitiḥ kuda sĕdarum, samarga gagañcaṅan, saŋ śri bĕsma asaṅĕt paréntahipun, pacuan moŋ muraŋ dalan, miwaḥ woŋ lèrèn iŋ margi.

13. wadyabala bĕlambaṅan, aṅlir gunuŋ bañjir lalaḍu bĕlis, lir suluŋ katiban jawuḥ, umèp maṅambak ambak, yutan wĕndran maalas magunuŋ gunuŋ, gĕmpur atĕmahan ratan, juraŋ miwaḥ kali kali.

14. kèdĕg kèḷĕs iŋ kuswala, saguṅira wadya mañca bupati, sigra blambaṅan kapuṅkur, sĕdalu ḷĕṛĕp marga, éñjiŋ buḍal iŋ prabaliṅga wus rawuḥ, kawarṇa dipati daha, prabaliṅga dènnya baris.

15. sampun amiyarṣa warta, ménakjiṅga iŋ prabaliṅga prapti, éñjaŋ kaŋ swara gumuntur, sumrĕg kaŋ bala buḍal, mapag iŋ praŋ tan ana kaŋ ṅucap takut, ya ta riŋ saŋ urubĕsma, nèŋ prabaliṅga saratri.

16. éñjiŋ umaṅkat sumĕdya, ṛĕṛĕp anèŋ pasĕḍahan nĕgari, sabalakuswa wus dahut, makĕṭi kĕṭi yutan, woŋ baŋ wétan matarap arap supĕnuḥ, lalakon sapaliḥ dina, gya tĕmpur kaŋ ponaŋ baris.

17. gagamaniŋ majaḷĕṅka, manrot giyak sarwi ambéndroŋ bĕḍil, gègèr woŋ baŋ wétan kuwur, kagèt tinĕmpuḥ iŋ praŋ, biluluṅan jinĕjĕl saka iŋ puṅkur, woŋ majaḷĕṅka maṅidak, woŋ wétan kaṭaḥ ṅĕmasi.

18. pra ménak pra adipatya, laṅkuŋ duka sami ṅawaki jurit, maṅidak turaṅga mampruŋ, siṅa katrajaŋ bubar, kaṭaḥ pĕjaḥ woŋ majapahit lumayu, bubraḥ tataniŋ ayuda, para ménak mahospahit.

19. ṅawaki kuwĕl paḍa las, kèkèt maṅrok pĕḍaŋ pinĕḍaŋ gĕnti, sawĕnèḥ suduk sinuduk, wĕnèḥ tumbak tinumbak, para ménak pra dipati majalaṅu, kinaro tiniga kapat, tan ana aṅucap ajriḥ.

20. manuṅkĕb wadya iŋ daha, dyan sindura maṅamuk ṅowak awik, gumĕntar kaŋ kala gañjur, surak lir gunuŋ ṛĕbaḥ, kalantaka mariyĕm lir gunuŋ guntur, saŋ dipati saya nĕṅaḥ, siṅa kaŋ katrajaŋ gusis.

21. pra dipati iŋ baŋ wétan, kaṭaḥ pĕjaḥ linimpuŋ myaŋ binindi, dipati baṅil wus lampus, ménak caluṇṭaŋ pĕjaḥ, ménak wilantaka iŋ gĕmboŋ wus lampus, paṅsĕŋ iŋ wajak wus pĕjaḥ, bubraḥ woŋ wétan kaŋ baris.

22. pra dipati majaḷĕṅka, iṅkaŋ samya kasambut iŋ ajurit, wajak ménak aṅun aṅun, kalaṅbrèt nilasraya, wusnya caruk tambuḥ rowaŋ lawan muṅsuḥ, tĕmahan pĕtĕŋ gab gapan, clorotiŋ mimis lir ṭaṭit.

23. tan lyan swaraniŋ papraṅan, amuŋ sĕbrak ṛĕkatak tiŋ caṛĕṅkliŋ, gumropyak gopyak kumĕpruk, patiŋ brĕkuḥ woŋ brana, iŋ payudan atĕmaḥ sĕgara marus, kasapiḥ dĕṛĕsiŋ jawaḥ, lan maliḥ kasaput wĕṅi.

24. wus mundur kaŋ bandayuda, saŋ śri bĕsma dukanira tan sipi, wadyanya tumpĕsan larut, ginĕbag iŋ payudan, pra dipati para ménak kaṭaḥ lampus, wus mundur mriŋ prabaliṅga, gagapan samargi margi.

25. maliḥ iṅkaŋ kawarṇaa, adipati iŋ daha iṅkaŋ baris, aṅgĕgrĕg iŋ gajaḥ watu, ḷĕpas anèŋ barisan, tan kawarṇa iŋ ratri éñjiŋ wus dahut, aṅaṅsĕg iŋ prabaliṅga, datan kawarṇa iŋ margi.

26. wus prapta kikisiŋ kiṭa, wadya daha samya ṅoboŋ oboṅi, śri urubĕsma kawuwus, kĕlaṅkuŋ dukanira, gya paréntaḥ pra ménak myaŋ para ratu, kinèn samya ṅantĕp yuda, sarya ṅawaki ṅajurit.

27. gya buḍal sawadyanira, woŋ baŋ wétan kĕrig tan ana kèri, kadya arga sèwu guntur, rumap aṅara ara, piraŋ piraŋ aṅgĕṅgĕŋ datanpa pétuŋ, umèp supĕnuḥ bĕlabar, aṅlir jalaniḍi ṅaliḥ.

28. dadamĕliŋ majaḷĕṅka, saya cĕlak babahak turut margi, sĕsĕg pan samya andulu, mriŋ dadamĕl baŋ wétan, adipati iŋ daha ṅabani asru, kaŋ kala gañjur tinĕmbaŋ, tĕṅara majĕmur atri.

29. woŋ saradula manrajaŋ, para ménak manuruŋ saha dasiḥ, maṅĕdrèl surak gumuruḥ, woŋ baŋ wétan ataḍaḥ, aṅrok rinok bĕṛĕg binĕṛĕg apaṅguḥ, pan samya sudiranira, tan ana maṅéman pati.

30. ḍasar paḍa waṛĕg dana, tuwuk dadar tur pĕnuḥ sihiŋ gusti, tan ana kaŋ ṅucap takut, sañjata wus katilap, kumĕrapyak tumbak tinumbak kumĕpyuk, kuléwaŋ taruŋ lan pĕḍaŋ, gĕbrag ginĕbrag lan tamsir.

31. iŋ payudan sĕgara raḥ, saraḥ wataŋ waṅké kĕpala jisim, lumut bandéra lalayu, paraŋ turaṅga liman, kapĕnuhan mug pyaliŋ sañjata tĕḍuḥ, kaŋ yuda gagap gagapan, tiŋ brĕkuḥ swaraniŋ kanin.

32. ḍaḍal ṅarṣa wuri ṅidak, tiŋ saḷĕbrak swaraniŋ kaŋ maṅuṅkiḥ, woŋ saradula acakut, lawan bugis madura, kuwĕl kèkèt apan kadi pĕgsi taruŋ, wĕnèḥ mañakot manĕkak, manuduk mawanti wanti.

33. acaṅklèt woŋ panaraga, mambĕŋ bali baṇḍuŋ kuwĕl lir bĕlis, maputrĕ maṅkrak manuduk, lir suluŋ bu tumaṅan, tumpĕs ṅarṣa iŋ wuri ṅidak manubruk, maṅlut mapikut gol ginal, maciṭat bĕḍol mawa kris.

34. giwaṅkara saya nĕṅaḥ, ṅiwaŋ ṅiwuŋ aṅamuk karo kĕris, manrombol ménak prĕmaṅsul, dipati pakacaṅan, sru maṅrĕñjaḥ kaŋ kuda kèkèt manahut, pamataṅira kaliwat, suduk sinuduk siŋ wajik.

35. kaliḥ samya suranira, anĕrajaŋ dipati iŋ wĕlèri, kinaliḥ giwaṅkara wus, pĕjaḥ tiba siŋ kuda, ki suraṅgapati iŋ rawa aṅamuk, ménak paṅsĕŋ iŋ pasruan, taḍaha kèkèt kaŋ wajik.

36. panumbakira kaliwat, ménak paṅsĕŋ sinabĕt wus ṅĕmasi, suraṅgapati saya ṅlut, linambuŋ saṅkiŋ kanan, ménak jayaḷĕlana wahu mapan wus, wĕntus pinaṛĕŋ lan tumbak, dipati ṅrawa ṅĕmasi.

37. candrakètu éndrajala, manrot mamuk siṅa katrajaŋ mati, śri déwataka iŋ baṇḍuŋ, naḍahi éndrajala, rajèŋ bali guŋ walikrama maṅlambuŋ, sikĕp bindi anĕrajaŋ, candrakètu anaḍahi.

38. manumbak wataŋnya pataḥ, nora osik sira raja iŋ bali, narik pĕḍaŋ candrakètu, manabĕt pĕḍaŋ pataḥ, manrot rukĕt candrakètu gya pinupuḥ, malumpat saṅkiŋ turaṅga, ṅamuk ḍarat karo kĕris.

39. traṅginas saŋ basutantra, condrakètu sinabĕt wus ṅĕmasi, éndrajala rajèŋ baṇḍuŋ, daṅu pĕḍaŋ pinĕḍaŋ, déwa jarumaka raja bugis nĕmpuḥ, solaḥ iṅgar narik pĕḍaŋ, éndrajala dèn larihi.

40. nora titis pinĕḍaṅan, saya daṅu saya ṛĕmpu ṅĕmasi, dipati daha kawuwus, sampun ajĕŋ ajĕṅan, lawan raja madura dènira pupuḥ, kaliḥ sami nitiḥ liman, acaṅkèt kaŋ ponaŋ èṣṭi.

41. asikĕp limpuŋ bĕḍama, sami jojoḥ jinojoḥ nora busik, ṅraṅkĕp gada bindi nĕmpuḥ, sami sudiranira, datan ana kuciwa dènira pupuḥ, malumpat dipati daha, ṅrasuk mundur iŋ ajurit.

12. durma

1. tan gumiṅsir sira raja iŋ madura, kèkèt nèŋ luhur èṣṭi, agada ginada, tan ana kaŋ kuciwa, riŋ saŋ sindura dipati, saŋ bahuḍĕṇḍa, samya ébat iŋ galiḥ.

2. buwaŋ gada sawat gya cĕṅkaḥ cinĕṅkaḥ, ĕṇḍasé ponaŋ èṣṭi, ḍinĕṅkul wus pĕjaḥ, gya ṛĕbaḥ kapisanan, saṛĕŋ lumumpat saŋ kaliḥ, tumibèŋ kisma, aṅisar gada bindi.

3. myaŋ gumuruḥ surakiŋ muṅsuḥ lan rowaŋ, kadya gogragna laṅit, goŋ maguru gaṅsa, tĕtĕg kaya butula, kaŋ kala gañjur mĕliṅiŋ, para dipatya, para raja nuṅkĕbi.

4. adipati iŋ daha kèsisan bala, kinatug iŋ bĕḍil, sinosog iŋ wataŋ, suligi kadya jawaḥ, saŋ dipati nora osik, siṅa rinĕmpak, mawur tan maṅga puliḥ.

5. anĕrajaŋ maliḥ riŋ saŋ bahuḍĕṇḍa, pinupuḥ saŋ dipati, aṅiŋ tan rinasa, kaliḥ wus buwaŋ gada, ḍosok ḍinosok kakaliḥ, sĕṇḍal sinĕṇḍal, tan ana ṅuciwani.

6. para raja muḍun siŋ liman turaṅga, ṅĕmbuli saŋ dipati, saha sikĕb arga, wĕnèḥ limpuŋ myaŋ konta, sigĕb gora piliŋ gaṇḍi, datan rinasa, saŋ sindura dipati.

7. mĕgsiḥ kèkèt macĕpĕṅi ikĕt piṅgaŋ, lan saŋ madura dipati astanira kanan, iṅkaŋ kinarya ṅlawan, siṅa kacaṇḍak tiniṅgil, binuwaŋ kéntas, ṛĕmuk luluḥ wor siti.

8. siṅa iṅkaŋ maṅrusuk ḍinupak pĕjaḥ, ménak sopal ṅĕmasi, ḍinĕṅkul muka craḥ, ya ta saŋ bahuḍĕṇḍa, duk bĕṅgaŋ sigra tinaṅsil, binuwaŋ kéntas, jayaḷĕlana aglis.

9. numbak saṅkiŋ iŋ kiwa rinĕbat kĕna, kaŋ wataŋ tugĕl paliḥ, sigra prabaliṅga, kinisar anèŋ tawaŋ, sinabĕtakĕn tumuli, déniŋ prĕbata, luluḥ sampun ṅĕmasi.

10. śri déwa guŋ walikrama sigra maṅsaḥ, ṅrasuk goco kĕtampin, curiga rinĕbat, binuwaŋ sampun kontap, maputrĕ maglut maṅuṅkiḥ, sigra binuwaŋ, kéntas saŋ rajèŋ bali.

11. sira ménak caluriŋ nuduk tinampan, kinisar nèŋ wiyadi, caluriŋ kinarya, ṅamuk mapupuḥ lawan, wus bubraḥ tataniŋ baris, amawurahan, ménak raja ṅunduri.

12. saŋ dipati wus kawuron iŋ ayuda, siṅa sinraŋ ajurit, katbuta umapag, manĕraŋ kuda galak, pamĕḍaṅira tan titis, kuda cinaṇḍak, ṛĕbaḥ wus aṅĕmasi.

13. tibèŋ kisma kotbuta ṅrasuk binuwaŋ, katbuta aṅiṅrĕri, si wuri nĕrajaŋ, mĕḍaŋ sampun kĕtampan, binuwaŋ kéntar lir mimis, śri urubĕsma, dukanira tan sipi.

14. sigra maṅsaḥ ginaṛĕbĕg woŋ sĕliran, sarya anitiḥ èṣṭi, putiḥ pun palwaga, woŋ goloŋ goṭaŋ ṅarṣa, bajobaraŋ kanan kériŋ, woŋ gaṭodara, juraṅgaṭo nisihi.

15. macanambal carukḍĕṅguŋ surarayaḥ, miwaḥ woŋ cukilmanik, rujakpolo lawan, surabĕṭot sumahap, asikĕp gaṇṭol campuliŋ, gĕrènèŋ caṅgaḥ, pĕṇṭuŋ lawan suligi.

16. woŋ iŋ daha wus kumpul maliḥ barisnya, sasisané kaŋ mati, nusul saŋ dipatya, sarta nĕmbaŋ tĕṅara, sumĕja aṅantĕp jurit, ṛĕṛĕmponiŋ praŋ, sira saŋ adipati.

17. saṛĕŋ maṅkat śri bĕsma umaṅsaḥ iŋ praŋ, ḷĕga tyasé dipati, majĕŋ maṅsaḥ ḍarat, gadanira kinisar, saha bala goloŋ pipit, surak gumĕraḥ, kala gañjur munya śri.

18. saṛĕŋ cĕlak sira riŋ saŋ urubĕsma, sigra tĕḍak siŋ èṣṭi, wadya kinèn surak, ramé tĕṅara gumraḥ, salomprèt kĕṇḍaŋ lan bèri, bĕṇḍé sahuran, tĕtĕg mawanti wanti.

19. saṅsayèṅgar sira saŋ dipati daha, ḍasar agĕŋ ahiṅgil, asiṅgiḥ wiraga, sigra iŋ lampahira, kadya aṅobaḥna bhumi, amaṇḍi ḍĕṇḍa, ébat iṅkaŋ niṅali.

20. makuṭa bra jamaṅira suṅsun tiga, kaŋ réma pinara tri, atĕbaḥ mĕṅgala, tinon lir jayajatra, śri bĕsma sru dèniraṅliŋ, hèḥ ta sindura, sun éman mapag jurit.

21. nora wuruŋ sira tumĕka iŋ pĕjaḥ, dudu lawanmu jurit, aṅur anututa, sira nora palastra, bésuk yèn iṅsun wus paṅgiḥ, lan prabhu kĕña, sira sun gawé bĕcik.

22. lawan iṅsun tĕtĕpakĕn anèŋ daha, lawan sun gawé bĕcik, kalaṅbrèt tĕrṣana, trĕṅgalèn lawan ṅrawa, lawan sun trimani putri, ñoñaḥ mrĕisa, lawan picis sakĕṭi.

23. adipati sindura saṛĕŋ miyarṣa, taliṅan lir sinĕbit, akras sabdanira, ora si ménakjiṅga, tan kĕna ginawé bĕcik, tan buwé ala, prabhu brawijaya di.

24. sira dadak baléla amuraŋ dana, pĕgsa aṅrata bhumi, yèn isiḥ sindura, aja agé maṅguyya, kĕplok taṅan bantiŋ sikil, tan wuruŋ sira, ṛĕmpu katiban bindi.

25. lataḥ lataḥ wahu ta saŋ urubĕsma, ambapaŋ sarya aṅliŋ, laḥ mara sindura, tibakna gadanira, kotbuta saŋ adipati, krura wĕtu glap, kumrĕkot waja gaṭik.

26. ponaŋ ḍĕṇḍa tinibakakĕn bantala, muṅkrĕ kaŋ ponaŋ bhumi, aṅgiro lumumpat, urubĕsma jinaṅkaḥ, ginada mawanti wanti, kaŋ gada ṛĕmak, kroḍanira tan sipi.

27. gya rinasuk śri bĕsma sigra kinisar, sinabĕtakĕn aglis, iŋ watu kumlasa, ajur kaŋ ponaŋ séla, saya sru krura mawĕṅis, manahut réma, bĕsma tinubruk aglis.

28. sinabĕtkĕn prĕbataŋ ajur kaŋ wrĕgsa, ya ta saŋ adipati, klaṅkuŋ bĕndunira, maṅrik magraḥ ruara, kumutug awĕtu gĕni, ambĕḍol sigra, wariṅin gya tiniṅgil.

29. woŋ iŋ daha surak surak mati sira, surak gumĕntar atri, akubĕŋ sumahab, woŋ daha lan woŋ wétan, śri bĕsma saṛĕŋ ambĕlik, ḍapur maṭiṅkrak, ambĕg sarosa wuri.

13. paṅkur

1. bakuḍu butĕŋ iṅkaŋ tyas, saŋ dipati aṅgro andrĕs waṣpa ṅrik, magarot bahu sumiyut, malumpat ṅisar gurda, kadya bajra goḍoṅi amaḷĕdug, sinabĕt śri urubĕsma, gaḷĕpuŋ kaŋ ponaŋ riṅin.

2. gumruḥ sugakña woŋ wétan, kĕṇḍaŋ bèri swaranya amĕliṅi, riŋ saŋ sindura maṅgĕdrug, bĕkuḥ bĕsma kacaṇḍak, putĕr caṅklèt ambĕg sarosa kumrutug, rinawuk saŋ urubĕsma, rinĕṅkaḥ maṅuṅsĕp siti.

3. kinisar kumbul kĕtampan, sinabĕtkĕn iŋ wĕntis nora osik, ḍinupak kontal katubruk, winaŋ kris ḍuwuŋ ṛĕmak, kèdĕg kèḷĕs iṅukĕl wanti tinuntun, capé astaniŋ dipatya, sĕkala aṅĕmu gĕtiḥ.

4. kinipat kéntas lir balaŋ, riŋ saŋ bĕsma tiba kuwalik walik, sakĕlaṅkuŋ dukanipun, ñaṇḍak bindi pusaka, wĕsi kuniŋ kinisar iṅikal mĕtu, dahana maṅarab arab, saŋ śri bĕsma asru aṅliŋ.

5. hèḥ adipati sindura, laḥ pilihĕn urip kĕlawan mati, déné ta kélaṅkuŋ laṅkuŋ, ambĕg sura dibyèŋ praŋ, adipati sindura nahuri wuwus, iya sun pĕlahur pĕjaḥ, muliḥ kawisésan mami.

6. untapna mriŋ ariloka, iṅsun nusul mriŋ śri brawijaya di, mriŋ déwané iṅkaŋ aguŋ, dyan sindura lumĕkas, namèl wĕntis siḍakĕp rapĕt kaŋ suku, anutupi karṇanira, śri bĕsma nĕrajaŋ aglis.

7. pinarjaya saŋ sindura, déniŋ bindi pokiŋ taliṅan kériŋ, raḥ muñcar aṅlayon pan wus, muliḥ iŋ ariloka, sasisané woŋ daha sami aṅamuk, wĕnèḥ aṅrĕbat kunarpa, layonira saŋ dipati.

8. gĕpraḥ winrat iŋ turaṅga, wus binĕgta lumalya déniŋ dasiḥ, maḷĕbèŋ jroniŋ wanaguŋ, woŋ wétan wus katilap, ṛĕbut rinok woŋ daha baṛĕŋ gumuluŋ, kĕbogĕḍaḥ gya umaṅsaḥ, labuḥ pan sarwi anaṅis.

9. para santana karuna, ṅamuk naṅis maṅliwuŋ karo kĕris, woŋ gologoṭaŋ maṅĕbyak, woŋ juraṅgaṭo taḍaḥ, macanambal rujakpolo daragaṭu, surabĕṭot surarayaḥ, carukḍĕṅguŋ ṅrubut wani.

10. ki kĕbogĕḍaḥ magalak, woŋ blambaṅan akèḥ woṅé kaŋ mati, aṅkatbuta sigaḥ nĕmpuḥ, kotbuta ṅiṅrĕ galak, kĕbogĕḍaḥ kinalihan dènnya pupuḥ, pinĕḍaṅan sampun pĕjaḥ, pra santana para mantri.

11. kinarubut sampun gĕmpaŋ, kaŋ kuswa lit larut tan maṅga puliḥ, katbuta kotbuta maṅlut, sarowaŋnya maṅlĕmpak, urubĕsma kondur masaṅgrahan sampun, saha bala sakuswala, nĕṅgiḥ gantya kaŋ winarṇi.

12. ṅuni kumiti lan séta, nuwun maṅsaḥ mapag saŋ urubĕsmi, ṅirit woŋ iŋ jro sĕdarum, lan ménak kĕpatihan, sampun prapta paḍĕkahan gunĕm ṛĕmbug, kaliḥ madiun dipatya, kiñcaŋ ménak balaruci.

13. sira gajaḥ tĕpèṅsara, jagaraga ki ménak balaruci, krĕtasana ménak kluṅkuŋ, saṛĕṅat bagaspatra, iṅularan nĕṅgiḥ pakéwuhiŋ laku, paran yayi dayanira, si paman sindura uwis.

14. aṅlaṅgar mriŋ prabaliṅga, kari gawé nĕmu sisa iŋ jurit, layaṅkumitir umatur, kakaṅmas layaṅséta, ulun datan mawi anusul iŋ pupuḥ, kadidéné tyaŋ utama, amomor ṅĕmbul iŋ kardi.

15. sahé amba wrat priyaṅga, kantĕnané maṅké paman dipati, aṇḍap uṅguliŋ apupuḥ, yèn maṛĕṅi paduka, paman kĕrtasana prayogi iṅutus, lan yayi mas iŋ saṛĕṅat, lan kakaŋ iŋ sahosragi.

16. aṅatuṅna kaŋ nuwala, iṅgiḥ ḍatĕŋ paman daha dipati, nantun kasagahanipun, lamun paman dipatya, sinaguhan prayogi ta iṅkaŋ pupuḥ, yudanira ménakjiṅga, tanpa gawé bantu jurit.

17. kañca titiga waṅsula, pacak baris iŋ ṅriki pan prayogi, sĕḍĕŋ cĕlak tĕbihipun, datan kontap iŋ mĕṅsaḥ, tan gĕpokan liṅsĕmira iŋ apupuḥ, jĕr paman dipati daha, cupĕt nalar iŋ wawadi.

18. aṅandika layaṅséta, iya bĕnĕr ṛĕmbugira ta yayi, si paman sindura busuk, kuraŋ ṅaṅgo wawéka, tan ṅawruhi uṅgaḥ uṅguhiŋ woŋ aguŋ, tan malipir kasujanan, sĕgsana akarya tulis.

19. ḍapur mriŋ dipati daha, sampun dadya kumitir nĕbda aris, laḥ paman ménak kaluṅkuŋ, lan yayi bagaspatra, lawan kakaŋ brajamuṣṭi iṅsun utus, nusul anèŋ prabaliṅga, atuṛĕna surat mami.

20. nuwala sampun tinampan, saŋ dipati sira iŋ sahosragi, saṛĕṅat maṅkat sawadu, antara sahoñjotan, gya kapĕṭuk tyaŋ kaŋ sami kawon pupuḥ, saya sinĕraŋ lampaḥnya, anulya kapĕṭuk maliḥ.

21. woŋ brana sapiraŋ piraŋ, tinupigsa sasolahiŋ ajurit, umatur kaŋ kawon pupuḥ, wadya iŋ majaḷĕṅka, samya anrot kalampaḥ tandya kapĕhuk, dadamĕl kaŋ lorot apraŋ, saha atatawan taṅis.

22. tinanya maṅsuli tandya, adipati sindura wus ṅĕmasi, kasambut madyaniŋ pupuḥ, wadyané tatumpĕsan, para ménak dĕmaŋ raṅga samya larut, dèrèŋ dumugi gyan tanya, kasaru woŋ wétan prapti.

23. bhuta kotbuta maṅrĕmpak, gologoṭaŋ rukḍĕṅguŋ cukilmanik, gaṭodara juraṅgaṭu, woŋ bajobaraŋ rayaḥ, rujakpolo surabĕṭot sru manubruk, maṅĕdrèl ñampuliŋ ñaṅgaḥ, gĕrènèŋ ñuruŋ mĕṭuṅi.

24. woŋ kĕrtasana manulak, woŋ saṛĕṅat sahosragi magusis, kaṭaḥ pĕjaḥ rinaruwuk, kaplayu naṇḍaŋ brana, pra dipati aṅawaki apraŋ pupuḥ, ṅĕtap kuda ñaṇḍak wataŋ, siṅa kaŋ katrajaŋ mati.

25. kakĕṇṭuŋ bèri gumĕraḥ, surak lawan awor krutugiŋ bĕḍil, kotbuta ṅiṅĕr maṅrasuk, aṅkatbuta maṅrĕmpak, bagaspatra iṅiñciḥ sĕgsana nĕmpuḥ, siliḥ rok gĕbaŋ ginĕbaŋ, ménak kaluṅkuŋ nuluṅi.

26. kotbuta nrombol manumbak, tatas ménak kaluṅkuŋ wus ṅĕmasi, maṅrĕbat woŋ juraṅgaṭu, manigas murdanira, bagaspatra magiris tandya lumayu, ménak brajamuṣṭi ika, kinarutug iŋ campuliŋ.

27. ginaṇṭol kuda wus pĕjaḥ, brajamuṣṭi cinaṅgaḥ dèn kĕmbuli, sinikut pusaranipun, rinusak ḍinéḍélan, kari ṅadĕg muŋ kari calananipun, bagaspatra wus binĕḍag, woŋ surarayaḥ naḍahi.

28. kinarubut iŋ ṅakaṭaḥ, saŋ dipati sru manumbak manitir, woŋ carukḍĕṅguŋ maguluŋ, mamrĕm ṅamuk maṅruraḥ, bagaspatra kaŋ kuda ṛĕbaḥ wus lampus, maṅamukira maḍarat, wataŋ rinĕbut wus kĕni.

29. cinaṅgaḥ déniŋ ṅakaṭaḥ, wus pinikut sarwi dipun ḍèḍèli, woŋ gaṭodara marusuḥ, apan sawĕnaŋ wĕnaŋ, jinogètkĕn sarwi tinimblisi pĕṇṭuŋ, sinurak magiyak giyak, babandan kaliḥ dipati.

30. binĕgta mriŋ prabaliṅga, aṅkatbuta kotbuta maṅlut sami, sakañcanira maṅlarug, prapta iŋ pasuruan, ṅoboŋ oboŋ añjaraḥ rayaḥ amikut, kumitir lan layaṅséta, samya gugup tanya kaliḥ.

31. datansaḥ abiluluṅan, waṅsa iŋ jro bubar larut kaŋ baris, bhuta kotbuta wus rawuḥ, saha balakuswala, ṅobrak abrik mamĕḍaŋ manuduk nuduk, ñampuliŋ masrĕ mañaṅgaḥ, kakĕṇḍaŋ bèri muñatri.

32. woŋ majaḷĕṅka abubar, tiŋ saḷĕbar tambuḥ dènnya maṅuṅsi, pra mantri kaṭaḥ kapikut, kumitir layaṅséta, kĕkaḍalan maniba taṅi lumayu, añjaruṇṭul turut juraŋ, ménak madiun kawarṇi.

33. sira gajaḥ tĕpèṅsara, balaruci kapaṅgiḥ pipit sami, arakit sawadyanipun, wus daṅu anèŋ wana, labĕtira kabruntak woŋ majalaṅu, ḍasaré nora pitaya, tiniṇḍihan radyan kaliḥ.

34. mila iŋ manaḥ sumĕlaŋ, para ratu dènira ṅlurug jurit, séta kumitir wus paṅguḥ, lan gajaḥ tĕpèṅsara, balaruci kaŋ kuda kaliḥ pinuṇḍut, swandananya pan wus pĕjaḥ, asĕsĕg dipati kaliḥ.

35. dènira maṅsuli sĕbda, sinahosan liyané ṅagĕm jurit, layaṅséta asru bĕndu, ṅuṇḍat maṅuṇḍamana, dyan kumitir anarik curiga gupuḥ, kuda kaliḥ linarihan, kapisanan wus ṅĕmasi.

36. wadya gajaḥ tĕpèṅsara, balaruci samya dipunkĕjèpi, gya giyak ṅĕdrèl kumrutug, dyan kaliḥ nĕbas nĕbas, pinĕtakan lumayu manusup nusup, dipati kaliḥ wus tĕbaḥ, ṛĕmbug nuṅkul mriŋ apati.

37. anulya minta utusan, sigra méntar prapta ṅarṣaniŋ patiḥ, umatur ulun iṅutus, mriŋ gajaḥ tĕpèṅsara, pan nagari kalihira iŋ madiun, anuṅkul ḍatĕŋ paduka, kaliḥ ménak balaruci.

38. iṅkaŋ duta saha sĕmbaḥ, yèn iŋ maṅké kaliḥ ulun dipati, datan éca iŋ tyasipun, ṅabdi nèŋ majaḷĕṅka, sĕdya béluk ṅabdi paduka pukulun, naréndra iŋ bĕlambaṅan, iṅkaŋ guŋ kasmarèŋ galiḥ.

14. asmaradana

1. kasmaran iṅkaŋ miyarṣi, kotbuta lan aṅkatbuta, laḥ utusana dèn agé, ṅaturi iŋ gustinira, luwiḥ rumojoŋ iṅwaŋ, béluk maraŋ jĕŋ iṅsun, kaŋ ponaŋ duta umĕsat.

2. prapta aturṇya wus titis, dipati kaliḥ lumampaḥ, wus prapta sasolaḥnya nor, ki patiḥ ṅrakĕti sabda, sami sinĕtya sĕtya, myaŋ jañji togiŋ apupuḥ, pra ḍahèŋ lan para raṅga.

3. ḍasar mĕntas mĕnaŋ jurit, gumĕntar swara gumĕraḥ, ya ta kĕsaru praptané, utusanira ki patya, luluraḥ kajinĕman, udanprahara ranipun, lawan pun baratkatiga.

4. maṅaḥ maṅaḥ wĕdana brit, lir sĕkar wora wari baŋ, añana yèn olèḥ gawé, wus titi iŋ aturira, aṅaturkĕn kĕpala, tĕrṣaṇḍa ménak kaluṅkuŋ, lawan ṅaturkĕn babĕstan.

5. jagaraga brajamuṣṭi, iŋ saṛĕṅat bagaspatra, saŋ sribĕsma andikané, hèḥ yayi mas iŋ madura, paran iŋ karṣanira, śri bahuḍĕṇḍa umatur, déwa ji yèn padukarṣa.

6. prayogi dipun tĕlasi, jamaknya woŋ kalaḥ apraŋ, amaṅgiḥ pati tĕmahé, lamun ta ajriha pĕjaḥ, iŋ ṅuni punapaa, tan tĕluk dèrèṅiŋ pupuḥ, aṅĕdohi tindak niṣṭa.

7. saŋ sribĕsma manĕbda ris, ḷĕṛĕs yayiku madura, anĕḍa pinatèn agé, ya ta sampun kĕlampahan, binunuḥ iŋ ṅakaṭaḥ, tinigas murdanira wus, bajramuṣṭi bagaspatra.

8. dyan wontĕn utusan maliḥ, siŋ patiḥ bhuta kotbuta, atur uniṅa saŋ rajèŋ, iŋ maṅké ṛĕkyana patya, wus ṅañcik pasĕḍahan, séta kumitir wus paṅguḥ, naṅiŋ ṅoñcati barisnya.

9. mawut wadya samya ṅisis, lan maliḥ atur wuniṅa, dipati madiun karo, aran gajaḥ tĕpèṅsara, kiṭanira iŋ gĕlaŋ, lawan malaḥ aranipun, balaruci iŋ kinañcaŋ.

10. tĕluk ḍatĕŋ kyana patiḥ, tan mawi kĕrana apraŋ, lajĕŋ kinaṇṭi samaṅké, baris anèŋ pasĕḍahan, lawan miyarṣa warta, raṅgalawé arṣa rawuḥ, iŋ tuban sabalatantra.

11. pasisir mañcanĕgari, śri bĕsma kĕlaṅkuŋ suka, kaŋ duta tinulak agé, sarta pariŋ mimis obat, mriŋ madiun dipatya, sarta makuṭa lan kuḍuŋ, ḍuwuŋ kampuḥ myaŋ calan.

12. miwaḥ inuman ṅajurit, branduwin arak wĕragaŋ, datan kawarṇa lampahé, gĕnti iṅkaŋ kawurṣita, raṅgalawé iŋ tuban, sakañca wadyakuswa nuŋ, papta iŋ baṅil malatar.

13. wus tarub kawula alit, tĕluk mriŋ ki raṅga tuban, ya ta duk saṛĕŋ praptané, pra dipati para ménak, raṅga lan sinaŋ arya, akumpul ḍahar akĕmbul, kaŋ gĕṇḍiŋ munya aṅraras.

14. aṅinum ḍahar wĕradin, ya ta sawusnya bibaran, sowaŋ sowaŋ mriŋ kuwoné, kasaru dyan layaṅséta, kumitir guwalan, sumuṅkĕm iŋ pada gupuḥ, aṅliŋ saŋ dipati tuban.

15. putraniṅsun radyan kaliḥ, sampun amañca udrasa, paran purwa wusanané, umatur dyan layaṅséta, ḍapur ulun dinuta, ḍatĕŋ maha ratu ayu, kinèn niṇḍihi paduka.

16. minaṅka tiṅaliŋ jurit, jĕnĕṅi gèn tuwan apraŋ, ṅiŋ lajĕŋ maṅétan nèŋ ṅoŋ, ṅĕntosi ḍatĕŋ paduka, kalamèn botĕn prapta, kawula lajĕŋ umagut, ḍĕsĕg ḍatĕŋ prabaliṅga.

17. botĕn ñana botĕn ṅimpi, para ménak kĕpatihan, iŋ tiṅal wus maliḥ kabèḥ, kahot lan tiyaŋ blambaṅan, anèŋ ṅarṣa manulak, ambaṅgèl ṅĕpruk iŋ muṅsuḥ, kawula kasoran apraŋ.

18. waṅsa iŋ jro mawur gusis, kèdĕg karoban iŋ lawan, wantu woŋ madiun kabèḥ, iŋ kĕrtasana saṛĕṅat, sahosragi kĕlawan, kotbuta katbuta magut, kawula karoban lawan.

19. kasaṅsaŋ iŋ gañjur luṅit, woŋ majaḷĕṅka sumĕbar, mila kawula lumèṅsèr, yèn paman iṅgala prapta, kados tan maṅgiḥ tiwas, mèsĕm ki raṅga amuwus, ḷĕṛĕs anak jĕṅandika.

20. dyan séta umatur aris, paman dipati sindura, iŋ maṅké wus tĕkèŋ layon, tumpĕs iṅkaŋ balatantra, dipati para ménak, ambalik nulak anapuk, punika tiwasiŋ paman.

21. wimbuḥ pun katbuta patiḥ, kotbuta sami maṅrĕmpak, paman kaloloḥ yudané, pitambĕt cidraniŋ apraŋ, tĕmahan kéṅiŋ gĕlar, ki raṅgalawé aṅuṅun, wusana alon ṅandika.

22. wus pinaṣṭi iŋ sugsma di, kakaŋ dipati iŋ daha, kasambut anèŋ palugon, tansaḥ kumĕmbĕŋ kaŋ waṣpa, matur dyan layaṅséta, tyaŋ wétan iŋ maṅké maṅlut, baris wontĕn pasĕḍahan.

23. waṅsul paman adipati, iŋ maṅké karṣa paduka, kadospundi iŋ palugon, nagari iŋ majaḷĕṅka, paduka kaŋ kawogan, timbalané ratu ayu, ulun kinèn dados tiṅal.

24. aṅgĕp paduka iŋ jurit, tĕnapi kaŋ pra dipatya, para ménak sĕkaṭahé, ulun sumaṅga iŋ tuwan, mĕṅgaḥ dadosiŋ apraŋ, tĕnapi sirṇaniŋ muṅsuḥ, ratu ayu wus pitaya.

25. dumugia gunĕm kawis, saŋ adipati iŋ tuban, iŋ dalu tan winirahos, éñjaŋ buḍal saha bala, ṅlaṅgar mriŋ pasĕḍahan, kadi gunuŋ alalaku, lir samodra rob bĕlabar.

26. lir sĕkar sĕtaman asri, sinaŋ lir gunuŋ pawaka, kĕbĕg mandrawa pĕnuhé, sasotya abra kumilat, jaṭa maṅarab arab, lir sĕḍĕṅé maṅsa catur, gora rèḥ magra ruhara.

27. tutuṅgul kĕkaṇḍa asri, lalayu lawan bandéra, téja waṅkawa piṇḍané, gumawaŋ gawaŋ iŋ tawaŋ, lir obar abir sinaŋ, nagri iŋ baṅil kapuṅkur, lir pĕgsi glar ṅara ara.

15. ḍaṇḍaŋgula

1. sira bhuta kotbuta winarṇi, balaruci gajaḥ tĕpèṅsara, agunĕm rèḥ iŋ palugon, ṛĕmbug kaŋ baris mundur, sawétané iŋ kalicaciŋ, mañcal iŋ pasĕḍahan, saha bala dahut, winawratan baṅkat karya, wus winawrat bobot bobotiŋ ajurit, mriŋ raṅgalawé tuban.

2. iṅkaŋ dadya pakériṅiŋ galiḥ, iya ki raṅgalawé iŋ tuban, ambĕg budya santa tyasé, waṣkiṭèŋ glariŋ wadu, saha dasiḥ sakuswa mantri, raṅga ménak dipatya, mèstuti tyas kĕmbul, raharjwa surèŋ wéwéka, wignya ṅadu iŋ balatantra mamrĕs siḥ, sumbaga añjayèŋ praŋ.

3. tan pakéwuḥ dènnya mriḥ ajurit, ayĕm ginasaḥ awasiŋ gĕlar, ṅaraḥ araḥ pakéwuhé, patitisiŋ apupuḥ, piliḥ taṇḍiŋ gĕlariŋ jurit, jĕr bhuta lan kotbuta, tahu paḍa wawuḥ, boḍol aṅunduri lampaḥ, pacak baris sawétaniŋ kalicaciŋ, maṅuṅkaŋ iŋ hèrṇawa.

4. bitiŋ kapaŋ amidĕr miranti, sinĕla sĕla iŋ kalataka, sarya minta bantu agé, mriŋ prabhunira gupuḥ, saŋ śri bĕsma bantoni baris, dahut iŋ prabaliṅga, sabalakuswa nuŋ, pĕmbarisannya mĕlatar, bitiŋ ropoḥ anèŋ sawétaniŋ kali, mariyĕmnya pinasaŋ.

5. maliḥ warṇanĕn dipati tubin, maṅu saṛĕŋ prapta pasĕḍahan, woŋ wétan sampun lumèṅsèr, wadya ṛĕṛĕp sadalu, saŋ dipati sĕgsana éñjiŋ, buḍal sabalakuswa, lumraŋ wra supĕnuḥ, lir jalaniḍi lumémbak, ṛĕṅgèŋ surya sara busana lir saṅkiŋ, udaya giri bĕsma.

6. sampun prapta sakilèn bĕnawi, abaris gĕlar atata tiṅal, pinasaŋ kalatakané, sabala bra supĕnuḥ, lir mahéndra sĕkar maṅaliḥ, sunar lir arka méraŋ, gĕbyar gĕbyar santun, patiŋ kaṛĕñĕp kumilat, pĕrṇatèŋ rat saṅsaya minuni sari, aṅiŋ tan ṅajak apraŋ.

7. atĕnapi woŋ wétan abaris, datan ana purun mĕdal apraŋ, éca nèŋ jro bitiŋ bahé, tansaḥ asami nayub, sasahuran kaŋ gĕṇḍiŋ muni, surak ambal ambalan, kaŋ gĕṇḍiŋ gumuntur, sadintĕn sadalu datan, ana woŋ praŋ kaŋ gĕṇḍiŋ munya aṅraṅin, mawantĕr kawiragan.

8. lamun dalu sumuk mriŋ wiyati, oborira paḍaŋ pabarisan, ṅakasa aṅĕmu tinon, méga méga aṅlayuŋ, lir rahina paḍaṅiŋ sami, myaŋ wadya ṅambil tirta, mriŋ kali asĕlur, oborṇya saparan paran, tiŋ kaḷĕñcar muṅgaḥ muḍun iŋ banawi, wimbuḥ śri di winulat.

9. duṅkap kaliḥ dintĕn kaliḥ ratri, datan ana amĕtoni apraŋ, lèrèḥ paḍa pĕṅarahé, miranti siyaŋ dalu, miwaḥ iṅkaŋ para dipati, ṅumpul pakuwon tuban, andrawina nayup, mĕntarakĕn kawiragan, kasĕntikan abĕgsa rinakit rakit, gĕṇḍiŋ munya aṅraras.

10. wĕnèḥ bĕgsa rakitiŋ ajurit, kaŋ sawĕnèḥ ana bĕgsa ḍaḍap, bĕgsa kĕmbaŋ lan jĕbĕṅé, sawĕnèḥ bĕgsa gambuḥ, wĕnèḥ bĕgsa aṅinum wariḥ, ṅĕḍasiḥ ponaŋ sĕṅgak, lokira gumuruḥ, kaŋ kĕplok ambal ambalan, saŋ dipati tansaḥ umèsĕm iŋ galiḥ, myat kasukaniŋ liyan.

11. iṅkaŋ dadya gawokiŋ niṅali, lamun bĕgsa arya purbarana, lan kĕrtagñana sisihé, rèḥ gora goḍa diguŋ, aprakosa ṅobahkĕn bhumi, kumitir layaṅséta, bĕgsanira bahut, bĕsus rarasiŋ wirama, sapĕṅadĕg solahé awor lan gĕṇḍiŋ, dadya paṅéram éram.

12. yaṅyaŋ utara wora saŋ krami, ri sĕḍĕŋnya ṅira mamrĕsiŋ dyaḥ, urub sasolaḥ nétyané, radyan patiḥ amuṅguḥ, sisiḥ lawan ménak widuri, iŋ paṭi kadya kĕmbar, solaḥ wiraga nrus, tan kabataŋ aṅsuŋ rimaŋ, muŋ sĕḍĕpé prawira amrak atèni, lir nakula sadéwa.

13. liyaniŋ pra ménak pra dipati, samya dawĕg tan ana kuciwa, ki raṅgalawé duk anon, mèsĕm suka iŋ kalbu, tandya ḍahar minum brĕnduwin, sawusnya akasukan, śri bĕsma kawuwus, agiyak giyak wurahan, saŋ śri bĕsma acucut dènira ṅibiŋ, maṅèḍèŋ kasĕntikan.

14. sumrap kĕṇṭuŋ bèrinya tan kèri, wadya wĕnèḥ bĕkik sasahuran, tĕka dadi papantĕsé, wĕnèḥ kaŋ para ratu, iṅkaŋ gĕṇḍiŋ acarabali, wĕnèḥ kala gumĕntar, wĕnèḥ slomprèt tambur, sawĕnèḥ ṛĕbab biolaḥ, sasukané wusnya ḍahar minum wariḥ, kĕmbul apĕrjañjian.

15. para raṅga para ḍahèŋ sami, para ménak tinaṇḍiŋ iŋ apraŋ, malaṅsumiraŋ aturé, sumbar sumbar gumuruḥ, lir gapyuk kaŋ paḍa sawĕṅi, miwaḥ kaŋ para luraḥ, tansaḥ ṅajak pupuḥ, śri bĕsma kĕlaṅkuŋ suka, juraṅgaṭo gaṭudara dèn lilani, miwaḥ woŋ gologoṭaŋ.

16. bajobaraŋ rujakpolo manik, caruk ḍĕṅguŋ myaŋ woŋ surarayaḥ, gumĕraḥ kasaguhané, wĕnèḥ ana bĕṅkiluŋ, putĕr putĕr pĕḍaŋ ṅajrihi, wĕnèḥ amahin tiṅgar, wĕnèḥ oñclaŋ pĕṇṭuŋ, gol ginal mata muciṭat, pèṅĕl maṅkrak datan kawarṇa iŋ ratri, ṅantya durmèŋ kasukan.

16. durma

1. kawarṇaa sira radyan layaṅséta, éñjiŋ ñĕpĕŋ woŋ bugis, juru pĕkaṭiknya, sira śri jarumaka, kupiŋnya pinĕruŋ sisiḥ, cinukur mrapat, gya kinaluṅan tulis.

2. ḍapur ḍatĕŋ raja bugis jarumaka, sĕrat pĕnantaŋ jurit, sĕgsana wus prapta, ṅarṣané jarumaka, kagyat saṛĕŋ aniṅali, wĕṅis sabda kras, sĕrat binuka aglis.

3. bubukané pèṅĕt iṅsun layaṅséta, kaŋ aṅsal sihiŋ gusti, tur iṅkaŋ minaṅka, pamugariniŋ laga, praptaa mriŋ raja bugis, śri jarumaka, yèn paḍa woŋ linuwiḥ.

4. anabraṅa sira kuloniŋ baṅawan, payo taṇḍiŋ lan mami, yèn ḍasar prawira, prajurit sura mrata, éman jĕnĕṅiŋ narpati, yèn tan wania, aṅur nisila tĕki.

5. raja bugis iku cocoté lir luwak, tan pantĕs awor jalmi, akuṭuḥ tur maṅkak, ṅawula ménak alas, ratu jĕjĕmbĕriŋ bhumi, tan wuruŋ sira, dadi sasrahan pati.

6. sampun putus uṅĕlé iṅkaŋ nuwala, sigra ṅabani dasiḥ, déwa jarumaka, sabala sakuswala, bĕṅkiluŋ gĕbyur bĕnawi, woŋ kawan nĕmbaŋ, ṅrĕṅĕs anèŋ iŋ wariḥ.

7. gamanira muŋ cundrik lamĕŋ kuléwaŋ, towok wĕrgu cĕmpuliŋ, ṅlaṅi tiŋ kurambaŋ, bugis sapiraŋ piraŋ, pinéntaran tan ṅunduri, pan kaṭaḥ pĕjaḥ, prandéné tan ṅunduri.

8. sampun nabraŋ iŋ sakuloniŋ baṅawan, jarumaka awĕṅis, saha bala nrajaŋ, maṅrĕmpak pabitiṅan, iṅĕdrèl nora nĕḍasi, nuduk magalak, layaṅséta maṅgĕndriŋ.

9. amaṛĕṅi pabitiṅan iŋ lamoṅan, sawuṅgaliŋ gaṛĕsik, ḍarat sikĕp wataŋ, gègèrira puyĕṅan, kadi gabaḥ dèn intĕri, śri jarumaka, maṅrot aṅowak awik.

10. sigra maṅsaḥ ménak tohpati ṅlamoṅan, sawuṅgaliŋ gaṛĕsik, ḍarat sikĕp wataŋ, balanira kinĕtap, akèkèt rok siliḥ uṅkiḥ, kuwĕl sakut praŋ, woŋ bugis kadi bĕlis.

11. jarumaka aṅuwuḥ mriŋ layaŋ séta, papagĕn tandaŋ mami, payo layaṅséta, paḍa woŋ sura mrata, ṅliŋ sarta mĕñcak nampiliŋ, ñukit maciṭat, nĕpak lamĕŋ makitir.

12. mĕñcak milar manapuk maṅériŋ ṅanan, siṅa tinĕpak mati, maputĕr nĕrajaŋ, ṅlamĕŋ sarwi amilar, sawuṅgaliŋ anaḍahi, laṇḍéyan pataḥ, lawuṅira manarik.

13. nabĕt laṅkaḥ mriŋ jarumaka lumumpat, tohpati aṅlarihi, tinaṅkis wataŋ craḥ, rinukĕt jaja bĕñcaḥ, tinigas murda cinaṅkiŋ, ambyuk maṅrĕmpak, woŋ bugis goloŋ pipis.

14. sawuṅgaliŋ sampun kataṅgĕban papan, kinrocok iŋ campuliŋ, ṛĕbaḥ wus katigas, siraḥ kinarya oñclaŋ, sira saŋ dipati tubin, duk amiyarṣa, dukanira tan sipi.

15. amaṛĕṅi radèn arya purbarana, lawan rahadèn patiḥ, nèŋ ṅarṣa dipatya, kaliḥ umĕsat sigra, kĕlawan woŋ joḍipati, prapta iŋ ajaŋ, ṛĕbut rok siliḥ uṅkiḥ.

16. wadya bugis nampuliŋ ginĕbaŋ kéntas, nusup kasuṇḍul biriŋ, amĕñcak tinumbak, milar milar winataŋ, nadyan buntuṅa kaŋ biriŋ, lamun iṅañcap, naḍahi pĕḍaŋ biriŋ.

17. kaŋ katlampik pan akèḥ dugaŋ dinugaŋ, maṅlut maputĕr biriŋ, cinundrik tan pasaḥ, woŋ joḍipati paṅgaḥ, winaṅkris bugis kèḥ mati, radyan apatya, kinarutug iŋ jurit.

18. sinakawan liniman dyan arya paṅgaḥ, linamĕṅan tan osik, cinundrik pinĕḍaŋ, tansaḥ wayaŋ wayaṅan, maṅrĕṣṭawal tinampiliŋ, pèṅĕl kaḷĕṅgak, biniṭi craḥ kapicil.

19. purbarana kinĕmbulan iŋ ṅakaṭaḥ, gĕbaŋ buntar mabiriŋ, maju maju pĕjaḥ, tumbak cinuṭat kéntas, akaṭaḥ maju pinaṇḍi, waṅké kumawaŋ, ḍupak maṅanan ṅériŋ.

20. jarumaka amĕcaḥ milar tinrajaŋ, tinaḍahan lan biriŋ, katulak manrajaŋ, maliḥ ginĕbaŋ kéntas, amamrĕm abutĕŋ maṅrik, miré lumumpat, sarwi anaṅkis biriŋ.

21. gapyuk macok iŋ driya kuwĕl magalak, purbarana tan osik, maṅuṅkil binuwaŋ, ḍawaḥ maṅériŋ ṅanan, nigas kapala prajurit, tigas matatas, gapyuk wor kèkèt maliḥ.

22. iŋ sĕdayu adipati purbarana, wĕtus lamĕŋ lan kĕris, mapagut putĕran, kaliḥ sudirèŋ apraŋ, maṅuṅkil biriŋ maṅuṅkiḥ, śri jarumaka, tiniṅgil tiba tĕbiḥ.

23. anututi dyan arya jayapuṣpita, ṅañcap kĕt piṅgaŋ muntir, kaŋ réma maṅikal, maṅitĕr anèŋ tawaŋ, winuwuŋ saŋ raja bugis, déniŋ curiga, salaŋ tatas ṅĕmasi.

24. wus gumuluŋ pra dipati para ménak, maṅrĕmpak mriŋ woŋ bugis, maniṅgar manumbak, mistul manumbak mĕḍaŋ, manaḥ amasĕr jĕmpariŋ, maglut manigas, saya kaṭaḥ kaŋ mati.

25. wadya bugis lir suluŋ ḷĕbu tumaṅan, waṅké suṅsun matiṇḍiḥ, kaŋ nabraŋ bĕṅawan, tinaḍahan woŋ jipaŋ, krĕtagñana anumbaki, asaraḥ wataŋ, bĕṅawan mili gĕtiḥ.

26. wadyabala aṅgĕbyur aramon wataŋ, woŋ jipaŋ améntari, waṅké tiŋ kurambaŋ, iŋ wuri jĕjĕl nabraŋ, katbuta kotbuta patiḥ, kadya kitiran, lawuŋ maṅampaḥ jurit.

27. rajèŋ bali iṅaṅsaḥ ṅaḍaŋ aḍaṅan, mriŋ prabhu urubĕsmi, woŋ wétan malatar, aglar anèŋ piṅgiran, sampun sinapiḥ kaŋ jurit, iṅkaŋ wus nabraŋ, tumpĕs tan ana kèri.

28. sampun sami makuwon iŋ pabitiṅan, sira saŋ urubĕsmi, siniwèŋ pra arya, pra ménak pra dipatya, raṅga ḍahèŋ para mantri, ya ta ṅandika, mriŋ saŋ madura aji.

29. yayi prabhu paran prayoganiŋ lampaḥ, pakéwuḥ dènnya jurit, lamun tan linaṅgar, wadya akèḥ kaŋ rusak, tan kĕna kinrokos jurit, kalamun datan, linaṅgar tan ṅlaṅgati.

30. dèn antosa sacandra maṅsa ṅlawana, paran ṛĕmbagnya yayi, matur śri madura, déwa ji yèn kawula, yogi ginĕbyuran sami, sira bĕjaa, pasraḥ hyaŋ sugsmana di.

31. rajèŋ bali tinari nĕṅgiḥ aturṇya, yèn maṛĕṅi déwa ji, yogi kinĕrtĕgan, nĕṅgiḥ iṅkaŋ bĕṅawan, ṅoŋ méraŋ wuruŋ ṅajurit, méndaḥ ta iṅkaŋ, pocapané iŋ bhumi.

32. lamun datan dados saṛĕmbag punika, suwawi miliḥ miliḥ, sabraṅĕn kaŋ kĕna, cinacap déniŋ kuda, nadyan tĕmpuḥ jroniŋ kali, yya tĕbiḥ lawan, pabitiṅan kaŋ lami.

33. raja kĕliŋ tinari ya ta aturṇya, ulun ṛĕmĕn aṅanti, tan kéṅiŋ iṅucap, nadyan sasèn sasèna, arjaniŋ bala kaŋ pinriḥ, lan sampun ṅantya, cuwa karṣa narpati.

34. yèn kéṅiṅa tuwanku sampun kumaṅga, amoṇḍoŋ prabhu dèwi, ywa ṅrisakkĕn bala, lawan sampun saṅsara, bhuta kotbuta tinari, laḥ paran bapa, prayoganiŋ ajurit.

35. sira bhuta kotbuta matur wotsĕkar, lamun suwawi gusti, baris iṅunduran, dimèn woŋ kulon ṅlaṅgar, ḍatĕŋ sawétaniŋ kali, tuwan mundura, mriŋ prabaliṅga gusti.

36. kaŋ supados pun raṅgalawé iŋ tuban, galak anĕmpuḥ jurit, gampil tinaḍahan, mila maṅké tan ṅlaṅgar, ériŋ mriŋ paduka gusti, alitiŋ manaḥ, manuṅsa mahospahit.

37. taṅèḥ lamun puruna muṅsuḥ lan tuwan, salumahiŋ pratiwi, kuṛĕbiŋ akasa, tuwanku tanpa timbaŋ, yèn nĕḍasana prajurit, dipati daha, prandéné tan kuwawi.

38. mila saṅĕt jèṅkèṅipun ḍatĕŋ tuwan, gusti ṅamuṅna mami, kaŋ umagut iŋ praŋ, lawan sapaliḥ raja, pra ménak raṅga dipati, aṅiŋ paduka, sampun téga iŋ dasiḥ.

39. ḍaḍalira iŋ wiṅkiŋ sampun kaḍaḍal, tuwan ṅlambuṅa aglis, wondéniŋ kawula, baris tan tĕbiḥ kiṭa, ḷĕhĕŋ kapara ṅunduri, kaŋ pinriḥ nroda, mĕṅsaḥ iŋ mahospahit.

40. kaŋ supados kéṅiṅa linaṅgar iŋ praŋ, tĕmaḥ èṇṭèṅiŋ jurit, dipati iŋ tuban, kalamun dèrèŋ ñabraŋ, ginĕbrak iŋ rèḥ tan koṅkiḥ, ayĕm ginasaḥ, papanira miranti.

41. saŋ śri bĕsma sakĕlaṅkuŋ dukanira, añĕntak sabda wĕṅis, liwat méraŋ iṅwaŋ, ṅanti mundur sajaṅkaḥ, méndaḥ ratu majapahit, ṅèsĕmi mriṅwaŋ, sinĕṅguḥ sun gumiṅsir.

42. lèrèḥ tĕmaḥ miranti srayaniŋ apraŋ, kuraŋ gugu kumitir, kaya dudu lanaŋ, woŋ aguŋ iŋ blambaṅan, wiguḥ wiguha iŋ pati, matur wotsĕkar, bhuta kotbuta patiḥ.

43. hèḥ prabhuku pukulun ginaliḥ iṅwaŋ, ṛĕbut rok siliḥ uṅkiḥ, nèŋ madyaniŋ apraŋ, ulun mundur sajaṅkaḥ, cacahĕn sabitiŋ bitiŋ, lamun kumĕcap, méṅo sagoḍoŋ pati.

44. sinosoga iŋ gañjur biriŋ kaŋ ṅatap, tanna laṅkuŋ déwa ji, muŋ wagĕda apraŋ, rèḥ muṅsuḥ ayĕm apraŋ, prajurit praŋnya matitis, datan maganas, kéwran taṅkĕpiŋ dasiḥ.

45. para raja gumuruḥ ṅĕmbul aturṇya, bhuta kotbuta patiḥ, wus liliḥ śri bĕsma, kondur mriŋ prabaliṅga, pra raja ménak dipati, ḍahèŋ pra raṅga, dahut sakuswañatri.

46. sira bhuta kotbuta mundur sĕgsana, maglar atata baris, nèŋ kikisiŋ kiṭa, ménak raja dipatya, sapaliḥ sampun rinakit, gantya kawarṇa, śri nataniŋ ajurit.

17. sinom

1. ki raṅgalawé iŋ tuban, samana iṅkaŋ winarṇi, nuju anèŋ pasaṅgrahan, ḷĕṅgahira ki dipati, anèŋ daḷĕm pribadi, aminta uṅguliŋ pupuḥ, manĕkuŋ jro wardaya, sira dipati iŋ tubin, sirṇèŋ tiṅal niŋ hyaŋ hyaŋ jagat pratiṅkaḥ.

2. binantĕr samèdinira, tan antara iṅkaŋ prapti, juwata iŋ suralaya, riŋ saŋ yyaŋ yamadipati, matur saŋ adipati, hoŋ siwaḥ boja déwa guŋ, déwané déwa mulya, kuwaṅwaŋ nétraniŋ dasiḥ, anuruni mriŋ padaniŋ kaŋ winĕnaŋ.

3. nir daḥna pina sabda, dĕrmaniŋ nata surupiŋ, iŋ saŋ hyaŋ nata priyaṅga, aṅrèḥ sarik nagra widdhi, aṅliŋ yamadipati, iya pawoŋ sanak ulun, hoŋ padya sirantuna, sahé sahé migĕnani, namunana siḍĕp titahiŋ winĕnaŋ.

4. iya kakasihiŋ déwa, ṅoŋ iṅutus hyaŋ pramèṣṭi, at iŋ hyaŋ sugsmanaṅsa, muṇḍut ñawanira kaki, rèhniŋ wus praptèŋ jañji, ya ajaliŋ putraniṅsun, pañjaŋ cĕṇḍakiŋ yuswa, kaki tan kĕna gumiṅsir, aṅlĕg iŋ tyasira saŋ dipati tuban.

5. tan liyan kèṣṭi iŋ manaḥ, apan amuŋ prabhu dèwi, kaŋ dadya sumĕlaŋ driya, déné saŋ dyaḥ dèrèŋ krami, wimbuḥ iŋ maṅké dadi, lalakoniŋ majalaṅu, dèrèŋ kantĕnan aṇḍap, uṅgulé dènnya ajurit, sĕnadyan ta pinuṇḍuta iṅkaŋ yuswa.

6. yèn wus pĕjaḥ ménakjiṅga, kapala ṛĕgĕdiŋ bhumi, wusana saŋ adipatya, umatur sarwi wotsari, sabdaniŋ hyaŋ kapuṇḍi, naṅiŋ pamintaniŋ ulun, iŋ saŋ hyaŋ siwaḥ boja, tan kilap wus ṅudanèni, nabda yamadipati laḥ adipatya.

7. dadi sira kuraŋ pasraḥ, tan jumĕnéŋ iŋ woŋ luwiḥ, miliḥ nampik iŋ wisésa, umatur saŋ adipati, ḷĕṛĕs saŋ hyaŋ déwa di, iŋ agĕsaŋ kaŋ linuruḥ, mulyaniŋ kasampurṇan, tan méṅrat mulyaniŋ jisim, nikmat arja kaŋ tĕka iŋ ariloka.

8. bok iṅgiḥ hyaŋ siwaḥ boja, sumados madyaniŋ jurit, waṅsul ta karṣaniŋ déwa, anitahakĕn iŋ mami, punapa ta kinardi, utama sawusiŋ nĕmu, lampahan ṅariloka, lawan punapa kinardi, utamèŋ trus iŋ gĕsaŋ tumĕkèŋ pĕjaḥ.

9. kaṅgĕg saŋ yamadipatya, tandya tumĕṅèŋ wiyadi, sigra saŋ hyaŋ pañji nrada, manikmaya kaŋ linuwiḥ, matur saŋ adipati, hoŋ siwaḥ boja déwa guŋ, dahniŋ pinara sabda, surupnya nata prayogi, amiminta ulun padaniŋ winĕnaŋ.

10. jarwanana sĕdyanira, sapaṅrèḥ sĕtyaniŋ dasiḥ, iŋ gĕsaŋ tumĕkèŋ pĕjaḥ, niṣṭa madyaniŋ utami, urip jamaniŋ pati, miwaḥ amba luhuripun, aṅliŋ hyaŋ pañji nrada, babo titaḥ iṅsun kaki, hoŋ masiḍĕp sirantuna siḥ wigĕna.

11. iya kakasihiŋ déwa, wus pinaṣṭi iŋ sugsma di, sira kinarya utama, musakani majapahit, sinatriya pinarjurit, kinarya prabotiŋ ratu, arṇgarcapada sira, babo kinarya utami, ṅariloka wus ginaḍaŋ gaḍaŋ mulya.

12. naṅiŋ ta ubayanira, iŋ maṅké iya wus prapti, muliḥ maraŋ kahilaṅan, aṅiŋ sarasaniŋ urip, wus katur hyaŋ pramèṣṭi, kumaranira saŋ bagus, wawayaṅaniŋ sugsma, wus nèŋ paṅayunan gusti, nora kĕna sumaya pĕcatiŋ ñawa.

13. lamun sira paripĕgsa, jumĕnĕŋ lawan utami, tur tan wuruŋ tĕkèŋ ajal, muṇḍak amumuraŋ kaŋ siḥ, aṅiŋ linilan ugi, babo kita mriŋ hyaŋ aguŋ, ṅanti tĕmpuhiŋ yuda, rèḥ pamintanira kaki, karya tilas labĕté tiṅkaḥ utama.

14. naṅiŋ tĕka wuruŋ ora, sira tumĕka iŋ pati, éman gĕmpaliŋ kamulyan, yèn darbé karṣa pribadi, tĕmahan nrimèŋ pĕṣṭi, sinuda sihiŋ déwa guŋ, matur saŋ adipatya, sihiŋ hyaŋ kapuṇḍi puṇḍi, anuruti padané iṅkaŋ winĕnaŋ.

15. alataḥ hyaŋ pañji nrada, aṅguguk yamadipati, iya iku woŋ utama, nora bakal woŋ aṅsal siḥ, déné ṛĕntĕṅiŋ bhumi, liṇḍuṅĕna iŋ déwa guŋ, sĕdéné putranira, iya saŋ naréndra putri, pra juwata iṅkaŋ darbéni bubuhan.

16. paṅèstu lan puja mantra, sarta karṣaniŋ sugsma di, wus maṛĕm saŋ adipatya, tĕpuŋ kalanira ṅuni, prabhu rara wus maṅsit, lakoné sariranipun, maṅkana saŋ dipatya, wusana sumraḥ naya di, wus umiyat dutaniŋ hyaŋ jagatnata.

17. iŋ ratri datan kawarṇa, éñjaŋ maṅkat saŋ dipati, siniwi iŋ pra bupatya, p‍êpak saguŋ iṅkaŋ naṅkil, miwaḥ séta kumitir, ajar ṅapit mabukuḥ, radèn patiḥ nèŋ ṅarṣa, aṅguṣṭi tĕmpuhiŋ jurit, wus pininta ḍaḍa tĕnapi paṅawat.

18. miwaḥ cucukiŋ alaga, tuwin iṅkaŋ samya dadi, aṅalap alapiŋ apraŋ, iṅkaŋ piṛĕmbug wus dadi, maṅlat maṅlaṅgar jurit, wus nabraŋ sadaya dahut, iŋ ĕnu tan winarṇa, wus ajĕŋ ajĕṅan jurit, baris wétan wus umèp matata gĕlar.

19. taṅkĕpira prit anĕba, gumuluŋ agoloŋ pipit, raja lan ménak dipatya, raṅga ḍahèŋ amĕnuhi, saha saha kaŋ dasiḥ, caruk wor gĕlariŋ pupuḥ, lir gunuŋ gĕni sinaŋ, lir sĕgara tanpa tĕpi, piraŋ piraŋ mariyĕm lan kalataka.

20. sinĕla sĕla makapaŋ, lan paṅgritan obat mimis, piraŋ piraŋ tanpa wilaŋ, ṅuṇḍuŋ uṇḍuŋ kadya wukir, miwaḥ inuman jurit, piraŋ piraŋ tanpa étuŋ, arak kĕnit wĕragaŋ, brĕnduwin kĕlawan api, kawarṇaa dadamĕl iŋ majaḷĕṅka.

21. tinon siŋ mandrawa gumyar, lir sĕkar sĕtaman asri, paptèŋ kala marcu méraŋ, gunastra marindik rindik, makilat kilat ṭaṭit, lumraṅtara wra supĕnuḥ, sorotiŋ sunar kumyar, daludag dĕdĕl kasilir, kĕntar kéntar kĕkaṇḍa ṅléla gumawaŋ.

22. gawaŋ gawaŋ awèḥ rimaŋ, lalayu bandéra asri, maṅuwuŋ matéja téja, waṅkawa maṅobar abar, èṛĕm hyaŋ bagaspati, para juwata supĕnuḥ, déwa déwa niniṅal, widadari ṅintip intip, gĕbyar gĕbyar mamanon manoniŋ apraŋ.

23. liḍaḥ maliḍaḥ kumĕñar, kumilat maṅilat ṭaṭit, pracalita tar antaran, ujwalanya añaṛĕṅi, puṣpa warṣèŋ mawanti, ganda kusuma sumawur, pañjraḥ pañjrahiŋ sĕkar, kĕpyur kĕpyur atraŋ sumrik, arum arum mĕḷĕg ganda kamarutan.

24. aṅléla dipati tuban, kaŋ dadya lajĕriŋ jurit, asoṅsoŋ maliyo jĕnar, anitiḥ pun saṅupati, lir sasrabahu sigit, woŋ joḍipati nèŋ ṅayun, kĕlawan woŋ trantaman, sarawisa amĕnuhi, dulaṅmaṅap apit apit ṅériŋ ṅanan. 

18. paṅkur

1. binaroŋ ganda pustaka, para mantri miwaḥ para prajurit, wahu manaḥnya wus mundur, kumĕlap iŋ déwanya, saṛĕŋ myarṣa ki raṅga iṅkaŋ pamuwus, tan ana kaŋ maliḥ tiṅal, muŋ déwané kaŋ kahèṣṭi.

2. maṅamuk manrot maṅrĕmpak, sira ganda mĕstaka wus ṅĕmasi, kasambut madyaniŋ pupuḥ, pĕjaḥ dé walikrama, surak umuŋ woŋ wétan lir gunuŋ guntur, awoŋ swaraniŋ matĕṅga, binaroŋ sampun ṅĕmasi.

3. pĕjaḥ lawan déwa sraya, para mantri lir suluŋ ḷĕbu gĕni, saŋ adipati anĕmpuḥ, rinĕbut iŋ ṅakaṭaḥ, sakudanya pun saṅupati atĕguḥ, tĕnapi panoṅsoṅira, awasta pun waṅsapati.

4. tan pasaḥ déniŋ tigswara, kuda datan pasaḥ katiban mimis, apan lir parada gumyur, tinon agĕbyar gĕbyar, saŋ dipati manahira saya mĕtu, tigswara makĕṭèn yutan, woŋ wétan akèḥ ṅĕmasi.

5. nuju ḍaḍaniŋ ayuda, bahuḍĕṇḍa saŋ madura dipati, wadyanira sami larut, kacuṇḍuk iŋ tigswara, śri madura kotbuta katbuta nĕmpuḥ, tan tumama déniŋ braja, mamrĕm maṅiwuŋ maṅuṅkiḥ.

6. dyan arya jayapuṣpita, pĕgsa kiwul tinatiga pan koṇṭit, pinĕḍaŋ kontal tinubruk, binuwaŋ wus katampan, déniŋ sira madura binuwaŋ mampruŋ, tiba ṅarṣa saŋ dipatya, gya maṅsaḥ wus dèn lañcaṅi.

7. kotbuta nrajaŋ magalak, tinaḍahan iŋ wadya joḍipati, rinampog mamrĕŋ maṅguluŋ, siṅa pinĕḍaŋ tatas, aṅkatbuta aṅiwut amiyak gañjur, taṅkis maṅidak wataŋ craḥ, pinĕḍaṅan nora osik.

8. siṅa rinasuk iŋ pĕḍaŋ, pagas tatas woŋ joḍipati gusis, śri bahuḍĕṇḍa maṅlambuŋ, sarwi sikĕp naṅgala, tandya saŋ dipati jinojoḥ tan kéguḥ, sinampé naṅgala gigal, śri madura dèn ḷĕpasi.

9. déniŋ kaŋ sañjata dibya, wus maḷĕsat tiba jabaniŋ baris, kotbuta mĕḍaŋ manubruk, sinaṛĕṅan tigswara, pĕḍaŋ putuŋ milar kotbuta manubruk, sinaṛĕṅan iŋ gaṇḍéwa, kéntas maḷĕsat lir mimis.

10. kotbuta maliḥ nĕrajaŋ, radèn arya patiḥ maliḥ naḍahi, mawanti paṅgoconipun, aṅkatbuta tan pasaḥ, kĕrèt gèbèg dyan arya sampun kacakup, maputrĕ binuwaŋ kéntas, tibèŋ siti ṅañcap maliḥ.

11. aṅukĕl réma añjambak, mañcat lambuŋ muwuŋ muwuŋ mawanti, winĕṅkaŋ radèn sinambut, binuwaŋ tibèŋ tĕbaḥ, radyan raṅga aṅgĕḍĕg gaṇḍéwanipun, satjata dibya lumĕpas, kotbuta kéntas jĕmpariŋ.

12. gajaḥ tĕpèṅsara kéntas, balaruci aṅaro saŋ dipati, sikĕp wataŋ numbak asru, tinaṅkis iŋ gaṇḍéwa, wanti wanti panumbakira tan tutug, ki raṅgalawé manabda, durmané sira ambalik.

19. durma

1. laḥ pagéné yayi gajaḥ tĕpèṅsara, lan yayi balaruci, tan nĕtĕpi sira, papintaniŋ juwata, tinitaḥ nèŋ mahospahit, tur binupatya, tĕmaḥ baléla gusti.

2. laḥ ta yayi éliṅa mriŋ sugsmanaṅsa, kĕrana juwata di, aṅgĕlar utama, sumraḥ gĕlariŋ kita, déné sira wani silip, watak kalunta, kaluputan dèn sĕmi.

3. saya ṅuṅkiḥ balaruci tĕpèṅsara, sigra manumbak aglis, gulali biriŋnya, ki gajaḥ tĕpèṅsara, balaruci numbak wani, sinampé kontal, ṅandika saŋ dipati.

4. iki si woŋ lumuḥ tĕka kabĕcikan, nĕmu apa iŋ pati, tĕpèṅsara nrajaŋ, ṅañcap sarya amĕḍaŋ, brĕmantya saŋ adipati, mĕḍaŋ tinampan, pinutuŋ tikĕl kaliḥ.

5. narik katga ṅañcap aṅlarihi sigra, tinĕpan gaṇḍéwa glis, kaŋ kĕpala ṛĕmak, wus pĕjaḥ kapisanan, balaruci aṅunduri, jayapuṣpita, nĕrajaŋ narik kĕris.

6. balaruci panumbakira kinayaŋ, aṅawĕt waja gaṭik, dyan patiḥ amilar, pyak maṅkat ikĕt piṅgaŋ, maṅukĕl réma muwuŋ kris, caciṅklok tatas, balaruci ṅĕmasi.

7. kawarṇaa sira radyan purbarana, iṅkaŋ paṅawat kériŋ, wus késisan bala, tumpĕs sawadyanira, kinalihan datan osik, caruk paḍa las, kambaḥ kambaḥ maṅuṅkiḥ.

8. adipati pĕkacaṅan sampun pĕjaḥ, tinumbak ḍaḍa iriŋ, ya ta janurwénda, sira raja baléga, wus daṅu asiliḥ biriŋ, lan purbarana, limpuŋ wus tan ṅĕnèni.

9. alugora aṅĕntiŋ datan tumama, samya alèrèn kaliḥ, samya sayahira, sawusnya ṅinum ḍasar, caṅklèt maliḥ siliḥ uṅkiḥ, ḍĕṅkaḥ ḍinĕṅkaḥ, maglut putĕr mawuṅkiŋ.

10. gĕnti juñjuŋ magĕnti kéntas kinéntas, gapyuk wor kèkèt maliḥ, ya ta kĕrtagñana, saṅkiŋ kanan kawarṇa, caruk wor bala magumrit, akaṭaḥ pĕjaḥ, paḍa tos siliḥ uṅkiḥ.

11. datan wiguḥ raja baṇḍuŋ widigdaya, tumbak tinumbak gĕnti, apĕḍaŋ pinĕḍaŋ, suduk sinuduk paṅgaḥ, gada ginada mawanti, sami sudira, kariṅĕt mĕtu gĕtiḥ.

12. galasahan acĕpĕṅan ikĕt piṅgaŋ, samya ḍèprok iŋ siti, ajèṅkèŋ rumaṅkaŋ, pupuḥ pinupuḥ tandya, patiŋ baṛĕkuḥ saŋ kaliḥ, gagap ginagap, patiŋ glĕṛĕŋ kapyarṣi.

13. gĕnti gorok ginorok gumrèt kaŋ waja, gloyoran wus ṅĕmasi, wadyanya tumpĕsan, nigan sapĕtaraṅan, ṛĕmuk wor tan ana kèri, gĕnti kawarṇa, sira saŋ urubĕsmi.

14. bantu apraŋ maṅliṅkuŋ sabalakuswa, saguŋ kaŋ para aji, prajurit magiyak, carukḍĕṅguŋ glogoṭaŋ, bajobaraŋ cukilmanik, woŋ gaṭodara, juraṅgaṭo maṅuṅkiḥ.

15. surabĕṭot woŋ surarayaḥ umaṅsaḥ, gumuluŋ ṅĕdrèl wani, añaṅgaḥ ñarampaŋ, aṅgaṇṭol grènèŋ gumraḥ, sami amasĕr ñĕmpuliŋ, swara lir gĕraḥ, kĕṇṭuŋ bèri munya śri.

16. kaŋ ayuda wiwit éñjiŋ ṅantya asar, tan ana kaŋ gumiṅsir, ṛĕṛĕmponiŋ ajaŋ, ya ta saṛĕŋ tinuñjaŋ, mriŋ sira saŋ urubĕsmi, samya katimpaḥ, tan bisa kiwul jurit.

17. kadi glona sinambĕr déniŋ matĕṅga, mawut sisaniŋ pati, kaŋ lumayu ṛĕbaḥ, kaŋ boraŋ sara raṅap, waṅké lir babadan paciŋ, rawa rawa raḥ, iliniŋ raḥ lir tasik.

18. baris kilèn upama bĕnduṅan bĕḍaḥ, larut tan maṅga puliḥ, muŋ kèri lajĕrṇya, sira saŋ adipatya, anitiḥ pun saṅupati, ṅléla katiṅal, soṅsoŋ maliyo kuniŋ.

19. radèn jayapuṣpita ambuntut kuda, sarwi aṅliga kĕris, woŋ wétan aṅrĕmpak, maju maju katulak, pinanaḥ dibya pramuṣṭi, sapiraŋ piraŋ, woŋ wétan iṅkaŋ mati.

20. saŋ śri bĕsma sakĕlaṅkuŋ dukanira, tandya ṅawaki jurit, tĕḍak siŋ matĕṅga, sarwi maṅikal ḍĕṇḍa, kumutug mawulat gĕni, kaŋ wadya surak, kĕṇṭuŋ bèri tinitir.

21. ṅuwuḥ uwuḥ mabĕlik śri urubĕsma, raṅgalawé iŋ tubin, laḥ payo nututa, éman lamun palastra, méndaḥ déné prabhu dèwi, yèn sira pĕjaḥ, taṅisé ṅrèndèŋ ati.

22. lan ta sapa kaŋ sun aku maratuwa, taliṅan lir sinĕbit, sira saŋ dipatya, manĕbda winor guyya, ménakjiṅga pĕgsa luwiḥ, diguŋ kumawa, aja kakéhan aṅliŋ.

23. saŋ śri bĕsma nĕrajaŋ gya linĕpasan, iŋ panaḥ bibya muṣṭi, makéntas kabuñcaŋ, kuwalik tibèŋ kisma, maṅsaḥ amilar mabĕlik, kacuṇḍuk kéntas, tibèŋ siti kuwalik.

24. sakĕlaṅkuŋ śri bĕsma brĕmantyanira, sigra anitiḥ èṣṭi, gya nandĕr magalan, prayitna saŋ dipatya, surak lir kaṛĕṅèŋ laṅit, gumraḥ gumĕntar, kĕṇṭuŋ bèri tinitir.

25. kaliḥ samya aṇḍatĕṅakĕn prabhawa, byuḥ bayu bajra prapti, kĕkuwuŋ maṅlayaŋ, obar abir gumawaŋ, téja waṅkawa mĕnuhi, kaŋ puṣpa warṣa, siram siram nrus ṅiṅiŋ.

26. saṛĕŋ cĕlak arṣa maṅrĕñjahkĕn liman, urubĕsma pinuṣṭi, kinaliḥ sañjata, tinibèŋ jaja kéntas, ḍawaḥ sajawiniŋ baris, kaŋ ponaŋ gajaḥ, tĕlalé pagas pañciŋ.

27. gĕro aṅrik nandĕr kaŋ ponaŋ dirada, nubruk pun saṅupati, dyan arya traṅginas, gajaḥ sigra iṅañcap, ginoco iṅkaŋ pok kupiŋ, atuna duṅkap, nora amiyatani.

28. liman aṅgro dyan arya rinĕñjaḥ ṛĕñjaḥ, gaḍiṅira manukit, dyan arya lumumpat, mubĕŋ midĕr putĕran, nusup maṅgoco dyan mantri, ponaŋ aṇḍĕman, cĕcĕp aṅgro kaŋ èṣṭi.

29. sru gumĕbrug liman aṅgré kapisanan, ya ta śri urubĕsmi, saya sru brĕmantya, maṅsaḥ maliḥ katulak, tiba satĕṅahiŋ baris, swara gumĕraḥ, subawa tiŋ caṛĕṅkliŋ.

30. wadya wétan gègèr mirut maputĕran, kurḍanira tan sipi, prabhu urubĕsma, pinaliḥ yudanira, uṇḍaŋ kinèn ṅrubut bĕḍil, mriyĕm gurṇita, kalataka mawanti.

31. kadya gĕlap sakĕṭi saṛĕŋ maṅampar, tansaḥ ṅurugi mimis, ki raṅga iŋ tuban, saṅkiŋ iŋ katĕbihan, tinaṅkis sara kaŋ mimis, ajur katulak, wĕnèḥ laju ṅĕnèni.

32. tibèŋ jaja tinon kadya sasuṅgan, panoṅsoṅira kanin, waṅsapati ṛĕbaḥ, tatu wus iṅambĕnan, kuwat maliḥ waṅsapati, ṅadĕg tan pisaḥ, ya ta saŋ adipati.

33. datan pĕgat aṅlĕpasi kaŋ sañjata, éwon makĕṭi kĕṭi, sami kaṭahiri, kulon lawan iŋ wétan, ya ta sira saŋ dipati, sumpiŋnya gigal, katrajaŋ déniŋ mimis.

34. galihira kumĕsar saŋ adipatya, tandya soṅsoŋ kapuṣṭi, ḍaṇḍanira pataḥ, sigar muluk iŋ tawaŋ, waṅsapati dèn kĕjèpi, kinèn lumajar, ya ta saŋ adipati.

35. nĕṅèŋ tawaŋ niṅali kèriniŋ swarga, binuka ṅraras ati, gya yamadipatya, prapta lan pra jawata, ambĕg ta maligi rugmi, myaŋ widadyarya, mijil kaŋ burat waṅi.

20. mijil

1. wus murcita yuswaniŋ dipati, sĕkala aṅlayon, ponaŋ kuda wus daṅu pĕjahé, aṅiŋ magsiḥ ṅagĕm saŋ dipati, saniṣkara sami, lir duk uripipun.

2. kapĕrbawa déniŋ saŋ dipati, asurèŋ palugon, ya ta wusnya pralaya iŋ maṅké, kuda ṛĕbaḥ kaŋ layon gumuliŋ, gĕpaḥ radèn patiḥ, pan adrĕs iṅkaŋ luḥ.

3. sasambaté radèn mĕlasasiḥ, aḍuḥ gustiniṅoŋ, datan sagĕt akantun dasihé, antènana iŋ paṅarib arib, anusul ṅĕmasi, gusti dasihipun.

4. ajanmaa kapiŋ pitu ṅabdi, nèŋ swarga sun ĕmoŋ, ṅranupada gusti kawulané, datan sagĕt ṅabdi lyaniŋ gusti, dèrèŋ ṅrahos dasiḥ, maḷĕs siḥ pukulun.

5. aṅuṅkĕp uṅkĕp rahadèn patiḥ, anuṅkĕmi layon, urubĕsma wus awas tiṅalé, tĕkèŋ layon saŋ dipati tubin, sawadyakuswasri, maṛĕpĕgi gupuḥ.

6. saṛĕŋ cĕlak dyan patiḥ ṅaḍaṅi, datan awèḥ iṅoŋ, aja sira pĕrpĕgi layoné, lamun iṅsun duruŋ aṅĕmasi, ménakjiṅga añjiŋ, patènana iṅsun.

7. aja liya iṅkaŋ anaṅani, ṅamuṅna sira woŋ, aja taṅguŋ rusakiŋ jĕnĕṅé, mriŋ gusti sun maliḥ mriŋ mami, mara dipun aglis, untapĕna iṅsun.

8. saŋ śri bĕsma aṅabĕn kaŋ dasiḥ, wadya kinèn ṅrocok, mriŋ dyan patiḥ lumagsana agé, piraŋ piraŋ kaŋ kuswa mapipit, tan ana nĕḍasi, radèn ṅuwuḥ uwuḥ.

9. sarya jèṅkèŋ aṅampiṅi jisim, ménakjiṅga katoŋ, mara iṅsun patènana ḍéwé, saŋ śri bĕsma maṛĕpĕgi aglis, dyan patiḥ binindi, pok taliṅanipun.

10. tandya pinéntaran ponaŋ jisim, tan tumĕkèŋ layon, tansaḥ wayaŋ wayaṅan jisimé, gya paréntaḥ prabhu urubĕsmi, kinèn ṅoboŋ aglis, sĕgsana tumanduk.

11. ṛĕṛĕmukan pacikĕpan jurit, kadya arga tinon, ṅuṇḍuŋ uṇḍuŋ gya sinumĕt agé, iṅĕsokan obat lan brĕnduwin, urubiŋ kaŋ gĕni, gandanya sumrik rum.

12. pra juwata para widadari, supĕnuḥ n‍ononton, aṅurugi ratus kasturiné, ṅalat alat lir wukir kaŋ agni, panoŋ layon kaliḥ, murca awor kukus.

13. sĕkariné wadya kaŋ ṅĕmasi, kaŋ kanin matrompoŋ, wĕnèḥ guluŋ awor lan mayité, myaŋ kaŋ aṅum aṛĕrawat gĕtiḥ, gya iṅorak arik, mriŋ woŋ wétan gupuḥ.

14. wĕnèḥ iṅĕdrèl myaŋ cinampuliŋ, kinĕpruk pinacoḥ, purbarana danurwénda rajèŋ, apan sampun pĕjaḥ wor iŋ jurit, layonira kaliḥ, mĕgsiḥ kèkèt kukuḥ.

15. kawarṇaa dyan séta kumitir, nèŋ buntar palugon, waṅsa iŋ jro pinĕpĕg barisé, pan sumĕdyarṣa ṅantĕp iŋ jurit, wadya goloŋ pipit, iŋ solaḥ aṅgrĕgut.

16. pĕpĕg nèŋ wana trataban baris, tampiṅan juraŋ jro, saguṅiŋ woŋ cacawĕtan agé, wus prayitna aṅawĕt jupipiŋ, brĕṅosé pinuntir, amandĕŋ dĕlaṅguŋ.

17. kasaru praptanya waṅsapati, woŋ tuban panoṅsoŋ, tatu ḍaḍa iŋ ambĕn kaniné, miyak wana dènira lumaris, kagyat radyan kaliḥ, pan sinĕṅguḥ muṅsuḥ.

18. saya cĕlak dyan kaliḥ niṅali, tan supé panoṅsoŋ, pan agĕpaḥ tinanya purwané, iŋ alaga matur waṅsapati, sanèṣkarèŋ jurit, ki raṅga kĕsambut.

19. atumpĕsan sakĕḍik woŋ urik, payudan ṛĕṛĕmpon, séta kumitir laṅkuŋ gla tyasé, dadya wuruŋ dènnya ṅantĕp jurit, kasaru kaŋ prapti, woŋ kawon pupuḥ.

20. woŋ kaŋ brana ṅarintiḥ anaṅis, samarga tiŋ blocor, woŋ sasambat gumrumuŋ swarané, opyak muṅsuḥ dyan séta kumitir, sigra nitiḥ wajik, aḍaḍal lumayu.

21. waṅsa iŋ jro samya ṛĕbut ḍiṅin, jinĕjĕl tan alon, gumarubyuk iŋ marga swarané, tiŋ jaṛĕṭot nasak iŋ wanadri, akaṭaḥ kuwalik, ikĕt piṅgaŋ runtuḥ.

22. tan tinoliḥ kudanya aṅgĕndriŋ, kaŋ sawĕnèḥ mogok, tandya muḍun tinilar kudané, wadya kaŋ ḍarat sami ṅarintiḥ, tinuñjaŋ iŋ wajik, sambat aḍuḥ biyuŋ.

23. kaŋ sawĕnèḥ wadya lan pĕkaṭik, kudanya kinoñcoŋ, ginĕndiran samya muṅkur bahé, sikĕpira aṅamplok tan osik, ḍaḍa kinapiṭiŋ, samya luru apus.

24. ya ta riŋ saŋ prabhu urubĕsmi, akondur makuwon, ḍatĕŋ prabaliṅga sawadyané, kaṭaḥ loṅé wadya kaŋ ṅĕmasi, dĕstun cacaḥ janmi, kantun pituŋ èwu.

25. laṅkuŋ suka tyasira saŋ aji, wadyanya ṛĕṛĕmpon, maṅu maṅu aṅlaṅgar jurité, mĕné gantya kaŋ kawarṇa maliḥ, nagri mahospahit, riŋ saŋ murtiniŋ rum.

26. kasĕṅkĕlan iŋ driya kawadi, rèḥ sindura ṅlayon, majaḷĕṅka ilaŋ babaṇṭèṅé, wimbuḥ ginubĕl dyaḥ rarasati, tan pĕgat apamit, sumusul iŋ lampus.

27. sĕdya ḷĕ tumaṅan ṅlabuhi, iŋ rama sĕlayon, tansaḥ sarta séta busanané, tanpa ḍahar saŋ dyaḥ tanpa guliŋ, waṣpanya drĕs mijil, iŋ siyaŋ myaŋ dalu.

28. akaruna dèwi rarasati, ṅlayuŋ ujwala ṅloŋ, prabhu rara wagugĕn iŋ tyasé, tansaḥ ṅimur mriŋ dyaḥ rarasati, jinum sĕbda ririḥ, sĕpĕt madu juruḥ.

21. ḍaṇḍaŋgula

1. yayi aja wigĕna iŋ galiḥ, wus pinĕṣṭi jañjiniŋ juwata, paman sindura ajalé, kasambut iŋ apupuḥ, iku pati iṅkaŋ linuwiḥ, mulya tanpa antara, laju mriŋ swarga guŋ, ṅlabuḥ iŋ rèḥ raharja, nora giṅgaŋ iŋ sabda kaŋ wus kawijil, pĕrcayèŋ sugsmanoṅsa.

2. alaḥ sira déné paman yayi, gĕṅiŋ trĕsna maraŋ pujamantra, muŋ sira kaŋ dadi tyasé, prandéné datan kétuŋ, labĕt amriḥ pratamèŋ bhumi, tinruṣkĕn ṅariloka, krahayon ginĕluŋ, gulaŋ laṅgĕṅiŋ sampurṇan, yayi aja aṅgaliḥ kaŋ wus aṅsal siḥ, kinarṣan iŋ sugsmana.

3. kapiṇḍoné dènira mriḥ puji, kalokèŋ praŋ sura kawidibyan, sira kaŋ dèn titipaké, yayi mriŋ jĕnĕŋ iṅsun, rèḥ tan darbé atmaja maliḥ, yayi pan amuŋ sira, kaŋ sinugsmèŋ prabhu, tĕmahan ḷĕbu tumaṅan, tan kamantrus iŋ urip tĕkèŋ iŋ pati, muŋ siji olèhira.

4. amuŋ kapatèn iṅkaŋ pinaṅgiḥ, sanadyan ta yayi kapaṅgiha, yèn duruŋ tama uripé, yayi nora pinuñjul, tur asiya siya iŋ jisim, balik dipun narima, iŋ déwa kaŋ aguŋ, sinahu olaḥ kamulyan, majapahit sira mèlua darbèni, gĕluŋ kaḷĕṅkèŋ iŋ rat.

5. iku yayi kaswargan linuwiḥ, kalamun wignya maṅulaḥ jagat, sĕmbada pamrĕs budiné, tumĕkèŋ pati luhur, nikmat tulus sihiŋ sugsma di, swarga saya iṅémbaḥ, ṅarilokanipun, witniŋ iṅsun iki apa, yayi dèwi kinarya lakoniŋ bhumi, prandéné sun narima.

6. piraba béñjaŋ tĕmbé yayi, linuwarkĕn siŋ gĕlaḥ suṅkawa, sun liṇḍuṅkĕn déwa bahé, yèn sira trĕsnèŋ tuhu, maraŋ iṅsun karyanĕn yayi, gagĕntiniŋ sudarma, kamugtèn pinandum, yayi pan wus bĕjanira, bĕjaniṅwaŋ woŋ loro paḍa ṅlabuhi, yayi ayya sulaya.

7. amituhu ṛĕtna rarasati, sinuŋ sabda sumèḥ sumrik sumraḥ, rumĕsĕp iŋ tyas sariné, gantya iṅkaŋ winuwus, amaṅsuli purwaniŋ ṅuni, duk patiḥ mahundara, darbé putra jalu, abagus suwarṇanira, sinuŋ aran nĕṅgiḥ radèn damarṣasi, putra pintaniŋ dèwi.

8. saméndraniŋ bhuwana tan maṅgiḥ, sakuṛĕbiŋ akasa tan mémba, sĕklaṅkuŋ laṅkuŋ bagusé, lir hyaŋ asmara nurun, nora mèmpĕr nora na mirip, iŋ hyaŋ saŋ hyaŋ asmara, iya damarṣantun, siṅa mulat ṅĕṅlĕŋ braṅta, swaranya rum maṅañut yuswaniŋ èstri, maṅguŋ karya la ĕla.

9. wus karṣaniŋ juwata linuwiḥ, sanagri jawi maṅsa punika, miwaḥ iŋ suralayané, sakèhiŋ bagus bagus, alus alus myaŋ sigit sigit, dĕliŋ myaŋ raras raras, myaŋ kaŋ rayuŋ rayuŋ, maṅlĕntrèḥ myaŋ mawiḷĕtan, manis sumèḥ mrak ati mintaniŋ aṅin, kari ampas sadaya.

10. kumaraniŋ ṅambilan wus ĕntiŋ, kinumpulkĕn iŋ dyan damarwulan, taṅèḥ rinoñcé bagusé, bagus ratuniŋ bagus, lir mamanon ṛĕtnaniŋ bhumi, tur bhumi iṅkaŋ mulya, mulyaniŋ woŋ bagus, kahélokaniŋ kaswargan, kaḷĕṅkaniŋ ḷĕṅlĕŋ kaluṅlun linuwiḥ, luwiḥ dyan damarwulan.

11. wus ginĕbag titahiŋ déwa di, adinira sampun iṅambilan, aṅumpul sinariŋ manèḥ, pinèt iŋ sarinipun, sari nulya sinariŋ maliḥ, iṅambil cahyanira, kaŋ cahya binubut, kantun galihé kéwala, gya binubut pinatut iŋ déwa luwiḥ, dadya dyan damarwulan.

12. dudu wulan iṅkaŋ añĕnĕni, dudu srĕṅéṅé kĕŋ karya paḍaŋ, pasrahĕna kaŋ adarbé, iṅkaŋ darbéni suwuŋ, suwuṅira ginĕlar yakin, grahitanĕn dènira, satuhuniŋ kawruḥ, kawruḥ kaŋ mĕṣṭi utama, utamané iŋ urip tumĕkèŋ pati, wĕrana damarwulan.

13. amaṅsuli kaŋ cariyos maliḥ, saŋ hyaŋ tuṅgulmanik garwanira, dyaḥ campurṣari namané, anĕṅgiḥ putranipun, hyaŋ muṣṭikamaya saŋ ṛĕsi, piḷĕṅgaḥ paluhamba, kasĕbut bubuyut, paṇḍita aṅraga sugsma, bĕntur tapa sampurṇa iṅkaŋ pamuji, pinuji puja braṅta.

14. hyaŋ tuṅgulmanik lan campurṣari, ayĕyogya iŋ dyan damarwulan, timur tĕkèŋ diwasané, iṅĕmoŋ saŋ hyaŋ wiku, paluhamba iṅkaŋ paliṅgiḥ, buyut muṣṭikamaya, ya ta dyan kawuwus, sinuŋ kaliḥ pamoŋ jiwa, roro sanak santana hyaŋ tuṅgulmanik, sabdapalon kaŋ tuwa.

15. nayagéṅgoŋ rané ikaŋ ari, paṇḍita samar sinamur sabda, cucut iŋ sapratiṅkahé, pinĕṇḍĕm nora bawuk, nora gĕsĕŋ déné iŋ gĕni, paṅucap sapaṅrèḥnya, dadya pujinipun, tinarima iŋ sugsmana, parpat kaliḥ datan pisaḥ radyan mantri, musakani iŋ lampaḥ.

16. pan iŋ maṅké radyan damarṣasi, pamit éyaŋ sumĕdya suwita, mriŋ majaḷĕṅka rahadèn, saŋ wiku aṅsuŋ tuduḥ, lamun prapta iŋ mahospahit, kinèn jujug ki patya, tur sudarma tuhu, sapaṅrèḥ kinèn lumagsa, mèstutèŋ rèḥ datan kawarṇa iŋ margi, prapta kikisiŋ kiṭa.

17. tuhu bagus radyan damarṣasi, kampuhira gaḍuŋ pinarada, kinonaŋ konaŋ sakĕbon, paniṅsĕté sinawur, clana ciṇḍé sĕkar pinrĕsmi, jamaŋ mas kinatipa, winarjasèŋ santun, asumpiŋ candrawirama, rumbiŋ ṛĕtna piniṇḍa sĕkar mĕlaṭi, ḍuwuŋ tinaturaṅga.

18. wayaŋ wayaṅan dènnya lumaris, kasuluḥ déniŋ hyaŋ arkamaya, gumĕbyar iŋ pamuluné, hyaŋ hyaŋ asmara nurun, pan iṅiriŋ paṛĕpat kaliḥ, radyan iŋ tindakira, èbĕg kaŋ andulu, siṅa mulat ḷĕṅlĕŋ braṅta, cĕṅĕŋ kumyus kariṅĕtira drĕs mijil, kasaput iŋ asmara.

19. pra wanodya gumraḥ aniṅali, mondrèŋ duduṅik lan sambiwara, lir mati ṅadĕg ciptané, ana aṅusap rambut, wĕnèḥ payudara liniriŋ, wĕnèḥ aṅĕmban anak, piniṇḍa kĕlayu, wĕnèḥ iṅkaŋ wadé sĕkar, rawé rawé sĕkaré dipunarasi, sĕmuné añjĕjawat.

20. wĕnèḥ wanodya kapĕṭuk margi, jĕjĕr datan bisa luṅa luṅa, ṅĕtutakĕn paniṅalé, nadyan saminiŋ kakuŋ, ḷĕṅlĕŋ mulat abraṅta kiṅkin, radyan iŋ tindakira, samarga tumuṅkul, sĕpdapalon géṅgoṅnaya, lalakoné pinatut pinikir pikir, luwuŋ ñuwira gambaŋ.

21. pacak sĕṅguḥ sasigar saḍuwit, wayaṅanira winaṅwaŋ waṅwaŋ, tĕka muṇḍak cucut bahé, maḷĕṇṭèt wĕtĕṅipun, kulitira akiñis kiñis, kaku rasaniŋ manaḥ, tan ana kaŋ dulu, tiwas kèri lan gustinya, ya ta wahu lampahira radyan mantri, prapta iŋ kapatihan.

22. sampun katur mriŋ ṛĕkyana patiḥ, lamun ana woŋ sĕdya ñuwita, ya ta iṅandikan agé, kyana patiḥ kawuwus, pinrak baṅsal iŋ madésari, damarwulan duk prapta, iŋ natar kasuluḥ, ṅirawan agĕbyar gĕbyar, kyana patiḥ kagyat saṛĕŋ aniṅali, lir mulat danasmara.

22. asmaradana

1. dyan mantri bukuḥ aliṅgiḥ, nèŋ ṅaṇḍapiŋ papĕṭétan, daṅu tan dinaṅu radèn, sinamur sinambi mucaŋ, sarya gĕbĕg laṇḍéyan, tansaḥ ñoloŋ liriṅipun, paṅunadikaniŋ manaḥ.

2. iki si woŋ bagus luwiḥ, lawan sun nèŋ marcapada, katĕmbèn tĕmĕn sun tumon, dudu iŋ suwadinira, baya pujan juwata, yèn ta kawĕntar iŋ luhur, muruṅaké lalampahan.

3. ki séta layaŋ kumitir, yèn luput luput kasiṅsal, kĕlamun ta bocaḥ kiyé, awèt anèŋ majaḷĕṅka, nora wuruŋ kinarṣan, iŋ saŋ maha ratu ayu, ya éwuḥ apa ta iṅwaŋ.

4. gya iṅawé radyan mantri, umarak wus praptèŋ ṅarṣa, kya patiḥ ṅandika alon, janma ṅĕndi sira bocaḥ, arṣa suwita mariṅwaŋ, wonsĕkar dyan damarṣantun, ulun laré paluhamba.

5. mahundara kaŋ sisiwi, sumĕdya aṅranupada, ḍatĕŋ paduki wiyosé, awas ta pun damarwulan, kya patiḥ aṅandika, sun tanya mriŋ sira kulup, sapa iṅkaŋ aṅsuŋ nama.

6. umatur rahadyan mantri, iṅgiḥ sudarma kawula, ya ta kya patiḥ liŋnya lon, yèn maṅkono sira bocaḥ, dadi anak manira, naṅiŋ ta luwiḥ botipun, woŋ ṅawula maraŋ iṅwaŋ.

7. sira apa aṅlakoni, maraŋ iŋ pituduḥ iṅwaŋ, ya ta dyan mantri aturé, iṅgiḥ sakarṣa paduka, kawula tan ḷĕṅgana, iŋ gĕsaŋ tumĕkèŋ lampus, sapaṅrèḥ ulun sandika.

8. ya ta woŋ sadaḷĕm puri, samya aṅintip rahadyan, supĕnuḥ kaŋ para sinom, agupita ginupita, cĕṅĕŋ ḷĕṅlĕŋ tumiṅal, lir dudu manuṅsa tuhu, ya uga juwata mulya.

9. iṅkaŋ satĕṅaḥ pawèstri, kagagas karasa rasa, wĕnèḥ aṅambuŋ kañcané, wĕnèḥ ṅusap usap jaja, wĕnèḥ akirap réma, sawĕnèḥ amijĕt lambuŋ, kĕmpuŋ uyap sikut bĕṅka.

10. wontĕn kawurṣitèŋ maliḥ, putrané ṛĕkyana patya, añjasmara saŋ lir sinom, arṣa umarak iŋ rama, saṛĕŋ sapraptanira, kagyat saṛĕŋ duk andulu, dènnya mulat tamu prapta.

11. saŋ dyaḥ ṛĕtna gya mĕrpĕgi, aṅintip anèŋ warana, saṛĕŋ andula warṇané, ḍatĕŋ rahadyan sasaṅka, kumĕsar galihira, gumĕtrĕ sariranpun, sĕkala tanpa jamuga.

12. wimbuḥ duk rahadyan mantri, umatur mriŋ kyana patya, arum añĕñĕt swarané, gumĕbyar sorot waja, lir ṭaṭit ṛĕbut paran, saŋ dyaḥ kĕtĕgnya sumawur, tanbuḥ rahosiŋ wardaya.

13. amawaŋ mawaŋ kaŋ liriŋ, liriṅé radyan sasaṅka, kadi wulan samĕloké, ṅléla gumawaŋ kaŋ cahya, cahya nrus maraŋ tawaŋ, lir mugswèŋ ṅĕṅgon saŋ ayu, kĕna iŋ pĕṅaribawa.

14. ya ta saŋ ṛĕtna maṛĕṅi, ṅasta sĕkar sumarṣana, iŋ wahu tan ṅantos ṅaṅgé, dadya iṅasta kéwala, grègèli datan krasa, gya mundur iŋ daḷĕmipun, gandruŋ gandruŋ naṇḍaŋ braṅta.

15. braṅtanira amiḷĕt siḥ, sumaput tĕḷĕṅiŋ driya, sarwi ṅrimoŋ sĕmĕkané, ṛĕtna dèwi añjasmara, dahat kuñjana papa, iŋ sasolaḥ tiṅkaḥ ṅuṅun, biyadaniŋ kĕpatihan.

16. tan liyan kaciptèŋ galiḥ, muŋ radèn damarṣĕsaṅka, waduŋ pari sira radèn, kaniaya aṅsuŋ braṅta, sĕmbuŋ tikta iŋ tĕgal, sun samur mĕgsa kagugu, satriya iŋ paluhamba.

17. jahé wa sun wastani, kaŋ ati poyaŋ payiṅan, labĕté trisna ḍèwèké, gaḷĕpuŋ pañidrèŋ surya, sun lalipur tan kĕna, kĕbo baŋ kagok iŋ suṅu, sĕpi rarasaniŋ driya.

18. ramon kali woŋ abĕṇṭiŋ, toya mijil ṅawaŋ awaŋ, pirabara iṅsun radèn, wawuḥ lawan jĕṅandika, parikan sariboja, sun tatĕḍa mriŋ déwa guŋ, dadia laki kawula.

19. kĕpuḥ guŋ awoḥ kénari, ḍaṇḍaŋ wiriŋ sira déwa, muŋ sok aja luṅa bahé, sira saṅkiŋ kĕpatihan, yuyu laṅkiŋ samodra, sun réwaṅi adol piñjuŋ, darbé sobat lan andika.

20. saṅsaya kaṇḍohan kiṅkin, amayaŋ suséla braṅta, baraŋ winaṅwaŋ iṣṭané, satriya kaŋ añar prapta, kaŋ kèṣṭi kasat mata, kumaṇṭil anèŋ jajantuŋ, pawor lan budi kasmaya.

21. saŋ dyaḥ wus miṅgaḥ jinĕm mrik, mujuŋ kampuhira jiṅga, ṅĕsĕb ĕsĕb guguliṅé, tanbuḥ surasaniŋ driya, baya karṣaniŋ déwa, saŋ dyaḥ kĕbañjiran wuyuŋ, ginoyaŋ iŋ madu braṅta.

22. maliḥ warṇanĕn kya patiḥ, ṅandika mriŋ dyan sasaṅka, iya sun aṅgĕb ḍèwèké, aṅawula maraŋ iṅwaŋ, pirabara iŋ béñjaŋ, sira sun pariṅi luṅguḥ, ḍiṅin magaṅa kéwala.

23. naṅiŋ yèn iṅsun anaṅkil, sirèku yya mèlu séba, kèria iŋ wisma bahé, wantu sira añar prapta, soso iŋ tĕmbuŋ lampaḥ, yèn ta kapraṅgul woŋ aguŋ, sira mĕgsiḥ mambu désa.

24. matur nuwun radyan mantri, kya patiḥ maliḥ ṅandika, lan sira sun wèhi gawé, sawawĕṅkoniŋ paséban, régol lan luluruṅan, poma aja koṅsi jĕmbruŋ, lan sakèhiŋ papĕṭétan.

25. patutĕn iṅkaŋ awiṅit, rampasana kaŋ tan rampak, yya koṅsi pĕgat siramé, lan sira aja aṅambaḥ, sajroniŋ palataran, sigug tur duruŋ tahu wruḥ, pratikĕlé woŋ nèŋ praja.

26. matur sandika dyan mantri, maliḥ kya patiḥ ṅandika, lawan sira ṅiras gawé, ambumèni lawaŋ jaba, lan aja luṅa luṅa, dèn awas woŋ mlĕbu mĕtu, lan yèn ana woŋ gagawa.

27. dèn titi amitakoni, wruha pakaryaniŋ lampaḥ, lan yèn ana sandiniŋ woŋ, sira iṅkaŋ katĕmpuhan, sawab woŋ tuṅgu lawaŋ, sandéné pala gumantuŋ, sawawĕṅkoniŋ paséban.

28. cacaḥna iṅkaŋ atiti, lumraḥ gaḍaṅan utama, titi patitis karyané, aṅĕdèhi tyas kaŋ suka, yya katuṅkul pépéka, dèn sĕm mriŋ pakaryanipun, tan kĕna manaḥ ṅrasula.

29. saparéntaḥ dèn lakoni, sinĕdya dadia tapa, bĕgtèkĕna iŋ déwané, sabdéné maraŋ manira, radyan matur sandika, ya ta laluwaran sampun, wus mĕdal radyan sasaṅka.

30. ya ta paṛĕpatnya kaliḥ, wus samya tumut uniṅa, iŋ kyana patiḥ karṣané, sabdapalon géṅgoṅnaya, tandya sami mirantya, ṅrampas norok bĕsik luruŋ, anirami papĕṭétan.

31. wowohané dèn broṅsoṅi, sarwi winilaŋ sadaya, myaŋ tĕṅga parégolané, saguṅiŋ woŋ mañjiŋ mĕdal, samya kaṇḍĕg iŋ lawaŋ, jombloŋ mulat mriŋ saŋ bagus, miwaḥ pra wanodya iŋ lyan.

32. samya sandi darbé kardi, laṅkuŋ régol kĕpatihan, jatiné kudu wruḥ bahé, ḍatĕŋ radyan damarwulan, sawiyaḥ iŋ agĕsaŋ, siṅa mulat ḷĕṅlĕŋ maṅu, iŋ saŋ akarya la ĕla.

33. miwaḥ kusumaniŋ ati, ṛĕtna dèwi añjasmara, noya mili utusané, sandi anamur cundaka, ĕmban kalawan inya, aṅrugti mriŋ saŋ binagus, bara bara dadi karya.

34. sasanèṣkara atiti, iŋ purwa madya wusana, mikolèhi pitĕmbuṅé, naṅiŋ radyan wus grahita, sasolaḥ mambu manaḥ, kĕñina rumiŋ pitĕmbuŋ, rarasiŋ woŋ awibawa.

35. pranané anuju ati, sĕmuné anaṇḍaŋ braṅta, tur dudu karyané ḍéwé, radyan saklaṅkuŋ jrihira, kaṭaḥ taṅsiliŋ sabda, aṅĕdohi maṅrèḥ luput, méndaḥ ḍĕṇḍaniŋ juwata.

36. sarya pamĕlèhiŋ bhumi, yèn giṅgaṅa iŋ pañipta, muja braṅta iŋ sugsmanon, sabdéné aṅlaṅgatana, nalar kaŋ tan raharja, mila sakĕlaṅkuŋ laṅkuŋ, sĕtya tuhu mriŋ saŋ patya.

37. ya ta kaŋ paṛĕpat kaliḥ, sĕbdapalon géggoṅnaya, apan nutug kamugtèné, kaṭaḥ kaŋ muñjuŋ paṅanan, kapéñcut iŋ cucutnya, samya suŋ jĕnaŋ bĕkatul, plèk ĕmplèk aṅkĕp aṅkĕpan.

38. bulus aṅrĕm lawan iṇṭil, sĕga giliŋ lawuḥ kĕṭak, cabuk lawan baloṇḍoné, kaṭaḥ janma iṅkaŋ trĕsna, sarya èṅĕt iŋ kina, kaliḥ kulawarganipun, iŋ ṅuni hyaŋ mahundara.

39. abdi tutumbaliŋ bhumi, amusakani iŋ lampaḥ, tur iṅuguŋ mriŋ gustiné, ṅiras dadya laṅlaŋ wija, cucut iŋ warṇanira, ki sabdopalon atĕḍuḥ, kandĕl pacakiŋ wadana.

40. wĕtĕŋ wĕkrĕ mata ṅriyip, aḍèmĕs tĕnaganira, lawan maliḥ kaŋ papĕṭèk, pantĕs timbula iŋ braja, janma warṇa maṅkana, acucut praḍaḥ iŋ saṅgup, ki nayagéṅgoŋ kawarṇa.

41. cèbol kĕpalaŋ acaṇṭik, iruŋ suṇṭi baṭuk bañak, aṅgliṅsĕŋ pakulitané, nétranya bundĕr ṅatiraḥ, amuŋ papĕṭèkira, wiraga paṅadĕgipun, amantĕp tĕguḥ wiyana.

42. baraŋ kaniṣṭané dadi, nĕṅgiḥ iŋ caṅkĕm larutnya, naṅiŋ mantĕp karya abot, tan darbé susahan manaḥ, tansaḥ atĕtĕmbaṅan, saṅkiŋ sĕṅkĕl sĕṅkĕlipun, alalagon roniŋ kamal.

23. sinom

1. ya ta iṅkaŋ kawurṣita, maha saŋ naréndra putri, siniwi iŋ pra dipatya, miwaḥ iṅkaŋ taṇḍamantri, supĕnuḥ kaŋ anaṅkil, ajajaran tuṇḍa pitu, bandéra warṇa warṇa, amakubĕŋ iŋ sitiṅgil, dorapati jagabéla pĕraṅtandaŋ.

2. miwaḥ woŋ wisapracaṇḍa, ñaṅkrakñana wanèṅpati, wiruta satrutama, abdi tutumbaliŋ bhumi, tinon mawarṇi warṇi, abra busananya murup, kyana patiḥ ṅandkan, miṅgaḥ ḍatĕŋ iŋ sitiṅgil, miwaḥ radyan sasimpiŋ wus praptèŋ ṅarṣa.

3. ṅandika prabhu wanodya, paran bapa kaŋ pawarti, paman raṅgalawé tuban, dènira amagut jurit, miwaḥ séta kumitir, tansaḥ sumĕlaŋ tyas iṅsun, déné paman sindura, adiguŋ prakosèŋ jurit, suprandéné tiwas anèŋ adilaga.

4. umatur ṛĕkyana patya, iŋ pandugi kula gusti, iṅgiḥ ugi baṅkat karya, pun paman dipati tubin, mumpuni iŋ ajurit, pasaḥ ḍatĕŋ agal alus, datan kuciwèŋ iŋ praŋ, pun paman amitadosi, iṅgiḥ ugi pasaḥ ḍatĕŋ ménakjiṅga.

5. utawi pun layaṅséta, lawan pun layaṅkumitir, kados tan tiwas iŋ karya, kaliḥ samya mitadosi, guna sĕrana ṅĕntiŋ, iŋ kadigdayan pinuñjul, wignya aṅabĕn bala, iŋ praŋ botĕn ṅuciwani, iṅgiḥ ugi kaliḥ samya baṅkat karya.

6. ṅandika prabhu kumara, èsmu srĕt pamĕḍariŋ ṅliŋ, bĕnĕr aturira bapa, naṅiŋ iṅsun nulayani, karṣaniŋ juwata di, bapa kaya duruŋ tutuk, dènnya karya lampahan, iya maraŋ awak mami, milanira sumĕlaŋ rasaniŋ driya.

7. ya ta maliḥ aṅandika, ḍatĕŋ ṛĕtna rarasati, ḍuḥ yayi paran wartanya, lakuné séta kumitir, déné tĕka alami, pandugi kawula prabhu, kados uṅgul iŋ apraŋ, déné ta ṅantos alami, lamènira aṅutamakakĕn lampaḥ.

8. yèn ta upami tiwasa, kados wus atur udani, para mantri pra prawira, kaŋ samya kinaṇṭi jurit, iŋ maṅké wus tawis, tan wontĕn pawartosipun, éca lagya ṅandika, maha saŋ naréndra putri, gya kĕsaru praptané dyan layaṅséta.

9. lan layaṅkumitir radyan, sigra sigra saŋ akaliḥ, gumrubyuk sabalakuswa, praptèŋ pagĕlaran aglis, tandya ṅandikan sami, miṅgaḥ ḍatĕŋ sitiluhur, lan raṅga minaṅsraya, miwaḥ ki ménak giyanti, praptèŋ ṅarṣa umatur dyan layaṅséta.

10. sapratiṅkahiŋ alaga, myaŋ aṇḍap uṅguliŋ jurit, séda adipati daha, miwaḥ dipati iŋ tubin, sapatrapiŋ ajurit, iṅaturakĕn sĕdarum, purwa madya wusana, apan jinarwa wus titi, sapatuté rada ṅaliṅi sarira.

11. ya ta saŋ prabhu wanodya, sapandurat datan aṅliŋ, duk myarṣa iŋ aturira, radyan séta lan kumitir, jĕṅkar saŋ prabhu dèwi, tandya kondur aṅĕḍatun, kya patiḥ sigra bubar, pararya maglaran sami, tandya mijil ni sĕpĕtmadu wilaja.

12. aṇḍawuhakĕn timbalan, ḍumatĕŋ ṛĕkyana patiḥ, iŋ maṅké karṣa narénda, animbali iṅkaŋ bibi, garwanira dipati, iŋ tuban saputranipun, déné iṅkaŋ lumampaḥ, ni sĕpĕtmadu pribadi, lawan wadya kliwon jawi sapaṅiwa.

13. sandika turé kya patya, gya pininta pinta sami, kaŋ baḍé ḍumatĕŋ tuban, ya ta luraḥ para gusti, wilaja malbèŋ puri, gya maṅkat ni sĕpĕtmadu, kalawan kliwon jaba, ménak blĕḍug lawan maliḥ, ménak tuñjuŋ sabuktali datu lawan.

14. sabukjanur talimimaŋ, gañcaṅan samargi margi, wus ḷĕpas iŋ lampahira, ya ta kaŋ kawuwus maliḥ, saguŋ iṅkaŋ anaṅkil, luwaran sadaya sampun, iŋ dalu tan kawarṇa, éñjiŋ dyan séta kumitir, samya sowan ḍumatĕŋ iŋ kapatihan.

15. gulaŋ gulaŋ anèŋ ṅarṣa, kajinĕman amĕrapit, ginaṛĕbĕg balatantra, asikĕp pĕḍaŋ lamsir, towok kantar suligi, taḷĕmpak tĕnapi busur, ya ta sapraptanira, kapatihan régol jawi, kagyat mulat woŋ bagus maṅloŋ nèŋ lawaŋ.

16. cahyanya miṇḍa sasaṅka, lir komajaya siŋ swargi, kaṛĕṅga déniŋ busana, taṅèḥ winarṇèŋ palupi, radyan panas kaŋ galiḥ, wus tĕḍak siŋ kudanipun, tandya ṅasta taḷĕmpak, mrĕpĕgi rahadyan mantri, wadyanira aṅubĕŋ samya prayitna.

17. ṅandika dyan layaṅséta, ḍumatĕŋ dyan damarṣasi, laḥ sira iku woŋ apa, maṅloŋ maṅloŋ anèŋ kori, lawan woŋ tĕka ṅĕndi, lan maliḥ sapa aranmu, matur radyan sasaṅka, kula abdiné ki patiḥ, takṣiḥ iṅgal awasta pun damarwulan.

18. tiyaŋ saṅkiŋ paluhamba, atmaja udara ṅuni, iŋ maṅké ulun kinarya, magaŋ ṅiras kĕmit bhumi, lan kinèn tĕṅga kori, dyan layaṅséta amuwus, nadyan tutuṅgonira, iki lawaṅiŋ bupati, nora patut tiṅkaḥmu sawĕnaŋ wĕnaŋ.

19. cĕḍis désa kuraŋ ajar, ñak bĕñuñuk tan pakériŋ, manira nora rumaṅsa, darbé cacĕṇḍĕŋ woŋ dèsi, iṅsun putraniŋ patiḥ, méndaḥ ta pocapanipun, darbé sanak woŋ désa, jaban raṅkaḥ tanpa èsi, damarwulan matur minta paṅagsama.

20. iṅgiḥ radèn jénaŋ séla, dèn guŋ paṅapuntĕn kaŋ siḥ, iŋ tyaŋ ḍusun iṅgal prapta, sumaṅga yèn ṅapiŋ kaliḥ, iŋ sapisan puniki, ṅapuntĕn ḷĕḷĕpat ulun, layaṅkumitir sigra, amuṇḍut kaŋ ponaŋ kĕris, dyan sasaṅka èsmu mundur datan suka.

24. durma

1. layaṅséta sakĕlaṅkuŋ dukanira, manĕntak dènira ṅliŋ, laḥ mara uluṅna, kĕrismu mriŋ yayi mas, yèn sira kĕpati pati, aṅukuhana, curiganira pĕṣṭi.

2. nora wuruŋ sira tumĕkèŋ palastra, matur dyan damarṣasi, kadospundi radyan, duka iŋ kawlas arṣa, ḍuwuŋ tilariŋ sudarmi, karṣa paduka, puṇḍut paran kaŋ dasiḥ.

3. radyan layaṅkumitir saṛĕŋ miyarṣa, taliṅa lir sinĕbit, ḍasar bĕraṅasan, baŋ baŋ sriŋ mara taṅan, tan kĕna pinaḍan aṅliŋ, sigra anumbak, ḍatĕŋ dyan damarṣasi.

4. wus tinampan ya ta kaŋ goḍi cinaṇḍak, sĕṇḍal sinĕṇḍal wani, radyan layaṅséta, anumbak saṅkiŋ kiwa, wus katampan ponaŋ biriŋ, sinĕṇḍal datan, kuṅkiḥ dyan damarṣasi.

5. damarwulan matur kadospundi radyan, kawula minta kaŋ siḥ, bok iṅgiḥ paduka, ṅapura mriŋ woŋ añar, saya duka radyan kaliḥ, anarik pĕḍaŋ, ṅrasuk nabĕt manitir.

6. radyan damarṣĕsaṅka mundur siŋ papan, pinĕḍaṅan tan osik, wadya kajinĕman, nosok saṅkiŋ iŋ wuntat, kumrapyak kaŋ wataŋ pipit, dyan damarwulan, sariranya tan titis.

7. sĕbdapalon nayagéṅgoŋ kinĕmbulan, pinoporan iŋ bĕḍil, kinĕpruk iŋ luṅka, bata myaŋ séla séla, kajuṅkĕl kuwalik walik, ṛĕbaḥ sĕgsana, anulya dèn talèni.

8. dèn lalaran apan sarwi jinĕjĕgan, nayagéṅgoŋ añjiliḥ, jĕliḥ jinotosan, sĕbdapalon jinambak, iṅuṅsĕb uṅsĕbkĕn siti, aṅgro jinĕjak, ambĕṅok dèn gĕbugi.

9. sĕbdapalon sasambat sarya karuna, édan tĕmĕn woŋ iki, déné tan samanak, lir satru kabuyutan, tan olèḥ brĕkatiŋ kaki, jamak kaŋ lumraḥ, woŋ añar sinuŋ iṇṭil.

10. mundur tĕka cacĕṅĕl dèn idak idak, nayagéṅgoŋ añjĕrit, pan sarya sasambat, nini bĕloṇḍo kĕṭak, kaki bĕkatul lan iṇṭil, tuluṅĕn iṅwaŋ, iṅoŋ dinulaŋ siti.

11. radyan damarwulan rinĕmpak iŋ kaṭaḥ, pinĕḍaŋ cinampuliŋ, sinosog iŋ wataŋ, tansaḥ wayaŋ wayaṅan, siŋ paṅrĕkṣaniŋ sugsma di, suŋ parimarma, iŋ dasiḥ kaŋ kaswasiḥ.

12. radyan kaliḥ kĕlaṅkuŋ iŋ dukanira, wadyanya kaṭaḥ mati, ruñjaŋ paḍa rowaŋ, caruk wor liru lawan, siŋ sĕsĕg sara mapipit, sira rahadyan, tandya ṅabani dasiḥ.

13. kinèn mundur rahadyan kaliḥ umaṅsaḥ, sikĕp pĕḍaŋ lan tamsir, kinubĕŋ magalak, mĕḍaŋ sarya amilar, lir pĕgsi prĕñjak tinaji, kĕbat acukat, wahu rahadyan kaliḥ.

14. dyan sasaṅka pinĕḍaṅan tansaḥ iṇḍa, sarya matur ṅrĕpa siḥ, minta paṅagsama, radyan kadya punapa, niyaya dasiḥ kaswasiḥ, yogya ṅapura, iŋ wadya añar prapti.

15. sarya iṇḍa pĕḍaŋ tinaṅkis iŋ kuñca, ponaŋ wastra tan titis, nadyan mrananana, pĕḍaŋ tumibèŋ jaja, lalu murub nora busik, radyan kaliḥnya, iŋ manaḥ samya gigrig.

16. siŋ wratira kinubĕŋ iŋ balatantra, méraŋ mĕḍot iŋ jurit, dadya pinaliwat, mĕḍaŋ sarya amilar, dyan saṅka wus ṅèṣṭi pati, tan lyan kacipta, muŋ sugsmana kaŋ luwiḥ.

17. saguṅiŋ woŋ gumuruḥ swara magiyak, samyalok mati mati, maṅguŋ dĕr gĕdĕran, tiŋ baḷĕbĕr woŋ mulat, tuwa anom jalu èstri, woŋ kapatihan, umuŋ samya anaṅis.

18. kyana patiḥ kagyat ana iŋ paséban, putranira sinapiḥ, aja kaki aja, iku sadulurira, apuranĕn iṅkaŋ sisip, iku putranya, kakaŋ udara patiḥ.

19. layaṅséta kumitir sawadyanira, mundur marak sudarmi, géṅgoṅnaya lawan, sĕbdapalon ṅluwaran, wus samya tata aliṅgiḥ, ṛĕkyana patya, ṅawé iŋ putra kaliḥ.

20. sampun samya binisikan putranira, séta layaṅkumitir, gya kondur kaliḥnya, sawadyanira bubar, para cèṭi iŋ jro puri, èbĕg niniṅal, umuŋ samya anaṅis.

21. sawusira bubar gya mañjiŋ jro pura, saguŋ kaŋ para èstri, sosoté tan pĕgat, ḍatĕŋ dyan layaṅséta, miwaḥ dyan layaṅkumitir, iṅsun tatĕḍa, maraŋ juwata luwiḥ.

22. muga muga dyan kaliḥ dèn adilana, sikara tanpa kardi, baya nĕmu apa, bésuk radyan kaliḥnya, déné ta kĕpati pati, aṅaniaya, mriŋ radyan damarṣasi.

23. ya ta maliḥ warṇanĕn ṛĕkyana patya, ṅandika mriŋ dyan mantri, babo sira aja, dadi rasaniŋ driya, dèn guŋ paṅagsama kaki, mriŋ kadaṅira, séta layaṅkumitir.

24. dèn narima kaki titahiŋ juwata, piraṅbara iŋ béñjiŋ, sira maṅgiḥ mulya, naṅiŋ sahiki aja, grantĕs iŋ sapaṅrèḥ mami, matur dyan saṅka, sakarṣa ṅoŋ lumiriŋ.

25. aṅandika maliḥ saŋ ṛĕkyana patya, iya iŋ karṣa mami, jaranku sadasa, iŋ maṅké gamĕlana, ritĕna sukĕt pribadi, yya kaṅsi kuraŋ, paḍa ḷĕmokna sami.

26. radyan damarwulan umatur sandika, kya patiḥ ṅandika ris, kulup putraniṅwaŋ, baṅĕt iṅsun maminta, yya ṅaṅgo aṅgo prayogi, cara satriya, iku añikani.

27. iki lurik brakutut luwiḥ prayoga, ginawa luṅa ṅarit, sĕlamĕt nèŋ marga, tan ana kara kara, lawan iki sabuk putiḥ, luwiḥ utama, sĕlamĕt tur asuci.

28. lawan iki kĕṇḍarat karyanĕn pisan, bĕntiŋ luwiḥ abĕcik, taklim mriŋ woŋ tuwa, rahab sinuṅan karya, lawan sun pariṅi arit, timaḥ prayoga, maraŋ jaran kalimis.

29. doyan maṅan tur ṅĕdohkĕn séla karaŋ, busanamu kaŋ lami, miwaḥ ḍuwuṅira, iṅsun kaŋ ṅrawatkana, gampaŋ bésuk yèn wus mugti, pakéwuḥ apa, sun pariṅaké maliḥ.

30. awotsĕkar sandika dyan damarwulan, pisalin gya tinampin, namuŋ ḍuwuṅira, pinuṇḍut datan suka, wus lèṅsèr rahadyan mantri, ṅrasuk busana, asor cara pĕkaṭik.

31. muŋ ḍuwuŋnya tinataḥ kinaturaṅga, ṛĕṅgèŋ ṛĕtna wrĕja śri, pinuṇḍut tan suka, tansaḥ ṅagĕm kéwala, naṅiŋ kinèn buntĕl upiḥ, aja katiṅal, dadya wor lan pĕkaṭik.

32. sru kaswayun rahadèn damarṣĕsaṅka, éñjiŋ gya késaḥ ṅarit, krañjaŋnya saḍĕpa, midrĕ iŋ agĕṅira, sadina waṅsul kapiŋ tri, paṛĕpatira, mikul sarya anaṅis.

33. suprandéné samarga atĕtĕmbaṅan, siṅa non wĕlas asiḥ, apan dyan sasaṅka, narima iŋ sugsmana, kinarya lakon nèŋ bhumi, sinĕdya tapa, sapaṅrèḥ dadya puji.

34. pamujiné sugsmana iṅkaŋ winĕnaŋ, ulun tan nampik miliḥ, iŋ pikarṣa tuwan, dasiḥ datan rumĕṅkaŋ, ṅoŋ pasraḥ kaŋ murbèŋ bhumi, kaŋ karya titaḥ, iṅkaŋ aṅsuŋ artati.

25. ḍaṇḍaŋgula

1. kawarṇaa ṛĕtna banowati, garwanira raṅgalawé tuban, pinarak lawan putrané, sĕkati saŋ ṛĕtnayu, aprituwin kaŋ para sĕlir, ya ta saŋ banowatya, tansaḥ aṅĕmu luḥ, tan éca rahosiŋ driya, sapuṅkurṇya kaŋ raka umaṅkat jurit, tansaḥ amĕlaŋ mĕlaŋ.

2. sampun sapta dina siyaŋ ratri, wulan surya rambaḥ kapiŋ tiga, grahana sasi sĕdéné, ṅrĕmĕŋ akasa tĕḍuḥ, pracalita kilat lan ṭaṭit, siyaŋ siyaŋ gumĕbyar, ḍaṇḍaŋ munya ṅuṅkuŋ, pĕgsi pĕgsi méñcok iŋ paŋ, samya agriŋ sĕdèné kitiran putiḥ, maṅguŋ èṛĕg swaranya.

3. sĕkar datan ana babar sami, tuñjuŋ tuñjuŋ akuñcup yèn éñjaŋ, kaŋ pucaŋ kuñcup mayaṅé, pĕpĕṭétan samyalum, èṛĕm èṛĕm kaŋ bun tumitis, wimbuḥ saŋ banowatya, ñupĕna iŋ dalu, katiṅal saŋ adipatya, akasukan lan saguŋ kaŋ pra dipatya, anèŋ piṅgir samodra.

4. sinéwagara kaŋ para mantri, gya caṅkrama nitiḥ paṅgĕritan, bĕḍati sinaŋ iṣṭané, jiṅga agĕmiŋ kampuḥ, saya cĕlak lawan jĕladri, tandya ṅañcap anĕṅaḥ, sabalakuswa nuŋ, saŋ ṛĕtnayu banowatya, anututi naṅiŋ datan dèn lilani, malaḥ ṅantya dinukan.

5. mĕgsa nusul naṅiŋ tan tinoliḥ, saŋ dipati sawadya murcita, kèṛĕm iŋ lahut sirṇané, kasĕlak saŋ dyaḥ wuṅu, mañcadrasa waṣpa drĕs mijil, supĕna winahonan, iŋ galiḥ maṅuṅun, mila saṅsaya suṅkawa, duk samana iṅkaŋ putra kaliḥ prapti, siŋ wana pagrogolan.

6. wus miyarṣa yèn tinilar jurit, radyan putra génira siŋ wana, wus pituŋ dalu laminé, tandya sowan mriŋ ibu, praptèŋ ṅarṣa rahadyan kaliḥ, tatanya rèhiŋ rama, jinarwanan sampun, mriŋ ibu saŋ banowatya, émbaḥ radyan iṅaṛĕm aṛĕm iŋ galiḥ, kaŋ putra suka myarṣa.

7. dyan buntaran gumujĕŋ sarya ṅliŋ, sira ri mas bésun nuwun apa, iŋ rama olèḥ olèhé, radyan wataṅan matur, béñjaŋ kula nuwun turaṅgi, pamburon kawan dasa, kaŋ samya gĕṅipun, paduka nuwun punapa, raka nĕbda yayi iṅsun nuwun guṇḍik, putri atmajèŋ raja.

8. iṅkaŋ akèḥ iṅkaŋ kuniŋ kuniŋ, iṅkaŋ dĕdĕliŋ iṅkaŋ mĕjana, lawan kaŋ paḍa gaṇḍaṅé, kaŋ ḷĕñĕt liriṅipun, kaŋ jatmika wignya mikat siḥ, iku pan ṛĕmĕn iṅwaŋ, kinroyok iŋ pupuḥ, aṅgalakakĕn iŋ mĕṅsaḥ, luput ĕmoḥ iṅsun saṅgup dikaroni, tiniga saya sura.

9. samya mèsĕm saguŋ para bibi, radyan dadya paṅlipur suṅkawa, cucut iŋ paṅandikané, tur gaḍaṅan binahut, dyaḥ sĕkati ṅéwani liriŋ, ya ta saŋ banowatya, tan liyan kaŋ kétuŋ, amuŋ iṅkaŋ ulaḥ yuda, éca lagya ṅandika rahadyan kaliḥ, kasaru praptanira.

10. abdi panoṅsoŋ pun waṅsapati, muṅub iŋ kori lan gaṭul dĕmaŋ, dyan putra awas tiṅalé, iṅawé kalihipun, iṅkaŋ ibu lan para sari, kumĕsar galihira, kañanan iŋ kalbu, déné panoṅsoŋ kaŋ prapta, saŋ dyaḥ banowati waṣpanya drĕs mijil, datan kĕna iṅampaḥ.

11. praptèŋ ṅarṣa waṅsapati aglis, anuṅkémi iŋ padanya radyan, awor karuna aturé, gusti pukulun atur wruḥ, kaṅjĕŋ rama paduka gusti, kasambut ṅadilaga, séda iŋ apupuḥ, déné raja ménakjiṅga, kunarpané rama paduka binĕsmi, lan layoné dyan patya.

12. pra dipati tumpĕs aṅĕmasi, saha balakuswala gĕmpuran, déné woŋ wétan yudané, prabaliṅga gèn pupuḥ, ya ta sira pun waṅsapati, sawusnya tutug turṇya, aniba gya lampus, saŋ banowati kantaka, dyaḥ sĕkati añjĕrit gubĕl kaŋ rayi, gègèr woŋ jroniŋ pura.

13. umyaŋ gumuruḥ swaraniŋ taṅis, para sĕlir samya biluluṅan, warṇa warṇa sasambaté, wĕnèḥ niba tan èmut, wĕnèḥ ana kaŋ ṅrontog wèni, wĕnèḥ amala jaja, akaṭaḥ liripun, sawĕnèḥ sasambatira, ḍuḥ paṅèran tan wĕlas ḍatĕŋ kaŋ cèṭi, ulun tinilar séda.

14. kaŋ sawĕnèḥ sasambatiŋ taṅis, ḍuḥ gustiku dipati iŋ tuban, nora ñana nora dimpé, kĕsambut iŋ apupuḥ, nora mantra iŋ ṅuni uni, déné paṅandikanya, tan lawas gya rawuḥ, sapa gusti sun tatĕṅa, lawan sapa gusti iṅsun kawulani, wĕnèḥ sambatirèŋ dyaḥ.

15. ḍuḥ paṅéran ulun tumut lalis, datan sagĕd ṅabdi kakuŋ liyan, antènana kawulané, wĕnèḥ sasambatipun, ḍuḥ gustiku saŋ adipati, duk arṣa tindak duda, mamriyĕmbada nrus, aṅasiḥ asiḥ kaŋ sabda, kawulané sinugun ginusti gusti, sun siḍĕp tulus mana.

16. kaŋ satĕṅaḥ sasambatiŋ èstri, ḍuḥ gustiku kaŋ bagus utama, kaŋ asiḥ maraŋ cèṭiné, bĕg darma moŋ tumuwuḥ, aṅécani manahiŋ èstri, ulun duruŋ rumaṅsa, amaḷĕs sihipun, iŋ sapta sapta pan janma, sun tan ñipta aṅabdi liyaniŋ gusti, sanèsiŋ saŋ dipatya.

17. dyan wataṅan apĕtĕŋ kaŋ galiḥ, déniŋ ibu tansaḥ kapiḍara, saya ṅrĕs myarṣa sambaté, saguŋ kaŋ para arum, wĕnèḥ boṇḍèt mriŋ radyan kaliḥ, tĕnapi iṅkaŋ raka, sĕkati aṅraṅkul, sasambatnya mĕlas arṣa, dyan buntaran aṅgĕglĕg tan kĕna aṅliŋ, waṣpa drĕs tibèŋ jaja.

18. sasambaté dyaḥ ṛĕtna sĕkati, katuwoné rama raganiṅwaŋ, kèri lola satĕmahé, sapa kaŋ sun susugun, lawan sapa kaŋ sun ladèni, rama déné atéga, nilar maraŋ iṅsun, déné ta dadya wanodya, iṅsun ri mas arubĕt kabotan tapiḥ, tan bisa nusul iŋ praŋ.

19. nora bisa nagiḥ lara pati, iṅsun yayi mriŋ śri urubĕsma, déné iṅsun dadi wadon, déwa bañjutĕn iṅsun, susuḷĕna rama dipati, mĕñaŋ iŋ ariloka, nora bisa kantun, ya ta kaŋ rayi kaliḥnya, iŋ tyas gĕmpuŋ aṅadĕg suraniŋ galiḥ, myarṣa sambatiŋ raka.

20. dĕmaŋ gaṭul wus kinèn ṅrumati, mriŋ kunarpanya ki waṅsapatya, atĕnapi iŋ somahé, wus sinuŋ réyal satus, radyan kaliḥ sĕgsana mijil, amĕpak woŋ kanoman, woluŋ dasa sampun, samĕgta ajajaranan, dyan buntaran wataṅan maṅkat sĕdasiḥ, ḍatĕŋ iŋ pambarisan.

21. nandĕr nuṅklaŋ asamargi margi, ya ta sampun ḷĕpas lampahira, gĕnti iṅkaŋ winirahos, praptané sĕpĕtmadu, nagri tuban ambĕgta joli, taṇḍu lawan jĕmpana, iŋ pura tumanduk, nimbali saŋ banowatya, saputranya samaru lan para sĕlir, naṅiŋ radyan wus maṅkat.

22. sĕpĕtmadu wus sipĕŋ saratri, anèŋ tuban kawuwusa éñjaŋ, banowati saputrané, kĕlawan kaŋ para rum, tandya maṅkat wahana joli, taṇḍu lawan jĕmpana, samarga asĕlur, ḍinèrèk woŋ majaḷĕṅka, kawuwusa maha saŋ naréndra putri, lagya miyos sinéba.

23. mĕṅgĕp iŋ witana di rinugmi, rarasati lan ṛĕkyana patya, sumiwèŋ ṅarṣanèŋ sinom, iŋ paglaran supĕnuḥ, pra nararya raṅga dipati, maha saŋ prabhu rara, ḍawuhkĕn sĕbda rum, añjĕnĕṅkĕn para ménak, pra dipati kaŋ karèḥ daha nĕgari, linumrahkĕn iŋ bala.

24. putranira kaŋ samya gĕntèni, kaŋ tan darbé putra kadaŋ waṅsa, nuṅgak sĕmi sanamané, para ménak tumĕṅguŋ, iṅkaŋ karèḥ iŋ kyana patiḥ, wus sami ginĕnténan, putra kadaṅipun, kaŋ balik pĕjaḥ iŋ apraŋ, iŋ madiun abdi sanès kaŋ gĕntèni, naṅiŋ nama lir lama.

25. wus mupakat wadya kaŋ anaṅkil, pranaraga candrakètu lawan, éndrajaya lan malihé, iŋ wajak aṅun aṅun, ménak ṅrawa suraṅgapati, kalaṅbrèt nilapraya, trĕsana kaluṅkuŋ, iŋ saṛĕṅat bagaspatra, giwaṅkara iŋ mambĕŋ madiun kaliḥ, ran gajaḥ tĕpèṅsara.

26. sisiḥ lawan ménak balaruci, brajamuṣṭi nagri jagaraga, saha myaŋ surabayané, ṅabèhinira wolu, karèḥ ḍatĕŋ dyaḥ rarasati, umuŋ para paṇḍita, ajar myaŋ maṅuyu, guntuŋ wasi jaṅgan jaṅgan, myaŋ bubuyut ĕmpu mĕlandaŋ ṅèstrèni, ṅèstuti pujamantra.

27. gya kĕsaru sĕpĕtmadu prapti, ṅirit garwanya dipati tuban, lawan putranya saŋ sinom, sĕkati myaŋ para rum, wus ṅandikan miṅgaḥ sitiṅgil, saŋ nata miyak gobaḥ, aṅléla kadulu, kaŋ bibi saŋ banowatya, lan sĕkati lumajĕŋ atawan taṅis, lir rugma tibèŋ toya.

26. maskumambaŋ

1. anuṅkĕmi iŋ padanya prabhu dèwi, ṅuṅsĕb uṅsĕb tansaḥ, sasambatira kaswasiḥ, kaŋ bibi lan dyaḥ sĕkatya.

2. prabhu rara sĕklaṅkuŋ ṅrĕs iṅkaŋ galiḥ, kétaŋ trĕsnanira, gya tumrun siŋ ḍampar manik, tansaḥ kumĕmbĕŋ kaŋ waṣpa.

3. sĕbdanya rum yayi sĕkati ywa naṅis, paman adipatya, antuk sihiŋ sugsmana di, amaṅgiḥ swarga kaŋ mulya.

4. rèhniŋ paman séda madyaniŋ ajurit, mapag iŋ woŋ arda, kaŋ sinatru iŋ déwa di, iku ṅlabuhi utama.

5. wus pinaṣṭi juwata iṅkaŋ linuwiḥ, woŋ kĕsambut iŋ praŋ, mĕgati sukĕriŋ bhumi, swarga tanpa kira kira.

6. mulya tĕrus yayi paman adipati, musakani iŋ rat, aṅgĕlar mulyaniŋ bhumi, amoŋ tuwuḥ trus budyarja.

7. siḥ iŋ sama ṅrĕsĕpakĕn para ṛĕsi, mulé iŋ paṇḍita, arja iṅarjakkĕn tyas siḥ, asiḥ iŋ woŋ budi tama.

8. pira pira yayi paman adipati, dènnya olaḥ praja, sarta kaŋ praja samèdi, paṅguḥ paṅgaḥ iŋ ubaya.

9. tur sĕmbada abĕgtiné iŋ sugsma di, andina datansaḥ, iŋ kasucèn suséla di, mriḥ adiniŋ ariloka.

10. maṛĕmiŋ tyas saŋ ṛĕtna rara sĕkati, maliḥ aṅandika, saŋ prabhu rara mriŋ bibi, bibi pundi putra dika.

11. ki buntaran wataṅan datan kahègsi, matur banowatya, gusti wus anusul jurit, mugi gusti ambaṅsulna.

12. yèn kéṅiṅa arinta kaŋ déraḥ pati, panuwun kawula, pukulun darbéya karṣi, yya kĕlajĕŋ kawlas arṣa.

13. animbali gusti sampun ṅantos jurit, pun paman wus séda, iŋ maṅké arinta kaliḥ, sumĕdya alabuḥ pĕjaḥ.

14. yèn ṅantosa gusti kĕlampahan lalis, paran polaḥ iṅwaŋ, sintĕn kawula géṇḍoli, lan sintĕn kaŋ ṅimpunana.

15. kadaŋ warga sĕntana wadya iŋ tubin, lan déné yèn wusa, diwasa téga pun bibi, dé magsiḥ jaka taruna.

16. aṅandika maha saŋ naréndra putri, bibi bĕnĕr dika, sun ṅutus nusul si yayi, ywa ṅanti kĕpara tiwas.

17. prabhu rara wus pinrak iŋ ḍampar maliḥ, ṅandika mriŋ patya, sapa bapa kaŋ prayogi, sun utus nusul yayi mas.

18. kyana patiḥ lugĕndèr matur wotsari, gusti yèn sĕmbada, lan karṣa paduka gusti, yogi raṅga minaṅsraya.

19. lan pun yayi ménak giyanti prayogi, sarya ambĕgtaa, sakañcanira woŋ jawi, prabhu rara aṅandika.

20. iya bapa manira iku maṛĕṅi, aṅiŋ umaṅkata, iya iŋ sadina iki, ya ta sawusnya ṅandika.

21. prabhu rara wus jĕṅkar gènnya tinaṅkil, kundur aṅĕḍatyan, ginaṛĕbĕg iŋ pra cèṭi, maṅguŋ tĕnapi bĕḍaya.

22. saha ṅaṇṭi kaŋ rayi saŋ dyaḥ sĕkati, wuwusĕn ki patya, wus maglaran aminta wis, bupati iṅkaŋ lumampaḥ.

23. adipati kakaliḥ ménak giyanti, raṅga minaṅsraya, wus maṅkat siŋ pañcaniti, kawuntat iŋ majaḷĕṅka.

27. paṅkur

1. sinĕrot anèŋ iŋ marga, raṅga minaṅsraya ménak giyanti, gagañcaṅan lampahipun, samĕgta iŋ ayuda, dyan warṇanĕn urubĕsma saŋ aprabhu, miyos anèŋ sokasana, supĕnuḥ wadya kaŋ naṅkil.

2. amacak kawula bala, susuliḥnya pra ménak pra dipati, kaŋ samya tiwas iŋ pupuḥ, sampun samya kagĕntyan, pipilihan ĕndi wadya kaŋ dibya nuŋ, kaŋ tĕguḥ timbul iŋ braja, samya iṅaṅkat dipati.

3. malaḥ akuraŋ nagara, mila ṅantos pinaro pinra katri, nagri iŋ satuṅgilipun, malaḥ pinra sĕkawan, iṅkaŋ agĕŋ kaŋ nagri pinara wolu, naṅiŋ pra raja iŋ sabraŋ, kaŋ atiwas iŋ ajurit.

4. tan ana iṅkaŋ gumantya, pan iŋ maṅké saŋ prabhu urubĕsmi, wus minta kaŋ para ratu, miwaḥ kaŋ pra dipatya, kinèn samya aṅrupak jajahanipun, nagari iŋ majaḷĕṅka, déné ta saŋ urubĕsmi.

5. éca anèŋ prabaliṅga, akasukan nutug rahina wĕṅi, ya ta iŋ pañiptanipun, maha saŋ prabhu rara, dimèn miris nuṅkula saṅkaniŋ alus, mila kinèn ambĕbahak, kéwala kaŋ tĕpis wiriŋ.

6. wuwusĕn radyan buntaran, lan wataṅan kaŋ arṣa labuḥ pati, prajuritnya woluŋ puluḥ, iṅaṅkat woŋ kanoman, tur ta samya tindak sĕntana sĕdarum, sĕpaliḥ asikĕp tiṅgar, kaŋ sĕpaliḥ sikĕb biriŋ.

7. samarga marga karuna, kaŋ prajurit sĕdya alabuḥ pati, ya ta sira dĕmaŋ gaṭul, pamomoŋnya rahadyan, janma sĕpuḥ binandrĕ iŋ lampahipun, gigitanira wus tĕlas, aṅomplèḥ samargi margi.

8. brĕbĕs mili cĕlaṅoban, tiŋ daṛĕjĕt baluŋ lir dèn lolosi, kudané jojog aṅuṇṭul, ṅantuk aparéṅgotan, mĕlèk mĕlèk yèn kudanira kĕsaṇḍuŋ, añjaṅgirat guragapan, sawusnya aṅantuk maliḥ.

9. trĕkaḍaŋ kaŋ kuda nasak, sira dĕmaŋ kagyat kacaṇṭèl ṅĕri, riyak umbĕl dadi muṅsuḥ, watuk kasĕlak sĕlak, suprandéné nora suda uṅasipun, boté woŋ duwé momoṅan, labĕté woŋ nora gigit.

10. lèknya binĕñjèŋ kéwala, naṅiŋ mĕgsa sumurup ponaŋ manik, samana radyan wus rawuḥ, nagri iŋ pasĕḍahan, riŋ saṅsaya binandrĕŋ iŋ lampahipun, wuwusĕn kaliḥ dipatya, sira si ménak giyanti.

11. lawan raṅga minaṅsraya, wus nututi ḍatĕŋ rahadyan kaliḥ, dèn lañcaṅi lampahipun, radyan gya iṅaḍaṅan, raṅga minaṅsraya giyanti amuwus, dyan kaliḥ tampi timbalan, kaŋ paṅèstu prabhu dèwi.

12. radyan buntaran wataṅan, matur nuwun abukuḥ nèŋ turaṅgi, sraya giyanti amuwus, jĕṅandika ṅandikan, radyan kaliḥ ḍumatĕŋ iŋ majalaṅu, kaṅgĕg buntaran wataṅan, tan mawi maṅsuli aṅliŋ.

13. giyanti lan minaṅsraya, maliḥ ṅucap suwawi radyan kaliḥ, saṛĕṅa iŋ lampaḥ ulun, saṅĕt timbalanira, prabhu rara tuwan tan kalilan magut, ṛĕbut rok lan ménakjiṅga, déné ta rahadyan kaliḥ.

14. dèrèŋ mĕmpĕŋ kaŋ diwasa, ina niṣṭa lamun tiwas iŋ jurit, kĕlara rama pukulun, yuda lan urubĕsma, mila radyan ṅandikan mriŋ majalaṅu, kapiŋ kaliḥnya saŋ nata, saṅĕt kasĕṅkĕlan galiḥ.

15. sédané rama paduka, maṅké wêwaḥ radyan maṅsaḥ iŋ jurit, yèn tiwasa ta pukulun, kasambut iŋ alaga, kadospundi maha saŋ kumaraniŋ rum, suṅkawa tĕmahan kadya, suduk guntiŋ tatu kaliḥ.

16. maṅsuli rahadyan putra, wus jamaké atma lanaŋ ṅlabuhi, siliḥ rok madyaniŋ pupuḥ, yèn datan kĕlampahan, ulun méraŋ sasaminiŋ ṅoŋ tumuwuḥ, satriya takut iŋ pĕjaḥ, kaya dudu traḥ prajurit.

17. punapa ta waḷĕs iṅwaŋ, mriŋ jĕŋ rama iŋ anak kĕnèŋ bhumi, lamun ta ajriḥ iŋ lampus, ṅur matia duk jabaŋ, sira ménak giyanti juwĕt kaŋ wuwus, nadyan radyan apĕraṅa, yèn wus piḷĕṅgaḥ iŋ tubin.

18. sĕmbada iŋ adilaga, sugiḥ bala ṅrékakkĕn pra dipati, pra ménak para tumĕṅguŋ, sumbaga jayèŋ rana, lamun tiwas tan sinurak iŋ déwa guŋ, labĕté ṅlabuhi wawrat, sĕmbada iṅran prajurit.

19. yèn paduka paripĕgsa, dadya ṅamuk puṅguŋ kuraŋ utami, sintĕn kaŋ ḷĕmbaniŋ pupuḥ, mĕdal saṅkiŋ iŋ wawrat, baraṅkarya datan tilar wawratipun, radyan kaliḥ ṅucap sugal, pasraḥna iŋ juwata di.

20. yèn rinusak iŋ sugsmana, sintĕn iṅkaŋ wignya ṅrĕkṣèŋ papati, yèn rinĕsa iŋ déwa guŋ, sintĕn iṅkaŋ aṅrusak, pati urip myaŋ dawa cĕṇḍakiŋ umur, wus pinaṣṭi iŋ sugsmana, titahé darma ṅlakoni.

21. solaḥ bawaniŋ manuṅswa, atas saŋ hyaŋ sugsmana kaŋ akardi, raṅga minaṅsraya muwus, nadyan karṣaniŋ sugsma, wĕnaŋ nampik miliḥ arjaniŋ linuruḥ, tan maréntahakĕn salaḥ, tan lyan mupaṅat kaŋ pinriḥ.

22. sumambuŋ radyan wataṅan, nadyan sĕdya amriḥ mulya nèŋ bhumi, yèn giṅgaṅa tékatipun, nora ṅlabuhi basa, dyan mulyaa mulya sapa iṅkaŋ aṅsuŋ, tur maṅsa linaṅgĕṅĕna, yèn woŋ tan ṅluṅguhi puji.

23. iŋ maṅké puji manira, pĕjaḥ sokur urip laṅkuŋ prayogi, naṅiŋ wus sĕdya acucuḥ, paran ṅunduri sabda, tur sabda trus suméṇḍé iŋ déwa aguŋ, punika iṅkaŋ utama, lalabuhan woŋ nèŋ bhumi.

24. ménak giyanti aṅucap, datan kéṅiŋ radyan woŋ anèŋ bhumi, suméṇḍé karṣèŋ déwa guŋ, déwa tan duwé karṣa, luwiḥ luwiḥ ciptané kaŋ duwé kayun, kayuné iṅkaŋ sĕmbada, samurwaté kaŋ pinuji.

25. radyan buntaran brĕmantya, nabĕt kuda saha bala wus gĕndriŋ, praptèŋ bĕṅawan maṅgĕbyur, ṅlaṅi kaŋ ponaŋ kuda, wadya woluŋ dasa tan ana kaŋ wiguḥ, katisĕn ki gaṭul dĕmaŋ, naṅiŋ tan pisaḥ lan gusti.

26. samana radyan wus prapta, awu tilas pambĕsĕmiŋ sudarmi, gya muḍun sawadyanipun, ṅruruḥ tulaṅiŋ rama, tan pinaṅgiḥ tandya na swara aṅuwuḥ, babo radyan sudarmanta, wus miṅgaḥ iŋ suwarga di.

27. saklayoné wus binĕgta, aprituwin pra ménak pra dipati, prajurit kaŋ wani lampus, kaŋ awas iŋ budyarja, ñawanira wus miṅgaḥ swarga sĕdarum, sakèndĕlé ponaŋ swara, radyan gya nitiḥ turaṅgi.

28. anandĕr sawadyanira, adipati majaḷĕṅka tut wuri, saṅkiŋ katĕbihan samun, gantya kaŋ winurṣita, woŋ baŋ wétan kaŋ ṅiṅkut iŋ majalaṅu, woŋ mĕkasan basutantra, déwa pĕrlagi iŋ kĕliŋ.

29. lawan bhuta oṅkotbuta, myaŋ pra ménak añar iṅkaŋ aṅsal siḥ, andĕl tos tos wuwu jitus, tahu tinataḥ mĕndat, ṅracak biriŋ akramas obat lan busur, manahut lamĕŋ kuléwaŋ, galak para cĕkak budi.

30. maṅrupagsa wirubraja, brajapati lan ménak gajaḥ srĕṅgi, trajuḍĕṇḍa ḍĕṇḍakètu, lan ménak bimakéndra, bayugora krĕdabayu bayukètu, mamaṅdraya drayuwila, wiruḍĕṣṭa ḍĕṣṭapati.

31. macanlahut siṅadara, antulahut wédaṅsĕgara tuwin, liṇḍuparaŋ liṇḍuwuluŋ, lan ménak gala gala, gĕṇḍaṅantru lan ménak kĕṇḍaṅgumuluŋ, samĕgta sikĕpiŋ yuda, lir sĕgara tanpa tĕpi.

32. iṅkaŋ sinĕdya iŋ lampaḥ, mañcanagri kidul kaŋ dèrèŋ balik, pan arṣa iṅawut awut, samana lampahira, gya kapĕṭuk buntaran wataṅan ṅamuk, putranya dipati tuban, woluŋ dasa kaŋ prajurit.

33. dyan kaliḥ samya aṅrĕmpak, sikĕp wataŋ siṅa katrajaŋ gusis, wadya ḍomas saṛĕŋ ṅamuk, ṅĕdrèl samya anumbak, aṅgulasaḥ woŋ wétan kaṭaḥ kaŋ lampus, mawur mawur asar saran, patiŋ balocor woŋ kanin.

34. woŋ tuban sapĕrti sétan, paṅamuknya amĕṛĕm sarya naṅis, asambat iŋ gustinipun, adipati iŋ tuban, para ménak pra raṅga para tumĕṅguŋ, aṅokol amaṅsaḥ ḍarat, tan ana sĕdya gumiṅsir.

28. durma

1. sawadyanya sadaya asaṛĕŋ mara, bĕṇḍè tinitir titir, suraknya gumĕraḥ, tĕtĕg ambal ambalan, kadya alun nĕmpuḥ wukir, gumruḥ gumĕntar, maṅĕbyuk saguŋ dasiḥ.

2. maju rampak makubĕŋ atĕpuŋ gĕlaŋ, numbak maṅrutug bĕḍil, manowok mamanaḥ, ñuligi añĕrampaŋ, masĕr nulup añampuliŋ, wadya iŋ tuban, kaṭaḥ loṅé kaŋ mati.

3. kukus pĕtĕŋ mimisira kadya kilat, gĕbyariŋ sara kadi, kala marcu lumraŋ, magĕdĕr maputĕran, woŋ tuban agoloŋ pipit, alulumbuṅan, kinarya lésan mimis.

4. suprandéné tan ana mundur sajaṅkaḥ, gya manrot gĕnti kĕris, atumbak tinumbak, maṅlut pĕḍaŋ pinĕḍaŋ, kèkèt magarot maṅuṅkiḥ, kuntus kinéntas, tan ana ṅéman pati.

5. rukĕt caruk acaruk gagap ginagap, muṅsuḥ rowaŋ wus sami, biṅuŋ iṅkaŋ yuda, siṅa iṅkaŋ kacaṇḍak, goco ginoco wor mati, sosraḥ gĕlasaḥ, kadya babatan paciŋ.

6. radyan putra kudanira samya pĕjaḥ, ginagap karo kĕris, wirubraja pĕjaḥ, pun basukéndra lawan, brajapati aṅĕmasi, myaŋ liṇḍuparaŋ, liṇḍuwuluŋ wus lalis.

7. bayugora gĕrdabayu sampun pĕjaḥ, pun bimakéndra mati, basukéndra pĕjaḥ, ḍĕṣṭapati ḍuḍĕṣṭa, apan sampun aṅĕmasi, pun mamaṅdraya, pun drayawila mati.

8. aṅkatbuta kotbuta rajèŋ mĕkasan, saŋ basutantra aji, rajèŋ kĕliŋ déwa, pĕrlagi bĕg sarosa, maṅontama piliṅgaṇḍi, ṅlamĕŋ mamĕḍaŋ, gada bindi mawanti.

9. datan osik radyan kaliḥ kinĕmbulan, pracayèŋ iŋ sugsma di, aṅliṇḍuŋ iŋ déwa, siṅa ginagap pĕjaḥ, radyan buntaran caruk kris, lan basutantra, wataṅan lan prĕlagi.

10. rok makuwĕl saŋ basutantra wus pĕjaḥ, déwa prĕlagi lalis, radyan kadya yĕgsa, mamuk mamunaḥ janma, bhuta kotbuta maṅuṅkiḥ, makéndra makyat, caṅklèt pĕḍaŋ mawa kris.

11. samya tĕguḥ uṅkiḥ kinuṅkiḥ magalak, radyan wus wuru gĕtiḥ, kotbuta lumumpat, pun aṅkatbuta milar, kaliḥ samya aṅunduri, bala maṅrĕmpak, dyan kaliḥ dèn popori.

12. iŋ sañjata saya daṅu saya sayaḥ, gumĕtrĕ radyan kaliḥ, astanya ṅĕmu raḥ, ukirannya wus pĕcaḥ, kaŋ mupuḥ datan dèn gopi, sĕgsana ṛĕbaḥ, radyan wataṅan aglis.

13. gya tinubruk iŋ katbuta gya binanda, radyan buntaran ṅuṅkiḥ, ṅamuk lawan asta, tinubruk iŋ ṅakaṭaḥ, kotbuta iṅkaŋ nalèni, wadya kanoman, siji tan ana urip.

14. namuŋ dĕmaŋ gaṭul iṅkaŋ mĕgsiḥ gĕsaŋ, guluŋ awor lan mayit, ya ta saṛĕŋ mulat, radyan kaliḥ kacaṇḍan, ki dĕmaŋ gaṭul añjĕliḥ, mĕrpĕgi radyan, sarya ambuwaŋ kĕris.

15. buwaŋ kampuḥ awuda kantun cĕlana, sigra dipun popori, iŋ sañjata dĕmaŋ, gaṭul sampun binĕsta, katur mriŋ katbuta patiḥ, bĕstan titiga, jinèjèr ṅarṣa sami.

16. dyan buntaran wataṅan asru manĕbda, bhuta katbuta añjiŋ, iṅsun patènana, bélakna iŋ jĕŋ rama, iṅsun aja dèn uripi, laḥ agé mara, patènana wak mami.

17. yèn wus mati mustakaniṅsun sahosna, maraŋ si ménak bariŋ, ṛĕṛĕgĕtiŋ jagad, ḍapuré lir wraṅutan, sĕmbada rahimu kaliḥ, kaya wĕraha, payo tigasĕn mami.

18. èsmu méraŋ ki patiḥ asru añĕntak, aja bribini kupiŋ, déné wus binĕsta, tĕka kagila gila, bésuk nèŋ ṅarṣaniŋ gusti, tan wuruŋ sira, amĕṣṭi dèn patèni.

19. dyan wataṅan aṅucap sahiki mara, patènana dèn aglis, aṅkatbuta nĕntak, aja carèwèt sira, aja akon amatèni, tan wuruŋ sira, iŋ mĕṅko sun patèni.

20. dyan buntaran abudi sigra añjĕjak, ḍatĕŋ ṛĕkyana patiḥ, kotbuta kaŋ jaja, ampĕg tan bisa ṅucap, gya kinèn ṅundurkĕn aglis, mriŋ prabaliṅga, ponaŋ babĕstan katri.

21. kaŋ iṅutus kajinĕman kawan dasa, luluraḥnya kakaliḥ, pun udanprahara, lawan baratkatiga, radyan lumĕpas wus kériŋ, sira kotbuta, katbuta ṅlurug jurit.

22. saha bala sakuswala tandya buḍal, ménak raṅga dipati, warṇanĕn ki raṅga, minaṅsraya lan ménak, giyanti kaŋ mĕṇḍĕm baris, mĕpĕti marga, tandya rok siliḥ uṅkiḥ.

23. suraknya wor tĕṅara munya sahuran, kadya ṅrubuḥna laṅit, goŋ maguru gaṅsa, tĕtĕg kadya butula, brĕg binĕṛĕg siliḥ uṅkiḥ, péntar pinéntar, caruk biriŋ biniriŋ.

24. kaṭaḥ pĕjaḥ woŋ kulon lawan woŋ wétan, brĕg binrĕg iṅkaŋ jurit, makuwĕl gap gapan, woŋ majaḷĕṅka bubar, mantri jaba kaṭaḥ mati, kidaŋ gayoran, lawan pun kidaŋ gaṭik.

25. ménak sondoŋ ménak tuñjuŋ talimimaŋ, nĕṅgiḥ iṅkaŋ ṅĕmasi, wus bubraḥ sumĕbar, lumayu asar saran, woŋ wétan maṅlut maṅuṅkiḥ, gĕnti kawarṇa, sira saŋ urubĕsmi.

26. éca lagi siniwi iŋ sokasana, p‍êpak kaŋ taṇḍamantri, ḍahèŋ para luraḥ, lir samodra bĕlabar, kaŋ anèŋ ṅarṣa dipati, śri bahuḍĕṇḍa, riŋ saŋ madura aji.

27. lan śri bali bĕṭara guŋ walikrama, kasaru duta prapti, pun udanprahara, lawan baratkatiga, tinimbalan praptèŋ aji, sarya ambĕgta, bĕstan satriya kaliḥ.

28. lawan ĕmbanira satuṅgal binĕgta, sumahos ṅarṣa aji, buntaran wataṅan, jĕjĕr tan purun ḷĕṅgaḥ, ébat saguŋ kaŋ niṅali, bagus sĕmbada, ladak tan ajriḥ pati.

29. saŋ śri bĕsma suka gumuyu alataḥ, niṅali radyan kaliḥ, iki kadaṅira, ratyayu majaḷĕṅka, aladak tan gĕḷĕm liṅgiḥ, méndaḥ ta iṅkaŋ, darbé santana mĕṣṭi.

30. pataŋ mono woŋ ayu iṅkaŋ wibawa, tur guṅan maraŋ mami, yèn kalané moṭaḥ, aṅicak icak paṅkyan, pantĕs ṅidoni rarahi, sapa wĕruha, rasané iṅkaŋ ati.

31. saŋ śri bĕsma tanya mriŋ udanprahara, radyan duk iṅajurit, iŋ sasanèṣkara, sampun katur sadaya, alataḥ saŋ urubĕsmi, radyan buntaran, wataṅan asru aṅliŋ.

32. ménakjiṅga rahimu lir wĕraṅutan, laḥ patènana mami, bélakna jĕŋ rama, mara mara untapna, iṅsun nora bisa kèri, aywa klayatan, tigasĕn murda mami.

33. lataḥ lataḥ guguk prabhu urubĕsma, pa géné dèn patèni, méndaḥ dukanira, ratu sasotyaniŋ rat, pantĕs tan caṛĕm tumuli, kĕlamun sira, paḍa tumĕkèŋ pati.

34. radyan kaliḥ akĕras dènnya ṅandika, laḥ mara ménak añjiŋ, patènana iṅwaŋ, sĕdéné pra puṅgawa, matané patiŋ pandĕlik, tan wani nrajaŋ, payo cacakĕn mami

35. siṅa mulat puṅgawa jombloŋ sadaya, ébat bulu dyan kaliḥ, laṅkuŋ kumasura, tan ana dèn sawawa, ṅandika śri urubĕsmi, iṅgal aturṇa, pamĕṅgĕr saŋ ayogi.

36. rinĕgsaa iŋ sasaṇḍaŋ paṅanira, naṅiŋ dèn ṅati ati, ayya koṅsi gagal, sarta ywa koṅsi pĕjaḥ, sĕdéné sira nèŋ margi, dipun prayitna, aywa koṅsi bilahi.

37. duta mĕsat datan kawarṇa iŋ marga, ardi sĕmèru prapti, pratapannya saŋ hyaŋ, pamĕṅgĕr duta nĕmbaḥ, aṅaturakĕn dyan kaliḥ, ṅuṅun saŋ tapa, muṅguḥ dadiniŋ jurit.

38. botiŋ trĕsna ayĕyoga saŋ paṇḍita, radyan kinuñjara glis, kaŋ kuñjara waja, iŋ jawi tinuguran, patpuluḥ samya miranti, woŋ kajinĕman, dĕmaŋ gaṭul nèŋ jawi.

39. tan tinaha déné janma wus atuwa, ya ta wus kaliḥ ratri, ki dĕmaŋ miruda, ṅupaya sraya iṅkaŋ, sujanma guna sinĕgti, iṅkaŋ supaya, wignya ṅrĕbat dyan kaliḥ.

40. siyaŋ dalu ki dĕmaŋ gaṭul lumampaḥ, datan añipta urip, anasak iŋ wana, ajriḥ mĕdal iŋ marga, yèn kadĕnaṅana iki, woŋ bĕlambaṅan, mila nasak wanadri.

41. duk samana ki dĕmaŋ awas tumiṅal, babadan añar dadi, alaju ki dĕmaŋ, tandya niṅali sĕṇḍaŋ, ki dĕmaŋ sukèŋ jro galiḥ, sampun rumaṅsa, bakal maṅan ṛĕjĕki.

42. piraṅbara ana janma wadé apyan, wĕruḥ rasaniŋ gigit, nulya wontĕn tiyaŋ, èstri ṅaṅsu mriŋ sĕṇḍaŋ, ki dĕmaŋ atanya ririḥ, sintĕn kaŋ gaḍaḥ, babadan añar kègsi.

43. kaŋ tinanya maṅsuli punika radyan, dyan arya kaŋ darbèni, dipati lumajaŋ, tĕtruka anèŋ wana, duk binĕḍaḥ urubĕsmi, kasoran iŋ praŋ, saŋ anom nèŋ wanadri.

29. sinom

1. wuwusĕn dyan ménak koñcar, kaŋ tatruka nèŋ wanadri, pan sampun aṅsal tri candra, tansaḥ aṅgĕgabaḥ dasiḥ, prandéné nora lali, kĕlaṅĕnan abĕn sawuŋ, miwaḥ ṅabĕn ḍérékan, sinambi aṅabĕn pĕgsi, lamun dalu tan pĕgat dènnya babĕgsan.

2. tamèŋ jĕbĕŋ miwaḥ panaḥ, tĕnapi gambuḥ sarimpi, bĕḍayan atataṇḍakan, siyaŋ dalu ḍahar lariḥ, kĕlawan iṅkaŋ abdi, woŋ trunalanaŋ sĕdarum, pinuja kasuranya, kaŋ ṅladosi para sĕlir, kawan dasa samya éndaḥ warṇanira.

3. patmènira muŋ sĕkawan, iṅèbèr tan ṅaṅgé wadi, sĕmbada iŋ warṇanira, sĕmuné dèn imiŋ imiŋ, mriŋ saguŋ kaŋ niṅali, akarya braṅta wulaṅun, kayuṅyun siṅa mulat, garwané papat sinaṇḍiŋ, ayu ayu sĕḍĕŋ nomé cumĕṅkrama.

4. kaŋ sĕpuḥ putri mĕkasan, aran dèwi aṅronsari, siŋ aciḥ iṅkaŋ panĕṅgak, iṅran sumarṣanawati, panĕṅahira saṅkiŋ, siyak iṅran mayaṅsantun, pamĕkas iŋ mrĕtisa, iṅran ñoñaḥ mantarṣari, ṅracak kabèḥ garwa sĕlir kagok ñoñaḥ.

5. pĕṅaṅgoné sasabraṅan, bédané lan sabraŋ yĕgti, namuŋ waja lawan siñjaŋ, sĕṅkaṅira cara jawi, anracak agĕr èstri, basané cara mĕlayu, satĕṅaḥ basa bandar, dyan arya tuhu ambĕṇṭiŋ, bocaḥ cikcar sugiḥ bojo kuwarisan.

6. pan wus paṅgĕsaṅanira, dènnya kulina iŋ èstri, abañcar para añcikan, tan kĕna towoŋ saratri, aṅgrĕ rèha kaṛĕsmi, sadina ambal piŋ pitu, sadalu kapiŋ saṅa, yèn kuraŋ aṅolaŋ aliŋ, aṅur wuwuḥ ĕndĕmé aṅlĕr kéwala.

7. yèn ĕsĕs pacitanira, pistul sarya dèn mimisi, sinuṅsun jĕṭotiŋ jlagra, mimis riniyakkĕn mijil, tibèŋ sasaka titis, anratas iŋ gĕbyog butul, anulya iṅinuman, brĕnduwin lawan papahit, gĕlasira sajĕṇṭik isi satĕṅaḥ.

8. tinutuḥ iŋ hèr tèḥ panas, apan tèhira siyoṅkiŋ, caṅkiré sañampluŋ pataḥ, sinambi aṅaras rabi, iŋ maṅké radyan mantri, wus pinĕḍot ĕsĕsipun, kantun ṅuntal kéwala, sabĕn éñjiŋ rolas ranti, pĕṇḍak soré awan ésuk nora béda.

9. kajawi yèn maṅgiḥ karya, amĕṣṭi dipunsusuli, saĕjam ṅuñjuk sapisan, binobot lan wratiŋ karyi, punika tur jajampi, aṅgi aṅgi kaŋ binubuk, kinarya saprapatan, kaŋ saduman aṅgi aṅgi, jinantonan candu iṅkaŋ tĕluŋ duman.

10. sĕlamèni radyan arya, duk kasupit ñidra pati, punika lajĕŋ sĕṅara, tinobatakĕn madati, winawratan prayogi, ñuda kaprawiranipun, ḷĕsu tur cĕkak napas, bĕñciriḥ iṅkaŋ sasakit, éwuḥ aya arubĕt yèn ana karya.

11. mila ṅantya sapunika, mantun ĕsĕs woŋ abĕṇṭiŋ, kajawi nuju tamuan, tuwin animbali dasiḥ, ṅlĕbĕti muŋ sakĕḍik, ṅécani saratiŋ patut, tĕnapi yèn sasañjan, satriya adarbé kardi, paṅaṅguran kéwala ṅécani manaḥ.

12. amriḥ rahabiŋ paṅucap, kinarya aṅudi pikir, tĕpuŋ bĕcik paḍa sanak, punika ĕsĕs dyan mantri, lumayan woŋ madati, bisa ṅomoŋ tanpa ṅaṅgur, cacadé muŋ satuṅgal, raga rusak tur bañciriḥ, yèn kĕtlaṅso lali sanak bapa biyaŋ.

13. ya ta iŋ satuṅgal dina, radyan lagya ṅabĕn pĕgsi, lan wadyané trunalanaŋ, tohira gogocon kĕris, anèŋ iŋ tarub jawi, iṅiriŋ guṇḍiknya wolu, aṅampil ganda wida, pawohan miwaḥ susumpiŋ, lawan ñaṅga brĕnduwin lan pamojokan.

14. atĕnapi talam gĕlas, kaŋ juru ciyum aṅgilir, gĕṇḍiŋnya munya aṅraras, clĕmpuŋ ṛĕbab lawan suliŋ, calapita myaŋ kaṅsi, katipuŋ ukur dinumuk, patut paḍa kĕrasa, taṇḍaké añiñiṇḍèni, wadyanira iŋ manaḥ samya gambira.

15. ya ta kasaru kaŋ prapta, tĕmaŋ gaṭul tawan taṅis, sumuṅkĕm padaniŋ radyan, sasambatira mlas asiḥ, kagyat rahadyan mantri, bapa apa purwanipun, sira prapta iŋ wana, nuṅkĕmi pada anaṅis, wus liṅgiha bapa matura mariṅwaŋ.

16. ki dĕmaŋ gaṭul tur sĕmbaḥ, gusti kawula atur wrin, rama paduka iŋ tuban, iŋ maṅké kapupu jurit, lan urubĕsma aji, sabalatantra agĕmpur, pra ménak tutumpĕsan, satuṅgal tan wontĕn kèri, kuwandané rama paduka iṅobar.

17. wontĕn madyaniŋ papraṅan, arinta rahadyan kaliḥ, buntaran lawan wataṅan, sumĕdya alabuḥ jurit, kaṭaḥ antuk papati, pra raja ménak tumĕṅguŋ, wusana rayi tuwan, kacĕpĕŋ madyaniŋ jurit, pan iŋ maṅké rinta kinuñjara waja.

18. anèŋ sĕmèru pratapan, ira saŋ pamĕṅgĕr ṛĕsi, kĕlaṅkuŋ kawĕlas arṣa, iŋ maṅké sumaṅga gusti, luwaré rinta kaliḥ, maṅsa boroṅa pukulun, aṅlĕṅgĕr ménak koñcar, sapandurat datan aṅliŋ, awusana dyan arya mijil kaŋ waṣpa.

19. dĕmaŋ gaṭul maliḥ turṇya, pukulun kadosa pundi, iŋ maṅké karṣa paduka, luwaré arinta kaliḥ, tan lyan paduka gusti, kaŋ wĕlas rinta pukulun, ménak koñcar ṅandika, witniŋ bapa iṅsun iki, luwiḥ trĕsna mriŋ paman lan ariniṅwaŋ.

20. naṅiŋ iṅsun wus tan pasaḥ, bapa mriŋ si ménak añjiŋ, sarta wus tita antara, bali bali sun ayoni, si ménakjiṅga sĕgti, guna sĕrana pinuñjul, wignya aṅadu bala, sĕdéné maṅsaḥ pribadi, bapa kaya iṅsun tobat tobatĕna.

21. amuṅsuḥ si ménak alas, iṅsun bapa wus aṅucir, sajroniŋ paṅimpèn kalaḥ, malaḥ asriŋ kagum bĕṅi, katon dèn iñciḥ iñciḥ, dibĕburu ménak asu, laḥ wadi wadi apa, iṅsun woŋ nora kĕkĕlir, sun tan wani bapa mriŋ si asu ajag.

22. yèn ta liya ménakjiṅga, dunĕn karo apa mami, sapa sapa muṅsuhĕna, sayĕgti iṅsun tan ajriḥ, ḍasar tĕguḥ sayĕgti, iṅsun digdaya pinuñjul, jaba kinĕḍèp ilaŋ, iku bapa iṅsun wĕdi, sok ajaa muṅsuḥ lan si ménakjiṅga.

23. maliḥ umatur ki dĕmaŋ, paṅgènané rinta kaliḥ, atĕbiḥ lan ménakjiṅga, nèŋ ardi sĕmèru gusti, radyan arya ṅliŋ aris, bapa iṅsun nora saṅgup, satanaḥ sabhuminya, sabalané ménak añjiŋ, iṅsun takut abaṅĕt kawus manira.

24. ki dĕmaŋ gaṭul karuna, gustiné sinambat taṅis, dyan arya mijil kaŋ waṣpa, saklaṅkuŋ putĕg kaŋ galiḥ, sriŋ trĕsnanya mriŋ ari, mriŋ ménakjiṅga sru takut, dĕmaŋ gaṭul wotsĕkar, wuwusé awor lan taṅis, sun kahuli gusti yèn añaṅgupana.

25. aṅrĕbat rayi paduka, yèn sampun kalakon ugi, luwar saṅkiŋ iŋ kuñjara, arinta ṛĕtna sĕkati, sampun lyan kaŋ darbèni, gusti kĕjawi pukulun, béñjaŋ kawula iṅkaŋ, matur ḍatĕŋ radyan kaliḥ, sarta purun ṅoŋ kaṇḍas mriŋ prabhu rara.

26. sok si ḍasar kalakona, luwar arinta kakaliḥ, sumĕḍot dyan ménak koñcar, maṅaṅĕn aṅĕn iŋ galiḥ, ṅuni ḍasar tahu wrin, mriŋ dyaḥ sĕkati saŋ iŋ rum, liya siŋ prabhu rara, wanodya sanuṅsa jawi, nora nana kaŋ kadya ṛĕtna sĕkatya.

27. kuniŋ kuniṅiŋ sarira, lan mêmak mamak iŋ wèni, lan jahit jahitiŋ tiṅal, lan manis manisiŋ laṭi, pacaknya añjukiniŋ, gumriniŋ sasolaḥnya lus, swaranya rum lir kilaŋ, cumĕṅkliŋ pamĕḍariŋ ṅliŋ, méndaḥ baya iŋ maṅko wimbuḥ diwasa.

28. nadyan anaa kaŋ mémba, gandĕsé kaŋ ora oliḥ, oliha iŋ gandĕsira, sĕmuné nora nimbaṅi, timbaṅa pasmon mirip, iŋ manaḥ nora pinuju, liya iŋ dyaḥ sĕkatya, putrané saŋ adipati, pinétaṅan pĕsatuhané utama.

29. dĕrman putra sugiḥ doña, atutut iṅkaŋ rijĕki, tur tumiba iŋ nak sanak, cacadé kĕṛĕp ṛĕbut ṅliŋ, naṅiŋ kapuwuŋ ugi, woŋ ayu asugiḥ maru, wibawa dĕrman putra, aninoŋ uniŋ unaniŋ, radyan arya iŋ galiḥ lir guladrawa.

30. ḍaṇḍaŋgula

1. paman dĕmaŋ iŋ maṅko saŋ dèwi, apa mĕgsiḥ anèŋ nagri tuban, apa wus malbèŋ kĕḍaton, matur ki dĕmaŋ gaṭul, sampun wontĕn sajroniŋ puri, ya ta mèsĕm dyan arya, bapa jañji mahu, cok aja oñcat kéwala, sun labuhi yayi mas iṅkaŋ kaswasiḥ, kadaṅé woŋ lumajaŋ.

2. ri mas nora darbé tiṅal kaliḥ, raka dika woŋ ladak sĕmbada, ambañcèr caṇḍaŋ lañcuré, ḍasar woŋ tahu jitus, sampun susaḥ andika yayi, pun kakaŋ nuntĕn prapta, ṅrĕbat saŋ binagus, onĕŋ braṅta dirèŋ pulas, iŋ wadana sun lalipur lipur yayi, mĕgsa kaṅĕn mriŋ dika.

3. manik arja wigĕna nawaṅsiḥ, dipun lana paman dĕmaŋ sira, aja cidra ubayané, dodol gularèn iṅsun, wisa aṅgĕŋ muṅgèŋ jaladri, nadyan lali kĕŋ warṇa, tĕnaga tan panduŋ, kaŋ séla pĕṅlawĕt ganda, paḍa pisan palwa gĕŋ kaṇḍĕg jĕladri, sun labuhi yayi mas.

4. dĕmaŋ gaṭul sampun dèn pisalin, kuluk kampuḥ paniṅsĕt cĕlana, mirantya lan curigané, méntar sampun rinasuk, sawusira ṅandikan maliḥ, dyan arya laṅkuŋ ṛĕna, ḍatĕŋ dĕmaŋ gaṭul, wus wataké radyan arya, lamun ana sĕbaraŋ kaŋ dados galiḥ, praḍaḥ paḍa sĕkala.

5. gya paréntaḥ dyan arya mriŋ dasiḥ, wadya trunalanaŋ kawan dasa, iŋ éñjaŋ maṅkat jurité, ya ta dyan arya kondur, dĕmaŋ gaṭul saha kinaṇṭi, prapta iŋ pĕlataran, radyan cĕluk cĕluk, mriŋ garwanira sĕkawan, caṇṭur duṅik kĕmprèŋ dowèḥ datan mijil, miraḥ mriŋ ṅĕndi sira.

6. woŋ aḍénok miraḥ woŋ akuniŋ, woŋ asèḍĕt anèŋ ṅĕndi sira, woŋ gaṇḍaŋ déné tan miyos, ya ta pra garwa catur, samya mĕṭuk lan para sĕlir, anèŋ iŋ palataran, dyan arya agupuḥ, kaŋ garwa sĕpuḥ iṅaras, aṅronsari gantya sumarṣanawati, iṅaras gantya gantya.

7. mayaṅsari wus iṅaras sarwi, prĕmbayunira iṅĕmak ĕmak, garwa martita kaluṅsèn, prodoŋ prodoŋ awaṅsul, radyan arya amalajĕṅi, pinoṇḍoŋ mantarṣĕkar, iṅras kaŋ prĕmbayun, jaṅan gusar katiṅgalan, bini muḍa trak lupa pur lahin kali, pur cium sama nonaḥ.

8. suṅgu suṅgu tiḍak lahin lahin, bini ĕmpat sama kita oraŋ, kasiḥ ampun nonaḥ radèn, tandya binĕgta waṅsul, iṅiḍunkĕn jajar lumaris, garwa sĕkawan tansaḥ, sinĕmbramèŋ tĕmbuŋ, sumèḥ sumyar jahit tiṅal, radyan arya wus pinrak lan para rabi, anèŋ kuwon jĕrambaḥ.

9. atap aglar iṅkaŋ para sĕlir, dĕmaŋ gaṭul aliṅgiḥ nèŋ ṅarṣa, tansaḥ ñoloŋ liriŋ jombloŋ, dènnya liṅgiḥ mrĕkuṅkuŋ, wus sinuṅan gantyan lan hèr tiḥ, sarta sinuŋ gigitan, ki dĕmaŋ acakut, ḍasar saṅĕt pĕtagihan, hèr tiḥ siriḥ agya katĕmu iŋ wuri, apyun kaŋ muṅgèŋ ṅarṣa.

10. suka gumujĕŋ radyan minantri, dĕmaŋ gaṭul tandya iṅuñcalan, apyun sagloṇḍoŋ mriŋ radèn, tinampan sumarikut, tur rumakĕt ṅĕmorkĕn galiḥ, anulya linarihan, jĕné wĕrgya ṅinum, dĕmaŋ gaṭul saya iṅgar, kĕna tyasé doṅèṅé karya amintir, marṇa kaŋ éndaḥ éndaḥ.

11. dĕmiŋ arak lan dĕmiŋ paṅgigit, saya ṅadĕg surané iŋ nala, puliḥ lir duk nom nomané, agĕḍé saguhipun, radyan arya puṇḍutan mijil, kaŋ gĕṇḍiŋ munya ṅraras, linadèn para rum, taṇḍakira éndaḥ éndaḥ, pitu sarya sisiṇḍèn pinuju galiḥ, ḷĕlèjĕmé asmara.

12. tandya ḍahar dyan arya lan lariḥ, dĕmaŋ gaṭul sampun sinuṅgatan, nora pĕgat pandoṅèṅé, suka tyasnya saŋ bagus, garwanira sĕkawan gĕnti, aṅliliŋ sarya ṅaras, sasĕbdanya cucut, déniŋ para sĕlir iṅkaŋ, aṅladosi datansaḥ kasukan liriŋ, kaŋ maṅluŋ pan iṅaras.

13. kaŋ sawĕnèḥ tinutul iŋ naṅsi, wĕnèḥ iṅusap kaŋ payudara, wĕnèḥ pinijĕt drijiné, dĕmaŋ gaṭul tumuṅkul, mèsĕm mèsĕm amakolèhi, andulu mriŋ dyan arya, amĕnuhi iŋ kuŋ, kaŋ taṇḍak kinèn añjawat, mriŋ ki dĕmaŋ wĕnèḥ kinèn aṅĕpĕti, wĕnèḥ ṅladosi ḍasar.

14. dĕmaŋ gaṭul èsĕmé pinirit, nora kawrat sukanirèŋ manaḥ, kĕrasa duk iŋ anomé, iruṅé mĕnut mĕnut, radyan arya suka niṅali, pra garwa tutup waja, mèsĕm kaŋ para rum, dumugi dènira ḍahar, radyan arya gya majĕŋ kaŋ kuwiḥ kuwiḥ, ḍahar wus linorodan.

15. radyan arya muṇḍut sĕpaḥ aglis, mriŋ garwa sĕpuḥ saŋ aṅronsĕkar, amuluŋ saṅkiŋ laṭiné, tinrimèŋ waja gupuḥ, radyan ṅaras saŋ dyaḥ añjiwit, sarya mèsĕm anĕbda, ana dĕmaŋ gaṭul, apa nora liṅsĕm mana, radyan lataḥ isin isin apa yayi, saradan timur mula.

16. dĕmaŋ gaṭul sĕmu ṅlik ṅlirik, radyan arya mèsĕm atatanya, paman duk sira mĕgsiḥ nom, apa ta nora tahu, sasĕpahan lawan si bibi, dĕmaŋ gaṭul wotsĕkar, iṅgiḥ saŋ binagus, iŋ nèm ṅantya sapunika, ulun magsiḥ sasĕpahan lan pun bibi, mèsĕm saguŋ kaŋ mulat.

17. sira dĕmaŋ gaṭul matur maliḥ, ṛĕmĕn ulun pun bibi punika, yèn aṅsuŋ sĕpaḥ mariŋ ṅoŋ, jĕbugipun wowolu, sĕḍahipun pan kaliḥ caṇḍik, gambir sakojoŋ maṅaŋ, ĕñjĕté sasĕntul, punika ujaré sĕpaḥ, aṅronsari gumujĕŋ atutup laṭi, dyan arya gumya lataḥ.

18. garwa kaliḥ majĕŋ aṅoñohi, sumarṣanawati mayaṅsĕkar, radyan ambapaŋ astané, asta iŋ kananipun, ṅiras jaja iṅkaŋ ṅoñohi, sumarṣana panĕṅgak, asta kériṅipun, ṅiras gigir mayaṅsĕkar, radyan duk iṅasta ginandan iṅampil, añuwol payudara.

19. garwa kaliḥ mèsĕm nambaŋ liriŋ, radyan cinĕṭot iŋ lambuṅira, alataḥ suka gujĕṅé, garwa nèm mantarṣantun, sahos sĕkar radyan ṅèsĕmi, maṅluŋ sarya ṅandika, bahik nonaḥ taruk, riṇḍu trak cium sabĕntar, mari ḍĕkĕt marganti sa punya sumpiŋ, mas nonaḥ ḷĕkas ḷĕkas.

20. saŋ dyaḥ mèsĕm sarya anumpiṅi, mèṅlèŋ mèṅlèŋ radèn aḷĕléwa, saŋ dyaḥ iṅras prĕmbayuné, noragèŋ mundur mundur, cara mlayu sarya ñiwĕli, jaṅan tuwanku jaṅan, maṅuṅsir pur cium, cis trak malu bañak oraŋ, sampé sakit ponya tètèk ḍuwa kali, ḍikĕrja pĕrmahinan.

21. gumya lataḥ rahadyan minantri, kaṅsi mata walaṅĕn ki dĕmaŋ, patiŋ daṛĕjĕt suṅsumé, kapéṅin sĕmunipun, woŋ jalarat asugiḥ rabi, kinalulutaniŋ dyaḥ, aṅlaṅsar kaŋ cium, sĕmbada kaŋ para garwa, baṅun turut laṇḍĕp sasmitaniŋ liriŋ, tur wignya mikat trisna.

22. wus dumugi kaŋ pambojakrami, sira radyan ḍatĕŋ gaṭul dĕmaŋ, ya ta wus kinèn lumèṅsèr, kawarṇaa iŋ dalu, ménak koñcar pamit iŋ rabi, arṣa ṅrĕbat arinta, iŋ tuban saŋ sunu, garwanira kawandasa, wus rinampit iŋ ṛĕsmi dèn dĕlajahi, woŋ bañcèr ciñcar bañcar.

23. woŋ jĕlarat amèrèt jakiṭit, ḍaṇḍiŋ wiṅwiŋ bĕṇṭiŋ tur réréṇḍan, lèmèt tatĕpèn bĕrṇgosé, ambrañak ladak patut, sèrèt sèrèt tur sugiḥ wani, tan kĕna iṅuṅkulan, mriŋ sasamènipun, gĕcas gĕcos para tantaŋ, ménak koñcar tan kĕna dèn mĕjanani, sĕkala prapta numbak.

24. para tabok tur para tampiliŋ, para pisuḥ tur para sudukan, tur jumĕṅglèŋ kĕkulité, samana dyan kawuwus, éñjiŋ sampun saniṅgèŋ jurit, tinon lir krĕnaputra, kaŋ garwa iṅimur, warata samya iṅaras, para sĕlir ginĕntya winolak walik, iṅras kaŋ papuṅkuran.

caṇḍaké : sĕrat babad majapahit #2