pak wåṅså duwé tĕgal timun, sabĕn dinå dicoloṅi kañcil. pak waṅså nĕmu cårå amriḥ bisané mikut si kañcil, pak wåṅså bañjur gawé woŋ woṅan kaŋ diosèr osèri pulut.
woŋ woṅan mahu éṅgal diĕñcĕpaké ånå tĕgal kaŋ ditanduri timun. nalikå kañcil ñĕḍak arĕp maṅan timun, sakawit kañcil wĕdi margå diaṅgép woŋ tĕmĕnan, baréŋ suwé suwé diwaspadakaké jĕbul muŋ mBĕgĕgĕg paṅgaḥ ora obaḥ, si kañcil lagi ṅrĕti yèn kuwi sajatiné muŋ woŋ woṅan.
kañcil ñéḍaki woŋ woṅan iku disoṭo lan diantémi ṅanti rusak, naṅiŋ apĕs, ḍèwèké malaḥ krakĕt ora biså owal margå dayané pulut siŋ dipasaŋ pak tani.
kojuré, ora suwé pak tani tĕkå , wĕruḥ kañcilé wus kapikut, baṅĕt ḷĕgå lan sénéṅé, éṅgal si kañcil dicĕkĕl digåwå muliḥ, dikuruṅi arĕp disĕmbĕlèḥ mĕṅko soré.
sapuṅkuré pak wåṅså, asu bĕlaŋ iṅon iṅonané pak tani marani kañcil siŋ lagi ṇḍĕpipis ånå jĕron kuruṅan.
"généyå kowé ånå kono, cil? kok sajak susaḥ atimu?" maṅkono pitakonané si bĕlaŋ.
"waḥ, iki wawadi jé, kowé åjå ṅanti wĕruḥ" sumahuré kañcil sansåyå gawé panasarané si bĕlaŋ.
"wis tå, kåṇḍåhå, ora ora yèn dakomoṅké bandaraku, åpå tå cil?" asu bĕlaŋ sansåyå ora sabar péṅin ṅrĕti ånå åpå.
"ṅéné lho laŋ, bĕlaŋ.. naṅiŋ tĕnan åjå kåṇḍå såpå såpå lho"
"iyå , jañji cil." si bĕlaŋ buṅaḥ bakal antuk waṅsulan.
" jané, aku iki arĕp dipèk mantu bandaramu laŋ" . waṅsulané kañcil babar pisan ora katon yèn lagi goroḥ.
asu bĕlaŋ mrĕṅut kruṅu caritané kañcil, iŋ batiné lha kok pénak si kañcil, lagi tĕkå sahiki wis arĕp dipèk mantu, kamåṅkå ḍèwèké siŋ wus matahun tahun mèlu pak wåṅså ora diglapé bab iku..
"aku mèri karo kowé cil, wis sahiki kowé luṅåhå, aku siŋ ṅGantèni kowé dipèk mantu pak wåṅså".. claṭuné bĕlaŋ karo rådå nĕsu maraŋ kañcil.
"lha priyé, woŋ aku yå ora kaṛĕp, siŋ duwé niyat iku bandaramu kok."
"mulané, ndaŋ luṅåhå"
"yå wis, ndaŋ mlĕbuwå kéné, aku tak luṅå".
bĕlaŋ mBukak kuruṅan, kañcil éṅgal dikon mĕtu, ḍèwèké ganti mlĕbu ṇḍĕkĕm kaṇṭi buṅaḥ atiné bakal dipèk mantu pak wåṅså.
soréné, pak waṅså mårå wus nGåwå ladiŋ miṅis miṅis arép kaṅgo ñĕmbĕlèḥ kañcil.
kåyå ṅåpå kagété ... jĕbul siŋ ånå jĕron kuruṅan si bélaŋ, pak waṅså dukå yayaḥ sinipi, ñjupuk pénṭuŋ, asuné digĕbugi ṅanti klĕṅĕr.
"ḍasar asu goblog, gampaŋ diapusi kañcil"..
