sĕrat cĕṇṭini #3

sĕrat cĕṇṭini 3

1. takṣiḥ sami wontĕn iŋ mataram, miṛĕṅakĕn doṅèṅipun ki cĕṇḍanilaras bab ki harda iṅkaŋ pados sarat sagĕdipun aṅsal kasugihan iŋ wana roban ṅantos kabul..

175. pocuŋ

1. pan apaṅgiḥ sianak kaliyan tamu, ki masé cĕbolaŋ, lan réñcaŋ sakawan santri, aḥ waṅuné boya lidok pĕṭèkiṅwaŋ.

2. kyayi amat gumuyu maṅsuli èstu, ki cĕṇḍaniraras, sasalaman ganti ganti, sadaṅuné lumampaḥ kojaḥ kojahan.

3. nulya uniŋ wisma guŋ bagus kalaṅkuŋ, amaṅku radinan, baṅo pisaŋ sliraŋ ṭirik, mas cĕbolaŋ taña mriŋ amat tĕṅara.

4. baya niki aḍi wismaniŋ tumĕṅguŋ, o lha sanès kakaŋ, muŋ wismané tiyaŋ sugiḥ, anak raṇḍa anama bagus hartawan.

5. sak mantarum datan wontĕn saminipun, kilap darunanya, cobi taña ki cĕṇḍani, tamtu mirṣa iṅkaŋ dadya iŋ jalaran.

6. ki cĕṇḍaniraras anambuṅi wuwus, maṅké kula crita, jalarané laṅkuŋ sugiḥ, kaliḥ mlampaḥ dados botĕn krahos sayaḥ.

7. kyayi hardasaṅsara kala rumuhun, mĕṣkiné kalintaŋ, lajĕŋ mĕṛĕs tékatnèki, aṅupados sarat sugiḥ ḍatĕŋ roban.

8. késahipun numpal kèli nunut nunut, kalaṅkuŋ kasrakat, tan saṅu arta saḍuwit, lami lami praptèŋ tĕpi wana roban.

9. wontĕn ḍukuḥ aṅgaṛĕmbĕl tinon samun, nulya linĕbĕtan, paṅgiḥ jalma kaki kaki, nama sarasĕdya kinaṇṭi mriŋ wisma.

10. muṅgèŋ salu ki wisma atanya arum, kaŋ nĕmbé kapaṅgya, sintĕn sinambat iṅkaŋ siḥ, lawan pundi pinaṅka paran sinĕdya.

11. kaŋ tinanya aprasaja aturipun, nami wismanira, miwaḥ kaŋ sinĕdyèŋ kapti, pados sarat sagĕtipun andĕrbala.

12. aṅliŋ maliḥ kyayi wisma basanipun, kapasaŋ sayogya, kula jurukuñcinèki, napa tĕmĕn kaŋ dadi kaṛĕp andika.

13. lan maniṅé sapa kuwat goḍanipun, ki harda sahurṇya, sampun kaŋ ḍumatĕŋ sakit, nadyan pĕjaḥ ḷĕbur luluḥ kula tĕmaḥ.

14. rèḥ wus mantĕp kula criyos lampahipun, maṅké lamun paṅgya, lan kiyayi kaŋ suŋ sugiḥ, sasampuniŋ kula ṅaturakĕn ndika.

15. putranipun èstri kaṭaḥ ayu ayu, kinèn amaṅarṣa, ndika lajĕŋ kinèn miliḥ, yèn wus miliḥ nuntĕn anampèni ḍawaḥ.

16. wus tartamtu andika pinuṇḍut mantu, naṅiŋ ḍinawuhan, ṛĕṛĕsik sajroniŋ panti, jogan ñjĕmbruŋ kĕṇḍi tanpa isi toya.

17. lamun sampun kalampahan jogan ñjĕmbruŋ, waṅsul mriŋ wismèṅwaŋ, lajĕŋ kula irit maliḥ, sowan kyayi iṅaḍĕp putra satuṅgal.

18. warṇi awon badan baṅkraḥ ambĕt arus, nanaḥ wuk dlèwèran, ñrĕmumuḥ mblĕḍag kaŋ kulit, sampun ical sipatiŋ jalma manuṅsa.

19. ṅgiḥ punika kaŋ ndika piliḥ rumuhun, nulya kinèn mbĕkta, umantuk ḍumatĕŋ panti, praptèŋ wisma kamaṅgènna kaŋ prayoga.

20. laḥ punika makatĕn iŋ baḍénipun, wawi sami maṅkat, ki sara lumakyĕŋ ṅarṣi, mbĕkta dupan ki hardasara tutwuntat.

21. sampun prapta satĕṅahiŋ kaŋ wana guŋ, ṅaṇḍapiŋ wit kamal, kumĕlun padupanèki, sawatara byar katon sajroniŋ wisma.

22. ḍapur tajug ginĕlaran kalasa lus, wontĕn kaŋ pinarak, kaki wrĕḍa mĕrakati, sampun ciklu kadi paṇḍita utama.

23. kĕṭu pĕṭak saruŋ kusta jubaḥ piṅul, pinarak iŋ tĕṅaḥ, lajĕŋ ṅawé jurukuñci, wus maṅarṣa manĕmbaḥ alon turira.

24. sowanulun aṅaturkĕn anak bagus, sĕdya ṅèstupada, ñuwun bĕrkaḥ iŋ ñjĕŋ kyayi, kadugèna punapa sakajatira.

25. kyayi pikun mèsĕm sarwi maṇṭuk maṇṭuk, iya daktarima, aku uga trésna asiḥ, aja taṅguŋ malaḥ dakpèk mantu pisan.

26. jurukuñci nolèḥ puṅkur wacana rum, anak wus miyarṣa, paṅandikané ñjĕŋ kyayi, kaŋ tinolèḥ matur wus ṇḍèrèk sakarṣa.

27. tan antara atmajané piṇḍa wiku, para dyaḥ warṇèndaḥ, kaṛĕṅga bhuṣaṇa adi, samya maṛĕg jèjèr awiraga raras.

28. piṇḍa wiku aṅliŋ iki atmajaku, ĕndi kaŋ dadya tyas, pilihĕn salaḥ sawiji, kyayi hardasaṅsara matur manĕmbaḥ.

29. iṅkaŋ cakĕt paduka punika rujuk, ñjĕŋ kyayi ṅandika, apa uwis ora paṅliŋ, iṅgiḥ sampun doña akir tan kalépyan.

30. yèn maṅkono kulup wis muliha gupuḥ, sapraptamu wisma, isihhiŋ ṅomaḥ dèn bĕrṣiḥ, jogan ñjĕmbruŋ kĕṇḍi datan isi toya.

31. lamun uwus baṛĕsiḥ wismanirèki, bañjur abalia, lan ṅgawaa saput pranti, iŋ ḍahupmu kalawan arinta rara.

32. kaŋ sinuŋ ṅliŋ nĕmbaḥ sandika turripun, byar katiṅal wana, dyan mantuk lan jurukuñci, praptèŋ wisma ki juru alon liṅira.

33. béñjiŋ waṅsul mbĕktaa arta salaṅkuŋ, déné yèn tan gaḍaḥ, kula ṅĕjogi rumiyin, amuŋ tĕmbé tamtu ñahur sampun cidra.

34. wus sinaṅgup ki harda gañcaṅan mantuk, sapraptaniŋ wisma, añiṅkirkĕn anak rabi, wus baṛĕsiḥ nulya waṅsul ḍatĕŋ roban.

35. wus pinaṅguḥ jurukuñci taña bagus, napa mbĕkta arta, sah‍èstunipun kiyayi, botĕn mbĕkta ñuwun pituluṅan para.

36. iṅgiḥ anak sampun sumĕlaŋ iŋ kalbu, jrukuñci maréntaḥ, mriŋ rabi myaŋ warganèki, dèn samĕkta bésuk iŋ maḷĕm jumuwaḥ.

37. ḍahupipun anakku kaŋ nĕmbé rawuḥ, mas hardasaṅsara, kalawan putrané kyayi, pasaŋ tarub sajèn sajèn kaya adat.

38. nulya tapuk kadya carané yun mantu, samĕkta sadaya, maḷĕmiŋ jumuwaḥ ari, iŋ paṇḍapa myaŋ wisma patiŋ paḷĕñcar.

39. tĕṅaḥ dalu kĕṇḍuri sĕkul majĕmuk, wusiŋ byar rahina, ki jurukuñci lumaris, sarwi ṅirit kaŋ ayun nampi gañjaran.

40. amamĕliŋ anak maṅké mantukipun, sampun botĕn susaḥ, akampir iŋ wismamami, wontĕn margi tan mawi mampir mampira.

41. myaŋ iŋ tĕmbé biliḥ wus kalakyan ḍahup, dados rayat ndika, punika kaŋ ṅati ati, sampun purun lamun pinintan asmara.

42. kasaṅgiya krama kéwala ṅgiḥ sampun, déné yèn wus cĕlak, sakintĕn antara lalis, laḥ punika sawĕg ndika turutana.

43. biliḥ botĕn makatĕn apan tartamtu, ndika naṇḍaŋ baṅkraḥ, mbotĕn jamak jamak jalmi, yèn tan baṅkraḥ sah‍èstuné lajĕŋ pĕjaḥ.

44. sampun saṅgĕm sapraptaniŋ iŋ wana guŋ, nèŋ ṅaṇḍapiŋ kamal, kumĕlun padupanèki, wus katiṅal nèŋ wisma ṅaḍĕp paṇḍita.

45. datan daṅu atmaja dyaḥ juga mĕtu, ganda balaroṅan, baḍĕg arus kĕciŋ bacin, badan baṅkraḥ dagiŋ mblĕḍag mili nanaḥ.

46. gruyuḥ gruyuḥ laḷĕr kadi tawon kambu, ñjĕŋ kyayi ṅandika, kulup apa ora paṅliŋ, apa iya iku kaŋ kok piliḥ mana.

47. kaŋ tinanya èstu mbotĕn paṅliŋ ulun, ḷĕṛĕs ṅgiḥ punika, kaŋ kula piliḥ rumiyin, laḥ ta rara mèluwa bojomu ika.

48. hèḥ ta kulup wis tampanana bojomu, rahap tinampanan, kaṇṭèn mĕdal sakiŋ panti, byar nèŋ wana rayatipun wus waluya.

49. ganda arum warṇa yu bhuṣaṇa luhuŋ, lajĕŋ lampahira, tan daṅu prapta iŋ panti, ñjujug sĕṇṭoŋ taṅgané tan na uniṅa.

50. saŋ ṛĕtna ṅliŋ manis gapyak lukita rum, guru lakiniṅwaŋ, punapi iṅgiḥ puniki, wisma tuwan iya iki wismaniṅwaŋ.

51. ḍuḥ ki raka sarèhniŋ wus uniŋ ulun, mugi akantuna, kula waṅsul mriŋ asrami, amuŋ sabĕn maḷĕmiŋ ari jumuwaḥ.

52. lan maḷĕmé aṅgarakasiḥ puniku, iŋ sĕṇṭoŋ punika, rinakita kaŋ baṛĕsiḥ, gĕlarana klasa lus sĕkar sĕtaman.

53. dilaḥ murub padupané aywa kantun, ḍuḥ wodiŋ tyasiṅwaŋ, paréntaḥmu daklakoni, risaŋ piṇḍa apsari wus tan katiṅal.

54. maḷĕmipun jumuwaḥ prapta saŋ ayu, ñjujug pasĕnĕdan, ki saṅsara amaṅgihi, saŋ ṛĕtna ṅliŋ ki raka ijĕṅandika.

55. punapi tan darbé rayat miwaḥ sunu, sah‍èstuné gaḍaḥ, naṅiŋ uwis dak buwaṅi, awit ajriḥ manawa kataman duka.

56. saŋ ṛĕtna yu ṅujiwat añiwĕl pupu, kula botĕn watak, prayogi dipuntimbali, mĕsakaké woŋ wis mèlu lara lapa.

57. iya yayi lamun wis ana ḍawuḥmu, ki harda gya méntar, anak rayat dèn boyoṅi, praptèŋ wisma makiḍupuḥ dèn nya marak.

58. muŋ suwara datan katiṅal kaŋ wujud, mbakyu apa iya, sira rayaté ki panti, ḷĕstarèkna ṅgonmu ṅladèni ki raka.

59. muŋ wĕkaṣku poma èstokna satuhu, aywa ṅaṅgo sira, baṅun tulak gaḍuŋ mlaṭi, kaŋ sinuŋ ṅliŋ umatur iṅgiḥ sandika.

60. saŋ ṛĕtna yu anulya pamitan mantuk, pĕṇḍakiŋ jumuwaḥ, prapta kadi kaŋ rumiyin, wacana rum ki raka wisma paduka.

61. tĕka ñjĕmbruŋ datan wontĕn isinipun, yayi kaya paran, ĕṅgonku ṅisèni panti, kaŋ dak paṅan sadinané dĕṅap dĕṅap.

62. aṅujiwat saŋ ayu wacana arum, laḥ béñjiŋ kéwala, maḷĕmipun ṅgarakasiḥ, pojok griya sakawan pinasaṅana.

63. bumbuŋ wuluŋ watĕs ĕros pañjaṅipun, tĕmbé isinira, tinukokna prabot pranti, wusnya mĕliŋ saŋ dyaḥ waṅsul mriŋ asrama.

64. pojok catur wus tinrapan bumbuŋ wuluŋ, ṅgara kasiḥ éñjaŋ, gupuḥ dèn nira mĕṇḍĕti, bumbuŋ catur kĕbak uwaŋ mas salaka.

65. kyayi wisma suka amarwata sunu, iŋ samarganira, ṛĕjĕki lajĕŋ ndalidik, karya wisma kadi daḷĕmiŋ bupatya.

66. rajabrana uwaŋ tan kĕna iṅétuŋ, sabĕn maḷĕm jumuṅaḥ, atanapi ṅgarakasiḥ, saŋ dyaḥ ayu kaŋ suŋ brana dèn nya prapta.

67. datan kĕṇḍat miluta minta pulaŋ hyun, naṅiŋ ki saṅsara, bakuḥ muŋ añaṅgi krami, amituhu jurukuñci wĕliṅira.

68. lami lami bokmanawi sampun ñaṭuk, lawan takdirira, ki wisma tĕka nuruti, asalulut éñjiṅé lajĕŋ palastra.

69. waris amuŋ satuṅgal anaké jalu, lawan biyaṅira, kasugiyannya ḷĕstari, naṅiŋ datan pinuṇḍut kinaṭik garwa.

70. lawan botĕn sasaji kadi rumuhun, namuŋ sabĕn warṣa, aḷĕstantun kintun picis, ḍatĕŋ jurukuñci salawé rupiyaḥ.

71. sampun cuṭĕl ĕṅgèr iŋ cariyosipun, ndawĕg aséwaṅan, myaŋ sami andum basuki, ṅgirisakĕn kasugiyan sakiŋ sétan.

176. girisa

1. apan praptanira wisma, wañci waktu mahrib ika, iŋ sabakdanira ṅisa, nahan bok amat tĕṅara, ṅacarani tamunira, laḥ anak suwawi nĕḍa, pun biyaŋ kaṅĕn kalintaŋ, dé ṅantos lami réréñcaŋ.

2. maṅké sabibariŋ naḍaḥ, biliḥ sami botĕn sayaḥ, kaḷĕṛĕs ĕkoliŋ yayaḥ, ulun sampun olaḥ olaḥ, padatan pra tamu kaṭaḥ, mat tĕṅara lataḥ lataḥ, ṅucap astagpirolaḥ, iṅsun kasupèn sa allaḥ.

2. iŋ poṇḍokan kawontĕnakĕn pèṅĕtan kolipun bapakipun amat tĕṅara. mas cĕbolaŋ kalihan para santrinipun sami tĕrbaṅan, cakĕpanipun mumuji agami islam. para tamu sakalaṅkuŋ kapranan.

3. mèsĕm liŋ ki mas cĕbolaŋ, aḍi iṅgiḥ kasiṅgihan, prayogi sami ḷĕṅgahan, asasambèn taṛĕbaṅan, wawi sami iṅicipan, sawarṇiniŋ sasĕgahan, wusiŋ naḍaḥ ḍaḍaharan, dyan mirantos paliṅgihan.

4. tamunya wus samya prapta, para kĕtip myaŋ ṅulama, modin marbot sarta taṅga, kaŋ samya sarju iŋ nala, liṅgiḥ urut paṅkatira, mat tĕṅara gita gita, mĕrṇahakĕn iṅkaŋ prapta, lumintu sasĕgahira.

5. ki mas cĕbolaŋ tumuntur, amaṅgihi saha matur, wilujĕŋ kalaṅkuŋ sukur, tan pantara santri catur, samya majĕŋ saha matur, taṛĕbaŋ ṅĕñcĕṅi pluntur, wusnya kĕñcĕŋ nulya katur, tamu ṅulama dul gapur.

6. naṅiŋ dul gapur tan arṣa, wis ta paḍa naṛĕbaṅa, aja ana taha taha, bismilaḥ payo kawita, nurwitri iṅkaŋ abawa, pasèḥ swara tan kuciwa, ramé kadi sabĕnira, pra tamu kĕtip ṅulama.

7. éca sami saraséyan, sinambi añañamikan, cĕbolaŋ iṅkaŋ tinĕmbaŋ, anak wontĕn ṅĕl uṅĕlan, sabar aris ati antĕŋ, aṇḍap narima wiraṅan, aṅaṅgé paṅgawé bĕcik, kusut ṅaṅgo paṅaṅgénya.

8. asiḥ paḍaniŋ manuṅsa, ṅapura kaluputannya, duk rikala prajaṅjéyan, aṅulihakĕn titipan, arampékan atabĕri, tutur bĕnĕr ora cidra, paṅgawé kaŋ apah‍édaḥ, iku ṅèlmu lawan sarak.

9. kadiparan surasanya, mas cĕbolaŋ aturira, sakiŋ iŋ pamaṅgihkula, punika yèn coṇḍoŋ karṣa, nahan pra tamu sadaya, samya aniliṅkĕn karṇa, dèn nira ayun miyarṣa, suwara iṅkaŋ winahywa.

10. sabar aris ati antĕŋ, punika bĕtaḥ myaŋ tahan, paramarta aṅakṣama, maḍĕp iŋ allaḥ taṅala, datan èṅĕt iŋ lyanira, dé aṇḍap nrima wiraṅan, lahir narima kasoran, naṅiŋ boya ṅuṭuḥ niṣṭa.

11. batin mbĕg luhur sañata, dé ṅaṅgo paṅgawé bĕcik, ṅlampahi paṅgawé iṅkaŋ, kaaṅgĕp sah‍é mupakat, mĕṅgahiŋ pranatan sarak, kusut ṅaṅgo paṅaṅgénya, punika iṅkaŋ manuṅsa, ajriḥ asiḥ iŋ hyaŋ sukṣma.

12. iŋ lahir trus batinira, amaṅaṅgé ṅgèn aṅgènnya, kaŋ winĕnaṅkĕn tyaŋ islam, saṇḍaŋ tĕḍa kalakuwan, dé asiḥ paḍa manuṅsa, añuwunkĕn paṅapura, iŋ sakèhiŋ dosanira, iŋ tiyaŋ islam sadaya.

13. kaŋ gĕsaŋ tuwin kaŋ pĕjaḥ, iŋ lahir amuriḥ tobat, dé ṅapura kluputannya, puniku ugi bĕtahan, paramarta aṅakṣama, maḍĕp iŋ allaḥ kaŋ sarta, tan èṅĕt mriŋ liyanira, kaŋ miawon iṅakṣama.

14. dé duk kala prajaṅjian, punika jañjian lawan, iŋ gusti allaḥ taṅala, kala jaman ajal ika, iŋ alam arwaḥ sañata, utawi jaman duriyat, dé aṅulihkĕn titipan, titipané allaḥ ika.

15. roḥ rabani roḥ nurani, roḥ rahmani roḥ nabadi, tuwin roḥ badan ilapi, roḥ yyawani roḥ tamiyis, roḥ réwani roḥ kulupi, iṅkaŋ roḥ sasaṅa iki, punika iṅkaŋ mĕṅkoni, sadaya pan roḥ ilapi.

16. tartamtu mantuk mriŋ allaḥ, sampun samantĕn kéwala, maṅkya rampèkan tĕhĕrṇya, aṅrakĕtakĕn iŋ mĕṅsaḥ, tuwin tiyaŋ sudra papa, kaswasiḥ tan na binéda, iṅaṅgĕp kadaŋ sadaya, nir saṅga ruṅginiŋ driya.

17. dé tutur bĕnĕr tan cidra, pitutur aṅgĕriŋ sarak, mirit sakiŋ dalil kur'an, kadis ijĕmak myaŋ kiyas, déné paṅgawé kaŋ ana, pah‍édahé ṅgiḥ punika, tuhu aṅlampahi iṅkaŋ, kawajibakĕn iŋ sarak.

18. myaŋ kaŋ sinunatkĕn iŋ sarak, ñĕgaḥ awisan sadaya, kaŋ baḍé damĕl niaya, iŋ badanipun priyaṅga, tuwin mriŋ tyaŋ sasanèsnya, puṅkasan ṅèlmu myaŋ sarak, kawruḥ sasĕṛĕpan maraŋ, khukum khukum miwaḥ sarak.

19. pranatan myaŋ papréntahan, kaŋ traŋ sakiŋ gusti allaḥ, lumantar iŋ pra ambiya, kaṅjĕŋ nabi kaŋ minulya, laḥ sampun namuŋ punika, gayuhiŋ pamaṅgiḥ kula, ḷĕṛĕs ḷĕpaté sumaṅga, suka kaŋ samya miyarṣa.

20. ḍahup ki anak cĕbolaŋ, kalawan pamaṅgihiṅwaŋ, gosok goḍi botĕn ñimpaŋ, ḍuḥ anak wawi winĕḍar, dalil kadis lan ijĕmak, kiyas kibir ujubriya, sumĕṅaḥ sami rinasa, cĕbolaŋ manis wacana.

21. kanaŋ dalil tĕgĕsira, dalil kur'an ṅgiḥ punika, paṅandikaniŋ hyaŋ sukṣma, kaŋ asal sakiŋ iŋ sabda, anaṅiŋ datanpa swara, miwaḥ datan mawa sastra, tanpa tinĕmbuṅkĕn kaṭaḥ, tan purwa datan wasana.

22. laṅgĕŋ botĕn éwaḥ éwaḥ, iṅkaŋ katĕḍakan maraŋ, paṅgalihé nabi duta, lalantaran lésanira, malah‍ékat jabrahilla, akaṇṭi suwara sastra, tĕmbuŋ wiwitan wĕkasan, kaŋ asuŋ tĕdaḥ sañata.

23. kĕdaḥ khukum wajib mokal, sunat wĕnaŋ mĕkruḥ karam, artiné dalil punika, aṅgĕr aṅgĕr kaŋ atĕdaḥ, iŋ saḷĕṛĕsiŋ khukhumaḥ, utawi sabaraŋ tiṅkaḥ, iṅkaŋ baḍé linampahan, mĕṇḍĕt sakiŋ ḍawuḥ allaḥ.

24. wontĕn lapalipun uga, nahnu akrabuwilèkum, wakinna latup sirana, makna ṅandikaniŋ allaḥ, maraŋ kaṅjĕŋ rasullolaḥ, sun iki paṛĕk lan sira, katimbaŋ lan sadayanya, naṅiŋ sira tan uniṅa.

25. ponaŋ kadis tĕgĕsira, ṅandikaniŋ nabi duta, anaṅiŋ iṅkaŋ na liya, sakiŋ gagĕbĕṅan iṅkaŋ, kakaraṅanipun kur'an, kaŋ dèn ḍawuhkĕn saḍéṅaḥ, sakabatiŋ rasullolaḥ, iṅkaŋ nocoki kalawan.

26. surahosiŋ ḍawuḥ kur'an, pramila kadis minulya, sumĕṛĕpipun yèn ñata, sakiŋ nabi gustikita, kĕdaḥ sakiŋ pra sakabat, kaŋ sinuŋ sabda ñjĕŋ kita, miturut dugi samaṅkya, yèn tan tĕraŋ èstu dosa.

27. artosé pamaṅgihkula, kadis wahu ḍawuhira, ñjĕŋ nabi muhamad duta, dalil kadis arannira, lapalipun lah‍é saka, miṣkihi sah‍é ahun wa, huwas samiṅul basira, déné maknané winarṇa.

28. satuhuné allaḥ boya, ana iŋ upamanira, iya allaḥ kaŋ miyarṣa, niṅali tan kasamaran, nahan kaŋ samya miyarṣa, mas cĕbolaŋ ṅandikanya, maṇṭuk maṇṭuk sukaṛĕna, anak para lajĕṅĕna.

29. maṅkya ijĕmak tĕgĕsnya, mupakatna pra ṅulama, laṅkuṅipun sakiŋ tiga, sami nocogi sadaya, surahosiŋ dalil kur'an, tuwin kadis rasullolaḥ, tumrapiŋ ḍatĕŋ khukumaḥ, utawi saḍéṅaḥ tiṅkaḥ.

30. biliḥ wontĕn tiyaŋ iṅkaŋ, añurahos dalil kur'an, myaŋ kadis maṅka sulaya, lan panimbaṅiŋ ṅulama, punika apan winastan, tiyaŋ kirijiyaḥ nama, jinabakkĕn sakiŋ para, pakĕmpalaniŋ ṅulama.

31. kĕplokiŋ kanaŋ ijĕmak, wus mupakat pra ṅulama, laḥ lapalipun punika, la mawujuda ilollaḥ, maknanipun ora ana, iṅkaŋ wujud amuŋ allaḥ, tan ana paṅéran uga, iṅkaŋ sinĕmbaḥ muŋ allaḥ.

32. kiyas tĕgĕsnya piridan, nulat sakiŋ lalampahan, ḷĕpiyan kaŋ wus kalakyan, sakiŋ para nabi iṅkaŋ, dèrèŋ rinumbak khukhumnya, myaŋ sakiŋ para ṅulama, kaŋ muklis iŋ kina kina, punika wajib dèn aṅgya.

33. dados iṅkaŋ nama kiyas, tuladan khukhum iŋ kina, wontĕn rapalé punika, la ina laha taṅala, la ésa ṅahèni data, maknanipun satuhunya, allaḥ iku ora ana, tinĕmu paniṅalira.

34. warṇiniŋ wujud punika, tĕkaburiŋ tyas kaŋ lagya, gumĕrtĕs dèrèŋ kawahywa, gahib samar tan na samar, iṅgiḥ punika sujanma, iṅkaŋ manahipun gaḍaḥ, pamriḥ supados gaḍaha, paṅucap myaŋ solaḥ tiṅkaḥ.

35. ginumunana iŋ kaṭaḥ, tyaŋ sanès éram iŋ kaṭaḥ, sanadyan malaḥ cinamaḥ, iṅgiḥ wus nama ujubbaḥ, yèku klakuwaniŋ manaḥ, iṅkaŋ muruṅakĕn lampaḥ, rahayu sakawan cacaḥ, ujubriya kibir sumṅaḥ.

36. riya tĕkabur wus gatra, iŋ cipta tĕkbiriŋ nala, dèrèŋ dumunuŋ iŋ swara, namuŋ wus katon iŋ driya, yèku tiyaŋ iṅkaŋ gaḍaḥ, manaḥ pamriḥ iŋ saḍéṅaḥ, pandamĕl sasaminira, katiṅalkĕn iŋ lyan janma.

37. kibir tĕkabur wus mĕdal, kalahir wontĕn iŋ lésan, yèku tyaŋ kaŋ gaḍaḥ manaḥ, tan kuṅkulan iŋ sasama, aṅrahos luhur priyaṅga, kabisané tan na maḍa, sanadyan ora sañata, naṅiŋ mĕkṣa harda ndadra.

38. sumĕṅaḥ tĕkabur iṅkaŋ, amaṅgèn tan owaḥ owaḥ, ambĕg kumĕmbĕŋ sarira, yèku tiyaŋ iṅkaŋ gaḍaḥ, manaḥ pamriḥ iŋ sasolaḥ, bawa kamiṛĕŋ iŋ kaṭaḥ, nir sakèhiŋ paraḥ paraḥ, .

39. nuwun anamuŋ punika, coṇḍoŋ botĕné sumaṅga, ṅgiḥ anak wus tan prabéda, lawan kawruhé pun bapa, amĕwahi sasĕṛĕpan, nĕŋna kaŋ samya rarasan, kaṇḍuri lumadyèŋ ṅarṣa, nira pra tamu sadaya.

40. nahan sawusiŋ samakta, lajĕŋ ki amat tĕṅara, ṅañcarani tamunira, punika kollé pun bapa, kadi padatan sumaṅga, pra tamu bismilaḥ sigra, mahos patékaḥ sadaya, bakdaniŋ doṅa gya nĕḍa.

41. pakantuk rahabiŋ nala, para tamu wus paliman, sarwi ñaṅkiŋ bĕbrĕkatan, paṇḍapa wus binĕrṣihan, déniŋ pra santri sakawan, ki amat masiḥ gunĕman, laḥ ki raka kadiparan, sanèsiŋ kikam lan kitam.

42. tinampèn kawicakṣanan, ḷĕpasiŋ pambudi tama, kitam buṇḍĕlan atinya, é, makatĕn sanèsira, aḥ kakaŋ wawi sumaṅga, sami nĕntrĕmakĕn raga, rèḥ béñjiŋ éñjiŋ yun sowan, ḍatĕŋ iŋ sujanapuran.

43. sadalu sakéca néndra, éñjiṅé iṅkaŋ winarṇa, mas cĕbolaŋ wus bhuṣaṇa, tuwin ki amat tĕṅara, nurwitri wah‍é mèluwa, katĕlu pisan kariya, wus maṅkat sakiŋ iŋ wisma, sĕkar salin ḍaṇḍaŋgula.

3. mas cĕbolaŋ sowan tumĕṅguŋ sujanapura, abdidaḷĕm pujaṅga kraton mantaram, aṅsal sĕsĕṛĕpan mawarṇi warṇi

177. ḍaṇḍaŋgula

1. iŋ sujanapuran sampun prapti, dyan tumĕṅguŋ ḷĕṅgahan nèŋ ḍapa, mas cĕbolaŋ dyan iṅawé, maṛĕg maṅrahup suku, paḍa bĕcik tĕkamu kaki, ana iŋ wismaniṅwaŋ, saka ṅĕndi kulup, cĕbolaŋ matur manĕmbaḥ, nuwun sakiŋ paṅèstudaḷĕm basuki, muhuŋ sakiŋ poṇḍokan.

2. ṅlĕkṣanani atur dukiŋ uni, ulun sagaḥ sowan ñjĕŋ paduka, dyan tumĕṅguŋ lon dĕliṅé, laḥ iku luwiḥ patut, manuṅsa kaŋ nuhoni jañji, basa kapasaṅyogya, dina iki iṅsun, pinuju libur iŋ karya, tan sumiwi dadi jĕnak anĕmoni, maraŋ iŋ jĕnĕṅpara.

3. kaŋ sinuŋ liŋ ndĕku maṅĕñjali, dyan tumĕṅguŋ nulya aḍaḍawaḥ, aṅrarukti sasĕgahé, lan gĕlarana gupuḥ, ḍimpil wétan priṅgitan iki, caṇḍéla wĕṅakĕna, lawaŋ kidul tutup, hèḥ sira amat tĕṅara, wus tiṅgaḷĕn sianak dimèné kèri, ana iŋ wismaniṅwaŋ.

4. kyayi amat manĕmbaḥ wus pamit, dyan tumĕṅguŋ ṅaṇṭi mas cĕbolaŋ, ñuswitri tansèŋ wuriné, prapta iŋ ḍimpil sampun, cacawisan sĕgaḥ miranti, wédaŋ myaŋ ñañamikan, dyan mĕṅguŋ liŋnya rum, kulup aja taha taha, saananiŋ pasuṅgata dirahabi, ṇḍĕku kaŋ sinuŋ sabda.

5. mas cĕbolaŋ kalawan nurwitri, ṛĕsĕpiŋ tyas dé binojakrama, tan mantra mantra yèn nĕmbé, supĕkĕt imbal wuwus, dyan tumĕṅguŋ mariṅkĕn aglis, srat lokapala kawya, dumuginya kundur, risaŋ rama mriŋ ṅayodya, laḥ anakmas kinarya sasambèn liṅgiḥ, jujugĕn kaca saṅa.

6. caritané saŋ prabhu sumali, iŋ ṅaḷĕṅka kala puruwita, mriŋ bagawan wisrawa né, sĕrat tinampan sampun, wus binuka turira aris, nuhun kahuniṅana, èstu jugul puṅguŋ, tĕmbuŋ tuwin sĕkarira, sajĕg ulun sawĕg sapisan puniki, sumĕṛĕp sĕrat kawya.

4. mas cĕbolaŋ katuntun mahos sĕrat lokapala kawi, dipunwĕrdèni déniŋ ki tumĕṅguŋ, ñjujug wĕjaṅanipun ṛĕṣi wisrawa ḍatĕŋ prabhu sumali bab "sastra jéndra yuniṅrat" (sastra cĕṭa) iṅkaŋ dados kĕkĕraniŋ déwa.

7. sagĕd mahos naṅiŋ dlĕmik dlĕmik, dyan tumĕṅguŋ alon aṅandika, laḥ tĕka wacanĕn wah‍é, ywa ṅaṅgo tĕmbaŋ lagu, wus winaca kalaṅkuŋ riṇḍik, aṅèl kĕdaliŋ lésan, dyan tumĕṅguŋ nuntun, miwaḥ añjarwani pisan, ragi lañaḥ ṅgigit surahosiŋ tulis, tĕmaḥ kataman rimaŋ.

8. wĕḍariŋ kaŋ sastra harjéndra di, wus tinaṅkĕp sĕrat kaŋ winaca, makiḍupuḥ trapsilané, iŋ nayana mawĕlu, dyan tumĕṅguŋ mèsĕm iŋ galiḥ, iŋ tyas tan kasamaran, kalèjĕmiŋ sĕmu, winawas wawas jroniŋ tyas, anaratas pantĕs lamun dèn tĕtĕsi, luwĕs lon aṅandika.

9. babo jĕbèŋ ṅagĕsaŋ puniki, mriḥ waspada pandomiŋ kadadyan, kaŋ paṣṭi riŋ paṅèṣṭiné, pañjutaniŋ tyas tuhu, tarlèn kawruḥ jiwa sajati, maṅsa suryaniŋ alam, wikan kaŋ maṅlimput, myaŋ pandak pandukiŋ driya, kasantaniŋ udaya kaŋ anartani, iŋ surasa kĕrtarta.

10. kaŋ kapuṣṭi paṅèṣṭiniŋ kapti, tan lyan mamaŋ katamaniŋ tiṅkaḥ, iŋ tumitaḥ mamriḥ lantèḥ, tinĕtaḥ siaŋ dalu, tinalisik osikiŋ ati, tiniti mriḥ titika, kasidaniŋ dunuŋ, dumunuŋ rèḥ saṅkan paran, aywa samar pamoriŋ kawula gusti, maṅkana duk miyarṣa.

11. mas cĕbolaŋ matur maṅĕñjali, ḍuḥ pukulun sĕmbahan kawula, mugi mĕlasa ta maṅké, mariŋ pun muḍa puṅguŋ, kaŋ tuhu tan satmatèŋ gati, riŋ silastutiniŋ tyas, trapsilaniŋ tuwuḥ, tumuwuḥ tanpa pituwas, tĕmaḥ tiwas iŋ paṅèṣṭi tanpa dadi, sakiŋ kiraŋ wĕjaṅan.

12. iṅkaŋ wijaŋ jèrèṅanirèki, pakartiné iŋ rèḥ jagad raya, tan mantra uniŋ jatiné, marmanta kĕdaḥ matur, minta taña kawruḥ kaŋ jati, jatiné kaŋ winastan, kawruḥ kaŋ linuhuŋ, sastra jéndra hayuniŋ rat, iŋ uni kaŋ piniṅit jawata luwiḥ, myaŋ kaŋ ran sastra cĕṭa.

13. mĕṅgaḥ tĕgĕsipun kadospundi, miwaḥ dunuṅiŋ pikajĕṅira, kaŋ wijaŋ wiji wijiné, dyan mĕṅguŋ maluya rum, ḍuḥ anakmas kalaṅkuŋ ruṅsit, muṅguhiŋ patañanta, sastra jéndra iku, liriŋ sipat kayuwanan, nira saŋ hyaŋ éndra kaŋ mĕṅku liŋ aliŋ, badaliŋ hyaŋ wisésa.

5 a. hyaŋ basuki nĕranakĕn wĕjaṅanipun pĕkṣi rukmawati bab cahyanigĕsaŋ, anasir latu, bhumi, aṅin, toya.

b. bhaṭara basuki (sriyana) bab pralambaṅiŋ akṣara jawi, pasaṅan, saṇḍaṅan tuwin rékan.

hyaŋ éndra bab"ĕnĕŋ ĕniŋ.

14. yèn wus wikan iŋ kajatènèki, sayĕkti yèn tĕtĕp hayuniṅrat, liré raharjèŋ jagadé, déné ta iṅgahipun, sastra cĕṭa dipunwastani, liriŋ kaŋ sastra cĕṭa, kaḷĕpasanipun, kawaṣkiṭaniŋ panuṅgal, nora samar saṅkan paraniŋ dumadi, dumadya mardikèŋ rat.

15. liré pamijèniŋ jagad yĕkti, marma tan kéṅiŋ kéṅis iŋ kaṭaḥ, sinĕṅkĕr iŋ bhaṭara né, kajaba pra déwa ku, kaŋ linilan iŋ jawata di, saŋ hyaŋ sukṣma kawĕkas, myaŋ jalma linuhuŋ, kaŋ katrimèŋ pamĕsunya, pujabrata sinuŋ wahyu dyatmikani, naṅiŋ mawa prabawa.

16. guntur wisésa myaŋ guntur agni, guntur bhumi miwaḥ guntur braja, guntur ranu myaŋ gunturé, awaŋ awaŋ puniku, lamun datan tumama yĕkti, prataṇḍa katarima, déné cihnanipun, iṅkaŋ datan katarima, yĕkti sirṇa tanpa sésa iŋ dumadi, marma ta wis kaduga.

17. mĕḍar ṅèlmi gahibiŋ hyaŋ widdhi, sakiŋ makatĕn iŋ purwanira, jriḥ sikuniŋ hyaŋ murbèŋ rèḥ, naṅiŋ ta puntonipun, rèḥ ta sami ṅudi wawadi, mriḥ sidḍiné kasidan, titisiŋ paṅawruḥ, kasampurṇaniŋ ṅagĕsaŋ, kadipundi muṅkĕriŋ rèḥ tékat yĕkti, mriḥ babariŋ kamulyan.

18. yĕkti wontĕn upamané anti, iŋ paṅrĕman sarta kaŋ tan lana, kumaḷĕkĕṛĕn dadiné, tan nĕtĕs dadinipun, tanpa kardi dèn nya dumadi, tiwas tanpa pituwas, kaṅélan sahumur, luhuŋ aywa dumadia, manuṅsa yèn tan sampurṇa gĕsaṅnèki, lir sato tanpa tékat.

19. babukaniŋ carita iŋ ṅuni, karṣanira saŋ hyag girinata, aṅumpulkĕn iŋ kawruhé, wit sakiŋ mĕntas kawus, kawruḥ jati kaliṇḍiḥ déniŋ, ṛĕṣi kanékaputra, mila tinartamtu, ṅumpulkĕn pra kadaŋ déwa, ṛĕṣi nrada kaliḥ bhaṭara basuki, tiga saŋ hyaŋ sriyana.

20. iya iku kaŋ sinĕbut nami, saŋ hyaŋ pañarikan paparabnya, kalawan putra kaliyé, baṭaréndra dwi wisnu, samya téḍak pucakiŋ wukir, iŋ ardi jamusdipa, dèn nya mĕḍar kawruḥ, sawusiŋ pêpak sadaya, saŋ hyaŋ guru ambukani kawruḥ jati, iŋ ṅaṛĕp wus binabar.

21. purwaniṅkaŋ dumadi rumiyin, iṅkaŋ wrĕḍa pribadi pan cahya, anulya dahana ṛĕké, bantala katrinipun, catur bayu pañca jaladri, puniku pinabĕnan, iŋ kanékasunu, iŋ paṅañcas takṣiḥ ḷĕpat, dé maṅéran maraŋ kahananirèki, sisip tĕmbiré dadya.

22. sumurupé tétéja sayĕkti, sarta mariŋ kĕkuwuŋ waṅkawa, amarga iŋ saduruṅé, isiniŋ rat kadulu, makṣiḥ awaŋ uwuŋ awiṅit, wus ana swara kadya, gĕṇṭa kèlèŋ ṅuṅkuŋ, iku saŋ hyaŋ girinata, sru aṅgilut jablasiŋ surasanèki, bhaṭara nrada sigra.

23. mĕjaṅakĕn iŋ atur dumĕliŋ, manis tutuk tatasiŋ kaŋ sabda, hoŋ hyaŋ hyaŋ ulun yĕktiné, mĕṅgaḥ ta saguṅipun, kawontĕnan kèṣṭi kajatin, kajatosan punika, wontĕn kahanèku, sakṣiné wontĕn manuṅsa, jagad iṅkaŋ manuṅsa èstu tan paṅliŋ, lawan jagadiŋ doña.

24. mila binasakkĕn sadèrèṅiŋ, wontĕn cahya wus ana suwara, apiṇḍa gĕṇṭa kakĕlèŋ, punika wardinipun, liriŋ swara iṅkaŋ kapyarṣi, yèku bawa jatinya, gĕṇṭa jatinipun, kaṇṭa kaṇṭiniŋ kaŋ warṇa, kĕkĕlèŋ pan dudunuṅan jatinèki, añjiṅiŋ kaŋ bicara.

25. dunuṅiŋ bawa nèŋ kaṇṭa siṅgiḥ, kaṇṭa punika sayĕkti samar, samar élok satuhuné, élok gahib liripun, déné gahib punika mawi, sasaṇḍa kadadosan, babasaniŋ catur, nora warṇa datan rupa, amimbuhi sipat wawarṇèn sakalir, tan ĕṅgon ora araḥ.

26. naṅiŋ tansaḥ dèn nira ṅlimputi, saguŋ iṅkaŋ gumĕlar nèŋ doña, ṅandika tanpa lésanné, muhuŋ ñawa puniku, ṅganda tanpa garananèki, muhuŋ purba kéwala, myat tanpa nétrèku, muhuŋ sakiŋ iŋ waṣkiṭa, amiyarṣa tanpa karṇanira kaliḥ, muhuŋ sakiŋ wisésa.

27. myaŋ aṅrahos tanpa rahos nĕṅgiḥ, muhuŋ paṅrahos sajatinira, déné ta kosok waṅsulé, purwaniŋ ana èstu, sakiŋ ora witipun lahir, sakiŋ iŋ kabatosan, witiŋ ramé èstu, sakiŋ iŋ ĕnĕŋ sañata, wit gumĕlar sakiŋ iŋ sonya sayĕkti, naṅiŋ aywa kadriya.

28. tawaŋ tuwaŋ tanpa wasananiŋ, babasané maṅéran kumaṇḍaŋ, wusiŋ atur ulun maṅké, sirik sah‍èstunipun, ananampik tanapi miliḥ, kalamun anampika, iŋ sadayanipun, kaŋ gumĕlar ṅalam doña, punapiṅgiḥ tan ginuluŋ maliḥ maliḥ, kalamun amiliha.

29. punapa tan uniṅa manawi, sakèhiŋ kaŋ kawontĕnan apan, sakiŋ gahib sèjatiné, babo ywa ṅanti kérut, utaminé mandar ṅurubi, myaŋ sampun kawimbuhan, malaḥ asuŋ wimbuḥ, punika kéwala cĕkap, ḍumatĕŋ iŋ dunuŋnya paṅèṣṭi jati, jatiniŋ kahuwusan.

30. sigĕg turé saŋ kanékasiwi, saŋ hyaŋ guru sawusiŋ miyarṣa, saklaṅkuŋ ḷĕga iŋ tyasé, rumahos yèn panuju, dèn nya darbé paṅèṣṭi baṅkit, kadya saŋ hyaŋ aṭama, ṅratoni sawĕguŋ, dé kaŋ nama hyaŋ aṭama, iŋ srat jitabsara pañjĕnĕṅan nabi, ya adam abul awan.

31. saŋ hyaŋ guru nulya ḍawuḥ mariŋ, para kadaŋ déwa miwaḥ putra, bisaa ṅuḍuni iŋ rèḥ, ambawa rasa iku, hyaŋ basuki wacana aris, mĕṅgaḥ atur punika, wus ḷĕṛĕs sadarum, namuŋ iŋ pamaṅgihiṅwaŋ, sawĕg tĕḷĕŋ dunuṅiŋ paṅèṣṭi jati, mriŋ kaŋ murbèŋ gahiba.

32. analisir pantogiŋ kaŋ gahib, namuŋ dunuṅipun kaŋ pinurwa, iŋ surahos wahu dèrèŋ, hyaŋ guru ṅandika rum, palibaya pantarèŋ mami, mara katĕraṅĕna, babar pisanipun, sabda dadiniŋ kasidan, hyaŋ basuki maṅĕñjali turira ris, mĕḍar waṅsit aṅaṇḍar.

33. ḍuḥ pukulun sakiŋ wasitaniŋ, guru ulun pĕkṣi rukmawatya, wukir mahéndra ḍépoké, hyaŋ kaŋ murbèŋ bahigul, lajĕŋ murwèŋ ĕnur rukyati, punika cahya gĕsaŋ, sigra risaŋ ĕnur, amurwèŋ anasir rannya, gĕni bhumi aṅin wé punika dadi, kaananiŋ manuṅsa.

34. latu dadya napsuné kaŋ jalmi, martaṇḍani cahya catur warṇa, abrit cĕmĕŋ jĕné putiḥ, bhumi badan jasmanu, martaṇḍani sakawan warṇi, kulit dagiŋ myaŋ tosan, suṅsum jaṅkĕpipun, aṅin kaananiŋ napas, pan iŋ lésan iŋ grana iŋ nétra kaliḥ, myaŋ pamyarṣaniŋ karṇa.

35. déné toya dados kaananiŋ, ĕroḥ catur isiniŋ wiryawan, iŋ jitabsara tĕmbuṅé, iṅgiḥ asrar puniku, roḥ jasmani ĕroḥ kéwani, ĕroḥ nabadi lawan, roḥ nurani catur, punika biliḥ kawula, sigĕg turé bhaṭara basuki sukci, maṅkya saŋ hyaŋ sriyana.

36. matur alon riŋ hyaŋ odipati, ḍuḥ pukulun saŋ padawinĕnaŋ, manawi iŋ wasitané, iŋ gurunadi ulun, parab ṛĕṣi pramana tuṅgil, sakiŋ paṅrahos amba, laṅkuŋ tlĕsihipun, iṅkaŋ wus kasĕbut ṅarṣa, pasĕmoné saŋ hyaŋ kaŋ amurbèŋ gahib, mĕṅgaḥ pralambaṅira.

37. catur sastra suwara winarṇi, a, i, o, ṛĕ myaŋ antanwyañjana, sastra tridasa saptané, makatĕn wijaṅipun, akṣara a mila puniki, aṅka sakawan lawan, akṣara sa wahu, mĕṅgaḥ iŋ pikajĕṅira, pan wijiniŋ panuṅgal kawan prakawis, bahni bantala bajra.

38. myaŋ baruna wijaṅipun nĕṅgiḥ, agni bhumi aṅin miwaḥ toya, , déné akṣara ba sinuŋ, cĕṛĕg ṅaṇḍap pikajĕṅnèki, bayi déné tan soṇḍa, dados wujudipun, manuṅsa iṅkaŋ sampurṇa, sarwa saṅkĕp tan wontĕn kaŋ kiraŋ luwiḥ, akṣara o wijaŋnya.

39. mila akṣara wa dèn pasaṅi, akṣara da mĕṅgaḥ pikajĕŋnya, muṅĕl wĕdal iŋ tĕgĕsé, pan katiṅal puniku, akṣara ṛĕ wijaṅirèki, mila pa cĕṛĕg ṅaṇḍap, paja kajĕṅipun, antara iŋ tĕgĕsira, sampun jaṅkĕp catur swara tĕgĕsnèki, gantya wijiliŋ dĕnta.

178. mijil

1. myaŋ wyañjana iŋ jarwanirèki, pĕpĕkiŋ ponaŋ woŋ, naṅiŋ dèrèŋ mawa répa liré, mabhuṣaṇa jaṅkĕpiŋ pakarti, lir jabaŋ duk lahir, siŋ garbaniŋ biyuŋ.

2. muhuŋ swara pracihnaniŋ urip, dé wujudiŋ karo, sastra dwidasa lan pasaṅané, yèka kaŋ ran dĕnta wyañjanèki, ha na ca ra ka ki, sapiturutipun.

3. ha na ca ra ka tĕgĕsirèki, won duta kinahot, dunuṅipun winaṅsul swarané, ka ra ca na ha liré puniki, lésan ṅucap iŋ, da ta sa wa lè ku.

4. tĕgĕsé dat kaciḥna swarèki, dunuṅiŋ surahos, waṅsul swara la wa sa ta da né, ṅgiḥ punika prataṇḍa salami, pa ḍa ja nya ki, liré sami uṅgul.

5. pan punika pañcadriya yĕkti, dunuṅiŋ surahos, waṅsul swara nya ya ja ḍa pa né, lirṇya tan pĕgat paṅiḍĕpnèki, ma ga ba ṭa ṅè ki, nĕṅgiḥ tĕgĕsipun.

6. babataṅan sarira puniki, wit dadosiŋ kawroḥ, dunuṅipun winaṅsul swarané, ṅa ṭa ba ga ma tĕgĕsirèki, ṅéṇṭa satataniŋ, ṅantarèŋ hyaŋ aguŋ.

7. sajatiné wontĕn manuṅsèki, srĕṅkaraniŋ rahos, liriŋ srĕṅkara abĕn manisé, rasa rumaṅsa saliriŋ osik, kawula lan gusti, pamor iŋ sawujud.

8. déné pasaṅan pĕcahirèki, ricikan rajaḥ woŋ, muṅgèŋ aṅga makatĕn wijaṅé, ha liḍaḥ mila dipuntĕgĕsi, ṅèstokkĕn sakapti, awit liḍaḥ wahu.

9. anut pakèniŋ karṣa sayĕkti, clupakan nétra ro, pasaṅan na mila iŋ tĕgĕsé, katĕraṅan wit luwakan akṣi, pan karya wĕṅaniŋ, hyaŋ pramana tuhu.

10. pasaṅan ca taṅan tĕgsĕnèki, kañcuhaniŋ batos, awit taṅan dados kañcuhané, osikiŋ tyas nartani pakarti, ra manik winardi, sosotya punika.

11. wit tĕrṣaṇḍanira wontĕn manik, rahsa sarasèŋ don, kaŋ manraṅi iŋ lahir batiné, ka caṅklakan puṇḍak dèn wĕrdèni, kukuḥ déné kardi, pikuwatiŋ bahu.

12. pasaṅan da kalamĕñjiŋ warṇi, apañjaŋ kinahot, wit mañjaṅkĕn iŋ jaṅga wujudé, pasaṅan ta caṅklakaniŋ sikil, winastan cacĕṭik, prĕnaḥ tĕgĕsipun.

13. déné dadya lalantaran yĕkti, kuwatiŋ ṅaluṅgoḥ, anartani tata trapsilané, pan minaṅka lambaraniŋ takrim, antuk suku kaliḥ, dadya ugĕripun.

14. pasaṅan sa jaja antaraniŋ, tĕgĕsipun goloŋ, déné dadya goloṅan yĕktiné, awit jaja dunuṅiŋ piranti, pirantiniŋ urip, parabot kaŋ parlu.

15. pasaṅan wa bahu iṅkaŋ kériŋ, tinĕgĕsan karo, déné dadya kaṇṭi sayĕktiné, bahu kanan lalawananèki, jaṅkĕpiŋ pakarti, bahu ro puniku.

16. pasaṅan la gĕgĕr kanan kériŋ, tĕrusan ñjaba jro, déné nĕrusi jaja ṅajĕṅé, pasaṅan pa lambé ṅaṇḍap nĕṅgiḥ, mila dèn tĕgĕsi, patitis puniku.

17. déné baṅkit mijilkĕn sayĕkti, paṅucap cumĕplos, tan kalèru tampiniŋ osiké, pasaṅan ḍ nĕṅgiḥ dèn tĕgĕsi, dadalan sĕjati, wit ḍaḍa puniku.

18. dados margi prataṇḍaniŋ urip, kakĕtĕg iŋ jĕro, maṅka paliwaraniŋ atmané, pasaṅan ja saṇḍiŋ ṭĕṭĕṅiliŋ, jaja dèn tĕgĕsi, patitis puniku.

19. déné dados paṅajĕṅiŋ ciri, ayu kajĕṅipun péraṅaniŋ kono, akṣara yababahu kananné, tinĕgĕsan cuṭat wit nampèni, kaṛĕntĕgiŋ ati, tumindak sakayun.

20. pasaṅan ña luwakaniŋ ṅakṣi, kaŋ kériŋ kinahot, mila tinĕgĕsan muluŋ liré, déné baṅkit amĕṅani kapti, sasmitaniŋ liriŋ, ṅĕnani panuju.

21. pasaṅan ma jaṅgut dèn tĕgĕsi, bundĕran waŋ karo, akṣara ga jaṅga wiṅkiŋ liré, agĕŋ déné paṅgènanniŋ ṅiṅgil, saṅiṅgil aṅkèki, kĕṛĕtan pok gulu.

22. pasaṅan ba pasu wujudnèki, tĕgĕsira karo, liré kĕmbar nrambahi mukané, pasaṅan ṭa wujudiŋ ṭi aṭi, tinĕgĕsan nĕṅgiḥ, tulisiŋ mukèku.

23. dé mimbuhi asriniŋ suwarṇi, antarèŋ karṇa ro, pasaṅan ṅa nĕṅgiḥ boloṅané, iŋ garana mila dèn tĕgĕsi, paṅiṅsĕp wit sakiŋ, paṅgandasmarèku.

179. asmaradana

1. dé cĕcĕg grana lirṇèki, sami lawan akṣara ṅa, wulu siraḥ iŋ tĕgĕsé, pĕpĕt tĕgĕs mbun ĕmbunan, layar lirira jaja, sami lawan ra puniku, déné cakra tĕgĕsira.

2. midĕr lawan amĕṅkoni, yèku ḍaḍa tĕgĕsira, iṅaran sawarga liré, paṅiraniŋ tyas punika, kawĕṅku jroniŋ ḍaḍa, marma pasaṅan ḍa jumbuḥ, pikajĕṅé lawan cakra.

3. taliṅ tĕgĕsira kupiŋ, taruṅ ṭĕṭĕṅĕliŋ karṇa, suku sikil iŋ tĕgĕsé, kĕṛĕt liré pajaḷĕran, iṅaranan srĕṅkara, abĕn manis tĕgĕsipun, marma iṅaran maṅkana.

4. krana dadi lantaraniŋ, pacampuriŋ rahsa mulya, déné wa gĕmbuŋ tĕgĕsé, pan punika bahu kiwa, péṅkal pan bahu kanan, wigñan caṅkĕm tĕgĕsipun, iŋ dunuṅiŋ pamicara.

5. winastan wisarja nĕṅgiḥ, liré bĕcik klawan ala, sakiŋ tutuk iŋ margané, rinan maliḥ awiyarja, luwiḥ bĕcik tĕgĕsnya, saknya maliḥ tĕgĕsipun, nut sapakon tĕgĕsira.

6. pakoniŋ manaḥ sayĕkti, mulya sah‍é nulya ala, tutuk darma mĕḍaraké, paṅkon paṇḍaku lirira, iṅaran pĕjahan, siŋ akṣara kaŋ pinaṅku, sayĕkti wujud manuṅsa.

7. dé cahya kawan prakara, cĕmĕŋ abrit jĕné pĕṭak, nĕṅgiḥ iŋ pañjiŋ surupé, cahya cĕmĕŋ añjiṅira, sumurup cahya ṛĕta, ṛĕta mañjiŋ surupipun, nĕṅgiḥ mariŋ cahya jĕnar.

8. jĕnar mañjiŋ surupnèki, mariŋ cahya iṅkaŋ pĕṭak, cahya pĕṭak iŋ surupé, mariŋ cahya mañcawarṇa, cahya kaŋ mañcawarṇa, mriŋ cahya mañcoroŋ iku, nĕṅgiḥ pañjiŋ surupira.

9. cahya kaŋ mañcoroŋ mañjiŋ, mriŋ cahya mañcur surupnya, cahya umañcur surupé, mriŋ cahya wĕniŋ punika, cahya wĕniŋ surupnya, mriŋ cahya gumilaŋ iku, cahya gumilaŋ surupnya.

10. maraŋ cahya iṅkaŋ gahib, tĕgĕsé gahib pan samar, kèndĕl sriyana aturé, hyaŋ guru kĕlaṅkuŋ suka, kaṛĕnan iŋ wardaya, déné ta punika kawruḥ, kapralambaŋ sakiŋ sastra.

11. saŋ hyaŋ sriyana sinuŋ siḥ, pinaraban pañarikan, jawata jumuruŋ kabèḥ, maṅayubagya iŋ karṣa, sigĕg sriyana turṇya, tandya saŋ éndra sumambuŋ, matur sarwi ṅaraspada.

12. sakiŋ rahosipun makṣiḥ, kaḍo kaḍo iŋ paṅañcas, nĕṅgiḥ ḍatĕŋ iŋ kajatèn, awit makṣiḥ karonéyan, bokbiliḥ tiḍa tiḍa, pamaṇṭĕṅiŋ tyas kalèntu, korup ḍatĕŋ paṅuripan.

13. manawi pamaṇṭĕŋ kami, namuŋ riniṅkĕs kéwala, ḍatĕŋ ĕnĕŋ lan ĕniṅé, déné dadosé dumadya, rupa warṇa bhuṣaṇa, paṅracutipun pan namuŋ, rasa ambu warṇa rupa.

14. mĕṅgahiŋ paṅañcas kami, sah‍èstu datan nalimpaŋ, muhuŋ mriŋ nuwat gahibé, pukulun paṅrahos amba, wus tan ana tisnaa, nĕtĕs naratas wus putus, wasana ulun sumaṅga.

15. sigĕg saŋ hyaŋ éndrapati, dèn nya mĕḍar paṅawikan, maṅkya hyaŋ wisnu aturé, nuwun mĕṅgaḥ aturira, risaŋ hyaŋ pañarikan, kawruḥ kapralambaŋ ḍahup, lawan sastra samoanya.

6. bhaṭara wisnu bab ḷĕṅgahipun akṣara arab iŋ awakipun manuṅsa, sarta minaṅka pralambaṅiŋ ṅèlmu agami. dumadakan gègèr, jagad hoṛĕg, para jawata sami ḍawaḥ kantu, wuṅu sami kĕsupèn iŋ sadaya iṅkaŋ winĕḍar, kajawi bhaṭara wisnu iṅkaŋ tĕtĕp èṅĕt.

16. iṅkaŋ punika mĕwahi, tĕraṅiŋ kaŋ sasĕṛĕpan, mĕṅgaḥ sakiŋ wasitané, saŋ ṅusmanajid gurwamba, kaananiŋ manuṅsa, punika anuṅgil ḍapur, lan kaŋ ṅlimputi sarira.

17. purwanya namuŋ satuṅgil, kadamĕl kaliḥ ilapat, déné ta binasakaké, kakaliḥ iṅkaŋ ilapat, laṅkuŋ kaŋ amicara, winastan kaliḥ sah‍èstu, winastanana satuṅgal.

18. sayĕktosipun satuṅgil, mĕṅgaḥ sastra tanaḥ ajam, kaŋ tumrap aṅga kaṭahé, jaṅkĕp tigaṅdasa sastra, sakiŋ èṅĕt kawula, hyaŋ pramèṣṭi ṅandika rum, mara kulup wĕḍaṛĕna.

19. saŋ hyaŋ wisnu maṅĕñjali, sarèḥ wĕdaliŋ wacana, alip maripat kalihé, bé boloṅané kaŋ grana, té iŋ utĕg dunuŋnya, sé dagiŋ jim siraḥ luṅguḥ, ké alit karṇa kaŋ kanan.

20. ké agĕṅ karṇa kaŋ kériŋ, dal alit bahu kaŋ kanan, dal agĕṅ bahu kériṅé, ra iga tĕṅĕn kiwa, jé iga iṅkaŋ kiwa, sin alit tĕṅĕn kaŋ susu, sin agĕṅ susu kaŋ kiwa.

21. sad lambuŋ kaŋ tĕṅĕn nĕṅgiḥ, ĕḍot lambuŋ iṅkaŋ kiwa, té kukuluŋ ati ṅgonné, ḍa iŋ jantuŋ dunuṅira, ṅahin pupu kaŋ kanan, ghin pupu kiwa dumunuŋ, pé suku tĕṅĕn ĕṅgonnya.

22. khap iŋ ḍĕṅkul tĕṅĕn nĕṅgiḥ, kap suku kiwa dunuŋnya, lam iŋ wĕtĕŋ min ototé, nun baluŋ wawu gigirṇya, éhé tlapakan kanan, lam alip dumunuṅipun, anèŋ laṭiniŋ manuṅsa.

23. ambyah ḍĕṅkul kiwa nĕṅgiḥ, ya tlapakan iṅkaŋ kiwa, jaṅkĕp sastra tridasané, maṅkya ririṅkĕsanira, badané kaŋ manuṅsa, iŋ sah‍èstunipun sampun, iṅgiḥ aṅucap piyambak.

24. makatĕn panabdanèki, ashadu allaḥ illaha, illa allaḥ dé wijaṅé, as kulit ha dagiṅira, du gĕtiḥ allaḥ urat, ilaha iku babaluŋ, illa suṅsum allaḥ utak.

25. manuṅsa kalamun guliŋ, maṅka matrapkĕn sukunya, kakaliḥ ḍinèmpètaké, dumadi wujud sajuga, dlamakan kaliḥ pisan, tinapakkĕn, sikut kakaliḥ tumumpaŋ.

26. anèŋ iŋ pranajanèki, asta kakaliḥ kinĕmpal, dados sajuga wujudé, iṅadĕgakĕn sadaya, punika sampun tansaḥ, anĕbut iŋ namanipun, tuwin namaniŋ paṅéran.

27. gumaluntuŋ iṅkaŋ jalmi, punika muṅĕl muhamad, déné pratiṅkahé saré, muṅĕl asmaniŋ paṅéran, allaḥ paṅéraniṅrat, kaŋ murbèŋ paṣṭi satuhu, wijaṅé kawikanana.

28. awit iŋ siraḥ dumugi, puṅkasané iṅkaŋ jaṅga, akṣara min awalané, pinĕcaḥ dumadya tiga, kĕḷĕṅiŋ kaliḥ nétra, mañjiŋ mriŋ datiŋ allahu, kaŋ kalahir sadayanya.

29. mĕṅgaḥ kajĕṅipun nĕṅgiḥ, ḍatĕŋ makripat mukadas, muṅĕl la iŋ grĕbanané, maṅkya awit iŋ pranaja, dumugi cĕṭikira, akṣara ahé puniku, lajĕŋ kawijaŋ triwarṇa.

30. wujudiŋ khé mañjiŋ mariŋ, sipat allaḥ kaŋ lahir pan, déné punika kajĕṅé, mariŋ kakékat mukadas, grĕbanipun winawas, anĕṅgiḥ tan liyan namuŋ, iŋ uṅĕlipun illaha.

31. lajĕŋ wit jĕṇṭik dumugi, iŋ ḍĕḍĕṅkul kériŋ kanan, punika min akirané, ugi winijaŋ titiga, wujudiŋ kaŋ akṣara, mañjiŋ mriŋ asma allahu, iṅkaŋ kalahir sañata.

32. kajĕṅipun tan lyan mariŋ, ḍatĕŋ tarékat mukadas, ginĕrba èstu uṅĕlé, muhuŋ mariŋ lapal illa, puṅkasan winurṣita, awit kakaliḥ kaŋ ḍĕṅkul, dumugi driji dlamakan.

33. yèku akṣara dal yĕkti, lajĕŋ kawijaŋ titiga, wujudiŋ kaŋ akṣarané, mañjiŋ mriŋ apĕṅal allaḥ, kaŋ klahir dé kajĕŋnya, mriŋ saréṅat mukadasu, grĕbanipun muṅĕl allaḥ.

34. aturulun sampun titi, kawontĕnaniŋ wasita, muhuŋ amriḥ ywa tumpaŋ so, winujudakĕn iŋ gambar, tinrapkĕn iŋ ron ĕtal, cinirèn katraṅanipun, gambar kaliḥ dyan binabar.

35. mawa cahya anĕlahi, piṇḍa uladiŋ dahana, suṛĕm hyaŋ rawi soroté, binaruŋ swara gurṇita, kilat ṭaṭit liwĕran, hoṛĕg sapta bantalaku, mĕsĕs kanaŋ bayu bajra.

36. lir kinĕbur kaŋ jaladri, pĕṭité hyaŋ antaboga, kumitir hoṛĕg aṅgané, satĕmaḥ iṅkaŋ bantala, goñcaŋ goñjiŋ ruhara, ardi jamusdipa ñjĕpluk, kadi papĕḍut rinaras.

37. saŋ bhaṭara odipati, saŋ ṛĕṣi kanékaputra, miwaḥ saŋ hyaŋ basukiné, hyaŋ éndra hyaŋ pañarikan, wus sadaya tan kuwawa, añĕlaki gambar wahu, lir sinambĕr gĕlap ḷĕpat.

38. sadaya wus ḍawaḥ sakiŋ, paḷĕṅgahan sowaŋ sowaŋ, sumaput lir nir jiwané, muhuŋ saŋ bhaṭara suman, tan owaḥ dèn nya ḷĕṅgaḥ, gambar kaliḥ dyan rinacut, wus sirṇa kaŋ gara gara.

39. nahĕn kaŋ gumuliŋ siti, puṅun puṅun wus waluya, waṅsul mriŋ paḷĕṅgahané, karṣané hyaŋ mahanasa, sadaya kaŋ kawĕḍar, déniŋ hyaŋ bhaṭara wisnu, dilalaḥ samya kalépyan.

40. kadya aṅgané aṅimpi, wuṅu néndra tan kèṅĕtan, ḍumatĕŋ iŋ supĕnané, muhuŋ saŋ hyaŋ girinata, jroniŋ tyas guŋ ginagas, ginilut jumbuhiŋ kawruḥ, tambaḥ iṅkaŋ paṅawikan.

41. maṅkono hyaŋ wisnumurti, grahitèŋ tyas datan samar, ḍumatĕŋ iŋ kaanané, pinuṅgĕl kaŋ paṅandika, amaṅsuli paṅiwa, maṅkana iŋ aturipun, ḍuḥ hyaŋ hyaŋ padawinĕnaŋ.

42. aturṇya kanékasiwi, myaŋ basuki pañarikan, tanapi éndra aturé, iṅkaŋ makatĕn punika, iṅgiḥ ḷĕṛĕs sadaya, naṅiŋ iŋ pamaṅgihulun, paṅgĕlar paṅguluṅira.

43. takṣiḥ tumpaŋ so tan maṭis, manawi iŋ wasitanya, guruulun saŋ kinahot, ṅusmanajid iṅkaŋ usman, asalipun manuṅsa, iṅgiḥ sakiŋ hèb satuhu, tumurun pan dados cahya.

7. miturut ṅusmanajid, gurunipun wisnu, dunuṅiŋ bhumi, dahana, maruta, tirta iŋ badaniŋ manuṅsa awujud jasat, napsu, napas, rokyat.

hyaŋ guru ṅĕmpalakĕn sakaṭahiŋ kawruhipun para déwa, kahimpun dados"sastra jéndra yuniṅrat" iṅkaŋ kajlèntrèhakĕn, anaṅiŋ tĕtĕp dados kĕkĕraniŋ déwa.

44. kasumupan ponaŋ bhumi, dahana maruta tirta, makatĕn mĕṅgaḥ dunuṅé, jasat napsu napas rokyat, iṅkaŋ rumiyin dadya, ponaŋ rohkyat napas napsu, kapat jasat kaṇṭinira.

180. kinaṇṭi

1. sawĕg samantĕn turipun, dèn nya mĕḍar sabda ruṅsit, hyaŋ guru aris ṅandika, èḥ kulup bĕnĕr sirèki, apa tan uṅgul dahana, dé sira uṅgulkĕn bhumi.

2. luwiḥ asor bhumi iku, yĕkti uṅgul iṅkaŋ agni, hyaŋ wisnu matur manĕmbaḥ, sami ḷĕṛĕsipun ugi, manawi baṅsaniŋ ĕjan, linuhurkĕn iṅkaŋ agni.

3. awit asal sakiŋ latu, luluhuripun sakiŋ jin, banujan jin idajila, iŋ srat jitabsara sami, saŋ hyaŋ handyan hyaŋ banujan, di añjiyasmal jibahi.

4. hyaŋ guru maliḥ taña rum, balik sira iku kaki, asalmu saka iŋ apa, wisnu matur maṅĕñjali, ulun manuṅsa kajiman, naṅiŋ luhur iṅkaŋ sakiŋ.

5. manuṅsa sayĕktinipun, kaliyan kajiman mami, èḥ kulup apa ta nora, rumuhun baṅsaniŋ ṅĕjin, ḷĕṛĕs pukulun punika, naṅiŋ tumrapiŋ riŋ mami.

6. miwuḥ sarira pukulun, punika rumiyin janmi, kaŋ awit saŋ hyaŋ ad hama, saŋ hyaŋ siwa iṅkaŋ ugi, nama nabi sis minulya, punika manuṅsa jati.

7. saṛĕŋ iŋ dumuginipun, saŋ hyaŋ nurcahya iŋ ṅarṣi, nĕṅgiḥ nama sayid anwar, lajĕŋ saŋ hyaŋ nur rasèki, saŋ hyaŋ wĕnaŋ saŋ hyaŋ tuṅgal, sirṇa kamanuṅsanèki.

8. jisim rohkani sadarum, tan katon dipuntiṅali, saṛĕŋ dumugi paduka, amĕṅku iŋ allamkaliḥ, sagĕd botĕn katiṅalan, sagĕd katiṅal iŋ jalmi.

9. amargi kaṅjĕŋ pukulun, maṅèṣṭi sagĕd ṅratoni, manuṅsa lir hyaŋ ad hama, hyaŋ guru ṅandika maliḥ, bĕnĕr kaya tékatira, amuŋ kaṅgo mĕnaŋ ĕndi.

10. tékatira kaŋ sah‍èstu, apa manuṅsa apa jin, saŋ hyaŋ wisnu aturira, ulun aṅgé lahir batin, iŋ batin manuṅsa tama, iŋ lahiripun pan ĕjin.

11. wit ulun urutkĕn èstu, asalé jiwa ragèki, kamanuṅsan ulun asal, sakiŋ luluhur pribadi, mila kaṅgé kabatinan, amargi jalu pinaṣṭi.

12. dados lalantaranipun, kaŋ wontĕnkĕn jiwa mawi, mĕṅgaḥ kajiman kawula, sakiŋ iŋ luluhur èstri, kaŋ awit saŋ hyaŋ nurcahya, kamantu déniŋ raja jin.

13. mila punika pukulun, kawula aṅgĕp iŋ lahir, èḥ kulup tĕḷĕṅiŋ tékat, apa ora anĕtĕpi, babasan kabali sura, myaŋ suṅsaŋ bhuwana balik.

14. bhaṭara wisnu turipun, botĕn iŋ sah‍èstunèki, iŋ ṅaṇḍap iŋ ṅiṅgil kéblat, kawĕṅku iŋ tĕṅaḥ awit, wontĕnipun winastanan, iŋ ṅaṇḍap tuwin iŋ ṅiṅgil.

15. yèku añcĕr añcĕripun, wontĕn iŋ manuṅsa jati, saŋ hyaŋ guru duk miyarṣa, asru kaṛĕnaniŋ galiḥ, babo atmajèṅsun suman, sira anuṅgal paṅèṣṭi.

16. kalawan iŋ jĕnĕŋ iṅsun, maṅkya sira sun wêwahi, paparaba narayana, mrataṇḍani kahananiŋ, sira manuṅsa sañata, saŋ hyaŋ wisnu maṅastuti.

17. para jawata sadarum, abipraya nĕmbadani, sasampunira maṅkana, saŋ hyaŋ wisnu nulya kardi, ékal cakra dadya taṇḍa, bundĕriŋ santosèŋ ati.

18. nahan ta bhaṭara guru, sawusira amiyarṣi, aturé pra kadaŋ déwa, lan putra bhaṭara kaliḥ, tyas laṅkuŋ marwata suta, sinuŋ ilhamiŋ hyaŋ widdhi.

19. sadaya sampun kacakup, datan ana iṅkaŋ cicir, ḍawuḥ wijiliŋ kaŋ sabda, kadaŋ déwa sadayèki, myaŋ putranipun bhaṭara, iŋ samaṅkya karṣamami.

20. kumpuliŋ kawruḥ sadarum, iṅsun dadèkkĕn sawiji, minaṅka wawatoniŋ kaŋ, kawruḥ kadéwatan adi, dadiya gĕbĕṅanira, sutèŋ ulun éndrapati.

21. naṅiŋ iṅsun kĕkĕr kukuḥ, sarta iṅsun waranani, lawan hya koṅsi kajambar, saḍéṅahiŋ manuṅsèki, supayané iku haywa, maḍèhkĕn iŋ jawata di.

22. marmané manira asuŋ, pralambaŋ iku yèn baṅkit, iya dadya manrimanya, iṅkaŋ sarta bañjur dadi, iŋ sastra cĕṭa priyaṅga, iŋ saduruṅira dadi.

23. iŋ sastra cĕṭa puniku, apan ta iṅsun aranni, sastra jéndra ayuniṅrat, paṅruwat diyu rasĕkṣi, wanara salaminira, dĕlahan nuṅgal jalma di.

24. iku ta iŋ lahiripun, dadiya ambĕk utami, muṅguḥ ta iŋ kabatinan, dumadiya pañcadaniŋ, saṅkan paraniŋ dumadya, nuṅgal kawula lan gusti.

25. mrataṇḍanana sah‍èstu, kanugrahan iṅkaŋ ḍiṅin, limaŋ ukara kèhira, dumadi ambĕgirèki, muṅguḥ ta iṅkaŋ iṅaran, pañca purwanda paṅrawit.

181. sinom

1. kaŋ ḍiṅin ambĕgiŋ surya, kapiṇḍo ambĕgiŋ bhumi, katri ambĕgiŋ maruta, catur ambĕgiŋ jaladri, pañca ambĕgiŋ laṅit, iŋ sapaṅkat manèḥ iku, aran pañca dumadya, iku kadadyanirèki, apan uga tumaṅkar limaŋ prakara.

2. kaŋ ḍiṅin babariŋ tigan, dwi ḷĕpasiŋ sastra luṅit, tumamaniŋ puṅlu tri nya, catur pĕḍaŋ lumarapiŋ, lima ṛĕmbĕsiŋ wariḥ, iŋ sapaṅkat manèḥ iku, aran pañca pranata, dadi prataṇḍanirèki, apan uga tumaṅkar limaŋ prakara.

3. maṇḍĕg iku kaŋ kapisan, aṅkĕr iṅkaŋ kapiŋ kaliḥ, sumunu kaŋ kapiŋ tiga, sumulap kapiŋ patnèki, mamarap piŋ limèki, dadi tri goloṅanipun, laḥ para kadaŋ déwa, lan putra bhaṭara kaliḥ, kono paḍa surasanĕn traṅiŋ nala.

4. kadiparan kaṛĕpira, lawan kadadéyanèki, nahĕn para kadaŋ déwa, locitanirèŋ paṅgaliḥ, baṅkit mbabarkĕn naṅiŋ, tan sagĕd panaṅkaripun, tuwin kakaliḥ putra, asagĕd mĕcaḥ anaṅiŋ, tan kuwawa maraḍahi kaŋ surasa.

5. sadaya matur sumaṅga, hyaŋ guru ṅandika maliḥ, èḥ kadaṅiṅsun pra déwa, lan putraniṅsun kaliḥ, marmanira sirèki, ywa ṅaku pintĕr kalaṅkuŋ, muṇḍak kabliṅĕr paḍa, kaŋ awit babasaniŋ liŋ, jalma pintĕr paṣṭi kasor déniŋ jalma.

6. kaŋ sugiḥ artikĕl tatas, dé jalma artikĕl awig, kasor déniŋ jalma iṅkaŋ, iṅgil luhur misésani, margi kaŋ marbèŋ paṣṭi, anamtokkĕn jĕnĕṅiṅsun, ginaḍuhan wisésa, lwiḥ kuwasa jĕnĕṅmami, sumurupa dunuṅiŋ andikaniṅwaŋ.

7. muṅguḥ ambĕgiŋ kaŋ surya, amoṅat tĕmbuṅirèki, jarwané amoŋ samowa, awit ta ananiŋ rawi, tansaḥ aṅon sakalir, ṅulatkĕn sakèḥ tumuwuḥ, tumrapé mriŋ pambĕgan, éliŋ déné dunuṅnèki, iŋ pramana dadi nora kasamaran.

8. ambĕgiŋ bhumi winarṇa, sun tĕmbuṅkĕn amot yĕkti, kaṛĕpé amot saḍéṅaḥ, déné kaananiŋ bhumi, bobot sakèḥ dumadi, tumrapiŋ pambĕkan bakuḥ, dunuṅé iŋ jatmika, sarira antĕŋ tyas mintir, iŋ wasana dadi nora bérabéyan.

9. ambĕkiŋ kanaŋ maruta, suntĕmbuṅkĕn kamrat yĕkti, kaṛĕpé kamot sabaraŋ, déné kaananiŋ aṅin, tansaḥ kataḍaḥ déniŋ, samoaniŋ kaŋ tumuwuḥ, tumrapé mriŋ pambĕkan, tĕmĕn déné dunuṅnèki, ariŋ iṅkaŋ napas dadi tan ndaléya.

10. nahan ambĕkiŋ sagara, sun tĕmbuṅkĕn mamrat yĕkti, kaṛĕpé momot tan wĕgaḥ, kaananiŋ kaŋ jaladri, tan nampik datan miliḥ, sasaraḥ tumamèŋ lahut, tumrap pambĕkan sabar, nèŋ ṛĕṛĕmiŋ rasa jati, dadi nora pradulèn sugiḥ wahonan.

11. kanaŋ ambĕkiŋ akasa, sun tĕmbuṅkĕn maṅkyat nĕṅgiḥ, kaṛĕpé pamĕṅku ika, déné kaananiŋ laṅit, datan saḥ aṅahubi, sahisiniŋ ṅrat kawĕṅku, tumrap ambĕg santosa, dumunuŋ sarèhiŋ kapti, dadi nora gimiṛĕn kaṛĕp saḍéṅaḥ.

12. laḥ ta paḍa kawruhana, kumpulé pambĕkan gati, amoŋ amot kamot miwaḥ, momot mĕṅku jaṅkĕpnèki, déné tumrapirèki, pambĕkan lilima iku, éliŋ tĕmĕn mantĕp lan, sabar santosaniŋ ati, dé dunuṅé pambĕkan limaŋ prakara.

13. pramana jatmika iŋ tyas, ariṅiŋ napasirèki, kalawan ṛĕṛĕmiŋ rahsa, sarèḥ iŋ karṣa mumpuni, muṅguḥ dadinirèki, pambĕkan lilima mahu, tan samar tan dahwènan, tan sĕmbrana lawan maliḥ, tan panasan tan gimiṛĕn puṅkasannya.

14. mĕḍar kaŋ pañca dumadya, limaŋ ukara ginupit, aṅin babariŋ antiga, talika iṅsun aranni, tĕtĕp kaṛĕpirèki, tétéla iŋ ananipun, tĕtĕp dadiniŋ gĕsaŋ, kawahana taṇḍanèki, dé taṇḍané iku ana iŋ paṅrasa.

15. piṇḍo ḷĕpasiŋ kaŋ manaḥ, ramatas iṅsun aranni, kaṛĕpé tatas naratas, yèku tĕḍas anĕḍasi, satuhu anĕtĕpi, saṅkan paraniŋ tuuwuḥ, déné ta prataṇḍanya, sonya ruri anartani, ñatanira iŋ pamyarṣaniŋ kaŋ karṇa.

16. kapiŋ tri tumamanira, puṅlu mimis sun aranni, tumĕḷĕŋ kaṛĕpé apan, patitis iku ṅéñcoki, datansaḥ anĕtĕpi, maraŋ dudunuṅanipun, tumanĕm prataṇḍanya, ñatané luṅguhirèki, anèŋ laṭi iya iku pamicara.

17. kapiŋ pat larapiŋ pĕḍaŋ, maratas iṅsun aranni, kaṛĕpé mriŋ kaputusan, pĕgat tanpa kiwir kiwir, babarpisan nĕtĕpi, taṇḍa kasampurṇanipun, ñatané iŋ paṅganda, arum baṅĕr amis bacin, arum sĕḍĕp kañataan saka grana.

18. piŋ lima ṛĕmbĕsiŋ toya, tumuhas iṅsun aranni, kaṛĕpé tumus arabas, iku tĕrus anĕrusi, déné prataṇḍanèki, liṅga bhaṭara satuhu, jumĕnĕŋ bhaṭaranya, muṅguḥ kañataanèki, iŋ paniṅal jaṅkĕp kaŋ pañca dumadya.

19. kumpulé kadadyan lima, tĕtĕp tatas sarta titis, putus tumus saḥ lilima, gĕnahé lilima mariŋ, tétéla tĕḍas tuwin, aṅiñcoki pĕgatipun, kañataaniŋ lima, kawahana sunya ruri, myaŋ tumanĕm sampurṇa liṅga bhaṭara.

20. ñatané iŋ kadadéyan, lilima tan liyan mariŋ, paṅrasa iṅkaŋ sapisan, iŋ karṇa kaŋ kapiŋ kaliḥ, iŋ lésan kapiŋ katri, iŋ grana kaŋ kapiŋ catur, iŋ paniṅal piŋ gaṅsal, kadaŋ déwa putra sami, sru katrĕsan umatur kalajĕṅĕna.

21. odipati mĕḍar sabda, prabawa limaŋ prakawis, nahan laṇḍĕp kaŋ kapisan, iku sun aranni ḷĕṅit, maraŋ siṅit kaṛĕmpit, kaṛĕpira iya iku, mamĕdèni woŋ kaṭaḥ, déné uwus añjumbuhi, kalawan hyaŋ maha sukṣma kaŋ kawĕkas.

22. wus anuṅgal sakaanan, sarira sukṣma pribadi, kapiṇḍoné kawaṣkiṭan, wikan purwaniŋ dumadi, iŋ agal miwaḥ ṛĕmit, sawujud bhaṭara luhuŋ, akaprabawan saka, waṣkiṭanirèŋ paṅgaliḥ, kaya kaya uniŋ saduruŋ winahya.

23. sumunu kaŋ kapiŋ tiga, iku ḷĕñĕp sun aranni, kaṛĕpé wiṅit sañata, antĕŋ ruruḥ añĕnĕnni, dé wus nugraha jati, bhaṭara iṅkaŋ linubuŋ, kaprabhawanan saka, sarwa dyatmika iŋ budi, naṅiŋ nala nĕrusi maraŋ sarira.

24. sumulap iṅkaŋ kapiŋ pat, ḷĕmarap iṅsun aranni, aṅulapi kaṛĕpira, iya iku mbaḷĕṛĕṅi, kaŋ mandĕŋ tan kuwawi, déné ta uwus sah‍èstu, rikaŋ sotya bhaṭara, awit kaprabawan sakiŋ, anarawaŋ sadaya sarwa pramana.

25. mamarap kaŋ kapiŋ lima, ḷĕmahab iṅsun aranni, maladi kaṛĕpé ika, iya iku aṅurubi, déné ta wus linĕwiḥ, sajiwa bhaṭara iku, wus kaprabawan saka, sarwa wibawa wiryadi, uwus ganĕp prabawa limaŋ prakara.

26. kumpulé prabawa lima, juga luṅit kadwi wiṅit, tri wiṅit ṅulabi warṇa, kapiŋ limané maladi, gĕnahé prabawèki, kaŋ sapisan iku alus, mĕdèni kapiṇḍonya, kapiŋ triné añĕnĕnni, pat mblĕṛĕṅi amaladi limanira.

27. prabawa iṅkaŋ prabawa, waṣkiṭa iṅkaŋ rumiyin, paṅrasa piŋ kalihira, dyatmika kaŋ kapiŋ katri, pramana caturṇèki, wibawa piŋ limanipun, atusiŋ paṅandika, nira saŋ hyaŋ odipati, myaŋ pra déwa dyan mukṣa mriŋ pakayagan.

28. maṅkéné kaŋ sastra cĕṭa, muṅguḥ pañca purwandèki, bhumi gĕni aṅin toya, dadi jasaté kaŋ jalmi, laṅit ṅibaratnèki, iŋ alam suwuŋ satuhu, déné wus kañataan, amĕṅkoni iŋ dumadi, dé kaṛĕpé batin mĕṅku kalahiran.

29. déné ta pañca dumadya, pañcadriya dunuṅnèki, paṅrahos iṅkaŋ sapisan, pamyarṣa kaŋ kapiŋ kaliḥ, paṅucap kaŋ kapiŋ tri, paṅganda kaŋ kapiŋ catur, paniṅal kaŋ kapiŋ lima, sadayèku paḍa dadi, trĕsaṇḍaniŋ uripé iṅkaŋ manuṅsa.

30. muṅguḥ kaŋ pañca prabawa, puniku amratandbani, katarimaniŋ manuṅsa, katiṅaliŋ sarira di, waṣkiṭa tĕgĕsnèki, ḷĕṛĕsiŋ pramana èstu, paṅrasa tĕgĕsira, ḷĕpasiŋ karya sayĕkti, pramana pan ḷĕpasiŋ pandulunira.

31. dyatmika iŋ tĕgĕsnira, sĕnĕnniŋ cahya mranani, wibawa tĕgĕsé apan, mĕṅku sakèḥ rahos jati, pinĕtak lima maliḥ, sarira bhaṭara iku, uwus abadan budya, sawujud bhaṭara nĕṅgiḥ, satuhuné uwus nuṅgal warṇa rupa.

32. nugraha bhaṭara ika, uwus ĕnĕŋ sarta ĕniŋ, nétra bhaṭara iku pan, uwus linĕpas iŋ budi, sajiwa bhaṭara di, wus laṅgĕŋ kaananipun, kawula gusti nuṅgal, laḥ anakmas wus baṛĕsiḥ, sastra jéndra uṅgahé mriŋ sastra cĕṭa.

33. mas cĕbolaŋ matur nĕmbaḥ, nuwun kalaṅkuŋ kapuṇḍi, surahosiŋ sastra jéndra, sastra cĕṭa amuṅkasi, tumuplĕg iŋ maknawi, sakiŋ iŋ paṅrahos ulun, kinarya lalantaran, iŋ agĕsaŋ wus ñĕkapi, kantun ñaḍaŋ iŋ kanugrahan kéwala.

34. ulun miṛĕŋ cacriyosan, saŋ aprabhu majapahit, bhrawijaya kaŋ wĕkasan, wontĕn santri aṅaturi, salin saréṅat nabi, anaṅiŋ saŋ nata puguḥ, santri pundi punika, kaŋ muñjuk śri narpati, miwaḥ kadospundi paṅandikèŋ nata.

8 . mas cĕbolaŋ ñuwun prikṣa bab prabhu bhrawijaya iŋ majapahit iṅkaŋ kasuwun déniŋ para putra pulunanipun supados gantos agami buddha dados islam, naṅiŋ botĕn karṣa. iṅkaŋ makatĕn wahu punapa kéṅiŋ kawastanan nĕtĕpi wawaton sastra jéndra ? waṅsulanipun tumĕṅguŋ sujanapura :"walahu'alam, jĕr saŋ prabhu tinakdir kalipahiŋ sukṣma".

35. kaŋ matur ñjĕŋ śri naréndra, namané dyan santri ṅali, ariné nama dyan rahmad, putrané molana brahim, kaŋ ibu sakiŋ nagri, cĕmpa putriné saŋ prabhu, kiyan naréndra cĕmpa, aṅgawa kadaŋ sawiji, nakiŋ sanak nama dyan ṅalim huréraḥ.

36. tri santri wayaḥ śri kiyan, samya maraŋ majapahit, tuwi uwa putri cĕmpa, ratumas andarawati, garwané śri bhupati, cĕkaké basa wus cuṇḍuk, kalaṅkuŋ suka ṛĕna, saŋ prabhu lan pramèswari, sinuṅgata lalaṅĕn srimpi baḍaya.

37. anaṅiŋ santri titiga, tan dadya ṛĕnaniŋ galiḥ, iŋ lalaṅĕn kawiwahan, saŋ aprabhu wus udani, sĕmuniŋ sambaŋ liriŋ, wasana ṅandika arum, èḥ sutèṅsun titiga, paran iṅkaŋ dadya kapti, payo aṅgèr sira tutura prasaja.

38. aturiŋ putra titiga, ḍuḥ ñjĕŋ uwa śri bhupati, biliḥ kĕpaṛĕṅiŋ karṣa, maṅkya ñjĕŋ uwa sarimbit, anuṅgil kaŋ agami, kalawan amba pukulun, mumuri islam mulya, nabĕt tabèk para nabi, sukci anrus kaṛĕnan karana allaḥ.

39. jroniŋ kitab pira pira, pan sampun muṇḍut iŋ tapsir, aguŋ iŋ dalajatira, kamulyaniŋ para nabi, labĕt sakiŋ ṅluluri, agĕmiŋ agama luhuŋ, marma paduka uwa, karṣaa animbaŋ budi, botĕn laṅkuŋ sampun kiraŋ paṅakṣama.

40. wahu ta duk amiyarṣa, naréndra iŋ majapahit, aturiŋ pulunanira, mitĕg kapĕtĕg iŋ galiḥ, mĕpĕt pĕt manaputi, éwuhaya rèhiŋ kayun, lamun ajĕŋ anuta, liṅsĕm jĕnĕṅiŋ narpati, kuraŋ mantĕp kaŋ wus tĕtĕp tinĕtĕpan.

41. dadya kataṅkis wacana, mariŋ pra pulunan katri, kulup bĕnĕr aturira, naṅiŋ rasané tyasmami, mĕṅko iṅsun tan apti, ṅiṅkĕdi agamaniṅsun, iṅkaŋ wus kalampahan, linuru linuri luri, pra luluhur linuhur kaananira.

42. déné kaya agamanta, iṅsun pan ora mañcèni, papañcèné sowaŋ sowaŋ, sawaŋ sawuṅaniŋ luwiḥ, ĕmbuḥ iṅkaŋ patitis, tĕtĕsé dèn nya mriŋ putus, buntasiŋ kañataan, tata panitiniŋ pati, jĕr maṅkono kaŋ kinĕnan kuna kuna.

43. taṇḍa wahananiŋ ana, paḍa kocap jroniŋ tulis, sida sidiniŋ kabudan, dèn nira ndoniŋ kadadin, upama sun anampik, agamané pra luluhur, iŋ mula mulanira, kaŋ wus paḍa dèn raṅgoni, dadi mokal babakal kaliru akal.

44. jujul wuwul katariwal, anuṅsaŋ bhuwana balik, anambuhi iṅkaŋ ana, iṅkaŋ tan ana dèn iñciḥ, éman wus dèn tĕmĕni, laku kaŋ kalakon iki, alaṅa tan kawilaŋ, susulaŋ kaŋ wus dèn liliŋ, alimana hya dadya cugĕtiŋ nala.

45. para pulunan titiga, ḷĕgĕg sakala miyarṣi, paṅgaḥ puṅguḥ iṅkaŋ uwa, naréndra iŋ majapahit, dadya ciptaniŋ galiḥ, pan wus karṣaniŋ hyaŋ aguŋ, béda kabudayanta, bĕgja bĕgjané kaŋ lali, luwiḥ bĕgja kaŋ éliŋ lawan waspada.

46. kèndĕl aturé mriŋ uwa, aṅaṇḍar aṇḍara ajriḥ, kapi dahwèn andĕdawa, kadahut datanpa kardi, rubéda ṅriribĕti, suméṇḍé rèhiŋ hyaŋ aguŋ, naṅiŋ wahu kaŋ uwa, pramèswari dwarawati, sinuŋ islam anut agaminiŋ putra.

47. pan wus mañjiŋ islam mulya, kawĕṅanan iman suci, kaŋ raka śri bhrawijaya, jumuruŋ iṅkaŋ sudyapti, malik mélik agami, yata woŋ aguŋ katĕlu, sah‍é di iṅkaŋ uwa, pramèswari dwarawati, dèn nya kĕsdu anutiŋ agama islam.

48. cĕbolaŋ suka miyarṣa, matur kados śri bhupati, wus aṅagĕm sastra jéndra, waṅsulanipun patitis, mantĕp tĕtĕp nĕtĕpi, agama luluhuripun, dyan mĕṅguŋ aṅandika, walahu alam ta kaki, jĕr śri nata tinakdir kalipaḥ sukṣma.

49. cĕbolaŋ maliḥ aturṇya, rahadyan ṅali punapi, kaŋ nama ṅali murtala, jumĕnĕŋ iman gaṛĕsik, radèn rahmat punapi, susunan ṅampèl puniku, dyan ṅalim abu huréraḥ, sunan majaguŋ kakasiḥ, iya iya kulup wus bĕnĕr sadaya.

9. tumĕṅguŋ sujanapura nĕraṅakĕn bab pétaṅan warṇi warṇi :

1. ñumĕṛĕpi ḍawahiŋ taṅgal sapisan wulan ṅajĕŋ,

2. ṅupadosi aṅkaniŋ tahun, windu, kurup, dalaḥ watakipun,

3. ṅupados nama ḍaḍasar akṣara jawi,

4. pétaŋ jojoḍoan ḍasar dintĕn sarta pĕkĕnan lahiripun tĕmantèn jaḷĕr èstri sarta ḍaḍasar namaniŋ tĕmantèn kakaliḥ miturut akṣara jawi.

50. iŋ wañci surya gumléwaŋ, dyan mĕṅguŋ ṅandikèŋ dasiḥ, èḥ ta bocaḥ panakawan, ḍaharku yèn wus miranti, gawanĕn mréné uwis, dak kĕmbul lan anak bagus, sĕkul ulam lumadya, tinata anèŋ iŋ ḍimpil, dyan tumĕṅguŋ naḍaḥ lawan mas cĕbolaŋ.

51. nutug kaliḥ dèn nya naḍaḥ, linorotkĕn mriŋ nurwitri, cĕbolaŋ nĕmbaḥ pamitan, dyan tumĕṅguŋ aṅlilani, ṅandika arum manis, mĕṅko soré bah‍é kulup, muliha mriŋ poṇḍokan, upamané woŋ ambukti, duruŋ tuwuk salin tĕmbaŋ paṅkur baraŋ.

182. paṅkur

1. cĕbolaŋ kalaṅkuŋ suka, duk winĕṅan dèn nya marṣudèŋ budi, kahiṇḍakaniŋ kaŋ kawruḥ, umatur kadi paran, biliḥ baḍè sumĕṛĕp iŋ ḍawahipun, dintĕn tanapi pĕkĕnan, taṅgalipun wulan ṅarṣi.

2. utawi aṅkaniŋ warṣa, naṅiŋ tahunnipun datan tinulis, punapadéné kaŋ windu, paran iŋ paṅupaya, dyan tumĕṅguŋ alon paṅandikanipun, lamun arṣa milaŋ taṅgal, maṅkéné paṅupayèki.

3. nĕptuniŋ tahun iṅétaŋ, alip siji éhé lilima nĕṅgiḥ, jimawal nĕptu katĕlu, jé pitu ĕdal papat, éhé loro wawu nĕnĕm nĕptunipun, jimakir nĕptu titiga, kinumpulan nĕptu sasi.

4. sura pitu nĕptunira, sapar loro mulut katiga yĕkti, rabiṅulakir limèku, jumadilawal nĕmnya, madilakir siji ṛĕjĕp kaliḥ nĕptu, ruwaḥ papat pasa lima, sawal pitu nĕptunèki.

5. dulkaṅidahé satuṅgal, dé bĕsaré titiga nĕptunèki, nĕptuniŋ wulan myaŋ tahun, ginuṅguŋ dyan iṅétaŋ, manut kurup kaŋ dadi kawitiŋ étuŋ, pama kurup ṅarbaṅiyaḥ, ṛĕbo kawit étaŋ siji.

6. iki ĕjé tahunnira, aṛĕp ṅétaŋ taṅgalé bĕsar ṅarṣi, ĕjé nĕptuné pipitu, bĕsaré nĕptu tiga, nĕptu tahun lan sasi guṅguŋ sapuluḥ, taṅgalé mĕṣṭi jumuwaḥ, déné yèn arṣa ṅulati.

7. pasaranné iṅkaŋ taṅgal, kawruhana nĕptuné tahun sasi, alip lima hé nawèku, jimawalé sakawan, ĕjé tĕlu ĕdal loro bé pipitu, wawu siji nĕptunira, jimakir lima winilis.

8. sura sapar samya lima, mulut rabiṅulakir ñaṅa sami, jumadilawal tatĕlu, jumadilakir tiga, ṛĕjĕb ruwaḥ samya kaliḥ nĕptunipun, pasa sawal añatuṅgal, sĕla bĕsar gaṅsal sami.

9. iki jé nĕptu titiga, sasi bĕsar lilima nĕptunèki, tri lan lima dadi wolu, yèn kurup arbaṅiyaḥ, awit étuŋ siji kaliwon puniku, paṣṭi taṅgal bĕsar ṅarṣa, iŋ dina jumuwaḥ pahiŋ.

10. kalamun kurup kamsiyaḥ, pasaranné iṅétuŋ awit ḷĕgi, maṅkono sahurutipun, déné aṅkaniŋ warṣa, lamun ayun aṅawruhi tahunnipun, iku ḍiṅin ṅawruhana, wiwitané iṅkaŋ warṣi.

11. duk ajisaka ṅajawa, étuŋ siji wawu tahunnirèki, loroné jimakir iku, alipé tahun tiga, éhé papat jimawal kalimanipun, jé nĕnĕm dallé kasapta, bé wolu dyan wawu maniŋ.

12. wowolu cacahiŋ warṣa, pira kèhé aṅkaniŋ punaŋ warṣi, dyan binuwaŋ wolu wolu, kalamun ṅanti tĕlas, pan tartamtu iku ĕbé tahunnipun, kalamun kariya tuṅgal, apan wawu tahunnèki.

13. kari dwi jimakir warṣa, kari tĕlu alip tahunnèki, kari papat éhé tahun, kari lima jimawal, kari nĕnĕm ĕjé punika kaŋ tahun, kari pitu dal kaŋ warṣa, sahiki aṅkaniŋ warṣi.

14. sèwu limaŋ atus lawan, sawidak nĕm kasuda wolu kapiŋ, satus nawa luḥ limèku, paṣṭi nĕnĕm karinya, aṅka nĕnĕm apan ĕjé tahunnipun, apa iya nora salaḥ, nuwun sampun botĕn sisip.

15. mĕṅgaḥ windu kadiparan, laḥ maṅkéné patrapé ṅupayèki, sapira aṅkaniŋ tahun, kaŋ ayun kinawruhan, iṅkaŋ ḍiṅin kasuda loro puniku, wawu jimakir winduña, saṅara iṅkaŋ ndarbèni.

16. anulya maliḥ iṅétaŋ, sakirané aṅkané iṅkaŋ warṣi, wusiŋ kaloŋ loro mahu, bañjuré kaparaa, tĕluṅpuluḥ loro yèn cèplĕs puniku, tartamtu windu saṅara, déné ta kalamun kari.

17. ji ro lu pat tĕkèŋ aṣṭa, windunira sañcaya pan wus paṣṭi, yèn kari saṅa sapuluḥ, tumĕkané nĕmbĕlas, windu adi puniku pan wus tartamtu, kari pitulas tumĕka, patlikur windunirèki.

18. tartamtu windu kuṇṭara, lamun kari salawé tĕkanèki, tĕluṅpuluḥ siji iku, bali windu saṅara, laḥ cocogna tahun sèwu limaṅatus, sawidak nĕm kasudaa, pan roro bah‍é rumiyin.

19. sakariné kaparaa, tĕluṅpuluḥ loro pira kaŋ kari, cĕbolaŋ sawusnya ṅétuŋ, umatur kantunnira, wolulikur ḍawaḥ punapa kaŋ windu, kulup winduné saṅara, iya iŋ tahun puniki.

20. babo kulup cocogĕna, apa bĕnĕr muṅguḥ paṅétuṅmami, mas cĕbolaŋ nĕmbaḥ matur, ḷĕṛĕs ḍawaḥ saṅara, ḍuḥ pukulun mugi pariṅa pituduḥ, kriḍaniŋ akṣara jawa, dyan mĕṅguŋ ṅandika aris.

21. ana kahol kawruhana, nĕptuniŋ kaŋ akṣara kaŋ winilis, ha ya nĕptuné sapuluḥ, na ba loro nĕptunya, da ma ta pan papat iku nĕptunipun, pa ra ka wolu nĕptunya, ca ja tĕlu nĕptunèki.

22. dé ga wa la ṭa nya ḍa ṅa, apan sami nĕnĕm nĕptunirèki, sa rolas nĕptunirèku, yèn arṣa asuŋ nama, maraŋ laré miwaḥ maraŋ woŋ ṅasĕpuḥ, apa ta akṣaranira, kaŋ kaḷĕbu jroniŋ nami.

23. nĕptu kaŋ urip iṅétaŋ, kinumpulkĕn sapira akèhnèki, pambuwaṅé pitu pitu, pama kari sajuga, sagara lit punika laṅkuŋ linuhuŋ, watĕké sagara apan, amot iŋ sakalir kalir.

24. yèn kari loro iṅaran, kidaŋ añcik añcik aruṅga yĕkti, watak aṅkuḥ lawan ḷĕṅus, panastèn tur mélikan, lamun kari tĕlu iku luwiḥ bagus, aran satriya wibawa, pĕnĕt saṇḍaŋ paṅan luwiḥ.

25. lawan ana siṅgihira, rada darbé paṅgayuḥ kaŋ utami, yèn kari papat puniku, aran bhumi kapĕtak, wawataké kaṅèlan sakaliripun, lamun kariné lilima, satriya wiraŋ namèki.

26. punika ala priyaṅga, lamun kari nĕnĕm namanirèki, sumur sapucakiŋ gunuŋ, tiba sĕḍĕŋ watĕknya, lamun tĕlas purṇama siddhi rannipun, pan pĕnĕt paḍa traŋ nala, upama namaniŋ janmi.

27. harjana nĕptu limalas, gya binuwaŋ pitu pitu piŋ kaliḥ, kari siji étuṅipun, sagara lit tibanya, lamun jĕnĕŋ suwarjan étuŋ salikur, pinèt pitu kapiŋ tiga, cèplĕs lan purṇama siddhi.

28. apa wus maṅrĕti sira, mas cĕbolaŋ umatur maṅĕñjali, kula nuwun iṅgiḥ sampun, radyan maliḥ ṅandika, ana maniŋ kriḍaniŋ sastra roṅpuluḥ, kaṅgo ṅétaŋ jatukrama, naṅiŋ nĕptuné ginanti.

29. ha siji na loro ika, ca tĕtĕlu ra papat ka limèki, da nĕnĕm ta pan pipitu, sa wolu wa sasaṅa, la sapuluḥ pa sawĕlas nĕptunipun, ḍa rolas ja né tĕlulas, ya patbĕlas nĕptunèki.

30. nya limalas ma nĕmbĕlas, ga pitulas ba wolulas nĕptunèki, ṭa saṅalas ṅa roṅpuluḥ, wus jaṅkĕp dyan iṅétaŋ, ḍéwé ḍéwé nama lit wadon rumuhun, guṅguṅé katĕmu pira, saṅa saṅa ṅgonné ṅloṅi.

31. bañjur aranné kaŋ lanaŋ, pan katĕmu pira kumpulirèki, uga jinupuka gupuḥ, laḥ iya saṅa saṅa, sakariné aranné wadon lan jalu, iku kulup kaŋ dèn étaŋ, patrap wiraŋroŋ gumanti.

183. wiraŋroŋ

1. lamun kari paḍa siji, awèt ṅgonnira jojoḍon, yèn kari siji lan ro kaŋ jalu, siḥ siniyan bĕcik, tan pĕgat salaminya, tulus dèn nya palakrama.

2. yèn kari siji lan katri, nora awèt kaŋ jojoḍon, kĕṛĕp tutukaran pĕgat laju, yèn kari sawiji, kalawan kari papat, tan awèt gĕlis pĕgatan.

3. kari siji lan limèki, awèt ṅgènnira jojoḍon, kari siji lawan nĕnĕm iku, ora awèt mĕṣṭi, tan lami nuli pĕgatan, harda adrĕŋ tan widada.

4. kari juga lan saptèki, gĕlis pĕgat bañjur satron, yèn kari sawiji karo wolu, santosa utami, yèn duwé anak brĕgas, ambĕg marta budi darma.

5. yèn kari siji kaŋ èstri, jalu kari saṅa pantog, iku kaŋ panuju jarakipun, ṅgawa bĕgja jati, sartané kaŋ dĕrajat, maṅkya gantya karinipun.

6. kaliḥ èstri jalu kaliḥ, kasĕnĕṅan asiḥ yĕktos, sarta olèḥ rahmatiŋ allahu, lamun kari kaliḥ, lan tiga tan prayoga, salaḥ siji glis palastra.

7. kari ro lan papat bĕcik, salawasé nora pĕḍot, kari ro lan lima nora arus, dadi pĕgat paṣṭi, kari ro lan kari sat, atuté puniku lawas.

8. kari ro lan pitu paṣṭi, awèt ṅgonnira jojoḍon, yèn kari ro lawan kari wolu, santosa iŋ krami, kari ro lawan saṅa, awèt tur olèḥ dĕrajat.

9. maṅkya kari tiga lan tri, kĕṛĕp anĕmu pakéwoḥ, lawan kĕṛĕp luṅan watĕkipun, lamun kari katri, lan papat tan prayoga, ora coṇḍoŋ dadi ala.

10. kari tĕlu lan limèki, ora awèt dadi pĕḍot, yèn kari tri lan pat iku atut, katrimèŋ hyaŋ widdhi, purwa wasananira, ora ana kara kara.

11. kari tri lan pitu nĕṅgiḥ, akèḥ bilahi pinaṅgoḥ, jalu kalaḥ lawan wadonipun, kari tri lan aṣṭi, tan bĕcik dadi pĕgat, lamun bisa siṅkirana.

12. kari tri lan saṅa bĕcik, olèḥ rahmatiŋ hyaŋ manon, tutug salaminya atut runtut, tĕntrĕm tan kuwatir, ĕntèk kaŋ kari tiga, tumĕkané kari saṅa.

13. paḍa kari papat bĕcik, lanaŋ kawisésèŋ wadon, tansaḥ siḥ siniyan sru kayuṅyun, kari papat èstri, kaŋ lanaŋ kari lima, ora bĕcik dadi pĕgat.

14. kari papat lan nĕm ugi, ora bĕcik dadi pĕḍot, yèn kari sakawan lawan pitu, siḥ siniyan naṅiŋ, ana satruné juga, saraté kudu prayitna.

15. kari papat lan aṣṭèki, siḥ siniyan tanpa pĕḍot, lamun kari papat lan saṅèku, yĕkti nora bĕcik, akèḥ aṅkaranira, maṅkya ta iṅkaŋ ginantya.

16. paḍa kari limanèki, akèḥ bilahi pinaṅgoḥ, kari lima lawan nĕnĕm iku, uga nora bĕcik, amĕṣṭi dadi pĕgat, prayogané siṅkirana.

17. yèn kari lima lan kari, pitu dadi ajojoḍon, iṅkaŋ wadon manut mariŋ kakuŋ, kari lima nĕṅgiḥ, lan wolu tan prayogi, dadi pĕgatan sañata.

18. yèn kari lima lan kari, saṅa iku ati tabon, tansaḥ siḥ siniyan lawan antuk, nikmat lahir batin, iku kaŋ dèn upaya, tĕlas kaŋ wit kari lima.

19. paḍa kari nĕm winarṇi, bĕcik slawasé tumuwoḥ, kari nĕm lawan kari pitu, punika ḷĕstari, sanak sadulur paḍa, asiḥ mriŋ kaŋ palakrama.

20. kari nĕm lan wolu bĕcik, buṅaḥ sĕnĕŋ kaŋ pinaṅgoḥ, kari nĕm lan saṅa bĕcik namuŋ, kaŋ wadon pinaṣṭi, kĕṛĕp di ṅgo rarasan, tamat kari nĕm ginantya.

21. wadon kari pitu sami, jalu kari pitu awon, ora awèt lawan guŋ kawĕṅku, pinuriḥ manutiŋ, maraŋ iŋ awakira, karṣaniŋ wadon masésa.

22. kari pitu lan aṣṭèki, awèt ṅgonnira jojoḍon, ṅiŋ lanaŋ kapréntaḥ kinèn nurut, mariŋ iṅkaŋ èstri, kari sapta lan saṅa, lawas lawas dadi pĕgat.

23. gantya kari wolu èstri, jalu kari wolu jumboḥ, puniku prayoga dèn nya ḍahup, iŋ salaminèki, tan ana saṅsayanya, yèn bisa dèn ulatana.

24. yèn kari wolu kaŋ èstri, jalu kari saṅa maṅgon, bĕcik awèt dèn nya ḍahup runtut, naṅiŋ mĕnèknèki, akèḥ bilahinira, iṅkaŋ iku kaŋ prayitna.

25. puṅkasané étuŋ biñcil, kari saṅa lanaŋ wadon, èstri kèḍĕp maraŋ kakuṅipun, anaṅiŋ sriŋ asriŋ, tukaran lawas lawas, wus tartamtu dadi pĕgat.

26. tamat jarak laki rabi, upamané iṅkaŋ wadon, aranné kaminĕm pan katĕmu, saṅalas winilis, binuwaŋ saṅa saṅa, dadiné kari sajuga.

27. kaŋ lanaŋ aran surahmin, pan wolulikur pinaṅgoḥ, anulya dèn ĕloŋ saṅa piŋ tlu, uga kari siji, paḍa siji karinya, tiba awèt palakrama.

28. kaki apa wus maṅrĕti, sapituruté maṅkono, mas cĕbolaŋ matur nuwun sampun, sah‍èstu kapuṇḍi, sadaya paṅandika, kaŋ wus ḍumawuḥ mriŋ amba.

29. tarlèn suṅkĕmé kaŋ dasiḥ, iŋ lahir tumĕkèŋ batos, iŋ doña dĕlahan tan kalimput, rumasuk tyas siri, dyan mĕṅguŋ aṅandika, hé kulup alkamdulillaḥ.

30. basané iṅsun mijèni, muji tuwuḥ tumĕkèŋ woḥ, nir sakèhiŋ ama dadi subur, woḥ dadi tan maliḥ, malaḥ kapara muṇḍak, rupa èdi amirasa.

31. ywa kaduk abéla tampi, kulup sun pojar sayĕktos, lamun sira jĕnak nèŋ matarum, rèhniŋ muḍa pĕkik, kèḥ kaŋ dadi rubéda, sambékalané tyas muḍa.

32. mas cĕbolaŋ duk miyarṣi, katuju tyasnya sumĕḍot, nĕmbaḥ ṅrahup suku saha matur, ḍuḥ saŋ pramèṅkawi, sah‍èstu kasiṅgihan, paṅandika kaŋ winahya.

33. datan laṅkuŋ iṅkaŋ dasiḥ, ñuwun paṅèstu kémawon, pinariṅan èṅĕt tyas rahayu, undur ulun sakiŋ, iŋ ṅarṣa ñjĕŋ paduka, lajĕŋ ndumugèkkĕn lampaḥ.

34. sun pariŋ paṅèstu kaki, ywa pĕgat prayitnèŋ batos, èḥ nurwitri sira wĕkasiṅsun, saparan hya kari, lawan bĕndaranèki, nurwitri nĕmbaḥ sandika.

35. mas cĕbolaŋ lan nurwitri, wus mundur lampahira lon, nèŋ marga datansaḥ imbalwuwus, laḥ kakaŋ nurwitri, risaŋ paramabasa, kalamun ta ginuṅguṅa.

10. mas cĕbolaŋ kaprayogèkakĕn nilar praja mantaram jalaran kaṭaḥ rubédanipun, mila ugi lajĕŋ pamit. takṣiḥ wontĕn iŋ griyanipun amat tĕṅara, mas cĕbolaŋ kapaṅgiḥ ki ajar sutikṣna iŋ kĕpurun, kapariṅan katraṅan bab pétaŋ : pati dina, rakam, tuwin bab mahin kartu.

36. baya sawĕṅi tan uwis, nurwitri mèsĕm turṇya lon, iṅgiḥ kasiṅgihan basanipun, aṅaḷĕm manisiŋ, madu gĕṇḍis myaŋ kilaŋ, mĕṅgaḥ ḍawuḥ kaŋ puṅkasan.

37. kadipundi iŋ paṅgaliḥ, kaŋ iku kaŋ dakrahos, paran ṛĕmbugira iṅsun turut, jañji nora muliḥ, maraŋ iŋ sokayasa, nurwitri mucuŋ turira.

184. pocuŋ

1. punapiṅgiḥ iŋ paṅgaliḥ dèrèŋ tutug, prayogi prasaja, kula botĕn nĕdya kari, ṅèstokakĕn ḍawuhipun saŋ kawindra.

2. kĕñcĕṅiŋ tyas kakaŋ aku aṛĕp mbañjur, maraŋ tanaḥ wétan, manut tumindakiŋ sikil, mĕṅko yèn wus tĕka iŋ poṇḍok pamitan.

3. maraŋ simbok maraŋ aḍi yèn wus ḍahup, bañjur bah‍é maṅkat, prayogané laku santri, laṅkuŋ atut jaṅji nuntĕn kalakṣanan.

4. nĕŋna wahu kaŋ éca imbalan wuwus, naban mat tĕṅara, yun mĕṭuk tamunirèki, lagya dandan kasaru ana ḍatĕṅan.

5. abdidaḷĕm ajar asramèŋ kapurun, anama sutikṣna, ndarojog lumĕbèŋ panti, ki tĕṅara gurawalan dèn nya mapag.

6. lon umatur bĕgja kĕmayaṅan èstu, paduka tumĕḍak, ki ajar wacana aris, iya jĕbèŋ ṅgonniṅsun sowan mriŋ praja.

7. tampi ḍawuḥ sésuk iŋ saduruṅipun, purṇamaniŋ surya, karṣané śri narapati, iṅsun kinèn umaṛĕg mañjiŋ jro pura.

8. karṣaniŋ hyaŋ kinèn mampir iŋ wismamu, ywa kuraŋ akṣama, pĕkṣa ulun aṅrĕgĕdi, iŋ wismanta muhuŋ saratri kéwala.

9. bañjuṛĕna ṅgonnira amapag tamu, kotamaniŋ gĕsaŋ, urmat mariŋ iŋ tatami, ṅgonku mampir basané kapasaŋ yogya.

10. mat tĕṅara ṅguguk lajĕŋ mapag tamu, praptèŋ ñjawi ḍaḍaḥ, mas cĕbolaŋ wus kah‍èkṣi, kapaŋ kapaŋ tuṇḍuk lawan mas cĕbolaŋ.

11. aḍuḥ kakaŋ dé kantos sadintĕn muput, baya kacoṇḍoṅan, mas cĕbolaŋ liṅira ris, kula pamit ṅantos rambaḥ kapiŋ tiga.

12. ḍawuhipun kinèn aṅĕntosi surup, kilap ta rahadyan, tĕka kapaṛĕŋ paṅgaliḥ, tanpa waṅsul punapa saatur kula.

13. kakaŋ sokur kapaṛĕŋ radyan tumĕṅguŋ, kula katamuwan, ki ajar sutikṣna sidik, wus tinutur sadaya mriŋ mas cĕbolaŋ.

14. kula laju ki ajar ṅantos nèŋ pintu, tandya wus lumampaḥ, ki ajar mapag nèŋ kori, tuṇḍuk nulya pinarak anèŋ paṇḍapa.

15. mat tĕṅara lan santri catur abikut, nata pasuṅgata, samĕkta lumadyèŋ ṅarṣi, mas cĕbolaŋ ṅañcarani kyayi ajar.

16. laḥ sumaṅga rinahaban sĕgahulun, kyayi ajar taṅgap, wusiŋ naḍaḥ dyan cinarik, kinantunkĕn wédaŋ kalawan ñamikan.

17. sarwi ĕmpuk ĕmpuk rahos manis arum, kyayi ajar taña, kéṇṭol ulun nilakrami, sinambatiŋ wawaṅi miwaḥ pinaṅka.

18. mas cĕbolaŋ matur purwa wusanèku, kyayi ajar lataḥ, kaliṅané woŋ ṅasigit, atmajané risaŋ wus slira bhaṭara.

19. yèn kaṇḍĕga anèŋ iŋ praja matarum, babo kambiŋ wana, naréndra cintakapuri, paṅudaṅé sudarma nir paṅrèhpraja.

20. damar mañcuŋ samantĕn kéwala cukup, nahan mas cĕbolaŋ, ṅlocitèŋ tyas duk miyarṣi, cocog tĕmĕn lan ḍawuhé saŋ kawindra.

21. tĕka jumbuḥ baya iki wus sakuwu, alon aturira, yèn saŋ wiku nayogyani, béñjiŋ éñjiŋ iṅsun nilar ṅèkṣiganda.

22. maṇṭuk maṇṭuk sutikṣna wacana arum, tabiyatiŋ praja, sabaraŋ ṅaṅgo winilis, mriḥ pakantuk iŋ lampaḥ mriḥ tan saṅsaya.

23. étuŋ pati dina puniku pakantuk, kalamun luluṅan, ṅupaya kasil sakalir, patiné kaŋ dina yèku ywa katrajaŋ.

24. watonnipun nĕptuniŋ dina iṅétuŋ, kalawan pasaran, kinumpulkĕn dadi siji, awit wétan winilis étuŋ sajuga.

25. loro ṅidul katĕlu maṅulon laju, maṅalor kapiŋ pat, balik awit wétan maliḥ, ṅĕndi ḍoké iku kaŋ ran pati dina.

26. akad lima isnèné papat kaŋ nĕptu, salasa titiga, ṛĕbo pitu wolu kĕmis, jumwaḥ nĕnĕm saptuné nĕptu sasaṅa.

27. pasaranné kaliwon nĕptuné wolu, ḷĕgi nĕptu lima, pahiŋ saṅa nĕptunèki, pon pipitu wagéné nĕptu sakawan.

28. pati dina nuju nèŋ wétan cinatur, yèn kapaṅgiḥ nawa, myaŋ tĕlulas lawan maliḥ, pan kapaṅgiḥ pitulas iṅétaṅira.

29. akad wagé sĕnèn ḷĕgi nawa jumbuḥ, akad kaliwon lan, sĕnèn pahiŋ kĕmis ḷĕgi, jumṅaḥ pon saptu wagé ĕnĕmbĕlas.

30. kĕmis pahiŋ kapaṅgiḥ pitulas iku, sĕtu kliwon uga, pitulas étaṅannèki, pati dina nèŋ wétan apan sasaṅa.

31. pati dina ana kidul kaŋ tinutur, kalamun kapaṅgya, sadasa kalawan maliḥ, yèn pétaṅé iṅkaŋ paṅgiḥ kawanwĕlas.

32. akat ḷĕgi kalawan slasa ponnipun, junuṅaḥ wagé pan, nĕptunipun apan sami, añadasa punika iŋ pétaṅira.

33. akat pahiŋ lawan ṛĕbo ĕponnipun, jumuṅaḥ kliwonnya, sĕtu ḷĕgi iku sami, ṅawanwĕlas pati dina kidul sapta.

34. pati dina nuju nèŋ kulon ginalur, yèn kapaṅgiḥ sapta, sawĕlas kalawan maliḥ, pan pinaṅgiḥ limalas iŋ pétaṅira.

35. slasa wagé kapaṅgiḥ sapta iṅétuŋ, sĕnèn pon kalawan, slasa kliwon ṛĕbo wagé, jumwaḥ ḷĕgi sami kĕpaṅgiḥ ñawĕlas.

36. ṛĕbo kliwon kĕmis ĕpon malihipun, jumuṅaḥ pahiŋnya, ṅlimalas pétaṅirèki, pati dina nèŋ kulon étaṅé aṣṭa.

37. pati dina ana ĕlor kaŋ winuwus, yèn katĕmu aṣṭa, kalawan rolas lan maliḥ, yèn pinaṅgiḥ nĕmbĕlas iŋ pétaṅira.

38. sĕnèn wagé slasa ḷĕgi paḍa wolu, akad pon kalawan, sĕnèn kliwon slasa pahiŋ, ṛĕbo ḷĕgi kĕmis wagé paḍa ṅrolas.

39. ṛĕbo pahiŋ lan kĕmis kaliwonnipun, miwaḥ saptu ponnya, samya nĕmbĕlas winilis, pati dina nèŋ lor sapuluḥ kaṭaḥnya.

40. pati dina nèŋ tĕṅaḥ sawiji amuŋ, katĕmu wolulas, nuju dina saptu pahiŋ, tamat iṅkaŋ étaṅan patiniŋ dina.

41. lamun makṣiḥ umbèr siṅkirana kulup, étaŋ kaŋ tan arja, muŋ yèn kaslĕpĕg ywa gigrig, tyas kaŋ kandĕl kumandĕl sukṣma kawĕkas.

42. mas cĕbolaŋ matur kapuṇḍi kaĕmbun, dadosa jijimat, timbalané saŋ ayogi, biliḥ wontĕn maliḥ kaŋ kĕdaḥ winékan.

43. kĕpaṛĕṅa mĕḍarkĕn sawontĕnipun, kinarya darṣana, kalawan iŋ tĕmbé wiṅkiŋ, biliḥ wontĕn anak putu kaŋ tatanya.

44. ana maniŋ pétuṅané kañca gunuŋ, iṅaranan rakam, kaaṅgo salaki rabi, myaŋ ṅadĕgkĕn omaḥ sapapaḍanira.

45. sawusipun pakantuk dinané wuku, tinumpaṅan rakam, tumbuk kaŋ wis ran prayogi, lan maṅgonniŋ wulan tumrap iŋ pakaryan.

46. pañjukuké uga saka nĕptunipun, iṅaran pasaran, kinumpulkĕn dadi siji, jurudĕmuŋ nĕnĕm nĕnĕm pambuwaŋnya.

185. jurudĕmuŋ

1. nĕptuniŋ ari pasaran, béda lan kaŋ kasbut ṅayun, jumuwaḥ siji iṅétuŋ, saptu loro akad tiga, sĕnènné sakawan nĕptu, slasa lima ṛĕboné sad, kĕmisé nĕptu pipitu.

2. déné nĕptuné pasaran, kaliwon siji puniku, ḷĕgi loro pahiŋ tĕlu, ĕpon nĕptuné sakawan, wagé lima iṅkaŋ nĕptu, wusiŋ kumpul kajupukan, aranné maṅkya winuwus.

3. kalamun kari añjuga, iṅaranan nuju padu, awon déné watakipun, sabaraŋ kudu sulaya, apadudon tansaḥ ṅĕdur, yèn kaṅgo ṇḍahupkĕn apan, paṅantèn sulayèŋ kayun.

4. kari kaliḥ iṅaranan, dĕmaŋ kaṇḍuruwan iku, muṅguḥ watĕké liripun, kakuraṅan saṇḍaŋ paṅan, kĕṛĕp naṇḍaŋ lara tuhu, lamun kaṅgo palakrama, paṅantèn naṇḍaŋ kadyèku.

5. kari tĕlu iṅaranan, saṅgar wariṅin pakantuk, bĕcik asrĕp watakipun, anĕmu suka raharja, ṛĕjĕkinira sĕmpulur, kaaṅgowa palakrama, uga maṅkono pinaṅguḥ.

6. kari papat iṅaranan, mantri sinaroja bagus, kadugèn sakarṣanipun, winantu suka raharja, sĕnĕŋ tan kuciwèŋ sĕmu, kaṅgo ṇḍahupkĕn paṅantyan, puniku luwiḥ pakantuk.

7. kari lima apan aran, macan kĕtawaŋ liripun, tinĕbihan kinèriṅan muŋ, sriŋ ana kaŋ sĕdya ala, lan asriŋ kélaṅan iku, kaaṅgowa palakrama, uga maṅkono tinĕmu.

8. puṅkasan kari nĕm aran, nuju pati watakipun, mati pĕt ṛĕjĕkinipun, saṇḍaŋ paṅanné ṛĕkasa, lamun ana mantèn ḍahup, nora lawas dadi pĕgat, tur naṇḍaŋ susaḥ mawantu.

9. dina kaŋ pétuṅannira, anuju padu winuwus, ana lima iku kulup, akad pon sĕnèn pahiŋnya, slasa ḷĕgi puniku, ṛĕbo kaliwon kalawan, saptu wagé muŋ puniku.

10. nuju dĕmaŋ kaṇḍuwuran, ri akad wagé puniku, sĕnèn ĕpon kalihipun, salasa pahiŋ titiga, ṛĕbo ḷĕgi kaŋ kacatur, kĕmis kaliwon kalima, jumuwaḥ kliwon nĕmmipun.

11. saṅgar wariṅin maṅgonnya, ri sĕnèn wagé puniku, slasa ĕpon kalihipun, ṛĕbo pahiŋ katiganya, kĕmis ḷĕgi kapiŋ catur, jumuwaḥ ḷĕgi kalima, saptu kliwon kanĕmmipun.

12. nuju mantri sinaroja, akad kaliwon puniku, slasa wagé kalihipun, ṛĕbo ĕpon katiganya, kĕmis pahiŋ kapiŋ catur, jumuwaḥ pahiŋ kalima, sĕptu ḷĕgi nĕnĕmmipun.

13. anuju macan kĕtawaŋ, ri akad ḷĕgi puniku, sĕnèn kliwon kalihipun, ṛĕbo wagé katiganya, kĕmis ĕpon kapiŋ catur, jumuṅaḥ ĕpon limanya, saptu pahiŋ nĕnĕmmipun.

14. nuju pati puṅkasannya, ri akad pahiŋ puniku, sĕnèn ḷĕgi kalihipun, slasa kaliwon katiga, kĕmis wagé caturipun, jumuwaḥ wagé kalimanya, saptu pon puṅkasanipun.

15. tamat pétuṅé kaŋ rakam, sirik yèn mahido kulup, yèn ṅandĕlkĕn dadi luput, aṅgon aṅgon ana sira, wus saméné bah‍é cukup, nahan kaŋ samya miyarṣa, sukèŋ tyas tan ana ṅantuk.

16. ki ajar maliḥ ṅandika, nalika nom nommaniṅsun, kaŋ dadya sĕṅsĕmiŋ kalbu, tan lyan namuŋ ṅabotohan, kĕplèk kècèk posiŋ ḍaḍu, saya lama muṇḍak ndadra, ṅanti wĕgaḥ sudarmèṅsun.

17. baraŋ darbèkiŋ woŋ tuwa, ĕntèk dak ṅgo mahin ḍaḍu, basa wis bliṇḍis katèṅsun, isin maraŋ iŋ sasama, kalawan baṅĕt wĕdiku, maraŋ yayaḥ miwaḥ réna, kalakon luṅa ṅalaṅut.

18. ana sawiji juragan, saka ṅatasaṅin iku, wĕlas trisna mriŋ awakku, tinari kinèn miluwa, muliḥ maraŋ prajanipun, baṅĕt buṅahiŋ tyas iṅwaŋ, bañjur ginawa mriŋ prahu.

19. sajroné nèŋ prahu layar, ki juragan sabĕn dalu, kasukan lan rowaṅipun, para juragan hartawan, sarananiŋ rupa kĕrtu, rèhiṅsun kaṛĕm kasukan, sabĕn nonton muput muput.

20. ana gĕlané tyasiṅwaŋ, bayarané tĕka kantun, sajroné ñĕkĕl muŋ étuŋ, ki juragan aṅgrahita, wasana alon liṅipun, luwiḥ sĕnĕŋ sira baya, maraŋ iŋ kasukan kĕrtu.

21. aturku dahat kaṛĕnan, tuwan gya aṅsuŋ pitutur, saduruṅé sira pĕcus, iṅkaŋ ḍiṅin ṅawruhana, rèhniŋ iki laṅĕnnipun, pra luhur ṅatasmaruta, tabiyat kudu tiniru.

22. iŋ nalikané kasukan, tan kĕna muraŋ rèḥ iku, iŋ kaluhuran sah‍èstu, wit wus kabudi déniŋ kaŋ, para marṣudi budyanuŋ, tinĕmuniŋ iŋ pambudya, nitik saka prantinipun.

23. èdi paṅgonan pinarṇaḥ, tan ana kuciwèŋ sĕmu, sarta kèḥ gumĕlaripun, tan katon wujudiŋ arta, iṅkaŋ minaṅka tohipun, muhuŋ sĕtyané wacana, iṅkaŋ iṅaṅgĕp ginugu.

24. dadiné iki kasukan, tétéla tĕmĕn yèn dudu, bobotohan golèk untuŋ, dudunuŋ ran kalaṅĕnan, para satriya pra luhur, iṅkaŋ ṅaṅgo papantĕsan, sanadyan lalaṅĕn iku.

25. sasuwéné kalaṅĕnan, ṅati ati tan kalimput, kaprabhonira ṅaluhur, jatmikané solahbawa, awit kaŋ maṅkono mahu, makuṭaniŋ kaluhuran, lamun diaṅgo wis tamtu.

26. sumorot prabaniŋ wirya, sarta mawa prabawa guŋ, kawuryan lajĕriŋ puñjul, sasamanirèŋ tumitaḥ, kulup aku basa kruṅu, dak rasa nadyan botohan, naṅiŋ nora tiṅgal ṅèlmu.

27. tatakrama wiryèŋ praja, tuwan mbañjurké pitutur, mulané sasuwénipun, kasukan lamun pinuju, ṅĕdum tan añĕkĕl kĕrtu, datan kĕna tumiṅala, mriŋ kĕrtu cĕkĕlanipun.

28. mĕṅsaḥ sakiwa tĕṅĕnnya, myaŋ babarpisan tan antuk, muruki pamahinnipun, ĕṅgonné tumiṅal ṅantya, ṅawonakĕn jĕjĕgiŋ luṅguḥ, roṅèḥ rècèḥ pamicara, iṅkaŋ maṅkono puniku.

29. winawas kuraŋ jatmika, ñudakkĕn ujwalanipun, wiṅitiŋ ṅawirya suwuŋ, dé muruki iku apan, amuŋ ala kaŋ pinaṅguḥ, sabab lamum kabĕnĕran, ĕṅgonné muruki mahu.

30. nora wuruŋ iku dadya, muriŋ muriŋ muṅsuhipun, yèn tan kabĕnĕran èstu, jalma iṅkaŋ winurukan, panutuhé wantu wantu, malaḥ asriŋ iṅaranan, aṅloropakĕn mriŋ muṅsuḥ.

31. yèn ṅgonné muruki apan, awit paron ĕtohipun, tĕmbuŋ barandonan rukun, iku saya ora kĕna, saru luput niṣṭa muput, sabab dudu paṅgahotan, kaŋ muhuŋ ṅupaya untuŋ.

32. iki lalaṅĕn kawiryan, papantĕsaniŋ ṅaluhur, uwoŋ kaŋ maṅkono mahu, èstu kĕna iṅaranan, ṅrĕgĕdi lalaṅĕnipun, woŋ aguŋ ṅawiryèŋ praja, lan manèḥ kajaba iku.

33. maṅka sajroniŋ kasukan, solahbawa kuraŋ patut, muraŋ tatakramanipun, myaŋ ṅĕcakkĕn tyas durṣila, iku aprasasat uwus, rucat kasatriyanira, tan pantĕs kumpul ṅaluhur.

34. gumĕlariŋ solahbawa, iṅkaŋ uwus kasĕbut ṅayun, para amarṣudi kawruḥ, bañjur aṅgubaḥ wasita, patrapiŋ lalaṅĕn kartu, kinarya kakaliḥ warṇa, nuṅgil misaḥ rasanipun.

35. kaŋ sapisan winasitan, nĕnĕm ukara puniku, tarampil iṅkaŋ rumuhun, taṛĕtip tata tumulya, tajĕm tuméja nĕmmipun, sawijiné kapralambaŋ, sastra paṇḍawa wandèku.

36. kalima sastra suwara, akṣara o kaŋ rumuhun, akṣara i kalihipun, akṣara u kapiŋ tiga, akṣara a kapiŋ catur, akṣara é kalimanya, wasita jinarwan gambuḥ.

186. gambuḥ

1. tarampil tĕgĕsipun, aparigĕl paṅasutiŋ kĕrtu, tumindaké nora cĕpĕt ṅati ati, iṅkaŋ katon alus turut, datan gumluwèḥ garoboḥ.

2. taṛĕtip tĕgĕsipun, aparimpĕn myaŋ ṛĕmit satuhu, kayata yèn aṅasut myaŋ ṅĕdumnèki, miwaḥ pañĕkĕliŋ kĕrtu, tulisiŋ jro gyan tan anon.

3. yèn cĕkĕlanirèku, ṅanti katon kiwa tĕṅĕnipun, kĕna yĕkti paṅgrayaŋ kiraŋ prayogi, dinakwa lamun sakuṭu, kaḷĕbu ati dur awon.

4. yèn ṅanti katon muṅsuḥ, nir pikantuk tumrap badannipun, iŋ pañĕkĕl haywa pĕgat ṅati ati, lawan tan miturut wuruk, nora arus tĕmaḥ awon.

5. tata maṅké winuwus, apan bĕcik lir dĕkṣura anduk, ṅĕluṅaké añjupuk miwaḥ nampani, mĕṣṭi taṅan tĕṅĕn iku, kaŋ katon taklim tinonton.

6. tumuli tĕgĕsipun, rikat cĕkat kayata yèn ṅasut, ṅĕdum mbuwaŋ atanapi anampèni, ywa ṅanti dèn atag muṅsuḥ, wit katon tanpa rimahos.

7. tajĕm maṅké cinatur, jarwanira tajĕm jĕjĕg bakuḥ, solahbawa pratiṅkaḥ myaŋ ulat liriŋ, tatag tĕtĕg nora éguḥ, sajroné kasukan kono.

8. tuméja tĕgĕsipun, paḍaŋ gaṇṭĕŋ iŋ jro ñjaba tĕrus, lamun lagi kalaḥ ywa katiṅal ṅucir, tuwin siṅkĕl iṅkaŋ kalbu, runtikiŋ tyas kaparojol.

9. iku awon dinulu, warṇanira mĕṣṭi bĕsĕm bĕsum, déné lamun mĕnaŋ ywa ṅanti kah‍èkṣi, gambira giraŋ gumuyu, gawé paṅrasa kaŋ awon.

10. gantya iṅkaŋ winuwus, pralambaṅé sastra lima iku, iṅkaŋ diṅin akṣara o kaṛĕpnèki, muni olaḥ tĕgĕsipun, sajroniŋ kasukan katon.

11. apan wus tinartamtu, iŋ bĕciké solaḥ tiṅkahipun, obaḥ osik trapsilané badannèki, ywa ṅandika katon tanpa tut, gĕḍéné sinaru iŋ woŋ.

12. i yèku kaṛĕpipun, muni ilat tĕgĕsé kaŋ catur, iŋ sajroniŋ kasukan apan pinaṣṭi, bawa paṅucapé turut, tan akarya ṛĕṅuniŋ woŋ.

13. u yèku kaṛĕpipun, muni ulat kaṛĕpé puniku, iŋ sajroniŋ kasukan kawuryan wĕniŋ, dumilaḥ pasĕmonipun, iŋ nétra mañcur mañcoroŋ.

14. a yèku kaṛĕpipun, muni ati apan tĕgĕsipun, iŋ sajroniŋ kasukan iku pinaṣṭi, budi mbĕg raharjèŋ kalbu, sumiṅkir kaŋ aran awon.

15. é, maṅkya kaṛĕpipun, èṅĕt étuŋ déné tĕgĕsipun, jro kasukan èṅĕta sakalir kalir, kabèḥ kaŋ winahya wahu, sarta étuŋ nora kéron.

16. wasita sadayèku, kaŋ wus kasĕbut iŋ ṅaṛĕp wahu, iŋ pambudi bisané kalakon kaki, guna satata satuhu, gambuḥ jañjiné kalakon.

17. kaṛĕpé iku kulup, iŋ sabisa bisa kudu kudu, kulinakna solahbawa kaŋ prayogi, lamun wus kulina patuḥ, manawa wus bisa matoḥ.

18. mupaṅati satuhu, mriŋ sarira sapiturutipun, yèn kacakup taṇḍa tabiyat miwiti, kluhuran sakadaripun, wiwiniḥ kawiyak kahot.

19. sanadyan tĕḍakipun, wiryèŋ praja lamun tan kadyèku, aguŋ rakĕt pakarti dur ḍuṣṭĕŋ budi, yĕkti nut tabiyatipun, woŋ kompra bajiṅan kopyok.

20. upama ron kĕtriluŋ, nora jĕnak nèŋ sasananipun, dilalahé kudu rontog apariṭil, siṅsal sakiŋ kawiryan nuŋ, ṅalaraḥ saĕṅgon ĕṅgon.

21. tan tuwuḥ wijilipun, iŋ utama ṛĕmbĕsiŋ kaŋ madu, yèn tan ṅéné bĕcik aja aṅlakoni, kasukan sukaniŋ kalbu, tuwas cinirènan awon.

22. titi tĕtĕsiŋ tutur, dyan winulaŋ lakuniŋ kaŋ kĕrtu, wusiŋ baṅkit pra hartawan ṅatasaṅin, aṅarṣakkĕn raganiṅsun, ṅganĕpi kasukan kĕrtos.

23. paḍa siḥ trĕṣṇa tuhu, ana iṅkaŋ kabrojol calaṭu, tamtu dudu sabaraṅan woŋ puniki, katara iŋ tindak tanduk, traḥ daniswara karaton.

24. piwulaŋ saya lulut, palaliŋ hyaŋ baṅĕt ṅgonku ṅgilut, woŋ saprahu kabèḥ paḍa ṅaji aji, wusananiŋ iṅsun sinuŋ, èṅĕt déniŋ saŋ hyaŋ manon.

25. anèŋ ciṛĕbon labuḥ, aku matur maraŋ iŋ tuwanku, ñuwun kari ana iŋ ciṛĕbon nagri, naṅkoda tan walaṅkalbu, malaḥ asuŋ maraŋ iṅwaŋ.

26. arta myaŋ baraŋ aguŋ, rèhniŋ ulun dagaŋ nora maju, arta baraŋ nora lawas bañjur ĕntiŋ, grahitaniŋ tyas tan lyan muŋ, mahas ṅasĕpi luṅa ndon.

27. cĕkaké nèŋ kapurun, sinaruwé kaṅjĕŋ sultan aguŋ, tĕkan maṅké tulus sihirèŋ narpati, woŋ apatrap luwiḥ atut, kaṅgo iŋ sak ĕṅgon ĕṅgon.

28. iki wus liṅsir dalu, ulun arṣa cumawis maḷĕbu, anak putu paḍa kariya basuki, kaŋ liniṅan samya ṅujuŋ, ajar sutikṣna wus miyos.

29. sigĕg sutikṣna wiku, mas cĕbolaŋ alon wuwusipun, aḍi amat kula kalaṅkuŋ képéṅin, sowan mariŋ iŋ kaparun, bĕkti mriŋ saŋ ajar kahot.

30. kakaŋ kula tumuntur, iṅgiḥ yayi kalaṅkuŋ pakantuk, béñjiŋ éñjiŋ kéwala pinikir maliḥ, réhniŋ sampun wañci dalu, loṭuŋ wawi sami aso.

11. mas cĕbolaŋ dalaḥ para santrinipun tuwin amat tĕṅara lumampaḥ maṅétan dumugi iŋ ḍusun kĕpurun, sipĕŋ iŋ daḷĕmipun ajar sutikṣna, kapariṅan katraṅan warṇi warṇi.

31. mas cĕbolaŋ puniku, acarita iŋ salaminipun, nèŋ mataram dadya ojatiŋ pawèstri, sudagar pan bakul bakul, raṇḍa wulañjar ṅaroyok.

32. tanapi prawan sĕpuḥ, kuraŋ ṭiṭik karya bubrahipun, woŋ jojoḍon kawit ala iṅkaŋ élik, nèŋ poṇḍok saloŋ ḍa matur, ḍuḥ aṅgèr bandaraniṅoŋ.

33. paran wasanèŋ dunuŋ, yèn awèta anèŋ iŋ matarum, rèhniŋ muḍa datan wuruŋ korup mariŋ, laṅĕn laṅĕniŋ raras rum, samaṅké saṅsaya ndados.

34. pra bakul iṅkaŋ muñjuŋ, biliḥ ṅantos kalajĕŋ sah‍èstu, datan wandé halatiŋ praja ṇḍatĕṅi, mas cĕbolaŋ duk aṅruṅu, tyasira kadya rinontog.

35. kakaŋ bĕnĕr tuturmu, ora énak iki nèk kabañjur, insya allaḥ sésuk aku bañjur pamit, sĕṅadi muŋ myaŋ kĕpurun, sabañjuré aṅĕloyoŋ.

36. wus matĕŋ ṛĕmbagipun, kunĕŋ éñjiṅira kaŋ winuwus, mas cĕbolaŋ kalawan sakawan santri, amat tĕṅara tan kantun, sama maṛĕg iṅkaŋ ĕmbok.

37. pamit sadayanipun, dèn nya ayun maraŋ iŋ kĕpurun, ñahi raṇḍa amat jumuruŋ iŋ kapti, aja lawas lawas kulup, bésuk apa ṅgonmu boḍol.

38. pun kakaŋ ṛĕmbagipun, béñjiŋ éñjiŋ iṅgiḥ wañci baṅun, karuhané ṭolé ṅgoniṅsun mrantèni, sarapan kalawan saṅu, rèhniŋ mlaku rada adoḥ.

39. wañci ṅajĕṅkĕn subuḥ, pajar gidib samĕkta sadarum, wusiŋ naḍaḥ mañjiŋ subuḥ gya ṅabĕkti, bakdaniŋ sĕmbahyaŋ subuḥ, nulya sami maṅkat alon.

40. iŋ marga tan minuwus, sampun ḷĕpas wahu lampahipun, wañci coraḥ sukuniŋ ardi mĕrapi, prapta asramèŋ kĕpurun, tandya nduduk maraŋ ḍépok.

187. mĕgatruḥ

1. aścaryambĕg mas cĕbolaŋ duk andulu, iŋ ḍépoké saŋ maharṣi, kamantyan laṅĕniŋ puṇṭuk, sampat kawuryan sarwa śri, wimbuḥ wiṅité katoṅton.

2. taru taru ṅrĕmbaka ijo ṅrĕmbuyuŋ, marataḥ wohé andadi, puyuḥ dĕnta mubĕŋ kĕmput, pañjaŋ mèḥ kalantraḥ siti, sinĕliŋ lan jambé rambon.

3. mayaŋ muḍar ganda ṅambar mamrik arum, caṇḍi gupita rinakit, kinubĕŋ sĕkaran kĕmput, argulo mawarṇi warṇahi, sĕkar mĕkar patiŋ prĕlok.

4. sĕlaniŋ kaŋ caṇḍi gupita binatur, balumbaŋ toyanya wĕniŋ, rimirim gaṅgĕŋ pinatut, iṅiṅonan tambra abrit, mawèḥ sĕṅsĕmiŋ kaŋ anon.

5. sakiŋ ḍépok udyana sĕkar sumawur, sampĕt sawarṇiniŋ sari, kanan ḍépok tĕgal talun, pagagané anèŋ kériŋ, maṅku pĕkĕn apan ayom.

6. lèpèn wĕniŋ sakiŋ puñcakiŋ kaŋ gunuŋ, añjog wiṅkiŋ sinuŋ tĕliḥ, pinaṛĕñca parannipun, tĕpuŋ ṅubĕṅi capuri, nahan ki ajar kacriyos.

7. amaréntaḥ maraŋ éṇḍaŋ sontraṅipun, kinèn saḍiya sasaji, suṅgatanira kaŋ ayun, pinarak maraŋ iŋ wukir, cĕbolaŋ ki amat katon.

8. kyayi ajar mapag nèŋ jawiniŋ pintu, jaya jaya asasanti, kérit pinarak iŋ salu, sinambrama tĕmbuŋ manis, ḍuḥ babo atmajaniṅoŋ.

9. sakabèhé paḍa rahayu iŋ laku, bĕgja kĕmayaṅan yĕkti, samĕṇḍaŋ nora ṅrĕmpĕlu, lamun sira woŋ asigit, sotaḥ maraŋ ḍépokiṅoŋ.

10. sĕpi samun tan ana lalaṅĕnipun, taṅèḥ nĕmu sukèŋ ṅati, muŋ cuwa lapa pinaṅguḥ, lèn janma kaburu asiḥ, katrĕṣṇan trus lahir batos.

11. kaŋ maṅkono yĕkti nora klĕbu catur, sĕpĕn maraŋ supriḥ mamriḥ, malulu sarjuniŋ kalbu, nora ana kĕḍaḥ kĕḍiḥ, kaŋ sinuŋ liŋ matur alon.

12. muṇḍi sakiŋ paṅèstunipun pukulun, wit paṅkat praptaniŋ wukir, sadaya samya rahayu, saglugut tan walaṅati, tĕrus anrus iŋ wirahos.

13. kyayi ajar sukèŋ tyas amaṇṭuk maṇṭuk, baṅĕt panrimaku kaki, tujuné ulun wus mantuk, basané kapasaṅyogi, ana wisma olèḥ ḍayoḥ.

14. sapa kuwé laḥ ladèkna suṅgatamu, éṇḍaŋ sontraŋ aṅladèni, saboboté rara gunuŋ, tĕka parigĕl tarampil, makṣiḥ kĕña ayu anom.

15. wus warata wédaŋ kaléyaŋ kĕmaḍuḥ, gula arèn bĕrṣiḥ kuniŋ, pala kasampar gumantuŋ, pala kapĕṇḍĕm mĕpĕki, ki ajar wacana alon.

16. wis muŋ iki maṅunahé kaki gunuŋ, wawi anak dirahabi, sadaya ṇḍĕku wus ṅinum, èḥ rara lariḥna aglis, apa saanané kono.

17. sadaya kaŋ linarihkĕn nora waṅsul, katarik ṛĕsĕpiŋ ṅati, naṅiŋ sĕmu rada rikuḥ, ki ajar mèsĕm niṅali, wasana liṅira alon.

18. wĕktu iki saanané bocaḥ jalu, paḍa mulasara tĕgil, aḍaḍaṅir amamatun, siji ṭil tan ana panti, amuŋ kari bocaḥ wadon.

19. anom anom tur isiḥ parawan kĕñcur, anaké umbul pratiṅgi, kaŋ paḍa pracayèŋ kalbu, tinitipkĕn maraŋ mami, kinèn samya ṅalap kawroḥ.

20. pratikĕlé tĕmbé yèn winĕṅku kakuŋ, rèḥ ulun nora sasiwi, paṅaṅgĕpku kadi sunu, ṅgoniṅsun yoga pribadi, sagaduké ṅgayuḥ kawroḥ.

21. bokmanawa paḍa nitèni puniku, lalajoné iṅkaŋ uwis, tĕkané winĕṅku kakuŋ, kabaṛĕŋ lan wĕktunèki, tĕntrĕm lastari jojoḍon.

22. para rara kaŋ ṅladèni wus amundur, ki ajar ṅandika maliḥ, dak kaṇḍani sira kulup, nalika nom noman mami, saduruṅé dadi botoḥ.

23. baṅĕt ṅgonku mbaluṇṭaḥ talèḍèk ṭuyul, añjajaḥ nir nampik miliḥ, lawas lawas tĕka atul, bisa anitèn nitèni, wantu watakiŋ woŋ wadon.

24. lan nitèni kaananiŋ raganiṅsun, tumrapé maraŋ pawèstri, suka ṛĕna cuwa ñjĕlu, kaŋ dadya darunanèki, basa wus kacaṇḍak botoḥ.

25. lir sumĕbruŋ karasikaniŋ pulaŋ hyun, sinambadan iŋ hyaŋ widdhi, minaṅka ukumanipun, purusa ḍahup lan ati, ayĕm jatmika tumamboḥ.

26. lawas lawas saya kabutuḥ iŋ sĕpuḥ, wuwuḥ mahas iŋ ṅasĕpi, ora ta kadi sinuhun, sèḥ maholana mahribi, kaguṅan daḷĕm kinĕṭok.

27. mas cĕbolaŋ kirig kirig lan umatur, rèhniŋ ulun lan pun aḍi, tĕmbé iŋ sah‍èstunipun, biliḥ pinaṛĕŋ iŋ widdhi, tinartamtu ajojoḍon.

28. naṅiŋ tansaḥ iŋ paṅgagas maṅu maṅu, karana duruṅirèki, wasita upaminipun, papan paṇḍĕḍĕran wiji, sah‍èstunya miliḥ kaŋ loḥ.

29. nuwun waṅsul titikan pamilihipun, candrané kanaŋ pawèstri, kaŋ awon miwaḥ kaŋ luhuŋ, solaḥ tanaga myaŋ warṇi, atanapi iŋ pasĕmon.

30. kyayi ajar mèsĕm aṅandika arum, lamun sira arṣa miliḥ, maraŋ wanudya kaŋ luhuŋ, pantĕs kaṅgo dadi rabi, ñèplĕsana iŋ surahos.

31. tètĕmbuṅan bobot bèbèt bibit iku, maṅkéné dunuṅirèki, basa bobot kaṛĕpipun, miliha wadon kaŋ asli, déné titikané kaŋ woŋ.

32. saka turun sarasilaḥ ramanipun, wanudya kaŋ yun sira mbil, ana pituŋ warṇa kulup, salaḥ siji kaŋ mañcĕri, loṇṭaŋ saliné kaŋ pupoḥ.

12. bab pamilihiŋ wanita minaṅka joḍo aḍaḍasar : bibit, bèbèt, bobot.

bab candraniŋ wanita wontĕn 21 warṇi ; taṇḍa taṇḍa ciri awon sah‍éniŋ wanita.

188. loṇṭaŋ

1. iṅkaŋ ḍiṅin daraḥ baṅsaniŋ ṅawirya, iŋ tĕgĕsé trahé para luhur jawa, iṅkaŋ misiḥ kadrajatam uripira.

2. kaŋ kapiṇḍo darahé agama mulya, tĕgĕsira tĕrahé para ṅulama, iṅkaŋ alim ahli kitab trusiŋ rahsa.

3. kapiŋ tĕlu darahé woŋ maratapa, iŋ tĕgĕsé trahiŋ para paṇḍita, iṅkaŋ ulaḥ pupujabrata ḷĕkṣana.

4. piŋ pat daraḥ sujana iŋ tĕgĕsira, traḥ linaṅkuŋ ulaḥ paṅawikan budya, kalantipan lan maraŋ kawicakṣanan.

5. kapiŋ lima yèku darahiŋ ṅaguna, iŋ tĕgĕsé pintĕr samubaraŋ karya, iṅkaŋ ulaḥ kalimpatan kabaṅkitan.

6. kapiŋ nĕnĕm darahé para prawira, tĕgĕsira trahiŋ prajurit kaŋ ulaḥ, kapintĕran kasub iŋ sudiranira.

7. kapiŋ sapta darahiŋ janma supatya, tĕgĕs iṅkaŋ trahiŋ para tani iṅkaŋ, wĕkĕl mĕnĕp sarta tyasé tuhu sĕtya.

8. kapiṇḍoné tĕmbuŋ bèbèt kaŋ winarṇa, yèku tumrap maraŋ bapakné wanita, amiliya darahé jalma supudya.

9. tĕgĕsira baṅsa iṅkaŋ sugiḥ arta, myaŋ barana mintir dana jalma papa, sarta iṅkaŋ isiḥ kèḥ kabĕgjanira.

10. katĕluné tĕmbuŋ bibit kaŋ winahya, kaṛĕpira tumrap maraŋ iŋ wanita, kaŋ sayogya dumadya jatukrama.

11. amiliya iṅkaŋ bĕcik warṇanira, sarta iṅkaŋ akèḥ kapintĕranira, candra warṇa pasĕmoné kaŋ wanita.

12. kaŋ wus iṅsun titèni kala samana, wus dak coba akèḥ kaŋ kapara ñata, cacahira éliṅku salikur warṇa.

13. iṅkaŋ ḍiṅin awarṇi boṅoḥ puniku, prabaniŋ kaŋ aṅga pupuk asĕmbada, kaŋ amĕṅku paṅrasa ḷĕga ḷĕgawa.

14. pawèstri kaŋ maṅkono suwarṇanira, kaŋ wis klakyan waṣkiṭa bisa ambuka, ndon tuju laṅĕniŋ kaŋ asmaragama.

15. piṇḍo séṅoḥ yèku prabané wadana, iṅkaŋ pupuk iṅkaŋ amĕṅku paṅrasa, sĕḍĕp èstu suka kaŋ sami uniṅa.

16. pawèstri kaŋ maṅkana suwarṇanira, iṅkaŋ uwis kalakon bisa ambuka, paṅgĕndammiŋ asmaratantra rannira.

17. katri ploṅèḥ sĕmu ṅĕndonkĕn gujĕŋnya, iku iṅkaŋ sasĕmuniŋ wadananya, tuwin liriṅiŋ nétya kakalihira.

18. kaŋ mĕṅkono prabané ambĕg susĕtya, myaŋ ḷĕgawa tanduk ṅrĕsĕpakĕn nala, aprasaja iŋ sasolaḥ bawanira.

19. iya iku adaté kaŋ wus kalakyan, ananiŋ kaŋ kasĕbut bisa aṅgĕndam, kaŋ katanduk sĕnĕnniŋ pramana ñata.

20. kapiŋ paté ndĕmĕnakaké rannira, ĕndĕmmipun aṅénakakĕn sarira, iku maṅgon pasĕmoniŋ kaŋ wadana.

21. iŋ liriṅé nétya myaŋ kĕdaliŋ sabda, iṅkaŋ amĕṅkoni parabaniŋ nala, sĕnĕŋ tuwin kapaṛĕŋ kapaḍan karṣa.

22. kaŋ amĕḍar tanduk sĕpi piyaṅkuḥnya, myaŋ rumakĕt adaté bisa ambuka, paṅgĕndammé kaŋ aran asmaranala.

23. lima sumèḥ yèku pasĕmoniŋ surya, kaprabawan ambĕg sarèḥ kaŋ wus klakyan, bisa mbuka paṅgĕndammiŋ asmaranada.

24. kanĕm manis yèku sĕnĕnniŋ guwaya, myaŋ kocap kaŋ paniṅal mawèḥ wigĕna, kaŋ maṅkono prabawa wiṅitiŋ pramana.

25. iya iku kaŋ wus kalakon samana, woŋ amanis adaté bisa ambuka, paṅgĕndammé kaŋ aran asmaratura.

26. kapiŋ sapta mrakati kaŋ winurṣita, iya iku pandukiŋ tiṅal kalawan, kĕdaliŋ kaŋ wicara maṛĕkkĕn nala.

27. kaŋ mĕṅkoni praba wiṅitiŋ pramana, iya iku adaté bisa ambuka, paṅgĕndammé iṅkaŋ asmaraturida.

28. kapiŋ wolu jatmika iku ta iṅkaŋ, amĕṅkoni ĕnĕŋ ĕnĕṅiŋ kaŋ cipta, iṅkaŋ mbuka sosorotiŋ kaŋ pramana.

29. iya iku kaananiŋ kaŋ iṅaran, bisa mbabaraké prabaniŋ kaŋ prabawa, maṅkya iṅkaŋ kapiŋ saṅa kaŋ ginita.

30. ran susila iku kĕdaliŋ ilatnya, myaŋ pandukiŋ mripat polaḥ solahbawa, maṅku budi tĕmĕn narima ḷĕgawa.

31. kaŋ muṅkulkĕn panduk ĕmpaniŋ paṅira, bĕnĕr iṅkaŋ panuju tĕpèŋ sujana, lan aṅgĕndam grahitaniŋ kaŋ nugraha.

32. ambubuka wĕṅaniŋ kaŋ maṅsakala, ina ta suhartiniŋ kaŋ tatakrama, iku uwus ginĕŋ laṅĕniŋ pramana.

33. kasadasa kèwĕs tarampil wicara, ulat tandaŋ atajĕm iŋ liriṅira, amamalat sĕṅsĕmé wawan wicara.

34. kasawĕlas luwĕs yèku kaŋ wacana, cucut ḷĕmĕs sapari polahiŋ aṅga, kaŋ mĕṅkoni prabaniŋ kanaŋ pramana.

35. kalihwĕlas gandĕs wijiliŋ wicara, myaŋ solahiŋ raga kaŋ mamalat driya, paḍa uga mĕṅku prabaniŋ pramana.

36. triwlas ḍèmĕs yèku ayĕm pandukira, kĕdaliŋ kaŋ wicara luṅguḥ trapsila, paḍa uga mĕṅku prabaniŋ pramana.

37. patbĕlasé sèḍĕt iku dĕdĕgan kaŋ, sĕḍĕŋ gĕḍé ciliké lan ḍuwurira, sasolahé parigĕl datan kuciwa.

38. kalimalas béntrok iṅkaŋ winurṣita, dĕdĕgan gĕŋ iṅgil iṅkaŋ isi samya, tĕgĕsira sarwa sĕmbada warata.

39. kanĕmbĕlas kaŋ aran ḷĕñcir winarṇa, yèku jalma dĕdĕgan ḍuwur ṛĕspatya, sarwa isi gilig pasaṅiŋ sarira.

40. kapitulas kaŋ aran wiré jinarwa, yèku iṅkaŋ sarira alit sĕmbada, sarwa siṅsĕt datan ana kaŋ cinéda.

41. kawolulas kaŋ aran gĕndruk punika, badan agĕŋ sĕmbada kĕṇḍo sĕmunya, naṅiŋ isi warata bĕntĕn sadaya.

42. kasaṅalas saṛĕntĕg yèku dĕdĕgnya, kuraŋ ḍuwur katimbaŋ lan agĕṅira, sarwa isi gĕmuḥ iṅkaŋ payudara.

43. karoṅpuluḥ kaŋ aran ḷĕñjaŋ winarṇa, yèku badan sĕmu cilik naṅiŋ dawa, kawimbuhan nora ayu sasolaḥnya.

44. kasalikur aran raṅku puṅkasannya, iku dĕdĕg gĕḍé ḍuwuriŋ kaŋ kuraŋ, sĕmu ṅropèk ṇḍaṇḍaŋ gula.

13. bab paṅrĕṅkuhipun ḍatĕŋ pawèsni, pandukiŋ asmara, patrapiŋ saṛĕsmi muriḥ maṛĕm lan manpaat, sarta ĕmpaniŋ asmaragama.

189. ḍaṇḍaŋgula

1. mas cĕbolaŋ awacana ririḥ, aḍi amat ḍawuhé saŋ tapa, prayogi dèn èstokaké, ki amat lon sumambuŋ, iṅgiḥ kakaŋ laṅkuŋ utami, mugi kalajĕṅĕna, matur saŋ awiku, kula miṛĕṅakĕn kéwala, awit sakiŋ botĕn darbé pacul kuḍi, basané ya walaka.

2. kaŋ sinuŋ liŋ mèsĕm matur maliḥ, kadiparan iŋ darunanira, mawi nitik woŋ tuwané, tumrap iŋ joḍo wahu, muhuŋ ḍatĕŋ badan pribadi, ki ajar aṅandika, kaṛĕpé puniku, miliya daraḥ winahya, yèn manuṅsa iṅkaŋ winahyu sayĕkti, saka rahayuniŋ tyas.

3. satuhuné ṅgonniṅsun cariwis, muŋ minaṅka cĕr añcĕr kéwala, déné iṅkaŋ sajatiné, salaki rabi mahu, mèḥ satĕmaḥ nora praduli, matitisakĕn candra, maṅkéné liripun, kayata manisiŋ ulat, ayu éndaḥ ḍèmĕs luwĕs mĕrakati, prigĕl solaḥ tĕnaga.

4. tarlèn kaṅgo sarana malatsiḥ, ṭukuliŋ kasĕnĕṅan pra priya, mula ana pralambaṅé, babakuniŋ aḍahup, dudu baṇḍa myaŋ dudu warṇi, muŋ ati pahitannya, basa joḍo muhuŋ, sĕnĕŋ paṛĕṅiŋ wardaya, coṇḍoŋ runtut sakaroné nuṅgal budi, tĕmaḥ samya rumĕntaḥ.

5. wĕlas asiḥ katrĕṣṇané mañjiŋ, sanépané paṅrĕṅkuhiŋ bapa, mriŋ anak kaŋ dadya tyasé, dé ĕmpan papanipun, surasané iṅkaŋ kadyèki, kayata jalma priya, dahat akayuṅyun, mriŋ dyaḥ dĕdĕg ḍuwur kĕra, yèn lumampaḥ mayug mayug ñumĕlaṅi, parandéné jroniŋ tyas.

6. tan kapanduk gĕla cuwa gĕṭiŋ, tĕka bañjur wĕlasé rumĕntaḥ, ana dyaḥ siruŋ ulaté, ñjĕṅguṛĕŋ ambĕsĕṅut, sarwa kasar wicaranèki, priya kaŋ sĕnĕŋ datan, kapanduk iŋ mutuŋ, élik kapok kawus méraŋ, patrap iṅkaŋ maṅkono malaḥ mimbuhi, sĕnĕŋ suka siḥ trĕṣṇa.

7. babasané muṅguḥ woŋ asĕṅit, nora kuraŋ iŋ pamadanira, ĕmpan papané maṅkéné, ana dyaḥ anom ayu, gandĕs luwĕs manis mrakati, kaŋ maṅkono nir dadya, ṛĕnaniŋ kaŋ kalbu, malaḥ amimbuhi éwa, tĕrkaḍaṅan gĕṭiŋ gĕlané kapati, maṅkono papaḍanya.

8. dadi tĕtĕp woŋ salaki rabi, gumantuŋ nèŋ sĕnĕṅiŋ wardaya, candraniŋ warṇa parluné, pèṅĕt mriŋ muḍa puṅguŋ, supayané aṅati ati, pamilihé mariŋ dyaḥ, lamun bisa antuk, èstri kaŋ kaḷĕbu candra, amimbuhi maraŋ sĕnĕṅiŋ prajèki, sĕnĕŋ tĕntrĕm raharja.

9. maṅka olèḥ joḍo tan prayogi, wanda tĕrus kalakuwanira, bakal narik saṅsarané, mula saduruṅipun, dadi joḍo kudu patitis, kalamun wus rumĕntaḥ, siḥ katrĕṣṇanipun, pambiraté nora gampaŋ, iŋ satĕmaḥ ambĕk sura nĕmpuḥ wani, maraŋ iŋ kasaṅsaran.

10. ṅupayaa èstri kaŋ ndarbèni, ambĕg tĕpa iŋ rahsa kalawan, dana iŋ tĕpa katriné, kaŋ tĕmĕn tobatipun, lila maraŋ kaŋ aran bĕcik, pawèstri kaŋ maṅkana, adat watakipun, kajèn sarta kinurmatan, mriŋ kakuṅé ñirṇakkĕn aṅkarèŋ laki, siḥ trĕṣṇané rumĕntaḥ.

11. tĕpa iŋ rasa kaṛĕpirèki, lumuḥ rikuḥ iŋ liyan sumiṅgaḥ, yèn nir tĕpa iŋ rasané, sriŋ ṅanakaké iku, irèn mèrèn dumadi drĕṅki, dana tĕpa kaṛĕpnya, bisa a sumiṅgun, pañaru pañikuniŋ lyan, yèn tan darbé dana iŋ tĕpa pan asriŋ, dahwèn srèhi watĕknya.

12. tĕmĕn tobatipun lila yĕkti, iŋ kaṛĕpé tobatiŋ naŋ soka, kaŋ tĕmĕn lawan lilané, ana maniŋ linuru, pawèstri kaŋ tĕmĕn ndarbèni, watĕk ran sama béda, dana ḍĕṇḍa iku, lawan kaŋ bisa uniṅa, iŋ babasan guna bhuṣaṇa lan maliḥ, bakṣana myaŋ sasana.

13. pambĕkaniŋ paṅrĕṅkuḥ yèn oliḥ, kaŋ sawanda sah‍ékapraya lan, sajiwa déné wardiné, tĕmbuŋ sama puniku, apan paḍa kaṛĕpirèki, andarbènana watak, siḥ sakèḥ tumawuḥ, béda pilaḥ kaṛĕpira, ndarbènana watĕk kulina lan baṅkit, aninimbaŋ widagda.

14. dana kaŋ ṅgĕgañjar kaṛĕpnèki, ndarbènana watĕk sukaṛĕna, asuŋ sĕnĕŋ mriŋ samané, ḍĕṇḍa tĕgĕsé kukum, dé kaṛĕpé iṅkaŋ ndarbèni, watĕk putus lan tatas, iŋ pamiyakipun, nalar ala lan sayogya, ṅgonné ṅĕmpan mapanakĕn tan nalisir, cèplĕs tan ana cacat.

15. guna iku kapintĕran wasis, bisa wĕruḥ lan maṅrĕti maraŋ, wawĕnaŋ kawajibané, sakèḥ pakaryanipun, iṅkaŋ tumrap maraŋ pawèstri, bhuṣaṇa tĕgĕsira, paṅaṅgo satuhu, kaṛĕpé bisa uniṅa, lan aṅĕtrapaké rajadarbèknèki, iṅkaŋ pañcèn kasaṇḍaŋ.

16. dé bakṣana paṅan tĕgĕsnèki, pikajĕṅé kaŋ bisa uniṅa, kalawan anandukaké, ubĕt kayaniŋ kakuŋ, kaŋ binukti iŋ sabĕn ari, sasana tĕgĕsira, paṅgonan puniku, kaṛĕpé bisa uniṅa, amamantĕs mamaṅun amriḥ prayogi, sajroniŋ wismanira.

17. asawanda tĕgĕsé sarupi, asawaṅan utawa sawarṇa, kaṛĕpé iku maṅkéné, sinĕdyakna jro kalbu, badan kaliḥ dadi sawiji, ĕmpan papanné iṅkaŋ, darbé ambĕk ika, pṅrĕṅkuḥ lawan rumĕkṣa, maraŋ laki kadi rumĕkṣanirèki, mriŋ badané priyaṅga.

18. dé sah‍ékapraya tĕgĕsnèki, budi sawiji pikajĕṅira, darbéya mbĕg paṅrĕṅkuhé, maraŋ iŋ priyanipun, sinĕdyakna anuṅgal kapti, asajiwa tĕgĕsnya, sawiji ñawèku, kaṛĕpé èstri darbéya, ambĕk sĕtya paṅrĕṅkuhiŋ maraŋ laki, lir ñawané priyaṅga.

19. wis kacakup iku bah‍é kaki, pamilihé wanita kinarya, joḍo salawas lawasé, mas cĕbolaŋ umatur, wus binabar iṅkaŋ prayogi, maṅkya ta iṅkaŋ wĕnaŋ, tinampik pakulun, pawèstri kadi punapa, èstunipun kawula dèrèŋ udani, mugi kawĕḍaṛĕna.

20. kyayi ajar aṅandika aris, titikan ciri sranduniŋ badan, iṅkaŋ naṇḍakkĕn alané, mriŋ kalakuwanipun, yèn ṅupaya parawan sukci, panitiké manawa, cilik kaŋ pambayun, tan ṅadĕg wus katon wuḍar, lamun agĕŋ wus gumaṇḍul nora isi, gaṇṭĕṅé woṅa woṅa.

21. katon kĕṇḍo gwaya sulak wilis, kawistara kuraŋ sĕnĕnnira, rampiŋ wus mĕkar bokoṅé, tinampika puniku, krana ika maṅkono kaki, titikan panĕṅĕran, kĕña iṅkaŋ uwus, aṅlakoni sinaṅgama, mariŋ kakuŋ yĕkti dudu prawan suṇṭi, sariné uwus wigar.

22. lawan manèḥ lamun ana èstri, ababira ṅganda nora éca, abaṅĕr wimbuḥ arusé, alatĕŋ bacin sĕmu, kawoworan nduḷĕg tur amis, lan manèḥ giṭokira, mambu waṅinipun, sĕkar kawoworan ganda, amis arus wĕṅur taṅèḥ yèn kawilis, sakèḥ arumiŋ ganda.

23. utawa yèn tlapakané tipis, mripat katon biru sèrètira, sulak biru ṭĕṭĕḷĕṅé, puniku nora arus, iŋ wajibé kudu tinampik, adat kaŋ wus kalakyan, kaŋ maṅkono mahu, asriŋ ndarbèni simpĕnan, lara raga déné ta dumunuṅnèki, nèŋ wadiniŋ wanita.

24. lan maniṅé yèn ana pawèstri, swaranira brabaḥ kadi priya, kaŋ agor sĕmu éraké, wadon iṅkaŋ kadyèku, iŋ adaté sok andarbèni, watĕk panastèn éwan, mriŋ samèŋ tumuwuḥ, datan saranta driyarda, daya daya tan trima pandumiŋ laki, yèn bisa siṅkirana.

25. kabèḥ kabèḥ gotèkiŋ woŋ ṅardi, dé watonné wirasat kacĕṭa, imam supiṅi kaholé, nèŋ kono babaripun, iṅkaŋ ala lawan kaŋ bĕcik, kimas cĕbolaŋ nĕmbaḥ, matur iŋ saŋ wiku, sahupami wus kalakyan, dados joḍo patrap pamĕṅkunirèki, wajib rumĕkṣanira.

26. kyayi ajar awacana aris, kaŋ rumuhun rumĕkṣa mariŋ dyaḥ, kaŋ duruŋ ṅgarapsariné, aja ṅanti tinĕmpuḥ, sinaṅgaman luwaṅé ṅuni, asriŋ dumadya kĕña, lèñjèḥ tĕmbénipun, tan bisa ndarbèni wĕka, dadi purus séṇṭé babasanirèki, sayogya sabaṛĕna.

27. rumĕkṣané maraŋ iŋ pawèstri, kaŋ wus tumrap iŋ sapalakrama, kudu jĕmbar sabar sarèḥ, myaŋ paramartanipun, haywa pĕgat sira ṅĕṅgonni, tĕpa lawan prayitna, maṅkéné liripun, sira aja ṅanti léna, wit watĕké wanita puniku asriŋ, kadunuṅan tyas cĕkak.

28. calak mamak cĕkak ponaŋ budi, jaṅkaḥ cĕṇḍak miwaḥ kadunuṅan, kuraŋ jĕjĕg piyandĕlé, liré iṅkaŋ puniku, ati kuraŋ antĕpan asriŋ, owaḥ giṅsiré gampaŋ, tĕrkaḍaŋ kalayu, maraŋ priya liyanira, kaŋ jalaran katarik kĕpéṅin sakiŋ, sabab limaŋ prakara.

29. wirya rahsa guna dana warṇi, dé wijaṅé wirya kaluhuran, kaṛĕpé wanita kuwé, sriŋ mélik maraŋ kakuŋ, kaŋ ṅuṅkuli bojonirèki, iŋ kaluhuranira, rahsa tĕgĕsipun, iya rahsa pikajĕŋnya, wanitèku asriŋ kadunuṅan kapti, sru kapéṅin kumĕdaḥ.

30. sinaṅgama priya sanèsnèki, iṅkaŋ sabab sakiŋ bosĕn kĕmba, kuraŋ maṛĕm mriŋ lakiné, sardana tĕgĕsipun, sugiḥ arta rajabrana di, kaṛĕpé kaŋ wanita, yèku sriŋ kapéñcut, mriŋ arta rajabarana, awit sakiŋ kuraŋ kasamĕktanèki, labĕt aṅkara murka.

31. guna apan kapintĕran nĕṅgiḥ, pikajĕṅé wanita punika, sriŋ mélik priya liyané, iṅkaŋ asugiḥ kawruḥ, myaŋ uṇḍagi pakaryan wasis, luwiḥ iŋ priyanira, rupa tĕgĕsipun, iya rupa kaṛĕpira, wanitèku sriŋ kalayu mriŋ woŋ sigit, kaŋ ṅluwihi priyanya.

32. kaŋ sinuŋ liŋ sami maṅastuti, matur maliḥ kimasé cĕbolaŋ, aji asmaragamané, punapi warṇinipun, sarta atrap paṅaṅgénèki, paran tumandukira, ki ajar liŋnya rum, aji yèku kaṛĕpira, aji aji pakurmatan ṛĕṛĕṅgan ari, déné basa asmara.

33. jarwanira sĕṅsĕm jroniŋ ati, saṅgama salulut déné iṅkaŋ, binasakkĕn saluluté, pupuḷĕtan sah‍èstu, ya momoran kalawan maliḥ, kukumpulan wardinya, dadi kaṛĕpipun, kaŋ aji asmaragama, pupuḷĕtan amoriŋ jalu lan èstri, ṛĕṅganiŋ kasĕṅsĕman.

34. mas cĕbolaŋ ṅaṅsĕg matur ririḥ, woriŋ jalma priya lan wanudya, tĕka mawi raṛĕṅgané, paran ta patrapipun, kyayi ajar mèsĕm nahuri, sarèhniŋ bab sahuwat, wadi basanipun, saru lamun kamĕlokna, prayogané pratélan sajroniŋ ṛĕsmi, ḍinapur pañcakara.

35. lamun pastapurusanirèki, duruŋ kiyat myaŋ duruŋ santosa, jwa kasĕsa nandukaké, iṅkaŋ maṅkono mahu, bokmanawa ambaléñjani, dayané tan widada, tĕmaḥ gĕla tyasmu, tĕrkaḍaŋ amaṅgiḥ éwa, lan wanita marga tan kapaḍan kapti, tiwas wadi kabuka.

36. yèku kĕna rubédaniŋ ṛĕsmi, iṅaranan katitiḥ asmara, wit duruŋ abiprayané, kasĕṅka aṅsahipun, marma daya tan lana nuli, marlupa nir iŋ karkat, kacarita iku, awit rahsa tuwin jiwa, duruŋ samya kawĕṅku déniŋ kriḍaniŋ, iŋ risaŋ hyaŋ pramana.

37. dupi myarṣa sabdaniŋ saŋ ṛĕṣi, aṅgaḷĕgĕs iŋ tyas kajumbuhan, wus ṅalami sadayané, kusuté apulaŋ hyun, mas cĕbolaŋ umatur aris, ulun matur pasaja, iŋ sayĕktosipun, kĕṛĕp kapraṅkul maṅkana, rèhniŋ boḍo dados botĕn aṅaṅlaṅi, iṅkaŋ dumadya sabab.

38. amuŋ lajĕŋ añĕl pĕgĕl sĕḍiḥ, kawimbuhan saṅĕt liṅsĕm méraŋ, muriŋ muriŋ wĕkasané, ṛĕṅuné tan dumunuŋ, pramilané pañuwunmami, mugi kawĕḍaṛĕna, iṅgiḥ sababipun, tĕmbuŋ katitiḥ asmara, kadiparèn ki ajar mèsĕm liŋnya ris, maṅkéné wijaṅira.

39. akaliṇḍiḥ utawa kaĕṇḍiḥ, wardinira kaḍĕsĕk kasoran, kasĕsĕg kasĕsĕlané, lan katumpaṅan iku, déné tĕmbuŋ asmara kaki, tĕgĕsé brahi brata, myaŋ kasĕṅsĕm tuhu, dadi kaṛĕpé wicara, katumpaṅan myaŋ kasoran sĕṅsĕm yĕkti, akaṇṭi katĕraṅan.

190. kinaṇṭi

1. katitiḥ asmara mahu, sabab rubéda kaŋ ṅlĕṇḍiḥ, muṅguḥ kawujudaniŋ kaŋ, asriŋ muruṅakĕn kapti, tumanduké kaŋ asmara, limaŋ goloṅan kèhnèki.

2. iŋ sagoloṅan dèn étuŋ, ana pataŋ sabab nami, guṅguṅé roṅpuluḥ sabab, kaŋ sagoloṅan winarṇi, lamun lagi kapandukan, susaḥ lara luwé arip.

3. roŋ goloṅan yèn kapanduk, ĕgĕg ĕnĕg gigu élik, tri goloṅan kapandukan, mutuŋ kapok kawus isin, catur goloṅan winarṇa, manawa kapanduk déniŋ.

4. jĕlèḥ kĕmba bosĕn manuḥ, limaŋ goloṅan muṅkasi, jaṅkĕpé kaŋ kalihdasa, lamun kapandukan déniŋ, gĕla éwa cuwa jiñja, warastra dayanira nir.

5. gĕr gumuyu sadayèku, ḷĕṛĕs timbalan saŋ yogi, mĕṅgaḥ sagĕtiŋ sumimpaŋ, iŋ rubéda kaŋ kawijil, kadiparan sĕtiyarṇya, supados kroḍa ḷĕstari.

6. ki ajar mèsĕm liŋnya rum, lamun sénapati miris, sĕntoṛĕn udaka wimba, tĕgĕsé tinuruḥ déniŋ, bañu aḍĕm iŋ padasan, mĕkṣa mirut iŋ ṅajurit.

7. yèn wus maṅkono pinupus, tan kĕna dèn sĕtiyari, sikil apus papaḍanya, kaṛĕpé ḷĕmĕs lir tali, déné yèn ṅgonné ṅucira, mligi muŋ jalaran sakiŋ.

8. rubéda roŋ puluḥ mahu, sĕtiyaré aṅèl gampil, kudu amaluya kriḍa, maluya jarwa mumuliḥ, kriḍa tĕgĕsé paṅgagas, utawi jinarwan osik.

9. dé kaṛĕpé kudu kudu, mumuliḥ ṅuyariŋ ati, gĕḷĕṅiŋ pra samya rahsa, lamun katarima baṅkit, goloṅiŋ prasa lan rahsa, bisa umaṅsaḥ ḷĕstari.

10. pramilané aywa ṅawur, pamilihé maraŋ èstri, diṅati ati diawas, karana yèn bisa oliḥ, wanodya prasaniŋ rahsa, iṅkaŋ wus sah‍ékakapti.

11. tartamtu ṅilaṅkĕn saguŋ, rubéda kaŋ mawèḥ miris, gĕndam laṅĕniŋ asmara, iŋ satĕmaḥ mahanani, pamoriŋ lulut susila, awit binuka kaŋ dadi.

12. laṅĕniŋ pramana muṅkul, iṅkaŋ binasakkĕn kaki, pamoriŋ lulut susila, woriŋ jalu lan pawèstri, binuka tanpa rubéda, sĕnĕŋ paṛĕŋ kaŋ pinaṅgiḥ.

13. daya santosaniŋ purus, iku pan katarik sakiŋ, obaḥ solahiŋ kaŋ raga, katumusan srĕṅiŋ ati, déné sĕṛĕṅiŋ kaŋ driya, krĕkatiŋ jiwa mĕṅkoni.

14. krĕkatiŋ jiwa puniku, daya paṅrasa murbani, dayaniŋ paṅrasa apan, wisésaniŋ rahsa yĕkti, déné wisésaniŋ rahsa, prabaniŋ pramana jati.

15. lamun pinikir satuhu, wus tétéla bab saṛĕsmi, nora kĕna ginagampaŋ, akèḥ rubédanirèki, éwadéné ana uga, warṇa warṇané kaŋ jalmi.

16. kaŋ ñĕbal sakiŋ critèṅsun, tanpa ṅaṅgo miliḥ nampik, sumĕṅka taṇḍiŋ dyaḥ wrĕda, tan kapanduk ĕṅaḥ wigiḥ, lalawanan lan wanita, kaŋ baṅĕt kaciwèŋ warṇi.

17. tĕka boya a kapanduk, rasa kĕmba éwa gĕli, myaŋ lalawanan kalawan, dyaḥ kaŋ ṅganda ḷĕṅur ḷĕḍis, uga nora kapandukan, iŋ rahsa gigigu élik.

18. bisa daga sakèhipun, rubédaniŋ pulaŋ ṛĕsmi, kaŋ maṅkono samanira, jalma kaṛĕm naḍaḥ guliŋ, taṅèḥ maṛĕmiŋ kaŋ driya, muŋ lobané dèn ubyuṅi.

19. sabaraŋ kaṛĕman tamtu, wus tétéla nora bĕcik, ṅuguŋ sabyantuniŋ daya, ṅaṅsa aṅsa iŋ saṛĕsmi, satĕmaḥ naṇḍaŋ saṅsara, ubĕṅan sajĕgé urip.

20. ulun bañjuraké tutur, tumanduké bab saṛĕsmi, iṅkaŋ nir sakèḥ saṅsaya, liré wus mulur saḷĕsiḥ, adoḥ sakèhiŋ rubéda, iya iku diaranni.

21. susila pamoriŋ lulut, mbabar laṅĕn pramadani, uga dak ḍapur carita, kadyaṅganiŋ sénapati, umaṅsaḥ iŋ ranaṅgana, arṣa rumabasèŋ bitiŋ.

22. lamun pastapurusa wus, kiyĕŋ kiyat ñantosani, kyèhniŋ daya wus samĕkta, tandya tindakna dèn aglis, umaṅsaḥ iŋ ranaṅgana, yĕkti nora ṅuciwani.

23. tumĕmpuḥ campuhiŋ pupuḥ, naṅiŋ dèn prayitna kaki, iŋ tindak aywa sĕmbrana, ṅgonné nuju prasanèki, mriŋ wanita mĕṅsahira, supadi ḷĕganiŋ ṅati.

24. dipunwaspada iŋ dunuŋ, jroniŋ sasti kono mawi, mustikaniŋ rahsa mulya, rinĕkṣa pra jawata di, aran saŋ hyaŋ otapatra, saŋ hyaŋ gambira sisiliḥ.

25. wuri purana dumunuŋ, yèn tinĕmpuḥ déniŋ bindi, watak kĕri prasanira, nuli babantuné prapti, pipiṅitan iŋ jro baga, iṅaran hyaŋ asmara di.

26. apaparab hyaŋ cakrèku, asarosa biyantoni, wimbuḥ kĕri grimiṅira, narik daya ajunèki, mriŋ saŋ hyaŋ purṇama saṅka, iya saŋ kamajaya di.

27. pamètiŋ rahsa mriḥ jumbuḥ, srana ṅaṅgowa sirèki, pratiṅkaḥ ukĕliŋ pasta, kacarita solahnèki, duk murwani lumakṣana, karya pupucukiŋ jurit.

28. sakèhiŋ daya biyantu, aywa sinĕru rumiyin, iŋ tindak kĕdaḥ saranta, paṅaṅkaḥ amuŋ mumuriḥ, kĕri prasaniŋ wanita, kalamun wus sawatawis.

29. muyĕk campuhiŋ praŋ pupuḥ, nĕṅgala tumĕmpuhnèki, tinaṅkis iŋ bandabaya, sakiŋ rosaniŋ paṅgitik, kuwatiŋ panaṅkisira, dahana mubal mawardi.

30. sumuṇḍul ṅakasa wimbuḥ, susumuké api murṇi, kukus katut samirana, prapta tumanduk prasa di, kĕkĕriné mĕṅsahira, gumrimiŋ saṅsaya ndadi.

31. gantya wahu saŋ dyaḥ ayu, tan gumiṅsir anaḍahi, mubal mĕtuniŋ dahana, sumrambaḥ sariranèki, tan kuwawa nabĕnnana, gumrimiṅé rasa kĕri.

32. harda ṅambra ambra wimbuḥ, wantu wataké pawèstri, yèn wus liwuŋ krodanira, datan saranta iŋ budi, sigra amuṣṭi sañjata, pusaka sakiŋ déwa di.

33. gañjaranira hyaŋ guru, nèŋ jroniŋ baga piniṅit, yèku kaŋ hru barunastra, sumĕmbur amijil wariḥ, tirta lir yiyitiŋ mina, kumĕmbĕŋ jro baganèki.

34. ṅĕḷĕm pasta purusèku, wahu ta iṅkaŋ winarṇi, sira saŋ pastapurusa, kĕḷĕm kinĕḷĕm iŋ wariḥ, tan mantra mantra ririṅa, iŋ solaḥ saya mawardi.

35. barunastra wis kinĕbur, lir ombakiŋ jalaniḍi, gaṅgĕŋ irim irim iṅkaŋ, muṅgiŋ tĕpiniŋ jaladri, karoban toya satĕmaḥ, ṅĕmpĕl mirut ṅanan ṅériŋ.

36. nahan raméniŋ kaŋ pupuḥ, nulya na swara dumĕliŋ, lamat lamat kapiyarṣa, surasa suŋ wasita di, èḥ kulup sira saŋ pasta, poma dèn prayitna kaki.

37. panarik sĕṇḍaliŋ limpuŋ, maju myaŋ mundurirèki, papanné luñu sadaya, wus tan kĕna dikawali, wit iluniŋ barunastra, saya drĕs pañĕmburṇèki.

38. déné ṅgonnira lumaku, yèn léna ina nĕmahi, kaplèsètiŋ aṅsahira, ṛĕbaḥ gadané kaliṇḍiḥ, katikĕl dadya rubéda, rogabrata aṇḍatĕṅi.

39. piḷĕg kadadéyanipun, béñjiŋ maniŋ yèn ajurit, tumus mahanani roga, mriŋ pasti baga nulari, yèn iku tan sinucékna, sawusé ṅadoni jurit.

40. mĕnèk pastapurusèku, kataman iŋ roga jawi, ubĕṅaŋ iŋ arannira, èṅĕtana aywa ṅanti, sakaroné maṅuñuda, yèn malanira duruŋ nir.

41. tĕmĕn tinumanna matuḥ, kaliyé waluya jati, maṅka ujariŋ saloka, yèn priya anaṇḍaŋ sakit, kaprĕnaḥ jro pastanira, lamun arṣa maṅsaḥ jurit.

42. yoga ṅuyuha rumubun, prĕlu ṅorotna sasakit, muriḥ ywa ṅanti tumular, mriŋ wanudya muṅsuhnèki, lan kulup sira wĕruha, adat watakiŋ pawèstri.

43. yèn wis mijil yiyidipun, gumrimiṅé saya ndadi, mĕmpĕŋ dĕṛĕṅirèŋ prasa, kawistara iŋ paṅèkṣi, kiyat kiyĕŋ sariranya, kĕjĕŋ kĕjĕr maratani.

44. sira adarbéya kayun, tutuluŋ mĕṅsaḥ kapilis, tumrapiŋ asmaratantra, tan lyan wisaya linuwiḥ, solahiŋ pastapurusa, sĕṅkakna pamukirèki.

45. pamukuliŋ gada tĕmpuḥ, kaŋ ajĕg myaŋ dèn kĕṛĕpi, kalawan dipunwaspada, mawassa sasmita luṅit, adat wantuniŋ wanita, yèn wus liwuŋ iŋ ṅajurit.

46. léléwané nulya ṭukul, pratiṅkaḥ solahiŋ ḍiri, wit sakiŋ kuraŋ prasaja, jatiné karṣanirèki, mbiyantu solahiŋ pasta, kinèn anujuwa mariŋ.

47. dunuṅiŋ prasa sirèku, tinrajaṅa kaŋ supadi, sinĕṇḍol pucukiŋ pasta, tĕka turutana aglis, sakarṣanirèŋ wanudya, yèn pinaṛĕŋ datan lami.

48. saŋ dyaḥ muḍar prasanipun, prataṇḍané kaŋ sayĕkti, yèn wanita muḍar prasa, wataranira katawis, gara gara jroniŋ baga, ñĕṇḍol pucukiŋ pastèki.

49. larapiŋ gupala wimbuḥ, kabukaniŋ wiwara di, jĕnĕké hyaŋ kamajaya, aliya taṇḍa kaŋ uwis, kaŋ sayĕkti kawistara, kawawas sranduniŋ ḍiri.

50. lir koñcatan yitmanipun, ṅlumpruk marlupa ṅaḷĕntriḥ, kadi kadi tan kuwawa, ñaṇḍaŋ nikmatiŋ rahsa di, sasambaté mĕlasarṣa, karya trĕñuḥ tyas guŋ branti.

191. asmaradana

1. cuṭĕl ujaré kaŋ waṅsit, yèn ta muṅguḥ tatakĕran, mawas wujudiŋ warṇané, paṅuja ḷĕganiŋ kĕña, kaya wus kasĕmbadan, prataṇḍané déné uwus, kapanduk badan marlupa.

2. éwamaṅkono sarèhniŋ, manuṅsèku béda béda, ana kaŋ baṅĕt karṣané, ana kaŋ muŋ sawatara, déné muṅguhiŋ patrap, sajroniŋ saṅgama mahu, priya kudu amawassa.

3. ulat liriṅé pawèstri, lan mawas badan priyawak, yèn wus kapandukan tyasé, caṛĕm maṛĕm miwaḥ ḷĕga, duk èstri muḍar prasa, sinaṛĕṅan puniku, jumbuhiŋ wĕdaliŋ prasa.

4. kalamun tyasira makṣiḥ, kapandukiŋ rasa cuwa, jalaran kuraŋ ḷĕgané, iku pamuḍariŋ prasa, ywa saṛĕŋ tinaṅgapna, anaṅiŋ asriŋ kalayu, kudu muḍar iṅkaŋ prasa.

5. dèn santosa ṅati ati, panahan pamaṭĕtira, dé ṅgonné kasusu ṛĕké, wit kadĕṛĕŋ wijilira, risaŋ hyaŋ kamajaya, iku tinulaka gupuḥ, iŋ sarana japamantra.

6. panulak kudu ṅĕṅgonni, ana iŋ gajĕgiŋ gĕla, ywa di ṅgo ḷĕga driyané, prasané rahsa kaŋ arṣa, rosa mriḥ kawuḍara, wujudiŋ wisaya muhuŋ, saŋ pastapurusanira.

7. tĕka ĕnĕŋna kariyin, dumunuŋ ana iŋ ñjaba, utawa iŋ sajĕroné, wiwaraniŋ ḍatulaya, kaŋ maṅkono pratiṅkaḥ, gumantuŋ paṛĕṅiŋ kayun, iŋ sakaro karonira.

8. rèhniŋ saŋ wanita lagi, kaḷĕson sayaḥ iŋ ṅapraŋ, kasĕdyakna iŋ driyané, añjaṅkaḥ tindak utama, tumuluŋ maraŋ mĕṅsaḥ, amuŋ usadaniŋ rapuḥ, waluyaniŋ kaŋ saṅsara.

9. dèn nya kataman iŋ bindi, kudu tinuju iŋ prana, lalantaran tumanduké, usada mahu kalawan, aṅaṅgowa sarana, ḍiṅin tĕmbuŋ manis arum, miluta siḥ manuwara.

10. léléwa solahiŋ ḍiri, lan kĕḍap liriṅiŋ nétya, myaŋ biyantu ywa talaṅké, iŋ solaḥ ukĕliŋ pasta, ṅgugaḥ kĕriniŋ pasta, kudu sarèḥ tindakipun, ora kĕna daya daya.

11. bokmanawa amaṛĕṅi, usada bisa tumama, tumanduk maraŋ prasané, suka giraṅiŋ wardaya, sumarambaḥ sarira, tĕmaḥ waluya satuhu, ṅadĕg manèḥ kasuranya.

12. lir sardula maṅsa dagiŋ, kaŋ priya taṅgap prayitna, solaḥ tan na prabédané, kudu anuju iŋ prasa, lir mahu duk bubuka, kalawan èṅĕta kulup, wawadiniŋ kaŋ wanita.

13. adarbé aji pĕrmati, sukmañana namanira, tĕḷĕṅiŋ baga dunuṅé, yèku mahu kaŋ karasa, ñĕṇḍol pucukiŋ pasta, dèn yarṣa muṅkasi pupuḥ, kono kĕṛĕp dèn gada a.

14. adaté datan alami, sardula nuli palastra, mĕṅkono iŋ sabañjuré, ṅanti piŋ piraŋ rambahan, déné yèn wus karasa, maṛĕm ḷĕga iŋ tyasipun, yèn wanita muḍar prasa.

15. kudu taṅgap ambaṛĕṅi, paḍa amĕḍar iŋ prasa, iku iṅkaŋ binasakké, widagda anuju prasa, uṇḍagi iŋ asmara, déné suwé gĕlisipun, wañci kala bratayuda.

16. iku tan kĕna dinugi, gumantuŋ badan priyawak, sĕnĕŋ paṛĕŋ iŋ driyané, yèn ta muṅguḥ babakunya, kaŋ prĕlu jalma priya, patrap miwaḥ solahipun, saṅgama kudu santosa.

17. pamĕkak wijilirèki, saŋ bhaṭara kamajaya, myaŋ kudu widagda ṛĕké, myaŋ waṣkiṭa panujunya, prasané kaŋ wanita, déné ĕmpan papannipun, ḍiṅin tumrapiŋ sarira.

18. kudu ñarèhkĕn salir niŋ, lawan aṅaḍĕm aḍĕma, aṅkara sĕṛĕṅiŋ tyasé, pakolèhé nora dadya, kagètiŋ pra jawata, wĕkasan katarimèku, bisa kawawa amĕṅgak.

19. kasĕsané wijilnèki, saŋ bhaṭara kamajaya, tĕmaḥ tutug sakarṣané, kaŋ kapiṇḍo kudu bisa, ṅgĕgasaḥ añoñoṅaḥ, mriŋ aṅkara srĕṅiŋ kayun, lawan grĕgĕtiŋ wanita.

20. pakolèhé kaŋ pawèstri, wus kataman kaŋ maṅkono, harda sĕṛĕṅé driya, tandya cumĕpak dunuŋnya, kayaṅaniŋ hyaŋ kama, iya hyaŋ asmara tamtu, cĕpak pamuḍariŋ prasa.

21. pamarṣudiniŋ saṛĕsmi, kaŋ wus sun gĕlar sadaya, kaṅgo srana lantarané, dèn nya yun aṅawruhana, mriŋ asal wijinira, manuṅsa sajatinipun, kasbut tĕmbuŋ paribasan.

22. siŋ sapa woṅé tan uniŋ, maraŋ wiji asalira, sayĕktiné nora wĕruḥ, mriŋ jati paranniŋ sĕdya, kaŋ tĕmbé wĕkasannya, kacrita kuraŋ satuhu, mriŋ sampurṇaniŋ kamukṣan.

23. pah‍é kaŋ wus ṅudanèni, iŋ purwa madya wusana, ananiŋ sarira kiyé, wĕkasan sirṇa tan gatra, uwas sumĕlaṅiŋ driya, tĕtĕpiŋ jumĕnĕṅipun, manuṅsa jati sampurṇa.

24. mas cĕbolaŋ matur aris, babo aywa kataṅgĕlan, kapaṛĕṅa mĕḍaraké, asal wijiniŋ manuṅsa, dadosa lalantaran, jati paranniŋ sĕdyèku, mriŋ sampurṇaniŋ kamukṣan.

25. ki ajar ṅadika aris, iku kaki nora kĕna, isiḥ gahib babasané, tĕgĕsé isiḥ piṅitan, èdi alus lan samar, aṅèl éwuḥ iṅkaŋ laṅkuŋ, bĕcik mbañjurkĕn carita.

14. bab tumètèsiŋ wiji ṅantos dumadosiŋ bayi, jaḷĕr, èstri, kĕmbar.

prayoginiŋ saṛĕsmi.

amat tĕṅara mantuk.

26. bab patrapé andon ṛĕsmi, bisa ndadèkkĕn jalaran, mĕtĕŋ ṅaṇḍĕg babasané, duk mahu pulaŋ asmara, kayadéné pratiṅkaḥ, kaŋ wus suñcritakkĕn ṅayun, yèn pinaṛĕŋ iŋ paṅéran.

27. kinon dadi lantaraniŋ, anitahakĕn manuṅsa, kacrita muṅguḥ iŋ rahos, énak kapénaké béda, kalawan sabĕnira, sasolaḥ tiṅkahé lulut, amuŋ mindĕŋ rasa nikmat.

28. ndĕdĕl sĕṇḍal myaŋ sarapiŋ, pawèstri utawa priya, kalamun prasaniŋ rahos, rahsa sajati kawuḍar, déniŋ jiwa pramana, akawistara dumunuŋ, nèŋ ḷĕḷĕt puḷĕtiŋ sahwad.

29. nahan kono sapucukiŋ, iŋ pastapurusanira, sayĕkti mawa karahos, ḍiṅin lir sinĕṇḍol mina, yèku purayanira, dunuṅiŋ kamajayèku, mijil minaṅka lalisaḥ.

30. warṇané kaŋ rahsa putiḥ, tan pantara pucakira, pastaprusa krasa manèḥ, kayadéné iṅamĕdan, lambéniŋ kéyoŋ goṇḍaŋ, yèku wĕṅaniŋ kaŋ pintu, kayaṅan hyaŋ kamajaya.

31. pamuḍariŋ rahsa putiḥ, sarta sokiŋ rahsa mĕrta, asrĕp kalaṅkuŋ nikmaté, iŋ adat sakaliyannya, saṛĕŋ sĕṅgoriŋ napas, duk maṅkono aṅganda rum, lir sĕkar mĕlati kadya.

32. nĕḍĕŋ mbabar sari amrik, arum arumé aṅambar, kabèḥ kaŋ dak wĕḍaraké, manawèku gara gara, paṅaribawanira, turuniŋ cahya dibyanuŋ, lalantaran sakiŋ priya.

33. dumrojog nulya tinampi, anèŋ guwa garbaniŋ dyaḥ, yèn jĕntus mukaranahé, wanita bañjur awawrat, tumĕkèŋ saṅaŋ wulan, nir iŋ sambékalanipun, laṅkĕp ambabar manuṅsa.

34. lan ana pralambaŋ maliḥ, yèn priya lawan wanita, ĕṅgonné saṛĕsmi ṛĕké, pamuḍariŋ risaŋ prasa, ḍahup asasaṛĕṅan, saŋ hyaŋ kamajaya kumpul, kapaṛĕŋ déniŋ paṅéran.

35. ayun aniṭahkĕn wiji, kumpuliŋ hyaŋ kamajaya, gumoloŋ kaṇḍĕg dunuṅé, nèŋ guwa garbanirèŋ dyaḥ, binasakakĕn wawrat, sawulan tumĕkanipun, nir nalisir saṅaŋ candra.

192. salisir

1. kalamun lagi sacandra, ṅgonné nora ṅgarap toya, upamané iku dadya, kusuma añjraḥ ṅakasa.

2. nduṅkap antuk kaliḥ candra, dèn nya nora ṅgarap toya, diupamakaké piṇḍa, brĕmara ṅajab gagana.

3. lamun lagi tigaŋ candra, ḷĕstari tan ṅgarap toya, iya iku upamanya, lir isiniŋ wuluḥ wuṅwaŋ.

4. lamun lagi pataŋ candra, upamané apan kadya, barama sakonaŋ ika, aṅasatakĕn samodra.

5. lamun lagi limaŋ candra, dèn nya aṅgarbini ika, di upamakakĕn kadya, tapakiŋ kuntul ṅalayaŋ.

6. lamun lagi nĕnĕm candra, dèn nya aṅgarbini ika, ṅibarat kadi caṇṭoka, kinĕmulan ĕlèṅira.

7. yèn pituŋ wulan tumĕka, woluŋ sasi saṅaŋ candra, ṅibarataké kadya jalma, lumpuḥ ṅidĕri bhawana.

8. wahu ta cĕbolaŋ nulya, matur sarwi ṅaraspada, paran mulabukanira, bab jabaṅbayi punika.

9. wujut tuwin wawatĕkan, myaŋ ḍawahiŋ lalampahan, awarṇi kakaliḥ apan, wujud jalu kalawan dyaḥ.

10. klakuwan awon lan sah‍é, sarta tĕmbé lampahané, ḍawaḥ bĕgja saṅsarané, maṅgiḥ wirya myaŋ asoré.

11. ki wasi alon liṅira, kacrita yèn kono iya, winahyu iŋ tibanira, mula paṅéraṅiŋ basa.

12. luput pisan kĕna pisan, dumunuṅé iku ana, pañjiŋ surupiŋ waṣkiṭa, jalma lumraḥ tan uniṅa.

13. karana isiḥ ginahib, batal yèn kahucapĕna, saduruṅé kawistara, lahir sakiŋ guwagarba.

14. awit kaŋ maṅkana iya, satuhu gĕŋ gĕṅiŋ dosa, wit wani wani narbuka, mḍiṅini karṣaniŋ sukma.

15. kacrita tumandukira, babasan aliru lambaŋ, utawa wolak walikan, maṅkéné iṅkaŋ pratélan.

16. jroniŋ ayun pulaŋ raras, priya kalawan wanudya, yèn priya kaŋ darbé karṣa, baṅĕt harda mriŋ wanudya.

17. sasuwéné ndon asmara, adrĕŋ sĕṛĕṅiŋ kaŋ karṣa, layap liyĕp luyutira, ṅanti praptèŋ ciptamaya.

18. sabañjuré muḍar prasa, kapanujon pinaṛĕṅan, wahyaniŋ kaŋ maṅsakala, karṣaniŋ hyaŋ maha mulya.

19. nitahkĕn wiji manuṅsa, rèhniŋ harda karṣèŋ priya, dadi pakolèhé paḍa, kalawan cipta wanodya.

20. kira kira bokmanawa, kadadéyaniŋ kaŋ jalma, lahiré iŋ tĕmbé iya, dumadya jalma wanita.

21. déné kosokbalinira, yèn dyaḥ iṅkaŋ darbé karṣa, harda adrĕŋ maraŋ priya, kriḍa lir kasĕbut ṅarṣa.

22. kira kira bokmanawa, kadadéyaniŋ kaŋ jalma, lahiré iŋ tĕmbé iya, anumusi dadi priya.

23. maṅka kapanujon ana, priya lan dyaḥ darbé karṣa, sakaroné paḍa harda, kriḍa lakṣana widada.

24. kira kira bokmanawa, kadadéyané kaŋ jalma, lahiré iŋ tĕmbénira, ḍampit jalu lan wanita.

25. ana manèḥ sahupama, sujalma priya kaŋ maṅka, iŋ saduruŋ duruṅira, baṅĕt kayuṅyun bisa a.

26. pinariṅan adarbéya, atmaja mijil wanodya, panutanira iŋ nala, tumĕka iŋ ciptamaya.

27. bañjur amulaŋ asmara, ulaḥ kriḍaniŋ lakṣana, nuṅgal iŋ ṅaṛĕp sadaya, yèku iṅkaŋ binasakna.

28. ḍolog katlusuban jatya, lirirra iṅkaŋ maṅkana, cipta kasĕlan iŋ cipta, kira kira bokmanawa.

29. kadadéyaniŋ babayi, lahiré tĕmbé mĕtoni, wujud kĕmbar loro iji, tur iku paḍa pawèstri.

30. déné kosokbalinira, yèn wanudya iṅkaŋ maṅka, saduruŋ duruṅé harda, kayuṅyun atmaja priya.

31. sarta bañjur darbé karṣa, adrĕŋ mriŋ priya asmara, saholaḥ kriḍa ḷĕkṣana, nuṅgil lir kasĕbut ṅarṣa.

32. kira kira bokmanawa, kadadéyaniŋ susuta, tĕmbé lahir wujudira, kĕmbar loro paḍa priya.

33. dé alus hardaniŋ karṣa, tumĕka iŋ ciptamaya, kaya kaŋ kasĕbut ṅarṣa, nora muhuŋ wahananya.

34. dadi jalu lan wanita, duk lagi andon asmara, kriḍa myaŋ cipta punapa, kaŋ maṅkana cinarita.

35. bakal mahanani iya, mriŋ wawatĕkaniŋ suta, pramila para sujana, para bèrbudi sarjana.

36. iṅkaŋ wus paḍa waṣkiṭa, iŋ kriḍa tuwin paṅripta, bañjur kaṅgo tĕṅĕr nama, maraŋ iŋ atmajanira.

37. bab iku ta kawruhana, wiji wus momor caṅkoknya, mula jalu lan wanita, laḥ ĕndi iṅkaŋ santosa.

38. paḍa adarbé kawasa, sakṣi kaŋ kaṅgo prataṇḍa, babasané ila ila, ujaré sujalma kuna.

39. nadyan priya lan wanodya, yèn nuwuhakĕn atmaja, isiḥ anèŋ guwagarba, maṅka salaḥ sijinira.

40. sĕṅit niaya sawiyaḥ, mariŋ saminiŋ tumitaḥ, asriŋ mahanani bocaḥ, dadi céda kuraŋ lumraḥ.

41. mula tĕka jaman maṅkya, katĕlaḥ isiḥ aṅaṅgya, tĕmbuŋ pèṅĕt yèn kataman, éwa sĕṅit ṅaniaya.

42. ñĕbut jabaṅbayi ika, supayané aywa ṅantya, tĕmbé lahir namḍaŋ céda, ḷĕstari mijil prayoga.

193. mijil

1. mas cĕbolaŋ matur maṅĕñjali, asmaraniŋ wadon, yèn panuju sinaṅgama ṛĕké, iṅkaŋ pundi prayoganirèki, tiṅkahiŋ kaṛĕsmin, ñuwun wĕḍaripun.

2. kyayi ajar aṅandika aris, yèn nitik lalakon, jalma priya akèḥ rubédané, sabĕnĕré kalamun pawèstri, lagi sinaṛĕsmi, amuŋ kudu manut.

3. mriŋ ombakiŋ priya mituruti, anaṅiŋ woŋ wadon, akèḥ iṅkaŋ ṅuciwani liré, liṅsĕm nir pakolèḥ kaṅgo wadi, mĕnèk dèn arani, èstri lèñjèḥ kakuŋ.

4. kèḥ kèhiŋ dyaḥ kaḍaŋ andarbèni, réka gila waṅkot, sabĕn arṣa rinuraḥ kuṭané, réwa réwa tan arṣa ṅlaṅgati, kalakoné ṅanti, pinaripĕkṣèku.

5. muṅguḥ gĕlar kaŋ maṅkana kaki, kaṛĕpé supados, ywa kinira pawèstri wus lèñjèḥ, lan kinira èstri kaṛĕm ṛĕsmi, satĕmaḥ dumadi, kasĕṛĕŋ iŋ kakuŋ.

6. iya iku aran kapanduk iŋ, rubéda sayĕktos, wĕkasané asmara campuhé, nora bisa widada sakapti, lawan ana maliḥ, gĕlaré dyaḥ iku.

7. yèn pinuju sinaṅgamèŋ laki, abipraja gupoḥ, iŋ sasolaḥ obahiŋ ragané, andadèkkĕn gañcaṅiŋ pakarti, aju undurṇèki, pastapurusèku.

8. kaŋ maṅkana supaya mimbuhi, sakécaniŋ rahos, akataman sruniŋ paṅgosoké, muwuhakĕn panasiŋ hawèki, pan rubéda ugi, glis pamuḍaripun.

9. ĕmpan papan lan maniṅirèki, babakuniŋ wadon, kudu awaṣkiṭa pamawasé, nuju taṅgap mriŋ karṣaniŋ laki, solahbawa paṣṭi, nut paṅrèhiŋ kakuŋ.

10. déné iṅkaŋ dadya saranèki, kaŋ ḍiṅin rumojoŋ, buka maraŋ sĕṛĕŋ aṅkarané, karṣa ḍaḍag kasĕṅsĕma ṛĕsmi, patrap kaŋ kadyèki, iŋ pakolèhipun.

11. yĕkti bakal amimbuhi mariŋ, kiyatiŋ kaŋ baḍoŋ, nora mĕmbat katiban gadané, kaŋ kapiṇḍo niyatna amardi, kĕñcĕŋna dayaki, kukuwatanipun.

12. baga miwaḥ sasaminirèki, iŋ pratiṅkaḥ kados, amamaṭĕt mĕtuniŋ uyuhé, kaŋ maṅkana pakolèhirèki, ṅrapĕtkĕn pintuniŋ, pasti baganipun.

13. mĕlar miṅkus daya wiwaraniŋ, baga kaŋ wus mbaṭok, cukup muhuŋ lawan biyantoné, iŋ papaṭĕt culliŋ napasnèki, aṅsal iŋ praŋ taṇḍiŋ, kudu ṅaṅgo lagu.

14. gĕlar aran maṅkaradibya di, muṅsuhira wadon, kapapanna maṅiwa iriṅé, risaŋ kroḍa anumpaṅĕna iŋ, pupu mĕṅsahnèki, kaprĕnaḥna lambuŋ.

15. risaŋ kroḍa kaŋ tĕṅĕn dèn maṭis, pakolèḥ sayĕktos, tahan lawan kwasa sarosané, tambaḥ ñakĕtakĕn dèn irèki, kumudasmara di, kacoṇḍoṅan lulut.

16. iŋ wasana muṅguhiŋ saṛĕsmi, nadyan muŋ sakloron, tur dumunuŋ parimpĕn ĕṅgoné, tan kawruhan iŋ jalma sawiji, papaṇṭĕṅiŋ ati, ywa ṅanti kalimput.

17. mriŋ surasa lan dunuṅirèki, tĕmbuŋ tri pinaṭok, niṣṭa madya lawan utamané, liré niṣṭa iku tan prayogi, madya tĕgĕsnèki, sĕḍĕṅan puniku.

18. dé utama tĕgĕsé prayogi, kaṛĕpé surahos, kaŋ maṅkono salaḥ pratiṅkahé, iŋ sajroniŋ lagya andon ṛĕsmi, kudu añiṅkiri, tanduk kaŋ tan patut.

19. madya utama iṅkaŋ prayogi, wijaṅiŋ wirahos, aran niṣṭa niru pratiṅkahé, satokéwan dèn nira saṛĕsmi, yĕkti nora apik, lamun dadi sunu.

20. asaṛĕsmi mituruta kadi, wasita kinahot, nayakèṅrat maraŋ iŋ mantuné, kyatiŋ jagad sayidina ṅali, wĕnaŋ mokalnèki, kabèḥ wus kasĕbut.

21. kaya kaya uwis añukupi, iŋ pituturiṅoŋ, wit pamiliḥ ṅanti tumĕkané, tĕmpuhiŋ praŋ dadiniŋ babayi, naṅiŋ iku mligi, kawruhé woŋ gunuŋ.

22. kaŋ sinuŋ liŋ samya maṅĕñjali, aturira alon, wĕtyaniŋ liŋ iṅgiḥ sah‍èstuné, sru kapuṇḍi tumanĕm iŋ ati, pèpèṅĕt kah‍èṣṭi, dinoḥna kalimput.

23. iŋ sasagĕd baḍé ṅlĕkṣanani, supados dumados, awidada kaṅgé salaminé, ajojoḍon doña praptèŋ akir, ki ajar ṅaṇṭuki, baṅĕt suka sukur.

24. kulup amat mĕṅko tabuḥ katri, laḥ muliha gupoḥ, karṣadaḷĕm ñjĕŋ sultan wiyosé, susuk ésuk nuju ri ṛĕspati, sira sinuŋ liṅgiḥ, dadya katib sĕpuḥ.

25. nora luwiḥ pujastutimami, ḷĕstari kalakon, tinĕbiḥna iŋ sambikalané, muŋ kakaŋmu lan sakawan santri, dimèn paḍa kari, aywa mèlu mantuk.

26. wus kacĕṭa papaṣṭèn pinaṣṭi, dalajadiŋ kaŋ woŋ, sira iku kulinèŋ prajané, kakaṅira kulina iŋ wukir, mahas iŋ asĕpi, praptèŋ mahotipun.

27. rèḥ wus wañci aṅasowa sami, kyayi amat gupoḥ, ṅaraspada aṅrahup sukuné, saha matur timbalan saŋ yogi, kalaṅkuŋ kapuṇḍi, paṅèstu pukulun.

28. mas cĕbolaŋ lan sarowaṅnèki, sapraptaniŋ poṇḍok, kyayi amad ṅruṅkĕbi padané, mriŋ kimasé cĕbolaŋ sarya ṅliŋ, aḍuḥ kadaṅmami, wodiŋ manahulun.

29. boya sagĕd pisaḥ iṅkaŋ rayi, saparan rumojoŋ, botĕn biṅaḥ antuk nugrahané, sinĕṅkakkĕn drajat dadya kĕtib, wus sinĕdyèŋ ati, bĕgja lara lampus.

30. aywa bĕṇḍèŋ kakaŋ lawan mami, tulusa karoṅron, mas cĕbolaŋ sĕṛĕt waṅsulané, aḍuḥ yayi ṅgiḥ samantĕn ugi, rasaniŋ tyasmami, laṅkuŋ awratipun.

31. yèn pisaha kalawan pun aḍi, tuwin lan pun ĕmbok, asru trĕṣṇa lir yogané ḍéwé, naṅiŋ paran dèn nira sumiṅkir, iŋ kodratiŋ widdhi, citrèŋ lokilmakpul.

32. botĕn laṅkuŋ samya ndum basuki, bĕkti katur simbok, tĕmbé biliḥ wus pinaṛĕṅaké, déniŋ widdhi ulun tamtu tuwi, ḍatĕŋ iŋ mantawis, sipĕŋ kaliḥ tèṅsu.

33. kyayi amat ḷĕjar sawatawis, dupi wañci boḍol, mas cĕbolaŋ lan catur santriné, samya ṅatĕr iŋ ṅaré wus prapti, sasalaman sami, myaŋ andum rahayu.

34. kaŋ lumaris maṅu noliḥ noliḥ, luhira drĕs miyos, tan cinatur nèŋ marga lampahé, praptèŋ wisma rénanira ñahi, mapag anèŋ kori, atatanya arum.

15. pitutur muriḥ aṅgènipun dados priyayi lan ṅaṅkaḥ kasugihan, ḷĕpat biliḥ kaṇṭi sarat sarana marḍukun lss. iṅkaŋ prayogi namuŋ labuḥ labĕt ḍatĕŋ iŋ pakaryan, ṅatos atos, kaṇṭi paṅawikan 8 prakawis.

35. laḥ ta ĕndi kakaṅira kaki, tĕka nora katon, kyayi amat pĕgat pĕgat liṅé, amiwiti tumĕkèŋ muṅkasi, ñi raṇḍa duk myarṣi, mbaṛĕbĕl mĕtu luḥ.

36. wus pinupus pamĕpĕsiŋ galiḥ, paṅlipuriŋ lamoŋ, tan pantara daṅu iŋ praptané, utusaniŋ paréntaḥ surambi, ḍawuḥ animbali, ki amat umatur.

37. praptèŋ srambi kinĕpyakkĕn aglis, ḍawuhiŋ saŋ katoŋ, kyayi amat pakĕnira maṅké, karṣadaḷĕm sinĕṅkakkĕn dadi, abdidaḷĕm kĕtib, aran kĕtib luhuŋ.

38. wus mupakat sanagri mantawis, mat tĕṅara mĕṅko, dadya kĕtib linuhuŋ wastané, sakalaṅkuŋ sukurirèŋ widdhi, alkamdullilahi, ñahi amat sĕpuḥ.

39. sukaniŋ tyas amarwata siwi, marawayan kaŋ loḥ, naṅis suka nlaṅsa paṅérané, sigĕg iṅkaŋ tampi siḥ narpati, gantya kaŋ winarṇi, kimas nèŋ kĕpurun.

194. maskumambaŋ

1. byar rahina kyayi ajar wus umijil, sakiŋ iŋ pahiman, mriŋ udyana miyat sari, kuḍup mĕkar mbabar ganda.

2. aṅidĕri papĕṭètan jro capuri, nulya mriŋ pagagan, pasĕtrèn tanapi tĕgil, myat kaŋ samya nambutkarya.

3. aṅuṇḍuhi aḍaḍaṅir aṅgaḍaṅi, ṅurut toya iṅkaŋ, lumĕbu iŋ jro capuri, kaŋ ṅĕḷĕbi patĕgalan.

4. ramé sayuk sadaya kaŋ nambut kardi, gumatĕlliŋ surya, kyayi ajar pinarak iŋ, balékambaŋ papuṅkuran.

5. mas cĕbolaŋ kalawan sakawan santri, tumuntur saparan, wus pinarak anèŋ ṅarṣi, wédaŋ ñamikan lumadya.

6. mas cĕbolaŋ maṅĕñjali matur aris, duk ulun nèŋ praja, pintĕn pintĕn tiyaŋ èstri, ṅupados guna sarana.

7. kaŋ supados kinasihana iŋ laki, patrap kaŋ maṅkana, punapa iṅgiḥ prayogi, tumrapipun iŋ wanita.

8. kyayi ajar paṅandikanira aris, patrap kaŋ maṅkana, nora ṅĕmuṅkĕn pawèstri, sanadyana jalma priya.

9. iṅkaŋ samya ñjaṅkaḥ drajat amriḥ siṅgiḥ, kawiryaniŋ praja, tĕgĕsé dadi priyayi, lawan ñjaṅkaḥ kasugihan.

10. akèḥ iṅkaŋ ṅaṅgo srana sarat sakiŋ, maḍukun préwaṅan, sumuṅkĕm buburon wariḥ, añañĕmbaḥ bulus ula.

11. ṛĕca lawan kayu séla aṅkĕr éblis, jalma iṅkaŋ patrap, maṅkana saḷĕkṣa sisip, saka boḍo cublukira.

12. pupuntoné katarima myaŋ ḷĕstari, baraŋ kaŋ sinĕdya, muŋ dumunuŋ kaliḥ warṇi, labĕt labuhiŋ pakaryan.

13. iku uwis dadi panĕmbaḥ pamuji, iŋ tyas ywa sumĕlaŋ, aja ĕsak aja sĕrik, sĕnĕŋ sukuriŋ satitaḥ.

14. lan maniṅé kaŋ awas aṅati ati, sira ṅawruhana, paṇḍita iṅkaŋ wus yakti, kaŋ wus kahidèn śri nata.

15. kacarita paṇḍitèstu kudu baṅkit, ṅaṅgo paṅawikan, akèhé woluŋ prĕkawis, liré kaŋ woluŋ prakara.

16. iṅkaŋ ḍiṅin paramasastra winarṇi, limpat maraŋ sastra, kapiṇḍo paramakawi, tĕgĕsé putus iŋ kawya.

17. katri mardibasa tĕgĕsira baṅkit, mantĕp tĕtĕmbuṅan, wiḷĕt manis milaṅoni, taṅèḥ sinĕṇḍu iŋ jalma.

18. kapiŋ catur mardawèŋ lagu puniki, tĕgĕsira bisa, gawé ḷĕmĕs ḍèmĕs maṭis, lalagon sasaminira.

19. kapiŋ lima awicarita jinarwi, asugiḥ carita, samantra guna lirṇèki, mumpuni sugiḥ kabisan.

20. kapiŋ sapta nawuṅkriḍa tĕgĕsnèki, lantip paṅlĕpasan, sambégana jaṅkĕpnèki, tĕgĕsé iku éliṅan.

21. dé ugĕré paṇḍita woluŋ prakawis, kaŋ ḍihin siḥ maraŋ, pra murid dèn aṅgĕp siwi, kapiṇḍo talatèn mulaŋ.

22. katĕluné tĕrtamtu lumuḥ iŋ pamriḥ, sĕpi iŋ paṅaṅkaḥ, pat taṅgap iŋ sasmitèki, tampa pasĕmoniŋ siswa.

23. kapiŋ lima sĕpĕn paṅgrayaṅan yĕkti, paṅiraniŋ siswa, piŋ nĕm tan mbalèkkĕn mariŋ, patakon saḍéṅaḥ ḍéṅaḥ.

24. kapiŋ sapta sirik yèn ṅĕṇḍaka mariŋ, kagunaniŋ jalma, aṣṭa nir ṅuṅkuli wasis, lan nora guruwaḷĕman.

25. utamané paṇḍita woluŋ prakawis, iṅkaŋ ḍiṅin apan, mulus sariané brĕsiḥ, nora andarbèni cacad.

26. piṇḍo alusiŋ wicara nora asriŋ, mimisuḥ supata, déné iṅkaŋ kapiŋ katri, jatmika iŋ solahbawa.

27. kapiŋ paté mantĕp babudinirèki, lima paramarta, labuhané paṇḍita di, sad patitis nalarira.

28. kapiŋ pitu bĕcik lalabĕtanèki, kawolu puṅkasan, paṇḍita apan pinaṣṭi, nora duwé pakaṛĕman.

29. amuŋ iki panitiké maha ṛĕṣi, déné raganiṅwaŋ, muŋ maṇḍĕg bisa cariwis, taṅèḥ lamun ṅèmpĕrana.

30. iṅkaŋ kaya woluŋ ĕbab kapiŋ katri, naṅiŋ śri naréndra, tĕka coṇḍoŋ iŋ paṅgaliḥ, rumĕntaḥ siḥ trĕṣṇanira.

31. pinariṅan paṅan ṅaṅgur anèŋ wukir, sumiwèŋ śri nata, amuŋ lamun dèn timbali, déné ta bĕkti manira.

32. tan lyan muhuŋ amumuja sabĕn ari, raharjaniŋ praja, kasugĕṅannya narpati, sagarwa putra santana.

33. kaŋ pinuṇḍi puṇḍi iŋ satanaḥ jawi, tumĕkèŋ puṅkasan, ḷĕstari daraḥ narpati, aja ṅanti kasĕlanan.

34. dé saguṅé sun wus rumaṅsa arja ji, jĕjĕré kaplajar, tansaḥ jajar jajar jijir, isiḥ jĕmbĕr nora jĕmbar.

35. karṣadaḷĕm paṅkat ajar pan sinami, kalawan mutiyan, utawi para ṅulami, nindakkĕn agama mulya.

36. mas cĕbolaŋ sukèŋ tyas umatur aris, sanadyan jĕmbĕra, naṅiŋ kaṅjĕŋ śri bhupati, coṇḍoŋ saha asiḥ trĕṣṇa.

37. kadiparan yèn ulun tĕka ṅèsĕmi, èṣṭiniŋ wardaya, sumuṅkĕm iŋ lahir batin, ṅéstokakĕn paṅandika.

38. nuwun mugi pariṅa ṅibadaḥ jati, agami minulya, sarak saréṅaté nabi, mukhamadinil mustapa.

16. bab sumĕbaripun kawruḥ agami islam iŋ tanaḥ jawi manut pipiridan wiwit sédanipun sunan ṅampèl, para wali lajĕŋ sami ṅrĕmbag ṅèlmubkajatènipun paṅéran : cariyos bĕḍahipun giri ṅantos lolosipun jayèṅrĕsmi, jayèṅsari tuwin rañcaṅkapti ; wĕjaṅan 8 paṅkat iṅkaŋ kapariṅakĕn déniŋ kaṅjĕŋ sultan aguŋ namuŋ ḍatĕŋ panĕmbahan rama iŋ kajoran. mas cĕbolaŋ kaprayogèkakĕn maguru ḍatĕŋ kajoran.

39. sumĕbariŋ tumrapipun tanaḥ jawi, kawruḥ tanaḥ arab, nalika jaman punapi, kapuṅkur agami buddha.

195. paṅkur

1. ki ajar alon ṅandika, patitisiŋ titi maṅsanirèki, kulup aku nora wĕruḥ, muŋ saka kira kira, pipiridan awit iŋ caritanipun, sasédané ñjĕŋ susunan, minulya iŋ ṅampèlgaḍiŋ.

2. waliyolaḥ tanaḥ jawa, paḍa karṣa ambuka ṅèlmi gahib, iṅkaŋ dadya wijinipun, iŋ wirit wawĕjaṅan, surasané ṅèlmu kasampurṇan aguŋ, ḍéwé ḍéwé wiridira, naṅiŋ nuṅgal rasanèki.

3. iṅkaŋ ḍiṅin saaṅkatan, kala jaman awaliŋ dĕmak nagri, saṅgyaniŋ waliyolahu, iṅkaŋ karṣa amĕjaŋ, nora luwiḥ babakuné namuŋ wolu, sumĕbar satanaḥ jawa, babu babon mbabar bibit.

4. sawiji kaṅjĕŋ suhunan, kaŋ ḍéḍépok girikaḍaton ṅuni, iku wĕwĕjaṅanipun, wisikan ananiŋ dat, loro kaṅjĕŋ suhunan iŋ taṇḍĕs iku, wĕwĕjaṅaniŋ wĕḍaran, wahananiŋ datolahi.

5. katĕlu ñjĕŋ susuhunan, iŋ majaguŋ wĕwĕjaṅanèki, glaran kaananiŋ dat u, papat ñjĕŋ sunan bénaŋ, wawĕjaṅanira iŋ pambukanipun, tata maligé lwiḥ éndaḥ, iŋ daḷĕm bétal makmuri.

6. kalima kaṅjĕŋ susunan, muryapada wĕjaṅan pambukaniŋ, tata maligé linuhuŋ, daḷĕm bétal mukaram, nĕm ñjĕŋ sunan kaliñamat wĕjaṅipun, pambuka tata maligya, daḷĕm bétal mukadasi.

7. sapta kaṅjĕŋ susuhunan, gunuṅjati wawĕjaṅannya titis, panĕtĕp santosanipun, imaniŋ kaŋ manuṅsa, wolu kaṅjĕŋ suhunan kajĕnar luhuŋ, wĕjaṅané sasahidan, ganĕp wolu para wali.

8. iŋ sa aṅkatan manèḥ kala, jamanira akiriŋ dĕmak nagri, tumĕka iŋ jamanipun, karaton nagri pajaŋ, para wali kaŋ karṣa amĕjaŋ ṅèlmu, iya muŋ wolu balaka, nora nana maniŋ maniŋ.

9. sawiji kaṅjĕŋ suhunan, giri prapèn kaŋ mbaléla narpati, iŋ samaṅké wus kapikut, binĕkta mriŋ mantaram, garwa putra sawadyané nora kantun, atanapi rajabrana, jinarahan gusis tapis.

10. muŋ putra saka ampéyan, jalu loro sawiji kaŋ pawèstri, jayèṅrĕsmi kaŋ asĕpuḥ, anulya jayèṅsĕkar, wuragilé dyaḥ rañcaṅkapti pinuñjul, bĕḍahé iŋ giripura, jayèṅrĕsmi nulya anis.

11. ariné kakaliḥ myarṣa, jayèṅsari kalawan rañcaṅkapti, sumusul iŋ kadaŋ sĕpuḥ, anaṅiŋ séjé paran, déné iṅkaŋ ambĕḍaḥ iŋ giri mahu, paṅran pĕkik surabaya, kahipé ñjĕŋ śri bhupati.

12. nulya ṅutus kajinĕman, aṅupaya putra putri kaŋ anis, naṅiŋ parmaniŋ hyaŋ aguŋ, kanti tĕkan samaṅkya, duruŋ ana pawarta lamun kapikut, kabar kabur kaŋ binabar, citraniŋ dyaḥ rañcaṅkapti.

13. salumahiŋ jawa wétan, taṅèḥ lamun ana a kaŋ amirit, ḍasaré ayu pinuñjul, cacadé amuŋ waja, rada giṅsul manis mĕrakakĕn kalbu, upama iku dadiya, joḍomu laṅkuŋ utami.

14. naṅiŋ paran paṅupaya, rèhniŋ lagi piniṅit iŋ hyaŋ widdhi, mas cĕbolaŋ duk aṅruṅu, kumĕmbĕŋ waspanira, kétaŋ wĕlas maraŋ kaŋ anis ṅĕlaṅut, locitaniŋ tyas prasĕtya, iṅsun nora niyat rabi.

15. liyaniŋ dyaḥ rañcaṅkaptya, déné lagi miyarṣa pawarti, kataman iŋ lara gandruŋ, ṅĕndi ṅgonku ṅupaya, sira rara kaŋ asuŋ gandruŋ maṅunkuŋ, sukalila praptèŋ léna, yèn tan paṅgiḥ sira gusti.

16. ki ajar dupi uniṅa, mas cĕbolaŋ kumĕmbĕŋ mambu ati, suka gumuyu liŋnya rum, apa kaŋ dadi sabab, tĕka sira kumĕmbĕŋ arṣa wĕtu luḥ, dudu sanak dudu kadaŋ, kruṅu warta lagi maṅkin.

17. méndaḥ yèn wus uniṅa a, baya bañjur kaḷĕṅĕr nini nini, mas cĕbolaŋ mèwèk matur, sĕṛĕt kĕdaliŋ sabda, ḍuḥ saŋ dibya mugi jarwa a satuhu, paran iŋ wusananira, kaŋ samya kawĕlas asiḥ.

18. kaŋ iku walahu'alam, bokmanawa yèn pinaṛĕŋ iŋ widdhi, kacatur dumadya kumpul, nèŋ jaman kaĕnĕṅan, aḥ wis kulup iki gunĕm yèn kabañjur, basané mbuka warana, olèḥ sikuniŋ hyaŋ widdhi.

19. puntoniŋ tyas dipracaya, nĕṅiŋ nala kumandĕl iŋ hyaŋ widdhi, mbalèni caritaniṅsun, wali kaŋ arṣa mĕjaŋ, sawiji ñjĕŋ sunan giri prapèn wahu, wawĕjaṅanira apan, wisikan ananiŋ dat i.

20. loro kaṅjĕŋ susuhunan, iŋ darajat wawĕjaṅan wĕḍariŋ, wahananiŋ datolaḥ u, katĕlu ñjĕŋ susuhunan, ṅatasaṅin déné wawĕjaṅanipun, gĕlaran kaananiŋ dat, sakawanné kaŋ winarṇi.

21. ñjĕŋ suhunan kalijaga, ajujuluk sèḥ malaya ki sahid, kaṛĕm mriŋ ora puniku, wĕjaṅaniŋ pambuka, tata maligé iŋ daḷĕm bétal makmur, bañjur mbabar iṅkaŋ dadya, parabotira kaŋ wirid.

22. amatrapakĕn punika, pañjĕnĕṅan iŋ ĕ dat sadayèki, anaṅiŋ ta duruŋ turut, patrap paṅaṅgénira, iŋ sawiji wijiniŋ parabot wahu, kalimané ñjĕŋ suhunan, iŋ tĕmbayat kaŋ maṇḍiri.

23. linilan déniŋ gurunya, iya iku kaṅjĕŋ suhunan kali, wiridkĕn wĕjaṅanipun, pambukané kaŋ tata, maligé iŋ daḷĕm bétal mukaram u, kanĕmé kaṅjĕŋ suhunan, iŋ padusan ḍépoknèki.

24. wawĕjaṅanira apan, pambukaniŋ tata maligé adi, daḷĕm bétal mukadasu, kasapta kaŋ paparab, kaṅjĕŋ sunan iŋ kudus wĕjaṅanipun, panĕtĕp santosanira, kaŋ minulya iman suci.

25. ñjĕŋ sunan gĕsĕŋ ka aṣṭa, sasahidan wawĕjaṅanirèki, muṅguḥ wawĕjaṅan wolu, surasané anuṅgal, marga saka piridan pamĕjaṅipun, ñjĕŋ suhunan ṅampèldĕnta, baṛĕŋ tumĕka sahiki.

26. wawĕjaṅan woluŋ paṅkat, karṣadaḷĕm sultan aguŋ mantawis, kahimpun saprabotipun, supayané mutamat, surasané sakèhé wĕjaṅan wahu, puniku bañjur kababar, dadi wawĕjaṅan siji.

27. sawusé cuṇḍuk kalawan, kawruhira para kaŋ ahli ṅèlmi, saka karṣadaḷĕm mahu, kaŋ karilan miridna, wawĕjaṅan wowolu kaŋ wus kinumpul, uga wolu kaŋ winĕnaŋ, liyané tan dèn lilani.

28. panĕmbahan purubaya, panĕmbahan juminaḥ lawan maliḥ, nama panĕmbahan ratu, ratu pĕkik parabnya, panĕmbahan jurukiṭiŋ iŋ mantarum, paṅran kadilaṅu lawan, paṅran tĕmbayat paliṅgiḥ.

29. maniṅé paṅran kajoran, panĕmbahan rama jujuluknèki, paṅran iŋ waṅga kawolu, iku pamyarṣaniṅwaŋ, nora nana alané yèn sira sarju, niyat aṛĕp puruwita, iṅsun baṅĕt añjuruṅi.

30. mas cĕbolaŋ duk miyarṣa, saya giyuḥ kéron iṅkaŋ kah‍èṣṭi, wĕkasan nir sĕdya suwuŋ, kumambaŋ karṣaniŋ hyaŋ, matur aris ḍuḥ risaŋ mardawèŋ laku, aywa kiraŋ paṅakṣama, biliḥ kapaṛĕṅiŋ galiḥ.

31. béñjiŋ éñjiŋ wañci pajar, kalilana pun patik ñuwun pamit, mundur sakiŋ iŋ kĕpurun, tambuḥ paranniŋ sĕdya, lumakṣana timbalanira hyaŋ aguŋ, ki ajar suka ṅandika, aywa pĕgat ṅati ati.

32. tan luwiḥ paṅèstuniṅwaŋ, myaŋ pujarja muga hyaŋ odipati, nĕmbadanana sakayun, cĕbolaŋ ṅrahup pada, lan santrinya catur samya ṅaras suku, mundur sakiŋ iŋ ṅajĕṅan, waṅsul mriŋ poṇḍokanèki.

17. mas cĕbolaŋ dumugi iŋ prambanan, ñipĕŋ griyanipun luraḥ harṣana. niṅali caṇḍi sèwu, caṇḍi joṅgraŋ sarta miṛĕṅakĕn doṅèṅipun wiwit jaman prabhu déwanata iŋ pĕṅgiŋ, prabhu dipanata iŋ saḷĕmbi mĕṅsaḥ prabhu karuṅkala iŋ prambanan ṅantos banduŋ bandawasa ñipta caṇḍi sèwu lan rara joṅgraŋ dados ṛĕca.

iŋ nalika iṅkaŋ jumĕnĕŋ iŋ prambanan prabhu baka, karṣa ṅlalipur paṅgaliḥ kaṇṭi abĕn sawuŋ. saŋ pramèswari kalihan para garwaniŋ abdidaḷĕm ṅawontĕnakĕn lalaṅĕn abĕn gĕmak lan abĕn kĕmiri. punika wiwitipun iŋ tanaḥ jawi wontĕn lalaṅĕn abĕn abĕn wahu.

33. kakaŋ nurwitri saloka, kartipala kalawan palakarti, paḍa bĕrdandanna gupuḥ, tĕṅaḥ dalu lumampaḥ, kaṛĕntĕgiŋ tyasiṅsun ṅétan maṅidul, sandika kaŋ sinuŋ sabda, sawusira amiranti.

34. tumurun sakiŋ ṅasrama, titi sonya wus ṅañcik gagat éñjiŋ, sukèŋ tyas risaŋ nahĕnkuŋ, miyat ṛĕṅganiŋ tawaŋ, taraṅgana sumunaré wèḥ mawĕlu, kaliṇḍiḥ cahyaniŋ candra, kapiŋ salawé maṛĕṅi.

35. alon wahu tindakira, miyarṣakkĕn uṅĕliŋ pakṣi pakṣi, sriguntiŋ munya jĕṭiṭut, kacĕr sikatan taṅgap, mĕḍar swara cocak kuṭilaŋ ambaruŋ, jalak urèn pĕñu kadya, añĕṅgaki lantik lantik.

36. jĕkikèriŋ ayamwana, tuhu kolik sahuran ṅĕlik ṅĕlik, bĕrkutut anduduk layu, dĕrkuku bĕbĕkuran, taṅèḥ lamun ucapĕn laṅĕniŋ manuk, mawèḥ sĕnĕṅiŋ wardaya, suka kaŋ andon lumaris.

37. wañci baṅun praptèŋ ṅaṇḍap, saŋ hyaŋ surya muṅup sakiŋ jaladri, miyak lamukiŋ kaŋ gunuŋ, ṛĕmu ṛĕmu ṛĕspatya, saput siti nulya hyaŋ baṣkara muṅup, anèŋ pucakiŋ ṅaldaka, maḍaṅi sakèḥ dumadi.

38. ramé kaŋ aṅgarap sawaḥ, ḍaṅir tĕgal tĕmbaṅan lantik lantik, nora tiba pada ndlujur, aṅĕlik sak sayaha, sasĕṅgakan ja lali lo titipaku, gambir bako ya mas ya mas, bubar panèn dak tikĕli.

39. suka kaŋ andon lumampaḥ, ki nurwitri saloka mijĕt ati, dudu padon si dĕruhun, baya mamèrkĕn swara, dudu uwoŋ ṅĕlik kaya asu mbahuŋ, ototé patiŋ kaṛĕñcaŋ, matané patiŋ pandĕlik.

40. ana sawiji jajaka, ḍasar blatèr swarané rata apik, sugiḥ apilan puniku, labĕté kĕṛĕp mañjak, nuṅgaŋ luku uniŋ kaŋ andon lumaku, tandya ki jaka ra ura, gumlaṅga wiḷĕt patitis.

41. sawi janur kula ya mas, gandariya gaṇḍuŋ kaŋ piṇḍa warṇi, kĕmbaŋ kapas kapiḷĕṅkuŋ, jroniŋ tyas kuḍaṇḍaŋan, pĕkṣa ṅaraŋ wurṣita kawarṇèŋ kiduŋ, ḷĕsuŋ dawa taḍaḥ udan, kĕpalaŋ tuna iŋ budi.

42. tur duruŋ wĕruḥ pa piñcaŋ, mandèknéya kumudu mudun bhumi, piṇḍa kriḍaniŋ para nuŋ, mĕḍar mawantra sita, bocaḥ cilik klambi abaŋ ikĕt wuluŋ, maṇṭĕŋ pamètiŋ lukita, yayaḥ wikramèŋ paṅèṣṭi.

43. ana kacaŋ nuṅgaŋ téla, wus kaciḥna ajaran duruŋ baṅkit, kĕmbaŋ salak sari ñampluŋ, ṅaṭĕkĕr nitrèŋ kata, muŋ kinarya tambĕl butuḥ trima lowuŋ, kampyaŋ lawaŋ sahupama, taṅèḥ wruḥ lèrègiŋ kawi.

44. waḍuk pitik ṅgiḥ man ḍoplaŋ, kil kil buṅkil cagak awak ya sikil, tan tolèḥ iŋ sarusiku, sakiŋ sigugiŋ basa, basaknéya basané baṅsa sinahu, macan ténoŋ sarwa ciṅkraŋ, mardawa mardiniŋ wadi.

45. pitik walik saba jogan, krañjaŋ blarak mas ṅantèn kaṇḍaŋ pitik, yèn bisa a kaŋ ginilut, piṇḍa pra pramèṅsastra, naṅiŋ wĕgaḥ kawĕkèn ṅupaya tĕmbuŋ, abaŋ abaŋ dudu kidaŋ, koṅsi wĕgaḥ mamanasi.

46. wus katon kaŋ wawaṅsalan, korèk korèk kĕpèké dèn gojagi, antuké muŋ pak bolétus, prandéné sotaniŋ tyas, léléwané napak tilas pra pinutus, piṇḍaŋ lulaŋ kacèk apa, lawan iṅkaŋ sugiḥ picis.

47. dadya riṇḍik kaŋ lumampaḥ, samya kèndĕl nahan kaŋ nambutkardi, maspadakkĕn kaŋ lumaku, sawĕnèḥ ana ṅucap, pyayi ṅĕndi déné wayahé kĕmlañcur, ñjlaṇṭir kaya kĕcik bajaŋ, sĕdyané maraŋ iŋ ṅĕndi.

48. mampira mriŋ wismaniṅwaŋ, dak ṅgo bibit tĕmbéné mèn mĕtoni, ya ṅono kaŋ apa ñjaluk, kaŋ sinuŋ ujar ṅakak, aku trima mbélakké anakmu gĕṇḍuk, gèḍèg gèḍèg kĕḍèp tĕsmak, lir mĕndĕm pucuŋ ṅacuwis.

196. pocuŋ

1. lampahipun iŋ kĕpurun wus kapuṅkur, ṅañcik iŋ prambanan, surya mèḥ tumamèŋ wukir, ḷĕṛĕm anèŋ ṅèrèŋ èrèŋ piṅgir juraŋ.

2. samya luṅguḥ nèŋ ṅisoriŋ mandéra guŋ, suluriŋ mandéra, nutup rapĕt paḍas curi, ṅĕmbĕs ṅĕtuk sakiŋ sukuniŋ kaŋ arga.

3. tiŋ kaṛĕñcaŋ tumali iŋ watu watu, pucuk ñoṅat pĕṭak, amaṛĕntul mijil wariḥ, tètèsiŋ kaŋ toya tumibèŋ iŋ séla.

4. tĕmaḥ ṅlumpuk kaḷĕmpakiŋ toya wahu, marawayan maraŋ, sumbĕr toyanira wĕniŋ, mina alit alit gumĕbyar liwĕran.

5. sru kacaryan miyat wĕniṅiŋ kaŋ ranu, myaŋ solahiŋ mina, saŋ andon mriŋ tĕpi wariḥ, ṅayĕm ayĕm sarira cacawuk toya.

6. nulya wontĕn pawèstri kaŋ ayun ṅaṅsu, kaṇḍĕg lampahira, palakarti liṅira ris, ndawĕg aḍi lajĕŋ aṅambila toya.

7. laḥ iŋ ṅriki pundi namané kaŋ ḍusun, paṅagĕṅé napa, umbul bĕkĕl kéṇṭol tiṅgi, luraḥ miwaḥ iŋ pundi pagriyanira.

8. iṅgiḥ ṅriki parambanan ranniŋ ḍusun, ki luraḥ harṣana, kaŋ dados paṅagĕṅnèki, kwajibannya rumĕkṣa caṇḍi sadaya.

9. caṇḍi sèwu caṇḍi joṅgraṅan puniku, kèndĕla sakĕḍap, kula poyanané ḍisik, nulya waṅsul kaŋ arṣa ṅaṅsu mriŋ sĕṇḍaŋ.

10. praptanipun kalurahan kulanuwun, ki luraḥ iŋ sĕṇḍaŋ, wontĕn ḍatĕṅan ki santri, iṅkaŋ kaliḥ takṣiḥ anèm añjĕṇṭara.

11. radi bĕsus jatmika pasĕmonipun, harṣana duk myarṣa, ñaṇḍak saruŋ laṅkiŋ aglis, kinaluṅkĕn añaṅkiŋ kuḍi tarantaŋ.

12. bĕluk bĕluk èḥ èḥ ĕmbokné si gĕṇḍuk, aṅgoḍoga wédaŋ, adaṅa bĕras kaŋ waṅi, ñambĕlèha pitik cĕmani kaŋ ḍra.

13. wus uméntar praptèŋ sĕṇḍaŋ muṇḍuk muṇḍuk, mas cĕbolaŋ taṅgap, harṣana asuŋ pambagi, kulanuwun kaŋ nĕmbé tigas kawuryan.

14. ajarwaa sinambat sintĕn woŋ bagus, iŋ pundi pinaṅka, miwaḥ arṣa ḍatĕŋ pundi, yèn kapaṛĕŋ lèrèha iŋ wismakula.

15. cĕbolaŋ ṅliŋ kula santri sakiŋ kĕḍu, anama cĕbolaŋ, punika nama nurwitri, ki saloka palakarti kartipala.

16. sĕdya ṅluyug anut saparanniŋ suku, yèn kapaḍan karṣa, ulun ayun aniṅali, caṇḍi caṇḍi wawĕṅkoniŋ parambanan.

17. ki harṣana panuju sru sukèŋ kalbu, kapasaŋ sayogya, sawarṇiniŋ caṇḍi caṇḍi, ṛĕca ṛĕca kula kaŋ wajib rumĕkṣa.

18. wawi bagus rumuhun mriŋ caṇḍi sèwu, lajĕŋ mriŋ joṅgraṅan, sampuniŋ niṅali caṇḍi, maṅké dalu sipĕṅa iŋ wismakula.

19. lumakṣana luraḥ harṣana nèŋ ṅayun, cĕbolaŋ kalawan, catur santri atutwuri, tan pantara daṅu praptèŋ caṇḍi sasra.

20. winurṣita caṇḍi sèwu maṅgènnipun, anèŋ ṅara ara, ragi mĕṅgĕr sawatawis, papan wradin pasagi binatur séla.

21. iṅgilipun sapañjoṅak kaduŋ kaduŋ, gapura majupat, pratiṣṭèŋ tĕṅaḥ capuri, miṅgahipun mawa ḍak uṇḍakan aṣṭa.

22. pipiniŋ kaŋ gapura sakawan wahu, sinuṅan gupala, gĕŋ luhur jégraŋ ṅajrihi, maṇḍi gada piṇḍa hyaŋ ciṅkarabala.

23. caṇḍi alit lir wisma pajagan ḍapur, ṭinarik tinata, ṅubĕṅi kanaŋ capuri, kaṭahipun kalihatus sadayanya.

24. jrambaḥ ṅiṅgil sinarasaḥ séla alus, tĕṅahiŋ jarambaḥ, caṇḍi guŋ luhur mantĕsi, catur tajug blowoŋ pasagi tĕṅaḥnya.

25. sisiḥ kidul mawa goṭaka tan tĕrus, kilèn ĕlèr samya, goṭaka buntu tulya śri, rinaṛĕṅga iṅukir pinatrap puṣpa.

26. namuŋ wĕtan sinuṅan gapura luhuŋ, séla rinumpaka, luŋ luṅan ṛĕmit ṛĕspati, apapiṇḍa pĕkṣi ṅrabasèŋ puṣpita.

27. margi tĕrus añjog kalowoṅan wahu, naṅiŋ tan warata, mawi maṅaṇḍap maṅiṅgil, tri oñjotan tumurun praptèŋ lowoṅan.

28. kaŋ samya non ṅubĕṅi capuri kĕmput, waṅsul iŋ gapura, kaŋ ĕlèr tandya maṅiṅgil, praptèŋ jrambaḥ ṛĕsik agasik warata.

29. amalipir maṅilèn iŋ lampahipun, duk praptèŋ jarambaḥ, kaŋ kidul cĕbolaŋ aṅliŋ, pucak caṇḍi katiṅal papak warata.

30. drĕŋ kapéñcut arṣa uniŋ pucakipun, punapa wontĕna, margi atanapi kéṅiŋ, miṅgaḥ mariŋ pucakiŋ caṇḍi punika.

31. kaŋ sinuŋ liŋ ki harṣana liṅira rum, ṅgèr kahuniṅana, botĕn wontĕn margi maliḥ, lan punika ṅalowoŋ dumugi ṅaṇḍap.

32. wawi laju praptèŋ sisiḥ wétan ndulu, gapura rinĕṅga, daṅu dèn nira niṅali, aścarya mbĕg miyat ṛĕmitiŋ garapan.

33. cĕbolaŋ ṅliŋ punapi kéṅiŋ lumĕbu, laḥ bagus sumaṅga, jañji kula iṅkaŋ ṅirid, iṅkaŋ sampun sĕpĕn iṅkaŋ kara kara.

34. samya maṅsuk margi miṅgaḥ gya tumurun, sabĕn sahoñjotan, wontĕn gapuranya alit, gapura kaŋ puṅkasan kilèn dyan maṇḍap.

35. praptèŋ tĕṅahiŋ caṇḍi jarambaḥ alus, wradin ṛĕsik gilap, sapaṅaṇḍap sapaṅiṅgil, ṛĕsik gasik nir lumut simbar myaŋ kataŋ.

36. samya ṅuṅun nurwitri tatanya arum, biliḥ maṅsa jawaḥ, punapi tan kilèn wariḥ, déné botĕn wontĕn tabĕté kaŋ toya.

37. lamun ṅlumut iba ta ṛĕkahosipun, aṅgènnipun mbucal, sagĕdé ṛĕsik gumriniŋ, ki harṣana gumujĕŋ alon liṅira.

38. ḷĕbĕt ulun mariki sah‍èstu amuŋ, yèn wontĕn ḍatĕṅan, iṅkaŋ kapaṛĕŋ niṅali, kilap iṅgiḥ tĕka makatĕn kéwala.

39. sajĕgulun sah‍èstu dèrèŋ sumurup, kléyaŋ iṅkaŋ ḍawaḥ, wontĕn iŋ ṅlĕbĕt puniki, dalaḥ ḷĕbu blĕdug tan ana tumiba.

40. wawi sampun bokbiliḥ botĕn kacukup, niṅali joṅgraṅan, sĕlak kasaput iŋ ratri, wus umĕdal praptèŋ jawiniŋ goṭaka.

41. dyan tumurun mĕdal gapura kaŋ kidul, lajĕŋ lampahira, miyat caṇḍi alit alit, caṇḍi lumbuŋ pasagi majĕŋ maṅétan.

42. puṅkas kidul caṇḍi pawon namanipun, ajĕṅé maṅétan, goṭak tĕrus dèn lĕbĕti, mĕdal laju ṅidul ṅilèn lampahira.

43. santri catur prasamya imbalan wuwus, éramku tan kĕṇḍat, sabĕn uniŋ caṇḍi caṇḍi, paṅgarapé kaya paran duk iŋ kuna.

44. nurwitri kiraku pujan sadarum, crita jaman budha, paḍa bĕtaḥ tèki tèki, pramilané pañuwunné krĕp katĕkan.

45. kartipala aṅliŋ iṅkaŋ caṇḍi mĕndut, tatalé kaŋ séla, ṅuṇḍuŋ uṇḍuŋ kadi wukir, dadya ciḥna dadiné caṇḍi kinarya.

46. o o iya éwuḥ tĕmĕn kiraniṅsun, wis ta ĕmbuḥ kakaŋ, pikirku nora dumugi, pak harṣana pundi iŋ caṇḍi joṅgraṅan.

47. kilèn niku ṅgèr siŋ ṅgamĕŋ kadya ḍusun, nahĕn lampahira, wus nduṅkap miṅgaḥ sakĕḍik, myat capuri kinubĕŋ cĕpaka pĕṭak.

48. jĕnar arum caṇḍana kumuniŋ mlĕtuk, myaŋ pacar kĕnaṅa, cina warṣiki srigaḍiŋ, nagasari ṛĕjasa kanaṅa soka.

49. samya sĕḍĕŋ iya mbabar ganda arum, kasilir maruta, nampĕg kaŋ andon lumaris, kataman iŋ ganda rum sarira sumyaḥ.

50. èrèŋ èrèŋ klapa dĕnta mubĕŋ kĕmput, myaŋ klapa mawarṇa, sinĕliŋ lan jambé waṅi, mayaṅmĕkar sinomé caṇḍi joṅgraṅan.

197. sinom

1. ambanon binatur séla, maṅidul ujurirèki, iṅgil sapuṇḍak watara, ḍak uṇḍakan tuṇḍa katri, tĕmu gĕlaŋ ṅubĕṅi, jrambaḥ ṅiṅgil siti alus, sĕkar sĕkar mawarṇa, ṅrĕṅgani kaŋ aṣṭa caṇḍi, iṅkaŋ muṅgiŋ babagan caṇḍi joṅgraṅan.

2. ananiŋ caṇḍi winarṇa, sisiḥ wétan cacaḥ katri, samya ṅilèn ajĕṅira, sisiḥ kilèn ugi katri, maṅétan ajĕgnèki, ajĕŋ ajĕṅan katĕlu, sisiḥ ĕlèr satuṅgal, maṅidul ajĕṅirèki, sisiḥ kidul satuṅgal ṅalèr ajĕŋnya.

3. kaŋ muṅgiŋ padon lor wétan, caṇḍi uma namanèki, pasagi sarasaḥ séla, datan mawi pinariṅgit, ṅaṇḍap praptaniŋ ṅiṅgil, tigawĕlas tluṇḍakipun, isi ṛĕca sakawan, maju pat maṅgènnirèki, dèwi uma saŋ hyaŋ brama lodra kala.

4. sakiduliŋ caṇḍi uma, tĕṅaḥ ḷĕṛĕs iŋ botrawi, winastan caṇḍi andana, maṅilèn lajĕṅirèki, gĕŋ iṅgil laṅkuŋ kĕḍik, lawan caṇḍi uma wahu, ḍak uṇḍakan sawĕlas, jrambaḥ srasaḥ séla laṅkiŋ, pinariṅgit naṅiŋ wus kaṭaḥ kaŋ risak.

5. pasagi kaŋ wawaṅunan, isi ṛĕca kawan siki, nèŋ tĕṅaḥ ḷĕmbu andana, maṅilèn ajĕṅirèki, ḷĕmbu andini muṅgwiŋ, pojok kidul kilènipun, maṅalèr ajĕṅira, ḷĕmbu andini iṅapit, rata mawi paṅirit kuda sajajar.

6. iṅkaŋ anèŋ kidul wétan, winastanan caṇḍi ĕ śri, pasagi sinrasaḥ séla, datan mawi pinariṅgit, kĕmbar lan uma caṇḍi, sami triwĕlas maṇḍuwur, ṛĕca catur maju pat, śri kilèn amaṅku margi, kaŋ lèr maya éndra kidul guru wétan.

7. nèŋ kidul dumunuŋ tĕṅaḥ, sakilèniŋ caṇḍi ĕ śri, winastanan caṇḍi candra, maṅalèr ajĕṅirèki, pasagi aṇḍap alit, uṇḍak uṇḍakannya pitu, jarambaḥ sinarasaḥ, séla krĕṣṇa tan riniṅgit, ṛĕcanira sajuga nama hyaŋ candra.

8. iŋ pojok kidul pracima, caṇḍi brama wastanèki, pasagi sinrasaḥ séla, datan mawi pinariṅgit, jĕŋ ajĕṅan lawan śri, uṇḍak uṇḍakan salaṅkuŋ, tĕṅaḥ iṅkaŋ jarambaḥ, kadi sumur tinon wiṅit, ṛĕca tiga majĕŋ ṅalèr ṅidul ṅétan.

9. kaŋ pĕnĕr iŋ ḍak uṇḍakan, maṅkya brama amaṇḍiri, bhuṣaṇa cawĕt kéwala, saŋ hyaŋ bayu iṅkaŋ muṅgwiŋ, iŋ sakidul parigi, dé kaŋ anèŋ loriŋ sumur, winastan saŋ hyaŋ kala, laṅkĕp bhuṣaṇanirèki, samya ṅadĕg tumèmplèk iŋ papan séla.

10. salèriŋ kaŋ caṇḍi brama, tĕṅaḥ ḷĕṛĕs binotrawi, majĕŋ ṅétan jĕŋ ajĕṅan, kalawan andini caṇḍi, aguŋ luhur pribadi, punika iṅkaŋ sinĕbut, nĕṅgiḥ caṇḍi joṅgraṅan, dé caṇḍi sapta gĕŋ alit, grĕbanipun anama caṇḍi joṅgraṅan.

11. maju pat marginé miṅgaḥ, mawa ḍak uṇḍakan sami, iŋ kiwa tĕṅĕn sinuṅan, papagĕr séla iṅukir, wawaṅunan pasagi, sinarasaḥ séla alus, pinariṅgit rinĕṅga, iṅukir gambaran adi, lalampahanira saŋ bhaṭara rama.

12. wit liṅgar sakiŋ ṅayodya, dumugi pĕjahirèki, saŋ bhuminata ṅaḷĕṅka, mila gambaran mawarṇi, ana kaŋ kadi jalmi, lir wanara pĕkṣi diyu, tanapi kakajĕṅan, arga wana myaŋ jaladri, wandanira tan pah‍é kalawan ṛĕca.

13. satĕṅahiŋ kaŋ jarambaḥ, caṇḍi sawatawis iṅgil, ḍapur tajug sawatara, sakawan wadana mawi, goṭaka pĕnĕr margi, kaŋ nèŋ jroniŋ goṭakèku, nĕṅgiḥ kaŋ sisiḥ wétan, ḷĕṛĕs marginya maṅiṅgil, apan warṇi tumpakan lirpéndaḥ sima.

14. iŋ saṅajĕṅiŋ goṭaka, ṛĕca cawĕt amaṇḍiri, winastanan saŋ hyaŋ siwaḥ, ṅajĕṅan sumuran alit, siraḥ naga nutupi, goṭaka kaŋ sisiḥ kidul, ṛĕca marabot ḷĕṅgaḥ, wasta hyaŋ kanékasiwi, iṅkaŋ maṅgon goṭaka kilèn winarṇa.

15. ṛĕca ḷĕṅgaḥ siraḥ gajaḥ, marabot hyaŋ gana nami, nahan kaŋ anèŋ goṭaka, iŋ sisiḥ ĕlèr winarṇi, ṛĕca mrabot maṇḍiri, sakawan astanirèki, satuṅgal ṅasta sĕkar, tumèmplèk grananirèki, kaŋ sajuga ṅasta cis kaliḥ nèŋ ḍaḍa.

16. cakĕt suku iṅkaŋ ṅarṣa, ṛĕca alit alit kaliḥ, punika iṅkaŋ winastan, rara joṅgraŋ narambahi, namaniŋ kanaŋ caṇḍi, kaŋ nèŋ lèr kilèn winuwus, salèriŋ caṇḍi joṅgraŋ, caṇḍi wisnu namanèki, majĕŋ ṅétan jĕŋ ajĕṅan caṇḍi uma.

17. pasagi sinrasaḥ séla, datan mawi pinariṅgit, kĕmbar lawan caṇḍi brama, tĕṅahiŋ jarambaḥ mawi, sumuran siṅit asiṅup, ṛĕca tri kaŋ nèŋ wétan, pĕnĕr marginya maṅiṅgil, ran hyaŋ wisnu maṇḍiri cawĕt kéwala.

18. hyaŋ éndra kidul sumuran, lèr sumur hyaŋ bayu nami, marabot maṇḍiri samya, tumèmplèk papan ṛĕspati, kaŋ muṅgiŋ lèr muṅkasi, caṇḍi surya majĕŋ ṅidul, kĕmbar lan caṇḍi candra, sapta ḍak uṇḍakanèki, nèŋ tĕṅahiŋ caṇḍi wisnu lawan uma.

19. sigĕg gantya ki harṣana, dèn nya ṅirid sampun prapti, sakiduliŋ caṇḍi uma, samya ṅaso ṅariŋ ariŋ, harṣana liṅira ris, laḥ suwawi anak bagus, miṅgaḥ mriŋ caṇḍi uma, iṅgiḥ kaŋ ĕlèr puniki, sayogyaniŋ cĕbolaŋ saréñcaṅira.

20. wus tamat dèn nira mulat, tumurun maṅidul kĕḍik, miṅgaḥ mriŋ caṇḍi andana, tamat dèn nira niṅali, tumurun ṅidul maliḥ, miṅgaḥ caṇḍi śri puniku, wus tamat dèn nya mulat, tumurun maṅidul kĕḍik, nulya miṅgaḥ maṅidul mriŋ caṇḍi candra.

21. tan daṅu tumurun sigra, mapan ṅilèn tan atĕbiḥ, miṅgaḥ mariŋ caṇḍi brama, tamat dèn nira umèkṣi, harṣana tansaḥ criwis, mĕḍarakĕn namanipun, caṇḍi myaŋ ṛĕca ṛĕca, iṅkaŋ samya dèn tiṅali, gya tumurun ṅalèr mriŋ caṇḍi joṅgraṅan.

22. marginé miṅgaḥ marapat, wétané kaŋ dèn uṅgahi, praptèŋ sumur tutup naga, maṅidul lampahirèki, nĕkuk maṅilèn nuli, gaḍug pojok dyan manĕkuk, ṅalèr gaḍug padonan, maṅétan lampahirèki, praptèŋ ṅajĕŋ goṭakaniŋ rara joṅgraŋ.

23. ki harṣana lon liṅira, laḥ punika iloknèki, iṅkaŋ anama joṅgraṅan, suwawi dipunlĕbĕti, cĕbolaŋ catur santri, lumĕbĕt mambĕt ganda rum, sĕkar koñoḥ aṅambar, padupané ṭarik ṭarik, turut piṅgir lawan tépas rara tumpak.

24. ṛĕca joṅgraŋ ginarayaŋ, alus kalimis kumliṇṭiŋ, sajatiné sanès séla, tamat dèn nira niṅali, mĕdalé taña mariŋ, ki harṣana èstunipun, ṛĕca mbok rara joṅgraŋ, déné alus kumaliṇṭiŋ, aṅgèr niku sayĕktosé sanès séla.

25. criyosé kaŋ wus suwarga, punika paruṅgu yĕkti, nurwitri ñjlimĕt umiyat, corèkan kaŋ muṅgiŋ riṅgit, kĕmput dèn nya niṅali, taña gambar punapèku, criyosé ṅgiḥ punika, bhaṭara rama iŋ ṅuni, putra nata nagri ṅayudya iṇḍustan.

26. nurwitri alataḥ lataḥ, kaṭaḥ èmpĕripun iṅgiḥ, wontĕn gambaré wanudya, tan kĕmbĕn anèŋ ṅisor wit, ṅiṅgiliŋ uwit mawi, kadi wanara mĕṭaṅkruk, kula èṅĕt samana, tĕmbuŋ tĕmbuṅipun kawi, jawanipun anoman uwus malumpat.

27. praptèŋ witiŋ nagapuṣpa, mulat maṅaṇḍap umèkṣi, wanudya yu akiŋ kĕra, gĕluŋ risak awor siti, kaŋ iga iga kèkṣi, tanpa kĕmbĕn jatosipun, punika ñatanira, ki harṣana iṅgiḥ iṅgiḥ, wus tumurun maṅsuli margi duk miṅgaḥ.

28. atatanya kadiparan, sĕkar koñoḥ amĕnuhi, padupanipun aṅambra, harṣana aris nahuri, sabĕn pĕkĕnan ṅriki, kaṭaḥ para bakul bakul, tanapi palañahan, samya ñuñuwun supadi, gaṅsar laris ṅgènnipun ṅupaya tĕḍa.

29. utawi yèn dintĕn malaŋ, maḷĕm jumṅaḥ ṅgara kasiḥ, ugi kaṭaḥ iṅkaŋ samya, atur dupa buratwaṅi, kula nuwun tan uniŋ, kaŋ dadya panuwunipun, manawi dipunnalar, èstu tan paṅgiḥ pinaṅgiḥ, pundi wontĕn arca asuŋ kamirahan.

30. anaṅiŋ sampun dilalaḥ, mbokmanawi awit sakiŋ, kaŋ yasa bĕtaḥ cacĕgaḥ, dumadi manuṅsa luwiḥ, tyas maṅguŋ ĕnĕŋ ĕniŋ, katrima pañuwunipun, dumugi iŋ samaṅkya, katrimahé ñarambahi, kaŋ sinuŋ liŋ maṇṭuk maṇṭuk sadayanya.

31. gya maṅalèr lampahira, caṇḍi wisnu déniṅgahi, wus tamat dèn nya tumiṅal, tumurun ṅétan sakĕḍik, maṅalèr miṅgaḥ caṇḍi, surya tan pantara daṅu, tumurun gya maṅétan, waṅsul kidul uma caṇḍi, samya kèndĕl mas cĕbolaŋ ṅunandika.

32. caṇḍi bagus sadayanya, ṛĕca apik apik sami, naṅiŋ wus akèḥ kaŋ rusak, kari joṅgraṅan kaŋ apik, wañci surup hyaŋ rawi, gantya saŋ hyaŋ wulan timbul, ñunari sabhuwana, éṅgar rarywa alit alit, jalu èstri gumĕraḥ samya dolanan.

33. harṣana manis liṅira, sèstu kula aturi, ḷĕṛĕm ḍatĕŋ griyaniṅwaŋ, mas cĕbolaŋ nayogyani, tandya samya lumaris, prapta pakaraṅanipun, lumĕbĕt mriŋ paṇḍapa, nèŋ salu wus dèn gĕlari, klasa batu ḷĕmir kĕntèl pĕṭak pĕṭak.

34. pasugata wus tinata, wédaŋ tĕmu kĕmpliŋ kĕmpliŋ, linalapan gĕṇḍis klapa, ciniṭak samripat kuciŋ, pĕṭaké sĕmu kuniŋ, kĕṭak kĕṭak naṅiŋ ĕmpuk, ñamikan gĕmbloŋ jadaḥ, jĕnaŋ dodol lawan wajik, kĕtan salak gula sĕmut karasikan.

35. poṇḍoḥ puḍak abrit pĕṭak, jĕnaŋ pala arum guriḥ, jĕnaŋ durèn jĕnaŋ naṅka, sadaya binuntĕl upiḥ, tumumpaŋ anèŋ piriŋ, ontoṅan kalobot alus, tĕmbakoné garaṅan, upĕt mañcuŋ alus gilig, slĕpa alus kĕbak bon aboné sĕḍaḥ.

36. ki wisma ṅliŋ laḥ sumaṅga, sawontĕné dèn rahabi, lumayan jampi katoran, manawi sampun dumugi, lèlèḥ lèlèḥ prayogi, pambiṅkasiŋ suku rasuḥ, sasmita mas cĕbolaŋ, mriŋ catur santrinirèki, samya rahab minum wédaŋ ñañamikan.

37. bikut ṅladosi ki wisma, wédaŋ lukak dèn ĕjogi, sawontĕné ñañamikan, linarihakĕn waradin, dadya tamunirèki, sadaya sĕmada tuwuk, suwawi dinugèkna, ulun amit malbèŋ panti, ambéjani ḍumatĕŋ mbok jĕṅandika.

38. cĕbolaŋ ṇḍĕku liṅira, sah‍èstu botĕn ndarbèni, rikuḥ pakèwĕt wus kadya, nèŋ ṅgonné yayaḥ pribadi, éṅgar kiyayi panti, kaduga sajroniŋ kalbu, malbèŋ mriŋ wisma taña, mbokné apa wus miranti, kiraŋ kĕḍik sawĕg ṅĕṅĕt saté ayam.

39. galémboḥ piyik kĕmbaran, sawĕg sami dèn waḍahi, nahan tamu kaŋ tinilar, lèlèḥ lèlèḥ ṛĕm ṛĕm pitik, wĕṅaniŋ lawaŋ kori, ki wisma mĕdal rumuhun, paladèn pinréntahan, aṅundurkĕn ḍaharan, glis wis ginanti anduduk suṅgata naḍaḥ.

198. mĕgatruḥ

1. dyan tinata ajaŋ kinĕnoṅan sĕkul, ulam rinampat mawarṇi, jaṅan cupaŋ sambĕl jaguŋ, pĕcĕl pitik jaṅan mĕnir, loḍoḥ piṇḍaŋ ayam bumbon.

2. sambĕl uḷĕg trasi abrit radi kaduk, lalabanira mawarṇi, rampuṅiŋ panatanipun, tamuné wus samya liṅgiḥ, luraḥ harṣana liŋnya lon.

3. laḥ suwawi punika barkahiŋ ratu, prayogi dipunrahabi, kaŋ sinuŋ liŋ samya ṇḍĕku, sawusira awawantiŋ, bismilaḥ gya naḍaḥ alon.

4. ki wisma ṅliŋ sampun mawi kaḍuŋ kaḍuŋ, ulun iki muŋ sadrĕmi, makatĕn ṅgèr ĕliripun, kula pinariṅan sabin, tigaŋ ĕjuŋ dados luṅguḥ.

5. waḥ ampilan kaṭahipun gaṅsal ĕjuŋ, punika pirantosnèki, sĕgaḥ iŋ sawarṇinipun, kaŋ sami niṅali caṇḍi, lajĕŋ lèrèḥ griyaniṅoŋ.

6. myaŋ suḍiya sasipĕṅan iṅkaŋ patut, biliḥ ṅantos ṅuciwani, èstu kataman babĕndu, cĕbolaŋ sasantrinèki, ndoṅa ṅluhurkĕn saŋ katoŋ.

7. pragat doṅa anaḍaḥ maliḥ pikantuk, galémboḥ kaŋ dèn paṛĕṅi, wus dumugi dèn nya kĕmbul, mundur wowohan gumanti, salak kĕpĕl pisaŋ katoŋ.

8. wédaŋ bubuk kĕṇṭĕl gĕṇḍisé ginĕbyur, sabun pisaṅmas binrĕṇḍil, punika pamaṅsĕgipun, miwaḥ paṅusapiŋ amis, kaŋ sinuŋ liŋ samya ḍokoḥ.

9. wusnya tutug wĕnèḥ dĕgan miwaḥ udut, harṣana éca maṅgihi, mas cĕbolaŋ tatanya rum, wontĕnipun caṇḍi caṇḍi, ṅuni paran kaŋ cariyos.

10. anak bagus gotèkipun tiyaŋ sĕpuḥ, wontĕn cariyos kakaliḥ, kaŋ satuṅgal jamanipun, kraton pĕṅgiŋ dwarawati, kaliḥ majapahit kraton.

11. pundi iṅkaŋ ḷĕṛĕs jĕr sami tan wĕruḥ, mas cĕbolaŋ miminta siḥ, ḍuḥ babo kaŋ pinisĕpuḥ, biliḥ kapaṛĕŋ iŋ galiḥ, amĕḍarṇa kaŋ cariyos.

12. kaholiŋ kaŋ jaman pĕṅgiŋ kratonipun, ki harṣana nayogyani, mapan dèn nya luṅguḥ timpuḥ, siduwa taṅanirèki, pasaŋ karṇa kaŋ ayun wroḥ.

13. binaṭara śri iŋ pĕṅgiŋ ajujuluk, pañcadriya narapati, samukṣanya tilar sunu, catur jalu pĕkik pĕkik, samya prawirèŋ paluṅon.

14. pambajĕṅé raja paṇḍita jujuluk, ṛĕṣi déwabrata sidik, madyapañjaŋ ḍépokipun, paṅgulu jumĕnĕŋ pĕṅgiŋ, śri déwanata kinahot.

15. suwĕg darbé putra sajugèstri ayu, nama dèwi rarasati, séda kunduran kaŋ ibu, sumĕṇḍi natèŋ saḷĕmbi, śri dipanata wiranom.

16. putra katri dyan damarmaya kaŋ sĕpuḥ, martapi nèŋ paraṅtritis, dyan citraséna paṅgulu, dyaḥ citrawati wuragil, ayu kuniŋ ṭérok ṭérok.

17. wuragilé śri éndranata linuhuŋ, kaŋ tinanĕm anèŋ nagri, sudimara kratonipun, naṅiŋ dèrèŋ asisiwi, bagus prawirèŋ pakéwoḥ.

18. kacarita wontĕn narapati diyu, śri karuṅkala wawaṅi, iŋ prambanan prajanipun, darbé ari warṇi jalmi, rara joṅgraŋ mobloŋ mobloŋ.

19. yakṣéndra kuŋ mriŋ dyaḥ rarasati wahu, atmaja śri natèŋ pĕṅgiŋ, gya atur surat panuwun, duta kaliḥ kaŋ lumaris, sĕrat katampèn saŋ katoŋ.

20. asru bĕndu narapati ḍawuhipun, pa géné rajanirèki, muraŋ kramaniti tuhu, tanpa ṅrasa yèn pinaṣṭi, nèŋ soriŋ amparaniṅoŋ.

21. amuŋ éliŋ watĕké rakṣasa ĕdur, ñjujurkĕn aṅkara budi, caraka mundura gupuḥ, ḍawuḥna waṅsulanmami, mriŋ rajamu yakṣakatoŋ.

22. ananira sisiku pan saka saru, iku bah‍é yakṣa aji, ṅrasakna dèn koṅsi gaḍug, mundur caraka kakaliḥ, saŋ aprabhu ḍawuḥ alon.

23. yayi éndranata lumakuwa gupuḥ, mriŋ madyapañjaŋ sumiwi, kakaŋ wiku yèn sa arju, iṅsun aturi tumuli, dé kakaŋ patiḥ sunkoṅkon.

24. ṅupaya a saraya jalma linuhuŋ, linirukkĕn iŋ ṅajurit, kaŋ bisa ñirṇakkĕn ripu, bakal iṅsunpatĕḍani, rarasati putraniṅoŋ.

25. nĕmbaḥ matur sandika kaŋ sinuŋ ḍawuḥ, anulya prabhu saḷĕmbi, yèn makatĕn karṣa prabhu, amba tantuné rumiyin, citraséna putraniṅoŋ.

26. natèŋ pĕṅgiŋ kapaṛĕŋ dadya tan èstu, utusan kiyayi patiḥ, saŋ prabhu jĕṅkar ṅaḍatun, bubaran kaŋ samya naṅkil, śri saḷĕmbi cinariyos.

27. sapraptané iŋ praja ṅandika arum, mariŋ putranya taruni, citraséna mahu iṅsun, tampa ḍawuhé kakaji, sirarṣa sinrayèŋ pupoḥ.

28. mbirat mariŋ muraṅniti lamun uṅgul, bakyunira rarasati, ḍinahupkĕn lan sirèku, minaṅka gañjaranèki, putra nĕmbaḥ matur alon.

29. tumètèsiŋ ḍawuḥ sandika pan amuŋ, rèhniŋ badan ulun yĕkti, tan baṅkit sadayanipun, sarérékaniŋ ṅajurit, mila ñuwun mopo iṅoŋ.

30. saŋ aprabhu ṅandika laḥ iku kulup, rèhniŋ sira satriya di, kudu sudira iŋ kéwuḥ, wruhanta saguŋ dumadi, sajatiné sutaniṅoŋ.

31. kawisésa déniŋ purbaniŋ déwaguŋ, nadyan puñjul dibya sĕkti, yèn paṣṭi karṣa déwaguŋ, kinarya asoriŋ jurit, tan wuruŋ nĕmahi kasor.

32. nadyan cubluk tan darbé srana sajumput, yèn pinurba mĕnaŋ paṣṭi, iya kaḷĕkṣanan uṅgul, aṅgĕr wani sĕtya éliŋ, kumandĕl wisésèŋ pandom.

33. iŋ sah‍èstu pinayuṅan rèḥ rahayu, marma pikiṛĕn kaŋ ĕniŋ, atmajéndra nĕmbaḥ ṇḍĕku, sumĕné ṅĕṇṭĕlkĕn budi, linilan mundur wotsinom.

34. saŋ aprabhu wawarta mriŋ garwa wadu, patĕmbayaniŋ raka ji, putra binobotan kéwuḥ, iŋ maṅya lagya pinikir, kaŋ garwa suka katoṅton.

35. nahan gantya radyan citraséna wahu, sahundurṇya lajĕŋ mañjiŋ, ma astuti iŋ déwaguŋ, amĕṛĕs ĕniṅiŋ budi, budaya tékatiŋ punton.

36. saṅĕt limut sakĕclapan tyas kumĕñut, wasana kasĕlan lali, kalimput iŋ hawanĕpsu, maṅkana tandya nimbali, iṅkaŋ rayi saŋ lir sinom.

37. citrawati sapraptaniŋ ṅarṣanipun, winartanan rèḥ karṣa ji, kaŋ rayi myarṣa rawat luḥ, mĕlas asiḥ añuṅkĕmi, kĕdaḥ tutwuri saŋ anom.

38. raṅu raṅu narpatmaja tĕmaḥ limut, kaŋ rayi sinambut mariŋ, madéraras mĕḍar kayun, brĕmara aṅiṅsĕp sari, iŋ antara dasiḥ wadon.

39. wontĕn iṅkaŋ uniṅa iŋ tiṅkahipun, gupuḥ amuñjuk saŋ aji, kagyat tĕmaḥ asru bĕndu, jaja baŋ mawiṅa wĕṅis, tĕḍak panti putra katoŋ.

40. sarwi muṣṭi saŋ sudibya karṣanipun, mriḥ lénaniŋ narpasiwi, samana rahadyan sampun, wikan tĕḍakiŋ ramaji, tyas gugup lumajĕŋ lolos.

41. lawan iṅkaŋ rayi risaŋ ṛĕtnaniṅrum, nata uniṅa nututi, ambujĕŋ palajĕṅipun, saŋ dèwi antuk pambudi, malbèŋ uruŋ uruŋ miyos.

42. praptèŋ jawi ṅiṇṭar tan atolèḥ puṅkur, radyan kapĕṅkok capuri, cakĕt lan butulan kidul, malumpat praptèŋ iŋ jawi, tan tolèḥ praja luṅa non.

43. karṣaniŋ hyaŋ datan nuṅgil lampahipun, rahadyan lawan kaŋ rayi, maṅilèn lawan maṅidul, yata risaŋ narapati, hardaniŋ runtik gya miyos.

44. praptèŋ ñjawi animbali patihipun, winaṅsit sakèhiŋ wadi, myaŋ kinèn amataḥ wadu, ṅulati saŋ narpawisi, yèn kapaṅgya sak ṅgon ĕṅgon.

45. kacĕkĕla baṅga kalilan linampus, lawan kinèn aṅulati, késahé kusumaniṅrum, biliḥ kapaṅgiḥ karṣaji, kinèn waṅsul mriŋ kaḍaton.

46. sadosanya iṅakṣama linalimput, manĕmbaḥ ṛĕkyana patiḥ, ṅuṅun lèṅsèr ṅarṣa prabhu, wus mataḥ puṅgawa mantri, śri naréndra aṅaḍaton.

47. pramèswari winartan lakṣanèŋ sunu, tistis margiyuḥ wiyati, dé katri atmajanipun, maṅkya wus wisata sami, maṅkana tyasnya saŋ katoŋ.

48. kararantan wimbaniŋ barubaḥ baṅun, kèṅĕtan atmaja ṅuni, dyan damarmaya puniku, manawi sagĕt pinaṅgiḥ, kĕni sinrayèŋ palugon.

49. iŋ wasana rahosiŋ tyas saŋ aprabhu, dahat méraŋ mriŋ rakaji, cidraniŋ atur panuwun, sakiŋ kawiḷĕt rudatin, mrĕs budi sidaniŋ pandon.

50. wañci titi sonya nis sakiŋ kaḍatun, ṅlugas kaprabhon narpati, muŋ kadi caraniŋ wiku, iŋ karṣa arṣa ṅulati, dyan damarmaya kaŋ andon.

51. wiraṇḍuṅan lakṣanèŋ sopana nĕmpuḥ, nasak wana juraŋ trĕbis, prapta aṅgranirèŋ gunuŋ, palawaṅan ṛĕṛĕm maṅkin, mindĕŋ murṣita saŋ katoŋ.

52. amiminta wasitaniŋ jawata guŋ, mugi sagĕda kapaṅgiḥ, dyan damarmaya iŋ daṅu, sanityasa sru sĕmadi, tumuntu ĕniṅiŋ panon.

53. apaparab manikhara mahawiku, mahas ṅasĕpi pribadi, aṅkara murka kalimput, nahan gantya kaŋ winarṇi, saŋ ṛĕtna lampaḥnya gamboḥ.

199. gambuḥ

1. dyaḥ citrawati ṅlaṅut, krĕkatiŋ tyas ṅulati saŋ bagus, myarṣa warta yèn wontĕn paṇḍita luwiḥ, mahas palawaṅan gunuŋ, saŋ dyaḥ lumakṣana gupoḥ.

2. sĕdyanira iŋ kalbu, muhuŋ taña kadaŋ dunuṅipun, sigra miṅgaḥ kapiraṅu praptèŋ ṅiṅgil, laju maṛĕk mahawiku, makiḍupuḥ awotsinom.

3. piṇḍa wiku kumĕpyur, karṣaniŋ hyaŋ sakaliyé panduŋ, dupi miyat wanudya yu iṅkaŋ prapti, koṅas rarasiŋ karṣa kuŋ, subrata wigar aṅlamoŋ.

4. nambrama manis arum, tigas kawuryan kaŋ nĕmbé rawuḥ, sakiŋ pundi pinaṅka myaŋ sĕdyèŋ kapti, sintĕn sinambatiŋ arum, sumĕṅka prapta iŋ ḍépok.

5. dyaḥ kumbi nĕmbaḥ matur, amba datan darbé nama èstu, saṅkan paran lir kléyaŋ katiyup aṅin, tambuḥ puwaraniŋ kalbu, anut sir iṅkaŋ linakon.

6. maharṣi duk aṅruṅu, lir jinahit dahat sukèŋ kalbu, aṅandika pasajan bah‍é woŋ manis, yèn sambada tyas asarju, utaminira masiṅoŋ.

7. ṛĕṛĕma ḍépokiṅsun, jumĕnĕṅa tatimbaṅanulun, dyaḥ tumuṅkul manĕmbaḥ sumaṅgèŋ kapti, iṅgaliŋ crita wus ḍahup, nir subasita karoṅron.

8. sinuŋ nama saŋ ayu, éṇḍaŋ panĕpi tansaḥ moṅlulut, rèrèntèṅan lir mintuna lawan mimi, siŋ ĕnĕŋ puja kapuṅkur, muŋ moṅlulut nora ĕpot.

9. labĕtira sinĕṅkut, tĕmaḥ wawrat duṅkap maṅsanipun, saṅaŋ candra saŋ wiku tatanya yĕkti, asal usulé iŋ daṅu, éṇḍaŋ panĕpi wotsinom.

10. ḍuḥ gurulakiulun, sah‍èstuné putriné saŋ prabhu, iŋ saḷĕmbi dipanata narapati, citrawati nama ulun, kapitèŋ tyas wiku katoŋ.

11. jriḥ tĕbaḥ ḍaḍa ṅaḍuḥ, nora ñana babo raganiṅsun, lamun tampa babĕnduniŋ hyaŋ linuwiḥ, citrawati nĕmbaḥ matur, paran kaŋ dados rudatos.

12. wiku ṅliŋ arawat luḥ, dahat élokiŋ lalakoniṅsun, saluguné manira ramanta nini, prabhu dipanata iṅsun, iŋ saḷĕmbi prajaniṅoŋ.

13. sru kagyat saŋ dyaḥ ayu, sanalika èṅĕt tan kalimput, gĕtun wiraŋ añjrit nuṅkĕmi rama ji, wusiŋ liliḥ iŋ pamuwun, kaŋ rama ṅandika alon.

14. èḥ nini putraniṅsun, puluḥ puluḥ nalar wus kabañjur, paḍa tampa babĕnduniŋ hyaŋ linuwiḥ, ora luwiḥ amuŋ mlupuḥ, minta akṣamaniŋ manon.

15. dupi iŋ wañci dalu, saŋ awiku murut sakiŋ gunuŋ, kondur mariŋ praja kaŋ putra tan uniŋ, éñjiṅé rama rinuruḥ, èstu lolos sakiŋ ḍépok.

16. iṅgal dèn nya tumurun, lampahira praptèŋ sirahipun, lèpèn opak saŋ dyaḥ kaṇḍĕg aṅaḷĕntriḥ, karahos wawratanipun, sigĕg gantya kacarios.

17. nahĕn ta lampahipun, radèn citraséna kaŋ aṅlaṅut, sakiŋ praja kalunta lunta prihatin, tambuḥ kaŋ sinĕdyèŋ kalbu, prapta ṅénta énta ḍukoḥ.

18. nuju wismaniŋ buyut, tularṣiram kagyat narpasunu, non wanodya yayaḥ atmajèŋ narpati, radyan malbèŋ wisma buyut, tularṣiram gupoḥ gupoḥ.

19. aṅañcarani tamu, matur pinaṅka sinĕdyèŋ kalbu, miwaḥ nama radyan pasaja maṅsuli, radèn citraséna iṅsun, atmaja saḷĕmbi katoŋ.

20. kaki tatanya iṅsun, sapa baya paparabirèku, lawan mahu iṅsun miyat rara adi, nèŋ méméyan gya lumĕbu, apa atmajamu wadon.

21. mèsĕm ki buyut matur, amba nama tularṣiram buyut, laré èstri wahu kaŋ lumĕbèŋ panti, punika ran rara buḍur, sah‍èstu wĕkamba wadon.

22. ṅliŋ maliḥ saŋ bagus, laḥ ta kaki yèn sambadèŋ kalbu, sutanira sunpuṇḍut dadya suwami, ki buyut dupi aṅruṅu, paṅandikané saŋ anom.

23. laṅkuŋ piṛĕnèŋ kalbu, karananya ni buḍur satuhu, warṇi awon naṅiŋ saṅkanira alit, siniḍikara mantrèku, kasmaran kaŋ samya anon.

24. èṅgalé sampun ḍahup, kinurmatan iŋ sapantĕsipun, iŋ wasana ñi buḍur datan ñoṇḍoṅi, sabĕn pinarpĕkan murut, sarwi aṅujari awon.

25. laṅkuŋ méraŋ saŋ bagus, ri sakṣana aṅlĕs sakiŋ ḍukuḥ, lampahira praptèŋ tarayĕm pinaṅgiḥ, buyut kasimpar rannipun, rahadyan tinanya alon.

26. nama myaŋ sĕdyanipun, walèḥ lamun atmajèŋ saŋ prabhu, iŋ saḷĕmbi citraséna aranmami, kasimpar urmat kalaṅkuŋ, aṅèdi èdi sumugoḥ.

27. sadaṅunira luṅguḥ, buyut mawas suluhiŋ kaŋ sĕmu, wus kawuryan rahadyan sĕmu prihatin, lon matur ḍuḥ narpasunu, mugi aywa walaṅatos.

28. paran darunanipun, dé kawuryan sru suṅkawèŋ kalbu, radyan aṅliŋ lamun tinampik pawèstri, kyayi buyut maṇṭuk maṇṭuk, yèn muŋ makatĕn kémawon.

29. ṅoŋ atur srananipun, naṅiŋ warṇi gana réwandèku, yèn iṅagĕm lajĕŋ warṇi kĕṭèk putiḥ, rinuwat waṅsul lir wahu, iŋ saḷĕbĕtipun dados.

30. wanara warṇi piṅul, saḍéṅaḥ kaŋ miyat sru kayuṅyun, muŋ punika sarana sumaṅgèŋ kapti, radyan kéwran dahat giyuḥ, drĕṅiŋ karṣa tĕmaḥ nĕmpoḥ.

31. buyut simparan mundur, amét srana sinahoṣkĕn gupuḥ, saha matur béñjaŋ sarampuṅiŋ kardi, srana kapariŋna waṅsul, punika pupuṇḍèniṅoŋ.

32. iŋ ṅuni bapahulun, nama ṛĕṣi jĕmbawan pinuñjul, kala oboŋ awu mawujud puniki, dadya sarana siḥ lulut, radyan suŋ waṅsulan sagoḥ.

33. gana iṅagĕm sampun, warṇi kĕṭèk piṅul nulya waṅsul, mariŋ ṅénta énta ñjujug sĕṇḍaŋ wĕniŋ, kaŋ garwa nuju nèŋ ranu, gluṇḍuŋ sĕmproŋ aciciblon.

34. dupi myat kĕṭèk piṅul, gugup mĕntas bhuṣaṇa rinasuk, gandruŋ gandruŋ kapiraṅu sru makiṅkin, pinarpĕkan kĕṭèk lulut, binĕkta mriŋ wisma gupoḥ.

35. sabĕn iŋ wañci dalu, tansaḥ dèn nya krasikan moṅlulut, atut runtut sacara caraniŋ jalmi, dadya wawrat rara buḍur, kyayi buyut dupi anon.

36. dahat méraŋ sru bĕndu, rara buḍur lawan kĕṭèk piṅul, kinèn késaḥ kalihé saṛĕŋ lumaris, praptèŋ madyaniŋ wana guŋ, ṅahup sor mandira ṅayom.

37. dumugi samaya wus, mbabar jalu warṇi kapi piṅul, rara buḍur konduran tan uniŋ siwi, prananiŋ radyan sumĕmpruŋ, waṅsul sipat bagus anom.

38. citraséna satuhu, ṅuṅuniŋ tyas sru méraŋ gagĕtun, dyan tinilar ḷĕpas lampahira prapti, tĕpi opak siraḥ paṅguḥ, lawan kadaṅira wadon.

39. citrawati rinaṅkul, nĕŋ onĕṅan wartan winartan wus, lalakoniŋ sarira praptèŋ ṅgarbini, yèn maṅkono ñjĕŋ rama wus, naṇḍaŋ pawĕlèhiŋ manon.

40. yayi upama iṅsun, muliḥ maraŋ praja lan sirèku, paṣṭi ilaŋ dukané ñjĕŋ rama aji, antuk akṣama satuhu, jurudĕmuŋ woŋ aloro.

200. jurudĕmuŋ

1. daṅu onĕŋ onĕṅan, sakaliyan rajasunu, saŋ dyaḥ mĕtĕg dèn nira yun, aṅlahirakĕn wawratan, wus ambabar mijil jalu, gĕŋ pañjaŋ warṇia rasĕkṣa, léna konduran saŋ ayu.

2. rahadyan rudaḥ iŋ nala, kadya pĕcat jiwanipun, iŋ kali opak jumĕgur, bañjir baṇḍaŋ ranpa saṅkan, ṅĕḷĕbi ḍaratanipun, layon dyaḥ binĕkta toya, rahadyan ṅgaragap gugup.

3. jabaṅbayi wus binĕkta, ṅili maraŋ iŋ pupuṇṭuk, apan binarṣihan sampun, ki jabaŋ tansaḥ amular, radyan ṅunandikèŋ kalbu, sapa baya nusonana, maraŋ bayi warṇa diyu.

4. robiŋ toya gya binĕkta, mriŋ tĕpiniŋ lèpèn wahu, kinokopakĕn iŋ ranu, daṅu dèn nya ṅokop toya, mèḥ sat isiniŋ kaŋ ranu, nora kĕmba paṅinumnya, anulya sinĕṇḍal gupuḥ.

5. katĕlaḥ tĕkèŋ samaṅkya, opak alit ilinipun, ki jabaŋ sinuŋ jujuluk, nĕṅgiḥ kaladrĕmbamoha, darmamoha parabipun, rahadyan èṅĕt putranya, kĕñuŋ tinilar wana guŋ.

6. pinurugan gya binĕkta, sampun sinuṅan jujuluk, barabuḍa kapi piṅul, tinuṅgilkĕn darmamoba, pinarṇaḥ tĕpiniŋ ranu, kalihé tinilar méntar, kundur maraŋ prajanipun.

7. sapuṅkurira rahadyan, wontĕn danawèstri aguŋ, nama witrita puniku, datan tĕbiḥ ḍaṅkanira, lan kali opak panuju, sĕdyarṣa maṅambil toya, uniŋ jabaŋ kaliḥ wahu.

8. mawa ciri namanira, ri sakṣana dyan sinambut, binĕkta mriŋ ḍaṅkanipun, sukèŋ tyas iṅambil suta, ḍasaré tan darbé sunu, lakiné uwis palastra, kĕna arahan duk ṅlurug.

9. ginamatèn kalihira, siḥ trĕṣṇanira kalaṅkuŋ, kadya wĕkanya satuhu, kalihé sampun walagaŋ, timbaŋ siḥ trĕṣṇa mriŋ biyuŋ, samya bisa tatajalma, nama gantya kaŋ winuwus.

10. nagara iŋ parambanan, kyatiṅrat saŋ yakṣaprabhu, kala karuṅkala nuju, ḷĕṅgaḥ iŋ madé waṅunan, patiḥ tubar kaŋ nèŋ ṅayun, dinaṅu paran kaŋ dadya, saṅgan laladosanipun.

11. ḍahar ĕmbĕg ĕmbĕg jalma, kyana patiḥ nĕmbaḥ matur, ḍuḥ gusti sah‍èstunipun, ṅupados jalma wus tĕlas, ĕnèm sĕpuḥ sĕpĕn sampun, yakṣéndra ṛĕṅu miyarṣa, kya patiḥ wrin sĕmu matur.

12. kalamun panudyèŋ karṣa, sudarmamba baḍé katur, saŋ sĕkalima awiku, koñjuk dadya laladosan, yakṣaprabhu sukèŋ kalbu, naṅiŋ pakèwĕt rèḥ prĕnaḥ, paman lan sudarmanipun.

13. kya patiḥ yèn tĕmbénira, karya tyas sandéyèŋ wadu, dadya ṅandika saŋ prabhu, yèn si paman kaŋ lumadya, laḥ ḍawuhana rumuhun, tĕmbaya caṅkrimaniṅwaŋ, galiḥ asĕm gilig lurus.

14. ĕndi boṅkot lan pucuknya, kalawan panitikipun, ĕmprit wadon lawan jalu, yèn tan bisa mardènana, paman paṣṭi dakkaḷĕṭuk, [ilaŋ].

15. patiḥ nĕmbaḥ mundur méntar, iŋ margi datan winuwus, praptèŋ samapura ḍukuḥ, wus paṅgiḥ lawan kaŋ rama, matur purwa wasanèku, saha ṇḍawuhkĕn timbalan, nira risaŋ yakṣaprabhu.

16. saŋ tapa mèsĕm ṅandika, galiḥ asĕm iku kulup, mètĕn tĕṅaḥ bĕnĕripun, katrajuwa ĕndi iṅkaŋ, èṇṭèŋ iya iku pucuk, iṅkaŋ abot boṅkotira, pakṣi ĕmprit panitikipun.

17. kupiṅé sogokĕn ĕlar, kaŋ boloŋ èstri satuhu, iṅkaŋ lanaŋ paṣṭi buntu, wis kulup sira matura, maṅkono pambataṅiṅsun, patiḥ tubar wus umĕsat, praptèŋ ṅarṣanira prabhu.

18. nĕmbaḥ maturé dinuta, saŋ yakṣéndra sukèŋ kalbu, gya muṇḍut galiḥ asĕm lus, lan ĕmprit kakaliḥ nulya, linakṣanan iŋ satuduḥ, tètès nora ana limpaŋ, yakṣéndra kalaṅkuŋ ṅuṅun.

19. nulya pariŋ uṇḍaŋ uṇḍaŋ, lamun sudarma wis sĕpuḥ, tan linilan lamun katur, dadya ḍaharé saŋ nata, kasaru iŋ praptanipun, ditya kaliḥ kaŋ dinuta, mriŋ pĕṅgiŋ bun ĕbun ésuk.

20. nĕmbaḥ wus matur sadaya, ḍawuhipun saŋ ṅahulun, karuṅkala laṅkuŋ bĕndu, tĕmaḥ dadya salin cipta, tan arṣa sumiwi purun, tumĕka iŋ yudabrata, ḍawuḥ patiḥ kinèn ṅlurug.

21. ṅrabasèŋ iŋ pĕṅgiŋ praja, sapaliḥ wadya kaŋ tumut, sapaliḥ tĕṅga kaḍatun, buḍal wadya parambanan, tan cinatur lampahipun, prapta tampiṅaniŋ praja, wus karya tatarub aguŋ.

22. sigĕg gantya kaŋ winarṇa, ri saŋ éndranata prabhu, madyapañjaŋ sampun rawuḥ, paṅgiḥ lan raka paṇḍita, ṅaturkĕn timbalan prabhu, saŋ tapa alon liṅira, laḥ matura yayi prabhu.

23. samĕṅko karṣaniŋ déwa, duruŋ rinilan wakiṅsun, ya titiñjo yayi prabhu, muŋ asuŋ gambar kéwala, ĕnya parikṣanĕn gupuḥ, gambar tinampèn binabar, pĕṅgiŋ kawuryan kinĕpuŋ.

24. paraṅmuka gĕŋ mbĕg krura, wus kawaṅwaŋ jaṅkanipun, baraŋ rèḥ lakṣitanipun, kabèḥ kamot jroniŋ gambar, maṅkana wasiŋ pandulu, laṅkuŋ kagyat éndranata, sarira nĕmahi lampus.

25. nèŋ madyaniŋ ṅadilaga, sakala ṅlĕs amalat kuŋ, kapitèŋ tyas sru matrĕñuḥ, saŋ nata nulya ṅandika, mriŋ ari karya paṅlipur, arumiŋ sabda mriḥ ḷĕjar, ḍuḥ kadaṅku yayi prabhu.

26. tanpa wĕkas yèn rinasa, dèn santosa tyasirèku, kumanbaŋ karṣa hyaŋ aguŋ, ḍuḥ yayi prabhu wruhanta, utama utamèŋ lampus, iku léna nèŋ palagan, minulya maṅgiḥ swarga guŋ.

27. kalawan sajatinira, tan ana lara myaŋ lampus, muŋ urip ananirèku, kaŋ rayi nulya winĕjaŋ, kamukṣan sampurṇanipun, añjiŋ surupiŋ palastra, maṅkana kaŋ tampi ḍawuḥ.

28. kaṛĕgĕm wahya jatmika, kawuryan ḷĕjariŋ kalbu, sirṇa was sandéyèŋ kalbu, éñjaŋ mit waṅsul mriŋ praja, wus linilan praptanipun, iŋ pĕṅgiŋ maṛĕk iŋ raka, matur sarèhiŋ dèn utus.

29. purwa praptèŋ wasana, myaŋ ṅaturkĕn gambar luhuŋ, pariṅé raka saŋ wiku, natèŋ pĕṅgiŋ duk miyatsa, ṅuṅun kapitèŋ iŋ kalbu, punaŋ gambar gya binabar, kawuryan iṅkaŋ winahyu.

30. kaŋ ñirṇakkĕn satru tama, satriya di anom bagus, damarmaya wastanipun, nuntĕn ḍawuḥ mriŋ apatya, ṅulati koṅsi katĕmu, kya patiḥ nĕmbaḥ sandika, mundur sakiŋ ṅarṣa prabhu.

31. éndranata wus linilan, mundur maraŋ prajanipun, praptèŋ praja tampi atur, mĕṅsaḥ yakṣa mrĕpĕg praja, tur uniŋ mriŋ yakṣaprabhu, tampi ḍawuḥ magut iŋ praŋ, śri dimara agul agul.

32. iṅgaliŋ criyos tĕmpuḥ praŋ, mĕṅsaḥ rowaŋ kaṭaḥ lampus, éndranata magut pupuḥ, taṇḍiŋ lawan patiḥ tubar, samya wiratamèŋ kéwuḥ, ramé ṅĕtog paṅabaran, kasor éndranata prabhu.

33. léna madyèŋ ranaṅgana, sampurṇa kunarpanipun, gara gara rèḥ gumuruḥ, sasirṇanira saŋ nata, wadya sisaniŋ kaŋ lampus, goloŋ lumayu mriŋ praja, tur uniŋ riŋ saŋ prabhu.

34. śri pĕṅgiŋ dahat suṅkawa, ḍawuḥ pajĕg barisipun, mĕṅsaḥ iṅkaŋ jayèŋ pupuḥ, suka suka masaṅgrahan, gantya wahu kaŋ winuwus, lampahipun kyana patya, kartadarma aṅĕlaṅut.

35. praptèŋ praṅtritis tĕpinya, samodra kidul gya ndulu, jalma subrata nom bagus, pinarpĕkan praptèŋ ṅarṣa, wus bagé binagé gupuḥ, sajarwa kakalihira, ḷĕga tyasé saŋ nindya nuŋ.

36. rampuŋ ṇḍawuhkĕn timbalan, saŋ tapa panudyèŋ kalbu, gagañcaṅan lampahipun, sapraptaniŋ pĕṅgiŋ praja, laju tumamèŋ kaḍatun, wus paṛĕk byantarèŋ nata, saŋ prabhu tatanya arum.

37. kawijilan miwaḥ nama, kaŋ tinanya nĕmbaḥ matur, darmamaya namahulun, atmaja śri dipanata, purwa wasana wus katur, śri pĕṅgiŋ sru sukèŋ driya, sirèku pulunaniṅsun.

38. èḥ ta patiḥ kartadarma, yayi slĕmbi suṅana wruḥ, patiḥ nĕmbaḥ alon matur, pun patik miṛĕŋ pawarta, rinta dipanata prabhu, maṅkya murca sakiŋ praja, kagyat miyarṣa saŋ prabhu.

39. paṅudasmaraniŋ driya, paran ta darunanipun, karanta ṛĕntĕṅiŋ kalbu, ri kaliḥ léna myaŋ murca, tĕmaḥ muntap kroḍanipun, uṇḍaŋ arṣa mijil iŋ praŋ, rahadyan mambĕŋ kalaṅkuŋ.

40. matur anuṅkĕmi pada, sagaḥ ñirṇakakĕn rupi, saŋ prabhu liliḥ tyasipun, ḍawuḥ mriŋ ṛĕkyana patya, mataḥ wadya kaṇṭinipun, putra radyan damarmaya, sandika bubaran mundur.

41. tan cinatur samĕktanya, éñjiṅé buḍal gumuruḥ, wus tĕmpuk kalawan muṅsuḥ, ramé dèn nya bandayuda, damarmaya ṅamuk puṅguŋ, wadya prambanan kèḥ pĕjaḥ, sakariné samya mirut.

42. patiḥ tubar duk tumiṅal, wadyanira kaṭaḥ lampus, sru kroḍa wadya manĕmpuḥ, jaja kataman warastra, tan tumama naṅiŋ ambruk, rinĕbut wus ginotoṅan, nulya iṅundurkĕn gupuḥ.

43. binĕkta mriŋ parambanan, wadya pĕṅgiŋ ṅlut sapurug, praptèŋ watĕsiŋ praja guŋ, kèndĕl iŋ paṅuṅsirira, waṅsul mriŋ barisanipun, maṅkana kaŋ naṇḍaŋ brana, binĕkta mriŋ jro kaḍatun.

44. katur iŋ saŋ yakṣaraja, mawiṅa wiṅa sru bĕndu, nimbali sakèli wiku, wawarti kasor iŋ rana, saŋ aprabhu arṣa magut, pinambĕŋ ñarantosĕna, béñjiŋ kéwala kalamun.

45. tubar patiḥ wus waluya, ulun bĕkta mariŋ gunuŋ, saŋ prabhu panudyèŋ kalbu, bubaran patiḥ binĕkta, gantya wahu kaŋ winuwus, kaŋ jayèŋ praŋ iŋ payudan, utusan mriŋ pĕṅgiŋ matur.

46. yèn paraṅmuka wus sirṇa, rahadyan cumaḍoŋ ḍawuḥ, naṅiŋ tan kalilan laju, tinimbalan maraŋ praja, barisiŋ pĕṅgiŋ wus mundur, praptèŋ byantara naréndra, katur solahiŋ ṅapupuḥ.

47. saŋ prabhu pĕṅgiŋ sru suka, pra wadya kaŋ jayèŋ pupuḥ, ginañjar sadayanipun, arta kalawan bhuṣaṇa, tantara lami saŋ bagus, karṣané uwa śri nata, ḍinahupkĕn lan saŋ ṅayu.

48. raṛĕṅgan datan winarṇa, dyan darmamaya wus atut, lèṅkèt lumĕkĕt lir pulut, nutug dèn nya moŋ asmara, wus ṅgarbini ṛĕtnaniŋ rum, suka amarwata suta, durma salinné kaŋ pupuḥ.

201. durma

1. saŋ aprabhu pĕṅgiŋ tinaṅkil lir saban, aṇḍèr wadya sumiwi, ḍawuḥ mriŋ apatya, béñjiŋ purṇamasidya, dyan darmamaya tinudiŋ, ṅgĕcak prambanan, dadya maṅgalèŋ jurit.

2. kaṇṭi para wadya raja mañcapraja, sandika kaŋ sinuŋ liŋ, bibariŋ séwaka, rahadyan darmamaya, wawarti mriŋ garwanèki, dyaḥ rarasatya, margiyuḥ tyasnya rujit.

3. rèhniŋ lagya wawrat sĕpuḥ mèḥ anduṅkap, lahiré jabaṅbayi, nulya na suwara, lamat lamat kapyarṣa, sasanti èḥ rarasati, kawruhanira, kaŋ sira kaṇḍut nini.

4. tĕmbé mijil jalu poma arannana, jaka banduŋ sayĕkti, béñjiŋ kaŋ kawasa, ambĕḍaḥ iŋ prambanan, nĕṅiŋ swara matur aris, maraŋ iŋ garwa, laṅkuŋ sukaniŋ galiḥ.

5. naṅiŋ sandéyaniŋ tyas sah‍èstunira, tĕmbé pagutiŋ jurit, pan duruŋ diwasa, maṅka ṅadoni yuda, dadya pasraḥ iŋ hyaŋ widdhi, ṅandikèŋ garwa, ḍuḥ yayi sun mamĕliŋ.

6. tĕmbé lamun rahayu lahir putranta, yèn iṅsun duruŋ muliḥ, kalamun tatanya, maraŋ sariraniṅwaŋ, ywa wĕca yèn maṅuñjurit, awatna dagaŋ, sandika kaŋ sinuŋ liŋ.

7. ri purṇamasidḍi wadya wus ṅaḷĕmpak, kaŋ ayun magut jurit, mariŋ parambanan, buḍal sakiŋ iŋ praja, gumuruḥ swaraniŋ baris, dyan darmamaya, kaŋ maṅka sénapati.

8. lampahira wadya pĕṅgiŋ sampun prapta, kikisiŋ praja ṅrakit, ri kaŋ masaṅgrahan, rèrèḥ saguṅiŋ wadya, jalma padésan ṅoñcati, abiluluṅan, kaŋ baṅga dèn patèni.

9. kahuniṅan patiḥ tubar gya maṅarṣa, matur rakṣasa aji, kapitèŋ tyas nata, laṅkuŋ ṅuṅun iŋ driya, déné kaḍiṅinan maṅkin, wit karṣanira, ayun lumurug maliḥ.

10. ri sakṣana kinèn ḍawuḥ nimbalana, saŋ sakèli bah‍èkṣi, lan miranti iŋ praŋ, mĕsat iṅkaŋ dinuta, wus paṅgiḥ ṛĕṣi kakaliḥ, caraka sigra, ṇḍawuhkĕn sabdèŋ aji.

11. saŋ awiku sakaliyan nulya maṅkat, saṛĕŋ carakèŋ ṅaji, sapraptaniŋ pura, wus paṅgiḥ yakṣaraja, ḍawuḥ miluta mèt pamriḥ, lumunturiŋ tyas, nambak muṅsuḥ kaŋ prapti.

12. saŋ sakèli lan bah‍èkṣi matur sagaḥ, ḷĕga tyasé saŋ aji, dalu ḷĕṛĕp pura, éñjiṅé dwijawara, nèŋ jawiniŋ baluwarti, masaŋ kamayan, sakèhiŋ kaŋ kumĕlip.

13. gagrĕmĕtan kutu walaŋ sato kéwan, saḍéṅaḥ ñawa sami, cinipta dumadya, manuṅsa lan ṛĕkṣasa, saṅkĕp sagĕgamannèki, ṅumpul tutwuntat, baris jawiniŋ nagri.

14. saya ṅaṅsĕg dupi pĕrak gyanniŋ mĕṅsaḥ, ditya gora sabda ṅrik, kagyat para wadya, iŋ pĕṅgiŋ gya samĕkta, ṅrakit gĕlariŋ ajurit, ayun ayunan, ramé tĕmpuhiŋ jurit.

15. prabawaniŋ kamayan wadya prambanan, yèn satus kaŋ ṅĕmasi, roṅatus kaŋ prapta, tan suda malaḥ wêwaḥ, waṅwaŋ puṅgawa iŋ pĕṅgiŋ, kawĕkèn dahat, dèn nira maṅsaḥ jurit.

16. dadya tansaḥ aris guguran kéwala, tanpa wĕkas kaŋ jurit, sigĕg kaŋ ṅayuda, ginantyan kaŋ carita, jro pura nagari pĕṅgiŋ, dèn nira wawrat, kusuma rarasati.

17. praptèŋ wañci samaya ambabar priya, ḍé gus aṅrĕspatèni, wus sinuṅan nama, nĕtĕpi iŋ wasita, dyan banduŋ kinudaŋ murti, kalis iŋ lara, gantya winarṇa maliḥ.

18. nĕṅgiḥ lampahira wiku manikara, wus prapta iŋ saḷĕmbi, paṅgiḥ lawan garwa, warta putra tan paṅgya, tan antara nulya prapti, dyan citraséna, ramèbu sukèŋ galiḥ.

19. iṅaturan śri prabhu dipanata, sowan maraŋ iŋ pĕṅgiŋ, kalawan kaŋ putra, prapta nuju séwaka, śri pĕṅgiŋ sukanya ṅĕntiŋ, taña dèn nira, wisata ṅikis ratri.

20. iṅkaŋ datan piniṅit katur sadaya, suka sukuriŋ aji, gantya suŋ pawarta, lénanya śri dimara, kasambut madyaniŋ jurit, kunarpa sirṇa, katuju maṅkya maṅgiḥ.

21. kaponakan nama radyan damarmaya, kaŋ bisa mbéṅkas kardi, winĕḍar sadaya, suka arawat waspa, luwaran dèn nira naṅkil, ari binĕkta, wiraŋroŋ mañjiŋ puri.

202. wiraŋroŋ

1. praptaniŋ puri pinaṅgiḥ, lan putra mantu saŋ sinom, tuwin iṅkaŋ wayaḥ jaka banduŋ, suka śri saḷĕmbi, naṅiŋ nétyasmu waspa, wuryaniŋ takṣiḥ yoga.

2. kaŋ raka tumiṅal naṅiŋ, tan dugi kaŋ dadya wiroŋ, tĕmaḥ ris tatanya yayi prabhu, iŋ pañawaṅmami, èsmu prihatin dahat, paran kaŋ dadya daruna.

3. nĕmbaḥ matur amuŋ margi, katoṅton kaŋ sampun layon, yayi éndranata lénèŋ pupuḥ, saŋ prabhu iŋ pĕṅgiŋ, tyas dèrèŋ anarimaḥ, takṣiḥ ṅudi iŋ patanya.

4. kaŋ rayi tumuṅkul sarwi, tarocosan mawĕtu loḥ, dadakan pamaṅgya manawa yun, andarbèni kapti, anaṅiŋ tan kawĕdal, pakolèhiŋ kaŋ atmaja.

5. kaŋ raka ṅandika maliḥ, ywa sandéya tyas rudatos, maraŋ putranira kaki mantu, iŋ paṅĕbaŋ mami, sabĕḍahiŋ prambanan, nuli ṅoŋ dĕgakĕn nata.

6. gumantiya jĕnĕṅmami, margi pira sutaniṅoŋ, amuŋ siji mantumu pan wus tamtu, kaŋ majibi pĕṅgiŋ, lan kulup damarmaya, kaŋ rayi nĕmbaḥ turira.

7. kaŋ botĕn botĕn kaka ji, sanajan sèlèḥ kaprabhon, iṅkaŋ ndarbèni namuŋ kok mantu, dĕstun muŋ ṅĕmbani, déné duhkita amba, ulun matur sajatinya.

8. margi sakiŋ muḍa piṅgiŋ, dèrèŋ wrin lampaḥnya yĕktos, prakawisiŋ gĕsaŋ paminipun, pidananiŋ jalmi, ṅramuhi sutanira, yayi agampaŋ kéwala.

9. dinulaŋ ḍêḍak lan tahi, winaḍahan anèŋ baṭok, kaŋ rayi tumuṅkul karya limut, iŋ warana amriḥ, wadi ywa kawadaka, maṅkana śri nata wrĕdḍa.

10. tansaḥ kagagas punapi, patanya kaŋ dadya ĕros, nulya nimbali citrasénèku, sinuṅan jĕmpariŋ, saŋ prabhu dipanata, saya giyuḥ tyas barubaḥ.

11. raka ginaliḥ udani, sawadiné kaŋ lalakon, matur ñuwun lilaḥ yun mawiku, sèlèḥ kaprabhon mriŋ, rahadyan citraséna, yayi ṅoŋ maṅayubagya.

12. kaṭaḥ sabdaniŋ raka ji, tuhu tan wrin wadi yĕktos, naṅiŋ tinampènan sampun gaṭuk, kĕcut èsĕmnèki, nulya pamit mriŋ raka, kundur mriŋ saḷĕmbi praja.

13. sapraptanira iŋ puri, wawarti sori samĕṅko, kulup citraséna iṅsun juñjuŋ, madĕg narapati, lawan idiniŋ uwa, narèswara tyas mawarta.

14. wus mupakat woŋ sanagri, naṅiŋ dinapata katoŋ, ratri guŋ udrasa dupi baṅun, ṅandika mriŋ sori, arṣa maṛĕk iŋ raka, raja wiku déwabrata.

15. garwa jumuruŋ basuki, sakṣana tindak saŋ katoŋ, praptèŋ madyapañjaŋ tanpa wadu, kaŋ raka maṛĕṅi, ababad babad wana, lajĕŋ sumusul iŋ raka.

16. wus paṅgiḥ tinanya aris, apa iṅutus ri niṅoŋ, lan rakanta prabhu nĕmbaḥ matur, tan iṅutus patik, prĕlu lakṣitaniṅwaŋ, arṣa ṅĕmpal iŋ paduka.

17. ulun wus magawan maṅkin, putranta kaŋ madĕg katoŋ, saŋ wiku kaṛĕnan ṅandika rum, muga yayi aji, saŋ hyaŋ jagad pratiṅkaḥ, ṅapura saguŋ dosanta.

18. kagyat kaŋ rayi miyarṣi, ḷĕgĕg osikirèŋ batos, baya uwus wikan kakaŋ wiku, iŋ wiyogamami, satĕmaḥ matur nĕmbaḥ, aṅsala idi paduka.

19. kaŋ raka mèsĕm dumadi, katataṅi walaṅatos, dyan matur kaŋ dadya ukumipun, aṅranuhi siwi, saŋ wiku aṅandika, nĕtĕpi aṅgĕriŋ praja.

20. dinulaŋ ḍêḍak myaŋ tahi, cinarub ana iŋ baṭok, kapiraṅu amit raka gupuḥ, ayun mariŋ kali, ninilap wus uméntar, praptèŋ tĕpiniŋ narmada.

21. ṅupaya paṅgonan wĕrit, wontĕn witiŋ kusambi yom, curiga dèn unus iṅugĕr wus, rinuṅkĕban aglis, jaja trus iŋ walikat, dipanata wus palastra.

22. saŋ wiku daṅu ṅĕntosi, nulya iṅupados gupuḥ, kaŋ paṅgiḥ wus lina tyas matrĕñuḥ, layon dèn ruṅkĕbi, binĕkta mariŋ saṅgrahan.

23. para wadu yun ṅrakĕti, dadakan kaŋ lèpèn ĕrob, layon kañut sirṇa tan kadulu, ḷĕgĕg saŋ maharṣi, lalayu maraŋ praja, saḷĕmbi myaŋ dwarawatya.

24. wus katur saŋ natèŋ pĕṅgiŋ, dahat ṅuṅun sru prihatos, nahan kaŋ mriŋ praja saḷĕmbi wus, katur śri saḷĕmbi, gya matur ibunira, pramèswari ñjrit karuna.

25. arṣa wrin ḷĕkasiŋ ṅuni, kaŋ putra ṇḍèrèk rumojoŋ, samĕkta gya buḍal lawan saguŋ, dyaḥ sajroniŋ puri, prapta ḍépokiŋ raka, linipur iŋ bojakrama.

26. ñuwun lilaḥ yun udani, tilasiŋ paṅañut tuwoḥ, linilan wus méntar dupi rawuḥ, katonton garwaji, saŋ dyaḥ dyan suduk jiwa, pra sĕlir béla sadaya.

27. layon ayun dèn kukupi, kanaŋ lèpèn toyanya rop, wus kañut iŋ toya sadayèku, sigĕg tan winarṇi, kaŋ samya guŋ suṅkawa, gantya iṅkaŋ winurṣita.

28. wus sawarṣa wadya pĕṅgiŋ, ṅĕpuŋ parambanan kraton, awit maliḥ yuda sru magrĕgut, loŋ linoṅan sami, kaṭaḥ prawira léna, apraŋ ṅantos gaṅsal warṣa.

29. kèndĕl dèn nira ajurit, kocap iŋ pĕṅgiŋ saŋ katoŋ, lagya katamuwan raka wiku, déwabrata ṛĕṣi, sawusnya sinambrama, ṛĕmbag sakécaniŋ lampaḥ.

30. amukul ndadraniŋ wèri, muṅsuḥ parambanan galoḥ, bali lan madura salaḥ satu, pundi kaŋ pinĕndir, matur iŋ parambanan, gya nimbali citraséna.

31. nata muḍa iŋ saḷĕmbi, sapraptané ṅarṣa katoŋ, tandya ḍinawuhan kinèn mbantu, mriŋ prambanan nagri, ḍawuḥ ṅantĕp ṅayuda, pamunahiŋ satru dibya.

32. śri saḷĕmbi nĕmbaḥ amit, sakiŋ pĕṅgiŋ lajĕŋ boḍol, praptèŋ parambanan wus atĕmu, raka sénapati, rahadèn darmamaya, winartan sédaniŋ rama.

33. lawan ibu pramèswari, darmamaya arawat loḥ, déné tan uniṅa sédanipun, pinupus iŋ paṣṭi, saŋ prabhu citraséna, ṇḍawuhkĕn ḍawuhiŋ uwa.

34. sakṣana sasmitèŋ dasiḥ, ṅantĕp iŋ praŋ araṛĕmpon, pagut iŋ ṅayuda tan winuwus, risak wadya pĕṅgiŋ, darmamaya amrĕs budya, ari kinèn amoŋ bala.

35. rahadyan wisatèŋ ratri, iŋ paraṅtritis wus rawoḥ, ṅĕniṅakĕn puja sru manĕkuŋ, uṅguliŋ ṅajurit, bĕḍaḥ prajèŋ parambanan, pañuwuné katarima.

36. ganda arum lumraŋ miṅiŋ, gara gara sru gumuroḥ, pariṅiŋ jawata kaŋ tumurun, sara cuṇḍamani, mawa praba prabawa, rahadyan muḍar sĕmadya.

37. nĕmbaḥ ñaṇḍak cuṇḍamani, waṅsul mriŋ palagan gupoḥ, pinaṅgiḥ ri nata winartan wus, sasmitèŋ wadya glis, mĕkasi iŋ ṅayuda, wus rinakit gĕlar byuha.

38. adan tĕmpuhiŋ ṅajurit, raḥ mili lir samodra rop, radèn darmamaya sasmita wus, sakèḥ wadya pĕṅgiŋ, kinèn nisiḥ sadaya, cuṇḍamani wus pinudya.

39. winurṣita cipta ĕniŋ, mijil dahana karyèlok, mubal ṅalad alad gĕŋ sagunuŋ, rumaraḥ patitis, marwasèŋ mĕṅsaḥ harda, wadya cipta wus syuḥ sirṇa.

40. ṛĕṣi kaliḥ sru maḷĕñciŋ, pra wadya prambanan losoḥ, kaŋ gĕsaŋ lumayu mriŋ kiṭa wus, gusis mĕṅsaḥ ṅisis, rahadyan darmamaya, suka sukur iŋ jawata.

41. prabawaniŋ cuṇḍamani, anulya binirat alon, prabhu karuṅkala duk aṅruṅu, tiwasiŋ wadya ji, bramantya mĕṅsaḥ krura, tanpa kaṇṭi lir hyaŋ kala.

203. kinaṇṭi

1. wadya pĕṅgiŋ larut mirut, katgadèŋ tyas śri saḷĕmbi, ramé tĕmpuhiŋ ṅayuda, liru prabawa mawanti, datan ana kaŋ kasoran, radyan darmamaya aglis.

2. cuṇḍamani pinuṣṭi wus, lumĕpas sahiṅga ṭaṭit, dityaprabhu wus kataman, jaṅga pagas tan miṇḍoni, aṅga ṛĕbaḥ bhumi molaḥ, riwut pañcawara tarik.

3. plĕsatiŋ siraḥ ḍumawuḥ, madyaniŋ dukṣina tasik, atma mĕsat mawa cahya, nukma wĕkaniŋ panĕpi, ditya muḍa darmamoha, wadya prambanan sru miris.

4. nahĕn ta iṅkaŋ winuwus, kaŋ anèŋ sajroniŋ puri, kadaṅé saŋ dityaraja, warṇa yu manis mrakati, wus diwasa lir wraṅgana, rara joṅgraŋ awawaṅi.

5. myarṣa yèn raka saŋ prabhu, kasambut madyaniŋ jurit, ubĕkiŋ tyas kararantan, tambuḥ tambuḥ solahnèki, sakṣana nulya wisata, pribadi dèn nira mijil.

6. lawaṅiŋ kuṭa tinutup, tinĕtĕkan sadayèki, saŋ jayèŋ praŋ ṅlutiŋ mĕṅsaḥ, kaṅgĕg datan antuk margi, kèndĕl ñjawiniŋ wiwara, pacak baris ṅĕpuŋ puri.

7. ḷĕpas lampahé saŋ ṅayu, muraŋ marga waspa mijil, kèndĕl satĕpiniŋ opak, miminta déwa linuwiḥ, myarṣa swaraniŋ kaŋ raka, ḍuḥ yayi ywa guŋ prihatin.

8. pituhunĕn ujariṅsun, bañjur lumakuwa mariŋ, désa marta maṅgihana, ditya muḍa darmamoha, iŋ kono panukṣmaniṅwaŋ, pilutanĕn lunturiŋ siḥ.

9. sira jalukana tuluŋ, ḷĕjar tyasira saŋ putri, mahawan mriŋ désa marta, wus paṅgiḥ lan danawèstri, wil witrita saŋ dyaḥ taña, laḥ iŋ ṅĕndi ṅgonnirèki.

10. ditya darmamoha iku, kaŋ tinanya matur aris, punika atmaja kula, kaŋ anèm warṇi rasĕkṣi, kaŋ sĕpuḥ warṇi wanara, pĕṭak barabuḍa nami.

11. samya tarakbrata gĕntur, nèŋ tlaga muñcar martapi, wus samyantuk sihiŋ déwa, sinuŋ kasĕktèn linuwiḥ, rara joṅgraŋ sukèŋ nala, kalamun sa arju nini.

12. sutamu undaṅĕn gupuḥ, witrita lumakṣana glis, prapta iŋ talaga muñcar, paṅgya lan wĕkanya kaliḥ, winartan gatiniŋ lampaḥ, tan ḷĕṅgana nulya kérit.

13. prapta ṅarṣaniŋ saŋ ṅayu, ṅuṅuniŋ tyas saŋ minta siḥ, wiṅitiŋ cahya kaliḥnya, kadi trahiŋ kusumadi, darmamoha lon turira, pinaṅka sĕdya myaŋ nami.

14. sajarwa saŋ ṛĕtnaniŋ rum, pinaṅka sĕdya kakasiḥ, tĕmbĕ yèn ḷĕbda iŋ karya, ulun tan suwalèŋ kapti, darmamoha suka sagaḥ, sigra binĕkta mriŋ nagri.

15. sapraptanirèŋ kaḍatun, binusanan kaprabhon ji, tilas agĕmé kaŋ raka, cèplĕs tan ana ṅowahi, tan siwaḥ lan kaŋ wus léna, lir jambĕ sinigar kaliḥ.

16. dahat sukèŋ tyas saŋ ṅayu, patiḥ tubar dèn timbali, winartan sakèḥ lalakyan, suka sukur maṅĕñjali, patiḥ iki srayaniṅwaŋ, iṅsun jumĕnĕṅkĕn aji.

17. gumantiya kakaŋ prabhu, śri baka jujuluknèki, patiḥ tubar nĕmbaḥ méntar, uṇḍaŋ saŋ nata basuki, salin juluk prabhu baka, arṣa magut jurit maliḥ.

18. wus samĕkta tandya campuḥ, iŋ ṅapraŋ tansaḥ kapilis, prabhu baka kéwraniŋ tyas, nulya maṅgihi saŋ putri, jinatèn pandukiŋ karṣa, karya rèḥ upaya sandi.

19. dyaḥ rara joṅgraŋ jumuruŋ, saŋ prabhu amaliḥ warṇi, tan siwaḥ lan rara joṅgraŋ, méntar mriŋ barisan pĕṅgiŋ, paṅgiḥ radyan darmamaya, tyas kumĕñut tatanya ris.

20. nama miwaḥ sĕdyanipun, saŋ piṇḍa warṇa turṇya ris, kula nama rara joṅgraŋ, kadaṅé nèm saŋ yakṣa ji, parambanan kaŋ wus léna, mila sumiwi saŋ pĕkik.

21. wit arṣa winisisèstu, kaprĕnaḥ santana sami, apanĕṅran ditya baka, iŋ maṅkya wus madĕg aji, ambawani iŋ prambanan, amba ḷĕṅgana nulya nis.

22. lamun kapanujèŋ kayun, arṣa mawoṅan saŋ pĕkik, darmamaya dahat suka, subasita wiwéka nir, pinoṇḍoŋ binĕktèŋ tilam, dupyarṣa pinurwèŋ ṛĕsmi.

23. wisaya wisa tumanduk, radyan kantu gumalintiŋ, nulya dinunuŋ makuṭa, saŋ piṇḍa dyaḥ wus umijil, warṇa radyan darmamaya, paréntaḥ mriŋ wadya pĕṅgiŋ.

24. kinèn ajĕg barisipun, priyaṅga mriŋ paraṅtritis, wadya pĕṅgiŋ tanpa wikan, yèn kĕni upaya sandi, sadaya maṅayubagya, wus méntar kaŋ piṇḍa warṇi.

25. praptaniŋ pura wus waṅsul, warṇi ditya baka aji, makuṭa sigra binuka, radyan kaŋ wus kadi lalis, sinuṅakĕn iŋ dyaḥ joṅgraŋ, tyas suka marwata siwi.

26. datan liŋ kunarpa ayun, binuwaŋ mriŋ jalanidḍi, saŋ dyaḥ jumuruŋ iŋ karṣa, mĕsat praptèŋ tĕpi tasik, kidul radyan wus binuwaŋ, śri yakṣa waṅsul mriŋ puri.

27. samodra kadya kinĕbur, gora rèḥ kagiri giri, isèn isèniŋ samodra, sadaya nĕmahi lalis, yata ratuniŋ laḷĕmbut, saŋ aprabhu aṅinaṅin.

28. suṅkawaniŋ tyas kalaṅkuŋ, myat wadya mina kèḥ lalis, sigra dèn nira ṅupaya, kaŋ dadya darunanèki, wus kawuryan pinarpĕkan, kunarpa cinaṇḍak aglis.

29. winawèstu dèrèŋ lampus, muŋ kĕni upaya sandi, radyan nulya iṅusadan, wus waluya kadi ṅuni, sirṇa umobiŋ samodra, sakaṭahiŋ kaŋ ṅĕmasi.

30. waluya sadayanipun, matur prabhu aṅinaṅin, maṅkya dèrèŋ maṅsanira, pĕjahè baka narpati, béñjaŋ yèn wontĕn satriya, radèn banduŋ awawaṅi.

31. sakiŋ pĕṅgiŋ wijilipun, puniku muṅkasi kardi, kaḍaḍa dyan darmamaya, èṅĕt garwa kaŋ ṅgarbini, dumadya éca tyasira, tandya binĕkta iŋ puri.

32. miwaḥ iṅadĕgkĕn ratu, mĕṅkoni saguŋ ḍĕḍĕmit, sarta isiniŋ samodra, lawan winulaŋ sakalir, iŋ rèḥ jaya kawijayan, kotamaniŋ madĕg aji.

33. lami dèn nya madĕg ratu, dupi wus maṅsanirèki, prabhu maruta liṅira, puniku nĕḍĕṅirèki, suwawi mriŋ pabaratan, muṅkasi ṅrabasèŋ puri.

34. kula radèn iṅkaŋ ñjaṅkuŋ, wus méntar sakiŋ iŋ tasik, prapta nagri parambanan, anaṅiŋ makṣiḥ piniṅit, wadya pĕṅgiŋ datan owaḥ, takṣiḥ ajĕg barisnèki.

35. nahĕn gantya kaŋ winuwus, atmaja hyaŋ surapati, nama saŋ hyaŋ citraséna, kapéñcut madĕg narpati, siniwi iŋ marcapada, saŋ hyaŋ éndra asuŋ waṅsit.

36. tan bisa jumĕnĕŋ ratu, amuŋ iŋ tĕmbé pinaṣṭi, tumuntur nrahkĕn naréndra, laku kudu dilakoni, manukṣmaa maraŋ sata, sakala amaliḥ warṇi.

37. sawuŋ agĕŋ uḷĕs piṅul, buntut mĕḷĕm mubal laṅkiŋ, kinèn tapa ṅgraniŋ ṅarga, iŋ kĕlut nulya lumaris, tan cinatur laminira, kadaŋnya wrĕḍa wawaṅi.

38. hyaŋ citragada wulaṅun, dahat onĕŋ mriŋ kaŋ rayi, iṅaknya manukṣma dadya, sawuŋ uḷĕsira laṅkiŋ, buntutipun mubal pĕṭak, kinon mahas ardi mrapi.

39. béñjiŋ tartamtu kapaṅguḥ, nĕmbaḥ mĕsat kaŋ sinuŋ liŋ, maṅkya kocap prabhu baka, wus paṅgya lawan ṛĕtna di, tansaḥ maṅun karasikan, nèŋ sajroniŋ tĕpas wiṅit.

40. iṅgaliŋ cariyos sampun, ṅgarbini tĕkaniŋ wañci, ambabar mijil wanodya, warṇi jalma yu linuwiḥ, ramèbu suka kalintaŋ, sinuŋ ran rara nawaṅsiḥ.

41. naṅiŋ śri baka kalaṅkuŋ, miminta atmaja maliḥ, priya ginaḍaŋ naréndra, nimbali ṛĕkyana patiḥ, ḍinawuhan aṅupaya, paṅlipuriŋ tyas prihatin.

42. kyana patiḥ nĕmbaḥ matur, pun bapa manawi baṅkit, nulya utusan wus méntar, tan daṅu prapta ṅarṣa ji, sakèli wus ḍinawuhan, gya mundur sakiŋ ṅarṣa ji.

43. paṅgya lan raka saŋ wiku, bah‍èkṣi winartan gati, kaŋ dadya karṣèŋ naréndra, kadugèŋ tyas nulya ṅambil, klaṅĕnannya satawana, dipudyamantra wus warṇi.

44. sawuŋ abrit uḷĕsipun, ṛĕspati tan ṅuciwani, nora nana kaŋ cinéda, pun sasab namanirèki, kinèn ṅaturkĕn saŋ nata, kalawan matura yayi.

45. ṅadĕgkĕn kalaṅan sawuŋ, kaŋ dadya botohirèki, sutanta si ditya rota, sakèli nuwun wus pamit, iṅiriŋ pulunanira, sarwi mbopoŋ sawuŋ abrit.

46. prapta iŋ pura wus paṅguḥ, kalawan saŋ yakṣa aji, wawĕliŋ katur sadaya, kapanudyèŋ tyas narpati, ṅrakit kalaṅan wus dadya, uṇḍaŋ uṇḍaŋ wus waradin.

47. sabĕn ari saŋ aprabhu, ṅabĕn sawuŋ lawan dasiḥ, sasat sabĕn ari mĕnaŋ, puṅgawa mantri bariṇḍil, wontĕn wadu botoḥ kawak, kakaliḥ muŋ kari kulit.

48. mandaṅjaplak namanipun, kaliḥ bandawasa nami, putĕkiŋ tyas samya késaḥ, mandaṅjaplak añjog wukir, palawaṅan sukunira, kaŋ kidul ardi marapi.

49. manuṅku tapa sirèku, bandawasa mriŋ wanadri, karyanira ambĕbégal, balaṇḍoŋ warananèki, wuwusĕn ki mandaṅjaplak, pinaṅgihan kĕṭèk putiḥ.

50. balabuḍa kaŋ pitĕkur, nèŋ tlaga muñcar udani, mriŋ mandaŋ kalaṅkuŋ wĕlas, tinanya sĕdyanirèki, ki japlak matur pasaja, suka risaŋ kapi putiḥ.

51. klaṅĕnannya kuwuk piṅul, cinipta sawuŋ wus dadi, uḷĕsipun mulus pĕṭak, bagus datan ṅuciwani, sinuṅan nama pun muñcar, saḍéṅaḥ kaŋ miyat kiṅkin. 

204. asmaradana

1. laḥ kaki gawanĕn aglis, mandaṅjaplak laṅkuŋ suka, sawuŋ pĕṭak wus tinampèn, manĕmbaḥ amit kalilan, sapraptanirèŋ wisma, aṅaso sakĕḍap laju, mriŋ kalaṅan mbopoŋ muñcar.

2. tinaṇḍiŋ lan sawuŋ aji, pun sasap lawan pun muñcar, kalaṅkuŋ ramé taruṅé, sasap kapilis wus pĕjaḥ, saŋ prabhu nulya mbayar, maṅsulakĕn darbèkipun, ki mandaṅjaplak sadaya.

3. nalika kawon iŋ ṅuni, tinambahan arta kaṭaḥ, ki mandaŋ wus puliḥ gĕtèḥ, sabĕn ari mriŋ kalaṅan, sawuṅira binĕkta, tinaṇḍiŋ sabĕn cul payu, muṅsuhira gundam gundam.

4. kahog kabur ṅucir kadi, uniŋ kuwuk ayun maṅsa, japlak kaṭaḥ pamĕnaṅé, naṅiŋ maṅkya pinacuhan, tan paṛĕŋ mbĕkta muñcar, kalamun ṅantiya ṅadu, jinaraḥ sadarbèkira.

5. punika purwané ṅuni, sawuŋ pĕṭak mulus datan, kéṅiŋ mĕdal kalaṅané, ila ilané iŋ kuna, mbibarkĕn pakalaṅan, naṅiŋ ki japlak tan kéguḥ, sabĕn ari mriŋ kalaṅan.

6. ambĕkta sawuŋ sayĕkti, prandéné tan naté kalaḥ, margi pun muñcar sawabé, maṅkana saŋ yakṣa baka, nimbali ditya rota, binobot ṅupaya sawuŋ, iṅkaŋ kaṭaḥ cacahira.

7. mĕsat sakiŋ ṅarṣa aji, paṅgiḥ lan sudarmanira, ṅaturkĕn ḍawuhiŋ katoŋ, ṅuṅuniŋ tyas wus anduga, kaŋ dadya karṣa nata, mimba mriŋ wisma andulu, takṣaka kaliḥ nuju praŋ.

8. cinaṇḍak cinipta dadi, sawuŋ kaliḥ kaŋ sajuga, kulawu cĕmĕŋ sukuné, tĕrus lawan cucukira, winastanan pun sura, balorok satuṅgalipun, suku cucuk samya krĕṣṇa.

9. pun wira namanirèki, nulya aṅupaya sima, pinudya dadya sawuṅé, wulu lurik abaŋ mbranaŋ, loṇṭèŋ suku kaliḥnya, pun bĕñcorèŋ namanipun, ditya rota lan namanya.

10. sumiwi ṅarṣa narpati, ṅaturkĕn sawuŋ titiga, saŋ prabhu muṇḍut jaṅkĕpé, sadaya kaŋ warṇa warṇa, bah‍èkṣi tur sandika, dipaṅganira saŋ prabhu, pinudyamantra wus dadya.

11. sawuŋ krĕṣṇa uḷĕsnèki, sinuṅan nama gajakṣa, nulya ñuwun gaman pupoḥ, gaṇḍi dadya widosana, pun gaṇḍu namanira, gada wido klobot piṅul, sinuṅan saṅkur guṇḍala.

12. ḍuwuŋ dadya sawuŋ lurik, pañorèḥ panĕṅranira, warastra wido kwaliné, sinuṅan nama pun sahak, papiliŋ wiriŋ driya, caṇḍiraras arannipun, puṭon dadya wiriŋ jĕnar.

13. jaliwatu namanèki, prabhu yakṣa sukaṛĕna, jaṅkĕp sadasa sawuṅé, nulya iyasa kalaṅan, anèŋ iŋ wukir arka, kidul praja prĕnahipun, rinakit lir purantara.

14. maṅkana saŋ dayinta ji, ñuwun kanaŋ kalaṅĕnan, kaŋ mirit kadi sawuṅé, dadosa sukaniŋ driya, raka panujèŋ karṣa, nimbali kakaliḥ wiku, praptèŋ ṅarṣa ḍinawuhan.

15. kaŋ dadya pamintèŋ sori, wiku kaliḥ matur nĕmbaḥ, pantĕsipun klaṅĕnané, prayogi aṅabĕn gĕmak, lan rabiniŋ puṅgawa, myaŋ pawoṅan cèṭinipun, cinatur wus kalampahan.

16. sukaṛĕna pramèswari, sabĕn ari tansaḥ mĕnaŋ, laḥ punika ta purwané, wontĕnipun ṅabĕn gĕmak, saŋ prabhu gya utusan, mboyoṅi witrita diyu, sinuŋ kamuktèn iŋ pura.

17. prabhu baka piṇḍaḥ mariŋ, ardi arka wahu tansaḥ, dèn nya moŋ ṅabĕn sawuṅé, laṅkuŋ kaṭaḥ pamĕnaŋnya, wadyabala kawudan, ki mandaṅjaplak baruṇḍul, késaḥ mriŋ talaga muñcar.

18. paṅgiḥ balabuḍa warti, bab suwuŋ katur sadaya, balabuḍa lon dĕliṅé, lamun kaya maṅkonowa, luhuŋ aṅadu jalma, muṅsuhé isiḥ apĕṅkuḥ, mbaṭĕṭĕt aṅĕpuŋ kuṭa.

19. mandaṅjaplak èsmu ajriḥ, dahat dèn nya anoraga, saŋ kapi saṅĕt wĕlasé, iṅagnya kinèn ṅupaya, sawuŋ kaŋ wulu krĕṣṇa, buntutira mubal piṅul, iku kalamun wus aṅsal.

20. pilalanĕn kaŋ abĕcik, lawan jĕnĕŋna si muwar, iku baṅkit ṅasoraké, kabèḥ jagoné yakṣéndra, déné dunuṅé sata, ana iŋ mĕrapi gunuŋ, ki mandaŋ wus miṅgaḥ arga.

21. praptèŋ imbaṅiŋ marapi, iŋ gumuluŋ ranniŋ ḍĕkaḥ, nulya kampir mriŋ wismané, buyut tampura rannira, lagyarṣa bĕrṣiḥ désa, japlak iṅañcaran gupuḥ, kalawan binujakrama.

22. ki buyut awas niṅali, kaŋ prapta sĕmu suṅkawa, pinuriḥ sipĕŋ tamuné, iŋ wañci siṛĕpiŋ jalma, ayam ayun pinragat, rahosan lan kañcanipun, sawiji kaŋ uḷĕs krĕṣṇa.

23. buntutira mubal putiḥ, tan ṛĕnèŋ tyas yèn palastra, muŋ kinarya bĕrṣiḥ ḍukoḥ, yèn jawata ṅlilanana, utama mati apraŋ, babon maṅsuli yèn iṅsun, suka lampus kaṅgo bhoga.

24. babon sulaya lan mami, laḥ ta sapa iṅkaŋ bisa, amuruṅkĕn patiniṅṅoŋ, saṅgĕm asuŋ sukaṛĕna, tinĕmpuhkĕn babaya, maṅkana karṣèŋ déwa guŋ, ki japlak sinuṅan wikan.

25. sakiŋ salu maṛĕpĕki, ṅintip intip kaṇḍaŋ ayam, wus cĕṭa iŋ panduluné, ayam kaŋ saṅgĕm babaya, sawuŋ uḷĕsé krĕṣṇa, buntutira mubal piṅul, tan siwaḥ kadi wasita.

26. ki japlak tatanya aris, èḥ jago kasaguhanta, kaŋ wus sira wahyakaké, apa kĕna iṅantĕpan, ḍuḥ jalma ywa sumĕlaŋ, gugunĕn sahujariṅsun, éca tyasé kyayi mandaŋ.

27. sandayèŋ tyas muŋ manawi, kyayi buyut datan aṅsal, waṅsul mariŋ paturoné, gya éñjiŋ nulya pamitan, sarwi añuwun ayam, uḷĕs cĕmĕŋ buntut piṅul, ki buyut mèsĕm liṅira.

28. laḥ suwawi ndika ambil, puniku sawuŋ nanĕka, sakiŋ iŋ mrapi pucaké, ki japlak kalaṅkuŋ suka, binopoŋ ponaŋ sata, sarwi awacana arum, ḍusun gumuliŋ punika.

29. nama prayogi dèn ĕliḥ, samaṅkĕ ḍusun kajiwan, daruna wuruŋ sawuṅé, pinragat samaṅké arja, buyut manadukara, katĕlaḥ lajĕŋ kasĕbut, aran iŋ ḍusun kajiwan.

30. mandaṅjaplak tandya pamit, nèŋ marga datan winarṇa, wus sinuŋ aran sawuṅé, pun muwar sapraptanira, iŋ wisma tan kĕna saḥ, lèṅkèt agĕŋ trĕṣṇanipun, binĕkta byantarèŋ nata.

31. saŋ nata tatanya aris, saka ṅĕndi iku japlak, sakiŋ marapi saŋ katoŋ, payo kono tataṇḍiṅan, kalawan si gajakṣa, muwar kawon guŋ ṅaluhur, japlak ajriḥ yèn mopowa.

32. sawuŋ muwar abibisik, asal sawuṅé saŋ nata, sarta ywa sandéyèŋ tyasé, tĕka ṇḍèrèka kéwala, kakaliḥ uwus tinoya, cul payu muwar tinutuḥ, kapilis wus sinadasa.

33. muwar maḷĕsnya bĕt ñjiliŋ, pun gajakṣa kapisanan, dadya dirada waṅkéné, suka kaŋ samya totohan, kaŋ kawon babayaran, saŋ prabhu laṅkuŋ gĕgĕtun, ḍawuḥ tinutuḥ lan sura.

34. maṇḍaṅjaplak laṅkuŋ ajriḥ, manĕmbaḥ sumaṅgèŋ karṣa, saya agĕŋ totohané, wus taruŋ sura sinampar, iŋ jalu gumalimpaŋ, pĕjaḥ dadya naga aguŋ, sawusira babayaran.

35. anulya tinaṇḍiŋ maliḥ, kalawan sawuŋ pun wira, kalaṅkuŋ ramé taruṅé, wira pĕjaḥ kapisanan, waṅké dadya takṣaka, kaŋ kawon bayaran sampun, kasaput ratri bibaran.

36. ki japlak sukanya ṅĕntiŋ, kawonnya mantuk sadaya, pamĕnaṅé kinuruhké, sapraptanira iŋ wisma, muwar sinuṅga suṅga, iŋ dalu tansaḥ pitutur, ki mandaŋ dahat narima.

37. éñjiṅipun sowan maliḥ, lajĕŋ kéwala taṇḍiṅan, kalawan kaguṅan katoŋ, pun pañcorèŋ namanira, taṅlĕt lawan pun muwar, pañcorèŋ sinaṅga lampus, waṅkénipun dados sima.

38. anulya tinĕtaḥ aglis, lawan pun saṅku guṇḍala, datan adaṅu taṅlĕté, guṇḍala ginĕbag pĕjaḥ, waṅkénya dadya gada, pinañjĕl taṇḍiŋ pun gaṇḍu, cul payu ramé kalintaŋ.

39. gaṇḍu tiwas dadya gaṇḍi, tinĕtaḥ maliḥ kalawan, pun mañorèḥ taruŋ ramé, pun mañorèḥ kapisanan, waṅké dadya curiga, anĕtaḥ maliḥ saŋ prabhu, sawuŋ nama caṇḍiraras.

40. ramé dèn nya maṅun jurit, caṇḍiraras pinaraṅgal, mak sĕg dadya warastrané, kabaranaŋ śri naréndra, tinĕtaḥ lan pun sabak, laṅkuŋ ramé wus kinabruk, pun sahak pĕjaḥ ñjĕrbabaḥ.

41. kuwandané dadya piliŋ, tinĕtaḥ maliḥ kalawan, pun jaliséta namané, kĕtogan saguŋ totohan, rukĕt ramé taruŋnya, jaliséta wus iṅĕmbun, mak sĕg tan maṅga puliya.

42. dadya astra puṭon rukmi, kèndĕl sĕrapiŋ baṣkara, saŋ prabhu kaṭaḥ kawonné, botoḥ kaṭaḥ kawudanan, dé kaŋ anut ki japlak, ambĕntoyoŋ antukipun, wus kalilan abubaran.

43. iŋ ratri saŋ yakṣa aji, dahat dèn nira suṅkawa, bah‍èkṣi tansèŋ ṅarṣané, ḍinawuhan aṅupaya, sawuŋ kaŋ ṅasoṛĕna, lawan pun muwar puniku, bah‍èkṣi umatur nĕmbaḥ.

44. biliḥ saŋ prabhu maṛĕṅi, pun ditya rota kéwala, pinudya dadya sawuṅé, saŋ nata kalaṅkuŋ suka, ditya rota pinudya, sakala wus dadya sawuŋ, wulu klawu nama brama.

45. éñjiŋ saŋ prabhu miyosi, ki japlak wus iṅandikan, kalawan mbékta sawuṅé, pun muwar taṇḍiŋ lan brama, kalaṅkuŋ raménira, sarosa gantya kapupu, témaḥ brama kawatgata.

46. maripatira kaŋ kériŋ, kawus kabur wus aṅgéblas, saŋ bah‍èkṣi dupi anon, nututi lampahiŋ sata, tumékèŋ kidul arga, paṅgyarṣa binĕktèŋ waṅsul, nulya na swara kapyarṣa.

47. bah‍èkṣi ruwatĕn aglis, yèn wus nulya agñanana, amaṅgon iŋ tanaḥ kulon, dumunuŋ désa gaḍuṅan, béñjaŋ dadya mulyanya, yèn sirarṣa golèk sawuŋ, kaŋ ṅasorakĕn si muwar.

48. maṅétana dipunaglis, maraṅa iŋ kĕlut arga, pan kono ana wujudé, uḷĕs putiḥ lañcur krĕṣṇa, sĕmu saplak lan muwar, sawuŋ élok bisa muwus, satata kadi manuṅsa.

49. pilutanĕn iŋ mamanis, lamun wus sambadèŋ karṣa, jĕnĕŋna gutukmĕnur é,, bah‍èkṣi mituhyèŋ swara, suta siniḍikara, wus waluya sinuŋ tuduḥ, kadya waṅsit kaŋ kapyarṣa.

50. ditya rota wus lumaris, bah‍èkṣi waṅsul iŋ pura, prapta ṅabyantara katoŋ, matur sawuŋ tan kapaṅgya, takṣiḥ paṅgaḥ ṅupaya, saŋ prabhu ḷĕjar iŋ kalbu, ḍawuḥ ĕpur wus bubaran.

51. bah‍èkṣi amit narpati, kalilan anulya méntar, datan cinatur lampahé, wus prapta iŋ kĕlut arga, nalasak aṅupaya, tan antara daṅu paṅguḥ, mamanisiŋ paṅupaya.

205. ḍaṇḍaŋgula

1. sawuŋ pĕṭak lañcur mubal laṅkiŋ, kawistara lir manuṅku puja, bah‍èkṣi éram iŋ tyasé, saŋ wiku makiḍupuḥ, maṅĕñjali mamalatiŋ siḥ, sawuŋ mèsĕm sajarwa, linut iŋ sabda rum, sawusiŋ titi carita, atatanya maraŋ iŋ ṛĕṣi bah‍èkṣi, paran gatiniŋ karya.

2. saŋ bah‍èkṣi matur mamalat siḥ, saliriŋ rèḥ tan na kaliwatan, kalamun kapaṛĕŋ maṅké, iŋ karṣa saŋ linuhuŋ, binĕkta mriŋ prambanan nagri, katur saŋ natayakṣa, myaŋ sinuŋ jujuluk, gutukmĕnur saŋ hyaŋ sata, tan ḷĕṅgana binopoŋ binĕkta aglis, praptèŋ byantara nata.

3. sawuŋ katur ṅguguk saŋ yakṣa ji, mandaṅjaplak tandya tinimbalan, kinèn ambĕkta sawuṅé, sapraptanirèŋ ṅayun, muwar mulat sawuŋ narpati, bibisik mriŋ ki japlak, sawuṅé saŋ prabhu, arinira tuṅgal yayaḥ, samya saŋ hyaŋ indra iṅkaŋ asisiwi, wus winĕḍar sadaya.

4. kaŋ sinuŋ liŋ ṅuṅun laṅkuŋ ajriḥ, wêwaḥ suṅkĕm mariŋ sawuṅira, saŋ prabhu paréntaḥ agé, mriŋ japlak sawuṅipun, tinaṇḍiṅkĕn lan sawuŋ putiḥ, kaguṅan śri naréndra, sumaṅga turipun, wus campuḥ madyèŋ kalaṅan, gutukmĕnur muwar pagut iŋ paṅèkṣi, tan paṅliŋ kalihira.

5. kawistara sru gitik ginitik, sajatiné pan imbal wacana, muwar alon andikané, ḍuḥ yayi kadaṅiṅsun, wus alami iṅsun ulati, lagi samaṅké paṅgya, matur gutukmĕnur, ulun anèŋ kĕlut arga, yèn maṅkono payo yayi paḍa muliḥ, kaŋ rayi sru ḷĕṅgana.

6. dadya daṅu wawan winawan ṅliŋ, laḥ ta yayi iki wus antara, iŋ apraŋ ṅalaha bah‍é, kaŋ kinèn datan purun, matur aris sarèhniŋ mami, sinah‍ènan iŋ jalma, laṅkuŋ méraŋ ulun, wontĕn lukitèŋ babasan, asiḥ iku timbaŋ wawaḷĕsé gĕtiḥ, kaŋ raka aṅandika.

7. ĕmpan papan kaŋ maṅkono yayi, ḍihin amuŋ waḷĕs jriḥ kéwala, piṇḍo pĕriḥ lan panasé, tĕlu wutahiŋ marus, tumrap iṅkaŋ sliranta yayi, makṣiḥ taṅèḥ maḷĕsa, wutahiŋ kaŋ marus, dĕstun lagya jriḥ kéwala, laḥ sumaṅga yèn ulun ṅawona isin, sabab ulun wus sagaḥ.

8. ṅawonakĕn sawuŋ kaŋ dimurti, darbèkipun ki mandaṅjaplak, kaŋ raka lon andikané, ywa maṅkono riniṅsun, iṅgiḥ kakaŋ kadi punapi, paran lamun kawuryan, iŋ jalma kaŋ ṅruruḥ, gya ulun maṅéjawantaḥ, wus sajarwa atmaja hyaŋ éndrapati, mèsĕm kaŋ raka myarṣa.

9. kawistara agantya kapilis, alok alok surak mbataṛĕbaḥ, kaŋ samya non sru sukané, amuŋ ki mandaŋ kaŋ wruḥ, wicarané sawuŋ kakaliḥ, daṅu awawan sabda, koṅsi mumbul mumbul, tumitaḥ pucakiŋ arga, amaṅalèr ṅayuḥ pucakiŋ marapi, anulya pipisaban.

10. iṅkaŋ rayi kinèn kantun awit, ndumugèkkĕn èṣṭiniŋ wardaya, raka waṅsul kayaṅané, muwar miñcok wit raṇḍu, gutukmĕnur maṅétan aglis, anapak jumantara, prapta luhuripun, paḍusunan sokawatya, uniŋ sata èstri mulus wulu putiḥ, gutukmĕnur kasmaran.

11. cumalorot tumulya ṅrakĕti, tan saranta pinurwèŋ asmara, satata ayam carané, sawusnya amoṅlulut, mibĕr kadi ṅuni tan baṅkit, ṅuṇṭul sru méraŋ iŋ tyas, tantara mukṣa wus, waṅsul sarira bhaṭara, pan katĕlaḥ iŋ ṅuni prapta samaṅkin, sawuŋ iŋ sokawatya.

12. nora daya cĕpak apĕsnèki, gantya kocap kaŋ anèŋ kalaṅan, saŋ prabhu utusan agé, aṅruruḥ gutukmĕnur, mandaṅjaplak asru nututi, lan muwar wus kapaṅgya, nèŋ pucakiŋ raṇḍu, ki mandaŋ mènèk wus pĕrak, maṅĕñjali umatur aṅasiḥ asiḥ, mugi panujèŋ karṣa.

13. kapaṛĕṅa ulun ĕmoŋ maliḥ, èḥ ta japlak samaṅké wruhanta, iṅsun mriŋ kayaṅan manèḥ, amuŋ ta wĕkasiṅsun, raga kita caṇḍinĕn béñjiŋ, lan manèḥ wĕkasiṅwaŋ, yèn aṅgawa sawuŋ, ywa aso sor raṇḍuwana, yèn lumaris paṛĕg lan raṇḍu dèn aglis, kaŋ mbopoŋ kalurukan.

14. sukur sarta yèn kluruk pribadi, yĕkti jaya tuntas iŋ pamĕkas, muwar ṅracut sarirané, waṅsul kayaṅanipun, raganiŋ kaŋ sawuŋ tumuli, binĕkta mantuk sigra, cinaṇḍi di luhuŋ, katlaḥ nama caṇḍiraga, kaŋ ṅulari gutukmĕnur tan kapaṅgiḥ, baka laṅkuŋ suṅkawa.

15. gya paréntaḥ aṅupaya maliḥ, bĕn abĕnan mriḥ lipuriŋ driya, puṅgawa ṅaturi agé, kapaṛĕŋ tyasiŋ prabhu, ṅabĕn jaṅkrik myaŋ ṅabĕn miri, pidak mawi dèn olaḥ, niku purwanipun, ṅabĕn sawuŋ miri pidak, lawan jaṅkrik mila sawuŋ kaŋ prayogi, wĕdalan arga mrapya.

16. mas cĕbolaŋ miwaḥ catur santri, laṅkuŋ suka myarṣakkĕn carita, sinambi alèlèḥ lèlèḥ, jĕṅgèlèk lon liṅipun, amĕmĕlas natèŋ saḷĕmbi, ḷĕṛĕs ṅañut palastra, rumahos pĕsipun, labané kuraŋ titika, iŋ tyas limut kĕni rinañcanèŋ ṅéblis, satĕmaḥ ñjamaḥ putra.

17. pawĕlèhé puputra rasĕkṣi, citraséna puputra wanara, kadiparan ta pĕrṇahé, pakèwĕt kramanipun, ki harṣana liṅira aris, ñumaṅgakkĕn iŋ karṣa, mila kula ṅgalur, cariyos sru pados tĕraŋ, lawan kéṅiŋ kaaṅgo tĕpa palupi, lampahan kina kina.

18. amaṅsuli cariyosiŋ ṅuni, radyan banduŋ wus nduṅkap diwasa, tansaḥ taña sudarmané, rinapu datan lipur, wus sajarwa dyaḥ rarasati, dyan banduŋ duk miyarṣa, tanpa pamit ibu, pribadi tandya umĕsat, sakiŋ puri sapraptanira wanadri, kapaṅgiḥ bandawasa.

19. apraŋ ramé bandawasa kuntit, dyan cinaṇḍak arṣa pinĕjahan, bandawasa lon aturé, gĕsaṅana woŋ bagus, nama ulun sumaṅgèŋ kapti, mĕwahana paparab, iṅuculkĕn sampun, nĕmbaḥ anuṅkĕmi pada, saha matur samaṅké paduka nami, dyan banduŋ bandawasa.

20. banduŋ mĕsat praptèŋ tĕpis wiriŋ, parambanan gantya kaŋ winarṇi, radyan darmamaya maṅké, paṅgya lan ari prabhu, citraséna umatur aris, mèḥ lalu iŋ paṅantya, kaŋ raka liŋnya rum, mĕḍar iŋ purwa wasana, ari ṅuṅun wasana sukur iŋ widdhi, tandya nĕmbaŋ tĕṅara.

21. samya iṅgar kirap wadya pĕṅgiŋ, gugup prabhu yakṣa wus miyarṣa, dyan darmamaya praptané, sinĕṅguḥ lajĕŋ lampus, dyan paréntaḥ miyosi jurit, wus campuḥ ramé apraŋ, śri baka umagut, pinapag iŋ darmamaya, radyan banduŋ prapta ranaṅgana aglis, darmamaya cinaṇḍak.

22. saṅkiŋ wiṅkiŋ duk arṣa binantiŋ, myarṣa swara èḥ banduŋ wruhanta, iku ramanta yĕktiné, darmamaya yayaḥmu, banduŋ kagyat sinèlèḥ ririḥ, rahap maṅrahup pada, ḍuḥ woŋ tuwaniṅsun, ulun banduŋ atmajanta, radyan darmamaya gupuḥ ṅraṅkul siwi, babo atmajaniṅwaŋ.

23. éyaŋ miwaḥ ibunira kaki, apa paḍa basuki sadaya, banduŋ nĕmbaḥ lon aturé, iṅgiḥ sami rahayu, mugi rama ywa walaṅgaliḥ, pun yakṣaprabhu baka, ulun kaŋ umagut, tandya majĕŋ ranaṅgana, wus acampuḥ lawan rakṣasa narpati, aṅĕtog kasudiran.

24. sèlèḥ gaman kuwĕl iŋ ṅajurit, mila wontĕn ḍusun kuwĕlan rannya, sayaḥ praŋ sami aripé, milanya wontĕn ḍusun, iŋ koripan dèn nira jurit, maṅidul kaŋ katrajaŋ, lusaḥ lusaḥ mawut, mila karan ḍusun lusaḥ, lajĕŋ sawur sinawur mila samaṅkin, wontĕn wĕḍi ran désa.

25. praptèŋ kidul prambanan yakṣa ji, dyan cinaṇḍak pinĕtĕlkĕn kisma, ambloŋ trus lahut kidulé, praptèŋ samaṅkénipun, dados tlaga miniyan nami, umbulé sakiŋ kisma, katon sirahipun, jinĕṅgit rémanya tĕlas, gya binucal maṅilèn tibanya tĕbiḥ, mila na ḍusun ṅréma.

26. mripat kaliḥ cinuplĕk wus kĕni, gya binucal ṅidul ṅilèn mila, wontĕn ḍusun iŋ matah‍èk, purus binĕṭot gupuḥ, pan maṅiḷĕn pambucalnèki, mila wontĕn ran désa, pagĕlèn puniku, siraḥ dèn ĕntĕpkĕn kisma, dadosipun samaṅké iŋ ardi gampiŋ, badané lajĕŋ sirṇa.

27. sasirṇané baka narapati, radyan banduŋ gya maḷĕbĕt pura, dyaḥ joṅgraŋ lawan putriné, pinarak jro kaḍatun, banduŋ prapta nir tahèŋ ati, dyan joṅgraŋ pinarpĕgan, linutiŋ paṅuṅrum, saŋ dyaḥ kawal iŋ wacana, ababana kalaṅĕnan sèwu caṇḍi, sawĕṅi paripurṇa.

28. radyan banduŋ sagaḥ gya umijil, amanĕgĕs ṅĕniṅakĕn cipta, nĕnĕḍa mriŋ paṅérané, katrimaḥ pujanipun, caṇḍi dadya saṛĕŋ sawĕṅi, sèwu kiraŋ satuṅgal, miṛĕŋ tiyaŋ nutu, prĕnahé ḍusun kataṅga, banduŋ kagyat sinĕṅguḥ wus baṅun éñjiŋ, luwar dèn nya mumuja.

29. aniṅali dalu dèrèŋ liṅsir, radyan banduŋ lajĕŋ aṅandika, dak tatĕḍa salawasé, maraŋ déwa linuhuŋ, woŋ kataṅga jalu lan èstri, yèn parawan dadiya, iya prawan sĕpuḥ, jaka dadi jaka tuwa, pan katĕlaḥ ṅantos dumugi samaṅkin, parawan jaka tuwa.

30. radyan banduŋ malbèŋ pura maliḥ, asuŋ uniŋ caṇḍi sèwu dadya, minta siḥ kaḷĕkṣanané, patĕmbayèŋ saŋ ṅayu, linunturan sabda mamanis, saŋ dyaḥ dahat ḷĕṅgana, kaslĕpĕk iŋ ṅatur, sigra lumajĕŋ lan putra, banduŋ krodba binujuŋ saparannèki, dupi ayun kacaṇḍak.

31. saŋ dyaḥ joṅgraŋ mĕḷĕŋ iŋ sĕmadi, ñipta luhuŋ dados séla tama, jlĕg warṇi arca aṅgané, èstri astané catur, jaṅkĕp sèwu nama ḷĕstari, cuṭĕl namuŋ punika, criyosé tyaŋ sĕpuḥ, kahol kadwi kalanira, jamanipun karaton iŋ majapahit, bhrawijaya pamĕkas.

32. iṅkaŋ damĕl namanipun sami, iṅgiḥ banduŋ atmajaniŋ ṅajar, sakiŋ pinuja dadosé, rampuŋ sami sadalu, lampahané mèmpĕr iŋ ṅarṣi, punapi linajĕŋna, mas cĕbolaŋ matur, sampun samantĕn kéwala, sakalaṅkuŋ guŋ guṅiŋ panuwunmami, rèhniŋ wus wañci pajar.

33. kalilana ulun minta pamit, ndumuṅèkkĕn lampaḥ saha miyat, tlaga myaŋ patilasané, śri baka yakṣaprabhu, ki harṣana liṅira aris, bagus mbok jĕṅandika, laḥ punika sampun, klĕṭĕkan yun ṅgodog wédaŋ, prayoginé iṅĕntosan sawatawis, sĕḍĕŋ pajariŋ surya.

18. mas cĕbolaŋ kalihan para santrinipun sami ṅlajĕṅakĕn lampahipun dumugi iŋ kajoran, ñjujug mĕśjid kapaṅgiḥ lan ñipĕŋ iŋ griyanipun kyayi ṅabdulmartaka.

34. mas cĕbolaŋ ṇḍĕku liṅira ris, aḍuḥ kyayi ywa cuwèŋ wardaya, rèhniŋ mbujĕŋ sakécané, iŋ lampaḥ milanipun, ulun mbotĕn mawi ṅĕntosi, pasihan sasarapan, kyayi wisma maṇṭuk, rèhniŋ dèrèŋ samya wikan, prĕnahipun iṅkaŋ baḍé dèn tiṅali, kula ṅatĕr iŋ lampaḥ.

35. sru sukèŋ tyas cĕbolaŋ ṅgugahi, mriŋ santriné kaŋ misiḥ anéndra, wus samĕkta sadayané, mintar sakiŋ iŋ ḍusun, ki harṣana kaŋ anèŋ ṅarṣi, byar praptèŋ pèrèŋ ḍĕkaḥ, miniyan jinujug, sawusira myat talaga, laju miyat tilas kaḍaton yakṣa ji, nagri iŋ parambanan.

36. wusiŋ miyat cĕbolaŋ liŋnya ris, kyayi ulun ñuwun saṛĕṛĕpan, kajoran pundi prĕnahé, harṣana liṅira rum, ṅalèr ṅétan sakiŋ iŋ ṅriki, manawi wontĕn krajan, aṅgamĕŋ lir mĕṇḍuŋ, ṅĕṅrĕŋ labĕté kaṅgénan, ṅulama di kakasihipun narpati, ñjĕŋ sultan ṅèkṣiganda.

37. sampun ĕṅgèr samyandum basuki, sasalaman gantya jawat taṅan, cĕbolaŋ laju lampahé, cĕbolaŋ myatiŋ ḍusun, siŋ mandrawa kawuryan asri, priŋ wuluŋ gĕŋ gĕŋ papak, papagĕriŋ ḍusun, kalapané abĕn papaḥ, turut piṅgir jroniŋ pagĕr ṭarik ṭarik, wé mili wĕniŋ numpaŋ.

38. sabin blĕbĕg kumĕmpiŋ ṅubĕniṅi, anaracak bĕntĕt ḷĕma ḷĕma, tĕgal kalawan sĕtrènné, otèk jèpèn myaŋ jaguŋ, caṇṭèl wijèn guḍé kaspèhi, katéla ḍuḍa ṅinaŋ, sĕmaṅka bĕstĕru, cémé timun myaŋ ḍĕkĕman, lombok téroŋ kacaŋ pĕṇḍĕm kacaŋ ruji, buñcis kara mawarṇa.

39. samya nĕḍĕŋ woḥ sadaya ndadi, aścaryambĕg sadaya kaŋ miyat, baya ta iki bĕrkahé, ṅulama mukmin luhuŋ, kinasihan kaŋ murbèŋ gahib, sudibya martotama, tĕntrĕm tyas rahayu, añawabi samubaraŋ, lagi anon kitriné wus martaṇḍani, kinacèk iŋ sasama.

40. ṅajĕṅṅakĕn iŋ waktu mahribi, mas cĕbolaŋ lawan réñcaṅira, lumĕbĕt jro karajané, gasik kĕñcĕŋ marga guŋ, pala kĕpĕl iŋ kanan kériŋ, maśjid agĕŋ katiṅal, iŋ sajawinipun, capuri prĕnaḥ dukṣina, kilèn régol kidul maśjid wismanèki, nahib ṅabdulmartaka.

41. lagya ayun ṅambil toyastuti, miyat ana ḍatĕṅan lilima, nèŋ plataran maśjid gĕḍé, nulya pinaran gupuḥ, sasalaman tatanya aris, kula anilakrama, ḍumatĕŋ mas putu, laḥ sintĕn iṅkaŋ sinambat, miwaḥ asli tanapi sinĕdyèŋ galiḥ, salisir nĕmbé miyat.

206. salisir

1. mas cĕbolaŋ lon liṅira, kawula santri balaka, sakiŋ kĕḍu margahima, pun cĕbolaŋ nama kula.

2. réñcaŋ sakawan punika, pun nurwitri ki saloka, palakarti kartipala, pramila kadara dara.

3. wit kasok karoban warta, ṅambar lir wrĕkṣa caṇḍana, ñjĕŋ paṅran iṅkaŋ minulya, parab panĕmbahan rama.

4. manawi pinudyèŋ karṣa, ulun baḍé ṅèstupada, ñuwun barkaḥ saŋ minulya, pañiṛĕpiŋ muḍa harda.

5. ki nahib dupi miyarṣa, sukèŋ tyas alon wacana, puniku laṅkuŋ utama, iŋ béñjiŋ éñjiŋ kéwala.

6. kula iṅkaŋ aṅaturṇa, maṅké dalu kapaṛĕṅa, sipĕŋ iŋ wismakawula, biliḥ sampun bakda ṅisa.

7. sadayané kula bĕkta, cĕbolaŋ sumaṅgèŋ karṣa, sawusnya wulu anulya, miṅgaḥ maśjid alahuma.

8. santri gĕŋ alit kacaryan, maraŋ kaŋ nĕmbé kawuryan, mas cĕbolaŋ nulya adan, tan saṛĕŋ mahrib sunatan.

9. mañjiŋ iŋ wĕktu mahribi, ki nurwitri kaŋ ṅamadi, kaliyé swarané adi, kasmaran iṅkaŋ miyarṣi.

10. mahrib tumĕkané ṅisa, kaŋ ṅimani ki martaka, paragat sasunatira, pupujiyan mawa doṅa.

11. bakda doṅa sasalaman, santri guŋ alit bubaran, samya mantuk sowaŋ sowaṅan, myaŋ lagon puji pijiyan.

12. allaḥ nabi palu alim, allaḥ nabi palu alim, allaḥ nabiya nabébé, ya nabi nabi muhkamad.

13. iya iman tahohid i, iya iman tahohid i, ya makripat ya islami, ya makripat ya islami.

14. ya ibrahim kalilolaḥ, ya ibrahim kalilolaḥ, ya muhkamat kabibulaḥ, ya muhkamat kabibulaḥ.

15. iya musa kalamolaḥ, iya musa kalamolaḥ, ya umisa ya rohollaḥ, ya umisa ya rohollaḥ.

16. iya adam abubasan, iya adam abubasan, ya muhkamad arbu arwan, ya muhkamad arbu arwan.

17. nahĕn kimas sarowaŋnya, kérit kimas ṅabdultaka, sapraptanira iŋ wisma, pinarṇaḥ salu paṇḍapa.

18. ki ṅabdul maḷĕbèŋ wisma, rubiyaḥ laḥ suḍiyaa, sugata saananira, naṅiŋ kaŋ rada misrama.

19. aku katamuwan santri, lilima naṅiŋ priyayi, kaŋ siji amĕrakati, pantĕs darahiŋ tètèki.

20. ñi wisma matur sandika, wus samĕkta sadayanya, ki wisma mariŋ paṇḍapa, myaŋ ṅirit sasĕgahira.

21. wédaŋ ronniŋ kanaŋ kahwa, linalapan gĕṇḍis klapa, ñamikan bĕntul binĕsta, goréṅan liñjik katéla.

22. sumaṅga ṅgèr sawontĕnnya, sasĕgahé kahum désa, tartamtu botĕn misrama, muhuŋ panambakiŋ lapa.

23. kaŋ sinuŋ ṅliŋ samya ṇḍĕku, sasĕgahira lumintu, nulya lumados kaŋ bucu, magana sĕḍĕp kaŋ bumbu.

24. saté gulé ulam ménda, majĕr kaṭaḥ gajihira, samya aṅĕt sadayanya, sambĕl lalaban mawarṇa.

25. suwawi ṅgèr awawantiŋ, bucu gya tinrapan ladiŋ, dèn iris tigan gumlintiŋ, samya kokoḥ gulé kambiŋ.

26. nutug dèn nira abukti, cinarikan sadayèki, wowohan lumadyèŋ ṅarṣi, ḍuku kĕpĕl lan kĕcapi.

27. cĕmĕṅipun alus lumĕr, rahosipun aṅlĕg sĕgĕr, kaŋ katĕmbèn uniŋ ñjĕṅĕr, wus samya nĕḍa aṅlĕñĕr.

28. nutug anaḍaḥ wowohan, tamunira binéjanan, prayoginé sasaréyan, punapa aḷĕḷĕṅgahan.

19. kyayi mariṅakĕn sĕrat suluk hartati, iṅkaŋ mahos nurwitri. sĕrat wahu mawi akṣara pégon (arab tanpa saṇḍaṅan), ñariyosakĕn : ki hartati mĕḍarakĕn ṅèlmunipun bab asal usulipun tiyaŋ, wiwitipun sakiŋ"ora" lumantar bapa biyuŋ, naṅiŋ bapa biyuŋ botĕn sami niyat anak anak, kajawi namuŋ nuruti hardaniŋ kakajĕṅan. ḍawahiŋ rahos mulya andadosakĕn wiji iṅkaŋ saya agĕŋ, wiwit iŋ guwa garbaniŋ biyuŋ ṅantos lahiripun jabaŋ bayi ; katĕraṅakĕn bab"saṅkan paraniŋ dumadi" kaṇṭi sadaya pĕrlambaŋ lampaḥ lampaḥ aṅgayuḥ kasuñatan.

29. mas cĕbolaŋ aturira, tiḷĕman maṅké kéwala, ki wisma manadukara, aṅĕmoŋ mriŋ tamunira.

30. ki wisma ṅliŋ biliḥ karṣa, sambèn mahos sawontĕnnya, sĕrat kaŋ mawa surasa, dèn miṛĕṅakĕn sakéca.

31. cĕbolaŋ maṅayubagya, ki wisma ṅambil nawala, kakaŋ nurwitri kéwala, payo kakaŋ ḷĕkasana.

32. ki nurwitri wus atampi, srat pégon suluk hartati, mĕḍarkĕn rahsa sajati, buka paṅkur tĕmbaṅnèki.

207. paṅkur

1. ki hartati mĕḍar sabda, saduruṅé kaki sira dumadi, anèŋ pundi dunuṅipun, yĕktiné sakiŋ ora, bapa biyuŋ dadi lantaran tumuwuḥ, tan nĕdya yoga mriŋ sira, muŋ nĕkakkĕn hardèŋ kapti.

2. tibaniŋ kaŋ rahsa mulya, nèŋ manikĕm urip lawan pribadi, bundĕr samrica binubut, kumĕdut salaminya, sumrambaḥ iŋ ṅaṅga bisa dadi wujud, bayi lahir siŋ wĕtĕṅan, dadi manuṅsa sajati.

3. saduruṅé pañcadriya, pamiyarṣa paṅganda lan paṅèkṣi, paṅucap lawan cipta nuŋ, naṅiŋ duruŋ tétéla, awit duruŋ kadunuṅan rahsa tuhu, ri wusñantuk rahsa tama, muṇḍak muṇḍak sabĕn ari.

4. ṅanti prapta iŋ diwasa, pañcadriya jumĕnĕŋ lawan titi, bisa aṅambu aṅruṅu, wĕruḥ lawan paṅucap, tampa saka isbatu jahit liripun, yèku waraḥ sakiŋ liyan, mula jimatun wus tampi.

5. aran tĕtĕp tinĕtĕpan, luwiḥ élok dayaniŋ sanubari, béda béda ciptanipun, kaŋ aran joharṇgalam, lamun sira ñipta baraŋ kaŋ duruŋ wruḥ, joharparid lamun sira, ñipta baraŋ kaŋ wus uniŋ.

6. lawan datu maholana, lamun sira ñipta aṅganta kaki, pininta mlaku lan luṅguḥ, anèŋ paṅgonan liyan, sakĕclapan iŋ kéné sayĕkti suwuŋ, katon ṅaliḥ anèŋ kana, byariŋ tyas wus krasa ṅaliḥ.

7. jĕbèŋ paḍa piyarṣakna, iṅsun karya gita pralambaŋ jati, supadi nanaṅi saguŋ, kaŋ dahat puṅguŋ muḍa, purwaniŋ kaŋ pralambaŋ maṅkya winuwus, isiniŋ kaŋ wuluḥ wuṅwaŋ, suwuŋ obaḥ kĕnèŋ aṅin.

8. tapakiŋ kuntul aṅlayaŋ, manuk mibĕr muluk ṅuṅkuli laṅit, kalawan gigiriŋ puṅlu, kuda ṅrap iŋ pandĕṅan, wĕkasané laṅit lan jaladri aguŋ, taṅgal pisan kapurṇaman, sĕntèg pisan anigasi.

9. kabèḥ dayaniŋ budaya, aṅanakkĕn cipta lan siriŋ ati, piniṇḍa na watĕsipun, lan ana tilasira, apadéné kinira sapisan tuṇḍuk, kalawan pañcĕriŋ nala, rampuṅé mbabarpisani.

10. pralambaŋ bhumi pinĕtak, duhkitèŋ tyas lumèṅkèt tan ṅiṇḍani, kanaŋ pawana tiniyup, yèku bantĕriŋ manaḥ, ciptèŋ nala lumaku rosaniŋ bayu, amèt gĕni adadamar, woŋ ṅaṅsu pikulan wariḥ.

11. yèku paḍaṅiŋ tyas tama, guŋ ṅupadi uṇḍakiŋ kawruhnèki, atanapi bañu kinum,

aṅuṅkuli aḍĕmé kaŋ tirta salju, dahana murub binakar, ya iku panasiŋ ati.

12. luwiḥ panasiŋ dahana, lan srĕṅéṅé piné paḍaṅiŋ ati, sumĕblak nora kabĕnduŋ, déniŋ ima manampak, lawan maliḥ pralambaŋ galihiŋ kaṅkuŋ, iku hawa datan obaḥ, ṅĕṇḍĕm sajroniŋ ginahib.

13. susuḥ aṅin ṅĕndi ṅgènnya, upadinĕn iŋ dalil kur'an muni, wa ladahu wa karibun, min kabaril wa rita, gusti allaḥ rarakĕtan dunuṅipun, lan rahsa nikmat mupaṅat, anèŋ ṅgon rahsa winadi.

14. kusuma añjraḥ iŋ tawaŋ, piṇḍa kumbaŋ aṅajap talèŋ sĕpi, iku tirtaniŋ kĕmumu, lamun tĕḍuḥ kawuryan, lir aṅganiŋ kapuk kataman iŋ bañu, mratani madyaniŋ jagad, rasakna tumĕkèŋ ati.

15. sambuṅé kaŋ wus kawĕḍar, sinukarta rinambahakĕn maliḥ, koḍok ṅĕmuli lèṅipun, raga maṅka caṇṭuka, anèŋ ṅĕroŋ yèku ñawa isbatipun, karṣané kaŋ karya gita, raga aṅĕmuli urip.

16. kaŋ raṅka mañjiŋ curiga, muṅgèŋ jiwa isbaté punaŋ ragi, yèku aṅluṅguhi suwuŋ, maṅka lamun supĕna, antuk jaman sayĕktiné nora mĕtu, upama bisa umahya, murut maraŋ tĕpĕt sukci.

17. raṇḍu alas nut sèmbukan, raṇḍu alas isbaté punaŋ ragi, sèmbukan ñawa liripun, kalamun raganira, pisaḥ lawan jiwanta sayĕkti layu, bali maraŋ ananira, yèku sampurṇaniŋ pati.

18. ana manuk baṅo buṭak, lamun ṅĕṇḍog nèŋ ṅĕṇṭak ĕṇṭak sĕpi, déné kalamun jinupuk, juga obaḥ sadaya, kaŋ kadyèku awaŋ awaŋ uwuŋ uwuŋ, kaŋ dinumuk nora kĕna, anèŋ jagad aṅlimputi.

19. suwuṅé amĕṅku ana, kaŋ winĕṅku udara lawan aṅin, udara nora lumaku, aṅin katon lumampaḥ, aṅin saka kasorotan saŋ hyaŋ bayu, bisa naṅèkakĕn panas, udara obaḥ dadya ṅin.

20. cublak suwĕŋ suwĕṅira, sigĕlèntèr mambu kétuṇḍuŋ muṇḍiŋ, ĕmpak ĕmpoŋ lira liru, iyèku swasananta, mlĕbu mĕtu iṅaranan lira liru, iŋ suwuŋ kaŋ mĕṅku ana, muṅguḥ sajroniŋ ṅahurip.

21. cébol arṣa ṅgayuḥ lintaŋ, jalma lumpuḥ bisa ṅidĕri bhumi, aṅĕn aṅĕn jatinipun, lan manèḥ iṅkaŋ wisma, kaŋ tan mambu gagaman apa liripun, iyèku ciptaniŋ manaḥ, ṅanakkĕn rupaniŋ panti.

22. béda iṅkaŋ aran wisma, dudu wisma yĕktiné suwuṅnèki, lawan maliḥ suwalipun, ĕndi guru sañata, tan lyan aṅin aṅinira wit amĕṅku, paṅadilan amoṅraga, jakṣa patiḥ paṅulu ji.

23. lan manèḥ ki balé atma, ĕmoḥ lara kalawan ĕmoḥ mati, maṅka raga kaŋ katĕmpuḥ, kĕna iŋ lara pĕjaḥ, marma kaki dèn awas tibaniŋ sĕmu, naṅgulaŋ karṣa murbèṅrat, wit raganta kaŋ ṅlakoni.

24. anadéné kaŋ udara, jagat gĕḍé kalawan jagat cilik, yakti tan na bédanipun, napas mĕtu iŋ grana, nupus mĕtu tutuk abab yĕktinipun, tanapas mĕtu iŋ karṇa, anpas iŋ nétra umijil.

25. anpussakum mĕtyèŋ raga, ṛĕṅgaṅané kanaŋ swanita mijil, wuta duduḥ marga tuhu, paṅambu antuk ganda, katampan iŋ ati wĕruḥ dunuṅipun, sinidikkĕn datan cidra, yĕkti gandaniŋ mamanis.

26. kaŋ aran taliniŋ gĕsaŋ, swasananta tan kaṇḍĕg rina wĕṅi, tanpa pakon lampahipun, iyèku aran ñawa, balik sapa iya iṅkaŋ ṅajak turu, lawan iṅkaŋ ṅajak gĕsaŋ, tuṅgalé kaŋ ṅajak mati.

27. sapa kaŋ karya ambĕgan, wit udara mĕnĕŋ datan lumaris, obahé iku kĕtuṇḍuŋ, déniŋ mahujud liyan, iya iku tuṅgalé kaŋ ṅajak lampus, nĕbut ĕnĕṅiŋ udara, dadyambĕkan mañjiŋ mijil.

28. lira liru tan apĕgat, tuhu mañjiŋ allaḥ wĕdalirèki, apan dahim arannipun, puji tan kĕnèŋ pĕgat, cĕḍak lawan susuḥ aṅin dunuṅipun, yèku marga parapatan, kumpuliŋ rahsa sakalir.

29. sigĕg iŋ pamahosira, paṅkur baraŋ tumbuk rarasiŋ gĕṇḍiŋ, tataṅga èstri myaŋ jalu, iṅkaŋ samya miyarṣa, sru kaṛĕnan kaŋ radi tĕbiḥ aṅruruḥ, labĕt katĕmbèn miyarṣa, swara rum amuluḥ rujit.

30. lawan lagu jroniŋ praja, titiḥ cĕṭa rèntès tatas dumĕliŋ, kaṭaḥ kaŋ samyarṣa ndulu, maraŋ kaŋ darbé swara, ana kaṇḍĕg iŋ plataran ana laju, mriŋ ṇḍapa tumut liṅgihan, èstri jalu mariŋ panti.

31. paṅlocitaniŋ wardaya, timbaŋ tĕmĕn swara lan warṇanèki, ki santri ḍasaré bagus, bĕsusé manut sarak, ana iṅkaŋ kawĕtu paṅaḷĕmipun, réñcaṅé nambuṅi sabda, iku duruŋ animbaṅi.

20. mas cĕbolaŋ ñuwun lan kapariṅan katraṅan :

bab a : pétaṅan baṅas,

bab b : pétaṅan dintĕn sah‍é, cĕkapan lan dintĕn pĕjaḥ.

32. lawan kah‍é iṅkaŋ ana, loré cakĕt kaŋ ṅgigit jambé waṅi, é, é iya kalaḥ bagus, lawan kalaḥ guwaya, mahu soré adan ana maśjid aguŋ, swara rum ṛĕñaḥ ṅumaṇḍaŋ, cèṅkĕt cèṅkĕt amantĕsi.

33. siŋ maca iku kaŋ kamad, ora bĕsus laguné añantrèni, nahan pra dyaḥ kèḥ kayuṅyun, mumuji ḷĕstarinya, nèŋ kajoran dumadya kĕmbaṅiŋ kiduŋ, wus kèndĕl dèn nira maca, kaŋ miyat wus samya muliḥ.

34. mas cĕbolaŋ lon liṅira, ulun uniŋ sĕrat suluk hartati, dèrèŋ mĕniṅi satuhu, iṅkaŋ kados punika, sintĕn iṅkaŋ mĕḍarkĕn surahosipun, ĕṅgèr iŋ sah‍èstunira, iṅgiḥ panĕmbahan ṅriki.

35. maṇṭuk maṇṭuk mas cĕbolaŋ, é, laḥ kados murad rahosnya maṭis, kalamun dèrèŋ linuhuŋ, sok kaduk kaḍaŋ kiraŋ, sanès iṅkaŋ kula aturkĕn puniku, wontĕn ciri étaŋ baṅas, lawan étaṅé kaŋ ari.

36. winastanan dintĕn gĕsaŋ, dintĕn sĕḍĕŋ kalawan dintĕn lalis, kadiparan étaṅipun, sawĕg nĕmbé punika, ulun uniŋ étaṅan kadi puniku, ki wisma mèsĕm liṅira, sĕkar loṇṭaṅé gumanti.

208. loṇṭaŋ

1. ĕtaŋ baṅas duk iŋ ṅuni kalanira, kañjĕŋ nabi muhkamad dinil mustapa, aṅlampahi ṅluwĕŋ nèŋ sajroniŋ wisma.

2. lamènipun anèŋ iŋ luwĕŋ sawarṣa, maḷĕbĕtiŋ sawulan ṅuñjal uswasa, sabĕn ṅuñjal uswasa baṅas namanya.

3. wulan sura taṅgal piŋ sawĕlas baṅas, wulan sapar baṅas taṅgal kalihdasa, mulut kapiŋ sapisan gaṅsalwlas baṅas.

4. rabya akir baṅas taṅgal piŋ sadasa, lawan kapiŋ kalihdasa baṅasira, maṅkya wulan jumadiawal baṅasnya.

5. taṅgal kapiŋ sadasa lan piŋ sawĕlas, wulanira jumadiakir panudya, piŋ sadasa lan kawanwlas baṅasira.

6. wulan ṛĕjĕb taṅgal tigawĕlas baṅas, lawan kapiŋ pitulikur baṅas uga, ruwaḥ piŋ pat lan piŋ wolulikur baṅas.

7. siyam kapiŋ saṅa lan piŋ kalihdasa, samya baṅas sawalé taṅgal sakawan, lawan kapiŋ sadasa sami baṅasnya.

8. sĕla kapiŋ dwi lan piŋ dwilikur baṅas, wulan bĕsar kapiŋ nĕm lan piŋ sadasa, samya baṅas jaṅkĕp kalihwĕlas candra.

9. biliḥ ṅriki yèn wontĕn kaŋ darbé karya, amamantu aṅislamkĕn èstri priya, sasaminya gaḍaḥ damĕl kaŋ kadyèka.

10. kĕdaḥ kĕdaḥ ñiṅkiri baṅas punika, wus katĕlaḥ tan wontĕn purun nĕrak a, iṅkaŋ nĕrak dilalaḥ kiraŋ sakéca.

11. mas cĕbolaŋ ṇḍĕku mèsĕm awacana, kados pantĕs kalamun dèn èstokĕna, wit wawaton saṅkiŋ kañjĕŋ nabi duta.

12. kyayi iṅkaŋ winastanan dintĕn gĕsaŋ, dintĕn sĕḍĕŋ kalawan dintĕn palastra, winĕḍarṇa kadiparan lampahira.

13. ki wisma ṅliŋ kaŋ ḍiṅin kĕdaḥ uniṅa, nĕptunipun dintĕn myaŋ pasaranira, kinumpulkĕn ginuṅguŋ dadya sajuga.

14. akat gaṅsal sĕnèn catur slasa tiga, ṛĕbo sapta kamisipun nĕptu aṣṭa, jumuṅaḥ nĕm saptu nĕptu asasaṅa.

15. kaliwoné punika nĕptunya aṣṭa, ḷĕgi gaṅsal pahiṅipun nĕptu saṅa, pon pipitu wagé sakawan nĕptunya.

16. guṅguṅipun nĕptu dintĕn myaŋ pĕkĕnan, biliḥ cocog kalawan taṅgalé candra, laḥ punika winastan gĕsaṅiŋ dina.

17. biliḥ datan cèplĕs lawan taṅgalira, naṅiŋ sami jaṅkĕp utawi gaṭètnya, laḥ punika winastan sĕḍĕŋ kéwala.

18. kaŋ winastan dintĕn pĕjaḥ laḥ punika, sahupami guṅguŋ gaṭèt ḍawahira, taṅgal jaṅkĕp utawi jaṅkĕp guṅguŋnya.

19. ḍawaḥ taṅgal gaṭèt yèku pĕjaḥ uga, taṅgal pisan dumugi piŋ nĕm punika, amuŋ ḍawaḥ sĕḍĕŋ utawi palastra.

20. taṅgal kapiŋ saṅa lan dumuginira, taṅgal kapiŋ tigaṅdasa datan darbya, dintĕn gĕsaŋ amuŋ sĕḍĕŋ lan palastra.

21. wit nĕptuniŋ dintĕn lawan pĕkĕnannya, yèn guṅguŋ kaŋ sakĕḍik pyambak sapta, iṅkaŋ kaṭaḥ pyambak wolulas punika.

22. slasa wagé punika kapaṅgiḥ sapta, biliḥ ḍawaḥ wontĕn taṅgal kapiŋ sapta, ṅgiḥ punika winastan gĕsaṅiŋ dina.

23. biliḥ ḍawaḥ taṅgal gaṭèt sĕḍĕŋ rannya, maṅka ḍawaḥ taṅgal lan jaṅkĕp punika, kaŋ winastan anuju dintĕn palastra.

24. sĕnèn wagé lawan slasa ḷĕgi samya, guṅguṅipun pan sami kapaṅgiḥ aṣṭa, ḍawaḥ taṅgal piŋ wolu gĕsaŋ namanya.

25. biliḥ ḍawaḥ taṅgal jaṅkĕp sĕḍĕŋ rannya, maṅka ḍawaḥ iŋ taṅgal gaṭèt punika, winastan panuju dintĕn palasura.

26. akat wagé sĕnèn ḷĕgi samya saṅa, ri kakaliḥ biliḥ ḍawaḥ taṅgal saṅa, laḥ punika dintĕn gĕsaŋ wastanira.

27. maṅka ḍawaḥ taṅgal gaṭèt sĕḍĕŋ rannya, biliḥ ḍawaḥ iŋ taṅgal jaṅkĕp punika, wastanipun sah‍èstu dintĕn palastra.

28. akat ḷĕgi kalawan salasa ponnya, tuwin ari jumuṅaḥ wagé punika, nĕptunipun sami ñadasa sadaya.

29. ḍawaḥ taṅgal piŋ sadasa dintĕn mulya, maṅka ḍawaḥ taṅgal jaṅkĕp sĕḍĕŋ rannya, lamun ḍawaḥ taṅgal gaṭèt ri palastra.

30. sĕnèn ĕpon kalawan slasa kliwon, ṛĕbo wagé jumuṅaḥ ḷĕgi punika, nĕptunipun sami ñawĕlas sadaya.

31. lamun ḍawaḥ taṅgal sawlas gĕsaŋ rannya, ḍawaḥ taṅgal gaṭèt sĕḍĕŋ ranniŋ dina, ḍawaḥ taṅgal jaṅkĕp yèku ri palastra.

32. akat ĕpon sĕnèn kliwon lan salasa, pahiŋ miwaḥ ṛĕbo ḷĕgi kĕmis wagé nya, nĕptunipun sami ṅalihwlas sadaya.

33. ḍawaḥ taṅgal kalihwlas gĕsaṅiŋ dina, biliḥ ḍawaḥ taṅgal jaṅkĕp sĕḍĕŋ rannya, ḍawaḥ taṅgal gaṭèt ran dintĕn palastra.

34. akat kliwon sĕnèn pahiŋ kĕmis gula, myaŋ jumuwaḥ ĕpon saptu wagé samya, nĕptunipun nigawĕlas sadayanya.

35. ḍawaḥ taṅgal tigawlas gĕsaṅiŋ dina, ḍawuḥ taṅgal gaṭèt pan sĕḍĕŋ kéwala, ḍawaḥ taṅgal jaṅkĕp ri pĕjaḥ punika.

36. akat pahiŋ kalawan ṛĕbo ponnira, myaŋ jumuwaḥ kaliwon saptu ḷĕgi nya, nĕptunipun pan ṅawanwĕlas sadaya.

37. ḍawaḥ taṅgal kawanwlas ri gĕsaṅira, maṅka ḍawaḥ taṅgal jaṅkĕp sĕḍĕŋ rannya, ḍawaḥ taṅgal gaṭèt ran dina palastra.

38. ṛĕbo kliwon kalawan kĕmis ĕponnya, myaŋ jumuwaḥ pahiŋ ri katri pan samya, nĕptunipun aṅgaṅsalwĕlas sadaya.

39. nuju ḍawaḥ piŋ gaṅsalwlas gĕsaŋ rannya, ḍawaḥ taṅgal gaṭèt sĕḍĕŋ namanira, dintĕn pĕjaḥ yèn ḍawaḥ jaṅkĕp taṅgalnya.

40. ṛĕbo pahiŋ kĕmis kaliwon kalawan, saptu ĕpon katri ari iku samya, nĕptunipun apan nĕmbĕlas sadaya.

41. ḍawaḥ taṅgal nĕmbĕlas gĕsaŋ rannira, biliḥ ḍawaḥ taṅgal jaṅkĕp sĕḍĕŋ ñata, ḍawaḥ taṅgal gaṭèt ran dintĕn palastra.

42. kĕmis pahiŋ kalawan saptu kliwonnya, nĕptunipun ari kakaliḥ punika, étaṅira apan ta mitulas samya.

43. ḍawaḥ taṅgal pitulas gĕsaŋ rannira, lamun ḍawaḥ taṅgal gaṭèt madya rannya, ḍawaḥ taṅgal jaṅkĕp pĕjaḥ iṅkaŋ dina.

44. amuṅkasi iŋ dintĕn sabtu pahiŋ nya, nĕptunipun wolulas tan wontĕn ñama, biliḥ jĕntus taṅgal wolulas punika.

45. winastanan iŋ dintĕn gĕsaŋ punika, ḍawaḥ taṅgal jaṅkĕp sĕḍĕŋ ranniŋ dina, ḍawaḥ taṅgal gaṭèt ran ari pralaya.

46. sampun titi étaṅan dintĕn waluya, lawan dintĕn iṅkaŋ winastanan madya, atanapi dintĕn winastan palastra.

47. aṅsaripun iŋ dintĕn gĕsaŋ punika, sagĕt ṅĕṇḍihakĕn rakam kaŋ tan yoga, myaŋ pandaṅon tanapi saṅar rannira.

48. sahupami sĕnèn ḷĕgi kapiŋ saṅa, giḥ punika dintĕn gĕsaŋ namanira, toḥ rakamé ḍumawaḥ étaŋ palastra.

49. rakam saṅar pandaṅon tan dadya bahya, sampun sirṇa kaliṇḍiḥ gĕsaṅiŋ dina, ya walahuwal sumaṅgèŋ hyaŋ sukṣma.

50. mas cĕbolaŋ aṇḍĕku nuwun aturṇya, anambahi iṇḍakiŋ sĕṛĕpan kula, sadayèku utami dèn èstokĕna.

51. ki martaka aṅliŋ laḥ anak sumaṅga, lèlèḥ lèlèḥ anĕntrĕmakĕn sarira, bokmanawa punika mèḥ tabuḥ tiga.

52. tamunira wus mapan sèlèḥ mastaka, anèŋ ḷĕmir saliyĕpan gya miyarṣa, bĕḍug tiga gumrégaḥ taṅi sadaya.

53. mariŋ lèpèn bubucal suci sarira, sawusira gya mriŋ maśjid lan ki wisma, dupi prapta plataran saṛĕŋ tĕḍaknya.

54. saŋ minulya nĕṅgiḥ panĕmbahan rama, ki martaka kalawan tamu sadaya, gya tumuntur mañjiŋ iŋ maśjid sadaya.

55. mas cĕbolaŋ adan nurwitri kaŋ kamad, kaŋ ṅimami nĕṅgiḥ panĕmbahan rama, wus paragat wĕktu subuḥ byar rahina.

56. para santri atur salam sadayanya, kaŋ muṅkasi mas cĕbolaŋ sarowaŋnya, ki martaka manĕmbaḥ alon turira.

57. ulun atur uniṅa wontĕn ḍatĕṅan, santri sakiŋ kĕḍu tyaŋ gaṅsal cacaḥnya, dèn nya matur iŋ purwa tĕkèŋ wasana.

21. mas cĕbolaŋ dalaḥ para santrinipun kasowanakĕn panĕmbahan rama iṅkaŋ ugi kasĕbat paṅéran kajoran.

kapariṅan katraṅan kĕplasiŋ wĕjaṅanipun ajar sutikṣna iŋ kĕpurun,

bab 1. dumadiniŋ wiji,

bab 2. jumĕnĕṅipun saŋ aku (iṅsun),

bab 3. dat, sipat, apṅal, iradat,

bab 4. ruḥ ilapi lan sadaya bab ṅèlmu kasuñatan. ugi babisinipun sĕrat bayan alip, tasawup, hidayat jati, insan kamil, kaḷĕbĕt tatamaligé batal makmur, bétal mukaram, bétal mukadas ; babariŋ rahsa ; pambukaniŋ asmaragama ; tataran umuriŋ bayi iŋ kaṇḍutaniŋ ibu dumugi lahiripun.

ugi bab lampaḥ tirakat lan uṇḍuḥ uṇḍuhanipun iŋ tĕmbé ; pañĕgaḥ sawarṇiniŋ hawa napsu ; pambĕṅkasiŋ rahos sĕḍiḥ. botĕn kantun bab dalil, kadis, ijĕmak, budi luhur sah‍éṅga tumuju ḍatĕŋ sipatulaḥ ; bab panĕguḥ iman, kapir, islam.

58. panĕmbahan sukèŋ tyas marwata suta, baya iṅkaŋ adan kamad mahu ika, layak kadi lalagoné ṅèkṣiganda.

59. tinimbalan sadaya sampun maṅarṣa, pan dinaṅu namané sajuga juga, panĕmbahan nulya kondur lan tamunya.

60. pinarṇahkĕn poṇḍoké nèŋ kidulira, laṅgar alit iŋ sakilènniŋ paṇḍapa, sasĕgahé tan ana iṅkaŋ kuciwa.

61. nahĕn ta wus watara ri laminira, panĕmbahan mriŋ cĕbolaŋ asiḥ trĕṣṇa, pan rinakĕt saŋ kasmaran ṅèlmi ñata.

209. asmaradana

1. anuju sajuga ari, sabakdané wĕktu ṅisa, kapasaṅyogya basané, paṅran pinarak iŋ laṅgar, muŋ lawan mas cĕbolaŋ, paṅran aṅandika arum, sira jĕbèŋ apa lawas.

2. ĕṅgonmu anèŋ ṅasrami, kĕpurun ajar sutikṣna, apa isiḥ kadi biyèn, sugiḥ éṇḍaŋ éndaḥ éndaḥ, tur paḍa prawan kĕña, anak luraḥ bĕkĕl ḍusun, pinriḥ ṅalappa pitĕdaḥ.

3. pratikĕlé woŋ akrami, widada winĕṅku priya, ṅanti kakèn ninèn ninèn, adaté kaŋ wus kalakyan, samya maṅgiḥ raharja, tan ana saṅsayanipun, nambut silaniŋ ṅakrami.

4. mas cĕbolaŋ matur aris, nuwun iṅgiḥ kasiṅgihan, kaṭaḥ èstri anèm anèm, bĕsus amiturut sarak, nalika amba prapta, samya aṅladosi bikut, pasaja sasolahira.

5. sarampuṅé aṅladosi, lajĕŋ tan ana katiṅal, kalaṅkuŋ éram tyasiṅoŋ, ajriḥ ñuwun sasĕṛĕpan, ki ajar tan kilapan, kaŋ dadya kaḷĕṭĕkulun, wasana mèsĕm ṅandika.

6. kawontĕnaniŋ pawèstri, binabar aṅaṇḍar aṇḍar, kaduk cucut ṅandikané, ulun lajĕŋ ñuwun bĕrkaḥ, pitĕdaḥ pamiliḥ dyaḥ, saha iŋ rumĕkṣanipun, ṅantos dumugi susuta.

7. wus winĕḍar sadayèki, sapta ri nèŋ paḍépokan, kawula lajĕŋ lumèṅsèr, kampir ḍumatĕŋ prambanan, umiyat ṛĕca ṛĕca, myaŋ caṇḍi iŋ dalunipun, moṇḍok griyanipun luraḥ.

8. éñjiṅé lajĕŋ lumaris, pikantuk palaliŋ sukma, botĕn ñana botĕn dipé, dumugi krajan kajoran, kalaṅkuŋ sukuriŋ tyas, awit nalika nèŋ ṅĕnu, sru ṅoṅgo oṅgo iŋ manaḥ.

9. paṅandikanya ki wasi, asal wijiliŋ manuṅsa, tan arṣa amĕḍaraké, kalimud iŋ caḷĕmĕdan, labĕtiŋ puṅguŋ muḍa, tyas sigĕg tan purun matur, kumaki iŋ tyas piyagaḥ.

10. saṛĕŋ ulun ṅahos yĕkti, tĕka dèrèŋ paja paja, ki ajar paṅandikané, muhuŋ tata kalahiran, sakiŋ pamaṅgiḥ amba, ki ajar uniṅèŋ sĕmu, ulun sampun anarima.

11. panĕmbahan liṅira ris, mara kulup wahyakĕna, ajar sutikṣna kaṇḍané, mas cĕbolaŋ gya amĕḍar, purwa praptèŋ wasana, ḍuḥ pukulun kĕplokipun, mugi pariṅa pitĕdaḥ.

12. panĕmbahan suka myarṣi, arum iṅkaŋ paṅandika, woŋ pasaja kèḥ bĕciké, aja pakéwuḥ tyasira, nadyan ran caḷĕmĕdan, dadi pambukaniŋ ṅèlmu, aran kawruḥ kasuñatan.

13. gahib karṣaniŋ hyaŋ widdhi, kama korut sakiŋ priya, katampan baganiŋ wadon, iṅkaŋ bañjur dadi bocaḥ, èstu kamaniŋ priya, déné ta nalikanipun, kama isiḥ anèŋ priya.

14. tĕka nora dadi bayi, piridan carita budha, tumbuké lan panĕṅĕné, iŋ jaman dupara yoga, jamaniŋ kamokalan, kono manuṅsa witipun, suda iŋ kasaktènira.

15. aṅaṅgo badan jasmani, awit amaṅan wowohan, tutuwuhan bhumi kiyé, wĕkasan saṅsaya lawas, karṣa saya tumaṅkar, paḍa tuwuḥ akalipun, cumbanané lan wanita.

16. paḍa laku raga sami, saŋ wanita iya mawa, sarana ṅgarbini ṛĕké, turuniŋ wiji kacrita, namakkĕn nĕṅiŋ cipta, sapandurat daṅunipun, iku daya paṅgèndèŋnya.

17. lagi kwasa narik wiji, sumurupiŋ wiji nulya, kawawa mor sarahsané, kalawan saŋ hyaŋ pramana, rumĕsĕp mriŋ utĕgnya, gya ṛĕmbĕs mriŋ panonnipun, kaŋ aran panon tĕgĕsnya.

22. wĕjaṅan kĕrohanian : sasahidan ; lampahiŋ ṅagĕsaŋ dumuginiŋ pĕjaḥ.

takṣiḥ kaṭaḥ sanèsipun, sadaya arupi wĕjaṅan utawi tuntunan ḍatĕŋ kajatènipun gusti iṅkaŋ mahakuwasa. prasasat katumplak ṅèlmunipun panĕmbahan rama ḍatĕŋ mas cĕbolaŋ iṅkaŋ kinasiḥ.

18. wariḥ sari sasariniŋ, utĕg kaŋ dumunuŋ ana, satĕḷĕṅiŋ manik kiyé, kataman panusupira, wijiniŋ kaŋ manuṅsa, panon tan kawasa mĕṅku, tĕmaḥ kawĕdalkĕn sigra.

19. kaŋ tartamtu anambahi, karṣa maraŋ sacumbana, kalamun cinĕgaḥ kuwé, wimbuḥ umubiŋ pramana, myaŋ amimbuhi maraŋ, muñcariŋ paṅèkṣinipun, yèn dèn bañjurkĕn cumbana.

20. èstu bañjur dadya bayi, lawan jĕbèŋ kawruhana, iku mani satuhuné, dudu panuṅgiliŋ rahsa, uyuḥ kalawan luḍaḥ, maṅkéné piridanipun, manuṅsa kalamun naḍaḥ.

21. samubaraŋ kaŋ binukti, saka kiraniŋ tyasiṅwaŋ, tumuli kinukut déné, rahsaniŋ saŋ hyaŋ pramana, kaŋ na antarèŋ tĕlak, bañjur tinarik dumunuŋ, ana utĕkiŋ manuṅsa.

22. iŋ kono kawasa nuli, sumĕbar sumrambaḥ jasad, kasariŋ paṅan tinampèn, waḍuk gya kapinta pinta, iṅkaŋ awarṇa ampas, dadi susukĕr puniku, warṇa wariḥ dadya turas.

23. kama dadiniŋ babayi, kala alam tirta yoga, amirahos iŋ tĕgĕsé, jati jatiniŋ kasidan, miturut surasanya, layaŋ jitabsara luhuŋ, warahé dyaḥ rukmawatya.

24. kaŋ bañjur kinaraŋ déniŋ, saŋ bagawan palasara, iŋ ṅrĕtawu ḍéḍépoké, kariṅkĕs surasanira, wiyosé kaŋ pinurwa, saŋ hyaŋ pramana puniku, yèn kataman srĕpiŋ daya.

25. pĕṅkuhiŋ kahananèki, yèn kataman daya panas, tĕmaḥ kumariṅĕt kuwé, muṅguḥ kriṅĕtiŋ pramana, yèku mani rannira, maṅkya mani yèn kapanduk, daya asrĕp pupul nulya.

26. kĕna daya panas nuli, kawawa amèr kaŋ rahsa, muṅguḥ amèr lan pupulé, mahanani kumulitnya, kumulitiŋ mani pan, iku iṅaranan jantuŋ, baṛĕŋ kĕna daya panas.

27. ndarbèni kariṅĕt siṅgiḥ, kriṅĕtiŋ jantuŋ kawawa, mahanani ampĕruné, kiwa tĕṅĕn jantuŋ ṅgènnya, karodéné sadaya, jĕrowan satuhunipun, saka jantuŋ kawitira.

28. rasa iŋ ṅalami lami, jantuŋ kawawa ambabar, bayu otot myaŋ suṅsumé, sakèhé parabot aṅga, sakojuriŋ kaŋ wanda, paripurṇané puniku, nulya awarṇi gumana.

29. iya rupaniŋ babayi, déné kaŋ ran hyaŋ pramana, sajatiné panukṣmané, saŋ bhaṭara tri purusa, kaŋ aran tripurusa, tĕgĕsé santosanipun, campuran rupa titiga.

30. kaŋ aran campuran katri, tĕtĕmbuṅan iṅaranan, trimurti déné tĕgĕsé, alus tĕtĕlu sañata, yèn tĕmbuŋ sansĕkrita, iṅaran ahuma iku, tĕgĕsé iṅkaŋ maṅkana.

31. /a / gĕni tĕgĕsirèki, /u / toya iku tĕgĕsnya, /ma / aṅin apan tĕgĕsé, dadi kaananiŋ kama, tumbuké wirit arab, yèn binalik tĕmbuṅanipun, tumuwuhé dadi bocaḥ.

32. johar awal iṅkaŋ ḍiṅin, tĕgĕsé sotya awitan, nukat gahib piŋ piṇḍoné, wardi wiji pipiṅitan, manikĕm katrinira, saka iŋ paṅiraniṅsun, ampasiŋ nukat gahiba.

33. wardi iŋ sakawanèki, saka kira kiraniṅwaŋ, ampasiŋ manikĕm kuwé, madi kapiŋ limanira, ampasiŋ wadi ika, mani jaṅkĕp nĕnĕmipun, ampasiŋ madi sañata.

34. anaṅiŋ bĕnĕr ki wasi, ṛĕmpit wijiniŋ manuṅsa, pinĕṭĕt samono bah‍é, rèhniŋ iṅsun lawan sira, basané sujalma ṅam, amuŋ apĕs darbèkipun, kadohĕn iṅkaŋ pambalap.

35. muṅguḥ woŋ kaŋ kaya mami, bab iŋ nalar élok laṅka, tan susaḥ pinikir bah‍é, muṇḍak gawé ribĕtiŋ tyas, nir karya tan pah‍édaḥ, bĕcik sigĕg gĕnti ṅrĕmbug, crita mirit basa arab.

36. iṅkaŋ aran dalil kadis, ijĕmak kalawan kiyas, muṅguḥ bukaniŋ cariyos, kaŋ ḍiṅin saka kiyasan, murad lan makṣudira, nukil lan surasanipun, sorahé kitab kaŋ aran.

37. adakahikbul akahik, kacarita tĕgĕsira, jatiniŋ alus yĕktiné, ana maniŋ iṅkaŋ saka, kiyasan muradira, makṣudiŋ surasanipun, nukil lan soraḥ iŋ kitab.

38. ṅakahikul ikbar nami, wardi alusiŋ carita, muṅguḥ kitab loro kuwé, coṇḍoŋ iŋ surasanira, mratélakakĕn paḍa, kadis wulaŋ sabdanipun, ñjĕŋ nabi nayakaniṅrat.

39. winĕjaṅkĕn sayid ṅali, ḍinawuhan ṅèstokĕna, ananiŋ dat satuhuné, kasĕbut dalil sapisan, waṅsitira paṅéran, kaŋ maha mulya mahaguŋ, sinom tinĕmbuṅkĕn jawa.

210. sinom

1. sajatiné nora nana, apa apa wit duk makṣiḥ, awaŋ uwuŋ duruŋ ana, iŋ sawiji wijinèki, déné kaŋ ana ḍiṅin, datan liya iku iṅsun, ora ana paṅéran, iya muŋ iṅsun pribadi, sajatiné ĕdat iṅkaŋ maha mulya.

2. ṅlimputi iŋ sipatiṅwaŋ, nartani iŋ asma mami, mrataṇḍani apĕṅaliṅwaŋ, apa sira wus maṅrĕti, cĕbolaŋ matur aris, èstu amba dèrèŋ ṅgayuḥ, iṅsun sintĕn punika, utawi maliḥ kaŋ nami, ĕdat sipat apṅal awarṇi punapa.

3. èḥ ta kulup kawruhana, iŋ bab layaŋ tĕmbuŋ jawi, lawan kitab tĕmbuŋ arab, iku iŋ surahosnèki, kèḥ pasĕmon ṅlimputi, ganĕpé paṅrĕtinipun, kudu aṅawruhana, basa kaŋ pataŋ prakawis, lapal makna murat makṣud kaŋ sañata.

4. kaŋ binasakkĕn ṅandika, tan ana paṅéran maliḥ, yĕkti amuŋ iṅsun ḍawak, muṅguhiŋ sajatinèki, ĕdat kaŋ maha suci, puniku satuhunipun, urip kita pribadya, yĕkti katitipan déniŋ, rahsaniŋ dat kaŋ aguŋ kaŋ maha mulya.

5. kaŋ aṅlimputi iŋ sipat, ya rupa kita pribadi, satuhuné kawimbuhan, warṇaniŋ dat ilok gahib, nartani asma mami, puniku tĕmĕnnipun, nama kita pribadya, diaku lan diĕṅkoki, sasĕbutanira ĕdatiŋ wisésa.

6. iṅkaŋ mrataṇḍani apṅal, solaḥ bawèṅsun pribadi, anélakakĕn pakaryan, ĕdat kaŋ sampurṇa jati, mula babasanèki, wahananiŋ dat puniku, añamadi kaŋ sipat, sipat puniku nartani, mariŋ asma asma mrataṇḍani apṅal.

7. apṅal punika kaŋ dadya, wahananiŋ ĕdat yĕkti, déné ĕdat ĕṅgonira, ñamati sipatirèki, puniku sahupami, madu lawan manisipun, yakti tan kĕna pisaḥ, dé sipat dèn nya nartani, mariŋ asma puniku upama surya.

8. kalawan sosorotira, sayĕktiné nora kĕni, kalamun binĕdakĕna, déné ta asma puniki, dèn nira mrataṇḍani, apṅal yèku paminipun, kadi déné pah‍ésan, kaŋ ṅilo lan kaŋ nèŋ caṛĕmin, sayĕktiné solaḥ bawa nora béda.

9. déné aṅsal ĕṅgonnira, dadya wahananiŋ dat i, yèku upama samodra, kalawan ombakirèki, sayĕkti wahananiŋ, umbak punika pan manut, saĕrèhiŋ samodra, déné ta sajatinèki, kaŋ aran dat tajalinira mukhamad.

10. jatiné kaŋ ran mukhamad, wahananiŋ cahya wĕniŋ, kaŋ aṅlimputi iŋ jagat, dumunuŋ nèŋ urip mami, yèku urip pribadi, nir kaŋ ṅuripi èstu, mula kuwasa miyat, myarṣa aṅganda lan maliḥ, aṅandika ṅrahoṣkĕn saliriŋ rahsa.

11. puniku sadayanira, saka kodratiŋ datmami, maṅkono kulup jarwanya, datira kaŋ maha suci, dèn nira aniṅali, datanpa nétra satuhu, naṅiŋ mokal yèn wuta, iya iku muhuŋ sakiŋ, paṅuwasa aṅagĕm iŋ nétra kita.

12. ĕṅgonnira amiyarṣa, datanpa karṇa kakaliḥ, naṅiŋ mokal yèn tuliya, muhuŋ ṅagĕm karṇa mami, dèn nya ṅganda sakalir, datanpa grana sah‍èstu, mokal lamun sumpĕta, iya iku muhuŋ sakiŋ, kaŋ iṅagĕm sah‍èstuné grana kita.

13. ĕṅgonira aṅandika, datanpa lésan sayĕkti, naṅiŋ mokal yèn bisuwa, iya iku muhuŋ sakiŋ, ṅagĕm iŋ lésan mami, dèn nya ṅrahoṣkĕn sadarum, rahsa tanpa dunuṅan, anaṅiŋ mokal yèn suñi, iya iku muhuŋ nèŋ paṅrahos kita.

14. tamat dalil kaŋ kapisan, sukèŋ tyas kaŋ sinuŋ waṅsit, manĕmbaḥ aris turira, paṅawruḥ iṅkaŋ kawijil, wasta ṅèlmi punapi, kitap aran tĕgĕsipun, saŋ paṅéran lon ṅandika, kawruḥ kaŋ maṅkono kaki, iṅaranan wisikan nananiŋ ĕdat.

15. déné ta kaŋ tĕmbuŋ kita, saka kirané tyasmami, iku kinarya timbaṅan, tĕmbuŋ iṅsun jarwamami, ṅarani aku iki, wijaṅé maṅkéné kulup, tĕmbuŋ iṅsun tĕgĕsnya, aku naṅiŋ aku gusti, basa kita uga aku niŋ kawula.

16. dalil kapiṇḍo winarṇi, iya mirid nukil sakiŋ, iŋ soraḥ sorahiŋ kitab, ran dakahikkul akahik, utawa kitab nami, dakahikkul akbar iku, tuṅgal kasĕbut ṅarṣa, coṇḍoŋ iŋ surasanèki, mratélakkĕn waṅsitiŋ hyaŋ maha mulya.

17. mariŋ ñjĕŋ nabi muhkhamad, maṅkéné tĕmbuṅé jawi, sajatiné iṅsun ĕdat, kaŋ murba amisésani, kaŋ kwasa nitahkĕn mriŋ, iŋ sawiji wijinipun, dadi iŋ sanalika, sampurṇa iŋ kodratmami, iŋ kono wus kañataan prataṇḍanya.

18. apṅaliṅsun kaŋ minaṅka, bubuka iradatmami, ḍiṅin sun nitahkĕn jakṣa, aran sajaratul yakin, tumuli iŋ sajroniŋ, aran ṅalam ṅadam makdum, ajali abadi ya, nuli cahya luwiḥ wĕniŋ, cahya wahu iṅaranan nur muhkhamad.

19. nuli anitahkĕn kaca, aran miratul kayahi, nulya anitahkĕn ñawa, iku aran roḥ ilapi, gya damar aran kandil, gya sotya ran daraḥ iku, anuli ḍiṇḍiŋ jalal, aran kijab sadayèki, kaŋ minaṅka warana kalaratiṅwaŋ.

20. muṅguḥ dalil kaŋ maṅkono, wardiné kasĕbut wiwit, kaŋ rumuhun iṅkaŋ aran, kayu sajaratul yakin, tumuwuḥ iŋ sajroniŋ, ṅalam ṅadam makdum mahu, ajali abadi ka, tĕgĕsé kayu sajati, tumuwuḥ iŋ jagad sunya ruri ñata.

21. isiḥ awaŋ uwuŋ ñata, iŋ salami laminèki, kono iŋ kaanan kita, iya iku khakékati, dat mutlak iṅkaŋ kadim, tĕgĕsé sajatinipun, dat kaŋ ḍiṅin priyawak, yèku datiŋ atma yĕkti, dadi wahananiŋ alam wakidiyat.

22. kaŋ kapiṇḍo nur muhkhamad, wardi cahya kaŋ pinuji, ana iŋ kadis kacrita, lir pĕkṣi mĕrak kaŋ warṇi, maṅgon iŋ sadaḷĕmiŋ, sosotya kaŋ pĕṭak mañcur, dumunuŋ araḥ araḥ, iṅkaŋ sajaratul yakin, sayĕktiné iku kakékatiŋ cahya.

23. iṅaku ajaliniŋ dat, nèŋ sajroniŋ nukat gahib, minaṅka sipatiŋ atma, apan dadi wahananiŋ, ṅalam wahdat sajati, déné kapiŋ tiganipun, miratul kayahi ka, tĕgĕsé kaca wiraṅi, kasbut kadis nèŋ ṅaṛĕpé nur muhkhamad.

24. kakékat iṅkaŋ pramana, iṅakĕn rasaniŋ dat i, minaṅka asmaniŋ atma, apan dadi wahananiŋ, ṅalam wakadiyati, nahan ta kaŋ kapiŋ catur, roḥ ilapi tĕgĕsnya, sasaṇḍaniŋ ñawa yĕkti, iya iku ñawa kaŋ wĕniŋ gumilaŋ.

25. iŋ daḷĕm kadis kacrita, asalira iku sakiŋ, ĕnur muhkhamad sañata, kakékatiŋ sukma yĕkti, kaŋ iṅakĕn akĕni, kaananiŋ dattul wujud, maṅka apṅaliŋ atma, dumadya wahananèki, ṅalam arwaḥ kapiŋ lima kaŋ winarṇa.

26. kandil tĕgĕsira dilaḥ, yèku dilaḥ tanpa api, iŋ daḷĕm kadis kacrita, awarṇa sosotya adi, mañcur mañcoroŋ wĕniŋ, gumantuŋ nir caṇṭèlipun, iŋ kono kaanannya, ĕnnur muhkhamad lan maliḥ, ĕṅgèn pakumpulaniŋ ĕroḥ sadaya.

27. puniku kakékatira, aṅĕn aṅĕn kita iki, iṅakĕn wayaṅaniŋ dat, minaṅka ĕmbanannèki, atma kasĕbut ṅarṣi, dadya iŋ wahananipun, alam misal sañata, gantya ĕnĕmé winarṇi, aran daraḥ tĕgĕsé iku sosotya.

28. iŋ daḷĕm kadis kacrita, darbé sorot mañcawarṇi, paḍa kaṅgonan malékat, iku kékékatiŋ budi, iṅaku pah‍ésaniŋ, ĕdat iṅkaŋ maha luhur, minaṅka wiwaranya, atma dadya wahananiŋ, ṅalam ajsan gumantya iṅkaŋ kasapta.

29. basa kijab iṅaranan, ḍiṇḍiŋ jalal tĕgĕsnèki, warana kaŋ aguŋ ika, kacarita ana kadis, mĕtu saka sotya di, kaŋ amañcawarṇa mahu, iŋ nalika mosik samya, ṅanakkĕn tri warṇanèki, siji uruḥ loro kukus tĕlu toya.

30. iku kakékatiŋ jasat, iṅakĕn wrananiŋ dat i, maṅka sasaṇḍaniŋ atma, dumadya iŋ wahananiŋ, kaŋ ṅalam insan kamil, dalil kapiṇḍo wus putus, apa maniŋ rinasan, mas cĕbolaŋ turira ris, kula dèrèŋ maṅrĕtos iṅkaŋ rinasan.

31. uruḥ kukus lawan toya, maṅka iŋ pamyarṣamami, saha kaŋ sampun kalimraḥ, kaŋ winastan jasat jalmi, kulit dagiŋ myaŋ gĕtiḥ, otot bayu baluŋ suṅsum, mĕṅgaḥ sulayanira, tĕtĕmbuṅan kaŋ kadyèki, mugi mugi karṣaa pariŋ katraṅan.

32. panĕmbahan suka myarṣa, paṅandikanira aris, muṅguḥ iŋ patakonira, kaŋ kasĕbut layaŋ wirid, pratélanira sakiŋ, ijĕmak lan kiyasipun, paṅkatiŋ ḍiṇḍiŋ jalal, warṇa urub kukus wariḥ, paḍa dadi tĕluŋ warana winarṇa.

33. iṅkaŋ ḍiṅin uruḥ apan, mĕtokkĕn tri paṅkat iki, sawiji ran kijab kisma, wahyaniŋ jasad iŋ ñjawi, kaya ta kulit dagiŋ, miwaḥ iŋ sasaminipun, dwi kijab rukmi dadya, wahyaniŋ jasad jro yĕkti, utĕg manik manaḥ sapanuṅgilannya.

34. katri aran kijab ṛĕtna, iku dumadya wahyaniŋ, jasat kaŋ ḷĕmbut sañata, kaya ta mani lan gĕtiḥ, suṅsum sasaminèki, déné kaŋ kapiṇḍo kukus, amĕtokkĕn tri paṅkat, siji kijab pĕtĕŋ dadi, wahananiŋ napas sapanuṅgilannya.

35. loro kijab guntur dadya, wahnaniŋ pañcadriyèki, tĕlu kijab gĕni dadya, wahnaniŋ nĕpsunirèki, déné kaŋ kapiŋ katri, toya amĕtokkĕn iku, tri paṅkat siji aran, kijab ĕbun bañu urip, apan dadya wahananiŋ saŋ hyaŋ sukma.

36. loroné kijab nur rahsa, kahananiŋ rahsa jati, katĕlu kijab nur cahya, kaŋ luwiḥ paḍaŋ dumadi, kahnaniŋ atma dadi, kabèḥ kaŋ kasĕbut ṅayun, iku warananiŋ dat, dumunuŋ nèŋ insan kamil, tĕgĕsira kasampurṇaniŋ manuṅsa.

37. dalil kapiṇḍo wus tamat, iku kaki diaranni, wĕḍaran ananiŋ ṅĕdat, sarèhniŋ wus liṅsir ratri, prayoga aso ḍiṅin, manĕmbaḥ kaŋ sinuŋ wuwus, cĕbolaŋ mriŋ poṇḍokan, panĕmbahan mañjiŋ panti, wañci subuḥ waṅsul maliḥ mariŋ laṅgar.

38. pra santri myaŋ tamunira, gumarubyug samya prapti, gita ṅambil toya kadas, nurwitri nulya mbawani, adan aṅalik alik, swara lantas wiḷĕt arum, sawusé samya sunat, mas cĕbolaŋ kamad aglis, gya aṅaṅkat waktu subuḥ imamira.

39. tan lyan panĕmbahan rama, luhur ṅasar myaŋ mahribi, atanapi wĕktu ṅisa, panĕmbahan aṅimami, iŋ sabĕn sabĕn ari, tan na goṭaŋ wĕktunipun, santriné laṅkuŋ kaṭaḥ, sru ṛĕsĕp talabul ṅèlmi, panĕmbahan alim sawarṇiniŋ kitab.

40. mas cĕbolaŋ nèŋ kajoran, nora mantra mantra lagi, nĕmbé prapta puruwita, wus kadi suta kinasiḥ, lulut nir walaṅati, kasĕṅsĕm marṣudi kawruḥ, supé naḍaḥ myaŋ néndra, muŋ piwulaŋ kaŋ kah‍èṣṭi, coṇḍoṅiŋ tyas tansaḥ gaṇḍèŋ paṅawikan.

211. kinaṇṭi

1. iŋ ari sajuga nuju, bakdaniŋ waktu ṅasar i, panĕmbahan muṅgèŋ laṅgar, cĕbolaŋ tansaḥ nèŋ ṅarṣi, lawan santrinya sakawan, mas cĕbolaŋ matur aris.

2. punapi wontĕn pukulun, kitab kitab sanèsnèki, iṅkaŋ añĕbut maṅkana, panĕmbahan ṅandika ris, ana iṅkaŋ wus kawĕḍar, amèt kikiyasan sakiŋ.

3. murad lawan makṣudipun, kitab aran bayan alip, datan cèplĕs surasanya, kĕna binasakkĕn namiŋ, amomor misaḥ kéwala, minaṅka timbaṅan ṅarṣi.

4. rumuhun alip puniku, lahiriŋ sipatolahi, kayĕktèniŋ wujudira, suméṇḍé iŋ ṅalam kabir, dadi kaananiŋ nukat, tĕgĕsé muṣṭika adi.

5. iṅkaŋ binasakkĕn mahu, muṣṭika punika budi, kapiṇḍo nukat winarṇa, puniku lahiriŋ budi, sumaṇḍa ananiŋ ṅalam, sahir dadya kaananiŋ.

6. daraḥ yèku tĕgĕsipun, sayĕkti ṛĕtna kaŋ adi, iṅkaŋ binasakkĕn ṛĕtna, yèku jinĕm kaṛĕpnèki, aṅĕn aṅĕn wastanira, naṇḍani uripiŋ budi.

7. katri daraḥ kaŋ winuwus, lahiré jinĕm sayĕkti, sumaṇḍa iŋ budi dadya, kaananiŋ rohirèki, tĕgĕsé roḥ apan sukṣma, kaŋ binasakkĕn sukṣmèki.

8. puniku ñawa sah‍èstu, mrataṇḍani aṅuripi, aṅĕn aṅĕniŋ manuṅsa, catur ĕroḥ kaŋ winarṇi, puniku lahiriŋ sukṣma, sumaṇḍa ṅĕn aṅĕn dadi.

9. kaananiŋ sir puniku, tĕgĕsé rahsanirèki, iṅkaŋ binasakkĕn rahsa, tarlèn muhuŋ paṅrasaniŋ, iŋ babahan hawa saṅa, taṇḍa uripiŋ ñawèki.

10. pañca sir iṅkaŋ winuwus, lahiriŋ rahsa sayĕkti, apan sumaṇḍa iŋ sukṣma, kaananiŋ iman mami, tĕgĕsé santosa tama, yèku pramananirèki.

11. basa pramana puniku, saṅkĕpiŋ pañcadriyèki, naṇḍani gĕsaṅiŋ rahsa, kapiŋ nĕm iṅkaŋ ginupit, nĕṅgiḥ lahiriŋ pramana, sumaṇḍa iŋ rahsa jati.

12. dadi kaananiŋ ĕnur, tĕgĕsé cahya kaŋ wĕniŋ, iṅkaŋ binasakkĕn cahya, iku sulakiŋ nétra dwi, tanda uripiŋ pramana, déné pramana puniku.

13. misésa iŋ sarirèku, nuṅgal ĕṅgon lan rahsa di, samya muṅgiŋ jroniŋ jiwa, iṅibaratakĕn kadi, simbar tuwuḥ anèŋ wrĕkṣa, anaṅiŋ iku pinaṣṭi.

14. nir naṇḍaŋ saniṣkarèku, luwé sasaminirèki, baya pisan kalabĕtan, amuŋ yèn naṇḍaŋ saliriŋ, asakit tan nut kaḷĕsyan, tĕrkaḍaŋ giṅgaŋ sakiŋ wit.

15. ṅalumpruk kawuryan alus, kalawan manawa ṅanti, kagiṅsiran iŋ pramana, sarira luṅkraḥ ṅaḷĕntriḥ, nora andarbèni karkat, yèn sirṇa karkatiŋ ḍiri.

16. kari karkatiŋ sukṣma guŋ, lamun karkatiŋ sukṣma nir, kari karkatiŋ kaŋ rahsa, pama karkatiŋ rahsa nir, kari karkatiŋ pramana, yèn karkatiŋ pramana nir.

17. wus pinaṣṭi iṅkaŋ kantun, karkatiŋ atma sajati, kasapta nur kaŋ winarṇa, iku lahiriŋ cahya niŋ, aran pranawa sajatya, sumaṇḍa pramana jati.

18. dadi iŋ kaananipun, duryat tĕgĕsé puniki, papaḍaṅé iṅkaŋ cahya, iṅkaŋ binasakkĕn kaki, paḍaṅiŋ cahya sañata, purbaniŋ atma sajati.

19. kaaṣṭa duryat liripun, lahiriŋ sukṣma sajati, apan sumaṇḍa iŋ cahya, dadya kaananiŋ dat i, wardi kaṇḍa basa kaṇḍa, jĕṅgĕṛĕṅiŋ sipat jati.

20. kasaṅa ĕdat puniku, lahiré sipat sajati, dumadya kaananira, nukat gahib tĕgĕsnèki, muṣṭika adi kaŋ samar, muṣṭika kaŋ samar yĕkti.

21. ñataniŋ rupa satuhu, kinĕkĕr jro alam sahir, iku pan urip pribadya, nora nana kaŋ ṅuripi, ibarat tanpa antara, lan uripiŋ sukṣma jati.

22. tuṅgal sasana satuhu, tan pisaḥ salaminèki, kasadasa puṅkasannya, nukat gahib kaŋ winarṇi, lahiriŋ rupa sañata, sumaṇḍa iŋ dat sajati.

23. dumadi kaananipun, iŋ cahya mañcur nĕlahi, gumilaŋ nir wawayaṅan, iya iku tajali niŋ, paṅéran kaŋ asipat sa, tĕgĕsé sipat sawiji.

24. kaŋ binasakkĕn sa iku, dudu jalu nora èstri, muhuŋ dumunuŋ nèŋ kodrat, iradat kita pribadi, tĕgĕsé saka kawasa, niŋ karṣa kita pribadi.

25. tamat murat makṣutipun, punaŋ kitab bayan alip, kadiparan muṅguḥ sira, mas cĕbolaŋ matur aris, ḷĕṛĕs iṅkaŋ paṅandika, mor misaḥ babasannèki.

26. maṅké iŋ panuwun ulum, mugi ṇḍaṅankĕn paṅgaliḥ, kapaṛĕŋ andumugèkna, kaŋ kasĕbut kitab kahik, kul akahik myaŋ kul akbar, surahosiŋ dalil katri.

27. kulup yèn sirarṣa wĕruḥ, surasané kitab kadwi, dalil iṅkaŋ kapiŋ tiga, utawa surasanèki, srat wirit hidayat jatya, sarta cuṇḍuk lawan nukil.

28. sorahé kitab bayanu, miat lawan bayan alip, myaŋ kitab mandinil asra, tuwin mandinil maklum i, iku kabèḥ basanira, kitab tasawud linuwiḥ.

29. mratélakakĕn sadarum, waṅsitiŋ hyaŋ maha sukci, maraŋ saŋ nayakaniṅrat, ñjĕŋ nabi kabibolahi, amriḥ cañcutiŋ wicara, iṅsun tĕmbuṅakĕn jawi.

30. manuṅsèku rahsaniṅsun, lan iṅsun iki sajati, rahsaniŋ punaŋ manuṅsa, karana awaliŋ ṅuni, iṅsun anitahkĕn adam, asal saka iŋ anasir.

31. pataŋ prakara kinumpul, bhumi gĕni aṅin wariḥ, iku dadi kawujudan, iŋ sipatiṅsun sajati, kono sunpañjiṅi mudaḥ, limaŋ prakara kèhnèki.

32. ḍiṅin ĕnur gya rahsèku, ĕroḥ napsu lawan budi, wus jaṅkĕp limaŋ prakara, iyèku minaṅka dadi, warananiŋ wajahiṅwaŋ, iṅsun kaŋ amaha sukci.

33. iŋ kadis caritanipun, pañjiṅiŋ mudaḥ sakawit, saka iŋ ṅĕmbun ĕmbunan, maṇḍĕg iŋ ṅutĕg tumuli, tumurun maraŋ iŋ nétra, anulya tumurun maliḥ.

34. mariŋ lésan gya tumurun, mariŋ iŋ jajanirèki, gya sumrambaḥ mariŋ jasat, laṅkĕpé jumĕnĕṅmami, insan kamil agumĕlar, pan sipat rupa sajati.

35. déné muṅguḥ isbatipun, kadi kaŋ kasbut sajroniŋ, kitab baayan numiat, waraḥ saka sabdanèki, ñjĕŋ sultan suṅèb iŋ makyan, maṅkéné tĕmbuṅé jawi.

36. rupa sajati puniku, asalira yĕkti sakiŋ, sajati jatiniŋ rupa, jatiniŋ rupa puniki, iya sipatiŋ paṅéran, kaŋ maha sukci sajati.

37. kawuryan nora kaliru, nèŋ rupa kita pribadi, wit rupa kita priyaṅga, iku lawanira sakiŋ, surat sorotiŋ paṅéran, kaŋ maha suci sajati.

38. lawan ana manèḥ kulup, kitab awawaraḥ sakiŋ, paṅandikané ñjĕŋ sultan, abuyajid iŋ bustari, kadawan yèn ṅaṅgo rapal, maṅkéné tĕmbuṅé jawi.

39. sajatiné dat puniku, dadya tlaḍa sukma jati, dé sukma jati dumadya, tulaḍaniŋ sipat jati, dé sipat jati dumadya, tulaḍa rupa kitèki.

40. dadya rariṅkĕsanipun, iŋ surasa kaananiŋ, manuṅsa pan sakiŋ duryat, wahananiŋ duryat sakiŋ, cahyaniŋ ĕdat sañata, nèŋ urip kita pribadi.

41. tamat dalil kapiŋ tĕlu, kaŋ carita diarani, gĕlaran kaananiŋ dat, lawan ana manèḥ kaki, kaṅgo sakṣi lan timbaṅan, prayoga dipunkawruhi.

42. nahĕn ta iṅkaŋ kasĕbut, iŋ wiwit hdayat jati, pañjupuké kikiyasan, saka murat makṣutnèki, rasa surasaniŋ kitab, kaŋ tinĕṅran insan kamil.

43. babasan surasanipun, lawan wirid kaŋ kapiŋ tri, anuṅgal misaḥ kéwala, rinipta sapuluḥ warṇi, bokmanawi saya tambaḥ, mimbuhi tĕraṅiŋ budi.

44. kaŋ ḍiṅin kulit winuwus, iku ĕmbanané dagiŋ, dadya kaananiŋ raga, kapiṇḍo dagiŋ puniki, ĕmbananiŋ ĕraḥ dadya, wahananiŋ sipat jati.

45. kapiŋ tri ĕraḥ puniku, ĕmbananiŋ ĕroḥ dadi, ḷĕkṣananiŋ kĕtĕk kita, kapiŋ pat ĕroḥ puniki, ĕmbananiŋ rahsa dadya, wahananiŋ napas yĕkti.

46. kalima rahsa puniku, mbananiŋ pramana jati, taṅgapiŋ rahsa paṅrasa, kanĕm pramana sajati, iku ĕmbananiŋ cahya, saṅkĕpiŋ pañca driyèki.

47. kapitu cahya puniku, ĕmbananiŋ atma jati, dumadi wimbaniŋ ulat, kawolu atma sajati, iku ĕmbananiŋ ĕdat, dumadya purbaniŋ ṅurip.

48. kapiŋ saṅa dat puniku, ĕmbananiŋ nukat gahib, dadya wisésaniŋ gĕsaŋ, kasapuluḥ nukat gahib, puniku ĕmbananira, paṅran kaŋ sipat sajati.

49. dumadi sampurṇanipun, iŋ urip kita sajati, amuriḥ tambahé tĕraŋ, gĕrbané maṅkéné kaki, badan puniki sañata, wayaṅannira kaŋ budi.

50. budi wayaṅaniŋ napsu, napsu yèku wayaṅaniŋ, ĕroḥ kaŋ iṅaran sukṣma, ĕroḥ yèku wayaṅaniŋ, rahsa iṅkaŋ winastanan, pramana sajatinèki.

51. rahsa pan wawayaṅanipun, nur muhkamad cahya wĕniŋ, kaŋ iṅaranan pranawa, ĕnur muhkamad puniki, wayaṅan akyan sabitaḥ, iṅaran atma sajati.

52. akyan sabitaḥ puniku, wayaṅaniŋ datolahi, uga kaŋ iṅaran sipat, laḥ samĕṅko surasaniŋ, dalil kapisan tumĕka, dalil iṅkaŋ kapiŋ katri.

53. sarta winantu mawantu, pratélan mriḥ tètèḥ titi, muṅguḥ pañjiŋ surupira, tumrap kaananiŋ bayi, ana iŋ sira priyaṅga, mas cĕbolaŋ matur manis.

212. ḍaṇḍaŋgula

1. gĕgĕtuniŋ manaḥ labĕt piṅgiŋ, aṅrasakkĕn dalil kaŋ kapisan, ĕdaté paṅéran ṛĕké, yèn karṣa ṅganda muhuŋ, ṅagĕm grana kita puniki, yèn karṣa aṅandika, ṅagĕm lésan ulun, biliḥ karṣa amiyarṣa, muhuŋ ṅagĕm taliṅan kita puniki, miwaḥ manawi karṣa.

2. aṅrahoṣkĕn saliriŋ rahsèki, muhuŋ aṅagĕm iŋ rahsa kita, ulun gagas sadaṅuné, iŋ nalar nalaripun, sah‍èstuné dèrèŋ pinaṅgiḥ, punapa ta iṅgiha, datiŋ kaŋ maha guŋ, manawi karṣa aṅganda, gya cumlorot aṇḍĕsĕl nèŋ comploṅaniŋ, grana kita punika.

3. biliḥ karṣa micara tumuli, amĕñcolot ḍatĕŋ lésan kita, yèn karṣa niṅali agé, sumĕmpruŋ gya gumaṇḍul, anèŋ idĕp kita puniki, biliḥ karṣa miyarṣa, lajĕŋ mibĕr pupuḥ, ṅaliḥ lèṅiŋ karṇa kita, biliḥ karṣa aṅrahosakĕn sakalir, mlĕbĕt mriŋ rahos kita.

4. iŋ pratiṅkaḥ upami kadyèki, sintĕn tyaṅé kaŋ naté uniṅa, pañcolot tuwin éñcoké, paṅéran kaŋ maha guŋ, suṭaṅipun kadi punapi, myaŋ sintĕn tiyaṅira, kaŋ naté andulu, kĕbĕt ibĕriŋ paṅéran, lar suwiwi iŋ warṇi kadi punapi, kaŋ mirip lir punapa.

5. tuwin maliḥ yèn lumĕbĕt mariŋ, rahos kita nèŋ pundi dunuŋnya, dèrèŋ dumugi aturé, panĕmbahan aṅguguk, wacana ris cinuṭĕl kaki, maṅsa siliḥ tan wikan, kabèḥ kaŋ kawuwus, yèn karuṅu santri laka, iṅkaŋ cubluk kinira mahido mariŋ, iŋ surasaniŋ kitab.

6. iṅaranan woŋ kupur nĕmahi, dadya grĕjĕg winiḥ tutukaran, iku kuraŋ prayogané, maṅkya ulun maṅayun, mĕḍarakĕn iṅkaŋ dumadi, gagasiŋ driyanira, supaya ywa wuyuŋ, anané kaŋ tatĕmbuṅan, obaḥ osikiŋ manuṅsa atas sakiŋ, kawasaniŋ paṅéran.

7. muṅguḥ patrap pratiṅkahirèki, myaŋ paṅolaḥ pituduhanira, dumunuŋ nèŋ wirid ranné, wawĕjaṅan piŋ catur, iṅaranan kayĕktènèki, kaananiŋ paṅéran, iṅkaŋ maha luhur, yèku pambukané tata, maligé iŋ daḷĕm bétalmakmur yĕkti, wit déné pamĕjaŋnya.

8. pan ambuka kodratira dat i, paṅéran kaŋ maha sukci mulya, ṅgonné karṣa ñjumĕnĕṅké, iŋ maligéné dat u, kaŋ minaṅka iŋ bètolahi, katata ana siraḥ, iŋ manuṅsa iku, sajatiné kaŋ minaṅka, pitĕdahan kayĕktèn kaananèki, sawiji wijinira.

9. naṇḍakakĕn klaratiŋ hyaŋ widdhi, laṅgĕŋ nora kĕna giṅsir owaḥ, saka kaanan jatiné, nahĕn ta wus kasĕbut, iŋ nulikan sorahirèki, iŋ insan kamil kitab, mratélakkĕn tuhu, waṅsitiŋ paṅéran maraŋ, nabi kita ayat kapisan kaliṅliŋ, karana daḷĕm rahsa.

10. jinarwakkĕn sajatinirèki, iṅsun anata maligé ana, sajroné bétalmakmur é,, iku omaḥ ṅgonnipun, paraméyaniṅsun maṇḍiri, ana sirahiŋ adam, kaŋ nèŋ sajronipun, iŋ siraḥ di maknanira, iya iku utĕg kaŋ nèŋ antaraniŋ, utĕg manik minulya.

11. iŋ sajroniŋ manik iku budi, jroniŋ budi iku nĕpsuhawa, sajroniŋ nĕpsuhawané, iku sukṣma linuhuŋ, jroniŋ sukṣma rahsa sajati, sajroniŋ rahsa ika, satuhuné iṅsun, tan ana paṅéran liyan, aṅiŋ iṅsun ĕdat iṅkaŋ aṅlimputi, iŋ kaanan sadaya.

12. gañcariŋ kaŋ surasaniŋ dalil, sirahira kañjĕŋ nabi adam, sirahé manuṅsa kiyé, punika wiyosipun, kaananiŋ bétalmakmuri, wrĕdi omaḥ myaŋ uṅgyan, kaŋ ramé linuhuŋ, utĕg kaananiŋ kaṇṭa, narik maraŋ wahananiŋ cahya dadi, pambukaniŋ kaŋ nétra.

13. manik kaananiŋ pramanèki, narik kaananiŋ warṇa dadya, pambukaniŋ paniṅalé, ṅudi kaananipun, pramana pan wardinirèki, paḍaŋ tĕraṅiŋ manaḥ, narik wahyanipun, iŋ karṣa myaŋ pamicara, nĕpsu iku kaananiŋ hawa narik, wahananiŋ kaŋ swara.

14. dadya pambukaniŋ pamiyarṣi, sukṣma iku kaananiŋ ñawa, narik wahnaniŋ ciptané, dadi pambukanipun, iŋ paṅganda mawarṇi warṇi, rahsèku kaanannya, iŋ atma satuhu, narik wahnaniŋ wisésa, dadya pambukaniŋ paṅrasanirèki, tamat wirit kapiŋ pat.

15. maṅkya ulun amĕḍarkĕn maliḥ, iŋ carita surasaniŋ layaŋ, wirid wirid mahu kabèḥ, kasbut dalil kaŋ ṅèlmu, kapiŋ lima sorahé sakiŋ, nukilan kitab aran, insan kamil iku, ayat kapiṇḍo winastan, kaanané kayĕktèn kaŋ maha tiṅgi, maha guŋ maha mulya.

16. iya iku iṅkaŋ dèn arani, pambukané tata maligé ndaḥ, jroniŋ bétalmukaram é,, awit pamĕjaṅipun, mbuka kodrat iradat widdhi, ĕṅgonnira akarṣa, ñjumĕnĕṅkĕn iku, maligéniŋ dat sañata, kaŋ minaṅka bèttulaḥ katata muṅgwiŋ, iŋ ḍaḍaniŋ manuṅsa.

17. sajatiné iku iya dadi, iŋ pituduḥ yĕktiné kaanan, sawiji wijiniŋ kabèḥ, anaṇḍakakĕn iku, klaratiŋ dat kaŋ maha sukci, laṅgĕŋ tan kĕna owaḥ, iŋ kaanan tuhu, muṅguḥ dalil waṅsitiŋ hyaŋ, iŋ ñjĕŋ nabi muhkhamad rasullulahi, maṅkéné tĕmbuŋ jawa.

18. sajatiné sun nata maligi, ana sajroniŋ bétalmukaram, pan iku omaḥ ĕṅgonné, iŋ lalaraṅaniṅsun, jumĕnĕŋ nèŋ ḍaḍanirèki, adam kalipahiṅwaŋ, kaŋ anèŋ jronipun, iŋ ḍaḍa puniku manaḥ, déné iṅkaŋ ana iŋ sajroniŋ ṅati, iku jantuŋ sañata.

19. kaŋ nèŋ jroniŋ jantuŋ iku budi, iṅkaŋ ana sajĕroniŋ budya, iya iku jinĕm ranné, aṅĕn aṅĕnirèku, muṅguḥ iṅkaŋ ana sajroniŋ, ṅĕn aṅĕn iku sukṣma, kaŋ nèŋ jro sukṣmèku, rahsa kaŋ nèŋ jroniŋ rahsa, tarlèn iṅsun ĕdat iṅkaŋ aṅlimputi, kaanan sajatinya.

20. dunuṅipun kawruhana kaki, iṅkaŋ ḍiṅin ḍaḍa kaanannya, bétalmukaram tĕgĕsé, omaḥ laraṅan tuhu, kapiṇḍoné kaŋ aran ati, puniku kahnanira, pañcadriya èstu, anarik iŋ wahananya, nĕpsu dadya wahyaniŋ napasirèki, déné kaŋ kapiŋ tiga.

21. jantuŋ apan kaananirèki, pañcamaya narik wahananya, birahi dadya wahyané, kĕkĕtĕg kaŋ kumĕdut, kapiŋ paté budi puniki, kahananiŋ pranawa, narik wahnanipun, iŋ karṣa nahan dumadya, wahananiŋ wicara kĕdaliŋ laṭi, déné kaŋ kapiŋ lima.

22. jinĕm yèku aṅĕn aṅĕn yĕkti, kaananiŋ ponaŋ paṅgrahita, narik wahnaniŋ swarané, dumadya wahyanipun, pamiyarṣa karṇa kakaliḥ, kanĕmé sukṣma ika, kaananiŋ ñawèku, narik wahananiŋ cipta, apan dadya wahyaniŋ paṅganda yĕkti, kasapta pupuṅkasan.

23. rahsa kaananiŋ atma jati, narik wahananiŋ kaŋ wisésa, iku dumadya wahyané, iŋ paṅrasa satuhu, titi tamat daliliŋ ṅèlmi, kapiŋ lima nukilan, sorahiŋ kitabu, insan kamil kaliḥ ayat, maṅkya ulun arṣa amĕḍarkĕn maniŋ, laḥ kaki piyarṣakna.

24. kasbut anèŋ wĕjaṅaniŋ ṅèlmi, kaŋ kapiŋ nĕm apan iṅaranan, kayĕktèné kaanané, kaŋ maha suci yèku, pambukaniŋ tata maligi, jroniŋ bétalmukadas, wit pamĕjaṅipun, ambuka kodrat iradat, iŋ paṅéran kaŋ maha sukci sajati, dèn nira darbé karṣa.

25. ñjumĕnĕṅkĕn maligéniŋ dat i, pan minaṅka bèttulaḥ sañata, nèŋ koṇṭolé manuṅsané, iku sajatinipun, iya dadi pituduhnèki, kayĕktèné kaanan, sajuga jugèstu, naṇḍakkĕn kalaratiŋ dat, maha mulya laṅgĕŋ ora owaḥ giṅsir, sakiŋ kaanan kita.

26. kasbut iŋ daḷĕm daliliŋ ṅèlmi, kaŋ kapiŋ nĕm nukil sakiŋ saraḥ, iŋ kitab insan kamil é,, amratélakkĕn ḍawuḥ, waṅsitiŋ hyaŋ kaŋ maha sukci, maraŋ risaŋ minulya, kañjĕŋ nabi rasul, nayakèṅrat jagatraya, insan kamil ayat iṅkaŋ kapiŋ katri, winahya tĕmbuŋ jawa.

27. iṅsun anata maligé adi, ana sajroniŋ bétalmukadas, iya iku omaḥ ṅgonné, iŋ pasuciyaniṅsun, jumĕnĕŋ nèŋ koṇṭolirèki, adam iṅkaŋ kapisan, kaŋ nèŋ iŋ jronipun, koṇṭol iku pariṅsilan, iṅkaŋ ana antara priṅsilan iki, nutpaḥ utawa aran.

28. mani jroniŋ mani iku madi, jroniŋ madi iku wadi rannya, jro wadi manikĕm ranné, jroniŋ manikĕm iku, rahsa jati jroniŋ rahsèki, iku tan ana liyan, paṅéran muŋ iṅsun, dat kaŋ ṅlimputi kaanan, jumĕnĕṅé iŋ sajroniŋ nukat gahib, tumurun dadya johar.

29. awal nora nana kaŋ ṇḍiṅini, kono wahananiŋ alam sapta, alam akadiyat ṛĕké, alam wahdat dwinipun, alam wakidiyat kapiŋ tri, alam arwaḥ sakawan, alam misal bayu, alam ajsam kaŋ kanĕmnya, alam insan kamil kasaptanirèki, ya alam ya martabat.

30. mas cĕbolaŋ matur maṅĕñjali, ḍuḥ pukulun iŋ panuwun amba, kapaṛĕṅa mĕḍaraké, dunuṅé ṅèlmu luhuŋ, tĕraṅipun sawiji wiji, wijaṅiŋ wawĕjaṅan, jinèjèr mriḥ jujur, mèsĕm panĕmbahan rama, coṇḍoŋ karṣa wasana ṅandika aris, laḥ jĕhèŋ kawruhana.

31. iṅkaŋ ḍiṅin koṇṭol iku yĕkti, kaananiŋ kaŋ bétalmukadas, omaḥ kaŋ sinucèkaké, kadwi priṅsilanipun, kaananiŋ purba sajati, pan katumusan saka, iŋ wahananipun, mbirahi adrĕṅiŋ karṣa, dadya bubukaniŋ asmara nalèki, yèku kusĕṅsĕmiŋ tyas.

32. katri mani iku kaananiŋ, kaŋ ran kaṇṭa katumusan saka, iŋ wahanané hawané, dadya bubukanipun, iŋ asmara tura puniki, kasĕṅsĕmiŋ paniṅal, catur madi iku, kaananiŋ warṇa apan, katumusan saka wahananiŋ pati, dadya bubukanira.

33. iŋ asmara turida puniki, yèku kasĕṅsĕmiŋ pasĕṛĕṅan, kalimané wadi ṛĕké, kaananiŋ rupèku, tan liyan katumusan sakiŋ, iŋ wahananiŋ cipta, dumadya puniku, bukaniŋ asmara nada, iyèku kasĕṅsĕm sapocapan manis, gandĕs luwĕs mrakatya.

34. nĕm manikĕm iku kahananiŋ, sukma jati katumusan saka, wahananiŋ paṅrasané, dadya bubukanipun, iŋ asmara tantra sayĕkti, yèku kasĕṅsĕmira, paṅarasan gaṭuk, kasapta puniku rahsa, kaananiŋ atma katumusan sakiŋ, wahananiŋ wisésa.

35. dumadya iŋ pambukanirèki, asmara gama yèku ta apan, kasĕṅsĕmé saluluté, dé babarpisannipun, tétélané kaŋ ujar ruṅsit, supaya aja mamaŋ, wantahé puniku, koṇṭol iya koṇṭolira, pariṅsilan iya priṅsilanirèki, anduduk warṇa warṇa.

213. mĕgatruḥ

1. kaŋ rumuhun mani iku jatinipun, kama isiḥ dadya wariḥ, warṇanira surat biru, madi sariniŋ kaŋ mani, warṇa surat dadu kahot.

2. wadi sariniŋ madi satuhunipun, surat jĕnar warṇanèki, manikĕm pan sarinipun, wadi warṇinipun putiḥ, maya lir ṛĕtna kinahot.

3. nukat gahib apan iku tĕgĕsipun, wiji pipiṅitan wĕrit, ginahib tan ana wĕruḥ, iku apan yĕktinèki, sriniŋ rahsa sajatos.

4. johar awal tĕgĕsé sosotya mañcur, iṅkaŋ wiwitan pribadi, ya iku manik linuhuŋ, satuhuné apan dadi, ĕmbananiŋ rahsa jatos.

5. johar awal kalamun wus adumunuŋ, anèŋ garbaniŋ pawèstri, iŋ kono wahananipun, alam pitu diaranni, martabat maṅkya kacriyos.

6. alam wakadiyat pan kaananipun, wanita ṅaṇḍĕg sasasi, tĕmbuṅiŋ arab latakyun, tĕgĕsé duruŋ sayĕkti, iŋ kaananiŋ dumados.

7. alam wahdat jaṅkĕp ṅaṇḍĕg kaliḥ santun, tĕmbuŋ arab diaranni, takyun awal tĕgĕsipun, wiwit sañatanirèki, iŋ kaananira yĕktos.

8. alam wakidiyat ṅaṇḍĕg tigaŋ santun, tĕmbuŋ arab diaranni, takyun sani tĕgĕsipun, déné wus sañata kèkṣi, iŋ kaananira yĕktos.

9. alam arwaḥ lagya ṅaṇḍĕg kawan tèṅsu, tĕmbuŋ arab diaranni, akyan sabitaḥ liripun, wus sañata anĕtĕpi, iŋ kaananira mbobot.

10. alam misal ṅaṇḍĕg limaŋ tèṅsu tuhu, tĕmbuŋ arab diaranni, alam karijiyaḥ iku, tĕgĕsé sañata jati, iŋ kaanan nora kéron.

11. lawan uwis darbé sipat pĕṭanipun, laṅkĕpiŋ parabotnèki, naṅiŋ isiḥ paḍa buntu, garit garité kah‍èkṣi, sĕlagi gatra kémawon.

12. alam ajsan wahana ṅaṇḍĕg nĕm santun, tĕmbuŋ arab diaranni, alam mukawiyaḥ iku, tĕgĕsé sañata urip, iŋ kaananira yĕktos.

13. lawan uwis adarbé asma puniku, apan anama babayi, bañjur ana karkatipun, ana ṅwĕtĕŋ molak malik, lawan bisa ñĕṇḍol ñĕṇḍol.

14. alam insan kamil iŋ wahananipun, ṅaṇḍĕg lagi pituŋ sasi, ṅanti wolu saṅaŋ tèṅsu, tĕmbuŋ arab diaranni, alam maknawiyaḥ pantog.

15. wardi ñata kawĕḍar kaananipun, kalawan uwus maṇḍiri, sampurṇaniŋ manuṅsèku, darbé pakarti yun lahir, anèŋ ṅalamdoña katon.

16. titi tamat wawĕjaṅan dunuṅipun, kaŋ kasĕbut layaŋ wirid, kaŋ kapiŋ nĕnĕm puniku, mas cĕbolaŋ matur aris, ḍuḥ risaŋ tuhu kinahot.

17. sampun taṅgĕl papariṅiŋ siḥ tumuntur, biliḥ wontĕn lajĕṅnèki, wiwijaṅaniŋ kaŋ ṅèlmu, wirid kaŋ dèrèŋ kawijil, saṅĕt iŋ pañuwuniṅoŋ.

18. nadyan botĕn tumrap abon abon bumbu, lalajĕriŋ criyos ṅarṣi, sakiŋ sru kayuṅyun ulun, kumĕdaḥ atampi maliḥ, surahosiŋ kawruḥ kahot.

19. panĕmbahan rama mèsĕm liṅira rum, atut pamintanya yĕkti, nora nana alanipun, marṣudi tutur prayogi, iṅsun murwani cariyos.

20. kaŋ kasĕbut wirid surasaniŋ ṅèlmu, wawĕjaṅan iṅkaŋ kapiŋ, pitu iṅaranan iku, panĕtĕp santosanèki, iman mbuka sadat jatos.

21. wit pamĕjaŋ maṅsit kaŋ dadya pikukuḥ, paṅandĕl kita puniki, dèn nya ṅĕstokkĕn satuhu, maraŋ kayĕktènirèki, iŋ uripira pribados.

22. yèn wus tĕtĕp minaṅka tajalinipun, paṅéran kaŋ maha sukci, iŋ daḷĕm ijmak kasĕbut, wirayatiŋ para wali, kaŋ sinuŋ rahmat hyaŋ manon.

23. yèku nunukilan sakiŋ kadim makdum, kasbut sajroniŋ bab nĕṅgiḥ, maktu maktulali yahu, ñaritakkĕn kakékati, iŋ tokité hyaŋ kinahot.

24. iṅkaŋ tĕrus maraŋ ihtikat puniku, pipiridanira sakiŋ, iŋ cipta sasmitanipun, kaṅjĕŋ nabi muhkhamadin, rasullolaḥ ibuniŋ roḥ.

25. kaŋ winaṅsitakĕn maraŋ mantunipun, kyatiṅrat bagéṇḍa ṅali, rapalé nora cinatur, amuŋ supayané gampil, jarwanira kaŋ surahos.

26. iṅsun anĕkṣèni iŋ satuhunipun, ora ana maniŋ maniŋ, paṅéran iku muŋ iṅsun, lan nĕkṣèni iku yĕkti, muhkhamad utusaniṅoŋ.

27. kaŋ sinuŋ liŋ maṅĕñjali aris matur, bok biliḥ salaḥ panampi, iṅkaŋ binasakkĕn iṅsun, myaŋ ñjĕŋ nabi muhkhamadin, puniku sintĕn kaŋ mĕlok.

28. saŋ awiku aṅandika tĕmbuŋ iṅsun, lawan tĕmbuŋ muhkhammadin, kacarita kaŋ kasĕbut, iŋ wirid hidayat jati, muṅguḥ dunuṅé ginatos.

29. iṅkaŋ dèn aranni paṅéran puniku, dat urip kita pribadi, sabab iŋ sajatinipun, saguṅiŋ asiya iki, paḍa kukum napi maton.

30. wardiniŋ kaŋ asiya sawijinipun, wardiniŋ napi sĕmĕnir, mulané mahu kasĕbut, tan ana paṅéran iki, isbaté kanaŋ surahos.

31. tuṅgal tanpa wawaṅĕnan kacèkipun, amuŋ lahir karo batin, dé kaŋ dèn aranni mahu, muhkhamad iku sipatiŋ, iŋ cahyakita pribados.

32. mula binasakkĕn utusan puniku, marga kawistara muṅgwiŋ, nétra kadi kaŋ kasĕbut, dalil jroniŋ kur'an iki, jawanira winirahos.

33. yĕkti tĕmĕn tĕmĕn iŋ sira sadarum, utusan dat kaŋ kawijil, saka iŋ awakirèku, iṅkaŋ maha mulya sukci, kaŋ maha luhur sayĕktos.

34. tinartamtu muṅguḥ iŋ utusan iku, tan nalisir nĕmbadani, saciptanira kalamun, aṅandĕl sayĕkti oliḥ, paṅapurané hyaŋ manon.

35. yèn wus anĕkṣèni iŋ dalil kur'an u, ḍawuhiŋ hyaŋ maha sukci, kaŋ kaya maṅkono mahu, dipunwaṣkiṭa iŋ ati, yèku urip kita yĕktos.

36. wahananiŋ nugraha kaananipun, iŋ kanugrahan tètèki, déné nugraha puniku, dat iŋ gusti maha sukci, kanugrahan sipatiṅoŋ.

37. tuṅgal tanpa wawaṅĕnan adumunuŋ, nèŋ urip kita pribadi, sabab iṅkaŋ wus kasĕbut, ana kitab insan kamil, amamaraḥ wus pinaṭok.

38. yèn namaniŋ alaḥ yèku namanipun, ñjĕŋ nabi muhkamad yĕkti, maṅkana sanépanipun, lir pĕḍaŋ lan raṅkanèki, loro dumadya sawiyos.

39. maṅkya alaḥ minaṅka waraṅkanipun, muhkhamad pĕḍaṅirèki, iŋ tĕmbé wasananipun, wawaṅsul lan raṅka mañjiŋ, maraŋ curiga sayĕktos.

40. titi tamat wirit surasaniŋ ṅèlmu, kasapta sahadat jati, samĕṅko kaŋ iṅsun tutur, wawĕjaṅiŋ kaŋ wirid, kapiŋ wolu pocuŋ pantog.

214. pocuŋ

1. iṅaranan sasahidan iku kulup, awit pamĕjaŋnya, kinèn añahidi mariŋ, wahananiŋ sakèḥ iṅkaŋ sanak kita.

2. yèku kaananiŋ dumadi sawĕguŋ, kaŋ gumĕlar ana, iŋ ṅalamdoña puniki, bhumi laṅit surya candra myaŋ sudama.

3. gĕni aṅin bañu iŋ sasaménipun, paḍa nĕkṣènana, yèn kita maṅké ṅakĕni, jumĕnĕŋ dat iŋ gusti kaŋ maha mulya.

4. dadi sipatiŋ alaḥ sajatinipun, kasbut jroniŋ kitab, wawarahiŋ para sidik, ĕṅgonnira mĕñcarkĕn nukil lakṣana.

5. kadim makdam sajroniŋ bab maklumatul, oliyaḥ winahya, wiyosipun anartani, iŋ panĕtĕp santosaniŋ imannira.

6. èstu dadya pamuntuniŋ tokitipun, bontos mriŋ ihtékat, uga wiwiridan sakiŋ, cipta sasmitanya ñjĕŋ nabi muhkhamad.

7. rasullolaḥ kakasihira hyaŋ aguŋ, winaṅsitkĕn maraŋ, siswa sayidina ṅali, amriḥ cañcut maṅkéné tĕmbuṅé jawa.

8. iṅsun anĕkṣèni kalawan satuhu, mriŋ datipun ḍawak, iŋ sayĕkti yĕktinèki, ora ana paṅéran muŋ sun priyaṅga.

9. lan nĕkṣèni iṅsun iŋ satuhunipun, ñjĕŋ nabi muhkhamad, utusaniṅsun sayĕkti, maṅka iya iŋ sajati jatinira.

10. iṅkaŋ aran alaḥ iku badaniṅsun, rasul rahsaniṅwaŋ, muhkhamad pan cahyamami, iya iṅsun kaŋ urip tan kĕna léna.

11. iṅsun iṅkaŋ èṅĕt tan kĕna kalimput, iya iṅsun iṅkaŋ, laṅgĕŋ iŋ salaminèki, nora kĕna owaḥ giṅsir iŋ kaanan.

12. iya iṅsun kaŋ waṣkiṭa saliripun, nora kasamaran, iŋ sawiji wijinèki, iya iṅsun kaŋ amurba amisésa.

13. kaŋ kawasa tan na maniŋ iya iṅsun, iṅkaŋ wicakṣana, tan kuraṅan iŋ paṅarti, byar sampurṇa paḍaŋ tĕraŋ tarawaṅan.

14. apan nora krasa apa apa tuhu, kaŋ katon tan ana, amuŋ iṅsun kaŋ ṅlimputi, alam kabèḥ lan kodratiṅsun sañata.

15. iṅkaŋ sinuŋ waṅsit manĕmbaḥ umatur, ḍuḥ saŋ sadudibya, kalaṅkuŋ éramiŋ ṅati, mĕṅgaḥ ḷĕpasiŋ maṅrĕtiniŋ manuṅsa.

16. iṅkaŋ lajĕŋ gaḍaḥ paṅaṅgĕp satuhu, ṅakĕn jumĕnĕŋ dat, iŋ gusti kaŋ maha sukci, kaŋ iṅaran alaḥ punika badannya.

17. iṅkaŋ aran rasul iku rahsaniṅsun, iṅaran muhkhamad, puniku cahyanirèki, mĕṅgaḥ iŋ paṅrĕṅkuḥ kaŋ kadya punika.

18. sirṇaniŋ kaŋ riṅa riṅa wusanèstu, tumimbuliŋ tékat, akandĕl kumandĕl yĕkti, iŋ pamĕṇḍĕt wawaton sakiŋ punapa.

19. panĕmbahan paṅandikanira arum, kulup bokmanawa, rumambaté amuŋ sakiŋ, lalantaran kalantipaniŋ paṅartya.

20. winantonan ĕnĕŋ ĕnĕṅiŋ kaŋ kalbu, awit surasanya, wawĕjaṅan kaŋ kah‍èṣṭi, kacarita muṅguḥ dunuṅé winarṇa.

21. maṅka iṅkaŋ iṅaran paṅéran mahu, iya nora liya, dat urip kita pribadi, déné iṅkaŋ iṅaran nabi muhkhamad.

22. iya iku ora liya sipatiṅsun, cahya kita ḍawak, kasbut jroniŋ ḍikir lahi, lahilolaḥ muhkhamadun rasullolaḥ.

23. ora ana paṅéran sayĕktinipun, muŋ allaḥ taṅala, nabi muhkhamad puniku, utusaniŋ allaḥ iṅkaŋ maha mulya.

24. naṅiŋ lamun kakékatira sah‍èstu, kaŋ iṅaran allaḥ, apṅaliŋ rasul sayĕkti, adumunuŋ ana iŋ kaanan kita.

25. rasul iku asmaniŋ muhkhamad tuhu, muṅgiŋ rahsa kita, muhkhamad sipatirèki, cahya kita dumunuŋ iŋ gĕsaŋ kita.

26. sayĕktiné urip kita iki èstu, ĕdatiŋ paṅéran, kaŋ maha sukci sajati, kayĕktèné kasbut jroniŋ dalil kur'an.

27. tuhu lamun paṅéran ki maha luhur, kuwasa mijilna, iŋ urip saka iŋ ati, lan mijilkĕn iŋ pati saka iŋ gĕsaŋ.

28. iya urip kita pribadi sah‍èstu, awit saka pĕjaḥ, wĕkasan tan kĕna pati, kayun pidarah‍èni babasanira.

29. wardi urip iŋ kaanan loro tuhu, iṅkaŋ ḍiṅin ana, ṅalam sahir urip jati, ana ṅalam kabir kita iya gĕsaŋ.

30. tan kasupèn dat kita kaŋ maha aguŋ, tan kĕna giṅsira, sakiŋ sipat kita iki, iṅkaŋ élok miwaḥ ora kasamaran.

31. asma kita kaŋ wisésa lwiḥ kacukup, déné apṅal kita, iṅkaŋ sampurṇa sajati, apan dadya pupuntonniŋ tokidira.

32. kaŋ ambontos maraŋ ihtikat satuhu, sampurṇaniŋ gĕsaŋ, kita punika sayĕkti, kaŋ karasa kaŋ katiṅal nora nana.

33. muŋ waluya sajati laṅgĕŋ maṅlimput, iŋ alam sadaya, mula tĕntrĕm lumastari, ora nana uwas sumĕlaṅiŋ nala.

34. titi putus wawĕjaṅan kaŋ kawolu, jĕbèŋ lamun ana, kaŋ dadi rasaniŋ ati, tutuṛĕna ywa wawaŋ dimèn sampurṇa.

35. nĕmbaḥ matur sakiŋ iŋ paṅrahos ulun, wus wantaḥ sadaya, botĕn mawi aliŋ aliŋ, kantun nata jumbuhiŋ pamaṅgiḥ kita.

36. duk rumuhun ulun sriŋ miṛĕṅkĕn wuwus, caṅkriman gujĕṅan, ira para ahli budi, iŋ sajagad sakuṛĕbipun akasa.

37. salumahiŋ bantala saḷĕbĕtipun, iŋ saṅalamdoña, isi manuṅsa kèhnèki, kacariyos muŋ kaliḥ jalu wanita.

38. yèn makatĕn pawèstri puniku jumbuḥ, botĕn aprabéda, lawan tiyaŋ jaḷĕr sami, tinitaḥ nèŋ doña jumĕnĕŋ manuṅsa.

39. naṅiŋ saṛĕŋ ulun wus tampi pituduḥ, kaŋ sampun winahya, gaṭukiŋ surahosnèki, dodoṅèṅan kalawan wirid wĕjaṅan.

40. jalma èstri botĕn kaŋ kasĕbut ṅayun, iṅkaŋ kadunuṅan, datipun kaŋ maha sukci, amuŋ jaḷĕr kadi kaŋ sampun kawĕḍar.

41. wawĕjaṅan kapiŋ nĕnĕm èṅĕt ulun, apan winastanan, kaanan kaŋ maha sukci, salajĕŋnya gambuḥ tumrap jalma priya.

215. gambuḥ

1. saŋ wiku liṅira rum, bĕnĕr kabèḥ kulup wuwusiṅsun, lagi tumrap mriŋ jalma priya pribadi, déné ta makikinipun, tan prabéda lanaŋ wadon.

2. maṅkéné wijaṅipun, kaya ta kaŋ kasĕbut iŋ ṅayun, koṇṭol kaananiŋ bĕtalmukadas i, déné pariṅsilan iku, kaananiŋ purba jatos.

3. kalamun kyayi guru, mĕḍarakĕn rahsaniŋ kaŋ ṅèlmu, pambukanya tata maligé sajroniŋ, bétal mukadas trapipun, pamĕjaŋ mariŋ woŋ wadon.

4. mriḥ jumbuḥ rahsanipun, wĕnaŋ kiniyas maṅkéné kulup, iŋ nalika paṅéran kaŋ maha sukci, karṣa nata maligé guŋ, jro bétalmukadas kahot.

5. jumĕnĕŋ anèŋ ṅriku, iŋ bagané siti hawa yèku, kaŋ nèŋ jroniŋ baga purana sajati, dé kaŋ nèŋ antaranipun, purana ṛĕtna kinahot.

6. basa ṛĕtna liripun, yèku mani jroniŋ mani iku, aran madi jroniŋ madi aran wadi, jro wadi manikĕm tuhu, jro manikĕm rahsa yĕktos.

7. sajroniŋ rahsa mahu, iku dat iŋ atma arannipun, aṅlimputi maraŋ iŋ kaanan jati, déné ta jumbuhiŋ wujud, baga timbaṅaniŋ koṇṭol.

8. purana timbaṅipun, lan priṅsilan jumbuḥ jatinipun, sabañjuré lan priya pamĕjaŋ sami, dèn nya mĕrdi amriḥ jumbuḥ, pamarṣudi waṣkiṭèŋ ndon.

9. lan manèḥ bédanipun, wawĕjaṅan iṅkaŋ kapiŋ pitu, iŋ panĕtĕp santosaniŋ iman yĕkti, yèn amĕjaŋ mriŋ dyaḥ mahu, maṅkéné kénaŋ wirahos.

10. sun nĕkṣèni satuhu, ora ana paṅéran muŋ iṅsun, lan nĕkṣèni iṅsun muhkhamad sayĕkti, iku pan utusaniṅsun, ni patimaḥ umatiṅoŋ.

11. muŋ iku kahotipun, wus saḷĕsiḥ iṅkaŋ iṅsun wuwus, mas cĕbolaŋ manĕmbaḥ umatur aris, sadaya dahalil ḍawuḥ, paṅandikaniŋ hyaŋ manon.

12. myaŋ kadis sabda rasul, iṅkaŋ sampun kasĕbut sadarum, surahosé lajĕŋ karahos wontĕn iŋ, daḷĕm rahos wasanèstu, agĕŋ biṅahiŋ tyasiṅoŋ.

13. yayaḥ marwata sunu, krana sampun tatéla satuhu, lamun dat iŋ paṅéran kaŋ maha sukci, punika sampun dumunuŋ, tĕtĕp anèŋ aṅganiṅoŋ.

14. myaŋ kita traŋ satuhu, yèn wujudiŋ allaḥ kaŋ maha guŋ, panĕmbahan aṅandikanira aris, atut tuturira tutup, yĕktiné iya maṅkono.

15. anaṅiŋ ywa kasusu, aja pisan wani ṅaku aku, mbok kasiku kaŋ maṅkono iku kaki, kĕna uga wĕnaŋ muluk, yèn wus katon paḍa mĕlok.

16. mĕloké ujar iku, yèn wus ilaŋ sumĕlaṅiŋ kalbu, amuŋ kandĕl kumandĕl ṅandĕl iŋ takdir, akaṇṭiya awas émut, dèn mĕmĕt yèn arṣa momot.

17. pramilané ḍinapur, iŋ pralambaŋ kaŋ maṅkono mahu, jĕr manuṅsa béda béda watĕgnèki, muṅguḥ wiwijaṅipun, ana tĕluŋ warṇa maton.

18. ruṅsit wĕrit kalaṅkuŋ, saluguné ṅahurip pakéwuḥ, iŋ pambudi bisané tĕtĕp nĕtĕpi, mula bañjur ana tĕmbuŋ, paribasaniŋ wirahos.

19. kaŋ ḍiṅin jalma iku, laṅkuŋ tuna tanpa ṅawag ṅèlmu, pikajĕṅé kalaṅkuŋ tuna sujalmi, yèn tan wruḥ surahosipun, mriŋ ṅèlmu iṅkaŋ sayĕktos.

20. kapiṇḍo jalma iku, gĕḍé gĕḍéniŋ dosa puniku, ora ana sujalma kaŋ ṅolaḥ ṅèlmi, kaŋ kuraŋ sampurṇanipun, tanpa tuwasiŋ dumados.

21. kosokbaliné kulup, gĕḍé gĕḍéniŋ kamulyan iku, nora nana kaya woŋ kaŋ ṅulaḥ ṅèlmi, kaŋ ṅanti sampurṇa putus, sayĕkti jalma kinahot.

22. kabèḥ ṅèlmu puniku, kalakoné paṣṭi kaṇṭi laku, ḷĕkas lan kas tĕgĕsé kas ñantosani, satya budya tyas rahayu, paṅĕkĕsiŋ aṅkara ṇḍon.

23. aṅgĕṛĕŋ aṅkara guŋ, anèŋ aṅga gumlĕgĕr gumuluŋ, gogoloṅan tri loka ḷĕkĕré koṅsi, yèn dèn umbar babar bañjur, dadi rubéda sayĕktos.

24. paṣṭi béda kalamun, kaŋ wus sĕṅsĕm mahas iŋ ṅasamun, sĕsĕmuné ṅakṣama sasami sami, sarwa sarèḥ dèn nira yun, mardi martotama kahot.

25. taman limut katutup, durgamèŋ tyas kaŋ linimput limput, kaṛĕm ana karamat karoban iŋ siḥ, sihiŋ sukṣma ṅuṇḍuŋ ṅuṇḍuŋ, ṅrĕda sahardi mbĕgogok.

26. anaṅiŋ luwiḥ éwuḥ, nitik saka paṅandikanipun, para iṅkaŋ winasis iŋ ṅuni uni, muṅguhiŋ laku puniku, maskumambaŋ kaŋ gumantos.

216. maskumambaŋ

1. yèn manuṅsa jibar jibur sabĕn ari, tansaḥ ambaruwaḥ, yèku tanpa laku yĕkti, anèŋ doña salaminya.

2. bakṣanandrawina maṅguŋ dèn ubyuṅi, tĕgĕsé datan saḥ, suka suka minum bukti, iŋ tĕmbé kalamun pĕjaḥ.

3. kacarita jasaté bosok wor siti, déné yitmanira, dadi ririḍu mĕmĕdi, kĕmamaŋ wĕḍon pocoṅan.

4. lamun ana jalma iṅkaŋ aṅlakoni, aṅguŋ tapabrata, yèku kaŋ kaṛĕm sasiriḥ, acacĕgaḥ minum naḍaḥ.

5. tĕmbé lamun mati jasatira gariŋ, atos dadya sala, yitmanya ṅalambraŋ kadi, kiñjĕŋ iṅkaŋ tanpa soca.

6. lamun ana janma kaṛĕm cĕgaḥ guliŋ, tĕmbé lamun pĕjaḥ, kacrita yitmanirèki, dadya sétan jim prayaṅan.

7. lamun jalma kaṛĕm tapa nir saṛĕsmi, yèku cĕgaḥ sahwat, tĕmbé pĕjaḥ yitmanèki, dadi ḍañaŋ smarakisma.

8. mas cĕbolaŋ gèḍèg gèḍèg turira ris, babo kadiparan, mĕṅgaḥ patrapiŋ ṅahurip, sah‍èstu aṅèl kalintaŋ.

9. panĕmbahan paṅandikanira aris, iṅkaŋ wus sunucap, lakṣanané kaŋ sajati, tumitaḥ iŋ ṅalamdoña.

10. lumakṣana kadi kaŋ kasĕbut wirit, ḍiṅin winaḷĕran, ṅarani allaḥ tan kéṅiŋ, kapalèsètna paṅéran.

11. lan aja sriŋ ṅarani namaniŋ manik, utĕg polo ika, sarta aja asriŋ bukti, ulamiŋ manik myaŋ utak.

12. lan maniṅé aywa asriŋ aṅarani, aṅĕn aṅĕn sarta, aja sok maṅan sirèki, iwak jantuŋ tuwin manaḥ.

13. puṅkasané aja sok ṅarani mani, lan aywa sriŋ maṅan, iwak priṅsilan tan kĕni, muŋ iku yèn bisa ñĕgaḥ.

14. kaŋ maṅkono kacrita luwaṅé ṅuni, asriŋ katarima, bañjur dadi ṅèlmunèki, déné manawa kalépyan.

15. nora dadi sabab wit sajatinèki, iṅkaŋ parlu dadya, laraṅan winanti wanti, muŋ ywa ṅumbar napsu hawa.

16. lamun bisa mbirat napsu hawanèki, adat siŋ kaṅgonan, awas émut aṅrakĕdi, yèn awas émut widada.

17. bokmanawa pinaṛĕŋ bisa amaṅgiḥ, mulya saṅkan paran, dé patrap pikantuknèki, kadi kaŋ kasbut wirayat.

18. para mashur ahli budi ambĕg ṅèlmi, dèn nya suŋ wasita, muṅguḥ ṅahurip puniku, kaŋ tabĕri suci satya.

19. maṅka dadya pambiratiŋ durgandini, tĕmbé mahotira, tĕgĕsé ñirṇakkĕn mariŋ, ganda iṅkaŋ ora énak.

20. aṅuraṅi paṅinum kalawan bukti, iku maṅka dadya, paṅluhuraniŋ kaŋ ragi, iŋ tĕmbé jaman antaka.

21. ñuda turu lan araŋ sahuwatnèki, maṅka èstu dadya, paṅlulutaniŋ jiwèki, iŋ tĕmbé jaman palastra.

22. añuñuda wuwus napsu wuwus bĕṅis, maṅka iku dadya, paṅlĕñĕpaniŋ rahsèki, tĕmbé puṅkasaniŋ gĕsaŋ.

23. maṅkya kimas cĕbolaŋ upama sari, wus mèdĕm sumriṅaḥ, nayana sumriṅaḥ wĕniŋ, sĕnĕnniŋ cahya kawuryan.

24. kacarita nurwitri lan santri katri, samya mriŋ poṇḍokan, saloka myaŋ palakarti, datanapi kartipala.

25. lajĕŋ néndra muŋ nurwitri waṅsul maliḥ, sapraptaniŋ ṅarṣa, panĕmbahan atanya ris, laḥ nurwitri ana paran.

26. kaŋ sinuŋ liŋ manĕmbaḥ umatur aris, wontĕn iŋ poṇḍokan, botĕn sagĕt sagĕt guliŋ, jalaran sontĕn miyarṣa.

27. santri mahos nukilan amĕṇḍĕt sakiŋ, murad makṣudira, surahos sorahirèki, wasta kakékatiŋ salat.

28. goloṅané kitab tasawub witnèki, mratélakkĕn iṅkaŋ, kadis paṅandika nabi, muhkhamadun rasullolaḥ.

29. jarwanipun sakiŋ kah‍éṅĕtanmami, aniṅali iṅwaŋ, mariŋ iŋ paṅéranmami, kalawan paṅéraniṅwaŋ.

30. sasampuniŋ kèndĕl iŋ pamahosnèki, tyas amba karantan, kadiparan lajĕṅnèki, anaṅiŋ tanpa wasana.

31. kalawahu baḍé cahos atur ajriḥ, mugi kapaṛĕṅa, pariŋ barkaḥ mariŋ patik, pambiṅkasiŋ kasĕṅkĕlan.

32. panĕmbahan paṅandikanira aris, muṅguḥ paṅandika, iṅkaŋ maṅkono nurwitri, muhuŋ anĕtĕpi ika.

33. iŋ surasa kajatèné sahalati, sabab salat ika, kaṛĕpé iku sayĕkti, ṅgĕḷĕṅkĕn rahsa kaŋ pisaḥ.

34. déné iṅkaŋ binasakkĕn pisaḥ witri, ana pataŋ warṇa, dunuṅé sawiji wiji, laḥ ta iki kawruhana.

35. iṅkaŋ ḍiṅin tĕmbuŋ ékram tĕgĕsnèki, niṅali iŋ allaḥ, déné babasan puniki, niṅali iŋ allaḥ akbar.

36. sirṇa paniṅaliŋ kawula puniki, kari maliginya, paniṅaliŋ allaḥ jati, dadi kaṛĕpiŋ surasa.

37. tĕmbuŋ aniṅali iŋ allaḥ sajati, kaŋ niṅali allaḥ, déné kaŋ déra tiṅali, ora liya iya allaḥ.

38. piṇḍo tĕmbuŋ munajat tĕgĕsirèki, amaca iŋ allaḥ, iṅkaŋ binasakkĕn kaki, maca iŋ allaḥ sañata.

39. pan wus sirṇa pamacané kawulèki, salugu tan liya, kari pamacanirèki, pan iya allaḥ balaka.

40. dadi muṅguḥ kaṛĕpé tĕmbuŋ puniki, amaca iŋ allaḥ, iṅkaŋ maca allaḥ ugi, kaŋ winaca iya allaḥ.

41. katri tĕmbuŋ añadul tĕgĕsirèki, aṅgĕntèkkĕn lawan, wujudiŋ allaḥ sajati, kaŋ binasakkĕn kadyèka.

42. aṅgĕntèkkĕn lawan wujudiŋ allahi, sirṇa wujud kita, kari tatéla sajati, iŋ kawujudaniŋ allaḥ.

43. dadi muṅguḥ kaṛĕpé tĕmbuṅan iki, ṅgĕntèkkĕn kalawan, wujudiŋ allaḥ sajati, ya allaḥ kaŋ mahujuda.

44. catur tĕmbuŋ mikraj tĕgĕsé winarṇi, ṅluhurkĕn paniṅal, sakiŋ nabi adam mariŋ, asaliŋ paṅéran kita.

45. iṅkaŋ maṅka bañjur ana manuṅsèki, kaŋ tĕtĕp tan pĕgat, ṅluhurakĕn samukawis, kaya ta ṅèlmuniŋ allaḥ.

46. paṅucapé allaḥ myaŋ paṅgandanèki, datan liyan allaḥ, pamiyarṣa allaḥ uni, paniṅalé iya allaḥ.

47. dat é, allaḥ sipat é, alaḥ sajati, apĕṅal é, allaḥ, yèku tĕtĕp anĕtĕpi, rahsaniŋ allaḥ balaka.

217. mijil

1. pamijilé pitutur iŋ ṅarṣi, rasakna sayĕktos, ṅanti tĕkan iŋ daḷĕm rahosé, bokmanawa pinaṛĕŋ iŋ widdhi, gya karahos yĕkti, maṅkéné liripun.

2. yèn manuṅsa kaduga ṅlakoni, tindak niṣṭa awon, iku paḍa uga lawan gawé, kaniṣṭaniŋ paṅéranirèki, yèn manuṅsa kardi, alaniŋ ragèku.

3. paḍa uga ṅala ala mariŋ, sariraniŋ manon, sapa woṅé iṅkaŋ mahagawé, iŋ sawiyaḥ wiyaḥ mariŋ ḍiri, iku paḍa ugi, ñawiyaḥ hyaŋ aguŋ.

4. sapa woṅé ṅrèmèhakĕn ḍiri, uga paḍa yĕktos, aṅrèmèhkĕn mariŋ paṅérané, manuṅsa yèn ñamahakĕn ḍiri, paḍa uga kardi, ñamaḥ iŋ hyaŋ luhur.

5. lamun ana kaŋ ora maṅrĕti, sarta tan karahos, tumrap ana iŋ daḷĕm rahosé, surasané pralambaŋ puniki, kĕna dèn aranni, manuṅsa kapirun.

6. awit tĕmbuŋ kapir wardinèki, kasumpĕlan yĕktos, lawan kaliŋ kaliṅan yĕktiné, déné jalma iṅkaŋ amaṅrĕti, lan karahos yĕkti, anĕtĕpi laku.

7. ṅluhurakĕn mariŋ samukawis, ṅèlmuné hyaŋ manon, kadi iṅkaŋ kasbut pralambaṅé, tĕmbuŋ mikraj kaŋ kasĕbut ṅarṣi, kĕna dèn aranni, tĕtĕp manuṅsèku.

8. añalira lan kaslira mariŋ, iŋ allaḥ sayĕktos, manawèku kaŋ binasakaké, manuṅsa nuŋ kaŋ islam sajati, islam wardinèki, pasraḥ myaŋ rahayu.

9. yèn rinasa tĕmbuŋ loro ṅarṣi, iŋ panĕmuniṅoŋ, manuṅsèku kaŋ binasakaké, islam jati tĕtĕp ñarirani, lan kaslira mariŋ, iŋ allaḥ satuhu.

10. manawèku manuṅsa kaŋ uwis, kasbut wruḥ sayĕktos, islamiŋ suhul déné tĕgĕsé, wruḥ ĕmpaniŋ paṅira bĕnĕriŋ, panuju tĕpaniŋ, sujana linuhuŋ.

11. buka wĕṅaniŋ maṅsakalèki, babasan maṅkono, wus tinamu tamu satuhuné, kuñci gĕḍoŋ rahsaniŋ allahi, kosok balinèki, maṅkya kaŋ winuwus.

12. manuṅsa kaŋ binasakkĕn kapir, añarira yĕktos, lan kaslira iŋ sétan cĕblèké, yèn salulut maṅka dadi wiji, cilikané apik, diwasané kumpruŋ.

13. ki nurwitri kaṛĕnan iŋ ati, matur maliḥ alon, amba ñuwun mĕṅgaḥ wiwijaṅé, paṅkat paṅkataniŋ ponaŋ ṅèlmi, kasampurṇan jati, suhunan liŋnya rum.

14. iṅkaŋ ḍiṅin ṅèlmu saréṅat i, dunuŋnya paṅawroḥ, iŋ lakuné raga kita kiyé, kaŋ kapiṇḍo ṅèlmu tarékat i, apan aṅawruhi, lakuniŋ kaŋ kalbu.

15. katri ṅèlmu kakékat puniki, paṅawruḥ sayĕktos, lakuniŋ kaŋ ñawa kita kiyé, kapiŋ paté ṅèlmu makripat i, paṅawruḥ sajati, lakuniŋ rahsèku.

16. sanépané kaŋ pataŋ prakawis, maṅkya cinariyos, kaŋ saréṅat iku upamané, lir wujudiŋ bahita sĕkoci, ṅèlmu tarékat i, wujudé palahut.

17. dé kakékat piṇḍa nama kadi, mustika kinahot, dumunuŋ nèŋ tĕḷĕŋ samodrané, makripat é, piṇḍa pama kadi, paṅawruḥ traŋ titi, kaya ta puniku.

18. aṅawruhi lakuniŋ sĕkoci, pasaṅé wé ĕrop, myaŋ ṅawruhi jro cĕṭèkiŋ kaŋ wé, anadéné ṅawruhi ṅgonnèki, ri kaŋ muṣṭika di, nèŋ tĕḷĕṅiŋ lahut.

19. kaṛĕpiŋ kaŋ lampita kadyèki, upamané uwoŋ, sumĕdya yun ñjupuk muṣṭikané, iṅkaŋ ana tĕḷĕṅiŋ jaladri, yèn goṭaŋ sawiji, saka catur mahu.

20. sayĕktiné nora bisa dadi, liré kaŋ surahos, sahupama tanpa bahitané, apa bisa ṅambaḥ ana wariḥ, nadyan numpaŋ kuṇṭiŋ, lamun nora wĕruḥ.

21. iŋ dunuṅé muṣṭika kaŋ adi, sarta ora wĕroḥ, éwuḥ pakéwuḥ kaḷĕkṣanané, apa bisa katĕkan sĕdyèki, ṅaji ora oḍil, mulané kacatur.

22. kudu ganĕp nora kĕna koṅsi, goṭaṅé sawiyos, nora gampaŋ maṅkono yĕktiné, pipiliyan jalma iṅkaŋ baṅkit, naṅiŋ laku iki, lagi madyanipun.

23. ana maniŋ paṅolahiŋ ṅèlmi, utama kinahot, luwiḥ saka kaŋ dakcaturaké, crita lalakoné para wali, yèn jaman samaṅkin, kaṅjĕŋ sultan aguŋ.

24. kaŋ maṇḍirèŋ iŋ praja mantawis, kalamun saŋ katoŋ, apanuju kapaṛĕŋ karṣané, muṇḍut baraŋ kaŋ nèŋ jro jaladri, utawa saŋ aji, yèn arṣa ṅalaṅut.

25. nadyan mijil sakiŋ tanaḥ jawi, tan mawa nitiḥ joŋ, nora miṅsĕt sakiŋ plĕṅgahané, bar jumuṅaḥ mriŋ kakbatolahi, maṅka taṇḍa sakṣi, iṅkaŋ samya mantuk.

26. saka kaji jalu miwaḥ èstri, caritané jumboḥ, mbĕn jumuṅaḥ katĕmu gustiné, ana manèḥ caritaniŋ ṅuni, iŋ lalakonèki, sèḥ ḷĕmahbaŋ luhuŋ.

27. pamuntoniŋ tékat murtat mariŋ, agama kinahot, wus ambuwaŋ maraŋ saréṅat é,, kadĕnaṅan kaŋ nata agami, iŋ kono sèḥ siti, kukum kisas lampus.

28. wusiŋ wapat kuwanda tan kèkṣi, nulya na wirahos, lamat lamat kapyarṣa swarané, surasané suŋ wasita jati, kaŋ myarṣa dumĕliŋ, maṅkéné liṅipun.

29. iṅsun wus amurwèŋ ndon linuwiḥ, wèḥ wasita jatos, é, manuṅsa sésa sésa tyasé, jaman pati iŋ rèḥ puntonnèki, tékat santa titis, santosaniŋ kalbu.

30. nora sakiŋ anon amiyarṣi, ririṅa sinapon, ṛĕṅat ṛĕṅu pan siniṅitaké, labĕt salin iŋ salaganèki, lugu dèn ugĕmi, agĕmé ragèku.

31. sumiṅgahé saṅka saṅgaruṅgi, sarak siniṅkur doḥ, krana iku ṅrurubĕti bah‍é, karya uwas sumĕlaŋ liniliŋ, mbuḥ mbuḥ dèn aṇḍĕmi, sakèhiŋ kaŋ wuruk.

32. tĕkèŋ pati tiwas ṅuciwani, awit kéran kéron, sajatiné kaŋ èstu luṅguhé, muhuŋ ana ciptanta pribadi, puṣṭinĕn paṅèṣṭi, tan ana kaŋ kétuŋ.

33. wus ginĕḷĕŋ dumadya sawiji, pinaṣṭi pinaṭok, wijaṅiŋ kaŋ ṅèlmu jatmikané, nèŋ kaanan ĕnĕŋ lawan ĕniŋ, cĕp wus tan kapyarṣi, ganda ṅambar arum.

34. naṅiŋ aywa paḍa salaḥ tampi, surasaniŋ criyos, iku amuŋ kaṅgo oṇḍé oṇḍé, poma aja ñiṅkur sarak nabi, rukuniŋ islami, kono marga luhuŋ.

35. muṅguḥ ananiŋ carita iki, pipiridan iṅoŋ, kikiyasan saka ṅandikané, para alim parama bèrbudi, ahli iŋ kitabi, surasaniŋ tĕmbuŋ.

36. iṅkaŋ ḍiṅin sapa manuṅsèki, saduruṅé layon, anèŋ doña maṅka jro tékadé, anĕtĕpi ṅĕguṅakĕn mariŋ, pakaryanirèki, saréṅat linuhuŋ.

37. iya iku bab lakuniŋ ḍiri, tĕmbé lamun layon, aran makam parèk dé wardiné, dunuŋ pamisahan ora nuṅgil, pisaḥ raganèki, lawan ñawanipun.

38. kapiṇḍoné sapa manuṅsèku, saduruṅé layon, anèŋ doña maṅka iŋ tékadé, anĕtĕpi ṅĕguṅakĕn mariŋ, pakaryan utami, iŋ tarékatipun.

39. iya iku lakuniŋ kaŋ ati, tĕmbé lamun layon, aran makam jalèk dé wardiné, dunuŋ kukumpulan lir duk urip, kaŋ kumpul puniku, raga lan ñawèku.

40. kapiŋ katri sapa manuṅsèki, saduruṅé layon, anèŋ doña iŋ maṅka tékadé, anĕtĕpi ṅĕguṅakĕn mariŋ, iŋ pakaryan sidi, kakékat linuhuŋ.

41. iya iku lakuniŋ ñawèki, tĕmbé kacariyos, aran makam jamèk mujamèk é,, wardi kumpul lir ṅakumpul yĕkti, kaŋ kumpul ṅumpuli, raga lan ñawèku.

42. kaŋ kapiŋ pat sapa manuṅsèki, saduruṅé layon, anèŋ doña kaŋ maṅka tékadé, anĕtĕpi ṅĕguṅakĕn mariŋ, pakaryan linuwiḥ, makripat pinuñjul.

43. iya iku lakuniŋ rahsèki, tĕmbé kacariyos, aran makam baka dé wardiné, dumunuŋ iŋ laṅgĕŋ nora giṅsir, raga lan ñawèki, kapuṅkur katĕlu.

218. paṅkur

1. ujar kaŋ wus iṅsunpajar, mriḥ tan uwus wawasĕn ywa wis uwis, gaṭukiŋ surasanipun, ḍinapur dodoṅèṅan, pinralambaŋ ṛĕmbugé manut tĕtĕlu, gĕmak lan palatukbawaŋ, brĕkutut iṅkaŋ nĕloni.

23. panĕmbahan rama ṅĕndikakĕn bab marginiŋ kamukṣan iṅkaŋ sakalaṅkuŋ rumit. wĕjaṅanipun ḍapur doṅèŋ ṛĕṛĕmbaganipun gĕmak, pĕkṣi pĕrkutut tuwin platukbawaŋ. titiganipun sami rarahosan bab ṅèlmu kasuñatan aḍaḍasar dalil dalil kur'an. mikradipun kg. nabi muhammad, sarta sawatawis kitab tasawup. ugi kacariyosakĕn ṛĕmbagipun uḷĕr jĕḍuŋ kalihan sawĕr bab gĕsaṅipun. uḷĕr dados ĕṇṭuŋ, lajĕŋ santun warṇi dados kupu ; déné sawĕr aṅluṅsuṅi. kaliḥ kalihipun kaṇṭi lampaḥ tapabratabiṅkaŋ pantĕs dados tutuladaniŋ manuṅsa aṅgayuḥ kasampurṇan.

kasambĕt ṛĕmbag kalihan pĕkṣi uraŋ uraṅan bab pakartinipun pañcadriya lan sanès sanèsipun.

2. anuju sawiji dina, manuk gĕmak kakariŋ poṅol wukir, satĕpiniŋ samodra guŋ, kĕkipu pagisikan, kawistara sĕnĕŋ nulya na tumurun, kaŋ pĕkṣi pĕlatukbawaŋ, gĕmak manĕmbrama manis.

3. lo kowé pĕlatukbawaŋ, paḍa bĕcik tĕkamu ṅarṣamami, baya ta ana karyamu, iṅkaŋ rada wigatya, kadiṅarèn sira sarju mriŋ ṅgonniṅsun, kéné nir kaŋ paran paran, samun suwuŋ sĕpĕn sĕpi.

4. palatuk alon liṅira, awit saka paṅèstumu basuki, mula ulun ṅuyu uyu, prapta iŋ ṅarṣanira, muga aywa dadi kagètiŋ atimu, katarik iŋ paṅgrahita, wus lawas ṅgonku nitèni.

5. sabĕn sabĕn sira saba, anèŋ kéné lawan sukaniŋ ati, miwaḥ solaḥ tĕnagamu, béda lan grĕmĕt liyan, ṅaṅgo ñjuṅkir ñjuṅkir gèḍèg maṇṭuk maṇṭuk, kĕkipu tĕpi samodra, wulu mĕṅkorog kĕkirig.

6. iṅkaŋ maṅkono èḥ gĕmak, mĕnèk dadi ḍaṅan paṛĕṅiŋ ati, sarta yèn nora pakéwuḥ, baṅĕt kapéṅiniṅwaŋ, bisa wĕruḥ apa kaŋ dadi sĕdyamu, déné sira darbé patrap, lan pratiṅkaḥ kaŋ kadyèki.

7. gĕmak mèsĕm mèsĕm liŋnya, èḥ ta manuk platukbawaŋ mrakati, sira tatanya arṣa wruḥ, maraŋ iŋ sĕdyaniṅwaŋ, kawruhanta ṅgonniṅsun nèŋ tĕpi lahut, iku nora pisan pisan, muriḥ akèhiŋ babukti.

8. walaŋ kiñjĕŋ sasaminya, sajatiné kaŋ dadi nĕriŋ pikir, muŋ aṅĕpyok amamasuḥ, nucèni raga kita, pĕkṣi platukbawaŋ maliḥ wacana rum, hèḥ gĕmak apa mulanya, raga ṅaṅgo disukcèni.

9. gĕmak mèsĕm suŋ waṅsulan, muṅguḥ ṅgonku maṅkono mahu amiŋ, marga saka siḥ wĕlaṣku, karana salawasnya, sun tumitaḥ anèŋ iŋ ṅalamdoñèku, raganiṅsun iṅkaŋ tansaḥ, aṅlakoni lara pĕriḥ.

10. kaya ṅapa tĕmbénira, yèn dak tiṅgal ana ṅalamdoñèki, marma samĕṅko dak wasuḥ, yèn wus suci anulya, bisa licin laḥ iŋ kono sĕdyaniṅsun, ywa kari dak gawa mukṣa, muṅgaḥ maraŋ swarga adi.

11. doña ṅakérat ywa pisaḥ, supayané mèluwa naṇḍaŋ mukti, énak kĕpénak linaṅkuŋ, kĕkĕl nèŋ swarga mulya, naṅiŋ nora kĕna ginagampaŋ iku, déné amrihé kalakyan, kudu ṅaṅgo laku paṣṭi.

12. kaŋ ḍiṅin sĕmbahiŋ raga, kudu ṛĕsik atiku kudu sukci, dé rahsaku kudu wĕruḥ, kudu maḍĕp jiwèṅwaŋ, sabañjuré kudu kulina iŋ purun, tabĕri iŋ kaṛĕm ñata, kaŋ maṅkono añcas mami.

13. laku lakuniŋ kaduñan, kaya kaya wis ñukupi kinardi, srana mawas tĕtĕsipun, kasidan jati mulya, amuŋ kabèḥ mahu mapan ĕmpan kudu, jinuruŋ lakuniŋ rahsa, sawiji maléla ṛĕsik.

14. platukbawaŋ suŋ waṅsulan, tĕka bĕnĕr muṅguḥ sĕdyanirèki, kaŋ kaya maṅkono mahu, anaṅiŋ sumurupa, iṅsun uwus tahu aṅruṅokkĕn wuwus, ṛĕṛĕmbuganiŋ manuṅsa, kaŋ wus paḍa ahli budi.

15. ñritakkĕn kitab musakap, iya iku kur'an ḍawuhiŋ widdhi, surat asra arannipun, jus kaŋ kapiŋ limalas, ñĕbutaké nalika ñjĕŋ nabi rasul, tinimbalan maraŋ swarga, yèku mékrad arannèki.

16. wus karṣa kawasannira, iŋ paṅéran kaŋ aguŋ maha sukci, ñjĕŋ nabi kahiṅsĕr gupuḥ, sakiŋ maśjidilkaram, iku maśjid iŋ tanaḥ mĕkaḥ satuhu, gya prapta maśjidil akṣa, maśjid tanaḥ prajèŋ mĕsir.

17. ñjĕŋ nabi kita muhkamad, samiyosé sakiŋ maśjidil akṣi, tuṇḍuk utusan hyaŋ aguŋ, jabarahil malékat, aṇḍawuhkĕn timbalanira hyaŋ luhur, nabi nitiḥ pĕki burak, gya umĕsat kadi ṭaṭit.

18. prapta iŋ laṅit kapisan, jabarahil aṇḍoḍog ḍoḍog kori, tinanya mriŋ para saguŋ, malékat jaga lawaŋ, prasaja yèn dutaniŋ hyaŋ maha luhur, kaŋ kori tandya binuka, kaṅjĕŋ nabi wus umañjiŋ.

19. pinaṅgya lan nabi adam, wusiŋ bagé binagé ndum basuki, jĕŋ nabi gya mĕsat gupuḥ, jabarahil tan pisaḥ, nulya prapta laṅit kaŋ kapiṇḍonipun, pratiṅkaḥ datan prabéda, sawusiŋ mĕṅa kaŋ kori.

20. ñjĕŋ nabi lumĕbĕt paṅgya, lawan nabi yahya nabi isa i, sawusé andum rahayu, ñjĕŋ nabi sigra mĕsat, malah‍ékat jabarahil tansèŋ puṅkur, prapta laṅit kaŋ katiga, pratiṅkaḥnya kadya ṅarṣi.

21. wiwara wusnya binuka, gya maḷĕbu iŋ kono wusnya paṅgiḥ, kalawan ñjĕŋ nabi yusup, wusiŋ bagya binagya, ndum rahayu jĕŋ nabi gya mĕsat gupuḥ, jabarahil nora pisaḥ, wus prapta kacatur laṅit.

22. pratiṅkaḥ nora prabéda, wusnya mañjiŋ nabi kita pinaṅgiḥ, kalawan ñjĕŋ nabi édrus, bagéyan ndum raharja, nulya mĕsat manèḥ jabrahil tan kantun, prapta laṅit kaŋ kalima, iŋ pratiṅkaḥ kadi ṅarṣi.

23. sawusé lawaŋ binuka, kaṅjĕŋ nabi lumĕbĕt wus pinaṅgiḥ, kalawan ñjĕŋ nabi arun, wusnya bagya binagya, nulya mĕsat jabarahil tansaḥ mbuntut, prapta iŋ laṅit kapiŋ sad, iŋ pratiṅkaḥ kadya ṅarṣi.

24. sawusiŋ lawaŋ binuka, kaṅjĕŋ nabi lumĕbĕt wus pinaṅgiḥ, lan nabi musa linuhuŋ, wusnya bagya binagya, ndum salamĕt mĕsat manèḥ nabi rasul, jabrahil tan kĕna pisaḥ, wus prapta kasapta laṅit.

25. iŋ kono para malékat, pituŋ èwu kaŋ paḍa tuṅgu jagi, pratiṅkaḥ kadi iŋ ṅayun, nabi kita muhkamad, lampahira lumĕbu iŋ bétalmakmur, kapaŋ kapaŋ wus paṅgihan, lawan ñjĕŋ nabi ibrahim.

26. utawa ñjĕŋ nabi adam, katri nabi samya imbalan aṅliŋ, dèn nira pinarak nutug, cuṭĕl caritaniṅwaŋ, mula aku ṅgĕlarkĕn carita mahu, muṅguḥ murad makṣudira, yĕktiné ulun tan uniŋ.

27. déné ṅgon ulun carita, muŋ dadiya sumurupira yĕkti, iŋ sajati jatinipun, dadalaniŋ kamukṣan, nora kĕna ginagampaŋ luwiḥ éwuḥ, pakéwuḥ rikuḥ kéwuhan, ana ta babasannèki.

28. kĕna pisan luput pisan, liré paran bisané lumastari, muṅguḥ iŋ sĕdya puniku, awit sakèhiŋ lawaŋ, jinaganan malékat mah‍èwu èwu, paṣṭi yèn sira katulak, aṅgawa raganta iki.

29. éwa maṅkono wakiṅwaŋ, uga darbé sĕdya kaya sirèki, anaṅiŋ ḷĕkṣananipun, maṅkéné tékatiṅwaŋ, iṅkaŋ ḍiṅin raga kitèki dakwasuḥ, dak kĕpyok marambaḥ rambaḥ, lamun wus suci baṛĕsiḥ.

30. dakgalintir yèn gĕṅira, wus paḍa lan mrica binubut tapis, bañjur dak bukti sun ulu, yèn bisa mlĕbu swarga, bañjur bah‍é dak utahkĕn raganiṅsun, prĕlu supaya mèluwa, aṅrasakakĕn kamuktin.

31. déné ta kalakonira, kudu ṅaṅgo sarana laku yakin, muṅguḥ bĕktiné ragaku, kudu ṅlakoni sĕdya, atiniṅsun kudu mékani sadarum, kudu ṅlĕgani rahsèṅwaŋ, jiwaku kudu ṅèliṅi.

32. sawusé iṅkaŋ maṅkana, tĕmĕniṅsun kudu santosa yĕkti, kudu maṛĕm panrimèṅsun, kabèḥ iṅkaŋ wus pajar, lamun nora kalimput batin mamĕṅku, bokmanawa bakal bisa, pranawa kamukṣan mami.

33. gĕmak mèṅlèŋ lon liṅira, kaya kaya ana bĕnĕrirèki, tékat bakal ḷĕkṣananmu, dadi sajatinira, iṅsun lawan sira iki wus ajumbuḥ, diaranni nuṅgal karṣa, muŋ gèsèḥ ḷĕkṣananèki.

34. yèn saka panĕmuniṅwaŋ, iya iku kaŋ kĕna diaranni, sadulur kaŋ tuṅgal guru, myaŋ tuṅgal budi karṣa, balik iṅkaŋ dadya sulayaniŋ laku, yèn sira coṇḍoŋ iŋ karṣa, winantu ḍaṅaniŋ ṅati.

35. payo paḍa aṅupaya, patakonan musawarat kaŋ siddhi, ĕndi kaŋ bĕnĕr ginilut, gya paḍa linakonan, supayané rujuk atut lawan runtut, iŋ tyas nora sĕmaŋ sĕmaŋ, tindak sakabèhé iki.

36. palatukbawaŋ kawĕṅan, laṅkuŋ suka wacananira aris, gĕmak kaŋ dadi ṛĕmbugmu, tuhu tuhu dumadya, coṇḍoṅiŋ tyas sarèhniŋ muṅguḥ panĕmu, saka iŋ panimbaṅiṅwaŋ, rujuk sakaronirèki.

37. tur bakal maḷĕbu maraŋ, iŋ paṅgawé bĕcik kalawan wajib, nuli linakonan gupuḥ, supayané sampurṇa, duk iŋ mahu ulun matur luhur gunuŋ, lamat lamat kruṅu swara, manuk brĕkutut sru muni.

38. salisik nèŋ wit mandéra, dumunuŋ nèŋ pucaké wukir iki, bokmanawa kyayi kutut, bisa ṅruntutkĕn baya, sulayané ana iŋ panĕmu mahu, pĕkṣi kaliḥ gya lumĕpas, maraŋ iŋ pucakiŋ wukir.

39. nahan kaŋ samya miyarṣa, mas cĕbolaŋ kalawan ki nurwitri, kalaṅkuŋ sukaniŋ kalbu, manĕmbaḥ lon turira, kapaṛĕṅa aṅlajĕṅakĕn pukulun, kadiparan yèn wus paṅgya, sidḍiniŋ salaḥ satuṅgil.

40. risaŋ panĕmbahan rama, mĕḍarṣabda mbacutké doṅèŋ iki, manuk gĕmak lawan platuk, ṅĕnĕr agraniŋ arga, wus pinaṅgiḥ kalawan pakṣi brĕkutut, sawusé bagya binagya, platukbawaŋ liṅira ris.

41. ḍuḥ brĕkutut kaŋ mbĕg darma, aywa kaduk ati abéla tampi, muṅguḥ ta iŋ praptaniṅsun, kalawan manuk gĕmak, sajatiné muŋ arṣa nlĕsihkĕn kawruḥ, sakirané apa dadya, jrudĕmuŋ sajroniŋ pikir. 

219. jurudĕmuŋ

1. pĕkṣi brĕkutut liṅira, prayoga ora pakéwuḥ, naṅiŋ iṅkaŋ dadi ṛĕmbug, platukbawaŋ caritakna, wit purwa wasananipun, iṅsun arṣa amiyarṣa, supayané iŋ paṅgayuḥ.

2. platukbawaŋ lon liṅira, miṛĕŋna cariyos ulun, kaŋ dadya kamulanipun, gĕmak ṅlahirkĕn sĕdyanya, anucèni raganipun, kaṛĕpé béñjaŋ yèn pĕjaḥ, ginawa mariŋ swarga guŋ.

3. iku muṅguḥ iṅsun uga, darbé kaṛĕp kaŋ kadyèku, ananiŋ sahuwusipun, raga sunsucèni nulya, dak galintir kalamun wus, gĕḍéné kari samrica, binubut mĕmĕt tur alus.

4. ragaku bañjur dak untal, nuli dakgawa maṇḍuwur, maraŋ iŋ kaswargan aguŋ, yèn wus tumĕka sawarga, dakutahaké ragèṅsun, supaya paḍa ṅrasakna, naṇḍaŋ énak mamaḥ mumuḥ.

5. brĕkutut mèsĕm liṅira, èḥ ta gĕmak apa atut, muṅguḥ iŋ caritanipun, mitranta palatukbawaŋ, iya wus bĕnĕr brĕkutut, sulayané iŋ pamaṅgya, kapaṛĕṅa suŋ pituduḥ.

6. ḍuḥ mitrèṅsun sakaronya, sira paḍa kawlasayun, dé kaḷĕbu cacad aguŋ, yèku pituna ṅgonnira, datan sumurup iŋ ṅèlmu, ṅĕndi ana jasad arṣa, ginawa maraŋ swarga guŋ.

7. samĕṅka iṅsun carita, duk ḍiṅin iṅsun wus tahu, diiṅu iŋ sujanma nuŋ, kĕṛĕp ḍĕmĕn amamaca, ana layaŋ arannipun, kitab umun bara inna, iku kaŋ tansaḥ ginilut.

8. umun bara inna tĕgĕsnya, iku kitab babonipun, prataṇḍa yĕkti satuhu, ñritakkĕn ananiŋ gĕsaŋ, anèŋ ṅalamdoña iku, kalawan ṅagĕm bhuṣaṇa, paṅaṅgoné cacahipun.

9. sadaya nĕmbĕlas rupa, iṅkaŋ wolu asalipun, gagawan sakiŋ hyaŋ aguŋ, papat gawan saka bapa, papat manèḥ saka biyuŋ, muṅguḥ wiwijaṅira, gagawan nĕmbĕlas mahu.

10. kaŋ wolu saka paṅéran, siji roḥ dwi napasipun, katri budi iman catur, paṅruṅu kalimanira, paṅganda kapiŋ nĕmipun, kapituné pan paṅucap, paniṅal ganĕp piŋ wolu.

11. kaŋ lumantar saka bapa, sakawan siji babaluŋ, otot kulit utĕg catur, kaŋ lumantar saka biyuŋ, sakawan iki liripun, dagiŋ ĕraḥ suṅsum lawan, jĕrohan ganĕpé catur.

12. sarèhniŋ cacaḥ nĕmbĕlas, sadayaku muŋ gumaḍuḥ, jroniŋ ṅurip nèŋ doñèku, tĕmbé tĕkané palastra, sayĕkti paḍa pinuṇḍut, iya maraŋ kaŋ kaguṅan, lwiḥ abot yèn sira kukuḥ.

13. lan pinaṣṭi bakal dadya, rubédané jasat lampus, lawan pakéwuḥ iŋ laku, mula muṅguḥ sĕdyaniṅwaŋ, rèhniŋ wus tétéla èstu, bhuṣaṇa nĕmbĕlas warṇa, dunuṅé muhuŋ aṅgaḍuḥ.

14. kaṅgo sajroniŋ tumitaḥ, ana iŋ ṅalamdoñèku, iŋ tĕmbé praptaniŋ mahut, laḥ iŋ kono ṅgon manira, ṅulihkĕn bhuṣaṇanipun, maraŋ kaŋ paḍa kaguṅan, titipan nĕmbĕlas mahu.

15. kalamun bisa kalakyan, muṅguḥ tata basanipun, baṛĕsiḥ kaananipun, pan nora anaṇḍaŋ utaŋ, tan ana rinasa muhuŋ, lumakṣana iŋ sakarṣa, nutug paranniŋ sĕdya yu.

16. déné ta kalakonnira, kudu ṅaṅgo saranèstu, muṅguḥ suṅkĕmé ragèṅsun, kudu lapa kuraŋ naḍaḥ, kudu santosa atiku, rahsaku kudu rumaṅsa, kudu nalaṅsa jiwaku.

17. sawusé iṅkaŋ kadyèku, pandĕŋ pandĕṅiŋ budiku, kudu tĕmĕn lila èstu, saranané ora kĕna, kalimput laku sumĕṅguḥ, manawèku bisa mbuka, nugraha paranniŋ kayun.

18. cuṭĕl dadoṅèṅannira, katri manuk kaŋ sĕdya yun, ṅgayuḥ iŋ kamukṣanipun, nurwitri matur manĕmbaḥ, mĕṅgaḥ iŋ pratiṅkahipun, pamasuḥ paṅluluḥ raga, mriḥ suci bĕrṣiḥ satuhu.

19. panĕmbahan lon ṅandika, didimèné rada ṅgalur, kĕna kaṅgo cagak luṅguḥ, ana carita pralambaŋ, tumrap mriŋ woŋ ahli laku, pan ḍinapur dodoṅèṅan, ṅgaṭukké lan crita ṅayun.

20. purwaniŋ kaŋ kacarita, sawijiniŋ uḷĕr jĕḍuŋ, tumèmplèk nèŋ uwit aguŋ, dumunuŋ pucakiŋ ṅarga, wit aguŋ paṅé tumĕluŋ, maṅluŋ ṇḍuwuriŋ talaga, wĕniŋ ñaroŋ toyanipun.

21. ĕpaŋ kaŋ maṅluŋ talaga, diéñcoki siji manuk, uraŋ uraṅan puniku, añjiṅglĕŋ mandĕŋ tan pĕgat, anuṅgoni globakipun, mina isiniŋ talaga, kaŋ dadya mamaṅsanipun.

22. iŋ satĕpiniŋ talaga, ḍaratan cakĕt wit aguŋ, ana ula aṅalumpruk, ṅaḷĕkĕr tan mobaḥ molaḥ, laḥ iŋ kono uḷĕr jĕḍuŋ, gagunĕman lawan ula, maṅkéné tĕmbuṅanipun.

23. èḥ ta ula muga muga, ywa dadi ṛĕṅatiŋ kalbu, kaŋ laṅgĕŋ ṅgonnira mĕṅku, mriŋ mbĕk santa paramarta, krana wus sawatarèku, lawan ṅgoniṅsun uniṅa, añipati sariramu.

24. aṅaḷĕkĕr datan mobaḥ, nèŋ tĕpiniŋ talaga guŋ, kadi mĕsu sarira sru, ṅlakṣanani tarakbrata, déné kalamun sah‍èstu, prayoga sira pojara, apa kaŋ dadya sĕdyamu.

25. pupuntonniŋ karṣanira, supayané iṅsun wĕruḥ, dé yèn sira sajarwa wus, ganti sun crita mriŋ sira, pupuntonniŋ sĕdyaniṅsun, pakolèhé musawarat, wicara supaya gaṭuk.

26. babiŋ panĕmu lan sira, bokmanawa iku lamun, ana katlisiriŋ laku, salaḥ sijiné supaya, bisa a paḍa sumurup, laḥ ĕndi iṅkaŋ sakira, kapénak patut linantur.

27. ula alon suŋ waṅsulan, karṣanira kabèḥ mahu, prayoga nora pakéwuḥ, iŋ mĕṅko iṅsun carita, é, wruhanta uḷĕr jĕḍuŋ, sajatiniŋ raganiṅwaŋ, traḥ tumĕrahiŋ naga guŋ.

28. basa tumĕkaniŋ maṅsa, diwasané raganiṅsun, adarbé paṅgrahita nuŋ, sumĕdya mor lawan baṅsa, anaṅiŋ ta nora éñjuḥ, wit wujudiŋ aṅga kita, duruŋ paja paja jumbuḥ.

29. lan baṅsané ula naga, pramilané iṅsun bañjur, tapabrata sru tuwakup, sĕdya ṅgĕḍèkkĕn sarira, iŋ tĕmbé kalamun uwus, tumĕkané katarima, pipiridan kaŋ wus uwus.

30. aṅga kita mĕṣṭi rucat, luluḥ amor lan kismèku, aṅluṅsuṅi salin raga, muṇḍak gĕḍé wimbuḥ bagus, tinimbaŋ lan jasat kita, iŋ saduruṅé manĕkuŋ.

31. uḷĕr jĕḍuŋ lon liṅira, èḥ ula naga manĕkuŋ, muṅguḥ caritamu mahu, nora susaḥ ko bañjurṇa, kaŋ awit iku kaḷĕbu, mriŋ goloṅaniŋ pamaṅgya, iṅkaŋ budi boḍo cubluk.

32. nora pisan magĕpokan, maraŋ nalaré kaŋ ṅèlmu, ṅĕndi ana tatapèku, nĕdya ṅgĕḍèkakĕn raga, apa ora tahu ṅruṅu, crita lalakoné pĕjaḥ, kaananiŋ sakèḥ makluk.

33. upamané kadi gajaḥ, myaŋ samubaraŋ kaŋ aguŋ, kabèḥ dadalaniŋ lampus, amba ambané muŋ paḍa, lawan boloṅaniŋ jarum, utawa sarupa lawan, paṅgonan kaŋ luwiḥ ciyut.

34. kaŋ ĕndi margané bisa, maḷĕbu boloṅan mahu, maṅka kaŋ dadya sĕdyamu, muṇḍakkĕn gĕḍéniŋ raga, ṅgèr tinĕmu nalaripun, lawan sira sumurupa, muṅguḥ iŋ sajatinipun.

35. tumitaḥ nèŋ ṅalamdoña, mampir bah‍é basanipun, mulané iṅsun uga wus, kruṅu claṭuniŋ manuṅsa, maṅkéné ṅgonnira muwus, ana déné kaŋ manuṅsa, yèn wus tuwa paḍa lampus.

36. ana déné ana bocaḥ, utawa woŋ duruŋ sĕpuḥ, uga ana iṅkaŋ lampus, dadi muṅguḥ surasanya, calaṭu maṅkono mahu, saka iŋ panampiniṅwaŋ, pasĕmon mriŋ kaŋ aṅruṅu.

37. supaya paḍa mikira, lawan marṣudia èstu, maraŋ pakartiniŋ lampus, karana iku pakaryan, kaŋ wus paṣṭi nora wuruŋ, lawan tan bisa sumiṅgaḥ, maraṅa bhumi sap pitu.

38. miwaḥ tĕḷĕṅiŋ samodra, si pati tansaḥ tut puṅkur, nora liwat ula iku, muṅguḥ kabèḥ caturiṅwaŋ, sajroniŋ rahsa amuwus, karasa rasa rumaṅsa, tumrapiŋ rahsanirèku.

39. ula ṅlĕkĕr awacana, iya iya uḷĕr jĕḍuŋ, baṅĕt iŋ panarimaku, kabèḥ kabèḥ ujarira, nora nana iṅkaŋ luput, balik sira carita a, prasajané iŋ sĕdyamu.

40. èḥ ta ula kawruhanta, ṅgoniṅsun tumèmplèk kayu, sajatiné uga iṅsun, aṅlakoni tarakbrata, sĕdya ñuñuda ragèṅsun, cĕgaḥ ḍahar lawan néndra, iŋ tĕmbé kalamun uwus.

41. wĕktuniŋ kaŋ katarima, jaman kita kaŋ kadulu, rusak salin warṇanipun, isiḥ ana ñjĕro iṅwaŋ, wus aṅaṅgo lawan santun, jasat añar luwiḥ brĕgas, myaŋ dak walik wujudiṅsun.

42. jubur dak ṅgo caṅkĕm ika, caṅkĕmku dak aṅgo jubur, pinuriḥ supayanipun, ywa maṅan kaŋ sarwa kasar, lan iŋ kono kita uwus, nora bisa luṅa luṅa, salin jĕnĕŋ aran ĕṇṭuŋ.

43. yèn tumĕka katarima, iŋ kono kita gya mĕtu, sakiŋ jasat lawas mahu, bañjur bisa aṅumbara, amamaṅan kaŋ sarwa lus, ṅiṅiṅsĕp sariniŋ kĕmbaŋ, lawan salin aranniṅsun.

44. diaranni kupu ika, dadi kita tĕtĕp santun, aran rambaḥ kapiŋ tĕlu, sanadyan ta jasat kita, wus dak suda wantu wantu, duruŋ paṣṭi lamun bisa, mlĕbu mriŋ lèŋ ĕdom mahu.

45. dé bisané katarima, saranané ṅaṅgo laku, wujudiŋ raga kitèku, sumèlèḥ kudu sadarma, atiku kudu rahayu, rasaku kudu narima, kudu ṅgrahita jiwaku.

46. pindĕṅku kudu kulina, kaŋ maṅkono kaya uwus, kaṅgo sarana wus cukup, manawa jatiniŋ tuṅgal, kaŋ bakal waṣkiṭèŋ dunuŋ, manuṅsa kabèhé iku, aku kudu tinartamtu.

47. aṅilaṅkĕn catur rasa, ḍiṅin wĕdi dwi maripun, tri was sumĕlaŋ kaŋ catur, naban uḷĕr gya tumĕṅa, sarwi awacana arum, é, manuk uraŋ uraṅan, sasuwéné iṅsun ndulu.

48. patrap pratiṅkaḥmu iku, lir ṅruṅok ṅruṅokkĕn wuwus, ṅgonku ṛĕṛĕmbugan ṅgalur, yèn sira ḍasar maṅartya, mriŋ rahsaniŋ kaŋ dakwuwus, basané saananira, miwaḥ sagaduk gadukmu.

49. panĕmuné iŋ tyasira, ṅatasé prakara iku, mara ta wĕtokna gupuḥ, sayĕkti bakal dumadya, ḷĕga buṅaḥ iŋ atiku, aywa wawaŋ wañcakdriya, mĕḍarkĕn wiraŋroŋ pupuḥ.

220. wiraŋroŋ

1. uraŋ uraṅan liŋnya ris, tĕka bĕnĕr uḷĕr jĕḍuŋ, sasuwéné iṅsun akaruṅu, ĕṅgonmu cariwis, raṛĕmbugan lan ula, blĕjat blĕjat amiyarṣa.

2. ya maṅrĕti sawatawis, sira muriḥ maraŋ iṅoŋ, supaya mèluwa momor ṛĕmbug, rèhniŋ kita iki, goloŋ kuraŋ marṣudya, maraŋ pakartiniŋ budya.

3. muṅguḥ mamanisiŋ aṅliŋ, lawan patrap polahiŋ woŋ, kaduk saru kasar kuraŋ alus, apratéla ḍiṅin, sajroniŋ pagunĕman, labĕté kuraŋ waṣkiṭa.

4. yèn ana katlojokmami, tatakrama myaŋ calaṭon, maraŋ mitraniṅwaŋ kalihipun, muga muga sami, kaŋ aguŋ apuranta, aywa na tikĕl kaŋ imba.

5. uḷĕr jĕḍuŋ ñjĕṅèk aṅliŋ, èḥ manuk bagus mitrèṅoŋ, ywa uwus sumĕlaŋ pikirmu, gunĕman lan mami, mapan saduruṅira, wus sun gĕlarkĕn mbĕg santa.

6. uraŋ uraṅan tumĕliŋ, mèṅlèŋ mèṅlèŋ liṅira lon, ḍuḥ sumitraniṅwaŋ kalihipun, sru ḷĕganiŋ ati, baṅĕt buṅahmanira, wit sun kruṅu crita kuna.

7. yèn ta muṅguḥ sarupaniŋ, gumrĕmĕt miwaḥ nalosor, anèŋ ṅalamdoña kaŋ kaḷĕbu, goloṅaniŋ piṅgiŋ, ratuniŋ cubluk ñata, iku uḷĕr lawan ula.

8. ginantuṅan nora sami, lir usus wĕtĕŋ ṅalowoŋ, pan samĕṅko iṅsun uwus wĕruḥ, ñipati pribadi, ñatané crita kuna, liré maṅkéné ruṅokna.

9. si uḷĕr ṅgonné ṅlakoni, taraktapabrata ṅlowoŋ, ṅuda uda sĕdya mbirat tuhu, iŋ raganirèki, yèn wus alus supaya, gampaŋ lumĕbuniŋ léna.

10. yèku binasakkĕn mukir, nampik gañjaraniŋ manon, muṅguḥ kaŋ kadyèku tĕmĕnipun, pan bakal nampani, sikṣaniŋ kaŋ kawasa, déné ta muṅguḥ si ula.

11. nora ṅaṅgo takon maniŋ, wus tĕraŋ lan katon mĕlok, klèru kaŋ panĕmu nora arus, ṅĕndi ana tèki, añjuruṅi aṅkara, hawanĕpsu lawan murka.

12. sayĕktiné bakal tampi, sikṣa karusakan yĕktos, anaṅiŋ ta muṅguḥ kalihipun, wus kawilaŋ sami, mĕtu saka goloṅan, boḍo sĕpĕn iŋ grahita.

13. prataṇḍané wus kah‍èkṣi, déné sira paḍa loñcoŋ, sĕdya mlĕbu maraŋ sasar susur, kaŋ sira lakoni, awit sajatinira, sira nora kawajiban.

14. ṅgayuḥ mriŋ prakara iki, èḥ wruhanta mitraniṅoŋ, kaananiŋ maklukiŋ hyaŋ aguŋ, ṅalamdoña iki, kaŋ paṣṭi luhur ḍawak, dalajaté muŋ manuṅsa.

15. yèku kaŋ ginaḍaŋ widdhi, tĕmbé muṅgaḥ swarga kahot, mula sira paḍa nora sinuŋ, kawajiban amriḥ, aṅgayuḥ kaŋ maṅkana, kaŋ awit kaananira.

16. dalajat sakalir kalir, wus ginaḍaŋ kadarbé woŋ, yèn ta muṅguḥ aku ora parlu, ṅgayuḥ kaŋ kadyèki, jro tékat wus narima, pira pira raga para.

17. déné tinitaḥ dadi, kaga raŋ uraṅan iṅoŋ, saṇḍaŋ kaŋ dakaṅgo pan sah‍èstu, gañjaraniŋ widdhi, awarṇa wulu gilap, iṅsun wus nora ṅupaya.

18. karana ṭukul pribadi, sĕtun muŋ mikir ṅupados, iŋ suciné wuluné rak uwus, déné kaŋ dakbukti, sadina dinanira, iya gañjaraniŋ sukṣma.

19. mĕtu saka jroniŋ wariḥ, rupa rupa iwak ĕloḥ, mula sabĕn éñjaŋ ṭĕṅuk ṭĕṅuk, aḍiḍis dakṣambi, ṅantuk nèŋ luhur tlaga, jro sĕdya ṅaḍĕp hyaŋ nasa.

20. ñuwun caḍoŋ kaŋ dakbukti, iŋ kono apa kaŋ katon, nèŋ sajroniŋ bañu tlaga mahu, rupa wadĕr pari, ucĕŋ uraŋ anulya, dakṣahut bañur daktĕḍa.

21. ula maṇṭĕṅĕl liŋnya ris, èḥ manuk kaŋ ḷĕbdèŋ criyos, kabèḥ ujarira kaŋ dakruṅu, tan na kaŋ pinaṅgiḥ, iŋ akal pisan pisan, apa iŋ sajagat raya.

22. amuŋ manuṅsa pribadi, kaŋ kasèrènan kinahot, guna sakti anuŋ guŋ pinuñjul, kalawan sirèki, apa duruŋ miyarṣa, dalil ḍawuhiŋ hyag sukṣma.

23. wajidaha wajidahu, tĕgĕsé siŋ sapa yĕktos, yĕkti katĕmĕnan maṅguḥ iku, iŋ surasanèki, tĕmbuŋ iṅkaŋ kawĕḍar, tan ṅarani juga juga.

24. saḍéṅaḥ ḍéṅaha dadi, ṅlakoni pakaryan yĕktos, bakal tinĕmĕnan iŋ hyaŋ aguŋ, lan manèḥ sirèki, laḥ manuk sumurupa, anané kaŋ tatĕmbuṅan.

25. sahuṇḍa sabilik bilik, pinantĕs gañjaran manon, katĕmuniŋ ṛĕmbug gaṭuk runtut, kabèḥ kabèḥ iki, ḷĕkṣananiŋ kaŋ sĕdya, nora nana batalira.

26. apa iŋ sababirèki, sira sru ṅĕmohi lumoḥ, mriŋ paṅgawé kaŋ maṅkanèku, èḥ si tukaŋ criwis, agé sira wĕḍarṇa, aywa sandéya iŋ nala.

27. uraŋ uraṅan liŋ aris, mĕṅko ta ula nalosor, aku mahu uwus caritèku, yèn sirèku uwis, kaḷĕbu rajanira, cubluk tan wikan wicara.

28. dadi nadyan sira baṅkit, ñjara laṅit ṅanti mlompoŋ, bisa ṅgĕmpur gunuŋ pĕkṣa klĕbu, pakartiniŋ piṅgiŋ, laḥ aja muṅkir sira, awit wus akèḥ sakṣinya.

29. sira tan sinuŋ pambudi, prataṇḍané sira ndombloŋ, nora pisan pisan ṅgĕpok gaṭuk, iŋ paṅrĕti mariŋ, luṅitiŋ pagunĕman, sira karo sumurupa.

30. mĕṅgaḥ ṛĕmbugku kaŋ uwis, tumuwuhé kaŋ surahos, sabĕn sabĕn éñjaŋ ṭĕṅuk ṭĕṅuk, piṅgiriŋ talaga, tuṅgu wĕniṅiŋ tirta, iŋ kono apa kaŋ ana.

31. bañjur dakṣahut dakbukti, lamun sira duruŋ wĕroḥ, surasaniŋ tĕmbuŋ kaŋ kadyèku, kaŋ aran tĕlagi, sajatiné pan manaḥ, jroniŋ tlaga ana tirta.

32. iku tĕtĕḷĕṅiŋ ati, iya budi kaŋ sayĕktos, diarani pañcadriya tuhu, iwak nèŋ jro wariḥ, sayĕkti iṅaranan, dunuŋ paranniŋ kaŋ sĕdya.

33. ĕmpan papanné kadyèki, iŋ sadina dina iṅoŋ, nora pĕḍot pĕḍot tansaḥ muntu, amandĕŋ pambudi, mawas iŋ pañcadriya, yèn pĕndĕŋ pĕndĕŋ iŋ nala.

34. iŋ pañcadriyanirèki, uwus tinarbuka yĕktos, wĕniŋ ĕnĕŋ ĕniŋ ṅanti kĕtug, iŋ pamcamayèki, apa kaŋ katiṅal, iŋ sajroniŋ pañcadriya.

35. bañjur kĕna iṅsunbukti, balik sumitrèṅoŋ karo, wus sami miyarṣa rahosipun, calaṭuku iki, tĕmĕnné muṅguḥ sira, apa wis paḍa kabuka.

36. ula uḷĕr samya aṅliŋ, jatiné duruŋ maṅrĕtos, mara babaṛĕna wardinipun, iŋ nama pañcadriya, raŋ uraṅan mèsĕm liŋnya.

37. pañca lima wrĕdinèki, driya wrĕdi budi kahot, pañcarané budi kinaryèku, maṅka cĕr añcĕriŋ, pituduḥ kaŋ sañata, maṅkéné wiwijaṅira.

38. bab ati kapéraŋ dadi, tĕluŋ paṅkat iŋ sapakon, samya ṅlima ṅlima pakartèku, tiliŋna kaŋ dĕliŋ, babaré pañcadriya, aywa katuṅkul tyas muḍa.

221. sinom

1. paṅkat sapisan iṅaran, karṣèndriya tĕgĕsnèki, purbaniŋ budi sañata, paṅucap iṅkaŋ sawiji, paṅganda kapiŋ kaliḥ, paniṅal kaŋ kapiŋ tĕlu, pamirahos kapiŋ pat, paṅrahos kalimanèki, paṅkat iṅkaŋ kapiṇḍo maṅkya winarṇa.

2. iṅaran antarèndriya, wardi watawisiŋ budi, ḍiṅin klawéniŋ kaŋ asta, piṇḍo tumindakiŋ sikil, katri obahiŋ ḍiri, kĕlapiŋ liḍaḥ piŋ catur, lima kĕḍapiŋ nétra, wus jaṅkĕp pétaṅannèki, paṅkat iṅkaŋ katĕlu maṅkya jinarwa.

3. winastanan mayandriya, wardi wisésaniŋ budi, rumuhun rasaniŋ asta, kapiṇḍo rasaniŋ sikil, katri rasaniŋ silit, rasaniŋ pĕrji kacatur, déné jaṅkĕpé lima, iku pan rasaniŋ kulit, maṅkya ulun mĕḍar kaŋ ran pañcamaya.

4. wardiniŋ kaŋ pañcamaya, pañca lilima utawi, pamĕñcaran tĕgĕsira, maya adi bĕniŋ suci, gumilaŋ paḍaŋ warṇi, katiṅal sah‍é linaṅkuŋ, anéka osik ika, karṣèṅsun tĕmbuŋ puniki, pañcamaya aṅarani osik lima.

5. déné ta dumunuṅira, maṅgon antaraniŋ ati, yèku jantuŋ pratiṣṭanya, minaṅka añcĕr añcĕriŋ, pituduḥ kaŋ sajati, muṅguḥ osikiŋ jajantuŋ, dak péraŋ tĕluŋ praṅkat, paḍa ṅlilima pakarti, laḥ gobogmu sakaroné tiliṅĕna.

6. paṅkat sapisan artinya, wardi kaṛĕntĕgiŋ batin, iṅaranan riṅgamaya, yèku pan jumĕnĕŋ osik, grahita kaŋ sawiji, aṅèṣṭi piŋ kalihipun, cipta kaŋ kapiŋ tiga, watak sakawanirèki, lawan ambĕg jaṅkĕpé pétaṅan lima.

7. paṅkat kapiṇḍo locita, warṇi paṅrarasiŋ batin, iṅaranan ciptamaya, iya wahananiŋ ṅosik, aṅkara kaŋ sawiji, birahi piŋ kalihipun, satya kaŋ kapiŋ tiga, ñata piŋ sakawannèki, aṅgarjita jaṅkĕpé étuŋ kalima.

8. paṅkat katri unandika, wardiniŋ uniniŋ batin, iṅaranan wahyamaya, yèku lahiriŋ kaŋ osik, paṅaṅka kaŋ sawiji, paṅira piŋ kalihipun, paṅaṇṭa kapiŋ tiga, pañakra sakawannèki, kalimané pañana titi wus tamat.

9. ula uḷĕr sru kacaryan, miyarṣa ujariŋ pakṣi, ṭèṅèl ṭèṅèl sirahira, ilat mèlèt wacana ris, ḍuḥ manik mitramami, kalamun ḷĕga atimu, laḥ aku critanana, uṇḍé uṇḍé iṅkaŋ dadi, panrimané si raga tinilar sukṣma.

10. uraŋ uraṅan duk myarṣa, pamintané mitra kaliḥ, tyas suka marwata suta, mèṅlèŋ wacananira ris, ḍuḥ mitraniṅsun kaliḥ, kaŋ dadya iŋ pañjalukmu, aku bakal carita, anaṅiŋ pañjalukmami, muga paḍa rasakna sayĕktinira.

11. wus saṅgĕm uḷĕr lan ula, pakṣi ambañjurkĕn aṅliŋ, kaŋ maṅka jĕjĕriŋ crita, juru tani mĕṭik pari, kaŋ bakal kaṅgo wiji, rampuṅiŋ pamĕṭikipun, diĕpé sabĕn dina, manawa wus paḍa gariŋ, gagaṅira bañjur iṅikĕt siladan.

12. yèku ginèḍèŋ binĕlaḥ, gya sinimpĕn lumbuŋ aglis, baṛĕŋ tumĕkaniŋ maṅsa, pari wiji pinèt nuli, kasĕbar anèŋ sabin, tumĕkaniŋ wiji ṭukul, mĕṇṭoṅol saka gabaḥ, ḍuwur lagi sawatawis, kloṭokaniŋ gabaḥ kapĕṇḍĕm blĕṭokan.

13. kacrita kloṭokan gabaḥ, raṅu raṅu dèn nya naṅis, sasambaté mĕlasarṣa, èḥ wiji sira mbok éliŋ, kala makṣiḥ taruni, wiwit sira lagi mĕtu, saka sajroniŋ kĕmbaŋ, jumĕnĕŋ aranta pĕntil, kita uwus ṅĕmuli maraŋ iŋ sira.

14. rina wĕṅi kaŋ anaṇḍaŋ, kapanasan kĕnèŋ riris, nora liya iya kita, koṅsi tumĕka kapĕṭik, déniŋ ki juru tani, iŋ sadina dina tamtu, kakĕṇṭaŋ anèŋ latar, kita naṇḍaŋ panas pĕriḥ, iŋ wasana tĕkaniŋ samaṅko sira.

15. ṭukul ndĕdĕl sĕdya uñcat, sakiŋ aṅga kita iki, suka suka pari suka, nir èṅĕt purwanirèki, kaŋ maṅkono iŋ kapti, apa ta kĕna dinumuk, ran tindak siya siya, lan ṅaniaya sayĕkti, awit maṅkya kita tĕtĕpakĕn naṇḍaŋ.

16. luwiḥ lara kasaṅsara, tan ana énaké ṭiṭik, sira tiṅgal jro blĕṭokan, mindĕŋ bilahi pinaṅgiḥ, èḥ babo babo bibit, rasakna wusananipun, apa tinĕmu sira, muṅguḥ patrap kaŋ kadyèki, tan babakal naṇḍaŋ adiliŋ hyaŋ sukṣma.

17. wiji manis suŋ waṅsulan, ḍuḥ lah‍é marambut kulit, sirèku bhuṣaṇaniṅwaŋ, ywa darbé uwas kuwatir, pisahira amargi, sakiŋ iŋ paḷĕṭèkiṅsun, iku sajatinira, wus aṅanakkĕn sayĕkti, punaŋ daya paṅgĕndam kuwasaniŋ hyaŋ.

18. iṅkaŋ mahanani bakal, luluhan amor sirèki, krana pisaḥ amor ika, sabĕn pinurwa iŋ gahib, kaŋ mbuka tañcĕp yĕkti, warananiŋ nugraha guŋ, kaŋ iŋ wuri satĕmaḥ, anarima diaranni, lésaniŋ kaŋ papaṣṭèn karṣaniŋ sukṣma.

19. wĕkasan ṅanakkĕn ika, asor miwaḥ pisahnèki, atma kalawan pramana, dyan ambabar daya iki, uripiŋ rahsa jati, tĕmahan pamolahipun, yun wimbuḥ ṅanakĕna, tumurunniŋ jiwa ḍamis, mahanani catur apsara wardinya.

20. wawadi iṅkaŋ sakawan, utawa papat wawadi, iŋ kono catur apsara, pamolahé pan ana iŋ, kaŋ cupu mahanani, daya aṣṭa gina iku, dadi jumĕnĕŋ jiwa, kaŋ aran jiwa jinarwi, woriŋ wiji kalawan cacaṅkokira.

21. utawa kaŋ aran jiwa, woriŋ waḍaḥ lawan isi, mulané aja sumĕlaŋ, sirṇakna tyas guŋ prihatin, karana kabèḥ iki, puntonné wus ana iṅsun, caṅkok mrambut duk miyarṣa, sabdaniŋ wiji patitis, analaṅsa tumuṅkul alon warana.

22. ḍuḥ wiji wawarahira, kita tan bisa ṅuṅgahi, bañjur rumaṅsa karasa, nir ñañampaḥ mamahoni, muṅguḥ panĕḍamami, mriŋ kaŋ misésa badanku, bisa a lir tĕmbuṅan, mituhu marganiŋ asiḥ, sarta anut miturut marganiŋ wĕlas.

23. dé paṅati ati kita, tan pĕgat ṅĕdohkĕn mariŋ, sakèhiŋ kaŋ kaluputan, ṅanakkakĕn anĕmahi, kandĕl kumandĕl yĕkti, wasana saḥ iŋ tañcĕpku, lan maliḥ tékadiṅwaŋ, sumaraḥ ṅandĕlkĕn takdir, dak sèṇḍèkké anèŋ mĕmĕt momot kita.

24. èḥ ta uḷĕr lawan ula, wus cuṭĕl doṅèṅanmami, iŋ bab panrimaniŋ raga, apa sira wus maṅrĕti, ula uḷĕr nahuri, èḥ manuk kaŋ ambĕg sadu, caritamu sadaya, caṛĕmiŋ ṛĕmiŋ dumĕliŋ, éliŋ éliŋ surasa rasaniŋ crita.

25. supaya bisa a ñuda, mriŋ boḍoniŋ atimami, ana patakon manira, muga aṇḍaṅana maliḥ, ywa taṅguŋ manuk wasis, ṅgonmu asiḥ maraŋ iṅsun, kaŋ ḍiṅin sapa iṅkaŋ, nuduhkĕn tĕmĕn lan siddhi, lakuniṅsun iṅkaŋ nora ṅanti ḷĕpat.

26. kapiṇḍoné sapa iṅkaŋ, añumĕṛĕpkĕn sayĕkti, maraŋ kabĕcikaniṅwaŋ, kaŋ ṅanti tan dèn arani, cacad sasaminèki, kadiparan iku manuk, hèḥ ula pamintanta, iṅsun iya aṅlĕgani, panĕmuku maṅkéné piyarṣakĕna.

27. muṅguḥ kaŋ nuduhkĕn maraŋ, laku tĕmĕn lawan siddhi, iṅkaŋ nora ṅanti ḷĕpat, amuŋ dumunuŋ ana iŋ, kĕmpalan papannèki, dé kaŋ ñumurupkĕn iku, mriŋ kabĕcikan iṅkaŋ, ṅanti datan dèn arani, cacad amuŋ dumunuŋ nèŋ tatakrama.

28. krana muṅguḥ surasanya, tĕmbuŋ roŋ bab kaŋ kawijil, dumunuŋ anèŋ pahĕman, tĕpaniŋ kasujanan di, ula duk amiyarṣi, ṅakak léṅgok léṅgok muwus, aḥ wis cocog kalawan, rasaniŋ atiku pĕkṣi, nora luwiḥ amuŋ paḍa a ṅlĕṅgana.

29. pudya harja karaharjan, ĕṅgonné tumitaḥ sami, ḍéwé ḍéwé anèŋ doña, atusé caritamami, pakṣi ṅayuḥ wiyati, uḷĕr ula kari maṅu, mbañjurkĕn tarakbrata, titi dodoṅèṅan mami, rèḥ wus wañci prayoga paḍa bubaran.

30. risaŋ panĕmbahan rama, wus kondur maraŋ iŋ panti, cĕbolaŋ kari nèŋ laṅgar, waṅsul mriŋ poṇḍok nurwitri, samya sakéca guliŋ, nduṅkap waktu awal subuḥ, bĕḍugé wus tinĕmbaŋ, santri mriŋ laṅgar gumriwis, maca slawat miwaḥ ṅambil toya kadas.

31. mas cĕbolaŋ nulya adan, laras sléndro ṅalik alik, panĕmbahan wus mriŋ laṅgar, bakda sunat dèn kamati, panĕmbahan ṅimami, rahab iṅkaŋ samya makmum, bakda subuḥ pujian, praptèŋ wijiliŋ hyaŋ rawi, sasarapan wédaŋ kahwa myaŋ ḍaharan.

32. sumusul katur mriŋ laṅgar, bakdaniŋ sarapan nuli, mumulaŋ mriŋ santrinira, pan maṅkana sabĕn ari, nahan ta kaŋ winarṇi, cĕbolaŋ lan santrinipun, lami anèŋ kajoran, datansaḥ talabul ṅèlmi, wañci éñjiŋ umaṛĕg saŋ panĕmbahan.

33. kalawan santri sakawan, mas cĕbolaŋ maṅĕñjali, makiḍupuḥ lon turira, ḍuḥ risaŋ pinuṇḍi puṇḍi, papandamiŋ ṅapiṅgiŋ, tĕḷĕṅiŋ agama luhuŋ, ywa kiraŋ paṅakṣama, mriŋ patik kaŋ kawlasasiḥ, kalilama ulun ndumugèkkĕn lampaḥ.

34. tambuḥ paranné iŋ sĕdya, tarlèn sumaraḥ iŋ takdir, muhuŋ paṅèstu paduka, raharjaniŋ lampahmami, awal tĕkaniŋ akir, sumuṅkĕm muṇḍi pituduḥ, nir sandéyaniŋ nala, tumañcĕp iŋ manaḥ siri, wus tan was was iŋ wuwus tansaḥ winawas.

35. mèsĕm panĕmbahan rama, paṅandikanira aris, ḍuḥ kulup wodiŋ tyasiṅwaŋ, upama sira ḷĕstari, ana iŋ ṅarṣamami, kalawan santrimu catur, anaṅiŋ kadiparan, rèhniŋ lalakonmu kaki, duruŋ tutug iya kulup bañjuṛĕna.

36. amuŋ ta wawĕkasiṅwaŋ, saḍéṅaḥ sira lakoni, saḍéṅaḥ paṅgawé rucaḥ, kaŋ éliŋ kaŋ ṅati ati, iṅsun nora mékani, awit lagi nĕptunipun, paṅèstuku mriŋ sira, muga muga maha sukci, apariṅa salamĕt sasolahira.

37. mas cĕbolaŋ ṅaraspada, santri catur ganti ganti, wus lèṅsèr sakiŋ iŋ ṅarṣa, pra santri kaṭaḥ umiriŋ, sapraptanirèŋ sabin, sasalaman ndum rahayu, sinigĕg iŋ kajoran, nahan ta lampahirèki, mas cĕbolaŋ lawan santrinya sakawan.

38. nurut gaḷĕṅaniŋ sawaḥ, pantun gumaḍuŋ ṛĕspati, bun nèŋ ron kataman surya, cumalorot lir sotya di, maruta mandra ṅidid, ĕbun kaŋ ron mĕntul mĕntul, piṇḍa sasĕṅkaṅira, kĕña rinabasèŋ ṛĕsmi, pĕcahiŋ bun wus kataman iŋ asmara.

39. waspa sĕṇḍĕg marawayan, wimbuḥ maṛĕgakĕn ati, wĕnĕs ijoné sumunar, nanaṅi laṅĕniŋ ṛĕsmi, ana lagya mlĕñcuti, punaŋ pantun muṅup muṅup, piṇḍa dyaḥ añĕṅaja, mimintokkĕn warṇanèki, sĕmu ajriḥ labĕté makṣiḥ sĕṅkĕran.

40. kumriwikiŋ wé tulakan, tinut mina alit alit, kalamun bisa aṅucap, iṣṭané kadya ṅaturi, ḍuḥ risaŋ ndon lumaris, mugi kèndĕla rumuhun, wijika kaŋ supadya, nir rapuḥ iŋ suku kaliḥ, yèn wus tĕntrĕm linajĕŋna lumakṣana.

41. pĕcuk blĕkok kontul caṅak, nucuk uḍèt wadĕr pĕrcil, kinarya ṅloloḥ piyiknya, aṅambara noliḥ noliḥ, sahiṣṭa lir ṅaturi, maraŋ kaŋ lumaku urut, ḍuḥ lah‍é kapaṛĕṅa, mampir ḍatĕŋ susuhmami, apariṅa paṅèstu mariŋ sutamba.

42. sru kaṛĕnan mas cĕbolaŋ, kalawan sakawan santri, dadya ṛĕmbĕtiŋ lumampaḥ, mañcat paṛĕdèn lit alit, tumurun juraŋ trĕbis, èrèŋ èrèŋ siṅup siṅup, praptèŋ wana trataban, tan ana ḍusun kah‍èkṣi, saŋ hyaŋ surya wus mocuŋ kaŋ siḷĕm arga.

24. mas cĕbolaŋ dalaḥ santrinipun ñuwun pamit ṅlajĕṅakĕn lampaḥ.

dumugi iŋ wana, aṅsal pasipĕṅan iŋ plaṅgroṅan (gubug iṅgil iŋ sĕla sĕlaniŋ kakajĕṅan). iṅkaŋ maṅgèn ki wrĕkṣadikara, abdidaḷĕm luraḥ kalaŋ kamploŋ. ki kalaŋ suka katraṅan bab.

222. pocuŋ

1. caṇḍikayu sumunar datan adaṅu, suṛĕm kaŋ ujwala, nuju paṅloṅiŋ kaŋ sasi, mubyar iṅkaŋ taraṅgana ṅantarikṣa.

2. walaṅkècèk bajaṅkrèk lan walaŋ aṅkup, mbukani ñuwara, jaṅkrik ṅĕrik gaṅsir ṅĕṇṭir, oroŋ oroŋ babakṣalu babaruṅan.

3. kiñjĕŋ taṅis mĕṅkas mĕṅkis dèn nya nusul, ṅgiyĕŋ kakayaṅan, kombaŋ tawon aṅgrĕmĕṅi, cĕṅgèrètnoŋ nunut nĕsĕgkĕn irama.

4. pakṣi bĕluk sahuran kalawan ĕṅkuk, uwĕg bĕluk gowak, bĕñcé tuhu lan prit gantil, adol swara ṛĕbut uṅgul aṅaléla.

5. mas cĕbolaŋ kalawan santrinya catur, kèndĕl sor palasa, cakĕt sĕṇḍaŋ tirta wĕniŋ, wĕktu mahrib wus pot dadya tan sĕmbahyaŋ.

6. liṅira rum bayèki timbaṅanipun, duk nèŋ ṅèkṣiganda, pinuju iŋ sasi bĕcik, myarṣa gaṅsa siniṇḍènan ṭuyul ñaṇṭas.

7. ki saloka aṅliŋ ḍahup kahotipun, nèŋ iŋ praja bérag, kaḍaŋ lajĕŋ anoŋ uniŋ, wontĕn ṅriki aṅrĕs tistis tyas sar saran.

8. laḥ kémasé nurwitri aywa makéwuḥ, ĕndi kaŋ kinarṣan, mumpuŋ ṅléla aṇḍèwèki, tutug tĕtĕg sakarṣa karṣa kaḷĕgan.

9. ki nurwitri ṅguguk liŋnya nora ya uk, iŋ samĕṅko kakaŋ, kaŋ mĕṅkono nora sudi, wus narima muhuŋ miṛĕṅkĕn kéwala.

10. sloka matur biliḥ kapaṛĕṅiŋ kalbu, pados pasipĕṅan, punika tĕṅaḥ wanadri, bokmanawi wontĕn iṅkaŋ agĕgriya.

11. kawistara kukusiŋ latu kumĕlun, mas cĕbolaŋ ḍaṅan, liṅgar aṅupaya margi, sasĕlaniŋ ĕri caṅkriŋ boboṇḍotan.

12. prapta sampun paṅgènanniŋ kanaŋ kukus, bĕḍiyan maju pat, tĕṅaḥ ana wisma alit, dumunuŋ iŋ pogoganiŋ catur wrĕkṣa.

13. marganipun miṅgaḥ maṇḍap wrĕkṣa catur, piṇḍa ṇḍak uṇḍakan, saloka mbĕṅok maṅiṅgil, kulanuwun kulanuwun kyayi wisma.

14. yata wahu kaŋ anèŋ raṅgon winuwus, ki wrĕkṣadikara, abdidaḷĕm śri bhupati, kalaŋ kamploŋ lurahé sakèhiŋ kalaŋ.

15. duk aṅruṅu ana swara bĕluk bĕluk, aṅaṅakkĕn lawaŋ, ñaṅkiŋ oñcor nulya mijil, kawistara ana ḍatĕṅan lilima.

16. gya tumurun tuṇḍuk iṅaturan laju, kérit samya miṅgaḥ, sadaya wus mañjiŋ panti, satataniŋ jarambaḥ galar priŋ krésna.

17. ki wrĕkṣa suŋ pambagya samya rahayu, anak sadayanya, kaŋ sami ḍatĕŋ iŋ riki, ulun nilakrama ywa kuraŋ akṣama.

18. kaŋ sinambat wutaḥ raḥ myaŋ sĕdyèŋ kayun, mas cĕbolaŋ liŋnya, paṅèstunipun kiyayi, kula tuwin prikañca sami raharja.

19. kula nami cĕbolaŋ dé réñcaŋ ulun, nurwitri saloka, kartipala palakarti, asal sakiŋ tanaḥ kĕḍu ardi bisma.

20. santri gapuk ṅaluyug tambuḥ pinurug, wontĕn ṅèkṣiganda, sampun sawatawis lami, maṅkya ulun baḍé ḍumatĕŋ baŋ wétan.

21. ki dikara maṇṭuk maṇṭuk ṅandika rum, kaliṅané ndika, kaŋ dadi sudarawardi, lawan kimas tĕṅara iŋ pakahuman.

22. sèwu botĕn ñana yèn sagĕt kapaṅguḥ, èstu rahkim rahman, paṅéran kaŋ murbèŋ bhumi, krĕntĕgiŋ tyas botĕn mawi kasamaran.

23. sampun lami ṅgèn ulun kapéṅin wanuḥ, lawan jĕṅandika, naṅiŋ dèrèŋ amaṛĕṅi, lagya maṅké pinaṛĕŋ sagĕt pinaṅgya.

24. naṅiŋ botĕn sagĕt suŋ bujana suguḥ, paran paṅupaya, gĕlik gĕlik nèŋ wanadri, tanpa taṅga tĕbiḥ ḍusun mañcalima.

25. tyas saharju laṅkuŋ suka ṛĕnèŋ kalbu, sasagĕt kumĕdaḥ, ñugata sawontĕnèki, laḥ kantuna pinarak wontĕn iŋ wisma.

26. ki dikara grobyag ṅaṅakakĕn pintu, ñaṅkiŋ kuḍi trantaŋ, tumurun wus tan kah‍èkṣi, tan pantara daṅu ḍatĕŋ ambĕbĕkta.

27. kidaŋ kaliḥ pisaŋ ĕmas kawan tuṇḍun, nanas pakèl duryan, naṅka maṅgis klampok waṅi, ḍuku jĕruk puṇḍuŋ téla gamblot bhuta.

28. ṅuṇḍuŋ uṇḍuŋ anèŋ ṅaṇḍapiŋ wrĕkṣa guŋ, ki dikara liŋnya, ki tamu salaḥ satuṅgil, tumurunna aṅréñcaṅi mbĕkta miṅgaḥ.

29. para tamu sadaya samya tumurun, punika sasĕgaḥ, sawontĕnné iŋ wanadri, laḥ sumaṅga rahap ṛĕsĕp iŋ wardaya.

30. kula kantun ṅĕlèti kidaŋ rumuhun, tamu gaṅsal samya, ṅusuṅi mbĕkta maṅiṅgil, ki dikara mbĕkta kidaŋ wus pinĕcaḥ.

31. ginantuṅan ulam kidaŋ patiŋ graṇḍul, wacucal pinĕṇṭaŋ, dadèk api wus andadi, bumbu bumbu myaŋ piranti wus cumĕpak.

32. saṛĕm asĕm cokak gĕṇḍis arèn arum, laḥ anak sumaṅga, kinarya jampi kalantriḥ, ṅropok ulam tanapi naḍaḥ woḥ wohan.

33. minum ḷĕgèn kĕlapa arèn iŋ bumbuŋ, sakawontĕnannya, mas cĕbolaŋ anaṅgapi, ḍuḥ kiyayi kalaṅkuŋ panuwun kula.

34. payo kakaŋ aywa ṅaṅgo sigas sigus, rahap sadayanya, sasĕnĕṅé kaŋ binukti, ṅropok ulam miwaḥ anaḍaḥ woḥ wohan.

35. samya tuwuk ana iṅkaŋ lajĕŋ ṅantuk, bĕtèké katoran, bantalan sampun cumawis, wrĕkṣa raṇḍu jinĕgoŋ tinrapan carma.

36. wawi anak gĕgĕr boyok samya dèn luk, sambèn gogotèkan, kaŋ sinuŋ ṅliŋ ṅlĕkṣanani, mas cĕbolaŋ tatanya mriŋ kyayi wisma.

37. ulun ñuwun sĕsĕṛĕpan èstunipun, sintĕn kaŋ sinambat, kalawan darunanèki, tĕka ṅraṅgon gĕlik gĕlik wontĕn wana.

38. anak bagus awon awon raganiṅsun, abdidaḷĕm luraḥ, kalaŋ kamploŋ sinuŋ nami, kyayi wrĕkṣadikara myaŋ sinuŋ ḷĕṅgaḥ.

39. satus karya dadosé salawé ĕjuŋ, anak putu kaṭaḥ, naṅiŋ sami wismèŋ nagri, déné iṅkaŋ dados kawajiban kula.

40. apitĕdaḥ marginiŋ kanaŋ wana guŋ, iṅkaŋ pañcèn gawat, punapa déné agampil, kula kaŋ kawajiban suka katraṅan.

41. tinartamtu kĕdaḥ wruḥ pratikĕlipun, panĕgoriŋ wrĕkṣa, kalawan pamilihnèki, ḷĕṅgahipun wrĕkṣa kinarya dandosan.

42. parabotiŋ wisma lawan ḍapuripun, kimasé cĕbolaŋ, ñjèṅgèl aturira aris, kapaṛĕṅé mĕḍarakĕn purwanira.

43. iṅkaŋ turut kawit mulabukanipun, supados narbuka, pakarti kaŋ dèrèŋ uniŋ, ki dikara manis mĕḍarakĕn sabda.

223. ḍaṇḍaŋgula

1. kacarita kalanipun ṅuni, griyanipun tyaŋ jawi sadaya, sami séla kaŋ dèn aṅgé, iŋ pasaŋ rakitipun, wawaṅunan amirit caṇḍi, saṛĕŋ jumĕnĕṅira, jayabaya prabhu, kaŋ ṅaḍaton iŋ mamĕnaŋ, akaguṅan puṅgawa kalaṅkuŋ awig, nama dipati santan.

2. pinarcayèŋ ambudi sakalir, kawruḥ iṅkaŋ pah‍édaḥ mupaṅat, maraŋ jalma sadayané, kala saḷĕbĕtipun, tahun surya aṅkaniŋ warṣi, aṣṭatus sèkĕt warṣa, iŋ tahun sitèṅsu, sami aṣṭatus kalawan, aṣṭadasa titiga ki adipati, andarbèni pamaṅgya.

25 wiwitipun tiyaŋ jawi damĕl griya sakiŋ kajĕŋ nalika jaman adipati

santan, jaman prabhu jayabaya iŋ nagari mamĕnaŋ.

3. griya séla iŋ ṅiṅgilirèki, aprayogi biliḥ sinantunan, kajĕŋ jati sasaminé, dé kaŋ takṣiḥ ḷĕstantun, sakiŋ séla muŋ pagĕrṇèki, pramilané maṅkana, amriḥ èṇṭèṅipun, nir mutawatosiŋ driya, saha laṅkuŋ gampil paṅgarapirèki, tinimbaŋ lawan séla.

4. lamun séla ḷĕstantun nèŋ ṅiṅgil, ñjiŋ añjiṅan tinurut wé jawaḥ, lami lami ṛĕṅgaŋ rèmpèl, ñjalari risakipun, yèn wus risak giṅsir ṅoñcati, ṛĕntaḥnya ambĕbĕkta, iŋ sacĕlakipun, ambrol damĕl kasaṅsaran, pamaṅgihé ki dipati kaŋ kadyèki, kuñjuk ñjĕŋ śri naréndra.

5. sakalaṅkuŋ kapaṛĕṅiŋ galiḥ, adipati nulya ḍinawuhan, iyasa baḍé santunné, daḷĕm kaḍatonnipun, wit kapasaŋ yogya maṛĕṅi, kaḍaton samya ṛĕṅka, ñjiŋ añjiṅanipun, namuŋ saṅgyaniŋ waṅunan, lumastari kadya duk iŋ ṅuni uni, mandragini panĕṅran.

6. paripurṇaniŋ kanaŋ pakarti, wus tétéla gampil myaŋ pah‍édaḥ, anulya iṅuṇḍaṅaké, santunniŋ griya wahu, lami lami griyaniŋ alit, pagĕr séla binucal, santun pagĕr kayu, sinigar sigar blabagan, iŋ paṅgarap ugi sakalaṅkuŋ gampil, tinimbaŋ pagĕr séla.

7. saṛĕŋ jumĕnĕŋnya śri bhupati, widayaka iŋ mĕṇḍaṅkamulan, karṣa aṅadani ṛĕké, iyasa kaḍaton guŋ, saha yasa kalaŋ bhupati, anama kalaṅkaba, panĕkarṇya catur, goloṅan dé namanira, kalaṅblaṇḍoŋ ugi kalaṅkamploŋ nami, dwi kalaṅkoboŋ nama.

8. katri kalaŋ apĕk namanèki, catur kalaṅbrèt namanira, wĕktu puniku wontĕnné, purwané punaŋ ḍapur, griya griya mawarṇi warṇi, saṛĕŋ iŋ sapunika, kalaŋ kasbut ṅayun, iṅkaŋ dèrèŋ nuṅkul kaṭaḥ, kaŋ wis nuṅkul lajĕŋ kapariṅan nami, winastan kalaŋ mĕṇḍak.

9. maṅkya ulun mĕḍar pamilihiŋ, kajĕŋ jati ĕmpuk atos kaṭaḥ, sagĕt gĕŋ agĕŋ uwité, puniku iṅkaŋ ṭukul, nèŋ paṛĕdèn tuwin wanadri, nèŋ siti abrit krĕṣṇa, déné iṅkaŋ ṭukul, nèŋ siti abrit prayoga, ḍasar atos sĕrat ṛĕntĕt alus klimis, warṇinipun aṅlisaḥ.

26. jinisipun kajĕŋ wontĕn 11 lan katĕraṅakĕn cara pamilihipun. sarta wontĕnipun kajĕŋ jati iṅkaŋ dados sirikan.

10. iṅkaŋ ṭukul anèŋ siti laṅkiŋ, ḍasar ĕmpuk sĕrat gopok miwaḥ, mrupuk ṅĕṇḍal lir puluté, anaṅiŋ nadyan jumbuḥ, sami ṭukul iŋ siti abrit, mawi tuṇḍa tri paṅkat, sapaṅkat winuwus, jati abaŋ ḍasar kilaŋ, alus ṛĕntĕt aṅlisaḥ iku prayogi, awèt kaṅgé dandosan.

11. kaliḥ jati kĕmbaŋ ugi nami, jati suṅu ḍasaripun krĕṣṇa, srat ḷĕr ḷĕran lir sĕkaré, utawi mirit suṅu, awèt kaṅgé dandosan naṅiŋ, kasor lan jati abaŋ, katri jati kapur, ḍasar ĕmpuk gopok kaŋ srat, miwaḥ mrupuk wujudipun pĕṭak kusi, yèku asor pribadya.

12. pikajĕṅé tiyaŋ baṅsa jawi, kajĕŋ jati punika agaḍaḥ, aṅsar awon miwaḥ sah‍é, iṅkaŋ dèn aṅgĕp luhuŋ, aṅgaḍahi aṅsar prayogi, kaṛĕjĕkèn raharja, iŋ sasamènipun, kaŋ aṅsar botĕn prayoga, añjalari kamlaratan guŋ prihatin, punika wus dilalaḥ.

13. wujud saha warṇi sawlas warṇi, kaŋ sawarṇi kajĕŋ kaŋ witira, satuṅgal kaliḥ pakahé, punika namanipun, ugĕr ugĕr watakirèki, kaŋ ṅĕṅgènni raharja, sarayatnya guyub, prayogané maṅgènnira, pan kinarya gĕr ugĕr koriniŋ paṣṭi, myaŋ kori cĕpurinya.

14. togog iṅkaŋ ṅlĕbĕt pañcakṣuji, atanapi grogol sasaminya, kapiṇḍo tiga pakahé, trajumas namanipun, watĕg ṅaṭahakĕn rijĕki, prayogi maṅgènnira, kaṅgé wisma puṅkur, babaluṅan luluhuran, kaŋ guŋ aguŋ paṅĕṛĕt balandar tuwin, molo sasaminira.

15. katri kajĕŋ kaŋ dipunsusuhi, pakṣi agĕŋ tuwin kapoṇḍokan, saḍéṅaḥ buron wanané, kanamakakĕn tuñjuŋ, watĕkipun botĕn prayogi, aṅĕṇḍakakĕn drajad, sartané puniku, aṅrusakakĕn iŋ sĕdya, maṅgènnipun kaṅgé gĕḍogan utawi, kaṇḍaṅiŋ rajakaya.

16. catur uwit utawi paṅnèki, kaṭukulan simbar nama simbar, pan asrĕp aḍĕm sawabé, prayogi maṅgènnipun, kaṅgé baluṅané kaŋ maśjid, laṅgar surambi lawan, baluṅaniŋ cuṅkup, tanapi saṅgar plaṅgatan, sasaminya wisma panĕpèn pan suci, ḍiṅin pasĕmonira.

17. kapiŋ gaṅsal iŋ satuṅgal uwit, pakahipun wontĕn cacaḥ gaṅsal, punika paṇḍawa ranné, watĕkipun linuhuŋ, laṅkuŋ rosa iṅkaŋ ṅĕṅgènni, prayoga maṅgènnira, kinarya puniku, babaluṅaniŋ paṇḍapa, utaminya kaṅgé sakagurunèki, samubaraŋ santosa.

18. kanĕm kajĕŋ iṅkaŋ ṭukul muṅgwiŋ, iŋ pupuṇṭuk winastanan moṅgaŋ, ṅiṅgahkĕn drajat watĕké, rajĕkinya sĕmpulur, prayoginé myaŋ maṅgènnèki, kinarya babaluṅan, régol tuwin paṅguŋ, baṅsal miwaḥ pasaṅgrahan, sasaminya iṅkaŋ botĕn dèn ĕṅgonni, myaŋ katiḷĕman janma.

19. kapiŋ pitu wit kinubĕŋ wariḥ, dèn namakkĕn molo watĕkira, aṅasrĕpakĕn sartané, añantosakkĕn kalbu, prayoginé maṅgènnirèki, kinarya babaluṅan, paṇḍapa puniku, mèḥ sami kajĕŋ paṇḍawa, naṅiŋ takṣiḥ kaaṅgĕp dèrèŋ ñamèni, lawan kajĕŋ paṇḍawa.

20. wolu iṅkaŋ sinusuhan pakṣi, alit alit utawiné baṅsa, gumrĕmĕt maṅgèn uwité, nama gĕndas sah‍èstu, kaŋ ṅĕṅgènni rijĕki mintir, sartané sugiḥ réñcaŋ, déné maṅgènnipun, kaaṅgé gĕḍogan lawan, kaṇḍaŋ rajakaya lir tuñjuŋ iŋ ṅarṣi, anaṅiŋ èstunira.

21. kaṅgĕp sah‍é kajĕŋ tuñjuŋ ṅarṣi, kajĕŋ gĕndam maliḥ prayoginya, kaṅgé pirantos kalané, bubujĕṅan myaŋ manuk, gloḍog tawon bĕkuṅkuŋ tuwin, taṅkĕban pasaṅannya, kĕṭèk tukaŋ lutuŋ, pikat iŋ sasaminira, asĕṛĕpan saha botĕn ṅuciwani, tur sumbon kĕṛĕp aṅsal.

22. saṅa kajĕŋ kaŋ trubus sakiŋ wit, winastanan géṇḍoŋ kaṛĕpira, ñugihakĕn kaṣkayané, sakiŋ iŋ ṅaṇḍapipun, prayoginya myaŋ maṅgènnèki, kaṅgé gĕḍoŋ simpĕnan, tuwin waḍahipun, arta baṇḍa raja brana, warṇi bĕnèt garobog pĕṭèn myaŋ pĕṭi, tĕntrĕma tambaḥ tambaḥ.

23. kasadasa kajĕŋ iṅkaŋ mawi, gimbol muṅgiŋ dĕḷĕg winastanan, kajĕŋ gĕḍĕg dé watĕké, aṅuwawèkkĕn saguŋ, pasimpĕnan arta brana di, prayogi maṅgènnira, lawan géṇḍoŋ jumbuḥ, kaṅgé gĕḍoŋ pasimpĕnan, rajabrana tuwin bĕnèt pĕṭèn pĕṭi, jĕnĕk awawaḥ wêwaḥ.

24. kasawĕlas iṅkaŋ amuṅkasi, kajĕŋ iṅkaŋ wontĕn gaṇḍikira, winastanan gĕḍug sah‍é, ñugihakĕn sah‍èstu, rajakaya sarta ñjalari, wilujĕŋ sumarambaḥ, iŋ sakaliripun, prayogi myaŋ maṅgènnira, kaṅgé sawarṇiniŋ waḍaḥ barana di, tuwin kaŋ rajakaya.

25. sadayèku iṅkaŋ sahupami, akalintu patrap paṅaṅgènya, añjalari iŋ awonné, anaṅiŋ jumbuhipun, botĕn kadi iṅkaŋ ṅlĕṅgahi, maṅgèn iŋ kanaŋ wrĕkṣa, winastanan ḍahup, mupaṅati kasah‍énan, maṅkya ulun mĕḍar kajĕŋ kaŋ tinampik, kaŋ awon aṅsarira.

26. èṅĕt ulun wontĕn nĕmblas warṇi, jugar kajĕŋ ṅlĕbĕtipun mawa, kulit punika namané, klabaŋ pipitan èstu, aṅgaḍahi watĕg pĕñakit, apan winastan panas, dwi kajĕŋ kaŋ rubuḥ, aṅrubuhi sami wrĕkṣa, winastanan tuṇḍuŋ watĕkira asiḥ, karya won myaŋ pitĕnaḥ.

27. katri kajĕŋ iṅkaŋ ṛĕbahnèki, malaŋ lèpèn margi myaŋ jujuraŋ, nama saṇḍa dé watĕké, aṅĕṛĕpkĕn kasaṇḍuŋ, iŋ prakawis rinakĕt sakit, catur kajĕŋ kaŋ ṛĕbaḥ, numpaŋ tuṅgakipun, yèku winastanan suṇḍaŋ, watĕkipun ḍumatĕŋ iṅkaŋ ṅĕṅgènni, binañcana iŋ ṅaṇḍap.

28. pañca kajĕŋ iṅkaŋ ṛĕbahnèki, suméṇḍé nèŋ kajĕŋ makṣiḥ gĕsaŋ, watĕkipun iṅkaŋ ṅaṅgé, kalorot drajatipun, kabĕñcana sakiŋ taṅgèki, sad kajĕŋ kèli nama, saraḥ watĕkipun, kaŋ ṅĕṅgènni kacuwan tyas, sarta suda suda rijĕkinirèki, dumadya kamlaratan.

29. sapta kajĕŋ kala gĕsaṅnèki, boloŋ butul sru awon watĕknya, sintĕn tiyaṅé kaŋ ṅaṅgé, asriŋ kataman èstu, iŋ dadamĕl tan dèn niyati, aṣṭa kajĕŋ broḍol kaŋ, mĕdal manahipun, winastanan wutaḥ mamaḥ, watĕkipun taṅèḥ sagĕt simpĕn wadi, ṅlacutkĕn pikajĕṅan.

30. nawa kajĕŋ sol ṛĕbaḥ pribadi, winastanan prabataŋ wataknya, gagarkĕn baraŋ sĕdyané, ñuda darajatipun, kasadasa kakum iŋ wariḥ, myaŋ kapĕṇḍĕm iŋ kisma, gombaŋ namanipun, watĕg miwaḥ aṅsarira, kaŋ ṅĕṅgènni kĕṛĕp dipitĕnaḥ mariŋ, satru aṅkara murka.

31. sawlas kajĕŋ kaŋ pĕjaḥ pribadi, winastanan kajĕŋ aṅga liṅgaŋ, watĕkipun iṅkaŋ ṅaṅgé, tan kadugèn sakayun, apĕs sarta naṇḍaŋ gagĕriŋ, kalihwlas kajĕŋ iṅkaŋ, kalané panambut, aṅrĕbahkĕn ṛĕbahira, damĕl kagèt sakèhiŋ kéwan wanadri, kaŋ galak ṅantos ñwara.

32. nama gronaŋ watĕg kaŋ ṅĕṅgènni, aṅsal ginĕm kaŋ tan prayoga, sakiŋ woŋ aguŋ paṅgĕḍé, triwlas kajĕŋ tarubus, tumèmpèlé ĕpaṅirèki, winastanan gaṇḍoṅan, déné watĕkipun, kaŋ ṅĕṅgènni kaṭukulan, pikajĕṅan iṅkaŋ awon nir prayogi, nimpaŋ mriŋ karaharjan.

33. kawanwĕlas kajĕŋ labĕtnèki, akabĕsmèn winastanan gosaŋ, watĕknya asriŋ kabĕsmèn, gaṅsalwĕlas kaŋ kayu, kasaṅsaŋ iŋ ĕpaŋ anami, brogaŋ dé watĕkira, kaŋ ṅĕṅgènni namuŋ, tansaḥ kapambĕŋ kéwala, sabaraŋ rèḥ kaŋ dadya karṣanérèki, tan ana kaŋ kalakyan.

34. kanĕmbĕlas iṅkaŋ amuṅkasi, kajĕŋ gapuk ṅlĕbĕtiŋ dagiŋnya, yèku buntĕl mayit ramné, déné ta watĕkipun, kaŋ ṅĕṅgènni supénan mariŋ, samubaraŋ pakaryan, iṅkaŋ parlu parlu, sarta asriŋ asriŋ gaḍaḥ, sakit ḷĕbĕt titi iṅkaŋ tan prayogi, yèn sagĕt siniṅkiran.

35. sanès ginĕm kula andarbèni, kalowoṅan kakaliḥ taṛĕbaŋ, kantun masaŋ wacucalé, kajĕŋ naṅka kaŋ aguŋ, kajĕŋ rawan taṛĕbaŋ alit, kapasaŋ yoga aṅsal, kidaŋ kaliḥ wahu, lulaŋ tinrap iŋ taṛĕbaŋ, aṅĕntosi ragi gariŋ sawatawis, tĕmbé kinĕrok iras.

27, bab prabotiŋ griya : cagak, usuk, rèŋ, paṅĕṛĕt lss, ṅantos tuntas.

waṅuniŋ griya : joglo, limasan, kampuŋ tuwin maśjid. payoniŋ joglo warṇi 7, limasan warṇi 10, kampuŋ warṇi 9, lan maśjid warṇi 3. ukuraniŋ griya lan pépétaṅanipun, pañcasuda. bab caṭokaniŋ griya. mas cĕbolaŋ dipunsukani tĕrbaŋ wacucal kidaŋ 2 iji.

36. rèhniŋ maṅsa katiga manawi, kawan dintĕn kéwala wus babar, lajĕŋ kula aturaké, ḍumatĕŋ anak bagus, rèḥ luṅa nis tambuḥ kinapti, iṅgiḥ ta jĕṅandika, wus sinĕdyèŋ kalbu, saṛĕŋ abdinta sakawan, kadiparan biliḥ katalaṅso bukti, punapi papariman.

37. kados wiraŋ pinalahur lalis, myaŋ ṅĕnirkĕn sakèhiŋ pañana, lulus mbĕbaraŋ wastané, sak ṅgèn ĕṅgèn pikantuk, botĕn wontĕn kaŋ saṅga ruṅgi, laḥ mugi kagaliha, ywa sandéyèŋ kalbu, woŋ tuwa amuriḥ niṣṭa, botĕn pisan pisan kaŋ makatĕn kapti, tan lyan muŋ mriḥ widada.

38. mas cĕbolaŋ kalané miyarṣi, iŋ wuwusé ki wrĕkṣadikara, gumrégaḥ atrapsilané, mrakati saha matur, ḍuḥ kiyayi kaŋ tuhu asiḥ, mriŋ muḍa kawlasarṣa, sabda kaŋ ḍumawuḥ, kalaṅkuŋ kaliṅga murda, insa allaḥ sah‍èstu kula lampahi, lawan sarjuniŋ manaḥ.

39. nadyan ṅantos sawulan ṅĕntosi, iŋ rampuṅé kakaliḥ taṛĕbaŋ, botĕn wontĕn pakawĕdé, wimbuḥ tyas sru kapéñcut, ñumĕṛĕpi lajĕṅirèki, babariŋ paṅandika, kawruḥ kaŋ kawuwus, ki dikara sru kaṛĕnan, sukur sukur si anak anayogyani, iŋ pamrayoginiṅwaŋ.

40. laḥ suwawi sasaréyan maliḥ, loṭuŋ loṭuŋ aṅsal saliyĕpan, amriḥ ywa pruṅsaŋ éñjiṅé, nahĕnta wañci baṅun, ki dikara tandya lumaris, aṅupados sasĕgaḥ, tamu iṅkaŋ kantun, iŋ sataṅinira néndra, akaṛĕnan miyarṣa swaraniŋ pĕkṣi, kapuṅkur laṅĕn praja.

224. paṅkur

1. cocak kuṭilaŋ kapoḍaŋ, kacĕr puṅlor sikatan lan sriguntiŋ, jalak urèn jalak pĕñu, dlèdukan saliṇḍitan, bèṭèt dĕruk sĕpahan putĕr dĕrkuku, bĕkikèriŋ ayamwana, bĕrkutut maṅguŋ ṛĕspati.

2. mèḥ rahina masĕmu baŋ, ki dikara prapta palaṅgroṅnèki, ñaṅkiŋ kahwa myaŋ ṅgonnipun, kalawan ayamwana, èstri maḍĕp wayaḥ kumaṅgaŋ kaŋ jalu, kalawan sakrĕnĕŋ tigan, satawana kaŋ cĕmani.

3. kahwa jalu tiñja luwak, gya ginorèŋ saṅan wus mambĕt guriḥ, wĕtahan datan binubut, nulya kinarya wédaŋ, gĕṇḍis arèn bĕrṣiḥ kuniŋ ganda arum, linalapakĕn kéwala, sarapan tigan cĕmani.

4. mĕntahan muŋ iṅkaŋ jĕnar, iṅuntalan saṛĕm paḷĕtuk bĕrṣiḥ, anuntumkĕn aṅga rapuḥ, kĕṅkĕŋ maṭĕṅṭĕŋ kuwat, dèn nya samya sarapan laṅkuŋ pikantuk, ki wisma ṅlajĕṅkĕn kojaḥ, sambĕtipun wahu ratri.

5. nĕgor kajĕŋ jati iṅkaŋ, baḍé sah‍é awèt aṅgènnirèki, kĕdaḥ katĕṛĕs rumuhun, panĕṛĕs prĕnahira, nèŋ pok kaŋ wit kintĕn kintĕn loṅkaṅipun, tiga utawi sakawan, kaki sakiŋ sitinèki.

6. binacoka tĕmu gĕlaŋ, wiwit kulit dumugi warṇi abrit, gya ṅgègrègi ĕronnipun, saha lajĕŋ galiṅgaŋ, yèn wus wontĕn satahun panĕṛĕsipun, kéṅiŋ tinĕgor jalaran, wus gariŋ tan ṅuciwani.

7. ṛĕbahiŋ panĕgorira, kaaṅkaha ṛĕbaḥ maṅalèr tuwin, maṅilèn sartané sampun, ḍawaḥ iŋ kajĕŋ iṅkaŋ, takṣiḥ gĕsaŋ kasaṅsaŋ sasaminipun, kantĕp sapanuṅgilannya, kaŋ dadya tampikan ṅarṣi.

8. tiṅkaḥ amriḥ sumĕṛĕpa, ḍawahipun pucukiŋ kajĕŋ nĕṅgiḥ, kaŋ yun dèn rĕbahkĕn wahu, naṅguḥ iŋ wañci éñjaŋ, utawiné wañci sontĕn iṅkaŋ jumbuḥ, wayaṅan sami wujud lan, pañjaṅipun iṅkaŋ uwit.

9. upami kaḷĕbĕt iṅkaŋ, pañjaṅipun gaṅsal kaki maṇḍiri, maṅka wawayaṅannipun, iṅukur ugi gaṅsal, pan wayaṅaniŋ kajĕŋ iṅkaŋ kinayun, rinĕbahkĕn kahukura, sapintĕn pañjaṅirèki.

10. yèku baḍé ukurannya, sakiŋ boṅkot ḍawaḥ iŋ pucuknèki, pratikĕl makatĕn wahu, ugi tumrap kinarya, nĕpsir pañjaŋ cĕlakiŋ kajĕŋ kaŋ ayun, kaṅgé dandosanniŋ wisma, kadi ta upaminèki.

11. baḍé dipunaṅgé saka, iṅkaŋ pañjaṅipun dwidasa kaki, manawi wayaṅan wahu, wontĕn utawi laṅkaḥ, sakiŋ kalihdasa kaki èstunipun, baḍé cĕkap kaṅgé saka, pañjaŋ kalihdasa kaki.

12. wondéné panĕpsirira, gĕṅiŋ pucuk ugi kéṅiŋ kapirid, sakiŋ gĕṅiŋ boṅkotipun, upami kajĕŋ iṅkaŋ, nĕnĕm kaki ubĕṅipun boṅkot wahu, maṅka wiyariŋ wayaṅan, namuŋ wontĕn kaliḥ kaki.

13. pucukiŋ kaŋ wawayaṅan, pan iṅukur wiyar wontĕn sakaki, wus tamtu agĕṅiŋ pucuk, tigaŋ kaki ubĕŋnya, panĕpsir kaŋ makatĕn iŋ adatipun, iṅgiḥ asriŋ tuna duṅkap, naṅiŋ amuŋ sawatawis.

14. paṅaṅkaḥ ḍawahiŋ wrĕkṣa, mriḥ sagĕda prayogi ḍawahnèki, kĕdaḥ pinarṇahkĕn dunuŋ, sĕlaniŋ kajĕŋ gĕsaŋ, sinrapatna paŋ alit alit pikantuk, supados ywa nĕmaḥ ṛĕmak, gĕtĕm kantĕp tibèŋ siti.

15. sahupami iŋ paṅaṅkaḥ, rinĕbahkĕn maṅalèr ḍawahnèki, iṅkaŋ ĕlèr miwaḥ kidul, ginĕṭak myaŋ kapacal, iṅkaŋ ĕlèr iŋ ṅaṇḍap paṅgĕṭakipun, låbĕtnya kaliḥ bagéyam, kidul sabagéyan namiŋ.

16. bĕṅgaṅiŋ gĕṭakan ṅaṇḍap, lawan ṅiṅgil sarta iŋ ṅiṅgilnèki, pamacal tamtu miturut, agĕŋ alitiŋ wrĕkṣa, sahupami samaṅsa agĕṅipun, bĕṅgaṅiŋ ṅiṅgil lan ṅaṇḍap, tinartamtu muŋ sakaki.

17. iŋ ṅiṅgil pamacalira, timartamtu amuŋ sakawan kaki, manawi gĕŋnya sapraṅkul, bĕṅgaṅiŋ ṅiṅgil ṅaṇḍap, apas namuŋ saprapat kaki wus cukup, dé iŋ ṅiṅgil pamacalnya, satuṅgal satĕṅaḥ kaki.

18. sanadyan wrĕkṣa kaŋ arṣa, rinĕbahkĕn maṅidul ḍoyoṅnèki, yèn patrap lir ṅajĕŋ wahu, tamtu ṅalèr ṛĕbaḥnya, mas cĕbolaŋ tatanya wiwijaṅipun, kaŋ winastan gĕṭak pacal, ki dikara liṅira ris.

19. aṅgĕṭaki ṅĕṭok iṅkaŋ, botĕn ṅantos tugĕl ṛĕbaḥ kaŋ uwit, déné kapacal puniku, saṅiṅgiliŋ gĕṭakan, dipunpĕraŋ amañcas kakruwĕg gaṭuk, tĕpaŋ kalayan gĕṭakan, kadi waraḥ kasbut ṅarṣi.

20. nahan sasampuniŋ ṛĕbaḥ, gya kaprèjèŋ utawi dèn wastani, kariban wiwadanipun, ṅiras anitik manaḥ, margi manaḥ botĕn tamtu maṅgènnipun, tĕrkaḍaŋ wontĕn iŋ tĕṅaḥ, tĕrkaḍaŋ wontĕn iŋ piṅgir.

21. utawi maṅgèn iŋ manaḥ, miṅgak miṅgok tan turut tĕṅaḥ piṅgir, mĕṅgahiŋ paṅaṅkahipun, iṅkaŋ sah‍é piyambak, pan binucal sampun wontĕn iṅkaŋ kantun, winastan kajĕŋ bèṭètan, tulus botĕn mutawatir.

22. madyaniŋ manaḥ nèŋ tĕṅaḥ, iṅkaŋ miṅgaḥ miṅgok manahirèki, pinarṇaḥna ĕṅgènnipun, iŋ piṅgir lan iŋ tĕṅaḥ, mĕṅgaḥ iṅkaŋ nami kaprèjèŋ winaduŋ, patrapiŋ waduŋ piwasaŋ, miriŋ nèŋ saṅkalirèki.

23. kajĕŋ iṅkaŋ winaduṅan, iriṅannya iŋ kanan miwaḥ kériŋ, wondéné karimban wahu, waduŋ méṭok pinasaŋ, kaŋ winaduŋ lumahiŋ kajĕŋ puniku, kaŋ ṅiṅgil miwaḥ iŋ ṅaṇḍap, iŋ paṅgarap kĕdaḥ wradin.

24. yèn wus pinaṅgiḥ manaḥnya, gya kinĕṭok miturut manahnèki, lajĕŋ kasipat ḍinapur, pasagi naṅiŋ pañjaŋ, gya ginĕmbĕs puṅkasaniŋ boṅkotipun, gĕmbĕs punika pĕṭolan, iṅkaŋ dipuntrapi tali.

25. kadamĕl ñarat kaŋ wrĕkṣa, gĕmbĕs wahu wontĕn kakaliḥ warṇi, biliḥ tanaḥ ardi kidul, kaduwaŋ sahurutnya, iṣṭanipun wawaṅunan kadi ṅluluk, puṇḍakiŋ gĕmbĕsan kadya, ḍapuriŋ kaŋ gĕndul gilig.

26. manawi gĕmbĕsan tanaḥ, ṛĕdi ĕlèr kĕṇḍĕŋ sahurutnèki, namuŋ sapaliḥ winaṅun, kadi cèṅgèriŋ ayam, biliḥ sampun dados gĕbĕṅan puniku, utawi balok namanya, sakarṣa karṣa wus kéṅiŋ.

27. dé biliḥ baḍé kinarya, talaŋ wuwuŋ utawi dandosanniŋ, bahita sasaminipun, kĕdaḥ manaḥ kabucal, sarta cinalonan saḍapuriŋ wuwuŋ, kalawan ḍapuriŋ talaŋ, bahita sasaminèki.

28. pañigariŋ kanaŋ wrĕkṣa, naminipun kapaju patrapnèki, rumuhun kakĕñcoŋ mujur, wit pucuk trus boṅkotnya, kiwa tĕṅĕn utawi ṅaṇḍap myaŋ luhur, kĕñcoṅan iŋ ṅiṅgil nulya, katañcĕpan paju wiwit.

29. pucuk dumugi boṅkotnya, loṅkaṅipun paju sami ñakaki, sakaṭahiŋ paju paju, ginaṇḍènan dumugya, iŋ kĕñcoṅan ṅaṇḍap tĕrusaniŋ luhur, wradin paju tĕkèŋ ṅaṇḍap, gya sinigar laṅkuŋ gampil.

30. wondéné ta kajĕŋ iṅkaŋ, agĕŋ agĕŋ patrap paṅgarapnèki, iŋ boṅkot utawi pucuk, kaŋ labĕt gagĕṭakan, kakĕñcoṅan malaŋ gya tinrapan paju, mugi lajĕŋ ginaṇḍèna, yèn kajĕŋ gĕṅé samuṇḍiŋ.

31. gaṇḍènipun sĕmproŋ nama, gĕṅiŋ sĕmproŋ tinartamtu ṅuṅkuli, gĕṅiŋ kajĕŋ kaŋ pinaju, sĕmproŋ ginantuŋ malaŋ, nèŋ wit witan iṅkaŋ cakĕt ṅriku, kinaṇḍut tinarik ṅaṅkaḥ, sagĕt nuṭuk paju sami.

32. iŋ sasampunipun sigar, dyan rinimbas utawi dèn prèjèṅi, kadamĕl saprĕlunipun, gĕbiṅan myaŋ balabag, tĕraṅipun iṅkaŋ sama kĕñcoŋ mujur, sakiwa tĕṅĕnniŋ wrĕkṣa, utawi iŋ ṅaṇḍap ṅiṅgil.

33. winaduŋ amujur pañjaŋ, awit boṅkot dumugi pucuknèki, kados kakalènan mujur, wondéné kĕñcoŋ malaŋ, pĕrṇaḥ boṅkot utawi kapĕrṇaḥ pucuk, winaduŋ supados krowak, kéṅiṅa dipunsĕsĕli.

34. iŋ paju sacĕkapira, mĕṅgaḥ paju wahu iṅkaŋ kinardi, kajĕŋ jati iṅkaŋ burus, iŋ boṅkot wradin papak, pucuk lañcip radi gèpèŋ wujudipun, déné agĕŋ pañjaṅira, dinugi kaŋ ṅuwawèni.

35. kaŋ nama kajĕŋ kocoran, panĕgorṇya tan tinĕṛĕs rumiyin, makṣiḥ gĕsaŋ aṅrĕmbuyuŋ, gya tinĕgor kéwala, patrap patrap panĕgor paṅrĕsbasipun, pamrèjèŋ sasaminira, kadi kaŋ kasĕbut ṅarṣi.

36. muŋ wusiŋ dadya gĕbiṅan, gya kinĕṭok ginambaŋ ṭarik ṭarik, kadi ambèn iṣṭanipun, nèŋ paṅgonan kaŋ banar, laminipun tigaŋ wulan para laṅkuŋ, punika sampun prayoga, kaaṅgé parabot panti.

37. yèn kajĕŋ baḍé bahita, tuwin wuwuŋ talaŋ sasaminèki, paṅgènan pamĕṇṭèṅipun, kaŋ asrĕp myaŋ kéyuban, laminipun ugi tigaŋ wulan laṅkuŋ, sanadyan kajĕŋ kocoran, sagĕt awèt sawatawis.

38. maṅkya bab sirap winarṇa, naminipun wontĕn sakawan warṇi, sawarṇi dumba rannipun, wiyarṇya iŋ ukuran, kaliḥ tĕṅaḥ kaki sapagiṅgilipun, pañjaŋ wiwit ukur tiga, kaki sapaṅiṅgilnèki.

39. kaliḥ sirap gupé rannya, lawan dumba gĕŋ pañjaŋ botĕn sami, ukur awit wiyaripun, satuṅgal kaki miṅgaḥ, pañjaŋ kaliḥ satĕṅaḥ kaki iṅukur, miṅgaḥ dumugi ukuran, kiraṅipun tigaŋ kaki.

40. tiga nama sirap ḍara, wiyaripun pituŋ ĕdim maṅiṅgil, déné ukur pañjaṅipun, pan kaliḥ kaki miṅgaḥ, catur sirap gĕḍoŋ déné wiyaripun, namuŋ sĕkawan dim miṅgaḥ, pañjaŋ gaṅsalwĕlas ĕdim.

41. kajĕŋ kaŋ kadamĕl sirap, tinartamtu awèt tan ṅuciwani, tĕtĕṛĕsan iṅkaŋ burus, manawi baṅsa ṅaṇḍap, tiyaŋ alit purun damĕl sirap wahu, sakiŋ gliṅgaŋ saha bruṅkaḥ, manawi puṇḍutan aji.

42. tuwin para luhur samya, kĕdaḥ nĕgor sakiŋ tĕṛĕsan tuwin, nĕgor iṅkaŋ takṣiḥ iḍup, piliyan ugi iṅkaŋ, burus mulus nir cacat sahurutipun, patrapiŋ pañigarira, sampuniŋ ṛĕbaḥ kaŋ uwit.

43. piniliḥ kaŋ tanpa cacat, sĕrat burus kadi kasĕbut ṅarṣi, ginĕṭak sasisihipun, sapañjaṅiŋ kaŋ sirap, dipunañcas aṅiras kadamĕl lañcur, gĕṭakan gya kaañjiṅan, paju lajĕŋ dèn gaṇḍèni.

44. paju kaŋ kapara kaṭaḥ, patrapipun kapara krĕp prayogi, mila makatĕn liripun, urut sĕratiŋ wrĕkṣa, saha botĕn pĕcaḥ nalisir myaŋ ṛĕmuk, yèn wus dadya balèbèkan, gya rinimbas dèñcalonni.

45. waṅun sirap sakarṣanya, naṅiŋ takṣiḥ kandĕl wujudirèki, kinèndĕlkĕn tigaŋ tèṅsu, lajĕŋ pinacas dadya, botĕn kaṅgé biliḥ manahipun katut, watak ṅulèt myaŋ bĕṇṭètan, apĕs maṇḍĕloŋ ṅowani.

46. manawi kajĕŋ kocoran, patrap iṅkaŋ paṅgarap kadi ṅarṣi, anaṅiŋ pan ḷĕṛĕsipun, kĕdaḥ kaliḥ rambahan, sasampuniŋ ḷĕṛĕm sapisan punika, karimbas dèn alitĕna, lajĕŋ kaḷĕṛĕpkĕn maliḥ.

47. laminipun tigaŋ wulan, sampun kiraŋ para laṅkuŋ prayogi, awit biliḥ kiraŋ daṅu, baḍé adamĕl cuwa, ṅulèt ṅélo maṇḍĕloŋ utawi ṛĕmuk, tamat paṅolahiŋ wrĕkṣa, kinaṇṭi prabotiŋ panti.

225. kinaṇṭi

1. sayogi sumrĕp rumuhun, nama miwaḥ maṅgènnèki, parabotiŋ griya griya, kalawan maṅgènnirèki, supadosipun uniṅa, silahiŋ ḍapuriŋ panti.

2. iṅkaŋ nama saka guru, punika sakanirèki, guru dé kaŋ winastanan, guru pamiḍaṅan yĕkti, saka panaṅgap sakanya, balandar pamaṅgapnèki.

3. saka èmpèr sakanipun, balandar èmpèrirèki, saka paniṅrat sakanya, blandar paniṅrat puniki, saka taratag sakanya, blandar tratag maṅgènnèki.

4. saka goco sakanipun, balandar panaṅgap tuwin, èmpèr paniṅrat taratag, nèŋ pojok maṅgènnirèki, déné iṅkaŋ nama cagak, sasaka kaŋ botĕn sami.

5. tanapi tan turut runtut, lan blandar paṅĕṛĕtnèki, bĕṇṭuŋ punika sakanya, duduriŋ gajaḥ utawi, baruñjuṅiŋ joglo griya, mañjiŋ nèŋ lumajaṅnèki.

6. kaŋ sarta saka iŋ lambuŋ, srĕntĕn saka alit gilig, ñaṅgi blandar paṅĕṛĕtnya, tumumpaŋ nèŋ sunduk kili, dé ḍañaŋ saka kaŋ mayat, aṅsal iṅkaŋ dèn ḍañaṅi.

7. iṅkaŋ winastanan ĕsuḥ, kuniṅan sasaminèki, tumrap iŋ boṅkotiŋ saka, kaŋ tumumpaŋ umpaknèki, umpak luṅguhiŋ kaŋ saka, sakiŋ séla kaŋ prayogi.

8. sakiŋ banon sakiŋ kayu, kaṅgé umpak ugi kéṅiŋ, iṅkaŋ winastan balandar, kajĕŋ pañjaŋ kaŋ sinaṅgi, iŋ saka wahu déné kaŋ, nama paṅĕṛĕt puniki.

9. pañĕlakiŋ blandaripun, añaṭok lan blandar ḍamis, kaŋ ran guru pamiḍaṅan, blandar paṅĕṛĕtirèki, bruñjuṅipun joglo wisma, iṅkaŋ iŋ ṅaṇḍap pribadi.

10. ḍaḍa pĕkṣi kaŋ winuwus, paṅĕṛĕt kaŋ maṅgèn muṅgwiŋ, satĕṅahiŋ pamiḍaṅan, kaŋ ran sunduk nèŋ ṅaṇḍapiŋ, miḍaṅan pamañjaŋ bĕṅgaŋ, kaliyan balandarṇèki.

11. trap miriŋ mañjiŋ sakèku, iṅkaŋ winastanan kili, saṅaṇḍapiŋ pamiḍaṅan, gaṭuk sami sunduk ṅarṣi, kalawan paṅĕṛĕt bĕṅgaŋ, miriŋ mañjiŋ saka ugi.

12. kaŋ nama gañja puniku, sopakaniŋ saka muṅgiŋ, ṅiṅgil sunduk katumpaṅan, guru kaliyan kaŋ nami, iṅkaŋ ugi pamiḍaṅan, guru pamiḍaṅan sami.

13. kaŋ nami tumpaŋ puniku, balandar paṅĕṛĕt iṅgiḥ, tumumpaŋ iŋ pamiḍaṅan, iṅkaŋ winastan panitiḥ, tumpaŋ iŋ wĕkasanira, kaŋ anèŋ ṅiṅgil pribadi.

14. tumpaṅsari kaŋ winuwus, panitiḥ nir tumpaṅnèki, yèku pamiḍaṅan mulya, tinumpaṅan iŋ panitiḥ, dumados amuŋ balandar, paṅĕṛĕt asuṅsun kaliḥ.

15. kaŋ ran uḷĕŋ goḍagipun, pamiḍaṅan tinĕṅahi, déné ḍaḍa pĕkṣi ika, kaŋ nami siṅup winarṇi, tumpaŋ iṅkaŋ nèŋ ḷĕbĕtnya, uḷĕŋ kaŋ kasĕbut ṅarṣi.

16. dé lotèŋ balabag alus, ṅiṅgil paṅĕṛĕt ṅgènnèki, wiyar sapañjaṅiŋ blandar, saha paṅĕṛĕt irèki, maṅkya kaŋ aran ga iga, yèku kajĕŋ iṅkaŋ ñaṅgi.

17. iŋ bababag amiturut, ujuriŋ paṅĕṛĕtnèki, déné kaŋ nama caṭokan, añjiŋ añjiṅanirèki, iŋ balandar akaliyan, paṅrĕt pucuk boṅkotnèki.

18. dé gimbal laṅkuṅannipun, caṭokan balandar tuwin, paṅĕṛĕt sasaminira, cacaṭokan naminèki, pañjaŋnya sami kalawan, kandĕlé kaŋ dèn gimbali.

19. kaŋ ran payon sasabipun, ĕmpyak twin usukiŋ panti, kaŋ nami bruñjuŋ punika, ĕmpyakipun joglo panti, iṅkaŋ iŋ ṅiṅgil piyambak, nulya ṅaṇḍapipun sami.

20. panaṅgap pyak ṅaṇḍap bruñjuŋ, dé èmpèr ĕmpyakiŋ panti, saṅaṇḍapipun panaṅgap, kaŋ nami paniṅrat yĕkti, ĕmpyak ṅaṇḍap èmpèr ṅgènnya, utawi èmpèr mĕkasi.

21. kaŋ nama gajaḥ sadarum, ĕmpyak iṅkaŋ dèn èmpèri, iṅkaŋ iŋ ṅiṅgil piyambak, muŋ griya joglo pribadi, gajahipun winastanan, baruñjuŋ kasĕbat ṅarṣi.

22. kaŋ ran molo kajĕŋ mujur, iṅkaŋ iŋ ṅiṅgil pribadi, yèku kaŋ winastan siraḥ, kaŋ nama andĕr cagakiŋ, molo yèn joglo tumumpaŋ, mañjiŋ ḍatĕŋ ḍaḍa pĕkṣi.

23. biliḥ limasan myaŋ kampuŋ, tumumpaŋ mriŋ paṅrĕt mañjiŋ, kaŋ ran dudur iku iṅkaŋ, pucuk ñaṅgi molonèki, ṅaṇḍap tumumpaŋ pojokan, balandar paṅĕṛĕtnèki.

24. kaŋ ran siraḥ gada yèku, molo gilig amaṇḍiri, maṅgènnya iŋ maśjid laṅgar, kaŋ nami buṅkak wuwuṅiŋ, molonipun joglo wisma, utawi limasan panti.

25. maṅkya iṅkaŋ aran wuwuŋ, nutupi sirap sakĕḍik, tumumpaŋ dudur prĕnaḥnya, kaŋ ran kopyaḥ wuwuṅnèki, sirahiŋ gada punika, ran mastakamĕnur nèki.

26. kaŋ nami topèŋ puniku, balabag kaŋ nèŋ pucukiŋ, kĕjèn iŋ dudur tumumpaŋ, gaṭukan molonirèki, katumpaṅan myaŋ kañjiṅan, pucukiŋ usuk kaŋ ṅiṅgil.

27. ĕmprit gantil kaŋ winuwus, dudur kaŋ ḍèmpèt puniki, kaŋ kiwa mañjiŋ topèṅan, tĕṅĕn mañjiŋ molonèki, blandèr kĕṇḍit kajĕŋ pañjaŋ, iŋ tĕṅaḥ papayonèki.

28. kaŋ nami cukit puniku, usuk sasambĕtan muṅgiŋ, iŋ balandar kaŋ puṅkasan, déné ta kaŋ nami tarib, balabag miriŋ kaŋ tumrap, iŋ usuk puṅkasannèki.

29. kaŋ ran guntiŋ ugi usuk, mañjiŋ iŋ topèṅan yĕkti, iṅkaŋ nama taḍaḥ ĕlas, blabag pañjaŋ manut mariŋ, sapañjaṅiŋ payonira, lir topèŋ patrapirèki.

30. kaŋ nama usuk pinayuŋ, mañjiŋ iŋ takir myaŋ mañjiŋ, molo urut iŋ ujurṇya, dudur kaŋ kasĕbut ṅarṣi, dé usuk rigĕrèḥ aran, usukiŋ séroṅan panti.

31. iṅkaŋ pucuk mañjiŋ dudur, usuk panĕrus puniku, sawarṇiniŋ usuk iṅkaŋ, puṅkasan ṅaṇḍap kinañciŋ, kaŋ sami usuk paṅarak, iṅkaŋ botĕn dipunkañciŋ.

32. dé usuk ḍaḍan winuwus, mañjiŋ iŋ topèṅan iṅgiḥ, andĕdĕl mañjiŋ topèŋnya, iṅkaŋ nama usuk aliŋ, tumrap iŋ ṅiṅgil piyambak, patrapipun kajĕŋ miriŋ.

33. usuk ḍĕmpèlan puniku, tumrap boṅkot dudur nĕṅgiḥ, tumumpaŋ mariŋ balandar, kinarya pañjaṅkĕpnèki, usuk ri gĕrèḥ supadya, aṅsal pétaŋ kaŋ prayogi.

34. dé usuk pandĕdĕl yèku, usuk kaŋ kaprĕnaḥ muṅgiŋ, iŋ tĕṅaḥ jèjèr kalawan, usuk jĕjĕg atrapnèki, naṅiŋ datan mayat kadya, usukiŋ sanèsirèki.

35. usuk lorog yèku usuk, cĕlakiŋ dudur ṅgènnèki, kaŋ nama takir punika, iṅkaŋ kaañjiṅan déniŋ, boṅkotiŋ usuk sadaya, dé takir gamblok puniki.

36. kaŋ kañjiṅan usukipun, usukiŋ panaṅgap tuwin, usuk èmpèr myaŋ paniṅrat, aṅraṅkĕpi ponaŋ takir, déné kaŋ nama lumajaŋ, kaŋ kañjiṅan usuknèki.

37. usuk panaṅgap puniku, myaŋ usuk èmpèr utawi, usuk paniṅrat kahotnya, akaliyan gamblok takir, patrapiŋ kajĕŋ malumaḥ, ṅamplok saṅaṇḍapiŋ takir.

38. purus paṭok kaŋ winuwus, purusiŋ saka kaŋ mañjiŋ, mariŋ paṅĕṛĕt balandar, dé purus saṅgan winarmi, pupurusiŋ saka iṅkaŋ, mañjiŋ iŋ gañjaniŋ panti.

39. déné purus oyot yèku, purusiŋ saka kaŋ mañjiŋ, mariŋ sawarṇiniŋ umpak, dé purus èstrènan nĕṅgiḥ, purusiŋ sunduk punika, maṅkya kaŋ nama purus kip.

40. punika badaniŋ sunduk, kaŋ mañjiŋ sasakanèki, kaŋ ran kĕli pupurusnya, sunduk pañlak purusnèki, kaŋ ran jabuŋ purusira, sunduk kaŋ tĕṅaḥ ṅgènnèki.

41. kaŋ nami warayaŋ yèku, purusira ḍaḍa pakṣi, mañjiŋ maraŋ pamiḍaṅan, patil sapit uraŋ nĕṅgiḥ, pupurusiŋ takir lambaŋ, mañjiŋ saka bĕṇṭuṅnèki.

42. kaŋ nami gaḍiŋ puniku, pupurusira kaŋ takir, mañjiŋ iŋ pupurus ĕbam, tĕpaṅiŋ pojok dumadi, adu mañcuŋ basanira, aŋ gambuḥ iṅkaŋ gumanti.

226. gambuḥ

1. sapit uraŋ winuwus, boṅkot utawi iŋ pucukipun, kajĕŋ iṅkaŋ kaclèrèŋ kañjiṅan miriŋ, purus utawi puniku, kakañciṅan adon adon.

2. kaŋ nami cirik purus, iṅkaŋ dudur mañjiŋ molonipun, kaŋ nama bam purusiŋ dudur kaŋ mañjiŋ, ṅaṇḍap béṅkok wujudipun, umañjiŋ iŋ takir maron.

3. iṅkaŋ winastan bukur, utawi kruwiṅan wastanipun, purus dudur iṅkaŋ ṅaṇḍap butul takir, kaŋ maṇḍukul nama bukur, nama kruwiṅan kaŋ krowok.

4. kaŋ nama pèṭèk yèku, purus alit iṅkaŋ mañjiŋ purus, utawiné punika kaaṅgé ṅañciŋ, kaŋ ran kaṭèk gèpèŋ purus, kaṅgé ṅgaṭukakĕn gĕbyog.

5. dé tĕtĕsan puniku, purus namuŋ sasisiḥ satuhu, kaŋ winastan kĕlam gapit muŋ sasisiḥ, maṅkya kaŋ nama tambu ku, taḍaḥ sabaraŋ kémawon.

6. sasaṅgan patrapipun, tumèmplèk iŋ sasaka puniku, myaŋ tumèmplèk blandar turut dudurṇèki, taḍa prit gantil winuwus, kañciŋ topèŋ aṅsal molo.

7. dé taḍa takir yèku, kañciŋ iṅkaŋ takir apikantuk, takir gamblok sarta lumajaŋ pakoliḥ, iṅkaŋ nami taḍa jantur, kañciŋ takir lambaŋ maṅgon.

8. kaŋ nami bèji yèku, kañciŋ usuk gilig sami mĕṇṭul, iṅkaŋ sami bibis wĕsi tutupnèki, pakunipun punaŋ wuwuŋ, tumañcĕp dudur myaŋ molo.

9. kaŋ ran ura urèku, dug utawi tosan taṅsulipun, iŋ lumajaŋ ginaṇḍèŋ kaliyan takir, aṅsal iŋ blandaripun, utawi panitiḥ maṅgon.

10. dé togog saṅgan yèku, paṭokiŋ kaŋ dudur gajahipun, iṅkaŋ nama togog jalak paṭoknèki, sakèhiŋ tumpaŋ myaŋ siṅub, togog kañciŋ kacariyos.

11. paṭokiŋ sakèḥ usuk, karan sindik raraṅkĕpanipun, kañciŋ tuwin abĕn abĕnan kaŋ sami, ṛĕṅgaŋ rapĕt tĕmahipun, tan wontĕn katon sumrowoŋ.

12. kaŋ nami patil yèku, kañciŋ gilig nèŋ ḷĕbĕtiŋ kayu, iṅkaŋ nama ĕrèŋ gèpèŋ myaŋ pĕsagi, pañjiṅira amiturut, sapañjaṅiŋ ponaŋ payon.

13. tinrapan sirapipun, iṅkaŋ nami rèŋ kruwiŋ puniku, kaŋ sasisiḥ mawi waton prĕlunèki, nutupi bĕboṅkotipun, sirap kaŋ minaṅka payon.

14. dé ĕrèŋ kisi yèku, ĕrèŋ alit tumumpaŋ rèŋ aguŋ, kaṅgé anaṅsuli sirap kaŋ supadi, datan katiṅal kaŋ taṅsul, sakiŋ saṅaṇḍapiŋ payon.

15. kaŋ ran rèŋ plipit yèku, rèŋ tumumpaŋ blabag plisiripun, aṅraṅkĕbi ĕrèŋ kaŋ ṅaṇḍap añaṅgi, saṅgitiŋ kakĕtĕbipun, nambahi sah‍é pitados.

16. rèŋ alis alis yèku, rèŋ tumumpaŋ lumajaŋ myaŋ dudur, tumumpaŋ iŋ takir kĕtĕp kaŋ ṅĕṅgènni, rèŋ giṇḍoŋ tumumpaŋ dudur, utawi tumumpaŋ molo.

17. kaŋ nama kĕtĕp yèku, sirap pinapak iṅkaŋ dumunuŋ, ṅaṇḍap pyambak dé kĕtĕp géṇḍoŋ puniki, tumrap ṅiṅgil sirapipun, kawitan ṅiṅgil pribados.

18. kaŋ nami pyan winuwus, blabag tumrap saṅaṇḍapiŋ usuk, utawiné saṅiṅgilé usuk ṅgènnèki, déné wiyar pañjaṅipun, sawiyar pañjaṅiŋ payon.

19. tutup kéyoŋ puniku, tutupiŋ pyak griya ḍapur kampuŋ, maṅkya iṅkaŋ winastanan pataŋ ariŋ, blabag kĕṛĕp jèjèr gaṭuk, liŋ aliŋ patanèn sĕṇṭoŋ.

20. déné kaŋ nama laṅkuŋ, laṅkahaniŋ kori sadayèku, iṅkaŋ nami tèbèŋ blabag piṅgir kori, gĕbyog blabag jèjèr gaṭuk, papagĕriŋ wisma maṅgon.

21. dé tlumpaḥ kajĕŋ mujur, ḷĕṅgahiŋ kaŋ pagĕr gĕbyog wahu, kaŋ ran kopyaḥ kajĕŋ mujur kaŋ ṅĕkĕbi, gĕbyog iŋ ṅiṅgil ṅgènnipun, kĕkaḥ wêwaḥ asri tinon.

22. dé kaŋ ran topèŋ jamur, blabag ciyut iṅkaŋ dadya tutup, sambuṅanniŋ gĕbyog kaŋ kasĕbut ṅarṣi, iṅkaŋ nama janur iriŋ, tutup inĕp kori kupon.

23. iṅkaŋ nama lis payuŋ, lis kopyaḥ iŋ pataṅariŋ wahu, iṅkaŋ nami inĕp blabag tutup kori, inĕp taṅkĕp inĕpipun, iŋ kori namuŋ sawiyos.

24. dé kupu taruŋ wahu, inĕp kori kaliḥ cacahipun, inĕp ḷĕmpit inĕp laṅkuŋ sakiŋ kaliḥ, iṅkaŋ nami sĕlèŋ yèku, purusiŋ inĕp sayĕktos.

25. maṅkya srisig winuwus, balabag kaŋ kinarya puniku, tampiŋ siti sahurutiŋ griyanèki, kaŋ nama slorok trĕmbuku, kañciŋ inĕp apitados.

26. kaŋ nama kĕpĕl yèku, kañciŋ inĕp iŋ tĕṅaḥ myaŋ luhur, dé kaŋ nama caṇḍéla sahiṅga kori, namiŋ alit wujudipun, iŋ pamasaŋ mbĕḍaḥ gĕbyog.

27. pinantĕs maṅgènnipun, mriḥ paḍaṅé iŋ wisma puniku, maṅkya gantya prabotiŋ gĕḍogan tuwin, kaṇḍaŋ mah‍ésa myaŋ ḷĕmbu, naminipun winirahos.

28. palon iṅkaŋ rumuhun, saka gĕḍogan myaŋ kaṇḍaŋ wahu, kaŋ ran palaŋ pagĕr gĕḍogan kaŋ mañjiŋ, palon saka kasbut ṅayun, ṛĕṅgaŋ muŋ ywa ṅanti mbrobos.

29. kaŋ ran wayaŋ puniku, pipi kori gĕḍogan puniku, iṅkaŋ nama sarak palaṅiŋ kaŋ kori, déné pacĕl kañciṅipun, salarak supados bakoḥ.

30. sunduk kili saṅganñuŋ, ñaṅgi gĕḍoṅan jrambahipun, iṅkaŋ nama tarataban galarṇèki, gĕḍogan iŋ ṅaṇḍap kĕmput, myaŋ marginiŋ mlĕbĕt miyos.

31. blandar kipiŋ puniku, laṅkuṅaniŋ blandar paṅrĕtipun, sakiŋ palon iŋ ṅarṣa miwaḥ iŋ wuri, kaŋ nama koplok puniku, ka añjiṅan palaŋ maṅgon.

32. kaŋ nama tarib yèku, blabag iṅkaŋ dadya tutupipun, gulu mĕḷĕt myaŋ liŋ aliŋ talaṅnèki, kaŋ nama prabot wus putus, asmaradana gumamtos.

227. asmaradana

1. ḍapuriŋ griya winilis, ugĕr muŋ warṇi sakawan, sawiji ran ḍapur joglo, kaliyé ḍapur limasan, ḍapur kampuŋ tiganya, déné ta sakawanipun, ḍapur maśjid wastanira.

2. ḍapur joglo pinariñci, wontĕn wiwijaṅanira, warṇi pitu pratélané, sawiji joglo kĕpuhan, dwi warṇi taraju mas, katri warṇi lambaŋ gantuŋ, utawi paṅrawit rannya.

3. catur joglo wantaḥ nami, kalima joglo cĕblokan, kanĕnĕm tawon boni né, sĕmar tinaṇḍu saptanya, dé sadaya punika, kaliḥ warṇi waṅunnipun, naṅiŋ warṇi botĕn éwaḥ.

4. kalamun ujurirèki, kinarya kapara pañjaŋ, kapara iṅgil sakané, dados iṅgil dĕdĕgira, payonira kapara, ṅadĕg basané tumurun, katĕmbuṅakĕn nèm ika.

5. baluṅan kandĕl ṛĕspati, yèku ran waṅun lanaṅan, déné manawi ujuré, kapara cĕlak sĕmbada, sakanya ugi cĕlak, dados aṇḍap dĕdĕgipun, papayon kapara naḍaḥ.

6. katĕmbuṅkĕn sĕpuḥ yĕkti, para tipis baluṅannya, yèku waṅun èstri ranné, utawi dariṅan kĕbak, maṅkya kaŋ kawurṣita, anĕṅgiḥ parabotipun, joglo padariṅan kĕbak.

7. ukuran iṅkaŋ kinardi, waton guru pamiḍaṅan, yèku blandar paṅĕṛĕté, bruñjuŋ kaŋ ṅaṇḍap piyambak, sadaya babaluṅan, utawi parabotipun, griya sanès sanèsira.

8. agĕŋ alit sami ugi, mirit sakiŋ pamiḍaṅan, kaŋ sahupami pañjaṅè, pamiḍaṅan kakaliḥnya, mitulas kaki samya, sadasa dim wiyaripun, woluŋ ĕdim kandĕlira.

9. pañlak pamiḍaṅan kaliḥ, pañjaŋ dwiwlas kaki samya, wiyar sadasa ĕdimè, woluŋ ĕdim kandĕlira, wasana prabot wisma, piridannira puniku, ugi botĕn tilar pétaŋ.

10. maṅsuli parabotnèki, joglo padariṅan kĕbak, sakawan saka gurunè, sunduk kili kaliḥ samya, ḍaḍa pĕkṣi satuṅgal, dé tumpaŋ lumajaṅipun, wontĕn nĕnĕm cacahira.

11. tumpaŋ panitiḥ kakaliḥ, nĕnĕm tumpaŋnya pañĕlak, panitiḥ pañlak kalihè, siṅup pamañjaŋ nĕmbĕlas, siṅup pañlak nĕmbĕlas, dwi blabag tutupiŋ siṅup, andĕr molonya ñatuṅgal.

12. catur suhiŋ sakanèki, takiriŋ bruñjuŋ pamañjaŋ, apan kakaliḥ kaṭahè, dwi takir bruñjuŋ pañĕlak, usuk dĕdĕl sakawan, tigaṅdasa nĕnĕmipun, kaṭahè usuk paṅarak.

13. usuk lorog catur iji, dudurṇya ugi sakawan, kĕjèn kiwa myag tĕṅĕnné, kaliḥ usuk dĕdĕlira, usukipun paṅarak, sadayanya wolulikur, usuké lorog sakawan.

14. rèŋ baruñjuŋ ṅajĕŋ wiṅkiŋ, dwi alis alis takirṇya, nĕmlikur ĕrèŋ pènèké, dwi alis alis molonya, rèŋ kĕjèn kériŋ kanan, dwi rèŋ alis alisipun, rèŋ pènèk dwidasa aṣṭa.

15. sirap baruñjuṅirèki, dwidasa dim pañjaṅira, kawanwĕlas dim wiyaré, iṅkaŋ saĕdim kandĕlnya, cacahira iṅétaŋ, apan nĕnĕmatus laṅkuŋ, sakawandasa titiga.

16. wuwuŋ buṅkaknya satuṅgil, palisiré wuwuŋ buṅkak, sakawan iji cacahé, wuwuŋ baruñjuŋ sakawan, palisirira aṣṭa, paku bibis buṅkak wahu, muŋ kakaliḥ sampun cĕkap.

17. paku wuwuŋ bruñjuŋ nĕṅgiḥ, cacahipun kalihwĕlas, kañciŋ bèji baruñjuṅé, sadasa iji cacaḥnya, taḍa tĕr baruñjuŋ lawan, lumañjaŋ panaṅgapipun, kaṭahipun pan wolulas.

18. ura ura bruñjuŋ sakiŋ, tosan kaṭaḥnya nĕmbĕlas, togog saṅgan sakawanné, togog jalak kawandasa, tamat parabotira, baruñjuṅiŋ wisma ḍapur, joglo padariṅan kĕbak.

19. panaṅgap myaŋ èmpèrṇèki, sadaya parabotira, pañjaŋ lamun winirahos, mĕṅgaḥ éwaḥnya dumadya, ḍapur joglo sanèsnya, iṅgiḥ makatĕn nak bagus, laḥ mugi kapiṛĕṅĕna.

20. dwi warṇi manawi mawi, paṅĕṛĕtipun titiga, sasaka nĕnĕm cacahé, èmpèrṇya mubĕŋ atĕpaŋ, turut lan jubuṅira, ṅgiḥ punika wastanipun, ḍapur joglo taraju mas.

21. tri warṇa manawi mawi, lambaŋ gantuŋ myaŋ payonnya, apan mawi binĕṅgaṅké, kaliyan payon panaṅgap, papayon èmpèr bĕṅgaŋ, lan payon pamaṅgap wahu, pojokipun mawi saka.

22. bĕṇṭuŋ mañjiŋ dudur sami, sawarṇiniŋ babĕṅgaṅan, mawi tinutup blabagé, lawan mawi tumpaŋ gaṅsal, mawi siṅup myaŋ gañja, yèku griya joglo ḍapur, paṅrawit satuhunira.

23. kacatur manawi mawi, tumpaṅipun cacaḥ gaṅsal, kalawan mawi siṅupé, atanapi mawi gañja, saha takir lumajaŋ, iṅgiḥ punika rannipun, griya ḍapur joglo wantaḥ.

24. gaṅsalipun kaŋ winarṇi, manawi lugas kéwala, tanpa sunduk myaŋ kiliné, saka pinĕṇḍĕm akĕkaḥ, utawi sinuŋ umpak, kaŋ makatĕn wastanipun, ḍapur joglo cacĕblokan.

25. kanĕm ukuran pasagi, saha mawi siraḥ gada, lir andĕr gaṅsal tumpaṅé, mawi siṅup lan lumajaŋ, kaŋ sarta mawi gañja, kaŋ makatĕn wastanipun, joglo tawon boni ñata.

26. kasapta pupuṅkasannèki, manawa paṅĕṛĕtira, namuŋ kakaliḥ cacahé, ugi kakaliḥ kaŋ saka, nèŋ tĕṅaḥ paṅrĕt ṅgènnya, yèku griya joglo ḍapur, sĕmar tinaṇḍu namanya.

27. maṅkya gantya kaŋ winarṇi, ḍapuriŋ griya limasan, sadasa warṇi wijaṅé, satuṅgal limasan muḍa, kakaliḥ sinom rannya, titiga bapaṅanipun, kalabaŋ ñandĕr sakawan.

28. gaṅsal nama traju rukmi, nĕnĕm gajaḥ ṅombé nama, gajaḥ muṅkur kapituné, wolu nama pacul gowaŋ, sĕmar tinaṇḍu saṅa, kasadasa warṇinipun, ran limasan sarotoṅan.

29. maṅkya ta iṅkaŋ winilis, prabot miwaḥ ukurannya, griya ḍapur limasanné, guruniŋ ukuran samya, mirid sakiŋ balandar, kalawan paṅĕṛĕtipun, déné prabot sadayanya.

30. yèku namuŋ mĕṇḍĕt sakiŋ, pantĕsé kaŋ wawaṅunan, iṅkaŋ ulun pratélakké, amuŋ parabotiŋ gajaḥ, déné parabotira, panaṅgap myaŋ èmpèripun, kapañjaṅĕn yèn winĕḍar.

31. blandar guru kaliḥ iji, ĕnĕmlikur kaki pañjaŋ, ñadasa ĕdim wiyaré, woluŋ ĕdim kandĕlira, paṅĕṛĕt sakawannya, déné ukur pañjaṅipun, nĕnĕmbĕlas kaki samya.

32. wiyar añadasa ĕdim, moluŋ ĕdim kandĕlira, tumpaŋ sari pamañjaṅé, kaliḥ iji déné tumpaŋ, sari maṅka pañĕlak, ugi kaliḥ cacahipun, andĕr dwi molo satuṅgal.

33. saka guru woluŋ iji, sunduk pamañjaŋ goḍagan, iŋ tĕṅaḥ kaliḥ cacahé, catur sunduk kériŋ kanan, sunduk pañĕlak goḍag, iŋ tĕṅaḥ pañĕlakipun, kakaliḥ kériŋ myaŋ kanan.

34. takir gajaḥ pamañjaŋ dwi, dwi takir gajaḥ pañĕlak, wolu suḥ saka guruné, umpak saka guru aṣṭa, kawanwlas togog jalak, taḍa tirta gajahipun, lumajaŋ miwaḥ panaṅgap.

35. sadaya wolulas iji, bèji dwiatus dwiwĕlas, ura ura baruñjuṅé, sakiŋ duk cacaḥ wolulas, kakaliḥ bibis buṅkak, santiniŋ gajaḥ puniku, kaṭahipun tigaṅdasa.

36. usuk gajaḥ ṅajĕŋ wiṅkiŋ, kaliḥ usuk pandĕdĕlnya, usuk parakan gajahé, sèkĕt ĕnĕm cacahira, usuk lorog sakawan, duduriŋ kaŋ gajaḥ catur, usuk kĕjèn kiri kanan.

37. usuk pandĕdĕl kakaliḥ, déné usukiŋ paṅarak, tigaṅdasa nĕnĕm kèhé, usuk lorognya sakawan, rèŋ gajaḥ wuri ṅarṣa, ĕrèŋ plipis takir namuŋ, kaliḥ iji cacahira.

38. rèŋ pènèk tridasa kaliḥ, ĕrèŋ plipit molonira, apan kakaliḥ cacahé, ĕrèŋ kĕjèn kériŋ kanan, rèŋ plipis takirira, muŋ kakaliḥ cacahipun, ĕrèŋ pèsèk tigaṅdasa.

39. rèŋ plipis molo kakaliḥ, sirap baruñjuŋ kaṭaḥnya, dwitus saptadasa dwiné, sirapiŋ kĕjèn cacaḥnya, dwiatus tri dasaṣṭa, sami agĕŋ pañjaṅipun, ukur pañjaṅiŋ kaŋ sirap.

40. kaliḥ kaki pituŋ ĕdim, laṅkuŋ tiga kapara pat, déné ukuran wiyaré, kalihwlas ĕdim satĕṅaḥ, saĕdim kandĕlira, togog pĕṭokipun catur, jaṅkĕp parabotiŋ gajaḥ.

41. mĕṅgaḥ éwaḥ dadosnèki, ḍapur limasan sanèsnya, laḥ punika pratélané, biliḥ takirṇya lumajaŋ, myaŋ mawi èmpèr tĕpaŋ, punika iṅkaŋ sinĕbut, limasan sinom wastanya.

42. manawi pañjaṅirèki, balandar laṅkuŋ sakiŋ kat, tikĕl lawan paṅĕṛĕté, nama limasan bapaṅan, manawi paṅĕṛĕtnya, laṅkuŋ sakawan puniku, klabaŋ ñandĕr namanira.

43. manawi paṅĕṛĕtnèki, cacahipun namuŋ tiga, taraju ĕmas wastané, dé manawi èmpèrira, muhuŋ sisiḥ kéwala, punika limasan ḍapur, gajaḥ ṅumbé namanira.

44. manawi bruñjuṅirèki, iṅkaŋ sasisiḥ tinrapan, iṅkaŋ nama tutup kéyoŋ, kĕjèn iŋ sasisihira, tan mawi iŋ èmpèran, punika limasan ḍapur, gajaḥ muṅkur namanira.

45. manawi amuŋ sasisiḥ, kériŋ utawi iŋ kanan, iṅkaŋ pinasaṅan èmpèr, ḍapur pacul gowaŋ rannya, biliḥ dwi paṅĕṛĕtnya, saka kakaliḥ puniku, nèŋ tĕṅaḥ paṅĕṛĕt ṅgènnya.

46. punika kaŋ dèn wastani, sĕmar tinaṇḍu ḍapurṇya, puṅkasan biliḥ bruñjuṅé, iṅkaŋ sasisiḥ timrapan, tutup kéyoŋ kéwala, kĕjèn iŋ sasisihipun, dipunèmpèri titiga.

47. iṅkaŋ botĕn dèn èmpèri, amuŋ iṅkaŋ akaprĕnaḥ, saṅaṇḍapiŋ tutup kéyoŋ, punika iṅkaŋ winastan, limasan sarotoṅan, titi limasan kaŋ ḍapur, sĕkar mĕgatruḥ winarṇa.

228. mĕgatruḥ

1. ulum mĕḍar ḍapuré kaŋ griya kampuŋ, wontĕn wiwijaṅannèki, warṇi saṅa kaṭahipun, sajuga kampuŋ nom nami, kaliḥ sarotoṅan maṅgon.

2. kampuŋ ḍapur dara gĕpak tiganipun, jompoṅan sakawannèki, gaṅsalé dirada ṅinum, pacul gowaŋ kanĕmnèki, kasapta sĕmar tinaṇḍon.

3. kawoluné tarajumas punaŋ ḍapur, gĕḍaŋ sliraŋ saṅanèki, prabotiŋ gajaḥ cinatur, kaŋ dadya gurunirèki, ukuran sadaya prabot.

4. mirit sakiŋ balandar paṅĕṛĕtipun, dé prabot sanèsirèki, muŋ mĕṇḍĕt pantĕsiŋ waṅun, dé prabot èmpèrirèki, kapañjaṅĕn yèn kacriyos.

5. blandar iṅkaŋ darbé ukur pañjaṅipun, kawwadasa tiga kaki, sadasa dim wiyaripun, dé kandĕlnya nĕluŋ ĕdim, paṅĕṛĕt sakawan maton.

6. nigalikur kaki yèku pañjaṅipun, wiyarṇya ñadasa ĕdim, nĕluŋ ĕdim kandĕlipun, mĕṅgaḥ molonya satuṅgil, andĕr sakawan mirantos.

7. wolu iji apan sakanipun guru, sunduk blandar gurunèki, nĕnĕm iji cacahipun, kĕli goḍag tĕṅaḥ kaliḥ, kĕli kiwa tĕṅĕn jumboḥ.

8. usuk gajaḥ ṅajĕŋ wiṅkiŋ kaṭahipun, woluṅdasa wolu iji, usuk aliŋ gajaḥ catur, plisir buṅkak catur iji, wuwuŋ buṅkaknya sawiyos.

9. tutup kéyoŋ kaliḥ iji cacahipun, wolu umpak sakanèki, ĕrèŋ ṅajĕŋ miwaḥ ṅayun, kawandasa catur iji, rèŋ dwi plisir takir maṅgon.

10. dé sirapnya iŋ wiṅkiŋ lawan iŋ ṅayun, kaliḥ èwu laṅkuṅnèki, satus kalihwlas puniku, pañjaṅipun ṅaliḥ kaki, déné kandĕlé kaŋ boṅkot.

11. satĕṅaḥ dim satuṅgal ĕdim iŋ pucuk, wiyarṇya ñatĕṅaḥ kaki, suḥ saka guru wowolu, nĕnĕm kaṭahipun takir, bibis buṅkak catur wiyos.

12. santĕn tigaṅdasa iji cacahipun, dé éwahé ḍapurṇèki, griya kampuŋ sanèsipun, punika dipunnastiti, maṅkya ulun acariyos.

13. biliḥ paṅrĕt laṅkuŋ sakiŋ cacaḥ catur, punika kaŋ dèn wastani, kampuŋ sarotoṅan ḍapur, biliḥ mubĕŋ èmpèrṇèki, kampuŋ dara gĕpak yĕktos.

14. biliḥ paṅrĕt muŋ kaliḥ ukuran kubuk, punika naminirèki, kampuŋ jompoṅan satuhu, yèn èmpèr namuŋ sasisiḥ, nama kampuŋ gajaḥ ṅokop.

15. biliḥ tĕṅĕniŋ kanaŋ baruñjuŋ, pan namuŋ salaḥ satuṅgil, kaŋ dèn èmpèri puniku, sasisihipun tan mawi, kampuŋ pacul gowaŋ yĕktos.

16. yèn paṅĕṛĕt namuŋ kaliḥ cacahipun, sasaka ugi kakaliḥ, nèŋ tĕṅaḥ paṅrĕt dumunuŋ, yèku iṅkaŋ dèn wastani, sĕmar tinaṇḍu wus maṅgon.

17. biliḥ namuŋ titiga paṅĕṛĕtipun, nama kampuŋ traju rukmi, dèn manawi payonipun, ponaŋ gajaḥ muŋ sasisiḥ, nama pisaŋ sliraŋ pantog.

18. gantya ḍapuriŋ griya maśjid winuwus, wontĕn wijaṅipun maliḥ, kaŋ satuṅgal nama tajug, ḍapur laṅgar kalihnèki, prabotiŋ maśjid kacriyos.

19. kaŋ winarṇa ugi namuŋ prabotipun, baruñjuṅiŋ griya maśjid, panaṅgap myaŋ èmpèripun, prabotnya datan winilis, miṇḍak katuḷĕn sayĕktos.

20. blandar kaliḥ ugi kaliḥ paṅrĕtipun, dé ukuranira sami, dados pasagi kaŋ waṅun, pañjaŋ amitulas kaki, laṅkuŋ woluŋ dim anapon.

21. wiyarira ñadasa ĕdim sadarum, kandĕlipun nĕluŋ ĕdim, kaliḥ ḍaḍa pĕkṣinipun, andĕrṇya buḷĕt satuṅgil, siraḥ gada buḷĕt swiyos.

22. amastaka satuṅgal buḷĕt puniku, dé mĕnuripun satuṅgil, kadi nanas punaŋ waṅun, sakawan dudurirèki, takir bruñjuŋ catur pantog.

23. saka guru buḷĕt sakawan puniku, umpaknya sakawan iji, anaṅiŋ waṅunannipun, buḷĕt turut sakanèki, kadidéné jĕram kĕprok.

24. pan sakawan sunduké kaŋ saka guru, lis payuŋ sakawan iji, dé sundukiŋ saka guru, ṅaṇḍap lumajaŋ ṅgènnèki, pan namuŋ sakawan kĕṭok.

25. tarip catur ura uraniŋ baruñjuŋ, sakiŋ duk kalihwlas iji, déné bèjiniŋ baruñjuŋ, kaḷĕbĕt panaṅgapnèki, pan stus sadasa kĕṭok.

26. usuk bruñjuŋ sakawan tĕbak sadarum, pan dĕdĕlnya wolu iji, sèkĕt nĕm paṅarakipun, usuk lorog wolu iji, rèŋ bruñjuŋ sakawan tĕbok.

27. rèŋ palipis takir kaṭahipun catur, rèŋ pènèk kaṭahirèki, apan woluṅdasa wolu, rèŋ lis alis molonèki, catur tĕbak lawan kĕṭok.

28. sirap bruñjuŋ kèḥnya apan woluṅatus, sawidak sakawan iji, pañjaŋ kaliḥ kaki laṅkuŋ, gaṅsal dim dé wiyarṇèki, sakaki dwi ĕdim pantog.

29. wuwuŋ bruñjuŋ sakawan iji kèhipun, palisirṇya wolu iji, nĕmblas paku bibisipun, titi prabot bruñjuṅnèki, ḍapur tajug kacariyos.

30. pan éwahiŋ ḍapur maṅkya kaŋ winuwus, iṅkaŋ manawi tan mawi, panaṅgap mubĕŋ puniku, saha gaṭuk payonnèki, yèku nama laṅgar yĕktos.

31. déné griya jawi sanès sanèsipun, kajawi kaŋ kasbut ṅarṣi, kadosta gĕḍogan lumbuŋ, kaṇḍaŋ gaṇḍok myaŋ sarambi, pariṅgitan griya pawon.

32. régol baṅsal topèṅan sasamènipun, yèku muŋ wijaṅiŋ nami, lawan mirid parlunipun, naṅiŋ pamĕṇḍĕtirèki, iŋ ḍapur botĕn marojol.

33. sakiŋ pahugĕran kaŋ kasĕbut ṅayun, mĕṅgaḥ ḍapur ḍapur panti, pépéraṅan kaṅgénipun, myaŋ ḷĕṅgaḥ maṅgènnirèki, iŋ sah‍èstunipun séyos.

34. iṅkaŋ kagĕm daḷĕmipun saŋ aprabhu, limasan sinomirèki, kaŋ kagĕm paṇḍapinipun, winastan joglo paṅrawit, kaŋ kagĕm priṅgitan katoŋ.

35. yèku joglo kĕpuhan muhuŋ baruñjuŋ, panaṅgap èmpèr tan mawi, iṅkaŋ kagĕm para luhur, daḷĕm sapaṇḍapinèki, kaṭaḥ sami ḍapur joglo.

36. iṅkaŋ kaṅgé tyaŋ alit tuwin priyantun, laḥ punika warṇi warṇi, griya myaŋ paṇḍapinipun, sasĕnĕṅira pribadi, limasan kampuŋ myaŋ joglo.

37. sadayèku kaŋ nama awisan namuŋ, griya ḍapur sinom yĕkti, kaŋ kagĕm saŋ prabhu wahu, tuwin kari iṅkaŋ muṅgwiŋ, ṅaṇḍap paṅĕṛĕt kacriyos.

38. ṅgiḥ punika iṅkaŋ nama kĕjèn tĕrus, samantĕn wahu manawi, mawi kĕjèn griyanipun, namuŋ kakaliḥ puniki, giris awisan sayĕktos.

229. girisa

1. kimas cĕbolaŋ duk myarṣa, gotèké kyayi dikara, ḍapur myaŋ prabotiŋ wisma, kalaṅkuŋ éramiŋ nala, tan bisa sumambuŋ sabda, labĕt katĕmbèn uniṅa, dadya alon aturira, ḍuḥ saŋ minulya iŋ wana.

2. labĕtipun dèrèŋ wikan, babasan tanpa pahitan, mila ulun laṅkuŋ kéwran, baḍé sumambuŋ aturan, èwĕt botĕn darbé gaman, pañuwun ulun yèn ḍaṅan, supados ywa kataṅgĕlan, katraṅĕna babarpisan.

3. ki dikara sukèŋ driya, miyarṣa manisiŋ sabda, nulya ṅlajĕṅkĕn carita, aṅgèr mĕṅgaḥ wawatonnya, ukur pañjaŋ cĕlakira, miḍaṅan pamañjaŋ saka, pamiḍaṅan pañĕlaknya, griya ḍapur joglo ika.

4. balandar paṅrĕtiŋ griya, kaŋ limasan ḍapurira, balandar paṅĕṛĕtira, griya kampuŋ ḍaḍapurṇya, sarta blandar paṅĕṛĕtnya, griya ḍapur maśjid ika, iṅkaŋ minaṅka gurunya, utawi turutannira.

5. baluṅan sapanuṅgalnya, lir upami kasbut ṅarṣa, botĕn ṅĕmuṅkĕn punika, ṅaṅkaḥ pantĕs myaŋ sĕmbada, sah‍éniŋ warṇi santosa, anaṅiŋ ta wontĕn uga, paṅaṅkaḥ maliḥ kacrita, sagĕt ñjalari prayoga.

6. kaṛĕjĕkèn myaŋ raharja, iŋ paṅaṅkaḥ pamĕṇḍĕtnya, sakiŋ papétaṅannira, ukuran pañjaŋ cĕlaknya, pamiḍaṅaniŋ kaŋ griya, tuwin blandar paṅĕṛĕtnya, mawi ṅĕl uṅĕlan pañca, punika pratélanira.

7. pétaŋ satuṅgal śri rannya, pétaŋ kaliḥ kitri nama, pétaŋ tiga gana nama, sakawan liyu rannira, gaṅsalé pokaḥ punika, déné maṅgènné kalima, sah‍èstuné béda béda, laḥ punika kamiṛĕŋna.

8. manawi adamĕl griya, yèku iṅkaŋ wus kalimraḥ, katĕmbuṅakĕn iŋ kaṭaḥ, daḷĕm griya wiṅkiŋ omaḥ, dèn ĕṅgènni dalu rina, myaŋ mawi patanèn ika, sĕṇṭoŋ pagĕḍoṅan mawa, ukuran paṅétaṅira.

9. pañjaṅiŋ kaŋ pamiḍaṅan, utawi blandar paṅrĕtnya, kĕdaḥ iṅkaŋ ukurannya, kacĕṅkloŋ aṅgaṅsal gaṅsal, kaaṅkaḥ kantun satuṅgal, sahupami pañjaṅira, balandariŋ ponaŋ wisma, nĕmlikur kaki punika.

10. kacĕṅkloŋ gaṅsal piŋ gaṅsal, utawi salaṅkuŋ kakya, kantun sakaki étaŋnya, makatĕn ugi upama, pañjaṅiŋ paṅĕṛĕtira, nĕmbĕlas kaki punika, kaloŋ gaṅsal kapiŋ tiga, utawi gaṅsalwlas kakya.

11. étaŋnya kantun sajuga, ḍawaḥ ĕsri namanira, punika ḷĕṅgahiŋ griya, déné yèn karya paṇḍapa, ṅgiḥ punika wisma ṅarṣa, iṅkaŋ wus kalimraḥ kaṭaḥ, tan dèn ṅgènni dalunira, patanèn sĕṇṭoŋ tan mawa.

12. parlunipun namuŋ kaṅgya, anampèni tamu priya, myaŋ utusan sasaminya, punika pamañjaṅira, pamiḍaṅan utawinya, balandar paṅĕṛĕtira, kĕdaḥ iṅkaŋ ukurannya, kacĕṅkloŋ iŋ pañca pañca.

13. kantun kaliḥ kaaṅkaha, kados ta upaminira, pañjaṅipun pamiḍaṅan, pamañjaŋ utawi blandar, pitulas kaki punika, kacĕṅkloŋ gaṅsal piŋ tiga, utawi gaṅsalwlas kakya, kantun étaŋ kaliḥ kakya.

14. myaŋ upami pañjaṅira, pamiḍaṅan pañĕlaknya, utawi paṅĕṛĕtira, kalihwlas kaki punika, manawi kacĕṅkloŋ lima, piŋ kaliḥ dados sadasa, kantunipun kaliḥ kakya, ḍawaḥ kitri étaṅira.

15. manawi akarya wisma, gaṇḍok punika trĕpira, nèŋ kiwa tĕṅĕnniŋ wisma, kalimrahannya kinarya, rimatan parluniŋ griya, sĕkul ulam sasaminya, kalawan pirantos tĕḍa, myaŋ uṅgyan paṅulahira.

16. yèn pañjaṅiŋ pamiḍaṅan, utawi blandar paṅrĕtnya, kĕdaḥ iṅkaŋ ukurannya, dipuñcĕṅkloŋ lima lima, sagĕta kantun titiga, sahupami pañjaṅiŋ kaŋ, pamiḍaṅan pañjaṅira, utawi balandarira.

17. kawandasa tiga kaki, cinĕṅkloŋ gaṅsal piŋ aṣṭi, kantunipun tigaŋ kaki, makatĕn ugi upami, pañjaṅiŋ miḍaṅannèki, pañĕlak paṅĕṛĕt nami, wontĕn tigalikur kaki, iṅkaŋ punika manawi.

18. kaloŋ gaṅsal piŋ sakawan, ugi kantun tigaŋ kakya, pétaṅaniŋ kaŋ ukuran, kaŋ kacĕṅkloŋ gaṅsal gaṅsal, sah‍èstunya kantun tiga, winastanan ḍawaḥ gana, rèḥ limraḥ myaŋ maṅgènnira, gariya gaṇḍok punika.

19. kĕdaḥ kampuŋ ḍapurira, milanipun kaŋ minaṅka, upami wawatonnira, kadi kaŋ kasĕbat ṅarṣa, pañjaṅiŋ balandar griya, kaḍapur kampuŋ kinarya, kawandasa tiga kakya, paṅrĕt tigalikur kakya.

20. supados biliḥ sinuda, gaṅsal gaṅsal kadi griya, limasan joglo punika, sagĕta kantun titiga, dados ḍawaḥ étaŋ gana, yèku gaṇḍok maṅgènnira, kĕdaḥ pétaŋ ḍawaḥ gana, maṅkya gantya winurṣita.

21. manawi maśjid punika, paṅgènan nĕmbaḥ hyaŋ sukṣma, étaṅiŋ ukurannira, blandar paṅĕṛĕtnya samya, kantunipun pan titiga, utawi ḍumawaḥ gana, lir kampuŋ iṅkaŋ kinarya, griya gaṇḍok kasbut ṅarṣa.

22. sahupami kaŋ minaṅka, wawaton balandarira, lawan paṅĕṛĕtnya samya, pañjaṅipun pan kinarya, molulas kaki sinuda, gaṅsal gaṅsal kapiŋ tiga, kantun tiga ḍawaḥ gana, punika maśjid maṅgènnya.

23. kajawi kaŋ wus kawĕḍar, iŋ ṅajĕŋ aṅaṇḍar aṇḍar, jaṅkĕpiŋ étaŋ binabar, ukur pamiḍaṅan blandar, lawan paṅĕṛĕtiŋ griya, yèn kacĕṅkloŋ pañca pañca, kantun sakawan punika, ḍawaḥ liyu namanira.

24. biliḥ kantunnipun pañca, utawi tĕlas punika, ḍawaḥ pokaḥ namanira, maṅkya iṅkaŋ ginupita, maṅgènniŋ étaŋ punika, kajawi kaŋ kasbut ṅarṣa, wus mupakat sakèḥ jalma, tumrap griya sanèsira.

25. manawi griya priṅgitan, utawiné pasaṅgrahan, ḍawaḥ kitri kaŋ prayoga, sami kalawan paṇḍapa, biliḥ laṅgar lawan griya, pawon kaṇḍaŋ rajakaya, tanapi gĕḍogan kuda, ḍawaḥ gana kaŋ prayoga.

26. dadya gaṇḍok saminira, manawi iyasa griya, régol myaŋ pasowanannya, tanapi baṅsal punika, ḍawaḥ liyu kaŋ prayoga, biliḥ damĕl lumbuŋ lawan, paṅgènan kaŋ parimatan, ḍawaḥ pokaḥ maṅgènnira.

230. mijil

1. wus kawijil ukuraniŋ panti, tĕlas winirahos, mas cĕbolaŋ rumĕsĕp aturé, mĕṅgaḥ tĕgĕs myaŋ pikajĕṅnèki, pétaṅaniŋ panti, kaŋ kasĕbut ṅayun.

2. ki dikara waṅsulannya aris, jarwa kaŋ gumaṭok, ulun dèrèŋ uniṅa èstuné, amuŋ sakiŋ iŋ paṅintĕn mami, punika manawi, pikajĕṅannipun.

3. pan minaṅka paṅajap pamuji, kasah‍énan yĕktos, kados tĕmbuŋ śri yèku tĕgĕsé, mariŋ paṅan utawi manawi, ḷĕṛĕsipun ĕsri, tĕgĕsnya winuwus.

4. rajabrana paḍaŋ kamulyan di, pramila dumados, maṅgènnipun étaṅan griyané, kaŋ utama kaḍawahkĕn ĕsri, paṅajap utawi, iŋ pamujinipun.

5. kaŋ supados iṅkaŋ aṅĕṅgènni, sagĕda dumados, nora kiraŋ bukti rijĕkiné, miwaḥ sugiḥ arta barana di, kamulyan pinaṅgiḥ, paḍaŋ tyas rahayu.

6. tĕmbuŋ kitri tĕgĕsnya winarṇi, tanĕman kinahot, bokmanawi kapĕṇḍĕt ayomé, pikajĕṅé iṅkaŋ aṅĕṅgènni, dèn ajap pinuji, asrĕp tĕntrĕmipun.

7. asrĕpiŋ tyas ariŋ iṅkaŋ ḍiri, tan saraŋ sayĕktos, iŋ rijĕki miwaḥ sasaminé, cĕkakipun iṅkaŋ aṅĕṅgènni, sagĕd sĕnĕŋ ariŋ, sĕgĕr myaŋ rahayu.

8. tĕmbuŋ gana gatra tĕgĕsnèki, kajĕṅiŋ surahos, iŋ paṅajap saha pamujiné, sagĕt isi sarta lumastari, lir èṣṭiniŋ ati, kaŋ darbé wismèku.

9. tĕmbuŋ liyu ḷĕsaḥ tĕgĕsnèki, kajĕṅiŋ surahos, aywa ṅanti ndarbèni dayané, kapurunan sasaminirèki, mriŋ kaŋ darbé panti, kumambaŋ sakayun.

10. tĕmbuŋ pokaḥ pikajĕṅé nĕṅgiḥ, sakiŋ botĕn amot, kĕbak brana arta rijĕkiné, iŋ paṅaṅkaḥ kalawan pamuji, binabarkĕn takṣiḥ, kĕbak malaḥ wuwuḥ.

11. sampun tamat naṅiŋ wontĕn maliḥ, kĕdaḥ winirahos, babaluṅan griya caṭokané, utawiné ñjiŋ añjiṅannèki, apan kĕdaḥ mawi, cinorèk sadarum.

12. myaŋ ginĕṭĕk iŋ tataḥ waradin, ḍapur séyos séyos, warṇi catur punika namané, nara sunya gaṇḍéya nurwitri, byabya jaṅkĕpnèki, déné parlunipun.

13. pan kinarya tatĕṅĕr supadi, tan kalintu ĕṅgon, cĕcaṭokan myaŋ ñjiŋ añjiṅanné, wontĕn iṅkaŋ ṅaṅgĕp aṅgaḍahi, aṅsarṇya prayogi, iṅkaŋ maṅgèn tulus.

14. cacaḥ catur déné tumrapnèki, wontĕn badan maṅgon, pamiḍaṅan blandar paṅĕṛĕté, saka sunduk tumpaŋ siṅup kiki, sasaminirèki, baluṅan kaŋ aguŋ.

15. sami anèŋ cakĕt caṭokaniŋ, warṇi kĕdaḥ jumboḥ, ñjiŋ añjiṅan kaŋ dadya kañcuhé, upaminé saka dèn tĕṅĕri, nara sunya ciri, blandar paṅrĕtipun.

16. pamiḍaṅan sunduk miwaḥ kili, kaŋ pañcèn cumaṭok, kaañjiṅan purusiŋ sakané, ugi kĕdaḥ mawi dèn tĕṅĕri, nara sunya sami, sapiturutipun.

17. ḷĕṅgahipun tĕtĕṅĕr winarṇi, lèr wétan kacriyos, nara sunya puniku corèké, kidul wétan ganéya ṅlĕṅgahi, kidul klèn nurwitri, lèr kilèn bya bya nuŋ.

18. nadyan panti ṅidul ajĕṅnèki, ṅalèr ṅétan ṅulon, kaŋ tatĕṅĕr tan éwaḥ ĕṅgènné, sahupami wontĕn griya mawi, saka catur sisiḥ, paṅrĕt ugi catur.

19. iṅkaŋ cĕlak klawan prĕnahnèki, iŋ lor wétan pojok, nara sunya ugi tatĕṅĕré, iṅkaŋ cĕlak kidul kilèn mawi, tinĕṅran nurwitri, sapiturutipun.

20. déné griya kaŋ saka nĕm sisiḥ, twin wolu kacriyos, paṅĕṛĕtnya sami lan sakané, tumrap iṅkaŋ tatĕṅĕrirèki, ugi kadi ṅarṣi, tan na bèntĕnnipun.

21. sapintĕna kèhiŋ sakanèki, lan paṅĕṛĕt jumboḥ, iŋ tatĕṅĕr kabagé kalihé, kaŋ sapaliḥ nuṅgil tatĕṅĕriŋ, lèr wétan puniki, kaŋ sapalihipun.

22. èstu nuṅgil tatĕṅĕrirèki, pojok kaŋ lèr kulon, laḥ makatĕn ugi sasisihé, iṅkaŋ kidul wétan tĕṅĕrṇèki, gaṇḍéya sasisiḥ, myaŋ nurwitri nipun.

23. déné tĕṅĕr iṅkaŋ tumrap muṅgwiŋ, andĕr miwaḥ molo, patrap ugi tan ana sanèsé, kadi iṅkaŋ kasĕbut iŋ ṅarṣi, anaṅiŋ sarèhniŋ, molo dunuṅipun.

24. wontĕn tĕṅaḥ ḷĕṛĕs iṅkaŋ pasti, pan kinarya kahot, sawatawis binéda patrapé, botĕn pajĕg ragi mèñcèŋ kĕḍik, sahupami pasti, ṅidul ajĕṅipun.

25. sĕmu ṅajĕṅakĕn iŋ pojokiŋ, kéblat kidul kulon, tinĕmbuṅkĕn malumaḥ pantiné, molo mujur ṅilèn sĕmunèki, maṅalèr sakĕḍik, wétan sĕmu ṅidul.

26. iṅkaŋ kilèn kĕdaḥ dèn tĕṅĕri, bya bya wus pinaṭok, kados saka iṅkaŋ ĕlèr kilèn, iṅkaŋ wétan ganéya pinaṣṭi, kadi sakanèki, iṅkaŋ wétan kidul.

27. griya majĕŋ maṅidul upami, sĕmu maḍĕp mojok, iṅkaŋ wétan maṅkuṛĕp sĕmuné, molonipun ṅilèn ujurṇèki, sĕmu ṅidul kĕḍik, déné patrapipun.

28. sisiḥ wétan ṅalèr sĕmunèki, iṅkaŋ sisiḥ kulon, tinĕṅĕran nurwitri yĕktiné, kadi saka kidul kilèn sami, wétan dèn tĕṅĕri, nara sunya tamtu.

29. kadidéné saka iṅkaŋ muṅgwiŋ, iŋ lèr wétan jumboḥ, awit molo wétan para ṅalèr, wontĕn déné biliḥ ponaŋ panti, pajĕg ajĕṅnèki, maṅalèr maṅidul.

30. botĕn sĕmu majĕŋ pojok kaliḥ, wétan tuwin kulon, waton mawi tan winĕnaṅaké, nir prayogi sah‍èstu ñjalari, apĕsiŋ kaŋ ḍiri, cilakanya muput.

31. riṅkĕsannya pojok kéblat suci, iŋ salaḥ sawiyos, pundi iṅkaŋ kapara cĕlaké, yèku kaṅgé wawatonnirèki, tĕtĕṅĕr kaŋ muṅgwiŋ, babaluṅan aguŋ.

32. sampun pantog sĕsĕṛĕpan mami, babasan sok glogok, muŋ puniku si bapak glèṭèké, èstu botĕn wontĕn maliḥ maliḥ, sadarmi naluri, criyosé luluhur.

33. mas cĕbolaŋ aturira aris, sru panuwuniṅoŋ, tĕmbé biliḥ kinuwasakaké, sagĕd damĕl griya èstu mawi, patrap pétaṅnèki, kadi kaŋ ḍumawuḥ.

34. namuŋ pétaŋ kaki lawan ĕdim, ulun dèrèŋ ṅrĕtos, ki dikara alon waṅsulané, tĕka ḷĕṛĕs yèn dèrèŋ udani, étaŋ kaki ĕdim, dèrèŋ patos ṅumum.

28. lampahipun mas cĕbolaŋ kaṇṭi para santrinipun dumugi iŋ ḍusun tĕmbayat, kapaṅgiḥ modin ki sahabodin.

mas cĕbolaŋ kaĕtĕrakĕn ki modin jiyaraḥ iŋ pasaréyanipun paṅéran paṇḍanaraŋ lan pasaréyanipun sèḥ domba iŋ ṛĕdi cakaran. iŋ pasaréyan tĕmbayat lan cakéran wahu mas cĕbolaŋ uluk salam, tĕka kapiṛĕŋ waṅsulanipun, andadosakĕn éramipun ki modin. mas cĕbolaŋ nĕraṅakĕn makṣud lan maknanipun"salam".

35. ḍawuhdaḷĕm ñjĕŋ śri narapati, kaŋ supados maton, rèhniŋ pĕcak tindak myaŋ ḍĕpané, ñari tĕbaḥ èstu botĕn sa, lajĕŋ dèn pariṅi, ukuran puniku.

36. asalipun sakiŋ ṅatasaṅin, paṅandika katoŋ, étuŋ iki iṅsun gaḍuhaké, maraŋ bocahiṅsun kalaŋ ṇḍagi, gowoŋ lawan maliḥ, bocaḥ juru ukur.

37. biliḥ paṛĕŋ ulun ñuwun uniŋ, ki dikara gupoḥ, ṅambil kakènan gya sinuṅaké, myaŋ suŋ wikan garisan tĕs sĕtrip, radi wiyar ĕdim, déné étaṅipun.

38. rolas sĕtrip punika saĕdim, rolas dim anapon, pan sakaki dé rolas kakiné, dèn wastani sacĕṅkal winilis, tatĕṅĕr kaŋ muṅgwiŋ, iŋ papadon catur.

39. warṇinipun laḥ kadi puniki, mas cĕbolaŋ anon, ki dikara sarwi mĕḍaraké, pojok catur sami dèn jagani, jawata ñatuṅgil, déné naminipun.

40. ĕlèr wétan pritañjana nami, kidul wétan pojok, hyaŋ kuwéra déné kidul kilèn, kaŋ rumĕkṣa saŋ hyaŋ maha yĕkti, lèr kilèn muṅkasi, hyaŋ siwaḥ jujuluk.

41. kacarita sampun gaṅsal ari, dèn nira nèŋ ṅraṅgon, lulaŋ kidaŋ sampun tinrapaké, kalowoṅan taṛĕbaŋ kakaliḥ, paṅgarapé apik, swarané jumĕṅgluŋ.

42. sinuṅakĕn mriŋ tamunirèki, punika wus dados, myaŋ santaké mirantos kalihé, maṅké ratri wawi dèn éṅgali, taṛĕbaŋ tinampi, saŋ anom panuju.

231. sinom

1. diwasaniŋ diwaṅkara, iŋ ṅraṅgon wus dèn bĕrṣihi, dilaḥ colok sinuḷĕdan, baḍé sasĕgaḥ miranti, ki dikara wus liṅgiḥ, kupĕŋ lawan tamunipun, mas cĕbolaŋ kalawan, nurwitri trĕbaŋ sinaṇḍiŋ, ki saloka palakarti kartipala.

2. ki wisma alon tatanya, èstu ulun dèrèŋ uniŋ, gĕṇḍèŋ gĕṇḍiṅiŋ kaŋ gaṅsa, lan tĕrbaŋ punapa sami, mas cĕbolaŋ liŋnya ris, radi wontĕn sanèsipun, rumuhun ulun taña, ḍumatĕŋ kyayi cĕṇḍani, iṅkaŋ mañjiŋ gĕṇḍiŋ taṛĕbaŋ slawatan.

3. raṇḍa nurut ḷĕmpaŋ jawa, pĕtuŋ wuluŋ kuḍup turi, montro myaŋ ḷĕmpaŋ gariyaḥ, sontoloyo baṅo mati, bayĕm tur tuñjuŋ adi, roṅé roṅé caraŋ gantuŋ, gandruŋ binaṅun liṅgaŋ, rujak sĕntul kĕmbaŋ katis, srundèŋ gosoŋ caṅkĕlèk ranumĕṅgala.

4. sohoyuŋ bujaŋ daḷĕman, laré aṅon lompoŋ kèli, glélé sĕkar gaḍuŋ jawa, kiduŋ kiduŋ salobog i, gĕṇḍéyo popok kèli, jalèdrèsé topèŋ arum, kiñjĕŋ truŋ paman paman, glaṭik boloŋ luṅgaḍuŋ pil, kahum ḍawuk sĕkar gaḍuŋ bagĕlénan.

5. gĕṇḍuk gĕṇḍuk kayun wisma, tokuŋ tokuŋ pawèḥ slisir, tuṅgu jaguŋ sampun tĕlas, sadaya apan winilis, kawandasapapat amiŋ, samaṅké sah‍èstunipun, kaṭaḥ kaŋ dèrèŋ ḷĕbda, tuwin supé lagunèki, uran uran sĕṅgakan kaṭaḥ kalépyan.

6. ki dikara ṛĕnèŋ driya, wawi anak dikawiti, mas cĕbolaŋ tandya buka, kanaŋ sĕkar gaḍuŋ jawi, tĕrbaŋ agĕŋ nibani, kadya ĕgoŋ bĕm maṅguguk, tĕrbaŋ alit kosĕkan, binaruŋ swara dumĕliŋ, baruṅanné kadi ta iṅkaŋ winahywa.

7. atapa jroniŋ sarira, sadina dina guŋ braṅti, datan nana katiṅalan, sarirané dèn taṅisi, tansaḥ dèn éliŋ éliŋ, solahiŋ raga dèn étuŋ, margané anèŋ doña, ciptaniṅsun lir aṅimpi, kĕmaŋ iṛĕŋ uripku sakiŋ sihira.

8. marmaniṅsun anèŋ duña, ḍapur sira ṅandikani, tansaḥ iŋ raga winaṅwaŋ, amoŋ winoŋ siḥ ṅasihi, tansaḥ siḥ asinuŋ siḥ, karṣanira amoŋ kayun, jabèŋ jro jati sukṣma, wĕlatuŋ wijil mĕrapi, tiṅaliṅsun sirṇa déniŋ tiṅalira.

9. yèn tan ana ananira, maṅsa ana iŋ dumadi, solahiṅsun solahira, tan kĕna kari myaŋ ḍiṅin, tuṅgal sapati urip, punapa ta rupanipun, lamun déra tilara, gunuṅé woŋ majapahit, kawruhiṅsun sirṇané kawikanana.

10. yèn ta sira anampika, sisikuniŋ raga iki, datan wandé anèŋ nraka, jahanam kaŋ sunlĕboni, sanadyan na ḍasariŋ, kawaḥ candramuka iku, baṛĕŋ kalawan sira, kasĕktèniŋ pra maharṣi, raga raga kuwawané iŋ paṅwasa.

11. apa iŋ sasolahira, iṅsun iki aja kèri, sanadyan mora pyuyika, tan na tolèḥ lara pati, sakarṣa mamah‍èsi, sakiŋ sira marganiṅsun, wulu niṅsun saḷĕmbar, apan sira kaŋ ndarbèni, traṅiŋ nala karṣaniṅsun karṣanira.

12. yèn ta sira amisésa, karṣanta jroniŋ karonsiḥ, tuṅgala saraga jiwa, tuṅgaliŋ karṣa pinaṅgiḥ, wus lali anak rabi, saṇḍaŋ paṅan ora kétuŋ, sampun sah‍ékapraya, srĕṅiŋ karṣa sun aranni, kupiṅiṅsun sirṇa déniŋ panarima.

13. piyarṣakĕna kawula, sasambat iŋ lara pati, nora nama nambanana, yèn lara kaṇḍuwan wiṅit, sun lilipur iŋ gurit, saḥ siŋ kawula lawan usul, prandéné nora waras, ḍĕlé kaŋ cinandu ṛĕsmi, kaŋ sun ucap tan adoḥ kalawan sira.

14. tansaḥ aṅura pralambaŋ, suraté sawiji wiji, kalaṅĕnan karasikan, jroniŋ jinĕm aliron siḥ, sun nĕdya ĕtoḥ pati, yèn maléca maliḥ kayun, sampun aliru wastra, laṇḍĕsaniŋ ani ani, ana ora iṅsun mapan sakiŋ sira.

15. saya ṅlaṅut laras mara, lir palwa kéntir iŋ aṅin, sampun na tilar salira, tan ana sinĕdyèŋ ati, wilaṅan tusiŋ ṅĕntiŋ, kadi saraḥ muṅgwiŋ lahut, miṅkĕt tanapi obaḥ, poṇḍoḥ cĕṅkir sun wastani, sak polahé tan lyan polahé sagara.

16. umbak kaṛĕm iŋ sagara, anané datan kakaliḥ, kaŋ iṅaranan sagara, dèn kĕna déra nampèni, lir uyaḥ tibèŋ tasik, iŋ tampa ywa salaḥ surup, ya iku kaŋ sinédya, piliḥ iṅkaŋ ṅuniṅani, iya iku kaŋ wus rohyatiŋ dumadya.

17. sabĕn wus ḍawaḥ goŋ nulya, kartipala palakarti, kalawan kyayi saloka, katri saṛĕŋ añĕṅgaki, ṛĕmpĕg lir swara siji, ĕgoŋ yoŋ géyoŋ amoyuŋ, sĕsĕgan sawatara, kinĕṇḍon iramanèki, sĕkargaḍuŋ wus suwuk sèlèḥ taṛĕbaŋ.

18. ki dikara suka ṛĕna, èstu sajĕg kula urip, sa allaḥ sawĕg punika, miṛĕŋ kaŋ kadya puniki, tĕka datan mbĕrbĕgi, wijaŋ swara tĕrbaŋ ḍahup, biliḥ santri slawatan, swara umyuŋ ṅĕlik ṅĕlik, ṅanti ĕrak tan cĕṭa tĕrbaŋ bruŋ bruṅan.

19. nahan ta sakèhiŋ kalaŋ, kaŋ nèŋ wana tĕbiḥ tĕbiḥ, bawahé kyayi dikara, dupi miṛĕŋ swaranèki, taṛĕbaŋ mawa sinṅir, pra samya ḍatĕŋ asĕlur, miwaḥ mbĕkta wowohan, pala saṇḍuŋ warṇi warṇi, atanapi pala pĕṇḍĕm lan kasimpar.

20. dèrèsan arèn siwalan, dagiŋ kidaŋ saṅsam akiŋ, wis pinarṇaḥ luṅguhira, ki wisma gupuḥ mbéjani, maraŋ iŋ tamunèki, laḥ punika kañca ulun, pra abdidaḷĕm kalaŋ, kaŋ sami wismèŋ wanadri, para kalaŋ lawan tamu sampun tĕpaŋ.

21. babĕktané wus tinata, nèŋ tĕṅaḥ sahiṅga wukir, samya naḍaḥ sasukanya, mas cĕbolaŋ lan nurwitri, ñaṇḍak taṛĕbaŋ maliḥ, muṅĕl gĕṇḍiŋ kiduŋ kiduŋ, binaruŋ apalannya, kalima datan saṛĕnti, ana kalaŋ mĕñcul ñjogèt mbari sila.

22. kiduŋ kiduŋ salondopan, kawi doro toñjok ĕntiŋ, obaḥ ḍaḍa ḍaḍa ĕntap, pacak gulu caké dupi, daṅu iŋ sawatawis, sinĕsĕkkĕn tandya suwuk, kaṛĕnan sakèḥ kalaŋ, nuṅsuŋ warta mriŋ ki panti, pintĕn dalu aṅgènnipun taṛĕbaṅan.

23. ki dikara mèsĕm liŋnya, amuŋ saratri puniki, rèḥ wus sawatara dina, ayun biḍal béñjiŋ éñjiŋ, mariŋ iŋ pranaragi, prĕlu atalabul ṅèlmu, kalaŋ goyaŋ kapala, ḍuḥ aṅgèr mbok iṅgiḥ iṅgiḥ, ywa kasĕsa wontĕna ṅriki sacandra.

24. kula kaŋ jagi rumĕkṣa, rahayuniŋ kanaŋ ḍiri, myaŋ ṅawontĕnkĕn sasĕgaḥ, tumuntur mriŋ pranaragi, cĕbolaŋ liṅira ris, saklaṅkuŋ panuwun ulun, iṅgiḥ béñjiŋ kéwala, mantuk kula tamtu kampir, datan lami wontĕn nagri pranaraga.

25. sadalu dèn nya tĕrbaṅan, dupi wañci pajar gidip, sata kaluruk sahuran, miwaḥ swaraniŋ kaŋ pakṣi, mrak maṅuwuḥ dumĕliŋ, suŋ péliŋ kaŋ arṣa ṅlaṅut, nuli sira maṅkata, ywa kalamèn nèŋ wanadri, isiḥ dawa muṅguhiŋ lalakonnira.

26. kèndĕl dèn nya taṛĕbaṅan, cĕbolaŋ saréwaṅnèki, wus pamit mriŋ ki dikara, mriŋ pra kalaŋ kaŋ maṅgihi, asuŋ puja basuki, kaŋ sinuŋ liŋ samya ṇḍĕku, mĕḍun sakiŋ plaṅgroṅan, ki dikara tĕdaḥ margi, kalaŋ kalaŋ ṅgarubyuk ana iŋ wuntat.

27. taṛĕbaŋ dwi kaŋ ambĕkta, kartipala palakarti, kalaŋ sawiji añĕlak, mriŋ cĕbolaŋ lan nurwitri, prayogi sinuŋ nami, taṛĕbaŋ kakaliḥ wahu, kaŋ agĕŋ maṅunarja, iṅkaŋ alit maṅajapsiḥ, mas cĕbolaŋ sukèŋ tyas maṅayubagya.

28. lampahé praptèŋ trataban, pra samya andum basuki, pra kalaŋ waṅsul iŋ wana, lam lamĕn duk wahu ratri, muji nuliné bali, sigĕg pra kalaŋ kaŋ mantuk, nahan ta lampahira, cĕbolaŋ saréwaṅnèki, mahawan riŋ pagagan sĕtrèn tĕgalan.

29. nurut margi paḍusunan, ṅambaḥ ardi alit alit, prapta iŋ ardi tĕmbayat, miyat maśjid alit cèkli, wiṅit siṅit ṛĕspati, cĕbolaŋ saréwaṅipun, mañjiŋ srambi kapaṅgya, lan ki modin saha bodin, wus tinanya nama pinaṅka myaŋ sĕdya.

30. mas cĕbolaŋ apratéla, kalawan tatanya aris, kula ñuwun sasĕṛĕpan, sintĕn kaŋ sinambatiŋ siḥ, ṅriki ḍusun iŋ pundi, déné harjané kalaṅkuŋ, jalu èstri ṅibadaḥ, dalaḥ laré alit alit, saṅgèn ĕṅgèn samya ṅabĕkti iŋ allaḥ.

31. ki modin alon liṅira, kula modin saha bodin, riki iṅaran tĕmbayat, ḷĕṛĕs andika mastani, sĕnĕnniŋ ḍusun kèkṣi, ṅuni kaŋ awit ḍuḍukuḥ, kyatiṅrat sunan bayat, duk dèrèŋ jumĕnĕŋ wali, apaparaḥ kyayi gĕḍé paṇḍanaraŋ.

32. asal sakiŋ iŋ samaraŋ, sugiḥ siṅgiḥ aṅlaṅkuṅi, añakabat ñjĕŋ suhunan, kalijaga dèn ḍawuhi, martapi anèŋ riki, déné masigid di luhuŋ, criyosé tiyaŋ sĕpaḥ, sakiŋ mĕkaḥ asalnèki, iṅkaŋ paṅandika sunan kalijaga.

33. sunan bayat sakaliyan, dumugi praptaniŋ jaṅji, sumaré ardi punika, wontĕn sabatnya satuṅgil, sèḥ dumba awawaṅi, wapaté sumaré gunuŋ, cakaran cakĕt bayat, kaŋ katiṅal sakiŋ riki, paran karṣa kula sagaḥ ṅatĕṛĕna.

34. iṅgiḥ kakaŋ yèn kalilan, kula ayun maṅastuti, muhuŋ jiyaraḥ kéwala, nahlilakĕn kaŋ suwargi, ñuwun sawab basuki, ḷĕstariniŋ lampaḥ ulun, ki modin tansaḥ ñawaŋ, maraŋ iṅkaŋ nĕmbé prapti, cahya wĕnĕs bagus jatmika prasaja.

35. ṅunandika jroniŋ nala, kimasé paṅiramami, dudu santri ñĕgobaṅan, cahyané ṅuwuŋ nĕlahi, wasana wacana ris, punika laṅkuŋ panuju, punapa sapunika, punapa bakda ṅisahi, cĕbolaŋ ṅliŋ prayogi bakdaniŋ ṅisa.

36. tan cinatur dèn nya wĕkdal, paragat wĕktu ṅisa i, ki modin miranti dupa, cĕbolaŋ sarowaṅnèki, wus kérit cĕlak margi, anon pakuburan aguŋ, iŋ dagan ṅilak ilak, nurwitri tatanya aris, sintĕn iṅkaŋ sumaré kubur punika.

37. laḥ niku ṅgèr garwanira, ñjĕŋ sunan tĕmbayat ṅuni, kaṭaḥ kaŋ samya jiyaraḥ, nĕnĕpi ñuñuwun sugiḥ, lajĕŋ lampahirèki, prapta pasaréyanipun, ñjĕŋ sunan iŋ tĕmbayat, anèŋ ndagan sadayèki, mas cĕbolaŋ asuŋ salam miṛĕŋ swara.

38. tètèḥ cĕṭa winaṅsulan, sadaya samya miyarṣi, ki modin goyaŋ kĕpala, saṅsaya iŋ kurmatnèki, tutug dèn nira tahlil, wawi kakaŋ samya mundur, mriŋ makamé sèḥ dumba, kaŋ nèŋ iŋ cakaran wukir, lumakṣana ki modin lumakyèŋ ṅarṣa.

39. praptèŋ kuburé sèḥ dumba, anèŋ ndagan dèrèŋ liṅgiḥ, mas cĕbolaŋ asuŋ salam, uga na swara maṅsuli, añjawab salamnèki, nulya nèŋ daganirèku, nutug dèn nya tahlilan, pragat waṅsul mriŋ masigid, kyayi modin pamit ayun maraŋ wisma.

40. mĕṇḍĕt sĕgaḥ sawontĕnnya, cĕbolaŋ datan maṛĕṅi, kakaŋ sampun susaḥ susaḥ, sarèhniŋ wus tĕṅaḥ ratri, damĕl susahiŋ batiḥ, maṅké sabibariŋ subuḥ, ulun lajĕŋ kéwala, ḍumatĕŋ wanakartèki, kyayi modin ṇḍĕku gya ṅgĕlari glaran.

41. bantal ḍumpal wus tinata, dilaḥ joḍog mĕlik mĕlik, ontoṅan klobot myaŋ sata, mĕñan madu sakĕmiri, nèŋ kĕba dèn slĕmpiti, paṅot ṅiras kaṅgé mbĕsut, lantiṅan kĕbak toya, sumaṅga sawontĕnnèki, sami ĕsĕs miwaḥ ṅuñjuk toya tawa.

42. kaŋ sinuŋ liŋ samya rahab, ñĕbrak kalobot mbĕsuti, linintiŋ winoran mĕñan, kaŋ ṅoroŋ ṅlaṅga iŋ kĕṇḍi, nikmat tumrapiŋ ḍiri, sĕnĕŋ tĕntrĕm nir iŋ rapuḥ, sadaya suka ṛĕna, gumrumuŋ sajroniŋ maśjid, ki abodin aṅliŋ maraŋ tamunira.

43. kala wontĕn pasaréyan, sakalaṅkuŋ éram mami, pun aḍi atur sasalam, tĕka wontĕn kaŋ maṅsuli, nèŋ ardi bayat tuwin, nèŋ ardi cakaran wahu, awit salami kula, dèrèŋ naté amĕniṅi, lalampahan kaŋ mirid kadi punika.

44. punapi ta karananya, mas cĕbolaŋ amaṅsuli, sawĕg pinuju kéwala, botĕn wontĕn kĕḍaḥ kĕḍiḥ, amuŋ prataṇḍa luwiḥ, sakalihé kaŋ wus marhum, bokmanawi punika, iribané kaŋ nĕtĕpi, nora mati kéwala ṅaliḥ paṅgonan.

45. sèḥ bodin goyaŋ kĕpala, aḍi iŋ sah‍èstunèki, toḥ sabĕn ari aṅucap, asuŋ salam myaŋ maṅsuli, anaṅiŋ amuŋ aṅliŋ, tan uniṅa kajĕṅipun, pun aḍi biliḥ wikan, pyarogi winĕḍar aṅliŋ, pariŋ sawab mriŋ ulun puṅguŋ asmara.

232. asmaradana

1. mas cĕbolaŋ liṅira ris, pamaṅgiḥ ulun piyambak, kilap tĕmĕn myaŋ ḷĕpaté, miwaḥ kacoṇḍoṅan karṣa, botĕnnipun sumaṅga, kojahé santri ṅaluyug, asriŋ ṅĕpotakĕn wĕkdal.

2. tiyaŋ iṅkaŋ ḍatĕŋ aṅliŋ, ḍumatĕŋ kaŋ kaḍatĕṅan, asalamu ṅalah‍ékom, jarwa wilujĕŋ kawula, tumrapé iŋ sampéyan, iṅkaŋ kaḍatĕṅan muwus, wa ṅalah‍ékumu salam.

3. wardinipun kula iṅgiḥ, makatĕn ugi tan sisaḥ, sanadyan wilujĕŋ iṅoŋ, tumrap iŋ atas sampéyan, dyan taḷĕkĕman asta, wontĕn iṅkaŋ botĕn namuŋ, sami wicantĕn kéwala.

4. kaŋ mawi gaṭuk astèki, punika tumrap kaŋ samya, tĕpuŋ lajĕŋ samya jagoŋ, twin pinaṅgiḥ dĕg dĕgan, mriḥ ḷĕkĕtkĕn sasanak, asiḥ sinihan satuhu, anambahi kasantosan.

5. dé kaŋ tan gaṭuk astèki, tumrap sami sakiŋ tĕbaḥ, cĕkap suŋ salam kémawon, tan mawi tĕkĕman asta, wardiné tĕmbuŋ salam, punika slamĕt rahayu, mañjiŋ ḍatĕŋ kasantosan.

6. pikajĕṅipun winarṇi, tyaŋ kaŋ ḍatĕŋ uluk salam, sèstu añantosakaké, saha ṅĕguṅakĕn urmat, mariŋ kaŋ kaḍatĕṅan, waṅsulan muṅalah‍ékum, pan kosokwaṅsul kéwala.

7. wontĕn maliḥ rasanèki, wardiné salam raharja, wujud gĕsaŋ umuriṅoŋ, maṅka sipatiŋ agĕsaŋ, tuwin umur punika, muŋ satuṅgal èstunipun, tan kéṅiŋ biliḥ kabagya.

8. iŋ ṅriku lajĕŋ kabagi, ruruba katur iŋ liyan, apan tĕlas sah‍èstuné, naṅiŋ margi sakiŋ satya, ḷĕgawaniŋ wardaya, allaḥ iṅkaŋ maha aguŋ, mbaṛĕṅi kula suŋ salam.

9. mariṅi lintu basuki, umur kalaṅkuŋ utama, katimbaŋ lawan umuré, iṅkaŋ rinubakkĕn liyan, kados mandar santosa, déné kaŋ rinuban wahu, upami wilujĕṅira.

10. dèrèŋ rinubakkĕn yĕkti, kaŋ maṅka aṅsal tambahan, èstu miṇḍak santosané, nadyan wus kinarya ruba, sarèhniŋ maha nasa, sampun amariṅi lintu, laṅkuŋ sah‍é myaŋ santosa.

11. iṅgiḥ saṅsaya mĕwahi, saṅĕt kĕkaḥ kuwatira, mĕṅgaḥ ta katĕraṅané, sadaya muhuŋ minaṅka, jalaran kaŋ kuwasa, aṅgènnipun baḍé asuŋ, gañjaran myaŋ kadrajadan.

12. ḍumatĕŋ kawulanèki, kaŋ tumrap ĕdatiŋ allaḥ, pribadi kaŋ boya katon, déné kaŋ samya tumitaḥ, sarana kaḍawuhan, apan sami kinèn uluk, salam miwaḥ jawat asta.

13. pan sami siniyan iŋ siḥ, sintĕn kaŋ mituhokĕna, saparéntahiŋ hyaŋ mason, èstu amaṅguḥ kabĕgjan, kaŋ aguŋ tumrap duña, tanapi ṅakératipun, mila sami ṅistokĕna.

14. liriŋ ḍawuhiŋ hyaŋ widdhi, iŋ kur'an sampun kaĕnas, taṅèḥ kalamun macĕṭot, ki abodin lon liṅira, mugi kawĕḍaṛĕna, iṅgiḥ kakaŋ èṅĕt ulun, rapalé kadi punika.

15. ya ayu haladinna ni, amanu kinakiyitan, bitakiyatin pa kiyé, biak anu min alawan, ahuratuha tamat, maknanipun rapal wahu, èḥ éliŋ éliṅĕn poma.

16. umat mukmin sadayèki, kala sira tampa ruba, lan saḍéṅaḥ rurubané, iya iku kaslamĕtan, myaŋ mahujud sabaraŋ, nuli maḷĕsa sirèku, kalawan ganti ruruba.

17. iṅkaŋ sakira ṅuṅkuli, lawan rurubaniŋ liyan, utawa ambalèkaké, iŋ satimbaṅé kéwala, déné ta kukumira, tyaŋ muŋ ruruba salamu, tuwin saḍéṅaḥ ruruba.

18. amuŋ sunat yĕktinèki, dé kaŋ iṅulukan salam, wajib asuŋ waṅsulanné, naṅiŋ wajib kiyapaḥ, sanépané maṅkana, upami tyaŋ kaṭaḥ kumpul, wontĕn iṅkaŋ uluk salam.

19. salaḥ satuṅgal maṅsuli, wus nir kasipatan dosa, kaŋ tan suŋ waṅsulan kabèḥ, cĕkap satuṅgal kéwala, déné ta wawaṅsulan, kaŋ ṅuṅkuli rurubèku, amuŋ makatĕn kéwala.

20. upami rurubanèki, asalamu ṅalah‍ékam, waṅsulané kaŋ kinahot, wa ṅalah‍ékumssalam, wa rahmatulahi wa, barakatuhu puniku, utaminiŋ wawaṅsulan.

21. dé kaŋ muŋ stimbaṅnèki, salamu ṅalah‍ékum, wa ṅalékumu salamé, cĕkak makatĕn kéwala, manawi kaŋ ruruba, baraŋ iŋ sawujudipun, puniku winaḷĕsana.

22. klawan baraŋ kaŋ ṅuṅkuli, utawi satimbaṅira, yèn tan sagĕd maḷĕsaké, iṅkaŋ sami wujud baraŋ, puniku winaḷĕsa, lan suka narimèŋ kalbu, tuwin pamuji raharja.

23. punika laṅkuŋ utami, katimbaŋ winaḷĕs baraŋ, kaŋ timbaŋ lan rurubané, apan ta namuŋ punika, iŋ sasĕṛĕpan kula, sahabodin maṇṭuk maṇṭuk, sa allaḥ sawĕg punika.

29. salajĕṅipun ki modin ñariosakĕn sĕjarahipun ki gĕḍé paṇḍanaraŋ wiwit takṣiḥ dados bhupati sĕmaraŋ éṅga mañjiŋ dados muridipun kaṅjĕŋ sunan kalijaga, kaḍawuhan tilar praja dudunuŋ iŋ tĕmbayat.

iŋ margi kabégal, nĕdahakĕn iṅkaŋ mbĕkta baṇḍa garwanipun kasimpĕn iŋ tĕkĕnipun. sasampunipun ñahi kabégal, lajĕŋ ḍatĕŋ bégal sanèsipun nama sambaṅdalan. dipunwaṅsuli biliḥ ki gĕḍé paṇḍanaraŋ botĕn mbĕkta baraŋ paṅahos, saŋ bégal nékad tansaḥ bĕṅok bĕṅok. wĕkasan kasabda kados"ménda" lan sah‍èstu dados ménda, tĕrus ṇḍèrèk dumugi tĕmbayat, kaḍawuhan ṅaṅsu ṅisèni kolaḥ. sakiŋ sĕtyanipun nĕtĕpi ḍawuḥ, wĕkasan déniŋ sunan kalijaga karuwat waṅsul dados manuṅsa, kapariṅan nama sèḥ domba. iṅkaŋ jumĕnĕŋ iŋ tĕmbayat sapunika putranipun ki gĕḍé paṇḍanaraŋ, kasĕbut paṅéran tĕmbayat.

24. uniṅa surahosnèki, sasalaman jawat asta, toḥ iŋ sabĕn dintĕn kaṅgé, naṅiŋ pamaṅgihiŋ manaḥ, muŋ sakiŋ kalimrahan, botĕn ñana yèn kadyèku, jinèrèŋ aṅaṇḍar aṇḍar.

25. wontĕn maliḥ ri riyadi, bakdané wulan ramĕlan, ugi sami marlokaké, pupaṅgihan sasalaman, manawi tan pinaṅgya, cĕkap akintun kinintun, kintèki mawi sinĕrat.

26. minaṅka wawakilnèki, silatulrahmi rayadya, laḥ kadi pundi kajĕṅé, mas cĕbolaŋ lon liṅira, silatulrahmi iku, tĕgĕsipun apan ñambuŋ, katrĕṣṇan trusiŋ wardaya.

27. a la dalaḥ maṅgiḥ maliḥ, aḍi botĕn pisan pisan, yèn guṅguŋ amriḥ pakolèḥ, nitik antaraniŋ budya, sanès santri walaka, rapal makna murat putus, surahosé wus tan kéwran.

28. sanès tĕtĕmbuṅan santri, kĕdalé woŋ ahli praja, ḍèmĕs luwĕs tan tumpaṅso, punapi sampun aṅambaḥ, iŋ nagri ṅèkṣiganda, mas cĕbolaŋ liṅira rum, sampun naṅiŋ muŋ sakĕḍap.

29. kakaŋ kula ñuwun uniŋ, ñjĕŋ susunan iŋ tĕmbayat, sakiŋ iŋ pundi asalé, déné guŋ karamatira, sokur biliḥ miyarṣa, lampahané duk rumuhun, iŋ nalika sugĕṅira.

30. sahabodin amaṅsuli, criyosé swarginé bapa, makatĕn lalampahané, paṅagĕŋ nagri samaraŋ, ki gĕḍé paṇḍanaraŋ, baṅsanipun baṇḍa baṇḍu, bèr doña tan siya siya.

31. tiyaŋ mardagaŋ sanagri, , sĕmaraŋ ṅĕmplaŋ nora rinèwès, kawarṇa a kaṅjĕŋ sunan, kalijaga wus wikan, yèn baḍé wali linuhuŋ, ṅèlmu dèrèŋ tinarbuka.

32. ki gĕḍé cinoba nuli, ñjĕŋ sunan miṇḍa kawula, sadé kambèṅan karyané, naṅiŋ jroniŋ alaŋ alaŋ, dinèkèkahu buntĕlan, slaṅkuŋ kèṭèŋ kaṭahipun, ñjĕŋ sunan nulya mriŋ pasar.

33. ki gĕḍé winuwus maliḥ, lumampaḥ ḍatĕŋ iŋ pasar, aṅuṅak saliriŋ wuḍon, , nulya mriŋ kaṅjĕŋ sunan, pira ṛĕgané sapikul, paman alaŋ alaṅira.

34. ñjĕŋ sunan aturira ris, ṛĕgané kambĕṅan kula, iṅgiḥ muŋ salawé kèṭèŋ, botĕn kéṅiŋ dipunañaŋ, yèn botĕn papajĕṅan, iṅgiḥ kula bĕkta mantuk, ki gĕḍé gumujĕŋ suka.

35. wuwusé asĕmu manis, paṭok baṅkruŋ sira paman, laḥ sun tĕmpuḥ saṛĕgané, payo sira atĕṛĕna, maraŋ iŋ wismaniṅwaŋ, ki gĕḍé nulya umantuk, ñjĕŋ sunan ṅrĕmbat kambĕṅan.

36. wus prapta iŋ wismanèki, ki gĕḍé ambayar uwaŋ, kaṭahé salawé kèṭèŋ, pan sarwi aṅliŋ wawĕkas, paman adol kambĕṅan, lamun akèḥ tuṅgalipun, sun tuku kabĕḥ atĕrṇa.

37. ñjĕŋ sunan aris nahuri, iṅgiḥ kyayi béñjiŋ éñjiŋ, kula ṅatĕr kambĕṅané, kaṅjĕŋ sunan nulya késaḥ, ki gĕḍé préntaḥ karya, wuwuṅé gĕḍoganipun, alaŋ alaŋ gya iṅuḍal.

38. kinarya wuwuŋ udani, buntĕlan yatra nèŋ tĕṅaḥ, salaṅkuŋ kèṭèŋ kaṭahé, katur maraŋ ki dipatya, kambĕṅan isi arta, ki dipati aris muwus, iki artané si paman.

39. binuntĕl déné akèri, anèŋ jroniŋ alaŋ alaŋ, baya lali paman kah‍é, wus pinaṣṭi bĕgjaniṅwaŋ, tutuku tan kélaṅan, iŋ dalu datan winuwus, iñjaṅé iṅkaŋ winarṇa.

40. ki gĕḍé samaraŋ liṅgiḥ, anèŋ iŋ daḷĕm paṇḍapa, iṅayap pawoṅan akèḥ, ki dipati arṣa ḍahar, kinarya sasarapan, ḍaharan wus muṅgèŋ ṅayun, ṅaḍĕp wédaŋ tinépasan.

41. kaŋ namur kawula prapti, ñjĕŋ susunan kalijaga, sarwi mikul kĕmbĕṅané, ṅirit maraŋ plataran, déniŋ kaŋ jagi lawaŋ, ki dipati prikṣa muwus, laḥ paman agé liṅgiha.

42. ñjĕŋ sunan alon aliṅgiḥ, ṅèmpèr kidul prĕnahira, sarwi ṅaḍĕp ṛĕmbatanné, ṅĕntosi dèn nya sarapan, dipati iŋ samaraŋ, wus linorod ambĕṅipun, kaṇṭi lorod sasarapan.

233. kinaṇṭi

1. ki dipati ṅandika rum, ḍatĕŋ kaŋ amiṇḍa kuli, ésuk tĕmĕn ṅgonmu prapta, wismamu apa tan tĕbiḥ, kaŋ namur lampaḥ ris mojar, iṅgiḥ tĕbiḥ wisma mami.

2. ṅardi jabalkat rannipun, ki dipati aṅliŋ maliḥ, déné adoḥ wismanira, laḥ ṅĕndi poṇḍokirèki, tan mawi poṇḍok kawula, nduduk sakiŋ wisma éñjiŋ.

3. ki gĕḍé gawok kalaṅkuŋ, miyarṣa aturiŋ kuli, aglis dèn nya ṅambil arta, salawé kèṭèŋ kèhnèki, iṅuluṅkĕn wus tinampan, ñjĕŋ sunan aṅliŋ mlas asiḥ.

4. biliḥ kapaṛĕŋ iŋ kalbu, kawula añuwun ṅĕmis, iṅgiḥ salila sampéyan, kaṛĕpa mariŋ hyaŋ widdhi, ki dipati ṅambil arta, sakèṭèŋ ṅuñcalkĕn aglis.

5. mariŋ ñjĕŋ sunan linuhuŋ, tibèŋ jobin anèŋ ṅarṣi, saŋ miṇḍa alon liṅira, ulun tan aṅĕmis picis, taṅèḥ ṛĕmĕn doñabrana, yèn paṛĕŋ pañuwun mami.

6. uṅĕliŋ bĕḍug maśjid guŋ, ki dipati ṅucap bĕṅis, ḷĕṅguk tĕmĕn paman sira, tan ṛĕmĕn baṇḍa sakèpèŋ, iku gĕmpalaniŋ réyal, réyal gĕmpalaniŋ rukmi.

7. muŋ ñjaluk uniniŋ bĕḍug, maṅsa bĕḍug antuk aṅgris, saŋ piṇḍa kuli liṅira, ywa makatĕn ki dipati, tan sah‍é dintĕn akirṇya, ywa maṅéran duña picis.

8. dados brahala satuhu, nir maṅgiḥ swarga linuwiḥ, woŋ maṅéran maraŋ duña, pĕtĕŋ tumĕkaniŋ takdir, kaaliṅan iŋ brahala, taṅèḥ antuk swarga jati.

9. jĕnĕṅiŋ kita satuhu, anèŋ doña boya lali, pinaṣṭi umantuk maraŋ, ajal rahmatiŋ hyaŋ widdhi, kĕkĕl nèŋ ṅriku kéwala, paran yèn datan pinikir.

10. tĕbiḥ kapéṅin katèṅsun, sugiḥ duña lir dipati, ṅapirani tĕmbénira, yèn antuk swarga linuwiḥ, mulya mulyaniŋ kawula, baraŋ kaŋ cinipta dadi.

11. nèŋ duña upaminipun, aṅgahota pituŋ warṣi, pan takṣiḥ kéṅiŋ winilaŋ, dé ṅgahota nèŋ swarga di, sagacrokan mas sasiṅkal, sumaṅga iṅkaŋ pamaṅgiḥ.

12. ki dipati mèsĕm muwus, ṅgadĕbus si paman iki, kaya woŋ wus wĕruḥ swarga, lamun wĕruha sirèki, boya adol alaŋ alaŋ, lan boya anĕmbuŋ ṅĕmis.

13. paṣṭi krasan nèŋ swarga guŋ, ñjĕŋ sunan aris maṅsuli, yèn manira ṛĕmĕn ĕmas, nora susaḥ aṅruwati, aṅgĕḍug maṅsa daṅuwa, ṅambil ĕmas sakiŋ siti.

14. ñjĕŋ sunan dyan ñaṇḍak pacul, mriŋ plataran macul siti, sagacrokan nulya dadya, mas sasiṅkal agĕṅnèki, iṅuluṅkĕn mriŋ dipatya, laḥ niki rukmi swarga di.

15. pinariṅkĕn mriŋ sirèku, nulya muḍun ki dipati, tumiṅal ĕmas sasiṅkal, mañcoroŋ kèḥ tuṅgilnèki, añjĕṅĕr tan sagĕd ṅucap, iŋ tyas sakalaṅkuŋ ajriḥ.

16. ĕmas winaṅsulkĕn gupuḥ, mriŋ siti wus tan katawis, ki dipati saya wêwaḥ, ajriḥ asiḥ trusiŋ galiḥ, cinaṇḍak ki namur lampaḥ, kinaṇṭi miṅgaḥ paṇḍapi.

17. iṅaturan jajar luṅguḥ, ṅraṛĕpa umatur aris, niti warti tatakrama, nuwun guṅiŋ paṅakṣami, sakiŋ saṅĕt kaḷĕpatan, aṅina samèŋ dumadi.

18. iŋ maṅké kiyayi ulun, asraḥ jiwa raga yĕkti, kawula aṅèstupada, aṅlampahi iŋ satudiŋ, sakit praptamirèŋ pĕjaḥ, sumaṅga iŋ asta kaliḥ.

19. amuŋ iŋ panuwun ulun, tumuntĕn tampiya kaŋ siḥ, èwĕtiŋ tiyaŋ tumitaḥ, manawi kasĕlak lalis, ñjĕŋ sunan marwata suta, paṅandikanira manis.

20. yèn tĕmĕn tĕmĕn sirèku, arṣa ṅgĕguru mriŋ mami, manira nĕḍa prataṇḍa, pataŋ prakara kèhnèki, ṅibadaha salaminya, aṅadĕgna iman sukci.

21. lan ṅiṅuwa santri kahum, islama woŋ sak sĕmawis, mulyakna bĕḍug lan laṅgar, déné iṅkaŋ kapiŋ kaliḥ, ndika jakat lawan lila, wit duña akèḥ pan wajib.

22. jinakatakĕn puniku, dimurwatta lawan adil, lawan kapiŋ tiganira, kĕdaḥ sumiṅkir sakalir, kaduñan myaŋ kawiryawan, kaŋ dadya bañcanèŋ pati.

23. wasana kaŋ kapiŋ catur, késaḥ siŋ wismanirèki, anuntumakĕn bĕḍiyan, mriŋ wismaniŋ gurunèki, yèn tĕmĕn yun puruwita, ndika mariŋ jĕnĕŋ mami.

24. lajĕŋ nusula mariṅsun, mariŋ iŋ jabalkat wukir, ki gĕḍé aris aturṇya, iŋ pundi pĕrṇahiŋ wukir, lan tuwan sintĕn sinambat, ñjĕŋ sunan mèsĕm liŋnya ris.

25. tanaḥ tĕmbayat puniku, sèḥ malaya aran mami, ñjĕŋ sunan wusiŋ ṅandika, liṅgar méntar tan kah‍èkṣi, ki gĕḍé dumadya rimaŋ, datan añana samĕnir.

26. katĕkan wali panutup, ginagas saya ṅranuhi, pupuntonaniŋ wardaya, pan arṣa tumulya mariŋ, asrama arga jabalkat, kétaŋ ḍawuhé saŋ yogi.

27. ki adipati dyan kondur, pinaṅgiḥ garwa myaŋ siwi, mĕḍarkĕn iŋ karṣanira, dèn nya yun mahas ṅasĕpi, mituhu tuduḥ minulya, rajabrana gya winaris.

28. mriŋ garwa myaŋ putranipun, kadaŋ warga miwaḥ abdi, tanapi suḍiya jakat, mriŋ saṅgyaniŋ pĕkir miṣkin, praja pinasrahkĕn maraŋ, iŋ ari kinèn maṇḍiri.

29. myaŋ nĕtĕpkĕn ḍawuhipun, wawĕliŋ ñjĕŋ sunan kali, adan pamit mriŋ pra garwa, tanapi putra myaŋ ari, garwa kaŋ sĕpuḥ priyaṅga, lumuḥ tinilar iŋ laki.

30. kĕdaḥ tumut iŋ sapurug, prasĕtya sabaya pati, tulusé maṅèstupada, iŋ doña praptaniŋ akir, ki gĕḍé kalintaŋ wĕlas, pañuwunné dèn lilani.

31. ṅandika ḍuḥ saŋ mbĕg sadu, ñahi yèn mèlu mriŋ mami, aywa sira ṅgawa brana, wawaḷĕré saŋ ayogi, wit iku dadi brahala, mamĕtĕṅi jaman lalis.

32. lamun sira adrĕŋ mèlu, salinna bhuṣaṇa putiḥ, kaŋ garwa matur sandika, mulya sira ki dipati, amaṅagĕm sarwa pĕṭak, wusiŋ atus amamĕliŋ.

33. tumindak risaŋ nahĕn kuŋ, pribadi tan mawi dasiḥ, sumĕdya amati raga, lastari dèn nya lumaris, ñahi gĕḍé atut wuntat, paṅaṅgoné sarwa putiḥ.

34. wuluḥ gaḍiŋ tĕkĕnipun, iṅisénan sosotya di, miwaḥ lantakan kañcana, kĕbak iṅkaŋ wuluḥ gaḍiŋ, ṅati yati paṅrĕkṣanya, pakèwĕté woŋ lumaris.

35. tan wéca iŋ kakuṅipun, aṅoḍol wontĕn iŋ wiṅkiŋ, ajriḥ lamun kahuniṅan, ṅgènnya mbĕkta barana di, mriŋ laki saŋ adipatya, saṅĕt dèn nira maḷĕri.

36. kaŋ raka apan wus ndulu, isiné kaŋ wuluḥ gaḍiŋ, anaṅiŋ api tan wikan, kĕbat dèn nira lumaris, kaŋ garwa ṅgrèṇḍèl tinilar, répot labĕtiŋ pawèstri.

37. ḷĕpas kaliḥ lampahipun, kapuṅkur nagri samawis, praptèŋ wana tarataban, lan ḍusun radi kapériŋ, ki gĕḍé iŋ paṇḍanaraŋ, kapĕṭuk tyaŋ ṅaḍaŋ margi.

38. titiga anèŋ dĕlaṅguŋ, ambĕbĕgal karyanèki, ṅaṇḍĕg risaŋ ndon lumampaḥ, hèḥ paman maṇḍĕga ḍiṅin, aku ñjaluk aṅsal aṅsal, ki gĕḍé aris nahuri.

39. tan ṅgĕgawa lakuniṅsun, yèn sira kuraṅan bukti, wuri ika rabiniṅwaŋ, aṅgawa barana adi, nèŋ tĕkĕn wuluḥ waḍaḥnya, ṛĕbutĕn kaŋ wuluḥ gaḍiŋ.

40. aja ṅgĕpok awakipun, dèn kĕna kaŋ wuluḥ gaḍiŋ, paṣṭi tuwuk tyaŋ titiga, ki gĕḍé lajĕŋ lumaris, katri bégal wus samĕkta, prayitna ṅaḍaŋ nèŋ margi.

41. ñahi gĕḍé nulya laṅkuŋ, tĕkĕnné rinĕbut kĕni, ñahi gĕḍé gya lumajar, anaṅis nututi laki, kyayi gĕḍé tuluṅana, tyaŋ titiga salaḥ kardi.

42. katĕlaḥ karaniŋ ḍusun, salahtiga praptèŋ maṅkin, ya ta wuluḥ dyan pinĕcaḥ, èstu isi barana di, dinar jĕné lalantakan, tri bégal suka tan sipi.

43. pinara tiga wus rampuŋ, nulya wontĕn ḍatĕŋ maliḥ, aran kyayi sambaṅdalan, kasèp tan mèlu dèn dumi, winartan maraŋ kaŋ aṅsal, iku tututana aglis.

44. tĕkĕnné kaŋ lanaŋ duruŋ, kĕna dak ṛĕbut woŋ katri, lagi kaŋ wadon kéwala, kaŋ lanaŋ lumaku ḍiṅin, gugup wahu sambaṅdalan, nututi iṅkaŋ lumaris.

45. nahĕn ta iṅkaŋ lumayu, anututi maraŋ laki, tĕbiḥ dèn nira kacaṇḍak, ñahi gĕḍé asru naṅis, sasambaté amlasarṣa, baya lali maraŋ mami.

46. adarbé rabi wakiṅsun, nora karṣa anuluṅi, téga tĕmĕn nilar iṅwaŋ, ki gĕḍé amuwus aris, yayi tan mituhu wĕkas, silip aṅgawa sotya di.

47. majadé maṅsa ḍa wĕruḥ, nèŋ sajroniŋ wuluḥ gaḍiŋ, suprandéné kawĕruhan, muŋ tĕkĕnnira piniliḥ, laḥ wis sira narima a, woŋ pinuṇḍut mriŋ kaŋ kardi.

48. laḥ payo anèṅa ṅayun, iṅsun kaŋ lumakyèŋ wuri, nulya lajĕŋ lampahira, ucapĕn iṅkaŋ nututi, sambaṅdalan nulya prapta, aṅrĕbut tĕkĕnnya cis.

49. wus sinuṅkĕn tĕkĕnnipun, kayu saṇḍaŋ tanpa isi, tinampik nulya tinampan, tĕkĕn waṅsul mriŋ dipati, ki sambaṅdalan aṅucap, paman ñjaluk oliḥ oliḥ.

50. ki gĕḍé nulya amuwus, iṅsun nora oliḥ oliḥ, sambaṅdalan pan amĕkṣa, minta dinar lan ṛĕtna di, yèn tan suka iṅsun ṛĕbat, ywa ṅanti iṅsun gĕbugi.

51. kyayi gĕḍé maliḥ muwus, andalaruŋ sira iki, kaya wĕḍus ambĕkira, tan ṅĕjĕp ujariŋ jalmi, sambaṅdalan maliḥ warṇa, wĕḍus dumba gĕŋ ahiṅgil.

52. ki dipati awas ndulu, yèn kaŋ bégal maliḥ warṇi, laṅkuŋ jriḥ lajĕŋ lumampaḥ, punaŋ dumba anututi, tan uniŋ yèn maliḥ warṇa, makṣiḥ ṅucap kadi jalmi.

53. nulya ñabraŋ lèpèn aguŋ, tan sagĕd ṅadĕg nèŋ wariḥ, lawan wruḥ wayaṅannira, aṅrasa yèn maliḥ warṇa, nulya naṅis asraḥ tobat, tĕmbuŋ manis atut wuri. 

234. ḍaṇḍaŋgula

1. kyayi gĕḍé dèn nira lumaris, sampun prapta iŋ tanaḥ tĕmbayat, mĕṅgaḥ wukir jabalkat é,, amaṅgiḥ ḍusun aguŋ, datan wontĕn lèpèn myaŋ prigi, lan maṅgiḥ maśjid pélag, alit wiṅit bagus, nèŋ ṅriku dèn nya ḍaḍĕkaḥ, wukir jabal satètès tan ana wariḥ, sambaṅdalan ṅawula.

2. miminta siḥ mulyaniŋ kaŋ warṇi, sinuŋ karya ṅisèni padasan, tan tinutup pañcurané, datan linilan turu, lamun dèrèŋ mbludag kaŋ wariḥ, padasan ĕñcèhika, gĕŋnya tigaŋ praṅkul, sapaṅgayuḥ iṅgilira, rintĕn dalu tan kèndĕl dèn nya ṅisèni, paṅambilé kaŋ toya.

3. tumurun riŋ lèpèn radi tĕbiḥ, pinarantèn pambĕktaniŋ toya, mituhu iŋ sapréntahé, awraté iŋ panuwun, mantuk aṅsal jalma sajati, iŋ tĕmbé wus sinĕdya, lajĕŋ aṅguguru, wus sapta ri nèŋ jabalkat, tanpa néndra muhuŋ ṅaṅsu rina wĕṅi, padasan nora kĕbak.

4. nulya rawuḥ ñjĕŋ susunan kali, tĕtĕkĕn cis ḷĕṅgaḥ séla gilaŋ, ki dipati lan ñahiné, maṅaraspada gupuḥ, sambaṅdalan ṇḍèrèk ṅabĕkti, ñjĕŋ sunan aṅandika, déné iku wĕḍus, bisa ṅucap tatajalma, paranbaya kaŋ dadi purwaniŋ ṅuni, pun dumba matur nĕmbaḥ.

5. boroŋ aṅga sumaṅga saŋ yogi, ñjĕŋ suhunan aris aṅandika, bĕnĕr aturira jĕbèŋ, mula sira dèn kawus, tobata riŋ kaŋ maha sukci, minta a paṅakṣama, nir iŋ cintrakamu, jatiniŋ tuhu manuṅsa, ya muliha maraŋ asalira jalmi, sabdaniŋ wali tama.

6. sambaṅdalan cintrakanya wus nir, mulya jati jatiniŋ manuṅsa, sumuṅkĕm pada pamasé, sukanya tan cinatur, sunan kali tĕkĕnnya ĕcis, dinudut nulya mĕdal, toya wĕniŋ mañcur, kinèn anambaki sarya, blumbaŋ alit ḷĕstantun ṅantos samaṅkin, sabdaniŋ wali mulya.

7. datan kéṅiŋ lokak kanaŋ wariḥ, nadyan nuju iŋ maṅsa katiga, botĕn suda iŋ wĕdalé, karamat wali luhuŋ, sunan kali ṅandika maliḥ, ḍumatĕŋ ki dipatya, iŋ samĕṅko kulup, wus mañjiŋ wali nujĕmba, iṅsun asuŋ kakasiḥ sira samaṅkin, paṅéran iŋ tĕmbayat.

8. ṅislamĕna sakaṭahiŋ jalmi, iṅkaŋ isiḥ nut agama lawas, lawan tĕtĕpa nèŋ kéné, wruhanta maśjid iku, tĕka mĕkaḥ asalirèki, aṅadĕgna jumuwaḥ, lan maniṅé kulup, sambaṅdalan mantĕp sĕtya, apuranĕn sakèhé dosanirèki, dadiya sabatira.

9. iṅsun asuŋ aran iŋ samaṅkin, sambaṅdalan jĕnĕṅa sèḥ dumba, nĕmbaḥ sandika aturé, wasana kalihipun, kaṅjĕŋ paṅran lan sabatnèki, kalihé gya winĕjaŋ, sampunné kacukup, sunan kali tan katiṅal, laḥ punika criyosé bapa iŋ ṅuni, jĕŋ paṅran kaŋ wus swarga.

10. mas cĕbolaŋ miwaḥ catur santri, suka ṛĕna miyarṣa carita, cĕbolaŋ alon dĕliṅé, mĕṅgaḥ samaṅkénipun, kaŋ jumĕnĕŋ wontĕn iŋ ṅriki, aḍi ṅgiḥ putranira, iṅkaŋ sampun marhum, nama ugi ñjĕŋ paṅéran, iŋ tĕmbayat lumastari kadi ṅuni, ṅluluri kaŋ wus swarga.

11. mila botĕn tĕḍak mariŋ maśjid, kala wahu sabakdaniŋ ṅasar, wontĕn ḍatĕṅan tiṅalé, priyantun iŋ mantarum, sampun ciklu tan mawi kaṇṭi, padatan kaŋ maṅkana, amuŋ kyayi ĕmpu, anom ḍatuk iŋ mataram, mas cĕbolaŋ èṅĕt paṅandikané ki, ajar kapurun arga.

12. ñjĕŋ paṅéran iŋ tĕmbayat sami, lawan panĕmbahan iŋ kajoran, pan samya winĕnaṅaké, amĕjaŋ ṅèlmi luhuŋ, tĕraŋ sakiŋ ḍawuḥ narpati, locitaniŋ wardaya, pama sésuk ésuk, ulun sowan ñjĕŋ paṅéran, kabĕnĕran pinaṅgiḥ kinom mantawis, wasana lon liṅira.

13. ḍatĕŋ ulun iŋ tĕmbayat riki, padatan kaŋ sampun kalampahan, punapi iṅgiḥ aṅaṅgé, linapurkĕn ñjĕŋ ulun, sahabodin saha nahuri, tamtu atur uniṅa, pañcèn kala wahu, paṅaṅkaḥ biliḥ ñjĕŋ paṅran, tĕḍak mahrib ṅgènulun ṅaturi uniŋ, wasana datan tĕḍak.

14. botĕn wandé ulun dèn dukani, wit katamuwan tan atur uniṅa, cĕbolaŋ alon dĕliṅé, akṣamanta kaŋ aguŋ, ulun dadya jalaran runtik, iŋ dintĕn béñjiŋ éñjiŋ, biliḥ kakaŋ lapur, ṅiras mamitakĕn pisan, kula ṅantos wontĕn iŋ srambi rumiyin, ki marbot suka ṛĕna.

30. saŋ paṅéran pariŋ katraṅan ḍatĕŋ ki sahbodin bab wilujĕṅan tiyaŋ pĕjaḥ sarta kawontĕnanipun mayit sasampunipun 3 dintĕn, 7 dintĕn, 100 dintĕn, mĕṇḍak sapisan, mĕṇḍak 2 tahun lan 1000 dintĕn.

15. laṅkuŋ atut karṣanipun yayi, wawi sami saré saliyĕpan, lumayan tulak aripé, ḍuḥ kakaŋ sampun taṅguŋ, bĕḍug katri kiraŋ sakĕḍik, prayogi natas pisan, antuk sunatipun, kula ñuwun sasĕṛĕpan, rèhniŋ mrataḥ tiyaŋ ajal dèn slamĕti, tan wrin pikajĕṅira.

16. iṅkaŋ makatĕn punapa iṅgiḥ, amuŋ sakiŋ padatan mupakat, punapa wontĕn watonné, sahabodin liŋnya rum, ḍawuhipun kaṅjĕŋ kiyayi, hèḥ bodin rèhniŋ sira, wus kaḷĕbu kahum, kĕṛĕp diundaŋ kondaṅan, kinèn andoṅani ambĕṅan sakalir, mumulé myaŋ slamĕtan.

17. lamun ana kaŋ taña dunuṅiŋ, slamĕtanné jalma kaŋ wus léna, kawit gĕblag tumĕkané, iŋ sèwu dinanipun, kadiparan jawabirèki, atur kula padatan, ñjĕŋ paṅran sru ṅguguk, wasana alon ṅandika, hèḥ abodin sirèku kudu udani, maṅkéné jawabira.

18. waton kitab lan tanajul tarki, mulané woŋ mati dèn surtanaḥ, amrĕnahakĕn jisimé, kalawan uḷĕsipun, myaŋ aṅiṅsĕr tanahirèki, kaŋ mahu ana ṅalam, sahir dunuṅipun, samĕṅko wus salin ana, alam kabir laṅgĕŋ kahanannirèki, muliḥ mriŋ asalira.

19. woŋ amati dèn tĕluṅdinani, ñampurṇakkĕn kaŋ pataŋ prakara, apan anasir aranné, bhumi wé aṅin latu, dé slamĕtan pituṅé ari, kaṛĕpé ñampurṇakna, kulit miwaḥ wulu, mula dèn patpuluḥ dina, iku apan ñampurṇakkĕn gawan sakiŋ, bapa tanapi biyaŋ.

20. rupa gĕtiḥ suṅsum lawan dagiŋ, myaŋ jĕrowan kuku rambut tulaŋ, jaṅkĕpé wolu ototé, mulané satusipun, ari mawi dipunslamĕti, sampurṇané kaŋ sipat, badan waḍag iku, slamĕtan pĕṇḍak sapisan, iku sampurṇaniŋ kulit lawan dagiŋ, miwaḥ jĕrowanira.

31. mas cĕbolaŋ tuwin para santrinipun kasowanakĕn paṅéran tĕmbayat iṅkaŋ sawĕg laḷĕṅgahan kalihan tamunipun iṅkaŋ sampun yuswa, wasta kinom, abdidaḷĕm ĕmpu ahli tosan aji, putra kapénakanipun sunan kalijaga.

ĕmpu kinom nĕraṅakĕn bab ḍuwuŋ : tĕgĕsipun tĕmbuŋ ḍuwuŋ lss., bab ricikanipun, ḍapuripun ḍuwuŋ lan watakipun, sakalaṅkuŋ kaṭaḥ anaṅiŋ wijaŋ.

paṅéran tĕmbayat nĕraṅakĕn : bab saṅat nabi, pétaṅan tatal, dintĕn sah‍é lan awon.

21. salamĕtan pĕṇḍak kapiŋ kaliḥ, sampurṇané kaanan sadaya, kulit gĕtiḥ sasaminé, amuŋ kari babaluŋ, mula ṅaṅgo sinèwu ari, iku apan puṅkasan, ñampurṇakkĕn saguŋ, ganda atanapi rahsa, wus nir rasa kalawan gandanirèki, sèwu dina sañata.

22. curiga dipisaḥ wraṅkanèki, ora ana criga mañjiŋ wraṅka, wraṅka mañjiŋ curigané, lan muṅguḥ ananipun, kanaŋ kitab tanajul tarki, adam sarpin basannya, maṅkono bah‍é wus, naṅiŋ iŋ salaminira, dèrèŋ wontĕn iṅkaŋ pitakèn mriŋ mami, sawĕg aḍi punika.

23. ulun alimanan rèḥ wus wañci, natab bĕḍug laḥ kakaŋ sumaṅga, ki modin anatab agé, ḍĕŋ ḍĕŋ ḍĕŋ nulya muḍun, mriŋ patirtan lan tamunèki, mariŋ lèpèn mbĕbucal, wĕnèḥ samya adus, wussiŋ ṅambil toya kadas, miṅgaḥ maliḥ mriŋ maśjid amuji tasbiḥ, nurwitri tandya adan.

24. bakda adan dyan sunat subĕkti, bakda sunat ki saloka kamat, gĕmloṅgoŋ agĕŋ swarané, paragat wĕktu subuḥ, ki abodin liṅira aris, sami kantun pinarak, kula lajĕŋ lapur, saha mamitakĕn pisan, kaŋ sinuŋ liŋ ṇḍĕku ki modin lumaris, nahan paṅran tĕmbayat.

25. lagya ḷĕṅgaḥ lan tamunirèki, kiyayi nèm ĕmpu ṅèkṣiganda, sadalu tan ana saré, anèŋ iŋ daḷĕm puṅkur, ki abodin lajĕŋ maṅarṣi, makiḍupuḥ añĕmbaḥ, ñjĕŋ paṅran andaṅu, bodin sapa iṅkaŋ adan, lawan kamat iŋ mahu waktu subĕkti, apa ta santri añar.

26. sahabodin nĕmbaḥ matur aris, amba ñuwun guŋ guṅiŋ duduka, tur uniṅa sawĕg maṅké, kala wiṅi pukulun, wañci sĕrap wontĕn tatami, gaṅsal jaḷĕr sadaya, kaŋ satuṅgal bagus, tĕmbiraŋ nama cĕbolaŋ, réñcaŋ catur nama saloka nurwitri, plakarti kartipala.

27. mbĕkta trĕbaŋ ṅakĕnnipun santri, sakiŋ kĕḍu tambuḥ kaŋ pinarak, ñuwun pamit iŋ samaṅké, ṅlajĕṅakĕn ṅaluyug, dèrèŋ biḍal kèndĕl nèŋ srambi, ñjĕŋ paṅran mèsĕm liŋnya, sĕmbrana sirèku, wiṅi kaṭik nora kaṇḍa, apa iṅkaŋ adan kamat mahu éñjiŋ, nuwun iṅgiḥ bĕndara.

28. kiyayi nom anambuṅi aṅliŋ, yayi ulun iṅgiḥ sampun tĕraŋ, ḍatĕŋ kalima santriné, lami anèŋ mantarum, wus kulina kalawan mami, cĕbolaŋ jatinira, atmajĕŋ saŋ wiku, akadiyat sokayasa, apaparab sèḥ aṅguṅrimaŋ samaṅkin, mañjiŋ wali nujĕmba.

29. winĕḍarkĕn kalanira ṅuni, mas cĕbolaŋ duk anèŋ mantaram, ñjĕŋ paṅran sru andikané, sahabodin dèn gupuḥ, timbalana kalima santri, iṅsun ayun pinaṅgya, bodin nĕmbaḥ mundur, waṅsul ṅirid santri gaṅsal, mas cĕbolaŋ praptèŋ ṅarṣa maṅĕñjali, maṅrahub dalamakan.

30. santri catur tumuntĕn ṅabĕkti, makiḍupuḥ lir koñjĕm pratala, ñjĕŋ paṅran alon dĕliṅé, kulup paḍa rahayu, satĕkamu iŋ ḍépok mami, lawan sarowaṅira, kaŋ sinuŋ liŋ matur, sakiŋ paṅèstu paduka, kula miwaḥ sakañca sami basuki, barkaḥ daḷĕm ñjĕŋ paṅran.

31. kiyayi nom apariŋ pambagi, myaŋ ṅandika kulup ora ñana, lamun katĕmu iŋ kéné, sira saka mantarum, sabañjuré maraŋ iŋ ṅĕndi, ki cĕbolaŋ anĕmbaḥ, ḍumatĕŋ kĕpurun, sowan ki ajar sutikṣna, tan na lami wontĕn kĕpurun dyan mariŋ, iŋ caṇḍi parambanan.

32. aniṅali saṅgyaniŋ kaŋ caṇḍi, myaŋ pinaṅgiḥ kiyayi karṣana, minaṅka jurukuñciné, namuŋ sipĕŋ sadalu, éñjiŋ biḍal lajĕŋ dumugi, karajan iŋ kajoran, nahib ulun jujug, kaŋ anama ki martaka, saṛĕŋ éñjiŋ sinowankĕn kaṅjĕŋ kyayi, minulya iŋ kajoran.

33. panĕmbahan sru paṛĕṅiŋ galiḥ, radi lami ulun nèŋ kajoran, ṅantos rumĕntaḥ asihé, apariŋ nugraha guŋ, kawruḥ suci jati piniṅit, sabĕn ratri datan saḥ, nèŋ ṅarṣaniŋ wiku, laṅkuŋ iŋ samadya candra, ulun mundur sakiŋ kajoran dumugi, iŋ wana tarataban.

34. anèŋ wana kadalon dyan mampir, iŋ plaṅgroṅan kapaṅgiḥ kalawan, ki dikara paparabé, abdidaḷĕm saŋ ulun, luraḥ kalaŋ griya wanadri, kalaṅkuŋ dèn nya trĕṣṇa, ṅantos amba sinuŋ, taṛĕbaŋ wacucal kidaŋ, sañjaṅipun amriḥ ywa saṅsoyèŋ margi, gampil pados sipĕṅan.

35. undur ulun sakiŋ iŋ wanadri, lumastantun sakéca iŋ lampaḥ, kalawiṅi sabakdané, ṅasĕr i laṅkuŋ rawuḥ, lamat lamat ulun udani, ardi alit ṛĕspatya, kawuryan ṅuṅuwuŋ, katarik kĕñcĕṅiŋ manaḥ, dyan sumĕṅka rawuḥ sayaḥ ḷĕsaḥ ĕnir, pikantuk rahmattolaḥ.

36. ulun lajĕŋ kèndĕl iŋ surambi, maśjid alit adi laṅkuŋ pélag, amba tuwin sadayané, sami karahosipun, iŋ tyas ayĕm tĕntrĕm sakalir, anrus nikmat mupaṅat, silastuti muṅkul, lajĕŋ pinaṅgiḥ kalawan, sahabodin sabakdanipun ṅisa i, ulun lajĕŋ jiyaraḥ.

37. astananya risaŋ luhuŋ swargi, kaŋ wus antuk rahantiŋ paṅéran, ñjĕŋ paṅrap iŋ tĕmbayaté, bakdaniŋ tahlil laju, mriŋ cakaran jiyaraḥ ugi, astananya sèḥ dumba, bakda tablil waṅsul, iŋ maśjid sadalu pisan, tan anéndra ginĕm kalawan ki modin, gotèkkĕn lalahanan.

38. paṅran bayat aṅandika aris, basané ya nora ababakal, sira kasasar maréné, yĕktiné ri katèṅsun, ko sipĕṅi kaŋ ṅanti lami, iŋ kéné lan kajoran, tan na séyosipun, sira wus umañjiŋ siswa, nira kakaŋ panĕmbahan rama adi, ya uga putraniṅwaŋ.

39. ḍuḥ ki raka rahosiŋ tyasmami, mriŋ cĕbolaŋ lajĕŋ asiḥ trĕṣṇa, tan mantra kapaṅgiḥ nĕmbé, mas cĕbolaŋ aṇḍĕku, maṅĕñjali umatur aris, ḍuḥ saŋ kaḷĕṅkaniṅrat, sabda kaŋ ḍumaruḥ, kalaṅkuŋ kaliṅgamurdḍa, boroŋ aṅga sumaṅgĕm iŋ lahir batin, sakarṣa lumakṣana.

40. nahan dèn nya pinarak wit éñjiŋ, tĕkèŋ wañci mañjĕriŋ baṣkara, gumrĕṅgĕŋ ḍrĕḍĕg bĕḍugé, paṅran ṅandikèŋ wadu, hèḥ caḥ wadon ladèkna aglis, ḍahar saananira, kaŋ kinèn wus mundur, prapta ambĕkta rampadan, dyan tinata liwĕt ḷĕmĕs akas guriḥ, goloŋ tumpĕŋ mĕgana.

41. jaṅan mĕnir pĕcĕl ulur pitik, brambaŋ kuñci sambĕl sinantĕnan, brambaŋ jah‍é santĕn témpé, cupaŋ sambĕlé jaguŋ, ḍaḍakohan sambĕl kĕmiri, asĕm sambĕl léṭokan, plapaḥ sambĕl kukus, untub untub sambĕl brambaŋ, loñcom jéṅgot bobor bubuk ḍĕlé jĕmprit, bĕñcé sambĕl kaluwak.

42. paḍamara kraṅgéyan mbok jĕmprit, loḍoḥ piṇḍaŋ télya sambĕl bawaŋ, guḍĕg sambĕl gorèŋ cuwèr, lumbu sambĕl cĕmpaluk, sambĕl jĕrampĕcĕl myaŋ maṅgis, bubuk wihijèn kacaŋ, ḍĕlé sambĕl windu, uyaḥ gorèŋ bumbu pala, sambĕl gocèk sambĕl jah‍é sambĕl kuñci, sambĕl cabé ijĕm baŋ.

43. pĕcĕl kacaŋ iso kĕmbaŋ turi, déwa daru ḷĕmbayuŋ ṭokolan, iṅkuŋ jlégor rèn caṅkriṅé, guḍaŋ tĕmu poḥ gĕndruk, ronniŋ kĕñcur tarantaŋ ririḥ, boros guṇḍa wèwèhan, ñémok guḍaŋ ĕbuŋ, pĕñcok suru diyèŋ muḍa, cabuk gĕmbrot bĕboṭokira sĕmayi, gaḍonné kéṇḍo uraŋ.

44. boṅko pélas garaṅasĕm pitik, asĕm asĕm ĕntun kapri brambaŋ, sundĕl lémĕn sĕkar tuṅkèŋ, bububus ayuŋ ayuŋ, gĕcok sĕtup tomis mawarṇi, kuluban cémé muḍa, acar poṇḍoḥ timun, lombok jĕmprit brambaŋ bawaŋ, lalalaban kĕkĕcambaḥ guḍé kĕmaṅi, myaŋ ulam warṇa warṇa.

45. wus miranti panataniŋ bukti, paṅran bayat alon aṅandika, cĕbolaŋ baṛĕṅa bah‍é, anaḍaḥ paḍa kĕmbul, dimèn énak ṅgoniṅsun bukti, kaŋ sinuŋ liŋ manĕmbaḥ, maṅké kéwala wus, ulun manaḍaḥ lorodan, nora kĕna kulup payo baṛĕŋ bukti, ṅurmati ñjĕŋ ki raka.

46. katiganya wus samya wawantiŋ, nutug rahmat akĕmbul bujana, wus linorot sadayané, ḍaran lumadyèŋ ṅayun, babasahan mawarṇi warṇi, atanapi woḥ wohan, santrinira catur, saṛĕŋ manaḍaḥ lorodan, laṅkuŋ sĕṅkut bĕtèké mĕntas kalantiḥ, tuwuk sadayanira.

47. wussiŋ naḍaḥ paṅaṅsĕgiŋ bukti, iṅañcaran aso mriŋ poṇḍokan, cĕbolaŋ nuṅgil poṇḍoké, lan kinom iŋ mantarum, siyaṅira datan winarṇi, dalu bakdaniŋ ṅisa, ñjĕŋ paṅran lan tamu, kiyayi nom mas cĕbolaŋ, pinarak iŋ saṅgar palaṅgatan katri, jurudĕmuŋ ñjĕŋ paṅran.

235. jurudĕmuŋ

1. kakaŋ ĕmpu ṅèkṣiganda, ṅuni wus mĕḍar pitutur, ḍawuhipun saŋ linuhuŋ, ñjĕŋ suhunan kalijaga, masalahiŋ kanaŋ ḍuwuŋ, prabot ḍapur bhuṣaṇanya, makna murad rahsanipun.

2. arinta radi kalépyan, mĕṅgaḥ urut urutipun, satĕmaḥ ḍompo tumpaŋ suḥ, kinom mèsĕm aṅandika, tiyaŋ sanès wajibipun, layak biliḥ kasupènna, iṅgiḥ ki raka pan namuŋ.

3. sakiŋ pamanaḥ kawula, rèhniŋ tinitaḥ tyaŋ sĕpuḥ, biliḥ kasaṇḍaŋ kasaṇḍuŋ, wontĕn iṅkaŋ atatanya, pramila pañuwun ulun, kapaṛĕṅa mĕḍaṛĕna, rinahos surahosipun.

4. cĕbolaŋ laṅkuŋ ṭĕk ṭĕkan, rèhniŋ ṅuni dèrèŋ sinuŋ, katiṅal pasĕmonipun, maṅanti wĕḍariŋ sabda, kiyayi nom ṅandika rum, atut yayi pamintanta, kinarya cacagak luṅguḥ.

5. sakiŋ paṅandikanira, ñjĕŋ uwa iṅkaŋ sinuhun, kalijaga sudibya nuŋ, prayoginé kinawitan, kaŋ supados urut urut, cĕbolaŋ antuk tambahan, kaŋ sinuŋ liŋ sukèŋ kalbu.

6. pinurwa kaŋ aran gañja, punika kaŋ luwiḥ luhur, satuhu tuhuné amuŋ, allaḥ subkanna taṅala, tutupiŋ allaḥ ñjĕŋ rasul, nabi nayakèŋ bhawana, kakasihira hyaŋ aguŋ.

7. maṅka ṅlahirkĕn taṇḍanya, gusti lan kawulanipun, loroné sawujud, lamun iṅaran satuṅgal, lan kakaliḥ èstunipun, iṅaran ro kadiparan, pan sawiji jatinipun.

8. siraḥ cêcak kaŋ winarṇa, satuhuné bétal makmur, sirahé manuṅsa iku, wardiné sasananira, paraméyan wijilipun, kah‍èṅĕtaniŋ manuṅsa, tan lyan saka bétal makmur.

9. tikĕl alis ginupita, nĕpsu tri prakara èstu, darana iṅkaŋ rumuhun, mila kapiŋ kalihira, maklum kapiŋ tiganipun, yèku nĕpsuniŋ kaŋ manaḥ, maknawi sukci rahayu.

10. kĕmbaŋ kacaŋ maknanira, gunuŋ turṣina satuhu, kaŋ ṅawruhi lakunipun, lumĕbu myaŋ mĕdalira, iŋ napas kaŋ mĕtu ṅiruŋ, dadya taṇḍaniŋ kawula, lawan gustinira iku.

11. lambé gajaḥ kaŋ winarṇi, iku ta sajatinipun, pan lésan kita satuhu, insan kamil dunuṅira, paṅandikaniŋ hyaŋ aguŋ, asipat rupa sañata, yèku sabda kun paya kun.

12. maṅkya grènèŋ wujudira, akṣara ḍa ḍa satuhu, myaŋ akṣara ma punika, wardiné paṅgonan pĕjaḥ, nèŋ jroniŋ ḍaḍanirèku, mokal kalamun mĕdala, ṅahurip kalamun lampus.

13. gaṇḍik apan tĕgĕsira, punika wodiŋ jajantuŋ, iṅkaŋ kawasa satuhu, mahanani dumadiya, iŋ caṛĕmiŋ manuṅsèku, datan liyan asalira, yĕkti sakiŋ jantuŋ mahu.

14. sogokan iṅkaŋ winarṇa, mañjiŋ purusiŋ jalmèku, ambuka warananipun, punaŋ hawa nawa saṅa, tiṅal karṇa lawan iruŋ, tutuk tanapi jaḷĕran, kanaŋ sulbi jaṅkĕpipun.

15. bawaŋ sabuṅkul winarṇa, baga purana satuhu, bétal mukadas punika, omaḥ ṅgonniŋ pasuciyan, srawéyan gantya winuwus, iku wardiné musibat, kaŋ karan sajatinipun.

16. karuwiṅan wardinira, pawakan kita puniku, kudu winaṅut aturut, iṅkaŋ supaya prayoga, pasikutan kaŋ cinatur, wardi luwĕsiŋ manuṅsa, tandaŋ kita aywa kiḍuŋ.

17. lawan kudu sumurupa, pasĕmonné liyanipun, maṅkya pèjètan cinatur, iku driji jĕmpol kita, kaŋ kawasa ñaṅga bakuḥ, iŋ karya ṅlantari maraŋ, kahuripan kita èstu.

18. wadidaŋ iṅkaŋ winarṇa, sikil kita wardinipun, kaŋ misésèŋ badan ulun, gantya tuṅgakan winarṇa, kaṛĕpé manuṅsa èstu, pan ora kĕna kasoran, lumuḥ asor kudu uṅgul.

19. kèpèt maṅkya pinarcéka, talapakan kita iku, pat upaté manuṅsèku, maṅkya jalèn wardinira, urip kita ywa kalimput, tinartamtu muliḥ sira, mariŋ hoŋ iŋ asalipun.

20. waja maṅkya kaŋ jinarwa, iyèku aran babaluŋ, mañjiŋ kasantosaniṅsun, wĕsi iku dagiŋ kita, sajroné nèŋ doñanipun, sĕratiŋ wĕsi winarṇa, mañjiŋ iŋ kulitannipun.

21. maṅkya pamor ginupita, iku otot bayuniṅsun, sajatiné cahya ĕnur, buwat kaŋ gumilaŋ gilaŋ, ana iŋ wadana mañcur, prataṇḍaniŋ gĕsaŋ kita, sukci trus wĕniŋ satuhu.

22. pĕsi iṅkaŋ tinarbuka, apan pusĕr wardinipun, minaṅka kaanan tuhu, iŋ tyas sanubari kita, koḍokan puṅkasanipun, taṇḍaniŋ paṅruṅu kita, kaŋ pataŋ prakara gaḍug.

23. tamat ricikan curiga, yayi apan muŋ puniku, paṅran tĕmbayat liŋnya rum, ki raka ywa kataṅgĕlan, mĕṅgaḥ ḍapuriŋ kaŋ ḍuwuŋ, laḥ iṅgiḥ kawĕḍaṛĕna, sinantunan sĕkar paṅkur.

236. paṅkur

1. kinom mèsĕm lon liṅira, dé ḍapuriŋ curiga kaŋ winarṇi, tilam upiḥ kaŋ rumuhun, makna pasĕmonnira, murat jalma wadon déné rahsanipun, pamikiré maraŋ katga, dikaya mikir padĕmi.

2. brojol makna kaṛĕpkita, muradipun iṅkaŋ sampun kawijil, rasa kaŋ bisa sirèku, aṅgĕmèni wicara, saduruṅé kawĕtu sinukmèŋ kalbu, aja luñu iŋ paṅucap, luñu loñot aṅacuwis.

3. jalak tilamsari wanda, maknanira yèku tutup sayĕkti, déné muradé woŋ turu, muṅguhiŋ rahsanira, aja pisaḥ lawan gagamanirèki, wuṅuwa tanapi néndra, iŋ rina kalawan wĕṅi.

4. ḍapur jalak dindiŋ ika, makna kijab utawa aliŋ aliŋ, murat tĕluŋ prakarèku, rahsaniŋ ginupita, manuṅsèku kaŋ mĕṣṭi kudu anĕbut, allaḥ kalawan muhkamad, katriné rasullolahi.

5. jalak suṅu tumpèŋ ika, maknanipun punika waḍaḥ yakin, déné muwadé winuwus, pan rijĕkiniŋ allaḥ, ransanira manuṅsa ywa wañcak kalbu, tyas sumĕlaŋ yèn tan naḍaḥ, allaḥ tĕmĕn muraḥ asiḥ.

6. jalak ṅoré ginupita, maknanipun ura nora sawiji, murat pikir kaŋ lumaku, muṅguḥ ta rahsanira, manuṅsèku pan nora kĕna kalimput, sanalika bawarahsa, pupuntoniŋ baraŋ pikir.

7. ḍapur sĕṅkĕlat ginita, maknanira yèku urubiŋ ati, muradé patrap linuhuŋ, déné ta rahsanira, iŋ sarina kalawan sawĕṅinipun, taṅi luṅguḥ mlaku néndra, duga duga aywa kari.

8. ḍapur carita punika, makna ujar waṅsit iṅkaŋ prayogi, murat sumurup sah‍èstu, déné ta rahsanira, kapintĕran lan kagunan iku tamtu, dijalari iŋ woŋ wrĕdḍa, mawa sabab sadayèki.

9. maṅkya ḍapur sabuk tampar, maknanira kĕñcĕŋ nora katawis, murat luwiḥ gawatipun, rahsané kaluwihan, pan tartamtu saka iŋ manahirèki, pribadi tan paran paran, kanugrahhaniŋ dumadi.

10. ḍapur sabuk intĕn ika, maknanipun sosotya luwiḥ adi, muradé atinirèku, déné ta rahsanira, kamulyaniŋ manuṅsèku tinartamtu, kudu aṅaṅgo saréṅat, tatakrama kaŋ prĕmati.

11. ḍapur sumpana winasna, makna ṅimpi déné muradirèki, nahan tĕraŋ iṅkaŋ kawruḥ, rahsa manuṅsa kĕdaḥ, darbé kira kira prayoga ywa kantun, watara riṅa sujana, siyaŋ dalu dèn kah‍èṣṭi.

12. kanaŋ ḍapur caraŋ soka, maknanipun nĕpsuné taṅan kaliḥ, muradé bakal puniku, déné ta rahsanira, uwoŋ iku bakal mijèkakĕn tamtu, mulané babo ṅagĕsaŋ, arahĕn mijèni bĕcik.

13. ḍapur paṇḍawa winarṇa, makna lima muradé sumurup iŋ, marga lilima satuhu, rahsa patiniŋ jalma, nora liya saka ri pasarannipun, lilima ĕpon kalawan, wagé kliwon ḷĕgi pahiŋ.

14. dé paṇḍawa cinarita, maknanipun wujud lilima yĕkti, murat wulaṅé woŋ sĕpuḥ, rahsané kudu wikan, ĕniṅiŋ kaŋ pañcadriyanira iku, dumadya sabar narima, sumiṅkir aṅkarèŋ budi.

15. ḍapur kyayi sĕmar bĕṭak, makna iṅkaŋ pĕtĕŋ dé muratnèki, kaŋ wus énak rahsanipun, manuṅsa kawajiban, kudu aṅupaya bhoga kaŋ pakantuk, anaṅiŋ ywa cacaḥ cucaḥ, ṅlakoni paṅgawé niṣṭip.

16. ḍapur sĕmar tinaṇḍu pan, makna iṅkaŋ lawas pĕtĕṅirèki, muraté darbé ṅamalun, rasa sabisa bisa, manuṅsèku jroniŋ urip aywa suwuŋ, kudu adarbé rawatan, iŋ ṅèlmu amriḥ basuki.

17. ḍapur sĕmar aṅujiwat, maknanira kaŋ buṅaḥ kaṇṭi éliŋ, murat pamicara tuhu, rahsané iŋ sabaraŋ, kaṛĕpiŋ kaŋ manuṅsa ywa grasa grusu, kaṇṭiya paṅgaliḥ paḍaŋ, kaŋ sarèḥ dadi patitis.

18. kaŋ ḍapur paṇḍawa rarya, makna ati limaŋ prakara yĕkti, murat abaŋ iṛĕŋ piṅul, jĕnar ijĕm limanya, rahsanira ṅahurip ywa ṅanti korup, maraŋ iṅkaŋ panasaran, limaŋ prakara iŋ ṅarṣi.

19. sĕmpana blaṇḍoŋ winarṇa, maknanira bĕniṅiŋ mripatnèki, murad manĕgĕs manĕkuŋ, rahsa yèn darbé karṣa, manuṅsèku kudu tajĕm tiṅalipun, mĕnĕp nir wardaya harda, dumadyan tuk kaŋ kah‍èṣṭi.

20. sĕmpana kiñjĕŋ winarṇa, maknanira anĕṅgiḥ jalma ṅimpi, muradé sah‍èstunipun, apan ta séjé jaman, rahsanira manuṅsèku nora wuruŋ, ṅambaḥ maraŋ iŋ kamukṣan, mantuk mriŋ ajalirèki.

21. ḍapur coṇḍoŋ campur nama, maknanira amor utawa tuṅgil, murat waṣkiṭaniŋ kalbu, rahsané kudu bisa, aṅumpuli maraŋ iŋ sabaraŋ ṛĕmbug, aywa ṛĕṅkĕŋ kaŋ amĕmbat, nayana kaŋ katon manis.

22. campur bawur ginupita, makna kaṛĕp déné muradé paṣṭi, rahsaniŋ pan tinartamtu, manuṅsa kudu jumblaḥ, coṇḍoŋ ḍahup pikiré lan gustinipun, lir campuriŋ tĕmbaga mas, kaŋ dadya suwasa murṇi.

23. aḍapur puḍak satĕgal, maknanira apan wujud sayĕkti, murad paṅrĕti puniku, déné ta rahsanira, pikiriŋ kaŋ manuṅsèku kudu kudu, gumĕlar rasa nalika, céḍa yèn katĕmu buri.

24. ḍapur carubuk binabar, maknanira puniku apan siti, murad momot bakuḥ pĕṅkuḥ, déné ta rahsanira, aja tampik iṅkaŋ dèn aṛĕpi amuŋ, maraŋ iŋ bĕcik kéwala, kaŋ ala aja dèn mohi.

25. ḍapur sadak kaŋ kawĕḍar, makna kĕñcĕŋ kumandĕl kodratnèki, déné muradira nĕpsu, muṅguḥ rahsané poma, sabĕn ari ywa kĕṛĕp ṅowahi wujud, iŋ kita warṇa priyawak, krik imba sasaminèki.

26. kaŋ ḍapur rara siduwa, maknanira apan ĕnom sayĕkti, déné muradé puniku, kĕṛĕp kĕṛĕp kalépyan, rahsanira poma ywa pisaḥ sirèku, lawan garwa pakĕnira, manawa sira aguliŋ.

27. ḍapur kĕbo ḍèṇḍèŋ ika, maknanipun apan énak sajati, déné ta muratirèku, kaŋ rumĕsĕp sañata, rahsanira maṅkya ta iṅkaŋ tinutur, baṅkit suŋ énak kéwala, mariŋ sasamèŋ dumadi.

28. ḍapur putri sinaroja, maknanipun punika amĕpaki, déné muradé sumurup, muṅguḥ iŋ rahsanira, manuṅsèku awarṇa warṇa satuhu, kaŋ plĕg paḍa nora nana, mĕṭi ana séyosnèki.

29. karṇa tinaṇḍiŋ iṅaṇḍar, dé maknané punika iṅkaŋ sami, muradé panasiŋ kalbu, rahsané sabĕn dina, kudu ṛĕbut paṅawikan tanpa rampuŋ, datan nana kaŋ kasoran, dèn nira aṛĕbut titiḥ.

30. tĕbu sahuyun puṅkasan, maknanira uripiŋ ñawa iki, muradé patrap linuhuŋ, déné ta rahsanira, manuṅsèku kudu micara kaŋ jujur, kaŋ coṇḍoŋ paḍa rahsanya, ywa ṅèyèl sabaraŋ pikir.

31. kinom mantaram ṅandika, sampun jaṅkĕp tridasa kaṭahnèki, ḍapuripun iṅkaŋ ḍuwuŋ, aṅliŋ paṅran tĕmbayat, sampun cocog lawan kah‍èṅĕtan ulun, mugi kĕpaṛĕŋ mĕḍarṇa, bhuṣaṇaniŋ kanaŋ kĕris.

32. kinom mèsĕm mĕḍarṣabda, bhuṣaṇaniŋ curiga pinariñci, wujud waraṅka rumuhun, iku kayu sañata, tĕmbuŋ arab puniku jatiniŋ kayun, sajaratil yakin iṅkaŋ, paṣṭi urip nora mati.

33. kaŋ iṅaran goḍoŋ ika, jiwanira loro loroniŋ tuṅgil, gusti lan kawulanipun, kudu sa abipraya, kaŋ ran aṅkup tĕgĕsé kudu tuwajuḥ, sumuṅkĕm ṅrasèŋ kawula, tuwakup maraŋ iŋ gusti.

34. lapal wujud aran laṭa, laḷĕṭĕkiŋ aṭi aṭinirèki, maṅkya ri caṅkriŋ winuwus, ya iku puṇḍakira, déné iṅkaŋ iṅaran gandur iku, pan dĕdĕg paṅadĕgira, papĕṣṭèn saminirèki.

35. kaŋ ran pĕṇḍok jarwanira, iṅkaŋ aṇḍok tata kramanirèki, kandĕlan tĕmbuŋ kramèku, wardiné iŋ tyasira, kudu ṅandĕl kumandĕl maraŋ hyaŋ aguŋ, gantya kaṭèkan winĕḍar, paṅanti antiniŋ tokit.

36. maṅkya mĕṇḍak tĕgĕsira, dèn a bisa ṅĕṇḍakakĕn paṅgaliḥ, gantya ukiran winuwus, wardiné taṇḍanira, gusti maha luhur kaŋ ṅluwihhkĕn saguŋ, sawiyaḥ kaŋ ginunturan, tartamtu tan kĕna mukir.

37. tamat bhuṣaṇaniŋ katga, ḍawuhipun ñjĕŋ uwa sunan kali, mĕṅgaḥ wujudiŋ kaŋ ḍuwuŋ, prabotiŋ paṅukirṇya, kawanlikur ĕbab kaŋ wus ulun galur, tèblègé iŋ badan kita, iŋ lahir tanapi batin.

38. sasampuniŋ paripurṇa, pariñciné jumĕnĕŋ aran kĕris, mula ran kĕris puniku, sajatiné kĕkĕran, iŋ ṅèlmuné tinartamtu kudu wĕruḥ, asli tiṅgalan woŋ tuwa, wasiyat arannirèki.

39. mula kramané iṅaran, ḍuwuŋ iku dé lowuŋ tĕgĕsnèki, waṅkiṅan kramané luhur, nèŋ wiṅkiŋ paṅgènannya, déné kĕris aran saṅkĕlat puniku, iŋ sajati jatinira, kudu kudu disĕṅkĕlit.

40. ḍapur sabuk intĕn ika, pañĕṅklité kudu nèŋ sabuknèki, ḍapur panimbal puniku, ṅawruhana carita, iṅkaŋ uwus tumimbal mriŋ liyanipun, ḍapur jaṅkuŋ paṅaṅgénya, kudu jinaṅkuŋ dèn éliŋ.

41. ḍapur supana jinarwa, kudu pana maraŋ ala lan bĕcik, sabaraŋ kaŋ dipunrasuk, gantya ḍapur paṇḍawa, paṅaṅgéné nèŋ tĕṅahiŋ badanipun, ḍuwuŋ bĕniwir dikiyat, ywa lèmèr pan tan sayogi.

42. titi ḍawuhé ñjĕŋ uwa, muŋ puniku tan wontĕn maliḥ maliḥ, kaŋ mañjiŋ prabot salaṅkuŋ, mañjiŋ ḍapur tridasa, pan sawĕlas mañjiŋ bhuṣaṇaniŋ ḍuwuŋ, mañjiŋ katraṅan sadaya, sĕkar pocuŋ kaŋ gumanti.

237. pocuŋ

1. ñjĕŋ paṅéran tĕmbayat sru sukèŋ kalbu, maṇṭuk maṇṭuk liŋnya, ki raka samaṅké iṅgiḥ, sampun èṅĕt anaṅiŋ prayoginira.

2. rèhniŋ ulun ṅèlmu kĕpèk basanipun, tan kadi ki raka, èṅĕtan turut patitis, bĕtèk ulun tinakdir ḍasar supénan.

3. yèn ki raka kapaṛĕŋ prayoginipun, tinrap iŋ pèṅĕtan, mupuŋ wontĕn kaŋ ñĕrati, pun cĕbolaŋ ṅiras kadamĕl panañcaŋ.

4. supadosé nèŋ tĕmbayat radi daṅu, hèḥ kulup cĕbolaŋ, muga ḍaṅana kaŋ ati, anulisi paṅandikané ki raka.

5. kaya kaŋ wus kawĕḍar bab kĕris mahu, cĕbolaŋ manĕmbaḥ, sandika darmi ṅlampahi, naṅiŋ awon ṅĕri sĕratan kawula.

6. mĕṅgaḥ iṅkaŋ dados kapaṛĕṅiŋ kalbu, sastra jawi arab, ñjĕŋ paṅran ṅandika aris, laḥ tulisĕn iŋ sastra arab kéwala.

7. kiyayi nom aṅandika sira kulup, bĕgja kamayaṅan, tambaḥ kawruhira kaki, kaŋ sinuŋ liŋ manĕmbaḥ sru sukaniŋ tyas.

8. yayi paṅran kadiparan kajĕṅipun, saṅat kanabéyan, nadyan sami amad nèki, wontĕn iṅkaŋ piniliḥ tur pinilala.

9. amad wahu sanadyan tatal rahayu, botĕn pinilala, ṅupados amat rijĕki, awit pĕcak sawĕlas pot mañcĕr surya.

10. paṅran aṅliŋ pañcèn wontĕn kajĕṅipun, biliḥ tan kalépyan, sabaraŋ kaŋ saṅat nabi, watĕkipun kadi ta iṅkaŋ winahya.

11. saṅat amat raṅkĕpanira pitutur, purṇamaniŋ surya, pĕcak salikur potnèki, gaṭita sad tabuḥ aṣṭa ĕpotira.

12. watĕkipun nĕṅgiḥ iŋ waktu puniku, sriŋ dèn inèŋ jalma, pinahido iŋ sasami, tuwin asriŋ jinagal sasaminira.

13. amat pacak wĕsi raraṅkĕpanipun, wit sĕlikur pĕcak, tĕkèŋ pĕcak sawlasnèki, gaṭitaṣṭa satĕṅaḥ sawlas potira.

14. watĕkipun asriŋ jinajal laḷĕmbut, kalawan manuṅsa, dèn nira samèŋ dumadi, milanipun dwi amat tan pinilala.

15. saṅat amat rijĕki raṅkĕpanipun, wit pĕcak sawĕlas, cĕpiŋ bĕḍug ĕpotnèki, wit satĕṅaḥ sawĕlas bĕḍug potira.

16. watĕkipun kériṅan samèŋ tumuwuḥ, sabaraŋ istijab, tan na maṅgiḥ walaṅati, muŋ puniku amad iṅkaŋ pinilala.

17. saṅat amat kalaṅan raṅkĕpanipun, wit mañjĕriŋ surya, wañci aṇḍap ĕpotnèki, tabuḥ dwiwlas satĕṅaḥ catur potira.

18. watĕg nora kajèn kalaran tyasipun, amat tatal harja, aṇḍap tumĕkèŋ saratri, watĕkipun sami kaliyan iŋ ṅarṣa.

19. jabarahil rijĕki raṅkĕpanipun, purṇamaniŋ surya, pĕcak salikur potnèki, gaṭita sad tabuḥ aṣṭa ĕpotira.

20. watĕkipun sajroniŋ dèrèŋ pot wahu, rosa budinira, kandĕl ḍatĕŋ samukawis, tyas santosa tan na tilar iŋ duduga.

21. jabarahil kalaṅan raṅkĕpanipun, wit salikur pĕcak, pĕcak sawĕlas potnèki, gaṭitaṣṭa satĕṅaḥ sawlas potira.

22. watĕkipun jirèḥ mriŋ sadayanipun, tanapi rumaṅsan, tampan atèn iŋ sakalir, mila asriŋ salaḥ surup iŋ pamaṅgya.

23. jabarahil salamĕt raṅkĕpanipun, wit pĕcak sawĕlas, cĕpiŋ bĕḍug ĕpotnèki, wit satĕṅaḥ sawlas bĕḍug ĕpotira.

24. watĕkipun sinuŋ kabĕkjan sawĕguŋ, darajadiŋ rosa, kinuwatakĕn iŋ widdhi, wantu wantu pariṅiŋ hyaŋ maha nasa.

25. jabarahil raṅkĕpanira pitutur, wit mañjĕriŋ surya, praptèŋ aṇḍap ĕponèki, awit bĕḍug satĕṅaḥ catur potira.

26. watĕkipun sinuŋ dalajad woŋ aguŋ, linuhurkĕn maraŋ, sasama samèŋ dumadi, lumastari sĕpi kanaŋ kara kara.

27. jabarahil pacak wĕsi tatalipun, awit wañci ṅaṇḍap, praptèŋ purṇamaniŋ rawi, wit satĕṅaḥ sakawan sadalu pisan.

28. watĕkipun aṅguŋ kaṅèlan sakayun, sabaraŋ ṛĕkasa, tunaduṅkap iŋ pambudi, wus dilalaḥ tĕka tan ana kaŋ gampaŋ.

29. saṅat brahim salamĕt raṅkĕpanipun, purṇamaniŋ surya, pĕcak salikur potnèki, gaṭita sad tabuḥ aṣṭa ĕpotira.

30. watĕkipun dèn ĕla ĕla woŋ aguŋ, iṅéman iŋ kaṭaḥ, jalu èstri ṅĕmi ĕmi, solaḥ tiṅkaḥ sinuŋ èṅĕt iŋ hyaŋ sukṣma.

31. saṅat brahim raṅkĕpanipun pitutur, wit salikur pĕcak, pĕcak sawĕlas potnèki, gaṭitaṣṭa satĕṅaḥ sawlas potira.

32. watĕkipun dilalaḥ karṣèŋ hyaŋ aguŋ, sriŋ asriŋ dèn araḥ, mriŋ sama samèŋ dumadi, bilahiné pamrihé aywa widada.

33. saṅat brahim pacak wĕsi tatalipun, wit pĕcak sawĕlas, cĕpiŋ bĕḍug ĕpotnèki, wit satĕṅaḥ sawĕlas bĕḍug potira.

34. watĕkipun apan ta satuhu sinuŋ, warisiŋ gawéyan, kaŋ murka aṅkara budi, wus dilalaḥ karṣaniŋ hyaŋ kaŋ maṅkana.

35. saṅat brahim rijĕki raṅkĕpanipun, cĕp bĕḍug witira, praptèŋ aṇḍap ĕponèki, mañcĕr surya satĕṅaḥ catur ĕpotnya.

36. wawatĕké rosa iŋ bubudènipun, myaŋ sinuŋ dalajad, sapantĕsé gĕsaṅnèki, myaŋ jumbuhiŋ kalawan watĕkanira.

37. saṅat brahim kalaṅan raṅkĕpanipun, awit wañci aṇḍap, praptèŋ purṇamaniŋ rawi, wit satĕṅaḥ sakawan sadalu pisan.

38. watĕkipun sinuŋ dalajad satuhu, tansaḥ kinèḍĕpan, maraŋ sasamèŋ dumadi, ajriḥ asiḥ iŋ lahir batin rumĕkṣa.

39. saṅat yusup pacak wĕsi tatalipun, purṇamaniŋ surya, pĕcak salikur potnèki, gaṭita sad tabuḥ aṣṭa ĕpotira.

40. watĕkipun nora sakéca satuhu, guŋ siniya siya, tan ana kaŋ wĕlas asiḥ, rinèmèhkĕn maraŋ iŋ sasama sama.

41. saṅat yusup rijĕki raṅkĕpanipun, wit salikur pĕcak, sawĕlas pĕcak potnèki, gaṭitaṣṭa satĕṅaḥ sawlas potira.

42. watĕkipun sasolaḥ solahé patut, pan dadi péṅinan, nora nana kaŋ ṅéwani, sakèḥ jalma aṅaṅgĕp dadya tulaḍa.

43. saṅat yusup kalaṅan raṅkĕpanipun, wit pĕcak sawĕlas, cĕpiŋ bĕḍug ĕpotnèki, wit satĕṅaḥ sawĕlas bĕḍug potira.

44. watĕk luhur kèḍĕp iŋ paréntahipun, tan ana kaŋ malaŋ, miturut sakalir kalir, tinampanan kalawan sukaniŋ manaḥ.

45. saṅat yusup salamĕt raṅkĕpanipun, cĕp bĕḍug witira, praptèŋ aṇḍap ĕpotnèki, mañcĕr surya satĕṅaḥ catur potira.

46. watĕkipun apan sinuŋ doña aguŋ, myaŋ rijĕki kaṭaḥ, kuwasaniŋ hyaŋ linuwiḥ, sanak kadaŋ samya suŋ sakuwasanya.

47. saṅat yusup pitutur raṅkĕpanipun, awit wañci ṅasar, praptèŋ purṇamaniŋ rawi, wit satĕṅaḥ sakawan sadalu pisan.

48. watĕkipun sasolahé nora patut, pan aṅguŋ cinacad, boya wontĕn kaŋ ñoṇḍoṅi, wus dilalaḥ kwasaniŋ allaḥ taṅala.

49. ṅijrahila kalaṅan raṅkĕpanipun, purṇamaniŋ surya, pĕcak salikur potnèki, gaṭita sad tabuḥ aṣṭa ĕpotira.

50. watĕkipun kaṭaḥ ṛĕñcana tinĕmu, dumadya saṇḍaṅan, tinartamtu mbaléñjani, sayogyané siniṅkirana kéwala.

51. ṅijrahila salamĕt raṅkĕpanipun, wit salikur pĕcak, sawĕlas pĕcak potnèki, gaṭitaṣṭa satĕṅaḥ sawlas potira.

52. watĕkipun kaṅélan baraŋ kinayun, ṅgayuḥ ṅgayuḥ tuna, tuna duṅkap iŋ pambudi, miwaḥ datan antuk sakèḥ kabĕcikan.

53. ṅijrahila raṅkĕpanira pitutur, wit pĕcak sawĕlas, cĕpiŋ bĕḍug ĕpotnèki, wit satĕṅaḥ sawĕlas bĕḍug potira.

54. watĕkipun datan awon nora sarju, mriŋ sĕdĕkaḥ karya, tanapi dèn sĕdĕkahi, iŋ sasami asuŋ makatĕn kéwala.

55. ṅijrahilun pacak wĕsi tatalipun, cĕp bĕḍug witira, praptèŋ ṅasri ĕpotnèki, mañcĕr surya satĕṅaḥ catur ĕpotnya.

56. watĕkipun kĕñcĕŋ tyas ndaruŋ mbrĕgunduŋ, tan darbé paṅéman, nir pamikir tĕmbé wuri, wus dilalaḥ duga prayoga katilap.

57. ṅijrahilun rijĕki raṅkĕpanipun, awit wĕktu ṅasar, praptèŋ purṇamaniŋ rawi, wit satĕṅaḥ sakawan sadalu pisan.

58. watĕkipun iŋ sabaraŋ tindak tanduk, tan saranta iŋ tyas, amriḥ bilahiniŋ janmi, sampun tamat kaŋ tan yoga tambuhana.

238. gambuḥ

1. kyayi nom liṅira rum, sawĕg maṅkya rakanta pikantuk, pradikané kaŋ winastan saṅat nabi, mriḥ gampil pamilihipun, iṅkaŋ prayoga linakon.

2. taṅgal sapisan jumbuḥ, jam sawĕlas nĕmbĕlas salikur, myaŋ nĕmlikur amat pitutur madyèki, yusup salamĕt linuhuŋ, punika tuhu kinahot.

3. taṅgal piŋ kaliḥ iku, kalihwĕlas pitulas rolikur, pitulikur antuk jabrahil rijĕki, yusup kalaṅan puniku, amat slamĕt yèn kabutoḥ.

4. taṅgal tri myaŋ aṣṭèku, tigawĕlas wolulas trilikur, wolulikur ibrahim slamĕt madyèki, dé yusup rijĕkinipun, sah‍èstu laṅkuŋ kinahot.

5. taṅgal piŋ pat nawèku, kawanwĕlas saṅalas patlikur, saṅalikur amat rijĕki prayogi, ka dwi jabrahil pitutur, brahim kalaṅan kabutoḥ.

6. taṅgal lima sapuluḥ, gaṅsalwĕlas dwidasa salaṅkuŋ, tigaṅdasa jabrahil slamĕt utami, ibarim rijĕkinipun, pan namuŋ madya kémawon.

7. punapa sampun ḍahup, ṅliŋ ñjĕŋ paṅran iṅgiḥ sampun rujuk, hèḥ cĕbolaŋ panulismu babiŋ kĕris, iku kalamun wus rampuŋ, saṅat sambuŋna iŋ kono.

8. cĕbolaŋ nĕmbaḥ matur, nuwun iṅgiḥ sandika pukulun, nahĕn sampun wañci luhur radi akir, kinom mariŋ poṇḍokipun, cĕbolaŋ sampun mirantos.

9. papan myaŋ maṅsinipun, wus sinĕrat kyayi nom kaŋ nuntun, awit siyaŋ tumĕkèŋ iŋ wañci mahrib, iŋ dalunira linĕmbur, tĕṅaḥ ratri sampun dados.

10. ĕñjaŋ bakdaniŋ subuḥ, sĕrat katur paṅran sukèŋ kalbu, ṅandika lon kulup yèn panudyèŋ ati, mĕṅko bĕṅi wĕton iṅsun, adaté kaŋ wus kalakon.

11. mañcapat kadaŋ karuḥ, lawan santri gĕŋ alit gumrubyug, paḍa mréné kalawan éklasiŋ ati, tĕṅaḥ wĕṅi bañjur kĕmbul, kĕṇḍuri minaṅka sugoḥ.

33. kaḷĕṛĕsan iŋ dintĕn wiyosanipun p. tĕmbayat kawontĕnakĕn wilujĕṅan.

kados adat kaṭaḥ titiyaŋ sami sowan. mas cĕbolaŋ saréñcaṅipun mitontonakĕn kasagĕdanipun mawarṇi warṇi, kaḷĕbĕt"sihir" iṅkaŋ damĕl éramipun tiyaŋ kaṭaḥ.

12. mbok iya sira kulup, taṛĕbaṅan suŋ sĕnĕṅiŋ kalbu, lagu jawa pirabara dijogèdi, lan ṅĕtokna sakaṛĕpmu, kaŋ élok élok tinonton.

13. apa pirantinipun, añjaluka ywa ṅaṅgo pakéwuḥ, nadyan gawé tarub iṅsun amaṛĕṅi, cĕbolaŋ nĕmbaḥ umatur, nuwun sandika saḍawoḥ.

14. muhuŋ sadĕrmi ulun, aṅlampahi sabda kaŋ ḍumawuḥ, pan katuṅka kyayi nom maṛĕg maṅarṣi, ñjĕŋ paṅran mĕḍarkĕn kayun, manadukara kyayi nom.

15. amuŋ pañuwunulun, sabibariŋ paraméyanipun, kalilana ulun mantuk mriŋ mantawis, cĕbolaŋ saréñcaṅipun, ndumugèkkĕn dèn nira ndon.

16. ñjĕŋ paṅran mèsĕm muwus, ḍuḥ ki raka karṣa kaŋ kadyèku, sakalaṅkuŋ prayogi rumĕkṣèŋ wuri, kalèjĕmé sampun ḍahup, cĕbolaŋ mundur wotsinom.

17. pinaṅgiḥ santri catur, mĕḍarakĕn ḍawuhé saŋ wiku, nulya sami tumandaŋ anambutkardi, damĕl tarub ḍapur kampuŋ, ṅajĕŋ paṇḍapa tan adoḥ.

18. baluṅan priŋ sadarum, payon janur kuniŋ ijĕm sĕpuḥ, saka blandèr ginubĕt buntal sinĕliŋ, ruñcèn blarak kĕpoḥ ñampluŋ, sabĕn priŋ sadĕdĕgiŋ woŋ.

19. si balé kampuŋ kĕmput, iṅkaŋ wétan sinuŋ èmpèr kĕmput, paṅgènanniŋ cĕbolaŋ lan santrinèki, klapa sajañjaŋ gumaṇḍul, nèŋ tĕṅahiŋ kampuŋ maṅgon.

20. klapa satabonnipun, ginantuŋ nèŋ balandar lèr pintu, kidul pintu wétan kilèn samya katri, sadaya sinuṅan wuluḥ, tumañcĕp dumugi baṭok.

21. tatarub iṅkaŋ ṅayun, sinuŋ kadi gapura linuhuŋ, rina ṛĕṅga saṅiṅgil katiyu mawi, ruñcèn jarak abrit piṅul, piniṇḍa sastra rab kahot.

22. muṅĕl wilujĕṅipun, iṅkaŋ samya niṅali sadarum, paṅgarapé wisma myaŋ raṛĕṅgannèki, wit iñjaŋ tumĕka bĕḍug, paripurṇa amirantos.

23. kaŋ ñambutkarya amuŋ, mas cĕbolaŋ lan santrinya catur, tan ṛĕkasa sarèḥ tandukiŋ kaŋ kardi, sakaṭahiŋ bahu ḍusun, ḍĕḷĕg ḍĕḷĕg ñawaŋ ndoṅoŋ.

24. mañcapat lima sampun, miṛĕŋ warta lamun maṅké dalu, wiyosannya kaṅjĕŋ paṅran apan mawi, lalaṅĕn taṛĕbaŋ sinuŋ, laṅĕn taya jalu wadon.

25. warta tumular kabur, kaŋ atĕbiḥ dupi samya ṅruṅu, dyan umaṅkat anak rabi dèn bĕktani, kaŋ kamargèn gugup anut, tumuntur samya yun anon.

26. iŋ wañci waktu luhur, awit ḍatĕŋ tan na kĕṇḍatipun, kadi pasar tĕmawon swaraniŋ jalmi, lagya umiyat iŋ tarub, éramé tan pĕḍot pĕḍot.

27. mas cĕbolaŋ maṅayun, maṅĕñjali matur sampun rampuŋ, paṅgarapiŋ tarub myaŋ raṛĕṅgannèki, utawi isarat masrut, sadaya sampun mirantos.

28. ñjĕŋ paṅran maṇṭuk maṇṭuk, kaṇṭèn asta lan kinom mantarum, marikṣani tarub kaŋ rinĕṅga asri, sukèŋ tyas ṅandika arum, cĕbolaŋ pamintaniṅoŋ.

29. woŋ kaŋ paḍa yun wĕruḥ, aywa ṅanti cĕḍak lawan tarub, lawan aja ana kaŋ muṅgaḥ paṇḍapi, tanapi agawé rusuḥ, lanaŋ wadon aywa awor.

30. nuhoni uninipun, salamĕté kaŋ nonton sadarum, mas cĕbolaŋ ṅawé kañca catur santri, ḍawuhkĕn timbalanipun, ñjĕŋ paṅran kaŋ wus kawiyos.

31. tumandaŋ santri catur, ṅulur lawé wĕnaŋ ginañcĕŋ wus, kawit padon parégolan kanan kériŋ, tumĕka satĕṅahipun, palataran sinuŋ paṭok.

32. salèriŋ paṭok wahu, sinuŋ paṭok roŋ ḍĕpa ḷĕtipun, ginañcĕṅan lawé praptèŋ kidulnèki, balé waṅunan ḷĕtipun, sapta ḍĕpa sinuŋ paṭok.

33. lawé wĕnaŋ iṅulur, ṅétan ṅilèn pantog cĕpuri wus, iṅgilira sawudĕl dyan dèn baṇḍuli, cĕṅkir bluluk miri jĕbug, pinatut patiŋ garéṇḍol.

34. nurwitri muwus asru, sanak sanak èstri lawan jalu, sanak èstri kaŋ kilèn paṅgènannèki, iṅkaŋ wétan sanak jalu, kaŋ sinuŋ liŋ nulya maṅgon.

35. kaŋ nĕmbé ḍatĕŋ laju, iṅkaŋ jalu maṅétan sadarum, èstri ṅilèn déné iṅkaŋ cahos bĕkti, myaŋ batiḥ kulawargèku, kaŋ jalu dèn nira maṅgon.

36. nèŋ kiwa tĕṅĕnnipun, myaŋ ṅajĕṅiŋ tarub waṅunan guŋ, iṅkaŋ èstri maṅgèn èmpèriŋ paṇḍapi, myaŋ lèré balé pinatut, jalu èstri timpuḥ ṅlésot.

37. nabĕn ta wañci surup, para santri mriŋ maśjid gumrubyug, srambi bĕntĕt balèbèr plataran maśjid, ñjĕŋ paṅran satamunipun, mariŋ maśjid sakaloron.

38. cĕbolaŋ santri catur, tan na kari samya atut puṅkur, praptèŋ maśjid nulya samya toyastuti, miṅgaḥ mariŋ srambi laju, mahos slawat alalagon.

39. bĕḍug tinĕmbaŋ sampun, mas cĕbolaŋ adan ṅañut añut, bakda adan sadaya sunat mahribi, rampuŋ sunat kamat gupuḥ, iŋ wĕktu tan cinariyos.

40. nahan kaŋ ayun ndulu, bĕntĕt maṅgèn kaŋ wus tinartamtu, nuju paṅloŋ pĕtĕṅé aṅliliwati, parandéné tan na numbuk, mariŋ gawar katon mĕlok.

41. sawĕnèḥ ana muwus, priyé kiyé apa ta kaliru, apa wuruŋ ora sida bĕṅi iki, naṅiŋ pasaŋ rakitipun, wèḥ giris kabèḥ kaŋ nonton.

239. girisa

1. sigĕg raméniŋ wicara, kaŋ samya wĕktu wus bakda, ñjĕŋ paṅran ṅandikanira, hèḥ cĕbolaŋ ḍisikana, lawan papat santrinira, wus pariŋ idi manira, aywa pakéwuḥ iŋ karṣa, pinaṛĕŋna iŋ hyaŋ sukṣma.

2. nĕmbaḥ mundur mas cĕbolaŋ, praptèŋ parégolan sigra, cĕṅkir kaliḥ kaŋ ginantaŋ, anèŋ padon kériŋ kanan, sinuḷĕt byar lir sasaṅka, sorot nurut lawé wĕnaŋ, bluluk cĕṅkir kaŋ ginantaŋ, kaampiran sorot paḍaŋ.

3. sumunar piṇḍa sudama, kagyat kaŋ samya uniṅa, ḷĕjar suṅkawé sirṇa, alok surak umyuŋ samya, pamuwusé warṇa warṇa, ana gèḍèg tutuk mĕṅa, wĕnèḥ ñablèki rowaŋnya, éram sakèhiŋ kaŋ jalma.

4. plataran sawaŋ lir siyaŋ, santri papat lan cĕbolaŋ, lumĕbĕt mriŋ pambrukutan, paṅran lan kinom mantaram, sakiŋ maśjid wus tumĕḍak, pra ṅulama pamĕṭakan, santri miwaḥ kulawarga, kĕbut umiriŋ sadaya.

5. praptèŋ jroniŋ parégolan, jañjaṅan tĕṅaḥ waṅunan, sadaya wus sinuḷĕdan, murup lir dilaḥ krompolan, sunariŋ latu manampak, klapa ñampluŋ miri jarak, saṛĕŋ murupnya sumunar, tiŋ paḷĕtik tiŋ paḷĕñcar.

6. kaŋ wor buntal piṇḍanira, traṅgana katawĕŋ ima, ri kaŋ pinĕṭa akṣara, sumorot mawarṇa warṇa, ijo ṛĕta pita séta, lir oñcèn oñcèn sosotya, muṅĕl asuŋ salamĕtnya, kaŋ samya mulat sadaya.

7. surak maliḥ sakèḥ jalma, saya éramiŋ wardaya, baruŋ lawan uṅĕlira, taṛĕbaŋ binaruŋ swara, tokuŋ tokuŋ gĕṇḍiṅannya, kyayi nom dupi miyarṣa, aṅguguk gumuyu suka, paṅran bayat atatanya.

8. ki raka gĕṇḍiŋ punapa, laguné laṅkuŋ sakéca, yayi gĕṇḍiṅé punika, tokuŋ tokuŋ namanira, wontĕn bambaŋ sakiŋ arga, naṅiŋ bambaŋ pikun tuwa, tiŋ kaṭĕmĕk suku jaja, bambaŋ paṛĕk lan mahotnya.

9. paṅran dyan ḷĕṅgaḥ paṇḍapa, lawan kinom ṅèkṣiganda, ṅulama wadu wandawa, nèŋ kériŋ kanan suméwa, para èstri anèŋ ṅarṣa, piniliḥ paṅgènannira, wus tata sapaṇṭa paṇṭa, nahĕn ta iṅkaŋ winarṇa.

10. kaŋ pinataḥ laṅĕn taya, mas cĕbolaŋ buka swara, arum wiḷĕt lantas cĕṭa, ciṅak kaŋ samya miyarṣa, ri kaŋ sĕkar maduṛĕtna, saléndro paṭĕt mañura, ḍawaḥ iŋ pada anulya, gĕṇḍiŋ kuwuŋ kuwuŋ nulya.

11. maṅkana kaŋ ayun bĕkṣa, nurwitri ṅrasuk bhuṣaṇa, piṇḍa dyaḥ éndaḥ kaŋ warṇa, iŋ wañci rumajaputra, gĕmuḥ iṅkaŋ payudara, pinapantĕs kaŋ bhuṣaṇa, tan ana iṅkaŋ kuciwa, liriṅa galak mrakatya.

12. mĕdal sakiŋ iŋ guṭaka, kadi sirṇa kinĕḍèpnya, ganda rum mananduk grana, praptaniŋ tĕṅaḥ paṇḍapa, mĕṇḍak mèsĕm patrapsila, mĕpĕs ṅuñcupakĕn asta, hoṛĕg kaŋ samya uniṅa, kinira wadon sañata.

13. dé piṇḍa apsari swarga, kaŋ myat samya nahĕn braṅta, paṅirané warṇa warṇa, apa si nèḥ ruṅgèŋ désa, apa ta ruṅgèŋ nagara, kapan ané ṅgonné prapta, dé tan ana kaŋ uniṅa, baya ñéluman mas rara.

14. kaŋ apiṇḍa wilutama, nĕmbaḥ ṅadĕg kadi téja, nulya jĕjĕr lan ambĕkṣa, maḷĕtĕr patayanira, wiraga kèḥ ciṅkokira, liriṅé apinda kilat, suŋ ulat kaŋ samya miyat, mèsĕm sumĕbar warata.

15. gandruŋ gandruŋ kaŋ kataman, nadyan ṅulama pĕṭakan, taṅawut ambal ambalan, kaki kaki myaŋ somahan, ḍuḍa tanapi jajaka, tiŋ baḷĕkèr mriḥ kawuryan, ṅaḍuḥ ḍèḍèm sasiṅsotan, wĕnèḥ ndoṅoŋ carocosan.

16. ṅĕmpakakĕn paṅasiyan, karahos lamun kapaḍan, maṇṭĕḷĕŋ maṭĕṇṭĕŋ mapan, ñuwara tanpa ririṅa, mĕṅko yèn uwis bubaran, dak mati yèn tan ṅaṇṭiya, ḍuḥ ḍuḥ kalulut manira, ywa ṅĕmbaŋ pacé ni sira.

17. kaŋ sami anuṅgal karṣa, éwa mléṅos muwus sora, kok apik muŋ jañji mĕṅa, kaŋ liniṅan saṅsayarda, dèn nya mamanas sasama, kaŋ tyas butĕṅan gya kurḍa, cinĕpĕŋ gagiṭokira, tinĕkak mèḥ klĕṅĕr tuwa.

18. plikikĕn pucĕt rahinya, tumuṅkul tan sabawa, kaŋ tumambiraŋ wayaḥnya, maṇṭuk maṇṭuk kadi béka, ṅĕsĕs mrindiŋ aṅganira, kadi campuhiŋ asmara, gumlogok wĕdaliŋ rahsa, mrĕṅèṅès ṅuyuḥ baḍama.

19. mak ñok kĕmbroḥ sruwalira, parandéné isiḥ béka, maṇṭuk maṇṭuk sru gambira, kĕmĕŋ kapèpèt iŋ wastra, kaku tyasé gya liniga, sĕné ṅĕṭuri ṅarṣanya, misuḥ baḍoṅé mbok dika.

20. tan ṅĕmuṅkĕn jalma priya, kaŋ samya kataman braṅta, sanadyan para wanita, kasmaran mariŋ kaŋ bĕkṣa, sigĕg kaŋ mulat sadaya, nahĕn ta iṅkaŋ winarṇa, baruṅaniŋ anuŋ swara, sinawuŋ mijil sĕkarṇya.

240. mijil

1. kukuwuṅé iṅkaŋ anĕlahi, pramudita kahot, kisma miyat supaya jayané, iŋ ṅalaga téjanira wiṅit, amurwa mandra di, iŋ kusuma luhuŋ.

2. duhkitèŋ tyas śri maha narpati, maṅaraŋ wiraŋroŋ, kahoñcatan iŋ tyas kararasé, méntar mèṅĕt pamĕṅkuniŋ batin, amuŋ kaŋ kaliṅliŋ, insan kamilipun.

3. kawiṛĕjan amuŋ kaŋ kah‍èṣṭi, muṅkĕt driyaniṅoŋ, tyasé kadi tumuntur rasané, sak tar kéntar iŋ dalu umijil, katonton ṛĕsminiŋ, wulannya mawĕlu.

4. lintaŋ roro aṅapit ṛĕṅganiŋ, sasaṅka śri tinon, raṅu raṅu amiraṅroŋ roṅèḥ, miyat iŋ traṅgana moriŋ sasi, kétaŋ ri saŋ adi, tyasira kumĕñut.

5. tyasira kadi kéntir sumilir, kadya mĕsatiṅoŋ, sumiyut sakiŋ iŋ jro purané, cumalorot pratiṣṭa nibani, lor wétanirèki, sakiŋ doḥ kadulu.

6. siṛĕm siṛĕm diwaṅkara riris, arisé sumorot, mĕṛĕs rarasiŋ wardaya kiyé, gĕtĕr patĕr sru munya mĕliṅi, sasmitèŋ wiyadi, aja aṅguŋ wuyuŋ.

7. aliwĕran iṅkaŋ kilat ṭaṭit, amarwasèŋ panon, prabawanira woŋ sru braṅtané, adan prapta maruta sumilir, saŋ braṅta muririŋ, kĕkĕs driyanipun.

8. apuyĕṅan ciptané iŋ ati, gĕtĕr tyas sru képon, kanaṅsaya ri saŋ pinarjayèŋ, rimaŋ kapan baya iṅsun iki, aṅuswa rarasiŋ, puṣpitanirèku.

9. supayané iya ṅusadani, larasmaraniṅoŋ, siṅa wastra upama ṛĕgané, basa nawala tumanĕn ugi, suda a iŋ ati, laku kaŋ tan sarju.

10. darmahita sujana amardi, paṅumbariŋ kawroḥ, amriḥ marta iŋ driya wĕkasé, kamranira iṅkaŋ awawadi, amriha muḍari, tyasira kaŋ puṅguŋ.

11. bayĕm harda tanaya madyaniŋ, wiraṭa saŋ katoŋ, mari antĕŋ braṅta wiyogané, apan datan sawatara manis, ṛĕṅga satriya di, lésanpuranipun.

12. sĕtyanana yèn mariya mariŋ, sira raganiṅṅoŋ, tirtamaya marganya ginawé, niṅiŋ driya pan datan aṅaliḥ, namuŋ sira ugi, kaŋ tansaḥ kadulu.

13. bayantaka satriya kaŋ adi, pinardikèŋ katoŋ, mati aṅlĕs raganiṅsun kiyé, yèn sira tan palimarmèŋ dasiḥ, pala ṛĕta satri, ya uṅgul jayèku.

14. sun baŋ ĕbaŋ bisa misésani, iŋ lahir myaŋ batos, sanadyan ana prapta pamané, cobaniŋ tyas pan aja kagimir, dèn mantĕp iŋ ati, dèn ĕṅkuḥ dèn bakuḥ.

15. lalu maṅsa panusuliŋ jurit, yèn kasépa babo, ambantoni iŋ larasmarané, jayèŋ toya putra cĕmpala di, sapa baya ugi, ṅĕjum tyasta wuru.

16. barat sirat paséwakan adi, jro nayaka katoŋ, wus kapupus iŋ driya rasané, amuŋ ṅanti sihira kaŋ asiḥ, madé atma pamriḥ, bah‍éya srĕṅgarèku.

17. kaṅĕniṅsun mapannora kĕni, yèn ririḥna iṅoŋ, sari séta iya apadéné, woŋ aguŋ iṅkaŋ lagya caṅkrami, tan kapara ugi, siḥ manira aguŋ.

18. nata déwa kurṣi lawan sikil, dĕnta iṅkaŋ kahot, amuŋ sira kaŋ dadi paranné, trĕṣṇa manira tan kĕna ṅaliḥ, trusiŋ lahir batin, muŋ mriŋ sira maṣku.

19. iramanya sĕsĕg sawatawis, tan daṅu ṅaṇḍĕloŋ, tandya suwuk kaŋ ṅabĕkṣa lèṅsèr, lumĕbĕt iŋ guṭaka rinĕmit, kaŋ samya niṅali, lir tinilar lampus.

20. kiyayi nom atatanya ririḥ, sintĕn iṅkaŋ gambyoŋ, paṅran bayat mèsĕm lon dĕliṅé, pun nurwitri kaŋ amiṇḍa putri, sintĕn kaŋ mastani, yèn puniku jalu.

21. akalipun ki cĕbolaŋ mamriḥ, sukaniŋ kaŋ anon, kinom ṅguguk ḍasar bocaḥ blatèr, santri mèñcul samubaraŋ baṅkit, ki saloka mijil, kaŋ arṣa añjantur.

22. saka papat nulya dèn kĕṇṭĕṅi, sadĕdĕgiŋ uwoŋ, lawé wĕnaŋ tuṇḍa tri kĕṇṭĕṅé, kukuruṅan sawuŋ dèn brukuti, pinasaŋ tĕṅahiŋ, saka guru catur.

23. paṅiŋ klayu ḍuwĕt laṅsĕp wuni, samya katutan woḥ, pan sinami saha sapañjaṅé, tinanĕm iŋ bumbuŋ ĕpriŋ ori, pinĕrṇahkĕn muṅgiŋ, iŋ papadon catur.

24. sawusira sampat amiranti, saṅgyaniŋ kaŋ prabot, dupa ratus kumĕlun kukusé, gĕṇḍiŋ pĕtuŋ wuluŋ dèn salahi, slégrĕŋ iṛĕŋ pĕtiŋ, wuluŋ godal gadul.

25. ki saloka nulya aṅuruṅi, pĕṭètan nèŋ pojok, gantya gantya wus kawratan kabèḥ, duk binuka miṇḍak agĕŋ iṅgil, wohé samya ndadi, ṅrĕmbaka ṅrĕmbuyuŋ.

26. waṅsul mariŋ satĕṅaḥ paṇḍapi, sĕmbĕt laṅkiŋ bagor, linoréṅan aṅus kunir ñjĕtté, linĕbĕtkĕn mriŋ kuruṅan aglis, iṅubĕṅan piŋ tri, matĕg alwasiṅu.

27. dyan binuka mĕdal kanaŋ laṅkiŋ, juwaraṇṭal malaṅkroŋ, nèŋ wit ḍuwĕt mamaṅsa uwohé, ṅénak énak nèŋ ĕpaŋ amĕṭil, kuruṅan dèn ambil, ki saloka mundur.

28. siṅa lorèk nèŋ tĕṅahiŋ panti, tiḷĕm aṅlĕgoroŋ, lutuŋ miyat ñjĕpipiŋ kupiṅé, lir likasan solahé anèŋ wit, mĕré cumaḷĕriŋ, sima kagyat wuṅu.

29. duk umiyat lutuŋ kaŋ nèŋ uwit, dyan krura maṅkorog, udakara agĕṅé sagudèl, gora swara gambira ṅajrihi, maṅraṅsaŋ uṅgyaniŋ, lutuŋ mlémbar gupuḥ.

30. ṅiŋ tan baṅkit amarojol sakiŋ, kĕṇṭĕŋ lawé kahot, lutuŋ mĕré siṅa aṅgro ramé, wit sakawan lir kadrĕsan aṅin, rontog wohé sami, adoḥ tibanipun.

31. kaŋ samya non gègèr amaḷĕñciŋ, ṛĕbut ḍucuŋ miyos, gundam gundam lir kabur solahé, jroniŋ ṅgĕndriŋ èṅĕt kaŋ aṅibiŋ, nolèḥ dupi uniŋ, sima lir kinuruŋ.

32. samya waṅsul gumarubyug sami, alok kĕplok kĕplok, ḍuku ḍuwĕt wuni klayu lèsèḥ, nèŋ plataran gupuḥ aṅambili, wrata sakèḥ jalmi, sumyaḥ aṅaḷĕṭus.

33. sima sayaḥ mogok kĕmpis kĕmpis, lutuŋ ñahut gupoḥ, suku puṅkur tugĕl bĕt kalihé, kantun suku ṅajĕŋ gya lumaris, liñcak liñcak mariŋ, saṅaṇḍapiŋ lutuŋ.

34. nèŋ wit ḍuku mlémbar dèn wradini, sima kĕloŋ kĕloŋ, dyan sinahut suku kakalihé, gumaluṇḍuŋ malumaḥ aṅisis, siyuŋ maṅap kadi, guwa kaŋ asiruŋ.

35. lutuŋ nèŋ paŋ sayaḥ aṅaṭĕmil, wéwéka tan pahos, ĕpaŋ sĕmpal si lutuŋ tibané, nèŋ tutukiŋ sima aṅiṅkĕmi, bokoŋ suku wuri, ginigit wus rampuŋ.

36. taṅan lutuŋ kakaliḥ iŋ ṅarṣi, ñaṅkrĕm mata karo, siṅa pĕjaḥ lutuŋ kèsèr kèsèr, sĕṇṭuk sĕṇṭuk luhira drĕs mijil, kaŋ samya niṅali, suka wlas kĕlaṅkuŋ.

37. sukaniŋ tyas lutuŋ uṅgul jurit, bahima macĕṭot, wĕlas mariŋ lutuŋ dé sikilé, kari ṅarṣa késodan lumaris, napas mĕmpis mĕmpis, mbaṛĕbĕl iṅkaŋ luḥ.

38. nulya ṅamplok maraŋ witiŋ wuni, dumadakan ĕsol, mriŋ wit ḍuwĕt nalika pinènèk, ḍuwĕt rubuḥ lutuŋ mañcolot riŋ, wit ḍuku ṅuñcati, ṛĕbaḥ tandya lutuŋ.

39. nèŋ wit klayu nèŋ paragak ariŋ, tan na daṅu ruboḥ, aṇḍiṅini si lutuŋ tibané, kabubuḥ wit si lutuŋ ṅĕmasi, rubuḥ iṅkaŋ uwit, ñrèmpèt dilaḥ gantuŋ.

40. ṛĕntaḥ siji ambyar tĕmaḥ bĕsmi, wiwitan myaŋ layon, latu ṅuṛĕŋ dadya awu kabèḥ, rinĕsikan wus tan na labĕtiŋ, saguŋ kaŋ niṅali, gumyaḥ gumun ṅuṅun.

41. micarèŋ tyas aku apa ṅimpi, apa wĕruḥ yĕktos, yèn ṅimpia géné gĕnaḥ jèṅglèḥ, yèn wĕruha lir nèŋ jro paṅimpin, sataṅiṅiŋ guliŋ, tan na labĕtipun.

42. tan wun ucapĕn kaŋ niniṅali, paṅgagasiŋ batos, pĕtuŋ wuluŋ suwuk samya lèrèn, ṅariŋ ariŋ tan antara nuli, rujak sĕntul muni, tĕrbaŋ kaliḥ duduk.

241. mĕgatruḥ

1. iyĕg gumaṛĕṅgĕŋ jalma kaŋ ndudulu, ṅayun ayun kaŋ umijil, sinĕsĕg gĕgĕṇḍiṅipun, malahanira mranani, rujak sĕntul ḍénok ḍénok.

2. ki saloka mĕdal nèŋ sor dilaḥ gantuŋ, maṅgul tumbu kĕbak isi, ron apa apa lan tañjuŋ, śri gaḍiŋ mlaṭi kumuniŋ, sinuntak mriŋ jrambaḥ gupoḥ.

3. iṅidĕran kapiŋ tri sawusnya kĕmput, ginĕtak sakèḥ ron dadi, pĕkṣi mawarṇa gya mabur, glaṭik pĕkiŋ mañar ĕmprit, tĕrik barañjaṅan boṇḍol.

4. kakalaṅan nèŋ jro wisma kadi mĕṇḍuŋ, pĕnuḥ ṅalèbèr mriŋ jawi, aṅalèmprèḥ ibĕripun, ambyuk maraŋ kaŋ niṅali, pĕkṣi dinĕkĕpan gupoḥ.

5. maratani kaŋ anon sadaya antuk, kanaŋ pakṣi warṇi warṇi, parandéné nora surut, kaŋ anèŋ jro wisma makṣiḥ, kadi mĕṇḍuŋ agumoloŋ.

6. ki saloka ṅrogoḥ gagémbolanipun, ron naṅka ron kaṇṭil putiḥ, ginĕtak kalihé mabur, dadya lap alap sawiji, kaŋ sawiji pĕkṣi bontot.

7. alap alap ṅrampit pĕkṣi kaŋ lir nĕṇḍuŋ, bébas minaṅsa wus gusis, kantun bontot cucuk cucuk, anèŋ jarambahiŋ panti, sinahut lir swiwi boḍol.

8. alap alap kroḍa ñambĕr maliḥ luput, ḍawaḥ jarambaḥ wus lalis, aṅganira aṅgaḷĕpuŋ, samĕnir tan ana kari, pĕkṣi bontot colot colot.

9. ki saloka nurwitri gya mĕdal gupuḥ, mbĕkta tumbu aṅlo kĕṇḍil, solèt siḷĕp kĕkĕp waduŋ, bontot cinĕpĕŋ wus kéṅiŋ, pinaragat waduŋ gacrog.

10. binubutan ṛĕsik wulunya kinumpul, tĕliḥ miṇḍol miṇḍol isi, pari wulu mĕṇṭik arum, sinuntak nèŋ taṅan kériŋ, dadya wos pĕṭak mañcoroŋ.

11. pinususan nèŋ tumbu toya dèn ĕtus, pĕkṣi cinuci baṛĕsiḥ, wulu kaŋ kinarya kayu, mĕrgaṅaḥ lir aṛĕŋ sambi, ulam pĕkṣi lawan uwos.

12. linĕbĕtkĕn iŋ kĕṇḍil tinutup gupuḥ, ki saloka myaŋ nurwitri, nakir ron pisaŋ kaluṭuk, karya ṛĕgé agĕŋ alit, tan antara daṅu dados.

13. latu siṛĕp liwĕt tinumplak mriŋ tumbu, kumĕbul aṅganda guriḥ, tumusiŋ bras tuṅtum arum, tumbu bĕk iŋ kĕṇḍil makṣiḥ, ulam pakṣi tiŋ pĕrkoṅkoŋ.

14. takir tusan nracak agĕṅé sabĕruk, sĕkul satumbu winradin, nakĕn iŋ takir sadarum, papak lambé dèn tumpaṅi, siji siji pĕkṣi bontot.

15. ki nurwitri manĕmbaḥ cumaḍoŋ ḍawuḥ, ñjĕŋ paṅran suka liŋnya ris, iŋ kĕṇḍil bagéyaniṅsun, déné kaŋ wus anèŋ takir, bagènĕn mriŋ lanaŋ wadon.

16. wus binagé kacukup sadayanipun, tiraḥ sinuṅakĕn mariŋ, rarya lit alit kaŋ ndulu, ñjĕŋ paṅran ṅandika maliḥ, laḥ bismilaḥ payo kono.

17. amaṅana ya iku sasuguhiṅsun, kamurahaniŋ hyaŋ widdhi, supaṅaté kaṅjĕŋ rasul, baṛĕkahdaḷĕm saŋ aji, saanané aywa rikoḥ.

18. kaŋ liniṅan manĕmbaḥ samya ṅaṭĕkul, krahos nikmat sadayèki, sahupa tan ana kantun, ulam tiraḥ dèn gaḍoni, aṅgajiḥ dagiŋ mpuk mopol.

19. lisaḥ gajiḥ anèŋ takir kĕmpluŋ kĕmpluŋ, kimpliŋ kimpliŋ piṇḍa wariḥ, mawa ganda radi arum, dèn uyup tiraḥ sakĕḍik, pra samya kinarya wisoḥ.

20. kaŋ nèŋ kĕṇḍil tinampèn maḍaran sampun, balé waṅunan wus ṛĕsik, suwuk gĕṇḍiŋ rujak sĕntul, gumrĕṅgĕŋ swaraniŋ jalmi, gumunné tan winirahos.

21. mas cĕbolaŋ lawan santrinira catur, kèndĕl samya ṅariŋ ariŋ, ñambi ñañamikanipun, ki saloka nulya mijil, bĕkta awu kaŋ nèŋ aṅlo.

22. kaŋ sahisiḥ panti waṅunan tinaṅgul, awu iṅgilé roŋ ñari, panaṅgulé wusnya kĕmput, mĕṇḍĕt upiḥ kaŋ wus isi, ron kaṅkuŋ ḷĕmbayuŋ jlégor.

23. sinĕbarkĕn anèŋ jrambaḥ kaŋ tinaṅgul, upiḥ pinarṇaḥ nèŋ piṅgir, aṅlo muṅgwiŋ tĕṅaḥ muṅgul, rampuṅiŋ panatanèki, taṛĕbaŋ ginĕmbyuŋ gupoḥ.

24. buka nasrun minalahi wa padikun, wa karibun wa basirin, ya allahu wal mukminun, ḍumawaḥ goŋ dèn sĕlani, mahos salawat gumoloŋ.

25. alahuma saliṅala sayidinu, mukamad ya allaḥ mugi, olèha rahmattu, iŋ atasiŋ gusti kami, ñjĕŋ nabi rasul kinahot.

26. jarambahé wisma kaŋ tinaṅgul awu, byar katon lir péndaḥ rawi, tĕṅahiŋ rawa pupuṇṭuk, bayak ulam warṇi warṇi, bahita timbo sawiyos.

27. wontĕn jalma kaki kaki kĕmpoŋ pikun, kaṭok kalèt tatĕkĕn priŋ, tandya manumpak parahu, kitĕr wilaḥ ṅanan ṅériŋ, ulam ṅlobak amañcolot.

28. milar bar bĕr cumlorot lir jawaḥ awu, ḍawaḥ sawijiniŋ panti, alok surak kaŋ andulu, rayahan samya mĕṇḍĕti, tan cinatur sukaniŋ woŋ.

29. ulam gusis bahita kĕḷĕm iŋ ranu, ki kĕmpoŋ pikun ṅĕlaṅi, manĕṅaḥ praptèŋ pupuṇṭuk, napasira kĕmpis kĕmpis, ṅaṭĕṭĕr ḍawaḥ ṅgaloso.

30. aṅrakĕkĕl kadi kadi ayun lampus, kaŋ samya myat mbrĕbĕsmili, dahat wĕlas sarwi muwus, mĕsakké tĕmĕn si kaki, mĕṅko gèk kabañjur layon.

31. mĕdal maliḥ pawèstri kĕlaṅkuŋ ayu, candrané lir prabasini, tumrun sakiŋ iŋ swarga guŋ, muṅgwiŋ sasisihiŋ rawi, bhuṣaṇa sarwa kinahot.

32. lir katoran mĕṇḍĕŋ mĕṇḍĕŋ riwé mĕntul, rarywan satĕpiniŋ rawi, pasuryan ṅusapan sampun, piṇḍa sasaṅka ṇḍaḍari, sumunar katon mañcoroŋ.

33. sila paṅguŋ asta kaŋ kériŋ pinaṅku, asta kanan añĕpĕṅi, panasar sarwi tumuṅkul, kacaryan wĕniṅiŋ wariḥ, gandruŋ gandruŋ kaŋ samya non.

34. aṅacĕmoŋ ayu iki karo mahu, saṇḍiṅé bĕṅis nambuṅi, dak ṅéné rak ayu mahu, hus tamatna siŋ mĕcicil, waspadakna digĕgojog.

35. kaŋ sawiji ṛĕṅkĕŋ ṅaḷĕm ayu iku, sijiné adrĕŋ mastani, ayu kaŋ mĕtu karuhun, gumĕdĕr wawanan aṅliŋ, puṛĕṅĕn tabok tinabok.

36. iṅkaŋ muṅgiŋ tĕpiniŋ rawi panuju, asuŋ liriŋ piṇḍa ṭaṭit, sumèntĕg ṅĕnani kalbu, kaŋ udrĕg kadi sinapiḥ, cĕp mĕnĕŋ aḍĕlog ḍĕlog.

37. saŋ dyaḥ rara sakéca nèŋ tĕpi ranu, nulya ana jalma prapti, bajaŋ kulit ñjĕruk purut, uḷĕs cĕmĕŋ lir minaṅsi, guṇḍul untu ṅriṅiḥ katon.

38. iruŋ tĕmpak baṭuk bañak kupiŋ pĕrut, nétra ḷĕkok jaṅgut ñaṭis, gulu cĕṇḍak puṇḍak mriṅkus, gigir wusu bokoŋ ñaṇṭik, ñĕkaṭokan suku pékoḥ.

39. iga mĕṭèr bèkèl maḷĕṇṭi kaŋ waḍuk, udĕl bodoŋ maṭĕṇṭĕŋ brit, paṅucapè grawul grawul, pĕgat pĕgat nora dĕliŋ, satuhu ratuniŋ awon.

40. kaŋ umiyat maṅkorog gagiṭokipun, bajaŋ pékoḥ maṛĕpĕki, nèŋ puṅkuriŋ saŋ dyaḥ ayu, muwus manis mĕrakati, babo hyaŋ hyaṅiŋ paturon.

41. sosotya nuŋ iṅkaŋ apradapa wuṅu, baya miraḥ mulat adi, dak ṛĕmĕt dadi sigĕṇḍuk, tĕka éman anèŋ riki, ñawa wawi kula poṇḍoŋ.

42. saŋ dyaḥ nolèḥ sru kagyat tyasnya kumĕpyur, ṇḍaroḍog uñcat lumaris, si pèkoḥ tansaḥ tut puṅkur, saparannè tinut wuri, sayaḥ mlaku mbraṅkaŋ késot.

43. saŋ dyaḥ nolèḥ si pékoḥ sinabĕt sampur, kapisanan aṅgalintiŋ, kinira kabañjur lampus, saŋ dyaḥ alon lampahnèki, tan daṅu taṅi si pékoḥ.

44. saŋ dyaḥ ayu dumunuŋ sajroniŋ ranu, dumadya saṅĕt guŋ braṅti, wayaŋ wuyuṅan iŋ kalbu, winawas datan kah‍èkṣi, gandruŋ gandruŋ ḍĕlog ḍĕlog.

45. ṅunandika yèn dak tututana ñjĕgur, duruŋ karuwan pinaṅgiḥ, maṅka ṅlaṅi nora bĕcus, jĕro baṅĕt rawa iki, tiwas mati tan kapaṅgoḥ.

46. ḍuḥ wodiŋ tyas dak anti tĕpiniŋ ranu, sokur yèn kapaṅgiḥ urip, sanadyan nuṅul wus lampus, nora dadi cuwa mami, dak ĕntas dak oṇṭoḥ oṇṭoḥ.

47. aṅaṭĕṅkruk nèŋ piṅgir rawi gya ṅantuk, raréṅgotan wus gumuliŋ, ṅalékar lir baṭaŋ buṭuŋ, napas slĕkĕp kĕmpis kĕmpis, ṅorok kĕrot awiraŋroŋ.

242. wiraŋroŋ

1. nahan ta kaŋ naṇḍaŋ atis, ṅariṅkĕl anèŋ pupulon, kagyat amiyarṣa jumĕgur, puṅun puṅun liṅgiḥ, wé rawa lir kinucak, katon ana lémbak lémbak.

2. pawèstri ayu linuwiḥ, kampul kampul kadi turon, ki kĕmpoŋ makañjar gya aṅgĕbyur, iṅgal amurugi, dupi cĕlak cinaṇḍak, sinuṅgi ginawa iṅgak.

3. wus binĕkta mĕntas mariŋ, pupuṇṭuk kaŋ piṇḍa pulo, saŋ ayu pinaṅku dèn ĕlus ĕlus, katon duruŋ lalis, miṇḍak miṇḍak sumriṅaḥ, gariŋ bhuṣaṇa tan owaḥ.

4. ki kĕmpoŋ ṅuṅun tan sipi, ndomblĕḥ iḷĕré narocos, katon sĕmunira gandruŋ gandruŋ, pupuji rip urip, jati jati waluya, dakpèk garwa sira rara.

5. paraŋ jaja kaŋ kapidiḥ, sumĕkan katon mañcoroŋ, ki pikun kasunar ñjĕṅĕr ñjĕṭuŋ, ri saŋ piṇḍa lalis, jati jati waluya, nétranira ṛĕm ṛĕm sata.

6. uniṅa nèŋ paṅkonnèki, kaki pikun kĕmpoŋ pérot, giyuḥ iŋ wardaya ṅaḍuḥ aḍuḥ, paran awakmami, tĕka nora kaya a, karṣaniŋ hyaŋ maha nasa.

7. lalakoné awakmami, ṅuni yun pinèt woŋ pékoḥ, iki tĕka ana taṅanipun, woŋ wus kaki kaki, rupané tan mandra a, sapuluḥ kinapakĕna.

8. kawula amuŋ sadarmi, ṅlakoni karṣèŋ hyaŋ manon, piraṅbara béñjaŋ mĕnèk sinuŋ, kamurahan widdhi, kamulyan suka ṛĕna, iŋ duña praptèŋ dĕlahan.

9. saŋ dyaḥ wuṅu maṅĕñjali, ṅrahub pada matur alon, ḍuḥ saŋ sihiŋ dasiḥ sunaniṅsun, pun patik andasiḥ, sumaṅga iŋ sakarṣa, ki kĕmpoŋ dupi miyarṣa.

10. sukèŋ tyas ñéboŋ kaŋ laṭi, ṅadĕg ñat ambĕkan gamboḥ, ṅlètèr aṅidĕri saŋ ṛĕtna yu, gantya kaŋ winarṇi, si pékoḥ kaŋ anéndra, jĕṅgirat taṅi uniṅa.

11. saŋ dyaḥ wus nèŋ puṇṭuk sarwi, jinogèdan kaki kĕmpoŋ, tandya kroḍa maṅkrak manabda sru, iku rak garwaniṅwaŋ, kaki agé parènèkna.

12. kaki kĕmpoŋ éca ṅibiŋ, binaṇḍil séla tan aṅgop, daṅu daṅu kĕna giṭokipun, kagyat aniṅali, ana woŋ salaḥ rupa, ala raratuniŋ ala.

13. kèndĕl dèn nira aṅibiŋ, kĕkĕl kapiṅkĕl kapoyoḥ, saya asru kroḍa ñaṇḍak gupuḥ, mraŋ sakgĕbuŋ sarwi, pinuja mantra dadya, gagaman mawarṇa warṇa.

14. wahos balandaran tuwin, panuruŋ cébol lan pégon, taḷĕmpak panacak ĕcis limpuŋ, tinloroṅkĕn aglis, tibané piṇḍa jawaḥ, saŋ dyaḥ miré wus ampiṅan.

15. kaki kĕmpoŋ aṅiṇḍani, kaŋ ṅĕnani putuŋ méṭot, tan ana tumama kyayi pikun, akĕkĕmu wariḥ, sinĕmburkĕn mriŋ mĕṅsaḥ, mĕdal gagaman mawarṇa.

16. ḍuwuŋ lamĕŋ pĕḍaŋ cundrik, kuḍi trantaŋ arit bĕṇḍo, lumarap pribadya wus cumuṇḍuk, badan kah‍èkṣi, kataman iŋ gagaman, maṅkana kaŋ sami miyat.

17. duk saŋ dyaḥ ṅgĕbyur iŋ rawi, jalu èstri arawat loḥ, sawusira gĕsaŋ sukèŋ kalbu, naṅiŋ wlas tan sipi, kala ki kĕmpoŋ mbĕkṣa, gumuyu suka sadaya.

18. maṅkya kĕmpoŋ pékoḥ jurit, surak surak alok alok, kĕmpyaṅiŋ taṛĕbaŋ swara umyuŋ, samya dibya sĕkti, ki bajaŋ kaŋ kataman, gagaman sariranira.

19. tan ana sĕlanirèki, kinira ajur malopor, kinirigkĕn ririḥ samya runtuḥ, nulya dèn untali, sakèḥ gagaman tĕlas, éram ṅuṅun kaŋ umiyat.

20. ki bajaŋ maṅluŋ iŋ rawi, ñĕmbur mĕtya pi gumoloŋ, ki kĕmpoŋ kataman api murub, sarira dadya pi, dahana ṅalad alad, kumutug toyaniŋ rawa.

21. saŋ dyaḥ ayu kontraŋ kantriŋ, toya rawi katon umob, pupuṇṭukiŋ katon latu murub, juḍĕg asraḥ widdhi, é, allaḥ mariṅana, pituluŋ mriŋ kawlasarṣa.

22. siṛĕp iṅkaŋ punaŋ agni, kawarṇa a kaki kĕmpoŋ, mandar salin warṇa bagus bĕsus, bhuṣaṇa mantĕsi, lir péndaḥ wukir sĕkar, mbarañak prigĕl sarigak.

23. ṅulati saŋ dyaḥ pinaṅgiḥ, pinarpĕkan dyan pinoṇḍoŋ, saŋ dyaḥ tan ḷĕṅgana sukèŋ kalbu, magut jurit maliḥ, ki bajaŋ wimbuḥ kroḍa, kalaṅkuŋ bĕntèriŋ nala.

24. solahé aṅgigirisi, ayun ṅrukĕt nora iñjoḥ, kapalaŋ iŋ ranu tandya muṅkur, noṅkroŋ noṅkroŋ ṅisiŋ, gagaman gya lumarap, aṅĕnèni mĕṅsahira.

25. ki bajaŋ atudiŋ tudiŋ, modar baṛĕŋ sira mĕṅko, yèn sira yuwana bĕṇḍètamu, tan wuruŋ bilahi, ajur sawalaŋ walaŋ, nora mikatoni mata.

26. saŋ bagus alon nahuri, tamatna matamu ḷĕkok, gamanmu tumiba kadi kapuk, datan miyatani, sanadyan garwaniṅwaŋ, malaḥ kĕmpliŋ kaya mulat.

27. ki bajaŋ ñjĕtuŋ anaṅiŋ, miṅsĕg miṅsĕg wacana lon, aku uwis tobat turun pitu, ñuwun paṅakṣama, naṅiŋ kuwi mrènèkna, dadi cihnaniŋ akṣama.

28. saŋ bagus mèsĕm liŋnya ris, ḍuḥ babo wotdiŋ tyasiṅoŋ, paran karṣanira rèḥ jinaluk, yèn sira pañcèn siḥ, mariŋ si rupa ala, laḥ babo sira mronowa.

29. saŋ piṇḍa dyaḥ asuŋ liriŋ, dyan tumuṅkul arawat loḥ, mlasasiḥ turira ḍuḥ saŋ bagus, prasĕtya pun patik, gĕsaŋ tumĕkèŋ léna, tulusa maṅèstupada.

30. samĕṇḍaŋ datan ndarbèni, nalimpaŋ ḍumatĕŋ séyos, saŋ bagus kataman iŋ sabda rum, laṭi dyaḥ kaŋ kadi, maṅgis kaṛĕṅat maya, cinucup iṅarasan.

31. manuwara amalat siḥ, swara arum mawèḥ lamoŋ, pra dyaḥ kaŋ umiyat anèm sĕpuḥ, miwaḥ prawan akir, kajumbuhan paṅgagas, ṅaḷĕsĕt éwaḥ liṅgiḥnya.

32. ana ṅadĕg tan nasari, bĕtèké kabĕḷĕt ṅuyoḥ, tĕmaḥ ilèn ilèn sukunipun, maḷĕñciŋ mriŋ jawi, pratiṣṭèŋ gyan kaŋ kiwa, saya kagagas iŋ driya.

33. satĕmaḥ ṅacĕcĕr mrindiŋ, ginagapan wus ambaṭok, swéda iṅkaŋ tĕṅaḥ cinoplok, pluk tlanakan kapidiḥ, saŋ rahsa tan drana, mijil sakiŋ iŋ sasana.

34. mégal mégol wĕṇṭat wĕṇṭit, ṅĕsĕs mèwèk mèwèk ṇḍoko, sawusira tuntas napas ṅaṅsur, kaŋ ambaṭok liliḥ, astanya wus linĕcat, gubras kumut iṅusapan.

35. wĕnèḥ kĕjĕp nétra kaliḥ, badan sakojur kumĕjot, nrĕṭĕg ṅgĕgĕt waja mĕkṣa mbrujul, jibĕg lawaŋ kori, mupruk karakĕt siñjaŋ, pamisahé lon alonan.

36. ana iṅkaŋ priṅas priṅis, mĕlérok nétranya karo, tyasnya tarataban riwé kumyus, tan sagĕd ṅawali, sumĕntor wĕdalira, ñjiṅkat ṅaḍuḥ ṅĕsĕs sora.

37. ñablèk mriŋ kaŋ cakĕt liṅgiḥ, kaŋ cinablèk kapanujon, nétra ṛĕm ṛĕm ayam ḷĕḷĕt idu, gogoṇḍaṅé salit, nĕḍĕṅé kanikmatan, ñjumbul aṅliŋ tobat tobat.

38. mĕḍot kĕnikmatan sirèki, mégal mégol tatanya lon, laḥ ana pa sira gawé gumyur, is is mbok ya uwis, èḥ èḥ paḍa kawogan, kalihé ṅuñjal uswasa.

39. kaŋ tan sĕdya dèn sabili, naṛĕṭĕg giṭok maṅkorog, napasé kumraṅsaŋ kĕḍèp suṅsun, maṭĕm laṭinèki, kĕjĕr akĕkérogan, liḍaḥ mélé kacĕmutan.

40. giṅgaŋ sakiŋ luṅguhnèki, dalaḥ sari ḍara mĕkrok, mundri marawayan badan gumyus, astanira kaliḥ, nèŋ wiṅkiŋ piṇḍa tuwak, ṅulat ṅulèt trog ĕntrogan.

41. wus ḷĕga capé kaŋ ḍiri, bokoŋ ginarayaŋ kĕproḥ, ñuñuṅgi narayaŋ ñamuk ñamuk, ṅligik nabda ririḥ, mĕṅko gèk nacaḥ siñjaŋ, tujuné untuné bogaŋ.

42. ṅacĕproḥ satĕmaḥ risi, ṅènnya liṅgiḥ mégas mégos, dupi kagariṅan lir dèn añcur, krakĕt ṅarṣa wuri, pambĕṅgaṅé lon alonan, krahos pĕḍĕs sambat sambat.

43. dé priya kaŋ aniṅali, tan pah‍é lawan pra wadon, lamun tan pinĕkak jĕntus ṅayun, kèḥ krura mawardi, satĕmaḥ triwikrama, lir takṣaka yun maṅsa.

44. kumĕjot kèḥ kaŋ kawijil, sruniŋ krura tan rinahos, kagyat kaŋ kataman nolèḥ puṅkur, pisuhé ṇḍariḍit, ṅakak kaŋ pinisuhan, ṅgaḷĕgĕs minta akṣama.

45. hus woŋ kĕcul ywa cariwis, caturana ḍéwé gojog, bĕntèké anaṇḍaŋ lir puniku, mila dèn nya runtik, glayĕm glayĕm kéwala, milaḥ rikuḥ kacipuhan.

46. tan wus ucapĕn iŋ tulis, paṅgagasé kaŋ samya non, kinom iŋ mataram tatanya rum, laḥ sintĕn puniki, ki kĕmpoŋ dadya ñaṇṭas, èstri ayu tiyaŋ bajaŋ.

47. ñjĕŋ paṅran wacana ririḥ, iṅkaŋ piṇḍa kaki kĕmpoŋ, punika nurwitri dé dyaḥ ayu, pun cĕbolaŋ yĕkti, déné ta iṅkaŋ piṇḍa, tiyaŋ bajaŋ pun saloka.

48. aṅguguk kinom mantawis, yayi kula panduŋ yĕktos, tuhu pun cĕbolaŋ bagus mĕñcul, samubaraŋ wasis, wus dawil ṅèlmunira, taḷĕñĕkiŋ oliya.

49. sigĕg kaŋ rarasan aṅliŋ, gantya kaŋ ñjantur kacriyos, saŋ ṛĕtna kaŋ tansaḥ rinuṅrum, nĕmbaḥ matur maliḥ, ḍuḥ babo kasirṇakna, si ḷĕṭĕg ratuniŋ ala.

50. ḍuḥ wodiŋ tyas ywa kuwatir, muṅguḥ sirṇané si pékoḥ, saŋ bagus gya musus astanipun, tan daṅu gya mijil, lawa gĕŋ wujud waṅwa, ginĕtak mampruŋ sakṣana.

51. tumèmplèk rahinirèki, si bajaŋ kagyat ambĕṅok, lawa wus cinaṇḍak binantiŋ prus, ajur puliḥ maliḥ, mĕrṇgaṅaḥ ṅalad alad, mampruŋ tan nĕdya mundura.

243. durma

1. lawa waṅwa añambĕri ṅériŋ ṅanan, cinaṇḍak aṅéṇḍani, kĕbĕt suwiwinya, kadi udan dahana, biṅuŋ dèn nira ñiṅkiri, ṅahub sor blandar, lawa nèmplèk iŋ gigir.

2. kitĕr maliḥ muṅsĕr nèŋ balé waṅunan, lawa tansaḥ ñambĕri, kaŋ samya umiyat, surak ambata ṛĕbaḥ, ki bajaŋ akontraŋ kantriŋ, mĕṇḍĕm iŋ kisma, sarira tan kah‍èkṣi.

3. lawa sirṇa mañjiŋ ṅaṇḍapiŋ pĕṇḍĕman, ki bajaŋ poṅaḥ paṅiḥ, dahat tan kawawa, ṅolaŋ ṅaliŋ gya mĕdal, si lawa wus tan kah‍èkṣi, ariŋ napasnya, suka ṅiduŋ ṅrĕṛĕpi.

4. kagyat ñjola lawa tumèplĕg kawĕtnya, mèkèḥ mèkèḥ lumaris, sambat biyaŋ biyaŋ, mlĕtĕr ṅubĕṅi rawa, lawa ṅuḍis uḍis silit, ñaṅkrĕm gantaṅan, mijĕt mijĕt kĕmiri.

5. datan sakit ki bajaŋ datan kuwawa, aṅgĕbyur mariŋ rawi, salulup iŋ toya, lawa waṅwa wus uñcat, kĕkĕjĕr ṅiṅgiliŋ wariḥ, sabĕn ki bajaŋ, mĕṇṭuṅul dèn éñcoki.

6. kawĕkèn tyas datan nĕdya mĕṇṭuṅula, lawa waṅwa wus mañjiŋ, iŋ ḍasariŋ rawa, kumukus ponaŋ toya, mawalikan rawa api, muḷĕg kukusnya, ki saloka wus mañjiŋ.

7. mriŋ guṭaka tan nana iṅkaŋ uniṅa, maṅkana kaŋ amuṅgwiŋ, satĕṅahiŋ rawa, tandya nitiḥ bahita, lumban anèŋ rawa agni, iṅkaŋ kaambaḥ, siṛĕp dumadya siti.

8. sakaroṅron mĕntas sakiŋ iŋ bahita, rawa tanapi agni, tan nana labĕtnya, brĕsiḥ iṅkaŋ jarambaḥ, trĕbaŋ gobyog wus ṅĕṇḍoni, ṅaṇḍĕloŋ nulya, suwuk dèn salawati.

9. alahuma saliṅala sayidinna, ya nabi mukhamaddin, nabi ṅadadamma, piṅil mila salatan, dahimatan bi dawammi, mulki la inna, salawat kapiŋ katri.

10. samya kèndĕl ṅariŋ ariŋ napasira, minum tanapi ñamik, kaŋ anèŋ jarambaḥ, saŋ bagus lawan saŋ dyaḥ, misaḥ dèn nira aliṅgiḥ, nata bhuṣaṇa, lir onĕŋ wukirṣari.

11. tandya buka suruŋ ḍayuŋ gĕṇḍiṅira, kaliyĕ mbĕkṣa mañji, tan ana kuciwa, saṅgyané kaŋ uniṅa, jalu èstri samya braṅti, wuyuŋ kasmaran, gandruŋ gandruŋ makiṅkin.

12. aṅrĕrantam mĕṅko kalamun bubaran, muliḥ mriŋ poṇḍoknèki, dak cĕgat iŋ marga, paṛĕŋ datan paṛĕṅa, ulun ñuwun lunturiŋ siḥ, usadèŋ rimaŋ, iŋ pamuruṅiŋ lalis.

13. iŋ sakarṣa dasihé nora suwala, nahan mawarṇi warṇi, paṅgagasiŋ driya, maṅkana kaŋ umiyat, maṅgèn tĕbiḥ aniṅali, wuwuŋ wismañar, kantar kantar kaŋ agni.

14. saṅsayarda urubiŋ kanaŋ dahana, sakèḥ iṅkaŋ udani, mundur palarasan, icir nora kasĕsa, woŋ kaŋ miyat sampun nipis, kantun kaŋ pĕrak, katuṅkul aniṅali.

15. kaŋ ambĕkṣa saṅsaya asuŋ wigĕna, ṅaṅsĕg kaŋ niniṅali, wisma iṅkaŋ kobar, aṅgĕṛĕŋ agni wrata, jumĕṭot baluṅan ĕpriŋ, wisma pambĕkṣan, apan wus dadya api.

16. kagégéran mĕdal sakiŋ palataran, gusis kaŋ niniṅali, kaŋ anèŋ paṇḍapa, èstri tanapi priya, kaṭaḥ iṅkaŋ amaḷĕñciŋ, tansaḥ kawaṅwaŋ, mriŋ kaŋ ambĕg saŋ pañji.

17. wus asirṇa datan nana labĕtira, puliḥ kadya iŋ ṅuni, wañci tabuḥ tiga, paṅran lan tamunira, kondur mariŋ panti wiṅkiŋ, cĕbolaŋ lawan, santri catur umiriŋ.

18. tataḷĕṅgaḥ cĕbolaŋ maṛĕg iŋ ṅarṣa, kyayi nom iŋ mantawis, mĕḍarkĕn sukèŋ tyas, manĕmbaḥ ki cĕbolaŋ, kawula amuŋ sadarmi, alumakṣana, sah‍èstunipun iṅgiḥ.

19. sakiŋ barkaḥ daḷĕm kaŋ pinudyèŋ ṅarga, tĕmbayat kaŋ ṅrĕṅgani, mèsĕm ñjĕŋ paṅéran, arum mijiliŋ sabda, hèḥ cĕbolaŋ rèhniŋ uwis, akasĕmbadan, kaŋ dadya karṣamami.

20. apa iṅkaŋ iṅsun waḷĕṣkĕn iŋ sira, tan lyan pandoṅamami, muga kaŋ kuwasa, apariṅa raharja, sabaraŋ tindakirèki, aywa was uwas, mapan ana kaŋ kardi.

21. kyayi anom mantaram alon liṅira, kulup iṅsun ṅamini, yayi maṅké wĕkdal, subuḥ kapara awal, bakdaniŋ wĕkdal subĕkki, ulun aliman, mantuk mariŋ mantawis.

22. rèhniŋ naṅgĕl aluwuŋ natasa pisan, cĕbolaŋ matur aris, ḍawuḥ kaŋ ḍumawaḥ, ḍumatĕŋ iŋ patikbra, kalaṅkuŋ laṅkuŋ kapuṇḍi, dados jijimat, nuwun biliḥ maṛĕṅi.

23. maṅké ulun ñaṛĕṅi raka paduka, sabakdaniŋ subĕkki, ndumugèkkĕn sĕdya, lawan saréñcaŋ amba, ñjĕŋ paṅran maṇṭuk liŋnya ris, wawĕkasiṅwaŋ, dèn kumambaŋ iŋ widdhi.

244. maskumambaŋ

1. cinarita palajĕṅé kaŋ niṅali, maṇḍĕg maṅuniŋ tyas, dupi noliḥ maraŋ wuri, siṛĕp urubiŋ dahana.

34. pṅéran tĕmbayat mariṅi katraṅan bab : pasik, munapik, kapir, najis, mĕkruḥ, lah‍élatul kadar, kĕṇḍuri maḷĕm idul pitri, siyam iŋ wulan bĕsar lan kurban kékaḥ.

2. jalu èstri kaŋ samya kataman wiṅit, ciptanirèŋ driya, kapasaŋ yogantuk sĕpi, kasambadan iṅkaŋ karṣa.

3. samya waṅsul lampahira ndiṅkik ndiṅkik, supayané aywa, kawaṅuran iŋ lyan jalmi, pawadané warṇa warṇa.

4. parandéné mèḥ sadaya samya bali, praptèŋ parégolan, kawuryan wus ñĕñĕt sĕpi, nir labĕté karaméyan.

5. tyas kacuwan lon lonan mantukirèki, kiwa ñaṅkiŋ ulam, taṅan tĕṅĕn ñĕpĕŋ pĕkṣi, sinambi ararahosan.

6. ana ṅaḷĕm uniné taṛĕbaŋ kaliḥ, aṅaḷĕm suwara, aṅaḷĕm jogèdiŋ èstri, aṅaḷĕm jogèdiŋ priya.

7. wĕnèḥ gumun siṅa lutuŋ taru pĕkṣi, panutuniŋ bĕras, tumĕkèŋ matĕŋ binagi, myaŋ ṅuṅun bahita rawa.

8. ana iṅkaŋ karantan rantaniŋ ati, ṅglĕgĕs kah‍èṅĕtan, ana kagagas iŋ ati, ṅoṅgo uṅgo kabasmaran.

9. ĕnĕṅĕna rarahosaniŋ kaŋ jalmi, agantya winarṇa, kaŋ anèŋ iŋ daḷĕm wiṅkiŋ, maṅĕñjali ki cĕbolaŋ.

10. alon matur rumakĕt amamalatsiḥ, sasĕmbèn ḷĕṅgahan, aṅĕntosi pajar gidib, ulun ñuwun sasĕṛĕpan.

11. rèhniŋ naté wicantĕn dèn wicantĕni, nadyan dèrèŋ tĕraŋ, surahos pikajĕṅnèki, tĕka iŋ manaḥ narimaḥ.

12. naṅiŋ èstu dèrèŋ sumĕṛĕp sayĕkti, pinèpètkĕn ṅgroñjal, waṅsulan baṇḍa kadugi, labĕt dèrèŋ ntuk pitĕdaḥ.

13. mĕṅgaḥ tĕmbuŋ pasèk munapèk myaŋ musrik, majusi makṣiyat, gidib lacut murtat kapir, kapir ṅindanas ṅindalaḥ.

14. kupur lalim batal karam mĕkruḥ najis, punika sadaya, amba èstu dèrèŋ dĕliŋ, pukulun pariṅa barkaḥ.

15. saŋ paṅéran mĕḍar sabda liṅira ris, kaki kawruhana, muṅguḥ patañanirèki, kasiliŋ pamaṅgihiṅwaŋ.

16. tĕmbuŋ pasèk tĕgĕsé woŋ kaŋ ndarbèni, tyas mahido maraŋ, kabèḥ paréntahirèki, sarak nabi kaŋ minulya.

17. kadi kahum iṅkaŋ nora anĕtĕpi, iŋ kwajibanira, utawa jalma kaŋ uniŋ, sarak nabi tan linakyan.

18. déné tĕmbuŋ munapèk tĕgĕsirèki, woŋ kaŋ wus winaraḥ, kabèḥ parlu sunat wajib, miwaḥ mĕkruḥ batal karam.

19. wus asaṅgĕm tĕmĕn kaduga ṅlakoni, wasana iŋ wuntat, tan pisan pisan ṅlakoni, ṅorakkĕn paréntahiŋ hyaŋ.

20. basa musrik jalma kaŋ mahido yĕkti, tĕmĕn ana allaḥ, namuŋ kudu mituruti, kakĕñcĕṅaniŋ tyas ḍawak.

21. bañjur gawé allaḥ sasĕnĕṅirèki, déné warṇanira, kaŋ iṅaṅgĕp maha sukci, mawujud saḍéṅaḥ ḍéṅaḥ.

22. sarta nora manut timbalaniŋ widdhi, ṅorakkĕn paṅéran, surasané basa musrik, kaŋ wus sinirik iŋ sarak.

23. liré iṅkaŋ basa majusi puniki, wujud jalma kopar, kaŋ wus gĕḷĕm aṅlakoni, agama islam minulya.

24. naṅiŋ misiḥ darbé tyas kaŋ ñulayani, maraŋ sarak ika, gawé gawé pialaniŋ, kaŋ tinartamtu prayoga.

25. makṣiyattu tĕgĕsé sakèḥ pakarti, tatakalahiran, lawan iŋ patinirèki, kaŋ tan winĕnaṅkĕn sarak.

26. laḥ ya iku aṅgawé druhaka yĕkti, aywa pisan pisan, ṅahurip ṅanti ṅlakoni, kaṛĕm mriŋ sakèhiŋ cĕgaḥ.

27. basa gidib samubaraŋ kaŋ tan yĕkti, iŋ wicaranira, ṅamandaka ujar lamis, agoroḥ bèṅès tan papan.

28. tĕmbuŋ lacut tĕgĕsé jalma kaŋ uwis, nora babarpisan, ṅlakoni paṅgawé bĕcik, basané wus laṅkaḥ jiḍar.

29. tĕmbuŋ murtat tĕgĕsé punika jalmi, wani wani niṅgal, saka agamanirèki, islam iku murtat rannya.

30. basa kapir tĕgĕsipun kanaŋ jalmi, kaŋ tan purun ika, aṅlakoni iŋ agami, kaŋ pakolèḥ mariŋ sarak.

31. tĕmbuŋ kapir ṅiṇḍanas tĕgĕsirèki, ṅlakoni agama, naṅiŋ lyaniŋ sarak nabi, tan pakolèḥ muṅguḥ jalma.

32. déné kapir ṅindalaḥ kapir kaŋ asli, ṅlakoni saréṅat, naṅiŋ tyas tan maḍĕp mariŋ, iŋ allahu wa taṅala.

33. basa kupur jalma kaŋ tan purun yĕkti, mulyakkĕn saṅgyannya, kur'an kitab para nabi, iya katunan rahsanya.

34. basa lalim woŋ kasasar tékatnèki, nora pisan pisan, darbé kah‍èṅĕtan bĕcik, iku lalim luṅguhira.

35. tĕmbuŋ batal pan nora bisa ḷĕstari, apa kaŋ kinarṣan, iŋ saparlunya tan dadi, kudu bali winiwitan.

36. liré basa karam sakèhiŋ pakarti, lahir batin iṅkaŋ, wus winaḷĕr ora kéṅiŋ, iṅaṅgo miwaḥ tinĕḍa.

37. kumawani nrajaŋ nir tiṅadurṇèki, labĕté kaliṅan, dadya kaḷĕbu iŋ ati, iku karam kukumira.

38. basa mĕkruḥ tĕgĕsé baraŋ pakarti, kaŋ narajaŋ sarak, naṅiŋ amuŋ cilik tipis, iku mĕkruḥ arannira.

39. basa najis ṛĕṛĕgĕt sukĕr sakalir, jiji sasaminya, iṅkaŋ nora aṅrĕsĕpi, iku pan najis sadaya.

40. mas cĕbolaŋ ḷĕga tyasé maṅĕñjali, sru pamuṇḍiamba, sabda jati kaŋ kawijil, kajawi sakiŋ punika.

41. jroniŋ wulan ramĕlan kala maṛĕṅi, maḷĕm salikurṇya, trilikur salawé tuwin, pitu saṅalikur samya.

42. apan mawi kĕṇḍuri maḷĕman iṅgiḥ, dumuginiŋ bakda, kĕṇḍuri riaya nami, myaŋ wardiniŋ ḷĕtulkadar.

43. atanapi siyam bĕsar kaliḥ ari, taṅgal aṣṭa nawa, sadasa bakdanirèki, paran gatiniŋ kaŋ karṣa.

44. paṅran bayat mèsĕm aṅandika aris, sasurupaniṅwaŋ, nalika kaŋ maha sukci, pariŋ nugrahèŋ paṅéran.

45. mriŋ ñjĕŋ nabi mukhamad iṅkaŋ sinĕlir, iya iku kur'an, maḷĕm slikur wiwitnèki, nĕm jus tumuruniŋ kur'an.

46. tĕlulikur tumurun ĕnĕm jus tuwin, salawé jus rasa, pitulikur nĕm jus nuli, saṅalikur nĕm jus purṇa.

47. dadi rambaḥ piŋ lima tumurunnèki, nĕm sarambahannya, wus jaṅkĕp tridasa jusi, kalamolaḥ nama kur'an.

48. kĕṇḍuri maḷĕman ujubé sami, aṅaturi ḍahar, kañjĕŋ nabi mahkhamadin, myaŋ mulyakkĕn kalamolaḥ.

49. lah‍élatulkadri wardinipun ari, wĕṅi kaŋ utama, paṅgonaniŋ anampani, kabĕgjan sakiŋ paṅéran.

50. warṇi wujud kaŋ sah‍èstu nora mĕṣṭi, tibaniŋ kabĕgjan, ana étuŋ kaŋ pinaṣṭi, wussiŋ tridasa ramĕlan.

51. ariadi gaṛĕbĕg puwasa nĕṅgiḥ, dina kaŋ minulya, mustajab apa kaŋ dadi, pañuwunipun kawula.

52. mariŋ allaḥ iṅkaŋ sipat muraḥ asiḥ, pramilanya samya, ṅabĕkti pra luhur tuwin, sasalaman mriŋ sasama.

53. déné pitraḥ mañjiŋ jakatiŋ kaŋ ḍiri, dèn nira dumadya, maklukiŋ hyaŋ maha sukci, mula kudu linampahan.

54. pasa bĕsar kaŋ saari ṅaṛĕp pati, kapiṇḍo tarwiyaḥ, kapiŋ tri grĕbĕg nahari, paḍa lan riadi pasa.

55. mula kinèn paḍa pasa kaliḥ ari, awit tan kuwasa, wulan iku muṅgaḥ khaji, mriŋ mĕkaḥ maśjidilkaram.

56. iṅkaŋ paḍa ṅlakoni gañjarannèki, cinarita paḍa, lawan iṅkaŋ muṅgaḥ khaji, naṅiŋ iku klĕbu sunat.

57. ari nakhar apan winĕnaṅkĕn yĕkti, añambĕlèḥ kurban, wĕḍus utawané sapi, ṅamal salèḥ añjiṅira.

58. yèn tan bisa kurban nĕtĕpi nakhari, dina tasrèk ika, kaliḥ dalu kaliḥ ratri, saka ari nakbar ika.

59. isiḥ kĕna asiḍĕkaḥ karobanni, iŋ gaṛĕbĕg pasa, lawan gaṛĕbĕg bĕsar i, surasané apan paḍa.

60. ri kaŋ mulya mustajab apa kaŋ dadi, mañuwunniŋ umat, amuŋ iku kawruhmami, iki wus sĕḍĕṅé wĕkdal.

61. aluwaran samya ṅambil toyastuti, ki nurwitri adan, mas cĕbolaŋ aṅamati, arahab kaŋ sami wĕkdal.

245. salisir

1. salisir bakda subĕkki, iŋ wañci saputiŋ siti, kinom pamit mriŋ saŋ yogi, yayi kantuna basuki.

2. ki cĕbolaŋ maṅĕñjali, kalilana añaṛĕṅi, raka paduka ñjĕŋ kyayi, paṅran tĕmbayat ṅaṇṭuki.

35. mas cĕbolaŋ tuwin para santrinipun ṅlajĕṅakĕn lampahipun tumuju pranaraga. sakiŋ katĕbihan sumĕṛĕp cahya nĕlahi, naṅiŋ saṛĕŋ dipuncĕlaki, cahya wahu ical. lajĕŋ kapaṅgiḥ ki wanakarta, muridipun ki pujaṅkara iŋ mataram, iṅkaŋ mariṅi sĕsĕṛĕpan warṇi warṇi :.

3. kinom wussiŋ sasalaman, lampaḥnya alon alonan, cĕbolaŋ ṅaras dlamakan, miwaḥ santrinya sakawan.

4. wus lèṅsèr sakiŋ iŋ ṅarṣa, nèŋ ñjawi régol iṅantya, sasaṛĕṅan lampahira, dupi praptanirèŋ marga.

5. iṅkaŋ dumugi iŋ praja, kinom alon aṅandika, laḥ kulup bagé raharja, muhuŋ paṅèstumanira.

6. cĕbolaŋ sasantrinira, manĕmbaḥ nuwun aturṇya, sasowaṅan lampahira, sigĕg kaŋ waṅsul mriŋ praja.

7. nahĕn ta iṅkaŋ winarṇa, mas cĕbolaŋ lampahira, tan ana kaŋ sinaṅsaya, yèn dalu ṛĕṛĕp nèŋ désa.

8. wañci surupiŋ hyaŋ arka, tan na ḍusun kawistara, saṅĕt rapuhiŋ sarira, kèndĕl anèŋ ṅara ara.

9. nuju paṅloŋ iṅkaŋ candra, abyor iṅkaŋ taraṅgana, sumunar iŋ ṅantarikṣa, aṅrĕṅgani jumantara.

10. nulya ana kawistara, katiṅal sakiŋ mandrawa, sumilak amawa cahya, maṇṭĕr wĕniŋ téjanira.

11. cĕbolaŋ alon liṅira, kah‍é paḍa tiṅalana, kaŋ mañcoroŋ mawa téja, waṅuné cĕlak kéwala.

12. kaŋ sinuŋ liŋ aturira, ḷĕṛĕs iṅkaŋ paṅandika, ulun katĕmbèn uniṅa, wawarṇèn iṅkaŋ kadyéka.

13. laḥ ta payo pinaranan, tandya mahawan lon lonan, labĕté takṣiḥ katoran, wus prapta kaŋ pinurugan.

14. tan ana kaŋ kawistara, apan namuŋ siti mluwa, kaŋ sumunar mawa cahya, tan daṅu nir kaŋ ujwala.

15. kantun sunariŋ sudama, juḍĕg iŋ paṅgagasira, nulya na jalma sajuga, priya wrĕḍa suku jaja.

16. murugi paṅgémannira, iṅkaŋ samya ṛĕṛĕp sarya, ulukṣalam kaŋ miyarṣa, nolèḥ maṅsuli salamnya.

17. añjawat taṅan sadaya, ki wrĕḍa asuŋ pambagya, iṅkaŋ katĕmbèn kapaṅgya, pun kaki anilakrama.

18. iŋ wiṅkiŋ pundi pinaṅka, paran ta iṅkaŋ sinĕdya, sintĕn sinambatiŋ nama, cĕbolaŋ ṇḍĕku turira.

19. ulun sakiŋ tanaḥ mañca, iŋ kĕḍu santri walaka, pun cĕbolaŋ namakula, riñcaŋ sakawan punika.

20. pun nurwitri pun saloka, palakarti kartipala, sĕdya yun mriŋ pranaraga, talabul agami mulya.

21. sarèhniŋ pĕkir sadaya, dadya aṅguŋ kasaṅsaya, mlampaḥ sinambi ṅupaya, bhoga mriḥ kiyatiŋ aṅga.

22. kula gĕntos nilakrama, iṅkaŋ sinambatiŋ nama, tuwin iŋ ṅriki punika, wana iŋ pundi wastanya.

23. karya éramiŋ wardaya, siti tĕka mawa cahya, kawuryan sakiŋ mandrawa, ulunpaṛĕki gya sirṇa.

24. ki wrĕḍa mèsĕm liṅira, iŋ riki ran wanakarta, ranulun karaniŋ wana, iṅgiḥ kaki wanakarta.

25. ki bagus biliḥ sĕmbada, muŋ tinimbaŋ nèŋ ra ara, wawi mampir suḍuṅkula, maṅké ulun suŋ carita.

26. cĕbolaŋ matur sumaṅga, sadaya ṇḍèrèk sakarṣa, ki wana lumakyèŋ ṅarṣa, sadaya anèŋ wurinya.

27. sapraptinira iŋ wisma, iṅañcaran mriŋ paṇḍapa, nèŋ salu ṅiṅgil mirantya, glaran alus myaŋ ḷĕmpirṇya.

28. ki wanakarta liṅira, ñahi ñahi marénéya, wus mĕdal sakiŋ iŋ wisma, nèŋ salu cakĕt lakinya.

29. ñahi aku nĕmu tamu, ki mahu lagi panuju, nèŋ tĕṅaḥ wana ndĕdulu, kaŋ sumorot kadi daru.

30. bañjur dakajak maréné, aṅgĕpĕn nak putu ḍéwé, cĕbolaŋ iku namané, kaŋ papat paḍa rowaṅé.

31. ñi wisma asuŋ pambagé, wus maṅsuli sadayané, ñi wisma waṅsul wisma gé, waṅsul mbĕkta sugatané.

32. wédaŋ jah‍é ḷĕgèn arèn, gĕmbloŋ bĕntul ḷĕmpok durèn, sĕkul jaguŋ caṇṭèl jèpèn, sambĕl windu bubuk wijèn.

33. ayĕm atiné mĕñjaṅan, gĕṇḍon pañjalin garaṅan, agé tawon sinapitan, tigan ayam kakamalan.

34. rampuṅiŋ panatanira, iṅañcaran laḥ sumaṅga, sĕgahé tyaŋ wontĕn wana, aṅgraḥ aṅgraḥ tan mirasa.

35. muhuŋ lumayan kinarya, ṛĕṛĕmiŋ kalantiḥ samya, taṅgap kaŋ sinuṅan sabda, adan naḍaḥ sasĕnĕŋnya.

36. apan tan saṛĕŋ kéwala, sadaya rahos mirasa, nikmat munpaṅat iŋ aṅga, wus dumugi panaḍaḥnya.

37. mas cĕbolaŋ suŋ sasmita, maraŋ palakartipala, kadi batèḥ kalihira, ñi wisma suka liṅira.

38. pantèn baṅĕt dak tarima, saluguné nora darbya, babatèḥ saka sajuga, kaŋ koṭoŋ kah‍é undurṇa.

39. bikut palakartipala, wus binĕkta mariŋ wisma, ñahi mundur nata kĕba, isi klobot kawuŋ sata.

40. lawan tapsiriḥ mirantya, mĕwahi ñamikanira, binĕkta maraŋ paṇḍapa, taṅgap para tamunira.

41. wus samya udut myaŋ mucaŋ, alon matur mas cĕbolaŋ, kiyayi datanpa réñcaŋ, nèŋ wana muŋ sakaliyan.

42. maṅsuli ki wanakarta, pantèn ulun kala muḍa, wismèŋ nagri ṅèkṣiganda, mitranya ki pujaṅkara.

43. akaṭaḥ iŋ wulaṅira, aji èsmu tuwin jaya, paḍukunan myaŋ jampinya, dilalaḥ kabul sadaya.

44. dalu tanapi rahina, kaṭaḥ iṅkaŋ sami prapta, lami lami saya harda, tan kobĕr ṅisiŋ basanya.

45. lami lami miṇḍak sĕpuḥ, èstuné badan krĕp rapuḥ, yèn tan tumindaka éwuḥ, damĕl cuwa kadaŋ karuḥ.

46. lajĕŋ ṛĕmbagan lan ñahi, ayo méntar sakiŋ nagri, ṅupaya tĕntrĕmiŋ ati, bĕcik mahas iŋ ṅasĕpi.

47. ki pujaṅkara ñoṇḍoṅi, kinèn ḍaḍĕkaḥ nèŋ ṅriki, parandéné sanak nagri, jalu atanapi èstri.

48. kaṭaḥ kaŋ samya ṇḍatĕṅi, minta jampi ḍatĕŋ ñahi, tuwin tatanya mriŋ kami, wirasatipun pawèstri.

49. kaŋ ayun kinarya rabi, mĕṇḍĕt iŋ wĕdalannèki, pasaran kalawan ari, myaŋ warṇi warṇi kinaṇṭi.

36. watakiŋ wanita katitik dintĕn lan pĕkĕnan lahiripun.

pétaṅan dintĕn sah‍é adamĕl sumur.

jaṅkanipun kraton mataram baḍé piṇḍaḥ ṅantos tĕmbénipun piṇḍaḥ ḍatĕŋ kartasura.

246. kinaṇṭi

1. nurwitri mégos maṅayun, tatanya ririḥ mrakati, ḍuḥ kyayi panuwunkula, mugi ṇḍaṅankĕn paṅgaliḥ, kapaṛĕŋ pariŋ sĕṛĕpan, mĕṅgaḥ wirasatiŋ jalmi.

2. piridan wĕdalan wahu, rèhniŋ ulun dèrèŋ rabi, tĕmbé yèn wus darbé kajat, ṅupados iṅkaŋ prayogi, biliḥ kaslĕpĕgiŋ karṣa, tyas narimaḥ wus ñĕṛĕpi.

3. ki wanakarta liŋnya rum, ṭolé pamintanirèki, iku kalaṅkuŋ prayoga, woŋ anom nĕtĕpi wajib, kaŋ awrĕda suŋ baṛĕkaḥ, sakadaré mriḥ prayogi.

4. ana ḍawuhiŋ hyaŋ aguŋ, mriŋ musanip kinèn ṅaṅgit, wirasatirèŋ manuṅsa, krana woŋ lanaŋ puniki, labĕté kĕnèŋ gañjaran, saka baturiŋ pawèstri.

5. manuṅsa wirasatipun, mĕtu sakiŋ wĕtonnèki, yèn jumṅaḥ pon wĕtonnira, tan sabar kaku kaŋ budi, sru wani mariŋ woŋ tuwa, lan nora sinuṅan sugiḥ.

6. jumṅaḥ wagé wĕtonnipun, yèn bĕcik luwiḥ utani, yèn ala ṅluwihi ala, grañaḥ ṅiŋ micarèŋ ṅèlmi, aḍĕmĕn paṅgawé ṅiwa, tan ajĕg pikirirèki.

7. yèn makṣiḥ añar aṅguṅguŋ, yèn wus lawas dèn alani, jumṅaḥ wagé pan tĕrkaḍaŋ, saṇḍuṅané laraŋ siwi, naṅiŋ sok sinuṅan doña, jinuruŋ rijĕki éblis.

8. jumuṅaḥ kliwon puniku, pantĕs yèn kinarya rabi, pipikiran rada lumraḥ, mriŋ woŋ tuwa asriŋ bĕkti, ṅiŋ rada wani woŋ lanaŋ, jinuruŋ sugiḥ rijĕki.

9. tĕka pati maraŋ kakuŋ, amituhu pituturiŋ, maratuwa kaŋ prayoga, lawan bĕtaḥ asisiriḥ, saṇḍuṅané woŋ puniki, padonné ambuntut arit.

10. jumṅaḥ ḷĕgi wĕtonnipun, kaŋ paṣṭi laki piŋ kaliḥ, pipikiran tan antĕpan, kĕñcĕŋ ṅaṛĕp kĕṇḍo mburi, lan takdirira hyaŋ sukma, kudu laki kapiŋ kaliḥ.

11. kaŋ tan kapaṅgiḥ iŋ laku, paṅiwané sok andadi, aṅiŋ karṣaniŋ hyaŋ sukṣma, lan lakiné pĕgat mati, yèn ala ṅluwihi ala, yèn bĕcik luwiḥ utami.

12. jumṅaḥ pahiŋ wĕtonnipun, imul wataké ṅaruwit, sah‍énan nora prasaja, kĕliré akarya bĕcik, iŋ lahir tĕmaḥ isinan, dadya imul tan katawis.

13. araŋ kaŋ mlĕmpĕŋ puniku, kaŋ wus kaḷĕbu iŋ tulis, iku paḍa apiḷĕna, ṅiŋ kaṇṭi kalawan takdir, yèn wus pinaṣṭi joḍonya, cumaḍoŋ karṣa hyaŋ widdhi.

14. yèn sabtu pon wĕtonnipun, watĕké añudagari, sabaraŋ kaŋ dipunrĕmbag, étuṅé kudu ntuk baṭi, antuk siḥ kalawan priya, paduné jantra lumaris.

15. lumuhan iŋ lahiripun, kabrabéyan jroniŋ ati, mamaḥ maraŋ bapa biyuŋ, mriŋ kakuŋ tan ṅaṅgo wĕdi, ḍat ñĕŋ yèn karo woŋ lanaŋ, wani lan wĕdi kèḥ wani.

16. wĕton saptu wagé iku, watĕké sok ḷĕpas budi, tur rada jriḥ sihiŋ priya, sumiṅkir karya kaŋ juti, saṇḍuṅané sok asusaḥ, lan kĕṛĕp pĕtĕṅan ati.

17. saptu kaliwon puniku, lumuhan sabaraŋ kardi, lan tampan nora prasaja, mriŋ lakiné datan wĕdi, sĕtu kliwon watĕkira, rada jahil ambĕsiwit.

18. saptu ḷĕgi wĕtonnipun, kakonatèn sarta bĕṅis, mamaḥ mariŋ bapa biyuŋ, naṅiŋ rijĕkiné mintir, lan sinuŋ awig woŋ ika, saṇḍuṅané laraŋ siwi.

19. saptu pahiŋ wĕtonnipun, yèn bĕcik luwiḥ utami, kaṛĕm maraŋ iŋ ṅèlmu kak, anaṅiŋ sapuluḥ siji, iṅkaŋ paṣṭi watakira, iṅkaŋ wĕton saptu pahiŋ.

20. lumuhan ṅiŋ ḍĕmĕn padu, nora sabar naṅiŋ bĕṅis, lawan añudakkĕn drajat, adat mriŋ laki sru wani, tan trima laki sapisan, paṣṭi kudu kapiŋ kaliḥ.

21. tĕrkaḍaŋ laki piŋ tĕlu, yèn tan maṅkono kaŋ paṣṭi, kaŋ lulus krama sapisan, rada kaṛĕm maraŋ ṅèlmi, ṅiŋ takdirira hyaŋ sukṣma, lan lakiné pĕgat mati.

22. wus ganĕp wirasat saptu, gantya maliḥ kaŋ winarṇi, kaki paḍa aṅèstokna, kaŋ wus kaḷĕbu iŋ tulis, kaŋ wĕton akat punika, iṅkaŋ ḍihin akat pahiŋ.

23. kakonatèn watĕkipun, paduné ambuntut arit, jalukan nora wéwéyan, naṅiŋ saṅĕt aṅikibi, ḍĕmĕn ṅloŋ lumuḥ kélaṅan, bèr bujakrama iŋ lahir.

24. naṅiŋ karṣané hyaŋ aguŋ, rijĕkiné sinuŋ mintir, amuŋ nora duwé basa, dilalaḥ drajaté iṅgil, krana akat pahiŋ ika, nahasé hyaŋ odipati.

25. duk asalira kasiku, dèn nira hyaŋ maha tiṅgi, iŋ dina akat pahiŋnya, yèn nora ibu ya rami, wĕton akat pon punika, bĕṅis lawan kakuwati.

26. bĕkti laki watĕkipun, sabaraŋ watak satiti, lan bisa momoŋ sudara, akat pon watĕké bĕcik, adaté tĕka mlaratan, rada bĕgjané saṭiṭik.

27. wĕton akat wagé iku, ṛĕsikan sabaraŋ kardi, sumiṅkir karya kaŋ ala, kalawan bĕkti iŋ laki, yèn dadana nora prĕnaḥ, rada bĕgjané saṭiṭik.

28. wĕton akat kliwon iku, lumuhan sabaraŋ kardi, drĕṅki imul tanpa prĕnaḥ, satĕmaḥ kaku iŋ budi, ḍĕmĕn paṅgawé maṅiwa, adoḥ bĕgjané saṭiṭik.

29. wĕton akat ḷĕgi iku, watĕké sok ḷĕpas budi, lawan mantĕp ṅiŋ lumuhan, candrané rabiya maliḥ, gĕḍé bĕgjané woŋ ika, ṅuṅgahkĕn drajatiŋ laki.

30. akat wirasaté sampun, pilihĕn salaḥ sawiji, lamun ana iṅkaŋ nimpaŋ, saka iŋ wirasat iki, iku gañjarariŋ sukṣma, wijilé sapuluḥ siji.

247. mijil

1. wité bĕcik dadiné ajuti, kaŋ mĕtu sĕnèn pon, pan wus paṣṭi amiṇḍo lakiné, datan trima sapisan yèn laki, kudu ṅapiŋ kaliḥ, tan cidra puniku.

2. lamun pinèt iriban saṭiṭik, lanaŋ tuwin wadon, suwé suwé tan nana bédané, iya lanaŋ iya ta pawèstri, daṅu daṅu sami, ya wirasatipun.

3. sĕnèn wagé bĕgjané saṭiṭik, imbuḥ lantap ḍoso, naṅiŋ bisa momoŋ woŋ tuwané, rada bĕkti ṅlaki sawatawis, ṅiŋ saṇḍuṅanèki, rada ḍĕmĕn padu.

4. jĕmbar budi tuṅgali kakaliḥ, dé kaŋ sĕnèn kliwon, doyan maṅan drĕmba imul sah‍èn, rada kabluk sarta ambĕsiwit, kawiraṅan mintir, wĕdi maraŋ kakuŋ.

5. déné iṅkaŋ mĕtu sĕnèn ḷĕgi, ḷĕmĕs tĕka ḍoso, kĕbraṅasan arosa budiné, nora sukak kumpulan sasami, kudu aṅuṅkuli, baraŋ kudu puñjul.

6. rama ibu yèn luput tan wani, yèn bĕnĕr ambĕkos, lamun krama wĕdi iŋ lakiné, pan jinuruŋ bĕgjané saṭiṭik, naṅiŋ tuṅgak sĕmi, padon kĕṇḍo puṅkur.

7. déné iṅkaŋ wĕton sĕnèn pahiŋ, padoné aṅgaṇṭol, ḷĕmĕs luwĕs sugihan watĕké, lan kériṅan carobo iŋ bĕcik, naṅiŋ sĕnèn pahiŋ, krĕp pĕtĕṅan kalbu.

8. dina sĕnèn wus tĕlas tiniti, dèn éliŋ sutèŋ ṅoŋ, salasa pon kaŋ winuwus manèḥ, yèn wanodya rada bĕkti ṅlaki, saṇḍuṅané mintir, lilan caṅkĕm karut.

9. sinuŋ awit tur pikiré bĕcik, miturut sapakon, tur aṅĕmbaŋ cĕpaka watĕké, lamun kakuŋ wĕdi maraŋ èstri, yèn guŋ bĕgjanèki, saṇḍuṅan tan tutug.

10. slasa wagé wirasatirèki, antuk sihiŋ uwoŋ, kadya wuni iku upamané, yèn andulu warṇané kaŋ wuni, iṭĕŋ pan sĕmu brit, pinaṅan ñjĕṅkĕrut.

11. kèḥ kapéñcut miyrṣa déra ṅliŋ, wruḥ sarané mléṅos, mriŋ lakiné saṭiṭik wĕdiné, sugiḥ préntaḥ bojané tan mintir, lantap bĕṅis naṅiŋ, nora pintĕr padu.

12. ati gĕḍé bĕgjané saṭiṭik, awit saka ḍoso, ḍĕmĕn ṅiwa woŋ iku watĕké, saṇḍuṅané kĕrusakan pikir, rada murka kĕḍik, padon kĕṇḍo puṅkur.

13. tĕrkaḍaṅan sok alaraŋ siwi, dé salasa kliwon, pan wus takdir hyaŋ sukṣma karṣané, kudu kudu laki kapiŋ kaliḥ, kaŋ tan ṅapiŋ kaliḥ, nuli pĕgat lampus.

14. patrap sarèḥ ḍoso jroniŋ ati, sabaré kaŋ katon, adrĕŋ daruŋ yèn ana karṣané, bĕkti laki wiwaḥ rama wibi, wasis acariwis, wĕkĕl karyanipun.

15. déné iṅkaŋ mĕtu slasa ḷĕgi, pikiré lir botoḥ, apan jĕmbar budiné woŋ kuwé, kabraṅasan kawiraṅan mintir, tur bĕgjané kĕḍik, lumraḥ mriŋ sadulur.

16. déné iṅkaŋ mĕtu slasa pahiŋ, watak bĕṅis ḍoso, sok sugiyan woŋ iku watĕké, réka blaba tur tĕmĕné cĕṭil, kawiraṅan mintir, rada ḍĕmĕn padu.

17. dina salasa titinya pahiŋ, gantya dina ṛĕbo, yèn ṛĕbo pon krĕp pĕtĕṅan atèn, juwèḥ mĕnĕŋ nora duwé uni, lamun arṣa muni, lir gĕlap kasaṇḍuŋ.

18. saṇḍuṅané sok alaraŋ siwi, yèn tumandaŋ ḍoso, yèn ta rama ibu nora darbé, pan jinuruŋ rijĕkiné mintir, padon mbuntut arit, tan wruḥ iŋ sadulur.

19. ṛĕbo wagé wawatĕké bĕcik, naṅiŋ laki piṇḍo, pan kériṅan sapaḍa paḍané, crobo naṅiŋ rada bĕkti laki, alila mriŋ bukti, baraŋ caṅkĕm karut.

20. muŋ padoné sok ambuntut arit, déné ṛĕbo kliwon, doyan maṅan drĕmba imul salin, lantap bĕṅis kawiraṅan mintir, lumuḥ baraŋ kardi, sinomé sinantun.

248. sinom

1. kunĕŋ wahu winuwusa, wirasaté ṛĕbo ḷĕgi, kakonatèn nombok wiraŋ, muŋ pikiré gĕḍag gĕḍig, rosa tandaṅirèki, kuraṅajar sok mbĕrgunduŋ, tan kĕna dèn ampaha, watĕg wĕton ṛĕbo ḷĕgi, lamun bĕcik ya bĕcik lamun ala ya ala.

2. padoné jantra lumakya, wani wus tan wĕdi rahi, lakuné akèḥ maṅiwa, déné wĕton ṛĕbo pahiŋ, lumuhan baraŋ kardi, drĕṅki maraŋ iŋ sadulur, sah‍énan ḍĕmĕn ṅiwa, isinan lan sugiḥ kĕlir, ṛĕbo titi sami dipunèstokkĕna.

3. kĕmis pon wataké ala, lumuhan sabaraŋ kardi, drĕṅki kalawan sudara, watĕké tan kaṅgo laki, jinuruŋ maraŋ ṅéblis, saṇḍaṅané dadya imul, sah‍èn nora prasaja, ḍĕmĕn ṅiwa woŋ puniki, bisa sugiḥ naṅiŋ nora bisa lawas.

4. kĕmis wagé watĕkira, tĕrkaḍaŋ laki piŋ kaliḥ, yèn nora miṇḍo lakinya, iku kaŋ ṅluwihi bĕcik, yèn laki kaŋ kapiŋ kaliḥ, tan wuruŋ rusak ṅĕlantur, paṣṭi wuruŋ dandanan, yèn sapisan bañjur dadi, iku paṣṭi kĕna ginawé sĕbutan.

5. lamun bĕcik woŋ punika, naṅiŋ mriŋ kakuŋ awani, lan woŋ tuwa iya lantap, ṅiŋ rosa budinirèki, sabaraŋ pintĕr dadi, baraŋ kaŋ cinaṇḍak rampuŋ, saṇḍuṅané woŋ ṅika, padoné kĕṇḍo iŋ wuri, gĕḷĕm ṅiwa kĕmis kliwon wité ala.

6. sok balaba ṅiŋ isinan, ḍĕmĕn ñĕṅkoloŋ wuwusiŋ, nadyan dèn ujar ujara, yèn sapisan kapiŋ kaliḥ, nora gĕḷĕm maṅsuli, misiḥ ṅalaḥ ṇḍĕku ḍĕku, piŋ tiga piŋ sakawan, misiḥ dèn ujar ujari, lamun gĕḷĕm nora kĕna dèn ampaha.

7. lawan apilan woŋ ika, sabaraŋ iṅkaŋ kah‍èkṣi, yèn wis wruḥ pan nuli bisa, watĕk kaṛĕm maraŋ ṅèlmi, déné ta kĕmis ḷĕgi, bhuta aṛĕpan woŋ iku, lan gĕḍé mélikira, sabaraŋ watĕk ṅaruwil, lan maniṅé lakuné akèḥ aṅiwa.

8. padoné akèḥ siŋ nakal, déné wĕton kĕmis pahiŋ, drĕṅki imul tanpa prĕnaḥ, pintĕr kaḍaŋ laraŋ siwi, anaṅiŋ bĕkti ṅlaki, bĕtaḥ ṅaluwé woŋ iku, wit tan duwé pakaryan, gĕḷĕm ṅlakoni kaŋ niṣṭip, kĕmis titi sami dèn upamakĕna.

9. sakèḥ darbé wĕton ika, tuwin kaŋ amaca sami, utawi iṅkaŋ miyarṣa, aja na kaŋ kuraŋ pikir, kaŋ antuk pĕṭèk bĕcik, ywa buṅaḥ lamun binagus, iku tĕmbuŋ loñcoṅan, iṅkaŋ antuk pĕṭèk jati, aja duwé lara ati siniṅkirṇa.

10. iṅkaŋ wani gĕḷĕm ṅiwa, dipunpikira kaŋ yĕkti, tĕtĕmbuṅan gĕḷĕm ṅiwa, iku akèḥ lirirèki, aṅiwa nora siji, muŋ yèn jina bah‍é luput, mapan tan warṇa warṇa, marmané dipunmaṅrĕti, wasamono iku duwèké woŋ ṅĕḍam.

11. lamun ana iṅkaŋ nimpaŋ, saka iŋ wirasat iki, aja agé agé duka, ya maraŋ para musanip, dèn kawruhana ḍiṅin, kaŋ nimpaŋ wirasatipun, gañjaraniŋ hyaŋ sukṣma, pra musanip amuŋ darmi, witiŋ ṅripta sakiŋ karṣaniŋ hyaŋ sukṣma.

12. ki nurwitri sru kaṛĕnan, umatur laṅkuŋ kapuṇḍi, botĕn mriŋ èstri kéwala, ḍatĕŋ jaḷĕr narambahi, paṅèstunta kaŋ mugi, aṅèṅĕtana sadarum, myaŋ surahosiŋ wirasat, kaŋ awon myaŋ kaŋ prayogi, kiyayi ṅliŋ iya ṭolé dèn waspada.

13. wontĕn maliḥ ulun myarṣa, mĕṅgaḥ tiṅkahé akardi, sumur tuwin pĕrṇahira, mawi ṅupadosi ari, myaŋ pĕrṇaḥ kaŋ prayogi, ki wanakarta liŋnya rum, utamané ya mawa, étuŋ dina kaŋ prayogi, lan pĕrṇahé béda béda aṅsarira.

14. prĕluné ṅupaya dina, supaya wĕtuniŋ wariḥ, bisa aguŋ drĕs ĕtuknya, déné prĕnahé trĕpnèki, watĕg myaŋ aṅsar miliḥ, iṅkaŋ prayoga puniku, étuṅan ari apan, saka wuku kaŋ lumaris, amiliha wuku landĕp nuju dina.

15. sĕnèn kliwon myaŋ salasa, ḷĕgi kĕmis pon prayogi, wukir ri sĕnèn pahiŋnya, warigalit slasa ḷĕgi, waragaŋ guŋ maṛĕṅi, ri ṛĕbo wagé panuju, bala ri kĕmis wagya, wugu ri jumuwaḥ pahiŋ, salaḥ siji ĕndi kaŋ kinarṣakĕna.

16. déné prĕnahé winarṇa, yèn lor bĕnĕr ĕtrĕpnèki, kinarya adus woŋ lara, lèr wétan padusan mayit, wétan bĕnĕr basuki, yèn kidul wétan trapipun, antuk rijĕki karam, iṅkaŋ kidul bĕnĕr trĕpnèki, pan kinarya adus prihatin suṅkawa.

17. yèn kidul kulon trĕpira, rijĕki kalal ṇḍatĕṅi, kulon bĕnĕr lwiḥ prayoga, padusan paṅantèn yĕkti, lor kulon amuṅkasi, padusan kalaran tuhu, pilihané étuṅan, kaŋ wis kalakon prayogi, insa allaḥ datan nana saṅsayanya.

18. nurwitri nuwun aturṇya, mas cĕbolaŋ matur aris, mĕṅgaḥ cahya kaŋ katiṅal, sakiŋ mandrawa nĕlahi, saṛĕŋ ulun purugi, tan pantara daṅu surut, paranta wahananya, kiyayi biliḥ maṛĕṅi, kawĕḍarṇa kaŋ dadya darunanira.

19. ki wanakarta duk miyarṣa, ririḥ dèn nira maṅsuli, duk ulun makṣiḥ nèŋ praja, ginĕm rahos lan kiyayi, pujaṅkara amisik, biliḥ iŋ praja mantarum, amirit sakiŋ jaṅka, kantun kaliḥ dĕgan aji, tandya piṇḍaḥ maṅétan sakilèn pajaŋ.

20. mĕṅgaḥ trĕpipun kaŋ praja, karṣaniŋ hyaŋ maha sukci, samaṅké wus mawa taṇḍa, biliḥ wontĕn papan mawi, cahya paḍaŋ nĕlahi, iŋ riku dumunuṅipun, ulun kiraŋ pracaya, maṅsuli kadi punapi, mokal saṅĕt biliḥ botĕn ḷĕstantuna.

21. rèḥ maṅkya dlajadiŋ praja, kawuryan ṛĕspati wiṅit, sarèḥ ruruḥ iŋ ukara, krana mét palupi sidik, tan tilar silastuti, sujana sarjana sarju, mumudya mriḥ widada, tĕntrĕmiŋ saguŋ dumadi, aścaryèŋ tyas karoban déniŋ utama.

22. saŋ prabhu wali kalipaḥ, patiḥ nayaka linuwiḥ, pra paṅagĕŋ tyas raharja, panĕkar mrataḥ prayogi, punika kaŋ dumadi, paliyasé rèḥ rahayu, mila maṅkin andadra, raharjaniŋ kaŋ nagari, tĕmaḥ suka sukur saṅgyaniŋ kawula.

23. katataṅi riŋ sampurṇa, para saŋ paramakawi, kawiḷĕt iŋ tyas aścarya, kataman iŋ tyas majĕrṇiḥ, dèn nya ṅupaya sandi, sumaruna anarawuŋ, aṅimur manuhara, mét pamriḥ amriḥ pakoliḥ, dadya suka iŋ karṣa manadukara.

24. kasok karoban iŋ warta, babaratan ujar yĕkti, binudi dadya paṅarṣa, puwara kaṭaḥ nĕmahi, ginilut anĕtĕpi, kotaman dadya paṅayun, aṇḍĕḍĕr kaḷĕṛĕsan, siniraman toya ariŋ, biliḥ tuwuḥ dadya kĕmbaṅiŋ nugraha.

25. wicara ran nitisastra, awawaraḥ asuŋ péliŋ, iṅgiḥ iŋ jaman dupara, kuwat dèn nya maṅun jurit, taḷĕtuḥ praja tintrim, tĕntrĕm sakèhiŋ tumuwuḥ, kadiparan sagĕda, durṣana nagri mantawis, sakiŋ nalar ḷĕstantun salaminira.

26. ṅandikanira ki pujaŋ, para boya aṅèṅĕti, khuluman ṅalèhi apan, muhuŋ daté mahatiṅgi, tan swuḥ salaminèki, laṅgĕŋ iŋ kaananipun, biliḥ lampahiŋ duña, ñakrapaṅgiliṅan paṣṭi, laḥ sumaṅga tinitènan kaliḥ néndra.

37. dasanama saranduniŋ badanipun manuṅsa lss, sakalaṅkuŋ kaṭaḥ. ugi dasanamaniŋ satokéwan, sĕsĕbutaniŋ ratu sarta abdidaḷĕm sapaṅkat paṅkatipun.

27. tĕraṅiŋ pamyarṣakula, karantan rantaniŋ ati, sampun samantĕn kéwala, yèn linajĕṅakĕn sirik, kalawan tan prayogi, biliḥ kawĕḍar lyannipun, sanès rémbatan kula, wadiniŋ ñjĕŋ śri bhupati, mas cĕbolaŋ matur sintĕn śri dipatya.

28. ṅgiḥ punika śri naréndra, mas cĕbolaŋ matur aris, tĕka nama śri dipatya, punapa jujuluknèki, sawĕg nĕmbé miyarṣi, ki wanakarta liŋnya rum, iŋ sĕrat dasanama, ñrioṣkĕn nami sakalir, naṅiŋ botĕn tamtu kaṭahé sadasa.

29. wontĕn laṅkuŋ wontĕn kiraŋ, sadasa warṇi kaŋ nami, cĕbolaŋ maliḥ aturṇya, biliḥ kyayi amaṛĕṅi, kaŋ kasbut dasanami, winĕḍaṛĕna sadarum, mèsĕm ki wanakarta, iṅgiḥ ṅgèr laṅkuŋ prayogi, muhuŋ amuŋ kèṅĕtanulun kéwala.

30. namaniŋ rambut punika, réma roma jata wèni, namaniŋ sinom titiga, sinwan tarda arinata ni, namaniŋ ĕṇḍas nĕṅgiḥ, siraḥ murda kumba ulu, mastaka utamaṅga, siwira pasuhunan iŋ, namaniŋ kaŋ polo utaka sukara.

31. namaniŋ uñĕŋ uñĕŋ, muñuŋ muñĕŋ pundran pundri, utawi anama usran, namaniŋ mbun mbun iṅgiḥ, pasuṇḍulan lan maliḥ, nabyuka wuwunan pwuhun, namaniŋ rahi muka, wadana nayaka tuwin, swa pasuryan danawasta narahupan.

32. aswataka lawan golaka, namaniŋ baṭuk puniki, ratṭa danta paradinan, larapan watriya tuwin, ṭila watṭawa bakli, nakya jaṅkĕp sadasèku, namaniŋ mata tiṅal, soca nétra akṣa èkṣi, myaŋ kécana akṣi tanapi maripat.

33. namaniŋ alis punika, imba siratmaya drĕṣṭi, ĕniŋ atanapi nahya, namaniŋ idĕp muŋ kaliḥ, irpya wiruya nĕṅgiḥ, namaniŋ tlapukanipun, dyarakṣa pakĕjĕpan, nitrama paḍélan namiŋ, warṇi gaṅsal dé taḍaḥ luḥ dwi namanya.

34. tariñjilan taritisan, padon mripat nama muŋ dwi, padakṣi lawan sanira, namaniŋ ulat winarṇi, nitya nayana liriŋ, naya wulat jaswa nipun, namaniŋ pasu tiga, paswa salimba utawi, nayantara namaniŋ iruŋ ginita.

35. grana narṣika carṣana, iḍuŋ tri namuŋ puniki, namaniŋ pipi juliṅha, paṅarasan lawan maliḥ, paya paya jaṅkĕp tri, namaniŋ kupiŋ winuwus, taliṅan panaliṅan, karṇa paṅrĕṅa lan maliḥ, kijiḥ kĕsèḥ padliṅan dé namanira.

36. woḥ kupiŋ pani panoka, namaniŋ piliṅan nĕṅgiḥ, piilisan salimuka, pindaka lawan pamidḍi, namaniŋ lambé laṭi, talawya lan malihipun, wiwiruta wirusa, namaniŋ caṅkĕm winarṇi, paṅa tutuk jurama liṅa duhara.

37. namaniŋ untu udata, waja dĕnta uṅsa gigi, dé namaniŋ siyuŋ draṣṭa, anudaka jaṭa jĕṭis, dodaka dé namaniŋ, ĕbam bahĕm wahma sampun, dé namaniŋ gusinya, gosya ṅrima podata namiŋ, gantya namaniŋ ilat liḍaḥ myaŋ jihwa.

38. namaniŋ tĕlak lak lakan, patlak jaluḍa muŋ katri, namaniŋ cĕṭak luḍaka, pakima pan amuŋ kaliḥ, gorokan namanèki, padinan goluḍa guruŋ, jaŋ garma lwiḍa tĕṅkran nya, namaniŋ kaŋ kalamĕñjiŋ, kalañjura kalmasu lawan paṅlula.

39. namaniŋ uwaŋ waṅgita, wĕha wĕgaŋ dé namaniŋ, jaṅgut ḍahalu arluta, namaniŋ gulu puniki, tĕṅgak tĕṅgĕk jaṅga twin, luṅaya luṅkéya sampun, namaniŋ tĕṅgok arka, jaṅgata taṅgota amiŋ, namaniŋ kaŋ giṭok griwa jiṭa praṣṭa.

40. namaniŋ puṇḍak pujaṅga, pamiḍaṅan guwi nami, déné namaniŋ sasalaŋ, salé salé lawan maliḥ, maṅkya namaniŋ kaŋ bahu, buja wahwa sikara, baywa kalawan bahyi, namaniŋ kaŋ taṅan asta aswa kasta.

41. laṅan rut lupun luṅiyan, namaniŋ caṅklakan kaliḥ, namuŋ kèlèk klawan goswa, namaniŋ sikut winarṇi, siku luṅgiya tuwin, luṅgana dé namanipun, ugĕl ugĕl muŋ tiga, duruŋ gudipa myaŋ pantri, namaniŋ kaŋ èpèk èpèk ugi tiga.

42. tĕpak tĕpaswa gumpita, déné namaniŋ dariji, racikan kalawan aswan, jari aṅliṅka anamiŋ, warṇa catur jariji, namaniŋ jĕmpol winuwus, pol ĕmpolan tuwita, namaniŋ panuduḥ muŋ tri, tudiŋ tamuduhan kalawan panĕdaḥ.

43. namaniŋ panuṅgul ika, panalika ulujagi, katiganipun panika, namaniŋ dariji manis, namika jri maduniŋ, namaniŋ jĕṇṭik winuwus, ĕṇṭik ĕṇṭik kalawan, kaliṅliṅan dé namaniŋ, iṅkaŋ ĕtoḥ sĕpahan amuŋ punika.

44. namaniŋ kuku kanaka, tulaṅsa tumit lan makri, namaniŋ brĕṅos winarṇa, rahawis gumbala kumis, namaniŋ goḍèg kaliḥ, jambaŋ jambira puniku, namaniŋ jajéṅgotnya, jèbrès daguyaya ĕbris, déné maniŋ simbar jaja jagamaya.

45. lan anama kiswa jaṅsa, namaniŋ ḍaḍa jaja twin, pranaja jaṅsa kruraḍa, namaniŋ susu puniki, sariḍa tétya tuwin, pahayudara pambayun, ḷĕmak santĕn tètèk nya, namaniŋ kaŋ puluŋ ati, kukuluṅan ḷĕmbana dé namanira.

46. wĕtĕŋ paḍaran hudara, garba ḍara ḍaṇḍun tuwin, baṇḍutya maṅkya rannira, wudĕl tuṅtuṅnan nahabi, pusĕr umadya nĕṅgiḥ, namaniŋ lambuŋ winuwus, épya iriŋ udaya, namaniŋ iga winarṇi, rusuk tuwin jariṅan namuŋ punika.

47. namaniŋ tĕpak saṅgata, saṅgat watna waha ḷĕmbi, namaniŋ gigir pĕṅkĕran, pugyahan adadḍa tuwin, jriha maṅkya namaniŋ, ula ula kaŋ winuwus, taṅgola adodaya, namaniŋ bokoŋ atasli, bocoŋ, waṅkoŋ waṅku prasila wasmika.

48. déné namaniŋ walakaŋ, wadidaŋ turwaka namiŋ, namaniŋ silit punika, jubur pantat lawan mèdi, maṅkya namaniŋ pĕli, pajaḷĕran pastapurus, lada gaṭèl purusa, liṅgana, gaṭul gumanti, namaniŋ kaŋ koṇṭol gintuṅan laṇḍuka.

49. palaṇḍuṅan myaŋ siraswa, namaniŋ pawèstrèn blĕki, has turuk hès pasti baga, namaniŋ kaŋ itil krĕnti, ka kaṛĕnta twin, waṅgaprana muŋ puniku, namaniŋ pupu paha, supit tur maṅkya namaniŋ, iṅkaŋ ḍĕṅkul drĕkuka jĕṅku juṅkala.

50. jĕṅkalika maṅkya gantya, namaniŋ sikil winarṇi, suku sampéyan paduka, kalipada jĕnuŋ namiŋ, namaniŋ polok nĕṅgiḥ, padagsa padarakèku, padarakṣa gumantya, namaniŋ tuṅkak winarṇi, juṅkaré lan sakiŋ lana muŋ punika.

51. namaniŋ kaŋ dalamakan, wacakan kalajuŋ tuwin, kalapada talamakan, paṅkaja pana kaŋ nami, nurwitri matur aris, pĕṇṭil priṅsilan myaŋ jĕmbut, nami dèrèŋ kawĕḍar, ṭolé sun duruŋ mraṅguli, linajĕŋna sru kasmaran dasanama. 

249. asmaradana

1. namaniŋ ati winarṇi, galiḥ praya wardaya tyas, manaḥ kalbi twas prana né, ambĕg sota cita sita, hrĕdaya lawan drana, gantya namaniŋ kaŋ jantuŋ, tuṅtut kalawan adñana.

2. namaniŋ ṛĕmpĕlu nĕṅgiḥ, paruŋ paruŋ pawawadḍa, maṅkya namaniŋ usus é,, igma kalawan puṣḍara, namaniŋ otot ika, urat pradḍa an gota muŋ, ranniŋ bayu nadi waywa.

3. namaniŋ baluŋ tulaŋ twin, tosan waḷĕṅka sadḍika, déné namaniŋ suṅsum é,, saswasa sadis gagala, namaniŋ dagiŋnya, érat dadwina iku amuŋ, namaniŋ gajiḥ winarṇa.

4. ḷĕmak widya kawalam miŋ, namaniŋ gĕtiḥ ludira, marus luḍira, ĕraḥ é,, namaniŋ kulit walulaŋ, turila cucal carma, namaniŋ wulu winuwus, arla bulu lawan krima.

5. namaniŋ badan winarṇi, aṅga, hruṅka aṅga awak, sarira wak laṅgana né, laṅga wanda tubuḥ raga, slakṣana pasikĕpan, namaniŋ ñawa cinatur, atma jiwa jwita sukṣma.

6. gantya namaniŋ kaŋ mani, rahsa ṛĕta, sindu ṛĕtna, manimaya myaŋ pĕjuḥ é,, namaniŋ kriṅĕt swanita, ariṅĕt myaŋ éraṅga, riwé karḍaya arimut, namaniŋ kaŋ ĕluḥ waspa.

7. namaniŋ idu puniki, kĕcoḥ luḍaḥ lan tricaya, dé namaniŋ ambĕgané, uswasa myaŋ wayuwita, namaniŋ wawayaṅan, paryyana mayaṅga iku, kalayan graya luyana.

8. ranniŋ aṇḍĕŋ aṇḍĕŋ nĕṅgiḥ, karaṇḍĕŋ lawan witaṅga, tamat badan sasranduné, namaniŋ ratu winarṇa, naréndra narèswara, éndra narapati prabhu, narèhismaka nararya.

9. naréndra dipa narpati, naréyaji naradipa, naranata myaŋ narpa né, bhuminata bhumipala, maṅkubhumi srinata, buhpalaka naréprabhu, narpati dwipati dwita.

10. buhpati bhupati saŋ śri, sitipati śri buhpala, nata saŋ nata rajané, maharaja susuhunan, saŋ siniwi pamasa, saŋ śri kaṅjĕŋ dipa ratu, rana srindra naranata.

11. paṅĕmpyak sinuhun aji, maṅkya ñjĕŋ ratu namanya, paramahisi padminé, mahisi narpaduhita, narpadwita duhita, pramèswari nrĕpawadu, paramahisi dayita.

12. saréndra mahisipani, narèswari garini nya, natadèwi, supadmi né, naréndra garini lawan, śri supadni swari nya, natarèni supadni ku, prawara mahisi miwaḥ.

13. sriyodadi ḷĕkṣiwati, rajamahisi ratyan saŋ, biniaji puṅkasané, maṅkya namaniŋ paṇḍita, ṛĕṣi suyati wikya, mahayĕkti mahawiku, mahayogi yatiwara.

14. dwijawara mahamuni, mahaṛĕsi muniwara, siḍawakya brahmana né, maha pinuṇḍi munindra, sipa yogi suwara, sunya saŋ mahĕniŋ yampu, brahma asiḍa yogindra.

15. wiku salya siḍa yogi, yati yogi yampuḥ tamat, namaniŋ pujaṅga ṛĕké, kawiṛĕja kawiradya, kawiswara kawindra, kwiwara mardawalagu, saŋ akawi pramasastra.

16. mandraguna pramakawi, pramabasa mardibasa, lawan awicarita né, sambégana nawuŋ kriḍa, namané kaŋ santana, wandu warga kula wadu, wandawa kula wandawa wandu wandawa.

17. wanpawandu wandawèki, kulya, duwa wandu wanda, kulawandu waṛĕga né, yadukula kulawarga, kulawandawa lawan, sanak saḍèrèk pan sampun, maṅkya gantya namanira.

18. santana sakiŋ iŋ èstri, bahaṅga wrĕniwa waṅsa, waṅsawrĕni kulyandu né, balasantana punika, gantya namaniŋ putra, tanaya atmaja sunu, yyranak suta wĕka ranak.

19. wĕkaja suñanan siwi, ja syan kalawan anak, gantya namaniŋ patiḥ é,, kyan mapatiḥ maṅkupraja, natyardya mantrimuka, rakyan mapatiḥ puniku, sénapati adipatya.

20. nindyamantri maṅkubhumi, nayakawaktra kalawan, mantriwasésa puṅkasé, dé namaniŋ sénapatya, dipati sénanata, pramugari natapupuḥ, sénadipa natayuda.

21. gantya namaniŋ prajurit, wira prawira suḍira, wirayoḍa wadana né, warayoḍa wirarodra, sura suraṅgakara, wara prawara dibyanuŋ, danuja sudibyayoda.

22. dibya widagda muṅkasi, namaniŋ tumaṅguŋ ika, bhupati myaŋ wadana né, nayaka jaṅkĕp muŋ tiga, gantya namaniŋ tiyaŋ, janma jalmi jalma manus, uwoŋ waŋ wyaŋ sana nara.

23. namaniŋ tanaḥ winarṇi, maṇḍala pradésa lawan, ani wana dé namané, nagari nagara praja, rajadḍi pura kuṭa, radya rarjya raja pan wus, gantya namaniŋ kaŋ jagad.

24. rat maramoṛĕdya tuwin, rat kotama rat pramawa, rat paramoditaya né, pramotama pramosita, myaŋ pramososésaya, rat kartyawan malihipun, pramodita prarosésa.

25. rat wiryawan lawan maliḥ, pramosuḍa jagad raya, namaniŋ ĕṅgèn jinèntrèḥ, loka pana syaṅsa uṅgyan, swana sana astana, namaniŋ bhumi winuwus, buhwahananda bhuwana.

26. bhumi maṇḍa ṅaṇḍa bhumi, ṅaṇḍa buhwana maṇḍala, bhumi maṇḍala kisma né, trimaṇḍa laya bhuwana, tribhawana bantala, pratala gantya winuwus, namaniŋ kaŋ madyapada.

27. aripada marapati, amradata swamanusa, lawan amartyapada né, narapada janmapada, manuṅsapada lawan, sajapada jaṅkĕpipun, madyapada maṅkya mĕḍar.

28. namaniŋ dĕlahan nĕṅgiḥ, martyaloka janaloka, mukṣapada triloka né, lokabhawana narahyaŋ, amaraloka lawan, nirayapada puniku, martyaloka swarapada.

29. namaniŋ omaḥ winarṇi, raṅka raṅkaŋ raṅkal nasa, yasa suyasa wisma né, swawisma suwisma graha, panti balé waṅunan, namaniŋ surya winuwus, srĕṅéṅé arka raditya.

30. baṣkara aruna rawi, suwandagni diwaṅkara, kalandaragni héra né, dinakara andakara, matahari radéya, namaniŋ wulan winuwus, ṛĕmbulan taṅgal basanta.

31. sasaṅka kirana sasi, lèk sitaṅsu tèṅsu candra, sasadara dé namané, lintaŋ bintaŋ taraṅgana, traṅgané myaŋ sudama, namaniŋ laṅit winuwus, wiyat jumantara tawaŋ.

32. rahawismara wiyati, nabaśjaraya waŋ awaŋ, antarikṣa dé namané, ardi girindra acala, éndra wukir aldaka, parwata parṣa argèku, giri parwata, himawan.

33. namaniŋ toya winarṇi, bañu tirta wariḥ gaṅga, ranu tuban jahnawi wé, jahĕniŋ sindu udaka, namaniŋ kanaŋ wana, alas wana wanadri ku, tarataban wanawasa.

34. wulusan rimba wanardi, wanapriṅga wanantara, wilahan liraŋ hutan é,, namaniŋ aṅin winarṇa, maruta samirana, anila pracanda bayu, barat pawana prahara.

35. bajra lésus siṇḍuŋ maṅkin, namaniŋ jawaḥ winarṇa, udan jawĕḥ riris srané, drĕsti surur sracap warṣa, namaniŋ gĕni ika, pawaka dahana latu, anala awuhya brahma.

36. agni api lawan puyi, dé namaniŋ kaŋ sagara, samodra jalaniḍi né, wahudaya jalaḍiyan, wahudadi hèrṇawa, wahudadi tasik lahut, jaladri nadi hudaya.

37. gunadi kalawan jadḍi, namaniŋ kaḍaton pura, purannya kĕñapuri né, antapura purantara, puraka prasadarga, tajya karatyan kaḍatun, ḍatulaya kañapura.

38. kaaji kaḍatyan puri, dé ranniŋ pra arum kĕña, adyaḥ iŋ kĕñapuriné, wara rèni warakĕña, warakami kadyaka, trĕhajya daḷĕm myaŋ wadu, rèni kamini waṅayya.

39. wara kañaka anak biŋ, warana mini wanudya, waṅadyahi wanita né, wara taruni, duhita, panni ṛĕtna wanita, ṛĕtna dyaḥ ika marmadu, waraduhita dapita.

40. warakannya uṅadyahi, ytristri ratna arunidyaḥ, anak bini uṅadya né, ṅadyahi kalawan styaḥ, namaniŋ pasaréyan, pakasutan tilamarum, papaliṅan palijĕpan.

41. pakĕjĕpan jinĕm amrik, patiḷĕman pajuṅutan, pakulèn tilam paturon, gupit paprĕman paturyan, guliṅan pakasuptan, jinĕmrum kalawan juṅut, dé namaniŋ papajaṅan.

42. pracaṅan patanèn tuwin, maṇḍakiya pakasutan, kroboṅan pagubahan é,, namaniŋ saṅgar plaṅgatan, pamidik pamidikan, maṇḍakini dé namèku, balékambaŋ yasakambaŋ.

43. wismakambaŋ maṇḍahini, namaniŋ kaŋ pamĕḷĕṅan, pamurṣitan pasamadèn, pahoman myaŋ pahĕniṅan, pidikan sampun tamat, namaniŋ lawaŋ winuwus, badra kadron dyaralaya.

44. dwarala wiwara kori, pintu kontĕn dwari dyara, maṅkya namaniŋ kaŋ golèk, suppa pratima suwarṇa, upadi srupa tima, dé puṅgawa namanipun, pratiwa prattiwa baṭa.

45. partipa bala sumantri, rasika ramyé puṅgawa, wadyabala tantra ranné, baladika balagana, waduwaji kalawan, wadyakosa arannipun, baṭa brĕtya wadyakuswa.

46. balakuswa brĕtapati, blaburbala balabyawan, balakuswa wahanana, balapati balakrama, déné namaniŋ réñcaŋ, sahaya, kawuntĕn batur, patik dasiḥ wadu hamba.

47. ulunan kawula dasiḥ, maniḥ maniḥ dé namanya, réñcaŋ èstri paricaré, pacara kakèr paṛĕkan, pariḍa carikan pariḍara, poricarika cèṭi ku, uṅiŋ daḷĕm kaka kaka.

48. gundĕk kaka lawan maniḥ, déné namaniŋ kèṅkènan, utusan caraka gaṇḍèk, duta tuwin wimbasara, dé wadya pĕs namanya, pratiwadama puniku, brĕtyadama niŋ sarkara.

250. ḍaṇḍaŋgula

1. namaniŋ kaŋ sato kéwan nĕṅgiḥ, satwa wrĕgu atbana guhana, wrĕga grigu ataga né, buswan wrĕgana pasu, déwahuwa namanirèki, tutuha hwa ha windra, bruwar ṛĕda lawus, lowiḍa, lawan srikaṅga, namaniŋ kaŋ asu sona cika añjiŋ, sĕgawon, swa, srĕṅgala.

2. bugĕl kuwata capira nĕṅgiḥ, namaniŋ kaŋ sawĕr sarpa takṣa, ka urar, naga né,, antaga bujaṅgèku, aliman myaŋ nuwénda tuwin, wisu lawan wiswaka, ran uḷĕr winuwus, prĕtika urtta ratyaka, krimimara namaniŋ iwak loḥ nĕṅgiḥ, mina mataya mayaṅga.

3. jita maswa mara tuwin hoti, namaniŋ kaŋ écé daki tyacya, karaca myaŋ kumirané, namaniŋ cèlèŋ wijuŋ, aṇḍapan wĕg cĕḷĕṅan jubris, waraha wwag suṅkara, durgaṅsa babwi ku, gantya namaniŋ kaŋ cêcak, cĕcca wĕcca srĕpana cĕrca myaŋ murti, dé namaniŋ cĕkaklat.

4. cintaka myaŋ trikaklak utawi, usaya dé coḍot namanira, labéka myaŋ swarima né, coṇḍot swatgoga nipun, namaniŋ kaŋ coro winarṇi, lipasa curyya wragna, karlaka puniku, namaniŋ caciŋ warcita, anwil lusi wrĕjita miwaḥ nahuti, ranniŋ rasé winahywa.

5. gahandaka marwaga danuki, rasya lowa widada widarṣa, déné ta kĕbo namané, miswa gomi andanu, sarawana mah‍ésa muṇḍiŋ, danuka kartiwaka, sĕtyaka kaṛĕbu, gopaka lawan baḍakas, namaniŋ kaŋ kuciŋ maṅkya kaŋ winarṇi, moṅsiya pusa pwasa.

6. kumawaṅga windula liṇḍiki, myaŋ kuciṅha kalawan uridḍa, namaniŋ kidaŋ iŋ maṅké, arina kĕnas ujuŋ, myaŋ saṅgari asyana tuwin, walkasa awinaṅga, wahulapan sampun, namaniŋ kañcil sahasa, criga sasa makala palguna tuwin, marguna myaŋ awika.

7. namaniŋ kaŋ kasturi winarṇi, rahawidḍa padyakṣa turila, namaniŋ kĕṇṭus iŋ maṅké, kawandaka pĕṭaṅkus, gĕṇṭoraŋ myaŋ katyaka tuwin, kĕṇṭu miwaḥ dumira, namaniŋ kaŋ kuwuk, bréwa griwa gaṛĕmusa, gapadula sĕṛĕgampa grĕdama twin, kuku kalawan grĕdda.

8. dé namaniŋ kĕṭèk kĕra juris, kuṭilapas réwanda wanara, palwaga gocara bĕḍès, moñèt kuṭila muñuk, kĕnas wré bruk palgosa kapi, namaniŋ kawuk dĕkṣa, myaŋ mañawakipun, sarira miwaḥ wiyaṅga, namaniŋ kaḍal umikaka tuwin, karla didika buṇḍan.

9. dé namaniŋ koḍok kaŋ winilis, pas caṇṭuka wrĕstija wéyaṅga, lawan wiyuŋ dé namané, kapiṭiŋ kaŋ winuwus, darika myaŋ kaṭira tuwin, patri kamitra gantya, kijiŋ namanipun, patna krĕmisa liṇḍana, namaniŋ kaŋ kalabaŋ iṅkaŋ winarṇi, kanaba maṅgakala.

10. sigusapa saṅkaṭasirṣèki, namaniŋ kaŋ kalajĕṅkiŋ ika, pracika myaŋ wrĕsika né, wikaṭa karkalèku, namaniŋ kĕmaṅga winarṇi, wwarmata kamamatsa, kyaka umĕṅipun, mwaŋ gumĕṅgĕŋ dé namanya, kaloŋ giṅga giṅguna karmana ḷĕṅkir, dé namaniŋ kaŋ kombaŋ.

11. madukara sadpada pohali, bramara myaŋ lyali madubrata, ranniŋ kupu karmija né, drupawa trijanipun, namaniŋ kaŋ kiñjĕŋ winarṇi, kirada trawaṅgana, truṅka sadpadèku, déné namaniŋ kaŋ konaŋ, karlipa myaŋ kardipta prawiku tuwin, paryyana dé namanya.

12. pakṣi dara kutu kutu tuwin, parpati myaŋ aṇḍara hambara, dé namaniŋ trĕṅgaluṅé, wilaṅga traṅglaṅipun, maṅgrita myaŋ, trambawa déniŋ, namaniŋ kanaŋ tukaŋ, tutuṅka dakyèku, limbo kaṇḍuki jupwasa, maṅkya gantya namaniŋ kanaŋ trĕṅgiliŋ, traṅgilo hola krĕta.

13. taraṅgirwa arikta gumanti, namaniŋ kaŋ tikus karaṭika, wĕṅgoŋ wĕṅgyaŋ musika né, kulṭaka britanipun, myaŋ jinadḍa gantya namaniŋ, tĕkèk basu ṭatmaka, darṇita walutru, pĕrcaluŋ dé namanira, kanaŋ tawon tusara wilata tuwin, akṣawata gumantya.

14. namaniŋ kaŋ tiṅgi kaŋ winarṇi, marusukra kiṅgyana kindraka, baṅsarha déné namané, sapi andaka ḷĕmbu, andana myaŋ gumaraŋ tuwin, nadarika iyata, lahambana bikṣu, gutara sunwata growa, myaŋ karwita ranniŋ simpiŋ sipi sipi, kima wriṅga kamura.

15. namaniŋ kaŋ sĕmut barakiṭi, tutsma turida lawan kasarya, déné anamaniŋ waraké, barkita durgaṅgèku, aścarrĕma karṭupa tuwin, libra masdla pañula, wahĕṇḍĕ ṛĕpanipun, dé namaniŋ wĕḍus ménda, badra wadḍa badréwana dumba kambiŋ, bajrowisa gaṇḍoga.

16. apkéndra myaŋ ami dé namaniŋ, iṅkaŋ wrĕgul wurikta sababa, baglana tuwin sĕgĕré, dé walaŋ namanipun, wañcak wañcal wañcal tuwin, kiṭika dé namanya, walaṅkapa nipun, caṅkriŋ dumrada sragita, dé namaniŋ wrĕna winata liplèki, kalandaru grisawa.

17. tuwin naṇḍa maṅkya namanèki, iṅkaŋ lutuŋ añjani kajura, jonni krĕṣṇaṇḍané buḍĕṅé, krĕṣṇaṅga wirukè ku, myaŋ kanuki maṅkya namaniŋ, luwak wulik harwwaka, lwardḍa byatatiku, ḷĕwis kyatbata witriṇḍa, namaniŋ kaŋ laṇḍak paṅsyaŋ ĕntir ĕntir, waragḍĕg wirundisa.

18. sujika myaŋ duryaṅga gumanti, namaniŋ kaŋ liṅsaŋ yuṅywiŋ, kapwa, wariṅga myaŋ nokara né, canana dé namèku, iṅkaŋ lawa labar cot sèri, sémbuka, lawan sopta, dé namaniŋ ḷĕmut, ñamuk rakadḍa murinda, namaniŋ kaŋ laḷĕr masika ladrèki, pastika myaŋ srisa.

19. namaniŋ kaŋ lañcĕŋ kaŋ winarṇi, wĕlatana tuṅkara suṅkara, dé nanamaniŋ pritgantilé, gaḍasiḥ ṛĕs ṛĕs cucur, taḍaḥ karṣa tiḍarṣa tuwin, wlasaṛĕs dé namanya, prakutut winuwus, uka kiswara kitiran, namaniŋ kaŋ prĕñjak tamu yana tuwin, srimataka lawan hla.

20. namaniŋ kaŋ pitik ayam pitrik, ahyam sata kalawan kuraha, déné namaniŋ pĕñuné, masiran myaŋ kurmèṅku, kĕtĕm lawan kĕtĕmwaŋ maṅkin, namaniŋ jaran kapal, turaṅga kudèku, abapra aswa uṇḍakan, parasita kalaṅkya wajik kaḷĕṅki, dé namanya.

21. kaŋ jalaraŋ dya raraŋ prihaha twin, dabrika myaŋ siṅgara punika, namaniŋ jaṅkrik jogan né, mitsnadḍa rinritèku, namaniŋ kaŋ yuyu winarṇi, rakaṭa kalakaṭa, lawan karkaṭèku, kratḍika tuwin lartika, namaniŋ macan sardula késari, arimoŋ magadipa.

22. sima siṅa maṅha margapati, arimba moŋ bragalba myaŋ wragra, namaniŋ kaŋ mañjaṅané, saṅsam jĕṅgulanipun, rusaḥ wraṅga saṅkula raṇḍi, arusa lan maṅlada, namaniŋ mamanuk, kukila garuḍa kaga, garura myaŋ gaṛĕlya sihinbra pakṣi, dé namanipun mĕrak.

23. wayuninda baḍak lañcur tuwin, kuwoŋ cohuŋ kalawan mañura, namaniŋ maliwis ṛĕké, griwis siḷĕmanipun, cakrawaka cakarwa tuwin, cakraṅga dé namanya, mimi miṭukèku, imi imi myaŋ mindara, amintuna namaniŋ gajaḥ waniti, dipaṅga brajamuka.

24. dirodana liman dwipa èṣṭi, amatĕṅga diradḍa samadya, sasajaŋ myaŋ kuñjana né, gajakṣa gaṭu muṭu, lawan èṣṭi gantya namaniŋ, garaṅan wlagra sapwan, gitra katri namuŋ, déné namaniŋ kaŋ gagak, ajap ajap kaṅga ḍaṇḍaŋ ugi muŋ tri, gantya namaniŋ gĕmak.

25. puyuḥ kakali lawan manintir, namaniŋ gaṅsir makri tistrasa, myaŋ taṅhira dé namané, baṇṭèŋ go aṅun aṅun, goḥ andaka jawidḍa tuwin, yawa gwakṣa gawindra, grina sawarèku, namaniŋ bajiŋ yawiṅga, ikurita niyuninda panduba twin, wasukka dé namanya.

26. rikaŋ buṅlon bisawarṇa tuwin, sapuṭata taruja kilasa, lawan tanu dé namané, bajul buwaya nipun, wubaya myaŋ wayama tuwin, walawaya wayura, namaniŋ kaŋ bulus, wayaṅga lawan kurmanda, myaŋ wacuṅha wélusa déné namaniŋ, bañak aṅsa awija.

27. waraṅguru aṅsa dé namaniŋ, iṅkaŋ bèbèk kambaṅan sakrita, cakrama myaŋ duwaba né, ḍuḥ anak muŋ puniku, kaŋ kaḷĕbĕt iŋ dasanami, nurwitri lon atanya, dupi namanipun, kéwan pĕkṣi gagrĕmĕtan, iwèn tuwin ulam loḥ saminirèki, winĕḍar plĕñcat plĕñcat.

28. laḥ makatĕn muŋ supados gampil, wit nama kaŋ siraḥ akṣara ha, dumugi akṣara ba né, mila patiŋ paḷĕñcut, ki nurwitri umatur maliḥ, sĕṅguŋ kalawan lintaḥ, kaŋ dèrèŋ kasĕbut, o iṅgiḥ kula kalépyan, ranniŋ sĕṅguŋ sahira sĕṅgora tuwin, ḷĕṅkasa lawan sriba.

29. namanira lintaḥ ujĕl nami, ki nurwitri ririḥ aturira, sranduniŋ badan kaŋ dèrèŋ, winĕḍar namanipun, tĕlanakan jĕmbut myaŋ pĕṇṭil, ki wisma mèsĕm liŋnya, kula dèrèŋ maṅguḥ, sanès iṅkaŋ ulunrĕmbag, ñañamikan lan wédaŋ laṅkuŋ mlasasiḥ, minta sinaruwéya.

30. cacĕṅkluṅĕn dèn nira maṅanti, ṛĕntahiŋ siḥ maṅayun rinahab, laḥ suwawi ywa talaṅké, mriḥ ḷĕga manahipun, suka iŋ tyas kaŋ sinuŋ aṅliŋ, taṅgap samya maṅruraḥ, wédaŋ ñamikipun, nutug pakantuk manaḍaḥ, ñahi wisma maṅarṣa maṅañcarani, ĕsĕs kalawan nigan.

31. ki saloka udud datan apti, muhuŋ mucaŋ apuné kakéhan, méntol sabĕton bibiré, narocos ṅowèḥ idu, aḍuḥ ñahi ñuwun usadi, kiraṅiŋ duga duga, apura dikladuk, ñahi wisma ṅliŋ dèn éṅgal, mamahana cĕṅkèḥ sakiŋ tigaŋ siki, sa allaḥ awaluya.

38 bab jampi sakit mawarṇi warṇi, sakiŋ ñahi wanakarta. ugi bab dintĕn

iṅkaŋ sah‍é namakakĕn jampi.

uran uran bab watak watak iṅkaŋ awon.

32. iŋ tapsiriḥ wus ulundèkèki, taṅgap mĕṇḍĕt cĕṅkèḥ wus dèn mamaḥ, ṅowé saras bĕbéṅoré, maḷĕṅèḥ lon amuwus, sampun mantun rahosiŋ sakit, méntol sabĕton ical, tan na labĕtipun, nuwun ñahi yèn sĕmbada, rèhniŋ ulun katĕmpaḥ sĕpuḥ pribadi, tan pantĕs loṇṭaŋ loṇṭaŋ.

251. loṇṭaŋ

1. lir kaŋ anèm wajibé kĕdaḥ samĕkta, mĕnèk wontĕn sukĕr sakité nèŋ marga, sintĕn iṅkaŋ kajibaḥ tĕmtu kaŋ wrĕdda.

2. mila biliḥ ñahi kapaṛĕṅiŋ karṣa, ulun ñuwun sasĕṛĕpan bab usada, ñi wisma ṅliŋ punika laṅkuŋ prayoga.

3. naṅiŋ sampun tinartamtokkĕn joḍonya, namuŋ kaṅgé lantaran sah‍èstunira, saras botĕn sakiŋ kwasaniŋ hyaŋ sukṣma.

4. jampi bĕntèr ĕtis wontĕn kawan warṇa, kaŋ sawarṇa sĕḍaḥ kapaṅgiḥ rosira, bĕṅlé dliṅo ron riṅin tĕmu laṅya.

5. kaŋ dwi warṇi ĕbuṅipun pisaŋ saba, poḍisari murmak dagi asĕm krĕṣṇa, apan sami binorèhakĕn sarira.

6. katri warṇi apan namuŋ abĕn tiga, tĕmu kunir brambaŋ binĕnĕm punika, ugi sami binorèhkĕn patrapira.

7. catur warṇi naṅiŋ dèn uñjuk punika, bĕras adas kuñci mrica kumukusnya, brambaŋ cabé gĕṇḍis saṛĕm sawatara.

8. jampi cantĕn mlaḍéyan brit pamĕṇḍĕtnya, sinosoga maṅiṅgil dé abĕnira, mpu kunir hèr wayu pinipis popokna.

9. jampi amĕjahi caciŋ ron lahosnya, dliṅo bĕṅlé muṅsi bawaŋ saṛĕm sarta, aṛĕŋ jati dèn mamaḥ cinĕkokĕna.

10. pamuruṅé cacar duk lagya panasnya, dipundusi laṇḍaniŋ kaŋ pisaŋ saba, kinuruṅan karañjaŋ sasampunira.

11. siniraman kinĕmat sariranira, wusiŋ gariŋ binorèhan kaŋ warata, krokot adas pulasari abĕnnira.

12. jampi sarap apan wontĕn kaliḥ warṇa, goḍoŋ kawis kalawan kulitiŋ bawaŋ, jĕram pĕcĕl bĕṅlé pinipis jamokna.

13. kaŋ dwi warṇi binorèhakĕn kéwala, kulit tigan ginĕsĕŋ lan lisaḥ klapa, dliṅo bĕṅlé kadubaŋ kinarya toya.

14. iŋ nalika mborèhakĕn mawi maca, ayat kurṣi la illa hu kumdu mugya, ayal wala yahudu hu satamatnya.

15. jampi racĕg goḍoŋ katèpèŋ abĕnnya, adas pulasari tanapi barambaŋ, binĕnĕma apèn atanapi sĕcaŋ.

16. cinĕkokkĕn mariŋ laréné punika, ampasipun pinupukkĕn mbunbunannya, adatipun racĕg mĕṇḍak gya waluya.

17. jampi kupiŋ wĕrak tuwa bawaŋ séta, pan winĕjĕt iṅĕṅĕt pinupuhĕna, ḍatĕŋ kupiŋ kaŋ krahos sakit punika.

18. wontĕn maliḥ jampi kupiŋ oyodira, kaŋ galagaḥ adas pulasari nulya, pinipisa kaŋ ḷĕmbat pinupuhĕna.

19. kaŋ sawarṇi maliḥ jampi kupiŋ ika, bawaŋ pĕṭak lawan kunir pinupuḥna, mariŋ karṇa kaŋ karahos tan sakéca.

20. kupiŋ iṅkaŋ ṅganda bacin usadanya, ronniŋ sĕntiŋ lan mĕṇḍaŋ kunir mripatnya, pinipis kaŋ ḷĕmbat nulya pinupuḥna.

21. jampi kopok kamlaḍéyan sĕntiŋ ronnya, lawan kunir pinipis ĕbun toyanya, pinupuhkĕn maraŋ kaŋ mĕdal kopoknya.

22. jampi kupiŋ tuli sapta somaḥ mrica, oyot kélor ṛĕmpĕluniŋ ayam krĕṣṇa, ḷĕṅa wijèn pinupuhkĕn kaŋ tan myarṣa.

23. sarwi maca palak binas kapiŋ tiga, wontĕn maliḥ goḍoŋ ḍaḍap srĕp punika, pinususa pinupuhkĕn kaŋ tan myarṣa.

24. usadanya mripat kaŋ lamur punika, ron kacipir pinusus iŋ astanira, pinupuhkĕn ḍumatĕŋ mripat kaliḥnya.

25. wontĕn maliḥ jampi lamur uwohira, turi ṛĕta saṛĕm sawuku lawan, lisaḥ klĕntik pinupuhkĕn patrapira.

26. usadanya mripat mlĕṭus ĕmpunira, kunir lawan jĕnéné tiganiŋ sata, asĕm kawak aṛĕŋ jati pinupuḥna.

27. usadaniŋ mripat gatĕl saṛĕm priya, muŋ sawuku myaŋ isiniŋ ḷĕrak nulya, dèn mamaha pinupuhkĕn kaŋ karasa.

28. usadaniŋ maripat sakit punika, asĕm kawak kunir paciŋ sidawayaḥ, toya tuli anulya pinupuhĕna.

29. usadanya mripat maḷĕtik jalaran, sakiŋ cacar kaŋ lagya éṅgal punika, paku wĕsi binakar kaŋ ṅantos ṛĕta.

30. tinuruhan toyané kaŋ jĕram liṅlaŋ, kaŋ sapaliḥ iṅuyup dé sapaliḥnya, pinupuhkĕn maraŋ kaŋ maḷĕtik sarta.

31. sabĕn ari winĕwahan upa juga, pamupuhé dèn nuli nuli ywa wéya, kaŋ maḷĕtik adatipun lajĕŋ sirṇa.

32. jampi bèlèk duduhé jambé kaŋ muḍa, myaŋ babakan kayu juraŋ adas pala, sari lawan suṇṭi iṅindĕl toyanya.

33. pinupuhkĕn ḍumatĕŋ bèlèk punika, kaŋ wus klakyan ṅĕṛĕs pĕḍĕs gatĕl ṛĕta, myaŋ baḷĕṛĕŋ sirṇa puliḥ kadi kuna.

34. jampi puyĕŋ pulasari kapulaga, myaŋ kumukus tuwin bawaŋ sawatara, pinipisa lajĕŋ iṅuyup kéwala.

35. wontĕn maliḥ pinilisakĕn kéwala, oyotiŋ jruk pĕcĕl jĕbug suṇṭi mrica, dliṅo bĕṅlé kaŋ ḷĕmbat pamipisira.

36. wontĕn maliḥ pilisiŋ puyĕŋ punika, namuŋ kaliḥ warṇi kumukus titiga, myaŋ ḷĕmpuyaŋ tigaŋ iris pinipisa.

37. pilis puyĕŋ kadadak ḷĕgon lahosnya, myaŋ waṛĕsaḥ babakaniŋ tĕmu krĕṣṇa, lan saḍĕgan mponpon linawĕt iŋ séla.

38. jampi watuk mpuniŋ kunir trahos ṛĕta, asĕm kawak toyanipun santĕn klapa, iṅuyupkĕn padatan lajĕŋ waluya.

39. wontĕn maliḥ jampi watuk lisaḥ klapa, kuñci asĕm kawak naṅiŋ mawi doṅa, illa iya allahu amuŋ punika.

40. jampi watuk datan mĕdal riyakira, suṇṭi lawan oyod gandarosa krĕṣṇa, toyaniŋ jram liṅlaŋ pinipis uyupna.

41. usadanya tiyaŋ aluntak ludira, ḷĕmpuyaŋ myaŋ jĕram liṅlaŋ saṛĕm ika, iṅuyupkĕn adatipun sriŋ waluya.

42. kaŋ sawarṇi maliḥ suṇṭi bawaŋ séta, muŋ sabuṅkul jĕram liṅlaŋ toyanira, iṅuyupkĕn asriŋ akarya waluya.

43. wontĕn maliḥ triris boṅgol pisaŋ saba, goḍoŋ wriṅin tĕmu brambaŋ asĕm lama, lawan saṛĕm iṅuyup saras kaŋ raga.

44. jampi sambaŋ goḍoŋ kawis cabé tiga, lawan gaṇṭi masoyi kamukus samya, linawĕta amuŋ dèn untal kéwala.

45. kaŋ sawarṇi maliḥ ron wariṅin sarta, babakannya myaŋ awu pawon punika, toyanipun tuli lajnĕŋ iṅuyupna.

46. usadanya paḍaran mbaḍĕḍĕg ika, kasèmbukan lampĕs sulaṅkiŋ abĕnnya, tumbar muṅsi cabé wuṅkuk amuŋ tiga.

47. miwaḥ lahos tigaŋ iris kaṭahira, myaŋ ḷĕmpuyaŋ tigaŋ iris sadayanya, pinipis kaŋ ḷĕmbat iṅuntal kéwala.

48. usadanya paḍaran kaŋ krahos bĕṅka, dliṅo lahos pinipis wédaŋ toyanya, iṅurapkĕn mriŋ paḍaran kaŋ warata.

49. biliḥ muḷĕs punika usadanira, sahaŋ miwaḥ ĕmpuniŋ kaŋ kunir priya, sinimbarkĕn ṅarṣa wuri kaŋ warata.

50. yèn paḍaran kakĕn jampinipun éca, kukuluban walikaḍĕp pinĕcĕla, dyan ḍinahar sampun mawi taha taha.

51. jampi sakit wawratan ron api api, myaŋ majakan pucuk miwaḥ poḍisari, adal adal cĕmĕŋ iṅuyupkĕn nulya.

52. wontĕn maliḥ jampi wawratan warṇèki, ḷĕmpuyaŋ tri iris saṛĕm aṛĕŋ jati, dèn mamaha iṅĕḷĕt toyanirèki.

53. biliḥ sakit wawratan raḥ jampinèki, adas éṅgal lawan oyotiŋ kamruṅgi, iṅuyupkĕn lajĕŋ pampĕt adatnèki.

54. kaŋ sawarṇi maliḥ yèn wawratan gĕtiḥ, asĕm abrit brambaŋ saṛĕm lisaḥ klapa, dipunĕpès binĕnĕm nulya tinĕḍa.

55. jampinipun wawratan umbĕl punika, jĕbug klapa binĕnĕm dé abĕnnira, poḍisari pucuk kĕñcur sidawayaḥ.

56. myaŋ caṅkok kaŋ sidawayaḥ tinoyanan, paṭinira mĕntaḥ matĕŋ kaŋ ḷĕmpuyaŋ, iṅuyupkĕn tanapi kinarya sibar.

57. wontĕn maliḥ wawratan umbĕl jampinya, ĕmpu puyaŋ binakar pucuk majakan, poḍisari pinipis iṅuyupĕna.

58. usadanya tan toyan datan wawratan, tri ris lahos tri ris puyaŋ muṅsi tumbar, pan pinipis anulya iṅuyupĕna.

59. yèn tan ṅĕntut punika usadanira, oyotiŋ kaŋ waluḥ lawan bawaŋ séta, jĕram nipis pinipis iṅuyupĕna.

60. jampi mĕjĕn bluluk binĕnĕm abĕnnya, ĕmpu kunir poḍisari jintĕn krĕṣṇa, asĕm kawak kĕñcur saṛĕm aṛĕŋ jatya.

61. kaŋ sawarṇi jampi mĕjĕn jintĕn krĕṣṇa, poḍisari majakan dwiwani samya, ḍinahara iṅĕḷĕt dalaḥ ampasnya.

62. awawratan ḷĕḷĕṅĕtan jampinira, tanpa abĕn muŋ oyod kĕñcur kéwala, linolohkĕn adaté nulya waluya.

63. wontĕn maliḥ ḷĕṅĕdĕn usadanira, oyod diḷĕm lawan jĕbug pamipisnya, iṅkaŋ ḷĕmbat kinarya tapĕl kéwala.

64. usadanya sakit untu laḥ punika, ĕrahipun sĕmut lan gĕṇḍis kalapa, tinamakna iŋ untu kaŋ tan sakéca.

65. iŋ nalika namakkĕn iki japanya, aḍi untu maṛĕṅa si kakaŋ untu, kukuḥ kukuḥ adat ical sakitira.

66. untu iṅkaŋ saṅĕt sakit usadanya, bawaŋ pĕṭak lawan asĕm pinipisa, kaŋ aḷĕmbat pinupuḥna kaŋ karasa.

67. iŋ nalika mupuhkĕn iki mèlira, taṅĕt baraŋ lara winor muŋ punika, iṅkaŋ sampun sasakit lajĕŋ waluya.

68. abuḥ iṅkaŋ tanpa saṅkan usadanya, asĕm kawak kayu ḷĕgi linawĕda, iṅkaŋ ḷĕmbat anulya winĕḍakĕna.

69. biliḥ abuḥ sariranira sadaya, jah‍é tigaŋ iris lawan oyodira, wit ṛĕmpĕlas pinipis gya winĕḍakna.

70. ugi abuḥ tanpa saṅkan usadanya, aṅkupiŋ woḥ kuḍu lan bras pitu nulya, dèn mamaha sinĕmburṇa kaŋ warata.

71. abuḥ datan sagĕd ṅĕḷĕt usadanya, ron mĕntahos ron sĕntiŋ ron maṇḍakakya, abĕnnira miri adas bawaŋ séta.

72. miwaḥ saṛĕm kaŋ ḷĕmbat pamipisira, winĕḍakkĕn ḍatĕŋ kaŋ abuḥ punika, adatipun kaŋ lir balabag gya mulya.

252. balabak

1. ki saloka taña maliḥ mriŋ ni wisma, jampiné, iṅkaŋ tumrap ḍumatĕŋ jaḷĕr kéwala, pédahé, biliḥ wontĕn kawĕḍaṛĕna, sah‍éné.

2. ñahi wisma mèsĕm laḥ ṅaṅkaḥ punapa, sarèhné, tiyaŋ sĕpuḥ wus nir walaṅsaṅkĕrira, milané, kula wĕca usada muŋ tumrap priya, clĕmĕdé.

3. jampi apĕs luŋ paré tri puṅgĕl lawan, bĕṅléné, tigaŋ iris pinipissa iṅkaŋ ḷĕmbat, nulya gé, iṅurutkĕn ḍumatĕŋ dadakarira, wratané.

4. jampi pĕluḥ lisaḥ ayam cĕmĕŋ iṅkaŋ, mulusé, dèn atĕṅi déné wawaḍahira, cupuné, biliḥ arṣa sahwati dèn usapĕna, dakaré.

5. lamun arṣa amuŋ nikmatiŋ wanita, gajihé, ayam cĕmĕŋ mulus dèn usap usapna, dakaré, iŋ nalika purusa ayun tumama, mriŋ hèssé.

6. loloḥ priya iṅuntal dimèn utama, sahwaté, lahos kuñci suṇṭi kajĕŋ ḷĕgi mĕñan, maduné, wawrat ṅawan saga pinipis kaŋ ḷĕmbat, lumĕré.

7. ki saloka kalaṅkuŋ sukaniŋ nala, dé olèḥ, kawruḥ kèhiŋ usada sakiŋ racikan, warṇané, taña maliḥ punapa iṅgiḥ wontĕna, jampiné.

8. tumrap ḍatĕŋ iṅkaŋ sarasan kéwala, sah‍éné, ñi wisma ṅliŋ iṅgiḥ wontĕn waḥ prayoga, tanduké, mriŋ sarira sakéca paḍaran ḷĕga, namané.

9. ya saḍĕgan anton anton gi aṅgi nya, sah‍éné, apan mawi binobot sadayanira, pamrihé, sagĕt ajĕg punika wawatonnira, boboté.

10. adas wrat nĕmlikur ḍwit pulasarinya, wawraté, tigaŋ ḍuwit muṅsi nĕm ḍuwit wawratnya, tumbaré, wawrat saṅaŋ ḍuwit cabé tri ḍuwitnya, wawraté.

11. mrica wawrat saḍuwit kayu ḷĕgènnya, wawraté, pituŋ ḍuwit pala wawratnya sakawan, ḍuwité, botor matĕŋ ginorèŋ saṅan wrat sakwan, ḍuwité.

12. kaḍawuṅé ginorèŋ saṅan kinipas, wawraté, kaliḥ ḍuwit waḥ kĕñcur sampun rinajaŋ, pinépé, ṅantya gariŋ wawrat nĕm ḍuwit kèhira, nulya gé.

13. binubuk myaŋ iṅirigan kaŋ aḷĕmbat, lajĕṅé, ginorèŋ saṅan namuŋ sawatara, pamrihé, biliḥ lami tan sagĕd ñjamur punika, prĕluné.

14. sahupami baḍé damĕl kaŋ akaṭaḥ, wawraté, wêwahipun mirit kaŋ kasĕbut ṅarṣa, malihé, yèn adamĕl sakĕḍik sudaniŋ wawrat, luguné.

15. iṅgiḥ mirit sakiŋ kaŋ kasĕbut ṅarṣa, sudané, kajampènan tiyaŋ sĕpuḥ katakĕra, kaṭahé, muŋ satuṅgal suru agĕŋ iṅkaŋ kĕbak, pinĕṛĕs.

16. biliḥ laré namuŋ sapalihé wrĕḍa, takĕré, lamun kagĕm loloḥ barambaŋ ḷĕmpuyaŋ, wêwahé, puyaŋ mĕntaḥ matĕŋ dwi grigèḥ myaŋ brambaŋ, kalihé.

17. biliḥ kagĕm loloḥ cahabé ḷĕmpuyaŋ, wêwahé, cabé tiga iji kalawan ḷĕmpuyaŋ, mĕntahé, kaliḥ grigaḥ aṅĕt kuwat mriŋ sarira, pamrihé.

18. kagĕm loloḥ bĕṇḍa lahos wêwahira, bĕṇḍané, iṅatĕṅan amuŋ satuṅgal kalawan, lahosé, sapalihé ṇḍas ayam muŋ tumrap wrĕdḍa, ĕkasé.

19. kagĕm jampi pĕḍètan wêwaḥ buṅira, kéloré, tigaŋ puṅgĕl woḥ iṅgu dwi kluṅsu lawan, jĕramé, pĕcĕl namuŋ sahiris suṇṭi samanya, kluṅsuné.

20. biliḥ mèñcrèt brambaŋ puyaŋ ĕron sabraŋ, wêwahé, sadayèku pinipis saṛĕŋ saḍĕkan, iṅombé, amuŋ bĕṇḍa lahos punika iṅuntal, patrapé.

21. muŋ pĕḍétan iṅombé kinarya ḍasar, pédahé, ṅĕṇḍakakĕn kuwaya lawan usada, bĕṅaṅé, yèn mbubucal murus tĕrkaḍaŋ muŋ ḷĕga, wĕdalé.

22. loloḥ paṛĕm ĕnèm aṅgi aṅginira, warṇiné, adas pulasari kayu ḷĕgi pala, sariné, kĕmbaṅpulu manis jaṅan sidawayaḥ, tumbaré.

23. jintĕn iṛĕŋ kumukus joṅrahap murmak, dagiṅé, cabé brambaŋ saprantu kĕñcur kunirṇya, tambahé, jĕram pĕcĕl pinipissa mawi toya, [ilaŋ].

24. biliḥ kagĕm loloḥ sĕpuḥ paṛĕm wêwaḥ, gé aṅgé, pucuk gaṇṭi pucuk paṇḍan widasari, cĕṅkèhé, jah‍é kĕliŋ majakan mĕsoyi mrica, muṅsiné.

25. pon ĕmponnya wêwaḥ bĕṅlé tĕmulawak, puyaṅé, pinipissa tinoyanan sawatara, kaṭahé, muḍa wrĕdḍa paṅinumé wusnya naḍaḥ, sĕkulé.

26. maṅkya loloḥ sawanan racikanira, warṇané, dliṅo bĕṅlé bawaŋ iṅgu ragi liraŋ, adasé, pulasari kĕmbaŋ sumba tumbar muṅsi, palané.

27. kayu ḷĕgi kumukus sĕntok mĕsoyi, sariné, rasukaṅin cĕṅkèḥ pucuk kapulaga, karaṅé, lawan botor kĕḍawuŋ ginorèŋ saṅan, kalihé.

28. gya linawĕt toyanira sawatara, kaṭahé, paṅuñjuké sontĕn iŋ sadèrèṅira, sĕrapé, saŋ hyaŋ surya punika muŋ tumrap jalma, sĕpuhé.

29. maṅkya loloḥ kalamun luntak ludira, maliyé, watuk mawi ṅĕdalkĕn ĕraḥ punika, warṇiné, kawulipun panawar jambé rannira, abĕnné.

30. adas pulasari ginoḍog kinarya, wédaṅé, paṅombéné yèn wus asrĕp lan tan kĕna, aṅombé, sanèsipun tumĕkanira waluya, lawasé.

31. maṅkya loloḥ kamatus kaŋ nama rujak, warṇiné, trahos abrit sagaliṇḍiŋ iṅatĕṅan, maliyé, tiga pĕntil jram pĕcĕl sajĕmpol asta, agĕṅé.

32. brambaŋ abrit tiga iji lombok ṛĕta, isiné, binucalan déné kaṭahé dinuga, pĕḍĕsé, pĕntil jĕram lombok brambaŋ rinajaṅan, nulya gé.

33. iṅuḷĕg nèŋ lèmpèr kaŋ ṅantos warata, mukĕté, gya binukti sasampuniŋ kaḷĕbĕtan, bojané, tinĕlasna sadaya ywa ṅanti tiraḥ, rujaké.

34. dèn nya loloḥ balaḍĕg tri ari ika, étaṅé, iṅkaŋ kapiŋ kaliḥ jĕramnya sakawan, piŋ triné, jĕram gaṅsal sakèḥ loloḥ èstu mawa, saṛĕmé.

35. sampun tĕlas muŋ punika kawruḥ para, lolohé, saloka ṅliŋ kalaṅkuŋ panuwunkula, èstuné, warṇaniŋ kaŋ aṅgi aṅgi kèḥ kalépyan, namané.

36. miwaḥ kaṭaḥ ulun kaŋ dèrèŋ uniṅa, wujudé, ñahi wisma amĕṇḍĕt boṭékannira, nulya gé, anĕdahkĕn wujud tanapi namanya, silisiré.

253. salisir

1. sampun jinèntrèḥ sadaya, ñi wisma maliḥ wacana, tumanduké kaŋ usada, mriḥ istijab utaminya.

2. sah‍èstu kĕdaḥ ṅupaya, ari wuku tigaŋ dasa, piniliḥ kaŋ pratélakna, asuŋ usada waluya.

3. kĕmis ḷĕgi wuku sinta, ḷĕṅgahé añjampènana, sakit maripat punika, sah‍èstu dadya waluya.

4. ṅat kliwon tolu wukunya, punika usadanana, saḍéṅaḥ raga tiarda, tartamtu dumadya mulya.

5. slasa wagé gumbrĕg ika, ḷĕṅgahé añjampènana, tyaŋ éwaḥ kaŋ sakiŋ raga, mantuka èṅĕtanira.

6. sĕnèn kaliwon kuniṅan, ḷĕṅgahé suŋ jampi maraŋ, tyaŋ élik dèn nya joḍoan, waṅsul atut raruntuṅan.

7. sabtu pon iŋ wuku pahaŋ, nandukkĕn usada maraŋ, jalma iṅkaŋ lagya naṇḍaŋ, sakit tamtu saras giraŋ.

8. kĕmis kaliwon panuju, apan marakèḥ kaŋ wuku, añjampènana puniku, tyaŋ sakit saras sah‍èstu.

9. ṅat ḷĕgi lan sĕnènira, pahiŋ kulawu wukunya, añjampènana tyaŋ roga, istijab tĕmaḥ waluya.

10. punika yèn tan kasĕsa, madyané añiṅkirana, saṅar naas riṅkĕl jalma, atanapi tali sawa.

11. dé yèn kĕdaḥ sanalika, tumanduké kaŋ usada, sampun was uwas iŋ nala, suméṇḍé karṣaniŋ sukma.

12. ki saloka saya suka, aṅliŋ kapuṇḍi mustaka, ñahi iṅkaŋ paṅandika, wus tumanĕm nèŋ wardaya.

13. ki wisma lon aṅandika, wontĕn wirayatiŋ kuna, tyaŋ désa tĕbiḥ iŋ praja, wus wrĕdḍa sĕnĕŋ ra ura.

14. pañcèn dèn miṛĕŋ miṛĕŋna, mriŋ anak putu myaŋ taṅga, puniku biliḥ rinasa, akaṭaḥ pah‍édahira.

15. mas cĕbolaŋ lon turira, prayogi winĕḍaṛĕna, ulun kĕpéṅin miyarṣa, ki wisma gya ura ura.

16. yèn jalma sok ḍĕmĕn padu, punika kawoṅan asu, lamun ginitikan iku, tan na tuluŋ ṅaru biru.

17. woŋ ladak kawoṅan warak, kumaluṅkuŋ ṅoyak ṅoyak, tan wĕlas ragané gupak, ĕṇḍut tĕmaḥ gĕlis rusak.

18. agahan kawoṅan gajaḥ, ṅĕndĕlkĕn guŋ luhur miwaḥ, tĕlalé gaḍiṅé braṅgaḥ, blahiné lali iŋ tiṅkaḥ.

19. woŋ jahil kawoṅan sima, taṅèḥ amriha raharja, sikarèŋ budi sĕḍĕŋnya, kèḥ cinampok pĕjahira.

20. woŋ drĕṅki kaworan tikus, dahwèn panastèn tan arus, baluḍus kaṛĕm ṅgadĕbus, tan na ṛĕna muŋ mriŋ lampus.

21. woŋ murka kawoṅan bhuta, watak tan wruḥ bĕcik ala, butĕŋ caṇḍala aṅaṅsa, tĕmaḥ asor niṣṭa papa.

22. woŋ mbĕḷĕr kawoṅan laḷĕr, gawé risi miwaḥ jĕmbĕr, amuŋ mélik kaŋ dèn iñcĕr, sinĕrtu iku wus bĕnĕr.

23. woŋ ṅiwa kawoṅan baya, ṅrasa tan nana uniṅa, prandéné sakèhiŋ jalma, wruḥ gawéné mbaḍog jalma.

24. woŋ climut kawoṅan ḷĕmut, gunané nunuṅkul mblurut, kèḥ jalma panas mbasĕṅut, dèñcablèk kéwala mumut.

25. woŋ maliŋ kawoṅan kala, jĕṅkiŋ nandukkĕn antupnya, pramila sakèhiŋ jalma, niyaté muŋ mĕjahana.

26. pan namuŋ sadasa pada, yèn siyaŋ dèn nya ra ura, sakèndĕlé bĕḍug ika, sadèrèṅé asar sunya.

27. yèn ratri sabakdanira, ṅisa awit ṅura ura, tumĕkèŋ sanéndranira, taṅinya saput bantala.

28. dados iŋ sadèrèṅira, bĕḍug siyaŋ kèndĕlira, asar dumuginiŋ ṅisa, tan purun ra ura mahos.

29. ujaré nĕbihkĕn maraŋ, rijĕki satĕmaḥ baraŋ, puniku kèṅĕtaniṅwaŋ, matur nuwun mas cĕbolaŋ.

30. nahĕn sampun tigaŋ ari, cĕbolaŋ sarowaṅnèki, dèn nya nèŋ wanakartèki, tandya pamit mriŋ ki panti.

31. ḍuḥ kyayi biliḥ maṛĕṅi, rèhniŋ sampun tigaŋ ari, ṅgèn ulun añuñukĕri, wontĕn iŋ wanakartèki.

32. sartanipun anampèni, siḥ kadarmanipun kyayi, atanapi ñahi ugi, pariŋ sasĕṛĕpan jampi.

33. kalaṅkuŋ nuwun kapuṇḍi, biṅahiŋ manaḥ tan sipi, sadaya atur pamuji, dinirgakna yuswa sami.

34. ywa kiraŋ juga punapi, lumastari andamari, pĕpĕtĕṅipun sasami, maṅké bakdaniŋ subĕkti.

35. kula saréñcaŋ sadaya, ṅlajĕṅakĕn lumakṣana, muhuŋ paṅèstu panduka, wilujĕŋ tan na saṅsaya.

36. ñahi kyayi wanakarta, maṅayubagya iŋ karṣa, sarta asuŋ pamujyarja, tulus praptèŋ kaŋ sinĕdya.

37. myaŋ asuŋ saṅu saḍĕgan, binuṅkus ron klaras gĕḍaŋ, tanapi jampi racikan, sadaya sampun katampan.

39. mas cĕbolaŋ saréñcaṅipun ṅlajĕṅakĕn lampaḥ ḍatĕŋ pajaŋ, kapaṅgiḥ abdidaḷĕm mĕṭakan, nama ki mastuti iṅkaŋ nĕraṅakĕn :

silsilahipun sultan pajaŋ wiwit prabhu bhrawijaya raja majapahit iṅkaŋ wĕkasan naṇḍaŋ gĕraḥ rajasiṅa sagĕd mantun sarana ṅrasuk wanita waṇḍan, malaḥ puputra boṇḍankajawan sinĕbut ḷĕmbupĕtĕŋ dipunĕmoŋ déniŋ kiagĕŋ tarub. salajĕṅipun ṅantos dumugi sultan aguṅ iŋ mantaram.

38. dupi bakdaniŋ subĕkti, sasarapan wus miranti, wédaŋ sarbat liwĕt brati, sambĕlgorèŋ pĕté ati.

39. pakantuk dèn nira bukti, wus luwaran sadayèki, samya ṅujuŋ ganti ganti, wus mĕdal sakiŋ iŋ panti.

40. ki wisma kalawan ñahi, ṅatĕr praptèŋ ñjawi kori, wus ḷĕpas lampahirèki, anduduk maṅétan sami.

254. mĕgatruḥ

1. nĕŋna wahu ki wanakarta kaŋ kantun, nahĕn ta lampahirèki, cĕbolaŋ saréñcaṅipun, wañci nduṅkap pajar sidik, mahawan iŋ tĕgal alon.

2. rarya ṅucul mah‍ésa ḷĕmbu myaŋ wĕḍus, kinaluṅan gĕṇṭa kliṇṭiŋ, ramé swaranira umyuŋ, binaruŋ pamĕcut muni, kléṇṭaŋ kloṇṭaŋ ṭèr ṭèr ṭor ṭor.

3. kawimbuhan klurukiŋ sata mawantu, pĕtokiŋ ayam ñaṛĕṅi, pawèstri nosoḥ myaŋ nutu, kakoṭèkan mawa gĕṇḍiŋ, kawuryan arjaniŋ ḍukoḥ.

4. rajakaya nèŋ paṅonan samya ṅrĕṅgut, kataŋ ḷĕḍuŋ gambĕŋ wilis, kéwan mĕḷĕs ḷĕmu ḷĕmu, méṇṭok bañak bèbèk brati, nèŋ lèpèn lit cocor cocor.

5. kaŋ samya ṅon ṅarubuŋ bèḍiyaṅipun, binĕnĕman wigĕmbili, taḷĕs pohuŋ téla kimpul, amuŋ jañji mambu gĕni, lagya aṅĕt gya binaḍog.

6. tiŋ kacĕmut ṅadĕg maṇḍi sulak pĕcut, uniṅa jalma lumaris, nèŋ tĕpi paṅonnanipun, mbĕkta taṛĕbaŋ kakaliḥ, rarya ṅon gumrubyuk anon.

7. mas cĕbolaŋ sarowaŋnya tinut puṅkur, taṛĕbaŋ iṅkaŋ cinaṅkiŋ, tinabuhan garan pĕcut, ribĕt kaŋ samya lumaris, ki kartipala aṅgĕmproŋ.

8. ṅudubilaḥ bĕḍès bĕḍès ṅgliḍig mbĕsur, ginĕmbraŋ tĕrbaŋ kakaliḥ, rarya ṅon kagèt lumayu, malajĕŋ gya ñĕlak maliḥ, tĕmaḥ kèndĕl kaŋ samyandon.

9. ki saloka ṅrawut ronniŋ cuṅcuŋ bĕlut, satĕkĕm pinusus aglis, wus dadya arta sadarum, iṅècèr ècèr nèŋ margi, sakèhiŋ kaŋ rarya aṅon.

10. raṛĕbutan mĕṇḍĕti arta kaŋ runtuḥ, lumastari kaŋ lumaris, kapapag jalma wus sĕpuḥ, klĕṇṭuŋ klĕṇṭuŋ maraŋ tĕgil, kaṇḍĕg nèŋ ṅaṇḍapiŋ sawo.

11. asuŋ salam jawat taṅan sadaya wus, aganti ganti waradin, ki wĕrda alon liṅipun, anak kula nilakrami, rèḥ sadaya nĕmbé paṅgoḥ.

12. pinaṅka myaŋ sinambat sinĕdyèŋ kalbu, cĕbolaŋ mèsĕm naṅkĕpbi, pratéla wutaḥ rahipun, nama myaŋ sinĕdyèŋ kapti, tanapi umatur alon.

13. nuwun ulun ñuwun sasĕṛĕpan èstu, sintĕn sinambatiŋ kasiḥ, iŋ pundi namaniŋ ḍusun, gĕmaḥ arjané ṅlaṅkuṅi, ki wĕrda maṅsuli alon.

14. pariṅdaḷĕm ñjĕŋ sinuhun iŋ mantarum, kula nami ki mastuti, mĕṭakan sinuṅan luṅguḥ, kalihdasa karya siti, iŋ pajaŋ mutihan ḍukoḥ.

15. laḥ puniki tilas karaton satuhu, nagri pajaŋ duk iŋ ṅuni, cĕbolaŋ maliḥ umatur, ṅuni sintĕn kaŋ maṇḍiri, nèŋ kraton pajaŋ kaŋ kojor.

16. winĕḍarṇa paran cariyosiŋ daṅu, punapi luluhurṇèki, ñjĕŋ sinuhun iŋ mantarum, ki mastuti amaṅsuli, nuṅgil pañcĕr sanès oyot.

17. naṅiŋ maṅkya wus kumpul nèŋ śri mantarum, cariyosipun iŋ ṅuni, bhrawijaya saŋ aprabhu, kaŋ muṅkasi majapahit, agami buddha saŋ katoŋ.

18. putra satus satuṅgal putri myaŋ kakuŋ, iṅkaŋ ulun criyos katri, sadaya botĕn kawuwus, iṅkaŋ aṅka tiga putri, ṛĕtna pambayun kinahot.

19. ibu ratu andwarawati puniku, putri iŋ cĕmpa nagari, ratu pambayun kramantuk, dayaniṅrat nagri pĕṅgiŋ, adipati kaŋ paluṅgoḥ.

20. saṛĕŋ sampun krama nama ratu ayu, andayaniṅrat iŋ pĕṅgiŋ, puputra kakaliḥ kakuŋ, kĕbokanigara nami, kĕbokanaṅa kaŋ anom.

21. iṅkaŋ sĕpuḥ tĕtĕp ka budan ginilut, sampurṇa saraganèki, iṅkaŋ anèm wus umaṅsuk, islam agama kaŋ sukci, tĕtĕp nèŋ pĕṅgiŋ saŋ anom.

22. muŋ sinĕbut kiyagĕŋ pĕṅgiŋ puniku, puputra jalu satuṅgil, bagus krèbèt namanipun, ramèbu wusiŋ ṅĕmasi, nulya pinoṇḍoṅan gupoḥ.

23. mriŋ ñi raṇḍa ḍusun tiṅkir wismanipun, lajĕŋ karan jakatiṅkir, bagus sinĕkti kalaṅkuŋ, lalampahan tan winarṇi, lajĕŋ suwita saŋ ṅanom.

24. mriŋ ñjĕŋ sultan bintara iṅkaŋ panutup, kaṅgĕp pasuwitanèki, kinasiḥ pinuṇḍut mantu, jinuñjuŋ dadya bhupati, iŋ pajaŋ sinuṅan luṅgoḥ.

25. siti kawanèwu karya ṅgiḥ sèwu juŋ, sasédanipun ñjĕŋ mulki, iŋ bintara wahyunipun, karaton cumlorot ṅaliḥ, mriŋ ṅriki dadya kaḍaton.

26. adipati iŋ pajaŋ jumĕnĕŋ ratu, amĕṅkoni tanaḥ jawi, prabhu wijaya jujuluk, puputra kakuŋ myaŋ putri, iṅkaŋ jalu muŋ sawiyos.

27. nama radyan banawa sasédanipun, kaŋ rama pajaŋ nagari, tan tulus wahyu kaḍatun, kraton piṇḍaḥ mriŋ mantawis, déné kaŋ jumĕnĕŋ katoŋ.

28. panĕmbahan sénapati ṅalagèku, déné dyan banawa namiŋ, paṅéran sĕbutanipun, sinuŋ paṅkat adipati, iŋ pajaŋ puputra wadon.

29. warṇi ayu cahya anukṣmèŋ sitaṅsu, anama dyaḥ banowati, ḍahup lawan ñjĕŋ sinuhun, amaṅkurat ñakrawati, sédakrapyak parab katoŋ.

30. saŋ dyaḥ ayu lajĕŋ sinuṅan jujuluk, pramèswari ratu adi, puputra ñjĕŋ sultan aguŋ, iṅkaŋ jumĕnĕŋ samaṅkin, buyut sultan pajaŋ yĕktos.

31. mas cĕbolaŋ ṛĕnèŋ tyas miyarṣa wuwus, ñuwun sasĕṛĕpan malèḥ, putra kaŋ kakaliḥ wahu, dumuginipun samaṅkin, paran gañcariŋ cariyos.

32. maṅkya putra aṅka triwĕlas winuwus, kaŋ ibu sakiŋ nagari, iŋ cina kakasihipun, anĕṅgiḥ dèwi subañci, tri wulan dèn nira mbobot.

33. tinrimakkĕn ḍumatĕŋ putra pambayun, arya damar awawaṅi, kaŋ sampun jinuñjuŋ luṅguḥ, adipati plémbaŋ nagri, ḍawuhdaḷĕm rama katoŋ.

34. saḷĕbĕtiŋ ṅgarbini tan kéṅiŋ ndumuk, mituhu saŋ adipati, dupi praptèŋ maṅsanipun, mbabar jalu saha mawi, cahya nĕlahi mañcoroŋ.

35. sinuŋ nama radèn pataḥ radèn yusup, dyan kasan dyan praba nĕṅgiḥ, saŋ dyaḥ tĕtĕp garwanipun, arya damar adipati, tan alami nulya mbobot.

36. miyos jalu iŋ warṇa ugi binagus, dyan kusèn namanirèki, diwasanya kalihipun, ṅa jawi sĕdyanirèki, suwita iŋ saŋ akatoŋ.

37. kaŋ jinujug sunan ṅampèl surèṅkéwuḥ, radyan pataḥ ñulayani, tan laju mriŋ majalaṅu, kaṇḍĕg anèŋ ṅampèlgaḍiŋ, kusèn suwitèŋ saŋ katoŋ.

38. laṅkuŋ asiḥ saŋ aprabhu majalaṅu, pinacak dadya bhupati, wontĕn iŋ nagari tĕruŋ, pĕcattaṇḍa akakasiḥ, sigĕg dyan pataḥ kacriyos.

39. sunan ṅampèl kalaṅkuŋ laṅkuŋ sihipun, ḍasar uniŋ jaṅkanèki, dyan pataḥ pinuṇḍut mantu, ḍahup lan putri kaŋ nami, ratu jumantĕn kinahot.

40. ṅgiḥ punika kaŋ jujuluk ratu paṅguŋ, atut dèn nya palakrami, rahadyan minta pituduḥ, baḍé ḍĕkaḥ kaŋ prayogi, kinèn malampaḥ maṅulon.

41. biliḥ maṅgiḥ galagaḥ gandanya arum, iŋ ṅriku kinèn ṇḍĕkahi, radyan lumakṣana gupuḥ, praptèŋ bintara wanadri, amituhu iŋ sapakon.

42. aṅgènnipun babadra datan winuwus, dadya ḍusun gĕŋ ṅlaṅkuṅi, kiwa tĕṅĕn kaṭaḥ sujud, bubuka pruwita sami, agami islam kinahot.

43. wus kapiṛĕŋ iŋ saŋ prabhu majalaṅu, dipati tĕruŋ tinudiŋ, animbali rajasunu, praptanira majapahit, wus iṅaṅgĕp putra katoŋ.

44. gya iṅaṅkat anama dipatya anuŋ, ṅrĕṅgani bintara nagri, myaŋ winisik tĕmbénipun, iŋ bintara dadya nagri, karan iŋ dĕmak kaḍaton.

45. pan iŋ ṅriku santuniŋ agami luhuŋ, atasiŋ ḍawuḥ narpati, adipati klilan mantuk, tĕtĕp jumĕnĕŋ dipati, nahan risakiŋ kaḍaton.

46. majapahit iŋ dĕmak dadya nagri guŋ, saŋ dipati jumĕnĕŋ śri, apaparab sultan jimbun, sultan saḥ alam akbar i, sasurud daḷĕm saŋ katoŋ.

47. tilar putra nĕnĕm putri tuwin kakuŋ, kakuṅé iṅkaŋ winarṇi, paṅran sabraṅlèr puniku, kaŋ gumantya narapati, tan alami nulya layon.

48. kaŋ gumantos jumĕnĕŋ nata rannipun, radyan trĕṅgana kakasiḥ, tulus ṅrĕṅgani kaḍatun, garwa putranya saŋ mulki, kalijaga wali kahot.

49. kaṅjĕŋ sultan puputra nĕm putri kakuŋ, putra putri kaŋ sumĕṇḍi, dyaḥ banar jujulukipun, tinrimakkĕn jakatiṅkir, prabhu wijaya kinahot.

50. apuputra rahadyan banawa wahu, bésanan lan sénapati, mĕdali ñjĕŋ sultan aguŋ, sampun kapuṅkur kaŋ kaliḥ, aṅka patbĕlas kacriyos.

255. paṅkur

1. saŋ aprabhu bhrawijaya, naṇḍaŋ gĕraḥ rajasiṅa kaŋ nami, iṅusadan sakèḥ ḍukun, nir déya tan waluya, saya ṅrĕda gĕrahdaḷĕm saŋ aprabhu, wañci dalu miṛĕŋ swara, dumĕliŋ kinèn ñarèni.

2. putri waṇḍan warṇi jĕnar, linakṣanan dyaḥ waṇḍan dèn sarèni, sapisan ṭil gĕrahipun, sĕṅgaŋ sami sakala, waṇḍan jĕnar aṅgarbini miyos kakuŋ, sinuŋ ran boṇḍankajawan, pinariṅkĕn juru tani.

3. nami ki buyut masahar, saṛĕŋ yuswa woluŋ tahun saŋ pĕkik, pinariṅkĕn kyayi tarub, ḍuḍa putra satuṅgal, èstri ayu cahya manukṣmèŋ sitaṅsu, lir murca kinĕḍèpĕna, paparab dèwi nawaṅsiḥ.

4. rahadyan boṇḍankajawan, sinuŋ nama dyan ḷĕmbupĕtĕŋ nĕṅgiḥ, diwasanya pinèt mantu, ḍahup kalawan saŋ dyaḥ, mas cĕbolaŋ aṅliŋ punapa puniku, kyagĕŋ tarub kaŋ akrama, widḍadari nawaṅsasi.

5. patutan èstri sajuga, ki mastuti maṇṭuk maṇṭuk maṅsuli, iṅgiḥ punika ki bagus, lajĕṅé kaŋ carita, kyayi tarub datan lami nulya surut, dyan ḷĕmbupĕtĕŋ gumantya, kyagĕŋ tarub asisiliḥ.

6. puputra tri kaliḥ priya, ragil èstri mbajĕŋ dyan ḍukuḥ nami, diwasa pinuṇḍut mantu, déniŋ kaṅjĕŋ susunan, iŋ majaguŋ sarta sinuŋ nama sĕpuḥ, sèḥ ṅabidulaḥ daḷĕmnya, iŋ wanasaba ṅrĕṅgani.

7. karan kyayi wanasaba, kaŋ panĕṅaḥ dyan ḍépok kaŋ wawaṅi, punika ugi pinuṇḍut, mantu iŋ ñjĕŋ susunan, majaguŋ pinariṅan nama sĕpuḥ, sèḥ ṅabdulaḥ daḷĕmira, iŋ gĕtaspaṇḍawa nami.

8. karan ki gĕtaspaṇḍawa, ragil èstri rara kasihan nami, kyagĕŋ ṅĕraŋ garwanipun, aran ñi agĕŋ ṅĕraŋ, kyagĕŋ gĕtaspaṇḍawa nulya susunu, jalu èstri kalihwĕlas, putra aṅka dwi winarṇi.

9. bagus ségom namanira, diwasanya kyagĕŋ séla wawaṅi, kyagĕŋ séséla susunu, jalu èstri kawanwlas, putra iṅkaŋ kasadasa gya tinutur, bagus anis namanira, suwita iŋ pajaŋ ṅriki.

10. ñjĕŋ sultan saṅĕt sihira, pinardikakakĕn sinuṅan siti, nèŋ ṅlawéyan ḍépokipun, katĕlaḥ namanira, kyayi agĕŋ ṅlawéyan tumĕkèŋ surud, sumaré wontĕn ṅlawéyan, tan tĕbiḥ sakiŋ iŋ riki.

11. kyagĕŋ puputra dwi priya, kaŋ pambajĕŋ bagus kacuŋ wawaṅi, punika kaŋ kulagalur, bagus kacuŋ paparab, kyayi agĕŋ pamanahan lumastantun, suwita ñjĕŋ sultan pajaŋ, dumadya luraḥ prajurit.

12. sinĕlir wira tamtama, kyayi agĕŋ putranya jalu èstri, tridasa satuṅgal namuŋ, mĕṇḍĕt cĕkakiŋ crita, putra aṅka kaliḥ radyan bagus srubut, paparab dyan bagus damar, danaṅjaya asisiliḥ.

13. punika pinuṇḍut putra, iŋ ñjĕŋ sultan pajaŋ sinuŋ kakasiḥ, risaŋ sutawijayèku, dyan bèhi loriṅpasar, sihiŋ sultan lir putranira satuhu, kyayi agĕŋ pamanahan, katrimaḥ dèn nya mĕjahi.

14. arya panaṅsaŋ iŋ jipaŋ, gya ginañjar pasitèn iŋ mantawis, pamanahan ajujuluk, kiyagĕŋ iŋ mantaram, ñahi agĕŋ ĕnis kiyagĕŋ mantarum, lan garwa séda pinĕtak, nèŋ wiṅkiŋ maśjid mantawis.

15. sasédanya sultan pajaŋ, puluŋ kraton ḍumatĕŋ iŋ mantawis, dyan bèhi jumĕnĕŋ ratu, wontĕn nagri mantaram, naṅiŋ botĕn karṣa sinĕbut sinuhun, amuŋ kaṅjĕŋ panĕmbahan, sénapati iŋ mantawis.

16. séda ginantya kaŋ putra, ajujuluk maṅkurat sénapati, ḍahup lawan putranipun, radyan banawa pajaŋ, amiyosi ñjĕŋ sinuhun sultan aguŋ, pra luhur linaṅkuŋ limpat, wontĕn ñjĕŋ sultan mantawis.

17. sukèŋ tyas kimas cĕbolaŋ, amiyarṣa tuturé ki mastuti, umatur tatanya arum, punapi tan linaraŋ, ulun baḍé jiyaraḥ risaŋ linuhuŋ, kaŋ sumaré iŋ ṅlawéyan, pusaka sultan mantawis.

18. sintĕn kaŋ kinarṣakĕna, aḍéḍépok minaṅka jurukuñci, aṅgèr sasĕṛĕpan ulun, kaŋ sampun kalampahan, botĕn wontĕn cĕgaḥ walaŋ saṅkĕripun, jañji sampun aṅsal lilaḥ, lan ki jimat jurukuñci.

40. mas cĕbolaŋ jiyaraḥ ḍatĕŋ pasaréyanipun kiagĕŋ ĕnis iŋ lawéyan, kaĕtĕrakĕn ki mastuti. iŋ mĕśjid lawéyan kapaṅgiḥ ki ṅabdul antyanta iṅkaŋ sawĕg katamuwan aḍinipun, nama ki sali sakiŋ ḍusun sala.

19. nama ki ṅabdul antyanta, prĕnaḥ kaki kalawan śri mantawis, ariné ki ṅabdul julur, ki sali namanira, anèŋ ḍusun sala dadya kamisĕpuḥ, punika daraḥ séséla, kaŋ wayaḥ kiagĕŋ anis.

20. samya tĕḍak pagĕrarga, kaliyé samya sinĕbut jalmalim, biliḥ anak sĕdya laju, kula aṅatĕṛĕna, mriŋ ṅlawéyan puniki mèḥ kèndĕl bĕḍug, wañci luhuré cĕkapan, samya wĕkdal anèŋ maśjid.

21. cĕbolaŋ dahat sukèŋ tyas, laḥ sumaṅga kula kaŋ atut wiṅkiŋ, tandya maṅkat runtuŋ runtuŋ, ki mastuti nèŋ ṅarṣa, kapiyarṣa tĕṅara kĕṇṭoṅan luhur, lampahira sampun prapta, iŋ lèpèn mĕt toyastuti.

22. nulya mriŋ maśjid sadaya, ki antyanta ṅimami wus usalli, tumuntur kaŋ samya makmum, rahap tumanĕm iŋ tyas, sawabipun kaŋ ṅimami jalma luhuŋ, pasèḥ tartib kĕdalira, tĕtĕp kasdu takrul takyin.

23. paragat dèn nira wĕkdal, aṅluhurkĕn asmanira hyaŋ widdhi, tuwin ñjĕŋ nabi panutup, anulya sasalaman, ki mastuti lawan taṅan saha matur, ḍuḥ kakaŋ kahuniṅanna, kula ambĕkta tatami.

24. anami kimas cĕbolaŋ, wus dèn aṇḍar purwa wasananèki, atanapi sĕdyanipun, dèn nya ayun jiyaraḥ, ki antyanta kawistara sukèŋ kalbu, daṅu mawas mriŋ cĕbolaŋ, rumĕsĕp sarjuniŋ galiḥ.

25. hèḥ cĕbolaŋ lwiḥ utama, naṅiŋ mĕṅko sabakdanira tahlil, ḷĕṛĕpa nèŋ wismahulun, rumakĕta tyasira, kayadéné nalika ana mantarum, mariŋ kalulutmu praja, naṅiŋ sayĕktinĕ saṅliŋ.

26. yèn praja guŋ sarwa ana, yèn iŋ kéné tartamtu sĕpa sĕpi, mas cĕbolaŋ nĕmbaḥ matur, atut kaŋ paṅandika, kadiparan yèn muhuṅa muwaḥ muwuḥ, tĕkabur iṅkaŋ aḍakan, taṅèḥ dumugi iŋ jati.

41. ki sali nĕraṅakĕn jaṅka jayabaya, wiwit prabhu jayabaya maguru mahulana samsujèn. iŋ daḷĕm jaṅka wahu jaman kabagi dados 3 jaman, laminipun sajaman 700 tahun. sabĕn sabĕn jaman wahu kabagi maliḥ dados 7 jaman alit alit. jaṅka wahu nĕraṅakĕn kawontĕnaniŋ jaman satuṅgal satuṅgalipun ṅantos dumugi akir jaman, kiyamat kobra.

27. ṅguguk ki ṅabdul antyanta, payo jĕbèŋ mriŋ pasaréyan ḍisik, wus cinaṇḍak astanipun, ki mastuti kalawan, santri catur ki sali salama nuju, martuwi tumutur maraŋ, astana sawiṅkiŋ maśjid.

28. kukus dupa garu ṅambar, tapuk tahlil gumrĕṅgĕŋ tan saṛĕnti, sawusiŋ paragat mundur, sakiŋ iŋ pasaréyan, kyayi ṅabdul mantuk mbĕkta tamunipun, paṇḍapa wus ginĕlaran, myaŋ suṅgata wus rinakit.

29. sapraptanira iŋ wisma, mas cĕbolaŋ ki sali ki mastuti, pinrĕnahkĕn déra luṅguḥ, anèŋ tĕṅaḥ paṇḍapa, para santri ṭarik muṅgèŋ ṅèmpèr ṅayun, suṅgata lumadyèŋ ṅarṣa, paṅududan myaŋ tapsiriḥ.

30. tinuṅka wédaŋ ñamikan, wus warata ki wisma ṅañcarani, laḥ payo saananipun, ĕsĕs tanapi mucaŋ, wédaŋ muhuŋ lumayan ginawé kĕmu, ñañamikan saananya, lumayan ywa ṅintir intir.

31. ṇḍĕku kaŋ samya sinabdan, aṅrahabi bujokrama mrakati, ki ṅabdul antantya bikut, dèn nya saḍiya naḍaḥ, glaran pasir sinasaban siñjaŋ piṅul, sĕkul iṅèn mĕṇṭik ṅambar, pĕcĕl ayam jaṅan mĕnir.

32. tumpĕŋ mĕgana nèŋ tĕṅaḥ, pisaŋ kĕpĕl balimbiŋ ṅanan ṅériŋ, kinubĕŋ rampadanipun, ulam mawarṇa warṇa, brambaŋ bawaŋ timun sumĕrit kinĕcut, lalaban kĕmaṅi cambaḥ, sambĕl uḷĕg pĕcĕl pitik.

33. wus rampuŋ gya atur wikan, kyayi wisma lawan tamunira tri, sakawan anaḍaḥ kĕmbul, sadaya amirasa, apikantuk dèn nira manaḍaḥ nutug, wusiŋ ṅrabasèŋ woḥ wohan, waṅsul mriŋ tĕṅaḥ paṇḍapi.

34. wĕnèḥ lajĕŋ sĕs manigan, ki mastuti paliman turira ris, rèhniŋ ulun sampun tuwuk, waḥ wahu tan criyosan, ḍatĕŋ ñahi manawi dèn ayun ayun, ulun mantuk mriŋ mutiyan, sami kantuna basuki.

35. nakmas kantuna raharja, jawatasta ki mastuti wus mijil, nahĕnta pra santri sampun, sinuŋ naḍaḥ sadaya, datan pah‍é kalawan bĕndaranipun, ki wisma bèr bojakrama, rumakĕt mamaladiŋ siḥ.

36. arum wijiliŋ wacana, sira jĕbèŋ lan rowaṅira sami, aṅasowa maraŋ tajug, ṅlĕṛĕmakĕn sarira, mas cĕbolaŋ maraŋ santrinira catur, manĕmbaḥ lumèṅsèr samya, mariŋ tajug poṇḍoknèki.

37. sasĕgaḥ ṛĕmma mirasa, alumintu pantĕs tan ṅuciwani, ḍahup lawan wañcinipun, tanapi sabĕn wĕkdal, kaŋ ṅimami ki wisma kaḍaŋ rinipun, ki sali iŋ ḍusun sala, pan dèrèŋ kalilan muliḥ.

38. bakdaniŋ sĕmbahyaŋ ṅisa, pinarakan anèŋ srambiniŋ maśjid, amaṅgihi tamunipun, cĕbolaŋ guŋ tinanya, duk pinaṅgiḥ lawan ki wanakartèku, sadaya sampun kawĕḍar, wasana umatur aris.

39. wontĕn kaŋ dados tyasamba, ṅandikanya ki wanakarta ṅuni, jaṅkaniŋ prajèŋ mantarum, èstu datan widada, malaḥ tĕmbé risakiŋ praja tartamtu, wahyuniŋ karaton jawa, piṇḍaḥ sakiŋ iŋ mantawis.

40. pratiṣṭa iŋ wanakarta, mapan iṅkaŋ mawa cahya nĕlahi, rèḥ dahat ṅuṅun gĕgĕtun, pĕpĕtiŋ tyas udrasa, sru kagagas tĕmaḥ munajat hyaŋ aguŋ, punika lamun èstuwa, piṇḍahé kĕraton jawi.

41. mugi mugi ḷĕstantuna, salaminya tumĕkèŋ jaman akir, antyanta mèsĕm liŋnya rum, atut pamujinira, naṅiŋ mirib crita kaŋ wis tinartamtu, jaṅkaniŋ karaton jawa, karṣaniŋ hyaŋ salin salin.

42. yayi sali sira iṅkaŋ, paham crita jaṅkaniŋ tanaḥ jawi, lan mara wĕḍarṇa gupuḥ, dimèné sutanira, ki cĕbolaŋ nir ṛĕntĕṅiŋ tyas margiyuḥ, wĕkasan suka narima, aŋ gambuḥ kaŋ sinuŋ aṅliŋ.

256. gambuḥ

1. kalanira saŋ prabhu, jayabaya kaḍiri ṅaḍatun, katamuwan paṇḍita sakiŋ rum nagri, nama molana ṅalimu, samsujèn tuhu kinahot.

2. putus saṅgyaniŋ kawruḥ, amumpuni iŋ ṅèlmu misuwur, iŋ pamĕca tĕtĕs tètès tatas titis, uniṅa sadèrèṅipun, winaraḥ wus katon mĕlok.

3. śri nata sru kayuṅyun, miminta siḥ barkahiŋ ṅaluhuŋ, tandya puruwita mariŋ saŋ ayogi, surahosiŋ kawruḥ luhuŋ, narbuka gahibiŋ manon.

4. sĕṅkĕraniŋ hyaŋ aguŋ, wawadosé cipta sasmitèku, iṅkaŋ uwus kasĕbut ana sajroniŋ, kitab musarar sadarum, jaṅka kaŋ bakal kalakon.

5. maṅkana saŋ aprabhu, jayabaya tyas ṅumala mĕrdu, tan na cicir piwulaŋ kaŋ dèn tampèni, sadaya sampun kacakup, nèŋ sanubari gumaṭok.

6. paripurṇaniŋ tutur, śri naréndra jayabaya uwus, tampi kanugrahan cipta sasmitèki, karṣa ṅaṅgit jaṅkanipun, tanaḥ jawa kaŋ kalakon.

7. pinurwa kalanipun, iṅisènan jalma sakiŋ ṅĕrum, kaŋ kapiŋ dwi tumĕka iŋ dina akir, kiyamat kobra wus gaḍug, tutup sakèhiŋ lalakon.

8. kinarya tri jaman guŋ, jaman iṅkaŋ wiwitan winuwus, dèn aranni jaman kaliswara nĕṅgiḥ, punika pambabaripun, uṅĕl uṅĕlan sayĕktos.

9. déné ta laminipun, tahun surya pituṅatus tahun, pituṅatus salikur iŋ tahun sami, sajroniŋ jaman puniku, kèḥ swara kaŋ élok élok.

10. kumaraniŋ jagad guŋ, asriŋ ana kapyarṣa gumuntur, gara gara gĕtĕr ḍèḍèt érawati, wit akèḥ manuṅsa luhuŋ, aṅgĕntur tapa mriḥ kahot.

11. sarta kèḥ jawatèku, ṅéjawantaḥ nir sarananipun, tumurun iŋ ṅarcapada dumadya ji, kaḍaŋ brahmana kinayun, mriḥ rahayuniŋ sakèḥ woŋ.

12. jaman madya winuwus, iṅaranan kaliyoga iku, wardinira babariŋ tuwuhan nĕṅgiḥ, tahun surya laminipun, sapta tus tahun kalakon.

13. pituṅatus salikur, tahun candra jroniŋ jaman iku, asriŋ ana barubaḥ bĕlaḥ kaŋ bhumi, kaḍaŋ ana tanaḥ mawut, dumadya kaŋ pulo pulo.

14. awit iŋ jaman mahu, sĕdyaniŋ kaŋ manuṅsa linuhuŋ, kaŋ ṅĕmasi akèḥ kaŋ paḍa manitis, manukṣma majanma èstu, nèŋ marcapada karahos.

15. gantya iṅkaŋ winuwus, jaman iṅkaŋ wĕkasan puniku, iṅaranan jaman kalisĕṅarèki, wardi bantĕriŋ kaŋ ranu, iŋ tahun surya pinaṭok.

16. lami saptatus tahun, dé tahun lèk saptatus salikur, iŋ sajroniŋ jaman iku tanaḥ jawi, akèḥ udan dĕṛĕs tĕruḥ, kalawan maṅsa tan jumboḥ.

17. ṇḍatĕṅkĕn bañjir aguŋ, kaŋ baṅawan ṅaliḥ ilinipun, taṇḍa dadya suda barkatiŋ kaŋ bhumi, adadira andĕdaṅu, kabĕgjané sakèhiŋ woŋ.

18. kĕḍik panrimanipun, awit déné manuṅsa sawĕguŋ, paṅgilutiŋ kawruḥ tumĕkaniŋ pati, ṅugĕmi iŋ kawruhipun, pribadi minaṅka waton.

19. jaman guŋ katri mahu, iŋ sajaman kapétaŋ pipitu, iṅaranan sapta maṅgala winardi, dadya jaman alit pitu, baḥ osik kaŋ wus ḍumawoḥ.

20. jroniŋ pulo jawèku, iŋ sajaman apan étaṅipun, pan ginarba tahun surya sadayèki, kuraŋ luwiḥ ñatus tahun, gumantiniŋ kaŋ lalakon.

21. sajroniŋ satus tahun, paḍa nĕluŋ rambahan puniku, dèn wastani maṅsakala tĕgĕsnèki, wasta jaman ṅayaḥ ṅayuḥ, sarambahaniŋ lalakon.

22. tigaṅdasa tri tahun, utawi tridasa catur tahun, maṅkonèku pamaṅkatira saŋ aji, jayabaya ĕṅgènnipun, mratélakaké lalakon.

23. jalma sahisinipun, tanaḥ jawi iṅkaŋ uwus uwus, kalampahan kacrita iŋ ṅuni uni, atanapi iṅkaŋ duruŋ, kawĕḍar sampun pinaṭok.

24. iŋ maṅkya kaŋ winuwus, jroniŋ jaman kaliswara wahu, pan kapéraŋ dadi jaman pitu cilik, laḥ iki pratélanipun, sajroniŋ jaman sawiyos.

25. déné iṅkaŋ rumuhun, ranniŋ jaman kalakukilèku, wardi jaman pĕkṣi wahananirèki, jalma paḍa tiŋ biluluŋ, kadi pĕkṣi ṅupayaṅgon.

26. kaŋ kadwi arannipun, jaman kalabuddha wardinipun, jaman nuṅkul paḍa kaananirèki, kèḥ jalma nuṅkul manuṅku, mriŋ panĕmbahiŋ hyaŋ manon.

27. kapiŋ tri arannipun, jaman kalabrawa wardinipun, jaman murub déné wahananirèki, kèḥ jalma murka mbĕrgunduŋ, tan ana panrimèŋ batos.

28. ranniŋ kaŋ kapiŋ catur, jaman kalatirta tĕgĕsipun, jaman toya déné wahananirèki, apan akèḥ udan aguŋ, bañjir lir samodra ĕrob.

29. piŋ gaṅsal wastanipun, jaman kaladwabara liripun, jaman élok muṅguḥ wahananirèki, sajroniŋ jaman puniku, akèḥ kah‍élokan yĕktos.

30. kapiŋ nĕm wastanipun, jaman kalaswabawa puniku, wardi jaman ramé wahananirèki, saguṅiŋ bhumi satuhu, akèḥ praméyan gumaloŋ.

31. iṅkaŋ kapiŋ saptèku, jaman kalapurwa wardinipun, apan jaman wiwitan wahananèki, iŋ bhumi bhumi sawĕguŋ, akaṭaḥ iṅkaŋ tumuwoḥ.

32. gantya iṅkaŋ winuwus, jroniŋ jaman kaliyoga iku, apan uga kapéraŋ pitu dumadi, jaman cilik arannipun, laḥ iki babariŋ criyos.

33. déné iṅkaŋ rumuhun, jaman kalabrata wardinipun, jaman laku muṅguḥ kaananirèki, kèḥ manuṅsa amanuṅku, ulaḥ nastapa mriḥ kahot.

34. kapiṇḍo arannipun, jaman kaladupara puniku, wardi jaman kori wahananirèki, akèḥ manuṅsa pikantuk, wawĕṅan sakiŋ hyaŋ manon.

35. kaŋ kapiŋ tri puniku, jaman kaladwapara satuhu, wardi jaman mokal wahananirèki, akèḥ kalakon linaṅkuŋ, ṅlĕṅkara mbarojol waton.

36. nahan kaŋ kapiŋ catur, ranniŋ jaman kalapranitèku, wardinira jaman sĕtya wahananiŋ, kèḥ jalma tumĕnĕn tuhu, iŋ pambudi nora jédok.

37. piŋ lima arannipun, jaman kalatĕtĕka punika, wardi jaman tigas wahananirèki, akèḥ jalma mañca rawuḥ, iṅkaŋ sakiŋ liyan pulo.

38. kapiŋ nĕm arannipun, jaman kalawisésa puniku, wardi jaman wĕnaŋ wahananirèki, kèḥ jalma katrap iŋ kukum, jumĕnĕŋ wawĕnaŋ katoŋ.

39. kapiŋ sapta rannipun, jaman kalawisaya satuhu, wardi jaman sikara wahananèki, akèḥ jalma iṅkaŋ laku, pitĕnaḥ samèŋ tumuwoḥ.

40. gumantya kaŋ cinatur, jroniŋ jaman kalisaṅarèku, pan pinéraŋ dadya jaman sapta alit, laḥ iki pratélanipun, iŋ sajaman cinariyos.

41. kaŋ ḍihin arannipun, jaman kalajaṅga wardinipun, jaman sĕkar gaḍuŋ wahananirèki, akaṭaḥ jalma linuhuŋ, olaḥ kaluwihan kahot.

42. kapiṇḍo arannipun, jaman kalasĕkti wardinipun, jaman tuhu kawasa kaananèki, kèḥ jalma ulaḥ pinuñjul, kasantikan kaŋ katoṅton.

43. katĕlu arannipun, jaman kalajaya wardinipun, jaman uṅgul wahananiŋ sakèḥ jalmi, olaḥ karosan sawĕguŋ, amriḥ kuwatiŋ dumados.

44. kapiŋ pat arannipun, jaman kalabĕndu wardinipun, èstu jaman babĕndu wahananèki, kèḥ jalma sulayèŋ ṛĕmbug, dumadya praŋ lahir batos.

45. piŋ lima arannipun, jaman kalasuba tĕgĕsipun, jaman suka wahananira kèḥ jalmi, antuk kabuṅahan èstu, ṛĕna ḷĕjar sakèhiŋ woŋ.

46. kapiŋ nĕm arannipun, jaman kalasumbaga puniku, wardi jaman misuwur wahananèki, kèḥ jalma gawé misuwur, mriḥ kasusra iŋ lalakon.

47. kasapta arannipun, jaman kalasurata rannipun, wardi jaman alus wahananirèki, akèḥ jalma sabiyantu, iŋ budiniŋ karahayon.

48. hèḥ jĕbèŋ uwus putus, wĕḍariŋ kaŋ jaṅka jaman mahu, karṣaniŋ hyaŋ śri jayabaya kaḍiri, tinambahan iŋ paṅawruḥ, mawujud dadi pasĕmon.

49. roñcènné tan sunwuwus, iŋ pasĕmon amuŋ dunuṅipun, ana jaman tataniŋ karaton jawi, pituŋ rambahan pinocuŋ, ḍéwé ḍéwé kaŋ lalakon.