sĕrat rama

sĕrat rama

añariyosakĕn śri bhaṭara rama praŋ mĕṅsaḥ lan prabhu dasamuka iŋ ṅaḷĕṅka, ṅantos dumugi konduripun śri bhaṭara rama iŋ nagari ṅayodya, mawi kasĕkarakĕn.

séṅkalan : sirṇèŋ tata paṇḍitèŋ siwi, ṛĕbo ḷĕgi, 30 sura 1750.

1. ḍaṇḍaṅgula

1. tabuḥ sapta nujya buda manis | wulan sura kapiŋ tigaŋ dasa | iŋ măṅsa kapat wukuné | kurantil jé kaŋ tahun | sirṇèŋ tata paṇḍitèŋ siwi | sĕṅkala duk anurat | akṣama anurun | maṅun laṅĕniŋ carita | caritané bhaṭara rama iŋ kawi | jinarwakkĕn iŋ krama ||

2. mardya kawuryaniŋ kramaniti | manawuŋ măṅka sĕkar măñcapat | iṅkaŋ rinĕṅga kaṇḍané | nĕṅgiḥ ṛĕkṣasa prabhu | iŋ ṅaḷĕṅka prajaniradi | sumbagèŋ tri buwana | prakoswa dibyanuŋ | winoṅwoŋ karatonira | aṅluwihi kumaluṅkuŋ anèŋ bumi | tan ana kaŋ tumimbaŋ ||

3. kasudiranira aṅĕtĕri | risaŋ buminata iŋ ṅaḷĕṅka | kusut para ratu kabèḥ | ditya ṛĕkṣasa diyu | myaŋ ratuniŋ manuṅsa sami | tan ana kaŋ kuwawa | lumawaniŋ taṅguḥ | nadyan déwa suralaya | baṭaréndra ṛĕbut rok kasoran déniŋ | lan śri maha yakṣéndra ||

4. bisikanira śri narapati | buminata ṅaḷĕṅka rahwana | dasamuka paparabé | nĕṅgiḥ kaŋ darbé turun | sakiŋ bapa manuṅsa yĕkti | ambĕk nata paṇḍita | éyaŋ lawan buyut | sira bagawan wisrawa | saŋ wisrawa putrané padma anĕṅgiḥ | padma putrèŋ pulaṣṭa ||

5. sami ratu paṇḍita linuwiḥ | prajaniradi iŋ lokapala | déné kaŋ sakiŋ ibuné | punika trahiŋ diyu | iŋ ṅaḷĕṅka prabhu sumali | ibuné dasamuka | sumali kaŋ sunu | dèwi sukèsi kaŋ nama | putranira bagawan wisrawa nĕṅgiḥ | apatutan sĕkawan ||

6. tiga iṅkaŋ warṇi ditya sami | pĕmbayunira śri dasamuka | kumbakarṇa panĕṅgaké | wanita arinipun | apan warṇi ṛĕkṣasa èstri | aran sarpakanaka | muŋ warujunipun | iṅkaŋ awarṇi manuṅsa | pinaṇḍita ambĕk sadu santa budi | saŋ kunta wibisana ||

7. mardikèṅrat gunawan uṇḍagi | tyasirèstu manik pinaṣṭika | ḷĕpas pasaŋ wĕwékèŋ rèḥ | nimpuni maharjayu | néjé sakiŋ kadaṅé sami | saŋ arya kumbakarṇa | sarira gĕŋ luhur | yayaḥ pĕrbata tĕnaya | mastakanya tuhu aṅébat ébati |nétra piṇḍa baṣkara ||

8. lir galuḍug swara gĕgĕtĕri | lésan kadi wiwaraniŋ guwa | iŋ apraŋ piliḥ boboté | mriŋ raka wus jinuñjuŋ | sinatriya andĕliŋ jurit | winanaŋ aṅĕḍatyan | sajroniŋ praja guŋ | akĕkuṭa iŋ dukṣina | datan pahé lawan puraniŋ rakaji | myaŋ arya wibisana ||

9. wus sinuṅan kaḍaton pribadi | jro nagara arya wibisana | iŋ kutara kaḍatoné | lawan bala wus sinuŋ | piraŋ piraŋ yuta wadyèki | sami lan kumbakarṇa | kaŋ ditya wadya guŋ | aprasasat pinartiga | iŋ ṅaḷĕṅka kaŋ sĕpuḥ mĕhĕŋ ṅratoni | déné kadaŋ wanodya ||

10. tinarimakakĕn iŋ bhupati | sinuŋ kawiryan karadusana | sarpakanaka lakiné | kinarya puṅgawa guŋ | iŋ tampiṅanira rakaji | kaṭaḥ wadya santana | puṅgawa guŋ aguŋ | kabèḥ prawirèŋ ayuda | jajahané ṅaḷĕṅka datanpa wilis | bhupati kaŋ amăñca ||

11. ḷĕkṣan kĕṭèn ṛĕkṣasa paraji | kaŋ sumiwi mriŋ prabhu rahwana | kucĕm isiniŋ rat kabèḥ | yèn iṅkaŋ ratu ratu | tan anuṅkul sigra ginitik | tumpĕs sasat karoban | iŋ sagara gunuŋ | tan atoliḥ kadaŋ warga | yèn tan nuṅkul mriŋ saŋ prabhu rahwana ji | jinaraḥ binoyoṅan ||

12. saananiŋ para ratu tapis | kĕkĕs miris iŋ prabhu rahwana | tan ana kaŋ naṅgulaŋ rèḥ | mila kalaṅkuŋ laṅkuŋ | kawiryané luwiḥ sabumi | pura kuṭa kanaka | mawal manik murub | botrawi mas witana mas | kyèḥ madé mas sumawur nila widuri | mutyara lan pakaja ||

13. kaḍaton wolu suwarga sami | kaŋ tinélad wawaṅunanira | sadaya upaṛĕṅgané | datan kĕna winuwus | busananiŋ sajroniŋ puri | datan pahé kalawan | pura bhaṭara guŋ | kunĕŋ wontĕn winurṣita | ratu luwiḥ prajadi kaŋ madĕg aji | saŋ prabhu dasarata ||

14. ambĕk pinaṇḍita santa budi | mardikèṅrat tyas mulya ṅulama | aṅénaki sawadyané | tan wus amriḥ arjayu | paparéntaḥ moriŋ mamanis | wadya tan sinuŋ ṛĕṅat | santana lit aguŋ | winoṅiŋ sakarṣanira | wĕdi asiḥ wadya ṅayodya guŋ alit | winĕṅku iŋ pararta ||

15. ratu luwiḥ kasusra iŋ bumi | awit sakiŋ kasujananira | anrusiŋ kasujanané | lir kapaṇḍitanipun | subagèŋ rat paṣṭika manik | kaṭaḥ kaŋ para raja | kaŋ sumiwi anut | aṅgĕpé sami ambapa | datan koṅsi pinukula iŋ ajurit | soriŋ tyas kapaṇḍitan ||

16. waṣkiṭa mriḥ iŋ pati patitis | tan antara miṅé riŋ pañipta | wigñamor riŋ bhaṭarané | iŋ sanalika tan wus | umèṅĕti koṅasiŋ bumi |

saŋ prabhu dasarata | sampĕt tyas kaprabhun | iṅkaŋ madma paripurṇa | amuḍari yayaḥ sasăṅka dadari | mamaṅun nulu iŋ rat ||

17. tuwin tan nunulak śri bhupati | mriŋ samuhané janma anĕdya | sru niti parikrama rèḥ | tanpa sisihan nulus | dènnya saṅĕt aṅguŋ samadi | srunya sihiŋ bhaṭara | nityasa manĕkuŋ | déra mriḥ arjèŋ kanaŋ rat | tan amriha yuniŋ kaprabon pribadi | śri maha dasarata ||

18. puja mantranira anĕtĕpi | sarta asiḥ mriŋ kadéyan warga | rinĕkṣèŋ ywa diṛĕṅaté | mriḥ tyas kĕtaman ayu | tuwin tabĕtiŋ satru yĕkti | iṅakĕn tuṅgil daraḥ | iŋ sakarṣa sinuŋ | nirtaŋ tyas mawi sadéya | abipraya paṛĕṅa rusak mutyaniŋ | dènñaṅguŋ tyas kĕdarman ||

19. sok iŋ driya riŋ pañjiṅiŋ kaŋ siḥ | drĕdyanira prabhu dasarata | tuwin yèn mawi dana rèŋ | wadya ya akĕn jawuḥ | myaŋ sĕtya gĕŋ riŋ siwi sori | marma prabhu maṅkana | pambĕkanira sru | kyèḥ puruhitèŋ paṇḍita | dadya iŋ wasana rèḥ putus patitis | yogya ṛĕkṣakaniṅrat ||

20. aguŋ puja riŋ baṭaréndra siḥ | tuwin mariŋ saŋ Hyaŋ jagadnata | kanityasa samadiné | marma kaŋ para ratu | kanan kériŋ aṅgĕpirèki | mriŋ prabhu dasarata | samaniŋ pandulu | sasat naréndra bawana | dènnya paṛĕk sinihan jawata luwiḥ | winantu iŋ nugraha ||

21. dènnya prabhu dasarata amriḥ | para ratu sami rahayuwa | ménaka tyas sawadyané | maṅkana kaŋ winuwus | puranira śri narapati | sasat iŋ éndraloka | salir ṛĕṅganipun | prasada pasĕmadènan | pan sadaya kanaka samya iṅukir | kinĕmbaŋ iŋ sosotya ||

22. datan ilaŋ tinanya iṅkaŋ śri | tan pahé lan pura baṭaréndra | liriŋ ṅupakara déné | dupanira kumutug | datan kèndĕl iŋ siyaŋ ratri | marma prabhu maṅkana | dènñaṅguŋ tumurun | kaŋ asiḥ para juwata | myaŋ paṇḍita kaṭaḥ kaŋ asiḥ nĕḍaki | mriŋ prabhu dasarata ||

23. lawan wontĕn jro purèŋ narpati | witana mas mabusana ṛĕtna | lir iṅkaŋ sosotya kabèḥ | kèdĕran niṅiŋ ranu | botrawi mas sotya sinuji | tan wus iṅucapĕna | laṅĕniŋ kaḍatun | wahu ta śri dasarata | iŋ nalika tyasira arṣaṇḍatĕṅi | wiyogya tiwikrama ||

24. kahyanira śri dasarata ji | ḷĕstaria arjuniŋ kanaṅrat | siṛĕpa iŋ kalésané | maṅkana saŋ aprabhu | garwanira katiga sami | sinuŋ wruḥ liriŋ sĕdya | tambayanirapus | sadèrèṅipun kagarwa | samya minta puputra ajalu sami | sori katiga pisan ||

25. kanimpuné jaya wijayanti | amunaḥna kalésan samuha | naréndra nimbali agé | paṇḍita

kaŋ linuhuŋ | aṅuṅkuli samaniŋ ṛĕsi | saŋ bagawan wasiṣṭa | prapta jro kaḍatun | saŋ prabhu gupuḥ amapag | riŋ paṇḍita aṅraṛĕpa ṅacarani | binaktèŋ pamĕḷĕṅan ||

26. sarta saṅkĕp saguŋ saji saji | sawarṇiné wowohan sadaya | kaŋ waṅi waṅi gandané | sĕkaran sadaya wus | kayu kayu kaŋ waṅi waṅi | wus pinati sadaya | pinipis cinarub | lan madu madu sadaya | winor lawan aṛĕṅiŋ dupa anuli | saŋ prabhu aṅandika ||

27. mriŋ paṇḍita saṅĕt aminta siḥ | jroniŋ puja nĕkuŋ jinuruṅa | puputraa lanaŋ maṅké | kaŋ prakoswa dibyanuŋ | animpuna jaya jayanti | muṅguḥ tinitisana | mriŋ bhaṭara wiṣṇu | mugi pinăṅkaa bapa | iŋ jalaran Hyaŋ wiṣṇu dènira nitis | mriŋ alam madyapada ||

28. amĕṅkuwa rahayuniŋ bumi | saŋ paṇḍita mastuti ri sabda | para garwa katigané | kinèn samya matimpuḥ | aṅubĕṅi dupanirèki | dèwi kékayi nama | lawan dèwi ragu | yèku dèwi sukosalya | lawan dèwi sumitra katiganèki | samya ṅubĕṅi dupa ||

29. garwa tiga kapat śri bhupati | kalimané kalawan paṇḍita | sigra lumĕkas pujané | wahu garwa katĕlu | apan samya bĕnĕrkĕn ati | ĕniŋ tyas paripurṇa | tarmiwèŋ pandulu | bhaṭara jagad pratiṅkaḥ | kaŋ iṅugĕr pucukiŋ ciptanirèki | iṅakĕn niṅiŋ tiṅal ||

30. pan tinuñjĕm pratiṣṭaniŋ galiḥ | dupanira murub ṅalad alad | aladiŋ dupa tiṅalé | cinipta saŋ Hyaŋ guru | saṛĕŋ tutug kukusiŋ gĕni | wahu saguṅiŋ sarat | kaŋ cinarub carub | paṭiniŋ kĕmbaŋ sadaya | kayu kayu kaŋ waṅi kaŋ ḷĕgi ḷĕgi | cinĕmpluṅakĕn dupa ||

31. saṅsayaḍĕm kukusiŋ kaŋ agni | daṅu dènira malad pamuja | siṛĕpiŋ dupa nulyagé | pinĕṇḍĕt aṛĕṅipun | kinèn mipis cinarub nuli | iṅurabakĕn nulya | sĕkul lawan sayur | sinuṅiŋ garwa katiga | kinèn ḍahar tĕlasa sami tumuli | binukti lan saŋ nata ||

32. luwariŋ kaŋ pamuja saŋ ṛĕsi | nulya bujana mahapaṇḍita | mèsĕm alon iŋ wuwusé | kadi kadi saŋ prabhu | wontĕn ugi tiṅkaḥ puniki | pituluṅé bhaṭara | saŋ nata aṇḍĕku | mugi èstuwa kaŋ sabda | mahaṛĕsi samana anulya pamit | mantuk maraŋ aldaka ||

33. iṅkaŋ kari wahu śri bhupati | para garwa mantuk sowaŋ sowaŋ | samya riŋ tĕpas waṅuné | maṅkana saŋ aprabhu | kocap ḍatĕṅakĕn kaṛĕsmin | kalawan para garwa | combana anutug | iŋ antara lama lama | samya wawrat garwané saŋ narapati | kaŋ rumiyin ambabar ||

34. dèwi ragu jaḷĕr putranèki | sukosalya nama ramabadra |

tan alami antarané | dèwi kékayi wahu | babar jalu putrané sami | anama radèn brata | nulya malihipun | dèwi sumitra puputra | jalu kaliḥ radèn ḷĕkṣmaṇa satuṅgil | kaŋ rayi radèn trugna ||

35. tan cinatur diwasané sami | putra kapat sinrahkĕn paṇḍita | mriŋ bagawan wasiṣṭané | samya kinèn mamuruk | sapratiṅkahiŋ santa budi | budiman kasujanan | myaŋ ṅèlmu kĕprabhun | kasudibyan kawidigdan | kasantikan miwaḥ jaya wijayanti | ramabadra nimpuna ||

36. danurwénda kabudayan ĕntiŋ | apadéné kaŋ rayi katiga | wignya mèḥ kadi kakaṅé | ramabadra kaŋ sĕpuḥ | aṅlaṅkuṅi kawigñanèki | pinuñjul kaprawiran | ranagana putus | kadi èstu tinarima | pañjanmané bhaṭara suman prajurit | Hyaŋ késawa prawira ||

37. samya éṅgal sĕkawanirèki | putranira prabhu dasarata | paṇḍita tumpĕk ṅèlmuné | tĕlasa isinipun | putra kapat wus samya muliḥ | sakiŋ wismèŋ paṇḍita | praptèŋ praja kasub | lamun dasarataputra | kapat pisan samya prawira ṅajurit | nugrahaniŋ jawata ||

38. putus saliriŋ rèḥ kramaniti | kunĕŋ wontĕn ĕmpuniŋ paṇḍita | saŋ yogiswara namané | lan bagawan mintrèku |

samya mirṣa lamun putraji | dasarata ṅayodya | sudira dibyanuŋ | paṇḍita kaliḥ lumampaḥ | mriŋ ṅayodya añjujug sajroniŋ puri | mañjiŋ tan mawi taha ||

39. dasarata gupuḥ anĕḍaki | mĕṭuk maraŋ saŋ mahapaṇḍita | tuṇḍuk saryalon dĕliṅé | kĕmayaṅan ta iṅsun | atamian saŋ mahaṛĕsi | kaŋ sahèstu nugrahan | ĕniṅiŋ tumuwuḥ | tan paṛĕk lawan druwaka | anahuri paṇḍita sarwi aliṅgiḥ | sawusnya iṅacaran ||

40. iṅgiḥ ḷĕṛĕs panabda saŋ aji | pan paṇḍita sihiŋ puja măntra | kadi prapta sakayuné | naṅiŋ sayĕktinipun | botĕn sami lawan saŋ aji | tapané mĕṅku praja | sujananya tuhu | bisa busanèŋ kamulyan | iṅkaŋ tĕtĕp sinuŋ sihiŋ bhaṭaradi | tan pahé lan jawata ||

41. déné lampaḥ kawula saŋ aji | anĕḍa sihiŋ saŋ maharaja | tinuluṅa kaṛĕkṣané | wukir pĕrtapan ulun | dèn rusuhi mariŋ rasĕkṣi | tan kobĕr amamuja | guŋ dèn arubiru | balané prabhu dasasya | aṅrurunaḥ tan wontĕn ṛĕsi kinériŋ | gègèr kaŋ ṅulaḥ puja ||

42. puyĕṅan yèn arṣa asĕmèdi | ṛĕkṣasa galak samya mamăṅsa | mila saŋ prabhu iŋ maṅké | tutuluṅa iŋ wiku | putrandika ramabadrèki | punika pariṅĕna |

rumĕkṣa iŋ ulun | sirṇakna muṅsuḥ ṛĕkṣasa | śri bhupati myarṣa saŋ wiku dènñaṅliŋ | tumuṅkul tan aṅucap ||

43. sakiŋ guṅiŋ trĕṣṇa putranèki | tinĕḍa iŋ wiku asĕrana | rumĕkṣa iŋ pĕrtapané | nirṇakna kaŋ arusuḥ | ambéṅkasa muṅsuḥ rasĕkṣi | sĕṛĕt dènnya ṅandika | wahu saŋ aprabhu | pan makṣiḥ raré punika | ramabadra dèrèŋ pantĕs maṅun jurit | muṅsuḥ lawan ṛĕkṣasa ||

44. prawira tur aṅébat ébati | awidigda prakosa tur arda | kalaṅkuŋ dédé boboté | saŋ paṇḍita sru muwus | ṛĕṅĕnta hèḥ śri narapati | sajatiniŋ utama | animbaṅi iku | baraŋ jinaluk woŋ sanak | kaŋ sajati jatiniŋ utama yĕkti | prabhu aywa ḷĕṅgana ||

45. apan wajib jĕnĕṅiŋ narpati | rumĕkṣa riŋ baraŋ kasusahan | titahiŋ jawata kabèḥ | sintĕn ta kadi ratu | aṅluwihi samèŋ dumadi | sayĕkti nambanana | susahiŋ pra wiku | tan wontĕn kaŋ kawajiban | amuŋ ratu kaŋ paṣṭi dipun ahubi | maraŋ isiniŋ jagad ||

46. yèn saguṅiŋ para susaḥ ati | amintaa tuluŋ mriŋ satriya | dadi siḥ sinihan bahé | pan dudu wajibipun | ya muŋ ratu iṅkaŋ duwèni | aṅḷĕjarakĕn susaḥ | marasakĕn wuyuŋ | yèn jagad tan wontĕn raja | măṅsa wontĕn paṇḍita para maharṣi | tan wontĕn alul puja ||

47. lamun ratu tan wontĕn anĕṅgiḥ | para paṇḍita satĕmaḥ rusak | aruhara karatoné | marmané saŋ aprabhu | sampun walaŋ galiḥ iŋ siwi | kadi ta dédé raja | linuwiḥ saŋ prabhu | lan putrandika kaliḥnya | radèn rama lawan ḷĕkṣmaṇa sinĕkti | pituruniŋ jawata ||

48. măṅga mayu riŋ woŋ sĕḍiḥ kiṅkin | kĕlar nulak iŋ muṅsuḥ ṛĕkṣasa | sampun susaḥ déniŋ raré | dumèḥ ta duruŋ wĕruḥ | iŋ gagaman paṅulaḥ jurit | muṅsuḥ ṛĕkṣasa cidra | sudira dibyanuŋ | sira prabhu dasarata | ṅunadika yèn purika wiku iki | gawé ṛĕṅkaniŋ jagad ||

49. dasarata sumăṅga riŋ siwi | pintĕn barané dadi sarana | saŋ wiku ḷĕjar nityané | nulya pamit saŋ wiku | putra kaliḥ wahu kinaṇṭi | radèn rama ḷĕkṣmaṇa | suka iŋ tyasipun | sarwi ñaṅkiŋ laṅkapira | cipta agé wĕruha rasaniŋ jurit | malar dadi sanépa ||

50. solaḥ tama kaŋ arṣa siniwi | awit sakiŋ rèhiŋ kaprawiran | praptèŋ jawi kiṭa agé | wahu ta lampahipun | para cantrik samya asanti | ṅigĕl lumakwèŋ ṅarṣa | bĕṇḍé caṅkĕmipun | kaŋ samya lumakwèŋ ṅarṣa | kunĕŋ marga samya aṅlètèr kaŋ cantrik | amuwus jaya jaya ||

51. ya ta wahu kaŋ satriya kaliḥ | samya kumĕdut bahuné kanan | apratăṇḍa iŋ baḍéné | amunahakĕn satru | tanpa sésa muṅsuhiŋ ṛĕsi | mawataŋ désa ramya | kaṭaḥ kaŋ kadulu | śri laṅĕniŋ pasawahan | alas alas tan wus ucapĕniŋ kawi | cinĕṇḍak kaŋ carita ||

52. laṅĕniŋ alas ṛĕsminiŋ margi | tan cinatur wus praptèŋ aldaka | cantrik kaŋ kari sakèhé | gĕrawalan amĕṭuk | ṛĕsi santi patiŋ caḷĕrik | aṅudanakĕn kĕmbaŋ | sumyur sru gănda rum | satriya kaliḥ pan arṣa | mariŋ kĕbon nalika muṅsuḥ maharṣi | prasamya iṅaḍaṅan ||

53. iṅaḍaṅan samya ṅariḥ ariḥ | kinèn écaa iŋ paḷĕṅgahan | nrĕpaputra waṅsul agé | sinugata woḥ arum | lan sinuṅan jĕmpariŋ luwiḥ | lawan winuruk samya | iṅaji dibyanuŋ | nuraga kawirutaman | kasantikan jaya jaya wijayanti | sawusnya winulaṅan ||

54. méṅgal biyasa satriya kaliḥ | kĕtampan kabèḥ wulaŋ paṇḍita | sigra tĕḍak sakiŋ gèné | ñaṅkiŋ gaṇḍéwanipun | mariŋ kĕbon satriya kaliḥ | aṅubĕṅi jajahan | patapan saŋ wiku | wĕkas lor kidul myaŋ wétan | mèṅĕt èṅĕt wahu nrĕpaputra kaliḥ | iŋ wuri ana ditya ||

2. paṅkur

1. gumaṇḍul ana iŋ ĕpaŋ | taṭakakya namané kaŋ rasĕkṣi | aṅrurusak karyanipun | ṅarubiru pĕrtapan |

mamatèni si taṭakakya puniku | balané prabhu dasasya | prayitna satriya kaliḥ ||

2. saŋ rama sigra amĕṇṭaŋ | larasira maṅéka padanèki | lumĕpas sañjata mampruŋ | pĕḍot tĕṅgaké kĕna | taṭakakya tiba gĕmbuṅé gumĕbrug | kadya pĕrbata anakan | tibané aṅgigirisi ||

3. suka kaŋ cantrik sadaya | déné sirṇa buta kaŋ babayani | kabèḥ sahisiniŋ gunuŋ | samya suka sadaya | pitik iwèn sato ilaŋ gĕriṅipun | moŋ kidaŋ saṅsam andaka | sĕnuk mèmrèŋ miwaḥ kañcil ||

4. nadyan gajaḥ sami susaḥ | tan ana kaŋ wani aṅalap bukti | mila sato samya kuru | tan antuk amĕmăṅsa | amuŋ warak kaŋ mĕṇḍĕm kaŋ misiḥ ḷĕmu | sanadyan kayu wowohan | tan kobĕr awoḥ bariṇḍil ||

5. maṅkya sato samya luwar | labuḥ brata éṅgar aṅalap bukti | myaŋ wowohan samya mĕṇḍuḥ | sĕkar sĕkar umĕkar | samya éca tyasira saŋ mahawiku | sawusnya nir kaŋ babaya | maṅkana satriya kaliḥ ||

6. dinus muṅgèŋ iŋ palăṅka | tinuturan maraŋ saŋ mahaṛĕsi | hèḥ ruṅunĕn putraniṅsun | iya pitutur iṅwaŋ | sira uga pañjanmané saŋ Hyaŋ wiṣṇu | sinuṅan karya rumĕkṣa | rahayuniŋ bumi bumi ||

7. tan ana saṅsayanira | iya ĕndi ana woŋ bisa luwiḥ | tan ana saṇḍuṅanipun | sawĕtara kéwala | marma sira sinuŋ widagda dibyanuŋ | déniŋ baṅun turutira | mriŋ bapa rumĕkṣèŋ ṛĕsi ||

8. béṅkasa sukĕr paṇḍita | nulusakĕn ulaḥ puja samadi | marma guŋ pahalanipun | nugrahaniŋ jawata | sigra tĕḍak putra kĕkaliḥ mriŋ puṅkur | ana ditya saha bala | sakapraboniŋ ajurit ||

9. ditya prawira marica | guŋ aluhur balané aṅĕbĕki | ṅiṅgil patapan lir mĕṇḍuŋ | prapta késis lir kilat | siṅa nabda gumuruḥ lir gĕlap sèwu | satriya rama prayitna | ḷĕkṣmaṇa mĕṇṭaŋ jĕmpariŋ ||

10. ḷĕkṣmaṇa maṅékapada | ditya éwon wahu kaŋ dèn ḷĕpasi | sañjata dibya tumanduk | maṅĕnèŋ kaŋ danawa | kumarutug gĕmbuŋ pukaŋ iṅkaŋ runtuḥ | cĕṅĕl buja iṅkaŋ pĕgat | galasaḥ tumibèŋ siti ||

11. ditya kaŋ kari sumahab | apupuliḥ ṅĕbyuki radèn kaliḥ | dyan sumitratanaya wus | amĕṇṭaŋ arda căndra | ditya niyup tinaḍahan akèḥ rampu | kadya gunturiŋ prabata | udan ḍas gĕmbuŋ asrami ||

12. miris saguŋ kaŋ tumiṅal | para cantrik tuwin kaŋ para ṛĕsi | dènnya ḍas buta kumrutug | gĕgĕmbuŋ buja pukaŋ | wahu ditya prawira maricandulu | iŋ wadya wil kaṭaḥ pĕjaḥ | maṅsaḥ pupulih kroḍa ṅrik ||

13. hèḥ satriya ṅĕndi sira | mamalaṅi mriŋ lakuniŋ rasĕkṣi | koḍik kaladama tuhu | cĕmĕr gĕlahiŋ jagad | anahuri hèḥ ṛĕkṣasa wruhanamu | iṅsun dasarataputra | tinitaḥ iŋ bhaṭaradi ||

14. mayĕŋ maharjèŋ kanaŋ rat | sira koḍik migĕna woŋ samadi | sigra mĕṇṭaŋ larasipun | satriya ramabadra | dyan lumĕpas sañjata bajra tumanduk | ditya prawira marica | kabuñcaŋ katub iŋ aṅin ||

15. kadi kapuk sariranya | saŋ marica tibèŋ doḥ iŋ pasisir | buta bhupati puniku | iṅkaŋ tuṅgu tampiṅan | andĕliŋ praŋ risaŋ dasamuka prabhu | tumpĕsan sawadyanira | muŋ marica iṅkaŋ urip ||

16. wahu kaŋ jawatèŋ wiyat | samya ṅudanakĕn saguŋ wawaṅi | samya maṅastuti umuŋ | hèḥ rama sadu dibya | wirotama hèḥ ri dasaratasunu | wus éca saguŋ paṇḍita | mulya suka para cantrik ||

17. satriya rama ḷĕkṣmaṇa | kundur sakiŋ rana para maharṣi | sadaya samya amĕṭuk | ṅrĕṛĕpa aṅuṅudaŋ | prabhu lokapala tan ana kadyèku | ḍuḥ sutaṅoŋ śri krĕtarta | kadya sor lokéndra maṅkin ||

18. déné ta prabawanira | iŋ manuṅsa pada gul agul katri | sasat Hyaŋ siwaḥ tumurun | hèḥ babo wruhanira | mĕtonana sayĕmbara putraniṅsun | prabhu mantilidiṛĕja | sayĕmbara putranèki ||

19. putranira dèwi śinta | ṅupaya kaŋ dadi jatukramèki | pan ora arṣa tinuku | iŋ rajabrana kaṭaḥ | ana iṅkaŋ dadi patĕmbayanipun | ana gaṇḍéwa wasiyat | saŋ Hyaŋ girinata ṅuni ||

20. siṅa siṅa kawawaa | amĕṇṭaṅa mariŋ gaṇḍéwa adi | nora piliḥ janmanipun | nadyan ta urakana | yèn kawawa mĕṇṭaŋ laṅkapira jatu | kraranira dèwi śinta | nadyan satriya bhupati ||

21. yèn ora kuwawa mĕṇṭaŋ | nora jatukrama putri mantili | pan wus akèḥ para ratu | nora kuwawa mĕṇṭaŋ | sira bésuk pĕṣṭi iŋ sayĕmbarantuk | sayĕkti kuwawa mĕṇṭaŋ | laṅkapé putri mantili ||

22. paṣṭi jatukramanira | putriniŋ kaŋ prabhu janaka luwiḥ | tan ana timbaṅanipun | yèn iŋ manuṅswa pada | nadyan para apsari suralayèku | kasoran ṛĕbutan cahya | luwiḥ putri iŋ mantili ||

23. lan bésuk sira amunaḥ | ratuniŋ wré śri maharaja bali | amutĕr sapuluḥ gunuŋ | béṅkas datanpa sésa | parandéné sirṇa déniŋ sira bésuk | wus payo nuli maṅkata | maraŋ nagara mantili ||

24. sun aṅrojoŋ puja măntra | salaminé samadiniṅsun iki | kabèḥ kaduwé sirèku | putra kaliḥ tur sĕmbaḥ | sinanti riŋ maharṣi cantrik gumuruḥ | maṅastuti jaya jaya | wus mĕsat sakiŋ asrami ||

25. satriya rama ḷĕkṣmaṇa | réréyoṅan akèḥ laṅĕniŋ margi | kĕmbaŋ kĕmbaŋ lir manuṅsuŋ | samohaniŋ kamargan | kadya yayaḥ nambrama paṅèstunipun | pratăṇḍa rèḥ iŋ bawana | donirèŋ saŋ wiṣṇumurti ||

26. praptèŋ mantilidiṛĕja | lampahira wahu satriya kaliḥ | prabhu janaka winuwus | éñjiŋ duk siniwaka | putrinira kinaṇṭi dé mahaprabhu | tan pisaḥ gaṇḍéwa dibya | wus muṅgèŋ iŋ păñcaniti ||

27. wus aglar iŋ panaṅkilan | pra dipati tuwin satriya mantri | miwaḥ para ratu ratu | madĕgi sayĕmbara | pan supĕnuḥ suṛĕm bagaspati tĕḍuḥ | nagri mantilidiṛĕja | lir guntur kaŋ wukir manik ||

28. praptanira nrĕpaputra | sami piyak ciṅak sami niṅali | panarkanira kaŋ dulu | bhaṭara kamajaya | lawan saŋ Hyaŋ asmara milu tumurun | añjĕnĕṅi sayĕmbara | rinubuŋ satriya kaliḥ ||

29. kawistarèŋ maharaja | pinarikṣa satriya sakiŋ wukir | pasayĕmbara wus daṅu | tan ana kĕlar mĕṇṭaŋ | iŋ gaṇḍéwa dibya maṅkana ta sinu | riŋ saŋ dasarataputra | tinampan lajĕŋ tinarik ||

30. pinĕṇṭaŋ gĕrèt swaranya | wus katarik tikĕl kaŋ gaṇḍéwadi | sigra tinĕtĕgan sampun | luwar kaŋ sayĕmbara |

iṅandikan narpatmaja praptèŋ ṅayun | ḍinawuhan lamun kĕna | iŋ sayĕmbara sirèki ||

31. katur kawijilanira | iŋ ṅayodya suka śri narapati | sigra nuduḥ kaŋ iṅutus | bhupati mriŋ ṅayodya | aṅaturi maraŋ dasarata prabhu | dèn éṅgal nuli praptaa | iya mriŋ nagri mantili ||

32. mĕsat bhupati caraka | tan kawarṇèŋ marga lampahé prapti | nagri ṅayodyapurésuk | katur suratiŋ nata | iŋ mantili mariŋ dasarata prabhu | patĕmbayan tur uniṅa | yèn iṅkaŋ atmaja kĕni ||

33. umañjiŋ jro sayĕmbara | aṅĕnèni maṅkya putranirèki | paṣṭi jatukramanipun | iŋ putraṅoŋ ni śinta | kakaŋ prabhu nuli praptaa dèn gupuḥ | nagri mantilidiṛĕja | iŋ paṅgihé nini putri ||

34. ṅantos paduka kéwala | laṅkuŋ kagèt prabhu dasarata glis | sawarèŋ bala wus kumpul | buḍal śri dasarata | sakiŋ kiṭa swaraniŋ bala gumuruḥ | wahana turăṅga liman | paloka jĕmpana joli ||

35. kĕrig puṅgawa ṅayodya | tan kawarṇèŋ marga praptèŋ mantili | prabhu janaka wus mĕṭuk | tuṇḍuk jawiniŋ kiṭa | janaka ṅliŋ sapraptanira kaŋ prabhu | sasat saŋ Hyaŋ baṭaréndra | nĕḍaki mariŋ mantili ||

36. putranta saŋ ramabadra | kaŋ aṅĕntas sayĕmbara ni putri | tuhu prawira dibyanuŋ | kaṭaḥ kaŋ para raja | nora nana kuwawa mĕṇṭaŋ puniku | gaṇḍéwa dibya tĕmbaya | muŋ ramabadra sinĕkti ||

37. binĕktèŋ mañjiŋ kaḍatyan | tan winuwus sriniŋ bujana krami | busĕkan sapraja umu | swaraniŋ nambut karya | jaba iŋ jro sampĕt laṅĕniŋ wawaṅun | sumukiŋ éndrabawana | apsari kaṭaḥ danani ||

3. asmaradana

1. tan wus wuwusĕn iŋ tulis | ṛĕṛĕṅgan saŋ pinaṅantyan | pan sampun pinaṅgihaké | putri mantilidiṛĕja | lawan putra ṅayodya | sinĕmbahkĕn putri jalu | mriŋ rama prabhu kaliḥnya ||

2. sahèstu saŋ kama ratiḥ | kacaryan kaŋ sami ṅayap | dulu risaŋ pinaṅantèn | miwaḥ apsari sawarga | aṅguŋ sĕlar sĕluran | kayuyun samya tumurun | riŋ purèŋ mantilidirja ||

3. saguŋ iṅkaŋ para rabi | myaŋ para cèṭi sadaya | miyatiŋ saŋ pinaṅantèn | supé aḍahar anéndra | kacaryan dènnya mulat | iŋ saṅkĕpé pélagipun | tan pantĕs tinon iŋ janma ||

4. sayĕkti para apsari | siniwèŋ éndrabawana | datan winuwus ṛĕsminé | cinĕṇḍak iṅkaŋ carita | buru lampahé kăṇḍa | si saŋ dasarata prabhu | pamit aṅuṇḍuḥ kaŋ putra ||

5. busĕkan nagri mantili | puṅgawa iṅkaŋ pinataḥ | umiriŋ saŋ pinaṅantèn | maṅkana śri dasarata | sakiŋ mantili buḍal | swaraniŋ bala gumuruḥ | prapta sajawiniŋ kiṭa ||

6. kusut nagari mantili | kadya koñcatan sosotya | coplok sakiŋ ĕmbanané | śinta minăṅka sosotya | nagri mantilidirja | sakĕyti ĕmbananipun | marmalum mantilidirja ||

7. sriniŋ kaŋ bala lumaris | busana kyèhné kawarṇa | liman rata jĕmpanané | puṅgawa lumakwèŋ ṅarṣa | saŋ prabhu dasarata | tan pisaḥ lan putra mantu | ana wiku rodra rupa ||

8. saŋ bagawan jamadagni | iya saŋ ramabargawa | wiku dibyanuŋ labĕté | mĕdal sakiŋ wana priṅga | sarwi amikul laṅkap | nĕrak baris kaŋ paṅañjur | jujug iŋ gèné saŋ nata ||

9. goḍèk wok bris aṅĕbĕki | iŋ jaja trus iŋ walakaŋ | kémpol asta wulu kabèḥ | gaṇḍéwa gĕŋ pañjaŋ satal | añjujug nrĕpaputra | susumbar ṅajak praŋ pupuḥ | ramabadra payo apraŋ ||

10. siṅa tiwas aṅĕmasi | arja yèn uṅgul iŋ apraŋ | yèn asor sira déniŋ ṅoŋ | sayĕkti mati déniṅwaŋ | yèn iṅsun soriŋ sira | yĕkti ṅoŋ mati déniṅmu | kagyat sira dasarata ||

11. glana saŋ putri mantili | dasarata aṅrĕṛĕpa | nĕmbaḥ iŋ saŋ wiku agé | sakiŋ siḥ mantu lan putra | ḍuḥ saŋ wiku ampunta | ramabadra misiḥ timur | tan pantĕs lumawan iŋ praŋ ||

12. lan andika wiku yĕkti | dibya wirotamèŋ laga | kalaṅkuŋ dédé wawraté | ramabargawa tan mĕṇḍa | riŋ wuwus dasarata | kyèḥ paṅrĕpa tan rinuṅu | dyan wiku ramabargawa ||

13. laḥ iki gaṇḍéwa mami | payo ta sira pĕṇṭaṅa | yèn koṅsi kapĕṇṭaŋ maṅko | iṅsun kasor déniŋ sira | lamun tan kĕlar mĕṇṭaŋ | sira kaŋ kasor déniṅsun | wahu saguŋ kaŋ miyarṣa ||

14. samya marasé tan sipi | kadya ṅĕnĕṅakĕn napas | dyan satriya rama agé | maṅsaḥ sudira tan taha | sigra naṅgapi laṅkap | tinarik gaṇḍéwa putuŋ | ramabargawa duk miyat ||

15. tikĕlé laṅkapirèki | kucĕm saŋ ramabargawa | tumuṅkul alon dĕliṅé | laḥ panahĕn guluniṅwaŋ | pan iṅsun wus kasoran | margané muliḥ ta iṅsun | mariŋ iŋ éndrabawana ||

16. saŋ rama mèsĕm tan aṅliŋ | ramabargawa umĕsat | mriŋ éndraloka sirṇané | sumĕṅka pĕṅawak braja | nĕṅgiḥ dadi jawata | déwarṣi ramaparasu | kĕkĕl anèŋ suralaya ||

17. wahu kaŋ samya prihatin | saŋ aprabhu dasarata | miwaḥ wadyabala kabèḥ | luwar sakiŋ kiṅkin éṅgar | sigra saŋ maharaja | lajĕŋ bujana anutug | lawan saguŋ wadyakuswa ||

18. laṅkuŋ truṣṭanirèŋ galiḥ | sirṇané ramabargawa | wadya tinaṅaran agé | buḍal sakiŋ wana wasa | sumahab asraṅsraṅan | iŋ marga datan winuwus | praptèŋ ampéyan ṅayodya ||

19. gumĕraḥ woŋ sanagari | jalu èstri asiyaga | mĕṭuk iŋ saŋ pinaṅantèn | lawan saguṅiŋ kamulyan | sriniŋ kaŋ panambrama | jro kiṭa ṅayodya rawuḥ | wus mañjiŋ ḷĕbĕtiŋ pura ||

20. putra kaliḥ sampun muṅgiŋ | wisma mas pĕrabot ṛĕtna | parèbu kalaṅkuŋ sihé | miwaḥ woŋ sadaḷĕm pura | prasamya ragan ragan | maṅkana wahu saŋ prabhu | dasarata pagunĕman ||

21. lawan santana guŋ alit | miwaḥ saguṅiŋ puṅgawa | saŋ prabhu arṣa sĕsèlèḥ | kĕprabon maraŋ kaŋ putra | satriya ramabadra | dènnya wus wiwékèŋ kéwuḥ | prawirotamèŋ alaga ||

22. sĕḍĕŋ madĕga narpati | amĕṅku nagri ṅayodya | prabhu dasarata supé | yèn iŋ ṅuni wus ubaya | kalawan iṅkaŋ garwa | dèwi kékayi puniku | ibunira radèn brata ||

23. ubayanira kékayi | sadèrèṅipun kagarwa | yèn puputra jalu tĕmbé | mĕṅkuwa nagri ṅayodya | wahu śri dasarata | amuŋ putrané kaŋ sĕpuḥ | iṅaṅkat madĕg śri nata ||

4. sinom

1. saŋ aprabhu dasarata | éñjiŋ duk miyos tinaṅkil | aglar satriya puṅgawa | sahupacaranira śri | sarat tigasan aśri | dènñarṣa madĕgkĕn prabhu | pira pira kamulyan | wastradi baḍé paliṅgiḥ | lawan dupa kumutug rinatus gănda ||

2. sahubĕṅiŋ siṅaṅsana | kinĕmbaŋ kĕmbaŋ myaŋ sari | ḷĕlèmèk mèsi kumala | sarinya rum amrik waṅi | daludag ṅapit apit | pinuḷĕtiŋ gănda marbuk | saŋ prabhu dasarata | ṅuṇḍaṅi kaŋ pra dipati | yèn kaŋ putra iṅadĕgagĕn naréndra ||

3. tinarik iŋ siṅaṅsana | puṅgawa sami ṅèstrèni | yèn iṅkaŋ rama mĕgawan | bujana sumiliḥ siliḥ | tuwuk saguŋ kaŋ naṅkil | sasolahé boja nutug | kundur śri dasarata | miwaḥ kaŋ putra narpati | aṅĕḍaton saṛĕŋ makṣiḥ tuṅgil pura ||

4. warṇanĕn garwa kaŋ nama | anĕṅgiḥ dèwi kékayi | miyarṣa lamun saŋ nata | apasraḥ kaprabonnèki | mriŋ putranira maṅkin | ramabadra wus rinatu | maṛĕk sarwi amular | wahu ni dèwi kékayi | ṅuṇḍat uṇḍat anagiḥ kaŋ patĕmbayan ||

5. sru srama maṅuman uman | aminta adĕgiraji | mriŋ putra rahadèn brata | ramabadra pininta glis | mariṅa iŋ wanadri | kékayi panĕḍanipun | kĕkĕs śri dasarata | nora nulak iŋ pakapti | wus rinojoŋ kékayi sakayunira ||

6. yèn rama makṣihèŋ praja | mamaṅun tyas săṅgaruṅgi | dadya rama ḍinawuhan | kinèn umarèŋ wanadri | tan ḷĕṅgana iŋ kapti | ramabadra nut iŋ tuduḥ | wahu saŋ dasarata | ṅĕnĕs sarwi tilar puri | amakuwon kĕbon muṅgèŋ pĕtamanan ||

7. sumaput tan panoniŋ rat | saŋ dasarata narpati | sakiŋ gĕŋ trĕṣṇa kaŋ putra | satriya rama nulyamit | mintar mariŋ wanadri | garwanira datan kantun | lan kaŋ rayi satuṅgal | radèn ḷĕkṣmaṇa kaŋ ṅiriŋ | putranipun dèwi sumitra kaŋ tuwa ||

8. kaŋ anom rahadèn trugna | makṣiḥ kantun iŋ nagari | busĕkan saguŋ puṅgawa | santana mantri bhupati | samya nut anututi | iŋ saŋ ramawijayèku | samarga tinaṅisan | iṅambĕṅan karṣanèki | sampun koṅsi paduka tumamèŋ wana ||

9. naṅiŋ saŋ ramawijaya | tan kéguḥ aturiŋ mantri | hèḥ saguṅé pra puṅgawa | miwaḥ kaŋ satriya mantri | ajana walaŋ ati | aprakara luṅaniṅsun | sakiŋ pura mriŋ wana | iki nugraha sayĕkti | iya déné lumakwèŋ tuduhiŋ bapa ||

10. purwané ana sarira | sakiŋ bapa kaŋ akardi | wruḥ lor kidul kulon wétan | rinĕkṣa saṅkaniŋ alit | malaḥ diwasa mami | ḷĕhĕŋ tumĕka iŋ lampus | upama ḷĕṅganaa | papa paran kaŋ pinaṅgiḥ | kabèḥ samya sumiwiyèŋ ariniṅwaŋ ||

11. yayi brata madĕg nata | nora pahé lawan mami | lan paḍa sira matura | mriŋ kaṅjĕŋ rama narpati | aywa saṅĕt prihatin | muṅguḥ iŋ sariraniṅsun | tĕka dèn asrahĕna | maraŋ bhaṭara kaŋ luwiḥ | wus maṅkana satriya ramawijaya ||

12. lampahé kaluntèŋ wana | pra dipati makṣiḥ ṅiriŋ | drawasané diwaṅkara | saré iŋ wana saŋ pĕkik | rinĕkṣèŋ para mantri | samya saṅĕt aripipun | tumanduk pan iŋ cipta | wadya kadya dèn siṛĕpi | liṅsir dalu satriya ramawijaya ||

13. lolos kĕlawan kaŋ garwa | miwaḥ kaŋ rayi tan kèri | radèn sumitra tĕnaya | wadya tan ana udani | aṅḷĕs titis pan anis | nuṅkulakĕn balanipun | wahu ta tatas wétan | wadya guŋ maṅsané taṅi | samya kagèt tan ana saŋ nrĕpaputra ||

14. satriya ramawijaya | sinĕlasaḥ tan kĕpaṅgiḥ | wadya guŋ samya karuna | bubar mantuk iŋ nagari | nagari sampun prapti | pra puṅgawa sadaya wus | lajĕŋ tumamèŋ pura | prapta byantaranirèki | iŋ saŋ nata dasarata anèŋ taman ||

15. mulat prabhu dasarata | mriŋ saguŋ puṅgawa mantri | kaŋ samya atur uniṅa | sasolahé putranèki | sumĕḍot tyasirèki | nir trĕṣṇanira wadyaguŋ | datan tumoliḥ iŋ rat | opĕk kapĕtĕk putĕk riŋ | tyasnya wigar kawigaran praptèŋ jiwa ||

16. lumalyèŋ tĕpasiŋ putra | tinon tan ana kahèkṣi | uyaŋ kabèḥ kaŋ sarira | ginănda cĕṇḍana sari | tan măntra mawèḥ matis | liriŋ kaŋ samya kadulu | tan ana lumipura | dadya wahu śri bhupati | manaḥ ṅlampus lampus tilar madyapada ||

17. gumĕraḥ taṅis jro pura | otĕr gumĕdĕr pra èstri | misuwur iŋ sanĕgara | lir graḥ swaraniŋ kaŋ taṅis | saŋ barata miyarṣi | iŋ sédané ramanipun | tumamèŋ ibunira | sira ni dèwi kékayi | saŋ barata duka ṅuṇḍat ṅibunira ||

18. hèḥ ibu kaliwat cacad | sira mriŋ kaṅjĕŋ rama ji | patinta pati drubékṣa | gĕlaḥ gĕlahi sabumi | sira jalukkĕn mariŋ | iṅsun umadĕga prabhu | sira dosa iŋ jagad | saṅĕt muḍaniṅsun iki | tĕka sira jalukakĕn dadi raja ||

19. misiḥ tiwasiŋ wiwéka | duruŋ wruḥ iŋ krama yĕkti | iŋ rèḥ pararṣa parusa | sira kaŋ dosa iŋ bumi | lawan kakaŋ mas mami | duruŋ măntra uṇḍa usuk | nadyan karo ḷĕkṣmaṇa | iṅsun duruŋ animbaṅi | pan wus oliḥ widagda sumitraputra ||

20. lan malihé iya pira | énaké anèŋ nagari | jumĕnĕŋ śri naranata | kadaŋ tuwa nèŋ wanadri | pira lawasé mukti | nèŋ madyapada puniku | tan wruḥ iŋ kadaŋ tuwa | druwaka mariŋ déwa siḥ | iŋ dĕlahan patiné amaṅgiḥ sasar ||

21. kaŋ ibu tumuṅkul méraŋ | karuna mĕṅgaḥ tan sipi | saṅĕt runtiké kaŋ putra | barata ṅuṇḍat uṇḍati | tan kobĕr amĕnĕdi | iŋ kunarpa saŋ aprabhu | saguŋ kaŋ pra santana | miwaḥ ta mantri bhupati | samya nayut iŋ runtiké saŋ barata ||

22. saṅĕt bĕkuḥ saŋ barata | saya drĕs luhira mijil | wus tuntas sira sru mujar | apan iṅsun datan apti | madĕga narapati | pan iṅsun pilahur nusul | milu sapĕjaḥ gĕsaŋ | matia anèŋ wanadri | apan wajib woŋ bĕkti mriŋ kadaŋ tuwa ||

23. sayĕkti liruniŋ bapa | ḷĕkṣmaṇa iku wus baṅkit | parandéné nora măntra | nĕdyaa madĕg narpati | amburu krama yĕkti | ṅabĕkti iŋ kadaŋ sĕpuḥ | saparan tan kantuna | iṅsun maliḥ misiḥ piṅgiŋ | aṅur uga anusula mariŋ wana ||

24. tan kéguḥ ginagéṇḍolan | gumraḥ kaŋ satriya mantri | bhupati samya karuna | parèbu anut naṅisi | amriḥ ḷĕjara nuli | saŋ barata iŋ tyasipun | supaya nĕlikura | mriŋ kunarpaniŋ rama ji | daṅu daṅu mĕṇḍak tyasira barata ||

25. kèndĕl runtik ibunira | sinantya tyas liriŋ dadi | tumuntuṅiŋ paripurṇa | wĕkas wĕkasiŋ dumadi | sigra amaréntahi | mriŋ bala santana sĕpuḥ | amĕnĕdi kunarpa | sahosan dupa wawaṅi | tumuṇḍa riŋ pañcaka panĕnunira ||

26. saguŋ puṅgawa binĕkta | mriŋ brata mariŋ wanadri | sigra buḍal lampahira | sakapraboniŋ ajurit | pan sĕdya amoṇḍoṅi | kaŋ raka ṅaturan kundur | jumĕnĕṅa naréndra | brata sĕdya ñatriyani | lampahira wus praptèŋ jawiniŋ kiṭa ||

27. kuda liman miwaḥ rata | puṅgawa lumakwèŋ ṅarṣi | praptèŋ masuk sirèŋ alas | kadalon sipĕŋ sawĕṅi | éñjiŋ dyan buḍal maliḥ | aṅupaya kadaŋ sĕpuḥ | siṅa wukir sinasak | sriŋ maṅgiḥ tĕlaga ĕniŋ | akèḥ sĕkar putiḥ kadya tyas saŋ brata ||

28. dènira bĕkti iŋ kakaŋ | amaṅgiḥ pĕtapan maliḥ | paṇḍita luwiḥ suŋ ñata | wahdat kinasihan déniŋ | jawata iṅkaŋ luwiḥ | saŋ barata praptanipun | mèḥ surup saŋ Hyaŋ arka | saŋ ṛĕsi kagyat niṅali | yèn woŋ aguŋ kaŋ prapta sigra pinapag ||

29. gupuḥ lawan cantrikira | sigra dènnya ṅañcarani | muṅgèŋ mandakiniŋ ditya | kinambaŋ gèné saŋ ṛĕsi | balané aṅubĕṅi | témbak satĕpiniŋ ranu | paṇḍitèku minulya | tamuwan woŋ aguŋ nĕṅgiḥ | sugatané wowohaniŋ suralaya ||

30. sarwi ṅiduŋ sĕsĕṇḍonan | asĕlur para apsari | iṅkaŋ ambĕkta sugata | aṅigĕl kaŋ para cantrik | dènira anampani | pasugata iŋ tatamu | brata éram tumiṅal | dadya asipĕŋ saratri | dalu matur iŋ ṛĕsi aminta tĕdaḥ ||

31. ĕṅgèné saŋ nrĕpaputra | saŋ paṇḍita liṅiraris | satriya ramawijaya | ana wukir kidul iki | ṅasrama laṅkuŋ aśri | nama gunuŋ kuṭaruṅgu | nèŋ kono puruhita | yèku paṇḍita linuwiḥ | radèn brata lan sawadya éñjiŋ buḍal ||

32. puṅgawa lumakwèŋ ṅarṣa | iŋ marga datan winarṇi | iŋ kuṭaruṅgu wus prapta | suku jajahaniŋ wukir | radyan ḷĕkṣmaṇa nĕṅgiḥ | kagyat dènira andulu | gagaman agĕŋ prapta | añaṇḍag gaṇḍéwa aglis | panarkané kadya muṅsuḥ iṅkaŋ prapta ||

33. daṅu daṅu kawistara | gagaman iṅkaŋ lumaris | rata kèḥ liman turăṅga | tan ana kaprabon jurit | muŋ upacaranèki | kadya woŋ aguŋ buburu | daṅu daṅu katiṅal | sadaya kaŋ anèŋ ṅarṣi | datan panduŋ mantri bhupati ṅayodya ||

34. umatur maraŋ kaŋ raka | tan antara brata prapti | maṅsaḥ manĕmbaḥ iŋ raka | karuna nuṅkĕm padèki | matur atur udani | yèn séda ramanta prabhu | ḍuḥ paduka kundura | umadĕga narapati | pan kawula ṅampiŋ ampiṅi ñatriya ||

35. saṛĕŋ miyarṣa turira | kaŋ rayi brata prasami | karuna ramawijaya | miwaḥ saŋ putri mantili | ḷĕkṣmaṇa samya naṅis | myaŋ wadya kaŋ samyandulu | samya anut karuna | wusirèŋ aso samyariŋ | aṅandika sira saŋ ramawijaya ||

36. hèḥ ta yayi brata sira | muliha mariŋ nagari | umadĕga naradipa | turutĕn tuduḥ ṅoŋ yayi | aywa watir iŋ mami | dumèḥ ana iŋ wana guŋ | pan wus tuduhiŋ bapa | sira ṅayumana yayi | wadyabala sagotra lan kulawarga ||

37. kaŋ rayi matur tur sĕmbaḥ | pukulun anuwun runtik | pintĕn ta suka arjanya | kawula madĕg narpati | sĕḍĕŋ duk aniṅali | kadaŋ tuwa nèŋ wana guŋ | aṅguŋ kawĕlas arṣa | druwaka mariŋ déwadi | madĕg prabhu kadaŋ tuwa maṅun papa ||

38. kalawan iṅgiḥ paduka | sampat madĕga narpati | wus wirotamèŋ wiwéka | putus anrus kramèŋ niti | prawira iŋ ajurit | gunawan pratamèŋ tanduk | sĕḍĕŋ ṛĕkṣakaniŋ rat | mèsĕm ramawijaya ṅliŋ | aywa pugal hèḥ turutĕn tuduḥ iṅwaŋ ||

39. kaŋ rayi nĕmbaḥ karuna | suka pĕjaḥ iŋ wanadri | rama ṅliŋ yèn lumuḥ sira | dadi niaya riŋ bumi | sapa ta kaŋ dèn siwi | iŋ wadya ṅayodya iku | myaŋ sanak sanakira | sira minăṅka sun yayi | yèn lumuha sira durakèŋ nagara ||

40. kaŋ rayi ajriḥ mopoa | cipta druwakanirèki | nampik iŋ rèḥ kadaŋ tuwa | dadya tur sĕmbaḥ nuruti | iṅgiḥ kawula darmi | lumampaḥ sarta lan tuduḥ | risaŋ ramawijaya | sukèŋ tyas ṅandika aris | poma yayi rèḥ rahayu wijiḷĕna ||

5. mijil

1. lamun sira madĕg narapati | yayi wĕkas iṅoŋ | apan ana iŋ prabhu ugĕré | sastra cĕṭa ulatana yayi | omaḥna dèn pĕṣṭi | wulaṅiŋ sastrèku ||

2. rèhniŋ janmotama ṅuni uni | kaŋ mĕṅku kaprabon | iṅkaŋ niṣṭa kawruhana kabèḥ | miwaḥ madya utama ywa lali | liriŋ siji siji | dèn kĕna ywa tuṅkul ||

3. tindakiŋ niṣṭa măṅka wĕwĕdi | tĕmaḥ tan aṅgĕpok | iṅkaŋ madya ṛĕsĕpana kabèḥ | mriŋ utama sira dèn kapéṅin | dèn kadi sira mriḥ | sĕṅsĕmiŋ dyaḥ ayu ||

4. niṣṭa iku tindak walaŋ ati | saliriŋ pakéwoḥ | iya béla béla iŋ ciptané | mriŋ santana myaŋ puṅgawa mantri | aṅguŋ săṅgaruṅgi | aṇḍĕḍĕr pakéwuḥ ||

5. tan wun iŋ rèḥ iŋ don niniwasi | ambĕk kaŋ maṅkono | iŋ madyané ilaṅĕna kabèḥ | dèn patitis awrat săṅgaruṅgi | utamané yayi | kabèḥ dèn kĕcakup ||

6. ala ayu pan darbénérèki | iŋ rat tan pakéwoḥ | iṅkaŋ ala prihĕn iŋ bĕciké | pinètiŋ suka dinandan ugi | waṛĕgana piṅpiŋ | jĕjĕlana wuruk ||

7. iŋ kadarman wruḥna pakĕnaniŋ | pètĕn sukaniŋ woŋ | baraŋ karya ana bubukané | winiwéka iŋ rèḥ iṅkaŋ isi | ala lawan bĕcik | tuwin gampaŋ éwuḥ ||

8. yèn wadyanta binobot pinardi | tyas mèsi pakéwoḥ | aguŋ babaya iŋ wĕkasané | kaŋ mĕṅkono kĕkĕsĕn tumuli | iku tan winaris | iŋ gunĕm rahayu ||

9. pan lalima ika babayani | guṅguṅiŋ pakéwoḥ | dèn prayitna iŋ wadyanira kèḥ | sasat muṅsuḥ aṅĕpuŋ purèki | iku dèn pakéliŋ | kaŋ rayi wotsantun ||

10. ramawijaya ṅandika maliḥ | dunuṅiŋ limaŋ gon | kaŋ aṅambaḥ siṅgahana agé | mariŋ wana aywa mor prajèki | yĕkti bilahèni | iŋ prajanirèku ||

11. ḍiṅin maliŋ kapiṇḍo ya maliŋ | yayi maliŋ wadon | kapiŋ tri woŋ bébégal gawéné | kapiŋ pat yayi bobotoḥ juti | piŋ limané yayi | woŋ kinaṇṭi ratu ||

12. kudu kudu mriḥ awak pribadi | lali iŋ lalakon | ratu iku ratuné woŋ akèḥ | lan gunĕmé kĕlamun tinari | pĕsamuwan sami | nora bisa mĕtu ||

13. mĕṅko lamun bubar kaŋ tinari | dènira saŋ katoŋ | tumarutul duwé atur ḍéwé | kaŋ mĕṅkono gĕgĕḍĕgiŋ bumi | yèn ratu aṅaṭik | mriŋ woŋ liyanipun ||

14. añĕñĕṅkaḥ iŋ rèḥ karoron siḥ | rèḥ muŋ awak iṅoŋ | aṅguŋ kinèn dahwèn pati opèn | panasténan rupak samodrèki | yèku ṅĕṅĕmbaṅi | prajanira kuwur ||

15. karané yayi wadyanérèki | kaŋ tuwa kaŋ anom | pra wignya kaŋ wruḥ iŋ sĕmu sumèḥ | iŋ pasĕmon sumiṅkir iŋ sisip | lumĕkĕtiŋ sèṣṭi | susila rahayu ||

16. nora arda asor yitnèŋ krami | andĕḷĕn iŋ kéwoḥ | kaŋ nora mriḥ iŋ awaké ḍéwé | putusiŋ wéka méṅo iŋ sirik | yĕkti rèḥ iŋ dadi | manasariŋ laku ||

17. yèn ana wadya sabaraŋ kardi | ṛĕmĕn agagawok | kumawĕruḥ iŋ pagunan kabèḥ | kabaṅkitan muŋ ṅruṅu nĕnĕmpil | tan darbé pribadi | ṅaṅgĕp ṅaku aku ||

18. miwaḥ yèn apraŋ aṇḍĕḍiṅini | sru polaḥ lok alok | iŋ batiné aṅĕmpèk kuwanèn | iya dudu duwèké pribadi | kaŋ mĕṅkono yayi | prĕnaḥna dèn gupuḥ ||

19. tuṅgu tampiṅaniŋ tĕpis wiriŋ | aṅgĕpé sumagoḥ | anèŋ praja pan dudu gawéné | ṅrĕrégoni iŋ wadya sru niti | iku woŋ baribin | yèn kinon tutuṅgu ||

20. nora duraka woŋ tuṅgu tampiŋ | sapatuté liñok | amriḥ aywa sinor iŋ muṅsuhé | wĕnaŋ mriŋ muṅsuḥ ṅuṅkul uṅkuli | dèn wruḥ siji siji | pakaryaniŋ wadu ||

21. yèn ana wadya baṅkit sayĕkti | wirotamèŋ kéwoḥ | animpuna iŋ guna yĕktiné | asriŋ pèṅĕt iŋ wadya narpati | tuladan prayogi | myaŋ sudira taṅguḥ ||

22. pantĕs ta karyanĕn sénapati | umatiḥ palugon | tumontona wadya sakaṭahé | myaŋ tibané tiba iŋ atĕbiḥ | kaŋ liyan prajèki | prabhuné kaŋ puñjul ||

23. dé wadya wruḥ susila sayĕkti | prayitna tan awor | tyas patitis karahayon kabèḥ | konĕn wĕruḥ laraniŋ prajèki | lan énakiŋ alit | iku dèn kadulu ||

24. pan wus ubaya iŋ narapati | rumĕkṣèŋ kaprabon | kaŋ wus tĕtĕp rumĕkṣa iŋ akèḥ | kalaraniŋ praja dèn pakéliŋ | larapana iŋ siḥ | wadya saprajèku ||

25. yèn wadyanira kaŋ alit alit | sĕtya iŋ pakéwoḥ | botana siḥ sinimpĕn bahé | pahé kaŋ wus satriya dipati | siṅa upamèki | iŋ karosanipun ||

26. măṅsa ṅaṅgoa ya dèn wuwuhi | wus watĕké gĕro | iya amuŋ tuhunira bahé | iṅkaŋ dadi lan pasrahirèki | maraŋ ala bĕcik | iŋ prajanirèku ||

27. dèn prayitna pamulénirèki | mriŋ wadya kaŋ taṅgon | iŋ ayuda titi sudirané | luwihĕna luputĕn iŋ kardi | kaŋ kari samya mriḥ | sumusul kadyèku ||

28. aywana wor lan dibya sastrèki | ajaṅiŋ kĕprabon | ala ayu iŋ sastra tindaké | iṅugĕman titi iṅulati | iŋ rèḥ miŋ ṅiriŋ siḥ | aṅiwakkĕn iku ||

29. lawan sĕṅsĕm iŋ wadya guŋ alit | prihĕn iŋ lalakon | kapaṇḍitan ucapĕn dèn akèḥ | rasanana wĕkasiŋ ṅahurip | kaŋ rayi nuwun siḥ | karuna wotsantun ||

30. ramawijaya maliḥ mèṅĕti | yayi ana roro | luwiḥ sakiŋ ñuñukĕri ṅramé | kĕṛĕŋ drĕṅki siṅgaḥna tumuli | dosanya mriḥ sĕḍiḥ | kroḍanya wor wuwus ||

31. sakṣat mimitra lan muṅsuḥ misiḥ | ṛĕṛĕṅgi palugon | dé kadĕṛĕŋ amriḥ kinawĕdèn | iku dosané ṅimbuḥ imbuhi | duruŋ wruḥ iŋ sisip | kasusu aṅrawus ||

32. kadyaṅganiŋ kambiŋ dèn saṇḍiṅi | kayu wus tinotor | tulus suku tumracak mĕmènèk | nora saṅsaya awira wiri | darunanya sĕbit | cacadé guŋ nĕpsu ||

33. lawan ana cacat agĕŋ maliḥ | woŋ aṅguŋ kawuron | ḍĕmĕn ṅinum alaṅĕn aṅĕné | ciptaa riŋ rusaka katarik | lir kuṭila wĕgig | sabaraŋ kawĕtu ||

34. aywa padudon sabaraŋ kapti | titisé aṅradon | liwat ala iya pakolihé | tan wus sakiŋ iṅumpĕtiŋ kapti | durṇiminta kèkṣi | sawadyanirèku ||

35. yèn sira yun amukul praja

di | miliha kaŋ kinon | puṅgawa kaŋ lir siṅa ḷĕkasé | siṅa iku yèn amawi kardi | solahé awiṅit | tan arṣa kadulu ||

36. yèn anĕdya amriḥ babayani | naṅiŋ jriḥ aṅéwoḥ | yèn anĕdya mriḥ kinèḍĕp bahé | graniŋ krura solaḥ gigirisi | lir ambéṅkas urip | muŋ amriḥ panuṅkul ||

37. iku wigñané siṅa prayogi | waṣkiṭèŋ pakéwoḥ | yèn sira mriḥ arta upĕtiné | salina puṅgawa kaŋ tinudiŋ | iṅkaŋ ambĕk kambiŋ | aja kaŋ karuhun ||

38. ambĕk siṅa kinèn mriḥ upĕti | yĕkti tanpantuk don | tuwas bĕsĕm jĕr dudu gawéné | pakaryané iṅkaŋ ambĕk kambiŋ | tan kulinèŋ ṛĕsik | caryanya mriḥ ṛĕtu ||

39. goragaḍa tan amriḥ mranani | sĕṅsĕm ṅoyok oyok | mari mari yèn wus pĕṅarahé | tan taha yèn miyat ṅanan ṅéri | riŋ paṅaṅkuḥ ṅukiḥ | tiṅkahé ñarutu ||

40. iku liré yèn amataḥ kardi | pinaryoga kaŋ woŋ | gampaŋ aṅèl ana papantĕsé | baraŋ karya aywa amiŋ kaliḥ | suṛĕm surat rawi | élik tan mituhu ||

41. pama timur kinèn iŋ awĕrit | ḷĕlésoḥ anĕmpoḥ | saliriŋ rèḥ pan ana maṅsané | tan kĕna yèn cinakrabawèŋ siḥ | iŋ don tan matitis | tĕmaḥ arubiru ||

42. lawan bala kaŋ asriŋ ñidrani | sapapaḍaniŋ woŋ | nora kĕna dinuta yĕktiné | nora antuk paṅupaya bĕcik | karahayon sĕbit | tiwas tanpa madu ||

6. ḍaṇḍaṅgula

1. ramawijaya liṅira amriḥ | rumĕkṣaa iŋ praja maṇḍala | wĕwĕṅkon sapuṅgawané | aywasaḥ sabĕn dalu | woŋ durṣila kĕkĕsĕn sami | amriḥ ḷĕstari samya | kaŋ ulaḥ manĕkuŋ | asĕmadi puja măntra | aywa koṅsi susaḥ karégonan maliŋ | kabèḥ kaŋ ulaḥ puja ||

2. pakolihé kaduwé saŋ aji | ambumboni karahayoniŋ rat | lawan ta yayi malihé | ambĕcikana luruŋ | myaŋ marga riŋ jaban kiṭèki | rèhĕn pĕḍakna toya | sumbĕr sĕṇḍaŋ sètu | pañcur pañcuran tĕlaga | urut marga wèhana balé sayĕkti | wèḥ santosèŋ lumampaḥ ||

3. upamané ratanira yayi | lan dipăṅga wusnya pinalanan | winéhan sĕñjata déné | muṇḍak santosanipun | paṣṭi kahot lawan kaŋ lagis | woŋ arèrèn upama | nèŋ tĕpiniŋ ranu | wus ayĕm nuli wuwuha | ana balé sayĕkti wuwuḥ panariŋ | wèḥ sukaniŋ lumampaḥ ||

4. apan ratu iku tyasiŋ bumi | wus jaṅjiné ayĕm amriḥ suka | maraŋ isiniŋ prajané | lawan ta malihipun | mumulènĕn paṇḍita ṛĕsi | kaŋ ulaḥ kapaṇḍitan | bojanĕn sakayun | sraḥna wadyanta kaŋ muḍa | konĕn nuduhakĕn pakarti prayogi | tindak sumiwèŋ praja ||

5. ulatana lirikĕn dèn kĕni | wadyanira kabèḥ kaŋ sinéba | ana kaŋ tuwa watĕké | ana watĕk nomipun | iṅkaŋ watĕk tuwa yèn niti | karyanĕn tuwa tuwa | aywantara ginuŋ | darapon signya gunanya | toha jiwa sasanaa liriŋ kardi | paṅgaḥ nirèŋ wiwéka ||

6. rèhniŋ sujanma kaŋ ṅuni uni | sayogya yèn alapĕn sadaya | tar waṅwaŋ rèḥ kamulyané | sariwa riwanipun | lakokĕna sapuluhnèki | malaḥ dadia surat | suratiŋ krama wus | saliriŋ suméwa pasaŋ | iŋ pasaṅaniŋ ayu dadya palupi | rèhniŋ anitikrama ||

7. sira yayi dèn mardi iŋ dasiḥ | asiyèŋ wadya dibya sumbaga | lan purwaka prawirané | yèn bala tan atantun | iŋ rowaṅé baraŋ prakawis | sumawawa wus bisa | iŋ paṅrasanipun | pan iku watĕk durjana | tan wruḥ ayu gĕṛĕṅana dimèn mari | prihĕn amusawarat ||

8. apan uwis ubayèŋ narpati | amaraṣkĕn dasihiŋ kaŋ édan | amintĕrakĕn boḍoné | ambĕnĕrakĕn biṅuŋ | marèkakĕn kaŋ salaḥ karti | ratu upama surya | surya paḍaṅipun |

mĕratani sabuwana | nora nana sélak paḍaṅiŋ Hyaŋ rawi | amuŋ lawan kinarya ||

9. siṅgahĕna durṣila sakèhiŋ | wèha sira siḥ janma santika | nuragèŋ jagad jagané | tĕtéla yèn tiniru | kaŋ durjana anĕdya mari | yèn ora marènana | kinananiŋ tuduḥ | ṛĕmĕdĕn paḍa lan wisa | sĕmaṅsané patènana rina wĕṅi | uḷĕr tan dadi dosa ||

10. upamardi jĕnĕṅiŋ narpati | iṅkaŋ praja ḍukut anèŋ wana | katon sĕparibawané | isiné ṅalas iku | kahuṅkulan maraŋ iŋ ardi | saguṅiŋ wadyabala | alas paminipun | prabhunya minăṅka siṅa | kaṛĕkṣané siṅa pĕtĕŋ iŋ wanadri | yèn alasé apaḍaŋ ||

11. dadi siṅa nora dèn kiriṅi | nadyan rosaa datanpa karya | budia aglis kĕnané | dadya wus jañjinipun | ratu iku asiḥ iŋ dasiḥ | macan asiḥ iŋ alas | wus ubayanipun | marmané prihĕn ubaya | puṅgawa guŋ tĕtĕpé kaŋ guna sĕkti | kinanan sakiŋ boga ||

12. siṅa siṅa yèn wadyanta sakit | tuluṅĕn dana miwaḥ tĕtămba | dèn prapta iŋ sawarasé | yèn sira nĕmu muṅsuḥ | kasor aywa sira patèni | kuñjaranĕn kéwala | sawĕtaranipun | agé nuli luwarana | rasukĕn dèn kadya kinakulit dagiŋ | walaŋ ati ilaŋna ||

13. wèhĕn bawa dèn pracayèŋ batin | kumandĕliŋ Hyaŋ jagad pratiṅkaḥ | sĕdyayu ora orané | nĕmuwa tan rahayu | lamun bumi makṣiḥ dèn ciki | laṅit misiḥ ṅahuban | sĕktiniŋ tumuwuḥ | yèn tyasira nora was was | maraŋ muṅsuḥ kaŋ kasor ginawé bĕcik | winaḷĕs iŋ jawata ||

14. kaluhuran kaprawiran sĕkti | poma yayi muṣṭikaniŋ tékad | kaŋ ṅandĕl maraŋ satruné | winaḷĕs iŋ Hyaŋ guru | upamané iŋ tyas ṛĕṛĕṅgi | ṅalaŋ alaŋ kiŋ ika | ṛĕṛĕṅginé satru | yèn sira kumandĕl pasraḥ | aṅlir agni tumiba ṅalaŋ alaŋ kiŋ | kobar anuli sirṇa ||

15. kari bĕktiné lan asiḥ wĕdi | dènnya saṅĕté kumandĕlira | Hyaŋ girinata waḷĕsé | tyas săṅgaruṅgi iku | salaḥ cipta awalaŋ ati | kakĕmbaŋ aniaya | apĕs tĕmahipun | datan antuk kaluhuran | niṣṭa bahé norantèk muṅsuhérèki | yèn sira ṅaniaya ||

16. muŋ saḍéla kiriṅanirèki | tĕmahané sira karusakan | jĕr adoḥ lan bhaṭarané | kumandĕl rèḥ rahayu | kaluhuran muwuḥ mimbuhi | rinĕkṣèŋ widi ḍuṣṭa | nirèŋ satru muṅsuḥ | rèhniŋ rèḥ ḷĕgawa marta | poma yayi tĕtĕpiŋ luhur myaŋ sĕkti | mot marta paripurṇa ||

17. sira ḍéwé aywa saḥ sĕmadi | baraŋ tindak aja paṛĕk ika | anĕdya rahayu bahé | woŋ săṅgaruṅgi iku | woŋ ṛĕṛĕgĕt apĕsiŋ bumi | waḍaḥ guna santika | dibya miwaḥ luhur | apura para martéka | yèn sira wis kumandĕl mariŋ déwa siḥ | kaŋ nĕdyala tan prapta ||

18. lamun sira amĕṅku marta siḥ | dadya rinĕkṣa déné wus kocap | prajalus marta tindaké | pinañjiṅan rahayu | arja papa mulya bilahi | yèku tan ana iṅkaŋ | lyan sakiŋ Hyaŋ guru | saguṅé iṅkaŋ tumitaḥ | datan ana ṅlabĕti sawiji wiji | muŋ Hyaŋ jagad pratiṅkaḥ ||

19. sirṇaniŋ ala baraŋ sĕkalir | muŋ antĕpira aywa sandéya | ṅuni uni utamané | omaḥna baraŋ tinut | rahayuné rèḥ wus pinaṅgiḥ | yèn ana woŋ ṅrañcana | maraŋ rowaṅipun | doḥna prĕnaḥna dèn kiwa | poma yayi paṅgahĕn apuranèki | wĕkasiŋ kaluhuran ||

20. brata nĕmbaḥ sumuṅkĕm padèki | saŋ ṛĕghawa wijaya ṅandika | wus yayi maṅkata agé | aywa lawas nèŋ gunuŋ | iṅkaŋ rayi karuna amit | miwaḥ saguŋ prawira | bhupati wotsantun | sadaya sami karuna | ṅaraspada wus tĕḍak sakiŋ iŋ wukir | risaŋ kékayiputra ||

21. karṣaniŋ tyas barata lir nèki | kadya mĕntas ambĕḍaḥ nagara | iṅkaŋ boyoṅkĕn putriné | dènira tampi wuruk | sakiŋ raka paṣṭi kahèṣṭi | tumanĕm iŋ wardaya | lumakĕt jajantuŋ | acipta darmi kéwala | tĕṅga pura ṅayodya sabaraŋ rèhniŋ | sasolaḥ bawanira ||

22. sakiŋ raka tan miṅkĕt akapti | kasudarman ṛĕghawa wijaya | mya ambĕk kapaṇḍitané | myaŋ ranagana putus | saŋ barata pama kaywakiŋ | tinétésan dahana | tan antara murub | gunanya myaŋ kasudibyan | kaprawiran jaya wijaya aṅĕntiŋ | sumunu katon iŋ rat ||

23. praptèŋ praja ṅayodya ri titis | samun aṅaraŋ sĕmuniŋ praja | kiṅkin agriŋ kusut kabèḥ | maṅkya sarawuhipun | brata lawan sawadyanèki | sartantuk kaŋ muṣṭika | pinăṅka ḍĕḍukun | dupi brata mañjiŋ pura | kadyaṅgané ḍĕḍukun mawa usadi | brata wus madĕg nata ||

24. nagaragriŋ mèḥ katĕkan pati | tinrapakĕn wulaŋ sakiŋ raka | muṣṭika syada pamané | waluya agriṅipun | iŋ ṅayodya rahayu maliḥ | sukambĕk sanagara | myaŋ tani wăṅsayu | nrĕpaputra kasubaga | karatoné pinuñjul iŋ kanan kéri | ṛĕṛĕpiŋ ripu rampas ||

25. kunĕŋ iṅkaŋ tĕtĕp iŋ nagari | kawuwusa saŋ narpati putra | ṛĕghawa nèŋ wana gèné | iŋ giri citraruṅgu | lan ari saŋ sumitrasiwi | putri mantilidirja | priyanya tan kantun | mémba sakiŋ wukir citra | kuṭaruṅgu ana wukir dèn parani | saṅgèn kaŋ pinaṛĕkan ||

26. samya gègèr pamĕṭukirèki | garawalan pan sami karuna | miyat saŋ dibya polahé | maṅkana lampahipun | saŋ ṛĕghawa yékaŋ kinapti | maraŋ wukir ḍaṇḍaka | iŋ margana diyu | ditya nama pun wiraḍa | mamatèni karyané siyaŋ myaŋ ratri | aṅguŋ lumaku nuṅsaŋ ||

27. guŋ aluhur wiraḍa ṅajrihi | suku kaliḥ napak iŋ kĕkaywan | myaŋ pirit gunuŋ sukuné | astané kaŋ lumaku | gigilani gègèr samyajriḥ | siṅa ta kaŋ pinaran | maharṣi maḷĕdug | miyat saŋ naréndratmaja | tan atakut umaṅsaḥ lawan kaŋ rayi | añaṇḍak siji sowaŋ ||

28. astanira anulya sinĕbit | siwak jaja praptèŋ iŋ wadidaŋ | wiraḍa pĕjaḥ tibané | kadya gurda gumĕbrug | lajĕŋ lampahira saŋ pĕkik | iŋ marga wontĕn iṅkaŋ | pĕrtapan linuhuŋ | bagawan yogi punika | sru manĕkuŋ aṅraga jawata luwiḥ | putusiŋ paramarta ||

29. bagawan yogi mila martapi | saṅkanira lit déniŋ kumĕsar | non śri ṅḷĕṅka pĕrbawané | krurarda ambĕk rusuḥ | aguŋ aṅlarani iŋ bumi | dadya bagawan yogya | nanĕḍa déwa gu | rusaké kaŋ tindak murka | ḷĕstaria rahayuniŋ bumi bumi | suka kabèḥ ménaka ||

30. maṅkya satriya ṛĕghawa prapti | praptané amĕṭuk garawalan | asanti jaya wuwusé | hèḥ rama sira wéṣṇu | iṅsun amit maraŋ sirèki | muliḥ mariŋ kamukṣan | swargaku iŋ luhur | tumamèŋ éndrabawana | wusnya saṅkĕp pawaka mulat andadi | bagawan yogi mojar ||

31. hèḥ ta rama ta lalu bagyèki | nuli mariṅa ḍépoké ika | yogiswara sutikṣna gé | sira makuwèŋ ṅriku | sakarṣanta amriḥ ḷĕstari | saŋ ṛĕsi wusnya mojar | tumamèŋ iŋ apu | gĕsĕŋ sirṇa jiwa luṅa | dadya ṅuṅun ramawijaya gĕŋ iŋ siḥ | mriŋ ṛĕsi maṣkumambaŋ ||

7. maṣkumambaṅ

1. dyan lumampaḥ sira ramawijayèki | lan ari ḷĕkṣmaṇa | nut tiraḥ tirahiŋ wukir | lan dyaḥ mantilidiṛĕja ||

2. nusup nusup wahu ta satriya kaliḥ | praptèŋ ḍépokira | bagawan sutikṣna yogi | prayoga yèn dèn uṅsia ||

3. dadya lami puruhita saŋ apĕkik | laṅkuŋ sukanira | bagawan sutikṣna yogi | ṅèlmuné tumpĕk sadaya ||

4. ṅèlmu dibya purusa pramarèŋ wèṣṭi | jaya kawijayan | saŋ bagawan laṅkuŋ asiḥ | maraŋ saŋ ramawijaya ||

5. wus maṅkana ṛĕghawa lami nulyamit | mémba siŋ patapan | amaṅgiḥ paṇḍita maliḥ | samya siḥ mriŋ nrĕpaputra ||

6. sawusira puruhita nulya pamit | añjajaḥ pĕrtapan | yèn nuju kasapyèŋ ratri | sahĕṅgèn ĕṅgèn anéndra ||

7. anèŋ alas alèmèk roniŋ kaywakiŋ | karaṅulu séla | yèn siyaŋ samya lumaris | samya mriḥ mañjaṅan kidaŋ ||

8. lan samarga marga tan pĕgat sĕmadi | piṇḍa wiku dibya | sasat maharṣi linuwiḥ | tan măntra yèn rajaputra ||

9. akèḥ wiku samarga marga ṅampiri | saṅsaya sudira | maṅgalanirèŋ atapi | solahiŋ wiku kahétaŋ ||

10. iṅkaŋ samya akaton acawĕt sami | babakaniŋ kokap | sinaṇḍaŋ ayĕm prasami | paḍa santosa iŋ driya ||

11. nrĕpaputa ramawijaya liṅñaris | hèḥ sumitraputra | dulunĕn kaŋ para ṛĕsi | yèku tan pahé lan sira ||

12. iya paḍa tinitaḥ iŋ bhaṭaradi | yèku kaŋ wus mulya | wus tĕka iŋ alam ahib | rèhniŋ sarira bhaṭara ||

13. nora ñaṇḍaŋ maṅan ora walaŋ ati | kasĕṅsĕm iŋ tiṅal | sakiŋ mantĕp anĕtĕpi | dènnya mriḥ wĕkasiŋ pĕjaḥ ||

14. hèḥ tĕgĕsé yayi kaŋ karasa sakit | kaŋ aṅrasa lupa | nĕpsu ṛĕṛĕgĕdiŋ jisim | yèn mantĕp pan ora pira ||

15. wĕdènana tyasira tan luput pati | pira kèhé iya | iŋ jaman urip puniki | lawasé lan jaman pĕjaḥ ||

16. dadi sura maṅgalanira mariŋ niŋ | muŋ sirèŋ jiwanta | kaŋ alus pètĕn samaṅkin | kaŋ waḍag aywa rinasa ||

17. pan si waḍag ṅajak mariŋ ora bĕcik | lamun paṅgahana | pira kuwasaniŋ éblis | aṅur ṅĕndi papèŋ pĕjaḥ ||

18. lamun mantĕp sapaḍĕṅĕt bahé uwis | sumukiŋ pawikan | panarimanira dadi | nir lara nikmat gya prapta ||

19. kaŋ aṅgusaḥ iŋ cipta kaŋ ṅrasa sakit | yékaŋ pama mapag | kanikmat lan biṅkas sakit | muŋ mantĕp gagamanira ||

20. iŋ tĕgĕsé yayi iŋ urip puniki | yèn ora amriha | salamĕt sajroniŋ pati | yèku sétan nuṅgaŋ gajaḥ ||

21. sumitratĕnaya ṅunadikèŋ galiḥ | yèn sun turutana | paṅandikané kaŋ iki | nora muliḥ mriŋ nagara ||

22. paṣṭi lali maraŋ kasatriyanèki | sumuṅku nèŋ wana | kaŋ rayi matur wotsari | punapa amiliḥ papan ||

23. dumèḥ wontĕn iŋ wukir lan iŋ prajadi | utamèŋ nagara | yèn sami marṣudi budi | tapa tapakiŋ warastra ||

24. mĕṅku praja amriḥ arjaniŋ kaŋ bumi | tumuluŋ kalaran | amarasakĕn iŋ sakit | aṅḷĕjarakĕn iŋ susaḥ ||

25. pan rinĕkṣa kaliḥ kalihipun sami | alus lawan waḍag | punapa ṅaṅgéya miliḥ | jĕr sampun titahiŋ déwa ||

26. pan tinitaḥ manuṅswa awak puniki | sayĕkti winanaŋ | rumĕkṣa waḍag sakĕḍik | buwaŋ ḍiri datan éca ||

27. pahé iṅkaŋ tinitaḥ ḷĕḷĕmbat sami | datan ṅaṅgé waḍag | sasuka sukané dadi | atĕbiḥ lawan druwaka ||

28. pan paduka tinitaḥ putra narpati | rumĕkṣèŋ nagara | yèn tékad kadi maharṣi | tulada sasolahira ||

29. yĕkti tiwasa tĕmaḥ rumĕkṣèŋ bumi | iŋ batin kéwala | paṅaṅgĕp kadi maharṣi | sok sampun niaya iŋ lyan ||

30. saŋ ṛĕghawa tan kéguḥ miyarṣa kaŋ ṅliŋ | pratiṣṭaniŋ driya | amuŋ wĕkasaniŋ dadi | tan wruḥ laraniŋ sarira ||

31. nora kétaŋ yèn tinut iŋ kadaŋ rabi | rahadèn sumitra | tĕnaya lan garwanèki | putri mantilidiṛĕja ||

32. mèḥ tan oliḥ muŋ liwuŋ rumĕkṣèŋ dadi | dadiniŋ ubaya | ubaya uwusiŋ dadi | pati patitisiŋ tĕmaḥ ||

33. wus maṅkana émut sanalika nuli | maṅsaḥ alalampaḥ | wukir ḍaṇḍaka wus prapti | gègèr wiku samya mapag ||

34. samya santi sukanya mriŋ saŋ tinami | satriya lalana | maṅgala sudirèŋ tapi | éṅgar maharṣi sadaya ||

35. sahubĕṅé wukir ḍaṇḍaka malipir | maharṣi sadaya | gĕbèl satĕpiniŋ kali | wukir ḍaṇḍaka murwéndaḥ ||

36. dadya suka ramawijaya niṅali | doniŋ ṛĕsi samya | tansaḥ amuja sĕmèdi | naṅiŋ asriŋ kagégéran ||

37. déniŋ kaṭaḥ rakṣasa aṅrurusuhi | ṅrabasèŋ pĕrtapan | maṅké praptané saŋ pĕkik | kadyagriŋ maṅgiḥ usada ||

38. dadya arṣa saŋ rama siḥ iŋ maharṣi | dènnya sami ulaḥ | pupuja miwaḥ sĕmadi | sĕdya rumĕkṣèŋ babaya ||

39. lamun dalu ṛĕghawa aguŋ sĕmadi | yèn siyaŋ caṅkrama | lan garwa aṅambil sari | sadina dina andurma ||

8. durma

1. pan wus lami satriya ramawijaya | muṅgèŋ ḍaṇḍaka wukir | lam lamĕn iŋ karṣa | kunĕŋ wontĕn winarṇa | sarpakanaka rasĕkṣi | pan kadaṅira | dasamuka narpati ||

2. paṇḍaḍané anama sarpakanaka | maṅkana duk winarṇi | lagya acaṅkrama | sira sarpakanaka | iṅutus prabhunirèki | ṅubĕṅi wana | praptèŋ tĕpiniŋ wukir ||

3. iŋ ḍaṇḍaka mulat iŋ satriya rama | caṅkrama iŋ wanadri | lawan iṅkaŋ garwa | sarwi aṅalap sĕkar | sarpakanaka niṅali | mara ṛĕghawa | dulur lan garwanèki ||

4. méraŋ mulat maraŋ saŋ ramawijaya | dènnya katon sarimbit | giwar palarasan | ṅiwa mriŋ gèn ḷĕkṣmaṇa | pan sarwi amaliḥ warṇi | rupa manuṅsa | miṇḍa kĕnya ṛĕspati ||

5. bahu wijaŋ sapĕkak madyané lawan | bundĕr prambayunnèki | réma wilis pañjaŋ | cahya amiṇḍa wulan | astané gaṇḍéwa gaḍiŋ | dĕdĕg pidĕkṣa | akalpika kĕkaliḥ ||

6. manik mulya mubyar ṅuṅuwuŋ prabanya | jariji ṅlaṇḍak iŋ ri | kanaka pinacar | maraŋ gèné ḷĕkṣmaṇa | mèsĕm mèsĕm dènira ṅliŋ | hèḥ kakaŋ sira | iki satriya ṅĕndi ||

7. kagyat mulat radèn ḷĕkṣmaṇa widagda | alon dènnya nahuri | satriya ṅayodya | aran iṅsun ḷĕkṣmaṇa | sira iki ta woŋ ṅĕndi | déné nèŋ wana | apa si widadari ||

8. mèsĕm aṅliŋ iṅsun iki tambanana | ilaŋna lara mami | brăṅta maraŋ sira | tan ana kaŋ kacipta | payo kakaŋ dipun aglis | manawa ika | kadurus lara mami ||

9. anahuri radèn sumitratĕnaya | sun iki piṇḍa ṛĕsi | wadat tanpa krama | sira iku woŋ apa | warṇamu ayu ṛĕspati | atiṅgal krama | mĕṅko iṅsun tuturi ||

10. umaṛĕka maraŋ kadaŋ iṅsun tuwa | manawa anaṅgapi | ika paranana | nrĕpaputra ṛĕghawa | pan iṅsun tan kĕna braṅti | pan wus ubaya | lawan bhaṭara luwiḥ ||

11. iya ika satriya ramawijaya | bok aṛĕp iŋ sirèki | pantĕs sumiwia | abagus tanpa sama | sudira prawirèŋ jurit | sañjatanira | paṅrusak satru sĕkti ||

12. saananya sumaṇḍiŋ sasat pawaka | ambĕsmi iŋ ajurit | putus tan palan | anirṇakakĕn ika | dityarubiru maharṣi | sirṇa sakala | sarpakanaka myarṣi ||

13. iŋ dibyané satriya ramawijaya | susahiŋ tyas moŋ wiṅit | maraŋ gèniŋ rama | prapta saha tur sĕmbaḥ | kadya mriŋ ḷĕkṣmaṇa ṅuni | paṅucapira | ṛĕghawa mèsĕm aṅliŋ ||

14. tanpa gawé babo sira maraŋ iṅwaŋ | ariku tanpa taṇḍiŋ | śinta araniŋ rat | putri mantilidirja | sanadyan para apsari | ṅéndrabawana | tyas iṅsun tan tumoliḥ ||

15. muŋ kéwala putri mantilidiṛĕja | tan nĕdya kaṛĕp maliḥ | mara ariniṅwaŋ | ḷĕkṣmaṇa widagda | manawa arṣèŋ sirèki | sarpakanaka | méraŋ waṅsul sira glis ||

16. pan sumaṇḍiŋ maraŋ ḷĕkṣmaṇa widagda | saha ṅujar ujari | araga lir garwa | masésa iŋ asmara | ḷĕkṣmaṇa sandéyèŋ galiḥ | dènnya wiwéka | pinandĕŋ wus kahèkṣi ||

17. dyan cinaṇḍak pinuntir granané pĕgat | mibĕr sarwi aṅĕrik | wus jatiniŋ ditya | naṅis sarwi susumbar | hèḥ ḷĕkṣmaṇa dèn pakéliŋ | sira babaya | sarpakanaka mami ||

18. sun tuturkĕn iya sira mriŋ si kakaŋ | ditya prawirèŋ jurit | puṅgawa ṅaḷĕṅka | ṛĕkṣasa tigamurda | karadusana sawiji | paḍa prawira | iya dèn ṅati ati ||

19. sawusira pamuwusira gigila | niyup sakĕḍap prapti | paṅgiḥ lakinira | kaliḥ sami puṅgawa | karadusana sawiji | lawan trimurda | sarpakanaka naṅis ||

20. kakaŋ iṅsun trisiraḥ karadusana | tuluṅana dèn aglis | liwat sakiŋ wiraŋ | sira tan aṅgrahita | muṅsuḥ kaŋ sikarèŋ mami | ramawijaya | ana ariné wĕgig ||

21. ambĕk wiku aṅragaḍa maraŋ iṅwaŋ | anèŋ ḍaṇḍaka wukir | iṅsun datan arṣa | mĕkṣa cinaṇḍak caṇḍak | pinuntir grana ṅoŋ iki | wusana pĕgat | tanpa iruŋ ṅoŋ maṅkin ||

22. nora matur maraŋ prabhuku rahwana | sira bahé ṅuwisi | ṅrabasèŋ ḍaṇḍaka | yèn sira siḥ mariṅwaŋ | karadusana miyarṣi | lawan trisiraḥ | paṛĕŋ anĕpak siti ||

23. hèḥ ariku sarpakanaka ywa susaḥ | sun mulihakĕn maṅkin | sigra buḍal lawan | saha bala ṛĕkṣasa | gumuruḥ margèŋ wiyati | ana saḷĕkṣa | tinon aṅgigirisi ||

24. iṅkaŋ wuri andaḷĕdĕg kaŋ ṛĕkṣasa | sakaprabon ṅajurit | prapta iŋ ḍaṇḍaka | saṛĕŋ masiṅa nabda | gumuruḥ ṅiṅgiliŋ wukir | saṛĕŋ putĕran | yitna satriya kaliḥ ||

25. mĕṇṭaŋ laras radèn ḷĕkṣmaṇa widagda | siṅa maniyup kĕni | iŋ sañjata dibya | kumrutuk kadya udan | waṅkéniŋ wil tibèŋ siti | atap galasaḥ | ditya tanpa ṅĕnèni ||

26. kroḍa butĕŋ ditya prawira trimurda | mulat wadya kèḥ mati | nĕpak bahu sigra | niyup anrajaŋ maṅsaḥ | ramawijaya sira glis | amĕṇṭaŋ laras | nĕṅgiḥ panaḥ ḍaḍali ||

27. watgata trimurda jaṅganira pĕgat | pisaḥ tumibèŋ siti | sañjata aṅlañjak | ḍaḍali mamriḥ lawan | pira pira kaŋ rasĕkṣi | paraḥ kaŋ buja | cĕṅĕl tumibèŋ wuri ||

9. paṅkur

1. galasaḥ akèḥ kabuñcaŋ | pira pira kaŋ maṅsaḥ akèḥ mati | béṅkas samya kabarubuḥ | lir gugrug kaŋ parbata | ditya galak aṅlir sarpa solahipun | naréndra putra minăṅka | garuḍa prawirèŋ jurit ||

2. umaṅsaḥ karadusana | siṅa nabda ramawijaya aglis | sañjata ḍaḍali mampruŋ | maraŋ karadusana | gulu pagas tiba pisaḥ lawan gĕmbuŋ | pupuliḥ kabèḥ wadyanya | kadya mĕṇḍuŋ iŋ wiyati ||

3. ana kaŋ nawat baḍama | ana ṅlimpuŋ ana kaŋ añjĕmpariŋ | kumupak pokpok kumĕpruk | pandukirèŋ panulak | pira pira sañjata dibya kawaṅsul | risaŋ ḷĕkṣmaṇa widagda | sañjata dibya panaṅkis ||

4. kaŋ raka naréndra putra | aṅḷĕpasi ri kaŋ panaḥ ḍaḍali | tumpĕs tapis pan kapusus | wadya karadusana | sirṇa gĕmpaŋ kadya bayu bajra musus | jĕmpariŋ saŋ nrĕpaputra | maharṣi myaŋ para cantrik ||

5. giris akĕkĕs tumiṅal | iŋ yudané wahu satriya kaliḥ | muṅsuḥ satus èwu èwu | rakṣasa krura maṅkrak | ayĕm bahé tan ṛĕkasa yudanipun | susun atimbun èbĕkan | waṅkéniŋ ditya rasĕkṣi ||

6. sirṇané muṅsuḥ ṛĕkṣasa | samya mĕṭuk para maharṣi santi | jaya jayanira umuŋ | samya ṅudankĕn kĕmbaŋ | tuwin iŋ kahéndran sukanya kumucur | hèr ṅambar kaŋ kĕmbaŋ kĕmbaŋ | wus prapta ḍaṇḍaka wukir ||

7. wahu ta kaŋ kawuwusa | sarpakanaka kaŋ saṅĕt prihatin | tumpĕs iŋ ditya wadya guŋ | miwaḥ lakiné pĕjaḥ | si karadusana si trimurda lampus | yakṣéndra sarpakanaka | mriŋ ṅaḷĕṅka tawan taṅis ||

8. sarwi anapak gagana | mariŋ ṅḷĕṅka dumrojog mañjiŋ puri | paṅgiḥ risaŋ yĕkṣa prabhu | buminata ṅaḷĕṅka | kasub iŋ rat nĕṅgiḥ karatoné puñjul | saguṅiŋ danawa ditya | diyu yĕkṣa myaŋ rasĕkṣi ||

9. kaŋ kahuban iŋ ṅakasa | kaŋ kasăṅga déniŋ lumahiŋ bumi | sumiwèŋ ṅaḷĕṅka prabhu | liyané kaŋ manuṅswa | rat makĕtĕr tumon kaprawiranipun | prabhu ṅaḷĕṅkadiṛĕja | wisrawa iṅkaŋ sisiwi ||

10. brama lokapaléndra | kaŋ sumoliḥ putri ṅḷĕṅka sukèsi | sakawan ta patutipun | prabhu rahwana tuwa |

kaŋ panĕṅgak kumbakarṇa gĕŋ aluhur | sasat prabata malyawan | sudira prakosèŋ jurit ||

11. nulya ri sarpakanaka | pan ṛĕkṣasa kadya kakĕnya kaliḥ | déné ta wuragilipun | saŋ arya wibisana | śri gunawan pan uṇḍagi iŋ tyasipun | punika rupa manuṅsa | marmané arupa janmi ||

12. sakiŋ pamujiniŋ bapa | tinarima déniŋ bhaṭara luwiḥ | mila rupané abagus | dènnya warṇa manuṅswa | arya wibisana wicakṣana putus | pasaṅiŋ grahita limpad | nimpuni sakèhiŋ aji ||

13. wus ṅĕḍaton sowaŋ sowaŋ | iŋ ṅaḷĕṅka tan wuwusĕn iŋ tulis | kasor śri myaŋ laṅĕnipun | pura ṅéndrabawana | taṅèḥ lamun cinatur sriniŋ kaḍatun | warṇanĕn iṅkaŋ lumampaḥ | sarpakanaka rasĕkṣi ||

14. samana iŋ praptanira | sumuṅkĕmiŋ pada palăṅka aji | añjĕrit pamularipun | wahu sarpakanaka | hèḥ prabhuku rahwana yékaŋ dibyanuŋ | makĕtĕr sahisiniŋ rat | miyat prabawa narpati ||

15. sampun si manuṅswa pada | ṅéndraloka bhaṭara surapati | kasoriŋ payudan sampun | myaŋ prabhu lokapala | banaputra tan ana iṅkaŋ tumaṅguḥ | ri kaŋ sujayèŋ bawana | parandéné ana siji ||

16. satriya ramawijaya | lan ariné ḷĕkṣmaṇa widigdèki | tanpa wadya praptanipun | anèŋ wukir ḍaṇḍaka | kaŋ miwiti nipiṣkĕn pagĕr ta prabhu | ñĕmpal prabawanirèŋ rat | surané si dasarati ||

17. ḍuḥ buminata ṅaḷĕṅka | carakanta rumĕkṣa iŋ wanadri | katri puṅgawa wus lampus | kakaŋ ku si trimurda | si karadusana lan sawadyanipun | tumpĕs tapis iŋ ayuda | praŋ anèŋ ḍaṇḍaka wukir ||

18. ibĕkan waṅkéniŋ ditya | ṅlalanaṅi èstu si dasarati | anumpĕs balanta prabhu | lamun tan ṅambĕṅana | iŋ ṅaḷĕṅka tan wandé pinrĕpiŋ pupuḥ | déra saŋ ramawijaya | krura sudirambĕg wani ||

19. sañjatanya mĕrtu juga | kaŋ ambĕsmi balanta tumpĕs tapis | iṅsun kacaṇḍak tanparuŋ | pinuntir iŋ ḷĕkṣmaṇa | ḍuḥ prabhuku pulihĕn wiwiraŋ ulun | prabhuku jayèŋ bawana | iŋ maṅkyana ṅrĕrégoni ||

20. maṅkya balanta tampiṅan | ditya diyu sadaya kuru akiŋ | amĕmăṅsa datan antuk | kabèḥ isiniŋ wana | dènnya takut maraŋ dasaratasunu | amolaḥ sawĕnaŋ wĕnaŋ | wèḥ pĕnuhiŋ para ṛĕsi ||

21. kabèḥ siniŋ wohiŋ wama | myaŋ satoniŋ ditya aṅguŋ pinéṅin | maraŋ iṅkaŋ para wiku | koṇḍaṅé si ṛĕghawa | jĕr punika kaŋ aṅrakṣa para wiku | liriŋ galiṅga jawata | wus sasat umadĕg baris ||

22. gagamané puja măntra | lan sĕmadi muṅsuḥ si dasarati | lan garwané luwiḥ ayu | binĕkta mariŋ wana | kasor kabèḥ apsari suralayèku | sahisiniŋ ṅéndraloka | kabèḥ pantĕs añĕñèṭi ||

23. nadyan garwanta sadaya | nora nana kabèḥ kaŋ animbaṅi | ṅayapa kabèḥ puniku | iŋ garwané ṛĕghawa | iṅkaŋ wana aṅlir rinĕṅgèŋ kĕkuwuŋ | dènnya kataman ujwala | garwané si dasarati ||

24. alapĕn kawawèŋ sira | lalu éman kalap si dasarati | prayoga iŋ ratu aguŋ | darbé garwa maṅkana | kunĕŋ sarpakanaka kèḥ aturipun | umadĕg kroḍa sudira | prakuṭu maṅkrak mawĕṅis ||

25. hèḥ yayi sarpakanaka | aywa lara dahat ta sira yayi | éliṅĕn prabawaniṅsun | kadaṅmu si rahwana | jayèŋ jagad iya ṅĕndi ana ratu | sinĕmbaḥ iŋ sabuwana | tinakutan iŋ sabumi ||

26. bali sata nir iŋ jaja | niṅsun miwaḥ liman Hyaŋ éndra ṅuni | sinikĕp upama ḍukut | tanpa guna déniṅwaŋ | nora béda wĕtuniŋ săṅka mawĕlu | sor tĕmpuḥ wĕtuniŋ surya | maṅkono pamaniŋ bumi ||

27. dé bawané si rahwana | apa guna sĕḍiḥ si dasarati | tuwin manuṅswa puniku | ina datanpa bala | muŋ woŋ roro măṅsa ṅontragĕna gunuŋ | muṅsuḥ si ramawijaya | kapusus nèŋ asta mami ||

28. sawusnya ménaki cipta | mriŋ kaŋ rayi dasamuka sira glis | sikĕp tuwĕk nĕpak bahu | sigra mabur mahawan | iŋ gagana bala kaŋ miyarṣa nusul | pan sarwi amawa rata | saŋ dasamuka narpati ||

29. maniyup wus praptèŋ prĕnaḥ | riŋ marica prabhu rahwana prapti | marica sigra amĕṭuk | wruḥ yèn prabhuné prapta | aṅrĕṛĕpa marica sumiwi ḍĕku | śri dasamuka ṅandika | marica dandana aglis ||

30. payo rumĕbasèŋ mĕṅsaḥ | iŋ ḍaṇḍaka goné kaŋ pĕkṣa julig | si ramawijaya iku | lan ariné ḷĕkṣmaṇa | dyan marica maṛĕpĕki nĕmbaḥ matur | aḍuḥ prabhuku rahwana | sampun paduka marani ||

31. iŋ gèn saŋ ramawijaya | laṅkuŋ sĕkti kawula kasor jurit | katut pinanahiŋ lésus | pun patik salaminya | dèrèŋ maṅgiḥ woŋ kĕbat pamanahipun | kadya śri ramawijaya | atambuḥ ayĕmiŋ jurit ||

32. myaŋ arinira ḷĕkṣmaṇa | nora sĕṇḍu taṅkĕpé yèn ajurit | tuwĕk paduka puniku | căndrasa tanpa karya | yèn lumawan maraŋ dasaratasunu | sura sĕkti riŋ wiwéka | ramaprasu jamadagni ||

33. sapa sĕkti kaŋ kadyéka | muŋ parasu ramabargawa nĕṅgiḥ | iŋ yuda marwasa sampun | risaŋ arjuna sasra | bahu sapa naréndra kadya puniku | hèḥ parandéné kawĕnaŋ | riŋ sira saŋ jamadagni ||

34. sasat déwata mawantaḥ | prabawané prabhu iŋ mahèspati | kĕna riŋ ramaparasu | ramaparasu kĕna | iŋ si ramawijaya anèŋ wana guŋ | linawan datanpa bisa | mĕtu sayĕmbara ṅuni ||

35. nagri mantilidiṛĕja | para ratu kabèḥ tan ana narik | riŋ laṅkap mantili iku | muŋ saŋ ramawijaya | bisa narik gaṇḍéwa dibya pinuñjul | winuwus jayèŋ bawana | si taṭakakya iŋ ṅuni ||

36. pinanaḥ wus tanpa guna | pan kalaṅkuŋ gruḍa nurḍara julig | si karadusana lampus | apraŋ wukir ḍaḍaṇḍaka | karo tanpa guna trisiraḥ kapusus | tumpĕs tapis sabalanya | linawan sañjata siji ||

37. ḷĕhĕŋ paduka kèndĕla | maṅan ṅinum wijaḥ wijaḥ jro puri | kumoṇḍaŋ gagănda marbuk | sampun asalaḥ karya | arubiru maraŋ si rama puniku | manawa tĕmaḥ tan lana | marani si dasarati ||

38. nahan aturé marica | aṅaturi sampun lumampaḥ jurit | lan amuji sĕktinipun | risaŋ narpatiputra | ragutama sura sudira dibyanuŋ | kalaṅkuŋ duka rahwana | marica kogĕgĕḍĕgi ||

39. cĕmĕr gĕlahiŋ buwana | gora gora koḍik datanpa sĕkti | dumèḥ ṅalahakĕn iku | maraŋ ramabargawa | jĕr wun tuwa kisut lulaṅé wus kĕlut | ṛĕghawa sĕḍĕŋ taruna | sayĕkti ototé kĕlit ||

40. marmané kasor iŋ apraŋ | anom muṅsuḥ lawan woŋ kaki kaki | dĕḷĕṅĕn muṅsuḥ lan iṅsun | déné nikĕlkĕn laṅkap | iŋ mantilidiṛĕja gaṇḍéwa gapuk | pinaṅan iŋ bubuk lawas | kinĕkĕs sinimpĕn lami ||

41. matèni si taṭakakya | buta tiwas tan patut sira puji | si karadusana lampus | trimurda sabalanya | buta kĕlé taléḍor marmané lampus | lamun si paḍa galaka | măṅsa olèha matèni ||

42. dé sira pinanaḥ barat | barat ririḥ katonmu ḍéwé kĕsit | ya sakiŋ wĕdi wĕdimu | kĕṇḍo katonmu kĕras | iya sakiŋ ala druhaka atimu | aṛĕp amalika tiṅal | kasĕktèniŋ woŋ kopuji ||

43. gunaku tan kowicara | prataṇḍamu cĕmĕr amalik gusti | wusnya ṅuman uman prabhu | sigra narik căndrasa | hèḥ marica dulunĕn patinirèku | marica dyan ṅraṅkul pada | ṅrĕṛĕpa kasmaraniŋ siḥ ||

10. asmaradana

1. marica umatur aris | kawula botĕn druwaka | sakiŋ gĕŋ trĕṣṇa saŋ katoŋ | tuhu tuhu sĕtya amba | marma tur kaṭaḥ kaṭaḥ | sanétya kadrĕman tinut | rèhniŋ saŋ prabhu sinéwa ||

2. yèn botĕn ṅarṣakkĕn iṅgiḥ | sumăṅga karṣa paduka | iŋ siyaŋ dalu asahos | ayahan paduka raja |

yèn makatĕn iŋ karṣa | kula kaŋ maliḥ warṇèku | awarṇi kidaŋ kañcana ||

3. rama ḷĕkṣmaṇa mriḥ tĕbiḥ | iŋ wuri gampil paduka | putri mantili kĕnané | sigra ḍinahar turira | marica kidaŋ mas | saṛĕŋ lampahira laju | prapta iŋ wukir ḍaṇḍaka ||

4. balané iṅantun tĕbiḥ | muŋ karo kĕlawan kidaŋ | marica ĕmas wuluné | aḷĕmbut aréyab réyab | ṛĕspati tiniṅalan | sira dasamuka prabhu | siḷĕman ampiŋ ampiṅan ||

5. kidaŋ umaṅsaḥ tumuli | amalipir iŋ patapan | putri mantili duk anon | kidaŋ kaŋ wulu kĕñcana | aṅglibĕt liñcak liñcak | putri mantili umatur | babana mariŋ kaŋ raka ||

6. kidaŋ upayanĕn aglis | ṛĕghawa nurut kéwala | iŋ panuwuné garwané | kaŋ rayi kinèn kantuna | atĕṅga iŋ pĕrtapan | ramawijaya sigranut | ṅuṅsir lampahiŋ kidaŋ mas ||

7. tutut yèn dèn paṛĕpĕki | cinaṇḍak caṇḍak mañculat | tinut saparan wus adoḥ | kidaŋ apiṇḍa kasaṅsaŋ | ṅadĕg kadi kĕpalaŋ | sinandĕr mañcolot asru | bramatya ramawijaya ||

8. dènnya daṅu datan kĕni | sakṣana amĕṇṭa laṅkap | sigra lumĕpas panahé | kadya ginarit aṅganya | tĕrus raḥnya drĕs muñcar | marica jiwanya mĕtu | wĕkasanira nèŋ donya ||

9. sarta pañjritira kadi | sasambat rama ḷĕkṣmaṇa | saŋ putri mantili kagèt | yayi ḷĕkṣmaṇa dèn éṅgal | sinambat kakaṅira | tutuluṅa ariniṅsun | babo ḷĕkṣmaṇa widagda ||

10. ḷĕkṣmaṇa umatur aris | dédé raka jĕŋ paduka | punika kidaŋ swarané | sampun tiniban sañjata | putri mantili mĕkṣa | pagéné sira tan gupuḥ | pan iya sasambatira ||

11. ḷĕkṣmaṇa umatur aris | mila ta raka paduka | kasora kidaŋ tandaṅé | kawula ajriḥ nusula | déné sampun winĕkas | tĕṅga paduka kaŋ kantun | śri śinta laṅkuŋ dukanya ||

12. sarwi waspanya drĕs mijil | sakiŋ sandéyaniŋ driya | rumaras sakiŋ gĕŋ sihé | mriŋ priya ramawijaya | pagéné yayi sira | mopo tan purun anusul | kadaṅmu ḍéwé iŋ kana ||

13. ḷĕkṣmaṇa umatur aris | sampun ta manaḥ suṅkawa | maṅké pan iṅgiḥ praptané | sarwi ambĕkta kidaŋ mas | sĕṇḍu ni dèwi śinta | mĕṅkono budimu kaṭuŋ | gĕlaḥ gĕlaḥ sirèŋ kadaŋ ||

14. tĕgĕsé sira iŋ batin | sukur ṛĕghawa matia | sun gumantya iŋ rabiné | aṅajap druwaka sira | lumuhiŋ pakon iṅwaŋ | pan iṅsun ubaya tuwuk | matia ramawijaya ||

15. tan acipta krama maliḥ | aturun gĕni kéwala | yèn raguputra patiné | kĕnaa iŋ kidaŋ mas | sun pĕḍot guluniṅwaŋ | mañjiṅa iŋ gĕni murub | măṅsa ṅawula iŋ sira ||

16. sumitratĕnaya sĕḍiḥ | tyasira pinaribawa | jawata ṅawiyat kabèḥ | tĕḍaka anĕkṣènana | duwéya cipta ala | narakaa satus èwu | maṅkat aṅusapi waspa ||

17. garundĕlan anèŋ margi | muga tinawana mĕṅsaḥ | iŋ mĕṅko sawuriniṅoŋ | déné ta nora kajamak | gĕtĕr lor wétan ṅakak | wiku tyas ḷĕkṣmaṇasadu | napa ta wus nusul tĕbaḥ ||

18. sawuriné ḷĕkṣmaṇa glis | saŋ ṛĕtna madĕg maṅalap | sĕkar partapan tĕpiné | dasamuka gya umaṅsaḥ | sampun amaliḥ warṇa | arupa paṇḍita sĕpuḥ | paṇḍita kĕliŋ pamannya ||

19. añikruk wus kaki kaki | asuci liyĕp ulatnya | mĕḷĕs kalimis guṇḍulé | ana kuciré iŋ wuntat | untuné ṛĕsik pĕṭak | kuṇḍala akaluŋ waluḥ | géroŋ iṅisénan toya ||

20. iruŋ samya dèn cublĕsi | iŋ ganitri kaliḥ pisan | dĕluwaŋ kawak kĕṭuné | kadya lami kakukusan | abaŋ kĕna iŋ sawaŋ | ṛĕkasa napas lumaku | kadi satuhuné tuwa ||

21. marpĕki ṛĕtna mantili | wus ilaŋ ṛĕkasanira | kadi kĕsasar solahé | kapargok api tatanya | putri mantilidirja | kagyat andulu mriŋ wiku | lir wiku wiku kĕsasar ||

22. kaŋ maliḥ warṇi liṅñaris | saŋ ṛĕtna dĕkuŋ tĕmbuŋnya | ñana wiku sayĕktiné | paṅucapé ḷĕmpaḥ ḷĕmpaḥ | sira babo woŋ apa | tĕka nèŋ alas sirèku | iya déné tanpa rowaŋ ||

23. apa siliḥ widadari | déné ta kaliwat liwat | sampurṇa tĕmĕn éndahé | apa rarasati swarga | garwa bhaṭara brama | apa ratiḥ kaŋ tumurun | garwané saŋ komajaya ||

24. iṅsun añjajaḥ prajadi | ṅubĕṅi sakèhiŋ wana | duruŋ amaṅgiḥ èmpĕré | woŋ ṛĕspati kaya sira | tumpĕk iŋ pramudita | muŋ sira ratuniŋ ayu | ratu ratuniŋ muṣṭika ||

25. naṅiŋ ta panduga mami | yèn muṅguha kĕmbaŋ kĕmbaŋ | sun wĕtara sira aṅgèr | wus sinĕsĕp iŋ bramara | sarira rurus samya | naṅiŋ imbuḥ traŋ iŋ sĕmu | marmané tĕka nèŋ wana ||

26. woŋ apa mĕṅku sirèki | lalu datan wruḥ iŋ awak | apan ta dudu pantĕsé | amuŋ sinébèŋ kaḍatyan | iya ta pantĕsira | tĕgĕsé woŋ tanpa kusur | tan bobot amĕṅku sira ||

27. tanpa ṅrasa tanpa galiḥ | èstu kramèŋ siya siya | aṅajab ala lawasé | putri mantilidiṛĕja | miyarṣa linambana | rumaras iŋ wulu puhun | sumĕṅkraŋ maririṅiŋ tyas ||

28. aṇḍĕku dènnya nahuri | narka paṇḍita utama | alon wahu iŋ wuwusé | hèḥ saŋ wiku wruhanira | iṅkaŋ gaḍuhi rèṅwaŋ | naréndraputra dibyanuŋ | bisikan ramawijaya ||

29. wara ṅayodya prajèki | widagdaya tur wiwéka | kĕtĕr ta iŋ muṅsuḥ kabèḥ | sañjata ana sajuga | mrĕtya mapaḍaniṅrat | apa sira tan andulu | kériné wukir ḍaṇḍaka ||

30. pira pira muṅsuḥ mati | ṛĕkṣasa datanpa sésa | susun atimbun waṅkéné | lawan ambĕk santya budya | limpadiŋ kapaṇḍitan | gĕŋ bĕkti sudarmanipun | mriŋ wana tuduhiŋ bapa ||

31. kinèn rumĕkṣa iŋ ṛĕsi | saŋ piṇḍa wiku liṅira | wĕruḥ iṅsun lamun kuwé | anaké si dasarata | tur iku kaŋ atuwa | marmané iku tinuṇḍuŋ | déné ala tanpa guna ||

32. kari lan kadaṅé sami | brata trugna kaŋ utama | mulané kinarya katoŋ | si rama iku kaŋ tiwas | mulané anèŋ alas | pagéné ta sira ayun | salaḥ kapti tanpa ṅrasa ||

33. mĕṅko ta iṅsun tuturi | prayoga gaḍuha sira | kéné ana ratu gĕḍé | prakosa suwarèŋ jagad | kĕtĕr sahisiniŋ rat | tanpa lawanan satuhu | purané sor suralaya ||

34. pantĕs amĕṅku sirèki | siniwèŋ ratu sajagad | prabhu rahwana arané | iŋ mĕṅko pan lagi prapta | nadyan bhaṭara éndra | taruna wisrawa kawus | śri banaputra katawan ||

35. kadi kumĕḷĕm iŋ tasik | saanané suralaya | sor déniŋ prabawaniṅoŋ | prayoga réwaṅĕn wirya | sawusnya waraḥ waraḥ | marpĕki lajĕŋ sinambut | śinta binĕtèŋ ṅawiyat ||

36. śinta ñjrit anèŋ wiyati | gègèr manuk iŋ pĕrtapan | kadya naṅisana kabèḥ | myaŋ kidaŋ kidaŋ aṅgundam | kusut laṅĕniŋ wana | kadya coplok sotyanipun | kusut lir mati kunduran ||

11. durma

1. wus andĕdĕl rahwana gayuḥ gagana | śinta sru dènirañjrit | sambat sambat priya | nira ramawijaya | lan ari ḷĕkṣmaṇa aglis | ṛĕbutĕn iṅwaŋ | cinidrèŋ ditya mami ||

2. kunĕŋ taṅisira saŋ mantilidirja | nĕṅgiḥ wahu winarṇi | jaṇṭayu kagéndra | gĕŋnya sasat prabata | kagyat duk miyarṣa taṅis | asambat sambat | putra ṅayodya kaliḥ ||

3. kèḥ karuṅu sasambaté iŋ ṅawiyat | ḍuḥ ramawijaya glis | paran solahira | pisaḥ lan dasihira | ḍuḥ gusti susuḷĕn mami | ari ḷĕkṣmaṇa | cacad iṅsun tan sipi ||

4. maraŋ sira sun atag aṅuman uman | mĕṅko yayi pinaṅgiḥ | iṅsun nĕmu papa | naraka déniŋ sira | kagéndra jaṇṭayu

nĕṅgiḥ | sampun tĕtéla | wahu dènnya miyarṣi ||

5. lamun sambat putra prabhu dasarata | pawoŋ mitrané ṅuni | ṅudikèŋ wardaya | iki si dasamuka | paṅgawéné ḍuṣṭèŋ bumi | dyan kroḍa maṅkrak | kirab lar aṅajrihi ||

6. sigra mĕsat sahiṅga prabata maṅkat | gumrĕŋ prahara aṅin | lar amawa braja | kumlap kadya raditya | luṅidiŋ lar ṅilat ṭaṭit | lir ombak baṅkat | patuk sru malya méṅis ||

7. kadya siṅa sardula karti sampéka | jaṇṭayu mulat aglis | risaŋ yĕkṣadipa | ṅuwuḥ akĕn maṇḍĕga | kagyat yakṣéndra anoliḥ | jaṇṭayu maṅsaḥ | napyak muka narpati ||

8. kroḍa ṅunus căndrasa rahwana maṅsaḥ | galak maṅkrak aṅĕrik | căndrasa makilat | iṅayatan umĕsat | jaṇṭayu mibĕr ṅuṅkuli | gumrĕŋ ṅawiyat | dasamuka nututi ||

9. dĕdĕl sigra jaṇṭayu niyup amapag | rahwana dèn uṅkuli | sinambĕr kinĕpyak | pinatuk bahunira | patuk kapĕtĕk trus mariŋ | lambuṅé bĕñcaḥ | muñcar rudira mijil ||

10. kinokopiŋ jaṇṭayu raḥnya rahwana | kasor yudanira glis | ṅawé balanira | kaŋ samya bĕkta rata | kinèn aṅgawa saŋ putri | sukĕr saŋ nata | dènnya raḥ anrĕs mijil ||

11. pan gumuruḥ jawata manadukara | myaŋ jaya jaya santi | umuŋ iŋ ṅawiyat | éwa śri dasamuka | sinurakiŋ déwa sami | bahunira mar | sigra jaṇṭayu mamriḥ ||

12. bala ditya kaŋ sami ṅampiṅi rata | sinambĕr mawut ṅisis | ratanya kinĕpyak | sumyur tibèŋ bantala | mĕṛĕm saŋ putri mantili | siŋ witné maras | manawa tibèŋ siti ||

13. wus sinambĕr putri mantilidiṛĕja | risaŋ kaga narpati | jaṇṭayu gya mĕsat | dĕdĕl gayuḥ gagana | ginéṇḍoŋ saŋ raja putri | muṅgèŋ ṅawiyat | dasamuka sira glis ||

14. wusnya tibèŋ bantala prabhu rahwana | păñcasonané dadi | sirṇa tatunira | tuṅtum puliḥ sadaya | nĕpak bahu kroḍa aṅrik | dĕdĕl ṅawiyat | ṅusir naréndra pĕkṣi ||

15. katututan jaṇṭayu ḷĕmpĕr ibĕrṇya | kèwĕdan iŋ saŋ putri | tinut saparannya | mriŋ prabhu dasamuka | maṅlayaŋ maniyup sami | saparanira | kagéndra tinut wuri ||

16. dyan anarik căndrasa prabhuḥ rahwana | pinraŋ jaṇṭayu kĕni | sawiwiné sĕmpal | tiba saŋ pĕkṣi raja | śinta maṅlayaŋ sira glis | cinaṇḍak kĕna | mriŋ saŋ ṛĕkṣasapati ||

17. ṅawé bala mĕṭuk sarwi ratanira | rata kaŋ wutuḥ makṣiḥ | winrat muṅgèŋ rata | putri mantilidirja | binĕkta ṅaḷĕṅka prapti | pinarṇaḥ taman | taman sajroniŋ puri ||

18. lan sinuṅan paṅrĕkṣanira saŋ ṛĕtna | ṛĕkṣasa jalu èstri | lan pulunanira | atmajèŋ wibisana | trijaṭa pinăṅka putri | aṅkat saŋ uwa | wil jalu kinèn sami ||

19. pituturiŋ putri mantilidiṛĕja | yèn ramabadra maṅkin | myarṣa jriḥ dosanya | dènira numpĕs ditya | iŋ balané śri bhupati | mila tan nĕdya | ṅupaya garwanèki ||

20. pamrihira prabhu rahwana saŋ ṛĕtna | glis ḷĕjara saŋ putri | anuli kĕnaa | wor jiwa lan rahwana | iŋ antara tigaŋ ari | wus pinaranan | naṅiŋ saŋ rajaputri ||

21. datan kĕna pinaranan suduk jiwa | amuŋ ciptaniŋ galiḥ | ubayanirèŋ rat | amuŋ ramawijaya | dadya liṅsĕm śri bhupati | salaminira | dèrèŋ kapaḍan kapti ||

22. pĕlarasan undurira sakiŋ taman | kunĕŋ wuwusĕn maliḥ | saŋ ramawijaya | lawan ari ḷĕkṣmaṇa | kidaŋ mas kaŋ sampun kĕni | pĕjaḥ binĕkta | maraŋ gèné kaŋ rayi ||

23. tiniṅalan tan ana wahu kaŋ garwa | lawan ta iṅkaŋ rayi | ḷĕkṣmaṇa punika | dèrèŋ paṅgiḥ lan raka | wahu duk panusulnèki | tibèŋ wé wisa | pucat nétya maputiḥ ||

24. kadya pinuḥ sariranya déniŋ kaŋ raḥ | wahu ta saŋ apĕkik | ṛĕghawa kumĕsar | muriri tyas maṅaraŋ | maraŋ ṅĕndi sira yayi | juraŋ iṅuṅak | manawa tibèŋ trĕbis ||

25. apa siliḥ pinaṅaniŋ moŋ ta sira | nulya praptaniŋ ari | ḷĕkṣmaṇa widagda | pucat kĕna iŋ wisa | mar tyas saŋ rama nulya ṅliŋ | ari ḷĕkṣmaṇa | mantili anèŋ ṅĕndi ||

26. matur nĕmbaḥ duk wahu kawula tĕṅga | sĕḍĕŋ kidaŋ muñañjrit | tinarka paduka | nimbali iŋ kawula | dadya kawula tinudiŋ | nusul paduka | naṅiŋ kawula ajriḥ ||

27. iṅgiḥ sakiŋ pituṅkas paduka kakaŋ | dadya ṅujar ujari | napatèŋ kawula | mila kawula késaḥ | arinta masiḥ nèŋ ṅriki | wiṅkiŋ wikana | kawula tan udani ||

28. saṛĕŋ myarṣa wahu saŋ ramawijaya | iŋ aturé kaŋ rayi | kumĕpyur tyasira | tab tab driya suṅkawa | lir pĕcat jiwanérèki | sumaput paraḥ | parahiŋ tyas marujit ||

29. kadya sirṇa jagad wus ilaŋ iḍĕpnya | bumi sunya tan kari | sakiŋ gĕŋ nèŋ brăṅta | luḥnya drĕs marawayan | tan wruḥ pasambatiŋ taṅis | mĕṇṭaŋ laṅkapnya | ṅiwuŋ kroḍa riŋ bumi ||

30. saput ṛĕbaḥ cinaṇḍak iŋ arinira | ḷĕkṣmaṇa asru naṅis | ḍuḥ gusti émuta | yèn titahiŋ jawata | wus paṣṭi kĕna iŋ sakit | duhkitaniŋ tyas | gaṇḍèṅĕn lawan pikir ||

12. kinaṇṭi

1. kunĕŋ ramawijayémut | maṅun maṅunĕŋ ṅĕnani | tyasnya sĕmpal kapĕrapal | jinĕmpariŋ rontaŋ rantiŋ | riŋ panaḥ bhaṭara kama | kĕmayan gĕŋ iṅkaŋ braṅti ||

2. gandruŋ gandruŋ amaṅuṅkuŋ | konus rarasiŋ wiyadi | kèris ṛĕs ṛĕsiŋ wardaya | yayaḥ tanpanon wiyati | siṛĕm sorotiŋ baṣkara | kadya tuṅkĕbiŋ pratiwi ||

3. maṅu tĕbaḥ jaja gandruŋ | ḍuḥ yayi putri mantili | téga tĕmĕn jiwaniṅwaŋ | tilariŋ dasiḥ kaswasiḥ | pandaya paṅruwat atma | paran waluyaniŋ dasiḥ ||

4. duhkitèŋ kĕtaman gandruŋ | sasmitanĕn maṣku yayi | hyaŋ hyaŋ iŋ ṅéndrabawana | măṅsantuka ṅusadani | tumpĕk iŋ rat jagad triya | kawuwiriŋ maṣkuwari ||

5. bisamoŋ asmara gandruŋ | paran paṅupaya gusti | ṅéndraloka bramaloka | nadyan dèwi rarasati | pantĕs añèṭi mriŋ sira | muŋ sira hyaŋ hyaŋ iŋ bumi ||

6. bumi méguŋ mawèḥ gandruŋ | rinèhkĕn buwana balik | ṛĕsminiŋ kaŋ suralaya | tan dadya toḥ maṣkuwari | sumyur liriŋ ombak baṅkat | kumalaniŋ jalanidi ||

7. ḍuḥ yayi mriŋ pundi maṣku | mila tan asuŋ upakṣi | paran duhkitaniŋ driya | dudukèŋ dasihta ari | suka pun ramawijaya | pandukĕn patrĕm kaŋ luṅit ||

8. nadyan kokĕlara maṣku | sirṇèŋ astanta maṣkwari | kéwala ṅéndrabawana | pupula lan sira yayi | maṅsaḥ kuliliŋ riŋ wana | lan ari sumitrasiwi ||

9. ṅuṅak juraŋ juraŋ gandruŋ | ḍuḥ ari ṛĕtnèŋ mantili | paran karyanta nèŋ juraŋ | mĕntasa yayi ṅoŋ tarik | paran marmané dukanta | dudukèŋ dasiḥ kaswasiḥ ||

10. anon kĕmbaŋ kĕmbaŋ gandruŋ | jiwaku ari mantili | diṅarèn aṅalap sĕkar | déné nora dèn waḍahi | kocar kacir anèŋ ḷĕmaḥ | ĕnya coṇḍoṅana yayi ||

11. prakutut munya agandruŋ | ari kundura rumiyin | yèn ṛĕmĕn iŋ pĕkṣi munya | mĕṅko sun pikaté yayi | iṅunĕn anèŋ pĕrtapan | umbènana sabĕn ari ||

12. dimèn agandruŋ maṅuṅkuŋ | pamaṅguṅé sabĕn éñjiŋ | aywa ṅombèni jaŋ éñjaŋ | manawa piḷĕṛĕn yayi | mĕṅko tĕṅaṅé kéwala | ḍuḥ miraḥ ari mantili ||

13. sapa ṅusadani gandruŋ | payo maṛĕk iŋ saŋ yogi | ḍuḥ déwa wiṅi tutugna | duk sira ṅaḍĕp lan mami | gunĕm sastra ayuniŋ rat | sira tan saré sawĕṅi ||

14. mundur ésuk gandruŋ gandruŋ | añaṅkiŋ sĕkar taluki | sarwi ṅĕmpit sastra cĕṭa | kaŋ mĕntas winurcitani | waṅun arjaniŋ kanaṅrat | tuwin jaya wijayanti ||

15. kĕlaruŋ iŋ lara gandruŋ | sakṣat jroniŋ supĕnari | cumaṇṭèl tuṅtuṅé nétra | tumañcĕb iŋ tyaṣku ari | paran kalisaniŋ jagad | maṅusadèŋ tyas wiyadi ||

16. ana riris riris gandruŋ | kundura yayi dèn aglis | pijĕr mulatiŋ mañura | ririsé saya guŋ prapti | mañura ṅigĕl kirab lar | mĕṅko sun cĕkĕlé yayi ||

17. iṅunĕn panti wèḥ gandruŋ | sajoḍo pisan ta yayi | lan akĕlaṅĕnanira | mañuranira kĕkaliḥ | yèn dalu rada kiwakna | uniné ṅagèt agèti ||

18. mawèḥ kuŋ jroniŋ manĕkuŋ | mawèḥ kĕsar iŋ sĕmèdi | uniné mañuranira | yèn ari bahé ja tĕbiḥ | caṅcaṅĕn iŋ rami sutra | manawa kaliru yayi ||

19. lan mañura guŋ agandruŋ | bok riṅas cumbuné yayi | baya mantilidiṛĕja | mañurané paḍa kĕsit | mèt bibit wana ḍaṇḍaka | ginawa maraŋ mantili ||

20. tumon luŋ gaḍuŋ agandruŋ | ḍuḥ ni mas ari mantili | aywa gupuḥ dahut sĕkar | gaḍuŋ manawa kĕnèŋ ri | aṅgèr tuduḥna kéwala | mĕṅko sun pĕṭiké yayi ||

21. aṅgitĕn kalawan mĕnur | sujinĕn aṅsana gambir | winoriŋ paré karantan | iŋ ukĕlira maṣkwari | sawaṅiŋ kuniŋ mañura | wilisé rémanta yayi ||

22. ḍuḥ miraḥ miraḥ ta iṅsun | apa tan asiḥ iŋ dasiḥ | paranta dosa dasihta | sira aniṅgal mriŋ kali | sabĕn iṅsun nut iŋ sira | karoron roron mriŋ wariḥ ||

23. giri giri gahan gunuŋ | paranta sira wĕliṅi | déné dukanta kalintaŋ | mĕnĕŋ tan ṅandika yayi | kadi pĕsat jiwa kéṇḍaŋ | sakiŋ aṅganirèŋ dasiḥ ||

24. tumonĕn panaṅis iṅsun | mĕtwèŋ raḥ nétra ṅoŋ kaliḥ | sirat taṅguŋ mabaŋ kaŋ raḥ | sapa kaŋ ṅuniṅèŋ dasiḥ | maṅiwuŋ warastraniṅwaŋ | tanpandon karyaku ari ||

25. arinta ḷĕkṣmaṇasadu | pagéné sira dukani | tan wruḥ rèhirèŋ dukanta | sĕdyané arinta gusti | tĕmahan duka mariṅwaŋ | dasiḥ tanpa dosèŋ gusti ||

26. myatiŋ sètu sètu gandruŋ | laḥ payo ari mantili | kĕlaṅĕn maraŋ tĕlaga | ṅalap sĕkar nukṣmèŋ wariḥ | aywa gupuḥ mĕṭik sĕkar | kaŋ ana tĕpiniŋ wariḥ ||

27. yèn kèṛĕm iŋ tlaga gandruŋ | dasiḥ datan bisa kari | mĕṅko sun tumamèŋ toya | taraténé kaŋ sun ambil | aywa amboṇḍèt mariṅwaŋ | manawa tan antuk sari ||

28. sarinya mawur agandruŋ | kapirané sira gusti | pijĕr rumĕkṣa iŋ sira | rumaras iṅsun maṣkwari | manawa pinètiŋ mina | minané mamăṅsa janmi ||

29. ṅaḍuḥ tĕbaḥ jaja gandruŋ | hèḥ ari sumitrasiwi | paran doniŋ ṅusadanta | maṅkénéya awak mami | wuruŋ maharjèŋ kanaṅrat | paran wèt rumĕkṣèŋ bumi ||

30. pijĕr kataman iŋ gandruŋ | kuwur kaprawiran mami | laḥ yayi kayapayèṅrat | paran prayogyané yayi | kakanta waluywakĕna | sira maṅasiyèŋ bumi ||

31. bumi goñjit gandruŋ gandruŋ | kumĕlat kilatiŋ laṅit | kadya kiñcaṅiŋ kakanta | turuté katut manipis | aṅkĕn pupuriŋ wadana | lintaŋ sumusup iŋ tasik ||

32. tumonton sira sun gandruŋ | lir aṅsana muṅgèŋ wèni | ari ḷĕkṣmaṇa widagda | dulunĕn ṛĕsminiŋ wariḥ | kadya ta maṅayam ayam | ciriniŋ tyas aguŋ mijil ||

13. mijil

1. kunĕŋ taṅisé rama tan sipi | murca tyasnya képon | kadya tinunu bahni sokané | maruta mirir mamawa tistis | riris maṅunĕŋ niŋ | maṅu gandruŋ gandruŋ ||

2. jalalatan aṅanan aṅéri | gayuḥ roniŋ andoŋ | asta kanan muḷĕt iŋ uwité | asta kéri mĕṭik ron kĕkaliḥ | winawas liniliŋ | mĕṅgaḥ gandruŋ gandruŋ ||

3. kaluluté putri iŋ mantili | ṅuni roniŋ andoŋ | sabĕn mémba tansaḥ nèŋ astané | măṅka prabañcananiŋ lumaris | maṅkya tar kéntar riŋ | lumawadiŋ gandruŋ ||

4. yéka maliḥ kaŋ dèn kaṛĕmĕni | pradapaniŋ gĕmpol | pan ḍinahar nalika tĕṅaṅé | tinon añjraḥ sakṣana pinĕṭik | linĕmpit liniliŋ | kinuswa agandruŋ ||

5. yayi sumitratmaja pan iki | pamèṅĕtiŋ lamoŋ | kakanta saŋ antĕn kaṛĕmĕné | iṅkaŋ rayi aṅlès aṅéwani | mĕṅgaḥ saŋ magĕŋ griŋ | ṅaḍuḥ gandruŋ gandruŋ ||

6. ari matur pan dédé iŋ ṅriki | gèniŋ pradapandoŋ | loriŋ wana ḍaṇḍaka prĕnahé | kaŋ sinabèŋ mriŋ putri mantili | paran kaŋ binudi | pijĕr amoŋ gandruŋ ||

7. bara tan bara iṅkaŋ kinapti | aṅayaḥ wiraṅroŋ | kadya dédé satriya pambĕké | datan amriḥ tĕmahiŋ lumaris | aṅayam ayam riŋ | kadurus agandruŋ ||

8. taṅèḥ ṅadonana jayèŋ jurit | mĕrwasèŋ palugon | iŋ satriya tĕmaḥ punaginé | mawantaḥ rok băndawala pati | munaḥ satru sĕkti | pamĕkasiŋ gandruŋ ||

9. kaŋ raka ṅliŋ tuhu tan asisip | iŋ rèḥ kaŋ maṅkono | naṅiŋ aywa ginégé maṅsané | wĕtuniŋ prawira guna sĕkti | samudanèŋ kiṅkin | sajroniŋ maṅunkuŋ ||

10. tar paṛĕk iŋ doñèŋ kramaniti | puputiŋ kawuron | maṅusapi drawaya waspané | dyan lumampaḥ siram mariŋ bèji | bèjiniŋ wanadri | maṅsaḥ gandruŋ gandruŋ ||

11. mĕntas iŋ wariḥ tansaḥ sĕmèdi | puja tan tumon woŋ | prakĕtiniŋ sĕtya suŋ sĕtyané | wusnya muja maṅrahup ḷĕbwamit | mriŋ widi sĕdya mriḥ | paṅupayèŋ gandruŋ ||

12. kawĕlantaḥ dènira lumaris | kinĕkĕs wiraṅroŋ | asasmita wratmaka pañjrahé | kuwur tyasé katonton saŋ kadi | hyaŋ hya iṅkaŋ sari | saṅsaya wèḥ gandruŋ ||

13. kagyat woŋ aguŋ anon pratiwi | labĕtiŋ palugon | sumĕrambaḥ iŋ raḥ sĕmburaté | prataṇḍaniŋ palagan mataṇḍiŋ | ṛĕkṣasa narpati | lawan śri jaṇṭayu ||

14. goraniŋ raḥ iŋ ron aṅgubrasi | akèḥ wulu boḍol | miwaḥ riŋ kaŋ sĕmpal suwiwiné | lawan ṛĕmukiŋ rata nèŋ siti | aglar ḍacaḥ kadi | tan suwé praṅipun ||

15. ramawijaya liṅira aris | dulunĕn riniṅoŋ | iki ana mĕntas apraŋ ramé | ṛĕṛĕmukaniŋ rata kahèkṣi | lawan ana iki | suwiwiniŋ manuk ||

16. kaya rakṣasa lawan iŋ jurit | upayanĕn kono | pĕkṣi apa kaŋ dèn ṛĕbut kiyé | déné kapati tan ṅéman urip | manuk apa iki | guŋ suwiwinipun ||

17. iki baya yayi kaŋ iṅambil | iŋ paduganiṅoŋ | nora liyan yayi ñata kiyé | kaŋ añidra iŋ ari mantili | wusnya dènira ṅliŋ | muntab kroḍanipun ||

18. kadya kumukus nétrané kaliḥ | mĕrbaṅbaŋ sumarot | brakuhirèŋ mĕtu kadirané | ṛĕṅgaŋ kadi tan anapak bumi | aṅganya mawĕrdi | sirat latu latu ||

19. sariranya kasamuwan kadi | waja duk iṅoboŋ | aṅlir siṅa krura sru darpané | tan pahé lan bhaṭara ditya mriḥ | umaṅan maṅan riŋ | jagad sriŋ ginĕmpur ||

20. kadya burbuwaḥ suḥ iṅkaŋ bumi | bumi rug agarok | mĕnantaŋ hèḥ ĕndi ta rupané | kaŋ aṇḍuṣṭa putri iŋ mantili | paṅgaḥ anĕdya riŋ | rumabasèŋ satru ||

21. imbuḥ pupul tiwikrama wĕrdi | wuḍar widigdamot | satruniŋ rat saŋ galamaraṅké | asaptaa kasapta kaŋ bumi | bahni baṣkara tis | soriŋ prabawaku ||

22. pira parbata sĕkti kaŋ tasik | dé prabawaniṅoŋ | saananiŋ nir jawata kabèḥ | curṇèŋ asta boga nagagini | ḍik Hyaŋ kala ṅaliḥ | gĕmpaŋ kalamĕrtyu ||

23. aḥ samuha digditya rasĕkṣi | braṣṭèŋ suḥ wil mawor | buwana suhĕn tyas anané | gagana traŋ rasa tala basmi | ramawijayèki | ṅraniŋ rat dibyanuŋ ||

24. wusnya siṅa nabda gya manirig | gaṇḍéwa gumĕrot | éwa kroḍanirèŋ jagad kabèḥ | aḥ kosunya tarpa siyaŋ ratri | waluywa kadya riŋ | duk iŋ ṅawuŋ uwuŋ ||

25. dyan sumitratĕnaya manaṅis | nĕmbaḥ mĕṅkul gupoḥ | hèḥ émuta driyanta salahé | kroḍèŋ jagad tanpa dosa yĕkti | apa ta tan asiḥ | curṇa iŋ jagad suḥ ||

26. apan paduka yogya maṅĕmit | aywa tyas maṅkono | apa siliḥ tanpa don ḷĕkasé | kadi maṅéman maṇḍama budi | ṅĕndi woŋ tan asiḥ | iŋ jagad arja guŋ ||

27. kawula méraŋ miyati bumi | paduka salaḥ ton | duka duka tar wruḥ tanpa gawé | durakèŋ rat papa kaŋ pinaṅgiḥ | èṅĕtĕn tumuli | aywa ta kadurus ||

28. paranta kroḍa matèn matèni | tanpa dosaniŋ woŋ | sinĕbutiŋ cupĕt ṅĕna ĕna | liwat sakiŋ aṅguŋ nĕpsu wĕrdi | pan jinisiŋ caciŋ | tan arṣa pitutur ||

29. lan iya ta jinisiŋ luluwiŋ | lintaḥ ṛĕs ĕṛĕs poḥ | laḥ iŋ pundi patutĕn tuladé | kaŋ lara kuŋ muŋ paduka ugi | myaŋ kaŋ karya sakit | pan botĕn woŋ sèwu ||

30. arṣa ṅawut baraŋ kaŋ kahèkṣi | pan asoriŋ asor | nadyan dédé satriya pamané | măṅsa wontĕna lampaḥ kadyèki | manawa ta caciŋ | tan darbé ḷĕmpĕru ||

31. kagyat ramawijaya myarṣa ṅliŋ | tyasira sumĕḍot | kaluhuran sabdané ariné | minta akṣama mriŋ bhaṭaradi | tĕraŋ tyasirèki | kaŋ rayi rinaṅkul ||

32. ari ḷĕkṣmaṇa taruna yĕkti | wuwus kaŋ maṅkono | dadi boṅgan atilar prajané | yèn muraṅa iŋ rèḥ kramaniti | akṣamaniradi | gĕŋ sinom iŋ ṅayun ||

14. sinom

1. laṅkuŋ truṣṭanirèŋ driya | ramawijaya lumaris | lan ari sumitraputra | ñaṅkiŋ gaṇḍéwa pribadi | tan pĕgat asĕmèdi | samarga agandruŋ gandruŋ | asihiŋ puja măntra | wus ḷĕpas lampaḥnya kaliḥ | nulya mulat pĕkṣi guŋ kadya prabata ||

2. ṅukruk ṅaṇḍuruk katiṅal | suwiwi ilaŋ sasisiḥ | woŋ aguŋ alon ṅandika | yayi iki ana pĕkṣi | laḥ payo dèn parani | maṅsaḥ sarwi gandruŋ gandruŋ | ṅĕmbat gaṇḍéwa dibya | caḷĕk arṣa jinĕmpariŋ | duk tumiyaŋ jaṇṭayu alon liṅira ||

3. hèḥ ramawijaya sira | aywa saṅsaya iŋ mami | iṅsun iki kaga raja | ruṅunĕn pitutur mami | yèn sun naréndra pĕkṣi | kaŋ paparab śri jaṇṭayu | iṅsun mĕntas ayuda | lan dasamuka narpati | purwaniŋ praŋ putri mantilidiṛĕja ||

4. cinidra lan dasamuka | taṅisé anèŋ wiyati | sasambat rama ḷĕkṣmaṇa | susuḷĕn ṛĕbutĕn mami | aṅguŋ naṅis jrit añjrit | dadya ṅrĕs iṅsun aṅruṅu | karana dasarata | mimitra kalawan mami | ana taṅis sambat dasarataputra ||

5. kagyat sumuṅsul iŋ tawaŋ | rahwana iṅsun tututi | kacaṇḍak anèŋ gagana | iṅsun maṅsaḥ iŋ ajurit | ramé praŋ iŋ wiyati | siliḥ rok rumĕkĕt daṅu | sun patuk si rahwana | bahu trus lambuṅé kĕni | lambuŋ bĕñcaḥ raḥnya drĕs tibèŋ bantala ||

6. dèwi śinta nèŋ géṇḍoṅan | iṅaliḥ mriŋ rata aglis | dasamuka kaprajaya | sukĕr ambĕkta saŋ dèwi | anulya ṅoŋ tandaṅi | ratané sun ḍupak ṛĕmuk | kabèḥ tibèŋ bantala | turăṅga yĕkṣa kèḥ mati | dèwi śinta sampun kacaṇḍak déniṅwaŋ ||

7. sun géṇḍoŋ ṅayuḥ gagana | dadya ḷĕmpĕr ibĕr mami | kèwĕdan gawa saŋ ṛĕtna | si rahwana iṅkaŋ kanin | păñcasonané dadi | dagiŋ otot baluŋ putuŋ | winatĕk păñcasona | kaŋ pĕgat atuṅtum maliḥ | nulya mĕsat anututi maraŋ iṅwaŋ ||

8. nulya kacaṇḍak maliḥ praŋ | aṅrĕbut putri mantili | apan suda ibĕr iṅwaŋ | katututan iŋ wiyati | pinraŋ căndrasa mami | sĕmpal siji bahuniṅsun | capé paṅgéṇḍoŋ iṅwaŋ | dèwi śinta kĕna maliḥ | apan uwis binĕkta maraŋ ṅaḷĕṅka ||

9. iṅsun tiba riŋ bantala | déné saṅĕt iṅkaŋ kanin | jaṇṭayu wahu sawusnya | pitutur nulya ṅĕmasi | ramawijaya nĕṅgiḥ | lan ari ḷĕkṣmaṇa ṅuṅun | mulat iŋ saŋ kagéndra | déné tégané iŋ pati | dyan rinaṅkul mriŋ rama asru karuna ||

10. sasambat ramawijaya | ḍuḥ jaṇṭayu kagapati | asiḥ tĕmĕn amimitra | mantĕp aṅlabuhi pati | kalulut iŋ ramaji | nĕdya tumĕraḥ mariṅsun | iya déwa bhaṭara | waḷĕsĕn iŋ swarga luwiḥ | iŋ patiné kagéndra satya susatya ||

11. satriya ramawijaya | lan ari maṅarṣan aglis | suŋ urmat iŋ pĕjahira | pun jaṇṭayu kagapati | kumutug dupa agni | waṅké jaṇṭayu tinunu | pinintakakĕn swarga | muṣṇa wahu ta winarṇi | lampahira satriya ramawijaya ||

12. nusup aris lampahira | ḷĕstari woŋ aguŋ kaliḥ | satriya rama ḷĕkṣmaṇa | awiraṇḍuṅan samargi | tansaḥ maṇḍĕg anoliḥ | gandruŋ gandruŋ amaṅuṅkuŋ | tumon pĕkṣi mañura | jalalatan amĕrmĕki | pĕkṣi mĕsat woŋ aguŋ kari aṅgana ||

13. anon kaŋ pĕkṣi déwata | kumalébat nèŋ wiyati | kadandapan aṅandika | hèḥ yayi sumitrasiwi | iku dutaniŋ putri | ṅusadani lara gandruŋ | daṅu datan katiṅal | sumaput panoniraris | asaḍépok nèŋ ṅaṇḍapiŋ kayu téja ||

14. astanira iṅkaŋ kanan | ṅoyog oyog ṅandikaris | hèḥ kayu téja ta sira | apa nora dèn wĕliṅi | mariŋ putri mantili | asuŋ usadaniŋ gandruŋ | èṅĕt nulya lumampaḥ | ana sikatan kahèkṣi | pinaranan pamuwusé ṅĕla ĕla ||

15. yayi mantilidiṛĕja | baya sira lagi prapti | paranta duhkitaniŋ tyas | saṅĕt añĕṇḍu iŋ dasiḥ | sahuṅkurira gusti | iṅsun tansaḥ gandruŋ gandruŋ | baya mriŋ éndraloka | ṅambil usada sĕjati | ṅusadani iŋ dasiḥ gandruŋ asmara ||

16. kumĕñut èṅĕt sakṣana | lumampaḥ woŋ aguŋ kaliḥ | kaŋ rayi tansaḥ nèŋ wuntat | amaṅgiḥ ditya nèŋ margi | bahu pañjaŋ tan sipi | anama pun dirgabahu | guŋ măṅsa buron wana | wana kaŋ iṅambaḥ gusis | sato mawut dirgabahu amamăṅsa ||

17. astanya aṅayuḥ marga | pañjaṅé aṅliliwati | mulat saŋ ramawijaya | taṅan ditya malaŋ margi | ṅunus katganira glis | pinĕraŋ pun dirgabahu | pĕḍot tumibèŋ ḷĕmaḥ | waluywa cintrakanèki | dirgabahu punika apan jawata ||

18. lumraŋ katon téjanira | sariranira kahèkṣi | kadya saŋ Hyaŋ diwaṅkara | kagèta satriya kaliḥ | jawata tatañaris | iŋ ṅĕndi sira mas putu | wijil lan karyanira | pagéné anèŋ wanadi | dyan sumahur woŋ aguŋ ramawijaya ||

19. tutur mula mulanira | miwiti malaḥ mĕkasi | gantya saŋ ramawijaya | tatanya umatur aris | sintĕn tuwan puniki | déné cahyané kalaṅkuŋ | lir basănta purṇama | miṅis sĕḍĕṅé ḍaḍari | sulap iṅkaŋ wadana andiwaṅkara ||

20. sumahur saŋ Hyaŋ jawata | iṅsun anak bhaṭara śri | marmané kĕna iŋ mala | duk saŋ Hyaŋ guru caṅkrami | pan iṅsun aṅlaṅkahi | maraŋ wawayaṅanipun | dadya kĕnèŋ supata | rupa ditya iṅsun nuli | dèn ḍunakĕn sakiŋ iŋ éndrabawana ||

21. satriya ramawijaya | maṅrĕpa umatur maliḥ | kawula dipun rojoṅa | paran wĕkasiŋ gĕŋ kiṅkin | punapa ta pinaṅgiḥ | iṅkaŋ dadya gĕṅiŋ wuyuŋ | myaŋ sirṇaniŋ niaya | ḍuṣṭa mamak cidrèŋ bumi | jawata ṅliŋ maṇṭuk maṇṭuk awawarta ||

22. mas putu nastapaniṅwaŋ | paṅèstuniṅsun sawitniŋ | kabèḥ kasraha iŋ sira | iya pan bésuk pinaṅgiḥ | rajaputri mantili | nèŋ ṅaḷĕṅka ĕṅgènipun | pinètiŋ dasamuka | marga praŋ gĕḍé iŋ béñjiŋ | kapaṅgihé putri mantilidiṛĕja ||

23. mriṅa gunuŋ ṛĕkṣamuka | pun bésuk sira dèn uṅsi | ana palwagadiṛĕja | sudira prawirèŋ jurit | balané tanpa wilis | puṅgawa wré anuŋ anuŋ | kabèḥ maha saktiman | prabhuniŋ wré sura sĕkti | widigdaya sira narpati sugriwa ||

24. iŋ maṅkya duk maṅun brăṅta | sugriwa śri narapati | dukacipta kaya sira | garwané pinètiŋ ṅuni | ana wanara bali | pan iya kadaṅé sĕpuḥ | ḍuṣṭa cidrèŋ buwana | sura sĕkti wré subali | apan iku bésuk mati déniŋ sira ||

25. śri mahaprabhu sugriwa | sor muṅsuḥ lan wré subali | naṅiŋ kaŋ bala wanara | tan ana trĕṣṇa sawiji | mariŋ wanara bali | muŋ sugriwa trĕṣṇanipun | dènñambĕk sadu budya | aṅlabuhi lara pati | mriŋ sugriwa saguṅé bala wanara ||

26. sugriwa mahardikèŋ rat | pinaṇḍita wré sayĕkti | sugriwa pama andaka | lawuŋ naṅiŋ agĕŋ braṅti | sira wéha wiwiniḥ | ilaŋna prihatinipun | dadi mĕtu anaknya | andaka sira duwèni | sakarṣanta dadi tĕmpuḥ anèŋ karya ||

27. iya bésuk mitranira | sugriwa ṅĕntasi kardi | mulané kalulutana | sugriwa mitranĕn paṣṭi | ṅlabuhi lara pati | sugriwa sabalanipun | wré sadu ambĕk santa | prakosa prawirèŋ jurit | sugiḥ bala wré dibya prabhu sugriwa ||

28. katĕmu sakarṣanira | iku wuwuṣku sayĕkti | poma poma ilaṅĕna | prihatiné sugriwèki | bésuk iku maḷĕsi | baraŋ ciptamu kĕpaṅguḥ | sawusnya awawarta | muṣṇa wahu saŋ déwa siḥ | nulya maṅkat manusup rama ḷĕkṣmaṇa ||

29. lampahé awiraṇḍuṅan | iṅkaŋ cinipta iŋ galiḥ | asrĕp iŋ tyas sawĕtara | wĕwĕliṅé saŋ déwa siḥ | kasusu gĕŋ niŋ wiṅit | mila tĕmaḥ gandruŋ gandruŋ | lampahé kasaṅsara | anasar nasar iŋ margi | anut rèjèŋ datan kéwran iŋ jujuraŋ ||

30. marga grĕŋ ori sinĕraŋ | nĕmahi rampal arumpil | kombaŋ ṅaras iŋ wulusan | sumĕraŋ ṅiriṅi wukir | èṅĕt kantĕp tyas rujit | maṅu tĕbaḥ jaja gandruŋ | lajĕŋ iŋ lampahira | nulya maṅgiḥ talagadi | samya kèndĕl muṅgèŋ tĕpiniŋ talaga ||

31. toyanya wĕniŋ anawaŋ | kaṭaḥ wowohan sarywadi | anĕḍĕŋ panuṅsuṅira | kadya nambrama kaŋ prapti | yayaḥ aṅusadani | iṅkaŋ maṅguŋ lara gandruŋ | radèn sumitratmaja | amĕṭika kaliḥ maṅgis | sinahoṣkĕn iŋ ṅarṣanira kaŋ raka ||

32. naṅiŋ kaŋ raka tan arṣa | muŋ miyat wĕniṅiŋ wariḥ | tan ana iṅkaŋ kacipta | tan lyan saŋ putri mantili | lajĕŋ satriya kaliḥ | lampahira gandruŋ gandruŋ | miyat ana pĕrtapan | binusanan taru aśri | pala pélag sinilisir kĕmbaŋ kĕmbaŋ ||

33. sinarajèŋ kayu téja | parijaṭa ṅapit apit | lilima añjraḥ iŋ ṅarṣa | paṅguṅé muṅgul ṅuṅkuli | ṛĕsĕp duk aniṅali | maṅsaḥ sarwi gandruŋ gandruŋ | anĕṅgiḥ kaŋ pratapa | punika suwaribraṅti | sakalaṅkuŋ aṅlaṅkuṅi tapanira ||

34. woŋ aguŋ kaliḥ duk mulat | mariŋ saŋ suwaribraṅti | kĕsĕliŋ sayaḥ wus ilaŋ | tumamèŋ satriya kaliḥ | maraŋ suwaribraṅti | hèḥ saŋ tapa sira iku | déné kaliwat liwat | tapanira sira pĕkṣi | sapa iṅkaŋ pitutur maraŋ iŋ sira ||

35. lawan pĕkṣi apa sira | rupanira kaya maṅsi | dènnya guŋ prabawanira | iṅsun mulat iŋ sirèki | sayaḥ iṅsun pan mari | lan paṅĕliḥ iṅsun mantun | tyas iṅsun ora murka | malaḥ sudira riŋ tapi | kudu kudu kĕpéṅin kaŋ kaya sira ||

36. déné wiṅit solahira | nĕtĕpi puja sĕmadi | iṅsun kéliṅan sakala | iya mariŋ guru mami | bagawan tikṣna yogi | apadéné liyanipun | kèḥ puruhitaniṅwaŋ | sira iki sapa maṅsit | gawé tapa luwiḥ sakiŋ guladrawa ||

15. ḍaṇḍaṅgula

1. pan manuṅswa aran kaŋ kadyèki | suwaribraṅti nahuri sabda | iya nora sira bahé | bali bali pan iṅsun | iṅkaŋ prapta iŋ ṅarṣa mami | paḍa oliḥ sabaraŋ | iŋ sakayunipun | kĕna baraŋ kaŋ sinĕdya | iṅsun tutur mulané iṅoŋ pra tapi | ana ṅajak mariṅwaŋ ||

2. garwanipun Hyaŋ wiṣṇu kariyin | duk dinukan sakiŋ suralaya | mriŋ saŋ Hyaŋ guru marmané | paṅléṅgot bawa iku | nalika Hyaŋ guru caṅkrami | maraŋ ṅiṅgiliŋ swarga | sadaya pan tumut | saguŋ kaŋ para jawata | joḍon joḍon garwané Hyaŋ wiṣṇu sisip | ana iŋ pasamuwan ||

3. kĕnèŋ bĕndu tinurunkĕn aglis | maraŋ madyapada kĕnèŋ mala | rupa wĕraha dadiné | kèndĕl ṅuṅsi riŋ gunuŋ | iku iṅkaŋ ṅajak iŋ mami | aṅiṅu maraŋ riṅwaŋ | ana surat iṅsun | pan titiṅgal kuna kuna | guŋ winaca iŋ siyaŋ kalawan ratri | nulya Hyaŋ wiṣṇu mĕdal ||

4. sakiŋ pacaṅkraman duk iŋ ṅuni | umiriŋ guru iŋ pacaṅkraman | nĕdya mulat iŋ garwané | kinèn ta garwanipun | atĕṅgaa ḍasariŋ bumi | sĕḍĕṅé lagi tĕlas | maca suratipun | gustiku nuli palastra | nuli nitis lajĕŋ mriŋ ḍasariŋ bumi | dadi pratiwi nama ||

5. jisimé waḍag wĕraha kari | gĕtihiŋ jisim pan iṅsun paṅan | dagiŋ sarta lan kulité | marmané kĕna iṅsun | iŋ prihatin rupa lir maṅsi | wahu sasĕgahira | duk prapta woŋ aguŋ | kaliḥ saguṅé wowohan | lawan dupa kumutug suwaribraṅti | asru pamuwusira ||

6. hèḥ ta rama asiha riŋ mami | laḥ usapĕn ta wĕdananiṅwaŋ | mulyaa kadi ṅuniné | sigra rama tumanduk | wus iṅusap suwaribraṅti | mulya mamalanira | suwari gya muwus | hèḥ ramawijaya sira | déné bisa ñirṇakkĕn ṛĕṛĕgĕd mami | ñata wiṣṇu bhaṭara ||

7. sasat katon Hyaŋ wiṣṇu majanmi | iṅsun tutur woŋ aguŋ mriŋ sira | kĕpaṅgiḥ sira iŋ tĕmbé | putri mantili iku | sadohané paṣṭi kĕpaṅgiḥ | dadi sakarṣanira | praŋ gĕḍé iŋ bésuk | ḷĕburé nagri ṅaḷĕṅka | iya sakiŋ paṅgawéyanira béñjiŋ | ana wanara raja ||

8. yèku koṇḍaṅira iŋ ajurit | wré sĕkti saŋ narpati sugriwa | tanpa wilaṅan balané | iku mitranĕn tuhu | ratu aguŋ wanarapati | maraṅa ṛĕkṣamuka | sugriwa iŋ bésuk | amoṇḍoṅi maraŋ sira | mĕṅko lagya jĕṅkar sawadyanirèki | sakiŋ guwa kiṣkĕṇḍa ||

9. wusnya pitutur suwaribraṅti | muṣṇa dadi siniŋ suralaya | wahu satriya kalihé | kari agandruŋ gandruŋ | lampahira amuraŋ margi | katampĕk lulutiŋ tyas | gandruŋ amaṅuṅkuŋ | kusumañjraḥ muṅgèŋ awan | pinarwasèŋ maruta mrĕdunya amrik | ṅĕnani saŋ wiyoga ||

10. lir pinĕtĕk kaŋ wardaya rujit | satmata sasmitanya guŋ rimaŋ | maṅu arawat waspané | tumindak gandruŋ gandruŋ | kawiḷĕt iŋ aṅkara kèkṣi | mĕṅgaḥ asayut driya | gandruŋ amaṅuṅkuŋ | sirarya sumitratmaja | wriniŋ gita kaŋ raka tanpa niṅali | nétra kabĕnduŋ waspa ||

11. dadya aris dènira ṅriyini | yayaḥ tumuntun lampahé raka | kaŋ raka nut salampahé | gandruŋ gandruŋ maṅuṅkuŋ | tanpanon rat lulut nampĕki | baraŋ kaŋ kawistara | amuwuhi gandruŋ | kasturi kawĕntar milar | munya sĕlèt woŋ aguŋ kagyat miyarṣi | ṛĕbaḥ ṅisor aṅsana ||

12. ṅandikalon maraŋ iṅkaŋ rayi | yayi sudarṣana ana swara | sumĕlèt sarta gandané | baya kaŋ karya gandruŋ | rajaputri mantili prapti | wĕlas mriŋ saŋ asmara | ṅusadani gandruŋ | ari matur sampun salaḥ | iŋ panarka pan wahu buron kasturi | milar atilar gănda ||

13. sampun sampun anaṅsayèŋ budi | lami datan praptèŋ ṛĕkṣamuka | pijĕr saṅsaya lampahé | kadurus gandruŋ gandruŋ | béñjiŋ yèn wus prapta iŋ wukir | iŋ ṛĕkṣamuka gènnya | gandruŋ amaṅuṅkuŋ | kawigaran anèŋ marga | pijĕr sĕṇḍu tan amriḥ aglisé prapti | iŋ wukir ṛĕkṣamuka ||

14. ramawijaya nahuri aris | ari ḷĕkṣmaṇa ika talaga | tinon akèḥ busanané | uniniŋ bramara rum | lir taṅisé yayi mantili | kukilané sahuran | amuwuhi gandruŋ | guyuné ñatèŋ kakanta | sĕkar añjraḥ iŋ siti găndamrik waṅi | nanduki grananiṅwaŋ ||

15. kadya lukar ukĕlirèŋ ṅuni | iya nimas mantilidiṛĕja | ṅoŋ kagèt ăṅsa uniné | asru naṅsayèŋ gandruŋ | kabèḥ paḍa niayèŋ kami | isiniŋ wana kĕmbaŋ | kĕmbaŋ kayu kayu | kaŋ katiṅalan sadaya | samya karya laraniŋ tyas lir jĕmpariŋ | ṅĕnani iŋ tyas iṅwaŋ ||

16. marutalon saha riris tistis | mawèḥ ṅĕnĕs ṅrurujit tyas iṅwaŋ | aḍuḥ aḍuḥ lahé lahé | paran wasanèŋ gandruŋ | laraniṅoŋ kĕmbaṅiŋ pati | pati pati pantara | pantaraniŋ tuwuḥ | tumuwuḥ tuman kataman | yèn tan ana sihiŋ jawata kaŋ asiḥ | bañjutĕn bañjuṛĕna ||

17. sapa tuluŋ kalalaṅĕn mami | ilaṅĕna walaŋ atiniṅwaŋ | lalunĕn lana ḷĕṅḷĕṅé | ḍuḥ gusti pupujanku | anténana dasihérèki | kagyèt ramawijaya | aniṅali gunuŋ | iŋ ṛĕkṣamuka sukunya | laṅkuŋ priṅga tan kĕna iṅambaḥ janmi | éwuḥ gawat kaliwat ||

18. iṅiṅgahan mriŋ satriya kaliḥ | paṣṭiniŋ déwa sahèstu kĕna | wus muṅgèŋ pucuk ĕṅgèné | gandruŋ gandruŋ maṅuṅkuŋ | datan pĕgat muja sĕmadi | apasraḥ iŋ satitaḥ | ira saŋ Hyaŋ guru | miwaḥ mriŋ sukma kawĕkas | pan sumăṅga iŋ rèḥ molahakĕn ḍiri | ḷĕñĕpiŋ madyapada ||

19. iŋ nalika praptèŋ tigaŋ ari | panĕkuṅira satriya rama | gĕñjotiŋ prabata agroŋ | bayu bajra kumrusuk | prakampita agraniŋ wukir | gĕtĕr patĕr liwĕran | asĕṅara limut | ḍèḍèt érawati ṅakak | alimĕṅan ampak ampak awor riris | samodra aruhara ||

20. ḍĕḍĕt sumĕrambaḥ kilat ṭaṭit | asĕṅgani kĕtug pracalita | busĕkan iŋ wana kabèḥ | iŋ tigaŋ ari nutug | siṛĕp surya datan kahèkṣi | kumĕlun dupanira | wahu saŋ maṅuṅkuŋ | kumĕjot trĕpiŋ wardaya | rawat rawat marutaris riris aris | sunar baṣkara mimba ||

21. saŋ asmara mulat ṅanan ṅéri | kawistara priṅganiŋ prabata | ṅuṅun amaṅun onĕṅé | asasmitèŋ maṅuṅkuŋ | wirotamèŋ sĕdya sĕmadi | kunĕŋ gantya winarṇa | saŋ wanara prabhu | sugriwa kaŋ dukacipta | kasor iŋ praŋ lan kadaṅira wré bali | jĕṅkar sakiŋ kiṣkĕṇḍa ||

22. saha bala wanara tan kari | sahĕṅgènnya aṅĕbĕki wana | prabhu sugriwa balané | pan sèwu yuta laṅkuŋ | lawan yuta kapiŋ sakĕṭi | makṣiḥ kĕna dèn wilaŋ | luwiḥ sakiŋ iku | muŋ puṅgawané kéwala | kaŋ iṅétuŋ saguŋ wanara bhupati | tan pahé lan manuṅswa ||

23. solahira aṅlampahi kardi | aṅgĕpira mariŋ ratu miwaḥ | mariŋ puṅgawa sakèhé | apan sajuru juru | wĕwĕṅkoné para dipati | mila kasoran iŋ praŋ | muṅsuḥ kadaŋ sĕpuḥ | tan arṣa aṅadu bala | muŋ praŋ taṇḍiŋ tan nĕdya cidra iŋ jurit | wré narpati sugriwa ||

24. kamituwanya kaŋ pra dipati | kapi anila kapi jĕmbawan | bupatya bot sasaṅgané | wontĕn pulunanipun | sutanira dèwi añjani | wré taruna digdaya | iŋ wĕwéka putus | limpad pasaṅiŋ grahita | apaparab radèn ramadayapati | kapi kapila warṇa ||

25. nadyan taruna asriŋ tinari | sira rahadèn bayutĕnaya | radèn anoman wastané | kaṭaḥ jujulukipun | radèn rama andayapati | wontĕn maliḥ puṅgawa | nama éndrajanu | krĕdana găndamadana | sata bali wisaṅkaṭa lan putakṣi | suséna lan winata ||

26. pun anila puṅgawa uṇḍagi | ṅĕn aṅĕné saŋ kapi anila | tawèŋ wisa sabalané | lan pun arimindèku | pun gawakṣa lan pun sĕmpati | wrĕkṣaba dasaraba | pun gawaya danur | dara miwaḥ darimuka | bimamuka dumṛĕghawa lan késari | kabèḥ prawirèŋ yuda ||

27. samya gĕŋ agĕŋ kagiri giri | datan waŋ waŋ napak jumantara | puṅgawa wré sadayané | widigdaya nuŋ anuŋ | lumraḥ bala añatus kĕṭi | ana amataŋ yuta | mituŋ yutanipun | sabĕn puṅgawa satuṅgal | mila datan kĕna yèn ituṅĕn tulis | saguŋ wanara bala ||

28. narapati sugriwa winarṇi | sahĕṅgèné tansaḥ ulaḥ puja | tan lali iŋ bhaṭarané | pan saṅĕt ambĕk sadu | iŋ nalika śri narapati | sugriwa antuk lamat | sajroniŋ maṅuṅkuŋ | manĕkuŋ ujariŋ swara | hèḥ sugriwa luwara kiṅkinirèki | iŋ kéné aṅuṅsia ||

29. loriŋ gunuŋ maliawan iki | ana satriya sakiŋ ṅayodya | ramawijaya namané | kalawan kadaṅipun | nama radèn sumitrasiwi | yèku sarananira | tan lyan sakiŋ iku | munahkĕn duhkitanira | wus prayogya iŋ sakarṣanira kĕni | pantĕs èstunĕn pada ||

30. nadyan dĕlahan iku pinaṅgiḥ | satriya iku muṣṭikaniṅrat | aṅgĕpĕn jawata déné | muŋ iku paṣṭinipun | kaŋ matèni wanara bali | sugriwa sawusira | uṇḍaŋ balanipun | buḍal maraŋ maliawan | saha bala kadya robiŋ jalanidi | giri rèḥ gara gara ||

31. otĕriŋ kaŋ pratiwi lir goñjiŋ | sakiŋ guṅirèŋ bala wanara | maḷĕdug buron alasé | kadya prabata kapuk | katĕrajaŋ prahara aṅin | mawut saparan paran | wré ṛĕbut dĕlaṅguŋ | gumuntur kaŋ prakampita | prabata guŋ maṅgut maṅgut groṅiŋ bumi | maṇḍĕloŋ kombak kambak ||

32. tan kawarṇa lampahirèŋ margi | sampun prapta gunuŋ maliawan | kèbĕkan wanara gĕbèl | samya sahosanipun | wanara kaŋ para dipati | ĕṅgèné ratunira | pasaṅgrahan aguŋ | tata trĕp bala wanara | sigra wahu radèn ramadayapati | iṅutus mriŋ kaŋ paman ||

33. moṇḍoṅana satriya kĕkaliḥ | iṅkaŋ anèŋ gunuŋ ṛĕkṣamuka | anoman tur sĕmbaḥ lèṅsèr | tanpa wadya wus mabur | lampahira mĕdal wiyati | umyus kaŋ bayu bajra | sĕmpal kaŋ pokaḥ puḥ | kayu puḥ kyèḥ kaparapal | kayu kayu rug ṛĕbaḥ rampal kaŋ rumpil | grĕŋ ori ori rampal ||

34. dé prabawèŋ ramadayapati | pantĕs prayoga lamun dinuta | tanpa wadya bayu bahé | anut saparanipun | prapta ṛĕkṣamuka tumuli | tumiyup mariŋ ṅaṇḍap | anoman aṅuṅun | andulu éwuḥ iŋ marga | ĕndi ana manuṅswa ṅambaḥ iŋ ṅriki | kabèḥ gunuŋ jinajaḥ ||

35. nulya paṅgiḥ satriya kĕkaliḥ | radèn ramadayapati maṅsaḥ | tumamèŋ maraŋ ĕṅgèné | saŋ ramawijayèku | wus atata sami aliṅgiḥ | anoman atatanya | hèḥ saŋ ambĕk sadu | iŋ pundi marga paduka | koṅsi sagĕd miṅgaḥ iŋ wukir puniki | gawat kaliwat liwat ||

36. nadyan si bhaṭara surapati | măṅsa puruna mriŋ ṛĕkṣamuka | paranta paṅupayané | liriŋ pakèwĕdipun | ṛĕkṣamuka aṅlalaṅkuṅi | jro juraŋ juraŋ guwa | kyèḥ ṛĕkṣasanipun | ula gĕŋ banaspatinya | kayu kayu aruṅkud kèḥ ori rumpil | siṅa warak andaka ||

37. iṅkaŋ sami aṅaḍaŋ iŋ margi | moṅira samya krura mamăṅsa | sĕsĕṅkan juraŋ pèrèṅé | watu watuné luñu | tur tumawiŋ miriŋ aṅgawiŋ | tan kĕna iṅañcikan | watuné gumluṇḍuŋ | tĕla tĕla isi ula | idĕkana piṅgiré añĕmbur sami | ulanya galak galak ||

38. sakiŋ ṅĕndi gonira ṅuṅgahi | ana kĕḍik iku iṅkaŋ rata | tan kobĕr déniŋ gajahé | maraŋ talaga adus | pan atusan kaŋ wira wiri | pĕluk pĕluk piṅgirṇya | juraŋ luñu luñu | yèn gocèkana wiwitan | wiwitané aṅgawiŋ tur paḍa ĕri | ĕriné mawa upas ||

39. witiŋ kayu piṅgir paraŋ curi | yèn ñaṇḍaka wité sol kéwala | paḍas laṇḍĕp ṅatut bahé | tumibèŋ juraŋ iku | rasĕkṣiné bañjur nampani | liyan sakiŋ paduka | măṅsa praptèŋ suku | taṅèḥ gunuṅé praptaa | iṅsun iki aywa mĕtuwèŋ wiyati | nora pisan kaduga ||

40. kunĕŋ liŋnya ramadayapati | aṅandika saŋ ramawijaya | hèḥ babakal sira kiyé | gampaŋ kalawan éwuḥ | apan ana iṅkaŋ akardi | yèn wania iŋ gampaŋ | wĕdia iŋ éwuḥ | sabaraŋ nora tumĕka | yèn antĕpĕn gampaŋ éwuḥ dadi siji | iŋ purwa nora nana ||

41. wruhanira hèḥ sadu sun iki | piyarṣakna iya wuwus iṅwaŋ | marmané prapta iŋ kéné | ana ratu pinuñjul | sumbagèŋ rat pinaṇḍitadi | mahambĕk santya budya | paramartèŋ wadu | iŋ ṅayodya dasarata | saliriŋ kaŋ wasésa sura kamuktin | baraŋ kamulyan ana ||

42. sugiḥ putra samya sura sĕkti | măndraguna ari ṅoŋ sadaya | iya amuŋ iṅsun ḍéwé | tan sayogya tur puṅguŋ | tinuduḥ iŋ rama saŋ aji | méntara mariŋ wana | rumĕkṣa iŋ wiku | bagawan yogi sutikṣna | pan rumĕkṣa pĕrtapan lan ari mami | katiga garwaniṅwaŋ ||

43. dèwi śinta putri iŋ mantili | ḍinuṣṭa maraŋ rajèŋ ṅaḷĕṅka | mulané ṅoŋ praptèŋ kéné | radèn anoman muwus | hèḥ satriya karya ṅoŋ iki | ana wanara raja | bali prawiranuŋ | tanpa sasamèŋ ayuda | pan aṅrĕbat iŋ garwané ratu mami | śri naréndra sugriwa ||

44. sakiŋ jrihé muṅsuḥ bali sĕkti | pan kapiṇḍoné kadaṅé tuwa | mila jĕṅkar sabalané | punika kaŋ aṅutus | amoṇḍoṅi paduka maṅkin | iṅgiḥ adrĕŋ sumĕmbaḥ | iŋ suku manĕkuŋ | paṛĕŋ ḷĕburé padanta | tur kawula yogya mitranĕn sayĕkti | paduka nugrahana ||

45. maha pinardika sadu budi | arjèŋ kaŋ driya prabhu sugriwa | lumampaḥ iŋ sapakoné | sakiŋ gĕṅé tyas tuhu | yèn maṅgiha pitutur niti | mitraa aṅaṅgĕpa | iŋ gusti kadyèku | ḷĕbur ṅayahan paduka | tan kumĕḍèp aṅsaḥna muṅsuḥ dityaji | anut sabaya pĕjaḥ ||

46. riwusnira anoman dènnya ṅliŋ | ḷĕga tyasira ramawijaya | saṛĕŋ ta wahu aṅkaté | ṛĕkṣamuka kapuṅkur | samya ḍarat woŋ aguŋ katri | bayu bajra ruhara | mĕsĕs lésus lésus | wrĕkṣa papal kaparapal | suka miyat ramawijaya lan ari | risaŋ sumitratmaja ||

47. praptèŋ maliawan lampahnèki | hoṛĕg saguṅé bala wanara | mulat anoman praptané | lan ambĕkta woŋ aguŋ | ṅumpul maṛĕk kaŋ pra dipati | sugriwa garawalan | amĕṭuk tumuṇḍuk | binĕkta mriŋ pasaṅgrahan | wus atata ḷĕṅgaḥ sugriwa narpati | lawan rama ḷĕkṣmaṇa ||

48. pra dipatya wré atap iŋ ṅarṣi | déné saguŋ wanara sadaya | liya sakiŋ puṅgawané | sasuka sukanipun | ciṅak wahu woŋ aguŋ kaliḥ | mulat bala wanara | gĕbèl iŋ wana guŋ | kahèbĕkan maliawan | mulat suka palwaga kaŋ alit alit | kukur kukur anèŋ paŋ ||

16. paṅkur

1. ṛĕṅrĕŋ gunuŋ maliawan | sapraptané wahu woŋ aguŋ kaliḥ | sugriwa upamanipun | kapanasĕn laminya | wré subali pama diwaṅkaranipun | praptané ramawijaya | sarta sañjatanirèki ||

2. sugriwa mari panasnya | jĕmpariṅé rama iṅkaŋ ṅahubi | yèku pama méga mĕṇḍuŋ | iṅkaŋ añiṛĕp panas | sira ramawijaya suka andulu | pra dipati wré sadaya | warṇané aṅgigilani ||

3. déné wré alit sadaya | tuhu mosil patiŋ palaṅkruk sami | ṅaluṅakĕn kacaṅipun | cĕṅkir tĕbu pinuṇḍak | kèḥ solahé maṅkana wahu saŋ prabhu | sugriwa amoŋ kutugnya | dupa pala waṅi waṅi ||

4. tutug sahubayanira | amor tuhu miwaḥ sapati urip | lahir batin saṛĕŋ gĕmpur | wus tĕguḥ kalihira | sira prabhu sugriwa kudu nomipun | ramawijaya kaŋ tuwa | sugriwa umatur aris ||

5. hèḥ pukulun uniṅaa | kasĕktèné iṅgiḥ wanara bali | tan ana papaḍanipun | nĕṅgiḥ rikèŋ triloka | botĕn sakiŋ mĕmĕdosi guṅguŋ muṅsuḥ | sakiŋ sayĕktiniŋ guna | sakiŋ gĕŋ marmané dasiḥ ||

6. trĕṣṇèŋ kawula mimitra | kawruhana sĕktiniŋ muṅsuḥ nĕṅgiḥ | ṅuni bantiŋ gajahipun | iṅgiḥ bhaṭara éndra | kadi ñĕgut garintiŋ upaminipun | tur nalikané sriŋ tapa | sarirané kuru akiŋ ||

7. nĕpak gunuŋ sèwu sirṇa | wontĕn satrunira Hyaŋ éndra ṅuni | yakṣéndra mésasura wus | sirṇa lan jaṇṭasura | mila datan kaŋ ṅĕn aṅĕn pĕjahipun | sintĕn ta kaŋ ṅasoṛĕna | yudané wanara bali ||

8. iŋ maṅkya prapta paduka | kadi kadi cipta kawula yĕkti | pun wré bali pĕjahipun | sakiŋ panaḥ paduka | iṅgiḥ panaḥ iṅkaŋ sakiŋ mahawiku | kawula ñuwun pratăṇḍa | panahĕn ĕtal puniki ||

9. dyan rama ṅĕmbat gaṇḍéwa | tiniyaṅkĕn tal pitu jinĕmpariŋ | tatas kabèḥ tal pipitu | liwat naratas tatas | laṅkuŋ suka prabhu sugriwa andulu | sigra aṅuṇḍaṅi bala | kumrap saguŋ wré bhupati ||

10. aṅuṇḍaṅi sowaŋ sowaŋ | iŋ balané kumrutug iŋ wanadri | gora wrĕkṣa kayu kayu | otĕr ron maputĕran | prabawané wadya wré kaŋ samya ṅumpul | lir jawaḥ swara solaḥnya | gumĕrgut aṅgigirisi ||

11. buḍal paṅañjuriŋ apraŋ | pun winata kalawan sata bali | pituŋ yuta balanipun | iŋ wuri tan pétuṅan | pĕtĕŋ ḍĕḍĕt aruhara iŋ wana guŋ | nĕdya mriŋ guwa kiṣkĕṇḍa | ṅrabasèŋ wanara bali ||

12. bali kĕboya wunuwan | ṅrĕrégoni mariŋ puja sĕmadi | ramawijaya puniku | pama kinèn rumĕkṣa | mriḥ sidané kaŋ pinriḥ jro pujanipun | dèwi tara kaŋ upama | pinriḥ sajroniŋ sĕmadi ||

13. woŋ aguŋ kaliḥ tan tĕbaḥ | lampahira lan sugriwa narpati | ginaṛĕbĕg puṅgawa guŋ | iŋ kanan kériŋ atap | lampahira gandruŋ gandruŋ kapiraṅu | amaliḥ ciptaniŋ driya | onĕṅé garwa lan jurit ||

14. dadya ṛĕmbĕn lampahira | pan iṅayap déniŋ wré pra dipati | gandruŋ gandruŋ kapiraṅu | mulat prabhu sugriwa | mèsĕmiŋ tyas wruḥ sĕmunira woŋ aguŋ | gandruṅé onĕŋ iŋ garwa | kapiraṅu dènnya jurit ||

15. ṅĕjèpi prabhu sugriwa | pra dipati sadaya kinèn ririḥ | iŋ lampaḥ aja kasusu | asasmitèŋ rumĕkṣa | solaḥ iṅkaŋ gandruŋ gandruŋ kapiraṅu | prapta iŋ guwa kiṣkĕṇḍa | bala wré kaŋ muṅgèŋ ṅarṣi ||

16. muṅgul katon gapuranya | samya piyak wanara tata baris | sumyar makasut matimbun | aglar ṅĕbĕki papan | iṅuṇḍaṅan ṅanan ṅériŋ kapaŋ tĕpuŋ | sugriwa pamit magut praŋ | nĕmbaḥ ṅusapi padèki ||

17. ṅandika ramawijaya | iya yayi mĕtuwa iŋ ajurit | subali dimèné mĕtu | mĕṅko iṅsun umaṅsaḥ | yèn wus katon sun tibanané muṅsuhmu | sugriwa sigra umaṅsaḥ | mĕrpĕki gapuranèki ||

18. muṅgul pĕtĕŋ korinira | palompoṅé tinon ṅébat ébati | sugriwa maṅkrak aṅuwuḥ | mĕré masiṅa nabda | wré puṅgawa sami mĕré sru gumuruḥ | ibĕkan punaŋ gagana | wré bali kagyat miyarṣi ||

19. gadgada mĕré ibĕkan | sigra mijil sira wanara bali | hoṛĕg saguŋ wré andulu | wĕdalé bali raja | sigra paṛĕŋ maṅsaḥ tĕmpuḥ rok paṛĕŋ hrug | rukĕt udrĕg maputĕran | sahut sinahut ṅĕnani ||

20. manĕpak paṛĕŋ manampyal | kosik uwal ramé sĕbit sinĕbit | tarik tinarik manimprut | okol makol manimprat | miṅis maṅas paṛĕŋnya maṅuwil iruŋ | maṅruwĕk iŋ kuku maṅkas | agoñcit puntir pinuntir ||

21. gut gutĕn butĕŋ kaliḥnya | kroḍa nĕkĕk sami asiliḥ piliŋ | garut ginarut maṅrĕṅgut | kaliḥ lir siṅa rodra | raḥnya mrĕbĕl iŋ muka drawayèŋ bahu | mriŋ ḍaḍa kadya kuṅkuma | tan ana kasoran kaliḥ ||

22. satriya ramawijaya | éwuḥ mulat praṅé sugriwa bali | mĕṇṭaŋ laṅkapira maṅu | éwuḥ iṅkaŋ tiniban | iŋ sañjata bok kaliru mitranipun | sugriwa nora karuwan | déné warṇanira sami ||

23. sugriwa sor titiḥ iŋ praŋ | rambut ginaṛĕmus duk pinalipis | mundur sugriwa aṅukruk | raḥnya myas palimar pyas | pinĕṛĕpiŋ jaṅgut pinarwasèŋ untu | saguŋ maharṣi sadaya | kaŋ muṅgwiŋ tĕpiniŋ wukir ||

24. samya manonton mèt kĕmbaŋ | saŋ maṅuyu cantrik samya ṅurmati | ṅudanakĕn arum arum | wahu prabhu sugriwa | prapta nĕmbaḥ ṅarṣaniŋ rama umatur | hèḥ mila paduka cidra | mila botĕn aṅḷĕpasi ||

25. kawula sayaḥ mèḥ pĕjaḥ | pijĕr para tonton pan yuda mami | ramawijaya amuwus | hèḥ yayi iṅsun kéwran | ṅoŋ tujuwa iŋ jĕmpariŋ bok kaliru | déné warṇanira paḍa | kapiran pamanaḥ mami ||

26. yèn mĕṅkono tĕṅĕrana | mèta roṇḍon siraṅgéya sasawi | yèn uwis tatĕṅĕr gupuḥ | payo nuli maṅsaha | aywa walaŋ ati iŋ mĕṅko sun tuju | narpati sugriwa sigra | maṅsaḥ kotbuta maṅĕrik ||

27. tinaḍahan paṛĕŋ tandaŋ | aṅrok rukĕt siyut pipit pinipit | aṅĕpyak ṛĕṅgut rinĕṅgut | koṅkal kontal kinontal | dyan satriya ramawijaya anuju | iŋ bali tanpa tĕṅĕran | iŋ roṇḍon wus jinĕmpariŋ ||

28. kĕna jajanira tiba | saguŋ kaŋ wré mulat wanara bali | yèn tiba surak gumuruḥ | kadya manĕṅkĕr wiyat | rok arga rèḥ jawata ṅudankĕn mĕrdu | manuhara kĕmbaŋ kĕmbaŋ | añjaya jaya masanti ||

29. bali miyat glana lara | hèḥ sugriwa sapa manaḥ iŋ mami | ramawijaya gya rawuḥ | lan ari saŋ sumitra | tĕnaya lan wré puṅgawa ṅayap puṅkur | mĕrpĕki andulu samya | mriŋ wanara bali kanin ||

30. ṅĕsaḥ molaḥ gĕlasaran | sarwi mojar ragané baya iki | kaŋ amanaḥ maraŋ iṅsun | wré atub wurinira | sarayané si sugriwa ñata iku | hèḥ satriya ṅĕndi sira | warṇamu anom ṛĕspati ||

17. sinom

1. sumahur ramawijaya | satriya ṅayodya mami | iṅsun dasarataputra | sru aṅliŋ wanara bali | pan sarwi mĕmpis mĕmpis | kaniné iŋ jaja tĕrus | ṅiŋ paṅucapé rosa | hèḥ pagéné ta sirèki | satriyadi gawé tindak liwat niṣṭa ||

2. juti juti sru druwaka | hèḥ pagéné manaḥ mami | apa dosèṅoŋ iŋ sira | manaḥ tanpa dosa yĕkti | iṅsun aṅruṅu ḍiṅin | yèn satriya sura sadu | yogya ṛĕkṣakaniṅrat | mĕṅko sun wĕruḥ pribadi | dadi salaḥ kaŋ ṅucap bĕcik iŋ sira ||

3. yèn sira guru paṇḍita | mĕṅkono tékadirèki | yèku paṇḍita kasuṅsaŋ | sukĕr pamulaṅé sisip | pĕḍĕs bahé kaŋ dadi | wuruké paṇḍita biṅuŋ | laḥ iya ṅĕndi ana | wèḥ lara tanpa dosèki | nora wiraŋ dènira durakèŋ jagad ||

4. lirira ana iŋ wana | tĕgĕsé ala sayĕkti | apan bapanira nata | pinaṇḍita kramaniti | yèn bĕcika sirèki | paṣṭi yèn ginawé ratu | sira anaké tuwa | tĕka kaŋ anom kinardi | si barata kaŋ maṣṭi mahardikèṅrat ||

5. iṅsun apraŋ lan sugriwa | tĕka sira salaḥ kardi | tutuluŋ wré tan sĕmbada | wré ḍuṣṭa cidra iŋ bumi | mĕkṣa dèn kaluluti | pratăṇḍa budimu kaṭuŋ | gĕlaḥ gĕlaḥ iŋ jagad | tan boḍo bapakmu ṅuni | nora sisip sira dèn tuṇḍuŋ iŋ wana ||

6. yèn sira satriyotama | tĕka tan wiraŋ iŋ bumi | lan sorotiŋ diwaṅkara | tan isin gĕbyariŋ sasi | lan aku apraŋ iki | lan sugriwa kapiŋ sèwu | pan ora dadi apa | jĕr apraŋ lan kulit dagiŋ | amuŋ sira kaŋ tĕtĕp duṣkartaniṅrat ||

7. déné ta muṣṭikaniṅrat | yèn ñata ñata sirèki | ri èŋ dasarataputra | sayĕkti kĕmbaṅiŋ bumi | lawan nĕdya sirèki | kasidané munaḥ satru | ṅaḷĕṅka dasamuka | tĕka pijĕr salaḥ kardi | amatèni palwaga datanpa dosa ||

8. yèn iṅsun apraŋ tuhuwa | mĕtokkĕn kadibyan mami | akasa bumi kasapta | wukir miwaḥ jalanidi | yèn iṅsun nĕdya budi | kabèḥ iki dadi mĕrtyu | sirṇa iŋ kroḍaniṅwaŋ | laḥ ĕndi bĕnĕrirèki | prataṇḍamu pati opèn salaḥ karya ||

9. tan oliḥ mriha wĕrdyèṅrat | ilaŋ bĕnĕrmu pranatis | kasantaniŋ sadu sirṇa | wanara bali wusnya ṅliŋ | ramawijaya aglis | maṛĕpĕki alon muwus | hèḥ pantĕs lamun sira | wré tan wĕruḥ ṅala bĕcik | iṅsun manaḥ iŋ sira tan nĕmu papa ||

10. jati jatiniŋ satriya | utama iŋ ṅuni uni | kaŋ sun nut sun tĕpa tĕpa | nora dosa ṅoŋ matèni | maraŋ iŋ sira iki | kabèḥ isiniŋ wana guŋ | iṅkaŋ alaku ala | kaŋ anĕdya mĕlarati | iya mariŋ sasama samèŋ tumitaḥ ||

11. aja simaniŋ yèn kĕnas | liyané iṅsun patèni | kabèḥ pakéwuḥ iŋ alas | sun kalani sun susugi | sun buru sun pikati | mriḥ kĕnané sadayèku | sawadiné kĕnaa | susukĕr kaŋ malarati | sarupané kaŋ durṣila satruniṅrat ||

12. lawan iṅsun wus tĕtéla | paṅruṅuniṅoŋ sirèki | wré niṣṭa tar parikrama | sugriwa sira alani | sira misahkĕn ṅuni | sugriwa lan garwanipun | dèwi tara sira lap | tĕtĕp sira anindaki | analutuḥ sirèku duṣkartaniṅrat ||

13. wahu sapamiyarṣanya | sira saŋ wanara bali | paṅandikanira rama | uniṅanira sayĕkti | mĕnĕŋ ṅuṅun tan sipi | nĕmbaḥ nĕmbaḥ umèḥ lampus | hèḥ rama tuhu sira | kĕmbaṅiŋ bumi sayĕkti | laḥ matia subali gĕlaḥ iŋ jagad ||

14. hèḥ sugriwa sukur sira | kinalulut dasarati | sasat bhaṭara maharja | iṅsun iṅkaŋ amimiti | ya iṅoŋ aṇḍiṅini | ruwatiŋ wanaraniṅsun | iŋ bésuk iya tuṅgal | gonira kalawan mami | yèn wus paḍa sinuŋ ruwatiŋ jawata ||

15. iṅsun kaŋ kaliwat ala | wus paṣṭiniŋ jawatadi | atukar lan sahudara | sirantuk pahala yĕkti | déné nora maṛĕṅi | ruwatira lawan iṅsun | iṅsun kaŋ ḍiṅinana | nampani siḥ jawata siḥ | sira yogya milya karyaniŋ bhaṭara ||

16. sawusira amituṅkas | subali ṅĕluṅkĕn aglis | kĕmbaŋ mas mariŋ sugriwa | kaŋ muṅgèŋ jaganirèki | sugriwa anampani | kĕmbaŋ mas dinokok gulu | bali anulya pĕjaḥ | cinatur antuk swargadi | ya ta wahu kaŋ kari bala wanara ||

17. santana wré samya nĕmbaḥ | mriŋ subali kaŋ wus lalis | waṅké tinunèŋ pañcaka | maṅkana śri narapati | sugriwa wus sumiliḥ | iŋ kaḍatonira prabhu | kiṣkĕṇḍa kaŋ ayasa | prabhu mésasura ṅuni | laṅkuŋ aśri kaḍaton kèḥ sarta boga ||

18. woŋ aguŋ kaliḥ ṅaturan | mriŋ pura kalaṅkuŋ gĕŋ siḥ | sugriwa wuwuḥ bĕktinya | kapati riŋ nrĕpasiwi | écanira wus paṅgiḥ | lawan dèwi tara iku | naṅiŋ sampun ababar | wawratanira wus lami | mĕdal jalu anama radèn aṅgada ||

19. ḷĕstari ta putranira | bali tĕnaya iṅambil | putra mriŋ ramawijaya | pinuṇḍutakĕn bhupati | wanara kaŋ ṅĕmbani | sugriwa ñahosi sampun | bhupati wré druwénda | aṅgaḍuḥ aṅgada nuli | iŋ karṣané woŋ aguŋ ramawijaya ||

20. kapiṇḍoné putranira | ḍiṅin kaŋ paman saŋ aji | iya narpati sugriwa | déné ta kaŋ kapiŋ kaliḥ | dènnya pinuṇḍut mariŋ | ramawijaya satuhu | maṅkana wus ubaya | rama lan sugriwa nĕṅgiḥ | paṅgitiké maraŋ nagari ṅaḷĕṅka ||

21. sugriwa ubayanira | riŋ ramawijaya béñjiŋ | sĕḍĕŋ kĕḍiké kaŋ jawaḥ | kataṅgĕlan ṛĕṇḍĕŋ maṅkin | ramawijaya amit | aṅantosi mariŋ gunuŋ | gunuŋ iŋ maliawan | sinahosan prĕnahnèki | lampahira aṅaṇṭi kapat puṅgawa ||

18. kinaṇṭi

1. gandruŋ gandruŋ kapiraṅu | lampahé woŋ aguŋ kaliḥ | éndrajanu lan winata | anila lan sata bali | lawan bala wré sayuta | kaŋ baḍé anambut kardi ||

2. karya paḍépokanipun | lèr wétan sukuniŋ wukir | sasĕṅkan kaparèṅambat | tĕṅaḥ tĕṅaḥ awĕradin | nĕṅgiḥ limaŋ atus cĕṅkal | toyañjog baḍé kinardi ||

3. gandruŋ gandruŋ kapiraṅu | lampahé samargi margi | éndrajanu lan winata | anila lan sata bali | saṅĕt wĕlasnya tumiṅal | iŋ gusti kabyatan wiṅit ||

4. gandruŋ gandruŋ kapiraṅu | kagyatiŋ mañura muni | cĕṅoṅoŋ sumĕbut mĕsat | kadandapan duk niṅali | katon risaŋ mawèḥ rimaŋ | kusuma putri mantili ||

5. kunĕŋ iṅkaŋ kapiraṅu | wahu ta iṅkaŋ winarṇi | kapibala akèḥ prapta | kaŋ wus samya ṅariyini | sukuniŋ wukir lèr wétan | lajĕŋ sami nambut kardi ||

6. wahu ta saŋ kapiraṅu | woŋ aguŋ lampahé prapti | kèndĕl muṅgèŋ pasaṅgrahan | prabhu sugriwa iŋ ṅuni | ṅantosi kaŋ nambut karya | kapi anila aṅrakit ||

7. nalikanira iŋ dalu | woŋ aguŋ maṅsaḥ sĕmadi | siṛĕp kaŋ bala nawara | sadaya wus samya guliŋ | nadyan truna sudarṣana | wus daṅu dènira guliŋ ||

8. kukusiŋ dupa kumĕlun | ṅĕniṅkĕn tyas saŋ apĕkik | kawĕṅku saguŋ jajahan | naṅiŋ saṅĕt aṅikibi | saŋ ṛĕsi kanékaputra | kaŋ añjog sakiŋ wiyati ||

9. kagyat risaŋ kapiraṅu | pinĕṅkul kinĕmpit kĕmpit | ḍuḥ saŋ ṛĕtnaniŋ bawana | ya ki tukaŋ walaŋ ati | ya ki tukaŋ ṅĕnĕs iŋ tyas | ya ki tukaŋ kudu gĕriŋ ||

10. tĕka dadak milu milu | kaya polahé woŋ cĕplik | lali yèn kaḷĕṅkaniṅrat | iŋ bawana amurwani | muṣṭikaniŋ jagad traya | ḍĕmĕn lalèn săṅgaruṅgi ||

11. sun iki ṅĕmbani wuwus | déra saŋ Hya otipati | bhaṭara sukma kawĕkas | sira iṅkaŋ dèn pariṅi | nĕṅgiḥ mahosadi lata | paṅuripé woŋ sabumi ||

12. sira arṣa apraŋ pupuḥ | lan ditya ṅaḷĕṅka aji | paṅuripé kapibala | roniŋ lata mahosadi | yèn ana matyèŋ palagan | uṅkulana mahosadi ||

13. waluya iŋ uripipun | kĕna

sira adu maliḥ | tanduṛĕn iŋ ḍépokira | sukuniŋ malyawan wukir | laḥ uwis sira kantuna | narada mĕsat wiyati ||

14. nugraha saŋ kapiraṅu | baḍé tinanĕm pribadi | nadyan ari sudarṣana | datan sinuṅan udani | wusa riŋ sadaya maṅsaḥ | jĕnĕṅi kaŋ nambut kardi ||

15. tan cinatur laminipun | wus paripurṇa rinakit | saguṅé bala wanara | wus samya tinuṇḍuŋ muliḥ | maraŋ iŋ guwa kiṣkĕṇḍa | tan kĕna kari sawiji ||

16. amuŋ sukané woŋ aguŋ | manĕkuŋ badan pribadi | lan ari sumitratmaja | tan kĕna tinuṅgwèŋ dasiḥ | wahu ṛĕṅganiŋ prawata | ḍépoké woŋ aguŋ kaliḥ ||

17. aśri busanané gunuŋ | ḍépoké satriya kaliḥ | pinarṣada jĕjiḍaran | paripurṇa pinarigi | aṅoṅkaŋ talaga dibya | toyanya sumilak wĕniŋ ||

18. binotrawi aṅuṅuwuŋ | akik winĕṅku cĕṇḍani | wagĕdé kapi anila | ṛĕṅganiŋ lalarèn alit | marik kayu apu pita | sapaṅaṇḍap sapaṅiṅgil ||

19. mĕṅkab katrajaŋ iŋ ranu | liṅkap kakapé kahèkṣi | akik wuṅu kaŋ kinarya | sinunduk sinuṅan sĕntil | iṅukir lawan kanaka | anila iṅkaŋ akardi ||

20. aṅubĕṅi toyanipun | iŋ ḍépoké larèn alit | wutahé pan tinalaṅan | akik dadu kaŋ kinardi | ṅaṇḍap sinuṅan gupala | piniṇḍa wanara bali ||

21. jajar kaliḥ gupala guŋ | prasamya akik iṅukir | siji piniṇḍa yakṣéndra | ajĕŋ ajĕṅan aliṅgiḥ | duk winuruk păñcasona | déniŋ saŋ wanara bali ||

22. toyañjog iŋ bahunipun | amaṅgul kaŋ talaŋ akik | bahuné kiwa sadasa | déné bahu kanan sami | sadaya kaŋ dadi ăṇḍa | malipir talaṅiŋ margi ||

23. tibané toya sumawur | sumamburat mĕratani | kanan kériŋ talagéndaḥ | toyané datan lumaris | liyané toya tinalaŋ | pan sadaya rinĕṅga śri ||

24. pĕpĕṭètan amumuṭut | kĕmbaŋ kĕmbaṅé ṅubĕṅi | kayu añaŋ aṅayaṅan | waranayom aṅayĕmi | adas tarawas naratas | katumbar ambabar piṅgir ||

25. cabé cĕṅkèḥ caṇḍana rum | papala kayu tĕgari | sari adas sidawayaḥ | manis kamukus masoyi | iŋ kaḷĕmbak kapulaga | pucak pacar amalipir ||

26. talanira lumut lumut | lamat lamat tan alimit | lana kala kaliwatan | yèn saŋ wira wira wiri | lami laṅlaŋ kĕlaṅĕnan | karoron roron lan ari ||

27. sinambuṅan roniŋ sĕmbuŋ | balumbaŋ baloŋ balimbiŋ | riŋ kulon wuṅlon kilénan | kaloŋ kalu kolaŋ kaliŋ | kali kĕkalèn kaliṅan | ḍukut ḍĕkĕt muḷĕt tĕki ||

28. sĕsĕṅkan pèrèŋ aparuŋ | paraŋ roŋ miriŋ kapériŋ | kĕkaraṅan araŋ araŋ | uruŋ uruṅé priŋ ori | asraŋ sinĕraŋ karaṅraŋ | aṅrĕrèwèŋ uraŋ gariŋ ||

29. bayaṅan bayĕm ṅrĕmbayuŋ | lor durèn arèn kuwèni | rawé rawé iŋ rarawan | kara réwaŋ taru turi | karaṇḍaŋ lir ṅaḍaŋ aḍaŋ | kaḍoṇḍoŋ nĕḍĕŋ asaṇḍiŋ ||

30. béṅok bĕṅuk ṅaṅuk aṅuk | pĕcuk caṅak nucuk caciŋ | kacañcaŋ iŋ añjaŋ añjaŋ | jinuñjuŋ bajaṅan bajiŋ | jalaraŋ mèlu aṅaraŋ | tinaṅgulaŋ iŋ tĕṅgiliŋ ||

31. warak wuru ṅawur awur | kaŋ ṅawĕri kiwir kiwir | kuwur tawur nora tawar | sulur silar tiŋ saluwir | suwari roro kumĕlar | kumĕlasar anĕlisir ||

32. anucuk kĕcapiŋ pucuŋ | kacaruk caraŋ kacĕpit | cacap cucuké kacĕpat | suwak suwèk ṅiwak iwik | maṅap kacaṅap sraṅsraṅan | sinuṅsuŋ iŋ walaŋ saṅit ||

33. ramé bramara marèŋ rum | sumamar sĕkar saruni | sari wuṅu wé wĕwĕṅan | tuñjuŋ baŋ kumambaŋ tĕmbiŋ | kambĕŋ ambĕṅan nèŋ tambaŋ | kaliliŋ kaya ṅaliṅi ||

34. taraté otĕr kabĕntur | bĕntar kéntir intir intir | éntiriŋ toya antara | raraméniŋ irim irim | kĕkiris riris karasan | kadya raras tinon aris ||

35. wétan taṅkilé tumuṅkul | ṅuḷĕŋ kanăṅa kamuniŋ | walikaḍĕp kĕḍap kĕḍap | aṇḍĕṇḍĕŋ kaŋ raṇḍu kuniŋ | tinubiŋ simbar kababar | kĕkajar kadyañjajari ||

36. kidul kandĕl ḍuwĕt ḍuku | jĕruk jirak jambu jali | jambé jajar babañjaran | ĕṅgèné ḍĕmpiŋ agampiŋ | roniŋ suruḥ kadi saraḥ | kumĕlar kélor kumĕlir ||

37. mèḥ dahut mĕndat kadudut | kadawan drawasèŋ aṅin | biyoyot biyĕt abayat | ramawijaya mulat iŋ | kabèḥ kĕlaṅĕniŋ wa | kalaṅlaṅan ḷĕṅḷĕŋ braṅti ||

19. asmaradana

1. tuhu tan kĕna winarṇi | ṛĕṅgané kaŋ paḍépokan | kapi anila wagĕdé | iṅukir pinăñcawarṇa | akik baŋ akik séta | akik dadu akik wuṅu | iṅukir kuku kéwala ||

2. maṅkana woŋ aguŋ kaliḥ | yèn dalu tansaḥ mumuja | sanityasa sĕmadiné | yèn ari aṅéṅgar éṅgar | ṅidĕri kĕlaṅĕnan | gandruŋ gandruŋ kapiraṅu | anon ṅuragé kaŋ sĕkar ||

3. kagagas putri mantili | ḍuḥ miraḥ pupujaniṅwaŋ | paran solahira aṅgèr | apisaḥ lan dasihira | sarwi tumindak ṅétan | gandruŋ gandruŋ kapiraṅu | mulat kayuwapu pita ||

4. ḍuḥ ari putri mantili | kayuwapu tiṅalana | iŋ jĕro ana kakapé | kakap akik kaŋ kinarya | tumindak maliḥ ṅétan | gandruŋ gandruŋ kapiraṅu | mulat toya kaŋ tinalaŋ ||

5. ḍuḥ kusuma maṣkuwari | miyata toya tinalaŋ | pan iŋ ṅuni kaṛĕmĕné | waṅsul maṅilèn sakṣana | ṅubĕṅi pakĕbonan | gandruŋ gandruŋ kapiraṅu | mulat kaloŋ kĕnèŋ kala ||

6. sarwi nucuk kolaŋ kaliŋ | yayi mantilidiṛĕja | gusti kĕlaṅĕnan kaloŋ | kaloṅé iŋ maliawan | uniné kaya kidaŋ | caṅcaṅĕn paṅiŋ kapuṇḍuŋ | aṅgèr pakanana wala ||

7. naṅiŋ aja walaŋ saṅit | manawapĕs nuli pĕjaḥ | pakanana walaŋ gĕñjor | lumampaha ṅidul nulya | mriŋ karaṅjambé jajar | kapiraṅu gandruŋ gandruŋ | mulat suruḥ kadi saraḥ ||

8. ḍuḥ ari putri mantili | sahosan kaŋ jambé sĕḍaḥ | aṇḍĕmpiŋ goniŋ gampiṅé | yayi urabana sĕcaŋ | campur ḍĕḍaranira | ñaṅkiŋ sadak gandruŋ gandruŋ | kapiraṅu tiris dĕnta ||

9. yayi iki cĕṅkir gaḍiŋ | iŋ ṅuni kalulutira | aṅguŋ sinurat puputrèn | piniṇḍa putri magada | ṅunus patrĕm abéla | gandruŋ gandruŋ kapiraṅu | bélané kuraŋ utama ||

10. tan mulat kaŋ dèn bélani | sabĕné kaṛĕmĕnira | daṅu sigra waṅsul ṅalèr | maraŋ iŋ toya pañcuran | priŋ ori kaŋ kinarya | kapiraṅu gandruŋ gandruŋ | miyat sĕluriŋ karaṅraŋ ||

11. aṅrĕrèwèŋ uraŋ akiŋ | miraḥ sira tiṅalana | iki sĕmut asĕsĕmon | sosomahan amèt măṅsa | sigra kundur sakṣana | gandruŋ gandruŋ kapiraṅu | kaŋ diwaṅkara diwasa ||

12. prabané sumirat kuniŋ | agoñjiŋ mustakanira | kaŋ ima wilis duk katon | trĕñuḥ tyasira tumiṅal | kadya kaŋ salaŋ salaŋ | kaŋ akarya lara gandruŋ | sadalu datanpa néndra ||

13. ḍuḥ gusti putri mantili | paran wĕkasiŋ wiyoga | aṅin ruhara gorarèḥ | dutaniŋ ṛĕtu karyonaŋ | gurṇita anaṅsaya | maṅlawan muwuhi gandruŋ | rarasiŋ wĕdananira ||

14. tumutur gĕbyariŋ sasi | kidaŋ kidaŋ katon tandaŋ | sumĕṅèr tiṅgal uniné | kémutan iŋ swaranira | liman aṅguŋ liwĕran | sun agandruŋ kapiraṅu | katon kawagĕdanira ||

15. lintaŋ sumusup iŋ tasik | kilat limut lamat lamat | umulat kiñcaŋ ta aṅgèr | gandaniŋ kusuma sumyar | mrĕdu nanduki grana | masuk sumusup iŋ jantuŋ | mĕṛĕs rarasiŋ wardaya ||

16. drawayèŋ waspa ṅoŋ ari | aṅon mañura kirab lar | kumĕlap kadya rémané | nalika ukĕl winĕḍar | ḍuḥ mas yaṅyaṅiŋ téja | dasihta guŋ kapiraṅu | tan kawawa nahanana ||

17. anon kuntul kontal kantil | katatal katula tula | katali saḷĕléwané | talaga kocak kalémbak | ṅalabi ḷĕbak ḷĕbak |

maruta saṅsayèŋ ranu | kadya déniŋ imbanira ||

18. kunĕŋ kaŋ aṅguŋ wiyadi | wuwusĕn guwa kiṣkĕṇḍa | śri maha sugriwa katoŋ | lan saguŋ bala wanara | samya muktiniŋ boga | guŋ alit sadaya tuwuk | tan ana winalaŋ driya ||

19. tuwin sugriwa narpati | andon raras karasikan | lan dèwi tara garwané | muktyanèŋ sajroniŋ pura | aṅgada wus diwasa | wus pinacak satriya guŋ | puṅgawa sinuṅan bala ||

20. sinami lawan maruti | balané radèn aṅgada | druwénda bhupati gĕḍé | tĕtĕp ṅĕmbani aṅgada | apan iṅkaŋ paréntaḥ | bhaṭara rama iŋ daṅu | aṅgada pinuṇḍut putra ||

21. warṇané tuhu ṅajrihi | acañcut rowa arikat | kadya baṣkara nétrané | yèn asĕgu kadya gĕlap | gĕtĕr patĕr sahuran | turas prajurit pinuñjul | kinudaŋ iŋ tri bawana ||

22. wadya wanara guŋ alit | amuji radèn aṅgada | méndaḥ iŋ apraŋ boboté | ḍihin anaké prawira | kapiṇḍo kasĕpuhan | iṅambil putra satuhu | iŋ gusti bhaṭara rama ||

23. kunĕŋ sugriwa narpati | wuwusĕn iŋ maliawan | woŋ aguŋ kaŋ awiraṅroŋ | nalika éñjiŋ aḷĕṅgaḥ | lan ari sudarṣana | muṅgèŋ soriŋ nagasantun | kaŋ raka asru ṅandika ||

24. hèḥ yayi sumitrasiwi | tiṅalana laṅit ika | pan wus samya ṛĕsik kabèḥ | yayaḥ budiniŋ paṇḍita | sari wus paḍa ṅurag | kaŋ ăṅsa wus akèḥ mabur | mamriḥ toya mriŋ talaga ||

25. maṅsané katiga prapti | pagéné yayi sugriwa | tĕka lali ubayané | pijĕr amukti wibawa | anèŋ sajroniŋ guwa | baya nora mĕtu mĕtu | tan mulat paḍaṅiŋ wiyat ||

26. déné ubayaniŋ ḍihin | sĕḍĕŋ araŋ iṅkaŋ udan | kapindra saṅgup aṅkaté | amukul nagri ṅaḷĕṅka | iki ta wus katiga | baya ta nora andulu | mariŋ silakiŋ ṅakasa ||

27. paṅuragiŋ sarwa sari | yèn rina tan mĕdal mĕdal | pijĕr muntĕl iŋ paturon | karané tan kahémutan | mariŋ măṅsa katiga | pijĕr nora sĕdya mĕtu | apa tan ajriḥ tumiṅal ||

28. patiné wanara bali | yayi sira lumakuwa | mariŋ kiṣkĕṇḍa dèn agé | si sugriwa ucapĕna | laluné iŋ ubaya | iṅkaŋ rayi nĕmbaḥ mundur | maṅkat ṅécani wardaya ||

29. amikul laṅkap pribadi | pinuṇḍak iŋ bahu kiwa | ñaṅkiŋ jĕmpariŋ tĕṅĕné | kaŋ aran surawijaya | sañjatané ḷĕkṣmaṇa | iŋ marga datan winuwus | prapta iŋ guwa kiṣkĕṇḍa ||

30. bala wré kaṭaḥ udani | praptanira saŋ nararya | malajĕŋ mariŋ kaḍaton | tur uniṅèŋ ratunira | radèn ḷĕkṣmaṇa prapta | sugriwa gupuḥ amĕṭuk | wus kinèn aṅaturana ||

31. lumajĕŋ iṅkaŋ tinudiŋ | woŋ aguŋ wus iṅaturan | lajĕŋ tumamèŋ kaḍaton | hoṛĕg kaŋ bala wanara | samya sahosiŋ karya | sugriwa mĕṭuk tumuṇḍuk | gupuḥ riŋ saŋ wahu prapta ||

32. ṅraṛĕpa sarwi nuṅkĕmi | wahu narpati sugriwa | maṅrahup ṅuswa ḷĕbuné | iŋ suku sumitratmaja | sampun ṅaturan ḷĕṅgaḥ | muṅgèŋ siṅaṅsana murub | prapta glar kaŋ pra dipatya ||

33. sugriwa umatur aris | ḍuḥ aṅgèr raka paduka | jĕŋ gusti méndaḥ dukané | pun patik aṅrahos dosa | mèḥ lalu iŋ ubaya | wuruniŋ ăṅga pukulun | aṅlimputi kaluputan ||

34. wisaya wibawa mukti | araŋ wruḥ iŋ kapuwaran | pun patik kalaṅkuŋ awon | lamun kawula ṅutusa | maraŋ bala wanara | ambaléṅkraḥ gunuŋ gunuŋ | ṅosak asik wana wana ||

35. pintĕn wiyariŋ jaladri | kalaban bala wanara | sumitratmaja liṅñalon | yayi sira iṅandikan | paṛĕṅa lawan iṅwaŋ | sugriwa nĕmbaḥ umatur | suwawi iṅgiḥ sandika ||

36. prabhu sugriwa ṅĕjèpi | umĕsat radèn anoman | miṅgaḥ iŋ gapura gĕḍé | sigra aṅgoyaŋ gaṭita | garjita kapibala | kumrutug sahéṅga jawuḥ | ibĕkan purṇaŋ gagana ||

37. lir guntur nĕṅkĕr wiyati | kumurusuk kumĕrasak | kadya prahara goragroŋ | wanara kaŋ tĕbiḥ gènnya | lalakon pituŋ dina | ḍĕḍĕt prapta susun timbun | iŋ wuri pan dèrèŋ tĕlas ||

38. tuhu tan kĕna winilis | guṅé kaŋ bala wanara | datan karuwan wĕndrané | sèwu kirṇa sèwu wurda | misiḥ kĕna dèn wilaŋ | pituŋ dina piŋ pat kĕmput | tĕbané bala wanara ||

39. radèn ramadayapati | mulat aṅulon aṅétan | aṅidul miwaḥ aṅalèr | saṅkĕp kaŋ bala wanara | tan ana liru prĕnaḥ | iŋ sajuru jurunipun | iŋ wuri makṣiḥ kumĕrab ||

40. añjog ramadayapati | sakiŋ gapura wiwara | wus praptèŋ ṅarṣa prabhuné | asasmita wus samĕkta | ambĕkta siṅaṅsana | sahosané saŋ ahulun | pinaṅgul wanarèŋ wuntat ||

20. paṅkur

1. buḍal narpati sugriwa | saha bala lir robiŋ kaŋ jaladri | kumrusuk sahéṅga jawuḥ | prahara tibèŋ wana | pra dipati aṅgoloŋ sajuru juru | radèn ḷĕkṣmaṇa widagda | tan tĕbiḥ lan narapati ||

2. sugriwa ḷĕpas lampaḥnya | tan winarṇa iŋ marga sampun prapti | muṅgwiŋ maliawan gugu | saguŋ bala wanara | kadya jawaḥ ṅĕbĕki wĕṅkoniŋ gunuŋ | agĕbèl tanpa wilaṅan | wana juraŋ juraŋ tĕrbis ||

3. kèbĕkan bala palwaga | śri bhupati sugriwa maṅsaḥ aglis | lan saguŋ puṅgawanipun | kérid sumitraputra | praptèŋ ṅarṣanira ramawijaya wus | gupuḥ anuṅkĕmi pada | umatur aṅasiḥ asiḥ ||

4. ḍuḥ gusti bhaṭaraniṅwaŋ | nuwun pĕjaḥ pun patik laṅkuŋ sisip | iŋ ubaya datan tuhu | pijĕr aṅéca éca | laṅkuŋ sakiŋ muḍa dama muḍa puṅguŋ | tan éliŋ iŋ kaṅnugrahan | iŋ gusti sru aṅlèbèri ||

5. tumĕraḥ jiwăṅga mulya | saguŋ suka muktya boga paṅasiḥ | sakiŋ gusti kaŋ pinuñjul | taṅèḥ umaṅsuḷĕna | iŋ ḍawuhé marta siḥ sakiŋ pukulun | o gusti satuhu muḍa | wré taṅèḥ wruha iŋ bĕcik ||

6. yèn tan wontĕna akṣama | saŋ ahulun ḍatĕŋ dasiḥ tan yukti | yĕkti tĕmaḥ apapaguŋ | druhaka salaminya | yèn èstuwa paṅapuntĕn saŋ ahulun | ḷĕhĕŋ pun dasiḥ dadosa | lamak samadyaniŋ jurit ||

7. tatawuriŋ ranaṅgana | tan kumĕḍèp tĕmpuḥ nèŋ prabatapi | ḷĕbura tĕmahan awu | botĕn ṅampĕlu nĕdya | ṅiṅkĕdana sañari miwaḥ sarambut | basmi awor iŋ bantala | iŋ ayahan paduka ji ||

8. myaŋ saguŋ bala wanara | sawarṇiné wus sĕdya ḷĕbu pati | katur iŋ karya pukulun | wawaha satus praja | iṅkaŋ kadi ṅaḷĕṅka mimbuha sèwu | tumpĕka sahisiniŋ rat | kaŋ kasăṅga iŋ pratiwi ||

9. kahuṅkulan iŋ ṅakasa | kaŋ kataman déniŋ gĕbyariŋ sasi | kaŋ kasorotan puniku | paḍaṅiŋ diwaṅkara | tan gumiṅsir ḷĕbura ṅarṣèŋ prabhuku | sugriwa sarwi karuna | saguŋ wanara dipati ||

10. mulat prabhuné maṅrĕpa | matur asiḥ nuṅkĕmi padanèki | sadaya samya aṇḍĕku | ḍĕṅkluk sirahé samya | mèpèt siti kĕṭip kĕṭip nétranipun | muŋ buntuté coṅot coṅot | kadya bajul ṅosèk sami ||

11. mèsĕm śri ramawijaya | aṅandika iyapa kaŋ pinikir | balik ta muṅsuhirèku | apa prayoganira | iṅsun darma anut puṅkur iŋ sirèku | wis payo paḍa liṅgiha | sugriwa tur sĕmbaḥ liṅgiḥ ||

12. jajar kalawan ḷĕkṣmaṇa | samya taṅi saguṅé wré dipati | iŋ wuri gĕbèl atĕpuŋ | témbak atap atarab | tanpa waṅĕn kadya wiyat aṅĕṇḍanu | upama samodra wutaḥ | balabar ṅĕbĕki bumi ||

13. saguŋ wanara dipatya | samya kinèn ṅabĕkti saŋ siniwi | anoman maṅsaḥ rumuhun | nĕmbaḥ aṅuswapada | gantya radèn aṅgada sampun tumanduk | saguŋ wré kaŋ pra dipatya | pranata agĕnti gĕnti ||

14. suka śri ramawijaya | mulat saguŋ wré prawira wus prapti | lir gora gambira catur | yayaḥ basmèŋ ṅaḷĕṅka | dé kaŋ bala wanara samya gul agul | samoha maha saktiman | gumrĕgut aṅgigirisi ||

15. lawan ambĕké sadaya | wré guŋ alit ambĕk sapati urip | ratuniŋ wré wus aṅratu | risaŋ ramawijaya | ciptanira ḷĕbur luluḥ iŋ satuduḥ | rama iṅakĕn jawata | suṅkĕmé iŋ pati urip ||

16. sigra narpati sugriwa | aṅĕjèpi bhupati putra kaliḥ | kĕkaliḥ puṅgawanipun | maṅsaḥ maraŋ ṅayunan | radèn ramadayapati kaŋ pĕṅayun | lan radèn balitĕnaya | anila jĕmbawan sami ||

17. palwaga raja ṅandika | hèḥ anoman sira kaŋ iṅsun tudiŋ | maraŋ ṅaḷĕṅka sirèku | iya manawa ana | iŋ jro kuṭa ṅaḷĕṅka titikĕn iku | garwané naréndraniṅwaŋ | gustiku putri mantili ||

18. tĕka iŋ kéné marganya | ṅidul bĕnĕr liwat iŋ jalanidi | kaŋ dadi kaṇṭinirèku | ṅatĕra jaban kuṭa | si aṅgada anila jĕmbawanipun | aywa kèḥ aṅgawa bala | papat gawaa ñakĕṭi ||

19. paḍa wré kaŋ pipilihan | akèḥ akèḥ manawa aṅrubĕdi | aja aḍarat sirèku | mĕtuwa iŋ gagana | si anoman ḍéwé kaŋ bakal maḷĕbu | mariŋ jro pura ṅaḷĕṅka | hèḥ po radèn ṅati ati ||

20. yèn wis liwat iŋ sagara | nuli gunuŋ suwéla komargani | iŋ kono aja katuṅkul | goniŋ buta bĕrduwak | yèn aṅinĕp aywa babaṛĕṅan turu | bĕcik paḍa gagĕntèna | sawusé suwéla giri ||

21. nuli mañjiṅa jro pura | añjĕjĕpa iŋ daḷĕm gĕḍé ḍiṅin | yèn gustimu tan katĕmu | kaputrèn ḷĕbonana | dalajahĕn manawana taṅis kruṅu | paṣṭi yèku dèwi śinta | intipĕn dèn ṅati ati ||

22. intipĕn sakèhé wisma | ruṅokĕna manawana kaḷĕsik | sanadyan ora kapaṅguḥ | paṣṭi antuk kaŋ warta | iŋ ĕṅgoné saŋ putri bok akalipun | kiniwakakĕn manawa | gustimu putri mantili ||

23. wusnya ṅliŋ prabhu sugriwa | sigra ramawijaya ṅandikaris | iya dèn prayitnèŋ laku | sira anèŋ ṅaḷĕṅka | bok pinaṛĕŋ katĕmu maraŋ gustimu | manawa tan ṅandĕl sira | yèn duta saka iŋ mami ||

24. laḥ iki susupéniṅwaŋ | atuṛĕna maraŋ iŋ yayi dèwi | prataṇḍané sira tuhu | yèn utusan sakiṅwaŋ | radèn ramadayapati nĕmbaḥ maju | susupé wus tinampanan | tur sĕmbaḥ kapat bhupati ||

25. mĕsat sakiŋ iŋ ṅajĕṅan | saṛĕŋ buḍal wanara pataŋ kĕṭi | wus tilar ḍaratanipun | anapak jumantara | kadya kilat kumĕlap kabèḥ laripun | kadya baṣkara mapanas | kumĕlap wré pakaŋ kĕṭi ||

26. ṅandika maliḥ sugriwa | mriŋ puṅgawa hèḥ sira sata bali | ṅalora lan sabalamu | suséna aṅulona | si wisata aṅétana sabalamu | alas alas juraŋ juraŋ | gunuŋ gunuŋ kali kali ||

27. osak asikĕn sadaya | manawa dèn umpĕtkĕn rajaputri | paḍa ḍarata sirèku | nĕmbaḥ katri puṅgawa | saṛĕŋ buḍal kumrutug sawadyanipun | tigaŋ bhupati punika | bĕkta bala ñatus kĕṭi ||

28. kunĕŋ kaŋ ṅalor kaŋ ṅétan | kaŋ aṅulon alas dèn osak asik | kali kali gunuŋ gunuŋ | juraŋ juraŋ sadaya | wus kèbĕkan bala wanara kaŋ ṅluru | guwa sami dèn baléṅkraḥ | mriŋ balané sata bali ||

29. lawan balané suséna | lan winata kaŋ sami ṅosak asik | wahu ta iṅkaŋ aṅidul | lampahé saŋ anoman | baliputra anila jĕmbawan sampun | praptèŋ giri warawéndya | luhuré aṅliliwati ||

30. jĕmbaré sasat malyawan | samya kèndĕl saguŋ wré muṅgèŋ wukir | anoman kaŋ măṅka juru | sayaḥ bala wanara | samya ṅambil wowohan anusup nusup | gègèr sahisiniŋ arga | kambaḥ wré kaŋ pataŋ kĕṭi ||

31. ayĕm kaŋ bala wanara | amaṅgiḥ wohiŋ gunuŋ adi adi | lan ayĕm paḍa aṅahub | samya ṛĕbut paṅgénan | iṅkaŋ ṅahub sawĕnèḥ bañjur aturu | puṅgawané kaŋ sĕkawan | agunĕm ruṅsitiŋ margi ||

32. daṅu daṅu samya mulat | ana lawaŋ guwa kyèḥ manuk mijil | kumĕbul andulur dulur | sigra bala palwaga | mulat lawaŋ iŋ guwa samya lumĕbu | kumrutug aruruhunan | praptèŋ jro guwa niṅali ||

33. ana pagĕr katiṅalan | kadi pagĕr gĕḍoŋ tinon aputiḥ | sumunu baswara murub | sigra bala wanara | aṅḷĕbĕti sajroniŋ gĕḍoŋ puniku | amaṅgiḥ iṅkaŋ atĕṅga | woŋ wadon kĕnya satuṅgil ||

34. warṇanira laṅkuŋ éndaḥ | samya mèsĕm wré dènnya aniṅali | sawĕnèḥ samya gumuyu | iŋ wuri tiŋ cukakak | polaḥ polaḥ aṅraraga solahipun | ana iṅkaŋ aṅujiwat | kadya kasmaran gĕŋ braṅti ||

21. asmaradana

1. pawèstri ika ñuguhi | toya kalawan wowohan | toyané laṅkuŋ asrĕpé | awor arum sawatara | kaŋ wré suka sadaya | susuguhé malaḥ tuwuk | tinakèn salakunira ||

2. wanara sahurira ris | pan iṅsun wré maliawan | kinoṅkon iŋ ratuniṅoŋ | bhaṭara ramawijaya | mariŋ nagri ṅaḷĕṅka | marikṣa iŋ garwanipun | dèwi śinta nèŋ ṅaḷĕṅka ||

3. ḍinuṣṭèŋ dasamuka ji | laḥ sira iki woŋ apa | déné ana kéné ḍéwé | tĕka wani tanpa réwaŋ | lan iki sapa karya | tilasiŋ kaḍaton aguŋ | sapa yasa iŋ gapura ||

4. lan sapa aranirèki | sapa nurunakĕn sira | woŋ wadon alon sahuré | iṅsun aran sayĕmpraba | déné ta bapaniṅwaŋ | pan ratuniŋ danawa guŋ | nama prabhu wisakarma ||

5. ibu sumèru suwarṇi | iya iku kaŋ ayasa | kaḍaton upaṛĕṅgané | purwané rusak dinukan | déniŋ bhaṭara éndra | iya déniŋ niru niru | kaṇṭa kaṇṭaniŋ suwarga ||

6. kaḍaton wolu swargadi | mulané pinanaḥ barat | éndra asaṅĕt dukané | dadi rusak malaḥ maṅkya | kari iki kéwala | minăṅka paṅgénan tuṅgu | iŋ guwa iki lan alas ||

7. lawan widadari siji | kaŋ pinăṅka réwaŋ iṅwaŋ | kaŋ sinuŋ pagawéyané | tuṅgu dadi kaṇṭiniṅwaŋ | pakoné saŋ Hyaŋ éndra | yèn sirarṣa aglis rawuḥ | maraŋ nagara ṅaḷĕṅka ||

8. maṅkana dĕliṅirèki | pan wus prabawaniŋ ditya | sanadyan dudu kadaṅé | dudu gusti dudu mitra | yèn ta sami danawa | tuṅgal iŋ pĕṅaṅgĕpipun | déné jinisé kéwala ||

9. tuṅgal paṅulahé sami | naṅiŋ wahu sayĕmpraba | tan arṣa amriḥ rusaké | mariŋ kaŋ bala wanara | mila éwa kaŋ manaḥ | dé miyarṣa lampahipun | wré mariŋ nagri ṅaḷĕṅka ||

10. sayĕmpraba liṅiraris | laḥ iya paḍa mĕtuwa | tĕka iŋ guwa dèn agé | yèn sirarṣa aglis prapta | mariŋ nagri ṅaḷĕṅka | iŋ batin sayĕmprabèku | amasaŋ aji kĕmayan ||

11. laḥ payo tukupa sami | yèn wus paḍa tukup mata | nuli mĕtuwa dèn agé | yĕkti glis praptèŋ ṅaḷĕṅka | wré kabèḥ sami suka | paṅrasanira satuhu | paṅucapé sayĕmpraba ||

12. alaḥ si sayaḥ lumaris | glisa prapta iŋ prabawa | wusnya tukup mata kabèḥ | sigra kinanan kamayan | ajiné sayĕmpraba | wré caḍok sadayanipun | tan wruḥ lor kulon dul wétan ||

13. tan wruḥ lèṅiŋ guwa ajriḥ | kamikĕkĕl sĕḍihira | wus daṅu dyan mata kapèn | tan wruḥ yèn wus mĕtu samya | sakiŋ sajroniŋ guwa | ukur caḍok mamaripun | maṅkya kaŋ wanara bala ||

14. lor kidul datan udani | tanpa budi tutur ilaŋ | sadaya sĕnĕb atiné | riwut jagad iḍĕpira | biṅuŋ biṅḷĕŋ kalintaŋ | aṅgada sĕḍiḥ ambĕkuḥ | laṅkuŋ tanpanon iŋ jagad ||

15. kapi jĕmbawan niṅali | susahé radèn aṅgada | déné kudu pĕjaḥ bahé | méraŋ tiwasé dinuta | kapi tuwa jĕmbawan | dadi suṅkawa 

kalaṅkuŋ | miwaḥ saŋ kapi anila ||

16. sira ramadayapati | mulat iŋ kapi jĕmbawan | wré tuwa susaḥ atiné | anoman mèlu suṅkawa | dadya sadayanira | wanara sĕḍiḥ kalaṅkuŋ | samyambĕk suka pĕjaha ||

17. anèŋ ardi windu sami | aṅur si muliha aran | ṛĕmpĕk kabèḥ panaṅisé | kunĕŋ wontĕn kaŋ kocapa | ratuniŋ pĕkṣi dibya | pinaṇḍita ambĕkipun | nama sĕmpati prawira ||

18. gĕŋnya saprabata siwi | cucuk malaṇḍĕp lir braja | naṅiŋ wuluné baroṇḍol | kalimis lir but ĕmbutan | gigilani winulat | samya jriḥ wré kaŋ andulu | kabubuḥ prihatinira ||

19. déné kaŋ pĕkṣi marani | gĕṅira tur salaḥ rupa | ṅaḍĕp maraŋ wré jaḍoḍot | wré samya asambat sambat | ḍuḥ cacad tĕmĕn paḍa | iṅutus karya tan kantun | pijĕr kĕna iŋ kĕsmala ||

20. duryasa bahé pinaṅgiḥ | adama tanpa budaya | si sayĕmpraba cidrané | aḷĕhĕŋ kabèḥ matia | duta tiwasiŋ karya | cacak si jaṇṭayu manuk | tan iṅutus antuk karya ||

21. pan ika milyambélani | tur nora kinoṅkon iya | sĕprandéné tĕkèŋ layon | iṅsun iki kaŋ dinuta | tiwas tan antuk warta | kawit ḷĕgané tyasipun | jĕŋ gusti ramawijaya || 22. añaré ical saŋ putri | paṅgiḥ jaṇṭayu nèŋ wana | sinuṅan urmat patiné | ika kaŋ antuk utama | hèḥ manuk guṇḍul sira | sariramu mĕmbut mĕmbut | laḥ payo patukĕn iṅwaŋ ||

23. jĕmbawan anila sami | aṅgada marutasuta | samya maṅkana ujaré | hèḥ manuk maṅsanĕn iṅwaŋ | bagya matia samya | marga sakiŋ sira manuk | parandéné ṅĕliḥ sira ||

24. cucukana kabèḥ iki | yĕkti sira nora lapa | yèn waṛĕg kuwat lakuné | cacad sira tan awèha | pati maraŋ wak iṅwaŋ | laḥ agé baḍogĕn iṅsun | urip tiwas ṅur matia ||

25. wanara sawusnira ṅliŋ | sĕmpati lon sahurira | hèḥ wanara wira kabèḥ | babo pagéné ta sira | sotama tan ririṅa | tĕka mampir ṅarga windu | gunuŋ kaliwat durgama ||

26. ṛĕgĕdé aṅliliwati | wiwitan mèḥ ṅayuḥ méga | iki pĕṅalapan gĕḍé | apa tanpa kira kira | mélik akèḥ wowohan | laḥ mĕṅko sira tinĕmu | paḍa naṇḍaŋ dukacipta ||

27. sira wahu aṅrasani | pĕkṣi jaṇṭayu utama | apan iku kadaŋ iṅoŋ | si jaṇṭayu kaŋ taruna | iṅsun iṅkaŋ atuwa | si sĕmpati namaniṅsun | ḷĕga tyasé wré duk myarṣa ||

28. hèḥ sĕmpati ulun iki | dutané ramawijaya | mriŋ ṅaḷĕṅka karyaniṅoŋ | amarikṣa dèwi śinta | pijĕr lawas nèŋ marga | dadi tiwasiŋ lumaku | marmané suka matia ||

29. mujar prawira sĕmpati | hèḥ cacad ta sira paḍa | ṅĕndi ana kaŋ maṅkono | tiwasé woŋ cinundaka | nalaṛĕn dèn sĕmbada | aja nuli kudu kudu | mriḥ pati tanpa karana ||

30. iya iṅsun kaŋ ṅréwaṅi | aṅrojoṅi lakunira | ajana putuṅan atèn | ṅidul bĕnĕr iki marga | iṅkaŋ mariŋ ṅaḷĕṅka | tĕṅĕrana ana gunuŋ | paḍa lan iŋ maliawan ||

31. aśri luhuré pan sami | iṅkaŋ sinuṅan omaḥ mas | gunuŋ iku iŋ pucuké | yahiku nagri ṅaḷĕṅka | sakiŋ doḥ katiṅalan | omaḥ mas gumĕbyar murub | kaŋ anèŋ pucuk ṅaldaka ||

32. iku pĕḷĕṅĕn dèn éliŋ | kaŋ minăṅka panĕṅĕran | sakiŋ doḥ katon urubé | timbaŋ lan éndrabawana | sriniŋ pura ṅaḷĕṅka | laḥ payo maṅkata gupuḥ | kabèḥ wré paḍa ṅaḍĕga ||

33. antuk sabdané sĕmpati | wadya wanara sadaya | mulya mala citrakané | sĕmpati sru poma poma | laḥ iya lokapala | omaḥ mas saluhur gunuŋ | pan iku déwa kaŋ karya ||

34. bhaṭara wisrawanèki | kapraboné daniswara | kasor iŋ ṅuni yudané | kalawan śri dasamuka | pinuṇḍut maraŋ swarga | basmi jagad sadaya wus | makĕtĕr riŋ si rahwana ||

35. naṅiŋ ta iku sayĕkti | bésuk sirṇa déniŋ sira | ramawijaya paṣṭiné | kaŋ matèni dasamuka | marmané dèn ahéṅgal | dadèkna lakunirèku | laḥ uwis paḍa maṅkata ||

36. kunĕŋ wuwusé sĕmpati | suka kaŋ bala wanara | nora saṅsaya buḍalé | wus prapta kadiranira | nulya ana prabata | sakiduliŋ wukir windu | nĕṅgiḥ kaŋ ardi mahéndra ||

37. hèḥ wowohan dèn ampiri | tuwuk saguṅé wanara | nulya katon samodrané | wus paṛĕk lawan ṅaḷĕṅka | akèḥ kaŋ ombak baṅkat | anĕmpuḥ sukuniŋ gunuŋ | aguŋ swaranya gurṇita ||

38. laṅkuŋ aśri sriniŋ wukir | mahéndra apan sarwana | suka wanara sakèhé | samya mĕḍun iŋ samodra | suka mĕŋ amĕŋ samya | nèŋ tĕpiniŋ samodra guŋ | anon iwak iŋ samodra ||

39. akèḥ warṇané jaladri | ana iwak wré malumpat | wré mulat aṅĕkĕl kabèḥ | maṅkana radèn aṅgada | aṅliŋ maraŋ anoman | laḥ iŋ kéné bahé iṅsun | aṅanti iŋ lakunira ||

40. sira lajuwa dèn aglis | mañjiŋ kuṭa iŋ ṅaḷĕṅka | anoman sira nulyagé | mĕsat anapak gagana | ṅidul bĕnĕr lampaḥnya | kadya garuḍa maniyup | gumilap andiwaṅkara ||

41. tuhu mukyaniŋ dutadi | wasiṣṭa utamèŋ awan | añjanisuta solahé | mĕṅgĕp anapak gagana | maṅkana cinarita | wontĕn wawĕriniŋ diyu | mamăṅsa ulam samodra ||

42. awasta pun taṭĕkini | sarira kadya prabata | caṅkĕm lir guwa malompoŋ | tumiṅal ana kumlébat | sinandĕr wus dèn untal | iṅulu wus praptèŋ waḍuk | anoman mĕré ibĕkan ||

43. sarwi jĕroan pinuntir | rinĕmĕd ṛĕmĕd tyasira | taṭĕkini gĕro gĕro | ṅolaŋ ṅaliŋ kupiṅira | kĕri aṅruṅu swara | mĕkar tiwikramanipun | anoman añjĕjĕk iga ||

44. ḍuwak sĕbit taṭĕkini | kadya gorané prahara | tibèŋ jaladri waṅkéné | sirṇa kinarubut ṅulam | taṭĕkini pĕjaḥnya | sigra lajĕŋ lampahipun | anoman niṅali arga ||

45. muṅgwèŋ madyaniŋ jaladri | nĕṅgiḥ pulo mahénaka | akaṭaḥ palakirṇané | wahu ta salaṅkuṅira | radèn añjanisuta | gunuŋ mahénaka ṅuwuḥ | anoman sira mampira ||

46. ana ta sugata mami | jambu jambé jĕruk jirak | nanas năṅka wuni wuṅlon | mĕṅko yèn siḍĕm lajuwa | kéné ṅayĕm ayĕma | prayoga dènira ṅahub | ariŋ aṅruṅu bṛĕmara ||

47. lan mamaṅana sirèki | isiniŋ gunuŋ manéka | sakarṣanta ana kabèḥ | anoman kagyèt miyarṣa | gunuŋ aswara janma | pinaran wus praptèŋ gunuŋ | gunuŋ makṣiḥ swaranira ||

48. liwat suka sun niṅali | hèḥ anoman mariŋ sira | dènnya ṅlakoni karyané | bhaṭara ramawijaya | nayakèŋ jagad traya | iṅsun iki milu urun | aṅurmati lakunira ||

49. hèḥ wruhanira maruti | iya ṅaḷĕṅkadiṛĕja | aṅlimput kaluputané | rahwana duṣkartaniṅrat | arubiru ruhara | salawasé ṅuwus uwus | tan ana kaŋ anaṅgulaŋ ||

50. bok pinaṛĕŋ sira iki | mĕntas aṅadoni pañcas | amuŋ gustimu taṇḍiṅé | bhaṭara ramawijaya | ñirṇakkĕn gĕlaḥ gĕlaḥ | binalaṅa gagaŋ suruḥ | bahé gĕmpuran ṅaḷĕṅka ||

51. bĕja tĕmĕn sira iki | milu mañjiŋ iŋ prakara | pasamuwan luwiḥ gĕḍé | kalawan luwiḥ utama | iŋ rèḥ bhaṭara rama | pan sinĕkṣèn iŋ lakumu | déniŋ Hyaŋ sukma kawĕkas ||

52. anoman ṅuṅun miyarṣi | sarwi anaḍaḥ wowohan | ya gunuŋ dèn akèḥ akèḥ | paṅèstunira mariṅwaŋ | iṅsun liwat tarima | iŋ sakèhé sugatamu | pan wus misra kalampahan ||

53. wus kantuna sira wukir | sun maṅkat maraŋ ṅaḷĕṅka | pan wus lawas lakuniṅoŋ | bok dadi paṅarṣa arṣa | sawadiné praptaa | iŋ ṅaḷĕṅka lampaḥ iṅsun | sakṣana radèn anoman ||

22. sinom

1. mumbul aṅayuḥ gagana | sira ramadayapati | ana ditya guŋ caṅkrama | namané wikaṭakṣini | pañjaŋ astanirèki | baḍog iwak sukanipun | mina siniŋ samodra | buta gogo sabĕn ari | mulat lamun gagana ana kumlébat ||

2. sinandĕr sĕdya minăṅsa | kumudu kudu sumĕkti | cinaṇḍak nulya dèn untal | duk praptèŋ gulu maruti | ditya wikaṭakṣini | kaḷĕḷĕgĕn anèŋ gulu | maḷĕḷĕŋ pucicilan | iṅĕḷĕd ĕḷĕd tan kĕni | dyan marutasuta añuḍat kanaka ||

3. suwak anulya dinugaŋ | ṛĕmĕk aṅganira sĕbit | guruṅé sinahut pĕgat | pĕjahé wikaṭakṣini | marutasuta aglis | mĕsat aṅayuḥ mĕṇḍuwur | laṅkuŋ sakiŋ samodra | wus praptèŋ suwéla giri | lampahira rahadèn bayutĕnaya ||

4. amaṅgiḥ ditya ḷĕléḍaŋ | ñalimpĕt sira maruti | kyèḥ buta daṅu tan pĕgat | ajibĕg awira wiri | sĕdya ṅantosi wĕṅi | anoman iŋ ḷĕbĕtipun | èṅĕt pituṅkas ika | duk ṅañcik suwéla giri | nulya maṅgiḥ kali aṅubĕṅi arga ||

5. puraṣṭa iŋ guruloka | ciniṭak rinéka sami | luhuré punaŋ gapura | mubyar sinuṅan hèr gĕni | ana sawaluḥ kĕṇṭi | kadya baṣkara tumurun | babahoniŋ gapura | sinuŋ miraḥ sapuḥ jĕṅgi | ṛĕbat praba gĕbyaré sasmitèŋ jagad ||

6. lajĕŋ saŋ pawanasuta | niṅali margi kapériŋ | tinitik ana gapura | rinĕṅgèŋ salaka putiḥ | kabèḥ banoné putiḥ | putiḥ lan sĕrasahipun | gapura pinarapat | iŋ pucak mutyara putiḥ | pan pinènèk anoman paṅintipira ||

7. iŋ jĕro kaṭaḥ ṛĕkṣasa | piraŋ piraŋ gon dupagni | gĕḍoṅé luhur ajĕmbar | wĕliṅé sugriwa ṅuni | baraŋ gon kinèn ṅintip | añjĕjĕp pratélanipun | isiniŋ gĕḍoŋ pĕṭak | samya ṛĕkṣasa sĕmadi | pan akaṭaḥ solahé buta mumuja ||

8. ana ḍĕlak aḍĕḍaṅkak | ana juṅkir muntar mantir | ana asiduwa dawa | ana jĕṅkiŋ milaŋ miliŋ | maṅluŋ ṅiliŋ iliṅi | dupa marab marab murub | samya guṇḍul maṇṭilas | ana tumĕṅa mragigiḥ | gĕḍoŋ iku ĕṅgoné buta paṇḍita ||

9. amasaŋ aji kĕmayan | paṅapĕsiŋ maliŋ sĕkti | aṅlarut bayuniŋ mĕṅsaḥ | yèn ana madyaniŋ jurit | masaŋ budayan sami | muṅsuḥ mara mara rubuḥ | ajana koṅsi bisa | ñĕkĕl gagamaniŋ jurit | ginĕtak kaŋ muṅsuḥ tiba galuṇḍuṅan ||

10. maṅkana paṅéjanira | para nujumiŋ rasakṣi | kabèḥ buta papradikan | tan ana sinuṅan sami | amèt măṅsa pribadi | pinañci sasukanipun | sakiŋ śri dasamuka | sĕbaraŋ wus dèn sahosi | buta jagul kaŋ jaga sèwu sadina ||

11. gĕḍoŋ kapériŋ gènira | kaŋ sahos aṅraratĕṅi | kulub kuluban bĕkakak | gĕcok guḍaŋ wus miranti | yèn wus mumuja sami | nuli goyaŋ gĕṇṭanipun | saguŋ sahosan prapta | buta kaŋ samya ṅladèni | mara ḍiṅkul tan ana iṅkaŋ tumĕṅa ||

12. yèn laladèné wus tata | paṇḍitané baḍog nuli | danawa jagul sadaya | samya mĕṛĕm tan niṅali | yèn wus dènira bukti | ginĕḍog wawaḍahipun | mĕlèk aṅlorod samya | unduré andiṅkik diṅkik | mèsĕm mulat kaŋ ṅintip radèn anoman ||

13. mĕrpĕki paṅintipira | mariŋ gèn sapétak maliḥ | buta tarab tata ḷĕṅgaḥ | marik marik maṅku ḍiṅklik | samya ṅiliŋ iliṅi | kitab calumpriŋ priŋ pĕtuŋ | katon maṅsiné abaŋ | gĕtiḥ sato kaŋ kinardi | kaŋ iṅucap wusiŋ pati nĕmu swarga ||

14. kayaṅan akèḥ wowohan | kaŋ akèḥ santosa wĕrdi | swarga kaŋ katĕmu dadya | nora ṅaṅgo nananduri | sastrané kèḥ pradoṅdi | poyok pinoyok apadu | paḍa ṅugĕmi samya | iŋ sastranira pribadi | kadrawasan tĕmahan lajĕŋ atukar ||

15. ramé pisuḥ pinisuhan | naṅiŋ kutugé tan mati | aṅlandĕŋ api padupan | pinisaḥ kañcané sami | mèsĕm radèn maruti | waṅsul wus praptèŋ marga guŋ | lajĕŋ iŋ lampahira | ana tarub piṅgir margi | pan gumĕraḥ ĕṅgèné buta bĕrduwak ||

16. sarwi bĕkta babaḍogan | baḍèg wawaḍahé guci | samya asaṇḍiŋ baḍama | saṅu kulub urab gĕtiḥ | gĕtihiŋ sĕnuk sami | iṅurab kĕlawan wuduk | wus wuru kipraḥ kipraḥ | baḍama kinarya uṇḍi | sumbar sumbar acara caraniŋ apraŋ ||

17. satĕṅaḥ danawa drĕmba | sakawaḥ tĕlas pribadi | kawuron galuṇḍuŋ ṛĕbaḥ | pan sarwi aṅraṅkul guci | kañcané ñiram gĕtiḥ | sinawur lan kilaṅipun | satĕṅaḥ kaŋ ṛĕkṣasa | tuwĕk tinarik sumaṇḍiŋ | wusnya wuru bĕkṣa tuwĕk ṅuṇḍa gada ||

18. sawĕnèḥ ana ṛĕkṣasa | puṅgawa taruna sĕkti | mamĕŋ amĕŋ riŋ gagana | wimana titihanèki | akèḥ solaḥ iŋ ratri | ṛĕkṣasa sasaba dalu | ana kaŋ lagi tĕḍak | sakiŋ gagana kèḥ ṅiriŋ | bhupatiné ika nitiḥ iŋ ratabra ||

19. sira radèn bayusuta | puṅgawa 

iku dèn intip | sapraptané ḍaṅkanira | iŋ ṅuni boyoŋ pawèstri | kalaniŋ mĕnaŋ jurit | umiriŋ ṛĕkṣasa prabhu | wahu sapraptanira | mamĕŋ amĕŋ riŋ wiyati | amarani goné kĕnya boboyoṅan ||

20. iṅajak maṅinum samya | èstri iku tan nuruti | sakiŋ sĕḍihé kaŋ manaḥ | dènnya pisaḥ yayaḥ bibi | nulya iṅariḥ ariḥ | iṅajak cumbana sampun | pawanasuta mulat | sumĕḍot iŋ tyasirèki | karasèŋ tyas gustiné ramawijaya ||

21. ciptané radèn anoman | maṅkéné tiṅkahé ugi | gustiku anaṇḍaŋ brăṅta | luḥnya drĕs sira maruti | mundur ṅaliḥ paṅintip | ana ṛĕkṣasa aṅiduŋ | arum swarané mĕmbat | anoman mèsĕm miyarṣi | ya ta luwar dukaciplèŋ gustinira ||

22. sigra mañjiŋ jroniŋ pura | anoman iŋ pukul siji | kĕtaṅgĕl wĕtuniŋ wulan | anoman muṅgaḥ iŋ wukir | wukir sajroniŋ puri | samadyaniŋ sètu sètu | ṅayuḥ anoman miṅgaḥ | wĕṅkoné praja kahèkṣi | akèḥ katon gĕḍoŋ gĕḍoŋ jroniŋ pura ||

23. ana sagaran gĕŋ wétan | ṅujwala toyanirèki | gĕḍoŋ gĕḍoṅé maju pat | sabĕn kaŋ gĕḍoŋ satuṅgil | sinuṅan ĕjam sami | sagaran amawa alun | tinarik lan pahékan | tan pĕgat swaranirèki | pinriḥ baruŋ lawan swaraniŋ kaŋ ĕjam ||

24. ana pépétakan wana | gĕḍoṅé luhur ṅuṅkuli | wawĕṅkon wiwaranira | isiné sato mĕpĕki | éwon dipaṅganèki | siṅa warak lan andanu | andaka tan pétuṅan | ana kaŋ sapétak maliḥ | iya ana gĕḍoṅé tĕṅaḥ gènira ||

25. isiné tĕṅaḥ talaga | iŋ pipiṅgiré ṅubĕṅi | iṅkaŋ pratima kañcana | rinéka buta sĕpaliḥ | sĕpalihé winarṇi | jawata maṅkat aṅlurug | sinuŋ kapraboniŋ praŋ | limpuŋ baḍama magaṇḍi | ana gada laṅkap parasu căndrasa ||

26. kadya praŋ aṛĕbut toya | jawata lawan rasĕkṣi | paḍa diranya macakra | makunta gada magaṇḍi | ana ta gĕḍoŋ maliḥ | naṅiŋ minĕp lawaṅipun | ana banaspatinya | mas abaŋ iṅkaŋ kinardi | nétranira miraḥ nila lan mutyara ||

27. kadya sumusul tumulya | milu ṛĕbutan martèki | tĕmpur nétraniŋ jawata | miwaḥ nétraniŋ rasĕkṣi | iṅkaŋ kinarya sami | jomantĕn intĕn jumĕrut | dadya asarawuṅan | kadya baṣkara sisiriŋ | tinon kadya sor ṛĕsminiŋ guladrawa ||

23. ḍaṇḍaṅgula

1. laṅkuŋ aśri busananiŋ puri | iŋ ṅaḷĕṅka kañcana sadaya | gĕḍoŋ gĕḍoŋ lan pagĕré | miwaḥ gapuranipun | jroniŋ 

pura awarṇi warṇi | gapura tan pétuṅan | sadaya mas murub | wawanan miwaḥ sagaran | kĕbon kĕmbaŋ kĕmbaŋ ḷĕt gapura sami | éwon gĕḍoŋ jro pura ||

2. sabĕn gĕḍoŋ ĕjam siji siji | sabĕn gapura pucak mutyara | kumala nila widuré | pakapaja mya jumĕrut | lumraḥ pagĕr pagĕré akik | ijo wuṅu lan abaŋ | séta miwaḥ dadu | gapura ukir ukiran | sawarṇiné gapura mriŋ sari sari | manik iṅukir samya ||

3. aṅgarjita radèn dayapati | mulat gĕḍoŋ madyaniŋ sagaran | samya mas upaṛĕṅgané | baya kono gonipun | gustiniṅsun putri mantili | anoman praptèŋ kana | tiniṅalan suwuŋ | nora nana dèwi śinta | mulat maliḥ kĕbon kinubĕŋ batakik | gapuraśri rinĕṅga ||

4. iŋ sosotya sampun dèn pĕrpĕki | tiniṅalan pan suwuŋ kéwala | amuŋ rara ayu akèḥ | sami kĕñaniŋ diyu | pan gumĕdĕr amajaŋ sasi | késaḥ sakiŋ iŋ kana | mriŋ paṅgonan taru | taruné taru kanaka | laṅkuŋ siṅup samya kinubĕŋ batakik | murub ujwalaniŋ mas ||

5. anèŋ tĕṅaḥ witana sawiji | witana ṛĕtna sahijab ijab | busana sosotya kabèḥ | isiniŋ samodra gu | wus pinutĕr tan ana kari | rupaniŋ iwak iwak | winarṇèŋ mas murub | lan ana naga kañcana | aṅaḷĕṅkĕr kadya lèrèn solahnèki | anèŋ pipi gapura ||

6. mriŋ anoman pinaranan prapti | pinarikṣa tan ana katiṅal | putri mantili prĕnahé | nulya maliḥ kadulu | ana payuŋ aguŋ kahèkṣi | aṅuṅkuli kakaywan | miwaḥ gapura guŋ | tĕgĕsé kaŋ kayon ĕmas | kaŋ piniṇḍa payuŋ pinarabot aśri | sosotya lan pakaja ||

7. lan ĕṅgoné tutuṅgaṅan sami | gajaḥ rata turăṅga andaka | pinartima iŋ mas kabèḥ | anoman mara gupuḥ | datan ana putri mantili | iŋ kono akèḥ ditya | kaŋ samya atuṅguk | anoman sigra mimiṇḍa | rupa ditya marmané tan dèn kawruhi | tutug sasolahira ||

8. mulat maliḥ waṅunan kapériŋ | ana gĕḍoŋ kinubĕŋ sakăṇḍa | aśri muṅgul gapurané | ĕṅgon wimana aguŋ | pinaranan ora kapaṅgiḥ | ṅubĕṅi kĕnya pura | sayaḥ lumpatipun | ṅunadika jroniŋ nala | ĕndi siliḥ ĕṅgoné gustiku iki | putri mantilidirja ||

9. mulat ana omaḥ mas gĕŋ aśri | kinubĕŋ iŋ pañcak suji rañcaŋ | luwiḥ sakiŋ waṅun kabèḥ | murub ujalanipun | malaḥ kasor gĕbyariŋ sasi | déné ta intĕn mulya | miraḥ aguŋ aguŋ |

myaŋ luwiḥ gapuranira | kĕmbaŋ kĕmbaŋ sakiŋ doḥ gandané sari | mara nanduki grana ||

10. lawan éwon ĕṅgoné pawèstri | éndaḥ datanpa wilaṅan | abra murub sasadoné | banon kandĕl abakuḥ | pan kañcana siniliḥ asiḥ | tur sampun pinaryitnan | paṇḍuṣṭaniŋ satru | anañjak karti sampéka | paṅḷĕsuné panaḥ bayu kaŋ nĕkani | sandi paṅéndrajala ||

11. tanna kéwran iŋ babaya prapti | wus sinahos paṅulaḥ durtama | panulak jĕmpariṅĕné | anoman malpat gupuḥ | pagĕṇṭan gĕŋ wus dèn uṅkuli | andulu kaŋ wimana | lir prabata luhur | gĕŋnya saardi mahéndra | ujyalané sor surya sèwu mataṇḍiŋ | ṛĕṅrĕŋ kaŋ puspakabra ||

12. yèn krura lir bhaṭara kala mriḥ | mabérawa umaṅan maṅan rat | anoman éram tiṅalé | añjog paniyupipun | aniṅali rahwana guliŋ | kinubĕŋ èstri samya | kĕnya èwu èwu | anoman mañjiŋ rumaṅkaŋ | tiniṅalan paṛĕk aṅiliŋ iliṅi | kapati dènnya néndra ||

13. aṅḷĕgoroŋ gumlĕgĕr swaraniŋ | oswaniŋ iruŋ kadya maruta | lir raṇḍu rubuḥ wĕntisé | ĕṇḍas katon sapuluḥ | kaliḥ dasa bahu ṅajrihi | komis aṅapurañcaŋ | obaḥ déniŋ iruŋ | kadya kimbaniŋ prabata | paṅoroké aṅgurṇita siṇḍuŋ kosik | mĕdĕd déniŋ pracoṇḍaŋ ||

14. kacaryan bĕk ramadayapati | maṛĕpĕki nèŋ ulon aḷĕṅgaḥ | pawèstri kyèḥ siṛĕp kabèḥ | wusnya dulu mriŋ prabhu | èstri samya dèn liŋ iliṅi | dèwi śinta tan ana | sĕḍiḥ tyasnya mèpu | waluya kawréhanira | kaku tyasé dènnya ṅubĕṅi jro puri | kaŋ pinriḥ tan kapaṅgya ||

15. tĕlas jinajaḥ sajroniŋ puri | amuŋ wruḥ iŋ ṛĕṅganiŋ kaḍatyan | sor ṅéndraloka karyané | guŋ niŋ sotya ṅuṅuwuŋ | mèḥ rahina suwé ṅubĕṅi | akèḥ ṛĕkṣasa ṅaṅlaŋ | anoman aṅlalu | kawĕnaṅana ṛĕkṣasa | bagé sukur dèn sikara bañjur jurit | ṛĕṛĕmpon sĕdyanira ||

16. lamun datan kapaṅgihèŋ ṅriki | gustiniṅsun saŋ mantilidirja | sukur apraŋ anèŋ kéné | kapaṅgiha déniṅsun | mindaḥ sukanira iŋ mami | gusti ramawijaya | anoman andulu | méga baŋ wétan sumirat | tabuḥ sapta yèn pukul ṅaḷĕṅka muni | nulyana wawaṅunan ||

17. kidul wétan kaḍaton kapériŋ | aṅlaṅkuṅi wawaṅunanira | lan sajroniŋ pura kabèḥ | gapuranira muṅgul | sumarawaŋ pucak hèr gĕni | sapoḥ jĕṅgi gĕṅira | mañcurat ṅuṅuwuŋ | tinatiraḥ iŋ pakaja | banon paṇḍak kaŋ kinarya akik wilis | ririṅgit ṛĕrèjèŋ mas ||

18. mawi usus usus mutyaradi | adu rapĕt cinawi kanaka | gaḍuŋ malaṭi téjané | răŋ asta loṅkaṅipun | akik wilis mawi gagapit | miraḥ baŋ kaŋ kinarya | adĕg adĕgipun | yèn tinon sakiŋ doḥ kadya | paṅrasané kaŋ mulat rinaja wardi | tur akik sinaṅsaya ||

19. ḍasar wilis tinratap baŋ putiḥ | akik miraḥ mutyara pinatar | ginănda marum manisé | sinalimpĕt jumĕrut | sakaryané ṅébat ébati | iŋ jro isi omaḥ mas | sinirap ṅuṅuwuŋ | kinubĕṅiŋ kĕmbaŋ kĕmbaŋ | amarani jinĕmbaṅan gĕḍaḥ rukmi | tinatrap nawa ṛĕtna ||

20. iṅkaŋ muṅgwiŋ iŋ jĕmbaṅan wilis | sawarṇiné sĕkar iṅkaŋ pĕṭak | sĕḍĕp malaṭi mĕnuré | miwaḥ argulo piṅul | noja putiḥ saruni putiḥ | kaŋ muṅgèŋ iŋ jĕmbaṅan | putiḥ sĕkar wuṅu | taluki argulo noja | iṅkaŋ wuṅu kaŋ muṅgèŋ jĕmbaṅan abrit | saguŋ sĕkar kaŋ jĕnar ||

21. sĕkar abaŋ tumut anèŋ wilis | sĕkar pita tumut muṅgèŋ séta | lan saguŋ kaŋ wuṅu kabèḥ | déné sĕkar binatur | babaturé salaka putiḥ | winañcak suji rañcaŋ | kañcana tinuñjuŋ | kalak papacar capaka | myaŋ kanăṅa maṅunĕŋ lan nagasari | tañjuŋ sinuji rañcaŋ ||

22. soka sawo aṅsana kamuniŋ | capaka goṇḍok pucak ṛĕjasa | botĕn binatur ĕṅgèné | bañjĕŋ iŋ wurinipun | sĕkar jinĕmbaṅan iŋ ṅarṣi | gambir puspa capaka | argulo baŋ dadu | wora wari kapurănta | puspañidra kanigara kacapiriŋ | prikañcu lan sikatan ||

23. pacar pacir śri gaḍiŋ sulastri | mas kinikir raṅkĕp lawan lămba | purbanagara prabhu sèt | patrakusuma ṅayun | pacarwari sĕkar surabi | bañjĕŋ kumbala patra | momojog gènipun | noja séta wuṅu ṛĕkta | dadu pita añjraḥ jinĕmbaṅan sami | botrawi taraté baŋ ||

24. pacarcina dalima ñĕlani | tuñjuŋ tutur lantatara warṣa | woŋ arumpuk dadu soré | kaŋ sĕkar ṅaṅanandul | kiwa gèné wuri kapériŋ | taṅèḥ yèn winuwusa | śri ṛĕṅganiŋ waṅun | nĕṅgiḥ taman argasoka | kontap taman baṭaréndra wus kawuri | śri taman purèŋ ṅḷĕṅka ||

25. pan punika gèné dyaḥ di adi | kinumpulkĕn taman ṅargasoka | kaŋ olaḥ găndawida ṅrèḥ | jĕbad kasturi marum | kaŋ ṅluwihi waṅi sabumi | aṅgitiŋ guruloka | tiniru katiru | tinitik sakiŋ jro cĕṭa | pakartiné kaluwihan widadari | ratus kaŋ paripurṇa ||

26. wahu radèn ramadayapati | mulat ana waṅunan kapisaḥ | aṅusi ṅiwa sĕdyané | maṅké yèn dalu waṅsul |

tan acipta lamun saŋ dèwi | putri mantilidirja | kinĕbon iŋ ṅriku | anèŋ taman argasoka | pan akaṭaḥ parèstri iṅkaŋ nĕṅgani | miwaḥ ditya prawira ||

27. kaŋ nĕṅgani iŋ putri mantili | saŋ anoman mènèk iŋ kakaywan | sĕdya siṅĕdan prĕnahé | kaṇḍiḥ déniŋ kaŋ manuk | kaloŋ mibĕr abola bali | murugi manuk kaṭaḥ | sĕḍiḥ tanpa turu | yèn wĕṅi maliḥ anĕdya | saŋ anoman waṅsul maraŋ pura maliḥ | ṅuṅsi rina kéwala ||

28. aṅuḍĕmpĕl iŋ paŋ kontaŋ kantiŋ | déniŋ maruta kaku tyasira | anoman sigra aṅalèḥ | malumpat kayu kayu | ṅaliḥ ṅaliḥ ṅiwa dènnya mriḥ | riwusnya tatas wétan | sĕsĕkaran alum | rusak wĕtuniŋ baṣkara | kadi kadi bélani putri mantili | kaŋ luwiḥ naṇḍaŋ brăṅta ||

29. ciptanira kusumèŋ mantili | yèn èstuwa pisaḥ lan ṛĕghawa | muŋ añipta pati bahé | mati maturuna pyuḥ | miwaḥ patrĕm iṅkaŋ kahèkṣi | kèṣṭi sadina dina | nora kétaŋ kontuŋ | tinuwĕk iŋ dasamuka | siyaŋ dalu saŋ ṛĕtna aguŋ anaṅis | guliŋ tansèŋ pratala ||

30. amiyarṣa kusumèŋ mantili | swaraniŋ manuk andon wurahan | kadya paṅĕbaŋ ĕbaṅé | kadi maṅkana tuhu | péliṅipun uniniŋ pĕkṣi | hèḥ sampun ta saŋ ṛĕtna | naṅis sabĕn dalu | ramawijaya mèḥ prapta | wus kèndĕla siyaŋ apantara ratri | aja guŋ amoŋ brăṅta ||

31. aṅin milir amawa mrik miṅiŋ | kagyat wahu saŋ ṛĕtna rumaras | kĕsar kĕsar grahitané | añana gandanipun | iṅkaŋ raka mĕcalaŋ prapti | risaŋ ramawijaya | gandané tumanduk | tanbuḥ tanbuḥ solahira | ambuṅahkĕn iŋ manahira pribadi | kinăṇṭa kaṇṭinira ||

24. kinaṇṭi

1. ḍuḥ déwa ḍuḥ bhaṭara guŋ | tiṅalana solaḥ mami | sèwu lara sèwu brăṅta | tan ana timbaṅé mami | yèn pukulun tan paṅgiha | kalawan paṅéran mami ||

2. bañjutĕn pisan wak iṅsun | aywa andadawa wiṅit | gustiku satriya rama | wijaya tolihĕn mami | dasihta tanpa sarira | kĕna iŋ wiyoga sĕḍiḥ ||

3. anoman malumpat sampun | praptèŋ witiŋ nagasari | mulat maṅaṇḍap katiṅal | wanodyayu kuru akiŋ | gĕluŋ rusak awor ḷĕmaḥ | iṅkaŋ iga iga kèkṣi ||

4. pinandĕŋ sarwi tumuṅkul | anoman ṅiliŋ iliṅi | sarta mirṣakkĕn karuna | sumĕḍot tyasira nĕṅgiḥ | iya iki baya baya | kusuma putri mantili ||

5. mĕḍun iŋ pragak tumuṅkul | anoman sarwi niṅali | umiṅĕtakĕn sasambat | saṅsaya iṅgil Hyaŋ rawi | sakéñjiŋ gènnya karuna | kusuma putri mantili ||

6. ratariŋ wisma mas murub | kunĕŋ wahu ta kaŋ prapti | prabhu rahwana digdaya | ṅadĕg iŋ ṅarṣa saŋ putri | alon dènira ṅandika | ḍuḥ babo ari mantili ||

7. apa gunanta gĕŋ naṅkuŋ | yayi maria makiṅkin | tambanana laraniṅwaŋ | muŋ sira akarya sakit | cumaṇṭèl pucukiŋ nétra | gumantuŋ tuṅtuṅiŋ ati ||

8. tanpa gawé sira maṣku | aṅguṅa kumantil kantil | maraŋ si ramawijaya | tanpa ṅrasa sira yayi | guŋ ginawa ina papa | nusup nusup nèŋ wanadri ||

9. măṅsa paḍaa lan iṅsun | ratu aguŋ jayèŋ bumi | sapa ratu kaya iṅwaŋ | kaŋ kasăṅga déniŋ bumi | kaŋ koṅkulan iŋ ṅakasa | nadyan déwa paḍa wiwrin ||

10. Hyaŋ éndra kabănda riṅsun | makĕtĕr isiniŋ bumi | iŋ triloka wus kaṇḍapan | apa gawé lara braṅti | ĕla ĕla niṣṭa papa | amikir si dasarati ||

11. saŋ putri sahéṅga gunuŋ | tan obaḥ tinĕmpuḥ aṅin | gĕŋ sĕtya iŋ priyanira | tan cala mapaku wĕsi | tan kéguḥ praptèŋ antaka | tan arṣa giwaŋ iŋ kapti ||

12. wĕṅis pĕḍĕs sahuripun | éṅgal patènana mami | dasamuka ṛĕṅu méwa | wusana amuwus maliḥ | hèḥ babo janakatmaja | apa sira ajap maliḥ ||

13. apa tan sasar sirèku | nampika pakarti mami | dumèḥ ṛĕkṣasa kruraya | sira tan arṣahèŋ mami | lumuḥ maraŋ ulaḥ salaḥ | tan aṅèl maṅkana yayi ||

14. yèn si rama ariniṅsun | kaya kaya mamarèni | jĕrku wus tuwuk mutyèṅrat | waṛĕg wibawa nèŋ bumi | kadya nuta pakartinta | prayitna madamèŋ sisip ||

15. matakut iŋ ulaḥ luput | marmané yayi aywa griŋ | ilaŋna prihatin dahat | apa sira walaŋ ati | pan iṅoŋ jayèŋ bawana | sabaraŋ rèhirèŋ mami ||

16. guliṅèŋ omaḥ mas murub | mamukti lan iṅsun ari | apa tan atis mas iṅwaŋ | aṅguliṅana iŋ siti | saréya iŋ jajaniṅwaŋ | dèn éca iŋ sabĕn ratri ||

17. wasisan saréya maṣku | mañjiṅa kĕkuluŋ ati | witniŋ tan adoḥ lan iṅwaŋ | dadya sapakănta ari | miwaḥ ta yayi tyasira | gaḍuhĕna iṅsun gusti ||

18. turutĕn sawuwus iṅsun | muŋ sira sun kaluluti | iya tan liya muŋ sira | réwaŋ sapati sahurip | iŋ donya praptèŋ dĕlahan | muŋ ari réwaŋ ṅoŋ mukti ||

19. apa ta karya guŋ wuyuŋ | tolihĕn prabhuku yayi | apa sakarṣanirana | tan ana luput sawiji | kabèḥ siniŋ suralaya | pintanĕn uḍuna gusti ||

20. tuntunĕn lan déwanipun | éndrané gawénĕn gusti | patuṅgu korimu dadya | dasamuka riwusnya ṅliŋ | saŋ ṛĕtna sumahur sugal | tanpanon rat iḍĕpnèki ||

21. muŋ ramawijaya kétuŋ | tan miṅkĕt praptahèŋ pati | hèḥ dasamuka ta sira | aṅaku prawirèŋ bumi | sira dig liwat durjana | gĕlaḥ gĕlaḥ iŋ sabumi ||

22. aṅaku prawira tuhu | déné ko añidrèŋ mami | anuṅkul satriya rama | noradu aṛĕp sirèki | iku taṇḍamu durjana | mèt kaŋ duwé tan udani ||

23. pĕṣṭi yèn potoŋ gulumu | ramawijaya sinĕkti | putusiŋ rèḥ parikrama | jajaḷĕn papagna ṅuni | yèn ora baṅkému basaḥ | sira tinigas jĕmpariŋ ||

24. ṅuṅsièŋ sagara gunuŋ | yèn paṅéranku mĕnaṅi | taṅguḥ aṅadoni laga | yèn kaŋ duwé wun ṅĕmasi | ramé praŋ paḍa satmata | binoyoŋ iku prajurit ||

25. lakumu iku niṣṭa dur | dudu kramaniŋ narpati | murka caṇḍala kéwala | buta ṛĕṛĕgĕdiŋ bumi | ṅaku prabhu wirotama | ratu dig kĕna iŋ sarik ||

26. woŋ apa iṅkaŋ añĕbut | prabhutama iŋ sirèki | yèn sira mapaga rèŋ praŋ | ramawijayèŋ wanadri | liwat sakiŋ guŋ apapa | iya ṅuṅsi mariŋ ṅĕndi ||

27. tan wuruŋ pisaḥ gĕmbuṅmu | saŋ putri pĕḍĕs dènnya ṅliŋ | dasamuka liṅsĕm dahat | anarik căndrasa aglis | śinta liat iki apa | tiba iŋ gulumu maṅkin ||

28. wahu kaŋ ṅiṅkraŋ nèŋ kayu | tatas daṅuniŋ miyarṣi | tĕtéla wus nora samar | radèn ramadayapati | mulat mariŋ dasamuka | mèḥ lali rèhiŋ dutadi ||

29. iŋ nalikanira ṅunus | iŋ căndrasa mèḥ dèn jlogi | sakiŋ paragak jinambak | tinubruk winawèŋ jurit | pinoṭol guluné pisan | èṅĕt pinăṅka dutadi ||

30. putri mantili sru muwus | yèn sira nora matèni | mariŋ ṅoŋ dudu naréndra | dudu prawira sayĕkti | laḥ payo sundĕpĕn éṅgal | jĕr sun lalu nora sudi ||

31. dasamuka méraŋ mundur | wil tigaŋ atus tinudiŋ | aṅgigila dèwi śinta | samya narik limpuŋ gaṇḍi | baḍama kunta myaŋ cakra | tinarik aṅgigirisi ||

32. dèwi trijaṭa aṅambul | wil tri atus dèn tudiṅi | hèḥ wil maṅkono karyanta | anuruti uwa aji | woŋ aṅiwuŋ poyaŋ nuṅsaŋ | sirèki aṛĕp nuruti ||

33. dĕḷĕṅĕn bahé ĕṇḍasmu | mĕṅko aku yèn abudi | mĕkṣa mĕkṣa ambĕk krura | siŋ uwa prabhu jĕr sisip | amĕkṣa woŋ datan arṣa | wil tri atus tiŋ paḷĕñciŋ ||

34. mriŋ dèwi trijaṭa takut | anoman suka niṅali | ulihira dasamuka | wuruŋ dènnya mamatèni | miwaḥ tigaŋ atus ditya | kaŋ gigila sampun mijil ||

25. mijil

1. aṅandika saŋ putri mantili | trijaṭa nak iṅoŋ | aywa pisaḥ sira sadinané | iṅsun iki babo yèn tan paṅgiḥ | lan paṅéran mami | ramawijaya nuŋ ||

2. sun tuturi babo sira nini | jĕnĕṅiŋ woŋ wadon | iya laraniṅsun sakiŋ rajèŋ | satriya rama buwaŋ kamuktin | kaŋ pinriḥ mriḥ luwiḥ | paṛĕk jawata guŋ ||

3. sira sutaniŋ mardika tuwi | gunawan kinahot | ya pagéné sira wajar bahé | wibisana kasumbagèŋ bumi | iŋ rèḥ kramaniti | trijaṭa anuhun ||

4. sun wartani laraniṅoŋ nini | kinarya lalakon | pinisahakĕn déniŋ maṅsané | siḥ sinihan sinarèŋ iŋ widi | tan tulus karonsiḥ | luṅa jiwaniṅsun ||

5. tan karasèŋ laraniŋ wanadri | duk makṣiḥ karoṅron | saṅgon ĕṅgon ramanira kuwé | ramawijaya guŋ sabĕn ratri | gunĕm sastraniti | lawan paṇḍita guŋ ||

6. sastra cĕṭa parikramèŋ waṅsit | utamané kaŋ woŋ | dadi nora nana paṅĕlihé | mĕṅko iki pinisahkĕn mami | lan kalulut mami | ḷĕhĕŋ matia wus ||

7. kabèḥ isiniŋ taman puniki | wèḥ lara mariṅoŋ | tur pinuñjul taman soka kiyé | wisma mas tur rinĕṅgèŋ sotyadi | prandéné wak mami | énak nèŋ wana guŋ ||

8. kĕmbaŋ kĕmbaŋ kabèḥ amĕpĕki | adi kaŋ kĕkayon | iya kaya kuñjara rasané | baraŋ katon kaŋ karuṅwèŋ mami | añĕñĕṇḍal ati | mĕmĕḍot jajantuŋ ||

9. sarirèṅoŋ sayaḥ déniŋ kiṅkin | dènnya gĕŋ wiraṅroŋ | mati bahé ciptaniṅsun kiyé | yèn tan paṅgiḥ lan paṅéran mami | ramawijaya glis | aywa wèt maṅuṅkuŋ ||

10. ṛĕtna trijaṭa sigra amipis | saguŋ oyod oyod | sulur sulur babakan kéloré | winoran caṇḍana dènnya mipis | kinoñohkĕn aglis | maraŋ sukunipun ||

11. sigra mariŋ gĕḍoŋ yun sĕmèdi | umaṅkat karoṅron | kaŋ pininta jroniŋ sĕmadiné | satriya rama gèné kaŋ paṣṭi | lan tĕtĕpé liṅgiḥ | lan rahayunipun ||

12. sigra tĕḍak ramadayapati | sahuṇḍak malaṅkroŋ | ṅura ura anoman sĕdyané | supaya ywa kagèt rajaputri | kaŋ sinawuŋ gĕṇḍiŋ | iŋ lalakonipun ||

13. bhaṭara rama duk naṇḍaŋ wiṅit | maṅun gĕŋ wiraṅroŋ | kaŋ kinarya jroniŋ sasĕṇḍoné | paṅaṅgité ramadayapati | winoṅwoŋ jro kawi | agĕŋ tĕmbaṅipun ||

14. duk samana duruŋ ana mijil | paṅkur miwaḥ sinom | ḍaṇḍaṅgula durma lan kalaṇṭé | gambuḥ magatruḥ mahésa laṅit | duruŋ ana lahir | kabèḥ tĕmbaŋ kiduŋ ||

15. paṅaṅgité ramadayapati | sajroniŋ sĕsĕṇḍon | tĕmbaŋ tĕpikawuri wiwité | antuk limaŋ pada nuli salin | tĕmbaŋ sikarini | pituŋ pada sampun ||

16. saguŋ wanara kaŋ pra dipati | utamèŋ pamahos | kapi saraba samya guruné | para wignya iŋ basa uṇḍagi | dadya samya wasis | wanara guŋ aguŋ ||

17. panĕmbaṅé rahadèn maruti | kaŋ sinawuŋ lakon | maṅké pinèt caritané bahé | tinrapakĕn iŋ gĕṇḍiŋ pamijil | pan maṅkana ugi | jroniŋ sĕṇḍonipun ||

18. ḍuḥ gustiku bhaṭara ramadi | anaṇḍaŋ wiraṅroŋ | sapisahé kalawan garwané | kusumèṅrat putri iŋ mantili | babaya gĕŋ kiṅkin | kĕnèŋ lara gandruŋ ||

19. tanpanon rat iḍĕpé jĕŋ gusti | mèḥ tĕmaḥ salaḥ ton | dènnya datan karuwan icalé | iṅkaŋ garwa ĕmbuḥ iṅkaŋ ṅambil | yayaḥ gĕmpur bumi | muput kroḍanipun ||

20. malaḥ sinayut déniŋ kaŋ rayi | saṅĕtiŋ salaḥ ton | apan sampun dèn ĕmbat laṅkapé | jagad iṅkaŋ arṣa jinĕmpariŋ | pinriḥ sirṇa dadi | sakĕpĕl pinuluk ||

21. radèn truna widagda nulya glis | nayut rèḥ kawuron | tĕmaḥ ḷĕjar kaŋ raka galihé | jĕṅkar sakiŋ ḍaṇḍaka wukir | nĕdya aṅulati | sarwi gandruŋ gandruŋ ||

22. aṅguŋ karuna samargi margi | malaḥ nétra karo | apulaŋ raḥ mrĕbaṅbaŋ nétrané | aṅguŋ ṛĕbaḥ iŋ samargi margi | tan kobĕr lumaris | maṅu gandruŋ gandruŋ ||

23. laṅkuŋ sumpĕg dènnya tanpa warti | garwané kaŋ ñoloŋ | pan wus konus rarasiŋ driyané | amuŋ kantun ṅayam ayam pati | ambélani sori | mĕṅgaḥ gandruŋ gandruŋ ||

24. nulya maṅgiḥ tilasiŋ ajurit | sumrambaḥ raḥ abyor | aṅot maliḥ woŋ aguŋ kroḍané | iṅkaŋ rayi aṅguŋ anayuti | marma tĕmaḥ liliḥ | aṅguŋ gandruŋ gandruŋ ||

25. nulya lajĕŋ alalampaḥ maliḥ | tan adaṅu anon | ana manuk ṅaṇḍuruk agĕḍé | suwiwiné ilaŋ kaŋ sasisiḥ | sigra dèn parani | sarwi gandruŋ gandruŋ ||

26. kroḍa pĕkṣi arṣa jinĕmpariŋ | jaṇṭayu liṅñalon | hèḥ woŋ aguŋ aywa salaḥ dalèḥ | iṅsun iki pan ratuniŋ pĕkṣi | jaṇṭayu ran mami | mĕṅko sun atutur ||

27. iṅsun iki mĕntas maṅun jurit | lan ṛĕkṣasa katoŋ | si rahwana praŋ lan iṅsun ramé | kaŋ aṇḍuṣṭa mriŋ putri mantili | marma sun labuhi | mati takĕr marus ||

28. jĕr saŋ prabhu dasarata uni | iku mitraniṅoŋ | putri iki pan dadi mantuné | wusnya tĕlas dènira tur warti | jaṇṭayu ṅĕmasi | woŋ aguŋ agandruŋ ||

29. sarwi aṅraṅkul waṅkéniŋ pĕkṣi | kahurmat kaŋ layon | iku ana boloṅé galihé | déniŋ sampun karuwan kaŋ warti | kaŋ ṅambil saŋ putri | yèn ṛĕkṣasa prabhu ||

30. wusnya mĕnĕdi kunarpèŋ pĕkṣi | lajĕŋ lampahñalon | wukir ṛĕkṣamuka iŋ jujugé | dènira mriḥ amĕḷĕŋ sĕmèdi | kapati braṅta riŋ | gandruŋ amaṅunkuŋ ||

31. tan aḍahar miwaḥ tan aguliŋ | ăṅga sawaŋ layon | ṅapĕndul raḥ nétrané kalihé | kaŋ kacipta muŋ putri mantili | laṅkuŋ kawlas asiḥ | onĕŋ gandruŋ gandruŋ ||

32. tan lyan sakiŋ iŋ putri mantili | sajroniŋ wiraṅroŋ | kawĕlantaḥ kalalu larané | yayaḥ kadya pĕjaḥ tanpa kanin | nuli lami lami | ana wré kaŋ rawuḥ ||

33. sĕḍĕŋ anèŋ ṛĕkṣamuka wukir | byatirèŋ wiraṅroŋ | pinoṇḍoṅan déniŋ ratuniŋ wré | pinèt sraya tinaṇḍiŋ ajurit | lan wanara bali | ramawijaya wus ||

34. uṅgul iŋ praŋ wré bali ṅĕmasi | dadya wré saŋ katoŋ | prabhu sugriwa kĕna jaṅjiné | yèn matia satruné aṅabdi | lan sawadyanèki | kyèḥ puṅgawanipun ||

35. bala wanara datanpa wilis | kadya samodra rob | kahèbĕkan sawulan papané | akèḥ puṅgawa prawira sĕkti | ampuḥ iŋ ajurit | gagala gul agul ||

36. wus aṅratu sugriwa narpati | riŋ saŋ prawiranom | maliawan iŋ maṅkya ĕṅgèné | akĕkirab wus umadĕg baris | kaŋ bala wré kadi | prahara gumuruḥ ||

37. sèwu yuta yuta piŋ sakĕṭi | sawurda kirṇa rob | datan kĕna winilis cacahé | pira pira papan aṅĕbĕki | bala wré samya mriḥ | aglisa praŋ pupuḥ ||

38. dènnya saṅĕt awlas mariŋ gusti | gĕṅirèŋ wiraṅroŋ | onĕṅira maraŋ iŋ garwané | naṅiŋ krigan bala wré kaŋ makṣiḥ | gilir rina wĕṅi | atimbun kaŋ rawuḥ ||

39. prabhu sugriwa sapati urip | iŋ praŋ nĕdya popor | pan iṅaṅgĕp bhaṭara paṣṭiné | risaŋ ramawijaya pinuṇḍi | arṣa magut jurit | rumabasèŋ satru ||

40. iŋ ṅaḷĕṅka pinukul ṅajurit | pinriha ṛĕṛĕmpon | naṅiŋ lagya ṅantosi dutané | kaŋ iṅutus mriŋ ṅaḷĕṅka nagri | maṅgihi saŋ putri | wré suta mapiṅul ||

41. titi radèn ramadayapati | dènira sĕsĕṇḍon | apan arum aṛĕñaḥ swarané | kadya rindiŋ rindiŋ sĕgalaniŋ | priṅgĕndani ṅindi | sumrawaŋ aṅuwuŋ ||

42. samya kagèt saguŋ cèṭiniŋ wil | gumrubyug nanonton | ika apa maṅkana rupané | maṅkruk maṅkruk anèŋ paŋ aputiḥ | swarané amanis | buron apa iku ||

43. iŋ ṅaḷĕṅka duruŋ sun niṅali | buron kaŋ mĕṅkono | ṅaṅgo jamaŋ buntuté aṅlawèr | akĕkacé sutra ṅanan ṅéri | éwuḥ sun arani | apa iku muñuk ||

44. yèn muñuka muñuk iŋ wanadri | nora ṅaṅgo aṅgo | ṅénak énak si jĕnat solahé | mara mara sĕsĕṇḍona maliḥ | lagi tumon iki | ana kĕṭèk ṅiduŋ ||

45. wahu rajaputri duk miyarṣi | luhira drĕs miyos | kapiyarṣa solahé kakuṅé | naṅiŋ grahitané săṅgaruṅgi | anarka yèn sandi | baya akalipun ||

46. si dasamuka mamaliḥ warṇi | mriḥ ḷĕjar tyas iṅoŋ | iya liwat dora sĕṅarané | ṅĕndi dalané praptahèŋ ṅriki | yahiku sayĕkti | si dasamuka dur ||

47. daṅu paṅunadika saŋ putri | anoman sigrañjog | pan añjoṅok iŋ ṅarṣa gĕḍoṅé | dènnya baḍé sĕmèdi saŋ putri | myaŋ trijaṭa dèwi | mulat sru gumuyu ||

48. buron apa kaŋ maṅkéné iki | rupané maṅkono | déné mĕmplak tur dawa buntuté | putri mantili ṅandikèŋ galiḥ | asĕmbawa iki | ṅakuwa iṅutus ||

49. sĕḍĕŋ iṅsun cinidra iŋ ṅuni | mriŋ rahwana katoŋ | aṅliwati iŋ sagara gĕḍé | liyan garuḍa kalawan aṅin | muŋ iku kaŋ prapti | muŋ wĕtaraniṅsun ||

50. miwaḥ alasé kagiri giri | juraŋ juraŋ sigroŋ | pirabara bisaa mĕréné | nora duga yèn duta mriŋ mami | dadya wuwuḥ sĕḍiḥ | pĕtĕŋ iŋ tyasipun ||

51. sigra maṅsaḥ radèn dayapati | majĕŋ awotsinom | hèḥ gustiku sampun salaḥ dalèḥ | pan kawula punika sayĕkti | duta sakiŋ gusti | kaŋ aṅguŋ maṅunkuŋ ||

52. tansaḥ onĕŋ iŋ paduka gusti | gèné saŋ wiranom | maliawan siniwèŋ bala wré | tan pétuṅan kyèḥ prawira sĕkti | ṛĕkṣamuka wukir | malyawan kaŋ kidul ||

53. sakiŋ mahéndra lèripun kĕḍik | malyawan makuwon | pan kèbĕkan déné kaŋ bala wré | măṅka mitranipun raka dèwi | ratuniŋ wré sĕkti | sugiḥ puṅgawa guŋ ||

54. saŋ naréndra sugriwa linuwiḥ | ulun kaŋ kinoṅkon | amarikṣa paduka makṣihé | nuli gusti ramawijayèki | suŋ prataṇḍèŋ mami | pan susupénipun ||

55. sosotyadi kaŋ muṅgèŋ jĕjĕṇṭik | biliḥ pinahido | laḥ punika ta gusti warṇiné | sakiŋ raka paduka kaŋ siṅsim | saŋ putri mantili | tumiṅal kumĕpyur ||

56. kadya runtuḥ tyasé tibèŋ siti | duk wahu tumonton | déné yĕktiné iṅkaŋ susupé | tinaṅgapan luhira drĕs mijil | pinasaŋ jariji | manis ĕṅgènipun ||

57. pinasaṅa saminiŋ jĕjĕṇṭik | yĕkti saṅĕt logro |6

nèŋ dariji manis parandéné | makṣiḥ logro anoman niṅali | laṅkuŋ wlasiŋ gusti | dènnya saṅĕt kuru ||

58. déné sampun ṅawruhi pribadi | iŋ rèḥ saŋ lir sinom | duk pinaran iŋ dasamukané | nora kéguḥ gĕŋ trĕṣṇa iŋ laki | dèn palahur mati | sayĕkti pinuñjul ||

59. nora laraŋ rinĕbut iŋ jurit | rinéwaŋ ṛĕṛĕmpon | lamun putri abobot antĕpé | nĕmbaḥ matur ramadayapati | ḷĕbĕt kula gusti | iṅgiḥ wahu dalu ||

60. pan sadalu kawula sak asik | sajroniŋ kĕḍaton | aṅupados paduka nak aṅgèr | datan wontĕn saḷĕbĕtiŋ puri | muŋ kaṭaḥ pawèstri | piraŋ piraŋ èwu ||

61. kaŋ kinăṇṭa kăṇṭa widadari | samyayu nom anom | ditya kĕmit jibĕg sagèn gèné | ulun sayaḥ mèḥ rintĕn mariki | muŋ anĕdya ṅuṅsi | maṅké dalu waṅsul ||

62. tan andipé yèn gusti nèŋ ṅriki | déné kiwa adoḥ | nuju ulun mĕniṅi praptané | dasamuka kasmaran mriḥ ṛĕsmi | yèn puruna gusti | aṅladosi lulut ||

63. yĕkti waṅsul kawula siŋ ṅriki | lampaḥ tantuk don | tuwas sayaḥ lampaḥ tanpa gawé | saṛĕŋ paduka lumuḥ sayĕkti | tan aṅéman pati | lampaḥ kawulantuk ||

64. yĕkti sida woŋ aguŋ ṅadoni | praŋ ramé ṛĕṛĕmpon | dasamuka duk ṅunus tuwĕké | mèḥ sakĕḍik ajĕŋ kula jlogi | mriḥ umaṅsaḥ jurit | popor takĕr marus ||

65. émut iṅutus ḍatĕŋ iŋ gusti | amuruŋ lalakon | parandéné yèn èstuwa tyasé | mamatèni ḍatĕŋ iŋ jĕŋ gusti | tan wandé kula glis | nubruk sakiŋ puṅkur ||

26. paṅkur

1. kawula datan sarănta | mulat dasamuka iŋ tyas aṅgĕni | déné karya lara gandruŋ | ḍatĕŋ gusti kawula | mila tĕmaḥ kapiraṅu gandruŋ gandruŋ | paṅgawéné si rahwana | aṇḍuṣṭa riŋ rajaputri ||

2. tan sagĕd kawula miyat | iŋ saṅĕté onĕṅira jĕŋ gusti | saparané gandruŋ gandruŋ | kuru iṅkaŋ sarira | tan aḍahar pijĕr gandruŋ kapiraṅu | anoman dènira ṅucap | ṅisis siyuŋ gikit laṭi ||

3. gusti dèrèŋ siram siram | kaŋ sinaṇḍaŋ amuŋ kulitiŋ èṣṭi | jroniŋ gandruŋ kapiraṅu | woŋ aguŋ punaginya | bésuk ñaṇḍaŋ jajarit yèn mari gandruŋ | apan ubayaniŋ driya | yèn paṅgiḥ putri mantili ||

4. lir sasăṅka kawadaka | iŋ baṣkara ṛĕsaké kaṅjĕŋ gusti | dènnya saṅĕt amoŋ gandruŋ | dalu pantara siyaŋ | tan amĕṇḍa kapiraṅu gandruŋ gandruŋ | si dasamuka kaliwat | karya rujit tyasiŋ gusti ||

5. saŋ ṛĕtna duk amiyarṣa | iŋ aturé wahu radèn maruti | cumĕkik baṛĕbĕl kaŋ luḥ | sumaput tiṅalira | tyasé kadi rinaṛĕmĕd ajur mumur | kasok rantasiŋ wardaya | déniŋ wlasira miyarṣi ||

6. rayi paduka ḷĕkṣmaṇa | laṅkuŋ ṅajĕŋ ajĕŋ dadosiŋ jurit | agé tĕmpuha lan satru | si rahwana jurjana | bala wré sadaya sami ṅayun ayun | aglisé pitĕmpuhiŋ praŋ | aṅgĕmpura iŋ ajurit ||

7. dènnya kamiwĕlas mulat | iŋ gĕrahé jĕŋ gusti aṅranuhi | gĕŋ asmara gandruŋ gandruŋ | muŋ paduka kacipta | tanpa saré kapiraṅu gandruŋ gandruŋ | padma késisan salaga | sinaṅsayèŋ jalanidi ||

8. mila maṅkyatur kawula | sampun sampun datanpa trĕṣṇèŋ urip | ṛĕkṣanĕn yuswa pukulun | aran sampun kantĕnan | lamun raka paduka sami rahayu | tan wandé nagri ṅaḷĕṅka | iŋ tĕmaḥ samodra gĕtiḥ ||

9. gĕrgĕtiŋ bala wanara | pra dipati nĕdya ṅĕbyuki pati | arok bănda takĕr marus | lawan rahwana ḍuṣṭa | saha bala kaŋ sakĕṭi yuta laṅkuŋ | sawurda sakirṇa yuta | mriḥ pati ṅarṣaniŋ gusti ||

10. mila iŋ cipta kawula | datan wandé rahwana ñahur pati | déné aguŋ dosanipun | ñidra paduka ṛĕtna | sigra putri mantili ṅandika arum | hèḥ anoman tuhu sira | dutadi wirotamadi ||

11. tama kartiniŋ sampéka | iṅsun liwat suka mirṣa sirèki | kabèḥ kabèḥ ta wartamu | usada mĕṇḍa brăṅta | laḥ ta ĕnya iki aturṇa gustimu | cuṇḍamanik kañciŋ réma | pratăṇḍa yèn sakiŋ mami ||

12. lawan surat iṅsun turṇa | cihnaniṅoŋ monaŋ ṅunaŋ gĕŋ braṅti | déné cuṇḍamanik iku | sasat iṅsun manĕmbaḥ | lan turana gustimu aywa guŋ wuyuŋ | suka anaḍaḥ naḍaha | lan saguŋ bala prajurit ||

13. sĕrat sampun tinampanan | wus binĕkta kalawan cuṇḍamanik | anoman amit wotsantun | mĕsat sakiŋ ṅarṣanya | dèwi śinta anoman suka kalaṅkuŋ | dènira wus paṅgiḥ lawan | kusuma putri mantili ||

14. amriḥ utamaniŋ lampaḥ | amriḥ ojat nĕpsuné dèn turuti | nĕdya karya praŋ pupucuk | malumpat iŋ kakaywan | ṅobrak abrik sinĕmpal sĕmpal kaŋ kayu | witnya jinĕjĕg rug ṛĕbaḥ | kĕmbaṅan dèn orak arik ||

15. sĕmpal papal kaparapal | kĕmbaŋ kĕmbaŋ lir udan tibèŋ siti | maḷĕdug mawur katawur | sumyar abyar sumĕbar | pĕtĕŋ ḍĕḍĕt sumĕmbur lir udan lésus | pamombak mumbuk balasaḥ | anoman kroḍa mawĕrdi ||

16. gĕmpur taman argasoka | saŋ anoman mĕré aṅgigirisi | buta kaŋ tuṅgu lumayu | kagyat katrajaŋ kidaŋ | abusĕkan manuk manuké bĕr kabur | buroné mawur sasaran | dityané praptèŋ jro puri ||

17. iŋ ṅarṣanira rahwana | ditya matur pukulun narapati | taman soka risak gĕmpur | wontĕn palwaga pĕṭak | rumabasèŋ sakaṭahiŋ kayu kayu | kĕmbaŋ kĕmbaŋ kaŋ rinusak | ginĕmpur dèn obrak abrik ||

18. laṅkuŋ wĕgig kaŋ wanara | mawa bajra muḷĕk iŋ taman sari | mila rug ṛĕbaḥ barubuḥ | déniŋ palwaga pĕṭak | dasamuka bramatyanira kalaṅkuŋ | aṅatag prajuritira | sakapraboniŋ ajurit ||

19. taman soka na wanara | patènana siji aṅrurusuhi | maṅkat buta satus èwu | gumĕraḥ tiŋ jalimprak | siṅa nabda ambĕkta parasu limpuŋ | macakra kunta baḍama | rumĕbut palwaga putiḥ ||

20. gumuruḥ surakiŋ ditya | kadi gora prahara aṅĕbĕki | anoman upaminipun | kaŋ jaladri sudira | kinarubut ginusaḥ ṅalor aṅidul | tinarka buron kéwala | tan wruḥ yèn ambabayani ||

21. anoman malumpat sigra | añĕmpal paŋ sinawatakĕn aglis | ditya kaŋ samya ṅarubut | mamalu limpuŋ kunta | amarasu pinapag sawat kawaṅsul | ditya kaŋ kĕnèŋ sasawat | kèḥ kĕna bahu maṅuwir ||

22. ana kaŋ kayu caṇḍana | gĕŋnya sakol pañjaŋ lurus agilig | dinahut kinarya palu | ditya kèḥ mati timpal | kèḥ kariṅkĕl danawa guŋ ṛĕmak ṛĕmpu | kaŋ pĕcaḥ siraḥnya paraḥ | mĕṅkab lor wétan naṅkĕbi ||

23. ditya kèḥ pinala ṛĕbaḥ | aṅgĕlasaḥ kaŋ kidul aṅĕbyuki | pinalu kèḥ kapalupuḥ | kĕna bahuné sĕmpal | saŋ anoman saṅsaya krura maṅiwut | aṅiwa nĕṅĕn mĕmĕjaḥ | amĕré malumpat ṅĕrik ||

24. kaŋ kilèn amaṅsaḥ paṅgaḥ | ditya diyu ṅarubut aṅĕbyuki | maṅsaḥ parasu malimpuŋ | waṅsul datan katampan | saŋ anoman malu riŋ wil akèḥ ṛĕmuk | gulimpaŋ ṛĕbaḥ kaparaḥ | kèḥ malopor utĕk mili ||

25. miwaḥ ṛĕmĕk iga gugrag | kèḥ rumaṅkaŋ pukaŋ maṅuwir uwir | kasampar limpar kasuruŋ | ana wĕtĕŋnya ḍuwak | jaja suwak ṅowak owak buta kawuk | tan kawawa kèḥ kaplajar | kapapas patiŋ kaṛĕmpis ||

26. ana ṛĕkṣasa duk prapta | awahana rata kalawan èṣṭi | wil wira paṛĕŋ dènñanduk | gumraḥ masiṅa nabda | maṅĕrubut anoman miyat saya sru | butĕŋ krura liwuŋ maṅkrak | wuḥ dawagĕṅipun jrihi ||

27. malumpat mriŋ katimaha | ditya samya ṅamaḥ amaḥ ṅĕbyuki | amalu malu malimpuŋ | ana ditya prawira | sigra baṇḍĕm sakĕbo guṅiŋ kaŋ watu | tibèŋ jaja saŋ anoman | gumaḍug datan ṅuṇḍili ||

28. datan karasèŋ anoman | glis ṅĕjlogi pinalu ĕṇḍasnèki | kariṅkĕl mati kapalu | balasaḥ tiŋ salayaḥ | sĕrati lan kusir pan sami lumayu | sapatiné tuwanira | ana kaŋ sami pupuliḥ ||

29. ṛĕkṣasa nitiḥ turăṅga | aṅḷĕpasi sañjata tan ṅuṇḍili | dèn jlogi tinampya lampus | ana iṅkaŋ dinugaŋ | aṅgĕlasaḥ kaŋ kiwul kiwul kawaṅsul | gajaḥ ṛĕbaḥ gaḍiŋ pokaḥ | kumba pĕcaḥ boñcaḥ bañciḥ ||

30. mobat mabit saŋ anoman | taṅan suku tan kéwran mamatèni | myaŋ ikunira anĕkuk | nĕkĕk añĕṇḍal ḍaḍal | giris mulat kariné mati lumayu | patiŋ baḷĕsar sarṣaran | ana matur iŋ saŋ aji ||

31. kaŋ maṛĕk praptèŋ ṅayunan | matur nĕmbaḥ ḍuḥ gusti saŋ narpati | balanta danawa diyu | ṛĕkṣasa guŋ palastra | gĕmpur iṅkaŋ kari mawur kawur kawur | tan măṅga măṅga puliha | amuṅsuḥ palwaga putiḥ ||

32. rahwana laṅkuŋ bramatya | sigra ṅatag ditya kaŋ sura sĕkti | kaŋ taté apraŋ apagut | tuṅgul pikukuḥ iŋ praŋ | paṛĕŋ tandaŋ ditya guŋ maṅkat gumuruḥ | saṅkĕp sakapraboniŋ praŋ | kadya trunaniŋ udadi ||

33. akĕn kaŋ gĕlap goraya | bala yakṣa praptèŋ taman soka glis | maṅsaḥ kaŋ wil prawiranuŋ | luhur kadya prabata | siṅa nabda tumamèŋ rok wétan kidul | lor kulon paṛĕŋ maṅrĕmpak | gambira saŋ dayapati ||

34. sumahab paṛĕŋ baḍama | kaŋ marasu malimpuŋ gaṇḍi piliŋ | tan kéwran panĕmpuhipun | radèn bayutĕnaya | pinutĕr kaŋ sahĕtal wrĕkṣa kadahut | maṅsaḥ mamalandaŋ ditya | kaŋ kĕna kèḥ aṅĕmasi ||

35. danawa saya guŋ prapta | maṅabèhi nirbaya iŋ ajurit | kèḥ sĕmpal bahuné rampuŋ | rampas jaṅgané pagas | samya kĕkĕs gumĕtĕr kĕñaniŋ diyu | dé baṅké susun atumpaŋ | rumaras putri mantili ||

36. manawa anoman pĕjaḥ | samya inĕb gĕḍoŋ kaŋ danawèstri | ditya kaŋ aguŋ kabujuŋ | giris samya sasaran | kaŋ kacaṇḍak wurahan gĕṛĕŋ aṅaḍuḥ | katur iŋ saŋ dasamuka | wré sĕkti kondur iŋ jurit ||