sĕrat cĕṇṭini #1

sĕrat cĕṇṭini (suluk tambaŋraras)

yasan daḷĕm kaṅjĕŋ gusti paṅéran adipati anom amĕṅkunagara kapiŋ 3 (iṅkaŋ sinuhun pakubhuwana kapiŋ 5) iŋ surakarta

prawacana

sĕrat cĕṭini akṣara latin punika aslinipun sĕratan akṣara jawi, cacahipun 12 jilid, kandĕlipun laṅkuŋ sakiŋ 3.500 kaca. sĕrat iṅkaŋ asli sumimpĕn iŋsanapustaka kraton surakarta. déné iṅkaŋ wontĕn iŋ ṛĕkṣa pustaka maṅkunagaran, pahĕman radya pustaka sriwĕdari. muséyum sana budaya yogyakarta. muséyum gĕḍoŋ gajaḥ jakarta lan sanès sanèsipun punika sadaya turunan utawi turunaniŋ turunan.

sĕrat cĕṇṭini jaṅkĕp 12 jilid dumugi sapriki dèrèŋ naté kawĕdalakĕn sarta kacétak akṣara jawi utawi latin. nalika tahun 1912 m mila sampun wontĕn sĕrat cĕṇṭini latin wĕdalan ‘bataviaach génootschap van kunsten en wetenschappen’, cétakan firma ruygrok & co iŋ bĕtawi cacahipun 4 buku isi 8 jilid, jilid 1 dumugi 8, anaṅiŋ cétakan latin wahu sayĕktosipun ‘pĕṭikan’ sakiŋ aslinipun jilid 5 dumugi 9. dados, pĕṭikan iŋ tĕṅaḥ lan botĕn kéṅiŋ kawastanan jaṅkĕp. cĕṭanipun.

sĕrat asli jilid 1 dumugi 4 tuwin jilid 10 dumugi 12 botĕn kawĕdalakĕn. katraṅan bab sĕrat cĕṇṭini pĕṭikan wahu baḍé kaaturakĕn iŋ wiṅkiŋ.

dumadosipun sĕrat cĕṇṭini

dumadosipun sĕrat cĕṇṭini wahu awit sakiŋ karṣanipun kaṅjĕŋ gusti paṅéran adipati anom amĕṅkunagara kapiŋ 3, putra iṅkaŋ sinuhun pakubhuwana kapiŋ 4 (jumĕnĕŋ 1788 1820 masèhi) iŋ surakarta. kaṅjĕŋ gusti wahu iŋ tĕmbénipun jumĕnĕŋ sinuhun pakubhuwana kapiŋ 5 (1820 1823 masèhi) iṅkaŋ ugi sinĕbut sunan sugiḥ.

iṅkaŋ pinataḥ maṇḍégani aṅgubaḥ sĕrat cĕṇṭini wahu abdidaḷĕm kliwon carik kadipatèn wasta sutrasna iṅkaŋ ugi sinĕbut ki ṅabèhi raṅgasutrasna, dipunkaṇṭèni :

1. radèn ṅabèhi yasadipura kapiŋ 2 (radèn tumĕṅguŋ sastranagara), abdidaḷĕm bhupati pujaṅga kadipatèn.

2. radèn ṅabèhi sastradipura, abdidaḷĕm kliwon carik kadipatèn. sasampunipun nindakakĕn ibadaḥ haji, gantos nami kyayi haji mohammad ilhar ; sarta kapariṅan pĕmbantu :

1. paṅéran juṅut manduraṛĕja, pradikan krajan waṅga, klatèn, surakarta.

2. kyayi kasan bĕsari, ṅulama aguŋ iŋ gĕbaŋ tinatar, panaraga, mantudaḷĕm sinuhun pakubhuwana kapiŋ 4.

3 kyayi mohammad minhad, ṅulama aguŋ iŋ surakarta.

wondéné iṅkaŋ minaṅka lajĕriŋ cariyos lalampahanipun jayèŋrĕsmi iṅgiḥ sèḥ amoŋraga.

kaṅjĕŋ gusti paṅéran adipati anom mariṅakĕn sĕrat ‘suluk jatiswara’, kaḍawuhan ambabar tuwin ambèbèr kaṇṭi moñcèr. déné ‘suluk jawiswara’ wahu miturut candrasaṅkala pañĕratipun ‘jati tuṅgal swara raja’ (1711), punika jamanipun iṅkaŋ sinuhun pakubhuwana kapiŋ 3, mila wontĕn pandugi sĕrat wahu yasandaḷĕm pakubhuwana kapiŋ 3.

kaṭaḥ para ahli iṅkaŋ, kaḍawuhan ambiyatu iŋ babagan kawruhipun piyambak piyambak, kaḷĕbĕt kaṅjĕŋ paṅulu tapsiranom iŋ bab agami islam. para ahli sanès sanèsipun sami ñĕrat bab bab : agami, kabatosan (mistik), ṅèlmu kasuñatan/kasampurṇan, jaya kawijayan, kanuragan, paṅasihan, kawruḥ saṅgama, pépétaṅan primbon, iladuni, pawukon, pranatamaṅsa, kawruḥ sasaji, tatacara, jiyarahan, patilasan, titilaran kina, kasusastran, doṅèŋ, babad, ḍuwuŋ dalaḥ ciri cirinipun, bab kuda, pĕkṣi, wisma (uṇḍagi), karawitan, gĕṇḍiŋ, bĕkṣan, tanĕm tuwuḥ, tatanèn, jampi jampi lan takṣiḥ kaṭaḥ sanès sanèsipun, kaḷĕbĕt lulucon ṅantos bab caṛĕmĕdan (awon, ṛĕsaḥ). sadaya kaṛĕmbag muyĕg, ḷĕbĕt lan nĕṅsĕmakĕn bab kawontĕnan iŋ ṛĕdi ṛĕdi, guwa, pasisir lan sasaminipun wawaton palapuranipun para bhupati pasisir. utusan utusan sami ṅyĕktosakĕn papan papan iṅkaŋ kramat tuwin wiṅit, kaḍawuhan damĕl pèṅĕtan minaṅka ḍasariŋ paṅgubaḥ. parandéné saŋ paṅéran adipati anom ugi ñarirani tumut aṅgarap lan naliti sadaya isinipun.

wiwitiŋ paṅgarap sĕrat wahu iŋ dintĕn sĕtu pahiŋ, taṅgal 26 sura, sinĕṅkalan 'pakṣa suci sabda ji', tahun jawi 1742 utawi tahun masèhi 1814. dados umuripun sampun 171 tahun. saṛĕŋ sampun dados, sĕrat wahu kapariṅan nama'suluk tambaŋraras' iṅkaŋ umumipun sinĕbut 'sĕrat cĕṇṭini'. déné nama 'cĕṇṭini' wahu mĕṇḍĕt namaniŋ cèṭi abdinipun nikèn tambaŋraras iṅkaŋ dados garwanipun sèḥ amoŋraga.

sakiŋ pĕpak lan kaṭahiŋ isinipun sĕrat cĕṇṭini wĕnaŋ sinĕbut 'énsiklopèḍiya kabudayan jawi'.

sĕrat cĕṇṭini 'pĕṭikan' iŋ ṅajĕŋ sampun kaaturakĕn biliḥ sĕrat cĕṇṭini latin wĕdalan bĕtawi tahun 1912 punika 'pĕṭikan', mila botĕn jaṅkĕp kadosdéné aslinipun. déné laraḥ larahipun, sinuhun pakubhuwana kapiŋ 7 (1830 1855 masèhi) ḍawuḥ nĕḍak sĕrat cĕṇṭini asli jilid 5 dumugi jilid 9. iŋ jilid 5 kaḍawuhan nambahi 'bubuka' déniŋ pujaṅga radèn ṅabèhi raṅgawarṣita. bubuka wahu arupi sĕkar ḍaṇḍaŋgula 17 pada tuwin sinom sapada, kaṇṭi sĕṅkalan 'tata ṛĕṣi mulaŋ janma', tahun jawi 1785.

sĕrat cĕṇṭini 'pĕṭikan' mawi 'bubuka' wahu kapisuṅsuṅakĕn ḍatĕŋ raja walandi.

dumugi sapunika kasimpĕn iŋ univérṣitas léyidĕn, nagari walandi. sĕrat pĕṭikan wahu katĕḍak déniŋ 'bataviaasch genootschap van kunstén en wetenschappen'.

lajĕŋ kawĕdalakĕn akṣara latin iŋ bĕtawi. sadèrèṅipun kacétak, kataliti déniŋ radèn ṅabèhi suradipura, radèn prawirasuwigña tuwin radèn wirawaṅsa, sarta dipunsukani 'katraṅan minaṅka bubuka' déniŋ radèn mas arya surya suparta, jurubasa jawi iŋ surakarta iṅkaŋ tĕmbénipun jumĕnĕŋ kaṅjĕŋ gusti paṅéran adipati arya maṅkunagara kapiŋ 7 (1916 1944) iŋ surakarta.

prĕlu kawĕdalakĕn iŋ akṣara latin sĕrat cĕṇṭini iṅkaŋ umuripun sampun ñakĕti 200 tahun lan isinipun sakalaṅkuŋ kaṭaḥ sarta pĕpak bab kawruḥ, paṅawikan utawi kabudayan jawi punika satuṅgaliŋ warisanipun luluhur jawi iṅkaŋ wĕnaŋ sinĕbut adiluhuŋ, jĕr sĕrat punika babon utawi sumbĕriŋ kabudayan jawi. sĕrat sĕrat jawi kaṭaḥ saṅĕt iṅkaŋ mĕṭik isinipun sĕrat cĕṇṭini, naṅiŋ botĕn ñĕbut sumbĕriŋ pĕṭikan. pramila sĕrat cĕṇṭini punika sakalaṅkuŋ prĕlu dipunsinahu lan dipunpahami déniŋ para satrĕṣṇa lan para paṅudi, wĕkasan sagĕd dados ubarampé sarta urun dumadosipun kabudayan nasional iṇḍonésia.

bubuka

kaṅjĕŋ paṅéran adipati anom (prabhu amĕṅkunagara kapiŋ 3 putra sinuhun pabubhuwana kapiŋ 4) ḍawuḥ ḍumatĕŋ carik (kapujaṅgan) sutrasna supados ṅaṅgit sĕrat sinawuŋ iŋ sĕkar iṅkaŋ isi sadaya bab kawruḥ jawi, sagĕda minaṅka babonipun saṅgyaniŋ paṅawikan jawi. déné lajĕriŋ cariyos bab lalampahanipun radèn jayèṅrĕsmi. wiwitipun ṅaṅgit sĕrat wahu iŋ dintĕn sabtu pahiŋ, taṅgal 26 sura, sinĕṅkalan 'pakṣa suci sabda ji', tahun jawi 1742. sĕrat wahu kapariṅan nama'suluk tambaŋraras'.

sĕrat cĕṇṭini 1

1. babad giri

sèḥ wali lanaŋ, ulama sakiŋ nagari juddaḥ aṅajawi, ñjujug iŋ ṅampèl (grĕsik, jawi wétan), lajĕŋ ḍatĕŋ bañuwaṅi. putri prabhu blambaṅan pinuju gĕraḥ santĕr. awit sakiŋ aturipun patiḥ samboja, saŋ prabhu muṇḍut pituluṅanipun sèḥ wali lanaŋ. saŋ putri sagĕd waluya, lajĕŋ kaḍahupakĕn kalihan sèḥ wali lanaŋ. prabhu blambaṅan kasuwun ṅrasuk agami islam, naṅiŋ botĕn karṣa sah‍éṅga sèḥ wali lanaŋ lolos. patiḥ samboja kadukan, lajĕŋ késaḥ suwita iŋ majapahit. garwanipun sèḥ wali lanaŋ sampun aṅgarbini, wasana miyos kakuŋ. bayi kaḷĕbĕtakĕn iŋ kaṇḍaga lajĕŋ kabucal iŋ sagantĕn, kapuluŋ déniŋ juragan lalayaran, lajĕŋ kacahosakĕn ñi samboja iṅkaŋ sampun waraṇḍa lan botĕn kaguṅan putra. bayi kapuṇḍut putra, kapariṅan nama santri giri. umur 12 tahun kasuwitakakĕn sunan ṅampèl, kakadaṅakĕn kalihan putra ṅampèl iṅkaŋ wasta santri bonaŋ. saṛĕŋ diwasa kadaŋ kakaliḥ wahu nĕdya ḍatĕŋ mĕkaḥ, naṅiŋ wontĕn iŋ malaka kapaṅgiḥ sèḥ wali lanaŋ lan kaḍawuhan waṅsul. santri giri kapariṅan paparab prabhu sètmata lan santri bonaŋ kapariṅan kakasiḥ prabhu añakrakusuma. santri giri wĕkasanipun jumĕnĕŋ sunan giri.

1 sinom

1. śri narpadmaja sudigbya, talatahiŋ nuswa jawi, surakarta adiniṅrat, agnya riŋ kaŋ wadu carik, sutrasna kaŋ kinaṇṭi, maṅun rèḥ caritèŋ daṅu, saṅgyaniŋ kawruḥ jawa, iṅimpun tinrap kakawin, mriḥ tan kĕmba karya ḍaṅan kaŋ miyarṣa.

2. lajĕré kanaŋ carita, lakṣananiŋ jayèṅrĕsmi, ya sèḥ adi amoṅraga, atmajèŋ jĕŋ sunan giri, kontap janma linuwiḥ, oliya wali mujĕdub, papaṛĕṅaniŋ jaman, jĕŋ sultan aguŋ mantawis, tinĕṅran srat kaŋ susuluk tambaŋraras.

3. karṣaniŋ kaŋ narpaputra, baboniŋ paṅwikan jawi, jinèrèŋ dadya carita, sampatiŋ karṣa maṛĕṅi, nĕmlikur sabtu pahiŋ, lèk mukaram wawarṣèku, mrakèḥ hyaŋ surèṅgana, bhaṭara yama déwa ri, amawulu wogan suwajag sumĕṅka.

4. pañcasudaniŋ satriya, wibawa lakuniŋ gĕni, windu adi maṅsa sapta, saṅkala aṅkaniŋ warṣi, pakṣa suci sabda ji, rikaŋ pinurwa iŋ kiduŋ, duk kraton majaḷĕṅka, śri bhrawijaya muṅkasi, wontĕn maholana saṅkiŋ nagri juddaḥ.

5. panĕṅran sèḥ walilanaŋ, praptanira tanaḥ jawi, kaŋ jinujug ṅampèldĕnta, pinaṅgiḥ saŋ maha ṛĕṣi, ararahosan ṅèlmi, sarak saréṅat jĕŋ rasul, naṅiŋ tan ṅantya lama, liṅgar sakiŋ ṅampèlgaḍiŋ, ṅidul ṅétan añjog nagri balambaṅan.

6. lèrèḥ ḍusun purwasata, raja balambaṅan nagri, putranya èstri sajuga, iŋ warṇa tuhu linuwiḥ, sĕḍĕŋ mĕpĕk birahi, kataman gĕraḥ saŋ ayu, madal sakèḥ usada, saŋ nata aguŋ prihatin, kyana patiḥ samboja sowan maṅarṣa.

7. pukulun amba tur wikan, wontĕn molana ṅajawi, kakasiḥ sèḥ walilanaŋ, saṅkiŋ iŋ juddaḥ nagari, iŋ purwasata kampir, yèn pinaṛĕŋ tyas pukulun, prayogi iṅaturan, manawi

karṣa saŋ yogi, suŋ usada gĕrahé putra naréndra.

8. maṅkana dupi miyarṣa, aturiŋ saŋ nindyamantri, laṅkuŋ kapaṛĕŋ iŋ driya, nulya utusan ṅaturi, sapraptaniŋ jro puri, saŋ nata gupuḥ amĕṭuk, riwusnya tata ḷĕṅgaḥ, miwaḥ katuran pambagi, amĕḍarkĕn kaŋ dadya ṛĕntĕṅiŋ driya.

9. sèḥ walilanaŋ wus sagaḥ, nulya iṅusadan aglis, gĕrahé saŋ putri mulya, ramébu sukanya ṅĕntiŋ, karṣanya narapati, sèḥ wali pinuṇḍut mantu, iŋ karya tan winarṇa, dèn nira amaṅun kardi, atut runtut lir mimi lawan mintuna.

10. wus lami nèŋ balambaṅan, sèḥ wali matur saŋ aji, kinèn santun agamĕslam, saréṅat nabi sinĕlir, nata tan mituruti, sèḥ cuwèŋ tyas lolos dalu, késaḥ mariŋ malaka, garwa tinilar ṅgarbini, saŋ ṛĕtna yu sakalaṅkuŋ kawlasarṣa.

11. sapĕṅkĕré saŋ paṇḍita, pagĕriŋ agĕŋ ṇḍatĕṅi, kawula kaṭaḥ kaŋ pĕjaḥ, bĕnduniŋ śri narapati, mariŋ ṛĕkyana patiḥ, dèn luṅsur darajadipun, ki samboja sru méraŋ, késaḥ mariŋ majapahit, añuwita saŋ aprabhu bhrawijaya.

12. kaaṅgĕp tur kinasiyan, tinandur anèŋ in giri, nahan tan antara lama, ki samboja aṅĕmasi, pinĕtak giri ugi, sadaya tilaranipun, lastantun iṅkaŋ garwa, kacĕluk ñi raṇḍa sugiḥ, aṅluwihi samoaniŋ woŋ dadagaŋ.

13. maṅsuli iŋ balambaṅan, rajaputri kaŋ ṅgarbini, wus ambabar mijil priya, warṇanya kalaṅkuŋ pĕkik, karṣanira saŋ aji, linabuḥ mriŋ samodra guŋ, winaḍahan gĕṇḍaga, sawusé anèŋ jaladri, gya iṅalap juragan kaŋ lagya layar.

14. binuka iṅkaŋ gĕṇḍaga, isi jabaŋ bayi pĕkik, iṅaturkĕn mriŋ ñi raṇḍa, laṅkuŋ truṣṭanirèŋ galiḥ, ḍasar datan sisiwi, mila sihira kalaṅkuŋ, lir putra ṅgènnya yoga, sinuŋ aran santrigiri, sawusira yuswa kaliḥ wĕlas warṣa.

15. ñahi raṇḍa lon ṅandika, ḍuḥ kulup sira wus wañci, pisaḥ lawan raganiṅwaŋ, aywa kulinèŋ gĕgramin, bĕcik ṅupaya ṅèlmi, saréṅat jĕŋ nabi rasul, kéné ana paṇḍita, parab sunan ṅampèl gaḍiŋ, surapriṅga prayoga kawulanana.

16. sawulaṅé saŋ paṇḍita, pituhunĕn lahir batin, poma kaki ywa pépéka, cinĕkak cariyosnèki, santrigiri wus mañjiŋ, ñakabat mriŋ jĕŋ sinuhun, siyaŋ dalu tan pisaḥ, lan putra iŋ ṅampèlgaḍiŋ, kaŋ sinuŋ ran iṅkaŋ rama santribonaŋ.

17. tulus dèn nira kakadaŋ, tan ana salayèŋ kapti, paṅahosé wus widagda, sampurṇa sakèhiŋ ṅèlmi, karṣanya rarywa kaliḥ, ayun késaḥ aṅĕlaṅut, ṅahos mriŋ nagri mĕkaḥ, mañcal sakiŋ ṅampèlgaḍiŋ, nitiḥ palwa labuḥ jaṅkar nèŋ malaka.

18. kapaṅgiḥ sèḥ walilanaŋ, datan samar iŋ saliriŋ, kaṇḍĕg nèŋ nagri malaka, maguru sèḥ wali sidik, sawusiŋ ntuk sawarṣi, sĕdyanira rajasunu, dumugèkakĕn karṣa, lajĕŋ mriŋ mĕkaḥ nagari, walilanaŋ sakalaṅkuŋ datan ṛĕmbag.

19. kinon waṅsul iŋ ṅajawa, mariŋ wukir ṅampèlgaḍiŋ, sarta pinariṅan juṅkat, kalawan jubaḥ kulambi, nahan ta santrigiri, sampun sinuṅan jujuluk, nĕṅgiḥ prabhu sètmata, santribonaŋ sinuŋ nami, prabhu ñakrakusuma susunan bonaŋ.

20. nulya biḍal aṅajawa, waṅsul mariŋ ṅampèl gaḍiŋ, pinaṅgiḥ saŋ maha tapa, wus katur sasolahnèki, saŋ ṛĕṣi ṅandika ris, kawruhanta iku kulup, sèḥ walilanaŋ mlaka, mitrèṅsun sah‍éka kapti, iŋ paṅawruḥ lahir batin tan sulaya.

21. laḥ jĕbèŋ sira muliya, mariŋ iŋ ṅasramèŋ giri, kawruhanamu rénanta, iŋ samĕṅko naṇḍaŋ sakit, tumĕkèŋ ṅajalnèki, muŋ ṅanti tĕkamu kulup, rénanta yèn palastra, kubuṛĕn anèŋ iŋ giri, tuṅgaḷĕna kalawan sudarmanira.

22. lawan sunidèni sira, jumĕnĕŋ susunan giri, jujuluk prabhu sètmata, tĕmbé iŋ sapuṅkur mami, sira iṅkaŋ mbawani, jumĕnĕŋ wali linuhuŋ, sinuhun sak rat jawa, kabèḥ paḍa wĕdi asiḥ, kaḷĕṅkèṅrat sinĕbut raja paṇḍita.

23. naṅiŋ ywa kaliru tampa, dudu ratu maṅku nagri, sira wus tan kakilapan, obaḥ osik doña ṅakir, wus cukup wĕkasmami, sunan giri nĕmbaḥ nuhun, anulya ṅrahup pada, lèṅsèr sakiŋ ṅampèlgaḍiŋ, tanpa kaṇṭi gañcaṅiŋ cariyos prapta.

2 kinaṇṭi

1. iŋ giri apan wus tuṇḍuk, kaŋ ibu grahé ṅranuhi, rinubuŋ sakèḥ juragan, rawuhé jĕŋ sunan giri, karamatiŋ waliyolaḥ, kaŋ ibu dipunpĕraki.

2. kagyat wuṅu nulya ṅraṅkul, kinuswa kuswa kaŋ siwi, waspa adrĕs marawayan, sasambatnya mĕlas asiḥ, ḍuḥ lah‍é atmajaniṅwaŋ, kaŋ dadya tĕḷĕṅiŋ ati.

3. kuraŋ saṭiṭik katrucut, kulup tan mĕnaṅi mami, ñawa déné tĕka lawas, ṅgonira pruhita ṅaji, lah‍é lah‍é ora ñana, yèn bisa katĕmu maniŋ.

4. maṅkya guwayamu mañcur, wĕnĕs mañcoroŋ nĕlahi, baya olèḥ kanugrahan, jĕŋ sunan turira aris, ibu paṅèstu paduka, wus katur sasolahnèki.

5. kaŋ ibu suka kalaṅkuŋ, kulup sampurṇakna mami, umañjiŋ agama islam, nulya sinadatkĕn aglis, kalimaḥ loro winĕjaŋ, kaŋ ibu paḍaŋ nampani.

2. prabhu bhrawijaya iŋ majapahit botĕn ṛĕna wontĕnipun kawaliyan iŋ giri, mila utusan patiḥ gajahmada sawadyabala nĕlukakĕn giri. wadya majapahit kasoran jalaran dipunamuk déniŋ ḍuwuŋ kadadosan sakiŋ kalam pañĕratanipun sunan giri. ḍuwuŋ wahu lajĕŋ kapariṅan nama kalam muñĕŋ. sunan giri séda kagantos putranipun (sn. giri kaḍaton). putra séda, kagantos wayaḥ, jujuluk sn. giri prapèn.

prabhu bhrawijaya ṅambali maliḥ aṅgènipun baḍé nĕlukakĕn kawaliyan giri, naṅiŋ ugi botĕn kaḷĕkṣanan jalaran wadyabalanipun kabujuṅ kombaŋ mah‍èwu èwu iṅkaŋ mĕdal sakiŋ pasaréyan sunan giri.

wĕkasanipun majapahit malaḥ risak déniŋ putranipun piyambak, i.p. r. pataḥ. sunan giri prapèn ñarati jumĕnĕŋ ratu ( niŋ agami) 40 dintĕn, praja lajĕŋ kapasrahakĕn r. pataḥ, jumĕnĕŋ ratu iŋ dĕmak.

6. kulup wus paḍaŋ tyasiṅsun, datan sumĕlaŋ iŋ ati, sira kariya raharja, tĕtĕpa ṅgonmu mĕṅkoni, batiḥmu para sudagar, isiniŋ asramèŋ giri.

7. tĕmbé iŋ sapuṅkuriṅsun, sakèhé duñarta mami, siḍĕkaḥna kaŋ warata, pĕkir miṣkin anak yatin, lawan tukokna amanat, kaji mriŋ mĕkaḥ nagari.

8. poma kulup wĕkasiṅsun, ni samboja nulya lalis, sawusira binĕrṣiyan, layon kinubur tinuṅgil, lan raka kyayi samboja, iŋ maṅkya titiyaŋ giri.

9. lastantun pamuṇḍinipun, iŋ gusti jĕŋ sunan giri, samya kapañjiṅan iman, ṅlampahi saréṅat nabi, ṅibadaḥ andarus kur'an, kaṭaḥ kaŋ iyasa maśjid.

10. gĕmaḥ arjané kalaṅkuŋ, tan ana kaŋ laku juti, samya cĕkap ñaṇḍaŋ maṅan, adoḥ iṅkaŋ dadya miṣkin, tĕntrĕm ciptané raharja, woŋ ṅamañca kaṭaḥ prapti.

11. kabañjur tan arṣa mantuk, kalajĕŋ wisma iŋ giri, raja paṇḍita sètmata, jujuluk susunan giri, gajaḥ kaḍaton minulya, kawĕntar iŋ liya nagri.

12. miwaḥ wus pinuṇḍut mantu, iŋ suhunan ṅampèlgaḍiŋ, ḍinahupkĕn lan putrinya, ñahi agĕŋ ratu nami, atut dèn nya palakrama, ḷĕstantun ṅantya sisiwi.

13. wowolu èstri myaŋ jalu, ñi agĕŋ aṅrumiyini, kondur mariŋ rahmatolaḥ, layon sumaré anuṅgil, marasĕpuḥ èstri priya, garwa putra guŋ prihatin.

14. sigĕg gantya kaŋ winuwus, bhrawijaya narapati, miṛĕŋ pawartos sañata, iŋ maṅkya susunan giri, linulutan sakèḥ janma, nuṅkul tan kalawan jurit.

15. saŋ prabhu utusan gupuḥ, gajahmada kyana patiḥ, kinèn lumampaḥ priyaṅga, mukul praŋ giri gaṛĕsik, tan cinatur lampahira, wus prapta jajahan giri.

16. gègèré kadya pinusus, kaŋ katrajaŋ samya ṅili, miṅgaḥ kaḍaton prawata, jĕŋ sunan giri maṛĕṅi, añĕrat manĕḍak kur'an, kagyat miṛĕŋ suwaraniŋ.

17. tiyaŋ alok muṅsuḥ rawuḥ, sumĕdya ṅrisak iŋ giri, kalam iṅkaŋ kagĕm ñĕrat, anulya binucal aglis, andodoṅa iŋ paṅéran, sinĕmbadan iŋ sakapti.

18. kalam lajĕŋ dadya ḍuwuŋ, cumlorot ṅamuk pribadi, pra wadya iŋ majaḷĕṅka, kaṭaḥ iṅkaŋ aṅĕmasi, sakantuné kaŋ palastra, pra samya lumayu ṅgĕndriŋ.

19. mantuk maraŋ majalaṅu, sawusira mĕṅsaḥ gusis, ḍuwuŋ wus waṅsul pribadya, sumèlèḥ iŋ ṅarṣanèki, pañĕratan saŋ paṇḍita, sarta akukuṭaḥ gĕtiḥ.

20. kagyat risaŋ amanĕṅkuŋ, miyat ḍuwuŋ kuṭaḥ gĕtiḥ, dahat panalaṅsanira, dyan dodoṅa mriŋ hyaŋ widdhi, mugi allaḥ ṅapuntĕna, solaḥ amba iṅkaŋ sisip.

21. saŋ paṇḍita ṅandika rum, maraŋ iŋ wadyanirèki, kabèḥ paḍa piyarṣakna, myaŋ anĕkṣènana sami, katgèki sun wèhi aran, si kalammuñĕŋ prayogi.

22. sakèḥ wadya sahur manuk, wus samya kalilan muliḥ, mriŋ wismané sowaŋ sowaŋ, ḷĕstantun asramèŋ giri, jumĕnĕŋnya jĕŋ susunan, prabhu sètmata linuwiḥ.

23. gĕmaḥ arjané kalaṅkuŋ, saya wêwaḥ wadyanèki, tan ana kaŋ kasaṅsaya, nahan wus antara lami, sunan giri naṇḍaŋ gĕraḥ, kapaṛĕŋ praptaniŋ takdir.

24. kundur mriŋ rahmatolahu, gumĕr taṅis iŋ jro puri, wandu wandawa suṅkawa, layon sawusiŋ baṛĕsiḥ, sinarèkkĕn nora tĕbaḥ, saṅkiŋ padaḷĕmanèki.

25. sédanira tilar sunu, sadasa kakuŋ lan putri, kaŋ kaliḥ saŋ kiŋ ampéyan, paṅran pasirbata nĕṅgiḥ, kalawan siti rohbayat, wowolu saṅkiŋ padĕmi.

26. kasĕbut ñahi gĕŋ ratu, putra sĕpuḥ sinuŋ nami, ratu gĕḍé iŋ kukusan, nulya sunan daḷĕm nĕṅgiḥ, katrinira apanĕṅran, susuhunan tĕgalwaṅi.

27. catur ñi gĕŋ saluluhur, pañca sunan kidul nĕṅgiḥ, ratu gĕḍé saworasa, sunan kulon kaŋ sumĕṇḍi, sunan waruju ragilnya, wahu ta iṅkaŋ winardi.

28. sasampunira paṅubur, kumpul para wadya giri, aṅrĕmbag iṅkaŋ gumantya, maṇḍirèŋ susunan giri, pra wadya wus goloŋ ṛĕmbag, sunan daḷĕm kaŋ gumanti.

29. gya iṅaṅkat ajujuluk, sunan giri kapiŋ kaliḥ, susunan giri kaḍatyan, garwa kakaliḥ padĕmi, tan mashur iŋ pañjĕnĕṅan, jĕŋ sunan wus praptèŋ jaṅji.

30. kundur mriŋ rahmatolahu, ugi sumaré iŋ giri, atilar putra sadasa, mbajĕŋ sunan sédamargi, panĕṅgaknya apaparab, sunan giri prapèn adi.

31. tri ñi gĕŋ kuruganṅurun, ñi gĕŋ ṅulakan kaŋ sukci, paṅran lor paṅran ḍĕkĕt sad, paṅran boṅkok nulya ñahi, agĕŋ waru arinira, paṅéran bulu sumĕṇḍi.

32. wragil paṅran sédalahut, paripurṇa kaŋ wus swargi, ṛĕmbag kaŋ yoga gumantya, kĕmpal sakèhé kaŋ dasiḥ, sunan parapèn iṅaṅkat, linuwiḥ lir éyaŋ swargi.

33. maṇḍirèŋ giri kaḍatun, jujuluk makṣiḥ ḷĕstari, sunan giri prapèn dibya, suyut kaŋ wadya guŋ alit, kawĕntar iŋ liyan praja, tan pĕgat kadya iŋ ṅuni.

3 mĕgatruḥ

1. ya ta wahu saŋ prabhu iŋ majalaṅu, sampun amiyarṣa warti, lamun sunan giri prabhu, sètmata wus aṅĕmasi, maṅkya wayahé gumantos.

2. ajujuluk sunan prapèn giri luhuŋ, lalajoné kadya ṅuni, saŋ wiku tan arṣa nuṅkul, maraŋ nagri majapahit, dadya sru bĕndu saŋ katoŋ.

3. ḍawuḥ mariŋ ki gajahmada nindya nuŋ, miwaḥ kinaṇṭèn pra siwi, aṅirid wadyabala guŋ, kinèn ṅrabasèŋ iŋ giri, wus samapta nulya boḍol.

4. sunan prapèn wus miṛĕŋ baḍé ginĕmpur, mriŋ saŋ prabhu majapahit, wus buḍal carakèŋ prabhu, kya patiḥ myaŋ rajasiwi, balané lir samodra rob.

5. sunan prapèn sampun sanéga iŋ pupuḥ, karṣanira naṅgulaṅi, mriŋ carakèŋ majalaṅu, tan daṅu mĕṅsaḥ kah‍èkṣi, nulya pinapak praŋ popor.

6. wadya giri kasoran iŋ yudanipun, kaṭaḥ iṅkaŋ naṇḍaŋ kanin, tanapi tumĕkèŋ lampus, sunan prapèn aṅoñcati, sagarwa putra wus lolos.

7. lajĕŋ ṅuṅsi mariŋ sapiṅgiriŋ lahut, binasmènan kiṭa giri, sadaya wus dadya awu, rajabrana dèñjarahi, rajaputra tindak alon.

8. ḍumatĕŋ iŋ astananira saŋ wiku, sunan giri kaŋ wus swargi, iṅkaŋ rumĕkṣa iŋ kubur, tyaŋ kakaliḥ samya ḍĕṅkliŋ, rawuhé saŋ prawira nom.

9. para wadya ḍinawuhan kinèn ṇḍuḍuk, gya tumandaŋ saguŋ dasiḥ, halaté saŋ maha wiku, cihnaniŋ wali linuwiḥ, siṅa cĕlak aṅgaloso.

10. kalésédan sambat ṅaḍuḥ aḍuḥ lampus, kaŋ kantun kalaṅkuŋ giris, bramantya saŋ rajasunu, tumandaŋ pribadi ajriḥ, méraŋ lamun tan kalakon.

11. dadya ḍawuḥ maraŋ tyaŋ kaliḥ kaŋ tuṅgu, kinèn aṇḍuḍuk dèn aglis, binilah‍èn yèn tan purun, paṣṭi tumĕkèŋ iŋ lalis, kinarya coban kris wahos.

12. tyaŋ kakaliḥ tan suwala nulya ṇḍuḍuk, dupi prapta blabak jati, tutupiŋ tabĕlanipun, binuka sakiŋ sakĕḍik, nulya ana iṅkaŋ miyos.

13. warṇi kombaŋ tan pétuṅan kaṭahipun, mabur ṅèbĕki wiyati, maniyub lir laṅit rubuḥ, nĕmpuḥ wadya majapahit, dèn nya naṅgulaŋ pakéwoḥ.

14. pinarjaya tan kéguḥ ṅĕntub pikantuk, biṅuŋ wadya majapahit, tiŋ biluluŋ ṛĕbut ḍucuŋ, dèn nira aṅuṅsi urip, sèlèḥ gagamaniŋ pupoḥ.

15. samya kuḍuŋ gĕdabikan kĕnèŋ ĕntub, siraḥ rapĕt ṅroyok sikil, ṅaruwara sambat biṅuŋ, prapta nagri majapahit, kombaŋ aṅlut datan kégoḥ.

16. saŋ aprabhu bhrawijaya laṅkuŋ gugup, tan kawawa naṅgulaṅi, dadya tilar prajanipun, sawadya balanirèki, gusis praja tan ana woŋ.

17. ṅuṅsi tĕbiḥ dupi kombaŋ wruḥ wus suwuŋ, waṅsul mriŋ nagrinya maliḥ, siji tan ana kaŋ kantun, saŋ aprabhu majapahit, sawadya waṅsul ṅaḍaton.

18. aprasĕtya saŋ aprabhu majalaṅu, datan nĕdya maliḥ maliḥ, ñikara ḍatĕŋ saŋ wiku, ṅamuṅĕna iṅkaŋ uwis, iŋ tyas datan walaṅatos.

19. kacariyos tyaŋ kaliḥ kaŋ ṅrĕkṣa kubur, kanugrahan mantun ḍĕṅkliŋ, gagañcaṅan lampahipun, anusul jĕŋ sunan giri, iṅkaŋ lagya amakuwon.

20. kawlasarṣa anèŋ satĕpiniŋ lahut, tyaŋ kaliḥ maṛĕk tur uniŋ, iŋ maṅkya mĕṅsaḥ wus larut, jalaran tinĕmpuḥ déniŋ, kombaŋ iṅkaŋ mapak pupoḥ.

21. maḍul maḍul palayuné numbuk bĕntus, tilar gagamaniŋ jurit, samya ṅuṅsi gĕsaŋ ñjruṇṭul, tan ana iṅkaŋ tinoliḥ, swarané patiŋ gaḷĕmbor.

22. sampun katur iŋ purwa wasananipun, dalaḥ waluyaniŋ ḍĕṅkliŋ, saŋ wiku kalaṅkuŋ sukur, ndĕdoṅa maraŋ hyaŋ widdhi, rahayu ywa na pakéwoḥ.

23. nulya kundur tan cinatur laminipun, wus paripurṇa iŋ ṅuni, éca tyasé para wadu, satĕṅaḥ ana kaŋ kibir, sajĕg tan na muṅsuḥ rawoḥ.

24. sunan giri datan samar jaṅkanipun, lamun kraton majapahit, wus anduṅkap sirṇanipun, jalarané saṅkiŋ siwi, dyan pataḥ mijil karahos.

3. paṅuwahosiŋ tanaḥ jawi iŋ dĕmak lumintir ḍatĕŋ pajaŋ. iṅkaŋ jumĕnĕŋ sultan adiwijaya, sowan sunan giri prapèn iŋ nalika sinéba para bhupati baŋ wétan.

sultan pajaŋ kaḍèrèkakĕn kiagĕŋ pamanahan iṅkaŋ kawĕca déniŋ sunan giri biliḥ tĕmbénipun baḍé nurunakĕn ratu mĕṅku tanaḥ jawi, kaḷĕbĕt giri. sasédanipun sultan pajaŋ, paṅuwahosipun tanaḥ jawi kaasta panĕmbahan sénapati iŋ mataram. sasampunipun séda kagĕntosan déniŋ putranipun sultan añakrawati iṅkaŋ lajĕŋ kagĕntosan déniŋ putranipun, i.p. sultan aguŋ añakrakusuma.

4 mijil

1. santun saréṅatira jĕŋ nabi, muhkammad kinahot, mila kaṅjĕŋ sunan giri prapèn, lajĕŋ tĕḍak mriŋ dĕmak nagari, kumpul lan pra wali, mukmin miwaḥ jamhur.

2. wusiŋ bĕḍaḥ nagri majapahit, mékrad saŋ akatoŋ, jro kaḍaton tan ana isiné, sunan giri ñĕlani dadya ji, muŋ pat puluḥ ari, nĕṅgiḥ laminipun.

3. añarati supadi icaliŋ, labĕtiŋ karaton, ratu buddha gya jumĕnĕŋ rajèŋ, wusiŋ antuk kawan dasa ari, jĕŋ susunan giri, masrahkĕn kaprabhun.

4. mariŋ radyan pataḥ anampèni, wus jumĕnĕŋ katoŋ, anèŋ nagri dĕmak aṅrèhaké, iŋ rat jawi jĕŋ susunan giri, sarampuṅiŋ kardi, wus linilan kundur.

5. sawusira risak dĕmak nagri, piṇḍaḥ pajaŋ kraton, adipati pajaŋ kaŋ maṇḍirèŋ, mantu sultan bintara muṅkasi, iŋ dĕmak nagari, ṅrèḥ wadya sawĕguŋ.

6. kaṅjĕŋ sultan pajaŋ kaŋ winarṇi, wusiŋ madĕg katoŋ, karṣa ñuwun idi mriŋ parapèn, kyayi agĕŋ mantaram umiriŋ, saguṅiŋ bhupati, kĕbut tan na kantun.

7. sultan pajaŋ sarawuhiŋ giri, kagyat iŋ tyas anon, pasaṅgrahan mbañjĕŋ anèŋ ṅaré, pra bhupati kaŋ samya sumiwi, iŋ jĕŋ sunan giri, poṇḍoké pinatut.

8. sunan prapèn duk miyos tinaṅkil, sultan pajaŋ gupoḥ, asuméwa saṛĕŋ bupatya kèḥ, ḷĕṅgaḥ jèjèr ṅarṣané saŋ ṛĕṣi, iṅayap pra dasiḥ, nèŋ puṅkuranipun.

9. wusiŋ pêpak kaŋ samya anaṅkil, sunan ṅandika lon, jĕbèŋ pajaŋ di kapaṛĕŋ kéné, wus aḷĕṅgaḥ cakĕt lan saŋ ṛĕṣi, aṅandika aris, winor manis arum.

10. putraniṅsun kaŋ paḍa anaṅkil, ywa na walaṅatos, dèn narima maraŋ iŋ papaṣṭèn, iŋ samĕṅko ki pajaŋ dipati, iṅsun wus ṅidèni, iŋ jumĕnĕṅipun.

11. sultan mĕṅku iŋ pajaŋ nagari, sudibya kinahot, binaṭara tan ana saminé, babuṇḍĕlé iŋ satanaḥ jawi, kalipahiŋ widdhi, sarta ajujuluk.

12. sultan prabhu awijaya ḷĕwiḥ, karṣané hyaŋ manon, nĕkṣènana pra sutèṅsun kabèḥ, atur pakṣi sakèhiŋ bhupati, maṅayubagyani, ḍawuhiŋ saŋ wiku.

13. nulya muṇḍut ḍahar wus umijil, sakiŋ jro kaḍaton, tinata iŋ paṇḍapa madyané, sunan prapèn sultan pajaŋ tuwin, kaŋ para bhupati, wus bujana kĕmbul.

14. saŋ paṇḍita aṅandika maliḥ, ḍuḥ pra siswaniṅoŋ, sultan pajaŋ myaŋ bhupati kabèḥ, ĕṅgonira akĕkadaŋ kaki, ywa salayèŋ budi, di atut arukun.

15. raharjèŋ tyas sukur iŋ hyaŋ widdhi, karṣané hyaŋ manon, ana kaŋ tinitaḥ dadi gĕḍé, ana kaŋ tinitaḥ dadi cilik, papaṣṭèniŋ widdhi, basané asnapun.

16. datan luwiḥ sun tètèḍèŋ widdhi, anak putuniṅoŋ, doña akir salamĕta kabèḥ, kaŋ sinabdan samya sahur pakṣi, tutug dèn nya bukti, linorot mriŋ wadu.

17. sunan giri tinarbukèŋ widdhi, waspadèŋ paṅawroḥ, datan samar lalakon iŋ tĕmbé, iṅkaŋ tansaḥ pinañcĕr iŋ liriŋ, ki agĕŋ mantawis, cahyanya umañcur.

18. aṅandika jĕŋ susunan giri, mriŋ jĕŋ sultan alon, jĕbèŋ pajaŋ laḥ ta sapa kah‍é, baturmu kaŋ maṅan aṅèrèni, sapa aranèki, kaṅjĕŋ sultan matur.

19. réñcaŋ amba patiṅgi mantawis, nami karan ĕṅgon, aṅrèḥ siti saḍomas karyané, saŋ paṇḍita aṅandika maliḥ, ḍawuhana kaki, liṅgiḥ jajar patut.

20. lawan para siswèṅsun bhupati, sandika kaŋ kinon, kyayi agĕŋ mantaram wus jèjèr, hèḥ saṅgyaniŋ siswèṅsun bhupati, wruhanamu kaki, turunné si kulup.

21. ki mantaram bésuk wus pinaṣṭi, aṅrèḥ sakèhé woŋ, iŋ satanaḥ jawa iki kabèḥ, nadyan giri kéné tĕmbé ugi, ṅiḍèp iŋ mantawis, kyagĕŋ lajĕŋ ṅujuŋ.

22. koñjĕm siti nĕnĕḍa hyaŋ widdhi, widadaniŋ ḍawoḥ, saha matur mriŋ sunan parapèn, sakalaṅkuŋ sru nuwun kapuṇḍi, lulusiŋ sabda ji, tĕtĕpé kaŋ wahyu.

23. ḍuḥ pukulun patikbra ṅaturi, ḍuwuŋ wus mirantos, amuŋ dadya prataṇḍa yĕktiné, suṅkĕm amba timbalan saŋ yogi, sunan ṅandika ris, sun tarima kulup.

24. naṅiŋ iṅsun pariṅakĕn bali, apan kacariyos, samya ṛĕsĕp pra dipati kabèḥ, aniṅali ki agĕŋ mantawis, raja paṇḍita di, gya mucuŋ ḍaḍawuḥ.

5 pocuŋ

1. laḥ ta kulup para bhupati sadarum, iṅsun iyasakna, talaga kaŋ luwiḥ adi, tur sandika pra wadya nulya tumandaŋ.

2. ḍuḍuk ḍuḍuk tan pantara nuli rampuŋ, dados kaŋ talaga, luwiḥ adi toya wĕniŋ, gilar gilar lir péndaḥ kaca brĕṅgala.

3. wusiŋ katur sinuŋ ran talagapatut, jĕŋ sultan kalawan, saguṅiŋ para bhupati, wus linilan mriŋ prajané sowaŋ sowaŋ.

4. tan cinatur nagri pajaŋ risakipun, piṇḍaḥ iŋ mantaram, iṅkaŋ jumĕnĕŋ narpati, putranira nĕṅgiḥ ki agĕŋ mantaram.

5. risaŋ sutawijaya jujulukipun, kaṅjĕŋ panĕmbahan, sénapati iŋ mantawis, lulus wirya gĕmaḥ arja prajanira.

6. panĕmbahan sénapati iŋ mantarum, ṅyĕktèkkĕn wirayat, ḍawuhé susunan giri, iŋ nalika sowannya jĕŋ sultan pajaŋ.

7. panĕmbahan sénapati nulya ṅutus, abdi kinèn sowan, mariŋ giri kaṇṭi tulis, praptèŋ giri saŋ wiku lagya sinéba.

8. sĕrat katur tamatiŋ pamahosipun, mèsĕm aṅandika, hèḥ caraka iŋ mantawis, pakĕnira matura ki sénapatya.

9. lamun ayun ñatakkĕn wirayatiṅsun, gustimu turana, ṅlurug mriŋ baŋ wétan nuli, wus pinaṣṭi karṣané allaḥ taṅala.

10. lamun ratu mantaram iŋ tĕmbénipun, ṅrata tanaḥ jawa, sanadyan iŋ giri iki, uga tĕluk maraŋ iŋ nagri mantaram.

11. lokilmakpul tan kĕna owaḥ sarambut, jamané walikan, kawula dumadya gusti, iṅkaŋ gusti sayĕkti dadi kawula.

12. prataṇḍané wus katon pajaŋ mantarum, iku dadya ciḥna, utusan wus ñuwun pamit, mantuk maraŋ mantaram agagañcaṅan.

13. wus sumiwi iŋ ṅabyantara saŋ prabhu, wus katur sadaya, wĕliṅé jĕŋ sunan giri, tan pantara lami śri nata mantaram.

14. biḍal ṅlurug mriŋ baŋ wétan kaŋ jinujug, iŋ nagari japan, saguṅiŋ para bhupati, iŋ baŋ wétan wus kumpul anèŋ iŋ japan.

15. kacariyos iŋ giri saŋ maha wiku, wus miyarṣa warta, lamun saŋ prabhu mantawis, ṅĕpuŋ japan para bhupati baŋ wétan.

16. pacak baris tutuluŋ pagutiŋ pupuḥ, jĕŋ sunan iŋ arga, utusan akaṇṭi tulis, tyaŋ sadasa gagañcaṅan maraŋ japan.

17. praptanipun iŋ japan nulya kinumpul, woŋ aguŋ mantaram, myaŋ baŋ wétan pra bhupati, wusiŋ pêpak duta giri aturira.

18. ḍuḥ woŋ aguŋ mantaram saha woŋ aguŋ, baŋ wétan sadaya, lampaḥ kawula tinudiŋ, iŋ jĕŋ sunan giri akaṇṭi nawala.

19. ulun wahos pribadi mriḥ tĕraṅipun, sami kapyarṣakna, surahosé kanaŋ tulis, dutèŋ giri manĕṅaḥ mahos nawala.

20. layaṅiṅsun jĕŋ sunan giri ḍumawuḥ, maraŋ putraniṅwaŋ, sénapati iŋ mantawis, lan mriŋ putraniṅsun paṅran surabaya.

21. liriŋ layaŋ ṅgonira ayun praŋ pupuḥ, ṛĕbut pañjĕnĕṅan, iṅsun pan ora ṅlilani, krana bakal kèḥ papati tan prayoga.

22. tĕmbé lamun ana karṣané hyaŋ aguŋ, pamiyakiŋ sukma, aṇḍap luhur wus pinaṣṭi, pan tinĕmu iŋ samĕṅko duruŋ maṅsa.

23. balik paḍa ṅaṅgowa budi rahayu, ḷĕstari kĕkadaŋ, sun asuŋ babasan kaki, waḍaḥ lawan isi ĕndi piniliya.

24. sun idèni salaḥ siji pamiliḥmu, isi apa waḍaḥ, sawusira samya miliḥ, prajañjiya sĕtya susĕtyaniŋ driya.

25. dèn asukur takdiriŋ hyaŋ kaŋ maha guŋ, siṅa piniliya, iku wus tan kĕna giṅsir, pan tinĕmu iŋ wuri kaananira.

6 paṅkur

1. yèn uwis pamilihira, umantuka maraŋ nagrinirèki, iṅsun suŋ raharjèŋ laku, maraŋ iŋ sira paḍa, wus atiti kaŋ sĕrat nulya tinutub, sénapati aṅandika, laḥ yayi iŋ surawèṣṭi.

2. kadiparan karṣanira, andikané panĕmbahan iŋ giri, muŋ yayi kalawan iṅsun, kaŋ tumrapiŋ nawala, kinèn miliḥ waḍaḥ lawan isinipun, pundi ta iṅkaŋ kinarṣan, yayi miliya kariyin.

3. ulun narima tampikan, duk miyarṣa paṅéran surawèṣṭi, iŋ tyas samana pakéwuḥ, wusana aṅandika, kakaŋ sénapati ṅalaga mantarum, kĕñcĕṅé manaḥ kawula, ulun miliḥ kanaŋ isi.

4. kakaŋ kabagéyan waḍaḥ, sénapati ṅalaga ṅandika ris, yayi kula waḍahipun, iṅgiḥ sampun narimaḥ, dutèŋ giri atas pamiyarṣanipun, gya pamit mriŋ panĕmbahan, miwaḥ mriŋ para dipati.

5. panĕmbahan sénapatya, sampun kundur mariŋ nagri mantawis, woŋ aguŋ baŋ wétan sampun, umantuk sowaŋ sowaŋ, tan cinatur dutèŋ giri lampahipun, praptèŋ ṅarṣa atur sĕmbaḥ, matur solaḥnya tinudiŋ.

6. ḍuḥ gusti kawuniṅana, putra tuwan paṅéran surabaṅgi, kinèn amiliḥ rumuhun, mriŋ kaṅjĕŋ sénapatya, surawèṣṭi kaŋ piniliḥ isinipun, waḍahipun panĕmbahan, narimaḥ atampi isi.

7. mèsĕm jĕŋ sunan iŋ arga, wruhanira kodrat tan kĕna giṅsir, basa waḍaḥ nĕgri iku, isiné apan janma, tĕmbé nagri baŋ wétan karèḥ mantarum, isi yèn tan manut maraŋ, iṅkaŋ adarbé nagari.

8. sayĕkti tan kĕna ṅambaḥ, yèn ambadal sayĕkti tĕkèŋ pati, dadi kudu amiturut, maraŋ kaŋ duwé waḍaḥ, ĕnĕṅĕna iŋ giri gantya winuwus, nĕṅgiḥ praja di mantaram, panĕmbahan sénapati.

9. dèn nira jumĕnĕŋ nata, laminira pan namuŋ tigaŋ warṣi, lajĕŋ puput yuswanipun, ginantyan iṅkaŋ putra, paṅran adipati anom iŋ mantarum, jujuluk jĕŋ susuhunan, diniṅrat añakrawati.

10. amuŋ kaliḥ wĕlas warṣa, laminira jumĕnĕŋ narapati, jĕŋ susunan nulya surut, ginantyan narpatmaja, paṅran adipati anom iŋ mantarum, jujuluk kaṅjĕŋ susunan, sultan aguŋ iŋ mantawis.

11. prabhu añakrakusuma, duk punika paṅéran surawèṣṭi, añĕḍahi pra tumĕṅguŋ, mañcanagri baŋ wétan, wusiŋ pêpak nèŋ surabaya sadarum, ṅrĕmbag arṣa magut iŋ praŋ, ṅrabasèŋ nagri mantawis.

12. sabiyantu abipraya, pra bhupati tan ana ñulayani, éñjiŋ gya buḍal gumuruḥ, saguṅiŋ balakuswa, kampir ṅujuŋ astana giri kĕḍatun, unduré saṅkiŋ astana, sowan iŋ jĕŋ sunan giri.

4. sultan aguŋ nimbali paṅéran pĕkik iŋ surabaya, lajĕŋ kaḍahupakĕn kalihan ratu paṇḍansari, rayi sultan aguŋ. paṅéran pĕkik kaḍawuhan nĕlukakĕn giri, lajĕŋ biḍal dalaḥ garwa. rèhniŋ sunan giri botĕn purun nuṅkul, dados pĕraŋ surabaya mĕṅsaḥ giri.

sunan giri ṅĕndĕlakĕn murid sarta putra aṅkatipun, satuṅgaliŋ prajurit cina islam nama éndraséna.nalika ramé raméniŋ pĕraŋ, putra giri sakiŋ ampéyan iṅkaŋ wasta radèn jayèṅrĕsmi atur panrayogi supados iṅkaŋ rama botĕn lumawan sultan aguŋ. aturipun botĕn dipunpah‍èlu, putra lajĕŋ lolos kaḍèrèkakĕn santri gaṭak lan gaṭuk.

13. wus sĕpuḥ jĕŋ sunan arga, praptèŋ ṅarṣa jĕŋ sunan ṅandika ris, ḍuḥ babo atmajaniṅsun, paran kaŋ dadya karṣa, déné paḍa tumĕka iŋ ṅarṣaniṅsun, apa na karya kaŋ gatya, jĕŋ paṅéran surawèṣṭi.

14. myaŋ dipati siṅasĕkar, matur nĕmbaḥ mriŋ kaṅjĕŋ sunan giri, apuntĕn daḷĕm saŋ wiku, amba myaŋ para kadaŋ, wus saṛĕmbag arṣa ṅrabasèŋ mantarum, ñuwun idi saŋ paṇḍita, miwaḥ paṅéstu basuki.

15. jĕŋ sunan aris ṅandika, iŋ samĕṅko pan duruŋ maṅsa kaki, para bhupati umatur, kaŋ amriḥ ḷĕgawèŋ tyas, ṅidènana saŋ wiku pariŋ paṅéstu, jĕŋ sunan aris ṅandika, mokal bĕḍaha mĕntawis.

16. iŋ samĕṅko woŋ baŋ wétan, malaḥ paḍa ṅuṅsia kaŋ prayogi, tan wuruŋ binoyoŋ bésuk, maraŋ nagri mantaram, paṅran surawèṣṭi tan kĕṇḍak tyasipun, myaŋ saguṅiŋ pra dipatya, wusiŋ ṅujuŋ iŋ saŋ ṛĕṣi.

17. ṅandika saŋ wiku raja, yèn maṅkono paḍa karṣanirèki, dèn aṅati ati kulup, iṅsun pasraḥ hyaŋ sukṣma, ḷĕgi pahit iŋ tĕmbé paṣṭi katĕmu, saṅgyaniŋ para dipatya, wusiŋ ṅujuŋ saŋ aṛĕsi.

18. biḍal saha wadyakuswa, tan cinatur solahirèŋ ṅajurit, wasananira kaplayu, uṅguliŋ ṅèkṣiganda, woŋ aguṅé mantaram tan ana sĕgu, para bhupati baŋ wétan, palarasan undurṇèki.

19. ana kaŋ tumĕkèŋ pĕjaḥ, ana kanin ana kaŋ nuṅkul aris, iŋ mantaram saya mashur, kadibyané saŋ nata, kasĕktèné para puṅgawa nuŋ anuŋ, winoṅwoŋ karatonira, kinasiyan iŋ hyaŋ widdhi.

20. gĕmaḥ ripaḥ tur raharja, tata tĕntrĕm saguṅé wadya alit, lumintu gañjaran prabhu, saguṅé pra dipatya, tyas raharja datan ana kaŋ sakuṭu, ajriḥ asiḥ mriŋ naréndra, samya tuhu lahir batin.

21. nahan raharjaniŋ praja, yèn ginuṅguŋ sawĕṅi datan uwis, iŋ maṅkya pinurwèŋ kiduŋ, naréndra iŋ mantaram, sultan aguŋ śri añakrakusumèku, lagya miyos siniwaka, pêpak iṅkaŋ samya naṅkil.

22. wadyabala myaŋ santana, panĕmbahan purbaya muṅgèŋ ṅarṣi, tan pĕgat tinantun tantun, jĕŋ sultan ris ṅandika, iṅgiḥ uwa purbaya pawartosipun, paṅéran iŋ surabaya, iŋ maṅké pan sampun lalis.

23. kaŋ kantun muŋ anakira, ki mas pĕkik pambajĕṅé kaŋ siwi, uwa punika karṣèṅsun, timbali mriŋ mantaram, iṅsun arṣa uniṅa iŋ warṇinipun, panĕmbahan aturira, punika laṅkuŋ utami.

24. ulun umiriŋ sakarṣa, śri naréndra paṅandikanya aris, alap alap iṅsun utus, maraŋ iŋ surabaya, timbalana paṅran pĕkik surèṅkéwuḥ, tĕlas iṅkaŋ paṅandika, jĕṅkar aṅgambuḥ tinaṅkil.

7 gambuḥ

1. wus ḷĕpas lampahipun, alap alap praptèŋ surèṅkéwuḥ, laju mariŋ ṅraṛĕmpaḥ ḍukuhirèki, paṅran pĕkik gupuḥ gupuḥ, amĕṭuk carakèŋ katoŋ.

2. wus iṅañcaran luṅguḥ, paṅran pĕkik awacana arum, paman ulun atur pambagya basuki, alap alap matur nuwun, ṇḍawuhkĕn timbalan katoŋ.

3. jĕŋ paṅran sowan ulun, pan iṅutus rakanta saŋ prabhu, gusti kaṅjĕŋ sultan aguŋ iŋ mantawis, mariṅakĕn kaŋ paṅèstu, mriŋ andika sakaloron.

4. jĕŋ paṅran matur nuwun, sasampuniŋ mariṅkĕn paṅèstu, ḍawuḥ nata paduka dipuntimbali, sagarwa putra myaŋ wadu, ulun iṅkaŋ kinèn mboyoŋ.

5. jĕŋ paṅran aturipun, aḍuḥ paman kamayaṅan tuhu, dé jĕŋ sultan karṣa ñaruwé woŋ pĕkir, ina papa anèŋ ḍukuḥ, datan supĕna sajiṅkloŋ.

6. tan suwala ragèṅsun, kadyaṅganiŋ saraḥ anèŋ lahut, iŋ sakarṣa jĕŋ sultan ulun umiriŋ, tan nĕdya sawalèŋ kayun, lumuntur ḍawuhiŋ katoŋ.

7. ki tumĕṅguŋ duk ṅruṅu, iŋ aturé manis amlas ayun, aṅrĕsiŋ tyas gya umatur iŋ saŋ pĕkik, biliḥ maṛĕṅkĕn saŋ bagus, béñjiŋ éñjiŋ lajĕŋ boḍol.

8. jĕŋ paṅran wacana rum, sakalaṅkuŋ prayogi man mĕṅguŋ, ulun lajĕŋ tata tata sapuniki, paman sakañca sadarum, prayogi rèrèḥ nèŋ poṇḍok.

9. jĕŋ paṅran gya ḍaḍawuḥ, maraŋ garwa sakulawargèku, kinèn samya pradandosan sadayèki, yun sumiwèŋ mriŋ mantarum, ribut samya dandos dandos.

10. ki alap alap gupuḥ, nudiŋ wadu nimbali tumĕṅguŋ, surabaya ki sapañjaŋ kaŋ wawaṅi, tan daṅu anulya rawuḥ, ki sapañjaŋ ḍawuḥ katoŋ.

11. jĕŋ paṅran sowanipun, mriŋ mantaram biḍal sésuk ésuk, jĕṅandika sawadya kinèn umiriŋ, sarta rumĕkṣa iŋ puṅkur, kacĕkapé kula boroŋ.

12. ki sapañjaŋ agupuḥ, paparéntaḥ mriŋ sakèhé wadu, abusĕkan sakèḥ wadya surawèṣṭi, wus mirantos sadayèku, éñjiṅé anulya boḍol.

13. lon lonan lampahipun, iŋ laminé lampaḥ tan winuwus, praptèŋ ḍusun butuḥ arèrèḥ saratri, kaṅjĕŋ paṅran dalu ṅujuŋ, maraŋ iŋ astana butoḥ.

14. ndĕdagan amanĕṅkuŋ, palaliŋ hyaŋ wañci liṅsir dalu, paṅran pĕkik miyarṣa swara dumĕliŋ, ujariŋ swara suŋ tuduḥ, laḥ ki pĕkik karṣèŋ manon.

15. wruhanta sira bésuk, darbé putu jalu tur binagus, amaṇḍirèŋ nata guŋ iŋ tanaḥ jawi, ṅrèḥ wadya baciṅaḥ aguŋ, naṅiŋ aṅaliḥ kaḍaton.

16. mriŋ tanaḥ pajaŋ iku, sakuloné kuṭa prĕnahipun, aran ḍukuḥ wanakarta tĕmbé dadi, praja kartasura mashur, déné jujulukiŋ katoŋ.

17. jĕŋ susuhunan maṅku, rat sénapati iŋ ṅalagèku, ṅabdurahman sayidin panatgami cĕppiŋ swara kagyat wuṅu, iŋ wañci awaliŋ suboḥ.

18. miyosé wus pinaṅguḥ, lawan juru kuñci tĕṅga pintu, paṅran pĕkik wawartos mriŋ jurukuñci, dèn yantuk waṅsit iŋ dalu, ki jurukuñci añjombloŋ.

19. sinĕmbaḥ saha matur, sakalaṅkuŋ biṅahé tyas ulun, sukur sukur alhamdulillahi rabil, hyaŋ surya wus muṅub muṅub, jĕŋ paṅéran lajĕŋ boḍol.

20. datan kawarṇèŋ ṅĕnu, wus aṅañcik iŋ kiṭa mantarum, ki tumĕṅguŋ alap alap ṅrumiyini, atur uniṅa saŋ prabhu, sigĕg gantya winirahos.

21. saŋ prabhu iŋ mantarum, ri tinaṅkil muṅgèŋ siti luhur, panĕmbahan purubaya wus sumiwi, myaŋ wadya bala supĕnuḥ, muṅgèŋ ṅabyantara katoŋ.

22. datan antara daṅu, ki tumĕṅguŋ lap alap maṅayun, nĕmbaḥ matur ulun kinèn animbali, paṅran pĕkik surèṅkéwuḥ, maṅkya wus sumiwèŋ katoŋ.

23. sagarwa putranipun, ki sapañjaŋ sawadya tut puṅkur, suka iŋ tyas saŋ prabhu ṅandika aris, laḥ uwa purubayèku, kadipundi kaŋ linakon.

24. maṅké saḍatĕṅipun, ḍimas pĕkik napa bĕkti iṅsun, utawiné piyambaké iṅkaŋ bĕkti, purubaya nĕmbaḥ matur, kinaṇṭèt lawan surahos.

8 kinaṇṭi

1. saṅkiŋ iŋ pamanaḥ ulun, paṅéran iŋ surawèṣṭi, iṅkaŋ layak ṅabĕktiya, iŋ pada daḷĕm saŋ aji, kawon luhur kaŋ darajat, pañjĕnĕṅan daḷĕm aji.

2. maṇḍirèŋ prajèŋ mantarum, iŋ rat jawi muŋ satuṅgil, kalihdéné tinimbalan, datan sawala iŋ kapti, sampun kalampahan sowan, iŋ ṅabyantara narpati.

3. asraḥ jiwa raganipun, kaṅjĕŋ sultan duk miyarṣi, aturipun iṅkaŋ uwa, kalaṅkuŋ truṣṭa iŋ galiḥ, nahan paṅran surabaya, sagarwa sampun sumiwi.

4. pépé kidul wriṅin kuruŋ, sasolahé amlasasiḥ, duk uniṅa śri naréndra, ḍawuḥ kinèn animbali, aṅgaṇḍèk tuṇḍuk paṅéran, iṅirit miṅgaḥ sitiṅgil.

5. aṇḍaḍap amuṇḍuk muṇḍuk, ciṅak kaŋ samya niṅali, miyat warṇanya paṅéran, mirit kaṅjĕŋ śri bhupati, kantun sĕnĕné kaŋ cahya, kantun sĕmu kantun sigit.

6. nduṅkap praptèŋ ṅarṣa prabhu, cakĕt dèn nira sumiwi, tumuṅkul koñjĕm pratala, ri wusira maṅĕñjali, waṅkiṅan sinèlèḥ kanan, gya maṅrahub pada aji.

7. saha matur arawat luḥ, pĕgat pĕgat winor tis tis, ḍuḥ gusti kaḷĕṅkaniŋ rat, muṣṭikaniŋ tanaḥ jawi, patut pinuṇḍi sinĕmbaḥ, jumĕnĕŋ kalipaḥ widdhi.

8. ambĕg pinaṇḍita tuhu, santa budi miraḥ asiḥ, mardikèŋ rat tyas kumala, ṅécani manahiŋ dasiḥ, mriḥ arja ayu tan pĕgat, kasudarman winor manis.

9. santana wadya lit aguŋ, tan ana kataman bĕṅis, winor iŋ sakarṣanira, kinajrihan lahir batin, pra wadya iŋ ṅèkṣiganda, winĕṅku paramarta ji.

10. kasujanan ambĕg sadu, linaṅkuŋ kasusrèŋ bhumi, sumbagèŋ rat pinaṣṭika, waṣkiṭa ṅrèḥ iŋ patitis, koṅas iŋ ganda aṅambar, kinasihan iŋ hyaŋ widdhi.

11. sudibya prawirèŋ kéwuḥ, kinajrihan kanan kériŋ, ṅagĕm agama minulya, sasat jĕṅandika nabi, muhakammadin aṅajawa, ṅrĕṅgani nagri mantawis.

12. ḍuḥ jĕŋ gusti saŋ aprabhu, sowanipun iṅkaŋ abdi, aṅaturkĕn pĕjaḥ gĕsaŋ, awit rumahos gĕŋ sisip, katuṅkul iŋ kawiryawan, labĕt muḍa puṅguŋ yĕkti.

13. dama kalimput tan émut, iŋ kanugrahaniŋ narpati, tumĕraḥ jiwaṅga mulya, kah‍écan naḍaḥ myaŋ guliŋ, saanak rayat myaŋ warga, tan lyan barkahiŋ narpati.

14. lumintu salaminipun, taṅèḥ manawi kaŋ abdi, sagĕd ṅaturi minaṅka, bĕbĕkti iṅkaŋ martasiḥ, o gusti satuhu muḍa, cĕplik taṅèḥ wruḥ iŋ bĕcik.

15. manawi kaṅjĕŋ pukulun, tan pariŋ akṣamèŋ dasiḥ, yĕkti tĕmaḥ aṅguŋ papa, druwaka salaminèki, iŋ maṅké amba sumaṅga, sakarṣa jĕŋ śri bhupati.

16. maṅkana kaṅjĕŋ sinuhun, ṅandika sajroniŋ galiḥ, woŋ iki bagus prasaja, iŋ wicara tatas titis, tĕtĕg tyas sura ḷĕgawa, pantĕs tan sinuṅan lamis.

17. tĕka ṛĕsĕp atiniṅsun, dadya coṇḍoṅiŋ tyasmami, pantĕs réwaṅa wibawa, ndarahkĕn śri tanaḥ jawi, maḍahi kanaŋ nurbuwat, wasana ṅandika aris.

18. wis luṅguha ariniṅsun, iya apa kaŋ pinikir, ḍuḥ yayimas surabaya, marma sira sun timbali, sumiwi iŋ ṅarṣaniṅwaŋ, wus paṣṭi karṣaniŋ widdhi.

19. sosotyadi apan kudu, tumrap iṅĕmbanan rukmi, upama iṅsun pañcuran, sira talaga naḍahi, yayi kaŋ minaṅka waḍaḥ, iṅsun kaŋ minaṅka isi.

20. pasĕmon kaŋ iṅsun wuwus, tĕgĕsé uwus ginaris, yèn sira bakal tan pisaḥ, mèlu nurunaké béñjiŋ, para ratu tanaḥ jawa, yayi iṅkaŋ urun èstri.

21. manira kaŋ urun kakuŋ, iŋ samĕṅko karṣa mami, sira wisma na mantaram, ana sawétaniŋ puri, sisihan lan kadipatyan, muṅguḥ nagri surawèṣṭi.

22. iṅsun pariṅaké waṅsul, maraŋ pakĕnira yayi, wĕnaŋ aṅuwasanana, kadi iṅkaŋ uwis uwis, si sapañjaŋ muŋ rumĕkṣa, tata tĕntrĕmiŋ nagari.

23. sira ana iŋ mantarum, aywa taha taha yayi, iŋ paṅaṅgĕp dipunpaḍa, ya mantaram surawèṣṭi, paṅran pĕkik ḷĕjar iŋ tyas, trusaniŋ supénanèki.

24. gya sujud nĕmbaḥ umatur, ḍuḥ pukulun saŋ déwaji, pun patik atur sandika, muṇḍi timbalan narpati, kadya kabañjiran kélaŋ, kagunturan madu gĕṇḍis.

9 ḍaṇḍaŋgula

1. nulya jĕṅkar kaṅjĕŋ śri bhupati, abibaran kaŋ samya suméwa, paṅran sagarwa putrané, santana wadyanipun, wus pinarṇaḥ pakuwonèki, karan iŋ surabayan, jĕŋ paṅran lastantun, mukti wibawèŋ mantaram, datan ana sinaṅsaya iŋ paṅgaliḥ, wus lami antaranya.

2. saŋ aprabhu ḷĕstantun guṅiŋ siḥ, paṅran pĕkik nulya tinariman, rayi daḷĕm saŋ pamasé, tuṅgil sayayaḥ ibu, ratu paṇḍansari wawaṅi, agĕŋ iṅkaŋ bawahan, nahan ta cinatur, dèn nira apalakrama, atut runtut siḥ siniyan siyaŋ ratri, lir mimi lan mintuna.

3. wusiŋ antuk kawan dasa ari, kaṅjĕŋ sultan aguŋ ṅèkṣiganda, ḷĕṅgaḥ anèŋ daḷĕm gĕḍé, ṅandika saŋ aprabhu, hèḥ ta lara mĕñaṅa aglis, maraŋ iŋ surabayan, kĕtĕmu riniṅsum, kalamun sambadèŋ karṣa, rabinira ḍiajĕŋ iṅsun timbali, warahĕn iṅsun gĕraḥ.

4. nulya méntar utusan narpati, sampun praptèŋ iŋ kasurabayan, jĕŋ paṅéran sagarwané, mijil siŋ daḷĕm gupuḥ, samya ḷĕṅgaḥ paniṅrat jawi, paṛĕkan matur nĕmbaḥ, amba pan iṅutus, raka daḷĕm śri naréndra, iṅkaŋ garwa kaṅjĕŋ ratu dèn timbali, saṛĕṅa lampahamba.

5. kaṅjĕŋ sunan lagya gĕraḥ maṅkin, iṅkaŋ wĕliŋ raka daḷĕm nata, manawa awèḥ lakiné, maḷĕbu iŋ kĕḍatun, atiñjowa iŋ gĕraḥ mami, yèn lakiné tan suka, poma ywa lumaku, adipati surapriṅga, tĕbaḥ jaja sumaṅga iŋ asta kaliḥ, tan kéṅiŋ ḷĕṅganaa.

6. ḍuḥ jiwaku umaṛĕka aglis, sampun kérit praptèŋ ṅarṣa sultan, manĕmbaḥ ṅrahub padané, ratu paṇḍan umatur, kakaŋ prabhu déné wigati, nimbali aripara, kalaṅkuŋ kumĕpyur, manahulun tarataban, sru gumĕtĕr ĕnar ĕnir sĕnik sĕnik, kaṅmas gĕraḥ punapa.

7. kaṅjĕŋ sultan aṅandika aris, ḍuḥ riniṅsun luwiḥ saṅkiŋ lara, ana iŋ ati ĕṅgoné, sakèḥ usada waṅsul, yèn sun rasa saya ṅranuhi, déné ana paṇḍita, iŋ giri dumunuŋ, duruŋ gĕḷĕm nuṅkul mriṅwaŋ, iya iku kaŋ dadi laraniŋ ati, tambané duruŋ ana.

8. liya giri woŋ satanaḥ jawi, nora ana baṛĕñjul mĕṛĕṅkaŋ, paḍa ṅiḍĕp mriŋ sun kabèḥ, amuŋ iŋ giri iku, iṅkaŋ duruŋ iṅsun putusi, amukul kalawan praŋ, wit wĕcaniŋ daṅu, kaŋ bisa ambéṅkas karya, muŋ lakimu jalarané mĕnaŋ asli, luhur traḥ ṅampèldĕnta.

9. laḥ wis yayi dak lilani muliḥ, dèn abisa matrapakĕn karya, maraŋ lakinira maṅké, sĕlak dèn ayun ayun, ratu paṇḍan mèsĕm turṇya ris, ḍawuḥ daḷĕm kakaṅmas, sandika tur ulun, nulya lèṅsèr saṅkiŋ ṅarṣa, ḍinèrèkkĕn saguṅiŋ paṛĕkan cèṭi, lampaḥnya wiraṇḍuṅan.

10. paṅran pĕkik ṅanti nèŋ paṇḍapi, sarawuhé saŋ ratu pinapak, binĕkta mriŋ daḷĕm agé, jĕŋ ratu ṅrahub suku, saŋ paṅĕran ṅgarjitèŋ galiḥ, laḥ yayi ana paran, tĕka rada suntrut, paran gĕrahiŋ saŋ nata, ratu paṇḍan tumuṅkul

miṅgu tan aṅliŋ, jĕŋ paṅran aṅgarjita.

11. baya nora gĕraḥ śri bhupati, bokmanawa ana paṅgaliyan, dadya sĕkĕlé pamasé, jĕŋ ratu gya sinambut, binĕkta mriŋ iŋ jinĕm waṅi, laṅĕniŋ karasikan, apan tan winuwus, iŋ sawuṅunira néndra, ratu paṇḍan matur iŋ raka bibisik, kaŋ dadya karṣa nata.

12. amĕḍarkĕn ḍawuhé saŋ aji, paṅran pĕkik madĕg suraniŋ tyas, ṅĕlus ĕlus gumbalané, alon ṅandikanipun, lamun iṅsun wĕruha ḍiṅin, karṣané kaṅjĕŋ sultan, muṇḍut rusakipun, iŋ giri sunanné séba, baya uwus dak caṅkiŋ iŋ ṅuni uni, sébaku mriŋ mantaram.

13. pan iŋ giri wus nèŋ asta mami, yayi iṅsun iṅkaŋ maluyakna, rakanta nahan ṛĕntĕṅé, sèwu wiraŋ satuhu, yèn tan bisa ṅrabasèŋ giri, isin anon baṣkara, nèŋ doña tan arus, apa kaŋ dak waḷĕsĕna, iŋ siḥ nata kajaba murdaku yayi, kuñjuk dadya timbaṅan.

14. payo yayi sowan maraŋ puri, ñuwun pamit iŋ rakanta sultan, maṅkat iŋ sadina kiyé, sarimbit nulya laju, sowan mariŋ sajroniŋ puri, saŋ nata duk tumiṅal, paṅran sowanipun, sarimbit lawan kaŋ garwa, gya iṅawé ḷĕṅgaḥ cakĕt lan saŋ aji, makiḍupuḥ jĕŋ paṅran.

15. kaṅjĕŋ sultan aṅandika aris, yayi surabaya kadiparan, kaŋ dadya kaṛĕpmu maṅké, iŋ giri duruŋ nuṅkul, nora sarju nĕmbaḥ mriŋ mami, iṅsun boroŋ aḍimas, iŋ prakara iku, paṅran pĕkik matur nĕmbaḥ, ḍuḥ pukulun amba sandika ṅlampahi, amuṇḍi ḍawuḥ nata.

16. nadyan minta sraya sunan giri, aṇḍatĕṅkĕn para raja sasra, kĕbut sawadya balané, tan ajriḥ manahulun, datan nĕdya ṅucirèŋ jurit, kalamun tan kalakyan, giri bĕḍahipun, suka matiya palagan, nuwun gusti iṅkaŋ abdi nuwun pamit, biḍal iŋ sapunika.

17. botĕn laṅkuŋ iṅkaŋ amba puṇḍi, paṅèstu saŋ nata binaṭara, kalampahana karṣané, namuŋ rayinta prabhu, amba tilar anèŋ mantawis, rèḥ ayun maṅun apraŋ, iŋ tyas laṅkuŋ giḍuḥ, kéron kéron iŋ satĕmaḥ, tĕmpuḥ iŋ praŋ èṅĕt rayi daḷĕm gusti, milalu wandé apraŋ.

18. śri naréndra mèsĕm ṅandika ris, karṣaniṅsun yayi garwanira, para gawaa iŋ maṅké, apan ta sĕdyaniṅsun, rabinira sadulur mami, pĕjaḥ gĕsaŋ hya pisaḥ, lawan lakinipun, wus wiyahé woŋ andon praŋ, ṛĕbut pati manawa kasoran jurit, wadoné binoyoṅan.

19. paṅran pĕkik gumujĕŋ turṇya ris, rayi daḷĕm gég‍éyoṅan amba, tĕmbé saṛĕṅa pĕcaté, ḍawuḥ daḷĕm pukulun, tan laṅgana darmi ṅlampahi, sarimbit wus pamitan, amaṅrahub suku, kaṅjĕŋ sultan aṅandika, laḥ ta yayi poma sira hya gumiṅsir, suṅkĕmu maraŋ priya.

20. kaṅjĕŋ sultan ndĕdoṅa iŋ widdhi, salamĕté myaŋ uṅguliŋ yuda, sarimbit anulya lèṅsèr, saṅkiŋ iŋ ṅarṣa prabhu, pinariṅan saṅu mawarṇi, duña arta bhuṣaṇa, sampĕt sadayèku, wus prapta iŋ surabayan, lajĕŋ ṅrakit brokoḥ tuṇḍan taṇḍu joli, myaŋ gagamaniŋ ṅapraŋ.

21. sawusira rampuṅiŋ paṅrakit, nulya buḍal saṅkiŋ iŋ mantaram, brokoḥ nèŋ ṅajĕŋ lampahé, datan kawarṇèŋ ṅĕnu, lampahira sampun dumugi, iŋ nagri surabaya, ki sapañjaŋ mĕṭuk, wusiŋ ḷĕṛĕm sawatara, kaṅjĕŋ paṅran pinarak anèŋ paṇḍapi, aṇḍèr para puṅgawa.

22. paṅran pĕkik ṅandika mriŋ dasiḥ, hèḥ sakèhé bocaḥ surabaya, paḍa piyarṣakna kabèḥ, ḍawuḥ daḷĕm saŋ prabhu, mula iṅsun linilan muliḥ, maraŋ iŋ surabaya, lawan garwaniṅsun, iṅutus kinèn magut praŋ, aṅadoni bandawala ṛĕbut pati, maṅruraḥ satru tama.

23. panuṅkulé susuhunan giri, pinasrahkĕn maraŋ jĕnĕṅiṅwaŋ, naṅiŋ karṣaniṅsun maṅké, anakmas giri iku, lamun kĕna nuṅkula aris, suméwa śri mantaram, tan ṛĕkasèŋ laku, slamĕt tan ana pĕpĕjaḥ, lamun waṅkot sayĕkti raṛĕmpon jurit, akèḥ pĕgatiŋ atma.

10 mĕgatruḥ

1. para wadya manĕmbaḥ saha umatur, ḍawuḥ paduka saŋ pĕkik, maṅayubagya sadarum, muji nuṅkulira aris, ywa ṅanti apraŋ ṛĕṛĕmpon.

2. biliḥ susuhunan giri tan saṛĕju, nuṅkul karananiŋ aris, tan kĕna kinarya ayu, yuwana sumiwèŋ aji, kĕkaḥ dèn nya karṣa miroŋ.

3. iṅkaŋ abdi kéwala pan sampun rampuŋ, ṅrabasèŋ karaton giri, amboyoŋ susunannipun, biliḥ tan sagĕt muṅkasi, suka ḷĕbur apraŋ pupoḥ.

4. naṅiŋ ulun miṛĕŋ pawartos satuhu, iŋ maṅkya jĕŋ sunan giri, kĕṇḍo kawalènanipun, saprapat yun animbaṅi, kalipaḥ mantaram katoŋ.

5. darbé murid nagri cina aslènipun, kabar makṣiḥ traḥ narpati, iŋ maṅkya pinuṇḍut sunu, sampun sinuṅan kakasiḥ, éndraséna tuhu katoŋ.

6. tĕguḥ timbul wantĕr wĕgig iŋ praŋ pupuḥ, kaliḥ atus wadyanèki, kaŋ ginala apraŋ pupuḥ, punika iṅkaŋ ṅĕñcĕṅi, pinriḥ mbaléla iŋ katoŋ.

7. iṅgiḥ ta laḥ kaŋ binujuk tĕka purun, istijraté éblis kapir, ṅalimputi tyas rahayu, ṅandĕl kumandĕl mriŋ éblis, sétan ṅajak aṛĕṛĕmpon.

8. nadyan ṇḍatĕṅĕna maliḥ rajèŋ kluwuŋ, pra abdi datan gumiṅsir, paṅran pĕkik ṅandika rum, kabèḥ aturira sami, baṅĕt iŋ panrimaniṅoŋ.

9. karuhané lamun iṅsun wus pinaṅguḥ, pribadi lan anak giri, wuruŋ sidaniŋ praŋ pupuḥ, sawusé iṅsun pinaṅgiḥ, apa anané iŋ kono.

10. balik paḍa saḍiyaa iŋ praŋ pupuḥ, kĕrigĕn sawadya mami, manawa dadi praŋ pupuḥ, gustimu sĕdya ñjĕnĕṅi, jurité woŋ surèṅkéwoḥ.

11. paṅran pĕkik wus kundur mriŋ daḷĕm aguŋ, bibar kaŋ samya anaṅkil, bakda ṅisa wañcinipun, jĕŋ paṅéran arṣa ñilip, para wadya tan ana wroḥ.

12. laju mariŋ giri lumĕbèŋ kaḍatun, wahu ta susunan giri, ḷĕṅgaḥ iṅaḍĕp pra wadu, éndraséna tansaḥ ṅarṣi, jĕŋ sunan ṅandika alon.

13. hèḥ ta kulup kabaré sultan mantarum, utusan mriŋ jĕnĕŋ mami, pinriḥ nuṅkul sultan aguŋ, yèn baṅga ginĕpuk jurit, ṅrusak iŋ giri kaḍaton.

14. kaŋ dèn utus rama paṅran surèṅkéwuḥ, naṅiŋ tikĕl tuwa mami, amuŋ bapak bapak awu, garwa ratu paṇḍansari, mèlu naṅgulaŋ pakéwoḥ.

15. kaya priyé kulup kaŋ dadi kĕñcĕŋmu, iŋ mĕṅko iṅsun muŋ darmi, miturut kakĕñcĕṅanmu, nuṅkul apik nora apik, sira kaŋ ñaṅga bot répot.

16. éndraséna duk tampi timbalan wiku, karṇa ro kadya sinĕbit, nétra ro andik kumukus, kamĕjot padoniŋ laṭi, matur mriŋ saŋ wiku gupoḥ.

17. ḍuḥ jĕŋ rama iṅkaŋ minaṅka satuhu, pupuṇḍèn iŋ tanaḥ jawi, waliyolaḥ cucu rasul, kaŋ wus linilan hyaŋ widdhi, saḍéṅaḥ kinarṣan klakon.

18. sultan aguŋ baya iṅkaŋ dèrèŋ ṅruṅu, kalamun karaton giri, kaṅgonan prajurit puñjul, wuḍu nèŋ cina nagari, ṅajawa andon praŋ pupoḥ.

19. tĕka ndadak koṅkon bocaḥ isiḥ kuñcuŋ, bojoné ginawa jurit, mĕjanani sultan aguŋ, bok iya tĕka pribadi, iŋ kono taṇḍiŋ lan iṅoŋ.

20. sampun sampun kaṅjĕŋ rama karṣa nuṅkul, pantĕs sultan iŋ mantawis, tur bulu bĕkti panuṅkul, sowan pribadi mriŋ giri, kèndĕl dèn nira mirahos.

21. paṅran pĕkik uluk salam praptanipun, saŋ ṛĕṣi kagyat maṅsuli, ṅalahikum wasalamu, gupuḥ mĕṭuk gya kinaṇṭi, wus ḷĕṅgaḥ satata karo.

22. sunan giri nambrama sarawuhipun, jĕŋ rama paṅéran pĕkik, punapa sami rahayu, jĕŋ paṅran wacana manis, salamĕt sapraptaniṅoŋ.

23. sakalaṅkuŋ dèn nira asuhun suhun, sugata lumadyèŋ ṅarṣi, sumaṅga sawontĕnipun, sumapala atur bĕkti, gampil anak tan pakéwoḥ.

24. ḍuḥ jĕŋ rama déné rawuḥ dalu dalu, sawiji tan na umiriŋ, kagyat iŋ tyas sakalaṅkuŋ, punapi dé awit gati, mocuŋ mriŋ giri kaḍaton.

11 pocuŋ

1. éndraséna myaŋ saguṅiŋ para wadu, kaŋ ana iŋ ṅarṣa, aṇḍĕku dèn nira liṅgiḥ, samya miṅgu tan ana wani micara.

2. saŋ paṅéran miṅsĕr ṅajĕṅkĕn saŋ wiku, tan ana katiṅal, pinĕndir susunan giri, nir wikara nir baya tĕtĕg iŋ nala.

3. datan ana tinaha iŋ galihipun, paṅran surabaya, yèn sinawaŋ ṅgigirisi, wiṅwriniŋ tyas kadya anon siṅa krura.

4. solaḥ gaṅgas ulat manis tĕmbuŋnya rum, hèḥ hèḥ sunan arga, pinarṣakna wuwus mami, sultan aguŋ iku ratuniŋ rat jawa.

5. murdaniṅrat iŋ jagat pramuditèku, ambĕg parikrama, sadu sudibya sinĕkti, putus iŋ rèḥ sampéka sura marata.

6. pambĕsminiŋ kaŋ samya tan arṣa nuṅkul, babo praptaniṅwaŋ, iŋ sah‍èstuné tinudiŋ, kaṅjĕŋ sultan kaŋ pinudya jayaniṅrat.

7. gustiniṅsun jĕŋ susunan sultan aguŋ, hèḥ sunan wruhanta, apa kaṛĕpmu kaŋ paṣṭi, aprakara kaŋ dadi karya manira.

8. lamun sira satuhu nĕdya rahayu, tĕtĕpiŋ karajan, tulus wibawa nèŋ giri, anĕmbaha iŋ jĕŋ sultan ṅèkṣiganda.

9. lan gawanĕn garwa putra sawadyamu, miwaḥ ṅatuṛĕna, doñanira pèni pèni, lan saguṅé sosotya ṛĕtna kumala.

10. baṛĕŋ lawan sébaku maraŋ mantarum, yèn sira ṅèstokna, iŋ pituduḥ iṅsun paṣṭi, tutug tĕtĕp mulat baṣkara sasaṅka.

11. yèn tan anut maraŋ iŋ pituduhiṅsun, apa kaŋ kok arṣa, tanpa sésa praptèŋ lalis, nagri giri sirṇa dadi karaŋ jiṅga.

12. gustiniṅsun añjayèṅbhumi satuhu, marta parikrama, iŋ jagad wiryawan iki, wicakṣana santosa ṅagĕm agama.

13. iŋ sakèhé kasukanira puniku, wiryamu nèŋ duña, sami lan gĕbyariŋ ṭaṭit, laḥ émanĕn aja ṅanti kadrawasan.

14. laḥ matura prasaja ywa ṅaṅgo éwuḥ, rikuḥ akakadaŋ, wĕlasasiḥ ywa kapikir, kĕñcĕṅiŋ tyas iku kaŋ dadya panutan.

15. sunan giri ndĕṅèṅèk wacana arum, ya walahuwalam, allaḥ iṅkaŋ ṅudanèni, amba tuwan suméṇḍé karṣa paṅéran.

16. yata wahu jĕŋ paṅéran surèṅkéwuḥ, rikala miyarṣa, ṅandikanya sunan giri, tandya mĕdal pasilan ṅarṣèŋ paṇḍita.

17. sakunduré paṅéran iŋ surèṅkéwuḥ, ṛĕmbag dadiniŋ praŋ, samĕkta iŋ béñjiŋ éñjiŋ, éndraséna jumĕnĕŋ sumadilaga.

18. wus warata ḍawuhé saŋ maha wiku, mriŋ para sakabat, siswa katib kahum modin, para wadya sa giri wus amirantya.

19. éñjiṅipun saŋ paṅéran sampun rawuḥ, nagri surabaya, pinaṅgiḥ garwa myaŋ dasiḥ, winartanan tamtu maṅun yudabrata.

20. sunan giri lumuḥ datan arṣa nuṅkul, wadya surabaya, nèŋ alun alun miranti, baris kĕpaŋ jĕŋ ratu nitiḥ jĕmpana.

21. aṅidĕri baris mubĕŋ ṅantya kĕmput, mariṅkĕn gañjaran, mriŋ kaŋ ayun maṅsaḥ jurit, arta miwaḥ bhuṣaṇa awarṇa warṇa.

22. wus waradin kaŋ bĕṇḍé munya aṅuṅkuŋ, panĕṅran biḍalan, kaŋ dadya cucukiŋ jurit, wus lumaku kadya iliniŋ narmada.

23. nulya joli titiyanira jĕŋ ratu, jĕŋ paṅran nèŋ wuntat, nitiḥ kuda datan tĕbiḥ, ginarubyuk sakèhiŋ kaŋ wadya kuswa.

24. tan pétuṅan datan kawarṇa iŋ ṅĕnu, praptèŋ giri pura, kĕpuŋ kĕpaŋ pacak baris, sĕsĕkiŋ tyas lir péndaḥ ayun asmara.

12 asmaradana

1. sigĕg kaŋ wus pacak baris, para wadya surabaya, aṅĕpuŋ giri kaḍaton, sanéga kaprabhoniŋ praŋ, gantya kaŋ kawuwusa, wahu ta giri saŋ wiku, sampun iṅaturan wikan.

2. lamun kaṅjĕŋ paṅran pĕkik, saha garwa ṅĕpuŋ kiṭa, aṅlir samodra balané, mbalabar ṅĕbĕki papan, tiyaŋ iŋ ṅargapura, jalu èstri samya biṅuŋ, kadya gabaḥ iṅintĕran.

3. jĕŋ sunan giri tinaṅkil, siniwèŋ kaŋ wadyabala, mbalabar anèŋ ṅarṣaṇḍèr, samya sanéga iŋ yuda, aṅanti kaŋ timbalan, wontĕn putranya saŋ wiku, mijil saṅkiŋ kaŋ ampéyan.

4. sinuŋ ran dyan jayèṅrĕsmi, wotsĕkar matur iŋ rama, ḍuḥ rama pupuṇḍèniṅoŋ, paran tĕmahaniŋ karṣa, laṅkuŋ sandéyaniŋ tyas, arṣa ṅayomi praŋ pupuḥ, mĕṅsaḥ sultan ṅèkṣiganda.

5. atur kawula rama ji, ḷĕpata iŋ ila ila, kamipurunipun laré, muḍa puṅguŋ tan wrin gatya, yèn kapaṛĕŋ iŋ karṣa, prayogi sami sumuyut, mriŋ sultan aguŋ mantaram.

6. sampun ta asalaḥ kardi, kula amiyarṣa warta, ṅèkṣiganda saŋ akatoŋ, susilèŋ tyas ambĕg santa, tyas purṇa aṅumala, sayĕkti kéwala luhur, prabawa wĕniṅiŋ driya.

7. rahayu parikrama di, botĕn éca yèn minĕṅsaḥ, mupuŋ iŋ samaṅké dèrèŋ, kalajĕŋ campuḥ iŋ yuda, prayogi tinututan, paṅintĕn amba pukulun, wandé ṅayoni ṅayuda.

8. déné manawi tinampik, karṣané caraka kĕdaḥ, ṅatiṅalkĕn sudirané, pan dédé saṅkiŋ paduka, iṅkaŋ miwiti apraŋ, yĕkti saṅkiŋ pyambakipun, datan awrat tinaṅgulaŋ.

9. ambĕkuḥ jĕŋ sunan giri, tan kéguḥ aturiŋ putra, nulya mundur saŋ wira nom, samarga arawat waspa, pinupus iŋ wardaya, papaṣṭènira hyaŋ aguŋ, takdir datan kĕna sélak.

10. sahundurira kaŋ siwi, ṅandika raja paṇḍita, éndraséna kaya priyé, woŋ surabaya wus prapta, ṅĕpuŋ iŋ giri pura, éndraséna aturipun, wadya giri wus siyaga.

11. ṅantos timbalan rama ji, ḍuḥ sutèṅsun éndraséna, apa kaŋ pinikir manèḥ, balik nĕmbaṅa tĕṅara, buḍalna wadyanira, ṅlĕbur baris surèṅkéwuḥ, sira maṅka sénapatya.

12. tur sandika kaŋ sinuŋ ṅliŋ, manĕmbaḥ maṅaras pada, ḍuḥ guru panutaniṅoŋ, ñuwun paṅèstu putranta, paduka dèn pracaya, unduré woŋ surèṅkéwuḥ, wus ana iŋ astaniṅwaŋ.

13. pinĕtĕg bunbunannèki, sinĕbul mawantya wantya, jaya jaya andikané, mundur anĕmbaŋ tĕṅara, busĕkan para wadya, gya buḍal iṅkaŋ rumuhun, wadyané saŋ éndraséna.

5. wadya surabaya kaliṇḍiḥ, naṅiŋ lajĕŋ pupuliḥ dipunsénapatèni ratu paṇḍansari. kocap, tiga putra putrinipun sunan giri sami lolos nalika ramé raméniŋ pĕraŋ r. jayèṅrĕsmi kaḍèrèkakĕn abdi lan r. jayèṅrĕsmi tuwin rayi nikèn rañcaṅkapti ugi kaḍèrèkakĕn santri. lampahipun béda béda mila tansaḥ upados iṅupadosan. iŋ payudan, prajurit surabaya uṅgul. andĕl andĕliŋ giri éndraséna kapupu. sunan giri tĕluk, kaboyoŋ ḍatĕŋ mataram sakulawarga dalaḥ rajabrananipun.

14. kaliḥ atus winatawis, samya asikĕp sañjata, ñoṭé sĕkiŋ ṅgéṇḍoŋ towok, paṅaṅgéné sarwa pĕṭak, wus samya masuk islam, sabilollaḥ unènipun, iŋ wuri saŋ éndraséna.

15. sañjatanira pinuṇḍi, pistul kaliḥ sinaṅkĕlaŋ, ṅaṅgar sabĕt karaloké, nèŋ kiwa tĕṅĕn curiga, abiré anèŋ wuntat, tinrapan bandéra piṅul, tinulis asma paṅéran.

16. pujinira andrĕmimil, ñĕbut asmaniŋ paṅéran, sabilolaḥ sĕṅgakané, nulya pra kahum ṅulama, katib modin santana, myaŋ wadya giri sadarum, paṅaṅgéné sarwa pĕṭak.

17. sayuk samya ambĕg pati, wus samya ayun ayunan, wadya giri surèṅkéwoḥ, natap tĕṅaraniŋ yuda, bĕḍug bĕṇḍé myaŋ trĕbaŋ, surakiŋ wadya gumuruḥ, kadya bĕlahiŋ prawata.

18. ramé campuḥ iŋ ṅajurit, tambuḥ muṅsuḥ tambuḥ rowaŋ, woŋ giri ampuḥ yudané, mawantu wantu ñañjata, wadya iŋ surabaya, iŋ praŋ tan pati pakantuk, satĕmaḥ barisé rusak.

19. éndraséna mobat mabit, ṅiwut kadya radèn séta, mlantraḥ pisaḥ lan wadyané, siṅa kaŋ katrajaŋ bubar, lumayu asasaran, kaŋ cĕlak cĕlak linampus, tan ana maṅga puliya.

20. prajurit iŋ surawèṣṭi, tan bisa namakkĕn gaman, patiŋ biluluŋ solahé, rumaṅsa kawratan mĕṅsaḥ, woŋ giri pamukira, lir andaka naṇḍaŋ tatu, ambĕg pĕjaḥ sadayanya.

21. dumadya kaŋ mĕṅsaḥ giris, tan ana kawawa ñaṅga, wadya giri paṅamuké, parjurit iŋ surabaya, kaṭaḥ iṅkaŋ kabranan, tanapi tumĕkèŋ lampus, wadya giri sru gambira.

22. kaŋ pĕjaḥ muŋ sawatawis, yata wadya surabaya, sadaya wus krahos capé, undurira alon lonan, ywa ṅanti kawistara, wadya giri sru maṅĕsuk, lir ṅrabasèŋ sinomiŋ dyaḥ.

13 sinom

1. dèn nira apraŋ sadina, kasoran woŋ surawèṣṭi, mundur tansaḥ tinututan, apan ta saputiŋ ratri, woŋ giri kaŋ nututi,

wus samya waṅsul sadarum, woŋ giri giyak giyak, aṅkluŋ ṅĕṇṭir aṅalètèr samya émprak.

2. éndraséna saha wadya, miwaḥ para wadya giri, wus sowan ṅarṣanira saŋ, paṇḍitaraja iŋ giri, manĕmbaḥ tur udani, lamun wadya surèṅkéwuḥ, wus mundur palarasan, tan ana kaŋ maṅga puliḥ, kaṭaḥ pĕjaḥ gustiné datan karuwan.

3. wahu saŋ rajapaṇḍita, laṅkuŋ sukanirèŋ galiḥ, kalimput iŋ tyas aṅrĕda, ṅrahos karilan iŋ widdhi, dèn nya ayun mĕṅkoni, iŋ tanaḥ jawa sadarum, sumĕṅaḥ ujubriya, kibiriŋ tyas uwus kéṅis, kapaṇḍitan sirṇa guṅiŋ kamélikan.

4. wasana aris ṅandika, sukur alkamdulillahi, hèḥ ta kulup éndraséna, iki ṅalamaté dadi, aṅèl woŋ mijĕt ranti, ṛĕkasa woŋ ñjara timun, kuciwa tan kacaṇḍak, jĕŋ paṅéran surabaṅgi, kacĕkĕla miris tyasé woŋ mantaram.

5. éndraséna matur lataḥ, rèḥ wahu kasaput ratri, wadya daḷĕm sampun sayaḥ, saha ṛĕbat wĕktu mahrib, iŋ dintĕn béñjiŋ éñjiŋ, tamtu kabanda dèn iṅsun, mlajĕṅa mriŋ mantaram, ulun datan nĕdya ajriḥ, sukur bagé iŋ apraŋ tan miṇḍo karya.

6. babarpisan ulun bĕkta, dadya datan wira wiri, paṅran pĕkik kaṅjĕŋ sultan, suméwa ṅarṣa saŋ yogi, saŋ wiku ṅandika ris, iya sun doṅakkĕn kulup, yèn isiḥ jĕnĕṅiṅwaŋ, sira kaki ywa kuwatir, iŋ samĕṅko iŋ giri sun wèhi aran.

7. iya nagri sokaraja, pra wadu matur nĕkṣèni, ratri mĕṅko kasukana, mahulud ḍikiran siṅir, mbuṅaḥna wadya alit, gañjaṛĕn sapantĕsipun, kaŋ paḍa mĕntas yuda, dimèné tambaḥ kuwanin, naṅiŋ kulup aywa atiṅgal wawéka.

8. manawa iŋ béñjaŋ éñjaŋ, muṅsuḥmu kawawa bali, éndraséna saha wadya, saṛĕŋ matur iŋ saŋ ṛĕṣi, sadaya wus maḷĕñciŋ, miris datan nĕdya waṅsul, gustiné tan kantĕnan, rowaṅé kaṭaḥ ṅĕmasi, béñjaŋ katon saṛĕŋ nuṅkulé jĕŋ sultan.

9. iŋ ratri samya bujana, wadya giri suka ṅĕntiŋ, gantya wahu kaŋ winarṇa, iṅkaŋ kaplajĕŋ iŋ jurit, jĕŋ paṅran surèṅwèṣṭi, lawan garwanya jĕŋ ratu, wus kumpul wadyanira, jĕŋ paṅran aṅlĕs iŋ galiḥ, suṅkawèṅtyas miyat rusakiŋ kaŋ wadya.

10. ki sapañjaŋ lajĕriŋ praŋ, umatur maraŋ saŋ pĕkik, gusti atur pĕjaḥ gĕsaŋ, abdi daḷĕm surèṅwèṣṭi, satuhu ṅgigirisi, éndraséna yudanipun, miwaḥ prajurit ṅarga, naracak kĕndĕl iŋ jurit, ambĕg pati ṅamuk lir baṇṭèŋ katawan.

11. abdidaḷĕm surabaya, sadaya turipun sami, ṅrahos sampun botĕn baṅkat, tan anĕdya puliḥ gĕtiḥ, iŋ tyas wus samya wiṅwrin, kaṇṭi miris sakalaṅkuŋ, jĕŋ paṅran duk miyarṣa, aturé puṅgawanèki, saya aṅlĕs iŋ galiḥ datan ṅandika.

12. maṅkana jĕŋ ratu paṇḍan, miyat garwanya prihatin, sumpĕk iŋ tyas tan kawĕṅan, miṅgu datan kĕna aṅliŋ, jĕŋ ratu matur aris, ṅraṛĕpa mriŋ garwanipun, ḍuḥ guru lakiniṅwaŋ, lamun makatĕn ṅajurit, rusakiŋ praŋ amba ñuwun lilaḥ tuwan.

13. biliḥ kéṅiŋ dinandosan, kula iṅkaŋ andandosi, kagyat paṅran surabaya, miṛĕŋ aturé kaŋ rayi, patañanira aris, ḍuḥ babo pupujaniṅsun, ratuniŋ amrakatya, ratuniŋ manis sabhumi, kadiparan kaŋ dadya iŋ karṣanira.

14. wadyanira wus kèḥ pĕjaḥ, kaŋ kari wus paḍa wiṅwrin, jĕŋ ratu manis turira, sok ugi kaṅmas ṅlilani, manawi ta manawi, sagĕt mulihakĕn purun, maṅkana duk miyarṣa, jĕŋ ratu rinaṅkul aglis, tuhu yayi jajimatiŋ surabaya.

15. laḥ apa sakarṣanira, iṅsun tan sawalèŋ kapti, iŋ samĕṅko muhuŋ darma, magoṇḍal iŋ sira yayi, sakarṣa karṣa dadi, wus pasraḥ jiwa ragèṅsun, iŋ dalu tan winarṇa, kunĕŋ kawuwusa éñjiŋ, ratu paṇḍan pinarak lawan kaŋ garwa.

16. anèŋ tarub wawaṅunan, aṇḍèr wadya surèṅwèṣṭi, jĕŋ ratu arum ṅandika, hèḥ sakèhé wadya mami, ṅgèniṅsun maṅun jurit, iṅutus jĕŋ raka prabhu, sinaṅon bhuṣaṇarta, réyal

woluŋ èwu luwiḥ, bhuṣaṇa kèḥ éndaḥ éndaḥ warṇa warṇa.

17. iku sun gañjarkĕn sira, pandumĕn iṅkaŋ waradin, pra wadya iŋ surabaya, sadaya wus samya tampi, arta bhuṣaṇa adi, sumariṅaḥ nétyanipun, bomboŋ tyasnya sadaya, jĕŋ ratu ṅandika maliḥ, wadyaniṅsun kabèḥ kaŋ tampa gañjaran.

18. wus katoṅton antĕpira, tuhu riŋ gusti kah‍èṣṭi, mèlu lalana andon praŋ, sĕdya sadu iŋ rèḥ ririḥ, saparan datan kèri, papa ṛĕkasa iŋ laku, tan ana mawèḥ marta, lantarané iŋ kamuktin, dak waḷĕsa satus méné duruŋ mandra.

19. yayaḥ mamriha wiryawan, pamaḷĕṣku muŋ papèki, paran minaṅka mulyakna, tan ṅupakara mriŋ abdi, guŋ awèḥ kawlasasiḥ, asor timĕn jiwaniṅsun, bocaḥ iŋ surabaya, kulina wibawa nagri, guŋ ginawa ina papa kasaṅsara.

20. mbaṛĕṅkut kadya babĕraḥ, ṅlabuhi gusti kaswasiḥ, kasuraŋ pan kasaṅsaya, ragèṅsun paran pinaṅgiḥ, ṅgagawa mriŋ tan bĕcik, durmala bah‍é ragèṅsun, bagya wirya iŋ praja, sĕnĕŋ mulat anak rabi, tĕka ndadak dakajak paṅgawé papa.

21. satĕmaḥ amaṅgiḥ susaḥ, aṅadoni jayèŋ jurit, pira papati tan kétaŋ, saṅkiŋ drĕŋ kadĕṛĕŋ iŋ siḥ, yun maḷĕs mariŋ gusti, tan tiwas saṅkiŋ sirèku, iṅsun lan kakaṅĕmas, iku dunuṅé kaŋ sisip, pira bara muwuhi iŋ kawiryawan.

22. muṅguḥ iŋ pañahurira, wus kalakon tur ṅĕḷĕbi, iṅsun iṅkaŋ kapotaṅan, kaciḥna nalika jurit, campuḥ lan santri brahi, akaṇṭi prajurit puñjul, cina samya muwalap, prabawané aṅuṅkuli, parabaku prajurit iŋ surabaya.

23. kĕna prabawa aṛĕbaḥ, rumaras tipis kaŋ ati, tan luput saka iŋ sira, manawa wus karṣèŋ widdhi, iŋ mĕṅko surèṅwèṣṭi, ginawé béda lan daṅu, ṅuni iŋ sa baṅwétan, paṅahubaniŋ prajurit, maṅgalèŋ praŋ prajurit iŋ surabaya.

24. tyas ambĕg satya susatya, tan aṅéman lara pati, wantĕr tatag iŋ ṅayuda, tĕguḥ datan piliḥ taṇḍiŋ, babaṇṭèŋ tanaḥ jawi, mundur aran sukanipun, iku ḍèk jaman kuna, sarèhniŋ waktu sahiki, akèḥ muṅkur lalabuhan kuna kuna.

14 paṅkur

1. laḥ saguŋ pra wadyaniṅwaŋ, dadi luwiḥ bĕcik lalakon iki, tur tan sumĕlaŋ yèn lampus, kataman iŋ gagaman, nadyan kucĕm naṅiŋ isiḥ mamaḥ mumuḥ, nora kéguḥ iŋ rarasan, waton ndĕrbala ḷĕstari.

2. payo laḥ paḍa bubaran, iṅkaŋ aguŋ apuranira sami, marma mĕṅko sadayèku, paḍa nuli muliya, mriŋ wismamu déné ta gañjaranipun, gawénĕn saṅu nèŋ marga, iṅokna mriŋ anak rabi.

3. iṅsun muliḥ mriŋ mantaram, muñjuk maraŋ kakaŋ prabhu mantawis, ṅaturkĕn pati uripku, lan kaṅmas adipatya, tiwas iŋ praŋ muṅsuḥ wiku tuwa pikun, biniyanton woŋ muwalap, cina nĕnĕka ṅajawi.

4. gagamané muŋ salumraḥ, santri mĕri taṛĕbaṅé tinitir, tĕka wèḥ uwasiŋ kalbu, aṅĕdirkĕn kasuran, tĕmaḥ ura datan tumama tumaṅguḥ, akèḥ wutahiŋ ludira, naṇḍaŋ brana tĕkèŋ lalis.

5. kaŋ kari tyasé garowaḥ, lir kinĕbat kawanènira ĕntiŋ, kèḥ kèhé iṅsun kaŋ luput, anaṇḍaŋ kawiraṅan, lara pati iṅsun lan kaṅmas tumaṅguḥ, aywa mèlu mèlu paḍa, laḥ uwis andum basuki.

6. kunĕŋ jĕŋ ratu liṅira, para mantri umatur sadayèki, pan sarya drĕs wĕtuniŋ luḥ, ḍuḥ gusti puṇḍèniṅwaŋ, sampun agé paduka nĕmahi kundur, tontonĕn wadya paduka, bĕktiné woŋ surawèṣṭi.

7. lawan pamriyé pra wadya, aṅantosa yèn mĕṅko tuhu sĕkti, didimèn tĕlas pukulun, saguŋ woŋ surabaya, tĕkèŋ pĕjaḥ wadyanta iŋ surèṅkéwuḥ, datan ṅrĕmpĕlu sadaya, yèn ṅéman émana pati.

8. kalakyaniŋ karṣa tuwan, yèn kacuwan luwuŋ tumpĕsiŋ jurit, urip apa karyanipun, tan pĕcus karya ṛĕna, iŋ karṣané jĕŋ gusti tĕka tan ḍahup, yèn uripa kĕna ṅucap, ḍasar manuṅsa tan yukti.

9. éwa kabèḥ kaŋ tumiṅal, jĕr woŋ surawèṣṭi kaŋ ñjĕjĕmbĕri, apan niṣṭané kalaṅkuŋ, kawruhé nora nana, muŋ maṅkono boboté aduwé ratu, wali kalipahiŋ allaḥ, prandéné nora ṅlabuhi.

10. ya éndaḥ apa woŋ kompra, cĕplik taṅèḥ wĕruha maraŋ bĕcik, sadaya patiŋ saḷĕṅgruk, puṅgawèŋ surabaya, ki tumĕṅguŋ sapañjaŋ matur ḍuḥ aḍuḥ, añjanmaa kapiŋ sapta, kawulakna sadayèki.

11. pĕjaḥ gĕsaŋ aywa pisaḥ, iŋ jĕŋ paṅran kaŋ mĕṅku surawèṣṭi, wadya tumpĕsa karuhun, sampun agé paduka, kundur ṅuñjukakĕn yuswanta pukulun, pra wadya iŋ surapriṅga, yèn tiwas ṅayahan jurit.

12. aywa na kantun satuṅgal, tinumpĕsa mriŋ sunan giri aglis, yèn paduka prapta kantun, ḍatĕŋ iŋ kalaṅgĕṅan, ñuwun wartos kéwala solaḥ pukulun, sunan giri kaŋ mbaléla, pinaṅgiya jroniŋ pati.

13. takṣiya satru kawula, saturuné ñjanmaa ḍatĕŋ pundi, tĕtĕpa dumados satru, yèn dèrèŋ kalampahan, puliḥ awon ḍatĕŋ paduka gustiku, jĕŋ ratu paṇḍan myaŋ garwa, suka iŋ tyas duk miyarṣi.

14. aturé para puṅgawa, samya madĕg kasuranirèŋ galiḥ, prasĕtyanira trus kalbu, datan lamis iŋ ujar, sru kumruwuk ñuwun lilaḥ magut pupuḥ, maṅruraḥ kraton prawata, rampuŋ iŋ sadina maṅkin.

15. sunanné dadya tawanan, amboyoṅi duñarta garwa siwi, ratu paṇḍan ṅandika rum, yèn sira magut iŋ praŋ, iṅsun arṣa uniŋ tiṅkahiŋ apupuḥ, yèn tĕtĕp asoriŋ yuda, paḍa baṛĕŋ aṅĕmasi.

16. para wadya matur nĕmbaḥ, dèn pitados risakiŋ kraton giri, prayogi jĕŋ gusti kantun, wontĕn iŋ pasaṅgrahan, ñakécakkĕn sarira daḷĕm pukulun, jĕŋ ratu aris ṅandika, palimarmanta mriŋ mami.

17. abaṅĕt tarimaniṅwaŋ, sun tatĕḍa winaḷĕsa iŋ widdhi, naṅiŋ kĕñcĕṅé tyasiṅsun, tan kĕna sinayutan, para wadya sadaya samya aṇḍĕku, jĕŋ ratu maliḥ ṅandika, mĕṅko yèn wis praptèŋ giri.

18. muṅguḥ gĕlariŋ ṅayuda, bocahiṅsun sikĕp iŋ surawèṣṭi, ṅaṅgowa gagaman pupuḥ, ana iŋ ṅarṣaniṅwaŋ, kaŋ minaṅka titiṇḍiḥ kaṅmas lan iṅsun, kabèḥ paḍa siṅitana, lamun wus tĕmpuḥ iŋ jurit.

19. iṅsun apariŋ tĕṅara, yèn pistulku wus muni kapiŋ katri, sĕḍĕŋ kuwuriŋ ṅapupuḥ, aglis sira trajaṅa, poma paḍa èstokna pituturiṅsun, pra wadya matur sandika, mundur anata kaŋ baris.

20. pra wadya asuka suka, giyak giyak marlĕsunira ĕnir, puliḥ kapurunanipun, saṛĕŋ surak gumĕraḥ, nora nana kaŋ alit iŋ manahipun, sadaya samyambĕg pĕjaḥ, gambira woŋ surawèṣṭi.

21. sampun anĕmbaŋ tĕṅara, biḍalira wadya iŋ surawèṣṭi, kuli minaṅka paṅañjur, binusanan mawarṇa, abaŋ kuniŋ iṛĕŋ putiḥ ijo wuṅu, maṇḍi wataŋ ṅaṅgar criga, tinon lir pañjrahiŋ sari.

22. jĕŋ ratu paṇḍan nèŋ wuntat, nitiḥ joli jĕŋ paṅran datan tĕbiḥ, wahana turaṅganipun, iṅuruŋ uruŋ wadya, magĕrṣari prajurit wuri sumambuŋ, solahé lir siṅa krura, tan nĕdya mundur iŋ jurit.

15 durma

1. lampahira iŋ ṅĕnu datan winarṇa, wadya iŋ surawèṣṭi, wus ṅañcik jajahan, iŋ giri kagègèran, prajurit kaŋ anèŋ wuri, lampaḥnya ñimpaŋ, siṅitan tan katawis.

2. kawarṇaa jĕŋ susunan iŋ prawata, lagya éca tinaṅkil, lan saŋ éndraséna, iṅaḍĕp para wadya, tan liyan iṅkaŋ ginupit, jayaniŋ apraŋ, jĕŋ sunan ṅandika ris.

3. éndraséna kadiparan muṅsuhira, apa tan nĕdya bali, matur éndraséna, pukulun kintĕn amba, kalajĕŋ dèn nya maḷĕñciŋ, botĕn kuwagaŋ, naḍahi yuda mami.

4. lamun purun waṅsul nĕtĕpi babasan, lir suluŋ ḷĕbu gĕni, nadyan kaṅjĕŋ sultan, mantaram yèn miyarṣa, tandaŋ ulun iŋ ṅajurit, kasĕktèn amba, sayĕkti lajĕŋ miris.

5. dèrèŋ daṅu dèn nira imbal wacana, kasaru gègèr jawi, alok muṅsuḥ prapta, aṅaṅgo mañcawarṇa, tiṇḍihipun nitiḥ joli, muṅgèŋ iŋ wuntat, gugup susunan giri.

6. kulup payo paḍa nĕmbaṅa tĕṅara, muṅsuḥ ndadak nĕkani, kaki dèn prayitna, sun doṅakkĕn raharja, éndraséna mundur aglis, nĕmbaŋ tĕṅara, busĕkan wadya giri.

7. pradandanan ṅrasuk kaprabhoniŋ ṅapraŋ, saṅkiŋ kiṭa wus mijil, saṅkiŋ ranaṅgana, sampun ayun ayunan, tĕṅara pagutiŋ jurit, bĕḍug tinatab, surak manĕṅkĕr laṅit.

8. saṛĕŋ tandaŋ wadya giri surapriṅga, caruk asiliḥ uṅkiḥ, tambuḥ muṅsuḥ rowaŋ, sañjata barondoṅan, wadya giri ṅidak wani, paṅamukira, lir baṇṭèŋ naṇḍaŋ kanin.

9. wadya surapriṅga kadya siṅa krura, maṅgalak ṅgĕgirisi, samyambĕg palastra, kaŋ pĕjaḥ iṅidakan, riwut rukĕt iŋ ṅajurit, tan ana nĕdya, ṅucira iŋ ṅajurit.

10. pan karasa papariṅé gustinira, sĕdya amaḷĕs bĕcik, ṅĕtohakĕn pĕjaḥ, wus rukĕt iŋ ṅayuda, lariḥ linariḥ iŋ kĕris, tumbak tinumbak, pĕṇṭuŋ pinĕṇṭuŋ gĕnti.

11. ana iṅkaŋ praŋ taṅan datanpa gaman, dadya biṭi biniṭi, japa jinapanan, sĕbul sinĕbul gantya, umĕt umĕt umik umik, ṅapalkĕn japa, patiŋ kaṛĕsĕs sami.

12. éndraséna paṅamuké saya nĕṅaḥ, pĕḍaṅé mobat mabit, siṅa kaŋ katrajaŋ, ṅisis datan kawawa, naṅgulaŋ paṅamuknèki, kaṭaḥ kabranan, papati tanpa wilis.

13. bubar bubar ṅuṅsi ṅgyaniŋ gustinira, jĕŋ ratu paṅran pĕkik, anudiṅi wadya, hèḥ bocaḥ surabaya, sira ayun maraŋ ṅĕndi, aturiŋ wadya, ṅaso iŋ sawatawis.

14. wusnya ṅaso sakĕḍap nulya tumandaŋ, mriŋ pambaratan maliḥ, risaŋ éndraséna, sawadya sru gambira, satuhu ṅébat ébati, paṅamukira, jĕŋ ratu wlas niṅali.

15. matur mariŋ kaŋ garwa kaṅjĕŋ paṅéran, ḍuḥ kaṅmas adipati, sénapati cina, wus wuru iŋ ṅayuda, sĕḍĕṅé tiniban mimis, maṇṭuk jĕŋ paṅran, jĕŋ ratu ṅasta aglis.

16. pistulira winawas mimis lumĕpas, mriŋ éndraséna kanin, taṅanira kanan, jumbul pĕḍaṅé gigal, ṅamuk ḍuwuŋ taṅan kériŋ, pinistul sigra, kabranan taṅan kaliḥ.

17. makṣiḥ paṅgaḥ ṅamuk mbijig ñjĕjĕg ṇḍupak, aṅĕmaḥ ṅĕmaḥ kupiŋ, ratu paṇḍan sigra, pistulira winawas, suku éndraséna kĕni, sakala ṛĕbaḥ, prajurit surawèṣṭi.

18. samya miṛĕŋ uṅĕlé pistul piŋ tiga, sigra aṅĕbyuk jurit, sakiŋ kériŋ kanan, gugup iṅkaŋ tinrajaŋ, woŋ giri tan ana uniŋ, yèn mĕṅsaḥ wêwaḥ, prajurit surawèṣṭi.

19. kiranira kantun kaŋ katon kéwala, jroniŋ tyas aguŋ kibir, dadya tan wéwéka, bujuké woŋ mantaram, wadya cina anaḍahi, karoban mĕṅsaḥ, linambuŋ ṅanan ṅériŋ.

20. éndraséna ṇḍoko madyaniŋ ṅayuda, maṅkana wadya giri, myaŋ prajurit cina, tyasé wus samya growaḥ, kĕmba tandaṅé ṅajurit, woŋ surabaya, sadaya ambĕg pati.

21. amaṅruraḥ muṅsuhé patiŋ salayaḥ, aṅlir babatan paciŋ, risaŋ éndraséna, kinrocok tinumbakan, ajur luluḥ awor siti, wadya tumpĕsan, sakantuné kaŋ lalis.

22. mawut mawut lumayu ṅguwaŋ gagaman, samya aṅuṅsi urip, ṅgaluṇḍuŋ iŋ juraŋ, siṅidan malbèŋ guwa, ana iṅkaŋ ṅgĕbyur tasik, miṅgaḥ iŋ arga, sinurak saya giris.

23. wadya giri siji tan ana katiṅal, ṛĕsik lir dèn saponi, wadya surabaya, surak ambal ambalan, prataṇḍa uṅguliŋ jurit, giri kinĕpaŋ, tĕpuŋ kinubĕŋ baris.

24. kawarṇaa nalika raméniŋ yuda, putranya sunan giri, kaŋ sakiŋ ampéyan, titiga èstri juga, tuṅgil sayayaḥ sabibi, sru aṅrĕsiŋ tyas, lir mas timbul iŋ wariḥ. 

16 maskumambaŋ

1. iṅkaŋ sĕpuḥ kakasiḥ dyan jayèṅrĕsmi, raméniŋ ṅayuda, ṅupadosi rayi kaliḥ, jayèṅsari rañcaṅkaptya.

2. karṣanira ri kaliḥ binĕkta ṅuṅsi, naṅiŋ jro kaḍatyan, iṅubrĕs wus tan kapaṅgiḥ, rahadyan saṅĕt suṅkawa.

3. lolos sakiŋ giri madosi kaŋ rayi, tambuḥ kaŋ sinĕdya, tan ana kaŋ ṅudanèni, ḷĕpas lampahé rahadyan.

4. kawarṇaa wahu radèn jayèṅsari, tan pisaḥ kalawan, rinta nikèn rañcaṅkapti, ṅupadosi iṅkaŋ raka.

5. tan kapaṅgya santri buras atur uniŋ, ḍuḥ lah‍é bĕndara, iŋ giri apĕs iŋ jurit, tan wandé dadya tatawan.

6. pan binoyoŋ mariŋ nagari mantawis, rakanta rahadyan, jayèṅrĕsmi sampun anis, nir dasiḥ kaŋ atut wuntat.

7. duk miyarṣa aturé ki buras santri, radèn jayèṅsĕkar, ṅandika waspa drĕs mijil, yayi paran karṣanira.

8. nikèn rañcaṅkapti matur èsmu taṅis, kakaŋ nora bĕtaḥ, yèn pisaḥ lawan sirèki, saparan aku tut wuntat.

9. saya ribĕt tyasira dyan jayèṅsari, yayi karṣaniṅwaŋ, aṅlut kaṅmas jayèṅrĕsmi, mati urip aywa pisaḥ.

10. buras matur kalilana iṅkaŋ abdi, tumutur saparan, sumaṅga nuntĕn lumaris, sĕlak tĕbaḥ rakapara.

11. payo yayi nuli paṅkat iŋ sahiki, kaŋ rayi turira, kakaŋ aku dandan ḍisik, karo ṅlumpukké dolanan.

12. mĕṅko buras gawanĕn dolanan mami, bèsèk tĕmantènan, ambèn cilik rana cilik, bagor isi ḍuwit wiṅka.

13. cowèk wajan aṅlo kĕṛĕn kĕṇḍil kwali, irus rok érokan, solèt wilaḥ susuk cilik, bagor cilik isi bĕras.

14. ténoŋ cilik isi bumbu aja cicir, lan cuwilan bata, kĕmbaŋ jambu ampas krambil, kunir ĕñjĕt aṅus wajan.

15. buras matur lèhé mbĕkta kadi pundi, iya kaṇṭoṅana, mèḥ bah‍é ḍakoné lali, kĕcik kluṅsu anèŋ kĕba.

16. mantènaku bĕcik dak géṇḍoŋ pribadi, aja sira gawa, mĕṅko muṇḍak kok coloṅi, katéku gawanĕn pisan.

17. ko nèk kĕsĕl aku ñjuk géṇḍoŋ sirèki, buras tobat tobat, ḍuḥ bĕndara napa maliḥ, kari pĕturon bĕnètan.

18. payo buras éwaṅana añjupuki, radèn jayèṅsĕkar, myarṣa surak ṅgĕgĕtĕri, kaŋ rayi nulya cinaṇḍak.

19. gya ginéṇḍoŋ santri buras anèŋ wuri, kakaŋ uḍunĕna, pasaranku isiḥ kèri, nèk dak tiṅgal muṇḍak ilaŋ.

20. buras matur sadaya tan ana kèri, wus pinikul bĕraḥ, ĕndi mantènaku kĕcik, karo cukiku nèk ilaŋ.

21. sampun ḷĕpas lampahé dyan jayèṅsari, umañjiŋ mriŋ wana, tumurun iŋ juraŋ trĕbis, gantya iṅkaŋ winurṣita.

22. kaṅjĕŋ ratu lawan garwa saŋ dipati, miṅgaḥ maraŋ arga, jinajaran pra prajurit, iṅuruŋ uruŋ sĕntana.

23. kawarṇaa garwanya saŋ maha ṛĕṣi, miyos sakiŋ pura, lumajĕŋ atawan taṅis, miyat baris kaŋ nèŋ ṅarṣa.

24. praptèŋ ṅarṣa mĕṇḍak mĕṇḍak maṅĕñjali, anuṅkĕmi pada, matur mlasasiḥ wor taṅis, lah‍é gusti puṇḍèn amba.

25. karṣa rawuḥ anèŋ paḍĕkahan giri, sèwu kanugrahan, piṇḍa kĕḍawahan sari, wijilé nata minulya.

17 mijil

1. datan ndimpé muṣṭikaniŋ bhumi, rawuḥ sakaroṅron, apuranĕn punika dasihé, abdi daḷĕm paṇḍita iŋ giri, ywa tumĕkèŋ lalis, sru panuwun ulun.

2. sèstunipun putranta iŋ giri, katarik wirahos, kĕni bujuk rum manis tĕmbuṅé, aṅlimputi utamaniŋ ṛĕṣi, tĕmaḥ mbĕbayani, tiwas iŋ tumuwuḥ.

3. éndraséna éblis aṅĕjawi, raraton nèŋ ḍépok, tĕka baḍé ṅĕmbari ḍèwèké, iŋ saŋ ulun kaŋ mĕṅku rat jawi, satĕmaḥ ṅĕmasi, ṅgĕgawa saŋ wiku.

4. putra tuwan sah‍èstuné sĕpi, baléla iŋ katoŋ, laḥ punapa kaŋ dèn andĕlaké, ḍuḥ jĕŋ gusti sah‍èstu tur mami, dèn pracayèŋ galiḥ, gusti atur ulun.

5. paṅran surawèṣṭi ṅandika ris, aywa walaṅatos, lamun mĕṅko wus éliŋ atiné, gĕḷĕm nuṅkul maraŋ iŋ mantawis, atur pati urip, mriŋ jĕŋ sultan aguŋ.

6. yèn miturut nora sun patèni, lamun mĕkṣa waṅkot, kari aran sak bojo anaké, tumpĕs tapis iŋ giri sun radin, papak lawan siti, aja na maṇḍukul.

7. nora ñana nora ṅira mami, yèn dadi praŋ popor, saduruṅé kalakon maṅkéné, akèḥ akèḥ manira nuturi, tĕka tan ginati, miṅgu datan muwus.

8. aturana lakimu dèn aglis, yèn sandéyèŋ batos, isiḥ kĕñcĕŋ kaŋ dadi kaṛĕpé, isin mundur ṅlabuhi si éblis, nora ṅéman pati, suka tumpĕs ḷĕbur.

9. baya namuŋ sagĕbyariŋ ṭaṭit, iŋ giri wus luloḥ, mĕnèk uwus rumaṅsa luputé, gĕḷĕm nuṅkul maraŋ iŋ mantawis, nuli konĕn mijil, aja ṅaṅgo ḍuwuŋ.

10. nĕmbaḥ mundur saŋ dyaḥ pramèswari, jĕŋ ratu aṅantos, anèŋ jawi kalawan garwané, yata wahu pramèswari giri, nuṅkĕmi padaniŋ, risaŋ raja wiku.

11. aturira dahat mamalatsiḥ, ḍuḥ jawataniṅoŋ, rama tuwan kalawan garwané, gusti kaṅjĕŋ ratu paṇḍansari, rawuḥ wus nèŋ jawi, mbĕkta prajurit guŋ.

12. ḍawuhipun ḍumatĕŋ pun patik, gusti wantos wantos, ywa kadahut paduka kasupèn, biliḥ karṣa nuṅkul mriŋ mantawis, taṅgĕl paṅran pĕkik, iŋ rahayunipun.

13. slira tuwan sagarwa putrabdi, tulus aṅaḍaton, anèŋ giri saturun turuné, biliḥ datan makatĕn wus paṣṭi, risak prajèŋ giri, tumpĕsan sadarum.

14. jĕŋ paduka tinimbalan mijil, daṅu wus iṅantos, yèn taléḍor bok dados dukané, pan dinaliḥ ṅruṅkĕbi si éblis, maṅga sowan gusti, sampun ṅagĕm ḍuwuŋ.

15. sunan giri wèntèḥ aṅèṅĕti, tyasira sumĕḍot, gugup taṅgap ṅrasuk bhuṣaṇané, datan ṅagĕm curiga wus mijil, atatĕkĕn ĕcis, maṅsaḥ muṇḍuk muṇḍuk.

16. dupi prapta ṅarṣanya saŋ pĕkik, sasalaman gupoḥ, wusiŋ salam aṅrahup padané, marikĕlu mĕpĕs anèŋ ṅarṣi, lir koñjĕm mriŋ siti, ajrihé kalaṅkuŋ.

17. aṅandika jĕŋ paṅéran pĕkik, puṅkasaniŋ lakon, kadiparan kaṛĕpmu iŋ maṅké, kĕkĕtogan aywa miṇḍo kardi, ĕndi kok antĕpi, mati apa nuṅkul.

18. lamun nuṅkul dak gawa sahiki, maraŋ nagriniṅoŋ, sabojomu myaŋ anakmu kabèḥ, rajabrana sahisiniŋ giri, sawadyanirèki , aja na kaŋ kantun.

19. sabañjuré aṅidĕpa mariŋ, jĕŋ sultan kinahot, iṅsun iṅkaŋ bakal ñébakaké, saŋ paṇḍita aturira aris, tan ḷĕṅgana gusti, aṇḍèrèk sakayun.

20. sampun iṅkaŋ ḍumatĕŋ iŋ sakit, nadyan praptèŋ layon, tan gumiṅsir sumaraḥ abdiné, muhuŋ ñaḍoŋ paṛĕṅiŋ narpati, amba aṅèṅĕti, wawĕca iŋ daṅu.

21. karṣaniŋ hyaŋ bhuwana binalik, luhur dadya asor, naṅiŋ datan ṅicalkĕn lajĕré, kadi paran ṅgèn amba sumiṅkir, paṅran duk miyarṣi, aṅrĕs galihipun.

22. ṅandika lon hya sumĕlaŋ kapti, iṅsun kaŋ tumaṅgoḥ, dèn pracaya maraŋ saŋ murbèŋ rèḥ, laḥ ta mara pradandana aglis, lèṅsèr sunan giri, pradandosan sampun.

23. wus samĕkta tan ana kaŋ cicir, jĕŋ paṅéran boḍol, iṅkaŋ rayi wahana joliné, sunan giri tinaṇḍu nèŋ ṅarṣi, lan garwa myaŋ siwi, jinagan wadya guŋ.

24. wadya surawèṣṭi abibisik, maraŋ saŋ wiranom, prayoginé sunan giri maṅké, yèn sambada iŋ karṣa jĕŋ gusti, rèḥ karya papati, aṅgambuḥ praŋ pupuḥ.

18 gambuḥ

1. kalakyan apraŋ pupuḥ, dados damĕl kapitunan aguŋ, aminihi kasaṅsarané tyaŋ alit, ṅgoṛĕkkĕn praja sawĕguŋ, abdidaḷĕm kaṭaḥ layon.

2. tétéla sampun kosus, sinaṅsaya tumĕkèŋ iŋ lampus, tinumpĕsa sampun botĕn milalati, imané sampun tĕkiyur, ical sumuṅkĕm iŋ manon.

3. mumpuni kajĕṅipun, jawi ḷĕbĕt sĕdyanya rinaṅkut, tan rumahos kuṅkulan ḍampar narpati, wikuniŋ antigan èstu, paṭaknya jawi kémawon.

4. iŋ maṅkya mupuŋ ṅumpul, wontĕn ṅajĕŋ kadrèl saṅkiŋ puṅkur, paṅran pĕkik gumujĕŋ ṅandika aris, bĕnĕr kabèḥ iŋ aturmu, wus kosus tinumpĕs maṅko.

5. anaṅiŋ saka ḍawuḥ, daḷĕm gusti kaṅjĕŋ sultan aguŋ, iṅsun nora winĕnaŋ lamun matèni, pan dudu bubuhaniṅsun, luwiḥ karṣané saŋ katoŋ.

6. wirayaté pra luhuŋ, yèn samĕṅko duruŋ waktunipun, bésuk ana kaŋ ṅrĕmĕg kaḍaton giri, darahé jĕŋ sultan aguŋ, campur lawan darahiṅoŋ.

7. sadaya para wadu, samya ṇḍĕku laṅkuŋ cuwèŋ kalbu, maṛĕmiŋ tyas tĕmbé kalakon sĕdyèki, yata lajĕŋ lampahipun, wus prapta iŋ surèṅkéwoḥ.

8. pinĕrṇaḥ poṇḍokipun, sunan giri sawadya kinumpul, myaŋ jinagan iŋ prajurit surèṅwèṣṭi, kaṅjĕŋ ratu karṣanipun, béñjaŋ éñjaŋ dèn nya boḍol.

9. cinacahakĕn sampun, baboyoṅan jarahan brana guŋ, sunan giri matur mriŋ jĕŋ paṅran pĕkik, kahuniṅana pukulun, kiraŋ tiga anak iṅoŋ.

10. jayèṅrĕsmi kaŋ sĕpuḥ, miwaḥ jayèṅsari arinipun, wuragilé wasta nikèn rañcaṅkapti, raméniŋ praŋ sami mirut, lolos saṅkiŋ iŋ kaḍaton.

11. tan wontĕn sañjaŋ ulun, duka daḷĕm mĕṅgaḥ purugipun, tuṅgil biyaŋ tiga pisan saṅkiŋ wiṅkiŋ, jĕŋ paṅran nulya ḍaḍawuḥ, maraŋ wadya surèṅkéwoḥ.

12. hèḥ bocaḥ dèn agupuḥ, upayanĕn atmaja saŋ wiku, jayèṅrĕsmi jayèṅsari rañcaṅkapti, kalamun uwus kapaṅguḥ, rihrihĕn dèn ṅanti klakon.

13. sébakna mriŋ mantarum, yèn ambandakalani tan purun, aywa waṅwaŋ ṅgonira añantosani, yèn abota saṅganipun, matura iŋ jĕnĕṅiṅoŋ.

14. ki sapañjaŋ wus ṅutus, wadya surèṅkéwuḥ iṅkaŋ ṅruruḥ, pan sinĕbar iŋ paran datan anuṅgil, sigĕgĕn dèn nya aṅruruḥ, éñjiṅé dèn nya yun boḍol.

15. sowan mariŋ mantarum, wus samĕkta puṅgawa nuŋ anuŋ, myaŋ boyoṅan jarahan sampun miranti, tinĕṅĕran bĕṇḍé ṅuṅkuŋ, gumuruḥ kanaŋ kĕṇḍaŋ goŋ.

16. éñjaŋ buḍal gumuruḥ, giyak giyak taṇḍa jayèŋ pupuḥ, kaṅjĕŋ ratu nèŋ ṅarṣa anitiḥ joli, jĕŋ paṅéran tansèŋ puṅkur, nitiḥ turaṅga binaroŋ.

17. iṅayap wadyanipun, jinajaran myaŋ dèn uruŋ uruŋ, kaŋ sumambuŋ iŋ wuri jĕŋ sunan giri, sagarwa putra tinaṇḍu, brana jarahan tan adoḥ.

18. jinagan pra mantri nuŋ, jinajaran myaŋ dèn uruŋ uruŋ, ginarubyuk prajurit iŋ surabaṅgi, samya prayitna iŋ kéwuḥ, samarga marga tinonton.

19. iŋ ṅĕnu tan winuwus, wus aṅañcik nagari mantarum, oṛĕg iṅkaŋ samya ayun aniṅali, kondurira kaṅjĕŋ ratu, uṅguliŋ praŋ ambaboyoŋ.

20. sunan giri pinikut, sagarwa putra santananipun, jajarahan gusis rajabrana giri, woŋ nonton jĕjĕl supĕnuḥ , samya ṅucap tiŋ caḷĕmoŋ.

21. siŋ ĕndi warṇanipun, sunan giri kaŋ mbalèlèŋ ratu, rowaṅira nahuri atudiŋ tudiŋ, kah‍é lo lo anèŋ taṇḍu, kaŋ wus pikun kĕmpoŋ pérot.

22. lo déné uwus ṭuyuk, apa iṅkaŋ dèn andĕlkĕn iku, aḥ woŋ wiku manawa doṅané mandi, lan duwé saraya jaḍug, cina muwalap sabagor.

23. iŋ mĕṅko wus kinrucuk, iŋ jĕŋ ratu kagĕm sambĕl wandu, pinakakkĕn mariŋ sakèhé woŋ giri, satĕmahé paḍa mupus, rajané kĕna binoyoŋ.

24. wahu ta lampahipun, kaṅjĕŋ ratu prapta ṅalun alun, paṅran pĕkik sawadya myaŋ sunan giri, kèndĕl nèŋ taratag aguŋ, jĕŋ ratu ṇḍaṇḍaŋ kaḍaton.

19 ḍaṇḍaŋgula

1. kawarṇaa jĕŋ sultan mantawis, apan sampun iṅaturan wikan, jĕŋ ratu paṇḍan rawuhé, saha uṅguliŋ pupuḥ, sunan giri sampun jinoḍi, binĕkta mriŋ mantaram, maṅkana saŋ prabhu, miyos madyaniŋ paṇḍapa, ginaṛĕbĕg saguṅiŋ pawoṅan cèṭi, sampĕt pacarèŋ nata.

2. tan pantara kaŋ rayi kah‍èkṣi, kaṅjĕŋ sultan gupuḥ dèn nya mapak, tuṇḍuk pinĕṅkul jaṅgané, kinaṇṭi lampahipun, wusiŋ ḷĕṅgaḥ cakĕt saŋ aji, arum wijiliŋ sabda, aḍuḥ ariniṅsun, lakumu myaŋ garwanira, iṅsun utus ṅĕṇḍakkĕn paṇḍita giri, apa paḍa raharja.

3. lakinira mĕṅko ana ṅĕndi, kaṅjĕŋ ratu matur saha nĕmbaḥ, kakaŋ prabhu paṅèstuné, muṇḍi ḍawuḥ pukulun, amba miwaḥ kaṅmas dipati, myaŋ wadya surabaya, sadaya rahayu, iṅutus wus antuk karya, sunan giri iŋ apraŋ sampun kapilis, iŋ maṅkya kula bĕkta.

4. laki ulun ṅĕntosi nèŋ jawi, cumaḍoŋ iŋ ḍawuḥ śri naréndra, jĕŋ sultan utusan agé, nimbali ipé prabhu, paṅran pĕkik sampun akérit, prapta iŋ palataran, ṇḍaḍab muṇḍuk muṇḍuk, ḷĕṅgaḥ koñjĕm iŋ pratala, gya iṅawé jĕŋ paṅran majĕŋ wotsari, maṅrahup pada nata.

5. paḍa bĕcik satĕkamu yayi, déné lagi sawatara dina, apa baya antuk gawé, jĕŋ paṅran nĕmbaḥ matur, ḍuḥ gustiku kalipaḥ widdhi, muṣṭikaniŋ bhawana, kinasiḥ hyaŋ aguŋ, paṅèstu daḷĕm naréndra, kawula myaŋ abdi daḷĕm surawèṣṭi, sadaya karaharjan.

6. nuwun sampun kawula tinudiŋ, ṇḍawuhakĕn timbalan naréndra, ḍatĕŋ sunan giri prapèn, supadi ywa kadahut, kajĕṅipun iṅkaŋ nalisip, tan ayun sumuyuta, iŋ pada pukulun, sakawit patik piyambak, tanpa kaṇṭi pinaṅgiḥ susunan giri, pinuju pakĕmpalan.

7. para kahum aṇḍèr ṅarṣèŋ ṛĕṣi, lawan wontĕn tyaŋ cina muwalap, kaliḥ atus prajurité, sampun islam sadarum, lurahipun pinĕṇḍĕt siwi, iṅaran éndraséna, sah‍èstu pinuñjul, punika iṅkaŋ amawa, kadahutiŋ tyasira saŋ maha ṛĕṣi, sinantosan tyaŋ cina.

8. ulun paripiḥ saṅkaniŋ aris, mèḥ sadalu mĕkṣa botĕn mĕmbat, gèbès tan wontĕn aturé, pĕgĕliŋ tyas kalaṅkuŋ, ulun mantuk datanpa pamit, éñjiṅé mapak yuda, mèḥ sadintĕn muput, wadya daḷĕm surabaya, pan kasĕsĕr giris paṅamukirèki, éndraséna prawira.

9. iŋ sasagĕd amba ambolèhi, mĕkṣa mopo miris anaṅgulaŋ, wadya giri paṅamuké, tyas amba ṅrĕs kalaṅkuŋ, sumpĕg pĕpĕt kéwran iŋ pikir, rayi daḷĕm duk prikṣa, biliḥ amba miṅgu, tan wontĕn wĕṅaniŋ manaḥ, ṅandika rum ḍatĕŋ amba ṅasiḥ asiḥ, muṇḍut lilaḥ ṅraṛĕpa.

10. karṣa mulihakĕn tyasiŋ abdi, saṛĕŋ rayi daḷĕm aṅandika, iṅgariŋ tyas amba maṅké, ñumaṅgakkĕn sakayun, muŋ sadarmi ṇḍèrèk kaŋ abdi, anulya muṇḍut réyal, cacaḥ woluṅatus, bhuṣaṇa manéka warṇa, pinariṅkĕn ḍatĕŋ iŋ puṅgawa mantri, pipikul surabaya.

11. samya éṅgar manahipun sami, prĕmbik prĕmbik ṭukul kasuranya, jĕŋ sultan asru gujĕṅé, bacutna ariniṅsun, nuwun rayi daḷĕm jĕŋ gusti, kaṭaḥ kaŋ paṅandika, ñĕñĕs manis arum, kados mĕjaŋ ṅèlmi ñata, agĕṇḍagan abdi daḷĕm botĕn apil, pañjaŋ aṅaṇḍar aṇḍar.

12. abdi daḷĕm tyaŋ sa surawèṣṭi, saṛĕŋ miṛĕŋ iṅkaŋ paṅandika, samya madĕg kasurané, matur asĕṅgruk sĕṅgruk, aprasĕtya mawanti wanti, sadaya ambĕg pĕjaḥ, nadyan ḷĕbur luluḥ, tan gumiṅsir iŋ ṅayahan, saya suka saŋ aji ṅandika aris, mara yayi bañjurṇa.

13. éñjiŋ lajĕŋ tĕṅara tinitir, rayidaḷĕm madĕg sénapatya, nèŋ joli maṅku pistulé, kawula anèŋ puṅkur, numpak kapal datan cumuwit, gĕlaripun ṅayuda, garuḍa maniyup, kuli binusanan abra, dadya cucuk rayidaḷĕm dadya tĕliḥ, prajurit surapriṅga.

14. kaŋ minaṅka gĕlar ṅanan ṅériŋ, alimunan datan katiṅalan, amuŋ cucuk mèḍèŋ mèḍèŋ, surak mawantu wantu, wadya giri lajĕŋ miyosi, nir baya nir wikara, gupuḥ amanĕmpuḥ, sénapati éndraséna, sawadyanya tyaŋ cina wira iŋ jurit, ramé campuhiŋ yuda.

15. pan kapilis wadya surawèṣṭi, ṅuṅsi ṅgyaniŋ risaŋ sénapatya, rayidaḷĕm timbalané, lho kaṭik paḍa mlayu, aturipun botĕn lumaris, aṅĕñcĕṅi dandosan, éndraséna aṅlut, tandaŋnya lir radyan séta, rayidaḷĕm mistul taṅan tĕṅĕn kĕni, pĕḍaṅipun wus gagal.

16. makṣiḥ ṅamuk ḍuwuŋ taṅan kériŋ, gya pinistul taṅanipun kiwa, kabranan taṅan kalihé, kantun suku myaŋ guṇḍul, ñjĕjĕg mbijig lir mĕnda bariŋ, gĕr ginuyu woŋ kaṭaḥ, piŋ tri iŋ pamistul, sukunipun kaŋ kataman, lajĕŋ ḍawaḥ saṛĕŋ kĕrbĕtiŋ suwiwi, wadya iŋ surabaya.

17. aṅĕbyuki saṅkiŋ kanan kériŋ, wariṅutĕn wadya surabaya, kadugèn iŋ punaginé, aṅidak ambĕg purun, datan oḍil wadya iŋ giri, pĕpĕjaḥ tan pétuṅan, lèsèḥ suṅsun timbun, kantun kĕḍik iṅkaŋ gĕsaŋ, mawut mawut samya ṅuṅsi juraŋ trĕbis, wĕnèḥ miṅgaḥ prawata.

18. éndraséna luluḥ awor siti, wadya cina tumpĕsan sadaya, rayidaḷĕm miṅgaḥ agé, ḍumatĕŋ iŋ kaḍatun, praptèŋ jawi garwa saŋ yogi, umaṛĕg ṅrahup pada, asru taṅisipun, ñuwunakĕn paṅakṣama, gĕsaṅipun lakinya paṇḍita giri, sampun pasraḥ boṅkokan.

19. tan suwala sakarṣa saŋ aji, rajabrana sahisiniŋ pura, sadaya dèn aturaké, myaŋ anak rabinipun, amuŋ anak kaŋ saṅkiŋ sĕlir, titiga èstri juga, jèṅrĕsmi kaŋ sĕpuḥ, ambĕg mawiku sudibya, nuli jayèṅsari taruna apĕkik, rañcaṅkapti wanudya.

20. tiga pisan raméniŋ ṅajurit, samya lolos amba wus kèṅkènan, ṅupadosi katigané, iŋ samaṅké pukulun, sunan giri saha nak rabi, myaŋ saguŋ jajarahan, wus nèŋ alun alun, kawula nuwun sumaṅga, kaṅjĕŋ sultan suka amarwatasiwi, aris wijiliŋ sabda.

21. iya baṅĕt iŋ panrima mami, wiku giri patut iṅapura, iŋ samĕṅko paṅwasané, iŋ giri sadayèku, sun pariṅkĕn mariŋ sirèki, saguṅé jajarahan, dadia darbèkmu, jĕŋ paṅran matur manĕmbaḥ, sakalaṅkuŋ kapuṇḍi siḥ paduka ji, kaŋ ḍumatĕŋ patikbra.

6. wadya surabaya kaliṇḍiḥ, naṅiŋ lajĕŋ pupuliḥ dipunsénapatèni ratu paṇḍansari. kocap, tiga putra putrinipun sunan giri sami lolos nalika ramé raméniŋ pĕraŋ r. jayèṅrĕsmi kaḍèrèkakĕn abdi lan r. jayèṅrĕsmi tuwin rayi nikèn rañcaṅkapti ugi kaḍèrèkakĕn santri. lampahipun béda béda mila tansaḥ upados iṅupadosan. iŋ payudan, prajurit surabaya uṅgul. andĕl andĕliŋ giri éndraséna kapupu. sunan giri tĕluk, kaboyoŋ ḍatĕŋ mataram sakulawarga dalaḥ rajabrananipun .

22. kaṅjĕŋ sunan aṅandika maliḥ, séjé waktu iṅsun yun apaṅgya, lan wiku giri parapèn, iŋ mĕṅko jakkĕn mantuk, kaŋ miruda si jayèṅrĕsmi, kaṛĕpé ayun naṇḍa, maraŋ jĕnĕṅiṅsun, amuŋ salamĕt tékadnya, tĕmbé asuŋ patilasaniŋ nagari, mumpuni iŋ kasidan.

23. jĕŋ paṅéran ṇḍĕku atur pamit, saha garwa mriŋ kasurabayan, wus linilan nulya lèṅsèr, saŋ prabhu aṅaḍatun, kaṅjĕŋ ratu kundur kinaṇṭi, wus praptèŋ surabayan, tan pisaḥ saŋ wiku, sagarwa putra pinarṇaḥ, poṇḍokira ṅaḷĕmpak dadya sawiji, pan datan kawoworan.

24. pariṅdaḷĕm suṅgata lumintir, pinisalin sakèhé boyoṅan, samya sukaṛĕna tyasé, lir jagoŋ amamantu, dadya bawan datan pinikir, ṅluhurkĕn asma sultan, satuhu pinuñjul, jĕŋ ratu ambagé brana, jajarahan ḍumatĕŋ wadya guŋ alit, kasmaran tampi kucaḥ.

20 asmaradana

1. nĕṅĕna nagri mantawis, tamat iŋ giri bĕḍaḥnya, gantya iṅkaŋ winirahos, dyan jayèṅĕsmi winarṇa, praptèŋ madyaniŋ wana, santrinya kakaliḥ nusul, gaṭak gaṭuk namanira.

2. ciṛĕbon wutahrahnèki, nĕmbaḥ matur rawat waspa, tan sagĕd pisaḥ dasihé, ulun tumuntur saparan, rahadyan lon ṅandika, iṅsun maṅayu bagyèstu, ṅgonira mantĕp siḥ trĕṣṇa.

3. nahan lampahira prapti, patilasaniŋ kaḍatyan, majapahit duk kinané, anon ṛĕṅganiŋ gapura, banon abrit kinarya, rapĕt iŋ pamasaṅipun, atosé wus kadya séla.

4. pamasaŋ datanpa gampiŋ, tigas ginosok kéwala, lawan banon sami banon, saṅkiŋ maṭisiŋ pamasaŋ, suluhan tan katiṅal, lir sarimbag banon wutuḥ, iṅukir pinatra sĕkar.

5. iŋ saṅiṅgilira kori, sinuṅsun tinumpaŋ tumpaŋ, mañcut ṛĕmit paṅukiré, iŋ sapucakiŋ gapura, kaṭukulan mandira, rompyoḥ rompyoḥ aṅrambuyuŋ, kiwa tĕṅĕniŋ gapura.

7. lampahipun r. jayèṅrĕsmi.

lampahipun kaḍèrèkakĕn santri gaṭak gaṭuk dumugi iŋ tilas kratonbmajapahit, niṅali caṇḍi brahu tuwin bajaṅratu, lajĕŋ ḍatĕŋ blitar niṅali caṇḍi panataran, tĕrus ḍatĕŋ ḍusun gapraŋ, wana loḍaya, niṅali goŋ kyayi praḍaḥ. tĕrus dumugi ḍusun pakèl kapaṅgiḥ ki carita iṅkaṅ nĕraṅakĕn bab kĕpèk dalaḥ isinipun iṅkaŋ sumimpĕn iŋ tajug satĕṅahiŋ wana loḍaya. iŋ loḍaya ñumĕrapi sima gaḍuṅan.

dumugi iŋ tuban tĕrus ḍatĕŋ bojanagara. iŋ wana bagor kapaṅgiḥ ḷĕḷĕmbat ratumas trĕṅganawulan iṅkaŋ suka katraṅan bab ṅalamatipun pĕkṣi ḍaṇḍaŋ, pĕkṣi prĕñjak, sato tukaŋ tuwin kasiatipun pĕkṣi platukbawaŋ

6. binanon ṅlajur ṅubĕṅi, capurinira kaḍatyan, radyan myaŋ kaliḥ santriné, kĕmput dèn nira umiyat, nulya mañjiŋ jro pura, nujug iŋ balumbaŋ aguŋ, toya wĕniŋ gilar gilar.

7. binotrawi séla abrit, kĕmput tĕpiniŋ balumbaŋ, tinĕpi sasĕkarané, andoŋ aṅgrèk argulobaŋ, noja lan sĕkar nala, nagasari cĕpaka rum, clakĕt myaŋ sĕkar ṛĕjasa.

8. rukĕm ragahina tuwin, klurak kalak kanigara, kamuniŋ kanaṅa kahot, dlima wantaḥ diḷĕm ṅambar, taluki sruni wuṅyan, wratsari landĕp sumusup, pacarcina puḍak ṅambar.

9. kaṭaḥ winarṇa iŋ tulis, kumĕñut tyasira radyan, èṅĕt mriŋ ari saŋ sinom, rañcaṅkapti kadaṅiṅwaŋ, ṅuni kaṛĕmĕnanta, wañci baṅun ṅuṇḍuḥ santun, kakariŋ iŋ patamanan.

10. maraŋ ṅĕndi sira yayi, rahadyan sabil iŋ nala, tyas pinupus nulya ṅalèr, umiyat kanaŋ kuburan, rahadyan uluk salam, kaṛĕṅèŋ waṅsulanipun, ya radèn ṅalékumsalam.

11. jèṅrĕsmi lan abdi kaliḥ, guyup samya raratiban, bakdanya ratib gya lèṅsèr, tan patya tĕbiḥ gya miyat, ṛĕca amuka sona, gaṭak gaṭuk kagyat ñjumbul, biliḥ iṅoŋ sĕṅguḥ janma.

12. tibané watu si añjiŋ, radyan ñjajaḥ jroniŋ pura, sunya tan ana tabĕté, gya waṅsul mariŋ balumbaŋ, aṅambil toya kadas, gaṭak adan kamat gaṭuk, samya prĕlu waktu ṅasar.

13. wus bakda anulya mijil, rarywan ṅajĕṅiŋ gapura, nulya ana janma rawoḥ, ñakĕti ḷĕṅgaḥnya radyan, alon iŋ aturira, aṅgèr iṅkaŋ nĕmbé rawuḥ, sami katuran raharja.

14. sintĕn sinambatiŋ waṅi, paran kaŋ sinĕdyèŋ karṣa, radyan aṅandika alon, paman asuŋ kaŋ pambagya, saṅĕt panrimaniṅwaŋ, tanpa wisma raganiṅsun, moyaŋ ṅupadosi kadaŋ.

15. nama karan bagus santri, paman ulun atatanya, andika sintĕn kasihé, nun kula nama ki purwa, iṅkaŋ kajibaḥ tĕṅga, patilasan kaḍaton guŋ, majapahit ranniŋ praja.

16. yèn kapaṛĕŋ bagus kampir, ḍumatĕŋ suḍuṅé paman, radyan manis andikané, baṅĕt iŋ panrimaniṅwaŋ, anèŋ ṅriki kéwala, ṅiras nĕtĕpi katèṅsun, ṅalap barkahiŋ minulya.

17. nuniṅgiḥ laṅkuŋ prayogi, ḍasar panĕpèn punika, lamun maḷĕm ṅgarakasèḥ, kaṭaḥ para mañca prapta, mawarṇa kaŋ sinĕdya, aṅujuŋ astananipun, jĕnĕṅdaḷĕm putri cĕmpa.

18. punapi sampun niṅali, ḍatĕŋ ḷĕbĕtiŋ kaḍatyan, paman wus saḷĕsiḥ iṅoŋ, kakariŋ anèŋ jro pura, umiyat pakuburan, ṛĕca miwaḥ blumbaŋ aguŋ, paran gotèkipun kuna.

19. ki purwa turira aris, punika iṅkaŋ gapura, wariṅin lawaŋ wastané, balumbaŋ kaŋ kalaṅĕnan, saŋ prabhu bhrawijaya, putri cĕmpa kaŋ kinubur, wus mañjiŋ agama islam.

20. ṛĕca piniṇḍa narpati, balambaṅan minakjiṅga, dadya tirakatan gĕḍé, punika gotèkiŋ kuna, déné saṅgar pamujan, winastanan caṇḍi brahu, tan tĕbiḥ saṅkiŋ kaḍatyan.

21. punapa dèrèŋ niṅali, iŋ maṅké dalu kéwala, ulun iṅkaŋ ṇḍèrèkaké, wĕktu mahrib wus anduṅkap, gaṭak gaṭuk gya adan, paragat dèn nira wĕktu, mahrib atanapi ṅisa.

22. sĕḍĕṅé purṇama siddhi, paḍaŋ bulan kakĕñcaran, rahadyan alon lampahé, ki purwa lumakyèŋ ṅarṣa, gaṭak gaṭuk tan tĕbaḥ, prapta caṇḍi brahu sampun, pamujan śri bhrawijaya.

23. waṅuniŋ caṇḍi lir maśjit, payon banon tatumpaṅan, dadya liñcip puṅkasané, ṅaṇḍap sinuṅan wiwara, ki purwa aturira, sumaṅga bagus umaṅsuk, mariŋ plĕṅgahan pamujan.

24. radyan myaŋ santri kakaliḥ, wus mañjiŋ jroniŋ pamujan, laṅkuŋ kacaryan driyané, miyat raṛĕṅgan sarwéndaḥ, myaŋ awuniŋ kaŋ dupa, ṅaṇḍukur lir péndaḥ gumuk, wus tamat anulya mĕdal.

25. ki purwa umatur maliḥ, wontĕn maliḥ caṇḍi éndaḥ, bajaŋ ratu ṅgiḥ namané, anaṅiŋ klĕbĕt sirikan, yèn wontĕn kaŋ umiyat, tan kadugèn kajĕṅipun, miwaḥ apĕs kaŋ pinaṅgya.

26. prayogi botĕn niṅali, radyan aṅliŋ paman nĕḍa, kèndĕl iŋ ṅriki kémawon, ulun apamitan pisan, iŋ ari béñjaŋ éñjaŋ, ayun ndumugèkkĕn laku, ṅupaya késahiŋ kadaŋ.

27. ki purwa umatur iṅgiḥ, sumaṅga sakarṣa tuwan, dalu datan winirahos, wañci pajar gidib nulya, aṅambil toya kadas, paragadiŋ waktu subuḥ, rahadyan aris ṅandika.

28. paman kantuna basuki, ki purwa aris turira, rahadyan lajĕŋ lampahé, samarga arawat waspa, nanĕḍa iŋ paṅéran, rahayuniŋ arinipun, rama miwaḥ kulawarga.

29. ḷĕpas lampaḥnya dumugi, caṇḍi panataran blitar, nèŋ ardi kĕlud sukuné, séla cĕmĕŋ kaŋ kinarya, agĕŋ iṅkaŋ sajuga, wit ṅaṇḍap tumĕkèŋ pucuk, iṅukir ginambar wayaŋ.

30. radyan gya miṅgaḥ iŋ caṇḍi, tuṇḍa pitu praptèŋ pucak, uḍunira alon alon, gaṭak gaṭuk baraṅkaṅan, tyas aguŋ tarataban, tĕkèŋ ṅaṇḍap gaṭuk muwus, gaṭak mahu gambar apa.

31. kaŋ iṅukir piṅgir caṇḍi, luṅluṅan cĕplok kĕmbaṅan, mèmpĕr wayaŋ bhuta kĕṭèk, gaṭuk iŋ paṅiraniṅwaŋ, gambaré rama tambak, katara kĕṭèké brĕṅkut, caṇḍi alit tiniṅgalan.

32. lir cuṅkup waṅunanèki, iŋ saṅiṅgiliŋ wiwara, sinĕrat sastra budané, gaṭuk matur iṅgiḥ radyan, punika kadiparan, kajĕṅé sastra puniku, patiŋ pĕṇṭalit tan cĕṭa.

33. rahadyan ṅandika aris, sastra budha papèṅĕtan, sèwu roṅatus étuṅé, saṅaŋ puluḥ siji warṣa, nalikané akarya, iŋ saṅgar pamujan iku, maṇṭuk maṇṭuk gaṭuk gaṭak.

34. tapis dèn nira mirṣani, méntar saṅkiŋ panataran, awiraṇḍuṅan lampahé, ṅañcik paḍĕkahan gapraŋ, miyat kaŋ ṛĕca séla, kakaliḥ èstri myaŋ jalu, anèŋ sapiṅgiriŋ marga.

35. sĕkar koñoḥ amĕnuhi, dupanira datan kĕṇḍat, tinĕṅga palawaṅané, gaṭak gaṭuk lon tatanya, kiyayi niku napa, jurukuñci lon sumahur, bagus niki pañadranan.

36. kaŋ jaḷĕr nama kiyayi, èstri nama ñahi gapraŋ, pan dadya pakahulané, kaŋ samya aminta barkaḥ, ñuñuwun gé susuta, sarat ḷĕṅgaḥ kalihipun, ṅuṅkurakĕn kyayi ṛĕca.

21 paṅkur

1. laḥ punika palanaṅan, iṅkaŋ ṅadĕg sipat grananya kyayi, iṅkaŋ samya anunuwun, sawusiŋ adudupa, nulya matur punapa sakajatipun, lamun ñuwun gé susuta, kalihé samya ṅliṅgihi.

2. iŋ pucukiŋ palanaṅan, kaŋ wus klakyan tumuntĕn darbé siwi, gaṭak gaṭuk aṅacĕmut, i tobat nora ñana, iṅkaŋ jĕjĕr ṅaṭĕr iki dadi pĕlus, radyan lajĕŋ lampahira, mañjiŋ loḍaya wanadri.

3. miyat wisma lit gĕḍègan, payon atĕp iŋ saḷĕbĕtiŋ panti, ĕgoŋ sajuga gumaṇḍul, nulya kampir rahadyan, tan adaṅu jurukuñcinira rawuḥ, tatanya punapa karṣa, gaṭak gaṭuk lon ñahuri.

4. kula muŋ kampir kéwala, kadipundi déné goŋ nèŋ wanadri, jurukuñci sahuripun, sampun kina makina, pan dumadya pupuṇḍèné tyaŋ saḍusun, naminipun kyayi praḍaḥ, sintĕn iṅkaŋ darbé kardi.

5. mawi anabuḥ gamĕlan, tamtu ṅaṅgé ĕgoŋ praḍaḥ kiyayi, yèn tan makatĕn sah‍èstu, bilahi kasusahan, sabĕn dintĕn mila dinupan kumĕlun, sinĕkaran binorèhan, dadya warṇi ṅanti kuniŋ.

6. rahadyan wusiŋ miyarṣa, cariyosnya kiyayi jurukuñci, nulya lajĕŋ lampahipun, lumĕbĕt paḍĕkahan, aniṅali wisma alit ḍapur tajug, ṅandika mriŋ gaṭuk gaṭak, payo ṅaso mariŋ maśjit.

7. tumindak anon bĕlikan, toya wĕniŋ rahadyan miwaḥ abdi, samya ṅambil toya wulu, wus malbèŋ jroniŋ laṅgar, gaṭak gaṭuk adan naṅiŋ datan sĕru, tyasira tansaḥ trataban, wusiŋ sunat parlu mahrib.

8. linajĕṅkĕn wĕktu ṅisa, paragatiŋ sĕmbahyaŋ amiyarṣi, swaraniŋ janma gumrumuŋ, gaṭuk éṅgar tyasira, ririḥ aṅliŋ gaṭak payo paḍa mĕtu, nĕmoni janma kaŋ ñwara, baya iku iṅkaŋ kĕmit.

9. kaliyé mĕdal lon lonan, praptèŋ jawi sru kagyatirèŋ ati, anon sima samya turu, ṅubĕṅi ponaŋ laṅgar, aṅalémprak adu paṭak adu baṭuk, ṅorok ṅgĕṛĕŋ sasĕṅgoran, gaṭak gaṭuk waṅsul aglis.

10. wèl wèlan matur iŋ radyan, ḍuḥ bĕndara kawula tur udani, suwara janma gumrumuŋ, dupi kawula mĕdal, yun maṅgihi sun sĕṅguḥ janma satuhu, kaŋ samya yun mariŋ laṅgar, jĕbul sima kaṭaḥ guliŋ.

11. cacahipun tan kantĕnan, lèsèḥ añjraḥ kadya babadan paciŋ, maṅké mĕnèk samya wuṅu, tan wuruŋ anĕmpuḥ byat, mbarakoti aṅĕmaḥ ṅĕmaḥ mriŋ ulun, rahadyan mèsĕn ṅandika, sira ywa paḍa kuwatir.

12. luwiḥ karṣané paṅéran, yèn wis paṣṭi tan kĕna owaḥ giṅsir, tan kĕna kalamun luput, tan luput lamun kĕna, balik paḍa pasraḥ sumaraḥ hyaŋ aguŋ, kawula amuŋ sadarma, lir saraḥ anèŋ jaladri.

13. wis gaṭak gaṭuk turuwa, iṅsun iṅkaŋ ṅĕlèki tĕkèŋ éñjiŋ, rarywa kaliḥ nulya turu, ṅariṅkĕl datan obaḥ, datan sĕgu radyan munajat sadalu, miminta iŋ karaharjan, dupi wusiŋ baṅun éñjiŋ.

14. sĕmbahyaŋ subuḥ pribadya, wusiŋ bakda akariŋ pajar sidik, ginugaḥ kaŋ samya turu, taṅi aṛĕmrĕm ayam, miyarṣakkĕn swara sĕpi tandya luṅguḥ, mèḥ rahina masĕmu baŋ, hyaŋ haruna ayun mijil.

15. ṅintip intip gaṭuk gaṭak, anon janma titiga samya liṅgiḥ, kadi mĕntas samya turu, dupi miyat jro laṅgar, ana tamu katri éca dèn nya luṅguḥ, tri uméntar gagañcaṅan, tur uniŋ mriŋ lurahnèki.

16. dupi praptèŋ ṅarṣa luraḥ, atur uniŋ iŋ laṅgar ana janmi, titiga juga binagus, ṛĕspati mawa cahya, winatara sadalu maṅgèn nèŋ ṅriku, ki luraḥ gawok iŋ driya, wus anarka yèn woŋ luwiḥ.

17. paréntaḥ mriŋ rabinira, hèḥ rubiyaḥ saḍiyaa dèn aglis, bucu kaŋ apik sanañjuŋ, iwak ḍèṇḍèŋ mañjaṅan, bayĕm ati guḍaŋ pon ĕmpon myaŋ timun, siwalan iṅkaŋ dawĕgan, miwaḥ ḷĕgèné hya lali.

18. rubiyaḥ matur sandika, wus samĕkta ki luraḥ miwaḥ rabi, laju maraŋ saṅgar gupuḥ, umaṛĕk mriŋ rahadyan, praptèŋ ṅarṣa matur maraŋ saŋ linuhuŋ, aṅgĕr kula nilakrama, sintĕn sinambatiŋ wiṅkiŋ.

19. paman kula santri moyaŋ, aṅulati kadaŋ iṅkaŋ luṅa nis, saparan kawĕlasayun, balik ta sintĕn paman, luraḥ matur kaŋ sotaḥ mastani ulun, ki carita dadya luraḥ, iŋ ḍusun pakèl puniki.

20. mila kula gupuḥ sowan, dé rumiyin tumĕka iŋ samaṅkin, tan ana janma kaŋ purun, lumĕbĕt mariŋ saṅgar, muŋ paduka sah‍èstu lamun linuhuŋ, baya trahiŋ maratapa, wijiliŋ andana wariḥ.

21. kamipurun abdipara, atur ḍahar lumayan iŋ kalantiḥ, aṅsala barkaḥ pukulun, kasawaban nugraha, wus tinata saŋ luhuŋ ṅécani kalbu, ḍahar watara sak kluwak, ḍèṇḍèŋ mañjaṅan sacuwil.

22. atobbé ambal ambalan, wus dumugi rampadan gya cinarik, ḍaharan lumadyèŋ ṅayun, siwalan myaŋ dèrèsan, radèn ḍahar siwalan tanapi ṅinum, dèrèsaniŋ kaŋ siwalan, nikmat sĕgĕr sarirèki.

23. gaṭak gaṭuk iṅacaran, laḥ suwawi ṅgèr aywa isan isin, ndika nĕḍa kaŋ pakantuk, ṅgiḥ wakné ywa sumĕlaŋ, gaṭak gaṭuk ṅgènnya nĕḍa aṅaṭĕkul, kalihé wus tuwuk samya, aṅĕṇḍoni sabuknèki.

24. radyan ris taña ki crita, kadiparan cariyosira ṅuni, griya myaŋ kĕpèk gumaṇḍul, ki carita turira, iṅgiḥ saṅkiŋ gotèkipun tiyaŋ sĕpuḥ, griya winastanan saṅgar, pamujan kala rumiyin.

25. kĕpèk kakaliḥ punika, kaŋ satuṅgal pan isi siñjaŋ lurik, warṇa warṇi corèkipun, miwaḥ siñjaŋ prahosan, ḍĕṣṭar tĕpèn rénda myaŋ prahosanipun, déné kĕpèk satuṅgilnya, isi kampuḥ gaḍuṅmlaṭi.

26. mawi kaparahos jĕnar, kacariyos kaguṅan daḷĕm guṣṭi, kaṅjĕŋ ñahi rara kidul, sabĕn tahun sapisan, kulabĕkta ḍumatĕŋ iŋ wismahulun, marikṣa jaṅkĕpiŋ cacaḥ, sarta ṅiras aṅisisi.

27. sampuniŋ jaṅkĕp kaŋ cacaḥ, lajĕŋ waṅsul maraŋ iŋ saṅgar maliḥ, nalika pamĕṇḍĕtulun, tuwin waṅsuliŋ baraŋ, sampun tamtu wontĕn sima kaŋ tut puṅkur, naṅiŋ saṅkiŋ katĕbihan, punika sima kaŋ jagi.

28. sabĕn dalu tiga tiga, biliḥ siyaŋ sami awarṇi janmi, wit pakèl saṅajĕṅipun, iŋ saṅgar kaliḥ pisan, miwaḥ uwit durèn kakaliḥ puniku, anèŋ kiwa tĕṅan laṅgar, tanĕmanipun jĕŋ gusti.

29. panĕmbahan sénapatya, mila sabĕn woḥ katur mriŋ mantawis, gaṭak gaṭuk ririḥ muwus, wakané napa iṅkaŋ, dèn arani sima gaḍuṅan puniku, dé tyaŋ datan mawi tuṅkak, ṅgiḥ makatĕn gotèknèki.

30. rahadyan manis ṅandika, man carita baṅĕt panrimamami, buja kramanta mriŋ ulun, allaḥ kaŋ maḷĕsĕna, rèḥ wus siyaŋ ulun mdumugèkkĕn laku, ki carita aturira, sumaṅga karṣa saŋ pĕkik.

31. kapuṅkur iŋ pakèl désa, lampahira ṅalèr ṅétan ḷĕstari, kèndĕl kalanirèŋ waktu, prapta iŋ tanaḥ tuban, aso anèŋ ṅaṇḍap raṇḍu wana aguŋ, gaṭak gaṭuk gawok mulat, agĕṅiŋ wit aṅlaṅkuṅi.

32. kubĕṅé gya pinĕcakan, kupĕṅira pituŋ dasa kakaliḥ, radyan utusan mriŋ gaṭuk, kinèn ṅupaya toya, gya uméntar tan pantara tĕbihipun, anon sumur séla krĕṣṇa, toya ḷĕbĕt laṅkuŋ wĕniŋ.

33. waṅsul matur iŋ rahadyan, pinurugan lawan santri kakaliḥ, sumur watu kĕbak bañu, malaḥ koṅsi mbaludag, karamaté cacalon wali linuhuŋ, gaṭak gaṭuk kagawokan, nulya ṅambil toyastuti.

34. rampuŋ dèn nya samya kadas, toya mĕṇḍak puliḥ lir ṅuni uni, waṅsul wĕktu ṅaṇḍap raṇḍu, bakdané salat ṅasar, gya tumindak gandruŋ gandruŋ kapiraṅu, èṅĕt mriŋ kakaliḥ kadaŋ, sira yayi maraŋ ṅĕndi.

35. anon sumbĕr binalumbaŋ, toya wĕniŋ winastanan iŋ bĕkti, rañcaṅkapti ariniṅsun, ṅuni kaṛĕmĕnanta, adus maraŋ balumbaŋ iṅkaŋ binatur, radyan kèndĕl sawatara, anulya lumampaḥ maliḥ.

36. ṅidul ṅilèn praptèŋ wana, laṅkuŋ wĕrit anduṅkap waktu mahrib, kèndĕl ṅaṇḍap mandéra guŋ, anèŋ tĕpiniŋ sĕṇḍaŋ, binotrawi pinagĕran séla piṅul, sawusiŋ totoya kadas, ṅrarasati wĕktu mahrib.

22 mijil

1. paragatiŋ ṅisa lawan mahrib, pitĕkur saŋ anom, ṅluhurakĕn asmané saŋ aṅrèḥ, gaṭak gaṭuk wus daṅu aguliŋ, na swara kapyarṣi, lir mriyĕm jumĕgur.

2. lir kaliṇḍon bhumi goñjaŋ gañjiŋ, gaṭak gaṭuk mbĕṅok, gurawalan ṅarukĕt rahadyan, saya ramé swara kapiyarṣi, siṛĕpiŋ swarèki, gaṭak gaṭuk ṅantuk.

3. tan pantara rahadyan udani, wanodya kinahot, makiḍupuḥ luṅguḥ iŋ ṅarṣané, maṅĕñjali matur nora krami, ḍuḥ risaŋ linuwiḥ, ruwatĕn pukulun.

4. iŋ munajat satuhu karya griŋ, maraŋ wadyaniṅoŋ, radyan mèsĕm aris ṅandikané, babo rara sapa kaŋ wawaṅi, lan wismanta ṅĕndi, dé prapta ṅarṣèṅsun.

5. kawruhana saŋ luhuŋ wakmami, ṅuni putri katoŋ, bhrawijaya puṅkasan pamasé, kaŋ maṇḍirèŋ kraton majapahit, rusakiŋ nagari, salin sréṅat rasul.

6. ulun datan kaduga ṅlakoni, iŋ agama kahot, bañjur mariŋ wana bagor kéné, atatruka karṣaniŋ hyaŋ widdhi, kinèn aṅratoni, saguṅiŋ ḷĕḷĕmbut.

7. iṅkaŋ maṅgèn nèŋ bagor wanadri, dé kakasiḥ iṅoŋ, jĕŋ ratu mas traṅganawulané, sĕṇḍaŋ iki apan sunarani, sugihwaras nĕṅgiḥ, pasiramaniṅsun.

8. amuŋ sabĕn ari sukra manis, ṅgoniṅsun lalaṅon, sapa woṅé kaŋ mantĕp atiné, yun katĕmu maraŋ jĕnĕŋ mami, saranané mawi, tirakat sadalu.

9. iŋ maḷĕmé ari sukra manis, paṣṭi iṅsun rawoḥ, sarta asuŋ apa sasĕdyané, iŋ samurwat sarta bĕnĕr bĕcik, mriyĕm iṅkaŋ muni, sabĕn ratri iku.

10. prataṇḍané karaton arja di, mupus iŋ tyasiṅoŋ, baya uwus ginaris papaṣṭèn, takdiriŋ hyaŋ tan kĕna waḥ giṅsir, ragèṅsun sadarmi, sumaraḥ sakayun.

11. paran karṣa sira praptèŋ ṅriki, jarwaa sayĕktos, jayèṅrĕsmi alon andikané, aṅulati kadaṅoŋ kaŋ anis, jalu lawan èstri, wus lawas tan paṅguḥ.

12. jĕŋ ratu mas aturira aris, babo saŋ kinahot, dèn narima pan duruŋ maṅsané, tĕmbé paṅgiḥ yèn rahadèn uwis, kahukum iŋ nagri, linabuḥ iŋ lahut.

13. nèŋ tuñjuṅbaŋ kono ṅgonné dadi, bañjur atatĕmon, aywa kĕmba lakunira radèn, ñañaloni dadiniŋ ṅaluwiḥ, radèn jayèṅrĕsmi, ana maṛĕmipun.

14. laḥ ratu mas buron apa iki, kaŋ paḍa maṭaṅkroŋ, anèŋ ĕpaŋ tan katon rahiné, kaya muñuk buntuté tan kèkṣi, ratu mas liŋnya ris, tukaŋ arannipun.

15. hèḥ ratu mas sapa kaŋ suŋ uniŋ, iŋ satĕkaniṅoŋ, śri trĕṅganawulan lon aturé, pĕkṣi ḍaṇḍaŋ suŋ ṅalamat muni, kĕna dèn titèni, kaṇḍané woŋ sĕpuḥ.

16. lamun ana pakṣi ḍaṇḍaŋ muni, saṅkiŋ wétan ṅulon, ṅlamat bĕcik tamuwan baḍéné, iŋ paṇḍita utawa woŋ luwiḥ, lamun ḍaṇḍaŋ muni, saṅkiŋ wétan kidul.

17. yèku bĕcik iŋ alamatnèki, baraŋ karya dados, lamun ana ḍaṇḍaŋ munya maṅké, saka kidul bĕnĕr prĕnahnèki, ṅalamat ṛĕjĕki, iṅkaŋ karṣa rawuḥ.

18. lamun ana pakṣi ḍaṇḍaŋ muni, saṅkiŋ kidul kulon, iya iku ala ṅalamaté, arṣa padu ṛĕbut sapalèki, lamun ḍaṇḍaŋ muni, kulon saṅkanipun.

19. ṅalamaté apan arṣa rabi, yèn saṅkiŋ lor kulon, ḍaṇḍaŋ muni ala ṅalamaté, apan arṣa kagĕriṅan ati, dèn aṅati ati, awas lawan émut.

20. atobata mariŋ iŋ hyaŋ widdhi, poma dikalakon, ḍaṇḍaŋ muni lor bĕnĕr saṅkané, yèku ala ṅalamatirèki, yĕkti arṣa maṅgiḥ, kawiraṅan aguŋ.

21. yèn amuni iŋ lor wétan saṅkiŋ, ṅalamat tan awon, yun katĕmu iŋ prasanakané, miwaḥ kadaŋ iṅkaŋ wisma tĕbiḥ, lamun ḍaṇḍaŋ muni, méñcok wuwuṅipun.

22. iŋ wismané kaŋ ṅiṅgil pribadi, swaranira alot, yun katĕkan susaḥ ṅalamaté, tamat ṅalamaté ḍaṇḍaŋ muni, guruné wismèki, ṅĕndi saṅkanipun.

23. waṅsitiŋ hyaŋ lamun prĕñjak muni, iku dèn waspahos, kaŋ ṅlamati bĕcik lan alané, wus pinaṣṭi carita iŋ ṅuni, sĕmuné kaŋ pĕkṣi, prĕñjak uninipun.

24. lamun ana pĕkṣi prĕñjak muni, saṛĕŋ sakaloron, anèŋ kidul iŋ wisma prĕnahé, ṅantya daṅu pan ṅalamatnèki, tamuwan priyayi, bĕcik sĕdyanipun.

25. lamun ana pĕkṣi prĕñjak muni, kaprĕnaḥ nèŋ kulon, pantinira ala ṅalamaté, aṛĕp ana tatamu kaŋ prapti, sĕdyanya tan bĕcik, ṅajak tukar padu.

26. lamun ana pĕkṣi prĕñjak muni, kaprĕnaḥ anèŋ lor, pantinira bĕcik ṅalamaté, guru prapta karṣané suŋ waṅsit, saḍiyaa nuli, kaŋ suci kaŋ patut.

27. lamun ana pĕkṣi prĕñjak muni, wétan panti maṅko, méñcok payon kaṇḍaŋ gĕḍogané, ṅlamat ala yun kabĕsmèn yĕkti, dèn aṅati ati, ywa léna iŋ kalbu.

28. pakṣi prĕñjak munya aṅidĕri, wisma tĕpuŋ goloŋ, pan prayoga iku ṅalamaté, bakal antuk doña iṅkaŋ suci, myaŋ arta kalali, mujia hyaŋ aguŋ.

29. titi tamat ṅalamatiŋ pĕkṣi, kaŋ bĕcik kaŋ awon, iku iṅkaŋ iṅsunèstokaké, bĕnĕr luput karṣaniŋ hyaŋ widdhi, iṅsun darma maṅgiḥ, iŋ kahol rumuhun.

30. radèn jayèṅrĕsmi ṅandika ris, saŋ ratu kinahot, buron apa kaŋ na pah‍édahé, jĕŋ ratu mas aturira aris, sato tukaŋ adi, mĕṅko iṅsun tutur.

31. murwèŋ sato muka kaŋ linuwiḥ, tukaŋ winirahos, iku aguŋ sawabé adèné, wus mutamat para nabi wali, miwaḥ para mukmin, poma dèn lĕstantun.

32. dèn agĕmi aywa gé dèn wadi, yèn tan tuṅgal batos, tukaŋ iku pinétta sirahé, sèlèhĕna bun ĕmbunannèki, paṅaṅgoné nĕṅgiḥ, lamun ana muṅsuḥ.

33. datan tĕḍas iŋ sañjata déniŋ, utĕké dèn uwor, baraŋ ḷĕṅa déné paṅaṅgoné, apa gawé cinampur iŋ ḍiri, watĕk tĕguḥ nĕṅgiḥ, luput sĕñjatèku.

34. lambé ilat dèn ṅgo jimat nĕṅgiḥ, kalis gĕlap ṛĕko, apan siuŋ kalawan kukuné, pan kinarya ṅukur janma guliŋ, insa allaḥ mati, nĕṅgiḥ woŋ puniku.

35. utawa dèn kosokakĕn janmi, dadi kaku kaŋ woŋ, dèn ṅgo sipat nĕṅgiḥ gĕgĕtiyé, baraŋ iṅkaŋ aniṅali asiḥ, lamun dèn wor wariḥ, nĕṅgiḥ bañu susu.

36. nuli dèn usapakĕn iŋ kĕṇḍil, ujaré pawartos, datan matĕŋ nĕṅgiḥ liwĕtané, wulunipun dèn sĕbar iŋ panti, pah‍édahé maliḥ, durjana tan wĕruḥ.

37. anadéné wuwudĕlirèki, dèn ṅgo tamba kaŋ woŋ, lara busuŋ kaŋ tĕṅĕn matané, dèn wor lawan gĕtiḥ sĕrut nĕṅiḥ, lan luhé woŋ naṅis, dèn ṅgo sipat iku.

38. insa allaḥ woŋ liyan niṅali, paṣṭi datan wĕroḥ, lamun luṅan pan dèn usapaké, saka omaḥ pah‍édahé nĕṅgiḥ, tan kĕnèŋ dèn ambil, duwèké woŋ iku.

39. mata kiwa dèn wor lan kasturi, miwaḥ kapur baros, apan dèn ṅgo nĕṅgiḥ sa allahé, dèn kasihi woŋ lanaŋ woŋ èstri, wus titi nikmati, sato muka lutuŋ.

40. ana maniŋ saraḥ iṅkaŋ pakṣi, platukbawaŋ kahot, luwiḥ akèḥ tinimbaŋ tukaṅé, wulu dagiŋ jroan baluṅnèki, kabèḥ mupaṅatiŋ, kaṇṭi pédaḥ luhuŋ.

23 kinaṇṭi

1. laḥ piṛĕŋna radyan ulun, amarṇa sarahiŋ pĕkṣi, sakiŋ jĕŋ nabi suléman, nĕṅgiḥ iṅkaŋ añjarwani, kaŋ pĕkṣi pĕlatukbawaŋ, kèḥ manpaṅatnya winilis.

2. yèn kaŋ rumiyin dinunuŋ, cucukipun iṅkaŋ ṅiṅgil, karya sĕpuhiŋ gagaman, gagaman sakalir kalir, sawabipun datan ana, woŋ tĕguḥ tan pasaḥ titis.

3. yèn tan pasaḥ kaŋ tinanduk, dadya sakit gĕŋ ṇḍatĕṅi, tan waras prapta iŋ pĕjaḥ, ilatiŋ pĕkṣi winarṇi, ḍinahar iṅkaŋ pah‍édaḥ, iŋ pamicara patitis.

4. nétranira kaŋ ginantuŋ, muṅgèŋ saluhuriŋ kori, tĕbiḥ sakiŋ duratmaka, wuluniŋ murda kinardi, sumpiŋ rarywa lit sawabnya, atĕbiḥ sakiŋ pañakit.

5. polo pan kinarya pupuḥ, iŋ nétra pan datan kĕni, iŋ lalamur sawabira, jajantuṅipun binukti, sawabira sarwa gampaŋ, sabaraŋ iṅkaŋ kinapti.

6. lan kabuka ṅélmunipun, apĕruninpun upami, winor lan minum minuman, miwaḥ winor lawan jampi, sawabé rikat lumajar, priṅsilanipun binukti.

7. kinasiyan sawabipun, mriŋ wanodya lawan maliḥ, kinasiyan mriŋ paṇḍita, miwaḥ mariŋ para wali, ḍaḍaniŋ pĕkṣi ḍinahar, sawabipun lamun sakit.

8. éṅgal iŋ waluyanipun, brotol binukti pawèstri, sawabipun kinasiyan, dyaḥ ika mariŋ iŋ laki, buntut winor lan gulunya, binasmi nulya binukti.

9. iŋ pawèstri sawabipun, linuwiḥ saminiŋ èstri, laripun kinarya gĕlaŋ, éliṅan sabaraŋ kardi, lawan maliḥ iṅkaŋ ĕlar, winor iŋ sabuk prayogi.

10. kinasiyan sawabipun, lamun suwitèŋ narpati, yèn sinèlèḥ soriŋ bantal, patiḷĕman sawabnèki, tiniṅalan sarwa éndaḥ, tur rinĕkṣa iŋ hyaŋ widdhi.

11. sawabé iṅkaŋ babaluŋ, akuwat yèn dèn simpĕni, myaŋ baluŋ suwiwinira, sinèlèhakĕn ṅisoriŋ, pasaréyan datan liyan, sawabé akuwat maliḥ.

12. atinipun pan ginantuŋ, luhuré dèn nira guliŋ, sawabipun bĕtaḥ sahwat, yèn winor lisaḥ kaḷĕntik, myaŋ wawĕḍak iṅkaŋ sahwat, sirṇa saguṅiŋ sasakit.

13. suku kaliḥ sawabipun, lamun pinĕṇḍĕm iŋ sabin, myaŋ sakèhiŋ tatanĕman, tulus wohipun andadi, lamun maliḥ iṅkaŋ manaḥ, ginĕlaṅakĕn ṅastèki.

14. wisa tawa sawabipun, isiniŋ wisma sakalir, tĕbiḥ saṅkiŋ iŋ lalara, nĕṅgiḥ atinipun maliḥ, iṅusapakĕn iŋ dakar, bĕtaḥ sahwat sawabnèki.

15. iṅkaŋ ilat kinaryèku, jimat sawabé tan kéṅiŋ, iŋ luwé bĕtaḥ alapa, lawan kulitipun maliḥ, tinalèkakĕn paḍaran, yèku bĕtaḥ luwé maliḥ.

16. kĕpalanira kaŋ manuk, kinarya jimat ṅajurit, kinajriyan maraŋ mĕṅsaḥ, yèn wontĕn wisma upami, panas tan kĕna kaṅgonan, pinĕṇḍĕman ĕlarṇèki.

17. pañjawat kaŋ tĕṅĕnipun, woluŋ ḷĕmbar aja luwiḥ, papadonipun lor wétan, dadya tawa panasnèki, gĕtiḥ dèn akiṅkĕn ika, winor lawan bawaŋ abrit.

18. lawan adas nulya kinum, iŋ toya nèŋ piṅgan putiḥ, karya jampi lara nétra, pinupuhakĕn tumuli, insa allaḥ dadya waras, yèn wontĕn sasakit kupiŋ.

19. pinupukakĕn pan mantun, lamun arṣa dèn kasihi, lan woŋ akèḥ myaŋ yèn arṣa, sugiḥ lan yèn arṣa dadi, baraŋ iṅkaŋ tinanĕman, puwasaa tigaŋ ari.

20. dèn kadya puwasa aguŋ, winatĕka doṅanèki, puniki mèlé kaŋ doṅa, allahuma barkat sakiŋ, gusti bagéṇḍa suléman, muŋ iku tan ana maliḥ.

21. kaŋ pinaṅan atinipun, iṅolaḥ sakalir kalir, yèn wus dèn nira puwasa, matĕk doṅa sarwi bukti, yèn adagaŋ myaŋ ṅawula, dèn tĕtĕp hya walaṅgaliḥ.

22. kalamun arṣa sirèku, siniyan woŋ kaṭaḥ maliḥ, tyas lan ilat winor baraŋ, olaḥ olahan binukti, lamun arṣa matènana, iŋ woŋ durjana mamaliŋ.

23. iṅkaŋ kiwa tapakipun, sinundĕp iŋ cucuk nĕṅgiḥ, insa allaḥ pĕṣṭi pĕjaḥ, lamun arṣa sugiḥ ṅèlmi, tyas binukti lawan uyaḥ, gorèŋ wus titi kaŋ pakṣi.

24. rahadyan ṅandika arum, ratu mas trĕṅganasasi, baṅĕt iŋ panrimaniṅwaŋ, sira suŋ pitutur jati, ṅalamatèŋ pakṣi ḍaṇḍaŋ, miwaḥ pĕkṣi prĕñjak muni.

8, lajĕṅiŋ lampaḥ ṅlaṅkuṅi ṛĕdi paṇḍan dumugi iŋ gambiralaya, niṅali tilas pĕrtapanipun dèwi gĕndrasari. aṅsal katraṅan sakiŋ ki paḍaŋ bab ṛĕca ki drĕpa iṅkaŋ doṅèṅipun kasmaran ḍatĕŋ dèwibgĕndrasari kaṇṭi sumpaḥ manawi botĕn kalakṣanan, pajaḷĕranipun baḍé katigas. kalampahan ki drĕpa pĕjaḥ dados ṛĕca maṅku pajaḷĕranipun.

25. sarahiŋ tukaŋ linuhuŋ, myaŋ palatukbawaŋ pakṣi, apa kaŋ dak waḷĕsĕna, ratu mas turira aris, luwiḥ karṣaniŋ hyaŋ sukṣma, iṅsun iki muŋ sadarmi.

26. kabèḥ kaŋ wus iṅsunwuwus, iku darbèkmu pribadi, amuŋ kaŋ mĕḍarkĕn iṅwaŋ, sarèhné wus liṅsir akir, sun pamitan lilanana, mantuk mriŋ kahyaṅan mami.

27. wus tan katon kaṅjĕŋ ratu, gaṭak gaṭuk nuli taṅi, sarya matur mriŋ rahadyan, kawula satĕṅaḥ ṅimpi, miṛĕŋ swara tanpa rupa, amuŋ ganda mamrik miṅiŋ.

28. lir tiṇḍihĕn rahosipun, sruwiŋ sruwiŋ kapiyarṣi, tukaŋ platuk luñjak luñjak, saraḥ saraḥ dèn aḍaṅi, punika ginĕm punapa, sintĕn réñcaŋ paduka ṅliŋ.

29. rahadyan ṅandika arum, kawruhanamu kaŋ prapti, anĕmoni jĕnĕṅiṅwaŋ, iku ratuniŋ ḍaḍĕmit, ṅaḍaton iŋ bagor wana, iŋ ṅuni putri narpati.

30. saŋ aprabhu majalaṅu, bhrawijaya kaŋ sisiwi, aṅgĕntur amatiraga, tan sarju salin agami, katrima panĕḍanira, bisa jumĕnĕŋ narpati.

31. ṅratoni saguŋ ḷĕḷĕmbut, sajroniŋ bagor wanadri, sabĕn bĕṅi mariyĕman, gaṭak gaṭuk duk miyarṣi, marindiŋ giṭok maṅkarag, wus awañci pajar sidik.

32. samya wulu waktu subuḥ, paragat dèn nya ṅabĕkti, liṅgar saṅkiŋ sugihwaras, ṅañcik suku paṇḍan wukir, mañjat maṅiṅgil wus prapta, iŋ ḍusun kaḍaton nami.

33. ñabraŋ lèpèn mili ṅidul, toyanya ñaroŋ awĕniŋ, miyat baluŋ laṅkuŋ kaṭaḥ, agĕŋ agĕṅé ṅlaṅkuṅi, lajĕŋ lampahira radyan, wus praptèŋ sukuniŋ ardi.

34. iŋ gambiralaya gunuŋ, nulya umañjat maṅiṅgil, praptèŋ pucak non pratapan, taṅgul siti aṅubĕṅi, tinanĕman sasĕkaran, argulo gandanya amrik.

35. pinĕcakan kubĕṅipun, tigaŋ dasa laṅkuŋ kaliḥ, ñjawi taṅgul kidul wétan, wontĕn ṛĕca séla laṅkiŋ, patrapé lir janma priya, maṅku palanaṅannèki.

36. wus pisaḥ lan badanipun, muŋ sapucaŋ agĕṅnèki, gaṭak gaṭuk lataḥ lataḥ, ana manèḥ aṅuṅkuli, duwèké ṛĕca ki gapraŋ, kalaḥ dawa gĕḍé iki.

37. rahadyan nulya tumurun, ṅalèr ṅèrèŋ èrèŋ wukir, anon baluŋ agĕŋ pañjaŋ, tikĕl pat lan kaŋ rumiyin, praptèŋ ṅaré aṅandika, lir mas tumimbul iŋ wariḥ.

24 maskumambaŋ

1. laḥ ta gaṭak sira uméntara aglis, mariŋ paḍusunan, katĕmuwa kañca bhumi, aṅilènana dawĕgan.

2. wus uméntar ñjujug wismané pĕtiṅgi, gupuḥ iṅacaran, laḥ pantèn karṣa punapi, kula yun ṅilèni dĕgan.

3. anak kula kalantiḥ nèŋ suku wukir, ki patiṅgi liŋnya, botĕn susaḥ aṅilèni, nulya ṅambil kaŋ dawĕgan.

4. pataŋ iji sampun pinarasan sami, laḥ pantèn sumaṅga, kula bĕktané pribadi, kérit lampahira gaṭak.

5. praptèŋ ṅarṣa muṇḍuk muṇḍuk ki patiṅgi, jèṅrĕsmi ṅandika, kaki sun taña sirèki, wisma miwaḥ kaŋ sinambat.

6. nama karan ḍusun kaŋ kula ĕṅgèni, punika paḍaṅan, katĕlaḥ sami mastani, ḍatĕŋ kula kaki paḍaŋ.

7. sumapala kamipurun iṅkaŋ abdi, ṅaturi sugata, lumayan jampi kĕlantiḥ, sacĕṛĕt wĕniŋ dawĕgan.

8. iya kaki baṅĕt panarimamami, pasihanta mriŋ waŋ, allaḥ iṅkaŋ ṅudanèni, iŋ sakaḷĕṭĕkiŋ manaḥ.

9. radyan ṅuñjuk iŋ wĕniŋ ñu sawatawis, tĕḷĕsiŋ gorokan, karahos nikmat iŋ ḍiri, ṅandika alkamdulillaḥ.

10. linorotkĕn maraŋ santrinya kakaliḥ, wé ñu papat bébas, dawĕgan gya dèn kloṭoki, ṅaliḥ séwaŋ samya tĕlas.

11. radyan aṅliŋ kaki iṅsun minta uniŋ, mahu iṅsun ṅambaḥ, paḍukuhan suku ardi, myat baluŋ kèḥ agĕŋ pañjaŋ.

12. nulya mañjat maliḥ mriŋ pucakiŋ wukir, anon patilasan, kidul ana ṛĕca siji, maṅku kadya palanaṅan.

13. muḍun mariŋ ṅèrèŋ èrèŋ uniŋ maliḥ, baluŋ gĕḍé dawa, ṅuṅkuli kaŋ mahu kaki, kadiparan critanira.

14. kaki paḍaŋ tumĕṅa matur saŋ pĕkik, doṅèṅipun kina, sukunipun paṇḍan wukir, ḍusun kaḍaton namanya.

15. kala jaman purwa kaḍaton rasĕkṣi, saŋ prabhu arimba, rikala amaṅun jurit, mĕṅsaḥ panĕṅgak paṇḍawa.

16. arya séna iṅkaŋ uṅgul iŋ ṅajurit, rakṣasa kèḥ pĕjaḥ, punika babaluṅnèki, saŋ prabhu yakṣa arimba.

17. pĕjahipun anèŋ ṅèrèŋ èrèŋ wukir, iŋ gambiralaya, iṅkaŋ paduka tiṅali, aṅlaṅkuṅi agĕŋ pañjaŋ.

18. tiyaŋ satus bokmanawi tan kuwawi, lèpèn alit iṅkaŋ, maṅidul ilinirèki, winastan lèpèn jĕroaŋ.

19. śri arimba sasampuné aṅĕmasi, pañcanaka maṅsaḥ, iŋ waḍuk jĕroan mijil, binucal lèpèn punika.

20. pan katĕlaḥ namané prapta iŋ maṅkin, iŋ lèpèn jĕroan, pratapan sapucak wukir, iṅaran gambiralaya.

21. duk rumiyin wontĕn putri amartapi, warṇa ayu éndaḥ, nama déwi gĕndrasari, wus mĕdal istijratira.

22. wontĕn tiyaŋ jaḷĕr asru maṅuntèki, anama ki drĕpa, yun maṅaṅkaḥ mriŋ saŋ putri, duk ayun maṅkat prasĕtya.

23. yèn tinampik amalipun dèn icali, wasana saŋ ṛĕtna, lumuḥ ḍatĕŋ drĕpa kaki, palanaṅan gya pinagas.

24. bali ḷĕṅgaḥ ki drĕpa nulya ṅĕmasi, naṅiŋ dados séla, ḷĕstantun ṅantos sapriki, dora ḷĕṛĕsé sumaṅga.

25. gaṭak ñjawil laḥ ki drĕpa iku sigit, nĕtĕpi prasĕtya, botĕn kaya woŋ sakiniki, sĕtyané lamis kéwala.

26. radèn jayèṅrĕmsi aṅandika aris, kaki pasihanta, saṅĕt panarima mami, kaki kantuna raharja.

9. lampahipun dumugi iŋ ḍusun ḍaṇḍĕr pinaṅgiḥ kĕpala ḍusunipun iṅkaŋ nĕraṅakĕn bab latu pakayaṅan, ukuran ḍuwuŋ sarta ukuran laṇḍéyaniŋ tumbak. dumugi iŋ kasaṅa pinaṅgiḥ ki jatipitutur iṅkaŋ doṅèṅakĕn bab prabhu jaka iŋ mĕḍaŋkamulan mĕjahi sawĕr dumugi kaguṅan putra wujud sawĕr wasta jaka ṅiṅluŋ ṅantos mulabukanipun wontĕn sumbĕr sumbĕr lisaḥ.

27. iṅsun nutugaké tumindakiŋ sikil, ṇḍĕku kaki paḍaŋ, rahadyan tandya lumaris, tan pisaḥ ki gaṭuk gaṭak.

28. ṅalèr ṅilèn prapta iŋ bojanagari, myat kukus maṅampak, rahadyan nulya ñĕlaki, kaŋ murub warṇi balumbaŋ.

29. pinĕcakan kawan likur wiyarṇèki, déné pañjaṅira, tigaŋ dasa laṅkuŋ kaliḥ, ḷĕbĕté sahasta wrata.

30. tanpa toya daṅu dèn nira niṅali, nahan tan pantara, murub lir wisma kabĕsmi, latu sumuṇḍul iŋ méga.

31. iṣṭanira kadya ṅurmati kaŋ prapti, gaṭuk gaṭak waswas, giris maras miris tistis, tyas lir tatas anaratas.

32. kĕpalané ḍusun ḍaṇḍĕr gupuḥ prapti, marikṣa pawaka, kagyat anon janma katri, pinarak tĕpi balumbaŋ.

33. ṅloccitèṅtyas anèḥ tĕmĕn uwoŋ iki, yèn dudu traḥ tama, maṅsa waniya ñĕlaki, iŋ balumbaŋ pakayaṅan.

34. ki patiṅgi añakĕti iŋ saŋ pĕkik, rahadyan tatanya, baya sirèku kaŋ ñjagi, balumbaŋ isi dahana.

35. palaŋ matur ḷĕṛĕs timbalan saŋ pĕkik, mila gupuḥ amba, marikṣa balumbaŋ api, awit dadya panĕṅĕran.

36. lamun murub dĕlajat kaṭaḥ sasakit, ḍusun iṅkaŋ cĕlak, kaŋ uniŋ urubiŋ agni, apĕs lir mĕndĕm pocuŋan.

25 pocuŋ

1. murub aguŋ tan wontĕn tiyaŋ andulu, muŋ amba priyaṅga, kaŋ wikan urubiŋ agni, sampun tamtu kaḍatĕṅan janma tama.

2. iṣṭanipun lir tur urmat asusugun, punika winastan, pakayaṅan latu nĕṅgiḥ, criyosipun prapèné ĕmpu duk kina.

3. gaṭuk taña maraŋ ki kapalaŋ gupuḥ, baya kaŋ kĕpalaŋ, tĕḍakiŋ ĕmpu rumiyin, iṅkaŋ darbé patilasan pakayaṅan.

4. apĕsipun sagĕd paṇḍé damĕl ḍuwuŋ, ki kapalaŋ mojar, o ṅgèr dédé tĕḍaknèki, naṅiŋ yĕktos pañcèn paṇḍé damĕl kula.

5. gaṭuk muwus laḥ apa bĕnĕr bĕṭèkku, yèn damĕl curiga, punapi ṅgiḥ dèn ukuri, pañjaṅipun punapa sakarṣa karṣa.

6. myaŋ laṇḍéyan wahos punapa iṅukur, napa manut bakal, ki kĕpalaŋ anahuri, ḍuwuŋ miwaḥ laṇḍéyan wontĕn ukurṇya.

7. watonipun kalamun adamĕl ḍuwuŋ, pañjaṅipun gañja, iṅkaŋ kahukur rumiyin, lajĕŋ kaṅgé ṅukur pañjaṅiŋ curiga.

8. awit boṅkot kajawiné pĕsinipun, dumugi pucuknya, nĕnĕm wiwilaṅanèki, kaŋ rumiyin cakra kapiṇḍo guṇḍala.

9. tiga gunuŋ piŋ sakawanipun guntur, piŋ gaṅsal sagara, kapiŋ nĕnĕm madu nĕṅgiḥ, iṅkaŋ sah‍é tĕkèŋ pucuk ḍawaḥ arga.

10. tuwin ḍawaḥ sagara utawi madu, titiga prayoga, utawi ḍawaḥ jaladri, gya winalik saṅkiŋ pucuk paṅukurṇya.

11. tĕkèŋ boṅkot kajawiniŋ pĕsinipun, kaŋ laṅkuŋ utama, iŋ puṅkasan ḍawaḥ ardi, laḥ punika iṅkaŋ pantĕs pinilala.

12. lamun damĕl laṇḍéyan wahos iṅukur, kĕpĕlnya priyaṅga, sakawan étaṅanèki, saṅga ruṅgi saraḥ wataŋ kaŋ prayoga.

13. dèn ḍawaḥnya saṅga iŋ puṅkasanipun, gaṭuk ṇḍĕku liŋnya, pariṅé kakaŋ kapuṇḍi, ki kapalaŋ noraga matur rahadyan.

14. ḍuḥ saŋ luhuŋ biliḥ maṛĕṅi iŋ kalbu, kampir wisma amba, iŋ ḍaṇḍĕr tan pati tĕbiḥ, ḍusun iṅkaŋ katiṅal ṅajĕŋ punika.

15. apuntĕnta paman iṅsun arṣa laju, ndumugèkkĕn lampaḥ, mbuṅkuk kapalaŋ tur iṅgiḥ, botĕn laṅkuŋ kula ṇḍèrèkkĕn raharja.

16. pakayaṅan latu ḍaṇḍĕr wus kapuṅkur, lajĕŋ lampahira, ṅambaḥ ara ara wradin, tanaḥ ḍaṇḍĕr ṅilèn nulya anon toya.

17. mĕdal sakiŋ sumbĕr ṅalirab dinulu, gaṭuk tan saranta, ṅokop toya iṅkaŋ mili, praptèŋ tĕṅgok waṅsul mutaḥ bulakĕran.

18. gaṭak taña lho kapriyé iku gaṭuk, tĕka mutaḥ mutaḥ, gaṭuk aṅliŋ mbrĕbĕsmili, dudu bañu iku ḷĕṅa latuŋ blaka.

19. o ya gaṭuk aku kruṅu critanipun, iku bañu kĕna, kaṅgo didiyanan sami, woŋ padésan muŋ kukusé ṅudubilaḥ.

20. radyan mèsĕm aṅandika maraŋ gaṭuk, iku kaŋ pinaṅgya, janma tan sarèḥ iŋ budi, kaya kaya maṣṭi maṅgiḥ kasaṅsaya.

21. ya ta wahu rahadyan iŋ lampahipun, nalasak galagaḥ, kĕtĕl rumput méṇḍoŋ wliṅi, nabraŋ lèpèn ṅantya rambaḥ kapiŋ gaṅsal.

22. anon ḍukuḥ anèŋ tĕṅahiŋ wana guŋ, rahadyan ṅandika, payo gaṭak gaṭuk mampir, yun tatanya tanaḥ ṅĕndi iki baya.

23. gya kapaṅguḥ sujanma amikul bumbuŋ, isi ḷĕgèn klapa, santri kaliḥ añĕlaki, nabda nĕḍa ṅilèni ḷĕgèn kalapa.

24. laḥ ta bagus ndika ṅombé iṅkaŋ tuwuk, ṅilèni tan susaḥ, ndika baḍé ḍatĕŋ pundi, kamayaṅan tĕka mariŋ ḍĕkahiṅwaŋ.

25. kula ṇḍérèk janma luhuŋ iṅkaŋ ṅlaṅut, sukanira mahas, paṅgènan kaŋ sĕpi sĕpi, amurugi kaŋ siṅit tan kambaḥ janma.

26. nika iṅkaŋ nèŋ ṅaṇḍapé paṇḍan arum, bagus yèn sĕmbada, paṛĕŋ kampir wisma mami, kula mantuk ṅgĕlar ṅgĕlari iŋ wisma.

27. gaṭak gaṭuk matur wit pañuwunipun, kyayi iṅkaŋ ṅrĕmbat, paduka katuran mampir, mriŋ wismané rèhniŋ sampun naṅgĕl lampaḥ.

28. tan pantara daṅu ki wisma amĕṭuk, wus kĕrit rahadyan, gaṭak aṅupaya wariḥ, ki wisma ṅliŋ anak ṅupados punapa.

29. kula pados toya baḍé kagĕm wulu, o anak tan ana, iŋ ṅriki toya kaŋ suci, mèḥ sadaya pakuṅkumaniŋ waraha.

30. ndawĕk kula padoṣkĕn tirta kaŋ luhuŋ, ki wisma gya mañcas, paŋ wit jĕmbul toya mijil, lir pañcuran wĕniŋ asrĕpé sĕḍĕṅan.

31. gaṭak matur punika toyaniŋ jĕmbul, maṇṭĕr lir pañcuran, kaagĕm wulu prayogi, radyan miwaḥ gaṭak gaṭuk samya kadas.

32. wusiŋ rampuŋ pampĕt iṅkaŋ toya jĕmbul, gaṭak éram iŋ tyas, wakné iki ñata luwiḥ, nora ñana yèn mĕtu karamatira.

33. praptèŋ wisma gaṭak adan tumalawuŋ, nulya samya sunat, bakda sunat kinamati, waktu mahrib myaŋ ṅisa sampun paragat.

34. ḷĕṅgaḥ salu suṅgata lumadyèŋ ṅayun, kaŋ ḷĕgèn kalapa, téla gamblok matĕŋ iŋ wit, aturira manis wĕdaliŋ wicara.

35. ḍuḥ saŋ bagus kumĕdahé atur atur, suṅgata tan mandra, sawontĕné tiyaŋ laṅip, anèŋ wana tanpa rowaŋ datan pakra.

36. ṅgiḥ kiraka saṅĕt iŋ panrimaniṅsun, laṅkuŋ ṛĕsĕp iŋ tyas, radyan ḍahar tlas saliniŋ, ṅuñjuk ḷĕgèn watara tigaŋ cĕgokan.

37. krahos tuwuk atob kapiŋ kawanlikur, gaṭuk gaṭak naḍaḥ, miwaḥ ṅombé ḷĕgèn krambil, sakatoké tan ana tinaha taha.

38. wacana rum rahadèn mriŋ ki wisma rum, kiraka sun taña, ṅriki niki tanaḥ pundi , lawan sintĕn sinambatipun kiraka.

39. aturipun kula pun jatipitutur, asli sakiŋ séla, iŋ kasaṅa jurukuñci, pan iŋ ṅiriki talataḥ siti grobogan.

40. iŋ kasaṅa kaṭaḥ panuṅgilanipun, blĕḍug kuwu miwaḥ, crèwèk kalawan maṇḍikil, myaŋ iŋ sĕṇḍaŋ ramĕsan toya mawarṇa.

41. kakaŋ jatipitutur ulun ayun wruḥ, paran mulanira, yèn wontĕn cariyosnèki, kaŋ jinarwa kiraka niku sadaya.

42. alon matur kula èṅĕt botĕn urut, lumayan kinarya, sasambèn cagakiŋ arip, kala kina wontĕn pañjĕnĕṅan nata.

43. prabhu jaka punika jujulukipun, iŋ mĕṇḍaṅkamulan, kaṛĕm mĕŋ amĕŋ wanadari, anunumpu baṇṭèŋ saṅsam kañcil kidaŋ.

44. tanpa wadu amuŋ sabat kaŋ tumutur, nuju ri sajuga, uniŋ sarpa maṅuntèki, laṅkuŋ agĕŋ sisikira mañcawarṇa.

45. prabhu bĕndu bĕntèriŋ tyas sakalaṅkuŋ, ula apa karṣa, dé baṅĕt amatiragi, mĕṅko sira tan wuruŋ rampuŋ déniŋ waŋ.

46. saŋ aprabhu nulya mĕṇṭaŋ laṅkapipun, jĕmpariŋ lumĕpas, cumuṇḍuk sawĕr ṅĕmasi, wontĕn swara kapiyarṣa iŋ saŋ nata.

47. èḥ saŋ prabhu tuhu sikara sirèku, yĕkti bakal tampa, pahukumaniŋ hyaŋ widdhi, datan bisa mujadahi hawanira.

48. nĕṅiŋ swara sawĕr musna tan kadulu, gara gara prapta, jawaḥ lésus kilat ṭaṭit, aliwĕran baḷĕḍèg ḍar ḍèr tan pĕgat.

26 mĕgatruḥ

1. traṅiŋ jawaḥ lagya maṅkya saŋ aprabhu, aṅrahos saṅĕt kalantiḥ, tĕḍak mriŋ karaṇḍan ṅahub, tuwin karṣa anuwèni, duk ṅuni śri nata anon.

2. anakipun ñi raṇḍa kasiyan ḍukuḥ, iŋ saṅkèḥ tuhu linuwiḥ, rarasati makṣiḥ timur, rèḥ sampun antawis lami, kakintĕn wus joṅgroŋ joṅgroŋ.

3. praptèŋ ḍukuḥ ṅanti nèŋ ḍaḍaḥ saŋ ulun, wĕdaliŋ dyaḥ rarasati, ñahi raṇḍa lagya nuju, nĕṅgani ṅgĕntaŋ pra èstri, gagĕṇḍiṅan ḍuṅproŋ ḍuṅproŋ.

4. rarasati mijil saṅkiŋ wismanipun, asiñjaŋ paṭola abrit, koñoḥ jĕnar sléṇḍaŋ kawuŋ, tinĕpi parada kuniŋ, wimbuḥ ayu mĕlok mĕlok.

5. tansèŋ puṅkur kalaṅĕnannya saŋ ayu, juga babon katé adi, pĕṭak mulus cèṅgèripun, saṅgardalima ṛĕspati, sapraptanira saŋ sinom.

6. paṅgĕntaṅan nulya tumut ṅgĕntaŋ pantun, sukunira kaŋ sasisiḥ, aṅidak sirahiŋ pantun, aṅikis siñjaṅirèki, kakémpol katon mañcoroŋ.

7. gĕbyar gĕbyar aṅlir péndaḥ ṭaṭit baruŋ, dupi miyat śri bhupati, gandruŋ gandruŋ amaṅun kuŋ, ṅandika jroniŋ paṅgaliḥ, pantĕs dadya garwaniṅoŋ.

8. sigra tĕḍak ñakĕti kaŋ samya nutu, matĕk asmaragama di, para dyaḥ kaŋ samya nutu, tan ana iṅkaŋ praduli, katuṅkul dèn nira géroŋ.

9. sruniŋ cipta korut nutpahira prabhu, datan prabéda saŋ dèwi, ugi korut nutpahipun, samya tumètès iŋ siti, tandya katé pĕṭak gupoḥ.

10. anucuki nutpaḥ kaliḥ kalihipun, wus nuṅgil dadya satuṅgil, prabhu jaka dahat ṅuṅun, saṅĕt liṅsĕmiŋ paṅgaliḥ, nulya kundur aṅaḍaton.

11. gaṭak gaṭuk samya gumujĕŋ aṅguguk, radyan mèsĕm ṅandika ris, kiraka jatipitutur, nĕḍa kalajĕŋna maniŋ, cariyosipun kaŋ babon.

12. kyayi jatipitutur ṅlajĕṅkĕn atur, dupi wus antara ari, amanigan katé piṅul, ñi raṇḍa dupi udani, antigan pinĕṇḍĕt gupoḥ.

13. gya dinèkèk anèŋ padariṅanipun, tinuṅgilkĕn tigan katri, winor uwos kaŋ lumintu, sabĕn ari dèn ĕdaṅi, naṅiŋ botĕn katon kaloŋ.

14. malaḥ wuwuḥ ñi raṇḍa grahitèŋ kalbu, baya iki kaŋ marahi, atigan gĕŋ pédahipun, bĕras dakdaŋ sabĕn ari, mora kaloŋ malaḥ wuwoḥ.

15. gya pinĕṇḍĕt iṅĕliḥ mariŋ iŋ lumbuŋ, dupi uwosira ĕntiŋ, ñahi raṇḍa mĕṇḍĕt pantun, mriŋ lumbuŋ ambuka kori, mĕṇḍĕt sabĕlaḥ ginéṇḍoŋ.

16. tigan iṅkaŋ dipundèkèkakĕn lumbuŋ, sampun nĕtĕs naṅiŋ warṇi, takṣaka agĕŋ kalaṅkuŋ, ṅaḷĕkĕr pinuju guliŋ, kagyat nulya tatanya lon.

17. paran karṣa nini sira maraŋ lumbuŋ, ñahi raṇḍa nulya noliḥ, anon sarpa nulya gugup, gya ḍawaḥ bali añjĕliḥ, lumajĕŋ akétol kétol.

18. arṣa lapur ḍumatĕŋ iŋ saŋ nindya nuŋ, takṣaka suka niṅali, wus mĕdal sakiŋ iŋ lumbuŋ, mriŋ gyannya dyaḥ rarasati, sarwi ṅliŋ ḍuḥ ibuniṅoŋ.

19. dèwi rarasati gumuliŋ akantu, wuṅu nututi bok ñahi, sakaliyan prapta sampun, ṅarṣanira kyana patiḥ, naga wus nèŋ wuri ñjoṅok.

20. ñahi raṇḍa myaŋ rarasati duk ndulu, samya gumuliŋ iŋ siti, kya patiḥ arṣa lumayu, naga gumujĕŋ sarya ṅliŋ, kaki aja jriḥ mariŋ ṅoŋ.

21. kéné payo paḍa luṅguḥ kaŋ pakantuk, kya patiḥ ṅoplok liŋnya ris, laḥ ula apa sirèku, tanpa saṅkan ṅgonmu prapta, saŋ naga sahurira lon.

22. kaki iṅsun uñjukna mriŋ rama prabhu, kyana patiḥ anahuri, muŋ maṇṭuk lumaris gupuḥ, risaŋ naga anèŋ wiṅkiŋ, dupi prapta ṅarṣa katoŋ.

23. kyana patiḥ dèrèŋ muñjuk saŋ aprabhu, naga wus nèŋ wurinèki, prabhu jaka gya andaṅu, èḥ ula apa sirèki, dé bisa claṭu lir uwoŋ.

24. naga matur ṅakĕn putranya saŋ prabhu, kalaṅkuŋ dèn nira runtik, èḥ ula kawruhanamu, iṅsun iki duruŋ rabi, sira tĕka añaḷĕmoŋ.

25. laḥ luṅaa yèn kasuwèn tĕkèŋ lampus, naga karuna turṇya ris, ṅgĕlarkĕn nalikanipun, śri papara iŋ wanadri, tumĕkèŋ kundur ṅaḍaton.

26. lan umatur sakawitiŋ babon piṅul, nigan tĕkèŋ nĕtĕsnèki, saŋ prabhu miyarṣa atur, dahat iŋ liṅsĕmiŋ galiḥ, nulya jĕṅkar aṅaḍaton.

27. kyana patiḥ tinimbalan mriŋ kaḍatun, ḍawuḥ timbalan narpati, ponaŋ sawĕr kinèn nantun, madosi pacaṅan aji, lan mĕjahi satru katoŋ.

28. baya putiḥ tĕḷĕṅiŋ sagara kidul, punika yèn antuk kardi, iṅakĕn putra satuhu, patiḥ wus ṇḍawuhkĕn mariŋ, sarpa matur arawat loḥ.

29. sru prasĕca yèn tan kalakyan satuhu, karṣané śri narapati, suka tumĕkèŋ iŋ lampus, kya patiḥ wĕlas niṅali, punaŋ sarpa mĕsat gupoḥ.

30. ṅidul tĕrus siṅa kaŋ katrajaŋ gĕmpur, amriḥ aglisira prapti, amblĕs bantala jumĕḍul, tĕḷĕṅiŋ kanaŋ jaladri, susumbar aṅuwuḥ muṅsoḥ.

31. aṅuṅaṣkĕn atmaja śri jaka prabhu, iŋ mĕṇḍaṅkamulan adi, saŋ déwatacĕṅkar prabhu, kaŋ awarṇa baya putiḥ, miyos saṅkiŋ iŋ kaḍaton.

32. mapag yuda raméniŋ praŋ tan cinatur, ṅantya piraŋ piraŋ ari, śri dyaḥ lami lahut kidul, nama prabhu aṅinaṅin, sukaniŋ tyas dèn nira non.

33. amiminta sirṇané saŋ baya piṅul, jaladri akocak kacik, toya bĕntèré kalaṅkuŋ, mina kaṭaḥ aṅĕmasi, baya pĕṭak yudanya sor.

34. kabuñcaŋ mriŋ ḍaratan tĕpiniŋ lahut, sirṇaniŋ aṅga pan dadi, argalima wastanipun, sarpa sukané aṅĕntiŋ, wus paṣṭi iṅaṅgĕp katoŋ.

35. kacariyos prabhu aṅinaṅin wahu, suka amarwata siwi, satrunira baya piṅul, maṅkya wus tumĕkèŋ lalis, naga tinimbalan gupoḥ.

36. malbèŋ pura prapta ṅarṣané saŋ prabhu, natadèwi ṅandika ris, èḥ sarpa kaŋ jayĕŋ pupuḥ, iṅsun ṅuni pasaṅgiri, sapa kaŋ agambuḥ pupoḥ.

27 gambuḥ

1. siŋ sapa uṅgul pupuḥ, amatèni mriŋ si baya piṅul, gĕntènana saḍéla jumĕnĕŋ aji, luwarana punagiku, sarpaguŋ turira alon.

2. tan ḷĕṅganèŋ ragèṅsun, aṅlampahi pasaŋ giri prabhu, naṅiŋ lampaḥ amba punika tinudiŋ, wusiŋ ñirṇakakĕn satru, ṅulati pacaṅan katoŋ.

3. rèhniŋ dèrèŋ kapaṅguḥ, prabhu rara aṅandika arum, pacaṅané ramanta pan iṅsun iki, sira muñjuka saŋ prabhu, ṅulati pacaṅaniṅoŋ.

4. ywa krama liyaniṅsun, naṅiŋ andadèkna kawruhamu, ramanira tan widada madĕg aji, namuŋ tigaŋ warṣa puput, ginantyan kaŋ darbé kraton.

5. iŋ ari buddha bésuk, lèk purṇama galuṅan kaŋ wuku, dak aturi tĕḍak mriŋ kaḍaton mami, sira sun rabèkkĕn kulup, olèḥ baloroŋ yu anom.

6. ḍahubnya tan cinatur, laṅkuŋ ramé iŋ bawahanipun, iŋ ḍaratan pagĕblug agĕŋ ṇḍatĕṅi, wusiŋ ḍahub madĕg ratu, sapta ri gya pamit gupoḥ.

7. linilan pamitipun, myaŋ winisik kaŋ baḍé tinĕmu, iŋ sarira miwaḥ jaṅkaniŋ nagari, purwa madya wusanèku, wĕliṅira wantos wantos.

8. śri putri maliḥ muwus, liṅluŋ tuṅgulwuluŋ jujulukmu, tĕmbé sira karṣaniŋ hyaŋ aṅratoni, ḷĕḷĕmbut iŋ gunuŋ gunuŋ, mriŋ sira aṅaṅgĕp katoŋ.

9. kala patĕmbènipun, sira dadya ṅalamat satuhu, dahuruniŋ jaman myaŋ kĕrtaniŋ nagri, wis maṅkata sira kulup, garwamu rara baloroŋ.

10. mĕnèk ṅribĕti laku, laḥ tiṅgaḷĕn nèŋ kéné rumuhun, sira aja mĕtu marganira lami, tĕḷĕŋ samodra kapuṅkur, amblĕs iŋ pratala gupoḥ.

11. nèŋ pasuṇḍan añjĕbus, amblĕs maliḥ ñjĕbus wontĕn kuwu, iŋ carèwèk maṇḍikil jĕbusnya maliḥ, sampun cĕlak nagrinipun, mlampaḥ ḍaratan nalosor.

12. dumugi praja ñjujug, kapatiyan wus kĕrit lumĕbu, dupi prapta ṅarṣa nata maṅĕñjali, kyana patiḥ makiḍupuḥ, tuṅgulwuluŋ analosor.

13. lampahira iṅutus, sampun katur purwa wasanèku, prabhu jaka laṅkuŋ truṣṭanirèŋ galiḥ, wus iṅaṅgĕp putra prabhu, ginañjar makuṭa kahot.

14. agĕmira saŋ prabhu, buntut untu atanapi siyuŋ, binroṅsoŋ mas tinarètès sosotyadi, sisik linapis mas murub, kaluŋ sosotya mañcoroŋ.

15. myaŋ pinariṅan cupu, aṣṭagina isi lisaḥ kayun, kuwasanya yèn wontĕn sarpa ṅĕmasi, tinètèsan lisaḥ cupu, gĕsaŋ maliḥ léṅgak léṅgok.

16. sinimpĕn wontĕn buntut, myaŋ muṣṭika naga kwasanipun, sinuyutan sakèhé sarpa sabhumi, dumunuŋ iŋ cĕṭak murub, ḍawuḥ daḷĕm saŋ akatoŋ.

17. èḥ sakèḥ wadyaniṅsun, piyarṣakna samĕṅko si liṅluŋ, iṅsun juñjuŋ paṅkat paṅran adipati, maṅgon ana tuṅgulwuluŋ, wus kulup mundura gupoḥ.

18. aywa kuciwèŋ laku, laḥ arakĕn lakuné si liṅluŋ, lan ṛĕkṣanĕn sacara caraniŋ janmi, paṅran dipati wus mundur, iŋ marga tan winirahos.

19. maṇḍirèŋ tuṅgulwuluŋ, dupi antuk sawarṣa saŋ liṅluŋ, anĕlaṣkĕn iwèn wus katur saŋ aji, gya iṅĕliḥ daḷĕmipun, myaŋ winulaŋ rama katoŋ.

20. iŋ ṅèlmi agal ḷĕmbut, wus kacĕkap tan ana kalimput, tuṅgulwuluŋ tapa maṅap nèŋ wanadri, awit saṅkiŋ laminipun, badan kaṭukulan boṇḍot.

21. ṅlĕṅgirik kadya gumuk, ical sipatira takṣaka guŋ, tutuk kadya wiwaraniŋ guwa wiṅit, wus matĕŋ iŋ tapanipun, manuṅsa tan ana wĕroḥ.

22. karṣané jawata guŋ, nuju dĕṛĕs jawaḥ gumarubug, wontĕn raré aṅon sasaṅa kèhnéki, kajawahan samya ṅahub, nèŋ tutuk naga kinahot.

23. kaŋ wolu wus umaṅsuk, kaŋ satuṅgal siniṅkaŋ tan antuk, gya miṅgaḥ riŋ klĕṛĕs gigir ñaṅkiŋ kuḍi, mĕmĕraŋ siti maṛĕntul, guwa miṅkĕm kadya aṅob.

24. raré wolu kaŋ ṅahub, saṛĕŋ samya pĕjaḥ tanpa muwus, kaŋ satuṅgal wontĕn jawi mĕraŋ gigir, iṅgal lumajĕŋ umantuk, mriŋ sudarma awawartos.

25. tandya kuñjuk saŋ prabhu, śri naréndra sakalaṅkuŋ bĕndu, gya aḍawuḥ kinèn mantèk wĕsi gilik, caṅkĕmira jaka liṅluŋ, supadi pĕjaḥ iŋ ṅĕṅgon.

26. wus pinantèk kaŋ tutuk, jaka liṅluŋ tumĕka iŋ lampus, laḥ punika cariyosipun iŋ ṅuni, atatanya gaṭak gaṭuk, aṭik ula kaya uwoŋ.

27. lé ñĕmbaḥ niku prèhpun, rara bloroŋ kacariyos ayu, pinah‍èsan saya wimbuḥ amrakati, jaka liṅluŋ sigit bagus, winĕwahan mawi topoŋ.

28. woŋ gèpèŋ sirahipun, kados pundi kĕkahé puniku, aḥ woŋ criyos wikana ñatané ṅuni, tamatiŋ cariyos baṅun, gaṭak gaṭuk adan suboḥ.

29. wus samya wĕktu subuḥ, sabakdanya subuḥ ṅandika rum, laḥ kiraka wawi ulun ayun uniŋ, patilasan tuṅgulwuluŋ, iṅgiḥ sumaṅga saŋ anom.

30. kula gaḍaḥ pañuwun, mriḥ ḷĕstantun tan saṅsayèŋ laku, kapaṛĕṅa miturut sacaranèki, kiraka hywa walaŋ kalbu, datan ñuwalani iṅoŋ.

31. wus kĕrit lampahipun, prapta iŋ kasaṅa tĕpinipun, siti ḷĕbu kadi awu warṇanèki, tan wontĕn taru kaŋ ṭukul, ṅilak ilak lir sinapon.

32. ambanon iṅkaŋ waṅun, naṅiŋ mawi maléṅkoŋ maṅidul, kaṭaḥ boloŋ kadya lèṅé yuyu nĕṅgiḥ, katutub iŋ ḷĕbu ḷĕmbut, tiniyub maruta katon.

33. sadaya sami ṅĕmpus, lir tutuban déné tĕḷĕṅipun, wontĕn ĕlèŋ sadandaŋ wiyarirèki, akumraṅsaŋ uṅĕlipun, tinindakan alon alon.

34. wus cĕlak mĕṇḍak sampun, lampaḥ bocoŋ ṅambaḥ krikil alus, warṇa abrit pĕṭak jĕné anĕlasiḥ, kèndĕl sila dèn nya luṅguḥ, rahadyan anulya joṅkok.

35. marikṣa ḷĕbĕtipun, kiḷĕŋ kiḷĕŋ kiñcloŋ warṇinipun, kadya liṅsaḥ iṅkaŋ sakalaṅkuŋ wĕniŋ, swara kumraṅsaŋ saya sru, wusiŋ anon ṅandika lon.

36. punapi marmanipun, lampaḥ bocoŋ ki jatipitutur, matur kurmat rèḥ wus cĕlak dunuṅnèki, prabhu anom tuṅgulwuluŋ, kadinanan ṅèlmi kahot.

28 asmaradana

1. kaŋ kiḷĕŋ kiḷĕŋ kah‍èkṣi, giḥ punika nétranira, ḷĕbu lir awu warṇané, tilas liṅluŋ duk samana, pinantèk tutukira, badan polaḥ siti mblĕdug, naṅiŋ botĕn sagĕt késaḥ.

2. krikil waraṅan puniki, kinarya ñĕmĕŋ gagaman, toyané jram pĕcĕl winor, pah‍édaḥ ampuhé miṇḍak, rahadyan sampun liṅgar, tan pati doḥ nulya ndulu, sumbĕr alit isi toya.

3. ñĕmĕk ñĕmĕk rahos asin, kidul tĕḷĕŋ kawistara, wontĕn gumuk mujur ṅilèn, kilèn gumuk datan tĕbaḥ, rawa lit kĕbak toya, ugi asin rahosipun, lèr kilèn tĕḷĕŋ kasaṅa.

4. ara ara tinon asri, sitinipun bulak pĕṭak, baṛĕñjul samya iṅgilé, turut piṅgir pupuṇḍuṅan, dumugi iŋ lèr wétan, maṭuṭuk lir wisma piṅul, bĕṅgaŋ ajĕg lir tinata.

5. wétan tĕḷĕŋ tinon asri, waradin pĕnuḥ ṭukulan, rumput mĕrakan myaŋ méṇḍoŋ, tĕkèŋ kidul notok arga, tinon asri kawuryan, ṅlilipur iŋ tyas margiyuḥ, ki jati maliḥ turira.

6. iṅriki biliḥ maṛĕṅi, maṅsa katiga akaṭaḥ, sima sawĕr samya maṅgon, asriŋ asriŋ iŋ kasaṅa, sawiyariŋ tĕḷĕŋnya, mblĕḍos swara kadya gluḍug, iṅgilnya ṅuṅkuli arga.

7. tinon yĕktos ṅgigirisi, giḥ punika kruranira, tuṅgulwuluŋ iṅkaŋ maṅgèn, iŋ saṅaṇḍapiŋ kasaṅa, ri wusnya maṅun krura, kula gya marikṣa gupuḥ, punapa kawontĕnannya.

8. yèn katiṅal sanépaniŋ, maryĕm baḍé wontĕn pĕraŋ, yèn katiṅal kados layon, baḍé kaṭaḥ tiyaŋ pĕjaḥ, sampuniŋ amarikṣa, nuntĕn lapur luraḥ ulun, ḍatĕŋ mĕṭakan iŋ séla.

9. kaŋ ṅlajĕṅkĕn mriŋ mantawis, déné lèpèn cacaḥ gaṅsal, kalamun ṛĕṇḍĕŋ maṅsané, punika dados satuṅgal, tinon wus kadya rawa, ila ilané rumuhun, para priyantun iŋ praja.

10. sah‍èstu yèn botĕn kéṅiŋ, anon tĕḷĕṅé kasaṅa, kilap punika wadosé, yèn tinrajaŋ kadrawasan, linuṅsur kaŋ darajat, apĕs naṇḍaŋ iŋ papa guŋ, kinĕbat kaŋ saṇḍaŋ paṅan.

11. wus tapis dèn nya niṅali, ki jatipitutur liŋnya, suwawi aṅalèr ṅilèn, punika tilas kaḍatyan, nagri mĕṇḍaṅkamulan, iŋ kasaṅa wus kapuṅkur, prapta tilasiŋ kaḍatyan.

12. wujud kantun siti mĕṅgir, wus dumadya wanawasa, linajĕṅkĕn iŋ lampahé, prapta iŋ sĕṇḍaŋ ramĕsan, wawĕṅkoniŋ kradénan, cakĕt satĕpiniŋ ranu, tan patya ḷĕbĕt kaŋ toya.

13. kalaṅkuŋ gawokiŋ galiḥ, dé toya sasĕṇḍaŋ wrata, kadi déné wédaŋ umob, lir umbul modal iŋ toya, gumlĕḍĕg kaŋ suwara, mañcawarṇi toyanipun, piṇḍa kukuwuŋ waṅkawa.

14. ijĕm jĕné wuṅu abrit, dadu jambon cĕmĕŋ pĕṭak, iṅinum anta rahosé, sĕmuné kaworan liraŋ, bĕntèré sawatara, tan na ilèn ilènipun, piṇḍané kadya balumbaŋ.

15. ki jati turira aris, punika sĕṇḍaŋ ramĕsan, lajĕŋ tindak mriŋ carèwèk, aniṅali gumuk karaŋ, saṅiṅgil gumuk iṅkaŋ, ĕlèr miwaḥ kilènipun, wontĕn sumbĕripun samya.

16. asin rahosiŋ kaŋ wariḥ, punika kéṅiŋ kinarya, saṛĕm aḷĕmbut warṇiné, sĕmu abrit asin kiraŋ, wus tĕraŋ pinarikṣan, lajĕŋ maṅalèr saŋ luhuŋ, iŋ mĕṇḍikil kaŋ sinĕdya.

17. praptèŋ gumuk datan iṅgil, nulya samya iṅiṅgahan, sampun rawuḥ iŋ tĕpiné, lir sumur bundĕr apapak, naṅiŋ tan isi toya, ĕṇḍut cuwèr ṅantya pĕnuḥ, papak lambé ambaludag.

18. lir péndaḥ umob swarèki, bĕntèr namuŋ sawatara, wontĕn ilèn ilènané, mili wé asin rahosnya, gya anon sumur tiga, lir wédaŋ panas wénipun, kaŋ kadya sumur lit kaṭaḥ.

19. toyanipun ugi asin, sadaya kéṅiŋ kinarya, saṛĕm kadi iŋ carèwèk, kawratan wus pinarikṣan, iŋ blĕḍug tinindakan, sakiŋ mandrawa kadulu, anon ara ara wiyar.

20. ki jati turira aris, punika kaŋ katiṅalan, iŋ blĕḍug kuwu wastané, kalaṅkuŋ agĕŋ tinimbaŋ, lawan kaŋ kaṭaḥ kaṭaḥ, mawi suwara jumĕgur, tan kĕṇḍat dalu rahina.

21. kiraka suwawi kampir, nĕḍa andika atĕrṇa, ki jati sandika turé, sakiŋ maṇḍikil wus liṅgar, tan daṅu lampahira, praptèŋ talatahiŋ kuwu, katon traŋ umbuliŋ lahar.

22. ra ara waṅun pasagi, kaṇḍĕg iŋ tĕpi rahadyan, miliḥ siti iṅkaŋ atos, kaŋ ĕmpuk tan kéṅiŋ kambaḥ, rahadyan kagawokan, miyat iŋ tĕṅahiŋ blĕḍug, maḷĕmbuŋ kadi plĕmbuṅan.

23. paḷĕṇḍuŋnya laṅkuŋ iṅgil, dupi wus katon gya pĕcaḥ, jumĕgur asru swarané, kadya maryĕm kapiyarṣa, mĕdal kumukus pĕṭak, wusiŋ mblĕḍos ṅaṇḍap mlĕṇḍuŋ, kadya iŋ suwahunira.

24. lumintu datan saṛĕnti, swaranira nora kĕṇḍat, ki jati umatur alon, maḷĕṇḍuŋ tuwin ñuwara, tan lèrèḥ dalu rina, katiga ṛĕṇḍĕŋ kèḥ jawuḥ, tansaḥ makatĕn kéwala.

25. punika kaŋ alit alit, uṅĕlipun datan sora, ugi makatĕn patrapé, upami wontĕn kaŋ ṅambaḥ, lajĕŋ amblĕs kéwala, saṅkiŋ ḷĕbĕté kalaṅkuŋ, sampun èstu lajĕŋ sirṇa.

10. dumugi iŋ ḍusun séla kapaṅgiḥ kyayi pariwara iṅkaŋ pariŋ katraṅan

bab : 1. papalinipun kiagĕŋ séla.

2. doṅèṅipun kiagĕŋ séla ñĕpĕṅ

blĕḍèg.

3. panĕnuniŋ lurik lss. lampahipun dumugi iŋ gubug kapaṅgiḥ ḍatuk bahni iṅkaŋ nĕraṅakĕn bab : 1. pétaŋ dintĕn pasaŋ tarub,

bab : 2. pilihan dintĕn paṅantèn saṛĕsmi,

bab : 3. dintĕn sirikan kaṅgé saṛĕsmi,

bab : 4. pémut bab saṅgama,

bab : 5. pétaŋ naas nabi.

26. ki jati ṅupados dĕliŋ, tinaloroṅkĕn manĕṅaḥ, dĕliŋ amblĕs datan katon, laḥ punika dĕliŋ ical, tri ari yèn klĕṛĕsan, dĕliŋ mumbul katut lumpur, maḷĕsat ḍawaḥnya tĕbaḥ.

27. kaḍaŋ kalajĕŋ tan mijil, sadaya kaŋ kahuniṅan, punika patilasané, tuṅgulwuluŋ liṅluŋ jaka, pramila iṅaranan, kuwu nalika mĕṇṭuṅul, wontĕn ṅriki kantos lama.

28. siniwèŋ naga sabhumi, kacariyos ṅantos krama, ugi aṅsal putri bloroŋ, rahadyan kasĕṅsĕm miyat, kah‍élokaniŋ sukma, sru nalaṅsa mriŋ hyaŋ aguŋ, déné sipaté kaŋ ula.

29. mawèḥ tilasiŋ nagari, kalimput ṅulati kadaŋ, dadya gandruŋ iŋ hyaŋ manon, katoṅton muraḥ asiḥnya, aris wijiliŋ sabda, kiraka jatipitutur, punapa sun waḷĕsĕna.

30. tanduk taṅgapiŋ kaŋ ĕsiḥ, ḍumatĕŋ badan kawula, datan mantra lagya nĕmbé, dé arṣa asuŋ carita, nĕdahkĕn kañataan, patilasaniŋ ṅaluhuŋ, lalakyan jaman kadéwan.

31. mila sru panuwun mami, winantu iŋ suka ṛĕna, myaŋ dèn aguŋ akṣamané, iŋ maṅkya ulun paliman, andumugèkkĕn lampaḥ, kantun maṅgiya rahayu, jinuruṅa iŋ sakarṣa.

32. tur waṅsulan sami sami, kula sakalaṅkuŋ biṅaḥ, dé paduka karṣa ñruwé, mugi raharja iŋ lampaḥ, anulya sasalaman, ki jatipitutur mantuk, radyan lajĕŋ lampahira.

33. kadalon anulya mampir, ḍumatĕŋ iŋ ḍusun séla, ñjujug iŋ pajurukuñcèn, ki jurukuñci ataṅgap, maṅgihi kaŋ ḍatĕṅan, alon wijiliŋ kaŋ wuwus, rèhniŋ wus ciklu manira.

34. aywa dadi tyasirèki, manira datan akrama, maraŋ sariranta aṅgèr, maṅkya iṅsun nilakrama, iŋ ĕndi kaŋ pinaṅka, lawan sapa kakasiḥmu, mriŋ ṅĕndi kaŋ sira sĕdya.

35. rahadyan umatur aris, jĕŋ kyayi ḍawuḥ paduka, sah‍èstu sampun ḷĕṅgahé, ṅasĕpuḥ mariŋ ṅamuḍa, ṅoko tan mawi krama, dé lamun andaṅu ulun, pun santri mg ḍukuḥ wétan.

11. lampahipun dumugi iŋ ḍusun ḍaṇḍĕr pinaṅgiḥ kĕpala ḍusunipun iṅkaŋ nĕraṅakĕn bab latu pakayaṅan, ukuran ḍuwuŋ sarta ukuran laṇḍéyaniŋ tumbak. dumugi iŋ kasaṅa pinaṅgiḥ ki jatipitutur iṅkaŋ doṅèṅakĕn bab prabhu jaka iŋ mĕḍaŋkamulan mĕjahi sawĕr dumugi kaguṅan putra wujud sawĕr wasta jaka ṅiṅluŋ ṅantos mulabukanipun wontĕn sumbĕr sumbĕr lisaḥ.

36. kula maṅkya ñuwun uniŋ, iṅriki namaniŋ ḍĕkaḥ, jĕŋ kyayi lon andikané, èḥ kulup kawruhanira, iŋ kéné krajan séla, kabawaḥ maraŋ mantarum, ya iṅsun iṅkaŋ rumĕkṣa.

37. luluhurira narpati, paparab kiagĕŋ séla, iṅkaŋ sumaré iŋ kéné, aranku ki pariwara, kaprĕnaḥ buyut lawan, kyagĕŋ gĕtaspaṇḍawèku, mamanisiŋ tanaḥ jawa.

29 ḍaṇḍaŋgula

1. laḥ ta kulup sira ywa kuwatir, sayĕktiné iṅsun nora samar, maraŋ lalakonmu aṅgèr, rèḥ ginaḍaŋ sirèku, cacaloné janma linuwiḥ, kaŋ jĕñjĕm manahira, anèŋ wismaniṅsun, upama sira babakal, karya wisma iṅsun amañjuruŋ tali, rahadyan duk miyarṣa.

2. asrĕp iŋ tyas aturira aris, ḍuḥ pukulun ragèṅsun sumaṅga, datan ḷĕṅgana dasihé, maṅkana saŋ abagus, ṅantya lami nèŋ séla kampir, anujwari sajuga, sabakdaniŋ subuḥ, kyayi agĕŋ pariwara, ḷĕṅgaḥ srambi rahadyan tan kéṅiŋ tĕbiḥ, jĕŋ kyayi aṅandika.

3. ĕḥ ta kulup dèn kaparèŋ ṅarṣi, kawruhanmu nora éndaḥ éndaḥ, ṅèlmu kaŋ sun imanaké, amuŋ piwulaṅipun, éyaŋ kyagĕŋ séla linuwiḥ, ñatané wus añata, cihnané linuhuŋ, kaŋ mĕṅkoni tanaḥ jawa, datan liya tĕḍaké jĕŋ séla kyayi, laḥ iki piyarṣakna.

4. papali ki ajinĕn mbĕrkahi, tur salamĕt sĕgĕr kawarasan, papali iki maṅkéné, aja agawé aṅkuḥ, aja ladak aja ajahil, aja manaḥ surakaḥ, lan aja calimut, lan aja guru aḷĕman, aja jahil woŋ jahil pan gĕlis mati, aja amanaḥ ṅiwa.

5. aja sah‍èn dèn wĕdi iŋ ṅisin, ya woŋ urip hya ṅĕguṅkĕn awak, woŋ urip pinèt bagusé, aja lali abagus, bagus iku dudu mas picis, pan dudu sasaṇḍaṅan, dudu rupa iku, woŋ bagus pan éwuḥ pisan, sapapaḍa woŋ urip pan paḍa asiḥ, pĕrak ati warṇanya.

6. aja maṅéran iŋ ĕmas picis, aja maṅéran iŋ busanéndaḥ, ja maṅéran kabisané, aja maṅéran ṅèlmu, aja maṅéran tĕguhirèki, aja maṅéran japa, aja ṅguṅguŋ laku, kabèḥ iku siya siya, aja sira ṅgugoni kawruhirèki, laḥ iku muṇḍak apa.

7. aṅkuḥ kaŋ jujur arahĕn kaki, aja sira aṅaraḥ kèriṅan, sahiḍĕp iḍĕpé ḍéwé, éwuhé woŋ tumuwuḥ, dipunbisa ṅénaki ati, atiné sapĕpaḍa, nĕpsumu ja turut, iya nĕpsuniŋ manuṅsa, kudu kèḍĕp iya sapaḍaniŋ janmi, iku sira sirika.

8. aja sira paḍakakĕn jalmi, aparéntaḥ maraŋ sato kéwan, kĕbo sapi lan ayamé, aja sira priḥ wĕruḥ, kaya uwoŋ pan nora baṅkit, aja kaya samĕrta, kĕboné pinupuḥ, kinèn sinahu mamaca, wus paṣṭiné kĕbo sapi nora baṅkit, mulané awuwuda.

9. ayam ginusaḥ muṅgaḥ iŋ panti, atanapi yèn amaṅan bĕras, kĕbat iṅaḍaṅan bah‍é, iku woŋ ṅolaḥ sĕmu, yĕn tataṅga saraté kaki, yèn layak iṅaruhan, aruhana iku, yèn tan layak ĕnĕṅĕna, apan iku maṅan sĕgané pribadi, pan dudu rayatira.

10. yèn muṅguha rayaté pribadi, kapénakna ya rayaté iṅkaŋ, ṅlarakĕna iŋ atiné, aja sira mumuruk, tuduhĕna yèn dèrèŋ sisip, yèn uwis katiwasan, aja sira tutuḥ, kélaṅan wuwuḥ duraka, aja sira ṅumpaḥ umpaḥ iku kaki, laḥ iku muṇḍak apa.

11. dèn aholaḥ muṅguḥ iŋ ṅahurip, aja ṅaṅgo iŋ sadaya daya, woŋ urip pan akèḥ liré, dipunṅiḍĕp pakéwuḥ, éwuḥ iku tigaŋ prakawis, pakéwuḥ iŋ paṅucap, éwuḥ iŋ pandulu, ana éwuḥ jroniŋ nala, yèn katara alané sajroniŋ ati, pan dadi paṅgrahita.

12. dipunwuruk lan iḍĕp iŋ ṅisin, isin iku pan kaliḥ prakara, ḍiṅin isin paṅérané, déné piŋ kalihipun, dipunisin paḍaniŋ janmi, yèn kalakona wiraŋ, isin tĕmahipun, dipunatut akakadaŋ, pawoŋ sanak aja pĕgat ṅati ati, yèn cĕla dadi ala.

13. aja sira watak wani wani, mariŋ sanak pawoŋ kadaṅira, aja sira watak dahwèn, aja watak kumiṅsun, aja watak ṅaruḥ aruhi, aja awatak ṅiwa, ala kaŋ tinĕmu, siŋ sapa atiné ala, nora wandé iŋ béñjiŋ iku nĕmahi, woŋ ala nĕmu ala.

14. siŋ sapa aṇḍasarakĕn bĕcik, nora wuruŋ béñjiŋ maṅgiḥ arja, miwaḥ saturun turunné, yèn turuné dadya guŋ, amaréntaḥ maraŋ woŋ cilik, aja sadaya daya, dadi nora tulus, saĕṅgoné dadi cacat, aja nacaḥ paréntaḥ maraŋ woŋ cilik, aja sawiyaḥ wiyaḥ.

15. aja sira watak wani wani, aja sira watak ṅajak tukar, aja ṅandĕlkĕn ṅèlmuné, aja sira aṅuṭuḥ, aja ladak aja ajahil, aja doyan sĕmbranan, dadi woŋ katutuḥ, niniwasi dadènira, lamun ana woŋ patrap dipunawĕdi, malati iku uga.

16. balik iku laḥ tirunĕn kaki, janma patrap sira kasihana, sira araha sawabé, ambĕrkati woŋ iku, nora kĕna yèn dipunaji, tirunĕn lagi wĕnaŋ, pambĕkané alus, yèn aṅucap ṅaraḥ araḥ, yèn aluṅguḥ nora pĕgat ṅati ati, nora sawiyaḥ wiyaḥ.

17. aja sira watak suka siṅgiḥ, aja sira kapéṅin kĕḍotan, kukuwasan apadéné, aja sira maḍukun, aja ṇḍalaŋ aja agrami, aja budi sudagar, aja budi kahum, jañjiné jakat lan pitraḥ, dipunsuda paduné cukĕŋ abĕṅis, iku kahum kaŋ ñata.

18. kumbaḥ surakaḥ cukit adulit, iya jagal mĕlantĕn amĕrṇa, iku nora dadi gĕḍé, sirikĕn ujar iku, iŋ woŋ urip dipuntabĕri, mapan katĕmu basa, pan katĕmu sĕmu, mapan katĕmuniŋ ulat, atiniŋ woŋ kaŋ ala lawan kaŋ bĕcik, kaŋ jujur antĕŋ cahya.

19. kawruhana janma kaŋ kakiki, iya iku guruniŋ paṇḍita, nora katara lakuné, tan cĕgaḥ tan asahum, nora tapa nora amutiḥ, saṅkiŋ prayitnanira, iŋ ṅawaké iku, prayitna iŋ ṅawakira, muŋ sanaké puniku kaŋ dèn wĕdèni, sanaké iku jagat.

20. bañu bhumi agin lawan laṅit, srĕṅéṅéné kalawan ṛĕmbulan, punika sanaké kabèḥ, janma kaŋ salaḥ iku, iya iku satruné nĕṅgiḥ, mulané ana lara, walat kaŋ tinĕmu, janma kaŋ jujur punika, lanaŋ wadon punika sanaké siṅgiḥ, mulané ana sawab.

21. kaŋ satĕṅaḥ kaŋ duruŋ sayĕkti, dèn nya amriḥ budi kapaṇḍitan, pijĕr wayaŋ wuyuŋ bah‍é, tansaḥ ṅalor aṅidul, mĕṇḍak mĕṇḍak saba woŋ sugiḥ, ṅèlmu ginawé kasab, aṅucap ṅgadĕbus, aṅiñciḥ darbèkiŋ liyan, nora wĕruḥ awaké kaḷĕbon éblis, dadi woŋ ṅayawara.

22. apan cĕgaḥ jĕnĕṅé iŋ ṅèlmi, kaŋ asaba omahé naṅkoda, miwaḥ mantri apadéné, lumuḥ kĕna iŋ siku, dèn nya amriḥ budi ḷĕstari, budi maraŋ kararjan, iŋ béka tan kéguḥ, békané iŋ woŋ ṅulama, pan kapéñcut maraŋ iṅkaŋ mĕlik mĕlik, dadiné ṅaṇḍap aṇḍap.

23. yèn ṅantiya kasor iṅkaŋ ṅèlmi, pan duraka jĕnĕṅé ṅulama, wus awak bhuta ragané, wus liṅluŋ kadaluruŋ, nora wĕruḥ kĕna piranti, tansaḥ karya pah‍ékan, dèn nya añjĕjaluk, datan étaŋ jiwa raga, mbabĕntusi dèn nira amriḥ pakoliḥ, sumrĕñuḥ lakonira.

24. aṅlakoni karyané kaŋ dèn priḥ, iku siŋ woŋ tan wĕlas iŋ badan, tan asiḥ mariŋ jisimé, dadi bañjur kaluruŋ, nora antuk wahyuniŋ ṅèlmi, lakuné lalawora, tansaḥ wayaŋ wuyuŋ, muŋ mélik iṅkaŋ dèn añcab, duruŋ wĕruḥ iŋ laku sikuniŋ ṅèlmi, polaḥ sadaya daya.

25. paṅrasané wus bĕnĕr kaŋ ṅèlmi, tan aṅrasa lamun iṅèsĕman, maraŋ sujanma kaŋ luwèḥ, iku woŋ kumpruŋ pĕṅuŋ, nora wikan kĕna piranti, sabab wus ati sétan, lakuné wus liwuŋ, paṅarahé tan ririṅa, wus kalulun atiné kaḷĕbon éblis, wus tan wruḥ isin wiraŋ.

26. apan kaṭaḥ pan békaniŋ urip, dèn nya amriḥ pakolihiŋ badan, amriḥ kuñcara ṅèlmuné, mĕlèké sabĕn dalu, tansaḥ aguŋ acĕgaḥ bukti, aṇḍap asor kalintaŋ, èsĕmé lir ḍuyuŋ, ulat manis ati sabar, dadi gĕndam èsĕmé guna piranti, ĕnĕṅé salaḥ cipta.

27. tan maṅkana iṅkaŋ sampun yĕkti, badan iki iṅkaŋ kadi saraḥ, anèŋ lahutan pamané, apa umbakiŋ bañu, saraḥ anut umbakiŋ wariḥ, iku jĕnĕŋ kawula, tan darbé karṣèku, aṅiŋ purbaniŋ paṅéran, tanpa karṣa kalimput maraŋ sawiji, wus kèṛĕm iŋ sagara.

28. nora nana dèn parani ati, pan wus liwuŋ tan darbé paṅéran, pan suwuŋ jati kawruhé, datan dulu dinulu, tan amaṅgiḥ datan pinaṅgiḥ, tan paran tan pinaran, wus tumĕkèŋ suwuŋ, sasolahé pan asamar, nora nana kaŋ kaduga anampani, liwuŋ kadya woŋ édan.

29. wusiŋ tamat radyan anuṅkĕmi, padanira kyagĕŋ pariwara, waspa drĕs alon aturé, ḍuḥ babo saŋ awiku, karṣa pariŋ pituduḥ jati, asru panuwun amba, kapuṇḍi iŋ ṅĕmbun, amuŋ paṅèstu paduka, kasawaban iŋ sabda ri saŋ linuwiḥ, tumañcĕpa iŋ nala.

30. kyayi agĕŋ aṅandika maliḥ, patilasan dibyané jĕŋ séla, tĕka iŋ samĕṅko isèḥ, doṅèṅé duk iŋ daṅu, panamaré laku tatanin, sasawaḥ nanĕm gaga, iŋ sawiji wĕktu, sabakdané salat ṅasar, maraŋ sawaḥ papaculira cinaṅkiŋ, praptaniŋ pasabinan.

31. gya tumandaŋ wus adatirèki, lajĕŋ mĕṇḍuŋ riwis riwis jawaḥ, kagyat gĕbyariŋ calèrèt, kiyagĕŋ mahos gupuḥ, subganalaḥ nulya kah‍èkṣi, kaki kaki lumarap, jĕŋ kyayi tan kéguḥ, tan samar maraŋ kaŋ prapta, pinurugan paṇḍapan dèn nya lumaris, si kaki wus cinaṇḍak.

32. wus kaasta jumĕgur swarèki, iṅkaŋ piṇḍa kaki kaki ika, apan gĕlap satuhuné, iṅĕrut gandri gupuḥ, kyayi waṅsul anambut kardi, si gĕlap gĕdabigan, datan bisa ucul, sabañjuré katur sultan, iŋ bintara bañjur kinuñjara wĕsi, tan lami ana prapta.

33. nini ñaṅkiŋ bĕruk isi wariḥ, amurugi mariŋ pakuñjaran, toya gya sinirataké, wus sirṇa kalihipun, tiṅgal swara aṅgĕgĕtĕri, kuñjara wĕsi rusak, mawut aṅgaḷĕpuŋ, dadya koṇḍaŋ sanagara, kyagĕŋ séla sañata lamun linuwiḥ, bisa añĕkĕl gĕlap.

34. uwit gandri kaŋ kaaṅgo ṅgoḍi, sahuwisé gĕlap katur nata, dadya murub mèntèr mèntèr, kiyagĕŋ aḍaḍawuḥ, maraŋ putra wayaḥ myaŋ abdi, paḍa sira ñjupuka, gĕni gĕlap iku, aṅgonĕn dadamar omaḥ, insa allaḥ kinajrihan gĕlap yĕkti, marma ywa pĕjaḥ pĕjaḥ.

35. iŋ sahiki gĕni gĕlap makṣiḥ, iṅkaŋ duruŋ katular tumular, anèŋ pasaréyan ṅgoné, apan ta sabĕn tahun, manira tur tularan api, kuñjuk jĕŋ śri pamasa, mariŋ iŋ mantarum, sawaḥ kaŋ ginarap swarga, muŋ sabahu catur kĕḍok dèn arani, si mĕṇḍuŋ mula aran.

36. awit sabĕn ṅgarap kaṅjĕŋ kyayi, bañjur mĕṇḍuŋ roŋ kĕḍokké aran, subganalaḥ katĕluné, paṇḍapan arannipun, paté kĕḍok iŋ gĕlap nami, katĕlaḥ tĕkèŋ maṅkya, gandri kaŋ katunu, sirṇa namuŋ ḷĕmahira, ṅilak ilak tan ṭukul kataŋ myaŋ tĕki, iku caritanira.

37. añjabané ṅolaḥ tĕgal sabin, maraŋ kulawaṅsa amumulaŋ, agawé blĕŋ myaŋ uyahé, gawé nila nanandur, kĕmbaŋ pulu kalawan maniŋ, anandur kaŋ jujutan, marṇa bĕnaŋ alus, sutra kaŋ bakal kinarya, ciṇḍé gĕḍog ṅadani yasa ḍapuriŋ, omaḥ joglo limasan.

38. ṅaṅgit aṅgit corèké kaŋ lurik, tuwuhséla tĕlu lima lawan, badra sapanuṅgalané, abaḥ abaḥ pinatut, winuwuhan waṅunanèki, aṅuripkĕn pétuṅan, siŋ pasitèn iku, ṅuni kaŋ miwiti étaŋ, śri manuhun naṅiŋ tan ana praduli, dadi wité kalakyan.

39. éyaŋ séla tumĕka sahiki, ḷĕmaḥ dadi saṅgané woŋ juga, iṅaran sabahu kuwé, gawéné woŋ ro iku, diarani cacaḥ sakikil, gawéné uwoŋ papat, ṅaran cacaḥ sak juŋ, piridan pétuṅan jagal, sampil siji sabahu dwi sampil kikil, sampil pat sak juŋ rannya.

40. ḍasar sugiḥ kawigñan myaŋ lantip, ya ki ṅabdurakhman kyagĕŋ séla, prayoga prĕdinĕn jĕbèŋ, gréndanĕn tyasirèku, sukur bagé bisa ñèplĕsi, orané muŋ mirida, lalabuhanipun, kajabèku patilasan, aṅratani dadi wasiyat narpati, śri nata ṅèkṣiganda.

30 sinom

1. maṅkana tyasira radyan, dupi myarṣa andikaniŋ, kyayi agĕŋ pariwara, dadya supé ḍahar guliŋ, iŋ nala kaŋ kaliṅliŋ, amuŋ sihira hyaŋ aguŋ, rum manis aturira, kiyagĕŋ lamun maṛĕṅi, dasihipun arṣa dumugèkkĕn lampaḥ.

2. paduka kantuna arja, kawula añuwun pamit, iya kulup hywa pépéka, iṅsun ñaṅoni basuki, sawusnya maṅĕñjali, sasalaman nulya mundur, gaṭuk gaṭak pamitan, wus linilan kalihnèki, ruruntuṅan tan pisaḥ lan bĕndaranya.

3. ṅalèr ṅilèn lampahira, wañci ṅajĕṅakĕn mahrib, praptèŋ gubug paḍĕkahan, anon urubé kaŋ api, nèŋ satĕṅahiŋ sabin, kinubĕŋ iŋ mandéra guŋ, ana panti kaŋ cĕlak, ḍapur maśjit cakĕt api, ḍatuk bahni iŋ marapi kaŋ atĕṅga.

4. wikan lamun kaḍatĕṅan, gya mijil saṅkiŋ iŋ panti, wus pinaṅgiḥ lan rahadyan, samya sasalaman katri, ki ḍatuk ṅandika ris, katabĕtan iṅkaŋ rawuḥ, sru bĕgja kĕmayaṅan, dé ana kaŋ sudi kampir, mriŋ asonya mas putu pundi pinaṅka.

5. lawan sintĕn kaŋ sinambat, paran kaŋ sinĕdyèŋ kapti, rahadyan matur prasaja, kula nama jayèṅrĕsmi, dé réñcaŋ kula kaliḥ, pun gaṭak lawan pun gaṭuk, iŋ giri kalahiran, tan ana sinĕdya ṅati, ambalayaŋ ṅupadosi dwi kakadaŋ.

6. maṅkya pados pasipĕṅan, pramila biliḥ maṛĕṅi, ñukĕri jogan paduka, ki ḍatuk lataḥ dèn nya ṅliŋ, ḍuḥ babo woŋ asigit, sampun kaŋ sipĕŋ sadalu, sanadyan salaminya, kĕpaṛĕŋ ḍaḍĕkaḥ ṅriki, iba iba pun kaki biṅaḥ iŋ nala.

7. wawi ṅambil toya kadas, sĕḍĕŋ wañcinira mahrib, wusiŋ kadas gaṭak adan, paragat waktu mahribi, pujiyanira ṅĕntiŋ, sampĕt waktu ṅisanipun, wusiŋ bakda salaman, lajĕŋ laḷĕṅgahan sami, wus ambañjĕŋ sugatanira ki wisma.

8. liwĕt kĕtan paṅgaŋ ayam, cinocoḥ iŋ santĕn kanil, winaḍahan pañjaŋ ilaŋ, sambĕl windu sakiŋ miri, linĕmĕŋ bumbuŋ pĕtiŋ, gula siwalan nèŋ ṅĕmpluk, wédaŋ sĕkar sridĕnta, ki ḍatuk wacana manis, wawi bagus pun kaki atur sugata.

9. sapala amuŋ kinarya, lumayan aywa kalantiḥ, pikantuk dèn nira ḍahar, linorotkĕn maraŋ abdi, rahadyan matur aris, iŋ wahu kula andulu, siti ṛĕsik arata, gumrĕbĕg umĕdal agni, urubipun iṅkaŋ acĕlak bantala.

10. warṇi ijĕm biru jĕnar, kadya sĕkaran tinĕpi, iṅgiliŋ urub saasta, wiyarira sawatawis, cakĕt lawan marapi, wontĕn séla alus bagus, kadya umpakiŋ wisma, ki ḍatuk ṅandika manis, iŋ marapi kaŋ murub maṅalat alat.

11. wawi bagus pinurugan, wus mĕdal saṅkiŋ iŋ maśjit, kĕrit ki ḍatuk lampaḥnya, prapta cĕlakiŋ marapi, ki ḍatuk malbèŋ gĕni, iṅusĕg suku wus lampus, pĕtĕŋ ḍĕḍĕt limĕṅan, tan daṅu gya murub maliḥ, ḍatuk bahni wacana laḥ gaṭuk gaṭak.

12. usĕgkĕn suku lir iṅwaŋ, lamun mĕṅko uwus mati, suḷĕtĕn saḍéṅaḥ ḍéṅaḥ, paṣṭi bañjur murub maniŋ, gaṭak gaṭuk turṇèki, dédé pabĕnan mbaḥ ḍatuk, latu kaṅgé mahinan, jabaknéya yèn kiyayi, biliḥ kula yĕkti kobar dadi waṅwa.

13. é, ta mara lakonana, gaṭuk jinorogkĕn aglis, mriŋ gaṭak ḍawaḥ kalumaḥ, cakékalan dèn nya taṅi, tan ana rahosnèki, wus iṅusĕg suku lampus, sinuḷĕt nulya gĕsaŋ, nahan toyanira sabin, gya ṅĕḷĕbi saḍĕṅkul ḷĕbĕtiŋ toya.

14. latu makṣiḥ kantar kantar, anèŋ saṅiṅgiliŋ wariḥ, rahadyan asru kagagas, kah‍élokaniŋ hyaŋ widdhi, kadiparan kiyayi, mila bukané rumuhun, ki ḍatuk bahni liŋnya, wikana ulun tan uniŋ, wahu umpak punika duk jaman dĕmak.

15. adĕgé mĕśjid iŋ dĕmak, para wali kaŋ ṅadani, jĕŋ susunan kalijaga, kabagéyan umpak siji, pambĕkta praptèŋ ṅriki, sampun wañci bagda subuḥ, iŋ maṅka datan kĕna, kĕbyaran adĕgiŋ maśjid, gya tinilar maṅkya dadya panĕṅĕran.

16. sintĕn woṅé kaŋ kuwawa, añjuñjuŋ sabari liṅgiḥ, kalakyan sasĕdyanira, suwawi yèn baḍé ñobi, rahadyan turirèki, amuŋ ṅalap bĕrkahipun, linuhuŋ waliyolaḥ, kah‍écan dèn nya niṅali, iŋ marapi dadya tan waṅsul mriŋ wisma.

17. rahadyan matur tatanya, kula miṛĕŋ caritaniŋ, iŋ nagari ṅèkṣiganda, tĕḷĕṅiŋ karaton jawi, yèn arṣa maṅun kardi, amikramakakĕn sunu, dĕgiŋ tarub iṅétaŋ, myaŋ wulanya kĕdaḥ miliḥ, iŋ kaṛĕsmèn pados dintĕn kaŋ prayoga.

18. iṅgiḥ bagus ḍasar ñata, sanadyan iŋ ḍusun ṅriki, sabĕn ayun darbé karya, sami tatanya mriŋ mami, wulan iṅkaŋ prayogi, kaṅgé aṇḍahupkĕn sunu, piridan saṅkiŋ arab, miwaḥ étaṅipun jawi, pan kinumpul supadi maṅgiḥ widada.

19. adĕgiŋ tarub punika, pipitu étaṅanèki, awité taṅgal sapisan, tarub ratu dèn wastani, taṅgal kapiṇḍo nĕṅgiḥ, séluman lanaŋ rannipun, piŋ tiga séluman dyaḥ, piŋ pat rahayu basuki, kapiŋ lima rahayu salamĕt tama.

20. kapiŋ nĕmmé pati lanaŋ, kapiŋ pitu pati èstri, piŋ wolu sami sapisan, tĕkèŋ sapiturutnèki, maṅkya iṅétaŋ sami, kapiŋ sapisan piŋ wolu, limalas rolikur lan, saṅalikuripun nĕṅgiḥ, pan iṅaran tarubé śri naranata.

21. piṇḍo saṅa piŋ nĕmbĕlas, tĕlulikur tridasèki, séluman lanaŋ iṅaran, piŋ tiga sadasa tuwin, séluman wadon puniku, kapiŋ pat piŋ sawĕlas, wolulas salawé nĕṅgiḥ, apan sami rahayu kawilujĕṅan.

22. kapiŋ lima kapiŋ rolas, saṅalas nĕmlikur sami, rahayu tur karaharjan, piŋ nĕm piŋ tĕlulas tuwin, dwidasa saptakuriŋ, ṅaran pati lanaŋ iku, piŋ pitu piŋ patbĕlas, slikur wolulikur sami, iṅaranan pati wadon tan prayoga.

23. samonoku ñiṅkirana, saṅar naas guŋ myaŋ tali, waṅké sampar waṅké miwaḥ, ḍĕṇḍan kukudan lan mawi, saṅat adĕgirèki, iṅkaŋ saka awitipun, sarat ṅaṅgéya saka, ḍaḍap srĕp tĕka satuṅgil, kaŋ prayoga prayoginé dèn aṅgéya.

24. satuṅgal tarubiŋ nata, agĕmé jĕŋ śri bhupati, kalihé séluman lanaŋ, tri séluman wadon nĕṅgiḥ, sami datan prayogi, kapiŋ sakawan rahayu, kapiŋ gaṅsal raharja, punika sami prayogi, kapiŋ nĕnĕm pati jaḷĕr tan prayoga.

25. kapiŋ sapta patiniŋ dyaḥ, ugi tan sah‍é pinaṅgiḥ, pétaŋ sapta yèn śri nata, kaŋ kagĕm pétaŋ satuṅgil, sanèsé narapati, pétaŋ sakawan puniku, kalawan étaŋ gaṅsal, punika salaḥ satuṅgil, kaŋ kinarṣan déné wulané kawinan.

26. wontĕn sabdaniŋ utusan, aḍawuḥ iŋ para mukmin, dèn paḍa aṅawruhana, iŋ woŋ salaki rabi, amaṅgiḥ papa nĕṅgiḥ, lamun awon wulanipun, raharja maṅgiḥ suka, lamun sasinipun bĕcik, prayoginé dèn sami ñumĕṛĕpana.

27. lamun mukaram dohĕna, tyaŋ akawin laki rabi, utaṅan ṅalamatira, wulan sapar tan prayogi, wikana kaŋ pinaṅgiḥ, rabiṅulawal kaŋ tèṅsu, pĕjaḥ salaḥ satuṅgal, yèn wulan rabiṅulakir, maṅguŋ runtik tansaḥ aṛĕbat suwala.

28. iŋ wulan jumadilawal, antuk druhakèŋ hyaŋ widdhi, tur akĕṛĕp kapanduṅan, jinahan pakartinèki, yèn kawĕntara yĕkti, anaṇḍaŋ wiwiraŋ guŋ, jumadilakir wulan, sugiḥ ĕmas lawan picis, wulan ṛĕjĕb kadadèn anak lan duña.

29. iŋ wulan sakban raharja, sakgawéné nĕmu bĕcik, wulan ramĕlan duraka, kaṭaḥ pandamĕliŋ éblis, wulan sawal tan bĕcik, gĕriṅan pakantukipun, iŋ wulan dulkaṅidaḥ, asriŋ susaḥ ṅliliwati, wulan bĕsar raharja sasolahira.

30. iki kaṛĕsmèn winarṇa, kaŋ paṅandika jĕŋ nabi, salalaḥ ṅalèhi salam, rikala amituturi, ḍatĕŋ kaŋ putra èstri, siti patimaḥ kaŋ luhuŋ, lawan ḍaḍawuḥ maraŋ, putra mantu sayit ṅali, raliyalahu ṅanhu babiŋ masalaḥ.

31. iŋ woŋ kaṛĕsmèn lan garwa, èḥ ṅali pituturmami, aja sira asaṅgama, taṅgal pisan lawan maliḥ, iŋ wĕkasaniŋ sasi, nora bĕcik karonipun, iku kalamun dadya, anaké mĕtoni cilik, lawan aja asaṅgama tanpa damar.

32. lamun dadi sutanira, balilu kuraŋ kaŋ budi, lawan aja asaṅgama, dina akat lan wĕṅiniŋ, iku kalamun dadi, pan durjana larénipun, lawan aja saṅgama, iŋ dina ṛĕbo tan bĕcik, lan wĕṅiné yèn dadi bocaḥ cilaka.

33. lawan aja asaṅgama, wĕktu pajar nora bĕcik, lamun dadi larénira, tuna liwat larénèki, lan aja karon ṛĕsmi, nalika taṅaṅé iku, kalamun dadi bocaḥ, dadi juru tĕluḥ ugi, lawan aja saṅgama maḷĕm riyaya.

34. wit ri lamun dadi bocaḥ, duraka mriŋ bapa bibi, lawan aja asaṅgama, maḷĕmé riyaya iki, bĕsar kalamun dadi, bocaḥ siwil adatipun, lan aja asaṅgama, iṅkaŋ katloroŋ hyaŋ rawi, lamun dadi bocaḥ adoḥ bĕgjanira.

35. lan maliḥ aja saṅgama, sambi ṅadĕg datan bĕcik, maṅka lamun dadi anak, duwé lara bèsèr béñjiŋ, lan aja karon ṛĕsmi, nalikané dina saptu, miwaḥ iŋ wĕṅènira, iku lamun dadi bayi, bilahiné adaté kaḷĕbèŋ toya.

36. lan aja saṅgama sira, sambi ṅusapi paṛĕji, miwaḥ dakar iku aja, ṅusapan lawan jajarik, maṅka kalamun dadi, bocaḥ kuraŋ budinipun, lan aja asaṅgama, sambi rarasan tan bĕcik, mapan bisa adaté yèn dadi bocaḥ.

37. lawan aja asaṅgama, kalawan niṅali parji, lamun dadi larénira, wuta adaté puniku, lawan aja kaṛĕsmin, nèŋ ṅisor wit witan iku, kaŋ pinaṅan wohira, ya iku kalamun dadi, larénira paṅgawéyané niaya.

38. lawan aja asaṅgama, maḷĕm barahat tan bĕcik, lamun dadi larénira, anaṇḍaŋ lara tan mari, iya kalawan maliḥ, aja sira karon lulut, ana iŋ paṅinĕpan, puniku kalamun dadi, larénira abaṅĕt cilakanira.

39. lan aja saṅgama sira, anuju kèlliŋ pawèstri, lamun dadi larénira, buḍug adaté kaŋ sakit, poma ṅali dèn éliŋ, imanĕna tuduhiṅsun, èḥ ṅali saṅgamaa, maḷĕm sĕnèn iku bĕcik, myaŋ rinané apan iya bĕcik uga.

40. lamun dadi larénira, watĕké saṛĕgĕp ṅaji, lawan sira saṅgamaa, iŋ maḷĕm sĕlasa bĕcik, lawan rahina bĕcik, lamun dadi bocaḥ iku, akèḥ woŋ iṅkaŋ trĕṣṇa, lawan saṅgamaa ṅali, maḷĕm kĕmis miwaḥ arahinanira.

41. lamun dadi sutanira, pan akèḥ bĕgjanirèki, lawan sira saṅgamaa, iŋ maḷĕm jumuṅaḥ bĕcik, nadyan rahina bĕcik, lamun dadi sutanipun, apan sugiḥ kabisan, lan saṅgamaa sirèki, saduruṅé liṅsiré dina jumuṅaḥ.

42. utawa iŋ kĕmis dina, karoné iku ta bĕcik, yèn dadi atmajanira, dadi paṅulu lan maliḥ, sinunatakĕn ugi, iŋ woŋ asaṅgama iku, yèn amaca bismilaḥ, hirakhman ya nirakimin, lan amaca taṅawut pan sunat uga.

43. yèn tan amaca bismilaḥ, nalika aṛĕp sahwati, lamun dadi sutanira, balilu tuna kaŋ budi, mila yèn arṣahwati, dĕṛĕṅé ṅgéné taṅawut, mĕnèk ana pañjanmaniŋ, satru kaŋ dèn kawruhi, dipunsami ṅèstokkĕn kadis asmara. 

31 asmaradana

1. lan wontĕn kahol mèṅĕti, lamun arṣa sacumbana, lan garwa miwaḥ sĕliré, añiṅkirana iŋ dina, saptu ḷĕgi ya aja, akaṛĕsmèn dina iku, awon adaté yèn dadya.

2. laréné agaḍaḥ sakit, édan kaŋ wus kalampahan, ana déné pañiriké, namuŋ sadalu sasiyaŋ, lan maniṅé ya aja, acumbana wĕṅènipun, iṅkaŋ gaṛĕbĕg titiga.

3. punika pan botĕn bĕcik, lamun dadi larénira, sok gaḍaḥ ayan sakité, lan maliḥ lamun cumbana, lan wanodya kèl aja, lamun dados putranipun, sok ṅgaḍahi sakit baraḥ.

4. poma dèn sirika ugi, yèn woŋ wadon lagi tarab, aja sok gramaḥ guramèḥ, yèn duruŋ adus kèl aja, dèn ajaka cumbana, lamun saṅĕt karṣanipun, pan aṅur golèka liya.

5. déné ta iŋ tumpak manis, lan bĕṅi gaṛĕbĕg tiga, siṅgahana aywa supé, kalamun saṅĕtiŋ karṣa, tĕka dèn bĕtahĕna, kadar pira muŋ sadalu, yèn wis bakda cumbanaa.

6. kadi ta iŋ tumpak manis, sadalu lawan sasiyaŋ, bĕtahĕna aywa supé, kadar pira muŋ sadina, sawĕṅi ṅaraḥ apa, ujubĕna tapa iku, acacĕgaḥ lan wanodya.

7. poma dèn èṅĕt hya lali, hywa na iṅkaŋ sĕmbrana, iŋ woŋ tuwa wawaḷĕré, lan wajib iṅèstokĕna, maṅsa siliḥ doraa, lan wontĕn utamanipun, lamun arṣa acumbana.

8. mapan ta kĕdaḥ amiliḥ, nujuwa dina jumuṅaḥ, kaŋ tan saṅar taliwaṅké, miwaḥ naas siṅgahana, krĕsmèna bakda luka, yèn wus krĕsmèn bañjur adus, lajĕŋ mĕtoni jumuṅaḥ.

9. punika kalamun dadi, tuturé woŋ tuwa tuwa, kaṭaḥ kaŋ dadi masalèḥ, miwaḥ ta dadi ṅulama, tanapi kèḥ kabĕgjan, titi tamat sĕrat pémut, prayoga dèn èstokkĕna.

10. gaṭak gaṭuk aṅgaligik, ṅacĕmut ririḥ rarasan, gaṭuk ki ḍatuk aturé, mriŋ bĕndara bab ṅononan, gèk basa bañjur ora, gaṭuk ririḥ sahuripun, aḥ woŋ tuwa iku lumraḥ.

11. cobak dak matur kiyayi, kajaba kaŋ wus kawĕḍar, apa iya ana manèḥ, sirikan anon anonan, gaṭak majĕŋ manĕmbaḥ, rèrèḥ ririḥ dèn nya matur, ḍuḥ jĕŋ kyayi apuranta.

12. kamipuruné pun patik, añuwun iŋ saṛĕṛĕpan, kajawi kaŋ wus kawiyos, sirikanipun saṅgama, ki ḍatuk mèsĕm nabda, kacuŋ sirèku amĕñcul, ana maniŋ linaraṅan.

13. woŋ tuwa kaŋ duwé péliŋ, pan kinon añiṅgahana, sacumbana lawan loṇṭé, miwaḥ lan talèḍèk aja, dèn ajak sacumbana, apan awon tilasipun, akaṭaḥ kaŋ sakit bĕṅaŋ.

14. lan kapiŋ kaliyé maliḥ, asriŋ sakit rajasiṅa, tiŋ cramumuḥ tiŋ pañèñèḥ, yèn muñjuk ḍatĕŋ iŋ grana, sok pisĕg adatira, yèn mriŋ nétra dèn nya muñjuk, akaṭaḥ kaŋ sakit wuta.

15. ana maliḥ dèn siṅgahi, sacumbana lan wanodya, iṅkaŋ awon pratiṅkahé, sanadyan siliḥ ayuwa, tan pantĕs kinĕdanan, yèn wus lara kèḥ kaŋ nutuḥ, nora nana woŋ ṅaḷĕma.

16. nadyan awona saṭiṭik, kalamun antuk parawan, muṇḍak ṅĕñcĕṅaké otot, pah‍é lan raṇḍa wulañjar, tan muṇḍakaké kuwat, namuŋ mirit sampun gambuḥ, nora susaḥ ajar ajar.

17. éwa maṅkono tan kĕni, sasĕnĕṅaniŋ manuṅsa, pan sĕptané ḍéwé ḍéwé, ana kaŋ sĕpta mriŋ raṇḍa, sawĕnèḥ sĕpta wlañjar, sawĕnèḥ ana woŋ iku, aṛĕmĕn rabi plañahan.

18. ciptané sajroniŋ ati, rina wĕṅi digarapa, prandéné yèn ṅadĕg pulèḥ, ñambuta gawé sadina, sak jampĕl maṅsantuka, nalèḍèk bah‍é sabĕḍug, olèḥ kaya tĕlu tĕṅaḥ.

19. miwaḥ lamun sañja bĕṅi, tan susaḥ ṅaṅgo pawitan, muŋ kĕmbaŋ pupur lan borèḥ, tapiḥ kĕmbĕn sok gantraa, prandéné kèḥ kaŋ tumbas, pan ora ṅanti sabĕḍug, olèḥ opaḥ limaŋ uwaŋ.

20. mulané ana ṅlakoni, ambuwaŋ isin lan wiraŋ, arabi tlèḍèk myaŋ loṇṭé, pan ora kĕna dèn wora, kaṛĕpaniŋ manuṅsa, apan ta sampun asnapun, warṇa warṇa béda béda.

21. warṇa warṇa rupanèki, béda béda kaṛĕpira, nora kĕna dèn woraké, séjé badan séjé ñawa, yèn kĕna dèn wor wora, kaŋ tuṅgal badan ñawèku, prandéné tan rujuk karṣa.

22. kaya mata lawan pĕli, miwaḥ wĕtĕŋ lawan badan, duwé kaṛĕp ḍéwé ḍéwé, matané arṣa anéndra, wĕtĕṅé aṛĕp maṅan, badané baṅĕt aḷĕsu, pĕliné aṅajak sahwat.

23. lawan ana péliŋ maniŋ, yèn maṛĕṅi acumbana, mriŋ garwa miwaḥ sĕliré, aja ṅakèhkĕn gĕṇḍiṅan, tan bĕcik lamun dadya, aṅgaliḍig larénipun, adaté kaŋ wus kalakyan.

24. lan kapiŋ piṇḍoné maniŋ, kalamun jroniŋ cumbana, aja sinambi calaṭon, guguyon kaŋ tan prayoga, tan bĕcik lamun dadya, laréné juwèḥ puniku, wartané woŋ tuwa wuta.

25. mulané lamun kaṛĕsmin, aja ṅakèhkĕn guguywan, balik dèn ṛĕsik badané, miwaḥ ta iṅkaŋ saṇḍaṅan, wawaṅi aṅaṅgowa, lamun dadi larénipun, ṛĕsikan pĕnĕt kaŋ warṇa.

26. lan manèḥ jroniŋ sahwati, kalamun kapĕntut ala, yèn dadi ñĕṅit anaké, mulané kalamun sahwat, yèn ṅĕntut dèn pocota, lamun ĕntut uwis mĕtu, éṅgal nuli balèkĕna.

27. mula aja akaṛĕsmin, yèn duruŋ ṛĕsik kaŋ badan, taṅi turu bañjur ñĕmplo, nora ṅanti mriŋ pakiwan, yèn dadi tan prayoga, laréné warṇiné kĕṭuḥ, carobo ala kaŋ warṇa.

28. lawan ana péliŋ maniŋ, kalamun mĕntas amaṅan, aja sok bañjur kaṛĕsmèn, yèn duruŋ mĕḍun kaŋ sĕga, ala maraŋ sarira, anduwèni lara watuk, punika kaŋ wus kalakyan.

29. déné ta gampaṅanèki, kalamun mĕntas mamaṅan, makṣiḥ karasa waṛĕgé, aja wani wani sahwat, yèn wĕtĕŋ duruŋ ḷĕga, kalamun drĕŋ kaṛĕpipun, tĕka bĕtaḥna saḍéla.

30. gaṭak gaṭuk duk miyarṣi, gumuyu alataḥ lataḥ, kapiṅkĕl atos wĕtĕṅé, rahadyan mèsĕm kéwala, ḍatuk bahni liṅira, kacuŋ niku pañcèn saru, apan ṅgunĕm caḷĕmĕtdan.

31. rahadyan ṅandika aris, punika laṅkuŋ prayoga, wantaḥ datan mawi tèḍèŋ, dados gampil linampahan, suwawi linajĕŋna, rèhniŋ iŋ ṅagĕsaŋ tamtu, ki ḍatuk ṇḍĕku turira.

32. utami biliḥ ñiṅkiri, naas nabi wulan sura, taṅgal kapiŋ triwĕlasé, punika nalikanira, nabi brahim binakar, kapiŋ tiga wulan mulud, tinurunkĕn nabi adam.

33. nĕmbĕlas rabiṅulakir, nabi yusup nalikanya, linĕbĕtakĕn sumuré, jumadilawal piŋ gaṅsal, nabi nuḥ nalikanya, kinĕlm iŋ jagadipun, piŋ salikur wulan siyam.

12. dumugi iŋ ḍusun séla kapaṅgiḥ kyayi pariwara iṅkaŋ pariŋ katraṅan :

bab 1. papalinipun kiagĕŋ séla,

bab 2. doṅèṅipun kiagĕŋ séla ñĕpĕŋ blĕḍèg,

bab 3. panĕnuniŋ lurik lss. lampahipun dumugi iŋ gubug kapaṅgiḥ ḍatuk bahni iṅkaŋ nĕraṅakĕn.

bab 1. pétaŋ dintĕn pasaŋ tarub,

bab 2. pilihan dintĕn paṅantèn saṛĕsmi,

bab 3. dintĕn sirikan kaṅgé saṛĕsmi,

bab 4. pémut bab saṅgama,

5. pétaŋ naas nabi.

34. kalamolaḥ musa nabi, kala kaḷĕbèŋ samodra, sĕla kapiŋ patlikuré, nabi yunus nalikanya, iṅuntal ulam lodan, bĕsar piŋ salawé nuju, jĕŋ nabi kakasihiŋ hyaŋ.

35. muhkamad iṅkaŋ sinĕlir, kinrutug séla woŋ kopar, ṛĕntaḥ kakaliḥ wajané, déné kaŋ kikrik iŋ pétaŋ, sabĕn wulan kéwala, asal taṅgalnya panuju, kapiŋ tiga kapiŋ gaṅsal.

36. triwĕlas nĕmbĕlas tuwin, salikur patlikur lawan, taṅgalipun piŋ salawé, sami cinĕgaḥ sadaya, kalawan saṅar wulan, satahun pinara catur, pasa sawal dulkahidaḥ.

37. jumuṅaḥ saṅaranèki, bĕsar sura lawan sapar, saptu akad saṅarané, mulud rabiṅulakir myaŋ, wulan jumadilawal, sĕnèn slasa saṅaripun, madilakir ṛĕjĕp ruwaḥ.

38. saṅaripun ṛĕbo kĕmis, rahadyan aris ṅandika, kaṭaḥ tĕmĕn pétaṅané, yèn makatĕn kĕdaḥ tamban, datan kéṅiŋ dinadak, o bagus ṅgiḥ ĕṅgihipun, kèndĕl dèn nira rahosan.

39. nduṅkap wañci pajar gidib, samya ṅambil toya kadas, nulya prĕlu wĕktu suboḥ, paragat dèn nira wĕkdal, rahadyan ṅaraspada, ḍuḥ ki ḍatuk bahni tuhu, asuŋ kakaṇṭiniŋ gĕsaŋ.

32 kinaṇṭi

1. kalaṅkuŋ guṅiŋ panuwun, paduka suŋ tĕdaḥ jati, pĕnĕt awoniŋ pakaryan, wĕnaŋ mokaliŋ saṅgami, kaŋ sayogya linampahan, patut linaluri luri.

2. iŋ maṅkya kawula ñuwun, lilahipun saŋ linuwiḥ, pamit ndumugèkkĕn lampaḥ, kyayi kantuna basuki, muhuŋ paṅèstu paduka, rahayuné lampaḥ mami.

3. ḍatuk bahni ṅandika rum, ḍuḥ mas putu woŋ asigit, sampun kiraŋ paṅakṣama, ulun suŋ puja basuki, iŋ lampaḥ ywa kasaṅsaya, miwaḥ iṅkaŋ dèn padosi.

13. lampahipun lajĕŋ maṅalèr dumugi ṛĕdi prawata, niṅali tilas kaḍaton prawata. lajĕŋ ḍatĕŋ dĕmak, tĕrus ḍatĕŋ ṛĕdi murya, jiaraḥ iŋ pasaréyanipun sunan muryapada. kapaṅgiḥ buyut sidasĕdya iṅkaṅ aṅgĕlarakĕn :

bab 1. pétaṅan tiyaŋ kĕkésahan,

bab 2. lampahiŋ para nabi,

bab 3. saṅat maṅkatiŋ kĕkésahan,

bab 4. saṅat nabi,

bab 5. palintaṅan,

bab 6. saṅat lahiriŋ jabaṅbayi lan pĕcatiŋ ñawa,

bab 7. ukuraniŋ pémahan,

bab 8. ukuran saka lan usukiŋ griya,

bab 9. ukuraniŋ pagĕr,

bab 10. ḷĕtiŋ paṇḍapi kalihan griya,

bab 11. pétaṅan damĕl gĕḍogan,

bab 11. nututakĕn kéwan.

4. sami maṅgiha rahayu, ramanta kaŋ nèŋ mantawis, antuka nugrahèŋ nata, waṅsul mbawani iŋ giri, sinuhun iŋ kulawarga, tĕtĕp kadi ṅuni ṅuni.

5. radyan ṇḍĕku matur nuwun, ri wusira maṅañjali, atur salam mriŋ saŋ tapa, gaṭuk gaṭak aṅabĕkti, sawusiŋ sinuṅan salam, katri mundur saṅkiŋ ṅarṣi.

6. kyayi ḍatuk iṅkaŋ kantun, kumĕmbĕŋ waspanya mijil, kaya kaya nututana, labĕt sru trĕṣṇaniŋ galiḥ, tan cinatur kaŋ kabyantan, asruniŋ siḥ mriŋ tatami.

7. radyan lampahira laju, ṅalèr ṅétan sawatawis, hyaŋ surya wus nuṅgaŋ arga, muṅup arṣa amaḍaṅi, iŋ sahisiniŋ kanaŋ rat, mawèḥ éṅgariŋ paṅgaliḥ.

8. iŋ pagagan wus kapuṅkur, tumamèŋ iŋ wana wĕrit, kèḥ rawa kaŋ kaliwatan, ṅañcik sukuné kaŋ wukir, talataḥ krajan uṇḍakan, ḍukuḥ prawata kah‍èkṣi.

9. radèn ṅandika mriŋ gaṭuk, payo paḍa dèn parani, padésan kaŋ katon ika, lajĕŋ lampahira katri, praptèŋ sajawiniŋ ḍaḍaḥ, kèndĕl satĕpiniŋ bèji.

10. kayoman iŋ nagasantun, pinagĕran iŋ wratsari, winĕṅku iŋ séla krĕṣṇa, radyan ṅambil toyastuti, wĕktu ṅasar wus paragat, saluku sĕpiniŋ bèji.

11. gaṭak gaṭuk maṇṭuk maṇṭuk, mĕtĕki sampéyan kaliḥ, ṛĕṅĕŋ ṛĕṅĕŋ sisiṅiran, tan ana tinahèŋ galiḥ, tĕntrĕm rahosiŋ sarira, wahuta iṅkaŋ winarṇi.

12. luraḥ iŋ prawata ḍusun, kakasiḥ ki darmajati, darmawati ñahinira, atmaja èstri satuṅgil, paparap wara suréndra, iŋ warṇa tuhu linuwiḥ.

13. wiṅit iŋ pasĕmonipun, kuniŋ wĕnĕs amrakati, antĕŋ ruruḥ tur jatmika, lantip iŋ wéwéka titi, susila tyasé ṅumala, ujwala maṇṭĕr nĕlahi.

14. ṅrĕrompyoḥ sisinomipun, ṛĕma ṅéndrawila wilis, jaṅga lumuŋ asĕmbada, wĕlar pranajanirèki, maya maya sinatmata, lir péndaḥ cĕṅkir piṅinit.

15. awijaŋ babahunipun, asta aṅgaṇḍéwa gaḍiŋ, wiraga nanaṅi braṅta, yèn lumampaḥ ṅati yati, ririḥ alon mĕmbat madya, lambuŋ mĕmĕs kadyaṅganiŋ.

16. tuñjuŋ lumémbaŋ iŋ ranu, kasilir iŋ aṅin aṅin, wasis saliriŋ pakaryan, kaŋ winajibkĕn pawèstri, saŋ dyaḥ tumutur iŋ rama, mriŋ tĕgal arṣa ṅuṇḍuhi.

17. lombok téroŋ paré timun, kacaŋ cémé myaŋ kacipir, lumampaḥ anèŋ iŋ ṅarṣa, kasorot iŋ saŋ hyaŋ rawi, maṅu maṅu saŋ hyaŋ surya, dèn yarṣa tumamèŋ wukir.

18. kasĕṅsĕm miyat saŋ ayu, dumadya maṇḍĕg tumoliḥ, saŋ dyaḥ rara kampir sĕṇḍaŋ, tĕkèŋ satĕpiniŋ wariḥ, caṅkélak waṅsul trataban, ĕnar ĕnar sĕnig sĕnig.

19. kapaṅgiḥ iŋ ramanipun, sarya awacana manis, rama aku tur uniṅa, iŋ kono tĕpiniŋ bèji, ana woŋ añar kawuryan, liṅgiḥ sloñjor dipĕtĕki.

20. banèké kaŋ mĕtĕk ṅiduŋ, kinaṇṭi siji ñĕṅgaki, ki darmajati tatanya, ḍénok jalu apa èstri, ĕmbuḥ rama ora tamat, ki luraḥ ṅguguk liŋnya ris.

21. hèḥ bokné nok dèn agupuḥ, maraṅa tĕgal pribadi, kalawan atmajanira, sawusé sira ṅuṇḍuhi, apa sahisiniŋ tĕgal, bañjur olahĕn kaŋ bĕcik.

22. mĕnok aṅuṇḍuha jambu, dĕrṣana kalawan maṅgis, kĕpĕl kokosan rambutan, ḍuwĕt puliḥ aja kari, lan dalima iṅkaŋ tuwa, jĕruk kĕprok salak mĕḍi.

23. pĕḷĕm santok sĕṅir madu, pilihana kaŋ matĕŋ wit, olaha jaṅan bĕniṅan, sambĕl jaguŋ jaṅan mĕnir, pĕcĕl ayam kaŋ kumaṅgaŋ, lalaban cambaḥ kĕmaṅi.

24. bĕtutu ayam ywa kantun, lan goréṅan ayam èstri, gèsèk kutug gĕgĕpukan, sambĕl brambaŋ lalab slèdri, kĕkĕcutan suṇṭi bawaŋ, lawan katimun sumĕrit.

25. wédaŋ kahwa gula tĕbu, sariṅĕn tĕpas kaŋ ṛĕsik, ñañamikan puṭu tĕgal, carabikaŋ mĕndut koci, sĕmar mĕndĕm buntĕl dadar, kinopyok iŋ santĕn kanil.

26. sambĕl gorèŋ kriŋ ywa kantun, uraŋ campuṛĕn lan ati, rambak kulité kaŋ ayam, pĕtis kaŋ wus kok bumboni, sĕga ḷĕmĕs sĕga akas, liwĕt pitik jago biri.

27. wédaŋ ronniŋ blimbiŋ wuluḥ, siŋ añĕp ṛĕṇḍĕmĕn wariḥ, ṛĕṛĕmikaniŋ ḍaharan, cripiŋ kaspé cripiŋ liñjik, pisaŋ gorèŋ ṅaṅgo gula, cripiŋ téla karag guriḥ.

28. wis maṅsa boḍo sirèku, pikiṛĕn lan bokmu ñahi, aywa na iṅkaŋ kuciwa, ki darma lajĕŋ mriŋ bèji, wahu rahadyan kaŋ lagya, pinĕtĕkan abdi kaliḥ.

29. ṅandika mriŋ gaṭak gaṭuk, sira mahu muni tobil, bañjur mloṅo kĕḍèp tĕsmak, gaṭuk matur wontĕn janmi, wanodya warṇa yu éndaḥ, arṣa tumamèŋ iŋ bèji.

30. tan daṅu cĕṅkélak waṅsul, kilap wahu purugnèki, amuŋ tilasé lumampaḥ, ṅgaṇṭĕŋ kadya lintaŋ ṅaliḥ, kintĕn kula waraṅgana, apĕsipun putraniŋ jim.

31. kèndĕl dèn nira umatur, praptané ki darmajati, ñakĕti ḷĕṅgaḥnya radyan, saha aturira aris, ḍuḥ risaŋ nĕmbé kawuryan, kula aṅgèr nilakrami.

32. pundi pinaṅka saŋ bagus, sintĕn sinambatiŋ waṅi, rahadyan arum ṅandika, kula aran jayèṅrĕsmi, santri nagri surapriṅga, sakiŋ umiyat marapi.

33. paman punapi piliṅguḥ, lan sintĕn iṅkaŋ wawaṅi, darmajati nama kula, lurahiŋ prawata ṅriki, biliḥ kapaṛĕṅiŋ karṣa, kawula aturi kampir.

34. ḍumatĕŋ iŋ suḍuŋ ulun, paman kalaṅkuŋ prayogi, mĕṅgaḥ ḍépokipun paman, gapura iṅkaŋ kah‍èkṣi, o radèn dédé punika, tilas karaton jĕŋ gusti.

35. sultan iŋ dĕmak karuhun, paman ulun ayun uniŋ, patilasaniŋ ṅawirya, wawi kula kaŋ umiriŋ, liṅgar sakiŋ iŋ patirtan, ki darma lumakyèŋ ṅarṣi.

36. miṅgaḥ praptèŋ alun alun, lir ara ara waradin, kantun wriṅin kaliḥ jajar, nulya miṅgaḥ mriŋ sitiṅgil, maṅidul anon gapura, aṅoṅkaŋ tĕpiniŋ wukir.

37. muṅgul séla gampiŋ bagus, iṅukir pinatrap ṛĕmit, margi miṅgaḥ ḍak uṇḍakan, séla gampiŋ kaŋ kinardi, praptèŋ ḷĕbĕtiŋ gapura, ki darma aturṇya mijil.

33 mijil

1. laḥ punika wujudiŋ kaŋ puri, iŋ dĕmak saŋ katoŋ, dados kaliḥ jĕŋ sultan kiṭané, biliḥ ṛĕṇḍĕŋ liṅgar ḍatĕŋ ṅriki, wit dĕmak nagari, kaḷĕban wé jawuḥ.

2. yèn katiga waṅsul mriŋ nagari, nuntĕn kaŋ ṅaḍaton, susuhunan prawata naminé, akatĕlaḥ tumĕkèŋ samaṅkin, karané kaŋ ardi, prawata puniku.

3. aścaryambĕg rahadèn niṅali, iṅkaŋ tĕmbiŋ ĕlor, rawa wiyar ṅaṇḍapiŋ paṛĕdèn, lir samodra sinaba iŋ pĕkṣi, pĕl opĕl lan mliwis, blĕkok caṅak kuntul.

4. baṅoṭoṇṭoŋ pĕcuk cabak trinil, raŋ uraṅan abyor, andon maṅsan mina myaŋ uraṅé, pañjraḥ kadi sĕkar tinon asri, wus slĕsiḥ niṅali, rahadyan tumurun.

5. amaṅilèn mriŋ piṅgiriŋ rawi, anon sumbĕr ayom, binalumbaŋ binatur piṅgiré, séla pĕṭak kukubuk pasagi, sajroniŋ botrawi, iṅkaŋ pojok catur.

6. pinasaṅan séla gilaŋ laṅkiŋ, winaṅun ambanon, botĕn kaclop wé tĕbaḥ kahoté, jroniŋ blumbaŋ bulus agĕŋ alit, samya bĕlaŋ putiḥ, ṅambaŋ tata turut.

7. iṣṭanira nambramèŋ kaŋ prapti, gaṭak gaṭuk gawok, kaṭik bulus samono akèhé, gĕḍé cilik paḍa bĕlaŋ putiḥ, iku kaŋ ṅlurahi, ĕṇḍasé sak gĕnuk.

8. darmajati aturira aris, punika saŋ anom, wasta gruḍa tilas siramané, sultan adi iŋ dĕmak nagari, séla gilaŋ laṅkiŋ, paḷĕṅgahanipun.

9. miwaḥ sabĕn wĕdal anèŋ ṅriki, nadyan salat lohor, datan bĕntèr kayoman ĕronné, gayam ñampluŋ karèbèt wariṅin, sabĕn ṅgarakasiḥ, jumṅaḥ maḷĕmipun.

10. kaṭaḥ iṅkaŋ tirakat mariki, dupa sĕkar koñoḥ, nèŋ ṅaṇḍapé kakajĕṅan ṅgènné, maṅga radyan marikṣa iŋ bèji, wastanipun jibiŋ, pasiramanipun.

11. para arum kaŋ samya umiriŋ, iŋ jĕŋ saŋ akatoŋ, wus dumugi iŋ jibiŋ tĕpiné, gasik ṛĕsik ayom silir silir, ri wusnya udani, darmajati matur.

12. sampun tapis iṅkaŋ dèn tiṅali, sumaṅga saŋ anom, aso ḍatĕŋ pun paman wismané, anĕntrĕmkĕn rapuhiŋ kaŋ ḍiri, radyan mituruti, kérit lampahipun.

13. iŋ paṇḍapi sampun dèṅĕlari, pandamira abyor, ṅaṇḍap talaŋ ḷĕṅgahé rahadèn, gaṭak gaṭuk nèŋ èmpèr paṇḍapi, ki darma mriŋ panti, sañjaŋ rabinipun.

14. sira ḍéwé ṅladénana ñahi, lan anakmu ḍénok, gantèn ĕsĕs wédaŋ ḍaharané, mĕṅko bagda ṅisa wissa ṅrakit, ḍahar kaŋ prayogi, ḍayoḥmu linuhuŋ.

15. darmawati sandika turṇèki, sadaya wus mrantos, darmajati mijil ṅarṣa radèn, datan daṅu sugata lumadi, ñahi anèŋ ṅarṣi, rara mĕnok puṅkur.

16. gupuḥ matur sarwi ṅacarani, punika iṅkaŋ bok, ñahi amba darmawati ranné, iṅkaŋ wiṅkiŋ anak amba èstri, pĕmbajĕŋ ṅgiḥ ragil, tan na kadaṅipun.

17. pun suréndra naminipun yĕkti, naṅiŋ karan mĕnok, kiḍuŋ wagu tur awon warṇiné, labĕt koguŋ waḥ tĕbiḥ nagari, boḍoné ṅlaṅkuṅi, amuŋ loṭuŋ loṭuŋ.

18. ñahi sira ṅaturṇa pambagi, maraŋ iŋ saŋ anom, iṅkaŋ ĕmbok atur basukiné, rawuhipun aṅgèr wontĕn ṅriki, paṅèstunta bibi, pan iṅgiḥ rahayu.

19. ñahi darma anoliḥ mriŋ wuri, babo sira mĕnok, ṅabĕktia iŋ suku naḥ aṅgèr, añuwuna paṅèstu glis laki, ntuk joḍo pĕrmati, slamĕt pañjaŋ umur.

20. rara mĕnok tan wawaŋ ṅabĕkti, iŋ pada saŋ anom, tatag tĕtĕg tan sĕḍĕŋ driyané, ṅandikèŋ tyas radèn jayèṅrĕsmi, èdi bocaḥ iki, ayu trus rahayu.

21. nora nana cacadé samĕnir, pantĕs ambĕg taṅgon, kĕmbar warṇa amuŋ polatané, ruruḥ iki lan si rañcaṅkapti, wusiŋ aṅabĕgti, rara mĕnok mundur.

22. darmajati aturira aris, sumaṅga saŋ anom, kapaṛĕṅa ṅuñjuk sawontĕné, myaŋ ñañamik wĕdalaniŋ ardi, ṇḍĕku jayèṅrĕsmi, wédaŋ wus iṅuñjuk.

23. sarwi ḍahar caripiŋ kaspèhi, tĕlas tigaŋ kĕṭok, gaṭak gaṭuk tan béda suguhé, kacuŋ ṅriku nĕḍa dèn rahabi, bikut rarywa kaliḥ, ṅombé srupat sruput.

24. aṅaṭĕmil ñamikan pat piriŋ, gasik lir sinapon, mañjiŋ mahrib aliṅgar rahadèn, mariŋ laṅgar ki wisma umiriŋ, dumuginya maśjit, kyayi darma waṅsul.

25. tata ḍahar nèŋ baṅku sinamir, tinutup iŋ lawon, dilaḥ ṭoṇṭor brĕṅgala liliné, rara mĕnok iṅkaŋ ṅrakit ṅrakit, rampuṅiŋ paṅrakit, ṅgantèn cĕlak baṅku.

26. darmajati tatanya mriŋ siwi, uwis rampuŋ mĕnok, rama uwis muŋ kari liwĕté, lan ṅĕṅĕti iṅkaŋ gajiḥ gajiḥ, mĕṅko lamun uwis, ḷĕṅgaḥ ṅgonku ṅĕḍuk.

27. kawarṇaa kaŋ ana iŋ maśjid, gaṭuk adan gupoḥ, bakda sunat kinamatan agé, nulya parlu usali mahribi, bakda apupuji, tĕkèŋ ṅisa nipun.

28. bakda ṅisa radyan ṅandika ris, gaṭuk bocaḥ wadon, kaŋ dèn ujuṅakĕn mahu kah‍é, ayu ĕndi lan kaŋ maraŋ bèji, gaṭuk matur sami, tan gèsèḥ sarambut.

29. éram kula ḷĕganiŋ sudarmi, datan walaṅatos, lan bocahé tĕka tatag tĕtĕg, iya gaṭuk iŋ pañawaṅmami, kana kéné sami, ṅéna ṅéné suwuŋ.

30. radèn jayèṅrĕsmi ṅandika ris, iku nora liñok, wus maṅkono woŋ ṅahurip kiyé, kacihnaniŋ taṇḍané sawiji, ṅahurip puniki, tan na bédanipun.

31. kyayi darma mriŋ laṅgar ṅaturi, iŋ saŋ prawira nom, biliḥ sampun paragat prĕluné, bok paduka ṅgènnira sasaji, ḍaharṇya saŋ pĕkik, maṅkya sampun rampuŋ.

32. jĕŋ paduka ṅaturan mriŋ panti, radyan tindak alon, lajĕŋ ḷĕṅgaḥ cakĕt lan méjané, liwĕt aṅĕt lan ulam kaŋ ṅgajiḥ, wus lumadyèŋ ṅarṣi, sadaya kumĕbul.

33. nikèn darmawati matur aris, aṅgèr iṅkaŋ ĕmbok, tur sugata sakawontĕnané, radyan ṇḍĕku aṅandika aris, maṅga paman bibi, prayogané kĕmbul.

34. katri saṛĕŋ dèn nira abukti, bikut rara mĕnok, aṅimbĕti ṅladoṣkĕn jaṅanné, sambĕl ulam tan kĕṇḍat linariḥ, radèn jayèṅrĕsmi, kaŋ ḍinahar aguŋ.

35. sĕkul liwĕt sakluwak tan luwiḥ, gèsèk tlas sajĕmpol, lalap suṇṭi roŋ iris tan luwèḥ, wus dumugi dèn nira abukti, atob wanti wanti, ki darma aṅuṅun.

36. wus cinarik wowohan maṅarṣi, radyan mĕṇḍĕt gupoḥ, ḍuwĕt pĕṭak kakaliḥ cacahé, guŋ ginlintir ḍinahar sawiji, gaṭak gaṭuk bukti, aṅĕṇḍoni sabuk.

37. ḍaḍaharan sawusé dumugi, miṅsĕr ḷĕṅgaḥ ṅulon, kyayi darma matur mriŋ rahadèn, biliḥ paṛĕŋ aso ḍatĕŋ panti, rèhniŋ lir mas kéntir, rahadyan umatur.

34 maskumambaŋ

1. sampun paman sakéca wontĕn iŋ ṅriki, ṇḍĕku kyayi darma, ṅandika maraŋ iŋ siwi, gantén ĕsĕs ladèkĕna.

2. wédaŋ ḍaran laḥ olahan saananiŋ, rara mĕnok taṅgap, aṅladosi anèŋ ṅarṣi, sarbèt sinampirkĕn puṇḍak.

3. wus tinata ki darma aṅacarani, sumaṅga kaḍahar, pun mĕnok maṅunahnèki, sisinahon olaḥ olaḥ.

4. radèn mèsĕm paṅandikanira aris, klĕbĕt wajibiŋ dyaḥ, sagĕd laḥ olaḥ sakalir, tĕgĕn rigĕn minta minta.

5. wasis salir pakaryanipun pawèstri, raratus myaŋ wĕḍak, paṛĕm tapĕl pupur wilis, koñoḥ jajampi racikan.

6. ñumĕṛĕpi samuwaniŋ aṅgi aṅgi, pon ĕmpon babakan, ĕron iṅkaŋ mah‍édahi, ṅyĕktosi kaṅgéniŋ karya.

7. ṅantiḥ nênun ñulam ñoṅkèt andondomi, aṅraroñcé sĕkar, mbaṭik ñoga mbabar adi, mamantĕs isiniŋ wisma.

8. ṅati yati nastiti gĕmi iŋ wadi, tan kiraŋ tulaḍa, utaminipun pawèstri, nulad panĕṅĕn paṅiwa.

9. iṅkaŋ ḷĕbda dudugi lawan prayogi, watara ririṅa, siyaŋ dalu kaŋ kah‍èṣṭi, anut tuduhiŋ sudarma.

10. biliḥ sagĕd kadya iṅkaŋ ulun aṅliŋ, winiwitan maṅkya, sinahu wisma pribadi, piniṇḍa ṅladosi priya.

11. bokmanawi wilujĕŋ iŋ doña ṅakir, punika pahitan, tĕmbé aṅladosi laki, kantun pados kalaṅkuṅan.

12. maṇṭuk maṇṭuk ki darma kalawan ñahi, mĕnok rasakĕna, ṅandikané radèn iki, tañjĕbĕna iŋ wardaya.

13. iya rama antuka paṅèstu yĕkti, sabdaniŋ utama, ñawabana lahir batin, bisané tampa nugraha.

14. kawuwusa saratri tan ana guliŋ, éca ḷĕḷĕṅgahan, sasambèn ḍahar ñañamik, wus wañci pajar gidiban.

15. radyan matur mriŋ ki wisma darmajati, paman mbujĕŋ éñjaŋ, maṅkya kula ñuwun pamit, ayun ndumugèkkĕn lampaḥ.

16. paman bibi sami kantuna basuki, iŋ sapĕṅkĕriṅwaŋ, kaŋ sinuŋ ṅliŋ matur aris, kula ṇḍèrèkkĕn raharja.

17. gya salaman ki darma ṅatag iŋ siwi, mĕnok ṅabĕktia, saŋ dyaḥ gupuḥ aṅabĕkti, radyan arum aṅandika.

18. rara sira sun doṅakakĕn iŋ widdhi, tumulia krama, olèḥ joḍo kaŋ prĕmati, kaŋ tulus trahiŋ ṅawirya.

19. kaŋ dalajat ṛĕspati sudibyèŋ ṅèlmi, bisa momoŋ iŋ dyaḥ, ñĕnĕṅkĕn tyasiŋ sudarmi, sira kantuna raharja.

20. rara mĕnok matur nuwun sru kapuṇḍi, paṅèstu paduka, gaṭak gaṭuk samya pamit, liṅgar sakiŋ paḷĕṅgahan.

21. kyayi ñahi aṇḍèrèkkĕn praptèŋ jawi, wus waṅsul mriŋ wisma, rara mĕnok aṅukudi, nahan lampahira radyan.

22. kampir bèji wĕkdal sĕmbahyaŋ subĕkti, bakda pupujiyan, rahadyan lajĕŋ lumaris, ṅalèr ṅilèn anir priṅga.

23. krĕdyatiŋ tyas kapéñcut arṣa udani, iŋ masigit dĕmak, iyasaniŋ para wali, tan cinatur laminira.

24. wus umaṅsuk praptèŋ palataran maśjit, tan ana kaŋ ñana, yèn punika putra giri, kinira santri balaka.

25. miṅgaḥ srambi wowolu sakanirèki, iṅukir pinatra, bĕtan sakiŋ majapahit, saṅkalanira pinirṣa.

26. kori loro gawéniŋ woŋ uṅĕlnèki, wiwara kaŋ maraŋ, maśjit iṅukir tulya śri, gambar gĕlap pinarada.

27. tumpak kori sinĕrat saṅkalan muni, papatra kinarya, rupa gĕlap tuṅgal nĕṅgiḥ, radyan mañjiŋ sigra sigra.

28. dupi prapta anèŋ sajroniŋ masigit, kalaṅkuŋ anikmat, mupaṅat rahosiŋ ḍiri, èṅĕt maṇṭĕŋ nuṅkul iŋ hyaŋ.

29. saka guru sakawan agĕŋnya sami, iṅgilé sĕmbada, gilig mĕmĕt ragi mĕṭit, agĕŋnya kaliḥ raṅkulan.

30. iṅkaŋ ĕlèr wétan sanès lan kaŋ katri, nĕṅgiḥ wujud tatal, kinĕmpal dados satuṅgil, gilig alusé warata.

31. yasanira kaṅjĕŋ susuhunan kali, jaga kaŋ minulya, mawèḥ tilasiŋ nagari, karamatiŋ waliyolaḥ.

32. saya gambuḥ rahadyan dupi udani, sinuṅan umiyat, kah‍élokaniŋ hyaŋ widdhi, saṅaṇḍapiŋ panti kutbaḥ.

33. rompyok rompyok kaṭukulan glagaḥ waṅi, lintaṅé rahadyan, tan ana janma udani, prataṇḍa calon nugraha.

34. sampun mĕdal sakiŋ capuriniŋ maśjid, lajĕŋ lampahira, tan cinatur laminèki, ṅañcik laladan japara.

35. praptèŋ suku wukir murya ṅoṅkaŋ tasik, iŋ sagara jawa, wus mañjat arṣa udani, pucakiŋ kaŋ ardi murya.

36. margi ndĕdĕr rumpil kapit juraŋ tĕrbis, ṛĕkasèŋ lumampaḥ, gaṭaḥ gaṭuk kĕmpis kĕmpis, sakĕḍap kĕḍap araryan.

37. dalu aso éñjiṅé umaṅkat maliḥ, tri ari tumĕka, anèŋ sapucakiŋ wukir, bawéra anon samodra.

38. iŋ lampahé bahita layar gagrami, ana labuḥ jaṅkar, ambĕḍol jaṅkar lumaris, laṅkuŋ asri tiniṅalan.

39. iŋ karajan padésan ṅaṇḍapiŋ wukir, tinon karya ṛĕna, rahadyan kagyat niṅali, astana téja sumunar.

40. pinarpĕkan uluk salam dèn sahuri, tahlil sanalika, radyan myaŋ santri kakaliḥ, bakda tahlil ana prapta.

41. kaki kaki marpĕki dyan jayèṅrĕsmi, alon aṅandika, kyayi kula nilakrami, paduka napa kaŋ tĕṅga.

42. lawan sintĕn iṅkaŋ sumaré iŋ ṅriki, alon sahurira, iṅgiḥ kula iṅkaŋ jagi, nama buyut sidasĕdya.

43. kaŋ sumaré jĕŋ sunan murya wawaṅi, karaniŋ astana, iŋ muryapada puniki, namaniŋ ardi iŋ murya.

44. laḥ punapa paduka karṣa nĕnĕpi, ḍuḥ ki buyut baya, iŋ sĕdya amuŋ yun uniŋ, pucakiŋ kaŋ ardi murya.

45. rèḥ wus uniŋ maṅkya ulun ñuwun pamit, maṇḍap sakiŋ arga, buyut sidasĕdya aṅliŋ, puniki taṅgĕl iŋ lampaḥ.

46. babo lamun kapaṛĕŋ karṣa saŋ pĕkik, kampir ḍépok iṅwaŋ, prayogi iŋ béñjiŋ béñjiŋ, dintĕn saṅaté prayoga.

47. watĕkipun kalakyan sasĕdyanèki, tur maṅgiḥ raharja, rahadyan dupi miyarṣi, dumadya ḍaṅaniŋ nala.

48. sampun kérit dupi wus prapta iŋ panti, ki buyut paréntaḥ, maraŋ gaṭak gaṭuk santri, kacuŋ aja taha taha.

49. aṅambila pribadi sugata mami, otèk caṇṭèl bhoga, jèpèn taḷĕs wi gĕmbili, gĕmbolo pohuŋ katéla.

50. gaṭak gaṭuk tan ḷĕṅgana gya lumaris, mariŋ patĕgalan, suka dèn nya ṅuṅuṇḍuhi, rampuŋ gya tumamèŋ wisma.

51. ambakari jaguŋ pohuŋ uwi ḷĕgi, wédaŋ ronniŋ kahwa, rinakit lumadyèŋ ṅarṣi, ki buyut suka tumiṅal.

52. swawi bagus krana laḥ sami ñañamik, kĕdahé ñuṅgata, sawontĕné tiyaŋ wukir, ijèn wus tridasa warṣa.

53. jayèṅrĕsmi mèsĕm wus aḍahar uwi, mèsĕm atatanya, wusiŋ aṅuṇḍuḥ sakalir, punika kagĕm punapa.

54. kula aṅgé sĕḍĕkaḥ mriŋ pĕkir miṣkin, awisé kaŋ tĕḍa, sami ḍumatĕŋ mariki, sasukané dèn nya mbĕkta.

55. kula amuŋ aṅèṅèhkĕn kaṅgé wiji, makatĕn lampaḥnya, tan sagĕd siḍĕkaḥ picis, mamanisé muŋ krowodan.

35 ḍaṇḍaŋgula

1. lon umatur radèn jayèṅrĕsmi, kadiparan dintĕn kaŋ prayoga, punapi wontĕn sanèsé, utawi wañcinipun, mawi miliḥ mawi ñiṅkiri, ki buyut aṅandika, punika masputu, étaŋ minaṅka satiyar, aṅluluri naséhat iŋ ṅuni uni, wiji sakiŋ iŋ arab.

2. pan punika masalaḥ ṅawruhi, iṅkaŋ paṅandika nabiyollaḥ, salalahu wasalamé, sakèhé umatiṅsun, paḍa ṅawruhana iŋ ṅiṅgil, pratiṅkaḥ aluluṅan, miliya kaŋ sarju, aja luṅan taṅgal pisan, tan na laba luṅana taṅgal piŋ kaliḥ, pan iya olèḥ laba.

3. taṅgal kapiŋ tiga datan bĕcik, tan na laba taṅgal kapiŋ papat, ṛĕkasa anèŋ margané, taṅgal piŋ lima iku, maṅgiḥ laba kapiŋ nĕmnèki, tan maṅgiḥ laba ilaŋ, karyané woŋ iku, taṅgal piŋ pitu prayoga, maṅgiḥ rahmatiŋ paṅéran taṅgal kapiŋ, wolu agriŋ iŋ paran.

4. taṅgal kapiŋ saṅa maṅgiḥ pati, lan pakéwuḥ tur paḍa cumaḍaŋ, taṅgal kapiŋ sadasané, maṅgiḥ laba rahayu, piŋ sawĕlas apĕnĕt ugi, taṅgal piŋ kalihwĕlas, tan ana labèku, taṅgal kapiŋ tigawĕlas, olèḥ utaŋ taṅgal piŋ patbĕlas bĕcik, nèŋ paran maṅgiḥ laba.

5. taṅgal piŋ limalas ayu oliḥ, ĕmas pérak taṅgal piŋ nĕmbĕlas, tan antuk laba taṅgalé, piŋ pitulas rahayu, piŋ wolulas pan laba maṅgiḥ, taṅgal kapiŋ saṅalas, pĕnĕt pan rahayu, taṅgal kapiŋ kalihdasa, gĕriŋ marga taṅgal piŋ salikur ugi, ṅgaṛĕsaḥ anèŋ paran.

6. taṅgal piŋ rorikur ayu bĕcik, taṅgal tĕlulikur laba karya, taṅgal kapiŋ patlikuré, pĕnĕt piŋ limalikur, mapan ala taṅgalé kapiŋ, nĕmlikur gĕsaŋ pĕjaḥ, punika pinaṅguḥ, taṅgal pitulikur ala, bakal tukar iya ananirèŋ margi, taṅgal wolulikurṇya.

7. olèḥ laba saṅalikurṇèki, maṅgiḥ rahmat sakiŋ iŋ paṅéran, taṅgal piŋ tigaṅdasané, maṅgiḥ utaŋ nèŋ purug, titi tĕlas masalaḥ iki, iŋ woŋ kaŋ aluluṅan, paṅandika rasul, lolaḥ salahiwasalam, dipunsami nastiti kadi puniki, iṅgiḥ walahuwalam.

8. lampahira kaṅjĕŋ para nabi, lamun baḍé maṅkat sakiŋ wisma, isarat iṅkaŋ kaaṅgé, jumuṅaḥ akakĕmu, lan asusur lampahiŋ nabi, muhammad rasullolaḥ, lamun dina saptu, punika aṅaṇḍut ḷĕmaḥ, dinèkèkkĕn iŋ pusĕr lampahiŋ nabi, adam iṅkaŋ minulya.

9. dintĕn ahad aṅaṅgé susumpiŋ, lampahipun jĕŋ yusup bagéṇḍa, isnèn natab lalaṇḍĕpé, bagéṇḍa umar laku, slasa maṅgaŋ asta iŋ gĕni, bagéṇḍa abubakar., iṅkaŋ darbé laku, ṛĕbo akukuḍuŋ siñjaŋ, lampahipun kaṅjĕŋ nabi ayub siṅgiḥ, kĕmis tumĕṅèŋ tawaŋ.

10. myaŋ tumuṅkul iŋ bantala nĕṅgiḥ, lampahipun saŋ ali bagéṇḍa, winĕwahan saṅatané, kalamun arṣa ṅlurug, aṅkatira pan sampun uniŋ, laṅkahé iṅkaŋ pĕcak, saṅat lamun sampun, pĕcak sadasa umaṅkat, paṅwasané saŋ garuḍa kawon déniŋ, saḍéṅahiŋ takṣaka.

11. isnèn wusiŋ pĕcak nĕm lumaris, paṅwasané siṅa krura kalaḥ, déné mañjaṅan yĕktiné, salasa lamun sampun, pĕcak kaliḥ aṅkatirèki, paṅwasanipun siṅa, iṅkaŋ sru manĕmpuḥ, kawon déniŋ kaŋ dirada, ṛĕbo wusiŋ pĕcak pipitu lumaris, mĕṅgaḥ paṅwasanira.

12. diwaṅkara kawon déniŋ sasi, kĕmis wusiŋ pĕcak dwilyas, jumuṅaḥ apan sampuniŋ, pĕcak triwĕlas maṅkat, dé paṅwasanipun, sona déniŋ kañcil kalaḥ, saptu wusiŋ pĕcak dwiwĕlas lumaris, déné paṅwasanira.

13. sawĕr kawon déniŋ koḍok buṅkik, tamat saṅat saŋ ali bagéṇḍa, wontĕn saṅat iṅkaŋ kaṅgé, aniṅkahakĕn sunu, myaŋ ṅadĕgkĕn saḍéṅaḥ panti, punika manut taṅgal, sapisan witipun, kapiŋ kaliḥ kapiŋ tiga, piŋ sakawan piŋ gaṅsal gya waṅsul maliḥ, nĕm kadi piŋ sapisan.

14. taṅgal kapiŋ sapisan pan sami, kapiŋ nĕnĕm sawĕlas nĕmbĕlas, salikur myaŋ nĕmlikuré, wit surya wĕdalipun, tĕkèŋ pĕcak slikur potnèki, ahmad pitutur ñata, wit pĕcak salikur, ĕpoté pĕcak sawĕlas, jabarahil kalaṅan raṅkĕpannèki, awit pĕcak sawĕlas.

15. ĕpot bĕḍug brahim pacĕk wĕsi, awit bĕḍug iŋ potipun asar, yusup slamĕt raṅkĕpanné, asar sawĕṅi muput, ĕpot éñjiŋ hyaŋ surya mijil, ṅijrahil ṛĕjĕkinya, piŋ kaliḥ winuwus, sami lawan kapiŋ sapta, kalihwĕlas pitulas rorikur nĕṅgiḥ, myaŋ pitulikur samya.

16. purṇamaniŋ hyaŋ pradaṅgapati, ĕpot pĕcak salikur punika, jabarahil ṛĕjĕkiné, wiwit pĕcak salikur, ĕpot pĕcak sawlas ibrahim, pitutur raṅkĕpannya, sawlas ĕpot bĕḍug, yusup kalaṅan raṅkĕpnya, bĕḍug potnya ijrahil apacak wĕsi, asar sadalu pisan.

17. poté tĕkèŋ purṇamaniŋ rawi, ahmad slamĕt taṅgal kapiŋ tiga, piŋ wolu piŋ triwĕlasé, wolulas tigalikur, wolulikur punika sami, wit purṇamaniŋ surya, pot pĕcak salikur, ibrahim slamĕt raṅkĕpan, pĕcak slikur pot pĕcak sawlas maṛĕṅi, yusup rijĕkinira.

18. pĕcak sawlas ĕpot bĕḍug wañci, ṅijrahil pitutur raṅkĕpan, bĕḍug tĕkèŋ asar poté, ahmad kalaṅanipun, awit pasar potira prapti, purṇamaniŋ hyaŋ surya, jabarahil iku, pacak wĕsi raṅkĕpannya, gantya taṅgal piŋ sakawan saminèki, piŋ saṅa piŋ patbĕlas.

19. piŋ saṅalas patlikur myaŋ kapiŋ, saṅalikur punika iṅétaŋ, wit hyaŋ surya purṇamané, ĕpot pĕcak salikur, yusup pacakwĕsi maṛĕṅi, awit salikur pĕcak, sawĕlas potipun, ṅijrahil salamĕt pĕcak, sawlas ĕpot bĕḍug ahmadé ṛĕjĕki, wit bĕḍug ĕpot asar.

20. jabarahil pitutur ṅraṅkĕpi, asar prapta purṇamaniŋ surya, ibrahim kalaṅan maṅké, piŋ gaṅsal sadasèku, gaṅsalwĕlas myaŋ kalihdèsi, salawé tigaŋ dasa, pan sami puniku, awit purṇamaniŋ surya, tĕkèŋ pĕcak salikur ĕpotirèki, ṅijrahil akalaṅan.

21. pĕcak slikur sawĕlas potnèki, ahmad pacakwĕsi raṅkĕpannya, pĕcak sawĕlas awité, ĕpoté tĕkèŋ bĕḍug, jabarahil slamĕt ṅraṅkĕpi, bĕḍug ĕpotnya asar, brahim rijĕkiku, asar sadalu ĕpotnya, purṇamané saṅhyaŋ surya amuṅkasi, yusup pitutur ahmad.

22. radèn jayèṅrĕsmi taña maliḥ, kadiparan saṅat palintaṅan, punapi wontĕn sanèsé, ki buyut maṇṭuk maṇṭuk, manut dintĕn lampahirèki, pipitu kèhiŋ lintaŋ, sadintĕn sadalu, pah‍édahé pyambak pyambak, awon pĕnĕt myaŋ lahiré jabaŋ bayi, tinitik sakiŋ lintaŋ.

23. lintaŋ samsu sabaraŋ prayogi, lawan maṛĕk iŋ śri naranata, myaŋ woŋ aguŋ sasaminé, niṅkaḥ laṅkuŋ panuju, iṅkaŋ awon tuwin myaŋ sakit, nunugĕl késaḥ pĕraŋ, jajampi ñañambut, tuwin ṅéṅgali paṅaṅgya, undaŋ undaŋ prasanakan atanapi, kumpulan tan prayoga.

24. laré lahir rahintĕn maṛĕṅi, jaḷĕr èstri umuripun pañjaŋ, sinuŋ paḍaŋ iŋ driyané, kĕḍik rijĕkinipun, prihatinan iŋ tyasirèki, jalu èstri yèn mĕdal, dalu watĕkipun, pan ugi pĕtĕṅan manaḥ, lawan sinuŋ gĕlap tyasé anawĕṅi, gantya kaŋ winurṣita.

25. lintaŋ juhraḥ aṅka dwi namèki, samukawis punika prayoga, ginĕm ṅèlmi utamané, rabi tumĕkèŋ sarju, añjampèni raré utami, aṅgaliḥ samubaraŋ, pandamĕlan atut, dé kaŋ awon andum karya, akèṅkènan ḍumatĕŋ mĕṅsahiŋ jurit, myaŋ kèṅkènan saḍéṅaḥ.

26. laré lahir jalu lawan èstri, iŋ rahina jĕmbar kaŋ polatan, jalu èstri yèn lahiré, anuju wañci dalu, laṅkuŋ kumĕt wicaranèki, tur pĕṅkok nora ṅgragap, kapiŋ tri winuwus, lintaŋ ṅatarit pinajar, samubaraŋ prayogi iṅkaŋ upami, mumuruk amamaraḥ.

27. maṛĕk nata myaŋ pados usadi, apan sami prayogi sadaya, déné iṅkaŋ botĕn sah‍é, pah‍ès pasaḥ cucukur, lahir rintĕn biliḥ pawèstri, sah‍é kèḥ dahulatnya, ṅiŋ wicara kaduk, ragi panastèn iŋ manaḥ, namuŋ sagĕd iŋ damĕl tan ṅuciwani, yèn jaḷĕr lahir siyaŋ.

28. apan awon iŋ tyas guŋ prihatin, biliḥ èstri dalu lahirira, cupĕt kaŋ budi watĕké, yèn jalu lahir dalu, watĕkipun jĕmbar kaŋ budi, sabar lila iŋ doña, tur sugiḥ bĕgja guŋ, wĕlasan maraŋ sasama, maṅkya catur lintaŋ kamar kaŋ winarṇi, samukawis prayoga.

29. tuwin maṛĕk iŋ śri narapati, aṅandikan kaŋ mawa pah‍édaḥ, sisimpĕn tulus arjané, adagaŋ antuk untuŋ, akèṅkènan sarju katampi, mamaris tulus trimaḥ, kaŋ awon winuwus, pradata padu myaŋ ṅlamar, atanapi ṇḍahupakĕn laki rabi, punika tan prayoga.

30. laré èstri lahir amaṛĕṅi, nuju siyaŋ boros watĕkira, yèn jalu siyaŋ lahiré, cuparira kalaṅkuŋ, lamun èstri lahirṇya ratri, sah‍é sagĕd iŋ karya, bĕkti maraŋ kakuŋ, nastiti mriŋ samubaraŋ, lamun jaḷĕr lahiripun wĕktu ratri, barañcaḥ mriŋ wanodya.

31. pañca lintaŋ juhkal kaŋ winarṇi, iṅkaŋ sah‍é wiwit gĕntur tapa, pandamĕl mriŋ paṅérané, awit ṅantos pakantuk, lyan punika botĕn prayogi, yèn raré lahir siyaŋ, atanapi dalu, jalu èstri ugi samya, tansaḥ kambaḥ sakit éñcok tan kaliriḥ, naṅiŋ kèḥ ṛĕjĕkinya.

32. tur asabar lila iŋ doñèki, wadanané muŋ radi èṅĕtan, gumantya aṅka nĕnĕmé, lintaŋ mustari iku, ratuniŋ kaŋ lintaŋ saptèki, laṅkuŋ sah‍é sabaraŋ, satiṅkaḥ rahayu, iṅkaŋ awon muŋ sajuga, amaṅgaliḥ ṅadoni lampahiŋ jurit, yèn raré lahir siyaŋ.

33. jalu èstri pan sami prayogi, watĕkipun sah‍èstu sukuran, yèn èstri lahir daluné, ajriḥ mriŋ priyanipun, pandamĕlan agal myaŋ ṛĕmit, widada awidagda, lamun raré jalu, lahir dalu laṅkuŋ praḍaḥ, tan kacoṅgaḥ nĕḍa iŋ kĕbon anaṅiŋ, ṛĕmĕn ñilib tyasira.

34. maṅkya gantya kasapta muṅkasi, lintaŋ miraḥ iṅkaŋ aprayoga, nampiŋ imba paras pah‍ès, sunat ugi pakantuk, atanapi ṅadoni jurit, lawan iyasa gaman, kajawi puniku, pakaryan awon sadaya, lamun nuju rintĕn raré lahir èstri, watak jahil kaŋ manaḥ.

35. biliḥ jalu rintĕn lahirṇèki, tan saranta baraŋ watĕkira, yèn lahir nuju ratriné, èstri tanapi jalu, tan salamĕt manaḥnya giṅsir, kĕkĕt kapara ṅarṣa, jahil amaṭaṅkul, sampun jaṅkĕp lintaŋ sapta, awon pĕnĕt iŋ maṅké wiwit winilis, lampahiŋ palintaṅan.

36. maḷĕm akad iŋ wañci mahribi, iṅkaŋ tampi samsu taraṅgana, ṅisahi juhraḥ tampiné, wañci siṛĕp janmèku, lintaŋ tarit iṅkaŋ atampi, tĕṅahé ratri kamar, liṅsir wĕṅinipun, tinampènan lintaŋ juhkal, baṅun éñjiŋ lintaŋ mustari kaŋ tampi, subuḥ miraḥ gumantya.

37. akad éñjiŋ samsu kaŋ nampèni, ramé pasar tinampèn iŋ juhraḥ, ḷĕbar pasar taṅarité, bĕḍug kamar kaŋ luṅguḥ, luhur juhkal iṅkaŋ nampèni, ṅasaré tinampènan, mustari puniku, sontĕné iṅkaŋ atampa, lintaŋ miraḥ jaṅkĕp saratri saari, lampahiŋ lintaŋ sapta.

38. maḷĕm isnèn iŋ waktu mahribi, iṅkaŋ tampi taraṅgana kamar, ṅisa baḥ juhkal tampiné, iŋ wañci siṛĕp manus, iṅkaŋ tampi lintaŋ mustari, tĕṅaḥ ratri miraḥnya, liṅsir wĕṅinipun, lintaŋ samsu kaŋ aḷĕṅgaḥ, baṅun éñjiŋ lintaŋ juhraḥ kaŋ atampi, subuḥ ṅatarit lintaŋ.

39. isnèn éñjiŋ lintaŋ kamar tampi, ramé pasar tinampèn iŋ juhkal, ḷĕbar pasaré tinampèn, mustari traṅganèku, wañci bĕḍug miraḥ kaŋ tampi, waktu luhur samsunya, praptèŋ ṅasar puput, tinampènan lintaŋ juhraḥ, wañci sontĕn ṅatarit iṅkaŋ atampi, jaṅkĕp lintaŋ kasapta.

40. maḷĕm slasa iŋ waktu mahribi, lintaŋ miraḥ sèrèn wĕktu ṅisa, traṅgana samsu tampiné, siṛĕp janma kaŋ luṅguḥ, lintaŋ juhraḥ tĕṅahiŋ ratri, ṅatarit iṅkaŋ ḷĕṅgaḥ, liṅsir wĕṅinipun, tinampèn iŋ lintaŋ kamar, baṅun éñjiŋ lintaŋ juhkal kaŋ nampèni, subuḥ lintaŋ mustarṇya.

41. slasa éñjaŋ miraḥ iṅkaŋ tampi, ramé pasar samsu iṅkaŋ ḷĕṅgaḥ, bar pasar juhraḥ tampiné, bĕḍug tinampèn gupuḥ, iŋ ṅatarit luhur tinampi, kamar kaŋ taraṅgana, ṅasri juhkal luṅguḥ, sontĕnipun tinampènan, taraṅgana mustari pot wĕktu mahrib, jaṅkĕp kasapta lintaŋ.

42. maḷĕm ṛĕbo iŋ waktu mahribi, lintaŋ ṅatarit pot wĕktu ṅisa, tinampèn kamar lintaṅé, wañci siṛĕp jalmèku, lintaŋ juhkal iṅkaŋ nampèni, tĕṅaḥ ratri traṅgana, mustari kaŋ luṅguḥ, liṅsir dalu tinampènan, lintaŋ miraḥ baṅun sampun kaŋ nampèni, iŋ waktu subuḥ juhraḥ.

43. ṛĕbo éñjiŋ ṅatarit kaŋ tampi, ramé pasar tinampèn iŋ kamar, bar pasar juhkal tampiné, bĕḍug nulya sinambut, iŋ mustari luhur tinampi, lintaŋ miraḥ punika, wĕktu ṅasaripun, traṅgana samsu kaŋ ḷĕṅgaḥ, wañci sontĕn lintaŋ juhraḥ kaŋ nampèni, jaṅkĕp lintaŋ kasapta.

44. maḷĕm kĕmis iŋ waktu mahribi, taraṅgana mustari praptanya, ṅisa tinampènan mirèḥ, siṛĕp iŋ janma samsu, tĕṅaḥ ratri iṅkaŋ nampèni, kanaŋ traṅgana juhraḥ, sèrèn liṅsir dalu, tinampèn ṅatarit lintaŋ, baṅun éñjiŋ lintaŋ kamar iṅkaŋ tampi, iŋ waktu subuḥ juhkal.

45. kĕmis éñjiŋ mustari kaŋ tampi, ramé pasar lintaŋ miraḥ ḷĕṅgaḥ, bar pasar samsu tampiné, bĕḍug tinampèn gupuḥ, lintaŋ juhraḥ luhur tinampi, ṅatarit iṅkaŋ ḷĕṅgaḥ, sèrèn ṅasri wĕktu, tinampènan lintaŋ kamar, wañci sontĕn lintaŋ juhkal iṅkaŋ tampi, jaṅkĕp kasapta lintaŋ.

46. maḷĕm jumṅaḥ iŋ waktu mahribi, lintaŋ juhraḥ iṅkaŋ apiḷĕṅgaḥ, iŋ waktu ṅisa ĕpoté, tinampèn ṅataritu, siṛĕp janma kamar nampèni, tĕṅaḥ ratrinya juhkal, liṅsir ratrinipun, lintaŋ mustari punika, baṅun éñjiŋ lintaŋ miraḥ kaŋ nampèni, subuḥ samsu traṅgana.

47. jumṅaḥ éñjiŋ lintaŋ juhraḥ tampi, ramé pasar ṅatarit kaŋ ḷĕṅgaḥ, ḷĕbar pasar kamar maṅgèn, bĕḍug ginantyan gupuḥ, lintaŋ juhkal iṅkaŋ ñitèni, luhur gya tinampènan, mustari sitèṅsu, wĕktu ṅasri tinampènan, lintaŋ miraḥ sontĕné samsu kaŋ tampi, jaṅkĕp lintaŋ kasapta.

48. maḷĕm saptu mahribi ṅatarit, waktu ṅisa tinampèn iŋ kamar, siṛĕp janma gya tinampèn, lintaŋ juhkal potipun, tĕṅaḥ ratri iṅkaŋ nampèni, mustari taraṅgana, ĕpot liṅsir dalu, tinampèn miraḥ traṅgana, baṅun éñjiŋ lintaŋ samsu kaŋ nampèni, subuḥ pan lintaŋ juhraḥ.

49. saptu éñjiŋ lintaŋ juhkal tampi, ramé pasar mustari kaŋ ḷĕṅgaḥ, ḷĕbar pasar lintaŋ mirèḥ, bĕḍug tinampèn samsu, waktu luhur juhraḥ nampèni, pot ṅasri tinampènan, ṅatarit sitèṅsu, sontĕné tinampèn kamar, titi sampun lampahiŋ lintaŋ saptari, dalu praptaniŋ siyaŋ.

50. kaŋ minaṅka naasiŋ lintaŋ dwi, ṅgiḥ punika miraḥ lawan juhkal, ṅagĕsaŋ winĕnaṅaké, sĕtiyar mriḥ rahayu, yèn wus atut étaṅanèki, gya suméṇḍé iŋ sukṣma, widadaniŋ kayun, amuŋ aywa kinĕkahan, pépétaṅan tan sagĕd ṅéwahkĕn takdir, siniṅkura kahinan.

51. kahol sakiŋ pawoŋ mitra mami, brahmanadi iŋ ṅatas maruta, tiyaŋ baḍé gaḍaḥ raré, utawi janma ayun, praptèŋ jañji iŋ wañcinèki, lahiré kanaŋ jabaŋ, pĕcaté ñawèku, awawaton ari sapta, siyaŋ dalu punika sami binagi, kaliḥ wĕlas gaṭita.

52. wiwit purṇamaniŋ saṅhyaŋ rawi, gaṭita nĕm sapta aṣṭa nawa, sadasa sawlas tĕṅaṅé, kalihwlas iṅgiḥ bĕḍug, gya gaṭita satuṅgil kaliḥ, tiga sakawan gaṅsal, waṅsul nĕnĕm surup, lajĕŋ étaŋ kadi siyaŋ, dados namuŋ wontĕn kaliḥ wĕlas wañci, kalamun ari akad.

53. gaṭita nĕm sapta sawlas tuwin, tabuḥ satuṅgal kalawan gaṅsal, sĕnèn aṣṭa sadasanè, satuṅgal tripañcèku, slasa sapta sadasa tuwin, tĕṅaṅé kalihwĕlas, kaliḥ gaṅsalipun, ṛĕbo sapta nawa sawlas, kaliḥ catur kĕmis aṣṭa sawlas tuwin, satuṅgal tri sakawan.

54. jumṅaḥ aṣṭa sadasa tanapi, kaliḥ wĕlas tiga myaŋ sakawan, saptu sapta myaŋ nawané, dwiwĕlas kaliḥ catur, biliḥ wontĕn tiyaŋ ñakiti, utawi tyaŋ sakarat, ri akad tartamtu, lahir utawi papatya, gaṭita nĕm sapta sawĕlas satuṅgil, gaṅsal salaḥ satuṅgal.

55. radèn jayèṅrĕsmi matur aris, kaṭaḥ tĕmĕn iŋ pariñcènira, mriḥ widada raharjané, utami dipunĕnut, tan kahinan basanirèki, wontĕn kahol mupakat, punapa sah‍èstu, yèn baḍé karya pémahan, tuwin griya saka usuk dèn ukuri, pĕnĕt awoniŋ pètaŋ.

56. ḷĕṛĕs wontĕn manawi akardi, iŋ pémahan dipunèstokĕna, yèn ṅgarap pagĕr sitiné, cĕṅkalé ḍĕpanipun, iṅgiḥ iṅkaŋ adarbé panti, kalamun awiwita, lèr kilèn maṅidul, winicala sakiŋ ḍĕpa, wilaṅannya bhumi karta kala kali, kaaraḥ ḍawaḥ karta.

57. yèn maṅétan kaḍawaḥna bhumi, biliḥ damĕl iṅkaŋ bubutulan, ambĕnĕrakĕn kalané, myaŋ wiyar ciyutipun, iŋ pémahan sukaniŋ galiḥ, déné jroniŋ plataran, yèn maṅalèripun, anotog pagĕr ukurṇya, samurdané kaŋ darbé wisma pribadi, tiṅkahé wismanira.

58. dèn agaṭuk pagĕr aja lali, yèn kĕkĕlir sakilèniŋ wisma, kaŋ tĕṅĕn iku lakuné, tĕka iŋ wismanipun, gaṭukĕna iŋ pagĕr ñjawi, kaŋ wétan bahu kiwa, sakiŋ wismanipun, dèn gaṭuk lan wismanira, loloṅkaṅé paṇḍapa tĕpusĕn aglis, lawan pacakanira.

59. gĕḍugiŋ wisma lawan paṇḍapi, maṇḍapa iku kalawan lodra, tĕpusiŋ talapakané, kaliḥ maṇḍapanipun, lawan lodra yèn karya kori, pagĕr tarab cĕṅkalnya, mara saṅanipun, poma sampun asĕmbrana, iŋ pitĕdaḥ prayogi aywa kawuri, yèn paṛĕŋ bĕgjanira.

36 paṅkur

1. punika yèn karya griya, ukuripun pĕcakira pribadi, pinĕcakan pañjaṅipun, gaṅsal pétaṅanira, ĕsri adi naga ĕmas pérak lamun, griya kaḍawaḥna ĕmas, paṇḍapa pérak prayogi.

2. biliḥ pawon ḍawaḥ naga, payon ḷĕsuŋ prayogi ḍawaḥ adi, manawi iyasa lumbuŋ, ḍawaḥ ĕsri pĕcaknya, sampun jaṅkĕp mĕṅgaḥ saka kaŋ dèn ukur, kajawi taṅkĕpiŋ ṅaṇḍap, lan kajawi purusnèki.

3. ṅukur wiyaré kaŋ saka, lajĕŋ kaṅgé ṅukur pañjaṅirèki, ugi gaṅsal pétaṅipun, bhumi bañu prawata, myaŋ saṅkala gĕni jaṅkĕp gaṅsalipun, ḍawaḥ bhumi kaŋ prayoga, tĕtĕg watĕkipun bhumi.

4. ḍawaḥ bañu watĕkira, apan srĕpan punika ṅgiḥ prayogi, manawi ḍumawaḥ gunuŋ, watĕg kĕṛĕp aliyan, lamun ḍawaḥ sĕṅkala awon kalaṅkuŋ, kaŋ darbé wisma gĕriṅan, ḍawaḥ gĕni tan prayogi.

5. kabasmaran watakira, maṅkya usuk dèn étaŋ cacaḥ iji, iṅgiḥ gaṅsal pétaṅipun, ĕsri kakitri gana, kliyu pokaḥ biliḥ wisma étaŋ usuk, prayoga ĕsri ḍawaḥnya, paṇḍapi ḍawaha kitri.

6. kaliḥ punika prayoga, biliḥ maśjid gana iṅkaŋ prayogi, sanèsé maśjid puniku, manawi ḍawaḥ gana, tamtu aṅkĕr utawi siṅit kalaṅkuŋ, kaliyu datan prayoga, gĕriṅan kaŋ gaḍaḥ panti.

7. yèn dèn étaŋ ḍawaḥ pokaḥ, tan prayoga kĕṛĕp naṇḍaŋ prihatin, kapĕjahan jumarunuḥ, sampun jaṅkĕp étaŋnya, déné pagĕr punika ukuranipun, dĕdĕgé kaŋ darbé wisma, tuwin ḍĕpané pribadi.

8. mĕṅgaḥ wiyariŋ pémahan, sasukanya pan botĕn dèn wañcèni, gaṅsal wiwilaṅanipun, bubuka ĕsri étaŋ, tapa luṅguḥ sĕdana pugĕranipun, ḍawaḥ śri watak sĕṛĕpan, tapa luwé watĕknèki.

9. luṅguḥ tĕtĕg watĕkira, pan sĕdana sugiyan watĕknèki, dé pugĕran watĕkipun, pitados saha kĕkaḥ, sampun jaṅkĕp iŋ pundi kapaṛĕṅipun, tĕbihiŋ ṇḍapi lan griya, ugi wontĕn ukurṇèki.

10. pĕcakiŋ kaŋ gaḍaḥ griya, pan sakawan étaṅanipun nĕṅgiḥ, awit balé étaṅipun, omaḥ latar pawuhan, ḍawaḥ balé punika iṅkaŋ pakantuk, déné yèn yasa gĕḍogan, tuwin kaṇḍaŋ kĕbo sapi.

11. palaṅipun pinĕcakan, kajawiné pupurus iṅkaŋ mañjiŋ, kiwa miwaḥ tĕṅĕnipun, sakawan étaṅannya, caṇḍi karta rogoḥ sampoyoŋ puniku, iṅkaŋ sah‍é ḍawaḥ karta, kalayan ḍumawaḥ caṇḍi.

12. saka kaṇḍaŋ myaŋ gĕḍogan, kajawiné purus myaŋ pĕṇḍĕmnèki, iṅukur lan palaŋ wahu, ḍawaḥ caṇḍi prayoga, iŋ tĕbihé sakiŋ trĕpiŋ pantinipun, iṅukur kalawan pĕcak, gaṅsal pétaṅanirèki.

13. awit étaṅipun karta, baya tura samaya aṅĕmasi, utami iṅkaŋ ḍumawuḥ, iŋ wiwilaṅan karta, nĕŋna wahu titi étaŋnya ki buyut, wus aṅgagat baṅun éñjaŋ, suwawi waktu subĕkti.

14. utami kaŋ radi awal, samya wulu paragatiŋ subĕkti, pupujianira nutug, bakdaniŋ pupujian, gaṭuk matur alim daḷĕm kyayi buyut, kawula ñuwun wasiat, basanipun tiyaŋ abti.

15. nunutut saḍéṅaḥ kéwan, bokmanawi iŋ tĕmbé ṅiṅaḥ kambiŋ, amriḥ cumbu ḍatĕŋ ulun, ki buyut aṅandika, iya kacuŋ pañcèn ana ĕmèlipun, datanpa laku tur cĕṇḍak, maṅkéné basanirèki.

16. séka léka séka léka, siṅa buntut iḍĕpa iḍĕp iŋ i, ḍĕpku tut siŋ sahujarku, muŋ iku ora liya, lamun sira kapaṛĕŋ aṅĕlus ĕlus, maraŋ saḍéṅahiŋ kéwan, kaŋ dadi paṛĕṅiŋ ati.

17. kalawan maṇṭĕṅiŋ sĕdya, uga cĕṇḍak maṅkéné basanèki, siṅa wulu siṅa buntut, iṅusapan paṇḍawa, lilima tut sahujarku muŋ puniku, lamun pinaṛĕŋ iŋ maṅsa, bokmanawa tutut yĕkti.

18. gaṭuk nuwun nuwun nĕmbaḥ, sakalaṅkuŋ kapuṇḍi siḥ saŋ yogi, ki buyut ñawaŋ saŋ bagus, sumunariŋ kaŋ cahya, ṅandikèŋ tyas cĕcaloné janma luhuŋ, maṇṭĕr cahyaniŋ oliya, wasana matur saŋ adi.

19. iŋ maṅké paran iŋ karṣa, sèwu sokur yèn jĕnak anèŋ ṅriki, rahadyan alon umatur, kaŋ aguŋ apuranta, maṅkya ulun ayun mdumugèkkĕn kayun, iŋ saparan tanpa sĕdya, ṅulati iṅkaŋ luṅa nis.

20. amuŋ paṅèstu paduka, rahayuné iŋ lampaḥ bokmanawi, tĕmbé ulun sagĕd waṅsul, kantuna karaharjan, wus salaman ki buyut ṅandika arum, mas putu nastapaniṅwaŋ, sami apuji pinuji.

21. wus tumurun saṅkiŋ murya, ṅidul ṅilèn wus ṅambaḥ iŋ pasisir, tan winarṇa lampahipun, prapta iŋ palabuhan, pakaloṅan kèndĕl iŋ tĕpiniŋ lahut, anon uḍuniŋ juragan, kaŋ saṅkiŋ liyan nagari.

14. dumugi iŋ pĕkaloṅan, tĕrus ḍatĕŋ panĕgaran puruwita wasi kawiswara, winaraḥ isiniŋ sĕrat nitisruti. dumugi iŋ ṛĕdi slamĕt pinaṅgiḥ sèḥ sĕkardalima, winĕjaŋ :

bab 1. suluk wali saṅa,

bab 2. cariyos (pralambaŋ) wariṅin suṅsaŋ,

bab 3. bab tapa gaṅsal prakawis,

bab 4. suluk laṅit sapta,

bab 5. kanugrahan, pribadiniŋ manuṅsa tuwin napsu sakawan.

lampahipun lajĕŋ dumugi ṛĕdi sawal pinaṅgiḥ ṛĕṣi narawita, bantaḥ ṅèlmu wĕkasan praŋ taṇḍiŋ abĕn kasantikan. saŋ ṛĕṣi kawon lajĕŋ mukṣa

22. manawi ari kaliḥnya, binĕkta iŋ naṅkoda saṅkiŋ grĕsik, nunut utawi pinupu, mriŋ pawoŋ sanakira, dupi muḍun juragan kaŋ saṅkiŋ lahut, tinon kaŋ rayi tan ana, saṅsaya aṅlĕs iŋ galiḥ.

23. aḍuḥ yayi kadaṅiṅwaŋ, jayèṅsari myaŋ nikèn rañcaṅkapti, baya mriŋ ĕndi jaṅtuṅku, amuŋ ta karuhana, iŋ dunuŋmu awèt maṅkéné kabañjur, kadya kiñjĕŋ tanpa soca, wahu radyan jayèṅrĕsmi.

24. ndĕdoṅa maraŋ paṅéran, rahayuné kadaṅira kakaliḥ, tĕmbé sagĕda pinaṅguḥ, atusé maṇṭĕṅiŋ tyas, gya lumampaḥ tambuḥ kaŋ sinĕdyèŋ kalbu, kèndĕlnya dalu kéwala, bakda subuḥ gya lumaris.

25. prapta ardi panĕgaran, kacarita saŋ yogi kaŋ paliṅgiḥ, anèŋ panĕgaran gunuŋ, wasi kawisuwara, waṣkiṭèŋ tyas uniŋ satriya aṅlaṅut, kèndĕl iŋ ṅaṇḍaptiŋ arga, saŋ wasi utusan aglis.

26. sabatnya aran waṣkiṭa, kinèn muḍun maraŋ ṅaṇḍappiŋ wukir, ki waṣkiṭa wus tumurun, pinaṅgiḥ lan rahadyan, maṅĕñjali matur kawula iṅutus, mahawiku panĕgaran, kawiswara saŋ ayogi.

27. ñjĕŋ paduka iṅaturan, miṅgaḥ mariŋ iŋ ḍépok ulunirit, rahadyan ṅandika arum, iṅgiḥ paman prayoga, sampun kérit gaṭak gaṭuk tansèŋ puṅkur, saŋ wiku mapag wiwara, wus tuṇḍuk rinaṅkul aglis.

28. kulup iṅkaŋ nĕmbé prapta, sajarwaa kakasihira kaki, lawan ṅĕndi pinaṅkamu, sayogané ḷĕṛĕppa, anèŋ kéné kuraŋ naḍaḥ kuraŋ turu, darapon bisaa klakyan, kaŋ dadi karṣanta kaki.

29. rahadyan dahat ḷĕṅgana, wus alami pruwita iŋ saŋ yogi, tarakbratanya lumintu, saŋ yogi kawiswara, lon ṅandika ana jiliddan linuhuŋ, sayogya sira aṅgowa, kaṇṭiniŋ janma utami.

37 kinaṇṭi

1. minaṅka murda satuhu, tapa aṅénaki ati, tama lirriŋ panataran, narantara sésalwirṇiŋ, sarèhniŋ iṅkaŋ dumadya, wlassa siṅa nuwa nuwi.

2. srĕda purah‍é ṅasamun, samanniŋ sila nagari, aminta sihiŋ ṅamarar, awlas asiḥ riŋ pagimi, uṅgyannira ṅamatirta, cipta mantĕb maraŋ widdhi.

3. duruŋ dadi lamun duruŋ, darana riŋ darunaniŋ, sakarṣa karṣèŋ pamasa, satibané kaŋ tinudiŋ, béda pandummiŋ budaya, dayaniŋ ndonniŋ dumadi.

4. kahĕnĕṅĕna manĕṅkuŋ, amaladdi samadinniŋ, anĕgĕssa karṣaniŋ saŋ, amurwèŋ paniṅal jati, tiṅaḷĕna maklumulaḥ, malaḥ maluya ywa lali.

5. lalakoné kaŋ kalulun, alin alin dèn kalilin, ḷĕḷĕṅa aywa kaalan, ywa lalu atmaḥ lali, kalunta lunta kalintaŋ, tan wiyaŋ mayaṅa wèṣṭi.

6. iṣṭaniŋ aṅga kagugu, gupita jĕg agagappi, aywa gugup iŋ nalika, nalarrira dèn aliriḥ, rèrèḥ iŋ paṅaraḥ araḥ, arahĕn aywa ṅuraṅi.

7. ṅuraṅana iŋ paṅruṅu, iŋ rèḥ aywa ṅuriŋ uriŋ, yèn miro tmaḥ mimiraŋ, améraŋ amuraŋ niti, titika dèn katalika, ywa nunulak tutulan cik.

8. bĕcik ṛĕṅkuhĕn pamĕṅku, kumawa iŋ agal alit, dèn amulat iŋ ḷĕḷĕta, ywan iṅandĕl dèn dumĕliŋ, ndulu ulaḥ karawitan, wittipun tan ana maliḥ.

9. saṅkiŋ kakawin myaŋ kiduŋ, kadi kadaŋ añjarwani, iŋ sarékaniŋ kalaṅyan, laṅĕniŋ kaŋ milaṅonni, ṅloṅana haywan tantara, tarikĕn yèn ana luwiḥ.

10. miwaḥ uṅguhiŋ raras rum, rumaraḥ muraŋ iŋ kawi, sasandiniŋ saŋ kèndriya, rékaniŋ kawi kawiddhi, kawiddhi iŋ wiḍayaka, ya karana saŋ siniwi.

11. wèḥ tahĕt babaḥ binaruŋ, riŋ kasidaniŋ dumadi, dana kariyin dèn araḥ, kasantikan wus kawuri, kasudarman tyas mardawa, dèn manuḥ manaḥ mamanis.

12. manaḥ prĕnèssan ywa kunus, dèn nira amasaŋ mèsi, masalahiŋ sumpĕt karṣa, karṣa sinĕsĕr tan osik, musika tinon aywa sak, sasat simpĕn karṣa suji.

13. riŋ sojar aja añjujur, kolina kilat ṅaliṅi, tan wrin naya riṅa mawas, waṣkiṭa awaṅsulanniŋ, yèn tan aṅliŋ dèn amĕmma, dèn amĕmĕs iŋ paṅuṅkiḥ.

14. ywa taha bĕrgugug luguk, kaya gopala kapilis, kapĕlaŋ kapĕlak pĕlak, paḷĕṅgahé agaligir, awigar agagalagar, ṅaṅgur tan égariŋ galiḥ.

15. palaniŋ woŋ ambasĕṅut, ulatté aṅiṅgit iṅgit, wacana buṭĕkiŋ nétya, nétya ala tan kahilir, kèlu kaḷĕssan iŋ muka, mĕṅku ala nir pakoliḥ.

16. iŋ wacana yèn anuju, pasamuwan srawuṅanniŋ, dipunsambada iŋ tĕmbaŋ, manawa katambaŋ balik, dèn kacakup iŋ paṅucap, titika dipunkatitik.

17. panitiké ywan wus putus, pan wus cinaritèŋ sruti, sru trĕp tita iŋ purwaka, maṅka kéṅiŋ aṅaṅgĕpi, iŋ cipta ya dyan patutta, iŋ tĕmbaŋ sambaŋ manawi.

18. ana wadi kaŋ sinamun, sinukṣma sari sariniŋ, buhana sabawaniŋ tyas, lahir iŋ tyas kaŋ nampani, ñataniŋ tyas anèŋ naya, naya nétya kaŋ nampani.

19. sawadiniŋ wardayèku, iŋ nétya pahĕmannèki, iŋ wacana ṅgonniŋ wĕḍar, widayaka dayèŋ wadi, widigda iŋ ciptamaya, mayana mayaniŋ kapti.

20. ati akapti kumudu, asihana iŋ sasami, wittiŋ raga kinasiyan, pan saṅkiŋ raga pribadi, pribadi asiyèŋ raga, kadulu dalan dinalit.

21. pah‍èssan iŋ sarirèku, ambérat iṅkaŋ kah‍èkṣi, nir tasitaniŋ akaṭaḥ, paṅèḥna iŋ sarirèki, sarira paran bédanya, ambawaa ambawani.

22. iṅkaŋ kadi maṅkonèku, ĕndi ulun amurwani, iŋ paniwi wamaṅkana, ana pah‍é nupa bhumi, déra ṅimpun priḥ sadaya, pan wus jĕnĕṅiŋ narpati.

23. kinasihan iŋ rèḥ arju, saharja maṅakumèki, amiluta ambĕg iŋ ṅrat, rat karakĕttan paḍa siḥ, linulut iŋ lokajana, jĕnĕŋ kasarjana sami.

24. sarat rinaharjèŋ kayun, mawaraḥ waraḥ rèḥ aris, tanpa karṣa pagĕhana, kéṅaŋ murwa aṅarjani, kikitir maraŋ apapa, papa tĕlutuḥ siniṅkir.

25. mikarra kaŋ sikara dur, nimitya mitya sajati, juti sajatiniŋ mita, siyasat lir sagaragni, gĕnĕṅan kaṭaḥ isinya, sarira tanpa walèŋ ṅliŋ.

26. susumbaṅiŋ ṅrat kasumbuŋ, sésiniŋ tapa iŋ bhumi, bhumi saja saha jarwa, sojar tékanaŋ binukti, brĕmara ṅuswèŋ kusuma, sumarmaniŋ ganda sari.

27. salwir bawaniŋ kaŋ sinuŋ, iŋ wadi widagdèŋ kuwi, amoŋ jagad jaga jaga, arjuniŋ ṅrat tan kah‍èṣṭi, sah‍èṣṭiniŋ aṣṭagina, ginulaŋ gulaŋ iŋ paṅliŋ.

28. liniliŋ liliŋ kalaṅkuŋ, sinĕlan planu pinalin, sarasa rasa rinaṅsaŋ, kaŋ saru saru siniṅkir, sikara tan karawattan, kuwat awètta raṅkawit.

29. wiwittiŋ watara wolu, waluyané wali wali, wulaŋ lila lan wilalat, ywan linĕḷĕt tĕmaḥ lali, lalu amiliḥ turida, ruda rudaḥ aṅrudatin.

30. rudatin aṅayun ayun, wahyu wahyaniŋ sakalir, kaliliran kalahirran, lahiriŋ wahyu winaris, waras ṅĕnirakĕn maras, marassakĕn jiwaragi.

31. noraga ṛĕgĕm anurut, anuruta rat pinirit, mirit aṅipat kiparat, puṛĕt pĕpĕt tan pinipil, papalla saṅkiŋ sikara, sukura sukĕr siniṅkir.

32. kĕrtya pakarti katutur, titir pamantara titi, tatas pandiniŋ walgita, tan pĕgat amagut kapti, kaptiné iṅkaŋ kampita, pitaya dèn pitayani.

33. yèn iŋ tyas pan aywa tambuḥ, bubuhanné woŋ ṅahurip, aṅaṛĕp aṛĕppa karya, karyané sawiji wiji, wijiniŋ puruwitaa, ya aṣṭaguna kinawi.

34. kawiniŋ hyaŋ éndra laku, ṅudannakĕn waṅi waṅi, aṅrĕsĕpi sabhuwana, kawaratan iŋ mamanis, mĕnuhi manaḥ madada, monĕŋ manuṅku ṅĕnani.

35. kawiniŋ hyaŋ yama laku, maḍĕṇḍakrama tan yukti, ya maluma lwir ya pĕjaḥ, durjana gĕlahiŋ bhumi, nadyan braya wani ṅambaḥ, binubuḥ pinriḥ iŋ pati.

36. kawiniŋ hyaŋ surya laku, ṅiṅsĕp toya tan katawis, rèrèḥ ririḥ tan ṛĕkasa, rarasanné tan ṅĕṛĕssi, ṛĕsik lumintu atata, sanityasa ṅatiyati.

37. kawiniŋ hyaŋ candra laku, ṅasuk ṅasĕpi saŋ bhumi, komala mrĕdu katiṅal, guya guyunya mamanis, lir tètèssiŋ martotama, ṛĕsĕp maraŋ para ṛĕṣi.

38. kawiniŋ hyaŋ bayu laku, aṅinté saguŋ pakarti, buddiniŋ rat kinawruhan, sawicara dèn kawruhi, ya dibya guna kagunan, ginunni saari ari.

39. kawiniŋ kuwéra laku, buja bojana mamukti, mamah‍èssi bhuṣaṇa mas, sru suk sraḥ paṅrèhiŋ dasiḥ, pracaya kaŋ pinarcayan, tan munasika tan mosik.

40. kawiniŋ baruna laku, ṅagĕm sañjata ṅapussi, saguŋ kaŋ olaḥ durjana, jinajahan sinalisik, sinalasaḥ cinĕpĕṅan, amĕmpĕŋ dèn nya ninitik.

41. kawiniŋ hyaŋ brama laku, aṅgĕsĕṅi ripu tapis, galak riŋ ripu lwir siṅa, kaŋ kinaṅsaḥ sirṇa gusis, murub warata kataman, tamannira anèŋ gĕni.

42. nahan ta guna ginuṅguŋ, suraku rumĕkṣèŋ bhumi, bhumi ginora warana, lana ginĕnĕŋ pinuṣṭi, sèṣṭaniŋ butaniŋ ṅolaḥ, ulaḥ sĕsran musran muni.

43. aywa nĕhĕr iŋ paniru, aṅalappa saraganiŋ, sruti titikanniŋ kaṅap, kaḍappiŋ kilap ṅulati, islam mapan janma tama, kaŋ kapir prandéniŋ sèṣṭi.

44. aṣṭabrata kaŋ linaku, kalakon paṅolahnèki, pundi antuk yèn kalaha, lan lakuné buddha ṅuni, béda budiniŋ manuṅsa, akawiḥ iṅkaŋ linĕwiḥ.

45. maluya laya anuntur, linanturakĕn pakarti, jayèṅrana pinaṇḍita, iŋ palagyan paluṅgyanniŋ, byuha tarlèn wĕkasniṅka, tapa kaluhuran dadi.

46. ḷĕgawèŋ pati riŋ ripu, pratapanniŋ kaŋ prajurit, sor tapaniŋ kaŋ paṇḍita, tapa tapakiŋ jayanti, antyastya pramukyèŋ tapa, tapa ṅgraniŋ gunuŋ wĕsi.

47. sinĕmbaḥ iŋ ṅalapa guŋ, siṅgiḥ yèn sirarṣa jurit, dèn prastawa iŋ sopana, iŋ bubuka purba titi, titika dèn katalika, tutula tinali tali.

48. agama pan sĕdya ayu, pagahĕn paḍaṅiŋ pati, aywa ta kasĕlan méda, dumadya amaṅguḥ wèṣṭi, nadyan ana hru sayuta, sĕdya yu pan dèn payuṅi.

49. iŋ agama payuṅipun, rinĕkṣa tĕbiḥ iŋ wèṣṭi, dyajan ta anut añcala, bubuka ywa ṅaruhunni, ruhunana ywan wus piṅsal, asapĕnĕt gan yèn uwis.

50. ana ṅgyanya tindak tanduk, iŋ swara aywa dumĕliŋ, aywa liyan kaŋ kaṛĕṅya, muṅa saŋ nata pribadi, dèn nira aṅadu laga, mawastrèŋ papan makaṅsi.

51. bubuhan kaŋ anèŋ ṅayun, tĕmpukiŋ ayuda pan wis, panarcayan mriŋ saŋ nata, maṅsa kéguha iŋ jurit, saŋ nata nata riŋ wuntat, tan patya kèḥ kaŋ umiriŋ.

52. muŋ kanan kériŋ myaŋ puṅkur, sawéga prayitnèŋ wèṣṭi, manawa na katĕlayaḥ, raganiŋ turaṅga mrĕgil, tutuluṅa tĕka waṅwaŋ, ginantya bala toḥ pati.

53. yéka palayarannipun, riŋ atapa gunuṅwĕsi, tan kacaryan tan kawuryan, riŋ dadi dadiniŋ bhumi, sastakasa myaŋ ririṅa, pan purbawisésa jati.

54. tan ana lara myaŋ lampus, urippé saṅkiŋ hyaŋ jati, karana tan takut iŋ praŋ, niṣṭa madya utamaniŋ, mantri liṅiŋ kina kina, kinĕnan malaḥ iŋ maṅkin.

55. niṣṭaniŋ mantri winuwus, yèn kawawas léna ḍiṅin, léna kari wadyanira, madyaniŋ mantri yèn mati, baṛĕŋ lawan wadyanira, utamanirèŋ kaŋ mantri.

56. yèn iŋ bala ṅarṣa gĕmpur, tuluŋ ṅadĕgkĕn jĕmpariŋ, maṅsa maṅké dadya warta, yèn amaṅun jayèŋ jurit, niṣṭa madya utamanta, mantri ṅĕmasi rumiyin.

57.

58. iŋ lalakonné kèḥ kantun, kaputuṅan tyas kaŋ nulis, sĕpi supéné kaŋ bawat, tumanduk lamun udani, tĕlasana saṅgamu ywa, déniŋ tanduk tan nindaki.

59. lwir tarbuka rupanipun, buṇḍiniŋ rat añjajagi, tan mantra mantrèŋ sarira, purwaniŋ amĕṅgĕl kawi, kinayaḥ kayuḥ bawamba, ambuniŋ rat iŋ saricik.

60. iŋ aṅga akaṛĕm liwuŋ, iŋ paṅiwa aṅĕnani, tulatĕn namuŋ panimpar, tan wrin cacadĕn iŋ sami, sanépaniŋ pasaŋ séwa, sinawawa tan suwawi.

61. wiyaṅa wuyuṅiŋ kalbu, buhana taṇḍa sabĕn ri, rumaras ywan tan maṅguha, uguhiŋ kiduŋ tinampi, nampiṅana maṅka dadya, dadya dawaniŋ murwani.

62. nimpèni dadi sinamun, namuŋ dana tanpa mijil, pinuñjal tinuñjĕl suka, suka riṅa mĕṅgĕl kawi, kawisésa budyadarma, malaṅun dadiné bhumi.

38 asmaradana

1. rahadyan saṅĕt guŋ kiṅkin, miyarṣa andikanira, wasi kawiswara kahot, wus lami nèŋ panĕgaran, ṅĕntèk piwulaṅira, ḍasar lantip saŋ abagus, cakĕp atampi piwulaŋ.

2. saya tĕbiḥ ḍabar guliŋ, gaṭak gaṭuk éca iŋ tyas, kawiswara ṅandika lon, kulup ywa dadya tyasira, iṅsun tan pisan pisan, risi kaṅgénan sirèku, amuŋ supaya wuwuha.

3. kawruḥ utaminiŋ urip, tumĕkané iŋ dĕlahan, aṅidulla bĕnĕr aṅgèr, maraŋ iŋ salamĕt arga, kono ana satriya, atmaja śri majalaṅu, nama sèḥ sĕkardalima.

4. ḍépok iŋ salamĕt wukir, wus mañjiŋ agama islam, sunan tĕmbayat guruné, sinĕpuhan jĕŋ suhunan, adi iŋ kalijaga, araŋ woŋ bisa katĕmu, yèn datan lawan nugraha.

5. maṅkata sĕḍĕŋ kaŋ wañci, rahadyan aṅaras pada, saha aturira alon, muhuŋ paṅèstu paduka, kawula amuŋ darma, lumampaḥ saṅkiŋ pituduḥ, tuhu tan darbé kuwasa.

6. wahu mèsĕm saŋ maharṣi, kulup iŋ paṅèstuniṅwaŋ, gaṭak gaṭuk awotsinom, kawula añuwun barkaḥ, pinariṅana kuwat, ṇḍèrèkkĕn wayaḥ pukulun, aṅsala idin pandoṅa.

7. iya kĕnaŋ sun idèni, muga kinuwatna iŋ hyaŋ, rahadyan sampun lumèṅsèr, liṅgar saṅkiŋ panĕgaran, lajĕŋ iŋ lampahira, gaṭak gaṭuk tansèŋ puṅkur, wus ṅañcik sukuniŋ arga.

8. sumawuriŋ sari sari, ganda arum amrik ṅambar, gantya iṅkaŋ winirahos, iŋ ḍépok salamĕt arga, maśjid muṅgul katiṅal, asri bhuṣaṇaniŋ gunuŋ, taru tarunya tinata.

9. sasĕkaran aṅubĕṅi, toya wĕniŋ tinalaṅan, patiŋ sarèwèḥ iliné, maṅuṅkaŋ talaga dibya, ṅuṅuwuŋ lirab lirab, wahu panĕmbahan gunuŋ, ḷĕṅgaḥ tĕpiniŋ talaga.

10. iṅaḍĕp abdi kakaliḥ, ki maklum lawan ki sabar, sèḥ sĕkar ṅandika alon, sabar maklum dèn agĕpaḥ, iŋ laṅgar ṛĕsikana, iki bakal ana tamu, utama calon olia.

11. sabar maklum mundur aglis, iŋ laṅgar wus ginĕlaran, sèḥ sĕkar gya kundur alon, ṅaléla ḷĕṅgaḥ iŋ laṅgar, rahadyan wus katiṅal, iṅawé saŋ wiku gupuḥ, radyan anuṅkĕmi pada.

12. pinaṅkul kinĕmpit kĕmpit, arum wijiliŋ kaŋ sabda, slamĕt satĕkamu radèn, mrĕlokkĕn mriŋ ḍépokiṅwaŋ, baṅĕt sukaniŋ driya, radyan nĕmbaḥ saha matur, paṅèstu daḷĕm kaŋ mulya.

13. sèḥ sĕkar ṅandika maliḥ, kulup hywa sadaya daya, iŋ paṅaraḥ dipunsarèḥ, muŋ ywa pĕgat iŋ paminta, lumintu iṅkaŋ lampaḥ, yèn pinaṛĕŋ wĕktunipun, bokmanawa katarima.

14. suhunan iŋ bayat ṅuni, suŋ carita maraŋ iṅwaŋ, éyaŋmu buyut kalané, kumpulan lan wali saṅa, samya mbabar sosotya, trusiŋ ṅaji pan akumpul, aywa ana paṛĕbutan.

15. kinarya gita iŋ kawi, iŋ giri gajaḥ ĕṅgoné, tatkala agugunĕman, para wali sasaṅa, iŋ argapura ṅgènnipun, kaḍaton ratu agama.

16. wali sadaya tinari, dèn nira prabhu satmata, suhunan bénaŋ tinaros, myaŋ suhunan kalijaga, suhunan ṅampèldĕnta, suhunan kudus tinantun, kalawan sèḥ siti jĕnar.

17. sèḥ bĕṇṭoŋ tumut tinari, sarta paṅéran palémbaŋ, panĕmbahan madurané, aséba mriŋ giri liman, aṅliŋ prabhu satmata, sukur pĕpĕg anakiṅsun, sami limuta kaliman.

18. sadaya tuṅgala kapti, sampun wontĕn kaŋ sulaya, aṛĕmpĕga kaŋ wirahos, sami ambabar sosotya, sami miyak warana, sampun wontĕn masaŋ sĕmu, dèn aṅléla dèn tétéla.

19. jĕŋ suhunan bénaŋ aṅliŋ, ambabar kaŋ paṅawikan, tégésé sariraniṅoŋ, dat sipat apṅaliŋ allaḥ, ñata iŋ kalbu amba, datollaḥ kaŋ amurbèku, misésa iŋ ḍèwèkira.

20. jĕŋ suhunan adiluwiḥ, ambabar kaŋ paṅawikan, tĕgĕsé sariraniṅoŋ, iya sadat jĕnĕṅamba, iya jĕnĕṅiŋ purba, iya allaḥ sukma subut, jĕnĕŋ urip lawan jagad.

21. jĕŋ suhunan giri wèṣṭi, ambahar kaŋ paṅawikan, tĕgĕsé sariraniṅoŋ, iman urip lan nugraha, budi uripiŋ sukṣma, urip sarta allaḥ iku, maṅkana iŋ kawruhamba.

22. jĕŋ suhunan kudus aṅliŋ, ambabar kaŋ paṅawikan, roḥ wajib iŋ imaniṅoŋ, cahya mañcur kadi surya, mijil saṅkiŋ prabawa, amartani lampahipun, aṅuripi iŋ sajagad.

23. panĕmbahan madura ṅliŋ, ambabar kaŋ paṅawikan, aran na kanugrahané, kuṇḍi allaḥ ta punika, tĕgĕsé kuṇḍi ika, nabi allaḥ jatinipun, jinatèn iŋ nama allaḥ.

24. paṅéran palémbaŋ aṅliŋ, ambabar kaŋ paṅawikan, tĕgĕsé sariraniṅoŋ, tĕgĕsé allaḥ punika, allaḥ iṅkaŋ amurba, aṅuripi mahaluhur, amisésa purba ḍawak.

25. prabhu satmata maṅkya ṅliŋ, ambabar kaŋ paṅawikan, sami lan allaḥ purbané, kaŋ ṅawruhi iya allaḥ, kapiŋ kaliḥ nur badan, kapiŋ tiga rasul iku, kapiŋ pat datollaḥ ika.

26. sèḥ siti jĕnar maṅkya ṅliŋ, ambabar kaŋ paṅawikan, asĕmbaḥ iŋ allaḥ iṅoŋ, sujud rukuk paḍa allaḥ, sĕmbaḥ sinĕmbaḥ allaḥ, iṅsun kaŋ amurba iku, kaŋ misésa iṅsun uga.

27. wali sadaya maṅkya ṅliŋ, siti jĕnar kadariyaḥ, katĕrasan iku liṅé, siti jĕnar sigra ṅucap, adoha yèn bĕnĕra, iṅkaŋ pĕrak iku ĕmbuḥ, iki allaḥ supayaa.

28. prabhu satmata maṅkya ṅliŋ, iku jisim siti jĕnar, sèḥ ḷĕmaḥ baŋ maṅkya liṅé, raga jiwa dèn micara, padésané dèn tilar, allaḥ kaŋ aṅléla iku, sakarṣanipun wasésa.

29. wali sadaya samya ṅliŋ, salaḥ sira siti jĕnar, déné aṅaku badanné, allaḥ badan siti jĕnar, tan laṅgĕŋ anèŋ duña, siti jĕnar iku luput, tĕmbé maṅkè ṅaku sukṣma.

30. pan wontĕn lakoné ṅuni, sami ambabar sosotya, sampun aliŋ aliŋ kaŋ woŋ, sami amiyak warana, aja na salaḥ cipta, kĕna yèn warahĕn dudu, aṅiŋ paṅgaḥ siti jĕnar.

31. prabhu satmata maṅkya ṅliŋ, sèḥ ḷĕmaḥ baŋ kamanuṅsan, sanak pakĕnira kabèḥ, tan béda lan pakĕnira, naṅiŋ sampun aṅéla, manawi dadi kaluruŋ, akèḥ woŋ kaŋ aṅgĕgampaŋ.

32. kaṭaḥ woŋ kaŋ tanpa yĕkti, tanpa yun aṅguguruwa, akèḥ kaŋ ṅgĕgampaŋ kaŋ woŋ, déné warta atimbalan, sajatinipun wikan, dadi tan arṣa ṅguguru, awiraŋ yèn ta takona.

33. sèḥ molana samya prapti, sakaṭahé aji cĕmpa, pinaṛĕg iŋ maśjid gĕḍé, mapan kantun wali sapta, samya mbabar sosotya, tan prabéda kaŋ rumuhun, siti jĕnar iṅandikan.

34. sèḥ molana maṅkya aṅliŋ, siti jĕnar nama tuwan, siti jĕnar maṅkya turré, iṅgiḥ allaḥ jĕnĕṅamba, nora na allaḥ ika, aṅiŋ siti jĕnar iku, sirṇa jĕnar allaḥ ana.

35. molana ṅaribbi aṅliŋ, kapir dadi siti jĕnar, aji cĕmpa aṅliŋ alon, kapir danas siti jĕnar, islamipun indalaḥ, kapir danas woŋ puniku, punika kapir sampurṇa.

36. molana mahribi aṅliŋ, suhunan ndawĕg winĕjaŋ, maśjid daḷĕm suwuŋ kabèḥ, ana bĕkti ana ora, tĕmaḥ ṅrusak agama, aṅgĕgampaŋ tĕmahipun, kaŋ salaḥ ndawĕg pinĕḍaŋ.

37. sèḥ siti jĕnar maṅkya ṅliŋ, ndawĕg sampun kalayatan, lawaŋ swarga mĕṅa kabèḥ, siti jĕnar sinĕrampat, déniŋ kahum sakawan, sèḥ ḷĕmaḥ baŋ sampun khukhum, pinĕḍaŋ tatas kaŋ jaṅga.

38. titiga sabaté sami, apan sĕdya pinĕjahan, samya prawira khukhumé, titiga samya anĕdya, anĕbut subkhanallaḥ, wontĕn raré aṅon wĕḍus, sigra amiyarṣa warta.

39. siti jĕnar wani mati, kasusra aṅaku allaḥ, punaŋ raré aṅon agé, lumayu asumbar sumbar, amaṛĕg mriŋ ṅayunan, wontĕn allaḥ kari iku, katuṅkul ya aṅon ménda.

40. prabhu satmata maṅkya ṅliŋ, raré iku kudu pĕjaḥ, khukhumĕna aja suwé, saṇḍiṅĕna siti jĕnar, aṅliŋ ki siti jĕnar, saṇḍiṅĕna lawan iṅsun, aywa adoḥ iṅsun gawa.

41. ponaŋ raré aṅliŋ aris, sampun ndika kalayatan, raré cilik sru taṅisé, agé tumuta pralaya, wus mĕṅa lawaŋ swarga, pinĕḍaŋ jaṅgané sampun, mèsĕm raré aṅèn ménda.

42. jĕŋ suhunan ratu giri, nora kira siti jĕnar, makṣiḥ wutuḥ raragané, tigaŋ dina gilaŋ gilaŋ, tumulya uluk salam, kantuna andika ratu, siti jĕnar nulya ilaŋ.

43. tan kari sabatirèki, sadaya wus samya ilaŋ, miwaḥ raré aṅon maṅké, datan kantun mèlu ilaŋ, sadaya sampun sirṇa, gawok sakèḥ kaŋ andulu, ḍumatĕŋ sèḥ siti jĕnar.

44. tuturku kaŋ wus kawijil, sèḥ ḷĕmaḥ baŋ wus añata, katon kandĕl kumandĕlé, naṅiŋ piliḥ kaŋ abisa, kadi sèḥ siti jĕnar, akèḥ maṇḍĕg anèŋ catur, pinĕntog mundur plarasan.

39 durma

1. lawan maliḥ radèn sira kawruhana, pan ana kawruḥ maliḥ, crita wriṅin suṅsaŋ, wajibé kawruhana, aṅgitĕn dipunsayĕkti, sajroniŋ manaḥ, laḥ aṅgèr ṅoŋ jarwani.

2. wriṅin suṅsaŋ wayahira tumaruna, luhur tan ṅawruhi, pañjĕré satuṅgal, tambénipun sĕkawan, pupusipun muŋ sawiji, paṅé sakawan, wohé ṛĕtna di luwiḥ.

3. kulitira kaŋ wriṅin kañcana mulya, dagiŋ kumala adi, ototé sosotya, babaluṅé kalpika, suṅsumé motyara luwiḥ, uwitiŋ wrĕkṣa, iman wujud kaŋ paṣṭi.

4. lan malihé kaki tĕṅaḥ kawruhana, lalima kaṭahnèki, iṅkaŋ anèŋ tĕṅaḥ, aran pĕkṣi déwata, anadéné kaŋ aṅapit, pĕkṣi sakawan, iku wajib ṅawruhi.

5. poma poma aṅgèr sira kawruhana, wastané kaŋ wariṅin, lan pañcĕré pisan, lawan tambiniŋ ṅĕpaŋ, pupusé lan wohé ugi, apa arannya, wajib sira kawruhi.

6. lan malihé radèn sira kawruhana, apa asalmu ḍiṅin, iku kawruhana, asal saṅkiŋ punapa, miwaḥ béñjiŋ lamun mati, ĕndi ṅgonnira, lawan marganiŋ pati.

7. lamun mati kaŋ ñawa ṅĕndi marganya, apa ta mĕtu kupiŋ, apan sukĕr ika, apa ta mĕtu nétra, iku paṣṭi molèr kaki, yèn mĕtu siraḥ, paṣṭi pĕcaḥ kaŋ ṛĕkṣi.

8. lamun mĕtu iŋ ĕmbun ĕmbunan radyan, kaŋ paṣṭi boloŋ kaki, lamun mĕtu grana, yĕktiné jĕmbĕr uga, lamun mĕtu caṅkĕm najis, laḥ ṅĕndi baya, margané lamun mati.

9. lamun mĕtu iŋ jubur laṅkuŋ najis ya, yèn mĕtu pusĕr ugi, paṣṭi bojot ika, laḥ ṅĕndi iṅkaŋ marga, lamun iŋ wulu kaŋ margi, laḥ iku mokal, marga kalaṅkuŋ ruṅsit.

10. laḥ ta radèn aṅgèr sira tatakona, liyané maraŋ mami, kabèḥ takokĕna, purwa madya wasana, takokna dipunpatitis, asraha badan, ṅaturṇa pati urip.

11. lamun mati apa ta ana ṅakérat, prĕnahé kérat ṅĕndi, takokna dèn aṅsal, aja aṅayawara, dipunwĕruḥ iŋ sajati, basa ṅakérat, ĕṅgon woŋ aguŋ sisip.

12. anadéné ĕṅgoné woŋ kaŋ sampurṇa, tan doña tan iŋ ṅakir, anèŋ darussalam, ĕṅgon woŋ aguŋ mulya, iku gurokna sayĕkti, iŋ darussalam, iku suwarga ĕniŋ.

13. tĕgĕsipun kaŋ darussalam punika, wujud mukal kaŋ paṣṭi, iku gurokĕna, kaŋ aran wujud mukal, yèn tan wĕruha sayĕkti, aṅur si kopar, karuwan mati gariŋ.

14. laḥ ta iku radèn sira gurokĕna, laḥ poma dipunoliḥ, kalamun olèha, iŋ guru kaŋ wawaraḥ, siḷĕma jroniŋ jaladri, upamanira, ywa tolèḥ anak rabi.

15. yèn pépéka iŋ wĕjaŋ guru kaŋ pasal, tĕmahan mati kapir, nuli labuhana, wĕjaṅé gurunira, labuhan kawan prakawis, aywa kawuntat, tapa kawan prakawis.

40 paṅkur

1. ḍiṅin kaŋ iṅaran tapa, anarima sihiŋ hyaŋ sukṣma jati, apa karṣané hyaŋ aguŋ, apan anut kéwala, aṅlir saraḥ anèŋ satĕṅahiŋ lahut, apa karṣaniŋ paréntaḥ, kawula tĕka ṅlakoni.

2. piŋ piṇḍo iṅaran tapa, gĕniara iku dipunlakoni, anadéné artinipun, maḷĕbu iŋ dahana, yèn kabraṅas iŋ ujar iku dèn tĕguḥ, yèn dèn ucap iŋ tataṅga, mapan tan nĕdya gumiṅsir.

3. kapiŋ tiga bañuwara, tĕgĕsipun punika tapa ṅèli, mapan anut iŋ pitutur, ṛĕmbugé pawoŋ sanak, lan nasabi iŋ woŋ kawiraṅanipun, iku laku kaŋ utama, woŋ awas iŋ sukṣma jati.

4. kalawan kapiŋ patira, tapa ṅluwat amĕṇḍĕm jroniŋ siti, iya iku tĕgĕsipun, aja ṅatokkĕn uga, iŋ bĕciké awaké ḍéwé puniku, miwaḥ lawan lakunira, pĕṇḍĕmĕn dipunaṛĕmit.

5. kalamun ta malihira, dipunaṇḍapasor sarèḥ iŋ budi, dèn kalaḥ iŋ parapadu, utamakna iŋ lampaḥ, iya iku woŋ bĕkti maraŋ hyaŋ aguŋ, iku aranné woŋ lanaŋ, iya woŋ mĕnaŋ praŋ sabil.

6. iku gañjaraniŋ béñjaŋ, cinacaḍaŋ maṅgon iŋ sawarga di, iṅkaŋ dahat adiluhuŋ, kaŋ aran darussalam, sarwa muwaḥ adi adi sakalaṅkuŋ, pan sampun karṣaniŋ allaḥ, kaŋ duwé woŋ apraŋ sabil.

7. woŋ apraŋ sabil punika, nora lawan si kopar lan si kapir, sajroniŋ jajamu iku, ana praŋ bratayuda, luwiḥ ramé ayuda pupuḥ pinupuḥ, iya lawan ḍèwèkira, iku jatiné praŋ sabil.

8. sampuné amĕnaŋ apraŋ, nuli ṅañcik iŋ nagri mah‍èspati, amboyoŋ kĕñcanawuṅu, nuli jumĕnĕŋ nata, aparéntaḥ sakaṭahé para ratu, datan ana kaŋ amalaŋ, supami jumĕnĕŋ aji.

9. iku poma alaḥ poma, aywa mamaŋ manahira sayĕkti, poma sĕtyanana iku, ujar kaŋ ḍiṅin uga, dèn prawira aṅaṅgit sajroniŋ kalbu, iku laku kaŋ utama, tan ana iṅkaŋ ñamèni.

10. lawan maliḥ atakona, sampurṇané iŋ niyat lawan takbir, miwaḥ sahadat puniku, kalawan yèn sakarat, poma radèn puniku ta dipunantuk, lawan sampurṇaniŋ pĕjaḥ, takokna dipunpatitis.

11. pan lilima kaṭahira, gurokĕna iku dipunmaṅrĕti, iku sampurṇaniŋ kawruḥ, poma ta dipunaṅsal, iya iku sira gurokĕna kulup, yèn tan amuruk maṅkana, dudu gurumu sayĕkti.

12. yèn sira ayun uniṅa, bhumi pitu laḥ radèn sun jarwani, kaŋ ḍiṅin bhumi rannipun, iṅaran bhumi ṛĕtna, kapiŋ piṇḍo iṅaranan bhumi kalbu, bhumi jantuŋ kapiŋ tiga, pan kapiŋ pat bhumi budi.

13. lawan kapiŋ limanira, iṅaranan bhumi jinĕm sayĕkti, lawan kapiŋ nĕnĕmipun, iṅaran bhumi sukṣma, piŋ pituné bhumi rahsa arannipun, iku wajib kawruhana, tĕgĕsé sawiji wiji.

14. iṅkaŋ aran bhumi ṛĕtna, tĕgĕsipun ḍaḍanira pribadi, bhuminiŋ manuṅsa luhuŋ, iku gĕḍoŋ kaŋ mulya, iṅaranan astananiŋ islam iku, lawan kapiŋ kalihira, bhumi kalbu dèn wastani.

15. bhumi kalbu tĕgĕsira, astanané iŋ iman kaŋ sajati, kapiŋ tĕlu bhumi jantuŋ, iku ta iṅaranan, astanané anĕṅgiḥ sakèhiŋ kawruḥ, lan maliḥ kapiŋ patira, iṅaranan bhumi budi.

16. bhumi budi tĕgĕsira, astanané iŋ puji lawan ḍikir, lawan kapiŋ limanipun, bhumi jinĕm tĕgĕsnya, iṅaranan astanané siḥ satuhu, lawan kapiŋ nĕmmé ika, bhumi sukṣma dèn arani.

17. utawi kaŋ bhumi sukṣma, iya iku astanané iŋ ṅèlmi, nĕṅgiḥ kapiŋ pitunipun, iṅaran bhumi rahsa, bhumi rahsa apan iya tĕgĕsipun, astananiŋ iŋ paniṅal, asmaradana gumanti.

41 asmaradana

1. radèn kawruhana maliḥ, prakara kaŋ laṅit sapta, ana iŋ sira dunuṅé, poma poma dipunpirṣa, laṅit kaŋ ana sira, mara ṅoŋ jarwani kulup, dèn bĕcik piḍaṅĕtira.

2. ḍiṅin laṅit roḥ jasmani, déné laṅit piŋ kaliḥnya, laṅit roḥ nabadi ranné, roḥ napsani kapiŋ tiga, déné laṅit kapiŋ pat, roḥ rokani wastanipun, déné laṅit kapiŋ lima.

3. iṅaranan roḥ nurani, laṅit kapiŋ nĕmmé ika, roḥ rabani iŋ wastané, laṅit kapiŋ pitu ika, roḥ kapi wastanira, anĕṅgiḥ iŋ tĕgĕsipun, laṅit roḥ satuṅgal tuṅgal.

4. tĕgĕsé laṅit jasmani, tinitahakĕn iŋ allaḥ, amĕpĕki iŋ uripé, ana iŋ jasat sadaya, laṅit roḥ nabadi ka, amĕpĕki uripipun, saliré badan sadaya.

5. iṅkaŋ laṅit roḥ napsani, amĕpĕki iṅkaŋ karṣa, kaṛĕpé badanné kabèḥ, laṅit roḥ rokani uga, mĕpĕki ṅèlmunira, sakèhé badan sadarum, laṅit roḥ nurani ika.

6. amĕpĕki cahyanèki, sakèhé badan sadaya, laṅit roḥ rabani radèn, amĕpĕki aḍĕpira, iṅkaŋ badan sadaya, lan laṅit roḥ kapi iku, pan pêpak pasrahiŋ badan.

42 mijil

1. baya pantĕs pinupuha mijil, iṅkaŋ winirahos, kanugrahan lawan nugrahané, lawan sapa iṅkaŋ nugrahani, nugraha sayĕkti, muṅguḥ iŋ hyaŋ aguŋ.

2. kanugrahan muṅguḥ iŋ sirèki, nugraha hyaŋ manon, aṅlir bĕḍug tinabuḥ snépané, tétabuhé nugraha sayĕkti, uniné sayĕkti, nugrahan rannipun.

3. anadéné kaŋ narima ugi, sihira hyaŋ manon, pan puniku janma iṅkaŋ luwèḥ, kaŋ narima sihira hyaŋ widdhi, sahobahé ugi, nugrahan puniku.

4. solaḥ tiṅkaḥ muna muni iki, nugrahan hyaŋ manon, ganda swara miwaḥ paniṅalé, panarimèŋ dadiya sawiji, dadi woŋ linuwiḥ, béñjaŋ lamun lampus.

5. déné iya wawaḍahiŋ ṅèlmi, pirṣakna sayĕktos, ṅèlmu iku aja akèḥ akèḥ, yèn rinicik dadi nora bĕcik, yèn layar iŋ pati, aja kèḥ kadulu.

6. aja kaliṅan niṅal niṅali, kaŋ abaṅsa ĕroḥ, roḥ ilapi nĕṅgiḥ liŋ aliṅé, kaŋ apĕtĕŋ waḍag kaŋ jasmani, pan iku sayĕkti, panasaran tuhu.

7. laḥ ta iku dadalané béñjiŋ, kaŋ kasasar kaŋ woŋ, lanum nora bisa panukṣmané, yèn wis bisa nukṣma wujud siji, wujudira ugi, wujudiŋ hyaŋ aguŋ.

8. iku iṅaranan waḍaḥ ṅèlmi, wujudmu sayĕktos, pan iṅakĕn dattolaḥ jatiné, wulunira wuluniŋ hyaŋ widdhi, kulitmu sayĕkti, kulité hyaŋ aguŋ.

9. suṅsum baluŋ otot dagiŋ gĕtiḥ, kaguṅan hyaŋ manon, samubaraŋ jroniŋ badan kiyé, iya iku saṅkiŋ hyaŋ kaŋ luwiḥ, apan iku ugi, wawaḍahiŋ ṅèlmu.

10. iya ṅèlmu iṅkaŋ dèn waḍahi, pan adi hyaŋ manon, poma iku wĕkasiṅsun aṅgèr, dèn agĕmi lawan dèn nastiti, tĕgĕsipun gĕmi, dèn aja kawĕtu.

11. lan malihé tĕgĕsé nastiti, sapréntaḥ hyaŋ manon, dèn waspada sak ṅèlmu ṅèlmuné, dipuntĕrus lahir lawan batin, ywa sok padu ṅèlmi, lan woŋ liya kulup.

12. yèn tan wĕruḥ ṅèlmuné hyaŋ widdhi, kaṭaḥ winirahos, upaminé kali akèḥ akèḥ, kali gĕḍé lawan kali cilik, karṣané pan sami, jĕbul samodra guŋ.

13. sasĕnĕṅé samya golèk margi, ana ṅétan ṅulon, ṅidul ṅalor sasĕnĕŋ sĕnĕṅé, déné kaṛĕp jĕbul iŋ jaladri, ywa mahido ṅèlmi, tan ana kaŋ luput.

14. ywa kawoṅan santri guṇḍul kaki, sok pradondi padon, iṅkaŋ bĕnĕr sapa mbĕnĕraké, sisip sapa nisipakĕn kaki, aniruwa ugi, muṇḍak apa iku.

15. santri guṇḍul kaŋ samya pradondi, kaŋ kawoṅan ĕṇḍog, iṅkaŋ putiḥ amuŋ ñjaba bah‍é, iṅkaŋ ñjĕro apan warṇi abrit, lir kukila pakṣi, tinon cilam cilum.

16. aguŋ gawé pan asaba wariḥ, lamun ana koḍok, pan minaṅsa iku wawatĕké, puluḥ putiḥ lir kuntul kaŋ pĕkṣi, ñaṇḍaŋ sarwa putiḥ, yèn tinon amulus.

17. pakanané laṅkuŋ ñjĕjĕmbĕri, radèn wĕkasiṅoŋ, muŋ puniku tampanana kabèḥ, ṅèlmuniṅoŋ aṅgèr sampun ṅĕntiŋ, naṅiŋ iṅoŋ mĕliŋ, maraŋ sira kulup.

18. wĕkasiṅoŋ muŋ kari sawiji, poma dèn kalakon, aja ajubriya sira radèn, lan sumĕṅaḥ aja aṅlakoni, laḥ dèn ṅati yati, ywa kasupèn kulup.

19. anadéné tĕgĕsipun kibir, maṣṭèkakĕn kaŋ woŋ, ala bĕcik kapaṣṭi anané, kaŋ sumĕṅaḥ tĕgĕsé sayĕkti, mbĕcikakĕn ḍiri, sabudiné puṅguŋ.

20. kacarita wit sowan saŋ pĕkik, ṅantya wĕktu suboḥ, datan ébaḥ saṅkiŋ iŋ ṅarṣané, saŋ sèḥ luhuŋ aṅandika aris, kulup kaŋ kawijil, kabèḥ tuturiṅsun.

21. nambahana iŋ kawruḥmu kaki, lawan wĕkasiṅoŋ, sira bañjur maṅulona radèn, gunuŋ sawal ana mahaṛĕsi, pan sadulur mami, tur kaprĕnaḥ sĕpuḥ.

22. nora arṣa manut saréṅatiŋ, ñjĕŋ nabi kinahot, isiḥ kukuḥ ṅukuhi budané, lamun ana kaŋ ṅasorkĕn mariŋ, iŋ kadibyanèki, ḍaṇḍaŋ suka anut.

43. ḍaṇḍaŋgula

1. aran wasi narawita kaki, hya sumĕlaŋ iṅsun jaṅkuŋ sira, laḥ uwis maṅkata radèn, sèḥ sĕkar wusiŋ atus, paṅandika datan kah‍èkṣi, muŋ kantun sabatira, ki sabar ki maklum, rahadyan kantun aṅgana, ṅandika ris nĕḍa kaki salaḥ siji, andika antĕṛĕna.

2. kaki sabar iṅkaŋ tĕdaḥ margi, anèŋ ṅarṣa tan ṛĕkasèŋ lampaḥ, sèḥ sĕkardlima kramaté, ḷĕpas iŋ lampahipun, wus aṅañcik iŋ sawal wukir, rahadyan aṅandika, baṅĕt tarimèṅsun, ki sabar sira waṅsula, gaṭak gaṭuk kariya ṅaṇḍapiŋ wukir, iṅsun muṅgaḥ priyaṅga.

3. wus umiṅgaḥ radèn jayèṅrĕsmi, ṛĕṣi narawita datan samar, lamun ḍatĕṅan wiyosé, janma nuŋ dibya ṅèlmu, wasi nara umapak aglis, rahadyan ginunturan, séla datan surut, sarira asraḥ iŋ sukṣma, praptèŋ arga maṇḍĕg iŋ séla matiṇḍiḥ, lir uṇḍakiŋ añcala.

4. iŋ añcala wus koṅkal katitiḥ, sigra jumĕnĕŋ lambuṅiŋ arga, ki ajar saṅsaya tyasé, mojar hyaŋ gurunipun, saŋ alaba punapa kardi, ḍatĕŋ wukir patapan, rahadyan liṅipun, iya pakoniŋ paṅéran, karyaniṅsun ki ajar maraŋ sirèku, amardi akon islam.

5. laḥ islama ki ajar dèn aglis, myaŋ paṅaṇḍĕg miwaḥ ta iŋ ḍaḍaŋ, kuñcara maṅulu kabèḥ, iṅiṇḍaŋ gurunipun, èsmu baṅga dèn nira aṅliŋ, émané iṅsun islam, yèn tan kasor kawruḥ, myaŋ kadi iŋ kasantikan, sigra ṅambil kaŋ tigan anulya prapti, tinumpuk anèŋ ṅarṣa.

6. iŋ ṅarṣané rahadyan ṅambili, kaŋ nèŋ ṅisor prandéné tan tiba, kaŋ ana iŋ luhur ḍéwé, ki ajar sigra nambut, kaŋ cupumas pan isi wariḥ, ginantuŋ anèŋ wiyat, rahadyan anĕmbuŋ, iŋ juṅkat anulya pasaḥ, mawut kèri toyané datan tumitis, ki ajar karépotan.

7. kyayi ajar kĕṭunira aglis, iṅuñcalakĕn ḍatĕŋ ṅawiyat, lir pakṣi krĕṇḍa ibĕré, rahadyan sigra wahu, ṅracut kahosira anuli, ṅuñcalakĕn ṅawiyat, anitihi kĕṭu, prabawa wus katitihan, dyan ki ajar lumumpat sarwi sĕmadi, andunuŋ ronniŋ pisaŋ.

8. lagi arṣa wahu dèn titihi, saŋ abagus wus ana iŋ kana, jumĕnĕŋ anĕŋ pupusé, ki ajar sigra waṅsul, nulya ṅoboŋ mĕrunirèki, mubal iṅkaŋ dahana, ki ajar umaṅsuk, rahadyan wus anèŋ kana, aṇḍiṅini jumĕnĕŋ madyaniŋ gĕni, ki ajar karépotan.

9. kaputĕran sahisiniŋ wukir, amuŋ gĕṇṭa kakĕlèŋ kĕñcana, ñanané tan wruḥ prĕnahé, rahadyan pan wus ayun, pan sarira durgamaniŋ siḥ, cipta aṅlĕbur gĕṇṭa, ṛĕmĕk aṅgaḷĕpuŋ, rahadyan aṅliŋ mriŋ ajar, wutuhĕna brahalamu kabèḥ iki, ki ajar datan bisa.

10. kyayi ajar kéwuhan iŋ ati, dadya atĕmbuŋ ḍatĕŋ rahadyan, laḥ mara wutuḥna agé, arca agĕṇṭa iku, radyan sigra nanĕḍèŋ widdhi, katarima kaŋ doṅa, arca sampun wutuḥ, rahadyan akon islama, liṅira jar yèn uripĕna woŋ mati, sun iḍĕp ujarira.

11. lamun sira wus ñata sayĕkti, ṅilaṅĕna paḍaŋ lawan wulan, kaŋ mati uripna agé, yèn tan gĕsaŋ kaŋ lampus, sakaṭahé sabdanirèki, yĕkti iṅsun ḷĕṅgana, tan arṣa umanut, rahadyan nulya tumĕḍak, amarani kaŋ mati nulya kapaṅgiḥ, aṅliŋ kinèn uripa.

12. laḥ uripa sira iṅkaŋ mati, iya pakoné hyaŋ mahamulya, tĕka makṣiḥ mujuŋ bah‍é, rahadyan maliḥ muwus, laḥ taṅiya karṣaniŋ widdhi, sarta lan pakoniṅwaŋ, jĕṅgèlèk aluṅguḥ, urip tan ḷĕṅganèŋ karṣa, mriŋ rahadyan mriŋ ki ajar nagiḥ jañji, aris kaŋ paṅandika.

13. asĕlamma ki ajar tan aṅliŋ, kaliṅsĕman lajĕŋ sinuŋ lara, lumpuḥ ndumuk durakané, nuhun apuranipun, mriŋ rahadyan nuwun jajampi, rahadyan aṅandika, islam tambanipun, aṅucapĕna sahadat, kyayi ajar tan suwala anampèni, sadat anulya miṅkrat.

14. saméṅkradé ri saŋ mahaṛĕsi, kukuwuṅé nĕlahi saarga, sumunar katon téjané, sru aścaryaniŋ kalbu, ṅuṅuniŋ tyas datan winarṇi, tumurun saṅkiŋ arga, paṅgya gaṭak gaṭuk, gupuḥ matur iŋ rahadyan, kadipundi déné ṅantos kaliḥ ratri, tyas amba kĕlap kĕlap.

15. radyan mèsĕm sarwi awawarti, uṅguliŋ praŋ saŋ ṛĕṣi kasoran, ṅantya anon iŋ téjané, ṭak gaṭuk maṇṭuk maṇṭuk, sukaniŋ tyas sukur iŋ widdhi, kagyat saŋ uṅguliŋ praŋ, aniṅali gunuŋ, iŋ caṛĕmé sukunira, laṅkuŋ priṅga rahadyan tandya lumaris, ḷĕpas iŋ lampahira.

16. laṅkuŋ rumpil iŋ marga grĕŋ ṅori, kumbaŋ kumbaŋ ṅarasiŋ wulusan, sumĕraŋ ṅiriŋ wukiré, èṅĕt kantĕpiŋ kalbu, mariŋ kadaŋ iṅkaŋ luṅa nis, nulya maṅgiḥ talaga, toyanya sumunu, kinubĕŋ iŋ kayu lata, laṅkuŋ kaṭaḥ wowohan iṅkaŋ sarwa di, anĕḍĕŋ uwohira.

15. dumugi iŋ ṛĕdi cĕrmé pinaṅgiḥ ṛĕṣi siṅgunkara iṅkaŋ mĕḍarakĕn :

bab 1. wariga gĕmĕt, awon sah‍éniŋ dintĕn miturut wuku 30,

bab 2. pétaŋ nagajatiṅaraŋ kaṅgé tiyaŋ ṅaliḥ griya.

lampahipun kalajĕṅakĕn dumugi ṛĕdi tampomas, pinaṅgiḥ sèḥ trĕṅgana dalaḥ sémahipun wasta sitaṛĕsmi lan anakipun èstri wasta ni ruhkanti, winulaŋ ṅèlmi kasidan kaṇṭi waṅsalan. botĕn daṅu sèḥ trĕṅgana mukṣa. r. jayèṅrĕsmi suka piwulaŋ ḍatĕŋ ruhkanti bab martabat pitu. ni ruhkanti kapuṇḍut garwa sultan cĕrbon lajĕŋ kaboyoŋ dalaḥ ibunipun. jayèṅrĕsmi ṅlajĕṅakĕn lampaḥ.

17. lir nambrama iṅkaŋ lagya prapti, suŋ usada mriŋ saŋ jayaniŋ praŋ, gaṭuk ṅaturakĕn wohé, kĕpĕl gandanya arum, naṅiŋ radyan tan arṣa bukti, tansaḥ ginanda ganda, sĕṅsĕmiŋ tyas ndulu, talaga kinĕpuŋ arga, madyèŋ tlaga wontĕn ardi alit alit, sapta samya gĕṅira.

18. wĕniŋ tlaga kasorot hyaŋ rawi, gĕbyar gĕbyar wayaṅan saptarga, mawarṇa warṇa warṇiné, rawé rawé amaṅluŋ, anèŋ ranu kadya sinomiŋ, dyaḥ adi pinaṅantyan, aṅarompyoḥ sĕmu, gumĕritiŋ ampèl dĕnta, katĕmpuhiŋ samirana lir pañjritiŋ, dyaḥ nĕmbé katĕrassan.

19. lajĕŋ miṅgaḥ radèn jayèṅrĕsmi, myat patapan sapucakiŋ arga, pala pélak asri tinon, sinalisir rum arum, sinarojèŋ kayu téja di, iṅapit parijaṭa, añjraḥ anèŋ ṅayun, paṅguṅé muṅgul katiṅal, sru kasmaran rahadyan duk aniṅali, sinĕraŋ dèn nya maṅsaḥ.

20. nĕṅgiḥ iṅkaŋ martapa iŋ wukir, apaparab wasi siṅgunkara, atmaja ri saŋ pamasé, bĕḍahiŋ majalaṅu, numpaŋ palwa ṅambaŋ jaladri, kèndĕl iŋ palabuhan, ciṛĕbon gya laju, tutruka nèŋ cĕrmé arga, sakalaṅkuŋ ṅlaṅkuṅi tapanirèki, rahadyan duk uniṅa.

21. mriŋ saŋ tapa kĕsĕl sayaḥ urip, lupa capé ilaŋ tan karasa, tumamèŋ maraŋ ṅarṣané, saŋ wiku maṅguŋ miṅgu, jayèṅrĕsmi matur mamanis, ḍuḥ saŋ kulinèŋ tapa, kaŋ dahat manĕṅkuŋ, déné suŋ prabawanira, aṅramati mriŋ dasiḥ kaŋ kawlasasiḥ, nir iŋ tyas iṅkaŋ murka.

22. malaḥ malaḥ sudira iŋ tapi, sru kapéṅin kadiya paduka, tĕka wiṅit pasĕmoné, nĕtĕpi puja nuŋ kuŋ, ulun èṅĕt iŋ guru mami, sèḥ sĕkardlima arga, slamĕt ḍépokipun, siṅgunkara api kagyat, aṅandika iya tan sira pribadi, kaŋ prapta ṅarṣaniṅwaŋ.

23. paḍa oliḥ sabaraṅkarṣèki, kĕna baraŋ kaŋ paḍa sinĕdya, naṅiŋ iya sapaṅkaté, éḥ kulup iṅsuntutur, ananiṅsun martapèŋ wukir, saŋ ṛĕṣi sigra ṅaṇḍar, lalampahanipun, iŋ purwa tĕkèŋ wasana, radèn matur mĕṅgaḥ kawaspadan lahir, piridanipun étaŋ.

24. mahaṛĕsi aṅandika aris, iku kulup mirid saka étaŋ, wuku tĕluṅpuluḥ kèhé, warigagĕmĕt tamtu, ala bĕcik uwus kapaṣṭi, iŋ daḷĕm sapta dina, tampané kaŋ wuku, ri dité sèrèn tinampan, kawit sinta watugunuŋ kaŋ muṅkasi, laḥ kaki kawruhana.

25. dité pahiŋ sinta amurwani, baraŋ karya bĕcik tur raharja, soma pon ayu bĕciké, babĕḍat ambuburu, olèḥ buron kaŋ déra amriḥ, aṅgara wagé ala, luluṅan tan arju, kawĕlèḥ ana iŋ paran, lola kah‍élaṅan guru iṅkaŋ bĕcik, masaḥ wĕlaḥ iŋ sawaḥ.

26. budha kliwon rahayu utami, aluluṅan salamĕt saparan, ṛĕspati manis watĕkké, ala kalawan ayu, ñjampènana mata kaŋ sakit, sayĕkti aglis waras, suwitaa iku, bisa kandĕl kinasiyan, sukra pahiŋ ala naṅiŋ iṅkaŋ oliḥ, amamasaṅa pikat.

27. tumpak ĕpon ala iṅkaŋ kardi, ywa luluṅan kataḍahan kala, sinta sèrèn gya tinampèn, landĕp dité wagéku, atur tĕmĕn laṅkuŋ prayogi, ṅupayaa wanita, sayĕkti glis antuk, soma kaliwon raharja, babĕḍaga aglis olèḥ tur agampil, karya sumur bak toya.

28. ṅgara manis ala ayu naṅiŋ, karya sumur drĕs wĕdaliŋ toya, luluṅana tan asuwé, ntuk rijĕki nèŋ dlaṅguŋ, budha pahiŋ awon sakalir, karya ywa luṅa luṅa, naṅiŋ karya susup, jala jariŋ kaŋ prayoga, ṛĕspati pon iŋ sabaraŋ kardi bĕcik, karya sumur bak toya.

29. sukra wagé rahayu sakalir, amasaṅa pĕlantiḥ piluwaŋ, aglis antuk buburoné, tumpak kaliwonnipun, ala aja luluṅan kaki, landĕp sèrèn tinampan, wukir dité madu, rahayu ta ṅuṅgahĕna, pari maraŋ lumbuŋ iku luwiḥ bĕcik, soma pahiŋ raharja.

30. baraŋ karya iṅkaŋ luwiḥ bĕcik, karya sumur kĕbak toyanira, aṅgara pon baraṅgawé, abĕcik tur rahayu, luluṅana maṅgiḥ rijĕki, iŋ marga tan pantara, budha wagé ayu, sabaraŋ karya prayoga, ṛĕspatiné kaliwon rahayu ugi, luluṅana kapaṅgya.

31. kakasihé lamun raré lahir, tĕka ana saṇḍaŋ paṅanira, sukra ḷĕgi prayogané, mamaraṅana ayu, iŋ tĕgĕsé amamaraṅi, pikir yun bĕbésanan, tumpak pahiṅipun, ala aja luṅa luṅa, kataḍahan iŋ kala kalawan maṅgiḥ, kurda kurda nèŋ paran.

32. naṅiŋ raré lahir aprayogi, wukir sèrèn kurantil kaŋ tampa, dité pon sabaraṅgawé, ala naṅiŋ kaŋ ayu, aṅupaya wadon glis oliḥ, iŋ soma wagé ala, sabaraŋ karyèku, luluṅan tan tĕkèŋ paran, naṅiŋ ambĕbĕḍat ambuburu bĕcik, aṅgara kliwon ala.

33. aluluṅan katrapan guŋ sakit, myaŋ sabaraṅkarya tiba lara, budha nis rahayu rèntès, baraŋ karya panuju, aṅupaya saṇḍaŋ myaŋ bukti, aglis antuk tur gampaŋ, panuju iŋ kayun, iŋ ṛĕspati pahiŋ ala, paṅaḍaṅaniŋ satru anĕraŋ pati, poma aywa luluṅan.

34. iŋ sukra pon apan ala ugi, aywa luṅan yĕkti maṅgiḥ kala, lan kalaran nèŋ paranné, tumpak wagé rahayu, amisaya iwak prayogi, mamaraṅana bagya, baraṅkarya tulus, kurantil sèrèn tinampèn, wuku tolu dité kaliwon maṛĕṅi, ala aja luluṅan.

35. nandur pala bruṅkaḥ tulus bĕcik, soma manis rahayu nandura, pala bruṅkaḥ dadi wohé, aṅgara pahiŋ iku, baraṅkarya datan prayogi, turunniŋ taragñana, tuju miwaḥ tĕluḥ, ṅaḍaŋ aywa luṅa luṅa, budha ĕpon rahayu sabaraŋ kardi, ṛĕspati wagé bagya.

36. mumuṇḍuta paḍa suka sami, lan salamĕt ana iŋ dadalan, gantya sukra kaliwonné, rahayu tuhu tulus, iṅkaŋ urip iŋ tumpak ḷĕgi, rahayu nambanana, sakit bisa mantun, kalawan pituluṅiŋ hyaŋ, maṅkya wuku tolu sèrèn dèn tampani, gumbrĕg kadaŋnya muḍa.

44. sinom

1. gumbrĕg dité pahiŋ ala, baraṅkarya tan prayogi, luṅa kasĕṅkalèŋ paran, soma ĕpon ala ugi, riṅkĕl gulu sapaliḥ, luṅan kalaran nèŋ purug, aṅgara wagé ala, naṅiŋ tuku iwèn bĕcik, lan nambani woŋ édan pan bisa waras.

2. budha kaliwon raharja, mamaraṅana prayogi, paḍa suka sugiḥ sanak, iŋ ari ṛĕspati manis, rahayu tur sayĕkti, sabaraŋ karyané èstu, luluṅan slamĕt paran, sukra pahiŋ baraŋ kardi, apan bĕcik luluṅan suka nèŋ paran.

3. tumpak ĕponé raharja, sabaraŋ karya utami, rijĕki apan tumĕka, bukti ḍatĕŋ amimbuhi, gumbrĕg sèrèn tinampi, wrigalit dité wagéku, ala naṅiŋ mbĕbĕḍat, buburu antuk kaŋ pinriḥ, soma kliwon rahayu amumuṇḍuta.

4. paḍa suka iŋ paturan, mbubraḥ omaḥ mèt guruniŋ, omaḥ apan bĕcik uga, ṅgara nis rahayu kardi, sumur akĕbak wariḥ, iŋ budha pahiŋ rahayu, baraṅkarya prayoga, bukti ḍatĕŋ wanti wanti, paḍa suka iŋ ṛĕspati pon pan ala.

5. ywa luṅa lan aja léna, paṅaḍaṅan satru sĕkti, iŋ sukra wagé raharja, salamĕt kapaṅgiḥ urip, aluluṅanna bĕcik, tumpak kliwon ala ayu, naṅiŋ ḷĕkasa tarak, olèḥ cahya anĕlahi, lan sabaraŋ kaṛĕp sayĕkti katĕkan.

6. wriga lit sèrèn tinampan, wariga guŋ dité ḷĕgi, rahayu karyaa tumbal, susuwuk ama sakalir, karya susuk prayogi, miwaḥ karya tumbakipun, soma pahiŋ raharja, mumuṇḍut suka ḷĕstari, anèŋ paran aṅguntur wisma prayoga.

7. aṅgara ĕpon raharja, amasaṅa sisiṛĕpiŋ, iŋ sakèhiŋ wisa wisa, lan sakèhiŋ maliŋ sĕkti, tan tumamèŋ sirèki, karya tumbal apikantuk, budha wagé raharja, akaryaa sumur bĕcik, lan sabaraŋ karya iku bĕcik uga.

8. iŋ ṛĕspati kliwon ala, paṅaḍaṅiŋ satru sĕkti, dèn prayitna aywa léna, sukra nis rahayu yĕkti, sabaraŋ akrya bĕcik, luluṅan suka iŋ puruk, tumpak pahiŋ raharja, prayogi suwita mariŋ, iŋ woŋ aguŋ antuk asiḥ myaŋ kawiryan.

9. wrigaguŋ sèrèn tinampan, iṅkaŋ wuku juluṅwaṅi, dité pon ala sabaraŋ, karya aja luṅan kaki, soma wagé basuki, dum duman duña pakantuk, palané kinèḍĕpan, aṅgara kliwon tan bĕcik, aja luṅa kasaṅkala griŋ nèŋ dalan.

10. sabaraŋ kaŋ paḍa ñawa, iku dadi saṅkalèki, budha nis bĕcik nandura, pisaŋ palakirṇa dadi, myaŋ raṅkat iku bĕcik, ṛĕspati pahiŋ rahayu, masaŋ tumbal wuruṅan, karya wĕlaḥ iku bĕcik, sukra ĕpon rahayu sasolahira.

11. luṅaa nanagiḥ utaŋ, tan asuwé nuli oliḥ, kaŋ katĕkan paḍa suka, tumpak wagé tan prayogi, baraŋ karya tan bĕcik, uwas paṅantèn rannipun, sèrèn kaŋ juluṅsĕkar, wuku suṅsaŋ iṅkaŋ tampi, dité kliwon ala aja aluluṅan.

12. kalaran ana iŋ marga, nèŋ paran amaṅgiḥ isin, soma manis gawé tumbal, liŋ omaḥ lan sabin bĕcik, tuna kaŋ mriḥ tan bĕcik, ñañjataa mèt mina, riṅkĕliŋ buron sakalir, budha ĕpon rahayu sabaraŋ karya.

13. luluṅanna sukèŋ paran, ṛĕspati wagé prayogi, araṅkatta bĕcik uga, sanaké pracaya sami, sukra kaliwon bĕcik, yèn raré lahir puniku, ana rijĕkinira, tumpak ḷĕgi tan prayogi, luwiḥ ala alaniŋ kaŋ baraṅkarya.

14. suṅsaŋ sèrèn tinampènan, galuṅan iŋ dité pahiŋ, ala iŋ sabaraṅkarya, naṅiŋ pasaŋ tutumballiŋ, wuruṅiŋ siṛĕp bĕcik, soma ĕpon ambuburu, olèḥ buron akaṭaḥ, aṅgara wagé mariṅi, maraŋ pĕkir bĕcik iŋ pandoṅanira.

15. budha kaliwon raharja, ḷĕkas tarak antuk idi, araṅkatta bĕcik uga, ṛĕspati nis ala bĕcik, luṅan datan prayogi, kasĕṅkala nèŋ dĕlaṅguŋ, ṅuṅgaḥna pantun maraŋ, iŋ lumbuŋ iṅkaŋ prayogi, sukra pahiŋ luwiḥ bĕcik tur utama.

16. luluṅanna sukèŋ paran, baraŋ kaṛĕpira oliḥ, tumpak ĕpon ṅulatana, woŋ miṅgat tan suwé paṅgiḥ, galuṅan wus tinampi, kuniṅan dité wagéku, rahayu udan ĕmas, lamun ana raré lahir, asugiyan tur wruḥ maraŋ iŋ kĕkadaŋ.

17. soma kaliwon raharja, anambanana woŋ élik, dadi atut apĕs kuwat, ṅupaya paṅan prayogi, ṅgara nis nagiḥ oliḥ, budha pahiŋ ṅupayèku, woŋ miṅgat aglis paṅgya, ṛĕspati pon ala yĕkti, sukra wagé kaŋ prayoga macak tumbal.

18. kériṅan yèn ana apraŋ, liyèku kabèḥ tan bĕcik, tumpak kaliwon raharja, nagiha utaŋ pakoliḥ, kuniṅan wis tinampi, laṅkir dité nis rahayu, nanandura sabaraŋ, bisa bukti uwohnèki, soma pahiŋ rahayu yèn ana bocaḥ.

19. lahir ana rijĕkinya, luṅan rijĕki ṇḍatĕṅi, aṅgara ĕpon raharja, luṅan rijĕkiné ṅanti, lan iṅaḍaṅan bukti, laré lahir apikantuk, ana saṇḍaṅé béñjaŋ, iŋ budha wagé basuki, aḷĕkassa tarak antuk cahya mulya.

20. antuk idi katarima, ṛĕspati kliwon basuki, ṅurit wiji ḷĕkassana, bĕcik myaŋ tulus iŋ wuri, sukra manis basuki, mamaraṅana pakantuk, anandur pala buṅkraḥ, tumpak pahiṅé basuki, paḍa suka buṅaḥ amamaraṅana.

21. laṅkir sinèrènkĕn maraŋ, maṇḍasiya iṅkaŋ tampi, dité ĕpon ala aywa, kélaṅan iku maṛĕṅi, kèḥ satru aṅaḍaṅi, soma wagéné rahayu, gawé wisaya mina, jala sèsèr jariŋ sluṇḍit, miwaḥ krakat iku watĕké sĕṛĕppan.

22. aṅgara kaliwon ala, paṅaḍaṅan satru sĕkti, dèn prayitna aja luṅa, budané manis prayogi, mumuṇḍut paḍa oliḥ, ṅguntura omaḥ rahayu, ṛĕspati pahiŋ karya, mumuṇḍuta paḍa oliḥ, sukra ĕpon rahayu karya bĕnduṅan.

23. bisa pĕpĕt kaduluran, ĕsri lan pasañjan bĕcik, tumpaké wagé kaliwat, bĕcik kukuḥ dèn ajrihi, maraṅana pan bĕcik, paḍa suka iŋ tyassipun, yèn atintrim muṅsuḥnya, maṇḍasiyané gumanti, juluṅpujud dité kaliwon raharja.

24. gawé pawoŋ mitra lawan, ṅguguru bĕcik lan asiḥ, soma manissé raharja, ṅupaya istri glis oliḥ, ṅgara pahiŋ basuki, luṅan na rijĕkinipun, paḍa ṅaḍaŋ tur suka, baraṅkarya antuk bukti, budha ĕpon raharja sabaraṅkarya.

25. ṛĕspatiné wagé ala, baraŋ karya tan prayogi, aja luṅa nĕmu kala, sukra kaliwon tan bĕcik, sabaraŋ sĕdyanèki, luluṅan ala kalaṅkuŋ, tumpak ḷĕgi raharja, aṅuṅgaḥna pari mariŋ, lumbuŋ bĕrkat juluṅpujut sèrèn maraŋ.

26. pahaŋ dité pahiŋ ala, aja luṅan yèn ṅlampahi, luṅan katiban iŋ taṅan, soma ĕpon ala ugi, ywa luluṅan sirèki, aṅgara wagé winuwus, ala ywa luṅa luṅa, kalaran nèŋ papan yĕkti, budha kliwon raharja sabaraṅkarya.

27. awiwit sawaḥ prayoga, ṛĕspati manis basuki, ṅupayaa pĕkṣi gaṅsar, sukra pahiṅé kaluwiḥ, ala ywa luṅan pĕṣṭi, ana iŋ marga tinĕluḥ, ṅiŋ bĕcik ṅguntur omaḥ, tumpaké ĕpon basuki, nambanana iŋ woŋ lara dadi waras.

28. pahaŋ sèrèn wus tinampan, kruwĕlut dité wagé ki, uwas paṅantèn iŋ paran, naṅiŋ masaŋ tutumballiŋ, wuruṅan blahi bĕcik, soma kaliwon raharja, mamaraṅana yogya, mĕtu duña palanèki, ṅgara manis ala aja luṅa luṅa.

29. kalaran agĕŋ tinĕmaḥ, budha pahiŋ ala ugi, sadina ywa luṅa luṅa, ṛĕspati ĕpon basuki, mumuṇḍut suka oliḥ, aṅguntur omaḥ saṛĕju, sukra wagé masaṅa, tumbal wuruṅan abĕcik, tan tumĕka kaŋ samya asĕdya ala.

30. tumpak kaliwonné ala, naṅiŋ gawé wĕlaḥ bĕcik, bañjur agé pinasaṅa, kruwĕlut sèrèn tinampi, marakèḥ dité ḷĕgi, rahayu yogya nanandur, pala kalawan buṅkraḥ, soma pahiŋ ayu ugi, baraṅkarya ṅguntura omaḥ prayoga.

31. aṅgara pon aja luṅa, nèŋ paran kataman sakit, budha wagéné raharja, sabaraŋ karyané bĕcik, muŋ luṅan ala yĕkti, uriŋ uriṅĕn nèŋ purug, ṛĕspati kliwon arja, mumuṇḍuta suka oliḥ, nambanana woŋ lara anulya waras.

32. sukra ḷĕgi kaŋ prayoga, masaṅa baraŋ piranti, gajĕg luwaŋ sèsèr jala, sapanuṅgalané bĕcik, tumpak pahiŋ basuki, luluṅan slamĕt nèŋ pruug, marakèḥ sèrèn maraŋ, wuku tambir iṅkaŋ tampi, dité ĕpon ala aja luṅa luṅa.

33. maṅgiḥ kala wawatĕgnya, somané wagé basuki, luluṅan na bĕgjanira, rawuḥ iŋ sadina maṅkin, ṅgara kasiḥ basuki, nandura pala gumantuŋ, andadi uwohira, budha nis ala ywa ṅanti, luṅa tinut wiṅkiŋ saguṅiŋ lalara.

34. ṛĕspati pahiŋ raharja, ḷĕkas ṅurit gaḍu bĕcik, sukra pon rahayu luṅan, sinuŋ pêpak rijĕkiniŋ, tumpak wagé utami, purṇama siddhi rannipun, baraŋ karya prayoga, wuku tambir sèrèn mariŋ, maḍaṅkuṅan dité kaliwon atampa.

35. masaṅa tumbal wuruṅan, sisiṛĕp datan prayogi, kaŋ samya asĕdya ala, soma nis rahayu yĕkti, aṅuṅgahĕna pari, mriŋ lumbuŋ brĕkat kalaṅkuŋ, ṅgara pahiŋ prayoga, masaŋ tumbal tumbak bĕcik, budha ĕpon ala iŋ sabaraṅkarya.

36. pitnaḥ tĕka ambĕbéda, ujar dèn ajarkĕn yĕkti, ṛĕspati wagé raharja, luluṅanna aprayogi, aṅaḍaŋ anèŋ margi, sukra kliwon ala amuŋ, aṅadonana upas, iku paṣṭi bisa mandi, tumpak ḷĕgi rahayuné datan pĕgat.

45. mĕgatruḥ

1. amuṇḍuta paḍa suka lamun ṅguntur, omaḥ kalaṅkuŋ prayogi, maḍaṅkuṅan sèrèn gupuḥ, mriŋ maktal iŋ dité pahiŋ, ala luṅan kaprĕk lumpoḥ.

2. soma ĕpon ala bĕcik tĕgĕsipun, madya ṅgara wagé nèki, ala ywa luṅa puniku, satogalak aṅaḍaṅi, budha kliwon karahayon.

3. amamaraṅana paḍa sukanipun, akèḥ pialanirèki, ṛĕspati manis rahayu, sabaraṅkarya anaṅiŋ, luluṅan wĕkasan awon.

4. sukra pahiŋ ala ywa luṅan sirèku, tukaran ana iŋ margi, tumpak ĕponné rahayu, mamaraṅana utami, paḍa suka trusiŋ batos.

5. maktal sèrèn tinampèn iŋ wuyé wuku, dité wagé amaṛĕṅi, karya paḍa sukèŋ kalbu, mitoni laré prayogi, soma kliwon laṅkuŋ awon.

6. ywa luluṅan nèŋ paran wiraŋ tinĕmu, aṅgara manis abĕcik, baraŋ karya ananandur, pala pĕṇḍĕm aglis mbukti, budha pahiŋ karahayon.

7. aṅgawéya sèsèr jala srĕpan antuk, ṛĕspatiné ĕpon bĕcik, luṅan na ṛĕjĕkinipun, sukra wagé ayu yĕkti, ṅadoni upas pitados.

8. tumpak kliwon rahayu karyaa iku, ragi kaduluran manis, wuyé sinèrèn kĕtampan, mriŋ manahil dité manis, uwas paṅantèn pan awon.

9. naṅiŋ añjariṅa pĕkṣi aglis antuk, soma pahiṅé basuki, aluluṅanna pakantuk, suka kaŋ sira parani, nandur kĕmbaŋ pulu dados.

10. aṅgara pon aluluṅan tan pakantuk, budha wagéné basuki, suka sugiḥ ṅupayèki, saṇḍaŋ nandur cikal bĕcik, ṛĕspati kaliwon awon.

11. ywa luluṅan sukra manissé rahayu, ana ṛĕjĕki aṅanti, nèŋ marga tan tara daṅu, tumpak pahiŋ ayu kardi, iŋ sabaraŋ ṛĕna yĕktos.

12. anandura bĕcik miwaḥ gĕlis subur, manahil sèrèn tinampi, praṅbakat dité pon iku, ala luṅan nĕmu gĕriŋ, soma wagé ayu rawoḥ.

13. iŋ ṛĕjĕki raré lahir sugiḥ èstu, aṅgara kasiḥ tan bĕcik, aja luṅan kaṇḍĕg dlaṅguŋ, kĕna iŋ gĕgĕriŋ naṅiŋ, ana bĕciké ṅuṇḍuḥ woḥ.

14. budha manis rahayu ṅuṅgaḥna pantun, maraŋ lumbuŋ ambĕrkati, ṛĕspati pahiŋ alèstu, ywa luluṅan paṅaḍaṅiŋ, satru dèn prayitnèŋ kéwoḥ.

15. sukra ĕpon ala luṅa rogèŋ purug, tumpaké wagé basuki, ana bĕgja agĕŋ rawuḥ, luṅa tĕmu kaŋ kinapti, praṅbakat wus sèrèn gupoḥ.

16. tinampèn iŋ bala dité kliwon ayu, rahmat agĕŋ aṇḍatĕṅi, ṅulatti woŋ glis kĕtĕmu, soma nis rahayu ugi, luṅana bĕgja glis rawoḥ.

17. ṅgara pahiŋ karya wisaya pakantuk, budha pon luṅa prayogi, ana bĕgja ṅaḍaŋ dlaṅguŋ, ṛĕspati wagé akardi, sumur bĕcik tan ṛĕkahos.

18. amamaraṅana paḍa sukanipun, lawan baraṅkarya bĕcik, sukra kliwon ala tuhu, away luṅan paṅaḍaṅiŋ, satru dèn aṅatos atos.

19. tumpak ḷĕgi luṅan nèŋ paran rahayu, bala sèrèn wugu tampi, dité pahiŋ ala èstu, ywa luṅan nèŋ paran agriŋ, myaŋ katĕkan pitnaḥ kahot.

20. soma ĕpon rahayu luluṅan sarju, ana bĕgja ṅaḍaŋ margi, miwaḥ glis praptaniŋ purug, aṅgara wagé prayogi, ḷĕkas ṅurit wiji maṅgon.

21. gĕlis maṅan uwohé iṅkaŋ tinandur, budha kliwon ala yĕkti, paṅaḍaṅané kaŋ satru, kĕna tan bisa maḷĕssi, ṛĕspati manis pitados.

22. bĕcik paḍa ananandur paṣṭi tulus, sukra pahiŋ rahayu di, mamaraṅana saṛĕju, karya sumur kĕbak wariḥ, luṅan bĕcik sukèŋ ṅĕṅgon.

23. tumpak ĕpon rahayu mumuṇḍut ṅguntur, omaḥ luṅan kabèḥ bĕcik, wugu sèrèn wus sinambut, wayaŋ dité wagé ari, bĕcik baraṅkaryaniŋ woŋ.

24. naṅiŋ ĕsok doracara datan tuhu, soma kliwon ala ywa nis, satĕmaḥ agriŋ nèŋ purug, ana kala ṅaḍaŋ margi, ṅgara manis karahayon.

25. luluṅanna ana bukti ṅaḍaŋ dlaṅguŋ, kalawan kapaṅgiḥ ĕsri, naṅiŋ taliwaṅké nuju, budha pahiŋ baraṅkardi, bĕcik naṅiŋ luṅan awon.

26. ṛĕspati pon rahayu baraŋ karyèku, luluṅanna ana bukti, ṅaḍaŋ marga datan daṅu, sukra wagé ala yĕkti, luṅan kalaran iŋ poṇḍok.

27. tumpak kliwon ala sabaraŋ karyèku, naṅiŋ masaŋ tuṅgal bĕcik, wayaŋ sèrèn mriŋ kulawu, ri dité manis basuki, bĕcik tuku iwèn babon.

28. anambani lara dadi warassipun, soma pahiŋ aprayogi, ṅusadani saliripun, sasakit muliya jati, lawan istijab sayĕktos.

29. aṅgara pon aja luluṅan sah‍èstu, katĕkan iṅkaŋ sasakit, budha wagé ala lamun, luṅan satru aṅaḍaṅi, ṅiŋ mèt mitra sah‍é yĕktos.

30. suka sugiḥ ṛĕspati kliwon alèstu, ponaŋ satru aṅaḍaṅi, kĕna tanpa maḷĕs ambruk, sukra nis rahayu luwiḥ, bĕcik ananandur dados.

31. tumpak pahiŋ bĕcik baraŋ pakaryèku, luluṅan salamĕt ugi, kulawu sèrèn mriŋ ḍukut, dité pon rahayu bĕcik, tutukuwa sapi kĕbo.

32. soma wagé rahayu rijĕki suguḥ, karya lahir darbé bukti, aṅgara kasiḥ tan ayu, ywa luṅa luṅa siŋ panti, budha manis karahayon.

33. mumuṇḍuta paḍa suka waḥ pikantuk, aguntur omaḥ basuki, ṛĕspati pahiŋ rahayu, iŋ sabaraṅkarya bĕcik, amamaraṅana dados.

34. sukra ĕpon rahayu woŋ tani iku, paḍa witta ṅurit bĕcik, akèḥ baṅĕt parinipun, tumpak wagé ala kardi, aywa luṅa luṅa awon.

35. ḍukut sèrèn tinampan iŋ watugunuŋ, dité kaliwon muṅkassi, aywa tuku suku catur, kĕbĕnĕran lawan bĕcik, soma nis rahayu yĕktos.

36. aḷĕkassa ṅurit pantun yĕkti tulus, ṅgara pahiŋ ala yĕkti, ywa luṅa griŋ anèŋ purug, budha ĕpon ala ugi, ywa luṅan kasaṅsayèŋ ndon.

37. krana bhumi pipitu aran puniku, ṛĕspati wagé basuki, luluṅan slamĕt iŋ purug, laré lahir aprayogi, saṇḍaŋ paṅanné dumrunoḥ.

38. sukra kliwon ala ywa luṅan sirèku, anèŋ paran antuk agriŋ, laré lahir tan pakantuk, gĕriṅan suṅkanan yĕkti, tampak manis karahayon.

39. iŋ sabaraṅkarya bĕcik ananandur, pala kabruṅkaḥ mĕtoni, laḥ iku paṭokaniṅsun, anak putu iṅkaŋ apti, pucuŋ tatanya mariŋ ṅoŋ. 

46. pocuŋ

1. jayèṅrĕsmi dahat paṅuṅuniŋ kalbu, atul iŋ pétaṅan, tan ana iṅkaŋ katalip, saŋ awiku wus tan mawi pèpèṅĕtan.

2. papannipun dumunuŋ sajroniŋ kalbu, tulisé èṅĕtan, ginuṣṭi rahina wĕṅi, winimbuhan pinuja pininta iŋ hyaŋ.

3. mila tamtu iŋ sabda tan amarucut, wasana ris turṇya, hèḥ risaŋ tuhu utami, iŋ tyas ulun sakalaṅkuŋ sukaṛĕna.

4. myarṣa tutur ari wuku ḍahupipun, saṅgyaniŋ pakaryan, awon pĕnĕt kacĕṭa riŋ, tan mbarojol sudibyaniŋ jalma tama.

5. saŋ awiku laṅkuŋ sukaṛĕnèŋ kalbu, aris aṅandika, pédahé mahas ṅasĕpi, waspadèŋ tyas mĕḷĕŋ baraŋ kaŋ sinĕdya.

6. ana maniŋ dadi parabotiŋ mahu, laḥ kawikanana, lakuniŋ naga myaŋ jati, ṅaraŋ rijal maṅgon nèŋ kéblat sakawan.

7. sabĕn tĕluŋ sasi ṅaliḥ ĕṅgonipun, puputiŋ sawarṣa, bali maṅgon kala wiwit, tinumbukkĕn lan sasi agama islam.

8. awit sasi sura sapar tĕkan mulut, jatiṅaraŋ wétan, siraḥ naga maṅgonnèki, ĕlor wétan pĕṭité ana iŋ tĕṅaḥ.

9. wĕtĕŋ anèŋ ĕlor kulon gya dumunuŋ, gigir kidul wétan, maṅétan dèn nya ṅalirik, rijal ĕlor jaṅkĕp tri sasi tinampan.

10. iŋ rabiṅulakir madilawal myaŋ ju, madilakir wulan, jatiṅaraŋ maṅgèn aglis, kidul bĕnĕr siraḥ naga kidul wétan.

11. pĕṭit tĕṅaḥ wĕtĕŋ lor wétan puniku, gigir dul kulonnya, ṅalirik maṅulon nĕṅgiḥ, rijal wétan ḷĕṛĕs sèrèn wus tinampan.

12. ṛĕjĕb ruwaḥ kalawan pasa sitèṅsu, jatiṅaraŋ maṅgyan, iŋ kulon siraḥ naga di, ana kidul kulon pĕṭit maṅgon tĕṅaḥ.

13. wĕtĕŋ kidul wétan gigir maṅgonipun, lor kulon punika, ṅalirik maṅulon nĕṅgiḥ, rijal anèŋ kidul ḷĕṛĕs sèrèn maraŋ.

14. sawal ĕdul kaṅidaḥ bĕsar sitaṅsu, jatiṅaraŋ maṅgyan, iŋ lor dé siraḥ naganiŋ, ĕlor kulon pĕṭit tĕṅaḥ maṅgonnira.

15. wĕtĕṅipun anèŋ kidul kulon nĕṅgiḥ, gigir ĕlor wétan, aṅalirik wétan ugi, rijal ana iŋ kulon puṅkasannira.

16. ṅaliḥ panti ñiṅkirana maṅgonnipun, naga jatiṅaraŋ, muŋ iku tan ana maniŋ, kawruhiṅsun naṅiŋ rèhniŋ wus alama.

17. kaya kaya wus sayaḥ gyanṅoŋ tumuwuḥ, bab iŋ kasampurṇan, suméṇḍé karṣaniŋ widdhi, duruŋ lawas ana wisikiŋ jawata.

18. ujaripun siṅgunkara sira bésuk, katĕkan ṅulama, cacaloniŋ oliya di, iku iṅkaŋ pituduḥ sampurṇèŋ pĕjaḥ.

19. sira mañjiŋ agamané kaṅjĕŋ rasul, islam tur ginañjar, kamulyan tan owaḥ giṅsir, tikĕl sèwu kamulyan nikmatiŋ duña.

20. hèḥ ta bagus muga asiya mariŋ sun, asuṅa pitĕdaḥ, muṅguḥ sampurṇaniŋ pati, anut maraŋ agama iṅkaŋ minulya.

21. dyan tumanduk radyan ñĕpĕŋ astanipun, ṛĕṣi siṅgunkara, winĕjaŋ sahadat kaliḥ, purṇa jati iṅikĕt tĕḷĕṅiŋ driya.

22. mahawiku alon paṅandikanipun, jayèṅrĕsmi sira, asuŋ sampurṇaniŋ lalis, aprañata cacaloniŋ aholiya.

23. iṅsun tutur kulup maraŋ iŋ sirèku, iŋ tĕmbé katĕkan, kaŋ dadya sĕdyanirèki, adoḥ néya katĕmu lan kadaṅira.

24. pañcaddané saka iŋ karaŋ argaguŋ, kaŋ ḍéḍépok karaŋ, sèḥ ibrahim ibnu bakrim, ya ki agĕŋ karaŋ satuhu utama.

25. sarwa putus patakon tan ana waṅsul, laḥ pruhitanana, gugunĕn satuturṇèki, wusiŋ tampa samoaniŋ wulaṅira.

26. sira bañjur maraṅa karajan aguŋ, aran wanamarta, pradikan kalaṅkuŋ alim, darbé suta wanodya yu tanpa sama.

27. lamun sira ḍinahupkĕn lan saŋ ayu, poma lakonana, sawusé sira akrami, pan iŋ kono wus cĕḍak lan sĕdyanira.

28. nĕŋna atus paṅandikanya saŋ wiku, musna tan katiṅal, sampurṇa saraganèki, yata wahu rahadyan kantun aṅgana.

29. gandruŋ gandruŋ lam lammĕn wirahosipun, rahadyan ṅandika, gaṭak gaṭuk uwus lami, anèŋ cĕrmé payo paḍa nuli liṅgar.

30. wus tumurun maraŋ marga lampahipun, kusuma di pañjraḥ, pratishèŋ hawaniŋ wukir, pinarwasa maruta gandanya ṅambar.

31. aṅĕnani iŋ tyasnya saŋ anahĕn kuŋ, saṅkiŋ cĕrmé arga, ṅalèr ṅilèn turut wukir, wus aṅañcik sukuné ardi tampomas.

32. talatahiŋ priyaṅan pasuṇḍan baṇḍuŋ, mañjat iŋ tampomas, anon maśjid tuṅgul asri, kinubĕŋ iŋ balumbaŋ tinuṅgul séla.

33. kitri tahun ṅubĕṅi capurinipun, ron ijĕm ṅrĕmbaka, lagya tumaruna sami, wĕnèḥ sĕkar karuk pĕntil ñaḍam tuwa.

34. kaŋ ḍéḍépok sèḥ trĕṅgana wus linuhuŋ, tĕṅaḥ tuwuḥ lagya, baṛĕgas sĕṅsĕm iŋ ṅèlmi, garwanira ni kèn sitaṛĕsmi raras.

35. warṇa luhuŋ pasaja sasolahipun, yèn siyaga éndaḥ, bombroŋ bah‍é amrakati, darbé putra wanodya sampun diwasa.

36. sinuŋ aran rara ruhkanti linuhuŋ, luwĕs pamicara, sèḍĕt dĕdĕgé raspati, ayu tama kaŋ anon yuda kanaka.

47. paṅkur

1. saṅkiŋ éndahiŋ kaŋ warṇa, sariranya jĕnar abĕṅlé kĕris, mula karannya saŋ ayu, mupakat rara ĕmas, pra sudagar miwaḥ paṅagĕṅiŋ ḍusun, kaṭaḥ kaŋ ṅayunkĕn maraŋ, rara ĕmas diniŋ wukir.

2. naṅiŋ saŋ dyaḥ datan arṣa, lagya sĕṅsĕm birahi sréṅat nabi, datan saḥ dèn nira ndarus, kur'an amahos kitab, sru ṅibadaḥ tan towoŋ bĕkti hyaŋ aguŋ, sisiriḥ sunat puwasa, bèlsiwat myaŋ sĕnèn kĕmis.

3. sèḥ trĕṅgana myaŋ rubiyaḥ, rara ĕmas sabakdaniŋ ṅasĕr i, anèŋ plataran ṅuṅuṇḍuḥ, kalampok maja ganda, kĕpĕl maṅgis jĕruk kĕprok laṅsĕp ḍuku, kagyat santrinya tur wikan, kidul wétan suku wukir.

4. wontĕn ḍatĕṅan titiga, kaŋ satuṅgal warṇanya laṅkuŋ pĕkik, wĕnĕs cahyanya umañcur, antĕŋ sĕmu dyatmika, iṅkaŋ kaliḥ raré kintĕn réñcaṅipun, sèḥ trĕṅgana duk miyarṣa, aturé santrinirèki.

5. ṅandika lon maraŋ garwa, sitaṛĕsmi cacawissa kaŋ bĕcik, suṅgata saananipun, lan wisma gĕlarana, papatutĕn iṅkaŋ sawatara muṅguḥ, manawa kaŋ nĕmbé prapta, iŋ mĕṅko kapaṛĕŋ mampir.

6. rara sira ṅladènana, garwa putra sandika aturṇèki, mundur mriŋ wisma agupuḥ, ṅrĕrakit pasuṅgata, tan antara daṅu sadaya wus ramut, sèḥ trĕṅgana wus tumĕḍak, maraŋ iŋ sukuniŋ wukir.

7. kapaŋ kapaŋ ulukṣalam, radyan kagyat taṅgap dèn nya maṅsuli, muwalahikum salamu, tuṇḍuk ajawat taṅan, sèḥ trĕṅgana alon paṅandikanipun, sakiŋ ṛĕsĕpiŋ tyasiṅwaŋ, jĕbèŋ sira aja krami.

8. maraŋ jĕnĕṅé pun bapa, mriḥ rumakĕt datan na walaṅati, paḍa bĕcik sarawuḥmu, paran ta kaŋ sinambat, lan iŋ ṅĕndi pinaṅkanira woŋ bagus, mriŋ ĕndi kaŋ sira sĕdya, pun bapa tĕmbé udani.

9. rahadyan osikiŋ driya, rada wantĕr woŋ iki kaduk manis, pasaja luwĕs iŋ tĕmbuŋ, wasana aṅandika, pandaṅunta rama iŋ kakasiḥ ulun, jayèṅrĕsmi saṅka praja, sokaraja ardi giri.

10. grĕsik tlataḥ surapriṅga, atmajané suhunan prapèn giri, lagya ṅlampahi ragèṅsun, karṣané kaŋ misésa, sru kasrakat tan ana sinĕdyèŋ kayun, sĕnĕŋ sumĕṅkèŋ ṅaldaka, maraŋ ṅgyan kaŋ sĕpi sĕpi.

11. sèḥ trĕṅgana nulya nabda, iya kulup ajwa ndĕdawa pikir, balik ḍaṅana iŋ tyasmu, kampir iŋ wisma amba, kĕtĕmuwa bibèkmu lawan aḍimu, anakku wadon sajuga, rara ruhkanti wawaṅi.

12. daṅu radyan tan ṅandika, sèḥ trĕṅgana mèsĕm ṅandika aris, aja wagugĕn iŋ kalbu, rèḥ ulun asuŋ wikan, anak wadon tyasmu yèn andakwa iṅsun, karṣamu mampir jalaran, katarik saka pawèstri.

13. iku jĕbèŋ nora watak, radyan matur dahat ḷĕṅganèŋ kapti, wus kérit iŋ lampahipun, gaṭak gaṭuk nèŋ wuntat, gèḍèg gèḍèg myarṣa sabdanya saŋ wiku, iki si woŋ aprasaja, tatas tĕtĕg apratitis.

14. babasan ñjariŋ pawana, lampahira uwus tumamèŋ panti, ḷĕṅgaḥ glaran batu alus, ki daḷĕm aṅandika, kaŋ sakéca kulup ṅgonnira aluṅguḥ, aṅgĕpèn wisma priyaṅga, ṇḍĕku radèn jayèṅrĕsmi.

15. garwa putra tinimbalan, praptèŋ ṅarṣa saŋ ṛĕṣi ṅandika ris, sitaṛĕsmi wruhanamu, iku atmaja sunan, giri prapèn jayèṅrĕsmi kasihipun, mĕṅko iṅsun ambil suta, dadi kadaṅé ruhkanti.

16. mara asuṅa pambagya, sitaṛĕsmi paṅandikanya manis, paḍa bĕcik sira kulup, prapta iŋ ṅarṣaniṅwaŋ, radyan matur jĕŋ bibi paṅèstunipun, rara ruhkanti suŋ bagya, kakaŋ katuran basuki.

17. iya rara sun tarima, pambagému maraŋ iŋ jĕnĕŋ mami, sèḥ trĕṅgana ṅandika rum, rubiyaḥ suṅgatanta, paṅĕsĕsan tapsiriḥ patéyanipun, ywa kari kaŋ ñañamikan, iki sĕlak wĕktu mahrib.

18. suṅgata luwamdyèŋ ṅarṣa, apikantuk dèn nira aṅrĕsĕpi, wus mañjiŋ iŋ mahrib wĕktu, sèḥ trĕṅgana ṅandika, payo kulup mriŋ maśjid sĕḍĕṅé waktu, liṅgar saṅkiŋ padaḷĕman, samya ṅambil toyastuti.

19. tan winarṇa dèn nya wĕkdal, bakda ṅisa waṅsul mriŋ daḷĕm maliḥ, wus rinakit ḍahar sĕkul, saṅkĕp jaṅan myaŋ ulam, nikèn sitaṛĕsmi aris matur kakuŋ, ṅgyan ulun suḍiya ḍahar, punika sampun cumawis.

20. nulya ḍahar laṅkuŋ rahab, kèn ruhkanti iṅkaŋ aṅlĕladossi, wus dumugi ṅgènnya kĕmbul, linorodakĕn sigra, mariŋ gaṭak gaṭuk samya aṅaṭĕkul, ḍasar wus lami tan naḍaḥ, ḍaharan lumadyèŋ ṅarṣi.

21. saṅkĕp saṅgyaniŋ woḥ wohan, ṛĕsĕpiŋ tyas risaŋ iṅakĕn siwi, sèḥ trĕṅgana ṅandika rum, kulup paran iŋ karṣa, apa aso utawa isiḥ saṛĕju, laḷĕṅgahan anèŋ wisma, rahadyan umatur aris.

22. kajawi karṣanya rama, makṣiḥ éca pinarak anèŋ panti, sambèn ginĕm kaŋ pakantuk, ulun aminta barkaḥ, dimèn iŋ tyas aywa maṅguŋ wayaŋ wuyuŋ, sèḥ trĕṅgana sru kaṛĕnan, paṅandikanira aris.

23. apa iŋ patañanira, mĕṅko iṅsun jawab iṅkaŋ patitis, ṅaṅgé wawaṅsalan muṅguḥ, dimènné aywa kĕmba, payo kulup aywa wawaŋ maraŋ iṅsun, rama paran urip para, jawabĕn iṅkaŋ patitis.

24. lah‍é lah‍é guḍé paṇḍak, ḍuḥ ḍuḥ aṅgèr nagrinya iŋ kurañji, uripira iku kulup, tan mawi paran paran, puṣpa ranu wit namaniŋ bujaṅga guŋ, uripira kadya sĕkar, tuñjuŋ tan salaga kaki.

25. ṅĕndi ṅgoniŋ paṅéranta, brĕkukut guŋ pĕtis cinandu ḷĕtiḥ, kaŋ aṅucap mriŋ sirèku, sapa ndadèkkĕn para, pakṣi karḍa putra nata ṅayodyèku, sĕdya bakal dadya lawan, ḍèwèkira woŋ ṅasigit.

26. sapa kaŋ molahkĕn para, minaṅkara sriŋ apus gita sami, lah‍é lah‍é osikiṅsun, wisésa tanpa krana, laḥ iŋ ĕndi pinaṅkanira puniku, iṅsun saka sawosĕmpal, wismané hyaŋ bagaspati.

27. sakiŋ nora mulaniṅwaŋ, dadi ana tumitaḥ ndoña iki, lamun rama praptèŋ lampus, mriŋ ṅĕndi parannira, tapas arèn tala piṇḍa buntalèku, uliḥ maraŋ awaluya, kaya duk noranirèki.

28. jroniŋ pati maṅgiḥ apa, kunir pita putra iŋ jaṅgala śri, jroniŋ pati iku kulup, tan nĕmu paran paran, kaya paran rama sadatira iku, guladrawa prabhu yĕkṣa, purubaya sadat mami.

29. tuli bisu lawan wuta, datan pĕgat dèn nira acariwis, ṅĕndi ṅgonné hyaŋ sukṣmèku, tirta prana pratala, kĕnèŋ swara ananiŋ hyaŋ tanpa ṅliṇḍuŋ, ana iŋ sajroniŋ cipta, kèḥ katuṅkul tatakrami.

30. hèḥ ta kulup prana dina, aṅun aṅun anata praja adi, wus lali jiwa kasaput, iŋ guṅguṅiŋ asmara, asmarané tansaḥ gawé wigĕnèku, babo kulup paraṅmuka, séla ginĕnia rèki.

31. lah‍é lah‍é pujinira, akaluruŋ tambuḥ parannya yĕkti, poma poma ywa katuṅkul, sĕmbahira kaŋ ñata, carma léka kajuṅan martalayèstu, gurayaŋ tambuḥ dèn sĕmbaḥ, kulup iku tan patitis.

32. ṅĕndi ĕṅgon kaŋ tan mĕdal, margahina mara jawabĕn aglis, wisaṅkara putraniṅsun, gĕbaŋ paniwĕr wana, kaŋ duruŋ wruḥ akèḥ ujar kaŋ karuṅu, lamun iku kababara, béñjaŋ rama ulun ṅabdi.

33. kulup guguywaniŋ rasa, poma kaki aywa asalaḥ tampi, pranalapa wanita yu, sĕḍĕp aṅganda prana, lamun mbabar wacana tanpa karyèku, babo babo jambu alas, jĕmpana muŋ dyaḥ iṅèṣṭi.

34. kapok mitra woŋ tan lana, puṣpalulut gunuŋ malaŋ wĕlèri, pĕgat sihé nora tuhu, kulup wacananira, rama apa kuraŋ iŋ prabèyaniṅsun, sĕtyanana lamun cidra, wacana kaŋ wus kawijil.

35. kadya paran uniṅakna, puḍak cĕṅkal palastraniŋ narpati, saŋ arjuna sasrabahu, kalamun kababara, mara ḍéwé kaŋ kawudan iku kulup, wahu sawusiŋ ṅandika, sèḥ trĕṅgana aṅĕmasi.

36. radyan aṅruṅkĕpi gĕpaḥ, saha matur waspanira drĕs mijil, rama sira déné bañjur, wapat tanpa karana, sèḥ trĕṅgana musna tilar swara arum, tan mati namuŋ kéwala, ṅaliḥ paṅgonan sakawit.

48. asmaradana

1. wahu ta kaŋ kari braṅti, rahadyan myaŋ garwa putra, nahĕn guŋ guṅiŋ prihatos, pinupus wus karṣaniŋ hyaŋ, papaṣṭèn tan kĕna waḥ, wasana narimèŋ kalbu, sukur iŋ allahu akbar.

2. rara ruhkanti prihatin, saya birahi myaŋ sukṣma, miṇḍak kĕñcĕŋ ṅibadahé, cacĕgaḥ myaŋ pasa sunat, lumintu sabĕn wulan, mila saŋ dyaḥ sakalaṅkuŋ, mañcur mèntèr ujwalanya.

3. nikèn sitaṛĕsmi tuwin, radyan laṅkuŋ wlas iŋ driya, muhuŋ miminta hyaŋ manon, cĕpakiŋ kaŋ jatukrama, antuk joḍo utama, maṅkana ri saŋ binagus, lami nèŋ tampomas arga.

4. anuju sajuga ari, nikèn sitaṛĕsmi ḷĕṅgaḥ, anèŋ èmpèr iṅkaŋ kilèn, putra kaliḥ anèŋ ṅarṣa, rara ruhkanti turṇya, kakaŋ paran dunuṅipun, iṅkaŋ kasapta martabat.

5. yogya kawruhana yayi, woŋ birahi maraŋ sukṣma, iŋ martabat iku ṛĕké, martabat sapta sadaya, puniku ṅgènnya muṇḍak, tiṅaḷĕ woŋ arib tĕrus, paniṅallé mariŋ sukṣma.

6. akadiyat iṅkaŋ ḍiṅin, kapiṇḍo martabat wahdat, wakidiyat piŋ tĕluné, kapiŋ paté ṅalam arwaḥ, ṅalam misal piŋ lima, ṅalam ajĕsan nĕmipun, insan kamil kapiŋ sapta.

7. martabaté insan kamil, milané wontĕn iŋ wuntat, ĕṅgoné pakumpulané, martabat nĕnĕm kaŋ kocap, batinné iku iya, tĕtĕlu kocap karuhun, lahiré iṅkaŋ sĕkawan.

8. maṅka akadiyat ḍiṅin, iṅaranan wujud mutlak, tĕgĕsé mutlak ta maṅké, ora ñata sipatira, miwaḥ iŋ asmanira, karanné maṅkono iku, duruŋ ana kañataan.

9. iṅaranan kun ijati, tĕgĕsé kun iŋ punika, luhuriŋ aluhur ḍéwé, dadi biṅuŋ ponaŋ akal, tan ana ṅawruhana, iŋ kun iné hyaŋ ṅaluhur, kaṇḍĕk sakaṭahiŋ akal.

10. kaŋ martabat wahdat siṅgiḥ, iṅaranan takyun ṅawal, krana hyaŋ aguŋ karṣané, ñatakakĕn awakira, kalawan ṅèlmunira, maṅka ñata ananipun, lan satĕṅaḥ sipatira.

11. iṅaranan suku dat ti, khakékat mukamadiyaḥ, tĕgĕsé suku dat ṛĕké, iku kalakuwaniŋ dat, ĕṅgoné pakumpulan, iŋ ṅèlmu ĕṅgonné kumpul, lan sakèhiŋ sipaté dat.

12. maṅka wahkidiyat nĕṅgiḥ, takyun sani namanira, karana iya hyaŋ manon, ñatakakĕn ḍèwèkira, sarta makluk sadaya, miwaḥ lawan sipat ṅèlmu, pan sampun apisaḥ pisaḥ.

13. iṅaranan akyat sabit, iku khakékat manuṅsa, tĕgĕsé akyan ta ṛĕké, wus ñata kaananira, bhumi laṅit kasapta, miwaḥ kéwan sampun wujud, anèŋ ṅèlmuné paṅéran.

14. tĕgĕsé manuṅsa iki, lali iŋ anané waḍak, sampun kaṛĕṅkuḥ anané, iŋ wakitdira hyaŋ sukṣma, dadya tan wruḥ iŋ réna, aṅiŋ ṛĕké iṅkaŋ wĕruḥ, kaananira hyaŋ sukṣma.

15. iṅaran insan kakiki, karana ora apisaḥ, kalawan datiŋ hyaŋ manon, pan ananirèku sukṣma, tan mĕtu sakiŋ hiya, tĕtĕp ana jroniŋ ṅèlmu, iŋ salawasé punika.

16. maṅka ñata ananèki, lawan sipatira pisan, insan kakiki namané, kalawan kaŋ luwiḥ ñata, karana insan ika, kañataané hyaŋ aguŋ, kañataan jatinéka.

17. maṅka alam arwaḥ nĕṅgiḥ, kañataané hyaŋ sukṣma, karana iku hyaŋ manon, aṅlahirakĕn kaŋ ana, iŋ daḷĕm ṅèlmunira, ṅgènniŋ ñatakakĕn iku, iŋ ananiŋ ṅalam arwaḥ.

18. maṅka ñata ananèki, kalawan sakèhiŋ sipat, miwaḥ sakèhiŋ asmané, kalawan kaŋ luwiḥ ñata, karana ṅalam arwaḥ, kaŋ dadi gagĕntinipun, hyaŋ aguŋ kaŋ maha mulya.

19. iṅaran arwaḥ sayĕkti, nur wilayaḥ arannira, karané nama maṅkono, lahir sakiŋ ahibira, sanépa laré mĕdal, saṅkiŋ wĕtĕṅé kaŋ ibu, lahir warṇané sadaya.

20. maṅka ṅalam misal ugi, karané iŋ ṅalam misal, déné dadi upamané, kaŋ tĕtĕp iŋ ṅèlmunira, lan ñata ananira, atanapi sipatipun, tétéla ṅalam ajĕsan.

21. kaŋ ṅalam ajĕsan nĕṅgiḥ, iya kañataaniŋ hyaŋ, karana iku hyaŋ manon, ñatakakĕn ananira, tétéla ṅalam ajĕsan, andadèkakĕn hyaŋ aguŋ, iŋ anané ṅalam ajĕsan.

22. maṅkana ananiŋ widdhi, kalawan kaŋ luwiḥ ñata, tétéla jisim anané, iku pah‍ésanniŋ sukṣma, pah‍ésan lahir ika, yèku ananiŋ hyaŋ aguŋ, pah‍ésan ñataniŋ ñata.

23. maṅka insan kamil nĕṅgiḥ, ĕṅgonné martabat sapta, nĕṅgiḥ kaŋ aluhur ṛĕké, titiga kaŋ batin ika, la takyun arannira, suku dat piŋ kalihipun, piŋ tiga akyan sabitaḥ.

24. martabat titiga lahir, arwaḥ misal lawan ajsan, tĕgĕsé ajsan maṅkéné, kandĕl tipisiŋ kaanan, kaŋ narima panduman, johar awal sipatipun, miwaḥ apṅal lawan mukdas.

25. iṅaranan insal kamil, milané aran maṅkana, tan apisaḥ kaanané, kalawan kaananiŋ hyaŋ, ñata ananiŋ purba, lan sipaté mahaluhur, ñata iŋ insan punika.

26. iṅaran insan basari, karané aran maṅkana, baṅsa jisim iku déné, kaŋ kandĕl lan tipisira, owaḥ owaḥ ananya, karana anané iku, saṅkiŋ anasir saṅkannya.

27. déné anasir anĕṅgiḥ, aṅin api lawan toya, ḷĕbu punika papaté, mulané binéda béda, wawatĕkiŋ manuṅsa, tan ana iṅkaŋ akumpul, sakawan datan anuṅgal.

28. wataké anasir bhumi, asor iŋ wawatĕkira, bañu asrĕp iŋ wataké, kalawan asor punika, anasir aṅin ika, asrĕp aṅĕt watĕkipun, gĕni watĕké apanas.

29. kumpul kabèḥ watĕknèki, iŋ manuṅsa kabèḥ ika, darapon aṅrahosaké, iŋ asrĕp kalawan panas, nikmat lawan malarat, kaŋ asor kalawan uṅgul, wawatĕkaniŋ manuṅsa.

30. pan wajibiŋ para mukmin, aṅilowa kaŋ wus kocap, karana iya bĕnĕré, paṅilon mukmin sadaya, kaŋ ñata iŋ hyaŋ sukṣma, iṅaranan insan iku, kalawan kaŋ luwiḥ ñata.

31. ṅandika nabi sinĕlir, siŋ sapa ṛĕké tumiṅal, iŋ sawiji wiji maṅké, yèn tan niṅali hyaŋ sukṣma, batalliŋ tiṅalira, siya siya iŋ pandulu, tan aṅsal dèn nya tumiṅal.

32. iŋ tiṅalé woŋ kaŋ arip, ḷĕpas woŋ arip tiṅalnya, lir niṅali wayaŋ ṛĕké, katon ki ḍalaŋ kaŋ ana, ḍalaṅé pan wus ilaŋ, paṅucapé ḍalaŋ iku, ñata ki ḍalaŋ kaŋ ṅucap.

33. anaa pah‍ésan nĕṅgiḥ, wujud kak punika ñata, kalawan suku dat maṅké, lan akyan sabitaḥ iya, ananiŋ ṅalam arwaḥ, lan alam ajsan puniku, sarta dat sipaté pisan.

34. dèn bisa sira nampani, iŋ sakèhé crĕmin ika, pan marga sampurṇa ṛĕké, sakaṭahiŋ ahuliya, sami kinèn nĕtĕppa, andikanira hyaŋ aguŋ, sami ṅilowa pah‍ésan.

35. déné ta martabat saṅkiŋ, ṅalam jabarud punika, karana biṅuŋ woŋ akèḥ, iŋ sakèhé khak puniku, añatakakĕn iya, iŋ kaguṅan mahaluhur, dadia warṇa martabat.

36. maṅkana rara ruhkanti, dumĕliŋ dèn nya miyarṣa, iŋ raka paṅandikané, luṅguhé martabat sapta, surupiŋ diwaṅkara, bibaran aṛĕbut parlu, waktu mahrib kadya saban.

37. sigĕg gantya kaŋ winarṇi, jĕŋ sultan carbon taruna, sampun amiyarṣa wartos, sédanya saŋ panĕmbahan, ḍépok ardi tampomas, tilar putra èstri luhuŋ, ayu praktati utama.

38. papatihira tinudiŋ, mriŋ tampomas moṇḍoṅana, iŋ garwa lawan putrané, cĕkakiŋ cariyos buḍal, wus prapta iŋ tampomas, paṅgya lan saŋ adiniṅrum, sitaṛĕsmi suŋ pambagya.

39. caraka binojakrami, nulya mĕḍarkĕn iŋ gita, sultan caṛĕbon karṣané, nikèn sitaṛĕsmi liŋnya, paran rara karṣanta, ywa ṅanti kaparan tutuḥ, di prasaja mriŋ si biyaŋ.

40. nikèn ruhkanti liŋnya ris, pĕjaḥ gĕsaṅku sumaṅga, ṇḍèrèk sakarṣamu bah‍é, miwaḥ ḍawuhé si kakaŋ, sakarṣa tan ḷĕṅgana, pituduhé kadaŋ sĕpuḥ, sayĕkti kaṇṭi utama.

49. kinaṇṭi

1. myarṣa aturé kaŋ sunu, wahu nikèn sitaṛĕsmi, waspa kumĕmbĕŋ karantan, èṅĕt raka kaŋ wus swargi, wasana manis ṅandika, mriŋ putra dyan jayèṅrĕsmi.

2. babo paran putraniṅsun, kaŋ dadya ṛĕmbugirèki, iŋ karṣané kaṅjĕŋ sultan, iṅsun lan arinirèki, sira ywa wagugĕn iŋ tyas, satuturmu dak lakoni.

3. radyan manĕmbaḥ umatur, ḍuḥ bibi pupuṇḍèn mami, kajawi karṣa paduka, prayogi dipunlampahi, awit karṣanipun sultan, tuhu nugrahaniŋ widdhi.

4. yèn pinaṛĕŋ bĕgjanipun, bokmanawi ambaboni, woŋ aguŋ caṛĕbon praja, nikèn sita duk miyarṣi, kamantyan ṛĕnaniŋ driya, atur waṅsulan mriŋ patiḥ.

5. ṇḍèrèk iŋ sakarṣanipun, sampun pradandosan sami, sawusira asamĕkta, rahadyan umatur maliḥ, bibi ñuwun paṅakṣama, ulun tan sagĕd umiriŋ.

6. ayun ndumugèkkĕn kayun, amuŋ atur iŋ pamuji, raharjaniŋ kaŋ sarira, iŋ duña tumĕkèŋ akir, allaḥ mariṅana iman, tinĕbiḥna iŋ bilahi.

7. nikèn sita ṅandika rum, mĕṅgaḥ mĕṅgaḥ waspa mijil, kaki iŋ pandoṅaniṅwaŋ, sinĕmbadana hyaŋ widdhi, radyan ṅandika mriŋ saŋ dyaḥ, babo nini kadaŋ mami.

8. iṅsun ñaṅoni rahayu, winantu sakèhiŋ puji, rahina wĕṅi tan pĕgat, kadyaṅganiŋ toya mili, kasĕmbadana sakarṣa, lulus iŋ utama adi.

9. yèn sira winĕṅku kakuŋ, ywa tilar lañjaran ṅuni, tatuladan kuna kuna, kadisiŋ rasulolahi, kaŋ amriḥ utamaniŋ dyaḥ, antuka sawarga adi.

10. kaŋ wĕkĕl salaminipun, laṅgĕŋ boya owaḥ giṅsir, budinĕn dipunsampurṇa, añiṅkirana saliriŋ, kaŋ wus iṅaranan cacat, tanduk tindakiŋ pawèstri.

11. tan kuraŋ tuladan luhuŋ, aṅgon aṅgoniŋ pawèstri, jaṅji tĕmĕn linampahan, iṅkaŋ wus kasĕbut tulis, aṅguŋ kaŋ paḍa iyasa, yèn ṅanti tumĕkèŋ niṣṭip.

12. naṅiŋ kudu wruḥ panuju, watĕk kabĕnĕran nini, ywa ṅaṅgo bĕnĕr kéwala, iku aṅèliŋ dumadi, ĕmpan papan duga duga, taṅi turu aywa lali.

13. saŋ dyaḥ maṅĕñjali matur, kakaŋ ḍawuḥmu tak puṇḍi, datan luwiḥ paṅèstunta, muga bisaa ṅlakoni, sadaya kaŋ wus kawĕḍar, tumañcĕpa sanubari.

14. lamun kakaŋ èstu ṅlaṅut, aku ṇḍèrèkké basuki, iya yayi dak tarima, rahadyan ṅandika mariŋ, carakanira jĕŋ sultan, nĕḍa saŋ anindyamantri.

15. cumaṇṭaka caṇṭèl atur, sĕmbaḥ suṅkĕm saha maliḥ, titip réna miwaḥ kadaŋ, aywa kiraŋ paṅakṣami, caraka ṇḍĕku liṅira, iṅgiḥ anak ywa kuwatir.

16. samya sasalaman gupuḥ, rara ruhkanti ṅabĕkti, gya biḍal sowaŋ sowaṅan, maṅkya iŋ tampomas wukir, ical sĕnĕniŋ prawata, lir ĕmbanan tanpa manik.

17. kacarita saŋ ṛĕtnayu, praptaniŋ crĕbon nagari, tan pantara laminira, pinuṇḍut garwa padĕmi, iŋ sultan caṛĕbon praja, ibu widada moŋ siwi.

18. wibawa wirya kalaṅkuŋ, gantya wahu kaŋ winarṇi, jayèṅrĕsmi gaṭuk gaṭak, uḍunira saṅkiŋ wukir, tansaḥ mahawan iŋ arga, iŋ siyaŋ dalu lumaris.

16. iŋ ṛĕdi maṇḍalawaṅi pinaṅgiḥ ajar suganda mĕjaŋ :

bab 1. pétaŋ iladuni awon sah‍éniŋ dintĕn,

bab 2. pranatamaṅsa,

bab 3. candrasaṅkala dalah watak watak satuṅgal satuṅgaliŋ tĕmbuŋ sarta paṅgubahiŋ candrasaṅkala,

bab 4. watakiŋ taṅgal 1 dumugi 30.

dumugi iŋ bogor pinaṅgiḥ ki wargapati iṅkaŋ mĕḍarakĕn bab lampaḥ pujidina muriḥ umur pañjaŋ. r. jayèṅrĕsmi suka katraṅan bab jaman dahuru kiyamat kubra. wasana ṅlajĕṅakĕn lampahipun niṅali tilas kraton pajajaran.

19. kèndĕl kalanira wĕktu, maṅidul miṅgaḥ iŋ wukir, atuṅgul araniŋ arga, nèŋ ṅriku datan alami, ṅalèr ṅilèn ṅambaḥ arga, iŋ taṅkubanprahu ardi.

20. muŋ tri ari gya tumurun, mariŋ iŋ buraṅgraŋ wukir, atanapi wukir wayaŋ, sapta ri gya méntar mariŋ, ṅalèr ṅilèn añjog arga, saṅgabhuwana iŋ nagri.

21. kĕrawaŋ kaŋ sisiḥ kidul, nèŋ kono amuŋ tri ari, tumurun maṅidul tlataḥ, priyaṅan pasuṇḍan nagri, tansaḥ mahawan iŋ arga, sru kaṛĕnan umiyat iŋ.

22. asriniŋ kaŋ gunuŋ gunuŋ, talataḥ iŋ baṇḍuŋ nagri, juraŋ siruŋ karuṅruṅan, arga puṇṭuk tinon wilis, mawèḥ ṛĕsĕpiŋ lumampaḥ, sĕṅsĕm saŋ kulinèŋ wukir.

23. ṅĕnirkĕn saṅsayèŋ laku, ayĕm kaŋ andon lumaris, wus mañjat sukuniŋ arga, gĕḍé iŋ maṇḍalawaṅi, ndĕdĕr karṣanya mriŋ puñcak, iŋ arga maṇḍalawaṅi.

24. tan ana durgama kétuŋ, lampaḥnya radyan ḷĕstari, gaṭak gaṭuk tansèŋ wuntat, prapta iŋ lambuṅiŋ wukir, anon ḍukuḥ śri kawuryan, rahadyan umañjat maliḥ.

25. praptèŋ pagagan saŋ luhuŋ, pinaṅgiḥ janma ḍaḍaṅir, miwaḥ amamatun gaga, rahadyan ṅandika aris, kaki ulun atatanya, iṅriki ran ḍukuḥ pundi.

26. myaŋ sintĕn paṅagĕṅipun, ki ḍaṅir tumĕṅa aṅliŋ, bagus ṅriki raniŋ ḍĕkaḥ, anut namaniŋ kaŋ ardi, maṇḍalawaṅi punika, déné kaŋ ḍéḍépok wukir.

27. ajar suganda jujuluk, paduka kalamun apti, kapaṅgiḥ lawan ki ajar, kula tur uniŋ rumiyin, rahadyan manis ṅandika, wawi matura ki ḍaṅir.

28. kèndĕl dèn nira mamatun, maṅgul pacul ñaṅkiŋ kuḍi, ṅiṇṭir mantuk mriŋ patapan, lawan ki ajar wus paṅgiḥ, matur yèn wontĕn ḍatĕṅan, janma tri sajuga sigit.

29. ki ajar ṅandikanipun, mara aturana aglis, papaculmu ulihĕna, kaŋ kinèn uméntar aglis, ñaṅkiŋ kuḍinya tarantaŋ, praptèŋ pagagan wus paṅgiḥ.

30. matur sumaṅga saŋ bagus, kinèn laju kula irit, wus kèrit lampaḥnya radyan, gaṭak gaṭuk anèŋ wuri, ki ajar suganda mapak, suṅsuŋ guyu asasanti.

31. ñawurakĕn arum arum, ṅigĕl lir mĕrak kĕsimpir, wus tuṇḍuk asta cinaṇḍak, rahadyan tandya kinaṇṭi, gaṭak gaṭuk suka mulat, dupi wus prapta iŋ panti.

32. linĕṅgahakĕn iŋ salu, ki ajar wacana aris, téja téja sulakṣana, téjaniŋ añar kah‍èkṣi, iŋ ṅĕndi kanaŋ pinaṅka, lan sapa sinambatiŋ siḥ.

33. rahadyan manis umatur, kula nama jayèṅrĕsmi, saṅkiŋ iŋ giri parapyan, ṅupadosi kadaŋ anis, jaḷĕr jayèṅsari nama, kaŋ èstri ran rañcaṅkapti.

34. ki ajar daṅu tan muwus, gèḍèg gèḍèg ṅandika ris, sira kulup dinarima, saka iŋ paṅira mami, lawas éṅgalé kapaṅgya, tur wus paḍa sinuŋ luwiḥ.

35. muṅguḥ kaŋ dadya sĕdyamu, sira kulup maraŋ ṅĕndi, rahadyan matur manĕmbaḥ, sĕdyahulun ḍatĕŋ kawis, anaṅiŋ dèrèŋ uniṅa, ṅlantur ṅgambuḥ iŋ pawarti.

50. gambuḥ

1. iŋ karaŋ iku kulup, tlataḥ bantĕn puṅkas kulonipun, tanaḥ jawa wus tan ana nagri maliḥ, iŋ kono ana woŋ luhuŋ, sudibya ṅèlmu kinahot.

2. alim oliya tuhu, amumpuni iŋ sakèhiŋ ṅèlmu, tan kuciwa apa sakarṣaniŋ janmi, darbé putra juga jalu, ibuné tumĕkèŋ layon.

3. wusiŋ akir kaŋ sunu, tansaḥ dèn nya mamatiragèku, alalana koṅsi tumĕka sahiki, duruŋ ana wartanipun, ulihé mriŋ karaŋ ḍépok.

4. éliṅku namanipun, kyagĕŋ karaŋ sèḥ ibrahim ibnu, abubakar asli sakiŋ nagri ahib, wus lawas ṅgonné dumunuŋ, anèŋ karaŋ aḍéḍépok.

5. kapasaŋ yoga kulup, karṣanira maraŋ karaŋ gunuŋ, pruhitaa sayĕkti laṅkuŋ utami, naṅiŋ kulup aywa bañjur, ñatakĕna kaṇḍaniṅṅoŋ.

6. sidiké kaŋ linuhuŋ, manĕṅkuṅa ana salak gunuŋ, tĕmbé sira wus tartamtu dèn poṇḍoṅi, linuru maraŋ saŋ luhuŋ, binĕkta mriŋ karaŋ ḍépok.

7. rahadyan lon umatur, biliḥ paṛĕŋ karṣanta saŋ wiku, ulun maṅkat samaṅké mriŋ salak wukir, ajar suganda aṅguguk, iku ambĕké woŋ anom.

8. tan mikir baya kéwuḥ, sayĕktiné sira duruŋ wĕruḥ, naṅiŋ aywa dadi sumĕlaŋmu kaki, aku kaŋ ṅĕtĕrkĕn bésuk, kampir mriŋ tilas karaton.

9. iŋ pĕjajaran kulup, muŋ aṅkaté kudu ri panuju, iŋ pétuṅan iladuniné kaŋ oliḥ, rahadyan manis umatur, sakarṣa ulun rumojoŋ.

10. paranta étaṅipun, iladuni iŋ wawatonipun, kyayi ajar suganda ṅandika aris, sajroniŋ sasasi iku, dina sapta winirahos.

11. upama taṅgal nuju, ari sukra kawité kah‍étuŋ, sukra siji raharja watĕkirèki, sukra kapiŋ kalihipun, nuju satruniŋ hyaŋ manon.

12. sukra kaŋ kapiŋ tĕlu, maṅgiḥ pati sukra kapiŋ catur, akèḥ iṅkaŋ samya sarju atitilik, sukra kapiŋ limanipun, raharja tumpak ginantos.

13. tumpak sapisan iku, satruniŋ hyaŋ tumpak piŋ dwinipun, tuna luput tumpak tri maṅgiḥ prihatin, tumpak piŋ catur rahayu, tumpak kapiŋ pañca maṅgoḥ.

14. wahyu dité winuwus, dité piŋ sapisan tuna luput, dité kapiŋ dwi raharja dité piŋ tri, maṅgiḥ susaḥ dité catur, raharja sasolahiŋ woŋ.

15. dité piŋ pañcanipun, satruniŋ hyaŋ gantya ri somèku, soma kapiŋ sapisan tuna tan kéṅiŋ, soma kapiŋ dwi rahayu, soma piŋ tri susaḥ maṅgoḥ.

16. soma kaŋ kapiŋ catur, raharjadi soma piŋ limèku, maṅgiḥ pati gantya aṅgara winarṇi, aṅgara piŋ pisan iku, satruniŋ allaḥ sayĕktos.

17. aṅgara dwi rahayu, kaŋ aṅgara kapiŋ katrinipun, papĕgatan aṅgara piŋ caturṇèki, raharja aṅgaranipun, piŋ lima amaṅgiḥ layon.

18. gantya ri budanipun, budha pisan maṅgiḥ dosanipun, budha kapiŋ dwi raharja budha piŋ tri, maṅgiḥ pati budha catur, raharja tan na wirahos.

19. budha piŋ limanipun, satruniŋ hyaŋ gantya ṛĕspatèku, ṛĕspati kaŋ sapisan amaṅgiḥ tuni, ṛĕspati piŋ kalihipun, satruniŋ allaḥ sayĕktos.

20. ṛĕspati tri rahayu, ṛĕspati kapiŋ catur maṅgiḥ ru, ṛĕspati kapiŋ lima satruniŋ widdhi, wus kĕmput dina pipitu, ri taṅgal ètaŋ sawiyos.

21. lamun (nd)hahupkĕn sunu, luwiḥ parlu miliya kaŋ sarju, maṅgiḥ ayu raharja akèḥ woŋ tilik, iku salaḥ siji kulup, èstu datan walaṅatos.

22. rahadyan maliḥ matur, wontĕn tiyaŋ mayu griyanipun, ṅaṇṭĕŋ ṅaṇṭĕŋ ṅĕntosi maṅsa prayogi, kadi paran kaŋ kinayun, tĕka maṅsa kaŋ dèn antos.

23. saŋ wiku ṅandika rum, wawatĕké maṅsa kaṅgo mayu, awit kasa tumĕka saḍa nirèki, ḍéwé ḍéwé watĕkipun, piyarṣakna sun cariyos.

24. maṅsa kasa kaŋ umur, pataŋ puluḥ siji dina iku, ṅlamat pĕnĕt waṛĕdèn baraŋ pakarti, salamĕt sarta saṛĕju, maṅsa karo winirahos.

25. trilikur ari umur, ṅalamaté tukaran katĕmpuḥ, pakéwuḥ guŋ maṅsa katiga winarṇi, patlikur dina kaŋ umur, ṅalamat koboṅan awon.

26. kamaliṅan kablurut, maṅsa kapat slawé dina umur, ṅlamat luwiḥ bĕcik tur dinunuŋ iŋ śri, lan ṛĕjĕki tur rahayu, wrĕdèn anak jalu wadon.

27. maṅsa kalima umur, pitulikur dina ṅlamatipun, sugiḥ anak tur sinuṅan slamĕt nĕṅgiḥ, maṅsa kanĕm iṅkaŋ umur, pat puluḥ tri ari maṅko.

28. ṅalamat kadaŋ karuḥ, akèḥ wèwèḥ kaŋ maṅsa kapitu, paḍa umur pataṅpuluhtĕlu ari, ṅalamat kèḥ pakèryèku, akèḥ luluṅan iṅkaŋ woŋ.

29. nèŋ wisma datan kahur, marga akèḥ prakara kaŋ baruŋ, maṅsa wolu umuré nĕmlikur ari, ṅlamat tan na èstrinipun, tawa pĕgat wis layon.

30. maṅsa kasaṅa umur, slawé ari dé ṅlamatipun, prihatinan kaloṅan sakalir kalir, maṅsa kasadasa umur, patlikur ari kinahot.

31. ṅalamat luwiḥ ayu, iŋ sabaraŋ sĕdyanira rawuḥ, tur salamĕt saanak rayatirèki, tulus kaŋ sarwa tinandur, maṅsa ḍĕṣṭa winirahos.

32. trilikur hari umur, ṅalamaté saṅĕt saṅaripun, gĕriṅan tur yèn roga tan antuk jampi, malaḥ tĕkèŋ ajalipun, maṅsa sadḍa cinariyos.

33. umuré pataŋ puluḥ, siji ari dé ṅalamatipun, susahan tyas pisaḥ lan batihirèki, ĕndi ta iṅkaŋ kinayun, pĕnĕt awon wus kacriyos.

34. rahadyan aris matur, kaŋ prayogi patut dipunĕnut, mriŋ raharja rèhniŋ wĕnaŋ naṇḍiŋ miliḥ, lamun nrajaŋ kaŋ tan arju, yèn tiwas kaparan tutoḥ.

35. nalika anon ulun, maśjid dĕmak saka srambinipun, kajawiné raṛĕṅgan pinatra asri, wontĕn sastra uṅĕlipun, kori roro gawéniŋ woŋ.

36. umpak kori lumĕbu, ugi wontĕn sasĕratanipun, muṅĕl patra kinarya rupa gĕlapi, kadi paran kajĕṅipun, ki ajar mijil kaŋ rahos.

51. mijil

1. iku kulup saṅkalaniŋ warṣi, paṅétuṅku mĕṅko, kori saṅa loro lugu bah‍é, gawé papat ñjupuk saka karti, woŋ watĕké siji, dadi aṅka tahun.

2. sèwu samas saṅalikur kaki, dé umpak kaŋ ṅisor, patra siji kinarya papaté, rupa papat ñjupuk warṇa ugi, dadi papat maliḥ, gĕlap siji iku.

3. paṅétuṅku umpaké kaŋ kori, nalikané dados, tahun sèwu pataṅatus luwéḥ, pataŋ puluḥ puñjulé sawiji, kulup iṅsun mirit, candrasaṅkalèku.

4. radyan ṇḍĕku sarwi matur aris, jatosana iṅoŋ, iṅkaŋ candrasaṅkala watĕké, saŋ awiku aṅandika maliḥ, kawruhana kaki, candrasaṅkalèku.

5. awit watĕk sawiji tĕkaniŋ, sapuluḥ wus maton, yèn sapuluḥ ĕdas panulisé, utawa nul iṅkaŋ aṅarani, iṅsun wĕḍar kaki, lawan wardinipun.

6. watak siji rupa rupa yĕkti, candra wulan kahot, sasi jaṅkĕp lèk nabi wudĕlé, sasa lintaŋ ḍara wĕtĕŋ kaki, bhumi ḷĕmaḥ iki, buddha iku luhuŋ.

7. ronniŋ goḍoŋ mèdi iku silit, iku buntut yĕktos, dara pĕkṣi dara sayĕktiné, janma uwoŋ éka tuduḥ siji, wak badan sadĕmi, suta anak tuhu.

8. siti ḷĕmaḥ wĕḍèn dé awani, akĕndĕl kinahot, wuṅkulan wutuḥ wulan wardiné, wulan tĕmĕn niyat iku yĕkti, tuṅgal kabèḥ lirriŋ, watak ji sadarum.

9. gantya watak loro kaŋ winarṇi, nétra mripat karo, cakṣu iku suluhan nétrané, nayana pan ulat tĕgĕsnèki, sikara taṅan dwi, buja iku bahu.

10. pakṣa uwaŋ draṣṭi iku alis, ama pasu maṅko, locana raŋ uraṅiŋ matané, kaŋ carana tĕgĕs aṭi aṭi, karṇa kupiŋ kaliḥ, karṇi iku suṅu.

11. miwaḥ tĕgĕs ambaniŋ kaŋ kupiŋ, anĕbaḥ jinatos, talapukaniŋ nétra kaliyé, kaŋ taliṅan paṅruṅuniŋ kupiŋ, mata nétra ugi, lèn taṅan alugu.

12. lar atĕgĕs wuluniŋ suwiwi, anĕmbaḥ wot sinom, miwaḥ maṅabĕkti iŋ tĕgĕsé, suku loro sikil karo kaki, gantya watak katri, kaŋ winarṇèŋ tĕmbuŋ.

13. bahni gĕni paṇḍé nambutkardi, pawaka ñrĕmomoŋ, gĕni pucakiŋ arga yĕktiné, sikiŋ upĕt myaŋ tĕkĕn kaŋ wardi, guna iku gĕni, agaran satuhu.

14. dahana tanpa saṅkan kaŋ gĕni, triniŋ rana tunon, miwaḥ gĕni papraṅan wardiné, uta lintaḥ ujĕl wĕlut yĕkti, anahuti caciŋ, jaṭa iku siyuŋ.

15. miwaḥ gĕni winaḍahan kaki, wéddha gĕni pawon, miwaḥ sĕrat papakĕm tĕgĕsé, nalagni gĕni panasiŋ ati, utawaka gĕni, woŋ maṅgaŋ puniku.

16. kayalénna balubukiŋ gĕni, punika jinatos, gĕni diyan tiga tĕlu bah‍é, kaŋ uniṅa gĕni obor kaki, gantya kaŋ winarṇi, iṅkaŋ watak catur.

17. wédaŋ bañu panas tĕgĕsnèki, sagara ku babo, bañu iṅkaŋ ṅidĕri jagadé, karti bañu sumur déné sukci, wé padasan yĕkti, jaladri liripun.

18. bañu rawa nadi bañu kali, hèr udaka maṅgon, sapucukiŋ añcala wardiné, nawa bañu aḍĕm iṅkaŋ wĕniŋ, samudra winardi, bañu tĕḷĕŋ iku.

19. jalaniḍi wé aṅĕḍuŋ kaki, waruna iŋ maṅko, katĕlaḥ iŋ tĕmbuŋ warṇi déné, tĕgĕs bañu sawaṅan toyadi, wé jĕmbaṅan yĕkti, o ana toya truḥ.

20. wahudadi wardiné kakaliḥ, wé pañcuran karo, wé dèrèsan krambil lawan arèn, sindu bañu susu déné wariḥ, iku bañu krambil, dé kaŋ padon catur.

21. tasik sagara miwaḥ awardi, iṅkaŋ bañu oyot, catur yuda kéblat pat wardiné, pat sakawan gantya kaŋ winarṇi, watak lima kaki, kawruhana iku.

22. bhuta wil lanaŋ kaŋ siyuŋ déniŋ, paṇḍawèku babo, atmajéndra paṇḍu tataḷĕré, gĕtiḥ otot ati kĕtĕg tuwin, pramana tanapi, maṅsa kalimèku.

23. wisaya paṅgawé déné indri, bayuniŋ kaŋ panon, yakṣa wil wadon mawa siyuṅé, sara laṇḍĕp maruta pan aṅin, ṅirit ganda waṅi, pawana ṅin ribut.

24. gana wana guŋ margana aṅin, nèŋ dadalan maṅgon, samirana ṅin ṅilaṅkĕn riwé, warayaŋ pan sañjata sayĕkti, pañca lima kaki, bayu tĕgĕsipun.

25. aṅin kaŋ mañjiŋ mĕtu sayĕkti, wisikan jinatos, wurukiŋ bapa mardi lwiriŋ rèḥ, guliṅan aṅin mĕtu jinĕmrik, lima gaṅsal kaki, watak nĕm winuwus.

26. masa maṅsa nĕnĕm sad rasĕki, rasa nĕnĕm maṅgon, winaya ranniŋ maṅsa kanĕmé, miwaḥ aṅgaŋ aṅgaŋ iku kaki, gana tawon yĕkti, dé tĕgĕsiŋ ṛĕtu.

27. awor miwaḥ yĕk uyĕkan kaki, aṅgas iku sato, bĕr ibĕran myaŋ kayu gliṅgaṅé, oyag obaḥ kaṛĕṅya kapyarṣi, rinĕṅga tanapi, kahupakarèku.

28. paṅrarasiŋ nĕm ya paṅrarasiŋ, watak kanĕm maṅko, tahĕn iku kayu tahun radèn, wrĕkṣa kayu kaŋ tinĕgor kaki, prabataŋ jinarwi, iku kayu rubuḥ.

29. malaŋ anèŋ dadalan gumuliŋ, kilatiŋ nĕm babo, liliḍahiŋ maṅsa kanĕm déné, lona pĕḍĕs mla kĕcut kaŋ wardi, tikta iku pahit, kyasa guriḥ tuhu.

30. dura asin sarkarèku manis, watak pitu maṅko, ardi gunuŋ urut pasisiré, prawata gunuŋ tĕpuŋ samyardi, turaṅgèku wajik, giri gunuŋ aguŋ.

31. ṛĕṣi tĕgĕs paṇḍita kaŋ suci, aṅsa bañak yĕktos, kaŋ bikṣuka sapi cala lwiré, sikil gunuŋ imawan imasri, nèŋ pucukiŋ wukir, sapta ya pipitu.

32. paṇḍita putus yĕktiniŋ wardi, swara wiku kalok, gora aguŋ muni iku liré, paṇḍita kaŋ amumuruk kaki, swa kuda kabiri, tuṅgaṅaniŋ gunuŋ.

33. iku tĕṅaḥ tĕṅahaniŋ wukir, wiku liré maṅko, paṇḍita iŋ gunuŋ sayĕktiné, ya pipitu ya pipitu sami, gantya kaŋ winarṇi, kaŋ wawatak wolu.

34. naga ula gĕŋ panagan kaki, gyan ula gĕŋ kahot, salira mañawak basu tĕkèk, myaŋ atĕgĕs kumarèŋ nagari, tanapi araniŋ, kaŋ maṅsa kawolu.

35. tanu buṅlon murti cêcak siṅgiḥ, kuñjarèku gĕḍoŋ, myaŋ atĕgĕs kaṇḍaṅiŋ gajahé, gajaḥ gajaḥ nèŋ wantilanèki, dipaṅga maṛĕṅi, tinitihan ratu.

36. èṣṭi gajaḥ kaŋ dèn palanani, samadya jinatos, gajaḥ ana tĕṅahiŋ wanané, maṅgala gajaḥ binĕkta jurit, dwiradḍa jinarwi, gajaḥ mĕta iku.

37. kaŋ bujaṅga ula lanaŋ kaki, brahmanaṣṭa maṅgon, paṇḍita siŋ sabraŋ wolu kèhé, dwipara gajaḥ binĕkta mariŋ, pacaṅkraman kaki, liman tĕgĕsipun.

38. gajaḥ binĕkta miḍaŋ sayĕkti, déniŋ saŋ akatoŋ, lan ula ula lanaŋ tĕgĕsé, myaŋ atĕgĕs karo ula yĕkti, gantya kaŋ winarṇi, watak saṅa iku.

39. kaŋ rumiyin truṣṭa lèṅiŋ bĕḍil, truṣṭi lèṅiŋ dĕmon, muka rahi gapura lawaṅé, ratu wiwara lèŋ sakèṭèṅiŋ, dwara lèṅiŋ panti, nanda lèŋ koḍok guŋ.

40. wilasita lèŋ kumbaŋ sayĕkti, kaŋ guwa jinatos, lèŋ patapan agoloŋ samunné, lodra aluraniŋ wé sayĕkti, gatra lèṅiŋ gaṅsir, ĕlèŋ lèṅiŋ sĕmut.

41. roŋ lèŋ ula soŋ lèŋ laṇḍak yĕkti, trusan lawaṅiŋ woŋ, bubutulan yèku aṅka liré, iṅgiḥ punika wilaṅan yĕkti, babahan lèŋ maliŋ, hawa sasaṅèku.

42. boloṅaniŋ sarirèŋ sujanmi, maṅkya winirahos, watak sapuluḥ kaŋ pinurwèŋ rèḥ, boma sukĕt mati sunya sĕpi, gagana kaŋ laṅit, késisan iŋ mĕṇḍuŋ.

43. barakan tan katon iṅkaŋ warṇi, adoḥ tĕbiḥ maṅko, iŋ laṅit iya iŋ laṅit bah‍é, ana tan katon tan kĕna yĕkti, kaŋ windu jinarwi, tumbukiŋ kaŋ tahun.

44. anèŋ wiyat laṅit kalimputiŋ, mĕṇḍuŋ aṅĕmu troḥ, widik widik katon gya ilaṅé, maḷĕtik satĕṅahiŋ wiyati, sirṇèŋ gaganèki, sirṇèŋ laṅit iku.

45. saguṅiŋ das sakaṭahiŋ kaŋ nir, walaŋ mĕsat kaŋ hos, aṅgusaḥ watak sapuluḥ liré, iya watak sapuluḥ sayĕkti, saguŋ atĕṅĕr nir, awatak sapuluḥ.

46. lamun karya saṅkalaniŋ warṣi, uniné pinaṭok, kaŋ rumuhun nèŋ ékan dunuṅé, nulya dasan sapiturutnèki, naṅiŋ kĕcapaniŋ, ékan ḍawaḥ kantun.

47. radèn jayèṅrĕsmi matur maliḥ, ḍuḥ ri saŋ kinahot, kadi paran punika kajĕṅé, déné wĕlut sami lawan agni, sapiturutnèki, katraŋna jrudĕmuŋ.

52. jurudĕmuŋ

1. saŋ wiku mèsĕm liṅira, muṅguḥ sasurupaniṅsun, layaŋ candragĕni iku, kaŋ ambabar katraṅannya, iŋ candrasaṅkala mahu, kaŋ mawa kĕkawin tĕmbaŋ, kusumawicitra linuhuŋ.

2. étuṅé laku rowĕlas, kacarita dukiŋ daṅu, aṅgitannya maha wiku, wĕrda ĕmpu wilasaya, pujaṅga putus iŋ kawruḥ, iŋ nagri purwacarita, saṅkiŋ karṣanya saŋ prabhu.

3. wiḍayaka kaŋ paparab, aji isaka puniku, wus diaṅgit duk iŋ ṅayun, dumadi candrasaṅkala, anaṅiŋ ta jarwanipun, duruŋ mawa kaṛĕpira, iṅkaŋ dadi sababipun.

4. iŋ watĕg duruŋ ginĕlar, krana kuraŋ wijaṅipun, mila linaras kaŋ urut, wit siji tĕkèŋ sadasa, iṅkaŋ nuṅgal rasanipun, amuŋ ginarba kéwala, kaŋ anuṅgal rahsanipun.

5. tinĕraṅakĕn samowa, miwaḥ tatĕmbuṅanipun, kaŋ paḍa amawa kayun, apan jinèjèrkĕn wĕtaḥ, dak urut kadi iŋ ṅayun, awit iŋ watak sajuga, tumĕka watak sapuluḥ.

6. watak sawiji winarṇa, rupa tĕgĕsipun wujud, yèku urupiŋ cahyèku, mula dadya watak juga, déné ta cahya puniku, dumadya taṇḍané gĕsaŋ, iṅkaŋ tumitaḥ sadarum.

7. candra wardi lèk purṇama, taṅgal limalas puniku, mula dadi watak iku, sawiji awit duk kuna, ṅgonné dèwi śri tumurun, matĕḍakkĕn wiji dadya, ri wijèniŋ manuṅsèku.

8. sasi lèk jaṅkĕp wardinya, ya étuŋ sasasi muput, mula dadi watak iku, sawiji déné amulya, aṅanakakĕn sitaṅsu, sapisan manèḥ lir ṅarṣa, maṅkya nabi wardinipun.

9. wudĕl mula dadi watak, sawiji dé wudĕl mahu, ginawé tĕrṣaṇḍanipun, asma sapisan duk jabaŋ, yèn wus pupak pusĕr sinuŋ, aran saprayoginira, nulya sasa tĕgĕsipun.

10. lintaŋ mula dadi watak, siji déné wujudipun, jèn ijèn sajuru juru, katon saṅkiŋ madyapada, paḍa lintaŋ aranipun, dé ḍara wĕtĕŋ wardinya, mula dumadi puniku.

11. watak sawiji sañata, dé nampani sarinipun, sarahsaniŋ siji iku, maṅkya bhumi wardi ḷĕmaḥ, mulané ḷĕmaḥ puniku, dumadi watak satuṅgal, anuwuhkĕn sakèhipun.

12. wiji tanĕm tuwuḥ ika, maṅkya buddha wardi purus, utawa luwiḥ puniku, mula dadi watak juga, déné ta luwiḥ puniku, minaṅka wijèniŋ janma, iṅkaŋ ronniŋ wardinipun.

13. cahyaniŋ goḍoŋ mulanya, dadi watak siji iku, dé tĕrṣaṇḍa uripipun, tanĕm tuwuḥ ṭuṭukulan, lamun katon goḍoṅipun, iku taṇḍa wiji gĕsaŋ, yèn goḍoŋ tan katon lampus.

14. mèdi jubur wardinira, déné kaṅgo marganipun, susukĕr saṅkiŋ ḍarèku, dé iku buntut tĕgĕsnya, yèku ĕpoké kaŋ buntut, kaŋ maṣṭi amuŋ sajuga, maṅkya dara tĕgĕsipun.

15. apan iya pĕkṣi dara, mula dumadi puniku, watak siji déné purun, ṅayom kulina manuṅsa, dé janma woŋ wardinipun, mula dadya watak juga, pipijèn titaḥ hyaŋ aguŋ.

16. éka sawiji wardinya, utawa pinardèn tuduḥ, dé wak suta wardinipun, anak lawan awak tuṅgal, saka wiji dadinipun, dé siti ḷĕmaḥ wĕḍènnya, mula dumadya puniku.

17. watak sawiji dé bisa, amañjila wujudipun, gya awani wardinipun, ya wani utama surya, mula watak sawijiku, sorot amijaṅkĕn maraŋ, iŋ wujud sajuru juru.

18. yèn wuṅkulan tĕgĕsira, wuwutuhan mulanipun, dadi watak sawijiku, dé isiḥ wutuḥ wujudnya, ñata tĕmĕn tuṅgallipun, wardi iku kabèḥ tamat, watak kakaliḥ winuwus.

19. nétra wardiniŋ paniṅal, mulané dumadi iku, watak kwajibanipun, mĕṛĕm lawan mĕlèk ika, cakṣu pasuluhan èstu, mula dadi loro watak, dé ana ṛĕṛĕgĕdipun.

20. warṇa loro blobok waspa, dé nayana ulat èstu, ugĕriŋ ulat puniku, roŋ prakara bĕcik ala, sikara taṅan dwi iku, kwajibané roŋ prakara, mĕgar atanapi miṅkup.

21. buja bahu wardinira, mula loro watakipun, ṅuwati taṅan ro mahu, pakṣa uwaŋ wardinira, mula dumadi puniku, watak karo dé pédaḥnya, roŋ prakara kaŋ rumuhun.

22. ṅiṅkĕmkĕn taṅkĕpiŋ waja, mĕṅakĕn aṅapiŋ tutuk, draṣṭi alis wardinipun, mula dadi dwi kaŋ watak, déné mimbuhi satuhu, kasigitan roŋ prakara, ṅĕkĕr nétya kalihipun.

23. muwuhi prabaniŋ gwaya, maṅkya ama tĕgĕsipun, papasu iya puniku, paṅul ṅisor pasuluhan, mula dumadi puniku, watak loro dé minaṅka, siriṅiŋ nétya dwinipun.

24. maṅkya locana wardinya, uraŋ uraṅiŋ nétrèku, yèku lalu kinanipun, maripat tĕṅĕn lan kiwa, mula dumadi puniku, watak loro déné bisa, amosikĕn idĕpipun.

25. wĕṅaniŋ idĕp sapisan, dadya paṅawasanipun, kapiŋ kaliḥ iṅkĕmipun, dumadya tatampiṅira, sakèḥ ṛĕṛĕgĕd sadarum, maṅkya carana wardinya, aṭi aṭi milanipun.

26. mila dadya dwi wataknya, awit aṭi aṭi iku, karya pasrèniŋ mukèstu, roŋ prakara kaŋ sapisan, gawé luluṅidanipun, pasuryan kapiŋ kaliḥnya, dadya kĕkĕriŋ cahyèku.

27. karṇa ṛĕṅganiŋ taliṅan, dadiné ro watĕkipun, awit ṛĕṅganiŋ karṇèstu, duk kuna sumpiŋ lan sĕṅkaŋ, déné karṇi wardinipun, ambaniŋ kupiŋ milanya, dadya watak loro iku.

28. bisa nampani surasa, lawan paṅrasa puniku, dé anĕbaḥ tĕgĕsipun, talapukan kaŋ kaprĕnaḥ, iŋ ṅisor idĕp kaŋ wulu, luhuriŋ kaŋ uraŋ uraŋ, mula loro watĕkipun.

29. jalaran puniku milya, aṅlawani solahipun, paḍaŋ pĕtĕṅiŋ nétrèku, sapisan ṅrèḥ wĕṅanira, paniṅal kalaniŋ wuṅu, piŋ dwi aṅrèḥ ṛĕmiŋ nétra, kalanira ayun turu.

30. dé taliṅan tĕgĕsira, paṅruṅuniŋ kupiŋ èstu, mula loro watĕkipun, awit iku amiyarṣa, roŋ prakara ala ayu, déné maha wardinira, ambaniŋ paniṅalipun.

31. mula dadya ro kaŋ watak, dé ṅĕmbani pramanèku, roŋ prakara kaŋ rumuhun, kĕḍap ya ubĕṅiŋ tiṅal, iṅkaŋ ijo warṇanipun, kaŋ kapiŋ piṇḍoné kilat, manikiŋ tiṅal kaŋ piṅul.

32. lèn taṅanna tĕgĕsira, kĕplok yèku kaṛĕpipun, suka lan susaḥ puniku, ĕlar wulu suwiwinya, dé dadya ro watĕkipun, roŋ prakara karyanira, mĕgar atanapi miṅkup.

33. kaṅgoné dadya panambak, aḍĕm mriŋ dayaniŋ mabur, nĕmbaḥ suku karo iku, aṅabĕkti dalamakan, gawé kuñcup dwi astèku, watak loro pan wus tamat, rahadyan nĕmbaḥ umatur.

34. watak juga lan kaliḥnya, solaḥ miwaḥ bawanipun, coṇḍoŋ lawan rahsanira, saŋ wiku ṅandika ḍahup, maṅkya watak tri kawĕḍar, sinom salinné kaŋ pupuḥ.

53. sinom

1. bahni gĕni paṇḍé ika, mulané dadya watak tri, asal saṅkiŋ tri prakara, sakiŋ paṅréka kaŋ ḍiṅin, ya iku gĕni sakiŋ, ṭiṭikan agarannipun, piṇḍo saṅkiŋ sarana, yèku aṛĕŋ dé kapiŋ tri, paṅolahé aṅin saṅkiŋ iṅububan.

2. dé pawaka wardinira, gĕni sapucakiŋ ardi, mula dadi watak tiga, wit saṅkiŋ tĕluŋ prakawis, agni sasalat saṅkiŋ, waliraŋ piŋ kalihipun, saka gĕni dudupa, panuwun puja sĕmèdi, tri bĕḍiyan sarananiŋ kaasrĕpan.

3. sikiŋ gĕni upĕt ika, mulané dadya watak tri, wujudiŋ upĕt triwarṇa, mañcuŋ sĕpĕt ontèl kluwiḥ, guna agaran gĕni, tri prakara dadinipun, saka panasiŋ asap, saka sĕṛĕtiŋ piranti, saka kawul gĕnĕpé katiga warṇa.

4. dahana pan gĕni salat, mulané dadya watak tri, wit saṅkiŋ katri prakara, sapisan saka sumukiŋ, hawa panasiŋ bhumi, kadwi saka sumukipun, iŋ watu gĕni ika, kapiŋ tri saka sumukiŋ, kaŋ waliraŋ gaṭuk dadya gĕni salat.

5. triniŋ brana pyu papraṅan, mulané dadya watak tri, anané saka tri warṇa, prakara saka kasĕktin, dwi tĕmpuhiŋ saraḍi, tri pambĕsminiŋ sawèku, uta tĕgĕsé lintaḥ, mula dumadi watak tri, untunira ṅisor loro ṇḍuwur juga.

6. kwajibané tri prakara, napĕl molaḥ ganda baṅkit, ujĕl wĕlut tĕgĕsira, mulané dadya watak tri, déné ta andarbèni, daya tri prakara iku, paṅluñon mulèt rosa, anahuti wrĕdi caciŋ, mula dadi watak tĕluné dé darbya.

7. kawajiban tri prakara, ṅlĕkĕr mulur maṅkĕṛĕt tri, maṅkya jaṭa wardinira, gĕni winaḍahan yĕkti, dé dadya watak katri, gĕni aṛĕŋ kaŋ rumuhun, kaliḥ gĕni winaḍaḥ, tĕlu kaŋ pinĕdaḥ kardi, ambĕbakar maṅgaŋ sapanuṅgalannya.

8. wéddha gĕni pawon ika, déné ana warṇa katri, kaŋ gĕni kayu kalawan, cĕṅkoroṅan pawon gĕni, katri lawéyan gĕni, dé nalakni wardinipun, gĕni panasiŋ manaḥ, mula dumadya saka tri, kadadéyanira saka tri prakara.

9. ḍiṅin saka paṅabaran, dwi paṅoboŋ saka sĕṅit, tri saka paṅumbar hawa, utawaka wardinèki, gĕni maṅgaŋ mulaniŋ, dumadi watak tri yèku, gĕni kayu kalawan, aṛĕŋ sujèn jaṅkĕp katri, kayaléna wardi gĕni balubukan.

10. mula dadi watak tiga, dé gĕni blubukan asriŋ, kaaṅgo tĕluŋ prakara, ṅĕpès mbĕnĕm ambakari, apan gĕni diyan iku, mula dadi tri watak, dé wujudiŋ sorot katri, biru kuniŋ abaŋ jaṅkĕp kapiŋ tiga.

11. puṅkasan tiga uniṅa, wardi gĕni ṭiṭikan tri, watu gĕni kawul waja, watak sakawan winarṇi, wédaŋ iṅkaŋ rumiyin, bañu panas wĕrdènipun, dé dadya watak papat, sakawan dayanirèki, matĕṅakĕn umob molaḥ kumaraṅsaŋ.

12. sagara wé pakumpulan, bañu saka pataŋ warṇi, tukiŋ kali tuk bĕṅawan, tukiŋ pañcuran myaŋ riris, maṅkya katri winarṇi, bañu sumur déné iku, kaaṅgo pataŋ warṇi, paṅaṅson padusan tuwin, paṅasahan sakawané paṅumbahan.

13. sukci wardi wé padasan, dé kaṅgé pataŋ pasukci, kĕmu rahub wisuḥ taṅan, lawan masuḥ sukunèki, jaladri wardinèki, bañu aṅĕṇḍoŋ ya iku, aṅĕṇḍoŋ wé sakawan, bañu udan bañu kali, bañu ĕtuk kalawan bañu bĕṅawan.

14. dadi bañu kali ika, mula papat watĕknèki, dadya pasucèn sakawan, padusan aṅuṅumbahi, aṅoṅolaḥ kinardi, aṅombèni kéwanipun, hèr bañu pucuk arga, dadya watak papat awit, pucuk arga ana bañu pataŋ rupa.

15. wé kawaḥ bañu pamuja, bañu pĕḍut bañu riris, nawa wardi bañu tawa, yèku wé tuk umbul tuwin, pañcuran sumbĕrṇèki, dé samodra wardi bañu, iṅkaŋ ṅidĕri jagad, kéblat papat dèn ubĕṅi, apan sami kataman bañu samodra.

16. jalaniḍi bañu iṅkaŋ, bĕnĕr yèku saka riris, lan kali ĕtuk baṅawan, déné warṇa wardinèki, bañu sawaṅan nĕṅgiḥ, sakiŋ kali ṛĕmbĕsan tuk, sakawan pasumbĕran, dé toya wardinirèki, bañu iŋ jĕmbaṅan kaṅgo suci badan.

17. adus rahub awak awak, kaṅgo wisuḥ jaṅkĕpnèki, wahana yèku wé udan, aṅsal sakawan prakawis, saka kukusiŋ agni, myaŋ kukusiŋ tanĕm tuwuḥ, saka kukusiŋ toya, papaté kukusiŋ bhumi, maṅkya wahu dadi wardi wé dèrèsan.

18. sakiŋ amèr kapanasan, sakiŋ kapĕḷĕg iŋ aṅin, sakiŋ prabotiŋ baṣkara, susumubiŋ bun muṅkasi, dé sindu wardinèki, bañu susu déné iku, wit saka pat prakara, ḍiṅin saka srana jampi, tuntumiŋ bayu wuwuŋ sari tatĕḍan.

19. wariḥ wardi bañu klapa, déné atĕrira wariḥ, puniku rambaḥ kapiŋ pat, wiwit bluluk bañjur cĕṅkir, dawĕgan miwaḥ krambil, déné tasik wardinipun, bañu oyot jalaran, kaŋ ḍiṅin tarik tinarik, iya sakiŋ purusan sakawan warṇa.

20. tĕmaḥ ṅriṅĕt dadya toya, yèku saka gĕni aṅin, bañu tanapi bantala, catur wé kéblat winardi, kéblat papat sayĕkti, pan ana sagaranipun, yogya pat déné ana, jaman yoga pat prakawis, jaman tirta dwara kali karta tamat.

21. watak kalima winarṇa, bhuta apan wus sajarwi, mula dadi watak lima, déné iku bisa nuṅgil, kalima baṅsa nĕṅgiḥ, sèluman myaŋ baṅsa mabur, nuṅgal baṅsaniŋ kéwan, baṅsaniŋ buburon wariḥ, dé limané bisa nuṅgal lan manuṅsa.

22. paṇḍawa wardi putra saŋ, paṇḍu déwanata aji, lima juga śri ṅamarta, dwi dyan séna tri pamadi, nuṅgal sayayaḥ bibi, kaŋ dwi lèn bibi puniku, kacatur dyan naṅkula, sadéwa kalimanèki, maṅkya tata gĕtiḥ otot wardinira.

23. iŋ nétya ṅolaḥ pramana, iŋ liḍaḥ ṅolahkĕn aṅliŋ, iŋ taṅan ṅolaḥ ṅgahuta, iŋ suku ṅolahkĕn liṅgiḥ, utawia lumaris, iŋ prĕji ṅolaḥ rahsèku, maṅkya gati wardinya, kĕkĕtĕg dé dunuṅnèki, anèŋ tĕṅgok jaja ugĕl ugĕl ṅasta.

24. gĕl ugĕl sikil kalawan, iŋ planaṅan limanèki, èndri bayu iṅkaŋ mata, déné pakumpulan sakiŋ, iŋ iruŋ tuwin kupiŋ, pasuryan myaŋ sakiŋ kalbu, yakṣa wardi danawa, wados asisiyuŋ nĕṅgiḥ, ditya wandu mila dadya watak lima.

25. dé dadya panuṅgulira, ditya sakawan bhupati, limané piyambakira, sara laṇḍĕp wardinèki, nalika jaman ṅuni, gaman kaŋ ran sara iku, laṇḍĕp limaŋ wadana, dé maruta wardi aṅin, kaŋ kahirid gandané kaŋ sĕkar gaṅsal.

26. sĕkar jawaḥ sakiŋ jwata, sĕkar amyaŋ taman sari, sĕkar bago paṅukupan, sĕkar gĕluŋ lawan sari, sĕkaraniŋ jinĕmrik, dé pawana wardinipun, aṅin drĕs iya ika, saka kéblat myaŋ iŋ ṅiṅgil, bana iku alas aguŋ wardinira.

27. mula dadi watak lima, babaya limaŋ prakawis, ula macan asu ajag, danawa lawan pañjawi, margana wardinèki, aṅin ana iŋ dĕlaṅguŋ, yèku napas kaŋ mĕdal, iŋ pañcadriyanirèki, samirana wardi aṅin kaŋ ambuwaŋ.

28. kariṅĕt limaŋ paṅgonan, rahi bahu jaja gigir, suku jaṅkĕpé kalima, warayaŋ wardinirèki, sañjata dé laṇḍĕpiŋ, balimbiṅan ana catur, limané pucukira, dé pañca bayu sayĕkti, kaŋ kaaṅgĕp putra hyaŋ bayu kalima.

29. sawiji wil jajahwrĕka, kapi anoman kakaliḥ, katri wukir mah‍énaka, catur sètubanda èṣṭi, brataséna mragili, dé wisikan wardinipun, waṅsit guru limaŋ bab, tuduḥ kadadéyanèki, dudunuṅan iya iku bawa lima.

30. guliṅan déné wardinya, paturon nĕṅgiḥ woŋ guliŋ, pĕpĕt pañcadriyanira, lilima iṅkaŋ muṅkasi, étaŋ lima wus jarwi, ji loro lu pat limèku, wus titi watak lima, watak nĕm maṅkya winarṇi, salin tĕmbaŋ amriḥ mamanisiŋ kata.

54. ḍaṇḍaŋgula

1. masadrasa wrĕdi kaŋ binukti, rasa nĕnĕm prakara yahika, rasaniŋ sĕga iwaké, rasaniŋ wijinipun, rasaniŋ kaŋ goḍoṅan tuwin, rarasaniŋ dadèrèsan, wowohan nĕmipun, winayaŋ wardi gaŋ aṅgaŋ, awit saka sikilé iku nĕm iji, guna awon wardinya.

2. déné iṅkaŋ maṅsa kanĕm yĕkti, nawu madu sinuṅkĕn anaknya, dé ṛĕtu awor wardiné, campuriŋ kanaŋ kayun, kaŋ rumuhun grĕṅsĕṅiŋ ḍiri, dwi ajuniŋ kaŋ manaḥ, tri ajuniŋ purus, catur ajuniŋ paniṅal, kalimané ajuniŋ taṅan nĕmnèki, ajuniŋ sukunira.

3. hoyag wardinira obaḥ yĕkti, gĕtĕriŋ paṅadĕg myaŋ pramana, pamiyarṣa paṅgandané, paṅrasa badannipun, gya kaṛĕṅya karuṅu wardi, iya nĕnĕm prakara, wisikan karuhun, amuwuŋ wulaŋ utama, myaŋ karuṅu wawaṅsité ujar manis, paṅraras ṅaḷĕmbana.

4. namaniŋ nĕnĕm yèku namaniŋ, pala nĕnĕm kasimpar baruwaḥ, gumantuŋ palawijané, myaŋ kucila kirṇèku, tahĕn kayu tahun winardi, wrĕkṣa kayu tĕgoran, lèn prabataŋ kayu, rubuḥ malaŋ iŋ dadalan, pan ginĕrba kayu nĕnĕm wataknèki, liré iṅkaŋ maṅkana.

5. kaŋ tartamtu kaṅgo nĕm prakawis, turus miwaḥ dandananiŋ omaḥ, kaṅgo dandanan prantiné, kaṅgo pĕṭan arcèku, kaṅgo plaṅkan paṅraras tuwin, katunu kanĕmira, kilatiŋ nĕm iku, tĕgĕsé laliḍaḥ maṅsa, iya kanĕm lona pĕḍĕs wardinèki, mla kĕcut wardinira.

6. tikta wardinira apan pahit, kyasa wardinira guriḥ ika, dura pan asin tĕgĕsé, sarkara wardinipun, apan manis watĕk nĕm titi, watak pitu winarṇa, ardi wardi gunuŋ, kaŋ urut pasisir iku, mula dadi wawatak pitu dé ardi, isiné pituŋ warṇa.

7. watu guwa juraŋ paḍas tuwin, papañcuran pèrèṅan tuwuhan, turaṅga dé paṅaṅgoné, jaran iku pipitu, kaŋ rumuhun apan kĕṇḍali, apus lawan salébrak, saṅgawĕḍinipun, ambĕn camĕṭi pitunya, giri wardi gunuŋ gĕḍé déné dadi, pakaṇḍaṅaniŋ swara.

8. ṛĕṣi tĕgĕsé paṇḍita sukci, yèku iṅkaŋ ṅaṅgo kasucian, pituŋ prakara étaṅé, katĕmĕnan rumuhun, lumuḥ ala lumuḥ ñidrani, lumuḥ maraŋ ruruba, lawan tuhu lumuḥ, maraŋ iŋ paṅaḷĕmbana, lumuḥ ṛĕgĕd pituné pan lumuḥ mariŋ, sabaraŋ bĕbèṅèsan.

9. aṅsa apan bañak wardinèki, mula dadi pitu watĕkira, kagawa sugiḥ swarané, bikṣuka wardi ḷĕmbu, mila pitu watĕkirèki, déné iŋ kuna dadya, tuṅgaṅaniŋ wiku, aldaka sukuniŋ arga, déné darbé sasĕbutan pitu nĕṅgiḥ, puṇṭuk ujuŋ tuṅgaṅan.

10. lambuŋ tépoŋ sisiku sukuniŋ, dé himawan wardinira méga, pucukiŋ gunuŋ dunuṅé, mula watak pipitu, saṅkiŋ kukus kapitu warṇi, kukus aḍĕmiŋ kisma, kukus tanĕm tuwuḥ, kukus paṅobariŋ wrĕkṣa, kukus iṅkaŋ raratĕŋ lawan kukusiŋ, udalaniŋ kaŋ toya.

11. kukus iṅkaŋ bĕḍiyan myaŋ saṅkiŋ, kukusiŋ kaŋ dupa jaṅkĕp sapta, sapta paṇḍita wardiné, agĕmiŋ paṇḍitèku, pan pipitu jajéṅgot cundrik, kĕṭu jobaḥ saléṇḍaŋ, tlumpaḥ tĕkĕnipun, gora swara muni ika, wardi swara uni aguŋ akèḥ kaki, apan pituŋ prakara.

12. saṅkiŋ suwaraniŋ bañu bhumi, gĕni aṅin baḷĕḍèg lan udan, saṅkiŋ pakarti pituné, swa kuda wardinipun, jaran molaḥ pituŋ prakawis, ñoṅklaŋ mĕḍar aḍéyan, jojrok ṅawalipun, ñirig ñandĕr pipitunya, tuṅgaṅaniŋ gunuŋ tumpakan ṛĕṛĕdin, ana pipitu warṇa.

13. jaran kabirèn ḷĕmbu palaṅki, paḍati jolaŋ kisruki lawan, bojaḍi ganĕp pituné, dé wiku ya pipitu, yèku wiku kaŋ ṅlakokkĕn iŋ, paṅawikan kasapta, jaya kaŋ rumuhun, piṇḍo aji paṅasihan, katĕluné aji paṅlimunan baṅkit, pat aji tatakrama.

14. kalimané pamawasan aji, kanĕm aji étaŋ pépétaṅan, sapta ji paṅlĕṛĕbané, sampĕt watĕk pipitu, watĕk wolu maṅkya winarṇi, bubukanira naga, wardi ula aguŋ, mula dadya wolu watak, dérbé paṅuwasa woluŋ warṇi, ñĕmbur ñakot amolaḥ.

15. muḷĕt rosa urip ṅgon kakaliḥ, aṅluṅsuṅi wolu bisa gĕsaŋ, saka ḷĕṅa nèŋ pĕṭité, panagan étaṅipun, pasawĕran woluŋ ṅgon nĕṅgiḥ, naga tahun myaŋ naga, jatiṅaraṅipun, naga wulan lawan nagan, pasaṅaran naga laraṅan lan maliḥ, kanaŋ naga paṅkalan.

16. naga dina pasaran muṅkasi, dé salira ya slira mĕñawak, apan wolu paṅwasané, bisa ṅambaḥ iŋ bañu, ṅambaḥ maraŋ ḍaratan baṅkit, mènèk myaŋ ṅĕroŋ ika, mriŋ nastapa ayun, aṅluṅsuṅi myaŋ yuwana, kawoluné ririṅa mriŋ baṅsanèki, maṅkya basu wardinya.

17. apan tĕkèk mulané dumadi, watak wolu darbé paṅuwasa, wowolu iki cacahé, paṅlĕṅkĕtaniŋ suku, kinajrihan iŋ baṅsanèki, tyas sabar myaŋ ṅumara, sarèḥ tindakipun, sarana atiné kĕna, kaṅgo jampi woŋ cĕkèk tan ṅgarapsari, darbé panawa wisa.

18. kawoluné bisa aṅluṅsuṅi, maṅkya tanu buṅlon wardinira, baṅkit wor woluŋ warṇané, baŋ iṛĕŋ kuniŋ piṅul, ijo biru bĕlawu tuwin, wuṅu jaṅkĕpiŋ aṣṭa, murti wardinipun, cêcak dé darbé paṅwasa, woluŋ warṇa paṅlèṅkètan kaŋ rumiyin, bisa mĕnèk puliyan.

19. ayuwana sarana myaŋ kĕsit, bisa mogĕl ṅluṅsuṅi iṣṭanya, maṅkya kuñjara wardiné, gĕḍoŋ paṅgonan ṅukum, dukiŋ kuna janma kaŋ tampi, ukuman wawaṅĕnnya, woluŋ dina amuŋ, yèn dosa ros woluŋ wulan, maṅkya gajaḥ ya gajaḥ kaŋ nèŋ wanadri, dwipaṅga gajaḥ iṅkaŋ.

20. tinitiyan iŋ śri narapati, paraboté ana woluŋ warṇa, papah‍ès kaluŋ slébraké, ambĕn ĕcis rantéku, pacañcaṅan kawolu srati, èṣṭi gajaḥ ginawa, miḍaŋ wardinipun, samadya gajaḥ nèŋ marga, dé maṅgala gajaḥ panuṅguliŋ jurit, dwipara gajaḥ iṅkaŋ.

21. binĕkta riŋ caṅkrama kakariŋ, dé bujaṅga ula gĕḍé ika, paḍa naga lan kwasané, bramana wolu iku, duk kunané iŋ tanaḥ jawi, kambaḥ déniŋ brĕmana, wowolu kèhipun, pranataniŋ ajisaka, kinèn amumulaŋ kadibyan sakalir, miturut aṣṭabrata.

22. liman gajaḥ nèŋ wantilan yĕkti, sarta ula sami lawan naga, ula wolu paṅwasané, sakèhiŋ gajaḥ mahu, paḍa wolu watĕkirèki, ḍiṅin tĕbiḥ saṅgama, waṅi kopèkipun, lwan na sarosa pramana, ambĕg sura kapitu sugiḥ maṅrĕti, aṣṭa sugiḥ bĕndana.

23. nahĕn watĕk saṅa kaŋ winarṇi, truṣṭa wardi ĕlèṅiŋ sañjata, truṣṭi ĕlèŋ tulupané, muka rahi puniku, dé gapura lawaṅiŋ aji, wiwara sakèṭèŋnya, dwara lawaṅipun, omaḥ tanapi pomahan, lawaŋ mahu cinĕṅkal kapara sami, apan saṅaŋ bagéyan.

24. déné nanda lèṅiŋ koḍok nĕṅgiḥ, wilasita wardi lèṅiŋ kombaŋ, guwa lèŋ samun wardiné, rago wardi lèŋ suwuŋ, gatra wardi ĕlèṅiŋ gaṅsir, lèŋ wardi lèṅiŋ ula, roŋ wardi lèŋ yuyu, soŋ wardi ĕlèṅiŋ laṇḍak, dé tĕrusan wardi lèŋ tĕmbusan yĕkti, yèku aṅka wardinya.

25. wiwilaṅan saṅa tĕlasnèki, dé babahan wardi lèŋ durjana, hawa sasaṅa wardiné, hawaniŋ badan èstu, pan sasaṅa kaṭahirèki, dadi piridanira, watĕk saṅa mahu, muhuŋ saka baboloṅan, awit palawaṅaniŋ badan kèhnèki, apan ana sasaṅa.

26. iruŋ sami lèŋ tulupan bĕḍil, kaŋ maripat sasaminiŋ muka, déné caṅkĕm ṅibaraté, lawaṅira saŋ ratu, iŋ taliṅan ṅibaratnèki, lawaŋ sakèṭèŋ ika, palawaṅanipun, ṅibarat lawaṅiŋ omaḥ, guruŋ iku ṅibarat lawaŋ guwèki, iŋ dubur lawaŋ sona.

27. dé sadaya roṅiŋ kéwan amiŋ, mirid paṅĕroṅiŋ saṅkiŋ maṅsa, kasaṅa jĕnĕk nèŋ roṅé, wilaṅan aṅka iku, amuŋ saṅa sadasanèki, iŋ sagoloṅan ĕdas, wujudipun ĕnul, muṅguḥ babahan jinarwan, lèŋ durjana kĕṛĕpé lèŋ manuṅsèki, tĕbusan hawa saṅa.

28. nahĕn watak sapuluḥ muṅkasi, boma wardi sukĕt mati ika, sonya wardi suwuŋ maṅké, gagana wardi suwuŋ, dé barakan wardinirèki, ya iku lamat lamat, adoḥ jarwa tuhu, iŋ laṅit wardi ṅawiyat, dé ana tan ora ana wardinèki, windu duk jaman kuna.

29. ana windu sapuluḥ winilis, iṅaranan kaŋ windu saṅkala, sapuluḥ warṇa umuré, tirta lan marutèku, myaŋ pranala lan pratalèki, baya byantara manta, kartala puniku, kasaṅa windu suribta, dé ganĕpé sapuluḥ pan dèn arani, riŋ kaŋ windu gurita.

30. anèŋ wiyat anané kaŋ laṅit, pan sadaya srĕṅéṅé ṛĕmbulan, lintaŋ kalawan mégané, kilat mĕṇḍuŋ galuḍug, aṅin udan kuwuŋ muṅkasi, ya iku ananiŋ kana, wujut pamyarṣèku, kaŋ katon lan kapiyarṣa, saka doña gantya iṅkaŋ widik widik, wrĕdiné samar samar.

31. maḷĕtik mañcurat wardinèki, sirṇa wardinira apan ilaŋ, ṅakasa ta wujud ṛĕké, dé saguṅiŋ das iku, iṅkaŋ ilaŋ wardinirèki, walaŋ wardi mahuwal, dé kos wardi suwuŋ, watak sapuluḥ wus jarwa, muṅguḥ watak sapuluḥ jupukanèki, doḥ samar suwuŋ lamat.

32. ilaŋ ḍuwur kaŋ awit kapirit, saka jroniŋ kaluwĕṅé ĕdas, èstu tan ana wujudé, dadya buwĕŋ sah‍èstu, apan suwuŋ kaṛĕpanèki, candragĕni wus tamat, lan kudu sumurup, kawiniŋ saṅkala ika, apan séyos lawan baṅsa tĕmbuŋ kawi, kalawan tĕmbuŋ kawya.

33. rupa warṇa wardinira sami, yèn saṅkala rupa juga watak, warṇa sakawan watĕké, niṅali uniṅèku, yèn iŋ kawi wardinya sami, naṅiŋ kawi saṅkala, niṅali puniku, aṅloro wawatĕkira, yèn uniṅa titiga watĕkirèki, utawa suta yoga.

34. yèn iŋ kawi paḍa wardi siwi, yèn saṅkala iku iya béda, suta watak siji tĕké, dé yoga watak catur, iya iku bédanirèki, kawi saṅkala lawan, tĕmbuŋ kawi lugu, muŋ samono gadukiṅwaŋ, aṅluluri korasan iṅuni ṅuni, kaŋ sinuŋ liŋ manĕmbaḥ.

55. asmaradana

1. kasmaran radyan miyarṣi, gañcariŋ kawi saṅkala, ajar suganda nabda lon, kulup ñatakakĕn taṅgal, awit taṅgal sapisan, tumĕkané tĕluŋ puluḥ, kaŋ bĕcik lawan kaŋ ala.

2. kaŋ sarta wĕṅinirèki, lawan arané kaŋ dina, loṭuŋ muŋ kinarya prabot, sakawit taṅgal sapisan, iṅaran dina kuda, bĕcik sabaraŋ karyèku, karana allaḥ taṅgala.

3. andadèkkĕn kaṅjĕŋ nabi, adam lan nabi muhkamat, iŋ dina iku dadiné, maṅka lamun ana pĕraŋ, yèn narajaŋ raharja, tinrajaŋ ala kalaṅkuŋ, kalamun ana pawarta.

4. warta bĕcik iku yĕkti, liñok lamun warta ala, bocaḥ lahir bĕcik yĕktos, woŋ naṇḍaŋ roga glis waras, abuburu glis aṅsal, taṅgal kapiŋ kaliḥ iku, iṅaranan dina kidaŋ.

5. prayoga sabaraŋ kardi, karana allaḥ taṅala, ndadèkkĕn babu kawané, woŋ laki rabi raharja, taṅgal tri dina macan, ala sabaraŋ karyèku, karana jĕŋ nabi adam.

6. lan garwa mbabuka wadi, tinurunkĕn saṅkiŋ swarga, piŋ pat ari kuciŋ ranné, sabaraŋ karya prayoga, karana gusti allaḥ, andadèkkĕn abil iku, taṅgalé kaŋ kapiŋ lima.

7. ṅaranan dina sapi, dinèku sabaraŋ karya, ala karana hyaŋ manon, andadèkkĕn kabil ika, kapiŋ nĕm iṅaranan, iŋ dina kĕbo puniku, sabaraŋ karya prayoga.

8. yèn ana woŋ naṇḍaŋ sakit, sayĕkti yèn gĕlis waras, dé taṅgal kapiŋ pituné, dina tikus iṅaranan, baraŋ karya prayoga, taṅgalé kaŋ kapiŋ wolu, dina ḷĕmbiŋ iṅaranan.

9. sabaraŋ karya prayoga, karana allaḥ taṅala, dina iku ndadèkaké, iŋ nabi nuḥ minulya, naṅiŋ luluṅan ala, lamun aṅlurug praŋ pupuḥ, sayĕkti yèn katiwasan.

10. taṅgal piŋ saṅa winarṇi, dina asu iṅaranan, ala iŋ sabaraŋ gawé, taṅgalé kapiŋ sadasa, dina naga iṅaran, bĕcik sabaraŋ karyèku, ananandur myaŋ dadagaŋ.

11. laki rabi iya bĕcik, taṅgalé kapiŋ sawĕlas, iṅarannan dina kĕmbaŋ, sabaraŋ karya prayoga, taṅgalé kapiŋ rolas, dina mayaŋ arannipun, adol tuku kaŋ prayoga.

12. taṅgal triwlas dèn aranni, dina gajaḥ baraŋ karya, nora nana prayogané, piŋ patbĕlas dina siṅa, bĕcik sabaraŋ karya, karana allaḥ kaŋ aguŋ, andadèkakĕn suwarga.

13. loḥ kalam myaŋ aras kurṣi, taṅgalé kapiŋ limalas, iŋ dina iwak aranné, sabaraŋ karya prayoga, karana maha mulya, andadèkkĕn nabi yusup, taṅgalé kapiŋ nĕmbĕlas.

14. dina malam dèn arani, iŋ sabaraŋ karya ala, karana iku hyaŋ manon, aṅrusak sakèhiŋ umat, iŋ nabi lud samana, taṅgal piŋ pitulas iku, dina uluŋ iṅarannan.

15. sabaraŋ karya prayogi, ambuburu nuli aṅsal, karana iku hyaŋ manon, andadèkkĕn nabi musa, lan nabi yakub ika, taṅgal piŋ wolulasipun, iṅaran dina kalapa.

16. iŋ sabaraŋ karya bĕcik, karana allaḥ taṅala, ndadèkkĕn wulan srĕṅéṅé, kalawan ḷĕŋ nabi ṅisa, lan maṅgihkĕn andika, nabi yakub lan kaŋ sunu, jĕŋ nabi yusup minulya.

17. piŋ saṅalas dèn aranni, dina baṇṭèŋ baraŋ karya, prayoga yèn warta awon, mĕṣṭi tĕmĕn yèn pawarta, bĕcik sayĕkti dora, yèn praŋ tinarajaŋ uṅgul, yèn nrajaŋ ala kasoran.

18. piŋ roṅpuluḥ dèn aranni, dina hantu baraŋ karya, prayoga lamun praŋ pupoḥ, nora mĕnaŋ nora kalaḥ, yèn warta bĕcik ñata, taṅgalé kapiŋ salikur, dina aṛĕŋ iṅarannan.

19. ala sabaraŋ pakarti, piŋ rolikur dina uraṅ

| bĕcik iŋ sabaraŋ gawé, amuŋ yèn luluṅan tĕbaḥ, iku nora prayoga, watak tan tĕkan iŋ purug, kapiŋ tĕlulikur taṅgal.

20. dina ula sagarèki, sabaraŋ karya prayoga, kapiŋ patlikur taṅgalé, dina paré arannira, kalaṅkuŋ déniŋ ala, karana hyaŋ maha luhur, andadèkkĕn pirṇgon raja.

21. lawan namrut narapati, lamun ana raré mĕdal, iku baṅĕt durakané, mriŋ bapa tanapi biyuŋ, kapiŋ salawé taṅgal, dina paṇḍé arannipun, ala iŋ sabaraŋ karya.

22. krana naas agĕŋ yĕkti, kapiŋ nĕnĕmlikur taṅgal, ala iŋ sabaraŋ gawé, krana umat nabi paḍa, mati ana baṅawan, taṅgal kapiŋ pitulikur, iṅarannan dina ula.

23. bĕcik iŋ sabaraŋ kardi, karana hyaŋ maha nasa, anurunkĕn rahmat gĕḍé, mriŋ kawulanya sadaya, raré lahir prayoga, bĕkti maraŋ mriŋ hyaŋ aguŋ, kapiŋ wolulikur taṅgal.

24. iṅarannan dina pari, bĕcik iŋ sabaraŋ karya, piŋ saṅalikur taṅgalé, dina uḷĕr iṅarannan, iŋ dina iku ala, puṅkasan piŋ tĕluŋ puluḥ, iṅarannan dina sada.

25. yèn luluṅan tan prayogi, ananandur ala uga, amuŋ tuku lawan adol, pan iku iṅkaŋ prayoga, tamat watakiŋ taṅgal, ṅluluri tutur karuhun, tĕmĕn orané sumaṅga.

26. rahadyan umatur aris, sarèhniŋ sampun kapacak, nèŋ jilidan sah‍èstuné, tartamtu kaṭaḥ yakinnya, malèsèt iŋ saṇḍuṅan, yèn narajaŋ awon lamun, tiwas muŋ dadya tutuhan.

27. cinarita ṅantya lami, rahadyan anèŋ maṇḍala, waṅi iya gunuŋ gĕḍé, kasok sihé saŋ suganda, wus katon ṅèlmunira, lahir batin tan na kantun, gĕmĕt tinampèn rahadyan.

28. anuju iŋ sajuga ri, rahadyan tandya pamitan, dèn ñarṣa ndumugèkaké, iŋ lampaḥ arṣa tumiṅal, patilasan kaḍatyan, nagri pajajaran daṅu, maṅkya iŋ bogor karannya.

29. suku ardi salak wukir, ajar suganda ṅandika, kapasaŋ yogya aranné, dina iki piŋ pitulas, sabaraŋ karya harja, ujum ramalé pakantuk, datan ana kasaṅsaya.

30. payo kulup mupuŋ éñjiŋ, iṅsun kaŋ atĕdaḥ marga, radyan ṇḍĕku matur alon, kalaṅkuŋ panuwun kula, dé kapaṛĕŋ uméntar, tĕdaḥ marga kaŋ pakantuk, wus samĕkta nulya biḍal.

31. datan sandéya iŋ margi, éca dèn nya alalampaḥ, sarwi ginĕm ṅèlmi rahos, tan cinatur laminira, dèn nira anèŋ marga, wus prapta iŋ gaṇḍok ḍusun, ajar suganda ṅandika.

32. kaki lilanana mami, waṅsul maraŋ iŋ ṅasrama, iki wus prapta iŋ gaṇḍok, wus cakĕt lan pajajaran, sira ṅalor ṅulonna, sandika radyan umatur, muhuŋ paṅèstu paduka.

33. iya kulup dak idèni, apa iŋ sakajatira, atus iŋ paṅandikané, uṅkur uṅkuran iŋ lampaḥ, radyan myaŋ gaṭuk gaṭak, iŋ ḍusun gaṇḍok kapuṅkur, praptèŋ bogor patilasan.

34. sĕṅsĕmiŋ tyas umiyat iŋ, tatanĕman tumaruna, kaṭaḥ kaŋ nĕḍĕŋ uwohé, wĕnĕs ijo amardapa, taṅèḥ iṅkaŋ maṅaraŋ, saḍéṅaḥ tinanĕm subur, wowohan myaŋ sĕsĕkaran.

35. hawanya srĕp sawatawis, karya tĕntrĕmiŋ sarira, tamtu jawaḥ sabĕn soré, wit luhur tumĕkèŋ ṅasar, tĕraŋ sadalu pisan, kaṭaḥ sumbĕr umbul mañcur, mimbuhi sĕṅsĕmiŋ driya.

36. wañci luhur radyan prapti, satĕṅahiŋ kaŋ pagagan, tumaḷĕṭok garimisé, radyan ṅandika mriŋ gaṭak, sarèhniŋ ayun jawaḥ, prayogané paḍa ṅahub, mriŋ gubug amriḥ sarkara.

56. ḍaṇḍaŋgula

1. praptèŋ gubug radyan jayèṅrĕsmi, gaṭak gaṭuk nèŋ wiṅkiŋ tan tĕbaḥ, wahu kaŋ nèŋ jro gubugé, lurahiŋ bogor ḍusun, wus awrĕdḍa guṇḍul kalimis, gumbala capaŋ pĕṭak, jéjéṅgot pinatut, clana gaḍuŋ bĕntiŋ siñjaŋ, saruŋ bugis ḍĕṣṭar baṭik lagu nagri, baṇḍuŋ tanaḥ pasuṇḍan.

2. tĕkĕn pañjaŋ tuṅgul ṅaṇḍap ṅiṅgil, tanpa baju kagyat duk umiyat, iŋ sapraptanira radèn, suŋ bagya gupuḥ gupuḥ, katambĕtan kaŋ lagya prapti, pun paman nilakrama, iŋ pundi nak bagus, miwaḥ sintĕn kaŋ sinambat, atanapi iṅkaŋ sinĕdyèŋ paṅgaliḥ, radyan alon ṅandika.

3. kula sakiŋ karajan iŋ giri, talatahiŋ tanaḥ surapriṅga, jawi wétan puṅkasané, déné ta nama ulun, jayèṅrĕsmi satuhu pĕkir, dwi réñcaŋ gaṭak gaṭuk, mĕṅgaḥ sĕdyahulun, baḍé ḍumatĕŋ iŋ karaŋ, prĕlu mampir iŋ bogor ayun udani, tilasé kaŋ kaḍatyan.

4. maṇṭuk maṇṭuk saŋ minta pawarti, jayèṅrĕsmi aris atatanya, kaŋ pinaṅgyan lagi nĕmbé, sintĕn kakasihipun, amaṅsuli sabdanya aris, ki wargapati kula, ṛ wuwus, iṅgiḥ iŋ bogor punika, laṅkuŋ tĕbiḥ giri praptanipun ṅriki, amaṅka lampaḥ ḍarat.

5. pan iŋ pundi iṅkaŋ dèn margani, koṅsi sagĕt prapta ḍépok kula, laṅkuŋ gawat saturuté, lwir iŋ pakèwĕtipun, ṛĕdiṛĕdi kaŋ kaṭaḥ siṅit, jro juraŋ juraŋ guwa, kèḥ ṛĕñcananipun, sarpa guŋ banaspati ka, kayu kayu aruṅkut kèḥ ori rumpil, siṅa warak andaka.

6. iṅkaŋ sami aṅaḍaṅi margi, moṅira samya krura mamaṅsa, sĕsĕṅkan juraŋ pèrèṅé, watu watu aluñu, tur tumawiŋ miriŋ aṅgawiŋ, tan kĕna iṅañcikan, watuné gumluṇḍuŋ, tĕla tĕla isi ula, kidĕggana piṅgiré añĕmbur sami, ulanya galak galak.

7. sakiŋ pundi gènnira lumaris, wontĕn kĕḍik kaŋ ragi warata, tan kobĕr aṅguŋ goḍané, iṅkaŋ muruṅkĕn laku, tanpa wilis mawarṇi warṇi, siluk siluk piṅgirṇya, juraŋ luñu luñu, yèn gocèkana witwitan, wit witané aṅgawiŋ tur mawa ĕri, ĕriné mawi upas.

8. witiŋ kayu piṅgir paraŋ curi, yèn cinaṇḍak witté pol kéwala, paḍas laṇḍĕp ṅatut bah‍é, tumibèŋ juraŋ iku, sarpa siṅa lajĕŋ nampèni, liyanipun anak mas, iŋ tĕṅaḥ tan tutug, taṅèḥ iŋ ṅriki praptaa, ulun sampun añjajaḥ iŋ ardi ardi, wĕgaḥ nora kĕcoṅgaḥ.

9. kunĕŋ liŋnya kyayi wargapati, radyan mèsĕm alon aṅandika, ḍuḥ paman iŋ sah‍èstuné, gampaŋ kalawan éwuḥ, apan wontĕn iṅkaŋ akardi, yèn purunna iŋ gampaŋ, ajriha iŋ kéwuḥ, sabaraŋ botĕn tumĕka, yèn antĕpan gampaŋ éwuḥ dados tuṅgil, iŋ purwa boya nana.

10. gèḍèg gèḍèg kyayi wargapati, ṅunandika sajroniŋ wardaya, satuhu woŋ luwiḥ kiyé, nayana sumèḥ mañcur, wicarané arum patitis, wacana anurraga, aris aturipun, ḍuḥ kaŋ sinuŋ kanugrahan, kapaṛĕṅa mampir ḍatĕŋ wisma mami, iŋ bogor kaŋ katiṅal.

11. laḥ sahiba sukaniŋ tyasmami, miwaḥ saṅgyaniŋ kaŋ kulawarga, lir maṅgiḥ sotya sagĕṇṭoŋ, nak aṅgèr karṣanipun, tĕmbé ulun iṅkaŋ umiriŋ, rahadyan tan ḷĕṅgana, maṇḍap sakiŋ gubug, ki warga lumakyèŋ ṅarṣa, mawa tĕkĕn kaṭiplakira cinaṅkiŋ, dupi prapta iŋ wisma.

12. atĕṅara kĕṇṭoṅan tinitir, kulawarga jalu èstri prapta, ṅgili tan ana kĕṇḍaté, uniŋ yèn ana tamu, samya bikut ṅgĕlar ṅgĕlari, pawèstri olaḥ olaḥ, saḍiya susuguḥ, radyan sampun iṅaturan, ḷĕṅgaḥ salu linèmèkan glaran pasir, iyasan iŋ palémbaŋ.

13. gaṭak gaṭuk wus dèn añcarani, kyayi warga matur mriŋ rahadyan, iṅkaŋ sakéca nak aṅgèr, wusnya matur gya mundur, paparéntaḥ maraŋ iŋ batiḥ, ajuniŋ kaŋ sugata, wus lumadyèŋ ṅayun, gantya sĕs myaŋ wédaŋ kahwa, ñañamikan gĕṇḍis siwalan mañjĕni, ki warga lon turira.

14. cumaṇṭaka pun bapa ṅaturi, pasugata sumaṅga kinarṣan, laḥ ṅriku gé sawontĕné, gaṭak gaṭuk abikut, wusiŋ ṅinum ḍahar ñañamik, amuŋ ṅécani iŋ tyas, anulya kinukut, lumados sugata ḍahar, liwĕt gaga wajar liwĕt tambra añir, babacĕm ulam tambra.

15. ḷĕmĕŋ tambra gèsèk tambra asin, kolak tambra asĕm asĕm tambra, tigan tambra tambra dèn pès, acar tambra myaŋ ĕtum, tambra gĕcok tambra dèn asin, ĕtim gorèṅan tambra, abon agé sĕmur, opor sami ulam tambra, sambĕl gorèŋ tambra tambra urip urip, sambĕl uḷĕg lalaban.

16. marik marik tinata nèŋ ṅarṣi, wus rumanti ki warga turira, pun bapa atur ḍaharé, sakawontĕnanipun, radyan ṇḍĕku nulya awantiŋ, bismillaḥ ḷĕkas ḍahar, tĕlas gaṅsal tañjuŋ, kalawan asinan tambra, udakara tĕlas muŋ sajĕṇṭik miriŋ, atop ambal ambalan.

17. kyayi wargapati tansaḥ ṅlirik, ṅandikèŋ tyas baya wus alama, saŋ luhuŋ ṅgonné tan ṅgapé, iŋ boja miwaḥ minum, nora saka éwuhirèki, rupané rada ñĕṅka, saka rahab mriŋ sun, ambĕŋ nulya cinarikan, wus tinata anèŋ ṅarṣané abdi dwi, anulya iṅañcaran.

18. wawi anak sami awawantiŋ, sampun mawi taha taha iŋ tyas, di kaya wismanta ḍéwé, gaṭak gaṭuk anuwun, iṅgiḥ sampun awalaṅati, tan rikuḥ rikuḥ kula, wus bukti ṅaṭĕkul, gaṭuk aris atatanya, laḥ olahan datan wontĕn saliyaniŋ, sadaya ulam tambra.

19. kula pañcèn kaṛĕm ulam niki, wargapati liṅira ṅgiḥ anak, amuŋ iku iṅkaŋ jaṭok, iṅaḥ iṅahanulun, blumbaŋ blumbaŋ sadaya isi, tan lyan ulam tambra, guriḥ gĕmpi ĕmpuk, gaṭak gaṭuk dèn nya naḍaḥ, wus dumugi nulya iṅundurkĕn aglis, akiriŋ waktu ṅasar.

20. kyayi warga paréntaḥ mriŋ dasiḥ, aṅrĕsiki laṅgar myaŋ padasan, wus rumanti sadayané, umatur riŋ saŋ luhuŋ, biliḥ karṣa wĕkdal ṅasari, iŋ laṅgar wus saḍiya, radyan liṅgar gupuḥ, samya ṅambil toya kadas, gaṭuk adan wusiŋ sunat dèn kamati, gya prĕlu waktu ṅasar.

21. wus paragad dèn nira ṅasari, jayèṅrĕsmi alon aṅandika, paman lamun maṛĕṅaké, kula pan botĕn waṅsul, ḍatĕŋ panti éca nèŋ ṅriki, ki warga aturira, kalaṅkuŋ panuju, datan wontĕn séhosira, gya paréntaḥ mriŋ dasiḥ kinèn ṅusuṅi, ḍaharan paṅuñjukan.

22. glaran pasir ḷĕmpir uḷĕs putiḥ, wus pinrĕnaḥ ḍaharan tinata, ki warga tansèŋ ṅarṣané, cakĕt lan gaṭak gaṭuk, gaṭuk taña mriŋ wargapati, ḍuḥ kyayi aṅlĕpatna, saguṅiŋ babĕndu, ulun ñuwun sasĕṛĕpan, sampun pintĕn yuswa paduka kiyayi, déné ta makṣiḥ kiyat.

23. anak ĕmpun saṅaŋ dasa kaliḥ, gaṭak ñjiṅklak waṭaḥ tuhu wrĕdḍa, tĕka takṣiḥ kadi anèm, punapi saratipun, kyayi warga ṅandika manis, datan mawi isarat, amuŋ sabĕn taṅsu, aṅlampahi puji dina, tĕka maṅké lir lampahé toya mili, pañcèn agĕŋ sawabnya.

24. gaṭak gaṭuk saṛĕŋ aturṇèki, nuhun kyayi ulun ṅalab barkaḥ, supadi kadi slirané, pinaṛĕŋ pañjaŋ umur, sĕnĕŋ tĕntrĕm jaṅkĕp ṅahurip, winantu karaharjan, salaminya hiḍup, ki warga aris ṅandika, iṅgiḥ anak makatĕn pujinirèki, kalawan lampahira.

25. gaṭak gaṭuk gya sami ñĕlaki, mĕḍar sabda iṅkaŋ pujidina, piŋ pitu pan sanès sanès, iṅgiḥ iṅkaŋ rumuhun, dina jumuṅaḥ lampahiŋ nabi, rosullolaḥ salalu, hi wasalam iku, mapan tan aḍahar sĕga, iŋ sadalu sadina pujinirèki, ya kapiya muninya.

26. winical piŋ satus tiga nĕṅgiḥ, iŋ sadalu sawabé pan aṅsal, kaŋ nugrahaniŋ hyaŋ maṅké, piŋ kaliḥ dina saptu, sayidina ṅusman ndarbèni, tan saré lampahira, sadintĕn sadalu, puji : ya pataḥ ya rajak, winaca piŋ satus titiga sawĕṅi, sawabé iṅajrihan.

27. déniŋ mahluk kabèḥ kaŋ kapiŋ tri, dina akat iṅkaŋ darbé lampaḥ, pan sayidina ṅumaré, iŋ sadintĕn sadalu, tan aṅinaŋ pujinirèki, ya kayu ya kayuma, aṅsal kapiŋ satus, titiga sadalunira, sawabé rahayu sahumurirèki, kapiŋ pat isnèn dina.

28. kaŋ lampaḥ nabi ṅisa puniki, ṅalahisalam tan ḍahar ulam, iŋ sadina sawĕṅiné, ya rahman ya rahkimu, pujinira satus sawĕṅi, mapan puñjul titiga, sawabé jinuruŋ, iŋ allaḥ sakarṣanira, kapiŋ lima dina salasa darbèni, kaŋ lampaḥ abubakar.

29. tan aḍahar tan ṅinum sawĕṅi, lan sadina puji subkana ma, likil kudus wacanané, piŋ satus lan tĕtĕlu, iŋ sadalu sawabé ugi, sinihan déniŋ allaḥ, kapiŋ nĕnĕmipun, dina arbo iṅkaŋ lampaḥ, nabi brahim wa ṅalèhi wa salami, pan nora ḍahar uyaḥ.

30. iya sadina lawan sawĕṅi, puji : subkanna maliki khahar, piŋ satus tĕlu wacané, sawĕṅi sawabipun, iṅapura dosané nĕṅgiḥ, déniŋ allaḥ taṅala, kapiŋ pitunipun, dina kĕmis iṅkaŋ lampaḥ, sayit ṅali tan ṅuñjuk toya saratri, iya lawan sasiyaŋ.

31. pujinipun : ya kabiru maliḥ, ya mutaṅal piŋ satus winaca, lawan titiga laṅkuṅé, sadalu sawabipun, sinuŋ kuwat sabaraŋ kardi, mriŋ allahu taṅala, puji dina iku, sapa woṅé ṅlampahana, tinarima ṅamalé mriŋ hyaŋ linuwiḥ, salamĕt duña kérat.

32. gaṭak gaṭuk matur sru kapuṇḍi, wañci mahrib surupiŋ baṣkara, wus ṅalumpuk sadayané, santri alit myaŋ aguŋ, samya ṅambil toya astuti, mriŋ laṅgar maca slawat, swaranya gumuruḥ, tan pantara iṅadanan, samya sunat bakda nulya dèn kamati, gya mahribbi sadaya.

33. jayèṅrĕsmi iṅkaŋ aṅimami, swara arum buntas titiḥ cĕṭa, mahrib tumĕkèŋ ṅisané, paragadiŋ kaŋ wĕktu, pupujian aṅalik alik, doṅa matumpa tumpa, iṅaminan guyub, sawusira bakda ṅisa, para santri tumurun sakiŋ iŋ maśjid, kaŋ kantun amuŋ iṅkaŋ.

34. aṅladosi miwaḥ wargapati, datan mantuk éca pinarakan, nèŋ maśjid lawan tamuné, wargapati umatur, ḍuḥ nak aṅgèr biliḥ maṛĕṅi, mugi kapaṛĕṅana, pun bapa yun wĕruḥ, gañcaré iṅkaŋ winastan, dahru jaman punapa sampun ñĕlaki, punapa takṣiḥ lama.

35. jayèṅrĕsmi awacana manis, iṅkaŋ winastanan dahru jaman, walahuwalam ḍawuhé, yèn maṅkya kintĕn ulun, dèrèŋ maṅsa anitik sakiŋ, kawontĕnané janma, praja ḍusun, tanapi pasisir arga, takṣiḥ sami tan ana ṅambaḥ panitik, kasmaran kapiṛĕŋna.

57. asmaradana

1. andikanira ñjĕŋ nabi, ḍatĕŋ kaŋ para sakabat, hèḥ sakabatiṅsun kabèḥ, iŋ béñjaŋ sapuṅkuriṅwaŋ, ana maṅsa satuṅgal, kaŋ paḍa mĕnaṅi bésuk, iŋ maṅsa dahuru jaman.

2. prataṇḍané kiyamatti, tur aṅrusak iŋ agama, iŋ sakèhiŋ umatiṅoŋ, bagéṇḍa ṅali tur sĕmbaḥ, amba iṅgiḥ punapa, mĕniṅi jaman dahuru, nayakaniṅrat ṅandika.

3. tan ana iṅkaŋ mĕniṅi, sarupaniŋ sabatiṅwaŋ, sayid ṅali alon turé, amba aṅliṇḍuŋ iŋ tuwan, nabi maliḥ ṅandika, ya sakèhiŋ sabatiṅsun, paḍa sira piyarṣakna.

4. yèn prapta iŋ jaman akir, sakèhé umat binagya, pan amuŋ saduman bah‍é, kaŋ pinaṣṭi anèŋ swarga, pinara pituṅdasa, pinaṣṭi narakanipun, tur paḍa sinuṅan lanat.

5. kaŋ ana sawarga béñjiŋ, kaŋ anut agama islam, pan lilima pikukuhé, sadat salat lawan siyam, jakat kalawan pitraḥ, muṅgaḥ kaji limanipun, iku marga kaŋ sampurṇa.

6. kaŋ ora nut marga mami, iku dudu umatiṅwaŋ, apan akèḥ tĕtĕṅĕré, iŋ maṅsa dahuru jaman, ana rupa paṇḍita, miwaḥ ta paṅaṅgonipun, kadya tuhuniŋ paṇḍita.

7. paṅucapé nabi wali, kaŋ ginawé pasikĕpan, tur tan ana kayĕktèné, amuŋ rarasan kéwala, tan arṣa aṅibadaḥ, aṅaku édan mriŋ ṅèlmu, ṅaku sampurṇèŋ makripat.

8. wontĕn aṅaku woŋ siṅgiḥ, anuwalani ñjĕŋ duta, aru ara paṅucapé, taṇḍané sinuṅan lanat, déniŋ hyaŋ maha mulya, iku karanné tan émut, kinarya isi naraka.

9. tuwas sĕmbahyaṅirèki, tan dadi waṅsitiŋ tiṅal, hura huru wicarané, woŋ wadon ginawé sabat, tur ṅaku sinĕrahan, isiniŋ jagat sawĕguŋ, ṅiḍĕpa mariŋ rèhiṅwaŋ.

10. amaṅana turu iki, paḍa lawan asĕmbahyaŋ, mapan tan ana bédané, kabèḥ kabèḥ paḍa lampaḥ, bĕcik kalawan ala, nora nana bédanipun, pan uwis paṅawak sukṣma.

11. kaŋ pinaṅan nora miliḥ, kalal karam iya doyan, sajĕŋ inum inumanné, wĕtĕṅé kaŋ pinaṅéran, miwaḥ ta woŋ ajina, nora nana bahyanipun, mapan wus awas iŋ tiṅal.

12. kaŋ suci kalawan najis, iku nora na bédanya, bhumi sona paḍa bah‍é, datan miyatani sira, tuṅgal pinaṅkanira, sona tan lawan sinĕrtu, pan wus paṅawak sagara.

13. sakaṭahé mati siṅgiḥ, sasambĕléyan hyaŋ sukṣma, pan nora nana pah‍éné, wĕnaŋ paṅanĕn dèn nira, iku ṅrusak agama, jajallanat saminipun, yogya sira siṅgahana.

14. kaŋ sawĕnèḥ polahnèki, apĕkṣa édan édanan, sarta dèn rusak ragané, paṅaṅgoné tatambalan, polahé lir woŋ édan, tiṅkahé kaya woŋ liwuŋ, kulambi walulaŋ macan.

15. sapolahé nora yĕkti, miṇḍa woŋ braṅta paṅéran, kaŋ kadi wawijaṅané, sampurṇané makripatnya, iku kaŋ dadi wĕjaŋ, tan wĕruḥ yèn dadi kupur, iku aṅrusak agama.

16. kalampahan maṅsa iki, woŋ jahil kaya paṇḍita, woŋ ṅalim kadya woŋ boḍo, bĕnĕr dadi luputira, woŋ ina dadi mulya, mulya dadi inanipun, woŋ sugiḥ dadi kasihan.

17. woŋ kasihan lir woŋ sugiḥ, raja dèn aṅgĕp kawula, abdi lir raja aṅgĕpé

| désa gĕŋ dadi ḍukuhan, ḍukuḥ dadi nagara, akaṭaḥ dĕlajadipun, iŋ maṅsa dahuru jaman.

18. iŋ maṅsa maṅké puniki, akaṭaḥ woŋ asikara, lanaŋ wadon dèn tuŋ gawé, suwalé kaŋ dipunulaḥ, ginawé babantahan, apĕkṣa wiraṅi ṅèlmu, ujaré braṅti paṅéran.

19. kaŋ duruŋ dipunkawruhi, iku kaŋ dèn karya suwal, aliŋ aliṅan tatakon, wiraŋ lamun ṅguguruwa, tansaḥ aṅamandaka, ora ana di paṅèstu, ṅèlmuné kaŋ winicara.

20. kaŋ sĕtĕṅaḥ ṅèlmunèki, dèn sambaŋ rapĕt kéwala, dan aṭik lawan budiné, rumaṅsa yèn wis kabuka, pinatut lan micara, nora na dadi paṅèstu, amuhuŋ bisa rarasan.

21. kaŋ sawĕnèḥ pakṣa sidik, kaya woŋ ṅarip lampaḥnya, ambĕciki iŋ luṅguhé, darapon katonna lumya, lumaku dèn aḷĕmma, aṅĕguṅakĕn iŋ laku, nèŋ saṅaṛĕpaniŋ kaṭaḥ.

22. yèn asĕpi nora miliḥ, kalal karam dipunpaṅan, suci najis dipunaṅgé, uraté nora kaṛĕkṣa, yèn anèŋ pasamuwan, kaya woŋ wiraṅi tuhu, déniŋ karya masalahan.

23. kaŋ sawĕnèḥ ṅèlmunèki, dipunsimpĕni kéwala, sami dèn wruhana maṅké, éca dèn nya ṅambil kasap, kaŋ aṅguŋ dipunulaḥ, milané asimpĕn ṅèlmu, sawadinipun wĕruha.

24. ana woŋ kaŋ amadoni, api api nora bisa, iku amriḥ duduniŋ woŋ, luṅsèné aṅamandaka, yèn mĕtu ujarira, anuli dèn tutuḥ tuhu, aṅuṅkurakĕn kéwala.

25. wĕnèḥ woŋ kaŋ nora piliḥ, kalal karam dipunpaṅan, lwir woŋ édan sasolahé, aḷĕṅgaḥ anèŋ pawuhan, sapiṅgiriŋ dadalan, iku paṅambilannipun, amriḥ kuñcara iŋ kaṭaḥ.

26. akaṭaḥ ṅèlmu tan yĕkti, iŋ maṅsa dahuru jaman, woŋ aṅambil ṅèlmu ṛĕké, akèḥ ginawé ampuṅan, yèn kĕsusahan manaḥ, kadya woŋ birahi tulus, yèn sampun suka tan kétaŋ.

27. kaŋ mukmin tan ana kari, kantun namané kéwala, miwaḥ iṅkaŋ islam kabèḥ, kari taṇḍané kéwala, miwaḥ kaŋ ṅaji kur'an, akèḥ kĕtuṅkul iŋ laku, ciptané maḍĕp iŋ liyan.

28. lumaku iṅaḷĕm piṅgiŋ, kaŋ minaṅka gamanira, ĕmas picis iku ṛĕké, wĕtĕṅé dadi panutan, kĕtuṅkul déniŋ boja, dahat kaliṇḍiḥ iŋ tutur, tan pĕgat maḍĕp iŋ duña.

29. suwiji tan ana kari, kaŋ umiliḥ kabĕcikan, miwaḥ kaŋ makṣiyat maṅké, tan parikudu cinĕgaḥ, ratunya kadya macan, kadi siṅa ki paṅulu, munapèk lir asu alas.

30. woŋ pĕkir miṣkin lir kambiŋ, datan bisa amimitran, lwur pakṣi nèŋ kuruṅané, déné macan lawan siṅa, miwaḥ kaŋ asu alas, aṅidĕri maraŋ wĕḍus, tan aṅsal maṅané méntar.

31. tamat paman kaŋ pawarti, iŋ maṅsa dahuru jaman, ki wargapati turṇya lon, laṅkuŋ pamuṇḍi kawula, iŋ paṅandika radyan, wus mañjiŋ iŋ waktu subuḥ, samya ṅambil toya kadas.

32. gaṭak adan ṅalik alik, nulya waktu subuḥ samya, rahadyan dadya imamé, bakda pupujiyan rahab, doṅa matumpa tumpa, iṅkaŋ amin sĕsĕg sayuk, hyaŋ bagaspati kawuryan.

33. ñunari sèsiniŋ bhumi, rahadyan aris ṅandika, iṅkaŋ aguŋ akṣamané, ulun ayun ndumugèkna, iŋ lampaḥ mupuŋ éñjaŋ, adrĕṅiŋ tyas ayun wĕruḥ, patilasaniŋ kaḍatyan.

34. pajajaran dukiŋ ṅuni, ki warga aris turira, pun bibi ayun cacahos, sarapan éñjiŋ éñjiṅan, rahadyan ris ṅandika, saṅĕt iŋ panrimaḥ ulun, sampun mawi susaḥ susaḥ.

35. mbujĕŋ lampaḥ mupuŋ éñjiŋ, ki warga ṇḍĕku sumaṅga, sakarṣa ulun aṇḍèrèk, wus liṅgar sakiŋ iŋ laṅgar, ki warga tansèŋ ṅarṣa, datan kawarta iŋ ĕnu, wus prapta iŋ patilasan.

36. kraton pajajaran nagri, rahadyan miyat balumbaŋ, wiyar awĕniŋ toyané, binatur iŋ séla krĕṣṇa, iṅukir sasĕkaran, dahat kacaryan saŋ bagus, gaṭak gaṭuk tan saranta.

37. gya aṅgĕbyur rarya kaliḥ, lulumban anèŋ balumbaŋ, ki wargapati aturé, punika kaŋ patilasan, kaŋ kantun muŋ balumbaŋ, maṅkya tumut comas ḍusun, blumbaŋ aguŋ pah‍édaḥnya.

38. criyosipun tiyaŋ ṅriki, yèn èstri datan wĕwĕka, jaḷĕr èstri samya ciblon, sabĕn ari iṅkaŋ malaŋ, éṅgalé kapiŋ tiga, laminipun kapiŋ pitu, tamtu lajĕŋ darbé suta.

39. séla satĕpiniŋ bèji, iṅkaŋ mbladĕr borèḥ sĕkar, punika apan pupuṇḍèn, dipunmumulé iŋ kaṭaḥ, manawi wontĕn tiyaŋ, gaḍaḥ kajĕŋ añuñuwun, punapa sakadarira.

40. katrimaḥ iṅkaŋ pamuji, sayĕktos tamtu tinĕkan, mila kajuwarèŋ ṅakèḥ, kaṭaḥ tiyaŋ mañcapraja, sami karaya raya, mrĕlokakĕn añuñuwun, ḍatĕŋ kyayi sélagilaŋ.

17. dumugi iŋ ṛĕdi salak r. jayèṅrĕsmi kabiyantu ki wargapati ambaṅun asrama sah‍éṅga kuñcara aṅgènipun adadana pala. kacariyos kiagĕŋ karaŋ iṅkaŋ wasta sèḥ ibrahim suṅkawa jalaran putranipun késaḥ tanpa popoyan. aṅsal waṅsit supados amboyoŋ jayèṅrĕsmi, punika minaṅka gĕgĕntosiŋ putra. r. jayèṅrĕsmi kaboyoŋ déniŋ kiagĕŋ karaŋ, winulaŋ samodra rahmat. wĕkasan guṭuk gaṭuk nusul ḍatĕṅ

karaŋ.

41. radyan mèsĕm liṅira ris, ṅgiḥ paman botĕn kadosa, atut rèḥ patilasané, woŋ aguŋ iŋ jaman buddha, tumĕka iŋ samaṅkya, istijraté datan surut, labĕt wus katarimèŋ hyaŋ.

42. sarèhniŋ sampun dumugi, ṅgyanulun myat patilasan, paman lilanana iṅoŋ, lajĕŋ mariŋ arga salak, ki warga aturira, ḍuḥ babo risaŋ linuhuŋ, biliḥ kapaṛĕŋ iŋ karṣa.

43. ulun sawaṅsa umiriŋ, ḍumatĕŋ iŋ arga salak, tĕmbé manawi rahadèn, wus mapan iŋ paḍépokan, ulun kalilanana, waṅsul mantuk ḍatĕŋ ḍukuḥ, jayèṅrĕsmi rum wacana.

44. paman kalaṅkuŋ prayogi, ki warga nulya uméntar, ṅlĕmpakkĕn anak putuné, miwaḥ iṅkaŋ kulawarga, kaŋ bisa nambutkarya, lan mamatutakĕn tuwuḥ, mriḥ manisé tiniṅalan.

58. ḍaṇḍaŋgula

1. wargapati lumampaḥ rumiyin, lawan anak putu kulawarga, saput gaman pakaryané, sapraptanirèŋ gunuŋ, lajĕŋ samya anambutkardi, karya kaŋ paḍépokan, lambuŋ kilèn gunuŋ, sasĕṅkan kapaṛĕŋ ṅañjat, miliḥ iṅkaŋ tĕṅaḥ tĕṅaḥ ana radin, toya ñjog yun kinarya.

2. jayèṅrĕsmi myaŋ abdi kakaliḥ, liṅgar sakiŋ patirtan tut wuntat, iṅkaŋ andulur lampahé, samarga gandruŋ gandruŋ, kadya agé prapta iŋ wukir, iŋ lampaḥ tan winarṇa, prapta lambuŋ gunuŋ, miyat iṅkaŋ nambutkarya, tan cinatur laminya manambutkardi, maṅkya wus paripurṇa.

3. wargapati anak putu tuwin, kulawarga sami apamitan, wus linilan sadayané, sajuga tan na kantun, kantun radyan myaŋ abdi kaliḥ, truṣṭanirèŋ wardaya, munajat hyaŋ aguŋ, datan kĕṇḍat dalu siyaŋ, gaṭak gaṭuk suka myat ṛĕṅganiŋ wukir, ḍépoké saŋ minulya.

4. laṅkuŋ asri ṛĕṛĕṅganiŋ ardi, kĕñcĕŋ pinarṣaja jijiḍaran, paripurṇa pariginé, ṅoṅkaŋ dwi tlaga luhuŋ, toyanira sumilak wĕniŋ, binotrawi sumunar, iṅkaŋ séla piṅul, iṅukir pinatra sĕkar, rinaṛĕṅga lalarèn alit amarik, kaŋ kayu apu pita.

5. pinrap sapaṅaṇḍap sapaṅiṅgil, mĕṅkap mĕṅkap katrajaŋ iŋ toya, ṅaliṅkap katon kakapé, séla kinarya iku, sinundukan sinuṅan sĕntil, iṅukir datan siwaḥ, lan mina satuhu, ḍépok kinubĕṅan toya, larèn alit wutahiŋ wé amranani, mriŋ talaŋ séla krĕṣṇa.

6. tibaniŋ wé sumawur mratani, sumamburat kanan kériŋ tlaga, rinĕṅga śri sadayané, pèpèṅĕtan mamuṅut, kĕkĕmbaṅanira ṅubĕṅi, ṭinarik apapaṇṭan, tinata pinatut, ana muṅgèŋ añjaŋ añjaŋ, myaŋ anèŋ wé satuhu tan ṅuciwani, karya ṛĕnaniŋ driya.

7. andoŋ argulo mawarṇi warṇi, aḍaliyaḥ andul aṅgrèk wulan, moja myaŋ nagasariné, cĕpiriŋ cĕpaka rum, clakĕt cèṅgèr ragahina di, rukĕm lawan ṛĕjasa, kraṇḍaŋ kalak arum, kanigara myaŋ kalurak, kalilika kamuniŋ lawan kanikir, kasturi myaŋ kanaṅa.

8. dlima daṅan druju diḷĕm tluki, tuñjuŋ traté tlutur tuṅkèŋ suṅsaŋ, soka srigaḍiŋ slastriné, sruni sumarṣanèku, widuri myaŋ wuṅu warṣiki, wora wari baŋ lawan, landĕp larawuḍu, liandĕr myaŋ laraṅĕṇḍat, patragala puḍak pulu purbanagri, prabhu sĕt pañcasuda.

9. pacar bañu abaŋ kuniŋ putiḥ, suṅsun lamba puṭut pacarcina, pacarkuku rum gandané, sruni sumarṣanèku, widuri myaŋ wuḍu warṣiki, mĕnur suṅsun lan lamban, mĕlaṭi maḷĕtuk, maṇḍakaki gandapura, gambir abaŋ ḍawuŋ miwaḥ gambir putiḥ, buntut kuciŋ baŋ jĕnar.

10. bakuŋ baṅaḥ bĕbĕg maṅgon tĕbiḥ, tĕḷĕŋ gubĕt mañiḷĕp iŋ ganda, sinambĕtan aṅgé aṅgé, uḷĕt uḷĕt myaŋ iṅgu, adas cĕṅkèḥ cĕguk cabèhi, rasukṅin rasamala, kĕtumbar kĕmukus, kayu abaŋ kapulaga, klĕmbak klabĕt kaḍawuŋ myaŋ kayu ḷĕgi, dagiŋ tĕgari trawas.

11. kayu tahi sintasari murṇi, sarikuruŋ sumba sidawayaḥ, sĕprantu sukṣmadi luwèḥ, widara putiḥ lahut, waron pala pupulasari, pucuk pacar joṅrahap, jintĕn mrica makmur, mĕsoyi manis maĕñan, muṅsi gaṇṭi gĕlan garu botor tuwin, iṅkaŋ buṅaḥ tĕmpayaŋ.

12. ṅaṇḍap maliḥ kinubĕŋ ṭinarik, tarupala wowohan mawarṇa, asĕm ĕlo lawan ĕprèḥ, nam ĕnam naṅka madu, crĕmé rukĕm raṇḍu kuwèni, kokosan kĕtos kléca, kalayu kapuṇḍuŋ, kacapi kawis kĕmlaka, kopi kluwiḥ dlima durèn tañjuŋ taṅkil, sawo sĕmak srikaya.

13. sĕntul soklat sukun myaŋ sulastri, wuni wariṅin laṅsĕp pijĕtan, pĕḷĕm plĕnisan myaŋ pakèl, pohocuŋ ḍuwĕt ḍuku, jĕruk jirak jambu mĕpĕki, ñampluŋ maṅgis malowa, mliñjo maja muṇḍu, gowok kĕḍoṇḍoŋ myaŋ gayam, baloŋ blimbiŋ blimbiŋ wuluḥ bésaran brit, bogĕman babañjaran.

14. kaŋ muṅkasi wowohan iŋ ṅiṅgil, sahubĕṅé kanaŋ paḍépokan, sumadya ḷĕt papèrèṅé, sinĕliŋ alit aguŋ, arèn klapa siwalan tuwin, jambé jĕmbar bañjaran, ḍawé sĕliṅipun, tanĕman pisaŋ sĕk sĕkan, myaŋ pon ĕmpon kĕñcur kuñci jah‍é suṇṭi, kunir baŋ lawan pĕṭak.

15. tĕmu lawak ĕpoḥ tĕmu laṭi, ḷĕmpuyaŋ kapur ĕmprit dipaṅga, daliṅo paciŋ lahosé, puṣpañidranya muṅgul, caṇḍana rum wijèn ṅĕḷĕtti, tĕgalan jajaṅanan, kacaŋ kara timun, bĕstru cĕmé paré ula, bligo waluḥ labu paré ḍèmpèl markis, tumrap iŋ añjaŋ añjaŋ.

16. kaŋ ginula gula marik marik, kapri buñcis lobak bit ramĕnas, wortĕl brambaŋ myaŋ bawaṅé, slèdri madinaḥ arum, kobis sawi sĕlat kucahi, andèwi patrasélya, iŋ tĕgal winuwus, lombok téroŋ myaŋ sĕmaṅka, krahi timun wuku kĕṇṭaŋ kacaŋ kucir, iṅĕḷĕtan wit salam.

17. larasĕtu sĕlé nalisiri, pala kĕsimpar juwawut bhoga, caṇṭèl otèk jèpèn wijèn, kĕmaṅi gagaŋ wuluŋ, pala pĕṇḍĕm iṅkaŋ nambuṅi, gaḍuŋ walur suwĕg myaŋ, pohuŋ kimpul bĕntul, uwi gĕmbili gĕmbéla, liñjik téla gĕmbolo nampu muṅkasi, sinambuṅan pagagan.

18. asri tinon sĕnĕnniŋ kaŋ wukir, karamaté saŋ tuhu minulya, sadaya nĕḍĕŋ uwohé, tan ana kĕṇḍatipun, wus kawĕntar iŋ kanan kériŋ, lamun ana karamat, iŋ salak dudunuŋ, jayèṅrĕsmi paparabnya, amuŋ lawan réñcaŋnya kakaliḥ nami, gus santri gaṭuk gaṭak.

19. aṅgĕlarkĕn dana siniŋ wukir, tan winañcèn sapa iṅkaŋ arṣa, ṅuṅuṇḍuhi sasukané, sabĕn ari asĕlur, iṅkaŋ sami miṅgaḥ iŋ wukir, amupu kaŋ dadana, tan na kĕṇḍatipun, kaŋ dèn ambil datan tĕlas, malaḥ wêwaḥ kapiṛĕŋ liyan nagari, nora amupu dana.

20. suka iŋ tyas sukur iŋ hyaŋ widdhi, jayèṅrĕsmi lami anèŋ salak, sigĕg ganti caritané, kaŋ ḍéḍépok iŋ gunuŋ, karaŋ bantĕn nĕṅgiḥ sèḥ brahim, karan kiagĕŋ karaŋ, dadya paguron guŋ, wus mashur iŋ mañcapraja, traŋ iŋ kawruḥ alim kitab myaŋ saḷĕsiḥ, lakuniŋ kaŋ agama.

21. traŋ iŋ cipta tanpa papan tulis, iŋ saḍéṅaḥ patakoniŋ janma, tan ana binalèkaké, ṅèlmu kasap myaŋ ḷĕmbut, lahir batin sampurṇa jati, kaŋ samya puruwita, tan kĕna iṅétuŋ, santrinya tanpa wilaṅan, iṅkaŋ uwus pruwita tan nĕdya muliḥ, kèḥ kaṇḍĕg wismèŋ karaŋ.

22. kyagĕŋ karaŋ lagya naṇḍaŋ wiṅit, sakésahé putra aṅajawa, tita tan ana wartiné, sawiji dina nuju, miṛĕŋ swara laṅkuŋ dumĕliŋ, naṅiŋ tan lawan karṇa, ujariŋ swarèku, sira dèn narima iŋ hyaŋ, wis pinaṣṭi sutanta tan bisa paṅgiḥ, kalawan pakĕnira.

23. naṅiŋ maṅkya sira dèn pariṅi, kaŋ minaṅka liruniŋ putranta, sira uméntara agé, maraŋ iŋ salak gunuŋ, kono ana satriya luwiḥ, atmajané susunan, giri prapèn iku, wus katon karamatira, aran jayèṅrĕsmi kaṇṭi santri kaliḥ, si gaṭuk lan si gaṭak.

24. patut sira poṇḍoṅana nuli, kaŋ minaṅka gantiné sutanta, lawan kawruhanmu tĕmbé, sutanta kaŋ aṅlaṅut, nuṅgal lawan si jayèṅrĕsmi, umañjiŋ dadya siswa, pinèt kadaŋ tuhu, wus lir tuṅgal ibu rama, dalajaté oliya wus aṅèmpĕri, amuŋ kacèk sahusap.

25. atus iṅkaŋ swara kyagĕŋ kawis, andodoṅa sukur iŋ hyaŋ sukṣma, kalaṅkuŋ suka galiyé, bakdané salat subuḥ, tanpa abdi kiyagĕŋ kawis, ñipta mriŋ salak arga, tan daṅu wus rawuḥ, kèndĕl tĕpiniŋ pagagan, akcaryambĕg myat asriniŋ kaŋ wukir, nĕḍĕŋ iṅkaŋ tanĕman.

26. miwaḥ kèhé jalma jalu èstri, iṅkaŋ samya amupu dadana, sĕlur tan nana pĕḍoté, ginéṇḍoŋ myaŋ pinikul, kyagĕŋ karaŋ ṅandikèŋ galiḥ, ñata ujariŋ swara, maṅkana saŋ bagus, iŋ tyas wus tan kikilapan, gya tumurun santri kaliḥ tansèŋ wuri, tuṇḍuk maṅrahup pada.

27. kyagĕŋ karaŋ taṅgap iŋ paṅgaliḥ, tansaḥ rinaṅkul sarwi ṅandika, ḍuḥ wodiŋ tyasiṅsun aṅgèr, ṅgonmu nèŋ salak gunuŋ, piraŋ sasi tĕkèŋ samaṅkin, déné wus gĕmaḥ ripaḥ, radyan alon matur, nuwun sawĕg kaliḥ wulan, yèn kĕpaṛĕŋ ñjĕŋ rama kulaaturi, pinarak mriŋ poṇḍok kula.

28. mèsĕm mèsĕm kiagĕŋ iŋ kawis, wus pinarak anèŋ paḍépokan, kyagĕŋ arum andikané, hèḥ kulup praptaniṅsun, yèn sambada karṣanta kaki, sahiki iṅsun gawa, maraŋ krajaniṅsun, tĕtĕp kamurahaniŋ hyaŋ, dadi liru kadaṅta kaŋ wus luṅa nis, radyan matur manĕmbaḥ.

29. ḍuḥ saŋ luhuŋ sadarmi ṅlampahi, pĕjaḥ gĕsaŋ kawula sumaṅga, iŋ sakarṣanta aṇḍèrèk, samya ḷĕganiŋ kalbu, kyagĕŋ karaŋ ṅandika maliḥ, payo kulup umaṅkat, déné iṅkaŋ kantun, jĕjĕré si gaṭuk gaṭak, naṅiŋ aja kari miluwa mriŋ kawis, radyan datan ḷĕṅgana.

30. gya añipta kondur mariŋ kawis, wus pinarak nèŋ karaŋ karajan, tan pisaḥ lawan santriné, wahu iŋ salak gunuŋ, sapĕṅkĕré dyan jayèṅrĕsmi, kaŋ samya mupu dana, tan na bédanipun, pinaṅgiḥ lan gaṭuk gaṭak, kadya kala rahadyan ana iŋ wukir, nahan kaŋ anèŋ karaŋ.

31. jayèṅrĕsmi myaŋ abdi kakaliḥ, wus akumpul saṅgyaniŋ pra siswa, datan mantra lagya nĕmbé, ari sajuga nuju, bakda luka kiyagĕŋ kawis, ḷĕṅgaḥ surambi lawan, putra saŋ binagus, kiyagĕŋ arum ṅandika, sambèn luṅguḥ kulup sunarṣa miyarṣi, lakṣana pakĕnira.

32. saka giri prapta salak wukir, kadiparan kulup caritakna, radyan sandika aturé, iṅaṇḍar tan kalimput, purwa madya wasananèki, laṅkuŋ ṛĕnaniŋ driya, kyagĕŋ ṅandika rum, iku kalaṅkuŋ utama, sarta prĕlu prayoga dipunlakoni, kaŋ amriḥ raharjanta.

33. déné kabèḥ kawruhira kaki, laku laku miwaḥ saṅat saṅat, sarta dina myaŋ taṅgalé, lan ukur sadayèku, iṅkaŋ ala lawan kaŋ bĕcik, miwaḥ naas lan saṅar, tali waṅkénipun, miwaḥ ta kaŋ riṅkĕl jalma, sampar waṅké ḍuṅulan kuḍu ma bèki, sapapaḍané uga.

34. dina ala lawan dina bĕcik, lamun tambaḥ bisa ṅaraḥ araḥ, iṅkaŋ bĕcik kaŋ pinilèḥ, yèn kasusu iŋ laku, kaya priyé ṅgonné amaliḥ, ala bĕcik tinrajaŋ, aja was iŋ kalbu, pasraha maraŋ paṅéran, pati urip lara waras lawan maliḥ, bĕgja lawan cilaka.

35. iku dudu gawéyaniŋ jalmi, mapan atas kaŋ amurbèŋ alam, iṅkaŋ mañci sakabèhé, aja sak sĕrik kalbu, dèn kumambaŋ wisésèŋ widdhi, manuṅsa mapan darma, obaḥ osikipun, pan pituluṅiŋ paṅéran, nora nana daya kuwaté pribadi, naṅiŋ pituluṅaniŋ dat.

36. dèn kumambaŋ wisésaniŋ widdhi, upamané badaniŋ manuṅsa, lwir saraḥ anèŋ lahuté, saparané pan anut, mriŋ ombaké sagara yĕkti, iku mapan sanépa, niŋ manuṅsa iku, mulané ana babasan, woŋ kakèhan sakarat iku sayĕkti, sakabèhiŋ manuṅsa.

37. duk uripé nèŋ duña puniki, sadina dina pan wis sakarat, miwaḥ sawĕṅi wĕṅiné, maṅguŋ sakaratipun, mĕlèk turu sakarat ugi, mila ṅaran sakarat, woŋ nèŋ duña iku, déné ta iŋ salaminya, urip iku nèŋ duña tan pĕgat déniŋ, layar sagara rahmat.

38. ṅalor ṅidul ṅétan ṅulon nĕṅgiḥ, ṅgonné layar pan nora tumĕka, iya maraŋ ḍaratanè, mila tan ana maṅguḥ, iŋ ḍaratan dèn iŋ jaladri, tanpa tĕpi punika, prandéné kaŋ wĕruḥ, layar saḍéla tumĕka, iŋ ḍaraté kaŋ sagara tanpa tĕpi, suprandéné ya ana.

39. iŋ tĕpiné grahitanĕn ugi, déné wus aran iku sagara, tanpa tĕpi suprandéné, kaya na tĕpinipun, ṅéṅkol tĕmĕn basa puniki, kapriyé yèn kĕnaa, kinira iŋ kalbu, dinuga duga watara, sakiŋ kira kira mapan datan kĕni, kajaba kaŋ wus wikan.

40. iŋ tĕpiniŋ iṅkaŋ jalanidḍi, sagara rahmat kaŋ tanpa ombak, naṅiŋ glumĕgĕr alunné, samun lamun dinulu, sawaṅané ṛĕsik tur wĕniŋ, mila kaŋ sami layar, tan ṅaṅgo parahu, ñana tan na pakéwuḥnya, yèn tinrajaŋ tĕḷĕṅé kèḥ paraŋ curi, mila araŋ kaŋ prapta.

41. iŋ tĕpiniŋ iṅkaŋ jalanidḍi, déné alayar tan mawi palwa, alaṅka tĕka piṅgiré, barakané puniku, kaṭaḥ kèṛĕm kataṅgor curi, mila ayun waspada, mriŋ pakéwuhipun, iya iŋ sagara rahmat, mapan akèḥ pañcabaya jro jaladri, mila araŋ kaŋ prapta.

42. mapan araŋ iya aṅawruhi, iŋ warṇané ya sagara rahmat, tur sadina sawĕṅiné, woŋ anèŋ duña iku, alalaṅèn anèŋ jaladri, jroniŋ sagara rahmat, prandéné araŋ wruḥ, sakiŋ kaliṅan iŋ tiṅal, kalimput iŋ pañcabayaniŋ ṅahurip, mila araŋ waspada.

43. yèn arṣa layar mariŋ jaladri, sagara rahmat mawia palwa, sarta lawan kamuḍiné, pandoman sampun kantun, myaŋ layaré dipunabĕcik, miwaḥ saṅuniŋ marga, ywa kiraŋ dèn aguŋ, yèn tan maṅkono tan prapta, iŋ tĕpiné iya sagara rahmati, pan muṇḍak akaṅélan.

44. bahitané pan ĕniṅiŋ galiḥ, kĕmuḍiné pan antĕpiŋ tékat, suciniŋ kalbu layaré, pandomanipun iku, pituduhé guru sayĕkti, saṅuné ṅèlmu rasa, lakuné parahu, kalawan murahiŋ ĕdat, iŋ salaminya, urip iku nèŋ duña tan pĕgat déniŋ, layar sagara rahmat.

45. dadi boḍo woŋ puniku nĕṅgiḥ, milanipun boḍo woŋ punika, déné tan wruḥ mriŋ ḍèwèké, pan suwuŋ jatinipun, ṅgiḥ puniku kaŋ wus udani, wruḥ tĕpiniŋ samudra, kah‍élokan tuhu, luṅguhipun akadiyat, duk layaré wahdat luṅguhipun nĕṅgiḥ, aṅkaté wakidiyat.

46. iya dipunkawruhana maliḥ, iya sagara pataŋ prakara, iki ta siji sijiné, iṅkaŋ rumiyin iku, sagara dat namanirèki, piŋ kaliḥ pan sagara, sipat namanipun, piŋ tiga sagara apṅal, namanira kapiŋ patipun puniki, aran sagara asma.

47. yèn ta duruŋ woŋ iku udani, iŋ dunuṅé kaŋ sagara papat, prĕnahé wiji wijiné, duruŋ sampurṇa iku, iŋ prĕnahé makṣiḥ sak sĕrik, supadya ṅupadosa, tatakon kaŋ luhuŋ, aja muwus baraŋ karya, mapan wĕnaŋ muṅguḥ woŋ urip puniki, bubuhaniŋ iktiyar.

48. karana abot babo woŋ urip, mapan nampik miliḥ iku wĕnaŋ, yèn miliḥ ala woŋ kuwé, dadi woŋ tanpa kusur, yèn ṅamuŋna miliḥ kaŋ bĕcik, dadi woŋ tanpa ṅrasa, kudu bĕcik iku, pan na suṅkan lamun ala, yèn miliha ala suṅkan ṅaṅgo bĕcik, woŋ nasar ambalasar.

49. dipunsami marṣudi iŋ budi, puniku lambaŋ woŋ kuna kuna, pinriḥ grahitané ḍéwé, ṅgèn taki taki kawruḥ, aja lawan pakon liyaniŋ, pinriḥ marṣudi akal, iŋ tyas dikarahup, sampun ṅĕmuṅakĕn tĕdaḥ, tĕdaḥ guru pribadi iṅkaŋ marṣudi, pocuŋé kĕpaṅgiha.

59. pocuŋ

1. iku kulup paliyasan sakèḥ pétuŋ, aṇḍĕku rahadyan, katuṅka wĕktu luhuri, wusiŋ bakda kiyagĕŋ gya kondur ḍahar.

2. jayèṅrĕsmi nèŋ karaŋ éca tyasipun, sigĕg gantya iṅkaŋ, winurṣita lampahnèki, radèn jayèṅsari lawan arinira.

3. saŋ dyaḥ nikèn rañcaṅkapti makṣiḥ timur, myaŋ abdi pun buras, lolosira sakiŋ giri, dumugi iŋ lèpèn ĕmas nitiḥ palwa.

18. lampahipun r. jayèṅsari dalaḥ nikén rañcaṅkapti lampahipun kaḍèrèkakĕn santri buras dumugi iŋ pĕsantrènipun amat suṅèb iŋ sidacrĕma, naṅiŋ dalunipun lolos, laju maṅétan jalaran kuwatos kawaṅuran déniŋ wadya surabaya. ḷĕṛĕm sawatawis iŋ sĕṇḍaŋ pasuruhan, tlaga gati, bañubiru, lajĕŋ miṅgaḥ sukunipun ṛĕdibtĕṅgĕr. dumugi siṅasari niṅali caṇḍi siṅasari ṅantos dumugi sumbĕr saṅgariti, tĕrus ḍatĕŋ caṇḍi kiḍal.

4. wus tumurun sakiŋ bahita gya laju, ṅambaḥ wanakrama, karṣanira ayun mampir, maraŋ ḍukuḥ pasantrèn iŋ sidacrĕma.

5. praptanipun iŋ sidacrĕma saŋ bagus, ki buras uméntar, pinaṅgiḥ lawan kiyayi, amatsuṅèb sawusira sasalaman.

6. amatsuṅèb taña wigatiniŋ laku, ki buras prasaja, maṅkana dupi miyarṣi, sru gagĕtun gupuḥ maṛĕk iŋ rahadyan.

7. sampun tuṇḍuk ki suṅèb ṅruṅkĕpi suku, karuna lir kĕña, sasambaté mĕlasasiḥ, ḍuḥ gustiku iṅkaŋ abdi botĕn ñana.

8. jayèṅsari paṅandikanira arum, apa kaŋ rinasa, kawula darma ṅlampahi, obaḥ osik saka kwasaniŋ paṅéran.

9. wus ṅaturan laju maraŋ wismanipun, santri kaṭaḥ mulat, kacaryan éndahiŋ warṇi, samya ṅiriŋ sapraptanira iŋ wisma.

10. jayèṅsari iṅaturan ḷĕṅgaḥ salu, nikèn rañcaṅkaptya, laju mriŋ wisma wus paṅgiḥ, ñahi suṅèb kalaṅkuŋ añuṅga ñuṅga.

11. sinugata binojakrama kalaṅkuŋ, ki suṅèb turira, panuwuné iṅkaŋ abdi, kĕpaṛĕṅa lèrèḥ iŋ ṅriki kéwala.

12. biliḥ wontĕn utusan siŋ surèṅkéwuḥ, amba kaŋ naṅgulaŋ, ṅĕkahi risaŋ pinĕkik, radyan mèsĕm aris paṅandikanira.

13. iku paman baṅĕt panarimaniṅsun, ṅgonira tumaṅgaḥ, minaṅka wawaḷĕsiŋ siḥ, kanugrahaniŋ jĕŋ rama maraŋ sira.

14. iṅsun anut apa kaŋ dadi kaṛĕpmu, maṅkana ki amad, laṅkuŋ mbaḍĕḍĕg mbĕḍiḍig, datan ñana lamun ṅécani wicara.

15. wañci surup iŋ maśjid santri gumuruḥ, samya maca slawat, rahadyan ayun mriŋ maśjid, lan ki buras saŋ dyaḥ mĕdal sakiŋ wisma.

16. kakaŋ maraŋ ṅĕndi aku suṭik kantun, yayi yun sĕmbahyaŋ, wĕktu mahrib maraŋ maśjid, bakda ṅisa ṅgonku bali maraŋ wisma.

17. muŋ saḍéla sira yayi aja milu, iya iya kakaŋ, gawèkna mantènan ḍisik, ĕndi buras mantènaku kaŋ kokgawa.

18. buras ñjĕpluk wé ladalaḥ wahu kantun, duk kèndĕl iŋ juraŋ, supé botĕn kula caṅkiŋ, hara piyé buras éṅgal balènnana.

19. pasaranku lan ḍakon ĕndi tak jaluk, o laḥ dalaḥ tiwas, ḍakon pasaran dèn ambil, yuyu kaṅkaŋ kala wontĕn lèpèn ĕmas.

20. rañcaṅkapti añjĕkutrut gĕdrag gĕdrug, buras jiniwitan, mĕmbĕg mĕmbĕg api naṅis, béñjiŋ éñjiŋ kula lintoni sadaya.

21. dadya magru rahadyan tan siyos wĕktu, ṅrarapiḥ riŋ kadaŋ, kumĕmbĕŋ waspanirèki, saŋ dyaḥ liliḥ saré nèŋ paṅkoniŋ raka.

22. bakda ṅisa ki suṅèb maṛĕg saŋ bagus, ṅaturkĕn sugata, ñahi ñahi kaŋ ṅladosi, sarwi matur rayi daḷĕm saŋ lir ṛĕtna.

23. sampun ulun cawisi manawi wuṅu, radyan aṅandika, baṅĕt panarimamami, wusiŋ ḍahar linorodkĕn mriŋ ki buras.

24. buras matur kula ñahi takṣiḥ tuwuk, nĕḍa wahu siyaŋ, labĕté saṅkiŋ kalantiḥ, ragi ñĕṅka niki takṣiḥ mayag mayag.

25. grahitané ki buras yèn sésuk ésuk, lolos tan pamitan, kaṅgé saṅu anèŋ margi, nora wuruŋ ndara putri muṇḍut sĕga.

26. ñahi suṅèb wus ṅèṅèhkĕn ulam sĕkul, pok tumpĕŋ tinumpaŋ, ulam iṅkaŋ gariŋ gariŋ, ñahi lawan réñcaŋ wus lumĕbèŋ wisma.

27. buras gupuḥ mĕnĕdi ulam myaŋ sĕkul, gya pi api néndra, radyan ḷĕṅgaḥ ṅisik isik, iṅkaŋ rayi ki suṅèb sawusnya nĕḍa.

28. lawan ñahi maṛĕk alon aturipun, bĕndara arinta, prayogi saré iŋ panti, kakĕlonan pun bibi byaṅipun ḍénok.

29. paman cikbèn turu nèŋ kéné rumuhun, bocahé kagètan, mĕnèk ṅlilir muriŋ muriŋ, lamun béka gawé añĕliŋ wardaya.

30. kyayi suṅèb paréntaḥ iŋ waṅsanipun, ywa na ramya ramya, siṛĕp tan na sabawaniŋ, ñahi kyayi ṅaso kabañjur anéndra.

31. lir kataman sisiṛĕp sadayanipun, amuŋ gusé buras, ṅalilir anulya taṅi, gya iṅawé wus cakĕt maraŋ rahadyan.

32. ṅandika rum kapriyé buras kaṛĕpmu, rèhniŋ kakaŋ ĕmas, iŋ kéné kĕtĕmu sĕpi, tan prayoga yèn ṅantiya lawas lawas.

33. nora wuruŋ konaṅan woŋ surèṅkéwuḥ, buras aturira, ḷĕṛĕs timbalan saŋ pĕkik, sawĕr poṇṭaŋ manaḥ kula mĕlaŋ mĕlaŋ.

34. yèn pamita ḍatĕŋ ki wisma tan wuruŋ, paṣṭi nora suka, apĕsé paḍa umiriŋ, iŋ sapurug tĕmaḥ ñjuwarèhi lampaḥ.

35. iya bĕnĕr maṅkono paṅiraniṅsun, buras karṣaniṅwaŋ, payo liṅgar bĕṅi iki, laḥ géṇḍoṅĕn bandaramu kaŋ anéndra.

36. wus samĕkta rahadyan gya liṅgar gupuḥ, praptèŋ jawi ḍaḍaḥ, ḷĕstari tan ana uniŋ, amat suṅèb sataṅinira anéndra.

37. anuwèni maraŋ iŋ tatamunipun, sadaya tan ana, gugup aṅgugaḥ gugahi, wusiŋ taṅi kinèn ṅupaya tamunya.

38. tiŋ biluluŋ tita tan ana kĕpaṅguḥ, nĕŋna sidacrĕma, lampaḥnya dyan jayèṅsari, ṅidul ṅétan saŋ anom wus ṅañcik wana.

60. sinom

1. baṣkara miṅip iŋ arga, kèndĕl dèn nira lumaris, anèŋ ṅaṇḍapiŋ mandira, satĕpiniŋ sĕṇḍaŋ wĕniŋ, wahu dyaḥ rañcaṅkapti, anèŋ géṇḍoṅan wus wuṅu, buras aku uḍunna, iki aṛĕp mĕñaŋ ṅĕndi, mahu bĕṅi nèŋ désa iki nèŋ wana.

2. mĕḍun sakiŋ pagéṇḍoṅan, anèŋ paṅkonné saŋ pĕkik, kakaŋ aku ora krasan, nèŋ kéné tan ana jalmi, lawan datan pinaṅgiḥ, lan si kakaŋ kaŋ dèn ruruḥ, payo muliḥ kéwala, mĕṅko bĕṅi turu ṅĕndi, lan ñaŋ ṅĕndi ĕṅgoné tuku jajanan.

3. radyan aṅlĕs iŋ wardaya, paṅandikanira ririḥ, jaré ṅgolèki si kakaŋ, tĕka sira ṅajak muliḥ, mĕṅko rak nuli paṅgiḥ, bañjur muliḥ bocaḥ tĕlu, saŋ dyaḥ wus katon ḷĕjar, kakaŋ aku adus ḍisik, yèn wis adus buras bañjur jajakĕna.

4. sĕga ĕmpal pĕtis rambak, buras matur iṅgiḥ iṅgiḥ, wus méntar ampiŋ ampiṅan, wit mandira mumuṅkusi, rampuŋ umaṛĕg aglis, saŋ dyaḥ taña makṣiḥ kuṅkum, buras ṅgonnira jajan, woŋ bagus apa wis oliḥ, iṅgiḥ ndara punika lo sampun aṅsal.

5. radyan ririḥ atatanya, ṅgonmu jajan mĕñaŋ ĕndi, déné gĕlis tĕmĕn tĕka, buras matur clumik clumik, sĕgahé wahu ratri, rèhniŋ amba takṣiḥ tuwuk, dadya nĕḍa ṅèṅèhan, sĕkul ulam iṅkaŋ gariŋ, iŋ samaṅké kula ḍapur jajajanan.

6. saŋ dyaḥ wus ṅrasuk bhuṣaṇa, lajĕŋ pinaṅku saŋ pĕkik, buras ṅuḍari wuṅkusan, sĕkul ĕmpal rambak pĕtis, kakaŋ lé jajan ṅĕndi, apa kéné cĕḍak waruŋ, rara adoḥ waruṅan, kaṭik mahu buras gĕlis, buras matur kula titip ki maruta.

7. maruta iku woŋ apa, iṅgiḥ tiyaŋ aṅin aṅin, saŋ dyaḥ gumujĕŋ ṅandika, jĕnĕŋ aṭik kaya jarik, iki paṅanĕn aglis, buras ĕnya lorodanku, maṅana ĕndak dulaŋ, wus maṅap katon kaŋ sĕntil, sĕkul ulam dinublagakĕn sapisan.

8. api api pandĕlikan, saŋ dyaḥ gupuḥ amét wariḥ, suka ṛĕna iŋ wardaya, radyan aṅandika aris, payo rara lumaris, mupuŋ makṣiḥ wañci ésuk, liṅgar sakiŋ mandira, kaŋ rayi tansaḥ kinaṇṭi, ṅidul ṅétan ṅañcik tlataḥ pasuruwan.

9. dalu ḷĕṛĕm paḍusunan, byar rahina gya lumaris, siyaŋ nĕḍĕŋ iṅkaŋ panas, kèndĕl dèn ariŋ ariṅi, sasukané rarya lit, nahan wahu lampahipun, prapta tĕpi talaga, winastanan ranu grati, toya wĕniŋ bajul baya samya ṅambaŋ.

: 212

10. abayak arak arakan, suḍètanira tĕlagi, lir lèpèn mliwisnya kaṭaḥ, samya nigan anèŋ gisik, saŋ dyaḥ duk aniṅali, ḷĕjar iŋ suṅkawanipun, tatanya mriŋ kaŋ raka, kakaŋ buron apa iki, gĕḍé gĕḍé caṅkĕmé kaya kukusan.

11. galo siŋ cilik ya ana, rahadyan ṅandika manis, rara yèku aran baya, bajul iṅkaŋ rada cilik, nrété kaŋ luwiḥ cilik, kakaŋ apa kaŋ kinayun, paḍa marani kakaŋ, apa aṛĕp ñjaluk ḍuwit, apa ñjaluk sĕga utawa paṅanan.

12. yèn caturan kaya paran, radyan mèsĕm iya yayi, iku tan bisa caturan, yèn bisaa tata jalmi, mulané amarani, ñjaluk maṅsan kaṛĕpipun, kakaŋ aku yun wikan, priyé ṅgoné maṅan kuwi, karo apa doyananné kaki baya.

13. iku rara kaŋ dimaṅsa, manuk buron kaŋ mriŋ wariḥ, trĕkaḍaŋ sok ñarap janma, saŋ dyaḥ ṅandika mriŋ abdi, ras apa ta tan péṅin, pinaṅan déniŋ ki bajul, ki buras girab girab, lumayu guguluŋ komiŋ, api api karuna amĕgap mĕgap.

14. saŋ dyaḥ sru suka ṅandika, buras balia sirèki, ki bajul ĕmoḥ mriŋ sira, woŋ rupamu kaya trasi, ki buras waṅsul aglis, mbĕkta tigan mliwis catur, iṅaturakĕn saŋ dyaḥ, ṅandika olèḥmu ṅĕndi, kakaŋ payo paḍa aṅupaya tigan.

15. radyan nulya lumakṣana, saŋ dyaḥ suka aṅambili, tigan maliwis aṅambak, anèŋ satĕpiniŋ kali, mañcĕr hyaŋ bagaspati, sumĕlètira kalaṅkuŋ, saŋ dyaḥ akicat kicat, hèḥ buras géṇḍoṅĕn mami, ora bĕtaḥ ṇḍuwur ṅisor paḍa panas.

16. ñaŋ awak datan karuwan, payo kakaŋ lèrèn ḍisik, sinĕṅka dèn nya lumampaḥ, praptèŋ papan gasik ṛĕsik, wit aguŋ aṅayomi, wanara patiŋ palaṅkruk, gĕŋ agĕŋ laṅkuŋ kaṭaḥ, uniŋ ana jalma prapti, samya ṅumpul suwaranira gumĕraḥ.

17. satĕṅahé paṅayuban, ana umbul laṅkuŋ wĕniŋ, ṅantya biru sinatmata, saŋ dyaḥ atatanya ririḥ, kakaŋ iki iŋ ṅĕndi, balumbaŋ bañuné biru, mĕtu saka iŋ ṅaṇḍap, sapa kakaŋ kaŋ ṅaṅsoni, iba kèhé balañjané tukaŋ toya.

18. radyan gumujĕŋ ṅandika, kagawa rupaniŋ wariḥ, bañubiru iṅaranan, kakaŋ aku wĕdi kuwi, siŋ paḍa tiŋ pariṅis, anèŋ ṅĕpaŋ maṅkruk maṅkruk, gĕḍéné paḍa janma, nora nana ṅaṅgo tapiḥ, tiŋ caruwèt basané nora karuwan.

19. kakaŋ buron apa janma, rahadyan ṅandika aris, iku kaŋ aran wanara, kaŋ ṅaṛĕp gĕḍé pribadi, baṅkokan arannèki, rinatu iŋ wré sadarum, kakaŋ ṇḍog apa doyan, radyan nulya aṅuñcali, iṅkaŋ tigan tinampanan iŋ wanara.

20. sawusira tampi tigan, gya méntar datan kah‍èkṣi, wañci liṅsiré baṣkara, liṅgar sakiŋ toya wilis, nikèn ḍarat kinaṇṭi, aṅubĕṅi kanaŋ umbul, umiyat séla krĕṣṇa, ṅadĕg waṅunan pasagi, nèŋ sisiḥ lèr iṅukir sĕratan buddha.

12. tamat dèn nira marikṣa, lajĕŋ lampahira prapti, wana kèḥ taru sĕkaran, nĕḍĕŋ wohé aṅĕmohi, saŋ dyaḥ suka mĕmĕṭik, sĕkaran sasĕnĕṅipun, buras ṅuṇḍuḥ wowohan, klampok arum ḍuwĕt putiḥ, kĕpĕl gĕḍaŋ maṅgis ḍuku pisaŋ ĕmas.

22. mbaṛĕṅkut binuntĕl siñjaŋ, iṅaturakĕn saŋ putri, lawan radyan samya naḍaḥ, maṛĕm tan karahos ṅĕliḥ, riwusira dumugi, rahadyan ṅandika arum, yayi payo uméntar, mĕnèk kadalon nèŋ margi, apa mlaku apa ginéṇḍoŋ si buras.

23. kakaŋ lumaku kéwala, duruŋ krasa kĕsĕl mami, karo golèk kĕmbaŋ kĕmbaŋ, ḷĕpas lampahira katri, laminya anèŋ margi, tan winarṇa prapta sampun, talataḥ nagri malaŋ, sukunira tĕṅgĕr wukir, myarṣa swara sora lir mbahuṅiŋ sona.

24. rahadyan kampir umiyat, sakiŋ mandrawa kah‍èkṣi, grojogan wé sakiŋ arga, ḍumawaḥ iŋ juraŋ trĕbis, katĕlaḥ nama iŋ bahuŋ, toya warṇanya pĕṭak, kadya kapuk dèn wusoni, sruniŋ swara tan kaṛĕṅa yèn ṅandika.

25. wusira miyat grojogan, laju dèn nira lumaris, ratri sipĕŋ paḍusunan, bakda subuḥ maṅkat maliḥ, prapta iŋ siṅasari, radyan kèndĕl lampahipun, umiyat caṇḍi pélag, séla cĕmĕŋ waṅun maśjid, rinaṛĕṅga iṅukir ĕluŋ pinatra.

26. mubĕŋ pinagĕran séla, supit uraŋ gapura di, kiwa tĕṅĕnniŋ gapura, gupala kakaliḥ sami, agĕŋ ambĕkta bindi, kadi jégaŋ dèn nya luṅguḥ, maripat sakalapa, malolo siyuŋnya ṅisis, ilat mèlèt tumumpaŋ iŋ untu ñraṅas.

27. séla wĕtaḥ tan sambĕtan, wahu nikèn rañcaṅkapti, kagyat kalanira miyat, taña mriŋ raka saŋ pĕkik, kakaŋ déné mĕdèni, kuwi uwoŋ apa dudu, kalawan omaḥ apa, kabèḥ watu kaya maśjid, jayèṅsari mèsĕm sarwi aṅandika.

28. iku yayi ṛĕca séla, kaŋ lir maśjid aran caṇḍi, ayo kakaŋ paḍa miyat, aku ḍĕmĕn aniṅali, kaya mantènan bĕcik, sapa kaŋ akarya iku, sawusira umiyat, mĕdal sakiŋ iŋ cĕpuri, gya uméntar kalaṅkuŋ ṛĕkasèŋ marga.

29. saŋ dyaḥ ginéṇḍoŋ ki buras, praptèŋ tlataḥ ḍusun sisir, kèndĕl rahadyan umiyat, sumbĕr aran saṅgariti, wé mĕdal sakiŋ caṇḍi, séla iṅukir pinatut, kaŋ sisiḥ mijil toya, tawa asrĕpnya ṅlaṅkuṅi, sisiḥ mĕdal toya aṅĕt sawatara.

30. saŋ dyaḥ siram gantya gantya, kalamun karahos atis, maraŋ toya iṅkaŋ panas, wus siram uméntar maliḥ, kasaput ratri mampir, mriŋ ḍukuḥ sipĕŋ sadalu, byar éñjaŋ nulya biḍal, iŋ lampaḥ maṅkya wus prapti, ḍusun tumpaŋ anon caṇḍi alit éndaḥ.

31. kadi cuṅkup wawaṅunan, iṅgilira sawatawis, ṅaṇḍap kériŋ linĕbĕtan, iŋ ṅlĕbĕt kalimis gasik, tilas asramèŋ ṛĕṣi, gandanira amrik arum, saŋ dyaḥ taña amriŋ raka, kakaŋ omaḥ apa kuwi, kaya ĕroŋ ambuné arum aṅambar.

32. apa panti paṅratusan, ṅgoné ndèlèḥ jarik ṅĕndi, iku yayi caṇḍi uga, paṅiraku dukiŋ ṅuni, tilas patapan ṛĕṣi, kaŋ amambu amrik arum, labĕt kukusiŋ dupa, nalika muja samadi, saŋ dyaḥ aṅliŋ kakaŋ agé koṅkonnana.

33. buras gawanana arta, tĕluŋ ḍuwit puñjul sĕḍit, saṅonana tĕluŋ gobaŋ, konĕn tuku ratus waṅi, béñjiŋ yèn prapta panti, dak ṅgo olèḥ olèḥ sibu, kalawan kañjĕŋ rama, sru sumĕḍot kagagas wardayanira.

34. kèṅĕtan iŋ ibu rama, miwaḥ kadaŋ kaŋ luṅa nis, mbaṛĕbĕl luḥ marawayan, nikèn rañcaŋ aṅusapi, ṅandika kakaŋ naṅis, apa ta luwé wĕtĕŋmu, ḍuḥ rara nora lapa, kalilipĕn goḍoŋ jati, mata kiwa tĕṅĕn paḍa damonana.

35. gupuḥ kaliḥ dinamonan, kakaŋ nĕṅaa maṅiṅgil, kaṅjĕŋ rama nuṅaŋ gajaḥ, kĕrisé wilaḥ sañari, sahiki uwis mari, katara pampĕt ĕluḥmu, buras gé lumĕbuwa, wus lumĕbĕt sorriŋ caṇḍi, tan pantara daṅu mĕdal bubutulan.

36. apa ta wis olèḥ buras, déné gĕlis bañjur bali, o ndara uniṅanana, iŋ ṅlĕbĕt kapaṅgiḥ sĕpi, kaŋ wontĕn amuŋ mimik, agĕṅipun sajunĕjun, saŋ dyaḥ maliḥ ṅandika, apa tan ñakot sirèki, iṅgiḥ ndara kaŋ ñakot amuŋ sasaṅa.

37. wis buras ywa bali sira, ṅgiḥ bĕndara kula ajriḥ, tamat dèn nira marikṣa, laju lampahira kampir, iŋ ḍusun kiḍal nĕṅgiḥ, anon caṇḍi alit bagus, iṅukir gagambaran, wayaŋ wanara mawarṇi, rañcaṅkapti pĕgat dèn nira marikṣa. 

61. mĕgatruḥ

1. kakaŋ iki apa gambaré siŋ maṅkruk, ana paŋ kala rumiyin, lawan apa jĕnĕṅipun, déné ta waṅuné sami, kaya mahu kaci boloŋ.

2. iki ṅaṅgo uṇḍak uṇḍakan maṇḍuwur, payo kakaŋ dèn uṅgahi, aku aṛĕp wĕruḥ pucuk, gya miṅgaḥ ari kinaṇṭi, pan sarwi aṅliŋ pawartos.

3. paḍa caṇḍi mahu iku gambar muñuk, maṅkana wus praptèŋ ṅiṅgil, iŋ pamujan wastanipun, wusnya aso sawatawis, tumurun saŋ dyaḥ ginéṇḍoŋ.

19. iŋ ṛĕdi tĕṅgĕr, wontĕn iŋ ḍusun tasari pinaṅgiḥ buyut sudarga. r. jayèṅsari miṅgaḥ ṛĕdi tĕṅgĕr kaatĕrakĕn ki buyut, niṅali kawaḥ lan sĕgantĕn wĕḍi. dumugi iŋ ḍusun ṅadisari pinaṅgiḥ ṛĕṣi satmaka, paṅuluniŋ agami buddha iṅkaŋ ñariyosakĕn bab tatacara agaminipun sarta wontĕnipun agami agami kadéwan : sambo, brama, wisnu, indra, bayu tuwin kala dalaḥ tatacaranipun.

4. prapta ṅaṇḍap nulya kampir mariŋ ḍusun, rahadyan sipĕŋ saratri, pajar gidib paṅkatipun, iṅkaŋ sinĕdya iŋ galiḥ, karṣanira saŋ wiranom.

5. mariŋ ardi tĕṅgĕr manawi kapraṅgul, iŋ raka dyan jayèṅrĕsmi, tan cinatur laminipun, kaŋ rayi tansaḥ kinaṇṭi, kalamun sayaḥ ginéṇḍoŋ.

6. ṅalèr ṅétan prapta iŋ pasrĕpan ḍusun, tan kampir gya mañjat maliḥ, asrĕp ṛĕkasa iŋ ṅĕnu, wus prapta ḍusun tasari, ardi tĕṅgĕr iriŋ ĕlor.

7. saŋ dyaḥ aṅliŋ buras uḍunĕna iṅsun, kĕsĕl ṅgonku ana gigir, nulya kinaṇṭi saŋ bagus, raryan ṅaṇḍapiŋ sulastri, ñjawiniŋ ḍaḍaḥ tĕmbiŋ lor.

8. kakaŋ aku luwé upayakna sĕkul, lan gorèŋna iwak pitik, buras ṅupayaa gupuḥ, mriŋ jroniŋ padésan iki, buras sandika wotsinom.

9. praptèŋ ḍusun pinaṅgiḥ lan kamisĕpuḥ, buyut sudarga kakasiḥ, buras matur kula nuwun, manawi paṛĕŋ ṅilèni, sĕkul tuwin ulam babon.

10. kyayi buyut tatanya sintĕn kaŋ ṅutus, ki buras umatur aris, kaŋ ṅutus bandarahulun, nama radèn jayèṅsari, mbĕkta saḍèrèké wadon.

11. takṣiḥ timur punika kaŋ nĕḍa sĕkul, déné bandara kakaliḥ, iṅgiḥ sami putranipun, susuhunan prapèn giri, duk bĕḍahé giri lolos.

12. lawan wontĕn saḍèrèkipun kaŋ sĕpuḥ, nama radèn jayèṅrĕsmi, iṅgiḥ saṛĕŋ lolosipun, punika kaŋ dèn ulati, anaṅiŋ dèrèŋ kapaṅgoḥ.

13. wartosipun kéwala botĕn kĕruṅu, mila klantur praptèŋ ṅriki, ki buyut dupi aṅruṅu, wacana mriŋ buras aris, kacuŋ niku pyantun yĕktos.

14. wijilipun ṅawirya ṛĕmbĕsiŋ madu, tĕḍaké andana wariḥ, kintĕné napa saṛĕju, pami kula turri kampir, ḍumatĕŋ iŋ wismaniṅoŋ.

15. amaṅsuli ki buras laṅkuŋ pakantuk, wawi anak ndika irit, ulun yun maṛĕk saŋ luhuŋ, buras gya lumakèŋ ṅarṣi, prapta ṅarṣané saŋ anom.

16. muṇḍuk muṇḍuk aṅrĕpèpèḥ kyayi buyut, trĕpsila amaṅĕñjali, sarwi aris aturipun, pun bapa atur basuki, rawuḥ paduka iŋ ḍukoḥ.

17. kamayaṅan aṅlir kabañjiran madu, kajugrugan wukir gĕṇḍis, sasat katamwan déwa guŋ, widadara widadari, tumĕḍak mriŋ ḍépokiṅoŋ.

18. suŋ waṅsulan pambagènira ki buyut, paman suŋ bagya basuki, mahyakkĕn sukaniŋ kalbu, kalaṅkuŋ panrima mami, ṅgiḥ sami sami kémawon.

19. kula nilakrama sintĕn parabipun, ki buyut ṇḍĕku turṇya ris, kaŋ sotaḥ mastani ulun, buyut sudarga kinardi, pinisĕpuḥ woŋ saḍukoḥ.

20. iŋ tasari miwaḥ kanan kériṅipun, amba kaŋ tinuwi tuwi, mugi maṛĕŋna saŋ bagus, tuwin rayinta saŋ putri, ḷĕṛĕp wontĕn wismaniṅoŋ.

21. dadaḷĕma pisan kawula tumaṅguḥ, aṅyasakkĕn iṅkaŋ panti, miwaḥ ñaṅga ḍaharipun, kantuna naḍaḥ myaŋ guliŋ, kawula iṅkaŋ mirantos.

22. jayèṅsari aṅandika manis arum, iṅgiḥ paman tĕmbé gampil, wus kérit maraŋ ki buyut, lajĕŋ tumamèŋ iŋ panti, ñahi buyut gupoḥ gupoḥ.

23. ṅgènnya mĕṭuk saŋ dyaḥ gya pinoṇḍoŋ gaṭuk, umatur ḍuḥ gusti mami, prasasat katiban daru, rawuḥ paduka iṅriki, saṅĕt suka sukuriṅoŋ.

24. prapta panti wus samya ḷĕṅgaḥ iŋ salu, nak putu aṇḍèr nèŋ ṅarṣi, ṅladoṣkĕn sugatanipun, sacara caraniŋ wukir, ki buyut turira alon.

25. cumaṇṭaka pun bapa kĕdaḥ tur atur, lumayan jampi kalantiḥ, iŋ sawontĕn wontĕnipun, punika isiniŋ wukir, sumaṅga saŋ prawiranom.

26. iṅgiḥ paman sampun sami walaŋ kayun, mĕṅgaḥ ṛĕsĕpé tyasmami, lir wus kulina satahun, ki buyut suka tan sipi, ñahi buyut matur alon.

27. ndaraputri sumaṅga iṅkaŋ kinayun, iya bibi mĕṅko ḍisik, aku atĕṛĕna adus, iṅgiḥ sumaṅga mriŋ tlagi, saŋ ṛĕtna nulya ginéṇḍoŋ.

28. wusiŋ siram saŋ dyaḥ waṅsul ḷĕṅgaḥ salu, lan raka tan kĕna tĕbiḥ, gya ḍahar sugata nutuk, buras koṅsi miṇṭi miṇṭi, kĕblĕt ṅisiŋ médaŋ médoŋ.

29. saŋ hyaŋ bagaspati wis diwasa surup, sĕḍĕṅé purṇama siddhi, saŋ hyaŋ wulan muṅup muṅup, ana sapucukiŋ wukir, jayèṅsari kagyat anon.

30. kidul pucak maroŋ maroŋ mawa kukus, tatanya paman punapi, kaŋ katiṅal mawa kukus, ki buyut turira aris, ardi brahma iṅkaŋ maroŋ.

31. siyaŋ ratri datansaḥ ṅĕdalkĕn kukus, paman wawi béñjiŋ éñjiŋ, yèn kéṅiŋ kula ayun wruḥ, sapucukiŋ tĕṅgĕr ardi, ki buyut saṅĕt rumojoŋ.

32. tan cinatur iŋ ratri éñjiŋ winuwus, radyan ṅandika mriŋ rayi, yayi kowé aja milu, sun arṣa mriŋ pucak wukir, dalanné luwiḥ pakéwoḥ.

33. muŋ saḍéla bah‍é bañjur nuli waṅsul, buras kariya sirèki, dolannana bandaramu, ṅandika dyaḥ rañcaṅkapti, kakaŋ nora milu iṅoŋ.

34. aṛĕp prĕlu pasaran lan bocaḥ gunuŋ, ñi buyut taṅgap ṅaturi, tĕḍak taman kĕbon puṅkur, rarya lit kaṭaḥ kaŋ ṅiriŋ, ramban ḷĕmbayuŋ myaŋ jlégor.

35. amĕṇḍĕti sayuran salèdri ĕkul, ṅuṇḍuḥ sĕkar warṇi warṇi, sadintĕn tan arṣa kondur, ariŋ ana tamansari, lan laré alit kumroyok.

36. ya ta wahu rahadyan iŋ lampahipun, ki buyut lumakyèŋ ṅarṣi, ndĕdĕr mriŋ pucakiŋ gunuŋ, kapuṅkur désa tasari, praptèŋ pucak nulya anon.

62. paṅkur

1. iŋ ṅaṇḍap kiduliŋ pucak, lwir kawahiŋ ardi wiyar waradin, tĕṅaḥ ana ardinipun, lwir kukusan malumaḥ, lamun siyaŋ tan katon wĕdaliŋ kukus, ki buyut matur riŋ radyan, laḥ punika iṅkaŋ nami.

2. tasari kaŋ ardi brama, wontĕn iṅkaŋ mastani lahut pasir, iṅkaŋ nèŋ tĕṅaḥ ñjĕṅgunuk, punika ardi brahma, ḍasaripun sitinya pasir sadarum, kajogan awu kaŋ mĕdal, sakiŋ kawahé brahmardi.

3. nalikanya ṅalad alad, mila saṅĕt pĕṭaké dèn tiṅali, awit sakiŋ kandĕlipun, gasik tan kaṭukulan, kalamĕnta katĕpan karokot rumput, dadya pĕṭak ṅamplak amplak, biliḥ kasorot hyaŋ rawi.

4. ombak ombak iṅkaŋ hawa, kaŋ pratiṣṭa saṅiṅgilipun pasir, punika kaŋ dadya alun, miṇḍa ombak samodra, botĕn ṅintĕn yèn punika sanès ranu, tinarka sagara iṅkaŋ, dumunuŋ saṅiṅgil wukir.

5. ḷĕṛĕs paman iṅkaŋ sabda, punapi ṅgiḥ kéṅiŋ dipunpurugi, ki sudarga aturipun, prayogi tinĕḍakan, wus tumurun kalaṅkuŋ ṛĕkasèŋ ĕnu, margi ñjuḷĕg rumpil rampak, wus prapta sagantĕn pasir.

6. radyan maliḥ aṅandika, laḥ suwawi umiyat sapucakiŋ, ardi brahma kawahipun, ki buyut tur sandika, gya umañcat andĕdĕr tumĕkèŋ pucuk, ana satĕpiniŋ kawaḥ, tĕpuŋ gĕlaŋ dèn idĕri.

7. maṅluŋ miyat jroniŋ kawaḥ, laṅkuŋ ñjuḷĕg séla gĕŋ kèḥ kah‍èkṣi, kajawi kawaḥ kaŋ aguŋ, kaṭaḥ ĕlèŋ tĕrusan, alit alit ugi samya mĕdal kukus, mambĕt kadi liraŋ kobar, radyan ṅandika suwawi.

8. tumurun maraŋ iŋ ḍasar, datan éca ambĕté kukus ardi, kaliḥnya samya tumurun, dupi prapta iŋ ḍatar, piṅgir wétan ana arga tan aluhur, kalaṅkuŋ asri kawuryan, rahadyan tatanya aris.

9. paman iṅkaŋ katiṅalan, laṅkuŋ asri punika ardi pundi, ki sudarga mĕṇḍak matur, punika iŋ ṅasrama, ṅadisari iṅkaŋ ḍéḍépok iŋ ṅriku, awasta ajar satmaka, paṅuluniŋ tĕṅgĕr wukir.

10. sontraŋ éṇḍaṅé akaṭaḥ, éndaḥ éndaḥ warṇa tan ṅuciwani, punika tĕbiyatipun, takṣiḥ ṅluluri buddha, saŋ hyaŋ brahma minaṅka panutanipun, woŋ aguŋ iŋ prabaliṅga, datan arṣa ṅĕpik ĕpik.

11. rahadyan dupi miyarṣa, aṅandika paman lamun maṛĕṅi, béñjaŋ éñjaŋ ulun laju, sowan ḍatĕŋ ki ajar, yun sumĕrap mĕṅgaḥ ta iŋ lampahipun, agama buddha barama, ki buyut anayogyani.

12. sakiŋ ḍasar wus umiṅgaḥ, tan ṛĕkasa waṅsul marginya lami, wañci ṅasar sampun rawuḥ, iŋ tasari kapaṅgya, lawan ari nikèn rañcaṅkapti gupuḥ, pinoṇḍoŋ sarwi tatanya, sira mahu nora naṅis.

13. daktiṅgal ṅanti sadina, nikèn rañcaṅkapti turira aris, kakaŋ iŋ sadina muput, tan muliḥ mariŋ wisma, papasaran ana pakĕbonan puṅkur, lawan bocaḥ wadon kaṭaḥ, ṅanti lali duruŋ bukti.

14. rahadyan suka miyarṣa, praptèŋ wisma sugata wus cumawis, ñi buyut gupuḥ umatur, pun bibi sahos ḍaḍar, ñumaṅgakkĕn rayinta sadintĕn muput, ulun aturi tan arṣa, sumadosipun ṅĕntosi.

15. rahadyan anulya ḍahar, lawan ari pakantuk dèn nya bukti, dumugi linorod sampun, ki buyut lawan buras, kĕmbul naḍaḥ sawusira samya tuwuk, iṅundurakĕn sadaya, ki buyut tansaḥ nèŋ ṅarṣi.

16. nikèn matur mriŋ kaŋ raka, kakaŋ mahu apa sira niṅali, maraŋ gunuŋ iṅkaŋ murub, aku caritakĕna, dak ruṅokné karo turon nèŋ saṇḍiŋmu, rahadyan nulya carita, nikèn rañcaṅkapti guliŋ.

17. iŋ dalu datan winarṇa, byar rahina wuṅu kaŋ samya guliŋ, ñi buyut miwaḥ ki buyut, aṅladoṣkĕn sèmèkan, wédaŋ aṅĕt ḍaharan myaŋ jĕnaŋ jaguŋ, wajik atos jèpèn lawan, caṇṭèl myaŋ caripiŋ liñjik.

18. caripiŋ kaspèhi téla, kĕṇṭaŋ kacaŋ gĕmbili uwi ḷĕgi, wédaŋ tĕmulawak arum, lalap gĕṇḍis siwalan, kyayi ñahi sudarga manĕmbaḥ matur, nuwun bĕndara sumaṅga, sugatanipun kaŋ bibi.

19. ḍaharan éñjiŋ éñjiṅan, iṅgiḥ paman laḥ kono payo yayi, apa kaŋ dadi karṣamu, sawusnya ḍaḍaharan, jayèṅsari ṅandika maraŋ ki buyut, paman mugi aṇḍaṅanna, ṅlarapkĕn mriŋ ardisari.

20. sowan ki ajar satmaka, iṅgiḥ aṅgèr kawula kaŋ umiriŋ, ñahi miluwa sirèku, kalawan sasaṅuwa, wédaŋ ḍaran nèŋ marga mĕṅko kalamun, saŋ dyaḥ muṇḍut ḍaḍaharan, rèhniŋ sawatara tĕbiḥ.

21. wus samapta nulya biḍal, tan winarṇa iŋ marga sampun prapti, pagaganiŋ ardi sampun, rumuhun ki sudarga, sadayané kèndĕl sajawiniŋ ḍusun, wahu ta ajar satmaka, wus wikan yèn ana tami.

22. putra putri traḥ utama, dèn samapta dèn nira yun sasanti, sacara caraniŋ wiku, dupi ki buyut prapta, gya iṅawé maṛĕk ṅarṣa nĕmbaḥ matur, iŋ purwa madya wasana, kaŋ dadya gita sumiwi.

23. mèsĕm mèsĕm kyayi ajar, hèḥ ta buyut aturana tumuli, satriya nuŋ iṅkaŋ ayun, katĕmu jĕnĕṅiṅwaŋ, iṅsun mĕṭuk ana sajawiniŋ pintu, ki buyut mundur wus paṅgya, lawan radèn jayèṅsari.

24. ṅgèr paduka kaaturan, laju mañjiŋ saŋ ṛĕṣi sampun ṅanti, ana sajawiniŋ pintu, biḍal sakiŋ pagagan, rañcaṅkapti kinaṇṭi raka nèŋ ṅayun, wus tuṇḍuk lawan saŋ tapa, kaliyé rinaṅkul sami.

25. wus binakta iŋ ṅasrama, dadya ḷĕṅgaḥ satata lan saŋ yogi, animbali éṇḍaŋ gupuḥ, kaŋ uwus ṅadiwarṇa, samya maṛĕk wiraganira pinatut, gambuḥ solahé pra éṇḍaŋ, dèn nya mriḥ karya wiyadi.

26. saŋ wiku ḍawuḥ mriŋ éṇḍaŋ, sugatamu ladèkna dèn agĕlis, pra éṇḍaŋ ṅladoṣkĕn sampun, kaŋ sugata mawarṇa, saanané ṅardi wus sumadyèŋ ṅayun, saŋ wiku satuhu wigña, ambojakrama mriŋ tami.

27. kécanĕn dèn nira naḍaḥ, kyayi buyut sudarga ñuwun pamit, waṅsul mriŋ tasari ḍusun, kalawan anak rayat, wus linilan maṅĕñjali tandya mundur, wahu radyan jayèṅsĕkar, kaŋ kantun nèŋ ardisari.

28. nèŋ ṅabyantara saŋ tapa, tan kĕna saḥ siyaŋ pantara ratri, dé kaŋ rayi saŋ ṛĕtnayu, suka iṅĕmoŋ éṇḍaŋ, dadya lami kèndĕl anèŋ ardisantun, nahan ta iŋ ri sajuga, radyan umatur wotsari.

29. ḍuḥ pukulun kadiparan, lampahipun myaŋ tatacaranèki, agami buddha linuhuŋ, iṅkaŋ tansaḥ tumindak, saŋ paṇḍita alon paṅandikanipun, hèḥ kulup kawikanana, agama kaŋ dèn lakoni.

30. titaḥ iŋ sa tĕṅgĕr arga, panutané bhaṭara brahma yĕkti, sapisan iŋ sabĕn tahun, kala dina prayoga, lanaŋ wadon tuwa anom atur atur, mawarṇa ḍaran bhuṣaṇa, muṅgaḥ mariŋ brahma wukir.

31. lamun wus prapta iŋ pucak, gagawané cinĕmpluṅakĕn aglis, iŋ jroniŋ kawaḥ sadarum, pitĕmbuŋ aminulya, saŋ hyaŋ brahma kaŋ makuwon anèŋ latu, jajaka lawan parawan, lamun luṅa nambutkardi.

32. mriŋ tĕgal gagan tamanan, paḍa ṅaṅgo juṅkat sasĕnĕṅnèki, pĕñu kayu waja suṅu, upama ana jaka, duwé kaṛĕp aṅrabèni prawan iku, utawa prawan kaŋ arṣa, ṅlakèni jajaka sami.

33. kaŋ ndarbèni kaṛĕp sigra, ñjupuk juṅkatira kaŋ dèn kayuni, juṅkat sawusé jinupuk, tinĕdahakĕn maraŋ, woŋ tuwané iṅkaŋ duwé jaka mahu, sawusé nampani juṅkat, paḍa tuwa kaŋ ṅrampuṅi.

34. goloṅiŋ ṛĕmbug kaliḥnya, ḍinahupkĕn tĕmu wismaniŋ èstri, paṅantèn sawusé tĕmu, paṅulu nulya prapta, ṅgawa caṅkir tĕmbaga kaŋ ñjabanipun, iṅukir gambaran kéwan, kĕbak isi toya suci.

35. paṅantèn gupuḥ maṅarṣa, wusiŋ cakĕt paṅulu ñawuk wariḥ, tinètèṣkĕn sirahipun, paṅantèn sakaliyan, kaṇṭi matak pupudya mriŋ déwanipun, ñuwun paṅèstu raharja, mriŋ hyaŋ brahma kaŋ kinaṇṭi.

63. kinaṇṭi

1. iŋ kéné tan ana ḍukun, yèn ana kaŋ naṇḍaŋ sakit, miwaḥ ayun darbé suta, paṅulu kaŋ anuṅgoni, aṅgawa caṅkir tĕmbaga, kaŋ wus isi toya suci.

2. tansaḥ dèn nira manĕkuŋ, minta waluyaniŋ sakit, yèn kaŋ ayun darbé suta, panuwuné mriŋ déwadi, harjané kaŋ yayaḥ réna, sarana muŋ dèn ombèni.

3. lan iṅusapan sakojur, wariḥ suci sakiŋ wukir, kawasané hyaŋ bhaṭara, tĕka waluya kaŋ sakit, gampaŋ kaŋ yun darbé suta, tan na saṅsayané galiḥ.

4. kalamun ana kaŋ lampus, binrĕsiyan toya suci, binusanan sarwa éndaḥ, pakurmatanira sami, paṅantèn binayaŋ karya, binakta mriŋ brahma ardi.

5. yèn wus prapta tĕpinipun, kawaḥ cinĕmpluṅkĕn aglis, winantu saguŋ pupuja, iku carané sahiki, rahadyan matur anĕmbaḥ, caṅkir isi wariḥ suci.

6. paran cariyosiŋ daṅu, myaŋ lahiré jabaŋ bayi, pupak pusĕr kinurmatan, sinaratan warṇi warṇi, wĕnaŋ mokaliŋ agama, saŋ paṇḍita ṅandika ris.

7. cariyosipun rumuhun, ḍawuhira hyaŋ pramèṣṭi, kaŋ dinuta hyaŋ naradḍa, ṇḍawuhkĕn mriŋ kanwapati, mranata agama buddha, sagoloŋ goloṅannèki.

8. kinèn mariṅi paṅulu, miwaḥ tĕtĕṅĕr supadi, ywa worṣuḥ péraṅanira, ṛĕsaḥ lampahiŋ agami, andikané hyaŋ naradḍa, hèḥ kano śri narapati.

9. sun iki ṅĕmbani wuwus, déniŋ saŋ hyaŋ odipati, sira kinèn amranata, lampaḥ lampahiŋ agami, iki panĕtĕpan nata, agama dadi purbani.

10. wisésané rasa tuhu, iŋ bhawana ambawani, paṅuwasa kaŋ winĕnaŋ, maréntahakĕn iŋ dasiḥ, dadi aṅgon aṅgon praja, luhuriŋ kratonirèki.

11. rahayu janma kaŋ nuṅkul, myaŋ santosa iŋ agami, laku lakuniŋ agama, dèn kalakyan panataniŋ, apa kaŋ uwis kawĕḍar, aja ana ñulayani.

12. kaŋ ḍiṅin paṅulunipun, kapiṇḍo tĕtĕṅĕrṇèki, kapiŋ tĕlu panĕmbaḥnya, kapiŋ pat lakunirèki, kapiŋ lima tapanira, kapiŋ nĕm riayanèki.

13. piŋ pitu laraṅanipun, piŋ wolu wawĕnaṅnèki, kapiŋ saṅa papalinya, kapiŋ sadasa yèn lalis, piŋ sawlas paliyasannya, piŋ rolas pamulyanèki.

14. kayadéné iṅkaŋ uwus, kasĕbut iŋ sastra adi, binagya nĕnĕm agama, ĕndi iṅkaŋ dèn kaṛĕpi, aywa ana kaŋ pépéka, rumĕsĕp mantĕp hyaŋ widdhi.

15. kaŋ ḍiṅin agama sambu, paṅuluné kaŋ agami, iku iṅaran pramana, saséwasogatanèki, paḍa ṅaṅgowa tĕṅĕran, walantaga dèn arani.

16. muṣṭika rinéka iku, parantiniŋ pudyastuti, baté baté iṅaṅgowa, iŋ panĕmbahira mariŋ, arca laku tĕpa tĕpa, maṅsa kartika tan kéṅiŋ.

17. maṅan sarwa buṅkaḥ iku, yèn maṅsa palguna sami, ṅrapa lamun ari raya, sabaraŋ kaŋ sarwa asin, laraṅanné ora kĕna, ṅrabèni kaprĕnaḥ nini.

18. uwa bibi kadaŋ putu, myaŋ pulunan kaŋ luluri, sakiŋ iŋ jalu sadaya, wĕnaŋ lamun sakiŋ èstri, iwak ati datan ḍahar, kĕna yèn kinarya jampi.

19. ṅrusak caṇḍi waḷĕr aguŋ, nora kĕna ṅaṅgo wĕsi, wĕnaŋ yèn kaṅgo sarana, woŋ laki rabi yèn mati, wĕnaŋ béla myaŋ binélan, lamun lakiné kaŋ mati.

20. siŋ wadon tan béla lampus, wĕnaŋ cinukur yèn èstri, kaŋ mati lanaŋ tan béla, iku wĕnaŋ dèn tataki, yèn jabaŋ mĕtu wanodya, wĕnaŋ lamun disunati.

21. yèn krama wawalinipun, ṅaṅgowa balaḍo nĕṅgiḥ, kaŋ lanaŋ ṅlaṅkahi jantra, wusu likasan myaŋ ilir, kukusan éṇṭoŋ lan iyan, kaŋ wadon ṅlaṅkahi liṅgis.

22. garu waluku myaŋ pacul, kalamun tumĕkèŋ jaṅji, layoné iṅupakara, tĕgĕsé dipunrumati, nèŋ paṅgonan kaŋ prayoga, iṅopénan kaŋ prĕmati.

23. paliyasan layonnipun, laṇḍa mĕraŋ kĕtan putiḥ, yèn mulyakkĕn sarwa utaŋ, agama sambo wus tlĕsiḥ, kapiṇḍo agama brahma, paṅuluné kaŋ agami.

24. iṅaran brahmana iku, saséwasogatanèki, paḍa ṅaṅgowa tĕṅĕran, ékal trisula tĕmbagi, rinéka réka trisula, dèn aṅgo jajamaŋ sami.

25. panĕmbahé maraŋ latu, lawan mriŋ hyaŋ bagaspati, lakuné santosa iŋ tyas, yèn maṅsa sitra tan kĕni, amaṅanna gogoḍoṅan, maṅsa srawana tan kĕni.

26. tumĕṅa maraŋ ṅaluhur, yèn riaya sarwa manis, laraṅanné nora kĕna, ṅrabèni kaprĕnaḥ nini, uwa bibi iṅkaŋ saka, luluri lanaŋ yèn sakiŋ.

27. luluri wadon pikantuk, tan kĕna matèni gĕni, dagiŋ ḷĕmbu datan ḍahar, mapas wiji iṅkaŋ lagi, ṭukul uga ora kĕna, ṅaṅgo timaḥ datan kéṅiŋ.

28. déné ta wawĕnaṅipun, ṅrabèni kaprĕnaḥ nini, uwa bibi iṅkaŋ saka, luluri wadon utawi, ṅrabèni kaprĕnaḥ kadaŋ, pulunan nak putu sakiŋ.

29. iŋ luluri wadon jalu, ḍahup anak inya kéṅiŋ, lawan anak guru kĕna, wĕnaŋ maṅan dagiŋ sapi, lamun kinarya tatamba, ṅaṅgo timaḥ dèn lilani.

30. yèn ginawé saranèku, wĕnaŋ dicukur pawèstri, lamun uwus luwas ĕraḥ, myaŋ béla sakiŋ kaŋ lalis, ontaŋ antiŋ wadon lanaŋ, wĕnaŋ têtak disunati.

31. papaliné lamun ḍahup, duruṅé paṅantèn paṅgiḥ, kudu aṅaṅgo baḍuḍak, wargané paṅantèn èstri, lan warga paṅantèn priya, paḍa lalaṅĕn tayèki.

32. jogédan sah‍éṅga nayub, yèn mati layon kabĕsmi, paliyasaniŋ kuwaṇḍa, dinusan wé ron dlima di, yèn mumulya srana bĕraḥ, yèku kaŋ dak aṅgo iki.

33. agama éndra katĕlu, paṅuluné kaŋ agami, ya arannana sakrana, saséwasogatanèki, paḍa ṅaṅgowa tĕṅĕran, ékal bajra saka galiḥ.

34. kayu rinéka bajra nuŋ, dèn ṅgo saṅga gĕluṅnèki, panĕmbahé maraŋ arga, lawan maraŋ saŋ hyaŋ sasi, lakuné lila narima, maṅsa naya tapanèki.

35. datan kĕna ṅĕmban sunu, kalawan maṅsa asuji, nora kĕna asaṅgama, yèn riaya sarwa pahit, laraṅané nora kĕna, ṅrabèni kaprĕnaḥ nini.

36. uwa bibi siŋ luluhur, lanaŋ wadon myaŋ ṅrabèni, kaprĕnaḥ kadaŋ kaŋ saka, luluri jalu myaŋ èstri, tan kĕna misaya mina, kaŋ lagi koyok maṛĕṅi.

37. maṅan antigan tan antuk, mbuwaŋ susukĕr nèŋ siti, tan kĕna mĕjahi liman, miwaḥ aṅaṅgé tĕmbagi, kĕni yèn kinarya srana, wawĕnaŋ kĕna ṅrabèni.

38. iṅkaŋ kaprĕnaḥ sadulur, saka luluri pawèstri, ṅrabèni prĕnaḥ pulunan, miwaḥ putu iṅkaŋ sakiŋ, luluri jalu wanodya, antigan lamun kinardi.

39. jajampi apan pikantuk, wĕnaŋ cinukur dyaḥ kĕḍi, jalu èstri jaka rara, salaḥ siji yèn ṅĕmasi, winĕnaŋ béla palastra, wadon lamun aṛĕp laki.

40. wĕnaŋ sinunatan iku, jalu lamun lagi lahir, lan anaké ḍukun wĕnaŋ, tinĕtakan dé papali, kalamun amaṅun krama, ṅaṅgo oñjèr myaŋ sintrèni.

41. wargané paṅantèn jalu, lan warga paṅantèn èstri, samya praŋ catur pralambaŋ, sasmitané suṅgatèki, yèn lina layon kapĕtak, tuwin linuwĕŋ nèŋ siti.

42. iŋ guwa myaŋ juraŋ sĕruŋ, paliyasané kaŋ jisim, dinusan iŋ ḷĕri bĕṅkak, yèn mumulya srananèki, urup urupan sabaraŋ, durma piŋ catur winarṇi.

64. durma

1. laḥ ta iki agama wisnu winarṇa, paṅuluniŋ agami, rannana ramana, saséwasogatanya, ṅaṅgowa tatĕṅĕr paṣṭi, ah‍ékal cakra, kĕliŋ iṅkaŋ kinardi.

2. apan kĕliŋ rinéka cakra dèn gawa, babaḍoŋ baṅsa kĕliŋ, sisiwalan tuwa, panĕmbahé mriŋ toya, lawan mariŋ toya riris, lampaḥ nurraga, tapané yèn maṅgasri.

3. datan kĕna mbukti babi iṅkaŋ ulam, maṅsa jita tan kéṅiŋ, maṅan ulam ménda, kalamun ari raya, kaŋ mirasa sarwa guriḥ, laraṅannira, tan kĕna aṅrabèni.

4. kaŋ kaprĕnaḥ nini bibi miwaḥ uwa, iṅkaŋ saka luluri, jalu myaŋ tan kĕna, ṅrabèni anak inya, myaŋ tan kĕna mamatèni, kaŋ lagya sarwa, añawa myaŋ tan kéṅiŋ.

5. amatèni garuḍa waraha kuda, pĕñu bulus suwari, minum myaŋ anaḍaḥ, kaŋ ṅĕndĕmi tan kĕna, ṅaṅgo paruṅgu tan kéṅiŋ, wawĕnaṅira, ṅrabèni prĕnaḥ nini.

6. bibi uwa kaŋ saka luri wanudya, myaŋ kĕna aṅrabèni, kaŋ kaprĕnaḥ kadaŋ, putu miwaḥ pulunan, saka luri wadon ugi, aṅrabènana, anakiŋ guru kĕni.

7. kaŋ ṅĕndĕmi wĕnaŋ yèn kinarya tamba, ṅaṅgo paruṅgu kĕni, yèn ginawé srana, wadon kaŋ lagya lara, wĕnaŋ cinukur baliṇḍis, yèn priyanira, pralinna andon jurit.

8. iṅkaŋ wadon wĕnaŋ abéla palastra, yèn nora lina jurit, amuŋ tarakbrata, tan kĕna yèn kaliya, wadon wĕnaŋ disunati, lanaṅé têtak, yèn anaké woŋ bariŋ.

9. papaliné lamun krama ṅaṅgé pataḥ, myaŋ kĕmbarmayaŋ kaliḥ, sasrahan gunuṅan, woŋ tuwané paṅantyan, ṅaṅgo maṅan gĕḍaŋ siji, satugĕl séwaŋ, kalaruŋ yèn ṅĕmasi.

10. mriŋ baṅawan kali dé paliyasannya, layoné dèn sirami, wé sĕkar sataman, yèn mumulya sarana, papariman aminta siḥ, pañca agama, bayu paṅulunèki.

11. iŋ agama ya arannana bimana, saséwasogatèki, paḍa aṅaṅgowa, tatĕṅĕr ékal satya, carma rinéka pusĕriŋ, sato dèn ṅgawa, pupuk nèŋ sirahnèki.

12. panĕmbahé maraŋ saṅkaniŋ maruta, lan maraŋ caratwarṣi, sarta maraŋ lintaŋ, lakuné aṅakṣama, tapané maṅsa pusèki, tan kĕna ḍahar, ulam sikil pat nĕṅgiḥ.

13. yèn riaya kaŋ sarwa kĕcut sadaya, laraṅan nora kĕni, ṅrabèni kaprĕnaḥ, nini bibi pulunan, uwa miwaḥ putu sakiŋ, luluri priya, myaŋ luluri sakiŋ èstri.

14. datan kĕna ṅrabèni anakiŋ inya, lan guru iṅkaŋ siwi, munaḥ sato lagya, susuta nora kĕna, maṅan wadĕr nora kĕni, myaŋ datan kĕna, aṅagĕm buratwaṅi.

15. nugĕl kuku lan ṅaṅgo slaka tan kĕna, mĕjahi datan kéṅiŋ, tĕkèk cêcak clarat, wawĕnaṅé pan kĕna, prĕnaḥ kadaŋ dèn rabèni, iku kaŋ saka, luluri jalu èstri.

16. wĕnaŋ maṅan wadĕr yèn ginawé tamba, aṅaṅgo buratsari, utawa salaka, yèn ginawé sarana, wĕnaŋ cinukur pawèstri, yèn raṇḍa añar, woŋ lanaŋ ditĕtaki.

17. lamun dadi paṅuluné kaŋ agama, papaliné yèn rabi, laki aṅaṅgowa, batoyaŋ tĕgĕssira, yèn paṅantèn lanaŋ apti, ṅarak anulya, warga paṅantèn èstri.

18. mawi aṅaḍaṅi iŋ ḍiṇḍiŋ warana, yèn ṛĕbaḥ ṅarak paṣṭi, lamun datan ṛĕbaḥ, waṅsul paṅarakira, kĕdaḥ arinira salin, lamun palastra, kasétra layonnèki.

19. dinèkèkkĕn ara ara myaŋ iŋ arga, kaŋ pañcèn paṅgonaniŋ, pandèkèkiŋ sawa, paliyasan dinusan, iŋ wé jawuḥ yèn mumuli, srana mbabaraŋ, sad kala kaŋ agami.

20. paṅuluniŋ agama aran kalana, saséwasogatèki, sami aṅaṅgowa, tĕṅĕr ékal purusa, liṅga iku iya gaḍiŋ, utawa tulaŋ, rinéka purus nĕṅgiḥ.

21. dèn aṅgowa kakaluŋ dé panĕmbaḥnya, maraŋ iŋ sarupaniŋ, kaŋ ah‍èŋ myaŋ wrĕkṣa, watu sasamanira, lakuné apan wiraṅi, tapané maṅsa, maṅgala yèn luṅa nis.

22. datan kĕna lamun asipĕŋ nèŋ paran, maṅsa padrawanèki, sirik maṅan uyaḥ, kalamun ariaya, kaŋ sarwa pĕḍĕs sakalir, laraṅannira, tan kĕna aṅrabèni.

23. anak inya sanak kaŋ kaprĕnaḥ tuwa, anak guru utawi, iṅkaŋ séjé baṅsa, kayata baṅsa brahma, datan kĕna aṅrabèni, baṅsa wahisya, sapapaḍanirèki.

24. lawan ora kĕna ambubaka ḷĕmaḥ, kaŋ ambaga baṭari, lan ḷĕmaḥ kaŋ kadya, punukiŋ kaŋ andaka, datan kéṅiŋ mamatèni, sona kalabaŋ, kalawan kalajĕṅkiŋ.

25. lawan datan kĕna ḍahara kalapa, ṅaṅgo ĕmas tan kéṅiŋ, wawĕnaṅé kĕna, rabi sanak kaprĕnaḥ, ĕnom wĕnaŋ aṅrabèni, kaŋ tuṅgal baṅsa, maṅan kalapa kĕni.

26. yèn kinarya tatamba kalawan wĕnaŋ, ṅaṅgo ĕmas manawi, kinarya sarana, papaliné yèn krama, aṅaṅgowa ḷĕmpĕŋ nĕṅgiḥ, pra warganira, paṅantèn èstri sami.

27. gĕlut lawan wargané paṅantèn lanaŋ, ĕndi iṅkaŋ kapilis, pan kĕna paḍĕṇḍan, lan nalika aṅarak, ṅaṅgo dan édanan nĕṅgiḥ, lamun palastra, katarap layonnèki.

28. pinakakkĕn iŋ sato kéwan kaŋ galak, paliysanniŋ jisim, dinusan iŋ toya, iṅkaŋ roṇḍon widara, yèn mumulya srana maliŋ, siŋ sapa iṅkaŋ, tan nĕtĕpi agami.

29. salaḥ siji iku kĕna sapu ḍĕṇḍa, yèn sambo kaŋ agami, ukumé kasulaḥ, lamun agama brahma, ukumanira kabĕsmi, agama éndra, kaluwĕŋ ukumnèki.

30. yèn agama wisnu kalabuḥ ukumnya, agama bayu nĕṅgiḥ, ukumé kataraŋ, déné agama kala, katarap ukumannèki, kulup wus tamat, buddha iṅkaŋ agami.

31. pan iŋ tĕṅgĕr ṅluluri agama brahma, déné caṅkir tĕmbagi, isi toya marta, pan iku titiṅgalan, sakiŋ para cantrik ṅuni, iŋ désa désa, paṣṭi na siji siji.

32. kaŋ nimpĕni paṅuluné kanaŋ désa, caritanira ṅuni, ardi iṅkaŋ ana, tĕṅaḥ pasir sagara, hyaŋ brahma kahyaṅannèki, radyan turira, asru panuwun mami.

33. ñjĕŋ paduka mĕḍarkĕn agama buddha, sah‍èstunipun takṣiḥ, maṅké iṅkaŋ kaṅgya, kalamun palakrama, dados wontĕn kaŋ pinirit, lampahiŋ jawa, maṇṭuk maṇṭuk saŋ yogi.

34. tyas mbaḍiḍig ṅandika kulup sun taña, lakuniŋ kaŋ agami, kanabéyanira, apa ta iya nuṅgal, kalawan agamamami, radyan turira, wontĕn sanès sakĕḍik.

35. lampaḥ lampaḥ kalawan iṅkaŋ cinĕgaḥ, saŋ yogi ṅandika ris, radèn yèn sambada, manira ayun wikan, mara pratélakna kaki , radyan mĕnĕmbaḥ, jrudĕmuŋ sabda jati.

65. jurudĕmuŋ

1. iŋ kitab bayanudayan, ñriosakĕn sréṅatipun, kañjĕŋ nabi nĕnĕm tuhu, ṅasta agama minulya, laḥ punika iṅkaŋ sampun, linampahan para umat, pyambak pyambak datan jumbuḥ.

2. bubuka ṅasta saréṅat, ñjĕŋ nabi adam linuhuŋ, sahadatipun ashadu, allaḥ ilahahilolaḥ, ashadu ana adamu, pitratollaḥ tĕgĕsira, satuhu nĕkṣèni iṅsun.

3. ora ana paṅran liyan, aṅiŋ allaḥ sipat aguŋ, lawan anĕkṣèni iṅsun, ñjĕŋ nabi adam sañata, pataranira hyaŋ aguŋ, déné wĕkdalira salat, sadintĕn sadalunipun.

20. jayèṅsari ñariyosakĕn bab agami agami kanabiyan : adam, sis, nuḥ, ibrahim, dawud, musa tuwin ṅisa dumugi saréṅat nabi panutup muhammad rasulullaḥ.

ki buyut ndoṅèṅakĕn bab'sri sadana' wiwit dèwi śri dados sawĕr sawa rumĕkṣa kèn rakĕtan anakipun ñi wrigu kaṛĕñcana para déwa, naṅiŋ sagĕd kacabarakĕn déniŋ ki wrigu iṅkaŋ nindakakĕn sarat sarana miturut pitĕdahipun dèwi śri, ṅantos baḍaripun sawĕr sawa dados dèwi śri kundur makayaṅan saṛĕŋ kalihan dèwi tikṣnawati.

4. sadasa wĕkdal kaṭaḥnya, tigaŋ wĕkdal siyaṅipun, pituŋ wĕkdal dalunipun, jaṅkĕp piŋ sadasa wĕkdal, musakapipun kitabun, sadasa jilid punika, malékat jabrahil tumrun.

5. pan namuŋ kapiŋ sawĕlas, sabĕn wulan siyammipun, ĕbèl kalawan siyam sut, ĕbèl pĕṭak tĕgĕsira, nĕṅgiḥ sabĕn taṅgal nuju, piŋ patbĕlas gaṅsal wĕlas, lajĕŋ piŋ nĕmbĕlas sampun.

6. sut pan cĕmĕŋ tĕgĕsira, sabĕn taṅgal saṅalikur, tridasa sapisannipun, jaṅkĕp déné bukanira, sami sontĕn wussiŋ surup, kaŋ kinaramkĕn punika, anĕḍaa dagiṅipun.

7. sato kéwan kaŋ pah‍édaḥ, kapĕṇḍĕt iŋ damĕllipun, rabi kadaŋ saṛĕṅipun, sadintĕn pambabarira, kinalalkĕn biliḥ ḍahup, kadaŋ kaŋ datan saṛĕṅan, miyos sakiŋ garbèŋ biyuŋ.

8. naṅiŋ saṛĕŋ sawussira, kaṅjĕŋ nabi adam surud, kaŋ gumantya putra jalu, ñjĕŋ nabi sis kakasiḥnya, apan kinaramkĕn lamun, krama antuk samya kadaŋ, kinalalkĕn lamun antuk.

9. nakiŋ sanak miwaḥ misan, apan sapiturutipun, tanpa niṅkaḥ biliḥ ḍahup, aṅgĕr sampun coṇḍoŋ karṣa, lajĕŋ kahidénan sampun, déniŋ pra paṅagĕṅira, lamun wus kalakyan ḍahup.

10. yèn lakinya praptèŋ léna, raṇḍanira datan antuk, nambut silaniŋ kramèku, lamun iṅkaŋ èstri pĕjaḥ, ḍuḍa rabi datan antuk, pra umat lamun palastra, pinĕtak iŋ gunuŋ gunuŋ.

11. piŋ kaliḥ saréṅatira, nĕṅgiḥ kañjĕŋ nabi ĕnuḥ, sahadatipun ashadu, allaḥ ilahahilollaḥ, wa ashadu ana ĕnuḥ, kalipatolaḥ tĕgĕsnya, yĕkti anĕkṣèni iṅsun.

12. satuhuné nora ana, paṅéran aṅiŋ allaḥ lawan anĕkṣèni iṅsun, nabi ĕnuḥ satuhunya, iku gĕntiné allahu, kaliḥ wĕlas wĕkdal salat, sadintĕn sadalunipun.

13. dé musakapipun kitab, sèkĕt jilid kaṭahipun, katurunan mlah‍ékatu, jabrahil piŋ gaṅsal dasa, siyammipun sabĕn tèṅsu, iŋ wĕkasanira taṅgal, amuŋ sadintĕn sadalu.

14. kaŋ kinaramakĕn kéwan, sato pañcèn nĕḍa iku, susukĕr sasaminipun, naṅiŋ nadyan pañcèn nĕḍa, susukĕr yèn dèrèŋ ayun, tuwin dèrèŋ naté nĕḍa, kinalallakĕn puniku.

15. kadi ta kirik kaŋ lagya, gumĕlo sasaminipun, lamun nambut pikramèku, kĕdaḥ lilinton punika, saṇḍaṅan paṅaṅgénipun, kahidèn tyaŋ sĕpuhira, nĕṅgiḥ kaliḥ kalihipun.

16. punika minaṅka niṅkaḥ, paṅaṅgéné iṅkaŋ jalu, rinawatan èstrinipun, paṅaṅgéniŋ èstrinira, rinawatan iṅkaŋ jalu, sahupami pipiṇḍahan, kaŋ saṇḍaŋ paṅaṅgya waṅsul.

17. naṅiŋ kaliḥ kalihira, sami tan kéṅiŋ kalamun, nambut silaniŋ kramèku, kalamun pĕgat palastra, kéṅiŋ kaliḥ kalihipun, raṇḍa laki ḍuḍa krama, pra umat yèn praptèŋ lampus.

18. waṅké kinĕḷĕm iŋ toya, iṅkaŋ laṅkuŋ ḷĕbĕtipun, kapiŋ tiga saréṅatu, ñjĕŋ nabi ibrahim mulya, sahadatipun ashadu, allaḥ ilahahilollaḥ, ashadu ana puniku.

19. ñjĕŋ ibrahim kalillolaḥ, makna anĕkṣèni iṅsun, satuhuné tan anèstu, paṅéran aṅiŋ allahu, lawan anĕkṣèni iṅsun, satuhuné saŋ minulya, ñjĕŋ nabi ibrahim salamu.

20. pawoŋ mitranira allaḥ, salat sadintĕn sadalu, kapiŋ kaliḥ likur waktu, pan musakapipun kitab, sadasa jilid puniku, piŋ sawidak katurunan, malékat jabrahil namuŋ.

21. siyam sabĕn ri jumuṅaḥ, buka sawussira surup, kaŋ kinaramakĕn satu, kéwan maṅsa dadagiṅan, lan wohwohan kaŋ wittipun, mawa ri tan kĕna naḍaḥ, myaŋ ĕron sadayanipun.

22. kaṅṅgatĕli mapan karam, iṅkaŋ kinalalkĕn lamun, kéwan iṅkaŋ tan maṅsèku, dagiŋ myaŋ kalal ṅuñjuka, sajĕŋ iŋ sasaminipun, kaŋ niṅkahkĕn lamun krama, bapa tuwin kakinipun.

23. miwaḥ saḍèrèké priya, tiyaŋ jaḷĕr wĕnaŋ wayuḥ, sakiŋ kaliḥ tuwin laṅkuŋ, raṇḍa laki tan cinĕgaḥ, ḍuḍa rabi maliḥ antuk, para umat yèn palastra, pan pinĕtak jisimipun.

24. wontĕn iŋ siti kaŋ mulya, kaŋ sukci iṅgiḥ puniku, siti kaŋ dèrèŋ satuhu, dados jalantaḥ rannira, kawutahan déniŋ marus, tiyaŋ kaŋ kinaniaya, katètèsan rahsanipun.

25. tiyaŋ jina babandrèkan, kapiŋ sakawan winuwus, nabi musa sréṅatipun, sahadatipun winarṇa, ashadu allaḥ ilahu, illolaḥ ashadu ana, ya musa kalamolahu.

26. makna anakṣèni iṅwaŋ, tan na paṅéran satuhu, aṅiŋ allaḥ taṅalèstu, lawan anĕkṣèni iṅwaŋ, kaṅjĕŋ nabi musa iku, paṅandikanira allaḥ, salat sadintĕn sadalu.

27. kapiŋ kawandasa wĕkdal, déné ta musakapipun, juga kitab torèt amuŋ, saṛĕŋ dugi pañjĕnĕṅanira, kaṅjĕŋ nabi dawud, musakapipun awawaḥ, sajuga kaŋ kitab jabur.

28. myaŋ matrapkĕn pahukuman, kinisap iŋ ḷĕṛĕsipun, amĕjahi pan linampus, myaŋ mĕḍarkĕn wĕnaṅira, saguṅiŋ kaŋ para ratu, kéṅiŋ aniṅkahkĕn tiyaŋ, èstri kaṭahipun satus.

29. siyam iŋ daḷĕm sawarṣa, kawandasa dintĕn muput, sabĕn sontĕn bukanipun, myaŋ sabĕn jumuṅaḥ siyam, kĕna hat saha tan antuk, nĕḍa ulam dadagiṅan, iṅkaŋ kinaramkĕn namuŋ.

30. kéwan iṅkaŋ mawi ṅaral, kadosta upaminipun, kéwan èstri iṅkaŋ nuju, wawrat datan kéṅiŋ ḍahar, kinalallakĕn sadarum, kéwan kaŋ tan mawi ṅaral, wawrat sakit saminipun.

31. yèn laki rabi punika, kaniṅkahkĕn déniŋ ratu, utawi paréntaḥ aguŋ, biliḥ raṇḍa tuwin ḍuḍa, laki myaŋ rabi pikantuk, manawi pĕjaḥ pinĕtak, siti ṛĕsik lan maṇḍukul.

32. kapiŋ gaṅsal sréṅatira, ñjĕŋ nabi ṅisa linuhuŋ, sahadatipun ashadu, allaḥ ilahahilallaḥ, ashadu ana ṅisa ruhullaḥ, apan tĕgĕsira, iṅkaŋ nĕkṣèni satuhu.

33. tan ana paṅéran liyan, muŋ sawiji ya allahu, lawan anĕkṣèni iṅsun, satuhuné nabi ṅisa, iku atmajèŋ hyaŋ aguŋ, salat sabĕn ari akat, muŋ sawindu daṅunipun.

34. anĕṅgiḥ sèkĕt ṛĕkaṅat, musakapipun pan namuŋ, sajuga kitab iñjillun, katurunan malah‍ékat, jabrahil dutèŋ hyaŋ aguŋ, namuŋ kapiŋ kalihwĕlas, pan siyammipun winuwus.

35. sabĕn passĕn akaliyan, ṅajĕṅakĕn kamsin puniku, passĕn awit sédanipun, nabi ṅisa dumuginya, sakiŋ séda nulya wuṅu, dados iŋ daḷĕm tri siyaŋ, buka sabĕn wussiŋ surup.

36. kamsin punika nalika, tumĕḍakiŋ rohul kudus, ḍumatĕŋ sakabatipun, gusti kaṅjĕŋ nabi ṅisa, kaliḥ siyaŋ siyammipun, sami passĕn bukanira, lajĕŋ ariaya kamsun.

37. kaŋ kinaramkĕn punika, sabĕn jumuṅaḥ tan antuk, nĕḍa kéwan dagiṅipun, naṅiŋ kawĕnaṅkĕn nĕḍa, ulam loḥ sasaminipun, kinalallakĕn sadaya, aṅgĕr datan karya gigu.

38. kogug kogĕl sĕmaŋ sĕmaŋ, yèn laki rabi puniku, kaniṅkahakĕn iŋ ratu, utawi para paréntaḥ, sampunné paniṅkaḥ rampuŋ, mawi kapariṅan sĕrat, kawin cacĕpĕṅanipun.

39. jalu kalawan wanita, wanita kinarya uṅgul, dadya datan kinawayuḥ, raṇḍa ḍuḍaniŋ pĕgatan, gĕsaŋ tan kéṅiŋ puniku, palakrama kalihira, añjawi yèn sampun ṛĕmbug.

40. para umat biliḥ pĕjaḥ, pan kapĕṇḍĕm jisimipun, iŋ siti kaŋ tan maṇḍukul, ṛĕsik gumriniŋ warata, kalaṅkuŋ utami lamun, ana iŋ maśjit pinĕtak, mañcoroŋ kadya mas timbul.

66. maskumambaŋ

1. kapiŋ nĕnĕm saréṅat iṅkaŋ muṅkasi, kaṅjĕŋ nabi duta, nayakaniṅrat lènĕwiḥ, mukhamaddan rasulollaḥ.

2. salalahu ṅalahihi wasalami, bakdaniŋ mukhamad, datan wontĕn nabi maliḥ, linuri tĕkèŋ samaṅkya.

3. kaŋ wus samya aṅaṅgé agama sukci, sadraḥ tanaḥ jawa, minurut nabi sinĕlir, punika sahadatira.

4. ashadu anlahilaha ilollahi, wa ashadu anna, mukhamad rasulollahi, iŋ maknanira winarṇa.

5. utusaniŋ allaḥ iṅkaŋ maha sukci, sabĕn ri salatnya, sadintĕn sadalu kapiŋ, gaṅsal wĕktu datan goṭaŋ.

6.

7. kaŋ kapisan waktu subuḥ baṅun éñjiŋ, iŋ sadèrèṅira, saŋ hyaŋ surya aṇḍaḍari, pan amuŋ kaliḥ ṛĕkaṅat.

8. kapiŋ kaliḥ wĕktu luhur wañcinèki, hyaŋ surya gumléwaŋ, iŋ sadèrèṅipun liṅsir, kawan ṛĕkaṅat gya salam.

9. kapiŋ tiga winastan waktu ṅasar i, wañci saŋ hyaŋ surya, mèḥ tumamèŋ mariŋ ardi, kawan ṛĕkaṅat gya salam.

10. piŋ sĕkawan winastanan waktu mahrib, wañci surup surya, kantun sunaripun abrit, pan amuŋ tigaŋ ṛĕkaṅat.

11. kapiŋ gaṅsal waktu ṅisa iṅkaŋ wañci, sunariŋ hyaŋ surya, waradin datan kah‍èkṣi, kawan ṛĕkaṅat gya salam.

12. bakda ṅisa nadyan sunat naṅiŋ wajib, salat kaŋ winastan, nĕṅgiḥ sunat minalwitri, pan amuŋ kaliḥ ṛĕkaṅat.

13. wusiŋ salam linajĕṅkĕn sunat maliḥ, salat kaŋ winastan, nĕṅgiḥ ṛĕkaṅat talwitri, saṛĕkaṅat nulya salam.

14. jakatipun sapisan iŋ sabĕn warṣi, pan mawa kamurwat, iṅkaŋ kéṅiŋ dèñjakati, pitraḥ sabĕn ariraya.

15. siyammipun sabĕn wulan ramlan nĕṅgiḥ, amuput sawulan, buka wusiŋ bakda mahrib, iŋ sabĕn maḷĕmé siyam.

16. tĕṅaḥ dalu ḍahar sasĕnĕṅirèki, sahur pan winĕnaŋ, supadi kuwatiŋ ḍiri, tĕtĕp ṅlampahi agama.

17. biliḥ kinawasakakĕn iŋ hyaŋ widdhi, iŋ wulan dulkijaḥ, mariŋ mĕkaḥ miṅgaḥ khaji, mañjiŋ pirukuniŋ islam.

18. dadya gaṅsal sahadat iṅkaŋ rumiyin, piŋ kalihé salat, jakat iṅkaŋ kapiŋ katri, piŋ caturira puwasa.

19. kapiŋ gaṅsal mariŋ mĕkaḥ miṅgaḥ khaji, musakapnya kur’an, tigaṅdasa ĕjus isi, satus kawan dasa surat.

20. pan amĕṅku wahyudi tigaŋ prakawis, satuṅgal nurbuwat, kalihé kukumaḥ nĕṅgiḥ, katiga wahyu wilayaḥ.

21. jawinipun wahyu nurbuwat puniki, déné wus añata, jumĕnĕŋ nabi kakasiḥ, wahyu kukumaḥ jinarwa.

22. déné sampun jumĕnĕŋ narpati yĕkti, kaŋ wahyu wilayaḥ, jumĕnĕŋ waliyullahi, mustikaniŋ kaŋ panutan.

23. katurunan malah‍ékat jabarahil, kapiŋ kaliḥ ḷĕkṣa, paṅulu iṅkaŋ mbawani, aṅlampahakĕn agama.

24. pan kapara sakawan imanirèki, kalanira wĕkdal, anèŋ maśjiddil karami, aṅaḍĕpakĕn bétolaḥ.

25. wétan majĕŋ maṅilèn iman sapiṅi, lèr ṅidul ajĕŋnya, nĕṅgiḥ ñjĕŋ iman kanapi, iŋ kilèn majĕŋ maṅétan.

26. nĕṅgiḥ iman maliki iṅkaŋ ndarbèni, kidul lèr aḍĕpnya, iman kambali ñitènni, catur panutan sĕmbahyaŋ.

27. para umat pundi iṅkaŋ dèn ṛĕmĕni, iŋ salaḥ sajuga, biliḥ baṅsa kula jawi, iman sapiṅi panutan.

28. iṅkaŋ dipunkarammakĕn sakaṭahiŋ, dagiŋ kéwan mawa, siyuŋ myaŋ sakèhiŋ pakṣi, kaŋ ñaṅkĕṛĕm aṅgaruḍa.

29. tuwin kéwan iṅkaŋ gĕsaŋ toya kaliḥ, liré kaŋ nèŋ toya, tan kuraŋ juga punapi, nèŋ ḍaratan tan ṅapaa.

30. tuwin iṅkaŋ mĕkĕruḥ kalawan najis, myaŋ kaŋ mawa wisa, utawi iṅkaŋ ṅĕndĕmi, punika karam sadaya.

31. iṅkaŋ dipunkalallakĕn samukawis, kaŋ tan kalbèŋ karam, manawi alaki rabi, kaniṅkahkĕn wali bapa.

32. kaki kadaŋ jaḷĕr wajib amalèni, sĕpĕné titiga, iṅkaŋ kéṅiŋ amalèni, kadaŋ warga sakiŋ bapa.

33. kaniṅkahkĕn paṅulunipun agami, sinakṣèn sakawan, biliḥ ḍuḍa kéṅiŋ rabi, raṇḍa kéṅiŋ imaḥ imaḥ.

34. wit nabi sis dumugi muhkhamad nabi, èstri kaŋ winĕnaŋ, dumadya ajatukrami, nakṣanak misan miṇḍowan.

35. sakiŋ jaḷĕr èstri myaŋ sanèsiŋ ahli, iṅkaŋ tan linilan, kramantuk saḍèrèk nuṅgil, yayaḥ réna myaŋ sĕsĕpan.

36. sadarahé sakiŋ saḍèrèkirèki, tan kéṅiŋ sadaya, mayuḥ kadaŋ datan kéṅiŋ, satuṅgal kĕdaḥ pinĕgat.

37. tiyaŋ jaḷĕr winĕnaṅkĕn wayuḥ èstri, tumĕka sakawan, laṅkuŋ samantĕn tan kéṅiŋ, raré jaḷĕr yèn wus yuswa.

38. kalihwĕlas tahun kĕdaḥ dèn tataki, raré stri yèn yuswa, tĕluŋ tahun dèn sunati, déné manawi palastra.

39. jisimmipun kapĕtak wontĕn iŋ siti, yèn madahab iman, sapiṅi ujurirèki, maṅalèr biliḥ madahab.

40. nĕṅgiḥ iman kanapi kuburirèki, maṅilèn ujurṇya, madahab iman maliki, mujur maṅidul kuburṇya.

41. kaŋ mahadab anĕṅgiḥ iman kambali, ujurṇya maṅétan, mĕṅgaḥ sampurṇaniŋ jisim, wit saréṅat nabi adam.

42. tĕkèŋ maṅké pan namuŋ kawan prakawis, ḍiṅin sinucènan, iŋ toya kaŋ ṅantya ṛĕsik, sinalatkĕn piŋ kaliḥnya.

43. kapiŋ tiga rinukti iṅkaŋ prĕmati, aywa katiṅalan, piŋ pat pinĕṇḍĕm iŋ siti, utawi kinĕḷĕm toya.

44. sampun tamat cariyosiŋ para nabi, kaŋ mĕṅku saréṅat, jĕjĕripun nĕnĕm nabi, mirib kaŋ kasĕbat kitab.

45. mèsĕm mèsĕm ki ajar ṅandika aris, kulup iṅsun rasa, laku lakuniŋ agami, buddha lawan kanabéyan.

46. amuŋ gèsèḥ laku naṅiŋ joggé sami, aṇḍĕku rahadyan, buras umatur saŋ ṛĕṣi, gambuhipun raré jabaŋ.

67. gambuḥ

1. saŋ wiku ṅandika rum, raré jabaŋ caritané daṅu, anané kaŋ sinaratan warṇi warṇi, duk jaman śri maha puṅguŋ, purwacarita ṅaḍaton.

2. dwi putra èstri jalu, dyan sadana lan dèwi śri iku, sinabdakké sadana dumadya sriti, śri dadya sarpa sawèku, naṇḍaŋ papa putra karo.

3. sakaroné aṅlaṅut, tan karuwan kaŋ bakal jinujug, sarpa sawa lampahira duk dumugi, tlataḥ nagri wiraṭèku, ḷĕṛĕm nèŋ sawaḥ amaṅgon.

4. ṅaḷĕkĕr tĕṅaḥ pantun, iŋ désa wasutira puniku, paṅgĕḍéné tuwaburu wrigu nami, nikèn saṅki wadonnipun, wĕktu iku wawrat sĕpoḥ.

5. iŋ ṅaṛĕp tuwaburu, kyayi wrigu pruhita saŋ wiku, saŋ wisama kapéñcut adarbé siwi, gya sinuṅan saranèku, myaŋ winĕliŋ wantos wantos.

6. hèḥ wrigu kawruhanmu, sira bakal kapariṅan sunu, yèn kahidèn aṅgawa bĕgja sayĕkti, sarana iku dèṅupuḥ, klukunĕn wé yoga gupoḥ.

7. kaŋ ran wé yoga iku, warṇa catur sawarṇa kaŋ bañu, saka bhumi dwi warṇa wé saka ṅlaṅit, tri warṇa wé asallipun, saka cucukulan maṅgon.

8. catur warṇa kaŋ bañu, saka kaŋ asipat ñawa iku, winor kaṅgo ṅaluku sarana iki, gya inumĕn lan somaḥmu, lamun katrima kalakon.

9. aṅgarbini satuhu, sakaroron marénéya gupuḥ, iṅsun arṣa pariŋ waṅsit mriŋ sirèki, kadadéyaniŋ sutamu, kyayi wrigu mundur alon.

10. kèn saṅki sawussipun, aṅgarbini sakaliyan gupuḥ, umaṛĕk iŋ saŋ yogi ṅandika aris, hèḥ wrigu kawruhanamu, ñahimu ĕṅgoné mbobot.

11. kaŋ nèŋ wĕtĕṅan iku, widadari pan panukṣmanipun, dèwi tikṣnawati kadadéyanèki, ṛĕtna dumilaḥ iŋ daṅu, sirantuk kabĕgjan yĕktos.

12. dèwi śri ananipun, tikṣnawati widadari iku, anané śri kadidéné satu muṅgwiŋ, iŋ rimbagan saminipun, déné margané patĕmon.

13. śri tikṣnawati kumpul, ṅupyaa sarpa sawa luhuŋ, kaŋ aṅaṅgo susumpiŋ pari sawuli, kalamun sira wus antuk, ṛĕkṣanĕn dipuṅumatos.

14. ywa ṅanti praptèŋ lampus, lamun mati praléna sutamu, tlasiŋ sabda ki wrigu kalilan muliḥ, wus lami dèn nira ṅluru, tan mantra lamun kapaṅgoḥ.

15. taṅgal sapisan nuju, maṅsa padrawana kyayi wrigu, sruniŋ sayaḥ lèrèn nèŋ pèpèrèŋ guliŋ, antuk waṅsitiŋ déwa guŋ, sarpa sawa ṅgonné maṅgon.

16. yèn cinĕkĕlan purun, pasaṅana kalasa kaŋ alus, sasapana jarit putiḥ urapsari, kĕpyurana ganda arum, yèn wus nèŋ piranti kono.

17. guluṅĕn kaŋ barukut, prĕnahĕna sajroniŋ wismamu, kaŋ asuci tĕlas ujaré kaŋ waṅsit, wrigu taṅi bañjur mantuk, ṅlĕkṣanani kaŋ wirahos.

18. praptané sabin gupuḥ, gya ginĕlar sarpa duk amambu, ganda arum ṅgaḷĕsĕr nulya marani, ṅaḷĕkĕr nèŋ siñjaṅipun, ki wrigu anĕmbaḥ alon.

19. kaŋ sarpa wus ginuluŋ, praptèŋ wisma pinarṇahkĕn sampun, nèŋ patanèn ki wrigu myaŋ nikèn saṅké, iŋ tyas kacaryan kalaṅkuŋ, déné warṇanya mañcoroŋ.

20. cacawisan pinatut, koḍok ijo satumbu guŋ muñjuŋ, kacarita ratrinya wĕtĕṅan lahir, mijil dyaḥ ayu kalaṅkuŋ, marwatèŋ tyas sakaroṅron.

21. sayaḥ ki wrigu turu, ponaŋ sarpa marimpèni wrigu, iṅsun aja kok sajèni koḍok wilis, sajènana suruḥ ayu, kĕmbaŋ dupa aja towoŋ.

22. andadèkkĕn satuhu, kabĕgjanmu lan wawĕkasiṅsun, sutanira iku wèhana kakasiḥ, rara rakĕtan wus muṅguḥ, jroniŋ sapta ri wit mĕṅko.

23. ratri ywa koṅsi turu, yèn rahina sira kĕna turu, pan minaṅka paṅrĕkṣa supaya dadi, kalis béka ṛĕñcanèku, byar éñjiŋ taṅi linakon.

24. supĕnanirèŋ dalu, tan pantara janma amburubul, tilik bayi ṅgawa pawèwèḥ mawarṇi, ki wrigu lan somahipun, paḍa sukur iŋ hyaŋ manon.

25. iŋ nalika puniku, suralaya gègèré kalaṅkuŋ, marga saka ṅgonné dèwi tikṣnawati, ñjanma nir paliwarèku, hyaŋ guru utusan gupoḥ.

26. saŋ hyaŋ kala puniku, kinèn aṅrĕñcana wus tumurun, nukṣma sona ajag wrigu kala guliŋ, sarpa marimpèni wrigu, kawruhana surup maṅko.

27. saŋ hyaŋ kala tumurun, aṅrĕñcana maraŋ iŋ sutamu, rupa asu ajag tulakana aglis, sakèhiŋ lawaṅirèku, kutugana wliraŋ gupoḥ.

28. iŋ sajroné wismamu, oborana balarak piŋ tĕlu, sawĕṅiné sarta sasajiya sami, punar wak ati sahuṇḍuḥ, sajèkna dagané mĕnok.

29. kadokokana kĕlut, sapu papon gantal aywa kantun, pasaṅana damar pah‍ésan ywa mati, iŋ wismamu mĕṅko surup, ubĕṅana alon alon.

30. matĕka mantranipun, o kala nama si wayèḥ iku, iŋ sawĕṅi mĕṅko sutanira nini, sayĕkti maṅgiḥ rahayu, wrigu taṅi turu wartos.

31. maraŋ iŋ sémahipun, wus rumanti tan ana kalimput, sona ajag kéwran dèn nya ayun mañjiŋ, ṅantya tumĕka byar ésuk, kawĕlèḥ gya mukṣa gupoḥ.

32. hyaŋ jagatnata bĕndu, gya utusan hyaŋ brahma tumurun, nukṣma dadya ḷĕmbu gumaraŋ ṛĕspati, ki wrigu awanné turu, sarpa marimpèni alon.

33. hèḥ wrigu wruhanamu, mĕṅko ratri siṛĕp janma wĕktu, ana prapta saŋ hyaŋ brahma miṇḍa sapi, arṣa ṅrĕñcana sutamu, tutulakmu dimirantos.

34. kanan kériṅiŋ pintu, pasaṅana ron nanas kaŋ sinuŋ, laloṇṭèṅan aṅus lawan ĕñjĕt putiḥ, kulit brambaŋ dupanipun, kaya kaŋ wis blarak obor.

35. iŋ dagané si gĕṇḍuk, sajènana sĕga abaŋ lawuḥ, kukuluban wutuhé karo kaŋ uwis, kinaŋ paradan ywa kantun, aywa giris lahir batos.

68. girisa

1. kalamun ṅubĕṅi wisma, iki mantrané ucapna, poma poma hoŋ brahmana, rasioyĕḥ maswah‍éna, sayĕkti maṅgiḥ raharja, wrigu sataṅinya néndra, wawarti mriŋ rabinira, kèn saṅki sasaji sigra.

2. wrigu mituhu supĕna, dupi saŋ ḷĕmbu gumaraŋ, arṣa mañjiŋ mariŋ wisma, akéwran déniŋ sarana, asru mĕkṣa tan kawawa, wĕkasan byar éñjiŋ mukṣa, matur cabariŋ dinuta, hyaŋ guru sigra utusan.

3. saŋ hyaŋ wisnu wus tumĕḍak, anukṣma dadi waraha, wrigu siyaṅira néndra, sarpa sawa suŋ sasmita, wrigu tĕṅaḥ wĕṅi maṅkya, hyaŋ wisnu tumurun dadya, waraha arṣa ṅrĕñcana, iya maraŋ sutanira.

4. tutulakmu wuwuhana, ri widara tuṅgaḷĕna, lan ron nanas wiṅi ika, padupané salinnana, ronniŋ tañjuŋ oborana, kaya déné kaŋ wus klakyan, iŋ dagané sajènana, iwak ĕloḥ sĕga krĕṣṇa.

5. wuwuhé lan wiṅi gantal, kĕmbaŋ kaŋ waṅi gandanya, ĕṅgonmu ṅubĕṅi wisma, ṅaṅgo obor matĕk mantra, laḥ maṅkéné omma suya, namartagda namandaha, yĕkti sutanta raharja, wrigu sataṅinya néndra.

6. gupuḥ gupuḥ awawarta, mriŋ kèn saṅki rabinira, linakṣanan sadayanya, wussiŋ wañci wraha prapta, arṣa mañjiŋ mariŋ wisma, tan kawawa déniŋ srana, iŋ wayaḥ byar ésuk mukṣa, matur cabariŋ dinuta.

7. hyaŋ pramèṣṭi èsmu duka, arṣa nĕḍaki priyaṅga, manukṣma mariŋ kukila, kaṭaḥ kaŋ para jawata, tumutur samya anukṣma, sasĕnĕṅira priyaṅga, siyaŋ ki wrigu anéndra, sarpa sawa suŋ sasmita.

8. wrigu mĕṅko baṅun rina, hyaŋ mahèswara tumĕḍak, manukṣma dadi kukila, iṅiriŋ para jawata, sadaya samya manukṣma, hyaŋ naradḍa mriŋ koḍok pas, brahma mriŋ kala gumaraŋ, surya maraŋ walaŋ aṅgas.

9. hyaŋ mahadéwa manukṣma, wĕḍus parucul hyaŋ yama, mriŋ kidaŋ ujuŋ manukṣma, kuwéra tikus jinada, hyaŋ siwaḥ manukṣma maraŋ, mañjaṅan karaṇḍi nama, hyaŋ pritañjala manukṣma, maraŋ iŋ ĕmprit kukila.

10. rodra mriŋ ḷĕmbu andana, wisnu mriŋ tĕmbaluŋ wraha, bayu mriŋ kĕbo andanya, basuki mriŋ sarpa lanaŋ, kala mriŋ asu wiyuṅyaŋ, candra kuciŋ candramawa, kabèḥ pan arṣa ṅrĕñcana, iya maraŋ sutanira.

11. kaya kaŋ uwus kalakyan, wismanira kĕṇṭĕṅana, mubĕŋ déniŋ lawé wĕnaŋ, anĕkakĕna tataṅga, lawan pamoŋ mitranira, ajakĕn mĕlèk sadaya, ana maniŋ saratira, paturonné lèmèkana.

12. ron séṇṭé cinorèk gambar, waraha kalawan baya, lawan gaṇḍik loṇṭèṅana, ĕñjĕt pipiṇḍanĕn janma, nèŋ ron séṇṭé turokĕna, awit surup sutanira, mĕlèk turu pinaṅkuwa, tumĕkané baṅun rina.

13. pagĕr wisma sĕmburana, daliṅo baḷĕṅé bawaŋ, kaŋ wrata mataka mantra, hoŋ hyaŋ hyaŋ siwaḥ aboja, abuyana kita marta, swana maswana wus tamat, ḍénok yĕkti maṅgiḥ arja, myaŋ siniŋ wisma sadaya.

14. lan maniṅé mĕṅko ratri, aywa sira mamatèni, sabaraŋ iṅkaŋ kah‍èkṣi, ywa wani wani nukrĕti, kranèku ṅalad aladi, hyaŋ guru arṣa nĕḍaki, kalakuṭana ndiṅini, yèku ratuné wisa di.

15. saka iŋ yomani nraka, dadi sarapsawan rupa, saliré iṅkaŋ dumadya, saḍéṅaḥ kaŋ kawistara, piṇḍa ḷĕmut sasamanya, maṅka ṅanti matènana, sayĕkti dé sutanira, bakal kĕna iŋ ṛĕñcana.

16. saraté iku bagèkna, kapiŋ tĕlu sawĕṅinya, sambĕt araniŋ kaŋ kala, kuṭana iṅkaŋ nalika, ṅanakkĕn ratuniŋ sawan, sawan tĕlu cacahira, kawit tĕka surup surya, maṅkéné ṅgonmu mbagèkna.

17. abaṅko saŋ nuriswa ta, kaŋ késdya ayu awéka, hya ṅayu muli aṅkosa, kaṛĕṅkĕtan tata nama, waluṅyanto ya waṅgawa, iṅkaŋ sawijiné tĕka, nalika tĕṅaḥ ratrinya, maṅkéné ṅgonmu mbagèkna.

18. ahaṅko saŋ nĕris tĕkaŋ, kisdya ayu akwiki hyaŋ, ṅayu muli haṅko saka, ṛĕŋ tĕkanta tan na mawa, luṅanta ywa gawa purṇa, kaŋ sawiji manèḥ tĕka, iŋ nalika byar rahina, maṅkéné ṅgonmu mbagèkna.

19. ahaṅko saŋ naris tĕkaŋ, ké sĕdya ayu akwiki, ywaṅayu muli aṅkosa, saka ṛĕŋ tékan tan nana, mawa luṅyanta ywaŋ gawa, èḥ wrigu dèn éliŋ poma, ṅgonnira ambagèkĕna, kapiŋ tĕlu sawĕṅinya.

20. ḍéwé ḍéwé arannira, iṅkaŋ ḍiṅin saŋ nuriswa, kapiṇḍoné saŋ niris rannya, piŋ katri saŋ naris ika, pan paḍa kadadéyannya, saŋ kala kuṭana iṅkaŋ, aṅratoni sarap sawan, sabĕn sira suŋ pambagya.

21. dèn santak kaya woŋ ṅgĕtak, iŋ kono saguṅiŋ sarap, sawan gya lumayu samya, datan ana wani pĕrak, sutanta maṅgiḥ raharja, wrigu sataṅinya néndra, sakiŋ karṣaniŋ jawata, sinuŋ émut tan kalépyan.

22. wawarta mriŋ rabinira, sasaji sampĕt sadaya, kacrita tumĕḍakira, hyaŋ guru myaŋ pra jawata, sami kawĕlèḥ sadaya, nir nandukakĕn ṛĕñcana, awĕkasan samya mukṣa, jabaŋ ḷĕstari raharja.

23. datan ana kara kara, laḥ iku buras kawitnya, katĕlaḥ tĕkèŋ samaṅkya, buras maloṅo tan nabda, maṇṭuk mantuk maṅap maṅap, radyan ñĕblèk buras kagyat, garagapan nĕmbaḥ nĕmbaḥ, ḷĕstari datan wacana.

24. rahadyan matur saŋ tapa, kadiparan waluyanya, śri kaŋ dadya sarpa sawa, saŋ paṇḍita aṅandika, saŋ hyaŋ jagadnata mawas, cabar iṅkaŋ paṅrĕñcana, saka śri iŋ paṅgawénya, .

25. gya utusan widḍadarya, kinèn animbali maraŋ, dèwi śri ayun kinarya, jaṅkĕpé kaŋ widḍadarya, wus tumurun lan śri paṅgya, aṇḍawuhkĕn kaŋ timbalan, śri matur kaliṅga murda, anaṅiŋ darbé sĕmaya.

26. yèn wus ruwat sakiŋ papa, lawan ariné sadḍana, tĕmbé dinadosna déwa, dèwi duta waṅsulannya, iŋ maṅké radèn sadḍana, sampun waluya kaŋ ṅruwat, śri wiku ṅatasmaruta, ḍinahupkĕn atmajanya.

27. ran dèwi lakṣmitawahni, naṅiŋ karṣané hyaŋ giri, tĕmbé yèn wus asisiwi, wit bakal nurunkĕn wiji, sarpa sawa duk miyarṣi, sabdaniŋ kaŋ wiḍadari, warti lampahé kaŋ rayi, karantan rantan iŋ ati.

28. aṅlaḷĕkĕr kawistara, sĕmuné minta ruwatnya, gya rinuwat wus waluya, sarpa sirṇa śri kaŋ ana, anulya ayun binakta, naṅiŋ śri makṣiḥ ḷĕṅgana, aturṇya mriŋ widḍarya, kaŋ dadya sandéyèŋ driya.

29. nilar mriŋ wrigu atmaja, manawi kéṅiŋ ṛĕñcana, iŋ déwa tĕmaḥ palastra, yĕkti yayaḥ ṛĕnanira, sahiba susahiŋ driya, maṅka ṅagĕsaŋ punika, yèn rumahos katupikṣa, wajib saṅĕt mbahuṛĕkṣa.

30. liripun kula punika, rumahos dipunopènni, waḷĕs kula aṅopènni, saguṅiŋ kaŋ widḍadari, ṅrahos ḷĕṛĕs turira śri, ana widḍadari siji, anama dèwi nariti, misik ḍatĕŋ dèwi ĕsri.

31. kalamun ki wrigu siwi, pañjanmaniŋ tiknawati, mila aguŋ ṛĕñcanèki, awit ṅgonnira mañjanmi, paliwara datan mawi, dadya dukané hyaŋ giri, waṅsulannya dèwi ĕsri, hyaŋ jagadnata sayĕkti.

32. sipat asiḥ lawan miraḥ, tur kawasa amisésa, naṅiŋ tan karṣa marwasa, saṅgyaniŋ kaŋ tanpa dosa, karantĕn punapa ḍawak, kamirahan yèn tan lawan, papasiyan kadiparan, patrapiŋ kaŋ paṅaṅsan.

33. tĕka baḍé amirosa, lampahiŋ kaŋ amisésa, malaḥ arṣa amarwasa, hyaŋ giri yèn makatĕna, punika punapa sipat, arubiru sayĕktinya, paṣṭi titahipun samya, .

34. lalawora haruhara, maṅkana pra widḍadarya, kaluhuran iṅkaŋ sabda, gya mukṣa sapuṅkurira, ki wrigu lawan somaḥnya, yun mbĕrṣihi ṅgyanniŋ sarpa, myak samir kagyat iŋ driya, sarpa nir ana wanudya.

35. kalaṅkuŋ éndahiŋ warṇa, wrigu sakaliḥ aturṇya, dèwi śri uwus sajarwa, iŋ purwa madya wasana, wrigu amarwata suta, akèḥ akèḥ aturira, ayun suḍiya sugata, śri tan arṣa muŋ aminta.

36. kinaŋ ayu lawan kĕmbaŋ, gĕḍaŋ ayu myaŋ padupan, wrigu mundur tur sandika, nulya para widḍadarya, tumurun lawan śri paṅgya, ṇḍawuhkĕn timbalanira, hyaŋ giri aṅsuŋ uniṅa, wijiliŋ kaŋ paṅandika.

69. mijil

1. hyaŋ daruna lan dèwi daruni, kadaṅira wadon, karya saru anèŋ kahyaṅané, aṅlakoni paṅgawé tan yukti, yèku lambaṅsari, lawan kadaṅipun.

2. sakaroné sahiki kahuṅsir, marcapada añjog, hyaŋ daruna mañjanma sutané, ki subaṇḍa iṅkaŋ lagi lahir, dé dèwi daruni, añjanmaa iku.

3. mriŋ rakĕtan ki wrigu kaŋ siwi, minaṅka dumados, liruniŋ dyaḥ tikṣnawati kuwé, diwasané kalihira sami, karṣaniŋ déwa di, dadya joḍonipun.

4. tĕmbé darbé atmaja pawèstri, dadya garwa katoŋ, iŋ wiraṭa iku nurunnaké, saṅgyaniŋ kaŋ ratu tanaḥ jawi, dèwi śri duk myarṣi, ḷĕga galihipun.

5. sarya matur sandika ṅlampahi, ḍawuhé hyaŋ manon, naṅiŋ ñuwun pĕṭukan sowanné, paḍati sinaŋ iṅkaŋ paṅirid, ḷĕmbu gumaraŋ di, naga séraŋ pĕcut.

6. wusnya atus aturé dèwi śri, waraṅgana gupoḥ, samya mukṣa prapta iŋ ṅarṣané, saŋ hyaŋ giri gya matur salwiriŋ, dèn nira tinudiŋ, iŋ śri aturipun.

7. sapuṅkuré para widḍadari, wrigu sakaroṅron, ñahosakĕn gantèn myaŋ dupané, śri wus mucaŋ wrigu matur aris, pun rakĕtan maṅkin, panas badannipun.

8. śri ṅandika iku prabawaniŋ, kaŋ manukṣma gantos, iŋ mahuné apan pañjanmané, tikṣnawati liru dyaḥ daruni, déné tikṣnawati, iki saṇḍiṅiṅsun.

9. kyayi wrigu lawan nikèn saṅki, basa wĕruḥ ñjombloŋ, déné kĕmbar tan ana siwahé, śri ṅandika dilatana nuli, mbunbunannirèki, anakmu si gĕṇḍuk.

10. lan udĕlé èpèk èpèk kaliḥ, dalamakan karo, ṅapiŋ tĕlu iŋ kiwa wiwité, sarta ṅgyanta ndilati sĕmbari, wuwuda sayĕkti, sutanta rahayu.

11. lamun sutanira nuju guliŋ, poma wĕkasiṅoŋ, jwa kok ambuŋ lawan saduruṅé, pupak untu aywa wani wani, ñiwĕl pipinéki, apadéné wrigu.

12. ywa kok èmpĕr lawan kaŋ wus lalis, la ilané awon, tan na tulus yèn kok èstokaké, awidada paṅĕmoṅirèki, sira sun jatèni, iŋ tĕmbé sutamu.

13. milu nurunnakĕn narapati, nuṅsa jawa kahot, wrigu saṅki sru suka sukuré, pamit mĕdal lajĕŋ andilati, iŋ sutanirèki, wus waluya ayu.

14. tan pantara widḍadari prapti, pĕṭukan sumahos, kadi déné saŋ śri pañuwuné, śri myaŋ tikṣnawati wus anitiḥ, lan para apsari, nèŋ paḍati mampruŋ.

21. jayèṅsari dalaḥ rayi lan abdi ṅlajĕṅakĕn lampaḥ dumugi iŋ ḍukuḥ klakaḥ sipĕŋ iŋ griyanipun umbul sadyana ñumĕṛĕpi urubipun ṛĕdi lamoṅan iŋ wañci dalu. nĕrusakĕn lampaḥ dumugi ḍusun kaṇḍaṅan bawaḥ lumajaŋ, pinaṅgiḥ sèḥ amoṅbudi iṅkaŋ nĕraṅakĕn bab wudu tuwin salat. iŋ argapura pinaṅgiḥ sèḥ wahdat iṅkaŋ mĕjaŋ :

bab 1. dat, sipat, asma lan apṅaliŋ paṅéran,

bab 2. pĕpriñcènipun sipat kalihdasa.

15. wrigu saṅki lumĕbĕt patanin, sunya tan na katon, dahat dèn nya suṅkawa driyané, wus pinupus karṣaniŋ déwa di, maṛĕm iŋ tyasnèki, winĕca kaŋ sunu.

16. sadayèku purwanira ṅuni, katĕlaḥ samĕṅko, linaluri mriŋ kaŋ ṅèstokaké, lumbuŋ ḷĕsuŋ padriṅan patanin, myaŋ sakèhiŋ kori, sabĕn maḷĕmipun.

17. ri jumuṅaḥ apan dèn sajèni, kĕmbaŋ miwaḥ koñoḥ, kinutugan kalawan patanèn, pinasaṅan kajaŋ siraḥ adi, pasrèn dèn arani, tinutup kalambu.

18. sinajènan lantiṅan pan isi, wé tumumpaŋ bokor, myaŋ purwané woŋ tani yun panèn, aṛĕp wiwit ṅaṅgo dèn sajèni, kĕmbaŋ borèḥ waṅi, gĕḍaŋ suruḥ ayu.

19. klasa añar lawan jarik putiḥ, pamrihé śri rawoḥ, myaŋ purwané laḥ olahan ranné, jaṅan mĕnir pĕcĕl santĕn pitik, jabaṅbayi lahir, sinaratan mahu.

20. tamat iṅkaŋ carita saŋ dèwi, maṛĕk arawat loḥ, mĕmbĕg mĕmbĕg sĕṛĕt ṅandikané, kakaŋ kéné aḍĕmé ṅranuhi, awan bĕṅi atis, lawan tan kĕtĕmu.

21. karo kakaŋ jèṅrĕsmi kaŋ anis, jaré nuli paṅgoḥ, jayèṅsari duk myarṣa aturé, iṅkaŋ rayi ribĕṅiŋ tyas kéṅis, ṅandikanira ris, babo kadaṅiṅsun.

22. ywa kasĕsa sawatara ari, paṣṭi bañjur paṅgoḥ, saŋ awiku maṛĕpĕki agé, maraŋ saŋ dyaḥ ṅandikanya manis, nini ywa kuwatir, iŋ tĕmbé katĕmu.

23. lan kadaṅta tur wis ṅgawa rabi, warṇayu kinahot, miwaḥ olèḥ olèḥ maraŋ kowé, sosotyadi agĕmmiŋ pawèstri, siñjaŋ warṇi warṇi, lan ḷĕmĕs lus alus.

24. rañcaṅkapti ḷĕjar iŋ ṅawiṅit, aṅandika alon, apa tĕmĕn caritané kuwé, mĕṅko amuŋ aṅénaki ati, yèn goroḥ dak jiwit, saŋ wiku aṅguguk.

25. ora goroḥ caritaku nini, naṅiŋ wĕkasiṅoŋ, ywa kasusu sasĕlot sĕloté, lawan aja muliḥ maraŋ giri, yèn muliḥ amaṣṭi, tan bisa kĕtĕmu.

26. iya kakaŋ aku ora muliḥ, jaṅjiné kĕpaṅgoḥ, lan si kakaŋ lawasa cik ĕbèn, jayèṅsari amarwata siwi, kaŋ rayi wus liliḥ, matur maha wiku.

27. ḍuḥ pukulun manawi maṛĕṅi, apariṅa tudoḥ, kaṅmas jayèṅrĕsmi iŋ dunuṅé, maha wiku patanya maṅsuli, sirik agĕŋ kaki, yèn mĕḍarṇa iku.

28. awit lagi piniṅit déwa di, kinarya lalakon, lan bakalé sira sakaroné, lakunira sayĕkti dumadi, tapabrata ḷĕwiḥ, kalamun lastantun.

29. analaṅsa miwaḥ tan sak sĕrik, narimèŋ trus batos, dèn èṅĕta hyaŋ widdhi tan saré, ṅudanèni kaḷĕṅĕkiŋ ati, muraḥ lawan asiḥ, aṅrĕkṣa satuhu.

30. tutugĕna lakunira kaki, maṅétanna gupoḥ, ywa rinasa kawiryan mahuné, iŋ sahiki upama ron akiŋ, anèŋ jalanidḍi, nut ombakiŋ lahut.

31. radyan maṅĕñjali turira ris, ḍuḥ risaŋ kinahot, andikanta dumadya ḷĕjaré, antĕpiŋ tyas kumandĕl iŋ widdhi, paṅèstu saŋ yogi, iṅkaŋ amba suwun.

32. maṅkya mumpuŋ makṣiḥ wañci éñjiŋ, lilanana iṅoŋ, ṅlĕkṣanani pukulun tĕdahé, rara sira pamita saŋ yogi, lan pamita mariŋ, pra éṇḍaŋ sadarum.

33. saŋ dyaḥ matur lilanana kaki, ṅgonulun rumojoŋ, milu maraŋ si kakaŋ lakuné, ora luwiḥ paṅèstumu kaki, salamĕta nuli, tĕmu kaŋ rinuruḥ.

34. iya kulup lawan sira nini, muŋ paṅèstuniṅoŋ, rinakṣaa iŋ hyaŋ sakaroné, kasambadan iŋ karṣanirèki, buras iṅsun pariŋ, paṅèstu rahayu.

35. buras nĕmbaḥ matur sru kapuṇḍi, sabda saŋ kinahot, radyan miwaḥ ari sampun lèṅsèr, maha wiku ṅaṇṭi ṅanan ṅériŋ, winantu sasanti, ñjawi ḍaḍaḥ rawuḥ.

36. kalihira pinĕṅkul kinĕmpit, lajĕŋ sakaroṅron, para éṇḍaŋ gumarubyuk ṇḍèrèk, sarwi atur pupudya basuki, tuhuné guŋ braṅti, maraŋ saŋ abagus.

70. asmaradana

1. ḷĕpas lampahira kaliḥ, buras tansaḥ anèŋ wuntat, saŋ dyaḥ yèn sayaḥ ginéṇḍoŋ, sumĕṅka aṅgraniŋ arga, tumurun mariŋ juraŋ, analasak wana aguŋ, tan ana baya kah‍étaŋ.

2. kèndĕl dèn nira lumaris, liṅsir kilèn wañcinira, nèŋ wétan arga prĕnahé, ayom ḷĕṅgaḥ pasukĕtan, iŋ ṅaré śri kawuryan, sĕṅsĕmiŋ tyas saŋ ṛĕtnayu, miyat iṅkaŋ paḍukuhan.

3. papaṇṭan ijo ṛĕspati, kĕḷĕtan iŋ loraḥ loraḥ, wé wĕniŋ tumloroŋ añjog, iŋ talaga piṇḍa blumbaŋ, ulamnya tambra abaŋ, aṅambaŋ lir suhun suhun, maraŋ kaŋ kulinèŋ arga.

4. pĕcuk caṅak pĕluŋ rintip, ana tĕpiniŋ talaga, ñĕṅoṅoŋ lir mbagèkaké, raŋ uraṅan calorotan, liwĕran mriḥ katiṅal, krĕdyatiŋ tyas aṅlilipur, dadiya sukaniŋ driya.

5. uraŋ wataŋ ṅambaŋ piṅgir, sinambĕr iŋ raŋ uraṅan, pĕluŋ myat salulup agé, antuk dĕḷĕg gya ṅumbara, mbaṛĕṅi raŋ uraṅan, prapta luhurṇya saŋ ayu, dĕḷĕg lawan uraŋ wataŋ.

6. ḍinawahakĕn ṅarṣaniŋ, saŋ dyaḥ lagya ṅuṇḍuḥ sĕkar, kagyat myat dĕḷĕg tibané, gaṇḍèŋ lawan uraŋ wataŋ, ṅandika gagé buras, iki ana iwak runtuḥ, gaṇḍèŋ lawan uraŋ wataŋ.

7. kalihé cinĕpĕŋ aglis, baṛĕŋ tiba saka tawaŋ, kakaŋ aku iki olèḥ, dĕḷĕg gĕḍéné sapucaŋ, kalawan uraŋ wataŋ, sagaṇḍik kapara laṅkuŋ, tiba ana ṅarṣaniṅwaŋ.

8. upamané ana panti, paṣṭi bañjur takṅu kolaḥ, rahadyan lon andikané, yèn sira doyan binakar, buras gé ṅupayaa, woḥ kamal lan uyaḥ plĕtuk, kinarya mbumboni ulam.

9. buras méntar waṅsulnèki, mbĕkta woḥ kamal myaŋ uyaḥ, saŋ dyaḥ aṅandika alon, gĕrusĕn ana iŋ séla, bañuné sawatara, goléka ron blĕkĕtupuk, kinarya aṅĕpès ulam.

10. dĕḷĕg ulam wus dèn pèssi, buras nulya ṅagar dadya, waṅwa gya dèn urubaké, pès pèsan pinĕṇḍĕm waṅwa, wus matĕŋ gya iṅĕntas, iṅaturkĕn saŋ ṛĕtnayu, binuka nèŋ ṅarṣèŋ raka.

11. kakaŋ ron blĕtupuk iki, biṅèn kaṇḍané si biyaŋ, kalamun kinarya ṅĕpès, sawarṇané ulam toya, rasané tan prabéda, kalawan kaŋ dipès iku, buras coba rasakĕna.

12. ṅaṭĕkul dèn nira bukti, dalaḥ kaŋ gosoŋ pinaṅan, saŋ dyaḥ aṅandika alon, piyé buras apa ñata, rasané kaya iwak, buras ñumak ñamuk maṇṭuk, rañcaṅkapti laṅkuŋ suka.

13. kalihé wus samya bukti, uraŋ myaŋ dĕḷĕg tan tĕlas, linorot ki buras agé, mèḥ surupiŋ diwaṅkara, lajĕŋ iŋ lampahira, praptèŋ pagagan wus surup, tĕbiḥ lawan paḍĕkahan.

14. paran karṣanira yayi, apa sipĕŋ paḍĕkahan, rèhné iki wus kawĕṅèn, payo kakaŋ paḍa muṅgaḥ, iŋ liñcak tĕṅaḥ sawaḥ, mĕṅko bĕṅi lamun turu, ana iŋ kono kéwala.

15. bésuk byar bah‍é lumaris, katiga wus samya miṅgaḥ, nuju purṇama wulanné, sumĕblak aṅilak ilak, kaṭaḥ kaŋ katiṅalan, liwĕran wraha susunu, saŋ ṛĕtna taña mriŋ raka.

16. kakaŋ tikus gunuŋ kawi, gĕḍé ḍuwur ṅaṅgo tracak, iba ambanéĕroṅé, yayi iku aran wraha, nulya na katiṅalan, sima gémboŋ ayun ṅruṇḍuk, maraŋ gĕñjikiŋ waraha.

17. titiga kaŋ kantun tĕbiḥ, saŋ dyaḥ umatur iŋ raka, kuciŋ apa déné gĕḍé, kĕmbaŋ asĕm bléḍak bléḍak, buras cĕkĕḷĕn éṅgal, aku kapéṅin yun ṅiṅu, ki buras kèndĕl kéwala.

18. punaŋ sima wus tan kèkṣi, buras ñĕbut kamdulilaḥ, bĕndara niku namané, sima asriŋ mbaḍog tiyaŋ, kula saṛĕŋ uniṅa, bokoŋ ṅoplok kriṅĕt kumyus, wèl wèlan tan sagĕt ṅglawat.

19. rañcaṅkapti ṅandika ris, kéné tan nĕdya sikara, kono ya samono manèḥ, mula buras dipitaya, kaŋ tĕtĕg driyanira, was tiwas iṅkaŋ tinĕmu, buras matur kasiṅgihan.

20. tĕṅaḥ ratri saŋ dyaḥ guliŋ, buras ṅantuk réréṅgotan, radyan kantun wuṅu ijèn, munajat mariŋ paṅéran, rahayuné kaŋ rama, miwaḥ raka kaŋ aṅlaṅut, utawi panuwunnira.

21. rahayuné sarirèki, lan kadaṅira wanudya, lampaḥ ywa na saṅsayané, kadugèna iŋ sakarṣa, iŋ tĕmbé kapaṅgiha, kalawan kaŋ dipunruruḥ, iŋ wañci wus bĕḍug tiga.

22. ramya swarané kaŋ pakṣi, kaŋ munya éñjiŋ éñjiṅan, ciŋ ciṅgoliŋ ṭilaŋ pĕṇṭèt, cocak kèkèt myaŋ sikatan, sriguntiŋ raŋ uraṅan, kacĕr jalakurèn pĕñu, barañjaṅan munya tawaŋ.

23. saŋ dyaḥ wuṅu dèn nya guliŋ, kakaŋ iki wayaḥ apa, pakṣi wus ramya swarané, myaŋ swaranira woŋ ṅgĕntaŋ, umyuŋ agagĕṇḍiṅan, iki yayi wañci baṅun, kakaŋ payo mariŋ sĕṇḍaŋ.

24. buras iku apa guliŋ, ñjĕgrĕg naṅiŋ sasĕṅgoran, ndĕrèjès kĕbĕs paṅkoné, laḥ buras sira taṅia, iki wus baṅun éñjaŋ, garagappan sarwi matur, bĕndara kula tan néndra.

25. kalihé sru gujĕṅnèki, iya kowé nora néndra, muŋ ṅantuk saplasan bah‍é, saŋ ṛĕtna miwaḥ rahadyan, maṇḍap sakiŋ pagroṅan, ki buras tansaḥ nèŋ puṅkur, praptèŋ sĕṇḍaŋ nulya siram.

26. ṛĕpĕt ṛĕpĕt saput siti, kalihé lajĕŋ uméntar, datan winarṇa lampahé, wañci asar praptèŋ klakaḥ, suku arga lamoṅan, katon arjaniŋ kaŋ ḍukuḥ, aglar iṅkaŋ rajakaya.

27. miwaḥ iṅkaŋ nambutkardi, anèŋ tĕgal myaŋ pagagan, rahadyan kèndĕl lampahé, lawan arinya saŋ ṛĕtna, nèŋ jĕroniŋ tĕgalan, ciṅak sakèhiŋ woŋ ḍusun, kaŋ samya anambutkarya.

28. miyat iṅkaŋ nĕmbé prapti, ki buras kinèn tatanya, ranniŋ ḍukuḥ paṅgĕḍéné, kaŋ tinanya lon turira, iŋ ṅriki ḍusun klakaḥ, déné ta paṅagĕṅipun, nama ki umbul sadyana.

29. sintĕn iṅkaŋ ndika iriŋ, waṅuné dédé woŋ rucaḥ, sakiŋ pundi pinaṅkané, ḍatĕŋ iŋ pundi sinĕdya, ki buras sahurira, iṅkaŋ kula ḍèrèk niku, asli sakiŋ surapriṅga.

30. baḍé ḍatĕŋ bañuwaṅi, anaṅiŋ aṅguŋ kasasar, labĕt dèrèŋ wruḥ marginé, maṅké karṣané bĕndara, rèḥ lampaḥ kataṅgĕlan, pados sipĕṅan sadalu, éñjaŋ ndumugèkkĕn lampaḥ.

31. ki mĕgawé duk miyarṣi, sèlèḥ dèn nya nambutkarya, ṅĕṇṭar bĕbéja lurahé, sawusnya katur sadaya, kyayi umbul sadyana, ṅandika kéṇṭol dèn gupuḥ, turana bañjur kéwala.

32. prapta tĕgal turira ris, aṅgèr paduka ṅaturan, lajĕŋ tumamèŋ wismané, wus kérid iŋ lampahira, kyayi umbul sadyana, mapag nèŋ jawiniŋ ḍusun, kalihé wus iṅañcaran.

33. lajĕŋ tumamèŋ iŋ panti, linĕṅgahkĕn balé wataŋ, ki umbul tan arṣa jèjèr, radyan aṅliŋ mriŋ ki wisma, kaki ywa wontĕn ṅaṇḍap, satĕmahé kula rikuḥ, prayogi miṅgaḥ kéwala.

34. ki buyut miṅgaḥ turṇya ris, aṅgèr kula nilakrama, sinambatiŋ sakalihé, miwaḥ iŋ pundi pinaṅka, sartané kaŋ kinarṣan, déné rawuḥ klakaḥ ḍusun, argasonya kèḥ babaya.

35. kaki kula sakiŋ grĕsik, jayèṅsari apaparab, déné ari kula wadon, rara rañcaṅkapti nama, réñcaŋ niki pun buras, mila kadya mĕndĕm pucuŋ, ṅupadosi kadaŋ wrĕdḍa.

71. pocuŋ

1. datan mawi cariyosan késahipun, jayèṅrĕsmi nama, kalunta prapta iŋ ṅriki, tan kapaṅgiḥ wartos kéwala tan aṅsal.

2. ariulun sru trĕṣṇa mriŋ kadaṅipun, datan kĕna pisaḥ, wasana tinilar anis, datan kĕna pinĕṅgak dèn nya ṅupaya.

3. kyayi umbul duk myarṣa asru gĕgĕtun, aris aturira, aṅgèr dèn santosèŋ galiḥ, rakapara iŋ maṅké takṣiḥ raharja.

4. karṣaniŋ hyaŋ iŋ maṅké dèrèŋ panuju, saŋ dyaḥ aṅandika, kaki dadi makṣiḥ urip, kakaŋ jayèṅrĕsmi kaŋ iṅsun upaya.

5. sukur sukur jaṅji tan tumĕkèŋ lampus, salawasanéya, kaki bésuk rak kapaṅgiḥ, umbul matur iṅgiḥ makatĕn èstunya.

6. ulun atur sugata sawontĕnnipun, pan namuŋ lumayan, minaṅka jampi kalantiḥ, radyan ṇḍĕku kaliḥnya wus samya naḍaḥ.

7. wusnya rampuŋ linorodkĕn buras sampun, kacuŋ ndika naḍaḥ, sampun mawi isan isin, ḷĕbariŋ kaŋ nĕḍa wañci surup surya.

8. wus ginantyan traṅgana abyor kadulu, maṅsanya katiga, sumilak iŋ ṅawiyati, jumaḷĕgur swaranya arga lamoṅan.

9. radyan ndaṅu punapi iṅkaŋ karuṅu, ki umbul sadyana, umatur pucakiŋ ardi, wontĕn kawaḥ añĕmburakĕn dahana.

10. laṅkuŋ sah‍é tiniṅalan sakiŋ ḍanu, iŋ wiṅkiŋ punika, sakiŋ ḍusun botĕn tĕbiḥ, tirtamaya cĕṭa layaṅaniŋ arga.

11. saŋ dyaḥ rara matur kakaŋ aku milu, ki umbul sadyana, miwaḥ tamunira kaliḥ, wus uméntar prapta tépiniŋ talaga.

12. ḍanu aguŋ tirtamaya jro kalaṅkuŋ, aṅalaṅut wiyar, puṅkasan tĕpi kaŋ sisiḥ, kawistara tĕka lambuṅiŋ prawata.

13. ndĕdĕr mañcut lir kukusan adĕgipun, wayaṅaniŋ arga, ṅaléla nèŋ tlaga kèkṣi, ñĕmburakĕn dahana sakiŋ iŋ kawaḥ.

14. wĕdaliŋ pyu tinon lir puṣpita arum, sumĕmbur tan kĕṇḍat, sumĕbar iŋ ṅawiyati, tumurunnya lir péndaḥ jawaḥ dahana.

15. ṛĕnèŋ kalbu radyan miwaḥ saŋ ṛĕtnayu, tan ṅĕmuṅkĕn iṅkaŋ, katiṅal iŋ ṅawiyati, asri tinon layaṅan kaŋ nèŋ talaga.

16. dadya jumbuḥ ṅaṇḍap ṅiṅgil sĕkar latu, katĕmbèn kaliḥnya, umiyat wĕdaliŋ api, tanpa kĕmba karya agcaryaniŋ driya.

17. nèŋ tĕpiniŋ talaga sadalu muput, sadaya tan néndra, nduṅkap wañci pajar gidib, radyan amit mariŋ ki umbul sadyana.

18. akṣamanta kaki maraŋ jĕnĕṅiṅsun, rèhiŋ wus rahina, kula lajĕŋ sakiŋ ṅriki, ndumugèkkĕn iŋ lampaḥ ṅupaya kadaŋ.

19. ki sadyana matur aṅgèr yèn panuju, waṅsula mriŋ wisma, pun nini wus ñaḍiyani, sasarapan sakawontĕnanniŋ arga.

20. iṅgiḥ kaki saṅĕt iŋ panrimahulun, pasihanta mriŋ waŋ, naṅiŋ mbujĕŋ mumpuŋ éñjiŋ, kyayi umbul ṇḍĕku umatur sumaṅga.

21. ulun matur pamudya rahyuniŋ laku, ywa na kara kara, iṅgiḥ kaki sami sami, iṅkaŋ kantun maṅgiha suka raharja.

22. sampun liṅgar sakiŋ iŋ lamoṅan gunuŋ, lajĕŋ lampahira, ruruntuṅan lawan ari, katri buras nèŋ wuntat datan atĕbaḥ.

23. lampahipun nèŋ ṅĕnu datan winuwus, prapta paḍukuhan, kaṇḍaṅan sukuniŋ wukir, iŋ sĕmèru talataḥ nagri lumajaŋ.

24. kèndĕl ana saṅaṇḍapiŋ mandira guŋ, iŋ tĕpiniŋ sĕṇḍaŋ, saŋ dyaḥ cawuk cawuk wariḥ, sarwi anon wadĕr baŋ kaŋ guŋ liwĕran.

25. tan karasa rapuniŋ sariranipun, kasĕṅsĕm myat mina, bayak molahakĕn ḍiri, èṣṭanira manĕmbrama mriŋ saŋ ṛĕtna.

26. tan pantara daṅu paṅagĕṅiŋ ḍukuḥ, iŋ kaṇḍaṅan prapta, kakasiḥ sèḥ amoṅbudi, lajĕŋ sasalaman kalawan rahadyan.

27. sawusipun jawab asta ki sèḥ matur, kula nilakrama, saŋ adi sintĕn kakasiḥ, lawan sakiŋ pundi kawijilannira.

28. ṅandika rum rahadyan maṅsuli wuwus, kula jayèṅsĕkar, sakiŋ nagari gaṛĕsik, iṅkaŋ wontĕn tĕpiniŋ sĕṇḍaŋ punika.

29. kadaŋ ulun rañcaṅkapti namanipun, kalunta ṅupaya, kadaŋ sĕpuḥ iṅkaŋ anis, radèn jayèṅrĕsmi tumĕkèŋ samaṅkya.

30. dèrèŋ paṅguḥ warta kéwala tan antuk, paman sintĕn nama, aṅgèr kaŋ sarju mastani, amoṅbudi pinisĕpuhiŋ kaṇḍaṅan.

31. karannipun sèḥ kaṇḍaṅan iŋ sĕmèru, kalamun sĕmbada, putrakula myaŋ kaŋ rayi, kapaṛĕṅa kampir ḍumatĕŋ wismamba.

32. aṅlĕṛĕpna sarira iṅkaŋ arapuḥ, tĕmbé yèn wus tiṅkas, sumaṅga iṅkaŋ kinapti, turṇya radyan ulun aṇḍèrèk sakarṣa.

33. amuŋ rarénipun dèrèŋ kula tantun, rara paran karṣa, pamintané amoṅbudi, iya kakaŋ prayoga kampir iŋ désa.

34. amoṅbudi kalaṅkuŋ sukaniŋ kalbu, radyan sakaliyan, wus kérit mriŋ ḍukuhnèki, praptèŋ wisma ṅaḷĕmpakkĕn kulawarga.

35. rabinipun kinèn asasaji gupuḥ, gantèn wédaŋ kahwa, gula siwalan rum manis, ḍaḍaharan sĕkul myaŋ ulam ulaman.

72. ḍaṇḍaŋgula

1. kawarṇaa dèn nira sasaji, wus samĕkta gya lumadyèŋ ṅarṣa, tinata kaṭarèk ṭarèk, sèḥ amoṅbudi matur, ḍuḥ nak aṅgèr biliḥ maṛĕṅi, pun bapa tur sugata, iŋ sawontĕnnipun, sah‍èstu kiraŋ mirasa, rèḥ paṛĕdèn samukawis sarwa laṅip, amuŋ karana allaḥ.

2. iṅgiḥ paman nadyan nĕmbé prapti, rahosiŋ tyas wus lalanan lama, tĕka tan na pakèwĕdé, amoṅbudi gumuyu, pan kakĕnan sabda saŋ pĕkik, rahadyan sakaliyan, anaḍaḥ pikantuk, riwussira cinarikan, linorodkĕn mriŋ ki buras wus abukti, tutuk dèn nira naḍaḥ.

3. amoṅbudi ṅañcarani maliḥ, laḥ punika pamaṅsĕg ḍaharan, wédaŋ kahwa ĕsĕs gantèn, jayèṅsari aṇḍĕku, kono yayi sasambèn liṅgiḥ, wus samya ḍaḍaharan, sakapaṛĕṅipun, rahadyan aris tatanya, arga pundi kaŋ mawa kukus kah‍èkṣi, sèḥ amoŋ aturira.

4. iŋ sĕmèru pucakiŋ kaŋ ardi, mawi kawaḥ dalu lawan siyaŋ, ndaḷĕdĕg mĕdal kukusé, muŋ asriŋ asriŋ ñĕmbur, ṅĕdalakĕn latu anaṅiŋ, tan karya kasaṅsaran, nahan wañci surup, baṣkara ginantyan wulan, wañci mahrib tinĕmbaŋ kĕṇṭoṅannèki, pra santri kaṭaḥ prapta.

5. samya ṅambil kaŋ toya astuti, maraŋ maśjid amaca salawat, adan kèndĕl sadayané, bakda adan gya laju, sunat mahrib dwi ṛĕkaṅati, anulya kinamadan, ṅaṅkat mahrib prĕlu, sèḥ amoŋ kaŋ dadya imam, radyan makmun sira nikèn rañcaṅkapti, nèŋ pawèstrèn makmuman.

6. lan sakèhé para santri èstri, tĕkèŋ waktu ṅisa wussiŋ bakda, sampĕt puji myaŋ doṅané, saŋ dyaḥ anulya waṅsul, nuṅgil lawan rakanirèki, éca aḷĕḷĕṅgahan, nèŋ srambiniŋ tajug, rañcaṅkapti ndaṅu buras, kaṭik mahu tan milu salat sirèki, buras matur manĕmbaḥ.

7. wussiŋ wulu gya kabĕḷĕt ṅisiŋ, wussiŋ céwok wulu atop batal, sĕmaṅiŋ tyas cariyosé, atop sudaranipun, lawan sarip niŋ mĕdal ṅiṅgil, sakiŋ pamanaḥ kula, wontĕn èmpĕripun, sabĕn waḍuk kula sĕbaḥ, botĕn ṅĕntut muŋ glègèkĕn wanti wanti, si sĕbaḥ tĕka mayar.

8. moṅbudi mèsĕm ṅandika aris, bagus buras glègèk datan dadya, ambatallakĕn wuluné, rahadyan ṅandika rum, buras sira matura kyayi, ĕndi kaŋ dadya gaṅgam, taṅgap majĕŋ matur, ḍuḥ kyayi sèḥ sah‍èstunya, iṅkaŋ dadya wĕnaŋ mokalé wulèki, lawan iṅkaŋ sĕmbahyaŋ.

9. ulun dèrèŋ uniṅa sayĕkti, amuŋ ilu ilu iŋ ṅakaṭaḥ, kula ñuwun sajatosé, amoṅbudi liŋnya rum, iya kacuŋ luwiḥ utami, rasanan bab agama, wĕnaŋ mokalipun, tinimbaŋ lan ñatur liyan, kagĕm cagak laḷĕṅgahan sawatawis, batallé wulu lima.

10. iṅkaŋ ḍiṅin mĕtu marga kaliḥ, ṅuyuḥ ṅĕntut ṅisiŋ sasaminya, piṇḍo turu ṅanti suwé, tan tĕtĕp luṅguhipun, piŋ tri ayan mĕndĕm lan bariŋ, piŋ catur gĕpok janma, kaŋ lèn mukrimipun, rinabèn kĕna kèn wĕnaŋ, kapiŋ lima ṅgĕpok dakar jubur parji, sunatiŋ wulu lima.

11. ḍiṅin masuḥ taṅannya kakaliḥ, piṇḍo kĕmu piŋ tri ṅumbaḥ karṇa, kapiŋ catur aṅiṅsĕp wé, déné piŋ limanipun, ṅusap siraḥ myaŋ giṭoknèki, prĕluné wulu apan, nĕnĕm prakarèku, iṅkaŋ ḍiṅin iku niyat, kapiṇḍoné masuḥ rahi kaŋ waradin, piŋ tĕlu masuḥ asta.

12. tuwin sikut kanan iṅkaŋ ḍiṅin, kapiŋ catur masuḥ bun ĕmbunan, kalima masuḥ sukuné, karo wit saka ḍĕṅkul, iṅkaŋ tĕṅĕn uga kaŋ ḍiṅin, anulya iṅkaŋ kiwa, tartib nĕnĕmipun, rut urut kaŋ wus kawĕḍar, ywa tumpaŋ so bataliŋ salat winarṇi, pan sawĕlas prakara.

13. iṅkaŋ ḍiṅin batal wulunèki, dwi katiban najis kapiŋ tiga, apan kĕbuka muraté, kapiŋ catur aṅinum, kapiŋ lima maṅan aṅĕmil, kapiŋ nĕmmé caturan, kapiŋ pitunipun, ṅamal iṅkaŋ kaṭaḥ kaṭaḥ, nuli nuli kapiŋ wolunipun nĕṅgiḥ, apan gumuyu suka.

14. kapiŋ saṅa muṅkur kéblat nĕṅgiḥ, piŋ sadasa rukun winuwuhan, lir rukun miṇḍo paminé, kapiŋ sawĕlassipun, ṅèṅĕtakĕn rukukirèki, lir rukuk saduruŋnya, ihtidal puniku, muṅguḥ ĕsahiŋ sĕmbahyaŋ, pan wowolu amintir iṅkaŋ rumiyin, dwi wruḥ prĕluniŋ salat.

15. katri bisa mbédakkĕn parluniŋ, kapiŋ catur wruḥ añjiṅiŋ wĕkdal, lima nutupi uraté, maḍĕp kéblat nĕmminipun, kapiŋ pitu awaké suci, piŋ wolu suci uga, sasaṇḍaṅannipun, paṅgonan lawan driyanya, dé prĕluniŋ salat wolulas winilis, kaŋ ḍiṅin iku niyat.

16. piŋ dwi takbiratul ékram katri, ṅadĕg catur amaca patékaḥ, apan rukuk piŋ limané, tumaninaḥ nĕmmipun, kapiŋ pitu ihtidal nĕṅgiḥ, piŋ wolu tumaninaḥ, ihtidal wussipun, sujud iṅkaŋ kapiŋ saṅa, piŋ sadasa tumaninaḥ jro sujudi, iṅkaŋ kapiŋ sawĕlas.

17. luṅguḥ antarané sujud kaliḥ, kapiŋ rolas luṅguḥ tahyat awal, piŋ triwlas tumaninahé, antaraniŋ dwi sujud, piŋ patblas luṅguḥ tahyat akhir, piŋ limalas salawat, iŋ jĕŋ gusti rasul, ana iŋ luṅguhé tahyat, iṅkaŋ akhir kapiŋ nĕmbĕlassé tartip, urut urut artinya.

18. piŋ pitulas pan muwalat nĕṅgiḥ, jaṅkĕp piŋ wolulas awèḥ salam, laḥ iku wĕnaŋ mokalé, sĕmbahyaŋ lawan wulu, buras matur saṅĕt kapuṇḍi, anaṅiŋ dèrèŋ apal, mĕṅko dèn mut émut, kalawan mapan tiḷĕman, wañci liṅsir ratri saŋ dyaḥ nulya guliŋ, nèŋ wiṅkiṅé kaŋ raka.

19. buras ṅaḍag aḍag andrĕmimil, ṅapalakĕn prĕluniŋ sĕmbahyaŋ, tan tutug anulya ṅorok, sĕsĕṅgoran ṅalindur, galègèkĕn nora mbatali, sanaké ṅapiŋ tiga, lan sikaki antut, kĕclap kĕclap sasĕṅgoran, radyan mèsĕm ki amoŋ umatur aris, prayogi sasaréyan.

20. iṅgiḥ paman maṅké sawatawis, paman kéwala aso iŋ wisma, amoṅbudi wusnya lèṅsèr, rahadyan apitĕkur, tĕka wañci iŋ pajar gidib, saŋ dyaḥ wuṅu tatanya, kakaŋ isiḥ luṅguḥ, waṅuné datan anéndra, lagi bah‍é rara ṅgoniṅsun ṅalilir, kakaŋ gugahĕn buras.

21. wusnya taṅi mriŋ balumbaŋ sami, asusuci ṅambil toya kadas, ki wisma maṛĕk ṅarṣané, suwawi aṅgèr waktu, samya subuḥ ki sèḥ ṅimami, wus bakda pupujiyan, lawan doṅa subuḥ, paragadé kaŋ pandoṅa, ṅandika lon radyan mriŋ sèḥ amoṅbudi, paman ulun aliman.

22. ndumugèkkĕn lampaḥ mupuŋ éñjiŋ, mugi sampun kiraŋ paṅakṣama, mriŋ kawula sadayané, sèḥ amoŋ aturipun, ulun ḍèrèkakĕn basuki, lawan atur ḷĕmĕṅan, ulam miwaḥ sĕkul, sambĕl windu kacaṅcina, kagĕm saṅu biliḥ rinta kalantiḥ, rèḥ tambuḥ kaŋ sinĕdya.

23. wédaŋ kahwa saloḍoŋ miranti, radyan matur saṅĕt panrimèṅwaŋ, paman amoŋ papasihé, pinariṅakĕn sampun, mriŋ ki buras wus dèn prantèni, ri wusira samĕkta, sasalaman gupuḥ, rahadyan anulya liṅgar, lawan ari buras nèŋ wiṅkiŋ añaṅkiŋ, loḍoŋ cacaḥ sakawan.

24. ṅliŋ wuḥ tĕmĕn gonku ṅgawa iki, yèn maṅguṅa dak caṅkiŋ kéwala, paṣṭiné bahuku ṭéyol, saŋ dyaḥ ñĕlaki gupuḥ, laḥ géṇḍoṅĕn bah‍é ya wis, bĕntiŋmu uculana, loḍoŋ papat sampun, ginéṇḍoŋ maraŋ ki buras, sakaliyan ḷĕpas dèn nira lumaris, sakiŋ baṅil maṅétan.

25. sakalaṅkuŋ ṛĕkasèŋ lumaris, tan cinatur laminya nèŋ marga, uwus aṅambaḥ sukuné, iŋ argapura gunuŋ, ṅalèr ṅétan sumĕṅkèŋ ardi, kaṭaḥ kaŋ sato wana, samya tutut tutut, mañjaṅan kidaŋ andaka, anèŋ marga sĕmu wĕlas aniṅali, maraŋ kaŋ andon lampaḥ.

26. mĕrak ṅigĕl kadya tĕdaḥ margi, satawana lumampaḥ nèŋ ṅarṣa, bayak kalawan kuṭuké, saŋ dyaḥ karénan ndulu, dadya supé luṅkrahiŋ ḍiri, kasĕṅsĕm dèn nya mulat, asriniŋ kaŋ taru, myaŋ kaṭahiŋ satowana, miwaḥ pakṣi suŋ swara kalanya ratri, lèrèḥ nèŋ paḍusunan.

27. dupi prapta lambuṅiŋ kaŋ ardi, sakiŋ mandrawa asri kawuryan, jèṅsari lon andikané, rara lamun panuju, kampir ḍukuḥ iṅkaŋ kah‍èkṣi, aṅlĕṛĕpkĕn sarira, lawan yèn kapraṅgul, kakaṅmas manawa ana, tan anané ṅupaya patakon mariŋ, janma kaŋ wus utama.

28. kakaŋ iya kalaṅkuŋ prayogi, kawarṇaa wiku argapura, sèḥ wahadad paparabé, tan samar iŋ pandulu, lamun ana putra lan putri, ayun sumĕṅkèŋ arga, cinipta wus rawuḥ, anèŋ ṅarṣané saŋ tapa, ḍuḥ bagéya jayèṅsari rañcaṅkapti, ana iŋ ṅarṣaniṅwaŋ.

29. jayèṅsari nikèn rañcaṅkapti, kagyat iŋ tyas déné saŋ paṇḍita, wus uniŋ mriŋ sarirané, maṅĕñjali umatur, kaŋ timbalan saŋ maha yogi, laṅkuŋ kaliṅga murda, sèḥ wahdat liŋnya rum, aywa éramiŋ wardaya, satuhuné iṅsun apan andarbèni, kabèḥ kuwasaniŋ hyaŋ.

30. paranbaya karṣanira kaki, déné lawan arinta wanudya, tĕka kasasar maréné, apa kaŋ sira ruruḥ, radyan nĕmbaḥ turira aris, sèstu tan kasamaran, mariŋ badanulun, saŋ tapa mèsĕm liṅira, tĕka bĕnĕr aturira maraŋ mami, lamun tan maṅkonowa.

31. nora parlu mahas iŋ asĕpi, sira kulup lawan sira rara, paḍa ṛĕṛĕpa iŋ kéné, lamun wus wĕktunipun, aliṅgara saka iŋ ṅriki, sarèhniŋ tanpa rowaŋ, ṅgoniṅsun susuguḥ, manut klĕṭĕkiŋ driyanta, parmaniŋ hyaŋ manawa bañjur ṅanani, ñatané kamurahan.

32. radyan lawan ari sru kapéṅin, bukti sĕkul puḷĕn paṅgaŋ puḍak, jaṅan mĕnir pĕcĕl ḍéré, ḍèṇḍèŋ mañjaṅan gĕpuk, lalap sladri cambaḥ kĕmaṅi, ḍaharan carabikaŋ, koci mĕndut timus, buras ṅgagas sĕkul gaga, blĕñik putiḥ pĕcĕl iso myaŋ sĕmaṅgi, ḍèṇḍèŋ pĕṇḍul mah‍ésa.

33. saŋ awiku aṅandika kaki, lan arinta maraṅa iŋ wisma, ḍahara apa anané, buras méṅo ndrĕkukul, ṅunandika ya talaḥ kyayi, tĕgĕl tĕgĕlé tawa, déné sĕpi samun, tan ana banèné janma, ndadak tawa siŋ dipaṅan apa aṅin, sèḥ wahdat mèsĕm liŋnya.

34. buras agé maraṅa iŋ panti, tilikana lamun wus samĕkta, matura ndaramu radèn, ki buras nĕmbaḥ mundur, dupi mlĕbĕt sajroniŋ panti, sĕkul ulam ḍaharan, gumĕlar pinatut, waḍahé myaŋ dèn nya nata, tambaḥ ṅuṅun déné ṅgonira kapéṅin, abukti sĕkul gaga.

35. saklĕṭĕkiŋ nala amĕpĕki, sru gĕgĕtun dèn nya méṅo ugiwa, sakala laṅkuŋ ajrihé, caṅkĕlak nulya waṅsul, makiḍupuḥ matur saŋ pĕkik, bĕndara kaŋ timbalan, saŋ adi pukulun, paduka kinèn aḍahar, wontĕn panti punika sampun miranti, kawula iṅkaŋ nata.

36. kulup rara ḍahara kĕriyin, buras bah‍é kaŋ aṅladènnana, katiganya sampun lèṅsèr, praptèŋ wisma sru ṅuṅun, maṅunahé janma linuwiḥ, ki buras lataḥ lataḥ, kula saṅĕt ṅuṅun, wontĕnipun sĕkul gaga, blĕñik ḍèṇḍèŋ pĕcĕl iso myaŋ sĕmaṅgi, punika gagas kula.

37. laṅkuŋ nikmat munpaṅatiŋ bukti, linorodkĕn mriŋ buras sadaya, cèplĕs tan ana turahané, maṛĕm sadayanipun, samya waṅsul maṛĕg saŋ yogi, nahan salaminira, nèŋ argapurèku, muŋ rahos nikmat munpaṅat, mĕnĕṅiŋ tyas maḍĕp èṅĕt iŋ hyaŋ widdhi, dadya braṅta iŋ sukṣma.

73. asmaradana

1. jayèṅsari rañcaṅkapti, tan mantra lamun ḍatĕṅan, wus kadya putrané ḍéwé, sèḥ wahdat ṅandika mriŋ dyaḥ, èḥ rara putraniṅwaŋ, dèn wĕruḥ mariŋ hyaŋ aguŋ, iku wajibiŋ kawula.

2. wruhana datiŋ hyaŋ widdhi, sipaté miwaḥ asmanya, apa déné apĕṅalé, ananiŋ hyaŋ iku ĕsa, tan ana kaŋ akarya, tan warṇa rupa dinulu, lan ĕsa apṅaliŋ sukṣma.

3. ṅanakakĕn bhumi laṅit, sabda kun sampun gumĕlar, sahisiniŋ jagad kabèḥ, ni rara matur iŋ rama, iŋ pundi ṅgèn uniṅa, kaŋ manaḥ dèrèŋ dumunuŋ, pah‍é ananiŋ kawula.

4. amba sampun ṅudanèni, mĕṅgaḥ dat sipatiŋ allaḥ, asma lawan apĕṅalé, iŋ pundi margané wikan, suka saŋ maha tapa, myarṣa aturé kaŋ sunu, aris wijiliŋ wacana.

5. iya wajibiŋ ṅahurip, yèn wis wayahé diwasa, ṅawruhana iŋ hyaŋ manon, wajibé lawan kaŋ mokal, miwaḥ jahisé pisan, iya sipat roŋ puluḥ, margané sira waspada.

6. sipat wujud iṅkaŋ ḍiṅin, tĕgĕsé wujuda iya, paṣṭi kalamun anané, ya kaananiŋ paṅéran, iku sipat napsiyaḥ, muŋ sawiji aran wujud, kapiṇḍoné sipat kidam.

7. maknané kidamma ḍiṅin, , tan ana ṇḍiṅini manèḥ, ḍiṅin lan kawitan ora, saduruṅé dumadya, bhumi laṅit awaŋ uwuŋ, loḥ kalam pan duruŋ ana.

8. atanapi ṅaras kurṣi, allaḥ taṅala wus ana, iku kidam kaŋ jatiné, arané sipat salbiyaḥ, wilaṅané lilima, baka laṅgĕŋ tĕgĕsipun, ananiŋ hyaŋ tanpa wĕkas.

9. sasirṇaniŋ bhumi laṅit, kaanané hyaŋ tan owaḥ, ya salbiyaḥ piŋ tĕluné, iya sipat mukalapaḥ, lil kawadis tĕgĕsnya, ananiŋ hyaŋ maha luhur, prabéda lawan kaŋ añar.

10. anané añar kinardi, sakiŋ ora dadi ana, kalamun rinusak kabèḥ, paḍa muliḥ maraŋ ora, sarupané kaŋ añar, séjéné lawan hyaŋ aguŋ, anané tanpa wĕkasan.

11. wal kiyamu binapsihi, tĕgĕsé anané allaḥ, jumĕnĕŋ anané ḍéwé, tanpa paḍa kaŋ añar, ana lawan kinarya, salbiyaḥ piŋ limanipun, aran sipat wahdaniyat.

12. maknané wahdaniyati, datiŋ allaḥ iku ĕsa, sipat miwaḥ apĕṅalé, iŋ paṅéran iku ĕsa, tĕgĕsé datiŋ ĕsa, pan ora suṅsun hyaŋ aguŋ, déniŋ ĕsa niŋ apĕṅal.

13. ndadèkkĕn bhumi laṅit, lawan sahisiné pisan, karyané ora kapiṇḍo, mokal lamun kapiṇḍowa, anané tanpa araḥ, tan ĕṅgon ṅisor myaŋ ṇḍuwur, nora kacakra iŋ driya.

14. wus ganĕp lilima uni, kaŋ aran sipat salbiyaḥ, kanĕm lawan napsiyahé, ana maniŋ sipatiŋ hyaŋ, sipat maṅani rannya, wiwilaṅané pitu, iṅkaŋ ḍiṅin sipat kodrat.

15. iya kodratiŋ hyaŋ widdhi, tĕgĕsé kodrat kuwasa, ṅanakakĕn iŋ orané, aṅorakakĕn kaŋ ana, déné sipat iradat, tĕgĕsé karṣa hyaŋ aguŋ, aṅanakakĕn kaŋ añar.

16. sakèhiŋ titaḥ pinaṣṭi, gĕḍé cilik ciyut amba, sakiŋ iradatiŋ manon, ana maniŋ sipatiŋ hyaŋ, ṅèlmu wastaniŋ sipat, ṅawikani makna ṅèlmu, wĕruḥ datan kasamaran.

17. pira pira aliŋ aliŋ, tan samar osikiŋ titaḥ, allaḥ ṅawikani kabèḥ, lawan maliḥ sipat kayat, maknané iku gĕsaŋ, iya uripiŋ hyaŋ aguŋ, urip tan kalawan ñawa.

18. sarupané kaŋ dumadi, uripé sarta lan ñawa, paḍa kĕna pati kabèḥ, allaḥ tan kĕna iŋ pĕjaḥ, déné ta sipat samak, amiyarṣa tĕgĕsipun, pamiyarṣaniŋ paṅéran.

19. tan samar myarṣa iŋ ḍiri, tan awarana miyarṣa, sipat basar iŋ maknané, allaḥ niṅali sa alam, ora kalawan nétra, tan samar sahisinipun, iku basariŋ paṅéran.

20. ya iku sipat maṅani, ganĕpé pipitu alam, sipat kalam iŋ tĕgĕsé, allaḥ taṅala ṅandika, datan sarana laṭi, ganĕpé sipat roṅpuluḥ, sipat maknawiyaḥ rannya.

21. paḍa lan sipat maṅani, pipitu tĕtĕp tĕtĕpan, sipat kadiran ḍiṅiné, muridan katri ṅalimun, kacatur sipat kayat, samiṅan piŋ gaṅsalipun, kanĕm kaŋ sipat basiran.

22. mutakaliman ñjaṅkĕpi, jaṅkĕpira kalihdasa, amuŋ sipat kayat kuwé, tan ana kaŋ tinaklukan, tanapi dadi sabab, sarupané sipat iku, kasaratan sipat kayat.

23. kayun tĕgĕsé kaŋ urip, iku sipat maknawiyaḥ, dadi roṅpuluḥ gĕnĕpé, sipat iṅkaŋ paḍa kocap, kabèḥ wujudiŋ allaḥ, iya kaŋ sipat roŋ puluḥ, nini sira kawruhana.

24. lawan kawruhana maniŋ, lidiŋ sipat kalihdasa, lidiŋ kula lawanané, wajibé kalawan mokal, déniŋ ananiŋ allaḥ, maha suci wastanipun, iŋ ajal lawan iŋ abad.

25. lidiŋ sipat kalihdési, ya iku mokaliŋ allaḥ, ṅadamuhdat iku ṛĕké, kabĕkta na ṅadam mokal, paḍa lawan kaŋ añar, taṇḍané allaḥ kaŋ aguŋ, iya gĕlaré kaŋ jagad.

26. lidiŋ kaŋ sipat maṅani, tétéla iŋ maknawiyaḥ, dèn awas tasbèḥ tañjihé, sakèhé sipat kaŋ kocap, tan ĕsaḥ tékadira, taklid jĕnĕṅé puniku, paṅawruhirèŋ paṅéran.

27. tĕgĕsé kaŋ basa taklid, atitiron ujariŋ lyan, nora micorèŋ ḍèwèké, anunular iŋ pawarta, tékadé ora ĕsaḥ, taklid pasis jĕnĕṅipun, rusak iṅkaŋ panarima.

28. dèn nastiti sira nini, aja ṅambaḥ kadariyaḥ, tanapi jabariyahé, dadalan ṅroro pan samar, aṅapit kalihira, mriŋ dadalan suni iku, wajib paḍa siṅkirana.

29. woŋ kadariyaḥ yèn aṅliŋ, ananiṅsun iki tuwan, dinadèkĕn iŋ hyaŋ manon, miwaḥ paṅuwasaniṅwaŋ, sasolaḥ bawaniṅwaŋ, tanpa darbé paṅwasèku, aṅiŋ paṅéran kaŋ molaḥ.

30. lamun aṅucap woŋ suni, ananiṅsun iki tuwan, andadèkĕn maraŋ iṅoŋ, miwaḥ paṅawasaniṅwaŋ, tanapi kuwatiṅwaŋ, pinaṛĕṅakĕn puniku, kalawan karṣaniŋ allaḥ.

31. rama dados iṅkaŋ mañjiŋ, ḍumatĕŋ sipat napsiyaḥ, namuŋ satuṅgal wujudé, kaŋ mañjiŋ sipat salbiyaḥ, punika iṅkaŋ gaṅsal, pan sipat kidam puniku, kalihipun sipat baka.

32. katri mukalawatu lil, kawadis ka catur wal, kiyamu bi napsiyané, wahdaniyat jaṅkĕp gaṅsal, iṅkaŋ umañjiŋ sipat, maṅani apan pipitu, kodrat lawan iradat.

33. tri ṅèlmu catur kayati, samak basar lawan kalam, punapi makatĕn ṛĕké, kaŋ mañjiŋ iŋ maknawiyaḥ, ugi sami kasapta, sipat kadiran dwinipun, muridan katri ṅaliman.

34. sipat kayun caturṇèki, gaṅsalnya sipat samiṅan, sipat basiran nĕnĕmé, mutakaliman saptanya, saŋ wiku suka ṛĕna, wasana ṅandika arum, iya uwus bĕnĕr rara.

35. sawisé winĕjaŋ ṅèlmi, iŋ rama saŋ ayu késaḥ, amĕŋ amĕŋ pakaryané, iṅuguŋ dinama dama, atmajèstri sajuga, maṅkana ṛĕtnaniŋ ayu, ṅandika maliḥ iŋ rama.

36. maṛĕk nikèn rañcaṅkapti, iŋ rama sarwi wotsĕkar, tĕka bahut léléwané, aḷĕṅgaḥ ṅarṣaniŋ rama, maharṣi argapura, paṅandikanira arum, gusti putrané pun bapa.

37. sira luṅa maraŋ ĕndi, tĕluŋ dina luṅa tĕka, kalawan sira maniṅé, sabĕn dina olèḥ kĕmbaŋ, argulo sumarṣana, lawan sĕkar tuñjuŋ tutur, jĕlampraŋ naga puṣpita.

38. saŋ dyaḥ nĕmbaḥ matur aris, kula kĕkariŋ mriŋ wana, pupuṇṭuk guwa tlagané, sukaniŋ tyas myat kusuma, ganda arum aṅambar, wontĕn iṅkaŋ takṣiḥ kuḍup, ṅajĕṅakĕn mbabar ganda.

39. cinarita saŋ apĕkik, siaŋ dalu tansaḥ ṅarṣa, ḍahar néndra ṅantya supé, saŋ wiku ṛĕsĕpiŋ nala, wus tumplĕg ṅèlmunira, mĕpĕg birahi saŋ bagus, mariŋ paṅéran kaŋ ñata.

40. jèṅsari myaŋ rañcaṅkapti, makiḍupuḥ ṅarṣèŋ rama, katon mawĕlu nétyané, lir sasaṅka karahinan, saŋ wiku duk umawas, sĕmuné kaŋ makiḍupuḥ, arum wijiliŋ wacana.

41. babo sutaniṅsun kaliḥ, iŋ wañci éñjiŋ maṅkata, maraŋ arga rawun ranné, wussé sawatara dina, ana iŋ rawun arga, bañjura mriŋ bañuwarum, tĕmbé katĕmu naṅkoda.

42. saka pakaloṅan nagri, kalamun sira binĕkta, tĕka anuruta bah‍é, yèn wus tĕka pakaloṅan, ajalnya ki naṅkoda, sabaraŋ tilarannipun, bañjur sira siḍĕkaḥna.

43. mriŋ pĕkir miṣkin nak yatin, ṅèṅèhĕna sawatara, kaṅgé saṅu sacukupé, maraṅa parahu arga, ñjujuga arga bisma, kono ana krajan aguŋ, arané iŋ sokayasa.

44. kyagĕŋ sokayasa kaki, wus sinĕbut waliyollaḥ, sidik tĕrus paniṅalé, jujuluk sèḥ akhadiyat, darbé atmaja juga, jalu warṇanya abagus, blañcèr kadya narayana.

45. ki mas cĕbolaŋ kakasiḥ, samĕṅko lagi lalana, calon linuhuŋ yĕktiné, lagya aṅlakoni rucaḥ, lamun wus tinarbuka, pinariŋ èṅĕt hyaŋ aguŋ, cĕbolaŋ muliḥ priyaṅga.

46. sira suwitaa kaki, kalawan rinta si rara, gugunĕn paṅandikané, waktu iku wus anduṅkap, kapaṅgiḥ lan kakaṅta, yèn sira wus adudunuŋ, nèŋ wanataka paṅgiḥnya.

47. kulup iki uwus wañci, sakaroné umaṅkata, sundoṅakkĕn sira aṅgèr, salamĕt iŋ saṅkan paran, maṅgiha suka wirya, sakaliyan matur nuwun, nĕmbaḥ lèṅsèr sakiŋ ṅarṣa.

74. maskumambaŋ

1. sanalika lir mas tumimbul iŋ wariḥ, ḷĕpas lampahira, tan ana saṅsayèŋ margi, nir lapa arip myaŋ sayaḥ.

2. tyasnya karo kandĕl kumandĕl iŋ widdhi, was uwas tan ana, tan lyan pasraḥ iŋ hyaŋ widdhi, solahé raga lir saraḥ.

3. anèŋ lahut anut ombakiŋ jaladri, dadya tan rumaṅsa, lamun kwasanya pribadi, kabèḥ kuwasaniŋ allaḥ.

4. myaŋ winantu iŋ saba risaŋ linĕwiḥ, gañcaṅiŋ kaŋ lampaḥ, wus prapta iŋ rawun wukir, kèndĕl tĕpiniŋ talaga.

22. iŋ ṛĕdi rawun pinaṅgiḥ wiku putri wasta ṛĕtna tan timbaṅsiḥ, amĕḍarakĕn bab : kadis markum iṅkaŋ aṅgambarakĕn candraniŋ napsu sakawan sami mĕmĕṅsahan, wĕkasan napsu mutmahinaḥ iṅkaŋ mĕnaŋ.

5. kacaryan mbĕk anon wĕniṅiŋ kaŋ wariḥ, samodra supitan, iŋ bali cĕṭa kah‍èkṣi, joŋ layar akĕṭap kĕṭap.

6. krajan ḍusun paḍukuhan lawan sabin, tĕgal pakĕbonnan, pasĕtrèn tĕpiniŋ kali, tinon sakiŋ tĕpi tlaga.

7. apapaṇṭan coraḥ coraḥ katon gasik, myaŋ turunniŋ toya, suḍètan sakiŋ tĕlagi, lir sarpa sotya lumarap.

8. praptèŋ ṅaré dadya lèpèn guŋ médahi, sabin patĕgalan, tan ana kuraṅan wariḥ, mila sakèhé tanĕman.

9. subur subur ron ijo wĕnĕs dumĕliŋ, sĕkar samya mĕkar, wowohan wohé ṅĕmohi, mawèḥ sĕṅsĕm tiniṅalan.

10. sapucakiŋ arga rawun pan kah‍èkṣi, iṅkaŋ paḍĕkahan, kinubĕŋ iŋ taru asri, capaka pĕṭak caṇḍana.

11. marga mubĕŋ kadya sarpa muḷĕt iŋ wit, satĕpiniŋ marga, kanan kériŋ dèn tanĕmi, sasĕkaran warṇa warṇa.

12. sajawiniŋ sasĕkaran kalèn alit, binatur iŋ séla, cĕmĕŋ pĕṭak miwaḥ abrit, amalipir anut marga.

13. awurahan pakṣi saliṇḍitan ori, bèṭèt atat kĕmbaŋ, raŋ uraṅan mañcawarṇi, drĕkuku dĕruk sĕpahan.

14. méñco jalak pĕñu urèn klawu putiḥ, prĕkutut nèŋ ĕpaŋ, anduduk layu dumĕliŋ, mañura ṅigĕl kirab lar.

15. rañcaṅkapti matur raka saŋ apĕkik, kakaŋ kaŋ kawuryan, pucakiŋ prawata iki, waṅuné kaya ḍukuhan.

16. baya iki margané muṅgaḥ mriŋ ṅiṅgil, kaŋ ṅgubĕt iŋ arga, tĕṅaḥ arata tur gasik, kinamaḍa sasĕkaran.

17. kalèn alit binatur séla warṇa tri, tirtanira maya, payo kakaŋ diuṅgahi, mĕnèk ana kaŋ ḍaḍĕkaḥ.

18. sakalihé wus mañjat aṅgraniŋ wukir, buras anèŋ wuntat, ṛĕṅĕŋ ṛĕṅĕŋ sukèŋ ati, kataṇḍa ḷĕjariŋ driya.

19. dupi prapta iŋ pucak kèndĕl jawiniŋ, pagĕr sĕsĕkaran, argulo baŋ jĕné putiḥ, ijo dadu kapuranta.

20. sinalisir kataŋ putiḥ sĕkar wilis, sajawiniŋ ḍaḍaḥ, pinagĕran séla laṅkiŋ, gapuranira maju pat.

21. palataran winĕḍi maléla laṅkiŋ, tinĕpi ubĕŋnya, séla lintaŋ sakĕmiri, gĕŋ rampak tinata wrata.

22. balékambaŋ anèŋ tĕṅaḥ waṅun caṇḍi, marginya maju pat, tĕrus iŋ gapuranèki, naṛĕṇṭĕŋ marga sukĕtan.

23. wot pañjalin iṅĕnam limarkataṅi, piṅgirṇya lajuran, pucuk tumañcĕp iŋ siti, ron samya trubus ṅrĕmbaka.

24. kaŋ iṅambaḥ mañcèrèt tan ana sĕmi, amuŋ kériŋ kanan, saasta kaŋ samya sĕmi, iṅgil saḍaḍa watara.

25. umbul iṅkaŋ ṅidĕri sah‍éṅga caṇḍi, iṅiṅonan mina, guramèḥ myaŋ tambra abrit, bayak kadya laṅĕn taya.

26. kawarṇaa kaŋ ḍéḍépok tĕṅaḥ bèji, wanita wus raṇḍa, mañcĕnniŋ ṛĕsik gumriniŋ, cahya anukṣmèŋ sasaṅka.

27. rara sukci wahdat datan mawi krami, oliya wanita, kyattiṅrat dyaḥ tan timbaṅsiḥ, duk uniŋ ana ḍatĕṅan.

28. miyos sakiŋ yasakambaŋ ṅoré wèni, siñjaŋ ḷĕḷĕmĕsan, sumĕkan gaḍuŋ malaṭi, rimoŋ sutra ḍasar jĕnar.

29. ṅawé awé paṅandikanira manis, babo putraniṅwaŋ, ywa kadaṅon anèŋ ñjawi, bañjura mlĕbu kéwala.

30. kaŋ sinuŋ liŋ kagyat gya lumĕbĕt aglis, praptaniŋ ṅayunan, ṅrahup pada ganti ganti, riwussira ṅrahup pada.

31. rañcaṅkapti kinaṇṭi saŋ maha yogi, radèn anèŋ wuntat, kalawan ki buras santri, wus umañjiŋ paḍépokan.

32. niṣṭa wolu sakawan gĕḍoṅirèki, jrambaḥ ginĕlaran, praṅwadani catur warṇi, satĕṅahiŋ kaŋ jarambaḥ.

33. paḷĕṅgahan séla caṇḍani iṅukir, luŋ luṅan sĕkaran, ṅaṇḍap aṅroŋ piṇḍa kurṣi, bundĕr pinara sakawan.

34. aṅajĕṅkĕn gapura kaŋ mariŋ ñjawi, siṅgĕtan sakawan, iṅukir aṅukĕl pakis, sèṇḍènan ḷĕgok lus gilap.

35. trus iŋ ṅiṅgil dadya laṅitan cinawi, ron myaŋ sasĕkaran, nèŋ añjaŋ añjaŋ aṅrĕmit, iŋ pucak ḍaṇḍaŋ kirab lar.

75. ḍaṇḍaŋgula

1. jroniŋ panti catur gĕḍoṅnèki, kaŋ lèr wétan séla baŋ kinarya, sarwa abaŋ ṛĕṛĕṅgané, lèr kilèn séla piṅul, sarwi pĕṭak raṛĕṅganèki, kidul kilèn kaŋ séla, jĕnar ḍasaripun, raṛĕṅgannya sarwa jĕnar, kidul wétan séla itĕm kaŋ kinardi, raṛĕṅgan sarwa krĕṣṇa.

2. gĕḍoŋ catur caṇḍélanya tuṅgil, satĕṅahiŋ wiwara maju pat, pan samya ṅaliḥ lawaṅé, mriŋ jarambaḥ kaŋ ṅayun, sajuganya samya nĕṅkĕri, iṅukir ṛĕṛĕmitan, sĕsĕkaran ĕluŋ, pipi lawaŋ kériŋ kanan, ḍapur naga muḷĕt wit aṅraṅsaŋ pĕkṣi, iṅkaŋ andon woḥ wohan.

3. datan uwus raṛĕṅganiŋ tulis, wawarṇané iṅkaŋ paḍépokan, wiku sukci asramané, radyan myaŋ arinipun, tiga buras tan ana aṅliŋ, sru éram iŋ wardaya, gèḍèg gèḍèg ñjĕtuŋ, rara sukci wus aḷĕṅgaḥ, majĕŋ ṅétan nèŋ téṅaḥ jarambaḥ asri, katiga muṅgwèŋ jrambaḥ.

4. tan timbaṅsiḥ manis wiyosiŋ liŋ, kulup rara iṅsun nilakrama, kasiḥ para sakaroné, lan ṅĕndi pinaṅkamu, prapta kéné apa kinapti, asamun sĕpi sĕpa, tur wĕrit kalaṅkuŋ, iŋ marga akèḥ babaya, tur apriṅga kaŋ kaambaḥ paraṅcuri, sapa kaŋ tuduḥ sira.

5. radyan matur saha maṅĕñjali, ḍuḥ pukulun kakasihiŋ sukṣma, amba matur sayĕktiné, jayèṅsari ran ulun, ari èstri pun rañcaṅkapti, réñcaŋ nama pun buras, sakiŋ surèṅkéwuḥ, praja iŋ giri kaḍatyan, aṅulati kadaŋ sĕpuḥ iṅkaŋ anis, jayèṅrĕsmi paparab.

6. pan kalunta praptèŋ argapuri, kapaṅgiḥ sèḥ wahadat punika, kaŋ suŋ tĕdaḥ mriŋ dasihé, sabdané saŋ linuhuŋ, tĕka gampil praptèŋ ṅoŋ ṅriki, wiku rara ṅandika, sèḥ wahdad puniku, satuhuné kadaṅiṅwaŋ, yakul mukmin iŋ paṅawruḥ wus anuṅgil, rara sukci sèḥ wahdad.

7. kulup rara paṅaṅgĕp dèn sami, di kaya duk anèŋ argapura, dupi miyarṣa rahadèn, mahyakkĕn sru panuwun, kaŋ timbalan saŋ maha èstri, maṅkana cinarita, sabĕn arinipun, iŋ tyas maṅguŋ suka ṛĕna, sajuga ri wikwèstri pinarak muṅgwiŋ, tĕpiniŋ yasakambaŋ.

8. aṅsuŋ bhoga gramèḥ tambra abrit, jayèṅsari lawan rañcaṅkaptya, makiḍupuḥ nèŋ ṅarṣané, wikurara liŋnya rum, kulup rara dakcaritani, margané raganiṅwaŋ, mahas iŋ asamun, tan atolèḥ kadaŋ warga, sakawité iṅsun amaca kintèki, ran kadis markus baslam.

9. ṅgonku maca ṅanti wola wali, iṅsun rasa rasa surasanya, dadya anaṇḍaŋ wiragé, yayaḥ kusumaniŋ rum, wus diwasa baratèŋ krami, puṅkasiŋ paṅgrahita, tan lyan iŋ asamun, rahadyan umatur nĕmbaḥ, kadiparan cariyosipun kaŋ kadis, tĕka karya wigĕna.

10. rañcaṅkapti matur maṅĕñjali, bok iṅgiha kapaṛĕŋ iŋ driya, amĕḍarkĕn cariyosé, sadaya kaŋ kasĕbut, wontĕn kadis saŋ wiku putri, mèsĕm sarya ṅandika, rara pañjalukmu, caritané markum baslam, dak wiwiti saka bubukaniŋ tulis, iki piyarṣakĕna.

11. haḍa bayanul bihahinati, ya ayu halladina amana, wan sikhan waman bah‍é, kayat luwamanhu, wabil umaratu khayati, waman supiya tukha, wahina kayatu, wawimutmahina tukha, sapinati khamil saratu albahri, kharijul pilbansukha.

12. nĕṅgiḥ wontĕn carita winarṇi, lapal sakiŋ kadis markum baslam, ḷĕḷĕpiyan supayané, dadya paṅémut émut, wruhiŋ taṇḍa tĕpa palupi, nĕpsu kaŋ ginupita, luwamaḥ rippipun, urippé nĕpsu amaraḥ, lan urippé nĕpsu supiyaḥ puniki, lan nĕpsu mutmahinaḥ.

13. raja mutmahinaḥ kaŋ winarṇi, ajujuluk saŋ prabhu dyatmika, sukṣma mulya paparabé, pan kaṇḍané iŋ wahyu, nagarané lali muslimin, tan abala sajuga, sĕktiné kalaṅkuŋ, kawasa misésa iŋ rat, nora ana iṅkaŋ paḍa aṅlawani, sajagad mati atab.

14. amuŋ cipta bah‍é balanèki, sakĕḍap bala tanpa wilaṅan, saŋ mutmahinaḥ kwasané, lamun tan darbé kayun, nora duwé bala sawiji, aṅijaban idayat, maṅkana cinatur, gantya iṅkaŋ kawuwussa, ana ratu tĕtĕlu prakosa luwiḥ, samya arda prakosa.

15. bisikannira śri narapati, ajujuluk mahraja luwamaḥ, raja amaraḥ ariné, déné wuragilipun, saŋ raja supiyaḥ pawèstri, prawira mandraguna, ḷĕmbut karya luput, samya bala tan pétuṅan, saḍukut sakiŋ tri sagrĕmĕttiŋ bhumi, sawĕḍiniŋ sagara.

16. saŋ raja katri miyos tinaṅkil, mĕdal sadaya bala durbala, tiŋ prĕṅaṅaḥ ṅamé amé, aṅamé mamaḥ mumuḥ, kyana patiḥ maṅkubilahi, tumĕṅguŋ kamandaka, myaŋ arya paṅriḍu, pañji wirajahil séba, raṅga wirakĕmat raṅga waniṅisin, lan raṅga tisnacidra.

17. aṅabèhi surawiraŋ naṅkil, aṅabèhi kiyanat aséba, lan ṅabèhi plénya pléñé, ṅabèhi tĕbĕl ṅĕpluk, lan ṅabèhi rucibĕsiwit, ki dĕmaŋ doyanmaṅan, dĕmaŋ siptaturu, lan kyayi dĕmaŋ antukan, lan ki dĕmaŋ trocoḥ dĕmaŋ srĕgĕp ṅisin, ki luraḥ ḍososugal.

18. luraḥ ras arasĕn ṅĕbluk naṅkil, lan luraḥ tan grahita aséba, lan kyayi luraḥ kalalèn, sadaya anèŋ ṅayun, pêpak aṇḍĕr samya anaṅkil, ṅandika śri naréndra, raja luwamahu, mriŋ ari raja amaraḥ, miwaḥ maraŋ jĕjĕṅgul para bhupati, kĕpriyé kaṛĕpira.

19. iŋ pratiṅkaḥ déra maṅuñjurit, aṅrusak mriŋ raja mutmahinaḥ, binĕrat pinriḥ sirṇané, aja na kaŋ kadulu, nora nana dadya ñampahi, iŋ kaprawiraniṅwaŋ, kaŋ rayi umatur, yèn sĕmbada karṣa nata, linurugan lajĕṅa ginĕpuk wani, kajĕṅé tumpĕs pisan.

20. sampun ṛĕmbag sadaya kaŋ pikir, sampun ṛĕmbag saŋ raja luwamaḥ, yèn wus maṅkono ṛĕmbugé, nuli linakon gupuḥ, aja koṅsi klayatan budi, aḍi raja amaraḥ, iya sabalamu, miwaḥ arinira pisan, ya si aḍi raja supiyaḥ ywa kari, aṅkatna balanira.

21. nulya saŋ raja amaraḥ aṅliŋ, mriŋ patihira aṅkaramurka, kinèn buḍal sabalané, mijil siŋ nagrinipun, astanané ana iŋ ati, ati puwat ṅgonira, iŋ sajatinipun, puwat punika lilimpa, paṅwasané panastèn sabaraṅkardi, budiné saŋ amaraḥ.

22. ni raja supiyaḥ aṅuṇḍaṅi, mriŋ patihé ni bok jajawatan, lan ni tumĕṅguŋ ñalèrèŋ, ñi arya guyu guyu, lawan ñahi kiniñcaṅalis, ñahi raṅga èsĕman, ñahi adusĕmu, kalawan ñahi parikan, ñahi ṇḍèpèl ñahi wèwèḥ waṅi waṅi, ñahi grĕgĕtĕn nékat.

23. mijil sakiŋ iŋ manaḥ maknawi, iku pupusuḥ sajatinira, ana déné paṅwasané, péṅinan baraŋ kayun, ayun ṅayaŋ sruniŋ kapéṅin, nulya raja luwamaḥ, aṅuṇḍaṅi gupuḥ, mriŋ patiḥ mĕṅkucilaka, sabalané tumĕṅguŋ arya ṅabèhi, kumĕrap bala kuswa.

24. nĕṅgiḥ mĕdal sakiŋ ati siri, siri punika sajatinira, iŋ jajantuŋ sayaktiné, déné paṅwasanipun, maraŋ kaṛĕp kaṛĕp abukti, sabaraŋ kaŋ pinaṅan, sruniŋ parikudu, lalénan sabaraṅkarya, rupanira luwamahi saŋ cahyèki, déné nĕpsu amaraḥ.

25. cahyanira abaŋ aṅlaṅkuṅi, déné nĕpsu supiyaḥ cahyanya, nĕṅgiḥ akuniŋ rupané, nĕpsu katri punika, aṅrĕgĕdi cipta kaŋ ĕniŋ, mĕṅgaḥ ĕniŋ punika, nĕpsu kaŋ rahayu, iya nĕpsu mutmahinaḥ, astanané anèŋ ati sanubari, iku ati sampurṇa.

26. cahyanira putiḥ anĕlahi, paṅwasanira sabar narima, tuma ninaḥ rèrèḥ sarèḥ, tawĕkal iman ayu, punika kaŋ arṣa jinoḍi, mriŋ saŋ prabhu luwamaḥ, myaŋ sawadyanipun, gumuruḥ ṅèbĕki jagad, mara tĕlu iŋ marga lampahé baris, ri saŋ raja luwamaḥ.

27. mĕdal sakiŋ iŋ tutuk aṅgili, pĕnuḥ gumraḥ asru swaranira, raja amaraḥ guruṅé, iŋ taliṅan ambrubul, tiŋ saṛĕbĕt sĕsĕg kaŋ baris, mbarabas sasrĕmpĕṅan, jampĕŋ tanpa ṅruṅu, déné ni raja supiyaḥ, mĕdal sakiŋ iŋ nétra anduduk andik, andadak kĕdakira.

28. gya prapta iŋ ati sanubari, sigra kinĕpuŋ binaya maṅap, binaṭiṭit sampĕt kabèḥ, kaŋ dadi agul agul, para patiḥ katiga èstri, prakosa mandraguna, ampuḥ iŋ praŋ pupuḥ, taté aṅrusak agama, apan bisa aṅrĕmĕt pĕṅgawé bĕcik, muḍarakĕn iŋ tapa.

29. aṅlalèkkĕn paṅgawéyan bĕcik, mulané akèḥ woŋ kĕnèŋ ala, tĕka iŋ tiṅkahé ḍéwé, sababé déné nĕpsu, dadi jalaranniŋ bilahi, rosaniŋ kaŋ luwamaḥ, lan amaraḥ nĕpsu, supiyaḥ digdayanira, sabĕn dina mumuruŋ paṅgawé bĕcik, aja na kaslamĕtan.

30. wus tinata ṅgonné ṛĕbut titiḥ, saŋ raja mutmahinaḥ atampa, niṅali muṅsuḥ praptané, aṅgoragoḍa puṅguŋ, nulya ñipta bala guŋ prapti, pra bhupati puṅgawa, aṇḍĕr ṅarṣanipun, pinacak satuṇḍa tuṇḍa, kyana patiḥ sabar maklum anèŋ ṅarṣi, tumĕṅguŋ tumaninaḥ.

31. arya prasaja arya bèrbudi, ṅabèhi mantĕp tĕmĕniṅkarṣa, ṅabèhi liladanané, raṅga éklas nèŋ ṅayun, raṅga tawĕkal myaŋ dĕmaŋ sidik, lan dĕmaŋ musawarat, lan dĕmaŋ tapakur, pêpak sadaya nèŋ ṅarṣa, ṅandika saŋ raja mutmahinaḥ siṅgiḥ, mriŋ wadyabalanira.

32. èḥ ta priyé kaṛĕpira iki, ana muṅsuḥ datanpa wilaṅan, aṅrusak iŋ manaḥ salèḥ, ki patiḥ sabar maklum, matur iṅgiḥ lamun suwawi, saajaṅané ajaŋ, prayogi pinagut, iŋ pupuḥ linawan iŋ praŋ, aṅandika saŋ prabhu iya dèn bĕcik, apraŋ lawan woŋ kopar.

33. nulya maṅkat barissira ririḥ, sakiŋ ati sanubari ika, mĕdal iŋ grana luruṅé, aputiḥ cahyanipun, sampun prapta cuṇḍuk kaŋ baris, samya ayun ayunan, sampun iŋ praŋ pupuḥ, mumuṅsuhan tataṇḍiṅan, kaŋ bhupati sami bhupati ajurit, praŋ bala sami bala.

34. maṅku blahi lan rahayu budi, aṅkaramurka lan tumaninaḥ, siptaturu lan bĕtaḥ mlèk, ramé pupuḥ pinupuḥ, doyan maṅan lan bĕtaḥ ṅĕliḥ, pun jahil lan prasaja, pan pĕluk pinĕluk, ki srèhi muṅsuhan sabar, ki jubriakibir lan ki sarèhjurit, ramé abaṇḍayuda.

35. gĕnti titiḥ tinitiḥ iŋ jurit, udrĕg udrĕgan sadina dina, tan ana kasor karoné, raja luwamaḥ ndulu, mriŋ balané dèn nya ajurit, juritté tanpa wĕkas, tanana sor uṅgul, sigra saŋ raja luwamaḥ, aṅuṇḍaṅi bala babantuniŋ jurit, wadya prajurit bhuta.

36. piraŋ piraŋ bhuta tanpa wilis, paṅgĕḍéné pun drĕmbadurṣila, pun gugur tiṅkaḥ sawĕnèḥ, myaŋ pun bĕruŋ brĕguduŋ, pun dĕkṣura pun tobatṅĕliḥ, pun biṅuŋ anĕmpuḥ byat, pun gĕragas ṅuṭuḥ, pun kalana gas ĕgasan, pun bĕsono lan pun ḍĕṅglĕŋ orah‍éliŋ, pun ṅluka ṅawut wuta.

37. sigra kinèn tumandaŋ iŋ jurit, raja luwamaḥ paréntahira, biñukan kèḥ woŋ sijiné, krubutĕn loro tĕlu, krubutĕn pat dimèn glis mati, kabèḥ nuli sirṇaa, aja na kaŋ muṅgut, si binataŋ kaslamĕtan, nora patut gawéné aṅrusak kibir, amumuruŋ cilaka.

38. wus dèn aglis pĕpĕssĕn iŋ jurit, sigra tumandaŋ nĕpsu ṛĕkṣasa, ambĕg sru krura tandaṅé, ṅrubut nĕm pitu wolu, mĕmĕt sampĕt pĕpĕt ṅèbĕki, baṅkak aṅaṅkak aṅkak, kaŋ jagad macucu, ciyut kacakot iŋ bhuta, dadya pĕcat bala kasucian tapis, apĕs tumpĕs sadaya.

39. bala iŋ kasucian binukti, minaṅka dadya paṅanniŋ bhuta, sĕgĕr sumyaḥ ḷĕga tyasé, atuwuk maṅgut maṅgut, nora nana bala kah‍èkṣi, muŋ kantun ratunira, kaŋ makṣiḥ ṅuṅuwuŋ, risaŋ raja mutmahinaḥ, duk tumiṅal tumpĕssé balanirèki, asabil kamalira. 

76. sinom

1. wontĕn kaholiŋ ṅulama, muktamat para musanip, wiwiniḥ nĕpsu punika, iya iṅaranan budi, budi iṅkaŋ dumadi, martabat akatdiyattu, nèŋ gahibul uwiyaḥ, latakyun iŋ nukat gahib, budi iku minaṅka warananiŋ hyaŋ.

2. karana iku wus ñata, wujutolaḥ datolahi, iŋ roro roroniŋ tuṅgal, manuṅsa kalawan budi, budi kalamolahi, manuṅsa aṅga arasul, siṅa iṅkaŋ ṅarannan, ya manuṅsa iya budi, nora pah‍é kawasa misésèŋ titaḥ.

3. ṛĕbut ñjĕro ṛĕbut ñjaba, manuṅsa kalawan budi, lir ĕmas lawan tĕmbaga, campur kinoṭok iŋ kowi, sirṇa jĕnĕṅé kaliḥ, dadya suwasa rannipun, karana iku paḍa, manuṅsa kalawan budi, budi iku wujudé napsu sakawan.

4. napsu sakawan punika, wujudiŋ manuṅsa yĕkti, pah‍ésan pamawassira, manuṅsa maraŋ iŋ budi, yèn luput aṅlimputi, budi iŋ luwamaḥ iku, wus tan kĕna tinambak, ambĕk durbala ṅĕbĕki, puguḥ nora aṛĕmpit durṣila dadya.

5. yèn tajĕm pamawassira, kĕna utamaniŋ budi, budi aṅlimputti maraŋ, iŋ mutmahinahirèki, nĕṅgiḥ paṛĕk iŋ widdhi, awidada maṅgiḥ ayu, ayu badan tan kĕna, iya alamiŋ hyaŋ widdhi, samonowa iŋ ṅèlmu duruŋ pasaja.

6. milané tansaḥ rinĕṅga, muriḥ moñcèra kaŋ warti, iŋ iman kaŋ wus istijab, iŋ gunĕm piniṅit piṅit, kurmat pah‍édaḥ taklim, iŋ ṅèlmu supayanipun, ḷĕpas iŋ paṅgrahita, uṇḍakiŋ budi kaŋ dadi, tansaḥ mukawahdat takabul mumulaŋ.

7. iŋ kahol walahuwalam, maṅsuli carita maliḥ, risaŋ raja mutmahinaḥ, sasirṇané balanèki, pratignya pasaṅgiri, yèn manuṅsa kudu ayu, muga kinuwatĕna, naḍahi muṅsuḥ salaṅit, yèn manuṅsa kudu ginawé cilaka.

8. tan wandéya kalaḥ apraŋ, tan kawawa nĕmbadani, kaŋ pinaṣṭi kudu swarga, manuṅsa tajĕm iŋ budi, kaŋ aṅsal rahmat jati, paṣṭi kuwawa amuṅsuḥ, tan étaŋ lara pĕjaḥ, woŋ mati mumpuŋ ṅahurip, nora kĕna wus pinaṣṭi duk samana.

9. gusti gawé untuŋ ala, tinimbaŋ lan untuŋ bĕcik, kaŋ pundi pamilihira, éwasamana wus paṣṭi, iṅkaŋ mĕnaŋ iŋ jurit, lan kaŋ asor iŋ praŋ pupuḥ, iku kaguṅanniŋ hyaŋ, gañjaraniŋ manuṅsèki, darma bah‍é maṅsa boḍowa manuṅsa.

10. ya ta wahu tinarima, doṅané mariŋ hyaŋ widdhi, kuwata sira ayuda, aja sira wĕdi mati, rosaa sira jurit, tĕtĕp sira dadi ratu, ratuniŋ raja imam, kuwat sajatiniŋ jurit, raja mutmahinaḥ aglis magut yuda.

11. aṅrasuk bhuṣaṇa mulya, rasukan utamèŋ ṅèlmi, ḍĕṣṭaré sarak saréṅat, paniṅsĕt ĕnĕṅiŋ puji, ḍuwuŋ sĕmpana sidik, awahos takbir ikramu, añampiŋ pracayèṅrat, lañciṅan tapakur kapti, atarumpaḥ andoniŋ cĕṛĕmin pah‍ésan.

12. anitiḥ turaṅga napas, anpas tan napas nupussé, camĕṭiné tiṅal tuṅgal, kuda ran pun éliŋ éliŋ, kĕṇḍali iman tokid, rukun islam apussipun, larappipun makripat, kakapa kakékat jati, ambĕnipun tĕtĕp pikukuhiŋ iman.

13. saŋ śri raja mutmahinaḥ, aṅamuk lawan camĕṭi, asusumbar adipaka, maṅsut cĕṅĕŋ tan kuwatir, amuṅsuḥ piraŋ kĕṭi, winataṅi tan na mundur, biñukan piraŋ yuta, tan na tolèḥ lara pati, piraŋ bara iŋ tĕmbé nĕmu kamulyan.

14. patitis paṅgitikira, iŋ camĕṭinira paṣṭi, balané raja luwamaḥ, mati sirṇa cinamĕṭi, patiḥ maṅkubilahi, ujubriya kibir lampus, syumuṅaḥ lan kiyanat, suṅkan doyan jahil mati, mundur sila pun bĕruŋ mbrĕgunduŋ pĕjaḥ.

15. sadaya syuḥ sirṇa gĕmpaŋ, tan ana kari sawiji, aṅléla raja luwamaḥ, sasirṇané balanèki, ṅliŋ maraŋ ari kaliḥ, laḥ kapriyé digdayamu, matur raja amaraḥ, raja supiyaḥ tanapi, yèn suwawi iŋ praŋ kinarubut tiga.

16. wus ṛĕmbug ponaŋ bicara, dandan siyaga iŋ jurit, arasukan kamandaka, ḍĕṣṭarira karam najis, paniṅsĕt ora éliŋ, añampiŋ mahido kukum, lañciṅan sia sia, atarumpaḥ tanpaṅèlmi|

wahos dorawĕca ḍuwuṅé jarumman.

17. sarwi anitiḥ turaṅga, kuda uḷĕs gĕsĕŋ ati, arannipun paracidra, kĕṇḍali ĕmoḥ iŋ bĕcik, apus pakṣalumuwiḥ, apus gulu ṅabul abul, apus buntuté murṣal, akĕkapa tiṅgalbĕkti, saṅgawĕḍi drĕṅki ambĕg salaḥ tampa.

18. camĕṭiné doyan ujar, larap kumiṅsun sumugiḥ, tindakira salèwèṅan, susumbar lali iŋ widdhi, mara sarwi nudiṅi, sarta ṅĕbuk wĕtĕṅipun, ṅucap iṅsun kuwasa, wigña aṅgawé bilahi, iṅsun uga woŋ mbalasar gawé ala.

19. pan sampun ayun ayunan, apraŋ pan sami narpati, ramé dèn nya bandayuda, iŋ yuda kinrubut katri, iŋ ṅarṣa kanan kériŋ, mutmahinaḥ pinriḥ biṅuŋ, ṅiŋ raja katiganya, , nora ulap iŋ praŋ kinaribut tiga.

20. saŋ śri raja mutmahinaḥ, tinumbakan wanti wanti, ginoco cinamĕṭènan, nora kĕna dèn sĕlani, sarta tinitir titir, raja mutmahinaḥ ambruk, lawan turaṅganira, klèsèdan tan bisa taṅi, naṅiŋ takṣiḥ tuwajuḥ iŋ tékadira.

21. sinosog sosog tan pĕgat, sarwi alok alok mati, sahiki babarmu pisan, laḥ maṅsa bisaa urip, mara budia aglis, raja mutmahinaḥ muwus, èḥ mara tutugĕna, sagĕṇḍiŋmu aywa kari, iṅsun ora awĕdi lara lan pĕjaḥ.

22. saŋ mutmahinaḥ sakala, pratignya sajroniŋ galiḥ, tinĕḍa prataṇḍanira, yèn manuṅsa kudu bĕcik, muga kuwatna jurit, bisaa amaḷĕs ukum, ambirat iŋ luwamaḥ, amaraḥ supiyaḥ déniŋ, nulya antuk kramat sigra iṅayatan.

23. patitis pamukulira, saŋ luwamaḥ cinamĕṭi, ḷĕṛĕs pipiliṅanira, tumèmplĕg tiba añjuṅkir, saŋ amaraḥ nuluṅi, cinamĕṭi pasunipun, añjuṅkĕl tibèŋ kisma, raja supiyaḥ nuluṅi, cinamĕṭi mukanya nulya aniba.

24. sinosog anèŋ pratala, klèsèdan saŋ raja katri, kaḷĕmpĕr sadaṅunira, nora bisa muna muni, daṅu nulya ṅalilir, raja mutmahinaḥ muwus, èḥ paran kaṛĕpira, apa sira ñjaluk mati, yèn ñjaluka mati sun patèni sira.

25. saŋ raja katri turira, sakarṣa paduka dadi, ginĕsaṅan pinĕjahan, yèn kĕṅiṅa nĕḍa urip, mèsĕm saŋ raja sukci, éman tĕmĕn piyaṅkuḥmu, déné nora sĕmbada, sah‍ému añjaluk urip, sigra cinamĕṭi maliḥ sirahira.

26. raja luwamaḥ amaraḥ, supiyaḥ samya ṅĕmasi, jisimmé agilaŋ gilaŋ, wadya sagotra śri katri, sasampunnira nuli, saŋ raja mutmahinahu, arṣa ambĕḍaḥ kuṭa, aṇḍuḍaḥ kaḍaton katri, puranira tinon kalaṅkuŋ santosa.

27. kuṭané raja luwamaḥ, pagĕr capurinya wĕsi, kuṭané raja amaraḥ, capurinya tĕmbaga brit, kuṭané supiyahi, capurinira paruṅgu, saŋ raja mutmahinaḥ, mañjiŋ gapuraniŋ puri, nèŋ laṅĕnniŋ rakité iŋ purasmara.

77. asmaradana

1. kocapa kaŋ anèŋ puri, para garwa para putra, anaṅis umyuŋ swarané, para èstri iŋ jro pura, naṅis kalara lara, laṅkuŋ sĕḍiḥ manahipun, tan wandé dadi boyoṅan.

2. para èstri sadaya ñjrit, kakaliḥ para punika, sampun dadya sakaḍaton, anèŋ pura atipuwat, kuṭané saŋ amaraḥ, binoyoṅan dadi satu, lir ulam muṅgwèŋ rampadan.

3. kakaliḥ putra yu luwiḥ, putrané raja luwamaḥ, raja amaraḥ nuliné, kalaṅkuŋ ayu utama, cahya piṇḍa sasaṅka, pan nĕṅgiḥ iŋ namanipun, saŋ ṛĕtna yu salasiyaḥ.

4. kaŋ anèm dèwi ripaṅi, sasédané ramanira, kalaṅkuŋ susaḥ manahé, karuna amĕtĕg jaja, sasambat amlasarṣa, aḍuḥ rama milu lampus, sapa kaŋ sunsĕmbaḥ sĕmbaḥ.

5. tan antara nulya prapti, wahu raja mutmahinaḥ, lumĕbĕt iŋ jro kaḍaton, niṅali parèstri samya, karuna anèŋ pura, swarané taṅis gumuruḥ, asasambat rajanira.

6. apapaṅgiḥ putri kaliḥ, karoné samya karuna, raja sukci ṅandikané, mĕnĕṅa ṅgonmu karuna, éman balut kaŋ nétra, manawi ĕṛĕg swaramu, lan luṅsĕté cahyanira.

7. laḥ tujunĕn tiṅalmami, aywa guŋ adrĕs udrasa, babo mĕnĕṅa karoné, kaŋ piṇḍa sasaṅka maya, saŋ ṛĕtna yu kaliḥnya, amĕḍar tiṅal andulu, yèn ana satriyatama.

8. bagus kaŋ cahya nĕlahi, pagutiŋ liriŋ kumĕsar, kasoran sirṇa karoné, karunanira rinantan, ṛĕntĕŋ micarèŋ nala, nalikané baya iku, iṅkaŋ matèni ñjĕŋ rama.

9. dèwi ripaṅi jinawil, mriŋ saŋ ṛĕtna salasiyaḥ, ayo mundur dudu padon, nadyan iṅsun dadi tawan, maṅsa kĕna ginampaŋ, saŋ ṛĕtnayu aris mundur, lir wulan purṇama liṅgar.

10. cumĕṅkliŋ atawan taṅis, amuŋ kaŋ sinambat sambat, ramanira kaŋ wus layon, nulya raja mutmahinaḥ, andulu mriŋ saŋ ṛĕtna, tinutwuri lampahipun, minanis manis iŋ sabda.

11. kèndĕla ratuniŋ puji, ḍuḥ kusumaniŋ nugraha, aṅĕmot iŋ rahmat kabèḥ, tuluṅĕn wardayanira, yèn wus karṣaniŋ sukṣma, ginañjar ṛĕṅu lan ayu, paran ṅgonira sumaṅgaḥ.

12. mulané sun tohi pati, ambéyani muṣṭikèŋ dyaḥ, yén luput sok soka layon, baya wus karṣaniŋ sukṣma, kusuma lawan iṅwaŋ, campuriŋ rahmat lan wahyu, patĕmon anèŋ idayat.

13. kèndĕl taṅisé saŋ dèwi, wasana alon ṅandika, sarwi amapan luṅguhé, hèḥ saŋ raja mutmahinaḥ, sampun ṅgagampaŋ tiṅkaḥ, sanadyan iŋ raganiṅsun, dadya tawan boboyoṅan.

14. naṅiŋ wus sunpupus paṣṭi, wit wontĕn pañjaluk kula, ḍatĕŋ andika saŋ katoŋ, yèn naṅgupi kaṛĕpiṅwaŋ, gĕḷĕm kinarya garwa, nadyan ginawéya maṅwuḥ, amacèṭi boboyoṅan.

15. yèn ora iṅsun tan apti, aṅliŋ raja mutmahinaḥ, muṇḍut apa mirahiṅoŋ, yĕkti suntĕkani sira, sabaraŋ kaṛĕpira, saŋ ṛĕtnayu lon umatur, déné panĕḍa kawula.

16. uripĕna rama mami, uripa katiga pisan, rama iṅkaŋ sami layon, kawula ṅalap prataṇḍa, yèn sayĕkti kuwasa, ṅuripakĕn kaŋ wus lampus, ñata wus badan nugraha.

17. saŋ raja mutmahinahi, miyarṣa puṇḍutaniŋ dyaḥ, saŋ nata èmĕŋ driyané, wĕkasan alon ṅandika, kapriyé mirahiṅwaŋ, wus lakuné prajurit guŋ, mati ṅlabuhi nagara.

18. pan wus karṣaniŋ hyaŋ widdhi, kapiṇḍoné yèn uripa, ramanira kaŋ wus layon, aṅrĕbda ṅrusak agama, adrĕmba murka hawa, saŋ dyaḥ karoné ris muwus, ya duruŋ bisa masésa.

19. kapiŋ kalihipun ugi, yèn rama kula palastra, rusak kabèḥ jagad kiyé, paduka duraka iŋ hyaŋ, yèn tan dèn uripĕna, kaliḥ kawula tan ayun, tinawan kinarya garwa.

20. raja mutmahinaḥ aṅliŋ, éwamaṅkono mas miraḥ, iya tan kawasa iṅoŋ, yèn ana sihiŋ paṅéran, darma dadi jalaran, yèn kalilan iŋ hyaŋ aguŋ, sunuripné ramanira.

21. payo pinaranan aglis, paḍa sira sĕkṣènana, iŋ ramanira uripé, nulya pinaranan paṅgya, baṅkéné śri katiga, tinaṅisan iŋ dyaḥ ayu, nulya raja mutmahinaḥ.

22. ananĕḍa iŋ hyaŋ widdhi, muga muga ginampaŋna, kaŋ mati uripa manèḥ, tinarima kajatira, saŋ raja mutmahinaḥ, añipta aṅin lan kukus, aṅinipun kayatollaḥ.

23. kukus kukussiŋ rijĕki, tinĕkan saciptanira, iŋ kukus sĕga srĕbĕtté, lagya granané sumriṅaḥ, lan aṅĕté watara, nulya krĕntĕg kĕpyur kĕpyur, nulya ṅaṛĕjĕt apolaḥ.

24. kaŋ mati wus urip maliḥ, ya saŋ raja aluwamaḥ, amaraḥ supiyaḥ déné, wus samya tata aḷĕṅgaḥ, nèŋ ṅarṣané saŋ nata, saŋ mutmahinaḥ lon muwus, mriŋ raja katiga pisan.

25. hèḥ aluwamaḥ sirèki, amaraḥ lawan supiyaḥ, sahiki wus urip manèḥ, apa sira makṣiḥ murtat, apa ta iya nutta, raja luwamaḥ umatur, kawula datan ḷĕṅgana.

26. sumaṅga karṣaniŋ gusti, kinarṣakna sakit pĕjaḥ, badan kawula sumahos, tan darbé karṣa sajuga, saŋ raja mutmahinaḥ, ṅandika yèn sira uwus, amuŋ sraḥ sakaṛĕpiṅwaŋ.

27. anutta sakarṣamami, sunkuñjara bah‍é sira, anèŋ nagaramu ḍéwé, sun uluri paṅannira, nora sunwèhi luwar, sunkuṅkuŋ salaminipun, sunbaḷĕṅgu gulunira.

28. nulya tinrappakĕn aglis, saŋ luwamaḥ kinuñjara, amaraḥ supiyaḥ déné, sigra putri kaliḥ pisan, binoyoŋ bayariŋ praŋ, binĕkta mriŋ nagrinipun, abuṅaḥ marwatasuta.

29. kahol satĕṅahiŋ kadis, amal kaŋ pataŋ prakara, ḍiṅin woŋ kaŋ bĕtaḥ mĕlèk, kapiṇḍo kaŋ bĕtaḥ tapa, acĕgaḥ maṅan murka, amal kapiŋ tiganipun, iṅkaŋ bĕtaḥ sabar lila.

30. apan siŋ sakawan nĕṅgiḥ, kaŋ bĕtaḥ muruk ṅèlmika, tiṅkaḥ tĕrus iŋ ṅèlmuné, yèku manuṅsa ṅalamat, kaŋ bisa amasésa, ṅuṅguwuŋ ṅuñjara nĕpsu, yĕktyantuk gĕŋ gĕṅiŋ rahmat.

31. samono bah‍é kaŋ warti, tan cinatur paṅgihira, jalu lan èstri tĕmuné, saru ḍapuriŋ carita, lawan lagu prĕnèsan, amumuḍar tyas tawakul, kaŋ bisa amĕṅku iman.

32. rara tamat caritaniŋ, kanaŋ kadis markum baslam, rañcaṅkapti lon aturé, ñuwun paṅèstu paduka, sagĕd aṅlampahana, kadi ñjĕŋ ibu pukulun, tan nambut silaniŋ krama.

33. éwuḥ aya woŋ alaki, taṅèḥ ḍatĕŋ mutmahinaḥ, saŋ wiku lon ṅandikané, sira nini tan kalilan, lamun kayaa iṅwaŋ, iŋ tĕmbé sira anambut, silaniŋ krama utama.

34. muṅguḥ gañjaraniŋ widdhi, mriŋ kaŋ nambut palakrama, iṅkaŋ nĕtĕpi patrapé, laku lakuniŋ wanudya, iṅkaŋ winĕṅku priya, sayĕktiné tikĕl pitu, tinimbaŋ lan kaŋ tan krama.

35. priyé kono jayèṅsari, muṅguḥ iŋ pamikirira, apa ta iya maṅkono, rahadyan matur manĕmbaḥ, ḷĕṛĕs kaŋ paṅandika, dwijèstri mawas saŋ bagus, ṅandika jroniŋ wardaya.

36. woŋ iki ḍasaré sukci, lantip pasaṅiŋ grahita, pasaja tĕtĕg asarèḥ, cacaloniŋ aholiya, jatmikané katara, maraŋ iŋ kaduñan tambuḥ, anduduk mariŋ makripat.

78. mĕgatruḥ

1. wasana ṅliŋ nikèn wiku sira kulup, lan arinta rañcaṅkapti, bañjuṛĕna iŋ lakumu, mriŋ plabuhan bañuwaṅi, nĕtĕpana iṅkaŋ pakon.

2. nora pisan pisan lamun iṅsun nuṇḍuŋ, dadya añjrak anèŋ ṅriki, baṅĕt suka ṛĕnèŋ kalbu, satuhuné iṅsun asiḥ, maraŋ sira sakaroron.

3. naṅiŋ bakal muṅgĕl lalakonmu kulup, kĕbañjur datan kĕpaṅgiḥ, lawan iṅkaŋ sira ruruḥ, mula lakunira kaliḥ, sunsusuwun iŋ hyaŋ manon.

4. salamĕta kalampahana sĕdyamu, rinĕkṣaa iŋ hyaŋ widdhi, sakaliyan nĕmbaḥ matur, ḍawuḥ timbalan saŋ yogi, saklaṅkuŋ panuwuniṅoŋ.

5. kalilana iŋ samaṅkya ulun mundur, lajĕŋ ḍatĕŋ toyawaṅi, tan lyan paṅèstu pukulun, paṇḍita rara ṅaṇṭuki, kaliḥ ṅuswa suku gupoḥ.

6. sakaliyan mastakanya dèn lus ĕlus, poma aywa na kuwatir, rina wĕṅi iṅsun jaṅkuŋ, wus lèṅsèr ari kinaṇṭi, ki buras umajĕŋ gupoḥ.

7. kalilana kadibalé gaḍaḥ atur, ñuwun paṅèstu basuki, kalawan añuwun saṅu, iṅkaŋ botĕn kéṅiŋ ĕntiŋ, iṅkaŋ cumbu waṅsul kaṇṭoŋ.

8. wiku rara gumujĕŋ ṅandikanipun, anèḥ pañjalukmu iki, pamikirku tĕka éwuḥ, kaŋ saṅu tan kĕna ĕntiŋ, nuwun cĕblèké kémawon.

9. sanès ṅèlmu iṅgiḥ saṅu arta lugu, saŋ wiku lajĕŋ mariṅi, iki tampanana gupuḥ, muŋ roŋ gobog datan luwiḥ, buras ñjĕkutrut malérok.

10. saya suka saŋ wiku ṅandikanipun, muṅguḥ gobog loro iki, kok ṅgo jajan sasayaḥmu, kaṇṭoṅamu mĕṣṭi isiḥ, gobog loro nora kaloŋ.

11. gurawalan nèŋ asta nulya rinĕbut, buras mundur tanpa pamit, muŋ gumrĕmĕŋ sĕlak kantun, prapta wiṅkiṅé saŋ putri, nolèḥ aṅandika alon.

12. buras déné ṅanti suwé nora nusul, iṅgiḥ kantun sawatawis, yĕktosipun mila daṅu, kula ñuñuwun saŋ yogi, saṅu pinariŋ roŋ gobog.

13. maṅké biliḥ sampun dumugi iŋ waruŋ, paduka kula pamèri, maṅunahé gobog luhuŋ, sapunika botĕn kéṅiŋ, miṇḍak ṅabar tanpa dados.

23. iŋ bañuwaṅi niṅali caṇḍi séla caṇḍani iṅkaŋ miturut dodoṅéṅan iŋ kinanipun panĕpènipun prabhu ménakjiṅga iŋ blambaṅan, rumiyin nama caṇḍi macan putiḥ. lajĕŋ ḍatĕŋ griyanipun ki ménak luhuŋ jurukuñcinipun caṇḍi kasbut. wontĕn iŋ ṅrika kapaṅgiḥ ki hartati, juragan sakiŋ pĕkaloṅan iṅkaŋ nĕmbé ḍatĕŋ sakiŋ bali. ki hartati botĕn kaguṅan putra, mila r. jayèṅsari lan nikèn rañcaṅkapti lajĕṅ kapuṇḍut putra, kaboyoŋ ḍatĕŋ pakaloṅan.

putra kakaliḥ katanpi déniŋ ñi hartati kaṇṭi suka ṛĕnaniŋ manaḥ lan kawulaŋ kawruḥ warṇi warṇi, kadosta bab pétaṅan wilujĕṅan tiyaŋ tilar doña lan wardinipun driji gaṅsal. ñi hartati tilar doña. kaḷĕṛĕs sèwu dintĕnipun kasusul déniŋ ki hartati

14. iya buras mĕṅko tutura mariṅsun, wahu ta lampahirèki, sakiŋ iŋ arga tumurun, jayèṅsari rañcaṅkapti, laminya tan winirahos.

15. sampun prapta talatahé toyaarum, ṅambaḥ wana aguŋ wĕrit, anèŋ pasisiriŋ lahut, supitanniŋ pulo bali, ki buras kalaṅkuŋ ṅoroŋ.

16. aṅupaya toya tawa wus pikantuk, sumbĕr aguŋ laṅkuŋ wĕniŋ, cakĕt séla aguŋ aguŋ, tumpukan sakiŋ iŋ wukir, buras tuwuk ṅombé ṅokop.

17. tandya waṅsul umatur bandaranipun, wontĕn toya tawa wĕniŋ, mĕdal sĕlaniŋ kaŋ watu, tumpukan sakiŋ iŋ wukir, saṅaṇḍapiŋ gurda ayom.

18. payo kakaŋ aku sumuk aṛĕp adus, lajĕŋ lampahira prapti, sĕṇḍaŋ gya siram saŋ ayu, wusnya siram ṅariŋ ariŋ, nèŋ ṅaṇḍappiŋ gurda ayom.

19. ana janma tumurun sakiŋ parahu, ṅupaya mina jaladri, mariŋ sĕṇḍaŋ ñaṅkiŋ buyuŋ, sawussira ṅambil wariḥ, kagyat anon kaŋ wiranom.

20. ki pandaya alon wahu aturipun, ḍuḥ saŋ katĕmbé kah‍èkṣi, mugi sampun daṅu daṅu, rèrèḥ wontĕn sĕṇḍaŋ ṅriki, paṅampiran tiyaŋ awon.

21. bajaglahut aru biru karyanipun, rahadyan ṅandika manis, baṅĕt panarimaniṅsun, kisanak asuŋ pépéliŋ, rahayuné kaŋ lalakon.

22. buras gugup pandiraṅan asru matur, sumaṅga améntar aglis, laju liṅgar kalihipun, saŋ dyaḥ lumampaḥ iŋ ṅarṣi, anon tapakiŋ kaŋ gogor.

23. kakaŋ iki tapak apa déné aguŋ, ḍapuré lir tapak kuciŋ, yayi tapak macan iku, ĕndi macané tan kèkṣi, yayi wus umpĕtan adoḥ.

24. lampahira lajĕŋ praptèŋ toyaarum, kaṛĕnan miyat arjaniŋ, karajan myaŋ ḍusun ḍukuḥ, sumbĕr sĕṇḍaŋ umbul alit, tan pétuṅan wénya ñaroŋ.

25. larèn alit binatur iŋ séla piṅul, aṅrĕmbaka taru ṛĕsmi, ayom samya subur subur, sakiŋ sah‍éné kaŋ siti, kawuryan tĕntrĕm sakèḥ woŋ.

26. arjaniŋ kaŋ praja kalanirèŋ dalu, tan ana kaŋ tutup kori, aglar rajakayanipun, nora nana dèn kaṇḍaṅi, tan ana woŋ sĕdya ñoloŋ.

27. bañuwaṅi pinuju pasarannipun, lagya tumawon kaŋ wañci, kumaṇḍaṅira kumruwuk, sakaliyan nulya mañjiŋ, raryan sorriŋ kamal ayom.

28. buras taṅgap ṅrampĕt dèn nira tutuku, gobog kaliḥ wira wiri, binĕktèŋ ṅarṣa saŋ ayu, ṅirid tyaŋ wadé wi ḷĕgi, kalawan jaguŋ ginoḍog.

29. ṅrogoḥ kaṇṭoŋ gobog kakaliḥ jinupuk, pinirṣakkĕn mriŋ saŋ putri, nulya tinumbaṣkĕn gupuḥ, wi ḷĕgi saĕṇḍas maliŋ, nulya maliḥ ṅrogoḥ kaṇṭoŋ.

30. makṣiḥ wutuḥ kaliḥ tinumbaṣkĕn jaguŋ, sinukanan rolas iji, buras lataḥ namplèk pupu, ṅĕluṅkĕn roŋ gobog maliḥ, tampa jaguŋ pat blas ontoŋ.

31. mèḥ saasta pañjaṅé jajaṅgĕlipun, sĕmbada bĕntĕt kaŋ isi, sakĕmlaka gĕṅiŋ jaguŋ, kumupat guriḥ tur manis, alus tipis kaŋ kalobot.

32. saŋ dyaḥ ndaṅu ras apa isiḥ gobogmu, rinogoḥ kaṇṭoṅan makṣiḥ, arta gobog kaliḥ wutuḥ, tĕmĕn ḍawuhé dyaḥ ṛĕṣi, gobog datan kĕna kaloŋ.

33. sakiŋ pĕkĕn lampahira laju ṅidul, wañci rarya samya ṅgiriŋ, praptanya iŋ ṅlicin ḍusun, iŋ pucakiŋ arga ijèn, sĕnĕṅiŋ tyas sakaroron.

34. myat lahut iŋ karajan ḍusun lan ḍukuḥ, myaŋ lahut supittan bali, bahita kaŋ samya labuḥ, pulo lan ardi iŋ bali, lawan lahut kidul katon.

35. ardi bañuwaṅi katiṅal sadarum, wèḥ sĕnĕŋ kaŋ nĕmbé uniŋ, cĕṭa kaŋ samya kadulu, hyaŋ rawi tumamèŋ wukir, wulan purṇama gumantos.

36. añunari isiniŋ jagad sawĕguŋ, éṅgar tyasira kakaliḥ, dadya tan sipĕŋ iŋ ḍusun, saratri tan ana guliŋ, wañci sata samya pĕtok.

37. paṅkat sakiŋ ṅlicin andaruŋ maṅidul, éca kaŋ samya lumaris, marga kayoman iŋ taru, rapĕt paḍaṅiŋ hyaŋ rawi, tan ana iṅkaŋ tumloroŋ.

38. kalèn wĕniŋ mili aṅapit dĕlaṅguŋ, sinalisir séla laṅkiŋ, nahĕn lampahira rawuḥ, iŋ caṇḍi sélacĕṇḍani, gagaṇḍéṅan asri tinon.

79. kinaṇṭi

1. radyan myaŋ ari saŋ ayu, kèndĕl sorriŋ nagasari, buras ṅaturakĕn bhoga, wus samya ḍahar sakĕḍik, sĕṅsĕm mulat caṇḍi pĕṭak, iṅukir kinĕmbaŋ ṛĕmit.

2. saŋ dyaḥ matur mriŋ saŋ bagus, kakaŋ iku apa caṇḍi, déné warṇané kok pĕṭak, kaŋ di ṅgo watu cĕṇḍani, iya caṇḍi iki rara, naṅiŋ lagi tumon iki.

3. ana caṇḍi watu piṅul, waṅun bagus aṅrĕṛĕmit, sapa baya kaŋ atilas, patuté yasan narpati, kèndĕl dèn nya rarahosan, ana janma sĕpuḥ prapti.

4. pĕṭak mĕmplak iṅkaŋ rambut, tĕkèŋ giṭok akalimis, brĕṅos gaṭuk imba pĕṭak, bréwok aguŋ tĕpuŋ putiḥ, sarira aṅgaḷĕs krĕṣṇa, cawĕtan mawi kulambi.

5. sarigak amuṇḍuk muṇḍuk, kadya sata amèmèti, ñakĕti kaŋ samya ḷĕṅgaḥ, makiḍupuḥ praptèŋ ṅarṣi, amuŋ silanira tumpaŋ, umatur maraŋ saŋ pĕkik.

6. kula nama ménakluhuŋ, kaŋ minaṅka jurukuñci, iŋ caṇḍi pĕṭak punika, rawuḥ paduka iŋ ṅriki, atur basuki pambagya, sintĕn sinambatiŋ kaŋ siḥ.

7. kaki atanya mariṅsun, akakasiḥ jayèṅsari, niki ariṅoŋ wanudya, aran nikèn rañcaṅkapti, buras nambuŋ kula buras, kaŋ abdi bandara kaliḥ.

8. ki ménak maliḥ umatur, punapi arṣa nĕnĕpi, punapa muŋ ayun pirṣa, radyan amaṅsuli aṅliŋ, ulun amuŋ yun uniṅa, kacaryan myat caṇḍi putiḥ.

9. umatur ki ménakluhuŋ, cariyossipun iŋ ṅuni, jaman kraton majaḷĕṅka, iṅriki klĕbĕt cĕpuri, kaḍaton iŋ balambaṅan, iṅkaŋ jumĕnĕŋ narpati.

10. ménakjiṅga saŋ aprabhu, iṅgiḥ prabhu urubisma, iṅkaŋ ndarbèni wasiyat, wĕsi kuniŋ ḍapur biṇḍi, ampuhé kagila gila, siṅa katiban babar ji.

11. nir daya kaŋ tĕguḥ timbul, katiban iŋ wĕsi kuniŋ, déné caṇḍi séla pĕṭak, punika panĕpènnèki, saŋ aprabhu urubisma, wasta caṇḍi macanputiḥ.

12. suwawi yèn baḍé ayun, uniṅa amba kaŋ ṅirid, katiga wus samya liṅgar, sakiŋ soriŋ nagasari, aṅubĕṅi caṇḍi pĕṭak, tapis dèn nira niṅali.

13. agcaryambĕg saŋ abagus, myat papan jĕmbar waradin, myaŋ lohiŋ kaŋ paḷĕmahan, ménak matur duk rumiyin, arjaniŋ praja babasan, loḥ jinawi pasir wukir.

14. gĕmaḥ ripaḥ pañjaŋ puñjuŋ, nagri ṅuṅkurrakĕn wukir, ṅajĕṅakĕn palabuhan, kanan bandar kériŋ sabin, toya wĕniŋ laṅkuŋ kaṭaḥ, tan karya saṅsayèŋ nagri.

15. katĕlaḥ samaṅkénipun, wontĕn babasan sriŋ asriŋ, lumintu para naṅkoda, samya kampir ḍatĕŋ ṅriki, moṇḍok paḍĕkahaniṅwaŋ, malaḥ iŋ samaṅké takṣiḥ.

16. kaŋ wontĕn iŋ wisma ulun, maṇḍap sakiŋ nagri bali, naṅkoda iŋ paṅaṅsalan, nama kiyayi hartati, wawi yèn paṛĕŋ iŋ karṣa, sarju kampir wisma mami.

17. karasèŋ tyas saŋ abagus, ḍawuhiŋ saŋ maha yĕkti, sèḥ wadat iŋ argapura, parmaniŋ hyaŋ baya iki, kaŋ aṅukup raganiṅwaŋ, wasana ṅandika aris.

18. kaki kalaṅkuŋ panuju, ki ménak sukanya ṅĕntiŋ, umatur suwawi liṅgar, sadayanya sampun kérit, dupi wus prapta iŋ wisma, ki ménak bébéja mariŋ.

19. ki hartati naṅkoda guŋ, yayi kula mbĕkta tami, jalu jayèṅsari nama, lawan arinya pawèstri, nikèn rañcaṅkapti aran, kalaṅkuŋ kawĕlasasiḥ.

20. laḥ punika iṅkaŋ luṅguḥ, anèŋ sajawiniŋ panti, ki hartati duk umiyat, maraŋ raja putra putri, wĕnĕs sĕnĕnniŋ kaŋ cahya, taṅèḥ bèbèliŋ ṅacĕplik.

21. martrĕñuḥ tyas arawat luḥ, asĕṛĕt wijiliŋ aṅliŋ, aṅgèr di kaparèŋ ṅarṣa, luṅguha cakĕt lan mami, sakaliyan wus aḷĕṅgaḥ, cakĕt lawan ki hartati.

22. gya umatur mriŋ saŋ bagus, pamintèṅoŋ iṅkaŋ mugi, aywa dadi iŋ tyassira, ṅgonmanira nora krami, awit iŋ paṅrĕṅkuḥ iṅwaŋ, wus kadya suta pribadi.

23. iṅsun boya darbé sunu, iŋ jroniŋ tyas sun prihatin, maṅka wus añiṅkir maṅsa, ñahi wus tan ṅgarapsari, paran marganira bisa, samya andarbéya siwi.

24. kamurahanniŋ hyaŋ aguŋ, mahu bĕṅi iṅsun ṅipi, antuk ḍara lan jagowan, bañjur iṅsun gawa muliḥ, mariŋ nagri pakaloṅan, ḷĕstari paṅiṅumami.

25. narik iŋ kamulyan aguŋ, babasané ṅrĕjĕkèni, sataṅiniṅsun anéndra, datan bisa guliŋ maniŋ, katoṅton iŋ jro supĕna, paran wahananirèki.

26. iŋ sapraptanira kulup, yĕkti wahananiŋ ṅipi, punapiṅgiḥ makatĕnna, ki raka kadi punapi, wahananiŋ kaŋ supĕna, ménakluhuŋ liṅira ris.

27. yayi supĕna puniku, wahananira kĕpaṅgiḥ, èṅĕt ulun kawan paṅkat, iṅkaŋ sapisan kapaṅgiḥ, nĕṅgiḥ sakiŋ pipiridan, piŋ kaliḥ kĕpaṅgiḥ sakiŋ.

28. tuturutan katrinipun, apan ta kĕpaṅgiḥ sakiŋ, iŋ wawaṅsulan punika, kapiŋ sakawan kapaṅgiḥ, nĕṅgiḥ sakiŋ pasĕmonan, déné ta iṅkaŋ kĕpaṅgiḥ.

29. sakiŋ piridan puniku, kadi ta supĕna uniŋ, iŋ urubiŋ kaŋ dahana, wahananipun aruntik, latu dadya pipiridan, iŋ duka sasaminèki.

30. wahananiŋ supĕnèku, pan iṅkaŋ kĕpaṅgiḥ sakiŋ, tuturutan upaminya, tiyaŋ asupĕna ṅisiŋ, pinaṅgiḥ iŋ wahananya, dadya kélaṅan sayĕkti.

31. karana iŋ pisahipun, susukĕr punika dadi, tuturutannipun ical, wahananiŋ supĕnèki, paṅgiḥ sakiŋ wawaṅsulan, kadi ta supĕna maṅgiḥ.

32. suṅkawa wahananipun, amaṅgiḥ suka sayĕkti, karana suṅkawa iŋ tyas, waṅsulannya sukèŋ ṅati, wahanané kaŋ supĕna, dadya pasĕmon puniki.

33. ṅipi ṛĕbaḥ wismanipun, pinaṅgiḥ wahananèki, dadya kapĕjahan somaḥ, sasaminira puniki, mĕṅgaḥ ipèn iṅkaŋ dadya, pasĕmoné supĕnaniŋ.

34. tyaŋ walaka tĕgĕssipun, janma kaŋ tan naṇḍaŋ sakit, miwaḥ tan ṅĕmu suṅkawa, supĕna kaŋ wahananiŋ, pinaṅgiḥ dadya waṅsulan, tyaŋ sayaḥ supĕnanèki.

35. ipèn kaŋ wahananipun, dadya tuturutan yĕkti, supĕnaniŋ janma roga, ipèn kaŋ wahananèki, apan dadya pipiridan, supĕnaniŋ tyaŋ prihatin.

36. yayi supĕnanirèku, wahana suṅkawèŋ galiḥ, dèn nira tan asusuta, asru miminta iŋ widdhi, dumadya supĕnanira, aṅsal ḍéré sawuŋ adi.

37. iŋ wasananipun antuk, atmaja jalu lan èstri, ki hartati duk miyarṣa, suka amarwata siwi, manis wijilliŋ wacana, kulup lan arinirèki.

38. yĕkti iṅsun ambil sunu, iŋ duña praptaniŋ ṅakir, tak gawa mriŋ pakaloṅan, yèn iṅsun tumĕkèŋ lalis, samuwaniŋ rajabrana, sira karo kaŋ ndarbèni.

39. sinakṣènna iŋ hyaŋ aguŋ, lawan ñjĕŋ nabi sinĕlir, sakaroné sutaniṅwaŋ, aywa paḍa ana krami, katon rumakĕt mriŋ bapa, maṅkana ḍuḥ jayèṅsari.

40. ḷĕjariŋ tyas suka sukur, aturṇya ñĕñĕs mrakati, ḍuḥ rama woŋ tuwaniṅwaŋ, ulun lan putranta yayi, atur prasĕtya prasaja, iŋ lahir tĕrussiŋ ṅati.

41. ṅaṅgĕp sudarma satulus, iŋ duña praptaniŋ ṅakir, sakarṣanta aywa waṅwaŋ, paṅrèhira maraŋ mami, aywa kaŋ tumĕkèŋ lara, tan tambuḥ prapta iŋ pati.

80. gambuḥ

1. ki hartati gya gupuḥ, ṅraṅkul gapyuk maraŋ kalihipun, sarwi aṅliŋ siŋ ora ora kawijil, ḍuḥ babo jantuŋ atiku, pasiyané hyaŋ sayĕktos.

2. tan wus lamun kawuwus, kaŋ siḥ sinihan kalawan sunu, radyan matur mriŋ ménakluhuŋ kiyayi, uwa bab supĕna wahu, paran pardikané réko.

3. iṅkaŋ kawasitèku, kaliḥ iṅkaŋ kacakrabawèku, kapiŋ tiga anĕṅgiḥ kadaradasiḥ, kadarṣana kapiŋ catur, ṅguguk waṅsulannira lon.

4. ipèn papat prakarèku, nora kĕna pinardika iku, kaya déné ipèn kaŋ kawasitèki, tĕgĕsé apan katayuḥ, iku ipènné kaŋ uwoŋ.

5. antuk waṅsit satuhu, upamané janma nuju tuṅgu, uwoŋ lara siŋ tuṅgu turu aṅipi, iku tambanana anu, linakṣanan waras yĕktos.

6. pan waṅsitiŋ hyaŋ tuhu, ipèn kaŋ kacakrabawa iku, kacipta iŋ wicara duk duruŋ guliŋ, kaŋ rarasan baṛĕŋ turu, supĕnanira pan cocok.

7. lawan rarasanipun, nalikané mĕlèk duruŋ turu, ipèné kaŋ kadaradasiḥ pinardi, tĕrus lan wahananipun, pama ṅipi wruḥ sotya byor.

8. baṛĕŋ taṅiné turu, uga wĕruḥ iŋ sotya byor mahu, ipèn iṅkaŋ kadarṣana tĕgĕsnèki, katulat upaminipun, saduruṅé turu wĕroḥ.

9. takṣaka laṅkuŋ aguŋ, baṛĕŋ turu aṅipi woŋ iku, wruḥ takṣaka aguŋ sasaminirèki, ipèn pat prakara iku, tan kĕna winardèn yĕktos.

10. krana wahananipun, ana tiṅkaḥ ana dadya jumbuḥ, cuṭĕl kaki bab ipèn kaŋ dak kawruhi, suka iŋ sadayanipun, buras matur sumalonoŋ.

11. lir doṅèŋ aṇḍélumut, mawi mariŋ pĕkĕn tuku kacu, cukacuṭĕl mak kalakĕp tan na maniŋ, bok maliḥ jĕṅé tan ṅantuk, kula kaṛĕm ṅarṣa omoŋ.

12. mèsĕm ki ménakluhuŋ, kacuŋ buras ḍasar mĕñcul tutuk, woŋ wis ĕntèk apa kaŋ winĕḍar maliḥ, laḥ iki wus wañcinipun, prayoga sami ḷĕḷĕson.

13. ambañjĕŋ muṅgèŋ salu, ki hartati cakĕt lan kaŋ sunu, datan guliŋ lawan radyan jayèṅsari, ki hartati tatanya rum, kulup jarwaa sayĕktos.

14. kaŋ ayoga sirèku, myaŋ sĕdyanta ywa kumbi nakiṅsun, radyan matur purwa madya wasanèki, ginĕlarakĕn sadarum, sarta waspanya drĕs miyos.

15. hartati duk aṅruṅu, prasajané radyan jayèṅsantun, saya mantĕp dèn nira aṅaku siwi, maṅkana wus wañci baṅun, sakaliyan waktu suboḥ.

16. ki ménakluhuŋ sampun, asasaji pasugatanipun, ḍaharan jaŋ éñjaṅan wédaŋ kopi, samapta lumadyèŋ ṅayun, winantu iŋ sabda alon.

17. yayi sawontĕnnipun, ñumaṅgakkĕn sakapaṛĕṅipun, ki hartati myaŋ atmajanya kakaliḥ, ṛĕsĕp bukti samya kĕmbul, wus dumugi buras ṅlorot.

18. ki hartati liŋnya rum, ḍuḥ kiraka ulun saṅĕt nuwun, marganiŋ kaŋ antuk kanugrahan widdhi, kadugèn osikiŋ kalbu, iṅkaŋ añjalari rawoḥ.

19. sakiŋ kiraka tuhu, pan rumahos tan sagĕd rinipun, amamaḷĕs kaŋ timbaŋ rahossiŋ ṅati, ki ménak umaṅgut maṅgut, tuhuné muŋ darmi iṅoŋ.

20. panuju wĕkdallipun, kĕpaṛĕṅé iŋ hyaŋ maha luhuŋ, dak baḍéné si aḍi kĕsusu muliḥ, wus wayahé woŋ kĕmaruk, hartati lataḥ liŋnya lon.

21. kiraka yĕktosipun, ṅgiḥ makatĕn bĕbĕg kĕdaḥ mantuk, tĕka maṅké amuŋ panti kaŋ kah‍èkṣi, daya daya praptèŋ suḍuŋ, kèndĕl dagaŋ muhuŋ momoŋ.

22. iba ta sukanipun, rayi ndika wus aliman ulun, kalilana mañcal joŋ éñjiŋ puniki, ṅgiḥ yayi antuk rahayu, wit mañcal praptaniŋ laboḥ.

23. kakaliḥ sutaniṅsun, ulun asuŋ pamuja rahayu, wus samapta biḍal sakiŋ ragajampi, ménakluhuŋ atut puṅkur, iŋ palabuhan wus añjog.

24. ki hartati pan asuŋ, titilaran mriŋ ki ménakluhuŋ, baranarta siñjaŋ ḷĕḷĕmĕs mawarṇi, kaṭahé tan kĕnèŋ ṅétuŋ, wusnya andum karahayon.

25. layar binabar mampruŋ, antuk aṅin lampahé kaŋ prahu, marmaniŋ hyaŋ kadi larappiŋ jĕmpariŋ, tan winarṇa laminipun, ana iŋ lahut wus rawoḥ.

26. pakaloṅan wus rawuḥ, sakiŋ bahita tandya tumurun, atmaja dwi kinaṇṭi aṅanan ṅériŋ, pra ḷĕṣkar ṅgarubyug puṅkur, myaŋ ṅérid baraŋ ginotoŋ.

27. ciṅak kaŋ samya ndulu, dé katĕmbèn ki sudagar rawuḥ, ṅaṇṭi rarya kakaliḥ sami linĕwiḥ, kaŋ jalu bagus jatmika, kaŋ èstri ayu mañcoroŋ.

28. taña mriŋ ḷĕṣkaripun, winaṅsulan iku iṅkaŋ sunu, ñi sudagar swaminya iŋ bañuwaṅi, maṅkya ṅajal milanipun, kalihé samya binoyoŋ.

29. apan ta wus aṅumum, kaŋ miyarṣa pracaya iŋ kalbu, dupi prapta iŋ wisma ñahi hartati, gurawalan dèn nya mĕṭuk, tuṇḍuk radyan sakaroṅron.

30. maṅrahup suku gapyuk, aṅabĕkti turrira mlasayun, aywa kaduk iŋ tyas abéla panampi, ulun putranta satuhu, jayèṅsari araniṅoŋ.

31. laḥ iki ariniṅsun, rañcaṅkapti sayayaḥ sahibu, mijil sakiŋ garwa kaŋ nèŋ bañuwaṅi, maṅkya ibu uwus surud, milané ulun binoyoŋ.

32. ñi hartati tan muwus, liṅak liṅuk naṅiŋ uwus runtuḥ, trĕṣṇa asiḥ wĕlas mriŋ atmaja kaliḥ, kiyayi hartati ṅguguk, wusana ṅandika alon.

33. wis ñahi jakĕn mlĕbu, maraŋ panti kakaliḥ anakmu, séjé dina bah‍é kowé dak wartani, lalakoné atmajamu, sawusira aso gupoḥ.

34. nindakkĕn gramènnipun, kadya saban ñi hartati sampun, jinatènan anané kakaliḥ siwi, uwus iṅaṇḍar sadarum, ñahi sudagar cumĕploŋ.

35. tan séyos kadya kakuŋ, dèn nya ṅrĕṅkuḥ mriŋ kakaliḥ sunu, aḷĕstantun tan ana winalaṅati, ñahi kyayi saya sĕpuḥ, myaŋ kaṛĕnan dèn nira moŋ.

36. babasannya satuhu, sugiḥ siṅgiḥ dèn nya dagaŋ mantun, sakèḥ potaŋ tan ana iṅkaŋ tinagiḥ, suprandéné malaḥ wuwuḥ, rijĕkiné iṅkaŋ rawoḥ.

37. mĕmpĕŋ ṅibadahipun, datan towoŋ myaŋ kakaliḥ sunu, tan kĕna saḥ kadya wadé dèn nya ṅĕmpit, liniṅiŋ jinuju wuruk, mriḥ muṅkur pakarti awon.

81. paṅkur

1. ki hartati mĕḍar sabda, ḍuḥ sutèṅsun sĕḍĕŋ sira ṅawruhi, wittiŋ kabuṅahan iku, kaŋ dadi paṅèṣṭinya, iŋ manuṅsa pituŋ prakara kèhipun, iṅkaŋ sapisan kasuran, wardi kawantĕran nĕṅgiḥ.

2. amrihira kinériṅan, wigña sakiŋ kasaktèn iku kaki, déné ta kalakonipun, saka acĕgaḥ maṅan, dé dadiné saka santosaniŋ kalbu, kaŋ dadi sambékalanya, lamun añjajaḍa tuwin.

3. aṅaniaya sasama, kapiṇḍoné kagunan tĕgĕsnèki, kapintĕran pamrihipun, kinĕḍèpan sasama, wiwittira saka puruwita kulup, déné kalakoné saka, tĕlatèn miwaḥ tabĕri.

4. kaŋ dadi sambékalanya, yèn sukanan miwaḥ rusuḥ iŋ budi, kabĕgjan kaŋ kapiŋ tĕlu, tĕgĕsé kasugihan, pamrihipun kinalulutan puniku, wittira sakiŋ ṅgahota, déné kalakoné sakiŋ.

5. sabar tanapi narima, dumadiné saka gĕmi nastiti, aṅati ati puniku, kaŋ dadi sambékala, lamun lèr wèḥ lawan aṅumpĕt puniku, kaŋ kapiŋ paté kabrayan, apan wardèn tĕgĕsnèki.

6. sugiḥ putra lawan wayaḥ, pamriḥ kopèn kinamulénan nĕṅgiḥ, sakiŋ iŋ siḥ wiwittipun, kalakoné pan saka, mĕpĕt sabda mĕṅgaḥ kadadéyanipun, sakiŋ mantra myaŋ sarana, naṅiŋ sambékalanèki.

7. para sĕṅitan sumlaṅan, kapiŋ lima kasiṅgihan winardi, kaluhuran pamrihipun, kaajèn kinurmatan, wittiŋ saka tatèki nastapa iku, kalakoné saka puja, kalawan iŋ paṅabĕkti.

8. dadi saka anorraga, iṅkaŋ dadya sambékalanèki, manawa loba iŋ kalbu, lawan aṅkaramurka, kapiŋ nĕnĕm kayuswan pan tĕgĕsipun, apañjaŋ iŋ yuswanira, kinandĕlan pamrihnèki.

9. witté saka sadubudya, kalakoné saka iŋ wahdat kaki, dadya saka sĕtyatuhu, kaŋ dadi sambékala, lamun dora kalawan cidra puniku, kaŋ kapiŋ sapta puṅkasan, kawidagdan tĕgĕsnèki.

10. kayuwanan pamrihira, kinopaman wittipun sakiŋ sukci, klakon sakiŋ cĕgaḥ ṅinum, muṅguḥ kadadèyannya, saka paramarta lawan utamèku, kaŋ dadi sambékalanya, manawa alaku niṣṭip.

11. kalawan asugiḥ duka, uwus tamat iṅkaŋ pituŋ prakara, wahu ta dyan jayèṅsantun, kaṛĕnan iŋ wardaya, alon matur rama wawaraḥmu wahu, paran bisané katĕkan, ki hartati maliḥ aṅliŋ.

12. kulup dadiné kaŋ cipta, kabèḥ iku manawa dèn tĕmĕni, ananiŋ sĕdya puniku, manawa iṅantĕpan, katĕkané iŋ karṣanira puniku, lamun tĕmĕn linampahan, ana babasannirèki.

13. dadi iŋ saciptanira, apa baraŋ iŋ sasĕdyanirèki, kalakon sakarṣanipun, naṅiŋ iṅkaŋ maṅkana, tumrap maraŋ manuṅsa waṣkiṭa putus, iŋ sasandiniŋ dwi aṣṭa, manawa manuṅsa makṣiḥ.

14. walaka satuhunira, wĕruhipun kalamun dèn tĕdahi, bisané lamun winuruk, dé dadiné manawa, ditandaṅi wahu ta dyan jayèṅsantun, wus tampi iŋ pasaŋ cipta, kaŋ winĕḍar ki hartati.

15. coṇḍoŋ suka ṛĕnaniŋ tyas, amuŋ ṅuṅkiḥ matur maraŋ sudarmi, rama iŋ sahuwusipun, dak lakoni sadaya, kaya paran ṅgoniṅoŋ ṅĕtrapkĕn iku, ki hartati aṅandika, kulup tan kĕna samaṅkin.

16. duruŋ pinaṛĕŋ iŋ maṅsa, radyan miṅgu asru ṅgagas iŋ galiḥ, katuṅka iŋ mahrib waktu, wus samya asĕmbahyaŋ, sabakdaniŋ ṅisa nulya ḍahar kĕmbul, nutug dèn nira bujana, sadaya samya wawantiŋ.

17. asta ṛĕsik sinarbètan, ñi hartati tatanya mriŋ kaŋ siwi, rara apa wus sumurup, arané driji lima, myaŋ kaṛĕpé iŋ sawiji wijinipun, ibu aku duruŋ wikan, saŋ dyaḥ gya rinaṅkul aglis.

18. iṅarasan wantya wantya, astanira kaŋ kanan dèñcĕpĕṅi, laḥ èṅĕta sira maṣku, mulané ginawanan, driji lima punika ta arannipun, iŋ sawiji wijinira, jĕjĕmpol iṅkaŋ rumiyin.

19. panuduḥ kapiŋ kaliḥnya, kapiŋ tiga panuṅgul rannirèki, manis iṅkaŋ kapiŋ catur, jĕjĕṇṭik kapiŋ gaṅsal, kawruhana muṅguḥ sĕmuné hyaŋ aguŋ, woŋ wadon wus ginawanan, dalil paṅaṅgoniŋ èstri.

20. iku wajib kinawruhan, kaṛĕppé sawiji wiji dariji, mula binĕktan sirèku, jĕjĕmpol maraŋ iŋ hyaŋ, dèn kaya pol iŋ tyas yèn aṅarṣèŋ kakuŋ, tĕgĕsé pol dèn agampaŋ, sabaraŋ karṣaniŋ laki.

21. mula ginawanan sira, iŋ panuduḥ aja akumawani, anikĕl tuduhiŋ kakuŋ, sapakon lakonana, pramilané ginawanan kaŋ panuṅgul, kakuŋmu uṅgul uṅgulna, miwaḥ kalamun papariŋ.

22. nadyan ṭiṭik nora mandra, uṅguḷĕna guna kayaniŋ laki, marmané sira puniku, jari manis ginawan, dèn amanis ulat atanapi tĕmbuŋ, yèn ana karṣaniŋ priya, ḍoso mbasĕṅut ywa ṅanti.

23. iŋ nétya dipunsumriṅaḥ, nadyan lagi ṛĕṅu jro tyasirèki, yèn ana ṅarṣaniŋ kakuŋ, buwaṅĕn ywa katara, marmanira ginawan jĕjĕṇṭik iku, dipunaṭak ahiṭikan, yèn ana karṣaniŋ laki.

24. kaṛĕpé aṭak iṭikan, dèn tarampil maraŋ sabaraŋ kardi, kalamun ṅladosi kakuŋ, dèn ririḥ lan dèn kĕbat, aywa kĕbat drĕg drĕgan grobyagan iku, kĕbat narutuwa niṣṭa, pan rada ṅoso iŋ batin.

25. lamun kok èṅĕti rara, iṅsun taṅguŋ wus maṣṭi sira maṅgiḥ, mulya duña akiripun, lan aja manaḥ ñimpaŋ, dèn tumĕmĕn dibaṇḍuṅa pataŋ puluḥ, aja gumiṅsir tyassira, dèn trus lahir tĕkèŋ batin.

26. rañcaṅkapti duk miyarṣa, sampun tampi cinañcaŋ puluṅati, matur maraŋ rénanipun, ḍuḥ ibu paṅèstunta, muga muga pinaṛĕŋna iŋ hyaŋ aguŋ, bisa ṅlakoni kaŋ dadya, kaṛĕpé dariji gati.

27. luwaran dèn nya ḍaharan, tan antara nulya amapan guliŋ, wahu ta dyan jayèṅsantun, kalawan risaŋ ṛĕtna, katri buras wus lami dèn nya dudunuŋ, anèŋ nagri pakaloṅan, lumintu kyayi hartati.

28. suŋ wuwulaŋ mriŋ rahadyan, ñi hartati suŋ wulaŋ rañcaṅkapti, samya ṅĕtog kawruhipun, kaŋ nampèni kacĕkap, kawarṇaa ñi hartati gĕraḥ sĕpuḥ, pinaṛĕŋ lan takdirira, tumĕkanira iŋ jaṅji.

29. saŋ dyaḥ alara karuna, layonnira kaŋ ibu dèn ruṅkĕbi, mlasasiḥ sasambat ibu, sapa kaŋ momoŋ iṅwaŋ, déné duruŋ laki tĕka ibu lampus, sumaput datan panon rat, rañcaṅkapti lir ṅĕmasi.

30. gumraḥ taṅis jroniŋ wisma, ki hartati amoṇḍoŋ iṅkaŋ siwi, mèwèk mèwèk maṛĕbĕs luḥ, ḍuḥ jantuŋ atiniṅwaŋ, laḥ émuta babo ñawa ywa kabañjur, papas pupussĕn tyassira, èṅĕta yèn wus tinakdir.

31. malaḥ sukura iŋ sukṣma, susuwunĕn kamulyaniŋ kajatin, kaŋ laṅgĕŋ salaminipun, anakku jayèṅsĕkar, aku pasraḥ muṅguḥ layonné ibumu, wis kono maṅsa boḍowa, pĕtakĕn mriŋ ḍusun sraṅgi.

32. saŋ dyaḥ rara wus binĕkta, mariŋ wisma puṅkur iŋ tamansari, gya wuṅu sakiŋ iŋ kantu, anuṅkĕmi kaŋ rama, ki hartati tansaḥ mbaṛĕbĕl kaŋ ĕluḥ, pĕgat pĕgat aṅandika, wis wuṅuwa sira nini.

33. rañcaṅkapti wus aḷĕṅgaḥ, rama sira ywa bali maraŋ panti, èḥ bocaḥ wadon dèṅupuḥ, mariṅa patamanan, ṅuṇḍuhana kĕmbaŋ gambir mlaṭi mĕnur, capaka argulo mawar, saloŋ mĕñaṅa iŋ panti.

34. pataŋ gĕndul ḷĕṅa mawar, lawan ḷĕṅa sĕtambul tĕluŋ kopi, jĕbadan roŋ cupu aguŋ, wé mawar myaŋ hèr jamjam, ṅĕnĕm ĕñcèḥ ratus tĕluŋ loḍoŋ aguŋ, kayu garu tĕluŋ ṛĕmbat, kabèḥ wĕtokĕna aglis.

35. atuṛĕna kakaṅĕmas, lan rimoṅku kaŋ saka iŋ ṅarabi, kĕmbaŋ ĕmas putiḥ biru, kaŋ tĕka wiṅi ika, kaagĕmna luruḥ baṇḍosané ibu, bañjur tinumpaṅan sĕkar, roroñcèn anamman kaṇṭil.

36. uga aturṇa kakaṅmas, sampun mundur pra dasiḥ kaŋ tinudiŋ, saŋ ṛĕtna aṅrujit santun, kaŋ ṅlayat tan pétuṅan, jĕjĕl uyĕl ambèr tumĕka iŋ luruŋ, kaŋ layon wus binrĕsihan, samĕkta ṛĕṛĕṅgannèki.

37. jayèṅsari gya utusan, laḥ ta buras matura mriŋ kiyayi, sarèhné iki wus rampuŋ, wus samĕkta sadaya, kaŋ iṅanti

pra sĕpuḥ wus paḍa rawuḥ, ñuwun lilaḥ bañjur maṅkat, ki buras uméntar aglis.

38. paṅgiḥ matur rèḥ dinuta, ki sudagar tan aṅliŋ muŋ ṅaṇṭuki, wus matur maraŋ saŋ luhuŋ, nuwun sampun kalilan, wus umaṅkat kaŋ ḍikiran swara arum, umyuŋ lir manĕṅkĕr wiyat, samarga wuwuḥ kaŋ ṅiriŋ.

39. sampun prapta pasaréyan, jayèṅsari iṅkaŋ mĕtak pribadi, paragad pamĕtakipun, kaŋ ṅiriŋ wus bubaran, sowaŋ sowaŋ mantuk mariŋ wismanipun, radèn mantuk wus kapaṅgya, kalawan rama myaŋ ari.

40. rañcaṅkapti jayèṅsĕkar, myaŋ pra santri jalu kalawan èstri, datan kiraŋ sakiŋ satus, ratri pantara siyaŋ, samya darus kur'an tan na kĕṇḍatipun, praptèŋ pataṅpuluḥ dina, nulya amuŋ sabĕn ratri.

41. èstri pitu jalu sapta, raṅcaṅkapti wus ndarus katam kapiŋ, pitu déné jayèṅsantun, wus katam piŋ sadasa, sampun ḷĕjar kaŋ samya kataman giyuḥ, ki hartati awidada, dèn nira moŋ siwi kaliḥ.

42. tulus amukti wibawa, datan kĕṇḍat sĕḍĕkaḥ dana mintir, mariŋ sasamèŋ tumuwuḥ, rupa baranaarta, pinapantĕs iŋ sapaṅkat paṅkatipun, janma nagri pakaloṅan, warata kadanan sami.

43. babasan tan na kliwatan, suprandéné duñané ki hartati, nora kaloŋ malaḥ wuwuḥ, karya érammiŋ kaṭaḥ, ana ṅira yèn saka karamatipun, putra dwi èstri lan priya, kaŋ cahya apiṇḍa sasi.

44. mintir samya ḷĕŋ uḷĕṅan, para tamu myaŋ janma aminta siḥ, apa iŋ sakarṣanipun, sayĕkti sinukanan, sakiŋ nagri liyan apan wus misuwur, ki hartati ambĕg drĕma, asiḥ maraŋ iŋ sasami.

45. anuju ari sajuga, ki hartati salira aṅaḷĕntriḥ, animbali mriŋ kaŋ sunu, ḍuḥ karo atmajèṅwaŋ, bokmanawa wus cakĕt lan mahotiṅsun, anon saḍéṅaḥ wus kĕmba, rarasati nikmat ĕniŋ.

82. mijil

1. pĕṅétuṅku jumṅaḥ ṅaṛĕp iki, purṇama mañcoroŋ, pan kabĕnĕr iŋ sèwu dinané, ibunira bokné raṅcaṅkapti, radyan awotsari, paran étaṅipun.

2. ki hartati aṅandika aris, sakiŋ ri duk layon, kah‍étaŋ nĕm pasaran limané, sasinira kahundur kakaliḥ, déné taṅgalnèki, lilima kahundur.

3. duk gĕblagé iku amaṛĕṅi, ari akat ĕpon, taṅgal kapiŋ roŋ puluḥ surané, tahun alip akat étuŋ siji, sĕnèn étuŋ kaliḥ, slasa étuŋ tĕlu.

4. ṛĕbo papat kĕmis limanèki, jumuṅaḥ nĕm pantog, dé pasaran pon siji étuṅé, wagé loro kaliwoné katri, ḷĕgi papat nĕṅgiḥ, pahiŋ limanipun.

5. piŋ roŋ puluḥ awit mundur siji, piŋ saṅalas roro, piŋ wolulas tĕtĕlu unduré, piŋ pitulas papat undurṇèki, jaṅkĕpira kapiŋ, nĕmblas lima mundur.

6. sasi sura awit mundur siji, bĕsar jaṅkĕp loro, dadi ana jumuṅaḥ pahiṅé, taṅgal kapiŋ limalas maṛĕṅi, dulkaṅidaḥ sasi, jimawal kaŋ tahun.

7. ñuruhana mitra ṅundaŋ santri, jalu lawan wadon, ywa kuciwa sugatané nikèn, maragatta kĕbo sapi kambiŋ, ayam wiwaḥ biri, bèbèk bañak kalkun.

8. wédaŋ soklat ĕtèḥ lawan kopi, ḍaharan siŋ gamoḥ, kaŋ mirasa kaŋ kapara akèḥ, baṛĕkatan prantènana kaki, myaŋ salawat picis, ywa kuciwèŋ sĕmu.

9. tur sandika mundur suta kaliḥ, mituhu sapakon, praptèŋ ari wus samĕkta kabèḥ, bakda ṅisa kiyayi hartati, pinarak paṇḍapi, maṅgihi pra tamu.

10. kaŋ mapakkĕn miwaḥ ṅacarani, mrĕnahkĕn kaŋ ĕṅgon, jayèṅsari tan ana kèndĕllé, jroniŋ wisma nikèn rañcaṅkapti, saṅgyaniŋ tatami, pinarṇahkĕn sampun.

11. santri kaji naṅkoda priyayi, apan datan awor, ki hartati midĕr suŋ pambagé, myaŋ salaman dupi wus waradin, radèn jayèṅsari, mahyakkĕn iŋ parlu.

12. tĕmbuŋ cĕṭa aṅrĕsĕpkĕn ati, anorraga alon, miminta siḥ maraŋ sadayané, tamu miwaḥ santri kaŋ miyarṣi, ṛĕsĕp sukèŋ ṅati, sugata lumintu.

13. nulya tapuk saguŋ para santri, saprĕluné ṅahos, kaŋ tan ṅahos aramé gogotèk, iŋ jro panti pan maṅkono ugi, nikèn raṅcaṅkapti, tan na kèndĕllipun.

14. dèn nya mbujakrami mriŋ tatami, rahab iŋ susugoḥ, lan kakuṅan iŋ jawi tan pah‍é, wussiŋ katam kèndĕl sawatawis, tapuk sahman ḍikir, swaranya gumuruḥ.

15. ṅlĕbĕt ñjawi sarampuṅiŋ ḍikir, ambĕṅan lumados, dinoṅanan aṛĕmpĕk aminé, pragad doṅa gya bukti dumugi, brĕkatan rinakit, piriŋ caṅkir kriyuk.

16. kètèl maṅkok kuwuŋ kĕda basi, grĕglèk gĕlas bokor, kĕṇḍi suru ladiŋ myaŋ cukité, ḍulaŋ ténoŋ cĕṭiŋ srĕbèt putiḥ, bakakĕn si lilin, glaran batu alus.

17. pakinaṅannya tuṅgal miranti, salawat nèŋ kaṇṭoŋ, ñaṅaŋ réyal pitu tumuruné, gaṅsal niga marataḥ ñariṅgit, miwaḥ sadayaniŋ, kaŋ nèŋ ṅarṣanipun.

18. binĕktakkĕn saṅgyaniŋ tatami, waradin sakèḥ woŋ, suka ṛĕna iŋ tyassira kabèḥ, amarataḥ brĕkaté woŋ siji, ṅaliḥ bĕktan sami, ana ṅgotoŋ tĕlu.

19. para tamu wus aminta pamit, hartati liŋnya lon, babo iṅkaŋ rawuḥ sadayané, sakalaṅkuŋ iŋ panuwun mami, suka ṛĕnèŋ ṅati, tan kéṅiŋ winuwus.

20. sampun kiraŋ akṣamanta sami, mariŋ raganiṅoŋ, baṛĕkatan apan prayoginé, kaantukna rumiyin mriŋ panti, kapaṛĕṅa ṅanti, sakĕḍap turulun.

21. samya ṇḍĕku saṅgyaniŋ pra tami, brĕkatan wus boḍol, ki hartati pamit mriŋ tamuné, yun maṅgihi para tamu èstri, dupi praptèŋ panti, aṅsuŋ salam gupuḥ.

22. tatanya riŋ rara rañcaṅkapti, para tamu wadon, apa uwus mranti brĕkatanné, iya rama wus ginawa muliḥ, apa saananiŋ, kaŋ lumadyèŋ ṅayun.

23. dalaḥ waḍaḥ dak puriḥ ṅgawani, lawan ñjawi jumboḥ, ki hartati lataḥ sru sukané, kacoṇḍoṅan sabaraŋ karṣèki, putra wruḥ iŋ waṅsit, wasana liŋnya rum.

24. pra rubiyaḥ kaŋ rawuḥ iŋ ṅriki, sru panuwunniṅoŋ, mugi sampun kiraŋ akṣamané, ṅantossana sakiŋ sawatawis, wontĕn prĕlu kĕḍik, pra rubiyaḥ ṇḍĕku.

25. ki hartati ṅambil toyastuti, gya lumĕbèŋ gĕḍoŋ, salat kajat daṅu antarané, nulya ana cahya anĕlahi, sakèḥ damar lilin, sirṇa sorottipun.

26. samya kagyat sakèḥ iṅkaŋ janmi, rañcaṅkapti gupoḥ, mañjiŋ gĕḍoŋ nĕlahi sunarré, maṛĕpĕki kaŋ rama pinaṅgiḥ, wus tumĕkèŋ jaṅji, puput yuswanipun.

27. mujur ṅalor muṅgwèŋ kaṇṭil sukci, rañcaṅkapti mbĕṅok, ṅaḍuḥ aḍuḥ nruṅkĕppi layonné, kawarṇaa kaŋ ana iŋ ñjawi, saguṅiŋ parèstri, biluluṅan gugup.

28. jayèṅsari kagyat méntar aglis, prapta jroniŋ gĕḍoŋ, wus tétéla kaŋ rama sédané, gya sinambut nikèn rañcaṅkapti, paṅandika ririḥ, babo ariniṅsun.

29. dèn narima sukur iŋ hyaŋ widdhi, takdir kaŋ ḍumawoḥ, laḥ èṅĕta garissiŋ papaṣṭèn, tanpa prĕlu maṅguŋ kok taṅissi, balik dèn miranti, tikĕllĕn lan sibu.

30. ḷĕjar iŋ tyas rañcaṅkapti mijil, nèŋ jarambaḥ luṅgoḥ, tur uniṅa maraŋ tatamuné, myaŋ paréntaḥ mariŋ para dasiḥ, sampĕttiŋ pakarti, sadaya kacukup.

31. jayèṅsari mĕdal tur udani, yèn kaŋ rama layon, samya ñjĕtuŋ mbaṛĕbĕl waspané, para èstri gumrumuŋ anaṅis, radyan jayèṅsari, aparéntaḥ gupuḥ.

32. amiranti paṅkat béñjiŋ éñjiŋ, paṅuburré layon, tan winarṇa iṅkaŋ nambutgawé, para tamu guyup aṅréñcaṅi, layon binaṛĕsiḥ, rinukti pinatut.

33. iṅkaŋ dadya paṅagĕṅiŋ nagri, pakaloṅan rawoḥ, jayèṅsari nĕmbaḥ lon aturré, paṅkattipun layon béñjiŋ éñjiŋ, ulun lawan ari, tumutur mriŋ kubur.

34. naṅiŋ lajĕŋ tan waṅsul mriŋ nagri, ulun yun ḍéḍépok, kaŋ tan tĕbaḥ lawan astanané, rama ibu wontĕn ḍusun sraṅgi, sakawontĕnanniŋ, kaŋ kantun sadarum.

35. dalaḥ papan pémahan myaŋ panti, trussiŋ lahir batos, ulun sumaṅga iŋ sakarṣané, iṅkaŋ ṅasta paṅawasa nagri, sakarṣanta dadi, aywa walaṅkalbu.

36. ḍuḥ saṅgyaniŋ kaŋ rawuḥ iŋ ṅriki, mĕṅgaḥ aturiṅoŋ, sami ṅidènnana sadayané, sahur pakṣi tamu jalu èstri, maṅkana wus wañci, sĕḍĕŋ aṅkattipun.

37. wus rinakit kaŋ samya umiriŋ, aṅrĕṅgani layon, kèhiŋ janma myaŋ upaṛĕṅgané, tikĕl pitu kalawan duk ñahi, sakalir wus mranti, iṅaṅkatkĕn gupuḥ.

38. kèhiŋ janma raméné kaŋ ḍikir, kadya samodra rob, kataman iŋ prahara gora rèḥ, gumaḷĕḍĕg kaŋ kari aṅgili, kapoṇṭal nututi, lajĕŋ samya mikul.

39. tan winarṇa lampahirèŋ margi, iŋ astana rawoḥ, sinarèkkĕn cakĕt lan ñahiné, paragaddiŋ paṅuburrirèki, kaŋ samya umiriŋ, sadaya wus mantuk.

40. kantun para batiḥ kaŋ umiriŋ, maraŋ sakaroṅron, jayèṅsari alon ṅandikané, èḥ sakèhé abdiné kiyayi, tan na dakaranni, mantuka rumuhun.

41. ṅopènnana saananiŋ panti, déné raganiṅoŋ, pataŋ puluḥ ari anèŋ kéné, mulyakakĕn iṅkaŋ wus suwargi, poma dèn nastiti, saguŋ para wadu.

42. wussiŋ tampi ḍawuḥnya saŋ pĕkik, kĕbut jalu wadon, samya mantuk maraŋ iŋ wismané, kawarṇaa kaŋ kari prihatin, radyan jayèṅsari, nèŋ ṅaṇḍappiŋ pocuŋ.

24. jayèṅsari dalaḥ rayi sarta abdi liṅgar sakiŋ pakaloṅan, ṅidul ṅétan miṅgaḥ ṛĕdi prahu, lajĕŋ maṇḍap dumugi diyèŋ kapaṅgiḥ lurahipun wasta ki gunawan. sami mrikṣani caṇḍi caṇḍi iŋ diyèŋ. satuṅgal satuṅgalipun katĕraṅakĕn maknanipun déniŋ ki gunawan, kadosta : pambĕkanipun para kurawa, pambĕkanipun para paṇḍawa gaṅsal tuwin prabhu krĕṣṇa, pambĕkanipun garwanipun r. arjuna ; i.p. wara sumbadra, dèwi ulupi, dèwi manuwara, dèwi gandawati tuwin wara srikaṇḍi.

lampahipun kalajĕṅakĕn ḍatĕŋ sokayasa iŋ sukuniŋ ṛĕdi bisma, talataḥ bañumas. lampahipun kaatĕrakĕn déniŋ ki gunawan, laju sowan sèh akhadiyat. sèḥ akhadiyat dalaḥ garwanipun siti wuryan sawĕg naṇḍaŋ suṅkawa, jalaran putranipun iṅkaŋ wasta mas cĕbolaŋ késaḥ tanpa pamit. ḍatĕṅipun r. jayèṅsari lan nikèn rañcaṅkapti kaatĕrakĕn ki gunawan sagĕd dados paṅlipuriŋ suṅkawa. sakaliḥ kalihipun lajĕŋ kapuṇḍut putra sarta cumoṇḍok iŋ sokayasa dalaḥ abdinipun pun santri buras.

83. pocuŋ

1. ḍuḥ riniṅsun payo tumuli lumaku, ṅupaya kaŋ dadya, wĕcané saŋ maha yogi, ṅĕndi baya prĕnahé iŋ sokayasa.

2. yèn taléṇḍo iŋ laku mĕnèk kajujul, mriŋ batiḥ kaŋ paḍa, trĕṣṇa siḥ ayun umiriŋ, iŋ sapurug satĕmaḥ ṅribĕddi lampaḥ.

3. iya kakaŋ aku ṇḍèrèk sakarṣamu, ki buras turrira, upaminipun ṅĕntosi, kula baḍé tiḷĕm sakiŋ saĕléran.

4. rañcaṅkapti aṅandika sakaṛĕpmu, anaṅiŋ dak tiṅgal, sira kantunnna pribadi, yèn wus taṅi bañjur agé anusulla.

5. buras matur uwis kojur botĕn èstu, rahadyan wus liṅgar, sakiŋ iŋ astana sraṅgi, ṅidul ṅétan sumĕṅka aṅgraniŋ arga.

6. tumurun iŋ juraŋ pèrèŋ siluk siluk, suruppiŋ baṣkara, kèndĕl dèn nira lumaris, sipĕŋ anèŋ ḍusun tuwin paḍĕkahan.

7. éñjiŋ baṅun linajĕṅkĕn lampahipun, ḷĕpasiŋ lumampaḥ, tan ana saṅsayèŋ margi, ya ta wahu para batiḥ pakaloṅan.

8. samya nusul maraŋ iŋ saraṅgi ḍusun, rahadyan tan ana, atanya mriŋ kañca siti, winaṅsullan sadaṅuné nèŋ astana.

9. maṅkya suwuŋ wikana iŋ puruggipun, pra dasiḥ suṅkawa, biluluṅan ṅupadosi, aḷĕstantun tan ana iṅkaŋ pinaṅgya.

10. sigĕg iṅkaŋ pra dasiḥ kaŋ wayaŋ wuyuŋ, wahu lampahira, jayèṅsari rañcaṅkapti, wus aṅañcik sukuniŋ parahu arga.

11. amalipir ṅambaḥ tĕpiniŋ tlaga ṇḍut, warak kaŋ kapapag, ṅgĕndriŋ maraŋ ĕmbĕl bĕlik, saya ndĕdĕr iŋ lampaḥ laṅkuŋ ṛĕkasa.

12. ĕbun iṅkaŋ nèŋ goḍoŋ patiŋ paṛĕntul, gumĕbyar lir sotya, hawa asrĕp aṅlaṅkuṅi, kaŋ mahawan sadaya nrĕṭĕk wèl wèllan.

13. buras ñĕbut bilaḥ ṭik aḍĕm kalaṅkuŋ, sabaraŋ kahidak, rasané lir ṅidak api, kira kira iki lagi bĕḍug awan.

14. iba mĕṅko lamun wañci baṅun ésuk, kiraku tikĕl pat, aḥ krañjiṅan aḍĕm iki, sakirané apa ana woŋ kaŋ krasan.

15. maṅgon anèŋ kéné raratuné ñjĕkut, suprandéné ndara, sakaliyan tan katawis, ṅéca éca dèn nira sami tumindak.

16. radyan noliḥ ywa kok praduli bah‍é wus, aḍĕm maṅgon ḍawak, ki buras wèl wèlan aṅliŋ, botĕn niyat pun aḍĕm kula ajaka.

17. tanpa tĕmbuŋ gapyuk ṅraṅkul malbèŋ usus, tinuṇḍuŋ tan késaḥ, malaḥ kĕkaḥ aṅgéṇḍoli, tĕpuŋ pisan si aḍĕm kok bañjur trĕṣṇa.

18. gya tumurun rahadyan iŋ lampahipun, anon paḍĕkahan, anèŋ lambuṅé kaŋ wukir, aṅandika payo yayi pinaranan.

19. kaŋ gaṛĕmbĕl ṅaṛĕp iki kaya ḍukuḥ, ṅupaya patañan, lampahipun sampun prapti, patĕgalan nuju paṅagĕṅiŋ ḍĕkaḥ.

20. ṅuṇḍuḥ uṇḍuḥ kéṇṭol gunawan jujuluk, kagyat duk umiyat, janma tri sakiŋ iŋ ardi, lampahipun ṅĕnĕr mariŋ patĕgilan.

21. ki gunawan amapagkĕn sampun tuṇḍuk, aris atatanya, kamipurun nilakrami, nami sĕdya miwaḥ kawijilannira.

22. jayèṅsari amaṅsuli ṅandika rum, kula jayèṅsĕkar, saḍèrèkulun pawèstri, rañcaṅkapti sakiŋ nagri pakaloṅan.

23. sĕdyahulun mariŋ sokayasa ḍusun, gunawan tatanya, sintĕn ta iṅkaŋ sisiwi, kaŋ ayoga ulun ki hartati nama.

24. kéṇṭol ṅguguk ki hartati mitraniṅsun, wus lami tan paṅgya, punapi takṣiḥ basuki, nuwun maṅké sakaliyan sampun lina.

25. kala sugĕŋ wantos wantos wĕliṅipun, iŋ sapuṅkuriṅwaŋ, sira lan arinirèki, pruwitaa saŋ pinuṇḍi sokayasa.

26. milanipun sarampuṅirèŋ paṅubur, tan waṅsul mriŋ wisma, lajĕŋ méntar praptèŋ ṅriki, ki gunawan aṅliŋ kula botĕn ñana.

27. lamun sampun praptèŋ jaṅji kalihipun, anak dèn narima, ṅèstokkĕn tuduḥ sudarmi, bokmanawi iŋ tĕmbé maṅgiḥ kamulyan.

28. lamun sarju prayogi kampir wismèṅsun, nĕntrĕmkĕn sarira, rèḥ mĕntas lalampaḥ tĕbiḥ, tĕmbé ulun umiriŋ mriŋ sokayasa.

29. sakaliyan tyassira laṅkuŋ panuju, wus kérit mriŋ wisma, gunawan nulya ṅundaṅi, para batiḥ kinèn samĕkta sĕsĕgaḥ.

30. wusnya rampuŋ linadossakĕn mriŋ ṅayun, ḍuḥ anak sumaṅga, kinarya jampi kalantiḥ, sawontĕnné sugatanipun tyaŋ ṅarga.

31. tanpa rabi pramilanya laṅkuŋ kiḍuŋ, èḥ bocaḥ gĕḍèkna, totormu ywa koṅsi mati, sakaliyan wus wawantiŋ nulya ḍahar.

32. wus dumugi linorodkĕn buras gupuḥ, raṅcaṅkapti liŋnya, kakaŋ iki désa ṅĕndi, lawan iṅkaŋ aran totor iku apa.

33. ana jroniŋ wisma suda asrĕpipun, sapa namanira, iṅkaŋ darbé wisma iki, déné ṅaku mitrané kaŋ wus suwarga.

34. ki gunawan gumujĕŋ alon liṅipun, anak nama kula, kéṇṭol gunawan duk makṣiḥ, ṛĕmĕn dagaŋ lan rama ndika tan pisaḥ.

35. baya sampun tinakdir déra hyaŋ aguŋ, ulun tansaḥ tuna, rama ndika maṅguŋ baṭi, kaku iŋ tyas ḍĕḍĕkaḥ diyèŋ punika.

36. sĕpi samun suprandéné manahulun, tĕntrĕm sukawirya, aṅuṅkuli kala sugiḥ, saṅaṇḍappiŋ panti punika guwanan.

37. rintĕn dalu totor latu datan lampus, mila nèŋ jro wisma, datan akarahos atis, buras matur ḷĕṛĕs ḷĕṛĕs kaŋ timbalan.

38. tanpa ñjĕkut niŋ mĕṅko nèk mĕtu ṅuyuḥ, awak rasakĕna, mĕṣṭi tis tis tiba katis, wédaŋ tuwa anom datan krasa panas.

84. sinom

1. ki gunawan aturrira, iŋ béñjaŋ éñjaŋ prayogi, léléḍaŋ supadi éṅgar, iŋ tyas kataman prihatin, umiyat caṇḍi caṇḍi, diyèŋ kaṭaḥ warṇinipun, talaga pakaṛĕman, babahan aswatamèki, sumur gumliŋ myaŋ kawaḥ candradimuka.

2. rañcaṅkapti duk miyarṣa, kakaŋ sésuk milu mami, iŋ dalu datan winarṇa, nahan wus wañci byar éñjiŋ, hyaŋ surya aṇḍaḍari, sadaya apan wus ṅrasuk, bhuṣaṇa gya sarapan, pinantĕs ḍaharan éñjiŋ, wédaŋ ĕtèḥ alalap gĕṇḍis kalapa.

3. wus dugi ḍahar sarapan, wawi anak mumpuŋ éñjiŋ, gya liṅgar sakiŋ iŋ wisma, gunawan lumakyèŋ ṅarṣi, sacakĕttiŋ kaŋ margi, miyat caṇḍi cacaḥ tĕlu, nèŋ èrèŋ èrèŋ arga, aṅoṅkaŋ iŋ juraŋ trĕbis, kaŋ satuṅgal aran caṇḍi duryudana.

4. kaliḥ caṇḍi ḍañaŋ druna, katiga caṇḍi saṅkuni, iŋ lampaḥ wus mañcat miṅgaḥ, praptèŋ ṅiṅgil siti wradin, umiyat caṇḍi caṇḍi, caṇḍi arjuna jinujug, iŋ tĕṅaḥ wontĕn séla, kumalasa lus pasagi, tĕṅaḥ séla krowok isi toya marta.

5. laṅkuŋ asrĕpé kaŋ toya, majĕŋ maṅilèn kaŋ caṇḍi, iŋ ṅarṣané caṇḍi sĕmar, kidulliŋ arjuna caṇḍi, sumbadra laṅkuŋ adi, iŋ ṅarṣa mawa lèŋ aguŋ, jayèṅsari turrira, puniki ĕlèŋ punapi, ki gunawan alon wijiliŋ wacana.

6. ṅgèr punika winastanan, babahan saŋ durṇasiwi, iṅgiḥ bambaŋ aswatama, ṅalèr ṅilèn trusannèki, tumindak ṅidul myat iŋ, caṇḍi puntadéwa prabhu, kakaliḥ caṇḍi ṅarṣa, kĕmbar warṇi alit alit, winastanan caṇḍi naṅkula sadéwa.

7. kidul caṇḍi puntadéwa, winastan caṇḍi srikaṇḍi, lajĕŋ dèn nira tumindak, ṅidul ṅilèn sawatawis, umiyat caṇḍi asri, aran caṇḍi bimasunu, ya caṇḍi gaṭutkaca, samya ṅilèn ajĕṅnèki, ṅidul maliḥ miyat caṇḍi wrĕkudara.

8. iṅgil tur agĕŋ priyaṅga, aṛĕspati laṅkuŋ wiṅit, pribadya majĕŋ maṅétan, saḷĕsiḥ dèn nya niṅali, tumindak ṅidul maliḥ, myat tlagawarṇa rannipun, wé lir kuwuŋ waṅkawa, pĕṭak abrit biru kuniŋ, lirap lirap kalaṅkuŋ asri kawuryan.

9. mawèḥ sĕṅsĕmiŋ wardaya, aṅlilipur iŋ prihatin, ri wusnya myat tlagawarṇa, miyat talaga tus nami, toya kalaṅkuŋ wĕniŋ, kataṇḍa ḍasariŋ ranu, gya miyat tlaga kidaŋ, umobiŋ wé mawèḥ giris, nulya waṅsul ṅalèr ṅilèn lampahira.

10. umiyat iŋ caṇḍi krĕṣṇa, sĕmu wiṅit aṅlaṅkuṅi, ṛĕspati kaŋ wawaṅunan, kĕmput tapis dèn ubĕṅi, nulya tumindak maliḥ, maṅilèn myat trusannipun, babahan aswatama, kaŋ añjog ṅarṣaniŋ caṇḍi, saŋ dyaḥ adi sumbadra kasĕbut ṅarṣa.

11. kawuri caṇḍi babahan, nulya maṅétan lumaris, miyat iŋ tuk bimalukar, toya maṇṭur laṅkuŋ wĕniŋ, buras gupuḥ marani, kapéṅin rahup myaŋ ṅinum, taṅan kaliḥnya naḍaḥ, dupi kasĕntor iŋ wariḥ, asru ñjola ṅacĕcĕŋ taṅan kaliḥnya.

12. rañcaṅkapti dahat suka, tatanya buras ṭik mriṅis, ñjiṅklak bañjur awèl wèllan, naṛĕṭĕg umatur ririḥ, nuwun rahosé sami, ñas kadya naḍahi latu, wé asrĕpé kalintaŋ, jimpé taṅanulun kaliḥ, nora majat aḍĕmé tuk bimalukar.

13. waṅsul maṅilèn lampaḥnya, kaṭaḥ ṛĕca alit alit, pinarik pinaṇṭa paṇṭa, wiwitan iṅkaŋ kah‍èkṣi, tan liyan lir wit kopi, amuŋ awis uwohipun, rahadyan minta wikan, ki gunawan turrira ris, laḥ punika kaŋ nama purwakucila.

14. wohipun kéṅiŋ kinarya, panulakiŋ wisa mandi, sarpa lamun kahuṅkulan, tanpa karkat aṅaḷĕntriḥ, kalabaŋ kalajĕṅkiŋ, uḷĕr iŋ sasaminipun, , buras gupuḥ aṅuṇḍuhi, kaṇṭoŋ kaliḥ kĕbak woḥ purwakucila.

15. mariŋ arga ambĕg wasta, pakaṛĕman laṅkuŋ wiṅit, tĕṅaḥ séla kumalasa, kaṭaḥ babaluṅiŋ pakṣi, radyan tatanya mariŋ, ki gunawan ris umatur, punika baluŋ kaga, saḍéṅaḥ pakṣi ṅuṅkuli, pakaṛĕman tamtu pĕjaḥ lajĕŋ ḍawaḥ.

16. ana iŋ séla punika, wus tamat nulya niṅali, iŋ kawaḥ candradimuka, luwĕŋ satĕṅahiŋ ṅardi, isi wé sulak kuniŋ, umob liraŋ gandanipun, tan na kuwasa ñĕlak, mawa kukus sawatawis, toya mili naṅiŋ kawaḥ datan lukak.

17. datan daṅu dèn nya miyat, lajĕŋ tumurun wus prapti, iŋ ṅèrèŋ èrèŋ sitinya, dèn ambaḥ amĕmbĕk mĕmbĕk, gaṭuk lawan tĕlagi, akaṭaḥ maliwissipun, antiṅan apapaṇṭan, ana gisikiŋ tĕlagi, buras aṅliŋ apa ta kah‍é antiṅan.

18. ki gunawan aṅandika, iya ika ĕṇḍog mliwis, naṅiŋ éwuḥ pañjupuknya, awit siti tan kuwawi, kalamun dèn ĕñciki, amblĕs ĕmbuḥ gaḍugipun, ki buras miris maras, tumindak amiṅgriŋ miṅgriŋ, lampahira wus tan ṅambaḥ siti mĕndat.

19. miyat sumur jalatuṇḍa, ubĕṅé pinalaṅan priŋ, ṅaluwĕŋ ḍapur kukusan, ñjawi palaŋ gasik wradin, kaṭaḥ patilassanniŋ, sĕkar koñoḥ miwaḥ kutug, rahadyan minta wikan, ki gunawan turrirèki, sabĕn maḷĕm aṅgara kasiḥ punika.

20. kaṭaḥ janma kaŋ tirakat, wontĕn iṅkaŋ minta sugiḥ, wontĕn minta kadrajatan, wontĕn minta dèn kasihi, myaŋ minta darbé siwi, wontĕn minta tĕguḥ timbul, sontĕn aṅoboŋ dupa, manawi wus tĕṅaḥ ratri, aṅgluṇḍuṅkĕn timba bumbuŋ binaṇḍulan.

21. séla bundĕr agĕŋ madya, supadi éṅgal lampahiŋ, timba prapta ṅgyanniŋ toya, yèn katrimaḥ sĕdyanèki, paṅrahos sawĕk kaliḥ, ḍĕpa sampun aṅsal ranu, gya iṅinum saĕkal, |

kéṅiŋ mbĕkta lamun kinarya sarana.

22. manawi datan katrimaḥ, dalomokipun pawarti, tali ṅantos sèwu ḍĕpa, tinarik tan antuk wariḥ, ki buras añĕlaki, ṅiṅuk ḷĕbĕté kaŋ sumur, siṅunĕn giris iŋ tyas, badannya sakojur mrindiŋ, undurrira alon alon ulat biyas.

23. cakĕt lawan jalatuṇḍa, wontĕn toya iṅkaŋ mili, sakiŋ sapucakiŋ arga, naṅiŋ lampahé kaŋ wariḥ, ndadak añimpaŋ tĕbaḥ, datan lumĕbĕt iŋ sumur, maṅkana dèn nya miyat, iŋ diyèŋ sahurutnèki, tan ṛĕkasa iŋ tyas datan mawi kĕmba.

24. ki gunawan aturrira, wus tĕlas kaŋ dèn tiṅali, prayogi waṅsul mriŋ wisma, biliḥ kadalon nèŋ ṅriki, sah‍èstu tan kuwawi, miṇḍak miṇḍak asrĕppipun, radyan matur sumaṅga, tumurun wus praptèŋ panti, pasugata tinata ṭarik samĕkta.

25. wawi anak lajĕŋ ḍahar, rayi paduka kalantiḥ, sahari datan anaḍaḥ, saŋ dyaḥ aṅandika aris, kasĕṅsĕm umiyat iŋ, caṇḍi miwaḥ sanèssipun, mawèḥ ṛĕnaniŋ driya, dumadi tan ṅrasa ṅĕliḥ, ki gunawan ṅandika alkamdulillaḥ.

26. wus wawantiŋ toya panas, pakantuk dèn nira bukti, cinarik sinuṅkĕn buras, tanpa taha dèn nya bukti, kasrĕtĕn minta wariḥ, sinuṅan wédaŋ kumĕbul, gya iṅinum nir rasa, panas asrĕp kadi wariḥ, muŋ gugusi lambé liḍaḥ krahos liḍas.

27. radyan matur mriŋ gunawan, caṇḍi duryudana tuwin, caṇḍi druna caṇḍi suman, caṇḍi puntadéwa aji, caṇḍi arjuna caṇḍi, naṅkula sadéwanipun, kalawan caṇḍi bima, tuwin caṇḍi dwarawati, ṅajĕṅipun wontĕn séla kumalasa.

28. pasagi sinaṅga ompak, kubĕṅira pinarigi, buḷĕt iṅukir luŋ luṅan, tĕṅahiŋ séla waradin, sinĕrat sastra ṛĕmit, kadiparan uṅĕlipun, mèsĕm kyayi gunawan, atur waṅsulan mrakati, sastra buddha iṅkaŋ tumrap wontĕn séla.

29. punika apan pèṅĕtan, pambĕkannya kaŋ cinaṇḍi, ṅuṅsĕd radyan jayèṅsĕkar, mugi kapaṛĕŋ iŋ galiḥ, amĕḍar surahossiŋ, sadaya iṅkaŋ kasĕbut, anèŋ séla sasaṅa, naṅiŋ tinĕmbuŋna jawi, iṅgiḥ anak punika laṅkuŋ prayoga.

30. winarṇa pambĕkannira, sira prabhu kurupati, puguḥ sĕbaraŋ kinarṣan, mituhokkĕn iŋ paṅgaliḥ, adrĕŋ pikir ginĕlis, ayo jaṅjiné tumanduk, rikat naṅiŋ guguppan, iŋ atur tan tinaliti, muṅkur maraŋ carita mawa surasa.

31. ranniŋ oṇḍé miwaḥ adat, lalabuhan ala bĕcik, tan arṣa ṅuniṅannana, nurut karṣané pribadi, ṛĕmĕn akarya wiwit, gagrak añar kaŋ sinarju, lumintu pariŋ dana, ambuṅahakĕn woŋ cilik, naṅiŋ iṅkaŋ ambyuk aṅubuṅi karṣa.

32. yèn ta muṅguḥ kaŋ maṅkana, kahuguŋ kapati pati, wus datan asubasita, ilaŋ tataniŋ narpati, katon tyas naṅiŋ jiriḥ, watak molor nora mulur, yèn mĕnĕŋ lir gupala, ṅumpĕt karṣa tan ṅrapĕti, gojag gajĕg uga iya uga ora.

33. manawa na turré wanodya, iṅkaŋ dadya supriḥ pamriḥ, añjalari sukawirya, myaŋ ndrĕbalané mas picis, iku ṛĕna kapati, paṅarabé nora uwus, yèn duruŋ tibèŋ karṣa, sarwa nora pisan ériŋ, iŋ sujanma maṅun tèki tapabrata.

34. malaḥ punika iṅaran, woŋ papa sudra aniṣṭip, awit tan ṅubuṅi karṣa, kabuṅahanniŋ ṅahurip, aṅgĕppé iŋ paṅgaliḥ, maraŋ hyaŋ sukṣma linubuŋ, sayĕkti nora liya, muṅguḥ bhaṭara linuwiḥ, tanpa rupa muhuŋ jatiné priyaṅga.

35. krana kawasèŋ kaanan, tanpa cĕgaḥ tanpa sirik, miliḥ sakèhiŋ gumĕlar, iṅkaŋ purbamisésani, tĕtĕp karṣaniŋ widdhi, sida dumadi tan ḷĕbur, tamat pambĕkannira, saŋ aprabhu kurupati, gantya arya saṅkuni patiḥ ṅastina.

36. watĕkannipun kinaṇḍa, pradulèn ṅaruḥ aruhi, nora kĕna woŋ kumlébat, ṭik iṭik dipunwahoni, gawé sĕrikiŋ ati, sikon saronné lumintu, tiṅkaḥ solahiŋ liyan, muŋ tansaḥ dipunowahi, nora nana sawiji kaŋ kabĕnĕran.

37. paṣṭi tumiba iŋ ḷĕpat, yèn nana ṅarṣa saṅkuni, sanadyan uwis bĕnĕra, gumrĕmĕŋ mahoni ririḥ, saradan tudaŋ tudiŋ, añuṅir ulaté ṛĕṅu, yèn ḷĕkas pagunĕman, nora liya liya maliḥ, pan wus kĕna pinaṣṭèkkĕn lamun nacad.

38. ṅrasani alaniŋ janma, dèn aṇḍar awit jĕjĕṇṭik, suku miṅgaḥ koṅsi prapta, pucuk rambut tanpa uwis, dadi ṛĕnaniŋ galiḥ, yèn ñatur tindak kaŋ dudu, kinarya cagak ḷĕṅgaḥ, ṅira ira mriŋ sasami, muŋ alané bah‍é iṅkaŋ pinĕṭikan.

39. nora pisan aṅétokna, bĕcikiŋ liyan pinuriḥ, sirṇa kaḍaŋ tinutupan, pamriḥ arahiŋ paṅgaliḥ, dimèn aja ṅuṅkuli, ya maraŋ sariranipun, yèn ana woŋ kakaṇḍan, nora ṅaḷĕm mriŋ kya patiḥ, miwaḥ nora carita alaniŋ janma.

40. paṣṭi ambañjur pinapas, aja ambañjur cariwis, tur yèn tinuñjĕl iŋ ṛĕmbag, añjĕlomproṅakĕn amriḥ, duduné iŋ sasami, lamun ḷĕkas gawé ḍawuḥ, mlakṣana amisésa, ṅawaŋ ṅawur tan dumugi, iŋ wasana tan tumibèŋ karaharjan.

41. kaŋ paṣṭi dadya paṅgrĕsaḥ, pĕgĕl sayaḥ aṅlakoni, praptèŋ ndon dadi tutuhan, prandéné bisa ṅiṅĕrri, iŋ catur añélaki, iku mahu kuraŋ anu, lamun ta maṅkénéya, iya tumiba iŋ dadi, laḥ ta ora paḍa ṅati ati iŋ tyas.

42. pan maṅkono arya suman, yèn tinutuḥ iŋ prakawis, malaḥ maḷĕs nutuḥ ndadra, ṅĕñcĕṅi bĕnĕr pribadi, suṭik yèn dèn aranni, luput paréntahé ṅawur, bañjur aṅisis jaṭa, ana kamituwa dadi, iku goroḥ yèn aku nora bĕnĕrra.

43. sakiŋ luputmu priyaṅga, maléṅos kaŋ sinuŋ aṅliŋ, wus wataké kyana patya, iŋ ṛĕmbag ṅgarèṇḍèl wuri, gaṛĕgĕdiŋ paṅgaliḥ, sadina dina pan namuŋ, amriḥ ara uruwa, gègèra iṅsun aṅutil, gĕrahuyaŋ yèn ana arjaniŋ jaman.

44. jalukané awèwèhan, kumĕt tur rada ñlĕkuṭis, déné aṅgĕppé iŋ driya, maraŋ hyaŋ sukṣma linuwiḥ, gustiné tĕtĕp gusti, kula ya kawula tuhu, marma kudu akarya, añupriḥ bĕcikiŋ ḍiri, supayané dadi tumiba iŋ mulya.

45. kudu maṅaṅkaḥ tan kĕṇḍat, aṅĕṇḍak gunaniŋ janmi, ṅala ala mriŋ manuṅsa, aja ana kaŋ ṅuṅkuli, supadya dadya kèkṣi, badanné ḍéwé linuhuŋ, ṅaléla anèŋ jagad, paṅrasa bĕcik pribadi, dadi sida katarima hyaŋ wisésa.

46. saṅĕt coṇḍoŋ śri naréndra, jakapitana iŋ patiḥ, saṅkuni klakuwanira, ṛĕsĕp iŋ tyas narapati, myaŋ iṅkaŋ para ari, kurawa sadayanipun, tan ana kaŋ sulaya, gilig goloŋ kaŋ paṅgaliḥ, abiyantu iŋ karṣa jĕŋ śri pamasa.

47. rumojoŋ sĕdya swuḥ braṣṭa, guŋ kinarya sĕkar laṭi, anurut paréntahira, kaŋ paman arya saṅkuni, sabaraŋ pamrayogi, tan nana iṅkaŋ winaṅsul, saatur aturrira, tamtu bisa nuju kapti, marma tansaḥ cakĕt nèŋ ṅarṣa naréndra.

48. kinarya mantriwisésa, kaprĕcaya ṅuwasani, kabèḥ bot répottiŋ praja, mĕñcarkĕn karṣèŋ narpati, sukĕr waḷĕddiŋ nagri, kasraḥ baŋ baŋ alum alum, kaŋ rawé rawé rantas, malaŋ malaŋ dèn putuṅi, idu gĕni ériŋ kabèḥ woŋ sapraja.

49. wus tamat watĕkannira, kya patiḥ arya saṅkuni, kaŋ myarṣa sadaya suka, radyan aturrira aris, sah‍èstu añèplĕssi, lan wujud wayaṅanipun, paran pambĕkannira, ḍaṅhyaŋ druna mahaṛĕsi, ki gunawan aṅlajĕṅakĕn carita.

50. pupuṇḍèn nagri ṅastina, dadya paṅumbahan pikir, kaŋ minaṅka tuwaṅgana, niŋ praja tinuwi tuwi, sapa sinambattiŋ siḥ, risaŋ baratmadyasunu, ya bambaŋ kumbayana, satriya iŋ ṅatasaṅin, aṅajawa apaparab ḍaṅhyaŋ druna.

51. aḍéḍépok sokalima, jroniŋ wawĕṅkon nagari, ṅastina guŋ sinuṅgata, tuhu paṇḍita linuwiḥ, cipta aṅgĕpé mariŋ, hyaŋ widdhi bhaṭaranipun, sinĕru mĕṅku puja, pinriḥ wor agal lan ṛĕmit, ywa kasĕlan iŋ paṅragasukṣmanira.

52. lamun nora maṅkonowa, muṅguḥ kawula puniki, yĕkti nora darbé daya, ṅgonné bisa mobahmosik, malaḥ kaworan sakiŋ, hyaŋ purbamisésanipun, loro loroniŋ tuṅgal, tĕtĕp tinĕtĕpan sami, dadya amuŋ kawula darma lumakya.

53. wawatĕkannira maraŋ, sasaminirèŋ dumadi, sisiṅlon sabaraŋ karya, nora kĕna yèn dinugi, sakiŋ pĕñcariŋ aṅliŋ, labĕt loro loro tĕlu, tan ṅĕmuṅkĕn sajuga, kaaraḥ ñampar pakoliḥ, iŋ piṛĕmbag mubĕt kĕsit nora paṅgaḥ.

54. pakolèhé kaŋ supaya, aywa katliṇḍĕs iṅkaŋ ṅliŋ, iṅkaŋ tumiba iŋ ala, amuŋ kaŋ tumibèŋ bĕcik, katonna ṛĕmbug sakiŋ, iya iŋ sariranipun, marma cinalaŋ calaŋ, pakéwuhé kaŋ ginati, saliṅkuhé wiwéka dinèkèk ṅarṣa.

55. palèsèddan iŋ wicara, paṅaṛĕp ṅénaki ati, naṅiŋ sadaḷĕmmiŋ cipta, mandĕŋ calorodiŋ kapti, yèn wus wruḥ dèñjuruṅi, pinèt saprayoganipun, awiknya kamandaka, iŋ sabda tan ṅatawisi, awit sakiŋ kinĕmboŋ basa mardawa.

56. ṅĕguṅkĕn paṅĕla ĕla, ginunturan iŋ mamanis, abaŋ lambé marakdriya, wisa martané ṅĕnani, kaḍaŋ warta wisaniŋ, aṅgutuk lor kĕna kidul, marma saŋ ḍaṅhyaŋ druna, mĕṅkono watĕkiŋ ati, iŋ uwité sakiŋ kasluruniŋ lampaḥ.

57. dahat adrĕṅiŋ wardaya, duk makṣiḥ nèŋ ṅatasaṅin, tan arṣa gumantyèŋ rama, amuŋ saṅĕt maṅun tèki, kapati mati raga, nora saré ḍahar ṅinum, mĕnĕŋ manuṅku puja, manuḥ manawa manonni, kaḷĕkṣanan antuk waṅsitiŋ jawata.

58. yèn sañata mamriḥ sira, mriŋ kamulyaniŋ jagad tri, wuḍaṛĕn tapabratanta, lumakuwa aṅajawi, iŋ kono ana janmi, kakasihiŋ jawata guŋ, turasiŋ saŋ hyaŋ brahma, naṅiŋ karṣaniŋ déwa di, iŋ samĕṅko pan makṣiḥ kinarya samar.

59. duruŋ katon kawistara, makṣiḥ dipunwaranani, déniŋ hyaŋ jati wasésa, srana aṇḍapasor sami, mamriḥ raharjèŋ budi, tapabratané sinamun, asorré ṅĕmu rasa, paṇḍu déwanatasiwi, narapati nagara guŋ iŋ ṅastina.

60. wus dadi pratikñanira, sinuŋ papañcèné paṣṭi, déniŋ hyaŋ jagad pratiṅkaḥ, siṅa siṅa woŋ kaŋ asiḥ, miluta añĕḍaki, bisa momoŋ maraŋ iku, sayĕkti katarima, baraŋ pamudyané dadi, wus maṅkono iya ora kĕna cidra.

61. marma bambaŋ kumbayana, éṅgal dèn nira lumaris, ṅulati mriŋ tanaḥ jawa, mituhu ucappiŋ waṅsit, samana sampun prapti, naṅiŋ kaloloḥ iŋ laku, labuḥ labĕtiŋ arda, tumpaŋ so sabaraŋ kardi, ṅuṅun iŋ tyas wahu risaŋ ṛĕṣi druna.

62. awit dudu kaŋ sinĕdya, muṅguḥ ṅastina nagari, rèhniŋ wus baṅsa paṇḍita, dadya sĕdya tan gumiṅsir, mantĕp tĕtĕp ṅlakoni, laku iṅkaŋ wus kabañjur, kacĕmpluŋ nèŋ ṅastina, momoŋ prabhu kurupati, muŋ iŋ batin miluta nata paṇḍawa.

63. lan muṅguḥ śri duryudana, dahat dèn nira mumuṇḍi, maraŋ risaŋ ḍaṅhyaŋ druna, aṅaṅgé guru marṣandi, iŋ ṛĕmbag guŋ tinari, pra samya kèlu kalulun, woŋ sapraja ṅastina, maṅastawa ṅaji aji, amiminta aji jaya kawijayan.

64. saŋ nata sadina dina, mèḥ nora saḥ lan saŋ ṛĕṣi, lawan sira arya suman, iya saŋ patiḥ saṅkuni, iṅkaŋ minaṅka tali, ṅĕñcĕṅi saguŋ rinĕmbug, wani toḥ lara pĕjaḥ, mantĕp ora aṅoñcati, marma nurut nata mriŋ sarkaranira.

85. ḍaṇḍaŋgula

1. sampun titi pambĕkannya ṛĕṣi, sokalima maṅkya ulun mĕḍar, kaŋ sinuŋ siḥ jawatané, sira saŋ paṇḍusunu, śri iswara cintakapuri, miwaḥ sakadaṅira, kalima winuwus, kalakuwanira samya, prabhu darmakusuma yuḍiṣṭira ji, iya saŋ dwijakaṅka.

2. iya darmawaṅsa śri bhupati, puntadéwa guna talikrama, cintakapura prajané, ṅamarta ya winuwus, iŋ batanakawarṣa déniŋ, panĕṅgakiŋ paṇḍawa, risaŋ bayusunu, iya arya brataséna, wrĕkudara ya kusumayuda tuwin, saŋ bima gĕŋ birawa.

3. paparab satriya joḍipati, nuṅgil muṅgwèŋ sajroniŋ nagara, dé kaŋ dadi panĕṅahé, satriya surasadu, madukara iṅkaŋ ṅrĕṅgani, paparab danañjaya, ya saŋ paṇḍusunu, palguna arjuna parta, éndraputra janaka radèn jahnawi, prĕmadi ya pamadya.

4. lawan bibisik prabhu kariṭi, naṅiŋ muhuŋ ana iŋ suwarga, iŋ téjamaya siniwèŋ, déniŋ pra surawadu, yèku nama prabhu kariṭi, maliḥ saŋ paṇḍuputra, dwi warujunipun, ḍéḍépok iŋ tañjuṅtirta, sakaliyan sapa dasanèŋ wawaṅi, naṅkula lan sadéwa.

5. jaṅkĕp gaṅsal iŋ maṅkya winarṇi, pambĕkannya śri darmakusuma, rumaṅsa kawula kiyé, iŋ tyas marmanya kudu, karya bĕcik maraŋ sasami, paṅaṅkaḥ aywa kĕṇḍat, asarananipun, nĕpuṅakĕn kabĕcikan, maraŋ liyan kaŋ widadaa basuki, lan norriŋ jiwa raga.

6. kaŋ supadya sidaniŋ dumadi, mindĕŋ mindĕŋ ṅudaŋ katarima, sumuci mriŋ bhaṭarané, jumitaniŋ sumuṅku, nuṅku tama mamati kapti, sakarṣanirèŋ liyan, katampèn rahayu, sanityasa tyas susanta, sĕtyaniŋ ṅliŋ sĕdya mriḥ ṛĕnaniŋ ati, tan tilar parikrama.

7. sakarṣané tan arṣa sak sĕrik, ira maraŋ sakèhiŋ tumitaḥ, wahyané pamuwus sarèḥ, sarèḥ sarékaniŋ hyun, sĕmu mĕnĕŋ tan mardulèni, sasolaḥ bawaniŋ lyan, pan namuŋ jinuruŋ, kaŋ katampik nora nana, muŋ kaḷĕbut watak aṅaruḥ aruhi, amot mĕṅku iŋ driya.

8. yèn ṅandika tansaḥ aṅiribi, nora pisan yèn ñulayanana, maraŋ sasama samané, saṛĕṅaniŋ tumuwuḥ, pañiptané iŋ sukṣma jati, kaŋ murwa iŋ bhawana, bisaa sawujud, ilaṅa jĕnĕŋ kawula, paṅaṅgĕpé wus mati sajroniŋ urip, kamulyaniŋ kaanan.

9. iŋ ñjaba jro jinumbuhkĕn sukci, kadya palwa kamot iŋ samodra, tan sêsak déniŋ sarahé, mis bacin ganda arum, ṛĕgĕd ṛĕsik agal lan alit, kaḷĕbu tan tinulak, sumuṅku riŋ ayu, iŋ paṅrasa sukmanira, pan linaṅgĕṅakĕn kalawan pamuji, wus tanpa piliḥ papan.

10. mandĕŋ maha sukciniŋ hyaŋ widdhi, kaŋ winanuḥ jaman tĕpĕtloka, sumiṅkir maraŋ karamèn, tan karya sukèŋ kalbu, iŋ kaanan sawiji wiji, iŋ jagad janaloka, cinipta tan wujud, wus muliḥ aranniŋ kuna, sampun tamat pambĕkan śri paṇḍusiwi, maṅkya gantya winarṇa.

11. pambĕkannya risaŋ bayusiwi, sira radyan arya wrĕkudara, saŋ brataséna parabé, kaku anaṅiŋ kukuḥ, nora tahu akarya wiwit, mucuki iŋ prakara, adoḥ sakiŋ iku, iŋ samaṅsa wus katatap, iŋ paṅgaliḥ paṅgaḥ nora wigaḥ wigiḥ, tan ana cinĕgahan.

12. nora ṅaṅgo tèḍèŋ aliŋ aliŋ, apa baraŋ sakarṣa balakan, tan ṅaṅgo bĕcik bĕciké, lamban bah‍é iŋ catur, lomas lamis iku tan sudi, nya ḍaḍa ĕndi ḍaḍa, ywa kakèhan ṛĕmbug, siṅa bĕcik binĕcikan, siṅa ala iya paṣṭi dialani, amuk ṛĕbutĕn iŋ praŋ.

13. kĕñcĕŋ ḷĕmpĕŋ nora miṅgraŋ miṅgriŋ, nir wikara nir baya nir priṅga, tĕtĕg sabaraŋ karṣané, tan ṅaṅgo siṅgan siṅgun, ala bĕcik bĕcik tumuli, éwuḥ pakéwuḥ tanpa, bĕnĕré linajur, ṅukuhi kĕcapiŋ kata, étaŋ wuwus yèn wus wĕḍar dèn ruṅkĕpi, tan nana kinèriṅan.

14. wus tan ṅétuŋ lara lawan pati, tan sumiṅgaḥ sĕdya linakṣanan, ṅantĕpi basané bah‍é, tan kĕṇḍak déniŋ ridu, nadyan para jawata sami, tan kĕna malaṅana, iŋ sakarṣanipun, aṅgĕpé mriŋ hyaŋ wisésa, nora sĕlak lamun kinarya gagĕnti, ilaŋ was wasiŋ driya.

15. sajatiné bhaṭara linuwiḥ, nora araḥ ĕṅgon warṇa rupa, kalimputan iŋ anané, purbawisésanipun, pribadi saŋ sidaniŋ dadi, wus wiratamèŋ cipta, pupuntoniŋ kawruḥ, kawula wus tan rumaṅsa, arya séna tan bèñcèŋ cèwèŋ maligi, wĕnaŋ adarbé karṣa.

16. srana mantĕp tĕtĕp tan gumiṅsir, bĕtaḥ ṅaṅkaḥ yèn duruŋ kalakyan, apa kaŋ kinarṣakaké, nora maṛĕm iŋ kalbu, lamun duruŋ prapta sajati, jati jatiniŋ karṣa, sinĕru sinaṅkut, wus tamat pambĕkannira, arya séna woŋ aguŋ iŋ joḍipati, maṅkya iṅkaŋ winarṇa.

17. pambĕkannya rahadyan pamadi, arya danañjaya saŋ arjuna, anĕṅgiḥ radyan pamadé, saŋ baṭaréndrasunu, apaparab prabhu kariṭi, kĕkĕmbaṅé bhawana, madukara mĕṅku, saŋ parta iya janaka, amañjaya jayané saŋ jayèŋ jurit, prawira widigdaya.

18. amumpuni iŋ guna kasĕktin, datan kéwran gĕlarriŋ ṅayuda, tĕtĕg tatag sabaraŋ rèḥ, sarèḥ sasmita putus, tatas buntas yitnèŋ wigati, wiwéka surèŋ laga, ḷĕga lir tumambuḥ, tapa tapakiŋ warastra, muṅgwèŋ graninŋ kaŋ arga antikṣwa luṅit, iŋ rat tuhu minulya.

19. mila dadi koṇḍaŋ iŋ sabhumi, sira rahadyan andanañjaya, sakiŋ budi paraḍahé, sriŋ ṅĕtog iŋ sakayun, iŋ sujanma jalu lan èstri, sakarṣa linaṅgatan, tan ana winaṅsul, nadyan suréndra bhawana, pra jawata tuwin kaŋ para apsari, iṅuja sakarṣanya.

20. karya ṛĕsĕp mriŋ rowaṅé liṅgiḥ, ṛĕspatiné ṅuṅuwuŋ kawaṅwaŋ, bisa basa basukiné, mardawa iŋ paṅuṅrum, kaduk manis ambajoŋ liriŋ, kumĕclap nuju prana, kaŋ kĕna kumĕpyur, ḍasar sĕmbada iŋ warṇa, wus kahonaŋ onaŋ iŋ jana yèn sigit, sĕḍĕŋ dĕdĕg pidĕkṣa.

21. baŋ baŋ awak iŋ sarira ḷĕntriḥ, rurus raras wiṅit lir ṅoṅotan, antĕŋ mintir grahitané, tan pati kaduk ṅguyu, muŋ èsĕmé dèn iñcrat iñcrit, sumèḥ iŋ pasamuwan, iŋ sĕmu sinamun, jroniŋ naya mawa cahya, iŋ wasana lir wimbaniŋ sitaṛĕsmi, parigĕl paribawa.

22. iŋ kabuddhan tuhu aṇḍèwèki, babagusé wayuḥ woŋ sanambaŋ, mĕkṣa katon uṅgul ḍéwé, manawa iŋ paṅguṅguŋ, binañjurṇa kamot iŋ tulis, laṅkuŋ paṅĕla ĕla, kiraŋ papannipun, maṅkana saŋ éndraputra, bisa mañjiŋ ajur ajèr agal ṛĕmit, tan kéwran iŋ kaanan.

23. ḍasar bĕtaḥ tapabrata ḷĕsniŋ, mintaraga tama ĕniŋ coba, kalis goḍa ṛĕñcanané, paṅaṅgĕpirèŋ kayun, kaŋ kawasa amisésani, sayĕkti tan kasĕlan, iŋ olaḥ kaŋ dudu, dadalan kaŋ murbèŋ titaḥ, kamulané limput linimputan iŋ siḥ, satuṅgal nora tuṅgal.

24. nora tuṅgal anaṅiŋ ṅĕmori, yĕkti lamun iya uga iya, iya iku dudu kiyé, agampaŋ naṅiŋ éwuḥ, paṣṭi dunuŋ tan andunuṅi, kĕñcĕŋ tĕrkaḍaŋ mĕmbat, suméṇḍé sumaṅguḥ, agagaḥ nora agahan, sagaḥ dèrèŋ kinantĕn paṣṭi anaṅiŋ, yèn sĕlak botĕn pisan.

25. anut maṅsa kalaniŋ dumadi, ñata lémpoḥ aṅidĕri jagad, iya kana iya kéné, amuŋ babasanipun, ya bojomu ya bojo mami, déné ta garwaniṅwaŋ, tĕtĕp garwaniṅsun, wus titi iṅkaŋ pambĕkan, satriya nuŋ iŋ madukara ṅrĕṅgani, maṅkya gantya winarṇa.

26. watĕkannya risaŋ paṇḍusiwi, kaŋ sumĕṇḍi myaŋ wuragilira, iŋ warṇa tan na sanèsé, myaŋ solaḥ bawanipun, saŋ naṅkula sadéwa sami, tan pah‍é iŋ pah‍éka, sakaliyan jumbuḥ, maraŋ hyaŋ purbawisésa, muŋ sumaraḥ datan andarbèni kapti, mĕnĕŋ tan mĕṅku karṣa.

27. nora nana kaŋ dèn paran ati, nora suka lan nora suṅkawa, iya apa satibané, karṣané maha luhur, sakaṛĕntĕg nora sak sĕrik, wus ṅiwullakĕn cipta, ṛĕsik tan sumĕnut, sagalugut nora nana, kaŋ kinarṣan apa sĕdya pariŋ bĕcik, wus nora pisan pisan.

28. apa dadi ala kaŋ kinapti, ala manèḥ kalamun aṛĕppa, kaŋ bĕcik nora rinaṅgèḥ, dadya muŋ gumaluṇḍuŋ, aṅaliṇḍuŋ mariŋ hyaŋ widdhi, tan darbé tatampikan, tan darbé panuwun, tan darbé dayahupaya, amuŋ lila sukur pasraḥ iŋ déwa di, awit hyaŋ wicakṣana.

29. mriŋ sasama samaniŋ ṅahurip, tan mlaku mlakuwa kinèḍĕpan, sawĕruḥ wĕruhé ḍéwé, ala bĕcik tan muwus, iya nora tan aṅrasani, kaŋ maṅkéné maṅkana, tan nacad lan ṅguṅguŋ, urippé muŋ babaṛĕṅan, sandé siyos baya pinaṅgiḥ pribadi, tan ana paran paran.

30. sakaliyan suṅkĕmira sami, saparéntahiŋ raka sakarya, sadaya sakarṣa ḍèrèk, ajurra kumur kumur, yèn pakonné dipuñjuruṅi, tan pisan sumiṅkira, sumuṅkĕm samya nut, titi tamat pambĕkannya, satriya di naṅkula sadéwa ḷĕwiḥ, gantya kaŋ winurṣita.

31. sastra iṅkaŋ tumrap séla muṅgwiŋ, saṅaṛĕpé caṇḍi krĕṣṇa apan, sasambĕtan surahosé, iṅkaŋ sampun kasĕbut, pambĕkannya saŋ paṇḍusiwi, myaŋ krĕṣṇa cariyosnya, punika nak bagus, kalimanirèŋ paṇḍawa, wus ubaya lan sakadaṅira sami, aywa saḥ siŋ sasana.

32. asor uṅgul malarat lan sugiḥ, mati urip lan lara kapénak, salaḥ siji labuḥ kabèḥ, sabiyantu iŋ kayun, tan sulaya sabayapati, yèka kaŋ patĕmbaya, iŋ upaminipun, antigan sapataraṅan, pĕcaḥ siji kabèḥ milu ambélani, swuḥ braṣṭa suka lila.

33. sanadyan wus maṅkono kinapti, saŋ paṇḍawa prandéné tan tilar, aṛĕmbag saprayoginé, kaŋ raka saŋ inastu, naréndra di iŋ dwarawati, śri nata danardana, padmanaba prabhu, paparab bhaṭara krĕṣṇa, wisnumurti ya késawa arimurti, narpati narayana.

34. amuŋ kadaŋ nakṣanak sakiŋ stri, lan paṇḍawa naṅiŋ wus ubaya, gĕmaḥ rusak béla bah‍é, kalima sunu sarju, dadi nĕmé saŋ wisnumurti, marma sĕdya maṅkana, śri krĕṣṇa puniku, kalawan radèn janaka, sakaliyan sami katitisan déniŋ, kyatiṅrat saŋ hyaŋ suman.

35. wus pinaro karṣaniŋ hyaŋ luwiḥ, panitisé hyaŋ wisnu bhaṭara, aṅagal kaalusané, pisaḥ roroniŋ ḍapur, sahupama lir sosotya di, lawan ĕmbanannira, samodra lan alun, kadya surya lan sorotnya, puṣpita bra ṅambar gandanira sumrik, lir jiwa anèŋ raga.

36. lumaḥ kuṛĕppiŋ suruḥ upami, yèn dinulu béda séjé warṇa, ginigit paḍa rasané, maṅkono pisahipun, nata krĕṣṇa lawan jahnawi, luguné nora béda, sami titis wisnu, wus ṅaléla ṅéjawantaḥ, tuhu tuṅgal pinaṅka paḍa sawiji, sudibyèŋ jagadraya.

37. bisa nukṣma kaŋ ganal myaŋ alit, krĕtarta saholaḥ kriḍaniṅrat, kaŋ minaṅka prajuritté, kontanniŋ jawata guŋ, kinèn munaḥ laku durṇiti, aṅkara ṅaṅsa arda, adrĕŋ pakarti dur, iŋ rèḥ rurusuḥ rinusak, saŋ hyaŋ wisnu iṅkaŋ andarbèni kardi, aṅgĕmpur kala murka.

38. nora pah‍é sajroniŋ wus nitis, tĕtĕp tumurun mriŋ ṅarcapada, ḷĕstari iŋ pakaryané, marma saŋ antuk wahyu, katitisan saŋ wisnumurti, iŋ watak kalakuwan, myaŋ pambĕkan jumbuḥ, aji kahoté samantra, saŋ arjuna aṅumbar karṣa ṅratani, yèn krĕṣṇa rada cĕgaḥ.

39. amuŋ ṅudi dadiniŋ pambudi, kawaspadan ḷĕpasiŋ grahita, wicakṣana sasanané, siddhi paniṅalipun, iŋ wéwéka paṅati ati, limpad iŋ pasaŋ cipta, wruḥ iŋ iya dudu, iŋ niṣṭa madya utama, tuman tĕmĕn ta sujananiŋ naya di, mriŋ sĕmu nora samar.

40. sakaṛĕntĕg iya nora paṅliŋ, maraŋ sandé siyosiŋ prakara, kinaraŋ nèŋ grahitané, bisa manis iŋ tĕmbuŋ, wruḥ iŋ tĕmbuŋ kaŋ kandĕl tipis, miwaḥ kaŋ dawa cĕṇḍak, maṇḍĕk lawan laju, anuhoni aṣṭabrata, nora waṅwaŋ iŋ sabda tatas patitis, putus iŋ pasaŋ cipta.

41. yèn ṅandika karya sukèŋ ṅati, lawan nora maṭĕṇṭĕŋ miyagaḥ, kadya paṅaṅguran bah‍é, manis winoran cucut, tumaṛĕcĕp sabda tariñciŋ, aṅaṇḍar tan ṅlĕmpara, wossiŋ tan kalimput, limpatiŋ budi kumĕpyar, lamun ñaṇḍak karya kĕkĕṇṭĕl lan pikir, pan nora amisésa.

42. ḍèmĕs ṅĕtrap lamis naṅiŋ ḍamis, tan katara lamun ṅumpĕt karṣa, rapĕt iŋ pasambuṅanné, bisa nigas añambuŋ, ambabaṅun ayĕmmiŋ ati, awit carita krama, kaṛĕm olaḥ sĕmu, ĕṅgon waṅsullé mikĕna, kĕḍap kĕḍap kocakiŋ nétra lan alis, tan kawistarasmara.

86. asmaradana

1. titi soraḥ pambĕkanniŋ, saŋ aprabhu danardana, rahadyan turira alon, saklaṅkuŋ panuwun kula, dé kapaṛĕŋ amĕḍar, sadaya iṅkaŋ kasĕbut, sastra buddha tumrap séla.

2. mĕṅgaḥ tĕtĕmbuṅannèki, punapiṅgiḥ sampun jarwa, ki gunawan lon dĕliṅé, anak tĕmbuŋ saṅsĕkrita, tur ulun jarwanira, jèṅsari ṅandikèŋ kalbu, woŋ iki baya pujaṅga.

3. wusana umatur maliḥ, surahossé kaŋ pambĕkan, kadiparan kaḷĕjĕmmé, korawa lawan paṇḍawa, dadya cacaḥ sasaṅa, gunawan mèsĕm liŋnya rum, iṅgiḥ makatĕn anakmas.

4. mila pamriḥ lumastari, kinarya nanaṅi driya, mĕṇḍĕt criyosé ṅaluwéḥ, tinali tali minaṅka, tutulaḍaniŋ gĕsaŋ, talitiniŋ pra luluhur, punika kaŋ kinawruhan.

5. pugut pĕñcariŋ dumadi, tindak iṅkaŋ iṅarannan, niṣṭa madya utamané, ginambar pambĕkan saṅa, tulaḍaniŋ dumadya, runtut kuna kunanipun, kĕni tinĕḍak samaṅkya.

6. ĕniṅiŋ tyas kaŋ winarṇi, punaŋ laguniŋ mardawa, supadi kawistarané, tĕpaniŋ kaŋ wit darṣana, sakiŋ pamaṅgihiṅwaŋ, kilap ḷĕṛĕs ḷĕpattipun, kawula sumaṅga karṣa.

7. sampuniŋ soraḥ winarṇi, ambĕg miwaḥ kalakuwan, sasaṅa kaŋ jinalèntrèḥ, saŋ aprabhu duryudana, kaliḥ saṅkuni patya, ṛĕṣi druna tiganipun, goloṅaniŋ śri ṅastina.

8. dé ta iŋ cintakapuri, ḍiṅin prabhu darmaputra, saŋ brataséna karoné, tiga arya danañjaya, sakawan saŋ naṅkula, kalima sadéwanipun, kanĕmmé śri nata krĕṣṇa.

9. iŋ paṇḍawa nĕm winijil, ṅastina kapétaŋ tiga, roŋ goloŋ kinĕmpalaké, dadya jaṅkĕp pétaŋ saṅa, iŋ maṅké pan sinuda, naṅkula sadéwa wahu, tuṅgil wus atuṅgal warṇa.

10. solaḥ myaŋ tanaga sami, marma paṅétaṅan saṅa, namuŋ wolu sajatosé, lan maliḥ makatĕn uga, jahnawi lan śri krĕṣṇa, tinon iŋ paniṅal jumbuḥ, rahsané kadi sajuga.

11. kalamun makatĕn kadi, kĕpaṅgiḥ sapta pétaŋnya, samaṅké ginaṇḍèŋ manèḥ, aṅgĕpnya saṅkuni ika, lawan saŋ dwijakaṅka, gargĕttiŋ driya sumĕnut, awitté tuṅgil pinaṅka.

12. anaṅiŋ upami wariḥ, saṅkuni toya iŋ rawa, buṭĕk naṇḍĕk tur nahiyèŋ, kasarahan aṅgraḥ aṅgraḥ, mambĕg kéwala datan, wontĕn ilèn ilènnipun, jro ĕmbĕg ĕṇḍut blaḍĕran.

13. taṅèḥ lamun dèn ĕṅgonni, ulam loḥ toya karasan, dĕstun niku trunalélé, matil mandi mawa wisa, maliḥ nadyan wontĕna, sawĕr toya tiŋ pañcuṅul, anak anak gumarayaḥ.

14. ṅamarta upama wariḥ, mudal tuknya marawayan, jroniŋ maya marya ñaroŋ, myaŋ tinon rawi sinuṅan, ilèn ilènniŋ toya, mili mratani lumintu, ḍatĕŋ tĕgal pasabinan.

15. tĕḷĕŋnya datan ṅĕṇḍatti, mumbul pamudalliŋ toya, ṛĕsik sakĕḍik ṛĕgĕdé, dèn ĕṅgoni iŋ wadĕr baŋ, guramèḥ sĕpat tambra, samya yĕm mamaṅsa lumut, gaṅgĕŋ waṅunnya karasan.

16. darmaputra lan saṅkuni, muŋ makatĕn prabédanya, nétya samya nĕtĕpaké, kawula iṅgiḥ kawula, gusti tĕtĕp gustinya, witnya samya sami bañu, buṭĕk lawan bĕniŋ maya.

17. niku dumunuŋ paṅèkṣi, lamun totoggé paniṅal, toya maya ṛĕna tyasé, yèn buṭĕk pĕpĕt nèŋ nétra, naṅiŋ ta sami toya, arya séna tuṅgil ḍapur, lan duryudana maṅkana.

18. pinèt gambaré upami, yèn latuwa latu saṅlat, datan kantĕnan sakiṅé, tèplĕg ḍawahé tan prĕnaḥ, urubnya mulad mubal, karya guguppiŋ tyas biṅuŋ, yèn tan murub muṛĕŋ bĕtaḥ.

19. séna upaminya agni, niku pami gĕni mulad, tan mobat mabit urubé, mèntèr ujwalanya mubyar, antĕŋ soroté paḍaŋ, aṅĕsuk ḍatĕŋ aliṇḍuk, datan ñamut ñamut sĕmaŋ.

20. dumunuŋ wontĕn pamyarṣi, mirèŋ swaranya dahana, yèn saṅlat yĕkti guguppé, tumambiraŋ iŋ driyarda, yèn antĕŋ latu mulat, tan wontĕn saṅsayanipun, iŋ panampi malaḥ cĕṭa.

21. saṅlat mulad sami api, sanadyan sami dahana, naṅiŋ sanès tumanduké, séna lawan duryudana, sumlĕnĕk paṅrĕṅkuḥ tyas, maligi sami sumujud, tan wontĕn nami kawula.

22. kumbayana lan prĕmadi, tuṅgil paṅiñcĕṅiŋ cipta, anaṅiŋ sanès ḍawahé, saŋ kadi upami kisma, saŋ druna siti liñcat, ñjĕmbruŋ kacukulan rumput, liṅi garintiŋ wadĕran.

23. jĕblog yèn katiban wariḥ, mlĕñèk ñjawi iŋ ñjro paḍas, yèn kahidak pléra pléré, luñu mriŋ sukĕtan kékaḥ, ambulak ṅĕmplak ĕmplak, kitri karaŋ witté tahun, ṅaṛĕtĕg amuŋ dĕḷĕg paŋ.

24. samaṅsa tan ana wariḥ, tĕgĕssé maṅsa kartika, bañjur ṅaloloḥ ḷĕmahé, pĕcaḥ pisaḥ sami nĕla, ḷĕbĕt tur wiyar pañjaŋ, siṅa siṅa kaŋ kacĕmpluŋ, gya minaṅsa sato galak.

25. sira dyan arya jahnawi, yèn ta upamia kisma, siti laḍu radin ṅompol, kaworan pasir maléla, mawur lir sabĕn rinya, dèṇḍaṅir pacul lan garu, manawi katiban jawaḥ.

26. ḍahas malaḥ ṛĕsik gasik, yèn lami tan kambaḥ tirta, ḍasarripun sampun ṅompol, upami tinanĕmana, samukawis ṅrĕmbaka, lastantun wijinya ṭukul, sami lawan babonnira.

27. sĕmpulur éṅgal andadi, kaŋ namuŋ pédaḥ dĕḷĕg paŋ, éṅgal walagaŋ uwitté, nanĕm kaŋ pañcèn ron ronan, kĕtĕl ḷĕma ṅrĕmbayak, yén wiji sĕkar kinayun, kusuma lajĕŋ aṅrĕbda.

28. biliḥ wiji tuwuḥ pinriḥ, géñjaḥ uwoḥnya andadya, tulus matĕŋ matĕŋ wohé, makatĕn sanèssiŋ karya, arjuna ḍaṅhyaŋ druna, apan sami ḍasarripun, liñcat laḍu iṅgiḥ kisma.

29. punika dumunuŋ muṅgwiŋ, anèŋ kédalliŋ wacana, dèn rahosi sawontĕnné, awon sah‍é kasumbaga, datan saḥ winacana, makatĕn upaminipun, druna lawan danañjaya.

30. iŋ tyas tan kéṅiŋ pinaṣṭi, biliḥ sitinipun wrata, utawi sadaya ḷĕgok, kaḍaŋ ḷĕgok kaḍaŋ rata, rata kaḍaŋ ḷĕgokan, naṅiŋ iṅgiḥ sitinipun, iṅkaŋ kisma sami kisma.

31. iṅkaŋ latu sami api, iṅkaŋ toya sami toya, amuŋ sanès wahanané, wontĕn ta makatĕn uga, naṅkula myaŋ sadéwa, pinèt iku paminipun, kadya ṅgyanniŋ samirana.

32. ṅirid ganda baṅĕr bacin, miwaḥ ganda arum ṅambar, asĕḍĕp miṅiŋ waṅiné, sumrik dumunuŋ iŋ grana, anaṅiŋ bacin ṅambar, sanès sakiŋ aṅin iku, lawan sanès sakiŋ grana.

33. sakalihé amuŋ darmi, sayĕkti wontĕn iŋ ganda, kilap sintĕn iṅkaŋ gawé, saṅkanné botĕn uniṅa, lan botĕn kahuniṅan, ṅiŋ kĕdaḥ uniŋ puniku, wittipun sakiŋ punapa.

34. maṅsa tilarra sakiŋ wit, yèn baṅĕr mantuk baṅĕran, yèn arum mantuk arummé, kaŋ ganda yĕkti maṅkana, muŋ darma aṅin krana, ajal lan kamulyanipun, iṅkaŋ dèn antuki ika.

35. makatĕn iṅkaŋ upami, naṅkula lawan sadéwa, ya ta winaṅsulan manèḥ, iŋ wahu wus ṅétaŋ sapta, sakiŋ winorriŋ sabda, uwitnya tuṅgal sawujud, dadya kantun étaŋ gaṅsal.

36. gaṅsalipun wisnumurti, saŋ aprabhu danardana, nalikanya apraŋ ramé, bratayuda muŋ śri krĕṣṇa, kaŋ dadya pandamiŋ ṅrat, uniŋ obaḥ osikkipun, iŋ mĕṅsaḥ kalawan rowaŋ.

37. kaṇṭi èṅĕtiŋ paṅgaliḥ, sakĕḍap nétra śri krĕṣṇa, botĕn pisan yèn kasupèn, ubayanya iŋ paṇḍawa, miwaḥ ubayanira, mĕṅsaḥ tiga warṇinipun, saṅkuni myaŋ ḍaṅhyaŋ druna.

38. panuṅgul śri kurupati, babala sèwu nagara, para ratu gĕḍé gĕḍé, nata krĕṣṇa datan kéwran, mariŋ kartisampéka, wiknya pasaŋ byuha aguŋ, wadinya adamĕl gĕlar.

39. laṅkuŋ sagĕd mikĕnani, ugi botĕn sinalira, muŋ pratikĕl pikantuké, iṅkaŋ tumandaŋ ṅayuda, nĕṅgiḥ risaŋ paṇḍawa, majĕŋ mundurṇya samya nut, saparéntaḥ nata krĕṣṇa.

40. marmanta pinuṇḍi puṇḍi, sakadaŋ nata paṇḍawa, winastu linuhuraké, aywa koṅsi kahoñcatan, tĕtĕppa sinuwita, anuduḥ iŋ marga ayu, dadya pandam paṅahuban.

41. matur nikèn rañcaṅkapti, kula ñuwun sĕsĕṛĕpan, wara sumbadra kalihé, wara srikaṇḍi punika, punapa sampun krama, paran cariyossiŋ daṅu, cinaṇḍi cakĕt arjuna.

42. saŋ gunawan wacana ris, mĕnok saŋ wara sumbadra, lan srikaṇḍi ku garwané, woŋ aguŋ iŋ madukara, risaŋ andanañjaya, lilima garwa kasĕbut, ana iŋ layaŋ wiwaha.

25. prabhu bhrawijaya iŋ majapahit botĕn ṛĕna wontĕnipun kawaliyan iŋ giri, mila utusan patiḥ gajahmada sawadyabala nĕlukakĕn giri. wadya majapahit kasoran jalaran dipunamuk déniŋ ḍuwuŋ kadadosan sakiŋ kalam pañĕratanipun sunan giri. ḍuwuŋ wahu lajĕŋ kapariṅan nama kalam muñĕŋ. sunan giri séda kagantos putranipun (sn. giri kaḍaton). putra séda, kagantos wayaḥ, jujuluk sn. giri prapèn.

prabhu bhrawijaya ṅambali maliḥ aṅgènipun baḍé nĕlukakĕn kawaliyan giri, naṅiŋ ugi botĕn kaḷĕkṣanan jalaran wadyabalanipun kabujuŋ kombaŋ mah‍èwu èwu iṅkaŋ mĕdal sakiŋ pasaréyan sunan giri. wĕkasanipun majapahit malaḥ risak déniŋ putranipun piyambak, i.p. r. pataḥ. sunan giri prapèn ñarati jumĕnĕŋ ratu ( niŋ agami) 40 dintĕn, praja lajĕŋ kapasrahakĕn r. pataḥ, jumĕnĕŋ ratu iŋ dĕmak.

43. kabèhé ayu linuwiḥ, katri putriniŋ naréndra, kaliḥ atmaja wikuné, pantĕs dumadya tulaḍa, èstri kaṅgĕp iŋ priya, winurṣita candranipun, dyaḥ lima éndahiŋ warṇa.

44. sumbadra sĕpuḥ pribadi, atmaja śri basudéwa, iŋ mandura karatoné, warṇa ṅrĕsĕpakĕn iŋ tyas, sumèḥ lindri kaŋ nétra, apasaja driya taṅguḥ, sĕmuné kuraŋ budaya.

45. awijaŋ dĕdĕg ṛĕspati, kuniŋ labĕt muŋ kĕpama, wĕnĕs maṇḍĕs kulittanné, tan pati ṅadi bhuṣaṇa, maṅu kaduŋ yèn mlampaḥ, dyatmika araŋ amuwus, tan ṛĕgu manis sĕmunya.

46. ririḥ tanduké yèn aṅliŋ, lumuḥ sĕṇḍuniŋ wicara, amot mĕṅku akṣamané, tuhuné pribadya iṅkaŋ, pinriḥ susĕtyèŋ priya, datan ḷĕṅgana sakayun, mriŋ maru kadi sudara.

47. rumĕsĕp tan swalèŋ kapti, sanadyan kuraŋ budaya, ḷĕgawa nrus iŋ batinné, winoṅwoŋ iŋ widadarya, labĕt kadaŋ hyaŋ suman, marma saŋ danañjayèku, sĕmu ériŋ pamĕṅkunya.

48. para maru marunèki, aṅgĕpé samya ñuwita, miwaḥ kaŋ raka kalihé, prabhu krĕṣṇa baladéwa, kalaṅkuŋ trĕṣṇanira, maraŋ dyaḥ sumbadra iku, kadaŋ èstri muŋ sajuga.

49. apisaḥ paṅgonannèki, milané tansaḥ anduta, wahu saŋ nata kalihé, kikintun arta bhuṣaṇa, kalawan taña warta, karaharjané saŋ ayu, déné garwa kaŋ panĕṅgak.

50. dyaḥ manuwara wawaṅi, sakiŋ pratapan wijilnya, tirta awama putrané, saŋ bĕgawan manikara, saŋ dyaḥ puñjul iŋ warṇa, lirpéndaḥ gambar pinatut, nétra ñjahit antĕŋ raras.

51. pamulu manis mrakati, lamun pah‍ès wimbuḥ éndaḥ, sanadyan ṅusutta bah‍é, kaya madu pinaṣṭika, lurus babahu wijaŋ, maya maya tinon mañcur, aṅuṅuwuŋ mawa téja.

52. kuniŋ wĕnĕs sĕmu wilis, kadi hyaŋ puḍak sinurat, mĕñcoroŋ katon warṇané, tanpa apipiṇḍanira, hyaŋ andakara iṅkaŋ, katawĕŋ iŋ ima ṛĕmu, rumamyaŋ amaradipta.

53. ñunarri kaŋ sitaṛĕsmi, kuciwané muŋ samantra, déné lugas gĕgĕluṅé, prandéné muṅguḥ sĕmbada, sarwa rampiŋ sadaya, sranduniŋ sariranipun, iŋ pambayun kuraŋ madya.

54. lir tawon guŋ iṅkaŋ lagi, gumana lambuŋ satata, mikatonni sasolahé, apiṇḍa sĕkar kintaka, laṭi ḍamis aṅgula, saṭĕmlik ṛĕkta sumunu, kadi kaŋ maṅgis kaṛĕṅat.

55. kéṅis iŋ wiraganèki, mijitimun punaŋ waja, aṛĕntĕt rampak pucuké, sĕmu abrit tur kumilat, awor lawan wicara, awèḥ kĕsarriŋ pandulu, sarwa lus sasolahira.

56. èsĕm iriban tan kéṅis, kèkṣi sinamun ṅandika, tĕmbuŋ rumakĕt manissé, tanduk aṅaṅayuḥ driya, bisa nuju iŋ karṣa, niŋ priya myaŋ marunipun, dèn nya naṅgapi pinaṅkat.

57. susila anor iŋ ḍiri, sĕpi ḍiri piyaṅkuḥnya, èṅĕt trahiŋ paṇḍitané, bĕtaḥ ṅlapa wuṅu ḷĕṅgaḥ, kaṛĕm maṅulaḥ puja, tamat iŋ caritanipun, garwa parta kaŋ panĕṅgak.

58. panĕṅaḥ dèwi ulupi, atmajanirèŋ paṇḍita, bagawan kanwa wastané, ḍépok wukir yasarata, éndaḥ ṛĕspati warṇa, liriṅé anuñjuŋ biru, sumorot kadi kartika.

59. ḍèmĕs sèḍĕt mĕrakati, kadya pratima rinĕṅga, saṛĕntĕg mbambaŋ awaké, mawèḥ braṅta kaŋ tumiṅal, liriṅé piṇḍa wulan, tan pĕgat mah‍èsmu ṅguyu, kéṅis kaŋ waja gumĕbyar.

60. antĕṅé wĕkasan kèkṣi, sumèḥ iŋ pamulunira, pantĕs yèn amaṭĕt lambé, ṅiras mintonakĕn waja, waṅun tètèsiŋ toya, kataman baṣkara nrawuŋ, lwir trĕṅgana mriḥ sasana.

61. jaja wĕlar wĕwĕg isi, gĕmuḥ iṅkaŋ payudara, parigĕl patrap solahé, kèwĕs kĕdalliŋ wicara, tinut liriṅiŋ nétra, tandaŋ tanduké rumĕṅkuḥ, mriŋ priya myaŋ marunira.

62. bisa cawis aṅladèni, kaŋ dadi kaṛĕmmiŋ priya, myaŋ maru cèṭi sĕdéné, marma woŋ sa madukara, ajriḥ asiḥ sadaya, suyut tur mawa kayuṅyun, lawan garwa kaŋ panĕṅaḥ.

63. gantya garwa kaŋ sumĕṇḍi, gandawati muṣṭikèṅrat, atmajanira saŋ katoŋ, arjunayana naréndra, iŋ sriwĕdari praja, warṇanya tuhu pinuñjul, wĕnĕs ṅropèk apidĕkṣa.

64. sariranira ṅaḷĕntriḥ, amardapa tiniṅallan, jĕnar wiṅit pasĕmonné, antĕŋ dyatmika wiwéka, ruruḥ yèn aṅandika, titi kuraŋ gujĕṅipun, réma mêmak ṅandrawila.

65. wilis sĕḍĕŋ ṅrĕspatèni, ṅarompyoḥ sisinommira, jaṅga lumuŋ pranajané, wĕlas wimbuḥ maya maya, lwir wĕṅkĕriŋ ñu dĕnta, pinĕtri kalaṅkuŋ laṅkuŋ, ṅgaṇḍéwa gaḍiŋ kaŋ asta.

66. awijaŋ bahunirèki, wiraga naṅi asmara, kalamun lumampaḥ alon, ḷĕmĕs lambuŋ mĕmbat madya, kadya tuñjuŋ lumĕṅgaŋ, iŋ wariḥ kadilir bañu, mawèḥ ganda rum aṅambar.

67. wasis salwir karyèŋ èstri, raratus kokoñoḥ jĕbat, wiḍadari paguronné, winulaṅkĕn marunira, mriḥ dadi kaṇṭi tama, dèn nira suwitèŋ kakuŋ, gantya garwanya pamĕkas.

68. nama saŋ wara srikaṇḍi, sakiŋ nagari cĕmpala, ṛĕja puniku putrané, śri maha prabhu drupada, iŋ warṇa tuhu pélak, jĕnar pasariranipun, lwir kañcana sinĕpuhan.

69. wadana anukṣmèŋ sasi, liriṅé manis agalak, budiman kaŋ samya anon, sèḍĕt dĕdĕgé ṛĕspatya, gaṇḍaŋ tanduké sabda, gandĕs luwĕsé mawèḥ kuŋ, tulus raharjaniŋ driya.

70. kalamun slaṅgappan aṅliŋ, datan mawi tiniṅallan, sinandi ṅliliŋ drijiné, amuŋ lawan kakuṅira, kalamun aṅandika, patitis sahulonipun, cumoṇḍoŋ mapankĕn nitya.

71. kĕñamiŋ laṭi yèn aṅliŋ, gumĕbyar kéṅis kaŋ waja, lwir ṭaṭit baruŋ tumĕmpoḥ, curṇa prananirèŋ driya, kajarak mamanisnya, marmanira saŋ abagus, kalamun arṣa aniwa.

72. yèn saŋ ṛĕtna kaŋ ṅladossi, saŋ parta wandé suméwa, lawan sukané saŋ sinom, mahos saguŋ srat lukita, lalagon gĕŋ kaŋ sĕkar, wisatikaṇḍĕḥ swara rum, ṅlik ṅumaṇḍaŋ gĕtas ṛĕñaḥ.

73. kéñut saṅgya kaŋ miyarṣi, yèn wus nulya winurṣitan, rahsèŋ lukita salwiré, saya karya yam yammiŋ tyas, miwaḥ saŋ lwir kusuma, ḷĕbda bhuṣaṇa mamatut, tumrapé maraŋ sarira.

74. ñamlĕṅé tan miṇḍo kardi, dadya tuladan para dyaḥ, utawi maraŋ maruné, rinasuk sinaloṇḍohan, tan kéguḥ rinĕṅonan, tan alamis gapyak gapyuk, dadya nora bisa duka.

75. ḷĕjar lumunturiŋ kaŋ siḥ, puwara moŋ maṅla ĕla, mriŋ srikaṇḍi saŋ lir sinom, tuwin risaŋ danañjaya, dèn nya siḥ ntuk babahan, naṅiŋ saŋ ṛĕtnaniŋ ayu, taṅèḥ yèn agĕṅiŋ driya.

76. awit wus waṣkiṭèŋ waṅsit, dèn nira maḷĕs sihira, maratuwa guŋ bĕktiné, gumanti mriŋ kuṇṭi saŋ dyaḥ, pinuñjuŋ sabĕn dina, tinurut sakarṣanipun, yèku caritaniŋ kuna.

77. èstri kaŋ kaṅgĕp iŋ krami, nalika iŋ jaman purwa, wus kawilaŋ utamané, marma yoga piniridda, pakolèḥ pinarṣudya, pinaṅkat sakadarripun, ywa koṅsi tanpa tulaḍa.

78. buwaŋ caraniŋ dumadi, mbokmanawa tibèŋ papa, ina pribadi luputté, jumrunuḥ kèḥ samya nĕtaḥ, kaduwuŋ wusananya, rara giluttĕn satuhu, crita kaŋ wus iṅsun wĕḍar.

79. raṅcaṅkapti maṅĕñjali, datan laṅkuŋ paṅèstunta, mugi aṅsalla sawabé, garwa risaŋ danañjaya, gaṅsal salaḥ satuṅgal, maṇṭuk maṇṭuk saŋ linuhuŋ, dakidèni sira ñawa.

80. maṅkana dyan jayèṅsari, dupi miyarṣa carita, ginilut sasurahosé, prasĕtyèŋ tyas boya nĕdya, krama yèn datan aṅsal, wanita kaŋ kadi wahu, pinilahur tanpa krama.

81. buras maloṅo miyarṣi, wasana ṅliŋ ḍuḥ sahiba, saŋ danañjaya mbĕḍoḍog, bojoné lima utama, siŋ ṅéné ṅono ana, paṅiraku wus amuṇṭu, nora niyat luṅa luṅa.

82. ki gunawan mèsĕm aṅliŋ, buras risaŋ danañjaya, araŋ ana iŋ prajané, ṅaḷĕñjĕt mriŋ pagunuṅan, ṅrampassi para éṇḍaŋ, pamiṅgir tan kĕna ṅétuŋ, miwaḥ garwa widḍadarya.

83. sahisiniŋ sawarga di, kabèḥ garwané arjuna, iku mahu babasané, bojoné janma sajagad, iku garwa arjuna, garwané arjuna iku, tulus garwané pribadya.

84. buras muwus tobil tobil, ṅudubilaḥ nora talaḥ, apa kabĕnĕran biyèn, ṅgonné ṅiris kala sunat, gĕr ginuyu ṅakaṭaḥ, ki gunawan ṅguguk muwus, jaman iku tanpa sunat.

85. anak bagus jayèṅsari, muŋ samantĕn gadugiṅwaŋ, iŋ wañci sampun sĕḍĕṅé, aso wawi sasaréyan, rahadyan lon turrira, biliḥ kapaṛĕṅiŋ kalbu, ulun lan putranta rara.

86. ayun sumĕṛĕp yĕktiniŋ, ḍatĕŋ sumur jalatuṇḍa, éñjiṅé lajĕŋ kémawon, maṅkat sakiŋ jalatuṇḍa, ḍumatĕŋ sokayasa, ki gunawan lon liṅipun, iku labĕtté taruna.

87. nir marlupa sayaḥ arip, priṅgabaya tan rinasa, muŋ nĕrraŋ tyas katon mĕlok, pami kula mambĕṅana, iŋ karṣa kiraŋ ṛĕna, mila ulun muŋ jumuruŋ, ṇḍèrèk punapi karṣanta.

88. ki gunawan wus miranti, timba mriŋ myaŋ obor blarak, samĕkta anulya boḍol, mbĕkta obor sowaŋ sowaŋ, wus praptèŋ jalatuṇḍa, sakaliyan nulya gupuḥ, añĕmpluṅakĕn kaŋ timba.

89. tali tan mawi ṅuluri, sumur katon kimplaḥ kimplaḥ, prasasat muŋ ñiḍuk bah‍é, bumbuŋ kaliḥ kĕbak toya, iṅaturrakĕn maraŋ, ki gunawan dahat ṅuṅun, anak kalaṅkuŋ katrimaḥ.

90. suwawi dèn inum sami, adat ḍatĕŋ asrĕp tahan, lan kadugèn sakajaté, nulya iṅinum sakṣana, sabumbuŋ sowaŋ sowaŋ, mèḥ tĕlas ki buras matur, kula nun ñuwun loroddan.

91. kajĕṅipun mantun atis, bumbuŋ dwi sinuṅkĕn buras, tinampèn lajĕŋ ginogok, sarwi asru wuwusira, é, biyaŋ nora dora, tĕka aṅĕt jasatiṅsun, kaṇṭi paḍaṅiŋ wardaya.

87. kinaṇṭi

1. wañci akir liṅsir dalu, nuriṅrat katon nĕlahi, siṛĕp iṅkaŋ nur bhuwana, mèḥ rahina sĕmu abrit, méga malaŋ ṅgaṇṭĕŋ pĕṭak, ramya swaraniŋ kaŋ pĕkṣi.

2. radyan maṅĕñjali matur, aywa kiraŋ paṅakṣami, ulun lajĕŋ kalilana, umaṅkat sakiŋ iŋ ṅriki, datan laṅkuŋ paṅèstunta, raharjanirèŋ lumaris.

3. dumuginipun iŋ purug, ywa kiraŋ juga punapi, mèsĕm kiyayi gunawan, sah‍èstuné ulun ṅirid, supadi iŋ lampaḥ gañcaŋ, myaŋ kaŋ matur iŋ saŋ yogi.

4. tĕmbé yèn anak wus katur, kula ṅantos sawatawis, yèn anak wus tĕntrĕm iŋ tyas, ṅgènulun waṅsul mariki, jayèṅsari duk miyarṣa, sukèŋ tyas umatur aris.

5. sukur bagé sèwu nuwun, paduka siḥ kawlasasiḥ, adan umaṅkat sakṣana, bagaspati wus ṇḍaḍari, éṅgar kaŋ samya lumampaḥ, tan ana saṅsayèŋ margi.

6. tan cinatur laminipun, dèn nira samya lumaris, sakiŋ iŋ diyèŋ wus prapta, tlataḥ sokayasa nĕṅgiḥ, kèndĕl tĕpi patĕgalan, buras kinèn taña mariŋ.

7. kaŋ lagya aṇḍaṅir jaguŋ, wakné kula nilakrami, kaŋ sinambat myaŋ piḷĕṅgaḥ, tuwin raniŋ ḍusun niki, myaŋ sintĕn paṅagĕṅira, ki ḍaṅir kagyat maṅsuli.

8. pantèn takèn namahulun, ragatruna ḷĕṅgaḥ mami, kabayan iŋ sokayasa, anĕṅgiḥ kaṅjĕŋ kiyayi, sinambat sèḥ akhadiyat, iṅaḍĕp pinuṇḍi puṇḍi.

9. pantèn punapi iṅutus, utawi damĕl pribadi, wahu ragatruna mulat, mriŋ gunawan datan paṅliŋ, gya lumajĕŋ praptèŋ ṅarṣa, manĕmbaḥ turrira aris.

10. ulun tan ñana saglugut, yèn paduka iṅkaŋ prapti, kaṇṭi mbĕkta kaliḥ putra, punapi yun mbĕkta mariŋ, rakanta sèḥ akhadiyat, ki gunawan aṅaṇṭuki.

11. èḥ ragatruna dèṅupuḥ, maturra raka kaŋ kyayi, tuwin kaŋ mbok siti wuryan, ulun arṣa cahos bĕkti, lan aṅgawa dwi atmaja, ragatruna mĕsat aglis.

12. nahĕn ta iṅkaŋ winuwus, sèḥ akhadiyat myaŋ padmi, lagya ḷĕṅgaḥ nèŋ paniṅrat, ṅlilipur garwa kaŋ lagi, kataman duhkitaniŋ tyas, murcané siwi saŋ pĕkik.

13. ki mas cĕbolaŋ jujuluk, wus sinĕbar sakèḥ dasiḥ, aṅluru tan antuk warta, mila saya guŋ prihatin, maha wiku ṅandikanya, mriŋ garwa myaŋ para dasiḥ.

14. rèḥ wus tita tan kĕpaṅguḥ, tĕmbé manawa wus éliŋ, mbalèni paṅgawé yogya, birahi mariŋ utami, mbuwaŋ pakarti aṅkara, murka rucaḥ iŋ ṅahurip.

15. kalamun ñata nakiṅsun, sayĕkti muliḥ pribadi, tur wus tampi kaŋ piwulaŋ, ṅiŋ paṇḍita kaŋ wus sidik, sampurṇa traŋ ṅèlmunira, iṅkaŋ tumĕkèŋ kajatin.

16. tan luwiḥ paḍa ñuñuwun, rahayuné kaŋ luṅa nis, èḥ ta wuryan di narima, sira pasraha hyaŋ widdhi, saka palaliŋ hyaŋ sukṣma, saduruṅé jĕbèŋ muliḥ.

17. sira pinariṅan liru, kaŋ dadya ṛĕm ṛĕmiŋ ati, wèḥ suka ṛĕnaniŋ driya, kadi yogamu pribadi, utawa traḥ witaradya, siti wuryan duk miyarṣi.

18. katon ḷĕjar iŋ wulaṅun, kawuryan ujwala wĕniŋ, kasaru ki ragatruna, maṅarṣa umatur aris, amba ṅaturi uniṅa, arinira diyèŋ tuwin.

19. kakaliḥ atmajanipun, ayun sumiwèŋ saŋ yogi, èḥ truna yayi gunawan, iku nora darbé siwi, wis ta bañjur aturana, ywa kasuwèn anèŋ jawi.

20. ragatruna nĕmbaḥ mundur, tamu katri sampun kérit, tuṇḍuk nulya raraṅkulan, bagya binagyakkĕn sami, saŋ wiku aris ṅandika, paḍa bĕcik sira yayi.

21. tĕkamu iŋ ṅarṣaniṅsun, wawaṅuné awigati, lawan bocaḥ iku sapa, kaŋ jalu warṇané pĕkik, kaŋ wadon ayu prakatya, katĕmbèn iṅsun udani.

22. ki gunawan mèsĕm matur, ḍawuḥ paduka kapuṇḍi, mĕṅgaḥ pisowan kawula, rèhiŋ lami tan sumiwi, dumadya wulaṅun dahat, ḍatĕŋ paduka sarimbit.

23. déné kapiŋ kalihipun, ñowannakĕn raré kaliḥ, anakipun ki naṅkoda, pakaloṅan ki hartati, jalu èstri iŋ samaṅkya, wus sami tumĕkèŋ jaṅji.

24. wus katur sadayanipun, miwiti tĕkèŋ mĕkassi, sèḥ akhadiyat ṅandika, yayi iṅkaŋ nora ndugi, apa coṇḍoŋ lan kiranta, ki gunawan turṇya ririḥ.

25. ḷĕṛĕs kiraka kaŋ ḍawuḥ, ulun pan makatĕn ugi, anaṅiŋ baḍé tatanya, jatossé yèn ñjuwarèhi, mila ulun muŋ sumaṅga, kulup ṅabĕktia aglis.

26. kalawan arinirèku, mariŋ ñjĕŋ kyayi sarimbit, taṅgap radyan lan ri saŋ dyaḥ, manĕmbaḥ lampaḥnya ririḥ, parigĕl solaḥ wiraga, ḍèmĕs luwĕs mĕrakati.

27. ri wusnya maṅrahup suku, rahadyan tan kéṅiŋ tĕbiḥ, lan saŋ luhuŋ akhadiyat, sira nikèn rañcaṅkapti, duk ṅabĕkti siti wuryan, tansaḥ dèn nira ṅarassi.

28. sarwi aṅandika arum, nini ywa sandéyèŋ kapti, ramanta kaŋ wus suwarga, aku mitrané sayĕkti, kalawan yayi gunawan, miwaḥ ramanta kiyayi.

29. katrinya sah‍éka kayun, tan ana winalaṅati, lwir kadaŋ sayayaḥ réna, nĕmbaḥ nikèn rañcaṅkapti, saŋ wiku gantya ṅandika, èḥ ta kulup jayèṅsari.

30. sakaroné lan arimu, di sukur narimèŋ ati, mĕṣṭiné ya nora timbaŋ, iŋ nagara lan iŋ ṅardi, muwaḥ muwuḥ anèŋ praja, anèŋ wukir guŋ kalantiḥ.

31. kalawan sira baturmu, radyan nĕmbaḥ matur aris, sah‍èstu ulun tĕmaha, mituhu tuduḥ sudarmi, réñcaŋ ulun muŋ satuṅgal, pun buras namanirèki.

32. maha wiku maṇṭuk maṇṭuk, siti wuryan matur aris, sadya ḍahar wus samĕkta, prayogi ḍahar rumiyin, mĕsakakĕn kulup rara, rèḥ mĕntas lalampaḥ tĕbiḥ.

33. biliḥ sampun ḍahar kĕmbul, dimènné aṅaso sami, wus jĕṅkar sakiŋ paniṅrat, ḷĕṅgaḥ ḍahar èmpèr wiṅkiŋ, nutug dèn nira bujana, wus linoroddakĕn mriŋ dasiḥ.

34. maha wiku ṅandika rum, yayi asowa rumiyin, mriŋ panti tamu lor laṅgar, wus lèṅsèr gunawan kyayi, siti wuryan mundur lawan, rañcaṅkapti mriŋ jinĕmrik.

35. rara asowa woŋ ayu, payo turon iṅsun ḍiḍis, kalihé samya saréyan, rara caritakna mami, wit aṅkatmu saka ṅomaḥ, sapréné wus piraŋ ari.

36. rañcaṅkapti lon umatur, biliḥ awit késaḥ mami, ri taṅgal wulan kalépyan, jalaran wus laṅkuŋ lami, biliḥ sakiŋ pakaloṅan, sawĕg pĕṇḍak ari maṅkin.

37. laḥ rara awit lumaku, maṅkana dyaḥ rañcaṅkapti, kalimput sintrèniŋ lampaḥ, piniluta iŋ mamanis, apan wus katur sadaya, siti wuryan sukèŋ galiḥ.

38. kèndĕl iŋ cariyosipun, tĕkèŋ caṇḍi macanputiḥ, lajĕŋ kapati anéndra, siti wuryan maṛĕk aglis, iŋ raka makṣiḥ aḷĕṅgaḥ, lawan radèn jayèṅsari.

39. kagyat iṅkaŋ garwa rawuḥ, umaṛĕk matur bibisik, purwa tumĕkèŋ wasana, cariyosnya rañcaṅkapti, maha wiku lataḥ lataḥ, nora luput kira mami.

40. èḥ kulup sun taña tuhu, kaŋ prasaja aja kumbi, nitik sakiŋ udakara, dora sakèhiŋ pawarti, sira ṅaku nak sudagar, rinta nikèn rañcaṅkapti.

41. mriŋ ibumu wus umatur, paḷĕṭèkiŋ kira mami, jayèṅsari duk miyarṣa, tumuṅkul waspa drĕs mijil, sakawit tĕkèŋ wĕkassan, wus katur tan ana cicir.

42. saŋ wiku aṅraṅkul gapyuk, laṅkuŋ martrĕñuhiŋ galiḥ, maṅkana paṅandikanya, aja sumĕlaŋ iŋ ati, dipracaya iŋ paṅéran, iṅsun kaŋ akarya ṛĕmit.

43. añamun namar anutup, sakèḥ wadi kaŋ piniṅit, sira lawan ari para, paḍa iṅsun akĕn siwi, éṅgar tyassira rahadyan, dalunya datan winarṇi.

44. wahu ta iŋ éñjaṅipun, kyayi gunawan maharṣi, pêpak kaŋ ḷĕṅgaḥ paniṅrat, sèḥ akhadiyat bibisik, sakèḥ wadi mriŋ gunawan, samya sukanirèŋ galiḥ.

45. nimbali dasiḥ sawĕguŋ, agĕŋ alit jalu èstri, sawussé sowan sadaya, sèḥ akhadiyat ṅuṇḍaṅi, èḥ sakèhé bocahiṅwaŋ, piyarṣakna tutur mami.

46. iŋ samĕṅko karṣaniṅsun, jayèṅsari rañcaṅkapti, dak puṇḍut putra minaṅka, gĕgĕntiné kaŋ luṅa nis, paḍa sira sĕkṣènana, sadaya asahur pèkṣi.

47. wus ṅumum mriŋ liyan ḍusun, nahan ki gunawan kyayi, dèn nya anèŋ sukayasa, sukuniŋ bisĕma wukir, wus tri ari gya pamitan, linilan umantuk aglis.

48. siti wuryan myaŋ saŋ wiku, kaṛĕnan amoŋ iŋ siwi, ḷĕstari tĕkèŋ diwasa, tan kuraŋ juga punapi, wus supé mriŋ kaŋ lalana, kalimput iŋ siwi kaliḥ.

49. mintir iŋ pamulaṅipun, saya tĕraŋ iŋ paṅgaliḥ, kadyaṅganiŋ kaŋ kusuma, jayèṅsari rañcaṅkapti, wus kuḍup kantun aṅantya, babarriŋ kusuma adi.

50. tan na wussé yèn kawuwus, kaŋ siḥ sinihan lan siwi, sigĕg gantya kaŋ winarṇa, saṛĕŋ iŋ lampahirèki, carita kinarya gantya, mĕgatruḥ iṅkaŋ winarṇi.