sawijiniŋ dinå ånå kuciŋ siŋ luwĕs, ḷĕmu lan sarwå ṛĕsik wuluné, lagi mlaku mlaku niŋ pawon. ḍèwèké wĕruḥ ånå cĕlolo lagi ṅgoṇḍol dagiŋ ĕmpal ĕmbuḥ såkå ṅĕndi. kuciŋ dadi kĕpéṅin mèlu maṅan, tĕrus golèk cårå supåyå biså ṅrĕbut dagiŋ ĕmpal kuwi. kaṇṭi kawasisan lan kaprigĕlané olaḥ ukårå kaŋ mĕṇḍĕmi, kuciŋ rumåså biså ṅrĕbut ĕmpal såkå anaké tĕkèk siŋ kåyå kayané isiḥ boḍo tur kuraŋ pĕṅalaman.
"hé, cĕlolo, awakmu iku kétok pĕṅkuḥ, roså baṅĕt, lan kulitmu kandĕl orå kåyå kulité cĕcak. åpå tå wawadiné"?
 |
| anak tĕkèk = cĕlolo |
si cĕlolo buṅaḥ baṅĕt kruṅu paṅalĕmbanané kuciŋ kaŋ élok iku. naṅiŋ ḍèwèké mĕnĕŋ bahé amargå sumĕlaŋ manåwå maṅsuli pitakonané kuciŋ, ĕmpalé bakalan tibå niŋ ñjobin.
kuciŋ orå kuraŋ akal, bañjur takon manèh
"hé, cĕlolo, kowé biså orå ṅajari aku mlaku niŋ témbok, kok yå ampuḥ tĕmĕn, kok biså ora mrucut sikilmu, siŋ ṅajari såpå tå"?
si cĕlolo mĕnĕŋ bahé, jan jané ḍèwèké péṅin maṅsuli yèn bisané mlaku niŋ témbok kuwi orå ånå siŋ muruki, mårå mårå biså ṅono bahé tanpå piwulaṅé såpå såpå.
si kuciŋ ṅaḷĕmbånå manèḥ maraŋ si cĕlolo
"hé, cĕlolo, swuaramu kuwi dakakoni pañcèn énḍaḥ tĕnan. mBok kowé nĕmbaŋ sagåtrå bahé kaṛĕbèn tambaḥ sĕṅsĕm atiku maraŋ sliramu."
si cĕlolo wis ora biså ṅampĕt manèḥ, atiné moṅkog awit kabèḥ paṅaḷĕmbanané si kuciŋ, bañjur kĕpéṅin ṅĕtok kasudibyané, ḍèwèké maṅap arĕp miwiti nĕmbaŋ, dumadakan ĕmpalé tibå niŋ ñjobin. untuṅé ånå mBokné si cĕlolo, yå iku si tĕkèk siŋ lagi såbå, sanalikå éṅgal ñambĕr ĕmpal siŋ tibå mahu, bañjur ṅajak anaké luṅå ṅĕdohi kuciŋ kaŋ duwèni kaṛĕp ati béṅkoŋ iku.
