sĕrat cĕṇṭini #2

sĕrat cĕṇṭini 2

1. mas cĕbolaŋ

1 putra tuṅgalipun sèḥ akadiyat iŋ ṛĕdi sokayasa wasta mas cĕbolaŋ bagus rupinipun, mbrañak kadosdéné riṅgit wanda lañapan, késaḥ tanpa pamit, namuŋ kaḍèrèkakĕn santri sakawan i.p. : 1. palakarti ; 2. kartipala ; 3. saloka ; tuwin 4. nurwitri. lampahipun ṅidul ṅilèn lumĕbĕt iŋ talataḥ purbaliṅga.

2. jiyaraḥ iŋ pasaréyan lawèt, tĕrus ṅlajĕṅakĕn lampaḥ.

iŋ makam ḍukuḥ mas cĕbolaŋ dalaḥ para santrinipun ñjujug iŋ griyanipun dĕmaŋ srana, jurukuñcinipun pasaréyanipun sèḥ jambukaraṅ iŋ ṛĕdi lawèt. lajĕŋ kaĕtĕrakĕn jiyaraḥ iŋ pasaréyan wahu. lampahipun aṅèl sah‍éṅga para santrinipun kèndĕl ṅĕntosi iŋ tĕṅaḥ margi.

kalampahan sagĕd jiyaraḥ lan nĕtĕpi lampaḥ lampahipun jiyaraḥ, malaḥ miṛĕŋ swantĕn, sampun kuwatos manahipun lan ṅlajĕŋna niyatipun.

89. gambuḥ

1. wahu ta siniŋ gunuŋ, ṛĕsĕṛĕspoḥ satĕbaḥ gĕṅipun, caciŋ kaluŋ agĕŋnya sagaran arit, lintaḥ marataḥ sajaguŋ, pacĕt agĕŋnya sajĕmpol.

2. kumrĕsĕg swaranipun, mambĕt ganda janma nĕmbé rawuḥ, pacĕt iṅkaŋ nèŋ goḍoṅan samya ñĕṇṭiŋ, milar ñlorot lir udan wuḥ, ṛĕṛĕspoḥ caciŋ nĕlolor.

3. lintaḥ patiŋ jĕṅgunuk, ayun ṅroyok mriŋ kaŋ nĕmbé rawuḥ, naṅiŋ datan ana kaŋ prapta iŋ ḍiri, muŋ kiwa tĕṅĕn supĕnuḥ, añirap patiŋ talolor.

4. mas cĕbolaŋ tan kéguḥ, ṅéca éca dèn nira lumaku, sampun prapta pucakiŋ wukir waradin, kinubĕŋ iŋ gurda aguŋ, sawarṇiné kaŋ nalolor.

5. waṅsul iŋ uṅgyanipun, nèŋ goḍoṅan ṅalèwèr gumaṇḍul, jurukuñci mbuka lawaŋ cuṅkup sarwi, maca slawat mawa lagu, padupanira ñĕrmomoŋ.

6. prapta iŋ ndaganipun, juru kuñci lawan saŋ abagus, makiḍupuḥ uluk salam nulya tahlil, bakda tahlil kimas miṅgu, pañuwunira binatos.

7. karamatiŋ ṅaluhuŋ, miṛĕŋ swara : jĕbèŋ pamintamu, sun idèni aywa sumĕlaŋ iŋ ati, bañjuṛĕna iŋ sĕdyamu, anutugakĕn lalakon.

8. ki jurukuñci ṅuṅun, ṅandikèŋ tyas sañata linuhuŋ, sajĕgiṅsun aṅatĕrkĕn lagi iki, ana swara kaŋ karuṅu, cĕṭa tètèḥ kaŋ wirahos.

9. kaliyé mĕdal sampun, kori cuṅkup anulya tinutup, mas cĕbolaŋ aṅubĕṅi gĕbyog sarwi, ṅrĕsiki sarana rambut, tĕpuŋ gĕlaŋ waṅsul paṅgoḥ.

10. lawan ki sraya juru, waṅsul mariŋ pèkĕrisan sampun, wusiŋ ṅrasuk bhuṣaṇa tumurun aglis, sakéca iŋ lampahipun, tan ana winalaŋ atos.

2. lampahipun dumugi iŋ pañcuran surawana, tukipun iŋ muñcar, ñipĕŋ iŋ griyanipun kĕpala ḍusun ki dati. éñjiṅipun ṅlajĕṅakĕn lampaḥ ḍatĕŋ bañumas, ñatakakĕn bĕnduṅan iŋ pañcasan.

11. praptèŋ nusupan ḍusun, wus pinaṅgiḥ lan santrinya catur, tanpa pamit lajĕŋ dèn nira lumaris, sakiŋ purbaliṅga laju, tanpa kampir ṅidul ṅulon.

12. kèndĕl iŋ lampahipun, aniṅali kanaŋ toya mañcur, udakara wĕdalé saĕpriŋ ori, añjog mariŋ lèpèn aguŋ, toyanya wĕniŋ añaroŋ.

13. kaṭaḥ dyaḥ ayu ayu, samya ṅaṅsu kaṇḍĕg andudulu, maraŋ iṅkaŋ rarywan satĕpiniŋ wariḥ, woŋ lima kaŋ siji bagus, sèlèḥ klĕṇṭiŋ mloṅo dombloŋ.

14. mas cĕbolaŋ duk dulu, kaṭaḥ kĕña anom ayu ayu, pasaŋ ulat sadaya pinanduk liriŋ, kaŋ kataman riwé kumyus, sliranya gé samya ṇḍéprok.

15. anudiŋ santrinipun, kinèn taña arané kaŋ ḍusun, wus uméntar kapaṅgiḥ tatanya aris, mbakayu apuntĕnipun, kula kinèn atatakon.

16. iŋ riki raniŋ ḍusun, kaŋ tinanya kagyat samya ñjumbul, gĕragapan saṛĕŋ dèn nira nahuri, ḍusun manut wastanipun, ĕtuk toya iṅkaŋ katon.

17. surawana puniku, wusiŋ taña ki santri gya waṅsul, mas cĕboloŋ liṅgar anilari liriŋ, mèsĕm mèsĕm nulya laju, dyaḥ ṅaṅsu nulya wiraŋroŋ.

18. wahu ta lampahipun, mas cĕbolaŋ lan santrinya catur, wañci saŋ hyaŋ arka mèḥ tumamèŋ wukir, iŋ ṅarṣa ana kadulu, kadi kaluwuŋ kaŋ añjog.

19. mriŋ siti ṅokop ranu, pinarpĕkan sru éramiŋ kalbu, déné umbul iṅgilira aṅlaṅkuṅi, watara nĕm ḍĕpa laṅkuŋ, tibaniŋ wé kadi jawoḥ.

20. ki santri gèḍèg muwus, bilaḥ biyuŋ dak kira kaluwuŋ, jĕbul bañu umbul aṅgayuḥ wiyati, allaḥ yèn karya piduwuŋ, tan mantra kĕna ginayoḥ.

21. mas cĕbolaŋ wus ṅutus, santri kinèn lumĕbĕt mriŋ ḍusun, aṅupaya sipĕṅan kalaniŋ ratri, santri kaliḥ mlĕbĕt ḍusun, lawan kapalaŋ wus paṅgoḥ.

22. hyaŋ surya wus sumurup, mas cĕbolaŋ tumamèŋ iŋ ḍusun, kapaṅgihan kapalaŋ aran ki dati, gupuḥ mapag jawi pintu, sasalaman gantos gantos.

23. wusiŋ salaman laju, malbèŋ wisma pinarṇaḥ nèŋ salu, dati taña anak kaŋ asarju mampir, sintĕn sinambatiŋ arum, myaŋ pinaṅka dé luṅa ndon.

24. mas cĕbolaŋ lon muwus, amahyakĕn nami saṅkanipun, miwaḥ minta pasipĕṅan maṅké ratri, ki dati suka turipun, anak bagus ywa pakéwoḥ.

25. sampun kaŋ muŋ sadalu, nadyan pĕṇḍak kula suka sukur, mas cĕbolaŋ mèsĕm awacana manis, kalaṅkuŋ panuwun ulun, riki pundi raniŋ ḍusun.

26. ki wisma lon umatur, ḍusun tĕmon ki dati ran ulun, kapalaṅé paḍusunan tĕmon riki, kaŋ mĕrtamu samya ṇḍĕku, ki wisma paréntaḥ gupoḥ.

27. asasaji susuguḥ, wédaŋ ĕsĕs gantyan ulam sĕkul, wus lumadyèŋ ṅarṣa ki wisma turṇya ris, babo anak santri bagus, pun bapa atur susugoḥ.

28. sawontĕné iŋ ḍusun, muŋ lumayan jajampiniŋ ḷĕsu, tamu miwaḥ ki wisma samya wawan liŋ, rahap anaḍaḥ pikantuk, bakdaniŋ ḍahar ḷĕḷĕson.

29. iŋ wañci waktu subuḥ, mas cĕbolaŋ myaŋ santri kacatur, minta pamit jawat taṅan gya lumaris, tan kantĕnan kaŋ jinujug, yèn dalu ṛĕṛĕm iŋ ḍukoḥ.

30. praptèŋ pañcasan ḍusun, myat balumbaŋ tinĕpi binatur, wiyaripun tridasa tindak pasagi, saḍaḍa ḷĕbĕtiŋ ranu, wĕniŋ lirap kiñcloŋ kiñcloŋ.

31. sawusnya samya adus, linajĕṅkĕn wahu lampahipun, praptèŋ tlataḥ bañumas ḍusun kĕmawi, anèŋ sukuné kaŋ gunuŋ, mas cĕbolaŋ mañcat gupoḥ.

32. santrinya atut puṅkur, kaṭaḥ sato samya tutut tutut, kĕṇṭus kidaŋ mĕñjaṅan tanapi kañcil, ndĕdĕr prapta puñcakipun, santri catur tiŋ kaṛĕṅgos.

3. dumugi iŋ bañumas, tĕrus miṅgaḥ ṛĕdi sumĕrap lumpaŋ séla, iṅkaŋ kaṅgé naṇḍa, sintĕn iṅkaŋ kiyat ṅaṅkat baḍé kadumugèn sĕdyanipun.

namuŋ mas cĕbolaŋ iṅkaŋ kiyat ṅaṅkat lumpaŋ séla wahu. lajĕŋ sami numpak rakit maṇḍap ḍatĕŋ lèpèn sĕrayu.

33. iŋ riku wontĕn watu, kadi lumpaŋ sapraṅkul gĕṅipun, aran séla pañji sintĕn kaŋ kuwawi, añjuñjuŋ yĕkti pikantuk, kanugrahaniŋ hyaŋ manon.

34. kadugèn kajatipun, santri papat gantya samya juñjuŋ, muŋ nurwitri kaŋ kuwawi sawatawis, mas cĕbolaŋ nulya juñjuŋ, wus kaaṅkat tan ṛĕkahos.

35. catur santri sru ṅuṅun, tan adaṅu anulya tumurun, mriŋ cilacap iṅkaŋ sinĕdya iŋ galiḥ, praptané lèpèn sĕrayu, damĕl gèṭèk amirantos.

36. pitaya pĕṅkuḥ bakuḥ, wus pitados tinumpakan gupuḥ, tan cinatur laminya ṅambaŋ nèŋ wariḥ, praptèŋ cilacap tumurun, sakiŋ gèṭèk alon alon.

37. ṅĕlaṅut lampahipun, mas cĕbolaŋ lan santrinya catur, laṅkuŋ ḷĕsaḥ kèndĕl dèn ira lumaris, nèŋ ṅaṇḍapiŋ mandira guŋ, saliṅsiré kanaŋ ḍukoḥ.

90. salisir

1. maṅkana kaŋ winarṇi, kaŋ aḍépok nèŋ ṅasrami, arjabinaṅun wawaṅi, nĕṅgiḥ jajaṅgan naradi.

2. tĕmurun sakiŋ maladi, aléléḍaŋ ñaṅkiŋ kuḍi, kagyat dèn nira niṅali, sor mandira ana janmi.

3. gupuḥ dèn nya maṛĕpĕki, tuṇḍuk gya asuŋ pambagi, babo aṅgèr sadayèki, pun bapa anilakrami.

4. sintĕn sinambatiŋ waṅi, myaŋ pundi pinaṅkanèki, ṅajĕŋ kaŋ sinĕdyèŋ kapti, kadi lalampaḥ wus lami.

5. di prasaja aja kumbi, tinĕbiḥna saṅgaruṅgi, awit karasa tyasmami, mas cĕbolaŋ ris turṇèki.

6. iṅkaŋ sotaḥ amastani, pun cĕbolaŋ wasta mami, sakiŋ sokayasa ardi, atmaja saŋ mahayogi.

7. sèḥ akadiyat wawaṅi, maṅkana jaṅgan naradi, èṅĕt kalanira ṅuni, duk masiḥ dumadya santri.

4. kèndĕl iŋ ḍusun arjabinaṅun kapaṅgiḥ ajar naradḍi iṅkaŋ naté dados santrinipun sèḥ akadiyat iŋ sokayasa. lajĕŋ sami kaajak ñjajaḥ tlataḥ dumugi guwa limusbuntu. niṅali guwa sélapĕṭak awaṅun griya lan pĕṇḍapi, cariyosipun tilas kratoniŋ rasĕkṣa. tĕrus dumugi sagantĕn anakan, lajĕŋ numpak bahita kolèk ḍatĕŋ karaṅboloŋ, tĕrus ḍatĕŋ ujuŋ alaŋ, ṛĕdi ciwiriŋ. sakiŋ katĕbihan katiṅal pulo baṇḍuŋ, paṅgénanipun sĕkar wijayakusuma iṅkaŋ kajagi pĕkṣi bayan. jaṅgan naradḍi ñariyosakĕn nalika prabhu krĕṣṇa ṅlabuḥ sĕkar wijayakusuma sarta waḍahipun iṅkaŋ dados pulo baṇḍuŋ wahu.

8. wasana aris liṅira, bagus ṅuni ulun dadya, warga uwus satuhu dya, dumunuŋ nèŋ sokayasa.

9. anama sèḥ aṅguṅrimaŋ, wus umaṅun palakrama, siti wuryan èstrinira, kabar wus wawĕka priya.

10. mas cĕbolaŋ duk miyarṣa, ṅandikanira saŋ tapa, gapyuk aṅruṅkĕpi pada, saha matur wor karuna.

11. ḍuḥ pukulun ṅgiḥ punika, iṅkaŋ ayoga kawula, jaṅgan naradi maṅkana, suka amarwata suta.

12. mas cĕbolaŋ gya rinaṅkul, babo sutaniṅsun ñawa, baṅĕt ṅgonku nora ñana, yèn kĕtĕmu lawan sira.

13. prasasat paṅgya pribadya, lawan ramanira kakaŋ, miwaḥ kaṅbok ibunira, ana ta paḍa raharja.

14. sakiŋ pandoṅa paduka, ibu miwaḥ kaṅjĕŋ rama, sami ginañjar raharja, ḷĕstantun nèŋ sokayasa.

15. saŋ wiku maliḥ ṅandika, ramakmu biyèn adarbya, panakawan kuñcuŋ papat, arampak gĕḍéné paḍa.

16. umatur ki mas cĕbolaŋ, sarwi nolèḥ wurinira, laḥ punika kula bĕkta, saloka sĕpuḥ priyaṅga.

17. palakarti kartipala, nurwitri sakawanira, kabèḥ paḍa marénéya, ṅabĕktia saŋ minulya.

18. wus ṅabĕkti gantya gantya, jaṅgan naradi ṅandika, kulup payo mariŋ wisma, kasuwèn nèŋ sor mandéra.

19. dupi wus tamamèŋ wisma, suṅgata sampun samĕkta, maṅunahé saŋ minulya, sabaraŋ wus sarwa ana.

20. èḥ kulup sira maṅana, suṅgata saanarira, laṅip tan darbé wanita, yĕktiné iya kuciwa.

21. pasuṅgata tan mirasa, kaŋ sinuŋ liŋ ṅaraspada, nutug ṅrahapi sugata, linorodkĕn santrinira.

22. apan ḍahar ñañamikan, simambi aṅinum wédaŋ, jaṅgan naradi ṅandika, kulup iṅsun atatanya.

23. ĕṅgomu maréné ñawa, apa dinuta ramanta, apa kaṛĕpmu priyaṅga, mas cĕbolaŋ tan ṅandika.

24. tumuṅkul koñjĕm pratala, maṅkana saŋ maha tapa, alon paṅandikanira, aywa uwas iŋ tyasira.

25. bañjuṛĕna kaṛĕpira, nuruti rudahiŋ karṣa, amuŋ ta sira émuta, kalamun trahiŋ utama.

26. upama pawaka iṅkaŋ, kaŋ lagi andadi murub, pinapas yĕkti ṛĕkasa, luhuŋ ta kinèndĕḷĕna.

27. tĕmbé ḷĕmpĕriŋ pawaka, manawa ñaṛĕṅi maṅsa, sirṇa ṛĕṛĕgĕd sadaya, katon adiniŋ kañcana.

28. mas cĕbolaŋ duk miyarṣa, ndĕṅèṅèk éṅgar tyasira, saŋ wiku maliḥ ṅandika, apa coṇḍoŋ lan karṣanta.

29. ṅgoniṅsun asuŋ saloka, kaŋ sinuŋ liŋ tan wacana, muŋ mèsĕm sĕmu kaduga, laḥ kulup paḍa asowa.

30. wus aso éca anéndra, iŋ wañci ĕbyar rahina, kaŋ néndra taṅi sadaya, maha wiku wus siyaga.

31. laḥ kulup payo ta mara, kakariŋ supaya dadya, uṇḍakiŋ kawruḥ utama, maraŋ tĕpiniŋ samodra.

32. sadaya datan ḷĕṅgana, ki jaṅgan lumakyèŋ ṅarṣa, praptèŋ tañjuŋ coṅot nama, tuwin mariŋ paṇḍanaraŋ.

33. sakiŋ paṇḍanaraŋ sigra, mariŋ tĕpiniŋ samodra, bahita kolèk wus mrantya, kaŋ ṅlampahkĕn kaliḥ jalma.

34. jaṅgan myaŋ tatamunira, wus tumamèŋ iŋ bahita, tan pantara daṅu prapta, limusbuntu raniŋ guwa.

35. tumurun sakiŋ bahita, majĕŋ maṅétan kaŋ guwa, amaṛĕki kaŋ wiwara, sadaya tumamèŋ guwa.

36. iŋ ḷĕbĕt iṅgil tur wiyar, anon paḍas ḍapur wisma, priṅgitan miwaḥ pĕṇḍapa, kadya iṅukir kanaka.

5. ṅlajĕṅakĕn lampaḥ ḍatĕŋ jumprit, niṅali tukipun lèpèn praga iŋ ṛĕdi sindara. kapaṅgiḥ ki gupita iṅkaŋ ñariyosakĕn lalampahanipun ki jumprit ṅantos bab kĕṭèk ki dipa kalaṅĕnanipun ki jumprit saturun turunipun dados kĕṭèk kramat iŋ ṛĕdi sindara.

91. paṅkur

1. séla pĕṭak mubyar mĕmplak, pan iṅukir piṇḍa wiwiron adi, pinatra kinĕmbaŋ muṅguḥ, ṛĕmit aparipurṇa, mas cĕbolaŋ matur tatanya saŋ wiku, nama myaŋ kaŋ darbé tilas, saŋ wiku ṅandika aris.

2. limusbuntu raniŋ guwa, caritané duk jaman budha ṅuni, kéné kaḍatoniŋ diyu, wus tamat dèn nya miyat, mijil sakiŋ guwa mriŋ tĕpiniŋ lahut, aran sagara anakan, samya numpak kolèk maliḥ.

3. kèndĕl poṅot toyanya pan, datan daṅu waṅsul bahita maliḥ, karaṅboloŋ kaŋ jinujug, prawata séla pĕṭak, ṅoṅkaŋ oṅkaŋ aṅlojok iŋ lahut kidul, dèn nya kèndĕl muŋ sakĕḍap, waṅsul mriŋ bahita maliḥ.

4. mañcal mariŋ maśjid séla, duk dumugi iŋ ujuṅalaŋ nami, cinañcaŋ bahitanipun, miṅgaḥ mariŋ pajagan, griya iṅkaŋ dumunuŋ saṅiṅgil lahut, babañjĕṅan iṅkaŋ wisma, sinasak nam naman dĕliŋ.

5. kaŋ dadya paṅupajiwa, amiyasa ulam lan damĕl trasi, déra non wus kĕmput gaḍug, anulya waṅsul sigra, numpaŋ prahu lajĕŋ mariŋ maśjid wahu, praptanira maśjid séla, bahita cinañcaŋ aglis.

6. sadaya wus samya ḷĕṅgaḥ, maśjid séla maṅétan aḍĕpnèki, pĕṭané lir limusbuntu, kahot korinya wiyar, pĕṭané kaŋ paṅimanan moñcol bagus, pawèstrèn myaŋ padariṅan, boṭèkan linĕkok ṛĕmit.

7. wontĕn kadi kĕnoŋ gaṅsa, laṅkuŋ kaṭaḥ warṇi kadi tĕmbagi, atanapi mawi sumur, gambar siraḥ waraha, pan iŋ riku wontĕn pakuburanipun, mas cĕbolaŋ lon turira, sintĕn kaŋ sumaré ṅriki.

8. jaṅgan naradi liṅira, kacarita iŋ ṅuni ana santri, tirakat aran si ayub, nèŋ maśjid nulya pĕjaḥ, iṅkaŋ darbé raṛĕkṣan dupi andulu, lamun si ayub palastra, wusiŋ binarṣihan nuli.

9. pinĕtak kéné kéwala, ĕmbuḥ iṅkaŋ adarbé ahli waris, payo kulup paḍa mĕtu, sadaya sampun mĕdal, mriŋ bahita tambaŋ iṅuculan sampun, ḷĕpas lampahiŋ bahita, sampun prapta iŋ gigisik.

10. kèndĕl bahita cinañcaŋ, mañjat mariŋ ardi nama ciwiriŋ, sapraptanira iŋ pucuk, samya majĕŋ maṅétan, kawistara pĕṭané kaŋ pulo baṇḍuŋ, mas cĕbolaŋ lon turira, pulo kaŋ katiṅal ṅarṣi.

11. aṅĕṅrĕŋ wiṅit kawuryan, lir kinuruŋ waṅkawa ṅrĕspatèni, iku kulup kawruhanmu, iŋ pulo baṇḍuŋ tiga, paṅgonané sĕkar wijayasumèku, kaŋ rumĕkṣa pĕkṣi bayan, sajoḍo datan na luwiḥ.

12. sajĕgé tan luṅa luṅa, caritané duk jaman purwa ṅuni, nalika paṇḍawa ayun, mañjiŋ mriŋ kasampurṇan, midĕriŋ rat bhaṭara krĕṣṇa tan kantun, samarga marga rarasan, arja patitisiŋ pati.

13. dupi prapta tĕpiniŋ kaŋ, lahut kidul śri krĕṣṇa matur mariŋ, ari juḍiṣṭira prabhu, ḍuḥ mugi maṅèstuwa, sĕdya ulun sĕkar jayakusumèku, arṣa sunlabuḥ samaṅkya, iŋ tasik iṅgiḥ manawi.

14. dadya taṇḍa papawitan, tĕmbé nadyan wus anèŋ iŋ jaladri, kéṅiŋ pinintanan èstu, usadèŋ duhkitèŋ tyas, yayi béñjiŋ takṣiḥ sagĕd atutuluŋ, saŋ aprabhu paṇḍuputra, umatur laṅkuŋ ñjuruṅi.

15. nulya saguŋ para nata, para ari tumindak maṛĕpĕki, anèŋ satĕpiniŋ lahut, atap kacaryan miyat, ṛĕsminiŋ kaŋ ranu nuju gĕṅiŋ lahut, saraḥ saraḥ tiniṅalan, paṇṭan lir tinata asri.

16. saŋ aprabhu krĕṣṇa sigra, ṅampil sĕkar wijayakusumadi, sawaḍahira tan kantun, linabuḥ iŋ samodra, sarwi sinaṅénan paṅandika arum, èḥ èḥ wijayakusuma, muga tuwuha sirèki.

17. nèŋ samodra dumadia, pawitané wuri kaŋ madĕg aji, mĕṅku rat jawa sĕwĕguŋ, ri wusnya pinojaran, karṣèŋ déwa gya bañjur tuwuḥ tĕtĕlu, saka waḍaḥ tutup kĕmbaŋ, laḥ iku purwané ṅuni.

18. katĕlaḥ tĕkèŋ samaṅkya, lamun ana narpati kaŋ maṇḍiri, amĕṅku rat jawa bañjur, utusan pra ṅulama, amunajat nèŋ sajroniŋ pulo baṇḍuŋ, unduré lamun wus aṅsal, koñjuk śri nata pribadi.

19. matur maliḥ mas cĕbolaŋ, añjawi kaŋ wijayakusumadi, punapa maliḥ linabuḥ, saŋ jaṅgan aṅandika, ana manèḥ anaṅiŋ nora linabuḥ, paḍa pinuṇḍut jawata, naradḍa iṅkaŋ tinudiŋ.

20. krĕṣṇa sakadaŋ paṇḍawa, duk ṅaḷĕmpak anèŋ ṅastina nagri, piṛĕmbagan tamtunipun, tumamèŋ iŋ pañcaka, hyaŋ naradḍa cĕmlorot sakiŋ aluhur, niyup praptèŋ panaṅkilan, saguṅiŋ para narpati.

21. gupuḥ tumurun manĕmbaḥ, hyaŋ naradḍa paṅandikanya aris, ḍuḥ śri nata yoganiṅsun, kabèḥ kawruhanira, iṅsun iki tinudiŋ hyaŋ sukṣma luhuŋ, kinèn amuṇḍut cakranta, lawan panaḥ cuṇḍamani.

22. karoné iku wus maṅsa, paḍa muliḥ maraŋ iŋ suwarga di, marga sira samya ayun, ṅañcas sampurṇèŋ pĕjaḥ, wruhanira babo karo yoganiṅsun, kaŋ maṅka bañcanèŋ pĕjaḥ, yèn makṣiḥ anon kakaliḥ.

23. kasuran miwaḥ katrĕṣṇan, iṅkaŋ asiḥ sisip ciptanta kaki, yèku dirgamaniŋ lampus, puwara aru ara, kuwur kuwur riribĕd ṅribĕdi kalbu, nĕmahi amaro tiṅal, tan tumanĕm iŋ tyas ĕniŋ.

24. ṅaliḥ aliḥ ṅalam alam, kéran kéron iŋ cipta miṇḍo kardi, wĕkasan kapiran kulup, labĕt kéwraniŋ manaḥ, di patitis titikan aja kalèru, kalawan dèn kawruhana, santosaniŋ jaman pati.

25. datan liyan amuŋ ana, paṅadiliŋ ciptanira pribadi, wisaniŋ cipta puniku, tan liya uwas uwas, dadya sĕmaŋ sĕmaṅ

paṅadilirèku, lamun koṅsia maṅkana, iŋ wardaya tĕmaḥ giṅsir.

26. dipunṅati ati poma, wruhanira ḍuḥ yoganiṅsun sami, rèhniŋ kasampurṇan iku, tan ṅapiŋ kaliḥ karya, luput pisan kĕna pisan dipunémut, yèn wus sirṇa sakiŋ doña, tan bali babakal maliḥ.

27. jĕr wus tinutup déniŋ hyaŋ, iya iku sampurṇa iŋ ginahib, sadaya kaŋ samya ṅruṅu, liŋnya ṛĕṣi naradḍa, dahat ajriḥ ṇḍĕku awor sĕmbahipun, śri krĕṣṇa ṅaturkĕn sigra, cakra lawan cuṇḍamani.

28. wus cuṭĕl caritaniṅwaŋ, payo kulup prayoga paḍa muliḥ, maraŋ iŋ arjabinaṅun, kaŋ sinuŋ liŋ manĕmbaḥ, santri papat tansaḥ umiriŋ nèŋ puṅkur, sapraptaniŋ paḍépokan, wus gumlar sugatanèki.

29. kulup iki kabĕnĕran, pariṅiŋ hyaŋ satuhu muraḥ asiḥ, maraŋ iŋ kawulanipun, laḥ mara paḍa ḍahar, mas cĕbolaŋ gya bukti laṅkuŋ pikantuk, wus dumugi cinarikan, santri papat saṛĕŋ bukti.

30. cèplĕs tan mawi lorodan, sarwi nikmat sadaya kaŋ binukti, èḥ ta kulup kawruhanmu, iŋ coṅot toyanya pak, karaṅboloŋ arga ciwiriŋ iŋ bésuk, kadunuṅan woŋ amañca, sakiŋ nagri ṅatasaṅin.

31. iku ujaré kaŋ jaṅka, mbuḥ ñatanya luwiḥ karṣaniŋ widdhi, mas cĕbolaŋ laṅkuŋ nuwun, manĕmbaḥ ris turira, paran margi griya griya samya suwuŋ, rajakaya tiŋ saḷĕbar, datan wontĕn kaŋ ṅopèni.

32. ki jaṅgan aris ṅandika, wus adaté kalamun amaṛĕṅi, aṅin saka kulon kidul, woŋ sanagri cilacap, paḍa ṅili tilar balé wismanipun, wit akèḥ iṅkaŋ lalara, brĕkasakan aṇḍatĕṅi.

33. gogoḍa mbéḍuŋ ṅrĕñcana, tan na tahan dumadi paḍa ṅili, mulané siwayèŋ ulun, mĕṅko sira maṅkata, nora pisan si bapa babasan nuṇḍuŋ, tĕmbuṅé nora kahinan, sumiṅkir saka bilahi.

34. cĕbolaŋ matur sandika, santri papat miris duk amiyarṣi, marindiŋ gigiṭok muṅkruk, tyas aṅguŋ tarataban, saŋ jajaṅgan mèsĕm aṅandika arum, kabèḥ aja ana maras, kaŋ tĕtĕg pitayèŋ widdhi.

35. wis kulup sira maṅkata, wĕkasiṅsun mĕtumu saka panti, lawan réñcaṅira catur, ṇḍiṅina sikil kiwa, pituŋ tindak aywa nolèḥ anèŋ puṅkur, manĕmbaḥ matur sandika, aṅabĕkti ganti ganti.

92. maskumambaŋ

1. sampun mijil kadi mas timbul iŋ wariḥ, alon lampahira, mituhu wĕliŋ saŋ ṛĕṣi, wusiŋ antuk pituŋ tindak.

2. mas cĕbolaŋ tumĕṅa miyat wiyati, wañci sampun pajar, dahat kacaryaniŋ galiḥ, ṅandika mriŋ santrinira.

3. èḥ saloka iki ana tanaḥ ṅĕndi, aḍĕmé kalintaŋ, rasané kaya woŋ ṅimpi, apa isiḥ nèŋ cilacap.

4. ki saloka liṅak liṅuk tan bisa ṅliŋ, tuwin kartipala, palakarti myaŋ nurwitri, sadaya tan ana ṅucap.

5. byar rahina saŋ hyaŋ bagaspati mijil, tandya éramiŋ tyas, tĕka nèŋ aṅgraniŋ wukir, maṅalor anon samodra.

6. lamat lamat wé né kaŋ jaladri jawi, miyat ṅériŋ ṅanan, wimbuḥ sĕṅsĕmiŋ paṅgaliḥ, nèŋ tĕpi umbul wé maya.

7. mudaliŋ kaŋ wé umbul agĕŋ ṅlaṅkuṅi, datan pati tĕbaḥ, ana kuburan sawiji, kayoman witiŋ mandéra.

8. tan pétuṅan wanara agĕŋ myaŋ alit, nèŋ paṅiŋ mandéra, nurwitri umatur aris, pun bapa asriŋ carita.

9. tanaḥ kĕḍu siraḥ praga nama jumprit, ĕtukiŋ kaŋ toya, kajawi umbul kah‍èkṣi, wĕdaliŋ wé sakiŋ guwa.

10. samya piyak tatéla tuk kaŋ ṅagĕṅi, sakiŋ jroniŋ guwa, nulya na jalma lumaris, murugi kaŋ ribĕd iŋ tyas.

11. añĕlaki saha ṅaturi pambagi, ṅgèr sintĕn sinambat, myaŋ pinaṅka sakiŋ pundi, katĕmbèn ulun pinaṅgya.

6. lampahipun dumugi iŋ ḍusun margawati talataḥ kĕḍu, kapaṅgiḥ ki ḷĕbdaswaninda iṅkaŋ ñariyosakĕn biliḥ kapal (kuda) margawati pinilala déniŋ kaṅjĕŋ sultan iŋ mataram.

ki ḷĕbdaswaninda suka sĕsĕṛĕpan bab ciri ciriniŋ kapal sakalaṅkuŋ moñcèr ṅantos dumugi bab dintĕn kalahiranipun kapal sarta pamiṇḍahipun ḍatĕŋ gĕḍogan.

12. kaŋ tinanya amaṅsuli kula sakiŋ, iŋ tanaḥ cilacap, tiyaŋ sakawan puniki, ṅgiḥ réñcaŋ kula sadaya.

13. kula ñuwun sasĕṛĕpan mriŋ kiyayi, iṅriki punika, winastanan tanaḥ pundi, lan sintĕn kakasiḥ para.

14. aṅgèr taña punika tanaḥ iŋ jumprit, sukuniŋ sundara, tlataḥ kĕḍu nama mami, kéṇṭol gupita kaŋ dadya.

15. palawaṅan biliḥ wontĕn kaŋ nĕnĕpi, sah‍èstunya tĕbaḥ, cilacap prapta iṅriki, datan dumugi sapasar.

16. mas cĕbolaŋ aṅgarjita jroniŋ galiḥ, naradi sañata, linuwiḥ saminiŋ janmi, nĕm ari sadalu prapta.

17. wasana ṅliŋ kula añuwun pawarti, paran mulanira, dé dados panĕpèn ṅriki, ki gupita gya carita.

18. jaman kina wontĕn satuṅgiliŋ janmi, nama jumprit gaḍaḥ, mala tan limrahiŋ janmi, maṅgèn piṅgir lèpèn praga.

19. wus ambadal sakèḥ usada tan mari, rumahos nir déya, satĕmaḥ mupus iŋ ati, narimaḥ takdiriŋ badan.

20. puwara muŋ nalaṅsa maraŋ hyaŋ widdhi, supé naḍaḥ néndra, anuju liṅsiriŋ ratri, siḍakĕp asuku tuṅgal.

21. amĕjahi babahan nawa saṅèki, ṅĕmpalkĕn kaanan, pamoriŋ kawula gusti, miṛĕŋ swara lamat lamat.

22. iṅkaŋ botĕn kapiṛĕŋ sakiŋ iŋ kupiŋ, naṅiŋ asarana, cipta sasmita linuwiḥ, ujariŋ swara maṅkana.

23. èḥ ta jumprit manawa sira kapéṅin, waluyaniŋ roga, anuṅsuṅa kali iki, yèn wis katĕmu siraḥnya.

24. bañjur sira adusa iṅkaŋ baṛĕsiḥ, ḍuḍukuha pisan, nèŋ kono salaminèki, amĕṣṭi laramu sirṇa.

25. lan jĕnĕŋmu paṣṭi kocap sajĕgnèki, dupi gagat éñjaŋ, tan darana kyayi jumprit, lajĕŋ wisata sumĕdya.

26. aṅlampahi waṅsitiŋ jawata luwiḥ, datan daṅu prapta, iŋ lakiŋ lèpèn pĕragi, dumunuŋ guwa punika.

27. tan darana lajĕŋ ṅgĕbyur kyayi jumprit, dahat asrĕpira, babaluŋ lir dèn lolosi, rèḥ adrĕŋ ayun waluya.

28. srĕpiŋ toya piṇḍa kamaṇḍanu wariḥ, iŋ tanaḥ pulimat, daṅu dèn nya anèŋ wariḥ, kyayi jumprit nulya mĕntas.

29. ṅuṅuniŋ tyas lupa ḷĕsu luṅkraḥnya nir, pĕra raganira, tan ana antawisnèki, yèn mĕntas anaṇḍaŋ roga.

30. pan katĕlaḥ dadya nama praga kali, dumugi samaṅkya, toya tukiŋ lèpèn pragi, takṣiḥ darbèni kasiyat.

31. yèn dèn inum rahosipun tuntuŋ ḷĕgi, tuwuk tanpa naḍaḥ, damĕl kiyat saranduniŋ, tĕmaḥ aṅĕjur tĕtĕḍan.

32. kinarya dus pĕra raganipun yĕkti, tuṅtum baluŋ ṛĕṅka, kĕṅkĕṅiŋ otot nambahi, añĕgĕrakĕn sarira.

33. manawi mukaramaḥ kalawan takdir, èstu éṅgal saras, kahol kaŋ carios nĕṅgiḥ, awèt anèm umur pañjaŋ.

34. sami ugi siram kamaṇḍanu wariḥ, dlomokiŋ wirayat, sumaṅgèŋ karṣa kaŋ myarṣi, muŋ ṅluluri criyos kuna.

35. amaṅsuli cariyosnya kyayi jumprit, saṛĕŋ wus waluya, lajĕŋ aḍĕḍĕkaḥ riki, nèŋ wétan tukiŋ paraga.

36. olaḥ tani sinambi amaṅuntèki, yèn dalu mumuja, mbĕg darma siḥ iŋ sasami, utama sabda sarkara.

93. ḍaṇḍaŋgula

1. lami lami kawĕntar ki jumprit, iŋ mañca pat myaŋ liyaniŋ praja, biliḥ katrimaḥ doṅané, kaṭaḥ janma aṅluru, añuñuwun mawarṇi warṇi, tulak tumbal sarana, isarat sĕmpulur, paṅgĕsaṅan kasugihan, kadlajatan kamulyaniŋ doña akir, tan ana kaŋ katulak.

2. kaṭaḥ iṅkaŋ kalajĕŋ tan muliḥ, tumut ḍaḍĕkaḥ nèŋ siraḥ praga, lajĕŋ dados ḍusun gĕḍé, ki jumprit duk rumuhun, ṅiṅaḥ kĕṭèk satuṅgal nami, pun dipa gĕŋ sajalma, añjilma satuhu, maṅrĕtos iŋ saniṣkara, kahot botĕn sagĕd wicantĕn lir janmi, ki jumprit laṅkuŋ trĕṣṇa.

3. kalampahan tinimbul winisik, ṅèlmi paṅawikan panitisan, dĕlalaḥ pun dipa kĕṭèk, sadaya wulaṅipun, kyayi jumprit sagĕd nampèni, kéṅiŋ binasakĕna, kaliḥ tuṅgilipun, manawi wontĕn ḍatĕṅan, minta sarat ki jumprit tan ana panti, tinampèn kyayi dipa.

4. datan pah‍é lan pariṅé kyayi, lami lami pun dipa wanara, kyayi dipa sĕbutané, dupi ki jumprit lampus, gya kinubur iŋ sacĕlakiŋ, ĕtuk praga punika, nèŋ sor mandira guŋ, ki dipa tan késaḥ késaḥ, sakiŋ ṅriku muhuŋ nĕṅgani kuburiŋ, bandara kaŋ wus léna.

5. apitĕkur nèŋ paṅiŋ wariṅin, kĕṭèk wanan kaṭaḥ iṅkaŋ prapta, suyud aṅratu aṅgĕpé, samya añuhun ñuhun, sakiŋ adil paramarta siḥ, mbĕg darma bijakṣana, lir critaniŋ daṅu, narpati wré śri sugriwa, lulus ṅantos sakpriki kaŋ madĕg aji, turunipun ki dipa.

6. mas cĕbolaŋ miwaḥ catur santri, laṅkuŋ suka miyarṣa carita, paman ndika lajĕṅaké, criyosé dipa prabhu, kadiparan tĕkèŋ sakniki, ki gupita liṅira, nĕṅgiḥ kaŋ kĕsĕbut, iŋ criyos kaŋ madĕg raja, sapunika kañjĕŋ kyayi dipa lagi, tumĕḍak kapiŋ tiga.

7. nadyan sampun tumurun kapiŋ tri, sakiŋ jĕŋ kyayi dipa sapisan, datan éwaḥ maṅunahé, mĕṅgaḥ jalaranipun, sabĕn iṅkaŋ jumĕnĕŋ aji, wus kaḍatĕṅan baṅas, taṇḍa ayun surud, lajĕŋ animbali putra, kaŋ ginaḍaŋ ṅgĕntosi jumĕnĕŋ aji, dipunajak umiṅgaḥ.

8. ḍatĕŋ pucakiŋ sundara wukir, wontĕn pucak kaŋ putra winĕjaŋ, iŋ ṅèlmi umadĕg rajèŋ, myaŋ saniṣkaranipun, paṅawikan sampatiŋ waṅsit, lajĕŋ mañcolot maraŋ, iŋ kawaḥ alabuḥ, tumaṅan yitmaniŋ nata, kacariyos dados séta kĕmpal maliḥ, lan ki jumprii minulya.

9. putra kaŋ wus anampèni waṅsit, gya tumurun maraŋ iŋ mandira, wanara kèḥ paṅaṅgĕpé, tan pah‍é lan kaŋ surud, wus tinakdir jaman samaṅgkin, titiyaŋ sampun suda, iŋ paṅandĕlipun, mriŋ kah‍élokaniŋ déwa, satĕmahiŋ tan

ṅrĕtos ḍatĕŋ basaniŋ, sato lir jaman kina.

10. botĕn sagĕd sami anampèni, cipta sasmitané kyayi dipa, muŋ kajawi kula aṅgèr, pramila kaŋ samya yun, amiminta bĕrkaḥ ñjĕŋ kyayi, añuwun palarisan, ṛĕjĕki sĕmpulur, paṅasihan paṅlulutan, kasugihan kadlajatan myaŋ iṇḍakiŋ, iŋ paṅkat kaluhuran.

11. ñjujugipun ḍumatĕŋ iŋ kami, sarananya mawi sajèn pisaŋ, rajatalun kaŋ ajĕné, sĕḍaḥ wohan rum ayu, mĕñan madu wawrat satahil, artanipun saprapat, miwaḥ tĕmbénipun, kalamun wus kaḷĕkṣanan, aṅaturi ḍahar tumpĕŋ paṅgaŋ pitik, wowohan warṇa warṇa.

12. laḥ punika caritané ṅuni, muŋ sadrĕmi kawula sumaṅga, mas cĕbolaŋ lon dĕliṅé, laṅkuŋ panuwunulun, paman asuŋ carita yakin, rèḥ dumugèkkĕn lampaḥ, lilanana ulun, ki gupita mĕṇḍak mĕṇḍak, kapaṛĕṅa aṅgèr mampir wisma mami, kaŋ ĕmbok wus saḍiya.

13. sampun naṅgĕl sah‍é béñjiŋ éñjiŋ, karṣa paduka ndugèkkĕn lampaḥ, cĕbolaŋ alon dĕliṅé, laṅkuŋ panuwunulun, pasihanta mriŋ kaŋ kaswasiḥ, aṇḍĕku ki gupita, sumaṅga nak bagus, ulun jumuruŋ raharja, sasampuniŋ sasalaman gĕnti gĕnti, liṅgar sakiŋ paraga.

14. sampun ḷĕpas lampahira prapti, ardi alit alit gumuk kaṭaḥ, kadi kukusan ḍapuré, wontĕn kaŋ alit bulug, ṅilak ilak muŋ kataŋ wilis, ṅrĕmbaka ḷĕma ḷĕma, nèŋ sĕlaniŋ watu, siti paḍas séla kaṭaḥ, amuŋ arga sajuga pucakirèki, ana witiŋ mandira.

15. sakawan wit agĕṅira sami, aṅayubi kanaŋ gĕṇṭoŋ séla, isi satĕṅaḥ toyané, wĕniŋ asrĕp kalaṅkuŋ, mas cĕbolaŋ sarowaṅnèki, raywan nèŋ sor mandira, nèŋ tĕpiniŋ ranu, miyat kuda laṅkuŋ kaṭaḥ, añjraḥ anèŋ gumuk ṅrĕṅgut kataŋ wilis, mawèḥ sĕṅsĕmiŋ driya.

16. wusiŋ wañci aṅgiriŋ turaṅgi, punaŋ kuda miṅgaḥ mriŋ aldaka, ayun ṅombé lir adaté, wasana samya waṅsul, raré aṅon samya murugi, apa kaŋ dadya sabab, kudanira waṅsul, dupi wus prapta iŋ pucak, miyat jalma gaṅsal kaŋ sajuga pĕkik, ana padon sajuga.

17. mantuk maraŋ ḍusun suŋ upĕkṣi, iŋ ki luraḥ ki ḷĕbdaswaninda, sawusé tampi aturé, adan umaṅkat gupuḥ, sampun prapta ṅaṇḍap wariṅin, swaninda suŋ pambagya, ḍuḥ risaŋ binagus, téja téja sulakṣana, téjaniṅkaŋ woŋ sigit nĕmbé kah‍èkṣi, wiṅkiŋ pundi pinaṅka.

18. lawan sintĕn sinambat iŋ kasiḥ, mas cĕbolaŋ ṇḍĕku lon ṅandika, babo rama pambagéné, kalaṅkuŋ laṅkuŋ nuwun, ulun sakiŋ cilacap nagri, anama pun cĕbolaŋ, èstu santri kluṭuk, ṅaluyur nuruti manaḥ, tanpa sĕdya nĕtiŋ tyas kaŋ tinutwuri, mèsĕm ḷĕbdaswaninda.

19. wacana ris aṅgèr sahupami, kuda turunan pañcèn tumpakan, lan momotan pañci sanès, gambar polatanipun, anĕrusi ciri prayogi, pamintané pun bapa, pinaṛĕŋna kalbu, karṣa kampir wismaniṅwaŋ, muhuŋ luṭuŋ ṅakĕn tiyaŋ sĕpuḥ ugi, cĕbolaŋ duk miyarṣa.

20. garjitèŋ tyas baya iki luwiḥ, dé katitik patrapé atata, kawistara wicarané, wasana ris umatur, iŋ sakarṣa ulun umiriŋ, ḷĕga tyasnya ki ḷĕbda, liṅgar sadaya wus, sakiŋ ṅaṇḍapiŋ mandira, turut marga tan kĕṇḍat pitakènèki, swaninda acarita.

21. karṣa daḷĕm jĕŋ sultan mantawis, ulun tinanĕm dumados luraḥ, wontĕn margawati ṛĕké, guṅguŋ siti woluŋ juŋ, pahos ĕpak wallan tan kéṅiŋ, nama ḷĕbdaswaninda, dé pakaryan muhuŋ, manawi wontĕn puṇḍutan, kapal agĕm titihan daḷĕm saŋ aji, miwaḥ panarik rata.

22. tan lyan wĕdalan iŋ margawati, mas cĕbolaŋ alon atatanya, kadiparan darunané, dé pinilalèŋ ratu, wujudipun kaṭaḥ kaŋ alit, é, makatĕn anakmas, mĕṅgaḥ sababipun, warṇi pantĕs burus iŋ tyas, tur yuwana kuwat tahan iŋ sasakit, kèḥ pañjaŋ umurira.

23. awit sakiŋ karamatirèki, kĕṇṭèŋ kaŋ anèŋ ṅaṇḍap mandira, punika paṅombènané, sabĕn ari dèn inum, sakèḥ kapal toyanya makṣiḥ, pan botĕn asat asat, punika nak bagus, iṅkaŋ dumadya jalaran, warṇa pantĕs kuwat tahan iŋ sasakit, tyas burus tur yuwana.

24. sĕrap surya praptanirèŋ panti, kyayi wisma ṅacaran aḷĕṅgaḥ, anèŋ ṅambèn sadayané, sugatanya lumintu, mas cĕbolaŋ rahab iŋ galiḥ, myaŋ santrinira papat, tan na sigansigun, ki swaninda mbujakrama, amaṅgihi mas cĕbolaŋ taña maliḥ, ṅlajĕṅakĕn bab kapal.

25. saban kapal wijil margawati, punapa ṅgiḥ kéṅiŋ tinamtokna, kalamun paṣṭi pĕnĕdé, ḷĕbdaswaninda ṅguguk, botĕn bèntĕn kalawan janmi, mawi ṅèlmi wirasat, ciri wastanipun, ciri iṅgiḥ ñĕŋ uñĕṅan, miwaḥ uḷĕs iṅriki panitiknèki, awon sah‍éniŋ kuda.

26. mas cĕbolaŋ ṅaṅsĕg turira ris, ḍuḥ kiyayi sajĕg ulun gĕsaŋ, dèrèŋ uniṅa yĕktosé, biliḥ kapal puniku, won sah‍é wontĕn iŋ ciri, mugi amaṛĕṅĕna, aṅgĕlarkĕn tutur, awon sah‍éniŋ turaṅga, saha maliḥ paduka sampun akrami, ḍumatĕŋ iŋ kawula.

27. pintĕn baṅgi paṅaṅĕpiŋ galiḥ, kadiya mriŋ atmaja priyaṅga, ḍasar sĕpuḥ kèḥ kawruhé, ulun tuhuné puṅguŋ, botĕn lamis tur kula kyayi, ki ḷĕbda duk miyarṣa, liriṅé kaŋ sĕmu, ujar wantaḥ tan lamisan, èḥ ta kulup aja kuraŋ paṅakṣami, woŋ tuwa nuṅkak krama.

28. iṅkaŋ mĕṣṭi ñĕŋ uñĕŋ turaṅgi, cacaḥ saṅa siji aran cĕṭak, prĕnaḥ ana iŋ tĕṅahé, mata loro puniku, cacaḥ loro nèŋ buri kupiŋ, maṭi iku arannya, bahuṛĕkṣa iku, uga loro nèŋ aṇḍĕman, kiwa tĕṅĕn palintaṅan uga kaliḥ, aṅapit wudĕl kuda.

29. ganĕpé saṅa puḍak kakaliḥ, ṅaṛĕp pupu guŋ iŋ kériŋ kanan, lamun kuraŋ siji kuwé, soñata karanipun, yĕkti ala yèn luwiḥ sakiŋ, sasaṅa ana ala, ana bĕcikipun, tur ciri iku akaṭaḥ, baraŋ iṅkaŋ sumĕlap puniku ciri, iṛĕŋ abaŋ putiḥnya.

30. upamané awakiŋ turaṅgi, kabèḥ wulu yèn ana uñĕṅan, iya saĕṅgon ĕṅgoné, sumĕlap muṅsĕripun, yĕkti kĕna iṅaran ciri, sami lan gèṭèk bĕlaŋ, ḷĕkok saminipun, ciri lan uñĕŋ uñĕṅan, pĕnèt sami basané siniliḥ siliḥ, amriḥ ḍaṅaniŋ krama.

31. lamun ana maṭiniŋ turaṅgi, katutupan wawaruŋ ṅgènnira, iku maṭi satuhuné, yèn ana maṭinipun, kuda iṅkaŋ kaparèŋ wuri, rubuḥ karṇa namanya, awon watĕkipun, yèn apraŋ kĕna iŋ cidra, kaŋ anitiḥ kapocot iŋ muṅsuḥ kĕni, sayĕkti siniṅgahan.

32. lamun uñĕŋ uñĕṅan kudèki, muṅgèŋ gulu gorokan pan ala, lamun uñĕŋ uñĕṅané, iŋ tĕpak sujèn tĕrus, kaŋ sayĕkti ala pinaṅgiḥ, lamun uñĕŋ uñĕṅan, pĕpĕkan ṅgènnipun, nĕṅgiḥ kalabaŋ pipitan, apan awon yèn ana iŋ saṅgawĕḍi, ḍèṇḍèŋ woŋ yĕkti ala.

33. lamun ana iŋ ṅlambuŋ namèki, pan barañcuḥ sayĕktiné ala, yèn aṅlajur paṅgonané, anurut buntutipun, lintaŋ sarat ala pinaṅgiḥ, lamun uñĕŋ uñĕṅan, ĕṅgonné iŋ baṭuk, anaraju tur titiga, nĕṅgiḥ jaga mukṣa puniku pan bĕcik, yèn ana ciri ṅgènnya.

34. papasu pan taḍaḥ luḥ sayĕkti, yèku ala ṅajarkĕn karuna, yèn ciri muṅgèŋ uwaṅé, kĕmil ala tinĕmu, lamun tĕṅgok ĕṅgonniŋ ciri, apĕnĕt tur sugihan, nĕṅgiḥ kaŋ aṅiṅu, yèn ciri anèŋ gantaṅan, tuhu ala tur ta aṅadohkĕn ati, tan pantĕs iṅiṅuwa.

35. lamun ciri sukuné kaŋ wuri, pan bĕndana katututan ala, yèn ta bĕlaŋ pupurusé, tan ana tĕrusipun, bĕlaŋ waké nora nimbaṅi, ḍuḍa kaṛĕm namanya, awon watĕkipun, yèn ciri suku iŋ ṅarṣa, arja dumuk pakolèḥ ginawé jurit, ṅĕnakkĕn nora kĕna.

36. yèn ambujuŋ bisa anututi, yèn binujuŋ nora katututan, sénapati ṅgon aṅgoné, miwaḥ mantri paṅañjur, yèn jĕjĕṅku ĕṅgoniŋ ciri, yèku tinimbaŋ ṅarṣa, ala watĕkipun, kaŋ ṅiṅu wadon tyasira, lawan aguŋ kasaṅsaya mbilah‍èni, aṅilaṅakĕn arta.

37. lamun wĕtĕŋ ĕṅgoniŋ kaŋ ciri, baya ṅaṅsar puniku pan ala, tan pantĕs kaṅgo iŋ gawé, yèn ciri lambénipun, kaŋ iŋ ṅaṇḍap puniku bĕcik, karya ayuniŋ tiṅkaḥ, lamun buntĕl siyuŋ, kala maṇḍukul arannya, kaŋ aṅiṅu tawĕkal dadi woŋ lañji, naratab mariŋ rayat.

38. lamun ciri lambéné iŋ ṅiṅgil, sampar wacana puniku ala, yèn ciri anèŋ gĕgĕré, sĕriŋ kakapanipun, kaliṅgihan yèn dèn titihi, kala jojog pan ala, panas watakipun, yèn ciri anèŋ bokoŋnya, anrus jubur kĕlabaŋ aṅlèŋ tan bĕcik, panas mariŋ sarayat.

39. yèn jajalak ĕṅgonniŋ kaŋ ciri, bĕbĕnĕman upas paṣṭi ala, miwaḥ yèn ciri sukuné, kaŋ kiwa iṅkaŋ ṅayun, yèn iŋ tĕṅĕn sikilé wuri, lamun iṅaṅgé karya, boṅkok watĕkipun, yèn ciri lambuṅé kiwa, trus iŋ tĕṅĕn muŋ woŋ kapĕtĕṅan ati, kaŋ pantĕs aṅgaṅgowa.

40. yèn iṅaṅgé liyané woŋ maliŋ, yĕkti ala sayĕkti gĕriṅan, yèn luhur jĕṅku ciriné, taṇḍa muṣṭikanipun, yèn iṅaṅgé amaṅun jurit, watĕké kaŋ anuṅgaŋ, kèdĕg sirahipun, maraŋ kudané priyaṅga, yèn na ciri kasaban ambĕn tan bĕcik, ḷĕkṣanané panasan.

41. yèku namané kala kapipit, lamun ciri saṅisor taliṅan, ḍaṇḍaŋ susuwĕŋ namané, panas pakolèhipun, yèn pok kupiŋ ḍaṇḍaŋ susumpiŋ, lamun ḷĕpat upama, sañari ṅgènnipun, ḍaṇḍaŋ riṅan riṅan ala, iŋ watĕké yèn aṇḍĕman wutaḥ ati, aṅkĕr watĕkiŋ kuda.

42. lamun ana maṭiné sasisiḥ, soñantaka lamun iṅaṅgé praŋ, tan wandé añjuṅkĕlaké, yèn ciri pipinipun, iṅkaŋ kiwa aranné kĕmil, ala ṅurudi arta, maraŋ kaŋ aṅiṅu, yèn iŋ lambé ĕṅgènnira, yèku kurès ala sĕriŋ aṅĕloṅi, kaŋ ṅiṅu artanira.

43. lamun ciri tan kasaban kupiŋ, saṅkala kaluŋ sayĕkti ala, yèn ciri muṅgèŋ uwaṅé, iya biru tinukup, lamun uwaŋ iṅkaŋ sawiji, tan kèḍĕp mariŋ rowaŋ, nĕṅgiḥ watĕkipun, pan ciri aṅaliḥ basa, basanipun uñĕŋ uñĕṅan siniliḥ, mriŋ ḍaṅaniŋ śri nata.

94. sinom

1. yèn ana uñĕŋ uñĕṅan, muṅgèŋ cacaṅklakanèki, saṅĕt alané kaŋ nuṅgaŋ, tan wun katiban tatali, yèn ana suku wiṅkiŋ, sasisiḥ ran brananipun, pĕnĕd adoḥ iŋ baya, kaŋ ṅiṅu olèḥ basuki, lamun ana kaliḥ sukuné iŋ ṅarṣa.

2. ala watĕkiŋ turaṅga, yèn suku ṅarṣa satuṅgil, saṇḍuŋ sawa arannira, rahayu kaṅgé iŋ jurit, yèn kasasaban iŋ kupiŋ, andĕlèrèḥ pasaṅipun, ala tan wun iṅucap, kaŋ ṅiṅu kaŋ anitihi, lamun uñĕŋ uñĕṅan guluné kiwa.

3. anĕṅgiḥ watĕké panas, yèn gulu tĕṅĕn ṅgonnèki, ḷĕkṣanané gawa wiraŋ, yèn kasaban rambutnèki, awon watĕké asriŋ, tutukaran nuli atut, lamun kaliḥ baṭuknya, baya kapraṅgul tan bĕcik, iṅkaŋ ṅiṅu asriŋ nĕmoni babaya.

4. yèn ana uñĕŋ uñĕṅan, gumantuŋ ana iŋ kupiŋ, puniku ḍaṇḍaŋ sasĕṅkaŋ, awonné aṅruṅu warti, warta sikara budi, lamun ana iŋ jajaṅgut, sirtimaŋ arannira, rahayu marahi bĕcik, kaŋ aṅiṅu santosa maṅgiḥ wibawa.

5. lamun kĕpipit iŋ pukaŋ, kĕṇḍit lawètnya namèki, awon ḷĕkṣananiŋ kuda, kaŋ ṅiṅu aṅguŋ prihatin, yèn suku kaliḥ wuri, ginawa praŋ kĕnèŋ muṅsuḥ, yèn suku siji ṅarṣa, nèŋ tĕṅĕn paṅgonannèki, dara makap yèn ginawa praŋ kacaṇḍak.

6. yèn sukuné kiwa ṅarṣa, pĕnĕd ginawa ṅajurit, binujĕŋ datan kacaṇḍak, yèn ambujuŋ anututi, lamun caṅklaknèki, saṅĕt awon watĕkipun, yèn anèŋ gogorokan, kakaliḥ namanirèki, goṇḍaŋ mala nora bĕcik nora ala.

7. yèn iŋ gulu maraŋ jaja, raja wahana pan bĕcik, tutuṅgananiŋ naréndra, yèn iŋ wĕtĕŋ prĕnahnèki, tuwak arannirèki, tan bĕcik tan ala iku, yèn kawĕt ĕṅgènnira, saṅkala kawĕt tan bĕcik, lamun ana clakuṭikan ĕṅgènnira.

8. iŋ wuri kaliḥ ĕṅgènnya, aṇḍa saya nora bĕcik, yèn suku ṅaṛĕp ṅgènnira, aṇḍa mastaka tan bĕcik, lamun pukaŋ kapipit, galiṅga nastra ranipun, awon ḷĕkṣananira, yèn ṅajĕŋ ambĕnanèki, yèku sujèn ucap rahayu iŋ karya.

9. yèn iŋ ambĕnan ṅgènira, kala kapipit tan bĕcik, tiwas iṅaṅgowa apraŋ, lamun suku iṅkaŋ wuri, cakĕt wadidaṅnèki, luhuriŋ jaja ṅgènnipun, kaŋ ṅiṅu kacurṇan, lamun ana iŋ susuri, watĕk panas kaŋ ṅiṅu aguŋ kalaran.

10. yèn titiga suku ṅgènnya, awon watĕké kaŋ nitiḥ, tiba satĕṅahiŋ karya, yèn iŋ jajalak ṅgènnèki, toṅgèŋ toya tan bĕcik, gĕriṅĕn iṅkaŋ aṅiṅu, tumular sabarayat, tĕkèŋ iṅon iṅonèki, tataṅgané kabèḥ paḍa katularan.

11. gantya iṅkaŋ cinarita, sarupaniŋ para ciri, kabèḥ awakiŋ turaṅga, iṅkaŋ katularan sami, kabèḥ amrataṇḍani, liya ñĕŋ uñĕṅanipun, saranduniŋ turaṅga, gèṭèk bĕlaŋ ḷĕkok ḍĕkik, yĕkti mawa wawatĕkaniŋ turaṅga.

12. yèn bĕlaŋ ilaté ala, bokoŋ pésok datan bĕcik, aṅurut uruti karya, yèn palawaṅaniŋ suri, tuwaŋ pan nora bĕcik, yèn cupĕt susurinipun, adoḥ nora kasaban, kalamun dèn kakapani, awonipun kaŋ ṅiṅu tamtu répotan.

13. yèn mĕṇḍukul gigir ṅgènnya, satèmpèl pan nora bĕcik, iku mĕṅakakĕn baya, pinriḥ iŋ muṅsuḥ agampil, pañcal gigilitanèki, lawan katunon tan patut, kaŋ ṅiṅu kasarakat, yèn bramara ḷĕbu gĕni, puputihé nétra kapaḷĕtuk abaŋ.

14. pan awon lamun woŋ wajar, apan na baraŋ pakarti, amuŋ woŋ paṇḍé ṅiṅuwa, kĕmasan woŋ sayaŋ sami, kalawan woŋ akuṇḍi, liyané tan pantĕs ṅiṅu, yèn ṅuyuḥ ṅgĕṛĕŋ ala, durga ṅantu milalati, anrus panas sapa ṅuwuḥ katularan.

15. aṅgĕriṅakĕn tataṅga, wèḥ malarat kaŋ añaṇḍiŋ, pantĕsnya amuŋ pinurak, nora pantĕs dèn iṅoni, yèn kuda dèn parani, ḍaḍaṅkak kadya aṅuyuḥ, puniku durga ṇḍaṅak, panasan pan nora bĕcik, durga ṅawé yèn

ṅuyuḥ sikilé mĕṅkap.

16. panas tan pantĕs ṅiṅuwa, yèn ṅuyuḥ uyuhé maliḥ, yèku durgapamaṅgahan, nora patut dèn iṅoni, muŋ sinèmbĕlèḥ bĕcik, asilé muŋ dagiṅipun, lamun nétrané kuda, wawayaṅané ambalik, gondrèŋ ṅilo iku kuda sĕmbĕléhan.

17. yèn pugag jojompoṅira, panas watĕké turaṅgi, iṅaranan wataṅpugag, yèn bĕlaŋ purusé nĕṅgiḥ, tumpĕr iṅas tan bĕcik, agĕriṅan kaŋ aṅiṅu, yèn ḷĕkok bokoṅira, kala luwaŋ nora bĕcik, yèku panas iṅkaŋ ṅiṅu agĕriṅan.

18. yèn na jaran aṅipanas, yèn aguŋ aṅoṅosodi, iŋ jajalaŋ iku panas, yèn pañcal paḍa kaŋ warṇi, suku ṅaṛĕp lan buri, ala iŋ ḷĕkṣananipun, yèn nuju jĕŋ ajĕṅan, dumadak tiba kuwalik, lamun ana kuda mulir tinitihan.

19. buntuté aṅuḷĕr kilan, pañcal añjot sĕmaŋ gĕrit, ala marahi gĕriṅan, kaŋ ṅiṅu myaŋ anak rabi, prayoga disiṅkiri, yèn pérot wadananipun, siyuṅé iku ala, yèn ana dosané cilik, dumadakan saya wuwuḥ dosanira.

20. yèn pañcal gĕl ugĕlira, muṅgèŋ sukuné kaŋ wuri, pañcal katunu pan ala, kacurṇan iṅkaŋ anitiḥ, yèn papak sukunèki, yèku pañcal suku paṅguŋ, bĕciké pan akĕkaḥ, sabaraŋ pakaryanèki, lamun ana putiḥ sukuné katiga.

21. walaŋ kĕjèt apan ala, yèn nibakkĕn aṅlarani, malaḥ dadalan antaka, yèn ana sakĕpĕl putiḥ, suku kanan myaŋ kériŋ, śri katimpal namanipun, ala aṅuṅkat bĕja, yèn mèḥ katĕkan ṛĕjĕki, dumadakan adoḥ malaḥ wuruŋ tampa.

22. lamun kuda tinitihan, miṅkar buntuté aniñciŋ, durga niñciŋ iku panas, yèn ana turaṅga putiḥ, abaŋ nétrané kaliḥ, anrus maraŋ juburipun, punika apan ala, kaŋ aṅiṅu naṇḍaŋ kanin, lamun ana sukuné pañcal sasigar.

23. iŋ wuri miwaḥ iŋ ṅarṣa, saṇḍuŋ wataŋ nora bĕcik, yèn iṅaṅgo yun ayunan, iŋ karya nora lumaris, bĕlaŋ sukuné wuri, kaŋ kiwa awon puniku, sampar waṅké namanya, muŋ woŋ kapĕtĕṅan nĕṅgiḥ, sampar waṅké iṅkaŋ pantĕs aṅiṅuwa.

24. golèk jagané woŋ jagal, ḍaṇḍaŋ ariŋ kaŋ turaṅgi, ya iku jaraniŋ jakṣa, yèn ana iṅkaŋ turaṅgi, aṅriṅkĕl dèn nya guliŋ, saṇḍiŋ pamakananipun, waḍuḍak aṅrĕm panas, yèn clakuṭikané kériŋ, kaŋ iŋ ṅarṣa maṅiṅgil punika panas.

25. aṅĕcrahkĕn pawoŋ sanak, baraŋ pakaryannya ñĕṅit, aṅĕdohkĕn pawoŋ mitra, yèn mata kitiran nĕṅgiḥ, maṭi pucukiŋ kupiŋ, kaŋ kiwa won watakipun, lamun amaṅgiḥ karya, luputa kaŋ anitihi, turaṅgané nora wuruŋ kawaṅuran.

26. yèn baya kapraṅgul mapan, yèku kudaniŋ prajurit, naṅiŋ kaŋ juru pacalaŋ, yèn ciri baṭuké katri, papag jaran prĕmati, satriya moŋ bala iku, kudané sénapatya, prajurit pamĕṅku baris, sasolahé karya uṅguliŋ papraṅan.

27. yèn ciri pupuṅguŋ kiwa, paṇḍawa akuṭa wĕsi, tuṅgal kudané satriya, kaŋ sami pakaryan jurit, kinarya tan bĕcik, dadya tumbal nagarèku, yèn raja wana puwaŋ, anrus iŋ purus pan bĕcik, pan utama yèku nama panuṅkurat.

28. kudané woŋ amoŋ bala, yèn ikuté ṅgonniŋ ciri, pan iku jayapurusa, pantĕs kudaniŋ narpati, ugĕl sadumuk putiḥ, suku kaŋ tĕṅĕn ṅgonnipun, puniku darpa muntap, tuṅgal kudaniŋ narpati, sasolahé kaŋ ṅiṅu tiba utama.

29. yèn muṅsĕr bokoŋ kaŋ kiwa, suru namané abĕcik, kèḍĕp paréntahiŋ wadya, kaŋ aṅiṅu kaŋ anitiḥ, yèn ana muṅsĕr nĕṅgiḥ, pucukiŋ kupiŋ ṅgènnipun, puniku jayèṅrana, wèḥ kukuḥ baraŋ pakarti, gulu iriŋ pan kusuma binasika.

30. kupiŋnya ñaluŋ tiniṅal, nétrané aniñciŋ goliŋ, mukané añakaṭakan, sirahipun aniruti, ilat alit agilig, untu kawĕtu iŋ pucuk, uḷĕs mĕḷĕs aṅlamat, gulu dawa ṅukĕl pakis, ṅaṛĕp mĕlar anĕṅgiḥ iŋ clakuṭikan.

31. aṅukulaṇḍĕp katiṅal, tur kumuṛĕp aprayogi, nĕbu iŋ jalu watĕsnya, aḷĕṛĕs lurus tur alit, pupu amukaŋ gaṅsir, pan ahos babokoṅipun, pupu kiyal sĕmbada, bobokoŋ ñaṅkok iŋ baniŋ, dĕdĕgipun ataṅkĕl taṅkĕl asiṅa.

32. abundĕr gantaṅanira, apiṇḍa uwohiŋ maṅgis, lambé aṅlambèni kidaŋ, atipis tipis aluñci, cĕṇḍak purusé alit, karakĕt iŋ wĕtĕṅipun, yèku kuda utama, kaŋ pantĕs aṅrĕspatèni, amalipir dadya kudaniŋ naréndra.

33. yèn baṭuk uñĕṅan papat, jaga satru iku bĕcik, lamun naraju balabar, bĕnĕr trusiŋ jajanèki, praptèŋ iŋ wĕtĕŋ makṣiḥ, muŋ kaṇḍĕg pupurusipun, kokonaŋ anuṅkurat, pĕnĕdé aṅrĕjĕkèni, yèn iŋ baṭuk titiga rada kawuntat.

95. paṅkur

1. taraju mas iku srĕpan, tuhu aguŋ mintir iṅkaŋ ṛĕjĕki, yèn bĕlaḥ kaḍaton untu, saléwaḥ iku panas, lamun papak kajantaka nora patut, kusuma tan bisa sika, bĕlaḥ kaḍaton anuṅgil.

2. abaŋ mulus uḷĕsira, abaŋ tĕkèŋ nétranipun kaliḥ, tĕka clakuṭikanipun, pĕnĕd watakiŋ kuda, palanya glis iṅkaŋ sinĕja kapaṅguḥ, yèn kuda mulus cĕmĕŋnya, yèn nétra kakaliḥ putiḥ.

3. yèn clakuṭitkané abaŋ, kadi pañcal iku kuda ṛĕspati, kalaṅkuŋ utamanipun, yèku ṛĕtna kumala, kaŋ aṅiṅu suka sugiḥ tur rahayu, tan ana saṅsayanira, satiṅkahé mbasukèni.

4. yèn uḷĕs purṇama sada, kuda putiḥ tĕkan nétrané kaliḥ, kapat clakuṭikanipun, mulus putiḥ sadaya, liwat sakiŋ utama kudaniŋ ratu, minaṅka tumbaliŋ pura, miwaḥ paraṅmuka ajriḥ.

5. datan kĕna winisaya, kaŋ aṅiṅu yèn uḷĕs wisnumurti, iṛĕṅé pan iṛĕŋ mulus, utamaniŋ turaṅga, palanya doḥ kinajrihan maraŋ musuḥ, dadya tumbaliŋ kaḍatyan, yèn uḷĕs sĕmu ḍaḍari.

6. abaŋ mulus nétra pĕṭak, bĕlalaké wĕḍar kapat iŋ sikil, utama kudaniŋ ratu, kèḍĕp iŋ wadyabala, lamun siwĕr nétra pĕṭak kiwanipun, ala yèn siwĕr iŋ kanan, puniku luwiḥ utami.

7. yèn siwĕr nétra kaliḥnya, yèku pĕnĕt asrĕpan kaŋ nitihi, yèn pañcal sukuné tĕlu, pañcal kaliḥ utama, kaŋ anitiḥ miwaḥ ta iṅkaŋ aṅiṅu, palanya kèḍĕp iŋ wadya, kudané ratu prajurit.

8. yèn iṛĕŋ mulus uḷĕsnya, miwaḥ nétra lambéné iṛĕŋ sami, utama kudaniŋ ratu, pan krĕṣṇa malaṅdéwa, śri maṅĕpĕl putiḥ clakuṭikanipun, kaŋ tĕṅĕn miwaḥ iŋ ṅarṣa, suka sugiḥ kaŋ nitihi.

9. śri maṅĕpĕl suku ṅarṣa, pañcal tĕṅĕn pan kudané woŋ tani, bramani kokop puniku, turaṅganiŋ prawira, śri palaṅka pĕṭak sukuné katĕlu, yèn nibakkĕn nora lara, prawira kaŋ anitihi.

10. tamat ciri kuda lanaŋ, mas cĕbolaŋ umatur biliḥ èstri, punapi ṅgiḥ kadi jalu, pamiliḥ panampiknya, laḥ punapi tan wontĕn sadayanipun, ḷĕbdaswaninda liṅira, lanaŋ wadon kudu miliḥ.

11. kaŋ èstriné kaya lanaŋ, iṅkaŋ wajib piniliḥ lan tinanmpik, muŋ ana wuwuhanipun, uga sĕlaŋ sinĕlaŋ, rupa siji kaṅgo maraŋ èstri jalu, ana iṅkaŋ amuŋ tumrap, mriŋ wadon pyarṣakna kaki.

12. turaṅgèstri winurṣita, lamun ciri lèṅiŋ taliṅanèki, yèn iŋ tĕṅĕn ĕṅgènnipun, lawan uḷĕsé abaŋ, panasipun antuk pituŋ puluḥ surup, turaṅgané katularan, yèn iṛĕŋ turaṅga èstri.

13. kaŋ ciri sukuné kiwa, iku ḍaṇḍaŋ maṅaḥ pan nora bĕcik, yèn aputiḥ uḷĕsipun, muṅsĕr saṇḍiŋ wadonan, iku cèprĕt kuda tuṅgaṅaniŋ kahum, yèn abaŋ buntuté dawa, muṅsĕr sukuné iŋ ṅarṣi.

14. kaŋ suku kiwa namanya, paṅguŋ réñcoḥ ala watĕké mati, iŋ papraṅan kaŋ aṅiṅu, yèn putiḥ sukuné papat, aṣṭamanik watĕsé saṅisor ḍĕṅkul, iku ḷĕkṣanané ala, kaliṅsĕman kaŋ anitiḥ.

15. yèn kuniŋ uḷĕsiŋ kuda, muṅsĕr muṅgèŋ iŋ taliṅané kaliḥ, déwa ṅaṅlaŋ naminipun, pĕnĕd watĕkiŋ kuda, abaŋ putiḥ ararahap wulunipun, nora bĕcik nora ala, yèn muṅsĕr lambéné ṅiṅgil.

16. puniku kuda utama, nĕṅgiḥ bĕcik kaŋ ṅiṅu sarwa sugiḥ, kèḍĕp paparéntaḥ batur, miwaḥ anak lan garwa, kuda abaŋ muṅsĕr kiwa nétranipun, kalamun buntuté saraŋ, iya gondrèkṅilo nĕṅgiḥ.

17. kudané bhaṭara kala, yèn iŋ pasamuwan tiba kuwalik, yèn kuniŋ uñĕṅanipun, muŋ siji kupiŋ kiwa, nadyan sami déwa ṅlaya iku puñjul, yèn apraŋ sor tan kacaṇḍak, yèn ambujuŋ anututi.

18. tur cat nora cat katiṅal, lamun muṅsĕr iŋ saṅisoriŋ kupiŋ, iṅkaŋ tĕṅĕn ĕṅgènipun, kasaban iŋ jajĕmbrak, pan asrĕpan sandiwana namanipun, kaŋ ṅiṅu adoḥ iŋ susaḥ, muŋ suka kaŋ anitihi.

19. lamun kuda wadon abaŋ, ana muṅsĕr iŋ lambé iṅkaŋ ṅiṅgil, pralambaŋnya kalikakum, aranné iku ralak, panas baṅĕt gĕriṅan iṅkaŋ aṅiṅu, sapa ṅuwuḥ katularan, tataṅgané kĕni gĕriŋ.

20. kudané baṭari durga, lamun kuda iṛĕŋ lambéné ṅiṅgil, ana muṅsĕr cirinipun, pujaṅga ĕnom namanya, sisiwiné jayèṅrana watĕkipun, digdaya iṅaṅgé apraŋ, uṅgul atĕmaḥ basuki.

21. kudané saŋ danardana, lamun kuda putiḥ uñĕṅanèki, iŋ kupiŋ tĕṅĕn ṅgènnipun, lamun buntuté abaŋ, iya sami déwa ṅlayaŋ namanipun, kudané saŋ girinata, wèḥ prawira rèḥ kawijil.

96. mijil

1. yèn ginawa iŋ ayuda bĕcik, tan kĕna pinĕṅkok, yèn ambujuŋ kèḥ kĕna muṅsuhé, lamun kuda lanaŋ uḷĕs kuniŋ, pañjaŋ muṅsĕrṇèki, lambé kiwanipun.

2. rikut pĕpĕt puṣpalada rèki, namané kinahot, tuṅgil siwi añjayèṅranané, kuda abaŋ sĕmbur wulu putiḥ, muṅsĕr lambé ṅiṅgil, nilakaṇṭa iku.

3. kuda utama pan sénapati, pantĕs kaŋ aṅaṅgo, iṛĕŋ mulus yèn muṅsĕr lambéné, anèŋ luhur iku ora bĕcik, ḍaṇḍaŋ nuṅgaŋ jisim, nĕṅgiḥ namanipun.

4. pan gĕriṅan kaŋ ṅiṅu kaŋ nitiḥ, ṅajarakĕn awon, turaṅgèstri yèn muṅsĕr wĕtĕṅé, méga ṅĕmu wulan iku bĕcik, srĕpan iṅkaŋ nitiḥ, sarèhé rahayu.

5. turaṅgèstri abaŋ ana putiḥ, iŋ sasuri amor, ḍukun masiṅgun iku aranné, srĕpan lamun ginawé ṅajurit, apan nora kĕni, saguṅé pakéwuḥ.

6. pinèt puniku anaké bĕcik, lamun jaran wadon, uḷĕs kuniŋ muṅsĕr clakuṭiké, anèŋ wuri puniku tan bĕcik, kaŋ ṅiṅu kaŋ nitiḥ, patiné dèn amuk.

7. kuda putiḥ muṅsĕr duburṇèki, iŋ lambé tumémplok, ana iṅkaŋ kĕḍik atumèmplèk, gadĕgan nĕrus iku abĕcik, kuda wulu maṅgis, muṅsĕr nétranipun.

8. iṅkaŋ tĕṅĕn surèṅkara nĕṅgiḥ, turaṅga kinahot, sugiḥ ṛĕtna sasotya kaŋ darbé, kaŋ balalak muṅsĕr kupiŋ kaliḥ, yèn uḷĕsé kuniŋ, namané puniku.

9. jĕnu udaka puniku bĕcik, miwaḥ waṣkiṭèŋ ndon, wadon abaŋ muṅsĕr pupukaṅé, iṅkaŋ wuri durga racun nĕṅgiḥ, gĕriṅan kaŋ nitiḥ, kuwur aṅguŋ wuyuŋ.

10. kuda putiḥ lan amuṅsĕr kupiŋ, loloṅopé karo, maṇḍalasa lalawaŋ namané, srĕpan kaŋ ṅiṅu miwaḥ kaŋ nitiḥ, akèḥ kaŋ ṛĕjĕki, bĕgjané lumintu.

11. palaṅka muṅsĕr sukuné ṅarṣi, kaŋ kiwa kinahot, muŋ rahayu pasaja kaŋ darbé, saṇḍuŋ bawa lamun kuda abrit, muṅsĕr pokiŋ kupiŋ, awon watĕkipun.

12. sapa ṅuwuḥ midĕr anulari, tataṅga kasĕmpyok, iŋ gagĕriŋ miwaḥ malaraté, kalamaṅga namané sayĕkti, lamun kuda abrit, ambĕnan ṅgènnipun.

13. ñĕŋ uñĕṅan iku datan bĕcik, wèḥ kuwur kawahon, kala mumbul puniku aranné, kĕna amuk kaŋ ṅiṅu kaŋ nitiḥ, lamun turaṅga brit, ciri jaṅga luhur.

14. arja parilaya iku bĕcik, turaṅga maṅkono, kuda kuniŋ adawa buntuté, nadyan sami déwa ṅlayaŋ luwiḥ, pakantuk yèn jurit, rahayu kaŋ ṅiṅu.

15. kuda abaŋ mbalalak kaŋ ciri, guluné tan awon, bawakara puniku namané, kaŋ aṅiṅu rahayu basuki, muṅsĕr nétranèki, lamun kuda ḍawuk.

16. arcu turo iku kaŋ anitiḥ, tan wun tibèŋ asor, yèn palaṅka aciri kaŋ lambé, rustrakara aranné pan bĕcik, kaŋ ṅiṅu kaŋ nitiḥ, éntar budinipun.

17. mas cĕbolaŋ umatur wotsari, yèn turaṅga awon, nora pĕnĕd nĕṅgiḥ ciciriné, yèn dèn iṅaḥ adamĕl bilahi, swaninda liŋnya ris, ana istyaripun.

18. paṅruwaté ciri kaŋ tan yogi, iṅkaŋ wus kalakon, kuda putiḥ sinuḷĕd saraté, iŋ salaka mĕntas sakiŋ agni, kuda iṛĕŋ wĕsi, susuḷĕdanipun.

19. sinuḷĕd iŋ ĕmas kuda kuniŋ, tĕmbaga iṅoboŋ, lamun kuda abaŋ susuḷĕté, turaṅga ḍawuk mas kaŋ kinardi, kaŋ suwasa yĕkti, kaŋ tan mambĕt sĕpuḥ.

20. puniku sirṇa alaniŋ ciri, luwar iŋ pakéwoḥ, soñantaka aṅèl tatambané, iṅkaŋ ṅiṅu simpĕna li ali, intĕn kaŋ aṛĕgi, sakĕmbaran sèwu.

21. panulakiŋ soñantaka kĕni, yèn nora maṅkono, soñantaka aṅèl tutulaké, turaṅga bramara ḷĕbu gĕni, pan waliraŋ abrit, winor lawan jĕruk.

22. binĕnĕm lawan kulité nuli, pan ginawé pupoḥ, iŋ nétrané wañciné tĕṅaṅé, lamun nora nuju tĕṅaḥ wĕṅi, puniku pan uwis, mari panasipun.

23. kaŋ ṅiṅu manpaṅat dèn luluti, mariŋ para wadon, rawan kinajrihan iŋ muṅsuhé, pédahé bramara ḷĕbu gĕni, lampahiŋ turaṅgi, yèn mĕntas tinuku.

24. miwaḥ yèn aṅaliḥ ṅgènnirèki, dina kaŋ winahon, lan pasaran amriḥ basukiné, kuda putiḥ yèn tinuku manis, iŋ sasi kasèki, pétroka rannipun.

25. yèn maṛĕṅi iŋ turaṅga abrit, tinuku kaliwon, sasi karo suwéla aranné, kuda iṛĕŋ wagé dèn picisi, nuju wulan katri, prawada rannipun.

26. lamun ana iku jaran kuniŋ, tinumbas iŋ ĕpon, sasi kapat wiyoga namané, apan ana kaŋ winuwus maliḥ, wĕtonniŋ turaṅgi, awon pĕnĕdipun.

27. jaran putiḥ lamun mĕtu manis, prayoga iṅaṅgo, yèn liyané tan pantĕs iṅaṅgé, turaṅga baŋ lamun mĕtu pahiŋ, dèn iṅu prayogi, liyané tan patut.

28. kuda iṛĕŋ yèn wagé umijil, sayĕkti kinahot, sénapati prayoga kaŋ ṅaṅgé, yèn liyané iṛĕŋ datan bĕcik, kaliwon umijil, kaŋ prayoga ḍawuk.

29. yèku utamané kaŋ turaṅgi, yèn mĕtu kaliwon, abaŋ kuniŋ iṛĕŋ niṣṭa bah‍é, nora bĕcik nora mbilah‍èni, muŋ ḍawuk utami, turaṅganiŋ ratu.

30. wontĕn liya kaŋ cinatur maliḥ, pĕnĕd lawan awon, iŋ tulisé kaŋ anèŋ ilaté, talaga kumĕmbĕŋ srĕpan èstri, dumadakan gampil, ṅupaya dyaḥ ayu.

31. nora aṅèl mamriḥ èstri luwiḥ, dumadakan moprol, liré paḍa amasaŋ ciptané, malaḥ patiŋ tarèmplèk kaŋ prapti, samaṅsa darbé sir, kaŋ prapta kumrutug.

32. yèn ḍaṇḍaŋ nucuk tulisirèki, iŋ ilat pan awon, kaŋ aṅiṅu gĕriṅan tur bèsèr, lamun kadi kalabaŋ kaŋ tulis, kaŋ aṅiṅu asriŋ, tan wun naṇḍaŋ tatu.

33. tulis kĕḷĕŋ iŋ ilat tan bĕcik, mawèḥ tukar awon, lamun kadi aṅkul iŋ rajahé, kaŋ aṅiṅu kèḍĕp iŋ sasami, yèn rajahé kadi, pupuganiŋ raṇḍu.

34. ala kaŋ ṅiṅu miwaḥ kaŋ nitiḥ, aganas tan awon, gora goḍa sabaraŋ tiṅkahé, yèn rajahé ilat ñakrabhumi, liré kadi kadi, naga èmpĕripun.

35. yèku pĕnĕd iŋ pakarti bĕcik, kĕkĕs muṅsuḥ adoḥ, lamun kadi arga iŋ rajahé, ṅĕdohakĕn ṛĕjĕki kaŋ prapti, muŋ kari saṭiṭik, dumadakan wuruŋ.

36. lamun kadi gada iṅkaŋ tulis, ṅĕdohakĕn muṅsoḥ, pan kériṅan kaŋ ṅiṅu watĕké, yèn woŋ aguŋ kèḍĕp iŋ wadyèki, kalamun woŋ cilik, kèḍĕp rayatipun.

37. lawan adoḥ iŋ pañcabaya griŋ, pitĕnaḥ tan ṅgĕpok, lara roga sumiṅgaḥ kabèhé, pinaṛĕkan maraŋ iŋ ṛĕjĕki, myaŋ gustiné asiḥ, kaŋ ṅiṅu kudèku.

38. lawan waris kaŋ ṅiṅu kaŋ nitiḥ, kèḍĕp tan wun wayoḥ, sakiŋ dèn nya manpaṅat kudané, ulatana ilatiŋ turaṅgi, kaŋ rajaḥ gadèki, wèḥ asmarèŋ kalbu.

97. asmaradana

1. datan kataṅguṅan kaki, ṅgoniṅsun asuŋ pitĕdaḥ, iŋ turaṅga paṅĕlihé, aṅuṅgahkĕn mriŋ gĕḍogan, miliḥ ari pasaran, nĕptuné roro kinumpul, gya iṅétaŋ kaŋ prayoga.

2. sakawan étaṅannèki, awit suku pan iṅétaŋ, piṇḍo bhuta iŋ étaṅé, kapiŋ tĕlu étuŋ gajaḥ, kapiŋ pat tiba séla, ganĕp papat étaṅipun, kaŋ tan sah‍é siṅgahana.

3. yèn tiba suku maṛĕṅi, piñcaṅan watakiŋ kuda, tiba bhuta galak ṛĕké, yèn étuṅé tiba gajaḥ, pan ḷĕmon adatira, tiba watu kaŋ pakantuk, kukuḥ awèt kasarasan.

4. ri akad ḷĕgi winilis, kah‍étuŋ tumiba bhuta, akad pahiŋ bhuta manèḥ, akad ponné tiba séla, iŋ akad wagé tiba, suku akad kliwonnipun, uga suku tibanira.

5. gumantya ri sĕnin ḷĕgi, tiba suku étaṅira, isnèn pahiŋ suku manèḥ, isnèn ĕpon tiba gajaḥ, isnèné wagé séla, isnèn kaliwon puniku, amaṛĕṅi tiba séla.

6. iŋ ari salasa ḷĕgi, tiba watu étaṅira, salasa pahiŋ bhuta né, salasa pon tiba séla, salasa wagé gajaḥ, iŋ salasa kliwon nuju, uga tumiba dirada.

7. gantya ari kĕmis ḷĕgi, tiba suku étaṅira, kĕmis pahiŋ suku manèḥ, kĕmis pon tumiba liman, kĕmisé wagé séla, kĕmis kaliwon iṅétuŋ, iku uga tiba séla.

8. jumuṅaḥ ḷĕgi maṛĕṅi, pétuṅé tumiba gajaḥ, jumṅaḥ pahiŋ gajaḥ manèḥ, jumṅaḥ pon suku tumiba, jumuṅaḥ wagé bhuta, jumuṅaḥ kaliwonnipun, iku uga tiba bhuta.

9. iŋ ariné saptu manis, étuŋ masiḥ tiba bhuta, saptu pahiŋ bhuta manèḥ, saptu pon mĕtu prayoga, saptu wagé sukunya, saptu kliwon tiba waku, luṅguhé ṅguṅgahkĕn kuda.

10. yèn putiḥ pasaran ḷĕgi, ḍawuk kaliwon prayoga, abaŋ pahiŋ utamané, iṛĕŋ wagé dèn uṅgaḥna, kalamun kuda jĕnar, pasaran ĕpon pikantuk, wus titi babiŋ turaṅga.

11. kacarita sabĕn ari, kiyayi ḷĕbdaswaninda, tan lyan kaŋ winĕḍaraké, maraŋ ki masé cĕbolaŋ, namun bab katuraṅgan, sadayanya wus kacakup, manĕmbaḥ aris turira.

12. kalaṅkuŋ panuwun mami, paduka asuŋ pitĕdaḥ, katuraṅgan saputusé, ulun tanĕm iŋ wardaya, dumadya papawitan, kalawan iṇḍakiŋ kawruḥ, ḍuḥ babo panuwuniṅwaŋ.

13. kalilana iṅkaŋ dasiḥ, ayun ndumugèkkĕn lampaḥ, anut iŋ suku tindaké, aywa kiraŋ paṅakṣama, kantunna sukawirya, kinuwatna iŋ hyaŋ aguŋ, raharja pañjaŋ kaŋ yuswa.

14. ki swaninda liṅira ris, tan luwiḥ paṅèstuniṅwaŋ, maraŋ sira sakabèhé, katĕkana kaŋ sinĕdya, aywa na kara kara, mas cĕbolaŋ ṅrahup suku, santri catur gantya gantya.

7. lampahipun dumugi ṛĕdi sumbiŋ kapaṅgiḥ ḍayaŋ sĕṇḍaŋ bĕḍaya wasta ki caṇḍikyuda tuwin bojonipun ñi rantamsari iṅkaŋ nalika gĕsaṅipun abdidaḷĕm bĕḍaya iŋ kraton majapahit. mila sintĕn iṅkaŋ adus iŋ sĕṇḍaŋ bĕḍaya wahu, baḍé kinasiyan déniŋ sadaya iṅkaŋ niṅali, lajĕŋ sami niṅali sumbĕr iŋ pikatan.

15. maṅkat sakiŋ margawati, laju iŋ lampaḥ sumĕṅka, praptardi sumbiŋ sukuné, kèndĕl iŋ tĕpiniŋ sĕṇḍaŋ, asrĕpira kalintaŋ, naṛĕṭĕk sadayanipun, nuju purṇamaniŋ wulan.

16. ari maḷĕm ṅgara kasiḥ, mas cĕbolaŋ sru kaṛĕnan, umiyat iŋ wé wĕniṅé, tandya aṅracut bhuṣaṇa, aṅgĕbyur alulumban, ki nurwitri amuŋ rahup, santri katri kacipratan.

17. ñjola lir dèn ñoñok gĕni, dumadya sumiṅkir tĕbaḥ, wus tutug dèn nya lalaṅèn, nulya aṅrasuk bhuṣaṇa, tan ana saṅsayanya, santri katri samya ṅumpul, sadalu nèŋ piṅgir sĕṇḍaŋ.

18. santri papat éca guliŋ, muŋ kantun ki mas cĕbolaŋ, ñjĕgrĕg datan aṅlĕgèyèḥ, liṅsir dalu wayahira, jalma ro kawistara, priya bagus èstri ayu, mijil sakiŋ jroniŋ sĕṇḍaŋ.

19. mrĕpĕki kaŋ éca liṅgiḥ, kadya tugu sinukarta, tajĕm tan ṅgaragap tyasé, kaŋ priya alon liṅira, mas putu kawruhanta, caṇḍikyuda aranniṅsun, wadon iki garwaniṅwaŋ.

20. kakasiḥ dyaḥ rantamsari, paḍa abdi śri pamasa, bhrawijaya kaŋ maṇḍirèŋ, iŋ majapahit nagara, duk jaman kadéwatan, kadawan yèn iṅsun catur, aniṣku saka iŋ praja.

21. praptèṅsun iŋ ardi sumbiŋ, minta akṣamaniŋ déwa, sinambi lawan tatanèn, kaṭaḥ janma iṅkaŋ prapta, samya mèlu ḍaḍĕkaḥ, sawusnya arja kaŋ ḍusun, manira srimbit gya mukṣa.

22. wèḥ tilas iŋ sĕṇḍaŋ iki, sun susuwun iŋ jawata, mbarkahana salawasé, siŋ sapa janma kawawa, adus wus surup surya, maḷĕm ṅgara kasiḥ èstu, sinuŋ manisiŋ wicara.

23. gandĕs luwĕs mĕrakati, solaḥ parigĕl wiraga, saḍéṅaḥ woṅé kaŋ anon, wlas asiḥ trĕṣṇa trusiŋ tyas, katrima pamintèŋ waŋ, ana cumlorot lir wahyu, jumĕgur tiba iŋ sĕṇḍaŋ.

24. kagawa garwaku iki, ṅuni asliniŋ baḍaya, katĕlaḥ tĕkèŋ samaṅké, iṅaran sĕṇḍaŋ baḍaya, wis kulup tutugĕna, kaŋ dadya sĕdyanirèku, iṅsun jimuruŋ iŋ karya.

25. kaliyé wus tan kah‍èkṣi, mas cĕbolaŋ lir supĕna, pajar sidik kèḥ swarané, bakikèriŋ sata wana, myaŋ pĕkṣi cocakrawa, kacĕr pĕṇṭèt ṭilaŋ cohuŋ, sriguntiŋ prĕñjak sikatan.

26. sumirat sorotiŋ rawi, kagyat kaŋ samya anéndra, ñjĕṅgèlèk tambaḥ asrĕpé, naṛĕṭĕk aṅga rog rogan, mas cĕbolaŋ liṅira, paḍa minuma sadarum, toyané sĕṇḍaŋ bĕḍaya.

27. iku tutulakiŋ atis, wus ṅinum santri sakawan, kumĕpyar pĕra ragané, nir lapa ḷĕsahiŋ aṅga, asru éramiŋ driya, kawasanira hyaŋ aguŋ, tuhu nora ana maḍa.

28. tumurun sakiŋ iŋ wukir, santri catur tansèŋ wuntat, ki saloka amirahos, hèḥ palakarti ki pala, sawaṅĕn iku ndara, saka iŋ paṅrasaniṅsun, muṇḍak sigit mĕrakatya.

29. dyatmika sĕmuné wiṅit, palakarti kartipala, kakaŋ iya bĕnĕr kowé, dalaḥ nurwitri ya muṇḍak, wĕnĕsé kaŋ wadana, apa saka sawabipun, toyané sĕṇḍaŋ baḍaya.

30. lampahira aṅlaṅkuṅi, ṅadiṛĕja kaparakan, tĕmaṅguŋ tlataḥ kĕḍuné, kèḥ para dyaḥ kaŋ kasmaran, andulu mas cĕbolaŋ, wĕnèḥ ana kaŋ tut puṅkur, tansaḥ dadya rurubuṅan.

31. prawan lañjar raṇḍa tuwin, somahan tan tolèḥ lanaŋ, kaŋ lumaris ribĕd tyasé, iŋ lampaḥ dumadya ñimpaŋ, nilapkĕn kaŋ tut wuntat, prapta iŋ pikatan umbul, toya wĕniŋ lirap lirap.

32. binatur iŋ séla laṅkiŋ, wawaṅunan banon wiyar, karikil alit ḍasaré, toya tan lukak tan miṇḍak, umbul tan kawistara, sak ĕdom wijiliŋ ranu, kaṭaḥ tan kéṅiŋ winilaŋ.

33. liwĕran ulam tambra brit, bayak kadi anĕmbrama, maraŋ risaŋ nĕmbé rawoḥ, kalamun bisaa ṅucap, ḍuḥ risaŋ ambĕg santa, kawula sadaya atur, wilujĕŋ rawuḥ paduka.

34. wontĕn iŋ pikatan riki, punapi kinarṣakĕna, kula sadaya rumahos, iŋ sakapaṛĕṅiŋ karṣa, maṅkana mas cĕbolaŋ, ginrahitan iṅkaŋ sĕmu, ulam tambra manĕmbrama.

8. lampahipun kalajĕṅakĕn dumugi ambarawa sarta ṛĕdi jambu, jiyaraḥ iŋ pasaréyanipun prabhu bhrawijaya majapahit. dumadakan kasaput iŋ pĕḍut lilimĕṅan sakiŋ pañjĕblukipun ṛĕdi mĕrapi.

35. taṅgap mas cĕbolaŋ tuwin, réñcaŋnya santri sakawan, samya lukar paṅaṅgoné, lulumban ciblon gĕṇḍiṅan, kalaṅkuŋ ṛĕnaniŋ tyas, sawusira samya adus, anĕmbaŋ pucuŋ bhuṣaṇa.

98. pocuŋ

1. mas cĕbolaŋ alon paṅandikanipun, nurwitri saloka, kartipala palakarti, ulun ayun wruḥ iṅkaŋ aran mbahrawa.

2. payo maṅkat sira lumakuwèŋ ṅayum, kapuṅkur pikatan, ṅalèr ṅilèn sampun prapti, ardi jambu kalaṅkuŋ asri kawuryan.

3. dadya daṅu dèn nira ḷĕṛĕp nèŋ jambu, kasĕṅsĕm amulat, asri raṛĕṅganiŋ wukir, sukunira aṅoṅkaŋ tĕpi talaga.

4. wé ṅalirap sumilak masĕmu biru, juraŋ śri kawuryan, nuju wijiliŋ hyaŋ rawi, añunari talaga myaŋ arga arga.

5. ujwalaniŋ surya iṅgaŋ muṅgèŋ ranu, mañcoroŋ gumĕbyar, apiṇḍa sasotya manik, ṅèrèŋ èrèŋ tinanĕman pantun gaga.

6. kaŋ gumaṇḍuŋ wĕnĕs ijo amawèḥ kuŋ, maḷĕñcut markatak, ana kaŋ uwis kumĕmpiŋ, awurahan rarya aṅgusaḥ kukila.

7. sarèwèhan ranu tibèŋ juraŋ trĕjuŋ, swara lir gurṇita, pakṣi nèŋ tĕpiniŋ wariḥ, samya ṅaḍaŋ timbuliŋ kaŋ ulam toya.

8. kayon gaṭuk ayom aṅubĕṅi gunuŋ, ḍuwĕt ḍuku jirak, jĕruk jambu klampok waṅi, pĕḷĕm pakèl pijĕtan lawan kokosan.

9. blimbiŋ maṅgis rambutan kĕpĕl myaŋ raṇḍu, naṅka sukun bĕṇḍa, kaluwiḥ saraṅan taṅkil, wanara kèḥ samya amaṅan wowohan.

10. kidaŋ kañcil mañjaṅan buḍul aṅrĕṅgut, rumput kaŋ pradapa, sĕmu ayĕm klimis klimis, santri catur samya ṅuṇḍuhi wowohan.

11. warṇa warṇa katur iŋ bandaranipun, sadaya mirasa, sinambi aniniṅali, arga arga tĕgal sabin ḍusun krajan.

12. wus tumurun sakiŋ iŋ aldaka jambu, malipir mbahrawa, gya mañcat sukuniŋ wukir, iŋ marbabu lan arga marapi jajar.

13. praptèŋ arga alit aran caṇḍi ḍukuḥ, ndĕdĕr tĕkèŋ pucak, miyat kuburan sawiji, tanpa cuṅkup kayoman witiŋ capaka.

14. jénar piṅul sĕkar mblasaḥ marbuk arum, kubur mawa cahya, kadya kukuwuŋ ṅawĕṅi, mas cĕbolaŋ ṅandika maraŋ saloka.

15. baya iki woŋ aguŋ iṅkaŋ kinubur, wiṅité kawaṅwaŋ, mawa cahya anĕlahi, ki saloka matur nun iṅgiḥ bandara.

16. kula miṛĕŋ cariyosiŋ tiyaŋ sĕpuḥ, punika astana, nipun natèŋ majapahit, saŋ aprabhu bhrawijaya kapiŋ tiga.

17. ĕ laḥ patut bĕcik payo paḍa ṅujuŋ, añuñuwun barkaḥ, slamĕté laku puniki, mas cĕbolaŋ lawan santrinya sakawan.

18. wusiŋ ṅujuŋ maṅalèr umiyat ranu, iŋ pĕniŋ ṅaléla, tĕṅahiŋ tlaga kah‍èkṣi, ana pulo kumambaŋ anut maruta.

19. ṅétan ṅulon manĕṅaḥ ṅalor myaŋ ṅidul, tan mawa kakaywan, kawuryan muŋ kataŋ wilis, wĕnĕs ijo mawèḥ sĕṅsĕmiŋ wardaya.

20. tĕpi danu ana jajaka kadulu, maṅgul jala kĕpyak, sruwal cĕkak ṅiṇḍit kĕpis, ki nurwtri ṅawé kanaŋ marénéya.

21. wusiŋ tuṇḍuk nurwitri tatanya bagus, maraŋ ĕndi sira, kaŋ tinanya liṅira ris, kula baḍé ñjala mriŋ pĕniŋ talaga.

22. amuŋ turut piṅgir sapakantukipun, ajriḥ amanĕṅaḥ, ḷĕbĕtipun aṅlaṅkuṅi, ramak kula nalika wulan kaŋ pĕjaḥ.

23. aritipun tinaṅsulan agĕl kukuḥ, cinĕmpluṅakĕn tĕṅaḥ, kinalar ṅantos sapriki, dèrèŋ kèndĕl takṣiḥ dèn ulur kéwala.

24. ndika kintĕn piyambak ta ḷĕbĕtipun, mila kula ñjala, amilipir turut piṅgir, lagya éca kaŋ samya imbal wacana.

25. miṛĕŋ swara gumlĕḍĕg lir gĕlap sèwu, pucakiŋ kaŋ arga, mĕrapi amĕdal api, kukus mĕdal ṅĕbĕki iŋ dirgantara.

26. pĕtĕŋ ṇḍĕḍĕt datan uniṅa lor kidul, mas cĕbolaŋ lawan, santri catur yitnèŋ wèṣṭi, gagaṇḍèṅan tanbuḥ paran kaŋ sinĕdya.

27. dèn nya anèŋ pĕpĕtĕŋ tri ari dalu, laṅkuŋ supĕkiŋ tyas, wus tan ana ñipta urip, muŋ suméṇḍé iŋ karṣanira hyaŋ sukṣma.

28. praptèŋ tlataḥ magĕlaŋ iŋ lampahipun, pĕpĕtĕŋ wus sirṇa, miyat sorotiŋ hyaŋ rawi, samya ṇḍoko nèŋ sukuniŋ ardi tiḍar.

29. miyat ḍukuḥ asri iŋ aṅgraniŋ gunuŋ, mas cĕbolaŋ liŋnya, yèn sira isiḥ kuwawi, ḍukuḥ kah‍é payo paḍa pinaranan.

30. samya matur sumaṅga kula tumutur, sadaya wus miṅgaḥ, mas cĕbolaŋ anèŋ ṅarṣi, laṅak laṅak bĕrañak lir narayana.

31. santri catur baraṅkaṅan lampahipun, gantya kaŋ winarṇa, kaŋ martapa pucak wukir, laṅkuŋ sidik anama sèḥ wakidiyat.

32. éṇḍaŋ catur tumaloñcoŋ ayu ayu, mèḥ kĕmbar kaŋ warṇa, mĕpĕg mĕmpĕniŋ birahi, samya lagya aṅgarapsari sapisan.

33. sinuŋ nama éṇḍaŋ kismani linaṅkuŋ, brahmani kaliḥnya, tiga éṇḍaŋ aniladi, sakawané éṇḍaŋ jahnawi kyatiṅrat.

34. maha wiku ṅandika mriŋ éṇḍaŋ cahur, gĕlar gĕlarana, kalasa batu kaŋ brĕsiḥ, sasajia sugata iṅkaŋ prayoga.

35. iṅsun ayun katamuwan santri luhuŋ, mĕntas kasarakat, anèŋ iŋ marbabu wukir, wusiŋ rampuŋ sasaji sira mĕṭuka.

36. nĕmbaḥ mundur rampuŋ sasaji dyaḥ catur, mriŋ talaga siram, kosokan lulur myaŋ maṅir, wus baṛĕsiḥ kakaṇṭèn nulya bhuṣaṇa.

9. lumampaḥ iŋ pĕtĕṅan, waṅsul maṅidul dumugi ṛĕdi tiḍar, sowan sèḥ wakidiyat iŋ paḍépokanipun. éṇḍaṅipun sakawan sami ayu ayu, sadaya kanikahakĕn kalihan mas cĕbolaŋ. sèḥ wakidiyat pariŋ katraṅan bab : niṅkaḥ, pĕgatan / talak, rujuk, rukun, khuluk, tuwin maṣkawin, sakalaṅkuŋ moñcèr botĕn wontĕn iṅkaŋ kalaṅkuṅan. mas cĕbolaŋ ñuwun pamit ṅlajĕṅakĕn lampaḥ, wĕkasan bojonipun sakawan pisan sami kapĕgatakĕn, talak satuṅgal.

99. kinaṇṭi

1. éṇḍaŋ kismani puniku, cĕmĕŋ manis amrakati, ṅrasuk siñjaŋ tumĕṅguṅan, paniṅsĕt sĕtagèn abrit, miṅis katon muŋ sasada, amaṭiṇṭiŋ matrĕm kéṅis.

2. asumĕkan sĕkar bĕṅuk, malipis alus waradin, puṅkasan tiraḥ sacĕṅkaŋ, sinaḷĕmpitakĕn ṅarṣi, gaṭuk lan wironiŋ siñjaŋ, ukĕl sèntĕg amantĕsi.

3. éṇḍaŋ brahmani winuwus, baṅbaŋ awak mawèḥ kiṅkin, ṅrasuk siñjaŋ lurik ṛĕkta, satagèn cĕmĕŋ maṭiṇṭiŋ, sĕmĕkan yuyu sakaṇḍaŋ, ijo ukĕl goṇḍèl pèni.

4. éṇḍaŋ aniladi muṅguḥ, jĕnar lir ĕmas sinaṅliŋ, ṅrasuk siñjaŋ kĕpyur pélag, pinantĕs satagèn kuniŋ, wuṅu byur iṅkaŋ sĕmĕkan, ukĕl caṇṭèl ṅrujit ati.

5. éṇḍaŋ jahnawi mawèḥ kuŋ, jĕnar suluḥ bĕṅlé kéṅis, ṅrasuk siñjaŋ wanabadra, paniṅsĕt satagèn putiḥ, kasumĕkan dasaséla, ḍasar iṛĕŋ mawèḥ braṅti.

6. koṇḍé pinalintir alus, tirahan jĕṇṭar sañari, lugas tan na mawi sĕkar, sĕṅkaŋnya sadaya cĕplik, pacak patrapiŋ bhuṣaṇa, éṇḍaŋ papat apan sami.

7. sawusnya bhuṣaṇa rampuŋ, tumurun sakiŋ iŋ wukir, sakawan saṛĕŋ lumampaḥ, muŋ wiraga nora tuṅgil, ana iṅkaŋ ṅgigit sadak, asta kiwa añakiṭiŋ.

8. ana iṅkaŋ ṅĕmbĕŋ susur, laṭi aṅguŋ dèn usapi, ana kaŋ lagya wit mucaŋ, gagaŋ sĕmprit anèŋ ñjawi, ana kaŋ olèḥ panasar, asta tĕṅĕn aṅguŋ midiḥ.

9. wahu ta iŋ lampahipun, mas cĕbolaŋ catur santri, mahawan laṅkuŋ sumĕṅka, kumĕpyur kagyatiŋ galiḥ, kawuryan éṇḍaŋ sakawan, tumurun sakiŋ iŋ wukir.

10. ṅandika mriŋ santri catur, paḍa ndĕṅèṅèka aglis, laḥ iki ana rurupan, éwuḥ ĕṅgonku ṅarani, apa pĕri parayaṅan, apa satuhuniŋ jamni.

11. rupa rampak ayu sĕmu, barès aṅrĕsĕpkĕn ati, bĕsusé manut iŋ sarak, upama sĕkar kaŋ adi, duruŋ paḍa mbabar ganda, mamaduné duruŋ koṅkiḥ.

12. andĕṅèṅèk santri catur, maṅkana ḷĕsaḥ lapa nir, nayana katon sumriṅaḥ, umatur babo suwawi, sinĕṅkakakĕn iŋ lampaḥ, daya daya nuntĕn paṅgiḥ.

13. nahan iŋ lampaḥ wus cuṇḍuk, mas cĕbolaŋ catur santri, tan ana kuwawa ṅucup, kĕḍèp tĕsmak aniṅali, éṇḍaŋ catur miré ṅanan, trapsila wicara manis.

14. ḍuḥ babo kaŋ nĕmbé rawuḥ, sowan kawula tinudiŋ, sèḥ wakidiyat piḷĕṅgaḥ, iŋ asrama tiḍar ṅardi, ñjĕŋ paduka tinimbalan, laju mariŋ iŋ asrami.

15. kérida iŋ lampahulun, mas cĕbolaŋ duk miyarṣi, añĕbut aṅudubilaḥ, sarwi ṇḍéprok liṅira ris, pra arum duta utami, mugi ywa dados paṅgaliḥ.

16. dĕkṣuraniŋ badanulun, nampèni ḍawuḥ saŋ yogi, kalimput kacaryan mulat, ḍumatĕŋ saŋ piṇḍa ratiḥ, myaŋ supraba wilotama, rarasati iŋ swargadi.

17. sandika iṅkaŋ ḍumawuḥ, suwawi paduka irid, sakawan mèsĕm saṛĕṅan, winantu ḍawahiŋ liriŋ, jumĕnĕŋ aṅĕlus siñjaŋ, nulya lumampaḥ nèŋ ṅarṣi.

18. lampaḥ tan antara daṅu, prapta ṅarṣané saŋ yogi, pinarak iŋ yasa kĕmbaŋ, toya wĕniŋ aṅubĕṅi, pinalisir sésĕkaran, nĕḍĕŋ kusuma ṅganda mrik.

19. ni éṇḍaŋ duk praptèŋ ṅayun, maro miré ṅanan ṅériŋ, atĕbiḥ lawan saŋ tapa, mas cĕbolaŋ catur santri, makiḍupuḥ anèŋ ṅarṣa, muka lir koñjĕmiŋ siti.

20. sèḥ wakidiyat liŋnya rum, saka ḍaṅaniŋ tyasmami, aku awèḥ karaharjan, praptanta nèŋ ṇḍépokmami, basan bĕgja kĕmayaṅan, wit tan ñana bisa paṅgiḥ.

21. lan sira siwayèṅulun, yèn tan kliru sira kaki, atmaja sèḥ akidayat, asrama sokayasa di, mijil sakiŋ siti wuryan, iku mitraku sayĕkti.

22. nalika marṣudèŋ kawruḥ, tan na pisaḥ rina wĕṅi, lir kadaŋ nuṅgil sawĕlat, palaliŋ hyaŋ maha suci, basa wis rumasa tuwa, paḍa ḍéḍépok pribadi.

23. nèŋ sokayasa ramakmu, naṅiŋ biyèn isiḥ nami, ésèḥ adi aṅguṅrimaŋ, iṅsun ḍéḍépok nèŋ riki, araniŋ kaŋ ardi tiḍar, pusĕriŋ kaŋ tanaḥ jawi.

24. gajĕg cĕbolaŋ aranmu, maṅkana kaŋ sinuṅan liŋ, kalaṅkuŋ éramiŋ nala, sidiké saŋ maha yogi, wasana matur anĕmbaḥ, mĕṅgaḥ ḍawuḥ kaŋ kawijil.

25. sutuhu tan ana gaṅsul, ñumaṅgakkĕn iṅkaŋ dasiḥ, pĕjaḥ gĕsaŋ tan sumiṅgaḥ, kinarya pĕṭak myaŋ abrit, sumaraḥ datan ḷĕṅgana, pukulun ywa walaṅgaliḥ.

26. rèḥ iŋ maṅkya sampun cuṇḍuk, lawan rahosé tyasmami, sĕdyahulun ṅèstupada, iŋ lampaḥ kaṇḍĕg nèŋ riki, margi yèn aṅlajĕṅĕna, tanapi waṅsul mriŋ panti.

27. maha wiku liṅira rum, kulup iku lwiḥ utami, amuŋ ta wawĕkasiṅwaŋ, bañjurṇa lakunta kaki, tĕmbé pantog praptèŋ praja, wirasaba ṅgonmu muliḥ.

28. kadawan lamun dakcatur, bakal lalakonmu kaki, éṇḍaŋ mara ladèkĕna, pasugatan gantèn waṅi, kalawan rokok sumpĕtan, sokur yèn wédaṅé uwis.

29. lawan ñañamikanipun, iku ladèkĕna ḍiṅin, kaŋ sinuŋ liŋ samya méntar, kismani mbĕkta tapsiriḥ, aniladi paṅĕsĕsan, patèhan éṇḍaŋ brahmani.

30. jahnawi ḍaharanipun, sadaya lumadyèŋ ṅarṣi, miwaḥ kaŋ mriŋ punakawan, tan ana séyosé sami, sèḥ wakidiyat liṅira, laḥ iku sugata mami.

31. saanané siniŋ gunuŋ, gadugiŋ bocaḥ pawèstri, siji tan na batiḥ priya, tan lyan papat iku kaki, kaŋ ṅopèni tatanĕman, laḥ olaḥ bĕrṣihiŋ panti.

32. aywa ṅaṅgo éwaḥ éwuḥ, aṅgĕpĕn wisma pribadi, kaŋ liniṅan matur nĕmbaḥ, ḍawuhipun ñjĕŋ kiyayi, kaḷĕbĕt rahosiŋ manaḥ, tan aṅrahos amartami.

33. sampun kadi wismèṅulun, mas cĕbolaŋ catur santri, wus samya sĕs miwaḥ mucaŋ, tuwin minum wédaŋ ĕtiḥ, tanapi naḍaḥ ñamikan, ṛĕsĕp tan tahaniŋ galiḥ.

34. tampi waṅsit éṇḍaŋ catur, samya lumĕbu iŋ panti, wĕdalira sampun mbĕkta, sĕkul liwĕt anèŋ cĕṭiŋ, myaŋ ulam anèŋ iŋ ḍulaŋ, jaṅan sambĕl saṛĕm pĕtis.

35. lalaban slèdri katimun, cipir boñcis kacaŋ kapri, wus tinata anèŋ ṅarṣa, sèḥ wakidiyat liŋnya ris, laḥ kulup sira naḍaha, kinarya jampi kalantiḥ.

36. mas cĕbolaŋ nĕmbaḥ ṇḍĕku, mirasa dèn nira bukti, wus dumugi cinarikan, pinariṅkĕn iŋ pamburi, santri catur samya naḍaḥ, rampuŋ iṅundurkĕn aglis.

37. wus iṅundurakĕn waṅsul, umaṛĕk saŋ maha yogi, hyaŋ surya tumamèŋ arga, maha wiku ṅandika ris, laḥ kulup sira kariya, iṅsun gambuḥ mriŋ panĕpin. 

100. gambuḥ

1. sira lan santri catur, amaṅgona nèŋ kéné sadarum, wusiŋ parlu sayĕktiné iṅsun bali, kaŋ liniṅan matur ṇḍĕku, maha wiku lampaḥnya lon.

2. iṅiriŋ éṇḍaŋ catur, mas cĕbolaŋ wahu iṅkaŋ kantun, ḷĕṅlĕŋ ṛĕṅĕŋ ṛĕṅĕŋ asambari ririḥ, iya ta laḥ saŋ awiku, mbok iya kadi siriṅoŋ.

3. tĕka tinilar mak bruŋ, bocaḥ papat siji tan na kantun, saḍéṅaha nora niyat nampik miliḥ, kabèḥ mawèḥ gandruŋ gandruŋ, tyasiṅsun ĕmbahné coṇḍoŋ.

4. éḥ sira bocaḥ catur, muṅguḥ kowé ĕndi kaŋ panuju, éṇḍaŋ papat pilihĕn salaḥ sawiji, santri sakawan umatur, sah‍èstu laṅkuŋ pakéwoḥ.

5. yèn kéṅiṅa sadarum, dados mbotĕn kéran kéron biṅuŋ, mas cĕbolaŋ dahat kiṅkin naṅiŋ ajriḥ, pĕpĕg sumpĕg iŋ tyas gaḍug, satĕmaḥ aloṅaŋ loṅoŋ.

6. nahan kaŋ yun manĕkuŋ, aṅandika kismani sirèku, ṅladènana maraŋ anakku woŋ sigid, lamun wis kulinèŋ wuwus, gĕlarṇa caṅkriman ḍénok.

7. yèn kabataṅa tamtu, daklilani ñuwuna sirèku, sakirané sira ta apa kadugi, winĕṅku iŋ ḍayoḥ mahu, kaŋ liniṅan tan mirahos.

8. manawa nora pĕcus, ambataṅa maraŋ caṅkrimanmu, yĕkti datan dak pariṅkĕn sira nini, kaŋ liniṅan nĕmbaḥ matur, tan ḷĕṅgana iŋ sapakon.

9. kismani wus winuruk, wusnya apil manĕmbaḥ gya mundur, sarwi ṅgagas caṅkriman kaŋ wus kawijil, sakirané apa pĕcus, ambataŋ caṅkriman élok.

10. kaŋ lagya miṅak miṅuk, mas cĕbolaŋ kagyat dèn nya ndulu, dyaḥ kismani prapta datan mawi kaṇṭi, dupi paṛĕk ris umatur, ḍawuhipun saŋ kinahot.

11. kinèn ṅladosi ulun, anèŋ riki iŋ sadaṅunipun, mas cĕbolaŋ maṅsuli luwiḥ utami, dados wontĕn réñcaŋ ulun, jajagoṅan omoŋ omoŋ.

12. malaḥ biliḥ panuju, siḥ iŋ dasiḥ kaŋ piṇḍa jumĕrut, kula suwun ḍumatĕŋ saŋ maha yogi, dadosa papuṇḍèn ulun, iŋ doña praptaniŋ ĕndon.

13. kismani liṅira rum, sarwi mèsĕm ṅujiwat mawèḥ kuŋ, yèn wus paṣṭi boya sélak iṅkaŋ dasiḥ, muŋ wontĕn paminta ulun, baḍénĕn caṅkrimaniṅoŋ.

14. lamun kabataŋ ulun, asraḥ jiwa raga mriŋ saŋ bagus, doña akir atas kaguṅan saŋ pĕkik, mas cĕbolaŋ asru ṅguguk, punika punapi yĕktos.

15. suwawi saŋ ṛĕtnarum, kawĕḍarṇa caṅkriman linubuŋ, dyaḥ kismani ṅandika manis prapkati, mbotĕn ilok cidrèŋ wuwus, dosa lahir trusiŋ batos.

16. wontĕn kaŋ sumur watu, timba rukmi atatali lésus, ndawĕg ndika baḍé iṅkaŋ aprĕmati, mas cĕbolaŋ mèsĕm muwus, mĕṅgaḥ iŋ pambataṅiṅoŋ.

17. kaliḥ warṇi puniku, punapa ṅgiḥ kapaṛĕṅiŋ kayun, ṅgiḥ sumaṅga sampun sami walaŋ galiḥ, iṅgiḥ sumur kajĕṅipun, ḍatĕŋ sahumur sayĕktos.

18. kajĕṅipun kaŋ watu, tansaḥ maṅgèn tan sagĕd lumaku, timba apan waḍaḥ iṅkaŋ mĕdal mañjiŋ, kañcana iŋ kajĕṅipun, ḍatĕŋ kamulyan sayĕktos.

19. tatali mriḥ pikukuḥ, aṅin ḍatĕŋ napas kajĕṅipun, sayĕktosé tiyaŋ agĕsaŋ puniki, tataṅsuliŋ gĕsaṅipun, napas iṅkaŋ mañjiŋ miyos.

20. kadi paran jantuṅku, punapi ḷĕṛĕs lan mbotĕnipun, iṅgiḥ bagus satuṅgalé kadi pundi, suwawi winĕḍar wuwus, mas cĕbolaŋ liṅira lon.

21. kajĕṅé punaŋ sumur, ḍatĕŋ sumur gumuliŋ puniku, watu ḍatĕŋ séla kumalasa yĕkti, tatimba ḍumatĕŋ cibuk, kaŋ miṅgaḥ tumurun alon.

22. kañcana kajĕṅipun, ḍatĕŋ kañcana oré linuhuŋ, iṅgiḥ ḍatĕŋ kaŋ wanita ṅoré wèni, tali ḍatĕŋ tampar aṅkus, waraga apan jinatos.

23. kuswa ñĕkĕl puniku, tĕgĕsé kaŋ raga awak tuhu, kajĕŋ iṅkaŋ aṅin ḍatĕŋ napas yĕkti, sawadosé jiwaniṅsun, tiyaŋ guliŋ sakaroron.

24. èstri kalawan jalu, sapaturon kuswa kinuswèku, ṛĕṛĕṅgosan kadi kaplayu iŋ jurit, rara kismani maḷĕruk, kalépat késaḥ wiraŋroŋ.

25. umaṛĕk saŋ linuhuŋ, aṅaturkĕn iŋ pambataṅipun, tètèḥ gĕmĕt datan ana kaŋ kaḷĕmpit, maha wiku maṇṭuk maṇṭuk, wus pinaṣṭi sira ḍénok.

26. winĕṅku mriŋ tatamu, aywa waṅkot iŋ sapakoniṅsun, dyaḥ kismani miṅgu ṅuwik uwik siti, ginuyu mriŋ dyaḥ tĕtĕlu, kismani ñiwĕli wal wol.

27. iŋ dalu tan winuwus, éñjiṅira risaŋ maha wiku, rawuḥ maraŋ poṇḍokanira tatamu, éṇḍaŋ catur tansèŋ puṅkur, sèḥ wakidiyat liṅgnya lon.

28. babo atmajaniṅsun, rèḥ wus dadi patĕmbayanipun, arinira iki si éṇḍaŋ kismani, sapa woṅé kaŋ apĕcus, mbataŋ caṅkriman sayĕktos.

29. pasraḥ jiwa ragèku, maṅka sira bisa mbaḍé kulup, yèn sĕmbada sunniṅkahkĕn ri puniki, lan saka sukaniŋ kalbu, kaŋ tĕlu kalamun coṇḍoŋ.

30. ywa kataṅguṅan kulup, ṅoṅpariṅkĕn mriŋ sira sadarum, supayané ywa kéran kéroniŋ ati, dadi tĕntrĕm tyas tan giyuḥ, sĕpi panĕmu kaŋ awon.

31. cĕbolaŋ duk aṅruṅu, ḍawuhipun risaŋ maha wiku, laṅkuŋ kagyat ĕmar maras sĕnig sĕnig, ṅunandika jroniŋ kalbu, kadĕnaṅan karṣaniṅoŋ.

32. iki apa paṅlulu, apa wantaḥ éwuḥ taṅguhipun, iŋ wasana umatur saha wotsari, kalaṅkuŋ pamuṇḍiulun, ḍawuḥ kaŋ sampun kawiyos.

33. ulun sumaṅgèŋ kayun, tan ḷĕṅgana satuduḥ tumutur, sampun iṅkaŋ ḍumatĕŋ raras kamuktin, sanadyan praptaniŋ lampus, datan ḷĕṅgana sapakon.

34. iŋ ṛĕmbug sampun putus, wus dèn niṅkaḥ wahu éṇḍaŋ catur, paragatiŋ niṅkaḥ pinaṅgihkĕn aglis, maha wiku ṅandika rum, èḥ cĕbolaŋ atmajèṅṅoŋ.

35. kaŋ bĕcik paṅĕmoŋmu, lan kaŋ adil panataniŋ kakuŋ, aja ana ṅanti kataman sak sĕrik, sihira aywa mbaṛĕñjul, dadi tyasé paḍa goloŋ.

36. saŋ wiku wusiŋ ḍawuḥ, waṅsul maraŋ iŋ panĕpènipun, kawarṇaa kaŋ katuju iŋ paṅgaliḥ, tyasé laṅkuŋ suka sukur, timimbul kaṛĕsmèn andon.

101. maskumambaŋ

1. rarasiṅkaŋ karasikan tan winarṇi, wusiŋ sapta dina, mas cĕbolaŋ aṅaḷĕntriḥ, larut bayuniŋ kaŋ aṅga.

2. gya umaṛĕk maraŋ ṅarṣané saŋ yogi, rubiyaḥ sakawan, tan kĕna giṅgaŋ sañari, tansaḥ amboṇḍèt mriŋ priya.

3. praptèŋ ṅarṣa maha wiku liṅira ris, pantèn paran karṣa, umaṛĕk iŋ ṅarṣamami, apa ta darunanira.

4. mas cĕbolaŋ tumuṅkul koñjĕm iŋ siti, èḥ ta ucuḷĕna, ṅgonnira mboṇḍèt mriŋ mami, wus bĕṅgaŋ samya aḷĕṅgaḥ.

5. mriṅa panti cacawisa kaŋ prayogi, rujak myaŋ lotisan, prĕsan ménda duduḥ pitik, lan wowohan sasĕgĕran.

6. éṇḍaŋ catur samya mundur maṅĕñjali, mas cĕbolaŋ tandya, ndĕṅèṅèk umatur ririḥ, ḍuḥ risaŋ pariŋ nugraha.

7. ṅaturakĕn pĕjaḥ gĕsaṅulun nĕṅgiḥ, èstu tan kawawa, lumawan iŋ sénapèti, sakawan sami prawira.

8. tanpa kiwul wit kawula lamba yĕkti, yèn pukulun datan, pariŋ sarana sayĕkti, dasihé tĕmaḥ antaka.

9. maha wiku suka awĕlas niṅali, wasana ṅandika, kulup dèn kaparèŋ ṅarṣi, wusiŋ paṛĕk gya winĕjaŋ.

10. bab kaṛĕsmin kaŋ tan ṅrusakakĕn ḍiri, wèḥ nikmat warata, siji kaŋ tinujwèŋ kapti, kaŋ tiga samya karasa.

11. datan pah‍é kalawan iṅkaŋ satuṅgil, jumbuḥ iṅkaŋ rahsa, asmara nala rumiyin, tĕgĕsé sĕṅsĕmiŋ manaḥ.

12. kalihipun asmara tura winardi, sĕṅsĕmé paniṅgal, tri asmara turida di, pan sĕṅsĕmiŋ pamiṛĕṅan.

13. sakawannya asmara nada sĕṅsĕmiŋ, iṅkaŋ sapocapan, gaṅsal asmaratantra di, sĕṅsĕmiŋ kaŋ paṅarasan.

14. nĕm puṅkasan sĕṅsĕmiŋ saṅgama yĕkti, ran asmaragama, tuwin jaya wijayanti, paṅabaran paṅasiyan.

15. agal ṛĕmit miwaḥ iṅkaŋ ṅèlmi sihir, karya rammiŋ kaṭaḥ, dalaḥ wisikan saṛĕsmi, mas cĕbolaŋ wus widagda.

16. sinuŋ paḍaŋ paaŋ grahitané lantip, kacakup sadaya, sarta nulya dèn lampahi, saḍawuhé saŋ paṇḍita.

17. pan pinĕḷĕŋ dèn nira amatiragi, cacĕgaḥ myaŋ siyam, ṅalowoŋ apatigĕni, wuṅu lan kuṅkum iŋ toya.

18. lumĕstari tan ana batal sawiji, sawusiŋ paragat, garwa pinariṅkĕn maliḥ, atut dèn nya palakrama.

19. catur datan ana kaŋ saṅsayèŋ kapti, cĕbolaŋ pinarak, kalawan sakawan abdi, saloka maṛĕk maṅarṣa.

20. ulun matur mugi sampun salahkapti, rèhniŋ sampun lama, lèrèḥ anèŋ tiḍar wukir, kadiparan iṅkaŋ karṣa.

21. punapi wus katrĕm maṛĕm anèŋ ṅriki, sukur makatĕna, kalilana iṅkaŋ abdi, samya mantuk mriŋ asrama.

22. atur uniŋ ramanta saŋ maha yogi, myaŋ mriŋ pramèswara, iba sukaniŋ paṅgaliḥ, mas cĕbolaŋ duk miyarṣa.

23. tyas kumĕpyur wasana ṅandika aris, laḥ tujuné kakaŋ, sira caturan lan mami, upama mĕnĕŋ kéwala.

24. pan kabañjur kalimput iŋ lambaṅsari, jugag iŋ lalakyan, katutup ulaḥ kamuktin, wis kakaŋ paḍa kariya.

25. iṅsun marak maraŋ risaŋ maha yogi, klilan tan kalilan, pamit mundur dina iki, nurwitri mèsĕm wacana.

26. hĕm apa tan agĕṇḍulak agĕṇḍulik, téga apa ora, nilar laṅĕniŋ jinĕmrik, sajagad tan ana mémba.

27. amubĕṅa tĕpiniŋ kaŋ jalaniḍi, taṅèḥ yèn antuka, tanapi mirib kaŋ warṇi, sanadyan ana miriba.

28. makṣiḥ kalaḥ sĕḍĕp sumèḥ amrakati, parigĕliŋ solaḥ, kèwĕs lindri luṅit manis, santri tri gumuyu lataḥ.

29. lan maniṅé kanané apa kadugi, lamun tinilara, dakbaṭèké paṣṭi kiṇṭil, upama paḍa kiṇṭila.

30. laḥ sahiba iba ribĕté nèŋ margi, maṅka kaŋ pinaran, anut satindakiŋ sikil, éwasamono sumaṅga.

31. mas cĕbolaŋ mèsĕm wagugĕn iŋ galiḥ, wasana liṅira, mupuŋ iki nora kiṇṭil, iṅsun maṛĕk saŋ minulya.

32. praptèŋ ṅarṣa maha wiku ṅandika ris, kulup paran karṣa, praptamu tan mawi rabi, sĕmuné kaya wigatya.

33. mas cĕbolaŋ maṅĕñjali matur ririḥ, mugi linĕpatna, sruniŋ bĕndu sakiŋ galiḥ, myaŋ guŋ guṅiŋ paṅakṣama.

34. kalilana kaŋ abdi anuwun pamit, ndumugèkkĕn lampaḥ, tumindakiŋ suku kaliḥ, miturut nĕriŋ wardaya.

35. rabiulun sadaya sumaṅgèŋ kapti, saŋ wiku liṅira, paran karṣanira kaki, rabinta apa kok pĕgat.

102. mĕgatruḥ

1. yèn kok pĕgat apa wis maṅrĕti kulup, laku lakuniŋ akrami, niṅkaḥ myaŋ maṣkawinipun, ṅidaḥ talak sasaminiŋ, mas cĕbolaŋ matur alon.

2. sah‍èstuné dèrèŋ maṅrĕtos satuhu, lampahé salakirabi, mugi pinaṛĕŋ iŋ kalbu, pariŋ sumĕrap mriŋ kami, maha wiku mĕḍar kawroḥ.

3. niṅkaḥ iku pan katĕmu kaṛĕpipun, rasané sira nampani, pasrahiŋ kawasanipun, wadon kaŋ sira rabèni, amiturut lahir batos.

4. sira darbé bojo kawaṅĕnan amuŋ, papat nora kĕna luwiḥ, miturut saréṅat rasul, muṅguḥ kaŋ aran maṣkawin, panarimané kaŋ wadon.

5. lamun rupa slaka putiḥ bobotipun, kaŋ kalumraḥ muŋ satahil, kĕna uga liyanipun, rupa baraŋ kaŋ médahi, tumrap maraŋ iṅkaŋ wadon.

6. ugĕr uwis dadi sapanrimanipun, dé idaḥ tĕgĕsé nĕṅgiḥ, ñĕrantèkakĕn puniku, kulup ana pataŋ warṇi, idaḥ kuruk kaŋ sawiyos.

7. ṅantarakkĕn tri pasucèn daṅunipun, tumrapiŋ maraŋ pawèstri, kaŋ masiḥ kèl sabĕn tèṅsu, ṅidaḥ suhur kapiŋ kaliḥ, ṅantarakkĕn tri pañcoroŋ.

8. tumrap mariŋ wadon dèrèŋ ṅgarapsantun, lan mriŋ wadon luwas gĕtiḥ, idaḥ kamil katrinipun, ṅĕntèni lahiriŋ bayi, tumrap pĕgat urip layon.

9. kapiŋ paté idaḥ wapat laminipun, pat wulan sapuluḥ ari, tumrap pĕgat mati iku, kalamun wus luwiḥ sakiŋ, idaḥ laḥ iku si wadon.

10. kĕna laki apan ḷĕgan arannipun, dé talak wardiné nĕṅgiḥ, pĕgat muṅguḥ wĕnaṅipun, tĕluŋ rambahan tan luwiḥ, béda bédané kacriyos.

11. pĕgat ṅruntuhakĕn talak siji iku, kaŋ sarta bayar maṣkawin, jroniŋ ṅidaḥ lamun ayun, binalènan dadya rabi, datanpa niṅkaḥ wus muṅgoḥ.

12. lamun nora bayar maṣkawin puniku, jroniŋ ṅidaḥ lamun apti, winaṅsulan rabinipun, kudu kaniṅkaha maliḥ, myaŋ maṣkawin kudu ṅaṅgo.

13. yèn pamĕgat wadon wèḥ pamiwalipun, tĕgĕsé iku ṅuwèhi, pamañcal mriŋ kakuṅipun, yèn balèn niṅkahan maliḥ, mbalèkkĕn pamiwal wutoḥ.

14. sahuwisé laṅkaḥ saka ṅidahipun, lamun balèn iya kéṅiŋ, naṅiŋ ṅaṅgo niṅkaḥ iku, kaŋ sarta ṅaṅgo maṣkawin, iku lamun paḍa coṇḍoŋ.

15. sahupama muŋ caturan ala ṅaṅgur, kowé dak pĕgat sahiki, iku talaké wus runtuḥ, sawiji datan aluwiḥ, mula ywa ṅanti kabrojol.

16. lamun uwis pĕgatan sapisan iku, ṅruntuhkĕn talak sawiji, binalènan wadonipun, dumadya rabiné maliḥ, dadi talak kari loro.

17. ṅruntuhakĕn talak loro kaŋ winuwus, yèn ṅaṅgo bayar maṣkawin, jroniŋ ṅidaḥ lamun ayun, waṅsulan kinarya rabi, kĕna tanpa niṅkaḥ yĕktos.

18. lamun nora aṅsuŋ iŋ maṣkawinipun, jroniŋ ṅidaḥ lamun apti, winaṅsulan rabinipun, kudu kaniṅkaha maliḥ, myaŋ maṣkawin paṣṭi ṅaṅgo.

19. yèn pamĕgat wadon wèḥ pamiwalipun, yèn balèn niṅkahan maliḥ, sarta mbalèkakĕn wutuḥ, pamiwal maraŋ kaŋ èstri, kaŋ dadi trimaniŋ wadon.

20. sahuwisé laṅkaḥ saha idahipun, mĕnèk balèn makṣiḥ kéṅiŋ, naṅiŋ ṅaṅgo niṅkaḥ iku, kaŋ sarta ṅaṅgo maṣkawin, samonèku mĕnèk coṇḍoŋ.

21. sahupama amuŋ guyon ala ṅaṅgur, kowé dak pĕgat sahiki, iku talaké wus runtuḥ, talaké iṅkaŋ kakaliḥ, sayĕkti kari sawiyos.

22. lamun uwis pĕgatan piŋ piṇḍonipun, balèn dadi bojo maliḥ, kari siji talakipun, talak tĕlu dèn aranni, poma dèn aṅatos atos.

23. talak siji lan loro iŋ sakjronipun, idaḥ wadon ṅgarapsari, kalamun ṅaṇḍĕg puniku, idaḥ kuruk salin kamil, dadi sah‍é yèn wus miyos.

24. ṅgonné ṅaṇḍĕg jabaŋ bayi kaŋ kinaṇḍut, yèn ṅgonné tan ṅgarapsari, saka lalara puniku, idaḥ kuruk aḷĕstari, maṅka kabañjur iku woŋ.

25. luwas gĕtiḥ kaŋ idaḥ ginanti suhur, talak sawiji lan kaliḥ, bahin ségra arannipun, tĕgĕsé pamĕgat alit, naṅiŋ wus tétéla yĕktos.

26. ṅruntuhakĕn talak tĕtĕlu winuwus, jroniŋ idaḥ wus tan kéṅiŋ, winaṅsulana puniku, binalèn kinarya rabi, yèn adrĕŋ ṅgonné jojoḍon.

27. wusiŋ idaḥ kudu linakèkkĕn iku, olèḥ janma iṅkaŋ kĕni, ṅrabèni mriŋ wadon mahu, sarta tumindak saṛĕsmi, wusiŋ kalakon karoṅron.

28. kapĕgatkĕn yèn wus idaḥ niṅkahipun, lagi kĕna dibalèni, samonèku lamun purun, pinĕgatkĕn ṅgonné rabi, tan wĕnaŋ ñjiyat mariŋ woŋ.

29. maṅka uwus asiḥ mriŋ bojo kaŋ kantun, tĕtĕp nora kĕḍaḥ kĕḍiḥ, kaŋ akon niṅkaḥ kasiṅkur, talak tĕlu luwiḥ ruṅsit, ati atinĕn sayĕktos.

30. nalikané ṅruntuhakĕn talak tĕlu, maṅka tan bayar maṣkawin, kawĕnaṅkĕn wadonipun, lamun nagiha maṣkawin, iṅkaŋ lanaŋ kudu asok.

31. talak tĕlu puṅkasan iku rannipun, talak bahin kobra nĕṅgiḥ, tĕgĕsé pamĕgat kaŋ wus, tĕtĕlu gĕḍé pribadi, sarta umum sakèhiŋ woŋ.

32. déné bojo kaŋ tĕmĕn duruŋ salulut, kalamun pĕgat tan mawi, aṅantèni idahipun, rampuŋ pĕgat kĕna laki, gantya iṅkaŋ winirahos.

33. kaŋ iṅaran kinuluk pan tĕgĕsipun, copot ṅgonné dadi rabi, sarana ṅaṅgo tinuku, kèhé amirid maṣkawin, akèhé iṅkaŋ patukon.

34. upamané bojoné wis gĕnĕp catur, maṅka aṛĕp rabi maliḥ, salaḥ siji bojo catur, siniliḥ niṅkahirèki, bayar maṣkawin karopyok.

35. kaŋ sinambut bañjur tĕtĕp pĕgatipun, manawa arṣa mbalèni, maraŋ kaŋ kinuluk mahu, iŋ sawañci wañci kĕni, samonèku kudu coṇḍoŋ.

36. wusé coṇḍoŋ kudu kaniṅkaḥ rumuhun, sartané ṅaṅgo maṣkawin, sahupamané kalantur, tan binalèn lakinèki, wusiŋ idaḥ iku wadon.

37. kĕna laki anaṅiŋ dèn éliŋ bagus, pitutur kasĕbut ṅarṣi, lamun niṅkaḥmu muŋ catur, luwiḥ samono tan kéṅiŋ, jurudĕmuŋ matur alon.

103. jurudĕmuŋ

1. ḍuḥ babo pupuṇḍèn kula, ñuwun babar pisanipun, mĕṅgaḥ èstri kaŋ tan antuk, lamun kinaryaa garwa, sèḥ wakidiyat liŋnya rum, kulup wadon kaŋ tan kĕna, dadi jatukramanipun.

2. akèhé iku wolulas, ḍiṅin ĕmbok sapaṇḍuwur, piṇḍo anak wadonipun, sapaṅaṇḍap nora kĕna, katriné iku sadulur, kapiŋ paté kaponakan, kaŋ saka sadulur jalu.

3. kapiŋ lima kaponakan, kaŋ saka wadon sadulur, piŋ nĕm bibi saka biyuŋ, pitu bibi saka bapa, wolu inya sapaṇḍuwur, saṅa anak wadon iṅkaŋ, nuṅgal susu sapiturun.

4. piŋ sapuluḥ sadulur kaŋ, inya iṅkaŋ nuṅgal susu, sawĕlas ponakanipun, saka sadulur lanaŋ, uga iṅkaŋ nuṅgil susu, piŋ rolasé kaponakan, saka wadon nuṅgal susu.

5. piŋ tĕlulas bibi saka, bapa iṅkaŋ nuṅgal susu, piŋ patbalas bibi iku, saka biyuŋ nuṅgal powan, piŋ limalas marasĕpuḥ, sapaṇḍuwur nora kĕna, nĕmblas tilas bojo sunu.

6. piŋ pitulas patilasan, bojoné sudarmanipun, kapiŋ wolulasé sunu, kuwalon lamun si biyaŋ, uwus kalakon salulut, kajabèku nora kĕna, amayuḥ paḍa sadulur.

7. myaŋ kaponakaniŋ garwa, datanapi bibèkipun, saka bapa saha biyuŋ, winayuḥ paḍa tan kĕna, mas cĕbolaŋ nĕmbaḥ matur, kaŋ kéṅiŋ amalènana, paran katĕraṅanipun.

8. kulup sababé dumadya, amalèni pan tĕtĕlu, kaŋ diṅin karabatipun, kaya ta bapa myaŋ ĕmbaḥ, sadulur anak sadulur, lan paman saka iŋ bapa, paman uwa sakiŋ babu.

9. kalawan anaké lanaŋ, paman sakiŋ bapa babu, kalawan anaké jalu, paman uwa sakiŋ bapa, iṅkaŋ pañcĕr sakiŋ jalu, kabèḥ malènana, samonèku kudu urut.

10. kapiṇḍoné jalma iṅkaŋ, amardikakakĕn èstu, iŋ amaté kaŋ satuhu, piŋ tĕluné śri naréndra, sabab ṅadamé puniku, karabat kabèḥ tan liya, iki ta upamènipun.

11. sudarmané wus tan ana, naṅiŋ kaki makṣiḥ hiḍup, iku dadi walinipun, bapa kaki wus palastra, saduluré lanaŋ iku, sadulur lanaŋ tan ana, sĕdularé bapakipun.

12. nir kaŋ saduluré bapa, kaponakan miwaḥ putu, saka saduluré kakuŋ, atanapi paman uwa, nak sanaké bapakipun, saturuté iku kĕna, yèn tan ana sadayèku.

13. lagi ñaṇḍak janma iṅkaŋ, amardikakakĕn èstri, iŋ amaté kaŋ satuhu, liré iku śri naréndra, mas cĕbolaŋ maliḥ matur, kaŋ dados guguriŋ niṅkaḥ, iṅkaŋ pundi warṇinipun.

14. kulup upama kaŋ lanaŋ, édan miwaḥ lara buḍug, utawa bĕlaŋ kalaṅkuŋ, ṅanti ṅgigokkĕn manaḥ, kaŋ tan na sumĕnènipun, iku wadoné pan kĕna, aṅlĕpasna iṅkaŋ jalu.

15. lan maniṅé lamun priya, tugĕl pajaḷĕranipun, utawa lara pĕluḥ, kawit saduruṅé krama, winĕnaṅkĕn wadonipun, aṅlĕpasna iṅkaŋ lanaŋ, pratéla maraŋ iŋ kukum.

16. timbaṅané yèn wanita, maṅka ana cĕlanipun, édan lawan lara buḍug, bĕlaŋ karya gigu iŋ tyas, katutup pawèstrinipun, déniŋ dagiŋ lawan tosan, pinĕgata uwus kusus.

17. sarta tan lawan tinalak, yèn ṅgonné maṅkono mahu, sawusé klakon kadukul, maṣkawiné wajib bayar, kalamun duruŋ pulaṅhyun, maṣkawin tan susaḥ bayar, yèn ṅudur katur iŋ kukum.

18. matur nĕmbaḥ mas cĕbolaŋ, rapak paran artosipun, maha wiku liṅira rum, kalamun ana wanodya, lami tinilar iŋ kakuŋ, tan sinuṅan saṇḍaŋ paṅan, paṅgonan myaŋ tan salulut.

19. bañjur matur iŋ paréntaḥ, ñaritakkĕn ananipun, ṅĕntèni ḍawuhiŋ kukum, puniku kaŋ linakonan, nuwun mĕṅgaḥ jaṅkĕpipun, patrap urutiŋ pratiṅkaḥ, kaŋ kalimraḥ iŋ prajaguŋ.

20. maha wiku aṅandika, kulup utamaniŋ kakuŋ, aṅaṛĕpkĕn wadon kudu, iṅkaŋ kaṅgonan catur, asli apik anom ayu, asli kaṛĕpé kaŋ gĕnaḥ, bibité turut rahayu.

21. cacat kaŋ prĕlu tan ana, lawan kaŋ wus ṛĕsik tuhu, pira bara prawan kĕñcur, watĕké lamun puputra, tan aṅliṅsĕmakĕn kalbu, anom umuriŋ wanita, tan ṅuṅkuli maraŋ kakuŋ.

22. wataké yèn kalaḥ yuswa, kuraŋ ṛĕsĕpé kaŋ kalbu, lawan kuraŋ sukanipun, apik maraŋ iŋ pambĕkan, watĕké numrapi iku, maraŋ kadaŋ prasanakan, datanapi maraŋ batur.

23. utawa saratiŋ niṅkaḥ, pan lilima kaṭahipun, iṅkaŋ ḍiṅin ijab kabul, kapiṇḍoné wali lanaŋ, katĕlu paṅantèn kakuŋ, kapat paṅantèn wanita, piŋ lima sakṣi loro wus.

24. utawa saratiŋ niṅkaḥ, pan lilima kaṭahipun, iṅkaŋ ḍiṅin ijab kabul, kapiṇḍoné wali lanaŋ, katĕlu paṅantèn kakuŋ, kapat paṅantèn wanita, piŋ lima sakṣi loro wus.

25. lamun wali nora bisa, niṅkahkĕn pribadi iku, aṅrĕsaya mariŋ kahum, utawa maraŋ ṅulama, kaŋ wus winĕnaṅkĕn iku, aniṅkahkĕn sasama, patrapé maṅkéné kulup.

26. paṅantèn lanaŋ nèŋ wétan, aṅaṛĕpakĕn paṅulu, wali nèŋ loriŋ paṅulu, sakṣi loro anèŋ kanan, wusiŋ miranti salarum, kiyayi wali nulya jawab, maraŋ kiyayi paṅulu.

27. maṅkéné wali liṅira, nĕḍa kiyayi paṅulu, kula ṅrĕsaya satuhu, ḍumatĕŋ ijĕṅandika, niṅkahakĕn anakulun, wadon aran anu rara, aṅsal lawan bagus anu.

28. kalawan maṣkawin slaka, pĕṭak satahil wratipun, kinĕñcèŋ tuwin kasambut, kula èstu sampun suka, ki paṅulu sawusipun, nampèni wali turira, wicantĕn mriŋ mantèn kakuŋ.

29. bagus anu jĕṅandika, tampèni paniṅkahipun, rara anu anakipun, wadon ki anu kalawan, maṣkawin salaka piṅul, bobot satahil punapa, kinĕñcèŋ tuwin kasambut.

30. ki paṅantèn aturira, maṣkawin kawula sambut, ki paṅulu gya umatur, mriŋ wali kahuniṅana, yèn maṣkawin dipunsambut, ki paṅulu nulya ndoṅa, salisir maca taṅawud.

104. salisir

1. iya aṅudubilahi, minas sah‍étanirajin, bismillaḥ rahmani rakim, bismillaḥ walkamduli.

2. lahi rabilalamina, wasalatu wasalamu, ala rusulilahi sa, lalahu ṅalahihi wa.

3. slam usikum ṅibadalaḥ, wanapsihi takuwalaḥ, anikahakĕn kawula, iŋ rara anu punika.

4. anak wadoné ki anu, iŋ jĕṅandika mas anu, kalawan maṣkawin slaka putiḥ, satahil kaŋ bobotira.

5. iṅkaŋ jĕṅandika sambut, jĕṅandika aṅucapa, ki paṅantèn aturira, nuwun iṅgiḥ gya aṅucap.

6. nuwun narima kawula, paniṅkahé rara anu, iŋ kawula kalawan mas, kawin slaka pĕṭak mulya.

7. pan satahil bobotira, kawula sambut punika, ki paṅulu wusiŋ myarṣa, wa barakal awit ndoṅa.

8. taṅawud lajĕŋ bismilaḥ, nulya ndoṅa allohuma, alip lam alah‍éta, bahinal mahi batinna.

9. allahuma tawil ṅumur, rahuma wa sakiḥ aji, sadahuma wanawira, kulubahuma wa sabit.

10. innama huma wa akṣin, akamala huma wa wasiḥ, arjaka huma wa ilahi, kah‍érikia riba huma.

11. piddini wal duña wal a, akhiraḥ iinaka ṅala, kulli sahin kodir tamat, paragatiŋ iṅkaŋ doṅa.

12. ki sakṣi nulya wacana, ki paṅantèn ḍawuḥ nata, jĕṅandika aṅèstokna, manawi ijĕṅandika.

13. nambaŋ rabi jĕṅandika, mbok rara anu punika, pituŋ sasi lakon ḍarat, roŋ tahun nabraŋ samodra.

14. saliyané ṅlakonana, ayahan daḷĕm śri nata, tan trimané bojo ndika, iṅgiḥ bok anu punika.

15. bapak ḍumatĕŋ iŋ kakim, andika lajĕŋ ṅrĕntaḥna, iŋ talak ndika satuṅgal, myaŋ bayar maṣkawinira.

16. ki paṅantèn aturira, sandika gya sasalaman, mriŋ paṅulu myaŋ sakṣinya, tuwin ujuŋ para tuwa.

17. lawan kulup kawruhana, wali paṅulu sakṣinya, kudu woŋ kaŋ wus diwasa, kaŋ sartané datan mawa.

18. cacat atanapi lara, kaya kaŋ kasĕbut ṅarṣa, kalamun nora maṅkana, saraté pañcèn tan kĕna.

19. mas cĕbolaŋ duk miyarṣa, maṅĕñjali ris turira, nuwun biliḥ makatĕna, kajawi karṣa paduka.

20. sĕkawan pisan punika, kula pĕgat sapunika, talak satuṅgal kéwala, punapa sampun sakéca.

21. mèsĕm ri saŋ maha tapa, iya wus paḍa sarasa, konĕn mréné garwanira, wus méntar kaŋ sinuŋ sabda.

22. sakawan pisan maṅarṣa, maha wiku ris ṅandika, rara kabèḥ kawruhana, iŋ samĕṅko lakinira.

23. arṣa méntar alalana, tan karwan kaŋ sinĕdya, mula sira iŋ samaṅkya, sami pinĕgat sadaya.

24. sarta asuŋ maṣkawinnya, ṛĕntaḥ talaké sajuga, jro idaḥ samaṅsa maṅsa, bali mréné bañjur kĕna.

25. mbalèni sira sadaya, datan ana kara kara, mula paḍa dinarima, susuwunĕn iŋ hyaŋ sukṣma.

26. aja ṅanti lawas lawas, gèk baliya amoṅraras, tyasmu aja ana uwas, sakawan saṛĕŋ maṅaras.

27. kawula amuŋ sadĕrmi, ṅĕmban ḍawuhé saŋ yogi, yèn kéṅiŋ kula géṇḍoli, tĕtĕpa wontĕn iŋ riki.

28. mas cĕbolaŋ lon liṅira, yayi tan pantara lama, ulun waṅsul mriŋ asrama, tan bĕtaḥ anilar sira.

29. muŋ kaŋ gĕḍé apuranta, pra garwa arawat waspa, mas cĕbolaŋ gya ṅabĕktya, maraŋ risaŋ maha tapa.

30. garwa catur gantya gantya, ṅabĕkti mriŋ kakuṅira, santri sakawan maṅarṣa, wus sami pamit sadaya.

31. rampuṅiŋ punaŋ bicara, mas cĕbolaŋ lèṅsèr sigra, tumurun sakiŋ iŋ arga, santri catur nèŋ wurinya.

32. pra garwa kantun aṅgana, kucĕm sunariŋ nayana, kadi tinilar antaka, pinupus karṣaniŋ sukṣma.

33. nĕŋna kaŋ kantun nèŋ arga, yata wahu lampahira, mas cĕbolaŋ kaŋ winarṇa, datansaḥ sabil iŋ nala.

34. datan ana kaŋ kacipta, amuŋ kaŋ kantun iŋ arga, mawèḥ guŋ lara wigĕna, dadya ṛĕṇḍĕt lampahira.

35. iŋ lampaḥ kalunta lunta, wus aṅañcik wanawasa, kaṭaḥ sawara kapiyarṣa, saŋ anom ḷĕjar tyasira.

10. lampahipun maṅidul dumugi caṇḍi barabuḍur. sasanpunipun niṅali caṇḍi barabuḍur sarta mĕndut, sami ṅlajĕṅakĕn lampaḥ ḍatĕŋ mataram, jaman kaṅjĕŋ sultan aguŋ.

105. sinom

1. marmaniŋ hyaŋ maha nasa, supé kaŋ kantun nèŋ wukir, tan andimpé lampahira, kalamun prapta iŋ caṇḍi, agĕŋ tinon ṛĕspati, anama iŋ barabuḍur, iṅgiḥ caṇḍi pra budha, kaṭaḥ ṛĕca agĕŋ alit, suméwa lir aṅganiŋ kaŋ para budha.

2. añjĕṅĕr ki mas cĕbolaŋ, myaŋ réñcaŋ sakawan santri, miyat caṇḍi agĕŋ pélag, kaŋ kinarya séla laṅkiŋ, lir banon rimbaganiŋ, wit ṅaṇḍap tumèkèŋ pucuk, iṅukir gagambaran, tuṇḍa pitu tuhu adi, ṅaṇḍap caṇḍi kinubĕṅan ṛĕca ṛĕca.

3. agĕŋ alit warṇa warṇa, wontĕn iṅkaŋ siraḥ pakṣi, siraḥ macan siraḥ liman, siraḥ buron amĕpĕki, ana kaŋ siraḥ jalmi, ṅadĕg atanapi luṅguḥ, jèṅkèŋ myaŋ sila tumpaŋ, ana kaŋ kadi sĕmèdi, ana iṅkaŋ ṅĕmbat laṅkap maṇḍi gada.

4. saḷĕsiḥ miyat iŋ ṛĕca, caṇḍi nulya dèn iṅgahi, wus prapta iŋ palataran, anon gambar kaŋ nèŋ riṅgit, tĕpuŋ gĕlaŋ ṅubĕṅi, linajĕṅkĕn iṅgahipun, antuk kaliḥ tataran, iṅubĕṅan tĕpuŋ tapis, linajĕṅkĕn miṅgaḥ mriŋ tataran tiga.

5. iṅubĕṅan tĕpuŋ gĕlaŋ, tapis lajĕŋ miṅgaḥ maliḥ, praptèŋ tataran sakawan, sawusira aṅubĕṅi, aso sadaya sami, mas cĕbolaŋ liṅira rum, rèḥ wus sĕrap hyaŋ surya, prayoga aso kariyin, mĕṅko bĕṅi ṅinĕp iŋ kéné kéwala.

6. iŋ ratri datan winarṇa, sawusnya hyaŋ arka mijil, winaṅsulan dèn nya miyat, sahubĕṅan punaŋ caṇḍi, kaṭaḥ ṛĕca gĕŋ alit, sadaya samya kinuruŋ, iŋ séla tĕrañcaṅan, tapis dèn nira niṅali, miṅgaḥ maliḥ margi mrapat praptèŋ pucak.

7. ṅañcik iŋ tataran gaṅsal, isèn isènira sami, lan tatar tuṇḍa sakawan, kahot aṇḍap sawatawis, myaŋ wijar datan sami, saya miṅgaḥ miṇḍak ciyut, wus mubĕŋ tĕpuŋ gĕlaŋ, lajĕŋ miṅgaḥ maliḥ prapti, tatar nĕnĕm lajĕŋ miṅgaḥ tatar sapta.

8. umiyat kuruṅan séla, tinarañcaŋ alus ṛĕmit, ṅlĕbĕté kuruṅan séla, isi ṛĕca gĕŋ satuṅgil, naṅiŋ paṅgarapnèki, kintĕn kintĕn dèrèŋ rampuŋ, saranduniŋ sarira, kaṭaḥ kaŋ dèrèŋ cinawi, kaŋ samya myat laṅkuŋ éram iŋ wardaya.

9. mas cĕbolaŋ aṅandika, paran darunané iki, ṛĕca aguŋ tur nèŋ pucak, tĕka tan laṅkĕp iŋ warṇi, yèn pañcèn duruŋ dadi, iku baṅĕt mokalipun, baya pañcèn jinarag, ĕmbuḥ kaṛĕpé kaŋ kardi, mara paḍa udakaranĕn iŋ driya.

10. santri catur aturira, kawula sami tan baṅkit, ṅgayuḥ karṣané kaŋ yasa, nurwtri turira aris, kakaŋ tan uwis uwis, ṅgonku ḍĕḷĕg ḍĕḷĕg gumun, miyat kaŋ gambar gambar, kaŋ anèŋ séla rariṅgit, garap ṛĕmit tuhu baṅkit kaŋ ayasa.

11. cikar tinarik iŋ gajaḥ, kaŋ nuṅgaṅi baya aji, apĕsé kah‍é kapala, awit ṅaṅgo dèn payuṅi, kalawan ana maniŋ, prahu layar koṇṭiŋ juṅkuŋ, ana kaŋ nuṅgaŋ gajaḥ, ana kaŋ anuṅgaŋ wajik, pinayuṅan iṅiriŋ prajurit ḍarat.

12. ana janma ṅaṅgo ĕlar, ana wadon ḍapur ṅĕmis, wuriné raré kumĕrap, ana nuṅgaŋ taṇḍu joli, gambar kéwan mĕpĕgi, iwèn lawan manuk manuk, iwak loḥ warṇa warṇa, kayon kĕmbaŋ wisma wukir, dak ucapna sadina maṅsa rampuṅa.

13. waṅuné iku sadaya, pañcèn ana critanèki, ĕmbuḥ jamané ḍèk budha, kaŋ pinirid pirid warṇi, anaa kaŋ ṅaṇḍani, iba sukané tyasiṅsun, mas cĕbolaŋ ṅandika, cocog lir gagasan mami, kuciwané tan ana kaŋ tinakonan.

14. daṅu kèndĕl anèŋ pucak, ṅaléla iŋ tiḍar wukir, kawuryan sĕnĕniŋ arga, kukuwuṅé anĕlahi, èṅĕt kusumèŋ ardi, satĕmaḥ agandruŋ gandruŋ, sinamar sabil iŋ tyas, wusana liṅira aris, payo paḍa tumurun ywa tuṅgal marga.

15. marga kaŋ wétan saloka, margi kidul palakarti, marga kulon kartipala, kaŋ lor aku lan nurwitri, sah‍énaké lumaris, praptané iŋ tuṇḍa catur, iŋ kono pakumpulan, ĕndi kaŋ prapta rumiyin, ṅantènana dadi baṛĕŋ uḍunira.

16. wus liṅgar saka iŋ pucak, tan aṅĕmpal iṅkaŋ margi, saṛĕŋ prapta catur tuṇḍa, kumpul aso sawatawis, linajĕṅkĕn lampahnèki, dupi antuk roŋ oñjotan samya rarywan.

17. saṛĕṅan janma sajuga, saloka tatanya aris, ki sanak kaŋ nĕmbé paṅgya, jĕṅandika sakiŋ pundi, kaŋ tinanya maṅsuli, kula sakiŋ caṇḍi mĕndut, kaŋ katiṅal punika, prĕlu amuŋ aniṅali, laḥ kantuna kula ndumugèkkĕn lampaḥ.

18. mas cĕbolaŋ aṅandika, payo paḍa aniṅali, tandya lampahira prapta, anèŋ saṅaṇḍapiŋ caṇḍi, ṅiṅgil iŋ pucak lañcip, pasagi kĕplĕŋ kaŋ waṅun, lir masigit sinawaŋ, séla krĕṣṇa kaŋ kinardi, pan iṅukir pinatra gambar sĕkaran.

19. gagambaran warṇa warṇa, tan pah‍é lawan iŋ caṇḍi, barabuḍur kaŋ wus kocap, ponaŋ caṇḍi dèn ubĕṅi, cĕbolaŋ umiyat iŋ, sajuga wiwara aguŋ, lir wiwaraniŋ guwa, ṛĕsik gasik krisik limit, linĕbĕtan santri sakawan tan pisaḥ.

20. pra samya kagyat umiyat, ṛĕca gĕŋ iṅgil ṅlaṅkuṅi, luṅguḥ ṅajĕṅkĕn wiwara, séla wĕtaḥ kaŋ kinardi, iŋ kanan miwaḥ kériŋ, mèpèt pagĕr maṅgènipun, ṛĕca lit añatuṅgal, trimurti wastanirèki, wusiŋ miyat linajĕṅkĕn ḷĕbĕtira.

21. kadi nèŋ sajroniŋ wisma, jarambaḥ séla waradin, payon séla tanpa saka, sumĕblak sarwa gumriniŋ, mariŋ tyas narambahi, ĕnĕŋ maḍĕp iŋ hyaŋ aguŋ, tan ana kaŋ karasa, amuŋ nikmat kaŋ pinaṅgiḥ, kaya kaya lumuḥ lamun yèn mĕdala.

22. sĕpi paniṅal pamyarṣa, muŋ maruta silir silir, mawèḥ tĕntrĕmiŋ sarira, ratri sipĕŋ nèŋ jro caṇḍi, mijiliŋ saŋ hyaŋ rawi, wus mĕdal sadayanipun, lajĕŋ iŋ lampahira, iŋ ĕnu datan winarṇi, ṅañcik tlataḥ tĕḷĕṅiŋ karaton jawa.

23. nagri aguŋ iŋ mataram, gĕmaḥ ripaḥ pasir wukir, wiṅit tata tur raharja, kaŋ jumĕnĕŋ narapati, wali yolaḥ mumpuni, kyatiŋ rat ñjĕŋ sultan aguŋ, prabhu ñakrakusuma, kaŋ minaṅka patiḥ ñjawi, mantrimuka adipati mandaraka.

24. paṅulu amat katègan, jakṣa nama jurukiṭiŋ, tumĕṅguŋ sujanapura, pujaṅganira nagari, patiḥ ḷĕbĕt mbawani, ran tumĕṅguŋ siṅaranu, wahu ki mas cĕbolaŋ, kalawan sakawan santri, ñjujug anèŋ pamodinan pakahuman.

11. iŋ mataram aṅsal kawruḥ warṇi warṇi mas cĕbolaŋ dalaḥ para santrinipun moṇḍok iŋ griyanipun abdidaḷĕm modin ki amat tĕṅara iŋ kahuman, anakipun waraṇḍa mlarat, lajĕŋ sakalaṅkuŋ akrab kadosdéné kulawarga piyambak. mas cĕbolaŋ ñukani aṅsal aṅsal kaṭaḥ lan mawarṇi warṇi iṅkaŋ dumados sakiŋ maṅunaḥ.

25. wismané amat tĕṅara, yèku abdidaḷĕm modin, taruna makṣiḥ jajaka, iṅĕmoŋ biyaṅirèki, samya éca nèŋ panti, kagyat miṛĕŋ kula nuwun, tĕṅara sigra mĕdal, praptèŋ ñjawi wus pinaṅgiḥ, gupuḥ gupuḥ iṅacaran mañjiŋ wisma.

26. satata anèŋ jarambaḥ, biyaṅé milya maṅgihi, ki tĕṅara manambrama, kisanak kaŋ nĕmbé prapti, ulun atur basuki, myaŋ sintĕn kakasihipun, iŋ pundi kadaḷĕman, miwaḥ kaŋ sinĕdyèŋ kapti, mas cĕbolaŋ mèsĕm manis suŋ waṅsulan.

27. kalaṅkuŋ panuwun kula, panĕmbramanipun aḍi, nama kula ki cĕbolaŋ, réñcaŋ iṅkaŋ wontĕn wiṅkiŋ, ki saloka nurwitri, palakarti tiganipun, sakawan kartipala, sakiŋ iŋ cilacap nagri, sĕdya namuŋ baḍé sumĕṛĕp mataram.

28. dèrèŋ gaḍaḥ tĕtĕpaṅan, pramila biliḥ maṛĕṅi, kula ñuwun siḥ andika, amoṇḍok wontĕn iŋ riki, biliḥ sampun udani, karaton ñjĕŋ saŋ aprabhu, miwaḥ niṅali liman, tuwin mriyĕm ñi sĕtomi, kalilana lajĕŋ ndumugèkkĕn lampaḥ.

29. ki tĕṅara lataḥ lataḥ, aḍuḥ sampun walaṅati, nadyan laṅkuṅa sawulan, ki raka wontĕn iŋ riki, sah‍èstu iṅkaŋ rayi, dahat sukaṛĕnèŋ kalbu, kula kaŋ nĕdahĕna, ḍumatĕŋ iŋ pundi pundi, cĕbolaŋ liŋ sokur lamun makatĕna.

30. punika klĕṛĕs punapa, èstri kaŋ tumut maṅgihi, ki wisma ṅliŋ biyaŋ kula, ĕmbok asuṅa pambagi, sanadyan nĕmbé paṅgiḥ, rasané atiku biyuŋ, tumèmbĕl kadi kadaŋ, ora ilok lamun lamis, mbok tĕṅara alon wijiliŋ wacana.

31. anak anak sadayanya, sami katuran basuki, wontĕn suḍuṅé pun biyaŋ, kaŋ liniṅan sahur pĕkṣi, paṅèstunta kapuṇḍi, rahayu sadayanipun, ñi tĕṅara gya méntar, miṅak miṅuk kliṭaḥ kliṭiḥ, yun sasĕgaḥ jatiné tan paran paran.

32. mas cĕbolaŋ datan samar, kalèjĕmira ñi panti, nulya ṅĕdalkĕn maṅumaḥ, sĕkul ḷĕmĕŋ anèŋ upiḥ, pès pèsan tambra abrit, ḷĕmĕṅan siḍat myaŋ kutuk, ḍèṇḍèŋ ulam mĕñjaṅan, asinan kidaŋ nèŋ klĕṇṭiŋ, gèsèk gramèḥ sambĕl windu uyaḥ ḷĕmbat.

33. jĕnaŋ dodol jĕnaŋ naṅka, jĕnaŋ durèn jĕnaŋ jiwit, sabun tĕpuŋ sabun pisan, jĕram kĕprok ḍuku maṅgis, kokosan kĕpĕl waṅi, pĕḷĕm sĕṅir dodol madu, sayuran brambaŋ bawaŋ, gĕṇḍis arèn bubuk kopi, ĕtèḥ jawa gĕṇḍis klapa arum pĕṭak.

34. antigan ayam myaŋ kamal, piniṇḍaŋ lan trahos abrit, acar timun lombok bawaŋ, uwos gaga pĕṭak abrit, kĕṇḍil cèrèt tĕmbagi, kĕṇḍil kwali éṇṭoŋ irus, cĕṭiŋ tĕpuṅan sata, tapsiriḥ pĕnuḥ miranti, kĕba méṇḍoŋ isi kalobot bĕsutan.

35. kalasa batu plajĕṅan, maṅkok piriŋ pañjaŋ caṅkir, wusiŋ samapta sadaya, ḍĕṛĕk nèŋ jawiniŋ panti, mas cĕbolaŋ liŋnya ris, paduka tampèni biyuŋ, aṅsal aṅsal sapala, nolèḥ mariŋ catur santri, samya mĕdal ṅlĕbĕtakĕn aṅsal aṅsal.

36. kĕbak iŋ sajroniŋ wisma, mloṅo ḍĕḷĕg ñahi panti, mas cĕbolaŋ sigra mbikak, kĕpèk isi siñjaŋ lurik, lawan baḍé kulambi, abrit cĕmĕŋ miwaḥ wuṅu, iṅaturkĕn ki wisma, aḍi pun kakaŋ ñukani, siñjaŋ lurik gagaṇḍèṅan lan pun biyaŋ.

106. kinaṇṭi

1. ĕmbok iŋ saḷĕbĕtipun, kula moṇḍok wontĕn riki, kalawan réñcaŋ sakawan, sasĕgahan ywa ginaliḥ, iŋ sawontĕné kéwala, aṅgĕpĕn batiḥ pribadi.

2. ywa darbé rikuḥ pakéwuḥ, iŋ sakarṣanta prayogi, punika kaŋ aṅsal aṅsal, sah‍èstuné kula darmi, muhuŋ dadya lalantaran, pariṅé hyaŋ maha sukci.

3. bĕrkaḥ daḷĕm ñjĕŋ sinuhun, kaŋ liniṅan liṅira ris, é, sokur alkamdulilaḥ, kula tan sagĕd maṅsuli, barokaḥ wus binikakan, ṅaṇḍar aṇḍar aṅĕbĕki.

4. pinuñjuṅkĕn lurahipun, kyayi paṅulu myaŋ kĕtib, ṅulama miwaḥ tataṅga, ṅiras aṅaturi uniŋ, kapoṇḍokan tiyaŋ mañca, sakiŋ iŋ cilacap nagri.

12. jiyaraḥ iŋ pasaréyanipun panĕmbahan sénapati iŋ sawiṅkiŋ mĕśjid agĕŋ.

5. laminya datan cinatur, dèn nya nèŋ nagri mantawis, sabĕn ki amat tĕṅara, iṅundaŋ mitranirèki, miwaḥ kañca prasanakan, tanapi pra luhur jawi.

6. tilawatan amahulud, tuwin amahos prajañji, ki cĕbolaŋ atut wuntat, kalawan sakawan santri, lamun mawi taṛĕbaṅan, cĕbolaŋ lawan nurwitri.

7. panaṛĕbaṅira bĕsus, ḍasar warṇanira sigit, swara laṇḍuŋ arum ṛĕñaḥ, warṇa aṅrĕsĕpkĕn ati, mas cĕbolaŋ iŋ samaṅkya, wus kaṭaḥ wanuhanèki.

8. amat tĕṅara sampulur, rijĕkinira amintir, pawèwèhé para mitra, tuwin kaŋ sami papariŋ, dadya nora kakiraṅan, kaŋ binukti sabĕn ari.

9. saḍéṅaha marganipun, kamurahaniŋ hyaŋ widdhi, wañci ṅajĕṅakĕn asar, ki modin mariŋ iŋ maśjid, cĕbolaŋ saréñcaṅira, tumutur maraŋ iŋ maśjid.

10. sawusé bĕḍug tinabuḥ, tĕṅara sĕmbahyaŋ ṅasri, sabakdané wĕktu ṅasar, abdidaḷĕm bĕkĕl kĕtib, ṅrasuk samir maṅgul talam, isi sĕkar ratus waṅi.

11. mas cĕbolaŋ atanya rum, laḥ aḍi nika punapi, kaŋ binĕkta sinoṅsoṅan, talam tinutupan putiḥ, iṅampil kĕtib ṅulama, sadaya sami umiriŋ.

12. kakaŋ sampun adatipun, sabĕn maḷĕm jumṅaḥ ari, añĕkari kaŋ wus swarga, panĕmbahan sénapati, éyaŋ daḷĕm kaṅjĕŋ sultan, sumaré sawiṅkiŋ maśjid.

13. aḍi punapa panuju, utawi manawi kéṅiŋ, kula baḍé ṇḍèrèk sowan, ñuwun barkaḥ sapaṅatiŋ, kaŋ amutĕr tanaḥ jawa, kakaŋ kalaṅkuŋ utami.

14. sampun praptèŋ ṅajĕṅipun, gapura sakidul maśjid, rinaṛĕṅga asri pélag, waṅun mirip majapahit, kuñciné lawaŋ binuka, sarwi mahos salawati.

15. ririḥ lalagonan kiduŋ, arum ñĕñĕt amimbuhi, wiṅité kaŋ pasaréyan, tan ana walaŋ salisik, muŋ swarané maca slawat, ṅalik alik mawèḥ tistis.

16. sampun lumĕbĕt sadarum, praptèŋ palataran wradin, ayom kayoman kakaywan, nagasari ṭarik ṭarik, sisiḥ kilèn cakĕt lawan, gapura kaŋ kapiŋ kaliḥ.

17. wontĕn baṅsal alit bagus, payon sirap kajĕŋ bĕsi, kĕtib ṅulama suméwa, nèŋ baṅsal amaṅĕñjali, mahos salawat tan kĕṇḍat, kumĕlun padupan waṅi.

18. gapura binuka sampun, luraḥ kĕtib anèŋ ṅarṣi, iṅkaŋ samya atut wuntat, saranti ḷĕbĕtirèki, praptèŋ sajroniŋ gapura, lampaḥ ḍoḍok sadayèki.

19. kaŋ nèŋ ṅarṣa kèndĕl sampun, makiḍupuḥ maṅĕñjali, nulya abawa tahlilan, binaruŋ sakèḥ kaŋ ṅiriŋ, gumrĕṅgĕŋ aṅantak antak, yayaḥ suṇḍul iŋ wiyati.

20. tahlilan sawusiŋ rampuŋ, nulya ndoṅa wanti wanti, amin ṛĕmpĕg kadi umbak, paragatiŋ doṅa puji, cuṅkup aguŋ payon sirap, tinutup gĕbyog iṅukir.

21. binatur iŋ séla piṅul, jarambaḥ séla cĕṇḍani, wiwara sampun binuka, sadaya samya maṛĕki, mas cĕbolaŋ ririḥ taña, sintĕn kaŋ sumaré aḍi.

22. wontĕn saḷĕbĕtiŋ cuṅkup, ajajar tiga puniki, kakaŋ niku kaŋ satuṅgal, kaṅjĕŋ ñahi agĕŋ ĕnis, kaŋ ibu kyagĕŋ mantaram, kaŋ éyaŋ ñjĕŋ sénapati.

23. déné kaŋ satuṅilipun, pasaréyanya ñjĕŋ gusti, paṅéran andayaprana, cariyospun si kaki, ñjĕŋ susunan kalijaga, dé satuṅilipun maliḥ.

24. sinĕbut ñjĕŋ kiyayi ḍatuk, palémbaŋ iṅkaŋ wawaṅi, ṅgiḥ punika sultan pajaŋ, kacriyos kala iŋ ṅuni, wus sumaré anèŋ bĕtaḥ, dipunĕliḥ mriŋ mantawis.

25. kaŋ wontĕn iŋ ndaganipun, punika kyagĕŋ mantawis, ṅaṇḍapiŋ kyagĕŋ mantaram, panĕmbahan sénapati, ṅalaga yasèŋ mantaram, déné ṅaṇḍapipun kĕḍik.

26. sisiḥ kilèn ñjĕŋ sinuhun, séda krapyak awawaṅi, kaŋ sisiḥ wétan punika, ñjĕŋ kyayi juru mĕrtani, nahan wusiŋ sinĕkaran, tinutup sadaya mijil.

27. waṅsul mariŋ maśjid aguŋ, sabakdané ṅisa nĕṅgiḥ, samya mantuk sowaŋ sowaŋ, amat tĕṅara ki modin, mantuk lawan tamunira, dupi nèŋ marga kapaṅgiḥ.

28. ki moṅtruṣṭa lurahipun, talèḍèk sajroniŋ nagri, ki amoŋ sru lataḥ lataḥ, basané kapasaṅyogi, nak modin lan tamunira, paḍa dak aturi kampir.

29. pinarak mriŋ wismahulun, prĕlu amuŋ tak jak bukti, mbokmu olaḥ loḍoḥ ayam, piṇḍaŋ suṅsum liḍaḥ añir, bubuk ḍĕlé karotogan, krupuk baṅka lawan pĕtis.

30. ki modin anolèḥ puṅkur, mas cĕbolaŋ wus atampi, kula aṇḍèrèk kéwala, ki modin aṅliŋ suwawi, sampun kérid lampahira, praptèŋ parégolan ñjawi.

31. para arum arum mĕṭuk, abhuṣaṇa gaganda mrik, iṅkaŋ aṅliga sarira, payudara maya kéṅis, ririmoṅan ṅoré réma, léléwanira kinardi.

32. mawarṇa paṅaṅgénipun, pañjraḥ lir puṣpita muṅgiŋ, patamanan argasoka, cĕbolaŋ atanya ririḥ, punika pyantun punapa, ayu ayu warṇi warṇi.

33. kakaŋ punikèstri puñjul, kakasiḥ hyaŋ udipahii, upami jaman kah‍éndran, waraṅgana iŋ swarga di, saṛĕŋ jaman iŋ mataram, punika kaŋ nama riṅgit.

34. saḍéṅaha iṅkaŋ ayun, jañji mawi srana picis, pundi iṅkaŋ kinarṣakna, winĕnaṅkĕn naṇḍiŋ miliḥ, kahiras tuwin binĕkta, iŋ sak sayahipun kéṅiŋ.

35. mas cĕbolaŋ mèsĕm maṇṭuk, pra arum samya nambuhi, solaḥ tanaga suwara, ṅgarubyug wĕnèḥ ñjajari, praptèŋ wisma iṅañcaran, pinarak muṅgèŋ paṇḍapi.

36. bujakramané lumintu, datan liya kaŋ ṅladosi, para apsari sadaya, ḍokoḥ nora wigaḥ wigiḥ, para tamu jriḥ tumiṅal, tumuṅkul ambajoŋ liriŋ.

13. dipunampirakĕn ki amoṅtruṣṭo, miṛĕṅakĕn uṅĕliŋ gaṅsa, dipunladosi déniŋ para tlèḍèk, aṅsal katraṅan bab ulaḥ asmara, pambukaniŋ rahsaniŋ wanita, naṅèkakĕn napsu asmara tuwin pañĕgaḥ wĕdaliŋ rahsa.

37. kaŋ kapanduk tyas kumĕpyur, ĕnar ĕnir sĕnig sĕnig, riwé kumyus marawayan, ki saloka palakarti, kalawan ki kartipala, katrinya tumuṅkul ĕniŋ.

38. ki amoṅtruṣṭa liŋnya rum, aṅgèr sampun mawi ajriḥ, punika anak anakan, sanès yogaṅoŋ pribadi, tumĕṅa ki mas cĕbolaŋ, taña pintĕn kaŋ paṅarṣi.

39. aṅgèr kalihdasa amuŋ, kaŋ naté muṅkasi kardi, mbĕḍaḥ praja mtuk boyoṅan, pun aṅgrèk pun nagasari, pun capaka rukĕm kalak, pun diḷĕm taluki sruni.

40. wuṅu landĕp puḍak ḍuru, pun jĕlampraŋ manis ñiñir, mèḷĕm landĕp bayi ṭilaŋ, pun ṅiduŋ iṅkaŋ muṅkasi, radi kuciwa iŋ wanda, muŋ suwara awèḥ braṅti.

107. asmaradana

1. wusnya wañci liṅsir ratri, ki saloka kartipala, palakarti katigané, samya aso mriŋ modinan, dé para waraṅgana, mantuk mariŋ tĕṅganipun, saḍiya lamun kampiran.

2. kaŋ kantun anèŋ paṇḍapi, gunĕmé tan ana kĕmba, gupruk gar gĕr sru gujĕṅé, mas cĕbolaŋ lon liṅira, kiyayi amoṅtruṣṭa, paranta darunanipun, pra apsari asiḥ trĕṣṇa.

3. niku anak wontĕn kaliḥ, sakiŋ isarat myaŋ tiṅkaḥ, kaŋ kaḷĕbĕt tyasiŋ wadon, kasiyat sakiŋ paṇḍita, lukmanulyakin nama, bab kĕmaté apulaŋ hyun, dunuṅé rasèŋ wanita.

4. iŋ daḷĕm saari ratri, awit surupiŋ hyaŋ arka, tumĕkèŋ pĕṇḍak surupé, rahsa aṅaliḥ paṅgonan, anut lampahiŋ taṅgal, sapisan nĕmbĕlas gaṭuk, tĕkèŋ taṅgal tigaṅdasa.

5. lamun ayun pulaŋ ṛĕsmi, anuju taṅgal sapisan, awit arasĕn baṭuké, taṅgal piṇḍo awit ṅaras, pupusĕr taṅgal tiga, wiwit mijĕt wĕntisipun, kanan kériŋ karo pisan.

6. piŋ pat mijĕt ḷĕṅĕn kaliḥ, kapiŋ lima awit ṅaras, iŋ prĕmbayun kaliḥ cĕcĕg, ki tĕṅara mas cĕbolaŋ, nurwitri sami lataḥ, dé taṅgal kapiŋ nĕmipun, kawit ṅaras slaniŋ imba.

7. taṅgal kapiŋ pitu awit, ṅaras slaniŋ payudara, piŋ wolu ṅaras laṭiné, iŋ ṅiṅgil lawan iŋ ṅaṇḍap, taṅgalé kapiŋ saṅa, mijĕt pupu kalihipun, sarta aṅusap walikat.

8. taṅgal piŋ sadasa awit, garapĕn wĕtĕṅé ika, piŋ sawlas ṅaras granané, piŋ rolas ṅusap walikat, taṅgal piŋ tigawĕlas, wiwit aṅaras prĕmbayun, jumbuḥ lan taṅgal piŋ lima.

9. kapiŋ kawanwĕlas wiwit, ṅaras laṭi ṅusap suryan, piŋ gaṅsalwĕlas wus pantog, wiwit ṅaras kaliḥ imba, puniku yèn linakyan, kalaṅkuŋ utamanipun, awit punika wanita.

10. pakolèḥ rahsa kaŋ luwiḥ, nikmat kalawan manpaṅat, dé kapĕndĕŋ paṅgonané, dèn uṅsir tĕmaḥ glis mĕdal, katarik guṅiŋ trĕṣṇa, pun wadon mriŋ kakuṅipun, tan darbé cipta liyanya.

11. trĕñuḥ tyas muŋ ciptèŋ laki, tamat kaŋ sakiŋ prĕtiṅkaḥ, wontĕn maliḥ sakiŋ ĕmèl, biliḥ nuju amoŋ raras, punika kaŋ winaca, alahuma jannibinus, sah‍étan mara jattana.

12. yèn baḍé bĕtaḥ kĕpati, ron ḷĕguṇḍi ron widurya, myaŋ babakan trĕṅguluné, pinipisa iṅkaŋ ḷĕmbat, ginalintir iṅuntal, laḥ punika èsmunipun, winaca piŋ kaliḥ wĕlas.

13. kumala sahahéka di, kun payakun ilahika, datuka muka natané, ka allahuma yamuka, nunujra rumnya ala, huyamuka datbiramu, ika saṅkrama rakiman.

14. yĕkti kuwat dakarṇèki, sartané tan nuntĕn mĕdal, wontĕn mèl paṅampĕt manèḥ, kahol sakiŋ tiyaŋ sabraŋ, biliḥ ayun sahuwat, winacaa kapiŋ tĕlu, yĕkti daṅu wĕdalira.

15. ari panas ṛĕṅgaŋ bhumi, ari hujan rapĕt kisma, utawi dèn usapaké, maraŋ darbèkiŋ wanita, rapĕt kadi parawan, yèn arṣa miyoṣkĕn gupuḥ, muŋ winalik ĕmèlira.

16. pami botĕn akaronsiḥ, naṅiŋ sagĕd trusiŋ rahsa, amuŋ gĕmrimiŋ mundriné, pinidiḥ niki mèlira, kunta ṅalahi mukadas, brahi muŋ punika sampun, yĕkti kumyus marawayan.

17. utaminé sahuwati, lawan wadoné priyaṅga, aywa rahosan saliré, tuwin ywa aṅaḷĕmbana, sakawit amahosa, taṅawud sawusé putus, lajĕŋ mahos bissĕmilaḥ.

18. hirakĕmanirakimin, nuntĕn amahos rabana, rabini rabi inni né, wĕdaliŋ kaŋ punaŋ rahsa, mbun bunan tiniyupa, ywa ambĕkan kapiŋ tĕlu, iŋ batin mahos punika.

19. bismilaḥ rahmanir rahkim, macan putiḥ ana ṇḍaḍa, umĕtu bañu uripé, iŋ urip sajroniŋ toya, lahilaha ilolahu, mukhamad rasulolahu, wontĕn maliḥ sarat sarat.

20. mawi lapal sinĕrat iŋ, ḍaharan ron dalañcaŋ, punika anak wardiné, parimbonira binuka, sadaya samya miyat, katrinya anurun guyup, winantu sukaniŋ driya.

21. mas cĕbolaŋ taña maliḥ, èstri mriḥ sah‍ékapraya, kadiparan iŋ saraté, amoṅtruṣṭa mèsĕm liŋnya, anak pratiṅkaḥ kasar, iŋ sawusira pulaŋ hyun, tĕka kèndĕlna kéwala.

22. aywa ṅaṅgo dèn bĕrṣihi, nulya kagĕm rambaḥ rambaḥ, maraŋ woŋ wadon sanèsé, sadaya iṅkaŋ kaambaḥ, adat kaŋ wus kalakyan, nadyan ṅanti èstri wolu, sadaya anuṅgal karṣa.

23. wontĕn iṅkaŋ alus maliḥ, paṅèḍĕpan paṅasiyan, miwaḥ sah‍éka kaptiné, anaṅiŋ punika sarat, kĕdaḥ maṅsuk iŋ aṅga, saḍéṅaha tiṅkahipun, watoné klĕbĕt paḍaran.

24. kumpulé kĕrokan ḍiri, wontĕn kalihwlas paṅénan, pasuŋ myaŋ kalamĕñjiṅé, kukuluŋ ati kalawan, kĕkèlèk kalihira, tuwin tĕkukaniŋ sikut, iṅkaŋ tĕṅĕn miwaḥ kiwa.

25. tĕkukan gĕl ugĕl kaliḥ, èpèk èpèk kaliḥ pisan, slaniŋ jĕmpol asta karo, kalawan kaliḥ walakaŋ, tĕkukan ḍĕṅkul samya, tuṅkak kaliḥ myaŋ slanipun, jĕmpolan suku kaliḥnya.

26. jaṅkĕp kalihwĕlas warṇi, nulya winoran kalawan, iŋ rahsané pribadiné, wus kumpul dadya satuṅgal, tinrap pèk èpèk kiwa, asta kanan ṅuḍĕg gupuḥ, mahos ya allaḥ mukhamad.

27. la makbuda ilolahi, la nujudda ilolaha, piŋ tiga nulya winorké, ḍaharan myaŋ ñjuk uñjukan, iṅasuṅakĕn maraŋ, pun ĕndi kaŋ dadya kalbu, insa allaḥ asiḥ trĕṣṇa.

28. takṣiḥ kaṭaḥ iṅkaŋ warṇi, naṅiŋ punika wus cĕkap, winantu lawan bĕgjané, sadaya nuwun turira, wus wañci gagat éñjaŋ, amoṅtruṣṭa liṅira rum, prayoga sami bibaran.

29. tamu katri minta pamit, wus linilan lèṅsèr sigra, sapraptanira iŋ poṇḍok, ṅaliyĕp amuŋ sakĕḍap, sataṅiniŋ anéndra, ki cĕbolaŋ liṅira rum, aḍi wawi miyat liman.

30. ki modin aṅliŋ prayogi, sawusnya naḍaḥ sarapan, sigra méntar lan tamuné, prapta lun alun pĕṅkĕran, ñjujug iŋ pawantilan, umiyat dipaṅga jalu, gaḍiŋ pĕṭak sĕmu jĕnar.

31. agĕŋ iṅgil ḷĕma klimis, cĕbolaŋ taña kisanak, dipaṅga sintĕn namané, srati gajahsura liŋnya, kaguṅan daḷĕm liman, pariŋ daḷĕm ñjĕŋ sinuhun, nama kyayi brajamuka.

32. sadaṅunira niṅali, añukani kaŋ tĕtĕḍan, kalapa tĕbu pisaṅé, satĕlasé kaŋ tatĕḍan, kaŋ samya anon liman, linajĕṅkĕn lampahipun, arṣa aniṅali sima.

33. mĕdal jroniŋ balowarti, añjog wétan siti bĕntar, prapta alun alun ĕlèr, pojok iṅkaŋ kidul wétan, prĕnahé kaṇḍaŋ sima, kinaraṅkèŋ glugu bakuḥ, datan daṅu miyat sima.

34. mĕdalira amiyarṣi, swara gumrĕṅgĕŋ tan kĕṇḍat, mas cĕbolaŋ tatanya lon, aḍi swaraniŋ punapa, kaŋ gumrĕṅgĕŋ punika, laḥ kakaŋ kumaṇḍaṅipun, pĕkĕn aguŋ ambrĕmara.

35. wawi aḍi aniṅali, dupi wus prapta iŋ pasar, kalaṅkuŋ éram driyané, kaṭahé woŋ wawadéyan, miwaḥ iṅkaŋ tutumbas, jĕjĕl uyĕl suk iṅĕsuk, naṅiŋ tan na saṅsayaṅya.

36. mas cĕbolaŋ tumbas kĕris, ḷĕṛĕs pamor bĕras wutaḥ, ṛĕgi gaṅsal réyal kropyok, taña aḍi ḍapur napa, ki modin tan uniṅa, wawi kakaŋ sami mucuŋ, mampir ḍumatĕŋ paṇḍéyan.

14. siyaṅipun niṅali gajaḥ, mantukipun mampir pĕkĕn tumbas ḍuwuŋ, mila lajĕŋ mampir iŋ griyanipun ĕmpu ki anom iṅkaŋ suka katraṅan bab ḍuwuŋ, wiwit bagiyan bagiyan awakiŋ ḍuwuŋ, wujudiŋ ḍuwuŋ ĕluk sarta lurus ĕluk 3.5.7. lan sapiturutipun dumugi luk 29, katĕraṅakĕn taṅguḥ lan tayuhipun sarta watak watakiŋ pamor, kasambĕt katraṅan bab tumbak iṅkaŋ luk sarta lurus.

108. pocuŋ

1. gantya wahu ki ĕmpu iṅkaŋ kajujug, ki anom mantaram, anèŋ bĕsalèn nuṅgoni, para wadu kaŋ samya anambutkarya.

2. miyat lamun ki modin ambĕkta tamu, gupuḥ iṅandikan, wus pinarak nèŋ paṇḍapi, kyayi anom laṅkuŋ sukanirèŋ driya.

3. wicara rum paḍa saka ṅĕndi kulup, ṅĕṇṭĕŋ aṇṭĕŋ prapta, kaŋ liniṅan matur aris, sakiŋ pĕkĕn aṅatĕrakĕn pun kakaŋ.

4. mas cĕbolaŋ kala wahu tumbas ḍuwuŋ, ḷĕṛĕs takṣiḥ wĕtaḥ, taña taṅguḥ ḍapurṇèki, kula kiraŋ tĕraŋ mila lajĕŋ sowan.

5. ḍuwuŋ sampun katur gya iṅunus gupuḥ, daṅu tiniṅalan, iki taṅguḥ majapahit, ḍapur bĕṭok ĕmpuné ki jaka sura.

6. séjé catur baṅĕt ṅgonku ṅayun ayun, modin tamunira, kampiré iŋ wisma mami, babasané iki ta kapasaṅyoga.

7. modin matur sadèrèṅé tumbas ḍuwuŋ, manut manaḥ kula, adrĕŋ baḍé sowan kyayi, kula wĕḍarakĕn pun kakaŋ cĕbolaŋ.

8. tĕka ḍahup iṅgiḥ makatĕn iŋ kayun, mawi kawĕwahan, tumbas curiga puniki, mila tandya aṅĕnĕr sowan paduka.

9. kyayi anom aparéntaḥ maraŋ wadu, wédaŋ lan ñamikan, pahudutan lan tapsiriḥ, ladèkĕna kalawan sira tutura.

10. maraŋ ñahi saḍiya maṅan lan tamu, kaŋ sinuŋ liŋ sigra, mriŋ gaṇḍok pinaṅgiḥ ñahi, wus samĕkta suṅgata lumadyèŋ ṅarṣa.

11. kyayi wisma ñarakkĕn suṅgatanipun, laḥ anak sumaṅga, sawontĕnipun sinambi, kaŋ sinuŋ liŋ rahap ṛĕsĕpiŋ wardaya.

12. kèndĕl bĕḍug panataniŋ naḍaḥ sampun, aṅaturi wikan, ki wisma wacana aris, mbok andika ndadak ñaḍiyani nĕḍa.

13. rèḥ wus wañci prayoginé sami kĕmbul, ki modin cĕbolaŋ, lawan réñcaŋ catur santri, sampun kérid maraŋ gaṇḍok iṅkaŋ wétan.

14. wus tuturuḥ dèn nira naḍaḥ pikantuk, ambĕŋ cinarikan, cĕbolaŋ sajroniŋ bukti, kaŋ ginagas tan liyan amuŋ curiga.

15. anak bagus maṅké sontĕn mawon mantuk, ki modin turira, kula kéwala rumiyin, kalilana mantuk awit wontĕn karya.

16. cĕbolaŋ liŋ paḍa ḍèrèkna sadarum, pan iṅoŋ priyaṅga, kaŋ kèri ṅaḍĕp kiyayi, wus kalilan kantun cĕbolaŋ kéwala.

17. lon umatur wontĕna barkaḥ pikulun, pariŋ sasĕṛĕpan, wijaŋ wijaṅipun nami, bab curiga ḍapur tuwin sasikutan.

18. kyayi anom mèsĕm aṅandika arum, èḥ anak majuwa, dipaṛĕk kalawan nami, wusnya maju ki anom amĕḍar sabda.

19. ṅasta ḍuwuŋ rinucat parabotipun, anak piyarṣakna, sakawit kaŋ aran pĕsi, kaŋ dumunuŋ anèŋ boṅkotiŋ curiga.

20. kuraŋ luwiḥ gĕḍéné sajĕṇṭik amuŋ, dawané satĕbaḥ, utawané pataŋ ñari, iku iṅkaŋ kaañjiṅan iŋ laṇḍéyan.

21. yèn wus gĕntiŋ utawa kabañjur putus, maṅka sinambuṅan, apadéné disusuli, klĕbu cacat iku iṅaran srumbuṅan.

22. gañja iku uga nèŋ puṅkasan nduwur, mañjiŋ pĕsi ika, maṭis lan wilahiŋ kĕris, ana iṅkaŋ iras utawa susulan.

23. dé wujudé ana papat warṇa kulup, kaŋ aran tinataḥ, katumrapan intĕn rukmi, pinĕṭa luŋ myaŋ pinéṭa gajaḥ siṅa.

24. gañja sĕkar ṅléla katon pamoripun, ḍuwur kériŋ kanan, gañja maskumambaŋ kaki, iṅkaŋ ṅaṅgo pamor muŋ nduwur kéwala.

25. gañja wuluŋ baḷĕjĕd waja sadarum, tan mawi tinataḥ, miwaḥ pamor nora mawi, dé ḍapuré gañja ana saṅaŋ warṇa.

26. sĕbit rotan sawiji kahol rannipun, iya sĕbit rontal, kadi pañjalin sinĕbit, kaya roniŋ tal sinĕbitĕna uga.

27. dwi wandaniŋ cêcak wus ṅaranni iku, tri tĕkèk wandanya, kacaturé ucĕŋ mati, pañca ñaṅkĕm koḍok sad ḍuṅkul namanya.

28. sapta wĕlut aṣṭa kĕlap lintaḥ iku, kĕlawané sĕpaŋ, tanpa siraḥ ṅaṛĕp mburi, dawa paḍa tĕrkaḍaŋ dawa kaŋ ṅarṣa.

29. wilaḥ lamun ṅaṅgo mas sasamènipun, aranné sarasaḥ, lamun tanpa pamor kaki, iya iku kaŋ aran paṅawak waja.

30. gaṇḍik iku dumunuŋ nèŋ ṅisoripun, sirahiŋ kaŋ gañja, kayadéné punaŋ gaṇḍik, lambé gajaḥ anèŋ gaṇḍik duniṅira.

31. warṇinipun lir lambéniŋ gaṭu muṭu, jalèn dunuṅira, anèŋ puṅkasaniŋ gaṇḍik, lir aṅkupiŋ jaguŋ jali warṇanira.

32. kaḍaŋ ana ṇḍuwur kaḍaŋ nèŋ jronipun, kaŋ ran sĕkar kacaŋ, dé kĕmbaŋ kacaŋ puniki, dumunuŋ iŋ ṅaṇḍapiŋ gaṇḍik warṇanya.

33. añlĕkuṇṭĕŋ tumĕka saṅaṇḍapipun, iŋ lambéniŋ gajaḥ, kaŋ ran jéṅgot dunuṅnèki, nèŋ boṅkotiŋ kĕmbaŋ kacaŋ ḍapur lir ḍa.

34. kaŋ iṅaran péjétan dumunuṅipun, wuri gaṇḍik ika, dé kaŋ aran tikĕlalis, dunuṅipun anèŋ ṅisoriŋ péjétan.

35. kaŋ iṅaran sogokan dumunuṅipun, madyaniŋ sor soran, ṅalèn ṅanan ṅériŋ ṅarṣi, kaŋ iŋ boṅkot apan buṅkul wastanira.

36. lamun bundĕr iṅaran bawaŋ sabuṅkul, kaŋ aran srawéyan, nèŋ ṅisoriŋ gañja wuri, ḍapur kadi gusèniŋ wuri sogokan.

109. paṅkur

1. kaŋ iṅaran ĕri paṇḍan, mĕṭit gañja nèŋ ṅaṇḍap dunuṅnèki, lir siraḥ ĕma puniku, ṭiṅil ṅaṇḍap ri paṇḍan, grènèŋ uga nèŋ ṅaṇḍap ri paṇḍan iku, ḍapur kadi akṣara ḍa, tumurun rupané sami.

2. kaŋ iṅaran ada ada, kaŋ dumunuŋ iŋ tĕṅaḥ bĕnĕr kĕris, iŋ sor soran tĕkèŋ pucuk, ḍapuré kadi sada, gusèn iku piṅgir wilaḥ dunuṅipun, iŋ wuri miwaḥ iŋ ṅarṣa, sakiŋ sor soran witnèki.

3. ṅanti mèḥ tumĕkèŋ pucak, dé kaŋ aran kruwiṅan dunuṅnèki, nèŋ ṅarṣa myaŋ wiṅkiṅipun, kaŋ aran ada ada, jroniŋ gusèn ḷĕkok wrata wujudipun, wit sorṣoran tĕkèŋ pucak, déné iṅkaŋ aran ĕlis.

4. dumunuŋ ana iŋ ṅarṣa, utawané dumunuŋ anèŋ wuri, wujud ḷĕkok wiyaripun, kuraŋ luwiḥ sasada, amuŋ iku riricikané kaŋ ḍuwuŋ, cĕbolaŋ aris turira, pamor punika kaŋ pundi.

5. iku iṅkaŋ anèŋ gañja, anèŋ wilaḥ wujudé gilap putiḥ, lamun kuraŋ putihipun, pamor bugis rannira, pan piniṇḍa piṇḍa utawa ḍinapur, kaŋ aran wĕṅkon punika, muŋ saĕḷĕr turut piṅgir.

6. pamor adĕg dalaḥ tĕṅaḥ, miwaḥ piṅgir lir wĕṅkon patrapnèki, rambut paraḍaḥ puniku, lir adĕg naṅiŋ éṅgak, simbarpucaŋ kaya adĕg iṣṭanipun, naṅiŋ maṅériŋ maṅanan, rawé rawé amantĕsi.

7. balarak wirit winarṇa, lir balarak masiḥ nèŋ boṅkotnèki, ron ḍuru kadi ron ḍuru, ran walaŋ sinundukan, kayadéné walaŋ rinèntèŋ puniku, kĕmbaŋ lampĕs kĕmbaŋ pala, warṇané iku pinirid.

8. gĕṇḍagan kadi baṭikan, kaŋ iṅaran gĕṇḍagan iku sami, dé pamor tambal puniku, apiṅgir winĕṅkonan, wit sorṣoran tumĕkanira iŋ pucuk, sadaḷĕmok mawi sĕkar, sadaḷĕmok datan mawi.

9. bĕnaŋ satugĕl lir tambal, kacèké muŋ tan ṅaṅgo dèn wĕṅkoni, pamor tigaŋ warṇa iku, adĕg babakunira, naṅiŋ wuwuḥ pamor roŋ warṇa puniku, dadi ana tĕluŋ rupa, bĕras wutaḥ kaŋ winarṇi.

10. pamor tan ṅaṅgo dèn araḥ, kadi ṅgyanniŋ bĕras kaŋ kocar kacir, iŋ sawĕtu wĕtunipun, kaŋ èdi winĕṅkonan, wĕtuniŋ kaŋ kabèḥ pamor kaŋ dumunuŋ, nèŋ kĕris tanapi gañja, puniku kudu tinitik.

11. ana kaŋ karya cilaka, ana iṅkaŋ luhuŋ ambasukèni, ana kaŋ ñjalari luhur, nambahi kawantĕran, mlĕpĕs iŋ tyas ana ambuṛĕṅkĕn kalbu, naṅiŋ araŋ kaŋ uniṅa, traṅiŋ pamor waja wĕsi.

12. iku tan sawiyaḥ janma, bisa nitik awon lan pĕnĕtnèki, dumunuŋ janma linuhuŋ, kaŋ putus waṣkiṭèŋ tyas, mariŋ wĕsi pamor lawan waja iku, nora susaḥ myat kaŋ warṇa, cinritakkĕn bah‍é baṅkit.

13. aṅarani bĕcik ala, taṅguḥ ḍapur datan miṇḍo gawèni, kulup sĕlot sĕlotipun, winantu iŋ idayat, mas cĕbolaŋ matur wontĕn pamor mrambut, gajiḥ lawon pamor sanak, myaŋ baroḍol kadi pundi.

14. kaŋ ran mrambut kawruhana, patrap miriŋ ḷĕmbut wĕtunirèki, gajiḥ jĕmblok wujudipun, patrapé amalumaḥ, pamor sanak sambĕt sambĕtan maṇḍukul, dé baroḍol pamor iṅkaŋ, ñahak pucuk lawan piṅgir.

15. iṅkaŋ winastan sikutan, tuwin taṅguḥ punika iṅkaŋ pundi, kulup sikutan puniku, lalaguniŋ garapan, lawan wanda ulat ulataniŋ ḍuwuŋ, taṅguḥ iku kira kira, awit sikutan pinirid.

16. nitik pamor wĕsi waja, iṅkaŋ prĕlu tabĕri ninitèni, èstu yèn widagdèŋ taṅguḥ, sarèhniŋ kira kira, kaḍaŋ ñamlĕŋ tarkaḍaŋ kirané luput, iki waton kawujudan, kaŋ wus ulun uniṅani.

17. kaŋ tinaṅguḥ pajajaran, sasikutan kaku ḍasaré gariŋ, pamor iŋ sawĕtunipun, tañcĕp paṇḍĕs aḷĕmbat, taṅguḥ majapahit wiṅit sĕmunipun, parigĕl lumĕr kaŋ ḍasar, gariŋ biru sawatawis.

18. pamor tañcĕp paṇḍĕs ṅawat, maṅkya taṅguḥ blambaṅan kaŋ winarṇi, ḍèmĕs pasikutanipun, wĕsi tlĕs sawatara, pamor gajiḥ naṅiŋ paṇḍĕs tañcĕpipun, taṅguḥ sidayu gumantya, sikutan ḍèmĕs sakĕḍik.

19. wĕsi tĕḷĕs kuraŋ gwaya, pamor kuraŋ kumambaŋ tañcĕpnèki, taṅguḥ iŋ tuban winuwus, sĕḍĕŋ kaŋ pasikutan, wĕsi gaṅsiŋ pamor maṇḍĕs muṅal patut, taṅguḥ iŋ sĕṇḍaŋ sikutan, wagu tĕḷĕs punaŋ wĕsi.

20. pamoré iku kumambaŋ, taṅguḥ dĕmak sikutanipun wiṅit, wĕsiné tĕḷĕs puniku, pamorira kumambaŋ, taṅguḥ pajaŋ kĕmba pasikutanipun, oḍol gaṅsiŋ wĕsinira, pamor tan dèn upakardi.

21. sawĕdalira priyaṅga, déné taṅguḥ koripan dèn wastani, sikutan kĕmba tan sĕmu, muŋ gaṅsiŋ wĕsinira, pamor adĕg kaŋ akèḥ sanak puniku, kalamun taṅguḥ madura, sikutan ḍèmĕs mantĕsi.

22. wĕsi kĕṅkĕŋ matĕŋ ladak, pamor muṅal akèḥ iṅkaŋ aṅgaliḥ, kĕras laṇḍĕp grayaṅipun, tan watak kuraŋ sĕpuḥ, para tugĕl lamun tinĕmpuḥ pakéwuḥ, yèn taṅguḥ iŋ ṅèkṣiganda, iya iŋ samaṅké iki.

23. iku ana loro rupa, iŋ mataram sénapati winarṇi, sikutan prigĕl srĕŋ bagus, wĕsi biru sĕmunya, gariŋ alus pamor paṇḍĕs tañcĕpipun, aṅawat kĕñcĕŋ tur kĕras, tan ana kaŋ ṅuciwani.

24. karṣa daḷĕm śri naréndra, yèn iyasa waṅkiṅan kaya iki, ḍuwuŋ wus tinampèn gupuḥ, kalawan mas cĕbolaŋ, tiniṅalan sasikutan ḍèmĕs bagus, amuŋ wĕsi radi mĕntaḥ, pamor kaṭaḥ mubyar putiḥ.

25. tamat dèn nira marikṣa, katur waṅsul cĕbolaŋ matur aris, mĕṅgaḥ kaŋ winastan ḍapur, sintĕn iṅkaŋ iyasa, punapa ṅgiḥ kala awit awitipun, iṅkaŋ iyasa curiga, ḍapurṇya wus dèn papaki.

26. tuwin sintĕn iṅkaŋ ṅgarap, kyayi anom mèsĕm wacana aris, anak pitakonmu iku, dakjujug nalikanya, jumĕnĕṅé risaŋ ḍĕṣṭarastra prabhu, binaṭara iŋ ṅastina, wus ana ḍapuré kĕris.

27. naṅiŋ muŋ saṅalas warṇa, iya iku ran ḍapur pasopati, sĕmpana krajan carubuk, lar ṅatap cundrik sĕpaŋ, jalak dindiŋ baṅo ḍolok yuyurumpuŋ, tilam upiḥ bakuŋ santan, balébaŋ kalamisani.

28. patrĕm kĕbo lajĕr siṅa, saṅalasé sĕmpani amuṅkasi, saŋ aḍaṣṭarastra prabhu, karṣa yasa curiga, amĕwahi ḍapur bĕṭok aranipun, kaŋ aṅgarap ĕmpu mayaŋ, nalikané aṅka warṣi.

29. pituŋ atus slawé ika, baṛĕŋ tĕkan iŋ tahun aṅkanèki, pituŋ atus pataŋ puluḥ, wowolu sirahira, tanaḥ jawa kacrita ana praŋ aguŋ, iṅaran praŋ bratayuda, jalaran ṛĕbut nagari.

30. korawa lawan paṇḍawa, cĕkakané korawa kaŋ katitiḥ, paṇḍawa pĕraṅé uṅgul, iku sakèḥ gagaman, wusiŋ sirṇa ḷĕté wus satus roŋ tahun, saka apraŋ bratayuda, saguŋ iṅkaŋ para aji.

31. paḍa wit yasa gagaman, warṇa nurut gagaman kaŋ wus ĕnir, amuŋ ḍapuré kaŋ ḍuwuŋ, kaŋ tansaḥ wêwaḥ wêwaḥ, sabĕn ratu tartamtu ayasa ḍuwuŋ, aniru ḍapur kaŋ lawas, atanapi amuwuhi.

32. wuwuhiŋ ḍapur winarṇa, awit kala pañjĕnĕṅanira ji, risaŋ gĕndrayana prabhu, ṅaḍaton iŋ mamĕnaŋ, amuwuhi iyasa ḍapuriŋ ḍuwuŋ, sawiji ḍapur paṇḍawa, loroné karṇa tinaṇḍiŋ.

33. tĕlu ḍapur bima kurḍa, kaŋ aṅgarap aran ĕmpu yamadi, aṅka tahun woluŋ atus, pitulikur luwiḥnya, saŋ aprabhu citrasoma kaŋ ṅaḍatun, iŋ pĕṅgiŋ uga iyasa, ḍapur amuŋ kaliḥ warṇi.

34. siji ran rara siduwa, kaliḥ ḍapur mégantara kaŋ akardi, ĕmpu gadawisésèku, maṛĕṅi tahun aṅka, saṅaŋ atus pataŋ puluḥ siji iku, kala pañjĕnĕṅan nata, mahapuṅguŋ śri bhupati.

35. ṅaḍaton purwacarita, yasa ḍapur carita céṅkroŋ tuwin, urubiŋ damar kaŋ ḍapur, lawan paniwèn iṅkaŋ, ṅgarap ĕmpu sarpadéwa arannipun, maṛĕṅi aṅkaniŋ warṣa, sèwu sawidak kakaliḥ.

36. kala pañjĕnĕṅan nata, prabhu ḷĕmbhumilulur kaŋ maṇḍiri, iŋ jĕṅgala praja aguŋ, yasa ḍapur curtga, pañji sĕkar caraṅsoka sinom amuŋ, kaŋ aṅgarap ĕmpu jaṅga, lan ĕmpu windusarpa di.

37. maṛĕṅi aṅkaniŋ warṣa, sèwu satus saṅalas laṅkuṅnèki, saŋ prabhu suryamiluhur, iku radèn laléyan, piṇḍaḥ nagri pajajaran yasa ḍuwuŋ, ḍapur baroñjol kaŋ ṅgarap, ĕmpu windu sarpa nĕṅgiḥ.

38. nalika aṅkaniŋ warṣa, sèwu satus pituṅpuluḥ tan luwiḥ, kala pañjĕnĕṅanipun, prabhu bañjaransĕkar, aṅaḍaton pajajaran yasa ḍapur, paruŋ sari tilam sĕkar, tiga ḍapur tilam upiḥ.

39. ĕmpu andaya jĕṅgala, paṅgarapé kala aṅkaniŋ warṣi, sèwu satus aṣṭapuluḥ, nĕnĕm sisirahira, pañjĕnĕṅan naranata saŋ aprabhu, muṇḍiṅsari pajajaran, yasa ḍapur wora wari.

40. lan ḍapur sinom kaŋ ṅgarap, ĕmpu ajadsari duk aṅka warṣi, nĕṅgiḥ sèwu kalihatus, wolulikur laṅkuŋnya, pañjĕnĕṅan śri pamĕkas saŋ aprabhu, iŋ nagara pajajaran, muwuhi ḍapuriŋ kĕris.

41. jalak ṅoré crita kléṇṭaŋ, kaŋ aṅgarap aran ĕmpu añjani, pinuju aṅkaniŋ tahun, sèwu dwitus sawidak, pañjĕnĕṅan siyuṅwanara saŋ prabhu, uga nagri pajajaran, mamanis iyasa kĕris.

110. ḍaṇḍaŋgula

1. amuwuhi ḍapuriŋ kaŋ kĕris, jaṅkuŋ myaŋ paṇḍawa cinarita, ki marcukuṇḍa ĕmpuné, lan ki macan ki kuwuŋ, paṅgarapé duk aṅka warṣi, sèwu dwitus kalawan, woluṅdasa catur, kala pañjĕnĕṅan nata, bhrawijaya kapisan iŋ majapahit, muwuhi ḍapur katga.

2. amaṅkurat maṅkunagarèki, jalak saṅu tumpĕŋ lan jalak, sumĕlaŋ gĕndriŋ ĕmpuné, aṅkaniŋ tahun iku, paṅgawéné duk aṅka warṣi, sèwu triatus tiga, pañjĕnĕṅanipun, nata prabhu bhrawijaya, kaŋ mĕkasi karaton iŋ majapahit, iyasa ḍapur katga.

3. nagasasra butahijo tuwin, sabuk intĕn mĕñjaraŋ jaruman, sĕpokal myaŋ anomané, panimbal ĕmpunipun, ĕmpu ḍomas duk aṅka warṣi, sèwu triatus lawan, wuluṅpuluḥ iku, kala pañjĕnĕṅan nata, saḥ iŋ akbar ṅalam iŋ dĕmak miwiti, jamané kawaliyan.

4. guruniŋ kaŋ wali saṅa nami, sunan bonaŋ iyasa curiga, ḍapur saṅkĕlat aranné, ĕmpu sura kaŋ ṅgĕbug, paṅgarapé duk aṅka warṣi, sèwu caturtus lawan, nĕṅgiḥ saṅalikur, panutup wali ñjĕŋ sunan, kalijaga iyasa ḍapuriŋ kĕris, kidaṅsoka balébaŋ.

5. ĕmpu jaka sura kaŋ akardi, paṅgarapé kala aṅka warṣa, sèwu triatus puñjulé, pan aṣṭadasa catur, tamat iṅkaŋ samya mĕwahi, ḍapuré kaŋ curiga, tĕkèŋ maṅké kulup, iyasa namuŋ panulad, kaŋ wis uwis tan iyasa ḍapur maliḥ, iku caritanira.

6. ki cĕbolaŋ matur aminta siḥ, mĕṅgaḥ iṅkaŋ dados panĕṅĕran, ḍapur criga sadayané, ḷĕṛĕs utawi ĕluk, miwaḥ wahos laḥ kadi pundi, ki anom aṅandika, panĕṅĕranipun, saka prabot kaŋ wus kocap, dakwiwiti saka kĕris bĕnĕr kaki, iki piyarṣakĕna.

7. ḍapur pañjianom kaŋ winarṇi, ṅaṅgo sogokan lawan srawéyan, grènèŋ myaŋ tikĕl alisé, jaka tuwa kaŋ ḍapur, tikĕl alis sogokan mawi, tilam upiḥ kaŋ awak, bĕṭok kanaŋ ḍapur, awaké cĕṇḍak tur amba, gaṇḍik dawa warṇa datan ṅrĕspatèni, tikĕl alisé cĕkak.

8. ḍapur karṇa tinaṇḍiug dwi gaṇḍik, tikĕl ulis aṅaṅgo sogokan, péjétan kĕmbaŋ kacaṅé, iŋ ṅarṣa miwaḥ puṅkur, grènèŋ ĕri paṇḍan mĕpaki, ḍapur sĕmar bĕbĕṭak, gaṇḍik tinataḥ luŋ, sorriŋ gaṇḍik binoloṅan, ḍapur régol dwi gaṇḍik iŋ gigir ṭiṅil, sarta ṅaṅgo péjétan.

9. gantya iṅkaŋ ḍapnur kĕbo tĕki, wilaḥ cĕṇḍak amba kĕmbaŋ kacaŋ, tĕtĕlu lambé gajahé, mawa grènèŋ iŋ puṅkur, ḍapur jalak ṅuwuḥ winarṇi, gugusèn ada ada, péjétan myaŋ puṅkur, mawa ṭĕṅil maṅkya gantya, punaŋ ḍapur sĕmpani iṅkaŋ winarṇi, amawa kĕmbaŋ kacaŋ.

10. tikĕl alis ĕri paṇḍan mawi, ḍapur jamaŋ murub kaŋ gumantya, sogokan pinĕkak ṛĕké, lan ṅaṅgo alis iku, muṅguḥ ḍapur tumĕṅguŋ amiŋ, lambé gajaḥ sajuga, kĕmbaŋ kacaŋ sinuŋ, myaŋ mawa grènèŋ srawéyan, ḍapur tilamupiḥ paraboté nĕṅgiḥ, tikĕl alis kéwala.

11. nahan iṅkaŋ ḍapur pasopati, lambé gajaḥ sajuga sogokan, apogog kĕmbaŋ kacaṅé, gugusèn ganĕpipun, naṅiŋ ana gusèn tan mawi, ri paṇḍan nora tilar, ḍapur coṇḍoŋ campur, lambé gajaḥ kĕmbaŋ kacaŋ, grènèŋ gusèn sogokan iŋ ṅarṣa wuri, tumĕkèŋ pucuk pisan.

12. ḍapur jalak dindiŋ kaŋ winarṇi, gusèn péjétan ṭĕṅil iŋ wuntat, gantya ḍapur jalak ṅoré, srawéyan grènèŋ amuŋ, jalak saṅu tumpĕŋ tan mawi, sogokan myaŋ srawéyan, ṭiṅilé tan kantun, gantya kaŋ ḍapur mĕndaraŋ, kĕmbaŋ kacaŋ lambé gajaḥ muŋ sawiji, sogokan lan srawéyan.

13. lawan ṅaṅgo garènèŋ iŋ wuri, ḍapur mèsĕm mawa kĕmbaŋ kacaŋ, sajuga lambé gajahé, ḍapur sĕmar tinaṇḍu, kĕmbaŋ kacaŋ suṅsun kakaliḥ, lawan ṅaṅgo sogokan, rontĕki kaŋ ḍapur, gaṇḍik dawa kĕmbaŋ kacaŋ, lambé gajaḥ raṅkĕp sogokan sawiji, muhuŋ ṅaṛĕp kéwala.

14. sujèn nampèl wulu wilahnèki, rada kandĕl mawa kĕmbaŋ kacaŋ, sawiji lambé gajahé, raṅkĕp jajĕṅgotipun, ĕri paṇḍan araṅkĕp ugi, dé ḍapur kĕlap lintaḥ, kĕḍik prabotipun, akĕñcĕŋ sarwa pasaja, gaṇḍik pañjaŋ awak kadya tilamupiḥ, sarta ṅaṅgo sogokan.

15. yuyu rumpuŋ wilaḥ aṅèmpĕri, pĕḍaŋ suduk gañja kĕlap lintaḥ, brojol tan ana praboté, maligi ambalujud, laḷĕr mĕṅĕŋ dawa kaŋ gaṇḍik, binoloŋ tatĕrusan, kĕmbaŋ kacaŋ amuŋ, piṇḍa gagatra kéwala, ḍapur puṭut gaṇḍik dawa tĕṅaḥ mawi, piniṇḍa dwijawara.

16. ḍapur jalak sumĕlaŋ aṅgandriŋ, sogokan sawiji anèŋ ṅarṣa, srawéyan ṭĕṅil wuriné, iṅkaŋ maṅkurat ḍapur, gusèn rampiŋ sogokan mawi, ri paṇḍan wuri ṅarṣa, iŋ sorṣoran rawuḥ, ḍapur mayat miriŋ awak, bĕṅkuk gusèn sogokan amuŋ sawiji, iŋ wiṅkiŋ gigir kaga.

17. kalam muñĕŋ sogokan sawiji, sarawéyan ri paṇḍan iŋ wuntat, ḍapur pinarak awaké, piṇḍa kaŋ pĕḍaŋ suduk, gaṇḍik pañjaŋ sogokan kaliḥ, ḍapur marak sogokan, sajuga iŋ ṅayun, mawi garènèŋ iŋ wuntat, ḍapur jalak tilamsari gusèn kruwiŋ, ṅaṅgo ṭĕṅil iŋ wuntat.

18. ḍapur tilamsari gusèn kruwiŋ, ḍapur jalak lola ujuŋ ṅarṣa, ḍapur wora wari kuwé, muŋ gĕrban kabèḥ ḍuwuŋ, nora ĕluk gugusèn mawi, wora wari arannya, kĕris maḍa ḍapur, laṅkĕp abagus kaŋ warṇa, kaŋ sawiji ḍapur sinom arannèki, kalamisani dwi nya.

19. ḍapur sinom lambé gajaḥ siji, kĕmbaŋ kacaŋ jéṅgot tikĕl imba, sogokan sarawéyané, ĕri paṇḍan iŋ puṅkur, iṅkaŋ ḍapur kalamisani, kakaliḥ lambé gajaḥ, kĕmbaŋ kacaŋ muṅguḥ, tikĕl alis myaŋ sogokan, grènèŋ gusèn kinaruwiŋ ṅrĕspatèni, ḍuwuŋ ḷĕṛĕs wus tamat.

20. gantya ḍapuriŋ ḍuwuŋ luk katri, ḍapur jaṅkuŋ pacar kaŋ winarṇa, kakaliḥ lambé gajahé, kĕmbaŋ kacaŋ bris sinuŋ, sogokannya dumugi pĕṭit, ḍapur mah‍ésa soka, lambé gajaḥ satu, kĕmbaŋ kacaŋ jéjéṅgotan, sasogokan uga tumĕka iŋ pĕṭit, paḍa lan jaṅkuŋ pacar.

21. ḍapur mésa nĕmpuḥ amuŋ mawi, grènèŋ wiṅkiŋ ḍapur ḍuwuŋ wuntat, ṅlimpa tumĕkèŋ pucuké, ḍapur mayat puniku, kĕmbaŋ kacaŋ sogokan wiṅkiŋ, srawéyan ĕri paṇḍan, garènèŋ iŋ puṅkur, ḍapur jaṅkuŋ kĕmbaŋ kacaŋ, gula milir sogokan tumĕkèŋ pĕṭit, ĕri paṇḍan iŋ wuntat.

22. ḍapur tĕbu sahuyun ginupit, sarawéyan garènèŋ iŋ wuntat, iṅkaŋ ḍapur baṅo ḍolog, lambé gajaḥ dwi iku, kĕmbaŋ kacaŋ gĕgĕr kakaliḥ, apan papak kéwala, gantya iṅkaŋ ḍapur, maṅlar munya gaṇḍik naga, tuwin gajaḥ pĕṭik sawĕr ĕlar pakṣi, suṅsun iṅkaŋ ri paṇḍan.

23. ḍapur campur bawur aṅaṅgo bris, boṅkot pucuk abĕnĕr kéwala, amuŋ nèŋ tĕṅaḥ ĕluké, sogokanira bagus, ḍapur jladri winotan nĕṅgiḥ, kĕmbaŋ kacaŋ jéṅgotan, sasogokanipun, kaŋ ḍapur ĕḷĕr sajuga, tĕkèŋ pucuk ḍapur jaṅkuŋ cinitrèki, raṅkĕp lambéniŋ gajaḥ.

24. kĕmbaŋ kacaŋ ṅaṅgo tikĕl alis, sasogokan péjétan srawéyan, ri paṇḍan ṭiṅil grènèṅé, tamat ḍapur tri ĕluk, maṅkya gantya ḍapuriŋ kĕris, luk lima kaŋ kinaṇḍa, sinĕrasaḥ ḍapur, tĕṅaḥ ṅaṅgo ada ada, piṅgir gusèn sarasaḥ tumĕkèŋ pĕṭit, kĕmbaŋ kacaŋ ri paṇḍan.

25. ḍapur puḍak satĕgal winarṇi, kĕmbaŋ kacaŋ sogokan srawéyan, pinĕkak sor ĕsorané, ḍapur pulaṅgĕni ku, sarawéyan grènèŋ iŋ wuri, gantya ḍapur paṇḍawa, sĕkar kacaŋ sinuŋ, sasogokan myaŋ srawéyan, ĕri paṇḍan ḍapur anoman winarṇi, lambé gajaḥ sajuga.

26. kĕmbaŋ kacaŋ sogokan dumugi, maraŋ pucuk ñjalirid ṛĕspatya, ḍapur kĕbo ḍĕṅĕn ṛĕké, gañja klap lintaḥ iku, lambé gajaḥ amuŋ sawiji, gaṇḍiké rada dawa, kĕmbaŋ kacaŋ sinuŋ, gantya ḍapur kalanaḍaḥ, sasogokan anaṅiŋ namuŋ sasisiḥ, sarawéyan ri paṇḍan.

27. ḍapur paṇḍawa raré puniki, lambé gajaḥ lamba kĕmbaŋ kacaŋ, ri paṇḍan kĕmbaŋ ĕluké, urap urap kaŋ ḍapur, kĕmbaŋ kacaŋ cupĕt mantĕsi, raṅkĕp kaŋ sasogokan, gusèn alis sinuŋ, ḍapur a naga salira, gaṇḍik piṇḍa asu ajag liḍaḥ mijil, maṅap lir ayun maṅsa.

28. ḍapur kĕbo ḍĕṇḍĕŋ dèn wastani, sogokan kabaloṅsoŋ sadaya, paṇḍawa cinarita né, dwi lambé gajahipun, kĕmbaŋ kacaŋ atikĕl alis, sogokan pépéjétan, sarawéyan sinuŋ, grènèŋ gusèn myaŋ kruwiṅan, kĕris ĕluk lima ḍapuré wis titi, gantya kaŋ winurṣita.

29. ḍapur kĕris luk pitu ginupit, iṅkaŋ ḍiṅin aḍapur balébaŋ, sawiji lambé gajahé, kĕmbaŋ kacaŋ myaŋ sinuŋ, sosogokan srawéyan wiṅkiŋ, ḍapur murma maléla, lambé gajaḥ satu, miwaḥ sinuŋ kĕmbaŋ kacaŋ, ḍapur crubuk lambé gajahé sawiji, kĕmbaŋ kacaŋ srawéyan.

30. lawan sinuŋ garènèŋ iŋ wuri, ḍapur jaran goyaŋ muŋ péjétan, bañjur ṅaṅgo ṭĕṭiṅilé, ḍapur naga kras iku, kĕmbaŋ kacaŋ garènèŋ mawi, sinuṅsun myaŋ sor soran, piniṇḍa ron ĕluŋ, ana kaŋ tinrapan ĕmas, gantya ḍapur sĕmpana puñjul kaŋ gaṇḍik, malaŋ ṅaṅgo srawéyan.

31. myaŋ srawéyan ri paṇḍan anaṅiŋ, tikĕl alis apan tan sinuṅan, ḍapur sĕmpana buṅkĕm é,, kĕmbaŋ kacaŋ tan tĕrus, uga tanpa kaŋ tikĕl alis, ḍapur critakasapta, lambé gajaḥ dwiku, kĕmbaŋ kacaŋ myaŋ sogokan, tikĕl alis grènèŋ myaŋ sogokan tuwin, gusèn ṅaṅgo kruwiṅan.

32. ĕluk pitu wus tamat gumanti, ḍapur iṅkaŋ kĕris ĕluk saṅa, ḍapur kidaŋ mas praboté, garènèŋ ĕri amuŋ, ḍapur pañjisĕkar winarṇi, pugut kaŋ kĕmbaŋ kacaŋ, sosogokan sinuŋ, sarawéyan myaŋ ri paṇḍan, kanaŋ ḍapur sĕmpana lambé gajaḥ ji, mbaŋ kacaŋ grènèŋ wuntat.

33. ḍapur jaruman sogokan mawi, sarawéyan ḍapur jrudèḥ apan, sawiji lambé gajahé, kĕmbaŋ kacaŋ myaŋ sinuŋ, sasogokan gantya winarṇi, ḍapur paniwèn apan, kĕmbaŋ kacaṅipun, jugag sogokan srawéyan, gantya ḍapur panimbal lambé gajaḥ dwi, kĕmbaŋ kacaŋ sogokan.

34. myaŋ srawéyan garènèŋ iŋ wuri, gantya iṅkaŋ ḍapur kidaŋ soka, lambé gajaḥ kakalihé, kĕmbaŋ kacaŋ pan sinuŋ, sarawéyan ri paṇḍan wuri, kaŋ ḍapur caraŋ soka, lambé gajahipun, siji ṅaṅgo kĕmbaŋ kacaŋ, sarawéyan mawa ĕri paṇḍan wuri, dé ḍapur sabuk tampar.

35. iṅkaŋ lambé gajaḥ muŋ sawiji, kĕmbaŋ kacaŋ sogokan srawéyan, ṅaṅgo ri paṇḍan yĕktiné, bhuta ijo kaŋ ḍapur, kĕmbaŋ kacaŋ sogokan mawi, ri paṇḍan sarawéyan, gantya iṅkaŋ ḍapur, sĕmpana kaléṇṭaŋ ika, ṅaṅgo kĕmbaŋ kacaŋ miwaḥ tikĕl alis, tanapi ĕri paṇḍan.

36. ḍapur crita kanawa winarṇi, kakaliḥ kaŋ lambéné dwipaṅga, mbaŋ kacaŋ tikĕl alisé, mawa sogokan iku, sarawéyan grènèŋ mantĕsi, gusèn miwaḥ kruwiṅan, tamat ḍuwuŋ ĕluk, sasaṅa iŋ ḍapurira, maṅké gantya luk sawĕlas ḍapuriŋ kris, gambuḥ iṅkaŋ curiga.

111. gambuḥ

1. carita buṅkĕm ḍapur, kĕmbaŋ kacaŋ buṅkĕm datan tĕrus, ḍapur crita pasaja lambéniŋ èṣṭi, kakaliḥ puniku amuŋ, datan ṅaṅgo liyan prabot.

2. crita kaprabhon ḍapur, lambé gajaḥ kakaliḥ puniku, sarta ṅaṅgo kĕmbaŋ kacaŋ tikĕl alis, sogokan srawéyanipun, grènèŋ gusèn kruwiŋ muṅgoḥ.

3. crita daḷĕman ḍapur, muŋ sawiji lambé gajahipun, uga ṅaṅgo kĕmbaŋ kacaŋ tikĕl alis, sogokan srawéyanipun, grènèŋ gusèn kruwiŋ jéṅgot.

4. sabuk intĕn kaŋ ḍapur, lambé gajaḥ pan sajuga namuŋ, kĕmbaŋ kacaŋ sogokan srawéyan mawi, ĕri paṇḍan gantya ḍapur, cluriŋ régol kawin ṛĕko.

5. kĕṛĕp gilig iŋ pucuk, kĕmbaŋ kacaŋ sasogokan sinuŋ, ḍapur crita gènèṅan luk boṅkot awis, iŋ pucuk kĕkĕr kaŋ ĕluk, kĕmbaŋ kacaŋ ajéjéṅgot.

6. sogokan ri paṇḍan wus, ḍapur crita gaṇḍu kaŋ winuwus, ĕluk kĕmbaŋ kacaŋ aṅaṅgo bris, srawéyan ri paṇḍan amuŋ, ḍapur sabuk tali ṛĕko.

7. lir régol punaŋ ĕluk, sasogokan sawiji iŋ ṅayun, sarawéyan ḍapur jaka wuru nĕṅgiḥ, péjétan ri paṇḍan namuŋ, luk triwlas maṅkya kacriyos.

8. awit caluriŋ ḍapur, sarawéyan mbaŋ ri paṇḍan amuŋ, ḍapur saṅklat lambé gajaḥ muŋ sawiji, kĕmbaŋ kacaŋ jéṅgot muṅguḥ, tikĕl alis myaŋ sasogok.

9. péjélan srawéyan nuŋ, grènèŋ miwaḥ èri paṇḍanipun, ḍapur johan maṅan kala ula milir, sogokan garènèŋ uwus, nagasasra winirahos.

10. pĕṭité tĕkèŋ pucuk, grènèŋ suṅsun gantya iṅkaŋ ḍapur, paruṅsari lambéné gajaḥ kakaliḥ, kĕmbaŋ kacaŋ jéṅgot sinuŋ, tikĕl alis myaŋ sinogok.

11. pèjèt srawéyanipun, grènèŋ ĕri paṇḍan gusèn sinuŋ, karuwiṅan satuhu lamun ṛĕspati, triwĕlas ĕluké bĕsus, kabagusan sĕṛĕŋ mantog.

12. ḍapur kantar puniku, muŋ sawiji lambé gajahiyun, kĕmbaŋ kacaŋ sogokan sajuga ṅarṣi, lawan srawéyan iŋ puṅkur, ḍapur luṅgaḍuŋ kacriyos.

13. siji lambéné blĕdug, kĕmbaŋ kacaŋ jéṅgoté pinatut, sarawéyan bañjur ri paṇḍan wus lisniŋ, ḍapur sĕpokal puniku, muhuŋ sarawéyan ĕṭok.

14. karawĕlaŋ kaŋ ḍapur, kĕmbaŋ kacaṅira apan pugut, lambéniŋ kaŋ gajaḥ pan amuŋ sawiji, ĕri paṇḍan miwaḥ sinuŋ, arañcaṅan kaŋ kinahot.

15. naga séluman ḍapur, gañja kĕlap lintaḥ gaṇḍikipun, ḍapur naga naṅiŋ tan na mawi pĕṭit, ḍapur bima kurḍa iku, sogokan suṅsun kaŋ jéṅgot.

16. ri paṇḍan uga suṅsun, sarawtyan ḍuwuŋ iṅkaŋ ĕluk, tigawĕlas titi maṅkya kaŋ winarṇi, ḍapur iṅkaŋ ḍuwuŋ ĕluk, gaṅsalwĕlas kacariyos.

17. caraŋ buntala ḍapur, lambé gajaḥ sawiji puniku, kĕmbaŋ kacaŋ srawéyan ri paṇḍan amiŋ, ḍapur sèḍĕt lambénipun, dipaṅga uga sawiyos.

18. kĕmbaŋ kacaŋ pan sinuŋ, sosogokan ĕri paṇḍanipun, ḍapur ragawilaḥ lambé gajaḥ siji, kĕmbaŋ kacaŋ grènèŋ sampun, ḍapur ragapasuŋ gantos.

19. tikĕl alis grènèŋ muŋ, ḍapur mésanabraŋ alisipun, tĕkèŋ pucuk ḍapur crita buntalèki, kĕmbaŋ kacaŋ jéṅgot sinuŋ, srawéyan ri paṇḍan pantog.

20. ḍapuriŋ kaŋ kĕris luk, saptawĕlas maṅké kaŋ winuwus, kaŋ rumuhun ḍapur ṅampĕr bhuta nami, mawa kĕmbaŋ kacaŋ iku, lambéné gajaḥ sawiyos.

21. ḍapur lañciṅan amuŋ, kĕmbaŋ kacaṅé sor soranipun, pan pinĕkak luk saṅalas kaŋ gumanti, ḍapur trimurda puniku, amuŋ tikĕl alis ṭoṭok.

22. ḍuwuŋ ĕluk salikur, ḍapur kalatinantaŋ puniku, ṅaṅgo kĕmbaŋ kacaŋ lambé gajaḥ siji, sasogokan grènèŋ sinuŋ, ḍapur ndrajit winirahos.

23. dwi lambé gajahipun, kĕmbaŋ kacaŋ sarawéyan amuŋ, maṅkya ḍapur trisiraḥ lambéniŋ èṣṭi, lamba tikĕl alis sinuŋ, sogokan luk slikur pantog.

24. luk salawé winuwus, ḍapur bima kurḍa lambénipun, gajaḥ kaliḥ kĕmbaŋ kacaŋ sarta mawi, sogokan ri paṇḍan amuŋ, luk salawé muŋ sawiyos.

25. kĕris luk pitulikur, ḍapur taga wirun wastanipun, lambénira dwipaṅga apan akaliḥ, mbaŋ kacaŋ sogokan sinuŋ, ĕri paṇḍan uwus notog.

26. gantya ḍapuriŋ ḍuwuŋ, ĕluk saṅalikur kaŋ winuwus, ḍapur kalabĕndu lambé gajaḥ kaliḥ, mbaŋ kacaŋ sogokan sinuŋ, ĕri paṇḍan kulup pantog.

27. nĕṅgiḥ ḍapuriŋ ḍuwuŋ, mas cĕbolaŋ alon aturipun, sakalaṅkuŋ nuwun saha ulunpuṇḍi, ywa taṅgĕl pariŋ pituduḥ, mĕṅgaḥ ḍapuriŋ kaŋ wahos.

28. kaŋ ḷĕṛĕs tuwin ĕluk, kyayi anom mèsĕm ṅandika rum, kanaŋ tumbak ḍapuré ya warṇi warṇi, tumbak bĕnĕr kaŋ rumuhun, ḍapuré kaŋ kacariyos.

29. ḍapur baru puniku, amba boṅkot gĕṭĕtan pan sinuŋ, ḍapur baru tropoŋ mbĕmbĕŋ para gilig, ḍapur baru kupiŋ pucuk, gĕṭĕtan añjĕbèr boṅkot.

30. baru panatas ḍapur, boṅkot ada ada gèpèŋ pucuk, ḍapur baru taṅtala gĕṭĕtan kaliḥ, awak gilig tĕkèŋ pucuk, ḍapur cèkèl winirahos.

31. awak mbaṅkèk gusèn wus, ḍapur cèkèl baluluk winuwus, wak awakan sawatara rada gilig, déné ḍapur sĕkar jantuŋ, kruwiṅan gĕṭĕt tan maṅgon.

32. bĕriŋ wadon kaŋ ḍapur, mbĕmbĕŋ gusèn ada ada bagus, myaŋ gĕṭĕtan bĕriŋ lanaṅan winarṇi, boṅkot pojokan gusèn wus, bĕriŋ drajit winirahos.

33. ri paṇḍanira suṅsun, myaŋ kruwiṅan sapit tabon ḍapur, aṅgĕṭĕtan tanpa suṅsun gapitnèki, ḍapur sapit abon iku, gapit nusul mbĕmbĕŋ bĕḍog.

34. ḍapur togog puniku, mbĕmbĕŋ gilig dé kaŋ sadak ḍapur, pĕkakan tri iṅkaŋ ḍapur kuḍup mlaṭi, gilig tumĕka iŋ pucuk, anaṅiŋ ḷĕṅgaŋ kaŋ boṅkot.

35. kuḍup capaka ḍapur, tĕṅaḥ gilig mĕrit bédanipun, ḷĕṅgaŋ boṅkot maṅké gantya kuḍup gambir, ada ada ṅaḍal busuŋ, tĕṅaḥ gilig ḷĕṅgaŋ boṅkot.

36. goḍoŋ andoŋ kaŋ ḍapur, apan urip ada adanipun, ṅaḍal mĕtĕŋ ḍapur buŋ ampèl winarṇi, gilig ri paṇḍané suṅsun, karuwiṅan asri tinon.

37. ḍapur goḍoŋ priŋ iku, karuwiṅan mbĕmbĕŋ awakipun, sujèn ampèl ĕri paṇḍan suṅsun gilig, gantya tumpĕr iṅas ḍapur, gusèn pinĕkak pitados.

38. ada ada pinatut, pucuk gilig tamat iṅkaŋ ḍapur, tumbak bĕnĕr mas cĕbolaŋ matur aris, mĕṅgaḥ wahos iṅkaŋ ĕluk, ḍapurṇya mugi kawiyos.

112. mijil

1. tumbak ĕluk tĕlu kaŋ winarṇi, ḍapur sapit abon, pan gĕṭĕtan anusul gapité, ḍapur paṇḍu ṅisor naga kaliḥ, awaké maṅiṅgil, amĕṅkoni ĕluk.

2. ḍapur bañak aṅrĕm kaŋ gumanti, añjĕbèr iŋ boṅkot, ḍapur sipat kélor pĕkakané, déné boṅkot papak ṅrĕspatèni, apan datan liñcip, gantya iṅkaŋ ḍapur.

3. butamèlèr gusèn grènèŋ ṅrĕmit, ada ada kahot, binasakkĕn lumayu boṅkoté, ĕluk lima iŋ maṅkya ginupit, ḍapur raṅga mawi, sogokan gusèn wus.

4. ḍapur caciŋ kanil luknya awis, gilig ñjĕbèr ṅisor, ḍapur doramĕṅgala praboté, tĕṅaḥ ada ada awak gilig, ṅisor ñjĕbèr naṅiŋ, papakan puniku.

5. déné iṅkaŋ ḍapur dara dasiḥ, gilig ñjĕbèr ṅisor, pan pinĕkak sarta ṅaṅgo grènèŋ, ada ada iŋ tĕṅaḥ mantĕsi, maṅkya kaŋ winarṇi, ḍapur paṅgaŋ wĕlut.

6. réṅkol réṅkol gèpèŋ awaknèki, paṅgaŋ lélé réṅkol, awak gèpèŋ naṅiŋ ṅaṅgo grènèŋ, slaḍa asta réṅkol pucuknèki, tĕṅaḥ bĕnĕr gilig, gusèn grènèŋ satu.

7. ĕluk pitu maṅkya kaŋ gumanti, ḍapuré kacriyos, mégantara pan ada adané, amuŋ tĕṅaḥ satugĕl watawis, grènèṅé sawiji, maṅkya ponaŋ ḍapur.

8. kraḍan iku cilik miwaḥ mĕrit, gantya winirahos, ḍapuriŋ kaŋ luk saṅa wahosé, nĕṅgiḥ ḍapur baḍotan winarṇi, lawan naga kaliḥ, lis ri paṇḍanipun.

9. ḍapur trisula mawa paŋ kaliḥ, dadya katri wahos, ḍapur crita anoman praboté, ṅaṅgo ĕri paṇḍan gusèn uwis, iŋ maṅkya gumanti, sawĕlas kaŋ ĕluk.

10. ḍapur crita anoman pan mawi, dwi sogokan kahot, sarta ṅaṅgo ĕri paṇḍan gusèn, ḍapur crita blaṇḍoṅan puniki, parabot tan mawi, muŋ amba mbalujud.

11. ḍapur crita ri paṇḍan ginusi, tamat ḍapur wahos, iya iku nora ana manèḥ, muṅguḥ ḍapur lan taṅguḥ kaŋ uwis, dak gĕlarkĕn iki, poma wĕkasiṅsun.

12. lamun ana iṅkaŋ ñulayani, ĕtutĕn kémawon, gaṛĕjĕgan tan ana prĕluné, bĕcik ṅalaḥ iŋ basa saṭiṭik, malaḥ olèḥ baṭi, tur nora kumruwuk.

13. mas cĕbolaŋ matur maṅĕñjali, ḍuḥ kiyayi anom, lumuntur iŋ sabda mriŋ dasibé, sakalaṅkuŋ ulun puṇḍi puṇḍi, biṅahé tyas mami, mbotĕn sagĕd matur.

14. kacarita wus antara lami, dèn nira kĕképon, nèŋ ṅarṣané risaŋ kyayi anèm, sabĕn éñjiŋ mantuk lamun bukti, bakda ṅisa bali, kaḍaŋ ṅanti muput.

15. duk samana nèŋ poṇḍokan lagi, ki amat liŋnya lon, maṅké ratri kakaŋ dipunpuriḥ, pinarak mriŋ wismané kiyayi, bawaraga miji, paṅrĕbab puniku.

16. ñĕtahuni putunya pawèstri, sru winantos wantos, laḷĕṅgahan iŋ sakapaṛĕṅé, miṛĕṅakĕn kaḷĕnèṅan tuwin, paṅlikiŋ kaŋ riṅgit, binaruŋ swara rum.

17. iṅgiḥ aḍi saklaṅkuŋ prayogi, bakda ṅisa boḍol, ki tĕṅara kalawan tamuné, praptèŋ bawaragan kyayi panti, gupuḥ ṅacarani, pinarṇaḥ ṅgènnipun.

18. sinambrama iŋ wacana manis, winantu kaŋ sugoḥ, samya rahab sakèhé tamuné, miyarṣakkĕn gĕṇḍiŋ gambirṣawit, kaŋ ṅiduŋ ñiṇḍèni, wiḷĕt swara arum.

19. mas cĕbolaŋ matur mriŋ ki panti, tobil mbotĕn ilok, laḥ punapi punika gĕṇḍiṅé, tĕka ñĕñĕs tĕkèŋ sanubari, wèḥ trĕñuḥ kaŋ myarṣi, mrindiŋ wulu ulun.

20. bawaraga lataḥ amaṅsuli, babo mitraniṅoŋ, gambirṣawit punika jĕnĕṅé, mas cĕbolaŋ matur mriŋ ki panti, pariṅa udani, gĕṇḍiŋ maṅgènnipun.

21. cagak ḷĕṅgaḥ tinimbaŋ ṅrahosi, iŋ awoniŋ uwoŋ, bawaraga mèsĕm lon dĕliṅé, èṅĕtkula[22] maṅgèniŋ kaŋ gĕṇḍiŋ, sĕṇḍon paṭĕtnèki, samya ṅĕnĕmlikur.

15. dalunipun mĕrtamu ḍatĕŋ ki bawaraga, abdidaḷĕm luraḥ niyaga, aṅsal kawruḥ bab gaṅsa lan gĕṇḍiŋ sapĕpakipun.

22. sasĕṇḍon nĕm aboṇḍan kinaṇṭi, buḍĕŋ buḍĕŋ soṅkok, layu layu sĕṅkawa paṅawé, sĕmaŋ ṛĕbĕŋ loṇṭaŋ sambul gĕṇḍiŋ, raṅu kaduk manis, muṇḍuk méga mĕṇḍuŋ.

23. kaṛĕŋ kaṛĕŋ kitamèŋ gitaki, nèŋ paséban kabor, sarayuda sambul talèḍèké, goñjaŋ anom ladraŋ maṅu tuwin, gandruŋ maṅuṅkuŋ griŋ, gaṅgoŋ gobĕt rambu.

24. paṭĕt saṅa loṇṭaŋ kasmaran di, waṅsaguna roṇḍon, danaraja bontit gègèr soré, lala goṭaŋ gaṅgoŋ bawaragi, mandul amalatsiḥ, boṇḍèt suruŋ ḍayuŋ.

25. onaŋ onaŋ mawur gambirṣawit, candra kĕñcèŋ baroŋ, galompoŋ myaŋ gĕndrèḥ kĕmasan né, ĕla ĕla gandakusumadi, gĕṇḍiŋ loṅkèḥ tuwin, sumĕḍaŋ sumèru.

26. sĕṇḍon gaṅsal muntap candrasari, larajala gondroŋ, taliwaṅsa jalaga ṛĕbabpé, sĕmaŋ gita glĕṇḍèḥ rarasati, plajĕṅan paṅrawit, babar layar tlutur.

27. siṅa siṅa gléyoŋ iŋ paṅgaliḥ, jalaga bonaŋ ndon, kombaṅmara gul agul ṛĕbabpé, kĕmbaŋ mara slébrak daradasiḥ, glĕṇḍĕŋ klĕṇṭuŋ pĕṅasiḥ, brĕmara majĕmuk.

28. paṭĕt nĕnĕm lara naṅis gĕṇḍiŋ, bĕntar iŋ kaḍaton, karawitan babak prihatiné, mara sañja kocak kaduk manis, ramyaŋ galoṇḍaŋ priŋ, tuñjuŋ kroban guntur.

29. maskumambaŋ goḍĕg titipati, gĕndrèḥ lalana ñjog, sĕmukiraŋ loṇṭaŋ udan soré, pĕkṣi bayan gan wĕḍarpujaṅgi, mĕñan séta tuwin, jamba sĕmar mantu.

30. sĕṇḍon baraŋ wĕḍi kèṅsĕr siriŋ, ludira ṇḍol oṇḍol, cacatiṅrat maraséba boṇḍèt, sĕmbur adas caṅkĕm pramugara, jĕṇṭar ladraŋ manis, bèlèk kuwuŋ kuwuŋ.

31. saṅu mulya rimoŋ gandruŋ manis, baḍaya aṅgondroŋ, pan ludiramandura gĕndrèhé, ĕjoŋ mèru babar layar nèki, parigĕntaŋ tuwin, tukuŋ ḷĕmpuŋ gunuŋ.

16. mĕrtamu iŋ griyanipun ki madiaswa, abdidaḷĕm panĕgar, dipunsukani katraṅan bab paṅrèhiŋ kapal kaḷĕbĕt anututakĕn kapal iṅkaŋ nakal utawi sakalaṅkuŋ roṅèḥ ; ugi bab uḷĕsiŋ kuda dalaḥ watakipun lan sapanuṅgalanipun botĕn wontĕn iṅkaŋ kalaṅkuṅan.

32. nahĕn paṭĕt mañura tĕmiliŋ, sèḍĕt pujaṅganom, talimurda ramyaŋ kasmaranné, mèñcĕp goñjaŋ galéwaŋ sĕmiriŋ, raṇḍat damarkèli, lagu cucurbawuk.

33. ḍalaŋ karahinan lambaṅsari, gandruṅmaṅu boyoŋ, pujaṅganom mandura ṛĕñĕp é,, bujaŋ tawaŋ capaŋ ḷĕmpuŋ wukir, pré nom gayuŋ riṇḍik, loboŋ pacarbañu.

34. èṅét kula punika wis titi, cĕbolaŋ liŋnya lon, satus sèkĕt pipitu étaṅé, awit paṭĕt mañura myambaki, laṅkuŋnya satuṅgil, dados pitulikur.

35. liṅsir ratri para tamu pamit, wus linilan boḍol, mat tĕṅara kalawan tamuné, sampun mundur praptanirèŋ panti, lajĕŋ samya guliŋ, ki amat ṅaruntuḥ.

36. éñjaṅira sataṅinya guliŋ, gugusinya aboḥ, cĕbolaŋ liŋ paran darunané, wahu dalu ṅaruntuḥ si aḍi, kakaŋ sakit gigi, gusi kula abuḥ.

37. kĕmĕŋ ṅuntar untar laṅkuŋ sakit, mas cĕbolaŋ gupoḥ, suŋ usada sĕkar kĕnaṅané, lawan saṛĕm dawĕg niki aḍi, ndika mamaḥ aglis, bokmawawi tuluŋ.

38. wus dèn mamaḥ iŋ sakala ĕnir, sakit kaŋ karahos, gusi abuḥ cinoblos ri gĕrèḥ, raḥ ndaḷĕdĕg sanalika mari, abuḥ miwaḥ sakit, loṇṭaŋ loṇṭaŋ kantun.

113. loṇṭaŋ

1. kakaŋ sampun, datan wontĕn rahosira, laḥ sañata, usada pĕrmati tama, mas cĕbolaŋ alon wijiliŋ wacana.

2. iṅgiḥ ndawĕg, añaṛĕṅi lawan maṅsa, mĕṅgaḥ jampi, wahu joḍo sah‍èstunya, datan kéṅiŋ tinamtokkĕn wèḥ waluya.

3. aḍi ulun, ñuwun sasĕṛĕpan para, mitraniṅwaŋ, kaŋ anami madiaswa, iṅgiḥ pundi aṅgènnipun agĕgriya.

4. sampun lami, dèn nira aṅarṣa arṣa, mariŋ ulun, mila yèn sambadèŋ karṣa, wawi sami mriŋ wismané madiaswa.

5. ki mat aṅliŋ, suratĕgaran griyanya, kidul maśjid, naṅiŋ yèn siyaŋ puniku, tamtu wontĕn pĕkĕn nĕgari turaṅga.

6. biliḥ nuju, ṛĕbo wĕkasaniŋ candra, lawan tali, waṅké myaŋ siwalataba, laḥ punika ajriḥ nĕgarri turaṅga.

7. yèn samaṅké, supadi nuntĕn kapaṅgya, cinĕgat iŋ, prapatan glaḍak kéwala, mas cĕbolaŋ panudyèŋ tyas gya lumampaḥ.

8. tanpa réñcaŋ, lampahira sampun prapta, iŋ prapatan, maṛĕṅi ki madiaswa, ṅitĕr kuda dupi myat mriŋ mitranira.

9. gurawalan, tumurun sakiŋ turaṅga, wusnya tuṇḍuk, madiaswa atatanya, wahu sami sakiŋ pundi kalihira.

10. kaŋ sinuŋ ṅliŋ, amaṅsuli sakiŋ wisma, kakaŋ tamu, punika kaŋ ayun paṅgya, lan andika tĕka akapasaṅyogya.

11. madiaswa, sukèŋ tyas manis liṅira, èstu sampun, lami ulun ṅarṣa arṣa, kapaṛĕṅa lajĕŋ pinarak mriŋ wisma.

12. lumakṣana, madiaswa nuntun kuda, cĕbolaŋ ṅliŋ, prayogi nitiḥ kéwala, ulun antuk baṭi uniŋ patrapira.

13. aṅrèḥ kuda, madiaswa nitiḥ sigra, tan winarṇa, iŋ ṅĕnu wus praptèŋ wisma, gya tumurun kuda tinampèn réñcaŋnya.

14. kinocoran, amriḥ ayĕmiŋ turaṅga, gya tinuntun, linampaḥ lampahkĕn sigra, madiaswa ṅacarani tamunira.

15. wus pinarak, anèŋ madyaniŋ paṇḍapa, mat tĕṅara, palilan maraŋ ki wisma, awit nuju kaḷĕṛĕs añaṅgi karya.

16. madiaswa, ñaṇḍĕt maṅké ta maṅké ta, ṅĕntosana, sakĕḍap sugatakula, laḥ ta bocaḥ wédaŋmu nuli ladèkna.

17. sawusira, aṅrahapi kaŋ sugata, mat tĕṅara, mantuk kantun tamunira, ki cĕbolaŋ pinarak lawan ki wisma.

18. jĕnak dèn nya, mĕrtamu sadaṅunira, kaŋ ginunĕm, tan lyan paṅrèhiŋ turaṅga, mas cĕbolaŋ umatur mriŋ madiaswa.

19. bab paṅrèhiŋ, kuda mugi kababarṇa, namaniŋ kaŋ, taṅsul miwaḥ patrapira, kaŋ liniṅan tan waṅwaŋ mĕḍarkĕn sigra.

20. taṅsul kaliḥ, maṅkya iṅkaŋ winurṣita, asta kiwa, ñĕpĕŋ apus sisiḥ kiwa, apus tĕṅĕn asta tĕṅĕn kaŋ aṅasta.

21. taṅsul saṅa, apus kakaliḥ sinama, gya cinĕpĕŋ, iŋ asta tĕṅĕn sadaya, asta kiwa ñĕpĕŋ apus nèŋ ṅajĕŋnya.

22. asta tĕṅĕn, patrap driji manis saha, jajĕṇṭiknya, ñaṅkĕṛĕm apus kaŋ kiwa, dé panuduḥ sarta dariji tĕṅaḥnya.

23. ñĕpĕŋ apus, kaŋ sisiḥ tĕṅĕn sarana, kapidiḥ iŋ, jajĕmpol iṅkaŋ warata, èstu aṅèl kalamun dèrèŋ widagda.

24. maṅkya gantya, winastan taṅsul mañura, asta kiwa, ñĕpĕŋ apus patrapira, kadosdéné taṅsul saṅa kasbut ṅarṣa.

25. kahotipun, kaliyan taṅsul sasaṅa, dariji kaŋ, tĕṅaḥ gĕsaŋ tĕgĕsira, kéṅiŋ ṅolaḥ ṅaliḥ dé asta tĕṅĕnnya.

26. ñĕpĕŋ apus, sawiṅkiṅé asta kiwa, patrapipun, ṅiṅsĕt iṅsĕt utawinya, aṅolahkĕn kĕṇḍo kĕñcĕniṅ pusara.

27. ṅgiḥ punika, apus kaŋ sisiḥ tĕṅĕnnya, laṅkuŋ aṅèl, tinimbaŋ lan taṅsul saṅa, yèn wus prigĕl yĕktiné gampaŋ kéwala.

28. nahan taṅsul, satuṅgal maṅkya winarṇa, iṅkaŋ ñĕpĕŋ, apus namuŋ asta kiwa, tumrap kapal iṅkaŋ wus gambuḥ lampaḥnya.

29. maṅkya iṅkaŋ, winastanan taṅsul gatra, apus kaliḥ, rinaṅkus nèŋ asta kiwa, patrapira kadosdéné taṅsul saṅa.

30. taṅsul puṣpa, pañĕpĕṅé kaŋ pusara, muŋ kapidiḥ, dariji panuduḥ kiwa, lan darijwa jajĕmpol ugi kaŋ kiwa.

31. taṅsul poñjèn, gampil tan kakéyan réka, apus kaliḥ, sinami kĕṇḍo kĕñcĕŋnya, wusiŋ sami kabuṇḍĕlakĕn kéwala.

32. taṅsul pada, apus kaŋ tĕṅĕn punika, kajĕpit iŋ, jajĕmpol suku tĕṅĕnnya, déné apus kaŋ kiwa ugi maṅkana.

33. jinĕpit iŋ, jĕmpol suku iṅkaŋ kiwa, taṅsul pada, puniku tumrap manawa, wontĕn kuda kaŋ tansaḥ ḍaṅar kéwala.

34. taṅsul madu, sadana kaŋ ginupita, ṅgiḥ puniku, tanduk iṅkaŋ tumrap maraŋ, mantukira kapal mĕntas tinĕgaran.

35. biliḥ sampun, cĕlak lawan padunuṅan, kĕdaḥ kaṛĕm, aṛĕm datan katandukan, iŋ paṅĕrèḥ supadi sarèḥ iŋ driya.

36. mĕṅgaḥ taṅsul, camĕṭi kaŋ ginupita, pananduké, kagĕbag dé wijaṅira, ṅgiḥ punika sadasa warṇi kaṭaḥnya.

37. iṅkaŋ iriŋ, tĕṅĕn bokoŋ myaŋ tépoŋnya, pupu wiṅkiŋ, ṅajĕŋ puṇḍak pupu ṅarṣa, iṅkaŋ iriŋ kiwa pan ugi maṅkana.

38. kajawiné, punika kasaṅanira, ṅajĕŋ buntut, myaŋ maripat tĕṅĕn kiwa, utawané ganda kasilir namanya.

39. ṅgiḥ punika, kapatrapana pratiṅkaḥ, aṅajriḥ ajrihi kapal, kaŋ sarana, lan cĕmĕṭi aṅiŋ ywa ṅanti tumiba.

40. taṅsul raga, punika osikiŋ driya, kaŋ kawĕdal, sakiŋ solahiŋ badannya, kaŋ anumpak kadosta aṇḍĕḍĕg kiwa.

41. ṇḍĕḍĕg tĕṅĕn, ṅgĕbrag utawi sukunya, kaliḥ pisan, ṇḍĕḍĕg saṛĕŋ aywa kĕmba, iṅsĕt obaḥ ṅiwa nĕṅĕn kaŋ sarira.

42. oyog miwaḥ, sĕṛĕg ébaḥ majĕŋ sigra, miwaḥ ṅuñjal, lakĕn punika kalayan, saṅĕt saṅĕt paṅiṅsĕt pandudukira.

114. mĕgatruḥ

1. maṅkya gantya katraṅan bab ḷĕṅgahipun, amumpaki iṅkaŋ wajik, winastan kaprabhon luhuŋ, apan jĕjĕg ḷĕṅgahnèki, ulur ulur madya tinon.

2. jĕṅku mipit talapakan jiñjitipun, pasĕmon añjatmikani, déné kapiŋ kalihipun, kasatriyan dèn wastani, ḷĕṅgaḥnya buntar kinahot.

3. pan kapara wiṅkiŋ jajanira maṅluŋ, jaṅga paṅgĕl ṅrĕspatani, pañjaŋ iṅkaŋ ulur ulur, pupu rapĕt suku jiñjit, maṭèṇṭèŋ ladak pasĕmon.

4. kaŋ winastan kamantrèn nitiḥnya ṅuṅkruk, cĕkak ulur ulurṇèki, sĕmu ṅoṅroŋ asta mriṅkus, iŋ pasĕmonipun ajriḥ, tamat patrapiŋ paluṅgoḥ.

5. bab naminé mĕkakan maṅkya winuwus, ugi wontĕn tigaŋ warṇi, kaŋ rumuhun gaṅgĕŋ kañut, punika pĕkakan wajik, kaŋ aṇḍĕgnya akĕrahos.

6. lir kajluṅup dadya pĕkakan puniku, anaṇḍakkĕn kaŋ turaṅgi, mèdĕm kasagĕtanipun, sawĕg añak sagĕd ñirig, kalihipun kaŋ kawiyos.

7. géṅguŋ sitaṅarpa pan namanipun, iṅkaŋ aṇḍĕgipun wajik, ñjĕjĕk maṅiwa puniku, sukunipun iṅkaŋ wiṅkiŋ, mĕṇḍak aṛĕspati tinon.

8. ṅgiḥ punika kapal kaŋ sampun satuhu, andados pasirignèki, katrinya iaṅkaŋ winuwus, géṅgoŋ samaguna nami, punika iṅkaŋ wus goloŋ.

9. aṇḍĕgipun suku wiṅkiŋ kaliḥ wahu, ñaṛĕṅi pyokiŋ kĕṇḍali, kapal makatĕn ṇḍĕgipun, punika apan sayĕkti, sasirignya sampun gamboḥ.

10. bab paṅaṅkaḥ tuwin nĕgarri winuwus, baḍé ṅaṅkaḥ lampahnèki, kĕdaḥ juwèḥ kaŋ tataṅsul, kahosikkĕn wola wali, punika iṅkaŋ supados.

11. sagĕd tampi punaŋ kuda manahipun, saha badaniŋ turaṅgi, kĕṛĕp kahoyog dé puṅkur, kawantonan sawatawis, cinamĕṭi alon alon.

12. biliḥ baḍé amaṅaṅkaḥ ñjojogipun, kĕdaḥ srana dèn lĕgani, iŋ ṅajĕŋ dé tĕṅahipun, kaĕñcota sawatawis, wiṅkiŋ kawantonan alon.

13. lamun baḍé amaṅaṅkaḥ coṅklaṅipun, kajojogakĕn rumiyin, sadaṅunya ñjojog gupuḥ, kasĕṛĕga sakiŋ wiṅkiŋ, sah‍èstu kĕdaḥ winanton.

14. taṅsulipun kaamĕr amĕra amuŋ, myaŋ iŋ ṅajĕŋ dèn lĕgani, yèn punika wus tamanduk, maṅka dèrèŋ pasaŋ ati, kĕdaḥ aṇḍĕḍĕga gupoḥ.

15. myaŋ ginĕtyag utawi ginĕbrag asru, biliḥ wus ñoṅklaŋ kaŋ wajik, waspadakna sukunipun, lamun kaŋ kiwa rumiyin, apus kaŋ kiwa sinéroŋ.

16. lamun dipunkĕñcĕṅi ywa sampun sampun, yèn wus manĕṅĕn tindakiŋ, suku tĕṅĕn kaŋ rumuhun, apus cinĕpĕŋ kaŋ sami, kaamĕr amĕr kémawon.

17. supayanya sagĕd sarèḥ coṅklaṅipun, yèn kalanturkĕn supadi, pinriḥ iŋ pañandĕripun, lajĕŋ kaḷĕganan nĕṅgiḥ, tĕṅaḥ kinaṭahan gupoḥ.

18. saha kĕdaḥ dipunwantoni iŋ puṅkur, biliḥ botĕn mituruti, ñandĕr margi manahipun, punaŋ kuda boya tampi, maṅka paṅrèḥ mriḥ kalakon.

19. kĕdaḥ srana kagĕbrag ginĕbrag asru, yèn wus ñandĕr sawatawis, satus tindak tĕbihipun, lajĕŋ cinaṇḍĕta aglis, muntapiŋ tyas sampun ṅantos.

20. biliḥ baḍé amaṅaṅkaḥ sirigipun, kapatuḥna lampahnèki, malaŋ manĕṅĕn rumuhun, iŋ paṅaṅkaḥ kaŋ supadi, lampaḥ malaŋ winirahos.

21. pañĕpĕṅé apus manĕṅĕn kahimpu, saha tuṅkak iṅkaŋ kériŋ, paṇḍĕḍĕgira ywa kantu, ṅantos sagĕdnya lumaris, amalaŋ manĕṅĕn matoḥ.

22. biliḥ aṅèl katindakkĕn lampahipun, sarana trékaḥ puniki, apus sisiḥ kiwa gupuḥ, kaséroṅa myaŋ iŋ wiṅkiŋ, winantonan kaŋ bobokoŋ.

23. iṅkaŋ tĕṅĕn maṅka kiraŋ tampinipun, kagĕbaga iṅkaŋ kériŋ, anaṅiŋ paṅgĕbagipun, kĕdaḥ sakiŋ tĕṅĕn ugi, yèku winastanan séṅgok.

24. yèn wus purun lumampaḥ nĕṅĕn puniku, suku kĕdaḥ dèn pirṣani, yèn wus ajĕg tan tumpaŋ suḥ, myaŋ tan imbal lampahnèki, lajĕŋ katindakna ñjojog.

25. ugi malaŋ manĕṅĕn sarananipun, iŋ ṅajĕŋ dipunlĕgani, wiṅkiŋ kawantonan namuŋ, ṅatos atos ṅiriḥ iriḥ, tyasé kuda dimèn bomboŋ.

26. sadaṅuné iṅaṅkaḥ lampaḥnya méguŋ, tuwin ñjojog malaṅnèki, lambé iriŋ tĕṅĕnipun, kaaṅkaha sagĕdnèki, ñéroŋ nĕṅĕn kaŋ wigatos.

27. paṅaṅkahé ñéroŋ lambé sagĕdipun, nolèḥ nĕṅĕn apus sisiḥ, tĕṅĕn kakĕñcĕŋna namuŋ, ywa kagèt sakiŋ sakĕḍik, yèn tan tampi iŋ paṅrèḥ ndon.

28. kĕdaḥ dipunkĕṛĕpi krècèganipun, déné krècègan puniku, gaḍaḥ daya kaliḥ luhuŋ, sapisan ṅlĕṛĕmkĕn ati, piŋ kalihé winirahos.

29. yèn wus purun maṅap èṇṭèŋ lambénipun, yèn katandukan kaŋ pamriḥ, iṅkaŋ amakatĕn wahu, lajĕŋ nètèr nètèr ṅériŋ, apus sisiḥ kiwa gupoḥ.

30. katarika supados sagĕdé waṅsul, malaŋ nĕṅĕn lampahnèki, saha kĕdaḥ kahiṅsĕd muŋ, manĕṅĕn paṅiṅsĕdnèki, iṅkaŋ makatĕn supados.

31. atampia manahé kuda puniku, yèn paṅrèḥ kaŋ wus kawijil, punika supados amuŋ, ñéroŋ lambé nĕṅĕn sisiḥ, kados botĕn ṅaṅkaḥ séyos.

32. nètèripun manawi datan kinayun, maṅka mĕkṣa botĕn tampi, kagĕbaga iṅkaŋ sĕru, iŋ paṅgĕbag dèn saṛĕṅi, lawan paṅiṅsĕdiŋ bokoŋ.

33. pan makatĕn punika salajĕṅipun, ṅantos sagĕdnya lumaris, ñjojog malaŋ nĕṅĕn matuḥ, mas cĕbolaŋ duk miyarṣi, gèḍèg gèḍèg loṅaŋ loṅoŋ.

34. alon matur sah‍èstu aṅèl kalaṅkuŋ, maṅka dèrèŋ amriḥ ñirig, sawĕg ṅaṅkaḥ malaṅipun, tiṅkahé sakrañjaŋ gambir, paran lajĕṅé pitudoḥ.

35. madiaswa aṅlajĕṅakĕn pitutur, ñjojog malaŋ wus ḷĕstari, ajĕg boya atumpaŋ suḥ, tuwin grijag lampahnèki, sadaṅunipun añjojog.

36. tumuntĕn lajĕŋ kapĕṛĕga gupuḥ, supados tumindak ñirig, wus tumindak sirigipun, watawis gaṅsal utawi, sadasa colotan gupoḥ.

37. kaaṇḍĕga pamĕkakira kaŋ taṅsul, kinagètna dimèn ṛĕsik, aṇḍĕg kaŋ ṛĕsik puniku, maṇḍĕg grĕg datanpa osik, gya lumampaḥ alon alon.

38. yèn wus antuk sawatara lampahipun, katindakna ñirig maliḥ, saḍéṅahĕn prayanipun, sakiŋ sakĕḍik sakĕḍik, sirig ywa kĕmba supados.

39. saha maliḥ kaŋ makatĕn lajĕṅipun, kalojo sakiŋ sakĕḍik, biliḥ sirigipun wahu, tan ñjujur tan ṅañcas margi, taṅsul iṅimpuwa gupoḥ.

40. amanĕṅĕn manawi ṅuṅkrĕd kaŋ ṅayun, kaḷĕganana lan maliḥ, taṅsul maṅiwa kahimpu, biliḥ kĕmba sirignèki, tuwin riṇḍik tan wigatos.

41. kacĕṅèrṇa dimèn rikat sirigipun, srana wiṅkiŋ dèn wantoni, saha kasĕṛĕga amuŋ, sawatawis kaŋ supadi, sagĕd sĕṛĕŋ sirig alon.

42. kaŋ manawi karikatĕn sirigipun, utawi mrĕdĕŋ ṅlaṅkuṅi, kaaṇḍĕga amrihipun, supados sagĕda riṇḍik, ṅaṅkaḥ riṇḍik asmarandon. 

115. asmaradana

1. ṅajĕŋ kĕdaḥ dèn kĕmbani, saha kĕdaḥ kinĕṛĕpan, krècèganipun dialon, tĕṅaḥ dipunkoṭoṅana, wiṅkiŋ muŋ katémpélan, iŋ camĕṭi ywa ginĕbug, yèn misiḥ mrĕdĕŋ kéwala.

2. laṅkuŋ kinĕmbanan maliḥ, wuri aywa tinémpélan, maṅka mĕkṣa pamrĕdĕṅé, malaḥ ginĕbaga iṅkaŋ, asru karosèŋ nala, naṅiŋ punika iŋ ṅayun, myaŋ tĕṅaḥ kèkĕmbanana.

3. supados sagĕdé tampi, paṅrèḥ makatĕn punika, muŋ muriḥ sarèha tyasé, yèn wus ajĕg sirigira, myaŋ bagus pinarisan, lajĕŋ kaṛĕntĕt punika, utawi kariṇḍikĕna.

4. kalawan makatĕn maliḥ, kaaṅkaha sagĕdira, saṛĕŋ aywa kĕmba tinon, yèn wus ajĕg ṛĕntĕtannya, pan lajĕŋ kaaṅkaha, sagĕd nênun sirigipun, yèn wus ajĕg kajujuta.

5. supados mèḍarirèki, tuwin alus iṅkaŋ coṅklaŋ, yèn wus ajĕg pamĕḍaré, lajĕŋ katĕnuna kadya, panĕnun sasirigan, mas cĕbolaŋ taña arum, punapa sampun palaṣṭa.

6. madiaswa mèsĕm aṅliŋ, punika sawĕg satĕṅaḥ, takṣiḥ pañjaŋ pratiṅkahé, wawi sinambi ñamikan, aṅoyog oyog uwaŋ, wus ñambi sawontĕnipun, ki wisma ṅlajĕṅkĕn sabda.

7. yèn tĕnunanipun asirig, myaŋ mĕḍar ajĕg tan kĕmba, lajĕŋ kalojo kémawon, nèŋ margi kĕñcĕŋ warata, myaŋ tĕbiḥ sawatara, sadaṅunipun kalaju, muŋ kaaṅkaha sirignya.

8. saha wĕḍarṇya utami, sandĕré kanaŋ turaṅga, makatĕn katĕraṅané, sadaṅunya sasirigan, wus tĕbaḥ sawatara, lajĕŋ kasandĕrṇa gupuḥ, sadaṅunipun kawĕḍar.

9. yèn wus sawatawis tĕbiḥ, kaĕṇḍĕga wĕḍarira, supados ñiriga manèḥ, sadaṅunya sasirigan, sawatawis wus tĕbaḥ, lajĕŋ kasandĕrṇa gupuḥ, kadi kaŋ kasĕbut ṅarṣa.

10. makatĕn salajĕṅnèki, ṅantos samantuké pisan, mĕṅgaḥ paṅrèhé kaŋ kados, kasĕbut ṅajĕŋ sadaya, déné pah‍édahira, apuriḥ sagĕdé gambuḥ, amĕḍar saha sirignya.

11. nandukkĕn paṅrèḥ turaṅgi, iaṅkaŋ makatĕn punika, katindakna piŋ katriné, tuwin iŋ catur rambahan, titi paṅrèhiŋ kuda, wĕḍar sirig gambuhipun, taṅkĕpiŋ sirig titiga.

12. babar ḷĕpiyan sawarṇi, ṅgiḥ punika kapal iṅkaŋ, sukunya ṅajĕŋ wiṅkiṅé, sami sah‍énya kaŋ trajaŋ, suku ṅajĕŋ sumĕblak, suku iṅkaŋ wiṅkiŋ ñaruk, utawi akicat kicat.

13. bintulu kaŋ kapiŋ kaliḥ, punika iṅkaŋ trajaŋnya, muŋ suku wiṅkiŋ kémawon, iŋ ṅajĕŋ lampaḥnya ḍaṇḍaŋ, kaprabhon kapiŋ tiga, suku ṅajĕŋ trajaṅipun, ukĕl parigĕl ṛĕspatya.

14. déné suku iṅkaŋ wiṅkiŋ, lampaḥnya punika ḍaṇḍaŋ, wus jaṅkĕp katri warṇané, mas cĕbolaŋ lon liṅira, biliḥ ṅamuṅkĕn tĕṅaḥ, tan kacĕkap èstunipun, kĕdaḥ kaṇṭi linampahan.

15. tuwin dipunkulinani, mĕṅgaḥ watĕkaniŋ kuda, punapa sami kémawon, madiaswa mèsĕm nabda, punika kasiṅgihan, kĕdaḥ maṅrĕtos rumuhun, sarta kĕdaḥ linampahan.

16. kapal punika pinaṣṭi, gaḍaḥ watĕg pyambak pyambak, wontĕn iṅkaŋ paṅaṅkahé, kĕdaḥ wiwit sakiŋ lampaḥ, ñjojog ñoṅklaŋ aḍéyan, salaḥ satuṅgal puniku, kĕdaḥ tinurut sakĕḍap.

17. naṅiŋ yèn wus mituruti, pikajĕṅanipun kapal, muŋ sawatawis daṅuné, iṅgiḥ lajĕŋ katandukan, paṅrèḥ kaŋ wus kawĕḍar, amuŋ mĕṅgaḥ tumrapipun, aṅaṅkaḥ kaŋ manaḥ kaṭaḥ.

18. tuwin watĕkiŋ turaṅgi, punika kĕdaḥ kaaṅkaḥ, sakiŋ paṅaṛĕm aṛĕmé, margi yèn tan katandukan, paṅrèḥ iṅkaŋ maṅkana, manawi ṅantos kalantur, muntap manahé turaṅga.

19. sah‍èstu aṅèl ṅlaṅkuṅi, ṅrĕkahoṣkĕn iṅkaŋ numpak, biliḥ bantĕr myaŋ muntapé, sakiŋ kèhiŋ paṅgrahita, punapa déné iṅkaŋ, kapal kiraŋ manahipun, èstu kéṅiŋ katandukan.

20. paṅrèḥ pamĕṅkuniŋ ḍiri, utawi iŋ pamisésa, pramila kĕdaḥ waspahos, pratitis panitikira, ḍatĕŋ watĕkiŋ kapal, iŋ satuṅgal tuṅgalipun, aywa ginĕbyaḥ kéwala.

21. manawi baḍé maṅuṅkiḥ, ṅaṅkaḥ sagĕdé aḍéyan, kĕdaḥ gĕsaŋ tataṅsulé, kanat nĕtakĕn kalawan, kapĕpĕg aywa kĕmba, tansaḥ winanton iŋ puṅkur, iŋ tĕṅaḥ kĕdaḥ lumampaḥ.

22. makatĕn salajĕṅnèki, kahiṅsad iṅsĕd ywa kĕmba, ṅantos sagĕd aḍéyané, déné lampaḥ kaŋ winastan, paṇḍapan ṅgiḥ punika, ṛĕntĕt iŋ aḍéyanipun, mĕṅgaḥ paṅrèḥ saha ṅaṅkaḥ.

23. sagĕdiŋ paṇḍapan sami, kados aṅaṅkaḥ aḍéyan, anaṅiŋ wontĕn kahoté, yèn aḍéyan kinaṭahan, paṇḍapan kiniraṅan, kaṭaḥ kiraŋ wardinipun, nĕṅgiḥ manahé turaṅga.

24. manawi ṅaṅkaḥ sagĕdiŋ, lumampaḥ winastan ḍaṇḍaŋ, kĕdaḥ srana linampahké, malaŋ iŋ ṅajĕŋ kasaṅga, iŋ tĕṅaḥ kinĕṛĕpan, kahiṅsad iṅsĕd lumintu, déné wiṅkiŋ winantonan.

25. makatĕn salajĕṅnèki, ṅantos sagĕd mlampaḥ ḍaṇḍaŋ, naṅiŋ punika kapalé, kaŋ pinriḥ lumampaḥ ḍaṇḍaŋ, kĕdaḥ iṅkaŋ wus limpad, jaṅkĕp kasagĕdanipun, myaŋ wus kèḥ gambuḥ iŋ tiṅkaḥ.

26. wontĕn maliḥ kaŋ ṅèmpĕri, kadi lumampaḥ aṇḍaṇḍaŋ, ran lampaḥ aṅun aṅuné, manawi botĕn aṅaṅkaḥ, sagĕdipun lumampaḥ, kaŋ winastan aṅun aṅun, punika iŋ ṅajĕŋ kĕdaḥ.

27. kĕṛĕp kahosikkĕn tuwin, kahiṅsad iṅsĕd iŋ tĕṅaḥ, wiṅkiŋ tinèmpèl tĕmbuṅé, tarajaṅé kaŋ turaṅga, iṅgiḥ sahirib kadya, lumampaḥ ḍaṇḍaŋ puniku, sanèsipun iṅkaŋ lampaḥ.

28. aṅun aṅun tamban ririḥ, lampaḥ ḍaṇḍaŋ wahu cukat, kaliyé pinarlokaké, apan anuṅgal surasa, alus kalawan waḍag, mĕṅgaḥ iŋ wawatĕkipun, lampaḥ ṅun aṅun punika.

29. minaṅka sarananèki, amintĕrkĕn kah‍èṅĕtan, niŋ kapal kasagĕdané, pramilané kapal iṅkaŋ, sampun gambuḥ iŋ lampaḥ, kakaliḥ kasĕbut wahu, nadyan mlampaha kéwala.

30. manawi iṅkaŋ numpaki, sumĕdya añirigĕna, tan susaḥ kahosikaké, tamtu gya ñirig piyambak, kéṅiŋ binasakĕna, sagĕd nampèni puniku, sakarṣané iṅkaŋ numpak.

116. durma

1. sĕkar durma bab paṅaṅkahiŋ turaṅga, kalaṅkuŋ aṅèlnèki, wit sakiŋ baṇḍolnya, myaŋ waṅkotiŋ praya, kalawan añjoṇḍil joṇḍil, dipunprayitna, makatĕn paṅrèhnèki.

2. ṅaṅkaḥ kapal kadi kaŋ kasĕbat ṅarṣa, punika iṅkaŋ paṣṭi, kĕdaḥ kawĕṅkuwa, utawi kawasésa, iŋ tyas ywa kataman ajriḥ, aṅrodapakṣa, myaŋ ṅgĕbag kaŋ sru titis.

3. iṅkaŋ ṅantos sagĕt nuwuhkĕn grahita, tampiniŋ paṅrèhnèki, lamun wontĕn kuda, datan kéṅiŋ kaaṅkaḥ, saṅĕt aṅgènnipun ñjoṇḍil, glarap aṅlumba, utawi ñĕbat ñĕbit.

4. kuda iṅkaŋ agaḍaḥ méda maṅkana, punika paṅrèhnèki, pan kĕdaḥ sarana, kaṛĕbahkĕn kaŋ kuda, makatĕn patrapirèki, sadaṅunira, tinanduk paṅrèhnèki.

5. kapal lajĕŋ asaṅĕt pañjoṇḍilira, gya katĕtaha aglis, paṅgĕbag kaŋ rosa, tyasira aywa waṅwaŋ, supados añjoṇḍil maliḥ, saḷĕbĕtira, añjoṇḍil iṅkaŋ nitiḥ.

6. ñaṛĕṅana malumpat kalayan ñĕṇḍal, apusé kaŋ turaṅgi, yèn ṅanan lumpatnya, apus kiwa sinĕṇḍal, manawi malumpat ṅériŋ, apus kaŋ kanan, apan sinĕṇḍal aglis.

7. dé patrapé malumpat sakiŋ turaṅga, yèn ṅanan lumpatnèki, asta iṅkaŋ kanan, ṅasta tloṅopiŋ lapak, kĕpadalla kaŋ pramati, kaṅgé lantaran, malumpatipun nĕṅgiḥ.

8. taṅan kériŋ ñĕpĕŋ apusira iṅkaŋ, sisiḥ kiwa tumuli, apus cinĕpĕṅa, utawi sinĕṇḍalla, manĕṅĕn pèñĕṇḍalnèki, biliḥ matumpat, maṅiwa patrapnèki.

9. asta kiwa kaŋ ñĕkĕl tloṅopiŋ lapak, asta tĕṅĕn ñĕpĕṅi, apus sisiḥ kanan, sinĕṇḍalla maṅiwa, paṅrèḥ kaŋ makatĕn paṣṭi, mantun kapal kaŋ, saṅĕt ñjoṇḍilirèki.

10. utawi kaŋ tansaḥ kaṭaḥ médanira, sukur iṅkaŋ numpaki, kadugi ṅrĕbaḥna, saḷĕbĕtipun mbaṇḍaŋ, yèn pĕṅaṅkaḥ kaŋ kadyèki, kapal ginĕbag, kaŋ maṅka purun ñjoṇḍil.

11. gya kasaṛĕṅana malumpat kalawan, añĕṇḍal taṅsulnèki, patrapiŋ ṅrĕbaḥna, kadi kasĕbut ṅarṣa, mila ṛĕbahiŋ turaṅgi, srana kaaṅkaḥ, iŋ pañjoṇḍilirèki.

12. ṅgiḥ puniku kaŋ gampil kalampahannya, cĕbolaŋ turira ris, sawĕg cariyosan, tyasulun ĕnar ĕnar, was uwas saṅĕt kuwatir, wawi lajĕŋna, bab paṅrèhiŋ turaṅgi.

13. madiaswa aṅlajĕṅakĕn carita, biliḥ wontĕn turaṅgi, kaĕrèḥ muŋ nĕdya, muhuŋ mundur kéwala, lajĕŋ kahundurṇa aglis, kaŋ ṅantos sayaḥ, sabĕn baḍé nĕgarri.

14. katindakna rumuhun mundur kéwala, sakṣayahé turaṅgi, yèn wus kaĕtrapan, tarékaḥ kaŋ kadyéka, kéṅiŋ tinamtokkĕn paṣṭi, dèn ya agaḍaḥ, léléda amantuni.

15. lamun wontĕn kapal sabĕn tinĕgarran, aṅoñclaṅkĕn kĕndahli[48], iŋ pañĕpĕṅira, apus pan kasaṅgiya, kaŋ iṅgilnya laṅkuŋ sakiŋ, sakilan lawan, jajalakiŋ turaṅgi.

16. saha kĕdaḥ kucĕkipun kinĕṛĕpan, patrap ṅucĕk kĕṇḍali, kahucĕkan lawan, lambéné kaŋ turagga, iŋ sarat iṅkaŋ kadyèki, pah‍édahira, ṅicalkĕn lagéyanniŋ.

17. aṅoñclaṅkĕn kĕṇḍali lawan pah‍édaḥ, ṅèṇṭèṅkĕn lambénèki, bab kapal ajrihan, manawi wontĕn kapal, ajriḥ ḍumatĕŋ wawĕrṇin, tuwin suwara, isaratipun muriḥ.

18. sagĕd mantun yèn ajriḥ kalawan grobag, myaŋ sasaminirèki, sabĕn tinĕgarran, biliḥ kapapag grobag, lajĕŋ kacĕlakna aglis, aywa kapĕkṣa, sakiŋ sakĕḍik kĕḍik.

19. biliḥ ajriḥ ḍatĕŋ swara pamiṛĕṅan, iṅgiḥ dipunkĕṛĕpi, kapyarṣakkĕn swara, pundi kaŋ kinajrihan, yèn wus kĕṛĕp sarta lantiḥ, iṅkaŋ kadyèka, paṣṭi gya mantun ajriḥ.

20. kapal iṅkaŋ gaḍaḥ kaṇḍutan tan yoga[50], ñaṅkollakĕn kĕṇḍali, makĕm tuwin ṇḍaṅar, pañĕpĕṅiŋ pusara, kaŋ prayitna ṅati ati, sartané kĕdaḥ, kataṅsulan kakaliḥ.

21. pah‍édaḥnya biliḥ kapal iṅkaŋ gaḍaḥ, kaṇḍutan tan prayogi, utawi améda, sagĕt nandukkĕn prana, pami añaṅkol kĕṇḍali, kaŋ siji kiwa, apus kaŋ sisiḥ kériŋ.

22. kaĕculna apus kaŋ tĕṅĕn sinaṅga, yèn ñaṅkolkĕn kĕṇḍali, iṅkaŋ sisiḥ kanan, apus kaŋ sisiḥ kanan, iṅgiḥ kaĕculna ugi, apus kaŋ kiwa, kasaṅgiya lir ṅarṣi.

23. lamun ṇḍaṅar punaŋ taṅsul kakĕpyokna, manawi datan apti, ṅlĕpèḥ tumuṅkula, kĕṇḍali kacĕpĕṅa, katarik maṅaṇḍap sarwi, kucĕk ucĕkna, lambéné kaŋ turaṅgi.

24. biliḥ makĕm kĕṇḍali kalèrègĕna, maṅanan tuwin ṅériŋ, yèn mĕkṣa tan arṣa, ṅlĕpèḥ myaŋ ṅucuḷĕna, gya kacuwakna maṅiṅgil, karèḥ maṅkana, lajĕŋ nĕmpuḥ kaŋ wajik.

25. ṅgiḥ punika ambaṇḍaŋ karṣanya ḍawak, iŋ sadaṅunirèki, mbaṇḍaŋ suku iṅkaŋ, kapal kasidikĕna, yèn ṅiwa pambaṇḍaṅnèki, tĕgĕsé mbaṇḍaŋ, maṅiwa sukunèki.

26. kiwa iṅkaŋ rumuhun tumindakira, apusira kaŋ sisiḥ, kiwa kacènèṅa, sarta kakĕñcĕṅana, yèn nĕṅĕn pambaṇḍaṅnèki, apus kaŋ kanan, kakĕñcĕṅana ugi.

27. biliḥ kapal katandukan kaŋ tarékaḥ, kaŋ tamtu lajĕŋ ḍawaḥ, karuṅkĕp iṅkaŋ turaṅgi, ṅiŋ sah‍èstunya, pinlahur maṇḍĕg aglis.

28. yèn wus kèndĕl lajĕŋ maliḥ kabaṇḍaŋna, sakiŋ karṣèŋ kaŋ nitiḥ, sadaṅunya mbaṇḍaŋ, mawi dipunraṅkèta, supados manahé tampi, ywa ṅanti darbya, méda iṅkaŋ tan yogi.

29. myaŋ kaṇḍutan damĕl watir iṅkaŋ numpak, mĕṅgaḥ pambaṇḍaṅnèki, ywa ṅanti kapĕkak, kaŋ maṅka kèndĕl ḍawak, lajĕŋ karaṅkèta maliḥ, iṅkaŋ mirasa, sĕmu pamuriŋ muriŋ.

30. naṅiŋ ṅajĕŋ punika kakĕmbanana, wardiné dèn kĕmbani, kalowoŋ apusnya, utawi kinĕṇḍonan, iŋ tĕṅaḥ dipunkoṭoṅi, yèku kaŋ numpak, tyas kĕdaḥ dèn kĕmbani.

31. nadyan wahu sru saṅĕt paṅraṅkètira, sayĕkti datan apti, nĕmpuḥ maliḥ mbaṇḍaŋ, ambĕgogok kéwala, sarta gĕṛĕŋ gĕṛĕŋ muni, lamun turaṅga, wus ṇḍaṛĕḍĕg tan osik.

32. paṅraṅkètnya punika kakèndĕlana, iŋ nalikanirèki, gya kawaspadakna, kaŋ sampun kalampahan, suŋ sasmita kaŋ turaṅgi, mariŋ kaŋ numpak, yèn ta sagĕda aṅliŋ.

33. pamintamba ḍuḥ mugi katurutana, mbukaniŋ paṅrèhnèki, riwusnya maṅkana, wahu iṅkaŋ turaṅga, nulya tumindak pribadi, mawarṇa warṇa, wontĕn iṅkaŋ lumaris.

34. iṅkaŋ ñjojog aḍéyan miwaḥ paṇḍapan, wĕḍariŋ sasmitadi, mĕṅgaḥ tumanduknya, iŋ paṅĕrèḥ sadaya, punika cihnanirèki, èstu tan ana, kapal kaŋ botĕn kéṅiŋ.

35. pinardi rèḥ kaajar déniŋ manuṅsa, wontĕn pamĕgar aṅliŋ, ñariyoṣkĕn kapal, datan dados dandanan, margi karèḥ botĕn kéṅiŋ, punika taṇḍa, panĕgar dèrèŋ wasis.

36. saha dèrèŋ paham kawruḥ maṅrèḥ kapal, iṅkaŋ salugunèki, mĕṅgaḥ rariṅkĕsan, minaṅka papaṭokan, baḍé sagĕd anĕgarri, kĕdaḥ pawitan, iṅkaŋ kawan prakawis.

37. kaŋ rumiyin kĕdaḥ apawitan sura, guna kaŋ kapiŋ kaliḥ, ṛĕkasa piŋ tiga, lara kapiŋ sakawan, manawi kawan prakawis, aṅgaliḥ wĕgaḥ, pucuŋ kéwala uwis.

117. pocuŋ

1. mas cĕbolaŋ kalaṅkuŋ sukaniŋ kalbu, gumujĕŋ alataḥ, wasana umatur aris, ḍuḥ mintrèṅsun mugi kapaṛĕŋ ṅlajĕŋna.

2. aywa taṅguŋ paran babariŋ paṅawruḥ, bab paṅrèhiŋ kuda, madiaswa liṅira ris, ṅgiḥ prayogi aḥ sampun kèndĕl kéwala.

3. wédaṅipun kadaṅon akĕmpluŋ kĕmpluŋ, ḍaḍaharan ṅaṇḍar, punika tĕmbuŋ mubadir, mĕsakakĕn wawi samirinakĕtan.

4. dimèn éṅgar tyasé aywa maṅguŋ suntrut, kaŋ sinuṅan sabda, kaḷĕgan aṅasta caṅkir, minum wédaŋ myaŋ ḍaharan sasukanya.

5. madiaswa aṅlajĕṅakĕn pitutur, biliḥ wontĕn kapal, sasampuné dèn tumpaki, maṅka lajĕŋ linampahakĕn tan arṣa.

6. ambĕgĕgĕg iṅkaŋ makatĕn puniku, iŋ paṅaṅkahira, wusiŋ nèŋ gĕgĕr turaṅgi, ywa gé agé linampahkĕn kaŋ turaṅga.

7. naṅiŋ kĕdaḥ kahubĕṅĕna rumuhun, nĕṅĕn tuwin ṅiwa, yèn wus kalakyan kadyèki, apan lajĕŋ kalampahĕna kéwala.

8. biliḥ tansaḥ ambĕgĕgĕg tan lumaku, lajĕŋ kahundurṇa, sararané kaŋ kĕṇḍali, katarika gĕntos manĕṅĕn maṅiwa.

9. wusiŋ mundur nuntĕn kahubĕŋna gupuḥ, kaŋ saṅĕt kalayan, kagĕbag asru patitis, sasampuniŋ sawatawis ubĕṅira.

10. gya pinupuḥ myaŋ ginĕbrag iṅkaŋ asru, lajĕŋ linampaḥna, tamtu datan ñulayani, amiturut sakarṣanipun kaŋ numpak.

11. wus tartamtu bĕndanané mogok mantun, iŋ sanèsiŋ wĕkdal, manawi dipuntumpaki, aṅgaḍahi laléda iṅkaŋ maṅkana.

12. gya pinanduk iŋ paṅrèḥ kadi kaŋ uwus, iŋ tyas aywa wĕgaḥ, dèn nira maṅuṅkiḥ pamriḥ, gantya kapal omaḥ omahĕn winarṇa.

13. sahupami tinĕgaran kapal wahu, aṅambaḥ iŋ ratan, kaŋ wus naté dèn purugi, ṅgok éṅgokan twin wus naté naté ṅambaḥ.

14. lajĕŋ kĕdaḥ méṅgak méṅgok tan lumaku, kapal kaŋ maṅkana, amuriḥ mantunirèki, sabĕn numpak maṅka ṅajĕṅkĕn dumugya.

15. iŋ paṅgénan kaŋ kĕdaḥ maṇḍĕg kudèku, gya katandukana, iŋ paṅrèḥ sasĕnĕṅnèki, lawan kapal uliḥ ulihĕn kadosta.

16. tinumpakan mantuké notol kalaṅkuŋ, gya tinandukana, patrap kadi kaŋ rumiyin, pramilanya kaaṅkaḥ iṅkaŋ maṅkana.

17. awit kapal kaŋ sampun klampahan èstu, sriŋ kaslamur déra, naṅgapi paṅĕrèhnèki, iŋ sadèrèṅipun ical médanira.

18. sabĕn dipuntĕgarri biliḥ wus ayun, cĕlak iŋ paṅgénan, kaŋ ndadoṣkĕn sababnèki, utawiné tinumpakan mantukira.

19. ṅgiḥ katandukana paṅaṅkaḥ lir kaŋ wus, kacriyos iŋ ṅarṣa, makatĕn salajĕṅnèki, sampun kĕmba ṅantos mantunné bar pisan.

20. déné kapal kaŋ dèrèŋ rampas sah‍èstu, aywa tinandukan, paṅrèḥ iṅkaŋ ṅrĕkahosi, margi iŋ sadèrèṅé rampas punika.

21. yèn kaaṅkaḥ pañcèn dédé ḍasaripun, sagĕdnya priawak, dumuginya mĕmpĕŋ paṣṭi, lajĕŋ bobrok utawi botĕn kaalap.

22. gantya wahu bab naga rañcak winuwus, biliḥ wontĕn kapal, iṅkaŋ mĕntas dèn tĕgarri, myaŋ kinitĕr lajĕŋ yogi cinarakan.

23. iṅkaŋ ṛĕsik mĕṅgaḥ patrap kaŋ kadyèku, iŋ sadaṅunira, kinitèr myaŋ dèn tĕgarri, kacarakan kaŋ ṅantos ambal ambalan.

24. awit kapal kaŋ dèn rèḥ sasirigipun, tuwin sasaminya, kaŋ pañcèn sanès asliniŋ, lampahipun pyambak yèn datan klĕṛĕsan.

25. tĕmahipun asriŋ asriŋ damĕl korud, myaŋ konusiŋ badan, iṅkaŋ makatĕn puniki, korud konus punika warṇi sakawan.

26. kaŋ rumuhun korud badan wastanipun, laḥ iṅgiḥ punika, kĕra laṅkĕt kaŋ turaṅgi, wus dilalaḥ botĕn sagĕt ḷĕma ḷĕma.

27. kapiŋ kaliḥ akorud karosanipun, nuwuhakĕn méda, asriŋ ambaṇḍaŋ pribadi, sabab sampun sayaḥ makṣiḥ dèn sĕṅkakna.

28. iŋ wasana umijil iŋ ḍosonipun, méda warṇa warṇa, ñulayani lan kaŋ nitiḥ, tan darana satĕmaḥ lajĕŋ ambaṇḍaŋ.

29. iṅkaŋ kapiŋ tiga korud manahipun, punika turaṅga, tansaḥ muyap driyanèki, jalarannya ṅajĕŋ sabĕn tinumpakan.

30. piŋ sakawan korud paṅgrahitanipun, punika witira, ṅajĕŋ ṅgènnipun nĕgarri, tansaḥ dipunosikakĕn supayanya.

31. nuntĕn nuntĕn wĕdaliŋ grahitanipun, tamahan dumadya, bibraḥ iŋ lampahirèki, myaŋ bibrahiŋ sakèḥ kasagĕdanira.

32. milanipun nĕgarri kapal puniku, aḍuḥ sapintĕna, ṅgènnya ñĕṅkakkĕn wĕdaliŋ, paṅgrahita supados tumuntĕn gaḍaḥ.

33. kasagĕdan iṅkaŋ sarana tinanduk, paṅrèḥ kawaṣkiṭan, éwadéné parlu ugi, tansaḥ mawi kaṛĕm ṛĕman manahira.

34. supayanya grahitané aywa korud, carakan punika, dumadi sarananèki, èstu sagĕd mantunnakĕn kapal iṅkaŋ.

35. anĕmahi kados iṅkaŋ wus kasĕbut, iŋ ṅarṣa sadaya, amila iṅkaŋ wigati, amarlokkĕn cinarakan kaŋ turaṅga.

36. maṅkya gantya bab raja nari winuwus, punika titikan, wĕdaliŋ manahirèki, saha maliḥ wĕdalé kaŋ paṅgrahita.

37. yèn wĕdaliŋ manaḥ myaŋ grahitanipun, sakiŋ paṅosiknya, nèŋ tĕṅaḥ kaŋ raja nari, biliḥ wĕdalipun sakiŋ winantonan.

38. ṅgiḥ punika mĕṅgaḥ raja narinipun, wontĕn iŋ puṅkuran, wus tamat kaŋ raja nari, kaṇṭi ĕbab ṅabaḥ abahi turaṅga.

118. kinaṇṭi

1. gantya wahu kaŋ winuwus, ṅabaḥ abahi turaṅgi, prayogi nèŋ jro gĕḍogan, patrapira kaŋ rumiyin, kinĕṇḍalèn paṅĕrokan, gya cinañcaŋ ṅanan ṅériŋ.

2. wontĕn ta upamènipun, baḍé dèn abaḥ abahi, kaŋ krisik aṅganiŋ kuda, salébrak kapasaŋ maṭis, mĕṅgaḥ tĕpiniŋ salébrak, kaŋ ṅajĕŋ tumumpaŋ muṅgwiŋ.

3. iŋ jajalak yèn wus muṅgaḥ, ḷĕṛĕs uṅgaḥ uḍunèki, miwaḥ ṅajĕŋ wiṅkiṅira, lapak pinasaṅan aglis, tumumpaŋ nèŋ tĕṅaḥ slébrak, anulya dipunambĕni.

4. kaŋ kĕñcĕŋ pamaṇṭĕṅipun, gya pasaŋ pus buntutnèki, nulya pasaŋ apus ḍaḍa, rampuṅé kasĕbut ṅarṣi, lambé nulya cinarakan, taracak kinumbaḥ barṣiḥ.

5. riwusnya makatĕn laju, rinucat ponaŋ kĕṇḍali, paṅĕrokan sinantunan, kĕṇḍali iṅkaŋ pinaṣṭi, kah‍éṅgokakĕn turaṅgi, yèn apus waŋ wus rinukti.

6. maṅkana kĕṇḍalinipun, kaḷĕṛĕṣṇa kaŋ prayogi, tumuntĕn kaĕtrapana, apus kanan miwaḥ kériŋ, mila kantun pamasaŋnya, timaṅan ywa ṅanti kwalik.

7. déné iṅgaḥ uḍunipun, kĕṇḍali iṅkaŋ prayogi, kaaṅkaha goṅgaṅira, muŋ sajĕmpol winatawis, éwa samantĕn ṅgiḥ datan, kéṅiŋ tinitamtu awit.

8. manut cocoṇḍoṅanipun, cĕkak tuwin laṇḍuṅnèki, kĕṇḍali pamasaṅira, gumantuŋ nèŋ patitisiŋ, panitikipun kaŋ numpak, mĕṅgaḥ kacihnanirèki.

9. turaṅga kĕṇḍalinipun, iṅkaŋ kĕdaḥ dèñcĕkaki, iṅkaŋ maṅka linaṇḍuṅan, sah‍èstu tan coṇḍoŋ ati, caṭuk caṭuk tan tumañja, déné kasok waṅsulnèki.

10. baṭoṭot adrĕṅiŋ kayun, ṅuṅsĕd uṅsĕd tan saririḥ, kapal tumpakan punika, pamasaṅé kaŋ kĕṇḍali, iŋ sasagĕd sagĕd kĕdaḥ, kaŋ dados coṇḍoṅanèki.

11. ṅabaḥ abahi wus rampuŋ, yèn baḍé ṅĕdalkĕn sakiŋ, iŋ gĕḍogan kĕdaḥ iṅkaŋ, sarèḥ rèrèḥ ṅiriḥ iriḥ, sarta maliḥ kinaruṅa, ywa grusa grusa giniriŋ.

12. amargi yèn grusa grusu, asriŋ nuwuhkĕn tan yogi, manahé ponaŋ turaṅga, mĕṅgaḥ iŋ panimbaŋ mami, aṅrèḥ kuda lan wanita, sabaraṅé sami ugi.

13. dé kĕṇḍali jawi wahu, kaŋ raṅaḥ awarṇi kaliḥ, wontĕn iṅkaŋ wunènira, cacaḥ kalihwĕlas tuwin, nĕmbĕlas iŋ sasisiḥnya, déné kaŋ nĕmbĕlas sisiḥ.

14. winastan buntala iku, mĕṅgaḥ kaliṅé kĕndahli, kaŋ minaṅka sasambĕtan, apan pakĕm wastanèki, déné kaŋ aṅsal gĕlaṅan, buṅkul wastanipun nĕṅgiḥ.

15. pañjaŋ cĕlakiŋ kĕṇḍaṅsul, iṅgiḥ wontĕn pédahnèki, amargi kapal punika, coṇḍoṅiŋ tyas datan sami, wontĕn lèrèg coṇḍoṅira, wontĕn rujuk dèn slikĕki.

16. yèn mriŋ lèrèg coṇḍoṅipun, kaŋ maṅka dipunslikĕki, punika dadya jalaran, awrat lambéné turaṅgi, déné kosok waṅsulira, nuwuhakĕn moñar mañir.

17. dé gĕlaṅan ḍapuripun, punika kakaliḥ warṇi, iṅkaŋ namuŋ agiligan, lus lusan wastanirèki, déné kaŋ gĕlit gĕlitan, kaléṇṭaṅan dèn wastani.

18. mĕṅgaḥ iŋ babiŋ kĕṇḍaṅsul, kaŋ tumrap kaṅgé ṅajari, kapal kaŋ èṇṭèŋ lambénya, utawi kapal kaŋ takṣiḥ, anèm sawĕg bibar rampas, dèrèŋ rampas laṅkuŋ maliḥ.

19. punika kĕdaḥ kaŋ kĕṭul, ṅgiḥ punika wunénèki, kapapakana sadaya, iṅkaŋ ṅantos mèḥ waradin, botĕnipun kapapakan, kablĕbĕda kaŋ waradin.

20. kalawan siñjaŋ puniku, wunèn amuŋ katon miṅip, ṅiŋ punika tambĕl bĕtaḥ, wus tamat babiŋ kĕṇḍali, iŋ maṅkya gĕnti winarṇa, anĕṅgiḥ babiŋ camĕṭi.

21. utawi winastan tĕmbuŋ, kaŋ wus mupakat kinardi, datan liyan sakiŋ rotan, iṅgiḥ punika pañjalin, sawlas kĕpĕl pañjaṅira, wujudipun kaliḥ warṇi.

22. tamparan sawarṇinipun, giligan sawarṇi maliḥ, sanadyan iṅkaŋ giligan, pucukipun kĕdaḥ mawi, sinambĕtan tatamparan, muŋ sakilan winatawis.

23. saha tatamparan sinuŋ, bundĕlan gaṅsal utawi, nĕnĕm prĕṇṭil cacahira, mĕṅgaḥ pah‍édahirèki, camĕṭi mawa buṇḍĕlan, ginĕbagkĕn laṅkuŋ sakit.

24. katimbaŋ lan kaŋ tan sinuŋ, buṇḍĕlan sakit kaŋ mawi, añjawi sakiŋ punika, wujud tumrapiŋ camĕṭi, mawèḥ sĕmu datan kĕmba, pucukiŋ tamparan mawi.

25. sinuṅan ṛĕṅgan jajambul, mĕṅgaḥ cacĕpĕṅanèki, sakarṣané dèn nya ṅrĕṅga, pinapoṇṭaŋ poṇṭaŋ sakiŋ, mas suwasa myaŋ salaka, déné pañjaṅé camĕṭi.

26. kajawi miturut ukur, iṅgiḥ kĕdaḥ kĕdaḥ mawi, mawaŋ lan kaŋ tinitiyan, pinantĕs agĕŋ lan alit, bab camĕṭi sampun tamat, prayogi kèndĕl rumiyin.

27. sampun daṅu aṅgadĕbus, biliḥ botĕn dèn sĕlani, ṅuñjuk wédaŋ ḍaḍaharan, tĕmaḥ kĕtuḷĕn sayĕkti, mas cĕbolaŋ lataḥ lataḥ, wus samya ṅuñjuk ñañamik.

28. mas cĕbolaŋ aris matur, ulun miṛĕŋ srĕmiŋ srĕmiŋ, bab srandunipun turaṅga, ugi wontĕn kaŋ piniliḥ, sami andarbèni watak, pinĕṇḍĕt iṅkaŋ prayogi.

29. madiaswa liṅira rum, aḍuḥ mitraku woŋ sigit, dé tan ana kaliwatan, dalaḥ sranduniŋ turaṅgi, dadak prĕlu tinakokna, ḷĕṛĕs iṅgiḥ pañcèn mawi.

30. kalamun sagĕd pikantuk, punika laṅkuŋ utami, maṅkya sranduniŋ turaṅga, kula pĕṇḍĕtakĕn sakiŋ, dèn tawyañjana awit ha, akṣara ba kaŋ muṅkasi.

31. ilu iṅkaŋ gĕtas piṅul, watĕg èṇṭèŋ lambénèki, ilat alit gilig watak, burus lana manahnèki, untu alit ṛĕntĕt rampak, pucuk mĕdal sawĕtawis.

32. utawi kaŋ ndĕṅkèŋ pucuk, ugi mĕdal sawatawis, mañjiŋ ḍatĕŋ kabagusan, tuwin burus manahnèki, tĕbiḥ mariŋ nora lana, iruŋ kaŋ aṅukĕl pakis.

33. mañjiŋ kabagusan namuŋ, idĕp ṛĕmpĕg jajarṇèki, tuwin iṅkaŋ alalamban, watak tĕtĕg iŋ tyasnèki, uwaŋ kalimis gobogan, tumrap kabagusan namiŋ.

34. ula ula iṅkaŋ waṅun, amapaḥ pisaŋ utami, saha gilig tosanira, watak sakéca kaŋ nitiḥ, iga iṅkaŋ upiḥ mayat, mañjiŋ sĕmbadaniŋ warṇi.

35. aṇḍĕman kaŋ kiyal kĕḍut, añaṅkĕrut kanan kériŋ, punika watĕké rosa, ugĕl ugĕl ḍapur kadi, gagaŋ waru watakira, sakéca tumpakanèki.

36. tuwin bagus warṇinipun, uñĕŋ uñĕṅan kaŋ muṅgiŋ, iŋ cĕṭak uñĕŋnya ṅiwa, watak burus manahnèki, ha kapuṅkur na tan ana, akṣara ca kaŋ winarṇi.

119. paṅkur

1. cobloŋ iṅkaŋ bundĕr sarta, ḷĕbĕt ḷĕkok punika amuŋ mañjiŋ, ḍatĕŋ kabagusanipun, caturṇya iṅkaŋ lañcap, kaŋ ran catu lambé ṅiṅgil iṅkaŋ pucuk, kaḷĕbĕt iŋ kabagusan, myaŋ watak grahita lantip.

2. cĕṭak ḷĕbĕt kaŋ ḷĕkokan, iṅgiḥ mañjiŋ mriŋ kabagusan namiŋ, cĕṭik kaŋ iṅgil puniku, paṇḍukulipun apan, mañjiŋ ḍatĕŋ sĕmbadané iṅkaŋ wujud, caluŋ gĕŋ gèpèŋ kĕñcĕŋ pan, watak rikat plajĕṅnèki.

3. kaŋ ran caluŋ wit wadidaŋ, tĕkèŋ ḍĕṅkul caluŋ namanirèki, calakuṭikan puniku, kaŋ ḷĕbĕt watakira, trajaŋ sah‍é miwaḥ èṇṭèŋ juñjuṅipun, iṅkaŋ akṣara ca tĕlas, akṣara ka kaŋ gumanti.

4. kupiŋ kaŋ muluḥ katigas, myaŋ kapañcas muŋ sabagusiŋ warṇi, kuñcuŋ kaŋ ṅumala mawur, bantĕr kèḥ manahira, kĕndĕl kadi déné uḷĕripun jĕḍuŋ, wataké èṇṭèŋ lambénya, sarta bagus warṇanèki.

5. kulit kaŋ tipis aṅlamat, saha iṅkaŋ kandĕl dagiṅirèki, watak bantĕr manahipun, kutis maṇḍukul mayat, muruṅakĕn sĕmbadaniŋ wujudipun, koṇṭol piṇḍa maṅgis lawan, iṅkaŋ ḍapur ṅalak ambiŋ.

6. lir kalak ambiŋ wohira, rosa kuwat wataké kaŋ turaṅgi, kalèn ḷĕbĕt ḷĕkokipun, sarta kapara pañjaŋ, pan titiga punika wawatakipun, sapisan iṅgil juñjuŋnya, plajĕŋ rikat warṇi sigit.

7. kucur kaŋ aṅuku bima, muhuŋ ḍatĕŋ kabagusaniŋ wajik, klĕmpuŋ kaŋ bĕḍaḍag amuŋ, klĕbĕt baṅsa sambada, ka wus tĕlas akṣara ta kaŋ tumanduk, tlapukan kaŋ kandĕl apan, klĕbĕt kabagusan amiŋ.

8. tĕpakan kaŋ tipis wrata, saha iṅkaŋ ḍapur macucal akiŋ, watak kumrisik tyasipun, myaŋ sah‍é warṇinira, tĕpak hyaŋ jèjèr tanpa lèbèr iku, maraŋ gusi watakira, ala mamanahirèki.

9. tatiyaŋ iṅkaŋ ajajar, ugi watak tulus manahirèki, tĕpak mayat saha aguŋ, watakipun arosa, tur sĕmbada tuwin bagus warṇinipun, tuṅgarana agĕŋ sarta, kadi siraḥ tĕkèk warṇi.

10. punika wataké rosa, taracak kaŋ nañjuŋ capurinèki, sarta alus sĕratipun, watak rikat plajĕŋnya, tuwin bĕtaḥ tur sah‍é kaŋ warṇinipun, kaŋ akṣara ta wus tĕlas, akṣara sa kaŋ gumanti.

11. suri tipis mawur wrata, watak bantĕr manahira kumrisik, siraḥ kaŋ cĕlak saha guŋ, mañjiŋ mriŋ kabagusan, siyuŋ iṅkaŋ basan dawĕg agĕṅipun, watak burus manahira, silit kaŋ mapan prayogi.

12. muhuŋ mriŋ sah‍é kaŋ warṇa, supit iṅkaŋ rapĕt watakirèki, awèt iŋ karosanipun, kaŋ ran supit punika, ḷĕḍokaniŋ tracak saṅaṇḍapiŋ kucur, suku ṅajĕŋ kaŋ añjalma, bagus kawujudanèki.

13. akṣara sa sampun tĕlas, maṅkya gantya akṣara wa winarṇi, wulu iṅkaŋ tipis alus, saha kaŋ maṇḍĕs gilap, watak bantĕr kumrisik warṇanya bagus, waṅkoŋ iṅkaŋ radi wiyar, mañjiŋ kabagusan amiŋ.

14. wayaŋ kĕṅkĕŋ tipis apan, watak rosa myaŋ kabagusan mañjiŋ, wiron gañjil étaṅipun, watak burus manaḥnya, kaŋ ran wiron punika iṅkaŋ ñjaṅkĕrut, kiwa tĕṅĕniŋ aṇḍĕman, waḍuk kaŋ mbĕḍaḍag mañjiŋ.

15. ḍumatĕŋ iŋ kasambadan, wadidaŋ kaŋ waṅun béṅkokiŋ arit, mañjiŋ kabagusanipun, akṣara wa wus tĕlas, kaŋ akṣara pa maṅkya iṅkaŋ winuwus, praya ṅgiḥ punika ulat, kaŋ añjĕṅguṛĕŋ prayogi.

16. ṅiŋ kaŋ sarèḥ sĕmunira, watak lana manahé mitayani, pacĕt gilig alit namuŋ, mañjiŋ bagusiŋ warṇa, paṭak iṅkaŋ waradin myaŋ wiyar amuŋ, mañjiŋ mariŋ kabagusan, pasunira iṅkaŋ kadi.

17. muṅkal gĕraŋ amuŋ maraŋ, kabagusan pañcadan kaŋ maṇḍikil, mañjiŋ sĕmbadaniŋ wujud, tanapi kabagusan, pipi iṅkaŋ kaduk kandĕl dagiṅipun, murugkĕn pantĕsiŋ warṇa, puṇḍak iṅkaŋ laṇḍuŋ mañjiŋ.

18. muhuŋ ḍatĕŋ kabagusan, pupunira iṅkaŋ amukaŋ gaṅsir, ugi bagus warṇinipun, purus kaŋ agĕŋ cĕlak, watak rosa muŋ bantĕr palayunipun, palintaṅan iṅkaŋ wiyar, watak pañjaŋ umurṇèki.

19. pusĕr tĕbiḥ lan purusa, watakipun bĕtaḥ plajĕṅirèki, akṣara pa sampun atus, akṣara ja winarṇa, jĕṅku iṅkaŋ kados cupu warṇinipun, mañjiŋ ḍatĕŋ kabagusan, jalak iṅkaŋ ḍapurṇèki.

20. lir gigir kintĕl punika, watak rosa julukiŋ iṅgilnèki, aṅlaṅkuṅi jalak wahu, mañjiŋ sambadèŋ warṇa, jiliŋ iṅkaŋ maṇḍikil kaḷĕbĕt bagus, jompoŋ iṅkaŋ agĕŋ pañjaŋ, mañjiŋ sambadaniŋ warṇi.

21. jaṅgut iṅkaŋ ḍapur jaṅkaŋ, mañjiŋ ḍatĕŋ kabagusaniŋ warṇi, jaṅgĕl iṅkaŋ pañjaŋ aguŋ, myaŋ gèpèŋ watak rosa, akṣara ja wus tĕlas ga kaŋ winuwus, gusi kaŋ wradin wataknya, aburus manahirèki.

22. gulu iṅkaŋ wiyar ṅaṇḍap, ṅiṅgil gilig bagus sambadèŋ warṇi, gaṛĕs kaŋ malira wujud, watak cukat trajaŋnya, tuwin rikat tarampil palajĕṅipun, gĕcog kaŋ ndaḷĕjĕr pañjaŋ, apan rosa wataknèki.

23. gaḷĕŋ kaŋ ṅgaligir rosa, gaṇḍik iṅkaŋ kiyal pan rosa ugi, iṅkaŋ akṣara ga sampun, akṣara ba puṅkasan, baṅar iṅkaŋ wiyar bĕtaḥ plajĕṅipun, myaŋ bagus baṅar punika, lèṅipun iruŋ kakaliḥ.

24. buṅur kaŋ ginrayaŋ kadya, cucal gariŋ rosa watakirèki, bobat kaŋ kĕṅkĕŋ puniku, mañjiŋ ḍatĕŋ karosan, bokoŋ iṅkaŋ ñaṅkok imbaniŋ kaŋ ḍapur, utawi lir caṅkok maja, muhuŋ mriŋ bagusiŋ warṇi.

25. buntut iṅkaŋ mapaḥ pucaŋ, watakipun lana manahirèki, wus tamat sarandunipun, kapal kaŋ pinilala, mas cĕbolaŋ umatur kalaṅkuŋ nuwun, mĕṅgaḥ uḷĕsiŋ turaṅga, iṅkaŋ kaḷĕbĕt utami.

26. myaŋ maṅgoniŋ prabotira, kyayi madiaswa liṅira ris, uḷĕsiŋ turaṅga amuŋ, abrit cĕmĕŋ utama, déné prabot pyambak pyambak maṅgènnipun, mĕṅgaḥ prabotiŋ turaṅga, kaŋ abrit maṅkya winarṇi.

27. suri iṅkaŋ tipis pĕra, wulu paṇḍĕs tipis kulitirèki, kukuñcuŋ ṅumbala mawur, buntut iṅkaŋ tan kaṭaḥ, utawi kaŋ kapara saraŋ puniku, tracak nañjuŋ lus sĕratnya, babaluṅipun kaŋ alit.

28. prabotipun kapal krĕṣṇa, kuñcuŋ kĕmpĕl ndalojor surinèki, kandĕl ndlojor kĕmpĕl patut, buntut amapaḥ pucaŋ, wulu gropok kandĕl kĕṇḍo kulitipun, taracak cèpèr sĕmbada, agĕŋ babaluṅanèki.

29. siliḥ asiḥ iŋ dandosan, tuwin uḷĕsipun iṅkaŋ turaṅgi, kapal abrit prabotipun, iṅkaŋ dados pĕṭiṅan, gaṅsal kuñcuŋ suri kulit tracak wulu, muŋ kakaliḥ kapal krĕṣṇa, buntut lawan baluṅnèki.

30. mĕṅgaḥ katĕraṅanira, kapal iṅkaŋ pilihan prabotnèki, kuñcuŋ kaŋ ṅumbala mawur, suri kaŋ tipis atap, wulu paṇḍĕs atipis kukulitipun, buntut ḍapur mapaḥ pucaŋ, kaŋ agĕŋ babaluṅnèki.

31. tracak kaŋ alus sĕratnya, ḍapur nañjuŋ jaṅkĕp kasapta warṇi, mila kapĕṇḍĕtkĕn iku, siliḥ asiḥ jalaran, sahupami kapal punika anamuŋ, kadunuṅan dandosannya, amaligi kapal abrit.

32. tamtu tan burus manaḥnya, saha bantĕr karosan tan ndarbèni, biliḥ kadunuṅan namuŋ, dandosan kapal krĕṣṇa, paṣṭi kiraŋ manaḥ saha saṅĕt cubluk, manawi dandosannira, sagĕd jaṅkĕp siliḥ asiḥ.

33. kadi kaŋ kasĕbut ṅarṣa, iṅkaŋ tamtu bagus warṇanirèki, sarta burus manahipun, ajĕg karosanira, kasĕmbadan kabagusaniŋ kaŋ wujud, iṅkaŋ aṅsal papĕṭiṅan, sakiŋ iŋ kawan prakawis.

34. kaŋ rumiyin sakiŋ pada, kaliḥ raga jaṅga iṅkaŋ kapiŋ tri, wadana jaṅkĕp piŋ catur, bab rahosiŋ tumpakan, kapal iṅkaŋ lana myaŋ grahita tuhu, utami utawi rosa, punika sah‍èstunèki.

35. sakéca tumpakanira, ḍuḥ mitrèṅsun muŋ kantun saprakawis, iṅgiḥ punika bab ukur, cĕbolaŋ aṅrĕṛĕpa, aywa taṅgĕl ñuwun babarpisanipun, madiaswa mĕḍar sabda, yèn baḍé ṅukur turaṅgi.

36. kĕdaḥ mawi srana tampar, ukur saṅa patrapira winarṇi, iṅkaŋ dèn ukur rumuhun, gĕl ugĕl lan suku ṅarṣa, iṅkaŋ tĕṅĕn katĕpusa gaṭuk tĕpuŋ, lajĕŋ katĕkuk tĕkuka, kapiŋ saṅa kaṭahnèki.

37. wusiŋ katĕkuk piŋ saṅa, gya kahukur wit sakiŋ tracak ṅarṣi, maṅiṅgil paṅukuripun, dumuginipun jalak, lamun laṅkuŋ prakalihwĕlas linaṅkuŋ, yèn laṅkuŋ sapara saṅa, punika kiraŋ prayogi.

38. ukur sambada winarṇa, wit ujuṅiŋ catu lajĕŋ maṅiṅgil, dumugi jojompoṅipun, tumuntĕn kalajĕŋna, turun mariŋ saṅiṅgiliŋ surènipun, sadumuginipun jalak, lajĕŋ katurunkĕn mariŋ.

39. ula ula linajĕŋna, dumugi iŋ pucukiŋ jaṅgĕlnèki, paṅukur biliḥ wus rampuŋ, gya kasampirkĕn jalak, biliḥ sagĕd laṅkuŋ sakiŋ suku ṅayun, kiwa tĕṅĕn kaŋ prayoga, sambada biliḥ nĕtĕpi.

40. yèn cupĕt awon yĕktinya, kapal jigraŋ punika dèn wastani, wus tamat sadayanipun, mbakayu jĕṅandika, tiyaŋ èstri dèn nya sasaji wus rampuŋ, laḥ sumaṅga sami ḍahar, ṅĕliḥ ulun ṅgĕgirisi.

120. girisa

1. cĕbolaŋ matur sumaṅga, wus liṅgar sakiŋ paṇḍapa, pinarak tĕṅahiŋ wisma, parigĕl ñi madiaswa, aṅladosi tamunira, ki wisma ṅliŋ ṅgiḥ punika, warṇané mbakyu andika, sawĕg awĕwĕka tiga.

2. aṇḍĕku kaŋ sinuŋ sabda, norraga aris turira, mbakayu wus lami kula, tĕpaŋ lawan raka ndika, sawĕg samaṅké pinaṅgya, kalawan jĕṅandika, sampun kiraŋ paṅakṣama, mriŋ pun pĕkir kawlasarṣa.

3. ñi wisma maṅsuli sabda, punapi rinasakĕna, tyaŋ wus iṅakĕn sudara, lawan raka jĕṅandika, aḍi sampun mawi taha, cĕbolaŋ sru pañuwunnya, wus wawantiŋ kalihira, gya naḍaḥ laṅkuŋ mirasa.

4. rahab nutug sawusira, dumugi gya cinarikan, wowohan lumadyèŋ ṅarṣa, wawi punika maṅsĕgan, aṇḍĕku kaŋ sinuŋ sabda, gya ṅambil sasukanira, cĕbolaŋ ris atatanya, mĕṅgaḥ iṅkaŋ paṅandika.

5. kaṭaḥ kaŋ dèrèŋ uniṅa, basan driji tĕṅaḥ gĕsaŋ, aṅaṛĕm aṛĕm punika, ganda kasilir myaŋ buntar, kahosikkĕn winantonan, amĕr amĕr kinaṭahan, imbal sĕṛĕg ṛĕsik dĕgnya, kacĕṅèr myaŋ kinoṭoṅan.

6. sĕṛĕŋ myaŋ lumampaḥ ḍaṇḍaŋ, kasaṅgi kĕṇḍali oñclaŋ, ñaṅkol kĕṇḍali aṇḍĕṅar, makĕm kacawuk sasmita, kacaraki moñar mañir, tuwin kaŋ ran palintaṅan, kadiparan wardinira, utawi katĕraṅannya.

7. madiaswa suŋ waṅsulan, ḷĕṛĕs punika babasan, èstu awis iṅkaŋ wikan, manawi botĕn jinarwan, piniyagaḥ nora kopram, biliḥ tiyaŋ dèrèŋ atam, mĕṅgaḥ punika babasan, makatĕn iṅkaŋ katraṅan.

8. dariji iŋ tĕṅaḥ gĕsaŋ, aṅolaḥ ṅaliḥ pan aṅsal, aṅaṛĕm aṛĕm punika, sarana tan katandukan, paṅĕrèhé kaŋ turaṅga, ganda kasilir punika, cĕmĕṭi sarananira, pinolahkĕn ywa tumiba.

9. ṅajriḥ ajrihi kéwala, ḷĕṅgaḥ buntar patrapira, kapara wiṅkiŋ punika, kahosikkĕn kajĕṅira, taṅsulipun iṅkaŋ kĕdaḥ, kahobahakĕn kalawan, kĕṛĕp kahoyog kaŋ badan, kaḍĕḍĕg myaŋ kawantonan.

10. kawantonan wardinira, dipuñcamĕṭi punika, amĕr amĕr pañĕpĕŋnya, apus kĕñcĕŋ madyanira, dipunkaṭahi tĕgĕsnya, punika kaŋ kinaṭahan, manahé punaŋ turaṅga, sarananya iṅkaŋ numpak.

11. amĕrdĕṅkĕn manahira, utawi aṅgaḍahana, rahos sĕtya muriḥ praya, plajĕṅipun kaŋ turaṅga, imbal lampaḥ grago jarwa, sĕṛĕg punika bocoŋnya, kaŋ numpaki amiṅsĕda, maṅajĕŋ tĕrusiŋ nala.

12. ṛĕsik aṇḍĕgnya punika, aṇḍĕg iṅkaŋ grĕg kéwala, kacĕṅèrakĕn punika, dipunsĕṅkakkĕn tĕgĕsnya, dipunkoṭoṅi kajĕŋnya, punika manahiŋ kuda, binudi kakoṭoṅana, kinĕmbanan sarananya.

13. sĕṛĕŋ punika sirignya, kapal tiṅalipun rikat, naṅiŋ riṇḍik sayĕktosnya, lampaḥ ḍaṇḍaŋ punika, iṅkaŋ sukunipun kapal, ṅajĕŋ wiṅkiŋ cuṭat cuṭaḥ, pramilané winastanan, lumampaḥ ḍaṇḍaŋ maṅsudnya.

14. aṇḍaṇḍaŋ aṅarṣa arṣa, pikajĕŋnya kaŋ anumpak, yèn sĕdya kasirigĕna, iṅgiḥ lajĕŋ ñirig ḍawak, yèn nĕdya kasandĕrṇa, ṅgiḥ lajĕŋ ñandĕr kéwala, makatĕn sasaminira, basané wus nuṅgal karṣa.

15. ṅajĕŋ kasaṅgi punika, ñĕpĕŋ apus kahiṅgilna, aṅoñcĕlaṅkĕn kĕṇḍalya, kĕdaḥ kaḷĕpèḥ sarana, maṇṭuk maṇṭuk kaŋ turaṅga, ñaṅkol kĕṇḍali punika, kacaṅkolkĕn iŋ ĕbamnya, cĕṅèr aṇḍaṅak jarwanya.

16. makĕm punika turaṅga, aṅiṅkĕmi kĕṇḍalinya, kacawuk yèku kasĕṇḍal, maṅiṅgil payĕṇḍalira, suka sasmita turaṅga, titikipun sasampunnya, karaṅkèt mĕdal kajĕŋnya, gya maṇḍapan sasaminya.

17. añaraki patrapira, kinocoran lambénira, klayan toya kaŋ warata, gya iṅusapakĕn karṇa, moñar mañir lambénira, iṅgiḥ tan ajĕg punika, kaŋ winastan palintaṅan, punika uñĕŋ uñĕṅan.

18. kaŋ nèŋ ṅajĕṅiŋ purusa, wus tamat sadayanira, mas cĕbolaŋ laṅkuŋ suka, saha nuwun aturira, sarèhniŋ sampun dumugya, kula nuwun palimanan, waṅsul mariŋ pamoṇḍokan, sami kantuna raharja.

19. ñahi wisma nulya mĕdal, umatur riŋ tamunira, pun aḍi biliḥ sĕmbada, ṅantosana sawatara, ulun damĕl wédaŋ kahwa, linilapan gĕṇḍis klapa, punika sampun samapta, cĕbolaŋ mèsĕm liṅira.

20. mbakyu iki ḍasar bisa, anuju maraŋ driyamba, sah‍èstu atur kawula, sabĕn sabĕn mĕntas nĕḍa, kĕdaḥ ṅombé wédaŋ kahwa, biliḥ tan makatĕn kĕmba, wédaŋ wus lumadyèŋ ṅarṣa, kumĕbul gambuḥ gandanya.

121. gambuḥ

1. sawusira aṅinum, wédaŋ kahwa cĕbolaŋ umatur, saṛĕŋ sampun kasiraman wédaŋ kopi, kaŋ kalimput nulya ṭukul, nĕṅgiḥ kaŋ dèrèŋ kacriyos.

2. wontĕn tiyaŋ amuwus, lambé kuda wolu warṇinipun, ṅgaṇḍul abot antĕp gamoḥ èntĕl gĕmi, èṇṭèŋ mrayaŋ jaṅkĕpipun, kaṭaḥ kaŋ sami padudon.

3. paranta wijaṅipun, madiaswa gèḍèg liṅira rum, babasané si aḍi aṅuras kwali, dalaḥ kumuté tan kantun, punika pamaṅgihiṅoŋ.

4. kaŋ winastan puniku, lambé ṅgaṇḍul iṅgiḥ patrapipun, lambé ṅuṅsĕt maṅaṇḍap datanpa kériŋ, dé lambé abot winuwus, kaŋ mbadal kĕṇḍali noñcoŋ.

5. siraḥnya datan ṇḍiṅkluk, naṅiŋ gĕsaŋ iṅgiḥ basanipun, lambé antĕp iṅgiḥ ambadal kĕṇḍali, siraḥ botĕn purun ṇḍiṅkluk, naṅiŋ caṅkĕm puguḥ yĕktos.

6. lambé gamoḥ puniku, laṅkuŋ sah‍é pilihan sah‍èstu, iṅkaŋ èṇṭèŋ purun ṅuculkĕn kĕṇḍali, dé lambé ètĕl kaŋ kĕḍut, ananiŋ èṇṭèŋ kémawon.

7. tur tinatonan purun, lambé gĕmi punika winuwus, iṅkaŋ tipis gamoḥ tinatonan kéṅiŋ, dé lambé èṇṭèŋ puniku, nama myaŋ rahos wus jumboḥ.

8. mrayaŋ puṅkasanipun, lambé èṇṭèŋ taḍaḥ datan purun, dé kĕṇḍali iṅgiḥ kĕdaḥ aṅucali, kaŋ rujuk lan lambénipun, mbotĕn kéṅiŋ carub awor.

9. kapal kaŋ lambé ṅgaṇḍul, manaḥ kiraŋ laṇḍĕp grahitèku, kĕdaḥ mawi kĕṇḍali kaŋ ḷĕṅgaŋ tuwin, iṅkaŋ awrat bobotipun, wunèn kaŋ mulu sayĕktos.

10. sĕsĕr cĕkapan namuŋ, saruṅannya botĕn mawi braṅus, paṅaṅkahé iŋ tĕṅaḥ dipunkĕmbani, dèn rĕrisi lambénipun, pañĕpĕṅé apus pĕṅkoḥ.

11. kasaṅgiya puniku, sakiŋ sakĕḍik supadosipun, baḍé sagĕd ḷĕga lambéniŋ turaṅgi, narik ḷĕgané tyas tuhu, kapal anurut sapakon.

12. kapal wrat lambénipun, manaḥ kaṭaḥ kiraŋ grahitèku, lambé awrat puniku tigaŋ prakawis, sapisan ḍasariŋ tutuk, kĕṇḍali kaŋ èṇṭèŋ coṇḍoŋ.

13. sumadya laṇḍĕpipun, sĕsĕrira iṅkaŋ radi laṇḍuŋ, biliḥ awratipun wahu sakiŋ gusi, kĕṇḍali kaŋ awrat kĕṭul, sĕsĕr kapara ṅalokro.

14. manawi awratipun, sakiŋ ilat kĕṇḍali kaŋ kĕṭul, iṅkaŋ awrat sĕsĕr cĕkak tumèmpèl iŋ, lambé dé pĕṅaṅkahipun, tĕṅaḥ tambuḥ ṅajĕŋ tamboḥ.

15. pinèt salintiripun, tyasiŋ kapal ywa dèn grusa grusu, wit lambéné kapal wus tan pinarṣudi, kantun mbudi manahipun, ḷĕga amanut sapakon.

16. yèn antĕp lambénipun, kĕdaḥ ṅaṅgé kĕṇḍali puniku, iṅkaŋ awrat ḷĕṅgaŋ laṇḍĕp wunénèki, rahos antĕp sababipun, kiraŋ rosa suku ñléyor.

17. taracak ugi miyur, saha lambé kiraŋ gamoḥ iku, paṅaṅkaḥnya iŋ ṅajĕŋ kĕdaḥ sinaṅgi, dèn rĕrisi lambénipun, tĕṅaḥ winantonan gupoḥ.

18. wiṅkiŋ winantu wantu, tinèmpèlan iŋ camĕṭinipun, ṅiriḥ iriḥ dèn nya miluta mriḥ kéṅiŋ, tyasé kuda ḷĕganipun, dadya miturut sapakon.

19. kaŋ èṇṭèŋ lambénipun, manahira basané sumuruḥ, grahitané winastan laṇḍĕp sayĕkti, lambé manahipun gamuḥ, kĕṇḍalinira kaŋ coṇḍoŋ.

20. nèm èṇṭèŋ wunèn kĕṭul, iŋ paṅaṅkaḥ kĕdaḥ laṅkuŋ alus, ṅaraḥ araḥ arèrèḥ aṅiriḥ iriḥ, sampun kuciwa iŋ sĕmu, tyas sumèlèḥ ṅatos atos.

21. awit kapal puniku, wus kaḷĕbĕt sah‍é manahipun, biliḥ ḷĕpat iŋ paṅaṅkaḥ añjalari, baḍé muyab manahipun, wuruŋ dandosan sayĕktos.

22. kaŋ kiraŋ manahipun, naṅiŋ laṇḍĕp grahitannya muluk, lambé kandĕl kĕṇḍalinya kĕdaḥ miliḥ, iṅkaŋ èṇṭèŋ wunèn mulu, paṅgakaḥnya ṅatos atos.

23. dèn rĕrisi iŋ ñayun, dé iŋ tĕṅaḥ dèn sĕṛĕga muhuŋ, wiṅkiŋ dipuntèmpèli kanaŋ camĕṭi, ñaṛĕṅi ḷĕganiŋ kayun, narik mriŋ lambé gumoloŋ.

24. srat katuraṅgan sampun, ñĕbutakĕn patrap kaŋ kadyèku, basanipun katula tinali tali, sah‍èstu aṅèl kalaṅkuŋ, iŋ pamriḥ sagĕda goloŋ.

25. kapal kaŋ kiraŋ kalbu, sumpĕg sĕbĕl iŋ grahitanipun, naṅiŋ lambé babasanipun agĕmi, kĕṇḍali kĕdaḥ kaŋ kĕṭul, saha iṅkaŋ tanpa bobot.

26. mĕṅgaḥ pamaṅgihipun, iŋ panumpak ṅajĕŋ dèn atambuḥ, dé iŋ tĕṅaḥ tan kĕṇḍat dipunwantoni, wiṅkiŋ pinĕṭil iŋ tĕmbuŋ, tinaliti iṅkaŋ prabot.

27. sĕsĕr ywa cĕkak laṇḍuŋ, saruṅannya iṅkaŋ mawi braṅus, adat sagĕd ḷĕga manahiŋ turaṅgi, narik ḍatĕŋ lambénipun, puniku kaŋ wus kalakon.

28. kapal kèḥ manahipun, paṅgrahita kiraŋ ḍasar cubluk, lambé mrayaŋ punika kĕṇḍalinèki, iṅkaŋ awrat saha kĕṭul, binaḷĕbĕd siñjaŋ amoḥ.

29. sĕsĕr tumèmpèl gaṭuk, mariŋ lambé dé paṅaṅkahipun, iṅkaŋ numpak pañĕpĕṅé apusnèki, tumrapé iŋ lambé amuŋ, amĕr amĕr sarta kukoḥ.

30. ḷĕṅgahiŋ badan anrus, kaŋ sumèlèḥ myaŋ sarèḥ tyasipun, paṅaṅkahiŋ lampaḥ muŋ salaḥ satuṅgil, botĕn kéṅiŋ sontan santun, yèn dèrèŋ sah‍é sayĕktos.

31. kapal kèḥ manahipun, grahita kèḥ lawan manaḥ tumbuk, naṅiŋ kiraŋ laṇḍĕp èṇṭèŋ lambénèki, manahipun kiraŋ gamuḥ, mĕṅgaḥ kĕṇḍali kaŋ coṇḍoŋ.

32. kaŋ antĕp saha kĕṭul, paṅaṅkahé panumpak puniku, mbotĕn kéṅiŋ kawasa wasa mriḥ gĕlis, sakiŋ sakĕḍik mèt kayun, saṛĕṅiŋ sumèḥ trus batos.

33. bab lambé muŋ puniku, iṅgiḥ aḍi sasĕṛĕpan ulun, mas cĕbolaŋ ṇḍĕku aris aturṇèki, kakaŋ iŋ paṅintĕn ulun, mbokmanawi wus tan mrojol.

34. sakiŋ wowolu wahu, kalilana ulun lajĕŋ mundur, mariŋ poṇḍok ki wisma miwaḥ kaŋ èstri, ṅatĕr waṅsul ñjawi pintu, suŋ puja karahayon.

35. cinarita apan wus, lami dèn nya amarṣudèŋ kawruḥ, iŋ paṅrèhiŋ turaṅga maraŋ ki madi, kacaṭĕt sajroniŋ kalbu, sadaya sampun kagayoḥ.

36. sawiji dina nuju, nèŋ poṇḍokan mat tĕṅara gupuḥ, aprasabĕn kakaŋ kantuna iŋ panti, mumpuŋ mbotĕn wontĕn tamu, ulun sakĕḍap yun mlañcoŋ.

37. séba iŋ uwa juru, pujaṅkara prĕlu ñuwun tuduḥ, baḍé dĕgiŋ rañcaṅan griya puniki, iṅkaŋ sah‍é dintĕnipun, mas cĕbolaŋ liṅira lon.

17. kaajak déniŋ amat tĕṅara sowan ki pujaṅkara, kapariṅan katraṅan bab pétaṅan dintĕn ṅĕdĕgakĕn /ndandosi griya, bab lahiripun jabaṅbayi lan watakiŋ liṇḍu.

38. yayi biliḥ panuju, myaŋ tan wontĕn iŋ pakèwĕdipun, kula tumut sowan supadi mĕwahi, antuk kawanuhan luhuŋ, pra gĕŋ sĕpuḥ ahli rahos.

39. ki amat sukèŋ kalbu, kakaŋ laṅkuŋ prayogi sah‍èstu, uwa juru sakiŋ iŋ paṅrahos mami, bab étaŋ étaŋ wus laṅkuŋ, mila kinaṭik saŋ katoŋ.

40. saṅgyaniŋ pra priyantun, biliḥ baḍé akaguṅan parlu, tamtu ñuwun papétaṅan kaŋ prayogi, ḍumatĕŋ pun uwa juru, mriḥ ḷĕstantun karahayon.

41. cĕbolaŋ maliḥ muwus, wawi aḍi kula èstu tumut, wus umaṅkat santri papat kaŋ umiriŋ, nèŋ ṅĕnu datan winuwus, kèndĕl iŋ pintu saŋ anom.

122. sinom

1. kyayi juru pujaṅkara, bakdané waktu ṅasari, aṅidĕri tatanĕman, sasĕkaran warṇi warṇi, nèŋ kiwa tĕṅĕn panti, ginula gula binatur, sĕlané babaturan, iṅurug karikil laṅkiŋ, pagĕr luntas pinarak rampak naracak.

2. wadoné lumakyèŋ wuntat, sira nikèn pujastuti, lugas tan mawi rasukan, arimoŋ kurasi kuniŋ, ladiŋ alit cinaṅkiŋ, paṛĕkan kaliḥ nèŋ puṅkur, ambĕkta panaḍahan, siji mbĕkta talam alit, isi gantèn tumumpaŋ anèŋ sap asta.

3. ki juru aṅalap sĕkar, sinuṅkĕn maraŋ kaŋ rayi, tinata nèŋ panaḍahan, nulya mriŋ kĕbonan wiṅkiŋ, ṅuṇḍuhi kacaŋ cipir, boñcis kapri myaŋ katimun, tanapi guguḍaṅan, waṅsul mriŋ plataran maliḥ, aṅuṇḍuhi wowohan mawarṇa warṇa.

4. antuk kaliḥ panaḍahan, ki juru ṅandika aris, nikèn sira saḍiyaa, saanané kaŋ prayogi, aja aṅuciwani, kaŋ patut kaṅgo susuguḥ, kèndĕl dèn nya ṅandika, ki mat tĕṅara maṅarṣi, wusiŋ cĕlak kyayi juru aṅandika.

5. jĕbèŋ saka ṅĕndi sira, waṅuné kaya wigati, umatur kyayi tĕṅara, ulun muhuŋ sakiŋ panti, prĕlu sowan mariki, akaliyan mbĕkta tamu, pun kakaŋ mas cĕbolaŋ, kula tilar wontĕn ñjawi, kyayi juru ṅandika mriŋ èstrinira.

6. nikèn wus sira muliya, bañjuṛĕna préntaḥ mami, mĕṅko sabakdané ṅisa, ki tamu dak ajak bukti, lèṅsèr ñi pujastuti, tĕṅara turrana gupuḥ, putraku mas cĕbolaŋ, ywa kadaṅon anèŋ ñjawi, mat tĕṅara mundur praptèŋ parégolan.

7. nulya iṅirid maṅarṣa, santri catur tansèŋ wuri, praptèŋ plataran pinapag, mriŋ ki juru gya kinaṇṭi, sarwi nambrama manis, paḍa bĕcik sira bagus, lami sun arṣa arṣa, kowé mahu saka ṅĕndi, kaŋ liniṅan umatur paṅèstu tuwan.

8. muhuŋ sakiŋ pamoṇḍokan, babasan kapasaŋ yogi, wus lami ulun yun sowan, pun aḍi wahu suŋ uniŋ, baḍé sowan mariki, mila ulun lajĕŋ klayu, nahĕnta pinaṅgiyan, nèŋ panti kilèn pĕṇḍapi, ḍapur kampuŋ wétan kilèn iŋ èmpèran.

9. kori tĕṅaḥ trus pĕṅkĕran, patamanan kilèn panti, tĕṅaḥ sinuṅan balumbaŋ, iṅoṅonan wadĕr abrit, lalarèn aṅubĕṅi, sinuŋ siḍatan maṅidul, mriŋ balumbaṅiŋ laṅgar, binatur iŋ séla putiḥ, toya wĕniŋ gaṅgĕŋ mirut ṅériŋ ṅanan.

10. śri kawuryan piniyarṣa, sahuran uṅĕliŋ pĕkṣi, kaŋ samya anèŋ sĕṅkĕran, kadi suŋ pambagé mariŋ, iṅkaŋ anĕmbé prapti, bĕrkutut anduduk layu, dĕrkuku putĕr pĕṭak, blastĕr dara goṇḍok parṣi, nori atat miwaḥ pĕkṣi cèḥ ocèhan.

11. lir mamèrkĕn swaranira, sru sakéca piniyarṣi, wus tata dèn nira ḷĕṅgaḥ, sugata lumadyèŋ ṅarṣi, pasĕsan gantèn waṅi, patéyan paṅiriṅipun, ḍaharan ṛĕṛĕmikan, kyayi juru ṅacarani, jĕbèŋ kono saanané rinahaban.

12. aṇḍĕku kaŋ sinuŋ sabda, pasugatan dèn taṅgapi, minum wédaŋ myaŋ ḍaharan, sinĕlanan gantèn waṅi, ki amat matur aris, gatosipun sowan ulun, baḍé ṅadĕgkĕn griya, ñuwun taṅgal wulan ari, nuwun béñjiŋ punapa prayoginira.

13. ki juru mèsĕm ṅandika, upama aja mbaṛĕṅi, lan gawéné mbakyunira, sasi bĕsar kaŋ prayogi, ta bésok bah‍é kaki, rabiṅulakhir sutèṅsu, yèn wus cĕḍak kéwala, sira ṅĕliṅĕna kaki, ki tĕṅara aṇḍĕku matur sandika.

14. ṅandika maliḥ ki wisma, maraŋ iŋ tamunirèki, iki ranné kabĕnĕran, sisan ulun asuŋ uniŋ, bĕsar iŋ ṅaṛĕp iki, manira yun amamantu, ṅomaḥ ohamké anak, wadon ran rara mustari, ḍahup lawan gus samsu atmajanira.

15. ki ṅabèhi maṅunarja, kadĕmaṅan iŋ paṅasiḥ, lamun sira duruŋ liṅgar, ĕndak puriḥ aṅrawuhi, cĕbolaŋ matur aris, sĕndika laṅkuŋ panuju, mĕṅgaḥ tĕmpukiŋ karya, wontĕn iŋ dintĕn punapi, ki juru ṅliŋ sahuwisé bĕḍol tumbak.

16. iŋ taṅgal kapiŋ pat bĕlas, jumuwaḥ pon amaṛĕṅi, pĕcak sawĕlas niṅkaḥnya, soréné bakda mahribi, paṅantèn bañjur paṅgiḥ, muŋ calimèn basanipun, mulané rinira mat, aṅgoné ṅadĕgkĕn panti, dakkon mundur dadi tan bĕbèñcèŋ karṣa.

17. èḥ ragaduta dandana, ṅuñjukna lapuran iki, ñjujug ñi régol kéwala, katur ñi ṅguŋ iṅkaŋ tampi, sĕrat wus dèn tampani, ragaduta nulya mundur, cĕbolaŋ bĕbĕg iŋ tyas, naṅiŋ ayun matur ajriḥ, jroniŋ miṅgu ṅgagas baḍé aturira.

18. rarahosan lan ki amat, adĕgipun wisma aḍi, punapi mawi piliyan, tan prayogi jañji sasi, ki amat amaṅsuli, makatĕn sah‍èstunipun, naṅiŋ kula tan wikan, kajawi matur kiyayi, uwa juru supadi tĕraṅiŋ nala.

19. uwa punika pun kakaŋ, atatanya ḍatĕŋ mami, masalaḥ adĕgiŋ wisma, paran katĕraṅanèki, ki juru ṅandika ris, adĕgiŋ griya puniku, lawan tibané paṅkat, pan paḍa pétaṅanèki, mula lamun ñjĕŋ sultan arṣa misuḍa.

20. saduruṅé kaḷĕkṣanan, ḍawuḥ maraŋ iṅsun ḍiṅin, muṇḍut palapuraniṅwaŋ, dina sasi kaŋ prayogi, lan lamun amaṛĕṅi, kaguṅan putra saŋ mulku, miyosé atmajéndra, uga ulun aṅaturi, pépétaṅan atanapi pèpèṅĕtan.

21. kalamun ana grahana, kalawan téja kah‍èkṣi, lintaŋ kumukus bahiṅrat, tibané lah‍étulkadri, ulun bañjur ṅaturi, katraṅan surat tinutup, mahu gawé lapuran, arṣa amisuḍa wrĕsi, piyarṣakna kaŋ bĕcik lawan kaŋ ala.

22. iki laḥ mapan pratiṅkaḥ, ṅadĕg adĕgakĕn nĕṅgiḥ, sabaraŋ kaŋ dèn adĕgna, bhupati utawi mantri, miwaḥ ta saliyaniŋ, kaya ṅadĕgakĕn iku, iŋ wisma sapaḍanya, miliya sasi kaŋ bĕcik, iṅkaŋ ala wajib sira siṅgahana.

23. kalamun sasi mukaram, ala watĕké tan bĕcik, mapan maṅguŋ kasusahan, gĕriṅan payaḥ tan poliḥ, iŋ tatamba tumuli, yèn ana durbala tulus, yèn apapadon kalaḥ, amuŋ ṅadĕgkĕn narpati, iṅkaŋ bĕcik liyané iku pan ala.

24. yèn iŋ sasi sapar ala, siṅgahana nora bĕcik, tan wuruŋ lara kĕsaṇḍaŋ, naṅiŋ tan tumĕkèŋ pati, yèn nanandura bĕcik, iya iŋ wit witanipun, tĕṅahan lan wĕkasan, wuruŋ liré nora dadi, tombok doña sirṇa nora ambaṛĕkat.

25. iŋ rabiṅulawal ala, agĕriṅan wataknèki, miwaḥ ta kapatèn garwa, yèn nanandur nora dadi, lan alanipun maliḥ, kĕṛĕp kaḍĕṇḍèŋ hyaŋ aguŋ, rabiṅulakhir wulan, pilihan iku kaŋ bĕcik, iŋ sabaraŋ iku kaŋ iṅĕdĕgĕna.

26. mapan wahyuné kapénak, sabaraŋ préntahé dadi, baraŋ kaṛĕpé katĕkan, yèn papadon mĕnaŋ ugi, iŋ sakarṣanirèki, yèn nanandur paṣṭi tulus, lan nora na kaṇḍĕgnya, tĕkan ĕmas lawan picis, kaŋ supaṅat ñjĕŋ nabi nayakaniṅrat.

27. lan sapolahé rinĕkṣa, déniŋ hyaŋ kaŋ maha sukci, dé sasi jumadilawal, ala pan aṅguŋ prihatin, pĕtĕṅan atèn nĕṅgiḥ, punika wawatĕkipun, yèn apapadon kalaḥ, ananandur nora dadi, kikiraṅan rijĕki déniŋ paṅéran.

28. jumadilakir kaŋ wulan, siṅgahana nora bĕcik, akèḥ rijĕki kaŋ prapta, nora ṅanti dipunbukti, pan aṅguŋ dèn maliṅi, kasayaban ṅaṅguripun, lawan kĕṛĕp kaḍĕṇḍa, saṭiṭik sukaniŋ kapti, apan kĕṛĕp kasusahan iṅkaŋ manaḥ.

29. iŋ sasi ṛĕjĕb pan ala, araŋ sukané kaŋ ati, mapan akèḥ dukanira, tiniṅgal maraŋ iŋ siwi, nanandur nora dadi, bawur aṅĕn aṅĕnipun, tan antuk kaŋ sapaṅat, ñjĕŋ nabi duta sinĕlir, yèn iŋ sasi sakban punika utama.

30. sabaraŋ kaŋ dèn adĕgna, punika pan luwiḥ bĕcik, akèḥ rijĕki kaŋ prapta, tur sasi kalal binukti, kèḍĕp paréntahnèki, akèḥ woŋ kaŋ apitutur, tur paḍa wèḥ manpaṅat, sabaraŋ kaṛĕpé dadi, apan antuk kaŋ sapaṅat rasulollaḥ.

31. salalahu huwasalam, wulan ramĕlan tan bĕcik, tansaḥ kaṅélan kaŋ manaḥ, iŋ lahir tumĕkèŋ batin, maṅguŋ kiniraŋ ugi, maraŋ woŋ kaŋ gĕṭiŋ iku, akèḥ woŋ iṅkaŋ éwa, ananandur nora dadi, prayogané paḍa sira siṅgahana.

32. yèn iŋ sasi sawal ala, tur baṅĕt ṅgonné tan bĕcik, ambaṛĕṅi prihatinan, akèḥ kaŋ woŋ aṅéwani, woŋ aṅalani maliḥ, akĕṛĕp kataton iku, tan kèḍĕp paréntaḥnya, ananandur nora dadi, pan iŋ wulan dulkaṅidaḥ watakira.

33. sabaraŋ kaŋ dèn adĕgna, pan asah‍é wataknèki, apan maṅguŋ kinasiyan, mriŋ sadulur anak rabi, myaŋ sapĕpaḍanèki, atanapi mriŋ woŋ sĕpuḥ, anandur prayoga, muŋ sĕḍĕŋ pétaṅirèki, pan iŋ wulan dulkaṅidaḥ iku watĕknya.

34. akèḥ rijĕkiné prapta, ĕmas atanapi picis, sahisiné wismanira, tumĕkèŋ laladanèki, tuwin préntahan sami, sadaya yĕm manahipun, aṅsal iṅkaŋ supaṅat, ñjĕŋ nabi rosulolahi, salahu wa ṅalahi hiwasalam.

35. tamat gantya palahiran, pétuŋ siŋ nĕptuniŋ ari, winor nĕptuniŋ pasaran, duk rikalanira lahir, kayĕktènira ugi, mapan akèḥ cocogipun, nadyan ta sulayaa, muŋ saṭiṭik kèḥ nocogi, pinurwa siŋ wĕktuniŋ dina pasaran.

36. kalamun kapaṅgiḥ aṣṭa, lahirira jabaṅbayi, baŋ baŋ priŋ tur panas baran, wataké pan rada drĕṅki, kuraŋ marma kaŋ ati, akèḥ woŋ kaŋ dèn baraṅus, ṛĕmĕn padu woŋ ika, yèn nĕpsu sok mbilah‍èni, wus kayĕktèn yèn maṅkono watĕkira.

37. kalamun kapaṅgiḥ saṅa, lahirira jabaṅbayi, watakira barañjalan, omaḥ omaḥ asriŋ ṅaliḥ, sabanira atĕbiḥ, amuŋ ṅuṅsèkakĕn guruŋ, kalamun duwé japa, watakira nora mandi, nora wawaŋ woŋ agawé karusakan.

38. lamun kapaṅgiḥ sadasa, lahirira jabaṅbayi, antĕŋ wataké sambada, yèn winuruk anitèni, jĕro nĕptuné yĕkti, abagus bisa mĕrḍukun, tan ṛĕmĕn tinakonan, juwèḥ juwèḥ woŋ puniki, sumèḥ ulat trisna maraŋ kadaṅira.

39. lamun kapaṅgiḥ sawĕlas, lahirira jabaṅbayi, mapan barès tur pracaya, wani ṅambaḥ iŋ wĕwĕdi, kĕndĕl wani ṅĕmasi, ṛĕmĕn wèwèḥ woŋ puniku, loma mariŋ sasama, alané yèn naṇḍaŋ miṣkin, sok calimut ñjupuk duwèkiŋ sasama.

40. kalamun kapaṅgiḥ rolas, lahirira jabaṅbayi, kuraŋ narima iŋ titaḥ, akèḥ paṅarahirèki, kasmaran iŋ asiṅgiḥ, èstri atanapi jalu, gampaŋ ṅupaya paṅan, watakira kuraŋ manis, omaḥ omaḥ woŋ ika asriŋ kélaṅan.

41. lamun kapaṅgiḥ tĕlulas, lahirira jabaṅbayi, ṛĕñaḥ pamicaranira, guṅan kapati pati, naṅiŋ atiné bĕcik, runtut rukun mriŋ sadulur, tan darbé napsu ala, bĕtaḥ mĕlèk éṅgal mukti, yèn ñudagar wataké tabĕri dagaŋ.

42. lamun kapaṅgiḥ patbĕlas, lahirira jabaṅbayi, iŋ tĕmbé laré punika, sabaraŋ karya pan baṅkit, sakĕḍap yèn tan bukti, agaṅsar lamun winuruk, tahu sinuṅsuŋ janma, cacadira nora sugiḥ, ḷĕmbaḥ manaḥ woŋ ika rada suṅkanan.

43. lamun kapaṅgiḥ limalas, lahirira jabaṅbayi, kaharjan raré punika, bisa maréntaḥ sujanmi, kĕras tatag gĕŋ ati, cukup mriŋ pambuktinipun, nora kuraŋ pamboga, kaṭaḥ mitranira asiḥ, muŋ cacadé asriŋ padu mariŋ krama.

44. lamun kapaṅgiḥ nĕmbĕlas, lahirira jabaṅbayi, sèḍĕt mariŋ silakrama, aṅrĕsĕpkĕn lamun aṅliŋ, sugiḥ apura yĕkti, juwèḥ padoné woŋ iku, sabaraŋ kaŋ cinipta, nora luput paṣṭi dadi, lamun bukti nora kĕna pinalaṅan.

45. lamun kapaṅgiḥ pitulas, lahirira jabaṅbayi, mĕnĕŋ cĕguk watakira, yèn margawé sok niwasi, glĕnas glĕnĕs yèn aṅliŋ, yèn duwé kaṛĕp sok wuruŋ, asriŋ sinuṅsuŋ janma, kĕṛĕp dèn pah‍éka janmi, yèn kapaḍan iŋ karṣa kalaṅkuŋ suka.

46. lamun kapaṅgiḥ wolulas, lahirira jabaŋ bayi, kaduk wani kuraŋ duga, kumaluṅkuŋ sok panastin, biyas ulatirèki, yèn dinulu woŋ puniku, padonira sĕmbrana, sumakéyan lamun sugiḥ, yèn tukaran dèn antĕp tumuli ṅalaḥ.

47. titi pétuṅan klahiran, muṅguḥ sasi iṅkaŋ bĕcik, kaŋ kaṅgo adĕg adĕgan, wusiŋ pakantuk kaŋ sasi, kudu aṅétuŋ maniŋ, kaŋ prayoga dinanipun, utawa ñiṅkirana, tali waṅké sampar mayit, naas saṅar myaŋ kala wuku nèŋ ṅaṇḍap.

48. ḍĕṇḍan kukudan ḍuṅulan, uga kudu disiṅkiri, cĕbolaŋ aris turira, laṅkuŋ ḷĕgané kaŋ ati, nahĕnta wañci mahrib, bĕḍug iŋ laṅgar tinabuḥ, santri lit kaṭaḥ prapta, samya muji salawati, alalagon tuṅgul muṅgaḥ paculgowaŋ.

49. ki wisma aris ṅandika, prayoga wĕktu rumiyin, taṅgap iṅkaŋ sinuŋ sabda, samya ṅambil toyastuti, sawusiŋ praptèŋ maśjid, kaŋ maca salawat suwuk, nurwitri nulya adan, swara arum mĕṭit alit, amuŋ kiraŋ sakĕḍik wiḷĕtanira.

50. suwukiŋ aṅantya sunat, sawusiŋ sunat mahribi, ki nurwitri nulya kamat, kèndĕl kamat nulya mahrib, ki juru aṅimami, tĕkèŋ bakda ṅisanipun, sampat kaŋ pupujian, sunatira amĕpĕki, bakda sunat kyayi juru aṅandika.

51. jĕbèŋ payo maraŋ wisma, ibunta saḍiya bukti, tumurun sakiŋ iŋ laṅgar, cĕbolaŋ amat nèŋ wuri, sapraptanirèŋ panti, pujastuti lon umatur, ḍahar sampun samĕkta, ki juru aṅacarani, payo jĕbèŋ paḍa maṅan saananya.

52. ibuné sira mèluwa, maṅan dimèn aja gañjil, kaŋ sinuŋ ṅliŋ wus maṅarṣa, saha matur maṅañjali, dasihé ñuwun uniŋ, laḥ sintĕn tamu puniku, iku ran mas cĕbolaŋ, asli siŋ cilacap nagri, atmajané jaṅgan naradi kaŋ ṅusman.

53. wus lawas nèŋ ṅèkṣiganda, moṇḍok iŋ wismanirèki, pulunanta mat tĕṅara, iṅakĕn sudarawardi, papat baturé santri, pinaṛĕŋ iŋ wĕktunipun, slawasé kapoṇḍokan, rijĕkiné ika mintir, wus dilalaḥ malaḥ yun ṅadĕgkĕn wisma.

54. pujastuti aṅandika, sukur sukur sira kaki, muga muga ḷĕstarèkna, aṇḍĕku kaŋ sinuṅan ṅliŋ, kulup kaŋ añar kèkṣi, sanadyan nĕmbé katĕmu, rasané atiniṅwaŋ, tan béda lan rinirèki, kaya uwus kulina luwiḥ sawarṣa.

55. mas cĕbolaŋ aturira, kalaṅkuŋ nuwun kapuṇḍi, sapintĕn pintĕn nugraha, kaŋ ḍumawaḥ jasadmami, kaṛĕṅkuḥ kadi siwi, mĕṅgaḥ sotaniŋ tyas ulun, kadya ṛĕna priawak, sampun kiraŋ paṅakṣami, rèḥ tyaŋ mañca èstu kiraŋ sila krama.

56. anutug dèn nira naḍaḥ, sadaya wus samya wantiŋ, ambĕŋ nulya cinarikan, linorodkĕn mariŋ jawi, ki juru ṅandika mriŋ, garwa èḥ ibuné siṇḍuk, sésuk ñi padmasastra, lawan ñahi guṇḍa muṇḍiŋ, aturana mréné jakĕn ṛĕṛĕmbugan.

57. pujastuti tur sandika, bibar waṅsul mariŋ jawi, santri papat lagya naḍaḥ, ki wisma ṅliŋ aywa isin, bañjurṇa ṅgonmu bukti, kaŋ liniṅan matur nuwun, maṅsuli pinarakan, wusiŋ ḍahar mbuwaŋ amis, nulya sami ĕsĕs atanapi mucaŋ.

58. alon matur mas cĕbolaŋ, paran katĕraṅanèki, takbirané kaŋ grahana, surya atanapi sasi, mĕṅgaḥ ṅalamatnèki, sanès atanapi jumbuḥ, myaŋ ṅalamatiŋ téja, lintaŋ kumukus utawi, punaŋ liṇḍu ulun ñuwun saĕṛĕpan.

59. kyayi juru mĕḍar sabda, grahana surya myaŋ sasi, iku ṅalamaté paḍa, maṅkéné urutirèki, yèn grahana amaṛĕṅi, muharam iŋ wulanipun, ṅalamaté akaṭaḥ, iŋ pitĕnaḥ lan bilahi, woŋ kaŋ sugiḥ sugiḥ samya karisakan.

60. woŋ kaŋ miṣkin samya saras, yèn sapar ika maṛĕṅi, wĕtuniŋ punaŋ grahana, ṅalamaté udan aṅin, yèn grahana kaŋ sasi, rabiṅulawal anuju, ṅalamaté pahilan, lan akaṭaḥ kaŋ ṅĕmasi, lan akaṭaḥ udan aṅin maṅsanira.

61. lamun panuju grahana, iŋ wulan rabiṅulakir, ṅalamat woŋ sugiḥ samya, akaṭaḥ kaŋ aliḥ aliḥ, woŋ iṅkaŋ miṣkin miṣkin, akaṭaḥ kalalènipun, lamun ana grahana, jumadilawal kaŋ sasi, lamat kaṭaḥ kilat udan lawan gĕlap.

62. lamun anuju grahana, iŋ wulan jumadilakir, ṅlamat tulus woŋ sasawaḥ, tanduran paḍa andadi, wowohan muraḥ sami, lamun grahana anuju, nĕṅgiḥ iŋ wulan rajab, akèḥ woŋ luwé bilahi, akèḥ udan aṅin akèḥ woŋ palastra.

63. yèn grahana wulan sakban, ṅalamat manuṅsa sami, akèḥ karya kabĕcikan, lan bĕrkat mupaṅat sami, sukur akèḥ kaŋ muji, iŋ hyaŋ kaŋ maha luhur, lamun ana grahana, wulan ramĕlan maṛĕṅi, ṅalamaté pahilan akèḥ woŋ rusak.

64. lamun iŋ maḷĕm jumuwaḥ, ṅalamat akèḥ bilahi, asaṅĕt agagĕmpuran, akaṭaḥ tyaŋ sami lalis, yèn grahana iŋ sasi, sawal pan ṅalamatipun, akaṭaḥ woŋ kaŋ lara, lan akaṭaḥ woŋ prihatin, yèn grahana nuju wulan dulkaṅidaḥ.

65. lamat saṅĕt kaŋ maruta, bayu bajra aṅin aṅin, aṅrĕbahakĕn kakaywan, yèn grahana amaṛĕṅi, dulhijaḥ wulannèki, ṅalamat akèḥ woŋ iku, sami asuka suka, lan woŋ papakéyan sami, lan woŋ kaji samya suka iŋ dadalan.

66. lamun anuju grahana, iŋ wulan dulkijaḥ nĕṅgiḥ, lajĕŋ iŋ wulan mukaram, iŋ sajroné kaliḥ sasi, ṅalamat baḍé ari, kiyamat iŋ maṅsanipun, karṣanira hyaŋ sukṣma, akarya ilapat jati, dèn waspada tibané dudu lan iya.

67. gantya ṅalamatiŋ téja, lamun ana téja kèkṣi, iŋ wétan bĕnĕr prataṇḍa, tulus pañjĕnĕṅan aji, suka sakèhiŋ janmi, tulus kaŋ sarwa tinandur, lan muraḥ saṇḍaŋ paṅan, déné yèn téja kah‍èkṣi, kidul wétan prataṇḍa apraŋ gĕmpuran.

68. lan wontĕn pakaryan awrat, maliḥ yèn téja kah‍èkṣi, iŋ kidul bĕnĕr prataṇḍa, laraŋ bĕras laraŋ pari, lawan akèḥ woŋ drĕṅki, akèḥ woŋ kaŋ samya lampus, yèn téja katiṅalan, kidul kulon mrantaṇḍani, para mantri pra samya akèḥ suṅkawa.

69. lan woŋ cilik akèḥ rusak, kĕbo sapi paḍa mati, lan ṛĕgané muṇḍak laraŋ, lamun ana téja kèkṣi, kulon bĕnĕr tan bĕcik, pra paṇḍita para ratu, lawan kaŋ alul lampaḥ, myaŋ woŋ kaŋ atèki tèki, sadayèku samyarṣa kĕnèŋ suṅkawa.

70. téja lorkulon ṅalamat, kèḥ woŋ mati déniŋ gĕriŋ, woŋ gĕḍé tatané rusak, téja lor bĕnĕr winarṇi, woŋ cilik paḍa sĕḍiḥ, woŋ aguŋ tan ana atut, naṅiŋ bras pari muraḥ, muraḥ kĕbo lawan sapi, wĕkasané laraŋ saṇḍaŋ lawan paṅan.

71. téja lorwétan ṅalamat, ratu katĕkan prihatin, para mantri akèḥ rusak, woŋ cilik biṅuŋ kèḥ ṅĕliḥ, sakiŋ wisunané sĕḍiḥ, déné praja ura uru, kĕbo sapi kèḥ pĕjaḥ, laraŋ udan muŋ dèn éliŋ, kahutaman kumambaŋ bĕkti iŋ allaḥ.

123. maskumambaŋ

1. iki jĕbèŋ sasmitanira hyaŋ widdhi, sakèhé kaŋ umat, para ratu myaŋ bhupati, kaŋ miyarṣa ṅèstokĕna.

2. apan lintaŋ kumukus panĕṅranèki, lamun ana lintaŋ, kumukus lorwétan nĕṅgiḥ, iku ṅalamaté ala.

3. ana ratu aniṅgal para bhupati, lawan ana karya, arané ambĕbayani, ṅiŋ kèḥ désa paḍa rusak.

4. lamun lintaŋ kumukus lorkulon nĕṅgiḥ, ṅalamaté ala, ana ratu ṛĕbut siṅgiḥ, lan maliḥ yèn ana lintaŋ.

5. kulon bĕnĕr lintaŋ kumukus mèṅĕti, ana madĕg raja, bhupati aguŋ ṅurmati, lan woŋ cilik akèḥ suka.

6. kidulkulon kawuryan ṅalamatnèki, ana ratu séda, para bhupati prihatin, samya karya kabĕcikan.

7. akèḥ udan aṅin muraḥ bĕras pari, wowohan andadya, amuŋ kĕbo lawan sapi, kèḥ pĕjaḥ wallahuwalam.

8. lamun mijil kidulwétan mĕrtaṇḍani, ana ratu paḍa, pañjĕnĕṅan tĕkèŋ jañji, lan maliḥ yèn ana lintaŋ.

9. kumukus yèn mijil wétan bĕnĕr nĕṅgiḥ, ṅalamaté ala, saŋ ratu suṅkawèŋ galiḥ, lan para bhupati paḍa.

10. kah‍éwuhan désa rusak kèḥ pagĕriŋ, lawan akèḥ udan, naṅiŋ muraḥ bĕras pari, wus titi walahuwalam.

11. amarṇa rèḥ dalajaté iṅkaŋ bhumi, karṣané hyaŋ sukṣma, goñjiṅira iṅkaŋ siti, tan lyan sakiŋ kodratolaḥ.

12. saguṅiŋ kaŋ manuṅsa satanaḥ jawi, obahiŋ bantala, iṅaran liṇḍu puniki, maṅka dumadya prataṇḍa.

13. lamun liṇḍu wulan mukaram maṛĕṅi, wĕktu subuḥ ṅlamat, ana praŋ iŋ tanaḥ jawi, yèn liṇḍu iŋ wĕktu luka.

14. jroniŋ sura muraḥ paṅan lan rijĕki, yèn tĕṅaṅé ṅlamat, barkaḥ lan rahmat ṇḍatĕṅi, yèn wĕktu luhur ṅalamat.

15. nĕṅgiḥ arṣa aṅaliḥ ĕṅgèn sawiji, yèn iŋ wĕktu ṅasar, ana praŋ ṅalamatnèki, yèn wĕktu mahrib ṅalamat.

16. kaṭaḥ janma samya anĕmahi lalis, lamun wĕktu ṅisa, sahisiné bhumi sami, olèḥ rahmatiŋ paṅéran.

17. gantya liṇḍu iŋ wulan sapar maṛĕṅi, wĕktu subuḥ ṅlamat, ana pakaryan maṛĕṅi, ṅgonniŋ ratuné woŋ désa.

18. iya iku olèḥ bhumi kaŋ sawiji, yèn iŋ wĕktu luka, ana pĕraŋ lamatnèki, yèn tĕṅaṅé ana pitnaḥ.

19. lamun wĕktu luhur ṅalamatirèki, śri nata sawadya, tinĕkanan nora bĕcik, yèn wĕktu ṅasar ṅalamat.

20. samya asiḥ siniyan sakèhiŋ janmi, wĕktu mahrib ṅlamat, kèḥ aliḥ alihan panti, kalamun iŋ wĕktu ṅisa.

21. ṅalamaté bilahi agĕŋ ṇḍatĕṅi, dipaḍa prayitna, ana déné saratnèki, aṅaṅgowa siñjaŋ pĕṭak.

22. kaŋ amulus kalawan iṅkaŋ asuci, myaŋ kita ṅucapa, kaŋ bĕnĕr santosèŋ ati, ywa ṅucap kaŋ tanpa karya.

23. dan mahujud iŋ hyaŋ iṅkaŋ maha sukci, aywa sok ṅucapa, maṅan ṅinum ṅati ati, sabaraŋ kaŋ sarwa kalal.

24. apadéné paḍa siḍĕkaha sami, sakuwasanira, sĕga wuduk iwak pitik, naṅiŋ iṅkaŋ wulu tulak.

25. ujubira anulak sakèḥ bilahi, maṅsa kèḥ babaya, apan kunut doṅanèki, poma sami ṅèstokĕna.

26. gantya wulan rabiṅulawal maṛĕṅi, wĕktu subuḥ ṅlamat, apahilan punaŋ nagri, kalamun iŋ wĕktu luka.

27. ṅalamaté ana nugrahaniŋ widdhi, yèn wĕktu luhur pan, ṅlamat ayun ana ṛĕṣi, prapta padésan myaŋ praja.

28. wĕktu ṅasar ṅlamat kèḥ bocaḥ kaŋ mati, wĕktu mahrib lawan, wĕktu ṅisa ṅlamatnèki, nora ana kara kara.

29. gantya wulan rabiṅulakir maṛĕṅi, wĕktu subuḥ ṅlamat, pahilan myaŋ laraŋ bukti, lamun nuju wĕktu luka.

30. ṅalamaté muraḥ bĕras lawan pari, wĕktu luhur ṅlamat, datan ana kawis kawis, wĕktu ṅasar ana pĕraŋ.

31. lamun wĕktu mahrib ṅalamatirèki, sakèḥ bhumi désa, antuk rahmatiŋ hyaŋ widdhi, yèn wĕktu ṅisa raharja.

32. gantya wulan jumadilawal maṛĕṅi, wĕktu subuḥ ṅlamat, akèḥ praŋ dé yèn maṛĕṅi, wĕktu luka ṅalamatira.

33. sarwa tulus kaŋ tinandur bhumi bhumi, wĕktu luhur ṅlamat, olèḥ rahmatiŋ hyaŋ widdhi, lamun wĕktu ṅasar ala.

34. ṅalamaté bilahi gĕŋ aṇḍatĕṅi, kèḥ patyan pinatyan, kalamun wĕktu mahĕrib, ṅalamat saṅĕt saṅsaya.

35. yèn iŋ wĕktu ṅisa ṅalamatirèki, dahat tan prayoga, dèn sami prayitnèŋ wèṣṭi, yogya paḍa sagahana.

36. bubur warṇa iya iŋ sakadarṇèki, déné doṅanira, pina kalawan basuki, prayoga kah‍èstokĕna.

37. gantya wulan jumadilakir maṛĕṅi, wĕktu subuḥ ṅlamat, kèḥ woŋ suka sukèŋ ṅati, kalamun iŋ wĕktu luka.

38. ṅlamat kèḥ woŋ karya pakaryan basuki, wĕktu luhur ṅlamat, akèḥ nugraha kaŋ prapti, kalamun iŋ wĕktu ṅasar.

39. ṅalamaté akèḥ woḥ wohan kaŋ ndadi, wĕktu mahrib ṅlamat, kèḥ munapèk tan sayukti, kalamun iŋ wĕktu ṅisa.

40. ṅlamat akèḥ pĕraŋ siḍĕkaha nuli, sĕga bĕras abaŋ, iwak pitik wulu kuniŋ, doṅa slamĕt wiraŋroŋan.

124. wiraŋroŋ

1. wulan ṛĕjĕb kaŋ gumanti, kalamun iŋ wĕktu suboḥ, ṅlamat tan prayoga awonipun, winĕḍar tan kéṅiŋ, muŋ kaṇḍĕg ṅlamat ala, kalamun iŋ wĕktu luka.

2. ṅalamat asat kaŋ tasik, waktu luhur ṅalamat won, satrunira arṣa akarya dur, ṅira ira ṅati, kalamun wĕktu ṅasar, ṅalamaté sarwa muraḥ.

3. kalamun iŋ waktu mahrib, ṅalamat woŋ kaŋ ṅaliḥ ṅgon, yèn iŋ wĕktu ṅisa ṅlamatipun, kèḥ woŋ sukèŋ galiḥ, tan ana sinaṅsaya, ṅéné ṅéné suka ṛĕna.

4. gantya wulan ruwaḥ wañci, waktu subuḥ ṅlamat awon, akèḥ uwoŋ uwoŋ akaryèku, paṅira tan bĕcik, kalamun wĕktu luka, ṅalamaté luwiḥ ala.

5. ana bĕbĕnduniŋ widdhi, waktu luhur uga awon, akèḥ bhumi rusak sidkahipun, sĕga bras ayam brit, déné doṅané balak, iku paḍa kah‍èstokna.

6. gantya wulan siyam wañci, waktu subuḥ ṅlamat awon, akèḥ bhumi rusak yèn iŋ waktu, luka ṅlamatnèki, pan ana papĕraṅan, yèn waktu luhur myaŋ ṅasar.

7. ṅalamaté awon sami, waktu mahrib uga awon, lawan waktu ṅisa ṅlamatipun, pan patin pinatin, muŋ woŋ aguŋ kéwala, woŋ cilik katut kéwala.

8. paḍa sidĕkaha nuli, muŋ bubur ḍawĕt kémawon, déné doṅanira doṅa rasul, tan pĕgat mumuji, aywa na kara kara, woŋ aguŋ tulus tĕntrĕma.

9. gantya wulan sawal wañci, waktu subuḥ winirahos, ṅalamat ana satru yèn iŋ wĕktu, luka ṅalamatnèki, ana lara mawarṇa, myaŋ akèḥ jalma palastra.

10. yèn waktu luhur maṛĕṅi, ṅalamaté ana katoŋ, iṅkaŋ puput yuswa ṅasar wĕktu, ṅalamatirèki, akèḥ kaŋ bhumi rusak, yèn waktu mahrib ṅalamat.

11. kèḥ woŋ suka sukèŋ galiḥ, waktu ṅisa ṅlamat awon, paṛĕk ana pĕraŋ iṅkaŋ aguŋ, sidĕkaha sami, bubur kaŋ warṇa warṇa, doṅanĕ ĕmas kumambaŋ.

12. gantya dulkaṅidaḥ sasi, lamun nuju waktu suboḥ, wowohan paḍa nuju, uwohé andadi, kalamun waktu luka, ṅlamat ana blahi prapta.

13. yèn waktu luhur maṛĕṅi, ṅlamat udan kĕras rawoḥ, lamun waktu ṅasar ṅalamatipun, iṅkaŋ bĕcik bĕcik, tan ana paran paran, yèn waktu mahrib ṅalamat.

14. kèḥ woŋ suka suka ṅĕntiŋ, wĕktu ṅisa ṅlamat awon, akèḥ woŋ kaŋ rawuḥ sidkahipun, sĕga liwĕt nĕṅgiḥ, sabaraŋ iwak kĕna, doṅa salamĕt kéwala.

15. wulan bĕsar amuṅkasi, ṅlamaté kaŋ paliṇḍon, lamun waktu subuḥ ṅlamatipun, akèḥ sato sami, iṅkaŋ agalak galak, kalamun iŋ waktu luka.

16. ana pĕraŋ ṅlamatnèki, kalamun iŋ waktu lohor, ṅlamat kèḥ lalara ṅasri waktu, pan ṅalamatnèki, kèḥ sato iṅkaŋ pĕjaḥ, waktu mahrib kaŋ ṅalamat.

17. akèḥ janma iṅkaŋ prapti, paḍa kaluwèn kaḷĕson, lamun wĕktu ṅisa ṅlamatipun, laraŋ paṅan yĕkti, sidĕkaḥ sĕkul abaŋ, kalawan sĕkul kaŋ pĕṭak.

18. warṇa papat iwak pitik, dèn olaha kaŋ mirahos, iṛĕŋ abaŋ tulak lawan piṅul, kubur doṅanèki, bab paliṇḍon wus tĕlas, jĕbèŋ kabèḥ kaŋ kawĕḍar.

18. tatacara tuwin upacara mantu ki pujaṅkara nĕḍĕŋ nĕḍiṅipun siyaga baḍé mantu putra putrinipun kaṇṭi upacara mawarṇi warṇi. amat tĕṅara tuwin mas cĕbolaŋ katimbalan. ḍatĕṅipun pinuju ki pujaṅkara maṅgihi ñahi cuṇḍamuṇḍiŋ, jagal, kapasrahan lan sampun kulina ṅgarap dagiŋ mah‍ésa. kaṅgé pasugatanipun para tamu pañcèn baḍé mragad mah‍ésa. ñahi cuṇḍamuṇḍiŋ nĕraṅakĕn bab mragad mah‍ésa sarta muriḥ dagiṅipun sagĕd babar /dados kaṭaḥ tur tumañja sadaya. ṅaturi katraṅan sakalaṅkuŋ jaṅkĕp bab nama namanipun dagiŋ iŋ awakipun mah‍ésa.

19. iku ujaré kaŋ tulis, piridan kaŋ wus kalakon, iki uwis wayaḥ liṅsir dalu, prayogané sami, aṅaso béñjaŋ éñjaŋ, karoné paḍa baliya.

20. kaŋ liniṅan mundur sami, iŋ dalu tan winirahos, nahan éñjaṅira waṅsul, ki juru myaŋ rabi, lagya maṅgihi jagal, ñi cuṇḍamuṇḍiŋ juragan.

21. mas cĕbolaŋ wus maṅarṣi, ki amat jèjèrṇya luṅgoḥ, pujastuti liŋnya mila mbakyu, ndika kula aturi, pinarak mriŋ wismamba, yèn pinaṛĕŋ déniŋ allaḥ.

22. béñjiŋ wulan ṅajĕŋ niki, kula baḍé éwoḥ éwoḥ, ṅlakèkakĕn anak naṅiŋ amuŋ, climèn datan mawi, sĕḍahan undaŋ undaŋ, tamuné muŋ para kadaŋ.

23. mbakyu ḍaṅana paṅgaliḥ, dados paṅajĕṅiŋ pawon, mĕṅgaḥ babiŋ ulam écanipun, amiḍé utawi, amaragat piyambak, kula amanut kéwala.

24. ñi cuṇḍamuṇḍiŋ turṇya ris, prayogi mragat kémawon, babar iṅkaŋ ulam biliḥ ulun, iṅkaŋ anĕṅgani, sah‍èstu sagĕd wijaŋ, sanès sanès iṅkaŋ ulam.

25. ñi pujas liŋ kadi pundi, kula èstu dèrèŋ wĕroḥ, naminiŋ kaŋ ulam maṅgènnipun, mbakyu yèn maṛĕṅi, mugi kapratélakna, ḍaṇḍaŋ sranduniŋ mah‍ésa.

125. ḍaṇḍaŋgula

1. ñahi muṇḍiŋ aturira aris, wijaṅipun sranduniŋ mah‍ésa, gaṅsal péraṅan cacahé, siraḥ sasampunipun, pisaḥ lawan jaṅganirèki, punika sagoloṅan, groṅgoṅan dwinipun, jĕrowan katiganira, suku kaliḥ iŋ ṅajĕŋ sakawannèki, suku wiṅkiŋ gaṅsalnya.

2. mapan siraḥ sasampunirèki, pisaḥ lawan jaṅganiŋ mah‍ésa, nami tuwin paṅgonanné, cucal siraḥ puniku, kaŋ ṅĕmuli sirahirèki, kupiŋ saṅaṇḍap siṅat, klambit siraḥ muhuŋ, kaŋ ṅĕmuli pipinira, boṅos lambé iṅkaŋ ṅiṅgil maṅgèn ñjawi, gobog pokiŋ taliṅan.

3. kaŋ katiṅal iŋ kanan myaŋ kériŋ, ḍuwĕr pokiŋ kupiŋ ḷĕbĕt ṅgènnya, sluhan bĕḍahan mripaté, koñcèr gobog puniku, wontĕn tĕṅĕn iŋ kanan kériŋ, kalambit gulu apan, kĕmul dagiŋ gulu, lambé gaṅsa ñjawi apan, lambé iŋ ṅiriṅan cĕlak ĕbam criṅiḥ, kaḍaṅan maṅgènnira.

4. anèŋ iŋ ḷĕbĕt kaŋ pokiŋ kupiŋ, kaḍalan jamaŋ lawan sabraṅan, samya nèŋ cĕṅĕl ĕṅgonné, wayaŋ ototiŋ gulu, iṅkaŋ ṅiṅgil jamaŋ maṅgèn iŋ, cĕṅĕl wiṅkiṅiŋ siṅat, pipi kalihipun, mripat kaliḥ ṅaṇḍap siṅat, gajiḥ mripati buntĕl tañcĕpiŋ kaŋ manik, kaḍalan maṅgènnira.

5. saṅaṇḍapiŋ pipi kanan kériŋ, taṅkĕp piṅgir pipi ḷĕbĕt ṅgènnya, asinan ṅaṇḍap pipiné, tigasan pan iŋ gulu, lambé gaṅsa ḷĕbĕt utawi, cĕṭak agĕŋ punika, tumèmplèk iŋ baluŋ, otot adahini ṅgènnya, siraḥ gulu dumugi badanirèki, déné kaŋ baluŋ mripat.

6. iṅkaŋ tinañcĕpan mripat kaliḥ, baluŋ uwaŋ uwaŋ iṅkaŋ ṅaṇḍap, dumugi jaṅgut watĕsé, untu pan kaṭahipun, tamtu tigaṅdasa nĕm iji, liḍaḥ caṅkĕm ṅgènnira, pok liḍaḥ puniku, anèŋ iŋ tĕlak maṅgènnya, saṅgar apan sambuṅaniŋ liḍahnèki, kaliyan guruṅira.

7. sĕntil baluŋ tĕlak iṅkaŋ ṅiṅgil, asinan kaŋ cakĕt sĕntil ṅgènnya, guruŋ anèŋ iŋ tĕlaké, utak saḷĕbĕtipun, baluŋ paṭak warṇanya putiḥ, sogokan pan iŋ jaṅga, janur otot iruŋ, baluŋ janur baluŋ grana, baluŋ pasuŋ iŋ iruŋ maṅgènnirèki, pĕṭak alit punika.

8. pan iŋ gusi ṅlĕbĕt maṅgènnèki, coṅor lambé iŋ ḷĕbĕt ṅgènnira, buṅur tumèmpèl iruṅé, paṭak saṅiṅgil baṭuk, curi baluŋ kaŋ dèn tañcĕpi, suṅu kaliḥ punika, klampit curi muhuŋ, kaŋ ṅĕmuli curinira, suṅu iṅkaŋ nèŋ siraḥ kanan myaŋ kériŋ, tamat pisahiŋ siraḥ.

9. pépéraṅan kaliḥ kaŋ winarṇi, garoṅgoṅan wusiŋ kinĕlètan, sarta kasampilan ṛĕké, cucal iṅkaŋ rumuhun, aṅĕmuli badaniŋ muṇḍiŋ, wulu tumañcĕp cucal, ṭèṭèlan puniku, kaŋ tumèmplèk wontĕn cucal, baluŋ topèŋ pisahiŋ siraḥ lan jaṅgi, ĕḷĕd ĕḷĕd punika.

10. iṅkaŋ jajar lawan guruṅnèki, dagiŋ ĕḷĕd cĕlak guruŋ ṅgènnya, punuk pok gulu ṅajĕṅé, jajalak ĕṅgènnipun, cèṅgèr ṅaṇḍap punuk ṅgènnèki, loloḥ kiwa tĕṅĕnnya, punuk ĕṅgènnipun, gigir loloḥ kériŋ kanan, iaṅkaŋ punuk baluŋ kolék sawiṅkiṅiŋ, iŋ punuk myaŋ jalakan.

11. klambit ḍaḍa iṅkaŋ aṅĕmuli, dagiŋ ḍaḍa koñcèr ḍaḍa ṅgènnya, kiwa tĕṅĕniŋ ḍaḍané, baluŋ malaŋ ṅgènnipun, satĕṅahĕ baluŋ ḍaḍèki, saṇḍuṅlamur uṅgyannya, pucukiŋ babaluŋ, wĕkasan iga iŋ cĕkak, baluŋ tutup ḍaḍa pok baluŋ ḍaḍèki, klambit ṅĕmuli ḍaḍa.

12. dé sayadan taṅkar kaŋ ṅĕmuli, ḷĕmpèŋ kanan kériŋ ĕṅgènnira, baluŋ taṅkar iŋ pucuké, iga ḷĕmpèŋ ṅgènnipun, taṅkar iṅkaŋ tumèmpèl mariŋ, baluŋ taṅkar ṅgènnira, ḷĕmuṅsir puniku, gigir tĕṅaḥ ula ula, tĕkèŋ cĕṭik yam ayam ṅaṇḍap ḷĕmuṅsir, kĕlèt baluŋ la ula.

13. walima pan sirahé ḷĕmuṅsir, iṅkaŋ cĕlak bubuntut ṅgènnira, tlĕcĕr nèmplèk ḷĕmuṅsiré, nèŋ kiwa tĕṅĕnipun, déné kèbèt iṅkaŋ ḷĕmuṅsir, pan sèsètaniŋ iga, kèbèt iga muhuŋ, tumèmplèk wontĕn iŋ iga, dé éṅgok éṅgokan iga ṅgènnirèki, wontĕn pucukiŋ iga.

14. pan sayadan iṅkaŋ aṅĕmuli, iganira iŋ kériŋ myaŋ kanan, baluŋ kropyak la ulané, dé olor isinipun, baluŋ kropyak kasĕbut ṅarṣi, baluŋ iga ṅgiḥ ika, sayadan kropyak muŋ, ḷĕd ḷĕd sambuṅan la ula, dé palwalaŋ yèka ta maṅgènnirèki, iŋ sawiṅkiṅé tĕpak.

15. iṅkaŋ ṅarṣa dumugi iŋ gigir, ulur ḷĕbĕt anèŋ ula ula, kaŋ ḷĕbĕt nèmplèk baluṅé, gèmbèl dagiŋ binuṅkus, iŋ sayadan ḷĕmpèṅirèki, giñjĕl iŋ garoṅgoṅan, ṅiŋ palwalaŋ katut, jambal iŋ ḷĕmpèŋ ṅgènnira, plaṅgoḍoŋ iŋ ḷĕmpèŋ ragi ṅaṇḍap kĕḍik, dé baluŋ plaṅgoḍoṅan.

16. katutaniŋ iga pucuknèki, baluŋ ḍikul ula ula iṅkaŋ, gigir tĕkèŋ jalakané, olor isiniŋ ḍikul, dé sayadan ḍikil puniki, sambuṅan tulaŋ jalak, tĕkèŋ gigir wahu, cĕṭik bundĕr cĕṭik ñata, déné cĕṭik pañjaŋ cĕṭik blèntrèŋ jĕkti, tutup cĕṭik punika.

17. pupuṅkasan iṅkaŋ cĕṭik wiṅkiŋ, kawĕt iŋ saṅaṇḍap silit ṅgènnya, kĕcèr pĕḍotan sampilé, pakĕm buṭuŋ gènnipun, baluŋ pakĕm babaluṅnèki, buṭuŋ kasĕbut ṅarṣa, olor isinipun, iŋ baluŋ pakĕm punika, déné cupu bĕnabĕné baluŋ sampil, kaŋ wiṅkiŋ kaliḥ pisan.

18. cucal buntut pok dumugi pĕṭit, dagiŋ buntut iŋ buntut ṅgènnira, cicir baluŋ iŋ buntuté, isi olor jronipun, déné ulurgantuŋ ṅgènnèki, tumèmplèk roṅkoŋ aran, wujud dagiŋ alus, kuluŋ tumèmplèk iŋ tulaŋ, ula ula iŋ ḷĕbĕt ĕṅgènnirèki, dé baluŋ kuluŋ apan.

19. ula ula iŋ ḷĕbĕt ṅlĕṛĕsi, jajalakan olor isinira, ṅgiḥ babaluŋ kukuluṅé, déné uluré rambut, tumèmplèk iŋ cĕṭik ṅgènnèki, sayadan kĕmulira, ula ulanipun, iŋ ḷĕbĕt awit jajalak, tĕkèŋ silit tĕlas paṅuṇḍuhirèki, saranduniŋ groṅgoṅan.

20. péraṅan tri iŋ maṅkya winarṇi, paṅuṇḍuhé iṅkaŋ jĕjĕrowan, wusiŋ groṅgoṅan binĕḍèl, buntut iṅkaŋ rumuhun, puṅkasaniŋ guguruŋ sakiŋ, iŋ liḍahiŋ mah‍ésa, dé tala puniku, ṅĕmuli buntut kaŋ cĕlak, lawan guruŋ dé guruŋ pok ilat dugi, tuntut kasĕbut ṅarṣa.

21. kĕbuk limpa jajar tuntut sami, ati agĕŋ sawiṅkiṅiŋ klamar, déné ati paṅasihé, siwiliŋ manaḥ wahu, ati taṅgal sami paṅasiḥ, lamak ati gantilan, niŋ manaḥ puniku, ṛĕmpĕlu tumèmplèk manaḥ, sambuŋ iṅkaŋ kadi kaloŋ warṇanèki, wontĕn gantilan manaḥ.

22. gajiḥ sumbaŋ wontĕn gantilaniŋ, iṅkaŋ sumbaŋ kalawan iŋ manaḥ, klamar ṅĕlèti isiné, kalayan babat nurut, puṅkasaniŋ iganirèki, iso warṇi sasaṅa, srĕgan ṭiṭèk buntu, bĕṅkok boyok lamak ĕpaŋ, kaŋ sibobol maṅgèn ṅrompol sawiṅiṅkiṅiŋ, kalamar ṅajĕŋ babat.

23. déné babat wowolu kaŋ warṇi, gaḷĕŋ puḍak guntiŋ ḷĕṅkoŋ gawan, tawon luñu myaŋ sumpiṅé, ṅaḍuḍuk ṅaṇḍapipun, iso iṅkaŋ kasĕbut ṅarṣi, tléṭoŋ iŋ ṅlĕbĕt babat, sayadan puniku, iṅkaŋ aṅĕmuli badan, dé ṭéṭélan kaŋ tumèmplèk gantilaniŋ, babat kasĕbut ṅarṣa.

24. impĕs iŋ puyuhan ĕṅgènnèki, pajaḷĕran kawadonan ṅgènnya, sami nèŋ ṅajĕŋ kawĕté, koṇṭol iṅkaŋ gumaṇḍul, wontĕn kawĕt dé isinèki, winastan pariṅsilan, klĕpon ṅajĕṅipun, impĕs yèku waḍaḥ anak, kapur susu pucukipun nami pĕṇṭil, tamat amuŋ punika.

25. pépéraṅan sakawan winarṇi, paṅuṇḍuhiŋ sampil iṅkaŋ ṅarṣa, kaliḥ pisan datan pah‍é, babon ṅajĕŋ rumuhun, paṅgènnya wontĕn pucukiŋ, tĕpak iṅkaŋ jalakan, saṅaṇḍapiŋ punuk, bĕḍuḍug lan babon jajar, sor jalakan tlusuk satĕṅahirèki, bĕḍuḍug babon ṅarṣa.

26. ĕpaŋ siraḥ ṅaṇḍap babon ṅgonniŋ, cĕṅĕl saṅaṇḍapiŋ ĕpaŋ siraḥ, kados gagaṇḍik warṇiné, kèṭèŋ tlusuk puniku, piṅgir babon ĕṅgènirèki, kĕris sor babon ṅgènnya, tuñjuŋ ṅaṇḍap ḍuwuŋ, kisijaṅan ṅaṇḍapira, iṅkaŋ tuñjuŋ kisituñjuŋ jajarṇèki, kalawan kisijaṅan.

27. déné dĕḷĕg iŋ puṇḍak ṅgènnèki, déné lawanan dĕḷĕg ĕṅgènnya, puṇḍak dumugi ḍaḍané, koñcèr dĕḷĕg puniku, ugi puṇḍak ḍaḍa dumugi, buñcit piṅgir sampil pan, dumugi iŋ kuluŋ, agaṇḍèŋ kalawan ḍaḍa, déné iṅkaŋ winastan asinan buñcit, iŋ gulu ṅajĕŋ puṇḍak.

28. baṅsĕŋ kèlèk iŋ ḍaḍa kaŋ ṅarṣi, ampiḥ ampiḥ puṇḍak clak jalakan, déné sorog paṅgènnané, krakĕt tatĕpak baluŋ, polok soriŋ soroganèki, dé pupuk ṅapit jalak, maṅkya gèṭèŋ punuk, sapiṅgiriŋ punuk ṅaṇḍap, jaṅgut ampiḥ ampiḥ nèŋ ṅaṇḍapirèki, pupunuk krakĕt tulaŋ.

29. kèbèt pĕlok iŋ ḍaḍa ṅgènnèki, béñcok saṅiṅgil ḍĕṅkul ṅgènnira, dé baluŋ suri piṅgiré, baluŋ tĕpak puniku, baluŋ pĕṇṭoŋ tĕpakirèki, baluŋ sikut punika, baluŋ sampil ṅayun, saṅiṅgil ḍĕṅkul prĕnaḥnya, suṅsum apan siniŋ baluŋ sikut yĕkti, otot campur punika.

30. otot tracak tĕkèŋ ḍĕṅkulnèki, otot gĕgĕr buntut tĕkèŋ jalak, otot guŋ kĕñcèt prĕnahé, otot guntiŋ puniku, saḷĕbĕtiŋ campur ṅgènnèki, sayadan gaṛĕs iṅkaŋ, nlakup gaṛĕs baluŋ, sayadan curi jro tracak, pan sayadan sapitan iṅkaŋ ṅĕmuli, calakuṭikanira.

31. dé sapitan saṅaṇḍapiŋ ṭiṭil, siraḥ cêcak iŋ ciṅklok prĕnaḥnya, kétélan maṅgèn tĕpiné, tracak ṅaṇḍap puniku, cucal kikil ambuntĕl kikil, baluŋ gaṛĕs punika, tracak tĕkèŋ ḍĕṅkul, isi suṅsum ḷĕbĕtira, tracak apan iṅkaŋ aṅĕmuli curi, dé baluŋ dalamakan.

32. tinutupan iŋ taracaknèki, baluŋ gaṭèŋ iŋ tracak ṅaléla, dé baluŋ clakuṭikané, tĕṅaḥ tracak ṅgènnipun, isi suṅsum dé baluŋ wajik, ṭiṭil tracak iŋ wuntat, suṅu wajik dunuŋ, pucukiŋ wajik punika, baluŋ ṭĕṅklik ros rosan ḍĕṅkul wus titi, sranduniŋ suku ṅarṣa.

33. pépéraṅan gaṅsal amuṅkasi, paṅuṇḍuhiŋ sampil kaliḥ wuntat, wus saḥ klayan groṅgoṅané, sĕlap iṅkaŋ rumuhun, cĕlak kawĕt paṅgènannèki, pĕṇṭul saḷĕbĕt sĕlap, tumèmplèk iŋ baluŋ, sumpiŋ saṅaṇḍapiŋ sĕlap, dé asinan cĕlak iŋ cawĕt ṅgènnèki, gitik sarta don ṅgènnya.

34. déné gèṭèŋ saṅaṇḍapiŋ gitik, gaṇḍik saṅiṅgiliŋ kĕñcèt ṅgènnya, kĕpuḥ ṅaṇḍap gaṇḍik ṅgènné, kisiŋ dagiŋ puniku, saṅiṅgiliŋ kĕñcèt ṅgènnèki, limas cĕlak kalawan, buntut prĕnahipun, aṅĕtan saṅaṇḍap limas, kumol ugi ṅaṇḍap limas ĕṅgènnèki, piṅgiré kijiŋ rannya.

35. déné puḍak maṅgènnipun nĕṅgiḥ, nèŋ ḷĕbĕtiŋ ḷĕmpèŋ kériŋ kanan, klambit puḍak kĕkĕmulé, sampil ḷĕbĕt puniku, baluŋ uliŋ baluṅiŋ sampil, isi suṅsum puniku, dagiŋ kwalon muhuŋ, dagiṅé kikil iŋ wuntat, kikil wiṅkiŋ pĕcahé sami iŋ ṅarṣi, tamat blabak mah‍ésa.

126. balabak

1. wontĕn maliḥ kaŋ dèrèŋ kasĕbut ṅarṣa, namané, kaŋ rumiyin iraḥ irahan punika, kuḷĕmé, kaŋ wontĕn iŋ ḷĕbĕtiŋ siraḥ sadaya

maṅgènné.

2. iṅkaŋ nami saréhan tatal waṅunan, ulamé, dagiŋ sah‍é déné kaŋ nami pĕṭilan, tatalé, dagiŋ awon pañcèn dadya darbèkira, gubĕlé.

3. iṅkaŋ nami ṭéṭélan sahugi tatal, dagiṅé, abrit pĕṭak iṅkaŋ katut wontĕn cucal, sartané, wontĕn babat déné kaŋ nama cacahan, dagiṅé.

4. iṅkaŋ takṣiḥ kĕlèt wontĕn ula ula, baluṅé, awit cĕṅĕl dumugi iŋ pucakira, buntuté, iṅkaŋ nami olor gajiḥ isinira, baluṅé.

5. iṅkaŋ nami ḍèṇḍèŋ ṅgiḥ punika ulam, ginawé, tipis tipis apan lajĕŋ pinĕcakan, kaĕpé, déné iṅkaŋ nama paru ṅgiḥ punika, kĕbuké.

6. sasampunipun ginoḍog lajĕŋ ḍinèṇḍèŋ, kaĕpé, déné ḍiṇḍiḥ ĕraḥ iṅkaŋ takṣiḥ mĕntaḥ, lajĕṅé, sarinipun ḍiḍiḥ sinariŋ iŋ irig, ginoḍog.

7. kaŋ sariṅan winastanan sarèn pĕṭak, namané, ampasipun winastanan sarèn abrit, dé cècèk, cucal kaŋ ginoḍog lajĕŋ dèn ris iris, kaĕpé.

8. iṅkaŋ nami krècèk sami ugi cècèk, kahoté, wusiŋ piné lajĕŋ kahuṅkĕp kalawan, lisahé, paṅolaḥnya ginorèŋ krupuk namanya, gurihé.

9. iṅkaŋ nami rambak wontĕn warṇi gaṅsal, cacahé, sakiŋ sikil cucal agĕŋ pajaḷĕran, ḍigulé, myaŋ sayadan agĕŋ kandĕlé tan racak, wujudé.

10. iṅkaŋ nami gajiḥ topoŋ wontĕn babat, sumpiṅé, déné gajiḥ tigawĕlas warṇinira, namané, waḷĕr waḍuk ḍaḍa giñjĕl cĕcaṅklakan, taṅkaré.

11. ulur jambal impĕs buñcit tĕṅgok limas, palwalaŋ, déné grabyas sasayadaniŋ sadaya, gajihé, wus sĕḷĕsiḥ nama badaniŋ mah‍ésa, sranduné.

12. lagya kèndĕl kasaru ñi padmasastra, ḍatĕṅé, iṅaturan pinarak cakĕt ki wisma, luṅguhé, sawusira sinambrama myaŋ sinĕgaḥ, gantèné.

13. pujastuti matur mriŋ ñi padmasastra, tĕmbuṅé, uwa kula sah‍èstu mĕliŋ sĕkaran, diaṅgé, para réñcaŋ utawi wayaḥ sampéyan, paṅantèn.

14. ṅgiḥ sandika iṅkaŋ dèn puṇḍut punapa, namané, o laḥ uwa sah‍èstuné kiraŋ tĕraŋ, rikiné, laḥ ta uwa mugi kapaṅandikakna, warṇiné.

15. ñahi padmasastra lajĕŋ mĕḍarṣabda, tĕmbuṅé, laṅkuŋ kaṭaḥ mĕṅgaḥ sĕkaran punika, cacahé, iṅkaŋ kula aturkĕn kaŋ wus kalimraḥ, kaaṅgé.

16. sindur wlaka ḍasar jiṅga sèrèt pĕṭak, kaliyé, sindur ĕmas sèrètipun ijĕm ḍulaŋ, sanèsé, dé siwalan copot wuṅu byur sèrètnya, pĕṭaké.

17. déwa yuwa wuṅu sèrèt ijĕm ḍulaŋ, sanèsé, maṅkya ḍasar gaḍuŋ sèrètipun jiṅga, namané, klabaŋ antup yèn sèrèt wuṅu gĕṇḍolak, namané.

18. pañji pilis biliḥ sèrètipun pĕṭak, namané, ṅgiḥ punika paṇḍanbinĕṭot wus tĕlas, kaŋ sèrèt, maṅkya iṅkaŋ sĕkaran mawi tĕṅahé, namané.

19. gulaklapa tĕṅaḥ pĕṭak piṅgir jiṅga, kaliyé, poḍaṅnusup sari jiṅga tĕṅaḥ jĕnar, tigané, paciṅtawa tĕṅaḥ jambon piṅgir jiṅga, iŋ maṅké.

20. paréyanom ḍasar gaḍuŋ tĕṅaḥ jĕnar, kaliyé, gaḍuṅmlaṭi ḍasar gaḍuŋ tĕṅaḥ pĕṭak, tigané, mayaṅmĕkar ḍasar gaḍuŋ ijĕm ḍulaŋ, tĕṅahé.

21. sakawané papasan matĕŋ punika, warṇiné, ḍasar gaḍuŋ ĕbyur tĕṅahipun jiṅga, maliyé, kĕmbaŋ kaṅkuŋ ḍasar wuṅu tĕṅahira, pĕṭaké.

19. tamu ñahi padmasastra, ahli suṅgiŋ ṅaturi katraṅan bab siñjaŋ siñjaŋ sĕratan (baṭik) tuwin sĕratan baṭik iṅkaŋ dados awisan. ugi awisan ñĕrat baṭik.

22. ratubĕndu ḍasar wuṅu tĕṅaḥ jiṅga, katriné, kĕmbaŋ waru ḍasar wuṅu tĕṅaḥ jĕnar, dadaré, kĕmbaŋ blimbiŋ ḍasar wuṅu ijĕm ḍulaŋ, tĕṅahé.

23. paru paru ḍasar wuṅu tĕṅahira, jamboné, kĕmbaŋ bĕṅuk ḍasar wuṅu tĕṅahira, biruné, déné iṅkaŋ winastanan baṅun tulak, warṇiné.

24. cĕmĕŋ èbyur déné tatĕṅahanira, pĕṭaké, alas koboŋ cĕmĕŋ tĕṅahira jiṅga, iŋ maṅké, sasĕkaran iṅkaŋ warṇanipun tiga, corèké.

25. puṣpa dara ḍasar wuṅu kĕṇḍit pĕṭak, tĕṅahé, kuniŋ dadar dé pañji ḷĕŋ ḷĕŋ punika, ḍasaré, wuṅu sĕkar kĕṇḍit pĕṭak tĕṅaḥ jiṅga, kaliyé.

26. pañji gandruŋ ḍasar wuṅu kĕṇḍitira, ijĕmé, tĕṅaḥ jiṅga ganti malaṭi salaṅsaŋ, namané, ḍasar gaḍuŋ kĕṇḍit pĕṭak tĕṅaḥ jiṅga, sĕmuné.

27. mantèn añar ḍasar gaḍuŋ kĕṇḍit jiṅga, tĕṅahé, pĕṭak mĕmplak déné kaŋ nami baṇḍoga, ḍasaré, gaḍuŋ sĕpuḥ kĕṇḍit jĕnar tĕṅahira, jiṅgané.

28. dé onĕṅan gaḍuŋ kĕṇḍit wuṅu tĕṅaḥ, putiyé, tamioyi gaḍuŋ kĕṇḍit wuṅu tĕṅaḥ, ijĕmé, gunuṅsari gaḍuŋ kĕṇḍit wuṅu tĕṅaḥ, kuniṅé.

29. muŋ punika kaŋ wus kapraḥ kaṅgé jalma, warṇiné, kaŋ tan pantĕs kaagĕm kalaṅkuŋ kaṭaḥ, cacahé, amuŋ tumrap kaaṅgé sajèn kéwala, damĕlé.

30. kaŋ wus tumrap sajèn sanadyan pantĕsa, dèn aṅgé, iŋ titiyaŋ sah‍èstu kiraŋ prayoga, sah‍éné, siniṅkiran supadinira widada, karṣané.

31. sasĕkaran tan wontĕn awisanira, èstuné, amuŋ siṅit tan kéṅiŋ kinira kira, halaté, kaŋ sampun mupakat kacriyos dumadya, agĕmé.

32. para luhur para nataniŋ ḷĕḷĕmbut, ḍañaṅé, maṅka wontĕn iṅkaŋ purun purun ñjarag, aṅaṅgé, kaṭaḥ iṅkaŋ anĕmahi tan prayoga, tiwasé.

33. wontĕn iṅkaŋ botĕn kéṅiŋ babarpisan, kaaṅgé, iyasaa kéwala ugi tan kĕna, sanèsé, naradipa ugi tan kĕna ṅagĕma, slirané.

34. muhuŋ kagĕm sajèn sakiŋ karṣa nata, kéṅiṅé, ṅgiḥ punika dara muluk namanira, ḍasaré, wuluŋ diḷĕm kĕṇḍit pĕṭak tĕṅahira, wuluṅé.

35. kacariyos punika agĕm śri nata, maṇḍirèŋ, ardi lawu ṅratoni ḷĕḷĕmbut arga, ĕrèhé, satuṅgilnya wastanipun udaraga, ḍasaré.

36. tigaŋ warṇi wuṅu gaḍuŋ miwaḥ jiṅga, sèrèté, wiyaripun tigaŋ ñantun udakara, warṇiné, piṅgir jiṅga nuntĕn ijĕm sorot jĕnar, biruné.

37. tinon wiṅit kadya kukuḍuŋ waṅkawa, gĕbyaré, ṅgiḥ punika agĕm daḷĕm pramèswara, ndaḷĕpèḥ, ajujuluk kaṅjĕŋ ratu widanaṅga, sartané.

38. agĕm daḷĕm kaṅjĕŋ ratu iŋ tuñjuṅbaŋ, prajané, iŋ tĕḷĕṅiŋ saṅantĕn kidul punika, kratoné, kaŋ anduduk ñjĕŋ ratu kidul minulya, parabé.

127. mĕgatruḥ

1. biliḥ wontĕn ḍawuḥ daḷĕm saŋ aprabhu, yasa sĕkaran kaŋ nami, uda raga dara muluk, iṅkaŋ ṅgarap kĕdaḥ ṛĕsik, iŋ ñjawi miwaḥ iŋ batos.

2. jroniŋ garap padupan kĕdaḥ kumĕlun, kaŋ laṅkĕp sasajènèki, sajèn sabĕn dintĕn santun, sahupami kiraŋ ṛĕsik, dupa sajèn tan mirantos.

3. pan sah‍èstu lajĕŋ wontĕn aṅin aguŋ, maligi iŋ griya mami, kaŋ ṅgarap kaḍaŋ sumaput, botĕnipun lajĕŋ sakit, tĕrkaḍaŋ tumĕkèŋ layon.

4. mila kĕdaḥ aṅatos atos satuhu, botĕn kéṅiŋ ginagampil, èstu agĕŋ halatipun, paran kaŋ dipunkarṣani, kula muŋ cumaḍoŋ ḍawoḥ.

20. kasambĕt ḍatĕṅipun ñahi sriyatna iṅkaŋ nĕraṅakĕn bab warṇi warṇiniŋ sajèn gaḍaḥ damĕl mantu kaḷĕbĕt pĕṇḍĕman, guwakan, sajènbtarub, sajèn dandaŋ pawon tuwin adaŋ, sajèn majaŋ patanèn, sajèn siraman, sajèn pah‍ès, sajèn ñukur paṅantèn jaḷĕr, sajèn niṅkahan, sajèn pĕṅulu, panĕbus kĕmbar mayaŋ, majĕmukan, mumulé, saratipun pĕṅanièn boyoṅan, tuwin sapĕkĕnan.

5. ñahi pujastuti awacana arum, mĕṅgaḥ cacaḥ tuwin warṇi, atanapi tumrapipun, kacĕkapiŋ sadayèki, sumaṅga uwa kémawon.

6. sampun mawi wagugĕn tyas saha rikuḥ, ṛĕṛĕgèn kapaṅgiḥ wiṅkiŋ, jañji kacĕkap kaŋ prĕlu, kula maṅké aṅaturi, patumbasanipun lawon.

7. kaṭahipun salaṅkuŋ réyal rumuhun, padmasastra wus atampi, myaŋ sinagahan sadarum, kasaru wahu kaŋ prapti, ñahi sriyatna wus luṅgoḥ.

8. pujastuti ṅacarani tamunipun, maṅga ndika paṛĕŋ ṅarṣi, lami ulun ṅayun ayun, punapa sami basuki, ñahi sriyatna liŋnya lon.

9. pandoṅamu iya bèŋ paḍa rahayu, nahĕn para tamu sami, sadaya atur rahayu, ñahi sriyatna naṅgapi, iya paḍa karahayon.

10. pujastuti amiṅsĕr dèn nira luṅguḥ, sarta aturira aris, bok cilik biliḥ panuju, winantu ḍaṅaniŋ galiḥ, baḍé damĕlé pun bruwok.

11. rèhniŋ kula dèrèŋ sumĕṛĕp sah‍èstu, bab sarat amaṅun kardi, sajèn iŋ sasaminipun, bucalan mulèn kĕṇḍuri, sadaya punika boroŋ.

12. ḍuḥ mbok cilik ṅandikakna warṇinipun, kula lajĕŋ ñaḍiyani, ñahi sriyatna liŋnya rum, iya aja walaṅati, laḥ maṅkéné kaŋ wus klakon.

13. saduruṅé ṅadĕgaké iṅkaŋ tarub, sumur sajroniŋ capuri, lan sakiwa tĕṅĕnipun, kabèḥ sarat dicĕmpluṅi, krambil sataboné wutoḥ.

14. lan pĕṇḍĕman iku prĕlokna rumuhun, iŋ ṅaṛĕp régol iŋ ñjawi, myaŋ ṅaṛĕpiŋ pintu pintu, kaŋ kaambaḥ nambut kardi, tuwin tĕṅaḥ latar kono.

15. lan iŋ dlaṅguŋ prapatan kaŋ bakalipun, iṅambaḥ béñjaŋ yèn muliḥ, maraŋ omahé kaŋ jalu, baṛĕŋ kalawan mbuwaṅi, kabèḥ iku dikalakon.

16. kaŋ pĕṇḍĕman arupa ḷĕṅa ñagĕndul, kalawan kaŋ tigan pitik, kĕmiri kaŋ gĕpak jĕṇḍul, kluwak ḍĕlé kacaŋ ruji, gĕrèḥ pèṭèk ampo uwos.

17. ḍuwit amuŋ saprapat tan kĕna laṅkuŋ, dadi siji diwaḍahi, iŋ ĕmpluk añar tinutup, bĕṇḍa déné kaŋ nèŋ takir, jĕnaŋ abaŋ baro baro.

18. gĕcok mĕntaḥ matĕŋ gantalé ywa kantun, dé buwaṅan saka kori, pawuhan pakiwan sumur, jĕnaŋ putiḥ jĕnaŋ abrit, lawan jĕnaŋ baro baro.

19. gĕcok mĕntaḥ matĕŋ sĕkar gantalipun, ṇḍog pitik bĕras kĕmiri, kluwak ḍĕlé artanipun, saprapat lan kacaŋ ruji, paḍa lan pĕṇḍĕman ṛĕko.

20. slamĕtana adĕgé iṅkaŋ tatarub, roŋ ambĕŋ sĕga luluti, lan roŋ ambĕŋ sĕga wuduk, nĕm ambĕŋ basahan nasi, goloṅé rorikur joḍo.

21. jajan pasar ḍawĕt rujak waḍaḥ katut, pĕcĕl pitik jaṅan mĕnir, ḷĕmbaran jagowan piṅul, jĕnaŋ abaŋ putiḥ baniŋ, lawan jĕnaŋ baro baro.

22. joṅkoŋ iṇṭil pisaŋ ayu sĕḍaḥ ayu, pinĕpakan abonèki, jambé gambir mbako apu, ujub pasraḥna mriŋ nahib, sayĕktiné uwis wĕroḥ.

23. sajèn awit ambĕlèḥ mah‍ésa iku, paṅgaŋ tumpĕŋ krambil siji, jajan pasar aywa kantun, gula krambil joḍog kĕṇḍi, kalasa paṇḍan sawiyos.

24. tiṇḍiḥ ḍuwit suwuŋ saprapat puniku, iṅkaŋ kok aṅgo susuliḥ, sarat liṅgiḥ gigiripun, mésa sawusé tinali, iku kudu ṅaṅgo prabot.

25. kĕmbĕn baṅun tulak siñjaŋ tuluḥ watu, kulambiné wuluŋ laṅkiŋ, ṅgéṇḍoŋ tĕtĕl ṅaṅgo payuŋ, klasa ginĕlar iŋ gigir, nulya liniṅgihan gupoḥ.

26. karo jawab maṅkéné iŋ tĕmbuṅipun, ki gumbrĕg pañuwun mami, momoṅanmu dakṅgo mantu, bisaa babar mbrĕkati, sarta turaḥ karahayon.

27. sajèn adaŋ manut dĕgiŋ dandaṅipun, dandaŋ siji sajèn siji, paṅgaŋ tumpĕŋ klapa wutuḥ, jajan pasar joḍog kĕṇḍi, gula klapa taṅkĕp wutoḥ.

28. gĕḍaŋ suruḥ sapraboté ayu ayu, kalasa paṇḍan sawiji, roŋ waŋ saprapat artèku, arahĕn rambaḥ kapiŋ tri, dandaŋ binorèhan klomoḥ.

29. wusiŋ ṅadĕg kaŋ kutug aywa kalimput, iŋ pawon maṅkono ugi, sabĕn wus dadi kaŋ latu, aywa lali añĕmpluṅi, mĕñan mriŋ caṅkĕmiŋ pawon.

30. sajèn gĕḍoŋ bĕras iŋ maṅkya winuwus, paṅgaŋ tumpĕŋ krambil siji, klasa paṇḍan bĕras payuŋ, jajan pasar gula krambil, lawé kĕṇḍi lawan joḍog.

31. jadaḥ wajik gĕḍaŋ ayu suruḥ ayu, raraṅkéné juṅkat suri, kaca kĕmbaŋ borèḥ arum, mĕñan ṅaṅgo tiṇḍiḥ ḍuwit, roŋ uwaŋ saprapat wutoḥ.

32. sajèn pawon gĕḍoŋ ulam gĕḍoŋ sĕkul, gĕḍoŋ ḍaran gĕḍoŋ siriḥ, lawan sajèn gaṅsa aguŋ, sajèn paturon paṅantin, cacaḥ warṇané tan séyos.

33. paṅgaŋ tumpĕŋ jajan pasar krambil wutuḥ, jadaḥ jĕnaŋ gula krambil, kĕmbaŋ borèḥ mĕñanipun, kaca cilik juṅkat suri, klasa paṇḍan kĕṇḍil joḍog.

34. suruḥ ayu saprantiné gĕḍaŋ ayu, roŋ waŋ saprapat kaŋ tiṇḍiḥ, tĕkan iŋ sapasaripun, amuŋ rambaḥ kapiŋ kaliḥ, utama luwiḥ piŋ piṇḍo.

35. sajèn majaŋ patanèn ñjaba jronipun, paṅgaŋ tumpĕŋ pitik urip, klapa wutuḥ cacahipun, kabèḥ iku ṅloro iji, kalawan roŋ kati uwos.

36. ḷĕṅa kacaŋ uga amuŋ loro gĕndul, klasa paṇḍan tĕlu iji, paṅanan tumpĕŋ tĕtĕlu, jajan pasar juṅkat suri, kaca mĕñan sĕkar koñoḥ.

37. gĕḍaŋ ayu suruḥ ayu jambé ayu, ĕñjĕt mĕṇṭur gambir kuniŋ, jadaḥ wajik poṇḍoḥ biru, paḍa tinĕtĕla sami, priŋ saḍapur iṇṭil joṅkoŋ.

38. ḷĕr uḷĕran kaḷĕpon gimbal cĕṅkaruk, palèrèt srabi kaŋ putiḥ, piṇḍaŋ antĕp kalakipun, pĕcĕl pitik jaṅan mĕnir, pituŋ joḍo sĕga goloŋ.

39. sĕga wuduk ḷĕmbaran ayam kaŋ wutuḥ, gĕrèḥ juwi muŋ sarakit, roŋ waŋ saprapat artèku, lan saḍiya mayaŋ waṅi, miwaḥ cacaraṅan suroḥ.

40. iku suruḥ bakal tinlĕnikan apu, lawan lètrèk tĕluŋ warṇi, kĕmbaṅan paciŋ tawèku, papasan matĕŋ lan maliḥ, jrudĕmuŋ paṇḍan pinĕṭot.

128. jurudĕmuŋ

1. mayaŋ jambĕ lawan sĕḍaḥ, sawisé tinutul tutul, lan lètrèk tri warṇa wahu, winiru iṅkaŋ prayogi, caṇṭèlna ciñciṅanipun, patanèn dé kaŋ pinataḥ, majaŋ miliḥ dyaḥ kaŋ sĕpuḥ.

2. sajèn garénda winarṇa, paṅgaŋ tumpĕŋ klasa wutuḥ, jadaḥ jĕnaŋ poṇḍoḥ biru, sataṅkĕp gula kalapa, gĕḍaŋ ayu suruḥ ayu, satuṇḍuné pamucaṅan, juṅkat suri kaca timur.

3. ḷĕṅa suṇḍul iŋ awiyat, jajan pasar kĕmbaŋ campur, mĕñan lawan koñoḥ arum, joḍog kĕṇḍi klasa paṇḍan, tiṇḍiḥ arta aywa kantun, kèhé roŋ uwaŋ saprapat, iku muŋ sapisan uwus.

4. sajèn adus bakal ṅantyan, rambaḥ kapiŋ piṇḍo amuŋ, tumpĕŋ robyoŋ arannipun, kalawan tumpĕŋ jaṅanan, jajan pasar gĕḍaŋ ayu, suruḥ ayu saabĕnnya, kĕmbaŋ mĕñan borèḥ arum.

5. tiṇḍihé roŋ waŋ sĕpratapt, patĕḷĕsan lawon piṅul, kĕmbaŋ sataman ywa kantun, iku kaŋ kinarya siram, wusiŋ adus gya rinatus, kabèḥ saranduniŋ badan, iya lawan rémanipun.

6. sajèn pah‍ès roŋ rambahan, sarambahané winurus, paṅgaŋ tumpĕŋ krambil wutuḥ, pitik urip gula klapa, jadaḥ jĕnaŋ poṇḍoḥ biru, kĕmbaŋ borèḥ jajan pasar, gĕḍaŋ ayu suruḥ ayu.

7. laṅkĕp saaduné pisan, juṅkat suri kaca timur, ḷĕṅa suṇḍul méga biru, tiṇḍihé salawé uwaŋ, anadéné liṅgihipun, kalasa pasir kaŋ rémbyak, talèmèkira cinatur.

8. goḍoŋ kluwiḥ alaŋ alaŋ, goḍoŋ apa apa iku, lawan goḍoŋ kara uwus, jarik amba myaŋ sumĕkan, ĕñcit iŋ sapantĕsipun, lètrèk iṅkaŋ warṇa warṇa, kaŋ pêpak kĕmbaṅanipun.

9. opahé roŋ réyal sowaŋ, pataŋ réyal guṅguṅipun, iṅkaŋ dèn aṅgo sadarum, klambi jarik kasĕmĕkan, kabèḥ dadi darbèkipun, ñahi tukaŋ juru pahyas, sapaṅadĕg basanipun.

10. bakal paṅantèné lanaŋ, muŋ kinĕrik alisipun, yèn brĕṅos uga cinukur, tanapi kakĕtĕpira, kiṛĕrik goḍèg pinatut, sajèn talèmèké paḍa, muŋ sapisan bah‍é uwus.

11. sarta ora ṅaṅgo opaḥ, amuŋ jarit klambi sabuk, iku dadi duwèkipun, kaŋ ṅĕrik paṅantèn priya, lan sajèn tlèmèk sadarum, naṅiŋ datanpa suguhan, paṅanan lan iwak sĕkul.

12. amuŋ wédaŋ lan paṅanan, dé tukaŋ pahyas dyaḥ wahu, suguhé wédaŋ kaŋ patut, iwak paṅanan rinampat, sĕkul pĕṭak pañjaŋ muñjuŋ, binarkat dadi roŋ joḍaŋ, kaŋ samuwa wujudipun.

13. nahĕn sajèniŋ paniṅkaḥ, paṅgaŋ tumpĕŋ klapa wutuḥ, gula krambil ayam iḍup, poṇḍoḥ wajik jadaḥ jĕnaŋ, jajan pasar borèḥ arum, kĕmbaŋ mĕñan suri juṅkat, kĕṇḍi joḍog kaca timur.

14. suruḥ ayu sabumbunya, sataṅkĕp kaŋ pisaŋ ayu, ḷĕṅa suṇḍul laṅitipun, lawé lan kakaliḥ cikal, roŋ waŋ saprapat tiṇḍiḥ muŋ, sabĕruk bras klasa paṇḍan, sakacu kaŋ lawon piṅul.

15. saṅgan sarakit warṇanya, pataŋ taṅkĕp gĕḍaŋ ayu, suruḥ ayu abĕnipun, sarwa wĕtahan sadaya, pari kisi agĕl kapuk, ḷĕṅa suṇḍul laṅit juṅkat, suri kaca dom wajèku.

16. asĕm kunir mĕñan kĕmbaŋ, borèḥ arum aywa kantun, añĕtukĕl lawénipun, artané ñĕlawé uwaŋ, mori putiḥ kaṅgo tutup, tinata dadi sawaḍaḥ, poma aywa na kalimput.

17. klasa paṇḍan linambaran, mori putiḥ tĕluŋ kacu, liṅgihan paniṅkahipun, suguḥ paṅulu binĕrkat, rampadan lèmpèr sadarum, tumpĕŋ siji iṅkaŋ pĕṭak, iwak rampadan roŋ puluḥ.

18. paṅanan olaḥ olahan, pala pĕṇḍĕm simpar gantuŋ, akèhé uga roŋ puluḥ, kabèḥ winaḍahan joḍaŋ, kabèḥ waḍaḥ saṅgan wahu, sampat raraṅkénira, tinata makĕṇḍuŋ kĕṇḍuŋ.

19. panĕbus saḍiyanana, winaḍahan iṅkaŋ patut, sataṅkĕp gĕḍaŋ kaŋ ayu, suruḥ ayu saabĕnnya, pari kisi agĕl kapuk, ḷĕṅa suṇḍul iŋ awiyat, mĕñan kĕmbaŋ borèḥ arum.

20. juṅkat suri ĕdom waja, sataṅkĕp gula klapèku, asĕm kunir lawénipun, tiṇḍihé salawé uwaŋ, srĕbèt putiḥ tutupipun, dinokok nèŋ poṇḍokira, ĕṅgoné paṅantèn kakuŋ.

21. yèn wus ṅajĕṅakĕn paṅgya, iku aṅkaté panĕbus, tinampan iŋ biyuṅipun, kaŋ ṅgawa paḍa wanodya, miliḥ kaŋ sĕmbada sĕpuḥ, yèn wus tinampan ñi wisma, paṅantèn anulya paṅguḥ.

22. pamasaṅé kaŋ tuwuhan, saduruṅé ñantri iku, kĕmbar mayaŋ roŋ rakit wus, dawĕgané ana papat, kuñcuṅé nanas rumucuḥ, iṅkaŋ sarakit pinasaŋ, cakĕt patanèn pinatut.

23. lamun aṅlĕbokkĕn ṅomaḥ, kudu mĕtu lawaŋ aguŋ, kaŋ nampani pra dyaḥ sĕpuḥ, ñuwun iṅkaŋ sawab barkaḥ, kaŋ widada sugiḥ sunu, iṅkaŋ sarakit pinasaŋ, nèŋ poṇḍoké mantèn jalu.

24. tĕmbé tĕmuné ginawa, añjajari anèŋ ṅayun, iṅĕmban kakĕmbĕn sindur, iṅkaŋ ṅĕmban janma lanaŋ, tumĕkané ṅaṛĕp pintu, tinampanan pra dyaḥ wrĕḍa, pinasaŋ sapantĕsipun.

25. sapasaré kaŋ paṅantyan, kuñcuŋ kĕmbar mayaŋ wahu, nanas kaŋ wayaḥ ṛĕmucuḥ, rinujak lawan dawĕgan, apan sataṅiné turu, pinaṅana sakaliyan, watĕké gĕlis sasunu.

26. pinasaŋ cĕlak kroboṅan, roro boño dilaḥ sèwu, kĕṇḍi roro isi bañu, kaḷĕmuk roro kaŋ kĕmbar, kaŋ sawiji isi bañu, tĕmpuran kali baṅawan, déné ta sajuganipun.

27. isi bĕras miri kluwak, kĕmbaŋ mĕñan borèḥ arum, ḍuwit salawé waŋ wutuḥ, tĕmbé kaṅgo salamĕtan, kĕṇḍuri sapasaripun, kĕḷĕmuk ro tunutupan, lètrèk gaḍuŋ rolaṭinipun.

28. paliṅgihané paṅantyan, kaŋ ginĕlar ṅaṛĕpipun, patanèn ḍaḍasaripun, goḍoŋ kluwiḥ apa apa, laŋ alaŋ goḍoŋ karèku, tunutupan klasa paṇḍan, nulya tlèmèk siñjaṅipun.

29. paṅantèn wadon lan lanaŋ, bañjur klasa batunipun, kumuda kaŋ dadi tutup, sinĕbaran sĕkar sĕkar, campur bawur arum arum, lan ḍuwit salawé uwaŋ, gĕbĕgan iṅkaŋ gumĕbyur.

30. kacaŋ kawak ḍĕlé kawak, iya iku kacar kusur, klasa paṇḍan iṅkaŋ alus, dinokokan bĕras jĕnar, kacaŋ ḍĕlé sĕkar arum, ḍuwité salawé uwaŋ, kaŋ ṛĕsik gĕbĕganipun.

31. wilujĕṅan majĕmukan, midodarèni puniku, mĕnĕŋ bĕḍug iŋ paṅĕpuŋ, mumulé ñjĕŋ nabi duta, rasulan babasanipun, sĕga wuduk roŋ ambĕṅan, ḷĕmbaran roŋ waḍaḥ wutuḥ.

32. pitik wadon pitik lanaŋ, iṅkaŋ timbaŋ agĕṅipun, lombok baŋ kĕñcĕŋ sawaḍaḥ, winorké kĕlawan uyaḥ, wuku ginĕrus kaŋ alus, kĕmbaŋ kaṇṭil putiḥ jĕnar, kutug borèḥ arum arum.

33. lan mumulé saṅgyanira, luluhur èstri myaŋ jalu, sĕga goloŋ jĕjĕripun, jaṅan mĕnir pĕcĕl ayam, jaṅan paḍa mara iku, kalawan iwak rañjapan, iwak ḍarat kali lahut.

34. papaṅanan warṇa warṇa, pala pĕṇḍĕm simpar gantuŋ, kaŋ mĕntahan kaŋ kinulup, laḥ olahan warṇa warṇa, kĕtan kolak aywa kantun, apĕm kocor apĕm abaŋ, sĕkar borèḥ datan kantun.

35. slamĕtan sawusiŋ niṅkaḥ, kirim doṅa pra luluhur, sĕga asahan kĕhipun, limaŋ ambĕŋ aywa kuraŋ, sĕga goloŋ sĕga wuduk, jaṅan mĕnir pĕcĕl ayam, ḷĕmbaran èstri myaŋ jalu.

36. jĕnaŋ putiḥ lawan abaŋ, miwaḥ jĕnaŋ baro baro, jajan pasar aywa kantun, kĕmbaŋ borèḥ lawan mĕñan, ḍuwit dadya slawatipun, roŋ uwaŋ luwiḥ saprapat, kaŋ pêpak rarampénipun.

37. brokohan sawusiŋ paṅgya, paḍa lan slamĕtanipun, sawisiŋ niṅkaḥ wahu, pujastuti aturira, ḍuḥ mbokcilik kula gumun, dé tan wontĕn kaliwatan, wijiliŋ wuwus mbarubul.

129. mijil

1. iki jĕbèŋ isiḥ ana maniŋ, kaŋ duruŋ kawiyos, salamĕtan lawan isaraté, pujastuti aturira manis, sarwi aṅĕjogi, paṅuñjukanipun.

2. laṅkuŋ wĕlas kula aniṅali, ḍaran takṣiḥ wutoḥ, lawan wédaŋ tan wontĕn kaloṅé, prayoginé sami dèn rahabi, kaliyan sinambi, amĕḍarkĕn tutur.

3. kyayi juru myaŋ pra tamu sami, sadaya andombloŋ, miyarṣakkĕn sriyatna kaholé, ḍaḍaran rinusak cinamik, myaŋ minum wédaŋ tiḥ, wĕnèḥ mucaŋ udut.

4. ñi sriyatna amĕḍarkĕn maliḥ, anakmu si mĕnok, gawèkĕna bantul jumputané, kaṅgo turu sawusé apaṅgiḥ, bésuk lamun muliḥ, iku aja kantun.

5. lawan poñjèn isi aṅgi aṅgi, winaḍahan kaṇṭoŋ, ḍéwé ḍéwé gya nèŋ kaṇṭoŋ gĕḍé, lan ṅguwaṅi bésuk ulihnèki, sabĕn aṅliwati, iŋ kali puniku.

6. rupa pitik sawiji kaŋ cilik, kĕmbaŋ mĕñan koñoḥ, miri kluwak kalawan bĕrasé, waḍahana dumadi sawiji, mĕnèk tan na pitik, ĕṇḍog bah‍é cukup.

7. sapasaré kudu dislamĕti, sĕga wuduk goloŋ, sĕga punar bĕras iṅkaŋ anèŋ, iŋ kaḷĕmuk uworṇa kaŋ wradin, salawé waŋ ḍuwit, kaṅgowa tutuku.

8. pirantiné sĕga tĕluŋ warṇi, yèn tan cukup ĕjog, naṅiŋ kudu maṅkono saraté, lawan jĕnaŋ suṅsum juruḥ krambil, diratakna mariŋ, kaŋ paḍa tutuluŋ.

9. lan paṅantèn sabarayatnèki, kaŋ paḍa kaḷĕson, kabèḥ iku namuŋ nirokaké, kaŋ wus klakon duk iŋ ṅuni uni, basané ṅĕluluri, ujariŋ pra sĕpuḥ.

10. gumarubyug iṅkaŋ prapta mariŋ, luraḥ èstri iŋ jro, kyayi juru gupuḥ mapagaké, cĕbolaŋ mat tĕṅara gya mijil, para luraḥ sami, iṅaturan masuk.

11. pujastuti mapag anèŋ kori, iṅaturan gupoḥ, samya ḷĕṅgaḥ mbañjĕŋ ṭèrèk ṭèrèk, saha atur pambagya basuki, sadaya maṅsuli, ṅgiḥ sami rahayu.

12. suwusira sinuṅgata sami, ñi wisma liŋnya lon, babo para mitra sadayané, mugi samya ṇḍaṅankĕn pĕṅgaliḥ, tĕmpukiŋ pakardi, iŋ panuwun ulun.

13. kapaṛĕṅa sami mbiyantoni, iṅgiḥ gotoṅroyoŋ, niṇḍihana pakaryan saliré, amoŋ bukti pawon sadayèki, amoŋ sokanandi, ñĕpĕŋ uwos sĕkul.

14. amoŋ bikaŋ mardéya majibi, iŋ ḍaharan gĕḍoŋ, mamanisan myaŋ laḥ olahané, ñi moŋ talijiwa amajibi, ḍaran wowohan di, iŋ sasaminipun.

15. ñi moŋ kahwa iṅkaŋ amajibi, gĕḍoŋ wédaŋ maṅgon, amoŋ sĕḍaḥ amajibi gantèn, moŋ usadi iṅkaŋ majibi, loloḥ atanapi, tapĕl rapuḥ pupur.

16. paṅuñjukan kaŋ mawi gi aṅgi, pokok srĕbat ĕpos, iman aḍĕm myaŋ adi limané, bĕraṣkĕñcur tuwin ĕbir manis, sriawan kaŋ sakiŋ, pohan pisaŋ kluṭuk.

17. amoŋ ganda ṅastaa wawaṅi, lisaḥ sĕkar koñoḥ, iṅgiḥ aṅgèr ywa sĕmĕlaŋ tyasé, sĕkar buntal kaṅgé mbéñjiŋ paṅgiḥ, gomboyokiŋ kaŋ kĕris, tuwin tutup gĕluŋ.

18. gajaḥ ṅoliŋ kaṅgé mantèn èstri, miwaḥ karaŋ mĕlok, ulur atur pasumbaŋ baḍéné, ukĕl èstri myaŋ gombyokiŋ kĕris, kula ñaḍiyani, siyaŋ sontĕn santun.

19. pujastuti nuwun aturṇèki, maliḥ wacana lon, amoŋ suka nata lalaṅĕné, moŋ ndrawina iṅkaŋ maṅagĕṅi, sĕgaḥ sadayèki, myaŋ caḍoṅanipun.

20. ñahi sukaṛĕna amoŋ tami, moŋ bhuṣaṇa maṅgon, moŋ paṅantèn ñĕpĕŋ dandosané, ṅiras pantĕs iṅkaŋ mbhuṣaṇani, kaŋ sinuṅan iŋ liŋ, ñagahi sadarum.

21. tandya maṅarṣa rara mustari, lampahira alon, añĕlaki maraŋ iŋ ibuné, matur ririḥ ṅgonku cahos bukti, iŋ jĕro myaŋ ñjawi, iku uwis rampuŋ.

22. pujastuti nulya ṅacarani, sadaya kémawon, kula turi ḍahar sawontĕné, para tamu sami anaṅgapi, gya ḍahar nèŋ gadri, guyub sarju kĕmbul.

23. jroniŋ bukti sriyatna liŋnya ris, rèhniŋ wayahiṅoŋ, pan pambaṛĕp kawahané, paniṅsĕté apa wus nĕtĕpi, kyayi pujastuti, alon aturipun.

24. nuwun iṅkaŋ kawula tampèni, warṇi paho paho, isi arta kaliḥ sami talèn, supé lintriŋ paṅantèn kakaliḥ, siñjaŋ lurik baṭik, añatuṅgal amuŋ.

25. kasumĕkan laḷĕmĕs myaŋ baṭik, sami añawiyos, pisaŋ ayu saabon aboné, ḍaran jadaḥ jĕnaŋ poṇḍoḥ wajik, laḥ olahan iṅgiḥ, pêpak warṇinipun.

26. pĕcĕl ayam jaṅan mĕnir mranti, sĕkulipun goloŋ, amĕpĕki ḍaran wowohané, pala pĕṇḍĕm kasimpar mĕnuhi, mbotĕn wontĕn maliḥ, anamuŋ puniku.

27. iya uwus gĕnĕp iku nini, lamaran yèn rawoḥ, sira lawan lakinira ḍéwé, kaŋ nampani kalawan dèn titi, ñahi pujastuti, sandika turipun.

28. warṇinipun lamaran punapi, apariṅa ḍawoḥ, kaŋ supadi sagĕd nitisaké, sriyatna ṅliŋ bubak kawaḥ nini, lamaran kaŋ mĕṣṭi, iki warṇinipun.

29. suruḥ ayu lawan pisaŋ kuniŋ, bon abon mirantos, gambir ĕñjĕt bako lawan jambé, gula krambil lawé juṅkat suri, ḷĕṅa suṇḍul laṅit, kaca sĕkar rapuḥ.

30. kĕbo loro babon aṅrĕm kaliḥ, sawuŋ wiriŋ loro, bañak loro dandaŋ kĕṇḍil kèñcèŋ, kĕṇḍil kĕkĕp paṅaron ñawiji, sadaya tĕmbagi, myaŋ bĕkakasipun.

31. araratĕŋ iyan aṅi ilir, kukusan rok orok, uḷĕg uḷĕg susuk lan éṇṭoṅé, solèt irus tumbu téṅgok cĕṭiŋ, lamun ṅaṅgo ḍuwit, nèŋ kaṇṭoŋ pinikul.

32. jarik baṭik lurik lawan ĕñcit, moriné sa ĕmblog, ĕmpon ĕmpon lan aṅgi aṅginé, bumbu bumbu iṅkaŋ amĕpĕki, brambaŋ uyaḥ trasi, iŋ sasaminipun.

33. pĕcĕl pitik lawan jaṅan mĕnir, sĕgané ginoloŋ, lombok téroŋ paḍa sahuwité, bĕras kacaŋ kaḍĕlé kĕrambil, tĕbu saronnèki, kayu walikukun.

34. amuŋ iku datan ana maniŋ, kah‍éliṅaniṅoŋ, pujastuti ṇḍĕku lon aturé, numplak poñjèn punapiṅgiḥ mawi, sriyatna maṅsuli, asru gujĕṅipun.

35. anak ragil iku iṅkaŋ mawi, isarat maṅkéné, numplak poñjèn maṅkéné rupané, kaṇṭoŋ sakiŋ suwèkan mawarṇi, isi aṅgi aṅgi, sĕkar campur bawur.

36. bĕras kuniŋ ḍuwit warṇi warṇi, wit iṅaran ṅantos, tĕkan riṅgit ĕmas déné kèhé, tan winaṅĕn iŋ sasukanèki, ṅantos wusiŋ paṅgiḥ, sibiyuŋ maṅayun.

37. nèŋ ṅaṛĕpiŋ patanèn aliṅgiḥ, aṅlumpukkĕn gupoḥ, anak anak kalawan mantuné, wusiŋ pêpak kaṇṭoŋ binukak glis, rinayaḥ pĕṅantin, anak tuwin mantu.

38. pujastuti nalika miyarṣi, maṇṭuk maṇṭuk ndombloŋ, é, laḥ ĕmbokcilik mèḥ kasupèn, kacar kucur sampuniŋ tinampi, kadokok iŋ pundi, paran prĕlunipun.

39. uworrĕna iŋ klĕmuk kaŋ isi, arta lawan uwos, uga kaṅgo iŋ salamĕtané, tĕmbé sapasaré kaŋ paṅantin, sajèn ḷĕṅa krambil, iku ywa kaḷĕbu.

40. nutug dèn nya akĕmbulan bukti, sawusé linorod, mriŋ pawiṅkiŋ ramé suwarané, pamucaṅan sumahos maṅarṣi, kabèḥ para tami, gya pamit umantuk.

41. wus bubaran para kadaŋ èstri, ñjawi winirahos, kyayi juru saanak putuné, kadaŋ warga sarèrèhanèki, wusiŋ andum kardi, nulya bukti nutug.

42. wusiŋ bukti linilanan sami, sowaŋ sowaŋ aso, mas cĕbolaŋ amat tĕṅarané, lajĕŋ dèn nya samya nambutkardi, tan kalilan muliḥ, mariŋ poṇḍokipun.

43. bakda ṅisa sabibariŋ bukti, luṅguḥ wisma kulon, mat tĕṅara cĕbolaŋ réwaṅé, kyayi juru aṅandika aris, anak cara jawi, akèḥ raṅkénipun.

44. mas cĕbolaŋ matur maṅĕñjali, iŋ pĕṅrahosiṅoŋ, sampun tlĕsiḥ tan wontĕn kaŋ cèwèt, kadi iṅkaŋ winĕḍarkĕn déniŋ, iŋ sriyatna ñahi, siyaŋ kala wahu.

45. iya kulup naṅiŋ ana maniŋ, kaŋ kudu linakon, tĕmbé lamun ḍahupiŋ paṅantèn, yèn wus tĕkan saṅaṛĕpiŋ kori, lanaŋ nèŋ pĕṇḍapi, wadon nèŋ jro pintu.

46. gya balaṅan gantal kaŋ kinardi, gaṭuk lawaŋ gupoḥ, iṅkaŋ wadon añaṇḍak sukuné, ṅantèn lanaŋ nulya dèn wisuhi, wé sataman waṅi, sarat mĕcaḥ gupuḥ.

47. tigan ayam sawiji nèŋ kori, nulya mantèn wadon, kaṇṭèn asta kalawan kakuṅé, tĕkèŋ ṅaṛĕp patanèn gya liṅgiḥ, kaŋ wadon nèŋ kériŋ, gya ṅujuŋ mriŋ kakuŋ.

48. wusiŋ ṅujuŋ mantèn lanaŋ nuli, muṅgaḥ mariŋ koboŋ, nulya kacar kucur iku ranné, yèn wus kacar kucur bali liṅgiḥ, bapaké kaŋ èstri, anĕṅahi luṅguḥ.

49. nulya maṅku paṅantèn kakaliḥ, mbokné taña gupoḥ, abot ĕndi babo bapakané, iṅkaŋ jalu anahuri ririḥ, paḍa bah‍é ñahi, tan na bédanipun.

21. katuṅka ḍatĕṅipun ñahi luraḥ sakiŋ saḷĕbĕtiŋ kraton, nĕraṅkĕn bab lamaran, paniṅsĕt bukak kawaḥ (mantu kapisan), tumplak poñjèn (mantu putri ragil) tuwin upacara paṅgihiŋ pĕṅantèn.

50. wusiŋ maṅku mijil amaṅgihi, iṅkaŋ para ḍayoḥ, kaŋ wajib iṅabĕktèn paṅantèn, dèn aturi umañjiŋ jro panti, paṅantèn ṅabĕkti, maraŋ tamu kakuŋ.

51. lan ṅabĕkti para tamu putri, lan mriŋ bapa ĕmbok, yèn paṅantèn ḍuḍa lanaṅané, iṅkaŋ wadon isiḥ prawan suṇṭi, nalikané paṅgiḥ, balaṅan wus rampuŋ.

52. gaṭuk anèŋ samadyaniŋ kori, sakaloron ṇḍoḍok, iṅkaŋ lanaŋ añĕkĕl tumpĕré, iṅkaŋ wadon gupuḥ añirami, kalamun kapaṅgiḥ, misan prĕnahipun.

53. iṅkaŋ lanaŋ isaraté mawi, macul pipisan prok, lamun awu tuwa kaŋ wadoné, iṅkaŋ priya isaraté mawi, macul tumpĕŋ putiḥ, nèŋ ṅaṛĕpiŋ pintu.

54. yèn woŋ ṅaṇḍap olèḥ putri ṅiṅgil, darahé saŋ katoŋ, nalikané lumaku aṅaṅgé, maṇḍi lawuŋ liligan mantĕsi, tĕkaniŋ taritis, siŋ paṇḍapa uwus.

55. nalikané paṅantèn lumaris, duk arṣa kapaṅgoḥ, pan kinaṇṭi iŋ kanan kériṅé, èstri jalu ṅaṅgo pataḥ sami, kaŋ ṅgawa tapsiriḥ, lan pahidon iku.

56. wusiŋ tĕmu iŋ wañciné guliŋ, tinurokkĕn koboŋ, cinolokan iku siraté, kapiŋ tĕlu iŋ daḷĕm sawĕṅi, cĕbolaŋ miyarṣi, gumuyu aṅguguk.

57. aḍi amat napa sagĕd guliŋ, déné nĕmbé paṅgoḥ, tuwin napa sagĕd ṅéna ṅéné, baji rikuḥ ajriḥ mawi isin, mat tĕṅara aṅliŋ, iŋ sah‍èstunipun.

58. ṅgiḥ makatĕn naṅiŋ muŋ saratri, kaŋ mawi cinolok, siyaṅipun tuwin salajĕṅé, kunir pita kuciŋ iŋ wanadri, nèŋ sĕṇṭoŋ kinuñci, kantun nĕmu kuwuk.

59. wontĕn maliḥ kaŋ ṅisin isini, biliḥ wus kalakon, sénapati ambĕḍaḥ kuṭané, éñjiṅipun sakaliyan sami, saṛĕŋ dèn sirami, déniŋ pra dyaḥ sĕpuḥ.

60. patĕḷĕsanipun siñjaŋ putiḥ, sarta mawi loloḥ, dlima pĕṭak binucal isiné, sinalinan kumukus jĕnitri, muŋ ñajoḍo sami, lawé kaṅgé taṅsul.

61. botĕn mawi pinipas pinipis, kaŋ jaḷĕr kémawon, iṅkaŋ mamaḥ yèn wis wor iduné, linolohkĕn ḍatĕŋ iṅkaŋ èstri, gaṭuk abĕn bibir, tigaŋ crutan sampun.

62. mas cĕbolaŋ ṅgaḷĕgĕs liŋnya ris, katujuné iṅoŋ, tan tinitaḥ dadi wawadoné, iba iba ĕnĕgku iŋ ati, idu kaṅgé jampi, gèk riyaké katut.

63. sawusira wañci liṅsir ratri, ki juru liŋnya lon, bĕcik aso sésuk ñambutgawé, kyayi juru gya umañjiŋ panti, kaŋ tinilar guliŋ, kadi mĕndĕm pucuŋ. 

130. pocuŋ

1. sabĕn ari kaŋ nambutkarya lumintu, ki juru pinarak, anèŋ ṅèmpèriŋ paṇḍapi, anampèni aturé kaŋ lumakṣana.

2. añĕḍahi paniṅkaḥ myaŋ paṅgihipun, kaŋ cakĕt iŋ ṅarṣa, kahum sampun muṅgaḥ kaji, naṅiŋ takṣiḥ karan anak pak goniyaḥ.

3. sambèn ndaṅu maraŋ pak goniyaḥ wahu, ujubiŋ slamĕtan, mumulé myaŋ doṅanèki, awit tarub tumĕkané salapanan.

4. aturipun lujĕṅa ṅadĕgiŋ tarub, ujub amumulya, ki agĕŋ tarub iŋ uni, myaŋ luluhur sakiŋ èstri sakiŋ priya.

5. kaŋ sĕmara siti tuwin kutu kutu, walaŋ woŋ antaga, kaŋ dèn ambaḥ sadayèki, mugi sami anĕbiḥna sambékala.

6. añĕlakna iŋ suka raharja sarju, kadugèn sakarṣa, doṅanya mulyakkĕn kyayi, agĕŋ tarub kalawan salamĕt doṅa.

7. wilujĕṅan midadarèni majĕmuk, ujub asuŋ ḍahar, ñjĕŋ gusti nabi sinĕlir, dalaḥ garwa putra wayaḥ myaŋ sakabat.

8. iŋ paṅiwa asuŋ ḍahar saṅgyanipun, para widadara, tuwin para widadari, mbrĕkahana midadarèni paṅantyan.

9. sapaṅiṅgil tulusa suka rahayu, ywa na kara kara, doṅanipun rasul tuwin, doṅa slamĕt cĕkap kakaliḥ punika.

22. ki pujaṅkara kaaḍĕp modin ki goniyaḥ. iṅkaŋ kaṛĕmbag bab tujuwanipun mumulé arwahipun para luluhur, bab panampiniŋ lamaran, ḍatĕṅipun calon pĕṅantèn jaḷĕr ṅabdi calon marasĕpuḥ, midadarèni, tahlil, agĕm agĕmanipun tiyaŋ mantu, niṅkahiŋ pĕṅantèn, lan paṅgihipun paṅantèn.

10. wilujĕṅan sabibariŋ niṅkahipun, ujub kintun doṅa, tuwin mumulé saṅgyaniŋ, pra luluhur sakiŋ èstri sakiŋ priya.

11. kaŋ sĕmara siti tuwin kutu kutu, walaŋ woŋ antaga, kaŋ dèn ambaḥ sadayèki, tinĕbiḥna sakiŋ iŋ béka sĕṅkala.

12. añĕlakna iŋ sĕnĕŋ suka rahayu, kadugèn sakarṣa, doṅanya slamĕt bidini, saha mawi doṅa takwil ṅumurana.

13. wilujĕṅan brokohan sasampunipun, paṅgihiŋ paṅantyan, ujubipun ñumĕṛĕpi, saḍèrèkiŋ paṅantyan èstri lan priya.

14. iṅkaŋ lahir nuṅgil sadintĕn puniku, mugi andoṅakna, ḷĕstantun suka basuki, doṅanipun takwil ṅumur myaŋ raharja.

15. wilujĕṅan iṅgiḥ iŋ sapĕkĕnipun, paṅantyan ujubnya, mumulé kaŋ smara siti, amumulé kaŋ dipunambaḥ sadaya.

16. myaŋ kadaŋnya paṅantyan èstri lan jalu, lawan dintĕn sapta, pĕkĕnan gaṅsal kaŋ mugi, añĕlakna kĕcĕkapan sukawirya.

17. aḷĕstantun karya sapaṅiṅgilipun, ywa na sambékala, doṅanipun sami ugi, muhuŋ slamĕt lawan takwil ṅumurana.

18. wilujĕṅan salapanan warṇinipun, tumpĕŋ jajaṅanan, jĕnaŋ pĕṭak jĕnaŋ abrit, jĕnaŋ baro baro tuwin jajan pasar.

19. arta wajib kaliḥ waŋ saprapat namuŋ, ujub amumulya, ḍatĕŋ kaŋ sĕmara siti, ñumĕṛĕpi ḍatĕŋ saḍèrèkipun paṅantyan.

20. èstri jalu iṅkaŋ saṛĕŋ lahiripun, añjumuruṅana, kadugèna iŋ sakapti, sukawirya winantuwa karaharjan.

21. kadrajatan amintir rijĕkinipun, drĕman sugiḥ putra, doṅanya takwil ṅumuri, lawan doṅa sålamĕt datan tinilar.

22. iṅkaŋ ulunlampahi salaminipun, iṅgiḥ muŋ punika, ki juru ṅandika aris, rèḥ wus lumraḥ prayoga kaḷĕstarèkna.

23. laminipun nambutkarya tan cinatur, wus aparipurṇa, sadaya sampun rinakit, kaŋ pinataḥ añañĕpĕŋ iŋ pakaryan.

24. èstri jalu nĕtĕpi ṛĕmbag kaŋ sampun, iyĕg abipraya, tan ana cĕṅil cinĕgnil, wawaṅkitiŋ ari ḍatĕŋ iŋ sumbaṅan.

25. ambarubul datan ana kĕṇḍatipun, kĕbogiro ṅaṅkaŋ, pra èstri tinampèn ñahi, para jaḷĕr kyayi juru kaŋ atampa.

26. sĕgahipun wédaŋ ḍaran ulam sĕkul, sawusiŋ sinĕgaḥ, mantukipun dèn saṅoni, binĕktanan paṅanan myaŋ sĕkul ulam.

27. iŋ ariné ḍatĕṅé lamaranipun, ki juru pinarak, anèŋ madyané paṇḍapi, kadaŋ warga sawatara anèŋ ṅarṣa.

28. ḍatĕṅipun wañci sadèrèṅé bĕḍug, sadaya pinarak, èmpèr paṇḍapi kaŋ kériŋ, ñahi juru pinarak mĕdal paṇḍapa.

29. iṅkaŋ ṅirid wusiŋ matur parlunipun, kaṇṭi srat pratélan, nulya sugata lumadi, wédaŋ ḍaran gantèn ĕsĕs waṅi ṅambar.

30. ñahi juru sĕkaliyan kyayi juru, nampèni priyaṅga, miturut isarat nĕṅgiḥ, cinocogkĕn cacahé lawan pratélan.

31. sampun rujuk anĕtĕpi criyosipun, iŋ uni sriyatna, sawusiŋ binujakrami, iṅaṅsulan pamit mantuk wus linilan.

32. ri ḍatĕṅé añantri kiyayi juru, miwaḥ kadaṅwarga, pinarak tĕṅaḥ paṇḍapi, bakda mahrib baḍé paṅantèn ḍatĕŋnya.

33. carabalèn umyuŋ lawan gaṅsa aguŋ, amuṅĕl ladraṅan, prapta palataran aglis, iṅacaran laju pinarak paṇḍapa.

34. wusiŋ tata kaŋ minaṅka kamisĕpuḥ, ñĕlak mriŋ ki wisma, masrahkĕn bakal paṅantèn, wus tinampan anulya asuŋ pambagya.

35. maraŋ baḍé paṅantèn sarowaṅipun, sĕgahan magnarṣa, wédaŋ ĕsĕs gantèn waṅi, kyayi wisma manis wijiliŋ wacana.

36. laḥ sumaṅga sami kapaṛĕṅa ṅuñjuk, pasugata wédaŋ, miwaḥ ĕsĕs gantèn waṅi, kaŋ sinuŋ ṅliŋ aṅrahabi pasuṅgatan.

37. wusiŋ ṅinum wédaŋ ĕsĕs gantèn arum, ki juru wacana, rèhniŋ sampun sawatawis, prayoginé aso ḍatĕŋ iŋ poṇḍokan.

38. sampun aso mariŋ pamoṇḍokanipun, ki juru tan obaḥ, makṣiḥ pinarak paṇḍapi, aṅĕntosi ḍatĕṅé para ṅulama.

39. iṅkaŋ ayun tilawat kur'an nèŋ tajug, sinambi ṅandikan, muṅguḥ woŋ adarbé kardi, iṅaranan éwuḥ éwuḥ sayĕktinya.

40. déné iṅkaŋ tĕka basané martamu, tĕgĕsé ywa kuraŋ, paṅakṣama aṅrahabi, maraŋ iṅkaŋ darbé wisma myaŋ sĕgaḥnya.

41. pamikirku muṅguḥ woŋ darbé karyèku, yèn uwis kacĕkap, iya kaŋ limaŋ prakawis, ḍiṅin ṅgonné luluṅguhan kaŋ kapénak.

42. piṇḍo rupan kaŋ bĕcik ñĕnĕṅkĕn kalbu, piŋ tri pamiṛĕṅan, kaŋ kapénak piniyarṣi, kapiŋ paté kĕdaḥ suguḥ kaŋ mirasa.

43. kapiŋ lima dèn baṛĕsiḥ manahipun, aywa katèmpèlan, hawa aṅrĕgĕdi ati, katiṅalan wĕnĕs manisiŋ wadana.

44. krama alus iṅkaŋ maṛĕkakĕn kalbu, pra tamu kawratan, panĕmbrana narambahi, iŋ paṅaraḥ paḍa suka piṛĕna a.

45. gya kasaru pra ṅulama ḍatĕṅipun, pinarak plataran, laju iṅirid mriŋ maśjid, nèŋ surambi lajĕŋ atilawat kur'an.

46. kyayi juru nèŋ surambi tumut ndarus, laṅkĕp sugatanya, rampuŋ tilawat kĕṇḍuri, wus bibaran mantuk samya mbĕkta brĕkat.

47. waṅsul mariŋ iŋ paṇḍapa kyayi juru, para kadaṅwarga, makṣiḥ pêpak nèŋ paṇḍapi, nulya préntaḥ anatap iṅkaŋ pradaṅga.

48. ṅuyu uyu midadarèni puniku, ki juru ṅandika, kabèḥ para kadaŋ sami, awanuha maraŋ ki masé cĕbolaŋ.

49. para kadaŋ kulawarga sadaya wus, abagya binagya, rakĕt lir wus wanuḥ lami, nora mantra yèn lagya nĕmbé kapaṅgya.

50. kyayi juru taña mriŋ kabayanipun, iṅkaŋ paḍa maṅkat, maraŋ pasaréyan tahlil, apa uwis paḍa lapur maraŋ sira.

51. lawan iṅkaŋ sowan ki luraḥ paṅulu, ñuwun kĕtib iṅkaŋ, niṅkahaké béñjiŋ éñjiŋ, lan palilaḥ ṅgoniṅsun nabuḥ gamĕlan.

52. ki kĕbayan maṅĕñjali matur sampun, klampahan sadaya, ki juru ṅandika maliḥ, mas cĕbolaŋ anak iki cara praja.

53. saduruṅé kalakon iŋ parlunipun, binantu añadran, kalawan tahlilan mariŋ, pra luluhur kaŋ wus sumaré sadaya.

54. añuwun idi paṅèstu rahayu, ywa na kara kara, sajroné amaṅun kardi, lastariya kadi èṣṭiniŋ wardaya.

55. abdidaḷĕm katib kaŋ niṅkahkĕn sésuk, panabuhiŋ gaṅsa, utawa anaṅgap riṅgit, naṅiŋ ṅaṅgo talèḍèk pan nora kĕna.

56. iku kudu ñuwun lilahé paṅulu, ki cĕbolaŋ turṇya, kadipundi sababnèki, wit kajuron babasané tĕgṅaḥ tĕṅaḥ.

57. kawadanan suyud maraŋ iŋ paṅulu, anaṅiŋ kalilan, ṅaṅgo caraniŋ priyayi, sawatara jañji tan narajaŋ karam.

58. kajabèku paṅaṅgoku lan ibumu, umañjiŋ isarat, bĕbĕd tapiḥ kudu sami, lawan sabuk iku paḍané sumĕkan.

59. awit biliḥ jarik kudu tuluḥ watu, kĕmbĕn baṅun tulak, amidadarèni iki, jarik baṭik taruntum sindur sumĕkan.

60. sésuk tĕmu jarik cakar kĕmbĕnipun, iku mayaŋ mĕkar, wisiŋ tĕmu jarik lurik, corak kĕpyur kakĕmbĕné paciŋ tawa.

61. sapasariŋ paṅantèn apan tinamtu, jarik kĕmbaŋ jarak, sumĕkané sĕmèn tritis, naṅiŋ aku aṅaṅgo sabuk baṇḍoga.

62. mas cĕbolaŋ gèḍèg gèḍèg sarwi matur, tobil laṅkuŋ kaṭaḥ, sarat sarat cara jawi, iya kulup sapuluḥ kinapakĕna.

63. ṅonné nata majĕmukan uwis rampuŋ, payo paḍa maṅan, mĕṅko sawisé abukti, rèḥ wus wĕṅi prayoga paḍa bubaran.

64. sigĕg dalu éñjiṅé iṅkaŋ cinatur, niṅkahé paṅantyan, muŋ marasĕpuḥ nĕṅgani, soré paṅgya tamuné kalaṅkuŋ katṭaḥ.

65. kyayi juru miwaḥ para amoŋ tamu, tan ana kèndĕlnya, dèn nira ambojakrami, para tamu jalu èstri sukaṛĕna.

66. sarta rahab supĕkĕt saṅgyaniŋ luṅguḥ, tan ana kuciwa, bibariŋ bojana nĕṅgiḥ, boya nana kaŋ sĕdya madal pasilan.

67. jalu èstri waṅsul paḷĕṅgahanipun, para tamu priya, dèn nya ḷĕṅsaḥ nèŋ paṇḍapi, sasukanya amriḥ énakiŋ sarira.

68. miyarṣakĕn uṅĕliŋ pradaṅga arum, sinambi ṅandikan, suwukiŋ gaṅsa miyarṣi, iṅkaŋ samya kokojahan warṇa warṇa.

69. pan riniṅkĕs roroñcèné niṅkaḥ paṅguḥ, sajèn myaŋ isarat, tuwin lampaḥ lampahnèki, trapiŋ karya miwaḥ iṅkaŋ dadya karya.

70. sadaya wus tan ana kuciwanipun, urutiŋ suṅgata, patrapiŋ pambojakrami, turut maṭis arum manis lir sarkara.

131. ḍaṇḍaŋgula

1. tamu kakuŋ iṅkaŋ maṅagĕṅi, kyayi paṅulu amat katĕgan, kalawan sapanĕkaré, pujaṅganiŋ prajaguŋ, ki tumĕṅguŋ sujanapuri, panèwu mantri dĕmaŋ, pĕṅlawé nĕluŋ juŋ, sĕsĕg dèn nya kĕkojahan, apapaṇṭan samya sĕnĕŋ kaŋ miyarṣi, iŋ crita amawarṇa.

2. ki paṅulu mĕḍarkĕn turuniŋ, létulkadri iŋ wulan ramĕlan, lamun ri akat taṅgalé, maḷĕm piŋ pitulikur, tumuruniŋ lahitulkadri, yèn sĕnèn taṅgalira, maḷĕm saṅalikur, lamun salasa kaŋ taṅgal, maḷĕm kapiŋ salawé tumurunèki, iṅkaŋ lahitulkadar.

3. lamun ari ṛĕbo taṅgalnèki, maḷĕm pitulikur tumurunnya, kalamun kĕmis taṅgalé, maḷĕmiŋ tĕlulikur, tumuruniŋ lahitulkadri, yèn taṅgalé jumuwaḥ, maḷĕm saṅalikur, yèn ari saptu taṅgalnya, maḷĕm kapiŋ salikur tumurunèki, iṅkaŋ lahitulkadar.

23. jagoŋ pĕṅantènbpara tamu sami ḷĕṅgaḥ aṅgrombol miṛĕṅakĕn cariyos utawi dodoṅéṅan mawarṇi warṇi. kyayi amat katĕgan nĕraṅakĕn bab tumuruniŋ lah‍élatul kadar, bab mukjijat, kĕramat, maṅunaḥ lan istijrat taṇḍa taṇḍanipun wali dĕrajat sarta piwulaṅipun nabi kilir ḍatĕŋ nabi musa.

4. kĕtib caṇḍana umatur aris, kyayi luraḥ mugi apariṅa, sasĕṛĕpan wawijaṅé, mujijat kramatipun, myaŋ maṅunaḥ istijrat nĕṅgiḥ, paran ta bèntĕnira, aṅliŋ ki paṅulu, kaŋ iṅaranan mujijat, kasĕktèné saṅgyaniŋ kaŋ para nabi, paṅwasa sakiŋ sukṣma.

5. kaŋ iṅaran kramat kaŋ sĕjati, kamulyané aguŋ waliyolaḥ, kasantikan kadibyané, putus samoanipun, dé maṅunaḥ kaluwihaniŋ, para mukmin kaŋ ĕkas, pituluŋ hyaŋ aguŋ, istijrat paṅluluniŋ hyaŋ, mriŋ woŋ kapir sulap kĕmat ilmu sikir, kasĕktèné woŋ kopar.

6. panitiké kaŋ baṅsa linuwiḥ, béda lawan jalma ĕṅam, kaŋ kaya awakku kiyé, ana ṅalamatipun, ahuliya nĕnĕm kèhnèki, kaŋ ḍiṅin tan jriḥ lapa, dé piŋ kalihipun, mariŋ arip nora wĕgaḥ, kapiŋ tĕlu wuda nora wigaḥ wigiḥ, cakĕp kaŋ kapiŋ papat.

7. kapiŋ lima tan ajriḥ ṅĕmasi, kapiŋ nĕmé sabaraŋ tan wĕgaḥ, mriŋ samèŋ dumadi kabèḥ, iku panĕṅranipun, saguŋ iṅkaŋ para linuwiḥ, matur katib caṇḍana, pintĕn kaṭahipun, darajatiŋ ahuliya, ki paṅulu paṅandikanira aris, sakawan cacahira.

8. kaŋ rumuhun drajatiŋ pra wali, badanira pribadi pan wikan, lamun wali satuhuné, myaŋ janma liyanipun, uga wĕruḥ yèn iku wali, déné piŋ kalihira, pribadi tan wĕruḥ, lamun tuhu waliyolaḥ, janma liya sadaya sami udani, aṅaṅgĕp wali ñata.

9. kapiŋ tĕlu darajatiŋ wali, badanira pribadi uniṅa, kalamun wali yĕktiné, ṅiŋ jalma liyanipun, nora wĕruḥ yèn iku wali, piŋ paté kaŋ darajad, ñjĕŋ waliyolahu, badané ḍéwé tan wikan, janma liyan uga tan sinuŋ udani, kaŋ uniŋ muŋ paṅéran.

10. amuŋ iku iŋ paṅawruḥ mami, caritané musanib iŋ arab, kaŋ wus dak wĕḍarké kabèḥ, laḥ aḍi kĕtib arum, kula supé cariyosnèki, duk kala nabi musa, minta wulaṅipun, nabi balaya bin makam, kĕtib arum taṅgap aturira aris, makatĕn èṅĕtkula.

11. nabi musa ṅrĕṛĕpa turṇèki, ḍuḥ pukulun anuwun wuwulaŋ, kaŋ prayoga sabaraŋ rèḥ, nabi kilir liŋnya rum, yèn upama andika mijil, mriŋ sajawiniŋ praja, ananamur laku, sampun sriŋ asalahkarya, anèŋ marga sayĕkti pan botĕn bĕcik, ambatalakĕn lampaḥ.

12. sampun aṅguŋ luṅan tanpa kardi, yèn tan wontĕn parluniŋ linakyan, sayĕktiné tanpa gawé, nora manpaṅat iku, lawan aywa sĕmbrana aṅliŋ, gumuyu suka suka, tan pĕnĕt puniku, yèn tan maṅsakalanira, sukan sukan yèn tan sawataranèki, siniku iŋ hyaŋ sukṣma.

13. lan maliyé andika niṅali, mriŋ woŋ kaŋ lagya naṇḍaŋ duraka, umat kaŋ akèḥ dosané, sampun dahwèn amuwus, dosanipun kaṭaḥ pribadi, grahitanĕn iŋ driya, aywa gé kawĕtu, tĕka kèndĕla kéwala, lamun wontĕn wadyanira iṅkaŋ sisip, dèn aguŋ apuranta.

14. yèn ana woŋ kaŋ alaku silip, sampun pati opèn salahkarya, amĕlèhakĕn cĕlané, nalar kaŋ bisa namur, aṅaliṅi cĕlanirèki, poma dèn kalakṣanan, iŋ pawĕliṅiṅsun, ñjĕŋ nabi musa norraga, aminta siḥ aṇḍĕku nuwun turṇèki, iṅgiḥ mugi aṅsala.

15. cuṭĕl sampun botĕn wontĕn maliḥ, ki paṅulu aris aṅandika, aḍi sahontĕn ontĕné, kinarya cagak luṅguḥ, kĕtib arum mèsĕm liŋnya ris, pun kakaŋ kĕtib iman, kala wiṅènipun, nèŋ sĕrambi mahos sĕrat, ñariyoṣkĕn nalikanira saŋ mulki, nagari iŋ bahgĕdad.

16. namuŋ sakĕḍap kula miyarṣi, lajĕŋ kabĕḷĕt arṣa wawratan, katuṅka mahrib wĕkdalé, laṅkuŋ gĕla tyasulun, mila maṅké kapasaṅyogi, wontĕn karṣaniŋ luraḥ, kĕtib iman muwus, iṅgiḥ aḍi kaŋ dadya tyas, paṅgrĕsahé śri nata bahgĕdad nagri, makatĕn darunanya.

24. kĕtib iman ñariyosakĕn lalampahanipun siti maryam pramèswarinipun raja iŋ bagdad iṅkaŋ putranipun kaliḥ dados korban katigas jaṅganipun déniŋ patiḥ iṅkaŋ pinitados ṅĕtĕrakĕn saŋ pramèswari dalaḥ putranipun ḍatĕŋ iŋ mĕkaḥ. saŋ pramèswari sagĕd oñcat, wĕkasan saŋ patih kawiyak wadosipun.

17. kacariyos wontĕn raṇḍa miṣkin, ñahi limaḥ griya tĕṅaḥ wana, kalaṅkuŋ kaṭaḥ méndané, satuṅgil dintĕn nuju, aṅèn ménda kapaṅgiḥ jalmi, èstri éndaḥ iŋ warṇa, cahyanya sumunu, tinakonan tan prasaja, pinaṅkanya miwaḥ iṅkaŋ asisiwi, anama siti maryam.

18. cĕkakipun wus dèn ambil siwi, sabĕn dintĕn kinèn aṅèn ménda, wontĕn ratu guŋ prajané, bahgĕdad sudibya nuŋ, ambĕbĕḍag maraŋ wanadri, iṅiriŋ wadya kuswa, praptaniŋ wanaguŋ, umiyat wanodya éndaḥ, sakalaṅkuŋ kumĕñut tyasnya saŋ aji, dadak gandruŋ asmara.

19. pinaṛĕkan andaṅu saŋ aji, èḥ ta rara kowé bocaḥ apa, déné ana ṅalas ijèn, lan sapa woŋ tuwamu, siti maryam kagyatiŋ galiḥ, umatur saha nĕmbaḥ, maryam wasta ulun, anakipun ñi ṅalimaḥ, raṇḍa miṣkin damĕlipun mĕṛĕs kambiŋ, griya tĕṅahiŋ wana.

20. saŋ aprabhu bahgĕdad miyarṣi, sakalaṅkuŋ éramiŋ wardaya, mèsĕm manis andikané, ḍuḥ saŋ piṇḍa hèrlahut, sakirané apa maṛĕṅi, upama mèlu mriŋ waŋ, muṅguḥ paṅiraku, mirid iŋ ṅèlmu wirasat, kaŋ marahi waṅkal ḷĕṅus tĕka mamriŋ, kaŋ ana muŋ prasaja.

21. gĕr gumuyu réwaṅira liṅgiḥ, kĕtib arum ṅgaḷĕgĕs liṅira, déné sumĕṛĕpé nĕmbé, śri bahgĕdad puniku, tĕka paham sranduniŋ ḍiri, kĕtib iman liṅira, iṅgiḥ bĕtèkipun, supadi aṅsal borokan, laḥ ta kakaŋ ndawĕg pripun lajĕṅnèki, ṅgiḥ aḍi lajĕṅira.

22. siti maryam saṛĕŋ amiyarṣi, ḍawuhipun śri nata bahgĕdad, muŋ prasaja aturané, ḍuḥ gustiku saŋ prabhu, kakasihé hyaŋ maha sukci, mugi linĕpatĕna, saguṅé bahĕndu, awit sakiŋ jriḥ kawula, mriŋ pun biyuŋ bokbiliḥ dipunsrĕṅĕni, tĕmaḥ ṇḍĕḍĕr druhaka.

23. déné biliḥ pun biyuŋ maṛĕṅi, ulun èstu aṇḍèrèk sakarṣa, śri nata sru sukèŋ tyasé, payo iridĕn iṅsun, mriŋ wismané rénanta nini, siti maryam tumulya, sisiṅir swara rum, méndanira wus ṅaḷĕmpak, cinacahkĕn jaṅkĕp anulya giniriŋ, sapraptanirèŋ wisma.

24. siti maryam ṅliŋ mriŋ biyaṅnèki, laḥ punika wontĕn tiyaŋ prapta, kalaṅkuŋ kaṭaḥ réñcaṅé, ayun piaṅgiḥ biyuŋ, ni ṅalimaḥ saṛĕŋ niṅali, kalaṅkuŋ ṅuṅuniŋ tyas, saṅĕt ajrihipun, saŋ nata nulya ṅandika, èḥ ta nini sira aja bélatampi, manira atatanya.

25. apa sira bokné bocaḥ iki, ñi ṅalimaḥ grago aturira, iṅgiḥ iṅgiḥ sah‍èstuné, punika anakulun, iṅkaŋ dados tĕḷĕṅiŋ ati, paranta karṣanira, lan sintĕn woŋ bagus, réñcaṅé kalaṅkuŋ kaṭaḥ, śri naréndra ṅandika yèn takon mami, naranata bahgĕdad.

26. ñi ṅalimaḥ gupuḥ maṅañjali, saha matur ñuwun paṅakṣama, sakèhiŋ kaḷĕpatané, èḥ ñahi yèn panuju, anakira si maryam iki, sunpuṇḍut dumadiya, garwèṅgoŋ satuhu, kaṭaḥ dèn nya amiluta, mriḥ pakoliḥ ñi raṇḍa sumaṅgèŋ kapti, namuŋ añuwun dinar.

27. sawawraté iŋ sutanirèki, wus tinraju lawan uwaŋ ĕmas, tigaŋ unta dumuginé, kaliḥ dasa untèku, takṣiḥ awrat siti maryami, ñi raṇḍa aturira, gusti sampun sampun, tumrapiŋ jasad kawula, doña kaṭaḥ malaḥ aṅribĕdi ati, kèndĕl dèn nira wawrat.

28. maryam sampun binĕkta narpati, sapraptané prajadi bahgĕdad, tĕtĕp ṅrĕṅgani purané, laminya tan cinatur, sampun darbé putra kakaliḥ, kaŋ sĕpuḥ sinuŋ parab, abubakar muṅguḥ, ginaḍaŋ gumantya nata, arinira siti kalimaḥ wawaṅi, nahĕnta pramèswara.

29. ñuwun idi arṣa tuwi mariŋ, iṅkaŋ rama ḍumatĕŋ iŋ mĕkaḥ, saŋ aprabhu andikané, sira pojar mariṅsun, anakira kalimaḥ ñahi, iŋ maṅké sira arṣa, tuwi woŋ tuwamu, bĕcik sira sajarwaa, babo sapa kaŋ ayoga sira yayi, dyaḥ maryam matur nĕmbaḥ.

30. sèwu sèwu apuranta gusti, biliḥ maṅkya ñuwun paṅakṣama, datan sagĕd ṅaturaké, tĕmbé manawi sampun, kula bĕkta sowan saŋ aji, kadaṅuwa piyambak, tiyaŋ sĕpuhulun, ṅgarahitèŋ tyas śri naréndra, wus linilan ambĕkta putra kakaliḥ, dé maṅgalaniŋ lampaḥ.

31. mantri muka wadya kuswa ṅiriŋ, wus samĕkta kalilan umaṅkat, tan kacriyos iŋ lampahé, sipĕŋ madyèŋ wanaguŋ, sĕrap janmi kiyayi patiḥ, tĕkiyur imanira, ijajil kukuwu, lumĕbĕt mriŋ uṅgyan risaŋ, pramèswari lagya aṅĕloni siwi, ki patiḥ aṅrĕṛĕpa.

32. manuwara mriḥ lunturiŋ kaŋ siḥ, śri dayita kalaṅkuŋ ḷĕṅgana, asru pamuriḥ èṅĕté, ki patiḥ mĕkṣa mbĕruŋ, malaḥ malaḥ ṅajriḥ ajrihi, aṅagari jambiya, biliḥ botĕn nurut, sayĕkti ulun jambiya, laṅkuŋ éman pramèswari datan lirip, putra gya jinambiya.

33. wus ṅĕmasi binĕkta mriŋ ñjawi, wus pinĕtak tan ana kaŋ wikan, wañci byar tata barisé, lajĕŋ iŋ lampahipun, pan kasaput iŋ ratri maliḥ, sipĕŋ madyaniŋ wana, kadi iṅkaŋ sampun, jinaganan wadya bala, liṅsir ratri samadya wus samya guliŋ, patiḥ aṅot gĕṇḍila.

34. amaṅgihi saŋ dayita maliḥ, iṅkaŋ lagya aṅĕloni putra, patiḥ amĕkṣa aturé, gusti manawi lumuḥ, datan wandé putra nirèki, ulun jambiya pisan, kadi kaŋ rumuhun, pramèswari iŋ tyas paṅgaḥ, liṅira ris apa sakarṣanirèki, allaḥ tan kasamaran.

35. kyayi patiḥ wus tan nĕdya éliŋ, putra kaŋ lagya kinĕlonan, jinambya prajanané, ludiranya sumĕmbur, kapisanan nulya ṅĕmasi, mariyam yun cinaṇḍak, gya malumpat gupuḥ, lumajĕŋ anasak wana, iblis laknat wus ṅiṅgati kyayi patiḥ, kaduwuŋ rawatwaspa.

36. kunarpanya risaŋ raja siwi, wus binĕkto siṅidan pinĕtak, laṅkuŋ ribĕt biṅuŋ tyasé, umĕdal akalipun, bĕṅok bĕṅok sarwi anaṅis, kagyat kaŋ wadya kuswa, sami tiŋ biluluŋ, aḍuḥ kañca katiwasan, pramèswari kalawan saŋ rajasiwi, katri pinaṅan sima.

37. kunarpané datan ana kari, wadya kuswa sadaya suṅkawa, tambuḥ tambuḥ iŋ solahé, ki patiḥ asru muwus, apa manèḥ iṅkaŋ pinikir, kabèḥ aywa na susaḥ, luputé nèŋ aku, pra wadya asrĕp iŋ nala, payo nuli buḍalan bali mriŋ nagri, ukumé śri naréndra.

38. iṅsun ḍéwé iṅkaŋ aṅlampahi, wus buḍalan iṅkaŋ wadya kuswa, waṅsul maraŋ iŋ prajané, sadaya arawat luḥ, maras maras tyas kĕtir kĕtir, dumuginipun praja, ki patiḥ lumĕbu, prapta ṅalbyantara nata, ṅaraspada pĕgat pĕgat ṅasmarani, waspa drĕs marawayan.

132. asmaradana

1. ḍuḥ gusti śri narapati, amba atur pĕjaḥ gĕsaŋ, sumaṅgèŋ karṣa saŋ katoŋ, sakiŋ guŋ cacad dinuta, aṅatĕr saŋ dayita, saṛĕŋ dumugi wanaguŋ, nèŋ riku maṅgiḥ babaya.

2. wontĕn iṅkaŋ sima katri, lumĕbĕt iŋ twaḥ saŋ ṛĕtna, maṅsa garwa putra katoŋ, garwa tuwan tuwin putra, séda minaṅsa sima, wadya uniŋ sampun rampuŋ, sima wahu panĕḍanya.

3. ḷĕṅĕr ḷĕṅĕr śri bhupati, sapandurat tan ṅandika, kalaṅkuŋ ṅuṅun galiyé, ginagas gagasiŋ driya, èṅĕt iŋ garwa putra, sru dahat duhkitèŋ kalbu, saŋ nata saṅĕt udrasa.

4. wus pinupus lawan takdir, binéṅkas budi tawĕkal, sinèṇḍèkkĕn mriŋ kaŋ gawé, sirṇa ilaŋ kaŋ suṅkawa, linud iŋ panarima, pan wus karṣané hyaŋ aguŋ, puluḥ puluḥ kadiparan.

5. mriŋ ṅĕndi ṅgonné sumiṅkir, kawula darma lumampaḥ, nora bisa obaḥ ḍéwé, yèn muṅguḥ kaṛĕpiŋ jalma, tan ana sĕdya susaḥ, kabèḥ buṅaḥ kaŋ kinayun, taṇḍané karṣèŋ hyaŋ sukṣma.

6. déné tan buṅaḥ sakalir, allaḥ tan kĕna pinréntaḥ, muŋ ṅagĕm karṣané ḍéwé, kaya ṅapa ṅgonné sélak, lamun mèriya liyan, kaŋ jinuruŋ iŋ sahumur, saṭiṭik suṅkawanira.

7. wus paṣṭi tan bisa mèri, sabab kuwasaniŋ sukṣma, tinitaḥ kadi maṅkéné, naṅiŋ ta rèhniŋ kawula, tan uniŋ takdirira, bĕgja cilaka tan surup, marmanta takṣiḥ ihtiyar.

8. yèn mukaranaḥ iŋ takdir, marma makṣiḥ amiminta, bok kapaṛĕŋ iŋ hyaŋ manon, mugi tuwan ambukaa, sumpĕgiŋ manaḥ amba, ḍuḥ gusti mba ñuwun tuluŋ, paduka laṅkuŋ kawasa.

9. kaŋ aṅlimputi sakalir, atas nèŋ ṅarṣa paṅéran, kaŋ mĕṅkoni sakabèhé, mugi allaḥ ṅlambaṅana, mariŋ garwa sutamba, ḍuḥ gustiku kaŋ mahaguŋ, amba dahat naṅis tuwan.

10. tan wontĕn iṅkaŋ kaliliŋ, muŋ tuwan tĕḷĕṅiŋ driya, kaŋ sagĕd mbéṅkas saliré, marmamba tan sĕdya oñcat, muŋ anut karṣa tuwan, sanadyan kinarya dudu, mriŋ pundi ṅgonné sumiṅgaḥ.

11. ḍuḥ tuwan rabilṅalamin, kita muŋ ñuwun ṅapura, saguŋ ḷĕpat amba kabèḥ, kaŋ satmata lan kaŋ samar, rèhniŋ ulun tan wikan, kaŋ uniṅa muŋ hyaŋ aguŋ, mila muhuŋ naṅis tuwan.

12. pamintamba maraŋ gusti, rèhniŋ kawula tiyaŋ ṅam, tan kuwawi cobèŋ manon, muŋ nuwun sakuwat amba, sampun tuwan sinuṅan, iŋ doña kalaṅkuŋ aguŋ, bokbiliḥ amba tan kuwat.

13. nuduhkĕn takabur gusti, tuwin sampun pinariṅan, kikiraṅan laṅkuŋ kad é,, bokbiliḥ amba tan kuwat, dadya ṅĕrṣulèŋ tuwan, laḥ tuwan anuwun puguḥ, lan tuwan sampun sinuṅan.

14. susaḥ iṅkaŋ saṅĕt gusti, bokbiliḥ amba tan kuwat, mbibrahkĕn manaḥ kaŋ sah‍é, lan tuwan sampun sinuṅan, biṅaḥ kalaṅkuŋ ĕkat, bokbiliḥ amba tĕkabur, katrècèt mriŋ kakupuran.

15. tyasiṅsun kadi woŋ ndlĕmiŋ, déné allaḥ sunpranata, sunpuriḥ manut tyasiṅoŋ, paṣṭi wus lamun tan bisa, allaḥ pan nora karṣa, mariŋ ĕdat liyanipun, béda kita kaṛĕp tuwan.

16. paṅomyaŋ amba puniki, muŋ sakiŋ baṅĕtiŋ susaḥ, dadya sawĕtu wĕtuné, naṅiŋ muṅguḥ yĕktinira, kabèḥ kaṛĕp manira, ṛĕbut ḍucuŋ iŋ tyasiṅsun, tan bisa ṅèwahkĕn kodrat.

17. dadi muŋ biṅuŋ tyasmami, tambuḥ tambuḥ kaŋ sinĕdya, kajaba ṅgluṇḍuŋ hyaŋ manon, awit kabèḥ ciptaniṅwaŋ, lawan prihatin kita, lan sakrĕntĕgiŋ tyasiṅsun, kabèḥ iku tanpa pédaḥ.

18. muŋ cumaḍoŋ karṣèŋ gusti, apa kaŋ dèn takdiṛĕna, ya iku paṣṭi anané, tanpa gawé pinikira, jaba muŋ suhul tuwan, bokmanawa ntuk pituluŋ, sabab allaḥ sipat rahman.

19. kawula wuṅsal waṅsuli, paṅgrĕsahé śri naréndra, katuṅka mahrib wĕkdalé, dèrèŋ kula lajĕṅĕna, cariyos śri bahgĕdad, kilap kadadosanipun, lalampahaniŋ ki patya.

20. kakaŋ kula ñuwun uniŋ, bapakipun siti maryam, aḍi ṅabdullaḥ namané, tĕḍak kurès nagri ṅarab, kĕnèŋ paṅamandaka, dinakwa jina puniku, lawan ki saṅip namanya.

21. anulya utusan siwi, saḍèrèkè siti maryam, sèḥ abubakar namané, sapraptanira iŋ wana, tan tĕgĕl mĕjahana, abubakar tandya mantuk, matur yèn wus pinĕjahan.

22. maṇṭuk maṇṭuk kaŋ sinuŋ ṅliŋ, kĕtib iman cariyosnya, sigĕg gantya winirahos, iṅkaŋ cakĕt jajagoṅan, lawan kyayi rasika, jrukuñci iŋ glagaharum, tinimbaŋ amĕḍaṛĕna.

23. cariyosipun saŋ aji, ṅamarta śri darmawaṅsa, paranbaya darunané, déné sumaré iŋ dĕmak, kubur kalaṅkuŋ pañjaŋ, kyayi rasika liŋnya rum, kabar makatĕn purwanya.

24. nalikanira iŋ ṅuni, mékradiŋ natèŋ paṇḍawa, mawi srana pĕjaḥ oboŋ, yuḍiṣṭira śri ṅamarta, rahadèn wrĕkudara, janaka myaŋ arinipun, kaliḥ naṅkula sadéwa.

25. nĕnĕm garwanya saŋ aji, yuḍiṣṭira iŋ ṅamarta, dyaḥ drupadi jujuluké, kasapta wara sumbadra, dayitèŋ danañjaya, dyaḥ kuṇṭi kawolunipun, kaŋ ibu katri paṇḍawa.

25. ki rasika jurukuñci pasaréyan glagaharum dĕmak ñariyosakĕn lalampahanipun prabhu darmakusuma tuwin pusakanipun kalimasada iṅkaŋ sagĕd kawĕḍarakĕn isinipun déniŋ sunan kalijaga, wĕkasan saŋ prabhu séda, kasarèkakĕn iŋ glagaharum, pasaréyanipun sakalaṅkuŋ pañjaŋ.

saŋ prabhu tilar polaniŋ riṅgit purwa. ugi katĕraṅakĕn asal usulipun wali wolu.

26. criyos paḍalaṅan riṅgit, ginĕrba wus samya pĕjaḥ, amuŋ satuṅgal kaŋ dèrèŋ, ṅgiḥ punika darmawaṅsa, mukṣanya mriŋ kah‍éndran, dalaḥ iŋ saraganipun, praptané iŋ suralaya.

27. pinaṅgiyan hyaŋ pramèṣṭi, tinanya darunanira, hyaŋ guru paṅandikané, èḥ titaḥ ulun ki darma, sira muliḥ mriŋ jaman, laṅgĕŋ iŋ salaminipun, tĕka ṅaṅgé badan waḍag.

28. apa sira boya mati, lantaran tumamèŋ waṅwa, yuḍiṣṭira matur alon, ḍuḥ hyaŋ hyaŋ kaŋ kinawasa, anitahkĕn kawula, kahuniṅana pukulun, kula ugi malbèŋ waṅwa.

29. abipraya èstu nuṅgil, lawan kadaŋ warga réna, wus sampurṇa sadayané, naṅiŋ muŋ ulun priyaṅga, kaŋ botĕn sagĕd sirṇa, ḍuḥ saŋ hyaŋ hyaṅiŋ pukulun, wontĕnna apurèŋ tuwan.

30. ambirat saguṅiŋ sisip, hyaŋ odipati ṅaṇḍika, hèḥ yuḍiṣṭira saŋ katoŋ, iŋ samĕṅko karṣaniṅwaŋ, sira bĕcik baliya, maraŋ iŋ ṅarcapadèku, yèn raganta duruŋ sirṇa.

31. apan baya sunlilani, muliḥ maraŋ iŋ kaswargan, sabab kaswargan yĕktiné, paṅgonan kaŋ luwiḥ mulya, sarta suci sadaya, nadyan kabèḥ titahiṅsun, manuṅsa kaŋ tiṅgal doña.

32. paḍa muliḥ maraŋ pati, iya paṣṭi tiṅgal raga, wus badan alus aranné, mula kaki prabhu sira, samĕṅko duruŋ kĕna, muṅgaḥ maraŋ suwarga guŋ, nĕmbaḥ lèṅsèr śri naréndra.

33. waṅsul marcapada maliḥ, tumindak maṅalèr sĕdya, amamati sarirané, lajĕŋ aṅgĕbyur samodra, sumiḷĕm praptèŋ ḍasar, naṅiŋ mĕkṣa datan lampus, laminya nĕmatus warṣa.

34. lagyantuk sasmitèŋ widdhi, tinuduḥ kinèn martapa, nèŋ majapahit tlatahé, dumunuṅa tĕṅaḥ wana, glagahwaṅi namanya, wus pinaṣṭi iŋ hyaŋ aguŋ, dadya jalaran antaka.

35. nahan śri yuḍiṣṭira ji, mituhèŋ sasmitatama, mĕntas sakiŋ samodrané, nĕtĕpi iṅkaŋ pitĕdaḥ, jĕnĕk amaṅun tapa, prabawa ratu linuhuŋ, iŋ galagaḥ waṅi wana.

36. katiṅal siṅup awiṅit, siṅité kalintaŋ lintaŋ, janma sato mara layon, mila tan na wani ṅambaḥ, gawat kaliwat liwat, sabĕn ari kĕmul pĕḍut, maṇṭĕr téjaniŋ kusuma.

37. jaman majapahit akir, saṅgyaniŋ kaŋ waliyolaḥ, amurwa yun yasa kraton, prĕnaḥ glagahwaṅi wana, punika nagri dĕmak, utusan mbabati gupuḥ, éwon kaŋ samya tumandaŋ.

38. binabat sakéñjiŋ ṛĕsik, sontĕnipun aṅrĕmbaka, awit sontĕn pambabaté, éñjiŋ puliḥ aṅrĕmbaka, tan ana séwahira, kadya ḍinaṅir rinabuk, kawĕkèn kaŋ nambut karya.

39. abipraya ṛĕmbugnèki, tur uniŋ sunan satmata, iŋ girigajaḥ kaḍaton, kaŋ uméntar wus lumĕpas, prata atur uniṅa, madya iŋ wasananipun, dèn nira ambabat wana.

40. sunan giri wusiŋ tampi, aturé kaŋ babat wana, animbali sunan lèpèn, cinundaka marikṣaa, ṅiras dadya paṅarṣa, sawusira tampi ḍawuḥ, kapuṅkur giri kaḍatyan.

133. paṅkur

1. praptèŋ tĕpi glagahganda, sunan lèpèn uluk salamira glis, assalamu ṅalah‍ékum, sanalika wus sirṇa, pĕpĕḍut kaŋ aṅawĕṅi iŋ wana guŋ, satĕmaḥ katiṅal paḍaŋ, ñjĕŋ sunan nulya umañjiŋ.

2. ṅidĕri sajroniŋ wana, dupi rawuḥ madyaniŋ wana wiṅit, uniŋ janma agĕŋ luhur, maṇṭĕr sunariŋ téja, lawan janma samaṅké gĕŋ luhuripun, kintĕn kintĕn tikĕl tiga, ḍiwut ḍiwut wulunèki.

3. réma gimbal wulu pañjaŋ, ḷĕṅgaḥ muṅgèŋ saṅaṇḍapiŋ wariṅin, séla gilaŋ tlèmèkipun, patrapé dèn nya ḷĕṅgaḥ, suku tĕṅĕn jégaŋ kaŋ kiwa saluku, sarira sĕṇḍĕn mandira, astanira iṅkaŋ kériŋ.

4. tumumpaŋ iŋ puṇḍak kanan, asta kanan ṅgĕgĕm sarta pinuṇḍi, wontĕn iŋ saṅiṅgilipun, piliṅan iṅkaŋ kanan, sunan lèpèn tandya amrĕpĕki gupuḥ, manĕmbrama manuwara, urmat asuŋ salamnèki.

5. naṅiŋ datan winaṅsulan, yuḍiṣṭira mandĕŋ kéwala amiŋ, sunan kali kĕndĕl ñjĕtuŋ, ṅunandikèŋ wardaya, datan daṅu tumuwuḥ osikiŋ kalbu, kinira kirèŋ wardaya, baya woŋ budha puniki.

6. ñjĕŋ sunan sampun widagda, tĕmbuŋ budha dèn nya asuŋ pambagi, mĕṅgaḥ maṅké tĕmbuṅipun, ḍuḥ saŋ nĕmbé kapaṅgya, kula nilakrami iŋ sanak satuhu, sintĕn jujuluk sampéyan, tuwin kawijilan pundi.

7. punapa iṅkaŋ sinĕdya, déné ḷĕṅgaḥ nèŋ wana tanpa kaṇṭi, miwaḥ iŋ pasĕmonipun, kadi naṇḍaŋ suṅkawa, kaŋ tinanya maṅrĕtos lajĕŋ umatur, ugi cara basa buddha, makatĕn jawinirèki.

8. o ĕṅgèḥ kiyayi sanak, jĕṅandika satuhu wus udani, ḷĕpasiŋ tyas kaŋ kalimput, kula ki yuḍiṣṭira, kawijilan sakiŋ ṅamarta rumuhum, duk iŋ ṅuni jaman budha, makṣiḥ brahma kaŋ agami.

9. ñjĕŋ sunan kali duk myarṣa, laṅkuŋ ṅuṅun nulya tatanya maliḥ, kisanak kala rumuhun, mlampaḥ damĕl punapa, walèḥ walèḥ punapa kala tumuhun, sayĕtosipun kawula, jumĕnĕŋ śri narapati.

10. kaḍaton nagri ṅamarta, yuḍiṣṭira iṅgiḥ jujuluk mami, balik sampéyan saŋ luhuŋ, iŋ wiṅkiŋ kaŋ pinaṅka, lan iŋ ṅajĕŋ lajĕr sĕdyanirèŋ kalbu, miwaḥ sintĕn kaŋ sinambat, ḍuḥ yuḍiṣṭira saŋ aji.

11. andaṅu nami kawula, sunan kalijaga kaḷĕbĕt wali, sakiŋ tlataḥ majalaṅu, iŋ girigajahpura, ḍatĕŋ kula sah‍èstuné dipunutus, sunan giri luraḥ amba, prĕlu kinèn marikṣani.

12. kawontĕnané kaŋ wana, déné tĕka wontĕn iṅkaŋ ndahwèni, damĕl wilalat satuhu, mariŋ kaŋ sami babat, sampun kula salasak iŋ wana kĕmput, samya tan na kara kara, muhuŋ andika pribadi.

13. maṅsuli śri yuḍiṣṭira, maṅké maṅké ta maṅké sunan kali, waṅuné arṣa abĕndu, andakwa raganiṅwaŋ, andahwèni damĕl wilalat tan sarju, babo botĕn pisan pisan, mĕṅgaḥ ṅgèn kula nèŋ riki.

14. botĕn sawĕg sapunika, sampun lami ṅlampahi pitĕdahiŋ, sasmita nalika ulun, tapa ḍasar samodra, laminira ṅantos ĕnĕm atus tahun, ujariŋ wasitatama, kinèn tapa wontĕn ṅriki.

15. paṣṭi antuk kaŋ sinĕdya, iṅkaŋ sagĕd ñjalari pĕjahmami, sabab iŋ satuhunipun, kula sĕdya ṅupaya, iŋ marginé sagĕd ḍumatĕŋ iŋ lampus, duk miyarṣa ñjĕŋ susunan, katiṅal pasĕmon manis.

16. sumèḥ wijiliŋ wicara, nulya taña tĕmbuŋ amĕrakati, ḍuḥ mitraniṅsun sinuhun, sabab sakiŋ punapa, sariranta tan sagĕd tumĕkèŋ lampus, mèsĕm risaŋ yuḍiṣṭira, laḥ makatĕn sunan kali.

17. kala ulun winisuḍa, madĕg nata lajĕŋ dipunpariṅi, jajimat déniŋ déwaguŋ, nama kalimasada, iṅkaŋ ugi anami pustaka jamus, dumugi iŋ sapunika, takṣiḥ kula puṇḍi puṇḍi.

18. pratiṣṭa iŋ asta kanan, malaḥ malaḥ sampun saklaṅkuŋ lami, asta tan sagĕd tumĕluŋ, miwaḥ tan sagĕd mĕgar, sunan kali kataman aturiŋ prabhu, saṅsaya paṅuṅunira, wasana tatanya maliḥ.

19. mĕṅgaḥ uṅĕliŋ sĕratan, iŋ jijimat punika kadospundi, kalawan surahosipun, ḍuḥ sunan kalijaga, kula matur iṅgiḥ iŋ sayĕktosipun, sampun ṅantos kaŋ sumĕrap, ambikak kéwala ajriḥ.

20. jalaran ḍawuhiŋ déwa, namuŋ kinèn ṅaṅgé jijimat pripiḥ, mila kula jriḥ kalaṅkuŋ, biliḥ ṅuniṅanana, sunan kali mèsĕm ṅandika jro kalbu, ika woŋ boḍo balaka, nadyan ṅrĕti naṅiŋ wĕdi.

21. ḍuḥ sinuhun yuḍiṣṭira, mĕṅgaḥ wontĕn tiyaŋ iṅkaŋ kadugi, ṅuṅĕlkĕn jijimat wahu, punapi pinaṛĕŋna, aṅsal maliḥ naṅiŋ darbé jaṅji ulun, mugi dipunmaṅrĕtosna, surahosé kanaŋ tulis.

22. saha sagĕd aṅĕgarṇa, taṅanulun kaŋ wus lami kumañciŋ, sunan kali ṅandika rum, suwawi cinobia, ṅuluṅakĕn jajimat pustaka jamus, nahan sami sanalika, waluya kadi iŋ uni.

23. ṅuluṅakĕn asta mĕgar, jimat sampun tinampèn sunan kali, binuka surahosipun, sinukṣma iŋ wardaya, tamat pamahosé kaŋ pustaka jamus, ñjĕŋ sunan kali ṅandika, é, yuḍiṣṭira narpati.

24. sampéyan mugi sumrĕpa, milanipun jimat dipunwastani, iṅgiḥ kaŋ pustaka jamus, tĕgĕsipun punika, layaŋ iṛĕŋ tulisipun rupa piṅul, mila ran kalimasada, kalimaḥ sahadat yĕkti.

25. kalimaḥ sahadat maṅkya, wus kalampaḥ dèn agĕm dèn ugĕmi, déniŋ tiyaŋ iṅkaŋ sampun, mañjiŋ agami islam, miwaḥ dipunwastani agama rasul, saréṅat punika maṅka, baboniŋ ṅèlmu sajati.

26. aṅsal sakiŋ nabiyolaḥ, gusti kaṅjĕŋ nabi rasulollahi, kakasihira hyaŋ aguŋ, tuhu iṅkaŋ kinarya, dutaniŋ hyaŋ panutup nabiyollahu, ugĕr tyaŋ agama islam, saha sampun putus mariŋ.

27. ṅèlmu tamtu kaŋ winawas, surahosé kalimaḥ sahadati, dumadi ĕniŋ tyasipun, sagĕd sampurṇèŋ pĕjaḥ, mantuk mariŋ asaliŋ kamulanipun, iŋ riku śri yuḍiṣṭira, laṅkuŋ truṣṭa iŋ paṅgaliḥ.

28. nahan lajĕŋ puruwita, mriŋ saŋ wiku kaṅjĕŋ susunan kali, winulaŋ sahadat wahu, ugĕriŋ kasampurṇan, winĕruhkĕn iŋ jĕnĕṅé uripipun, ñjĕŋ sunan pamĕjaṅira, sadaya sampun katampi.

29. wruḥ saduruṅé dumadya, dadya datan samar ndoniŋ dumadi, was uwas wus tan kawuwus, amiṅis iŋ pamawas, tĕtĕp uwus mañjiŋ agama islamu, tĕtĕp tatas naratas tyas, tumètès sampurṇa titis.

30. rumahos yèn sagĕd pĕjaḥ, sarta pĕjaḥ iŋ sajroniŋ ṅahurip, saṅĕt iŋ pamuṇḍinipun, winantu analaṅsa, ayun nĕmbaḥ astanira sawĕg kuñcup, makiḍupuḥ anèŋ ṅarṣa, sunan kali duk udani.

31. gupuḥ dèn nya nampèl asta, kipa kipa tan arṣa dèn bĕktèni, sinaṛĕṅan wacana rum, sampéyan sampun nĕmbaḥ, ḍatĕŋ ulun sanadyan dèn aṅgĕp guru, naṅiŋ drajat ulun aṇḍap, luhur darajatiŋ aji.

32. kados paduka punika, iṅgiḥ ḷĕṛĕs suhunan nama mami, anaṅiŋ sah‍èstunipun, drajat wali kéwala, wali wahu jaman purwa saminipun, para ṛĕṣi myaŋ paṇḍita, dados bĕktinta saŋ aji.

33. sĕḍĕŋ salaman kéwala, prabhu darmakusuma anaṅgapi, nulya sasalaman gupuḥ, sawusiŋ sasalaman, śri naréndra yuḍiṣṭira alon matur, ḍuḥ sinuhun gurukula, rèḥ maṅké ulun wus tampi.

34. sabda jatiniŋ kamulyan, sĕdya ulun sasagĕd aṅaturi, wawaḷĕs iṅkaŋ linuhuŋ, naṅiŋ tan darbé srana, muŋ punika wontĕn baraŋ darbékulun, sĕpélé saṅĕt tan mandra, biliḥ kapaṛĕŋ iŋ galiḥ.

35. kulaaturkĕn paduka, yuḍiṣṭira jumĕnĕŋ mbuka pĕṭi, iṅkaŋ linĕṅgahan wahu, isinipun karopak, mawa gambar katri wawayaṅanipun, satuṅgal śri baladéwa, kaliḥ natèŋ dwarawati.

36. tiga arya wrĕkudara, kaṇṭi sastra pèṅĕtan duk iŋ uni, kaliḥ lampahan winuwus, satuṅgal pratélannya, lampahiŋ arjuna nalika ḍahup, aṅsal dyaḥ wara sumbadra, putri madura nagari.

37. kadaŋ baladéwa krĕṣṇa, rinaṛĕṅga déra hyaŋ udipati, kajĕŋ klĕpu déwadaru, katĕlaḥ praptèŋ maṅkya, sabĕn wontĕn paṅantèn kaŋ rinĕṅga guŋ, tamtu mawi kĕmbar mayaŋ, jaman purwa kaŋ pinirid.

38. kaliyan pratélanira, kala nata paṇḍawa maṅun jurit, sakadaŋ warga sadarum, mĕṅsaḥ śri suyudana, sakadaṅé sata korawa aṅĕbyuk, ñjabĕl prajadi ṅastina, paṇḍawa uṅgul iŋ jurit.

39. winastanan bratayuda, kinaṇṭènan sarasilaḥ tumĕrahiŋ, paṇḍawa myaŋ para ratu, iṅaturakĕn sigra, mriŋ suhunan kalijaga sadayèku, laṅkuŋ sukanirèŋ driya, gambar tri wus dèn prikṣani.

40. taña maraŋ yuḍiṣṭira, sintĕn iṅkaŋ gaḍaḥ wayaṅan katri, iṅkaŋ ginambar puniku, satuṅgal tuṅgalira, prabhu darmakusuma lajĕŋ umatur, kaŋ sarta mawa pratélan, agĕŋ miwaḥ iṅgilnèki.

41. titiga iṅkaŋ ginambar, wus pratéla kadi sinĕbut ṅarṣi, taña maliḥ ñjĕŋ sinuhun, nahanta karṣa para, asuŋ gambar dalaḥ iŋ saprabotipun, sastra cariyosiŋ budha, kumambaŋ matur saŋ aji.

134. maskumambaŋ

1. ḍuḥ susunan kali gurunadi mami, gambar wawayaṅan, titiga siki puniki, mugi mugi tinumrapna.

2. gigiriŋ kaŋ mah‍ésa danu artiniŋ, kulitiŋ mah‍ésa, walikan dadosirèki, babaluṅé kaŋ mah‍ésa.

3. kaaṅgéya kulitiŋ gambar puniki, suṅuniŋ mah‍ésa, kaaṅgéya ototnèki, kulitiŋ kanaŋ mah‍ésa.

4. kaaṅgowa iṅgiḥ babaluṅanèki, sarta ginañcarṇa, iŋ salampaḥ salampahaniŋ, supadya dadya tulaḍa.

5. tĕmbé wiṅkiŋ saguṅiŋ kaŋ pra narpati, satriya myaŋ wadya, pra èstri pra mahaṛĕsi, saguŋ isiniŋ bhawana.

6. gya winarṇa śri yuḍiṣṭira narpati, sawusiŋ pratéla, gañcariŋ cariyos ṅuni, amit wus praptèŋ antaka.

7. puput yuswa sampurṇa mriŋ jaman suci, layon binarṣihan, suŋ sasmita mariŋ dasiḥ, paripurṇa wus pinĕtak.

8. wontĕn tapak tilas paḷĕṅgahanèki, ṅaṇḍapiŋ mandira, rampuŋ pamĕtakiŋ jisim, lajĕŋ sinuṅan tĕṅĕran.

9. kijiŋ séla rinéka ciriniŋ nami, kyayi yuḍiṣṭira, ḷĕstari tĕkèŋ samaṅkin, nèŋ lor kulon maśjid dĕmak.

10. ki rasika aṅliŋ mriŋ rowaṅirèki, criyos sampun tamat, kijiŋ kaŋ pañjaŋ ṅlaṅkuṅi, ciri kyayi yuḍiṣṭira.

11. kaŋ sinuŋ ṅliŋ taña paran kajĕṅnèki, dèn nya babat wana, wilujĕŋ sampun baṛĕsiḥ, rata kadi ara ara.

12. é, makatĕn lajĕṅé cariyos iṅgiḥ, dèn nya babat wana, wilujĕŋ sampun baṛĕsiḥ, rata kadi ara ara.

13. sunan kali wus waṅsul ḍatĕŋ iŋ giri, pinuju papakan, saṅgyaniŋ kaŋ para wali, sunan kali tur pratéla.

14. lampahipun tinudiŋ babat wanadri, purwa wasananya, miwiti malaḥ mĕkasi, pan sampun katur sadaya.

15. para wali samya kaṛĕnan iŋ galiḥ, abipraya ṛĕmbag, amujudakĕn iŋ warṇi, iṅkaŋ kasĕbut pèṅĕtan.

16. kaŋ kinarya guru wawayaṅan katri, gĕr ugĕr polatan, mĕṇḍĕt sakiŋ nétranèki, bèntĕniŋ pasĕmonira.

17. saka pawulatan datan liya sakiŋ, papasaṅiŋ nétra, manawi akarya riṅgit, nétra waṅun gĕḍoṇḍoṅan.

18. mirid sakiŋ gambariŋ wayaṅannèki, prabhu baladéwa, naréndra madura nagri, manawi adamĕl nétra.

19. waṅun liyĕp mirid sakiŋ wayaṅaniŋ, śri naréndra krĕṣṇa, sinuhun iŋ dwarawati, utawi biliḥ iyasa.

20. nata waṅun maṇṭĕḷĕŋ sĕṛĕŋ ṛĕspati, mirid wayaṅannya, satriya iŋ joḍipati, radyan arya wrĕkodara.

21. paripurṇa dèn nira amirid mirid, naṅiŋ saṛĕŋ arṣa, damĕl wawayaŋ rasĕkṣi, rasĕkṣa iṅgiḥ danawa.

22. para wali ragi kawĕkèn iŋ galiḥ, amarga ñjĕŋ sunan, kalimput nalika paṅgiḥ, tatanya mriŋ yuḍiṣṭira.

23. wêwaḥ wêwaḥ danawa cariyosnèki, doyan maṅsa kéwan, myaŋ maṅsa waṅkéniŋ janmi, naṅiŋ sagĕd tatajanma.

24. samya miṅgu mĕṅĕŋ mĕkṣa tan amiṅis, sajroniŋ kèmĕṅan, sakiŋ plĕṅgahan tan tĕbiḥ, wontĕn sagawon lumajar.

25. ṅgoṇḍol baluŋ untu siyuŋ amariṅis, sunan kalijaga, antuk wĕwĕṅaniŋ wiṅit, tinarbuka riŋ hyaŋ sukṣma.

26. dèn nya damĕl gambar wayaṅan rasĕkṣi, sipat myaŋ wulatan, amirid sagawon mriṅis, badan wayaṅan manuṅsa.

27. sinĕmbadan gĕŋ luhur glabĕg ṅajrihi, mèḥ tanpa baṅkèkan, ulat siruŋ nétra andik, mrĕṅaṅaḥ ḍépaḥ mbrĕgagaḥ.

28. sampun rampuŋ dèn nya maṅadani riṅgit, mirid tri wayaṅan, dados baluṅipun riṅgit, iṅkaŋ ginapit punika.

29. tĕraṅipun aturiŋ yuḍiṣṭira ji, kulitiŋ mah‍ésa, dados baluṅipun riṅgit, iṅkaŋ ginapit punika.

30. suṅunipun dados ototiŋ kaŋ riṅgit, laḥ iṅgiḥ punika, iṅkaŋ dipunaṅgé gapit, miwaḥ campuritiŋ wayaŋ.

31. baluṅipun mah‍ésa kinarya kulit, artosé maṅkana, kadamĕl ḍasariŋ suṅgiŋ, sakiŋ bubukaniŋ tulaŋ.

32. ṅgiḥ punika purwanipun wontĕn riṅgit, wacucal mah‍ésa, iṅkaŋ gumĕlar samaṅkin, mujudkĕn ṅaṅgit lampahan.

33. tan lyan sakiŋ kramaté ñjĕŋ sunan kali, wali wolu samya, maṅayubagya ṅidèni, sampun cuṭĕl criyosiṅwaŋ.

34. laḥ suwawi babarpisan awawarti, iṅkaŋ paṅandika, déné mawi purwakaṇṭi, wali wolu tanaḥ jawa.

35. kaŋ winastan wali wolu tanaḥ jawi, satuṅgal ñjĕŋ sunan, ṅampèlgaḍiŋ kaŋ murwani, nama alit radèn rahmat.

36. putranipun sèḥ mahulana ibrahim, ibu sakiŋ cĕmpa, siti asmara wawaṅi, putranipun prabhu kiyan.

37. kalihipun susuhunan gunuṅjati, sayid jèn punika, sakiŋ nagari arabi, maṇḍirèŋ ciṛĕbon praja.

38. tiga sunan ṅuduŋ alité sèḥ sabil, putra mlana iṣkak, ibu sakiŋ madurèki, kadaŋ muḍa walilanaŋ.

39. sakawané sunan giri gajahpuri, iṅgiḥ dyan satmata, putra walilanaŋ ṅuni, kaŋ ibu putri blambaṅan.

40. gaṅsal sunan bonaŋ dyan makdum ibrahim, putra ṅampèldĕnta, ibu siti manaladi, putra arya téja tuban.

41. nĕnĕm sunan bukit majaguŋ maṇḍiri, dyan ṅalim buhéraḥ, śri campa muḍa sisiwi, nak sanak lan radèn rahmat.

42. pitu sunan darajat timurṇya nami, masakèḥ mahmud kaŋ, putra sunan ṅampèlgaḍiŋ, mijil sakiŋ iŋ ampéyan.

43. wolu sunan kalijaga radèn sahid, putra wilatikta, bhupati japara nagri, sampun jaṅkĕp pétaŋ kula.

44. dé sanèsé wowolu dipunwastani, wawali nujĕbba, tĕgĕsé nujĕbba iṅgiḥ, punika wali susulan.

45. amuŋ kaṅjĕŋ sultan aguŋ iŋ mantawis, kalipahiŋ allaḥ, kaŋ jumĕnĕŋ iŋ samaṅkin, pamuṅkas wali nurbuwat.

46. sunan kali kok dados oñjo pribadi, niku kasiṅgihan, wit maguru nabi kilir, anĕrusi solaḥ tiṅkaḥ.

47. nabi kilir tan séda wit aṅlampahi, kaṛĕm mariŋ ora, cĕgaḥ hawa napsu mélik, konaŋ onaŋ kéné kana.

48. tĕrus sukci iŋ nala dumilaḥ wĕniŋ, mandar ntuk nugraha, pañjĕnĕṅan nabi kilir, kinarya hèb nabiyolaḥ.

49. anartani tĕkèŋ maṅkya tan ṅĕmasi, gahib daḷĕmira, wus kawĕṅku lahir batin, puniku uṅĕliŋ kitab.

50. sunan kali wartosé makatĕn ugi, maṅkya dèrèŋ séda, sigĕg rasika kaŋ dĕliŋ, kinaṇṭi gantya critanya.

26 ki harjana, santri iŋ jatisari, ahli pétaṅan (primbon) nĕraṅakĕn bab

pétaṅan nirahakĕn tiyaŋ sakit.

135. kinaṇṭi

1. kyayi harjana winuwus, mutiyan iŋ jatisari, dadi ahli pépétaṅan, anirahkĕn tiyaŋ sakit, réñcaṅipun jajagoṅan, umatur nuwun kiyayi.

2. mugi ṇḍaṅankĕn iŋ kalbu, mupuŋ iŋ maṅké pinaṅgiḥ, supadi mutabarana, mriŋ putra wayaḥ kaŋ sami, pinarak ṅarṣa sampéyan, bab lampaḥ pétaṅannèki.

3. pĕnĕt miwaḥ awonnipun, anirahkĕn tiyaŋ sakit, kyayi harjana liṅira, iṅgiḥ ulunaṅgé kaki, awawaton saka dina, sakiŋ kaholé sèḥ adi.

4. dina akad kaŋ rumuhun, lamun nirahkĕn woŋ sakit, yèn maṅétan tiba waras, yèn maṅidul tiba ĕsri, yèn maṅalor tiba lara, yèn maṅulon tiba pati.

5. iŋ dina sĕnèn winuwus, lamun nirahkĕn woŋ sakit, yèn maṅidul tiba waras, yèn maṅétan tiba ĕsri, yèn maṅulon tiba lara, yèn maṅalor tiba pati.

6. iŋ dina sĕlasa iku, lamun nirahkĕn woŋ sakit, yèn maṅétan tiba waras, yèn maṅalor tiba ĕsri, yèn maṅulon tiba lara, yèn maṅidul tiba pati.

7. iŋ dina ṛĕbo cinatur, lamun nirahkĕn woŋ sakit, yèn maṅétan tiba waras, yèn maṅulon tiba ĕsri, yèn maṅulon tiba lara, yèn maṅidul tiba pati.

8. iŋ dina kĕmis winuwus, lamun nirahkĕn woŋ sakit, yèn maṅétan tiba waras, yèn maṅidul tiba ĕsri, yèn maṅalor tiba lara, yèn maṅulon tiba pati.

9. iŋ dina jumuwaḥ iku, lamun nirahkĕn woŋ sakit, yèn maṅulon tiba waras, yèn maṅalor tiba ĕsri, maṅidul tibaniŋ lara, maṅétan tibaniŋ pati.

10. iŋ dina saptu tinutur, lamun nirahkĕn woŋ sakit, yèn maṅulon tiba waras, maṅalor tibaniŋ ĕsri, yèn maṅidul tiba lara, maṅétan tibaniŋ pati.

11. riniṅkĕs iŋ bĕcikipun, akat slasa ṛĕbo kĕmis, tiraḥ ṅétan tiba waras, sĕnèn kidul waras ugi, jumuwaḥ saptu yèn tiraḥ, kudu ṅulon purugnèki.

12. déné ta sĕḍĕṅanipun, akat kĕmis ṅidul ĕsri, sĕnèn ṅétan śri tibanya, ri slasa ṛĕbo pi tuwin, jumuwaḥ kalawan tumpak, paḍa ṅalor tiba ĕsri.

13. muŋ punika pétaṅipun, sawusé pinétaŋ bĕcik, suméṇḍé karṣaniŋ sukṣma, ala ayu muŋ ṅlakoni, sakèhé kaŋ amiyarṣa, samya nuwun turirèki.

14. punika sah‍èstunipun, pinahibĕn malarati, saṅsaya daliliŋ kur'an, paṅandikaniŋ hyaŋ widdhi, sigĕg cinĕṇḍak kaŋ cĕlak, abdi daḷĕm ṅulama di.

15. apil kur'an sampun putus, iŋ makna myaŋ muradnèki, anama amat sĕtama, rèrèḥ dèn nira nambuṅi, maṅké kula acarita, yakiniŋ kaŋ kasbut dalil.

16. wontĕn naréndra pinuñjul, binaṭara ñakrawati, ambĕg wicakṣanèŋ budya, jujulukipun narpati, śri maha amat salékan, ṅaḍaton sĕtambul nagri.

17. koṅas kasudibyanipun, jĕmbar jajahaniŋ nagri, aṅrèḥ saminiŋ pra raja, tĕtĕp kĕñcĕŋ kaŋ agami, bakda salat ndarus kur'an, sabĕn dumugi iŋ dalil.

18. watuṅiju mantasahu, wabudillumanta saki, punika iŋ maknanira, muṅguḥ hyaŋ kaŋ murbèŋ paṣṭi, sayĕkti bisa akarya, bilahi paḍa samaṅkin.

19. tuwin bisa karya èstu, kamulyan paḍa sahiki, pĕṇḍak pĕṇḍak pandarusnya, dumugi kakaliḥ dalil, kèndĕl iŋ pamahosira, ginagas rinasèŋ ati.

20. é, tuwan kaŋ sipat aguŋ, sahupami kita iki, kraton tampis kabasmaran, gusis tan kari samĕnir, kirané duruŋ saĕkal, dadi kamlaratan mami.

21. awit kasugihaniṅsun, kalawan karaton mami, nora iŋ kéné kéwala, iṅsun darbé liyan nagri, kaṅjĕŋ sultan kabatinan, mahibĕn uṅĕliŋ dalil.

27. ki amat sĕtama nĕraṅakĕn gañjaranipun tiyaŋ apal kur'an, punapamaliḥ iṅkaŋ maṅrĕtos maknanipun. kalajĕṅakĕn doṅèŋ raja sĕtambul iṅkaŋ naṇḍaŋ cobiniŋ allaḥ jalaran kiraŋ mantĕpipun ḍatĕŋ paṅuwahosipun gusti allaḥ.

saŋ raja kalunta lunta ṅantos kinuñjara iŋ nagari ṅĕsam, naṅiŋ wĕkasan kapalakramakakĕn kalihan putri ṅĕsam.

22. darus sabakdaniŋ subuḥ, sanalika śri bhupati, muṅgèŋ satĕṅahiŋ wana, bawaḥ iŋ ṅĕsam nagari, kalampahan kaliḥ wulan, sakiŋ iŋ sĕtambul nagri.

23. kawĕlasarṣa sru ṅuṅun, kaŋ maṅka śri narapati, muŋ ṅagĕm jubaḥ kuṭuṅan, ririmoŋ samadaḥ wilis, añampiŋ saruŋ gĕmbaya, ṅagĕm kĕṭu lugas abrit.

24. aṅasta tasbèḥ umañcur, barléyan ginosok adi, gĕŋ nracak sahisi ḷĕrak, anduṅkap sawĕlas ari, tan néndra minum myaŋ naḍaḥ, miwaḥ tan pinaṅgiḥ jalmi.

25. ḷĕsaḥ ṅaḷĕntriḥ ṅaḷĕntruk, aṅga ṅgĕgĕs gagaŋ agriŋ, suméṇḍé witiŋ mandéra, sawaŋ kunarpa saŋ aji, anuju sawiji dina, ana naṅkoda lumaris.

26. mriŋ ṅĕsam unta tinuntun, nèŋ kéné miyat iŋ jalmi, suméṇḍé witiŋ mandéra, sinawaŋ wus kadya mayit, pinurugan dupi cĕlak, ki juragan taña aris.

27. kisanak kaŋ kawlasayun, déné nèŋ alas pribadi, pasĕmoné lir ṅawirya, laḥ punapa sĕbabnèki, saŋ nata dupi miyarṣa, pakèwĕd dèn nya maṅsuli.

28. sĕṛĕt kĕdaliŋ sabdarum, pĕgat pĕgat amlasasiḥ, ki dagaŋ tuhu manira, iŋ sĕtambul asalmami, késaḥ ṅaji mriŋ lyan praja, yun mantuk datan wruḥ margi.

29. ki dagaŋ wĕlas kĕlaṅkuŋ, nulya dèn uluṅi roti, lawan wariḥ iŋ lantiṅan, laḥ niki jampi kalantiḥ, sawusira tinampènan, roti ḍinahar sacuwil.

30. toya iŋ kĕṇḍi dèn inum, tri cĕgukan datan luwiḥ, krahos nikmat kaŋ sarira, sumriṅaḥ nayana wĕniŋ, śri nata sĕtambul sigra, ṅuluṅkĕn tasbèhirèki.

31. mariŋ sudagar kaŋ asuŋ, roti lawan toya kĕṇḍi, winantu sabda mrakatya, ḍuḥ kisanak kaŋ asuŋ siḥ, rèhniŋ andika wus nambal, ḍumatĕŋ iŋ jiwa mami.

32. sasat anambuṅi umur, wèwèḥ janma tanpa pamriḥ, èstu biliḥ karya tama, naṇḍakkĕn éklasiŋ budi, lila anrus iŋ wardaya, saṅĕt iŋ panuwun mami.

33. sakiŋ kumĕdahiŋ kalbu, minaṅka timbaṅaniŋ siḥ, kaŋ mugi tinampanana, winantu sukaniŋ ati, cinaṇḍak mriŋ ki sudagar, griṅgiŋ griṅgiŋ ṅgarègèli.

34. awit salaminya iḍup, lagya anĕmbé udani, barléyan agĕŋ naracak, rinucit kinarya tasbiḥ, sapandurat tan wacana, gumĕtĕr kĕdaliŋ laṭi.

35. paran iŋ karṣanirèku, dé asuŋ iṅkaŋ kadyèki, śri naréndra aṅandika, ulun lila lahir batin, amuŋ ta pamintaniṅwaŋ, paṛĕṅa nunut lumaris.

36. rèhniŋ kula ayun mantuk, maraŋ iŋ sĕtambul nagri, ywa ṅanti saṅsayèŋ marga, ki sudagar liṅira ris, iṅgiḥ ki bagus sumaṅga, gampil yèn wus praptèŋ nagri.

37. kantun lampahan dwi tèṅsu, tĕmbé anumpala kéli, śri naréndra wus binĕkta, iŋ ṅĕnu datan winarṇi, sapraptanira iŋ ṅĕsam, sudagar dagaŋ mawarṇi.

38. laris dagaṅané gĕrus, mĕṇṭĕl kaṭaḥ antuk baṭi, tata tata sĕdya méntar, tatanya mriŋ śri bhupati, bagus paran karṣanira, dèn irarṣa maṅkat muliḥ.

39. iṅgiḥ kyayi kajĕṅulun, saṛĕṅan andika maliḥ, sisimpaṅan wontĕn marga, ki sudagar wus ñoṇḍoṅi, kaliṅliŋ wagĕliŋ nala, tasbèhé barlèyan adi.

40. paṅudasmaraniŋ kalbu, éwuḥ tĕmĕn tasbèḥ iki, lamun awèt dakaṅgowa, paṣṭi tan kobĕr ṅabĕkti, katuṅkul pijĕr umiyat, lawan tan pĕgat kuwatir.

136. mĕgatruḥ

1. laḥ bĕciké dakdolé pisan yèn payu, prayoga ñimpĕni ḍuwit, ṭiṭik mutawatiripun, tumrapé woŋ kaya mami, darbé baraŋ laṅkuŋ élok.

2. mbubrahaké ati ṅĕguṅkĕn tĕkabur, sisip sĕmbiré wus paṣṭi, ṛĕgadag anarik kupur, ki sudagar méntar aglis, tasbèḥ tinawakkĕn gupoḥ.

3. maraŋ para sugiḥ jroniŋ kuṭa kĕmput, titi tan ana kaŋ ṅawis, tan kuwawi artanipun, sakiŋ kèhé kaŋ pĕṅaji, anulya kuñjuk saŋ katoŋ.

4. natèŋ ṅĕsam kalaṅkuŋ éramiŋ kalbu, wasana ṅandika aris, saka ṅĕndi asalipun, tasbèḥmu barléyan iki, ki sudagar awotsinom.

5. asal sakiŋ tiyaŋ ñukani pukulun, jalma papa nèŋ wanadri, saŋ nata kagyat liŋnya rum, sudagar aturmu iki, iku sèwu mokal élok.

6. kawruhana tasbèḥ iki iṅkaŋ patut, darbé muŋ nata linuwiḥ, pinuñjul samaniŋ ratu, aturmu iki mustahil, paṅirèṅsun wus amĕlok.

7. paṣṭi iki olèḥ ĕṅgomu amanduŋ, èḥ sudagar yèn sirèki, tan bisa ṅaturkĕn mriṅsun, janma kaŋ mènèhi tasbiḥ, sira minaṅka gagĕntos.

8. iṅsun ukum apa iŋ sapantĕsipun, ki naṅkoda duk miyarṣi, paṅandikané saŋ prabhu, ulat biyas payus tistis, koñjĕm siti arawat loḥ.

9. ki naṅkoda manĕmbaḥ sarwi umatur, ḍuḥ gusti śri narapati, kawula anuwun mundur, nimbali kaŋ darbé tasbiḥ, wus linilan mĕdal gupoḥ.

10. sampun paṅgiḥ ki dagaŋ lan śri sĕtambul, kaŋ sawĕg naṇḍaŋ kaswasiḥ, rinucat ḍiriniŋ prabhu, bagus ndika ditimbali, mriŋ ṅarṣanira saŋ katoŋ.

11. sigra sowan ki dagaŋ lan śri sĕtambul, prapta ṅabyantarèŋ aji, ki dagaŋ sakṣana matur, punika iṅkaŋ ñukani, tasbèḥ kaŋ kuñjuk saŋ katoŋ.

12. apa iya tasbèḥ iki ṅgonmu asuŋ, kaŋ dinaṅu matur iṅgiḥ, tanpa titiprikṣa prabhu, tandya animbali patiḥ, wus sowan manĕmbaḥ alon.

13. èḥ ta patiḥ woŋ iki tĕmĕn yèn panduŋ, bañjur ukumĕn tumuli, joñjaṅĕn nèŋ alun alun, sandika ṛĕkyana patiḥ, gya binĕkta mundur alon.

14. sahunduré ki patiḥ kalaṅkuŋ ṅuṅun, ñurasa karṣaniŋ aji, sakiŋ tan nduṅkap iŋ kalbu, kaŋ dadi paṛĕṅiŋ aji, tanpa prikṣan ṅukum uwoŋ.

15. yèn mbadala ajriḥ karṣané saŋ ulun, nulya pinidana aglis, pan jinoñjaŋ astanipun, kaŋ kanan suku kaŋ kériŋ, wusnya koñjuk saŋ akatoŋ.

16. nata agnya ṅuñjara paṛĕk kaḍatun, pratiṣṭèŋ mèpèt capuri, siji tan na réwaṅipun, nèŋ riku śri narapati, siyaŋ dalu aṅguŋ lamoŋ.

17. muŋ ṅrahoṣkĕn kuwasanira hyaŋ aguŋ, kodrat takdiriŋ hyaŋ widdhi, kaŋ tumamèŋ iŋ saŋ prabhu, kalaṅkuŋ élok mustahil, mila tansaḥ ṅrujit batos.

18. ḍasar tĕmĕn luwiḥ kawasa hyaŋ aguŋ, prataṇḍané kita iki, déné tan ṅrasa saglugut, yèn nĕmu kadya puniki, sakiŋ guŋ dosambèŋ manon.

19. déné kita tan pracaya watuṅiyu, mantasahu sabdèŋ widdhi, priyaṅga siŋ luputiṅsun, naṅiŋ ta goṇḍèlan mami, tamtu ṅoŋ tobat mriŋ manon.

20. dalil innaloha gopurur rohimu, yèn woŋ tobat dèn akṣami, mĕṅkono pamaṅgiḥ prabhu, dahat panlaṅsaniŋ galiḥ, siyaŋ dalu guŋ prihatos.

21. amuŋ ṅarṣa arṣa dalil watuṅiyu, mantasahu kaŋ pinuji, mugi tuwan kaŋ mahaguŋ, pariṅa uniŋ tumuli, sakiŋ kuwasèŋ hyaŋ manon.

22. sampun lami ṅgyannya nèŋ kuñjaran prabhu, yata iŋ ṅĕsam narpati, darbé putra wanodyayu, pambayun wus maṅsa brahi, cahyanya laṅkuŋ mañcoroŋ.

23. tur iṅuguŋ saŋ ṛĕtnayu mriŋ ramèbu, tinurut baraŋ sakapti, saguŋ pakarti rahayu, samana sotyaniŋ puri, pan sawĕg kasĕṅsĕm ṅahos.

24. siyaŋ dalu éñjiŋ sontĕn tamtu ndarus, swara miṛĕŋ sakiŋ ñjawi, yèn ḷĕpat akṣaranipun, asriŋ tinĕgor tumuli, lan kaŋ nèŋ kuñjara kono.

25. yèn tinĕgor kèndĕl iŋ pamahosipun, gusti ḷĕṛĕsé kadyèki, pañjaŋ tuwin cĕlakipun, saŋ nata wiwit aṅaji, trĕtil pasékaté kahot.

26. paṅajinya nora ririḥ nora sĕru, swara uḷĕm laṅkuŋ pasiḥ, piniyarṣa ṅañut añut, bisa karya ñĕsiŋ ati, prañata alim kinahot.

27. datan wiyaḥ janma widagdèŋ kadyèku, nadyan guruné saŋ putri, tan mirib paṅajinipun, lan sakitan kaŋ kinuñci, saŋ ṛĕtna ṅgarjitèŋ batos.

28. mokal tĕmĕn woŋ iki kalamun panduŋ, pasĕmoné iṅkaŋ warṇi, utawa rupané bagus, tuwin paṅajiné luwiḥ, dudu sĕmbaraṅan uwoŋ.

29. kiraniṅsun paṣṭi iki trahiŋ ratu, guwaya myaŋ sotyèŋ warṇi, manawa kĕna babĕndu, antuk sisikuniŋ widdhi, mokal lamun tindak awon.

30. saya paham dèn nya miṛĕṅkĕn saŋ ayu, saṅsaya wêwaḥ iṅkaŋ siḥ, mriŋ janma iṅkaŋ tinutup, sabakdané dèn nya ṅaji, sigra kondur mriŋ kaḍaton.

31. prapta ṅarṣaniŋ rama nulya umatur, rama amba sabĕn ari, biliḥ amba nuju ndarus, sriŋ tinĕgor sakiŋ ñjawi, lan janma ukuman kĕṭok.

32. tiyaŋ wahu laṅkuŋ sah‍é wacanipun, amba iṅgiḥ dèrèŋ uniŋ, saguŋ di daḷĕm sadarum, sanadyan para ṅulami, iṅkaŋ mèmpĕr iŋ paṅahos.

33. yèn tinimbaŋ lan janma kaŋ tuwan ukum, rama iŋ panuwun mami, paṛĕŋ tan paṛĕṅèŋ kalbu, amba iṅgiḥ ñuwun laki, déné ta pamilihiṅoŋ.

34. ñuwun antuk kaŋ tuwan kuñjara iku, saŋ nata èmĕŋ iŋ galiḥ, ginubĕl iŋ putranipun, dèn nya moṭaḥ ñuwun laki, kaŋ piniliḥ luwiḥ élok.

35. śri naréndra alon paṅandikanipun, aḍuḥ babo putramami, paran kaŋ dadi kajatmu, déné sira ñjaluk laki, pamiliḥmu luwiḥ asor.

36. suwurira ṅgawa suṛĕmiŋ prajamu, déné atmajèŋ narpati, pasakitan garwanipun, kaya ta kuraŋ sujanmi, ajĕmbar jajahaniṅoŋ.

37. iṅsun ṅĕrèḥ iya saguŋ para ratu, lan akèḥ puṅgawa mami, utawa santananiṅsun, kaŋ anom bagus iŋ warṇi, laḥ paḍa pilihĕn kono.

137. sinom

1. tan kuraŋ puṅgawaniṅwaŋ, kaŋ brĕgas sarta lim alim, aja miliḥ woŋ kuñjaran, rinuṅu liyan nagari, paṣṭi akarya niṣṭip, ñudakkĕn drajatiŋ ratu, saŋ ṛĕtna aturira, rama amba datan laki, biliḥ botĕn pikantuk pĕmilihamba.

2. kawula muŋ nĕdya ṅĕṇḍat, yèn rama datan ndugèni, kaŋ dadya panuwun amba, saŋ nata ṅuṅun iŋ galiḥ, samana laṅkuŋ kiṅkin, ṅrahosakĕn putranipun, ṅgènnya anuwun krama, paṅgubĕlé sabĕn ari, daṅu daṅu rinasa rasèŋ wardaya.

3. prakarané jatukrama, tĕmĕn tan kĕna binudi, tĕtĕp kodraté paṅéran, joḍo tan kĕna pinardi, ḷĕjar pĕṅgaliḥ aji, luwar iŋ suṅkawanipun, pinupus takdirullaḥ, saŋ nata ṅandika aris, mriŋ ki patiḥ kinèn ṅĕdalkĕn sakitan.

4. praptèŋ ṅabyantarèŋ nata, paṅulu nulya maṅarṣi, wus pragat paniṅkahira, sigra pinaṅgihkĕn aglis, sakitan lan saŋ putri, sasananira wus sinuŋ, saŋ dyaḥ matur iŋ garwa, ḍuḥ ta kakaŋ kadipundi, punapanta kaŋ dadya darunanira.

5. déné ṅanti kinuñjara, punapa ñata yèn maliŋ, laṅkuŋ ṅuṅun manaḥ kula, déné warṇandika pĕkik, kaŋ sarta sampun alim, tĕka ṅanti tindak dudu, mugi pariṅa pajar, supadya kawula uniŋ, śri naréndra aris wijiliŋ wacana.

6. maṅké kula turi wikan, biliḥ gusti wus suŋ uniŋ, ṅgiḥ punika iṅkaŋ sabab, paduka ṛĕmĕn iŋ kami, kawula tiyaŋ alit, miwaḥ sawĕg maṅgiḥ ukum, paduka sutèŋ nata, pagéné ṅgarwa woŋ niṣṭip, saŋ kusuma alon wijiliŋ wacana.

7. laḥ iṅgiḥ mĕṅgaḥ punika, kawula pajar tan baṅkit, awit tuduhiŋ hyaŋ sukṣma, dumunuŋ wontĕn iŋ budi, irṣatiŋ hyaŋ lir ṅimpi, sasmita kaŋ tumrap ulun, kinèn antuk paduka, nula sèstu sunlampahi, wasanané sumaṅga kita tan wikan.

8. tumutur akñaniŋ swara, naṅiŋ nalaré pakoliḥ, mokal yèn paduka ala, purun anindakkĕn sisip, kaŋ garwa matur aris, awas tĕmĕn putri ayu, yĕktiné amba raja, gusti sampun bribin bribin, ṅiŋ kadukan sabab raṅu dalil kur'an.

9. saŋ kusuma dupi myarṣa, garwanta déra suŋ uniŋ, kèṅĕtan yèn iṅkaŋ rama, kaguṅan lisaḥ prĕmati, pranti kinarya jampi, saguŋ woŋ naṇḍaŋ bĕbĕndu, sampun binĕkta mĕdal, sakṣana tinrapkĕn aglis, mriŋ kaŋ tatu tan tabĕt puliḥ sakala.

10. suku tuwin astanira, puliḥ kadya duk iŋ ṅuni, sanalika śri naréndra, tuwuḥ guwayanira ji, saŋ nata ṅandika ris, ḍuḥ ḍuḥ miraḥ ariniṅsun, piṛĕŋna aturiṅwaŋ, sayĕktiné kita iki, kaŋ ṅrĕṅgani sĕtumbul karaton iṅwaŋ.

11. laḥ matura sudarmanta, kabèḥ kaṇḍaniṅsun iki, saŋ dyaḥ sandika gya méntar, wus prapta ṅarṣa saŋ aji, muñjuk mula bukèŋ wit, madya lan wasananipun, ḍĕḷĕg ṅuṅun śri ṅĕsam, sowanira laṅkuŋ ajriḥ, mĕlaṅiŋ tyas ṅgyanta tan titiparikṣa.

12. dugi ṅarṣèŋ śri naréndra, prabhu ṅĕsam saṛĕŋ uniŋ, kalaṅkuŋ éramiŋ nala, tan mèmpĕr warṇané ṅuni, mañcĕr jwala mratani, ñata yèn natèŋ sĕtambul, bhuminata iŋ ṅĕsum, sakṣana umatur aris, kadi pundi paduka gusti purwanya.

13. saŋ prabhu amat salékan, ṅaṇḍarkĕn lampahannèki, purwa madya wasananya, śri ṅĕsam sukur iŋ widdhi, déné ta putranèki, tĕtĕp dadya garwanipun, tasbèḥ waṅsul śri nata, kundur mriŋ sĕtambul nagri, ki juragan tan kukum malaḥ ginañjar.

14. kèndĕl samantĕn kéwala, ṅgènkula ṅgĕlar critèki, kaŋ mahibĕn dalil kur'an, sadaya iṅkaŋ miyarṣi, laṅkuŋ sukaniŋ ati, sigĕg sotama liṅipun, nahan kaŋ cĕlak ḷĕṅgaḥ, lan abdidaḷĕm saŋ mulki, luraḥ jogèd anama wirèṅsuwigña.

15. kakaŋ ñuwun sasĕṛĕpan, ṅuni sintĕn kaŋ murwani, bĕkṣa wirèŋ kĕkañcuhan, tuwin datan mawi kaṇṭi, ṅantos kagĕm samaṅkin, lalaṅĕn jroniŋ kaḍatun, paran ta wijaṅira, tuwin sanès sanèsiŋ kaŋ gĕṇḍiŋ, luraḥ wirèṅsuwigña amĕḍar sabda.

16. nalika kraton jĕṅgala, iṅkaŋ jumĕnĕŋ narpati, saŋ prabhu suryawisésa, iku iṅkaŋ aṅadani, iyasa bĕkṣa raṅin, aran wirèŋ pañji sĕpuḥ, ijèn tanpa gagaman, muhuŋ sampur kaŋ winiwir, gĕṇḍiṅira aran boyoŋ badranaya.

17. lawan wirèŋ pañji muḍa, sarakit gaman tan mawi, muŋ sondèr lir pañji wrĕḍa, gĕṇḍiŋ sabraŋ baraŋ ṅraṅin, nulya iyasa maliḥ, ḍadap kanoman rannipun, roŋ pasaŋ kaŋ abĕkṣa, ḍaḍap lan ḍuwuŋ cinaṅkiŋ, gĕṇḍiṅira iṅaranan raṅsaŋ tuban.

18. jinaṅkĕpan kawan warṇa, wirèŋ jĕmpariŋ gĕŋ nami, iṅkaŋ ambĕkṣa sapasaŋ, ñaṅkiŋ gaṇḍéwa jĕmpariŋ, gĕṇḍiŋ lèṅkèr mantĕsi, nahan kadéyan saŋ prabhu, kakaliḥ radèn kalaŋ, mbyantoni karṣa narpati, yasa wirèŋ lawuŋ agĕŋ tinĕṅĕran.

19. kakaliḥ iṅkaŋ ambĕkṣa, maṇḍi wahos ṅrĕspatèni, pinatut ṛĕmĕŋ gĕṇḍiŋnya, iŋ maṅké dipunwastani, babĕkṣan iŋ mantawis, wahu ta rahadèn wirun, biyantu gya iyasa, wirèŋ ḍaḍap kréta nami, kaŋ ambĕkṣa sakawan kinĕmbar warṇa.

20. ṅasta ḍaḍap lan curiga, sĕgaran pélog kaŋ gĕṇḍiŋ, jaṅkĕp namuŋ nĕnĕm warṇa, linaluri aywa ṅanti, ilaŋ taḷĕré ṅuni, lalaṅĕn daḷĕm saŋ prabhu, iku pamyarṣaniŋ waŋ, mbuḥ tĕmĕn lan doranèki, muŋ ñatané dé kagĕm tĕkèŋ samaṅkya.

28. ki wirèṅsuwigña, luraḥ bĕkṣa, nĕraṅakĕn bab bĕkṣan wirèŋ iṅkaṅ mawarṇi warṇi sarta asal mulanipun bĕḍaya srimpi.

21. kaŋ taña ṇḍĕku turira, sakiŋ iŋ pamanahmami, kados kaṭaḥ ḷĕṛĕsipun, mĕṅgaḥ bĕḍaya lan srimpi, punapa iṅgiḥ mirib, bĕkṣan wirèŋ nĕnĕm wahu, wirèṅwigña liṅira, ḍiṅin bĕḍaya lan srimpi, piniritan kala jaman kadéwatan.

22. kasĕbut layaŋ wiwaha, nalika hyaŋ éndrapati, arṣa utusan ṅrĕñcana, tapané saŋ paṇḍusiwi, iṅkaŋ kinèn lumaris, pitu wraṅgana gĕgĕḍug, déné iṅkaŋ kinarya, wraṅgana pipitu siki, sosotyadi iku tinĕmbuṅkĕn mulat.

23. siniḍikara dumadya, kakaliḥ kaŋ ayu luwiḥ, saŋ supraba muṣṭikèṅrat, lawan wilutama dèwi, mèḥ kĕmbar iṅkaŋ warṇi, kahot mbarañak lan ruruḥ, kakaliḥ wus tan béda, kalawan saŋ dèwi ratiḥ, garwa saŋ hyaŋ kamajaya cakrakĕmbaŋ.

24. wusiŋ dadya kinèn taya, tĕgĕsé ataya nĕṅgiḥ, paṅigĕlé widadarya, jawata kabèḥ yun uniŋ, yata sami niṅali, apsari paṅigĕlipun, aṅidĕri sagaran, amuŋ kapiŋ tiga uwis, pra jawata kaŋ tumiṅal kawismaya.

25. tĕgĕsé sami wismaya, paḍa kasmaran iŋ galiḥ, déwata dèn nya tumiṅal, paṅigĕlé widadari, hyaŋ brama ndadak nĕṅgiḥ, catur muka papag wahu, saŋ hyaŋ éndra andadak, tiṅal papat dèn nya ṅèkṣi, sakèḥ déwa tiṅalé ṅayun titiga.

26. ana ta locananira, iŋ kanan kériŋ ñatuṅgil, muṅgèŋ juluk kaŋ satuṅgal, karanané maṅgènnèki, wiyaré aniṅali, sarta iŋ kacaryanipun, saguŋ para déwata, wahu iṅkaŋ aniṅali, iya maraŋ paṅigĕlé widadarya.

27. sabañjuré saŋ hyaŋ éndra, iyasa baṅsal panaṅkil, sisiyan lan madétaya, kiwa tĕṅĕn srimaṅanti, hyaŋ éndra yèn tinaṅkil, ṅarṣakkĕn lalaṅĕnipun, tayaniŋ waraṅgana, pinah‍ès binusanan di, maṇṭuk maṇṭuk suka kaŋ sami miyarṣa.

28. sinigĕg kyayi suwigña, kyayi dĕmaŋ basman maṅkin, abdidaḷĕm pamah‍ésan, rolas juŋ iŋ turisari, tinĕmbaŋ rowaṅnèki, masalahiŋ adĕgipun, griya miwaḥ aliyan, cara caraniŋ woŋ tani, punapiṅgiḥ mĕṇḍĕt wulan kaŋ prayoga.

29. ki dĕmaŋ basman nĕraṅakĕn caranipun ṅupados dintĕn sah‍é kaṅgé ṅĕdĕgakĕn griya miturut pétaṅan kahum tani iŋ paḍusunan.

29. dĕmaŋ basman ris liṅira, manawi caraniŋ tani, biliḥ aṅadĕgkĕn griya, tuwin aṅĕlihi panti, rèḥ étaŋ kiraŋ uniŋ, muŋ maṅsa ugĕranipun, anaṅiŋ kintĕnkula, punika luwiḥ utami, winĕwahkĕn lan étaŋ kaŋ kagĕm praja.

30. iŋ maṅsa kasa raharja, maṅsa kaliḥ tan prayogi, kasĕbut saḷĕbĕt griya, botĕn wontĕn pĕnĕtnèki, maṅsa katiga ugi, apan kaṭaḥ awonnipun, kabĕsmèn kapanduṅan, iŋ maṅsa kapat prayogi, pan rahayu tumĕrahiŋ putra wayaḥ.

31. déné iŋ maṅsa kalima, aran awon kaŋ pinaṅgiḥ, maṅsa kanĕm tan prayoga, sinambĕr gĕlap sriŋ asriŋ, maṅsa kapitu yogi, linulutan iŋ doña guŋ, rahayu salaminya, maṅsa kawolu pĕrmati, suka siṅgiḥ naṅiŋ sriŋ kawon pinaṅgya.

32. kasaṅa datan prayoga, prihatinan wataknèki, maṅkya maṅsa kasadasa, kalaṅkuŋ sakiŋ prayogi, maṅsa ḍĕṣṭa anĕṅgiḥ, awon cĕlak umuripun, salaḥ satuṅgilira, maṅsa kasaḍa muṅkasi, apan sĕḍĕŋ awon sah‍éné piyambak.

33. namuŋ punika ugĕrṇya, pétaṅaniŋ tiyaŋ tani, kaŋ sinuŋ sabda liṅira, èstu kalaṅkuŋ utami, winor lan pétaŋ nagri, saṅsaya tambaḥ pikantuk, ki basman liŋ sumaṅga, wawaton budiniŋ tani, muhuŋ tĕmĕn lawan wĕkĕl giris dora.

138. girisa

1. gantya wahu kaŋ winarṇa, iṅkaŋ cakĕt liṅgihira, lawan kiyayi sumbaga, luraḥ pañuṅgiŋ luṅguḥnya, alon dèn nira tatanya, aḍi kalamun sĕmbada, rakanta minta uniṅa, witiŋ wontĕn wayaŋ purwa.

30. kyayi sumbaga, luraḥ juru suṅgiŋ nĕraṅakĕn asalipun riṅgit purwa kaḷĕbĕt riṅgit kidaŋ kĕñcana. wiwitanipun kaaṅgit déniŋ prabhu jayabaya iŋ mamĕnaŋ arupi gambar iŋ roniŋ tal (rontal). nalika jaman dĕmak kagubaḥ riṅgit kidaŋ kĕñcana. para wali ugi kapaṛĕŋ yasa riṅgit purwa, riṅgit gĕḍog, kliṭik, tuwin topèŋ. iŋ kraton mataram prabhu añakrawati yasa riṅgit iṅkaŋ taṅanipun kapisaḥ pisaḥ, tuwin yasa riṅgit arjuna wanda'jimat'. kañjĕŋ sultan añakrakusuma yasa riṅgit arjuna wanda'maṅu'.

2. niku sintĕn kaŋ iyasa, mugi aḍi ṅgañcaṛĕna, kaŋ kaṅgé babon punapa, tĕka wahu wayaŋ purwa, jalu èstri tiṇḍik samya, saha iŋ pamĕṇḍĕtira, gambar iṅkaŋ wayaŋ purwa, kadipundi cariyosnya.

3. kadamĕl cagakiŋ ḷĕṅgaḥ, supadi ywa krahos sayaḥ, dèn miṛĕṅkĕn putra wayaḥ, èstu baḍé damĕl biṅaḥ, miwaḥ ras arasĕn késaḥ, timbaŋ ñantĕn para hahaḥ, tiwas tan aṅsal pah‍édaḥ, ki sumbaga lataḥ lataḥ.

4. kaŋ maṅkono ḍasar ñata, mĕṅko aku dakcarita, saka kaṇḍané woŋ tuwa, nalika jumĕnĕṅira, kyatiṅrat śri jayabaya, iŋ mamĕnaŋ prajanira, añorèk gambar warṇanya, luluhurira śri nata.

5. ronniŋ ĕtal papanira, iṅkaŋ rumuhun priyaṅga, pañorèknya śri naréndra, gambaré hyaŋ jagadnata, sapituruté tumĕka, bambaŋ parikĕnan nama, iŋ sawusé paripurṇa, diarani wayaŋ purwa.

6. pañjupuké aran wayaŋ, dé gambar wujud wus ilaŋ, ginagas iŋ tyas wus tĕraŋ, mulané mahu kaŋ wayaŋ, lanaŋ wadon tiniṇḍikan, kagawa saka babonnya, corèkané śri pamasa, prabhu jayabaya kuna.

7. dadi muŋ mirip patrapnya, paṅaṅgoné jalma baṅsa, hiṇḍu kĕliŋ kaŋ nagara, rampuṅiŋ paṅgambarira, amaṛĕṅi tahun aṅka, woluŋ atus swidak juga, saṅkalanirèŋ kaŋ warṣa, gambariŋ winayaŋ aṣṭa.

8. kala ĕmpu ajisaka, jumĕnĕŋ śri naradipa, nèŋ nagri pujrwacarita, jujuluk śri widḍayaka, ṅaṅgit pakĕm lalakonnya, para déwa saturunnya, maṛĕṅi aṅkaniŋ warṣa, sèwu tigaŋ dasa juga.

9. tahunira sinaṅkalan, ratu guna mlĕtik tuṅgal, antarané ṅanti lawas, basa karaton jĕṅgala, maṛĕṅi aṅkaniŋ warṣa, sèwu satus kaliḥ dasa, iṅkaŋ jumĕnĕŋ pamasa, ḷĕmbu amiluhur nama.

10. olèḥ kawanlikur warṣa, mukṣa ginĕntènan putra, radèn pañji rawisrĕṅga, nama śri suryawisésa, karṣa aṅaṅgit waṅunan, iŋ gambariŋ wayaŋ purwa, rontal uga papanira, jinujud gĕŋ lan luhurṇya.

11. pra kadaŋ kadéyan samya, tumutur ṅgarap maṅrĕṅga, sabĕn śri nata séwaka, corèkan katur iŋ ṅarṣa, winaḍahan kaŋ kaṇḍaga, sarta ṅaṅgit pakĕmira, lalakoné wayaŋ purwa, tinurutakĕn tinata.

12. laḥ iku awité wayaŋ, ṅaṅgo tinabuhan gaṅsa, sléndro ṅaṅgo sinulukan, tĕmbuŋ kawi warṇa warṇa, manut paṭĕtaniŋ gaṅsa, kagĕm sabĕn pasamuwan, saŋ prabhu suryawisésa, karṣa aṇḍalaŋ priyaṅga.

13. para kadaŋ kadéyannya, taṅgap anabuhi gaṅsa, kasĕṅsĕm iṅkaŋ uniṅa, maṅanti bubaré samya, anuju aṅkaniŋ warṣa, sèwu satus kawandasa, siraḥ gaṅsal sinaṅkalan, tata karya titis déwa.

14. mukṣané suryawisésa, gya ginantyan iṅkaŋ putra, rahadèn kudalaléyan, jujuluké maṅkya gantya, surya amiluhur nama, lagya olèḥ tigaŋ warṣa, nulya ṅaliḥ prajanira, pajajaran karta harja.

15. maṅun gambar wayaŋ purwa, babon corèkan jĕṅgala, jinujud gĕŋ luhurira, papané daluwaŋ jawa, anuju aṅkaniŋ warṣa, sèwu satus swidak juga, apan ta saṅkalanira, wayaŋ gana rupa janma.

16. nalika rahadèn jaka, susuruḥ jumĕnĕŋ nata, jujuluk prabhu bratana, aṅaḍaton majaḷĕṅka, karṣa maṅun wayaŋ purwa, papané daluwaŋ jawa, ginuluŋ dadya sajuga, winuwuhan ricikannya.

17. wayaŋ bèbèr iṅaranan, yèn kagĕm anèŋ kaḍatyan, kaŋ ṅlakokké paḍalaṅan, amuŋ ṛĕbab gamĕlannya, parlu kaṅgo murwakala, yèn woŋ kĕna ṅila ila, kaŋ dadya paṅayamira, tinataḥ bhaṭara kala.

18. paṅupadrawa anaṇḍaŋ, mala cintraka mèn ilaŋ, kaya ta caḥ wadon lanaŋ, ontaŋ antiŋ tanpa kadaŋ, sapaḍané iku kaŋ, rinuwat kasĕbut layaŋ, ṛĕkṣakala gawaŋ gawaŋ, ṅruwat ṅaṅgo mbèbèr wayaŋ.

19. muriḥ ruwaté kaŋ kala, ṅaṅgo sajèn warṇa warṇa, sarta dupa gandawida, katĕlaḥ tĕkèŋ samaṅkya, woŋ kaŋ naṅgap wayaŋ purwa, kudu ṅaṅgo sajèn dupa, duk rampuṅé paṅaṅgitnya, śri maha prabhu bratana.

20. aṅkané kaŋ punaŋ warṣa, sèwu roṅatus puñjulnya, woluṅpuluḥ lan titiga, saṅkalanira winarṇa, nĕṅgiḥ gunaniŋ pujaṅga, nĕmbaḥ iŋ bhaṭara éndra, basa iŋ jumĕnĕṅira, saŋ aprabhu bhrawijaya.

21. puṅkasaniŋ majaḷĕṅka, kacarita darbé putra, wasis ṅgambar namanira, radèn suṅgiŋ prabaṅkara, ḍinawuhan rama nata, maṅun bhuṣaṇaniŋ wayaŋ, bèbèr kaŋ tumrap daluwaŋ, rinĕṅga pulas mawarṇa.

22. pinantĕs lan wujudira, raja satriya puṅgawa, bhuṣaṇa kinarya béda, anuju aṅkaniŋ warṣa, sèwu triatus laṅkuŋnya, tahun iku sinĕṅkalan, anĕṅgiḥ datanpa sirṇa, pigunané kaŋ atmaja.

23. sabĕḍahé majaḷĕṅka, anuju aṅkané warṣa, sèwu saṅaṅatus lawan, tigaṅdasa laṅkuŋ tiga, saṅkalanira rinipta, gĕni murup sinram jalma, iŋ nalika iku wayaŋ, bèbèr sagamĕlanira.

24. maraŋ iŋ dĕmak nagara, kacarita kaṅjĕŋ sultan, saḥ ṅalam akbar sapisan, sĕṅsĕm maraŋ karawitan, myaŋ ṛĕna laṅĕn wayaṅan, sriŋ asriŋ kapaṛĕŋ ṇḍalaŋ, iya iku mbèbèr wayaŋ, maṅka gamĕlan lan wayaŋ.

25. kasĕbut iŋ pĕkiḥ kitab, karoné iku pan karam, dadi pra wali sadaya, biyantu karṣaniŋ nata, aṅaṅgit wayaŋ supaya, ilaŋ wujud gambar jalma, kaŋ kinarya lulaŋ mésa, tinipiṣké sawatara.

26. ḍinasaran warṇi pĕṭak, añcur lan gĕrusan tulaŋ, praboté pinĕṭa samya, kinarya miriŋ rahinya, taṅan kanannya dawa, irisan tulaŋ mah‍ésa, ginapit sajuga juga, tinañcĕpakĕn iŋ wrĕkṣa.

27. binoloŋ jéjéran wayaŋ, sabĕn kaṅjĕŋ sultan ḷĕṅgaḥ, wayaŋ kajèjèr paṅguṅan, kacahoṣké kaṅjĕŋ sultan, bañjur bali iṅaranan, wayaŋ purwa kaya lama, déné babon babon wayaŋ, dadi aṅgonné pra ḍalaŋ.

28. ḷĕstari kaaṅgo ṇḍalaŋ, mbaraŋ sajroniŋ nagara, tanapi mriŋ désa désa, samana aṅkané warṣa, sèwu pataṅatus lawan, kawan dasa puñjulira, nĕṅgiḥ sinĕṅkalan maṅkya, nir ruci caturiŋ déwa.

29. antaranya kaṅjĕŋ sultan, jumĕnĕŋ ntuk tigaŋ warṣa, kaṅjĕŋ sinuhun iŋ arga, ṅaṅgit wuwuhiŋ kaŋ wayaŋ, ṅaṅgo danawa wanara, sarta gañcariŋ lalakyan, sinuhun iŋ bonaŋ sigra, ṅaṅgit pañumpiṅiŋ wayaŋ.

30. nèŋ paṅguṅan kériŋ kanan, ñjĕŋ sultan saḥ ṅalam akbar, muwuhi ricikan wayaŋ, rupa gajaḥ lan prampogan, ñjĕŋ sinuhun kalijaga, ṅaṅgit kĕlir kadĕbognya, baléñcoŋ kalawan koṭak, sarta muwuhi kakaywan.

31. iku minaṅka saṅkala, mĕmĕt aku kuraŋ tĕraŋ, déné ta kaŋ asriŋ ṇḍalaŋ, sunan kudus tinabuhan, saléndro iṅkaŋ gamĕlan, iku wiwité kaŋ wayaŋ, apan ṅaṅgo sinulukan, grĕgĕt sahut ada ada.

32. nuju aṅkaniŋ kaŋ warṣa, sèwu kawanatus ika, laṅkuŋ kawandasa tiga, déné ta saṅkalanira, gĕni dadi suciniṅrat, antarané tan winarṇa, nalika jumĕnĕṅira, nĕṅgiḥ rahadèn trĕṅgana.

33. jujulukira ñjĕŋ sultan, saḥ ṅalam akbaḥ piŋ tiga, karṣané sultan bintara, kaŋ muṅkasi dĕnak praja, wasis waṣkiṭa iŋ nala, aṅgaliḥ kaŋ wayaŋ purwa, miṇḍak bagusiŋ sĕmbada, karṣa daḷĕm śri naréndra.

34. maṅun waṅuniŋ kaŋ wayaŋ, jinujud iŋ dĕdĕgira, sarta mripat caṅkĕm karṇa, samya binĕḍaḥ sadaya, samana aṅkaniŋ warṣa, sèwu pataŋ atus lawan, pituṅpuluḥ puñjul sapta, ṛĕṣi pitu karya tuṅgal.

35. susuhunan ratu tuṅgal, iŋ giri nalikanira, makili karaton dĕmak, aṅaṅgit waṅuniŋ wayaŋ, gĕḍé ḍuwuré sinuda, ugĕré mata liyĕpan, karo mata paṇṭĕḷĕṅan, wédokané ṅaṅgo réma.

36. wayaŋ wanara lan bhuta, dinokokan loro mata, déwa cawĕt kaya arca, sarta ṅaṅgit lakon wayaŋ, wiwité wayaŋ tinrapan, kakonaŋ iṅkaŋ parada, sawusé dadi sakoṭak, iṅaran kidaŋ kañcanan.

37. nalika iku sinuṅan, saṅkala mĕmĕt iṅaran, rupa saŋ hyaŋ girinata, nitiḥ andini andaka, anuju aṅkaniŋ warṣa, sèwu pataṅatus lawan, pituŋ puluḥ wolu siraḥ, slira dwija dadi raja.

139. salisir

1. datan nalisir iŋ karṣa, sakiŋ ḷĕpasiŋ pamudya, sunan ratu tuṅgal arga, anulya karṣa iyasa.

2. wayaŋ gĕḍog aranira, caṅkokaniŋ prahupannya, babon sakiŋ wayaŋ purwa, tanpa kĕṭèk lawan bhuta.

3. aṅaṅgo tĕkĕs kaŋ priya, wayaŋ wadon ṅaṅgo réma, prabot rapèk kaluŋ jamaŋ, gĕlaŋ antiŋ kĕlatbuja.

4. jĕjĕriŋ lalakon praja, sakawan samya sudara, iŋ jĕṅgala iŋ mamĕnaŋ, iŋ ṅurawan siṅasĕkar.

5. sabraṅané prabhu klana, pulo bali iŋ nagara, balané bugis sadaya, sarta ṅaṅgit pèkĕmira.

6. gañcariŋ kaŋ lalampahan, sarta gaṛĕgĕt sahutnya, tanapi suluk binéda, laguné lan wayaŋ purwa.

7. pan pélog gamĕlanira, kaŋ ṇḍalaŋ ran widayaka, suhunan kudus ĕmbannya, ḷĕstari laṅĕniŋ praja.

8. sinuṅan mĕmĕt saṅkala, rupa saṅhyaŋ nilakaṇṭa, ṅasta cis ginubĕd naga, anuju aṅkaniŋ warṣa.

9. sèwu pataŋ atus lawan, woluŋ dasa laṅkuŋ gaṅsal, sinĕṅkalan gaman naga, kinarya iŋ utipatya.

10. nahĕnta suhunan bonaŋ, yasa wayaŋ damarwulan, iṅkaŋ jinĕjĕr lalakyan, iŋ majapahit tĕṅahan.

11. ratu ayu jumĕnĕŋnya, nuju tahun aṅkanira, sèwu tri atus limalas, nuṅgal lan bèbèr waktunya.

12. iṅkaŋ linakokkĕn ḍalaŋ, dadi taṅgapaniŋ wadya, winuwuhan tabuhannya, kĕprak aṅkluŋ kĕṇḍaŋ ṛĕbab.

13. kalanturiŋ pakĕcapan, wayaŋ bèbèr tabuhannya, lumraḥ ṅarani kĕṭiprak, anuju aṅkaniŋ warṣa.

14. sèwu pataŋ atus lawan, woluŋ dasa laṅkuŋ aṣṭa, sinaṅkalan duk iyasa, aṣṭa wali karya tuṅgal.

15. ñjĕŋ sultan adiwijaya, jumĕnĕŋ iŋ pajaŋ praja, anuju iŋ tahun aṅka, sèwu limaŋ atus tiga.

16. arṣa maṅun wawaṅunan, wayaŋ purwa babonira, iyasan iŋ dĕmak praja, prabot pinantĕs lan wanda.

17. pra ratu parabotira, ana kaŋ ṅaṅgo makuṭa, ana tropoṅan kéwala, ana kaŋ kĕliŋ gĕluŋnya.

18. satriya mbĕsusi réma, ana kaŋ ṅaṅgo paraba, sarta rinéka dodotan, ana iṅkaŋ ṅaṅgo clana.

19. pinapantĕs ḍéwé ḍéwé, ṅaṅgo sampuran wadoné, karo mbĕsusi rambuté, dodotan bhuta kĕṭèké.

20. tan éwaḥ ṅloro matané, déwa ṛĕca paraboté, paḍa irasan taṅané, winuwuhan gagamané.

21. gada bindi alugora, iku wiwit wayaŋ purwa, tuwin wayaŋ gĕḍog ika, paḍa tinataḥ gayaman.

22. sarta ṅaṅgit wuwuhiŋ kaŋ, pakĕm purwa gĕḍog wayaŋ, anuju aṅkané warṣa, sèwu limaŋ atus lima.

23. ñjĕŋ sunan kudus iyasa, wayaŋ golèk saka wrĕkṣa, mirit lakon wayaŋ purwa, saléndro gamĕlanira.

24. amuŋ kĕnoŋ ĕgoŋ kĕṇḍaŋ, kĕṭuk kĕcèr lawan ṛĕbab, nuju saṅkalaniŋ warṣa, wayaŋ nir gumuliŋ kisma.

25. ñjĕŋ sinuhun kalijaga, ṅaṅgit topèŋ kaŋ kinarya, saka wrĕkṣa muŋ sasurya, sarta méṭok wawaṅunan.

26. kaya rahiniŋ manuṅsa, jĕjĕriŋ lalakon paḍa, kaya wayaŋ gĕḍog iku, ṅaṅgo bhuta warṇa warṇa.

27. wanda mripat wayaŋ purwa, prabot tĕkĕs rapèk clana, sumpiŋ soṇḍèr uñcal wastra, kaŋ mĕtu jinĕjĕr samya.

28. lanaŋ wadon ṅaṅgo bĕkṣa, ḍéwé ḍéwé pacakira, kaya putrèn lan ciṇḍaga, pañji tuwa pañji muḍa.

29. gunuŋ sari prabhu klana, ndaga blañcèr pĕṇṭul bhuta, kudu béda bĕkṣanira, ukĕl lan tatambaṅannya.

30. saléndro gamĕlanira, topèŋ sawiji wijinya, ṅaṅgo dipatut gĕṇḍiŋnya, ḍéwé ḍéwé nora paḍa.

31. aṅkaniŋ warṣa samana, sèwu limaŋ atus aṣṭa, maṅka ta saṅakalèŋ warṣa, kah‍èṣṭi nir yakṣaniṅrat.

32. basa iŋ kraton mataram, jumĕnĕŋnya panĕmbahan, sénapati iŋ ṅalaga, karṣa maṅun wayaŋ purwa.

33. rambut tinataḥ gĕmpuran, wayaŋ gĕḍog kinĕrisan, wuwuḥ wayaŋ riricikan, manuk lawan buron wana.

34. anuju aṅkaniŋ warṣa, sèwu limaŋ atus lawan, patpuluḥ siji saṅkalan, rupa pat gatiniŋ jalma.

35. iŋ sajumĕnĕŋnya nata, śri surya añakrawatya, ramadaḷĕm śri naréndra, iṅkaŋ jumĕnĕŋ samaṅkya.

36. amamaṅun wayaŋ purwa, baboné kidaŋ kĕñcana, jinujud muŋ sawatara, sasigariŋ paḷĕmahan.

37. arjunané pinariṅan, panĕṅran kiyayi jimat, iku wiwité kaŋ wayaŋ, purwa lan gĕḍog sinuṅan.

38. bahu lan taṅan pinisaḥ, taṅanné cinampuritan, myaŋ winuwuhan ḍagĕlé, myaŋ winuwuhan gagaman.

39. panaḥ kĕris sapaḍanya, baṅsaniŋ laṇḍĕp sadaya, paripurṇa karṣa nata, bañjur ana uwoŋ mañca.

40. saka kĕḍu asalira, bisa ṇḍalaŋ gĕḍog purwa, bañjur kaabdèkké dadya, ḍalaŋ sajroniŋ nagara.

41. kapaṛĕṅé śri naréndra, wayaŋ bèbèr paṅruwatan, sinalinan wayaŋ purwa, katĕlaḥ tĕkèŋ samaṅkya.

42. rampuṅé dèn nya iyasa, mariṅi mĕmĕt saṅkala, iku rupa bhuta murgan, paḍalaṅan iṅaranan.

43. pañĕṛĕŋ araniŋ bhuta, bañjur karanné iŋ kaṭaḥ, bhuta cakil wus alumraḥ, maṭiṇṭiŋ solahé kaṭaḥ.

44. wujud bhuta mata siji, taṅan loro dikĕrisi, siyuŋ mĕtu saka laṭi, amaṇḍuwur muŋ sawiji.

45. anuju aṅkaniŋ warṣa, sèwu limaŋ atus lawan, sèkĕt loro sinaṅkalan, sĕmbaḥ gaman bhuta tuṅgal.

46. iŋ samĕṅko karṣa nata, kaŋ sinuhun kaṅjĕŋ sultan, aguŋ kyatiṅrat parabnya, prabhu añakrakusuma.

47. karṣa maṅun wayaŋ purwa, prabotè wadon lan priya, samya tinataḥ sadaya, jinahit lañapanira.

48. sarta saṅkuk dĕdĕgira, kaŋ pañcèn mĕlèk matanya, kajahit sinuṅan taṇḍa, gĕḍoṇḍoṅan namanira.

49. raṅkĕp raṅkĕp iṅkaŋ wanda, iŋ sawusiŋ paripurṇa, arjunané pinariṅan, aran kyayi maṅu ika.

50. sinuṅan mĕmĕt saṅkala, rupa bhuta rambut ṛĕta, iṅoré sumuṅgèŋ ṅarṣa, ṅaṅgo jalu suku dwinya.

51. paḍalaṅan iṅaranan, iku bhuta parapatan, woŋ akèḥ ṅaranni samya, bhuta rambut gĕni ika.

52. rampuŋ nuju aṅka warṣi, sèwu limaŋ atus lawan, sèkĕt tĕlu sinaṅkalan, jalu bhuta tinata saŋ.

53. laḥ muŋ iku kawruhiṅwaŋ, crita witiŋ ana wayaŋ, kaŋ miyarṣa samya giraŋ, matur pundi turun ḍalaŋ.

54. ki sumbaga astanira, anudiṅi laḥ kah‍é ta, kaŋ sèṇḍèn iŋ saka rawa, ki pañjaṅmas wastanira.

140. mijil

1. pan sinigĕg sumbaga dèn nya ṅliŋ, gantya kacariyos, iṅkaŋ cakĕt kalawan liṅgihé, lan ki marbot ki taha wawaṅi, ki marbot jinawil, sarwi tatanya rum.

2. yayi para èstu dèrèŋ uniŋ, lu èlu kémawon, awit alit tumĕkèŋ samaṅké, dèrèŋ wontĕn iṅkaŋ añriyosi, cariyosiŋ ṅuni, waton kitabipun.

3. sabĕn wulan sapar amaṛĕṅi, ri ṛĕbo ḍumawoḥ, kaŋ puṅkasan sapraja aramé, jalu èstri miwaḥ raré alit, samya siram mawi, jajimat dèn ĕkum.

31. marbot ki toha nĕraṅakĕn bab'adus ṛĕbo wĕkasan wulan sapar' sarta bab 'pasa sunat' i.p. siyam iŋ wulan sanèsipun wulan ramaḍan.

4. wontĕn maliḥ jimat dèn kum wariḥ, wusiŋ siram gupoḥ, gya iṅinum myaŋ pinupukaké, mbun ĕmbunan maca slawat katri, sarta rémanèki, pinapal iŋ pucuk.

5. kĕtib taha aris amaṅsuli, iŋ pamyarṣaniṅoŋ, kasbut kitab mujarabaḥ ranné, caritané ahuliya adi, kaŋ wus sinuŋ uniŋ, gahibiŋ mahaguŋ.

6. tinartamtu sabĕn sabĕn warṣi, karṣané hyaŋ manon, anurunkĕn sakèḥ kabilah‍èn, awit ṛĕbo wĕkasaniŋ sasi, sapar kèhiŋ blahi, triatus nĕmpuluḥ.

7. sabañjuré nèŋ naas lan ari, naas kaŋ wus maton, tumrap jawa bañjur ṅanakaké, saṅar naas jatiṅaraŋ tuwin, patiné kaŋ ari, naga dina tèṅsu.

8. taliwaṅké miwaḥ sampar mayit, sasaminé ṛĕko, pramila yèn para ṅulamané, wusiŋ adus mbaṛĕsihi ḍiri, myaŋ minum wé mawi, jijimat iṅĕkum.

9. gya sĕmbahyaŋ manulak bilahi, iku kawruhiṅoŋ, iṅgiḥ kakaŋ wus ḍaṅan rayiné, kala adus punapi ṅgiḥ mawi, rapal niyatnèki, aṅgènnipun adus.

10. biliḥ mawi rapal kadi pundi, manawi tan wados, rak prayogi winĕḍar samaṅké, kĕtib taha gumuyu maṅsuli, ora woda wadi, uruté kaŋ adus.

11. iṅkaŋ ḍihin asusuci wajib, mĕnèk aṅgantuŋ ṅgon, dé rapalé éliṅku mĕṅkéné, bismillaḥ hirokhman lan hirakim, nawétu usali, dapiṅil dalahu.

12. sunatan lillahi taṅalèhi, niyat adus iṅoŋ, iŋ ri ṛĕbo wĕkasan sasiné, sapar nulak sakèhiŋ bilahi, wĕkasan basuki, allahuwakbar wus.

13. sabañjuré maca ur'ul birit, nalika adamor, tasalun baridun wa sarabé, titi tamat rapalé susuci, sunat ṛĕbo sasi, sapar wĕkasipun.

14. taña maliḥ réñcaṅira liṅgiḥ, babo kakaŋ mĕrbot, siyam sunat mbok winĕḍaraké, biliḥ sagĕd ulun yun ṅlampahi, sak sampuna uniŋ, dadya tyas tuwajuḥ.

15. iya aḍi kaŋ wus daklakoni, pasa sunat maṅgon, ana dina sĕnèn lan kĕmisé, lawan pasa sud myaŋ siwat nami, siwat tĕgĕsnèki, taṅgal pĕtĕŋ nuju.

16. étuŋ tĕluŋ dina boya luwiḥ, awité linakon, kapiŋ wolulikur utawané, saṅalikur tridasa yèn bèḥ ji, puṅkasan maṛĕṅi, taṅgal pisan iku.

17. sud iya bèl iku nalikaniŋ, ṛĕmbulan mañcoroŋ, iya amuŋ tri ari pasané, piŋ tĕlulas piŋ patbĕlas kapiŋ, limalas muṅkasi, kabèḥ mahu manut.

18. iŋ lampahé jĕṅandika nabi, muhammad kinahot, dé yèn jĕtus ri kĕmis taṅgalé, sasaminé kaŋ maṅkéné yayi, iŋ niyatirèki, sinaṛĕṅan iku.

19. lawan sabĕn sura amaṛĕṅi, piŋ saṅa mañcoroŋ, aṅasura punika aranné, piŋ sapuluḥ ṅasura namèki, yèn taṅgal pisan wit, utama satuhu.

20. wulan ṛĕjĕb sakuwasanèki, watoné linakon, lamun kawit taṅgal sapisané, tĕkan kapiŋ tĕluŋ puluḥ yayi, kĕlaṅkuŋ utami, gagañjaranipun.

21. wulan ruwaḥ awit taṅgal kapiŋ, sapisan linakon, tĕkan kapiŋ limalas taṅgalé, nispu sakban iku dèn aranni, pat puluḥ lima ri, guṅguṅé roŋ tèṅsu.

22. sasi sawal puwasa sunati, awit taṅgal piṇḍo, tĕkan kapiŋ pitu iŋ taṅgalé, bakda sawal piŋ wolu maṛĕṅi, riyaya kapat twin, saṅkĕp ulamipun.

23. bĕsar kapiŋ wolu tar wiyati, piŋ saṅa ṅarpaḥ ndon, piŋ sapuluḥ ḍahar iŋ bakdané, dadi amuŋ pasa kaliḥ ari, utamanirèki, sapisan witipun.

24. amuŋ iku pasunatan yayi, kaŋ uwis kalakon, ora susaḥ ṅaṅgo rapal rèpèl, muŋ niyatna iŋ sajroniŋ ati, tan susaḥ kawijil, déné awitipun.

25. pasaŋ niyat nalika maḷĕmiŋ, pasa yun linakon, ṅaṅgo sahur pan winĕnaṅaké, supayané kuwat iṅkaŋ ḍiri, badan kudu suci, kaya pasa aguŋ.

26. lamun sira yayi aṅlampahi, sĕmbahyaŋ binatos, sinaṛĕṅan takbir tul ékramé, utawaniŋ saṛĕŋ nalikaniŋ, wuluki mahribi, masuḥ rahinipun.

27. poma ayun pasa ari kĕmis, iŋ sajroniŋ batos, niyatiṅsun pasa ri kĕmisé, sunat anut lampahé ñjĕŋ nabi, karana allahi, déné lamun tumbuk.

28. ṛĕjĕb kapiŋ sapisan ri kĕmis, niyat pasa iṅoŋ, ari kĕmis siwat lan ṛĕjĕbé, sunat anut lampahé ñjĕŋ nabi, karana allahi, sapiturutipun.

29. lamun sira sami aṅlampahi, gagañjaran manon, sinuŋ èṅĕt slamĕt salawasé, kaŋ miyarṣa sĕdya yun ṅlampahi, aṅgambuḥ tyasnèki, sigĕg kaŋ winuwus.

141. gambuḥ

1. ki sopana winuwus, abdidaḷĕm jajar carik macuŋ, réñcaṅira jajagoṅan taña aris, uwa manawi pinuju, kapaṛĕŋ apariŋ tudoḥ.

2. tĕmbuŋ myaŋ sastranipun, kaŋ rumiyin pribadi puniku, atumitaḥ wontĕn iŋ madyapadèki, kaŋ tinanya kagyat muwus, ṅgonmu takon karya gawok.

3. lagi iki sajĕgku, ana bocaḥ takon kaŋ kadyèku, graṭul graṭul aku iya asuŋ uniŋ, bĕnĕr lan luputé ĕmbuḥ, kakèkmu suwargi omoŋ.

4. ana paṇḍita putus, saka ṅatasaṅin aslinipun, acarita muṅguḥ tĕmbuŋ lan sastrèki, kaŋ tuwa ḍéwé rannipun, tĕmbuŋ ibrani sayĕktos.

5. yèku ta basanipun, baṅsa israhil nagara aguŋ, pamacané sastra iku saka kériŋ, manĕṅĕn sabañjuripun, ḍapur sastra winirahos.

32. ki sopana, abdidaḷĕm jajar carik suka katraṅan bab akṣara iṅkaŋ sĕpuḥ piyambak i.p. akṣara ibrani yasanipun baṅsa israhil, mèmpĕr akṣara hiṇḍu, mahosipun sakiŋ kiwa manĕṅĕn, kaaṅgé iŋ nalika jamanipun nabi ibrahim tuwin raja namrut. ugi ñariyosakĕn nalika raja namrut tansaḥ botĕn pitados ḍatĕŋ pitĕdahipun nabi musa bab wontĕnipun gusti allaḥ, malaḥ nantaŋ baḍé ñédani gusti allaḥ, lajĕŋ mabur kabĕkta pĕkṣi /garuḍanipun ḍatĕŋ iŋ awaŋ awaŋ, wasana kabraṣṭa déniŋ paṅuwahosiŋ allaḥ. raja namrut sawadyabalanipun ḷĕbur déniŋ liṇḍu prahara. saṛĕŋ sami waluya, satuṅgal lan sanèsipun sami botĕn maṅrĕtos basanipun.

6. sahirib sastra iṇḍu, lan sahirib lir sastra arabu, kaŋ aṅgoné duk jamané kaṅjĕŋ nabi, ibrahim kalillulahi, mupakat sakèhiŋ uwoŋ.

7. bañjur kinarya iku, anulisi kitab kitabipun, para nabi kalipahira hyaŋ widdhi, jaman iŋ saduruṅipun, ñjĕŋ nabi muhammad miyos.

8. anaṅiŋ samonèku, kacarita kala jamanipun, kaṅjĕŋ nabi ibrahim kalilulahi, ana ratu gĕŋ pinuñjul, binaṭara para katoŋ.

9. kyatiṅrat raja namrut, iya prabhu jabar kaŋ jujuluk, ajumĕnĕŋ anèŋ nagara iŋ babil, isiniŋ jagad kacakup, dumadya ṅaku hyaŋ manon.

10. kya ajar patiḥ namrut, iṅkaŋ nama kalillur rahmanu, kyayi patiḥ datan mah‍èlu mriŋ siwi, aṅugĕmi ratunipun, kèlu kumpruŋ pĕṅuŋ bakoḥ.

11. éṅgalé caritèku, timbalané allaḥ kaŋ mahaguŋ, mariŋ kaṅjĕŋ nabi pinariṅan kaṇṭi, putra kaponakanipun, ran nabi lud samya kinon.

12. ṅéslamakĕn saŋ namrut, ywa kabañjur bañjur dèn nya lacut, ṅaku allaḥ naṅiŋ datan dèn praduli, saya ndadra andĕlaruŋ, dilalaḥ èṅĕté adoḥ.

13. ñjĕŋ nabi sakalaṅkuŋ, dèn nya matur mariŋ ramanipun, kinèn éslam anut iŋ agami sukci, ñjĕŋ nabi malaḥ tinuṇḍuŋ, saka iŋ kosniya boḍol.

14. nabi lud datan kantun, lawan wadya pra mukmin sadarum, ibu nabi siti nahonan miyarṣi, gya nusul lampahiŋ sunu, nèŋ wana basaṅi aṇḍok.

15. jajahan ṅĕsam iku, bakda salat dutané hyaŋ aguŋ, jabarahil ṅĕmban ḍawuhiŋ hyaŋ widdhi, ñjĕŋ nabi kènèn ḍĕdnukuḥ, tĕmbé kalamun wus dados.

16. kaaranana iku, ḍukuḥ bétalmukadas satuhu, bhumi iṅkaŋ sinucèkakĕn hyaŋ widdhi, sawusé atampi ḍawuḥ, linampahan nulya dados.

17. ḍukuḥ arja kalaṅkuŋ, wadya éslam sabĕn ari rawuḥ, rawuḥ maliḥ dutaniŋ hyaŋ jabarahil, kinèn mariṅakĕn iku, musakap kèhé sapuloḥ.

18. kalawan kinèn gupuḥ, nutugakĕn ñĕlamkén śri babul, sahuṅkuré dutaniŋ hyaŋ kaŋ pariŋ siḥ, winratakkĕn pra wargèku, sukèŋ tyas sukuriŋ manon.

19. musakap sapuluḥ wus, winulaṅkĕn mriŋ umat sadarum, myaŋ sahadat puṅkasanya nĕbut nabi, ibrahim kalilulahu, sadaya mituhwèŋ ḍawoḥ.

20. tan lami buḍal sampun, maraŋ babil akaṇṭi nabi lud, bĕkta wadya mukmin amuŋ sawatawis, wus prapta tĕpi prajaguŋ, nulya akarya pakawon.

21. ñjĕŋ nabi tandya laju, mariŋ praja kapaṅgiḥ śri namrut, sinartanan saḍawuhé mahasuci, namrut kinèn amiturut, naṅiŋ mĕkṣa puguḥ waṅkot.

22. malaḥ saŋ raja namrut, yun ṅayoni maraŋ iŋ hyaŋ aguŋ, kaṅjĕŋ nabi saṅĕt dèn nya amaripiḥ, namrut mampaŋ mĕkṣa muṅsuḥ, nabi kinèn amakuwon.

23. jĕŋ nabi wusnya mundur, śri naréndra aṇḍawuhi gupuḥ, mriŋ kya patiḥ ajar kinèn ṅudiya glis, catur pĕkṣi garuḍa guŋ, wusñantuk katur saŋ katoŋ.

24. piniyara mriḥ tutut, gya akarya balé gĕḍoŋ aguŋ, rakitira kadya wĕsi wusiŋ dadi, kanan kériŋ amuŋ sinuŋ, caṇḍéla rinuji bakoḥ.

25. pintuniŋ ṅaṇḍap luhur, myaŋ sinuṅan bĕsat ṅiṅgilipun, wawaḷĕsan ṅuṅkuli sirahiŋ pĕkṣi, yèn binalik nèŋ sor suku, paripurṇa kaŋ pirantos.

26. kinèn ambĕkta gupuḥ, mriŋ maligé añar kaŋ dumunuŋ, ñjaban praja agĕŋ luhuré ṅlaṅkuṅi, winatara pituŋ gunuŋ, myaŋ catur kagéndra katoŋ.

27. sapraptanirèŋ pucuk, pĕkṣi catur suku samya sinuŋ, koloŋ wĕsi bakal ĕṅgoniŋ atali, balé rinut suku wolu, kadi taṇḍu géyoŋ géyoŋ.

28. śri jabar sukèŋ kalbu, ṅuwuḥ uwuḥ susumbar kumruwuk, laḥ iŋ ĕndi paṅérané si ibrahim, tĕka ora nana muṅgut, laḥ ṅatona payo pupoḥ.

29. laḥ ĕndi wadyanipun, iṅkaŋ aran malékat malékut, tĕka nora nana katiṅal sawiji, boya paḍa wĕdi mriṅsun, namrut tan kĕṇḍat ṅacĕmoŋ.

30. sarwi bujana ṅinum, kaṅjĕŋ nabi kalilarahmanru, myaŋ nabi lud tanapi pra wadya mukmin, miṅgaḥ mriŋ maligé luhur, wus paṅgiḥ lawan saŋ katoŋ.

31. lataḥ lataḥ ṅliŋ namrut, sida bébas kratoné gustimu, nora wuruŋ iṅsuṅaṅgar sunlurugi, dimèn mijil bañjur campuḥ, apraŋ taṇḍiŋ lawan iṅoŋ.

32. ñjĕŋ nabi sakalaṅkuŋ, dèn nya asuŋ pémut maraŋ namrut, malaḥ bĕndu gya préntaḥ mriŋ wadyanèki, kinèn samĕktaa gupuḥ, saṅu myaŋ gagaman gupoḥ.

33. waḷĕsan catur uwus, pucak sinuŋ dagiŋ unta ṅumbruk, namrut ṅliŋ èḥ ĕntènana ibrahim, ṅgonku ṅlunas paṅéranmu, śri namrut lan para katoŋ.

34. pipiliyan kaŋ uwus, mambĕg wantĕr kasudiranipun, lawan ṛĕṣi séwasugata piniliḥ, kaŋ wus limpad agal alus, kya patiḥ maṅgalèŋ pupoḥ.

35. sadaya wus umaṅsuk, paṅruktinya piranti wus rampuŋ, gya ginĕtak kagyat mampruŋ iṅkaŋ pakṣi, myaŋ dagiŋ nèŋ luhuripun, naṅiŋ datan baṅkit noṭol.

36. kagéndra drĕŋ yun ucul, saya ndĕdĕl tan na kĕmbanipun, duk lampahan sasiyaŋ lawan saratri, paréntaḥ mriŋ juru pintu, kinèn ṅaṅakakĕn gupoḥ.

37. lawaŋ balé kaŋ luhur, wusiŋ mĕṅa jru pandumanipun, ḍinawuhan aniṅalana kaŋ laṅit, matur makṣiḥ ñamut ñamut, tan éwaḥ lir duk nèŋ ṅisor.

38. lawaŋ balé ṅaṇḍap wus, binuka myat bantala katlisut, préntaḥ maliḥ surak nabuḥ gubar bèri, kagyat kaŋ kagéndra catur, sumĕṅka ndĕdĕl tan kégoḥ.

39. paréntaḥ maliḥ namrut, anon laṅit tan na éwahipun, anon bhumi wus tan ana antarèki, sinĕṅkakkĕn maliḥ mampruŋ, punaŋ laṅit makṣiḥ katon.

40. kadi nèŋ ṅaṇḍap wahu, bhumi katon pĕtĕŋ kadi dalu, nulya ana swara iṅkaŋ kapiyarṣi, sakiŋ wiyat jurudĕmuŋ, kaŋ darbé swara tan katon.

142. jurudĕmuŋ

1. èḥ ratuniŋ lacut sira, maraŋ iŋ ṅĕndi kaṛĕpmu, dupara kalaṅkuŋ laṅkuŋ, sira arṣa mriŋ ṅakasa, kaliwat lacutirèku, yata śri namrut miyarṣa, miwaḥ para wadyanipun.

2. samya gugup aṅgaligap, añaṇḍak gagamanipun, dan ṅati ati sadarum, boya iki iṅkaŋ prapta, ripu dibyaniŋ ṅaluhur, yata ana maliḥ swara, èḥ èḥ namrut kapir lacut.

3. namrut ṅatag prawiranya, ṅlĕpaṣkĕn panaḥ maṇḍuwur, aṅawut pamanahipun, ana ṅĕmpakkĕn istrijat, wĕtuniŋ jĕmpariŋ mbrubul, waṅsulé sakiŋ gĕṇḍéwa, lir garimis tibanipun.

4. śri jabar pribadi sigra, ṅlĕpaṣkĕn jĕmpariṅipun, sarwi susumbar tĕkabur, èḥ ĕndi paṅéranira, taṇḍiṅa kalawan iṅsun, laḥ ĕndi rupané uga, prajurit wĕtokna gupuḥ.

5. jabrahil tampi paréntaḥ, aṅambil mina iŋ lahut, iṅuñcalkĕn maṇḍuwur, luhuré panaḥ śri jabar, waṅsuliŋ mina mriŋ lahut, cumalorot kawistara, jĕmpariŋ nata cumuṇḍuk.

6. tĕrus badaniŋ kaŋ mina, ludiranira sumĕmbur, jĕmpariŋ gugubras marus, jabrahil añaṇḍak mina, winaṅsulakĕn mriŋ lahut, panaḥ ḍinawahkĕn maraŋ, ṅarṣané saŋ raja namrut.

7. jĕmpariŋ tiba cinaṇḍak, ṅĕntrog wĕntis suka ṅguguk, lataḥ lataḥ asru muwus, paṅérané si ibrahim, kacuṇḍuk jĕmpariṅiṅsun, èḥ ta bocaḥ aja kĕṇḍat, ṅgonmu ñjĕmpariŋ maṇḍuwur.

8. maṅkya karṣèṅoŋ kalakyan, aṅobrak abrik aṅgĕmpur, prajèŋ karaton ṅaluhur, ri saŋ jabarahil sigra, ṅambil pĕkṣi sabèŋ luhur, kinĕnakakĕn iŋ panaḥ, waṅsulé katutan marus.

9. lawan dagiṅé kaŋ kaga, lir grimis tibaniŋ marus, ḍawaḥ pĕlataranipun, balé kaṇḍaga marayan, namrut cikrak cikrak muwus, laḥ bocaḥ paḍa wisana, ṅgonmu ṅlĕpasi mriŋ luhur.

10. iku wis tĕtĕp patinya, ibrahim paṅéranipun, kataman iŋ panahiṅsun, laḥ iki dĕḷĕṅĕn paḍa, olèḥ dagiŋ panahiṅsun, sarta gugubras ludira, lir garimis raḥ sumĕmbur.

11. paṣṭi karatoné rusak, wadyané wus ḷĕbur luluḥ, namrut sawadyanipun, sukèŋ tyas marwata suta, aṅaḷĕmbana macucu, tan wruḥ maṅkonèku gĕlar, budi kalap kumpruŋ pĕṅuŋ.

12. śri jabar paréntaḥ sigra, wawaḷĕsan ḍuwur manuk, winalik babĕsatipun, anèŋ ṅaṇḍapiŋ kaga, kagéndra sakawan ndulu, dagiŋ maṅsan anèŋ ṅaṇḍap, maṅka sru kaluwèn catur.

13. tumuṅkul myat iŋ mamaṅsan, sinaṛĕṅan surak umyuŋ, goŋ bèri kĕṇḍaŋ tinabuḥ, kagyat kagéndra lumarab, kadya babaṇḍĕm tumurun, sakiŋ kagyat lan yun maṅsa, katarik luwé kalaṅkuŋ.

14. mèḥ praptèŋ ṅaṇḍap gya préntaḥ, bĕsat isi dagiŋ mahu, kinèn ñjĕṅatkĕn maṇḍuwur, kapapaga siraḥ kaga, dadya ṅampar ibĕripun, supadi yèn prapta ṅaṇḍap, aywa kantĕb tibanipun.

15. winantu iŋ gara gara, arga arga maṅgut maṅgut, kalamun bisaa muwus, bayèku ayun ṅgĕmpur mriṅwaŋ, malékat catur tumurun, arṣa ṅawut awut arga, pinapusus lir kapuk.

16. kaga wus añjog pratala, gumĕbruk lir arga jugrug, tĕbiḥ sakiŋ maligya guŋ, bĕsat waḷĕsan sakṣana, pinaṛĕkakĕn kacucuk, dagiŋ wus samya dèn maṅsa, winuwuhan ṅantya tuwuk.

17. pémuté kaŋ halul kojaḥ, pituŋ dina pituŋ dalu, namrut dèn nya anèŋ luhur, kaga wus rinanté samya, pra wadya sanagri mĕṭuk, śri naranata tumĕḍak, sakiŋ balé pĕṭi aguŋ.

18. ñjujug maligé iŋ pucak, ñjĕŋ nabi brahim nabi lud, makṣiḥ ṅantya sampun tuṇḍuk, namrut suka aṅandika, iŋ samĕṅko paṅéranmu, wus jidĕŋ déniŋ hruniṅwaŋ, jaja butul ĕraḥ mĕmbur.

19. taṇḍaniŋ baliné panaḥ, kuṭaḥ raḥ dagiŋ katut, laḥ ta iki warṇanipun, cihnané dagiŋ lawan raḥ, apadéné kalanipun, prawira ṅlĕpasi panaḥ, garimis raḥ drĕs kalaṅkuŋ.

20. paṅéranmu apĕs niṣṭa, dalaḥ malah‍ékatipun, kaṅjĕŋ nabi liṅira rum, èḥ namrut ṅajab naraka, tĕka maṅkono aṅgĕpmu, lumuḥ maraŋ rèḥ raharja, ṅorakkĕn ḍawuḥ mahaguŋ.

21. nacak kudu nasar mblasar, mor gandarwa ilu ilu, lumuḥ tĕmĕn kinarya yu, iṅkaŋ jamak nuli tobat, darbé paṅrasa sihiŋ hu, ñjĕŋ nabi akaṭaḥ kaṭaḥ, dèn nya suŋ pémut mriŋ namrut.

22. tinantaŋ dadiniŋ apraŋ, jabar ṅlĕṅgĕr tan amuwus, èstu ajriḥ jroniŋ kalbu, èṅĕt iŋ kasĕktènira, kaṅjĕŋ nabi duk iŋ daṅu, aṅas lahiré kéwala, sinasab sinamun samun.

23. méṅo ṅiwa tan kaduga, baya ta wus takdiripun, yata ñjĕŋ nabi gya kundur, iṅiriŋ sawadyanira, kaŋ kantun agunĕm ṛĕmbug, sirṇaniŋ kalilurahman, ana paṇḍita kaŋ matur.

24. rèhiŋ uni wus kawuryan, ñjĕŋ nabi kadibyanipun, luhuŋ sampun pinah‍èlu, ujĕr wus ambawarasa, sarkara lan manisipun, tan kéṅiŋ kinayaṅapa, tuhu diniŋ kanaŋ puñjul.

25. aturira tètèḥ tatas, saŋ nata kalaṅkuŋ bĕndu, mijilkĕn istijrat luhuŋ, tutuk lawan kaliḥ asta, mĕdal dahana kumukus, kantar kantar mriŋ ṅawiyat, tan daṅu dahana waṅsul.

26. kaŋ miyat kalaṅkuŋ hébat, tobat sujud nata kĕbut, sakiŋ maligé nata ṅaḍatun, mĕsu anunuṅku puja, antuk sasmitaniŋ kalbu, éñjiŋ miyos sinéwaka, patiḥ ajar myaŋ wadyaguŋ.

27. pêpak aṇḍèr ṅarṣèŋ nata, mriŋ patiḥ jabar gya ḍawuḥ, dèn nya yun numpĕs kaŋ sunu, myaŋ wayaḥ sawadyanira, sinaranan tĕmbuŋ alus, kinarṣakakĕn bujana, nèŋ pucakiŋ maligya guŋ.

28. pra wadya maṅayubagya, yun linakyan sésuk ésuk, samĕkta prayitnèŋ kéwuḥ, nahan ñjĕŋ nabi praptanya, iŋ pakuwon préntaḥ gupuḥ, ṅaliḥ añakĕti praja, cakĕt daḷĕmnya rumuhun.

29. ṅara ara kahosniya, wus tata pakuwonipun, utusanira hyaŋ aguŋ, jabarahil aṅsuŋ salam, mriŋ nabi brahim nabi lud, kaŋ arṣa apariŋ wikan, aṅgunĕm śri namrut kupur.

30. wus tinutur sadayanya, lan maliḥ karṣèŋ hyaŋ aguŋ, maligé arṣa ginĕmpur, jabarahil sampun musna, ñjĕŋ nabi sawadyanipun, ndoṅa iŋ karaharjan, tur iku wus sinuŋ wĕruḥ.

31. maḷĕmiŋ tĕmpukiŋ karya, karṣaniŋ hyaŋ dèn yarṣa suŋ, bilahi mriŋ kapir kupur, saṅgyaniŋ kaŋ pra malékat, iṅkaŋ wus aṅĕmban ḍawuḥ, kinèn awit ṅlĕkasana, maṅkana sakṣana rawuḥ.

32. liṇḍu prakĕmpa goranya, muŋ dumunuŋ maligya guŋ, saṅĕt goñjiŋ mayug mayug, ṛĕṅat adon adonira, lir kiyamat iṣṭanipun, bayu muḷĕg mawalikan, sinaṛĕṅan aṅin lésus.

33. ponaŋ aṅin sakiŋ ṅaṇḍap, tan antara jĕbolipun, maligé pĕplĕs maṇḍuwur, tan ana kari samĕṇḍaŋ, swara gora tri jumĕgur, lir giri sasra nèŋ wiyat, sirahé maligé gupuḥ.

34. pinukul aṅin prakĕmpa, sakiŋ ṅuntara maṅidul, siraḥ gĕmpal tibèŋ lahut, jumĕgur wéniŋ samodra, mina siniŋ lahut kidul, akèḥ pĕjaḥ kabarasat, katiban murdaniŋ paṅguŋ.

35. puṅkuriŋ namrut kacrita, sirahé maligé mahu, mumulo amba kadulu, déné awaké maligya, andĕdĕl binĕktèŋ lésus, nulya sigar amarapal, ṅétan ṅulon ṅalor ṅidul.

36. katulak waṅsul sadaya, tĕmpuk wor nèŋ tĕṅaḥ ṛĕmuk, lir binĕbĕg mawur sumyur, agĕṅiŋ punaŋ ṛĕmukan, saĕṇḍog ayam tan laṅkuŋ, anèŋ saluhuriŋ praja, babil kawratan sadarum.

37. makṣiḥ ndĕdĕl mriŋ ṅakasa, marmanya tan bisa runtuḥ, awit sinaṅga iŋ bayu, lir mĕṇḍuŋ ṇḍĕḍĕt limĕṅan, karṣaniŋ hyaŋ dèn nira suŋ, bilahi mriŋ lacut kopar, puniku kinarya pémut.

38. supaya paḍa éliṅa, wruha kodratiŋ hyaŋ aguŋ, tan antara siṛĕpipun, bayu bajra sakiŋ ṅaṇḍap, gya gantya kaŋ bayu lésus, sakiŋ luhuriŋ ṅakasa, kadi jĕmpariŋ tumurun.

39. tumĕmpuhira maṅaṇḍap, gumarubug sru sumiyut, ṛĕmukan maligé waṅsul, lir sañjata narawantaḥ, sud kadi mimis sumawur, liṅsir dalu wayahira, woŋ kapir pra samya turu.

40. ṇḍĕḍĕp kadi siniṛĕpan, tibané ṛĕmukan iku, tan srĕnti baṛĕŋ tumanduk, nibani wismaniŋ kopar, kĕpyak swaranya gumuntur, wismaniŋ kapir kawratan, myaŋ jro pura kinarutug.

41. pan namuŋ pakuwonira, ñjĕŋ nabi sahumatipun, rinĕkṣa déra hyaŋ aguŋ, siji tan ana katiban, samya ṅéca éca turu, wahu wismané si kopar, payon ṛĕmak ṛĕmpu ṛĕmuk.

42. kaŋ ana sajroniŋ pura, asru kagyat ñjumbul kagum, tan ana kuwasa muwus, kapiḷĕṅĕŋ iŋ suwara, woŋ kupur klĕṅĕr sadarum, datan ana kaliwatan, agĕŋ alit èstri jalu.

43. miwaḥ śri bhaṭara jabar, tan pah‍é lan wadyanipun, kagyat kantunya kalaṅkuŋ, tambuḥ saṅkaniŋ babaya, samya ṅgaligap agugup, kaluyuran niba niba, lir woŋ wuru dèn nya kantu.

44. wĕnèḥ iṅkaŋ kapaḷĕsat, sakiŋ ĕṅgonnira turu, miwaḥ ṛĕṣi juru tĕnuŋ, iŋ nagri myaŋ mañcapraja, pra samya kapiḷĕŋ kantu, daṅu daṅu duk samana, woŋ kapir sinuṅan émut.

45. kajĕṅkaŋ karaṅkaŋ raṅkaŋ, gĕṛĕŋ gĕṛĕŋ ṅrintiḥ ṅruntuḥ, tan ana cĕṭa calaṭu, pinĕkṣa pĕkṣa tan bisa, muŋ mbĕkuḥ patiŋ kaṛĕkuḥ, pinĕkṣa apadĕdĕṅan, gaḷĕṛĕg sĕṛĕt ṅĕduwul.

46. tambuḥ tambuwiḥ solahira, iŋ praptané siyaṅipun, mulat wisma payon gĕmpur, ḷĕṅĕr ḷĕṅĕr ṅuṅun mlĕṅak, takon tinakon tan pĕcus, tiŋ paliṅuk pariṅisan, amacucu muñcu muñcu.

47. kadya mina kĕnèŋ saya, tan dinawa solahipun, daṅuniŋ susaḥ saŋ namrut, sawĕwĕṅkonnya sadaya, tigaŋ siyaŋ tigaŋ dalu, dèn nya tan kuwawa ṅucap, sadaya kadi woŋ bisu.

48. wusiŋ tri ratri tri siyaŋ, sadaya bisa calaṭu, naṅiŋ karṣaniŋ hyaŋ aguŋ, ñalini lagu babasan, śri namrut sabalanipun, paṅucapé paṇṭan paṇṭan, ḍéwé ḍéwé basanipun.

49. iŋ sagoloŋ goloṅannya, ratu pituṅpuluḥ tĕlu, séwaŋ séwaŋ tanahipun, sabĕn naréndra sajuga, sapraja wĕwĕṅkonipun, sinuṅan basa piyambak, atanapi sastranipun.

50. dadya basa miwaḥ sastra, warṇa pituṅpuluḥ tĕlu, amuŋ iṅkaŋ tan winĕṅku, iya iŋ babil nagara, ḷĕstantun kadi rumuhun, laḥ ta iku caritanya, walahu alam iŋ puṅkur.

143. paṅkur

1. nahan gantya kaŋ winarṇa, mas cĕbolaŋ lawan santri nurwitri, tumut ṅladosi nèŋ ṅayun, tyas sĕnĕŋ suka ṛĕna, amiṛĕṅkĕn kaŋ samya aṅgĕlar kawruḥ, tan ana kaŋ salawana, maton tanduké mrakati.

33. pĕṅantèn kajagi déniŋ para tamu wanita.

paṅantèn iṅkaŋ sampun paripurṇa upacaranipun lumĕbĕt iŋ paprĕman, kajagi déniŋ para tamu wanita iṅkaŋ sami ṛĕṛĕmbagan sarta mĕḍar dodoṅéṅan bab kasĕtyanipun wanita ḍatĕŋ bojonipun. ñahi atikaḥ, ṅulama wanita ñariyosakĕn lalampahanipun ñi kasanaḥ iṅkaŋ sakalaṅkuŋ sĕtya ḍatĕŋ bojonipun iṅkaŋ wasta suhul. nalikanbojonipun késaḥ dagaŋ, kasanaḥ katitipakĕn aḍinipun naṅiŋ baḍé kacidra asmara, botĕn purun, lajĕŋ kapitĕnaḥ ṅantos kahukum. badanipun kapĕṇḍĕm sapaliḥ, kabĕnturan iŋ séla. kakintĕn sampun pĕjaḥ, lajĕŋ kabucal ḍatĕŋ kuburan. aṅsal pituluṅanipun tiyaŋ dagaŋ, lajĕŋ kadadosakĕn réñcaŋ. baḍé kapĕṇḍĕt sémaḥ botĕn purun, wasana kapasrahan momoŋ anakipun.

kapitĕnaḥ déniŋ sami réñcaŋ jalaran botĕn purun kacidra asmara, lajĕŋ katuṇḍuŋ kaṇṭi pasaṅon arta.

iŋ margi mituluṅi tiyaŋ iṅkaŋ kahukum jalaran sliṅkuḥ, naṅiŋ tiyaŋ wahu malaḥ baḍé ṛĕmĕn lan wĕkasanipun mitĕnaḥ. kasanaḥ kasadé ḍatĕŋ tiyaŋ dagaŋ lalayaran, kabĕkta ḍatĕŋ sanès nagari. iŋ kapal kasanaḥ baḍé karodapakṣa, naṅiŋ tansaḥ wuruŋ awit sakiŋ pituluṅiŋ allaḥ.

lumĕbĕt nagari sanès, lajĕŋ santun paṅaṅgé jaḷĕr wĕkasan kaaṅkat dados raja alim sarta sagĕd ñjampèni sawarṇiniŋ sasakit. para iṅkaŋ mitĕnaḥ sami ñuwun pituluṅan. ugi kapituluṅan, naṅiŋ kĕdaḥ ñariyosakĕn sababipun sakit.

ki suhul ñuwunakĕn jampi aḍinipun, sagĕd saras. saŋ prabhu iṅkaŋ èstunipun ñi kasanaḥ wahu pamit sholat, wasana iŋ saḷĕbĕtiŋ pasalatan kapaṅgiḥ sampun séda.

2. locitanira iŋ nala, paḍa luwiḥ abdidaḷĕm saŋ mulki, tan ana kuciwèŋ sĕmu, sĕmu sumèḥ jatmika, anaracak mĕrakati tandaŋ tanduk, tuhu prajèŋ ṅĕkṣiganda, tĕḷĕŋ kraton bawaḥ aṅin.

3. tumĕṅguŋ sujanapura, atanya ris maraŋ kiyayi panti, laḥ kakaŋ sintĕn puniku, raré nĕmbé kawuryan, aṅladosi tandaṅé tĕka tan kiḍuŋ, pasĕmon sanès tyaŋ praja, kadi trahé woŋ ṅaluwiḥ.

4. ki pujaṅkara turira, nuwun iṅgiḥ punika iṅkaŋ nami, mas cĕbolaŋ aslinipun, santri sakiŋ cilacap, sampun lami moṇḍok wontĕn wismanipun, pènakanulun tĕṅara, ulun tĕpaŋ dèrèŋ lami.

5. kilap punika luraḥ, saṛĕŋ tĕpaŋ tan mawi walaṅati, siḥ trĕṣṇa lajĕŋ tumutur, mèsĕm sujanapura, wawi kakaŋ kula baḍé tumut payu, mas cĕbolaŋ tinimbalan, wus paṛĕk tinanya ririḥ.

6. anakmas manira taña, nama miwaḥ aslimu saka ṅĕndi, sapa namané ramamu, tanapi ibunira, dèn prasaja wus lawas paṅruṅuniṅsun, sira nèŋ nagri mataram, wus akèḥ para priyayi.

7. kaŋ wanuḥ kalawan sira, babasané maṅkya kapasaṅyogi, goniṅsun kapéṅin tĕpuŋ, cĕbolaŋ duk miyarṣa, andikané ki tumĕṅguŋ kadi juruḥ, rinaras raras rasèŋ tyas, bĕcik blaka apa mukir.

8. wasana nĕmbaḥ turita, nama ulun cĕbolaŋ tiyaŋ sakiŋ, iŋ sokayasa pukulun, déné iṅkaŋ ayoga, nama ki sèḥ akadiyat biyuŋ ulun, nĕṅgiḥ nami siti wuryan, tan darbé kadaŋ sawiji.

9. jalaran amuraṅsarak, anuruti aṅkara muḍa piṅgiŋ, manaḥ muyar mawut mawut, taṅèḥ wrin kahutaman, rèḥ nalisir kaliyan sudarmahulun, méraŋ iŋ tyas mriŋ sasama, kabaraṅas ṅikis ratri.

10. dumadya katula tula, kapalantraŋ praptèŋ nagri mantawis, wontĕn iṅkaŋ sarju ṅukup, nama amat tĕṅara, sanalika paṅaṅgĕpipun mriŋ ulun, kadi tuṅgal dadaḥ dulaŋ, tinĕpaṅkĕn pra priyayi.

11. tumĕṅguŋ sujanapura, maṇṭuk maṇṭuk maspadakkĕn kaŋ warṇi, mbĕg muḍa wus wiyahipun, naṅiŋ kwasaniŋ sukṣma, iŋ papaṣṭèn paṣṭi tan kĕna ginayuḥ, ana sakawit utama, wasanané tiba niṣṭip.

12. ana kawitan aṅkara, wasanané dadya jalma linuwiḥ, aywa sumĕlaŋ iŋ kayun, allaḥ luwiḥ kawasa, mas cĕbolaŋ karasèŋ tyas makiḍupuḥ, ki tumĕṅguŋ maliḥ nabda, mbésuk sabubariŋ kardi.

13. panuju sĕla iŋ karya, kapaṛĕṅa dolan mriŋ wismamami, mas cĕbolaŋ nĕmbaḥ matur, nuwun ḍatĕŋ sandika, tyas kalaṅkuŋ biṅaḥ amarwata sunu, déné ta woŋ aguŋ karṣa, ñaruwé mriŋ dama niṣṭip.

14. pra tamu kaŋ samya cĕlak, kèḥ miyarṣa dèn nya lawanan aṅliŋ, dilalaḥ anut tumutur, siḥ wĕlas mriŋ cĕbolaŋ, sampun mundur añakĕti dèn nya luṅguḥ, kalawan ki pañjaṅĕmas, ṅgèr kula mundur rumiyin.

15. basané madal pasilan, béñjiŋ éñjiŋ sontĕn kinèn aṅriṅgit, ṅiras murwakalanipun, paṅantèn èstri apan, duk amipis jampi tugĕl gaṇḍikipun, wus mantuk ki pañjaṅĕmas, nahĕn kaŋ winuwus maliḥ.

16. paṅantèn rampuṅiŋ paṅgya, kacar kucur pinaṅka iŋ sudarmi, myaŋ ṅujuŋ mriŋ kakuṅipun, tanapi mriŋ pra wrĕḍa, sawatara gya lumĕbĕt gĕḍoŋ santun, paṅagĕmé sakaliyan, nulya mĕdal ñjawi maliḥ.

17. bujana mriŋ gadri wuntat, kĕmbul lawan saṅgyaniŋ tamu èstri, sĕkul lulut kadya gunuŋ, nèŋ ṅarṣané paṅantyan, ṛĕsĕp rahap dèn nya andrawina nutug, sawusé dèn nya bujana, waṅsul mariŋ wisma maliḥ.

18. laḷĕṅgahan sawatara, paṅantyan gya tiniḷĕmakĕn mariŋ, patanèn samir tinutup, ṅajĕṅan sinuŋ rana, para tamu dèrèŋ wontĕn iṅkaŋ mantuk, sugata lumadyèŋ ṅarṣa, ḍaharan wédaŋ tap siriḥ.

19. tamu ṅulamèstri nama, ñ atikaḥ micara tutuk manis, tinimbaŋ réñcaŋnya luṅguḥ, masalahiŋ wanodya, iṅkaŋ sampun tinrapiŋ korasan luhuŋ, kinarya sambèn ḷĕṅgahan, lawan dumadya palupi.

20. ñi atikaḥ mèsĕm liŋnya, luwiḥ atut pamintanira nini, kaṛĕbèné aja ṅantuk, kocapa jroniŋ praja, banisrahil ana juragan linaṅkuŋ, sugiḥ branarta budiman, ki suhul arannirèki.

21. kadaṅé sawiji priya, aran kasut tuṅgal sayayaḥ bibi, satuhuné kyayi suhul, kalaṅkuŋ butaṛĕpan, dé bojoné wadon kasanaḥ rannipun, ki juragan arṣa késaḥ, dagaŋ maraŋ liyan nagri.

22. pakéwuḥ kaŋ pinarcaya, tuṅgu wisma ki kasut dèn pasrahi, rumĕkṣa iŋ ipènipun, wĕliṅé wantya wantya, aja koṅsi sinuŋ wruḥ tatamu kakuŋ, wusiŋ mĕliŋ nulya buḍal, koriniŋ wisma kinuñci.

23. sabĕn ari tinilikan, mriŋ ki kasut suŋ salam sakiŋ jawi, sinahuran salamipun, sawiji dina lagya, nèŋ patirtan ḍatĕṅira jaka kasut, asuŋ salam kadi saban, naṅiŋ tan ana nahuri.

24. kaṭaḥ paṅgagasiŋ nala, sigra ṅambil aṇḍa pinasaŋ wuri, pinènèk ki kasut maṅsuk, kasanaḥ nèŋ patirtan, makṣiḥ wudya myat ipé ḍatĕŋ tyas gugup, ṅurat tinuturan réma, kacukup saṅkripiŋ èstri.

25. ki kasut dupi uniṅa, mriŋ ipéné warṇané yu linuwiḥ, sru kasmaran gandruŋ gandruŋ, kalimput trĕṣṇèŋ kadaŋ, paṅucapé miminta siḥ mriŋ salulut, kasanaḥ tyas tarataban, pituturira ndrĕwili.

26. mriḥ èṅĕt wuruṅiŋ sĕdya, kasut cuwa wiraŋ umĕdal aglis, karuṅruṅan gandruŋ gandruŋ, praptèŋ wisma ṅupaya, èstri iṅkaŋ mirib warṇané kaŋ bakyu, naṅiŋ tan ana tumimbaŋ, dadya kalantur gĕŋ braṅti.

27. dalu ki kasut gya maraŋ, wismèŋ ipé kasanaḥ lagya guliŋ, ginugaḥ gragapan ñjĕtuŋ, kasut aṅguŋ miluta, ñi kasanaḥ rèrèḥ ririḥ liṅira rum, yayi èliṅa kakadaŋ, mbok dèn wĕdi riŋ hyaŋ widdhi.

28. iṅkaŋ nora kasamaran, iŋ sasolaḥ tiṅkaḥ osikiŋ kapti, sira pinarcaya èstu, maraŋ iŋ rakanira, tĕka baḍé rinusak pribadi èstu, kula tan apti akarya, druhakèŋ paṅran myaŋ laki.

29. ki kasut sugal wuwusnya, biliḥ èstu kakaṅbok tan nuruti, bilahi dèn nya tan wuruŋ, kasanaḥ sahurira, sira ayun gawé kiyanat wakiṅsun, maṅsa boḍowa paṅéran, ki kasut méraŋ wus mijil.

30. byar prapta wisma anulya, asasaji ñĕpakkĕn saṇḍaŋ picis, ṅaturi woŋ priya sĕpuḥ, catur sinuba nuba, kasut aṅliŋ ñaritakĕn wĕliṅipun, kadaŋ kakaŋ luṅa dagaŋ, miwiti malaḥ mĕkasi.

31. maṅkya ipé kula jina, arṣa kula ukumakĕn mriŋ nagri, anaṅiŋ kapalaṅulun, tan darbé sahit maṅka, sakalaṅkuŋ ribĕtiŋ manaḥ satuhu, ki tuwa catur wus sagaḥ, sami umañjiṅa sakṣi.

32. tandya mariŋ paṅadilan, lan paṅulu ki kasut sampun paṅgiḥ, purwa wasanané katur, paṅulu atatanya, apa sira darbé sahit sakṣi tuhu, aturé darbé sakawan, woŋ papat wus anèŋ ṅarṣi.

33. paṅulu alon tatanya, catur sakṣi paḍa wus supatani, aturṇya iṅgiḥ sah‍èstu, uniŋ kasanaḥ jina, pañjiṅipun mariŋ kasanaḥ puniku, ki paṅulu gya utusan, modin ambĕkta piranti.

34. nimbali wadon kasanaḥ, wus kapaṅgiḥ kasanaḥ dèṇḍawuhi, rèḥ tan rasa naṇḍaŋ luput, kèḥ akèḥ waṅsulannya, tan rinuṅu ki modin añjiṛĕt gulu, wadon kasanaḥ linarak, ṅrĕs wĕlas iṅkaŋ udani.

35. praptèŋ ṅarṣa kalidamar, asuŋ salam umatur mĕlas asiḥ, pratéla suciniŋ kalbu, gantya taña mriŋ dakwa, lawan sakṣi aturé satuhu wĕruḥ, cidraniŋ wadon kasanaḥ, tinĕtĕpakĕn iŋ dalil.

36. si kasanaḥ kukum rañjam, nulya uṇḍaŋ warata woŋ sanagri, paḍa tĕka andudulu, dadi tĕpa tulaḍa, wusiŋ pêpak maca kutubaḥ paṅulu, tamat iŋ pamacanira, kasanaḥ pinĕṇḍĕm margi.

37. badan saparo katiṅal, ki paṅulu paréntaḥ mriŋ ki sakṣi, kaŋ ginugat kinin gupuḥ, awit ambĕnturana, bĕnĕr luput tan lyan muŋ anèŋ sirèku, iṅsun sayĕkti sadarma, amatrapi kukum adil.

38. kasut lan sakṣi sakawan, wus tumandaŋ nulya sakèhiŋ janmi, samya balaŋ ukur ukur, kèḥ nolèḥ asru wĕlas, muŋ ki kasut lan sakṣi sakawan bikut, pinriḥ praptaniŋ antaka, kulit ajur tiŋ saluwir.

39. warṇi lir piṇḍa kaluwa, mbok kasanaḥ naṅiŋ sajroniŋ ati, asasambat kakuṅipun, kyayi kariya wirya, anèŋ paran mugi rinĕkṣèŋ hyaŋ aguŋ, kawula nĕḍa apura, dosèṅṅoŋ iŋ awal akir.

40. tulus andasihkĕn mriŋ waŋ, mĕḷĕŋ iŋ tyas mriŋ paṅéran kaŋ karim, nĕŋna kaŋ samya aṅruṅu, kojahé ñi atikaḥ, goṇḍoŋ gariŋ ana iṅkaŋ mbaṛĕbĕl luḥ, wĕlas mariŋ mbok kasanaḥ, lir mas tumimbuliŋ wariḥ.

144. maskumambaŋ

1. sĕṛĕt matur maṅga linajĕŋna ñahi, cariyos kasanaḥ, damĕl ṅĕṛĕs iŋ tyas tistis, ñi atikaḥ mĕḍar sabda.

2. bok kasanaḥ kinira uwus ṅĕmasi, nulya kinèn mbawaŋ, maraŋ kubur cakĕt margi, ṅuraté katon sadaya.

3. gilaŋ gilaŋ nèŋ kubur tan na ṅrawati, rinuhuŋ srĕṅgala, saka parmaniŋ hyaŋ widdhi, srĕṅgala tan bisa maṅsa.

4. wayaḥ baṅun aṅin ṅatiraḥ sumilir, ṅalilir sasambat, niayané ipénèki, ya allaḥ ñuwun apura.

5. bañjur ana baduwi dagaŋ lumaris, nuṅgaŋ untanira, aṅiriŋ ḷĕṣkar sawiji, raryan cĕlak pakuburan.

6. jroniŋ raryan ṅruṅu swara rintiḥ rintiḥ, taña maraŋ ḷĕṣkar, aturé iṅgiḥ miyarṣi, kyayi manawi tyaŋ pĕjaḥ.

7. laḥ mèluwa payo paḍa diparani, ḷĕṣkar anèŋ wuntat, praptaniŋ kubur udani, woŋ wadon akutbaḥ ĕraḥ.

8. wuda ṅluṅsar gya aṅulig ulig sikil, sarta tinakonan, sirèki uwoŋ punapi, pa jin sétan bĕrkasakan.

9. bok kasanaḥ ririḥ sĕṛĕt aturṇèki, kyayi kula tiyaŋ, umatiŋ widdhi kaŋ laṅip, bok iṅgiḥ apariŋ toya.

10. saclĕgukan supados tuwan iŋ béñjiŋ, winaḷĕs déniŋ hyaŋ, ṅara ara mahsar akir, amaṅgiḥ toya kaŋ mulya.

11. takon manèḥ baduwi apa sirèki, kaŋ dinakwa jina, kukum rañjam koṅsi mati, anahuri mbok kasanaḥ.

12. apratéla iŋ salalakoné ṅuni, baduwi paréntaḥ, mriŋ ḷĕṣkar aṅambil wariḥ, wus prapta sinuṅkĕn sigra.

13. bok kasanaḥ aṅliŋ tan bisa nampèni, ya tuwan tulusna, krana laḥ tuluŋ kaswasiḥ, ndika juñjuŋ siraḥ kula.

14. nuntĕn tuwan curri toya caṅkĕm mami, tinurut maṅkana, sawusira ṅĕḷĕt wariḥ, mbok kasanaḥ rada kuwat.

15. matur maliḥ sampun taṅgĕl gawé bĕcik, tutuluŋ kasiyan, ki badwi alon nahuri, kaya ṅapa kaṛĕpira.

16. tuwan bĕkta awak kawula yèn lalis, tuwan aṅsal rahmat, agĕŋ kawula yèn urip, dadosa ḷĕṣkar paduka.

17. badwi ṛĕmbag lan réñcaŋ wus añoṇḍoṅi, jinuñjuŋ mriŋ unta, sinasaban amriḥ ṛĕmit, ginawa wus praptèŋ wisma.

18. muḍun sakiŋ wisma binopoŋ mriŋ panti, pra rabiné mapag, sarwi taña añaḷĕkit, niku bakal maru kula.

19. ki baduwi supatanira ḍariṇḍil, myaŋ ṅaṇḍar carita, mbok badwi dupi miyarṣi, runtuḥ sihé baṅĕt wĕlas.

20. badwi wadon aṅopèni anambani, tan antara lama, waras kadi ṅuni uni, warṇa wuwuḥ ayu éndaḥ.

21. ki baduwi mulat manahé agoñjiŋ, warṇané kasanaḥ, tan na winañcèn sadĕmi, sĕḍot aluwĕs pasaja.

22. antĕŋ ruruḥ ṛĕspati jatmika manis, alus amrakatya, tur abĕkti iŋ hyaŋ widdhi, luṅit pasaṅiŋ grahita.

23. pramilané ki badwi saṅĕt kagumé, tansaḥ sabil iŋ tyas, tawĕkal pinasaŋ klĕṇḍiḥ, wasana ṅliŋ mriŋ kasanaḥ.

24. ĕḥ kasanaḥ sira arṣa iṅsun kawin, kasanaḥ aturṇya, kula takṣiḥ darbé laki, tan ilok maṅgiḥ druhaka.

25. tuwin ṅurṣak ṅamal prayogi ṅèṅĕti, jañjiné hyaŋ sukṣma, baduwi dupi miyarṣi, sinuŋ èṅĕt asru tobat.

26. mbok kasanaḥ aṅliŋ maraŋ ki baduwi, kula darbé nadar, yèn kapaṛĕŋ iŋ paṅgaliḥ, ñuwun momoŋ putra tuwan.

27. wus sinuṅan momoṅan anak baduwi, cumucut wayaḥnya, momoŋ sinambi ṅabĕkti, wus kadya wĕka priyaṅga.

28. wiraŋ isin duk rinañjam sirṇa tapis, ṛĕna sukur iŋ hyaŋ, maṅkya ki ḷĕṣkar iŋ uni, sru kédanan mriŋ kasanaḥ.

29. kapiadrĕŋ tinantun kinarya rabi, naṅiŋ mbok kasanaḥ, malaḥ baṅĕt mituturi, amriḥ éliṅé ki ḷĕṣkar.

30. nora éliŋ malaḥ bĕṅis apépéliŋ, ayun apitĕnaḥ, kasanaḥ wacana aris, iṅsun pasraḥ iŋ hyaŋ sukṣma.

31. ḷĕṣkar méraŋ karañjiṅan lanat éblis, wayaḥ siṛĕp janma, ḷĕṣkar mara maraŋ ṅgènniŋ, mbok kasanaḥ lagya néndra.

32. aṅĕloni sutané kyayi baduwi, ḷĕṣkar wusiŋ cĕlak, ladiŋnya nulya tinarik, anak baduwi pinragat.

33. guruŋ pĕgat raḥ sumĕmbur aṅgrubasi, jajané kasanaḥ, kapati dèn nira guliŋ, alon wĕtuné ki ḷĕṣkar.

34. dupi baṅun ki baduwi mriŋ ṅgon siwi, kagyat mulat iŋ raḥ, (mb)alabar pinrikṣa aglis, guruṅé atmaja pĕgat.

35. sru bramantya sarwi aṅujar ujari, kagyat kaŋ anéndra, ñjĕtuŋ datan bisa aṅliŋ, badwi jalu èstri mojar.

36. sarwi naṅis wawaḷĕsmu baya iki, kaŋ gawé kiyanat, sétan nora sĕdya éliŋ, kapotaṅan kabĕcikan.

37. mbok kasanaḥ karuna kèḥ sambatnèki, ḍuḥ tuwan punika, ḍĕṇḍaniŋ hyaŋ duk kiyayi, arṣa nutiŋ napsu hawa.

38. ṅajak jina ulun datan animbaṅi, maṅkéné pinaṅgya, méndaḥ kalakona ṅuni, paṣṭi luwiḥ kasaṅsara.

39. dĕmi allaḥ datan damĕl awon mariŋ, sutèṅsun priyawak, tuhu ulun datan uniŋ, baduwi saya bramantya.

40. mbok kasanaḥ tinuṇḍuŋ myaŋ dèn saṅoni, limaŋ atus dirham, pĕgat pĕgat dèn nya pamit, luḥ adrĕs kadi turasan. 

145. mĕgatruḥ

1. mĕdal sakiŋ wisma liwuŋ tanpa dunuŋ, lawan kaŋ sinĕdyèŋ ati, saparan muhuŋ nut puṅkur, jalma kaŋ paḍa lumaris, arta myaŋ rukuḥ ginéṇḍoŋ.

2. iŋ lakunya prapta sawiji praja guŋ, mbok kasanaḥ aniṅali, uwoŋ sinulaḥ rinubuŋ, kaŋ sinulaḥ makṣiḥ urip, maṛĕk takon dosaniŋ woŋ.

3. sinahuran uwoŋ iki dosanipun, ṅĕntèkĕn artaniŋ gusti, luwar yèn ana kaŋ nĕbus, mbok kasanaḥ takon maliḥ, pintĕn ntĕké arta katoŋ.

4. sahupami arta nata datan waṅsul, punapiṅgiḥ dèn pĕjahi, rèḥ sami baṅsa islamu, kaŋ yun ñulaḥ amaṅsuli, yĕktiné tan kukum layon.

5. dé waŋ amuŋ dirham ĕmas kawan atus, préntaḥ andika uculi, punika arta panĕbus, arta wusnya dèn tampani, kasanaḥ lajĕŋ dèn nya ndon.

6. kaŋ sinulaḥ wusnya luwar taña gupuḥ, laḥ punapa sababnèki, tĕka linuwaran ulun, kaŋ ñulaḥ nahuri aris, ana sawiji woŋ wadon.

7. kaŋ nĕbusi dirham ĕmas kawanatus, kaŋ sinulaḥ gya nututi, cĕluk cĕluk ya tuwanku, wanita asiḥ kaswasiḥ, kèndĕla pupuṇḍèniṅoŋ.

8. iṅaṇḍĕgan kaŋ sinulaḥ wus apaṅguḥ, matur tuwan kaŋ nĕbusi, mriŋ ulun saklaṅkuŋ nuwun, sasat tuwan aṅsuŋ urip, kawula maḷĕs sayĕktos.

9. kaabdèkna iŋ sapurug anut puṅkur, mbok kasanaḥ amaṅsuli, andika luṅaa gupuḥ, sakiŋ sajroniŋ nagari, déné ĕṅgon ulunpasok.

10. krana allaḥ tutuluŋ iŋ kawlasayun, kaŋ sinulaḥ ciptanèki, woŋ iki añamut ñamut, lawan rasané tyasmami, sun tan mundur praptèŋ layon.

11. wus umañjiŋ ṛĕñcakané sétan guṇḍul, ṅaṅsĕg maṛĕk dèn nya liṅgiḥ, miminta sihiŋ paṅuṅrum, prasĕtya iŋ duña ṅakir, tulusa goloŋ gumoloŋ.

12. amaṛĕṅut amaṅsuli asuŋ pémut, iṅsun isiḥ darbé laki, dèn wĕdi sikṣèŋ hyaŋ aguŋ, woŋ dèn ĕntas sakiŋ pati, maḷĕs bilahi tan ilok.

13. tan rinuṅu gya ñaṇḍak paglaṅan gupuḥ, kasanaḥ naṅis iŋ widdhi, katrima dèn nya ñuñuwun, kinipatkĕn mlĕsat tĕbiḥ, tibané koṅsĕp kajoṅor.

14. mbok kasanaḥ lajĕŋ wahu lampahipun, kaŋ koṅsĕp satĕṅaḥ mati, ṛĕṅkĕŋ ṛĕṅkĕŋ grigaḥ griguḥ, saṅsayarda nora éliŋ, supata mariŋ hyaŋ manon.

15. nora suda rasaniŋ tyas yèn tan lampus, kaḍiṅklaṅan anututi, kiniṇṭil sapurugipun, praptèŋ tĕpiniŋ jaladri, saŋ dyaḥ ṅaso suku rapoḥ.

16. kaŋ nututi uga prapta piṅgir lahut, siṅidan nora kah‍èkṣi, ana bahita kadulu, iṅawé lawan kulambi, woṅé prahu samya anon.

17. matur mariŋ lurahiŋ parahu gupuḥ, labuḥ jaṅkar aṅaṇḍĕgi, kèṅkènan mantrus tumurun, nampaŋ sampun wus apaṅgiḥ, kalawan woŋ lanaŋ pékoḥ.

18. liŋnya manis mula ṅawé pamintèṅsun, ajĕŋ tumut miṅgaḥ mariŋ, palwa wontĕn kajatulun, wus binĕkta miṅgaḥ prapti, palwa guŋ naṅkoda takon.

19. iya apa kaŋ dadi gatiniŋ kalbu, winaṅsulan jĕnĕṅmami, rumuhun atmajèŋ ratu, rama ulun wus ṅĕmasi, naṅiŋ tan gumantya katoŋ.

20. anuruti hardaniŋ kaŋ hawa napsu, masakat iṅkaŋ pinaṅgiḥ, amuŋ kari ḷĕṣkar ulun, sawiji ayu linuwiḥ, rèḥ mĕsakat ulun ĕdol.

21. tur punika kakasiḥ jantuṅiŋ kalbu, laḥ nika ndika tiṅali, nèŋ pasisir lagya luṅguḥ, para naṅkoda naṅgapi, naṅiŋ kyayi wĕliṅiṅoŋ.

22. dèn asandi ywa ṅanti uniŋ mriŋ ulun, wit trĕṣṇa siḥ mariŋ mami, mĕndahané lamun wĕruḥ, kula sadé tĕmtu naṅis, pra jurugan gupoḥ gupoḥ.

23. samya miyat mriŋ kasanaḥ lagya luṅguḥ, sru kasmaran waṅsul aglis, mriŋ palwa guŋ kumarumpyuŋ, jor jinoran dèn nya ṅawis, pataŋ atus dirham pantog.

24. wus tinampan arta pataṅatus wutuḥ, si pékoḥ pamintanèki, kinésaḥna badanulun, supados aywa udani, juragan tumurun alon.

25. numpaŋ sampan ṅuḍunakĕn si kĕpahuŋ, juragan nulya murugi, maraŋ risaŋ éca luṅguḥ, paṅgiḥ awacana manis, laḥ payo dakgawa ḍénok.

26. mriŋ palwa guŋ kasanaḥ tyas sru kumĕpyur, maṅsuli paran kaŋ wadi, sirèku dèn dol tuwanmu, aku kaŋ tuku ṇḍuwiti, pataṅatus dinar kropyok.

27. mbok kasanaḥ maṅsuli satuhunipun, kawulané sukṣma muklis, amardika iŋ hyaŋ aguŋ, dudu kamat jariyahi, dudu ḷĕṣkar dudu tukon.

28. akèḥ akèḥ sambaté datan rinuṅu, pinarwasa binĕkta glis, mriŋ palwa guŋ wus iṅusuŋ, dalu juragan marani, mbok kasanaḥ dahat lumoḥ.

29. laku dudu rinĕkṣa déniŋ hyaŋ aguŋ, juragan adrĕŋ iŋ kapti, ayun aṅraṅkula gapyuk, ñjola nĕbut kĕnèŋ sarik, cikĕr taṅanira karo.

30. jĕliḥ jĕliḥ awak bahita gumrubyuk, taña paran darunaniŋ, wus winĕḍar sababipun, mbok kasanaḥ dèn aturi, pininta apura gupoḥ.

31. iṅapuran gya ndo doṅa riŋ hyaŋ aguŋ, juragan waluya jati, sumuṅkĕm sru ajrihipun, pinardikakĕn pinuṇḍi, sinuṅan branarta kahot.

32. iŋ daluné maliḥ woŋ awak pérahu, kaŋ samya kaṇḍuhan wiṅit, sĕdyarṣa agrabasèŋ lulut, mbok kasanaḥ ṅadĕg sarwi, ñjuñjuŋ astanira karo.

33. andodoṅa ñuwun pituluŋ hyaŋ aguŋ, nulya carat tahun prapti, aṅin topan wus tumĕmpuḥ, niyup woŋ sapalwa gusis, muhuŋ kasanaḥ tan kégoḥ.

34. gya aṅrasuk bhuṣaṇa awarṇa kakuŋ, punaŋ palwa guŋ wus miṅgir, praptèŋ labuhan pinĕṭuk, woŋ nagri lir sabĕnèki, bagus kasanaḥ tatakon.

35. nagri ṅriki napa ontĕn ratunipun, kaŋ tinanya lon nahuri, wontĕn tur agama rasul, ambĕg paramatèŋ dasiḥ, kisanak muṅguḥ karṣèŋ ṅoŋ.

36. kajatamba prahu myaŋ sahisinipun, katura paduka aji, amba kapaṛĕṅa ṅahub, iŋ saaṇḍap ḍampar gusti, atur pĕjaḥ gĕsaŋ iṅoŋ.

37. saŋ aprabhu suka amarwata sunu, sakala luntur iṅkaŋ siḥ, tĕḍak pribadya mriŋ prahu, kasanaḥ takṣiḥ kinaṇṭi, baraŋ wus malbèŋ kaḍaton.

146. kinaṇṭi

1. maṅkana sira ki bagus, kasanaḥ sinuṅan panti, tur pinañci paṅannira, mriŋ ñjĕŋ sultan malébari, kasanaḥ ḷĕṛĕm iŋ driya, tutug dèn nya olaḥ bĕkti.

2. wus tatané nagarèku, paḍa ulaḥ paṅabĕkti, punapa déné saŋ nata, ṅibadahé aṅluwihi, saguŋ wadya balanira, tur asiḥ iŋ pĕkir miṣkin.

3. yèn ri jumuwaḥ saŋ prabhu, akutbaḥ kaḍaŋ ṅimami, saŋ nata sampun uniṅa, yèn kasanaḥ luwiḥ ṅabid, tur lintir budi wicara, baraŋ prakara pratitis.

4. myaŋ budinira rahayu, milané maṅké kinardi, carik kapala bicara, lawas lawas muṅgaḥ patiḥ, sakiŋ salamĕtiŋ manaḥ, bĕnĕr adilé martasiḥ.

5. sriŋ dadya wakiliŋ prabhu, sawusira muṅgaḥ patiḥ, amaca kutbaḥ jumuwaḥ, tatkala myarṣa saŋ aji, bĕcik mikraj jarwa wacan, myaŋ kir'até gya tinitik.

6. agĕḍé ṅibadahipun, takwa iŋ hyaŋ mahasuci, baraŋ pakéwuhiŋ praja, alaŋ ujuriŋ prakawis, tan lyan papatiḥ kasanaḥ, kaŋ tinari śri bhupati.

7. saŋ nata ḍasar wus sĕpuḥ, maṅkana iŋ lami lami, saṅĕt dèn nya naṇḍaŋ gĕraḥ, para wajiriŋ nagari, sadaya maṛĕg saŋ nata, ṅatas karṣaniŋ saŋ aji.

8. aṅandika saŋ aprabhu, tan na iṅsun pitayani, kabèḥ para putraniṅwaŋ, iṅsun wĕdi iŋ hyaŋ widdhi, yèn miliha putraniṅwaŋ, yèn kiranira tan adil.

9. kaŋ dadi pitayaniṅsun, aṅrèḥ nagri malébari, mbésuk iŋ sapuṅkuriṅwaŋ, amuŋ si kasanaḥ patiḥ, iku ta iṅsun pitaya, gumantiya jĕnĕṅmami.

10. karana iku wus putus, baraŋ babiŋ dalil kadis, ṅabid ḍasar bèr budiman, wiwéka iṅĕriŋ nagri, cakĕp sabaraŋ dèn ucap, atas iŋ tata atiti.

11. iku kaŋ maṅka panuntun, maraŋ anak putumami, iŋ paṅgawé kaŋ utama, aṅluluri ratu baṅil, iṅsun pracaya iŋ sukṣma, jumĕnĕṅé anakmami.

12. sĕḍĕŋ iku sarwa putus, baraŋ rèḥ woŋ dadi aji, sawusé raja kasanaḥ, anakiṅsun iṅkaŋ dadi, ya ratu ratu kaŋ mulya, tulat kasanaḥ narpati.

13. karana aja na masgul, iya iŋ sapuṅkurmami, payo sira timbalana, si patiḥ kasanaḥ aglis, sapraptanirèŋ ṅajĕṅan, saŋ nata ṅandika aris.

14. èḥ kasanaḥ jĕnĕṅiṅsun, kaya mèḥ prapta iŋ jañji, sapa wruha kukumolaḥ, sira sunpasrahi nagri, dadiya gĕgĕntiniṅwaŋ, aṅrèḥ para wajir wajir.

15. patiḥ kasanaḥ umatur, ya tuwan śri narapati, pundi paréntaḥ kaŋ mulya, sukur alkamdulillahi, punika sah‍èstu tuwan, apan kamulyan iŋ wiṅkiŋ.

16. anulya bubaran mĕtu, para wajir wajir ṅiriŋ, maraŋ kya patiḥ kasanaḥ, praptèŋ wismanira sami, apatiḥ maṅguŋ munajat, iŋ widdhi datan alali.

17. antara saŋ nata surut, muliḥ mriŋ rakhmatullahi, para wajir samya marak, mriŋ patiḥ kasanaḥ aglis, iṅiriŋ masuk mriŋ pura, wus jumĕnĕŋ narapati.

18. iŋ malébari jujuluk, ṅapiyaḥ sultan salikin, mustajab pandoṅanira, iŋ sukṣma sabĕn miyosi, salat jumuwaḥ atarab, pĕkir miṣkin nèŋ surambi.

19. ṅaḍaŋ wiyosé saŋ prabhu, myaŋ kaŋ samya naṇḍaŋ sakit, aglar anèŋ palataran, yèn sampun bakda saŋ aji, nĕmoni wadya kaŋ lara, miwaḥ iṅkaŋ para miṣkin.

20. sadaya sami anuwun, sawab bĕrkaté saŋ aji, nuli ndĕdoṅa mriŋ sukṣma, waluyaniŋ saguŋ dasiḥ, mustajab sadaya waras, baraŋ iṅkaŋ naṇḍaŋ sakit.

21. miwaḥ iṅkaŋ sakit kalbu, luwar sakiŋ siṅkĕl sĕḍiḥ, kaŋ mĕlarat kacukupan, sakiŋ murahé saŋ aji, tan ana woŋ duka cipta, gĕŋ alit suka iŋ ati.

22. sabĕn jumuwaḥ saŋ prabhu, miyos salat mariŋ maśjid, aṅgagañjar woŋ kasiyan, pĕkir miṣkin para laṅip, maṅkana iŋ lama lama, mashur iŋ liyan nagari.

23. maṅkana iṅkaŋ winuwus, prapta adiliŋ hyaŋ widdhi, kaŋ paḍa gawé kiyanat, maraŋ mbok kasanaḥ ḍiṅin, sadaya anaṇḍaŋ lara, nora jamak jamak jalmi.

24. ana déné lakinipun, ki suhul pan lagi prapti, dèn nira luṅa adagaŋ, wus lawas onĕṅiŋ ati, kusuŋ kusuŋ ñjujug wisma, wismané kapaṅgiḥ sĕpi.

25. muŋ saduluré aluṅguḥ, ḍéwé tur anaṇḍaŋ sakit, bañjur mriŋ paturonira, rabiné nora kapaṅgiḥ, atakon mriŋ arinira, kakaṅira ana ṅĕndi.

26. lan kĕna ṅapa sirèku, mĕṛĕm nétranira kaliḥ, cikĕr karo taṅanira, kĕna ṅapa iku yayi, sahuré asmu karuna, wus takdiré awakmami.

27. ḍuḥ kakaŋ saduluriṅsun, aja atakon iŋ rabi, si kakaŋ uga woŋ ala, wus mati kukumiŋ adil, ajina maraŋ woŋ lanaŋ, ki suhul ñjĕṅĕr tan aṅliŋ.

28. tan wruḥ tibané kaŋ ĕluḥ, asĕṛĕt dèn nira aṅliŋ, iŋ ĕndi ṅgonné amĕtak, jisimé kakaṅirèki, ki kasut sumahur sugal, sampun pinaṅan iŋ añjiŋ.

29. kalaṅkuŋ bunĕkiŋ kalbu, ki suhul mèḥ tanpa budi, tinilar iŋ rabinira, ariné anaṇḍaŋ sakit, tan jamak jamak manuṅsa, ki suhul amuwus aris.

30. yayi tambakna laramu, iṅsun iṅkaŋ ambéyani, nadyan tĕka pira pira, artaku yèn sira mari, aréwaŋ sun ṛĕṛĕmbugan, aja wèt naṇḍaŋ prihatin.

31. nulya aṅundaŋ ḍuḍukun, tatamba awarṇi warṇi, tan ana kaŋ marasĕna, yata na ḍukun sawiji, mriŋ ki suhul awawarta, sadulur ndika pribadi.

32. olèha satus ḍuḍukun, nora waras iŋ jajampi, luwuŋ ndika gawa séba, mriŋ sultan iŋ malébari, doṅané laṅkuŋ mustajab, sultan añar malébari.

33. duk arṣa késaḥ ki suhul, maṛĕk iŋ śri narapati, woŋ papat paḍa miyarṣa, ḍiṅin paḍa dadi sakṣi, anaṇḍaŋ lara cintraka, tan waras déniŋ jajampi.

34. kapat pisan samya nunut, séba maraŋ malébari, saṛĕŋ maṅkat anèŋ marga, moṇḍok wismaniŋ baduwi, kaŋ mupu wadon kasanaḥ, duk mĕntas karañjam ḍiṅin.

35. sawusnya paḍa sinuguḥ, ki badwi tatakon aris, kisanak sanak sadaya, sami arṣa ḍatĕŋ pundi, ambĕkta titiyaŋ lara, ki suhul aris nahuri.

36. baḍé maṛĕk iŋ saŋ prabhu, salikin iŋ malébari, anunuwun sawab doṅa, wontĕna apurèŋ widdhi, mriŋ sanak kula punika, kaŋ sami anaṇḍaŋ sakit.

37. badwi mojar kula nunut, mbĕkta bocaḥ kula sakit, tan saras déniŋ jajampya, nulya saṛĕŋ maṅkat sakiŋ, wismaniŋ badwi nèŋ marga, arèrèn ana woŋ prapti.

38. ginéṇḍoŋ larané lumpuḥ, woŋ iṅkaŋ sinulaḥ ḍiṅin, tinĕbus iŋ mbok kasanaḥ, dumadak maṅké kapaṅgiḥ, lan kahipé mbok kasanaḥ, babaṛĕṅan anèŋ margi.

39. wahu ta réñcaŋnya luṅguḥ, kaŋ samya myarṣa critaniŋ, ṅulama ñahi atikaḥ, laṅkuŋ ḷĕga sukèŋ ṅati, ṅucap sukur paḍa tampa, babĕndunira hyaŋ widdhi.

40. sakirané yèn kapaṅguḥ, lawan ñjĕŋ sultan salikin, tĕmtu kawĕlèḥ sadaya, bok aja karṣa nambani, dimèn paḍa modar pisan, ñi atikaḥ crita aglis.

41. tuṅgal kaṛĕpé kadyèku, maṛĕg iŋ sultan salikin, sapraptanira iŋ praja, samya ñjujug iŋ surambi, anuju dina jumuwaḥ, nut tataniŋ kaŋ wus uniŋ.

42. bakda jumuwaḥ saŋ prabhu, miyos pinarak surambi, nĕmoni umatiŋ sukṣma, kaŋ paḍa anaṇḍaŋ sakit, pan sabĕn sabĕn maṅkana, aṅgĕgañjar wadya alit.

43. saŋ nata awas andulu, mriŋ lakiné nora paṅliŋ, lan woŋ kaŋ gawé kiyanat, kabèḥ prapta paḍa sakit, matur juragan manĕmbaḥ, ya tuwanku śri bhupati.

44. kaŋ asiḥ wĕlas mriŋ wadu, amba anuwun mriŋ gusti, tuwan suwunna apura, iŋ sukṣma kaŋ mahasukci, iṅgiḥ sadulur kawula, punika kaŋ naṇḍaŋ sakit.

45. aṅsala apuranipun, sirṇaa iṅkaŋ sasakit, ṅandika sultan ṅapiyaḥ, insya allaḥ yèn maṛĕṅi, iya karṣané hyaŋ sukṣma, bésuk iŋ jumuwaḥ maniŋ.

46. sira paḍa maṛĕk waṅsul, pĕpĕka anèŋ iŋ ṅriki, iṅsun doṅakakĕn iŋ hyaŋ, laḥ nĕḍa bubaran ḍiṅin, pĕṇḍak jumuwaḥ wus prapta, samya sahos nèŋ sarambi.

47. ṅaḍaŋ miyosé saŋ prabhu, sultan ṅapiyaḥ wus mijil, miyosé salat jumuwaḥ, wus bakda luṅgwèŋ surambi, sakèhé kaŋ duwé kajat, samya majĕŋ awotsari.

48. miwaḥ iṅkaŋ ñuwun tuluŋ, sudagar suhul gya aglis, matur tuwan saḥ iŋ alam, mugi suwunna tumuli, mulyané sadulur amba, antuké apurèŋ widdhi.

49. aris ṅandika saŋ prabhu, èḥ punapa ndika asiḥ, kiraka mriŋ kadaŋ ndika, ki juragan matur aris, kalaṅkuŋ asiḥ kawula, mila maṛĕk paduka ji.

50. sakiŋ wĕlas mriŋ sadulur, saŋ nata ṅandika wadi, ṅgiḥ ndikasasiḥ mriŋ kadaŋ, ṅiŋ kadaŋ ndika tan asiḥ, kiraka maraŋ andika, agawé srĕkarèŋ ṅati.

147. ḍaṇḍaŋgula

1. aṅandika maliḥ mriŋ kaŋ sakit, saduluré juragan kasanaḥ, wruhanira satuhuné, hyaŋ sukṣma iṅkaŋ aguŋ, iya nora anĕmbadani, maraŋ pandoṅaniṅwaŋ, yèn sira tan tutur, purwanira kĕna lara, yèn sira wus tutur kaŋ bĕnĕr mriŋ mami, iṅsun matur mriŋ sukṣma.

2. sunsuwunkĕn apurèŋ hyaŋ widdhi, maraŋ sira supaya olèha, aja pijĕr mĕnĕŋ bah‍é, ki sudagar amuwus, laḥ matura iŋ śri bhupati, aḍi iṅkaŋ balaka, kaŋ lara umatur, kula tan sagĕt matura, mriŋ saŋ nata saṅĕt gumĕtĕriŋ ati, mariŋ ndika kéwala.

3. ṅandika saŋ nata iya bĕcik, sira tutur maraŋ kadaṅira, iya tan ana bédané, kaŋ lara nulya matur, satuhuné sukṣma apariŋ, musibat iŋ kawula, punika witipun, ṅgiḥ sakiŋ rayi andika, mbok kasanaḥ kala ndika tilar anis, kula aṅrĕkṣèŋ wuntat.

4. iṅgiḥ kula ṛĕkṣa sakiŋ ñjawi, nuju kula cĕluk sakiŋ lawaŋ, daṅu tan ana sahuré, marasé manahiṅsun, mbok ginawa iŋ woŋ anilip, iṅsun añjog buritan, si kakaŋ katĕmu, adus pan sarwi wuwuda, wus dilalaḥ iŋ manaḥ kagoḍèŋ éblis, saṅĕt kula kasmaran.

5. nora kĕna kulamujadahi, manahkula naṅiŋ mbok kasanaḥ, kaliwat liwat lumuhé, sunwiyoga tan kéguḥ, saṅĕt sakit rasaniŋ ati, sakiŋ awonkawula, sun priḥ pĕjahipun, mila tumĕka iŋ rañjam, sakiŋ kula matur kukum tuhu sakṣi, jaṅkĕp sakṣi sakawan.

6. puniku kakaŋ purwané ṅuni, aguŋ dosa kawula iŋ sukṣma, sinuŋ cilaka maṅkéné, duk amirṣa saŋ prabhu, sahujaré krĕntĕgiŋ galiḥ, sokur alkamdulillaḥ, ki sudagar matur, laḥ punika śri naréndra, dosanipun sadulurkula iŋ widdhi, wus kawuniṅan tuwan.

7. nuntĕn suwunna apurèŋ widdhi, supaya waras pandoṅa tuwan, aṅsala sawab barkaté, nulya ṅadĕg saŋ prabhu, andodoṅa [iŋ maha sukci, kaya sabĕné adat, doṅané jinuruŋ, déniŋ hyaŋ iṅkaŋ alara, pan waluya sakala sudagar uniŋ, yèn ariné waluya.

8. sakiŋ pandoṅané śri bhupati, ki sudagar ṅaturakĕn arta, iŋ saŋ nata kèḥ bĕktiné, aṅandika saŋ prabhu, iṅsun nora krana artèki, amuŋ karana allaḥ, sadaya pan waṅsul, artanira ki sudagar, lan dèn jaluk apuranira mriŋ ari, sawusira maṅkana.

9. nulya woŋ papat matur ṅabĕkti, ya tuwanku mugi ta wontĕna, pituluŋ anĕḍakaké, apuranira hyaŋ aguŋ, mriŋ kawula mariya sakit, sakiŋ pandoṅa tuwan, ṅandika saŋ prabhu, kayapa pratiṅkahira, nulya matur woŋ papat saha wotsari, ya tuwan saḥ iŋ alam.

10. pratiṅkaḥ kaŋ kawulalampahi, iṅgiḥ awon awonniŋ pratiṅkaḥ, saŋ nata paṅandikané, laḥ ya ucapna gupuḥ, sakèḥ halatira iŋ widdhi, supaya sun bisaa, matur iŋ hyaŋ aguŋ, anuwunakĕn apura, maraŋ sira olèha apurèŋ widdhi, woŋ papat saṛĕŋ ṅucap.

11. ḍiṅin kawula kérutiŋ éblis, iṅgiḥ déniŋ mélik arta kaṭaḥ, ginawé sakṣi pĕjahé, mbok kasanaḥ rumuhun, kaŋ rinañjam sayĕktos sami, ujar dora sadaya, malaḥ kula dipun| kèn ambalaŋ ṇḍiṅinana, mriŋ ki kali lawan iṅkaŋ buwaŋ mariŋ, pakuburan kawula.

12. jisimipun mbok kasanaḥ ḍiṅin, saḍatĕŋ kula sakiŋ kuburan, lajĕŋ karahos sakité, tuhu sakit bĕbĕndu, sakiŋ widdhi tan jamak janmi, ya tuwan saḥ iŋ alam, kaŋ kawula suwun, pandoṅa tuwan iŋ sukṣma, kaŋ supaya wontĕna apurèŋ widdhi, ḍatĕŋ badan kawula.

13. nulya ṅadĕg sultan ṅapiyahi, luhuriŋ mimbar ṅaḍĕp iŋ kéblat, sarta añjuñjuŋ astané, pandoṅané jinuruŋ, woŋ sakawan wus paḍa mari, waluya lir iŋ kuna, kyayi badwi matur, ya tuwanku saḥ iŋ alam, amba nuwun pandoṅa kaŋ ambarkahi, mriŋ laṣkar naṇḍaŋ papa.

14. nuwun laṣkar kawula puniki, darbé lara tan jamak manuṅsa, aṅsala paṅapurané, iŋ hyaŋ kaŋ maha luhur, aṅandika sultan salikin, oḥ laṣkar atutura, sapolaḥ tiṅkaḥmu, iṅkaŋ durṣila iŋ sarak, dèn balaka ala bĕcik aja kumbi, ki laṣkar atur nĕmbaḥ.

15. iṅgiḥ kawula kala rumiyin, maraṅgul èstri ayu awasta, mbok kasanaḥ sru lumuhé, kula priḥ pĕjahipun, momoṅané kula patèni, anaké tuwan kula, punika kaŋ lampus, kula sambĕlèḥ iŋ gobaŋ, nèŋ paturon pamuriḥ kula iŋ ṅati, kasanaḥ dèn ukuma.

16. ḍatĕŋ adil lawan ukum pati, mariŋ tuwan kawula wĕkasan, tĕka dipuntuṇḍuŋ bah‍é, nuntĕn sakésahipun, mbok kasanaḥ kawula sakit, kéṅiŋ bĕnduniŋ allaḥ, ṅandika saŋ prabhu, èḥ ki badwi ḷĕṣkarira, apuranĕn dosané aja kok pikir, ñĕmbĕlèḥ anakira.

17. matur nĕmbaḥ sira ki baduwi, iṅgiḥ gusti kawula apura, pun ḷĕṣkar iŋ sadosané, tan antara saŋ prabhu, ṅadĕg ndoṅa laratullahi, ki ḷĕṣkar wus waluya, gya badwi tur atur, arta mriŋ śri maharaja, tan tinampan nulya woŋ sinulaḥ ḍiṅin, kaŋ adol mbok kasanaḥ.

18. lajĕŋ matur nĕmbaḥ iŋ saŋ aji, kawula nuwun pandoṅa tuwan, kaŋ mustajab pituluṅé, aṅandika saŋ prabhu, apa salahira kaŋ dadi, witira kĕna lara, woŋ punika matur, ya tuwanku saḥ iŋ alam, ḍiṅin amba sinulaḥ mèḥ praptèŋ pati, dosa kula kaṅgénan.

19. kaguṅanipun kaŋ darbé nagri, arta kawan atus dinar tĕlas, kula tĕḍa sadaṅuné, anurut ṅuguŋ nĕpsu, duk kasulaḥ kawula gusti, wontĕn kaŋ wlas anama, mbok kasanaḥ nĕbus, iṅgiḥ kawanatus dinar, nuntĕn luwar kawula arṣa maḷĕs siḥ, nututi mbok kasanaḥ.

20. nĕdya maḷĕs kapĕnĕdan sakiŋ, gawok mulat ayuné kaŋ warṇa, pan lajĕŋ kasmaran bah‍é, manaḥ wuyuŋ kalulun, mbok kasanaḥ dahat tan apti, ḍatĕŋ badankawula, praptèŋ piṅgir lahut, kawula damĕl karénaḥ, kawula dol iŋ juragan dipunbĕli, ṅgiḥ kawanatus dinar.

21. ṅiḥ punika dosèṅoŋ mriŋ widdhi, aṅandika ñjĕŋ sultan apiyaḥ, mriŋ ki juragan lakiné, ya mbok kasanaḥ iku, kaŋ dèn ĕdol maraŋ woŋ iki, jawané rabinira, ki juragan matur, ya tuwanku saḥ iŋ alam, iṅgiḥ rabi kawula tur iṅkaŋ dadi, ḍaḍaṅkèliŋ wardaya.

22. sultan ṅapiyaḥ mèsĕm iŋ galiḥ, aṅandika laḥ ndika ṅapura, woŋ puniki kaŋ asadé, rabi ndika kaŋ lampus, matur nĕmbaḥ iṅgiḥ saŋ aji, kabul kaŋ paṅandika, iŋ sadosanipun, iṅgiḥ kawula apura, tuwan doṅakakĕn iŋ kalarad iṅgiḥ, aṅsala barkat tuwan.

23. pintĕn pintĕn ṅamal paduka ji, sampun taṅgĕl tuluŋ tyas kiyamat, maṅka tuwan iṅgahaké, iŋ manaḥ kaŋ rahayu, nulya doṅa sultan salikin, kaya kaŋ wus kalakyan, waluya kaŋ lumpuḥ, sawusira paḍa mulya, ki juragan kasanaḥ matur ṅabĕkti, ya gusti saḥ iŋ alam.

24. sampun taṅgĕl tutuluŋ kaswasiḥ, tuwan tĕḍakakĕn déniŋ sukṣma, rabikawula paṅgiyé, lawan rarahinipun, rabi kula mbok kasanahi, sakiŋ suhuliŋ manaḥ, mèsĕm saŋ aprabhu, aris dèn nira ṅandika, èḥ kiraka napa pakĕnira asiḥ, mriŋ rabinta kasanaḥ.

25. tĕka tumuṅkul atutup rahi, ki juragan kasanaḥ sru méraŋ, katon tibané ĕluhé, nèŋ ṅarṣané saŋ prabhu, paṅrasané dipunèsĕmi, nulya sami pamitan, sawusira sujud, iŋ ṅarṣa nata ṅandika, ya bismilaḥ ki raka kariya ḍiṅin, wontĕn kajatmanira.

26. manawa iṅsun bisa muwuhi, awèḥ ḷĕga manahpakĕnira, nulya paḍa muliḥ kabèḥ, muŋ ki juragan kantun, ṅanti karṣanira saŋ aji, sawusira ṅgĕgañjar, mriŋ pĕkir gya kundur, mriŋ pura lan ki juragan, kasanaḥ binĕkta mañjiŋ jroniŋ puri, panaripurṇèŋ wastra.

27. iṅupasuba kaŋ aṅladèni, para èstri yu ayu sadaya, wusiŋ ṅajak jajar liṅgèḥ, juragan lan saŋ prabhu, ki juragan tansaḥ amikir, kaya karṣa nata, tan kaduga iṅsun, iṅajak mriŋ prabayasa, ki juragan saya ajriḥ pinakṣa mriŋ, śri nata aṅandika.

28. èḥ kiraka napa ndika uniŋ, mariŋ rabi ndika mbok kasanaḥ, ki juragan lon aturé, ya tuwanku saŋ prabhu, rabiamba pan sampun mati, karañjam sampun lama, iṅgiḥ pĕjahipun, aturé bañjur karuna, ki juragan saya kagagas iŋ ati, saŋ nata aṅandika.

29. é, ya sakaṭaḥ kaṭahiŋ puji, kaguṅanira kaŋ maha mulya, kaŋ pariŋ laki dasihé, maṅka pinisahiṅsun, lawan laki satuhunèki, iṅsun kaguṅaniŋ hyaŋ, abali wakiṅsun, ya mariŋ paṅéraniṅwaŋ, tan antara sultan apiyaḥ mbuwaṅi, bhuṣaṇaniŋ karajan.

30. nulya ṅaṅgo bhuṣaṇaniŋ putri, katon mañcur ṅuṅuwuŋ cahyanya, kalaṅkuŋ ayu warṇané, ki juragan andulu, iŋ warṇané śri narapati, myaŋ kah‍élokanira, lan kadadènipun, ki juragan datan samar, lamun iya saŋ nata rabiné ṅuni, kaŋ aran mbok kasanaḥ.

31. nulya sujud iŋ hyaŋ maha sukci, sanalika sujud nulya ṅucap, èḥ saŋ nata satuhuné, paduka rabiulun, maṅka sahurira kaŋ rayi, iṅgiḥ yakin hyaŋ sukṣma, nĕmbadani kayun, andika lan aṅsuŋ miraḥ, maṅgihakĕn andika kalawan mami, dèn aguŋ apuranta.

32. ki juragan agé arṣa ñaṇḍiŋ, maraŋ rabiné aris turira, ḍuḥ kiyayi maṅké maṅké, dèn asabar iŋ kayun, kula arṣa salat rumiyin, iṅgiḥ kaliḥ ṛĕkaṅat, nulya toya wulu, asalat kaliḥ ṛĕkaṅat, sarta ulun éklasé iŋ daḷĕm ṅati, sawusira asalat.

33. nulya sujud matur iŋ hyaŋ widdhi, ya paṅéran tuwan muṇḍut uga, ñawa kawula samaṅké, aṇḍiṅinana mantuk, iŋ karahmattulaḥ ilahi, maṅkana sinĕmbadan, sédanya saŋ prabhu, iŋ sajroniŋ sujudira, ki juragan tan wruḥ yèn rabiné mati, dupi praptèŋ antara.

34. ki juragan tĕka amarani, iŋ prĕnahé rabiné asalat, dupi kawaspadakaké, yèn palastra saŋ prabhu, muliḥ maraŋ rahmatullahi, éram iŋ kodrattulaḥ, ki juragan ṅuṅun, bañjur añjĕlèḥ karuna, pan gumuruḥ kabèḥ woŋ jro pura naṅis, kapyarṣa sakiŋ ñjaba.

34. kasambĕt cariyos bab dara murtasiyaḥ, déniŋ ramanipun kyayi akbar, baḍé kajoḍokakĕn kalihan sèḥ ṅarip, botĕn purun. ramanipun lajĕŋ ṅdoṅèṅakĕn lalampahan warṇi warṇi minaṅka tulaḍa : cariyosipun tiyaŋ laki rabi iṅkaŋ kacobi kasĕtyanipun déniŋ nabi suléman. iṅkaŋ jaḷĕr kapuriḥ mĕjahi bojonipun. manawi kalampahan baḍé kagañjar sakalaṅkuŋ agĕŋ. wĕkasan botĕn kalampahan, jalaran botĕn tĕgĕl. iṅkaŋ èstri gĕntos katimbalan kapuriḥ mĕjahi bojonipun.

manawi kalampahan, baḍé kadadosakĕn pramèswari. tĕgĕl naṅiŋ pĕḍaŋ iṅkaŋ dipunpariṅakĕn mléndo, jĕr sanès sañjata sah‍èstu. wĕkasan sami taṅisan.

35. para wajir wajir mañjiŋ puri, myaŋ puṅgawa gagĕtun sadaya, déné tan mirṣa gĕrahé, myaŋ para wadya kahum, samya mariŋ pura ñirami, layoné ratunira, kinapas wastra lus, jinĕbat kasturi ṅambar, wus sinalatkĕn dèn aṅkat umañjiŋ, kubur rinaja raja.

36. gumĕr para kahum maca takbir, tahdalil lahmir sarta sidĕkaḥ, arta pira pira kèhé, sawusira kinubur, nulya para wajiriŋ nagri, pakumpulan aṅaṅkat, raja putranipun, ratu kaŋ séda ginantyan, déniŋ sultan apiyaḥ maṅkya dadya ji, iṅaṅkat woŋ sapraja.

37. ki juragan kasanaḥ tan muliḥ, pan atuṅgu anèŋ pakuburan, pinañci saṇḍaŋ paṅané, maraŋ kaŋ madĕg prabhu, datan giṅgaŋ sah‍éṅga mati, ki juragan kasanaḥ, ṅgènnya tuṅgu kubur, nasikatun tĕgĕsira, laḥ ta iki pitutur yogya pawèstri, paḍa ṅalapa ansap.

38. lawan paḍa mirṣakĕna ugi, iŋ pitutur hikayat punika, krana iku nĕguhaké, aṅgĕp mriŋ lakinipun, éliŋ éliŋ woŋ laki rabi, kaŋ tĕtĕp adilira, yèn muṅguḥ woŋ kakuŋ, déné yèn muṅguḥ wanodya, aṛĕp tĕtĕp bĕktiné maraŋ iŋ laki, aja na sumrambana.

148. pocuŋ

1. ñi atikaḥ kèndĕl dèn nira amucuŋ, sajroniŋ carita, pra pawèstri kaŋ miyarṣi, kaṭaḥ ñjombloŋ myaŋ paṅantèn datan néndra.

2. kyayi amoŋ tamu ṅañcarani gupuḥ, sumaṅga punika, wédaŋ ḍaharan sinambi, ñi atikaḥ lawan para tamu ataṅgap.

3. ṅinum wédaŋ ḍahar sakapaṛĕṅipun, kaŋ samya kaṛĕnan, matur rèhné dèrèŋ liṅsir, takṣiḥ sontĕn mugi ta amaṛĕṅĕna.

4. amĕḍarkĕn cariyos sawontĕnipun, cagakiŋ ḷĕṅgahan, tuṅgil kinarya palupi, utaminé paḍèstri winĕṅku priya.

5. ñi atikaḥ pinudyèŋ tyas ṅandika rum, laḥ ana paṇḍita, ḍépok wukir wanasari, saka ṅatasaṅin kakasiḥ sèḥ akbar.

6. garwa éndaḥ siti supiyaḥ jujuluk, samya maṅuntapa, tĕtĕp suhulirèŋ widdhi, wanasĕkar dumadya wanaraharja.

7. saŋ awiku darbé putra èstri ayu, cahya nukṣmèŋ wulan, ramébu kalaṅkuŋ asiḥ, sinuŋ aran siti dara murtasiyaḥ.

8. diwasanya asru braṅti mriŋ hyaŋ aguŋ, kĕñcĕŋ kaŋ ṅibadaḥ, ndarus kur'an siyaŋ ratri, adi péni datan ana kaŋ winada.

9. kasubiṅrat kèḥ kaŋ ṅĕbun ĕbun ésuk, tan ana tinampan, kasĕṅsĕm bĕkti iŋ widdhi, lawas lawas ana sayid traḥ minulya.

10. mĕṇḍĕm kula kasrakat lir pakir èstu, sèḥ ṅarip panĕṅran, lalana saṅkaniŋ alit, myarṣa warta lamun ḍukuḥ wanasĕkar.

11. kartaharja kaṅgonan janma linuhuŋ, myaŋ darbé atmaja, wanudya ayu linuwiḥ, srĕṅiŋ karṣa tandya mariŋ wanasĕkar.

12. nuju ari jumuwaḥ ñjujug iŋ tajug, jĕjĕl kaŋ asalat, ṅantya mbalèbèr mriŋ srambi, garwanipun sèḥ akbar lan putranira.

13. samya makmum nèŋ pawèstrèn sakloripun, panti paṅimbaran, wusnya sunat jumṅaḥ nuli, ki sèḥ ṅarip miṅgaḥ mimbar maca kutbaḥ.

14. swara arum gĕtas ṛĕñaḥ ṅañut añut, kutbaḥ walisana, wigña iŋ kir'at patitis, laḥ kocapa sira dara mutasilaḥ.

15. myarṣa kutbaḥ kawawaŋ wiṅitiŋ kalbu, roṅèḥ dèn nya ḷĕṅgaḥ, baya wus takdiriŋ widdhi, ki sèḥ ṅarip joḍo lawan murtasiyaḥ.

16. saŋ dyaḥ ayu kataman asmara gandruŋ, sru sabil iŋ nala, panuwunira iŋ widdhi, ywa kawiyak dèn nya kataman wiyoga.

17. sabakdaniŋ jumuwaḥ pra èstri mantuk, dara murtasiyaḥ, sĕmpoyoṅan lampahnèki, ciptaniŋ tyas aywa ṅanti u uniṅaa.

18. mriŋ kaŋ kutbaḥ dilalaḥ sèḥ ṅarip uwus, nèŋ srambi umiyat, maraŋ kaŋ lagya lumaris, ciptèŋ nala baya kah‍é atmajanya.

19. kyayi wisma satuhu lamun linaṅkuŋ, iba sunwĕruha, saka ṅaṛĕp baya gumbiŋ, ki sèḥ ṅarip uga sru naṇḍaŋ kasmaran.

20. sawusipun bakda salat saŋ paluṅguḥ, nulya sasalaman, lawan sakèhé pra santri, ki sèḥ ṅarip tur salam kèri priyaṅga.

21. kalihipun samya kacaryaniŋ kalbu, sawusiŋ salaman, sèḥ akbar tatanya aris, kaliṅané kaŋ kutbaḥ wahu kisanak.

22. rèḥ anĕmbé kawuryan nèŋ dunuŋ ulun, kula nilakrama, ki bagus iṅkaŋ wawaṅi, lan pinaṅka tuwin kaŋ sinĕdyèŋ karṣa.

23. nĕmbaḥ matur sakiŋ tahib asalulun, sèḥ ṅarib wastamba, lalana saṅkaniŋ alit, kawlasarṣa tinilar iŋ yayaḥ réna.

24. krĕdyatiŋ tyas muŋ arṣa takabul ṅèlmu, kalunta kasrakat, ṭĕriŋ tyas mriŋ wanasari, mbotĕn laṅkuŋ sĕdyèṅulun ṅèstu pada.

25. ki sèḥ akbar kalaṅkuŋ ṛĕsĕpiŋ kalbu, binĕkta mriŋ wisma, nèŋ laṅgar dèn nya maṅgihi, animbali iŋ garwa wus praptèŋ laṅgar.

26. sinuṅan wruḥ kaliyé wus ṅaṅgĕp sunu, sèḥ akbar kalawan, rubiyahira trĕṣṇa siḥ, tan cinatur laminya wus mañjiŋ wisma.

27. sakèḥ kawruḥ agal alus wus kacakup, myaŋ sinuṅan wikan, adarbé kadaŋ pawèstri, yèn sĕmbada sèḥ ṅarip kinèn aṅgarwa.

28. tan ḷĕṅgana gya rubiyaḥ sinuṅan wruḥ, ndadak tata tata, bakal ḍahupé kaŋ siwi, iṅkaŋ ibu amaṅgihi murtasiyaḥ.

29. amĕḍarkĕn iŋ karṣané ramanipun, mopo aturira, duruŋ niyat loka laki, rinaṛĕsiḥ iṅimur mriḥ ḍaṅanira.

30. wus miturut winantu sakèḥ pitutur, utamaniŋ krama, sèḥ akbar nut mituruti, lan carita dadiya tĕpa tulaḍa.

31. duk ñjĕŋ nabi suléman mĕṅku kĕprabhon, ñatakaké watak, iŋ woŋ lanaŋ lawan èstri, gya utusan nimbali woŋ lanaŋ lagya.

32. siḥ sinihan kalawan iŋ rabinipun, kaŋ lanaŋ jĕṇṭara, kaŋ wadon ala tur bĕṅis, ḷĕṅus lanas wus kakaliḥ awĕwĕka.

33. praptèŋ ṅayun ñjĕŋ nabi ṅandika arum, pantèn milanira, pakĕnira suntimbali, awit iṅsun liwat siḥ trĕṣṇa iŋ sira.

34. muŋ kapalaŋ sira siḥ trĕṣṇa satuhu, maraŋ rabinira, kalamun kolu matèni, sun pariṅi ijol putri ayu éndaḥ.

35. lan sun juñjuŋ dadya paṅran dipatya nuŋ, woŋ lanaŋ turira, saguḥ lan sukaniŋ ṅati, pinariṅan pĕḍaŋ laṇḍĕpé kalintaŋ.

36. sigra mundur lawan ñaṅkiŋ pĕḍaṅipun, sapraptaniŋ wisma, rabiné kapaṅgiḥ guliŋ, ana ṅambèn aṅĕloni anakira.

37. kaŋ pasuson nèŋ ḍaḍa sapiyanipun, kaprĕnaḥ nèŋ kanan, woŋ lanaŋ dupi udani, tyasnya kĕju ñjĕtuŋ kaduwuŋ ṅrĕs wĕlas.

38. dèn nya saguḥ matèni iŋ rabinipun, anak kaŋ sapiyan, rinaṅkul lan dèn taṅisi, bojo anak kabèḥ kapati anéndra.

39. nulya waṅsul pĕḍaŋ cinaṅkiŋ rawat luḥ, praptèŋ byantaréndra, ṅaturakĕn pati urip, datan tĕgĕl solahé katur sadaya.

40. kaṅjĕŋ nabi suléman suka kalaṅkuŋ, sarwi aṅandika, tutugna ṅgonnira asiḥ, iṅsun gañjar barana bhuṣaṇa arta.

149. mijil

1. mijil ṅgawa gañjaran narpati, sukur iŋ hyaŋ manon, antara tri ari śri pamasé, gantya iṅkaŋ wadon dèn timbali, prapta byantara ji, saŋ nata liŋnya rum.

2. ḍuḥ mbok ṅantèn jantuṅiŋ tyasmami, wodiŋ driyaniṅoŋ, iṅsun liwat kasmaran yĕktiné, maraŋ sira woŋ manis mrakati, kuciwané isiḥ, winĕṅku iŋ kakuŋ.

3. lamun sira kaduga matèni, mriŋ lakimu ḍénok, paṣṭi iṅsun puṇḍut garwa aṅgèr, amaṅkoni kĕño jro puradi, sun pasraḥ sirèki, ñèṭiya mariṅsun.

4. bok rubiyaḥ dupi amiyarṣi, paṅandika katoŋ, anaṛĕṭĕk trĕñuḥ iŋ driyané, ñipta sèwu guŋ nugrahèŋ widdhi, bakal dadi padmi, tuṅguliŋ para rum.

5. sanalika sĕḍĕŋ ciptèŋ laki, nĕmbaḥ matur sagoḥ, amĕjahi maraŋ iŋ lakiné, lawan sasar ywa kawuryan janmi, malaḥ aprayogi, kaliḥ wĕkanipun.

6. pinĕjahan ywa taṅguŋ iŋ kardi, suka saŋ akatoŋ, daṅu paran tiṅkahira nikèn, amatèni laki lawan siwi, nuwun iṅgiḥ gusti, linĕbĕtan racun.

7. ñjĕŋ suléman malbèŋ daḷĕm puri, muṇḍut pĕḍaŋ kahot, ḍasar timaḥ sinaṅliŋ mañcèrèt, uḷĕs bludru wus miyos cinaṅkiŋ, ṅandika mriŋ èstri, kasuwèn rinacun.

8. pĕḍaŋ iki tamakna tumuli, mriŋ lakimu ḍénok, paṣṭi nora miṇḍoni gawéné, anèŋ marga poma ywa katarik, rubiyaḥ nampèni, pĕḍaŋ nĕmbaḥ mundur.

9. gagañcaṅan dèn nira lumaris, saŋ aprabhu ṅoḍol, pra paṇḍita sapuluḥ kaŋ ṇḍèrèk, mbok rubiyaḥ sapraptaniŋ panti, lakiné aguliŋ, ṅĕloni dwi sunu.

10. ṅadĕg anèŋ kériṅé kaŋ laki, narik pĕḍaŋ gupoḥ, mbaḷĕṛĕṅi gumĕbyar jwalané, ciptaniŋ tyas nora miṇḍo kardi, katiga babar ji, tinamakkĕn gupuḥ.

11. wus tumiba bojo ñjola taṅi, pĕḍaŋ timaḥ mléndo, mbok rubiyaḥ asru gagĕtuné, sinuŋ éliŋ ṅruṅkĕbi mriŋ laki, sasambat mlasasiḥ, sraḥ tobat ṇḍaruḍut.

12. kaṅjĕŋ nabi sru gujĕṅirèki, aṅandika alon, mriŋ pra ṛĕṣi laḥ niku rupané, tyasé wadon rupĕg rupak budi, dadiya palupi, iŋ tyas ywa kalimput.

13. saŋ dyaḥ murtasiyaḥ duk miyarṣi, luhira drĕs miyos, tyas maṅikis nĕḍèŋ paṅérané, aywa ṅanti kataman kadyèki, tumuṅkul mrakati, aṅusapi ĕluḥ.

14. ki sèḥ akbar aṅandika maliḥ, babo putraniṅoŋ, wus mutamat mariŋ paṇḍita kèḥ, anĕtĕpi kaya kaṅjĕŋ nabi, yèn woŋ wadon nini, tyasé nora jujur.

15. éwa maṅkono pan akèḥ déniŋ, titahiŋ hyaŋ manon, paṣṭi ana kaŋ bĕcik atiné, pahitané tan lyan bĕkti laki, kaya ta kaŋ uwis, wulaṅé ibumu.

16. lamun tĕmĕn tĕmĕn dèn tĕtĕpi, maṇṭĕŋ nora béṅkoŋ, iya iku kanugrahan gĕḍé, yèn nĕtĕpi bĕkti maraŋ laki, iŋ dĕlahan maṅgiḥ, kamulyan kaŋ aguŋ.

17. laḥ ta ṛĕké babo ana maniŋ, sayogya linakon, lamun sira samoaniŋ akèḥ, luṅguhira ywa roṅèḥ dèn wiṅit, yèn gumuyu nini, ywa katon gusimu.

18. yèn lumaku ṛĕké aywa ciñciŋ, tumindak dèn alon, lan maniṅé aywa nolèḥ nolèḥ, aywa rarasan turutiŋ margi, lan ywa ṅatarani, ṅgènta olaḥ laku.

19. duk ṅalamé ñjĕŋ nayakèŋ bhumi, nitahkĕn hyaŋ manon, mriŋ woŋ wadon sawiji aranné, mbok aklimaḥ pan kinarya sukci, mriŋ kaŋ murbèŋ bhumi, pan sinama wahu.

35. cariyos lalampahanipun siti aklimaḥ iṅkaŋ kasiya siya lan pinisakit déniŋ bojonipun ṅabdulaḥ iṅkaŋ sampun sĕpuḥ tur sakit sakitan jalaran sakiŋ butaṛĕpanipun. manawi késaḥ kontĕn dipunkuñci, palataranipun dipunwur wuri wĕḍi sah‍éṅga manawi wontĕn tiyaŋ iṅkaŋ mlĕbĕt katiṅal tilasipun. rawuhipun siti patimaḥ putrinipun rasululloḥ prĕlu tuwi siti aklimaḥ iṅkaŋ mĕmĕlas saṅĕt, damĕl nĕpsunipun iṅkaŋ jaḷĕr. aklimaḥ dipuṅĕbagi ṅantos satĕṅaḥ pĕjaḥ. wasana èstri iṅkaŋ sĕtya wahu kapuṇḍut déniŋ paṅéran kapapanakĕn iŋ swarga. bojonipun kasikṣa iŋ naraka, éwadéné iṅkaŋ èstri botĕn téga, lajĕŋ kasuwun ḍatĕŋ gusti allaḥ sagĕda sasaṛĕṅan wontĕn iŋ swarga.

20. iya maraŋ para nabi nabi, hyaŋ sukṣma dèn nya moŋ, saluhuriŋ para wali ṅgènné, paṅĕla ĕlanira hyaŋ widdhi, malaḥ mèḥ sinami, lan putra ñjĕŋ rasul.

21. ginañjar iŋ warṇa ayu ṅruṅiḥ, cahyanya mañcoroŋ, lir basanta purṇama kĕñaré, jinoḍokkĕn lan woŋ kaki kaki, wuṅkuk kuwu naṅiŋ, sugiyé kalaṅkuŋ.

22. mata bèlèk guḍigĕn tur mĕṅi, untuné mèḥ gogrog, ṛĕṅkak ṛĕṅkik mbĕsisik awaké, kĕṛĕp mara taṅan ḷĕṅus bĕṅis, mriŋ kaŋ wadon luwiḥ, butaṛĕpanipun.

23. yèn kaŋ wadon gumuyu tan ririḥ, untu koṅsi katon, miwaḥ tĕlak paṣṭi lamun gĕḍé, ukumira tan lyan sakiŋ rahi, kaŋ dèn saḷĕṇṭiki, kapiŋ tĕluṅpuluḥ.

24. yèn ṅladèkkĕn ḍahar nuju laki, ñèlèhkĕn tan alon, koṅsi kocak nèŋ tuwuŋ jaṅané, jaṅan nuli siniratkĕn rahi, wuwuḥ dèñcamĕṭi, iya kapiŋ tĕlu.

25. yèn lumaku nèŋ latar kasliriŋ, kéntol koṅsi katon, kaŋ dèn ukum ya karo sikilé, pan binantiŋ kupiŋ dèn slĕṇṭiki, yèn kaŋ lanaŋ lagi, ḍayohan koṅsi wruḥ.

26. maraŋ iŋ woŋ lanaŋ lyan sayĕkti, rinahupan lombok, yèn turu kinèn tuṅgu ndaganné, amĕtĕki tuwin aṅĕbuti, lamun duruŋ ṅlilir, nora kĕna mĕtu.

27. maṅka maṅsanira lagi ṅlilir, kaŋ wadon tan katon, nadyan lagi susuci myaŋ sĕné, paṣṭi kĕna ukum gĕŋ pinaṅgiḥ, ginèrèt biniṭi, tinapuk jinantur.

28. awak tatu ṅrĕñcĕm bocaḥ bociḥ, anuli pinopok, uyaḥ asĕm lan jĕruk wrak arèn, suprandéné mantĕp dèn tĕtĕpi, dèn nya bĕktyèŋ laki, tuwa kĕmpoŋ pikun.

29. ṛĕṅkik ṛĕṅkĕk tuwa kuru mĕṅi, cinipta jaka nom, ḷĕṅus kĕṛĕŋ lan mara taṅané, ñipta bagus anèŋ tilamsari, malaḥ kaṅjĕŋ nabi, rasul putranipun.

30. siti patimaḥ arṣa maṅgihi, miyarṣa pawartos, sakiŋ iṅkaŋ rama andikané, kinèn malap sasaṅĕt minta siḥ, mriŋ aklimaḥ déniŋ, sru bĕkti iŋ kakuŋ.

31. dèwi patimaḥ gupuḥ lumaris, siji tan mbĕkta woŋ, muŋ kaŋ paman ṅali ṅatĕraké, mamanuki sakiŋ wuri tĕbiḥ, sapraptanira riŋ, kono nuju suwuŋ.

32. luṅa dagaŋ kaki tuwa naṅiŋ, iṅkaŋ wadon kinon, tuṅgu wisma anèŋ gĕḍoŋ bah‍é, lawaŋ lawaŋ kabèḥ dèn kuñcèni, latarira sarwi, dèn wuri wuri awu.

33. pamrihira yèn wontĕn woŋ prapti, koṅsi lumĕbèŋ jro, paṣṭi lamun katara awaké, samana siti patimaḥ prapti, ṅuwuḥ minta kori, mbok aklimaḥ kruṅu.

34. sapa woṅé kaŋ aminta kori, nora wlas mariṅṅoŋ, ki omaḥ sĕpi ta baliya bah‍é, dèwi patimaḥ alon nahuri, sun kaŋ minta kori, habibolaḥ sunu.

35. ya kaŋ cèṭi sayidina ṅali, patimaḥ wakiṅoŋ, saḍélarṣa paṅgiḥ lan ḍèwèké, wadon aklimaḥ tétéla myarṣi, yèn kaŋ minta kori, atmajèŋ ñjĕŋ rasul.

36. èstri guruniŋ wadon sabhumi, patimaḥ sayĕktos, minulyakĕn déniŋ hyaŋ èstriné, mbok aklimaḥ kéwran tyasirèki, arṣa amaṅgihi, jriḥ dukaniŋ kakuŋ.

37. paṣṭi kĕnèŋ kukum gĕŋ nĕmahi, iŋ satĕmaḥ layon, lamun nora maṅgihana ṛĕké, mriŋ tatamu ajrihé ṅlaṅkuṅi, déné putrèŋ nabi, wĕkasan aṅlalu.

38. nĕmaḥ kĕnèŋ ukumé kaŋ laki, kuñci wus sinorog, kori mĕṅa saŋ ṛĕtna nulya gé, mañjiŋ iŋ jro kagyat aniṅali, mriŋ kaŋ duwé panti, cahyanya sumunu.

39. lir baṅuniŋ kartika myaŋ makṣiḥ, sumĕḍĕŋ yu anom, pantĕs lamun kawĕṅku pamasé, siniwaya anèŋ jroniŋ puri, dadiya rabiniŋ, puṅgawa tan patut.

40. nadyan garwaniŋ para narpati, nora na maṅkono, nèŋ sawarga iku pantĕs ṅgonné, ni aklimaḥ iyéram niṅali, cahyaniŋ kaŋ prapti, lir wulan mabaṅun.

41. sunariŋ wadana aṅglipati, prabané mañcoroŋ, tuhu ratuniŋ èstriṅrat kabèḥ, ratu ratuniŋ ayu sabhumi, aklimaḥ nulya glis, nĕmbaḥ ṅaras suku.

42. naṅiŋ iṅkaŋ sinĕmbaḥ tan apti, saŋ ṛĕtna liŋnya lon, apan sarwi aṅaṇṭi astané, babo aja anĕmbaḥ iŋ kami, pan sirèku uwis, pinaḍa lan iṅsun.

43. sinucèkkĕn jĕnĕṅiŋ pawèstri, miji siŋ hyaŋ manon, jĕŋ rama wus amuji yĕktiné, maraŋ sira minulya nèŋ bhumi, miwaḥ aniṅali, bawanta lan iṅsun.

44. ñahi aklimaḥ umatur aris, aḍuḥ gustiniṅoŋ, punapa kaŋ kinarṣakkĕn aṅgèr, anĕḍaki iŋ dasiḥ kaswasiḥ, sasat iṅkaŋ abdi, kabañjiran madu.

45. kagunturan iṅkaŋ wukir sari, kilaŋ hèrṇawa rob, dèwi patimaḥ alon dĕliṅé, nora nana sĕdyaniṅsun namiŋ, arṣa amaṅihi, lan sira satuhu.

46. payo muliḥ mriŋ wismanirèki, sun arṣa wruḥ iŋ jro, nulya kinaṇṭi saṛĕŋ lampahé, ḷĕṅgaḥ panti aklimaḥ yun muṅgiŋ, sor naṅiŋ tan kĕni, pinĕkṣa nèŋ luhur.

47. dèwi patimaḥ ṅandika aris, marmané wakiṅoŋ, praptèŋ kéné sayĕkti yun ṅĕmpèk, kadaŋ tuwa maraŋ iŋ sirèki, dèn nya praptèŋ akir, tĕtĕpa sadulur.

48. mbok aklimaḥ kagyat miyarṣa ṅliŋ, mbaṛĕbĕl mĕtu loḥ, ḍuḥ gustiku kaŋ maṅkana aṅgèr, manampariŋ iŋ dasiḥ kaswasiḥ, tan sagĕt maṅsuli, si tarikiŋ gambuḥ.

150. gambuḥ

1. daṅu dèn nira luṅguḥ, saŋ dyaḥ ibnu mustapa andulu, tiŋ carèṇṭèl nèŋ gĕbyog luhurirèki, lir camĕṭi ḍapuripun, samya wĕsi kaŋ dèn aṅgo.

2. gĕḍé cilik pipitu, sĕjĕmpol sajĕṇṭik sapĕnuduḥ, iṅkaŋ agĕŋ saḷĕṅĕn amuŋ sawiji, saŋ dyaḥ ṅgarjita iŋ kalbu, aris dèn nira tatakon.

3. apa paṇḍé bojomu, duwé dandanan maṅkono iku, tiŋ carèṇṭèl rupané kaya cèmĕṭi, piranti apa ta iku, aklimaḥ umatur alon.

4. mbotĕn paṇḍé pukulun, punika piranti yèn aṅukum, mriŋ kawula biliḥ aṅlampahi sisip, saŋ ṛĕtna ṅandika arum, iku apa wus kalakon.

5. sira kĕna iŋ ukum, matur iṅgiḥ pitu pisan sampun, tinamakkĕn mriŋ kawula kaŋ camĕṭi, iṅgiḥ sakiŋ boḍonipun, kaŋ abdi tan wrin pakéwoḥ.

6. akaṭaḥ ḷĕpatipun, mariŋ laki pramila sriŋ ṅukum, amuŋ iṅkaŋ saḷĕṅĕn gĕṅipun gusti, sapisan dèrèŋ pukulun, tumiba iŋ aṅganiṅoŋ.

7. kados gaḍaṅan lamun, iṅkaŋ abdi dosa gĕŋ puniku, kaŋ kinarya dèwi patimaḥ duk myarṣi, maṅkirig tyasé kumĕjut, sru tobatira hyaŋ manon.

8. rumahos lamun duruŋ, maṅkana déra bĕkti iŋ kakuŋ, malaḥ saṅĕt tobat saḷĕbĕtiŋ galiḥ, aklimaḥ sigra rinaṅkul, siti patimaḥ mĕtu loḥ.

9. ḍuḥ lah‍é kadaṅiṅsun, aklimaḥ doña akératipun, amuŋ sira bĕnĕr kaŋ paḍa mumuji, maṅkono siŋ pratiṅkaḥmu, tuhu muṣṭikaniŋ wadon.

10. doṅakna raganiṅsun, lilanira manira gya waṅsul, lawan paman ṅali sunajaké mriki, lamun wus prapta bojomu, apan iṅsun arṣa wĕroḥ.

11. saŋ ṛĕtna sigra kundur, aklimaḥ ṅatĕr jawiniŋ pintu, yayaḥ kadya nutakĕn waspanirèki, sru onĕŋ iŋ tamunipun, sasolahé makṣiḥ katon.

12. wahu ta iṅkaŋ kundur, ḷĕstari ana marga pinĕṭuk, lan kaŋ paman nuṅkĕmi pada kakaliḥ, sru minta akṣamanipun, matur nutur dèn nya paṅgoḥ.

13. lan aklimaḥ satuhu, puñjuliṅrat bĕktinya mriŋ kakuŋ, iṅkaŋ paman mèsĕm nahan ta winarṇi, aklimaḥ sahuṅkuripun, amuŋ tansaḥ guŋ wiraŋroŋ.

14. lawaŋ kinuñci sampun, waṅsul iŋ gĕḍoŋ maliḥ ṅgyanipun, yata wahu ki juragan lagya prapti, sarowaṅira gumuruḥ, kèndĕl sajawiniŋ banon.

15. ki juragan aṅuwuḥ, ṇḍoḍog kori kagyat duk aṅruṅu, mbok aklimaḥ tan samar swaranirèki, wus anarka lakinipun, gupuḥ mijil sakiŋ iŋ ṅgon.

16. añaṅkiŋ toyèŋ suku, éṅgal añorog kori pan sampun, daṅu mañjiŋ aklimaḥ ñaṇḍak padèki, winisuhan toyèŋ suku, wusnya muḍar ukĕlnya lon.

17. kinèsèdakĕn suku, duk lumampaḥ ki juragan ndulu, tapak lèjèg nèŋ latar tilas woŋ kaliḥ, mbasĕṅut sru dukanipun, wus paṣṭi ciptaniŋ batos.

18. kalamun rabinipun, tinarka ṅiwa iŋ tindakipun, datan koṅsi tatanya kasusu runtik, bhuṣaṇa tan koṅsi cucul, laju aṅutu mriŋ kĕbon.

19. camĕṭinira sampun, kabèḥ ginawa aklimaḥ wĕruḥ, wus añipta yèn antuk dukaniŋ laki, ki juragan asru muwus, aklimaḥ sampuṅkuriṅoŋ.

20. sapa ta ḍaḍayoḥmu, baya woŋ lanaŋ kaŋ luwiḥ bagus, nĕmbaḥ matur ḍuḥ gustiku guru mami, dèwi patimaḥ kaŋ rawuḥ, dédé woŋ lanaŋ sayĕktos.

21. milamba kamipurun, amaṅgihi mriŋ atmajèŋ rasul, iṅgiḥ amuŋ ñuwun paṅakṣama gusti, ki juragan asru ṅĕmpus, tĕka bisa tĕmĕn goroḥ.

22. tan wuruŋ sira kukum, iṅsun ajriḥ yèn ṅapura iku, dukaniŋ hyaŋ ki juragan wusira ṅliŋ, rabiné sigra sinapu, cèmĕṭi pitu dèn aṅgo.

23. sijiné piŋ sapuluḥ, dadya pinukul piŋ pituṅpuluḥ, apan ṛĕñuḥ sarirané lir rinujit, sasambaté tan lyan namuŋ, nĕḍa apura kémawon.

24. ki juragan wus liwuŋ, wariṅutĕn ilaŋ trĕṣṇanipun, maraŋ rabi wus tutug dèn nira ṅgitik, ñaṇḍak pukul gĕḍé gupuḥ, mukané sĕdya pinupoḥ.

25. muñcrat ludiranipun, dadya niba iŋ siti tan émut, kinèndĕlan wahu ta dèn nira ṅgitik, kinira rabiné lampus, sigra muliḥ sakiŋ kĕbon.

26. prapta iŋ wisma sampun, ki juragan miṅgaḥ koboŋ turu, yata wahu yékaŋ kantaka wus éliŋ, wuṅunira puṅun puṅun, antuk parmané hyaŋ manon.

27. sadaya tatunipun, iŋ sarira myaŋ mustakanipun, samya puliḥ tan ana labĕt kaŋ bucik, malaḥ saṅsayémbuḥ ayu, cahyané wuwuḥ mañcoroŋ.

28. yata aklimaḥ émut, yèn lakiné lagi prapta duruŋ, koṅsi bukti sigra dèn nya mañjiŋ panti, tiniṅalan makṣiḥ mujuŋ, aklimaḥ sigra mriŋ pawon.

29. laju ṅratĕṅi sampun, sĕkul ulam myaŋ paṅananipun, sinajèkkĕn nèŋ jarambaḥ sinasabi, aklimaḥ gya ñaṇḍak kĕbut, nusul miṅgaḥ anèŋ koboŋ.

30. aḷĕṅgaḥ ndagannipun, amĕtĕki pan sarya akĕbut, ki juragan samana kagyat aṅlilir, awas dèn nira andulu, puṅun puṅun dèn nira non.

31. tan ñana rabinipun, déné cahyanira wuwuḥ mañcur, aris taña sapa woṅé kaŋ aliṅgiḥ, iŋ ndagan mĕtĕki mriŋ sun, aklimaḥ matur wot sinom.

151. sinom

1. kawula cèṭi paduka, pun aklimaḥ ḍuḥ kiyayi, yèn sampun tuwan apura, mriŋ amba kula aturi, wuṅu ḍaḍahar nasi, cacahosané pan sampun, ṅuṅun kyayi juragan, duk myarṣa dukané liliḥ, mriŋ rabiné lan tujunéṅgal waluya.

2. malaḥ wuwuḥ cahyanira, sumunar téjané kadi, basanta sĕḍĕŋ purṇama, dèn nya ṅliŋ wajané kéṅis, gumĕbyar aṅlir ṭaṭit, ki juragan tyasé ṛĕmpu, taṅi asru liṅira, ya sun apura sirèki, naṅiŋ aywa amiṇḍo laku durṣila.

3. aturé iṅgiḥ manawa, culika tobat sayĕkti, sigra muḍun ki juragan, cahosanira binukti, naṅiŋ tyasira makṣiḥ, ki juragan maṅu maṅu, ciptèŋ tyas mbuḥ woŋ ika, adarbé silip iŋ laki, éman tĕmĕn tĕka darbé ati ala.

4. yèn ta aja maṅkonowa, ṅupaya paṣṭi tan oliḥ, luwiḥ bĕkti rabiniṅwaŋ, tuhu yèn ayu linuwiḥ, tinimbaŋ para putri, makṣiḥ ayu rabiniṅsun, sapa woṅé kaŋ mbéḍaŋ, yèn ora sun pah‍ékani, paṣṭi ndadra yèn luput ginoḍèŋ jalma.

5. dadya ki juragan arṣa, luṅa dagaŋ api api, pamit maraŋ rabinira, aklimaḥ dèn bĕcik kari, sun arṣa dagaŋ maliḥ, paṣṭi lawas nora mantuk, sira ja luṅa luṅa, poma iŋ sapuṅkurmami, aturira aklimaḥ iṅgiḥ sandika.

6. sigra ki juragan maṅkat, lawaŋ lawaṅé kinuñci, ṅalintĕr ñjawiniŋ bata, siyaŋ dalu ṅintip intip, nulya na iṅkaŋ prapti, jabarahil pan iṅutus, amuṇḍut ni aklimaḥ, déniŋ hyaŋ kaŋ maha sukci, saragané kinèn ṅgawa maraŋ swarga.

7. aklimaḥ asru taṅisnya, déné ta lakiné makṣiḥ, luṅa dagaŋ dèrèŋ prapta, pinakṣa déniŋ ijrahil, binĕkta mriŋ wiyati, katur pinarṇahkĕn sampun, iŋ swarga luwiḥ mulya, sinami lan para nabi, naṅiŋ wadon aklimaḥ tansaḥ karuna.

8. pan anĕḍa lakinira, tinuṅgilna mriŋ swargadi, hyaŋ sukṣma anuduḥ sigra, maraŋ malékat ijrahil, kinèn muṇḍuta maraŋ, ki juragan ñawanipun, ṅijrahil lumakṣana, ki juragan kaŋ winarṇi, pan sadalu jagi anèŋ ñjawi bata.

9. éñjiŋ arṣa ṅambil aṇḍa, tan arṣa mĕdal iŋ kori, kasusu onĕŋ iŋ garwa, mènèk ki juragan mañjiŋ, laju lumĕbèŋ panti, ñjujug ṅgonniŋ garwanira, tiniṅalan tan ana, maraŋ gĕḍoŋ kulon sĕpi, muriŋ muriŋ tyasira mor laṅkuŋ maras.

10. gĕmĕd dèn nira ṅupaya, jro wisma dèn baliṅkrahi, gĕḍoṅé kabèḥ binuka, pawon pakiwan asĕpi, kabèḥ dèn osak asik, sajroniŋ cĕpuri suwuŋ, ki juragan karuna, sarwi guluŋ anèŋ siti, sasambaté aklimaḥ nèŋ ṅĕndi sira.

11. apa ta luṅané ṅiwa, maraŋ kaŋ mbéḍaŋ mu mbĕṅi, labĕté mĕntas sunpala, déné ṅuni wus prajañji, pañjaluké pribadi, yèn luput sun kinèn ṅukum, iya wus kalampahan, piŋ pira pira sun gitik, nora dadi tyasé mĕṅko tĕka cidra.

12. luṅa nora awawarta, ḍuḥ aklimaḥ kapok mami, abéḍaṅa woŋ sadasa, sawĕṅi iṅsun lilani, nora kudu ṅoŋ gitik, muŋ awéta iṅsundulu, maraŋ iŋ warṇanira, yèn sirèwuḥ lawan mami, laḥ akunĕn ḷĕṣkarira sun narima.

13. yata wahu kaŋ winarṇa, malah‍ékat iṅkaŋ prapti, ki juragan wus cinaṇḍak, giṭoké tan bisa osik, mĕnĕŋ tan bisa naṅis, sru taña sapa woŋ iku, añĕkĕl giṭokiṅwaŋ, sahuré iṅsun ṅijrahil, dinutèŋ hyaŋ amuṇḍut iŋ jiwanira.

14. ki juragan duk miyarṣa, gumĕtĕr laṅkuŋ dèn nya jriḥ, pan asru dèn nya karuna, pan kawula ñuwun alim, iṅgiḥ gusti yèn kéṅiŋ, iŋ béñjaŋ yèn wus kapaṅguḥ, kalawan rayatkula, kaŋ késaḥ iŋ wahu ratri, dèrèŋ koṅsi paṅgiḥ arṣa dèn puṇḍuta.

15. manira takèn iŋ wuntat, ṅijrahil asru nahuri, apa gawému sasambat, katĕmu rabinirèki, déné iya duk makṣiḥ, siyasatira kalaṅkuŋ, tanpa dosa sinikṣa, laḥ iya saṇḍaṅĕn maṅkin, saŋ hyaŋ sukṣma kaŋ maḷĕsna maraŋ sira.

16. pan iŋ mĕṅko rabinira, wus pinuṇḍut nèŋ swargadi, luwiḥ déniŋ sèwu mulya, pinaḍa lan para nabi, déné sirèku béñjiŋ, kinarya sèn isènipun, jroniŋ nraka jahanam, ki juragan wus miyarṣi, sru miduwuŋ dèn nya milara kaŋ garwa.

17. akèḥ akèḥ sambatira, naṅiŋ ṅijrahil tan kĕni, ñawanya tinarik sigra, tinarik sakiŋ iŋ sikil, ki juragan wus mati, luwiḥ saṅĕt sakitipun, ñawané sinaṅsaya, samana wus katur mariŋ, iŋ hyaŋ sukṣma kinèn mañjiṅkĕn naraka.

18. ñawanira ki juragan, pinañjiṅkĕn nraka api, laṅkuŋ sakit kawlasarṣa, sakĕṭi lara woŋ mati, siyaŋ dalu anaṅis, sasambat iŋ rabinipun, iṅkaŋ anèŋ suwarga, aklimaḥ wus amiyarṣi, yèn lakiné sinikṣa anèŋ naraka.

19. saya sru panaṅisira, sru lumuḥ anèŋ swargadi, yèn lakiné tan tinuṅgal, kĕdaḥ mèlwa aṅlakoni, maraŋ naraka gĕni, hyaŋ sukṣma sigra aṅutus, jabarahil ṅatĕrṇa, maraŋ ṅgonniŋ lakinèki, dimèn wĕdi miyat umobiŋ naraka.

20. wus iṅatĕrakĕn maraŋ, satĕpiniŋ nraka api, aklimaḥ mulat mriŋ priya, laṅkuŋ sakiŋ kawlasasiḥ, pan kinĕpuŋ iŋ agni, tan wawaŋ aklimaḥ wahu, piyak api naraka, lumayu dahat dèn nya jriḥ, mriŋ aklimaḥ déné wus kinarya mulya.

21. ki juragan ñawanira, wus sayaḥ ḷĕsaḥ ṅlaṅkuṅi, naṅiŋ sasambaté rosa, aklimaḥ sigra nuṅkĕmi, sarwi lara anaṅis, ki juragan sakalémut, kagĕpok déniŋ garwa, tatuné sadaya puliḥ, iṅkaŋ baṅĕt sadaya pan sami sirṇa.

22. añjrit dèn nira karuna, sru tobatira mriŋ rabi, katur iŋ hyaŋ maha mulya, wus kinèn aṅĕntas kaliḥ, pinañjiṅkĕn swargadi, aklimaḥ lan lakinipun, hyaŋ sukṣma wus ṅapura, maraŋ ki juragan pan wis, kocap lamun èstri mantĕp maraŋ priya.

23. bisa ñaṅkiŋ mriŋ sawarga, yèn woŋ lanaŋ nora baṅkit, kunĕŋ kojabé sèḥ akbar, dèn nya pitutur mriŋ siwi, murtasiyaḥ miyarṣi, karasèŋ tyasé kapéñcut, tiṅkahira aklimaḥ, ya mantĕp bĕktinirèki, satĕmahé bisa ñaṅkiŋ mriŋ suwarga.

24. murtasiyaḥ wus nugraha, grahitaniŋ tyas ṅlabĕti, lamun wanodya utama, sèḥ akbar ṅandika maliḥ, poma nini dèn éliŋ, pira pira bisa tiru, kaya wadon aklimaḥ, muŋ pintĕra ṅirip irip, ḍasar bakal lakinirèku ṅulama.

25. akunĕn guru sayogya, rara maḍĕpa sawiji, buwaṅan trĕṣṇamu maraŋ, iṅsun lan ibunirèki, muŋ ṅgènnira ṅladèni, ati atinĕn dèn émut, aja sira rumaṅsa, nduwèni karkat pribadi, pan sakèhé danakna iṅkaŋ sakira.

36. kalampahan dara murtasiyaḥ purun ṅladosi sèḥ ṅarip ṅantos gaḍaḥ anak èstri satuṅgal, naṅiŋ tampi cobiniŋ allaḥ, kaḷĕpatan botĕn sapintĕna. dara murtasiyaḥ katuṇḍuŋ déniŋ bojonipun. tiyaŋ sĕpuhipun ugi ṅlĕpatakĕn dara murtasiyaḥ, ñuwun toya kaṅgé saṅu késaḥ kémawon botĕn dipunpariṅi. salajĕṅipun dara murtasiyaḥ lumĕbĕt iŋ wana, aṅsal pituluṅipun gusti allaḥ katurunan malah‍ékat jabarahil iṅkaŋ adamĕl warṇinipun maliḥ laṅkuŋ ayu saṅĕt. waṅsul ḍatĕŋ bojonipun, sakawit botĕn maṅrĕtos, naṅiŋ wĕkasanipun barès, andadosakĕn sakalaṅkuŋ ṅuṅunipun iṅkaŋ jaḷĕr, lajĕŋ kapok botĕn baḍé dakṣiya maliḥ ḍatĕŋ iṅkaŋ èstri.

152. asmaradana

1. tutug dèn nira amardi, mriŋ putra tataniŋ krama, dalu bubaran kaliyé, tĕkan wawaṅkitiŋ dina, paniṅkahiŋ paṅantyan, bawahannya laṅkuŋ laṅkuŋ, guyub iṅkaŋ nambutkarya.

2. tan ana kaŋ ṅuciwani, ḷĕstari amaṅun suka, dupi paragatiŋ gawé, sèḥ ṅarip sinuṅan prĕnaḥ, iŋ kidul wanasĕkar, ḍuḍukuḥ arja kalaṅkuŋ, tulus ṅgènné palakrama.

3. minta uniŋ maraŋ laki, wit niṅkahan tĕkèŋ babar, wus winisik sadérahé, sèḥ ṅarip ḍasar waṣkiṭa, alim sakèhiŋ kitab, tinutur sadayanipun, saŋ dyaḥ saya suṅkĕmira.

4. cipta laki doña ṅakir, murtasiyaḥ wus awawrat, tĕkèŋ maṅsa mĕtu wadon, kalaṅkuŋ éndahiŋ warṇa, cahya sukṣmèŋ sasaṅka, ramébu suka kalaṅkuŋ, dahat sukur iŋ paṅéran.

5. sinuŋ ran siti warṣiki, lagya umur saṅaŋ wulan, sinapiḥ iŋ panĕsĕpé, kacrita sawiji dina, sèḥ ṅarip lagya naḍaḥ, murtasiyaḥ saṇḍiŋ luṅguḥ, lawan amaṅku kaŋ putra.

6. mulat pandomé mèḥ mati, gragap dara murtasiyaḥ, pinrikṣa sumbuné ĕntèk, kalaṅkuŋ kéwran iŋ nala, tambuḥ iŋ solahira, saṅĕt gumĕtĕr iŋ kalbu, gugupiŋ tyas ṅambil réma.

7. muŋ saĕḷĕr gya kinardi, sumbuniŋ pandam gumĕbyar, saŋ sèḥ ṅarib dupi anon, kagyat iŋ tyas sĕmu duka, apa ta mulanira, urupiŋ pandam sumunu, suwéné suṛĕm mèḥ pĕjaḥ.

8. murtasiyaḥ turira ris, saṅĕt gugup iṅkaŋ manaḥ, dé ḍasar tĕlas sumbuné, upami kawula tilar, ṅambil sumbu gya pĕjaḥ, dadya ṅambil rambut ulun, kinarya sumbuniŋ pandam.

9. bramantya sĕṛĕŋ sèḥ ṅarib, kèndĕl dèn nira anaḍaḥ, sugal asruwiŋ wuwusé, bĕcik tĕmĕn solahira, bisamu aprasĕca, bojo ṅawal akiripun, murtahisiyaḥ duruŋ pirṣa.

10. wani amikan iŋ laki, sira kĕna ukum lara, tan paparaḥ sira kĕnès, wani wani ṅambil réma, saranduné wakira, sirèku sadarma ṅgaḍuḥ, kabèḥ kaguṅaniŋ priya.

11. sira luṅaa sahiki, tan sotaḥ sun sasaṇḍiṅan, lan woŋ duraka lir kowé, matur rara murtasiyaḥ, mlasasiḥ rawat waspa, tan rinuṅu saya bĕndu, druhaka ywa katon mata.

12. kakéyan cariwis lamis, tiṅgaḷĕn atmajanira, warṣiki cinaṇḍak agé, uwal sakiŋ paṅkon réna, murtasiyaḥ pinala, linarak binĕkta mĕtu, tan kĕṇḍat dèn nya milara.

13. sambat sambat minta lalis, saya sru dèn nya milara, jinuñjuŋ binantiŋ agé, saŋ ayu bañjur kantaka, sèḥ ṅarib malbèŋ wisma, lawaṅé nulya tinutup, nahĕn wahu kaŋ kantaka.

14. gilaŋ gilaŋ anèŋ siti, kasiliriŋ samirana, wus liṅsir wĕṅi wayahé, tibaniŋ mbun tirtamarta, tuṅtum bayuniŋ ṅaṅga, èṅĕtiŋ tyas dahat sukur, takdiré sariranira.

15. wus wuṅu saŋ dyaḥ ṅalilir, paṅétaṅira iŋ nala, yèn iṅsun luṅaa mbolos, paran wĕkasé wakiṅwaŋ, dadya pawèstri pajal, taṅèḥ maṅgiha rahayu, tan wuruŋ kasuraŋ suraŋ.

16. sinĕbut pawèstri lañji, umpama iṅsunmopowa, nora kĕlar siyasaté, saŋ dyaḥ kéwuhan iŋ driya, iŋ wayaḥ bĕḍug tiga, dadya tyasira aṅlalu, késaḥ saṛĕŋ wayaḥ pajar.

17. lampahé maṇḍĕg anoliḥ, kèmutan atmajanira, tansaḥ kumĕmbĕŋ waspané, kaya baliya sakala, anaṅis iŋ wardaya, aḍuḥ nini putraniṅsun, sira tan aduwé biyaŋ.

18. aja sira sok anaṅis, sapa kaŋ momoŋ iŋ sira, awiraṇḍuṅan lampahé, samarga arawat waspa, iŋ wayaḥ liṅsir wétan, lampahira dèrèŋ rawuḥ, iŋ ḍukuhé iṅkaŋ rama.

19. sèḥ akbar sampun udani, ilham sakiŋ kalbunira, yèn baḍé prapta putrané, marga dinukan iŋ priya, apurik tilar wisma, gya préntaḥ mriŋ garwanipun, rubiyaḥ sira dèn éṅgal.

20. inĕbĕn lawaŋ kaŋ ñjawi, sira kañciṅana pisan, yèn anakira maréné, aja sirawèhi lawaŋ, iku durakèŋ priya, yèn sira mèlu tutuluŋ, olèḥ durakèŋ paṅéran.

21. yèn sira dèñjajaluki, sabaraŋ iṅkaŋ tinĕḍa, poma sira aja awèḥ, pacuhan sira awèha, rabiné aṅgarjita, mituhu wĕliṅiŋ kakuŋ, kori sampun tinĕtĕgan.

22. murtasiyaḥ nulya prapti, kaṇḍĕg sajawiniŋ lawaŋ, aṅuwuḥ maraŋ ibuné, kawula anuwun lawaŋ, sumahur ibunira, sakiŋ sajĕroniŋ pintu, èḥ rara agé baliya.

23. aja sira ñjaluk kori, dinukan iŋ ramanira, iṅsun ajriḥ papacuhé, sira winastan duraka, maraŋ iŋ ramanira, duraka maraŋ lakimu, ramanta tan arṣa mulat.

24. dara mutasiyaḥ naṅis, amlasasiḥ anèŋ lawaŋ, ibuné naṅis anèŋ jro, ḍuḥ nini aja karuna, iṅsun tan bisa mirṣa, ḍuḥ ibu añuwun bañu, sun gawéné saṅu késaḥ.

25. ibuné ṅaḍuḥ nahuri, wuwusé awor karuna, aḍuḥ nini putraniṅoŋ, iṅsun ajriḥ ramanira, murtasiyaḥ turira, ibu kawula mit lampus, dèn aguŋ apurandika.

26. lawan sĕmbaḥ bĕkti mami, aturṇa mriŋ kaṅjĕŋ rama, ṅgiḥ paṅapurané bah‍é, mugi kawula aṅsala, apuraniŋ paṅéran, ibuné tan bisa muwus, ni murtasiyaḥ wus késaḥ.

27. mañjiŋ iŋ wana guŋ wĕrit, tan ana dirgama kétaŋ, saŋ dyaḥ aṅèṣṭi patiné, déné aṅsal dukaniŋ hyaŋ, lawan dukaniŋ priya, marma ragané winasuḥ, aṅsala apuraniŋ hyaŋ.

28. lawan apuraniŋ laki, kaŋ piniji mariŋ allaḥ, anèŋ tĕṅaḥ wana gĕḍé, buron galak kabarasat, samya ajriḥ tumiṅal, gègèr sumiṅkir kĕplayu, aṅuṅsi iŋ paraŋ juraŋ.

29. sakaṭahiŋ buron alit, tumiṅal samya kacaryan, gumrudug aṅiriṅaké, baṇṭèŋ mah‍ésa nèŋ ṅarṣa, kadya ambabat marga, warata mara bĕluḍus, kapuṅkur tinubruk macan.

30. kawiṅkiŋ iŋ wanasari, añjog wana tarataban, pĕtĕŋ tur akèḥ boṇḍèté, ri wana lawan ri tañjaŋ, ri baṇḍil anèŋ marga, aṅgubĕl iṅkaŋ lumaku, siñjaŋ ajur lir ginubaḥ.

31. samĕkan patiŋ saluwir, warata iṅkaŋ sarira, balur balur kaṛĕrèṇḍèt, kacaṇṭol iŋ paraŋ dĕnta, priŋ jawa aṅĕlakaḥ, priŋ ori tĕpuŋ sumambuŋ, wuluŋ ampèl añjĕlanaḥ.

32. kumrisik kaŋ wuluḥ gaḍiŋ, kasiliriŋ samirana, saṅsaya kalunta lunta, sira ni murtasiyaḥ, ciptaniŋ manaḥ aṅlampus, tan ana iṅkaŋ sinĕdya.

33. liyĕb ḷĕṅuk iŋ jro ṅati, jisimira tan ginita, muŋ amandĕŋ paṅérané, mugi aṅsala apura, mriŋ priya lan kaŋ rama, wus lawas anèŋ wanaguŋ, sisinomé wanasĕkar.

153. sinom

1. kalaṅkuŋ kawĕlasarṣa, ṅambaḥ juraŋ ṅiriŋ iriŋ, paraŋ pèpèrèŋ sasĕṅkan, tan naḍaḥ minum guliŋ, sarira kuru akiŋ, marlĕsu cahya umañcur, nèŋ séla sumayana, samadyaniŋ wana wiṅit, kaayoman witiŋ karoya ṅrĕmbaka.

2. waktu luhur arṣa salat, naṅiŋ datan ana wariḥ, miwaḥ rukuḥ datan mbĕkta, tandya ṅĕniṅkĕn paṅèṣṭi, munajat iŋ hyaŋ widdhi, asta kakaliḥ jinuñjuŋ, matur iŋ hyaŋ wisésa, ilahi ṅalamun ṅalim, ya ihdina tuwan iṅkaŋ maha mulya.

3. winĕnaŋ jagat wiryawan, mugi apariṅa wariḥ, doṅané wus katarima, allaḥ taṅala mariṅi, anèŋ ṅarṣanirèki, wé wĕniŋ lan maligyéguŋ, gya ṅambil toya kadas, osikiŋ tyas laṅkuŋ wiṅit, paran baya sun karya tapiḥ sumĕkan.

4. sakujur wus tabĕt turas, putrèṅṅoŋ nini warṣiki, kĕṭĕr najis lan tabĕt raḥ, allaḥ taṅala udani, utusan jabarahil, mariṅkĕn parabot luhuŋ, mriŋ wadon murtasiyaḥ, kaŋ satuhu bĕkti laki, tuwan kinèn aṅusap wadananira.

5. jabarahil wus apaṅgya, ṇḍawuhkĕn timbalan widdhi, murtasiyaḥ tampanana, pariṅiŋ hyaŋ mahasukci, aṅgonĕn aṅabĕkti, wus tinampan gya rinasuk, anulya waktu salat, jabrahil misiḥ ṅĕntèni, bakda salat jabrahil ṅusap wadana.

6. wimbuḥ éndaḥ kaŋ suwarṇa, sajagat tan na tumaṇḍiŋ, jabrahil aris ṅandika, ṛĕṅĕn ta èḥ sira nini, timbalané hyaŋ widdhi, sira mantuka dèn gupuḥ, bali mriŋ lakinira, atas timbalan hyaŋ widdhi, jabarahil waṅsul iŋ kalaratolaḥ.

7. murtasiyaḥ gya uméntar, sakiŋ tĕṅahiŋ wanadri, datan kawarṇa iŋ marga, ñjujug wismaniŋ sudarmi, sèḥ akbar lawan rabi, nuju nèŋ surambi luṅguḥ, ḍatĕṅan matur nĕmbaḥ, ñuwun wikan iṅkaŋ abdi, ki sèḥ ṅariḥ pundi prĕnahé kaŋ ḍĕkaḥ.

8. sèḥ akbar alon wuwusnya, nini sira woŋ iŋ ĕndi, ayu anom warṇanira, atatakon ki sèḥ ṅarib, apa karṣanirèki, dara murtasiyaḥ matur, kula apan winĕkas, maraŋ murtasiyaḥ ṅuni, wĕliṅipun kinèn ñuwunkĕn ṅapura.

9. ibuné saṛĕŋ miyarṣa, kumĕpyur waspané mijil, mĕṅko nini suntatanya, murtasiyaḥ nèŋ ṅĕndi, maṅkana anahuri, wontĕn satĕṅaḥ wanaguŋ, tambuḥ iṅkaŋ sinĕdya, amuŋ panĕḍané ṅuni, apuranĕn dosané muṅgèŋ paṅéran.

10. sèḥ akbar alon ṅandika, sira nini suntuturi, ḍukuhé sèḥ ṅarib iya, kidulwétan sakiŋ ṅriki, murtasiyaḥ gya pamit, lajĕŋ wahu lampahipun, tan kawarṇa iŋ marga, prapta ḍukuhé sèḥ ṅarib, dumarojog anulya lumĕbèŋ lawaŋ.

11. sèḥ ṅarib kapaṅgiḥ ḷĕṅgaḥ, anèŋ surambi aṅaji, kur'an ḍasaré pasĕkat, swarané arum amanis, ni murtasiyaḥ siṅgiḥ, lumanpaḥ sarwi tumuṅkul, kagagas iŋ wardaya, polahé kala iŋ ṅuni, sarwi aṅliŋ alon wijiliŋ wacana.

12. laḥ tuwan maṅké kèndĕla, sakĕḍap ṅgènnira ṅaji, amba kalilana taña, pundi ḍukuhé sèḥ ṅarib, sèḥ ṅarib aṅliŋ aris, iṅgiḥ ṅriki ḍukuhipun, sèḥ ṅarib iṅgiḥ kula, punapa ta wontĕn kardi, murtasiyaḥ matur kawula winĕkas.

13. déniŋ dara murtasiyaḥ, katura ndika kiyayi, wĕliṅé ñuwun apura, lawan tuwan akĕn dasiḥ, doña dèn tĕkèŋ akir, panuwuné dipunlulus, sèḥ ṅarib aṅandika, iṅgiḥ iṅgiḥ yayi iṅgiḥ, murtasiyaḥ mèsĕm iŋ wardayanira.

14. sèḥ ṅarib iŋ sĕmunira, kacaryan iŋ ḍayohnèki, alon dèn nira ṅandika, arum swarané amanis, karṣa amba puniki, kaŋ dadya gagĕntènipun, ndawĕg nuli aniṅkaḥ, ni murtasiyaḥ nahuri, ki sèḥ ṅarib laḥ punapa karṣa ndika.

15. aṅucap kadya punika, ḍumatĕŋ iŋ awakmami, pan déné raṇḍa wulañjar, somaḥ datan darbé laki, lan maliḥ takèn ṅuni, apa ta karṣané iku, si murtasiyaḥ késaḥ, ḍatĕŋ iŋ wana gĕŋ wĕrit, ndika tuṇḍuŋ aṅlampahi kawlasarṣa.

16. sèḥ ṅarib alon aṅucap, manira tuturi yĕkti, maṅké ḍatĕŋ pakĕnira, tatkala amba ambukti, rabi ulun iŋ ṅuni, amaṅku atmajanipun, nini warṣiki ika, aṅaḍĕp ṅgènkula bukti, nèŋ ajogan apan sarwi ṅulaḥ pandam.

17. baḍé pĕjaḥ iṅkaŋ dilaḥ, margi tĕlas sumbunèki, gugup iŋ tyas rabikula, ṅambil rémané pribadi, tigaŋ ĕḷĕr kinardi, sumbuniŋ dilaḥ puniku, mila ṅoŋ nuli duka, déné tan waraḥ iŋ mami, ṅgiḥ punika purwané kula kèn késaḥ.

18. murtasiyaḥ wuwusira, yèn makatĕna puniki, kaŋ dadya marginiŋ duka, ḍatĕŋ rabinta rumiyin, iṅkaŋ makṣiḥ ṅabĕkti, ḍatĕŋ paduka satuhu, iṅgiḥ tuwan tantuna, amba kalilana pamit, kantun arja kawula ayun mantuka.

19. sèḥ ṅarib alon liṅira, sampun ndika agé muliḥ, aṅĕntosana ḍaharan, sèḥ ṅarib aṅambil gĕni, tan daṅu nulya prapti, dinadèkkĕn sarta tuṅgu, andamoni sapisan, sèḥ ṅarib iŋ gĕninèki, aniṅali iŋ tamunira sapisan.

20. maṅkana pratiṅkahira, andamoni kapiŋ kaliḥ, mulat mariŋ tamunira, sèḥ ṅarib iṅgiḥ piŋ kaliḥ, sadaṅuné kadyèki, gĕniné tan koṅsi murub, mèsĕm ni murtasiyaḥ, niṅali solahiŋ laki, murtasiyaḥ kadahut rahosiŋ nala.

21. saŋ ṛĕtna kalaṅkuŋ wĕlas, aṅgĕntèni dadèn gĕni, yata ki sèḥ ṅarib sigra, añigari kayunèki, kaya maṅkana maliḥ, dèn nira añigar kayu, iya kadya duk bĕṭak, tan kobĕr ñigar wrĕkṣèki, pijĕr ndoṅoŋ aniṅali tamunira.

22. sèḥ ṅarib lir kĕnèŋ guna, umiyat iŋ tamunèki, tambuḥ tambuḥ solahira, saŋ ṛĕtna mèsĕm iŋ galiḥ, dèn nira aniṅali, solahé lakinirèku, ni dara alon ṅucap, yèn kapaṛĕŋ iŋ paṅgaliḥ, amba arṣa aṅgĕntosi karya tuwan.

23. kula kyayi lilanana, arṣa gumanti ṅratĕṅi, ki sèḥ ṅarib sahurira, iṅgiḥ iṅgiḥ yayi iṅgiḥ, wus matĕŋ sadayèki, kĕṇḍi dèn isèni sampun, sinajèkkĕn iŋ ṅarṣa, sèḥ ṅarib amuwus aris, nĕḍa yayi ḍaḍaharan lawan kula.

24. murtasiyaḥ aturira, andika ḍahar rumiyin, kawula ṅantos lorodan, sèḥ ṅarib anulya bukti, aṅucap jroniŋ ati, rasané sasaji iku, sĕkul kalawan ulam, paḍa lan rasané ḍiṅin, pĕcak taṅan kaya dara murtasiyaḥ.

25. sèḥ ṅarib ṅgarjitèŋ driya, baya iki rabimami, yèn dulu tatamunira, warṇané tĕka ṛĕspati, ṅluwihi duk iŋ ṅuni, sarta lan paṅaṅgonipun, kaya dudu woŋ doña, iribé lir rabimami, kaya patut dadiya kaṇṭi manira.

154. kinaṇṭi

1. datan sakéca tyasipun, sèḥ ṅarib tatanya aris, mriŋ tatamuné kaŋ prapta, sintĕn kaŋ sinambat iŋ siḥ, sumahur kaŋ tinakènan, murtasiyaḥ aranmami.

2. sèḥ ṅarib alon amuwus, arandika niku aḍi, sama lan bakayunira, rabikawula rumiyin, sun baḍé maṅsa dédéya, sèḥ ṅarib marpĕki aris.

3. manira takèn satuhu, awĕcaa dèn sajati, sapa ranné sutanira, murtasiyaḥ anahuri, kakasihé suta amba, iṅgiḥ pun rara warṣiki.

4. sèḥ ṅarib mèsĕm liŋnya rum, wastané sutanirèki, sami lan anak kawula, yèn makatĕna nakmami, ywa taṅguŋ sira pupuwa, kaŋ putra awas niṅali.

5. ni rara warṣiki gupuḥ, marani sarwi anaṅis, sigra dara murtasiyaḥ, kaŋ putra sinambut aglis, dèn ĕluṅi payudara, sèḥ ṅarib awas niṅali.

6. ṅiŋ makṣiḥ mĕlaŋ tyasipun, mèsĕm aṅandika aris, sintĕn wastané ramanta, miwaḥ rénanira yayi, murtasiyaḥ aturira, iṅgiḥ rama ibu mami.

7. sèḥ akbar kakasihipun, dé wastané ibu mami, kusuma ṛĕtna supiyaḥ, sèḥ ṅarib amuwus manis, iya yèn maṅkéné ñata, sira iku rabimami.

8. sèḥ ṅarib maliḥ amuwus, apa karanané yayi, sira salin warṇanira, béda lawan duk rumiyin, mĕṅko wimbuḥ ayu éndaḥ, lan woŋ akèḥ aṅluwihi.

9. kaya dudu woŋ doñèku, paṅaṅgonira mas kwari, murtasiyaḥ aturira, ya paṅéran gurumami, iŋ doña praptèŋ dĕlahan, tulusa mĕṅku kaŋ abdi.

10. rumiyin andika bĕndu, anuṇḍuŋ ḍatĕŋ kaŋ abdi, kawula késaḥ mriŋ wana, nèŋ wana nĕdya ṅabĕkti, ṅupados toya tan aṅsal, amba nunuwun iŋ widdhi.

11. istijab pandoṅahulun, tinarimaḥ iŋ hyaŋ widdhi, yata na maligé prapta, cumawis nèŋ ṅarṣamami, sarta lan toyané pisan, dutaniŋ hyaŋ jabarahil.

12. ḍawuḥ salamiŋ hyaŋ aguŋ, apariŋ wastra mriŋ mami, sakiŋ swarga adi mulya, sampuniŋ bakda ṅabĕkti, jabrahil ṅusap wadana, lawan ĕlaré sasisiḥ.

13. punika wiwitanipun, salin warṇamba kiyayi, sèḥ ṅarib alon ṅandika, iya kaŋ kaya sirèki, kaŋ sinuŋ rahmatiŋ sukṣma, piṇḍa rasullulaḥ yayi.

14. sinuŋ nugraha satuhu, sawabé patimaḥ yayi, suwarga kaŋ adi mulya, paṅakṣamaniŋ hyaŋ widdhi, sapa kaŋ bĕkti iŋ priya, tan béda saminiŋ ṅèstri.

15. rara murtasiyaḥ iku, antuk rahmatiŋ hyaŋ widdhi, kapiṇḍo patimaḥ johar, lawan maṅgiḥ sawargadi, sèḥ ṅarib nulya utusan, rama ibu dèn aturi.

16. wus prapta paṅgya kaŋ sunu, laṅkuŋ gawokiŋ paṅgaliḥ, dé ta maṅgya kah‍élokan, suka sukur iŋ hyaŋ widdhi, ramébu samya ndĕdoṅa, ḷĕstarinipun kaŋ siwi.

17. wus tĕlas caritanipun, dara murtasiyaḥ sukci, saguṅiŋ kaŋ amiyarṣa, samya awawanan aṅliŋ, ṅéné ṅono yèn wanodya, yèn wis winĕṅku iŋ laki.

18. nora ṅimpi aṅrĕmpĕlu, duwé cipta liyan janmi, iku antĕpiŋ wanita, woŋ lanaŋ satuhunèki, dak naŋ aṅgĕp sumaṅkéyan, ciptané tan muhuŋ siji.

19. woŋ lagi bah‍é tas anu, basan loro dadi siji, kaya diuntal untala, basa mĕtu sakiŋ panti, tan na éliṅé samĕṇḍaŋ, kana kana kaŋ pinikir.

20. réwaṅé maṅsuli wuwus, aḍi iya warṇi warṇi, ywa kagĕbyaḥ kaya uyaḥ, botĕn botĕn bakyu mĕṣṭi, trĕṣṇa yèn lagi kĕkĕpan, iruṅé tumèmpèl pipi.

21. maṅga karahosa bakyu, criyosipun kasanaḥ i, ṅanti jumĕnĕŋ naréndra, tan lami mantĕp iŋ laki, ki suhul é, lajĕŋ éklas, tan na prikṣa tan na titi.

22. sèḥ akbar cariyosipun, kaŋ maṅka tĕpa palupi, ñatakkĕn tyasé wanita, duk jaman suléman nabi, supaya namuŋ sakala, wasana tambaḥ guṅiŋ siḥ.

23. wadon aklimaḥ pinuñjul, bojoné juragan bĕṅkriŋ, tuwa ala lara mata, kĕṛĕṅé kĕpati pati, pinala tumĕkèŋ pĕjaḥ, saṛĕŋ wontĕn iŋ swargadi.

24. garwané juragan bĕṅkruŋ, pĕjaḥ winisésèŋ widdhi, griya iŋ nraka jahanam, ṅaru ara rina wĕṅi, dupi aklimaḥ miyarṣa, tinarik maraŋ swargadi.

25. dara murtasiyaḥ wahu, dosané amuŋ saṭiṭik, pinala mèḥ praptèŋ léna, tinuḍuŋ cinĕri cĕri, wontĕn paran botĕn giṅgaŋ, dèn nya sumuṅkĕmiŋ laki.

26. aḍi ya bĕnĕr kaṇḍamu, suka sĕnĕŋ pra tamèstri, jĕnĕg dèn nya jajagoṅan, arak iṅgiḥ uwa rati, woŋ lanaŋ aṅgalap mĕnaŋ, botĕn poṭok kados èstri.

27. ñi atikaḥ liṅira rum, aku takcarita maniŋ, mĕṅko paḍa rasakĕna, muṅguḥ ananiŋ pawèstri, muhuŋ minaṅka timbaṅan, critaku kaŋ uwis uwis.

28. carita kala rumuhun, ana kawulaniŋ widdhi, mardika tur sugiḥ arta, anulya bĕkti iŋ widdhi, jro kiṭa mĕsir wismanya, aran ṅabdullaḥ johari.

29. kahutamanira mashur, sajroniŋ nagara mĕsir, maṅkana sawiji dina, sira ṅabdullaḥ johari, aluṅguḥ lan rabinira, sinawaŋ sawaŋ kaŋ warṇi.

30. amulat wadana muwus, ḍuḥ rubiyaḥ iṅsun iki, asiḥ tĕmĕn maraŋ sira, paṅrasané atimami, lumahiŋ bhumi kalawan, soriŋ laṅit tan na maliḥ.

31. kaŋ dadi tĕḷĕṅiŋ kalbu, kumpuliŋ paniṅal mami, wus moṇḍok anèŋ iŋ sira, rabiné sumahur aris, kula ṅgiḥ botĕn prabéda, kados pañjĕnĕṅan ugi.

32. datan kapéṅin woŋ bagus, botĕn mélik janma sugiḥ, muŋ ndika dunuṅiŋ cipta, iŋ awal praptaniŋ akir, tulusa aṅèstupada, tan adarbé cipta maliḥ.

33. dèn tumĕka ajur luluḥ, muŋ ndika panutan mami, laḥ ndawĕg sami prasĕtya, dadosa antĕpiŋ budi, kalamun kawula pĕjaḥ, ndika sampun rabi maliḥ.

34. déné yèn andika lampus, kula botĕn laki laki, sampun ṅantos ginarayaŋ, mriŋ woŋ lanaŋ maliḥ maliḥ, ṅamuŋna ndika piyambak, kaŋ darbé sarira mami.

35. iŋ doña akératipun, aṅliŋ ṅabdullaḥ johari, yèn kaya maṅkono iya, nuli paḍa aprajañji, sinĕkṣèn para ṅulama, misuwur woŋ sanagari.

36. prasĕtyanira kalaṅkuŋ, ni mbok ṅabdullaḥ johari, tur bĕkti asiḥ iŋ priya, ulaḥ bawané ḷĕstari, maṅkana èstrinya pĕjaḥ, lanaŋnya kadi woŋ bariŋ.

37. sakiŋ saṅĕt wuyuṅipun, uḍĕŋnya dipunsuwiri, kulambi lan siñjaṅira, tiŋ saṛĕmpal dèn suwèki, tur sarwi lara karuna, dèn layat woŋ sanagari.

38. nulya ginawa mriŋ kubur, wus pinĕtak paḍa muliḥ, sakèḥ iṅkaŋ paḍa mĕtak, naṅiŋ ṅabdullaḥ johari, aṅèri nèŋ pakuburan, tuṅgu kuburé kaŋ èstri.

39. sakĕḍap ṅabdullaḥ mantuk, mriŋ wismanira iŋ rabi, iŋ paturoné tan ana, saya susahé kaŋ ati, aluṅguḥ iŋ wismanira, bali mriŋ kuburan maliḥ.

40. sirahé pinopok ṅĕṇḍut, sarwi ñjĕlèḥ asru naṅis, solahé kaya woŋ édan, lali maṅan lan ṅabĕkti, muŋ rabiné kaŋ dèn ucap, cinĕluk dèn ajak muliḥ.

41. dadya umum amisuwur, yèn ki ṅabdullaḥ johari, kaliṇḍiḥ akalé buyar, sapatiné iṅkaŋ èstri, sanak sanakira wĕlas, paḍa ṅupaya jajampi.

42. miwaḥ mariŋ ḍukun ḍukun, cinĕkĕl ginawa muliḥ, siniḷĕmakĕn iŋ toya, ana kaŋ ṅgitik pĕñjalin, kèḥ warṇané japamantra, tan ana kaŋ amarasi.

43. tita akaliŋ ḍuḍukun, samya sèlèḥ tan kadugi, ki ṅabdullaḥ kinuñjara, laminira nĕnĕm sasi, kami wĕlasĕn kaŋ mulat, ki ṅabdullaḥ dèn uculi.

44. sakiŋ kuñjara duk mĕtu, mañjiŋ wismanira ṅambil, klasa satuṅgal binĕḍaḥ, iŋ tĕṅaḥ dipunlĕboni, siraḥ kaya ṅaṅgo kayat, mariŋ pakuburan maliḥ.

45. praptané bañjur aluṅguḥ, anèŋ kuburé kaŋ èstri, maṅgrok nora luṅa luṅa, yèn dalu ajĕrat jĕrit, pira lawasé amoyaŋ, sira ṅabdullaḥ johari.

46. koṅsi nduṅkap tigaŋ tahun, sawiji dina nujoni, siraḥ pinopok iŋ ḷĕmaḥ, bañjur tuturon iŋ siti, malumaḥ aṅaṭaŋ aṭaŋ, matur iŋ hyaŋ mahasukci.

47. é, paṅéran iṅkaŋ aguŋ, kaŋ mulyakakĕn iŋ nabi, muhammad iṅkaŋ mustapa, tuwan icalna tumuli, susahipun manahamba, ya paṅéran iṅkaŋ gahib.

48. nulya na swara karuṅu, mriŋ ki ṅabdullaḥ johari, aglis juñjuŋ sirahira, niṅali woŋ tuwa siji, aṅaṅgo kaŋ sarwa pĕṭak, ki ṅabdullaḥ atut wuri.

49. iŋ saparané woŋ iku, ki ṅabdullaḥ matur aris, dĕmi allaḥ kaŋ asuka, nugrahaniŋ martabati, laḥ sintĕn ta asma tuwan, kaŋ tinanya ṅandika ris.

50. nabi ṅisa jĕnĕṅiṅsun, kumĕpyuriŋ tyas johari, rumaṅsa pituluṅiŋ dad, kaŋ nulya umatur maliḥ, ya nabiyolaḥ pratéla, paṅéran kaŋ mahasukci.

51. kaŋ akon mriŋ tuwan tĕmu, lan kawula anuruti, iŋ sakajatiŋ kawula, nabiyolaḥ ṅisa aṅliŋ, laḥ ta apa kajatira, matur ṅabdullaḥ johari.

52. punika iṅkaŋ kinubur, rabikawula ṅĕmasi, kawula tan bisa pisaḥ, tuwan tĕḍakna hyaŋ widdhi, mugi ta rabikawula, dipuṅĕsaṅĕna maliḥ.

53. lan takṣiya warṇi ayu, nabiyolaḥ ṅandika ris, èḥ ṅabdullaḥ wus muliya, maṅana minuma sarwi, sĕḍĕkaha mumuléya, ṅurmatana pĕkir miṣkin.

54. krana sira iku luput, tiṅkaḥ mriŋ rabimu ugi, sukĕr ati palacidra, lalèn tur amaro ati, samaṅsa iku uripa, kiyanat gawé bilahi.

55. mulané iṅsun tan ayun, doṅakna ñjaluk iŋ widdhi, mĕṇḍĕg matur ki ṅabdullaḥ, amba anunuwun ugi, iṅgiḥ maṅsa makatĕna, rabikawula wus jañji.

56. doña praptèŋ akiripun, tan kumĕḍap darbé laki, ḍumatĕŋ badankawula, maṅsa sagĕta ṅoñcati, prasĕtyanipun akaṭaḥ, tuwan tĕḍakĕna urip.

57. tanpa damĕl tuwan rawuḥ, datan aṅlĕgakkĕn ati, asaṅĕt atur kawula, tuwin tĕḍakna tumuli, mriŋ paṅéran iṅkaŋ mulya, kaŋ sipat rahman ñjuruṅi.

58. nabiyolaḥ ṅisa maṅgut, andodoṅa iŋ hyaŋ widdhi, sakala jabrahil prapta, ṅgawa timbalané widdhi, èḥ nabiyolaḥ tĕḍakna, ṅabdullaḥ ḍatĕŋ hyaŋ widdhi.

59. sampun tuwan purun purun, ṅaṇḍĕg kajaté woŋ miṣkin, nabiyolaḥ andĕdoṅa, takdirulaḥ amaṛĕṅi, pan maḷĕkaḥ kuburira, ni mbok ṅabdullaḥ johari.

60. mĕlu sakiŋ jroniŋ kubur, dupi ki ṅabdullaḥ uniŋ, kalamun rabiné gĕsaŋ, mĕtu sakiŋ kubur liṅgiḥ, naṅiŋ warṇa maliḥ ala, ṅabdullaḥ matur iŋ nabi.

61. ya nabiyolaḥ puniku, dédé rabi kula ḍiṅin, warṇané kalaṅkuŋ éndaḥ, ayu manis mĕrakati, puniku rupané ala, ñaruṅus rambut bariṇḍil.

62. nabi ṅisa ṅandika rum, iya rabinira iki, mulané rupané ala, baṅĕt prihatiniŋ ati, ṅarṣakakĕn pañcabaya, iŋ kubur awarṇi warṇi.

63. ṅabdullaḥ johari matur, tuwan suwunna iŋ widdhi, mantuka warṇané kuna, nabi ṅisa anuruti, tumĕṅa ndoṅa iŋ sukṣma, nulya warṇa ayu maliḥ.

64. sawusé maliḥ warṇanya, wadon ṅabdullaḥ johari, sampun musna nabi ṅisa, maṅkana ṅabdullaḥ laki, mbojakrama rabinira, kinudaŋ lawan liniliŋ.

65. ḍuḥ bandaraku woŋ ayu, kaŋ ṅilaṅakĕn prihatin, lawasé sira nèŋ kérat, baya dinus guna ḍĕṣṭi, déniŋ kaŋ para malékat, muṇḍak antĕŋ ñjatmikani.

66. kaṭaḥ wĕtuniŋ paṅuṅrum, rabiné tan anahuri, kaku atiné ṅabdullaḥ, ndodoṅa katur iŋ widdhi, tumĕṅa iŋ awaŋ awaŋ, jlĕg rawuḥ nabi ṅisa ris.

67. ṅabdullaḥ johari matur, ḍuḥ kadipundi ñjĕŋ nabi, rabikula tan kumĕcap, tuwan doṅakna iŋ widdhi, iṅgiḥ sagĕta micara, kadi uripé iŋ ṅuni.

68. jĕŋ nabi ṅandikanipun, rabimu uga wus mati, sira kariya papaṅgya, kadya aṅgané woŋ ṅimpi, tĕka sira paripĕkṣa, kadya uripé kaŋ ḍiṅin.

69. ṅabdullaḥ tumĕṅèŋ luhur, añjĕlèḥ matur iŋ widdhi, hyaŋ sukṣma kaŋ sipat rahman, jlĕg tumurun jabarahil, matur mariŋ nabi ṅisa, ya nabiniŋ hyaŋ sayĕkti.

70. ya ta ṅabdullaḥ gya matur, mriŋ malékat jabarahil, minta gĕsaṅiŋ rabinya, supados bisaa aṅliŋ, aṅandika nabi ṅisa, èḥ kisanak jabarahil.

71. pintĕn kariné kaŋ umur, pun ṅabdullaḥ lanaŋ maṅkin, jabarahil aturira, kawula mbotĕn udani, maliḥ nabi aṅandika, yèn makatĕn ndika bali.

72. matura hyaŋ maha aguŋ, gya méntar ki jabarahil, wus praptèŋ kalaratulaḥ, paṅandikané hyaŋ widdhi, umuré wahu ṅabdullaḥ, nĕṅgiḥ kantun sèkĕt warṣi.

73. malékat jabrahil waṅsul, paṅgiḥ lawan kaṅjĕŋ nabi, ṅaturakĕn umurira, ki ṅabdullaḥ iṅkaŋ kari, sampun nabiyolaḥ amba, matur kalaratulahi.

74. amuŋ kantun sèkĕt tahun, umuré ṅabdullaḥ maṅkin, tuwan tari lamun suka, aṅsuŋ umuré sapaliḥ, dèn tari ṅabdullaḥ lila, asuŋ umuré sapaliḥ.

75. maliḥ jabarahil matur, ya nabiyolaḥ puniki, isimulaḥ tuwan waca, kalimaḥ pipitu amriḥ, tuwan kawasa amulat, iŋ kodratulaḥ kaŋ gahib.

76. maṅka nabi ṅisa gupuḥ, andodoṅa maca isim, mulaḥ kaŋ pituŋ kalimaḥ, sakiŋ mujijatiŋ nabi, ṅisa roholaḥ kalawan, bĕrkatiŋ ṅisimulahi.

77. nulya mbok ṅabdullaḥ matur, atur salam mriŋ ñjĕŋ nabi, sawusira sinahuran, nabi lajĕŋ mituturi, éliŋ éliŋ mbok ṅabdullaḥ, aja kiyanat iŋ laki.

78. lan aja cidra iŋ kakuŋ, dèn sĕtya tuhu iŋ laki, dèṅĕḍé tarimanira, mriŋ lakinira dèn wĕdi, woŋ palacidra iŋ priya, papa naraka pinaṅgiḥ.

79. mbok ṅabdullaḥ aturipun, ya nabiyulaḥ kaŋ mugi, aṅsala sapaṅat tuwan, mbotĕn pisan pisan kami, sĕdya acidra iŋ priya, punapa wawaḷĕsmami.

80. sinuṅan sapaliḥ umur, tur agĕŋ sihé kapati, ḍumatĕŋ awak kawula, laki kawula nuhoni, jaṅjiné sabaya pĕjaḥ, paran sagĕda gumiṅsir.

81. nabiyulaḥ ṅandika rum, èḥ ki ṅabdullaḥ johari, wis ajakĕn rabinira, muliḥ ṅomahira nuli, lawan iṅsun amĕmĕkas, mriŋ sira poma dèn éliŋ.

82. bilahinira iŋ puṅkur, dadalan rabimu iki, yèn sira aduwé kajat, aṛĕp katĕmu lan mami, aja tiṅgal marganira, kaŋ uwis kalakon ḍiṅin.

83. gahib nabi musna sampun, ṅabdullaḥ kari jalwèstri, nulya maṅkat mariŋ wisma, sajroniŋ nagara mĕsir, lumaku alon nèŋ marga, buṅaḥ manahé tan sipi.

84. dupi lakuné mèḥ tutug, lawaŋ watĕsiŋ nagari, aṅucap ṅabdullaḥ lanaŋ, rubiyaḥ rèrèna ḍiṅin, iṅsun añjupuk makĕna, lawan kukuḍuŋ wastradi.

85. karana iki maḷĕbu, iŋ praja kèḥ woŋ udani, mriŋ sira nora makĕna, paṣṭi akèḥ kaŋ ṅèsĕmi, iṅsun iṅkaŋ kawiraṅan, pah‍é ḍiṅin iṅsun yayi.

86. kala pisaḥ lan sirèku, polaḥku kaya woŋ bariŋ, mĕṅko muliḥ kajatmikan, rèrèna iŋ kéné ḍiṅin, iṅsun añjupuk makĕna, ki ṅabdullaḥ nulya muliḥ.

87. maratuwané katĕmu, anulya dipuntututi, èḥ rama putra andika, iŋ maṅké pan sampun urip, maratuwané aṅucap, sira iki andaḷĕmiŋ.

88. ṅĕndi ana woŋ wis lampus, tĕluŋ tahun bisa urip, ki ṅabdullaḥ asru ṅucap, iŋ maṅké ndika tiṅali, kawula nĕḍa makĕna, lawan kukuḍuŋ dèn aglis.

89. kawula ajaké mantuk, anulya dipunuluṅi, ki ṅabdullaḥ nulya késaḥ, agé agé bañjur mampir, atutuku papaṅanan, dodoyanané kaŋ èstri.

90. sawusira atutuku, maraŋ ṅènnira kaŋ èstri, kapaṅgiḥ ṅabdullaḥ ṅucap, yayi sun wus tigaŋ warṣi, tan wruḥ rasaniŋ paṅanan, laḥ payo saṛĕŋ ambukti.

91. dèn atag ṅaṅgo kukuḍuŋ, lan makĕnanira nuli, lumaku alon alonan, kawĕṅèn anèŋ iŋ margi, wimbuḥ sukaniŋ wardaya, sapraptanira iŋ kori.

92. katĕmu minĕb kaŋ pintu, alèrèn piṅgiriŋ kori, aṅucap ṅabdullaḥ lanaŋ, sun iki kaliwat arip, lawasé pisaḥ lan sira, duruŋ wruḥ rasaniŋ guliŋ.

93. laḥ paṅkunĕn sirahiṅsun, saḍéla iṅsun aguliŋ, gya pinaṅku sirahira, ṅabdullaḥ maraŋ kaŋ èstri, lajĕŋ kapati anéndra, kadya mas kaḷĕbèŋ wariḥ.

155. maskumambaŋ

1. malaḥ koṅsi karahinan makṣiḥ guliŋ, kasorotan surya, cahyanira anĕlahi, sĕnĕnniŋ agama mulya.

2. kawarṇaa śri naranata iŋ mĕsir, miyos acaṅkrama, praptèŋ lawaŋ aniṅali, maraŋ johari ṅabdullaḥ.

3. pan aturu sirahé pinaṅku èstri, warṇanira éndaḥ, kagiwaŋ saŋ natèŋ mĕsir, aniṅali mbok ṅabdullaḥ.

4. aṅandika aris saŋ raja iŋ mĕsir, èḥ sira woŋ apa, anèŋ kéné déné sarwi, maṅku sirahé woŋ édan.

5. déné éman warṇanira ayu luwiḥ, lulut iŋ woŋ édan, pantĕs dadya garwamami, tur sira mukti wibawa.

6. mbok ṅabdullaḥ kumĕñut mulat saŋ aji, déniŋ bagusira, sarta paṅandika manis, umatur wadon ṅabdullaḥ.

7. tuwan sintĕn aṅandika raja mĕsir, iya iṅsun raja, iŋ mĕsir iṅkaŋ ṅratoni, matur maliḥ mbok ṅabdullaḥ.

8. yèn makatĕn tuwan iṅkaŋ aṅratoni, mriŋ awak kawula, laḥ kawula ñuwun adil, mbotĕn suka botĕn lila.

9. ṅgiḥ kawula kianiaya woŋ bariŋ, puniki kaŋ néndra, pĕkṣa marusa iŋ mami, yèn botĕn tuwan ukuma.

10. paṣṭi ulun nagiḥ iŋ akérat béñjiŋ, nèŋ ṅayunaniŋ hyaŋ, paduka kaŋ uluntagiḥ, yèn tan ṅukum woŋ niaya.

11. ratu iṅkaŋ kuwajiban aṅadili, mriŋ woŋ ṅaniaya, déné kawula puniki, tanayanipun ki suplan.

12. sampun mashur sajroniŋ nagari mĕsir, ki suplan santosa, duk wiṅi kawula lagi, arṣa ṅujuŋ mriŋ woŋ tuwa.

13. anèŋ marga cinĕkĕl sakiŋ iŋ wiṅkiŋ, mriŋ titiyaŋ édan, puniki kaŋ lagi guliŋ, dipunéṅgal adilana.

14. wus tumĕḍak raja mĕsir ṅandika ris, apa kaṛĕpira, umatur ṅabdullaḥ èstri, tuwan tugĕla kaŋ murda.

15. nuntĕn amba tuwan bĕkta ḍatĕŋ puri, gya anarik pĕḍaŋ, karṣa amĕḍaŋ kaŋ guliŋ, mèḥ lali iŋ kukumulaḥ.

16. marmaniŋ hyŋ kaṅgĕg manahé saŋ aji, ṅunandikèŋ driya, éman jĕnĕṅiṅsun aji, dadya aris aṅandika.

17. èḥ woŋ ayu sira mañjiṅa jro puri, anuṅgaṅa jaran, mĕṅko sapuṅkurmu yayi, sun paténané si édan.

18. éman sira aja kacipratan gĕtiḥ, mĕṅko yèn wus pĕjaḥ, iṅsun muliḥ maraŋ puri, laḥ mara sira dèn éṅgal.

19. sirahira kaŋ lanaŋ sinèlèḥ siti, wus anitiḥ kuda, bañjur lumĕbèŋ jro puri, ana déné ki ṅabdullaḥ.

20. gumaluṇḍuŋ nèŋ siti makṣiḥ aguliŋ, raja mĕsir agya, pĕḍaŋnya cinĕlup gĕtiḥ, iŋ ménda binĕktèŋ pura.

21. sarawuhé iŋ pura śri narapati, animbali maraŋ, ni mbok ṅabdullaḥ johari, andikanira saŋ nata.

22. yayi uwis ṅoṅpĕḍaŋ woŋ édan mati, anulya cinaṇḍak, pĕḍaŋ ana tilas gĕtiḥ, dinilat mriŋ mbok ṅabdullaḥ.

23. tĕka éram raja mĕsir aniṅali, mriŋ pratiṅkahira, wadon ṅabdullaḥ johari, ṅandika sajroniŋ nala.

24. iya apa sababé woŋ édan asiḥ, mriŋ woŋ iki iya, pratiṅkahé sun yĕktèni, atiné kaliwat ala.

25. kawarṇaa ki ṅabdullaḥ kaŋ aguliŋ, kasorotan surya, ṅalilir bañjur aliṅgiḥ, mulat rabiné tan ana.

26. dipunñana muliḥ mariŋ kubur maliḥ, sinusul tan ana, mriŋ wismané tan kapaṅgiḥ, martuwané tinakonan.

27. martuwané anĕbut sarwi nuturi, aḍuḥ anakiṅwaŋ, rabimu uga wus mati, lawasé wus tigaŋ warṣa.

28. sira tuṅgu kuburé rahina wĕṅi, mĕṅko takon mriŋ waŋ, sira iku makṣiḥ bariŋ, budimu akulèwèran.

29. pan añjĕlèḥ sirahé ṅabdullaḥ sarwi, pinopok iŋ ḷĕmaḥ, tataṅgané paḍa aṅliŋ, ki ṅabdullaḥ ñata édan.

30. ṅĕndi ana woŋ wis mati bisa urip, sira tutur gĕsaŋ, paḍa dèṅuguyu mariŋ, woŋ kaṭaḥ sasolahira.

31. pan awuwuḥ ṅabdullaḥ satahun maliḥ, prihatinirèŋ tyas, lali naḍaḥ lawan guliŋ, saya sru ṅasmarèŋ driya.

156. asmaradana

1. kaŋ duwé hikayat aṅliŋ, sawiji dina ṅabdullaḥ, johari liṅgiḥ iŋ baṅo, prĕnaḥ sapiṅgiriŋ ratan, anuju kajinĕman, ñiṅgahakĕn woŋ lumaku, kabèḥ kaŋ rupa woŋ lanaŋ.

2. milané maṅkono déniŋ, para garwané saŋ nata, sadayanya arṣa miyos, papara arṣa mriŋ sĕṇḍaŋ, mila sakèḥ woŋ lanaŋ, kaŋ samya anèŋ luluruŋ, tuwin kaŋ anèŋ iŋ pasar.

3. sadaya paḍa sumiṅkir, amuŋ kari ki ṅabdullaḥ, aliṅgiḥ ṅisoriŋ baṅo, anèŋ sapiṅgiriŋ marga, maṅkana ciptanira, bayèṅsun iŋ mĕṅko wĕruḥ, para garwané saŋ nata.

4. ayu ĕndi warṇanèki, lawan rabiku mbok jĕnat, sunliṅgiḥ iŋ kéné bah‍é, prandéné sun wus iṅaran, woŋ édan mriŋ woŋ kaṭaḥ, maṅsa kĕnaa sisiku, kajinĕman nulya prapta.

5. aṅucap akon sumiṅkir, èḥ woŋ édan aluṅaa, aja aliṅgiḥ iŋ kéné, ki ṅabdullaḥ tan aluṅa, bañjur woŋ kajinĕman, kasusu iŋ praptanipun, iṅkaŋ para ḍayaŋ ḍayaŋ.

6. samya anitiḥ turaṅgi, tĕgĕsé pra ḍayaŋ ḍayaŋ, para rara para wadon, ḍayaŋ sawiji aṅucap, laḥ woŋ édan luṅaa, paḍa réwaṅé sumahur, kaṛĕpé iku woŋ édan.

7. margané kapatèn rabi, aja sira uraḥ uraḥ, pan iku aluṅguḥ bah‍é, ajĕjĕl iṅkaŋ lumampaḥ, pra rabiniŋ satriya, nulya rawuḥ para arum, para garwaniŋ saŋ nata.

8. sakiŋ kaṭahé pawèstri, ana kaŋ arṣa sikara, mriŋ ki ṅabdullaḥ ñawowo, ki ṅabdullaḥ liñcak liñcak, solahé aléléwa, dadya samya dèn guguyu, ṅabdullaḥ awas tumiṅal.

9. maraŋ para putri putri, kaŋ sami anèŋ wahana, maṅkana ṅabdullaḥ kagèt, ñjĕṅĕr mulat rabinira, awor lan para garwa, anitiḥ kuda binuru, cinaṇḍak kĕṇḍalènira.

10. sarwi ṅucap bĕnĕr ḍiṅin, andikané nabi ṅisa, tanarṣa aṅuripaké, maraŋ sira pira pira, aturku kaŋ amĕkṣa, añjaluk maraŋ uripmu, lan sira ḍéwé winĕkas.

11. wawaraḥ dèn wasiyati, aja sira palacidra, mariṅsun aja aṅgawé, susaḥ maraŋ atiniṅsun, karana uripira, iku pinariṅan umur, saparoné umuriṅwoŋ.

12. tĕluŋ tahun sun prihatin, apisaḥ kalawan sira, lan wuwuḥ satahun manèḥ, iṅsun édan sakiŋ sira, siŋ palacidranira, mbok ṅabdullaḥ dahat ṛĕṅu, kasĕṛĕṅan ujarira.

13. ya pagéné makṣiḥ urip, sira nora pinatènan, mĕṅko gulumu pĕḍoté, gya cinaṇḍak taṅanira, muḍun sakiŋ titiyan, ṅabdullaḥ acĕluk cĕluk, kabèḥ kawulaniŋ sukṣma.

14. paḍa tiṅalana ugi, yèn woŋ iki rabiniṅwaŋ, uwis satahun lawasé, miṅgat siŋ taṅaniṅwaŋ, kaliwat palacidra, ṅabdullaḥ nulya kinĕpuŋ, déniŋ woŋ daḷĕm sadaya.

15. samya aṅrĕbut nuluṅi, mriŋ rabiné ki ṅabdullaḥ, ana kaŋ mĕṅkaŋ taṅané, ana anapuk andugaŋ, ana iṅkaŋ amala, naṅiŋ ta nora kaṛĕbut, akañciŋ pañĕkĕlira.

16. dèn palahur jĕliḥ jĕliḥ, sakiŋ larané ṅabdullaḥ, pinala woŋ wadon akèḥ, pañĕkĕlé nora uwal, dadya samya tinilar, kasusu rawuḥ saŋ prabhu, kagyat ṅabdullaḥ tumiṅal.

17. johari ñĕkĕl kaŋ èstri, rinubuŋ déniŋ woŋ kaṭaḥ, kaṇḍĕg saŋ nata lampahé, kaŋ magĕrṣari akapaŋ, ñĕḍak maraŋ ṅabdullaḥ, nulya ki paṅulu rawuḥ, muṅgèŋ wuriné saŋ nata.

18. ṅabdullaḥ awas niṅali, mriŋ paṅulu anèŋ wuntat, anulya dèn aṛĕpaké, sarya sru matur maṅkana, èḥ damariŋ nagara, kawula anĕḍa kukum, iŋ tuwan witté maṅkana.

19. rabiṅoŋ miṅgat mriŋ puri, dèn umpĕtakĕn saŋ nata, iṅgiḥ satahun laminé, ki paṅulu atur sĕmbaḥ, ya gusti sahiŋ ṅalam, punika tiyaŋ majĕnun, andakwa ḍatĕŋ panduka.

20. ṅgiḥ sĕlir daḷĕm kakasiḥ, iṅkaŋ cinĕpĕŋ punika, apan iṅaṅgĕp rabiné, kadya punapa paréntaḥ, tuwan ḍatĕŋ kawula, saŋ nata saṅĕt kumupyur, marindiŋ mulat ṅabdullaḥ.

21. kĕkĕs sariranirèki, rumaṅsa olèḥ duduka, maṅkana lon andikané, laḥ takonana apa, duwé sakṣi bayinat, sigra kiyayi paṅulu, tatanya mariŋ ṅabdullaḥ.

22. apa sira duwé sakṣi, èḥ majnun ṅaku rabinta, ṅabdullaḥ asru sahuré, tuwan muṇḍut sakṣi para, ki paṅulu sahurṇya, sakṣi loro bah‍é cukup, ṅabdullaḥ johari mojar.

23. sakṣi kawula hyaŋ widdhi, kapindo ñjĕŋ nabi ṅisa, kaŋ minaṅka sakṣiniṅoŋ, ki paṅulu aṅandika, laḥ mara tĕkakĕna, nabiyulaḥ ṅisa iku, yèn gĕḷĕm muṅgaḥ bayinat.

24. iya sun wèhakĕn nuli, woŋ wadon iku mriŋ sira, ṅabdullaḥ luṅa mriŋ ṅgonné, kalanira prajañjian, kalawan nabi ṅisa, sapraptanira agupuḥ, tumĕṅa mariŋ ṅawiyat.

25. mattur riŋ hyaŋ mahasuci, mugi amba paṅgihĕna, lan nabi ṅisa samaṅké, mustajab pandoṅanira, sakiŋ éklasiŋ manaḥ, jlĕg nabi ṅisa tumurun, anèŋ ṅarṣané ṅabdullaḥ.

26. sumuṅkĕm iŋ suku aglis, ṅabdullaḥ saha turira, ya nabiniŋ hyaŋ kaŋ awèḥ, sapaṅat iŋ woŋ kasiyan, amba dipunniaya, iṅgiḥ ḍumatĕŋ saŋ ratu, iŋ mĕsir rabikawula.

27. dèn umpĕtakĕn wus lami, maṅké kapaṅgiḥ kawula, kula tĕḍa botĕn awèḥ, anĕḍa sakṣi bayinat, ñatané rabiamba, yèn ta prapta sakṣinipun, sinuṅkĕn èstri kawula.

28. andikanira ñjĕŋ nabi, yèn maṅkono payo éṅgal, suntĕmonané saŋ katoŋ, gya maṅkat sira ṅabdullaḥ, ṇḍiṅini lampahira, sarwi lumayu lumayu, wus prapta sru dèn nya ṅucap.

29. èḥ kali damariŋ nagri, ika nabi ṅisa prapta, ya ta kagyat saŋ akatoŋ, myarṣa nabi ṅisa prapta, miwaḥ paṅulu samya, agupuḥ dèn nira mĕṭuk, saŋ nata sawadyanira.

30. maṅkana cuṇḍuk saŋ aji, maṅrĕpa mriŋ nabi ṅisa, alkamdulillaḥ aturé, tuwan anĕḍaki amba, pan pira pira nikmat, tuwan kaŋ sampun ḍumawuḥ, iŋ kula margi ṅabdullaḥ.

31. mugi winĕṅaŋna kaŋ dasiḥ, ṅujuŋ dalamakan tuwan, ki ṅabdullaḥ sru wuwusé, laḥ pundi rabikawula, mugi tuwan tĕḍakna, samaṅké maṅké saŋ prabhu, kèndĕl tan bisa ṅandika.

32. gumĕtĕr sariranèki, kariṅĕté aréwéyan, sakiŋ jriḥ tumĕkèŋ batos, ñana katĕkan duduka, niŋ hyaŋ wus ṅrasa salaḥ, paṅulu tarampil matur, ya tuwanku kabibullaḥ.

33. rabiné ṅabdullaḥ yakin, sampun pĕjaḥ tigaŋ warṣa, kadya punapa kukumé, kawula añuwun wulaŋ, ṅandika nabi ṅisa, maṅkana purwané iku, rabiné ṅabdullaḥ pĕjaḥ.

34. wus tĕluŋ tahun anaṅiŋ, ṅabdullaḥ baṅĕt ndĕdoṅa, ñjaluk uripé rabiné, maṅka ṅĕndikaniŋ sukṣma, mriŋ sun kinèn dadiya, iya lantaraniŋ atur, anĕmoni si ṅabdullaḥ.

35. ñjaluk uripé kaŋ èstri, sunsuwun kalaratulaḥ, kalilan déniŋ hyaŋ manon, nuli iṅsun andĕdoṅa, urip wadon ṅabdullaḥ, anaṅiŋ umuré puput, nora bisa baraŋ baraŋ.

36. maṅka nuli dèn wènèhi, umur maraŋ iṅkaŋ lanaŋ, iya saparo umuré, mulané bisa lumampaḥ, muliḥ baṛĕŋ kaŋ lanaŋ, wadon ṅabdullaḥ sumahur, asugal wicaranira.

37. iku nabi ṅisa gidib, sinĕṛĕg mariŋ ṅabdullaḥ, nabi ṅisa ṅandikané, apa sira nora arṣa, duwé laki ṅabdullaḥ, wadon ṅabdullaḥ umatur, abiyas sarta supata.

38. dĕmi allaḥ awakmami, dédé bojoné ṅabdullaḥ, maṅka nabi ṅandikané, yèn maṅkono ulihĕna, umuré si ṅabdullaḥ, iṅkaŋ sira siliḥ iku, aturé iṅgiḥ sumaṅga.

39. nulya aṅandika nabi, aḥ wis mati mbok ṅabdullaḥ, guléṭak tiba patiné, tinutup iŋ lawaŋ tobat, iṅkaŋ tigaŋ prakara, ḍiṅin cilakané iku, ṅgorohakĕn nabiyolaḥ.

40. kapiṇḍo tinutup déniŋ, cilaka dèn nya upata, wus tita dĕmi allahé, piŋ tri tinutup cilaka, iku pan nora kĕna, sinalatkĕn patinipun, maṅkana ṅabdullaḥ mulat.

41. yèn rabiné aṅĕmasi, ṅabdullaḥ sigra añaṇḍak, rasukanira saŋ katoŋ, asru mojar èḥ saŋ nata, kaŋ ṅumpĕtkĕn maraŋ, rabikawula satahun, gya nabi ṅisa ṅandika.

42. èḥ raja apa sayĕkti, iku ujaré ṅabdullaḥ, raja mĕsir tur sĕmbahé, iṅgiḥ sayĕktos kawula, sakiŋ mbotĕn wuniṅa, yèn tiyaŋ èstri puniku, rabinipun ki ṅabdullaḥ.

43. kawula dipundorani, kĕni ṛĕñcananiŋ sétan, sakĕḍap kawula supé, iŋ maṅké sumaṅgèŋ karṣa, apan anak kawula, pawèstri parawan ayu, kapariṅĕna ṅabdullaḥ.

44. iṅgiḥ dadosa lintuniŋ, dosamba ḍatĕŋ ṅabdullaḥ, kula tĕḍa apurané, ṅabdullaḥ johari trima, lajĕŋ miṅgaḥ aniṅkaḥ, nabi ṅisa ṅandika rum, hèḥ rara wus bĕgjanira.

45. yèn aja katrima ugi, kaya sirṇa kratonira, poma aja manèḥ manèḥ, wèḥ susaḥ atiniŋ bala, krana woŋ dadi raja, witiŋ kabĕcikan tuhu, siṅgaḥna manaḥ kĕṭaha.

46. yèn ratu kĕṭaha budi, tan aṅambaḥ adil susaḥ, ṅalamat puṛĕt tĕḍakké, nora koṅsi turun tiga, kinĕbat wahyuniŋ hyaŋ, nora kĕlar dadi ratu, turunné kasuraŋ suraŋ.

47. nasĕkaḥ pitutur iki, kabèḥ kawulaniŋ allaḥ, kaŋ wus paḍa ṅakil balèg, paḍa ṅalapa ibarat, paḍa aṅruṅokĕna, critané hikayat iku, lan aja ana pracaya.

48. iya maraŋ iŋ pawèstri, lan aja sira ambuka, wawadi ana woŋ wadon, lan aja nurut ujarṇya, woŋ wadon iku iya, boloŋ atiné mriŋ napsu, sasaṅa sakèḥ wanodya.

49. wus kocap paṅandikaniŋ, sukṣma kaŋ muni iŋ kur'an, ñaritakakĕn kaṇḍané, nabi yusup lan kaŋ garwa, iya siti jaléka, ṅandikanira saŋ prabhu, mĕsir mriŋ siti jaléka.

50. utawi paṅrĕñcananiŋ, sétan iku amuŋ iya, hyaŋ sukṣma sinĕbut èṇṭèŋ, déné paṅrĕñcananiŋ dyaḥ, iku kaŋ luwiḥ awrat, sakiŋ sétan goḍanipun, wus lanas iŋ daḷĕm kur'an.

51. satuhu ṛĕñcananiŋ, sétan iku awis dadya, hèḥ éliŋ éliŋ sakèhé, woŋ kaŋ paḍa wus budiman, paḍa amicaraa, muṅguḥ ayat loro iku, paṅupayané wadon.

52. iku kaŋ luwiḥ pribadi, aṅluwihi sakiŋ iya, iŋ sétan paṅrĕñcanané, kayata kaŋ paṅandika, ñjĕŋ nabi nayakèṅrat, muṅguḥ caritaku mahu, supaya paḍa éliṅa.

53. ywa pĕgat mamintèŋ widdhi, dèn doḥna sakèḥ duraka, aja ĕsak myaŋ sĕriké, sanadyan uwus kaĕcap, paṣṭiné isiḥ kĕna, sinuwun dèn émut émut, mirib crita dyaḥ utama.

54. saguṅiŋ kaŋ amiyarṣi, samya nuwun aturira, mugya aṅsal baṛĕkahé, caritanya dyaḥ utama, ywa pisan pisan kadya, ñi ṅabdullaḥ woŋ dikĕpruk, dadya isiniŋ naraka.

55. nahĕn ta wus liṅsir ratri, pra tamu samya popoyan, pamit ñahi wisma nikèn, pujastuti lon liṅira, biliḥ panudyèŋ karṣa, iṅgiḥ béñjiŋ éñjiŋ dalu, tuwi ṅiras miyat wayaŋ.

56. ki pañjaṅmas iṅkaŋ ṅriṅgit, éñjiŋ lajĕŋ murwakala, pun ṅantèn èstri kawité, nugĕlkĕn gaṇḍik lawĕdan, maṅsuli samya sagaḥ, tan pah‍é pra tamu kakuŋ, samya binĕjan sadaya.

57. para tamu jalu èstri, wus umantuk sowaŋ sowaŋ, sarimbitan miwaḥ ijèn, nèŋ marga ajak ajakan, yèn waṅsul sasaṛĕṅan, daluné datan winuwus, éñjiŋ amaṅun sarkara.

37. murwakala sasampunipun paripurṇa aṅgènipun ki pujaṅkara kaguṅan damĕl mantu, éñjiṅipun ḍawuḥ damĕl sajèn sajèn baḍé ṅawontĕnakĕn ruwatan, riṅgitan lampahan murwakala.

riṅgitan kawiwitan kaṇṭi lampahan partadéwa. iŋ lampahan wahu paṇḍita rasĕkṣa bagawan krĕṣṇakésawa ṅraga sukma kaḍèrèkakĕn rayinipun éṇḍaŋ mardadari, ṅaṅlaŋ ḍatĕŋ kaswargan téñjomaya, sumĕṛĕp arjuna jumĕnĕŋ prabhu kariṭi kaaḍĕp para widadari garwanipun.

éṇḍaŋ mardadari rarahosan biliḥ samiṛĕṅipun arjuna wahu gaḍaḥ kadaŋ paṇḍawa lan garwa dèwi wara sumbadra. prajañjinipun arjuna sabayapĕjaḥ sakadaŋ paṇḍawa, tĕka botĕn dipuntuhoni. miṛĕŋ rarahosan wahu arjuna duka yayahsinipi.

sukma kabujuŋ, wasana ical iŋ pratapan wriṅinpitu. bagawan krĕṣṇakésawa katĕmpuhakĕn lan aḍinipun katĕḍa, naṅiŋ botĕn aṅsal.

dados pañcakara, saŋ bagawan dipunlĕpasi sañjata baḍar dados bhaṭara krĕṣṇa. éṇḍaŋ mardadari dados sumbadra. nagari ṅamarta iṅkaŋ komplaŋ, dipunlĕṅgahi bambaŋ partadéwa, kaḍatĕṅan paṇḍita durṇa iṅkaŋ baḍé nĕlukakĕn partadéwa sarana caṅkriman, naṅiŋ malaḥ kawon, lan kawiraṅan.

157. ḍaṇḍaŋgula

1. byar rahina warga jalu èstri, kaŋ pinataḥ samya nambutkarya, wus tapuk anambutgawé, ṛĕṛĕsik ṅatur atur, pujastuti marintaḥ mariŋ, paṅagĕgniŋ maḍaran, iŋ samĕktanipun, sajèn miwaḥ sarat sarat, iŋ paṅruwat kaṅgénipun béñjiŋ éñjiŋ, pañuwuné ki ḍalaŋ.

2. iṅkaŋ baḍé tumrap anèŋ kĕlir, tutuwuhan sajoḍo kaŋ pêpak, gĕḍaŋ tĕbu cĕṅkir ḷĕgèn, pari roŋ gèḍèŋ wulu, cikal kaliḥ waḥ ayam kaliḥ, jaḷĕr èstri cinañcaŋ, kiwa tĕṅĕnipun, sajèn tumpĕŋ warṇa saṅa, tumpĕŋ tutul tumpĕŋ lugas tumpĕŋ kĕṇḍit, tumpĕŋ pucuk lombok baŋ.

3. tumpĕŋ magana jaṅanan isi, tumpĕŋ magana isi wak ayam, tumpĕŋ rajĕg dom wajané, tumpĕŋ tigan iŋ pucuk, tumpĕŋ sĕmbur jaṅkĕp nawèki, karoso kaliḥ iṅkaŋ, miji isinipun, sĕkul ulam pan ginantaŋ, anèŋ kiwa puṅkasaniŋ iṅkaŋ kĕlir, sijiné isinira.

4. pala pĕṇḍĕm kasimpar mawarṇi, uwos pĕṭak wowohan kaŋ pêpak, tinimbaṅkĕn pagantaṅé, nèŋ kĕlir tĕṅĕn pucuk, sajèn klapa paṇḍan sawiji, bantal añar satuṅgal, siñjaŋ warṇi pitu, sadodot polèŋ bintulya, driṅin soṅèr tuluhwatu gaḍuŋ mlaṭi, liwatan baṅun tulak.

5. paṇḍan binĕṭot jaṅkĕpirèki, saḍiyaa siñjaŋ kĕmbĕn pĕṭak, kaŋ baḍé dèn aṅgé sibèŋ, wusiŋ kaṅgé puniku, kyayi ḍalaŋ iṅkaŋ ndarbèni, yèn jaḷĕr kaŋ rinuwat, ikĕt siñjaṅipun, kaliḥ iji paṅot waja, miwaḥ kropak iṅkaŋ wiyar sarta akiŋ, satĕkĕm kaṭahira.

6. sĕkul wuduk ḷĕmbaran warṇa tri, ayam cĕmĕŋ ayam pĕṭak iṅkaŋ, sami mulus sadayané, antigan ayamipun, jadaḥ warṇi sapta baŋ putiḥ, biniru sarta jĕnar, kĕṇḍit tutul sampun, kĕtan kuniŋ cĕmĕŋ pĕṭak, biru ijĕm wajik jĕnaŋ dodol manis, jĕnaṅan warṇi saṅa.

7. winaḍahan ron pisaŋ tinakir, myaŋ kloṭokan gĕdĕbog piniṇḍa, takir sinami isiné, jĕnaŋ blowok baŋ biru, ijĕm pĕṭak cĕmĕŋ myaŋ kuniŋ, jĕnaŋ ḷĕmu saṅanya, kaŋ jĕnaŋ bĕkatul, sarabi awarṇi saṅa, iṛĕŋ biru wuṅu ijo tutul kuniŋ, baŋ pĕṭak isèn gula.

8. iṅkaŋ abaŋ lawan bikaŋ putiḥ, awug awug ampyaŋ sapĕpaknya, poṇḍoḥ pipitu warṇané, baŋ putiḥ iṛĕŋ biru, ijĕm wuṅu saptanya kuniŋ, ḷĕgoṇḍoḥ ḷĕpĕt kupat, wuwuṅkusanipun, mĕndut limus nagasĕkar, clorot puḍak ĕntul ĕntul srabi utri, myaŋ pipis warṇa warṇa.

9. pulagimbal miwaḥ pulakriṅsiŋ, tinuṅgilkĕn muŋ dadya sawaḍaḥ, ṛĕṛĕmikan sapĕpaké, wowohan sahnanipun, tukon pasar iṅkaŋ miranti, yatrané kaliḥ uwaŋ, rujak warṇinipun, rujak bakal sarwa wĕtaḥ, rujak ḍĕplok rujak crobo rujak dulit, rujak ḷĕgi sawaḍaḥ.

10. gĕcok bakal lombok uyaḥ trasi, brambaŋ bawaŋ ulam mésa mĕntaḥ, gĕcok gĕsaŋ kaliḥ lélé, gĕcok dadi trinipun, tigan ayam mĕntaḥ sarakit, sakĕmbar glaran pacar, sahuntiŋ kaŋ kayu, bumbu bumbu iṅkaŋ pêpak, wolak walik pĕcĕl pitik jaṅan mĕnir, sĕga goloŋ kĕcambaḥ.

11. ĕmpon ĕmpon sapĕpakirèki, pala gumantuŋ pĕṇḍĕm kasimpar, mĕntaḥ matĕŋ sajaṅkĕpé, dados sawaḍaḥ kumpul, bĕṇḍo ladiŋ jujuṅkat suri, kaca payuŋ tumumpaŋ, jajan pasaripun, tiṇḍiḥ salawé ḍuwitan, alaŋ alaŋ goḍoŋ ḍaḍap srĕp sahuntiŋ, myaŋ goḍoŋ apa apa.

12. uṅkĕr siji ḷĕṅa suṇḍul laṅit, lawé sahukĕl iṅkaŋ pĕṭak, sĕkul asahan ṅiṅgilé, pinupuk punar sĕkul, kupat luwar sakawan iji, bĕras pĕṭak sadaṅan, klapa guṇḍil jalu, dèn bĕt ubĕt lawé wĕnaŋ, tĕluŋ ubĕt walikukun papat iji, pañjaŋ sami sahasta.

13. lisaḥ kaḷĕntik kĕbak sacaṅkir, ĕjar bléñcoŋ tiga tèŋ kaŋ arta, sagoci bĕg isi tètès, sagoci baḍègipun, wé tĕmpuran dipunwowori, wé sumur warṇi sapta, sĕkar sĕtaman rum, tĕlu tèŋ kobokan arta, abahaniŋ pawon kaŋ pêpak miranti, pĕṅaron iṅkaŋ añar.

14. kĕṇḍi añar kinĕbakan wariḥ, lisaḥ kacaŋ sagĕndul kaŋ kĕbak, dilaḥ murup nèŋ clupaké, daliṅo bawaṅipun, tiṇḍiḥ arta salawé ḍuwit, pisaŋ ayu taṅkĕban, miwaḥ suruḥ ayu, saaduné iṅkaŋ pêpak, gĕṇḍis klapa sataṅkĕp tiṇḍihirèki, suwidak waŋ tĕmbaga.

15. sampun cĕkap tan na maliḥ maliḥ, sacĕkapé wa kula sumaṅga, kaŋ tampi ḍawaḥ aturé, sandika nulya gupuḥ, paparéntaḥ rèḥ rèhanèki, wus samapta sadaya, sarat sajèn suguḥ, kĕlir gamĕlan tinata, sarat sarat kaŋ tumrap puṅkasan kĕlir, sadaya wus pinasaŋ.

16. mas cĕbolaŋ myaŋ sakawan santri, tumut ṅrarakit atata tata, wus samapta sadayané, saŋ hyaŋ arka sumurup, palataran patiŋ kaṛĕlip, kaŋ samya wawadéyan, kinaŋ kupu taruŋ, sata éca sĕḍĕŋ waḍag, myaŋ oprokan rokok klobot jawa waṅi, wiron ḍinèḍès ṅambar.

17. upĕt sĕpĕt mañcuŋ warṇi warṇi, bakmi ayam sahoto kambaṅan, cokotĕn roṇḍé cĕmowé, wédaŋ tèḥ lawan bubuk, ḍawĕt srĕbat caho bir manis, bĕras kĕñcur sĕmĕlak, ḷĕgèn arèn arum, paṅanan gorèŋ mawarṇa, babasahan wuwuṅkusan amĕpĕki, pala pĕṇḍĕm kasimpar.

18. gogoḍoṅan ginorèŋ cinripiŋ, jĕnaŋ dodol poṇḍoḥ wajik jadaḥ, jadaḥ gĕḍaŋ kĕtan oré, gĕṭuk juwadaḥ pohuŋ, cĕṭot juruḥ lédré surabi, jĕnaŋ cocoḥ baŋ pĕṭak, puli awug awug, ṭiwul uḍak cabuk rambak, grontol iṇṭil gaṇḍos raṅin wolak walik, ampyaŋ karag bakaran.

19. rujak ḍĕplok gobèt pĕcĕl lotis, sĕga loḍohpiṇḍaŋ guḍaŋ tumpaŋ, sĕga prĕcita myaŋ krèṅsèŋ, saté mah‍ésa wĕḍus, saté ayam guḍĕg kĕbiri, kupat loṇṭoŋ ḷĕgaṇḍa, kupat muñjit buṅur, sĕga liwĕt ulam ayam, kupat ḍocaŋ goréṅan ulam mawarṇi, antigan piṇḍaŋ kamal.

20. jĕruk jambu pakèl pĕḷĕm kwèni, blimbiŋ ḍuku kulampĕs kokosan, ḍuwĕt kĕlayu lan katès, naṅka maṅgis kapuṇḍuŋ, cĕṅkir dĕgan pinaras klimis, myaŋ sĕpĕté piniṇḍa, buron ḍarat lahut, kinarya ĕmbut ĕmbutan, rarywa jajan swarané piṇḍa garimis, ramya patiŋ kĕcapaḥ.

21. wusiŋ jajan miṅgaḥ mriŋ paṇḍapi, ṅgĕlar klasa aṛĕbat paṅgénan, kumarusuk tiŋ caṛĕṅèk, swara taruŋ lan talu, suwuk gaṅsa kadya kinardi, siṛĕp tan ana ṅucap, kaŋ nonton myaŋ tamu, iŋ tyas samya ṅarṣa arṣa, wĕdaliŋ kaŋ wayaŋ binabar iŋ kĕlir, niliṅkĕn caritanya.

22. para tamu jalu miwaḥ èstri, awit rawuḥ ijèn sarimbitan, pinarṇahakĕn liṅgihé, sĕgahira lumintu, wus tinata praptaniŋ éñjiŋ, sampĕt nora kuciwa, ḍahupiŋ kaŋ waktu, ki wisma mrĕpĕki ḍalaŋ, kyayi jurupujaṅkara wacana ris, kiraka pañjaṅĕmas.

23. prayoginé lampahan punapi, rèhiŋ béñjiŋ éñjiŋ lajĕŋ ṅruwat, pañjaṅĕmas lon aturé, ki bĕkĕl yèn panuju, partadéwa lampahanèki, sawatawis kĕmbanya, kaṭaḥ rahosipun, ki juru panudyèŋ karṣa, yèn wis wañci prayogi lajĕŋ ṅawiwit, ki ḍalaŋ tur sandika.

24. añĕmpala koṭak munya gĕṇḍiŋ, karawitan ambĕḍol gunuṅan, ṅuṅalakĕn baléñcoṅé, jĕjĕrira saŋ prabhu, iŋ ṅastina kaŋ anèŋ ṅarṣi, ṛĕṣi paṇḍita druna, lawan saŋ nindyanuŋ, kyatiṅrat kyapatiḥ suman, apaparab rahadyan patiḥ saṅkuni, waraṅka iŋ ṅastina.

25. awit jĕjĕr sapiturutnèki, saya tambaḥ sĕsĕké kaŋ mulat, samya niyat ṅĕbyaraké, owĕl kalamun mantuk, katambahan sĕdya ñumrĕpi, lampahiŋ murwakala, kaŋ wayaŋ pinuju, mĕdal paṇḍita danawa, saŋ bagawan késawa kaŋ anèŋ ṅarṣi, kadaŋ manodya éndaḥ.

26. apaparab éṇḍaŋ mardadari, kyayi ḍalaŋ ṅucapkĕn maṅrĕṅga, saŋ késawa ḍaḍépoké, nĕṅgiḥ riṅin kapitu, laṅkuŋ dèn nya amatiragi, gĕntur kasutapanya, kinasiḥ déwaguŋ, pratapan iŋ ṅriṅin sapta, wiṅit siṅit araŋ janma kaŋ udani, yèn tan kaṇṭi nugraha.

158. kinaṇṭi

1. daṅu dèn nya imbal wuwus, lan kadaŋ dyaḥ mardadari, apa ananiŋ patapan, tanĕm tuwuḥ warṇi warṇi, nulya mriŋ saṅgar pamujan, saŋ wiku maṅsaḥ sĕmadi.

2. kadaŋ èstri datan kantun, tumutur maladi ĕniŋ, ṅĕniṅkĕn kaŋ pañcadriya, tan ana swara kapyarṣi, kaŋ kacipta kaŋ katiṅal, pucukiŋ grana kapuṣṭi.

3. muŋ pribadi kaŋ sinĕbut, datan pantara saŋ ṛĕṣi, amati sajroniŋ gĕsaŋ, tan kèri kèn mardadari, wus sami aṅraga sukṣma, ṅañcik jamaniŋ kapatin.

4. yitma saŋ késawa wiku, nayarana kaŋ kinardi, yitma mardadari éṇḍaŋ, rara iṛĕŋ kaŋ kinardi, samya ndĕdĕl mriŋ ṅakasa, sarwi awawanan aṅliŋ.

5. yitma mardadari muwus, kakaŋ iŋ samĕṅko iki, iŋ kaṛĕp wus tinurutan, kakaŋ pan aṅèl sayĕkti, pratiṅkahé mriŋ kamukṣan, késawa aris nahuri.

6. dadiné bĕnĕr ujarku, rara woŋ kaŋ amriḥ yĕkti, ora kĕna ginagampaŋ, yèn ora téga iŋ ati, piṇḍoné amatiraga, janaloka tan tinoliḥ.

7. sarta patitisiŋ sĕbut, kudu iŋ tékat tohpati, sakèhiŋ kaṛĕp cinĕgaḥ, béda lan kaŋ wus linuwiḥ, wus mĕṅĕŋ iŋ ṅarcapada, sakaṛĕp kaṛĕpé dadi.

8. béda sira lawan iṅsun, makṣiḥ kulinèŋ nagari, marmané aṅèl kalintaŋ, sawĕnèḥ ana ṅarani, gampaŋ pratiṅkaḥ kamukṣan, iŋ ṅaṛĕp ginawé gampil.

9. sañata gampaŋ kalamun, tilar ḍahar lawan guliŋ, nora minum nora sahwat, tanpa kaṛĕp tanpa runtik, nora sah‍èn lan wiraṅan, yèn maṅkono paṣṭi gampil.

10. sarta patitisiŋ kawruḥ, yèn maṅkonowa sayĕkti, uga aṅèl kaya sira, déné kaŋ mastani gampil, rara yèn panarkaniṅwaŋ, tĕka ñoloŋ mamaktuli.

11. sajatiné kuraŋ kawruḥ, kasusu kudu ṅĕṅkoki, muŋ mikir wajib lan wĕnaŋ, mokalé tan dèn praduli, ṅaku hyaŋ jagatwisésa, kapan ṅgonné ṅukir laṅit.

12. yèn bukti jégaŋ ṅĕṇḍuruk, yèn turu prasasat mati, pamahiné warṇa warṇa, dahwèn panastèn sru drĕṅki, nĕpsuné aṅambra ambra, dèn ècèr dèn nya ṅĕṅkoki.

13. déné ta sayĕktinipun, sirèku amuŋ sisiliḥ, karṇa nétra grana sabda, paliwara kaŋ sayĕkti, ĕniṅiŋ tyas iku dadya, pikukuḥ dayaniŋ budi.

14. kamomoran sira iku, gĕni bañu aṅin bhumi, gĕtiḥ atanapi kama, marma sira luwiḥ laṅip, yèn sira bisa amisaḥ, susukĕr sajroniŋ ragi.

15. dèn waṣkiṭa iŋ paṅrĕṅkuḥ, nora kĕna yèn binudi, kalawan nalar ndaléya, matur ris kèn mardadari, kakaŋ duk mahu sun miyat, abaŋ iṛĕŋ kuniŋ putiḥ.

16. késawa aris sumahur, hèḥ ta rara wruhanèki, duk sira aṅragasukṣma, kuniŋ arurupan adi, iku cahyaniŋ kaŋ sukṣma, wus pĕcat mila kah‍èkṣi.

17. sukṣma laṅgĕŋ wastanipun, sukṣma purba kapiŋ kaliḥ, sukṣma wasésa piŋ tiga, sukṣma luhur kaŋ muṅkasi, mĕṅku nĕpsu pataŋ paṅkat, iku iṅkaŋ maréntahi.

18. sukṣma laṅgĕŋ wastanipun, kaŋ iṛĕŋ mahu kah‍èkṣi, sukṣma purba rupa abaŋ, sukṣma wasésa kaŋ kuniŋ, déné sukṣma luhur ika, iya iṅkaŋ rupa putiḥ.

19. sukṣma laṅgĕŋ kaŋ dèn uguŋ, asrĕṅĕn sabaraŋ runtik, nĕpsu ndadra ṅambra ambra, ndaluya guŋ muriŋ muriŋ, déné iṅkaŋ sukṣma purba, ṅuguŋ sakèhiŋ pépéṅin.

20. kaṛĕm mémélikan iku, panastèn murka daṛĕṅki, dahwèn opènan sĕmbrana, loño mamak ĕdir ḍiri, déné kaŋ sukṣma wisésa, iku iṅkaŋ mbĕbayani.

21. karyané iku nunuṅkul, maraŋ ati iṅkaŋ suci, yèn niyat amriḥ utama, dèn goṇḍèli dèn buntoni, binawur mriŋ kuwurira, yèn iṅkaŋ kaliḥ prakawis.

22. jinuruŋ kalantur lantur, amriḥ rusakiŋ kaŋ ḍiri, déné sukṣma luhur iku, muŋ sukci tan ika iki, amriḥ arja sartatama, aṅguŋ ṅajak kuraŋ bukti.

23. sajati jatiné iku, gagĕnti hyaŋ utipati, misésa sukṣma titiga, mardadari turira ris, apa kaŋ katon gumĕbyar, ñuṛĕmkĕn pradaṅgapati.

24. kakaŋ sun kaya sumaput, cumlorot ṅébat ébati, ika makṣiḥ katiṅalan, déné kaŋ pataŋ prakawis, kakaŋ wis datan katiṅal, saŋ késawa lon nahuri.

25. iṅkaŋ mañcoroŋ kadulu, cumlorot mañcur mblĕṛĕṅi, ñuṛĕmkĕn sorotiŋ surya, paḍaṅé ṅèbĕki bhumi, rara iku téñjomaya, sawarga iṅkaŋ linuwiḥ.

26. manuṅsané bhaṭara guŋ, kaŋ wus tinarima yĕkti, ginañjar iŋ téñjomaya, sakaṛĕp kaṛĕpé dadi, mardadari ris turira, payo kakaŋ dèn parani.

27. kakaŋ manira yun wĕruḥ, iya yayi luwiḥ bĕcik, linajĕṅkĕn dèn nya miṅgaḥ, sinigĕg wĕdaliŋ ardi, ki ḍalaŋ ñĕmpala koṭak, muṅĕl gĕṇḍiŋ gambirṣawit.

28. ṅadĕg risaŋ paṇḍusunu, iṅaḍĕp pra widadari, dyaḥ supraba wilotama, dyaḥ gagarmayaŋ warṣiki, dyaḥ prabasini suréndra, kapitu dyaḥ warṣasini.

29. kaŋ gaṅsa nulya jinantur, ki ḍalaŋ carita aglis, swara gaṇḍaŋ titis cĕṭa, nĕṅgiḥ gantya kaŋ winarṇi, sawarga iŋ téñjomaya, kaḍaton iŋ suranadi.

30. yĕkti tan kĕna cinatur, éndahé iŋ sawargadi, sadaya sarwa kañcana, wisma mas pagĕré rukmi, wĕḍinya sotya lan miraḥ, plataran patiŋ paṛĕlik.

31. gapuranira mas ta tur, rinĕṅga sosotya adi, iṅukir sinuŋ gupala, nadyan pagĕré capuri, ĕmas byur kandĕl sahasta, ubĕṅira winitawis.

32. tĕmugĕlaŋ pituŋ dalu, satuhu ṅébat ébati, gapuranya suṅsun sapta, jawata iṅkaŋ ñjagani, naṅiŋ tan rupa manuṅsa, rupa naga wĕnèḥ pĕkṣi.

33. gapura raja amuṅgul, mèḥ suṇḍul iŋ ṅawiyati, kahukir iṅupaṛĕṅga, sinotya sotya rinukmi, pucak gapura sinuṅan, sotya gĕŋ sawaluḥ kĕṇṭi.

34. mila tan siyaŋ tan dalu, sakiŋ ujwala nĕlahi, ḍasarṇya sawargaloka, laṅgĕŋ nora kĕna giṅsir, iṅkaŋ rumĕkṣa jawata, kakaliḥ warṇi rasĕkṣi.

35. dahat ṅajrihi guŋ luhur, siyuŋnya aṅgaru laṅit, nétra kadya surya kĕmbar, suwara sru ṅgĕgĕtĕri, lir baruṅiŋ gĕlap sasra, wastanya iṅkaŋ satuṅgil.

36. bhaṭara ciṅkara iku, lan balahupata sami, ṅrĕkṣa kori ñjawi pisan, asikĕp gagaman sami, pĕḍaŋ tamèŋ tamsir gada, nulak iṅkaŋ sĕdya mañjiŋ.

37. sanadyan pra jawatèku, sayĕkti tan kĕna mañjiŋ, sinĕṅkĕr hyaŋ girinata, muŋ isi para apsari, kaŋ cinaḍaŋ téñjomaya, manuṅsa iṅkaŋ kinasiḥ.

38. siniyan bhaṭaranipun, kaŋ apuñjul iŋ sabhumi, kaŋ kalis iŋ pañcadriya, wontĕn titahiŋ hyaŋ luwiḥ, satriya andanañjaya, tinarimèŋ bhaṭaradi.

39. kalis iŋ pañcana tuhu, mila siniyan déwadi, iṅambil atmaja priya, dèn adu lan saŋ yakṣaji, prabhu néwatakawaca, arṣa ṅrusak suranadi.

40. saŋ parta praṅira uṅgul, nadyan ntuk sihiŋ déwadi, ginañjar iŋ téñjomaya, rinatu nèŋ sawargadi, sinrahkĕn sahisinira, saguŋ kaŋ para apsari.

41. saŋ parta sakayun kayun, nora ṅaṅgo dèn waṅĕni, kundura mriŋ marcapada, jĕnak anèŋ sawargadi, wus winĕnaŋ dé hyaŋ siwaḥ, sakarṣa karṣané dadi.

42. iŋ maṅké saŋ parta nuju, nèŋ téñjomaya wus lami, siniwi kaŋ para garwa, sapta iṅkaŋ widadari, kakasihé waraṅgana, dèwi supraba lwiḥ adi.

43. wilutama kalihipun, katiga dèwi warṣiki, suréndra lan gagarmayaŋ, prabasini warṣasini, ṛĕtna supraba punika, kaŋ dadya garwa padĕmi.

44. datan pinañjaṅiŋ catur, warṇané kaŋ widadari, ayuné woŋ marcapada, kasor déniŋ pra apsari, mila kinarya babasan, tobat kaya midadari.

45. tanpa gawé yèn ginuṅguŋ, ayuné pra widadari, lan naréndra téñjomaya, sarwa sarwiniŋ paṅèkṣi, kabèḥ laṅĕniŋ bhawana, sayĕkti tan goṭaŋ siji.

46. saŋ danañjaya kalamun, siniwi iŋ sawargadi, nilar kasatriyanira, ṅlĕṅgahi jĕnĕṅiŋ aji, bibisikaniŋ naréndra, saŋ mahaprabhu kariṭi.

47. duk samana saŋ aprabhu, lagya siniwi pra rabi, ḷĕṅgaḥ muṅgèŋ madéṛĕtna, aglar aṇḍèr kanan kériŋ, para garwa para putra, patutan siŋ widadari.

48. kaŋ ḷĕṅgaḥ cakĕt saŋ prabhu, muŋ saŋ muṣṭikaniŋ swargi, koṭak nulya jinĕmpala, gĕṇḍiŋ ṅalik asru ṅaliḥ, sawatara gya sĕsĕgan, ṅaṇḍĕloŋ suwukiŋ gĕṇḍiŋ.

49. paṭĕt saṅa suluk nutug, tandya ṅucapakĕn riṅgit, kusuma ṛĕtna supraba, umatur saha wotsari, ḍuḥ saŋ kaḷĕṅkaniŋ jagad, pun dasiḥ anuwun runtik.

50. déné dahat kamipurun, umatur panduka aji, ḍuḥ pukulun paran marma, paran ta kaŋ dadi sisip, sakéñjiŋ datan ṅandika, sanès lan duk wiṅi wiṅi.

51. mèsĕm ṅandika saŋ prabhu, babo ratuniŋ mamanis, yayi aywa salahcipta, nora yèn maṅkono gusti, ḍuḥ yayimas wruhanira, rahosiŋ tyaṣku sakéñjiŋ.

52. tansaḥ maras kĕpyur kĕpyur, sumĕlaŋ aṅguŋ kuwatir, nĕmbaḥ atur kèn supraba, pukulun śri narapati, punapa dados sumĕlaŋ, déné wus nèŋ suwargadi.

53. kèn wilutama sumambuŋ, pukulun kaŋ bokmanawi, raka paduka saŋ nata, kaṅĕn garwané kakasiḥ, putri adi iŋ mandura, nadyan kaṭaḥ para rabi.

54. wodiŋ tyas amuŋ puniku, tuhu muṣṭikaniŋ putri, kusuma wara sumbadra, jĕr saŋ nata sampun lami, siniwi nèŋ tĕñjomaya, saŋ nata mèsĕm liŋnya ris.

55. intĕnku ratuniŋ ayu, si kakaŋ nora aṅimpi, makṣiḥ jĕnak saṇḍiŋ sira, kunĕŋ kaŋ lagya pradondi, yitma kaliḥ praptanira, ṅintip satĕpiniŋ kori.

56. mardadari alon muwus, ñata yèn ṅébat ébati, sawarga iŋ téñjomaya, késawa aris nahuri, rara payo nuli mĕdal, wus tutug ṅgonku niṅali.

57. payo nutugaké laku, mardadari ris nahuri, kakaŋ sarèḥna saḍéla, pitakonku duruŋ dugi, dadiné iŋ téñjomaya, paṅgonnané pra apsari.

58. kakaŋ sapa iṅkaŋ luṅguḥ, siniwakèŋ madé rukmi, dĕḷĕṅé kaya manuṅsa, iṅaḍĕp pra widadari, jaréné iŋ téñjomaya, tan kĕna woŋ lanaŋ mañjiŋ.

59. sanadyan pra jawatèku, iya nora kĕna mañjiŋ, aja kaŋ jalma manuṅsa, sĕmuné kaŋ liṅgiḥ iki, kaya kaŋ duwé kaḍatyan, absari minaṅka rabi.

60. késawa ṅandika arum, bĕnĕr ujarira yayi, sawarga iŋ téñjomaya, tan kĕna iṅambaḥ jalmi, sanadyan para jawata, linaraŋ dé hyaŋ pramèṣṭi.

61. muŋ kaŋ siniyan déwaguŋ, minaṅka lanaṅiŋ bhumi, iṅambil putra suraya, dé hyaŋ éndra surapati, iku panĕṅaḥ paṇḍawa, kadaṅé śri darmasiwi.

62. duk mahu manira tutur, sapa woṅé kaŋ antuk siḥ, katrima hyaŋ jagadnata, ginañjar iŋ sawargadi, yayi iku wruhanira, prabhu kariṭi linuwiḥ.

63. radèn janaka rannipun, paparab radyan prĕmadi, satriya iŋ madukara, tuhu kaḷĕṅkaniŋ bhumi, lalanaṅiŋ jagadraya, tur kayun pidarah‍èni.

64. bisa urip loro iku, anèŋ marcapada urip, anèŋ éndraloka gĕsaŋ, béda lan liya liyaniŋ, tan bisa mriŋ suralaya, yèn nora kalawan mati.

65. yèn radèn janaka iku, sakaṛĕp kaṛĕpé dadi, prataṇḍa janma utama, tuhu muṣṭikaniŋ bhumi, mardadari ris turira, kakaŋ iṅsun ṅruṅu warti.

66. rahadèn janaka iku, mriŋ kadaṅé aprajañji, kalima pisan ubaya, mati urip aja kari, papa arja woŋ lilima, lan manèḥ paṅruṅumami.

67. garwané padmi kaŋ sĕpuḥ, putri iŋ mandura nagri, akèḥ iṅkaŋ para garwa, muŋ iku antuk prajañji, añjanmaa kapiŋ sapta, nora pisaḥ woŋ kakaliḥ.

68. wusana kakaŋ puniku, ṅénak énak nèŋ swargadi, tan éliŋ kadaŋ myaŋ warga, dadi cidra iŋ prajaṅji, lali kadaŋ warga putra, sakiŋ kalimputiŋ mukti.

69. kakaŋ yèn maṅkono iku, tan layak dadi kakasiḥ, jaré lalanaṅiŋ jagad, muṣṭikaniŋ woŋ sabhumi, linuwiḥ woŋ sabhuwana, jĕbulé loño iŋ jañji.

70. dadi wĕkasané mĕsum, ñjaḷĕbut kiraŋ utami, dora dadi lokiŋ jana, sudi sudiné ṅarani, muṅguḥ yèn ta iṅsun kakaŋ, mimitra bah‍é tan sudi.

71. késawa ṅandika arum, rara payo nuli mijil, mĕnèk sĕlak kawĕnaṅan, janaka manuṅsa luwiḥ, paṣṭi nora kasamaran, mardadari matur aris.

72. kakaŋ iṅsun duruŋ tutug, mĕṅko saḍéla lamun wis, tutug ĕṅgonku tumiṅal, késawa ṅandika aris, rara sĕmuné woŋ ika, tan samar mriŋ sira mami.

73. rara payo agé mĕtu, umatur kèn mardadari, mokal kakaŋ yèn uniṅa, janaka manuṅsa yĕkti, nadyan iṅkaŋ para déwa, maṅsa wruha maraŋ mami.

74. késawa ṅandika arum, yèn pra déwa bĕnĕr tan wrin, naṅiŋ yèn radèn janaka, tan samar iŋ agal ṛĕmit, sabab wus raga bhaṭara, tan loro datan sawiji.

75. ki ḍalaŋ ñĕmpala gupuḥ, kĕprak kĕcèk lan ṅĕṇḍoni, gĕndèr muṅĕl ada ada, janaka kumitir ririḥ, kèndĕl iṅkaŋ ada ada, ki ḍalaŋ carita maliḥ.

76. wahu ta kiriṭi prabhu, wus daṅu dèn nya maṅèkṣi, yitma kaliḥ rarasanan, sariranya dèn rasani, iṅumpaḥ dèn uṇḍamana, saŋ nata duka tan sipi.

77. jajabaŋ malatu latu, kumĕjot padoniŋ laṭi, yitma kaliḥ aṅgrahita, yèn saŋ prabhu dahat runtik, ki ḍalaŋ ñĕmpala koṭak, sĕsĕg palajĕṅan muni.

78. yitma kakaliḥ umampruŋ, janaka tumĕḍak aglis, sakiŋ iŋ ḍampar kañcana, jumaṅkaḥ gya dèn goṇḍèli, mriŋ supraba saha garwa, gaṅsa suwuk crita maliḥ.

79. èḥ si nanĕka ywa mlayu, tutugna wuwusmu ḍisik, saparanmu déné dahat, mĕjanani mriŋ prĕmadi, dèn taṅguḥ aja lumajar, supraba kagyat miyarṣi.

80. kaŋ raka duka kalaṅkuŋ, umatur saha wotsari, pukulun wontĕn punapa, paduka yayaḥ sinipi, sumbar sumbar tan lawan, ḍuḥ èṅĕta prabhu mami.

81. pra garwa sadaya muwus, śri naréndra dèn goṇḍèli, pra sami matur ṅrĕṛĕpa, pukulun śri narapati, tĕka salaḥ paṅgrahita, punapa iṅkaŋ kah‍èkṣi.

82. saŋ nata ṅandika asru, ucuḷĕna yayi dèwi, sun nora salaḥ grahita, layak sira tan udani, wus yayi paḍa kariya, pun kakaŋ aminta pamit.

83. pra garwa kinipatkĕn wus, muṅĕl palajĕṅan maliḥ, lumajĕŋ sarwi ṅandika, antènana ywa ṅoñcati, para garwa kaŋ tinilar, karuna ṅuṅun tan sipi.

84. kèn supraba ṅandika rum, wis paḍa mèndĕla yayi, mokal yèn salaḥ paniṅal, ñjĕŋ paṅran manuṅsa luwiḥ, paṣṭi tan salaḥ grahita, nĕŋna kaŋ para absari.

85. iŋ téñjomaya kapuṅkur, saŋ parta tansaḥ nututi, yitma kakaliḥ lumajar, uniṅa yèn dèn tututi, saŋ parta tansaḥ susumbar, maṇḍĕga aywa ṅoñcati.

86. iŋ kéné paḍa praŋ pupuḥ, sakaṛĕpmu sunladèni, aja sira ṅuṇḍamana, aṛĕp ṅayoni prĕmadi, ṅakuwa woŋ ṅĕndi sira, sapa jĕnĕŋmu cariwis.

87. mardadari laṅkuŋ ṅuṅun, déné saŋ parta nututi, kinira datan uniṅa, ṅandika saŋ mahaṛĕsi, tan liñok ujarku apa, si janaka anututi.

88. duk mahu manira tutur, gya ṅĕmpĕt yitma kakaliḥ, cumalorot kadi kilat, saŋ parta tansaḥ nututi, tutwuri saparanira, sarwi aso aṅĕntèni.

89. wus pĕrak iŋ ḍépokipun, pratapan kaŋ sapta wriṅin, yitma kaliḥ musna ilaŋ, saŋ parta kécalan lari, ṅuṅun maṅu jroniŋ nala, naṅiŋ mĕkṣa nĕdya ṅuṅkiḥ.

90. tan ḷĕga rahosiŋ kalbu, kalamun nora pinaṅgiḥ, suka matia nèŋ wana, wahu ta yitma kakaliḥ, wus sami mañjiŋ aṅganya, sah‍éṅga taṅiniŋ guliŋ.

91. saŋ késawa puṅun puṅun, lan ari kèn mardadari, lir kaduwuŋ solahira, ya ta rahadyan prĕmadi, dumrojog tanpa larapan, prapta ṅarṣané saŋ yogi.

92. ki ḍalaŋ ñĕmpala ḍruḍug, palajĕṅan suwuk nuli, ada ada makṣiḥ saṅa, kĕprakhya tinitir ririḥ, nutug dèn ya ada ada, ki ḍalaŋ carita maliḥ.

93. saŋ késawa lon umatur, ṅaturan sĕṅgaŋ pambagi, iŋ wiṅkiŋ pundi pinaṅka, sintĕn sinambatiŋ waṅi, aris nahuri saŋ parta, yèn sira tambuḥ riŋ mami.

94. arya danañjaya iṅsun, iya rahadyan prĕmadi, arjuna iya palguna, janaka prabhu kariṭi, sinatriya madukara, madyaniŋ paṇḍawa mami.

95. hèḥ saŋ tapa sapa ranmu, ya ta saŋ wiku duk myarṣi, paṅandikané saŋ parta, aṅguguk aris nahuri, ḍuḥ babo sahijab ijab, jĕnĕṅé tĕka ṇḍèwèki.

96. radèn ndaṅu nama ulun, kula botĕn gaḍaḥ nami, nunut paduka kéwala, iṅkaŋ sampun sugiḥ nami, saŋ danañjaya duk myarṣa, waṅsulanira saŋ yogi.

97. sĕmu duka dahat ṅuṅun, ḍasariŋ tyas duruŋ liliḥ, nalika ambujuŋ yitma, ṅandika sru sĕmu runtik, hèḥ saŋ tapa wruhanira, praptèṅṅoŋ ṅarṣamu iki.

98. iṅsun ṅupaya buronku, parané maréné paṣṭi, sira iṅkaŋ ñiṅidĕna, saŋ wiku aris nahuri, tan wontĕn kidaŋ mĕñjaṅan, saŋ parta ṅandika maliḥ.

99. dudu kidaŋ kaŋ sun luru, manuṅsa lanaŋ lan èstri, kaŋ dèn uṅsi paṣṭi sira, hèḥ saŋ wiku aywa kumbi, yèn sira nora pasaja, dadi liru sira paṣṭi.

100. saŋ wiku alon umatur, radèn sumaṅga sakapti, tĕmĕn kula tan uniṅa, ya ta rahadyan prĕmadi, sadaṅunira rahosan, séjé iṅkaŋ dèn tiṅali.

101. sawiṅkiṅira saŋ wiku, uṅgyaniŋ dyaḥ mardadari, saŋ parta datan darana, ṅandika sru hèḥ saŋ yogi, sapa kaŋ nèŋ wurinira, apa kadaŋ apa rabi.

102. tuwin apa atmajamu, saŋ wiku duk amiyarṣi, paṅuṅunira iŋ driya, tĕku ṅglaṭak pyayi iki, wasana aris turira, punika kadaṅkulèstri.

103. saŋ parta ṅandika arum, yèn maṅkono saŋ ayogi, kadaṅira iṅsun alap, arṣa manira ṅgo rabi, saŋ wiku aris turira, radèn amba ñuwun runtik.

104. kadaŋ kawula puniku, sayĕkti wus darbé laki, sun tan wĕdi mriŋ kaŋ lanaŋ, sira wiku ywa ṅacuwis, paṅomèlmu tanpa karya, cĕkak bah‍é ja ran kapti.

105. sira baṅga apa nutut, yèn nutut kadaŋmu èstri, aturṇa jĕnĕṅmanira, yèn baṅga iṅsun ladèni, dak uja sakarṣanira, ya ta saŋ wiku duk myarṣi.

106. saṅĕt kroḍa lir tinunu, nétra ndik ṅandika wĕṅis, hèḥ si anĕka gumampaŋ, tĕka lumuḥ sunajèni, dumèḥ woŋ ṅarga tinarka, tan wani maraŋ priyayi.

107. iki tibané patimu, gaṅsa palajĕṅan muni, tinubruk kinĕmaḥ kĕmaḥ, sinabĕtakĕn wariṅin, binuwaŋ wus tiba tĕbaḥ, saŋ parta waṅsul marpĕki.

108. késawa kroḍa tumanduk, aṅuṇḍa séla sah‍èṣṭi, saŋ parta binaṇḍĕm éṇḍa, nulya amĕṇṭaŋ jĕmpariŋ, lumĕpas astra tumama, saŋ wiku niba ṅĕmasi.

109. waṅké musna tan kadulu, ayak ayakan kaŋ gĕṇḍiŋ, mĕdal saŋ naréndra krĕṣṇa, mèsĕm aṅawé kaŋ rayi, saŋ arjuna duk tumiṅal, gupuḥ dèn nya malajĕṅi.

110. gapyuk anuṅkĕmi suku, umatur saha wotsari, ḍuḥ pukulun akṣamanta, déné laṅkuŋ kumawani, tan grahita yèn paduka, sokur kapaṅgiḥ basuki.

111. śri krĕṣṇa ṅandika arum, ya baṅĕt tarima mami, kahipé nora kayaa, gawé prihatiné ṅati, ṛĕtna sumbadra wotsĕkar, maṅrahup padaniŋ laki.

112. ayak ayakan sinuwuk, nulya suluk lantik lantik, yun gantya paṭĕt mañura, sakèndĕliŋ suluknèki, ki ḍalaŋ ṅucapkĕn krĕṣṇa, awawarti mriŋ prĕmadi.

113. kahipé kawruhanamu, iŋ cintakapura nagri, katĕkan muṅsuḥ prawira, bambaŋ partadéwa nami, déné kadaŋ kadaṅira, ĕmbuḥ mati ĕmbuḥ urip.

114. marma tilar prajanipun, tandya mundur paṇḍusiwi, wara sumbadra binĕkta, dinunuŋ nèŋ ali ali, krĕṣṇa nusul ñjumantara, gambuḥ kututmaṅguŋ gĕṇḍiŋ.

159. gambuḥ

1. ginantya adĕgipun, bambaŋ partadéwa anèŋ ṅayun, gaṭutkaca lawan tambakgaṅgĕŋ patiḥ, wus ṅĕlik gĕṇḍiŋ jinantur, kyayi ḍalaŋ gya cariyos.

2. sigĕg riṅin kapitu, maṅkya gantya kaŋ winarṇèŋ kiduŋ, partadéwa pinarak madyèŋ paṇḍapi, ṅandika hèḥ kaki prabhu, gaṭutkaca putraniṅoŋ.

3. mĕtuwa sira kulup, laḥ pĕṭukĕn ḍayoḥ kaŋ yun rawuḥ, kaŋ liniṅan nĕmbaḥ sapraptaniŋ ñjawi, nuju praptané saŋ wiku, dyan arya matur wotsinom.

4. pukulun saŋ awiku, iṅaturan laju mriŋ kaḍatun, ṛĕṣi durṇa mèsĕm aris anahuri, kaliṅané sira kulup, kinèn amĕṭuk mariṅoŋ.

5. wus kérit saŋ awiku, sinĕsĕkkĕn gĕṇḍiŋ wus tumuṇḍuk, iṅacaran ri wusnya atata liṅgiḥ, brĕkututmaṅguŋ sinuwuk, śri partadéwa liŋnya lon.

6. katuran saŋ awiku, panakrama mba sarawuhipun, wiku sabda kalaṅkuŋ tarima mami, panakramanta saŋ prabhu, katampèn iŋ ṅasta karo.

7. partadéwa umatur, punapa wontĕn karṣa saŋ wiku, prapta nagri iŋ cintakapura ṅriki, aris manabda saŋ wiku, hèḥ robaya praptaniṅoŋ.

8. iṅutus saŋ aprabhu, manira baya kinèn andaṅu, sira ṅaku mitrané śri darmasiwi, saŋ nata nĕmbé aṅruṅu, manira marmané kinon.

9. ṅyĕktèkkĕn yaktinipun, hèḥ robaya manira yun wĕruḥ, sakiŋ pundi pinaṅka miwaḥ sudarmi, saŋ partadéwa liŋnya rum, lamun palibaya takon.

10. iṅgiḥ pinaṅka ulun, sakiŋ iŋ kélasarupa gunuŋ, kaŋ ayoga saŋ kélatarupa ṛĕṣi, saŋ kumbayana duk ṅruṅu, aṅguguk sarya nabda lon.

11. yèn makatĕn sah‍èstu, jĕṅṅandika iŋ jagad pinuñjul, awit wĕton iŋ kélasarupa wukir, wus kuna limpat iŋ kawruḥ, agal alus ruṅsit élok.

12. nĕḍa sira kalamun, ñata wĕton iŋ kélasa gunuŋ, hèḥ jawabĕn iki ana suwal mami, yèn andika bisa ndumuk, sayĕkti agĕŋ iṅkaŋ toḥ.

13. manira aṅguguru, lawan manĕmbaḥ maṅrahup suku, sira yèn tan bisa jawab suwal mami, dadiniŋ kasor dèn iṅsun, paṣṭi andika sunboyoŋ.

14. tan wuruŋ suntalikuŋ, sun gawa mriŋ ṅastina sah‍èstu, awit sira wus kasoran déniŋ mami, saŋ partadéwa liŋnya rum, winĕḍaṛĕna dèn gupuḥ.

15. manira agé yun wruḥ, wiku nabda dèn aṅlèŋ paṅruṅu, iṅkaŋ swara gora rupa mbĕbayani, rupa tanpa swara iku, swara tan rupa yèn tinon.

16. déné datanpa catur, adoḥ tanpa waṅĕnan aṅlagut, iṅkaŋ pĕrak nora saséṅgolan yĕkti, lan nĕḍa baḍénĕn gupuḥ, tĕlas ṅgonmanira criyos.

17. ṅoŋ bataŋ sira tan wruḥ, maṅsa bisaa jawab suwalku, laḥ anĕḍa sira bataṅĕn dèn aglis, hèḥ pucĕt ulaté payus, aywa gugup aywa ḍompo.

18. sun paṇḍita linuhuŋ, paḍa yèn paḍaa mbari iṅsun, sun paṇḍita koñor koñor kĕñir kĕñir, iŋ tapa matĕŋ wus dalu, pawitaniṅsun wus dados.

19. wahu ta duk aṅruṅu, saŋ partadéwa mèsĕm liŋnya rum, hèḥ saŋ wiku aywa agé sukèŋ galiḥ, dèrèŋ kinantĕn sah‍èstu, yèn tan sagĕt jawab iṅoŋ.

20. hèḥ saŋ wiku puniku, pamaṅgihkula suwalirèku, iṅkaŋ swara gora rupa mbĕbayani, punika sayĕkti latu, tĕgĕsipun karṇa karo.

21. asal sakiŋ iŋ latu, dunuṅira pan iṅgiḥ paṅruṅu, iṅkaŋ rupa datanpa swara sayĕkti, punika sayĕkti mĕṇḍuŋ, mĕṇḍuŋ dados toya jawoḥ.

22. apan nétra puniku, asal sakiŋ iŋ toya puniku, dunuṅira apan paniṅal sayĕkti, swara tanpa rupa iku, punika aṅin sayĕktos.

23. karana asalipun, dunuṅira pan iṅgiḥ paṅambu, adoḥ tanpa waṅĕnan tan aṅgĕpoki, kakaliḥ pĕṭèkanipun, bhumi laṅit kaŋ sayĕktos.

24. déné ta dunuṅipun, anèŋ rasaniŋ ilat sah‍èstu, jaṅkĕp catur paliwara kaŋ sayĕkti, kaṇṭa warṇa lan paṅambu, rasa jaṅkĕpé sagoloŋ.

25. jaṅkĕpira pipitu, rupa urip lan sabda puniku, amaṅsuli iṅkaŋ tan prak lan kaŋ tĕbiḥ, kaliyé bataṅanipun, punika apan hyaŋ manon.

26. lawan manuṅsanipun, yèn adoha iŋ paṅgènannipun, apan tĕka ṅgonnira manĕmbaḥ sami, witné yèn pĕrak puniku, éba ṅgonné léṇḍat léṇḍot.

27. iṅgiḥ sayĕktinipun, nora pĕrak tan tĕbiḥ puniku, hyaŋ wisésa sayĕktiné aṅlimputi, nora ṅisor nora luhur, tan wétan lor kidul kulon.

28. sayĕkti tan mahujut, muŋ dumunuŋ kaŋ sampurṇèŋ kawruḥ, jaṅkĕpipun pitu kaŋ tigaŋ prakawis, rupa urip sabda iku, tĕgĕsipun pisaḥ goloŋ.

29. rupa rupa kaŋ tuhu, urip iṅkaŋ datan kĕnèŋ lampus, sabda tĕmĕn lawan paṅucap sayĕkti, paṅucap trus jroniŋ kalbu, lan ana ñatané kono.

30. winastan sabda iku, marmanira para paṇḍitèku, paṅucapé dèn arani sabda awit, bĕnĕr iŋ sahujaripun, sabdané paṣṭi kalakon.

31. tan pisan lamun dudu, yèn makatĕn andika puniku, nora dora wit sabda duwèkiŋ ṛĕṣi, saŋ ṛĕṣi druna sumahur, paṣṭi iṅsun nora liñok.

32. saŋ partadéwa muwus, kula miṛĕŋ pawarta satuhu, ṅuni wontĕn raja paṇḍita linuwiḥ, ṅatasaṅin prajanipun, nama śri maruta katoŋ.

33. putra satuṅgal jalu, ṛĕṣi baratmadya ugi ratu, wus linuwiḥ tan pah‍é lawan sudarmi, baratmadya asusunu, bagawan dupara kahot.

34. iŋ tapa wus linuhuŋ, ṛĕṣi dupara puputra jalu, warṇa pĕkik kasutapanya wus ṅĕntiŋ, bambaŋ kumbayana puñjul, lawan sasaminiŋ ṅuwoŋ.

35. saŋ kumbayana iku, kinèn krama iŋ rama tan ayun, tansaḥ dèn nya subrata amatiragi, katarima dèn nya nĕṅkuŋ, antuk wisikiŋ hyaŋ manon.

36. hèḥ kumbayana lamun, sirarṣantuk nugrahèŋ déwaguŋ, lumakuwa sira maraŋ tanaḥ jawi, ana titaḥ iŋ déwaguŋ, iṅaran paṇḍawa katoŋ.

38. sarampuṅiŋ lampahan partadéwa dumugi tañjĕp kayon, ki ḍalaŋ lajĕŋ mrikṣa kawontĕnanipun sajèn murwakala, jaṅkĕp tur kaṭaḥ. iṅkaŋ baḍé karuwat sampun siyaga maṅaṅgé sarwi pĕṭak, katuṅka rawuhipun para tamu jaḷĕr èstri. ki ḍalaŋ lajĕŋ ḷĕṅgaḥ iŋ ṅaṇḍap bléñcoŋ, riṅgit lampahan murwakala katindakakĕn. wiwitan jĕjĕr bhaṭara guru kalihan pramèswari dèwi uma kaaḍĕp bhaṭara kala dalaḥ para déwa sanès sanèsipun. bhaṭara kala ñuwun papañcèn tĕḍa awujud manuṅsa, kapariṅan naṅiŋ botĕn saḍéṅaḥ manuṅsa kajawi namuŋ iṅkaŋ kaḷĕbĕt'tiyaŋ sukĕrta', i.p. ontaŋ antiŋ, ugĕr ugĕr lawaŋ, kĕmbaŋ sapasaŋ, gĕḍana gĕḍini, gĕḍini gĕḍana lan sapanuṅgilipun, wontĕn warṇi kalihwĕlas, satuṅgal satuṅgalipun kacĕṭakakĕn ciri cirinipun.

baṭari uma nambahi papañcènipun bhaṭara kala. sapĕṅkĕripun bhaṭara kala, saŋ hyaŋ naradḍa kaḍawuhan éṅgal tumurun ḍatĕŋ ṅarcapada ṅaṇṭi bhaṭara wisnu tuwin brama, prĕlu ṅiraṅi papañcènipun kala. caranipun : bhaṭara wisnu dados ḍalaŋ riṅgit wacucal santun nama kaṇḍabhuwana ; bhaṭara brama dados paṅgĕndèr èstri nama surani, bhaṭara naradḍa dados paṅĕṇḍaŋ nama kaluṅluṅan. bhaṭarabkala kaḍèrèkakĕn iṅkaŋ garwa baṭari durga tuwin rayi bhaṭara pañarikan, ṅlaṅut lampahipun pados tĕḍa wujud manuṅsa. kapaṅgiḥ laré ontaŋ antiŋ nama jatusmati, lajĕŋ oyak oyakan naṅiŋ tansaḥ mrucut, wasana dumugi iŋ paṅgénanipun riṅgitan murwakala.

babantahan ḍalaŋ kaṇḍabhuwana kalihan bhaṭara kala. bhaṭara kala kawon lan ṅakĕni ḍawaḥ ĕnèm. salajĕṅipun riṅgit lampahan murwakala katindakakĕn dumugi iŋ saparipurṇanipun.

37. iku kakasiḥ tuhu, sapa woṅé kaŋ nĕdya ṅalulut, momoŋ maraŋ nata paṇḍawa sayĕkti, iŋ doña dĕlahan antuk, nugraha sawarga kahot.

38. saŋ kumbayana wahu, duk miyarṣa kalaṅkuŋ kapéñcut, dyan umaṅkat sapraptaniŋ tanaḥ jawi, tan momoŋ paṇḍawa prabhu, karṣanira tĕmaḥ méṅgok.

39. ṅastina kaŋ jinujug, amomoŋ maraŋ kurawa prabhu, dadya nora nĕtĕpi jĕnĕṅiŋ ṛĕṣi, tĕka liñcat sabdanipun, naṅiŋ duk nalika rawoḥ.

40. piṅgiriŋ samodra guŋ, nora nana palwa kaŋ kadulu, nadyan gèṭèk apan tan ana kah‍èkṣi, kumbayana dahat ṅuṅun, sru kasmaran iŋ pawartos. 

160. asmaradana

1. sumuṅkĕm asru sĕmadi, nĕnĕḍa maraŋ jawata, sagĕda dugi karṣané, nabraŋ madyaniŋ samodra, tĕkané tanaḥ jawa, tyasira dahat kapéñcut, èṅĕt wisikiŋ jawata.

2. katrima dèn ya sĕmadi, wontĕn parmaniŋ jawata, warṇi kuda prapta alon, mĕṇḍak nèŋ ṅarṣa sasmita, ya ta saŋ kumbayana, grahita tyas numpak gupuḥ, cĕmplo kuda wus ginĕtak.

3. kuda ṅrab ñabraŋ jaladri, prapta madyaniŋ samodra, saŋ kumbayana duk wĕruḥ, lamun kudèku wanita, samana darbé karṣa, sarèhniŋ paṅgénan suwuŋ, supé iŋ tindak kaniṣṭan.

4. saŋ ṛĕṣi lawan turaṅgi, ṅgarbini sawusiŋ maṅsa, amijil priya putrané, pĕkik iŋ suwarṇanira, kuciwa ṅaṅgo tracak, labĕt kuda iṅkaŋ ibu, nama bambaŋ aswatama.

5. ki ḍalaŋ ñĕmpala aglis, koṭak nulya ada ada, druna narik candrasané, hèḥ partadéwa kaparat, iki kaŋ sira ajab, gaṅsa sampak druna nĕmpuḥ, kabur pinapag maruta.

6. kacarita dèn nya ṅriṅgit, tumut iṅkaŋ lalampahan, pajar gidib tañcĕp kayon, ḍasar wus gambuḥ ki ḍalaŋ, gĕṇḍiŋ kawin janturan, bañol sasabĕtan putus, ṅĕsé karasa iŋ driya.

7. sĕṛĕŋ wiḷĕt amranani, wirahos ṅlamlami driya, kalawan kaŋ samya anon, miwaḥ kaŋ samya miyarṣa, jumbuḥ tyas mriŋ paṅgagas, antawacanané turut, cocog lan wujudiŋ wayaŋ.

8. ḍalaŋ saniyaganèki, mariŋ laṅgar samya kadas, nulya parlu waktu suboḥ, bakda subuḥ kyayi ḍalaŋ, kajat kaliḥ ṛĕkaṅat, paragat anulya waṅsul, lan niyaga mriŋ paṇḍapa.

9. kyayi ḍalaŋ marikṣani, sajèn sajèn myaŋ isarat, laṅkĕp tan ana kaŋ cèwèt, déné kaŋ arṣa rinuwat, wus ṅrasuk sarwa pĕṭak, nèŋ jro kĕlir dèn nya luṅguḥ, jĕŋ ajĕṅan lan ki ḍalaŋ.

10. para tamu jalu èstri, kaŋ santri liṅgar sĕmbahyaŋ, ana kaŋ ṅaso mriŋ gĕḍoŋ, siram gya ṅrasuk bhuṣaṇa, waṅsul mariŋ ṅajĕṅan, suṅgata lumadyèŋ ṅayun, wédaŋ ḍaran ñjiŋ éñjiṅan.

11. ki ḍalaŋ sampun maṅarṣi, nèŋ ṅaṇḍap baléñcoŋ nulya, ñampala koṭak tinampèn, ayak ayakan mañura, bĕḍol kayon gya mĕdal, jĕjĕrṇya bhaṭara guru, lawan garwa dèwi uma.

12. hyaŋ narada anèŋ ṅarṣi, hyaŋ pañarikan hyaŋ kala, jinantur ririḥ swarané, ki ḍalaŋ nulya carita, nĕṅgiḥ iṅkaŋ kocapa, kayaṅan suralaya nuŋ, iya iŋ joṅgriṅsalaka.

13. pah‍é lan śri narapati, ṅarcapada kaŋ iṅucap, ginuṅguŋ kawibawané, lan pambĕganiŋ naréndra, jĕmbar iṅkaŋ jajahan, miwaḥ luhuriŋ kaḍatun, iŋ suralaya ta boya.

14. amuŋ wasésanirèki, datan wĕnaŋ winasésa, wĕnaŋ murba sakaliré, tan wĕnaŋ lamun pinurba, wĕnaŋ kalamun yoga, dèn yogakkĕn datan purun, ajujuluk hyaŋ prawata.

15. nĕṅgiḥ hyaŋ guru pramèṣṭi, iya saṅhyaŋ nilakaṇṭa, saṅhyaŋ jagadpratiṅkaḥ é,, iya saṅhyaŋ kaŋ wisésa, bhaṭara girinata, ya bhaṭara manik iku, ya bhaṭara siwahboja.

16. pinuṅgĕl kaŋ murwèŋ kawi, panudya ri panaṅkilan, saṅhyaŋ girinata miyos, siniwaka lan kaŋ garwa, nèŋ balé martyukuṇḍa, iya pargyawarṇa iku, iŋ balé samarakata.

17. iṅkaŋ paṛĕk anèŋ ṅarṣi, saŋ ṛĕṣi kanékaputra, bhaṭara nrada parabé, punika iṅkaŋ minaṅka, pinisĕpuhiŋ déwa, myaŋ hyaŋ pañarikan iku, jawata paramèŋ sastra.

18. tuwin saṅhyaŋ kalasĕkti, wuragilnya saṅhyaŋ siwaḥ, tinanĕm nèŋ nuṅsa baroŋ, tĕka maṅkana hyaŋ siwaḥ, osiké kaŋ wardaya, paranbaya kaṛĕpipun, si kala iki maṅarṣa.

19. tan karana suntimbali, ki ḍalaŋ ñĕmpala koṭak, sĕsĕg ayak ayakané, suwukiŋ ayak ayakan, muṅĕl gĕṇḍiŋ prawara, lir jinantur nora sĕru, nulya mahos ilahèṅan.

20. tamat pamahosirèki, ilahèṅan dyan carita, saṅhyaŋ giri ṅandika lon, duruŋ suwé kulup kala, sira nèŋ ṅarṣaniṅwaŋ, paran ta paḍa rahayu, saṅhyaŋ kala matur nĕmbaḥ.

21. timbalanipun déwaji, iṅkaŋ ḍumawuḥ patikbra, iŋ sadèrèŋ sasampuné, ulun caḍoŋ kaliḥ asta, kacañcaŋ pucuk réma, kapĕtĕk iŋ ṅĕmbun ĕmbun, kapuṇḍi dadosa jimat.

22. sira marak ṅarṣamami, nora sarana dakundaŋ, baṅĕt kagyatiŋ tyasiṅoŋ, kala nĕmbaḥ aturira, nuwun sowan kawula, sapisan dahat wulaṅun, lami tan sowan bu rama.

23. ṅuñjukakĕn paṅabĕkti, myaŋ saṅgyaniŋ kaḷĕpatan, ñuwun guṅiŋ akṣamané, kulup baṅĕt panrimèṅwaŋ, upama kaluputan, gĕḍé paṅakṣamaniṅsun, matura gatiniŋ karṣa.

24. sowanulun ḍuḥ déwaji, èstuné atur uniṅa, sakawitan nĕḍakaké, ḍumatĕŋ iŋ marcapada, iṅkaŋ kawula tĕḍa, tan lyan paḍas pèrèŋ gunuŋ, mriŋ aṅga apriyaŋ priyaŋ.

25. ḷĕsu ḷĕsaḥ ṅlĕḷĕs nisir, déné manawi mbubucal, patiŋ palilit rahosé, sasukĕr lir krikil wĕtaḥ, mbadĕdĕŋ boya ḷĕga, sabĕn sabĕn mèḥ sumaput, tanpa maṛĕm karambyaṅan.

26. sawiji dintĕn maṛĕṅi, wañci mañjĕré hyaŋ surya, wontĕn tiyaŋ ḍusun ndèrès, ḍawaḥ ḍumatĕŋ iŋ paḍas, kaŋ baḍé kula tĕḍa, pun dèrès wasana katut, kula tĕḍa saṛĕŋ paḍas.

27. sampun kaŋ kawula bukti, badan krahos sĕgĕr sumyaḥ, maṛĕm tan na saṅsayané, dumlodoŋ biliḥ mbubucal, punika kaṅjĕŋ rama, rèhniŋ nĕḍa tiyaŋ èstu, damĕl sakécaniŋ badan.

28. mila iŋ samaṅké ugi, wontĕna siḥ kamirahan, ñjĕŋ rama amaṛĕṅaké, ulun ñuwun tĕḍa tiyaŋ, kéwala sampun liyan, tétéla éca satuhu, sanès timbaṅé lan paḍas.

29. hyaŋ pramèṣṭi duk miyarṣi, panuwuné saŋ hyaŋ kala, sapandurat miṅgu tyasé, paṅudasmaraniŋ driya, kaŋ tan kaṛĕṅèŋ kaṭaḥ, hoṅilahèŋ saŋ um pa um, jagad mastuna masiḍam.

30. kaya pa lalakon iki, yèn boya ṅoṅturutana, si kala iŋ panuwuné, sahiba nĕsuné baya, muṅkat aṅkara murka, aṅrurusak aru biru, gawé ṛĕtuniŋ bhawana.

31. ribĕtiŋ tyas hyaŋ pramèṣṭi, sinamun samuniŋ nétya, iŋ nayana mĕkṣa katon, wasana alon ṅandika, hèḥ putraniṅsun kala, iṅkaŋ dadya panuwunmu, manira maṅayubagya.

32. anaṅiŋ kaŋ sunlilani, dadi paṅanpĕkĕnira, nora saḍéṅaha woŋ, sawiji yèn ana bocaḥ, ontaŋ antiŋ rannira, bocaḥ siji tur ajalu, maligi datanpa kadaŋ.

33. kapiṇḍoné ontaŋ antiŋ, siji wadon tanpa kadaŋ, tri ugĕr ugĕr lawaṅé, karo kadaŋ paḍa priya, catur kĕmbaŋ sapasaŋ, paḍa wadon karonipun, ḍana gĕḍini kalima.

34. bocaḥ loro jalu èstri, naṅiŋ tuwa iṅkaŋ lanaŋ, gĕḍini gĕḍana nĕmé, bocaḥ dwi wadon kaŋ tuwa, kapitu ran paṇḍawa, kadaŋ lima paḍa jalu, datan kasĕlan wadon.

35. kaaṣṭa aran ṅayomi, lilima wadon sadaya, aṣṭa aran madaṅaké, bocaḥ lima lanaŋ papat, sawiji kaŋ wanodya, apil apil kaŋ sapuluḥ, lanaŋ siji wadon papat.

36. kaŋ sawlas yèn ana jalmi, mlaku tĕṅaṅé kaŋ wayaḥ, tan asumpiŋ gogoḍoṅé, nora ṅiduŋ datan muñcaŋ, siji ran baṭaŋ ṅucap, yèn dwi ran jisim lumaku, rolasé kalamun ana.

37. aran bocaḥ ontaŋ antiŋ, lumuntir tuṅgakiŋ ṅaryan, tanpa kaṇṭa lan kaṇṭiné, lahir wus mawa tĕṅĕran, gaṭukiŋ alis ana, rupa putiḥ muŋ sadumuk, sayup ulaté abiyas.

38. béda lan liyaniŋ janmi, iku kaŋ wus iṅsunucap, dadi paṅanira kabèḥ, karodéné manèḥ sira, sun gaḍuhi gagaman, baḍama pah‍èsan iku, kaṅgoné samaṅsa maṅsa.

39. yèn sira ntuk maṅsan kaki, kaŋ pinaṣṭi paṅanira, katamanna baḍamané, wusé kataman baḍama, bañjur sira paṅana, yèn duruŋ kataman èstu, ora sunlilani maṅan.

40. myaŋ iṅsun pariṅi kaṇṭi, kakaṅira pañarikan, iku mèṅĕti gawéné, kaŋ dadi iŋ paṅanira, taha yèn tan ṅèstokna, sira naṇḍaŋ iŋ papa guŋ, ywa nduduk sawiyaḥ janma.

161. mĕgatruḥ

1. hyaŋ baṭari uma aṅandika rum, iṅsun iya amariṅi, wuwuhé paṅanirèku, lamun ana bocaḥ lahir, nèŋ jroniŋ babagan kono.

2. iya iku iṅkaŋ anuṅgal saḍusun, maṅka jroniŋ désa lagi, ana kaŋ wayaṅan iku, bocaḥ tan sinuṅkĕn mariŋ, ki ḍalaŋ kaŋ murwèŋ lakon.

3. wus tartamtu dadi paṅanira kulup, naṅiŋ yèn sinuṅkĕn mariŋ, ki ḍalaŋ dadi kadaŋmu, aran bocaḥ tibasampir, kapiṇḍoné putraniṅoŋ.

4. lamun ana iṅkaŋ añaṇḍuṅi laku, ṅgonnira ṅupaya bukti, woŋ mañcaḥ arannirèku, dadi paṅanira kaki, poma dèn aṅatos atos.

5. saŋ hyaŋ kala manĕmbaḥ umatur nuwun, hyaŋ guru ṅandika maliḥ, pañarikan titaḥ ulun, tulisana sadayèki, lan sira mèluwa andon.

6. tĕmbé lamun wus tan ana kaŋ kalimput, tiṅgaḷĕn iṅsun lilani, pañarikan matur nuwun, sandika ḍatĕŋ ṅlampahi, iŋ rèḥ saŋ maha kinahot.

7. saŋ hyaŋ kala pamit wus aṅuswa suku, iŋ ramèbu miwaḥ pamit, mriŋ uwa kanékasunu, wa cĕmpluk kantun sumiwi, kanékatmaja liŋnya lon.

8. iya kulup rahayuwa iŋ lakumu, saŋ hyaŋ kala nulya mijil, pañarikan atut puṅkur, hyaŋ guru ṅandika mariŋ, kanékaputra liŋnya lon.

9. kakaŋ ṛĕṣi kanékaputra dèn gupuḥ, ndika tumuruna mariŋ, iŋ ḍèpok ṅuntaralayu, pariŋna paṅèstumami, mariŋ sutanira karo.

10. wisnu brama matĕḍanana sumurup, lamun ulun amariṅi, paṅan mriŋ kadaṅé wruju, si kala amaṅsa jalmi, niku anakira karo.

11. mriŋ kiraka pribadi paréntaḥ ulun, katri tumuruna sami, mriŋ marcapada puniku, ṅalapa basanirèki, si kala kaŋ yun linakon.

12. sakĕcap muŋ kaṅgéya waton sahumur, kanékatmaja wus pamit, mundur mriŋ ṅuntaralayu, nahĕn ta saŋ hyaŋ pramèṣṭi, lawan garwa saŋ lir sinom.

13. jĕṅkar sakiŋ balé martyukuṇḍa laju, manitiḥ ḷĕmbu andini, aṅaṅlaŋ jagad sawĕguŋ, sigĕg gantya adĕgnèki, kaŋ wus samya tampi ḍawuḥ.

14. saŋ hyaŋ kala kapaṅgiḥ garwanirèku, baṭari durga kakasiḥ, pañarikan datan kantun, durga aturira aris, pirantinta minta wartos.

15. déné ṅantos sawatawis radi daṅu, nimas rakapara uwis, muñjuk rama saṅyaŋ guru, purwa madya wasanèki, iŋ kono rama wiraŋroŋ.

16. sawatara miṅgu bañjur pariŋ ḍawuḥ, kapaṛĕŋ pañuwunmami, janma kaŋ dadi paṅanku, naṅiŋ tan sawiyaḥ janmi, déné kaŋ mĕṣṭi dakbaḍog.

17. wus kasĕbut iŋ pèṅĕtané kakaŋmu, pañarikan dadya kaṇṭi, tumuntur iŋ salakuku, dyaḥ durga suka sarya ṅliŋ, babo kakaŋ kadaṅiṅoŋ.

18. sakalaṅkuŋ suka ṛĕnané tyasulun, dé kiraka dadya kaṇṭi, pañarikan liṅira rum, yayi rakanta sadarmi, ṅlampahi karṣaniŋ katoŋ.

19. hyaŋ kala ṅliŋ nimas mriŋ ṅĕndi kaŋ sarju, ṅgonné aṅupaya bukti, durga mèsĕm liṅira rum, laḥ botĕn wontĕn sayĕkti, titahiŋ jawata kahot.

20. aṅupados tĕḍa paṅané kaŋ ṅluru, madosi kaŋ baḍé nĕḍi, aḥ lo ṅĕndi olèḥ gĕṇḍuk, durga awacana maliḥ, paran makatĕn kalakon.

21. pananduré aṅon dina kaŋ panuju, mĕṭik maṅsa kaŋ prayogi, èdi iŋ paṅolahipun, tiniti aṅati ati, matĕŋ winaḍahan alon.

22. kaŋ baṛĕsiḥ dèn aji aji sah‍èstu, satata dèn nira bukti, saŋ hyaŋ kala asru ṅguguk, nimas iku sabda aji, rumasa kalaḥ wakiṅoŋ.

23. ḍuḥ kiraka èstrènana ujariṅsun, pañuwuniṅwaŋ mriŋ oti, yèn padinané wismèku, añjaba aṅgĕr kaŋ paṣṭi, woŋ lanaŋ tan anut wadon.

24. iŋ kaṛĕpé aja ana paḍa tutug, yayi iṅsun aṅèstrèni, baṭari durga umatur, paran punika wus wañci, sumaṅga sami maṅulon.

25. wontĕn tlaga mawa téja aṅuṅuwuŋ, tlaga madirda rannèki, kala ṅliŋ nimas suṇḍahup, iŋ lampaḥ sira nèŋ ṅarṣi, lan kiraka sakaloron.

26. mila ulun puriḥ nèŋ ṅarṣi witipun, margané paṅan sirèki, wus buḍal katiganipun, sigĕg gantya kaŋ winarṇi, iŋ ṅuntaralayu ḍépok.

27. saŋ hyaŋ wisnu hyaŋ brama maṅgihi tamu, saŋ ṛĕṣi kanékasiwi, manĕmbrama kalihipun, samya ṅaturi basuki, kanékatmaja liŋnya lon.

28. iya babu baṅĕt panarimaniṅsun, paṅèstuku mriŋ sirèki, muga ulun basa babu, maraŋ sira kĕli kĕli, paḍa sumurupa kéṇṭol.

29. wus pinaṣṭi déniŋ kaŋ amurbèŋ tuwuḥ, wisnu anurunkĕn béñjiŋ, wawaḍaḥ kraton sawĕguŋ, kakaŋmu brama mañcĕri, ṅanti sirṇané karaton.

30. saŋ hyaŋ kaliḥ maṅañjali matur nuwun, widada a sabda aji, rawuhta ṅuntaralayu, déné ta kalaṅkuŋ gati, naradḍa liṅira alon.

31. satuhuné praptaku kéné iṅutus, dé ramanta otipati, kaŋ ḍiṅin pariŋ paṅèstu, kapiṇḍo aṅsuŋ udani, pañuwuné rinta blowoŋ.

32. mbaḍog uwoŋ cinara ambaḍog pohuŋ, ramanta uwis ṅidèni, bhaṭara wisnu umatur, kaŋ pinariṅakĕn pundi, rèḥ titaḥ dèrèŋ maṅrĕtos.

33. baji tĕlas babo kulup damarmañcuŋ, èṅĕta arannirèki, sira ran bhaṭara wisnu, karṣaniŋ hyaŋ otipati, wis ana iŋ sira maṅgon.

34. iṅgiḥ uwa sumaṅga lajĕŋ tumurun, nrada mlèṅèḥ ñjuñjuŋ alis, laḥ aja walaka kulup, kudu ṅaṅgo disranani, ñjuwarèhi iŋ lalakon.

35. babasané kamanuṅsan paḍa wĕruḥ, wisnu mèsĕm matur aris, kaluhuran iṅkaŋ ḍawuḥ, uwa kantuna rumiyin, ulun lan kakaŋ yun dandos.

36. naradḍa ṅliŋ ulun iya mèlu adus, wus samya siram baṛĕsiḥ, sakala warṇanya santun, ki saŋ hyaŋ kanékasiwi, piṇḍa hyaŋ maya kinahot.

37. saṅhyaŋ wisnu piṇḍa hyaŋ kumajayèku, saṅhyaŋ brama piṇḍa ratiḥ, nrada ṅliŋ samaṅké wisnu, sira asiliha nami, saŋ hyaŋ wisnu matur alon.

38. uwa mugi paduka èstrèni ulun, samaṅké siliḥ kakasiḥ, ḍalaŋ kaṇḍabhuwana guŋ, iya kulup dakèstrèni, baṅĕt kĕmbaŋ boloŋ iṅoŋ.

39. kaṇḍa tutur bhuwana jagad sawĕguŋ, karṣané ramanta kaki, kaŋ winĕnaṅakĕn tutur, isiniŋ jagad sakalir, ginugu ora pa ṅaṅgo.

40. kaki brama owahana suwaramu, aja kaya kĕna pañciŋ, glĕgas glĕgĕs gĕrok guguḥ, èmpĕṛĕn swaranta kaki, kaya ibumu pamiyos.

162. mijil

1. karodéné sisiliya nami, babo putraniṅoŋ, brama matur èstrènana maṅké, namahulun paṅgĕndèr surani, naradḍa ṅliŋ apik, kèwèk uwis gaṭuk.

2. woŋ anabuḥ yèn wis sugiḥ gĕṇḍiŋ, panuṭuké goloŋ, lan woŋ boḍo kèḥ samudanané, iṅsun ḍawak iya salin nami, kaluṅluṅan luṅit, paṅĕṇḍaŋmu kulup.

3. ṅĕṇḍaŋ ṅéḍé yèn gamĕlan muni, pulurané rawoḥ, tan dĕkṣura nampani suguhé, tan mĕḍotkĕn iŋ iramanèki, kulup wisnumurti, aṅgawéya gupuḥ.

4. punaŋ wayaŋ wisnu maṅĕñjali, cinatur wus dados, sabdaniŋ kaŋ déwa kuwasané, goḍoŋ naṅka kaŋ kinarya riṅgit, dadi sarananiŋ, woŋ kĕna iŋ latu.

5. koṭak upiḥ kuwasanirèki, ḷĕḷĕmbut pan adoḥ, siti kaŋ kinarya gamĕlané, milanira sakèhiŋ woŋ kuṇḍi, sinaṇḍaŋ binukti, tan kèḥ turahipun.

6. karananya aṅĕloŋ ĕloṅi, naraḍa liŋnya lon, prayogané tumuruna maṅké, ywa kasuwèn manawa kasilip, maraŋ mĕṇḍaṅkawit, ñjujug ḍukuhipun.

7. ñahi raṇḍa sumampir kaŋ nami, paḍa moṇḍok kono, putra kaliḥ sandika aturé, wus tumurun saŋ bhaṭara katri, gantya kaŋ winarṇi, wahu lampahipun.

8. pañarikan durga kala wiṅkiŋ, manraŋ arga boṇḍot, saŋ hyaŋ kala sayaḥ sru aripé, aṅga ḷĕsu lupa aṅalikik, kèndĕl sèṇḍèn witiŋ, kayu kamal ahup.

9. akasĕṅsĕm aṅandika aris, wit iki samĕṅko, dak arani kayu asĕm kiyé, pan katĕlaḥ tumĕkèŋ samaṅkin, kasiliriŋ aṅin, saŋ hyaŋ kala ṅantuk.

10. naṅiŋ isinanira kĕpati, gya kagyat malérok, pan dèn ĕntup buburon cĕṅĕlé, ḍaham ḍaham kĕcoḥ wanti wanti, supaya ywa ṅanti, iṅaranan ṅantuk.

11. ṅandika lon buron apa iki, maṅan iduniṅoŋ, laḥ dakpuṇḍut iŋ samĕṅko kowé, umañjiṅa dadi bala mami, aran kalajĕṅkiŋ, dé ñjĕṇṭir buntutmu.

12. wus sinabda kala ṅantuk maliḥ, cinokot buburon, kagyat ñjola kĕcoḥ kcoḥ maléḥ, aṅandika buron apa iki, ṅokop idu mami, dadiya balaku.

13. ṅanti abaŋ drohun ṅonné ṅgigit, aranné samĕṅko, kala abaŋ olaḥ uwis suwé, ṅgonku lèrèn kiraka lan ñahi, cat tan katon kèkṣi, saŋ hyaŋ kala laju.

14. durga lawan bhaṭara pañarik, ndĕdĕr lampaḥnya lon, ṅambaḥ coraḥ arga raracahé, toya wĕniŋ sahiŋ pucak ardi, wastrané saŋ dèwi, katimpal iŋ lésus.

15. wĕntis katon lir puḍak piniṅit, hyaŋ kala duk anon, ṛĕta korut gya ḍumawaḥ iŋ wé, pan dumadi sèn isèniŋ wariḥ, ulam loḥ sakalir, iku asalipun.

16. muŋ sawiji tansaḥ aṅubĕṅi, iŋ paglaṅan ñoṇḍol, kala kĕcoḥ myaŋ niṅali iŋ wé, aṅandika kawanané iki, buburon mĕnuhi, muŋ sawiji iku.

17. iṅkaŋ pijĕr anĕrajaŋ sikil, maṅan iduniṅoŋ, rurupamu kaya anu kiyé, laḥ mañjiṅa dadi bala mami, dakpariṅi nami, kala élé patut.

18. akatĕlaḥ tumĕkèŋ samaṅkin, toya iṅkaŋ añjog, mariŋ ṅaré aranna kaliné, désa pisan ṅgonku ṅambaḥ iki, hyaŋ kala lumaris, mĕntas sakiŋ ranu.

19. nuju wañci tĕṅaṅé maṛĕṅi, kĕpapag hyaŋ katoŋ, rodrapati kalawan garwané, dèwi uma sakaliyan nitiḥ, iŋ ḷĕmbu andini, saŋ hyaŋ kala gupuḥ.

20. maṛĕpĕki praptanirèŋ ṅarṣi, nĕmbaḥ matur gupoḥ, o o jĕbul kaṅjĕŋ rama kiyé, sakaliyan lawan ibu sori, rama kados pundi, ñuwun ñaḍoŋ ḍawuḥ.

21. saṅhyaŋ siwaḥ mèsĕm ṅandika ris, babo sutaniṅoŋ, rèḥ wus dadi ḍawuhiṅsun aṅgèr, aywa waŋ waŋ ṅgonmu ayun bukti, paṅanĕn wakmami, kalawan ibumu.

22. naṅiŋ iṅsun darbé catur kaki, cacaṅkriman kahot, sakirané sira bisa mbaḍé, dé kaṅgoné yèn sira maṛĕṅi, jagoṅan kaŋ luwiḥ, saka woŋ sapuluḥ.

23. raḥ arahĕn wĕktuné sabdadi, tiliŋna sutèṅoŋ, éka ĕgul éka wawañcahé, dwi bagĕm dwi puswadmi srĕṅgi, tri nabi sapta tri, nurcahya puniku.

24. aṣṭanada catur guṭonèki, baḍĕnèn dèn mĕlok, kala nĕmbaḥ mloṅo gèḍèg gèḍèg, nĕmbaḥ matur rama abon siti, mopo datan baṅkit, ambaḍé pukulun.

25. aṅandika saŋ hyaŋ otipati, laḥ maṅkéné ḍogloŋ, babasané olaḥ iku wadiné, pak umpakan wiwilaṅan amiŋ, éka pan sawiji, ĕgul iku buntut.

26. muṅguḥ buntuté ḷĕmbu andini, pan namuŋ sawiyos, éka siji wañcaḥ kĕkĕluhé, dé kĕluhé si ḷĕmbu andini, uga muŋ sawiji, saṅhyaŋ kala matur.

27. o la gèsèḥ tampar wujud kaliḥ, iṅétaŋ sawiyos, saŋ hyaŋ guru sru sukèŋ driyané, kawruhamu lèŋ iruŋ puniki, dumunuŋ sawiji, awit boloŋ tĕrus.

28. dwi pan loro bagĕm wardinèki, kwadonan sayĕtos, wit andini abaga purusé, duwi loro purus wus ṅaranni, iṅsun lan andini, paḍa duwé purus.

29. duwi loro srĕṅgi suṅu yĕkti, suṅuné muŋ loro, tri tĕtĕlu nabi wudĕl ṛĕké, iṅsun ibunira lan andini, paḍa ñiji ñiji, gĕnĕp dadi tĕlu.

30. sapta pitu tri sun pandĕḷĕŋ iŋ, cahya mata yĕktos, laḥ étuṅĕn mripat pira kèhé, saŋ hyaŋ kala matur aṅgaligik, rama kiraŋ siki, jaṅkĕpipun pitu.

31. bĕnĕr kulup kaŋ katĕlu mami, anèŋ cĕṭak maṅgon, astaniṅsun papat tĕmbuṅané, aṣṭa wolu pada apan sikil, sun dwi ibunta dwi, si andini catur.

32. catur papat guṭa wardinèki, pariṅsilan yĕktos, iṅsun lawan andini ganĕpé, mula iku dakgawé mĕkasi, dadiné sakalir, saka loro kulup.

33. wis puṅkasan paṅanĕn wakmami, aywa éwuḥ rikoḥ, naṅiŋ sira tumiṅala agé, mariŋ wiyat samĕṅko hyaŋ rawi, wus wañci punapi, kala nĕṅèŋ luhur.

34. matur sampun gumléwaŋ hyaŋ rawi, guru ṅandika lon, dadi nora kĕna sira aṅgèr, maṅan iṅsun wus kasèp iŋ wañci, kala maṅĕñjali, mbaṛĕbĕl wĕtu luḥ.

35. sĕṅgruk sĕṅgruk rama laṅkuŋ wĕgig, mbĕbĕṅok mariṅoŋ, iki kulup dadi uṇḍé uṇḍé, nahan jĕnĕṅé woŋ añèlèṅi, kalamun woŋ uniŋ, iŋ cèlèŋ lumayu.

36. tĕmtu kamitĕṅgĕṅĕn niṅali, mula tĕmbé ḍogloŋ, lamun sira olèḥ mamaṅsané, aja gĕḷĕm diajak cariwis, mĕnèk anĕlahi, lir caturku mahu.

37. lawan maniŋ wĕkasiṅsun kaki, poma dikalakon, ana tĕluŋ prakara cacahé, kaŋ rumuhun yèn ana udani, titipannirèki, kaŋ ana babaṭuk.

38. iku nama caraka dibalik, kaloroné maṅgon, anèŋ tĕlak déné katĕluné, pan dumunuŋ nèŋ ḍaḍanirèki, ya iku cacahiŋ, jĕnĕṅiŋ balamu.

39. tĕrusané kaŋ ana iŋ gigir, kawruhana ḍogloŋ, pan cacahé bojomu balané, utawa yèn ana kaŋ udani, iŋ sarandunèki, badanmu sakujur.

40. ywa ko aṅgĕp manuṅsa sayĕkti, iṅsun kaŋ nèŋ kono, amanuta sahujar pakoné, sarta iḍĕpĕn iŋ lahir batin, kulup aja lali, dèn awas dèn émut.

41. lamun sira tan ṅèstokkĕn kaki, naṇḍaŋ papa abot, sun jabakkĕn iŋ yoga déwané, wus bañjurṇa aṅupaya bukti, sunpariŋ basuki, atus iṅkaŋ ḍawuḥ.

42. ndĕdĕl nitiḥ saŋ ḷĕmbu andini, lamat lamat katon, saŋ hyaŋ kala laju iŋ lampahé, sigĕg gantya kaŋ winarṇa maliḥ, kocap mĕṇḍaṅgati, malik tĕmbaŋ pucuŋ.

163. pocuŋ

1. ñahi raṇḍa prihatin lan sutanipun, jalu tanpa kadaŋ, karan jaka jatusmati, pinaraban jattusmati jaka mulya.

2. miṣkin trabas karyanya asadé kayu, rèñcèk lan ron plasa, anuju dina sawiji, ñahi raṇḍa tampi waṅsitiŋ jawata.

3. jaka mulya paṣṭi nir cintrakanipun, yèn adus iŋ tlaga, madirda toyanya wĕniŋ, ñahi raṇḍa sru ṅariḥ ariḥ iŋ wĕka.

4. ḍuḥ anakku woŋ abagus mĕḷĕs mulus, dimbaṅunturuta, maraŋ ujar kaŋ mriḥ bĕcik, dadi suka ṛĕna atiné si biyaŋ.

5. marènana aṅgonmu waṅkal awĕlu, aku iki kaṇḍa, tampa waṅsitiŋ déwadi, lamun kowé adus talaga madirda.

6. nora kétaŋ saciluman bañjur uwus, wit sirèki bocaḥ, iṅaranan ontaŋ antiŋ, yèn kalakon maṣṭi cintrakamu ilaŋ.

7. jaka mulya amaṅsuli iya biyuŋ, naṅiŋ ñjaluk opaḥ, akĕp akĕp jaguŋ bukti, yèn wis adus dak paṅan ana panasan.

8. ñahi raṇḍa kalaṅkuŋ sukaniŋ kalbu, rinaṅkul kinudaŋ, ḍuḥ anakku jantuṅati, aku maṅkat kowé bañjura mriŋ tlaga.

9. wus uméntar praptèŋ tlaga ayun adus, maṅu duk tumiṅal, rasĕkṣa kuṅkum iŋ wariḥ, saŋ hyaŋ kala tatanya hèḥ bocaḥ apa.

10. tĕka mréné apa kaŋ dadi kaṛĕpmu, jaka mulya mojar, aku bocaḥ ontaŋ antiŋ, dé jĕnĕṅku jatusmati jaka mulya.

11. naké biyuŋ ñahi prihatin iŋ ḍusun, mĕṇḍaṅgati kana, aṛĕp adus talaga di, awit saka waṅsitiŋ déwa kawasa.

12. cintrakaku ilaŋ anĕmu rahayu, tan na kara kara, kowé bhuta mĕmĕdèni, laḥ mĕntasa bañjur luṅaa kaŋ tĕbaḥ.

13. saŋ hyaŋ kala suka amarwata sunu, ṅguguk aris nabda, i dalaḥ kapasaṅyogi, luwiḥ apik klĕbu wĕtĕṅku kéwala.

14. cintrakamu paṣṭi ilaŋ sakñawamu, jaka mulya mojar, dudu padon aku suṭik, o laḥ blahi gya lumajar loñjoŋ ḷĕrak.

15. saṅhyaŋ kala aṅlut iŋ sapurugipun, ki jaka umpĕtan, bumbuŋ wuṅwaŋ dèn lĕbĕti, saṅhyaŋ kala ñaṇḍak bumbuŋ wuṅwaŋ sigra.

16. jaka mulya mĕdal sakiŋ sisihipun, hyaŋ kala tan wikan, nabda kacaṇḍak sikĕnit, maṅsa ndadak gagala iŋ ṅastaniṅwaŋ.

17. bumbuŋ tinon malompoŋ isiné suwuŋ, o o mĕñan pĕṭak, bumbuŋ wuṅwaŋ wus binantiŋ, sru ṅandika hé hé bocaḥ wadu barat.

18. golèkana woṅé kaŋ amasaŋ bumbuŋ, nèŋ ṅlatar yèn paṅgya, kayané ĕloṅĕn aglis, sadinané roŋ kĕṭĕŋ ywa koṅsi kuraŋ.

19. lamun duruŋ kacaṇḍak buburoniṅsun, iŋ pañjupukira, aja kĕṇḍat sabĕn ari, kaŋ sru ṅintar cat katon kala lumarap.

20. jaka mulya lumĕbĕt pomahan gupuḥ, kapĕlak jinambak, marucut ṅgĕblak lumaris, saŋ hyaŋ kala kaloloḥ suku kaliḥnya.

21. nabda kojur sapa woṅé kaŋ anandur, papala kasimpar, ana saṅaṛĕpiŋ panti, tĕka bisa gawé cuwa kawiraṅan.

22. iŋ samĕṅko luŋ iki aranné waluḥ, bocaḥ wadu barat, tuṅgunĕn kasimpar iki, wohé paron yèn buronku wis kacaṇḍak.

23. nadyan isiḥ urip ĕluṅé si waluḥ, daklilani niṅgal, kalamun ĕluṅé mati, laḥ tiṅgaḷĕn tĕmbé ywa nandur nèŋ ṅlatar.

24. saŋ hyaŋ kala laju dèn nira mbubujuŋ, nahan kacarita, woŋ adandan dandan panti, ĕmpyak iṅkaŋ sasisiḥ sampun amiṅgaḥ.

25. kaŋ sasisiḥ lagya rinañcaŋ abikut, sakaguru apan, pĕṇḍĕmé dèrèŋ pinati, jaka mulya nrambul mèlu nambutkarya.

26. saṅhyaŋ kala kèndĕl añrabani gupuḥ, bocaḥ konĕn luṅa, iku rak buburonmami, naṅiŋ iṅkaŋ nambutkarya tan uniṅa.

27. kaŋ kapyarṣa muhuŋ swara gumarumuŋ, datan na rinasa, lumintu anambutkardi, saŋ hyaŋ kala miṇḍik miṇḍik arṣa ñaṇḍak.

28. jaka mulya ampiṅan iŋ sakaguru, tansaḥ bĕŋ ubĕṅan, hyaŋ kala ṅandika aris, hèḥ nututa aja ampiṅan iŋ saka.

29. apa kowé tan kahuban déniŋ iku, saŋ hyaŋ kala tandya, nubruk ki jaka ṅoñcati, mampruŋ mĕmĕt mĕdal sakiŋ jroniŋ wisma.

30. wisma ambruk ĕmpyak ambyuk bubar kabur, hyaŋ kala kajĕṅkaŋ, saka ĕmpyak aniṇḍihi, sapandurat miṅgu tan kawasa nabda.

31. aṅliŋ ririḥ kajujur kalajur lajur, ḍuḥ simbok ḍuḥ bapak, ṅanti makpĕt panonmami, apa nora nana woṅé kaŋ atuwa.

32. omaḥ iki ḍaṇḍaŋ ṅĕlak arannipun, é, é wadu barat, kayané iŋ sabĕn ari, jukukana tikĕl lan kaŋ masaŋ wuṅwaŋ.

33. saduruṅé kacĕkĕl buburoniṅsun, aja kanti kĕṇḍat, pañjupukmu sabĕn ari, digĕgojog maraṅa lak lakan naga.

34. nora wĕgaḥ babo mriŋ ṅĕndi kaṛĕpmu, di lèṅèŋ maṇḍĕga, hyaŋ kala nututi ririḥ, nĕkĕm siraḥ marawayan mĕdal ĕraḥ.

35. wontĕn janma èstri ayun mipis jamu, pipisan malumaḥ, tinumpaṅan punaŋ gaṇḍik, prĕnaḥ anèŋ ṅaṛĕp lawaṅé kaŋ omaḥ.

36. kĕṇṭaŋ kĕṇṭaŋ tinilar aṅracik jamu, aṅgi aṅgi lawan, ĕmpon ĕmpon warṇi warṇi, nèŋ ṅajĕṅiŋ patanèn tan na tinata.

37. jaka mulya tuṅgu pipisan añĕṅkruk, hyaŋ kala uniṅa, maṅluŋ lawaŋ iṅkaŋ kériŋ, añrabani maraŋ iṅkaŋ darbé wisma.

38. hèḥ mbokayu bocaḥ tuṅgu pipisanmu, nuli konĕn luṅa, kuwi rak mamaṅsanmami, ñahi wisma kruṅu swara tan rinasa.

39. ḍasar bagus patuté miturut nutut, aḥ aja ampiṅan, iŋ pipisan kuwi awit, saka kono ṅgonmu sĕgĕr kuwarasan.

40. kaŋ sinuŋ liŋ tan praduli gya tinubruk, ḷĕpat wus aṅiṇṭar, hyaŋ kala aṅidak gaṇḍik, tugĕl kaliḥ pipisan mañcĕlat gĕmpal.

41. tiba gabrus garès buṇḍas taṇḍĕs baluŋ, kĕraṅkaṅan mĕdal, ṅĕsĕs ĕsĕs krasa pĕriḥ, bojlèŋ bojlèŋ éblis lanat ajéjégaŋ.

42. kĕsit tĕmĕn kakèkané gojog ṅasu, apa duwé mantra, wĕlut kuniŋ diḷĕṅani, nora jamak kaya ñaṇḍak wawayaṅan.

43. é, é bocaḥ wadu barat dèn agupuḥ, kaŋ masaŋ pipisan, loṅana kayanirèki, sabĕn dina kaya kaŋ ṅadĕgkĕn wisma.

44. aja uwis yèn buron duruŋ kapikut, maraŋ ṅĕndi lanat, ṅuṅsia ḍasariŋ bhumi, saŋ hyaŋ kala lumpĕpas yudakĕnaka.

164. paṅkur

1. nahan wontĕn janma bĕṭak, lawaŋ kori kabèḥ dipuninĕpi, dé kaŋ tĕṅga kakèkipun, anèŋ jawiniŋ wisma, ñambi karya gĕbĕgan timaḥ katuṅkul, jaka mulya malbèŋ wisma, tuṅgu dandaŋ ṅuṭik api.

2. kala kaṇḍĕg waṅsul sigra, ṅupadosi kaŋ ṅĕntĕp dandaṅnèki, pinaṅgiḥ nèŋ tĕgalipun, lagya ramban jaṅanan, sinrabanan mbok ñahi muliya gupuḥ, dandaŋmu tinuṅgu janma, buburonku sipĕñakit.

3. ñi wadon miyarṣa swara, naṅiŋ warṇanira nora udani, tulus araramban muṅkul, kala waṅsul tan drana, jaka mulya ṅraṅkul ḍĕṅkul tuṅgu latu, saŋ hyaŋ kala mbuka lawaŋ, ki jaka nĕdya kadiṅkik.

4. wus oñcat ampiṅan dandaŋ, saŋ hyaŋ kala ṅalètèr mbĕkik mbĕkik, ki jaka cinaṇḍak mrucut, muṅsĕr ṅubĕṅi dandaŋ, pĕgat pĕgat hyaŋ kala ṅandikanipun, hèḥ paṅan sira nututa, ywa ampiṅan dandaŋ iki.

5. apa si nora rumaṅsa, ṅgonmu waṛĕg saka iŋ dandaŋ iki, wus puṛĕṅĕn dyan tinubruk, ki jaka oñcat mĕdal, dandaŋ ṛĕbaḥ hyaŋ kala kaplèsèt guprut, gobag gabig kicat kicat, iṅkaŋ darbé wisma muliḥ.

6. uniŋ dandaṅé gumlimpaŋ, taña mariŋ kaki kaŋ anèŋ ñjawi, é, apa mulané iku, dandaṅku ṅanti ṛĕbaḥ, kaŋ tinanya mèlu gĕtun wacana rum, iku woŋ kĕna saṅkala, tiwas dandananiŋ èstri.

7. laḥ ṅlakonana sarana, wudaa byar ñjogèt ṅubĕṅi panti, tĕpuŋ gĕlaŋ kapiŋ tĕlu, daktabuhi ḍug ḍug brag, sarta dilokaké woŋ édan baruṇḍul, ṅrucat bhuṣaṇa linakyan, miturut warahiŋ kaki.

8. kala makṣiḥ ṅĕmu duka, duk umiyat asru ṅandika wĕṅis, iki uwoŋ mlayu mlayu, lan ṅiwi iwi mriŋ waŋ, é, é bocaḥ wadu barat dèn agupuḥ, kajabané iṅkaŋ kaya, bĕrasé iŋ sabĕn ari.

9. ĕloṅana pituŋ somaḥ, lamun duruŋ kapikut buronmami, aja kĕṇḍat pañjupukmu, i i tĕka wus tĕbaḥ, ĕntènana si kĕparat tukaŋ mrucut, hyaŋ kala aṅlut saparan, naṅiŋ lampahé ariṇḍik.

10. wit ana paṅantèn añar, wañci ṅaṛĕpakĕn siṛĕpiŋ rawi, maṅloŋ maṅloŋ anèŋ pintu, wĕnĕs iṅkaŋ wadana, aṅĕraṅu ṅuṅak ulihé kaŋ jalu, macul ṅolaḥ pasabinan, kaṭok kombor lawon putiḥ.

11. sabuk biru èpèk lulaŋ, ikĕt masĕm baṭikan oraŋ ariŋ, klambi silir ḍasar piṅul, kaṇṭoṅan kériŋ kanan, bawak cĕṅgrèḥ kayu arèn dorannipun, pañjaŋ ukur kĕpĕl saṅa, ki ṅantèn kalamun muliḥ.

12. sakiŋ macul iŋ sasawaḥ, gulu doran kinaṇṭil kaṇṭil ṭirik, kaṇḍatan uḍèt myaŋ wĕlut, kaṇṭoṅan iṅkaŋ kiwa, isi ulam kropokan saananipun, dé kaṇṭoṅan iṅkaŋ kanan, isi ron guṇḍa sĕmaṅgi.

13. mantuké tumĕkèŋ lawaŋ, iṅkaŋ wadon mapag amaṛĕk ati, ñjèrèŋ pĕñcot kĕmbĕnipun, waḍaḥ sĕmaṅgi guṇḍa, taṅan tĕṅĕn ndudut rèrèntèṅan wĕlut, kur maṅkono bah‍é tĕka, dadi sĕnĕŋ aṅlamlami.

14. nuju aṅop mbok paṅantyan, jaka mulya mañjiŋ tutukirèki, ñaṛĕṅi hyaŋ surya surup, ni mbok ṅantèn katiṅal, cahya wĕnĕs ĕbyar bhawana sumunu, sumilak sumorot jĕnar, mawèḥ rarasiŋ wiyadi.

15. iku purwanira ana, aran caṇḍik kala tĕkèŋ samaṅkin, kajawi sakiŋ puniku, ujariŋ paṅgorohan, aywa karya margi prĕnaḥ kilènipun, wisma cakĕt tĕritisnya, punika boya prayogi.

16. kaṇḍĕg pambujuṅiŋ kala, anahĕn kuŋ maṅun kuŋ kaŋ nèŋ kori, wasana rum ririḥ ruruḥ, hĕm lima kambi lima, puluḥ puluḥ bĕjané si ṅisor iruŋ, gonku mbubujuŋ sadina, makṣa mrucut si pĕñakit.

17. woŋ ḷĕbuné ṅgawé éram, lara kabèḥ rasané awakmami, ṅintir intir baṅĕt ṅgĕrus, ṅĕlak salit kalintaŋ, lèrèn ḍisik lagi ana kalanipun, dak ulataké ta sira, myaŋ ṅĕndi paranirèki.

18. sigĕg lampahé hyaŋ kala, dèn nya mbujuŋ mriŋ jaka jatusmati, gantya wahu kaŋ winuwus, iŋ sĕṇḍaŋ tamtukrajan, buyut waṅkĕŋ kaḍatĕṅan putra mantu, rara primpĕn sakaliyan, buyut gĕduwal kaŋ nami.

19. jaka sondoŋ paparabnya, rara primpĕn cinandra iṅkaŋ warṇi, jĕnar pasariranipun, sĕmuné ijo maya, laṭi ḍamis wadana nukṣmèŋ sitaṅsu, mawèḥ sĕṅsĕm kaŋ tumiṅal, liriṅé galak amanis.

20. sèḍĕt dĕdĕgé ṛĕspatya, ḍèmĕs kèwĕs mĕmĕs amilaṅoni, gaṇḍaŋ pamicara tanduk, tulus arjaniŋ driya, mila tansaḥ dadya kĕkĕmbaṅiŋ kiduŋ, dé lakiné ran gĕduwal, mĕṇḍaŋ gowoŋ ḍépoknèki.

21. awonné muŋ sawatara, dĕdĕg kakkoŋ maṭĕkĕl miṇṭi miṇṭi, rambut jaguŋ kruwut kruwut, baṭuké lètèr bañak, mripat abrit malolo sumèrèt sindur, iruŋ buṅkik naḍaḥ udan, baṛĕṅos pipitu sisiḥ.

22. lambé ñoṅor kandĕl wiyar, ṅaṇḍap dĕblèḥ jajéṅgot kadi kambiŋ, sukun datan mawi untu, naṅiŋ gunĕmé tatas, kaṛĕm ṅinaŋ gabrès aṅĕlèbi iruŋ, pinĕṇḍĕt mantu jalaran, tĕmĕn wĕkĕl karti tani.

23. kinèn laju sakaliyan, pinaṅgiyan nèŋ saluniŋ paṇḍapi, paṅudasmaraniŋ kalbu, apa prĕluné baya, ṅantèn iki ṅĕṇṭĕŋ ĕṇṭĕŋ tĕmu riŋ sun, buyut waṅkĕŋ manĕmbrama, ṭolé ṅantèn paḍa bĕcik.

24. buyut gĕduwal manĕmbaḥ, timbalané ñjĕŋ kyayi kula puṇḍi, paṅabĕkti kula katur, pan kyayi marasĕpuḥ, buyut waṅkĕŋ suŋ pambagya maraŋ sunu, paḍa bĕcik sira rara, tĕkamu nèŋ ṅarṣamami.

25. iya paṅèstumu rama, ṅantèn sondoŋ matur amaṅĕñjali, nuwun kyayi marasĕpuḥ, sowanipun pun kula, kaŋ sapiṇḍaḥ ḍapur kaṅĕn dibalipun, sampun lama botĕn sowan, kapiŋ kalihipun kyayi.

26. kula aṅaturkĕn pasraḥ, awonipun putra ndika tyaŋ èstri, nuniṅgiḥ ḷĕstantunipun, dados rayat kawula, marcapada duginiŋ dĕlahanipun, awéta ḍèñcèŋ ḍèñcèṅan, karuwĕlan tiyaŋ kaliḥ.

27. dèn nya matur saṅga uwaŋ, koñor koñor maripatipun kaliḥ, wusiŋ tĕlas aturipun, luḥ andrĕs marawayan, makiḍupuḥ mbluṅkĕr lambé klèṅsrèḥ salu, buyut waṅkĕŋ wĕlas mulat, gumuyu wacana mahis.

28. mĕṅko mantèn iṅsun taña, laḥ kapriyé muṅguḥ patrapirèki, bojomu maraŋ sirèku, suṅkĕmiŋ palakrama, ki gĕduwal mĕgap mghap nĕmbaḥ matur, kadospundi marasĕpaḥ, putranta ṇḍuk dara ñahi.

29. éñjiŋ sataṅiniŋ néndra, ḍĕlog ḍĕlog mahin susur nèŋ kori, kula atag añañapu, utawi goḍog toya, aṅĕmprèti éca éca ñomak ñamuk, radi siyaŋ kula printaḥ, ucal ucal ṅrĕratĕṅi.

30. basĕṅut malérok késaḥ, biliḥ kula mantuk sakiŋ iŋ sabin, makṣiḥ tĕbiḥ kula bĕluk, ṇḍuk ṇḍuk kakaŋmu prapta, tan sumahur kagyat kaḍatĕṅan tĕṅu, sabĕn mapan patiḷĕman, lawaŋ kori dèn tĕtĕki.

31. sawiji dintĕn kalépyan, mapan tiḷĕman kontĕn dèrèŋ kinuñci, kula mlĕbĕt baḍé nusul, mbaraṅkaŋ praptèŋ dagan, suku kaliḥ ḍupak kacĕmpluŋ iŋ tutuk, mak blĕŋ jĕmpol iṅkaŋ kanan, ṅuḍis uḍis ñjawil sĕntil.

32. laṅkuŋ sakit kula ḍawaḥ, sakiŋ ṅambèn mbaraṅkaŋ lajĕŋ mijil, mutaḥ mutaḥ ṅantos ṅgĕrus, ilat maṅguŋ kĕkaḍar, tĕkèŋ éñjiŋ sawĕg purun malbĕt tutuk, bokbiliḥ ginaliḥ dora, kyayi ndaṅuwa pribadi.

33. ḍatĕŋ putra jĕṅandika, atur cuṭĕl mèwèk mèwèk ṅusapi, luḥ tumaṇḍo lambé ḍuwur, campur lan umbĕl akas, kadi santĕn niŋ niṅĕn patiŋ kĕlaprut, buyut waṅkĕŋ duk miyarṣa, gumujĕŋ sinamun runtik.

34. aja kumbi sira rara, apa ñata tutur maṅkono nini, kalamun iku satuhu, paran ta kaṛĕpira, rara primpĕn manĕmbaḥ mèsĕm umatur, ḍuḥ rama pupuṇḍèniṅwaŋ, mugi ywa kalajĕŋ runtik.

35. aturku kamiṛĕṅĕna, yèn doraa ajriḥ sikuniŋ widdhi, baji tamtu nora antuk, paṅèstuniŋ woŋ tuwa, papa bah‍é kaŋ tinĕmu raganiṅsun, aku amĕḍar lalakyan, mantumu si kĕṭĕr jijiḥ.

36. wandané tan ana maḍa, caroboné taṅèḥ yèn ana ñami, boḍoné kamoran lumuḥ, ṅaṅgo nora isinan, pilihané antukan prataṇḍa suwuŋ, rinéya tumĕmĕn karya, aṅgĕpé anom karisik.

165. sinom

1. muṅguḥ aturé kaŋ putra, kĕmasé ṅantèn tan sisip, anaṅiŋ kapriyé rama, ṅgonku bisa aṅlakoni, akon mbĕrṣihi panti, nora duwé kĕlut sapu, paréntaḥ goḍog toya, kĕṇḍilé bĕṇṭèt waradin, kĕṛĕn ḷĕmaḥ kayuné glugu wutuhan.

2. dakaturi ñigar ñigar, dimèné radaa cilik, waṅsulané nora susaḥ, yèn cilik ambĕborosi, paréntaḥ ṅrĕratĕṅi, ñlumbat krambil nora pĕcus, mèmènèk sambat wĕgaḥ, golèk bañu muṇḍak atis, dak kalahi añañambat maraŋ taṅga.

3. aku mĕṭiki jaṅanan, mas ṅantèn kaŋ tuṅgu gĕni, tĕka ṅantuk kaṛĕṅgosan, kĕmpusé kaya garimis, satĕmaḥ gĕni mati, saya mĕmpĕŋ ṅgonné ṅantuk, añjĕblès dandaŋ pĕcaḥ, mawut mawut gĕni mati, suprandéné mantumu gĕbacut néndra.

4. nèŋ ṅaṛĕp kĕṛĕn ñjĕrbabaḥ, kaya turu kasurṣari, yèn tĕka saka iŋ sawaḥ, maṅgul pacul ñaṅkiŋ kuḍi, ṛĕṅĕŋ ṛĕṅĕŋ mĕdèni, tur awaké gluprut ĕṇḍut, añjujug patiḷĕman, niba brĕg pacul sinaṇḍiŋ, ura ura ṅalampra tan tiba pada.

5. dak kon wisuḥ mriŋ pakiwan, waṅsulané yèn wis gariŋ, mĕṅko rak luṅa priawak, bañjur ṅorok kaya sapi, lindurané ṅlaṅkuṅi, nora cĕṭa naṅiŋ ṅgalur, sabĕn ṛĕp mapan néndra, sĕmbari aṅgantèn ḍisik, ṅĕmut susur klomoḥ lir tĕtĕluḥ braja.

6. susur kacopot kinarya, ṅusap bibir ṅaṇḍap ṅiṅgil, ṅanti ṅĕṭèl yaknèn kĕtat, dakĕmutké amaṅsuli, mèk añĕp tan mĕrkintiŋ, dé nalika nusul turu, aku nuju supĕna, ana iŋ kananirèki, mĕntas saka pasar atutumbas bĕtaḥ.

7. iŋ marga ana luwaṅan, tan darana daklumpati, cupĕt kacĕmpluŋ iŋ waṅan, tutukonku kocar kacir, kaluwak muŋ sawiji, tiba iŋ luwaṅan mahu, dakjapit sikil kanan, duruŋ mĕntas bañjur ṅlilir, baṅĕt éram tĕka sikil karo pisan.

8. wus dèn ĕmut iŋ kakaṅmas, jĕmpolan añjĕpit sĕntil, bañjur dak ḍupakkĕn pisan, mantumu tiba kuwalik, bibir kaŋ ṅiṅgil gaṭik, waton lawaŋ bah‍é bintul, tan agĕŋ muŋ saklapa, bĕraṅkaṅan bañjur mijil, mutaḥ mutaḥ sawĕṅi tan mawi kĕmba.

9. aḥ woŋ tĕmĕn nora ñjarag, si masé dadi paṅgaliḥ, aku bañjur dikon dandan, maṅkat sowan mréné iki, ki buyut ṅandika ris, paḍa déné arannipun, naṅiŋ dunuṅé ḷĕpat, ĕrosé saka sirèki, ṅgonmu duruŋ caṛĕm caraniŋ ṅakrama.

10. ḍénok aku nora ina, samana ṅaṅgo daktari, apa anané dakgĕlar, muwuŋ déné awit cilik, ṅgonné mèlu iŋ mami, tumĕkèŋ iŋ ṅakiripun, boḍoné ḍasar ñata, naṅiŋ tĕmĕn tani bĕntil, taṅan añĕp tabĕri anambutkarya.

11. sirèku uwis kaduga, ṅlakoni sapakonmami, wĕkasan maṅkono ñawa, rara lamun sira ṅanti, pĕgat ṅgènnira krami, dakjabakkĕn atmajaku, laḥ aja katon mata, sakaṛĕp kaṛĕpmu dadi, rara primpĕn karuna nuṅkĕmi pada.

12. ḍuḥ ñjĕŋ rama apuranta, ywa kalajĕŋ lajĕŋ runtik, yèn ñjĕŋ rama tan ṅakṣama, dadi apa awakmami, lan sapa iṅkaŋ sudi, ṅukup maraŋ raganiṅsun, waḥ naṇḍaŋ sapuḍĕṇḍa, tan miturut iŋ sudarmi, iŋ dĕlahan pinaṣṭi anèŋ naraka.

13. rama ywa kapañjaŋ pañjaŋ, galiyĕn maṅkéné uwis, lumrahé woŋ omaḥ omaḥ, padudon kakĕmbaṅnèki, jaré mbaṅun trĕṣṇa siḥ, kĕkĕlé anèŋ jinĕmrum, kadi pĕṅantèn añar, basané ṛĕṅgaŋ gulali, aṅuruwĕl kĕmpĕl kadi sata éca.

14. sah‍èstuné tan ḷĕṅgana, miturut rèhiŋ akrami, naṅiŋ yèn paṛĕŋ ñjĕŋ rama, sartané kaguṅan picis, ñuwun uguṅan mami, kataṅgapna wayaŋ cĕṅkuŋ, kalamun wus kalakyan, kaŋ dadi pañuwun mami, sakarṣané kĕmasé ṇḍèrèk kéwala.

15. ki buyut kalaṅkuŋ suka, ḷĕga rasané kaŋ ati, rara aywa tiṅgal candra, warṇamu ṅrĕsĕpkĕn ati, tan ana kaŋ pinañci, miturut rèḥ mriḥ rahayu, ṭolé buyut gĕduwal, kowé mĕñaṅa sahiki, maraŋ mĕṇḍaṅkawit hya wĕdi kaṅèlan.

16. kono ana wayaŋ añar, bĕcik pamayaṅirèki, kyatiṅrat kaṇḍabhuwana, kalamun sira wus paṅgiḥ, matura iŋ kiyayi, manawa ḍaṅaniŋ kalbu, lan nuju tan saṛĕṅan, iŋ mĕṅko bĕṅi dakpuriḥ, kapaṛĕṅa mayaŋ ana wismaniṅwaŋ.

17. kadaṅwarga gawanana, bahu aṅusuŋ usuṅi, buyut sondoŋ matur sĕmbaḥ, nuwun iṅgiḥ iṅgiḥ kyayi, sarèhniŋ sampun tapis, paḍaŋ jiṅglaŋ iṅkaŋ ḍawuḥ, pun kula kalilana, lajĕŋ maṅkat iŋ sakniki, iya ṭolé aku bañjur tata tata.

18. mundur ki buyut gĕduwal, dupi dumugi iŋ ñjawi, caṅkélak waṅsul manabda, é, la jĕnaŋ gula manis, duruŋ pamitan ñahi, woŋ gondrèŋ gondrèŋ wèḥ gandruŋ, pinaṅgiḥ iŋ pĕṅkĕran, lagya ṅracik gantèn waṅi, ṅrujit sĕkar mlaṭi mĕnur gambir pĕṭak.

19. dumrojog buyut gĕduwal, ṇḍoḍok saṅajĕṅiŋ kori, aṅliŋ groyok mĕgap mĕgap, ḍuk gĕṇḍuk ḍiku woŋ ḍaṇḍiŋ, ayu mrakati triñciŋ, aku luṅa ywa kok bĕluk, sasuwéné daktiṅgal, aja mĕtu saka panti, sawĕr poṇṭaŋ dak mati rak mĕlaŋ mĕlaŋ.

20. yèn dijawat caciŋ abaŋ, rara primpĕn duk miyarṣi, aja mbahuŋ wis luṅaa, mĕṅko dakṣawuri gaṇḍik, coṅormu dimèn tipis, mari kaya ṅĕmut ḷĕsuŋ, mas ṅantèn palarasan, hut gandri mĕta ñi bogiŋ, hĕm hĕm loṭuŋ olèḥ sasarapan ujar.

21. wus ḷĕpas iŋ lampahira, naṅiŋ lali tanpa kaṇṭi, sigĕg lampahé gĕduwal, gantya kocap mĕṇḍaṅkawit, ñahi raṇḍa sumampir, ṅaḍĕp risaŋ amoŋ luhuŋ, ḍalaŋ kaṇḍabhuwana, pagĕndèr ñahi saruni, paṅĕṇḍaŋnya nama kyayi kaluṅluṅan.

22. ñi raṇḍa maṛĕk iŋ ṅarṣa, cinariyos duk iŋ ṅuni, miṣkiné kaliwat liwat, maṅkya ṭukuliŋ rijĕki, bisa iyasa panti, paṇḍapa gaṇḍok myaŋ lumbuŋ, kaṇḍaŋ ḷĕmbu mah‍ésa, pawon pisaŋ sliraŋ ṭarik, parégolan miwaḥ saṅgar palaṅgatan.

23. pagĕr turus tumaruna, bĕṅgaŋ pinaṣṭi sañari, larèn wĕniŋ tĕpuŋ gĕlaŋ, palataran ṛĕsik gasik, taru ṭinarik ṭarik, sawo añjuŋ kĕpĕl ḍuku, maṅgis pĕḷĕm rambutan, blimbiŋ jambu pĕṭak abrit, tinon wiṅit samya dadi woḥ tan kĕṇḍat.

24. ñi raṇḍa katiṅal rosa, anak putu iṅkaŋ tĕbiḥ, miwaḥ kawula kawraga, ṅgili samya tumut panti, dadya iŋ mĕṇḍaṅkawit, ṛĕja raharja kalaṅkuŋ, wus karan iŋ karajan, pasaré rahina wĕṅi, jalu èstri tyasé tĕntrĕm tur kacĕkap.

25. ki ḍalaŋ kaṇḍabhuṣaṇa, taña mriŋ raṇḍa sumampir, ñahi iŋ salawasiṅwaŋ, maṅgon iŋ wismanirèki, apa ta boya dadi, ribĕt miwaḥ katunanmu, sarèhniŋ ṅanti lawas, raṇḍa matur maṅĕñjali, ḍuḥ kyayi èstu botĕn pisan pisan.

26. yèn kadi kaŋ paṅandika, tan sagĕt matur kaŋ abdi, mulyané badan kawula, ṛĕjané kaŋ mĕṇḍaṅkawit, sah‍èstu awit sakiŋ, sawabipun saŋ linuhuŋ, kaŋ sarira bhaṭara, punapa wawaḷĕs mami, tan lyan namuŋ sumuṅkĕm bĕkti kawula.

27. mariŋ bhaṭara kawasa, paduka iṅkaŋ ñjalari, saṅĕt panuwun kawula, bokbiliḥ pinudyèŋ kapti, ḍéḍépok mĕṇḍaṅkawit, dumadya pupuṇḍèn ulun, saanak putu amba, ki ḍalaŋ ṅandika manis, iya ñahi baṅĕt iŋ panrimaniṅwaŋ.

28. kaŋ dadi pamintanira, gampaŋ katĕmu iŋ mburi, amuŋ iŋ samĕṅko sira, ywa aran ñahi sumampir, iṅsun pariṅi nami, raṇḍa asĕmsoré iku, kalawan tampanana, gagaḍuhanira ñahi, cacĕkĕlan lara èñcok sasaminya.

29. sapa woṅé mémé siñjaŋ, ṅanti kasurupan rawi, iŋ maṅka nora dèn ĕntas, lan maniṅé lamun janmi, mayokkĕn sambĕl muṅgiŋ, lèmpèr ḷĕmaḥ miwaḥ watu, lawan mayokkĕn jaṅan, asĕm éñjiṅé binukti, dunuṅana lara éñcok iku paḍa.

30. asĕmsoré nuwun turṇya, ṅèstokkĕn sabda kapuṇḍi, kasaru buyut gĕduwal, kula nuwun mañjiŋ panti, mbagĕgĕg anèŋ ṅarṣi, ki ḍalaŋ wacana arum, bagus sira bagéya, pinaṅkanira iŋ ṅĕndi, lawan sapa kakasiḥmu myaŋ sĕdyanta.

31. matur kaŋ sinuŋ pambagya, kyayi ndaṅu ragamami, kala dèrèŋ asésémaḥ, jaka sondoŋ piliḥ taṇḍiŋ, kalamaṅsa kawiṅkiŋ, añaṛĕṅi raṇḍu rubuḥ, èstu pasihaniŋ hyaŋ, pinuṇḍut mantu kiyayi, buyut waṅkĕŋ mĕṇḍaṅtamtu paḍépokan.

32. ḍinahupakĕn kalawan, putranipun ayu èstri, rara primpĕn muṣṭikèṅrat, lajĕŋ pinariṅkĕn mami, buyut gĕduwal iṅgiḥ, mawi pinacak ḍuḍukuḥ, iŋ mĕṇḍaṅgowoŋ dadya, bubuṇḍĕl amisésani, sémaḥ kula bakjĕŋ primpĕn kula bĕkta.

33. nama lami nama iṅgal, kasiḷĕp awit kawijil, karan mas ṅantèn kéwala, kaluṅluṅan suka myarṣi, kimasé andĕrmimil, ṅaṅgo salasilaḥ ṅgalur, raṇḍu rubuḥ kalawan, caciŋ mantu ḍisik ĕndi, aḥ wikana kula botĕn dipunundaŋ.

34. nuwun kyayi sowan kula, ṅintar mĕmĕt tanpa kaṇṭi, wañci bĕḍug ḍĕŋ ṇḍĕraṇḍaŋ, manraŋ bèntĕr kontraŋ kantriŋ, mripat baḷĕṛĕŋ akiŋ, kĕkonaŋ patiŋ kaḷĕpyur, kariṅĕt darodosan, guruŋ krakĕt klĕkĕt salit, ambĕgogok luṅguḥ iŋ salu sampéyan.

35. sajatosé awigatya, ḍapur kinèṅkèn kiyayi, raka ndika marasĕpaḥ, dĕḷĕs dèrèŋ diwowori, buyut waṅkĕŋ kakasiḥ, pupuṇḍèniŋ mĕṇḍaṅtamtu, noniṅgiḥ kaŋ sapisan, kintun paṅèstu basuki, kapiŋ kaliḥ yèn biliḥ mbotĕn saṛĕṅan.

36. iŋ maṅké dalu sampéyan, dipunaturi aṅriṅgit, ḍatĕŋ mĕṇḍaṅtambu krajan, parlu ṅluwari punagi, kaŋ ṅabdi tiyaŋ èstri, salaminé dèrèŋ atut, nĕlaṣkĕn gunabisa, purun atut anuruti, naṅiŋ darbé panĕḍa taṅgapan wayaŋ.

37. mila kula gurawalan, marlokkĕn sowan pribadi, saṅĕt pañuwun kawula, kalampahanipun ṅriṅgit, sah‍èstu añjalari, iṭak iṭuk maṭuk gaṭuk, yèn sampun kalampahan, masajĕṅé kula ḍoṅḍiŋ, aṅaturi uniṅa ḍatĕŋ sampéyan.

38. kaluṅluṅan lataḥ lataḥ, tobil ṅanti nora ṅrĕti, tĕmbuṅé ṅaṇṭar ṅaḷĕṇṭar, ṅanti ilaŋ prĕlunèki, ki ḍalaŋ ṅandika ris, kapasaṅyogya ki bagus, iki pinuju sĕla, matura kakaŋ kiyayi, luwiḥ atut manira wus sagaḥ sowan.

39. maṇṭuk maṇṭuk ki gaduwal, ṅilak ilak tyasirèki, kaluṅluṅan sru ṅandika, hé hé kimasé woŋ mblĕṇḍiŋ, woŋ bĕtaḥ andĕrmimil, aja pijĕr maṅgut maṅgut, iki kasĕlak udan, dakdĕḷĕŋ tan ṅgawa batiḥ, sapa iṅkaŋ ṅusuŋ koṭak lan gamĕlan.

40. kudu maṅkat iŋ samaṅkya, ṅgiḥ kyayi kula pribadi, mara bagus usuṅana, ana ṅèmpèr kulon kuwi, paṅusuŋ aja srĕnti, kudu sakbrĕṅan wus rampuŋ, ki jaka sondoŋ sagaḥ, pamit lajĕŋ amurugi, dupi miyat salin tĕmbaŋ maskumambaŋ.

166. maskumambaŋ

1. biyaŋ biyaŋ ambakna woŋ maréntahi, nora ṅaṅgo sawaŋ, mriŋ woŋ kaya awak mami, paṅantèn añar tur tigas.

2. ambĕlèrèt ikĕt iṛĕŋ tĕṅaḥ putiḥ, tĕka kon gagawa, rowa rokaḥ rokaḥ iki, niŋ luput inaku ḍawak.

3. rikniŋ iya sapa kaŋ bakal noŋ aniŋ, lémaḥ lémaḥ mlumaḥ, turu ṅambèn dèn sik isik, bañjur nusul ñjaluk timpaḥ.

4. naṅiŋ priyé patrapku ṅgonku ṅusuṅi, rampuṅé sabrĕṅan, gamĕlan patiŋ taḷĕniŋ, waṅuné abot tur ṛĕkaḥ.

5. ana iṅkaŋ èṇṭèŋ paṅiraku riṅkiḥ, lamun dak suṅgia, ḍĕṣṭaraku mobrak mabrik, mulihaké ṅaṅgo béya.

6. kaluṅluṅan mara ṅgablok sakiŋ wiṅkiŋ, sondoŋ gĕdandapan, piyé gusé ṅantèn iki, tĕka bañjur kaya tlawaḥ.

7. miṅak miṅuk nora nuli dèn tandaṅi, ṅĕntèni apa ta, iṅgiḥ kyayi iṅgiḥ iṅgiḥ, niki sawĕg kula laras.

8. é, laḥ lucu nĕmmé ṅaṅgo digolèki, dakwarahi sira, ucula ikĕt tumuli, kaṅgo buntĕl gĕndèr gambaŋ.

9. kĕṭuk kĕmpyaŋ kĕcèr saron lawan suliŋ, bĕbĕtmu ucula, iku kaṅgo ambuntĕli, kĕnoŋ tĕlu lan suwukan.

10. bukak baju kaṅgo aṅĕḷĕd ĕḷĕdi, bonaŋ nuṅgal gaṅsa, sabuk lolosĕn ṅgo tali, ñĕbrak sĕtagèn kinarya.

11. ṅĕrut ĕrut sah‍èpèkmu aja kari, sinuṅgi kaŋ koṭak, rañcak lan tumumpaŋ ṅiṅgil, dalaḥ kĕṇḍaŋ plaṅkan ṛĕbab.

12. gayor kaṅgo mikul kaŋ roŋ buntĕl iki, ana puṇḍak kiwa, puṇḍak tĕṅĕn dèn sampiri, sikil gayor loro pisan.

13. cinaṇṭèlan baléñcoŋ parabot kĕlir, taṅan kiri kanan, ñaṅkiŋ kĕmpul siji siji, drohun ran uwis kacĕkap.

14. jaka sondoŋ kĕlop kĕlop aṅliŋ ririḥ, cilaka rambatan, kujur ṅĕpok blahi mĕñcit, iba wĕlasé kaŋ mulat.

15. cacaḥ rolas dijupuk kaŋ roro iji, puluḥ dikapakna, kapriyé ṅgonku sumiṅkir, dak saṅènané kéwala.

16. nora ṅgawa abrag abrag nora ñuṅgi, gaṅsa koṭak wayaŋ, ñuṅgi bokoṅé woŋ nĕcis, ṅusuŋ maśjĕṅé siŋ ñaṇṭas.

17. wus rinakit rampuŋ ginawa pribadi, ki gĕduwal maṅkat, suka wĕlas kaŋ udani, lampaḥ riṇḍik tan lémbéyan.

18. kyayi ḍalaŋ ṅandika mriŋ ñahi panti, karia raharja, saanak putumu sami, iya iŋ sapuṅkuriṅwaŋ.

19. kaṅbok tuwin uwa kuluṅluṅan wawi, maṅkat mupuŋ siyaŋ, biliḥ kadalon nèŋ margi, mĕṇḍaṅkawit wus kawuntat.

20. sigĕg ñahi asĕmsoré mĕṇḍaṅkawit, gantya adĕgira, buyut waṅkĕŋ lan putrèstri, pinarak anèŋ paṇḍapa.

21. kacarita sapuṅkuré kimas ṅantin, ḍukuḥ kagégéran, buburon wana aṅgili, maḷĕbĕt mriŋ paḍukuhan.

22. nora katon ḍuḍukuḥ katon wanadri, pramila ki wisma, saṅĕt dèn nya ṅanti anti, putra mantu kaŋ dinuta.

23. ṅandika ris maraŋ putranira èstri, rara kaya paran, tĕka maṅkéné puniki, sapuṅkuré lakinira.

24. déné buron sahisiné iŋ wanadri, lumĕbu mriŋ ḍĕkaḥ, sajaké aṛĕp ḷĕstari, mèt papan amaṅgon jĕnak.

25. kaŋ dakaṛĕp aṛĕp muŋ lakinirèki, rama atur wikan, mahu bĕṅi aku ṅimpi, mantumu ḍinahar sima.

26. anèŋ wana sapraboté brĕsiḥ tapis, manawa tĕmĕnan, buron iki ndaradasiḥ, ṅupaya tuṅgalé baya.

27. buyut waṅkĕŋ aṅandika sĕmu runtik, iku catur apa, ala ala amalati, ywa ko piṇḍo kaŋ maṅkana.

28. tan pantara daṅu kĕmasé kah‍èkṣi, ṛĕmbĕn lampahira, ambĕntoyoŋ bĕktanèki, gupuḥ ki buyut paréntaḥ.

29. mariŋ batiḥ mara tuluṅana aglis, rara apa iya, kah‍é lakimu kaŋ prapti, mĕnèk karo ṅirit ḍalaŋ.

30. mara gĕlarana kalasa kaŋ ṛĕsik, wédaŋmu sĕṅkakna, aku dak mapag mriŋ ñjawi, rara primpĕn mundur nĕmbaḥ.

31. kimas ṅantèn bĕktané wus dèn tampani, lajĕŋ mriŋ puṅkuran, ṅupadosi iṅkaŋ èstri, pinaṅgiḥ raracik sĕgaḥ.

32. ki gĕduwal ṅgaloso anèŋ taritis, pĕgat pĕgat liŋnya, mamalad sihiŋ kaŋ èstri, nok ĕnok sapuṅkuriṅwaŋ.

33. sira apa ora katonĕn mriŋ mami, lo bojomu tĕka, apa uwis cawis cawis, wédaŋ ñamik sĕga jaṅan.

34. yèn wis ṅombé wédaŋ ñamikan saṭiṭik, maḍaŋ kokoḥ jaṅan, bubar maĕm mapan guliŋ, kèlèk cĕṅĕl pijĕtana.

35. rara primpĕn mbasĕṅut maṅsuli wĕṅis, é, é muṇḍut wédaŋ, apa tiṅalmu tan uniŋ, galo galo sumur kĕbak.

36. ñamikané mĕñaṅa kĕbon pribadi, kah‍é kĕpĕl séla, kaŋ runtuḥ wus matĕŋ uwit, sĕga nisilana gabaḥ.

37. dé iwaké mĕñaṅa pawon pribadi, jĕggé mahu turaḥ, baluŋ baluŋ sisa kuciŋ, aku wis saḍiya jaṅan.

38. ḍuḥ bojoku kabèḥ pakon daklakoni, siŋ ko kĕla apa, gaḍon jaṅan bah‍é ḍisik, kaŋ dak kĕla wèt awètan.

39. jaṅan poṅgé palapahé bĕton kĕcik, sambĕlé wutuhan, amuŋ tanpa uyaḥ trasi, lalabané isi ḷĕrak.

40. ki gĕduwal sru sukèŋ tyas wus aṅgĕndriŋ, maraŋ iŋ ṅajĕṅan, ṛĕṅĕŋ ṛĕṅĕŋ urut margi, kinaṇṭi maluku tĕgal.

167. kinaṇṭi

1. ki buyut waṅkĕŋ wus tuṇḍuk, ki ḍalaŋ gupuḥ kinaṇṭi, paṅgĕndèr miwaḥ paṅĕṇḍaŋ, lumuntur anèŋ iŋ wiṅkiŋ, pinarak tĕṅaḥ paṇḍapa, panĕmbramanira manis.

2. aḍi kaṇḍabhuwana nuŋ, kita amĕṭuk prayogi, sèwu bĕgja kamayaṅan, karṣa rawuḥ ḍépok mami, lir roga mèḥ praptèŋ léna, mulyantuk usada adi.

3. iṅgiḥ kiraka anuhun, ki buyut wacana maliḥ, mbok aḍi kita amapag, prayogi ḍatĕṅirèki, lawan sintĕn kaŋ sinambat, lawan kaprĕnaḥ punapi.

4. winaṅsulan manis arum, kalaṅkuŋ nuwun kapuṇḍi, kaŋ sarju mastani mriŋ waŋ, kula nama ñahi sruni, kaḷĕṛĕs kadaṅé wrĕda, kalawan ḍalaŋ kiyayi.

5. mèsĕm maṇṭuk kyayi buyut, kiraka kaŋ ḷĕṅgaḥ wuri, suwawi kapaṛĕŋ ṅarṣa, ulun amĕṭuk prayogi, sarawuhipun kiraka, myaŋ sintĕn sinambatiŋ siḥ.

6. ṅgiḥ aḍi sami pikantuk, déné nama kula aḍi, karan kaki kaluṅluṅan, botĕn mawi maliḥ maliḥ, ki buyut ṅguguk sukèŋ tyas, kiraka sampun prayogi.

7. aḍi ḍalaŋ milanipun, sampéyan kula aturi, wagĕda dados jalaran, muḍari ruwĕtiŋ ati, awit putrané pun rara, ṅgènné maṅun palakrami.

8. sampun lami dèrèŋ atut, tansaḥ ĕru sabĕn ari, anĕlaṣkĕn budidaya, sarat sarat gunaḍĕṣṭi, tan wontĕn iṅkaŋ tumama, malaḥ kadi dèn sĕpuhi.

9. pinaṛĕŋ lan wĕdalipun, maṅkya na wĕṅaniŋ ati, purun caraniŋ akrama, ñuwun titiṅalan riṅgit, ḍalaṅé kaṇḍabhuwana, paṅgĕndèripun pawèstri.

10. pramilané gupuḥ gupuḥ, lajĕŋ ṅaturi si aḍi, wêwaḥ maliḥ katambahan, sapĕṅkĕré kaŋ lumaris, pun ṭolé ṅantèn gĕduwal, sakèhé buron wanadri.

11. samya lumĕbu mriŋ ḍukuḥ, tyasulun tambaḥ prihatin, sakiŋ waṅsitiŋ jawata, mantuné lir wiṅi uni, srana naṅgap ṅĕl uṅĕlan, utawi anaṅgap riṅgit.

12. mila iŋ panuwunulun, maṅké iŋ sadèrèṅnèki, miṅgaḥ pinarak paṅguṅan, gaṅsa muṅĕla rumiyin, ki ḍalaŋ mèsĕm ṅandika, iṅgiḥ kiraka prayogi.

13. mĕṅgaḥ gaṅsa uṅĕlipun, maṅké sadèrèṅé kawit, kula namèkakĕn gagal, ki buyut suka liŋnya ris, kataluwa dlas samaṅkya, iŋ paṅruwatipun aḍi.

14. kula boroṅkĕn puniku, kiraka iṅgiḥ prayogi, basanipun babarpisan, dé sajèn sajèn piranti, kula sumaṅga kiraka, kadi kaŋ kasĕbut tulis.

15. wus katampèn kyayi buyut, pratélané kaŋ sasaji, sinuṅakĕn mariŋ putra, sampat sadaya miranti, kadi lodok ki gĕduwal, nata nata ṅrakit ṅrakit.

16. paripurṇa sadaya wus, ḍalaŋ saknalika awit, talu anata gamĕlan, kawusané ḍalaŋ luwiḥ, kacarita buron wana, sirṇa waṅsul mriŋ wanadri.

17. dèn nira tatalu suwuk, ki ḍalaŋ lajĕŋ maṅarṣi, lampahané manikmaya, gantya wahu kaŋ winarṇa, rara primpĕn wus bhuṣaṇa, asiñjaŋ limar kataṅi.

18. kasumĕkan ijĕm pupus, rimoṅé kuniŋ dumĕliŋ, ukĕl goṇḍèl barondoṅan, borokan sĕkar taluki, juṅkat pĕñu jram sak ajar, luṅsèn ukĕl argulo brit.

19. wida jĕnar marbuk arum, sasĕṅkaŋ cĕmĕŋ cinĕplik, sotya panuṅgul satuṅgal, supé baṭok sisiḥ gaḍiŋ, sĕsĕlut salaka mulya, supé tajug kanan kériŋ.

20. rampuṅiŋ karya maṅapus, sap asta jiṅga sumampir, anèŋ asta iṅkaŋ kiwa, cukil karṇa siliḥ asiḥ, kĕnarèn mas isi bawaŋ, sorog pĕṭèn ladiŋ gapit.

21. asta iṅkaŋ tĕṅĕn maṅgul, talam alit isi sari, rinujit baḍé saṅsaṅan, malaṭi sinĕliŋ gambir, karaŋ mĕlok tinĕṅahan, argulo jĕnar myaŋ abrit.

22. lawan gogombyokiŋ ḍuwuŋ, campur bawur ganda miṅiŋ, baḍé sĕkar paḷĕṅgahan, koñoḥ jĕnar arum waṅi, taḷĕkĕm lisaḥ jĕbadan, gantèn méṅkol sĕḍaḥ sĕmprit.

23. sadak apu bumbon alus, gambir sĕḍĕp sĕmu manis, jambé jĕnar nĕmpol ṅambar, panasar trus tanpa isi, sata éca ḍinèḍèssan, sĕs wiru sinumpĕt maṭis.

24. tĕmpahos uwur kinaduk, saŋ dyaḥ lumampaḥ nèŋ ṅarṣi, ginarubyug para warga, prapta ñjujug cakĕt kĕlir, pinarak ajĕŋ ajĕṅan, lawan kyayi ḍalaŋ sigit.

25. muŋ kĕḷĕtan wiḍig janur, datan mawi dèn taṅsuli, binuka katon ki ḍalaŋ, sinawuran urapsari, mbaladĕr iŋ paḷĕṅgahan, talam katur linut liriŋ.

26. kuraŋ ṭiṭik adu ḍĕṅkul, saŋ dyaḥ aturira ririḥ, cumaṇṭaka dasihpara, kumapurun aṅaturi, sĕgaḥ sawontĕné ḍĕkaḥ, mĕrgaya biliḥ prayogi.

27. muhuŋ dados cihnanipun, sumuṅkĕmé iṅkaŋ dasiḥ, ḍuḥ mugi dipunpaṛĕŋna, cumaḍoŋ èṣṭiniŋ ati, ṅagĕm sĕkar koñoḥ jĕnar, ñampiŋ jinĕbadan waṅi.

28. gantèn ginĕgĕt iŋ pucuk, ĕsĕs sakĕbulan namiŋ, ki ḍalaŋ nampèni talam, ṅlocitèŋ tyas baya iki, bojoné bagus gĕduwal, patut ana tut kĕpontit.

29. wasana ṅandika arum, pasugatanira nini, baṅĕt panarimaniṅwaŋ, sartané iṅsun ḷĕgani, kaŋ dadi pamintanira, saŋ dyaḥ sukané tan sipi.

30. dumadya saṅĕt nahĕn kuŋ, wayaŋ wuyuṅan iŋ galiḥ, ki ḍalaŋ lamba kéwala, nulya ṅlajĕṅakĕn ṅriṅgit, kocap ki buyut gĕduwal, bikut dèn nya ṅlaladosi.

31. sugata ḍalaŋ wus rampuŋ, ñaṇḍak niyaganirèki, ṅladoṣkĕn wédaŋ paṅĕṇḍaŋ, kinintĕn ménda kabiñciḥ, kinĕpruk iŋ tabuḥ kĕṇḍaŋ, sakayaŋ gĕduwal ñjĕṅkiŋ.

32. makprĕg rahi ṅĕpruk kriyuk, ṛĕmuk mawut mbalabari, mripat klilipĕn pĕcahan, lambé katlusuban caṅkir, rahi ḍaḍa ambĕranaŋ, dadi krahos panas ṭiṭik.

33. ikĕt kasiṅsal kacĕgur, tĕmpoloŋ wus isi lami, agadĕg ñat siraḥ katulak, gayor goŋ gaṛĕsé gaṭik, lawan ĕgoŋ pañuwukan, ṇḍoko sambaté dĕrwili.

34. woŋ sĕṅit tan katarèku, apa kapañjiṅan éblis, kabaṅĕtĕn sasĕmbranan, dosa apa mriŋ sirèki, ñawiyaḥ sawĕnaŋ wĕnaŋ, ñaŋ woŋ panas jĕriŋ mañjiŋ.

35. yèn wuruwa déné duruŋ, suṅgata baḍèg lumadi, babo babo cobak aja, dakpèk gawému kiyayi, dak ṅéné yèn aku wĕgaḥ, aḍuḥ aḍuḥ baṛĕŋ mati.

36. ki paṅĕṇḍaŋ api watuk, kĕkĕl kĕṇḍaŋ dèn suṅkĕmi, ndĕṅèṅèk sarwi ṅandika, bagus hya dadi tyasnèki, kaŋ aguŋ akṣamanira, pandĕḷĕṅé woŋ wus bogiŋ.

37. dakṣĕṅguḥ ki mahu wĕḍus, ṅoñok aṛĕp anocoki, suguḥ sĕga lan paṅanan, mula bañjur daktĕmpiliŋ, rikné gĕtunku kaya pa, mbok ya sĕtahun yèn mari.

38. bubaré wayaṅan bésuk, sira maṣṭi olèḥ jampi, cĕṅkir gaḍiŋ pipiṅitan, bañjur wani noŋ anuniŋ, paṅajapanmu iŋ tawaŋ, sakṣayahé anuruti.

39. ki jaka nir napsunipun, sirṇa kaŋ karahos sakit, kérogan gumuyu lataḥ, ṅliŋ lucu kiyayi iki, tètèsé kaŋ paṅandika, mugi mugi anĕmahi.

40. iṅgiḥ kyayi sampun sampun, cĕkak tan dados punapi, sawĕg cilakaniŋ badan, manawi iŋ tĕmbé maṅgiḥ, sukawirya pinilala, iŋ ṅaguŋ woŋ ayu kuniŋ.

41. bĕnĕr calaṭumu bagus, bañjurṇa ṅgonmu ṅladèni, ṅgogohi ikĕt grĕnĕṅan, bĕciké kapriyé iki, aṛĕp matur kyayi ḍalaŋ, ñuwun lakon ñĕñĕs manis.

168. ḍaṇḍaŋgula

1. lamun iṅoŋ adandana maniŋ, bali ṅanti gariṅé kaŋ ḍĕṣṭar, kasuwèn cèwèt prĕluné, mbok ṅéné bah‍é uwus, ṅaraḥ apa maṅsa apaṅliŋ, baraŋ kaŋ cĕlak koṭak, kyayi kula ñuwun, lampahan kaŋ ñĕñĕs ñañas, mukĕt ramé salaḥ satuṅgal kaŋ pundi, pala kĕlawan ékrak.

2. kyayi ḍalaŋ dèrèŋ amaṅsuli, miyat kaŋ èstri macak añaṇṭas, ṅaléla cakĕt luṅguhé, lan ki ḍalaŋ mèḥ gaṭuk, gĕduwal ṅliŋ gèḍèg nudiṅi, bil tobil baṅĕt éram, maraŋ sira gĕṇḍuk, la mbok aja cĕḍak cĕḍak, ṅgonmu liṅgiḥ maraŋ kyayi ḍalaŋ kuwi, lanaŋ tur dudu sanak.

3. upamané tan kĕḷĕtan kĕlir, bañjur ruwĕt ñaṇḍĕt kéné kana, aṅèl ucul uculané, ri kaŋ sinuṅan wuwus, rara primpĕn mamanas ati, mucaŋ nuṅgil kĕcohan, aṅĕlorot susur, ki gĕduwal tĕbaḥ jaja, gĕtĕm gĕtĕm undurira nolaḥ noliḥ, sigĕg lampahé wayaŋ.

4. ñahi juru satamunirèki, miwaḥ jalma kaŋ samya umiyat, sĕpuḥ atanapi laré, suka mawantu wantu, saya kaṭaḥ iṅkaŋ niṅali, iŋ paṇḍapa wus kĕbak, palataran pĕnuḥ, kaŋ tan wruḥ wujudiŋ wayaŋ, tĕka trima muŋ myarṣa cariyosnèki, sukané nora béda.

5. ki pañjaṅmas dèn nira aṅriṅgit, murwakala ñĕñĕs krasèŋ driya, lumintu babañolané, ḍasaré kaduk cucut, para èstri samantĕn ugi, sayuk asuka ṛĕna, kapiṅkĕl kapoyuḥ, gumujĕŋ ambata ṛĕbaḥ, ana iṅkaŋ ṅgabloki rowaṅé liṅgiḥ, mijĕt wĕtĕŋ balabag.

6. amaṅsuli adĕgé kaŋ riṅgit, kaṇḍabhuwana dèn nira mayaŋ, tan tambuḥ tan ṅorakaké, mariŋ kaŋ mambu kalbu, nahan wahu ḍatĕṅirèki, mañcapat kaŋ umiyat, aṅgili gumrubyuk, raṇḍa krisik mĕṇḍaṅrĕja, myaŋ wĕkanya rara lékoḥ makṣiḥ suṇṭi, gombak ñjĕbobog gimbal.

7. ambagĕgĕg ñogo anèŋ ṅarṣi, liṅgiḥ jégaŋ taṅan malaṅkaḍak, dé kaŋ ana iŋ wuriné, dayata kaki buyut, mĕṇḍaṅsuka ḍukuhirèki, kakaliḥ wĕkanira, candramawa sĕpuḥ, kaŋ nèm jaka bĕlaŋ yuṅyaŋ, kaduk juwèḥ ñaru kaŋ luṅguḥ nèŋ ṅarṣi, rara lékoḥ jinawat.

8. tobil éram sabĕn nonton riṅgit, uwoŋ iki mĕṣṭi uwis ana, ñjaṅgol nèŋ ṅaṛĕp luṅguhé, ĕntuté ṛĕbut ḍucuŋ, brat brut ṭit ṭut ṅanti tuṇḍa tri, tur nimbraḥ sumarambaḥ, tèmbĕl tĕḍak ṅiruŋ, karo mbok mĕnĕŋ kéwala, ḍéla ḍéla gèḍèg gèḍèg gobag gobig, apa bĕndana tépas.

9. lo lo ṅrĕṅkap rambuté winiwir, apa aṛĕp gĕluṅan tampahan, waṭaḥ ṅarompyoḥ kèlèké, ṅgĕmbuḷĕŋ kaya grumbul, makbrĕŋ ḷĕḍis añir saṭiṭik, kah‍é bĕrité nigan, maṅguŋ muntap muntup, mbok wis nèḥ ṅgonné gĕluṅan, lo rak mrucut iyaḥ ṅaṅgo maléroki, nuli anarik cagak.

10. rara lékoḥ nolèḥ nabda wĕṅis, si diblĕgo diluwuk dilabrag, dikĕpruk ḷĕsuŋ iruṅé, diṅono ṅono alu, roguŋ jiwa wudĕlmu jlaṇṭir, woŋ édan tan prasaja, sak kaṛĕp kaṛĕpku, duḷĕg ṅaṅgo sumakéyan, nora kĕna woŋ ṅlĕsĕd ṅaruḥ aruhi, cuṅiré criwis turaḥ.

11. ṅati ati dakwadulkĕn ñahi, nora jamak uwoŋ kuraṅajar, cocotmu mĕṣṭi dèn oṇṭèl, pĕḍèt tan sawanan guŋ, biyuŋ aku diḷĕladaki, woŋ sĕṛĕŋ iruŋ pañjaŋ, jlĕṇṭir wudĕlipun, ah‍é bèŋ tĕka mĕnĕṅa, woŋ dijawat cĕpak jatukramanèki, ṅaliya ṅarṣaniṅwaŋ.

12. rara lékoḥ majĕŋ dèn nya liṅgiḥ, juñjuŋ bokoŋ ĕntuté ṅumaṇḍaŋ, nampĕg kaŋ anèŋ wuriné, ṅisis mĕyuṅyaŋ jĕpluk, rara lékoḥ anampèl wĕntis, gumuyu lakak lakak, candramawa muwus, ḍuḥ aḍuḥ saduluriṅwaŋ, ywa cariwis muṇḍak camaḥ sira yayi, tur sinaru iŋ kaṭaḥ.

13. ṅanti siḷĕp caritaniŋ riṅgit, ki mayuṅyaŋ ṅglĕgĕs nabda sora, anu kaŋ ḍèk pahiŋ kah‍é, arinta ṅiḍaŋ kahul, maraŋ pasar nadar ṅluwari, sarana ṅaṅgo bĕkṣa, wirèŋ tamèŋ pĕṇṭuŋ, tamèŋ baṭok pĕṇṭuŋ caraŋ, sabĕn pasar dak jogèti suŋ rijĕki, saka ḍawuhiŋ déwa.

14. ambĕntoyoŋ bubar pasar muliḥ, lali nora ṅgawa punakawan, kliñcutan dakgawa ḍéwé, muŋ jĕnaŋ alot tĕlu, dakmut kabèḥ nora kĕtawis, tumĕkèŋ kali ñabraŋ, kiṭiŋ aku wĕruḥ, lintaḥ mantu bĕbésanan, karo kiñjĕŋ bubar tĕmu mbukak ati, nayuban sopyan sopyan.

15. pacĕt jogèt gĕṇḍiŋ jaṅkuŋ koniŋ, kaŋ ṅlarihi cèlèŋ lan mbaḥ ima, tiba goŋ ṅaturi ṅombé, aku kĕkĕl gumuyu, jĕnaŋ tĕlu kolu tan kari, aḥ kabĕnĕran kakaŋ, ora sida gĕtun, sabĕn ésuk yèn bubuwaŋ, amuŋ mĕtu jĕnaŋ alot siji siji, dak puṇḍut misiḥ wĕtaḥ.

16. kaṅgo sèmèk ṅanti tigaŋ kéñjiŋ, tĕlas jĕnaŋ miyos kaya pisaŋ, maṅu maṅu tyaṣku kiyé, ñjĕtuŋ maṅémut émut, apa yèku mĕṅko gèk tahi, yèn sayĕktiné tiñja, majik limis alus, yèku pasihaniŋ déwa, pisaŋ kĕpok kukusaniŋ midadari, ginañjarkĕn mariŋ waŋ.

17. aku nékat siji dak icipi, tĕka ĕmpuk sĕpĕt sawatara, muŋ rada baḍĕg ambuné, dadi kaṛĕm arimu, sabĕn ṅisiŋ dakliŋ iliṅi, yèn mĕtu kaya pisaŋ, éṅgal ṅgonku ñjukuk, pamaṅanku sasiṅidan, aku isin yèn didakwa ḍahar tahi, woŋ satĕmĕné pisaŋ.

18. nayataka nolèḥ anudiṅi, hé hé mĕnĕŋ aja cĕcaturan, ana woŋ diélikaké, tĕka malaḥ ndĕlaruŋ, ki mĕyuṅyaŋ pi api ajriḥ, kèndĕl ujariŋ bapa, ṇḍèhèm alok gupruk, lo lo kah‍é siŋ aṅĕṇḍaŋ, pañcèn prigĕl irama ajĕg ḷĕstari, pamaṅané tan kĕṇḍat.

19. ṭuŋ ḍĕŋ sruput kriyak maṅan puli, nayataka mundur mundur ñaṇḍak, wudĕl pinuntir ṅĕlèwèr, mĕyuṅyaŋ cĕp ndĕrkukul, lir sinĕntak iṅkaŋ niṅali, gar gĕr ambata ṛĕbaḥ, ki pañjaṅmas cucut, tan wus yèn dèn ucapĕna, sukaniŋ tyas jalu èstri laré alit, nahan ki pañjaṅĕmas.

20. linajĕṅkĕn cariyosiŋ riṅgit, jatusmati buburoniŋ kala, ḍatĕŋ ñjujug pagoṅané, ṅaṭĕṅkruk nabuḥ kĕṭuk, saṅhyaŋ kala gupuḥ nututi, kaṅgĕg kaṇḍĕg iŋ latar, ajriḥ malbèŋ tarub, mandĕŋ liṅgiyé ki ḍalaŋ, mila nama kalasa tĕkèŋ samaṅkin, mundur bhaṭara kala.

21. sèṇḍèn cikal tumaruna wañci, mila lajĕŋ anama kalapa, satĕmaḥ ḍoyoŋ adĕgé, laḥ iŋ kana ta wahu, kaṇḍabwana dèn nira ṅriṅgit, ṅĕtrapkĕn babañolan, kaŋ myat gĕr gumuyu, hyaŋ kala gumujĕŋ lataḥ, gumaḷĕgĕr kagyat kaŋ sami niṅali, ririḥ samya rahosan.

22. guyu apa tĕka ṅgigirisi, gigiṭokku maṅkorog sahomaḥ, marindiŋ sakujur ñabé, ṅoplok bĕbokoŋ gaṭuk, nora énak rasaniŋ ati, késaḥ alon alonan, gusis èstri jalu, kocap kèndĕl dèn nya ṇḍalaŋ, kala ṅléla sarwi aṅandika aris, hèḥ ḍalaŋ bacutĕna.

23. kaṇḍabwana amaṅsuli aris, hĕlo kowé si kala kaŋ prapta, kala kagyat lon sabdané, hèḥ ḍalaŋ tĕka wĕruḥ, sira maraŋ iŋ jĕnĕŋ mami, ki ḍalaŋ mèsĕm liŋnya, pagéné tan wĕruḥ, tĕkamu maṇḍĕg pliṅgihan, ya mulané aran kalasa puniki, bañjur asèṇḍèn cikal.

24. mila jĕnĕŋ klapa apa yĕkti, iya bĕnĕr tuturmu sadaya, ko mĕnĕŋ apa sababé, mulané mĕnĕŋ iṅsun, paḍa bubar kaŋ aniṅali, hèḥ hèḥ mĕṅko ta ḍalaŋ, ulun taña èstu, purba wisésané sapa, kawruhamu kala purbané ya mami, wisésané kaŋ naṅgap.

25. lamun iṅkaŋ naṅgap maréntahi, bañjuraké ĕṅgoniṅsun mayaŋ, sah‍èstuné ḷĕkas manèḥ, hèḥ ḍalaŋ raganiṅsun, ḍĕmĕn baṅĕt ĕṅgomu ṅriṅgit, mara gé tutugĕna, apa srananipun, sranané yèn akèḥ kuraŋ, yèn saṭiṭik turahé aṅluluwihi, kala suka tatanya.

26. ulun ayun miyat lakonnèki, iŋ tutugé ḍalaŋ aṅandika, lakon manikmaya kiyé, pra déwa ṅusuŋ gunuŋ, ḍalaŋ lamun ḷĕga iŋ ati, bañjurṇa ṅgonmu mayaŋ, ulun wèḥ sranamu, satakṣawé uwaŋ dinar, ki ḍalaŋ ṅliŋ aku ĕmoḥ opaḥ picis, aḥ ah‍èŋ sira ḍalaŋ.

27. tĕka ora aṛĕp opaḥ picis, siŋ kok kaṛĕpaké baya apa, daklĕgani sakṣayahé, kala kok gĕgĕm iku, apa ranné iṅkaŋ sajati, iku kaŋ iṅsun tĕḍa, dadi arannipun, hyaŋ kala mèsĕm ṅandika, kaŋ dakgĕgĕm baḍama pah‍ésan iki, laḥ ĕnya tampanana.

28. anaṅiŋ ta iṅoŋ darbé jañji, aja ṅanti ḷĕgi dadi tikta, baḍama sampun tinampèn, ki kaṇḍabuwanèku, tandya ḷĕkas aṅriṅgit maliḥ, sĕsĕgé saya tambaḥ, nĕŋna kaŋ winuwus, wontĕn durjana sakawan, siji nama kuṭila damĕlnya madik, dwi laṅkir karyanira.

29. malajĕṅkĕn baraŋ ṅgonné maliŋ, tiga pĕṇṭuṅluyuŋ kaŋ ajaga, kapat jugilwar awaré, ambabaḥ karyanipun, abipraya samya mamaliŋ, katrĕñjuḥ janma ṅaṅlaŋ, paḍaŋ oboripun, kuṭila laṅkir lumajar, pĕṇṭuṅluyuŋ jugilawar awar kari, lumĕbĕt iŋ paṅgonan.

30. tuṅgil yaga taṅgap aṅgĕntosi, nabuḥ kĕcèr lawan nabuḥ kĕmpyaŋ, nĕŋna kaŋ wor niyagané, kacrita kala ṅantuk, nuju mĕṅa tutukirèki, binalaŋ tigan ayam, kakaliḥ kacĕmpluŋ, ṅaros sĕgĕriŋ sarira, garagapan jĕṅgirat ṅandika aris, hèḥ ḍalaŋ lilanana.

31. ulun mĕtu iŋ ñjaba kaŋ awit, méga malaŋ wus aṅgaṭĕŋ tĕraŋ, kamanuṅsan baya maṅké, hyaŋ kala mĕdal gupuḥ, praptèŋ ñjawi mambĕt gandaniŋ, babayi lahir lagya, sinuci iŋ ranu, baṛĕsiḥ nulya cinaṇḍak, iŋ hyaŋ kala kaŋ darbé yoga cat éliŋ, cat nora kah‍èṅĕtan.

32. jaka mulya dupi aniṅali, ṅanan ṅériŋ hyaŋ kala wus késaḥ, amasrahakĕn kĕṭuké, wus mĕdal gya kapĕṭuk, iŋ hyaŋ kala cinaṇḍak aglis, gigiṭok tan kĕna wal, ayun kinaḷĕṭuk, èṅĕt baḍama pah‍ésan, nèŋ titipan hyaŋ kala lumĕbĕt maliḥ, kapaṅgiḥ kyayi ḍalaŋ.

33. sarwi taña laḥ pagéné uwis, iya kala maṅsané wis bubar, mula iṅsun mĕnĕŋ kiyé, hèḥ ḍalaŋ iya uwus, laḥ rucatĕn kĕlirmu aglis, aja paḍa caturan, kĕlir rinucat wus, hèḥ ḍalaŋ baḍamaniṅwaŋ, ĕndak jaluk aṛĕp prĕlu kaṅgo ṭiṭik, aḥ iṅsun nora suka.

34. ĕlo priyé ulun rak wus jañji, aja ṅanti ḷĕgi dadi tikta, tĕka cidra ḍalaŋ kowé, dakijoli prabotku, ĕndi iṅkaŋ sira sĕnĕṅi, utawa uwaŋ satak, sawé dinar mahu, kala yèn iṅsun aṛĕpa, wis ḍèk mahu ṅgoniṅsun gĕḷĕm nampani, branarta kaṅgo apa.

35. hyaŋ kala ṅliŋ dakjuñjuŋ sirèki, mĕṣṭi dadi larané tyasira, ki ḍalaŋ rum andikané, tan dadi manahiṅsun, laḥ kĕpriyé kaṛĕpirèki, dé kaŋ dakjaluk kala, bocaḥ loro iku, kadarbéya iŋ manira, parènèkna yèn uwis iṅsun tampani, baḍama tampanana.

36. saṅhyaŋ kala jĕgrĕg tan kĕna ṅliŋ, ṅunandika iki goloŋ aran, ñaṇḍuṅi ṅgoniṅsun golèk, iŋ mamaṅsan satuhu, muṇḍak aku kélaṅan kaliḥ, naṅiŋ antuk lilima, yèn panujèŋ laku, pitu pisan dadi paṅan, wacana ṅliŋ baḍama uluŋna ḍisik, maraŋ iŋ jĕnĕṅiṅwaŋ.

37. nora aṅèl bocaḥ loro iki, jañji uwis nampani baḍama, paṣṭi bañjur dak luṅaké, ki ḍalaŋ andika rum, apa kowé tyas saṅgaruṅgi, tan ṅandĕl jĕnĕṅpara, upamané iṅsun, darbé anak ayu éndaḥ, kok kaṛĕpkĕn apa bocaḥ tĕka ḍisik, iku basa ndupara.

38. ya ta wahu hyaŋ kala gumliṇḍiŋ, laré kaliḥ wus katur iŋ ḍalaŋ, baḍama pinariṅaké, hyaŋ kala tatanya rum, muṅguḥ kowé kalawan mami, tuwa ĕndi ta ḍalaŋ, kala tuwa aku, hyaŋ kala maloṅo nabda, hèḥ mbok rahub tlaga madirda rumiyin, rak tuwa raganiṅwaŋ.

39. kyayi ḍalaŋ mèsĕm ṅandika ris, kala sira tĕka ṅaku tuwa, apa ta ḍèṅĕr asalé, duk duruŋ ana iṅsun, o laḥ ḍalaŋ ulun tan uniŋ, balik kowé apa ta, wĕruḥ asaliṅsun, ḍalaŋ ṅliŋ paṣṭi uniṅa, iŋ asalmu saduruṅira dumadi, hèḥ kala ruṅokĕna.

40. ki pañjaṅmas suŋ sasmita mariŋ, iŋ niyaga muṅĕl gĕṇḍiŋ ḍĕṇḍa, jantur purwaka lamuré, nalika awaŋ uwuŋ, duruŋ ana bhumi lan laṅit, tamat pamahosira, janturan kalamur, gya mahos sampurṇèŋ puja, wusnya tamat ṅucapakĕn wayaŋ maliḥ, hyaŋ kala aṅandika.

41. i i ḍèṅĕr tĕmĕnan woŋ iki, kyayi ḍalaŋ maliḥ aṅandika, apadéné kala kowé, isiḥ awarṇa bañu, iṅsun iya ṅawuniṅani, aḥ mahido wis ora, lamun sira wĕruḥ, aku ṅalaḥ dadi muḍa, mara payo arannana kaŋ atiti, iya sira ruṅokna.

42. ki pañjaṅmas nulya aṅlĕkasi, muṅĕl iṅkaŋ nama santipurṇa, hoŋ ila hèŋ bubukané, tumĕkèŋ tamatipun, wusiŋ tamat carita maliḥ, hyaŋ kala duk miyarṣa, maloṅo gagĕtun, kĕlop kĕlop nétranira, nabda ririḥ iya wus tètès patitis, jurudĕmuŋmu tatas.

169. jurudĕmuŋ

1. laḥ kowé apa uniṅa, titipan kaŋ ana aku, pira kèhé myaŋ rannipun, ki ḍalaŋ aris ṅandika, yĕkti baṅĕt gonku wĕruḥ, pan ana pataŋ paṅgonan, déné ta dumunuṅipun.

2. ana iŋ baṭuk sajuga, caraka balik rannipun, loro kaŋ ana tĕlakmu, katĕlu ana iŋ ḍaḍa, sastra binĕḍati iku, cacaḥ ranné balanira, déné jaṅkĕpé kaŋ catur.

3. kaŋ tĕrus iŋ gigir para, cacaḥ jĕnĕṅé sadarum, iya balané bojomu, laḥ mara masaŋ karṇa, tiliṅĕna kaŋ katĕrus, pañjaṅmas asuŋ sasmita, gaṅsa myaŋ ricikan suwuk.

4. ki pañjaṅmas wiwit mĕḍar, caraka balik puniku, tamatiŋ pamahosipun, nulya sastra kaŋ nèŋ tĕlak, pamahosira wus tutug, nulya sastra kaŋ nèŋ ḍaḍa, sastra bĕḍati tinutur.

5. titi iŋ pamahosira, nulya mĕḍar sastra kaŋ trus, iŋ gigir sawusnya putus, saṅhyaŋ kala duk miyarṣi, tatas titis nĕtĕs atus, larut bayuniŋ kaŋ ṅaṅga, wiṅwriniŋ tyas lon umatur.

6. iya wis aku narima, pañcèn tĕmĕn kalaḥ sĕpuḥ, sahiki ambapa iṅsun, maraŋ sira bapa ḍalaŋ, ki ḍalaŋ suka liŋnya rum, kala sahiki luṅaa, iya bapa aku nurut.

7. apa iŋ sapaṅrèhira, anaṅiŋ panuwunulun, wacakĕna santikukum, tĕgĕsé iku uniṅa, lan maṇḍalagiri luhuŋ, aṅgĕṛĕkkĕn balaniṅwaŋ, akèḥ kaŋ kaplĕsit ñliṇṭut.

8. cikmèn paḍa glis tĕkanya, kaṇḍabhuwana ṅliŋ arum, laḥ iya luwiḥ panuju, nahan ki pañjaṅmas mĕḍar, mahos punaŋ santikukum, hoŋ purwayanti bukanya, tumĕkèŋ satamatipun.

9. wusnya tamat nulya mĕḍar, maṇḍalagiri puniku, utawi balasarèwu, rampuṅiŋ pamahosira, nahan ki pañjaṅmas laju, crita maṅkana hyaŋ kala, tyas suka laṅkuŋ panuju.

10. ḍuḥ bapa woŋ tuwaniṅwaŋ, muga aṇḍaṅana kalbu, suka ṛĕna asuŋ wĕruḥ, bapa aku wacakĕna, santi bañakḍalaŋ luhuŋ, kala iya luwiḥ prayoga, kaŋ dadi iŋ pañjalukmu.

11. anaṅiŋ lèrèn saḍéla, kaṇḍabhuwana liŋnya rum, uwa kaluṅluṅan gupuwiḥ, jĕṅandika babaṛĕna, sakèḥ iṅkaŋ anak putu, wawrat ĕnèm myaŋ parawan, pĕṅiṅĕn nonton rumuhun.

12. mĕnèk kéṅiŋ bañakḍalaŋ, tan panuju tĕmbénipun, kaluṅluṅan madan asru, hé hé anak putu iṅkaŋ, mĕtĕŋ nom lan prawan kĕñcur, laḥ ta paḍa sumiṅkira, déné ta mĕṅko yèn uwus.

13. rampuŋ mĕḍbar bañakḍalaŋ, paḍa balia nak putu, nonton manèḥ sakṣayaḥmu, kaŋ kinèn wus samya méntar, ḍalaŋ pañjaṅmas tumuṅkul, mĕḍar iṅkaŋ bañakḍalaŋ, ñĕñĕs arum swara runtut.

14. iṅkaŋ gĕṇḍaga wus tamat, nulya ki pañjaṅmas gupuḥ, maṅsuli cariyosipun, kala matur kyayi ḍalaŋ, bapa aku ñjaluk adus, padusaku bañu mulya, dinèkèkan picis slikur.

15. kalawan kĕmbaŋ sĕtaman, iya kala iku uwus, dak sĕdyani pañjalukmu, ḍalaŋ pañjaṅmas amĕḍar, padusané kala mahu, rampuṅiŋ pamahosira, wayaŋ hyaŋ kala sinambut.

16. tĕmbuṅipun siniraman, cĕmpurit dudiŋ winasuḥ, iŋ sĕkar sĕtaman mahu, sarampuṅipun kinumbaḥ, gya winisik basanipun, wayaŋ cinĕlakkĕn kaṭaḥ, ririḥ iŋ pamahosipun.

17. paragat mahos wisikan, wayaŋ saŋ hyaŋ kala sampun, waṅsul tinañcĕpkĕn luṅguḥ, cinritakkĕn saŋ hyaŋ kala, bapa sawusé awakku, kodusi asĕgĕr sumyaḥ, aku ñjaluk kudaŋ kiduŋ.

18. kowé bapa apa bisa, ṅudaŋ kaya ñjĕŋ pukulun, rama saŋ hyaŋ giri prabhu, ki ḍalaŋ maṅsuli bisa, wayaŋ hyaŋ kala jinabut, jinogètkĕn ki pañjaṅmas, mĕḍar kukudaṅan gupuḥ.

19. tamat mĕḍar kukudaṅan, wayaŋ hyaŋ kala wus luṅguḥ, tandya aṅabĕkti matur, bapa paṅabĕktiniṅwaŋ, sapisan kéwala uwus, kaṅgowa iŋ salaminya, tinitaḥ iŋ bhaṭara guŋ.

20. kalamun iŋ suralaya, sasĕmbahanku hyaŋ guru, ṅarcapada sariramu, iŋ satĕḍak turunira, dak ṛĕkṣa sĕtya satuhu, samonèku kaŋ pinaṅgya, antaraniŋ budi luhuŋ.

21. kalahir prasĕtyanira, baṅĕt panarimaniṅsun, dak èstrèni iŋ lakumu, sampun mundur saŋ hyaŋ kala, ṅandika mriŋ garwanipun, nimas ṅabĕktia bapa, lan wadu barat sadarum.

22. miwaḥ paḍa añuwuna, saṅu apa sasĕnĕŋmu, durga majĕŋ ṅrahup suku, rama paṅabĕktikula, iya rara paṅèstuku, sira agawéya papan, ana lorwétan puniku.

23. aran iŋ krĕṇḍawahana, uruté si kĕṇḍĕŋ gunuŋ, abañjar dawa puniku, karo iŋ si tĕṅgĕr arga, titahiŋ déwa sararum, kaŋ muriḥ maraŋ iŋ dina, kahilaṅan umur puput.

24. iŋ kéné ṅgonniṅsun ñétra, kariya miliḥ sirèku, samono mahu kaŋ purun, nuniṅgiḥ rama sandika, putrané añuwun saṅu, warṇi arta swidak uwaŋ, abraggiŋ pawon sadarum.

25. miwaḥ sèn isèniŋ griya, ḷĕmpir glaran iṅkaŋ alus, myaŋ sumĕkan warṇi catur, paṇḍan binĕṭot sajuga, ijĕm riṅin kalihipun, katri soṅèr namanira, dariṅin jaṅkĕpiŋ catur.

26. iŋ tĕmbé nak putu iṅkaŋ, sami kapéṅin maṅrasuk, siñjaŋ sĕkaran puniku, mawia jawab iŋ kula, sadaṅunira maṅrasuk, kula lilani ṅaṅgowa, paṅantèn iṅgal puniku.

27. biliḥ botĕn makatĕna, datan ḷĕga manahulun, tampia upataniṅsun, ya rara luwiḥ prayoga, daktuturané kaŋ kantun, mundur dyaḥ baṭari durga, hyaŋ pañarikan maṅayun.

28. maṅĕñjali aturira, kawula añuwun saṅu, ron karopak iṅkaŋ alus, kaliḥ kisi paṅot waja, pamintamu iṅsun aṅsuŋ, mundur saŋ hyaŋ pañarikan, mĕsat mriŋ kayaṅanipun.

29. gya ḷĕbakipun maṅarṣa, nĕmbaḥ matur ḍuḥ pukulun, iṅkaŋ abdi ñuwun saṅu, ayam jaḷĕr èstri gĕsaŋ, lélé kaliḥ iṅkaŋ iḍup, gĕcok iṅkaŋ warṇa warṇa, tuwin siñjaŋ tuluḥ watu.

30. sagĕgĕm sisiḥ wos pĕṭak, warṇi saṅa tumpĕṅipun, jadaḥ warṇi saṅa namuŋ, sĕkul asahan pĕnakan, kupat ḷĕpĕt ḷĕgaṇḍa nuŋ, pula griṅsiŋ pula gimbal, awug awug kaduk juruḥ.

31. tatĕḍan baṅsa kukusan, ṛĕmikan sapĕpakipun, rujak bakal iṅkaŋ wutuḥ, caḍoŋ jĕnaŋ iṅkaŋ pêpak, pala kasimpar gumantuŋ, pala pĕṇḍĕm mamĕntahan, tuwin siñjaŋ prĕlunipun.

32. kaṅgé ṅgéṇḍoŋ kaŋ tĕtĕḍan, prayoga iŋ pañuwunmu, ḷĕbakiyuk wus amundur, kĕblakḍĕkla kaŋ maṅarṣa, marèṅès nĕmbaḥ umatur, pukulun gusti kawula, iṅkaŋ abdi ñuwun saṅu.

33. sĕkul ulam myaŋ paṅanan, kawradinkĕn kañcahulun, prayoga sapañuwunmu, kĕblakḍĕkla kaŋ wus mĕdal, kalabañjar amaṅayun, kawula pun kalabañjar, plataran paṅgénan ulun.

34. ywa supé diprĕtènana, tumpĕŋ sakilan ṅgilipun, wiyar sapĕcak plĕŋ namuŋ, sawontĕné ulam ulam, dupa sĕkar campurbawur, picis pataŋ kèṭèŋ wĕtaḥ, yèn tan makatĕn sah‍èstu.

35. miṇḍak krĕp ṅumpĕtkĕn bocaḥ, iya atut pañjalukmu, daktuturané kaŋ puṅkur, kalabañjar wus umĕsat, kalah‍èñcèr sowan matur, kalsèñcèr namakula, maṅgèn prapatan dĕlaṅguŋ.

36. dipĕrtènana wakiṅwaŋ, tumpĕŋ sapĕcak ṅgilipun, kaŋ sakilan wiyaripun, lawuḥ ulam gogorèṅan, ulam gogoḍogan namuŋ, jajaṅanan kĕmbaŋ gantal, dupa picis kèṭèŋ wolu.

37. yèn botĕn makatĕn apan, kula miṇḍak asriŋ mbĕsur, jĕṅglèŋ tyaŋ numpak kuḍèstu, iya iŋ panuwunira, daktuturana kaŋ puṅkur, kalah‍èñcèr sampun mĕsat, kalajaṭok majĕŋ matur.

38. kalajaṭok nama amba, maṅgèn iŋ watoniŋ salu, mĕnèk gĕḷĕm ñanak ulun, sabĕn sabĕn mĕntas nĕḍa, watoniŋ ambèn puniku, ṅgiḥ kadèkèkana upa, muŋ kaliḥ sisiḥ ṭil namuŋ.

39. kaŋ ajĕg hya koṅsi kĕṇḍat, yèn wontĕn wisa puniku, sakiŋ jawi asalipun, amba sagaḥ maṅsuḷĕna, iya jaṭok pañuwunmu, daktuturané kaŋ wuntat, kaŋ sinuŋ liŋ sampun mundur.

40. kalajaṅkuŋ maṛĕg nĕmbaḥ, amba nama kalajaṅkuŋ, maṅgèn ulon ulon ulun, kaŋ dados pañuwunamba, yèn tĕmĕn pañanakipun, sabĕn tiḷĕm myaŋ tiḷĕman, sampun sok idu maṇḍuwur.

41. biliḥ wontĕn wisa wisa, kaŋ sakiŋ ṅiṅgil puniku, kula sagaḥ nulak waṅsul, iya baṅĕt panrimèṅwaŋ, daktuturané kaŋ puṅkur, kalajaṅkuŋ wus amĕsat, ñi kalahijèn maṅayun.

42. ñahi kalahijèn amba, cumaḍoŋ ḍawuḥ pukulun, punapa tumut tinuṇḍuŋ, punapa paṛĕŋ kantuna, sira misia ḷĕstantun, apa paṅgawéyanira, kalahijèn nĕmbaḥ matur.

43. nuniṅgiḥ ḍatĕŋ sĕndika, anamuŋ panuwun ulun, yèn nuju wĕdalanipun, laré momoṅé kaŋ pêpak, iya dakwisik kaŋ puṅkur, kalahijèn wus umĕsat, gantya sinom sĕkaripun.

170. sinom

1. nahĕn ta iṅkaŋ kocapa, wadyané kala wus gusis, ki ḍalaŋ kaṇḍabhuwana, amatak gumbalagĕni, kèndĕl criyosiŋ riṅgit, kyayi pañjaṅmas tumuṅkul, mĕḍar kumbala asya, tamat dyan ṅucapkĕn riṅgit, dèwi ĕsri dyan sadana wus maṅarṣa.

2. kaṇḍabhuwana ṅandika, iṅsun ḷĕstarèkké ĕsri, paṅgawéyan marcapada, ṅratoni kanaŋ ṛĕjĕki, manĕmbaḥ dèwi ĕsri, pukulun ḍatĕŋ anuwun, sandika ṅèstokĕna, pañuwunulun kaŋ gĕmi, kaŋ nastiti kaŋ sarwa sarwi ṛĕsikan.

3. saha iṅkaŋ gĕmi ṅucap, kaŋ kĕṛĕp ṅaṅgé wawaṅi, biliḥ amaṛĕṅi olaḥ, ṛĕjĕki loṅana kĕḍik, jumputan namènèki, kaṅgé wilujĕṅan namuŋ, sabĕn wĕdalanira, utawi yèn darbé kardi, amamantu sak daṅané iṅĕloṅan.

4. sagĕgĕm apan kinarya, wilujĕṅan ñapĕkĕni, tanapi kaŋ darbé karya, ṅajĕṅkĕn midadarèni, èstri jalu dèn bĕrṣiḥ, sontĕné kramas garujug, jaḷĕr numpaṅkĕn dandaŋ, kaŋ èstri ndadoṣkĕn api, iṅkaŋ jalu mususi napuṅkĕn bĕras.

5. ñambat ñĕbut ḍatĕŋ kula, utawi sampun tabĕri, coṅkraḥ kaliḥ anak rayat, kadaŋ myaŋ taṅga tĕpaliḥ, sukur yèn andarbèni, pajĕgan ḍaṇḍiŋ kumĕṇḍuŋ, déné yèn botĕn gaḍaḥ, klasa mawon sisikmĕlik, bantal añar kĕṇḍi añar kĕbak toya.

6. dilaḥ murup joḍog clupak, kaŋ añar lisaḥ kaŋ jĕrṇiḥ, utawi manawi ḷĕkas, aṅĕnèni raga mami, punapadéné biliḥ, ayun ṅiṅgahakĕn lumbuŋ, ṅaṅgéya iṅkaŋ sarwa, ṛĕsik agaganda waṅi, amiliya dintĕn wañci kaŋ prayoga.

7. pĕrténana myaŋ slamĕtan, sampun ṅantos wontĕn cicir, yén tan makatĕn bhaṭara, botĕn ḷĕga iŋ tyasmami, ki ḍalaŋ ṅandika ris, daktuturané kaŋ puṅkur, hèḥ kowé si sadana, ḷĕstariya sira dadi, iŋ ratuné saṇḍaŋ paṅaṅgo barana.

8. matur rahadyan sadana, pukulun laṅkuŋ kapuṇḍi, mĕṅgaḥ pañuwunkawula, sampun ṅantos ñĕri ñĕri, ṅaniaya kapati, ḍatĕŋ iŋ paṅaṅgènipun, sampiran kaŋ prayoga, priŋ tutul alus sinisik, sampun ṅĕbrèḥ kaŋ sah‍é paṅgarapira.

9. biliḥ botĕn makatĕna, èstu kula sĕpatani, kaṇḍabhuwana ṅandika, dak tuturané kaŋ kari, dyan sadana dèwi śri, sakaliyan sampun mundur, hyaŋ gumbrĕg wus maṅarṣa, ñjĕrum aturira aris, amba nami gumbrĕg déwaniŋ mahiṅsa.

10. pukulun panuwun amba, kalamun amaṅun kardi, mati amragat mah‍ésa, katĕḍanana rumiyin, rayaté kyayi panti, maṅaṅgéya kaŋ tinamtu, sarwi aṅgĕgéṇḍoṅa, tĕtĕl wontĕn téṅgok alit, mawi payuŋ añaṅkiŋ gĕlaran paṇḍan.

11. mah‍ésa sawusnya ṛĕbaḥ, glaran ginlar dèn lĕṅgahi, lajĕŋ kasĕbhawanana, ki gumbrĕg aku suŋ uniŋ, momoṅanmu samaṅkin, dakṣĕmbĕlèḥ kaṅgo mantu, bisaa babar turaḥ, utawané bokmanawi, mĕntas kaṅgé madamĕl aṅolaḥ sawaḥ.

12. ginuyaṅa kinosokan, badané iṅkaŋ baṛĕsiḥ, tinuwukan tĕḍanira, myaŋ sampun ṅantos aṅgitik, pĕñjalin pĕṭaknèki, ṅriku paṅapĕsanipun, sabĕn dintĕn jumuwaḥ, wagé atanapi ḷĕgi, myaŋ aṅgara kaliwon suṅu tracaknya.

13. kalisahana sadaya, miwaḥ binorèhan waṅi, kaṇḍaŋ sinajènan sĕkar, utawi yèn nuju sakit, pojok lèrkilèn nĕṅgiḥ, kowoŋ ginantuŋ nèŋ ṅriku, pojok kaŋ kidulwétan, ginantuṅan blarak krambil, muŋ puniku pukulun atur kawula.

14. iya dakwarahé wuntat, saŋ hyaŋ gumbrĕg wus umijil, saŋ hyaŋ mariyi maṅarṣa, aṇḍĕkĕm umatur aris, amba nama mariyi, déwaniŋ ayam sadarum, biliḥ momoṅan amba, yèn baḍé dipunpragati, kinuruṅa suṅana tĕḍa kaŋ kaṭaḥ.

15. laḥ sukur mawi ginuyaŋ, sinabawan kaki mriyi, momoṅanmu iṅsun pragat, kaṅgé éwuḥ éwuḥ yĕkti, bisaa ambrĕkati, babar kèḥ turahanipun, nuwun namuŋ punika, dak tuturané kaŋ wuri, hyaŋ mariyi mundur tĕmbaluŋ maṅarṣa.

16. amba pun tĕmbaluŋ nama, déwaniŋ cèlèŋ sabhumi, jalma iṅkaŋ tĕgal sawaḥ, yèn baḍé kula tĕbihi, kapĕsiṅana mami, tamtu tĕbiḥ tan aṅiṅuk, ki ḍalaŋ aṅandika, daktuturané kaŋ kari, wus amundur cèlèŋ tĕmbaluŋ mriŋ wana.

17. ñahi wadon wus maṅarṣa, manĕmbaḥ umatur aris, sah‍èstu amba punika, ninèkipun jabaṅbayi, nuwun biliḥ maṛĕṅi, jabaṅbayi kula suwun, ki ḍalaŋ aṅandika, muṅguḥ pañuwunmu ñahi, dakpariṅké naṅiŋ sira sumurupa.

18. bocaḥ tiba sampiranya, sira amuŋ ṅgaḍuḥ ñahi, kaŋ duwé iki manira, kudu ṅaṅgo disarati, tĕbusan slawé picis, gĕḍaŋ sataṅkĕp lan suruḥ, ayu saadunira, kajaba kaŋ iku ñahi, iṅsun pariŋ wasiyat maraŋ si jabaŋ.

19. kaaṅgowa ĕmban ĕmban, jarik liwatan sawiji, lan tuluhwatu sajuga, daliṅo bawaŋ kinardi, ñuwuk si jabaṅbayi, ñahi wadon matur nuwun, iṅgiḥ ḍatĕŋ sandika, katuṅka kéṅkénanèki, buyut waṅkĕŋ umatur maraŋ ki ḍalaŋ.

20. ki ḍalaŋ kula dinuta, iŋ rakané kyayi panti, kapuriḥ matur sampéyan, gĕnahé ṅgèn ndika ṅriṅgit, bibar lan dèrèṅnèki, ki ḍalaŋ ṅandika arum, kuraŋ saḍéla ĕṅkas, iṅsun aṛĕp adus ḍisik, wé padusan turahané dijogana.

21. bañuné kaŋ sumur sapta, kaṅgowa adus ki panti, sakaloron myaŋ rabinya, myaŋ bocaḥ kaŋ dakrĕsiki, siramĕn rambaḥ kapiŋ, pitu ṅampĕt napasipun, iŋ ṅomaḥ kawarṇaa, lawé wĕnaŋ mubĕŋ ṅériŋ, kapiŋ tĕlu lan kupat luwar sakawan.

22. ginantuŋ pojokiŋ ṅomaḥ, walikukun papat iji, pinaṭokkĕn pojok kisma, ñlamĕtkĕn sakuwasèki, iṅkaŋ dèn mumulèni, luluhuré ḍèwèkipun, lan luluhuré ḍalaŋ, dalaḥ sakniyaganèki, apadéné désané sahisinira.

23. lan maliḥ kaŋ duwé omaḥ, kaŋ jalu miwaḥ kaŋ èstri, saduruṅé bĕḍug siyaŋ, poma aja ṅanti guliŋ, si ñahi kaŋ tinudiŋ, matur sandika wus mundur, ḍalaŋ kaṇḍabhuwana, nimbali ki jatusmati, marénéya ayun dakadusi sira.

24. jatusmati wus maṅarṣa, pañjaṅmas dèn nira ṅriṅgit, kèndĕl tumuṅkul amĕḍar, padusané jatusmati, pamahos wusnya titi, wayaŋ ki jatus sinambut, cĕmpurit tudiṅira, kinumbaḥ rambaḥ piŋ katri, tinañcĕpkĕn maliḥ maṅsuli carita.

25. ṅandika kaṇḍabhuwana, hèḥ ki jaka jatusmati, laḥ kowé bañjur muliya, apa iŋ sahujar mami, karo si wadon kaŋ wis, sira ruṅokaké mahu, ĕṅgonĕn dikalakyan, yèn wis baliya sirèki, sarta kowé sunpasrahi dadinira.

26. kayu kalawan tulisan, sandika ki jatusmati, wus mundur sakiŋ iŋ ṅarṣa, ki ḍalaŋ ṅandika maliḥ, ninèkné jabaŋ bayi, ĕnya gawanĕn putumu, muliḥ mriŋ wismanira, bocaḥ mĕtu tiba sampir, wus tinampan mundur iṅĕmban liwatan.

27. panduŋ kakaliḥ maṅarṣa, manĕmbaḥ umatur aris, pun pĕṇṭuṅluyuŋ namamba, damĕlulun añjagèni, réñcaŋ amba puniki, julig awar awar komuk, damĕlipun ambabaḥ, kawula tiyaŋ kakaliḥ, laḥ ampuna lumĕbĕt ḍatĕŋ pagoṅan.

28. sah‍èstu nĕmahi pĕjaḥ, mila ulun aprajaṅji, prasĕtya ḍatĕŋ paduka, nak putu kaŋ nuṅgil kardi, yèn puruna ṅalani, ḍumatĕŋ kaṅjĕŋ pukulun, myaŋ sawarṇiniŋ ḍalaŋ, satĕḍak turunirèki, tuwin paṇḍé iṅkaŋ wus wigña iŋ karya.

29. turunulun kaŋ anĕrak, kaṛĕpé aywa dumugi, lan ampun pañjaŋ umurṇya, kyayi ḍalaŋ amaṅsuli, iya iṅsun èstrèni, panduŋ kakaliḥ wus mundur, wahu ta kacarita, kaṇḍabhuwana kiyayi, myaŋ paṅgĕndèr atanapi paṅĕṇḍaŋnya.

30. katiganya samya siram, ki pañjaṅmas tandya awit, mĕḍar padusané ḍalaŋ, kalawan pañjak kakaliḥ, titi pamahosnèki, waṅsul acarita gupuḥ, sawusira asiram, ki kaṇḍabhuwana aglis, matak aji pamĕliŋ nulya ḍatĕŋnya.

31. nĕṅgiḥ kyayi sapujagad, kaŋ binĕkta garuwĕsi, kalawan sasapu kawat, prabawa lésus mawardi, pañjaṅmas ñĕmpala glis, koṭak goṅsa sampun umyuŋ, suwuk iṅkaŋ gamĕlan, pañjaṅmas carita maliḥ, ki bhuwana alon wijiliŋ kaŋ sabda.

32. babo kakaŋ sapujagad, mulané iṅsun aturi, manirèki diṛĕsaya, maraŋ kaŋ adarbé panti, sapunĕn dèn baṛĕsiḥ, balané kala sadarum, iṅkaŋ aṅkaramurka, maṅgèn pakaraṅan ṅriki, aywa ṅanti wontĕn iṅkaŋ kaliwatan.

33. aḍi rakanta sandika, anaṅiŋ kula ndarbèni, pañuwun iŋ ṅajĕŋ lawaŋ, pipi kanan lawan kériŋ, kapasaṅana sami, tutuwuhan iṅkaŋ patut, cikal kaliḥ kaŋ kĕmbar, kaliḥ gèḍèŋ pantunèki, kajĕŋ ḷĕgi kaliḥ ĕḷĕr iṅkaŋ wĕtaḥ.

34. baḍèg myaŋ tètès sarkara, kalawan sĕkul kaŋ guriḥ, ulamé ḷĕmbaran ayam, kalawan ḷĕmbaran antri, siñjaŋ polèŋ ṛĕspati, wiyar pañjaṅé sakayuḥ, kakaŋ pamintanira, kabèḥ wus dakṣamĕktani, sapujagad mundur gaṅsa lajĕŋ sampak.

35. kyayi ḍalaŋ pañjaṅĕmas, paṛĕdèn cinaṇḍak aglis, pinolahkĕn ṅériŋ ṅanan, kèndĕl suwuk gaṅsanèki, sapujagad maṅarṣi, matur mriŋ ḍalaŋ linuhuŋ, aḍi kahuniṅana, balanya kala wus gusis, amuŋ kantun kakaliḥ kaŋ dèrèŋ késaḥ.

36. maṅgèn nèŋ sumur satuṅgal, kala lumut namanèki, tanpa babaluŋ punika, namuŋ dagiŋ lawan kulit, bisu buḍĕg kapati, maṅké ṅajĕṅakĕn surup, ki wisma ḍawuhana, ṅĕmuṅkĕn jĕnaŋ kaŋ nami, baro baro gaṅsal takir picis gaṅsal.

37. wontĕn piṅgir sumur dèn nya, aṅĕpuŋ doṅanirèki, tulak wĕkasan raharja, putra wayaḥ jalu èstri, kaḍawuhana sami, ṅatos atos yèn mriŋ sumur, tuwin hya wicantĕnan, kaŋ sanès paṅkatirèki, tĕgĕsipun gugujĕṅan caṛĕmĕdan.

38. yèn purun aṅgaṅgu karya, mĕsakakĕn damĕl sĕḍiḥ, kaŋ satuṅgalipun nama, kala lumĕr sami ugi, namuŋ kulit myaŋ dagiŋ, maṅgèn nèŋ pawon puniku, srananya sabĕn dina, utawi yèn darbé kardi, punapa kaŋ matĕŋ mawi sinajèkna.

39. sakĕḍik mawi sinrahan, kaki juruṅana mami, sakajatku katĕkanna, iŋ pawon iŋ sumur ñiliḥ, ari malaŋ maṛĕṅi, kasukanana puniku, sĕkar koñoḥ myaŋ dupa, tĕlas atur ulun aḍi, rèhniŋ maṅké wus rampuŋ karya manira.

40. mantuk iŋ paṅgènaniṅwaŋ, kakaŋ ṅgiḥ andum basuki, sapujagad wus umĕsat, cinarita sampun nuṅgil, iŋ kaṇḍabuwanèki, ḍatĕṅé dintĕn pipitu, sami añuwun tĕdaḥ, tuwin kasampurṇanèki, mriŋ ki ḍalaŋ kaŋ tan pĕgat aṅsuŋ paḍaŋ.

171. mĕgatruḥ

1. kaŋ rumuhun ri akat iṅkaŋ maṅayun, ki ḍalaŋ atanya aris, sira anèŋ ṅĕndi ṅgonmu, akat matur maṅĕñjali, iŋ jagad lèrwétan maṅgon.

2. botĕn laṅkuŋ ñuwun kasampurṇan ulun, iya muliha sirèki, maraŋ iŋ dagiŋ asalmu, akat mundur isnèn prapti, punika ri jaḷĕr yĕktos.

3. ḍalaŋ taña sira kaŋ nèŋ ṅĕndi ṅgonmu, ri isnèn umatur aris, jagat lèrkilèn ṅgèn ulun, ñuwun kasampurṇan jati, ki ḍalaŋ ṅandika alon.

4. amuliha asalmu gĕtiḥ puniku, sĕnèn mundur slasa prapti, ari pawèstri puniku, ki ḍalaŋ atanya aris, kowé kaŋ nèŋ ṅĕndi maṅgon.

5. slasa matur ulun kaŋ nèŋ jagad kidul, ñuwun kasampurṇan jati, iya muliha asalmu, sakiŋ iŋ otot sayĕkti, slasa nĕmbaḥ mundur alon.

6. ṛĕbo ḍatĕŋ punika ri jalu tuhu, ki ḍalaŋ atanya aris, sira kaŋ nèŋ ṅĕndi ṅgonmu, iŋ jagad kilèn ṅgènmami, ñuwun kasampurṇan jatos.

7. amuliha asalmu saka babaluŋ, ṛĕbo mundur kĕmis prapti, iṅgiḥ ri èstri puniku, ki ḍalaŋ atanya aris, kowé kaŋ nèŋ ṅĕndi maṅgon.

8. kĕmis matur kaŋ nèŋ jagat wétan ulun, ñuwun kasampurṇan jati, ki ḍalaŋ ṅandika arum, iya muliha sirèki, asalmu iŋ suṅsum maṅgon.

9. kĕmis mundur ari jumuwaḥ kaŋ maju, punika iŋ dintĕn èstri, ki ḍalaŋ ṅandika arum, laḥ sapa aranirèki, si jumuwaḥ matur alon.

10. kyayi ndaṅu nama kawula pun wujud, kula ñuwun mantuk kyayi, ki ḍalaŋ liṅira arum, maṅgonna iŋ jĕnĕŋ mami, si jumuwaḥ wus tan katon.

11. nulya ari saptu puṅkasan maṅayun, ki ḍalaŋ atanya aris, laḥ sira sapa aranmu, nuwun jatigana mami, ñuwun paṅlĕburan iṅoŋ.

12. ki ḍalaŋ ṅliŋ iya mlĕbuwa sirèku, iŋ awak pĕkĕnirèki, jumĕnĕṅa ilaṅipun, ḍalaŋ kaṇḍabhuwana di, ki saptu wus mundur alon.

13. gya susumbar ḍalaŋ kaṇḍabhuwana guŋ, ki ḍalaŋ mas mĕḍar aglis, susumbar sarwi tumuṅkul, tamat iŋ pamahosnèki, nulya lajĕŋ waṅsul criyos.

14. ṅĕcrèk kĕprak wahu ta iŋ kana wahu, kaṇḍabhuwana sawusiŋ, mahos susumbar maḷĕdug, balané kala sakalir, gaṅsa sampak tigaŋ ĕgoŋ.

15. wus sinuwuk tan mawi paṭĕtanipun, pañjaṅmas carita maliḥ, ki ḍalaŋ nulya manĕkuŋ, aṅiṅkut jagatirèki, kawan prakara ginoloŋ.

16. kaŋ nèŋ jagat kidul abrit warṇanipun, jagad kulon warṇa kuniŋ, jagad lèr cĕmĕŋ warṇèku, jagat wétan warṇi putiḥ, gya ndĕdĕl ṅawiyat alon.

17. gaṅsa muṅĕl yak ayakan mañurèku, ki ḍalaŋ nulya apaṅgiḥ, iŋ saŋ hyaŋ wĕnaŋ linuhuŋ, gaṅsa suwuk criyos maliḥ, saŋ hyaŋ wĕnaŋ tatanya lon.

18. sira sapa tumĕka iŋ ṅarṣaniṅsun, ki ḍalaŋ turira aris, jatirasa nama ulun, apa mulané sirèki, tĕka jĕnĕŋ kaŋ maṅkono.

19. ḍalaŋ matur kula mĕṅkoni sah‍èstu, amba kaŋ nèŋ awak mami, saŋ hyaŋ wĕnaŋ sukèŋ kalbu, babo tampanana kaki, kaŋ maṅka gañjaraniṅoŋ.

20. laḥ muṅgaha ḷĕṅgaha jajar lan iṅsun, ki ḍalaŋ wus jajar liṅgiḥ, ṅaliḥ ran raja sinamur, hyaŋ wĕnaŋ ṅandika maliḥ, raja sinamur apa wroḥ.

21. nalikané gawé bhumi laṅit iṅsun, pukulun iṅgiḥ udani, sapa baya réwaṅiṅsun, iṅgiḥ muŋ tuwan pribadi, hyaŋ wĕnaŋ maliḥ taña lon.

22. ḍèk laginé sun gawé jagad sirèku, apa ta uga udani, iṅgiḥ uniṅa pukulun, sapa réwaṅiṅsun kaki, ki ḍalaŋ umatur alon.

23. iṅgiḥ amuŋ tuwan piyambak sah‍èstu, gusti kaŋ nèŋ jasatmami, duk sira miyat jasatmu, sira tan miyat mriŋ mami, apa sira ana katon.

24. botĕn wontĕn muŋ tuwan piyambak kétuŋ, hyaŋ wĕnaŋ suka tan sipi, hèḥ sira rasa sinamur, uwis tampanana maliḥ, kaŋ dadi gañjaraniṅoŋ.

25. tan lyan rasa pĕkĕnira ḍéwé iku, iṅsun taña manèḥ kaki, duk kala saduruṅipun, ana laṅit lawan bhumi, apa kaŋ ana iŋ kono.

26. iṅgiḥ namuŋ dat balaka wontĕninipun, saŋ hyaŋ wĕnaŋ mĕḍar jati, wruhanta rasa ninamur, iŋ rasa pakĕnirèki, iku iya rasaniṅoŋ.

27. rasaniṅsun pan iya rasanirèku, wis sira liṅgiha aglis, iŋ bétal baléyaras rum, saŋ hyaŋ wĕnaŋ wusira ṅliŋ, ndĕdĕl ṅawiyat tan katon.

28. ri saŋ rasa sinamur gumantya wahu, kacriyos pinarak muṅgiŋ, iŋ ḍampar baléyaras rum, sinotya jumantĕn wilis, gumĕbyar sajagad abyor.

29. sigĕg dèn nya criyos ki pañjaṅmas wahu, tumuṅkul matĕka nami, sèbĕt iŋ satamatipun, ñĕmpala koṭak mawanti, sampak umyuŋ tañcĕp kayon.

30. gya tumuṅkul ki pañjaṅmas wus apaṅguḥ, lawan pujaṅkara kyayi, wawĕliṅira wus putus, ki ḍalaŋ salaman pamit, iṅatĕr jawiniŋ régol.

31. para tamu jalu èstri wus umantuk, gĕr gĕran samargi margi, kagagas luluconipun, kakĕlir wus dèn rucati, nulya iṅantukkĕn gupoḥ.

32. lawan sajèn gaṅsal joḍaŋ para laṅkuŋ, iŋ paṇḍapi wus baṛĕsiḥ, muŋ toya sataman kantun, kupat luwar kawan iji, walikukun kaṅgé paṭok.

33. lawé wĕnaŋ kinĕṇṭĕṅkĕn wismanipun, mubĕṅi warambaḥ katri, kupat sakawan ginantuŋ, pojokiŋ wisma ñawiji, iŋ ṅaṇḍap sinuṅan paṭok.

39. wañci siaŋ iŋ paṇḍapi kawontĕnakĕn kĕṇḍurèn sapĕkĕnan pĕṅantèn. katĕraṅakĕn siñjaŋ lan saṇḍaṅan sarta pirantosiŋ balégriya iṅkaŋ kabĕkta paṅantèn boyoṅan. kyayi pujaṅkara dalaḥ garwanipun ñahi pujastuti pariŋ piwulaŋ ḍatĕŋ pĕṅantèn èstri bab salaki rabi. ḍatĕŋ paṅantèn jaḷĕr bab trapsila tatakrama. boyoṅipun, pĕṅantèn èstri numpak joli, iṅkaŋ jaḷĕr numpak kapal.

34. toya sampun iṅĕjogan sumur pitu, ṅantèn mastari rumiyin, siniraman kapiŋ pitu, sarta ṅampĕt napasnèki, nulya ki juru sakloron.

35. wusnya siram nulya abhuṣaṇa luhuŋ, iŋ paṇḍapa wus rinakit, ambĕṅan mumulé aguŋ, luluhurira pribadi, kyayi juru sakaloron.

36. luluhuré ḍalaŋ sakniyaganipun, karajan sahisinèki, rampuṅé kĕṇḍuri luhur, ki juru wus kéṅiŋ guliŋ, sontĕné hyaŋ surya ṅayom.

37. wus tinata kĕṇḍuri nèŋ piṅgir sumur, baro baro gaṅsal takir, picis gaṅsal ḍuwit namuŋ, ṅajĕṅkĕn surupiŋ rawi, kaji pak goniyaḥ gupoḥ.

38. mariŋ sumur rarywa jalu èstri ṅgrubyuk, andoṅa tulak bilahi, wĕkasanira rahayu, paragat pandoṅanèki, pitutur mriŋ sakèḥ uwoŋ.

39. aja paḍa gojèg guyon piṅgir sumur, ramé ramé boya kéṅiŋ, caḷĕmĕdan nora antuk, poma èstokĕna mami, sadaya mituhu pakon.

40. dalunipun lajĕŋ amahos mahulud, déné dalunipun maliḥ, mahos mékradan ñjĕŋ rasul, iŋ maḷĕm sapĕkĕnèki, mahos kur'an asmarandon.

172. asmaradana

1. iŋ ari sapĕkĕnèki, siyaŋ kĕṇḍuri lujĕṅan, sapĕkĕnira paṅantèn, mirantos isarat sarat, sadaya wus samĕkta, babĕktan tri pĕṭi aguŋ, isi sasotya kañcana.

2. siñjaŋ ḷĕḷĕmĕs myaŋ lurik, sumĕkan ḍĕṣṭar sĕkaran, atanapi paniṅsĕté, rasukan manawarṇa, èpèk miwaḥ sap asta, rimoŋ kurasi sutra lus, raṅkĕpan miwaḥ lañciṅan.

3. pratélané siñjaŋ baṭik, uṇṭuk bañu cĕplok lintaŋ, cĕpaké goṇḍok kinaṇṭèt, cĕplok maṅgis kiñjĕŋ ṛĕṅgaŋ, satriya awibawa, kuwuŋ cakrakusuma nuŋ, cĕpaka mulya sridĕnta.

4. sawé sĕmpal sakiŋ uwit, kĕmbaŋ kapas kĕmbaŋ jarak, kapi kaḍoṇḍoŋ salobog, kawaŋ kamplaŋ kĕmbaŋ sĕmak, luŋ kĕstop paraṅkrĕṣṇa, jaṅglĕŋ wora wari rumpuk, loṇṭaŋ jamblaŋ pĕkṣi krĕṣṇa.

5. pakuniṅrat paraṅwèṣṭi, bañci malaṭi salaṅsaŋ, bañci kasut sulamané, burbanagri madubranta, gambirṣakĕṭi cakar, ciṇḍé wilis miwaḥ tuñjuŋ, limaran jayakusuma.

6. kĕmbaŋ kĕṇṭaŋ nagasari, kĕṇḍaga kĕmbaŋ kĕnaṅa, truntum krambil sacukilé, kĕmbaŋ jĕruk kahwa pĕcaḥ, miwaḥ gaṅgoŋ yujana, gaṅgoŋ winawi kapuṇḍuŋ, griṅsiŋ kluṅsu pandĕḷĕgan.

7. galiṅsiŋ soṇḍé ṛĕṅganis, tambal miriŋ myaŋ kanoman, ayam pugĕr traŋ bulané, ila ṭaṭit bolu rambat, iṇḍil ori mraŋ wĕḍar, gandasuli ĕluŋ aṅgur, sĕmèn ṛĕmĕŋ sĕmèn rama.

8. sĕmèn pĕkṣi drata ritis, sĕmèn jlĕṅut jlĕṅut gruḍa, ṅrèni miroŋ traté géṇḍoŋ, cuwiri ĕluŋ dalima, ĕluŋ lahos ĕluŋ mawar, sidamukti sidaluhur, ḷĕkaṭa ṛĕṅga puṣpita.

9. paṇḍan raṅkaḥ saṅga laṅit, sĕmèn srowot sĕmèn gruḍa, sĕmèn brañjilin myaŋ roṇḍon, sĕmèn jolèn citralaṅyan, raŋ ariŋ kalèwèran, mañura bagaḥ sinawur, kasumĕkan ḍĕṣṭar modaŋ.

10. aṅluŋ jiwa aṅluŋ ṛĕsmi, tanapi siñjaŋ awisan, muhuŋ kinarya suwuké, paraŋ rusak warṇi gaṅsal, kliṭik kagok caṇṭèlan, gĕndrèḥ baroŋ paraŋ paruŋ, daniris paraŋ kusuma.

11. utawi prabotiŋ panti, bĕkakas mawarṇa warṇa, miwaḥ parabotiŋ pawon, paṅantèn wusiŋ bhuṣaṇa, nèŋ ṅaṛĕp pakroboṅan, rama bu aṅguŋ pitutur, pratikĕlé woŋ ṅakrama.

12. pujastuti ṅandika ris, ḍuḥ aṅgèr wotiŋ tyasiṅwaŋ, iŋ samĕṅko wus wayahé, tinartamtu ṅawruhana, wajibé kaŋ wanodya, kudu ṅaṅgo kaṇṭi tuhu, paṅkat paṅkat tigaŋ warṇa.

13. déné paṅkat iṅkaŋ ḍiṅin, rigĕn tĕgĕn mugĕn karya, kaŋ aran rigĕn maṅkéné, bisa iŋ sabaraŋ karya, ṅrĕrakit jroniŋ wisma, tinata tata kaŋ muṅguḥ, sambadèŋ paṅruktinira.

14. rampuŋ nora ṅuciwani, liriŋ tĕgĕn iṅkaŋ jĕnak, maraŋ iŋ sabaraŋ gawé, tumandaŋ tan salèwèṅan, koṅsia paripurṇa, mugĕn wĕkĕn wardinipun, amuṅkul ati sajuga.

15. tan maṅro tiṅalirèki, mantĕp anĕtĕpi tékat, luluḥ rèḥ kadurṣilané, paṅkat kapiŋ loro rara, kaŋ ḍiṅin gĕmi ika, piŋ kaliḥ nastitinipun, aṅati ati tiganya.

16. liré gĕmi iku baṅkit, aṅrumati samubaraŋ, lawan mamardi dadiné, baranarta pinapaṅkat, tan iṭil datan loma, tan lèrwèḥ ambraḥ brèḥ mubru, sirik saruniŋ kaŋ basa.

17. sarwa sasab baraṅkardi, taṅèḥ yèn dèn katiṅalna, adoḥ iŋ guru aḷĕmé, liré nastiti datansaḥ, matitiṣkĕn iŋ étaŋ, baraṅkarya tuna lumuḥ, ṅéman laku tan pakaṅsal.

18. liré iṅkaŋ ṅati ati, tindak tanduk myaŋ paṅucap, masaŋ nétra amurwèŋ ṅrèḥ, manuwara ṅaraḥ araḥ, patrapiŋ tanduk taṅgap, laku liṅgiḥ solaḥ muwus, ṅèṣṭi tyas wiwékatama.

19. wikan pakéwuḥ iŋ ṅurip, lamun lagi pinitaya, pinasrahan iŋ lakiné, ṅopèni wadi sabaraŋ, tan kĕnaa sĕmbrana, aywa kéguḥ binabujuk, iŋ lyan kaŋ amriḥ kawĕḍar.

20. paṅkat piŋ katri winarṇi, gumati ṅrĕti mirantya, kaŋ gumati iku liré, tumĕmĕn iṅkaŋ pinaṅgya, tumanĕm anèŋ manaḥ, dèn nya mriḥ ṅopèni kakuŋ, amilala mulasara.

21. kaŋ maṅarti wadinèki, bisa manuju iŋ prana, anon ṅawruhi lakiné, wahyaniŋ kaŋ maṅsakala, wardiné amirantya, tansaḥ añañaḍaŋ kayun, mañci mañci sawañcinya.

22. tabĕri mriḥ coṇḍoŋ kapti, jagakarya dalunira, maṅèṣṭi wajibiŋ wadon, kinasihana iŋ priya, kasub dyaḥ mbĕg utama, nikèn mustari tumuṅkul, maṅĕñjali trusiŋ prana.

23. kyayi juru aṅsuŋ waṅsit, babo kulup mantuniṅwaŋ, rèhniŋ sirèku samĕṅko, lagi punakawan magaŋ, polaḥ tiṅkaḥ micara, dèn aṅati ati kulup, kaŋ tabĕri tuhu sĕtya.

24. pahitané woŋ aṅabdi, wĕdi anastiti awas, bĕkti gupuḥ rikat sarèḥ, sarta gĕmi paṅaṅgĕpnya, iŋ darbèkiŋ bĕndara, muṅguḥ tataniŋ ṅaluṅguḥ, iṅaran trapsila krama.

25. kaŋ ḍiṅin ḍaḍap winarṇi, aṅuṅkrĕt dĕdĕg lakunya, manisiŋ ulat dèn katon, yèn mèḥ maṛĕk iŋ ṅayunan, muṇḍuk muṇḍuk rannira, muṅkrĕt dĕdĕg ṅĕmbat ḍĕṅkul, walikat cĕṭik dèn ĕmbat.

26. gya mĕṇḍak ñĕmbaḥ rumiyin, nuli laku bokoŋ ronnya, yèn wus laku bokoŋ jèṅkèŋ, manĕmbaḥ ririḥ ḷĕṅgaḥnya, wit sèlèḥ bokoŋ kanan, suku tĕṅĕn anèŋ ayun, mĕpĕs malipis mararas.

27. wiwit ḍĕṅkul kanan ṅarṣi, kaŋ kiwa rada mriŋ wuntat, ywa kasusu pamuwusé, yèn duruŋ atrapsilanya, mbok ana kaŋ kaliṅkap, tĕmaḥ dĕgsura rannipun, yèn wus atrapsilanira.

28. gya sikut tumumpaŋ wĕntis, ṅapurañcaŋ driji wrata, caṅklakan dèn lĕgakaké, lambuŋ iṅkaŋ tĕṅĕn mĕmbat, kiwa rada mriŋ wuntat, mèṅlèŋ ṅiwa jaṅga maṅluŋ, amriḥ karṇanya miyarṣa.

29. pandĕṅé nétranirèki, ukur tumandukiŋ jaja, nora dĕkṣura aranné, sarta tansaḥ pasaŋ cipta, wruḥ karṣaniŋ bĕndara, yèn maṅisor pandulumu, datan wĕruḥ liriŋ ṅulat.

30. sĕmbaḥ yèn dinaṅu gusti, ros rosiŋ sabda dèn awas, yèn wus tutug timbalané, atur waṅsulan dicĕṭa, ywa ñuṛĕŋ aywa kĕmba, ḷĕmĕs tudiṅira tuduḥ, jĕmpol taṅan iṅkaŋ kanan.

31. lamun mundur patrapnèki, nĕmbaḥ jèṅkèŋ maliḥ nĕmbaḥ, mundur miṅĕr manĕṅĕné, laku bokoŋ lir ajĕŋnya, gya maṛĕg maliḥ nĕmbaḥ, atumindak muṇḍuk muṇḍuk, anuli ḍaḍap ṛĕspatya.

32. nahĕn ta mantu kaŋ tampi, piwulaṅiŋ maratuwa, kasaru wahu praptané, pĕṭukanira ki bésan, ki juru mriŋ paṇḍapa, kaŋ pinataḥ amoṅtamu, mapag anèŋ palataran.

33. santri brahi kaŋ rumiyin, trĕbaŋ aṅkluṅé tinatap, ramé umyuŋ suwarané, kĕmbaŋ mayaŋ nèŋ wurinya, nulya krĕmun binuntal, gya kapal parabot luhuŋ, wawataṅan kasatriyan.

34. layu layu ṅanan ṅériŋ, aṅuruŋ uruŋ tumpakan, panĕbus ginrubyuk wadon, kulawarga busanéndaḥ, warga jalu puṅkasan, iṅañcaran gupuḥ gupuḥ, sadaya sampun pinarṇaḥ.

35. para èstri malbèŋ panti, jaḷĕr pinarak paṇḍapa, lumintu pasuṅgatané, iṅkaŋ minaṅka paṅarṣa, mahyakkĕn saparlunya, kyayi juru wus jumuruŋ, sarampuṅé iŋ panata.

36. paṅantèn nulya ṅabĕkti, mriŋ kaŋ rama sakaliyan, miwaḥ mriŋ para wrĕdané, gya mijil kakaṇṭèn asta, kaŋ rama anèŋ ṅarṣa, kaŋ ibu tumutut puṅkur, lawan para kadaṅwarga.

37. wahana sampun cumawis, èstri nèŋ krĕmun rinĕṅga, ginarubyug para wadon, kaŋ jalu anumpak kapal, iṅayap pra santana, wus buḍal swara gumuruḥ, dadya tontonan samarga.

38. nèŋ ṅĕnu datan winarṇi, sapraptanira iŋ wisma, rinaṛĕṅga lir tĕmuné, sigĕg kaŋ miwaha putra, maṅkya iṅkaŋ winarṇa, kajuron sapuṅkuripun, atmaja kaŋ pinaṅantyan.

39. iŋ sarampuṅé pa kardi, mas cĕbolaŋ wus linilan, mantuk mariŋ poṇḍokané, lawan santrinya sakawan, miwaḥ amat tĕṅara, nèŋ marga cĕbolaŋ muwus, aḍi rèhniŋ takṣiḥ éñjaŋ.

40 sasampunipun rampuŋ boyoṅiŋ paṅantèn, mas cĕbolaŋ sarta santrinipun sami mantuk, mampir niṅali mriyĕm. ki narataka iṅkaŋ jagibkaguṅandaḷĕm mriyĕm nĕraṅakĕn mriyĕm satuṅgal satuṅgalipun ṅantos dumugi cariyos lalampahanipun patiḥ kyayi sĕtama sarta garwanipun ñahi sĕtomi sami dados mriyĕm pusaka awit sakiŋ karṣanipun prabhu arya baṅaḥ iŋ galuḥ.

mantukipun amat tĕṅara lan mas cĕbolaŋ wontĕn iŋ tĕṅaḥ margi kapaṅgiḥ abdidaḷĕm mĕtĕṅan (tunanétra) wasta ki caṇḍilaras, punika juru doṅèŋ sarta ahli tĕmbaŋ kakasihiŋ nata.

40. suwawi sami niṅali, kaguṅandaḷĕm śri nata, mariyĕm iṅkaŋ kinahot, punapa iṅgiḥ kéṅiṅa, kakaŋ kéṅiŋ kéwala, dintĕn punika pinuju, kaŋ cahos ki narataka.

41. punika prĕnaḥ pakcilik, nak sanak kaliḥ pun biyaŋ, sartané sagĕd cariyos, asalé mriyĕm sadaya, laḥ aḍi kaḷĕṛĕsan, wontĕn kaŋ tinĕmbaŋ gambuḥ, wus prapta iŋ brajanala.

173. gambuḥ

1. ki narataka tuṇḍuk, lan ki amat miwaḥ tamunipun, sasalaman ki amat tĕṅara aris, pakcilik biliḥ panuju, kakaŋ cĕbolaŋ yun anon.

2. kaguṅan saŋ aprabhu, mriyĕm mriyĕm saha asalipun, narataka aṅliŋ iya luwiḥ bĕcik, iṅirid sadayanipun, miṅgaḥ pagĕrbhumi kraton.

3. ñi sĕtomi jinujug, nulya miyat mriyĕm sanèsipun, tan kliwatan cacaḥ kalihdasa iji, rampuŋ dèn nira andulu, waṅsul iŋ paṅgénan cahos.

4. mas cĕbolaŋ sinuguḥ, wédaŋ saṅu sumaṅga ki bagus, gantos gantos rèhniŋ caṅkir muŋ satuṅgil, sadaya wus samya ṅinum, mas cĕbolaŋ tatanya lon.

5. biliḥ kapaṛĕŋ kalbu, saha èṅĕt cariyosiŋ daṅu, asalipun kaguṅan daḷĕm saŋ aji, mariyĕm sadaya wahu, déné gĕŋ ṅagĕŋ kinahot.

6. narataka liŋnya rum, iṅgiḥ anak sakiŋ criyosipun, tiyaŋ sĕpuḥ tuwin kaŋ kulasĕṛĕpi, rumuhun cacaḥ salikur, mariyĕm kaguṅan katoŋ.

7. kyayi sĕtama luhuŋ, lawan ñahi sĕtomi puniku, pisuṅsuṅé kumpĕni baṅsa portugis, ḍatĕŋ paṅran jakartèku, kala jaman dĕmak kraton.

8. saṛĕŋ jumĕnĕṅipun, jĕŋ sinuhun kaṅjĕŋ sultan aguŋ, ki satama kalawan ñahi satomi, pinuṇḍut ḍatĕŋ matarum, kaliḥ pinarṇahkĕn maṅgon.

9. anèŋ iŋ luhuripun, pagĕrbhumi karaton puniku, kiwa tĕṅĕn cĕlak brajanala kori, ki satama nèŋ mantarum, tan alami karṣa katoŋ.

10. pinariṅakĕn waṅsul, mriŋ jakarta awit sabĕn dalu, asriŋ asriŋ marimpèni iṅkaŋ kĕmit, saha sabĕn maḷĕmipun, jumuwaḥ aṅgara kliwon.

11. gĕṛĕŋ gĕṛĕŋ gumruṅguŋ, damĕl miris mriŋ kaŋ samya tuṅguk, kaŋ ḷĕstantun kantun jĕŋ ñahi sĕtoni, tan ana saṅsayanipun, dados wasiyat karaton.

12. ki gunturgĕni wahu, lawan kyayi swuhbraṣṭa puniku, kaliḥ sami pisuṅsuṅipun walandi, tuwan jéndral jan pitĕrṣkun, katur kaṅjĕŋ saŋ akatoŋ.

13. kiyayi bagus alun, kyayi gĕlap ki baḷĕḍèg anuŋ, lawan kyayi sagarawana namèki, myaŋ ki sagara palwèku, ki sapujagat kinsot.

14. ki kumbawikumbèku, aswanikumba pañcawara nuŋ, mriyĕm saṅa yasandaḷĕm śri bhupati, jĕŋ sinuhun sultan aguŋ, añakrakusuma kahot.

15. mĕṅgaha kaŋ tinuduḥ, damĕl mriyĕm baṅsa kulit piṅul, lawan paṇḍé kumpulan satanaḥ jawi, déné kyayi kaḍalbuntuŋ, lawan ki maṅsakĕmalo.

16. tigané ñahi ḍukun, sakawané ki griṅsiŋ puniku, pisuṅsuṅé tutuwan jéndral pandĕrlis, kuñjuk kaṅjĕŋ sultan aguŋ, añakrakusuma katoŋ.

17. kyayi kumbarawèku, kyayi kumbarawi malihipun, kyayi pintèn kyayi taṅsèn caturṇèki, punika pisuṅsuṅipun, raja siyĕm kiṭa baṅkok.

18. jaṅkĕp dwidasa sampun, namuŋ kyayi pañcawara wahu, paṅgrayaṅé sarjana kaŋ ahli budi, nama makatĕn puniku, pikajĕṅaniŋ surahos.

19. pan paṇḍita satuhu, dados watakiŋ saṅkala pitu, ca pañcaṛĕm watak nĕnĕm kaŋ pinirit, sakiŋ iŋ rasa puniku, wa wuruk iṅkaŋ kinahot.

20. watak gaṅsal miturut, apan sakiŋ wisikan puniku, ra pan ratu puniku watak satuṅgil, ĕṅgèr sakiŋ sagĕdipun, iṅkaŋ wus widakdèŋ kawroḥ.

21. ṅajĕŋ wahu kinumpul, paṇḍita caṛĕm wurukiŋ ratu, dadosipun iŋ tahun aṅkaniŋ warṣi, iṅgiḥ sèwu gaṅsal atus, sawidak pitu wus cocog.

22. yèn gĕrba tĕgĕsipun, pañcawara prahara ṅin aguŋ, mas cĕbolaŋ nuwun atatanya maliḥ, kiyayi sah‍èstunipun, cariyos sampéyan maton.

23. awit samiṛĕŋ ulun, ki satama ñi satomi wahu, kalihipun kadadosan sakiŋ jalmi, mĕrtapa wontĕn iŋ gunuŋ, tan wrin gañcariŋ cariyos.

24. iṅgiḥ wontĕn nak bagus, sĕrat iṅkaŋ ñariyoṣkĕn iku, ki satama sakaliyan ñi satomi, kala jaman kraton galuḥ, iṅkaŋ ajumĕnĕŋ katoŋ.

25. saŋ arya baṅaḥ prabhu, ki satama iku patihipun, iṅkaŋ èstri anama ñahi satomi, nuju ri ratri saŋ prabhu, saré supĕna kaŋ katon.

26. saṅhyaŋ pramèṣṭi guru, laṅkuŋ tétéla paṅèkṣinipun, lir wèntèhan katoné śri narapati, sawuṅunya asru ṅuṅun, kagagas sajroniŋ batos.

27. dadya lami saŋ prabhu, tan sinéba muṅgiŋ sitiluhur, ribĕṅiŋ tyas animbali kyanapatiḥ, lawan ñahi garwanipun, praptané byantara katoŋ.

28. ṅandika saŋ aprabhu, bapa iṅsun iŋ sawiji dalu, asupĕna hyaŋ jagatnata nĕḍaki, aṅsuŋ kanugrahan mriŋ sun, arupa mariyĕm loro.

29. warṇané bagus bagus, sahupama ana wujudipun, iŋ sahiki yĕkti iṅsun nora paṅliŋ, bapa ulatana gupuḥ, lan si bibi sakaloron.

30. poma dikoṅsi paṅguḥ, nadyan koṅsi jambul wannĕn mabluk, lamun duruŋ katĕmu ywa muliḥ muliḥ, aja maṇḍĕg nolèḥ puṅkur, bapa poma dèn kalakon.

31. tarlèn manira amuŋ, añaṅoni rahayu lakumu, kyayi patiḥ sakaliyan maṅĕñjali, maṅuswa suku wus mundur, praptèŋ ñjawi arawat loḥ.

32. ñjujug wismaniŋ sunu, prabhu saṅkan gurawalan mĕṭuk, kyana patiḥ ṅraṅkul putra luḥ drĕs mijil, kaki kariya rahayu, dèn bisa suwitèŋ katoŋ.

33. karṣaniŋ jawata guŋ, manira lan ibunira kulup, wus pinaṣṭi pisaḥ lawan sira kaki, dyan prabhu saṅkan tumutur, marawayan matur alon.

34. ñjĕŋ rama ñuwun ulun, iŋ pawartos darunaniŋ giyuḥ, kyana patiḥ aṅliŋ miwiti mĕkasi, iŋ ḍawuḥnya saŋ aprabhu, prabhu saṅkan matur alon.

35. rama paṅrahos ulun, laṅkuŋ gampil kaḷĕkṣananipun, mriyĕm mriyĕm jarahan dipunpilihi, iṅkaŋ kĕmbar sah‍é bagus, lajĕŋ iṅaturkĕn gupoḥ.

36. kya patiḥ mèsĕm muwus, luwiḥ gawat tan maṅkono kulup, dudu iku kaŋ kinarṣakkĕn narpati, binisikan iṅkaŋ sunu, dyan añjrit ṅruṅkĕpi paṅkon.

37. uwis pupusĕn kulup, iku apan karṣané déwa guŋ, kinèn muṅkul kasuciyan mriḥ kajatin, aṅĕniṅkĕn cipta jumbuḥ, anèŋ kéné aywa séyos.

38. kaki sapuṅkuriṅsun, paṅgawéyan paṅrèhiŋ praja guŋ, iṅsun pasrahakĕn maraŋ iŋ sirèki, kaŋ éliŋ sabaraŋ laku, mriŋ utama karahayon.

39. pirabara iŋ bésuk, lamun iṅsun lan ibunirèku, bisa olèḥ kamurahaniŋ hyaŋ widdhi, kumambaŋ narimèŋ kalbu, muhuŋ kaŋ kaṛĕp titiñjo.

174. maskumambaŋ

1. hyaŋ wasésa wus pariŋ wasitajati, paniṅal wus suda, tan awas bakuniŋ nagri, untu uwis paḍa oyag.

2. liré uwus tan kékaḥ aṅgilut nagri, miwaḥ rambutiṅwaŋ, warṇa ro iṛĕŋ lan putiḥ, wus maṅro maraŋ kamukṣan.

3. iŋ tĕgĕsé kulup karṣaniŋ narpati, woŋ olaḥ nagara, iku aja ṅanti maliḥ, amaro iŋ iḍĕpira.

4. lamun jalma wus atuwa kaya mami, maṅro iḍĕpira, mulané kawigñan mami, samĕṅko ṅaliḥ mriŋ sira.

5. iṅsun miwaḥ ibunta maḍĕp sawiji, tarlèn mriŋ kamukṣan, poma dèn patitis titi, kaki kariya raharja.

6. kyana patiḥ tandya umaṅkat sarimbit, mriŋ asramèŋ éyaŋ, napaktilasiŋ ṅaluwiḥ, sapraptanira pratapan.

7. sakaliyan mujuŋ kadi jalma lalis, maṅkya kawuwusa, kaŋ kantun anèŋ nagari, putra satama dyan saṅkan.

8. sinĕṅkakkĕn ṅaluhur dumadya patiḥ, iŋ galuḥ nagara, dupi wus antara lami, sakèhiŋ mriyĕm jarahan.

9. pinilihan kaŋ sah‍é wĕtaḥ mantĕsi, tan wontĕn kaŋ dadya, kapaṛĕṅiŋ narapati, wit déné kaŋ kasupĕna.

10. patiḥ saṅkan ṅantya tĕlas kaŋ pambudi, satĕmaḥ suṅkawa, tilar naḍaḥ tilar guliŋ, miminta sihiŋ jawata.

11. wañci baṅun kyana patiḥ saṅkan ṅimpi, katiṅal kaŋ rama, sakaliyan saṛĕŋ prapti, ṅandika aṅsuŋ sasmita.

12. lamun sakiŋ siḥ pituluṅiŋ déwa di, samaṅkya wus aṅsal, mariyam adi kakaliḥ, iṅkaŋ kasupĕnèŋ nata.

13. praṭiṣṭa asrama pamujanmami, kulup dèn ahiṅgal, mariṅa asrama ṅambil, kagyat wuṅu patiḥ saṅkan.

14. puṅun puṅun ṅuṅun supĕnanirèki, tandya wus umaṅkat, mriŋ pratapan tanpa kaṇṭi, sĕdya ṅaturkĕn supĕna.

15. sapraptaniŋ pratapan kapaṅgiḥ guliŋ, mujuŋ sakaliyan, sisiṅĕp piniyak ririḥ, dyan saṅkan kagyat sru ñjola.

16. kaliḥ sampun ical sipatiŋ kaŋ jalmi, warṇa mriyĕm samya, radyan saṅkan anuṅkĕmi, karuna amĕlasarṣa.

17. nulya ana swara iṅkaŋ kapiyarṣi, kulup wis mĕnĕṅa, aywa adawa prihatin, kamukṣanku wus sampurṇa.

18. apatitis maraŋ kahilaṅan jati, muŋ ṅaliḥ paṅgonan, isiḥ momoŋ sira kaki, yĕkti ora paran paran.

19. muṅguḥ iku pratikĕlmu dipratitis, ywa kaliru sira, di bisa misahkĕn ḍiri, pisahé kalawan sukṣma.

20. wruhanira mariyĕm iku sajati, wujudiŋ ragèṅwaŋ, sukṣma sampurṇa mariŋ wit, ḷĕpas kahilaṅan mulya.

21. naṅiŋ lamun pratitis pratikĕlnèki, bisa paṅolaḥnya, sayĕktiné ponaŋ ḍiri, tan pisaḥ lan sukṣmanira.

22. iṣṭané lir layaṅan lan kĕnurṇèki, tinut saparannya, maṅkana upama ragi, lan sukṣamné tan prabéda.

23. yèn pisaha nora kumpul iku sisip, dadya kuḍaṇḍaŋan, pan iku kuraŋ pratitis, sajĕgé biṅuŋ kéwala.

24. awĕkasan tiba saṅgon ĕṅgonnèki, déné ta kaŋ wus man, ṅaworkĕn sukṣma lan ragi, iku tuṅgal kamuktènnya.

25. lawan ora ana ĕntèkiŋ kaŋ paṣṭi, tan ṅaṅgo wĕkasan, ya iku kaŋ wus ṅĕṅgonni, iṅaran jaya sampurṇa.

26. wruhanira kulup gustinta saŋ aji, iku bijakṣana, luwiḥ sidik iŋ paṅèkṣi, uniṅa iŋ susurupan.

27. iya iki kaŋ dadi supĕnèŋ aji, wus pinaṣṭi dadya, kabrĕkatan narapati, kaŋ mĕṅkoni tanaḥ jawa.

28. ṅanti turun tumurun iṅkaŋ ndarbèni, mariyĕm wasiyat, iku kaŋ dadya ugĕriŋ, nagara iŋ tanaḥ jawa.

29. dupi sampun tĕlas waṅsitiŋ sudarmi, patiḥ saṅkan tandya, mundur iŋ samargi margi, kagagas iŋ yayaḥ réna.

30. praptèŋ praja lajĕŋ sumiwi saŋ aji, alon aṅandika, patiḥ déné awigati, sira maraŋ ṅarṣaniṅwaŋ.

31. patiḥ saṅkan maṅĕñjali matur aris, iŋ purwa wasana, lalampahaniŋ sudarmi, winantu wijiliŋ waspa.

32. śri naréndra kumĕmbĕŋ waspa drĕs mijil, wasana ṅandika, ywa dinawa tanpa kardi, papaṣṭèn paṣṭi tan owaḥ.

33. iṅsun ḍéwé lan pramèswari kaŋ ṅambil, maraŋ iŋ ṅasrama, ṅiŋ patiḥ ḍawuḥna aglis, maraŋ wadyabalaniṅwaŋ.

34. nĕmbaḥ mundur kyana patiḥ wus ṅuṇḍaṅi, sawusiŋ samakta, saŋ prabhu myaŋ pramèswari, buḍal maraŋ iŋ ṅasrama.

35. tan winuwus iŋ ṅĕnu raroñcénèki, prapta iŋ ṅasrama, saŋ nata dupi udani, mriyĕm kaliḥ nèŋ pamujan.

36. datan siwaḥ lawan kasupĕnanèki, mriyĕm kaliḥ pisan, rinaṅkul waspa guŋ mijil, kaṭaḥ kaṭaḥ andikanya.

37. wus binuntĕl kalihé iŋ wastra adi, iṅurapan sĕkar, dinupanan waṅi waṅi, pra wadya ṅujuŋ sadaya.

38. cĕkakipun wus binĕkta maraŋ nagri, lawan kahurmatan, sapraptanira iŋ puri, pinarṇaḥ iŋ sitibĕntar.

39. laḥ punika cariyosira iŋ ṅuni, ṅgèr kula sumaṅga, botĕn sagĕd amastani, iṅkaŋ ḷĕṛĕs iṅkaŋ ḷĕpat.

40. mas cĕbolaŋ ṇḍĕku maṇṭuk liṅira ris, sampurṇa wus siyaŋ, miwaḥ mripat krahos arip, ñuwun lajĕṅé carita.

41. wawi aḍi paliman ḍatĕŋ kiyayi, narataka liŋnya, iṅgiḥ ṅgèr andum basuki, sadaya wus lumakṣana.

42. anèŋ marga ñaṛĕṅi antukirèki, ki cĕṇḍaniraras, mĕtĕṅanira narpati, juru kaṇḍa ura ura.

43. ki tĕṅara taña bapak sakiŋ pundi, ilaḥ ḍèk ki amat, gumrubyuk lantik tyasnèki, wawi mocuŋ sasaṛĕṅan.