sĕrat cĕṇṭini #4

sĕrat cĕṇṭini 4

1. ki sali iŋ lawéyan ṅlajĕṅakĕn katraṅan bab jaṅka jayabaya, wiwit jaman kalawisésa iŋ jaman pajajaran dumugi jumĕnĕṅipun turun sultan érusakra iŋ ṅamartalaya ṅantos dumuginipun kiyamatkobra.

257. pocuŋ

1. pituŋ kraton pajajaran awitipun, praptèŋ akir jaman, naṅiŋ kaŋ nĕnĕm nagari, lawan iṅkaŋ jumĕnĕŋ śri naraswara.

2. ḍèḍèḥ sirik lamun kawĕḍariŋ wuwus, kalawan sumadya, dadya moñcèriŋ pambudi, yèn wus ḍahup narima takdiriŋ sukṣma.

3. tĕmaḥ datan wahonan nanacad guṅguŋ, mriŋ samèŋ tumitaḥ, miwaḥ jantraniŋ nagari, tyas priyawak kaŋ éliŋ lawan waṣpada.

4. jroniŋ jaman kalawisésa puniku, apan ana jaman, dèn arani andĕrpati, nagrinira iṅaranan pajajaran.

5. tanpa adil sĕpĕn udanagarèku, woŋ cilik wadal mas, sirṇaniŋ karaton awit, lalawanan lawan kadaŋnya priyaṅga.

6. ĕndi iṅkaŋ rosa andadra daluruŋ, ṅgènniŋ maṅuñuda, muŋ iŋ daḷĕm satus warṣi, rusakiŋ kaŋ karaton ṅaliḥ nagara.

7. kaŋ kapiṇḍo araniŋ jaman winuwus, iŋ śri kalaraja, patiḥ déwaraja nĕṅgiḥ, isiḥ anèŋ jro jaman kalawisésa.

8. awit ana udanagara lumaku, woŋ cilik wadalnya, arupa salaka putiḥ, laminira muŋ iŋ daḷĕm satus warṣa.

9. amuṅkasi agama buddha puniku, sirṇaniŋ agama, jalaran saka iŋ nagri, lalawanan lawan putranya priyaṅga.

10. kapiŋ tĕlu nèŋ sajroniŋ jamanipun, kala awisaya, aran jaman adiyati, awit ana kukum adil udapraja.

11. sumĕbariŋ agama islam linuhuŋ, myaŋ nagara krama, déné wadalé woŋ cilik, amaligi bahu lawan sukunira.

12. sirṇaniŋ kaŋ karaton jalaranipun, lawan lalawanan, pitadosiŋ śri bhupati, iṅkaŋ pinarcaya ṅgaḍuḥ pĕṅadilan.

13. kapiŋ catur ana iŋ sajĕronipun, jaman kalajaṅga, iku lakuniŋ nagari, awit ana pirukuné kaŋ prakara.

14. wadaliŋ woŋ cilik sarupanipun, pawĕdaliŋ désa, sirṇaniŋ karaton margi, wawan wawan lawan iṅkaŋ putra aṅkat.

15. iṅkaŋ kapiŋ lima ana sajronipun, kalasakti jaman, awit mranata agami, lawan awit pranataniŋ wiryèŋ praja.

16. wawadaliŋ woŋ cilik pan tinartamtu, saréyal salaka, tan antara laminèki, ana pĕraŋ gawé oṛĕgiŋ nagara.

17. tinuluṅan naṅkoda kulitnya piṅul, prakosèŋ ranaṅga, sugiḥ rajabrana pranti, laḥ iŋ kono ḷĕṛĕpiŋ muṅsuḥ sadaya.

18. sirṇaniŋ kaŋ karaton jalaranipun, wawan wawan lawan, risaŋ rajaputra naṅiŋ, asakuṭu wusana dumadya mĕṅsaḥ.

19. piŋ nĕm jroniŋ jaman kalajaya iku, ana jamaniŋ saŋ, kuṭila aṅkara budi, wahananiŋ woŋ cilik paḍa ṅgaraṅsaŋ.

20. piṇḍa muñuk amarga iŋ waktu iku, baṅĕt laraŋ paṅan, déné wadalé woŋ cilik, mĕtu réyal uwaŋ salaka tĕmbaga.

21. iŋ antara dahat tan lami karatun, kasuṇḍaŋ iŋ rowaŋ, tĕgĕsé kaŋ madĕg aji, ginantènan paḍa sanaké priyaṅga.

22. tan antara kawit tibaniŋ bĕbĕndu, kèḥ jalma kasrakat, ilaŋ baṛĕkatiŋ bhumi, akèḥ jalma kaŋ wisma marga papasar.

23. sirṇaniŋ kaŋ karaton jalaranipun, wawan wawan lawan, baṅsa sabraŋ kulit kuniŋ, mawa srana tutuṅgul turun naréndra.

24. kapiŋ pitu jroniŋ jaman kalabĕndu, ana jamanira, iṅaran ratu hartati, wardinipun sarupaniŋ kaŋ manuṅsa.

25. kaŋ kah‍èṣṭi tan lyan arta sadayèku, kono ananira, kraton kĕmbar tanaḥ jawi, wawadalé woŋ cilik mawarṇa warṇa.

26. ana mĕtu waŋ slaka tĕmbaga santun, iŋ ṅantara maṅsa, muṇḍak pajĕgé woŋ cilik, warṇa paṅan pitik iwèn rajakaya.

27. karananya saya lawas saya maju, musibatiŋ praja, tĕmaḥ nir adiliŋ aji, darunanya woṅé cilik pada jawal.

28. woŋ aguṅé paḍa jahil kuraŋ tutur, marma ñjĕŋ pamasa, tanpa paramartèŋ dasiḥ, déné datan ana wahyu kaŋ sañata.

29. kèḥ wahyuniŋ éblislanat kaŋ tumurun, apṅaliŋ kaŋ jalma, dumrunuḥ salin sumalin, woŋ wadon kèḥ kaŋ sirṇa wiwiraṅira.

30. tanpa kaṅĕn mriŋ mitra sanak sadulur, tanna warta ñata, akèḥ woŋ mlarat mawarṇi, daya déyé kalamun tyasé nalaṅsa.

31. krĕp papraṅan sujana kapontit nurut, durjana durṣila, sayarda ndadra andadi, akèḥ maliŋ malandaŋ maraŋ iŋ marga.

32. baṇḍol tulus mĕṇḍosol rinamu puguḥ, krĕp grahana surya, kalawan grahana sasi, jawaḥ awu liṇḍu gĕlap clèrèt warṣa.

33. prahara guŋ salaḥ maṅsa drĕsiŋ surur, aguŋ praŋ rusuhan, muṅsuhé boya katawis, taṅèḥ lamun sĕnĕŋ tĕntrĕmiŋ wardaya.

34. dalajadiŋ praja kawuryan wus suwuŋ, ḷĕbur paṅrèḥ tata, karana tanpa palupi, pan wus tilar silastuti titi tata.

35. pra sujana sarjana satĕmaḥ kèlu, klulun kalatiḍa, tiḍĕm taṇḍaniŋ dumadi, hardayèṅrat déniŋ karoban rubéda.

36. sitipati naréprabhu utamèstu, papatiḥ niṇḍita, pra nayaka tyas basuki, panĕkaré bĕcik bĕcik cakrak cakrak.

37. ṅiŋ tan dadya paliyasiŋ kalabĕndu, mandar saṅkin ndadra, rubéda aṅrurubĕdi, béda béda hardaniŋ woŋ sanagara.

38. katataṅi taṅisiŋ mardawa lagu, kwiḷĕt tyas duhkita, kataman riŋ rèḥ wiraṅi, déniŋ aṅupaya sandi sumaruna.

39. anarawuŋ maṅimur sanubarèku, mèñcèŋ paṅupaya, iŋ pamriḥ mélik pakoliḥ, tĕmaḥ suha iŋ karṣa tanpa wiwéka.

40. iŋ paniti sastra wawaraḥ suŋ pémut, iŋ jaman musibat, woŋ ambĕg jatmika kontit, kaŋ maṅkono yèn nitèni lalampahan.

41. nawuŋ kriḍa kaŋ mĕnaṅi jaman gĕmbluŋ, iya jaman édan, éwuḥ aya iŋ pambudi, yèn mèluwa édan yĕkti nora tahan.

42. yèn tan mèlu aṅlakoni wus tartamtu, boya kadumanan, mélik kalliŋ doña iki, satĕmahé kaliṛĕn wĕkasanira.

43. wus dilalaḥ karṣané kaŋ amoŋ tuwuḥ, kaŋ lali kabĕgjan, anaṅiŋ sayĕktinèki, luwiḥ bĕgja kaŋ éliŋ lawan waṣpada.

44. wĕktu iku wus paṛĕk wĕkasanipun, jaman kaladuka, sirṇaniŋ ratu amargi, wawan wawan kalawan mémaronira.

45. ya ta wahu kaŋ samya miyarṣa tutur, ṅĕṛĕs iŋ wardaya, maloṅo gorokan salit, maṇṭuk maṇṭuk tanapi goyaŋ mastaka.

46. mas cĕbolaŋ sĕṛĕt ririḥ aturipun, jaman ṅudubilaḥ, punapa sampun muṅkasi, punapiṅgiḥ takṣiḥ wontĕn maliḥ jaman.

47. ki sali ṅliŋ jĕbèŋ iṅkaŋ iku dudu, puṅkasaniŋ jaman, isiḥ ana jaman maniŋ, iṅkaŋ ora dadi girisiŋ wardaya.

258. girisa

1. saka marmaniŋ hyaŋ sukṣma, jaman kalabĕndu sirṇa, sinalinan jamanira, mulyaniŋ ñjĕnĕṅan nata, iŋ kono raharjanira, karaton iŋ tanaḥ jawa, mamalaniŋ bhumi sirṇa, siṛĕp dur aṅkaramurka.

2. marga sinapiḥ rawuḥnya, nata ginahib sañata, wiji wijiliŋ utama, iṅaranan naranata, kaŋ kapisan karananya, adĕgé tanpa sarana, ṅadam makdumiŋ srinata, sonya ruri kaḍatonnya.

3. liré sĕpi tanpa srana, ora ana kara kara, duk makṣiḥ kinĕkĕr sukma, kasampar kasaṇḍuŋ rata, kèḥ woŋ katambĕhan ika, karṣaniŋ sukṣma kinarya, bhuwana salin alamnya, jumĕnĕŋ śri pinaṇḍita.

4. luwiḥ adil paramarta, lumuḥ mariŋ brana arta, nama sultan èrucakra, tanpa saṅkan rawuhira, tan ṅadu bala manuṅsa, muŋ sirrolaḥ prajuritnya, tuṅguliŋ ḍikir kéwala, muṅsuḥ ṛĕṛĕp siṛĕp sirṇa.

5. tumpĕs tapis tan na maṅga, krana pañjĕnĕṅan nata, amriḥ kartaniŋ nagara, harjaniŋ jagat sadaya, ḍaharé jroniŋ sawarṣa, dèn waṅĕni kaṭahira, pituṅèwu réyal ika, tan karṣa lamun luwiha.

6. bhumi sakjuŋ pajĕgira, amuŋ sadinar sawarṣa, sawaḥ sèwu pamĕtunya, suwaŋ iŋ daḷĕm sadina, wus ṛĕsik nir apa apa, marmané woŋ cilik samya, ayĕm énaké tyasira, déné muraḥ saṇḍaŋ tĕḍa.

7. tan na durṣila durjana, paḍa martobat nalaṅsa, wĕdi wilalatiŋ nata, adil asiḥ paramarta, bhumi pĕṭik akukuṭa, paṛĕk lan kali kataṅga, iŋ sajroniŋ bubak wana, pañjĕnĕṅaniŋ saŋ nata.

8. muŋ turun kapiṇḍo nulya, tri mariŋ bhumi kataṅga, kacĕpit iŋ karaṅbaya, tumĕka iŋ putra sirṇa, lawan nĕpsuné priyaṅga, gya na kaŋ maṇḍirèŋ nata, iŋ warṇa nora kuciwa, asmarakiṅkin parabnya.

9. luwiḥ bagus warṇanira, dadya kiduṅaniŋ wadya, iŋ kaḍiri kuṭanira, turun tĕlu ṅaliḥ praja, ana iŋ nagri mandura, nora lawas bañjur sirṇa, déné kaŋ dadya daruna, wawan lawan kakasiḥnya.

10. gya na pañjĕnĕṅan nata, tri tuṅgal paḍa jamannya, kaŋ sawiji akukuṭa, bhumi kapanasan ika, dwi gĕgĕlaŋ kuṭanira, tri tĕmbĕlaŋ kuṭanira, duk antuk tridasa warṣa, sulaya sirṇa sadaya.

11. iŋ kono bañjur tan ana, pañjĕnĕṅan naranata, pra bopati maṅka raja, paḍa aṅratu priyaṅga, wit tan nana kaŋ sinéwa, iŋ antara tahun nulya, ana ratu sabraŋ saka, nuṅswa srĕṅgi prajanira.

12. jumĕnĕŋ śri tanaḥ jawa, kukuṭa nèŋ lorwétannya, girindra nama ndrĕkila, suku wukir candramuka, iŋ antara tahun nulya, ana wira sakiŋ praja, iŋ rum ṅlurugi saŋ nata, nuṅsa srĕṅgi kaŋ ṅajawa.

13. saŋ nata kasoran yuda, sirṇa sawadyabalanya, iŋ kono saŋ jayèṅrana, wira iŋ rum karya nata, tĕraḥ sultan èrucakra, muṅguḥ dèn nira kukuṭa, ana tanaḥ sawétannya, iŋ kali opak sañata.

14. linuwiḥ arjaniŋ praja, aran iŋ ṅamartalaya, turun tĕlu ḍumawuḥnya, iŋ ari kiyamat kobra, umuré kaŋ tanaḥ jawa, kalihèwu satus warṣa, étaŋ sakiŋ tahun surya, walahuwalam wus purṇa.

15. cĕbolaŋ ḷĕga iŋ nala, manĕmbaḥ alon turira, ḷĕpata iŋ ila ila, kamipurun tan wrin krama, wit sampun sĕbĕl grahita, muhuŋ samaṅké kéwala, kaḷĕbĕt jaman punapa, ki sali mèsĕm liṅira.

16. saka paṅira manira, jaman iki bokmanawa, apan kalari tumĕka, jaman kalasakti nama, isiḥ duruŋ paja paja, tumĕkané jaman glura, uwis saméné kéwala, ora arus yèn dinawa.

17. ki antyanta mèsĕm liŋnya, basa yayi acarita, ulun kèṅĕtan sakala, kadis paṅandikanira, ñjĕŋ nabi dinil mustapa, iŋ ari kiyamat kobra, bésuk manawa wus ana, kaŋ ṅalamat caturdasa.

18. ki sali matur sumaṅga, prayogi kawĕḍaṛĕna, iŋ maṅké sami rinasa, ḍahupé kalawan jaṅka, mas cĕbolaŋ duk miyarṣa, suka amarwatasuta, matur amaṅayu bagya, lir mastumimbuliŋ toya.

259. maskumambaŋ

1. iṅkaŋ paṅandika ñjĕŋ nabi sinĕlir, mriŋ para sahabat, kawruhana dèn atiti, tĕkaniŋ dina kiyamat.

2. tĕmbé lamun wus ana ṅalamat kèkṣi, pataṅpuluḥ ṅlamat, wijaṅé sawiji wiji, laḥ iki ta kawruhana.

2. kasambĕt katraṅanipun ki atyanta bab kiyamatkobra miturut hadis kaṇṭi prataṇḍa ṅalamat warṇi 40 .

3. iṅkaŋ ḍiṅin akèḥ masigit gĕŋ alit, pan paḍa kinarya, bicara sakèḥ prakawis, duña nèŋ jro maśjid ika.

4. kaŋ kapiṇḍo akèḥ ṅulama woŋ ṅalim, karoné tan ana, nĕtĕpi ṅalimirèki, myaŋ nĕtĕpi ṅulamanya.

5. kapiŋ tĕlu akèḥ woŋ tiṅgal salati, lan akèḥ manuṅsa, paḍa ṅgĕgampaŋ ṅabĕkti, wĕktuniŋ salat sĕmbahyaŋ.

6. kapiŋ catur akèḥ woŋ kaŋ tan ṅlakoni, jakat sakadarṇya, awit pañananiŋ ati, nora kĕna iŋ patrapan.

7. kapiŋ lima maṛĕṅi ramĕlan sasi, kèḥ woŋ tan puwasa, tur ṅèḍèŋ dèn nira bukti, nora wĕdi nora wiraŋ.

8. kapiŋ nĕmmé akèḥ woŋ kaŋ tiṅgal mariŋ, kabĕcikan lawan, akèḥ woŋ kaŋ aṅlakoni, mariŋ pakaryan piala.

9. kapiŋ pitu akèḥ woŋ paḍa ṅrasani, iŋ alaniŋ liyan, sabĕn kumpulan kawijil, binabar aṅaṇḍar aṇḍar.

10. kapiŋ wolu akèḥ woŋ kaŋ paḍa wani, ṅĕdĕgakĕn wisma, utawi sasaminèki, dumunuŋ anèŋ kuburan.

11. kapiŋ saṅa akèḥ woŋ jalu ñrupani, iŋ woŋ wadon ika, ṅaṅgé mas slaka sutra di, wadoné ñrupani priya.

12. piŋ sapuluḥ akèḥ woŋ ṅilaṅkĕn mariŋ, katrisnaniŋ sanak, lan kèḥ woŋ ṅlarakkĕn ati, mriŋ sasama aṅganira.

13. piŋ sawĕlas kèḥ woŋ ujubriya kibir, iŋ ṅibadahira, lali yèn nĕtĕpi wajib, tĕṅaḥ tĕkabur sumĕṅaḥ.

14. kapiŋ rolas kèḥ woŋ paḍa pasèk yĕkti, amahido maraŋ, paréntahiŋ sarak nabi, ṅaku woŋ adil ndĕladag.

15. piŋ tĕlulas kèḥ sakṣi goroḥ ñuṅkĕmi, lawan akèḥ jalma, tĕmĕn tĕmĕn aṅrawruhi, naṅiŋ ṅaku tan uniṅa.

16. piŋ patbĕlas kèḥ woŋ saṭiṭik kaŋ yĕkti, akèḥ doranira, lawan kaduga ṅruṅkĕbi, supata agogorohan.

17. piŋ limalas kèḥ woŋ tan mulyakkĕn maraŋ, iŋ bapa biyuŋnya, lan jalma kèḥ datan apti, sisinahu maca kur'an.

18. iṅkaŋ akèḥ bĕbéṅkrakan sukak ati, sinahu siṇḍènan, nĕmbaŋ lagu warṇi warṇi, iŋ sawañci wañcinira.

19. piŋ nĕmbĕlas akèḥ woŋ jalu manut riŋ, iŋ wadonné ika, lawan wadon boya bĕkti, iya maraŋ priyanira.

20. piŋ pitulas kèḥ woŋ sugiḥ nora adil, sĕṅit mriŋ woŋ mlarat, gĕṭiŋ maraŋ pĕkir miṣkin, kukum malaḥ ṅalap opaḥ.

21. piŋ wolulas akèḥ ratu iṅkaŋ lalim, tékadiŋ tyas sasar, muṇḍut duwèkiŋ woŋ cilik, taṅèḥ darbéya tyas harja.

22. piŋ saṅalas akèḥ woŋ mulyakkĕn mriŋ, woŋ pasèk jalaran, sakiŋ baṅĕt ṅgonné wĕdi, taha lamun mulyakĕna.

23. mriŋ woŋ luhuŋ mriŋ satuhu tuhu ṅadil, lan mriŋ pra ṅulama, para salèḥ para ṅalim, tĕka tyasé kuraŋ ṛĕna.

24. piŋ roṅpuluḥ akèḥ woŋ kaŋ tan ṅrĕkṣa mriŋ, titipaniŋ liyan, malaḥ malaḥ kumawani, doracara gawé cidra.

25. piŋ salikur akèḥ woŋ kaŋ paḍa bukti, iŋ rabiniŋ liyan, ṅèḍèŋ nora wigaḥ wigiḥ, nir iŋ liṅsĕm nora ñamar.

26. piŋ rolikur kèḥ jalma matèni jalmi, tur kinaniaya, sarta akèḥ woŋ ṅlakoni, nênuŋ tinĕnuṅan maṅga.

27. piŋ trilikur akèḥ woŋ kaŋ aṅlakoni, paḍa ṅombé arak, sasaminé kaŋ ṅĕndĕmi, kaŋ pañcèn kudu cinĕgaḥ.

28. piŋ patlikur akèḥ woŋ paḍa ṅlakoni, iŋ paṅgawé ala, tan wiraŋ samèŋ dumadi, lan tan wĕdi mariŋ allaḥ.

29. piŋ salawé akèḥ woŋ ṅalap artaniŋ, anak yatin ika, myaŋ artané pĕkir miṣkin, tanpa wĕlas tan ririṅa.

30. piŋ nĕmlikur akèḥ woŋ kaŋ aṅlakoni, sabaraŋ pakaryan, kaŋ ala sakalir kalir, nora was was nora waŋ waŋ.

31. pitulikur akèḥ laré saduruṅiŋ, ṅumur kalihdasa, warṣa wus anaṇḍaŋ sami, ḍawuk maḷĕtuk wannira.

32. kapiŋ wolulikur akèḥ woŋ andaliḥ, jina mariŋ jalma, iṅkaŋ aṅlakoni bĕcik, tinĕtĕpkĕn lamun jina.

33. kapiŋ saṅalikur akèḥ woŋ ṅlakoni, jina jinajarak, lan woŋ maraŋ ḍĕmĕn mariŋ, paḍa lanaŋ asahuwat.

34. piŋ tridasa akèḥ woŋ mĕrḍukun mariŋ, woŋ ahli pétuṅan, ṅaṅgo tambané woŋ kapir, kèḥ woŋ manut maraŋ sétan.

35. kaŋ kapiŋ tridasa sawiji saṭiṭik, woŋ asiḥ sinihan, lan akèḥ jalma ṅlakoni, sasatron samèŋ tumitaḥ.

36. tridasa dwi akèḥ ḍumawahiŋ riris, ñulayani maṅsa, katiga lir ṛĕṇḍĕŋ nriwis, ṛĕṇḍĕṅé kadya katiga.

37. piŋ tridasa tri kèḥ jalma tan gumati, mulyakakĕn kur'an, malaḥ punika kinardi, kasab aṅupaya bhoga.

38. kapiŋ katridasa catur amaṛĕṅi, taṅgal ramĕlannya, ḍumawaḥ jumuwaḥ ari, riyadi uga jumuwaḥ.

39. kapiŋ katridasa pañca akèḥ jalmi, ayu bagus muḍa, ora wiraŋ aṅlakoni, mriŋ pakaryan ala niṣṭa.

40. kapiŋ katridasa sad saṅsaya luwiḥ, atambaḥ matambaḥ, paṅgawéyan tan prayogi, durmala makṣiyat ṅrĕda.

260. durma

1. ana ratu saka nagara ṅajĕraḥ, śri ashab awawaṅi, laṅkuŋ lacutira, tumuli ana raja, saka yahman tuhu kapir, kahani nama, santosa guŋ ṅlaṅkuṅi.

2. ṅĕṇḍiḥ maraŋ jalma kèḥ tur ṅaniaya, tumuli ana aji, juhèmi kyatiṅrat, saka damsik nagara, tumuli ana narpati, nama malṅuna, ibnu ṅisiaḥ nĕṅgiḥ.

3. rahi ciyut miriŋ dawa iruṅira, atas suwaranèki, nétra iṅkaŋ kanan, pĕcaḥ ṛĕmĕk lir wuta, klakuhan piṇḍa tètèki, lawan danarta, maraŋ sakèhiŋ jalmi.

4. dadya paḍa suyud mandar darbé cipta, jalma pĕkir myaŋ miṣkin, lan para ṅulama, iku mal srinata, bĕcik bĕcikiŋ narpati, antara lama, raja malṅun ṅĕmasi.

5. gya na ratu paparab malṅun ṅasiyaḥ, nora darbé agami, nora darbé wiraŋ, matèni pra ṅulama, lan matèni woŋ tètèki, uga aṅrusak, mriŋ agama islami.

6. śri naréndra malṅun ṅasiyaḥ anulya, ṅlurug mariŋ nagari, ṅĕrum lawan ṅĕsam, aṅambaḥ nagri ṅérag, kalawan nagri karṣani, nagri rum iṅkaŋ, jumĕnĕŋ narapati.

7. prabhu kapti tumaṅgap magut ṅayuda, kasoran aṅĕmasi, nulya kaŋ kuwasa, pariŋ babĕndu maraŋ, raja malṅun sawadyèki, sirṇa sakala, woŋ islam samya lahir.

8. kaŋ kapiŋ tridasa nawa ana raja, śri karamès wawaṅi, wuwuda kéwala, amuŋ rarahinira, iṅkaŋ ṅaṅgo dèn tutupi, ṅĕṇḍiḥ prajaslam, woŋ islam pinisakit.

9. naṅiŋ niṅkaḥ śri karamès mriŋ woŋ islam, woŋ islam aṅgarbini, binĕkta mriŋ ṅarga, binĕḍèl pinatènan, yèn si jabaṅbayi urip, iku wiwitnya, kabuṅahan ḷĕstari.

10. yèn palastra iṅsun awit karusakan, binĕḍèl woŋ ṅgarbini, jabaŋ bayi mĕdal, urip sakbabunira, waktu iku sakèḥ jalmi, islam kumpulan, ṅuṅsi mriŋ kumpaḥ nagri.

11. kaŋ jumĕnĕŋ natèṅslam prabhu kès nama, ki ṅabas kaŋ sisiwi, praptanirèŋ kumpaḥ, saguŋ woŋ gama islam, tinampèn maraŋ saŋ ṅaji, tandya samĕkta, arṣa ṅrabasèŋ kapir.

12. śri karamès myarṣa arṣa linurugan, tandya utusan aglis, prajurit kaṭaḥnya, tridasa èwu ika, iŋ marga datan winarṇi, prapta iŋ kumpaḥ, woŋ islam anaḍahi.

13. campuhiŋ praŋ woŋ islam karoban mĕṅsaḥ, yudanira kaliṇḍiḥ, lumayu sarṣaran, wadya karamès mulat, lamun muṅsuhira picis, anulya buḍal, mariŋ madinaḥ nagri.

14. arṣa ṅrusak astanané mriŋ madinaḥ, śri kès sawadyanèki, sisané kaŋ pĕjaḥ, saṅĕt prihatin dahat, munajat mariŋ hyaŋ widdhi, kasirṇakĕna, sakaṭahiŋ prajurit.

15. iṅkaŋ arṣa ṅrabasèŋ makam madinaḥ, kamurahaniŋ widdhi, wadya kramès sirṇa, cinakot iŋ bantala, amuŋ kari woŋ kakaliḥ, kaŋ nora pĕjaḥ, supaya tur udani.

16. mriŋ ratuné tan cinatur lampahira, maṅkana tan winarṇi, prabhu kès duk myarṣa, sirṇané mĕṅsahira, suka amarwata siwi, asru ndodoṅa, suka sihiŋ hyaŋ widdhi.

17. ṅlamat iṅkaŋ kapiŋ kwandasa puṅkasan, yèku jumĕnĕṅnèki, ratu kaŋ minulya, śri imam mahdi tama, kalamun anuju sasi, ramĕlan ana, grahana kapiŋ katri.

18. piŋ tĕlulas patbĕlas myaŋ gaṅsalwĕlas, tumĕḍak imam mahdi, anèŋ antaranya, rukun kalawan makam, ibrahim mĕkaḥ nagari, yuswané lagya, sakawandasa warṣi.

19. iṅkaŋ dadya paṅaṛĕpiŋ wadyabala, malékat jabarahil, déné pamburinya, malékat miṅkahilla, jumĕnĕṅé imam mahdi, lir hyaŋ suléman, kadi dulkarṇah‍èni.

20. wus samono bah‍é kacĕkap kinarya, aṅlimbaŋ jaṅka nagri, supayané paḍa, ṅĕguṅkĕn panarima, rèhné wus kasĕbut kadis, kalawan jaṅka, kaŋ paḍa amĕnaṅi.

21. ḍumawahiŋ jaman iŋ sajamanira, yèn waṣpada lan éliŋ, kaŋ samya miyarṣa, samya mbuṅkuk sadaya, ki antyanta aṅliŋ maliḥ, wis wis prayoga, carita liyanèki.

22. iṅkaŋ kĕna kinarya tĕpa tulaḍa, rèhniŋ winĕṅku aji, bawaniŋ bhawana, jumĕnĕŋ ṅèkṣiganda, ratuniŋ woŋ tanaḥ jawi, kalipatolaḥ, bĕcik ṅupaya tampiŋ.

23. iŋ paṅaṅgĕp wĕdi sihé saŋ nata, rikala lawan sayid, markaban mardika, jroniŋ mĕsir nagara, cĕbolaŋ matur wotsari, iṅkaŋ punika, èstu laṅkuŋ prayogi.

24. iṅkaŋ mugi mugi kapaṛĕŋ mĕḍarṇa, cariyosiŋ utami, kaŋ tumrap korasan, antyanta locitèŋ tyas, ñata luwiḥ bocaḥ iki, wus kawistara, iŋ sĕmu amumpuni.

25. solahbawa ḍèmĕs luwĕs mĕrakati, wèḥ ṛĕsĕpiŋ sasami, mèsĕm lon ṅandika, hèḥ jĕbèŋ pamintanta, caritaniŋ jalma luwiḥ, sayid markaban, satuhu mawèḥ kiṅkin.

261. asmaradana

1. bubuka nagari mĕsir, iṅkaŋ jumĕnĕŋ naréndra, saŋ ṅabdurahman namané, kotamaniŋ narèswara, kalamun dèn ucapna, tĕluŋ bĕṅi boya uwus, cinĕṇḍak iṅkaŋ carita.

3. ki atyanta doṅèṅakĕn lalampahanipun sèḥ markaban iŋ mĕsir iṅkaŋ sĕtya ḍatĕŋ rajanipun minaṅka tĕpa tulaḍa, ṅalami cobi mawarṇi warṇi, naṅiŋ tĕtĕp sĕtya tuhu, wĕkasan kadodosakĕn patiḥ.

2. śri ṅabdurahman iŋ mĕsir, ṅluluri caritotama, sabĕn ratri saŋ akatoŋ, naḷĕṅsĕŋ wismaniŋ wadya, amriḥ ayuniŋ bala, nahĕn wontĕn kaŋ winuwus, makluk pardikaniŋ sukṣma.

3. sayid markaban winarṇi, ṅanèḥ anèhi kaŋ tindak, bèrbudi ñuda rundahé, kaŋ harda dinadya darwa, kaharjan kaŋ jinaṅkaḥ, pakaryané adol kayu, sinuṅan kahot karosan.

4. sabaraŋ kaŋ dipuñcaṅkiŋ, sami lawan woŋ sadasa, sabĕn sadina dinané, mikul gloṇḍoŋ klar tri gaṅsal, sinadé saadĕgan, gaṅsal dukat pajĕṅipun, kaliḥ dukat dadya nipkaḥ.

5. tri dukat pinèt pribadi, dèn ṅgo tutuku mriŋ pasar, ṅundaŋ undaŋ pakaryané, woŋ sapuluḥ woŋ limalas, prapta dèn ajak maṅan, wusiŋ maṅan gya ñaḷĕmpuŋ, mĕñañi lawan jogédan.

6. surak surak sabĕn ratri, anuju sayid markaban, katarbuka rahayuné, ĕbèré kudu andadra, nuju ratri sajuga, prabhu ṅabdurahman nuju, laṅkuŋ ana surak surak.

7. daṅu aṅiñjĕn saŋ aji, tan ana rarasan ala, muŋ buṅaḥ kalawan ñjogèd, saŋ nata mañjiŋ paṇḍapa, sayid markaban wikan, saŋ prabhu sigra rinaṅkul, sinamudana ṅañcaran.

8. dèn ajak satata liṅgiḥ, sayid markaban dĕliŋnya, ḍuḥ woŋ bagus ariniṅṅoŋ, payo aḍi amamaṅan, sira sun arṣa arṣa, iki baṛĕkahiŋ ratu, kaŋ añar lan iṅkaŋ lama.

9. kamurahaniŋ hyaŋ widdhi, saanané dipunpaṅan, lon ṅandika saŋ akatoŋ, kakaŋ apa ana paran, susukan surak surak, sayid markaban sru muwus, iṅsun iki asuŋ hurmat.

10. iya lawan ratumami, kaŋ lawas lawan kaŋ añar, saŋ prabhu ṅabdurahmané, saŋ nata maliḥ ṅandika, kurmatmu piraŋ dina, saṇḍiŋnya luṅguḥ sumahur, aḍi lamun raka ndika.

11. dèn ṅgo samuwaniŋ laṭi, ṅurmati prabhu adĕgnya, sajatiné sabĕn soré, awit kala bocahira, ṛĕmĕn ṅurmati raja, witné duk kala dyan ṅabdul, rahman sayit nata dina.

12. rikalané salaḥ warṇi, dadi ṛĕca rakanira, pan sinĕraŋ sabĕn soré, pinuji iṅgal mulya a, iŋ maṅké wus katĕkan, gusti sayid madĕg ratu, saṅsaya nduduk kinarya.

262. mĕgatruḥ

1. iṅkaŋ miṇḍa warṇa aṅandika arum, sayid markaban sirèki, apa santananiŋ ratu, apa traḥ bhupati mĕsir, apa trahiŋ sulup kono.

2. apa trahiŋ santana saka ñjĕŋ ratu, sayid markaban nahuri, dudu trahiŋ rota ratu, dudu traḥ mantri bhupati, dudu trahiŋ sulup iṅoŋ.

3. sira iku ujug ujug ṅajak padu, akèḥ tĕmĕn kaŋ pinikir, sun iki tĕḍakiŋ pikul, tapi ana bĕsar ati, ampir sama traḥnya katoŋ.

4. béta lahin pamili dari kèsĕr guŋ, saŋ prabhu ṅandika maliḥ, maṅka sira sabĕn dalu, raramèn ṅiṅon iṅoni, apa uṅgyanira ñoloŋ.

5. anahuri sayid markaban satuhu, dudu tĕka ṅgonku maliŋ, barkahé saŋ prabhu ṅabdul, kamurahaniŋ hyaŋ widdhi, ṅandika maliḥ saŋ katoŋ.

6. wus sumurup lamun baṛĕkahiŋ ratu, kamurahaniŋ hyaŋ widdhi, déné sira ṅliṇḍuŋ ṅliṇḍuŋ, ḍuwit golèk tĕka ṅĕndi, añjabané ṅgonmu ñoloŋ.

7. lintaŋ runtik sayid markaban mbasĕṅut, sira iku bhuta tuli, lamun gusti maha aguŋ, aṅgĕlar murahirèki, kabèḥ murahiŋ hyaŋ manon.

8. tanpa nétra gusti allaḥ lamun ndulu, miyarṣa tan lawan kupiŋ, yèn papariŋ nora muluŋ, kabèḥ baṛĕkahiŋ aji, kamurahané hyaŋ manon.

9. iṅkaŋ sinuŋ gusti saŋ aprabhu ṅabdul, sun iki dèn baṛĕkahi, sabĕn éñjiŋ ṅambil kayu, alas kidul iki yayi, saŋ nata ṅuṅun iŋ batos.

10. aṅécani sasarak ḍaharan tumut, anut tumuruniŋ kapti, sigra kondur saŋ aprabhu, ṅgobyak ṛĕkyana apatiḥ, saŋ nata ṅandika alon.

11. bapa ḍawuhĕna sésuk iṅkaŋ ésuk, sĕṅkĕran alas pra sami, tan kĕna woŋ ṅambil kayu, sandika ṛĕkyana patiḥ, saŋ nata kondur ṅaḍaton.

12. kyanapatiḥ éñjiŋ uṇḍaŋnya misuwur, tan kĕna mariŋ wanadri, sayid markaban winuwus, éñjiŋ waduṅé pinuṇḍi, tĕpis iriŋ alas ṅadoḥ.

13. arṣa maduŋ kaŋ darbé ṛĕkṣan tan asuŋ, mijil waduṅé cinaṅkiŋ, jèṅklèk jèṅklèk ṅikal waduŋ, aṅguguk samargi margi, praptèŋ praja buruḥ ṇḍĕplok.

14. rikat ṛĕsik pan antuk opaḥ sapuluḥ, nulya mampir wisma kaji, santriné arṣa cinukur, sawidak kaṭahiŋ santri, kya kaji wĕgaḥ tumonton.

15. gupuḥ sayid markaban tumandaŋ ñukur, roŋ jam sawidak woŋ ṛĕsik, wènèhan opaḥ tripuluḥ, gya mampir jarum kulambi, atrap dulman tur kinahot.

16. muŋ saḍéla kalihdasa épahipun, kataṅguṅan arṣa muliḥ, mampir buruḥ bubut bubut, amalu garénda ṅikir, loṭuŋ olèhé sawiyos.

17. nduṅkap opaḥ sawidak siji kinaṇḍut, gya agya dèn nira muliḥ, maraŋ garwa kaŋ salikur, pataṅpuluḥ dipunkardi, maraŋ pasar ambĕboroŋ.

18. olèḥ piraŋ piraŋ piriŋ dipuntumpuk, nèŋ ṅarṣa lajĕŋ mĕñañi, aṅĕrbab nulya ñĕḷĕmpuŋ, sèlèḥ caḷĕmpuŋ gya ṅibiŋ, bakda ṅisa saŋ akatoŋ.

19. tĕḍak mriŋ wismanya sayid markabanu, tuṇḍuk raraṅkulan sami, gupuḥ déra tata luṅguḥ, saŋ aprabhu ṅandika ris, kakaŋ iki saya wuwoḥ.

20. wiṅi ika saṭiṭik sahiki aguŋ, sayid markaban nahuri, yayi baṛĕkahiŋ ratu, kamurahaniŋ hyaŋ widdhi, luput kéné kĕna kono.

21. karṣanipun gusti sayidina ṅabdul, dèn éman manira yayi, sayid markaban puniku, yèn awèt saba wanadri, bokmanawa pinaṅan moŋ.

22. dadi iṅsun yayi amalantĕn buruḥ, sapuluḥ dukat sunoliḥ, insun bañjur buruḥ ñukur, tridasa sun dèn opahi, bañjur buruḥ dondom dondom.

23. iṅsun dipunopahi dukat roṅpuluḥ, bañjur buruḥ aṅukubi, muŋ sadukat opahipun, marma akèḥ yayi iki, saŋ nata ṅandika alon.

24. ratunira iku kakaŋ cupar rusuḥ, matèni woŋ golèk asil, ratu kapéṅin mimikul, sayit markaban nahuri, hèḥ aḍi ywa cocot loñot.

25. ywa mahido maraŋ karṣané saŋ prabhu, ujĕr ratu wus majibi, rumĕkṣa baraŋ tumuwuḥ, lan guṅguŋ umatiŋ nabi, iya sabĕn sabĕn uwoŋ.

26. darbé mata maṣṭi yèn bisa ndudulu, ñata murahiŋ hyaŋ widdhi, luput ika kĕna iku, wis aja pijĕr cariwis, payo yayi paḍa ñaplok.

27. prabhu ṅabdurahman aṅĕtut sakayun, byar wañci kondur saŋ aji, praptèŋ pura aḍaḍawuḥ, tan kĕna woŋ buruḥ mutiḥ, kalawan woŋ ñukur uwoŋ.

28. lan woŋ buruḥ ndondomi paṣṭi sinapu, lawan woŋ buruḥ ṅukubi, warata ḍawuhiŋ prabhu, sayidin markaban éñjiŋ, mariŋ ṅgon woŋ tukaŋ ṇḍĕplok.

29. pan kinuya kuya aris unduripun, aburuḥ datanpa oliḥ, lajĕŋ mriŋ pasisir nuju, ana juragan gya prapti, dèn nira suŋ usuŋ répot.

30. sayidina markaban umañjiŋ buruḥ, lajĕŋ bikut aṅusuṅi, dèn ijèn ĕntiŋ saprahu, sèkĕt dukat dèn opahi, ṅlamusi kĕmasan gupoḥ.

31. buruḥ ṅlamus kaliḥ dukat opahipun, mriŋ ṅon woŋ sayaŋ umañjiŋ, buruḥ malu ḍapĕt satu, olèḥ buruhan sèkĕt tri, kaŋ trilikur maraŋ bojo.

32. iṅkaŋ tigaṅdasa dèn aṅgo tutuku, antuk piraŋ piraŋ piriŋ, gya mĕñañi myaŋ ñaḷĕmpuŋ, ṅaḷĕtĕr dèn nira ṅibiŋ, pacak gulu géla gélo.

33. bakda ṅisa prabhu ṅabdurahman rawuḥ, tuṇḍuk nulya dèñciyumi, pan lajĕŋ kinèn ñaḷĕmpuŋ, anut miturut saṅaji, anĕmbaŋ durma saŋ katoŋ.

263. durma

1. aṅandika saŋ aprabhu ṅabdurahman, kakaŋ cahosan iki, tĕka sabĕn dina, kabèḥ awarṇa warṇa, iki ṅonmu buruḥ mutiḥ, sayid markaban, asru dèn nya nahuri.

2. karṣanipun saŋ aprabhu ṅabdurahman, aḍi pakaryan mami, kabèḥ sinalinan, paṅgawé wiṅi ika, dadi iṅsun mriŋ pasisir, aṅusuŋ baraŋ, lawan buruḥ ṅlamusi.

3. lawan malu uṅgyanné woŋ paḍa sayaŋ, baṛĕkahiŋ narpati, murahiŋ hyaŋ sukṣma, tinrap muṅgèŋ iŋ karṇa, sabab yèn woŋ buruḥ mutiḥ, mĕnèk tan tahan, ambĕlaṅkĕn dariji.

4. buruḥ ñukur yèn kataṅgor sayid gumbal, gawé malarat paṣṭi, lamun ndomdomana, yèn jarum iku pataḥ, nalusup maraŋ dariji, aṅgawé baraḥ, lamun woŋ maṇḍé wĕsi.

5. mĕnèk kĕna gĕni maḷĕṇṭuŋ adadya, guguḍig maraŋ rahi, saŋ nata ṅandika, hé kakaŋ ratunira, kasĕsĕr sasaré sisir, ratuniŋ sétan, akèḥ dipunḍèwèki.

6. iku layak kapéṅin mutiḥ priyaṅga, samakéyan narpati, iṅṅiŋ sayid markaban, aywa cariwis sira, laḥ payo paḍa aṅĕmil, aṅĕmal ĕmal, paṅanan piriŋ iki.

7. prabhu ṅabdulrahman anurut sakarṣa, ganti ñaḷĕmpuŋ ṅibiŋ, mĕñañi naṛĕbaŋ, éñjiŋ saŋ nata jĕṅkar, paréntaḥ laraṅan maliḥ, woŋ ṅusuŋ baraŋ, siŋ palwa dèn laraṅi.

8. myaŋ woŋ buruḥ kĕmasan myaŋ buruḥ sayaŋ, samya dipunlaraṅi, sayidin markaban, éñjiŋ ambanda taṅan, malañcoŋ maraŋ pasisir, arṣa babĕraḥ, aṅusuŋ baraŋ maliḥ.

9. iṅkaŋ darbé palwa lintaŋ kipa kipa, guguk mèsèm sayidin, mampir iŋ kĕmasan, lawan mampir woŋ sayaŋ, pan arṣa buburuḥ maliḥ, kinuya kuya, sayid markaban maliḥ.

10. buruḥ ṅaṅsu ṅarit lawan aṅon unta, lawan ñaponi margi, olèḥ kawan dukat, gya agya ulihira, roŋ dukat winèhkĕn rabi, iṅkaŋ roŋ dukat, dèn ṅgo atuku saji.

11. gaṅsal piriŋ tinata anèŋ bantara, gya ñaḷĕmpuŋ mĕñañi, wañci bakda ṅisa, saŋ prabhu tĕḍakira, niṅali paṅanan kĕḍik, suka iŋ driya, iki sintrènku dadi.

12. tuṇḍuk lawan sayidin markaban sigra, arasan jaṅga kériŋ, lajĕŋ jajogédan, saŋ prabhu aṅandika, kadiṅarèn kakaŋ iki, tĕka malarat, paṅanan limaŋ piriŋ.

13. anahuri alon sayidin markaban, barokahé saŋ aji, murahé hyaŋ sukṣma, caritan kuraŋ kuraŋ, karṣané śri narapati, pan linaraṅan, buruḥ ṅusuŋ usuṅi.

14. myaŋ ṅlamusi kĕmasan myaŋ malu sayaŋ, dinukan śri bhupati, iŋ samĕṅko iṅwaŋ, buburuḥ aṅon unta, ṅaṅsu ñapu lawan ṅarit, muŋ olèḥ opaḥ, pataŋ dukat sun yayi.

15. śri sayidin ṅabdulrahman sru ṅandika, ratu dikṣura sirik, kuṭané drubikṣa, sabĕn sabĕn akarya, niaya sikarabudi, ratu kaparat, sayid markaban runtik.

16. hèḥ woŋ apa sira iku wani nacat, maraŋ iŋ ratu mami, sira kĕnèŋ sébat, ñuk ñukan nuñjaŋ nuñjaŋ, naruṭuk gawému ṅĕmis, lambéné ndobla, ṅgamblèḥ dèklèḥ lir parji.

17. sira amuŋ adarma maṅan kéwala, lawan darma niṅali, surak surak mrina, é, é rékané apa, lambé ṅaṇḍul kuraŋ isi, yèn sira nora, mari iṅsun taboki.

18. prabhu ṅabdulrahman ṅandikèŋ wardaya, sayid markaban iki, laḥ uwoŋ punapa, baṅĕt trĕṣṇèŋ naréndra, iku duruŋ dadi abdi, trĕṣṇa kabina, yèn paḍa harja béñjiŋ.

19. iki ṅgonsun antuk papatiḥ prawira, kĕna iṅsun pasrahi, baṅbaŋ lum lumiŋ waŋ, sun katogné tyasira, saŋ nata lajĕŋ mĕñañi, ñaḷĕmpuŋ bĕkṣa, kunduré gagat éñjiŋ.

20. rawuḥ pura lajĕŋ paréntaḥ laraṅan, tan kĕna buruḥ ṅarit, tuwin aṅon unta, ṅaṅsu ñapu tan kĕna, rata ḍawuhé saŋ aji, kunĕŋ ratréñjaŋ, sayid markaban aglis.

21. buruḥ ṅaṅsu kinuya kuya iŋ kaṭaḥ, mèsĕm murahiŋ widdhi, lajĕŋ buruḥ ñamak, mragat ḷĕmbu mah‍ésa, kambiŋ bañak méṇṭog pitik, iṅkaŋ pinragat, ṅrĕsiki got pan oliḥ.

22. opaḥ limaŋ dukat sigra ulihira, loro pinariŋ rabi, tri dèn ṅgo tutumbas, aṅsal gaṅsal lañcaran, iṅaḍĕp nulya mĕñañi, kalawan ṅrĕbab, sèlèḥ ṛĕbab gya ṅibiŋ.

23. bakda ṅisa rawuḥ prabhu ṅabdulrahman, mèsĕm dèn nya niṅali, tuṇḍuk ciciyuman, saŋ nata aṅandika, ajĕg cacahosan iki, ṅgonmu abĕraḥ, aṅon unta lan ṅarit.

24. anahuri sayid markaban ṅgoniṅwaŋ, buburuḥ mbĕlèḥ sapi, kĕbo wĕḍus sarta, méṇṭog ayam myaŋ bañak, ṅrĕsiki got ṅlamus kulit, barkahiŋ nata, kamurahaniŋ widdhi.

25. karṣanipun iya kaṅjĕŋ śri naréndra, pakaryan pan sinalin, sakiŋ baṅĕt ṅéman, aja kadawa dawa, saŋ prabhu ṅandika ris, laḥ payo kakaŋ, miṅgat tĕka iŋ mĕsir.

26. dudu mĕsir kah‍é kaŋ aran nagara, yèn luṅa sira paṣṭi, sun pañci sawidak, dukat iŋ sabĕn dina, ĕṅgonĕn ramèn lan jalmi, sayid markaban, mèsĕm dèn nya nahuri.

27. tobat éram iṅsun miyat maraŋ sira, bahud ayun mĕdèni, é, é tĕka ana, uwoŋ aṅuntal tuma, bocaḥ cilik pun jagoṅi, tĕka réréwa, arṣa aṅiṅu sayid.

28. piraŋ ĕbab kaŋ katĕmu ḍapurira, kapéṅin ṅiṅu mami, sabĕn soré sira, prapta mariŋ wismèṅwaŋ, kumaki arṣa ṅiṅoni, aṅakèn miṅgat, tan wuruŋ lir maṣkéntir.

264. maskumambaŋ

1. iṅsun iki cilik mula woŋ iŋ mĕsir, dudu ṅulandara, séjé lawan sira darwis, ṅayawara nora pakra.

2. kamurahaniŋ allaḥ kaŋ iṅsun èṣṭi, sun pinariŋ asta, mĕṣṭi dèn ṅgo golèk asil, nora dèn ṅgo liñcak liñcak.

3. ṅolaḥ ṅaliḥ salin praja piŋ sakĕṭi, kèsi sinaṅsara, marma sira kèsi èsi, ujar tyasmu nora lana.

4. yèn ṅabani mriŋ ratuku tanpa pikir, ya asal mijila, marma sira tan lir mami, kinĕṭip mariŋ hyaŋ sukṣma.

5. saŋ aprabhu ñaḷĕmpuŋ lawan mĕñañi, ṅliŋ sayid markaban, ṅur ṅrĕbaba sira yayi, sunaḷĕm sunwèhi sĕga.

6. saŋ aprabhu maṇṭuk maṇṭuk amĕñañi, markaban gya bĕkṣa, suraknya sora saratri, éñjiṅé kundur saŋ nata.

7. gya ḍaḍawuḥ laraṅan maliḥ saŋ aji, tan kĕna maragat, samubaraŋ wutaḥ gĕtiḥ, ṅrĕsiki got nora kĕna.

8. ṅlamus ñamak tan kĕna dipunlaraṅi, sayidin markaban, éñjiŋ luṅa ñaṅkiŋ boḍiŋ, arṣa buruḥ mragat ménda.

9. iṅkaŋ darbé tan awèḥ sarwi ṅgitiki, sayidin markaban, suka sukanya tan sipi, lajĕŋ maraŋ pañjahitan.

10. gya mañjahit satiwĕl sĕpatu tuwin, pampus myaŋ canéla, tuwin baraṅiŋ turaṅgi, bĕcik rikat ṛĕsik tata.

11. untuŋ olèḥ dukat kalihdèsi, gya tumut ḍikiran, sacĕṅkèṅan olèḥ siji, lajĕŋ buruḥ ndĕṛĕs kur'an.

12. rikat cĕṭa pataŋ jam tamat baṛĕsiḥ, gya mĕñañi baraŋ, sawlas dukat dèn opahi, olèḥ tridasa dwi dukat.

13. lajĕŋ mantuk kaŋ limalas maraŋ rabi, déné kaŋ pitulas, dèn ṅgo tutuku wus oliḥ, nĕṅgiḥ sawidak lañcaran.

14. gya tinata iŋ ṅarṣa lajĕŋ mĕñañi, lawan caḷĕmpuṅan, sèlèḥ caḷĕmpuŋ gya ṅibiŋ, narpa tĕḍak bakda ṅisa.

15. sayid markaban ndulu amalajĕṅi, aḍi bĕgja ndika, baṛĕkahé śri bhupati, kamurahaniŋ hyaŋ sukṣma.

16. payo paḍa ṅĕmil dipunmil ĕmil, kinĕmil kinĕmal, saŋ nata tatanya aris, sira kakaŋ kahuntuṅan.

17. déné akèḥ tĕmĕn kakaŋ saka ṅĕndi, ṅliŋ sayid markaban, ṅgiḥ ṅgihané aḍi aḍi, baṛĕkahé śri naréndra.

18. murahiŋ hyaŋ tan kĕṇḍat sahari hari, karṣané saŋ nata, wiṅi kabèḥ dèn laraṅi, dadi iṅsun mriŋ jahitan.

19. buruḥ jahit mèlu ḍikir myaŋ mĕñañi, nulya ndĕṛĕs kur'an, iku rupaniŋ narpati, tĕtĕp sugiḥ bah‍é barkaḥ.

20. gusti allaḥ murahé sinèlèḥ laṭi, asal bisa ṅucap, datan kĕṇḍat kaŋ rijĕki, saṅgyan praptaniŋ nugraha.

21. nora miliḥ saŋ nata ṅandika aris, bĕnĕr wuwusira, ratumu ṛĕgĕdiŋ bhumi, asugiḥ tĕmĕn laraṅan.

22. nora bisa gumlawat dipunlaraṅi, layak ratunira, tĕḍaké woŋ dama miṣkin, dudu tĕḍakiŋ naréndra.

23. tĕḍak niṣṭa prabhu ṅabdulrahman iki, ṅliŋ sayid markaban, ratuku gusti saŋ aji, putra prabhu daniswara.

24. ḍasar dipunpuṇḍut putraṅkat śri mĕsir, maṅsa kuraṅana, sakiŋ rumĕkṣa nagari, wajib kaŋ para naréndra.

25. kaŋ ṅawruhi sabaraŋ iṅkaŋ dumadi, wis payo mamaṅan, ndadawa catur tan bĕcik, aṅur maṅana paṅanan.

26. saŋ aprabhu anut miturut sakapti, saratri kasukan, éñjiŋ kondur śri bhupati, rawuḥ pura dyan ḍaḍawaḥ.

27. aparéntaḥ laraṅan pan nora kĕni, buruḥ mriŋ jahitan, ḍikiran mbaraŋ mĕñañi, tan kĕna woŋ opaḥ opaḥ.

28. wus warata ḍawuhipun śri bhupati, sayidin markaban, muṇḍuk muṇḍuk arṣa jahid, luraḥ jahid datan suka.

29. ṅguyu ṅguguk sayid markaban umijil, ana woŋ palastra, lajĕŋ buruḥ aṇḍuḍuki, kaluwat sakala dadya.

30. gya marani ĕṅgoné jalma kaŋ mati, pinikul priyaṅga, lajĕŋ pinĕtak iŋ bhumi, opaḥnya ñadasa dukat.

31. nulya buruḥ nĕgor kayu agĕŋ wiwit, opahé sadukat, lajĕŋ buruḥ ṅusuŋ panti, iṅopahan gaṅsal dinar.

32. lajĕŋ buruḥ ṅawinkĕn woŋ laki rabi, aṅsal kaliḥ dukat, sigra sigra dèn nya muliḥ, sapta dukat maraŋ garwa.

33. dipunaṅgé tutuku iṅkaŋ sadèsi, winaḍaḥ lañcaran, iṅaḍĕp lawan mĕñañi, ñaḷĕmpuŋ lawan jogédan.

34. bakda ṅisa tĕḍakira śri bhupati, tuṇḍuk gya raṅkulan, sayid markaban ñarani, payo aḍi paḍa maṅan.

35. saŋ aprabhu paṅandikanira aris, kakaŋ kahuntuṅan, sayid markaban liŋnya ris, baṛĕkahé śri naréndra.

36. pakaryèṅoŋ duk wiṅi dipunlaraṅi, dadya kahuntuṅan, ṇḍuḍuk kruwat ṅusuŋ jisim, nĕgor kayu ṅusuŋ wisma.

37. aṅawinkĕn maraŋ woŋ salaki rabi, saŋ nata ṅandika, sida gĕcul raja mĕsir, mèt jarwa sutaniŋ praja.

38. aṅlĕmĕsi sabaraŋ kaŋ dadya sir, naṅiŋ sir kaŋ sasar, sayid markaban sru aṅliŋ, aywa cariwis tukaŋ was.

39. sira iku marmané katoriŋ toriŋ, ujĕr muraŋ tata, gawéné mahon mahoni, karṣané kaŋ mutĕr jagat.

40. layak sira tĕḍaké kéré guguḍig, marma tyasmu waḍag, gĕgĕḍĕg ṛĕgĕdiŋ bhumi, nora wĕruḥ kabĕcikan.

41. diiṅoni salawasé lan saŋ aji, ndadak ñatur ala, déné ḍapurira sigid, naṅiŋ budimu rasĕkṣa.

42. saŋ aprabhu mèsĕm aṅandika aris, sun nora ṅawula, kakaŋ mriŋ ratumu iki, duruŋ naté kĕmanisan.

265. ḍaṇḍaŋgula

1. saṭiṭika iṅsun nora wĕdi, mriŋ ratumu prabhu ṅabdulrahman, sayid markaban wuwusé, dadiné sira iku, tan rumaṅsa aṅañcik bhumi, kasorotan iŋ surya, kahuban iŋ luhur, apa sira tan miyarṣa, kaŋ gumrĕmĕt kaŋ rumaṅkaŋ kaŋ maṛĕlip, kabèḥ kaguṅan nata.

2. jaṅan ñomèl mulutmu bĕrṇanti, béta maraḥ paṣṭi kahu béta, pukul kĕpalamu loṇḍoŋ, jaṅan sĕtori gaṇḍul, ṅur ñañamik biyar lu bahik, saŋ nata nut sakarṣa, susukan sadalu, konduré saŋ nata éñjaŋ, rawuḥ pura amaṅun laraṅan maliḥ, tan kĕna woŋ bĕbĕraḥ.

3. ḍuḍuk kaluwat myaŋ ṅusuŋ mayit, laya mukram paṣṭi pinĕjahan, ṅusuŋ omaḥ ṅawinaké, tuwin woŋ nĕgor kayu, nora kĕna lamun mburuhi, warata woŋ sapraja, winurṣita ésuk, sayid markaban ṅupaya, padamĕlan maṅsuli pakaryan ṅuni, kinuya kuyèŋ jalma.

4. mèsĕm iŋ tyas sigra buruḥ nulis, rikat dadya ṅrampuṅi prakara, wusnya lajĕŋ buruḥ ṅĕcèt, sèkĕt dukat wus antuk, makṣiḥ awan buburuḥ ñuṅgiŋ, sarwi amulas gambar, papat opahipun, sigra sigra ulihira, pan kapapag woŋ mikul dipuṅĕntèni, iṅopahan roŋ dukat.

5. nulya luṅa gogo maraŋ kali, olèḥ mina dadi sarèntèṅan, didol sadukat payuné, dadya lèḥ sèkĕt pitu, nulya muliḥ aṅaṇḍut ḍuwit, iṅkaŋ patlikur dukat, maraŋ garwanipun, iṅkaŋ tigaṅdasa tiga, dipunaṅgé tutuku riŋ pasar oliḥ, piraŋ piraŋ rampadan.

6. tinata ṅarṣa nulya mĕñañi, lan ñaḷĕmpuŋ sarta jojogédan, ñaṇḍaki woŋ liwat soré, iṅajak ṅguyu ṅguyu, lan mamaṅan sarwi mĕñañi, gumanti ganti bĕkṣa, saŋ aprabhu rawuḥ, tuṇḍuk lan sayid markaban, gya ciyuman saŋ nata lajĕŋ mĕñañi, pan sarwi caḷĕmpuṅan.

7. saŋ aprabhu aṅandika aris, iki kakaŋ déné luwiḥ kaṭaḥ, séjé lan wiṅi wiṅiné, sayid markaban muwus, murahiŋ hyaŋ barkahiŋ aji, aḍi tan kuraŋ kuraŋ, sari ari wuwuḥ, karṣané śri ṅabdulrahman, pagawéyan wiṅi kah‍é dèn laraṅi, dadya iṅsun babĕraḥ.

8. ṅĕcèt ĕcèt ṅĕmbani prakawis, mulas gambar mikul maraŋ pasar, gogo kali olèḥ srèntèŋ, aḍi yèn makṣiḥ iḍup, darbé pikir tuwin pinaṣṭi, rijĕkiné tan kiraŋ, ṅandika saŋ prabhu, ratunira ṅabdulrahman, tyas muṭakil daṛĕṅki kaḷĕṅki ḷĕṅki, ratu tĕḍakiŋ kompra.

9. brĕkasakan ambĕsisik busik, cécébucé buṭak ṅĕṇḍak ĕṇḍak, dipuṇṭoṭok papantĕsé, sayid markaban muwus, hus woŋ bariŋ katoriŋ toriŋ, tanpa kériŋ tan riṅa, cocot gatĕl ṅgaṇḍul, suṇḍupak muñcrat waḍuknya, drubikṣa dĕgsa ṛĕṛĕgĕdiŋ bhumi, sikĕṭĕr kuṭèṭèran.

10. hèḥ ta ṅĕndi ṅgonmu satrumami, lamun tan mari nacat ratyèṅwaŋ, kaŋ mbarkahi mĕṅko tĕmbé, tan wĕdi gon katĕmu, dadi musuḥ sampé ṅĕmasi, cubluk sira tan myarṣa, kalamun raniṅsun, iya sayidin markaban, iŋ tĕgĕsé markaban iya kaŋ mĕṣṭi, maknané ya kuléyaŋ.

11. pan kuléyaŋ yèn wus tibèŋ siti, basa bisa bali maṇḍuwura, ṅarṣa kluhuran sabdané, ṇḍĕku aminta maklum, laḥ ta uwis kakaŋ ywa runtik, iṅsun nut karṣanira, sigra saŋ aprabhu, ñaḷĕmpuŋ nulya jogèdan, baṅun éñjiŋ kondur kañjĕŋ śri bhupati, sarawuhirèŋ pura.

12. ṇḍawuhakĕn lalaraṅan maliḥ, nora kĕna nulis padu bĕraḥ, mulas gambar lawan ṅĕcèt, lawan woŋ buruḥ mikul, gogo mina dipunlaraṅi, warata ḍawuhira, wahu saŋ aprabhu, éñjaṅya sayid markaban, klĕṇṭuŋ klĕṇṭuŋ arṣa buruḥ ṅĕcèt maliḥ, kaŋ darbé kipa kipa.

13. lajĕŋ buruḥ aṅusuṅi wĕḍi, ṅusuŋ bata lajĕŋ macul gaga, matun lan tatampiṅané, ḍaḍaṅir kĕbon aguŋ, ṅĕtrap gĕṇḍèŋ aṅĕtrap jobin, aṅĕtrap babaluṅan, opaḥ dukat pitu, sigra sigra ulihira, iṅkaŋ tĕlu kinarya nipkahiŋ rabi, dèn ṅgo tutuku papat.

14. lajĕŋ dèn aḍĕp lawan mĕñañi, bakda ṅisa saŋ naréndra tĕḍak, gapyuk iṅaras jaṅgané, saŋ nata ṅandika rum, iki kakaŋ tĕka saṭiṭik, muwus sayid markaban, baṛĕkahiŋ ratu, kamurahaniŋ hyaŋ sukṣma, nora kuraŋ kuraŋ yèn woŋ sugiḥ budi, karṣané śri naréndra.

15. dèn laraṅi pagawéyan wiṅi, dadi iṅsun aṅĕtokkĕn akal, pasaŋ bata ṅĕtrap gĕṇḍèŋ, ḍaḍaṅir kĕbon aguŋ, tampiŋ macul matun gagi, ṅĕtrap baluṅan wisma, ṅusuŋ wĕḍi ṅusuŋ, bata olèḥ sapta dukat, saŋ aprabhu paṅandikanira aris, kapriyé iki kakaŋ.

16. puluḥ kapĕṅiŋ ṅumĕl umĕli, woŋ maṅkéné karṣané saŋ nata, salin salin laraṅané, gawé kuwuriŋ kalbu, ya yèn kaya sira pra sami, tan iki kĕna ika, luput iki iku, luput iku kah‍é kĕna, luput kah‍é kabèḥ kabèḥ jinajahi, sasat awak bhawana.

17. sayid markaban aris nahuri, uwis paḍa ayo amamaṅan, asal karaharjan bah‍é, tutug sakayun kayun, amuŋ aja jahil maṭakil, sumaraḥ karṣa allaḥ, ujĕr ratu iku, dadi sulihiŋ hyaŋ sukṣma, darma bah‍é kawula paḍa ṅlakoni, wus gambuḥ iŋ kawula.

266. gambuḥ

1. aja kakèhan tutuḥ, uwis ayo paḍa maṅan ṅinum, saŋ aprabhu anut miturut sakapti, lajĕŋ dèn nira ñaḷĕmpuŋ, éñjaŋ konduré saŋ katoŋ.

2. sapraptaniŋ kaḍatun, aṇḍawuhkĕn laraṅan winaṅun, nora kĕna ṅusuŋ bata ṅusuŋ wĕḍi, macul gaga lawan matun, tampiŋ sawaḥ ḍaṅir kĕbon.

3. apasaŋ jobin buruḥ, ṅĕtrap gĕṇḍèŋ myaŋ ṅĕtrap babaluŋ, iṅkaŋ kaṇṭi opaḥ dèn laraṅi sami, iŋ sapraja wus misuwur, ḍawuhira saŋ akatoŋ.

4. sayid markaban ésuk, baḍé ndugèkakĕn dèn nya buruḥ, nora nana iṅkaŋ awèḥ dèn buruhi, tyasnya kaku lajĕŋ maṅsuk, dadi prajurit iŋ jĕro.

5. olèḥ patukon gulu, tigaŋ atus dukat lajĕŋ mantuk, iṅkaŋ satus winèhkĕn nipkahiŋ rabi, dwiatus dèn ṅgo tutuku, piraŋ joḍaŋ piraŋ gotoŋ.

6. lajĕŋ tinata ṅayun, bak mbĕlèbèr palataran kĕmput, aṇḍèr koṅsi prapta sajabaniŋ kori, tĕpuŋ sawĕṅkoniŋ luruŋ, sayidin markaban gupuḥ.

7. undaŋ undaŋ sadulur, prasanakan myaŋ woŋ kaŋ wus wanuḥ, nadyan iṅkaŋ satriya mantri bhupati, iṅaturan lamun purun, lajĕŋ woŋ liwat iṅuwoḥ.

8. watara tĕluŋ èwu, iṅkaŋ samya iṅuwuḥ kaŋ rawuḥ, suka suka caḷĕmpuṅan kinèn ṅibiŋ, saṛĕŋ ṅĕbyak ñaṇḍak gulu, géla gélo sarwi ṅĕmplok.

9. atañjak maṇṭuk maṇṭuk, sarwi mbĕlik sora surakipun, lagi ramé ramé rawuhé saŋ aji, sumlĕṅĕṛĕn dèn nya ndulu, lawan markaban tan paṅgoḥ.

10. amiyak luruŋ luruŋ, tĕṅaḥ dalu dèn nya sagĕd paṅguḥ, lawan sayid markaban śri narapati, tuṇḍuk gya ciyum ciniyum, saŋ nata aṅandika lon.

11. hèḥ kakaŋ sadulurku, bĕgja tĕmĕn kakaŋ sira iku, ṅambra ṅambra paṅanan ṅèbĕki panti, lubèr aṅlubèri luruŋ, untuŋ uṅgyanmu buburoḥ.

12. sayid markaban muwus, murahiŋ hyaŋ baṛĕkahiŋ ratu, nora kuraŋ iŋ sadina dina prapti, luput ika kĕna iku, ana kaṇṭoŋ ṅaṇṭoŋ ṅaṇṭoŋ.

13. yayi karṣaniŋ ratu, paṅgawéyaniṅsun wiṅinipun, dèn laraṅi dadya sun mañjiŋ prajurit, olèḥ patukoniŋ gulu, triatus dinar mañcoroŋ.

14. balañja ṅoŋ roṅatus, sabĕn sasi aja purun purun, iŋ sahiki iṅsun wus dadi priyayi, abdidaḷĕm jro solḍaḍu, kaŋ paṣṭi aṅgulaŋ pupoḥ.

15. saŋ nata ṅandika rum, mañjiŋ prajurit ṅĕndi sirèku, sinahuran umañjiŋ prajurit wuri, mèsĕm ṅandika saŋ prabhu, iŋ mĕṅko sira binĕndon.

16. iya lawan saŋ prabhu, déné sira surak surak umuŋ, mĕr gumĕmĕr pakumpulan sabĕn ratri, panarkané saŋ aprabhu, bokmanawa dadi muṅsoḥ.

17. aṅraman sira bésuk, sayid markaban añĕntak asru, sĕlak nora gustiku asaṅga ruṅgi, aja kaya ḍaḍapurmu, sugiḥ mĕnèk dadi blĕnto.

18. jaba ratuniŋ tikus, nora kĕna amis dipunambus, yèn ratuné sayid markaban puniki, paṣṭi nora kuraŋ maklum, sapratiṅkaḥ sampun wĕroḥ.

19. layak kaya ḍapurmu, yèn dadiya ratu tyas blĕkuṭur, kĕṭĕr nora kĕna woŋ baṅsa ñalumik, paṣṭi sira sĕṅguḥ muṅsuḥ, jirèḥ sakiŋ tyasmu rusoḥ.

20. lan méndaḥ piyaṅkuḥmu, ṅĕbuk woŋ mĕtĕŋ aṅuntal gunuŋ, iṅkaŋ ora ora paṣṭi dèn rasani, yèn sira dadiya ratu, woŋ sapraja ḍĕlog ḍĕlog.

21. sabab ratu tyas diyu, nora kĕna ramé binabĕndu, iŋ maṅkono maniŋ bisaa basuki, dahwèn opèn muraŋ wadu, tyas muṭakil tiŋ paṇḍosol.

22. lamun iki ratuku, saŋ aprabhu ṅabdulrahman maklum, mot maṅga mot mĕṅku sakaptiniŋ dasiḥ, tajĕm para siṅgaḥ siṅgun, tyas sagara ratuniŋ ṅoŋ.

23. witné ñjĕŋ saŋ aprabhu, yèn mirṣaa kabèḥ pakaryanku, paṣṭi iṅsun kinasihan dipunpiliḥ, dadya gagalan ṅoŋ bésuk, pinisaḥ lan kañcaniŋ ṅoŋ.

24. saŋ nata ṅandika rum, sumaṅkéyan kaŋ dadi sulḍaḍu, nadyan sira aḷĕma tĕka iŋ cilik, ujĕr ñatané tan patut, antarané wus katoṅton.

25. yèn ratumu kĕmaruk, tĕḍakiŋ miṣkin jumĕnĕŋ ratu, cupar drĕṅki mĕpĕti pokaliŋ abdi, antarané pakaryanmu, kabèḥ linaraṅan katoŋ.

26. apa bĕcik puniku, ratu sugiḥ laraṅan tan mĕṅku, yèn bĕnĕré ratu dibya ṅuni uni, kaŋ kahonaŋ dadi wuwus, pratiṅkaḥ ora maṅkono.

27. muŋ sakiŋ paṅaḷĕmmu, ḍéwé nora kĕna dipunwuwus, sira iku kakaŋ kĕna diaranni, manuṅsa kĕna dèn bliṭuk, blĕkĕṭĕk nora non tinon.

28. sakiŋ kĕdaḥ kĕdaḥmu, kaṅgo ṅabdi ṅaḷĕm dudu dudu, ya sapuluḥ ko aḷĕm satĕṅaḥ mati, ñatané woŋ ora patut, lir woŋ ṅaḷĕm tahi lodoŋ.

29. rupané kuniŋ ajur, ṅiŋ gandané ṅĕbĕki praja guŋ, sira tanpa kusur kuraṅajar pikir, sayidin markaban muwus, hus aja carèwèt mriŋ ṅoŋ.

30. sirèku buḍĕg bisu, lamun ratu wajib wruḥ sadarum, kabèḥ kabèḥ iki kudu aṅrawuhi, rèhniŋ añar madĕg ratu, kudu wruḥ untuṅiŋ uwoŋ.

31. myaŋ tunanipun makluk, yèn wus kapirṣan pĕcahé iku, paṣṭi dipunuṇḍaṅakĕn mariŋ abdi, ambuwaŋ laraṅanipun, pinariṅkĕn sakèhiŋ woŋ.

32. ratu muŋ kudu wĕruḥ, iku duruŋ witné iku bésuk, nacahakĕn duñané woŋ sugiḥ sugiḥ, lan ndaṅu pawitanipun, ndaṅu pakaryaniŋ uwoŋ.

33. kaya pawitan satus, dadi pira iŋ daḷĕm satahun, dadi piraŋ tañcĕp kaŋ pari sawuli, dadiniŋ bras piraŋ ĕpun, piraŋ las saĕpun bobot.

34. lan muṅguḥ sawaḥ iku, bañu tĕka ṅĕndi saṅkanipun, kaŋ amĕtu suḍètaniŋ kali tuwin, apa mĕtu saka ĕtuk, maṅkono śri nata kahot. 

267. sinom

1. lawan duwit satus dukat, kaŋ dèn ṅgo waragat sami, dadi olèḥ piraŋ sawaḥ, dadi pira dèn ṅgo grami, diṅgo gaḍé sawarṣi, ya sapira baṭinipun, kaŋ ṅaṅgar untuŋ pira, sotyèku pira kaŋ warṇi, iŋ sarupa kaŋ gĕḍé ṛĕgané pira.

2. iku kaṅgoniŋ naréndra, marma aja sira aṅliŋ, prakara laraṅan praja, saŋ prabhu grahitèŋ galiḥ, sinamur lan mĕñañi, gya bĕkṣa nulya ñaḷĕmpuŋ, éñjiŋ saŋ nata jĕṅkar, sayidin markaban nuli, aṅgaḍèkkĕn aṅgon pĕḍaŋ prajuritan.

3. linolos siŋ wraṅka myaŋ kraŋ, dadya wilaḥ kaŋ kinardi, pĕḍaŋ sarwi iŋ ṅaṛĕṅan, pĕḍaṅé payu dukat tri, sawiji maraŋ rabi, kaŋ kaliḥ dèn ṅgo tutuku, tinata muṅgèŋ ṅarṣa, lajĕŋ jèṅklèkan mĕñañi, caḷĕmpuŋ bakda ṅisa nata tĕḍak.

4. tuṇḍuk nulya raraṅkulan, saŋ nata ṅandika aris, kakaŋ déné luwiḥ mlarat, tukon ṇḍas apa wus ĕntiŋ, sayidin markaban aṅliŋ, wus ĕntiŋ tan ṅanti wayu, wus maṅkono karṣèṅwaŋ, tan kuraŋ barkahiŋ aji, murahiŋ hyaŋ iŋ sadina dina prapta.

5. kaguṅan daḷĕm gaḍuhan, pĕḍaŋ ṅoŋ gaḍèkkĕn yayi, amuŋ payu tĕluŋ dukat, saŋ nata ṅandika aris, iku kakaŋ matiri, kapriyé lamun dinaṅu, paranta aturira, matura blaka kaŋ paṣṭi, dipunukum anèŋ ṅalun alun sira.

6. sira paṣṭi ukum pĕjaḥ, sayid markaban nahuri, kudu mati lan pasaja, golèk pati apa maniŋ, ḍasar dipuñjĕnĕṅi, iya maraŋ saŋ aprabhu, laḥ iŋ kono sidanya, katrima déniŋ hyaŋ widdhi, mati dipunpatèni śri naranata.

7. apa maniŋ dèn upaya, mati dèn aḍĕpi aji, pinaṣṭi muṅgaḥ suwarga, dèn akṣama mriŋ sasami, aywa uwas sira ri, saka kah‍èṅĕtaniṅsun, gajĕgné duruŋ ṅambaḥ, nasékat tigaŋ prakawis, iku iṅkaŋ dadi cacadiŋ agĕsaŋ.

8. kaŋ añalamur lon tatanya, kakaŋ paran iṅkaŋ dĕliŋ, nasékat limaŋ prakara, sayid markaban marpĕki, jaṅga pinĕkul sarwi, aṅliŋ dé ḍapurmu bagus, tan wrin ruṅsidiŋ basa, jĕr sira woŋ kaṇḍaŋ laṅit, gogobogmu jèrèṅĕn laḥ piyarṣakna.

9. anitèni kaŋ kawruhan, ananiŋ ma limaŋ sahid, iṅkaŋ dadi kalakuwan, awit ma madat kaŋ ḍiṅin, antuké makolèhi, iŋ jasat tanapi kahyun, utawi céda cuba, ujar lumraḥ daḷĕm lahir, èstu tumrapiŋ patrap kaŋ linampahan.

10. naracak kaŋ paḍa ṛĕna, naḍaḥ madat maṅkya ṅuni, dayaniŋ niṣṭa kaŋ warṇa, sĕriŋ cipta kaṅsayani, naṅiŋ médaniŋ ṅuni, nala lit lumuḥ supĕnuḥ, sat kala kasĕpĕnan, nir iŋ baraŋ dèn rĕmĕni, sĕdya nĕmpuḥ nora nana dèn émanna.

11. cĕpaké madat cinacat, cinarita nora bĕcik, camaḥ batin yèn wus kocap, cécégé ginawé bĕcik, campuré baṅsa biñcil, cumèplĕs sinambi nucup, cagak lèn nalar mĕñcar, cumĕploŋ nora kacicir, cipta moñcèr tyas paḍaŋ sarira ṛĕñcaŋ.

12. ragané karasa pĕra, rahsaniŋ raḥ ṛĕṛĕm aris, rumaṅsa sranduniŋ waras, ṛĕṅuniŋ manaḥ pan ariŋ, rusaké sakiŋ ririḥ, rada suwé rada surud, raga saru asaraŋ, ṛĕgĕd biru ri kaŋ ḍiri, riyak jlagra gora goḍa dadi lara.

13. kapiṇḍo ma madon iṅkaŋ, kiniduŋ dèrèŋ kintèki, kaŋ bĕcik kalawan mokal, kinawruhan lawan pikir, karasa srĕgĕp ṅikis, kakĕnan iŋ nala sĕkuŋ, kumaṇṭil aṅrĕréka, katiti nala mèt kiṅkin, kinulitan tandukiŋ sabda ṅrumpaka.

14. darapon asmaradana, daladag sĕdya bèr budi, dasa ulat guŋ ginandan, dinulu katonna adi, dalèdèr mondar mandir, datan taṅgon baraŋ tanduk, doyanan palañcudan, dorané ginawé sandi, dĕlap ulat mbaḷĕré sugiḥ rubéda.

15. tariké woŋ kaṛĕm batal, taléṇḍo mriŋ ulaḥ niti, tuhuné kĕṛĕp kliwatan, tuman liñok baraŋ warti, tarkaḍaŋ tuwuḥ juti, togiŋ ndon tinaman ṛĕtu, tumimbal badan rata, tumuli madĕg narpati, tĕkèŋ muka tĕṅran rajasiṅa durta.

16. sumĕraŋ mahsaḥ marwasa, rupané baṅsa lir jisim, sinalinan sipat sikṣa, sakiŋ rajasiṅa saṅsri, saru sipaté koṅsi, sisip ḷĕmbir nuṅsuŋ suṅsum, supĕnuḥ kaŋ nanaḥ basaḥ, sayĕkti gĕlis ṅĕmasi, simpaṅana aja nĕrak raga rusak.

17. watĕké woŋ minum tuwak, waragaŋ tanapi awis, wité kawuryan samuwa, wani wantĕr samukawis, wĕḍariŋ wuwus awig, wigña buwaŋ rikuḥ éwuḥ, wigar niwĕriŋ awak, waḍèḥ wadi datan mawi, winawĕran wantuniŋ wuru jinarwan.

18. limpat tĕtĕg baraŋ polaḥ, lalu lumuḥ lamun liliḥ, lali ṅaraliŋ kawula, lacudé tanpa kĕkĕlir, lir saŋ kukila aṅliŋ, lukita katon mbalilu, léna lir lodrakala, lèké sura suka julig, luhur bah‍é asoré nora winilaŋ.

19. puwara dasaté lupa, parusaniŋ naya tipis, pugut paraboté kapraḥ, prapta camahé naṅgapi, pĕṇḍak jalma ñurupi, piniṇḍa paḍaniŋ rapuḥ, paḍaran ṛĕmpu ṛĕmpak, pulaŋ raḥ utama tapis, papas pĕpĕs sarira anaṇḍaŋ papa.

20. ṇḍĕḍĕg ḍĕṇḍané tumĕḍak, ṇḍaṛĕḍĕg kaya kajoḍi, ḍoṅiŋ ṅarak lamun tĕḍak, ṇḍaṛĕḍĕg aṅlir baḍiḍiŋ, ḍaḍakané aṅĕṇḍil, ḍuḍukuḥ laraniŋ waḍuk, ḍéké apulaŋ kaṇḍaŋ, ḍuḥ pra muḍa kaŋ asaṇḍiŋ, ḍĕṅĕṛĕna min minum dipunkaḍaḍa.

21. jĕjĕr mahin kaŋ pinajar, jalèntrèhiŋ ujar wajib, juju mujur iṅkaŋ bĕgja, jinuruŋ prasasat aji, jugrugé lamun rujit, jalojogan tanpa traju, juṅkuŋ kaŋ ṅajap ajap, jayaniŋ mahin pinuji, jumĕnĕŋ adĕgiŋ badan antuk jajan.

22. yayaḥ aṅudi udiya, yèn mĕnaŋ klimĕṅé pyayi, yatrané siniya siya, yak yuk sasat slawat mayit, yèn kalaḥ poyaŋ payiŋ, yuṅyun ṅuyu uyu tayuḥ, yaṅyaṅiŋ tyas taṅiya, yoga wasita kaŋ takyin, yèn wus rohyat maṅsaḥ muṅsuḥ tanpa sayaḥ.

23. ñupriḥ pulihiŋ jayanya, ñanané nora maḷĕñik, ñatané liñok tur sonya, ñiñiliḥ ginawé tabir, ñahut anuñik uñik, ñĕṅkut ñĕṅka budi luñu, ñamaḥ lahir batinnya, ñat ñut tyasé moñar mañir, ñaba taṅga buwaŋ ḍiri satékatnya.

24. muraŋ margané utama, muŋ marṣudi dèn nira mriḥ, mĕnaŋ mahin wuwuḥ mamak, mĕjanani maraŋ bhumi, miwaḥ tuturiŋ umi, mawut kaŋ kah‍étuŋ namuŋ, mahin siré utama, manuṅsa kapraḥ sasami, marènana mamahin ambuwaŋ lumraḥ.

25. gantya mamaliŋ ginagas, ginupita lawan aṅgit, gunané maliŋ tan wĕgaḥ, gĕgĕmpur omaḥ tan wigiḥ, gumĕrgut ṅuṅgiḥ uṅgiḥ, ṅgènniŋ baraŋ iṅkaŋ aguŋ, golèk gunĕm jujugan, gogoloṅaniŋ woŋ sugiḥ, ginagapan pagĕr lawaŋ kaŋ tinĕṅga.

26. baṛĕŋ antuk guru kabar, baraṅiŋ woŋ dèn rĕrumbiŋ, binasmi miwaḥ binabaḥ, babar ji ginawé kibir, mboḍokkĕn sarak nabi, mbaṛĕṅkut abubut bubut, baṇḍané woŋ binébas, baṛĕŋ kacaṇḍak ñjĕbimblik, binuwaŋ mriŋ sabraŋ bruŋ ragané bubraḥ.

27. ṭèṭas èṭèsé wus braṣṭa, ṭilaŋ ṭiluŋ kĕṭip kĕṭip, ṭok ṭĕlé maṇṭĕŋ wus wiṣṭa, ṭukulé pakarti niṣṭip, ṭir yatna anraŋ wèṣṭi, ṭik iṭik dadya bĕkṭuṭu, ṭuṣkarda mriŋ kaniṣṭan, ṭik lumĕkṣa misiḥ ṅĕṭip, ṭĕṇṭasura babar tanduké rèḥ ḍuṣṭa.

28. ṅiṅĕr wĕṅaniŋ kélaṅan, ṅañcut ṅaraḥ rina wĕṅi, ṅulataké ṅgon cèlèṅan, maṅka ṅukup sabĕn sasi, ṅrurusak ṅĕṅis ĕṅis, ṅuruti praja winaṅun, ṅampak mamalaniṅrat, ṅéja aṅaji ṅilaṅi, ṅruwal jalma duṣkarti yoga ilaṅa.

29. apa wus maṅrĕti sira, poma wĕkasiṅsun yayi, upama iṅsun kinisas, ḍigus kariya basuki, niŋ aja aṅlakoni, saŋ prabhu micarèŋ kalbu, laḥ ta iki woŋ apa, gaṭok sabaraŋ dèn aṅliŋ, tan ñaliṇṭut wani tataṅgoran kitab.

30. lajĕŋ kondur śri naréndra, dalu dalu aṅuṇḍaṅi, saguŋ para wadyabala, kinèn siyaga iŋ jurit, saŋ prabhu éñjiŋ éñjiŋ, arṣa aṅisas woŋ luput, kaḷĕbu kukumolaḥ, rata ḍawuhé saŋ aji, éñjiŋ kumpul baris aguŋ wadyabala.

31. muṅgèŋ alun alun aglar, satriya mantri bhupati, suméwa nèŋ pagĕlaran, tuwin saŋ ṛĕkyanapatiḥ, saguŋ para narpati, wus ḷĕṅgaḥ iŋ palowadu, saŋ prabhu ṅabdulrahman, wus miyos siŋ kĕñapuri, pan iṅayap saguŋ pacara wanudya.

32. sapraptaniŋ panaṅkilan, ḷĕṅgaḥ dirgamana rukmi, wadya guŋ guŋ ṇḍĕḍĕp sadaya, saŋ nata ṅandika aris, paman patiḥ dèn aglis, tĕtĕpiniŋ tarub aguŋ, golèkana ḍampar mas, loro siṅupana sami, laḥ piyakkĕn siṅupé iŋ sawatara.

33. iṅsun bakal ṅukumolaḥ, kawulaniṅsun pawèstri, bocaḥ maṅguŋ kukum pĕjaḥ, saguŋ kaŋ para prajurit, majuwa siji siji, bocaḥ sikĕp pĕḍaŋ saguŋ, iṅkaŋ aṇḍiṅinana, sandika ṛĕkyanapatiḥ, ṅaṛĕp tratag sampun pinasaṅan ḍampar.

34. wadyaguŋ sampun ṅuṇḍaṅan, saŋ nata ṅandika aris, hèḥ bocaḥ wadon matura, mriŋ gustimu yayi dèwi, iṅsun muṇḍut pawèstri, abdiné woŋ loro maṅguŋ, dèwi kalpikaṛĕtna, lan dèwi kalpikamurti, dipuniṅgal sun puṇḍut mriŋ pagĕlaran.

35. arṣa iṅsun ukum kisas, wotsari duta pawèstri, lumèṅsèr sakiŋ byantara, prapta ṅarṣané saŋ putri, matur saha wotsari, amba gusti dipunutus, rakadaḷĕm saŋ nata, amuṇḍut maṅguŋ kakaliḥ, kalpikadimurti kalpikadiṛĕtna.

36. kagyat kaṅjĕŋ narèswara, paṅandikanira aris, kapriyé iṅkaŋ ḍaḍawaḥ, diṅgo apa muṇḍut èstri, umatur cèṭi tudiŋ, iṅgiḥ baḍé dipunukum, wontĕn iŋ pagĕlaran, mrĕbĕŋ kaṅjĕŋ pramèswari, waṣpa mijil naṅiŋ lintaŋ jriḥ iŋ raka.

37. maṅaṅĕn aṅĕn wardaya, apa dosané kakaliḥ, suniṅu duk cilik mula, tan duwé dosa samĕnir, diwasa duruŋ mukti, wasana arṣa dèn ukum, sĕṛĕt kaŋ paṅandika, yayi kalpikadimurti, iya lawan kusuma kalpikaṛĕtna.

38. sira pinuṇḍut saŋ nata, yayi ywa maṇḍĕg tumoliḥ, dudu sira iṅkaŋ dosa, sakiŋ guṅiŋ dosamami, sunatĕrkĕn pribadi, putri kaliḥ saṛĕŋ matur, gusti sampun sumĕlaŋ, karṣanipun śri bhupati, sabab rakadaḷĕm paṅawak banawa.

39. wruḥ obaḥ osikiŋ kwula, rakadaḷĕm namuŋ darmi, ṅlanturkĕn karṣaniŋ sukṣma, pramèswari nabda maliḥ, duta matura aglis, iya maraŋ saŋ aprabhu, rèhné śri naranata, karṣa aṅlunas pawèstri, dadi iṅsun ñuwun idin pariŋ hurmat.

40. mriŋ bocaḥ iṅkaŋ kinisas, sunatĕr maraŋ satiṅgil, mbok duta saṛĕŋ uméntar, prapta ṅarṣané saŋ aji, katur aturiŋ sori, mèsĕm ṅandika saŋ prabhu, dèn éṅgal aṅatĕrṇa, wus wajibiŋ pramèswari, aṅatĕrkĕn wanudya kaŋ kukum kisas.

41. nĕmbaḥ ñahi duta méntar, praptèŋ ṅarṣané ñjĕŋ sori, ḍawuḥ timbalan naréndra, gusti tuwan dèn timbali, ṅatĕrṇa putra kaliḥ, pramèswara gupuḥ gupuḥ, ṅaṇṭi kalpikaṛĕtna, téjaswara saŋ suputri, dyaḥ kalpikadimurti kinaṇṭi sigra.

42. tandya mijil pramèswara, ginaṛĕbĕg para putri, gupita prabhu kosarṣaḥ, myarṣa kabariŋ pra putri, kalamun pramèswari, tĕḍak maraŋ sitiluhur, ñjĕnĕṅi dèn nya ṅlunas, putra pamaṅguŋ kakaliḥ, saŋ aprabhu kosarṣaḥ nusus kéwala.

43. ñjĕŋ sori ayansabitaḥ, sapraptanira sitiṅgil, lajĕŋ ḷĕṅgaḥ anèŋ ḍampar, lawan saguŋ para putri, putri maṅguŋ kakaliḥ, sampun katur saŋ aprabhu, wus lajĕŋ kinèn ḷĕṅgaḥ, nèŋ ḍampar kaŋ dèn siṅubi, putri kaliḥ sampun nèŋ sisiṅub ḷĕṅgaḥ.

44. ḍawuḥ saŋ prabhu kosarṣaḥ, prabhu ṅabdulrahman aglis, hurmat muḍun sakiŋ ḍampar, myaŋ saguŋ para narpati, wus samya tata liṅgiḥ, ṅandika kosarṣaḥ prabhu, hèḥ kaki prabhu dibya, punapa gupitèŋ ati, sira asra ṅlunas jrudĕmuṅiŋ pura.

268. jurudĕmuŋ

1. dosa apa karo ika, lawan dyaḥ jroniŋ kaḍatun, śri ṅabdul manĕmbaḥ matur, kalintaŋ wados dosanya, ulun datan kéṅiŋ matur, maṅké tamtu kahuniṅan, prabhu kosarṣaḥ sru ṅuṅun.

2. śri ṅabdul alon ṅandika, hèḥ patiḥ ḍawuḥna gupuḥ, para luraḥ prawira nuŋ, timbalana mriŋ ṅarṣèṅwaŋ, kya patiḥ manĕmbaḥ laju, ṇḍawuhkĕn timbalan nata, maraŋ luraḥ prawira nuŋ.

3. wus prapta byantara nata, paṅandikanira arum, paḍa majuwa sadarum, sadaya sigra añĕlak, bisik bisik saŋ aprabhu, lajuwa sajuga juga, ṅunusa pĕḍaŋ sadarum.

4. sirèku añjĕnĕṅana, naṅiŋ iŋ saliyanipun, sayid markaban sadarum, pamĕḍaṅé wuruṅĕna, muŋ sayid markaban tamtu, ĕkonĕn mĕḍaŋ tĕmĕnan, nĕmbaḥ sandika wus mundur.

5. lajĕŋ aniṇḍihi wadya, tambur braŋ braṅan gumuruḥ, sajuga juga gya maju, pĕḍaŋ liniga kumĕclap, pramèswari tyas kumĕpyur, nir ĕnir tarataban, marawayan mĕdaliŋ luḥ.

6. para lurahé prawira, ñjĕnĕṅi pamĕḍaṅipun, sabĕn prapta ṅarṣanipun, iŋ dyaḥ kaliḥ kaŋ kinisas, wuruṅiŋ pamĕḍaṅipun, maṅkana sadaṅunira, pĕḍaŋ tan ana ḍumawuḥ.

7. kabĕnĕr sayid markaban, praptèŋ ṅabyantara prabhu, asruniŋ pamuwusipun, hèḥ saguŋ kaŋ para luraḥ, mugi sĕkṣènana ulun, wanudya kaliḥ punika, sĕpĕn iŋ dosa sadarum.

8. iṅkaŋ minaṅka prataṇḍa, pĕḍaŋ ulun niki lamun, dadya wilaḥ wujudipun, yĕkti botĕn dados dosa, miliḥ pĕḍaŋ makṣiḥ wutuḥ, pawèstri ro tĕtĕp dosa, tartamtu katrap iŋ kukum.

9. sĕbrak tinarik pĕḍaŋnya, ḷĕmĕs warṇi wilaḥ wuluŋ, sayid markaban aṅguguk, lataḥ aṅliŋ ḍasar ñata, sĕpĕn dosa wanodyèku, para luraḥ saṛĕŋ ñĕlak, saṛĕṅiŋ pamuwusipun.

10. laḥ ta iṅgal tamakĕna, ywa tĕlaṅké pamĕḍaŋmu, markaban maṭĕṇṭĕŋ matur, paran yèn ulun lajĕŋna, lan napa wontĕn ratu, mĕjahi woŋ tanpa dosa, ulun purun praptèŋ kukum.

11. nĕtĕpkĕn wadon punika, nir dosa sakiŋ saglugut, yèn kinisasa sah‍èstu, naṇḍaŋ babĕnduniŋ sukṣma, awit kaŋ mĕṅku kaprabhun, kuraŋ titi pamarikṣa, tan adil natrapkĕn ukum.

12. iṅkaŋ minaṅka prataṇḍa, asalipun pĕḍaŋ ulun, wĕsi kimpliŋ laṇḍĕp ampuḥ, maṅkya pĕḍaŋ naṇḍaŋ walat, dadya wilaḥ gopok kluwus, pra luraḥ ṅuṅun iŋ driya, nulya muñjuk iŋ saŋ ulun.

13. wus katur sasolahira, mèsĕm suka saŋ aprabhu, wasana ṅandika arum, hèḥ bocaḥ wadon dèn éṅgal, maṅguŋ loro boya kukum, iṅsun wus pariŋ akṣama, atuṛĕna nimbok ratu.

14. wus katur putri kaliḥnya, sukèŋ tyas dayita prabhu, myarṣa ṅgyanniŋ dara arum, paglaran kaŋ winarṣita, saŋ nata ṅandika arum, si markaban timbalana, sumiwi iŋ ṅarṣaniṅsun.

15. wus kérit sayid markaban, praptèŋ ṅarṣa makiḍupuḥ, sasĕḍokan sĕmbahipun, tumuṅkul koñjĕm pratala, saŋ prabhu ṅandika arum, apa sira si markaban, kaŋ sinuŋ liŋ nĕmbaḥ matur.

16. nuwun iṅgiḥ pun markaban, saŋ nata ṅandika arum, hèḥ apa sababirèku, déné sira tuhu karya, iŋ kaliṅsĕmaniŋ ratu, ṅĕndi ana prawirèŋ praŋ, tĕka wilaḥ pĕḍaṅipun.

17. markaban umatur nĕmbaḥ, abdidaḷĕm prawiranum, pĕḍaŋnya tosan sadarum, iṅgiḥ muŋ ulun priyaṅga, iṅkaŋ maliḥ warṇanipun, wit pukulun iṅkaŋ karya, jĕr baḍé ṅisas dyaḥ ayu.

18. tan naṇḍaŋ dosa satuma, pukulun wajib katĕmpuḥ, ulun ḍĕṇḍa sababipun, damĕl susaḥ wiraŋ amba, ṅapusi wadya sawĕguŋ, ḷĕḍok iliniŋ kaŋ toya, ḍawaḥ kawula kaŋ kojur.

19. saŋ prabhu aris ṅandika, bocaḥ wadon loro mahu, paḍa anaṇḍaŋ dosa guŋ, tan ala ṅaṅgur karṣèṅwaŋ, sayid markaban umatur, ñjĕŋ panduka tan sañata, iṅkaŋ dados cihnanipun.

20. sabĕt ulun dados wilaḥ, paṅéran kaŋ maha luhur, ri kaŋ sipat ṅalimun, datan kéṅiŋ ginorohan, sakĕḍap dosanya konus, saŋ prabhu suka kalintaŋ, mèsĕm aṅandika arum.

21. sira iku jalma apa, nora sĕmbada iŋ atur, naṅiŋ tan nlisir sarambut, tĕka dadi sukaniṅwaŋ, hèḥ patiḥ sira wus sĕpuḥ, samĕṅko sun juñjuŋ paṅkat, raja ṅĕmoṅa putumu.

22. ki paṅéran adipatya, sarta mĕṅkuwa sirèku, iŋ woŋ kaputran sadarum, kya patiḥ nĕmbaḥ sandika, iŋ kono pan wus misuwur, patiḥ jinuñjuŋ ḷĕṅgaḥnya, madĕg raja amoŋ sunu.

23. ṅandika maliḥ saŋ nata, hèḥ saguṅiŋ para ratu, kalawan kawulaniṅsun, woŋ mĕsir sadayanira, rèhniŋ paman patiḥ uwus, iṅsun adĕgaké raja, ṅiŋ tan darbé suta jalu.

24. iṅkaŋ minaṅka atmaja, si sayid markaban iku, sun sĕṅkakkĕn mariŋ luhur, gumantiya dadi patya, ḷĕstariya arannipun, manindya mantri markaban, maṅayubagya pra ratu.

25. ṅandika maliḥ saŋ nata, patiḥ markaban sirèku, wus tĕtĕp waraṅkaniṅsun, kaŋ sun gaḍuhkĕn mriŋ sira, paréntaḥ lan paṅrasèṅsun, ṅĕtrapkĕn hwa taha taha, mriŋ saguŋ nayakaniṅsun.

26. miwaḥ mriŋ santananiṅwaŋ, ywa waŋ waŋ dumèḥ woŋ aguŋ, kawimbuhan santanèṅsun, lawan aywa aṅgĕgampaŋ, cilik dèn ṅgo ala ṅaṅgur, saḍéṅaḥ kawulaniṅwaŋ, kaŋ apaḍa alaku dur.

27. iṅkaŋ sisip lakunira, gĕḍé cilik asor uṅgul, patrapana ḍĕṣṭanira, jĕjĕgiŋ kaŋ paṅadilan, kaŋ kalayan ḍĕṇḍa iku, iya ḍĕṇḍanĕn ywa waŋ waŋ, tan susaḥ koñjuk mariṅsun.

28. wis saḥ iŋ sira pribadya, sanadyan santananiṅsun, nanasar nalisip laku, ywa talaṅké tumindaknya, manawa wus pañcèn kukum, iku bañjur ĕtrapĕna, timbaṅé lan dosanipun.

29. kabèḥ prakaraniŋ praja, kaŋ mriḥ widadaniŋ ayu, iṅsun wus tan mèlu mèlu, saraḥ pracayèŋ iŋ sira, samanèku dèn ah‍émut, ywa ṅĕguṅkĕn paṅuwasa, kaṇṭinĕn lan adiliṅsun.

269. kinaṇṭi

1. sanadyan saduluriṅsun, tuwin putraniṅsun sami, yèn nasar tindak lakunya, sisip pakaryaniŋ patiḥ, nora manut sarèhira, myaŋ bawanta kaŋ prayogi.

2. ywa taha taha sirèku, maraŋ pañjĕnĕṅan mami, tĕka sira patrapana, iŋ sapatrapanta patiḥ, lawan timbaṅiŋ panasar, tuwin panisipiŋ patiḥ.

3. anadéné iku muṅguḥ, tatrapan iṅkaŋ awarṇi, baŋ baŋ alum alumiṅwaŋ, kaŋ mriŋ abdiṅoŋ woŋ cilik, ya iṅkaŋ amawa dosa, laḥ iya iṅkaŋ kawajib.

4. nayaka santananiṅsun, sunpariṅkĕn sira patiḥ, atas sun nora uniṅa, kaŋ patut sira bĕloki, bĕlokkĕn ywa taha taha, kaŋ patut dèn supatani.

5. sampurṇakna supatèku, ya supatanana patiḥ, sarupaniŋ kwulaniṅwaŋ, pan iṅkaŋ katrap umiriŋ, baŋ baŋ alum alumiṅwaŋ, lir duk mahu iku patiḥ.

6. kajaba nayakaniṅsun, lan putra santanamami, uwisa ana iŋ sira, aywa koṅsi koñjuk mariŋ, iya pañjĕnĕṅaniṅwaŋ, uṅgyannira aṅlakoni.

7. aṅukum iku duk mahu, nèŋ wismanira pribadi, yèn sira matrapi jalma, iṅkaŋ dosa lan prakawis, para padu marganira, anulya ĕsaḥna patiḥ.

8. dèn kĕbat kalawan kukum, kukumolaḥ iṅkaŋ uwis, iṅsun gaḍuhakĕn maraŋ, sipaṅulu lawan maniŋ, yèn ana kawulaniṅwaŋ, kaŋ paḍa padu prakawis.

9. sakèhé aywa sirèku, kapitayan ṅandĕl jalmi, dèn lumintu pamrikṣanta, maraŋ kwulaniṅsun sami, jakṣa kalawan pradata, déné yèn ana prakawis.

10. prakara kaŋ para padu, yoga muṅgaḥ ukum aglis, sira apaparéntaha, ṅuṅgahkĕn kukumolahi, iṅkaŋ sun gaḍuhkĕn maraŋ, sipaṅulu lamun uwis.

11. ĕsaḥ kalawan iŋ kukum, para padu iku patiḥ, sira iṅkaŋ sunpitaya, sunwĕnaṅakĕn ṅĕtrapi, woŋ kaŋ katrap kukumolaḥ, muŋ kukum kisas añjawi.

12. iya lawan raja lampus, apadéné sakaṭahiŋ, kawulaniṅsun sadaya, kaŋ mañjiŋ bawahṅoŋ mĕsir, gĕḍé cilik ñjĕro jaba, yèn ana iṅkaŋ katrap iŋ.

13. iya mriŋ kukumolahu, atas sira sunpasrahi, ṅĕtrapĕna sahukumnya, ana iŋ sira apatiḥ, iya ta sayid markaban, aja ĕsaḥ sabĕn ari.

14. mupaṅatan sipaṅulu, sasulaḥ bawanta patiḥ, dipunmupakat kalawan, ukumiṅsun kaŋ pinuṇḍi, ya lawan paṅuluniṅwaŋ, iŋ samaṅsa ana jalmi.

15. iṅkaŋ kapatrapiŋ kukum, dipunkĕbat sira patiḥ, aṅĕtrapi sahukumnya, aja koṅsi kuñjuk maniŋ, maraŋ pañjĕnĕṅaniṅwaŋ, kajaba kaŋ kukum pati.

16. lan kisas ṅĕtokkĕn marus, atas pañjĕnĕṅan mami, pribadi iṅkaŋ ṅĕtrapna, apadéné ḍawuhmami, mriŋ sira sayid markaban, sira patiḥ iṅsuntudiŋ.

17. ṅĕtrapkĕn kawasaniṅsun, sarta paréntahsun iki, dèn bĕnĕr lawan prayoga, anadéné sira patiḥ, yèn ana kawulaniṅwaŋ, amuraŋ yudanagari.

18. utawa dĕgsurèŋ laku, tiṅkaḥ sirikiŋ nagari, anarajaŋ préntahira, iṅkaŋ wus sirawaḷĕri, anuli sira trapana, kaŋ bĕnĕr préntaḥmu patiḥ.

19. uwisa ana sirèku, aja koṅsi kuñjuk mariŋ, maraŋ pañjĕnĕṅaniṅwaŋ, sira aywa tuṅkul patiḥ, ṅgyanta bahuṛĕkṣèŋ praja, ywa kaṇḍĕg ṅgonmu ndumbani.

20. sakèhiŋ kawulaniṅsun, kaŋ paḍa aṅrèhkĕn amriḥ, kamulyanirèŋ nagara, uṅgyannira aṅĕtrapi, ṅĕtrapkĕn kawasaniṅwaŋ, kèḥ paréntahiṅsun patiḥ.

21. tĕtĕpana iŋ sadarum, sahulahbawané patiḥ, satindak lakuniŋ kula, papatiḥ kaŋ ḍiṅin ḍiṅin, kaŋ wus kalakon prayoga, paḍa tĕtĕpana patiḥ.

22. pacuhan pacuhan iku, hèḥ sayid markaban patiḥ, sira sun gawé papatya, baraŋ gawé dèn kasaṅgi, sapakaryaniŋ papatya, aja éwaḥ kaya ṅuni.

23. kaŋ wus kalakon sadarum, pacuhan pacuhan kyèhniŋ, kawulaniṅsun sadaya, paḍa aṅèstokna sami, sakèhiŋ paṅwasaniṅwaŋ, kaŋ sunpariṅkĕn sipatiḥ.

24. taha yèn datan miturut, datan ṅèstokakĕn mariŋ, tanapi yèn mahidowa, kaplakṣana préntahmami, sun gawé paṅéwan éwan, muṅgèŋ ṅalun alunmami.

25. mashur ḍawuhé saŋ prabhu, sayid markaban anaṅis, lon umatur pĕgat pĕgat, gusti pun patik tan ṅimpi, kalamun dadya waraṅka, kabina boḍoniŋ dasiḥ.

26. saŋ nata ṅandika arum, nadyan boḍo ujĕr uwis, dadi sĕnĕŋ paṛĕṅiṅwaŋ, wis aja akèḥ pinikir, luṅguha mor para raja, patiḥ markaban wotsari.

27. lajĕŋ nuṅgil para ratu, saŋ nata ṅandika aris, saguŋ para raja raja, puṅgawa mantri bhupati, satriya paratmajéndra, paḍa maluṅsuṅa sami.

28. iya maraŋ patihiṅsun, dèn pantĕs lawan watawis, sarta karyakĕna wisma, dèn paḍa wismaniŋ patiḥ, iṅgal paḍa ḷĕkasana, miluṅsuŋ lan karya panti.

29. saŋ prabhu jĕṅkar ṅaḍatun, kaŋ rama lajĕŋ kinaṇṭi, ginaṛĕbĕg para kĕña, iŋ sapraptaniŋ sitiṅgil, gantya ṅaṇṭi pramèswara, sayid markaban winarṇi.

30. kondur maraŋ wismanipun, jinajaran iŋ prajurit, ginaṛĕbĕg para raja, ḍarat saguŋ para aji, makṣiḥ ṅaṅgé prajuritan, sayid markaban papatiḥ.

31. ciṅak iṅkaŋ samyandulu, jinĕjĕl samargi margi, andulu sayid markaban, iṅkaŋ añar madĕg patiḥ, dadya tontonan samarga, jajaran wus notog panti.

32. miré kiwa tĕṅĕn pintu, sayid markaban kaŋ èstri, gupita ndulu pra raja, bojoné nora kah‍èkṣi, anulya ĕnĕp sĕṇṭoṅan, ṇḍaroḍog kalaṅkuŋ ajriḥ.

33. ki antyanta ṅgènnya ṅgalur, criyosé markaban sayid, kèndĕl maṅkya winurṣita, sadaya kaŋ samya myarṣi, iŋ sadaṅuniŋ carita, suka ṛĕnané tan sipi.

34. gumuyu ambatarubuḥ, kĕkĕl ṅanti mbrĕbĕsmili, ana gèḍèg gèḍèg éram, cĕbolaŋ umatur aris, kala wahu kyayi mĕḍar, kados sanès tĕmbuŋ jawi.

35. jaṅanlaḥ comèl mulutmu, bĕrṇanti béta marahi, muŋ punika kaŋ kèṅĕtan, kaṭaḥ panuṅgilannèki, punika tĕmbuŋ punapa, jawènipun kadospundi.

36. jĕbèŋ iku tĕmbuŋ mlayu, déné ta tĕmbuṅé jawi, jaṅan aja comèl ṅomyaŋ, mulut caṅkĕm bèrṇanti, jawa mĕṅko béta kula, maraḥ nĕpsu pukul gitik.

37. kĕpalamu ĕṇḍasmu, biyar cikbèn bahik bĕcik, mas cébĕlaŋ duk miyarṣa, sukèŋ tyas umatur aris, sumaṅga kalajĕṅĕna, kaŋ mocuŋ mriŋ sĕṇṭoŋ cilik.

270. pocuŋ

1. laṅkuŋ ajriḥ yèn jinaraḥ saŋ aprabhu, gya sayid markaban, umañjiŋ wisma pribadi, para raja ṇḍĕḍĕg sajawiniŋ lawaŋ.

2. ṅanti ḍawuḥ sayidin markaban paṅguḥ, lawan garwanira, sampun sinuṅan udani, sukaniŋ tyas aṇḍuḍaḥ papañcènira.

3. antuk kaliḥ dukat sigra dèn nya tuku, mijil pupuṅkuran, lajĕŋ maraŋ pasar apti, atutuku saguŋ kaŋ olèḥ olèhan.

4. taṅganipun warata ana woŋ satus, wus samya miyarṣa, yèn sayid markaban dadi, patiḥ mĕṅku saguŋ kaŋ para naréndra.

5. samya dandan suméwa ṅladèni bikut, ana mĕñaŋ pasar, sasanakané kèḥ prapti, samya atur atur sakawasanira.

6. ñahi patiḥ dèn nya tutuku wus rawuḥ, piraŋ piraŋ joḍaŋ, nulya tinata iŋ ṅarṣi, para raja wus samya ṅaturan ḷĕṅgaḥ.

7. wisma sêsak ḍasar papanipun ciyut, mbĕḍaḥ pagĕr karaŋ, andadak dipuntarubi, goḍoŋ jati tĕlasiŋ buntĕl tumbasan.

8. bak mbalèbèr prapta sajabaniŋ luruŋ, datan daṅu prapta, kakaliḥ duta narpati, woŋ aṅgaṇḍèk sarwi ṅampil pataḍahan.

9. lawan ṅirit pipikulan sèwu pikul, joḍaŋ piraŋ piraŋ, woŋ gaṇḍèk ṅadĕg sru aṅliŋ, hèḥ ki patiḥ ḍawuhdaḷĕm pakĕnira.

10. pinariṅan bhuṣaṇa lorodan prabhu, myaŋ ñjĕŋ pramèswara, papariŋ paṅanan naṅsi, matur nuwun kyapatiḥ sayid markaban.

11. nulya saguŋ papariŋ tinampan sampun, gya sayid markaban, maṅaṅgé agĕmiŋ patiḥ, paṅan sĕkul ulam wus tinata samya.

12. datan daṅu ana jajaran kadulu, gumrĕdĕg pacara, wanodya sèwu kah‍èkṣi, gugup para raja liṅgar siŋ ḷĕṅgahan.

13. hurmat mĕtu saŋ nata kaŋ arṣa rawuḥ, lawan pramèswara, tuwin saguŋ para putri, gumaṛĕdĕg gumuruḥ swaraniŋ kĕña.

14. lajĕŋ ḷĕṅgaḥ iŋ ṅèmpèr saŋ prabhu ṅabdul, lawan pramèswara, saguŋ kaŋ para narpati, ḷĕṅgaḥ muṅgèŋ tatarub gĕḍoŋ gĕḍoṅan.

15. kyanapatiḥ makiḍupuḥ ḷĕṅgahipun, saŋ nata ṅandika, patiḥ garwamu nèŋ ĕndi, kinèn marak mriŋ gustimu pramèswara.

16. mundur aris kyana patiḥ awotsantun, paṅgiḥ garwanira, pinardi maṛĕg saŋ sori, ñahi patiḥ mopo pinĕkṣa iŋ priya.

17. gya umaṛĕk pramèswari ṅandika rum, iki garwanira, kakaŋ patiḥ yu linuwiḥ, makṣiḥ kĕñcĕŋ apa duruŋ darbé putra.

18. lon umatur sayidin saha wotsantun, gusti ṅgiḥ punika, warṇinipun iṅkaŋ abdi, kiḍuŋ dèrèŋ sumĕṛĕp iŋ tatakrama.

19. iṅgiḥ dèrèŋ sapisan gaḍaha sunu, pramèswari nabda, hèḥ kakaṅbok ñahi patiḥ, amajuwa ywa wĕdi ywa taha taha.

20. pramèswari téjaswara ñaṇḍak gupuḥ, payo payo kakaŋ, liṅgiha jajar lan mami, pan ginèndèŋ anulya tata aḷĕṅgaḥ.

21. baranarta ndaḷĕdĕg sakiŋ kaḍatun, myaŋ sakiŋ pra raja, tuwin sakiŋ para putri, sakiŋ para puṅgawa paratmajéndra.

22. sakiŋ mantri bhupati aṅuṇḍuŋ uṇḍuŋ, lajĕŋ abujana, anutug saguŋ para ji, sukan sukan saŋ aprabhu ṅabdulrahman.

23. bakda ṅisa saŋ prabhu kosarṣaḥ rawuḥ, lawan pramèswara, lajĕŋ samya tata liṅgiḥ, patiḥ sayid markaban aṅuswa pada.

24. baṅun éñjiŋ kundurira saŋ aprabhu, wusiŋ lama lama, adĕgnya markaban patiḥ, laṅkuŋ harja tata tĕntrĕmiŋ nagara.

25. isiḥ ṅgalur markaban caritanipun, yèn tutugĕna, tĕluŋ dina duruŋ uwis, sabañjuré muŋ kaya doṅèŋ kéwala.

26. muŋ daktutur paṅrasaku wus kacukup, ki sali turira, iṅgiḥ sampun añĕkapi, apa iya maṅkono jĕbèŋ cobolaŋ.

27. nĕmbaḥ matur kasiṅgihan iṅkaŋ ḍawuḥ, rahosiŋ tyasamba, kadyaṅganiŋ tampi waṅsit, sakalaṅkuŋ ḷĕga tampi siḥ nugraha.

4. iŋ majasta ; sawatawis papan sujarahan mas cĕbolaŋ ṅlajĕṅakĕn lampaḥ dumugi iŋ majasta kapaṅgiḥ ki jayamilasa jurukuñci pasaréyan jaka boḍo putra raja majapahit iṅkaŋ ṅruṅkĕbi agami islam, ñĕkabat sunan tĕmbayat kaḍawuhan dudunuŋ iŋ ṛĕdi majasta dumugi iŋ sédanipun. lajĕŋ sami jiyaraḥ iŋ pasaréyan majasta.

28. lir aṅgyaniŋ sasaṅka kataman mĕṇḍuŋ, maṅkya kapawanan, jaladara tan ṅlabĕti, saguŋ candra añunari sabhawana.

29. ḍuḥ saŋ luhuŋ akṣamanta iṅkaŋ aguŋ, béñjiŋ éñjiŋ amba, sakañca añuwun pamit, baḍé lajĕŋ nuhoni sĕdyaniŋ nala.

30. ki antyanta mèsĕm aṅandika arum, rasaniŋ tyasiṅwaŋ, sahupama woŋ abukti, duruŋ tuwuk aṅgonku tamuwan sira.

31. naṅiŋ paran yèn ulun ṅĕguli laku, jĕbèŋ nora liwat, muhuŋ iŋ pandoṅa mami, lastariya salamĕt sasĕdyanira.

32. kaŋ sinuŋ liŋ maṅĕñjali matur nuwun, kapuṇḍi mastaka, dumadya jajimat pripiḥ, gya maṅarṣa ṅaras pada gantya gantya.

33. myaŋ ki wisma mriŋ ki sali liṅira rum, jĕbèŋ yèn sambada, mampira iŋ ḍukuhmami, mas cĕbolaŋ matur nuwun paṅakṣama.

34. mugi sampun andadoṣkĕn cuwèŋ kalbu, rèhniŋ lampaḥ amba, sampun sawatawis lami, dèrèŋ paja dumugi iṅkaŋ sinĕdya.

35. kyayi sali ṅguguk paṅandikanipun, jĕbèŋ insa allaḥ, nora dumadya tyasmami, ulun uga ñaṅoni puja raharja.

36. matur nuwun ki antyanta ṅandika rum, laḥ wawi bibaran, wus awañci liṅsir ratri, tan cinatur iŋ dalu warṇanĕn éñjaŋ.

37. bakda subuḥ samĕkta sarapanipun, wus samya manaḍaḥ, tandya sasalaman sami, mariŋ para santri kaŋ jagi nèŋ laṅgar.

38. baŋ baŋ wétan hyaŋ surya arṣa jumĕḍul, maḍaṅi bhawana, cĕbolaŋ saréñcaṅnèki, wus aliṅgar sakiŋ astana ṅlawéyan.

39. ṅidul ṅétan ṅambaḥ sawaḥ tĕgal talun, mlipir paḍusunan, ñabraŋ lèpèn aguŋ alit, yèn kadalon ñipĕŋ anèŋ paḍusunan.

40. éñjaŋ laju lumaku sasambèn wuwus, cĕbolaŋ liṅira, kakaŋ saloka nurwitri, dimèn nora krasa sayaḥ iŋ lumampaḥ.

41. ulun ṅgilut ṅandikané pra linuhuŋ, nagri ṅèkṣiganda, tanapi sahurutnèki, wantahané ginĕluŋ piraŋ prakara.

42. kaŋ sinuŋ liŋ ulun èstu dèrèŋ ṅgayuḥ, kaŋ dèn aṇḍar cĕṭa, pami sĕkul lam kabukti, ulam muṅgèŋ rampadan wus ṅaṇḍar aṇḍar.

43. kaŋ añuguḥ aṅgĕlarkĕn namanipun, iŋ satuṅgal tuṅgal, lan pikantuké mriŋ ḍiri, sukalila nuntĕn dipunrahosĕna.

44. sampun maliḥ rahosipun yèn kacakup, namuŋ namanira, satuṅgal kéwala lali, tĕmaḥ kaḍo kaḍo botĕn sagĕt nĕḍa.

45. doṅoŋ jaṅur kadi tiyaŋ gĕtun ṅuṅun, mila kawĕḍarṇa, wantahiŋ piwulaŋ jawi, paṅgĕluṅé réma mĕntas jinamasan.

46. kakaŋ iṅkaŋ ḍiṅin jalma wruḥ iŋ kukum, iku watĕkira, adoḥ mriŋ kaniṣṭanèki, pamicara wèḥ ṛĕsĕpé kaŋ miyarṣa.

47. tatakrama ṅĕdohakĕn iŋ pañĕṇḍu, kagunan kinarya, ṅupaboga iŋ ṅahurip, kalakuwan bĕcik wèḥ ayuniŋ raga.

48. ki nurwitri ki salaka maṇṭuk maṇṭuk, é, é ora jamak, gaṅsal tĕmbuŋ wus ñĕkapi, nora rapal nora kawi ṅgugu jarwa.

49. paran kakaŋ muṅguḥ rahosé galiḥmu, tĕka mupus rosan, kula ṅĕmbaŋ bolo yĕkti, waṅsalané ki pañjaṅmas ṅèkṣiganda.

50. kadèk mahu ṅĕmbaŋ nipaḥ nir pamuwus, bañjur kawistara, ṅĕmbaŋ salak sĕmunèki, baléyatma waṅsalané ki pañjaṅmas.

51. ki nurwitri saloka saya aṅguguk, pala kartipala, anut gumuyu ñĕkikik, aṅliŋ kula bĕlo nut sĕton kéwala.

52. lampahipun wus awis mraṅguli ḍusun, ṅambaḥ ṅara ara, wana rañcaḥ suku wukir, juraŋ pèrèŋ ruṅgut boṇḍot ṅĕmbak ĕmbak.

53. lamun dalu sipĕŋ plaṅgroṅan wana guŋ, trĕbaṅé tinatab, buron galak ñiṅkir tĕbiḥ, tĕkèŋ éñjaŋ ganti ganti kaŋ naṛĕbaŋ.

54. purṇamaniŋ surya biḍal ṅañcas gunuŋ, kĕṇḍĕŋ iŋ dukṣina, sakiŋ mandrawa kah‍èkṣi, wukir alit wiṅit astana majasta.

55. sinĕraŋ wus praptèŋ sukuniŋ kaŋ gunuŋ, miyat patĕgalan, pasitrèn tumruna sami, tatanĕman mawarṇa pinaṇṭa paṇṭa.

56. maraséba rajasèwu kusta talun, waliṅi sriwulan, garahita mas bĕcici, kluṭuk kĕpok ĕbyar sidak pulut saba.

57. pala pĕṇḍĕm kĕṇṭaŋ mbili taḷĕs kimpul, gĕmbolo gĕmbéla, uwi suwĕg bĕstul liñjik, kaspé téla pĕṭak ṛĕta wuṅu pita.

58. jwawut otèk caṇṭèl jèpèn jaguŋ tĕbu, timun paré ayam, waloḥ labu bligo krahi, téroŋ kopèk galaṭik lobak sĕmaṅka.

59. cipir kara boñcis kacaŋ bayĕm sĕkul, lombok krupuk caṅak, tampar wudĕl uprĕt jĕmprit, ḍapuran priŋ papagĕriŋ pakaraṅan.

60. rampal ori pĕtiŋ pĕtuŋ wuluŋ tutul, ampèl gaḍiŋ jawa, gĕsiŋ aṅgĕndani ḷĕgi, ki cĕṇḍani ñĕkĕl apus ñèṅklak kuda.

61. mas cĕbolaŋ lawan réñcaṅira catur, praptèŋ tĕpinira, lèpèn dèṅkèŋ nèŋ ṅaṇḍapiŋ, witiŋ kamal piṅgĕt tilasiŋ pusara.

62. samya cawuk cawuk toya rahup wisuḥ, wĕnèḥ awak awak, nahĕn ta iṅkaŋ winarṇi, pradikaniŋ majasta jayamilasa.

63. wus wruḥ lamun ana ḍatĕṅan linuhuŋ, paréntaḥ mriŋ sémaḥ, saḍiya sasĕgaḥ bukti, gya mriŋ lèpèn mèt toyastuti yun ṅasar.

64. tumurun siŋ arga nèŋ lèpèn wus tuṇḍuk, lawan mas cĕbolaŋ, sasalaman gĕnti gĕnti, ki milasa wiraŋroŋ amanĕmbrama.

271. wiraŋroŋ

1. tigas kawuryan kaŋ prapti, manilakrama kaptèŋ ṅoŋ, sintĕn sinambat miwaḥ iŋ puṅkur, tanapi kinapti, masputu sadayanya, mas cĕbolaŋ lon turira.

2. kyayi ndaṅu nama mami, pun cĕbolaŋ raré ṅloyoŋ, asli kilènpraga tlataḥ kĕḍu, yun mriŋ pranaragi, réñcaŋ catur namanira, pun nurwitri ki saloka.

3. kartipala palakarti, ulun duk mahawan anon, wukir alit pélag aṅuṅuwuŋ, kadĕṛĕŋ yun uniŋ, tan étaŋ bahyèŋ marga, ḍuḥ risaŋ wrĕḍa ujwala.

4. sintĕn sinambatiŋ kaŋ siḥ, tanapi namaniŋ ḍépok, milasa duk myarṣa liṅira rum, masputu pun kaki, nama jayamilasa, pradikaniŋ ṅèkṣiganda.

5. sinuṅan pakaryan amiŋ, rumĕkṣa tilas ḍéḍépok, kaŋ sumaré arga majastèku, atmajèŋ narpati, majapahit pamuṅkas, dyan jakaboḍo namanya.

6. sabĕḍahé majapahit, tambuḥ solahé saŋ anom, lajĕŋ añĕkabat ñjĕŋ sinuwun, iŋ tĕmbayat ṅuni, mañjiŋ agama islam, sinuŋ ran sutawijaya.

7. tinuduḥ ḍéḍépok wukir, majasta praptaniŋ layon, ran kyagĕŋ majasta kaŋ kinubur, nèŋ aṅgraniŋ wukir, déné ta raganiṅwaŋ, lamat lamat takṣiḥ ṅganda.

8. kaprĕnaḥ caṅgahirèki, kyagĕŋ iŋ majasta ḍépok, cĕbolaŋ duk myarṣa lon umatur, kyayi yèn maṛĕṅi, ulun arṣa jiyaraḥ, mriŋ astanèŋ saŋ minulya.

9. masputu laṅkuŋ prayogi, bakda ṅasar lajĕŋ mawon, mariŋ pasaréyan sun tumutur, wus samya wulukiŋ, gya mariŋ maśjid wĕkdal, bakda lajĕŋ mriŋ saréyan.

10. binuka kontĕnirèki, samya atur salam gupoḥ, mah‍ésan kaliḥnya maṇṭuk maṇṭuk, taṇḍa yèn tinampi, mila paṅgrahitèŋ tyas, dudu santri sabaraṅan.

11. cĕbolaŋ saréñcaṅnèki, nulya tahlil ṛĕmpĕg alon, tahlil wus paragat samya mĕtu, atur salam maliḥ, mah‍ésan dwinya ébaḥ, maṇṭuk maṇṭuk lir duk prapta.

12. sapraptanira iŋ jawi, jayamilasa liŋnya lon, masputu sadaya yèn saarju, ḷĕṛĕm wismamami, gampil béñjaŋ éñjaŋ, lajĕŋ ndumugèkkĕn lampaḥ.

13. sĕḍĕŋ nir rapuhiŋ ḍiri, tan wontĕn winalaṅatos, cĕbolaŋ sukèŋ tyas aturipun, sumaṅga iŋ kapti, sakarṣa tan ḷĕṅgana, nulya binĕkta mriŋ wisma.

14. sapraptanira iŋ panti, sasĕgaḥ sampun mirantos, tinata paṇḍapa muṅgèŋ salu, wusiŋ tata ḷĕṅgaḥ, sumaṅga sawontĕnnya, wédaŋ tanapi ñamikan.

15. sawontĕné tiyaŋ ardi, lumayan jampiniŋ kator, yèn wus minum wédaŋ sah‍énipun, kéwala abukti, kaŋ sinuŋ liŋ sadaya, rumahab mriŋ sasĕgaḥnya.

16. pakantuk sadayanèki, wus dumugi gya linorot, wédaŋ iṅĕjogan ḍaranipun, laḥ olahan tuwin, wowohan pinuliyan, katuṅka surupiŋ surya.

17. mèt hèr kadas ayun mahrib, kĕṇṭoṅan tinatap ṭoŋ ṭoŋ, para tamu miwaḥ santrinipun, sadaya mriŋ maśjid, bĕḍugé wus tinĕmbaŋ, ki nurwitri tandya adan.

18. lagu lalagon mantawis, kaŋ miyarṣa samya gawok, bantasiŋ suwara ĕmpuk arum, cĕp adan sunati, mahribi bakda sunat, cĕbolaŋ anulya kamat.

19. swara ṛĕñaḥ muluḥ rujit, iṅkaŋ myarṣa samya lamoŋ, ñĕñĕsiŋ wardaya mawĕtu luḥ, milasa ṅimami, tumĕkanirèŋ ṅisa, bakda ṅisa pupujiyan.

20. ḍikiran sĕsĕg mĕliṅi, paragat salaman gupoḥ, mariŋ kyayi imam pra santri wus, muḍun sakiŋ maśjid, ki wisma mriŋ tamunya, ulun sumaraḥ sakarṣa.

21. punapi waṅsul mriŋ panti, punapi ṅriki kémawon, kaŋ sinuŋ liŋ matur ulun ñuwun, sipĕŋ wontĕn srambi, ki milasa paréntaḥ, hèḥ bocaḥ santri dikĕbat.

5. iŋ sapiṅgiriŋ lèpèn dĕṅkèŋ wontĕn wit asĕm iŋ tĕṅahipun mĕṅgik alit. miturut ki jayamilasa wit asĕm wahu iŋ jaman kinanipun kaṅgé nañcaŋ gèṭèkipun jaka tiṅkir. lajĕŋ kabèbèrakĕn babadipun jaka tiṅkir nalika baḍé suwita ḍatĕŋ dĕmak, numpak gèṭèk. ḷĕṛĕm iṅ majasta, gèṭèk kacañcaŋ wit asĕm iṅkaŋ tilasipun takṣiḥ katiṅal piṅgĕt alit iŋ tĕṅaḥ wahu

22. ñjupuka kalasa ḷĕmpir, wédaŋ kinaŋ sata klobot, ñamikané pisan sak nanipun, lan suṅgata bukti, pra réñcaŋ gya tumandaŋ, ṅusuŋ usuŋ wus tinata.

23. sampatiŋ panatanèki, anulya manaḍaḥ royom, rahab sadayanya wusnya tutug, iṅundurkĕn aglis, anulya pamaṅsĕgan, wédaŋ sĕs miwaḥ wawohan.

24. gantya tinata iŋ ṅarṣi, ki wisma liṅira alon, suwawi rinuraḥ ḍaranipun, pambiratiŋ amis, ginontor wédaŋ kahwa, cĕbolaŋ sakañcanira.

25. wus mĕṇḍĕt sasukanèki, sambèn matur tatanya lon, sintĕn kaŋ kaguṅan tĕgal talun, myaŋ pasitèn tuwin, kĕbon tanĕman samya, tumruna ndados wohira.

26. iba papajĕṅannèki, sahuṇḍuhan slawé kĕton, milasa aṅliŋ aris iṅgiḥ ulun, iṅkaŋ andarbèni, satirahiŋ tinaḍaḥ, tataṅga mañcapat prapat.

27. sintĕn sintĕna kaŋ apti, mĕṇḍĕt kaŋ wus wañci ṅuṇḍoḥ, ulun sukalila nrusiŋ kalbu, pramila basuki, kalis durṣila ṅrusak, malaḥ tumut ṇḍaṅir ṅrĕkṣa.

28. kamirahaniŋ hyaŋ widdhi, bĕrkahdaḷĕm saŋ akatoŋ, tiyaŋ sa majasta samya cukup, tĕntrĕm tyasé sami, kalis durṣila murka, sumuṅkĕm mariŋ agama.

29. cĕbolaŋ umatur iṅgiḥ, kaŋ makatĕn kacariyos, jakat iṅkaŋ ĕsaḥ trusiŋ kukum, mupaṅat duña kir, añjawi kaŋ punika, kamal tĕpiniŋ narmada.

30. wit gĕṛĕt tĕpuṅlaŋ ṅulit, ṅarompyoḥ wiṅit kaŋ sinom, paran suwadinya critèŋ daṅu, milasa mèsĕm ṅliŋ, punapa dèrèŋ myarṣa, cariyosiŋ kala kina.

31. duk jaman iŋ dĕmak nagri, biliḥ dèrèŋ miṛĕŋ criyos, ulun baḍé ṅgĕlar gotèkipun, rama duk suwargi, kamiṛĕṅakĕn lawan, lèlèḥ lèlèḥ sasaréyan.

32. cĕbolaŋ umatur aris, èstu dèrèŋ miṛĕŋ criyos, mugi kawĕḍarṇa iṅkaŋ turut, ṅgiḥ kula wiwiti, iṅkaŋ supados tĕraŋ, wit dipati dayaniṅrat.

33. iṅkaŋ kĕkiṭa iŋ pĕṅgiŋ, pinuṇḍut mantu saŋ katoŋ, prabhu bhrawijaya majalaṅu, ḍahup lan saŋ putri, ṛĕtna pambayun iṅkaŋ, ibu putri sakiŋ cĕmpa.

34. lajĕŋ puputra kakaliḥ, jalu abagus kinahot, awit timur gĕntur tapanipun, iṅkaŋ sĕpuḥ nami, dyan kĕbokanigara, kaŋ anèm kĕbokĕnaṅa.

35. saŋ dipati nulya lalis, putra kakaliḥ padudon, pradondi agami iṅkaŋ sĕpuḥ, budha dèn lĕṅgahi, lajĕŋ martapa maraŋ, kawaḥ kawahiŋ kaŋ arga.

36. sabĕḍahiŋ majapahit, kilap takṣiḥ kilap layon, dyan kĕbokanaṅa amiturut, agami islami, sarak ñjĕŋ rasullolaḥ, nèŋ pĕṅgiŋ ṅadĕg jumuwaḥ.

37. gurunipun sèḥ sitibrit, sudara tuṅgil paguron, kiyagĕŋ iŋ ṅĕraŋ kyagĕŋ butuḥ, kiyagĕŋ iŋ tiṅkir, catur sah‍ékapraya, kacriyos ñjĕŋ sultan dĕmak.

38. miyarṣa putra iŋ pĕṅgiŋ, dyan kĕbokanaṅa miroŋ, saṅgaruṅiniŋ tyas tandya ṅutus, pinisĕpuḥ nami, kiyagĕŋ wanapala, sarta binĕktanan suwal.

39. pan namuŋ tigaŋ prakawis, sapisan paran kaŋ dados, kaniyatannira tulusipun, aṅibadaḥ amiŋ, punapi mélik maraŋ, maṇḍirèŋ karaton dĕmak.

40. piŋ kaliḥ sultan wus uniŋ, yèn makṣiḥ santanèŋ katoŋ, kapiŋ tri punapa sababipun, tan purun sumiwi, atusé kaŋ ḍaḍawaḥ, ki wanapala gya méntar.

41. sapraptanipun iŋ pĕṅgiŋ, lawan kiyagĕŋ wus paṅgoḥ, sasalaman samya sukèŋ kalbu, taña tinanya ris, ki wanapala blaka, iṅutus risaŋ ñjĕŋ sultan.

42. sinamar ḍawuḥ narpati, daṅu babantahan kawroḥ, surahos wus wikan niyatipun, kiyagĕŋ iŋ pĕṅgiŋ, ki wanapala nulya, pamit mantuk maraŋ praja.

43. matur mriŋ ñjĕŋ śri bhupati, wigatiniŋ kaŋ wawados, kyayi pĕṅgiŋ èstu maliḥ kayun, iŋ lahir nĕtĕpi, aṅgènnipun ṅibadaḥ, anaṅiŋ batos sumĕdya.

44. jumĕnĕŋ śri narapati, sru baṅkit ñamur lalakon, kaṭaḥ aturira kaŋ mriḥ lipur, dukaniŋ narpati, ki pĕṅgiŋ winaṅĕnan, dwi warṣa tartamtu sowan.

45. kacriyos kiyagĕŋ pĕṅgiŋ, mantuké utusan katoŋ, lajĕŋ katamuwan kadaṅipun, ki butuḥ ṅraŋ tiṅkir, sabab miṛĕŋ pawarta, yèn ki pĕṅgiŋ tinimbalan.

46. mriŋ dĕmak mopo tanapti, kadaŋ tri samya kuwatos, bobolèḥ mriḥ ayu pakṣa puguḥ, sipĕŋ kadaŋ katri, tinaṅgapakĕn wayaŋ, bèbèr añaṛĕṅi maṅsa.

47. garwanipun kyayi pĕṅgiŋ, wawrat wus sĕpuḥ gya miyos, jalu laṅkuŋ pélak aṅuṅuwuŋ, ñaṛĕṅi drĕs riris, kinèn kèndĕl ki ḍalaŋ, jabaŋ yi binarṣiyan.

48. katur iŋ kiyagĕŋ tiṅkir, pinaṅku ṅandika alon, aḍi anak para tuhu bagus, luhur dlajatnèki, bĕgjané kaŋ uniṅa, si kulup dakwèhi aran.

49. mas karèbèt sutamami, kadaŋ tri dèn nya marḍayoḥ, ṅantya sadasa ri nulya mantuk, tan lami ki tiṅkir, dumugi jaṅji séda, kya paṅgiŋ sru susahira.

50. ñjĕŋ sultan dĕmak winarṇi, lami dèn nira aṅantos, sowannya kyayi pĕṅgiŋ dwi tahun wus, tan ana sumiwi, ñjĕŋ sultan grahita, kalamun tĕtĕp mbaléla.

51. kaṅjĕŋ sultan tandya nudiŋ, ṅĕmban dudukaniŋ katoŋ, iṅkaŋ lumakṣana sunan kudus, bĕkta bĕṇḍé nami, ki bicak kaŋ wasiyat, sakiŋ marasĕpuhira.

52. dipati tĕruŋ iŋ ṅuni, traṅiŋ ḍawuḥ nulya boḍol, praptanira pĕṅgiŋ wus apaṅguḥ, lajĕŋ bantaḥ ṅèlmi, kya pĕṅgiŋ kacĕṭikan, dèn nya ṅraṅkĕp pikajĕṅan.

53. anaṅiŋ dipunaṇḍĕmi, susuhunan kudus gupoḥ, ñaṇḍak sikutira kyagĕŋ laju, binĕlèk ṅĕmasi, ñjĕŋ sunan nulya liṅgar, sakiŋ pĕṅgiŋ tinututan.

54. saguŋ kulawarga pĕṅgiŋ, bramantya yun béla layon, sabar tyas narimaḥ napsu larut, awit kataman iŋ, prabawanya susunan, sadaya mundur kasmaran.

272. asmaradana

1. kulawarganya ki pĕṅgiŋ, ṅrukti layonnya pinĕtak, lor wétan daḷĕm prĕnahé, antawis sapta ri garwa, nusul sédaniŋ raka, mas karèbèt kawlasayun, iṅopénan pra sĕntana.

2. binĕkta ñi raṇḍa tiṅkir, dadya katĕlaḥ namanya, ki jaka tiṅkir namané, diwasa guŋ tarakbrata, ñi raṇḍa suŋ pitĕdaḥ, kinèn pruwita mukmin guŋ, ki jaka anulya maṅkat.

3. dumugi séla pinaṅgiḥ, kalayan ki agĕŋ séla, kalaṅkuŋ ṛĕsĕp driyané, saŋ jaka pinuṇḍut wayaḥ, ki agĕŋ nalikanya, nĕnĕpi ki jaka tumut, siyaŋ ratri tan apisaḥ.

4. anuju sajuga ratri, ki agĕŋ ndaṅu ki jaka, iŋ sah‍éliṅamu ṭolé, kowé tahu ṅimpi apa, ki jaka matur blaka, nalika tirakat ulun, ḍatĕŋ arga télamaya.

5. supĕna katiban sasi, añaṛĕṅi ardi gograg, gumaluḍug suwarané, sanalika kula kagyat, paran wahananira, laḥ jĕbèŋ bĕcik impènmu, iku ratuniŋ supĕna.

6. babo suwita a mariŋ, kaṅjĕŋ sultan nagri dĕmak, kono wahananiŋ impèn, iṅsun asuŋ pandoṅarja, lawan pamintaniṅwaŋ, wuri turun turuniṅsun, kapaṛĕṅa ñambuṅana.

7. maraŋ wahyunira kaki, ki jaka matur sumaṅga, kyagĕŋ sru ḷĕga galihé, wus liṅgar sakiŋ iŋ séla, mampir tiṅkir apaṅgya, lan kaŋ ibu wus tinutur, ḍawuhé kiyagĕŋ séla.

8. kaŋ ibu suka ṅamini, kulup dakgawani réwaŋ, supaya anuduhaké, aku duwé kadaŋ lanaŋ, lurahiŋ suranata, aranné kiyagĕŋ gañjur, bakal daktitipi sira.

9. mĕṅko lagi matun gagi, ki jaka gya mriŋ pagagan, tumuntur matun gagané, dupi praptèŋ wañci asar, mĕṇḍuŋ grimis ḍumawaḥ, sunan kalijaga laṅkuŋ, cakĕt tĕpiniŋ pagagan.

10. sarwi aṅandika aris, jĕbèŋ ywa katuṅkul ṅgaga, sabab sira bakal raja, amĕṅku tanaḥ jawa, wusiŋ ṅandika saŋ ulun, méntar datan katiṅalan.

11. ki jaka gya mantuk aglis, cariyos mriŋ ibunira, kamantyan suka galihé, bĕja baṅĕt sira ñawa, olèḥ wahyu pitĕdaḥ, dé kaŋ aṅandika mahu, jĕŋ susunan kalijaga.

12. ḍuḥ ñawa maṅkata aglis, ki jaka nĕmbaḥ wus maṅkat, kakaliḥ kaŋ ṅiriṅaké, praptèŋ dĕmak wus pinaṅgya, lawan ki gañjur tandya, mahyakkĕn wawĕliṅipun, kaŋ ibu katur sadaya.

13. nagri dĕmak kaŋ maṇḍiri, sampun putrané rahadyan, trĕṅgana dé jujuluké, ñjĕŋ sultan jimbun pamĕkas, ki jaka wus suwita, kaṅgĕp laṅkuŋ sihiŋ prabhu, pinacak luraḥ tamtama.

14. kaŋ sarta pinuṇḍut siwi, winĕnaṅkĕn ṅambaḥ pura, karṣadaḷĕm saŋ akatoŋ, mĕwahi wira tamtama, naṅiŋ mawi cinoba, nabok siraḥ baṇṭèŋ ṛĕmuk, kaḷĕbĕt wira tamtama.

15. wontĕn tiyaŋ kĕḍu piṅit, ḍaḍuṅawuk namanira, warṇa sigug kahu awon, wus komuk tĕguḥ digdaya, mriŋ dĕmak yun suwita, dadya tamtama wus katur, lurahiŋ wira tamtama.

16. ki ḍaḍuṅawuk tinari, punapa purun cinoba, sinuduk sagaḥ aturé, ki jaka lajĕŋ añĕlak, sarwi añuduk sadak, iŋ ḍaḍané ḍaḍuṅawuk, pĕcaḥ ḍaḍa wus palastra.

17. tamtama kaŋ anèŋ ṅarṣi, kinon namakakĕn katga, wus araŋ krañjaŋ jisimé, kahuniṅan iŋ saŋ nata, bĕndu mawiṅa wiṅa, ki jaka tiṅkir tinuṇḍuŋ, sakiŋ iŋ nagara dĕmak.

18. wus méntar sakiŋ nagari, asru kaduwuṅiŋ nala, iŋ solaḥ kaŋ wus kalakon, kalaṅkuŋ kawĕlasarṣa, lampaḥ tambuḥ sinĕdya, praptèŋ ṛĕdi kĕṇḍĕŋ paṅguḥ, lawan kiyagĕŋ iŋ bĕtaḥ.

19. kiyagĕŋ liṅira aris, warṇamu mèmpĕr si kakaŋ, kyagĕŋ pĕṅgiŋ kaŋ wus layon, namuŋ bagus brĕgas sira, iŋ ṅĕndi kaŋ pinaṅka, ki jaka mĕṇḍak rawat luḥ, wus katur sadayanira.

20. ki jaka rinaṅkul aglis, nulya binĕkta iŋ wisma, aṅaturi iŋ kadaṅé, kiyagĕŋ ṅĕraŋ praptanya, wus iṅaturan wikan, kyagĕŋ ṅĕraŋ ṅraṅkul gapyuk, kalara lara karuna.

21. rapihiŋ sadayanèki, kyagĕŋ butuḥ kyagĕŋ ṅĕraŋ, pitutur piwulaŋ kasok, saṛĕŋ sampun pituŋ wulan, kinèn waṅsul mriŋ dĕmak, utawi mriŋ tiṅkir waṅsul, ki jaka anulya maṅkat.

22. praptèŋ ñjawi dĕmak nagri, mĕliṅkĕn wira tamtama, tinanya punapi katoŋ, sampun andaṅu ragèṅwaŋ, tamtama waṅsulannya, sultan dèrèŋ wontĕn ndaṅu, ki jaka ṅrĕsiŋ wardaya.

23. mriŋ kañcanya ndum basuki, késaḥ maliḥ sakiŋ dĕmak, praptèŋ iŋ pĕṅgiŋ lampahé, iŋ dalu saré dadagan, pasaréyaniŋ rama, dupi antuk kawan dalu, miyarṣa swara tétéla.

24. jĕbèŋ uméntara aglis, ṅidul ṅétan yèn wus prapta, iŋ gĕtasaji cakĕté, kono ana woŋ ḍĕḍĕkaḥ, kaloka iŋ bhawana, kyagĕŋ buyut bañubiru, saḍawuhé lakonana.

25. kagyat dèn nira aguliŋ, puṅun puṅun lumakṣana, gantya iṅkaŋ kacariyos, ki buyut lan putra aṅkat, kaŋ nama kimas mañca, asal sakiŋ iŋ talpitu, sukuniŋ kaŋ lawu arga.

26. déné iṅkaŋ asisiwi, anama ki jambaléka, kaŋ gĕntur kasutapané, iṅgiḥ trahiŋ majaḷĕṅka, mas mañca sinuŋ wikan, tĕmbé dadya wraṅkèŋ ratu, bakal ratumu mèḥ prapta.

27. paḍépokan toyawilis, tĕmbé yèn wus tigaŋ candra, ĕṅgonné nèŋ ḍépokiṅoŋ, iku kulup wus anduṅkap, jumĕnĕṅiŋ naréndra, tanaḥ pajaŋ kuṭanipun, ratu sĕkti mandraguna.

28. kinériṅan kanan kériŋ, wiṅit siṅit karatonnya, kulup iku sajatiné, tĕḍak pĕṅgiŋ dayaniṅrat, dé papatihé sira, iṅsun kaŋ aṅréka bésuk, tumuliné madĕg nata.

29. saṛĕŋ sampun kaliḥ ari, radyan jaka tiṅkir prapta, iŋ bañubiru iṅgalé, pinuṇḍut pinutra putra, laṅkuŋ iṅĕla ĕla, sinaḍèrèkkĕn satuhu, dadya rayiné mas mañca.

30. ki buyut iŋ toyawilis, trĕṣṇa siḥ iŋ kalihira, nĕlas tapis piwulaṅé, iŋ rèḥ jaya kawijayan, madĕg ji kasampurṇan, wusiŋ jaṅkĕp tigaŋ tèṅsu, ki buyut ṅandikèŋ putra.

31. ĕṅgèr wus maṅsa sirèki, ṅaton maraŋ ramanira, iŋ ñjĕŋ sultan dĕmak ṛĕko, mumpuŋ ṛĕṇḍĕŋ śri naréndra, tartamtu nèŋ parwata, sun gawani sarat kulup, kaŋ bakal dadi jalaran.

32. wawuhan lan śri bhupati, ki buyut gya ṅruwĕg kisma, katĕlaḥ praptèŋ samaṅké, tilasiŋ kaŋ pakruwĕkan, gya mĕdal tirtamaya, pinĕṇḍĕtan rintĕn dalu, toya botĕn lukak lukak.

33. siti pinariṅkĕn mariŋ, dyan jaka miwaḥ winĕkas, yèn wus paṛĕk praja aṅgèr, lan kaḍaton iŋ prawata, kisma iki jĕjĕlna, kupiṅé mah‍ésa danu, maṣṭi ṅamuk mriŋ parwata.

34. woŋ sa dĕmak datan baṅkit, matèni mah‍ésa krura, iku margané saŋ katoŋ, andaṅu mariŋ iŋ sira, yèn kinèn matènana, mriŋ mah‍ésa danu mahu, buwaṅĕn ḍiṅin sitinya.

35. tamtu kĕna kopatèni, lan dakwĕhi kaṇṭi tiga, mas mañca dwi kadaŋ iṅoŋ, ki wuragil namanira, katriné ran ki wila, iku kaponakaniṅsun, anaké buyut majasta.

36. katĕlu poma ywa ṅanti, pisaḥ lawan sira ñawa, ki jaka laṅkuŋ suka, manĕmbaḥ nuwun turira, ki buyut gya paréntaḥ, damĕl gèṭèk iṅkaŋ ayun, tinumpakan mriŋ ki jaka.

37. wĕdal samantĕn maṛĕṅi, kiyagĕŋ majasta prapta, bañubiru atitiñjo, saṛĕŋ gèṭèk sampun dadya, ki jaka kinèn maṅkat, kaṇṭi kadaŋ tri tan kantun, añaṛĕṅi kondurira.

38. kyagĕŋ majasta gya pamit, wus linilan tandya buḍal, kyagĕŋ buyut ṅatĕraké, winantu wantu iŋ doṅa, wus numpaŋ gèṭèk samya, toya lèpèn nuju aguŋ, gèṭèk milir nir saṅsaya.

39. tan antawis daṅu prapti, lèpèn dĕṅkèŋ iŋ majasta, lampaḥnya piniṅgiraké, kèndĕl saṅaṇḍapnya kamal, gèṭèk lajĕŋ cinañcaŋ, wontĕn iŋ wit kamal wahu, kiyagĕŋ nulya tumĕḍak.

40. ki jaka sakaṇṭinèki, umiriŋ mriŋ paḍépokan, tigaŋ dintĕn dèn nya rèrèḥ, lajĕŋ ndumugèkkĕn lumpaḥ, jaka tiṅkir mas mañca, wilatigta wragil sampun, muṅgèŋ iŋ gèṭèk sadaya.

41. kiyagĕŋ ṅatĕr tĕpiniŋ, lèpèn saṅaṇḍapiŋ kamal, sampun pamit sadayané, kiyagĕŋ nĕṅèŋ ṅawiyat, ndĕdoṅa iŋ hyaŋ sukṣma, miwaḥ apariŋ paṅèstu, pusara wus iṅuculan.

42. ḍinaḍuŋ kaŋ gèṭèk milir, kyagĕŋ miyat witiŋ kamal, paṅandikanira alon, siṅgĕt kupĕŋ witiŋ kamal, tabĕté kaŋ kaṇḍarat, tĕkèŋ maṅké takṣiḥ wujut, makatĕn gotèkiŋ bapa.

43. sadaya suka miyarṣi, mas cĕbolaŋ aturira, kyagĕŋ pĕṅgiŋ iŋ sédané, binĕlèk sikut kaŋ kiwa, jaka tiṅkir kadukan, linorod darajadipun, wit sakiŋ ampuhiŋ sadak.

44. radi ñĕmu rahos wadi, ki milasa mèsĕm liŋnya, sumaṅga kaŋ pramèŋ mahos, mas cĕbolaŋ maliḥ turṇya, ki buyut kaŋ minulya, ḍéḍépok iŋ bañubiru, sintĕn iṅkaŋ apuputra.

45. tuwin sinambatiŋ waṅi, baya trahiŋ witaradya, samantĕn kalaṅkuṅané, masputu criyosiŋ bapa, risakiŋ majaḷĕṅka, putra aṅka wolulikur, nama radyan ariwaṅsa.

46. wontĕn iŋ pilaŋ tètèki, anama kiyagĕŋ pilaŋ, ñĕkabat ñjĕŋ sunan lèpèn, kabudan sampun sampurṇa, naṇḍaŋ agami mulya, ñjĕŋ susunan lèpèn ḍawuḥ, jĕbèŋ sunlilani sira.

6. ki jayamilasa ñambĕt cariyos bab ki buyut bañubiru muridipun sunan kalijaga. turunipun, i.p., sèḥ hèrcaranu sampun aragasukma. jurukuñci bañubiru pakaryanipun ĕmpu ḍuwuŋ mawi toya wantaḥ iṅkaŋ rumĕmbĕs sakiŋ séla iŋ sĕṇḍaŋ sélakapa, mas cĕbolaŋ lajĕŋ ḍatĕŋ bañubiru.

iŋ ḍusun taruwaṅsa sami jiyaraḥ iŋ pasaréyanipun ki agĕŋ bañjaransari ; lampahipun kalajĕṅakĕn ḍatĕŋ sĕṇḍaŋ sélakapa, sami ñĕlupakĕn ḍuwuṅipun piyambak piyambak, tosanipun katiṅal mĕḷĕs wiṅit. sĕṇḍaŋ purusa, cariyosipun : sintĕn iṅkaŋ nĕnĕpi iŋ ṅriku, baḍé puputra kaṇṭi raharja.

47. mratakkĕn saréṅat nabi, myaŋ mĕḍarkĕn sasĕṅkĕran, mariŋ jalma kaŋ wus salèḥ, naṅiŋ yèn mĕḍar piṅitan, sira mĕñaṅa arga, aranné iŋ bañubiru, paṛĕk arga gajahoya.

48. aranna purwaka sidik, sawusira mĕḍar rasa, kuṅkuma iŋ sĕṇḍaŋ kono, kaŋ katon biru hèrira, kiyagĕŋ tan ḷĕṅgana, lajĕŋ ḍépok bañubiru, muŋ ki buyut sĕbutannya.

49. daḷĕm sasĕbutan kaliḥ, wontĕn pilaŋ kyagĕŋ pilaŋ, nèŋ hèrbiru sĕbutanné, ki buyut iŋ toyagĕḍaḥ, myaŋ yasa paḍĕkahan, prĕnaḥ ĕlèr kilènnipun, winastanan taruwaṅsa.

50. wapatipun bokmanawi, iṅgiḥ wontĕn toyagĕḍaḥ, awit wontĕn astanané, biliḥ sakiŋ paḍépokan, kaprĕnaḥ kidul wétan, ṅantos samaṅké ḷĕstantun, pinuṇḍi piniṇḍa jimat.

51. waṅsul mboroṅakĕn mariŋ, ḍatĕŋ kaŋ pramèŋ surasa, namuŋ samantĕn criyosé, matur kimasé cĕbolaŋ, samaṅké tĕḍakira, kyayi buyut bañubiru, kaŋ dadaḷĕm toyagĕḍaḥ.

52. panapi iṅgiha takṣiḥ, masputu takṣiḥ satuṅgal, sèḥ hèrcaramu wastané, puniku kaprĕnaḥ caṅgaḥ, sampun aṅragasukṣma, sriŋ rawuḥ iŋ bañubiru, awis kaŋ sagĕd pinaṅgya.

53. dé kaŋ dados jurukuñci, rumĕkṣa iŋ pasaréyan, tuṅgil daraḥ lawan iṅoŋ, sami darahiŋ majasta, naṅiŋ sakiŋ wanita, ṅuni wontĕn putra galuḥ, dyan bañjaransari nama.

54. pinuṇḍut mantu kiyayi, majasta sinuṅan prĕnaḥ, nèŋ taruwaṅsa ḍéḍépok, déné iṅkaŋ dadya nipkaḥ, muhuŋ damĕl curiga, sinĕpuhan toya lugu, kaŋ rumĕmbĕs sakiŋ séla.

55. dumugi samaṅké takṣiḥ, wasta sĕṇḍaŋ sélakapa, tan kéṅiŋ asat toyané, kaṭaḥ iṅkaŋ ṅalap barkaḥ, ñĕlupakĕn gagaman, èstu aguŋ sawabipun, ampuḥ gya ya kalis tiñja.

56. kiyagĕŋ sĕbutannèki, ṅantos dumuginiŋ wapat, nèŋ taruwaṅsa makamé, caṅgahipun iṅkaŋ wrĕḍa, wontĕn iŋ toyagĕḍaḥ, ran ki suhud dé rinipun, ki sahid nèŋ taruwaṅsa.

57. mas cĕbolaŋ duk miyarṣi, gotèké kyayi milasa, kalaṅkuŋ adrĕŋ karṣané, ayun uniŋ taruwaṅsa, kalawan toyagĕḍaḥ, alon matur ḍuḥ saŋ luhuŋ, bakda subuḥ béñjaŋ éñjaŋ.

58. kawula añuwun pamit, muhuŋ paṅèstu paduka, myaŋ ywa kiraŋ paṅakṣamané, yun uniṅa taruwaṅsa, kalawan toyagĕḍaḥ, masputu kalaṅkuŋ atut, kula kaŋ ayun ṅatĕrṇa.

59. mariŋ taruwaṅsa tuwin, mariŋ bañubiru pisan, mas cĕbolaŋ saréñcaṅé, saṅĕt nuwun sukaṛĕna, kèndĕl wus samya néndra, saliyĕpan myarṣa bĕḍug, titiga taṅi sadaya.

60. mriŋ pahéran asusuci, miwaḥ ṅambil toya kadas, radi awal iŋ nĕptuné, subĕki sawusiŋ bakda, sasarapan lumadya, jadaḥ wajik wédaŋ bubuk, kupat loṇṭoŋ guḍĕg maṅgar.

61. ulam ayam aḍĕm gajiḥ, bubuk ḍĕlé tigan ayam, mirantos ṅañcaran agé, wawi masputu sarapan, sadaya kaŋ liniṅan, samya tuturuḥ gya kĕmbul, wus dumugi dèn nya naḍaḥ.

62. ki milasa mariŋ panti, ambéjani mriŋ rubiyaḥ, kaŋ anèŋ srambi mirantos, sawaṅsulira mriŋ laṅgar, tamu wus nèŋ plataran, tandya buḍal umun umun, cĕbolaŋ giris umiyat.

273. girisa

1. iŋ lampahé ki milasa, kĕṅkĕŋ rikat tan ṛĕkasa, udakara umurira, laṅkuŋ sakiŋ pituṅdasa, ṅambaḥ marga alit ṅarga, rumpil miṅgaḥ tumurunnya, ri kaŋ sorotiŋ baṣkara, abra maḍaṅi bhawana.

2. wèḥ sènĕnniŋ arga arga, kaŋ tan mawa tarulata, sumilak ñjalèrèḥ cĕṭa, dé kaŋ kaṭaḥ tanĕmannya, miwaḥ kadunuṅan désa, wĕnĕs ijo aṅrĕmbaka, baruṅan swaraniŋ kaga, sĕnĕŋ kaŋ mahawan marga.

3. kaŋ ṅucul ḷĕmbu mah‍énda, sumĕbar ḷĕmpèṅiŋ arga, rarywa ṅon mlaṅkroŋ kamlaka, aṅlĕṭusi woḥ nom tuwa, katon sĕnĕŋ ura ura, ṅalaṅut sa siriŋ nala, mĕlaŋ mĕluŋ jaṅja dawa, ṅaḷĕṇṭar tan tiba pada.

4. kaŋ mahawan samya suka, saṅsaya mĕmpĕŋ ra ura, nahan ta iŋ lampahira, wus prapta iŋ taruwaṅsa, ki sahid dupi uniṅa, lamun kadaṅira wrĕḍa, ki milasa iŋ majasta, mbĕta tamu brĕgas muḍa.

5. tuṇḍuk sasalaman samya, ki milasa wus pratéla, tatamunira lilima, nama miwaḥ pinaṅkanya, tanapi iṅkaŋ sinĕdya, kyayi sahid sukaṛĕna, alon wijiliŋ wacana, botĕn wontĕn sanèsira.

6. kula lan kakaŋ milasa, mila sampun wañcakdriya, ulun sumaraḥ iŋ karṣa, punapa iṅgiḥ lajĕṅa, miṅgaḥ ḍumatĕŋ astana, lèrèḥ rumuhun mriŋ wisma, mas cĕbolaŋ aturira, kajawi karṣa paduka.

7. prayogi lajĕŋ kéwala, ṅujuŋ mariŋ iŋ astana, antuka supaṅatira, kiyagĕŋ iṅkaŋ minulya, biliḥ wus tahlil sumaṅga, sakarṣa datan ḷĕṅgana, milasa cumoṇḍoŋ karṣa, tandya miṅgaḥ mriŋ astana.

8. praptèŋ pasaréyannèki, kiyagĕŋ bañjaransari, asuŋ salam sadayèki, wontĕn suwara maṅsuli, kagyat kaŋ samya miyarṣi, garjita sajroniŋ ati, kalamun alim sayĕkti, nulya tahlilan saṛĕnti.

9. bakdaniŋ tahlil kawuryan, ṅuṅuwuŋ kaŋ pasaréyan, nulya mundur asuŋ salam, para tamu iṅaturan, mampir mariŋ paḍépokan, praptèŋ panti iṅañcaran, pinarak gya sinuṅgatan, wédaŋ gantèn paṅĕsĕsan.

10. tan pantara daṅu nulya, sugata naḍaḥ tinata, sampĕt lam ulamanira, sĕkul bucu liwĕt saha, ki sahid ṇḍĕku liṅira, kiraka myaŋ wayahkula, atur buja sawontĕnnya, milasa maṇṭuk sumaṅga.

11. wawantiŋ anulya naḍaḥ, kaŋ samya sinuŋ liŋ gĕpaḥ, wantiŋ adan samya naḍaḥ, nuju nĕḍĕṅiŋ kaŋ wayaḥ, katoran sĕmada sayaḥ, pakantuk kaŋ samya naḍaḥ, wus dumugi gya rinuraḥ, mriŋ pra batiḥ jaḷĕr kaṭaḥ.

12. ki wisma ṅliŋ paran karṣa, kèndĕl tanapi lajĕṅa, mas cĕbolaŋ aturira, biliḥ kapaṛĕŋ iŋ karṣa, prayogi lajĕŋ kéwala, ki milasa lon liṅira, aḍi aku boroŋ sira, ki cĕbolaŋ atĕṛĕna.

13. sun waṅsul kéné kéwala, masputu andum raharja, sadaya nuwun turira, nahĕn sawusiŋ samĕkta, tandya maṅkat sadayanya, waṅsul ki jayamilasa, ki sahid waḥ tamunira, praptèŋ sabin lampahira.

14. miyat pantun warṇa warṇa, mèḥ nduṅkap pamĕṇḍĕtira, mas cĕbolaŋ lon tatanya, kyayi sintĕn kaŋ nanĕma, pantun kaṭaḥ warṇinira, punapi namané samya, masputu tanĕman kula, sanès sanès namanira.

15. tambakmĕnur sokanandi, papaḥ arèn mĕṇṭik waṅi, jaka boṅlot pĕṇḍok wĕsi, ḍuḍa ṅasag lan cĕṇḍani, raṇḍa mèntèr ñĕlamĕti, kalawan kĕtan warṇa tri, kaŋ cocog lan siti ṅriki, mèḥ kasupèn aṅampiri.

16. miyat sĕṇḍaŋ toyakapa, lampahira sampun prapta, nuju aguŋ toyanira, kaŋ sami aṅaṅgé katga, ñĕlupakĕn gantya gantya, iṅĕntas gariŋ sakala, tan ana labĕtiŋ toya, miṇḍak maṇḍĕs kaŋ guwaya.

17. kawaṅwaŋ mĕḷĕs wiṅitnya, samya sukuriŋ hyaŋ sukṣma, lajĕŋ lampahira prapta, sĕṇḍaŋ kayoman mandira, wañci luhur kèndĕl nulya, samya wulu sadayanya, gya wĕkdal sawusnya bakda, nurwitri nèŋ tĕpinira.

18. sĕṇḍaŋ cawuk cawuk toya, gaḷĕgĕs ṅawé saloka, kakaŋ iki tamatĕna, mèmpĕr kaya anunira, ki sahid ṅartikèŋ driya, ṅgiḥ ḷĕṛĕs masputu mila, nama kaŋ sĕṇḍaŋ purusa, sintĕn kaŋ siram èstunya.

19. dadya kuwat kaŋ sarira, biliḥ tan daṛĕman putra, dalu nĕpi éñjaṅira, ṅajĕṅkĕn plĕṭèkiŋ surya, lajĕŋ siram nĕḷĕs réma, insa allaḥ botĕn lama, darbé tuwuḥ tur raharja, kaŋ wus kalakyan sañata.

7. lampahipun dumugi sĕṇḍaŋ bañubiru iṅkaŋ rumiyinipun papan mĕjaŋ ṅèlmu rahos, sarta sami niṅali siti iṅkaŋ kaaṅgé jaka tiṅkir aṅgala mah‍ésa. mah‍ésa ṅamuk, iṅkaŋ sagĕd ñĕpĕŋ namuŋ jaka tiṅkir.

lajĕŋ sami jiyaraḥ iŋ astana bañubiru. mas cĕbolaŋ kapéṅin kapaṅgiḥ sèḥ hèrṣaranu, dumadakan miṛĕŋ suwantĕn biliḥ sagĕdipun kapaṅgiḥ sèḥ hèrcaranu béñjiŋ mĕnawi sampun émaḥ émaḥ wontĕn iŋ wanataka

20. wusiŋ ariŋ lumakṣana, tan cinatur lampahira, tlataḥ bañubiru prapta, miyat tatanĕmanira, ḍaṅkèl ĕmpu warṇa warṇa, pinaṇṭa paṇṭa ṅgènnira, kĕñcur sèḍĕté watara, lahos gĕdrugé ṅrĕmbaka.

21. kuñci borosé tumruna, puyaŋ prit kapur dipaṅga, lirihé sumĕḍĕŋ samya, suṇṭi jah‍é kunir séta, bĕṅlé dliṅo tĕmu krĕṣṇa, ĕpoḥ glèñèḥ giriŋ laṭya, wrĕsaḥ paciŋ puṣpañidra, brambaŋ bawaŋ cabé mrica.

22. nahĕn ki suhud kaŋ lagya, sĕnĕŋ myat tanĕmanira, kawistara siŋ mandrawa, ki sahid dadya paṅarṣa, urut kacaŋ lampahira, gupuḥ mlajĕṅi wus paṅgya, raraṅkulan suŋ pambagya, myaŋ tatanya réñcaṅira.

23. ki sahid uwus sajarwa, iŋ purwa madya wasana, ki suhud gya jawatasta, mriŋ cĕbolaŋ saréñcaŋnya, myaŋ ñĕñĕs wijiliŋ sabda, rèḥ ulun tiyaŋ iŋ arga, sigug kahu pamicara, sampun kiraŋ paṅakṣama.

24. alit tumĕkèŋ samaṅkya, dèrèŋ naté ṅambaḥ praja, ulun kadaṅipun wrĕḍa, lan ki sahid taruwaṅsa, masputu krama kawula, cĕbolaŋ suka turira, ḍuḥ lah‍é botĕn kadosa, sakarṣa ywa wañcakdriya.

25. sanadyan nĕmbé kĕpaṅgya, sah‍èstu rahosiŋ nala, tarlèn siḥ sumuṅkĕm kula, lan rinta ki taruwaṅsa, ki suhud kapaḍan karṣa, alon wijiliŋ wacana, suwawi miyat talaga, bañubiru kaŋ kinarya.

26. ṅuni mĕjaŋ ṅèlmi rasa, myaŋ miyat patilasannya, kisma pinĕṇḍĕt kinarya, aṅgala kanaŋ mah‍ésa, cĕbolaŋ matur sumaṅga, sakṣana gya lumakṣana, wusnya umiyat sadaya, gya mriŋ sĕṇḍaŋ kidulira.

27. astananya saŋ minulya, purwata sidik sudibya, wus sĕḍĕŋ asar wĕktunya, samya wulu miṅgaḥ nulya, mriŋ maśjid alit sadaya, kyayi suhud imamira, iŋ wĕktu ṅasar wus bakda, suŋ salam nĕṅĕn maṅiwa.

28. pĕtĕŋ ḍĕḍĕt madyantara, mĕṇḍuŋ aṅĕṇḍanu krĕṣṇa, mabaruŋ kaŋ wujut mala, suhud sahid lan tamunya, sakiŋ maśjid mriŋ astana, binuka kori wus mĕṅa, atur salam sadayanya, ñaṛĕṅi jawaḥ prahara.

29. amuŋ luhuriŋ astana, sumilak lir mawa téja, tan wontĕn grimis tumiba, kanan kériŋ drĕs jawaḥnya, ayĕm kaŋ nèŋ jro astana, cĕbolaŋ saréñcaṅira, saṅĕt ṅuṅun iŋ wardaya, ki buyut aguŋ kramatnya.

30. gya tahlil paragatira, andoṅa matumpa tumpa, galuḍuk lir baruŋ swara, baḷĕḍèg ṅamini munya, iŋ sabakdanira ndoṅa, sumilak blas ṅantarikṣa, sumorot traŋ saŋ hyaŋ surya, lon sumurupiŋ bantala.

31. ki buyut ṅliŋ mriŋ tamunya, masputu prayoginira, aso rumuhun mriŋ wisma, ñi wisma sampun saḍiya, sugata sawontĕnira, mas cĕbolaŋ aturira, sumaṅga ṇḍèrèk sakarṣa, naṅiŋ sajroniŋ wardaya.

32. dahat képéṅin kapaṅgya, lan sèḥ hèrcaranu mulya, pakèwĕd yun mĕḍaṛĕna, anulya miṛĕŋ suwara, hèḥ suhud sira waraha, iya maraŋ tamunira, cĕbolaŋ dèn nya yun paṅgya, lan sèḥ hèrcaranu maṅkya.

33. iya duruŋ maṅsanira, tĕmbé yèn wus palakrama, kalunta nèŋ wana priṅga, iŋ kono ṅgonné kapaṅgya, myaŋ suŋ prĕnaḥ wanataka, aywa sumĕlaŋ iŋ nala, cĕbolaŋ dupi miyarṣa, dahat jriḥ sumuṅkĕm kisma.

34. jĕṅgèlèk ki suhud taña, paran kaŋ dadya daruna, punapiṅgiḥ miṛĕŋ swara, katraṅan krĕntĕgiŋ nala, kaŋ ḍinawuhkĕn mriŋ kula, cĕbolaŋ mèsĕm aturṇya, iṅgiḥ miṛĕŋ tur tétéla, saṅĕt panuwun kawula.

35. tandya atur salam samya, sawawĕṅkoniŋ astana, siti mobaḥ kapiŋ tiga, lir liṇḍu obahiŋ kisma, wus mundur sakiŋ sĕtana, sapraptanira iŋ wisma, hyaŋ surya sampun diwasa, mèt toyastuti sadaya.

36. wus miṅgaḥ mariŋ iŋ maśjid, adan ayun wĕdal mahrib, ki suhud ṅimani tartip, ṅisané gantya ki sahid, iŋ sabakdanira ṅisa, ḍikir atanapi ndoṅa, paragat waṅsul mriŋ wisma, ki suhud manis liṅira.

8. lampahipun dumugi ḍusun tĕḷĕŋ sumĕṛĕp sĕṇḍaŋ tirtamaya. miturut kahol, sintĕn iṅkaŋ adus iŋ sĕṇḍaŋ cacaḥ saṅa iŋ laladan ṅriku, maṅka rampuŋ sadèrèṅipun plĕṭèkiŋ surya, yĕkti tĕguḥ timbul tuwin yuwana

37. masputu sadayanira, sawontĕnnipun sumaṅga, wédaŋ tĕmu gĕṇḍis klapa, nĕnĕnas salitiŋ jaṅga, sah‍é tumrapiŋ sarira, ḍumatĕŋ paḍaran ḷĕga, kaŋ sinuŋ liŋ rahab samya, wus ṅombé sasukanira.

38. krahos nikmat kaŋ sarira, ṅliŋ maliḥ rèḥ wus tinata, wawi naḍaḥ sawontĕnnya, wawantiŋ bismillaḥ nulya, naḍaḥ ṛĕsĕpiŋ kaŋ nala, pakantuk wusnya dumugya, ṅundurkĕn gantya lumadya, mamaṅsĕgan pisaŋ raja.

39. pulut cĕklèk garahita, pisaŋ mas jambu drĕsana, samya mĕṇḍĕt sasukanya, cĕbolaŋ matur ki wisma, kalaṅkuŋ panuwun kula, ginunturan bojakrama, laṅka kalamun sagĕda, ṅaturi iṅkaŋ pinaṅka.

40. tibaniŋ siḥ bojakrama, kajawi iṅkaŋ punika, béñjaŋ éñjaŋ kalilanna, aṅlajĕṅakĕn lumakṣana, ki wisma mèsĕm liṅira, masputu aywa rinasa, èstuné ulun sadarma, dadya lantaran kéwala.

41. yèn pinaṛĕŋ iŋ hyaŋ sukṣma, ulun ṅatĕr tĕdaḥ marga, mĕdal iŋ tĕḷĕŋ kéwala, wontĕn sabinné pinirṣa, cĕbolaŋ kalaṅkuŋ suka, ulun ñaṛĕṅi kéwala, mantuk mariŋ taruwaṅsa.

42. tan cinatur dalunira, éñjiṅé subuḥ wus bakda, sarapan kĕtan ra ura, paṅgaŋ cacaḥ ayam ḍara, sambĕl windu mawur pĕra, gĕṇḍis arèn wédaŋ kahwa, naḍaḥ sarapan wus bakda, sahid suŋ salam warata.

43. winantu pandoṅa arja, buḍal jawi ḍaḍaḥ prapta, rujak sĕntul babasannya, ṅalor mantuk taruwaṅsa, suhud ṅidul satamunya, ṅañcas ṅétan sawatara, praptèŋ arga gajahoya, miyat poṅoliŋ añcala.

44. piṇḍa tutukiŋ kaŋ naga, krura arṣa amamaṅsa, ranaŋ minaṅka wisanya, tĕṅgok ndlĕdĕg mĕdal toya, wĕniŋ mañcuriŋ sahasta, cĕlak pañcuraniŋ toya, ana arcané dipaṅga, añjrum wiṅit sĕmunira.

45. daṅu dèn nira marikṣa, linajĕŋ lampahira, praptèŋ sakiduliŋ arga, gajahmuṅkur tlĕŋ wastanya, kèndĕl ṅaṇḍapiŋ sridĕnta, anon sĕṇḍaŋ tirtamaya, ki suhud ṅliŋ laḥ punika, sintĕn kaŋ siram tan lama.

46. lajĕŋ subur wulunira, sakojur kadi réwanda, lan wontĕn sĕṇḍaŋ sasaṅa, plĕñcat plĕñcat paṅgénannya, sintĕn kaŋ sagĕda siram, sadaya wradin sasaṅa, datan kawĕdalan arka, èstu tĕguḥ timbul ywana.

47. datan mawi tarakbrata, mila tyaŋ arga dukṣina, iŋ sahurutipun samya, kaṭaḥ kaŋ lampaḥ tan harja, nir èṅĕt apĕsiŋ raga, muñal muñal tan ririṅa, wawi prayogi pinirṣa, cĕbolaŋ matur sumaṅga.

48. wusiŋ myat sĕṇḍaŋ sasaṅa, ki suhud alon liṅira, masputu sadayanira, ulun asuŋ kaŋ pujarja, margi maṅétan punika, lajĕŋ añjog wana arga, sasuṅapaniŋ kaŋ arga, mriŋ pacitan pranaraga.

49. cĕbolaŋ nuwun aturṇya, wus atur salam sadaya, sigĕg ki suhud antuknya, nahĕn wahu lampahira, cĕbolaŋ saréñcaṅira, anĕlasak wana arga, tan cinatur laminira, praptèŋ wanagiri tandya.

50. kèndĕl krajan girimarta, nèŋ tĕpi sĕṇḍaŋ hèrmaya, ayĕm mandira ṅrĕmbaka, anĕntrĕmakĕn sarira, palakarti kartipala, ṅgaloso nèŋ tambi sarya, tĕrbaŋ pinĕṅkul nèŋ jaja, tinabuḥ ṛĕm ṛĕm nétranya.

51. kasiliriŋ samirana, liyĕr liyĕr tĕmaḥ néndra, taṛĕbaŋ tumutup muka, ṅorok nĕmpuḥ trĕbaŋ munya, kadi tinatap iŋ ṅasta, ki nurwitri ki saloka, siṅiran aṅon irama, cĕbolaŋ sru sukèŋ nala.

52. nèŋ tĕpiniŋ sĕṇḍaŋ sarya, cawuk cawuk anèŋ toya, wañci ṅaṅsu pra wanita, ruruntuṅan anom tuwa, mrataḥ manis suluḥ surya, maṇḍĕs alus kulitannya, sumèḥ sumèḥ mĕrakatya, karisik galak ulatnya.

9. miṛĕṅakĕn bab ulaḥ asmara tuwin sipatiŋ wanita. mas cĕbolaŋ namur dados èstri ṅantos dumugi sĕlahuŋ ñumĕṛĕpi gĕsaṅipun para warok.

lumampaḥ maṅétan tumuju ḍatĕŋ pacitan. iŋ girimarta kapaṅgiḥ éndrasmara, putranipun kĕtib winoŋ iŋ mataram, iŋ ṅayĕŋ baḍé ṅahos ḍatĕŋ panaraga kaṇḍĕg iŋ girimarta sésémaḥ rara indradi putranipun kyayi haji nurgirindra. éndrasmara mila kaṛĕm ulaḥ asmara, sémahipun sakawan sami rukun

53. kaṇḍĕg maṅu anon janma, miwaḥ niliṅkĕn suwara, trĕbaŋ ririḥ panatapnya, siṅir alon bĕniŋ cĕṭa, saya maju kaŋ mèt toya, tamat kaŋ nrĕbaŋ woŋ néndra, sukèŋ tyas ṅampĕt gujĕŋnya, tiŋ kalikik tutup laṭya.

54. saṅsaya hardaniŋ suka, lataḥ lataḥ mawèḥ gita, kaŋ siṅir kaŋ laṅĕn taya, samya ñjumbul nolèḥ mirṣa, dyaḥ kaŋ ayun ṅambil toya, cĕbolaŋ ṅliŋ laḥ sumaṅga, pra èstri dupi uniṅa, cĕbolaŋ bagus kaŋ warṇa.

55. cĕp kèndĕl salin salaga, kéṅis ṅĕsĕs nahĕn braṅta, lir kataman ḍĕṣṭiguna, wuruṅiŋ paṅaṅsunira, tumanduk liriṅiŋ nétya, cĕbolaŋ taṅgap iŋ karṣa, pra dyaḥ kataman asmara, nar naran mijil kaŋ waṣpa.

274. mijil

1. kaḷĕṇṭiṅé nora dèn rawati, tĕmaḥ mrucut mak prok, jajorogan sarwi nolèḥ nolèḥ, wĕnèḥ kabĕntus iŋ paḍas curi, kari gulunèki, paṅiṇḍité bĕsus.

2. mèyèk mèyèk woṅa woṅa kéṅis, sumĕkan ṅalowoŋ, piṇḍa wulan katamèŋ himané, sasoroté sasaṅka mranani, swadiné méméṅin, mriŋ saŋ klanèŋ ranu.

3. nahan wontĕn rarywa iŋ mantawis, anak kĕtib winoŋ, apidĕkṣa manis pamuluné, maṛĕkati sĕḍĕṅiŋ birahi, késahé pinardi, talabul iŋ ṅèlmu.

4. kaṇḍĕg kèṛĕm anèŋ wanagiri, labĕt sĕnĕŋ madon, pinèt mantu lawan paṅgĕḍéné, girimarta paṅkaté pratiṅgi, ran kaji nurgiri, sinuŋ ran ki mantu.

5. kéṇṭol éndrasmara akakasiḥ, sabĕn liṅsir kulon, asĕṅadi ṅisis nèŋ ṅaṇḍapé, tañjuŋ aguŋ marginiŋ mriŋ mbèji, swadiné umèkṣi, dyaḥ kaŋ samya ṅaṅsu.

6. samya waṅsul kaḷĕṇṭiŋ wus gusis, ṅacuwis guguyon, jojorogan sarwi nolèḥ nolèḥ, dupi cĕlak ginĕtak daḥ iki, ana apa kuwi, bérag ṅadu ĕjun.

7. kagyat ñjumbul gugup anahuri, sĕṇḍaŋ wontĕn kéṇṭol, añjĕṇṭara arum suwarané, wontĕn iṅkaŋ cawuk cawuk wariḥ, ugi kéṇṭol sigit, botĕn goṇḍal gaṇḍul.

8. éndrasmara lataḥ anudiṅi, ṅĕndi ana kéṇṭol, ñawuk wariḥ myaŋ arum swarané, èstri iṅkaŋ maṅsuli suŋ liriŋ, sarwi nĕkĕm laṭi, ñjĕruṇṭul gumuyu.

9. tandya mariŋ mbèji ayun uniŋ, lumakṣana alon, dupi tuṇḍuk jawat taṅan agé, mriŋ cĕbolaŋ saloka nurwitri, karti pala karti, taṅi nulya rahub.

10. wus atata nèŋ tĕpiniŋ wariḥ, éndra liṅira lon, katambĕtan kaŋ kawuryan nĕmbé, linĕpatna sakèhé kaŋ runtik, ulun krami aḍi, kawijilannipun.

11. kaŋ sinĕdya myaŋ sinambatiŋ siḥ, cĕbolaŋ liŋnya lon, ḍuḥ kiraka rayinta yĕktiné, sakiŋ tanaḥ sakilèniŋ pragi, kĕḍu wisma mami, cĕbolaŋ ranulun.

12. biliḥ sagĕd dumugi yun mariŋ, pranaraga ṅahos, réñcaŋ nuṅgil kapti dé namané, iṅkaŋ anèm punika nurwitri, sloka palakarti, kartipala catur.

13. naṅiŋ tansaḥ kasaṅsayèŋ margi, jumarunuḥ répot, aṅaluyug datan wrin marginé, tansaḥ takèn iŋ samargi margi, dumugi iŋ ṅriki, tan wrin namanipun.

14. ḍuḥ kiraka kaŋ rumakĕt manis, nir kaŋ walaṅatos, aṅĕguŋna guṅiŋ akṣamané, kĕpaṛĕṅa mĕḍarkĕn wawadi, solahbawa yĕkti, taṅèḥ biliḥ ḍusun.

15. éndrasmara lataḥ nampèl wĕntis, babo kadaṅiṅṅoŋ, tĕka pintĕr mawaŋ mriŋ rakané, tanaḥ ṅriki nama wanagiri, kaŋ purun mastani, éndrasmara ulun.

16. tanaḥ tĕrahiŋ prajèŋ mantawis, anak kĕtip winoŋ, awit alit laṅkuŋ pamĕṭèsé, naṅiŋ ulun puṅguŋ aṅlakoni, dumuginiŋ akir, balég tambaḥ mrusul.

17. purun èstri tan sagĕd nayuti, lajĕŋ kinèn ṅahos, ñantri maraŋ iŋ pranaragané, rarywa saṅa sasaṛĕṅan mami, dumugi iŋ riki, kaṇḍĕg amaṅun kuŋ.

18. wontĕn rarywa èstri cĕmĕŋ manis, wadana sumuloḥ, piṇḍa kilat tumèplĕg liriṅé, ulun iṅkaŋ katampĕgiŋ liriŋ, kadi dèn lolosi, capé tĕmaḥ lumpuḥ.

19. ulun lajĕŋ poyan boya baṅkit, lumampaḥ wus répot, tinilara anamuŋ iŋ tĕmbé, biliḥ mantuk nĕḍa dèn ampiri, wus uniṅa wadi, lajĕŋ sadayèku.

20. nahan kantun aṅgana wakmami, mbaṛĕbĕl wĕtu loḥ, gandruŋ gandruŋ ṅlacak praptèŋ kéné, jro capuri wontĕn maśjid alit, ulun malbèŋ srambi, wañci bakda luhur.

21. iṅkaŋ darbé wisma amaṅgihi, siḥ wĕlasé notog, kyayi kaji nurgirindra ranné, ramanipun dyaḥ kaŋ mawèḥ kiṅkin, ran rara indradi, yayi cĕkakipun.

22. ulun mapan pinupu tan lami, ḍinahupkĕn iṅoŋ, lan indradi iṅkaŋ damĕl capé, lumastantun dumugi samaṅkin, yayi yèn maṛĕṅi, lan sanak sadarum.

23. aḷĕṛĕpa anèŋ wismamami, béñjiŋ niriŋ rapoḥ, sakarṣanta lajĕŋ myaŋ botĕnné, rama kaji wus kaḷĕbĕt alim, sampun añĕkapi, ṅèlmi sarak rasul.

24. mas cĕbolaŋ tumantur sakapti, lumakṣana alon, éndrasmara nèŋ ṅarṣa lampahé, praptèŋ ḍaḍaḥ ḍaham kapiŋ katri, kaŋ anèŋ paṇḍapi, miwaḥ wismèŋ puṅkur.

25. samya mĕdal praptèŋ ṅrégol aglis, ki wisma liŋnya lon, laḥ tutura mriŋ ñahimu agé, ulun katamuwan kadaṅmami, sakiŋ kĕḍu piṅit, réñcaṅira catur.

26. saḍiya a wédaŋ aṅĕt ṭiṭik, myaŋ bucu kaŋ mrantos, kaŋ sinuŋ liŋ wus lumèṅsèr agé, tata tata salu wismèŋ ṅarṣi, parénta mriŋ wuri, ṅrukti poṇḍokipun.

27. éndrasmara tamunira sami, pinarṇahkĕn gupoḥ, anèŋ salu paṇḍapa kaŋ kilèn, tinumpaṅan lampit glaran pasir, ki wisma mriŋ panti, préntaḥ rabinipun.

28. tan adaṅu waṅsul mriŋ paṇḍapi, sasĕgaḥ lumados, ñahi wisma catur ṅladosaké, paṅudutan kalawan tapsiriḥ, wédaŋ mbaŋ srigaḍiŋ, ronniŋ blimbiŋ wuluḥ.

29. mabĕn tawon koṅas ganda waṅi, jĕnar kimpliŋ kiñcloŋ, ñañamikan wi ḷĕgi kimpulé, gĕmbloŋ bĕntul sabun pisaŋ rukmi, kalawan caripiŋ, pisaŋ raja talun.

30. wus tinata aṇḍèr anèŋ ṅarṣi, ki wisma liŋnya lon, laḥ ta paḍa ambagèkna kabèḥ, iki tamu naṅiŋ dudu tami, kadaŋmu pribadi, prĕnaḥ ariniṅsun.

31. wus winĕḍar iŋ lampaḥ myaŋ nami, ṇḍĕku catur wadon, ganti ganti samya suŋ pambagé, myaŋ ñarakkĕn pasuṅgatanèki, tĕmbuŋ ñĕñĕs manis, maṛĕkakĕn kalbu.

32. garjitèŋ tyas kaŋ sinuŋ pambagi, baya iki wadon, papat pisan swaminé kéṇṭolé, mas cĕbolaŋ maṅsuli pambagi, paṅèstunirèki, mbakayu sadarum.

33. botĕn kiraŋ sajuga punapi, tulus karahayon, éndrasmara aṅliŋ mriŋ tamuné, laḥ punika mbakyu para yayi, kuciwa riŋ warṇi, kiḍuŋ wagu sigug.

34. pĕṭiṅané pan namuŋ saṭumlik, aṅlĕṅgahi wadon, bĕkti nastiti saṅĕt ajrihé, amiturut sapréntahiŋ laki, coṇḍoŋ iŋ sakapti, sagĕd momoŋ maru.

35. pun indradi mriŋ marunira tri, nir kaŋ walaṅatos, kaŋ panĕṅgak suṛĕsmi namané, kaŋ panĕṅaḥ anama suwati, pun lulut sumĕṇḍi, catur goloŋ kayun.

36. mañjiŋ kadaŋ kaŋ sinarawèdi, tulus gĕṇḍon rukon, botĕn lucu punika tiyaṅé, laḥ suwawi daṅuwa pribadi, suka kaŋ sinuŋ liŋ, alon aturipun.

37. ḍuḥ kiraka kawahyon sajati, iŋ pamujiniṅoŋ, ḍumatĕŋ iŋ mbakyu sadayané, lastantuna iŋ salaminèki, tinartamtu béñjiŋ, antuk sawarga guŋ.

38. nikmat rahmat laṅgĕŋ tan agiṅsir, gañjaraniŋ manon, ḍatĕŋ wadon kaŋ bĕkti lakiné, éndrasmara sukèŋ tyas liŋnya ris, suwawi sinambi, sakwontĕnanipun.

39. mas cĕbolaŋ saréñcaṅirèki, ṅrahapi pasugoḥ, wus dumugi gya ṅĕsĕs myaŋ ṅgantèn, kyayi wisma paréntaḥ mriŋ rabi, lamun wus miranti, ladèkna bucumu.

40. para rabi wus tumĕkèŋ panti, tan adaṅu miyos, nampa bucu lawan rampadanné, ñañamikan iṅundurkĕn aglis, rampadan gumanti, tinata pinatut.

41. sĕkul gaga muṅgèŋ pañjaŋ giri, guḍĕg sambi batos, sambĕlgorèŋ ṛĕmpĕla ti pĕté, bubuk ḍĕlé kaduk lombok cilik, gorèṅan prit glaṭik, gaṭik myaŋ drĕkuku.

42. cĕplok tigan kamal ayam ati, mañjaṅan myaŋ opor, mĕri branti sampĕt lalabané, sambĕl uḷĕg saṛĕm ampĕr pĕtis, ambĕŋ dèn imbuhi, ki wisma liŋnya rum.

43. wawi yayi sami awawantiŋ, punika susugoḥ, bĕcatipun mbakyunta caturé, kaŋ sinuŋ liŋ ṇḍĕku sigra wantiŋ, cĕbolaŋ sarwa ṅliŋ, mbakayu sadarum.

44. prayoginé sasaṛĕṅan bukti, iŋ tandaŋ tan éwoḥ, raroyoman éca sawadosé, kyayi wisma suka laḥ ta yayi, catur pisan bĕcik, miturut arimu.

45. baṛĕŋ bukti basané ṅĕmpyaṅi, pra rubiyaḥ gupoḥ, awawantiŋ miturut lakiné, tandya bukti ṅiras aṅladèni, nutug sadayèki, mirasa pakantuk.

46. cinarikan maraŋ iŋ pamburi, wowohan lumados, durèn maṅgis ḍuwĕt wuṅu putèḥ, kĕpĕl ḍuku pisaṅmas kĕcapi, laḥ sumaṅga yayi, iŋ pamaṅsĕgipun.

47. pra rubiyaḥ kaŋ ṅiras ṅladosi, catur gantos gantos, anawani maraŋ tatamuné, katuṅka hyaŋ surya mañjiŋ wukir, tĕṅara mahribi, lir blabak tinabuḥ.

275. balabak

1. laḥ ta yayi sumaṅga sami awĕkdal, mahribé, mariŋ laṅgar iŋ sabakdané sĕmbahyaŋ, sah‍éné, lajĕŋ ṅaso ḍatĕŋ poṇḍok cakĕt laṅgar, sak loré.

10. iŋ dalunipun ṛĕṛĕmbagan bab gĕsaŋ lan paṅgĕsaṅaniŋ manuṅsa tuwin ihtiyaripun. ñaṇḍak kawruḥ tasawup lan pĕkiḥ, éndrasmara miliḥ pĕkiḥ iṅkaŋ mupakat kaṅgénipun tiyaŋ jawi. éndrasmara mĕḍar bab pratiṅkahiŋ cumbana tuwin sipat sipatiŋ wanita dalaḥ paṅgigahiŋ napsu asmara

2. wus aliṅgar samya ṅambil toya kadas, nulya gé, miṅgaḥ mariŋ laṅgar nurwitri gya adan, larasé, sléndro paṭĕt saṅa swara rum ṅumaṇḍaŋ, lantasé.

3. bakda adan samya asĕmbahyaŋ sunat, mahribé, rampuŋ sunat ki nurwitri tandya kamat, larasé, pélog paṭĕt baraŋ miriŋ sawatara, sĕruné.

4. cĕpiŋ kamat parlu mahrib kaŋ dumadya, imamé, éndrasmara taṛĕtip suwara cĕṭa, bakdané, wĕktu mahrib nutug pupujiyannira, ḍikiré.

5. ṛĕmpĕg sĕsĕg laras prajèŋ ṅèkṣiganda, laguné, tĕkèŋ ṅisa myaŋ sunat sunat wus bakda, nulya gé, samya maṇḍap sakiŋ laṅgar mriŋ poṇḍoknya, asoné.

6. éndrasmara ṅatĕrkĕn sarwi tatanya, iŋ maṅké, kapaṛĕṅé sugata manira, ḍaharé, punapi nèŋ griya punapi binĕkta, poṇḍoké.

7. cĕbolaŋ ṅliŋ saṅĕt iŋ panuwunkula, sarèhné, takṣiḥ tuwuk prayogi botĕn kéwala, naḍahé, éndrasmara mantuk paréntaḥ rabinya, dèn agé.

8. sugatamu kinaŋ paṅudutan lawan, wédaṅé, lan ñamikan iku bah‍é ladèkĕna, sĕgané, ora susaḥ awit kabèḥ isiḥ paḍa, waṛĕgé.

9. wus lumadi aṇḍèr tinata iŋ ṅarṣa, tan suwé, éndrasmara mriŋ poṇḍoké tamunira, dĕliṅé, laḥ sumaṅga sampun pakèwĕt iŋ nala, écané.

10. lèlèḥ lèlèḥ mbirat rapuhiŋ sarira, sambènné, ṅuñjuk wédaŋ ḍaharan sawontĕnira, tamuné, anaṅgapi samya sasĕkécanira, patrapé.

11. kyayi wisma manĕmbaŋ mriŋ tamunira, dĕliṅé, yayi mugi kapaṛĕṅa mĕḍaṛĕna, rahosé, iŋ kitabiŋ tasawub babiŋ ṅagĕsaŋ, tamtuné.

12. cĕbolaŋ ṅliŋ nitik sakiŋ iŋ surasa, èstuné, manuṅsèku tinartamtu iŋ paṅéran, kodraté, pyambak pyambak lalampahané nèŋ doña, mulyané.

13. myaŋ saṅsara bĕgja cilaka waluya, sakité, sugiḥ miṣkin ṅagĕsaŋ tanapi laya, milané, nir pamikir kajawi muŋ lumakṣana, anané.

14. tanpa parlu pados sarat budidaya, marginé, wus tinamtu upama anaṇḍaŋ roga, èstuné, biliḥ sampun wĕdaliŋ saras nir tamba, sarasé.

15. lamun sampun pinaṣṭi iŋ ajalira, èstuné, iṅusadan tan saras tĕmaḥ palastra, glèṭèké, wontĕn maliḥ kasĕbut palakil kobra, iribé.

16. bab babĕtan papaṣṭèné kaŋ manuṅsa, mulyané, myaŋ saṅsara bĕkja lawan cilakanya, malihé, kalakuwan tanapi sagĕsaṅira, lakoné.

17. dadosipun wus pinaṣṭi kaŋ manuṅsa, gĕsaṅé, anèŋ doña miwaḥ paṅgĕsaṅannira, malihé, iŋ lalakon kasĕbut palakil kobra, gañcaré.

18. iŋ tasawub kalawan palakil kobra, bèntĕnné, mawa mratèlakkĕn kaŋ dadya jalaran, blahiné, lan mratélakkĕn panulak supadya, harjané.

19. dados takṣiḥ nindakkĕn isaratira, bèntĕné, mĕṅgaḥ iṅkaŋ isarat kaŋ mriḥ raharja, badané, lawan mariŋ kulawarga wus wajibnya, tiyaṅé.

20. kĕdaḥ mawa istiyar sakadarira, tamtuné, wus kasĕbut iŋ kjtab pĕkiḥ punika, uripé, manuṅsèku tartamtu wĕnaŋ istiyar, ywa supé.

21. éndrasmara duk myarṣa goyaŋ kĕpala, dĕliṅé, laṅkuŋ èwĕt mĕṅgaḥ pamanaḥ kawula, sèlèhé, ñuṅkĕmana tasawub dèrèŋ kuwasa, rikiné.

22. èstunipun kasĕbut pĕkiḥ punika, sah‍éné, naṅiŋ biliḥ ṅèṅĕti tasawubira, kĕmbané, iŋ istiyar tiwas sayaḥ tanpa karya, lampahé.

23. kadiparan mĕṅgaḥ yayi sumèlèḥnya, kalihé, cĕbĕlaŋ ṅliŋ biliḥ pamaṅgiḥ kawula, èstuné, iŋ tasawub punika kaṅgé iŋ nala, gaṭĕké.

24. kaŋ kasĕbut iŋ kitab palakil kobra, malihé, kaŋ kaĕnas iŋ kitab pĕkiḥ punika, maṅgènné, kaṅgé jawi mupakat lampahé gĕsaŋ, limrahé.

25. dadosipun mĕṅgaḥ agĕsaŋ punika, écané, punapa kaŋ kalimraḥ kaṅgo manuṅsa, tatané, iṅgiḥ linampahan sacara caranya, wajibé.

26. biliḥ sampun tumindak iŋ tatacara, lahiré, daḷĕm batin muhuŋ ṅlampahi narima, suméṇḍé, wit manuṅsa tan wruḥ iŋ papaṣṭènnira, tĕmĕné.

27. uniṅané papaṣṭèn yèn wus kalakyan, babaré, dé manuṅsa punika pan tĕmbuŋ arab, tĕgĕsé, tĕmbuŋ jawi kaŋ linalèkkĕn punika, wus jèṅglèḥ.

28. dé tasawub tĕgĕsé kaŋ tĕmbuŋ jawa, ṛĕsiké, iŋ surahos kawruḥ kaŋ tan kasipatan, iŋ akèḥ, kajĕṅipun kawruḥ batiné manuṅsa, yakiné.

29. déné pĕkiḥ wardi kawruḥ kawujudan, wèntèhé, kawruḥ iṅkaŋ manuṅsa kaŋ linampahan, badanné, iŋ sajroniŋ gĕsaŋ wontĕn daḷĕm doña, slaminé.

30. duk miyarṣa éndrasmara lataḥ lataḥ, gujĕṅé, aḍuḥ yayi atut iṅkaŋ paṅandika, rakané, iŋ pamaṅgiḥ sampun coṇḍoŋ lan punika, rikiné.

31. ṅèstokakĕn iŋ pĕkiḥ mila kawula, samaṅké, rabi catur gĕṇḍon rukon sahudara, aṅgĕpé, jalarannya aṅĕguṅkĕn budidaya, kumpulé.

32. cĕbolaŋ ṅliŋ paran iṅkaŋ budidaya, gañcaṅé, biliḥ kéṅiŋ kawĕḍarakĕn kapyarṣa, tyaŋ sanès, kapaṛĕṅa mahyakkĕn dadya tulaḍa, èstuné.

33. éndrasmara ṅakak nampèl wĕntisira, dĕliṅé, pañcènipun tan pantĕs winĕḍaṛĕna, sarèhné, jroniŋ manaḥ yayi wus dadya sudara, dadosé.

34. ulun kĕdaḥ mahyakkĕn balaka suta, jlèntrèhé, naṅiŋ sampun kiraŋ kiraŋ paṅakṣama, sĕbabé, tĕmbuŋ lékoḥ bikak wadosiŋ saṅgama, patrapé.

35. cĕbolaŋ ṅliŋ èstu tan dados punapa, wiyosé, anambahi rumakĕtiŋ sahudara, milané, sampun mawi waṅwaŋ rèḥ wus nuṅgal karṣa, ariné.

36. éndrasmara kataman iŋ manuwara, nulya gé, mĕḍar sabda milané yayi rakanta, aṅrèntèŋ, sakiŋ atrap nalika murwa cumbana, tiṅkahé.

37. jaḷĕr èstri jĕŋ ajĕṅan liṅgihira, timpuhé, miṇḍa wĕktu sĕmbahyaŋ tahiyat awal, ḍèmĕsé, èstri lajĕŋ tinuṅkulkĕn sirahira, piṇḍané.

38. kadi ayun ginĕcĕl kakuṅé nulya, amiré, sarta lajĕŋ ṅraṅkul iga wĕkasira, tĕṅĕnné, asta iṅkaŋ kiwa ṅasta jèṅkunira, èstriné.

39. kabĕṅgaṅa iŋ sawatawis kéwala, pukaṅé, sirahipun kacĕrakkĕn ywa kasĕsa, lajĕṅé, sinarèkkĕn kakuŋ majĕŋ ḷĕṅgahira, timpuhé.

40. botĕn éwaḥ pupuk jĕṅku kaajĕŋna, maṅgènné, nèŋ tĕṅahé kaliḥ pupuniŋ wanita, dadosé, kadi gapit pupu jĕṅkuniŋ kakuŋnya, kalihé.

41. lajĕŋ pupunipun èstri iṅkaŋ kiwa, sloñjoré, katumpaṅkĕn pupuniŋ kakuŋ kaŋ kanan, lahdéné, jĕṅkunipun èstri kaŋ kiwa punika, lajĕṅé.

42. dipuñjoñjitakĕn ṅadĕg sawatara, cĕkaké, biliḥ sampun asami mapan sakéca, kalihé, iṅkaŋ jaḷĕr lajĕŋ maca bissĕmilaḥ, slajĕṅé.

43. utaminé lajĕŋ mahos iṅkaŋ ayat, kurṣi né, wusiŋ katam purusa katamakĕna, kaŋ sarèḥ, wusiŋ mañjiŋ satĕṅaḥ gya katindakna, campuhé.

44. srana ṅaṅgé patrap adat iṅkaŋ dadya, klinané, laḥ iŋ ṅriku lajĕŋ ṅwontĕnkĕn sasmita, klècĕmé, grĕgĕt sahut pratiṅkahira wanita, purugé.

45. kaŋ nĕdahkĕn caṛĕm maṛĕmiŋ wardaya, tĕṅranné, yèn wuluniŋ wanita sranduniŋ aṅga, ababé, myaŋ mĕṅkorok punika sampun katujwa, caṛĕmmé.

46. yèn tyaŋ boṅoḥ ḷĕbĕté pastapurusa, mariŋ hès, iṅkaŋ kadya galak sawĕr nèŋ ḷĕbĕtnya, ĕlèṅé, aywa ṅanti kĕmba kaŋ alon kéwala, tanduké.

47. yèn tyaŋ ḍénok ḷĕbĕté pastapurusa, mriŋ hèsé, katindakna lir ṅaras gandaniŋ sĕkar, iṣṭané, amuŋ èstri patrapé lir sumèṇḍènnya, usuké.

48. yèn tyaŋ séṅoḥ wiwit ḷĕbĕtiŋ purusa, prĕnahé, saṅaṇḍapiŋ pasunatan iṅkaŋ kanan, lajĕṅé, radi ḷĕṛĕs satĕṅahipun wiwara, campuhé.

49. naṅiŋ èstri sarana katiḷĕmĕna, patrapé, pan satĕṅaḥ luṅguḥ suku kalihira, dèn dĕgké, jĕṅkunira tinĕkuk muŋ sawatara, bĕṅgaṅé.

50. yèn tyaŋ ndĕmĕnakkĕn ḷĕbĕtiŋ purusa, kawité, iṅkaŋ ṅaṇḍap iṅkaŋ iriŋ tĕṅĕn sarta, patrapé, lir bahita layar añjog rumambaka, tĕṅahé.

51. yèn wus prapta ṅlĕbĕt jĕlampraŋ patrapa, kaŋ sarèḥ, alon alon yèn toya lir yiyit mina, ṅĕcĕpèḥ, laḥ iŋ ṅriku lajĕŋ kéṅiŋ kasĕṅkakna, tandaṅé.

52. yèn tyaŋ sumèḥ sakiŋ ṅaṇḍap pasunatan, wiwité, praptèŋ tĕṅahiŋ baga madya wiwara, campuhé, yèn wis mijil yiyit lajĕŋ katindakna, rukĕté.

53. yèn tyaŋ manis sakiŋ ṅaṇḍap pasunatan, wiwité, radi ṅiwa lir brĕmara ṅisĕp sĕkar, tiṅkahé, biliḥ sampun campuḥ nèŋ sajroniŋ baga, sartané.

54. wus binanton toya lir yiyitiŋ mina, malihé, wus séṅgolan lawan talanakanira, nulya gé, sinaṛĕṅan naṅiŋ kaŋ awis kéwala, tindaké.

55. yèn tyaŋ mĕrakati ṅaṇḍap pasunatan, wiwité, wusiŋ mañjiŋ lir ṅisik ṅisik ḷĕṅĕnnya, patrapé, tumindakiŋ purusa lir lumakṣana, piṅgiré.

56. iŋ jujuraŋ kaŋ alon supaya aywa, malèsèt, biliḥ sampun binanton lir yiyit mina, lajĕṅé, kasaṛĕṅa saha ṅraṅu napasira, santĕré.

57. yèn wus bantĕr wĕdaliŋ napasiŋ grana, kaŋ sisèḥ, lajĕŋ kéṅiŋ winĕdalkĕn mani maya, jumbuhé, lan wĕdaliŋ rahsaniŋ wanita uga, saṛĕṅé.

58. tyaŋ jatmika sakiŋ ṅiṅgil pasunatan, purwané, patrapipun lir maṅaras lisaḥ tama, waṅiné, dumuk dumuk rumuhun supados mĕdal, manahé.

59. kawistara gaḍaḥ grĕgĕt myaŋ wus mĕdal, yiyité, saŋ purusa tumulya kaḷĕbĕtĕna, mriŋ hèsé, ywa talaṅké dèn nira mriḥ rasa tama, slisiré.

276. salisir

1. ḍasar cucut éndrasmara, carita mriḥ sukanira, tamu kaŋ suka miyarṣa, gar gĕr piṇḍa ṅadu sata.

2. kaŋ sampun gumlar sadaya, purwaka tamtu lir ṅarṣa, muŋ tiṅkahé tumanduknya, punika kaŋ béda béda.

3. wontĕn maliḥ sadèrèŋnya, matrapkĕn pastapurusa, kĕdaḥ mawas tyaṅira, pamuluné kaŋ sarira.

4. yèn tiyaŋ cĕmĕŋ manis ika, paṅgènanné kaŋ asmara, wontĕn laṭi kalihira, lawan nèŋ wudĕl maṅgènnya.

5. mila biliḥ yun cumbana, kĕdaḥ dipunwiwitana, ṅaras laṭi kaliḥ sarta, aṅalapa napasira.

6. wĕdalé napas wanita, kaŋ priya anampannana, linnĕbĕtkĕn ḍatĕŋ garba, gya maṅiṅsĕp wudĕlira.

7. iŋ wañci wĕdaliŋ rahsa, pukul kaliḥ tamtunira, naṅiŋ yèn kapaḍan karṣa, èstu tilar wañcinira.

8. nĕmu giriŋ kaŋ sarira, ijĕm pupus sasaminya, maṅgènnipun kaŋ asmara, lan cĕmĕŋ manis pan samya.

9. tan séyos samuwanira, muŋ wañci wĕdaliŋ rahsa, wit jam kalihwĕlas ṅantya, dumugi iŋ ĕjam sapta.

10. baŋ baŋ awak kaŋ sarira, maṅgènné asmaragama, wontĕn mripat kalihira, biliḥ yun murwèŋ saṅgama.

11. mripat kaliḥ dèn arassa, déné wĕdaliŋ kaŋ rahsa, awit jam nĕm sontĕn ṅantya, dumugi iŋ baṅun rina.

12. biliḥ abrit kaŋ sarira, paṅgènanné kaŋ asmara, wontĕn iŋ piliṅan kiwa, biliḥ yun murwèŋ saṅgama.

13. punika kaŋ dèn arassa, déné wĕdaliŋ kaŋ rahsa, iŋ tĕṅaḥ dalu dumugya, jam sakawan éñjiŋ ika.

14. sarampuṅiŋ parlu nulya, ṅĕḷĕt kĕcoḥnya priyaṅga, tigaŋ ĕḷĕtan punika, minaṅka ṅĕjogi rahsa.

15. laḥ yayi amuŋ punika, maṅunahiŋ rakapara, kaŋ wus katandaṅan samya, lam lammĕn tan sagĕt lupa.

16. cĕbolaŋ saréñcaṅira, sadaya suka miyarṣa, iŋ gotèké éndrapraṣṭa, mawantaḥ tanpa warana.

17. kasaru iŋ praptanira, kyayi kaji nurgirindra, ṅadĕg nèŋ tĕṅaḥ wiwara, alon dèn nira tatanya.

18. pantèn sapa tamunira, tĕka ramé sun miyarṣa, gar gĕran asukaṛĕna, prataṇḍa coṇḍoṅiŋ karṣa.

19. éndrasmara apranata, tamu sakiŋ iŋ pracima, tanaḥ kĕḍu kilèn praga, baḍé ḍatĕŋ pranaraga.

20. mas cĕbolaŋ kakasiḥnya, myaŋ sakawan réñcaṅira, ki nurwitri ki saloka, palakarti kartipala.

21. sontĕn wahu ḍatĕṅira, ñjujug iŋ sĕṇḍaŋ anulya, kula bĕta maraŋ wisma, ki kaji mapan liṅira.

22. sukur alkamdulilahi, ulun uga sukèŋ ati, sira tamuwan pĕrmati, yèn paḍa ḷĕga iŋ ati.

23. iki duruŋ pati wĕṅi, prayoga iŋ wismamami, sasambèn mahulud nabi, samonèku yèn maṛĕṅi.

11. kyayi haji nurgirindra ṅawontĕnakĕn pèṅĕtan mahulud nabi ṅundaŋ mas cĕbolaŋ dalaḥ para santrinipun. mas cĕbolaŋ miṛĕṅakĕn katraṅan bab asma'ulhusna (asmaniŋ allaḥ) tuwin khasiatipun.

24. kaŋ sinuŋ liŋ sahur pĕkṣi, sadaya ṇḍèrèk sakapti, liṅgar sakiŋ poṇḍoknèki, ki kaji lumakyèŋ ṅarṣi.

25. paṇḍapa wus dèn gĕlari, pasugatanya miranti, samĕkta rasulannèki, ki kaji aṅañcarani.

26. maraŋ anak anak sami, klasa gumlar dèn liṅgihi, hèḥ kabayan dèn agati, iṅgaḷĕna luraḥ santri.

27. kaŋ pĕḍĕk pĕḍĕk kéwala, kasan giri amat arga, ṅabdul sarṣa sèḥ andaka, trĕbaṅé konĕn aṅgawa.

28. tan daṅu wus samya prapta, pranata lan tamunira, winanuhkĕn sadayanya, wus samya jagoŋ satata.

29. girindra alon liṅira, kalamun uwus samĕkta, bismilaḥ wawi awita, kaŋ sinuŋ liŋ tur sandika.

30. wus tapuk guyup sadaya, sanajan pra santri arga, samya ḷĕbda lagu praja, pramila ḍahup kéwala.

31. kaṇḍuri rasulan dama, tamatiŋ mahulud nulya, andoṅa matumpa tumpa, bakda gya naḍaḥ binagya.

32. baṛĕkat binuntĕl nulya, luraḥ santri mundur samya, rarahosan turut marga, ṅaḷĕm warṇa myaŋ swaranya.

33. ana iṅkaŋ ṅudarasa, baya dudu woŋ pracima, tandaŋ tanduké katara, kaya woŋ kulinèŋ praja.

34. rowaŋnya ṅliŋ ḍasar iya, wus lawas nèŋ ṅèkṣiganda, kulina para ṅulama, lan para mashuriŋ praja.

35. layak bah‍é maṅkana a, pasĕmoné wus katara, wiṅit wĕnĕs amrakatya, upama wis rada tuwa.

36. paṣṭi dadi aholiya, apĕsé woŋ alim ika, basa iku masiḥ muḍa, mĕmpĕŋ mĕmpĕṅé asmara.

37. sigĕg kaŋ samya rarasan, nahan kaŋ wontĕn ṅaṛĕpan, mas cĕbolaŋ tan linilan, mantuk mariŋ pamoṇḍokan.

38. cĕbolaŋ antuk wawĕṅan, dèn nya adrĕŋ ayun wikan, nĕṅgiḥ ṅèlminiŋ paṅéran, alon wijiliŋ aturan.

39. ulun kĕṛĕp amiyarṣa, ṅèlmi saṅaŋ puluḥ saṅa, winastan asmahul kusna, kaŋ dèn agĕm asmanira.

40. paṅéran kaŋ maha mulya, kasĕbut jroniŋ kur'an ñata, iŋ sajuga juganira, pyambak pyambak pah‍édaḥnya.

41. ḍuḥ babo risaŋ minulya, biliḥ sambada iŋ karṣa, kapaṛĕṅa mĕḍaṛĕna, kĕdaḥ saṅaṅpuluḥ saṅa.

42. ki kaji mèsĕm liṅira, iya ṅantèn ḍasar ñata, kabèḥ janma kaŋ aminta, iŋ sarat mariŋ manira.

43. kaŋ dakwèhkĕn nora liya, pĕṭikan asmahul kusna, saka baṛĕkahiŋ asma, kasĕmbadan loṇṭaŋ ira.

277. loṇṭaŋ

1. sapa woṅé aṛĕp yakin atinira, amaca a apal iki alahuma, inna nasaluka rahmatan ya aman.

2. huwalahul ladi la ilaha huwa, muŋ punika sukur bagé sabĕn dina, ṅgonné maca yĕkti yakin manahira.

3. iṅkaŋ lapal ṅlimul gèbi wa nahdati, sapa maca piŋ satus sawusiŋ salat, tuhu tuhu kabuka iŋ manahira.

4. lapal huwar rahmana (2. = ar rahmaan)

siŋ sapa maca wusiŋ salat kapiŋ satus maṅka ñata, ṅilaṅakĕn lalènné sagĕsaṅira.

5. iṅkaŋ lapal rahkimu (3. [...] = ar rahiim)

siŋ sapa maca kapiŋ satus naṅiŋ sabĕn sabĕn dina, maṅka niku dadya kinasiḥ sañata.

6. iṅkaŋ lapal al maliku (4. = al malik)

sapa maca ṅlaṅgĕṅakĕn pamacané sabĕn dina, pan santosa iŋ tyasé jalma punika.

7. lapal al kudusi (5. [...] = al quddus)

sapa woṅé maca, sabĕn ariniŋ wañci liṅsir wayaḥnya, maṅka iku wĕniŋ atiné woŋ ika.

8. iṅkaŋ lapal as salamu (6. = as salaam) tinulisi, roti gandum, bakda subuḥ pamaṅannya, dadi sipat, lir malahikat woŋ ika.

9. iṅkaŋ lapal al mukminu (7. = al mukmin)

winaca a, iŋ woŋ lara piŋ sawĕlas maṅka sirṇa, laranira sakiŋ kuwasaniŋ sukṣma.

10. kaŋ lapal al muhèminu (8. = al muhahimiin)

yèn winaca, sabĕn dina kapiŋ satus kaṭahira, maṅka luput dialani mriŋ woŋ liya.

11. iṅkaŋ lapal : al ṅajiju (9. = al'ajiij)

sapa maca, kala adus kapiŋ satus kaṭahira, maṅka luwiḥ mulya atiné woŋ ika.

12. iṅkaŋ lapal aljabaru (10. = al jabbar)

yèn winaca, kapiŋ pataṅpuluḥ siji sabakdanya, subuḥ maṅka kaŋ nĕdya drĕṅki tan ana.

13. lapal al mutakabiru (11. [ ] = al mutakabbir), yèn winaca piŋ salikur maṅka salamĕt woŋ ika, lawan tĕbiḥ sakiŋ woŋ kaŋ ṅaniaya.

14. lapal al kaliku (12. = al khaliq)

lamun yun cumbana, lawan garwa, winaca maṅka yèn dadya, anak salèḥ krĕjĕkèn ajriḥ iŋ sukṣma.

15. iṅkaŋ lapal : al bariu (13. = al baarii)

yèn winaca kapiŋ satus, maṅka béñjiŋ yèn palastra, dadya paḍaŋ iŋ kuburé jalma ika.

16. kaŋ lapal al musawiru (14. = al mu) shawwir, lamun ana, jalma wadon kaŋ tan manak puwasa a, lir pasa aguŋ lawan sabĕn ayun buka.

17. maca ayat iku kapiŋ kalihdasa, dinamokna iŋ toya gya dèn inuma, iŋ lawasé puwasa muŋ pituŋ dina.

18. insa allaḥ darbé putra lamun priya, warṇi bagus yèn wadon ayu rupanya, sarta akèḥ ṛĕjĕkiné myaŋ guŋ bĕkja.

19. iṅkaŋ lapal : al gapparu (15. = al ghappaar) sapa maca,, nuju ari jum'at piŋ satus kaṭaḥnya, pan sampurṇa sakèhé dosané ika.

20. iṅkaŋ lapal al laharu (16. = al qahhaar), lamun jalma,, duwé kajat winaca piŋ satus ana, iŋ jro wisma utawa jro maśjid ika.

21. wañci tĕṅaḥ dalu sarta ñjuñjuŋ asta, dèn buka sirahé ywa kasasaban, insa allaḥ tinĕkan sakajatira.

22. iṅkaŋ lapal : al wahabu (17. = al wahhaab) sapa iṅkaŋ, ṅakèhakĕn iŋ pamaca nora harda, sĕnĕŋ maraŋ iŋ doña sasamènira.

23. iṅkaŋ lapal ar rajaku (18. = ar rajjaaq) yèn winaca, saduruṅé salat subuḥ nèŋ padonnya, wismanira maju pat maḍĕp kéblatnya.

24. iṅkaŋ sapadon, piŋ satus pamacanira, maṅka iṅkaŋ aṅĕṅgonni omaḥ ika,, nora kĕna malarat salaminira.

25. iṅkaŋ lapal : al pataku (19. = al pattaaḥ), sapa maca, bakda subuḥ asiḍakĕp astanira, dadya amot jĕmbar budiné woŋ ika.

26. iṅkaŋ lapal : al ṅalimu (20. = al'aalim) sapa iṅkaŋ, ṅakèhakĕn pamacané, maṅka dadya,, wruḥ woŋ ika maraŋ ilmu iṅkaŋ ñata.

27. iṅkaŋ lapal : al kabilu (21. = al qaabidlu) winacakna, mariŋ sĕkul sakkĕpĕl yèn ayun nĕḍa, laminira iŋ daḷĕm pataṅpuluḥ dina.

28. sabĕn ari, nora pĕgat pamacanya, insa allaḥ, saka baṛĕkahiŋ asma,, maṅka nora kĕna kaluwèn woŋ ika.

29. iṅkaŋ lapal : al basiku (22. = al baasiṭu), winaca a,, nèŋ ra ara, piŋ sadasa ñjuñjuŋ asta,, wusiŋ bakda dèn usapĕna iŋ surya.

30. maṅka nora, hajat ñjĕjaluk woŋ ika, wis dilalaḥ, rinĕkṣa hyaŋ maha nasa,, satibané nora tumĕka iŋ niṣṭa.

31. lapal al kapilu (23. = al khaapiḍ) sapa woṅé darbya,, satru maṅka, puwasa a tĕluŋ dina,, dèn waca a piŋ sèwu ṛĕbo arinya.

32. satrunira yèn nĕdya ṅalani sira, insa allaḥ satiṅkahé tan tumĕka, kyayi slamĕt kaŋ rumĕkṣa maraŋ sira.

33. lapal ar rapiṅu (24. = ar raapi') yèn sira yun dadya, sasĕliran wacanĕn piŋ satus poma, wañcinira tĕṅaṅé bĕḍuk rahina.

34. iṅkaŋ lapal, al muṅiju (25. = al mu'ijj) yèn winaca, kapiŋ satus pataṅpuluḥ wayahira, antarané mahribi lan wĕktu ṅisa.

35. maḷĕm sĕnèn utawa iŋ maḷĕmira, jum'aḥ maṅka ilaŋ ajrihé woŋ ika, dadya kĕndĕl sarta tĕtĕg manahira.

36. iṅkaŋ lapal al mudilu (26. = al mudjill) yèn winaca, kapiŋ pituṅpuluḥ lima sujud sigra, iṅkaŋ ayun sĕdya drĕṅki tan tumĕka.

37. asma as samiṅu (27. = as samii') kalamun winaca, kapiŋ limaṅatus wusiŋ salat luka, insa allaḥ tinĕkan pañuwunnira.

38. asma al basiru (28. = al bashiir) piŋ satus winaca, antarané sunat jum'aḥ lan prĕlunya, nir kiyanat abĕniŋ paniṅalira.

39. asma allaḥ, kimu (29. = al hakam) kalamun winaca, kapiŋ sèwu tĕṅaḥ wĕṅi wañcinira, gusti allaḥ ṅĕbaki ṅèlmu sañata.

40. iṅkaŋ asma al ṅandu (30. = al'adlu) kalamun arṣa, sugiḥ batur wĕdi asiḥ kumawula, wacanĕn iŋ apĕm déné kaṭahira.

41. kalihdasa cuwil sabĕn iŋ sajuga, cuwil maca asma anulya tinĕḍa, insa allaḥ antuk sawabé kaŋ asma.

42. asma al latipu (31. = al laṭiip) kalamun winaca, kapiŋ satus mriŋ woŋ mlarat woŋ kalaran, yĕkti sirṇa mlaraté myaŋ lalaranya.

43. asma al kabiru (32. = al khabiir) kalamun winaca, ora nana woŋ kaŋ darbé cipta ala, mriŋ kaŋ maca lyan jalma muji raharja.

44. asma al kakimu (33. = al haliim) ñirṇakakĕn sakèḥnya, amaniŋ kaŋ tanduran tanapi gaga, tinulisa iŋ kĕrtas nulya dèn kumma.

45. iŋ paṅaron anulya siniramĕna, mriŋ tanduran lamun sawaḥ dèn dèkèkna, nèŋ tulakan insa allaḥ awidada.

46. asma : al ṅalimu (34. = al'aḍiim) yèn ṛĕmĕn amaca, rina wĕṅi maṅka paḍaŋ manahira, tur dèn guṅkĕn mariŋ saminiŋ dumadya.

47. asma : al gapuru (35. = al ghapuur) yèn ana woŋ naṇḍaŋ, lara ṅĕlu tinulisa kĕrtas nulya, dinèkèkkĕn iŋ siraḥ saklaḥ waluya.

48. asma : as sakuri (36. = as syakuur) yèn pĕtĕŋ nétranya, winacakkĕn toya piŋ patpuluḥ juga, pinupuhan iŋ nétra ical pĕtĕŋnya.

49. asma : al ṅaliyu (37. = al'aliyu) tinulis kĕrtasnya, kaṅgé jimat rarya kuṇṭiŋ saklaḥ dadya, wlagaŋ loṅgor pĕṅkĕr gampaŋ rijĕkinya.

50. asma : al kawiru (38. = al kabiir) sapa ṅĕḷĕṅĕna, pamacané maṅka sakèhiŋ manuṅsa, paḍa ṅĕguṅkĕn maraŋ kaŋ maca.

51. asma : al kawilu (39. [ilaŋ] = al hapiiḍ) yèn ana pawaka, miwaḥ toya aguŋ iku winaca, insa allaḥ salamĕt nora saṅsara.

52. asma : al mukitu (40. = al miqiit) lamun ana rarya, sugiḥ taṅis winaca nèŋ kĕṇḍi nulya, iṅisènan toya kaṅgé siram rarya.

53. asma : al kasibu (41. = al hasiib) yèn arṣa raharja, sakiŋ satru woŋ jahil miwaḥ woŋ ala, winaca a éñjaŋ sontĕn pituŋ dina.

54. asma : al jalilu (42. = al jaliil) tinulis maṅsinya, ḷĕṅa waṅi kinarya jijimat maṅka, sakèḥ jalma paḍa wĕdi asiḥ trĕṣṇa.

55. asma : al karimu, (43. = al kariim), lamun arṣa néndra, winaca, ṅanti tĕkan ḷĕsiŋ néndra, pra malahikat ndoṅakĕna mulyanira.

56. kapal : al rakibu (44. = ar raqiib), lamun winacakna, mriŋ wadonné, myaŋ mriŋ anak kaṭaḥ ika, mandan runtut, anak tan ana sulaya.

57. asma : al mujibu (45. = al mujiib), siŋ sapa amahos, asma iku, maṅka allahu taṅala, ñantosakkĕn iŋ manahé kaŋ maca.

58. asma al wasiṅu, (46. = al waasi'), iṅkaŋ darbé karṣa, iŋ sawiji wiji, wiji ṅakèḥna pamaca, insa allaḥ tinĕkan baraŋ karṣanya.

59. rapal : al kalimu (47. = al hakiim), siŋ sapa amaca, maṅka allaḥ ṅapura sakèḥ dosanya, mriŋ kaŋ maca insa allaḥ ora cidra.

60. asma : al wadudi, (48. = al waduud) lamun ana jalma, nora atut ĕṅgonné apalakrama, para padu asulaya.

61. winacakna, iŋ paṅanan kaŋ prayoga, pinakakna, mriŋ kaŋ marahi sulaya, insa allaḥ atut runtut woŋ punika.

62. asma : al majidu (49. = al majiid), lamun ana jalma, dèn sĕṅiti maraŋ kadaŋ sanak mitra, winaca a kapiŋ pituŋ puluḥ sapta.

63. wusiŋ tamat dinamokna iŋ sarira, insa allaḥ, kèhiŋ kadaŋ sanak mitra, nulya paḍa mulyakkĕn bĕrkatiŋ asma.

64. asma : al baṅisu (50. = al baa'its), kalamun winaca, kapiŋ satus, siji siḍakĕp astanya, insa allaḥ mintir wĕniŋ nalarira.

65. asma : as sahidu (51. = as syahiid), yèn darbé atmaja, lanaŋ wadon kallé tan salèḥ atinya, wañci subuḥ babaṭuké cinĕkĕla.

66. iṅkaŋ sarta ḍĕṅakĕna mriŋ akasa, sarta maca kapiŋ sawĕlas kaŋ asma, insa allaḥ dadya salèḥ rarya ika.

67. kaŋ asma : al khakku ; (52. = al haq), lamun ana jalma, kaŋ kélaṅan baraŋ kiṅgatan kawula, tinulisa kĕrtas majupat tĕṅaḥnya.

68. ranniŋ baraŋ, myaŋ kaŋ miṅgat panulisnya, tĕṅaḥ dalu, gya sinèlèhkĕn iŋ asta, myaŋ tumĕṅa, insa allaḥ ntuk pratéla.

69. asma : al wakilu (53. = al wakiil), lamun ana toya, miwaḥ gĕni, aṅin gĕḍé winaca a, insa allaḥ salamĕt nora saṅsara.

70. asma : al kuwatu (54. = al qawiy), kalamun katĕkan, muṅsuḥ luwiḥ gĕḍé, iku winacakna, maraŋ apĕm sèwu iji kaṭahira.

71. gya binukti sarta bihalaṅkĕn kaga, niyatira, nulak satru sarta maca, yaa kawiyu, muṅsuhé ajriḥ sadaya.

72. asma : al muniru (55. = al matiin), yèn èstri wawĕka, maṅka nora, mĕdal toya susunira, tinulis nèŋ piṅgan putiḥ sawusira.

73. sastra gariŋ, nulya sinuṅana toya, wussiŋ akum, dèn inum myaŋ binorèhan, mriŋ prĕmbayun, sa allaḥ mĕdal toyanya.

74. asma : al waliyu (56. = al waliy), yèn darbé wanodya, maṅka lumuḥ kinarṣan amoŋ asmara, winaca a tĕmaḥ miturut sakarṣa.

75. asma : al kamidu (57. = al hamiid)' yèn tyaŋ caṅkĕm ala, winaca iŋ kanaka tinuruḥ toya, iṅinumkĕn ilaŋ caṅkĕmé kaŋ ala.

76. asma : al kamiru (58. = al muhshiy) piŋ sèwu winaca, nuju ari, jumuwaḥ saklaḥ raharja, sakiŋ sikṣa ṅakérat iŋ tĕmbénira.

77. asma : al mubdiu (59. = al mubdiu) ; yèn wawrat wanodya, winaca piŋ, saṅa, driji dèn ubĕŋna, iŋ paḍaran salamĕt wawratanira.

78. asma : al muṅidu (60. = al mu'iid), yèn kadaŋ sanaknya, tan karuwan, iŋ dunuṅiŋ winaca a, padon wisma, catur gya antuk pawarta.

79. kaŋ asma : al mukyi (61. = al muhyiy), kalamun sarira, ajriḥ mlarat, winaca asma punika, insa allaḥ lastari sarta raharja.

80. asma : al mumitu (62. = al mumiit), kalamun winaca, duk yun néndra, tumĕka panéndranira, insa allaḥ nir rubéda jroniŋ néndra.

81. kaŋ asma : al iyu (63. = al hayyu) kalamun winaca, nèŋ tĕṅahiŋ ara ara pamacanya, insa allaḥ dadi kĕndĕl manahira, 64.

82. asma : al wakidu (65. = al waajid), kalamun winaca, iŋ nalika sabĕn sabĕn nĕḍa, maṅka dadya paḍaŋ manahiŋ woŋ ika.

83. asma : al wajidu (66. = al maajid), lamun winacakna, iŋ paṅanan kaŋ manis manis rasanya, maṅka dadya ilaŋ alané tyasira.

84. asma : al akadu (67. = al waahid) winaca nalika, akapĕñcil, iŋ lampaḥ myaŋ bandayuda, ṅaliḥ wisma malahikat nuluŋ sira.

85. asma : as samadu (68. = as shamad) kalamun winaca, piŋ sawĕlas, mbari sujud wañcinira, tĕṅaḥ dalu dadya sidik paniṅalnya.

86. asma : al kadiru (69. = al qaadir), lamun ayun jaya, iŋ doñané winaca, nalikanira jroniŋ wulu iŋ daḷĕm gahotanira.

87. asma : al muktadiru (70. = al muqtadir) winaca kala, wuṅu néndra maṅka dadi wruḥ woŋ ika, iŋ gawéné kaŋ sabĕnĕr bĕnĕrira.

88. asma : al mukadimu (71. [ ] = al muqaddim) yèn arṣa yuda, gya winaca sa allaḥ nora tumĕka, gagamaniŋ mĕṅsaḥ satĕmaḥ yuwana.

89. asma : al muwajiru (72. = al muwahkhir) lamun winaca, sabĕn ari kapiŋ satus kaṭahira, mañjiŋ iŋ tyas, sakèhiŋ kabĕcikannya.

90. asma : al owalu (73. = al awwal), lamun sira arṣa, kasambadan sakajaté winaca a, kapiŋ sèwu, pituŋ jumuwaḥ laminira.

91. asma : al akiru (74. = al aakhir), kalamun winaca, sabĕn ari, maṅka dadi olèḥ sira, paṅgawéyan kaŋ bĕnĕr bĕcik sañata.

92. asma : al lahiru (75. = al ḍaahir), kalamun winaca, sabĕn sabĕn bakdané sĕmbahyaŋ ika, maṅka dadya paḍaṅiŋ paniṅalira.

93. asma : al batinu (76. = al baaṭinu), kalamun winaca, sabĕn dina, kapiŋ tigaṅdasa tiga, maṅka olèḥ ṅèlmu rasa kaŋ sañata.

94. asma : al waliku (77. = al waliy), yèn arṣa raharja, dèn nya omaḥ omaḥ adoḥ pañcabaya, tinulisa iŋ kĕṇḍi añar anulya.

95. binuwaṅa mariŋ bañu sawusira, isi toya iṅkaŋ kĕṇḍi dèn jupuka, dèn ĕcurṇa sahubĕṅiŋ pagĕr wisma.

96. asma : al mutaṅaliyu (78. = al muta'aaliy) winaca a, jalma èstri, nuju kèl myaŋ nipas ika, insa allaḥ slamĕt tan na kara kara.

97. kaŋ asma : al baru (79. [ ] = al bar) winaca piŋ sapta, dinamokkĕn mariŋ rarya lit atmajanta, insa allaḥ salamĕt kalis iŋ lara.

98. asma : al tawabu (80. = al tawwaab), kalamun winaca, kapiŋ satus, sawidak bakdaniŋ luka, maṅka iṅapura sakèhiŋ dosanya.

99. asma : al muntakinu (81. [ ] = al muntaqim), siŋ sapa maca, kallé akèḥ maṅka allahu taṅala, mañjiṅaké sawarga mariŋ woŋ ika.

100. kaŋ asma : alṅapwu (82. = al apuww) kalamun winaca, rina wĕṅi, namuŋ sapikantukira, iṅapura iŋ sadosa dosanira.

101. asma : ar rahuku (83. = ar rahuup), kalamun winaca, sabĕn ari namuŋ sakuwasanira, nora kĕna kinaniaya iŋ liya.

102. kaŋ asma : malikal mulki (84. = maalikul mulki), dul jalali wal ikrami (85. [ ] = djul jalaali wal ikraam), yèn arṣa sugiḥ ṅlĕṅgana, iŋ mamaca ari ratri aywa lapa.

103. asma : al mukṣitu (86. = al muqsiṭ) lamun sira arṣa, slamĕt sakiŋ, sakèhiŋ goḍa ṛĕñcana, aywa lupa winaca sakuwasanya.

104. asma : al jamiṅu (87. = al jaami') lamun sira arṣa, kasinuṅan momoŋ woŋ akèḥ wiaca, wĕktu luka nĕṅa laṅit piŋ sadasa.

105. asma : al ganiyu (88. = al ghaniy), lamun sira arṣa, slamĕt sakiŋ sakèhé bilahi poma, winaca a amuŋ sakuwasanira.

106. kaŋ asma : almugni (89. = al mughniy), sapa iṅkaŋ maca, piŋ sapuluḥ jumuwaḥ sa jumuwaḥnya, kapiŋ sèwu nora pĕgat rijĕkinya.

107. kaŋ asma : almuti, sapa woṅé maca, tan winañci muhuŋ sakuwasanira, nora kaṛĕm jajaluk mriŋ liyanira.

108. asma : almaniṅu (90. = al maani'), yèn ana wanita, binĕndon iŋ laki winaca yèn arṣa, néndra maṅka ilaŋ nĕpsuné lakinya.

109. asma : al kalaru (91. = aḍ ḍaarr), kalamun winaca, nuju maḷĕm jumuwaḥ piŋ satus ika, maṅka nora kĕna mlarat salaminya.

110. asma : an napiṅu (92. = an naapi') yèn késaḥ bahita, winaca a piŋ satus sabĕn sadasa, dinamokna iŋ prahu tan kĕna kèṛĕm harja.

111. kaŋ asma : an nuru (93. = nuur) sapa iṅkaŋ maca, wañci wĕṅi kapiŋ sèwu kaṭahira, maṅka sinuŋ paḍaŋ tyasé kaŋ amaca.

112. kaŋ asma : al hadi (94. [ ] = al haadiy), yèn sirarṣa tampa, drajatiŋ woŋ arip winaca tumĕṅa, ñjuñjuŋ asta tamat iṅusapkĕn surya.

113. asma : al badiṅu (95. = al badii') yèn prihatin sira, winaca a kapiŋ sèwu kaṭahira, insa allaḥ sirṇa kaŋ prihatinira.

114. kaŋ asma : al baki (96. [ ] = al baaqy), siŋ sapa amaca, kapiŋ satus maṅka yĕkti tinarima, iŋ sakèhé amalé woŋ kaŋ amaca.

115. asma : al warisu (97. = al waarits), kalamun winaca, kapiŋ satus saduruṅé mĕtu surya, tan ṅĕnani sawiji wiji mriŋ sira.

116. asma : arasidu (98. [...] = ar rasyiid), sapa yun uniṅa, iŋ tiṅkahé, miwaḥ mriŋ sariranira, winaca piŋ sèwu sasiṛĕpiŋ jalma.

117. asma : as saburu (99. = asḥ shabuur), piŋ satus winaca, antarané mahribi kalawan ṅisa, sabar amot wĕlasan yudakanaka.

278. paṅkur

1. wus tamat asma'ul kusna, myaŋ prĕluné asma sawiji wiji, pawoŋ sanak iṅkaŋ kasdu, miminta maraŋ iṅwaŋ, warṇa warṇa añcas karṣané kaŋ manus, minta bĕrkaḥ minta sarat, minta tamba minta sugiḥ.

2. kaŋ dakwèhké nora liya, muhuŋ mĕṭik sakiŋ asmaniŋ widdhi, saṅaŋ puluḥ saṅa wahu, basané awrat riṅan, dé awraté kudu tumĕmĕn iŋ kalbu, lumintu sarèḥ narima, mĕḷĕŋ aywa bèñcèŋ pikir.

12. mas cĕbolaŋ dalaḥ para santrinipun ḍèrèk haji nurgirindra ḍatĕŋ griyanipun ñahi wulañjar dĕmaŋ iŋ paricara iṅkaŋ ṅawontĕnakĕn wilujĕṅan pĕṇḍak gĕblagipun ki dĕmaŋ. mas cĕbolaŋ iṅkaŋ katĕḍabtĕrbaṅan kaṇṭi bĕkṣan, sĕṅaja namur dados pawèstri nama kèn suwadi.

bĕkṣan gĕgĕṇḍiṅanipun pupujian salawat, ṅgĕlarakĕn lampahan déwa ruci, ṅèlmu rahos tuwin pitutur. bokmas dĕmaŋ sakalaṅkuŋ kapranan ḍatĕŋ kèn suwadi, mila katĕḍa ñipĕŋ. panamuripun mas cĕbolaŋ sakalaṅkuŋ ṛĕmit ; iŋ dalu baḍar sañatanipun, éwadéné malaḥ dados

piṛĕnanipun ñahi dĕmaŋ, lajĕŋ posaḥ pasihan

3. èṇṭèṅé tanpa acĕgaḥ, naṅiŋ paran wis watĕké woŋ cilik, kaŋ kuraŋ pamikiripun, nĕtĕpi kĕboḍowan, araŋ iṅkaŋ ṅandĕl malaḥ grunĕṅipun, tiwas ñĕṅka kraya raya, muŋ mĕṅkono jĕbulnèki.

4. ṭĕṅiŋ tyas muŋ ñuwun barkaḥ, katĕkanna kaŋ dadi kajatmami, nora aṛĕp jaluk wuruk, pujian mèl ĕmèlan, béda tĕmĕn lan ki dul loṭuŋ kaŋ kombul, omahé kĕbak paṅanan, mĕñan kĕmbaŋ borèḥ waṅi.

5. kaḍaŋ ṅaṅgo muṇḍut arta, sakoluré kaṅgo slamĕtan amriḥ, gatiné kaŋ dadya kayun, iṅkaŋ paḍa tumĕka, nora susaḥ dipuriḥ awèḥ wus tamtu, ṅanak anakaké arta, katulak éklasiŋ ati.

6. kaŋ maṅkana wus marataḥ, tanpa titi muŋ lagi ṅruṅu warti, gurawalan numbuk bĕntus, daya daya iŋ karṣa, naṅiŋ nora bisa mahoni katèṅsun, kasugihaniŋ paṅéran, kamurahiŋ hyaŋ widdhi.

7. cĕbolaŋ sru sukèŋ nala, lan umatur sabda iṅkaŋ kawijil, kalaṅkuŋ pamuṇḍiulun, iṅkaŋ datanpa timbaŋ, nir iŋ daya atur wawaḷĕs kaŋ muṅguḥ, tan lyan muhuŋ suṅkĕm amba, iŋ lahir anrusiŋ batin.

8. tumanĕm iŋ maknawiyaḥ, kyayi kaji mènĕm wacana manis, sukur alkamdulillahu, nahan wus gagat éñjaŋ, abubaran cĕbolaŋ saréwaṅipun, waṅsul mariŋ pamoṇḍokan, lajĕŋ sĕmbahyaŋ subĕki.

9. kacarita mas cĕbolaŋ, wus sapasar dèn nya nèŋ wanagiri, ki kaji saya sihipun, ratri pantara siyaŋ, tansèŋ ṅarṣa winĕḍaran sakèḥ kawruḥ, tanapi ki éndrasmara, lir sudara nuṅgil kapti.

10. kalok parapatiŋ désa, nahan wontĕn walañjar mĕrakati, dĕdĕg ḷĕñjaŋ sarwa turut, réma kèḥ sarwa krĕṣṇa, nétra ñjahit kocak mbaléraḥ mawèḥ kuŋ, grana ruṅgiḥ malicarma, laṭi ḍamis sumèḥ manis.

11. waja krĕṣṇa ṅlar brĕmara, kuniŋ wĕnĕs luguné cĕmĕŋ manis, dadya kakĕmbaṅiŋ kiduŋ, wlañjariŋ paricara, awawaṅi mbokmas dĕmaŋ puṣpamadu, ḷĕstari kadĕmaṅannya, suyut sakèhiŋ woŋ cilik.

12. tanapi parapat désa, tuwin para babéṅgolé woŋ juti, samya rumĕkṣa tan ayun, ṅrurusak amitĕnaḥ, labĕt sakiŋ kalèban mbĕg darma ayu, danarta bhuṣaṇa bhoga, mintir lir iliniŋ wariḥ.

13. ḷĕgawa anrusiŋ nala, parmaniŋ hyaŋ kacukupé ḷĕstari, krĕtarja sawĕṅkonipun, sĕpi aṅkara murka, sabĕn tahun lèk gĕblagé lakinipun, ñuruhi taṅga parapat, kahum santri kinèn tahlil.

14. bakda tahlil taṛĕbaṅan, maṅkya nuju taṅgal gĕblagiŋ laki, wimbuḥ karohan iŋ tutur, kyayi iŋ girimarta, katamuwan santri sakiŋ tanaḥ kĕḍu, pramèŋ gĕṇḍiŋ taṛĕbaṅan, swara apik warṇa pĕkik.

15. kadĕmaṅan paricara, jalu èstri sayuk anambut kardi, baḍé sasĕgahiŋ tamu, maragat bèbèk ayam, ménda gibas iŋ pawon swara gumuruḥ, èstri kaŋ samya laḥ olaḥ, iŋ paṇḍapi wus rinakit.

16. sigĕg kaŋ anambut karya, ñahi dĕmaŋ paréntaḥ maraŋ dasiḥ, ṅaturi lir adatipun, kaŋ mariŋ girimarta, pan winĕkas kiyayi saputra mantu, miwaḥ santrinya sadaya, tinartamtu samya prapti.

17. kaŋ kinèn méntar ndum paran, praptèŋ girimarta matur kiyayi, sowankula dipunutus, putranta mbokmas dĕmaŋ, maṅké dalu kiyayi myaŋ putra mantu, dipunaturi sadaya, tahlilan lajĕŋ kĕṇḍuri.

18. waḥ malaḥ putra sampéyan, ñuwun kahum kalawan santrinèki, taṛĕbaṅipun ywa kantun, kyayi lon liṅira,, iya bĕcik lawan tutura luraḥmu, kajaba santri padatan, ulun ambĕkta tatami.

19. santri sakiŋ tanaḥ mañca, kaŋ sinuŋ ṅliŋ manĕmbaḥ mundur aglis, kiyayi maṅétan gupuḥ, pinaṅgiḥ éndrasmara, myaŋ tamuné binéjanan sadaya wus, éndrasmara lan cĕbolaŋ, wus ṛĕmbuk saliré wadi.

20. matur liriḥ mariŋ rama, laṅkuŋ suka sakarṣa añjuruṅi, baṣkara diwasa surup, bakdané wĕktu ṅisa, kyayi kaji putra mantu santri tamu, maṅkat sakiŋ girimarta, iŋ paricara wus prapti.

21. èstri laju mariŋ wisma, jalu anèŋ paṇḍapa ṭirik ṭirik, ri kaŋ pinaṅka panuṅgul, kiyayi nur girindra, ñahi dĕmaŋ wus tuṇḍuk lan rabinipun, éndrasmara papat pisan, mbĕkta pawèstri sawiji.

22. iŋ warṇa kalaṅkuŋ pélag, sumèḥ manis ñi dĕmaŋ taña aris, puniku sintĕn mbakayu, baya maṅguṅé kakuŋ, déné dèrèŋ wontĕn kaŋ kuciwèŋ sĕmu, mbakayu sakawan pisan, tĕka sampun dèn aḍèni.

23. ñahi éndrasmara lataḥ, aḍi dĕmaŋ punika tamumami, sakiŋ piṅit asalipun, saṛĕṅan santri gaṅsal, mas cĕbolaŋ iṅkaŋ pinaṅka paṅayun, lan rakanta sinudara, kadi tuṅgil yayaḥ bibi.

24. botĕn ilok yèn lamisa, kula matur prasajan ḍatĕŋ aḍi, mas cĕbolaŋ warṇinipun, plĕg kadya samba pradan, sawĕg nĕḍĕŋ ṅèlminé sampun kacakup, kahot èstri lawan priya, lan punika botĕn kaliḥ.

25. mbokmas dĕmaŋ ririḥ taña, mbakyu niku punapa rabinèki, yèn sakiŋ cariyosipun, namuŋ saṛĕṅan lampaḥ, tuṅgil purug wikana sah‍èstunipun, wawi takènna piyambak, laḥ aḍi maŋ majĕŋ ṅriki.

26. kaŋ kinèn tumuṅkul liŋnya, sampun ulun kéwala wontĕn ṅriki, nulya pinaranan gupuḥ, sarwi asuŋ pambagya, manuhaké ṅgiḥ aḍi kaŋ nĕmbé tĕpuŋ, ḍuḥ lah‍é sintĕn sinambat, kula pun siti suwadi.

27. sakiŋ piṅit adrĕṅiŋ tyas, yun uniṅa iŋ ṅèlmi kaŋ sĕjati, saru siku datan kétuŋ, ginunĕm tan rinasa, awit allaḥ satuhu sipat ṅalimun, sampun iṅkaŋ baṅsa badan, klĕṭĕkiŋ tyas ṅawikani.

28. èstu mbotĕn kasamaran, lampaḥ kula baḍé mriŋ pranaragi, sasaṛĕṅan nèŋ dĕlaṅguŋ, lan kimasé cĕbolaŋ, awit alit kĕmpal ṅahos wontĕn kĕḍu, kulina duk alit mila, mila sĕpĕn walaṅati.

29. ṛĕsĕpiŋ tyas ñahi dĕmaŋ, taṅgap tanduk mriŋ para tamu èstri, mintir buja kramanipun, sigĕg kaŋ moŋ tamu dyaḥ, iŋ paṇḍapi wus pĕpĕg kaŋ para tamu, awit tahlil swara rampak, nur girindra kaŋ ṅimami.

30. paragat tahlil andoṅa, ki nurwitri nasibi ṅalik alik, amin gumrĕṅgĕŋ gumuluŋ, rampuŋ pandoṅanira, ramya maca patékaḥ sadayanipun, tamat iŋ patékaḥ naḍaḥ, satirahé dèn bĕrkahi.

31. pra tamu jĕnĕk pinarak, kyayi kaji paréntaḥ mriŋ pra santri, paḍa sĕntakĕn trĕbaŋmu, nurwitri abawa a, gĕṇḍiŋ trĕbaŋ amirit gĕṇḍiŋ mĕntarum, didimèné paḍa myarṣa, para kadaŋ kadaŋ wukir.

32. ki nurwitri wus ambuka, gĕṇḍiŋ kayun swara rum miḷĕt mĕṭit, taṛĕbaŋ gobyog gunĕmbruŋ, pra santri taruŋ rampak, allaḥ kayun mubakĕn mahollé wal ku, lubarani lajĕṅira, johar waliyul olahi.

33. kaŋ samya mantuk winarṇa, dupi miṛĕŋ taṛĕbaŋ amĕliṅi, bènèḥ lawan sabĕnnipun, samya waṅsul saṛĕṅan, lan tataṅga tanapi paṛĕpat ḍusun, èstri atanapi priya, gumrubyug samya niṅali.

34. jĕjĕl uyĕl nèŋ plataran, bĕntĕt pĕpĕt miṅgaḥ èmpèr paṇḍapi, uyĕg taṛĕbaŋ binaruŋ, ṅaṇḍĕloŋ iramanya, tandya suwuk mahos salawat sadarum, aṅariŋ ariŋ uswasa, sinambi ṅinum ñañamik.

35. nurwitri matur manĕmbaḥ, kyayi miwaḥ mbokmasé yèn maṛĕṅi, tinimbaŋ kaŋ tinon suwuŋ, prayogi ḍinuḷĕṅan, iya atut naṅiŋ tan ana kaŋ pĕcus, mbok manawi tan ḷĕṅgana, siti suwadi ṇḍuḷĕṅi.

36. aḥ apa iya gĕḷĕma, éndrasmara mariṅa wisma aglis, tarinĕn ḍéwé tamumu, kalamun wis kaduga, añjaluka lilaḥ maraŋ iŋ arimu, éndrasmara wus mriŋ wisma, maṅgihi siti suwadi.

37. ḍuḥ yayimas lalu éman, laṅkuŋ kaṭaḥ jalma kaŋ niniṅali, apa déné para tamu, tan ana sĕdya liṅgar, sru kaṛĕnan myarṣa gĕṇḍiŋ tĕmbaŋ kiduŋ, sah‍éndaḥ ḍinuḷĕṅĕna, kiraku luwiḥ prayogi.

38. yayi krana laḥ kéwala, yèn wus sagaḥ dak matur mariŋ ñahi, kaŋ sinuŋ ṅliŋ mèsĕm matur, ulun sumaṅgèŋ karṣa, namuŋ ñuwun ṅampil siñjaŋ kaṅgé kuḍuŋ, éndrasmara sukèŋ driya, matur mariŋ ñahi panti.

39. aḍi ñahi kadiparan, ñahi dĕmaŋ sukèŋ tyas amurugi, siti suwadi rinaṅkul, apa kaŋ dakwaḷĕsna, déné nĕmbé wanuḥ wus kadi sadulur, baṅun turut wèḥ sukèŋ tyas, sakarṣa tan ñulayani.

40. ḍuḥ yayi wodiŋ wardaya, èstu lamun mbakyumu duruŋ uniŋ, woŋ aṇḍuḷĕŋ tiṅkahipun, apa kaŋ dadya sarat, wĕcakĕna yayi ywa ṅaṅgo pakéwuḥ, iṅgiḥ kaŋ mbok namuŋ siñjaŋ, ḷĕḷĕmĕs sawontĕnnèki.

41. ñahi dĕmaŋ wus saḍiya, éndrasmara mĕdal katur iŋ kyayi, wus ḍaṅan sadayanipun, kiyayi lataḥ lataḥ, laḥ nurwitri maṅsa boḍowa sirèku, santriku anut kéwala, sakañcamu ñjrudĕmuṅi.

279. jurudĕmuŋ

1. siti suwadi wus mĕdal, limar wilis ṅagĕm kuḍuŋ, muŋ katiṅal suryanipun, mañcoroŋ nétra baléraḥ, lir wulan katawĕŋ mĕṇḍuŋ, muṅgèŋ tĕṅahiŋ pĕṇḍapa, ḍèmĕs mĕmĕs sila paṅguŋ.

2. iyĕg kaŋ samya tumiṅal, labĕt duruŋ tahu wĕruḥ, mawarṇa paṅiranipun, tlèḍèk wadon iku baya, priyé mĕṅkoṅgonné gambuḥ, ṅaṅgo siṇḍèn apa ora, woŋ santri wiyaganipun.

3. ni suwadi ḷĕkas bawa, swara lantas wiḷĕt arum, kaŋ myarṣa ciṅak sadarum, tumanĕm mriŋ tyas kasmaran, kapiraṅu gandruŋ gandruŋ, laras sléndro paṭĕt saṅa, lagon gambirṣawit muṅguḥ.

4. ya ila la ilalaḥ, la ilaha ilalahu, muhkamadun kabibuhu, madum muhkamad salalaḥ, la ilaha ilulahu, muhkamadun kabibulaḥ, muhkamadun kabibuhu.

5. tinampan iŋ santri samya, swara ṛĕmpĕg nora umyuŋ, taṛĕbaŋ agĕŋ jumĕṅgluŋ, dèrèŋ miṅgaḥ kaŋ irama, ḍuŋ proŋ proŋ pĕg pak poŋ poŋ bruŋ, ḍuŋ ḍaḥ ḍuŋ ḍĕŋ toŋ tuŋ tuŋ braŋ, gya ḍuḷĕŋ parikanipun.

6. tarlèn muŋ iṅĕla ĕla, kawiḷĕt lalaṅan lagu, ḷĕŋ ḷĕŋ kaliṅan kalalun, kalaṅan laṅĕniŋ brata, maraŋ miroŋ raṅu raṅu, karuṅruṅan mariŋ riya, riyaniŋ tyas lir tinutus.

7. puṣpa krĕṣṇa iŋ astana, kalabaŋ sinaṇḍuŋ murub, kaṛĕnan mariŋ sihipun, satriya andĕliŋ yuda, surasaniŋ tyas wulaṅun, wilatuŋ buntal sarotan, aṅguŋ katiṅal woŋ aguŋ.

8. dalaṅguŋ loro parannya, jaṅkrik gunuŋ woŋ aṅraṅkuŋ, kadi tan ñimpaŋ siriṅsun, kramaniŋ pulasiŋ wayaŋ, satawana akukuñcuŋ, mĕrakati warṇanira, bĕndéra lit sun lalayu.

9. minarda iŋ pakĕḍuṅan, patiṅgi tilar ḍuḍukuḥ, baya kasusahan wuyuŋ, walulaŋ rinéka jalma, kukus gantuŋ jĕbug arum, wayaṅanné kaŋ sinawaŋ, sumapala polahipun.

10. atmaraga minaṅkara, tan sawala laṅĕniŋ hyun, srĕṅiŋ karṣa kĕmbaŋ bañu, wisésa antukiŋ nala, wusiŋ karṣa gayuŋ sumur, dadi tatambaniŋ branta, kunir jĕnar yèn katĕmu.

11. narmada tĕmpur samodra, añuṅap rasaniŋ kalbu, gagĕlaŋ muṅgèŋ panuduḥ, tan liya liya muŋ sira, susuluŋ kaŋ mĕdal ésuk, dalan gĕḍé jroniŋ praja, yèn tan lironsiḥ kaluruŋ.

12. macan galak wulu baḍak, maṅsaboroŋ raganiṅsun, burad pada mbok ya wanuḥ, guladrawa pinaṣṭika, baya laliya mariṅsun, kaŋ séla paṅlawĕt ganda, kapisanan iŋ pandulu.

13. panu biru muṅgèŋ jaja, puṣpita ḷĕsaḥ iŋ gĕluŋ, suntohi layon woŋ ayu, goŋ alit iŋ pawayaṅan, suntĕḍa bisa a kumpul, karañjaŋ paṅubak nila, wus kaburan wartanipun.

14. samya kaṛĕnan kaŋ mulat, mriŋ kaŋ ṇḍuḷĕŋ ojrat luhuŋ, yèn tĕkan sèlèhanipum, tinampèn bawa sahuran, iṅiṅgahkĕn gĕṇḍiṅipun, ṅalètèr akakalaṅan, abĕsus sahiṅga gambyoŋ.

15. sisirig muñĕt iŋ tiṅal, liriṅé kadya tinutus, maratani èstri jaḷĕr, iṅkaŋ kataman naratab, kakĕtĕgé sĕntug sĕntug, baṛĕŋ aṅuñjal ambĕgan, jalu tĕṅaḥ tuwuḥ pikun.

16. lir gana kèḥ kaŋ mbĕṅkayaŋ, maṅaḥ maṅaḥ maṅgut maṅgut, pinaṭĕt mĕkṣa katrucut, gumĕḥ kakĕmpuṅé ḷĕga, ṅuñjal napas maṅap taṅguŋ, bĕtèké kataman braṅta, kapiadrĕŋ kalaṅkuŋ.

17. kèḥ ñuwara tan ririṅa, titènana mĕṅko lamun, mantuk mariŋ poṇḍokipun, dakaḍaŋ maṅsa mrucuta, sapa wani malaŋ méguŋ, baya wus bosĕn nèŋ doña, ndak slĕṇṭik bah‍é mbaḷĕdug.

18. kaṭaḥ paṅucapiŋ jalma, kaŋ samya kataman gandruŋ, wus rinantam jroniŋ kayun, dèn nya mriḥ kapaḍan karṣa, nahĕn kaŋ ḍuḷĕŋ wus nutug, ṅaṇḍĕloŋ iṅkaŋ irama, tan pantara daṅu suwuk.

19. waṅsul maraŋ jroniŋ wisma, mbokmas dĕmaŋ mapag gapyuk, linukaran kuḍuṅipun, aṅga jĕmĕk sawatara, muŋ plarapan tiŋ paṛĕntul, tinutulan usap asta, tinoyanan arum arum.

20. yayi sayaḥmu sahiba, kaŋ tinanya mèsĕm muwus, paṅèstunipun mbakayu, badan riṅas manaḥ biṅaḥ, aḍuḥ yayi sukur sukur, wus dakaḍĕmaké wédaŋ, pala cĕṅkèḥ kaduk kĕcut.

21. ḷĕginé muŋ lamat lamat, ñirṇakkĕn salitiŋ gulu, kalawan ḍaharanipun, wowohan myaŋ laḥ olahan, sambinĕn ywa ṅaṅgo rikuḥ, duwèkku ya darbèkira, naṅgapi kaŋ tampi wuwus.

22. pra tamu èstri sadaya, siḥ sĕnĕṅira kalaṅkuŋ, bĕjané pamintanipun, tĕmbé kapaṛĕŋ mampira, ḍumatĕŋ iŋ ḍukuhipun, wanti wanti pamĕliŋnya, kaŋ kinèn ṅĕcani kalbu.

23. iŋ jawi maṅkya winarṇa, ki kaji ṅandika aris, hèḥ nurwitri bĕcik bañjur, palilaḥ lalagon jawa, paḍa ṅrĕti kaŋ aṅgugu, kaŋ sinuŋ ṅliŋ ṇḍĕku nulya, mbuka nuṣkaḥ rowiyèku.

24. swara manis arum raras, mĕrit mĕṭit ṅrujit wuluḥ, mĕmbat ṅayut ayut kalbu, salawat baruŋ piŋ tiga, la ilalaha ilolahu, muhkamadun rasullolaḥ, muhkamad kabilulahu.

25. tinampèn kèḥ sahurannya, gĕnturan tĕṛĕbaṅipun, alalagon sĕkar gaḍuŋ, ki nurwitri wus manĕṅaḥ, émprak datan mawa kañcuḥ, maḷĕtĕr anèŋ kalaṅan, sasiṅiré kalanipun.

26. saŋ wrĕkudara pratiṣṭa, nèŋ tĕḷĕṅé samodra guŋ, pinaṅgya jawata luhuŋ, paparap saŋ dipaniṅrat, kaŋ kinarya bukanipun, déwa ruci aṅandika, maraŋ saŋ sĕdya linuhuŋ.

27. hèḥ wrĕkudara apa, prapta iŋ kéné karyamu, miwaḥ apa ta sĕdyamu, iŋ kéné sĕpi kaliwat, nir bhuṣaṇa buktinipun, amuŋna ya ana kaléyaŋ, tumiba iŋ ṅarṣaniṅsun.

28. muŋ iku iṅkaŋ sunpaṅan, garjitèŋ tyas duk aṅruṅu, saŋ wrĕkudara sru ṅuṅun, déné bajaŋ tanpa rowaŋ, agĕḍé jajĕṇṭikiṅsun, ucapé ladak kumĕṭak, déwa ruci maliḥ wuwus.

29. lan maniŋ wrĕkudara, kéné kèḥ pañca boyèstu, lamun nora ĕtoḥ lampus, sayĕkti tan sagĕd prapta, lan ciptamu nora urup, tĕka sira paripakṣa, nora ṅéman éman lampus.

30. sabda kluhuran tan ana, kéwran ri saŋ bayusunu, dèn nira arṣa umatur, déné datan wruḥ iŋ gatya, dadya alon dèn nya matur, maṅsa boroŋ saŋ ayogya, saŋ wiku liṅira arum.

31. sira bèbèté hyaŋ siwaḥ, brama witiŋ para ratu, iya ta bapanirèku, turun sakiŋ saŋ hyaŋ brama, kuṇṭi ibunira èstu, turasé hyaŋ narayana, amuŋ patutan tĕtĕlu.

32. yuḍiṣṭira kaŋ paṅarṣa, panĕṅgaké ya sirèku, pĕrmadi panĕṅahipun, iṅkaŋ loro kadaṅira, sakiŋ dyaḥ madrim puniku, jaṅkĕp paṇḍawa prastanta, kéné sakiŋ tuduhipun.

33. gurupara ḍaṅyaŋ druna, kinèn ṅulatana ranu, urip tirta bĕniŋ iku, kaŋ sira lakoni baya, aṅèl pratiṅkahé iḍup, aywa luṅa yèn tan wruha, iṅkaŋ pinaran iŋ purug.

34. lawan sira aywa naḍaḥ, yèn tan wruha rasanipun, ywa ṅaṅgo aṅgo sirèku, yèn tan wruḥ ranniŋ bhuṣaṇa, wĕruhé atakon tuhu, bisané titiron ñata, dadi lan tumandaṅipun.

35. pan maṅkono iŋ agĕsaŋ, ana jugul sakiŋ gunuŋ, arṣa tuku mas kaŋ luhuŋ, mriŋ kĕmasan gya sinuṅan, lañcuŋ kuniŋ wus dèn sĕṅguḥ, kĕñcana kaŋ luwiḥ mulya, maṅkono iṅabĕktèku.

36. kalamun duruŋ waṣpada, kaŋ sinĕmbaḥ prĕnahipun, sru ṇḍĕku saŋ bayusunu, noraga dé saŋ bhaṭara, sidik patitis kalaṅkuŋ, dadya malatsiḥ manĕmbaḥ, anuwun jinatyan èstu.

37. sintĕn ta paparap tuwan, tĕka pribadi dudunuŋ, saŋ marbudyèṅrat liŋnya rum, iya iṅsun ruci déwa, matur maliḥ bayusunu, pukulun yèn mĕkatĕnna, pun patik ñuwun siḥ èstu.

38. datan wruḥ pruwitèŋ badan, sasat sato iŋ wana guŋ, tan mantra waṣpadèŋ dunuŋ, sukciné kaŋ jiwa raga, sakalaṅkuŋ muḍa puṅguŋ, cinacad jagad wiryawan, kèsi èsi iŋ tumuwuḥ.

39. aṅganiŋ kanaŋ curiga, ulun tanpa wraṅkanipun, ṅandika ri saŋ linuhuŋ, laḥ ta mara wrĕkudara, sira umañjiṅa gupuḥ, maraŋ guwagarbaniṅwaŋ, miyarṣa kagyat gumuyu.

40. aṅguguk aris turira, paduka alit kalaṅkuŋ, kawula agĕŋ aluhur, iṅgiḥ paṅawak parbata, sakiŋ pundi marganipun, jajĕṇṭik kéwala sêsak, ṅandika maliḥ saŋ wiku.

41. kaki gĕḍé ĕndi sira, lan jagad sahisinipun, tan sêsak lamun lumĕbu, maraŋ iŋ jro garbaniṅwaŋ, duk myarṣa saŋ bayusunu, èstu jriḥ matur sandika, mèṅlèŋ saŋ déwa ruci nuŋ.

42. yèku nu karṇèṅsun kiwan, sigra mañjiŋ bayusunu, wus praptèŋ jro garbanipun, non tasik nir tĕpinira, ḷĕyĕp mahawan ṅĕlaṅut, sakiŋ dohé kaŋ kawuryan, déwa ruci ṅuwuḥ uwuḥ.

43. hèḥ apa katon iŋ sira, umatur tĕbiḥ kalaṅkuŋ, datan wontĕn kaŋ kadulu, uwuŋ uwuŋ awaŋ awaŋ, iŋ saparan paran ulun, datan mulat kilèn wétan, kidul ĕlèr ṅaṇḍap luhur.

44. iŋ puṅkur tanapi ṅarṣa, dasihé kalaṅkuŋ biṅuŋ, déwa ruci ṅandika rum, aja amaras tyasira, saŋ séna byar wus dumunuŋ, ṅaḍĕp saŋ wiku kawaṅwaŋ, cahyanya mañcur ṅuṅuwuŋ.

45. séna nolèḥ wruḥ iŋ prĕnaḥ, saŋ hyaŋ surya wus kadulu, écèŋ tyas ṅaḍĕp saŋ wiku, anèŋ iŋ jagad walikan, ṅandika maliḥ saŋ luhuŋ, lumaku anduduluwa, apa kaŋ katon sirèku.

46. séna matur wontĕn warṇa, sakawan iṅkaŋ kadulu, sadaya kaŋ wahu wahu, wus nir datan katiṅalan, muŋ sakawan prakarèku, krĕṣṇa ṛĕta jĕnar séta, mèsĕm ṅandika saŋ luhuŋ.

47. kaŋ ḍiṅin sira non cahya, gumawaŋ tan wruḥ rannipun, pan pañcamaya puniku, jatiné iŋ tyas sañata, paṅaṛĕpiŋ sarirèku, tĕgĕsé iŋ tyas iṅaran, muka sipat kaŋ anuntun.

48. maraŋ sipat kaŋ sañata, jatiniŋ sipat linaṅkuŋ, maṅka tinulya lyap luyup, awas na rupa ywa namar, kwasaniŋ tyas ĕmpannipun, tiṅaliŋ driya puniku, aniṅali mriŋ satuhu.

49. éca tyasé wrĕkodara, kalané miyarṣa wusus, tyas sumriṅaḥ lagya kuñcup, dé rupa kaŋ catur warṇa, iku durgamaniŋ kalbu, mĕpĕki isiniŋ jagad, ati tĕluŋ prakarèku.

50. dadi pamuruṅiŋ lampaḥ, kaŋ bisa pisaḥ sah‍èstu, sida amor iŋ gahibun, iku muṅguhiŋ atapa, ati kaŋ tatĕlu mahu, krĕṣṇa ṛĕta jĕnar samya, ñĕgaḥ cipta kaŋ ḷĕstantun.

51. pamoriŋ kaŋ sukṣma mulya, yèn tan kawiḷĕt tri mahu, yĕkti sida sirṇanipun, sarira ḷĕstari nuṅgal, poma dèn awas dèn émut, durgama kaŋ muṅgèŋ nala, paṅuwasané dèn wĕruḥ.

52. kaŋ iṛĕŋ luwiḥ prakosa, paṅgawéné srĕṅĕn bĕndu, ndadra ṅambra ambra masruḥ, ati kaŋ ṅaḍaṅi maraŋ, iŋ kabĕcikan sawĕguŋ, dé ṛĕtèku tuduḥ duka, kèḥ péṅinaniŋ rahayu.

53. sĕmbrana panas atènan, mbuntoni manaḥ kaŋ émut, mariŋ kawaṣpadan muhuŋ, déné kaŋ arupa jĕnar, ṅgulaŋ sabaraŋ ciptèku, kaŋ tan sayogya dadinya, myaŋ paṅgawé kaŋ mriḥ tulus.

54. kaŋ ṅaṇḍĕgi ati jĕnar, paṅrusak binañjur jumruŋ, muŋ kaŋ putiḥ iku tuhu, ati antĕŋ sukci ñata, prawira kaharjan ayu, namuŋ iku iṅkaŋ wigña, nampèni sasmita tuhu.

55. myaŋ nampèni siḥ nugraha, ĕṅgonné bisa tumanduk, kaḷĕstarèn pamoripun, iŋ kapti yèku muṅguḥnya, katĕlu balané aguŋ, kaŋ séta datanpa rowaŋ, milu guŋ kasoran pupuḥ.

56. yèn bisa nĕmbadanana, mriŋ sukĕr tri prakarèku, sida kono pamoripun, puniku tanpa tuduhan, pamoré kula gustiku, wrĕkudara duk miyarṣa, saya sĕṅkut pamrihipun.

57. birahi mriŋ kahuwusan, iŋ urip sampurṇèŋ kumpul, pataŋ prakara wus surut, urup siji kaŋ katiṅal, wowolu iŋ warṇanipun, saŋ wrĕkudara aturṇya, punapa ta wastanipun.

58. urup juga aṣṭa warṇa, pundi kaŋ sañatanipun, wontĕn kadi ṛĕtna mañcur, wontĕn kadi maya maya, wontĕn abra markatèku, marbudèṅrat aṅandika, iku kajatèniŋ kumpul.

59. saliriŋ warṇa tĕgĕsnya, iya ana iŋ sirèku, myaŋ siniŋ bhumi sadarum, ginambar nèŋ aṅganira, apadéné jagad aguŋ, jagad cilik tan prabéda, purwané ana lor kidul.

60. kulon wétan luhur ṅaṇḍap, krĕṣṇa ṛĕta jĕnar piṅul, paṅuripé buwanèku, lamun ilaŋ warṇaniṅkaŋ, iya jagad kabèḥ iku, tan ana iṅkaŋ kliwatan, miwaḥ tan ana kaŋ suwuŋ.

61. saliriŋ réka tan ana, kinumpulakĕn sadarum, ana rupa kaŋ siji muŋ, datan kakuŋ tan wanodya, lir tawon gumana iku, kaŋ agawaŋ putran dĕnta, laḥ payo dulunĕn gupuḥ.

62. wrĕkudara wus umiyat, kaŋ lir putran gaḍiŋ luhuŋ, cahya kumilat umañcur, tuméja ṅuwuŋ waṅkawa, punapa iṅgiḥ punika, warṇaniŋ dat kaŋ ṅulatan, kayaktèné rupa tuhu.

63. nahuri saŋ ruci déwa, kaŋ sira sĕdya lèn iku, kaŋ mumpuni bĕk sadarum, sira dulu boya kĕna, tanpa rupa nir warṇèku, datan gatra tan satmata, atanapi tanpa dunuŋ.

64. muŋ dumunuŋ mriŋ kaŋ awas, muŋ sasmita nèŋ jagad guŋ, kĕbĕk tan kĕna dinumuk, dé kaŋ sira dulu piṇḍa, puputran mutyara mañcur, aṅkara kara sumunar, pan pramana arannipun.

65. tuṅgal anèŋ iŋ sarira, naṅiŋ tan mèlu margiyuḥ, myaŋ tan mèlu maṅan turu, tan amèlu lara lapa, yèn iku pisaḥ ṅgènnipun, raga ṅlumpruk badan luṅkraḥ, iṅkaŋ kuwasa ya iku.

66. naṇḍaŋ rahsa kahuripan, déniŋ sukṣma kaŋ linuhuŋ, sinuŋ siḥ anaṇḍaŋ iḍup, iṅakĕn rahsaniŋ ĕdat, sinaṇḍaṅkĕn nèŋ sirèku, kadi simbar nèŋ kakaywan, aranniŋ raganirèku.

67. uripiŋ pramana ika, iṅuripan sukṣma nĕṅguḥ, misésa iŋ sarirèku, yèn mati mèlu kaḷĕswan, yèn nir sukṣmaniŋ ragèku, gya uripiŋ sukma mulya, mahu wus nuṅgal lan wujud.

280. ḍaṇḍaŋgula

1. sigĕg maṅkya kaŋ winarṇèŋ tulis, para tamu miwaḥ kaŋ tumiṅal, wayaŋ wuyuṅan driyané, gorèḥ dèn nira luṅguḥ, pra wadonan cacaḍaŋ kapti, wĕnèḥ ririḥ wicara, bagusé aṅgambuḥ, suwé nora awèḥ ulat, mĕṅko lamun malémbar maraŋ iŋ ñjawi, dakajak mriŋ wismèṅwaŋ.

2. ulun kuṅkuŋ boya kĕna mijil, andadaha badanku sadaya, dèn kĕṇḍo siŋ mbaṭok kiyé, réwaṅé mlérok muwus, jaṅji mĕṅa tanpa pakériŋ, ambaḍog darkèbiṅwaŋ, ḍéḍékaku mahu, dèn tĕmu pèk nèŋ dadalan, titènana nora wuruŋ kramas gĕtiḥ, nñjĕṅèk kaŋ sinuŋ ujar.

3. ṅubĕr ubĕr wawan winawan ṅliŋ, kabaraṅat grĕjĕg tĕmaḥ tukar, gègèr pinisaḥ woŋ akèḥ, para sĕmbèr narucul, antuk ĕṅgon jĕṅgloŋ nèŋ ṅarṣi, tan ṅrèmèsi kaŋ tukar, samya adol ayu, timpuḥ siduwasta kiwa, kĕmbĕn kĕṇḍo ṅlowoŋ payudara miṅis, kuraŋ saṭiṭik wutaḥ.

4. wis antara daṅu ki nurwitri, dèn nya ṅgambuḥ sĕsĕgiŋ irama, magĕnturan sru trĕbaṅé, ṅaṇḍĕloŋ tandya suwuk, maca slawat aṅariŋ ariŋ, sugata wédaŋ ḍaran, sumahos iŋ ṅayun, éndrasmara lon liṅira, wawi sami simambi sawontĕnnèki, kaŋ iṅacaran rahab.

5. mbokmas dĕmaŋ atatanya ririḥ, mriŋ suwadi aḍi ana ika, iṅkaŋ di kĕmbaŋ lambé, cĕbolaŋ iku mahu, kaŋ tinanya nahuri aris, punika réñcaṅira, nurwitri rannipun, botĕn tumut ki cĕbolaŋ, sawĕg pambĕŋ kilap maṅké mbokmanawi, sagĕt mapag kéwala.

6. rak ya kĕna ta ḍi aṛĕp uniŋ, ni suwadi ṅglĕgĕs lon turira, manawi namuŋ warṇiné, botĕn awisan èstu, kilap biliḥ ayun udani, silitipun caṇṭoka, kula botĕn taṅguŋ, suka tuwin botĕnnira, mbokmas dĕmaŋ ririḥ ñiwĕl wĕntis kériŋ, labĕt tyas sru susila.

7. nahĕn wahu kaŋ anèŋ paṇḍapi, nurgirindra alon aṅandika, lagi tĕṅaḥ wĕṅi kiyé, lan baṅĕt ṅgonku ayun, wruḥ bacuté saŋ bayusiwi, ṅgonné antuk nugraha, sakiŋ déwa timur, pra santri bah‍é kaŋ émprak, sira lawan éndrasmara kaŋ asiṅir, tutugé mahu ika.

8. éndrasmara ñaṇḍak trĕbaŋ aglis, wus pinaṅku ginaléwaŋ bawaŋ, raṇḍanunut lalagoné, sagahannya winuwus, ĕmpok périŋ tiba añjĕṅkiŋ, para santri kaŋ émprak, cara argakidul, amuŋ sasuka sukanya, nora turut lawan iramaniŋ gĕṇḍiŋ, uyĕl pan nora tata.

9. santri arga kèndĕl nulya ganti, iṅkaŋ émprak pala kartipala, alus turut paṅémpraké, kaliyé ṅĕmut sumbu, taléroṅan broṅotan api, babakaran priyawak, tĕṅgok giṭokipun, suka kaŋ sami umiyat, alok alok suraknya mawanti wanti, sakiŋ saṅĕtiŋ suka.

10. nahan iṅkaŋ ndumugèkkĕn siṅir, ki nurwitri lawan éndrasmara, muhuŋ kakaliḥ kaŋ ñĕṅkèŋ, sak plak suwara arum, aṅlir paṭĕt ñamplĕŋ nĕmnèki, mĕrit mĕṭit araras, wiḷĕt ṅañut añut, hébat kaŋ samya miyarṣa, ṅlajĕṅakĕn saŋ séna duk sinuŋ uniŋ, kaananiŋ pramana.

11. sirṇa iku iya kaŋ pinaṅgiḥ, uripiŋ sukṣma iṅkaŋ sañata, kaliwatan upamané, lir rasaniŋ kamumu, kaŋ pramana amrataṇḍani, tuhu tuṅgal pinaṅka, jinatèn puniku, umatur saŋ wrĕkudara, iṅgiḥ pundi warṇané iṅkaŋ sayĕkti, déwa ruci ṅandika.

12. nora kĕna yèn iku sira priḥ, lawan kaanan samata mata, gampaŋ aṅèl pirantiné, wrĕkudara umatur, kula ñuwun pamĕjaŋ maliḥ, iṅgiḥ kĕdaḥ uniṅa, babarpisannipun, pun patik ṅaturkĕn pĕjaḥ, ambañcana aṅgèn aṅgèn iṅkaŋ paṣṭi, sampun tuwas kaṅélan.

13. aṅandika alon déwa ruci, wrĕkudara sira nora kĕna, yèn kudu wruḥ samĕṅkoné, yĕktiné sira luluḥ, yèn ṅantiya sira udani, yèn sira umĕkṣa, na tatrapanipun, sirṇakĕna wujudira, iya lawan nétranira iku kaki, supaya yèn tumĕka.

14. iya maraŋ kaŋ sira ulati, sayĕktiné kaŋ dadya warana, wujud nétranira ḍèwè, iku paṅkalan aguŋ, wrĕkudara nĕmbaḥ nuwun siḥ, yèn kula kadugiya, tatrap kaŋ puniku, iribé kadya punapa, warṇaniŋ dat déwa ruci aṅliŋ ririḥ, tan ana kaŋ amimba.

15. naṅiŋ ana tĕrṣaṇḍané kaki, lamun krasa wujudira sirṇa, kari nétra ati bah‍é, naṅiŋ datan kadulu, bhumi laṅit datan kah‍èkṣi, iku taṇḍa yèn prapta, nugraha hyaŋ aguŋ, kaki ḷĕñĕpé kéwala, jagad añar kabèḥ tan ana nimbaṅi, warṇa kadya maṅkana.

16. yèn wis luwar dèn aṅati ati, dèn waṣpada sajroniŋ wardaya, béñjiŋ praptèŋ wasanané, poma kaki dèn émut, panuṅgalé kawula gusti, sahir kabir tan ana, wus dadi sawujud, tan ana ṅgonné aṅalap, wujud iku ṅalap kabèḥ wus kawiṅkis, yèku jatiniŋ tuṅgal.

17. nora béda woŋ sinahu kaki, iya pati sajroniŋ ṅagĕsaŋ, lan yèn prapta wĕkasané, sayĕkti tuṅgal iku, tan prabéda tiṅalirèki, wrĕkudara anĕmbaḥ, nuwun siḥ pakulun, sasampĕtana karasa, tyas sumriṅaḥ madĕg kasudiran amriḥ, maraŋ alam kamukṣan.

18. yèn makatĕn amba datan mijil, sampun éca nèŋ riki kéwala, botĕn wontĕn saṅsayané, tan niyat maṅan turu, botĕn arip botĕn aṅĕliḥ, botĕn ṅrasa kaṅèlan, botĕn aṅrĕs linu, amuŋ nikmat lan mupaṅat, déwa ruci liṅira iku tan kĕni, yèn nora lan antaka.

19. saṅsaya sihira déwa ruci, maraŋ saŋ kaswasiḥ iŋ panĕḍa, laḥ iya dèn awas bah‍é, mriŋ pamuruṅiŋ laku, aja ana kaṛĕmirèki, dèn bĕnĕr tékadira, iŋ aṅgĕpirèku, yèn wus kasikĕp iŋ sira, aja muhuŋ dèn aṅgo maraḥ yèn aṅliŋ, yèku rèḥ pipiṅitan.

20. nora kĕna yèn sira rasani, lan sasama samaniŋ manuṅsa, kaŋ nora lan nugrahané, yèn ana nĕdya padu, aṅrasani rarasan iki, ya tĕka kalahana, aja koṅsi bañjur, aywa ṅadĕkkĕn sarira, ywa karakĕt maraŋ wisayaniŋ ṅurip, balik sikĕpĕn uga.

21. kawisayan kaŋ maraŋ iŋ pati, dèn kaasta pamaṇṭĕniŋ cipta, rupa iṅkaŋ sabĕnĕré, sinĕṅkĕr buwanèku, urip nora nana ṅuripi, datan antara maṅsa, iya ananipun, pan wus ana iŋ sarira, tuhu tuṅgal sasana lawan sirèki, tan kĕna pisahĕna.

22. tan na wĕnèḥ saṅkanira ṅuni, tuṅgal saṅat matiniŋ bhawana, pandulu pamiyarṣané, wus anèŋ iŋ sirèku, pamirṣané sukṣma sayĕkti, iya tan lawan karṇa, iŋ pandulunipun, iya tan kalawan nétra, karṇanira nétranira kaŋ kinardi, anané anèŋ sira.

23. lahiré sukṣma anèŋ sirèki, atinira kaŋ ana iŋ sukṣma, iya maṅkéné tatrapé, kadya wrĕkṣa tinunu, ananiŋ kaŋ kukusiŋ agni, sarta kalawan wrĕkṣa, lir toya lan alun, kadya méñak anèŋ powan, raganira iŋ rèḥ mobaḥ lawan mosik, iya sarta nugraha.

24. yèn wruḥ pamoré kawula gusti, sarta sukṣma kaŋ sinĕdya ana, dé warṇa nèŋ sira ṅgonné, lir wayaŋ sarirèku, sakiŋ ḍalaŋ solahiŋ riṅgit, maṅka paṅguŋ kaŋ jagad, liré badan iku, amolaḥ lamun pinolaḥ, sasolahé kumĕḍèp myarṣa niṅali, tumindak lan paṅucap.

25. kawisésa amisésa sami, datan antara pamoriŋ karṣa, jĕr tanpa rupa rupané, wus anèŋ iŋ sirèku, upamané pah‍ésan jati, iṅkaŋ ṅilo hyaŋ sukṣma, wayaṅan puniku, kaŋ ana sajroniŋ kaca, iya sira jĕnĕṅiŋ manuṅsa iki, rupa sajroniŋ kaca.

26. luwiḥ gĕŋnya kaḷĕpasan iki, lawan jagad agĕŋ kaḷĕpasan, kalawan luwiḥ ḷĕmbuté, saḷĕmbutaniŋ bañu, apan ḷĕmbut kamukṣan ugi, luwiḥ alit kamukṣan, saalitiŋ tĕṅu, pan makṣiḥ alit kamukṣan, liré luwiḥ amisésa iŋ sakalir, liré ḷĕmbut alitnya.

27. bisa nukṣma iŋ ḷĕmbut lan alit, kalimputan kabèḥ kaŋ rumaṅkaŋ, gumrĕmĕt iya tan pah‍é, kaluwihan sadarum, luwiḥ iya dèn nya nampani, tan kĕna ṅandĕḷĕna, iŋ waraḥ lan wuruk, dèn saṅĕt paṅwsanira, badannira wasuhĕn pragñana ṅuṅkiḥ, wruha ruṅsitiŋ tiṅkaḥ.

28. wuruk iku kaŋ minaṅka wiji, kaŋ winuruk upamané papan, pama kacaŋ lan kĕḍĕlé, sinĕbarṇa iŋ watu, yèn watuné datanpa siti, kodanan kĕpanasan, paṣṭi nora ṭukul, lamun sira bijakṣana, tiṅalira sirṇakna ṅananirèki, dadi tiṅaliŋ sukṣma.

29. rupanira swaranira nuli, ulihĕna mriŋ kaŋ darbé swara, jĕr sira iṅakĕn bah‍é, mimiliḥ kaŋ satuhu, naṅiŋ aja duwé sirèki, pakaṛĕman kaŋ liya, maraŋ saŋ hyaŋ luhur, dadi sarira bhawana, obaḥ osikira wus dadi sawiji, ywa roro aṅgĕpira.

30. yèn ta dadi aṅgĕpira yĕkti, yèn aṅrasa roro makṣiḥ was was, kĕna iŋ ṛĕṅu dadiné, yèn wus siji sawujud, sakaṛĕntĕkiŋ tyasirèki, apa cinipta ana, kaŋ sinĕdya rawuḥ, wus kawĕṅku anèŋ sira, jagad kabèḥ jĕr sira iṅakĕn yĕkti, gĕgĕnti dèn nya sagaḥ.

31. wusnya muḍĕŋ pratiṅkaḥ kaŋ iki, dèn awiṅit sarta dèn asasap, sasabana paṅaṅgoné, naṅiŋ iŋ batinipun, iŋ sakĕḍèp tan kĕna lali, lahiré sasabana, kawruḥ pataŋ ḍapur, paḍa aṅgĕpĕn sadaya, kalimané kaŋ siji iku prĕmati, kaṅgo iŋ kéné kana.

32. liré mati sajroniŋ ṅahurip, iya urip sajroniŋ apĕjaḥ, urip bah‍é salawasé, kaŋ mati iku napsu, badan lahir iṅkaŋ ṅlakoni, katampan badan ñata, pamoriŋ sawujud, pagéné ṅrasa matiya, wrĕkudara tyasira paḍaŋ nampèni, wahyu prapta nugraha.

33. lir sasaṅka tawĕŋ ima nipis, praptaniŋ wahyu iŋ ma nirmala, sumilak ilaŋ ṛĕgĕdé, aṅliŋ maliḥ tulya rum, déwa ruci manis aririḥ, tan ana aji paran, kabèḥ wus kawĕṅku, tan ana iṅulatana, kaprawiran kadigdayan wus kawiṅkiŋ, kabèḥ rèhiŋ ṅayuda.

34. tĕlas wulaṅira déwa ruci, wrĕkudara iŋ tyas wus tan kéwran, wruhiŋ namané ḍèwèké, hardaniŋ swara muluk, tanpa ĕlar añjajaḥ baṅkit, sawĕṅkon jagadraya, aṅga wus kawĕṅku, pan tanpa matiniŋ basa, sah‍éṅgané sĕkar makṣiḥ kuḍup lami, maṅkya sĕkar ambabar.

35. wuwuḥ warṇané lan gandanèki, wus kĕna kaŋ pañca ṛĕtna mĕdal, sakiŋ iŋ guwagarbané, wus salin alamipun, aṅulihi alamé lami, déwa ruci wus sirṇa, maṅkana winuwus, tyasira saŋ wrèkudara, lulus sakiŋ gandaniŋ kasturi jati, papanasiŋ tyas sirṇa.

36. iṅkaŋ émprak pra santri wus wradin, gya sinuwuk samya maca slawat, aṅariŋ ariŋ napasé, wañci mèḥ bĕḍuk tĕlu, nurgirindra wacana mariŋ, para tamu sadaya, ni panti kalaṅkuŋ, nuwun kaṇṭi sukaṛĕna, dé kĕpaṛĕŋ jĕnĕk pinarakan sami, ṅantos mèḥ nduṅkap ĕbyar.

37. kaŋ sinuŋ ṅliŋ ṇḍĕku ṇḍĕku pamit, linilanan mantuk èstri priya, saṛĕŋ kalawan wĕdalé, jalu èstri kaŋ ndulu, kèḥ tan muliḥ jĕbĕg nèŋ ñjawi, kaŋ naṇḍaŋ larasmara, jumbuḥ sĕdyanipun, éndrasmara grahitèŋ tyas, matur ririḥ mriŋ marṣĕpuḥ kyayi maṅkin, suwadi sakañcanya.

38. prayoginé sipĕŋ anèŋ ṅriki, biliḥ tumut mantuk dados béka, kaṭaḥ kaŋ naṇḍaŋ wiragé, tékatpraya sah‍èstu, iya jĕbèŋ aja kuwatir, sinaraḥ iŋ sakarṣa, kyayi wus lumĕbu, pamit maraŋ mbokmas dĕmaŋ, rubiyahé éndrasmara catur pamit, myaŋ suwadi pamitan.

39. mbokmas dĕmaŋ wĕliŋ wanti wanti, sésuk bĕṅi poma aja liñcat, dak aṛĕp aṛĕp maréné, sukur lawan kañcamu, kaŋ paḍa yun mriŋ pranaragi, suwadi mèsĕm liŋnya, sandika katèṅsun, dugi sampéyan pra kañca, biliḥ sami panuju ḍaṅaniŋ ati, kasmaran iŋ paminta.

281. asmaradana

1. kalawan kapasaṅyogi, béñjaŋ mbèn ulun umaṅkat, aṅlajĕṅkĕn iŋ lampahé, giḥ ugi sasaṛĕṅan, kalawan para kañca, ñi dĕmaŋ sru sukèŋ kalbu, aḍuḥ yayi muga muga.

2. paḍa ḍaṅana iŋ ati, ḷĕṛĕp anèŋ gubugiṅwaŋ, muŋ sadalu éñjiŋ boḍol, sukur paṛĕŋ rada lawas, nahĕn ta sampun mĕdal, praptèŋ paṇḍapa gumuruḥ, kaŋ anèŋ jawiniŋ ḍaḍaḥ.

3. suwadi umatur aris, sami kèndĕla sadaya, gya rumiyin mriŋ lataré, jĕmpol suku iṅkaŋ kiwa, cinĕṭikakĕn kisma, asta tĕṅĕn kaŋ añjupuk, jĕmpol suku iṅkaŋ kanan.

4. jinumput nèŋ ṅasta kériŋ, siti kinumpul nèŋ taṅan, kanan nulya matĕg mèllé, kulu sah‍èhin lajĕŋnya, jah‍ékatut mahutta, sinawurkĕn ṅajĕṅipun, kalawan iŋ kériŋ kanan.

5. kaŋ nèŋ jawi ḍaḍaḥ nuli, siṛĕp tan ana ñuwara, lir kawayon aṅlĕgèyèḥ, ana ṅantuk raréṅgotan, wĕnèḥ ṅorok sĕṅgoran, suwadi mĕṇḍak umatur, sumaṅga lajĕŋ tumindak.

6. dumuginira iŋ jawi, samarga marga woŋ néndra, suka kaŋ mahawan kabèḥ, wus kapuṅkur paricara, pajar sidik praptanya, lajĕŋ samya wĕktu subuḥ, paragat miṅip hyaŋ arka.

7. nahĕn ta kaŋ samya guliŋ, kaŋ kataman sasiṛĕpan, katloroŋ surya sumorot, kagyat biṅuŋ garagapan, sĕmuné radi wiraŋ, maḷĕñciŋ samya umantuk, ṅoṅgo oṅgo nutuḥ mata.

8. maṅkana nikèn suwadi, wus aso nèŋ pamoṇḍokan, sak siyaŋ tan ana katon, sabakdané wĕktu ṅasar, cĕbolaŋ saréñcaŋnya, sowan maṅilèn wus paṅguḥ, lawan kyayi nurgirindra.

9. héndras lan rubiyahnèki, anèŋ iŋ kilèn sadaya, mas cĕbolaŋ awotsinom, aṅujuŋ sarwi pamitan, dumugèkakĕn lampaḥ, atanapi santri catur, samya ṅujuŋ gantya gantya.

10. gya mriŋ héndrasmara pamit, kakaŋ kantuna raharja, tanapi catur mbok ipé, sami kantuna raharja, diatut nuṅgal karṣa, bĕkti nastiti mriŋ kakuŋ, kaŋ ajriḥ trusiŋ wardaya.

11. manawi sagĕd ḷĕstari, kadi kaŋ wus kalakṣanan, insa allaḥ iŋ akiré, pakantuk margi kaŋ paḍaŋ, tanapi sinuŋ swarga, kĕkĕl iŋ salaminipun, nèŋ kamulyan katĕntrĕman.

12. sru muwus kaŋ sinuŋ aṅliŋ, mugi mugi pikantuka, iŋ paṅèstu widadané, kajawi punika ḍimas, suwawi kadiparan, saṛĕŋ atanapi kantuk, dèrèŋ wontĕn sañjaṅira.

13. wahu dalu dèn bĕjani, wantos wantos mriŋ yu dĕmaŋ, sagĕda sipĕŋ pantiné, éñjiṅipun lajĕŋ biḍal, sukur yimas kalawan, nurwitri sakañcanipun, paṛĕŋ ḷĕṛĕp kadĕmaṅan.

14. èstunipun kadipundi, punapi pisan myaŋ kĕmpal, cĕbolaŋ mèsĕm dĕliṅé, sarèhniŋ lampaḥ wus tĕbaḥ, waḥ èstri takṣiḥ muḍa, kadiparan yèn tan kĕmpal, klĕbĕt patrap siya siya.

15. kiyayi sampun ṅlilani, sakécanipun lumampaḥ, iŋ wañci bakda mahribé, nĕḍĕŋ timbuliŋ hyaŋ candra, iŋ taṅgal gaṅsalwĕlas, rubiyaḥ catur gumuyu, ginagas wasananira.

16. nurgirindra muŋ mariṅi, pandoṅarja ḷĕstaria, mas cĕbolaŋ sampun lèṅsèr, mariŋ pamoṇḍokanira, bakda mahrib maṅkat gupuḥ, héndrasmara sarabinya.

17. ṅatĕr praptèŋ jawi kikis, sasalaman ndum raharja, maṅu maṅu dèn nira non, dupi wus tan kawistara, lagya waṅsul mriŋ wisma, kĕmba sĕpi sĕpĕn samun, kadi kapĕgatan trĕṣṇa.

18. sigĕg kaŋ siḥ mariŋ tami, iṅkaŋ lumampaḥ wus prapta, karajan paricarané, tumamèŋ iŋ parégolan, maṇḍĕg nèŋ palataran, nahĕn ñi panti winuwus, saari ṅrakit poṇḍokan.

19. myaŋ darbé sugatanèki, wus samĕkta sadayanya, pinapantĕs sarirané, bhuṣaṇa sarwa pasaja, nèŋ jarambahiŋ wisma, anon ḍatĕṅiŋ tatamu, madĕg gita gita mapag.

20. kèn suwadi kinapiṭiŋ, gaṇḍèŋ asta malbèŋ wisma, nolèḥ mriŋ tamu santriné, tan miṇḍak wĕtaḥ sakawan, iŋ tyas sĕmada cuwa, anaṅiŋ saṅĕt sinamun, aywa ṅanti kawistara.

21. nurwitri saréwaṅnèki, wus pinarṇaḥ poṇḍokira, jinaga kulawarga kèḥ, poṇḍok sĕgaḥ tan kuciwa, sĕnĕŋ sadayanira, kontĕn wisma wus tinutup, pinaṅgihan ḷĕmaḥ jrambaḥ.

22. tapsiriḥ lumadyèŋ ṅarṣi, tinuṅka wédaŋ ḍaharan, ṛĕna tur mirasa kabèḥ, laḥ yayi mara mucaṅa, yèn wis kakuraḥ waja, sĕḍĕŋ asrĕp wédaṅipun, ṅuñjuk wédaŋ myaŋ ḍaharan.

23. kèn suwadi anaṅgapi, rinahapan trusiŋ nala, wisma tatanya alon, yayi pira réñcaṅira, apa wus jaṅkĕp gaṅsal, nuwun kaṅbok sawĕg catur, kaŋ satuṅgal nuju késaḥ.

24. iṅgiḥ awit kalawiṅi, mĕṇḍaniŋ sakit pamitan, sakĕḍap mriŋ sama jagoŋ, saguḥ nusul mriŋ dĕmaṅan, dumugi aṅkatkula, tĕka tan wontĕn kadulu, bokmanawi maṅgiḥ aral.

25. naṅiŋ kula sampun mĕliŋ, ḍatĕŋ kakaŋ éndrasmara, samaṅsa ḍatĕŋ rayiné, kéwala lajĕŋ nusula, ḍatĕŋ iŋ kadĕmgaṅan, kula sakañca sadarum, ṅĕntosi nèŋ kadĕmaṅan.

26. sukur yayi yèn wus mĕliŋ, sira aja maṅkat maṅkat, ṅĕntènana satĕkané, sama jagoŋ ṅĕndi baya, aku duruŋ uniṅa, lagi samĕṅko sun ṅruṅu, bakyu kabaripun cĕlak.

27. lawan sama catur ardi, tyas kumĕpyur bokmas dĕmaŋ, sinamun lon wacanané, gunĕm mahu bĕṅi ika, sahadat kaŋ pramatya, paḍa loro klimahipun, naṅiŋ sabañjuré béda.

28. amahyakkĕn kaananiŋ, alus alusiŋ bicara, winadi nèŋ jro kalbuné, iku yayi dèn alila, mbakyunta tètèsana, sampurṇaniŋ kanaŋ kawruḥ, mbakyupara boroŋ aṅga.

29. suwadi tumuṅkul aṅliŋ, mbakayu kula sumaṅga, namuŋ darmi ṅaturaké, èstu kaguṅanta ḍawak, maṅké siṛĕpiŋ rarya, nèŋ gĕḍoŋ wétan pakantuk, ḷĕga tyasé mbokmas dĕmaŋ.

30. rasulan sĕga kĕbuli, wuduk ayam laḷĕmbaran, apadéné raraṅkènné, apa kinĕpuŋ samaṅkya, apa lamun wus bakda, samaṅké kéwala sampun, gya tinata nèŋ paṇḍapa.

31. ki saloka kaŋ doṅani, kinĕpuŋ réñcaŋ priyaṅga, kalawan catur tamuné, wus paragat dèn nya doṅa, ambĕŋ binagé wrata, gya naḍaḥ satuwukipun, satirahé binarkatan.

32. nahan iṅkaŋ ayun wirit, wus nèŋ gĕḍoŋ sakaliyan, ni dĕmaŋ salin paṅaṅgo, sadaṅunira bhuṣaṇa, muŋ suwadi réñcaŋnya, añiñjaṅi miwaḥ miru, tanapi atrap sumĕkan.

33. ukĕl tébokan iṅapit, puṣpagiwaŋ sak ronnira, lalamatan tasikané, waja mĕntas sinisigan, piṇḍa lariŋ brĕmara, yun mucaŋ jambé ginilut, kéṅis piṇḍa wigyutmala.

34. suwadi duk aṅréñcaṅi, bhuṣaṇa ndĕmok sarira, alus lumĕr kulitané, kuraŋ ṭiṭik kuwaṅuran, kumyus kariṅĕt mĕdal, kĕkĕtĕg nĕsĕg kumrusuk, ṅunadika kasumukan.

35. tan aṅrasuk sotya rukmi, wusnya mucaŋ kinĕmonan, miṅis miṅis lalaṭiné, cahya sumunar sumriṅaḥ, ḍasar suluḥ wadana, trapsila mĕpĕs tumuṅkul, apan wus ajĕŋ ajĕṅan.

36. kalawan nikèn suwadi, pépégaṅan asta kanan, sawĕg sumaṅga aturé, supé lamun dumadya dyaḥ, kuniŋ manisiŋ surya, piṇḍa wulan sunaripun, ḍèmĕs aruruḥ jatmika.

37. añjahit jahit aluṅit, tiṅal lindri mĕrakatya, lir tinon jro supĕnané, ñuṛĕmakĕn diwaṅkara, ĕlasiŋ paricara, pégaṅan asta wus daṅu, ṅanti wahyaniŋ pamĕjaŋ.

38. pamĕtĕké tan wis uwis, riwéniŋ ṅasta ṭur ṭuran, sarira marlupa capé, sirṇa warṇaniŋ wanodya, mbagĕgĕg mas cĕbolaŋ, mĕgaŋ asta makṣiḥ kukuḥ, mbokmasé dupi umiyat.

39. kagyat nratap sĕnik sĕnik, ṅèwèl mrindiŋ sawatara, samya ñjombloŋ sakaliyé, wus sarèḥ tyasnya cĕbolaŋ, manis wijiliŋ sabda, ḍuḥ babo jantuŋ tyasiṅsun, kula kaŋ nama cĕbolaŋ.

40. santri mĕri muḍa piṅgiŋ, pramila kadara dara, ayun mriŋ pranaragané, maṅudi kawruḥ kaŋ ñata, dumugi girimarta, katampĕk iŋ lahar madu, sakiŋ krajan paricara.

41. tampi panaṇḍaŋ guŋ branti, kamirahaniŋ hyaŋ sukṣma, sagĕd paṛĕg kawulané, maraŋ risaŋ mawèḥ rimaŋ, namuŋ suŋ kalyatiṅwaŋ, akṣamanta iṅkaŋ aguŋ, kawula sumaṅgèŋ karṣa.

42. bokmas dĕmaŋ duk miyarṣi, tyas sukur luḥ marawayan, labĕt kaḷĕgan karṣané, samya sarèḥ ucul asta, umatur pĕgat pĕgat, ḍuḥ lah‍é paṅajapiṅsun, kaŋ sabda kabali sura.

43. ḷĕṛĕsipun iṅkaŋ dasiḥ, kaŋ minta guŋ paṅakṣama, lan jĕŋ kula babasané, rèhniŋ wus anuṅgal karṣa, ulun matur pasaja, botĕn bèntĕn sĕdyahulun, samaṅké sampun akrama.

44. myaŋ wontĕn panuwunmami, yèn asiḥ dèn wĕḍarana, kaŋ dadya prasĕtyaniṅoŋ, bab masalahiŋ akrama, kaŋ sagĕt anarbuka, putusa surahosipun, dasihé sumaṅgèŋ karṣa.

45. manawi cabar iŋ kardi, tĕtĕp santri papariman, éman dadi kĕmbaŋ lambé, mriŋ suwadi pamintèṅwaŋ, gampil pinaṅgiḥ wuntat, mas cĕbolaŋ aṅliŋ atut, laḥ suwawi winĕḍarṇa.

46. ni wulañjar wacana ris, ḍuḥ lah‍é pinajaṛĕna, paran yun rabi mariṅoŋ, lan para akĕn punapa, lan ndika gawé paran, lamun ta ndika kĕtĕmu, iŋ pundi ṅènnya kapĕḍak.

47. kalamun tuwan apaṅgiḥ, punapa andika aras, punapa dinulu maṅké, andika cĕkĕl punapa, dèn atut kula taña, rèḥ baḍé panutaniṅsun, lan sun gawé guru pisan.

48. upamané sĕkar yayi, ananiṅsun cĕkĕl ika, sihé kaŋ sunalap maṅké, daté suntiṅali ika, lan sipaté kaŋ mulya, sukṣmané sunaras iku, apaṅgiḥ iŋ rahmatolaḥ.

49. lan sunaku sira yayi, kĕñatahaniŋ sihira, lan sun gawé sira maṅké, kĕñatahaniŋ sirolaḥ, punapa ta iŋ karṣa, punika pamaṅgihiṅsun, iŋ kawruḥ ananiŋ krama.

50. bokmas dĕmaŋ muwus aris, wontĕn maliḥ aturkula, sampun salaḥ cipta maṅké, kawula taña iŋ tuwan, punapa arannira, yèn wus saré lawan iṅsun, andika aglis asiram.

51. baya ta manira najis, jiwaraganiṅsun iṅkaŋ, yèn tuwan asiram maṅké, mila kawula kadusan, alumuḥ maṅké wakiṅsun, asaré lawan andika.

52. kaŋ mèlu kadusan yayi, sipat tulisé punika, kaŋ sipat adam ta ṛĕké, sipat kaŋ mulya kadusan, apan ta wujud tuṅgal, lan ana roroniŋ wujud, aṅiŋ hyaŋ jatiwisésa.

53. milané dinusan yayi, ṅèstokkĕn turuniŋ johar, kaŋ iṅaran johar maṅké, bañu urip pinaṅkanya, tiba iŋ bhumi rahmat, iku mulané rumuhun, karané wajib dinusan.

54. lan tuwan jinabad iki, pintĕn kèhé mukaranaḥ, pintĕn prakara ta ṛĕké, iṅkaŋ aran mukaranaḥ, lan parluniŋ jinabad, nuwun jinatèn wakiṅsun, parluniŋ jinabad ika.

55. kaŋ ḍiṅin bañu kaŋ suci, aṅulapi najis ana, iṅkaŋ akaram badanné, kapiṇḍo tibaniŋ niyat, kapiŋ tigané ika, kaṛĕp maratakkĕn iku, bañu sakèḥ badannira.

56. iŋ mukaranahé siṅgiḥ, sakawan kaṭahé ika, kaŋ rumiyin iku maṅké, ṅalam mutapèk punika, lawan kapiŋ kaliḥnya, ṅalam dakir ta puniku, ṅalam salap kapiŋ tiga.

57. ṅalam muni ta puniki, jaṅkĕpé pataŋ prakara, sakala anduduk alon, iṅkaŋ suntĕṅa punika, marma sampun amisaḥ, woŋ èstri kalawan kakuŋ, iŋ doña tĕkèŋ akérat.

58. aranniŋ woŋ dat kakaliḥ, milané tuṅgal saaran, para lawan mara maṅké, iŋ wijiné lanaŋ ika, lan paran ananiṅwaŋ, lan ṛĕké ananirèku, roro dadiya satuṅgal.

59. ananira iku siṅgiḥ, klawan ananiṅsun ika, upamané sĕkar maṅké, asraḥ wawaṅiné ika, kaya aṅgané wayaŋ, tiṅalé mariŋ datipun, osiké kaṇṭi woŋ lanaŋ. 

282. kinaṇṭi

1. ñahi dĕmaŋ puṣpamrĕdu, kacoṇḍoṅan iŋ paṅgaliḥ, wus lama paṅantinira, sakiŋ pratigñané ṅuri, satilaré lakinira, ñi dĕmaŋ duhkitèŋ kapti.

2. kacuwan sihirèŋ kakuŋ, wayaŋ wayuŋ sru rudatin, lami lami darbé cipta, prasĕtya tan arṣa krami, kalamun tan antuk priya, tĕtĕpira gurulaki.

3. baṅkit mĕjaŋ ṅèlmu luhuŋ, basan wĕḍariŋ akrami, kaŋ putus warṇa sambada, wasis maṅolahiŋ ṛĕsmi, sawĕg maṅkya kapaṅgiḥnya, cĕbolaŋ tuhu woŋ sigit.

4. kasokiŋ tyas tanpa ragu, ḷĕga ḷĕgawa iŋ galiḥ, sumuṅkĕm ṅruṅkĕpi pada, miṅsĕg miṅsĕg amlasasiḥ, lah‍é gurunadiniṅwaŋ, dasihé sumaṅgèŋ kapti.

5. iŋ wañci liṅsiriŋ dalu, réñcaŋ sadaya wus guliŋ, siṛĕp tan ana sabawa, muŋ adrĕṅiŋ sénapati, kawaṅwaŋ mriŋ mĕṅsahira, pakṣa rumabasèŋ puri.

6. cĕbolaŋ waṣpadèŋ sĕmu, ñi dĕmaŋ wus taḍaḥ kapti, nadyan wulañjar kaŋ warṇa, kadya kĕña mĕpĕg miṅis, tan ana kuciwanira, iŋ patrap miwaḥ kaŋ warṇi.

7. katgadèŋ tyas mamriḥ tanduk, tutut wus mĕṅani wiṅit, tan was was pamawasira, sinambut iŋ jinĕmwaṅi, tumaṅkĕp samiriŋ tilam, pinriyĕmbada mamanis.

8. ṅuṅkiḥ padoniŋ kaŋ piñjuŋ, tandya maṅsaḥ sénapati, nir wadya kaŋ tumuntura, ṅamuk wikrama mawardi, kriḍa iŋ samarga marga, lir takṣaka sru mawĕṅis.

9. kadi brĕmara mamriḥ rum, kaŋ nĕḍĕŋ kuñcupiŋ sari, dahat dèn nya maṅrĕbasa, ṅuṅsĕt majuniŋ kaŋ sari, gapura di paricara, winasésa wus ṅaṅani.

10. pra brĕtya damanya ṅumpul, anuṅgil śri narapati, ciptèŋ tyas nora kuwawa, śri muṅkul aris sraḥ nagri, risaŋ jayèŋ ranaṅgana, sukèŋ tyas siram iŋ bèji.

11. saya nĕṅaḥ dèn nya adus, lara laraniŋ kinaṇṭi, kasrĕg ronniŋ taraté baŋ, tinup iŋ maruta miṅkis, kagyat déniŋ iwak molaḥ, amaṅka kalalar kèli.

12. gaṅgĕŋ ṅirim irim arum, tuñjuŋ mirut ṅanan ṅériŋ, dĕḷĕgnya aṅroŋ iŋ séla, lulumuté aṅaliṅi, kayu apuné anamar, katawĕŋ uṇṭukiŋ wariḥ.

13. adan mĕntas siñjaŋ rambut, lir éṇḍaŋ éṇḍaŋ malatsiḥ, émanné lara tan drĕman, kayuṅyun maṅun maṅun siḥ, yèn tinimbaŋ layonira, kasaraḥ nèŋ paraŋ rukmi.

14. duk kataman iŋ wulaṅun, kataṅgapan guṅiŋ kiṅkin, saṛĕŋ wijiliŋ asmara, lir pĕcat jiwaṅga kaliḥ, kĕña sarira marlupa, larut bayuniŋ kaŋ ḍiri.

15. ṅaḍuḥ ṅĕsĕs sambat lampus, nétra kĕjĕp maṭĕt laṭi, pramugari wlas tumiṅal, kanaŋ wastra pinapuliḥ, sinamirana srĕṅgara, swara rum aṅrujit ati.

16. sun kakĕmbaṅé woŋ ayu, sun kakĕmbaṅé woŋ adi, argulo lan sumarṣana, cĕpaka gambir malaṭi, anrus gandaniŋ kusuma, baya dadahutiŋ dasiḥ.

17. sun wawas trasné woŋ luhuŋ, sun wawas trasné woŋ pèni, dipaṅga ciṇḍé puṣpita, majĕṭi raras kumitir, kapan baya sinawaṅa, iŋ karṣa rumĕmbĕsiŋ siḥ.

18. sun mamanuké woŋ raṅkuŋ, sun manuké woŋ mrakati, bayan nori lan mañura, atat lawan ĕmprit wilis, munya rum arum maṅajap, iŋ dasiḥ kabyataniŋ siḥ.

19. sun kakayuné woŋ turut, pantĕs kayu nagasari, paṅahubanniŋ asmara, ṅusadèŋ dasiḥ kaswasiḥ, arum arumé sumĕbar, sariniŋ amilaṅoni.

20. kasiliriŋ maruta rum, tuntum bayuniŋ kaŋ ḍiri, rinaṅkul luṅayanira, marṣana tumèmpèl pipi, liṅgar sakiŋ paguliṅan, mriŋ pahéran samya suci.

21. brĕsiḥ raraṅkulan waṅsul, nèŋ jawiniŋ tilamsari, lèṅkèt kĕkĕt ṛĕṅgaŋ gula, sanityasa linaliṅliŋ, saṛĕŋ mucaŋ linton sĕpaḥ, cĕcĕp cinĕcĕp kaŋ laṭi.

22. ṅrompyoḥ sasinom dèn ĕlus, sunariŋ dilaḥ nampĕgi, wadana piṇḍa sasaṅka, katawĕŋ iŋ ima nipis, wĕnĕs jĕnar maya maya, nanaṅi wĕṅaniŋ kiṅkin.

23. wèḥ sĕsĕgiŋ magutpupuḥ, añoñoṅaḥ sénapati, ḍasar panas kabaranan, sarira lir purasari, tan kumĕḍap kèhiŋ mĕṅsaḥ, ṅamuk puṅguŋ mriḥ pakoliḥ.

24. tan wus rinañcanèŋ wuwus, ri kaŋ kapaḍaniŋ kapti, wañci pajar gidib siram, sakaliyan samya suci, mas cĕbolaŋ nulya mĕdal, nèŋ jroniŋ ṅgyan kaŋ piniṅit.

25. palaṣṭaniŋ wĕktu subuḥ, pupujian lagu èstri, ṅañut añut swara lalaḥ, nasrun mawi dèn sĕlani, maca slawat raras baraŋ, saṛĕŋ bakdaniŋ subĕki.

26. lan iŋ jawi santri catur, nurwitri saréñcaṅnèki, amiyarṣa pupujian, gupuḥ dèn nya nahurani, ṛĕmpĕg runtut kaŋ irama, suka sĕnĕŋ kaŋ miyarṣi.

27. kaŋ ndon pupujian suwuk, prabaniŋ hyaŋ bagaspati, sumunar bra ṅantarikṣa, ñahi dĕmaŋ wus umijil, ṅoré réma ṅaṇḍan aṇḍan, lalamatan tasik kuniŋ.

28. paréntaḥ atur susuguḥ, wédaŋ bubuk bĕṇḍa tuwin, ron sruni gĕṇḍis siwalan, ḍaḍaharan jadaḥ wajik, jĕnaŋ dodol mawi dĕgan, gĕmbloŋ lèmpèŋ abaŋ putiḥ.

29. ḍèṇḍèŋ mĕñjaṅan ginĕpuk, binakar binloño ariḥ, paṅgaŋ ayam gĕṇḍon rotan, pinilaḥ kaŋ mariŋ jawi, wus rumanti gya lumadya, sasĕgaḥ tamu pawèstri.

30. bokmasé kaŋ anèŋ ṅayun, batiḥ èstri kaŋ nambuṅi, praptèŋ gĕḍoŋ pipiṅitan, batiḥ kaŋ samya ṅladèni, panduluné èstri ñata, mila nir kaŋ grahitani.

31. rampuṅiŋ panatanipun, sadaya wus kinèn mijil, kori tinutup pinalaŋ, namuŋ caṇḍéla rinuji, binuka sinuṅan rana, sakiŋ jawi tan kah‍èkṣi.

32. maŋ moṅtamu tandaŋ tanduk, bojakrama maṛĕk ati, manis kĕdaliŋ wicara, sasolahé asaḥ ati, katĕmbèn wruḥ iŋ asmara, piṇḍèstri wigñèŋ saṛĕsmi.

33. dasihé atur susugun, pundi iṅkaŋ dèn karṣani, wédaŋ bubuk sakiŋ bĕṇḍa, damĕl kiyatiŋ kaŋ ḍiri, wédaŋ ron sruni guŋ pédaḥ, tahan lapa tuwin arip.

34. ñirṇakkĕn ṅaḷĕntriḥ ḷĕsu, wacana iṅiriŋ liriŋ, saŋ miṇḍa datan kuwawa, mbokmasé nulya tinarik, tan ḷĕṅgana wus nèŋ paṅkyan, astané kakuŋ kaŋ kériŋ.

35. ñiku saṅiṅgiliŋ lambuŋ, nèŋ ṅamḍap caṅklakan kériŋ, swa tumèmpèl puṇḍak kanan, sruput wédaŋ ṅaras pipi, gantya inum iṅinuman, ḍinaharan aṇḍahari.

36. kuwĕl lir aṅgana taruŋ, kĕlèt plikĕt ṛĕṅgaŋ glali, saŋ piṇḍa gaṛĕgĕt sĕḍaḥ, pamidihé anĕmĕni, prĕmbayun miṅgaḥ sabĕlaḥ, sumunar lir lèn yun mijil.

37. mbokmas dĕmaŋ miṅkat miṅkut, asta kaliḥ ñiwĕl wĕntis, ḍuḥ lah‍é dèn uḍunĕna, pyantun kakuŋ amalati, dasihé yèn naṇḍaŋ walat, tĕmaḥ gumuliŋ tilam mrik.

38. sintĕn kaŋ sotaḥ tutuluŋ, ḍumatĕŋ iŋ jasatmami, saŋ piṇḍa mèsĕm liṅira, babo yayi ywa kuwatir, yèn ulun wus tiwikrama, taté amuṅkasi kardi.

39. pinoṇḍoŋ nèŋ tilam gupuḥ, nulya tumaṅkĕp kaŋ samir, tan cuwa sakarṣa karṣa, dèn nira andon saṛĕsmi, anutug sasolahira, samya ṅĕtog iŋ ajurit.

40. kaŋ nĕmpuḥ miwaḥ tinĕmpuḥ, samya sarosa iŋ kapti, wasis widagda iŋ solaḥ, tan ana iṅkaŋ kaliṇḍiḥ, samya prawirèŋ ṅayuda, sudirambĕg sura sakti.

41. palaṣṭa kaŋ uṅgul pupuḥ, suka ḷĕga kaŋ kajoḍi, wusiŋ raras karasikan, pakasutan pinapuliḥ, waṅsul anèŋ iŋ jarambaḥ, satata aṅĕladèni.

42. ririḥ mbuka kañciŋ pintu, maṅuk ṅawé para batiḥ, aṅundurakĕn sasĕgaḥ, sadaṅunya amĕṇḍĕti, sarwi ñawaŋ bokmas dĕmaŋ, miṇḍak wĕnĕs ruṅiḥ ruṅiḥ.

43. prabanira lir sitèṅsu, kasusul wijiliŋ rawi, ṅudarasa jroniŋ nala, ñi luraḥ baya wus jampi, iŋ rahsané ṅèlmu ñata, mĕṅko tĕka maṇḍan rawi.

44. ijo royo royo patut, piṇḍa mantèn añar uwis, katĕṛĕsan iŋ asmara, bĕrkahé talabul ṅèlmi, mbok lawas nèŋ paricara, mèlu ñuwun kawruḥ jati.

45. wus tri ari tigaŋ dalu, cĕbolaŋ kaŋ miṇḍa èstri, ṅĕtog laṅĕniŋ asmara, tĕmaḥ kérut iŋ saṛĕsmi, sakiŋ ṛĕmitiŋ pratiṅkaḥ, tan ana ñana samĕnir.

46. tamu tan ṅĕpotkĕn wĕktu, ajĕg jroniŋ tigaŋ ari, nurwitri saréñcaṅira, sinabawa naḍaḥ guliŋ, saloka èṅĕt iŋ nala, laḥ nurwitri paran iki.

47. pédaḥ duk nèŋ tiḍar gunuŋ, paḍaŋ tan na kĕḍaḥ kĕḍiḥ, iki ṅaṅgo sisiṅlonan, lamun kabaḍaran paṣṭi, gawé liṅsĕm binañjurṇa, sakèḥ kaŋ panasiŋ ati.

48. éwadéné puluḥ puluḥ, lamun garisé muŋ iki, aḥ kakaŋ aja kahinan, mĕṅko bĕcik diaturi, kowé kaŋ atuwa ḍawak, nora waŋ waŋ asuŋ péliŋ.

49. sokur lamun tan kalimput, nahĕn bakdané mahribi, kaŋ piṇḍa warṇa dyaḥ mĕdal, pinaṅgiḥ sloka nurwitri, palakarti kartipala, cĕbolaŋ ṅandika aris.

50. apa ta paḍa rahayu, sajĕroné tigaŋ ari, kalawan nora kapiran, kaŋ dadi tambak kĕlantiḥ, nurwitri mèsĕm liṅira, baṛĕkahé kaŋ tampi siḥ.

51. amaṅgèn sarwi pikantuk, sasĕgaḥ ṅantos ṅĕmohi, kahotipun lan panduka, tanpa sĕgaḥ anoŋ aniŋ, upama ṅantos sawulan, nèŋ riki kados kĕbiri.

52. naṅiŋ yèn wus niplak nipluk, iŋ wasana kadospundi, éwa samantĕn sadaya, namuŋ sadarmi tutwuri, nadyan sakit praptèŋ pĕjaḥ, tan wontĕn sĕdya gumiṅsir.

53. maṅkana duk myarṣa atur, sumĕntug rahosiŋ galiḥ, sinamun gujĕŋ liṅira, kakaŋ sésuk pajar gidib, payo nutugaké lampaḥ, kadi kaŋ sinĕdyèŋ kapti.

54. ki saloka maṇṭuk maṇṭuk, napa botĕn mulatĕṅi, kakĕñĕriŋ partcara, baya anĕmahi lalis, yèn umuré pañjaŋ liwar, labĕt wus kaḷĕbĕt batin.

55. adamĕl risakiŋ kalbu, èstuné kiraŋ prayogi, ginaliya iṅkaŋ pañjaŋ, kacĕkapé ṅrika ṅriki, ṅriki botĕn dados béka, iŋ lampaḥ sagĕd ḷĕstari.

56. kakaŋ kabèḥ pamuwusmu, sah‍èstu sidik patitis, mĕṅko yĕkti dakraḥ araḥ, paḍa samĕkta a sami, lan aliman mriŋ kaŋ samya, pinitaya amoŋ tami.

57. saŋ piṇḍa warṇa wus waṅsul, pinaṅgiḥ lan ñahi panti, mèsĕm alon atatanya, punapi iṅkaŋ ginati, ṅantos daṅu papaṅgihan, lawan kaŋ samya nèŋ jawi.

58. ḍuḥ jiwèṅsun mila daṅu, nurwitri saréñcaṅnèki, paḍa pratéla prasaja, rumaṅsa kawiryan jati, paṅgonan myaŋ suṅgatanta, tan ana kaŋ ṅuciwani.

59. baṅĕt sukuriŋ hyaŋ aguŋ, alkamdulillahi rabil, pamujiné muga allaḥ, aṅawikanana mariŋ, sira kaŋ tuhu utama, urmat gumati mriŋ tami.

60. tampiya nugraha aguŋ, iŋ doña prapta iŋ akir, apadéné jasatiṅwaŋ, rasa rasa nora baṅkit, oñcat sakiŋ paricara, apa iṅkaŋ dakgolèki.

61. muŋ ana wagĕl sadumuk, lamun ora anĕtĕpi, lahir batin naṇḍaŋ dosa, sakawitné tiṅgal panti, ñulayani rèhiŋ ṛĕna, paṅañcas talabul ṅèlmi.

62. kalunta lunta ṅalaṅut, yun mriŋ pranaraga nagri, maṅka kaṇḍĕg paricara, dadi cidra iŋ paṅèṣṭi, lahir dosa mriŋ woŋ tuwa, batin dosa mriŋ hyaŋ widdhi.

63. sapa sotaḥ atutuluŋ, sakiŋ kirané tyasmami, mriŋ sira pujaniṅwaŋ, kaŋ asiḥ mriŋ kawlasasiḥ, ambirat saṅgyaniŋ dosa, nĕtĕpakĕn kaŋ kinapti.

64. lilanana kadibalmu, mĕṅko wañci pajar gidib, ulun saréwaŋ umaṅkat, sĕmbari nahĕn prihatin, mĕlaŋ mĕlaŋ sĕmaŋ sĕmaŋ, nilar kakasihiŋ widdhi.

65. naṅiŋ yèn wus praptèŋ dunuŋ, bokmanawa nora lami, balik maraŋ paricara, wit wus saṅu putĕr giliŋ, ḍuḥ babo dipunpracaya, insa allaḥ ujar mami.

66. ñi dĕmaŋ sadaṅunipun, tumuṅkul waṣpa drĕs mijil, sumuṅkĕm pada liṅira, pĕgat pĕgat maṛĕk ati, ḍuḥ lah‍é paṅajapiṅwaŋ, kaŋ abdi sumaṅgèŋ kapti.

67. rumahos pĕs iŋ tumuwuḥ, taṅèḥ sagĕd misésani, muhuŋ maṅguŋ winisésa, baya wus takdiriŋ widdhi, botĕn namuŋ anarimaḥ, iŋ papaṣṭèn tan gumiṅsir.

68. sakiŋ sru siḥ trĕṣṇa anrus, tumañcĕpiŋ manaḥ suci, añjalari nir sumĕlaŋ, yèn ṅantosa jasatmami, maṅgiḥ papa kasaṅsara, wiraŋ saminiŋ dumadi.

69. rèḥ paduka wus pinutus, kasujanan amumpuni, kados botĕn kakilapan, ḍumatĕŋ kodratiŋ èstri, punapa maliḥ rinĕmbag, mila sampun walaṅati.

70. tan laṅkuŋ sumĕṅka atur, pamuji mugi hyaŋ widdhi, apariṅa karaharjan, kadugèn iṅkaŋ kinapti, atampiya kanugrahan, laṅgĕṅiŋ kamulyan siddhi.

71. mas cĕbolaŋ duk aṅruṅu, ṛĕmĕg tyasé lir jinahit, katamaniŋ sabdatama, méraŋ lamun nora baṅkit, amuŋ jumbuḥ iŋ paminta, kaŋ tan kawijiliŋ laṭi.

72. madĕg pamaṇṭĕṅiŋ kalbu, tumèmpèl klaratullahi, sĕṛĕt wijiliŋ wacana, wuṅuwa saŋ coṇḍoŋ kapti, yèn pinaṛĕŋ iŋ paṅéran, sakarṣanta wus maṛĕṅi.

73. tandya wuṅu puṅun puṅun, cĕbolaŋ gupuḥ ṅusapi, waṣpa kaŋ nèŋ paṅarasan, kalihé ḷĕjariŋ galiḥ, sumèḥ wènès kaŋ ujwala, cuṇḍuk gambuḥ iŋ pamaṅgiḥ.

283. gambuḥ

1. ñi dĕmaŋ mĕdal gupuḥ, paparéntaḥ mariŋ batèhipun, ñaḍiyani ñuṅgata sarapanèki, tamuné kaŋ arṣa ṅlaṅut, pajar gidib dèn nya boḍol.

2. wusiŋ paréntaḥ laju, mañjiŋ wisma kori gya tinutup, nora nana labĕtè nahĕn prihatin, mas cĕbolaŋ ṅraṅkul gapyuk, kinaṇṭi mariŋ paturon.

3. samirè wus tinutup, tan cinatur dèn nya andon lulut, praptèŋ wañci ṅajĕṅakĕn pajar gidib, mriŋ pahèran kalihipun, suwadi waṅsul gya dandos.

4. ñi dĕmaŋ préntaḥ gupuḥ, ṅladosakĕn sasarapanipun, kaŋ mriŋ jawi batèḥ jaḷĕr kaŋ ṅladosi, kaŋ mriŋ pamiṅitan nĕṅguḥ, ñi panti lan batèḥ wadon.

5. kaŋ bhuṣaṇa wus rampuŋ, panataniŋ rampatan kumĕṇḍuŋ, ñahi dĕmaŋ gupuḥ ñaṇḍak asta sarwi, aṅliŋ manis ḍuḥ riniṅsun, laḥ mara wijika ḍénok.

6. suwadi wus tuturuḥ, aṅliŋ maliḥ payo kakĕñĕrku, lan ḍahara sarapan saananèki, rèḥ sira ayun lumaku, tĕbiḥ tan adarbé pawoŋ.

7. gya naḍaḥ kalihipun, wus dumugi cinarikan gupuḥ, ki nurwitri saloka saréñcaṅnèki, naḍaḥ sarapan wus rampuŋ, samĕkta dèn nya yun boḍol.

8. nahĕn ta ñahi mĕrdu, lawan tamu kĕkaṇṭènan mĕtu, sakiŋ wisma iṅiriŋ pra batèḥ èstri, praptèŋ ṇḍapa pamit gupuḥ, ḍuḥ kakaṅbok kadaṅiṅoŋ.

9. akṣamanta kaŋ aguŋ, ulun ñuwun paṅèstu rahayu, kakaŋ ĕmbok kantuna suka basuki, pinariṅan iman luhuŋ, lastantun dadya paṅayom.

10. réñcaŋnya santri catur, sampun sami pamitan sadarum, gumarubyug liṅgar sakiŋ iŋ paṇḍapi, praptèŋ parégolan ṅayun, lajĕŋ kaŋ samya luṅa ndon.

11. ṅoṅgo oṅgo kaŋ kantun, aṅlir péndaḥ tinilara lampus, waṅsul mariŋ wisma makṣiḥ pajar gidib, saliyĕpan trima lowuŋ, samya tiḷĕm lanaŋ wadon.

12. éñjiŋ sataṅinipun, bokmas dĕmaŋ lan sabatèhipun, nambutkardi kadi sabĕn sabĕnèki, datan ana labĕtipun, lahir anrus praptèŋ batos.

13. sawatawis dintĕn wontĕn iŋ paricara lajĕŋ ḍatĕŋ pranaraga. iŋ margi kabégal tiyaŋ sadasa laṅkuŋ jalaran kakintĕn kaṭaḥ saṅunipun. masbcĕbolaŋ tuwin nurwitri namakakĕn sihir, baraŋ bĕktanipun kasawurakĕnbḍatĕŋ bégal katiṅal dados tiyaŋ sami naṅgulaṅi, wasana bégal sami mlajĕŋ. cĕbolaŋ ṅlajĕṅakĕn lampaḥ, naṅiŋ kasasar maṅidul dumugi tĕpiniŋ sĕgantĕn kidul

13. sakiŋ maṅunahipun, mas cĕbolaŋ budya trus rahayu, datan pisan wèḥ sakṣĕrikiŋ sasami, iṅkaŋ wus kalakon namuŋ, karya sukané sakèḥ woŋ.

14. sinigĕg kaŋ ḷĕstantun, lampahira suwadi winuwus, mèḥ rahina sĕmu baŋ iŋ ṅawiyati, saŋ hyaŋ bagaspati muṅup, bramani bhawana abyor.

15. suwadi wus rinacut, aṅaléla cĕbolaŋ satuhu, ki nurwitri ririḥ atatanya warti, paran iŋ nalikanipun, paduka apiṇḍa wadon.

16. cĕbolaŋ mèsĕm muwus, wus winĕḍar sadaya tinutur, ki nurwitri gèḍèg gèḍèg duk miyarṣi, èstu paduka kalamun, kaluhuran sabda yĕktos.

17. tamtuné rak pun saṅgup, lamun datan kalakṣanan kusud, iya kakaŋ sawusé ulun miyarṣi, kaḷĕpasaniŋ sabda yu, ḍaḍaku kadi ḍinoḍog.

18. sanalika tuwakup, mèpèt mariŋ kalaratullahu, pinaṛĕŋna maraŋ siḥ riŋ kaswasiḥ, kaŋ dadya pamintanipun, si mrakati mĕlok mĕlok.

19. ana antaranipun, yèn kĕpaṛĕŋ tĕrusiŋ tyasipun, tĕka ṛĕsik ora ana kawis kawis, ki nurwitri matur sukur, nahan iŋ lampaḥ wus añjog.

20. tĕṅahiŋ wana aguŋ, kèḥ swaraniŋ satokéwan manuk, kawarṇa a raroyomaniŋ woŋ juti, babéṅgoliŋ bégal kècu, apan wus miyarṣa wartos.

21. kalamun tamunipun, bokmas dĕmaŋ béñjiŋ biḍalipun, tinartamtu kaṭaḥ dèn nya ambĕktani, barana tanapi saṅu, mriŋ suwadi ayu anom.

22. sadaya wus ṅalumpuk, nèŋ wismané ki siṅasalukun, kalaḍĕṇḍa alugoro jagagaṇḍi, iragada santalimpuŋ, wiryapiliŋ trunakĕplok.

23. candrasa kramadumuk, sĕtrabiṇḍi yudakligi pukṣur, samarajaŋ sutagraṅgaŋ citralori, maṅunkunta yasapalu, ki naṅgala trunatowok.

24. waṅsapusara ṅayun, nawaṅcakra ki nurtrisulèku, karyabajra nitibĕḍama pĕñakit, abipraya sabiyantu, iŋ ṛĕmbuk duk samya goloŋ.

25. aṅlari lampahipun, saĕṅgonné pinaṅgiḥ gipĕpuk, muŋ suwadi kéwala dèn balèjèdi, binĕkta mriŋ lahut kidul, dèn dol juragan kaŋ laboḥ.

26. ṛĕmbag waṅsitan putus, wus mirantos gagamaniŋ pupuḥ, arit bapaŋ gobaŋ waduŋ gĕmbĕl liṅgis, pĕṇṭuŋ galiḥ tèsèk luyuŋ, baṇḍĕm baṇḍil graṅgaŋ towok.

27. paṛĕñca wĕdalipun, ṅétan ṅulon tĕmpukiŋ maṅidul, tan adaṅu kaŋ lumampaḥ wus kah‍èkṣi, kaŋ anèŋ lèr tandya kukuk, gumarubyuk alon alon.

28. saloka nolèḥ puṅkur, laṅkuŋ kagyat gugup aturipun, aḍuḥ aṅgèr wiṅkiŋ punika tyaŋ juti, babaya agĕŋ sah‍èstu, tan pétuṅan kaṭahiŋ woŋ.

29. cĕbolaŋ duk andulu, kaṭahiŋ woŋ kaŋ ambĕg laku dur, liṅira ris kaya ṅapa yèn lumaris, yĕkti tan wandé kapikut, luwiḥ bĕcik araṛĕmpon.

30. yèn wis paṣṭiné lampus, tan bĕkakal sokur yèn rahayu, kartipala babĕktaniŋ lèmpèŋ muṅgiŋ, kaṛĕnĕŋ lambaranipun, mĕraŋ kandĕl gya binoḍol.

31. sinawurakĕn sampun, katon jalma akèḥ maṇḍi lawuŋ, magut iŋ praŋ paṅrasané sakèḥ juti, punika jalma satuhu, gya manĕmpuḥ iŋ praŋ popor.

32. ramé dèn nira pupuḥ, loŋ linoṅan mas cĕbolaŋ gupuḥ, ṅuñcalakĕn karañjaŋ sahisinèki, yudané durmala uṅgul, myat jalma pat siji wadon.

33. para dur biṅuŋ wakul, giyak giyak kèndĕl dèn nya pupuḥ, mas cĕbolaŋ suka sukuriŋ hyaŋ widdhi, luwariŋ babaya ayu, lajĕŋ lumakṣana gupoḥ.

34. para dur kaŋ aṅĕpuŋ, samya muwus baṅga apa nutut, kaŋ sinuŋ ṅliŋ siji tan ana nahuri, kèndĕl kadya liṅak liṅuk, tan darana gya rinampog.

35. catur jalu ṅgaḷĕpuŋ, kantun saŋ dyaḥ tĕka tĕguḥ timbul, gya mĕṅrukĕt kalaḍĕṇḍa sĕtrabindi, ñĕkĕl sakiŋ ṅarṣa puṅkur, udrĕg kuwĕl gantya ruboḥ.

36. wus sayaḥ kalihipun, aṅalokro wal pamiṭiṅipun, sĕtrabindi ṅaṭaŋ aṭaŋ kĕmpis kĕmpis, kalaḍĕṇḍa makṣiḥ ṅraṅkul, kaṛĕnĕŋ lèmpèŋ wus bobrok.

37. sadaya ṅuṅun gĕtun, pañcabakaḥ iŋ sadina muput, badan capé rusak gagamanirèki, antuké pituwas amuŋ, lèmpèŋ ajur krĕnĕŋ bobrok.

38. kinira kaŋ kinayun, wus tan ṅukup utamaṅganipun, srapiŋ surya bibaran pra ambĕg juti, mantuk mriŋ sasananipun, nahĕn ta kaŋ aluṅandon.

39. cĕbolaŋ santri catur, dalu sipĕŋ madyaniŋ wanaguŋ, kaḍaŋ sipĕŋ ḍukuḥ tĕpiniŋ wanadri, lampaḥ kapalantraŋ ṅidul, laladan pacitan añjog.

40. miṅgaḥ arga tumurun, juraŋ tĕrbis ṅambaḥ siluk siluk, praptèŋ ḍusun priṅkuku maṅidul maliḥ, miṅgaḥ arga alit muṅgul, anduduk myat iŋ lalaṅon.

284. mĕgatruḥ

1. aścaryambĕg miyarṣa swaraniŋ alun, gumaḷĕgĕr ṅgigirisi, kadi kanawa galuḍug, jaladri kidul kah‍èkṣi, kasoṅan surya sumorot.

2. myaŋ umiyat asriniŋ kaŋ ḍusun ḍusun, kawuryan ṅĕṅrĕŋ ṛĕspati, pasabinan tĕgal talun, wĕnĕs ijo ṭarik ṭarik, kinoṭak koṭak agoloŋ.

3. jaladri kaŋ aṅlojok ḍaratanipun, kanan kériŋ myaŋ lor ardi, katon ṅgamĕŋ piṇḍanipun, sumĕkan dyaḥ tĕṅaḥ putiḥ, uwal nèŋ jroniŋ kalaṅon.

14. dumugi ḍusun karaŋ kapaṅgiḥ ki darmayu iṅkaŋ ṅrĕkṣa tumbalipun tanaḥ jawi, ki darmayu nĕraṅakĕn wontĕnipun tumbal jalaran nalika tanaḥ jawi kahisi tiyaŋ sakiŋ rum, sami pĕjaḥ dados kurbanipun iblis, sétan lan gandarwa. wĕkasan wontĕn sasmita, kĕdaḥ dipuntumbali. lajĕŋ kaḍatĕṅakĕn tiyaŋ tiyaŋ éṅgal dudunuŋ iŋ ṛĕdi kĕṇḍĕŋ, sami wilujĕŋ babadra lan ṅrĕmbaka.

tumbal wahu wontĕn iŋ astana gĕṇṭoŋ, iṅkaŋ kalaṅsé montĕn pĕṭak. tumbal iŋ saḷĕbĕtiŋ gĕṇṭoŋ wujud baluŋ sajĕmpol, pañjaṅipun sakilan

4. mas cĕbolaŋ miwaḥ santrinira catur, suka sĕnĕṅiŋ paṅèkṣi, sakṣana sami tumurun, mariŋ satĕpiniŋ tasik, sru kaṛĕnan mulat iŋ joŋ.

5. alit aguŋ kĕṭap kĕṭap anèŋ lahut, kadya gaṭuk lawan laṅit, iṅkaŋ kinijap iŋ alun, adaṅu datan kah‍èkṣi, dupi katon cumalorot.

6. waḥ kaŋ labuḥ jaṅkar muṅgèŋ tĕpi lahut, piṇḍa panti rinĕṅga śri, sapaṇṭa paṇṭa tan jumbuḥ, mawèḥ asriniŋ jaladri, lir sĕkar sĕtaman abyor.

7. tĕpi lahut tinaṅgul pasir amuṅgul, kaliḥ dĕdĕg winatawis, ḷĕmpĕŋ tan mĕṇḍak mĕṇḍukul, sakiŋ kodratiŋ hyaŋ widdhi, tuhu élok karya gawok.

8. lampahipun praptèŋ ḍukuḥ karaŋ iku, kabĕkta naminiŋ wukir, maṅkana lampaḥnya laju, cĕbolaŋ sasantrinèki, tumamèŋ ḍaḍaḥ kapaṅgoḥ.

9. kapala iŋ karaŋ nama ki darmayu, panambramanira aris, ki santri kaŋ nĕmbé paṅguḥ, pun bapa anlilakrami, saṅkan parané saŋ anom.

10. lawan sintĕn sinambat sadayanipun, kaŋ sinuŋ ṅliŋ anoragi, kula saréñcaŋ sadarum, santri sakiŋ iŋ mantawis, yun mriŋ pranaraga ṅahos.

11. kula nama cĕbolaŋ dé réñcaṅulun, nurwitri saloka tuwin, pala kartipala catur, sadayanya dèrèŋ uniŋ, samargi margi tatakon.

12. kapalantraŋ dumugi tĕpiniŋ lahut, ki kapala ṅguguk aṅliŋ, é, ṅgiḥ ḷĕṛĕs anak bagus, radi paṅiduḷĕn kĕḍik, kintĕn tri ari kalojok.

13. pañcèn sakiŋ wanagiri ṅétan tĕrus, dumugi iŋ pranaragi, tĕka mriŋ talatahipun, iŋ pacitan tur pasisir, saṅĕt ñĕṅklèṅiŋ lalakon.

14. yèn panuju iŋ karṣa sadayanipun, prayogi aso rumiyin, rèrèḥ wontĕn suḍuṅulun, niriŋ rapuḥ tĕmbé gampil, aṅlajĕṅakĕn lalakon.

15. mas cĕbolaŋ sukèŋ tyas anut sakayun, nulya binĕkta mriŋ panti, nèŋ paṇḍapa muṅgèŋ salu, darmayu malbèŋ wismèki, paparéntaḥ mriŋ kaŋ wadon.

16. asasĕgaḥ mriŋ tamu kaŋ nĕmbé paṅguḥ, mĕdal mariŋ jawi maliḥ, amaṅgihi tamunipun, sugata lumadyèŋ ṅarṣi, ĕtapsiriḥ upĕt rokok.

17. ḷĕgèn klapa arèn siwalan ganda rum, radi kasèp sawatawis, kĕrahos sĕmada kĕcut, sĕgĕr tumrap mariŋ ḍiri, ñamikan kaspé ginoḍog.

18. wawi anak punika sasĕgahulun, sawontĕné tyaŋ pasisir, tan misra mamuhuŋ amuŋ, minaṅka jampi kalantiḥ, kaŋ sinuŋ ṅliŋ samya gupoḥ.

19. aṅrahabi sadaya sasĕgahipun, krahos nikmat munpaṅati, mas cĕbolaŋ tatanya rum, mĕṅgaḥ sinambatiŋ waṅi, piḷĕṅgaḥ namaniŋ ḍukoḥ.

20. awon awon kula palaŋ ki darmayu, iŋ ḍukuḥ karaŋ puniki, déné kawajibanulun, ṅrĕkṣa tumbal tanaḥ jawi, amardika botĕn pahos.

21. nèŋ ṅiṅgiliŋ ardi karaŋ dunuṅipun, biliḥ anak ayun uniŋ, kapasaṅyogi sah‍èstu, awit dintĕn béñjiŋ béñjiŋ, wontĕn bramana guŋ rawoḥ.

22. sakiŋ hiṇḍu ambaṅun kalambunipun, cĕbolaŋ aṅliŋ prayogi, paran caritaniŋ daṅu, tĕka mawa dèn tumbali, iŋ tanaḥ jawi anapon.

23. iṅgiḥ anak makatĕn caritanipun, duk kalané tanaḥ jawi, dèrèŋ wontĕn tiyaṅipun, isi brĕkasakan ḍĕmit, sétan éblis myaŋ gandarwo.

24. kaṅjĕŋ sultan galbaḥ iŋ nagari ṅĕrum, tampi sasmitaniŋ widdhi, dyan ḍawuḥ mriŋ patihipun, kinèn niti marikṣani, ḍatĕŋ sakaṭahiŋ pulo.

25. iṅkaŋ dèrèŋ isi manuṅsa puniku, dyan patiḥ andaṅu mariŋ, para naṅkoda kaŋ sampun, sami ḷĕpas purugnèki, naṅkoda nĕmbaḥ turṇya lon.

26. wontĕn pulo kaprĕnaḥ sakidulipun, hiṇḍustan pañjaŋ ṅlaṅkuṅi, watawis lampahanipun, lalayaran siyaŋ ratri, caturdasa ri waṅsul ṅgon.

27. wukiripun iṅkaŋ agĕŋ agĕŋ laṅkuŋ, sakiŋ kalihdasa wukir, alit alit kèḥ kalaṅkuŋ, sĕpĕn dèrèŋ isi jalmi, kya patiḥ muñjuk saŋ katoŋ.

28. wusnya kuñjuk aturé juragan wahu, saŋ prabhu ḍawuḥ mriŋ patiḥ, kinèn sasahosan gupuḥ, kaliḥ ḷĕkṣa somaḥ jalmi, iṅkaŋ mawarṇi pirantos.

29. wus samĕkta lajĕŋ maṅkat kamot prahu, dumugi iŋ tanaḥ jawi, wukir kaṇḍa ñjujugipun, iṅgiḥ wukir kĕṇḍĕŋ maṅkin, wulan rum nĕm san kacriyos.

30. tahunniŋ rum amaṛĕṅi kawanatus, tigaṅdasa sapta tuwin, iṅétaŋ tahun andanu, wiwit kala kaṅjĕŋ nabi, tinurunakĕn hyaŋ manon.

31. mariŋ ṅalamdoña iŋ dumuginipun, tanaḥ jawi kisèn jalmi, tahun surya gaṅsal èwu, satus sèkĕt gaṅsal warṣi, iŋ tahun candra kacriyos.

32. gaṅsal èwu tigaṅatus nĕm warṣèku, wĕcaniŋ jaṅka winarṇi, awit nuṅsa jawi sinuŋ, jalmi sakiŋ iŋ rum nagri, tĕkèŋ ri kiyamat kubra.

33. muŋ mĕnaṅi kaliḥ èwu satus laṅkuŋ, sadasa iŋ tahun rawi, utawi dwi èwu laṅkuŋ, satus pituṅdasa katri, iŋ tahun wulan mañcoroŋ.

34. kacariyos tiyaŋ sakiŋ iŋ rum wahu, lajĕŋ sami ambabadi, wontĕn iŋ sahurutipun, ardi kĕṇḍĕŋ wus baṛĕsiḥ, tan cinatur dèn nya maṅgon.

35. dupi antuk kawan tahun laminipun, sami tumpĕs pinrak iŋ griŋ, kaarat éblis laḷĕmbut, nir daya sakèhiŋ jalmi, tuwin minaṅsa iŋ sato.

36. kantun kalihdasa sémaḥ kaŋ rahayu, malajĕŋ anumpal kèli, mantuk ḍatĕŋ iŋ nagri rum, sapraptanira iŋ nagri, kahuniṅan iŋ saŋ katoŋ.

37. sultan galbaḥ tandya animbali gupuḥ, raja paṇḍita sinĕkti, ṅusmanaji ajujuluk, kaṇṭi para paṇḍita di, kaŋ wus sudibya kinahot.

38. kinèn sami numbali mriḥ sirṇanipun, siṅité kaŋ tanaḥ jawi, myaŋ nitik baḍé ṅgyannipun, tatumbal kaŋ mriḥ basuki, numpak bahita wus boḍol.

39. pra paṇḍita lampahé datan cinatur, pamarikṣanya wus titi, katur śri nata iŋ ṅĕrum, antawisé kaliḥ warṣi, ñjĕŋ sultan utusan gupoḥ.

40. mariŋ tanaḥ jawi pasaŋ tumbal wahu, pinaju pat tĕṅaḥ siti, kilèn ĕlèr wétan kidul, tĕṅaḥ ḷĕṛĕs kaŋ satuṅgil, duk wit masaŋ cinariyès.

41. iŋ wulan rum akyar aṅkaniŋ kaŋ tahun, kawanatus laṅkuṅnèki, iṅgiḥ kawandasa catur, sowaṅan pamasaṅnèki, ḍumatĕŋ iŋ gaṅsal ĕṅgon.

42. jroniŋ slikur ari paripurṇanipun, bhumi oṛĕg goñjaŋ gañjiŋ, pucukiŋ arga lir pĕcut, tlaga sĕṇḍaŋ kali kali, lir kinĕbur kawaḥ ñjĕblos.

43. swara umuŋ gumaḷĕḍĕg piṇḍa gluḍug, kèḷĕs bĕrkasakan gusis, éblis drubikṣa sumĕmpruŋ, ṅuṅsi tĕṅahiŋ wana dri, myaŋ mriŋ pulo kaŋ doḥ adoḥ.

44. antawisiŋ tri tahun ñjĕŋ sultan iŋ rum, utusan amuṇḍut jalmi, pasomahan sadayèki, dalaḥ rajakayanèki, pĕpĕg sakèhiŋ pirantos.

45. mariŋ tanaḥ hiṇḍusĕtan iŋ trĕṅganu, siyĕm kaṇḍi patani kliŋ, kasmir iŋ sasaminipun, mikantuk tyaŋ kaṭahnèki, kalihdasa èwu joḍo.

46. sadaya wus kawrat iŋ bahita laju, binĕkta mriŋ pulo jawi, pinarṇaḥ pinaṇṭa ñèwu, waradin satanaḥ jawi, gya samya babat wana groŋ.

47. tinanĕman pantun wujut jawawut, miwaḥ sanès sanèsnèki, wiji wiji bĕktanipun, wus tĕntrĕm sakèhiŋ jalmi, tan ana winalaṅatos.

48. pulo jawi étaṅé dwi kisèn manus, tĕmbé dumuginiŋ ari, kyamat kobra umuripun, jagat étaŋ tahun rawi, kantun dwi èwu satus pot.

49. tahun candra dwèwu satus swidak tĕlu, punika criyos naluri, sakiŋ pun bapa rumuhun, muŋ sĕmantĕn èṅĕtmami, mas cĕbolaŋ liṅira lon.

50. nĕmbé maṅké ulun amiyarṣa tutur, sakawité tanaḥ jawi, iṅisènan sultan ṅĕrum, tumbal kaŋ damĕl basuki, sru saṅĕt ulun ayun wroḥ.

51. wĕḍariŋ kaŋ cariyos èstu linaṅkuŋ, guŋ guṅé panuwun mami, mĕwahi iṇḍakiŋ kawruḥ, uniŋ criyos ṅuni uni, wit pulo jawi isi woŋ.

52. ñahi wisma mĕdal suŋ wruḥ lakinipun, dèn nya saḍya sĕgaḥ bukti, wus rumat sadayanipun, mbokné wĕtokĕna aglis, ḍaharé woŋ bagus anom.

285. sinom

1. ñi wisma ṅatag mriŋ réñcaŋ, sĕgaḥ wus binĕkta mijil, rampatan piriŋ lañcaran, sĕkul liwĕt tigan pasir, sakĕṇḍilé maṅarṣi, krupuk tĕruŋ gĕrèḥ sayur, ulam loḥ warṇa warṇa, ginorèŋ lisaḥ kaḷĕntik, sambĕlgorèŋ urip urip pas ĕpasan.

2. tinata ṭarik nèŋ ṅarṣa, kinĕḍuk liwĕtirèki, winaḍahan pañjaŋ ḍaḍap, ki wisma aṅañcarani, suwawi sami wantiŋ, manaḍaḥ sawontĕnipun, rayoman miṇḍak éca, kaŋ sinuŋ ṅliŋ samya wantiŋ, nulya naḍaḥ pakantuk sadayanira.

3. wus dumugi cinarikan, pamaṅsĕg lumadyèŋ ṅarṣi, pisaŋ ĕmas raja jawa, pulut cĕklèk kĕsĕt waṅi, jĕram guluŋ lit ḷĕgi, kĕpĕl jambu klampok arum, swawi ta rinahaban, minaṅka pambucal amis, para tamu wus aṅambil sasukanya.

4. nutug manaḍaḥ maṅsĕgan, kyayi wisma aṅliŋ maliḥ, swawi ṅasokkĕn sarira, sampun pakèwĕd iŋ galiḥ, ki wisma malbèŋ panti, cĕbolaŋ saréñcaṅipun, sakéca dèn nya néndra, éñjiŋ sataṅiné guliŋ, wusiŋ naḍaḥ sarapan dyan miṅgaḥ ṅarga.

5. karaŋ aṅuṅkaŋ samodra, sapraptanira iŋ ṅiṅgil, tumamèŋ paṅgénannira, tatumbalé tanaḥ jawi, astana gĕṇṭoŋ nami, wontĕn wisma piṇḍa cuṅkup, babaluṅan dĕliŋ dĕnta, duk kakapan payonnèki, kawistara lir mĕntas mbabar kéwala.

6. linaṅsé iŋ siñjaŋ pĕṭak, jroniŋ laṅsé tan kah‍èkṣi, mas cĕbolaŋ lon tatanya, sintĕn iṅkaŋ aṅyasani, panti sawĕg nigasi, tuwin iṅkaŋ ṅlaṅsé piṅul, ṅlĕbĕt isi punapa, punapi kéṅiŋ niṅali, darmayu ṅliŋ iṅgiḥ wus kina kumina.

7. bapa kaki tan uniṅa, iṅgiḥ kaŋ ṅyasani panti, kintĕn saṛĕŋ klawan tumbal, ṅantos sapriki tan ṛĕmpil, kilap ta darunaniŋ, anakmas biliḥ ayun wruḥ, wujudé kanaŋ tumbal, laṅsé gya binuka kèkṣi, gĕṇṭoŋ alit pratiṣṭèŋ clowokan séla.

8. tutupiŋ gĕṇṭoŋ binuka, isi waḷĕŋ agĕṅnèki, sajĕmpol pañjaŋ sakilan, gantya gantya aniṅali, gĕṇṭoŋ tunutup maliḥ, wus mĕdal sadayanipun, darmayu mèsĕm taña, kala sami ṅuniṅani, baluŋ tumbal laḥ sapintĕn agĕṅira.

9. cĕbolaŋ pañjaŋ sakilan, sajĕmpol suku gĕṅnèki, nurwitri pañjaŋ satĕbaḥ, gilig mĕmĕt kadi gaṇḍik, saloka kadi bĕṇṭik, palakarti kadi puṭu, kartipala lir siṅat, tyaŋ gaṅsal tan ana sami, suka ṅuṅun iŋ paniṅal béda béda.

10. aṅliŋ maliḥ kyayi darma, wus makatĕn adatnèki, tan ana jumbuḥ paniṅal, nĕṅĕna kaŋ wawan aṅliŋ, awak bahita prapti, matrus iŋ sasaminipun, miṅgaḥ mriŋ arga karaŋ, babĕktané warṇi warṇi, pasaŋ omaḥ rinakit lir pasaṅgrahan.

11. antara daṅu kawuryan, kaŋ arṣa miṅgaḥ iŋ ardi, brahmana siddhi nèŋ ṅarṣa, iṅiriŋ pra sabatnèki, praptèŋ aṅgraniŋ wukir, maṛĕpĕki mariŋ cuṅkup, kalambu ṭinèṭèlan, sinantunan kĕstiŋ putiḥ, paripurṇa nulya pinarak iŋ kémaḥ.

12. kaŋ ṅaḍĕp para sakabat, ṅawé ki darmayu aglis, maṅarṣa aṅrahup pada, atur sĕmbaḥ paṅabĕkti, saŋ brahmana liŋnya ris, darmayu sapa rowaŋmu, katĕmbèn iṅsun mulat, gawanĕn mriŋ ṅarṣamami, nĕmbaḥ mundur waṅsul ṅirit tamunira.

13. cĕbolaŋ aṅaras pada, lawan réñcaŋ catur santri, saŋ brahmana manĕmbrama, cĕbolaŋ paḍa basuki, lawan sira nurwitri, saloka kartipalèku, palakarti samoha, apa ya paḍa basuki, kaŋ sinuŋ ṅliŋ sahur pakṣi tur raharja.

14. pra sami ṅuṅun sadaya, saŋ brahmana laṅkuŋ kĕsdik, hèḥ cĕbolaŋ paran karṣa, sira tĕmaḥ tiṅgal panti, tan tolèḥ yayaḥ bibi, ramanira wus linuhuŋ, kah‍é sèḥ aṅguṅrimaŋ, akadiyat duk iŋ ṅuni, amumpuni iŋ ṅèlmu nora kuciwa.

15. wus satĕṅaḥ aholiya, karamatira kah‍èkṣi, sahiba rudahiŋ nala, rèḥ atmaja muŋ sawiji, marmaniŋ hyaŋ luwiḥ, sĕṅkĕliŋ tyas tĕka sinuŋ, ṛĕṛĕmiŋ kaŋ wardaya, wuwuḥ santosaniŋ pikir, nora was was santosané iŋ pamawas.

16. cĕbolaŋ dupi miyarṣa, tumuṅkul koñjĕm iŋ siti, waṣpanya drĕs marawayan, èṅĕt kaḷĕpatanèki, ginagas aṅranuhi, pinuntu rèḥ wus kabañjur, tumĕṅa matur nĕmbaḥ, ḍuḥ risaŋ satuhu sidik, botĕn sagĕd umatur sumaṅgèŋ karṣa.

15. kapaṅgiḥ romboṅanipun brahmana siddhi sakiŋ hiṇḍustan iṅkaŋ baḍé ñantuni montĕn laṅséniŋ tumbal. saŋ brahmana wawanrĕmbag kalihan mas cĕbolaŋ, ṅaṇḍarakĕn bab gĕgĕbĕṅanipun kabuḍan, i.p. tatananiŋ siswa dumugi guru, ajaran gĕsaŋ tumimbal, tanha, karma, cakramaṅgiliṅan, pambiratiŋ panaṇḍaŋ, gagayuhan iŋ daḷĕm kasampurṇaniŋ buddha, ilmu tuwin laku lan sanès sanèsipun

17. babo kulup ywa rinasa, tutugna karṣanirèki, muŋ aywa uwas sumĕlaŋ, sabaraŋ kaŋ dèn lakoni, puniku muṅguḥ mami, rèḥ buddha agamaniṅsun, anaṅiŋ iṅsun rasa, gaṭĕké lan islam sami, miŋ tindaké lan aranné rada béda.

18. sayĕkti agama buddha, nora mbah‍èkkĕn sakèhiŋ, agama iŋ liyanira, cĕbolaŋ umatur ririḥ, ḍuḥ saŋ brahmana siddhi, biliḥ kapaṛĕṅiŋ kalbu, miwaḥ kéṅiŋ winĕḍar, pun patik saṅĕt kapiṅin, amiyarṣa dérahé agama buddha.

19. saŋ brahmana mèsĕm liŋnya, atut pamintanta kaki, papacak wawaḷĕrira, agama buddha puniki, kudu añĕgaḥ mariŋ, watĕk panastèn anĕpsu, dahwèn salaḥ opènan, kĕmèrèn cĕṭil ajahil, cĕṅil kriwil muṭakil srèhi wahonan.

20. daṛĕṅki mĕḍit ñĕṅitan, añarubiru basiwit, añĕṇḍu mriŋ samoanya, sarupaniŋ manuṅsèki, dé lakuniŋ rahsèki, kudu trĕṣṇa wĕlas purun, asiḥ sakèḥ dumadya, tindak kaŋ sĕdya pinĕṣṭi, kudu tĕtĕp maḍĕp iḍĕp paṅiḍĕpnya.

21. déné lakuné kaŋ manaḥ, kudu lila lahir batin, trima nalaṅsa ḷĕgawa, muṅguḥ pambudinirèki, kudu mĕñcar sayĕkti, jĕmbar sabar lan sumawur, déné paṇḍĕṅannira, kudu mindĕŋ ĕnĕŋ ĕniŋ, lawan éliŋ muŋ puniku papacaknya.

22. papaṅkataniŋ agama, kapéraŋ dadya kakaliḥ, goloṅan mataŋ paṅkat, upasaka arannèki, siswa mara puniki, kaŋ isiḥ cupĕt iŋ kawruḥ, iya iku manuṅsa, kaŋ ṅagĕm myaŋ manut mariŋ, darma pituduhiŋ saŋ buddha gotama.

23. srana ṅucapkĕn sakèḥnya, iŋ tĕmbuŋ tĕmbuŋ kaŋ uwis, paḍa dadi paṣṭinira, apadéné aṅlakoni, mriŋ prajaṅji kèhnèki, limaŋ prakara ginilut, déné iṅkaŋ roŋ paṅkat, aran saṅha tĕgĕsnèki, siswa pipilihan wus kèḥ paṅartinya.

24. iya iku manuṅsa kaŋ, maṅguŋ mindĕŋ amumuji, maraŋ iŋ salamĕtira, kaananiŋ jagad iki, lawan aṅambaḥ mariŋ, marga woluŋ pakartèku, myaŋ amañcik tataran, siji tĕkan papat tuwin, asarana ṅlakoni prajañji kèḥnya.

25. pantog sapuluḥ prakara, dé kaŋ paḍa ṅlakṣanani, sinĕbut aran samana, utawi bikṣu wawaṅi, muṅguḥ iṅkaŋ prajaṅji, limaŋ prakara puniku, kaŋ paḍa linakonan, pra upasaka rannèki, pañcasila pan maṅkéné tĕmbuṅira.

26. satuhu tuhu kalawan, éklasiŋ kaŋ ati kapir, ṅlahirakĕn prajañjéyan, kaŋ rumuhun kita yĕkti, ñañĕgaḥ tan natoni, tanapi akarya lampus, lawan tan ṅaniaya, apadéné aṅlarani, maraŋ iṅkaŋ paḍa kasaṇḍaṅan gĕsaŋ.

27. kapiṇḍo kita añĕgaḥ, añoñoloŋ aṅapusi, ambujuk darbèkiŋ liyan, añañĕgaḥ kaŋ kapiŋ tri, nora bakal akardi, susaḥ ribĕt myaŋ pakéwuḥ, maraŋ samèŋ tumitaḥ, apadéné añidrani, maraŋ iŋ pamuwus kaŋ uwis winĕdal.

28. kapiŋ pat kita ñĕñĕgaḥ, nora laku bandrèk tuwin, jina sapaḍanira, mĕrdi tan nĕdya ṅrĕmĕni, myaŋ dodolanan mariŋ, wadon kaŋ lyan wajibipun, jablasé nora liya, muhuŋ bojoné pribadi, iŋ jaṅkĕpé lilima kita añĕgaḥ.

29. anĕdya ṅombé utama, nora pisan niyat bukti, samubaraŋ iṅkaŋ mawa, pakarti wuru ṅĕndĕmi, muṅguḥ kanaŋ prajañji, limaŋ prakara iŋ ṅayun, yèku dadya wajibnya, woŋ kaŋ nĕdya aṅlakoni, iŋ agama buddha gotama minulya.

30. kaŋ dadi pah‍édaḥ lawan, pikantuké woŋ ṅlakoni, iŋ prajañji pañcasila, tinartamtu bakal baṅkit, kajèn uripirèki, adoḥ sakiŋ pakaryèku, bilahi myaŋ saṅsara, sarta rukun iŋ sasami, kadunuṅan cipta maraŋ kahutaman.

31. muṇḍak muṇḍak kawruhira, kaŋ sarta bakal amaṅgiḥ, énak lawan kapénak, nèŋ jro urip tĕmbénèki, kalawan saya luwiḥ, muṅguḥ uwoŋ iku sarju, gĕḷĕm sartané bisa, aṅlakoni iŋ prajañji, kaŋ iṅaran prajañji aṣṭakasila.

32. tĕgĕsé woluŋ patrapan, katraṅané kaŋ prajañji, kaŋ lilima pañcasila, iya kaŋ wus kasbut ṅarṣi, pan winuwuhan ranniŋ, tĕluŋ prakara puniku, kaŋ ḍiṅin nora nĕdya, mamaṅan sawañci wañci, dé wĕḍaré lamun arṣa amamaṅan.

33. samubaraŋ kaŋ pinaṅan, kudu kaŋ ajĕg kaŋ mĕṣṭi, tinartamtu iŋ wañcinya, lawan iŋ samurwatnèki, wuwuhan iṅkaŋ piŋ dwi, aniṅgal sarupanipun, kabuṅahan iŋ doña, kaya liṅgotbawa tuwin, laṅĕn swara kasukan sapapaḍanya.

34. wuwuhan kapiŋ tri nilar, iya mariŋ sarupaniŋ, ṛĕṛĕṅganiŋ kabagusan, liré ṅaṅgo sarwa adi, gaganda wida amrik, apapah‍ès amamaṅun, kĕrik alis gumbala, jéṅgot iŋ sasaminèki, kaŋ maṅkono muṅguḥ ta pah‍édahira.

35. aṅĕkèhkĕn mariŋ mala, lalarané badan iki, ṛĕgĕd lan susahiŋ manaḥ, déné iṅkaŋ dèn aranni, dasasila prajañji, iṅkaŋ dèn lakoni iku, maraŋ sakèhiŋ saṅha, sĕpuluḥ patrapan jañji, katraṅané iya jañji pañcasila.

36. kalawan aṣṭasasila, anaṅiŋ dipuntambahi, roŋ prakara kaŋ sapisan, nora aṛĕp turu muṅgiŋ, papan iṅkaŋ prayogi, anĕdya turu dumunuŋ, papan kaŋ tan sakéca, lawan ora aṛĕp bukti, sarupané iwak dagiŋ sasaminya.

37. kaŋ kapiṇḍo jroniŋ gĕsaŋ, nèŋ daḷĕm doña puniki, sumĕdya malarat duña, suka lila nrimèŋ ati, muṅguḥ pakolihnèki, laku kaŋ maṅkono iku, aṅĕdohkĕn pakaryan, kĕsèt kalawan ñiṅkiri, sarupané iwak dagiŋ sasaminya.

38. jaṅji sadasa prakara, muṅguḥ rubéda kaŋ baṅkit, ambatalakĕn kèhira, tri prakara iṅkaŋ ḍiṅin, aṅĕn aṅĕn utawi, pikiran sasaminipun, piŋ kaliḥ pitĕmbuṅan, kalakuwan katrinèki, dé bisané aṅlakoni prajañjian.

39. sadasa prakara ika, kudu ambuwaŋ tataniŋ, kadoñan sabab yèn ora, maṅkono paran ṅgonnèki, bisané aṅlakoni, mriŋ tri goloṅan iŋ ṅayun, kaŋ ḍiṅin bañjur ṅambaḥ, maraŋ dadalan kaŋ kardi, iŋ sirṇaniŋ sakèhé kaŋ ran sanaṇḍaŋ.

40. dwi mañcik tataran papat, katri bakal anĕtĕpi, mriŋ jañji dasa prakara, awit kalamun tataniŋ, iya kadoñan iki, ora tiniṅgal sah‍èstu, tan bisa sumiṅkira, saka paṅgawé pañobi, lan paṅgoḍa ṅĕndi marganira bisa.

41. mbuka kawruḥ kasuñatan, sabab muṅguḥ rubédaniŋ, kaduñan iku sañata, kukuḥ lan ḷĕbĕt kĕpati, tan bisa goṅgaŋ sakiŋ, wawatĕkan arannipun, massariya tĕgĕsnya, watĕg mĕḍit lawan cĕṭil, tĕmahané awidya boḍo wardinya.

42. sabab isiḥ rupa raga, tĕgĕsé trĕṣṇa kĕpati, iya mariŋ iṅkaŋ doña, wus titi papacak tuwin, wawaḷĕriŋ agami, kalawan papaṅkatipun, miwaḥ rubédanipun, myaŋ baṅkité aṅlakoni, gurisané cĕbolaŋ matur manĕmbaḥ.

286. girisa

1. pun patik kawĕḍarana, iṅkaŋ winastan sanaṇḍaŋ, saŋ brahmana mèsĕm liŋnya, jagad gyanniŋ urip kita, iŋ samĕṅko iki iya, sajatiné jagadira, panasaran myaŋ pralaya, lawan jagadiŋ dumadya.

2. lan jagadé karusakan, owaḥ giṅsir miwaḥ cuwa, kaaprihatinan ñata, lawan cakra paṅgiliṅan, lahir iṅkaŋ rambaḥ rambaḥ, tanpa kaṇḍĕg nir waṅĕnan, iku kabèḥ nora kĕna, disèlaki sadayanya.

3. kalamun kita puniki, duruŋ bisa tumĕka a, iya maraŋ cahyanira, kawruḥ iṅkaŋ sañatanya, cĕbolaŋ dupi miyarṣa, taṅèḥ nduṅkap iŋ wardaya, matur maliḥ kawĕḍarṇa, iṅkaŋ ṅwontĕnakĕn sanaṇḍaŋ.

4. diṅin dèn aranni tanha, wardi cipta mriŋ uripnya, kadwi diaranni karma, dé tĕgĕsé cipta iṅkaŋ, ñamĕktani wujud ana, iŋ jagad iki sadaya, myaŋ iŋ jagad sunya rurya, myaŋ ṅakérat lan sawarga.

5. cĕbolaŋ maliḥ turira, mĕṅgaḥ sagĕdipun sirṇa, sanaṇḍaŋ pati kalawan, lahir iṅkaŋ rambaḥ rambaḥ, kĕdaḥ sarana punapa, kulup sirṇaniŋ sanaṇḍaŋ, pati lahir rambaḥ rambaḥ, kudu kudu sarananya.

6. ñirṇakaké roŋ prakara, kaŋ ran tanha lawan karma, yèn ḍasar wus kabirata, roŋ prakara satuhunya, bañjur bisa luwar ñata, saṅka iŋ kukumé ika, wĕkasan iṅaran arja, apadéné bañjur bisa.

7. aṅambaḥ maraŋ dadalan, katĕntrĕman laṅgĕŋ ika, sarèhniŋ araŋ kaŋ wikan, lan nora maṅrĕti maraŋ, kasuñatan suci iṅkaŋ, pataŋ prakara punika, dadi iya mĕṣṭinira, iŋ salawas lawasira.

8. bakal tansaḥ kudu ṅambaḥ, marga lahir rambaḥ rambaḥ, tur saṅsara apĕs niṣṭa, lawan asor nora pakra, laḥ ta ĕndi rupanira, iṅkaŋ dèn aranni ika, kasuñatan sukci mulya, pataŋ prakara iŋ ṅarṣa.

9. yèku ñatané sanaṇḍaŋ, ñata uwitiŋ panaṇḍaŋ, ñata sirṇaniŋ panaṇḍaŋ, lan kasuñataniŋ marga, sirṇaniŋ kanaŋ panaṇḍaŋ, iŋ kono wusnya murṣudya, lan ṅrĕti maraŋ kaanan, kasuñatan catur ṅarṣa.

10. tĕmaḥ wĕkasaniŋ tanha, iya iku cipta iṅkaŋ, maraŋ urip bañjur sirṇa, utawa kaŋ aran karma, iya iku cipta iṅkaŋ, ñamĕktani wujud mulya, siṛĕp kanaŋ kara kara, apadéné iŋ lakunya.

11. cakra paṅgiliṅan iṅkaŋ, lahir rambaḥ rambaḥ ika, bañjur kaṇḍĕg tan lumakya, yèn sira duruŋ uniṅa, iki gĕnahé kaŋ aran, kasuñataniŋ panaṇḍaŋ, kayata ĕnom lan tuwa, lahir rambaḥ rambaḥ lawan.

12. lara tanapi palastra, iku kabèḥ ran panaṇḍaŋ, mĕṅkono uga kayata, kahoñcatan samubaraŋ, iṅkaŋ diḍĕmĕni ika, datansaḥ kara akĕtan, samubaraŋ kaŋ tan dadya, iŋ tyas dèn mohi kapatya.

13. tunaniŋ paṅgayuḥ ika, yèku wujudiŋ panaṇḍaŋ, iŋ cĕkaké dumadinya, wujud kita iku ñata, yèn ta muṅguḥ wawatĕkan, nora liya liya iya, iku kabèḥ wus tétéla, kawujudaniŋ panaṇḍaŋ.

14. iṅkaŋ aran kasuñatan, maṅka uwitiŋ panaṇḍaŋ, ana sapta ḍiṅin tanha, wardi cipta kaŋ mriŋ gĕsaŋ, kapiṇḍo kaŋ mawardinya, cipta kaŋ ñamĕktanana, iya maraŋ wujud kita, kabuṅahan tiganira.

15. kasĕnĕṅan sakawannya, kalimané kaṛĕm ṅgènnya, ambaṅun añariŋ raga, piŋ nĕm kaṛĕp ṅgonniŋ sĕdya, nuruti mriŋ hawa murka, kasapta olèhé sĕdya, muriḥ slamĕté raganya, nèŋ jagad samĕṅkoné ka.

16. utawa anèŋ bhawana, sonya ruri iŋ tĕmbénya, ika kaŋ nununtun dadya, jalaran dumadya marga, lahir manèḥ jalma ika, kapiŋ rambaḥ rambaḥ tanpa, wawaṅĕnan salaminya, taṅèḥ yèn bisa maṇḍĕga.

17. iki gĕnahé kaŋ aran, kasuñataniŋ sirṇanya, panaṇḍaŋ kaŋ wus kawahywa, iya pituŋ bab iṅaran, kabèḥ kaŋ kudu pinĕkṣa, dikalahaké sadaya, binirata aywa ṅantya, kalabĕtan manèḥ ika.

18. lan gĕnahé iṅkaŋ aran, kasuñataniŋ dadalan, iṅkaŋ bakal bisa karya, maraŋ sirṇaniŋ panaṇḍaŋ, woluŋ pakarti kaṭaḥnya, ḍiṅin wĕruḥ mriŋ kaŋ ñata, dwi amikir kaŋ prayoga, tri paṅuripan kaŋ mulya.

19. catur iŋ patitisira, pamicara wardinya, calaṭu kaŋ nora nora, tindak kaŋ bĕnĕr kalima, paṅudi kaŋ pantĕs nĕmnya, éliŋ tĕtĕp kaŋ kasapta, puṅkasané kapiŋ aṣṭa, panimbaŋ kaŋ jĕjĕg ñata.

20. laḥ ta iku mahu lagya, mratélakakĕn prakara, paṅawruḥ kasuñatannya, suci sakawan prakara, liya iku misiḥ ana, préntahé agama buddha, mas cĕbolaŋ aturira, ḍuḥ mugi linajĕṅĕna.

21. iṅkaŋ winastan tataran, dé kadi mènèk kalapa, manawi kéṅiŋ kawahywa, iṅkaŋ mugi kapaṛĕṅa, mĕḍarakan paṅandika, saŋ brahmana mèsĕm liŋnya, iku kulup piyarṣakna, tĕmbaṅé pucuŋ prayoga.

287. pocuŋ

1. aḥ ta kulup kaŋ dèn aranni puniku, tataran kèhira, lajĕré pataŋ pakarti, iṅkaŋ kudu kudu diaṅgo pañcadan.

2. woŋ kaŋ paḍa sĕṅsĕm marṣudi satuhu, maraŋ kasuciyan, lan mriŋ kaslamĕtanèki, tataran kaŋ sapisan maṅkya winarṇa.

3. dèn aranni patobat muṅguḥ witipun, iŋ patobat saka, pataŋ prakara puniki, iṅkaŋ ḍiṅin awit saka kukumpulan.

4. sarawuṅan lan jalma kaŋ wus kasĕbut, budiman utama, kapiŋ dwi jalaran sakiŋ, kruṅu kaŋ pituduḥ utawa papacak.

5. katri awit saka prihatin kalaṅkuŋ, piŋ catur jalaran, pan kapĕkṣa sĕṅsĕm mariŋ, bisanipun sĕdya utama kaŋ ñata.

6. déné lamun ana woŋ kaŋ ora ayun, niyat amartobat, luwiḥ aṅèl baṅĕt mĕṣṭi, ṅgonné ṅambaḥ maraŋ iŋ dadalanira.

7. kasucian maraŋ kaslamĕtan mahu, mulané maṅkana, sĕbab jalma iku isiḥ, naṇḍaŋ wujud iŋ ṛĕṛĕgĕd rupa dosa.

8. naṅiŋ pama woŋ iku yèn wus sinahu, ñumurupi maraŋ, kawruḥ kasuñatan suci, pat prakara iṅkaŋ winahya iŋ ṅarṣa.

9. muŋ sawiji utawa loro kacakup, sukur papat pisan, dadi patobatirèki, kaŋ maṅkono iku wus kĕna ṅaranan.

10. jalma mahu sikil wus mañcik dumunuŋ, tataran wiwitan, muṅguḥ olèḥ olèhnèki, jalma kaŋ wus mañcik tataran wiwitan.

11. tinartamtu bisa luwar manuṅsèku, kaŋ rumuhun saka, iṅkaŋ aran sakayati, dé tĕgĕsé apĕs cidrané kaŋ raga.

12. kapiṇḍoné bisa luwar manuṅsèku, saka wasikacca, tĕgĕsé sĕmaṅiŋ ati, ṅgonné bakal ṅaṅgĕp maraŋ pituduhan.

13. yèn wus gambuḥ maraŋ roŋ prakara mahu, bañjur bisa uñcat, saka iṅkaŋ dèn aranni, iya iku sila bata paramasa.

14. tĕgĕsipun piyandĕlé maraŋ saguŋ, tiṅkaḥ baṅsa sréṅat, utawa tataniŋ lahir, muṅguḥ bakal pikantuké jalma iṅkaŋ.

15. lumakṣana iŋ tri rupa wus kinumpul, nuduhké kabĕgjan, kaŋ ṅluwihi sarupaniŋ, iŋ kabĕgjan iŋ daḷĕm duña puniki.

16. myaŋ ṅluwihi kabĕgjan iṅkaŋ tinĕmu, nèŋ jagad liyanya, titi pañcatan sawiji, mas cĕbolaŋ manĕmbaḥ alon turira.

17. kaŋ winastan apĕs cidraniŋ ragèku, paran dunuṅira, saŋ brahmana ṅandika ris, laḥ maṅkéné apĕs cidrané kaŋ raga.

18. akèḥ wah‍é manuṅsa kaŋ maṅka ayun, lumakya mriŋ paran, sawatara adohnèki, baṅĕt kĕñcĕŋ sĕdya nuli tumĕka a.

19. naṅiŋ suku réñcog awaké ṅalumpruk, wis baṅĕt sayahé, wĕkasan lèrèn utawi, kudu kudu kĕpĕkṣa ṅinĕp nèŋ marga.

20. ana maniŋ sahupama manuṅsèku, ṅlakoni puwasa, tur kĕñcĕŋ tékadirèki, naṅiŋ wus tan kuwawa ambañjuṛĕna.

21. sabab wĕtĕŋ baṅĕt luwé ṅĕliḥ ṅgĕrus, badan baṅĕt luṅkraḥ, nĕmaḥ batal sĕdyanèki, bañjur amamaṅan mriḥ kiyatiŋ badan.

22. iya iṅkaŋ maṅkono sapaḍanipun, kĕna binasakna, apĕs cidraniŋ ṛĕjĕki, déné iṅkaŋ tataran kapiṇḍonira.

23. iku tumrap é, woŋ kaŋ anĕdya amuŋ, abali sapisan, mariŋ ṅalamdoña iki, kajabané wus luwar saka tataran.

24. kaŋ kapisan tri prakara kasbut ṅayun, kudu bañjur bisa, ñuñuda maraŋ karṣaniŋ, pañcadriya watĕg jahil sapaḍanya.

25. dé tataran kaŋ kapiŋ tĕlu puniku, tumrap mariŋ woŋ kaŋ, nora liya bali mariŋ, daḷĕm doña urip sapisan kéwala.

26. kudu bisa mbirat babarpisanipun, kabèḥ karṣaniŋ kaŋ, pañcadriya tan ṅromèsi, wus tumĕka tataran kaŋ kapiŋ tiga.

27. dé tataran kapiŋ pat puṅkasanipun, iku tumrap maraŋ, manuṅsa kaŋ uwis suci, kudu kaŋ wis bisa luwar mriŋ pakaryan.

28. kèhé limaŋ prakara iṅkaŋ rumuhun, datan kaḷĕbĕtan, wus sirṇa katrĕṣṇanèki, maraŋ iṅkaŋ paṅgawé duña samuwa.

29. piṇḍa uwis sirṇa iŋ paṅayun ayun, kapéṅin bisanya, urip ana suwarga di, utawané anèŋ jagad liyanira.

30. katri uwis tan darbé watak kumiṅsun, gumĕḍé gumisa, piŋ pat wawatĕkan drĕṅki, ambasiwit srèhi iŋ sasaminira.

31. kapiŋ lima wus tan kadunuṅan èstu, déniŋ kaŋ awidya, tĕgĕsé awidya nĕṅgiḥ, kaboḍohan pantog tataran sakawan.

32. sawusipun maṅkono kĕna winuwus, ran wus luwar saka, sarupaniŋ dosa yĕkti, iŋ wĕkasan bisa andunuṅkĕn lampaḥ.

33. iŋ bĕnĕré paṅaji aji paṅrĕṅkuḥ, tumrap sarupanya, samubaraŋ kaananiŋ, daḷĕm duña iki wus tan kasamaran.

34. jalaran wus bisa sirṇa sadayèku, wawatèk kaŋ ala, dadi pamikir mariŋ, badan pyaṅga muŋ sarana kahutaman.

35. dé tumrapé kaŋ maraŋ iŋ liyanipun, iŋ wĕkasanira, muŋ kari ṭukulirèki, kawlasané kalawan katrĕṣṇanira.

36. paṅrĕkṣané mriŋ arjaniŋ liyanipun, nora aprabéda, uga kaya paṅrĕkṣaniŋ, bapa biyuŋ mariŋ iŋ atmajanira.

37. dé manuṅsa kaŋ wus maṅkono satuhu, ḷĕpas siŋ prabawa, tanpa waṅĕnan dohnèki, ṅanti bisa sumarambaḥ iŋ sajagad.

38. sapaṇḍuwur sapaṅisor ṅanti gaḍug, lan sakèhiŋ kéblat, tan ana sĕlanirèki, paḍa kĕbak kah‍èbĕkan kwasanira.

39. sartanipun sahupama manuṅsèku, bisa lumintuwa, kaya ta iŋ sajĕroniŋ, iŋ adĕgé iŋ luṅguhé iŋ èsĕmnya.

40. myaŋ guyuné lakuné aṇḍĕgérèku, sapapaḍanira, maṅka tanpa owaḥ giṅsir, dèn nya tumindak maṅkono mahu ika.

41. iku kaŋ kaḷĕbu iŋ babasan èstu, manuṅsa wus bisa, nĕmu katĕntrĕman muṅgiŋ, iŋ sajroniŋ isiḥ uripé iŋ doña.

42. iki ana manèḥ wawatĕkanipun, ati iṅkaŋ ala, utawa dosanirèki, iṅkaŋ kudu kudu mĕṣṭi sinirṇakna.

43. déniŋ saŋ yodyana wardiné jalma nuŋ, kaŋ wus ṅambaḥ marra, kasuciyan lan basuki, muṅguḥ kèhé ana sapuluḥ prakara.

44. kapisan sakaya niti tĕgĕsipun, pĕs cidraniŋ raga, wisikicca kapiŋ kaliḥ, tĕgĕsipun sĕmaŋ sĕmaŋ iṅkaŋ nala.

45. katri silapbrata paramasa yèku, wardi piyandĕlnya, maraŋ kalahiran iki, déné iṅkaŋ kapiŋ catur nama karṣa.

46. wardinipun karṣaniŋ pañcadriyèku, iya kaŋ añipta, ñamĕktani wujud iki, kapiŋ lima pati jahil tĕgĕsira.

47. kanĕmira ruparaga tĕgĕsipun, kaŋ kaṛĕnan maraŋ, kadoñan sakalir kalir, kaŋ kasapta aruparaga tĕgĕsnya.

48. piṅin urip ana kaŋ ran sawargaguŋ, utawa nèŋ jagad, iŋ liya liyanirèki, iṅkaŋ kapiŋ aṣṭa manon tĕgĕsira.

49. wawatĕkan gumĕḍé miwaḥ kumiṅsun, kasaṅa okakkan, tĕgĕsé watak mbĕsiwit, déné iṅkaŋ kapiŋ sadasa awidya.

50. tĕgĕsipun kaboḍowan kĕbluk kĕṭul, wus jaṅkĕp sadasa, wawatĕk alaniŋ ati, utawa kaŋ aran dosa wus kawuntat.

288. paṅkur

1. kalamun ana manuṅsa, uwis bisa añirṇakakĕn mariŋ, wawatĕk alaniŋ kalbu, wiwit aṅka sajuga, tĕkan lima iku tĕmbé lahiripun, iya sarambahan ĕṅkas, amĕṣṭi baṅkit dumadi.

2. arikat bañjur abisa, ṅambaḥ maraŋ tataran iṅkaŋ kapiŋ, catur kasĕbut iŋ ṅayun, apa manèḥ yèn bisa, añirṇakkĕn sawiji tĕkan sapuluḥ, iya iku bañjur bisa, jumĕnĕŋ aséka yĕkti.

3. wus tan bisa kaḷĕbĕtan, maraŋ sarupaniŋ panaṇḍaŋ iki, yèn manuṅsa lir punika, pamañcadé iŋ tataran, winastan wus nirwana, lan siŋ sapa manuṅsa wus bisa gadug, kaŋ kapiŋ pat sarta baṅkit.

4. ṅasorkĕn sakèḥ panaṇḍaŋ, yĕkti nora baṅkit ṅambaḥ prihatin, malaḥ kaŋ paḍa sinĕbut, allaḥ woŋ agama lyan, paḍa mèri maraŋ iŋ kamulyanipun, maraŋ woŋ iṅkaŋ maṅkana, iya jalma iṅkaŋ uwis.

5. siṛĕp pañcadriyanira, gumĕḍéné wus sirṇa tan ṅlabĕti, myaŋ paṅayun ayunipun, urip manèḥ tĕmbénya, lawan sirṇa kaboḍowan cuṇḍukipun, kaŋ muriḥ mriŋ paṅadilan, iya iku tĕtĕp suci.

6. saka sakèhiŋ saṅsara, kadyaṅganiŋ muṅguḥ tĕmtrĕmirèki, kadi mĕnĕṅiŋ kaŋ bañu, talaga kaŋ nirmala, tumrapiŋ woŋ kaŋ wus maṅkonèku mahu, kaṇḍĕg saka pakartinya, cakramaṅgiliṅan jati.

7. lahir iṅkaŋ rambaḥ rambaḥ, tur ajĕñjĕm aṅĕn aṅĕnirèki, sabar iŋ wicaranipun, lan solaḥ bawanira, mula dadi praptèŋ katĕntrĕmanipun, sabab kaŋ iṅaran tanha, cipta maraŋ mariŋ urip.

8. lawan karma cipta iṅkaŋ, ñamĕktani iŋ wujud wus samya nir, rèḥ wus tan klĕbĕtan iku, pakarti tan akarma, apa déné harda aṅkara wus surut, iŋ wĕkasan jalma ika, siṛĕp kaananirèki.

9. piṇḍa siṛĕpiŋ kaŋ damar, pan wus titi maṅkya gantya winarṇi, dalan panasaran iku, akèhé muŋ roŋ warṇa, kaŋ tartamtu kudu siniṅkiran iku, déniŋ kaŋ kiraŋ marṣudya, maraŋ kasucian siji.

10. lawan maraŋ kaslamĕtan, iṅkaŋ ḍihin tansaḥ ṅukura mariŋ, maṛĕmiŋ kaŋ hawa napsu, myaŋ pakaṛĕmaniŋ tyas, iya iṅkaŋ maṅkono iṅaran èstu, laṅkuŋ asor niṣṭa ina, lawan anununtun mariŋ.

11. karusakan kaŋ sañata, iya iku dadalan iṅkaŋ mariŋ, kadoñan samĕṅkonipun, kapiṇḍo gawé susaḥ, myaŋ agawé saṅsarané badanipun, maṅkonèku tan prayoga, lawan datan mah‍édahi.

12. sajatiné muŋ dadalan, tĕṅaḥ tĕṅaḥ nèŋ antaraniŋ margi, panasaran loro mahu, kaŋ bisa maḍaṅĕna, maraŋ pramananiŋ paniṅalirèku, miwaḥ ambĕnĕrkĕn maraŋ, tumandukira kaŋ budi.

13. nununtun mriŋ katĕntrĕman, lawan maraŋ iŋ kawaṣkiṭan sidik, apa déné notogipun, iya mriŋ iŋ nirwana, kaŋ iṅaran nirwana kaananipun, cipta kalawan jiwanta, kaŋ wus tan kadunuṅan riŋ.

14. pakartiniŋ tan akarma, sasirṇaniŋ kabuṅahan sakalir, myaŋ sĕṛĕṅiŋ hawa napsu, paṅaṛĕp aṛĕp paṅaṅsa, uwas uwas grunĕg kaṛĕntĕg tan ayu, lawan sirṇaniŋ panaṇḍaŋ, dadya tĕmbuŋ nirwana di.

15. pan namuŋ sah‍èmpĕr kaya, kaananiŋ katĕntrĕman basuki, utawa ruwat puniku, nirwana uga kĕna, iṅaranan pati wus tanpa dosèku, iya uga bab kaanan, iṅkaŋ uwus nora kĕni.

16. iṅucap kalawan lésan, kaŋ wus nora kĕna dinugi dugi, kalawan pakartinipun, iŋ pañcadriyanira, samonèku kajaba manuṅsa kaŋ wus, binuka lan panĕmunya, pribadi kalawan sukci.

17. iku iṅkaŋ mĕṣṭi bisa, wruḥ dunuṅé nirwana jatinèki, katĕntrĕman laṅgĕŋ tuhu, kulup yèn tak bañjurṇa, sasorahé agama buddha linuhuŋ, pituŋ ari datan tatas, atusiŋ surasanèki.

18. bédané agama buddha, lan kadéwan utawa para nabi, ana aṣṭa kaŋ rumuhun, anuduhaké maraŋ, kalakuwan kawaṣkiṭan myaŋ linaṅkuŋ, naṅiŋ nora ṅanakĕna, allaḥ mahujud kah‍èkṣi.

19. kapiṇḍo nuduhkĕn ika, iŋ laṅgĕṅé kaanan kita iki, ṅiŋ tanpa ṅanakkĕn ĕruḥ, utawa kaŋ ran ñawa, iṅkaŋ nora kĕna iŋ pati puniku, katri anuduhkĕn maraŋ, iŋ ananiŋ saṅsarèki.

20. naṅiŋ tanpa ṅanakĕna, naraka wèl api sasaminèki, déné iṅkaŋ kapiŋ catur, anuduhkĕn maraŋ, katĕntrĕman laṅgĕŋ iŋ salaminipun, ṅiŋ tan ṅanakkĕn sawarga, kalima nuduhkĕn mariŋ.

21. bisané sukci dumadya, naṅiŋ tanpa ṅanakkĕn para nabi, kaŋ dadi juru rahayu, sad anuduhkĕn maraŋ, iŋ bisané luwar saka saṅsarèku, anaṅiŋ mĕntasé saka, pakartinira pribadi.

22. kasapta anuduḥ maraŋ, iŋ luwaré saka sarana iki, tan linakon lawan laku, atatapa sĕmbahyaŋ, kurban salamĕtan sasaji susuhun, nir paṅulu agama, tanpa srana samukawis.

23. baraŋ kaŋ dèn aṅgĕp sutya, apadéné datanpa idi sakiŋ, kamurahaniŋ allahu, aṣṭa wèḥ piduduhan, maraŋ kasampurṇan kaŋ minulya luhuŋ, kaŋ uga kĕna rinaṅsaŋ, ana iŋ uripirèki.

24. dumunuŋ ana iŋ jagad, samĕṅkoné iku prabédanèki, mas cĕbolaŋ nĕmbaḥ matur, sakiŋ paṅintĕnkula, iṅkaŋ nama agama buddha tartamtu, iṅgiḥ agami lan déwa, lalajĕré hyaŋ pramèṣṭi.

25. tĕraŋ dawĕg iŋ samaṅkya, amaṅsuli bab karma rahosnèki, sami lawan lohkilmakpul, takdir lan pĕpĕṣṭènnya, brahmana ṅliŋ kulup ana bédanipun, lohkilmakpul lawan karma, maṅkéné kahotirèki.

26. siŋ sapa kaŋ ṅandĕl maraŋ, ananiŋ kaŋ lohkilmakpul myaŋ takdir, papaṣṭèn iku tartamtu, awit kinarya saka, kawasaniŋ allaḥ kaŋ sipat ṅalimun, dé adilé kodrat ika, kadadéyan kabèḥ iki.

27. wus mĕṣṭi kaṅgonan sĕbab, nora nana kaŋ tanpa sĕbab yĕkti, balik kawruḥ bab karmèku, kabèḥ sarupaniŋ kaŋ, kadadéyan kaŋ sinĕbut bĕcik iku, kayata bagusiŋ raga, lurusé sarira rampiŋ.

28. énak kalawan kapénak, apadéné kasĕnĕṅan lan bukti, wibawa sasaminipun, tartamtu nora liya, wus tartamtu iya saka sĕbab mahu, paṅgawé iŋ kahutaman, iŋ mĕṅko timbaṅané.

29. ala cacaté kaŋ raga, kaŋ saṅsara cilaka wiraŋ isin, nora liya marganipun, sabab sakiŋ pakarya, niṣṭa ĕdur naṅiŋ roŋ prakara mahu, lohkilmakpul lawan karma, rasané uga mèḥ sami.

30. dé karoné sami darbya, rumaṅsa yèn uripé manuṅsèki, iki kaananiŋ wujud, apadéné lakonnya, iŋ kabĕgjan kalawan cilakanipun, iku sajatiné saka, paṅgawéné wĕnaṅnèki.

31. upamané ana jalma, iṅkaŋ nora rumaṅsa andarbèni, dosa atanapi luput, nuli kinaniaya, mariŋ jalma dé kaŋ ṅaniaya mahu, lalakoniŋ daḷĕm doña, maṅgiḥ kabĕgjan basuki.

32. yèn woŋ kaŋ dèn kaniaya, ṅandĕl maraŋ lohkilmakpul takdir, utawa papaṣṭèn mahu, tartamtu bañjur darbya, iŋ pamikir maṅkéné panlaṅsanipun, aku iki tan rumaṅsa, nduwèni dosa samĕnir.

33. iya mariŋ ḍèwèkira, iŋ wĕkasan dèn kènèkaké iki, kudu narima katèṅsun, kawula muŋ sadarma, aṅlakoni atas iŋ saduruṅipun, dumadi tulis wus ana, iŋ lohkilmakpul tinakdir.

34. pinaṣṭi karṣaniŋ allaḥ, naṅiŋ muṅguḥ sapira gĕḍénèki, kacilakan saṅsara sru, iku wus mĕṣṭi ana, kabĕgjan tĕmbé mbuḥ tumibanipun, kawula tan bisa wikan, dumadi tékadirèki.

35. woŋ iṅkaŋ kinaniaya, ṅgonné nrima kataman iŋ bilahi, patrap kaŋ tan adil iku, muŋ suméṇḍé takdirṇya, sarta ṅaṛĕp aṛĕp kabĕgjan iŋ puṅkur, iṅkaŋ wus cinorèk ana, iŋ lohkilmakpul tinakdir.

36. kaŋ wus tan kĕna kinira, tĕmbé bakal tumibané kaŋ takdir, iku ṅandĕl lohkilmakpul, déné kaŋ sahupama, jalma iṅkaŋ dikaniaya puniku, ṅandĕl mriŋ arané karma, saṛĕŋ kataman bilahi.

37. wus tartamtu bañjur darbya, iŋ pamikir anĕtĕpkĕn mariŋ, adiliŋ kodrat pinuntu, maṅkéné pamikirṇya, muṅguḥ kabèḥ kabèḥ iŋ tumimbulipun, kaanan iku tan liya, saka paṅgawé pribadi.

38. ya ĕmbuḥ éṅgal lawasnya, ṅuni uni wus mĕṣṭi kita iki, aṇḍĕḍĕr sabab tan patut, lagi iŋ wĕktu maṅkya, tumimbulé naṇḍaŋ maṅkéné wakiṅsun, mula iŋ kawruḥ bab karma, prĕlu mbuwaŋ roŋ prakawis.

39. iṅkaŋ ḍiṅin kudu datan, ṅandĕl lamun sajroniŋ urip iki, ana kaŋ iṅaran iku, ĕroḥ utawa ñawa, kapiṇḍoné kudu añiṅkiri iku, uwoŋ kaŋ nora pracaya, mriŋ adiliŋ kodrat yĕkti.

40. tamat bédaniŋ bab karma, lamun lohkilmakpul papaṣṭèn takdir, iki kawruhana kulup, ran laku kabĕcikan, iku sawiji wijiniŋ tindakipun, kaŋ ṭukulé saka ñata, sakaṛĕpaniŋ tyas sukci.

41. sarta iṅkaŋ mriḥ slamĕta, maraŋ sarupaniŋ kaŋ paḍa urip, lan ñuñuda sakèhipun, kaŋ mañjiŋ kasusahan, lawan kasaṅsaraniŋ kaŋ liyanipun, wĕkasan muŋ nĕdya karya, buṅaḥ sĕnĕṅiŋ sasami.

42. kaŋ ran kalakuwan ala, iku apan sawiji wijinèki, kabèḥ tindak kaŋ tan arus, kaŋ kalakoné karya, karusakan sakṣĕrik saṅsaranipun, mariŋ iŋ sapaḍa paḍa, manèḥ kawruhana kaki.

43. samubaraŋ kaŋ dumadya, iku kabèḥ wus mĕṣṭi anĕmahi, ṅgawa mriŋ karusakanipun, pribadi ḍawak ḍawak, mula aywa ĕsaḥ iŋ sajroniŋ iḍup, ṅgonnira marṣudi maraŋ, katĕntrĕman kaŋ sajati.

44. matur maliḥ mas cĕbolaŋ, iŋ kabudan paran kaŋ sami ṅèlmi, kulup tĕgĕsé paṅawruḥ, iku upama iwak, déné laku iku upamané bumbu, yèn ta muṅgaḥ upamanya, kudu ganĕp roŋ prakawis.

45. dadi énak rasanira, prabéda yèn salaḥ siji tan mawi, kayata yèn iwak muhuŋ, aluwuŋ yèn pinaṅan, isiḥ ana rasané énak sadumuk, balik muŋ bumbu kéwala, pinaṅan rasa punapi.

46. maṅkono papaḍanira, suciniŋ tyas bĕciké sĕdyanèki, iku iṅkaŋ aran laku, pituduhé kaŋ maraŋ, dadalaniŋ kaslamĕtan iku ṅèlmu, karoné kudu tumindak, bokmanawa bisa dadi.

47. kulup kabèḥ kaŋ dakaṇḍar, kaŋ cĕkaké duruŋ bisa ṅaranni, mriŋ pĕṣṭiné kahnanipun, lalakoniŋ palastra, mula aja kadara dara iŋ kalbu, mamikir prakara iku, balik ta paḍa a mikir.

48. maraŋ kabĕcikan iṅkaŋ, lalakoné iŋ tĕmbé bakal baṅkit, tinĕmu ana iŋ kubur, utawa yèn pinaṅgya, anèŋ kubur iku ta sapa kaŋ wĕruḥ, muŋ lahiré kañataan, ana iŋ daḷĕm doñèki.

49. jalma iṅkaŋ paḍa karṣa, aṅlakoni paṅgawé ṅumum bĕcik, iku sayĕkti sinĕbut, jalma di martotama, mas cĕbolaŋ manĕmbaḥ lon aturipun, mugi aṅsala sapaṅat, ulun sagĕd ṅirib irib.

50. mriŋ kaŋ winastan prayoga, añiṅkiri ḍumatĕŋ kaŋ tan yukti, brahmana siddhi liṅipun, kulup nastapaniṅwaŋ, pujastuti ayu ayu maraŋ kulup, kala kala sumiṅgaha, yuwana sakalir kalir.

51. sira duk nèŋ ṅèkṣiganda, apa wanuḥ lan gunawaniŋ nagri, sujanapura rannipun, cĕbolaŋ matur nĕmbaḥ, iṅgiḥ tĕpaŋ kĕṛĕp tinimbalan ulun, kinèn mahos rama kawya, lajĕŋ winurṣitan jawi.

52. wontĕn kaŋ dadya tyasiṅwaŋ, satriya di iŋ ṅaḷĕṅka kakaliḥ, saŋ wibisana linuhuŋ, oñcat sakiŋ iŋ praja, kumbakarṇa ṅruṅkĕbi iŋ prajanipun, wibisana duk praŋ lawan, mitragna ṅujar ujari.

53. kumbakarṇa praŋ kalawan, śri sugriwa samya imbalan aṅliŋ, ratuniŋ wré ṅuwus uwus, laḥ ka kawĕḍaṛĕna, jarwa sĕkar macapat bah‍é pikantuk, iṅsun arṣa amiyarṣa, laguniŋ tĕmbaŋ mantawis.

16 mas cĕbolaŋ ṅaṇḍarakĕn isinipun sĕrat rama bab kahutamènipun

wibisana tuwin kumbakarṇa

54. iŋ maṅké paḍa rinasa, sarasaniŋ satriya di kakaliḥ, kinarya cacagak luṅguḥ, lan maniṅé supaya, rinuṅok iŋ para cantrik maṅayu, mas cĕbolaŋ nĕmbaḥ tandya, mbuka swara rum aririḥ.

55. tandaŋ arya wibisana, nĕmbaḥ risaŋ ramawijaya aglis, maṅsaḥ ḍarat wré gumrubyug, mulat saŋ wibisana, magut iŋ praŋ wanara surak gumuruḥ, makañjar acikrak cikrak, wahu kaŋ ayuda kaliḥ.

56. wus paṅgiḥ ayun ayunan, wibisana lan mitragna aglis, hèḥ gunawan sira iku, niṣṭa atiṅgal kaka, iṅsun kinèn amocot utamaṅgamu, jĕr sira satriya niṣṭa, damèŋ parikrama balik.

57. sakiŋ jriḥ muṅsuḥ wanara, jajĕmbĕriŋ satriya kĕnèŋ piḍir, kĕkĕs apraŋ lawan muñuk, ina sakti ka gawat, bagus anom tiṅgal nagara anuṅkul, mèlu wré datan prayoga, wibisana mèsĕm aṅliŋ.

58. èḥ mitragna bĕnĕr sira, ṅucap ucap niṣṭaniŋ woŋ ambalik, niṅgal mariŋ ratunipun, tur ratu kadaŋ tuwa, naṅiŋ wĕnaŋ yèn iṅsun tiṅgala ratu, yèn tĕtĕp anèŋ ṅaḷĕṅka, kĕna durmalaniŋ bhumi.

59. yèn muṅguḥ si wibisana, yĕkti séjé lan saguŋ pra dipati, cacĕḍis mriḥ mati biṅuŋ, iṅsun mriḥ pati arja, nadyan kadaŋ lamun ratu aru biru, durjana duṣkartèŋ jagad, druhaka kaŋ anuṅgoni.

60. mitragna aṅuṇḍa kunta, wibisana tan wuruŋ sira mati, taḍahana iki limpuŋ, mitragna gora sabda, anibani limpuŋ lir añcala guntur, taḍaḥ arya wibisana, wĕntala tan aṅĕnèni.

61. katiban limpuŋ tan obaḥ, wanti wanti arya wibisana glis, sigra ṅikal gadanipun, mitragna gya ginada, ṛĕmuk ṛĕmpu katiban gada maḷĕdug, pĕjaḥ saŋ wira mintragna, wré mulat suka samya ñjrit.

62. wus kèndĕl suka kaŋ myarṣa, brahmana ṅliŋ laḥ bacutĕna kaki, saŋ kumbakarṇa duk pupuḥ, mĕṅsaḥ prabhu sugriwa, iŋ laguné kaya tĕmbaŋ iki mahu, mas cĕbolaŋ aṅlĕṅgana, wêwaḥ radi amlasasiḥ.

63. prabhu sugriwa umaṅsaḥ, yun ayunan susumbarira aris, èḥ ṛĕkṣasa iya iṅsun, narapati sugriwa, ratuniŋ wré taté muṅkasi pakéwuḥ, siwaya ṅasmarèŋ laga, kahonaŋ onaṅiŋ bhumi.

64. sumbagèŋ ṅrat déniŋ kanaŋ, sinudara risaŋ ṛĕtnaniŋ jurit, mandra prakosa dibya nuŋ, ṛĕbutĕn iŋ ṅayuda, mèsĕm arya kumbakarṇa liṅira rum, hèḥ babo ratuniŋ kĕnap, déné ta tĕka kumini.

65. sugriwambĕg sarjanèṅrat, kumbakarṇa waṣpa drĕs asta kaliḥ, sumrikut ṅusapi ĕluḥ, maṅlaḥ anuduḥ driya, baya uwus titahiŋ ḍiri tan ayu, bĕnĕr sira sumbar sumbar, solaḥ ayuniṅrat yĕkti.

66. kadya tugu sinukarta, iŋ sakala lajĕŋ tan mobaḥ mosik, myarṣa sumbaré wré prabhu, kaṅgĕg tyas aṅandika, hèḥ rajèŋ wré aja kok kira yèn iṅsun, danawa caṇḍala murka, nora mamak ṅoŋ ṅajurit.

67. iṅsun tan nĕdya druhaka, iŋ ratumu jĕr ñata sotyèŋ bhumi, susmaya aṅéja tuhu, amurwa ayuniṅrat, dak kapakké kapaṛĕṅé awakiṅsun, amèlu ratu druhaka, sira wus bĕgjanirèki.

68. ṅlabuhi naréndratama, naṅiŋ iya muṅguḥ yudèṅsun iki, nĕdya ṅlabuhi prajaku, jĕr iṅsun traḥ ṅaḷĕṅka, kaki buyut natèŋ ṅaḷĕṅka iŋ daṅu, mĕṅko kañcikan iŋ mĕṅsaḥ, sĕḍĕŋ wus matiyèŋ jurit.

69. dadi lamakiŋ nagara, nora cipta wani riŋ dasarati, myaŋ acipta labuhiṅsun, mriŋ kaka bhuminata, jĕr iŋ pati duriṅrat digaŋ adiguŋ, amuŋ ṅlabuhi nagara, pan datan kĕna piniliḥ.

70. papĕṣṭèniŋ kaŋ sarira, ala ayu pinaṅgya tan agiṅsir, paṛĕk iŋ aṅganirèku, muwus iŋ tyas gya kroḍa, kumbakarṇa tuhu prajurit linaṅkuŋ, wijiliŋ nata sudibya, prabhu sugriwa kasilip.

289. mijil

1. kèndĕl dèn nya manĕmbaŋ kawuri, kaŋ miyarṣa ñjombloŋ, tyas kakĕnan iŋ wiḷĕt arumé, ṅoṇḍok oṇḍok rinahos wuwusé, risaŋ amlasasiḥ, kumbakarṇa luhuŋ.

2. mas cĕbolaŋ aturira aris, ulun dèrèŋ ṅgayoḥ, saŋ gunawan kaŋ dadya tékadé, tĕka mbalik kaŋ raka ṅruṅkĕbi, mriŋ prajanirèki, brahmana liŋnya rum.

3. kumbakarṇa satriya linuwiḥ, apa kaŋ ginayoḥ, duk wit apraŋ ṅaḷĕṅka adarbé, atur maraŋ raka dèn nya amriḥ, raharjaniŋ nagri, dasaswa tan kéguḥ.

4. atur yĕkti dupèḥ muṅsuḥ kapi, malaḥ ari kinon, maṅsaḥ ṅrana tan ḷĕṅgana tyasé, aṅluṅguhi kasatriyanèki, nir waswasiŋ galiḥ, tékad tan na surut.

5. cipta laboḥ nagara punagi, mati iŋ palugon, wibisana putus wiwékané, wus waṣkiṭa jroniŋ naya wĕniŋ, sartané maniti, wruḥ wĕkasanipun.

6. ala ayu kaŋ duruŋ kalahir, saŋ koda wus wĕroḥ, sakaroné wus utama kabèḥ, salaḥ siji atut dèn luluri, gunawan uṇḍagi, jajaḥ kawruhipun.

7. ana crita nagri aspahani, kaŋ jumĕnĕŋ katoŋ, saŋ dulkarim kobra paparabé, guŋ kinahot sasaminiŋ aji, samya tur ubĕkti, luhur kratonipun.

8. duk samana saŋ nata tinaṅkil, kaŋ sumiwèŋ katoŋ, para raja nèŋ byantara aṇḍĕr, saŋ dulkarim kobra aṅoṇḍaṅi, riŋ wadyanirèki, kinèn karya gupuḥ.

9. maligéndaḥ sawijiniŋ nagri, kaŋ polatan anon, ṅalor ṅétan ṅidul myaŋ ṅuloné, myaŋ kaŋ tĕbiḥ bubulakirèki, maligé kaŋ ṅiṅgil, karṣané saŋ prabhu.

10. aṅirapkĕn wadya kuswanèki, kaŋ atĕbiḥ tinon, saguŋ wadya iŋ mañca prajané, abusĕkan samya nambut kardi, cakĕtiŋ maligi, ana omahipun.

11. nini nini sakalaṅkuŋ miṣkin, wisma alit rompoḥ, kadi suwuŋ trocoḥ nir pintuné, wus binubraḥ dèn nya ñambutkardi, paripurṇa nuli, matur iŋ saŋ prabhu.

17. saŋ brahmana ñariyosakĕn lalampahanipun sultan abdulkarim kubra iṅkaŋ ñikara tiyaŋ mlarat, wasana sultan sirṇa dalaḥ sadaya abdinipun jalaran sami botĕn purun nilar saŋ prabhu iṅkaŋ naṇḍaŋ dosa, kadosdéné pakartinipun saŋ wibisana

12. saŋ dulkarim myaŋ ñjĕŋ pramèswari, mijil siŋ kaḍaton, kĕbut para santana wadyané, busanéndaḥ suṛĕm saŋ hyaŋ rawi, praptaniŋ maligi, miṅgaḥ saŋ aprabhu.

13. mulat mariŋ wadya kaŋ abaris, kadya samodra rob, osikiŋ tyas kalimput yĕktiné, tuhu aguŋ iŋ karatonmami, sapa kaŋ kuwawi, ñaṅga bobotiṅsun.

14. sakiŋ guṅiŋ pra prawiramami, wus akèḥ pra katoŋ, nĕmbaḥ mriŋ sun miwaḥ ṅluhuraké, nahĕn nini nini kaŋ ndarbèni, wisma rompok alit, késahé ṅaluyug.

15. aṅupaya napkaḥ kaŋ binukti, karṣaniŋ hyaŋ manon, anèŋ marga kataman sakité, apan lagi ḍaṅan sawatawis, sĕdya muliḥ sarwi, mbĕkta bras sarahup.

16. jajaṅanan sagĕgĕm myaŋ ñaṅkiŋ, rèñcèkan patunon, dupi prapta prĕnahé wismané, wus tan katon kaṇḍĕg nini nini, prĕnahé wismèki, kaṅgonan wadyaguŋ.

17. lawan ana maligé gĕŋ adi, kaŋ jinujug kono, ṅuni iku prĕnahé wismané, para wadya kaŋ sami udani, ñĕntak kinèn nĕbiḥ, lan ṅgonné saŋ prabhu.

18. nini nini tan ṅarèwès nuli, jinorogkĕn gupoḥ, ambruk kĕnèŋ rèñcèkan kayuné, babak buñak badan awor gĕtiḥ, sasambat mlasasiḥ, sru ginuluŋ guluŋ.

19. ṅgaṛĕsiŋ tyas naṅiŋ nĕḍèŋ widdhi, allaḥ gustiniṅnoŋ, amba dèn niaya saŋ pramasé, sultan ṅabdulkarimkubra yĕkti, sintĕn kaŋ sayogi, tuluŋ kawlasayun.

20. liya tuwan kaŋ sipat udani, kawusané mĕlok, laḥ waḷĕsĕn punika pamasé, tan marikṣa mriŋ kawula cilik, nini nini makṣiḥ, guluŋ awor marus.

21. ana swara kaṛĕṅèŋ hèḥ nini, taṅiya dèn gupoḥ, saŋ hyaŋ sukṣma arṣa ṇḍawuhaké, babĕndu mriŋ sultan ṅabdulkarim, samantrinirèki, myaŋ wadya sadarum.

22. nini ndĕliŋ kagyat nuli taṅi, gya lumaku gupoḥ, kapiyarṣa jumĕgur swarané, trĕsiŋ wadya kaŋ samya abaris, lan trĕsiŋ maligi, dunuṅiŋ saŋ prabhu.

23. sitinira apan wus winalik, ḍuwur dadi ṅisor, tinibanan dahana kubĕṅé, gègèr uyĕg tan bisa sumiṅkir, sambat sambat naṅis, ṅalor ṅidul latu.

24. ṅétan ṅulon kinĕpuŋ iŋ agni, kukus muḷĕg ṅrodon, mumbul mumbul kasaban bhuminé, ana swara kapyarṣa saŋ aji, laḥ saṇḍaṅĕn iki, dudukèŋ hyaŋ aguŋ.

25. awit jalma tiṅgal nama tuwin, niaya woŋ asor, lan léléda sira satuhuné, ṅgonmu dadi kalipahiŋ widdi, samono ḍawuhiŋ, babĕndu hyaŋ aguŋ.

26. awit sakiŋ jalma nini nini, sultan naṅis mbĕṅok, bhumi iṅsun uṅkabana bah‍é, iṅsun tobat tan parikṣèŋ cilik, atanapi adil, paramarta tuhu.

27. ana paṇḍita nujum satuṅgil, patarèn saŋ katoŋ, ṅuwuḥ uwuḥ sĕru panaṅisé, ḍuḥ paṅéran ṅapuntĕnna mami, saṅĕt tan kuwawi, tinubruk iŋ kukus.

28. amba botĕn tumut dosa yĕkti, sapolahiŋ katoŋ, kaŋ tan sah‍é amba èṅĕtakĕn, naṅiŋ awis ginĕga wakmami, kaŋ swara nahuri, pagéné sirèku.

29. anuṅgoni sultan ṅabdulkarim, niayané ṅradon, nora ṅaṅgo tutur bĕnĕr kowé, lawan sira datan méntar sakiŋ, nagri aspahani, dwija dĕlap ṅuṭuḥ.

30. ratu niaya sira tuṅgoni, laḥ rasakna mĕṅko, dudu kaŋ ḍumawuḥ mriŋ kowé, saṅsayarda kukus lawan gĕni, gĕsĕŋ iṅkaŋ bhumi, tumpĕsan sadarum.

31. wadya iṅkaŋ kari jro nagari, sadaya yu wutuḥ, iku kulup muṅguhiŋ rasané, saŋ gunawan riṅan aṅoñcati, manawa dumadi, lir paṇḍita mahu.

32. mas cĕbolaŋ matur maṅañjali, sah‍èstu kinahot, wibisana makatĕn ḷĕkasé, wontĕn maliḥ kaŋ ulunrĕmĕni, nalikanirèki, prabhu rama kondur.

18. mas cĕbolaŋ ñariyosakĕn piwulaṅipun śri rama sasampunipun kundur ḍatĕŋ ayodya i.p. bab ḷĕpasiŋ jiwa iṅkaŋ patitis.

33. mriŋ ṅayudya saŋ putri maṇṭili, lawan kadwi katoŋ, nèŋ wimana rinĕbut dityané, brahmana ṅliŋ wĕḍaṛĕna kaki, wusnya maṅĕñjali, mijil sĕkaripun.

34. pĕkṣi mañura sĕmbadèŋ warṇi, abagus kinahot, aparigĕl antĕŋ paṅigĕlé, lamun muni uniné na pinriḥ, aṅaṅgĕp ṅĕṅkoki, marmané ṅuṅuwuŋ.

35. ramawijaya ṅandika maliḥ, hèḥ ta yayi katoŋ, muṅguḥ iŋ sira apa karṣané, yayi maraŋ kaŋ kimĕlip iki, apa ta kinaṇṭi, myaŋ pinisaḥ iku.

36. prabhu ṅaḷĕṅka umatur aris, pukulun saŋ katoŋ, kinaṇṭiya biliḥ tanpa gawé, aran sami tinitaḥ pribadi, punika sor nĕṅgiḥ, manuṅsa linuhuŋ.

37. éwa punika nuwun pun patik, iŋ sabda saŋ katoŋ, śri bhaṭara rama ṅandikané, iya uwis kañatahan ugi, prandéné kaŋ luwiḥ, pan kabèḥ kinukup.

38. iŋ satĕṅaḥ maṅkono dèn nya ṅliŋ, karoné lan iṅoŋ, tambuḥ tambuḥ iya kaŋ rinampé, duruŋ tamtu badanné sawiji, yèku ṅrurubĕdi, tan wun karya kuwur.

39. iŋ sawĕnèḥ yayi ana aṅliŋ, pa géné maṅkono, bĕnĕr ranné kudu cécé bucé, sapa kaŋ dèn arṣa arṣa maliḥ, liya manuṅsèki, kaŋ tinitaḥ luhur.

40. upamané kulup tanpa ragi, cĕmplaṅé karahos, yĕkti pédaḥ ana raraginé, pan maṅkono ana wuwus maliḥ, yèn maṅkana yĕkti, ĕndi ĕnĕripun.

41. prabhu ṅaḷĕṅka matur wotsori, tan kĕnèŋ winados, dadya tĕmaḥ sasĕnĕŋ sĕnĕṅé, samya amriḥ kahutamèŋ pati, pati kaŋ patitis, tatasiŋ paṅawruḥ.

42. wontĕn paṇḍita tuwan atapi, satahun aṅaloŋ, tapa ṅèli satahun laminé, pan satahun aṅon surya nĕṅgiḥ, parandéné mati, anitis iŋ kuwuk.

43. kaŋ makatĕn paran kadipundi, saṅĕt salaḥ ĕṅgon, daya lamun sarassa kuwuké, kuwuk piḷĕg guḍig tuwin mĕṅi, muŋ kaŋ dèn aḍĕpi, pitik duk tumurun.

44. arṣa nubruk kawĕnaṅan nuli, ginĕbug iŋ loḍoŋ, kalèsèdan putuŋ bĕboyoké, dadi rubuṅané raré alit, paṇḍita niwasi, punika pukulun.

45. paran kamurahan bhaṭara di, punapa tan yĕktos, gĕŋ abranta makatĕn wĕlasé, warti baraŋ titiḥ bhaṭara di, baraŋ iṅkaŋ pinriḥ, yèn tĕmĕn tinĕmu.

46. naréndra rama ṅandika aris, yayi kaŋ maṅkono, duruŋ ṅguguru iku yĕktiné, duruŋ duwé paṅaṅgĕp kaŋ yĕkti, kasusu sumuci, biṅuŋ kadaluruŋ.

47. mila datan kĕna ginagampil, waluyaniŋ layon, iku mahu kĕsiku sĕmuné, baṅĕtiŋ tapa kinibir yĕkti, marmané kuwalik, ndadak dadi kuwuk.

48. tur kuwuké piḷĕg sarta mĕṅi, tiwasé kalakon, dèn nya mĕṣṭi tan mawi suméṇḍé, baraŋ karya yayi niniwasi, poma dipunéliŋ, rèḥnya madĕg prabhu.

49. wusnya kèndĕl panĕmbaŋ pamijil, aturira alon, kadiparan pukulun bèntĕné, manitis manukma myaŋ majalmi, tuwin maṅlimputi, brahmana liŋnya rum.

50. panĕmuku iṅaran manitis, anuṅgal sayĕktos, iŋ kaanan sarana pĕjahé, iya iku iŋ panduk pandoniŋ, sĕdya iṅkaŋ mariŋ, kaanan puniku.

51. kaŋ pinaṣṭi maṇṭĕṅiŋ paṅèṣṭi, jroniŋ ayun layon, duk amañcat asmaralayané, dé manukṣma tĕgĕsé manuṅgil, kaanan anaṅiŋ, tan sarana lampus.

52. déné mañjalma wardi pan sami, nuṅgal kaanan pon, naṅiŋ alus maraŋ iŋ waḍagé, laḥ ṅalimput wardi samar tuwin, ṅaliṅi alus mriŋ, kaalusanipun.

53. muŋ samono gadukiŋ tyasmami, kulup maṅsaboroŋ, muṅguḥ iŋ panĕmunira jĕbèŋ, mas cĕbolaŋ matur wus ñoṇḍoṅi, brahmana ṅliŋ maliḥ, iŋ agĕsaŋ kulup.

54. kudu wĕruḥ kukum watĕknèki, iŋ kaniṣṭan adoḥ, pamicara punika yĕktiné, mawèḥ ṛĕsĕp kaŋ sami miyarṣi, tatakrama mĕṣṭi, ṅĕdohkĕn pañĕṇḍu.

55. pan kagunan kinarya ṅupadi, bhoga aniṣṭa sor, kalakuwan bĕcik sah‍èstuné, wèḥ rahayu iŋ aṅganirèki, nuṅgil misaḥ kari, lan kaŋ wus winuwus.

56. patrap budi ayu miwaḥ ṅèlmi, yèn bisa ywa ṅantos, akasupèn jroniŋ urip kiyé, iku èstu parabot pĕrmati, yèn tiṅgal sawiji, kiraŋ jaṅkĕpipun.

57. tan widada utamaniŋ urip, patrap iku maṅgon, pasihané hyaŋ kaŋ murbèŋ rèḥ, budi iku maḍaṅaké kalmi, mbĕg ayu dumadi, karaharjanipun.

58. iŋ ṅahurip praptanira lalis, dé ṅèlmu sayĕktos, añawabi santosaniŋ tyasé, rinampiṅkĕn muhuŋ awas éliŋ, riniṅkĕṣkĕn maliḥ, éliŋ gadugipun.

59. kabèḥ iku wus winĕṅku éliŋ, poma diwaṣpahos, mas cĕbolaŋ ṅunandikèŋ tyasé, ñata alim saŋ brahmana iki, kiwa tĕṅĕn rampiŋ, sañata pinuñjul.

60. maṅĕñjali aturira aris, sabda kaŋ ḍumawoḥ, ulun puṇḍi salami laminé, èstu dadya géyoṅan ṅahurip, sampun añĕkapi, wiraŋroŋiŋ kawruḥ.

290. wiraŋroŋ

1. kah‍écan imbalan aṅliŋ, iñjaŋ tĕkan liṅsir kulon, tanpa ṅrahos lupa sadayèku, brahmana liŋnya ris, iki ṅanti kalépyan, minum ñamik myaŋ naḍaḥ.

2. èḥ bocaḥ ladèkna aglis, saanané saṅu kono, mbèn ombèn paṅanan sĕga gandum, kĕḷĕman maya nis, dasiḥ taṅgap tinata, nèŋ ṅarṣa sampat mirantya.

19. mas cĕbolaŋ dalaḥ santrinipun ṅlajĕṅakĕn lampaḥ, ñabraŋ lèpèn sumĕṛĕp sawatawis wanita sami gugujĕṅan aṅujiwat. dumugi ḍusun sélahuŋ kapaṅgiḥ patiṅgi ki nurṣubadya sarta lajĕŋ sipĕŋ iŋ griyanipun. iṅkaŋ ṅladosi tamu sadaya tiyaŋ èstri jalaran iŋ sélahuŋ tiyaŋ jaḷĕr sami ṅumbara dados warok, ṛĕmĕn gĕgĕmblakan, tĕbiḥ ḍatĕŋ tiyaŋ èstri, paṅaṅgé lan tiṅkahipun nélakakĕn sarwi sosoṅaran, ṅĕndĕlakĕn ḍug ḍĕṅipun.

mas cĕbolaŋ lan nurwitri kapapanakĕn dados satuṅgal griya ; kartipala, palakarti lan saloka dados satuṅgal griya sanès. katuṅka ḍatĕṅipun tiyaŋ tiyaŋ èstri baḍé babakulan ḍatĕŋ panaraga ñuwun ḷĕṛĕm iŋ griyanipun ki pĕtiṅgi, trimaḥ wontĕn iŋ èmpèr jalaran éñjiṅipun baḍé biḍal mruput. tibakipun titiyaŋ èstri wahu iṅkaŋ sami pinaṅgḥ mas cĕbolaŋ iŋ lèpèn sabraṅan. mila sami kapiluyu nututi lampahipun mas cĕbolaŋ, niyat andumugèkakĕn gandruṅipun.

3. ayo kulup dirahapi, apa saananiŋ sugoḥ, wus kaluṅsèn maṅsa kaŋ pakantuk, ṅgonnira bukti, sugata tan misrama, saṅuné woŋ nèŋ bahita.

4. lumayan ṛĕṛĕm kalantiḥ, iṅkaŋ sinuŋ sabda gupoḥ, naḍaḥ jinajahan rahosipun, éca sadayèki, tan ana kaŋ kuciwa, bikut rèḥ nĕmbé uniṅa.

5. dumugi ṅgènnira bukti, wusiŋ ṅundurkĕn alon, linorotkĕn maraŋ ki darmayu, kalawan nurwitri, saloka kartipala, palakarti wus anaḍaḥ.

6. ki saloka gèḍèg aṅliŋ, iŋ sajĕgiṅsun tumuwoḥ, lagi nĕmbé iki maṅan ṅinum, pakolèḥ mriŋ ḍiri, maṛĕm sĕgĕr sumyaḥ, tambaḥ maṭĕṇṭĕṅiŋ badan.

7. kaṛĕnan tyasé saŋ yogi, mèsĕm aṅandika alon, saturahanira saṅuniṅsun, pasrahĕna mariŋ, réwaṅé si cĕbolaŋ, iku dimèné kinarya.

8. saṅu dèn nya ndon lumaris, kaŋ sinuṅan nĕmbaḥ gupoḥ, mariṅkĕn tirahan saṅu sampun, tinampènan mariŋ, réñcaṅé mas cĕbolaŋ, brahmana maliḥ ṅandika.

9. kulup iṅsun arṣa bali, mriŋ palwa sira nakiṅoŋ, kariya raharja sapuṅkurku, tĕbiha sakèhiŋ, babaya sambékala, katĕkan kaŋ sinĕdya.

10. cĕbolaŋ umatur aris, sru kapuṇḍi kaŋ ḍumawoḥ, dadosa jimat dasihipun, ṅaturi pamuji, mañcal praptaniŋ praja, maṅgiya suka raharja.

11. gya ṅujuŋ saréñcaṅnèki, wusiŋ ṅujuŋ wiku boḍol, sadaya tumutur praptanipun, tĕpiniŋ jaladri, brahmana saréñcaŋnya, wus miṅgaḥ mariŋ bahita.

12. bĕḍol jaṅkar mañcal sakiŋ, lahut kidul ṅidul ṅulon, lir pasir lumaras lampahipun, katon widik widik, tandya tan kawistara, cĕbolaŋ kantun aṅgana.

13. mriŋ ki darmayu wus pamit, sasowaṅan lampaḥ darma mantuk, mas cĕbolaŋ tuwin, réñcaṅira sakawan, lajĕŋ lumampaḥ maṅétan.

14. ñabraŋ lèpèn alit wĕniŋ, wañci hyaŋ surya tumloroŋ, mèḥ manuṅgaŋ arga kaŋ samya dus, èstri sami èstri, caciblon gĕgĕṇḍiṅan, samya laṅĕn gogojégan.

15. tan riniṅa solahnèki, raṅkĕpan malik maṇṭolos, bokoŋ jĕnar kiyal mupruk mupruk, raṅkĕpané kéntir, rikuḥ kaŋ rinawatan, wimbuḥ miyat kaŋ añabraŋ.

16. priya kaŋ kakaliḥ pĕkik, kaŋ samya dus anon ñjombloŋ, supé iŋ wiwéka wadinipun, datan dèn rawati, katon mawijaḥ wijaḥ, kaŋ kintir raṅkĕpanira.

17. ṅuṅkurkĕn baḷĕḍĕs mlĕḍiŋ, toya muwĕr ṅajĕṅiŋ roŋ, suka kaŋ añabraŋ myat pĕpĕñcu, rampak ñĕṅkirgaḍiŋ, caciṅklok piṇḍa puḍak, nurwitri myaŋ mas cĕbolaŋ.

18. kakĕnan tyasira rujit, myat rara yu ayu sĕntor, kaṅgĕg lampahira mĕmpĕŋ ndulu, tinampan iŋ liriŋ, katalika kèṅĕtan, gita mĕntas jagigikan.

19. macak malèpèt maṭiṇṭiŋ, cariwis sĕmon sinĕmon, gèrètan jorogan kacĕmpluŋ byur, mĕntas añjĕḍiṇḍil, aṅlès maṅuman uman, nosotakĕn lalarikan.

20. kaŋ samya nabraŋ dumugi, iŋ braŋ wétan lampaḥnya lon, nolèḥ asuŋ ulat tĕka gaṭuk, lawan kaŋ tinoliḥ, apiṇḍa prajañjiyan, tartamtuniŋ prajañjiyan.

21. wus laju lampahirèki, ṅambaḥ juraŋ juraŋ sigroŋ, mĕnlasak glagaḥ gĕŋ gĕŋ galur, ḍusun ḍukuḥ awis, dalu sipĕŋ iŋ wana, tan cinatur laminira.

22. kawuryan pagagan tĕgil, marga alit limit añjog, mariŋ paḍusunan iŋ sĕlahuŋ, cĕbolaŋ liṅira ris, paran rèḥ sru katoran, payo mampir paḍusunan.

23. kaŋ katon iŋ ṅarṣa iki, réñcaŋ sakawan rumojoŋ, ṅambaḥ iŋ pagagan tĕgal talun, tanĕman mawarṇi warṇi, jèpèn caṇṭèl baŋ pĕṭak, otèk juwawut myaŋ bhoga.

24. anĕḍĕŋ wohé andadi, abĕntĕt mĕntas guméyoŋ, kasilir iŋ aṅin maṅgut maṅgut, sĕmu sĕmu kadi, ṅawé iṅkaŋ mahawan, nahan ta paṅagĕṅira.

25. iŋ sĕlahuŋ ki pĕtiṅgi, nurṣubadya santri kolot, laka pagunuṅan tanaḥ kidul, réñcaŋ santri santri, tĕbiḥ maraŋ wadonan, kèḥ lampaḥ gĕmblak jaṭilan.

26. nĕṅgiḥ nurṣubadya lagi, anèŋ tĕgal ñaṅkiŋ jompoŋ, sruwal pĕṭak pañjaŋ bĕntiŋ saruŋ, ikĕt wuluŋ laṅkuŋ, dupi myat kaŋ mahawan, mĕdal sakiŋ patĕgalan.

27. mapagakĕn kaŋ lumaris, tuṇḍuk sasalaman gupoḥ, gantya gantya pragat tatanya rum, kaŋ nĕmbé pinaṅgiḥ, pariṅa paṅakṣama, mriŋ woŋ arga tan wrin krama.

28. pun bapa anilakrami, sintĕn sinambatiŋ jlamproŋ, iŋ wiṅkiŋ pinaṅka kaŋ kinayun, taṅgap kaŋ sinuŋ liŋ, ulun rarya mantaram, pun cĕbolaŋ namaniṅwaŋ.

29. réñcaŋ catur pun nurwitri, saloka kaŋ wrĕḍa jéṅgot, pala kartipala samya ayun, mariŋ pranaragi, naṅiŋ dèrèŋ wrin marga, katlañjur praptèŋ pacitan.

30. wus kawĕḍar sadayèki, subadya ṅakak liŋnya lon, bagus gaṅsal pisan yèn saraju, ulun puriḥ kampir, ḷĕṛĕm iŋ wismaniṅwaŋ, kalamun wus mantun sayaḥ.

31. sakarṣa laju lumaris, supadi aywa kajlomproŋ, ulun iṅkaŋ tĕdaḥ marginipun, cĕbolaŋ nuruti, wus kérit nurṣubadya, sapraptanira iŋ wisma.

32. rubiyaḥ kinèn ṅgĕlari, paṇḍapa salu kaŋ kulon, myaŋ kinèn mirantya sĕgahipun, tatamu wus muṅgwiŋ, salu ajèjèr wayaŋ, ḍuḥ anak dipunsakéca.

33. ṅgènnipun pinarak sami, ṅgiḥ punika suḍuṅiṅoŋ, kaŋ sinuŋ liŋ mapan ṅgènnya luṅguḥ, suṅgata maṅarṣi, wédaŋ katĕmulawak, jah‍é lalaban gĕṇḍis klapa.

34. wajik otèk jèpèn tuwin, juwawut caṇṭèl karawon, klobot pahududan upĕt mañcuŋ, panigan miranti, kaŋ lalados wanita, tan ana jalu sajuga.

35. ki wisma aṅacarani, wawi anak ywa pakéwoḥ, jampiniŋ katoran wédaŋ tĕmu, jah‍é gĕṇḍis krambil, ñamikan sawontĕnnya, pariṅé allaḥ taṅala.

36. cĕbolaŋ saréñcaṅnèki, wus samya ṅrahabi sugoḥ, kawistarèŋ nayana maṅuṅun, ki panti wus ndugi, klèjĕmiŋ tamunira, mèsĕm mèsĕm lon wacana.

37. sakiŋ iŋ paṅintĕnmami, sami éram déné anon, sadaya wanita jaḷĕripun, sawiji tan mawi, maṅké biliḥ wus wĕkdal, kula aṅaṇḍar carita.

38. punika wañci mahribi, wĕkdal nèŋ ṅriki kémawon, laṅgar sawĕg risak galaripun, tan kobĕr ñantunni, santri kèḥ ambalayaŋ, gĕmbĕlakan jajaṭilan.

39. wus mriŋ sĕṇḍaŋ sadayèki, samya wulu gantos gantos, waṅsul mriŋ paṇḍapa mapan sampun, adan ki nurwitri, sunat mahrib paragat, mas cĕbolaŋ nulya kamat.

40. saloka iṅkaŋ ṅimami, mahrib prapta ṅisa maṅgon, sunat puji doṅa wus kacakup, sasalaman sami, ñahi wisma maṅarṣa, aṅladosakĕn sugata.

41. sĕkul jaguŋ jaṅan mĕnir, sambĕl pantĕs ayam babon, paṅgaŋ cinocohan lalabipun, kacambaḥ kĕmaṅi, sambĕl gocèk trahos baŋ, iṅuḷĕt wé jĕram liṅlaŋ.

42. sampatiŋ panatanèki, subadya liṅira alon, laḥ puniki anak bĕḍatipun, rubiyaḥ tyaŋ ṅardi, taṅèḥ lamun mirasa, suwawi wawantiŋ asta.

43. bismilaḥ adan abukti, kokoḥ jaṅan cékoḥ cékoḥ, iṅurap cambaḥ paṅgaṅipun, pinoṭèŋ waradin, lombok kĕñcĕŋ linalap, linoṭèkkĕn trasi abaŋ.

44. dumugi sami abukti, ambĕŋ rampatan linorot, ñamikan padutan slĕpa bambu, wus lumadyèŋ ṅarṣi, sumaṅga ṅgèr maṅsĕkan, supados sampun kumambaŋ.

291. maskumambaŋ

1. kaŋ sinuŋ liŋ sasĕnĕṅira wus ṅambil, manaḍaḥ maṅsĕgan, udut mucaŋ sĕḍaḥ rawis, nurṣubadya mĕḍar sabda.

2. santri ṅriki kĕpahuŋ ṅudubilahi, paréntahiŋ sarak, awis iṅkaŋ dèn tĕtĕpi, ṅgĕga karṣané priyaṅga.

3. gĕmblak wahu warok gĕṅgĕk namanèki, tan ṛĕsĕp mariŋ dyaḥ, rubiyaḥ sami kapériŋ, ṛĕmĕnipun jajaṭilan.

4. warok gĕṅgĕk adat kalakuhanèki, patrap paṅaṅgénya, tuwin ginĕmipun sami, botĕn mupakat iŋ kaṭaḥ.

5. ṅaṅgé ikĕt lawan kacu wiyarṇèki, wuluŋ laṅkiŋ gilap, mĕḷĕŋ mĕḷĕŋ klawus kadi, ñuṅgi gĕṇṭoŋ babar añar.

6. mawi kuñcuŋ satĕbaḥ winalik, moṇḍolan sinubal, gĕŋnya sami sirahnèki, nèŋ ṅaṇḍapiŋ mbun ĕmbunan.

7. pèpèṭèkan satĕbaḥ añĕkar turi, ḍèblèṅĕn tri kilan, jinèmbrèŋ sinuṅan tajin, añjĕbabaḥ ṅériŋ ṅanan.

8. mawi kotaŋ kipĕr pĕṭaknèki, baṭok balu wĕtaḥ, binuntĕl iŋ siñjaŋ abrit, mata itiké sakilan.

9. klambi jawi sikĕpan kipĕr linaṅkiŋ, wit gulon maṅaṇḍap, miwaḥ ḷĕṅĕn kanan kériŋ, bĕntĕt pinasaṅan kaca.

10. mawi sruwal pĕṭak cĕmĕŋ siliḥ asiḥ, nutupi dlamakan, iŋ ṅiriṅan kanan kériŋ, miwaḥ puṅkasaniŋ ṅaṇḍap.

11. sinuŋ jĕmlĕm gĕmbyoŋ lawé kaŋ kinardi, usus usus pañjaŋ, ṅalèwèr kalèṅsrèḥ siti, binara arémbyak rémbyak.

12. yèn pinuju lumampaḥ ṅaṅgé kacu tri, cinañcaŋ paṅglaṅan, kinaluṅakĕn satuṅgil, tĕkĕn liṅgis ñaṅkiŋ béraŋ.

13. suka ṅuṅun gèḍèg gèḍèg kaŋ miyarṣi, ṅudubilaḥ minha, déné tĕka ṅgĕgirisi, paran kaŋ nami jaṭilan.

14. dé jaṭilan laré jaḷĕr kaŋ prakati, kaŋ wanda wanodya, ayu manis umur lagi, gaṅsalwlas warṣa lumampaḥ.

15. lamun wontĕn rarya jaḷĕr kaŋ kadyèki, pra warok ṛĕbutan, kadugi asuŋ sarami, iŋ daḷĕm sawarṣanira.

16. añukani pituwas mahiṅsa kaliḥ, utawi titiga, mĕṅgaḥ prĕlunipun jaṭil, wĕnèḥ kaṅgo kasĕnĕṅan.

17. wontĕn iṅkaŋ piniṇḍa rayat kinasiḥ, miwaḥ wontĕn iṅkaŋ, kinarya ṅupados asil, binaraṅkĕn piṇḍa taṇḍak.

18. binusanan sacara caraniŋ èstri, iṅkaŋ sarwa éndaḥ, rinĕṅga iŋ sari sari, binaloño gandawida.

19. warok gĕṅgĕk sabĕn miṛĕŋ wontĕn jaṭil, tinaṅgap gamboyoṅan, tartamtu sami niṅali, lajĕŋ pabĕn pasulayan.

20. mrataḥ sami damĕl moga patrap tuwin, ginĕm sasoṅaran, ṅéwak éwakakĕn ati, adamĕl sakṣĕrik iŋ lyan.

21. wus dilalaḥ lajĕŋ kadunuṅan budi, oṅgroṅan gĕṇḍuṅan, sumĕṅaḥ dak ĕdir kibir, aṅkara botĕn éraman.

22. gaḍaḥ cipta tan kawon samèŋ dumadi, taṅèḥ rumahosa, apĕsé badan puniki, kumaluṅkuṅé andadra.

23. ṅĕndĕlakĕn aji jaya wijayanti, myaŋ isarat sarat, kawĕṅku isiniŋ bhumi, lalanaṅiŋ jagad raya.

24. biliḥ nuju maṛĕṅi ri riyadi, samya ḍatĕŋ kiṭa, mriŋ lun lun niniṅali, wĕṅaḥ ṛĕṛĕṅganiŋ badan.

25. mrĕcon agĕŋ alit rinèntèŋ kinardi, kĕṇḍit kaluŋ srémpaŋ, tuwin ginubĕtkĕn tali, usus usus praptèŋ ṅaṇḍap.

26. mrĕcon agĕŋ kinarya cuṇḍuk susumpiŋ, piniṇḍa jamaṅan, lèŋ iruŋ dipunsĕsĕli, dèn ĕmut mĕcoco maṅaŋ.

27. gya sinuḷĕt katon kadi saŋ hyaŋ agni, kipraḥ sru gambira, kaŋ pĕḍak gègèr lumaris, kaŋ myat surak surak suka.

28. wĕnèḥ ñuṅgi jaṭilan binusanan di, mubĕŋ mubĕŋ giyak, papakan tan nĕdya ñiṅkir, malaḥ wantun nĕṇḍaŋ ndugaŋ.

29. laṅkuŋ maliḥ warok gĕgĕk yèn pinaṅgiḥ, sami warok tandya, èkèr molahakĕn ḍiri, kabranaŋ dadya kĕṛĕṅan.

30. karowaṅan pĕpĕṇṭuṅan liṅgis wĕsi, tĕp antĕpan séla, udrĕg déné kaŋ kapilis, satĕṅaḥ ḍèr ginosoṅan.

31. mas cĕbolaŋ ṅuṅun atatanya aris, tiṅkaḥ botĕn kapraḥ, tĕrkaḍaŋ aniniwasi, damĕl saṅsaraniŋ liyan.

32. préntaḥ nagri tĕka botĕn aṅawisi, ṅgèr botĕn kadosa, ṅuni sampun dèn awisi, malaḥ andadra dĕkṣura.

33. mila lajĕŋ kinèndĕlkĕn prapta maṅkin, agĕṅiŋ kaŋ manaḥ, rumahos dipunidèni, wasana wruḥ tatacara.

34. warok gĕgĕk wontĕn maliḥ dèn rĕmĕni, dados réyog mawa, gĕndruwon baroṅan jaṭil, iṅkaŋ dados ririṅgitan.

35. tinambuhan salomprèt bukaniŋ gĕṇḍiŋ, aṅkluŋ ṭiṅkluŋ kĕṇḍaŋ, kĕnoŋ kĕmpulé mĕkasi, ambaraŋ myaŋ tinaṅgĕnaḥ.

36. ṅarak ṅantèn tuwin raré dèn sunati, kalamun kapapag, lan sanès goloṅannèki, baroṅan aṅgro lir siṅa.

37. ṅikal lamĕŋ gandarwo amolak malik, kaŋ anumpak képaŋ, piṇḍa kuda mbĕkos ñjoṇḍil, mbĕṅiṅèḥ aluñjak luñjak.

38. saya paṛĕk mĕṅsaḥ kadi maṅuñjurit, baroṅan kĕrahan, gandarwo asiliḥ uṅkiḥ, kaŋ kapalan ḷĕŋ uḷĕṅan.

39. sasoḍoran pĕṇṭuṅan biṭi biniṭi, kuwĕl ṛĕg uṛĕgan, sanadyan sayayaḥ bibi, kalamun sanès goloṅan.

40. tan pĕrduli mañjiŋ dadya mĕṅsahnèki, kèndĕl kaŋ dèn arak, kalamun salaḥ sawiji, sampun wontĕn kaŋ kabranan.

41. lajĕŋ sapiḥ suwuk gĕṇḍiŋ magut jurit, buka gagĕṇḍiṅan, giyak kaŋ uṅguliŋ jurit, méraŋ kaŋ kasoran yuda.

42. ṅañcam añcam tĕmbé yèn pinaṅgiḥ maliḥ, arṣa ñahur wiraŋ, waḷĕs winaḷĕs aganti, makatĕn sajĕgé gĕsaŋ.

43. biliḥ ayun ñatakkĕn cariyosmami, kĕpaṛĕŋ ḷĕṛĕpa, ṅantos sawatawis ari, pahiŋ ṅajĕŋ pĕkĕn pucaŋ.

44. wagénipun pĕkĕn myaŋ ḷĕginèki, pĕkĕn iŋ jambéyan, tartamtu warok ṇḍatĕṅi, ambĕbiṅaḥ jajaṭilan.

45. béñjaŋ kliwon kula sinĕḍahan mariŋ, kyayi tĕgalamba, ñunatkĕn sutanirèki, mawi réyog rak arakan.

46. sasaṛĕṅan lan kyayi iŋ tĕgalsumpit, sami prĕlunira, anak biliḥ amaṛĕṅi, mbalabagi caritamba.

292. balabak

1. mas cĕbolaŋ maṅsuli sumaṅgèŋ karṣi, aṇḍèrèk, kyayi wisma kalaṅkuŋ asukaṛĕna, manahé, liṅira ris hèḥ rubiyaḥ paréntaha, mriŋ batèḥ.

2. konnĕn nata poṇḍok sakilèniŋ wisma, iŋ ĕlèr, mas cĕbolaŋ lan nurwitri dimèn nuṅgal, poṇḍoké, ki saloka palakarti kartipala, kidulé.

3. amarintaḥ ñi wisma mriŋ batèhira, tan suwé, wus arampuŋ samĕkta sapirantinya, matur gé, nurṣubadya aṅliŋ mariŋ tamunira, écané.

4. sami ṅaso anuntumakĕn sarira, mriŋ poṇḍok, krana allaḥ kawula ywa subasita, galiyé, dèn akadi anèŋ wismané pribadya, patrapé.

5. kaŋ sinuŋ ṅliŋ matur nuwun wus uméntar, praptané, jawi wisma kapaṅgiḥ ki wrĕddajaga, régolé, ṅirit èstri kasapta sakiŋ pacitan, sĕdyané.

6. mariŋ pranaraga bakul sambiwara, kawĕṅèn, nĕdya kèndĕl nèŋ ṅriki iŋ béñjaŋ éñjaŋ, lajĕṅé, ndumugèkkĕn lampaḥ cĕbolaŋ duk miyat, maḷĕṅèḥ.

7. wrĕddajaga wus matur mriŋ lurahira, préntahé, pasrahĕna mriŋ ñahi mèn turu wisma, kabèhé, kaŋ yun moṇḍok matur sampun susaḥ susaḥ, kyayiné.

8. yèn kĕpaṛĕŋ ñuwun nèŋ ñjawi kéwala, éñjiṅé, kalilana lajĕŋ paṅkat amriḥ gañcaŋ, lampahé, yèn mĕṅkono prĕnaḥna nèŋ kulon omaḥ, lor ḍèwè.

9. wus iṅirit nèŋ poṇḍok sakilèn wisma, ḷĕt gèntèr, lan poṇḍoké cĕbolaŋ ḷĕga tyasira, kakèkné, waṅsul mariŋ régol saptèstri tan drana, nulya gé.

10. mriŋ poṇḍoké cĕbolaŋ dupi pinaṅya, sarèhné, nuṅgal karṣa jumbuḥ kapiadrĕŋ samya, kakuṅé, tanpa taha èstriné datan sawala, ṛĕgèdèg.

11. kaŋ sajuga binĕkta mriŋ sĕṇṭoṅira, kaŋ ĕlèr, ki nurwitri nèŋ sĕṇṭoŋ kidul maṅgènnya, wus ṅgèrèt, kaŋ lilima suḍiya nèŋ ambèn jaba, ṅalèlèḥ.

12. ambèn ĕpriŋ lalajuran watonnira, tĕmpuké, iŋ asmara babaṅgan suwaranira, grat gĕrèt, ṅaḍuḥ aḍuḥ ṅĕsĕs ĕsĕs gantya gantya, niŋ rirèḥ.

13. dupi ayun katrĕsan rasa kaŋ ñata, sĕguné, napas ṅaṅsur sambat tobil ṅudubilaḥ, ṭik ṅéné, oṛĕg grag grĕg kaŋ sami nèŋ ambèn jaba, napasé.

14. gumuṛĕmĕŋ gulu salit dalèwèran, kriṅĕté, ñuñuŋ mrĕntul rumaras aṅarawiṣṭa, anuné, kĕmbĕŋ kĕmbĕŋ iŋ paṅgagas kadrawasan, rasané.

15. badan sami marindiŋ mbĕkuḥ wus ḷĕga, napasé, paṅaṅsuré alon alon ṅisis waja, acapé, rèhné kadi darbé aji pañcasona, milané.

16. tan pantara daṅu puliḥ drĕṅiŋ nala, mbrĕgèṅgèŋ, wus luwaran kaŋ kataman ndon asmara, wĕdalé, ginantènan kakaliḥ kaŋ anèŋ jaba, solahé.

17. tarlèn kadi iŋ ṅarṣa muŋ sambatira, kaŋ bènèḥ, wus luwaran wĕdalira sasaṛĕṅan, katriné, kaŋ nèŋ ñjawi kakaliḥ maḷĕbĕt sigra, mĕṇḍiyĕt.

18. kantun siki dèrèŋ kataman asmara, ñjĕḍoḍog, dupi iṅkaŋ nèŋ sĕṇṭoŋ wus kasĕmbadan, karṣané, saṛĕŋ mĕdal kaŋ jĕḍoḍog mlĕbĕt sigra, sĕṇṭoṅé.

19. mas cĕbolaŋ radi sarèḥ patrapira, pagudé, kapaṛĕŋ ṅgon tan daṅu mijiliŋ rahsa, wadéné, dèn nya kĕjĕr marambaḥ rambaḥ ṅiŋ paṅgaḥ, bĕtèké.

20. ṅantu antu wijiliŋ asmara priya, milané, sami sĕṅkut ṅgrĕgut ṅgrĕgut saṅsayarda, ḍokohé, pinudyèŋ tyas asaṛĕŋ wĕdaliŋ rahsa, sambaté.

21. aḍuḥ simbok aḍuḥ lah‍é iki apa, ñamlĕṅé, sampun sampun aluwuŋ pinĕjahana, dasihé, tan kuwawi nĕlaṣkĕn bayuniŋ aṅga, sru capé.

22. luwariŋ kaŋ papagutan iŋ asmara, ṅlĕṅgèkké, ni wahita èṅĕt mriŋ nurwitri tandya, mbrĕgèṅgèŋ, wus waluya mĕdal gya tumamèŋ maraŋ, sĕṇṭoṅé.

23. ki nurwitri nétra ĕṛĕm ĕṛĕm sata, praptané, si wahita gya ṇḍĕsĕl anuṅgal néndra, taṅgapé, gĕmĕt tapis sajabaniŋ paréwana, kaliyé.

24. sami adrĕŋ amriḥ pagutiŋ asmara, nulya gé, ki nurwitri anamakakĕn warastra, andĕṅkèŋ, raméniŋ praŋ aṅoṛĕgakĕn bhawana, niŋ ambèn.

25. goñjaŋ goñjiŋ jumĕṭot lir gĕlap ṅampar, galaré, kaŋ ndon lulut ṛĕsĕp aliru prabawa, tĕmahé, datan ana kasoran sampyuhiŋ yuda, kaliyé.

26. kasaputiŋ asmara piṇḍa kantaka, sawusé, kasiliriŋ samirana tandya mĕdal, akaṇṭèn, bĕboṇḍètan mas cĕbolaŋ nèŋ pahéran, katrĕñjoḥ.

27. katri wusiŋ susuci saṛĕŋ waṅsulnya, praptané, ambèn jawi wahita kaŋ sawĕg mĕntas, dèn aṅgé, ki nurwitri binĕkta mriŋ mas cĕbolaŋ, katriné.

28. praptèŋ sĕṇṭoŋ ginambaŋ alémaḥ lémaḥ, lir gĕrèḥ, gantya gantya wusiŋ katrĕṣṇan malémbar, sijiné, tiga pisan sarasa maṛĕmé samya, manahé.

29. iṅkaŋ kantun nèŋ ṅambèn jawi titiga, nulya gé, binĕkta mriŋ nurwitri katiga pisan, ginĕndèr, pamriḥ saṛĕŋ iṅĕcupan gantya gantya, sundriné.

30. wus warata katri kataman asmara, wañciné, pajar gidib kanĕm sami wĕdalira, kaŋ ijèn, anèŋ jawi tumuntur dupi praptanya, poṇḍoké.

31. aṅĕñcĕṅi siñjaŋ kasumĕkanira, nulya gé, maṅkat datan ana jalma kaŋ uniṅa, lampahé, tan cinatur wus prapta iŋ wismanira, sakèhé.

32. wahu èstri pipitu iṅkaŋ anuṅka, yĕktiné, pra wanita kaŋ adus anèŋ sabraṅan, wiṅiné, lir sĕmayan nututi kaŋ ndon lumampaḥ, sakèhé.

33. sami kĕña muŋ siji wulañjar muḍa, warṇiné, ṛĕsik ṛĕsik kuniŋ suluḥ mukanira, manisé, ḍasar bérag winulaŋ ni bo wulañjar, solahé.

34. sukaṛĕna lam lamĕn jroniŋ asmara, piṇḍané, lir supĕna sigĕg kaŋ wus kasĕmbadan, kaṛĕpé, winurṣita mas cĕbolaŋ saréwaŋnya, nulya gé.

35. mriŋ pahéran kalihé anĕḷĕs réma, adusé, ki saloka palakarti kartipala, aḍèhèm, ṅunandika kaya mĕntas pañcakara, kaliyé.

36. dèn but pitu nora lirip datan ḷĕsaḥ, mĕtègès, nurwitri ṅliŋ saratri puḷĕs anéndra, tĕmĕné, ṅlilir ṅlilir basa wus mèḥ baṅun rina, kémasé.

37. aku iṅkaŋ muṅu gugup bañjur maraŋ, poṇḍoké, pra wah‍éla suwuŋ siji ṭil tan ana, kaŋ kècèr, kaŋ saloka gĕtunku tanpa upama, mulané.

20. mas cĕbolaŋ sasantrinipun ñatakakĕn iŋ pĕkĕn pĕkĕn para warok sami pĕraŋ taṇḍiŋ ṛĕbatan"jaṭil" (laré jaḷĕr kakasihipun) sami abĕn kasĕktèn ṅantos sami tatu adus raḥ. laṅkuŋ ṅédab édabi pĕraŋ taṇḍiŋ wĕkdal arak arakan ṅiriŋ laré supit. iṅkaŋ kawon gumalintiŋ iŋ siti mutaḥ raḥ.

38. nĕḷĕs rambut rèhniŋ mĕntas ṅanta anta, mahuné, bok kalalèn ṅimpi tuṅgalan asmara, guyuné, ki saloka palakarti kartipala, baṛĕṅé.

39. wusiŋ ṅambil toyastuti mriŋ paṇḍapa, kabèhé, kyayi wisma wus nèŋ paṇḍapa pupuja, nulya gé, karti adan kèndĕlé anulya sunat, subuhé.

40. sampun sunat palakarti nulya kamat, kèndĕlé, ṅaṅkat parlu subĕkti nulya pujian, ḍikiré, myaŋ andoṅa matumpa tumpa arampak, aminé.

41. kèndĕl ndoṅa paréntaḥ ñahi ladèkna, wédaṅé, myaŋ sarapan saanané mumpuŋ éñjaŋ, wañciné, tamunira arṣa maraŋ pasar pucaŋ, kabèhé.

42. wus lumadi suṅgata éñjiŋ éñjiṅan, sawusé, naḍaḥ nulya maṅkat maraŋ pasar pucaŋ, kaŋ kinèn, ṅatĕrakĕn santri wĕda nurṣaṅkala, praptané.

43. pĕkĕn pucaŋ ramé pasar wañcinira, tan suwé, miyat warok aran warok kramaléya, jaṭilé, anèŋ cĕṅĕl suku kaliḥ ñjapit jaṅga, silané.

44. lumakṣana mbĕkèr mandĕlik kaŋ nétra, laréné, amiturut paréntahé jaṭilannya, prĕluné, amiminta jajanan miwaḥ bhuṣaṇa, kaŋ cècèg.

45. wontĕn maliḥ warok gĕgĕg gĕŋ sambada, aranné, ṅabdul siṅanĕbaḥ mbĕkta jaṭilannya, sinèlèḥ, puṇḍak kiwa rinaṅkul suku kaliḥnya, anèrèŋ.

46. taṅan tĕṅĕn maṭĕṇṭĕŋ amaṇḍi sada, arènné, wacana sru sapa iṅkaŋ kĕlar naṅga, boboté, satus kati sakiŋ kakèk wĕrkudara, karanné.

47. rujak utĕg iki yèn dak uñcaḷĕna, paṣṭiné, woŋ sapasar baya datanpa kukupan, baṭaṅé, daktibakna gunuŋ sirṇa sagara sat, bañuné.

48. kramaléya duk myarṣa ṅĕsĕs liṅira, ḍèk ĕmbèn, aku ṅuyuḥ nèŋ tĕṅahiŋ ara ara, añjimpé, dadi bañjir désa akèḥ iṅkaŋ ilaŋ, uwoṅé.

49. lawan rajakaya pitik iwèn samya, lalaṅèn, muŋ sirahé jumbul jumbul kawistara, tujuné, mitraniṅoŋ caciŋ kaluŋ wlas tumiṅal, bañjuré.

50. mbĕnduŋ bañu tĕmaḥ mambĕg désa désa, waṅsul ṅgèn, omaḥ wrĕkṣa tumañcĕp kadi wahunya, sawusé, samya waṅsul toya kinokop tĕmaḥ sat, aṅgĕrèŋ.

51. duk sliriṅan kaliyé samya bramantya, nulyagé, kramaléya mbréṅkal séla sajĕmbaṅan, agĕṅé, kinĕprukkĕn siṅanĕbaḥ taṅkis sada, durmané.

293. durma

1. séla sumyur kramaléya sru maṅrĕmpak, sada cinaṇḍak kĕni, ramé drĕg udrĕgan, gantya dugaŋ dinugaŋ, jĕjĕgan biṭi biniṭi, jĕṅkaŋ jinĕṅkaŋ, kuwat bantiŋ binantiŋ.

2. jaṭilané suka sami sĕsĕṇḍonan, caṇṭoka guŋ iŋ wukir, kakaŋ kawispita, sarpa poṇṭaŋ wisarda, aja sumĕlaŋ yèn lalis, ṅandĕla maraŋ, papaṣṭèniŋ ṅahurip.

3. jaṭilané siṅanĕbaḥ gya manĕmbaŋ, babo gĕmblakan mami, tiroŋ lit ḍompolan, yèn ṅanti kasorana, kadi paran solahmami, lamun maṅkana, kambaŋ kambaŋ ṅgonmu siḥ.

4. warok gĕgĕk kaliyé dupi miyarṣa, paṅgasahé kaŋ jaṭil, asru maṅkrak krura, nĕbiḥ kaŋ sami cĕlak, naṅiŋ tan ana ṅromèsi, ayĕm sadéyan, rukĕt warok kakaliḥ.

5. sami pĕḍot napasé saṛĕŋ ambruknya, ṇḍoko satĕṅaḥ mati, jaṭilan tan pisaḥ, èṅĕt ki kramaléya, myat muṅsuhé aṅgalintiŋ, alataḥ lataḥ, cikrak cikrak ṅidĕri.

6. sumbar sumbar sira wus modar tĕmĕnan, maṅsa uripa maniŋ, kok kira antaka, ḍèk mahu raganiṅwaŋ, ṅragasukma jatinèki, ṅlarak ñawanta, lan ñawané si jaṭil.

7. wus dakĕrut anèŋ kayu ḍiṅḍiŋ jalal, nadyan uripa maniŋ, ñawa sasiliyan, kramaléya wus késaḥ, jojogèdan sirik sirik, kasorot arka, gĕbyar gĕbyar mblĕṛĕṅi.

8. siṅanĕbaḥ wus waluya malaṅkaḍak, aṅguguk mbĕṅok aṅliŋ, jiḍèt kramaléya, sirṇa sabĕbaṭaŋnya, ṅgonku piṇḍa woŋ ṅĕmasi, marak wak brama, myaŋ maṛĕk paman aṅin.

9. ñuwun guṅan ṅoboŋ baṭaṅé si léya, awuné paman aṅin, kaŋ duwé bubuhan, iki wus kaḷĕkṣanan, kaciḥna agasik ṛĕsik, gya liñcak liñcak, géla gélo lumaris.

10. mas cĕbolaŋ miwaḥ santrinya sakawan, samya suka tan sipi, ñĕbut astagapirlaḥ, tĕka datan añimpaŋ, kadi caritané kyayi, warok gĕṇḍuṅan, gĕmbluŋ dak ĕdir bariŋ.

11. sampun waṅsul mriŋ sĕlahuŋ mas cĕbolaŋ, lawan saréñcaṅnèki, ñjujug pamoṇḍokan, sabĕn kalané wĕkdal, tanapi suṅgatanèki, wañci tan éwaḥ, kadi duk wiṅi uni.

12. sabĕn wagé éñjiŋ maraŋ pasar mayaŋ, nurṣaṅkala umiriŋ, praptanira pasar, myat warok nĕm abayak, sami datan mbĕkta jaṭil, nulya kapapag, warok gĕgĕk sawiji.

13. aran kasan mésakrura ñaṅkiŋ béraŋ, tĕtĕkĕnipun liṅgis, gĕṅé mèḥ sapucaŋ, mbĕkta kaliḥ jaṭilan, pinuṇḍak iŋ kanan kériŋ, binusanéndaḥ, piniṇḍa piṇḍa èstri.

14. añaḷĕmoŋ ya iki lanaṅiŋ jagad, lawan tan kĕna pati, timbul tĕguḥ jaya, mitrané malahikat, sañja sinañja ganti, yèn iṅoŋ luṅan, kaŋ ñjaṅkuŋ mas ijrahil.

15. warok iṅkaŋ tanpa jaṭil duk miyarṣa, sawiji ñjarag wani, numbuk sakiŋ wuntat, mah‍ésakrura kagyat, nolèḥ lajĕŋ ṅayat liṅgis, tinaṅkis siraḥ, narik lamĕṅirèki.

16. gya linamĕŋ liṅgis tugĕl bĕt kasiṅsal, narik béraṅirèki, wiyaré sakilan, pañjaŋ saḍĕpa ṅayaŋ, warok kaŋ kaliḥ ṅiṇḍik, kaliḥ jaṭilan, wus binĕkta maḷĕñciŋ.

17. mésakrura tambuḥ jaṭil tambuḥ mĕṅsaḥ, cañcut arṣa nututi, pan kinalaŋ kalaŋ, siniwo ṅériŋ ṅanan, gaman tan ana nĕḍasi, lamĕŋ kaléwaŋ, liṅgis wus dèn bucali.

18. warok catur saṛĕŋ ñikĕp mésakrura, linumahkĕn mriŋ siti, taṅanné pinĕṇṭaŋ, suku kaliḥ cinañcaŋ, wus tan bisa mobaḥ mosik, gya tiniṇḍihan, watu sagajaḥ gĕriŋ.

19. iṅurugan uwuḥ sapasar, sinuḷĕd agni ndadi, piṇḍa wisma kobar, kaŋ cakĕt kagègèran, warok sakawan wus anis, ṅruruḥ jaṭilan, naṅiŋ datan kapaṅgiḥ.

20. mas cĕbolaŋ sarowaŋ wus waṅsul maraŋ, iŋ salahuŋ lir ṅuni, nahan ḷĕgi éñjaŋ, maraŋ pasar jambéyan, myat warok sakawan nami, dul sarpakrura, lan kasan baṇṭèṅkanin.

21. katĕluné aran amat kuwuknasak, catur mas jayèṅwariḥ, lumaris saṛĕṅan, lamĕṅé sinarémpaŋ, ñaṅkiŋ kléwaŋ tĕkĕn liṅgis, omoŋ omoṅan, ṅgonné ṅupaya jaṭil.

22. sarpakrura aṅliŋ ṅgonku aṅupaya, iŋ arcapada tapis, ḍénok yèn kapaṅgya, dakgawa ṇḍĕlik maraŋ, tĕḷĕṅiŋ kaŋ jalaniḍi, titip si ĕmbaḥ, baruna saŋ hyaŋ tasik.

23. baṇṭèṅkanin ñaḷĕmut ṅgonku ṅupaya, maraŋ jroniŋ jaladri, sĕpi sĕpĕn sĕpa, gonès lamun kapaṅgya, dakgawa mriŋ mĕṇḍuŋ putiḥ, titip ki gĕlap, dimèn ginĕḍoŋ wĕsi.

24. amat kuwuknasak bĕkuḥ bĕkuḥ liŋnya, ṅgoniṅwaŋ aṅulati, maraŋ madyantara, gaḍug laṅit kasapta, kabaré kéwala sĕpi, lamun pinaṅgiya, dak titip saŋ hyaŋ api.

25. amat jayèṅwariḥ mèñcĕp mèñcĕp liŋnya, tobil ṅgonku ṅulati, mariŋ kawaḥ kawaḥ, iṅkaŋ mĕdal dahana, paḍa bah‍é tan maṅgiḥ, lamun pinaṅgya, daktitipkĕn ratu jim.

26. warok catur uniŋ nurwitri cĕbolaŋ, samya kataman branti, kaṭaḥ solahira, kaŋ amriḥ kasatmata, adol swara ḍaham mbĕkik, wĕnèḥ jogèdan, pamèr barana picis.

27. mas cĕbolaŋ lan nurwitri wus ṅgrahita, masaŋ kamayan mandi, aji paṅasihan, tanapi paṅèḍĕpan, warok catur darbé kiṅkin, samya rumaṅsa, sinĕnĕṅan woŋ kaliḥ.

28. asmararda ñujanani warok tiga, aṅĕmbat tĕkĕn liṅgis, hèḥ koḍik miṅgata, woŋ loro iku apan, muŋ iṅoŋ kaŋ mambu ati, paḍa trima a, jĕr sira tan piniliḥ.

29. tan darana warok tiga saṛĕŋ maṅkrak, namakkĕn lamĕŋ liṅgis, ki dul sarpakrura, aṅga ṛĕmpu wus tiba, gantya kasan baṇṭèṅkanin, iṅkaŋ linawan, saṅkiŋ iŋ ṅarṣa wuri.

30. bokoŋ ṅaṛĕp tinotog liṅgis wus niba, kuwuknasak jĕṅwariḥ, tandya liliṅgisan, lajĕŋ antĕb antĕban, rukĕt abantiŋ binantiŋ, kaliyé samya, pĕḍot napasirèki.

31. tiŋ gulimpaŋ tan ana kaŋ munasika, cĕbolaŋ lan nurwitri, lawan réñcaṅira, wus waṅsul mriŋ poṇḍokan, nahĕn kaliwonnya éñjiŋ, subĕki awal, paragatiŋ ṅabĕkti.

32. wus sèsèmèk subadya lan tamu maṅkat, iŋ marga tan winarṇi, praptèŋ tĕgalamba, rarya kaŋ tinĕtakan, ayun maṅkat wus miranti, tan daṅu buḍal, réyog kaŋ anèŋ ṅarṣi.

33. kalihdasa wahana turaṅga képaŋ, tiga jaṭilanèki, lumampaḥ iŋ tĕṅaḥ, sarunèn muṅgiŋ wuntat, lima gĕndruwon kaŋ kaliḥ, anèŋ iŋ ṅarṣa, amaṇḍi sabĕt arit.

34. kaliḥ maṇḍi lamĕŋ rumĕkṣa jaṭilan, sawiji anèŋ buri, maṇḍi waduŋ kapak, buḍal swara gumĕraḥ, srunèn slomprèt ṅĕlik ĕlik, kĕṇḍaṅé ṅaplak, kĕmoŋ kĕmpul tinitir.

35. aṅkluŋ umyuŋ mbĕṅiṅèḥ kaŋ muṅgèŋ kapal, jinantur srunèn ririḥ, jaṭilan siṇḍènan, sĕṅgak kaŋ numpak kapal, sirig sirig suku jiñjit, gulu oklèkan, liyĕp satĕṅaḥ guliŋ.

36. praptèŋ boṅan katuṅka arak arakan, sakiŋ iŋ tĕgalsumpit, kaŋ wahana kuda, maṇḍi jĕbĕŋ slawé praḥ, jaṭilanira kakaliḥ, gĕndruwo papat, kakaliḥ muṅgiŋ ṅarṣi.

37. kaŋ sawiji ṅampiŋ ampiṅi jaṭilan, sawiji anèŋ wiṅkiŋ, maṇḍi alugora, wĕnèḥ maṇḍi prabataŋ, myaŋ maṇḍi baruṅkraḥ ĕpriŋ, amaṇḍi wrĕkṣa, caṅkriŋ ri kĕṛĕp luṅit.

38. uniŋ lamun ana saṛĕṅanné ṅarak, gambira kipraḥ sami, molahkĕn turaṅga, mbĕkèr anujaḥ nujaḥ, gĕgĕndruwon bĕkiḥ bĕkiḥ, uñclaŋ prabataŋ, susumbar minta taṇḍiŋ.

39. praptèŋ boṅan kèndĕl sawijiniŋ ḍaḍaḥ, sisihan datan nuṅgil, cĕbolaŋ liṅira, mariŋ ki nurṣadaṅsa, sadaya gĕndruwon iki, kadi kaŋ samya, nèŋ pasar pasar ṅuni.

40. iṅgiḥ bagus gĕndruwon iŋ tĕgalamba, iṅkaŋ dados paṅarṣi, ṅabdul siṅanĕbaḥ, baṇṭèṅkanin kalawan, mas jayèṅwariḥ kakaliḥ, punika iṅkaŋ, mbraḍat jaṭilan kaliḥ.

41. namanipun gadjahbihĕr kruḍa muntap, kaŋ ṅarak tĕgalsumpit, kasan kramaléya, kasan mah‍ésakrura, amat kuwuknasak tuwin, dul sarpakrura, sasaṅa jaḍug sami.

42. nahĕn raré iṅkaŋ tinĕtakkĕn pragat, tĕgalamba rumiyin, patrapiŋ lumampaḥ, kadi duk aṅkatira, arakan iŋ tĕgalsumpit, amaṅaḥ maṅaḥ, lir bhuta maṅsa dagiŋ.

43. tan pantara buḍal sakiŋ iŋ ṅĕboṅan, réyog iŋ tĕgalsumpit, taṇḍaŋ ñimpaŋ marga, titiṇḍiḥ jakalodra, tandya ṅlambuŋ sakiŋ kériŋ, arak arakan, iŋ tĕgalamba uniŋ.

44. gĕndruwon kaŋ anèŋ ṅarṣa suŋ sasmita, maraŋ kaŋ muṅgèŋ wajik, turaṅga ginĕbrag, ñandĕr ayun ayunan, wus campuḥ asiliḥ uṅkiḥ, jĕbĕŋ jĕbĕṅan, ṛĕmĕk tan migunani.

45. panatapiŋ kĕmpul lir pĕcaḥ pĕcaha, kĕmoŋ kĕmuŋ tinitir, kĕṇḍaŋ ḍuŋ ḍuŋ ṅaplak, aṅkluŋ umyuŋ kèḥ ṛĕmak, salomprèt acĕrak cĕrik, surak gumĕraḥ, wor paṅrikiŋ turaṅgi.

46. pañjritiŋ kaŋ kanin ṅaḍuḥ sambat pĕjaḥ, rukĕt slĕṇṭik sinlĕṇṭik, atujaḥ tinujaḥ, sépak sinépak miwaḥ, brakot binrakot aṅgigit, dagiŋ matimpal, kuṭaḥ ludira mijil.

47. turaṅgané marataḥ dumadya abaŋ, katuruhan iŋ gĕtiḥ, kroḍa siṅanĕbaḥ, ṅamuk puṅguŋ manĕṅaḥ, arit bapaŋ ambabati, turaṅga rusak, ginarèṭèlan arit.

48. kramaléya uniŋ lamun siṅanĕbaḥ, rumusak iŋ turaṅgi, ṅikal gada wrĕkṣa, caṅkriŋ ĕri mawrĕdḍa, siṅanĕbaḥ anaḍahi, arité mbapaŋ, ṅgrèṭèli ĕri caṅkriŋ.

49. tĕmaḥ alus gadané si kramaléya, tumèmbèl aṅĕnani, siraḥ siṅanĕbaḥ, malopor muñcrat muñcrat, kramaléya wus dèn arit, kakĕmpuŋ babrak, glogok jĕrowan mijil.

50. sakaliyé gumalintiŋ anèŋ kisma, kèndĕl kaŋ andoñjurit, kaŋ datan kabranan, waṅsul maraŋ paṅgénan, kaŋ dèn arak aṅĕntosi, sawusiŋ tata, iŋ lampaḥ tan nalisir.

294. salisir

1. lajĕŋ kaŋ arak arakan, praptèŋ panti sowaŋ sowaŋ, para tamu sinĕḍahan, manaḍaḥ myaŋ binĕrkatan.

2. réyog lawan saréñcaŋnya, wus sinuṅan pasuṅgata, tanapi opahan arta, bubar mantuk suka suka.

3. para tamu wus bubaran, nurṣubadya mas cĕbolaŋ, praptèŋ marga gya pamitan, mapan ulun ayun wikan.

4. kaŋ sami naṇḍaŋ kabranan, wusanané kadiparan, saréñcaŋnya wus linilan, iŋ lampaḥ séwaŋ séwaṅan.

5. wus dumugi iŋ ṅgènnira, kaŋ samya naṇḍaŋ saṅsara, patiŋ glĕṛĕŋ ṅaruwara, cĕbolaŋ sru wĕlasira.

6. cinatur kaŋ samya tatu, sadaya waluya tuhu, gumrubyuk ñuṅkĕmi suku, gumrumuŋ tur sĕtyèŋ kalbu.

7. cĕbolaŋ mèsĕm liṅira, manira iku muŋ drĕma, ora bisa apa apa, iku kuwasaniŋ sukma.

21. iŋ griyanipun nurṣubadya kawontĕnakĕn tĕrbaṅan lalagon jawi kaṇṭi bĕkṣan déniŋ mas cĕbolaŋ sasantrinipun. jaḷĕr èstri iṅkaŋ niṅali samibgandruŋ kayuṅyun kapéṅin sihipun mas cĕbolaŋ. lajĕŋ kasambĕt jaṅgruṅan ṅantos byar éñjaŋ, mawi tombok arta. aṅsal kaṭaḥ, kapasrahakĕn ñahi nurṣubadya

8. laḥ ta wis paḍa muliya, kramaléya lon aturṇya, punika tiyaŋ sadaya, réñcaṅé ki nurṣubadya.

9. sami sĕlahuŋ kaŋ wisma, sampun sawatawis lama, ṅĕlambraŋ ṅupados tĕḍa, kalawan sukaniŋ nala.

10. paran kaŋ dadi kaṛĕpmu, apa muliḥ apa laju, nutugkĕn sukaniŋ kalbu, ṅanti lali anak putu.

11. yèn sira muliḥ iŋ panti, baṛĕṅa kalawan mami, sun moṇḍok wismané kyayi, sadaya dupi miyarṣi.

12. sukané kapati pati, ulun mantuk maraŋ panti, ṇḍèrèk sampéyan sayĕkti, sampun kaṅĕn anak rabi.

13. iŋ batin agĕŋ méliké, mriŋ nurwitri sadayané, cĕbolaŋ mriŋ poṇḍokané, [ilaŋ].

14. siṅanĕbaḥ kramaléya, kalawan sakañcanira, sapraptanira iŋ wisma, anak rayat sukaṛĕna.

15. lapur maraŋ ki subadya, waluyaniŋ naṇḍaŋ brana, cĕbolaŋ kaŋ suŋ usada, wus katur sasolahira.

16. ya sukur alkamdulillaḥ, ya iku tuluṅiŋ allaḥ, sakadarmu kudu gĕpaḥ, misuṅsuŋ iṅkaŋ krana laḥ.

17. wus mundur praptaniŋ wisma, paréntaḥ mriŋ rabinira, atur suṅgata kaŋ pakra, iŋ tamu bagus jaṇṭara.

18. namuŋ sumaṅgakna ñahi, taṅgap rikaŋ anak rabi, sawusiŋ sami miranti, sĕlur sinasrahkĕn ñahi.

19. subadya dupi umèkṣi, sĕkul ulam amĕnuhi, paṅanan mawarṇi warṇi, ṅuṇḍuŋ uṇḍuŋ piṇḍa ardi.

20. nulya mriŋ poṇḍokanira, mas cĕbolaŋ dèn bĕjani, kaŋ samya waluya jati, punika atur ṅabĕkti.

21. taṅga tĕpaliḥnya mèri, ṅantos ṅĕbaki paṇḍapi, prayoginé maṅké ratri, trĕbaṅan kados prayogi.

22. cĕbolaŋ anayogyani, mĕṅgaḥ paṛĕṅipun kyayi, punapi mahulut nabi, punapi lalagon jawi.

23. ṅgiḥ aṅgèr manut wĕdalé, prayogi lagon jawiné, dimèné suka manahé, tyaŋ braṅwétan dèrèŋ naté.

24. uniŋ gĕṇḍiŋ gĕṇḍiŋ praja, amboroṅakĕn pun bapa, cĕbolaŋ matur sandika, minta bhuṣaṇa wanita.

25. ñahi wisma wus ñukani, sampĕt parabotiŋ èstri, mañcapat lima miyarṣi, gupuḥ gupuḥ yun niṅali.

26. nahĕn surupiŋ hyaŋ rawi, bakdaniŋ wĕktu ṅisa i, cĕbolaŋ lawan nurwitri, wus samya bhuṣaṇa èstri.

27. cĕbolaŋ mbrañak ṛĕspati, nurwitri ruruḥ alindri, sapraptanira paṇḍapi, malbèŋ wisma maṛĕk ñahi.

28. minta gantèn lan wawaṅi, gya mĕdal mariŋ paṇḍapi, oṛĕg kaŋ samya umèkṣi, jalu èstri sukèŋ kapti.

29. taṛĕbaŋ kaliḥ miranti, wêwaḥ kĕṇḍaŋ kaŋ mbakoni, ki saloka palakarti, kartipala kaŋ nĕrbaṅi.

30. ki wisma asuŋ sasmita, kinèn awit tandya bawa, rikaŋ gĕṇḍiŋ ĕla ĕla, jĕjĕran kakaliḥ bĕkṣa.

31. ṅadĕg madyaniŋ paṇḍapa, kadya tugu sinukarta, ñjèṅklèk miwir uñcal wastra, tumĕṅa mĕṛĕm nétranya.

32. driji kĕjĕr sinasotya, kanan ḍĕṅklaŋ mĕṇṭaŋ swéda, gĕtĕr mawil wilan samya, ṅaḷĕṅgak nĕṅgak mamatya.

33. tan miṅsĕt sakiŋ paṅgonan, lamun dèrèŋ iṅĕgoṅan, gĕṇḍiŋ aniba sĕsĕgan, roṅgèŋ ḷĕkas babéragan.

34. larap nilap piṇḍa kupu, kirig tariñciŋ kaŋ suku, lir tan ṅambaḥ bantalèku, sĕṅklèḥ nampèl nampèl pupu.

35. parigĕl ukĕl cĕṇṭuṅan, alalaṭèn lon ĕlonan, lambuŋ obaḥ ṅula lanaŋ, pacakgulu lat ulatan.

36. kaŋ miyat jalu wanita, suka ramé nahan branta, kèḥ solahé myaŋ prabawa, samya ajriḥ sinatmata.

37. roṅgèŋ kaliḥ dèn nya bĕkṣa, ñarimpi nutug solaḥnya, gĕṇḍiŋ ṅaṇḍĕloŋ anulya, suwuk aso sawatara.

38. ṅinum wédaŋ myaŋ ñamikan, paladèn aṛĕṛĕbutan, amriḥ bisa aséṅgolan, lawan roṅgèŋ sakaliyan.

39. wusiŋ tĕntrĕm kalihira, waṅsul tĕṅahiŋ paṇḍapa, bawa sĕkar maduṛĕtna, ran uran narpati darma.

40. putra myaŋ saŋ danañjaya, matur mriŋ raka naréndra, arimurti saha waṣpa, iŋ madya wusananira.

41. katur sadaya mriŋ saŋ rèḥ, maduṛĕtna nulya sèlèḥ, ḍawaḥ kuwuŋ kuwuŋ nolèḥ, trĕbaŋ gĕŋ lir goŋ pakolèḥ.

42. manĕmbaŋ sapada sowaŋ, swara arum aṅumaṇḍaŋ, ririḥ ñĕñĕs awèḥ rimaŋ, wus ṅadĕg lambuŋ oṅklèkan.

43. molahkĕn sampur kaliḥnya, gĕṇḍiŋ wus miṅgaḥ anulya, maḷĕtĕr kakaliḥ piṇḍa, dyaḥ supraba wilutama.

44. kalanira laṅĕntaya, pinarikṣèŋ pra jawata, maṅkana sasiṇḍènnira, kinaṇṭi mawa sarana.

295. kinaṇṭi

1. wahu kaŋ murwèŋ ndon luhuŋ, atilar wasita jati, hèḥ manuṅsa sèsa sèsa, muṅguḥ iŋ jamaniŋ pati, iŋ rèḥ pupuntoniŋ tékad, santa santosaniŋ kapti.

2. nora sakiŋ anon ṅruṅu, ririṅa ṛĕṅat siniṅit, labĕt asalin salaga, salaguné dèn ugĕmi, yèka paṅagĕmiŋ raga, sumiṅgaḥ iŋ saṅgaruṅgi.

3. marmané sarak siniṅkur, karana aṅrurubĕti, maṅguŋ karya was sumĕlaŋ, ĕmbuḥ ĕmbuḥ dèn aṇḍĕmi, iku paṅgonaniŋ doña, tĕkèŋ pati ṅuciwani.

4. sajati jatiniŋ ṅèlmu, luṅguhé cipta pribadi, puṣṭinĕn paṅèṣṭinira, dinĕḷĕŋ dadya sawiji, wijaṅiŋ ṅèlmu jatmika, nèŋ kaanan ĕnĕŋ ĕniŋ.

5. nahĕn kaŋ sami aṅruṅu, mawarṇa kaŋ dadi ati, ana ṅgilut surasanya, ana lalagoniŋ siṅir, ana kéñut iŋ suwara, wĕnèḥ kapéñcutiŋ warṇi.

6. saya ṅaṅsĕg sruniŋ kayun, èstri kaŋ sampun udani, punika jatiniŋ priya, ṅlocitèŋ tyas aḍuḥ mati, kapan baya sinambrama, nèŋ sajroniŋ tilamsari.

7. sru bĕbĕg tĕmaḥ kawĕtu, sasambatira ṅrĕrintiḥ, sĕṛĕt luḥ drĕs marawayan, saṇḍiṅa kaŋ dèrèŋ uniŋ, maṅuṅsĕt minta pawarta, paran darunaniŋ kiṅkin.

8. bokbiliḥ jumbuhiŋ kayun, mbakayu kula bélani, binisikan kaliḥ pisan, puniku jaḷĕr nom pĕkik, loma rarasiŋ asmara, kula miyarṣa pribadi.

9. wontĕn èstri miṇḍa bakul, pipitu cacahiŋ janmi, sakiŋ tanaḥ iŋ pacitan, mariki namuŋ saratri, nluṅsur nurwitri cĕbolaŋ, iṅgiḥ kaŋ ñjèṅklèk wèḥ kiṅkin.

10. ṛĕpĕt ṛĕpĕt dèn nya mantuk, kula ṅoḍol wontĕn wiṅkiŋ, sayuk guyub rarahosan, ṅgonné sami ndon kaṛĕsmin, sajĕgé winĕṅku priya, dèrèŋ naté anrĕñjuhi.

11. rahos kaŋ kados puniku, mas cĕbolaŋ narambahi, srĕg ñamlĕŋ tan na kaŋ ṛĕṅgaŋ, gĕmlĕgĕg tĕka maṛĕgi, tur dèrèŋ mĕḍar asmara, sak ĕmbuḥ rahos trus ṅati.

12. kawit iŋ jĕmpolan suku, naratas pucukiŋ rukmi, mlĕndĕŋ nikmat tan amiṇḍa, kinintĕn sampun kapilis, lajĕŋ sinantunan gĕlar, basané botĕn mbosĕni.

13. bèntĕn nurwitri puniku, malilit wiḷĕt ṅrakĕti, sakĕḍap kĕḍap karasa, ginramaŋ sakiŋ sakĕḍik, praptaniŋ ḷĕṅlĕŋ uḷĕṅan, tĕka aṅĕñut pribadi.

14. turéné ndadak jumrunuḥ, wĕḍariŋ rahsa ñaṛĕṅi, kèndĕl ṅomèl gĕgĕblogan, kabĕḷĕt ṅuyuḥ kaŋ katri, kaŋ sĕkawan kakĕrogan, ṅgĕgĕt ṅĕsĕs ṅolèt mriṅis.

15. sambat hut baṭok anu ku, witné iki jĕṅil jĕṅil, kĕmbroḥ siñjaṅé kaŋ kojaḥ, kaŋ sinuŋ ṅliŋ amarindiŋ, kriṅĕt iŋ baṭuk tès tèsan, goṇḍaŋ salit liṅira ris.

16. allaḥ mbakyu sampun sampun, miṇḍak aṅrĕranta ati, laḥ ta napa niki napa, aḍuḥ mati paran iki, tuntas aṅuñjal uswasa, rumaṅkuliŋ kaŋ pawarti.

17. hara prèhpun niki mbakyu, ṅacĕmoḥ lir ṅgarapsari, ṅrikiné makatĕn uga, botĕn sagĕd naṅgulaṅi, tuman yèn tan linakṣanan, ṅgiḥ mbakyu laṅkuŋ prayogi.

18. kula ṇḍèrèk sabiyantu, pĕjaḥ gĕsaŋ tiyaŋ kaliḥ, aḥ aḍi sanès pabĕnan, ndika woŋ winĕṅku laki, baḍé minihi prakara, méndaḥ awak dèkèŋ niki.

19. lañjar sĕkar basanipun, sapisan ṭil tan dumugi, laki ndawĕg naṇḍaŋ roga, kalajĕŋ prapta iŋ jaṅji, dados saṅĕt ṅaṅaḥ aṅaḥ, ṅontog ontog andon ṛĕsmi.

20. lo mbakyu tĕka agaṭuk, nadyan sémahan wakmami, sa allaḥ sawĕg sĕpisan, tuṅgil tiḷĕm lawan laki, sawĕg ṅiṅuk wus ṭur ṭuran, lajĕŋ ṅlimprĕk kadi ciṇḍil.

21. iŋ samĕṅko lakiulun, pinalalaḥ dadya jaṭil, sañjaŋ tĕŋ kula supata, ĕbèŋ yèn sira kĕpéṅin, sabĕnĕr bĕnĕré sahwat, sakṣayaḥmu jañji ṛĕmit.

22. sapuluḥ puluḥ awakku, nora bisa nĕmbadani, rak ĕmpun aṅsal wĕwĕṅan, manaḥ datan mutawatir, laḥ mbok sanadyan konaṅan, tĕmtu botĕn dados runtik.

23. kintĕn kula ḍèwèkipun, iṅgiḥ kĕpéñcut lir mami, awit kulinèŋ gĕmblakan, é, laḥ yèn makatĕn ugi, wawi sami iṅantosan, ḍumatĕŋ poṇḍokanèki.

24. kaŋ samya non nĕsĕl maju, wus aṅlĕs tiyaŋ kakaliḥ, tan ana kaŋ munasika, susuci anulya mariŋ, poṇḍokané mas cĕbolaŋ, dé èstri sanèsirèki.

25. iŋ paṅgagas akèḥ jumbuḥ, myaŋ jaḷĕr kaŋ niniṅali, warastra kaṭaḥ mbĕṅkayaŋ, kayuṅyun ananirèki, tan prĕduli èstri priya, waton kalakon saṛĕsmi.

26. sigĕg kaŋ samya ndĕdulu, nahĕn ta kaliḥ kaŋ ṅibiŋ, nutug rarasiŋ gambyoṅan, sĕsĕg ṅaṇḍĕloŋ kaŋ gĕṇḍiŋ, gya suwuk iṅawé maraŋ, ki subadya liṅira ris.

27. ĕṅgèr sĕkaliyanipun, prayogi aso rumiyin, ṅariŋ ariṅakĕn napas, ĕmbok jĕṅandika cawis, wédaŋ myaŋ ḍaran sĕgĕran, bokbiliḥ èstu ñaṛĕṅi.

28. miwaḥ dèrèŋ krahos rapuḥ, pun bapa baḍé udani, pamboṇḍan lalagon praja, sahiba sukanirèki, jalu èstri kaŋ umiyat, bĕtèké nĕmbé udani.

29. cĕbolaŋ mèsĕm liŋnya rum, punika laṅkuŋ prayogi, malaḥ manawi kalilan, bibar boṇḍan lajĕŋ kawit, gambyoŋ mawi linĕbĕtan, tombok iŋ sasukanèki.

30. winatĕsan bibaripun, iṅgiḥ wañci pajar gidib, manawi takṣiḥ kuciwa, béñjiŋ éñjiŋ sontĕn maliḥ, ki wisma kapaḍan karṣa, wus byawara maraŋ dasiḥ.

31. roṅgèŋ kakaliḥ gya waṅsul, maraŋ madyaniŋ paṇḍapi, tumindak siṅa kaḷĕswan, katon saṛĕntĕg nurwitri, mas cĕbolaŋ dlĕgaŋ dlĕgaŋ, sarira gilig ṛĕspati.

32. buka ginuñjiŋ aṅgambyuŋ, wusiŋ goŋ gĕṇḍèŋ gumilir, raras nĕmé tan nalimpaŋ, swara miḷĕt muḷĕt ati, lir pĕñjalin iṅoṅotan, mĕṭit mĕṭit arum manis.

33. médané kakalihipun, nèŋ kalaṅan aṅirupi, maraŋ saḍéṅaḥ kaŋ miyat, gandruŋ gandruŋ ṅiṅluŋ kiṅkin, tapis laguniŋ ṅantaya, sĕsĕgan tambak ginoñjiŋ.

34. kaliyé añaṇḍak payuŋ, tinumpaŋ musĕr madyaniŋ, taṅan tĕṅĕn ṅglintir gagaŋ, muñĕt ubĕṅé ṛĕspati, kakĕñcèté kakicatan, sarwi siñjaŋnya winiṅkis.

35. kumĕlap kéntol kadulu, kĕlap kĕlap piṇḍa ṭaṭit, hoyĕg payudaranira, mbalaŋ tiṅal ṅiñcaŋ alis, kaŋ kasaṅkut liriŋ bérag, suka mbaḍĕḍĕg mbaḍiḍig.

36. para wadon kaŋ wus wĕruḥ, susupé kinarya baṇḍil, jor jinoran asraḥ sĕṅkaŋ, mblèjèdi prabotiŋ siwi, slépé pĕndiŋ kaluŋ gĕlaŋ, laréné tĕka gumlintiŋ.

37. kaŋ sawĕnèḥ kari piñjuŋ, kĕmbĕn saléṇḍaŋ kulambi, pinasrahan mriŋ kaŋ naṇḍak, warok gĕgĕg atanapi, warok jlampraŋ myaŋ woŋ lanaŋ, ṅuluṅkĕn katimaŋ kĕris.

38. wĕnèḥ ucul ikĕt sabuk, siñjaŋ sĕtagén kulambi, kari sruwal saṭim ḍĕṅal, dèn mĕg maśjĕŋ kantun niki, kula aturakĕn pisan, lataḥ lataḥ mbĕkik mbĕkik.

39. kaŋ ṅabuṇḍan ṅikal payuŋ, muñĕt pinalaṅkan wĕntis, sasiḍènné tĕka ṅalap, manahé jalu lan èstri, ṅalètèr mubĕŋ kalaṅan, ṅĕḍuyuk ñĕk ñĕk sisiriŋ.

40. mĕṇṭaŋ payuŋ mĕgar miṅkup, muntup muntup ṅujiwati, mintonkĕn madya sariḍaŋ, gumĕbyar piṇḍa hyaŋ sasi, misiḥ kinĕcapan ima, waṅsuliŋ sumĕkan misiḥ.

41. sumunar sorot sumunu, siṅa kaŋ katiban liriŋ, kukuk ṅakak giyak giyak, sabĕn ayun goŋ miranti, kumaruyuk gora sabda, jĕŋ mas jĕŋ kéné rumiyin.

42. dèn nira gondroŋ wus daṅu, kaliyé tambuḥ piniliḥ, jumbuḥ iŋ bawa tĕnaga, kaŋ sawiji kaduk manis, sawiji gandĕs mrakiŋ tyas, ṅaṇḍĕloŋ suwuk ginoñjiŋ.

43. saananya para asuŋ, sinumaṅgakakĕn ñahi, aso ṅariŋ ariŋ napas, subadya liṅira aris, basané mĕṅko jaṅgruṅan, kĕna saḍéṅaḥ ṅlĕboni.

44. tomboké sasukanipun, naṅiŋ poma aja ṅanti, pasulayan kakĕṛĕṅan, laḥ iki boṅkokan mami, nèŋ bumbuŋ paḍa nduduta, kaŋ dawa ḍèwè rumiyin.

45. tumurut nut pañjaṅipun, kaŋ cĕṇḍak pribadi kari, yèn bĕṅi ki tan kacĕkap, sésuk soré wiwit maliḥ, tumandaŋ kaŋ sinuŋ sabda, kaŋ kantuk pañjaŋ pribadi.

46. ṅakak mas jĕŋ ñuwun ḍĕṅkluŋ, jrèŋ tombok sĕlawé rispis, wus ñjèṅklèk gya linariyan, wédaŋ kopi anèŋ goci, sisihé caṅkir guṇḍulan, sabĕn linariyan piŋ tri.

47. suwuk gantya ṅaṇḍapipun, jor joran totomboknèki, sukaṛĕna kaŋ umiyat, tanapi kaŋ samya ṅibiŋ, sĕpĕn iṅkaŋ kara kara, dumugi iŋ pajar gidib.

48. nurṣubadya ṅliŋ wus mĕtu, bubaran niyaga aglis, aṅĕṇḍoni suhiŋ kĕṇḍaŋ, trĕbaŋ sĕntaké dèn ambil, ki nurwitri mas cĕbolaŋ, kaliyé lumĕbèŋ panti.

49. tomboké antuk sawakul, wus tinutup lawaŋ kori, saloka sakañca samya, mantuk mriŋ poṇḍokanèki, kacuwan kaŋ ñĕgat taṇḍak, gusis sadaya wus muliḥ.

50. mas gĕbolaŋ lon umatur, sadaya sumaṅga ñahi, sadarma dados lantaran, añjiṅipun kaŋ ṛĕjĕki, punika kiyayi wisma, iṅkaŋ wajib andarbèni.

51. ṅgiḥ anak gampil iŋ puṅkur, mas cĕbolaŋ lan nurwitri, sawusiŋ lukar bhuṣaṇa, mantuk mriŋ poṇḍokanèki, mbuka kori kagyat mulat, ana èstri ayu kaliḥ.

52. wañci mĕmpĕṅiŋ pulaṅhyun, myaŋ ḍaran pĕpĕg sumaji, kaliḥ api api néndra, sawiji sĕmada miriŋ, ṅalowoŋ iṅkaŋ sumĕkan, ñĕnal payudara kèkṣi.

53. sijiné malumaḥ taṅguŋ, sariḍa kéṅis sapaliḥ, kataman sunariŋ pandam, lir wulan purṇama miṅip, cĕbolaŋ ṅliŋ paran kakaŋ, ṛĕjĕki tĕka wèḥ branti.

296. asmaradana

1. upama bañjur tan mawi, ginugaḥ kuraŋ utama, naṅiŋ iki wus kasompok, payo bañjur kinĕlonan, sira kaŋ béntrok jĕnar, iṅkaŋ iṛĕṅmanis aku, naṅiŋ mĕṅko gĕgĕnténan.

2. dwi èstri duk amiyarṣi, jumbuḥ iŋ paṅanta anta, kaliḥ saṛĕŋ ṅgloso alon, taṅan kiwa ṅayuḥ jaṅga, tĕṅĕn tumèmpèl ḍaḍa, grana gaṭuk sami pucuk, jaladara sipat wokan.

3. api api kagyat aṅliŋ, iki priyé ta maṅké ta, iya nora priyé priyé, woŋ wis ṅéné aṛĕp apa, rara mbaṅunturuta, aja mikir maraŋ iku, jaṅji mĕṛĕm nora wikan.

4. siñjaṅé sampun kawiṅkis, lumastari riŋ iriṅan, uṅkur uṅkuran wadonné, bĕboṅgan ṅĕsĕs aṅaḍuḥ, malumaḥ sasaṛĕṅan, aḍuḥ bagus ñuwun luṅguḥ, caṅkĕm kĕcut arṣa ṅinaŋ.

5. wus liṅgiḥ sisihé miriŋ, ṅinaŋ sinambi yod yodan, ṛĕm ṛĕm ayam maripaté, purusa ṅayuḥ gagana, kaliyé gumaléḍag, marindiŋ badan sakojur, saṛĕŋ sambat sambat pĕjaḥ.

6. kaliyé kaḷĕgan sami, riwé kumyus kaṛĕṅgosan, radi kĕṇḍo warastrané, mas cĕbolaŋ tandya mlémbar, ki nurwitri aliyan, sĕṅkut maliḥ kalihipun, nutug tiṅkahiŋ asmara.

7. nduṅkap wañci pajar gidib, ginĕlak wusiŋ luwaran, maḷĕñciŋ ñlimpĕt wĕdalé, cĕbolaŋ nurwitri maraŋ, patirtan wus jinabat, toyastuti nulya subuḥ, anèŋ poṇḍokan sadaya.

8. bakda subuḥ mijil mariŋ, plataran pinaṅgiḥ mariŋ, nurṣubadya lon dĕliṅé, sokur tan ṅĕpotkĕn wĕkdal, subĕki pamoṇḍokan, rèḥ dalu sayaḥ kalaṅkuŋ, paṅintĕn kula kĕrinan.

9. baṛĕkahipun kyayi, botĕn wontĕn krahos sayaḥ, sukur alhamdulilaḥ ṅgèr, warok sami ñuwun bĕrkaḥ, jaṭilan iṅaturan, mbhuṣaṇani aṅgagĕluŋ, ṅayu ayu cara praja.

10. maṅké ratri ñuwun bĕkti, binabar anèŋ paṇḍapa, cĕbolaŋ suka manahé, kapasaṅyogya yun wikan, tiṅkahé jajaṭilan, wus waṅsul mriŋ poṇḍokipun, wisan gawé samya prapta.

11. warog gĕŋ lit mbĕkta jaṭil, lawan bhuṣaṇa wanita, pinasrahkĕn mriŋ kimasé, ginĕluŋ mawarṇa warṇa, koṇḍé sèntĕg puntiran, malaŋ gèṇḍèl kĕliŋ gĕluŋ, bokor mĕṅkuṛĕp tébokan.

12. kaḍal mènèk puntir gilig, juṅkat pĕñu juṅkat sotya, pinantĕs pantĕs luṅguhé, téplok panĕtĕp sasaṅgan, cuṇḍuk mĕntul kuponan, sĕmyok susuk sĕkar tañjuŋ, ulan ulan kiñjĕŋ ĕmas.

13. sĕkar malaṭi rinujit, sinĕliŋ argulo mawar, sĕkar gambir abaŋ putèḥ, taluki sruni kinarya, borokan saḷĕmpitan, cĕpaka paṅapit gĕluŋ, myaŋ mèpèt wiṅkiṅiŋ karṇa.

14. sĕṅkaŋ bapaŋ nata braṅti, cĕplik abyur sĕliŋ miraḥ, jamaŋ mas lawan sumpiṅé, kĕlatbahu gĕlaŋ gĕlaŋ, supé tajug jĕṇṭikan, driji manis myaŋ panuduḥ, cèrè gañcèt ulan ulan.

15. kaluŋ mas intĕn suṅsun tri, kaluŋ pañjaŋ sinĕsĕran, pĕndiŋ ĕmas caṭok slépé, sisiñjaṅé ḷĕḷĕmĕsan, pinantĕs kaŋ sumĕkan, tanapi sasampuripun, mawarṇa warṇa binara.

22. para warok sami ambĕkta jaṭilipun iṅkaŋ sami ñaṇḍaŋ èstri, ñuwun dipundandosi déniŋ mas cĕbolaŋ sarta supados kawucal ulaḥ wiraga, ulat lan liriŋ. gĕntos mas cĕbolaŋ nĕḍa dipunwuruki caranipun gĕmblakan.

dalunipun kabèbèr iŋ paṇḍapi, solaḥ bawanipun para jaṭil sakalaṅkuŋ nĕṅsĕmakĕn para warok, malaḥ lajĕŋ sami aṅgĕmblak mas cĕbolaŋ lan nurwitri, kalintonan bojo lan anakipun èstri

16. tanapi wiraganèki, cĕbolaŋ nurwitri mulaŋ, paṅucap liriŋ pacaké, myaŋ wiraga wus widagda, tumañcĕp anèŋ nala, cĕbolaŋ liṅira rum, gĕnti aku wurukana.

17. patrapé dumadi èstri, kalawan kaŋ dadi lanaŋ, kapriyé muṅguḥ luwiyé, mara sira kaṇḍakĕna, jaṭilan mèsĕm liŋnya, kula botĕn sagĕd matur, biliḥ kĕpaṛĕŋ sumaṅga.

18. tiṅkaḥ solaḥ dèn lampahi, dados botĕn kaba kaba, cĕbolaŋ ṅglĕgĕs liṅira, mriŋ nurwitri wus atampa, lawaṅé tinĕtĕgan, cĕbolaŋ ṅlocitèŋ kalbu, paran kaŋ dadi paṅgalak.

19. jaṭil anulya minihi, rékadayaniŋ sahuwat, cĕbolaŋ nurwitri ṅglègès, é, laḥ dalaḥ ṅudubilaḥ, tĕka bañjur mbĕṅkayaŋ, laḥ kĕpriyé bacutipun, aku nurut saparéntaḥ.

20. anulya mapan ṅawiti, rinampa rampa iŋ kaṭaḥ, sami tan kèndĕl ṅacomèl, kaŋ dumadi kanikmatan, tĕkèŋ ṅirabkĕn sahuwat, kaliḥ sami maṇṭuk maṇṭuk, marèṅès hĕm ñata énak.

21. jaṭilan ginanti ganti, wus warata kinaliyan, kanikmatan ḍéwé ḍéwé, sadaya matur sawantaḥ, cĕbolaŋ suka liŋnya, gĕnti aku dadi ṭuyul, payo mara warahana.

22. punika namuŋ satuṅgil, kaŋ takṣiḥ wagĕd baṅgélan, sadaya wus sami péloḥ, nir daya ati wanita, datan rumahos priya, pun sadilaḥ namanipun, wus cakĕt nulya tumandaŋ.

23. mas cĕbolaŋ kaŋ rumiyin, wĕḍariŋ asmaragama, ñjiṅklak aṅliŋ digĕgojog, dadi wadon lanaŋ nikmat, luwiḥ tuṅgal wanita, nulya nurwitri kinĕmbul, iŋ nalika katĕṛĕsan.

24. baraŋ kaŋ lir kuciŋ gaṇḍik, suka sakèhiŋ jaṭilan, kijab kabulé wus pasèḥ, lawaŋ koriné binuka, sadaya pinupuran, pinidiyan imbanipun, cĕlakan wida rum jĕnar.

25. arum arumé mĕpĕki, waja putiḥ tan cĕmĕṅan, tatahan kinĕcik kiñcloŋ, taṅan tĕṅĕn ṅgĕgĕm kinaŋ, kaŋ kiwa kĕkĕpĕtan, bakda ṅasar warok mbrubul, sami murugi jaṭilan.

26. nalikanira udani, kalintaŋ iŋ sukaṛĕna, tatayuṅan jiṅklak ñjèṅklèk, mĕṇḍĕg matur mriŋ cĕbolaŋ, biliḥ kapaṛĕŋ maṅkya, kula bĕktané rumuhun, dibal paduka wotiŋ tyas.

27. maṅké bakdaniŋ ṅisa i, waṅsul mawi rak arakan, wus binĕkta sadayané, nahĕn ta bakdaniŋ ṅisa, paṇḍapa wus mirantya, ḍatĕṅé kaŋ para jaḍug, warok ambĕkta jaṭilan.

28. pinoṇḍoŋ miwaḥ jinĕṅgi, sarunĕn muṅgèŋ iŋ ṅarṣa, kaŋ ṅapit apit oboré, sawusiŋ pêpak ṅaḷĕmpak, salumprèt aṅkluŋ kĕṇḍaŋ, taṛĕbaŋ kakĕmoŋ kĕmpul, pinarṇaḥ nèŋ èmpèr wétan.

29. jaṭilan ṭarik nèŋ ṅarṣi, warog ṅrompol ṅĕl uṅĕlan, wus samĕkta sadayané, kaŋ mulat uyĕl pipitan, sĕpĕn iŋ rurusuhan, muŋ suwara kumaruwuk, raré naṅis cĕcĕṅèran.

30. asuŋ sasmita ki panti, tapuk boyoŋ mas cĕbolaŋ, aṅlurahi niyagané, nurwitri kaŋ amoŋ raras, jaṭilan kalihwĕlas, saṛĕŋ mañjiŋ ṅadĕg gambuḥ, jĕjĕran piṇḍa baḍaya.

31. pacak lalagon ṅèmpĕri, iŋ praja ciṅak kaŋ miyat, biyaŋ iku kapanané, ṅgonné sinahu dé tĕka, muṇḍak pacaké paḍa, wuwuḥ prigĕl luwĕs bĕsus, kuciwané muŋ sapala.

32. kaŋ añjogèt wiṅi sĕpi, woŋ mrakati yèn luṅa a, tĕka nora pamit mriŋ ṅoŋ, basané iki lir sĕṅkaŋ, paṅarak byur barléyan, anaṅiŋ tanpa panuṅgul, sĕmuné kuraŋ ujwala.

33. mas cĕbolaŋ kaŋ ñjĕjĕgi, niyaga ṅĕṇḍaŋ wus miṅgaḥ, kĕplok sĕṅgak babaṛĕṅan, salomprèté laliriyan, aṅkluŋ tan karopyakan, kakĕmoŋ sĕmada sĕru, kĕmpul lir mĕluṅiŋ gĕmak.

34. jumĕṅgluŋ tĕrbaŋ mĕliṅi, kĕṇḍaŋ kakosèkan wijaŋ, ḍahup kalawan jogèdé, roṅgèŋ mbabar sampur kipraḥ, maḷĕtĕr pakalaṅan, ṛĕmpĕg tata lir prit ayun, manĕba uniṅèŋ jalma.

35. cumlorot lir lintaŋ ṅaliḥ, wiraga mawarṇa warṇa, wus ginĕṇḍiŋ samahuné, ana kaŋ mintonkĕn waja, maṭĕt lambé kaŋ ṅaṇḍap, wĕnèḥ sĕmuné gumuyu, ana èsĕmé ècèran.

36. ana tajĕm lindri luṅit, wĕnèḥ ṅiñcaŋ iñcaŋ imba, galak ulat dléra dléré, ri wusnya uli uliyan, sĕsĕg iṅkaŋ irama, ṅaṇḍĕloŋ anulya suwuk, mundur kĕpĕté binabar.

37. watara napas wus ariŋ, majĕŋ jaṭilan sakawan, gantya gantya gĕṇḍiŋ boṇḍèt, pasiṇḍèn gantya gantya, sinĕsĕg gĕṇḍiŋ miṅgaḥ, maḷĕtĕr catur lir kupu, yun ṅisĕp maduniŋ sĕkar.

38. kinĕtog jogèdiŋ riṅgit, ṅaṇḍĕloŋ uli uliyan, sĕsĕg sinuwuk gĕṇḍiṅé, wus waṅsul mriŋ kaniyagan, waroké gupuḥ ñĕrak, kriṅĕt iṅusapan kacu, liniliŋ myaŋ kinĕbutan.

39. amajĕŋ sakawan maliḥ, mbuka gĕṇḍiŋ pacarcina, kaŋ asiṇḍèn gantos gantos, gĕṇḍiŋ miṅgaḥ roṅgèŋ kipraḥ, muṅsĕr kĕṇḍigĕritan, mbabar sampur warṇa catur, piṇḍa laṅĕn iŋ aṅkasa.

40. ima kasorotan rawi, iŋ nalika arṣa liyĕp, sigrak tarampil solahé, sawusé uli uliyan, suwuké lon alonan, wus mundur waroké gupuḥ, ṅliliŋ ṅliliŋ asuŋ wédaŋ.

41. maśjĕŋ sakawan muṅkasi, dèn nira agagambyoṅan, wus ambuka gĕṇḍiŋ géñjoŋ, kĕmbaṅan jogèdiŋ klana, sĕkawan runtut rampak, suwarané turun turun, kahoté amuŋ ñawilaḥ.

42. maṅlarap piṇḍa jĕmpariŋ, sĕḍat sĕḍèt ulat galak, sumèḥ kĕladuk èsĕmé, tumut lalagoniŋ bĕkṣa, karyèram kaŋ umiyat, paṅuṅuné dé wus gambuḥ, ṅgaliyĕŋ lir roṅgèŋ praja.

43. kédalé pasiṇḍèn salin, tumèmplĕg ḍahup lan laras, wiḷĕt sĕṛĕṅé tan ḍompo, wus ṅaṇḍĕloŋ kaŋ irama, lir tirta kapawanan, sĕsĕgan anulya suwuk, mundur mariŋ paniyagan.

44. waroké gupuḥ ñĕlaki, kariṅĕt kaŋ marawayan, tinutulan saptaṅané, pupur bĕlaŋ tinambalan, wusiŋ ariŋ kaŋ napas, amirantos ayun ayun, riṅgit kaŋ majĕŋ sakawan.

45. iṅkaŋ sami aṅajoni, miwaḥ kaŋ aṅlariḥ wédaŋ, sakawan ṅarṣa wiṅkiṅé, kaŋ sami darbé jaṭilan, tan kéṅiŋ ṅajonana, lariḥ kéwala tan antuk, sawusiŋ warata gantya.

46. kaŋ sakawan majĕŋ maliḥ, miturut kadi iŋ ṅarṣa, wusiŋ warata kaŋ ñjogèd, kèndĕl sakawan paṅarṣa, tombok tanpa wilaṅan, uwaŋ picis muŋ rinayuk, pikantuk tri sĕnik kĕbak.

47. warok suka suka ṅĕntiŋ, raharja tan kara kara, gĕṇḍiŋ sasuka sukané, ban iriṅan kĕbo gidraḥ, baléwoŋ jagamarga, ḷĕmpaŋ jawa ĕluŋ gaḍuŋ, pacarcina gaṇḍèŋ asta.

48. jaṅkrik géṅgoŋ éliŋ éliŋ, loro loro paculgowaŋ, sĕkargaḍuŋ sontoloyo, pĕkṣi kukuwuŋ caluṇṭaŋ, ginoñjiŋ baboṇḍètan, ladraṅmanis tuṅgujaguŋ, gambirṣawit dyaḥ udrasa.

49. pajar gidib wus waradin, tan kacuwan wus warata, nurṣubadya lon dĕliṅé, ĕṅgèr suwawi bubaran, mbuṅkuk kémas cĕbolaŋ, warok sinasmitan gupuḥ, amoṇḍoṅi jajaṭilan.

50. arta picis tigaŋ sĕnik, pinasrahkĕn ñahi wisma, sasampunira tinampèn, cĕbolaŋ mriŋ pamoṇḍokan, asoné sawatara, katuṅka iŋ wĕktu subuḥ, samya ṅambil toya kadas.

51. waṅsul wĕktu nèŋ paṇḍapi, paragaté iŋ panĕmbaḥ, hyaŋ bagaspati mĕñcoroŋ, ñi wisma asuŋ suṅgata, wédaŋ myaŋ ñañamikan, lir sabĕn liṅira rum, ĕṅgèr kémasé cĕbolaŋ.

52. baraŋ atanapi picis, pun biyuŋ sumaṅgèŋ karṣa, mas cĕbolaŋ lon dĕliṅé, prayogi pinara tiga, saduman jĕṅandika, saduman ḍumatĕŋ wadu, jaḷĕr èstri kaŋ warata.

53. saduman ḍumatĕŋ mami, namuŋ tumitip sampéyan, gampil masalaḥ iŋ tĕmbé, ñi wisma maṅayubagya, wus binagé warata, siyaṅé datan cinatur, aṇḍaṅḍaŋ bakdané ṅisa. 

297. ḍaṇḍaŋgula

1. sakaṭahé warok myaŋ pra santri, samya ḍatĕŋ poṇḍoké cĕbolaŋ, dahat kabyatan wiragé, iŋ paṅarṣané asuŋ, panarimaḥ iṇḍakiŋ jaṭil, prigĕliŋ solahbawa, wiraga pinatut, ñumaṅgakkĕn wĕka somaḥ, miwaḥ kadaŋ sakarṣa ywa walaṅati, lila doña ṅakérat.

2. mas cĕbolaŋ tanapi nurwitri, tan kawawa kalèjĕmiŋ sĕja, tinaṅgapan sakosiké, winatĕg sikiripun, saṅsayarda kaŋ darbé kapti, lan sakèḥ mitraniṅwaŋ, iŋ sah‍èstunipun, ulun dahat sukaṛĕna, paṅajabku muŋ aywa dadi pradoṅdi, wawaton kasamban.

3. prayoginé mlĕbĕt kaliḥ kaliḥ, lamun ratri iki tan kacĕkap, tinutugkĕn sésuk soré, èstuniŋ raganiṅsun, nèŋ sĕlahuŋ pan makṣiḥ lami, kaŋ sami amiyarṣa, miturut sadarum, warok kakaliḥ tumaṅgap, malbèŋ poṇḍok cĕbolaŋ lawan nurwitri, wiraga mawèḥ branta.

4. warok kaliḥ tan daranèŋ kapti, ambĕkayaŋ nurwitri cĕbolaŋ, anulya dèn jĕṅkiṅaké, sasambat ṅaḍuḥ aḍuḥ, bok dèn sarèḥ babo woŋ bĕṇṭiŋ, dasihé tan suwala, sumaṅgèŋ sakayun, sarira sapa darbéya, sarpa krĕṣṇa muŋ sira kaŋ dadi ati, taṅèḥ cipta a liya.

5. wus añjaṭok malèsèt kinĕmpit, amĕṅṭoṅol saṅaṇḍap saptaṅan, saṅsaya sru pandĕdĕlé, tatkalané ginalur, pamipité dipunkĕṇḍoni, pinolaḥ mĕndat mĕndat, srĕg paṅrahosipun, tĕmaḥ lalu kanikmatan, gatiniŋ kaŋ asmara badan marindiŋ, datan kĕna iṅampaḥ.

6. mañcur kadi kĕṇḍi kĕbak wariḥ, iṅĕṭurkĕn kalihé èstrènan, samudana sasambaté, sarwi añiwĕl pupu, aḍuḥ mati ṭik ṅéné iki, bisa tĕmĕn si kakaŋ, wèḥ tamba lara kuŋ, ki warok tyas sru sumĕṅka, purusané kaduk mukok mukok tajin, ṅalumpruk tanpa daya.

7. tandya ṅgĕblag palarasan mijil, kaŋ wus anèŋ saṅajĕṅiŋ lawaŋ, traṅginas lumĕbĕt agé, tan siwaḥ lir rumuhun, cacaṅkoké praptèŋ katitiḥ, wañci pajar gidiban, antuk woŋ roṅpuluḥ, galaré ambèn binĕṅgaŋ, pramilané ambèné katon gumriniŋ, muŋ loṅan lir lér léran.

8. kaŋ wus samya kasĕmbadaniŋ siḥ, anak bojo atanapi kadaŋ, rinubakkĕn sakarṣané, sarwi ñaṅkiŋ pisuṅsuŋ, saanané adiniŋ wukir, yèn ana sinĕnĕṅan, sinaṅonan lulut, utawi sinuṅan basa, ñĕñĕs arum manis aṅénaki ati, myaŋ sinuṅan branarta.

9. siyaŋ ratri giliran ndalidir, kawaṅuran tataṅga parapat, guyub jumbuḥ pikajĕṅé, trĕṣṇa siḥ mriŋ masipun, atanapi mariŋ nurwitri, kaliyé kakĕmatan, muŋ tĕrkaḍaŋ èstu, mila tan na antaranya, yèn laka a maṅsa ṅukupa kaŋ jisim, añjajaḥ jinamahan.

10. wĕkdal ajĕg bah‍é mriŋ paṇḍapi, bakda wĕktu waṅsul mriŋ poṇḍokan, kaḍaŋ jagoŋ lan kyayiné, ñjawi poṇḍok supĕnuḥ, jaḷĕr èstri sami ṅĕntosi, nuju bakdaniŋ ṅisa, muŋ santri kaŋ waṅsul, nurwitri miwaḥ cĕbolaŋ, muŋ ki wisma pinarak anèŋ paṇḍapi, cĕbolaŋ lon liṅira.

11. mriŋ ki wisma tiyaŋ tanaḥ ṅriki, amarataḥ baṇḍol kawarisan, tan waṅwaŋ maraŋ patiné, tĕguḥ timbul agĕcul, tatag tĕtĕg aṅlalanaṅi, paran ta marmanira, ki wisma liŋnya rum, lahila pajar pasaja, sakiŋ ulun jatosé iṅkaŋ mijèni, mĕṅgaḥ krĕdyatiŋ manaḥ.

12. muhuŋ kinarya a jagi ḍiri, rèhniŋ asriŋ kĕkésahan tĕbaḥ, supadi kĕndĕl manahé, naṅiŋ wusananipun, botĕn kadi ciptanirèki, kinarya sasoṅaran, gĕgĕmbluṅan gĕṇḍuŋ, kados kaŋ sampun kawuryan, sisip sĕmbiripun amlarati ḍiri, koñoḥ upaménira.

13. mirid lamun aṅandĕlkĕn yĕkti, aṅlimputi maraŋ kah‍èṅĕtan, rèhniŋ ṅagĕsaŋ tuhuné, nèŋ doña sakaratul, tan babakal praptaniŋ lalis, luhuŋ aṅrahosna, carita linuhuŋ, paṭaké naréndra ṅĕsam, duk puniku kĕpaṅgiḥ lawan ñjĕŋ nabi, ṅisa maṅka rohullaḥ.

23. kyayi nurṣubadya andoṅèṅakĕn kapaṅgihipun paṭakipun (cumpluṅipun) raja ṅĕsam kalihan nabi ṅisa. paṭak kagĕsaṅakĕn lan ñariosakĕn lalampahanipun iŋ alam pĕjaḥ dumugi sikṣa naraka. wĕkasan kagĕsaṅakĕn maliḥ, muriḥ martobat suṅkĕm iŋ gusti allaḥ anut tuntunan agami

14. kaŋ kasĕbut iŋ kitab mamahi, jinawèkkĕn sratan makṣiḥ arab, anaṅiŋ ulun yĕktiné, tan apil criyosipun, ḍuḥ kémasé lamun ñaṛĕṅi, amahos lagu praja, cĕbolaŋ panuju, kitab wus sinuṅkĕn maraŋ, mas cĕbolaŋ tinampèn sakṣana wiwit, sarkara tururarya.

15. amiwiti amuja hyaŋ widdhi, kaŋ muraḥ iŋ doña siḥ ṅakérat, mugyantuk kaŋ supaṅaté, sarta lan bĕrkahahipun, kaṅjĕŋ nabi muhammad tuwin, saguŋ para ambiya, mukmin musim saguŋ, mugi sami atuluṅa, anuwunkĕn paṅapuraniŋ hyaŋ widdhi, kabèḥ makluké allaḥ.

16. gya ataṅat bubuka wawarti, mriŋ saguṅiŋ nak putu sadaya, nabi ṅisa rohullahé, nalikanya lumaku, midĕr midĕr jawi nagari, ṅĕsam nĕṅgiḥ iŋ kuna, kèndĕl iŋ dĕlaṅguŋ, amaṅgiḥ paṭak woŋ kuna, nabi ṅisa paṭak arṣa dèn takoni, ṅunandikèŋ wardaya.

17. siraḥ paṭak katiṅal wus putiḥ, tanpa gĕmbuŋ gumluṇḍuŋ nèŋ ḷĕmaḥ, nabi ṅisa maṇḍĕg agé, amikir jroniŋ kalbu, laṅkuŋ wĕlas nabi niṅali, samana andĕdoṅa, nabi ṅisa luhuŋ, iŋ allaḥ kaŋ maha mulya, mugi mugi paṭak kĕna dèn takoni, sakiŋ wĕlas tumiṅal.

18. pandoṅané nabi ya lillahi, ya sayidi wa malahiika, maṅkana rapal jawané, hé allaḥ paṅéranku, gustiniṅsun panuwunmami, ḍatĕŋ kaguṅan tuwan, amba wlas andulu, anĕṅgiḥ ḍatĕŋ pun paṭak, déné botĕn kéṅiŋ dipuntakèni, amba nuwun iŋ tuwan.

19. mugi mugi tuwan aṅidèni, yèn kawula takèni kaŋ paṭak, tan antara nora suwé, ana swara karuṅu, sakiŋ araḥ nabi dumĕliŋ, mĕṅkéné iṅkaŋ swara, hèḥ nabi linuhuŋ, laḥ sira ta takonana, maraŋ paṭak iṅsun akon anahuri, maraŋ tatakonira.

20. kaṅjĕŋ nabi ṅisa taña aris, maraŋ paṭak hèḥ paṭak woŋ kuna, kaŋ ilaŋ kulit dagiṅé, laḥ ta sira sumahur, kapan iṅsun iṅkaŋ nakoni, kalawan kodratiŋ hyaŋ, paṭak gya sumahur, lawan iŋ lésan pasékat, ṅucap klimaḥ lahilaha illalahi, wa ṅisa u rohulaḥ.

21. iṅgiḥ gusti nabi kaŋ linuwiḥ, laḥ punapa kaŋ tuwan daṅuwa, iṅgiḥ kawula jawabé, aṅiŋ allaḥ kaŋ aguŋ, iṅkaŋ kinon amba nahuri, ṅandika nabi ṅisa, paṭak apa iku, sira paṭak apa lanaŋ, iṅkaŋ mahu apa sira woŋ pawèstri, duk nalika nèŋ doña.

22. lawan iṅsun tatakon iŋ ṅuni, apa paṭaké uwoŋ cilaka, apa woŋ bĕgja mahuné, apa sugiḥ doñaguŋ, nalikamu ya makṣiḥ urip, apa ta pĕkir sira, duk urip kaŋ mahu, apa ta kaṇḍaṅan ala, apa bĕcik mèlu éwoné woŋ sigit, apa éwon woŋ ala.

23. apa sira kaṇḍaṅaniŋ ṅiṅgil, apa èṇḍèk dĕdĕgmu iŋ kuna, lawan sun takon mahuné, woŋ loma yèn jinaluk, apa kumĕd yèn dèn jaluki, salir iṅkaŋ katĕḍa, pĕkir miṣkin kumpul, karana pĕkir malarat, sumahura pan iṅsun arṣa udani, nuli sira jarwa a.

24. gya umatur paṭak ḍatĕŋ nabi, pan kawula gusti nabi ṅisa, tuhu jaḷĕr sĕwahuné, sanès èstri pukulun, lawan maliḥ amba ñjĕŋ nabi, kaṇḍaṅan tiyaŋ bĕgja, mĕṅgaḥ awakulun, sanès tiyaŋ kaŋ cilaka, awakamba iŋ suwahu tiyaŋ sugiḥ, sanès tiyaŋ kaŋ niṣṭa.

25. lawan amba goloṅan woŋ sigit, sanès tiyaŋ awon warṇa amba, kaŋ minaṅka unusané, lan maliḥ amba luhur, sanès tiyaŋ aṇḍap ta gusti, kaḷĕbĕt tiyaŋ siṅgaḥ, agĕŋ iṅgil ulun, lan sayĕkti amba loma, ḍatĕŋ arta sanès tiyaŋ kumĕt gusti, kaḷĕbĕt tiyaŋ blaba.

26. sarta amba punika ñjĕŋ nabi, iŋ nalika takṣiḥ anèŋ doña, jumĕnĕŋ ratu mahuné, nagri ṅĕsam pukulun, iŋ nalika dados narpati, tan wontĕn iṅkaŋ ṅrusak, iŋ karatonulun, lami ṅadĕg ratu ṅĕsam, kula gusti ṅantos kawanatus warṣi, tan wontĕn kaŋ nukarta.

27. lawan maliḥ amba gusti nabi, duk jumĕnĕŋ nata nagri ṅĕsam, amba saṅĕt iŋ asihé, ḍatĕŋ pĕkir sadarum, miwaḥ miṣkin kula asihi, amba kaŋ asuŋ bhoga, pĕkir miṣkin kumpul, lan maliḥ gusti kawula, duk jumĕnĕŋ ratu iŋ ṅĕsam ta gusti, iŋ sabĕn sabĕn dina.

28. asiḍĕkaḥ kawula ñjĕŋ nabi, saarinya iṅgiḥ sèwu dinar, pikantuk tiyaŋ sèwuné, dinar kalaṅkuŋ sĕpuḥ, ĕmas nigaṅdasa kakaliḥ, punika saarinya, amba damĕl laku, kalawan lampahkawula, añukani tĕḍa tiyaŋ kluwèn gusti, sabĕn ari tan goṭaŋ.

29. iṅgiḥ aṅsal tiyaŋ sèwu gusti, ṅgènkawula añukani bhoga, tiyaŋ sèwu sadintĕné, ṅantos salaminipun, lawan amba gusti rumiyin, kawula asuŋ saṇḍaŋ, sadintĕn tyaŋ sèwu, tiyaŋ kaŋ sami kawudan, amba suṅi saṇḍaṅan pantĕs prayogi, sabĕn ari kawula.

30. nalikané kawula ñjĕŋ nabi, dados ratu iŋ nagari ṅĕsam, kalaṅkuŋ sĕnĕŋ sukané, yèn caṅkrama wana guŋ, dipunayab sakèhiŋ abdi, kaṭahipun kaŋ wadya, tiyaŋ kawanèwu, amaṅaṅgé sarwa sutra, murub mubyar bhuṣaṇané wadyamami, kasmaran iṅkaŋ miyat.

298. asmaradana

1. kawula umatur maliḥ, iŋ gusti ñjĕŋ nabi ṅisa, duk amba jumĕnĕŋ katoŋ, wontĕn iŋ nagari ṅĕsam, dahat sukaniŋ driya, pan amba sugiḥ kalaṅkuŋ, nuruti kajĕṅiŋ manaḥ.

2. duk kawula mĕdal jawi, kawula amĕŋ amĕṅan, dèn iriŋ wadyabalané, tiyaŋ kaŋ mawi makuṭa, pinatik nawaṛĕtna, mutyara intĕn jumĕrut, sasotya di myaŋ pakaja.

3. miraḥ nulya intĕn bhumi, maṅkana paṭak praḷĕbda, aṅlajĕṅakĕn aturé, naṅiŋ kawula punika, ḍuḥ gusti nabi ṅisa, sayĕktiné tiyaŋ kupur, gagĕtun kasèp iŋ maṅsa.

4. nabi ṅisa ṅandika ris, andaṅu paṭak maṅkana, iŋ maṅsa pira lawasé, olèhira mati ika, kapriyé tiṅalira, nalikané anèŋ kubur, pakéwuḥ apa kaŋ tĕka.

5. lan apa maniŋ kaŋ kèkṣi, kaŋ tinĕmu déniŋ sira, laḥ kapriyé sayĕktiné, rupĕkiŋ kubur punika, kalawan pañcabaya, tĕkané malékatipun, patakoné kaya ṅapa.

6. umatur paṭak riŋ nabi, ya nabi ṅisa rohollaḥ, gusti andaṅu gatiné, prakawis kasusahan, botĕn wagĕd matura, pandamĕl kaŋ dahat aguŋ, sami pinaṅgiḥ sadaya.

7. sadaṅu kawula mati, amaṅgiḥ sikṣa ṅakérat, kawanatus tahun ṛĕké, laṅkuŋ pituṅdasa warṣa, laminé amba pĕjaḥ, sinikṣa wontĕn iŋ kubur, ṅakérat laṅkuŋ musakat.

8. ya nabi ṅisa linuwiḥ, amba umatur riŋ tuwan, rikala awit sakité, kawula maṅgèn paṅgonan, laṅsé iṅkaŋ pinajaŋ, kapétak pétak mulya guŋ, pinajaŋ iṅupaṛĕṅga.

9. amba liṅgiḥ ganti ganti, ḍatĕŋ ḷĕbĕtiŋ pajaṅan, nuntĕn karahos sakité, amumĕt sirahkawula, nĕṅgiḥ namuŋ sasaṅat, anuntĕn kawula waṅsul, aliṅgiḥ ḍatĕŋ paṇḍapa.

10. saṅsaya karahos sakit, tan bĕtaḥ anaṇḍaŋ lara, kawula tiḷĕm kaṇṭilé, malaḥ anaṅis kawula, laṅkuŋ iŋ sakitamba, juru ladèn sami ṅruṅu, amba malaḥ galasahan.

11. sakaṭahiŋ para èṣṭi, myaŋ sĕlir para paṛĕkan, sami ṅupados ḍukunné, wontĕn iṅkaŋ damĕl tamba, pra ḍukun ḍatĕŋ késaḥ, tamba pintĕn pintĕn tumpuk, kaŋ tumrap badankawula.

12. tan wontĕn kaŋ mupaṅati, sakaṭahiŋ ḍukun tamba, bokiṅgiḥ wontĕn sudané, saṅsaya mĕwahi lara, tan wontĕn mayarira, rahos saṅsaya kadudut, kawula poṅaḥ paṅihan.

13. saṛĕŋ sakit sampun lami, gaṅsal ari watawisnya, tan bĕtaḥ naṇḍaŋ sakité, sumaput panonkawula, untu pan ṅantos oyag, gumĕtĕr jasad sadarum, kawula tan sagĕd obaḥ.

14. paṛĕkan sĕlir mijĕti, wontĕn iṅkaŋ ṅaṅgaŋ aṅgaŋ, aṅgosoki sukuniṅoŋ, saṅsaya wimbuḥ larané, tan wontĕn kaŋ mupaṅat, nuli kantaka katèṅsun, paṛĕkan sami karuna.

15. woŋ daḷĕm patiŋ jaḷĕrit, gègèr umuŋ jroniŋ pura, patiŋ jaḷĕrit taṅisé, santana kawula warga, sami ḍatĕŋ sadaya, botĕn mupaṅat mriŋ ulun, saya pĕtĕŋ kaŋ paniṅal.

16. nuntĕn kawula ṅĕmasi, sakèḥ woŋ iŋ daḷĕm pura, lir wukir ṛĕbaḥ taṅisé, sawĕnèḥ pan guguluṅan, nèŋ siti niba niba, ana ñuwèk siñjaṅipun, wĕnèḥ wontĕn ṅgĕblog jaja.

17. sawĕnèḥ anibèŋ siti, sawĕnèḥ aṅrontog réma, amba miyarṣa taṅisé, tan wontĕn iṅkaŋ mupaṅat, sakèhé kaŋ nalaṅsa, sadayanya abdiulun, sambaté kadi gĕrantaŋ.

18. nuli malah‍ékat prapti, astanya lajĕŋ añaṇḍak, ĕrohkawula ginèṇḍèŋ, wus pisaḥ kalawan jasad, sartané malékat, ambĕkta waḍaḥ puniku, isinya inum inuman.

19. sukunya malékat kaliḥ, sakiŋ guŋ miwaḥ apañjaŋ, ḍatĕŋ bhumi pitu ṅisor, lan sirahé malékat, laṅkuŋ gĕŋ luhur dahat, suṇḍul iŋ laṅit kapitu, nétranya lir péndaḥ surya.

20. lan gĕṅé suwiwi kaliḥ, malékat iṅkaŋ prapta, suwiwi kanan agĕṅé, wiyaripun sami jagat, wontĕn sawarganira, kaŋ kiwa suwiwinipun, iŋ ḷĕbĕt isi naraka.

21. nĕṅgiḥ malékat kaŋ prapti, awakipun warṇi papat, abrit cĕmĕŋ suwarṇané, ana kuniŋ ana pĕṭak, kawula laṅkuŋ hébat, ajriḥ saṅĕt amba ndulu, dé malékat laṅkuŋ gĕŋnya.

22. kawula ajriḥ tan sipi, aniṅali mriŋ malékat, nĕnĕm cacahé sirahé, sasiki iŋ tĕṅĕnira, sirahé malékat, sasiki iŋ tĕṅĕnipun, sirahé kaŋ malah‍ékat.

23. siraḥ iṅkaŋ juga muṅgwiŋ, iŋ ṅajĕŋ prĕnahiŋ jaja, sajuga dalamakané, prĕnahé wahu kaŋ siraḥ, nĕṅgiḥ iṅkaŋ satuṅgal, siraḥ wontĕn jĕṅkunipun, satuṅgal gĕgĕr prĕnaḥnya.

24. nabi ṅisa ṅandika ris, ndaṅu maliḥ mriŋ pun paṭak, apa ta sira atakèn, mariŋ malah‍ékat ika, aturipun saŋ paṭak, iṅgiḥ amba takèn wahu, sĕmu ajriḥ amba pĕkṣa.

25. ḍuḥ malékat kadospundi, siraḥ paduka kaŋ kanan, punapa ta iŋ damĕlé, sahuripun malah‍ékat, sirahiṅsun kaŋ kanan, karya ñjabĕl roḥ sadarum, sakèhiŋ woŋ miṣkin ika.

26. iṅkaŋ kiwa kadipundi, punapa damĕlé tuwan, siraḥ paduka kiwané, sumahur ris malah‍ékat, sirahiṅsun kaŋ kiwa, añjabĕl sakèḥ roḥ iku, woŋ kaŋ nèŋ makrig sadaya.

27. paṭak atatakon maliḥ, ḍumatĕŋ kaŋ malékat, siraḥ paduka sikiné, iṅgiḥ kaŋ wontĕn iŋ ṅarṣa, punapa damĕlira, malah‍ékat sahuripun, sirahsun ṅarṣa punika.

28. kabutuḥ añjabĕl mariŋ, saguṅiŋ umat muhkhamad, nabi kaŋ wĕkasan ḍèwè, ḍuḥ nabi ṅisa rohollaḥ, amba dèrèŋ uniṅa, wadana kalaṅkuŋ bagus, tinimbaŋ sakèḥ rahinya.

29. kaŋ ñjabĕl umat ñjĕŋ nabi, muhkhamad bagus piyambak, tan wontĕn mèmpĕr warṇiné, anuntĕn amba tatanya, nĕṅgiḥ riŋ malékat, siraḥ tuwan malihipun, kaŋ wontĕn luhuriŋ pada.

30. punapa damĕlé ugi, sahuripipun malah‍ékat, añjabĕl ĕroḥ sakèhé, kaŋ anèŋ laṅit kasapta, saguṅiŋ malah‍ékat, puniku bubuhanipun, sakèḥ ñawaniŋ malékat.

31. amba atatanya maliḥ, ḍumatĕŋ iŋ malah‍ékat, siraḥ tuwan sawijiné, kaŋ wontĕn sor jĕṅkunira, sumahur malah‍ékat, añjabĕl sakèḥ roḥ iku, isiniŋ bhumi kasapta.

32. siraḥ tuwan wontĕn gigir, giḥ kabubuhan punapa, malékat alon sahuré, iya iku kabubuhan, ñjabĕl sakèḥ roḥ kopar, ahli naraka sadarum, puniku kaŋ kabubuhan.

33. nabi ṅisa ṅandika ris, andaṅu ḍatĕŋ pun paṭak, iṅsun taña satĕmĕné, laḥ kapriyé tiṅalira, iŋ pati nĕmu apa, muṅguḥ sakèhiŋ pakéwuḥ, iŋ pati apa kaŋ ana.

34. paṭak matur mariŋ nabi, ya nabi ṅisa rohollaḥ, paniṅalamba salinné, malah‍ékat ñjabĕl ñawa, dadosé tigaŋ paṇṭa, kaŋ sapaṇṭa karyanipun, mbahuṛĕkṣa iŋ naraka.

35. añĕpĕŋ gada ṅajrihi, sapaṇṭanya malah‍ékat, mbasĕṅut piṅgir nrakané, satĕṅaḥ kaŋ malah‍ékat, ṇḍoḍok mĕṛĕṅut kéwala, nèŋ tĕpiniŋ nrakanipun, pituŋ puluḥ malah‍ékat.

36. rupinipun warṇi warṇi, malah‍ékat béda béda, aṅajrihi sadayané, sakaṭahiŋ malah‍ékat, aṅuñci lésanamba, tan wagĕt amba calaṭu, binuṅkĕm iŋ malah‍ékat.

37. kalamun amba iŋ ṅuni, upami tan binuṅkĕma, lésanamba sayĕktiné, nalika amba sakarat, sakiŋ saṅĕtiŋ lara, èstu miṛĕŋ sambatulun, iŋ laṅit kasapta pisan.

38. lawan malah‍ékat maliḥ, sadaya wahu pra samya, anutupi nétraniṅoŋ, malékat maliḥ ambanda, taṅan kaliḥ tan obaḥ, malékat pituŋ puluḥ, aṅgèrèt ḍatĕŋ kawula.

39. kadi tiyaŋ ṅgèrèt añjiŋ, sakaṭahé malah‍ékat, amba ginalaṇḍaŋ bah‍é, tinibakakĕn naraka, nabi ṅisa ṅandika, laḥ ta piyé rasanipun, sira anèŋ iŋ naraka.

40. laḥ ĕndi iṅkaŋ ṅèmpĕri, apa paḍa gĕni doña, sakala cinĕmpluṅaké, muṅgèŋ jĕroniŋ naraka, umatur paṭak jalma, saṛĕŋ amba wus kacĕmpluŋ, muṅkur malah‍ékat samya.

299. paṅkur

1. ḍuḥ nabi ṅisa roholaḥ, tatkalané amba nèŋ iŋ yomani, saṛĕŋ kawula kacĕmpluŋ, iŋ naraka kawula, lajĕŋ ical kulit dagiŋ lawan baluŋ, amuŋ kantun ĕroḥ amba, kawula ajĕrit jĕrit.

2. anuli amba iṅĕntas, winaṅsulkĕn ḍatĕŋ naraka maliḥ, roḥ amba dinĕgĕm asru, ḍatĕŋ iŋ malah‍ékat, waṅsul maraŋ ṅalamdoña awakulun, sampuniŋ amba sinikṣa, waṅsul mariŋ doña maliḥ.

3. nuli jasad iṅĕdusan, kinakapan lawan iŋ siñjaŋ putiḥ, anuntĕn amba pinikul, binĕkta mriŋ kuburan, wus sinèlèhakĕn wahu jroniŋ kubur, nuli amba iṅurugan, iŋ siti kantun gumlintiŋ.

4. kaŋ ṅiriŋ wus mantuk samya, apan amba kantun gumuliŋ siti, antukipun amba wĕruḥ, amba kantun piyambak, anèŋ kubur tanpa rowaŋ gumaluntuŋ, roḥ amba winaṅsuḷĕna, ḍumatĕŋ jasad ṅoŋ maliḥ.

5. sigra prapta malah‍ékat, pan kakaliḥ malékat kaŋ ṇḍatĕṅi, paṛĕŋ amba nuli luṅguḥ, sarta manis wacana, anulisa anak adam dipuṅupuḥ, kaŋ kadya panulisira, duk makṣiḥ anèŋ doñèki.

6. amalira tulisana, nalikané sira aṅgawé bĕcik, ana iŋ doña kaŋ tuhu, nuntĕn amba aṅucap, laḥ punapa kaŋ amba damĕl nunurun, kalam daluwaŋ tan gaḍaḥ, punapa kadamĕl maṅsi.

7. malékat saṛĕŋ aṅucap, kalamira sira gawé dariji, maṅsiné iku idumu, kĕrtasé taṅanira, dipuniṅgal manawa tumuli rawuḥ, malékat kaŋ kaduk sura, manawa bañjur ṅgĕbugi.

8. apa ta sira anaṅga, paṅgadané malékat kaŋ ṇḍatĕṅi, iṅkaŋ aran wanakirun, sunbataŋ datan kĕlar, mila éṅgal anuruta dèn agupuḥ, nalikané anèŋ doña, amalira iṅkaŋ bĕcik.

9. ḍuḥ gusti ñjĕŋ nabi ṅisa, saṛĕŋ musna nĕṅgiḥ malékat kaliḥ, tatkalané apitutur, ḍatĕŋ jasatkawula, nuntĕn prapta nĕṅgiḥ malah‍ékat kirun, nétranira kadi surya, dĕdĕgé suṇḍul wiyati.

10. laṅkuŋ cĕmĕŋ mukanira, malah‍ékat iṅkaŋ sami ṇḍatĕṅi, swaranya lir péndaḥ gluḍug, rémanya jaṭa gimbal, nétranira malorok andik kadulu, lambé kaliḥ tibèŋ jaja, kaŋ ṅiṅgil aṅgarut laṅit.

11. malékat kaliḥ aṅucap, iṅkaŋ nama kirun agya nakènni, satuṅgalnya wanakirun, aliṅgiḥ saṇḍiŋ amba, pan kawula kinèn ṅadĕg wanakirun, jaṅga amba dipuñcaṇḍak, nuli amba dèn gĕbugi.

12. kalawan gadané tosan, agĕṅipun gada sami lan ṛĕdi, saṛĕŋ kawula pinukul, mriŋ kaliḥ malékat, kanan kériŋ asaṛĕŋ pamukulipun, baluŋ kulit dagiŋ amba, wus sirṇa awor lan siti.

13. patakènnya asru ñĕntak, tiṅkahipun nĕṅgiḥ malékat kaliḥ, hèḥ ta sapa paṅéranmu, makatĕn paṅucapnya, sampun ical akalamba tan sumahur, sakiŋ jriḥ kawula dahat, milamba datan nahuri.

14. badanamba ḍaroḍogan, aṅgĕtĕri ṅoplok datan nahuri, anuli amba pinupuḥ, gadaniŋ malah‍ékat, sarta takèn tan liyan patakènipun, hèḥ hèḥ sapa paṅéranta, saryaṅgada guŋ tiniṅgil.

15. amba datan sagĕd jawab, botĕn pirṣa paṅéran maliḥ maliḥ, amuŋ brahalamba wahu, iṅkaŋ kawula sĕmbaḥ, saṅsaya sru kroḍaniŋ malékat kirun, tan kĕṇḍat paṅgadanira, kériŋ kanan aṅgĕbugi.

16. anuntĕn amba iṅuntal, ḍatĕŋ bhumi siti saṛĕŋ añjĕrit, sarya bhumi ṅucap asru, mĕlèhkĕn iŋ kawula, sira maṅan ṛĕjĕkinira hyaŋ aguŋ, kaŋ tuwuḥ siŋ gigiriṅwaŋ, milané sira suñcĕpit.

17. sakaṭahiŋ tatanĕman, iṅkaŋ sami tuwuḥ iŋ gigirmami, sawĕtuné uwohipun, sira iṅkaŋ amaṅan, nora ñjaluk brahalanta kayu watu, pagéné sira tan nĕmbaḥ, paṅéran kaŋ murbèŋ bhumi.

18. sira pan satruniŋ allaḥ, wĕkasané samĕṅko sira mati, katĕmu iŋ wĕtĕṅiṅsun, laḥ mara gé budiya, iṅsun cĕpit laḥ ñjaluka tuluŋ watu, iku iṅkaŋ sirasĕmbaḥ, brahala mĕṅko nèŋ ĕndi.

19. sakṣana anuli prapta, malah‍ékat wontĕn maliḥ ṇḍatĕṅi, sakalaṅkuŋ gĕŋ aluhur, sarta ambĕkta gada, malah‍ékat kakaliḥ duk praptanipun, tan wontĕn suwaranira, sru lajĕŋ sami ṅgĕbugi.

20. nuli wontĕn uṇḍaŋ uṇḍaŋ, ṅisor aras swara asru dumĕliŋ, kapyarṣa aṅuwuḥ uwuḥ, sèrèdĕn iŋ naraka, ya kaŋ sira gĕbugi dimèné ajur, baluŋ dagiŋ kulitira, tantara cinaṇḍak aglis.

21. malékat kaliḥ tumandaŋ, aṅrĕrèwèŋ ḍatĕŋ kawula yĕkti, saṛĕŋ prapta piṅgiripun, naraka kantar kantar, amba lajĕŋ jinuṅkirakĕn rumuhun, gya cinĕmpluṅkĕn naraka, baluŋ dagiŋ maroṭoli.

22. asru iŋ pañjĕritiṅwaŋ, iŋ karahos kadi kapiṛĕŋ laṅit, laṅkuŋ saṅĕt sakitipun, babaluŋ kulit sirṇa, muŋ pinaṅgiḥ rahosiŋ sakit kalaṅkuŋ, sanajan jasat wus sirṇa, myaŋ sinom amba bariṇḍil.

300. sinom

1. kawula matur iŋ tuwan, nabi ṅisa rohulahi, duk amba wontĕn naraka, pintĕn pintĕn warṣa gusti, lami mañjiŋ iŋ agni, iṅgiḥ jroniŋ gĕni murub, sakṣana dipunĕntas, ḍatĕŋ malékat kakaliḥ, nèŋ ṅaṇḍapiŋ aras uṅgyanipun ṅĕntas.

2. amba nèŋ ṅaṇḍapiŋ aras, kawula iṅgiḥ niṅali, ṅaṇḍapiŋ aras katiṅal, iŋ kurṣi kalaṅkuŋ adi, pinatik intĕn bhumi, miraḥ abaŋ wuṅu dadu, kurṣi cahya sakawan, tĕṅahiŋ aras satuṅgil, satuṅgilnya muṅgiŋ sakiwaniŋ aras.

3. iŋ ṅajĕŋ aras satuṅgal, iŋ wiṅkiŋ aras satuṅgil, kurṣi wahu laṅkuŋ jĕmbar, papah‍èsé warṇi warṇi, yèn tinon mbaḷĕṛĕṅi, tiŋ kaṛĕlip tiŋ palañcur, amba takèn malékat, sintĕn iṅkaŋ dèñcahosi, liṅgiḥ kurṣi sakawan apélag pélag.

4. sumahur kaŋ malah‍ékat, iṅkaŋ dèñcahosi kurṣi, papat iṅkaŋ éndaḥ éndaḥ, kaŋ sawiji nabi brahim, iṅkaŋ sijiné nĕṅgiḥ, nabi kakasiḥ hyaŋ aguŋ, aran nabi muhkamad, wĕkasanné para nabi, panutannya manuṅsa saṅalamdoña.

5. apadéné kaŋ sajuga, iṅkaŋ sinahosan kurṣi, nabi musa kalamolaḥ, putranya ṅémram linuwiḥ, kurṣi kalaṅkuŋ èdi, papah‍èsé abra murub, pinatik nawaṛĕtna, gĕbyar gĕbyar mbaḷĕṛĕṅi, jaṅkĕpipun kurṣi sakawan punika.

6. kawula taña kaŋ gaḍaḥ, ḍatĕŋ malah‍ékat gusti, jaṅkĕpé kurṣi sakawan, tiga wus wontĕn ṅgaḍahi, sĕkawanipun iṅgiḥ, punika giḥ takṣiḥ suwuŋ, dèrèŋ wontĕn kaŋ gaḍaḥ, amba nuntĕn taña maliḥ, malah‍ékat punika sintĕn darbéya.

7. jaṅkĕpé kurṣi sakawan, laḥ ta sintĕn darbé kurṣi, sahuripun malah‍ékat, iku iṅkaŋ dèn sahosi, nabi ṅisa iŋ béñjiŋ, punika sahosanipun, jaṅkĕp kurṣi sakawan, sampun wontĕn kaŋ darbèni, tan antawis kawula maliḥ binĕkta.

8. sinèrèt iŋ malah‍ékat, cinĕmpluŋ naraka maliḥ, binĕkta riŋ malah‍ékat, arṣa riŋ naraka maliḥ, juru naraka jakhim, kawula binĕkta ambyur, malékat jabaniyaḥ, amba gusti sru ñakari, rahi amba kwula cakari priyaṅga.

9. lan amba awas tumiṅal, jroniŋ naraka kah‍èkṣi, wontĕn tyaŋ sĕpuḥ satuṅgal, wontĕn jro naraka liṅgiḥ, mbasĕṅut nétra andik, kukus mĕdal iruṅipun, kinĕpuŋ malah‍ékat, jabaniyaḥ kanan kériŋ, gulunipun ḍinaḍuŋ iŋ malah‍ékat.

10. iŋ ranté wĕsi apañjaŋ, tiyaŋ sĕpuḥ dèn takèni, jiniṛĕt iŋ malah‍ékat, kanan kériŋ aniṅsĕti, iŋ gulu ranté wĕsi, nétranya andik mbasĕṅut, sru ṅucap malah‍ékat, laḥ payo budiya aglis, tan antara cinĕmpluṅakĕn naraka.

11. sinabĕtakĕn jro nraka, kaŋ ranté wĕsi niṅsĕti, iŋ gulunipun manuṅsa, iŋ kériŋ kanan niṅsĕti, pituŋ èwu astéki, ranté wĕsi pañjaṅipun, kaŋ kocap daliliŋ nas, sahumal yakin saluki, iya iku dosané iŋ woŋ duraka.

12. nora ṅimanaké allaḥ, maṅéran iŋ liyanèki, laḥ punika sikṣanira, ginèndèŋ gulunya iriŋ, malékat kaŋ ñĕkĕli, kanan kériŋ mbatĕk asru, sinabĕtkĕn jro naraka, kulit dagiŋ maroṭoli, sasampuniŋ ilaŋ kulit dagiṅira.

13. apan nuli binĕbĕdan, tiyaŋ sĕpuḥ wahu ugi, kaŋ ilaŋ kulit dagiŋnya, sinalinan sakèḥ kulit, pituŋ dasa kèhnèki, sasampuniŋ kulitipun, iŋ jro bĕbĕt punika, kĕbĕg saguŋ sawĕr mandi, lan kalabaŋ kalajĕṅkiŋ kĕbĕg gimbal.

14. sahupama ṅidènana, allaḥ iṅkaŋ maha sukci, yèn sawĕr wahu ṅuntalla, maṣṭi wus ṅuntal babar ji, iŋ sawĕr mblĕbĕtṇḍĕlik, tĕmahan ñokoti asru, kalajĕṅkiŋ klabaŋ, ugi sami añokoti, sasambaté jĕrat jĕrit sabĕn dina.

15. iṅgiḥ gusti nabi ṅisa, amba sumĕrap pribadi, tiyaŋ kaŋ wontĕn naraka, warṇa warṇa sikṣanèki, wontĕn sawĕr gĕŋ nĕṅgiḥ, amblĕbĕt awak sakojur, tansaḥ pinuḷĕt ṅula, sarta lambé cinakoti, myaŋ malékat tan kĕṇḍat ṅgadani siraḥ.

16. sarta amĕlèhkĕn ika, malah‍ékat sadayèki, riŋ malékat sami ṅgada, jaluka tuluŋ sirèki, kaŋ sira sĕmbaḥ ṅuni, nalika nèŋ doña iku, kayu watu kaŋ kosĕmbaḥ, iŋ sahiki ana ṅĕndi, laḥ jaluka salamĕt kaŋ sira sĕmbaḥ.

17. malah‍ékat sigra ñaṇḍak, iŋ ranté wĕsi tinarik, ranté pituṅpuluḥ hasta, kaŋ añjiṛĕt gulu iriŋ, sinabĕtakĕn aglis, jinuṅkirkĕn rahinipun, kulit dagiŋ maḷĕsat, malah‍ékat ṅucap wĕṅis, laḥ ta iki waḷĕsé woŋ kaŋ duraka.

18. yata wahu nabi ṅisa, miyarṣa aturirèki, paṭak ratu sam iŋ kuna, nalika wontĕn yumani, sakala kaṅjĕŋ nabi, ṅisa nuli naṅis asru, kagagas miyarṣa turṇya, paṭak agya matur aris, allaḥ gusti sampun paduka karuna.

19. dèrèŋ tĕlas aturamba, aḍuḥ gusti kaṅjĕŋ nabi, tiṅkahipun tyaŋ duraka, kaŋ wontĕn naraka gusti, ambyarṣa matur maliḥ, kagyat nabi ṅisa ṅruṅu, aturé punaŋ paṭak, kèndĕl taṅisé ñjĕŋ nabi, lir maṣkéntir aturé lamun kapyarṣa.

301. maskumambaŋ

1. aturipun risaŋ paṭak aṅĕnèni, ḍuḥ gusti rohulaḥ, iŋ pamirṣa amba maliḥ, warṇa warṇiniŋ naraka.

2. pituŋ paṅkat pyambak pyambak sikṣanèki, iṅgiḥ tuṇḍa sapta, paṅkatipun ṅaṇḍap ṅiṅgil, sapaṅkatnya lalampahan.

3. saṅaṅatus warṣa ṅaṇḍap lawan ṅiṅgil, paṅkat kaŋ kapisan, naraka jahanam nabi, paṅkat kaliḥ namanira.

4. nraka salkar tri nraka kusamaḥ nami, paṅkat piŋ sakawan, nraka saṅir namanèki, paṅkat gaṅsal nraka satar.

5. paṅkat piŋ nĕm nraka jakim namanèki, paṅkat kapiŋ sapta, nraka awiyaḥ muṅkasi, naraka jakim punika.

6. iṅkaŋ dipunacahosi mriŋ jakim gusti, saŋ pirṇgon iŋ kuna, lan sawadya balanèki, déné ta naraka satar.

7. sahosané sadaya titiyaŋ kapir, maṅgon nraka satar, wondéniŋ naraka saṅir, éblis iṅkaŋ cinawisan.

8. sawadyané ṅgènnira ṅirup ṅirupi, sakèhiŋ manuṅsa, kaajak mañjiŋ mriŋ saṅir, jalma kaŋ manut iŋ sétan.

9. mila éblis sru ṅgĕgoḍa mariŋ jalmi, iṅajak ginoñjak, umañjiŋ mariŋ yomani, kinarya ḍasar nèŋ ṅaṇḍap.

10. dé pyambaké punika wontĕn iŋ ṅiṅgil, jalma iṅkaŋ samya, korup paṅgoḍaniŋ éblis, maṅgon iŋ ṅaṇḍap priyaṅga.

11. pramilané iŋ ṅagĕsaŋ dipunéliŋ, dèn yitna waṣpada, ywa ṅantos pépéka maliḥ, sĕmbrana sayĕkti tiwas.

12. sampun ṅantos supé iṅkaŋ maha sukci, ḍuḥ gusti ñjĕŋ ṅisa, amba matur tuwan maliḥ, mĕṅgaḥ kusamaḥ naraka.

13. paṅgénanné sakèhiŋ kapir yahudi, sawadyabalanya, kusamaḥ sahosannèki, déné ta naraka lalta.

14. paṅgénanné iṅgiḥ kapir nasarani, latu mulat mulat, maṅkya nraka jahanammi, sahosan kaŋ darbé béñjaŋ.

15. umatipun ñjĕŋ nabi rasululahi, iṅgiḥ nabi duta, muhammad iṅkaŋ sinĕlir, umat kaŋ sami duraka.

16. iŋ paṅéran tan manut saréṅat nabi, jahanam uṅgyannya, ḍuḥ gusti ṅisa ñjĕŋ nabi, duk amba niyat naraka.

17. warṇi sapta kados kaŋ katur iŋ gusti, ñjĕŋ nabi ṅandika, paṭak pitutura maliḥ, kaŋ anèŋ yomani nraka.

18. kaṭaḥ warṇinira kaŋ sinikṣa gusti, mandaḥ uwas mulat, kaṇṭanya sah‍èstu naṅis, dé kaŋ sami nèŋ naraka.

19. sawarṇiniŋ dodosa nèŋ nraka sami, naṅis ṅaru ara, sabĕn nraka mbilah‍èni, tan sahos iŋ piṅgir tĕṅaḥ.

20. piṅgiripun tĕmbaga abrit kinardi, piṇḍa waṅwa muñcar, amurub kagiri giri, ulaté kanaŋ tĕmbaga.

21. iŋ ḷĕbĕt katimaḥ ajur kaŋ kinardi, minaṅka wédaŋnya, mĕmblĕg mĕmblĕg umobnèki, piṇḍa galuḍug swaranya.

22. pĕtĕŋ ḍĕḍĕt piṇḍa bĕgowoŋ hyaŋ rawi, bĕnduniŋ paṅéran, kanan kériŋ aṇḍatĕṅi, iŋ wiṅkiŋ ṅajĕṅan duka.

23. tan antara sawĕr agĕŋ aṇḍatĕṅi, kalaṅkuŋ gĕṅira, pañjaṅiŋ sawĕr ñjĕŋ nabi, lampahan saptèwu warṣa.

24. nétra piṇḍa hyaŋ rawi kĕmbar ṅèbĕki, galak nahut ṅakak, panĕmbur sakĕṭi riris, upasnya iṅkaŋ ḍumawaḥ.

25. iŋ manuṅsa muŋ satètès tanpa dadi, luluḥ nir kukuban, nĕṅgiḥ wontĕn jalma siki, dipunsikṣa nèŋ naraka.

26. winor lawan timaḥ ajur muṅgèŋ pĕṭi, jro pĕṭi dahana, jĕmbariŋ pĕṭi watawis, sèwu pandĕḷĕŋ tĕbiḥnya.

27. tan antara manuṅsa kaŋ kinèn mañjiŋ, jro pĕṭi dahana, déné kawula ñjĕŋ nabi, sinikṣa iŋ malah‍ékat.

28. tinuṅgilkĕn iŋ sétan salaminèki, dumèḥ sétan iṅkaŋ, ambĕbéḍuŋ amiwiti, tinuntun mariŋ makṣiyat.

29. iŋ nalika iŋ doña ulun umiriŋ, paṅgoḍaniŋ sétan, pramila sikṣamba gusti, tinuṅgilkĕn sétan lanat.

30. sawĕr agĕŋ tansaḥ muḷĕt añokoti, ṛĕbat ḍucuŋ lawan, kalabaŋ myaŋ kalajĕṅkiŋ, aṅrèp ṅĕntupi kawula.

31. jĕlèḥ jĕlèḥ tan kĕlar naṇḍaŋ iŋ sakit, myaŋ sruniŋ agila, ñjĕŋ nabi ṅisa taña ris, mariŋ paṭakiŋ naréndra.

32. nèŋ naraka piraŋ tahun laminèki, gusti lami amba, nèŋ jroniŋ naraka api, pituŋ dasa catur warṣa.

33. sadaṅuné ulun nèŋ nraka yomani, naṇḍaŋ sikṣaniŋ hyaŋ, maṅka sadintĕn iŋ akir, sèwu dintĕn ṅalamdoña.

34. sèwu ari iŋ akir doña saari, ulun kagawokan, samantĕn laminirèki, ṅgènulun anaṇḍaŋ sikṣa.

35. nahĕn kaṅjĕŋ nabi ṅisa duk miyarṣi, aturé kaŋ paṭak, ñjĕṭuŋ sĕmu waṣpa mijil, marawayan paṅarasan.

36. sru kagagas aturé paṭak ṅĕnani, tyas nabi karantan, paṭak nulya matur maliḥ, ḍuḥ gusti nabi roholaḥ.

37. ulun anèŋ nraka sasambat ndĕrwili, miḍaṅĕt suwara, sakiŋ araḥ amĕliṅi, kaŋ swara dumĕliŋ éndaḥ.

38. datan kéṅiŋ upamèkkĕn saminèki, ujariŋ kaŋ swara, malékat waṅsulna maliḥ, ĕrohé paṭak naréndra.

302. mĕgatruḥ

1. sru kayuṅyun paṭak amiyarṣa tutur, iŋ swara lamat dumĕliŋ, maṅkono pamyarṣanipun, sira paṭak nèŋ yamani, ujaré swara katoṅton.

2. kèḥ malékat pakĕnira dèn agupuḥ, rohiŋ paṭak nèŋ yomani, waṅsulna mriŋ paṭakipun, kaŋ anèŋ tĕpiniŋ margi, kaŋ wus nir dagiŋ maṇḍolos.

3. krana iku woŋ loma lila arta guŋ, sarta kèḥ siḍĕkahnèki, mriŋ woŋ pĕkir miṣkin amuŋ, sanadyan ta iku kapir, nĕmbaḥ mriŋ brahala yĕktos.

4. naṅiŋ akèḥ kabĕcikanirèŋ daṅu, siḍĕkahé sabĕn ari, pĕkir miṣkin sadayèku, sinuŋ saṇḍaŋ paṅan mintir, sadinané sèwu uwoŋ.

5. lawan aguŋ urmatira mriŋ tatamu, sadina dina kaŋ prapti, paréntahiŋ wadyanipun, sakèhiŋ tamu ywa koṅsi, kuraŋ sĕgahiŋ saŋ katoŋ.

6. lawan lila asiḍĕkaḥ dinar sèwu, tanpa kĕṇḍat sabĕn ari, antuk woŋ sèwu kaŋ sinuŋ, salawasé madĕg aji, maṅkono iṅkaŋ lalakon.

7. muŋ cacadé śri ṅĕsam iku woŋ kupur, nèŋ doña nora marṣudi, agama islam linuhuŋ, sigĕg swara kaŋ dumĕliŋ, kaŋ kapiṛĕŋ paṭak katoŋ.

8. kocap kaṅjĕŋ nabi iŋ sadaṅunipun, myarṣakkĕn aturirèki, paṭak duk miṛĕŋ swarèku, tamaté aturirèki, ñjĕŋ nabi maliḥ taña lon.

9. hèḥ ta paṭak iṅsun taña mriŋ sirèku, kahumé sapa iŋ ṅuni, paṭak matur kahum ulun, iŋ gusti ilyas ñjĕŋ nabi, hèḥ paṭak duk madĕg katoŋ.

10. anèŋ ṅĕsam amĕṅku nagara aguŋ, lawan sawadyanirèki, apa sasĕmbahanmu, kaŋ sira paṅéran yĕkti, paṭak matur manis alon.

11. iṅkaŋ ulun sĕmbaḥ iŋ salaminipun, lan sawadyabala mami, sapi guŋ pélag kalaṅkuŋ, nabi ṅisa daṅu maliḥ, mariŋ paṭak liṅira lon.

12. sapi uḷĕs apa kaŋ sinĕmbaḥ iku, śri paṭak turira aris, gusti uḷĕsipun ḷĕmbu, kaŋ amba aṅgĕp hyaŋ widdhi, lir mutyara abrit ñaroŋ.

13. suṅunipun iṅgiḥ mutyara linuhuŋ, taracak mutyara adi, gĕbyar gĕbyar yèn dinulu, gulunipun ḷĕmbu gusti, ulunpatik ṛĕtna kahot.

14. intĕn bhumi hèrwariḥ miwaḥ hèrlahut, sinawaŋ muñcar nĕlahi, lir sagĕd molaḥ kaŋ ḷĕmbu, mĕṅgaḥ sirahipun sapi, akik jĕnar mubyar ñaroŋ.

15. nétra kaliḥ kumala siraḥ linaṅkuŋ, sajĕbug agĕṅirèki, malérok andik dinulu, maṅsuli suṅunya sami, narañcaŋ pinulas kahot.

16. wontĕn abrit pĕṭak jĕnar asri muṅguḥ, mas slaka suwasa adi, kaŋ kinarya suku ḷĕmbu, dĕdĕg purusa gĕŋ iṅgil, sasampuniŋ ḷĕmbu dados.

17. amba sawaŋ sawaŋ warṇinira bagus, éndaḥ adiniŋ kaŋ sapi, patikbra ṅlocitèŋ kalbu, cacaté sĕmbahanmami, tĕka tan bisa calaṭon.

18. yèn bisa a ṅucap lir gĕsaŋ puniku, iṅsun paṅéran sayĕkti, tan antara sétan kaṭuŋ, mañjiŋ jro garbaniŋ sapi, ñwara mĕdal lésan alon.

19. paṅucapnya ĕṅaḥ ĕṅaḥ glĕndĕm arum, saṛĕŋ ḷĕmbu sagĕd aṅliŋ, amba myaŋ sawadyahulun, manĕmbaḥ sujud iŋ sapi, maṅéran iŋ lahir batos.

20. nabi ṅisa paṅandikanira arum, hèḥ ta paṭak sahupami, iṅsun nunuwun hyaŋ aguŋ, lamun kapaṛĕŋ iŋ widdhi, kabul iŋ pandoṅaniṅoŋ.

21. iṅsun ñuwun umurmu bisané waṅsul, urip bali mriŋ doñèki, apa sira isiḥ kupur, nĕmbaḥ mriŋ brahala maniŋ, sapi kohèṣṭa hyaŋ manon.

22. paṭak ratu taṅgap manis aturipun, ḍuḥ gusti ñjĕŋ roholahi, amba kapok tobat èstu, pami waṅsul doña maliḥ, botĕn pisan amba kupor.

23. nabi ṅisa paṅandikanipun arum, hèḥ ta paṭak muŋ ywa kibir, mĕṣṭèkkĕn duruŋ kinaruḥ, manawa na sihiŋ widdhi, allaḥ kaŋ muraḥ siḥ yĕktos.

24. iṅsun wĕlas tumiṅal maraŋ sirèku, ṅonnira uwis ṅalami, kacĕmpluŋ iŋ naraka guŋ, piraŋ nraka kok lakoni, sikṣa kuwasèŋ hyaŋ manon.

25. lamun ana papasihané allahu, sira bisa urip lami, apa manuta mariŋ sun, nurut iŋ paréntahmami, apa bali kupur koṭor.

26. paṭak ṅasiḥ asiḥ manis aturipun, ḍuḥ gusti tobat wakmami, sok ugi gĕsaŋ katèṅsun, miturut iŋ rèḥ ñjĕŋ nabi, aṅèstokkĕn lahir batos.

27. nabi ṅisa siḥ wĕlasira lumuntur, paṅandikanira aris, sanadyan sira woŋ kupur, nĕmbaḥ mriŋ brahala sapi, naṅiŋ kèḥ amalmu yĕktos.

28. asiḍĕkaḥ kalawan éklasiŋ kalbu, laḥ paran kaṛĕpirèki, lan tékatmu kaŋ sah‍èstu, iṅsun arṣa amiyarṣi, awit sirèku wis wĕroḥ.

29. iŋ sakèhé naraka kaananipun, paṭak aturira aris, ḍuḥ ḍuḥ ñjĕŋ nabi linuhuŋ, amba nunuwun iŋ gusti, siḥ marma awlas mariŋ ṅoŋ.

30. apariṅa pituluŋ mriŋ jasatulun, sinuwunakĕn iŋ widdhi, sagĕd gĕsaŋ maliḥ ulun, lantaran sakiŋ ñjĕŋ nabi, amba nut agami kahot.

31. aṅibadaḥ iŋ allaḥ kaŋ maha luhur, sok ugiya gĕsaŋ maliḥ, waṅsul mriŋ ṅalam doñèku, sĕdya muhuŋ bĕkti widdhi, amba sampun tobat kapok.

32. sinikṣa riŋ malah‍ékat laṅkuŋ kawus, èstu miturut ñjĕŋ nabi, myaŋ mantĕp éklasiŋ kalbu, nadyan kinon aṅlampahi, ṅibadaḥ bĕkti hyaŋ manon.

33. aṅlaṅkuṅi sakèhé makluk sadarum, umatipun kaṅjĕŋ nabi, tuwin nabi sadayèku, tan kadi umatirèki, ñjĕŋ nabi rasul kinahot.

34. nabi ṅisa mèsĕm aṅandika arum, iŋ samĕṅko duruŋ lahir, nabi muhkamad linuhuŋ, mbéñjiŋ iŋ sapuṅkur mami, jumĕnĕŋ nabi wus pantog.

35. kakasihé hyaŋ jaṅkĕp nĕm saréṅatun, sanadyan jiwèṅoŋ iki, baṅĕt ṅgonniṅsun kayuṅyun, dadya umat kaŋ sinĕlir, nabi kakasiḥ kinahot.

36. paṭak matur kintĕn kintĕn lahiripun, mukhamad béñjiŋ punapi, nabi ṅisa wacana rum, muŋ allaḥ kaŋ ṅudanèni, paṭak matur maliḥ alon.

37. aḍuḥ kaṅjĕŋ nabi ṅisa rohulahu, sru saṅĕt panuwunmami, tumuntĕniŋ aṅga ulun, gĕsaŋ anèŋ doña maliḥ, mbok biliḥ sĕlak binopoŋ.

38. iŋ malékat binĕkta mriŋ naraka pyu, sumaṅga gusti dèn aglis, sadaṅuné amba matur, manaḥ maṅguŋ kĕtir kĕtir, pamucuṅé kaŋ katoṅton.

303. pocuŋ

1. nabi ṅisa sru wĕlas duk myarṣa atur, paṭak laṅkuŋ tobat, rubĕt pakéwuḥ iŋ pati, sinaṅsaya kinĕḷĕm anèŋ naraka.

2. wusiŋ matur pundiraṅan mili kaŋ luḥ, gusti èstu tobat, tan nĕmbaḥ brahala maliḥ, sru kaduwuŋ ṅĕmuŋna kaŋ wus kalakyan.

3. amba sĕṅguḥ tiyaŋ aṅlampahi kupur, maṅgiḥ karaharjan, wasana kaananèki, duk nèŋ kubur kéwala wus maṅgiḥ sikṣa.

4. nèŋ akérat ginada malékat ulun, aṅga aṅgaḷĕpaŋ, sinuwir jinuwiŋ juwiŋ, tanpa mĕṇḍa rahintĕn dalu sinikṣa.

5. ḍuḥ ḍuḥ aḍuḥ gusti nabi roḥ allohu, amba asru dahat, ñuwun lumunturiŋ kaŋ siḥ, ginĕsaŋna waṅsul mariŋ ṅalam doña.

6. prasĕtyamba yèn wus gĕsaŋ lir duk wahu, dĕmi allaḥ akbar, saḍawuḥ daḷĕm ñjĕŋ nabi, aṅlampahi rahintĕn dalu ṅibadaḥ.

7. amumuji ṅluhurkĕn asma hyaŋ aguŋ, jañji amba gĕsaŋ, nèŋ doña praptaniŋ lalis, datan nĕdya nalisir agami mulya.

8. kaṅjĕŋ nabi lumunturiŋ wĕlasipun, mriŋ paṭak naréndra, tandya ṅambil toyastuti, salat kaliḥ ṛĕkaṅat sawusnya salam.

9. nulya sujud andodoṅa hyaŋ mahaguŋ, ya ilahi amba, sayidi ya wa lahi, ya marid ya samat kaŋ rapal maknanya.

10. é, paṅéran kaŋ aguŋ amba nunuwun, tuwan aṅgĕsaŋna, paṭak gumluntuŋ kaswasiḥ, kaŋ maṇḍilis sirṇa kulit dagiṅira.

11. myaŋ sagĕda waṅsul maliḥ mriŋ doñèku, sru kapéṅin iman, tan antara nabi myarṣi, swara ṅuwuḥ sakiŋ araḥ prĕnahira.

12. sabda gahib dumĕliŋ pamyarṣanipun, é, nabi minulya, ṅisa èstu roholahi, nuli konĕn ṅadĕg si paṭak dèn éṅgal.

13. iṅsun iṅkaŋ ḍawuḥ ṅidèni karṣamu, iŋ panuwunira, iṅsun tartamtu ñjuruṅi, pañuwuné si paṭak añuwun gĕsaŋ.

14. awit akèḥ sidĕkahé duk iŋ daṅu, asiḥ iŋ sasama, pĕkir miṣkin anak yatin, lilèŋ doña tan rumaṅsa darbènana.

15. darma gaḍuḥ kasèrènan barana guŋ, nora ṅrasa gaḍaḥ, kabèḥ kaguṅané widdhi, nabi ṅisa tatéla pamyarṣanira.

16. ri sakṣana nabi ṅisa roholahu, mijil siti maryam, paṭak dèn aḍĕp liniliŋ, sarwi ṅuwuḥ uwuḥ mriŋ paṭak naréndra.

17. éliŋ éliŋ paṭak kaŋ ilaŋ kulitmu, myaŋ dagiŋmu sirṇa, gya ṅadĕga awit sakiŋ, kuwasanné allaḥ kaŋ karṣa pribadya.

18. laḥ taṅiya paṭak tan antara daṅu, gĕsaŋ paripurṇa, warṇa bagus kadi ṅuni, gurawalan sujud anuṅkĕmi pada.

19. sarta ṅucap kalimat sahadat luhuŋ, karuna mlasarṣa, prasĕtya mawanti wanti, amba gusti dĕmi mbotĕn pisan pisan.

20. ñakuṭokkĕn paṅéran kaŋ maha luhur, kawus wus kawawas, yèn kadosa ṅuni ṅuni, tinikĕlna sikṣa kubur iŋ akérat.

21. nabi ṅisa mèsĕm aṅandika arum, papacuḥ manira, ywa pisan pisan sirèki, adarbéya pañana lamun manira.

22. bisa ṅuripakĕn uwoŋ kaŋ wus lampus, satuhu muŋ darma, atas karṣané hyaŋ widdhi, aṅuripkĕn iŋ sakaṭaḥnya kaŋ pĕjaḥ.

23. amatèni makhkluk kaŋ urip sadarum, naṅiŋ wĕkasiṅwaŋ, ywa pépéka dèn ah‍éliŋ, iŋ wĕkasan sira wus ṅicipi sikṣa.

24. ywa katuṅkul kaŋ bĕnĕr tékadirèku, nĕtĕpi ywa pisan, ñakuṭokkĕn iŋ hyaŋ widdhi, paṭak nĕmbaḥ nĕmbaḥ umatur sandika.

25. nuwun gusti ñjĕŋ nabi panutanulun, nadyan nir pacuhan, amba datan supé yĕkti, miris maras katoṅton urubiŋ nraka.

26. ṅalad dalat ñalat saṅĕt bĕntèripun, miwaḥ malah‍ékat, patiŋ baṛĕkis ṅajrihi, pinipit iŋ bhumi kasapta sarosa.

27. ulun matur gusti iŋ sayĕktosipun, swarga myaŋ naraka, taraju uwot mustakim, patakènniŋ malékat duk nèŋ kuburan.

28. miwaḥ dipuṅada karun wa nakirun, sadayèku ĕkak, mila amba iŋ samaṅkin, sakalaṅkuŋ nalaṅsa pasihiŋ sukṣma.

29. nabi ṅisa atusiŋ miyarṣa atur, aris aṅandika, laḥ wis kariya basuki, iṅsun ayun nutugakĕn lakuniṅwaŋ.

30. paṭak ṅrahup pada anuṅkĕmi suku, karuna mlasarṣa, amba tumuntur iŋ gusti, iŋ saparan pĕjaḥ gĕsaŋ aywa pisaḥ.

31. kaṅjĕŋ nabi paṅandikanira arum, baṅĕt panrimèṅwaŋ, naṅiŋ tan susaḥ tutwuri, tandya musna śri paṭak kantun aṅgana.

32. nĕŋna kaŋ wus musna kalaratullahu, śri ṅĕsam winarṇa, méntar jujur turut wukir, asiṅidan pèrèŋ paraŋ tan kah‍étaŋ.

33. kaŋ karasèŋ kalbu muŋ allaḥ ṅalimun, datan ana liyan, kal doña kabèḥ siniṅkir, asru maṭĕm sumuṅkĕm kaŋ sipat rahman.

34. paṭak prabhu pratiṣṭa iŋ juraŋ siruŋ, sasĕlaniŋ arga, siṅup rumpil siṅit wiṅit, laṅkuŋ wiraŋ pinaṅgiḥ saminiŋ jalma.

35. atmajéndra myaŋ wayaḥ tan pinah‍èlu, wadyaji wandawa, sadaya tan praptèŋ ati, kaŋ kah‍èṣṭi trusiŋ tyas muŋ pamĕjaŋnya.

36. kaṅjĕŋ nabi ṅisa kawimbuhan kawus, duk kataman sikṣa, giris malékat kalaniŋ, ñjiṛĕt gulu katoṅton awéla wéla.

37. umobiŋ kaŋ timaḥ anèŋ gĕni murub, puniku kawaṅwaŋ, pramila paṭak samaṅkin, rintĕn dalu datansaḥ salat sĕmbahyaŋ.

38. datan pĕgat ṅluhurkĕn asma hyaŋ aguŋ, asujud sadina, sadina sujud salat i, lan arukuk saari rukuk kéwala.

39. gya asujud ihtidal sadina muput, kalamun wus bakda, tandya awit salat maniŋ, pan maṅkana lakuné sadina dina.

40. pan cinatur anèŋ doña gĕsaṅipun, woluṅatus warṣa, tan pĕgat dèn nya ṅabĕkti, ḍikir suhul nir towoŋ sakĕḍèp nétra.

41. bukti néndra muŋ kinarya saranèku, wus kasĕṅsĕm salat, jaṅkĕpé aṣṭa tus warṣi, naṇḍaŋ roga tumĕkèŋ iŋ wapatira.

42. gumaluntuŋ kawaṅwaŋ paṅgénanipun, nèŋ sawarga mulya, kĕkĕl nora owaḥ giṅsir, rapalipun iŋ tĕmbuŋ arab winarṇa.

43. pan walluhu yasṅahu wa ṅayasahu, wa yakkumu lawan, sahuri tĕgĕsirèki, allaḥ iṅkaŋ akarya isiniŋ jagad.

44. iŋ sakarṣa pribadi nora sakuṭu, baraŋ kaŋ kinarṣan, wisésa hyaŋ maha sukci, titi tamat carita paṭak naréndra.

45. srat tinutup ki wisma wacana arum, sah‍èstu sakéca, sĕkar lalagon praja di, saṛĕŋ wiḷĕt botĕn ṅowahkĕn sarasa.

46. kadi paran iŋ maṅké rahosiŋ kalbu, kaŋ sampun kawĕḍar, wontĕn iŋ kitab tamahi, laḥ punika muhuŋ kinarya piridan.

47. mas cĕbolaŋ tumuṅkul karasèŋ kalbu, alon aturira, ulun sumaṅgèŋ kiyayi, saparéntaḥ dasihé datan ḷĕṅgana.

48. kyayi maṇṭuk makatĕn kawula bagus, jĕṅandika méntar, mar mriŋ sukuniŋ ardi wilis, iŋ majĕnaŋ asramèŋ ĕsèḥ matyasta.

49. duk iŋ daṅu ulun lami wontĕn ṅriku, ki sèḥ laṅkuŋ paham, sakriḍané kaŋ dumadi, tan asamar iṅkaŋ baḍé linampahan.

50. tĕmbé lamun sagĕd pinaṅgiḥ sèḥ luhuŋ, bagus ywa pépéka, satuduḥ kĕdaḥ ṅlampahi, èstu lamun maṅgiḥ maduniŋ agĕsaŋ.

24. iŋ majĕnaŋ kapaṅgiḥ sèḥ matyasta ; aṅsal wĕjaṅan bab pikukuhiŋ islam lan sanès sanèsipun.

mas cĕbolaŋ dalaḥ para santrinipun sami maṅkat sakiŋ sĕlahuŋ kaṇṭi nilapakĕn para warok. éwadéné mĕkṣa wontĕn iṅkaŋ nusul, baḍé tumut iŋ salampahipun. dilalaḥ pambĕŋ jawab lésus sadaya sami biluluṅan, wasana sagĕd pisaḥ. mas cĕbolaŋ ṅlajĕṅakĕn lampaḥ ḍatĕŋ asrama majĕnaŋ iŋ ṛĕdi wilis, sowan sèḥ matyasta.

304. ḍaṇḍaŋgula

1. mas cĕbolaŋ duk miyarṣa warti, niŋ sèḥ adi asramèŋ majĕnaŋ, ḷĕṅlĕŋ kataman wiragé, nir cipta ṭuyul jĕruk, kaŋ kah‍èṣṭi muhuŋ sèḥ adi, alon iŋ aturira, ḍuḥ saŋ pinisĕpuḥ, mugi ywa kiraŋ akṣama, béñjiŋ éñjiŋ sabakdanira subĕki, ulun myaŋ catur réñcaŋ.

2. laju mariŋ majĕnaŋ ṅulari, sèḥ matyasta iṅkaŋ wus kacĕṭa, nur subadya lon dĕliṅé, puniku laṅkuŋ ḍahup, botĕn sakiŋ tan ṛĕnèŋ ati, kaṅgénan kaampiran, paduka nak bagus, tulusa kaŋ tyas sutrĕṣṇa, naṅiŋ botĕn sagĕd suŋ timbaṅaniŋ siḥ, wontĕn namuŋ pitĕdaḥ.

3. ñahi wisma mĕdal sakiŋ panti, aṅladoṣkĕn sĕkul parasulan, samĕkta sararaṅkéné, subadya liṅira rum, kabĕnĕran sira pribadi, baliya maraŋ wisma, iŋ saananipun, arta tanapi kaŋ siñjaŋ, lawan baraŋ olèhé aṅgonné ṅibiŋ, anakmu mas cĕbolaŋ.

4. sésuk ésuk bakdané subĕki, arṣa laju nutugaké sĕdya, sun tuduḥ amĕrlokaké, kampir majĕnaŋ iku, kapaṅgiya lan sèḥ matyasta, ñi wisma lon liṅira, kula ṅgèr jumuruŋ, pitĕdahé ramandika, éwadéné biliḥ kapaṛĕŋ nèŋ ṅriki, pun ĕmbok suka biṅaḥ.

5. rèhniŋ kyayi botĕn asisiwi, lamun ramandika tĕkèŋ léna, nak bagus dados gĕntosé, mĕṅkoni nèŋ salahuŋ, mas cĕbolaŋ liṅira aris, ḍuḥ bibi pasihanta, saklaṅkuŋ anuhun, botĕn wontĕn pakèwĕtnya, naṅiŋ maṅké kula kĕdaḥ aṅlampahi, pitĕdahé rakanta.

6. iṅgiḥ aṅgèr kula añjuruṅi, botĕn laṅkuŋ iŋ pamuji kula, dinugèkna sakarṣané, rinĕkṣa iŋ hyaŋ aguŋ, iṅapura sadosanèki, tinĕbiḥna iŋ bahya, pandamĕl kaŋ luput, muhuŋ èṅĕt kaṇṭinira, mas cĕbolaŋ tumuṅkul nuwun turṇèki, ñi wisma maliḥ nabda.

7. sarta miwaḥ baraŋ sasaminiŋ, kaŋ tumitip nèŋ ulun punika, kabĕkta a sadayané, cĕbolaŋ mèsĕm matur, kaṭaḥ kaṭaḥ kaṅgé punapi, tiwas adadya bĕktan, ulun mĕṇḍĕt namuŋ, sacĕkapipun kéwala, sakantuné kula aturakĕn ñahi, sumaṅga iŋ sakarṣa.

8. nurwitri ṅliŋ prayogi lumaris, pajar gidib supadya ywa wikan, warog jaṭil myaŋ sanèsé, ki subadya panuju, gya nurwitri mriŋ poṇḍoknèki, saloka kartipala, palakarti sampun, samĕkta alon alonan, mriŋ paṇḍapa datan ana kaŋ udani, wus nuṅgil mas cĕbolaŋ.

9. rasulan gya dinoṅan basuki, paragaté doṅa saṛĕŋ naḍaḥ, dumugi cinarikaké, pajar gidib awallu, mas cĕbolaŋ saréñcaṅnèki, sami asasalaman, miwaḥ réñcaŋ catur, dyan winĕliŋ marganira, ṅalor ṅétan tandya biḍal sadayèki, manapak patalunan.

10. ĕmprit gantil munya kawlasasiḥ, piṇḍanira ñaṇḍĕt kaŋ lalana, kolik tuhu nĕmĕnaké, bĕluk acĕluk cĕluk, mariŋ rowaŋ kacĕr sriguntiŋ, sikatan cocak ṭilaŋ, jalakurèn pĕñu, kalamun bisa a ṅucap, payo kañca ṅurmati swara kaŋ ñariŋ, supaya kaŋ uméntar.

11. iṅgariŋ tyas kaŋ samya lumaris, kaŋ sinuŋ liŋ rahab samya munya, sata aṅgantĕr kluruké, garèŋ ṅèrèŋ animbruŋ, kiñjĕŋ taṅis ṅiyĕŋ ṅayĕṅi, lir koñcatan katrĕṣṇan, mĕrak munya ṅuṅkuŋ, biḍo darès alap alap, saṇḍaṅlawé jakawuru bèṭèt sliṇḍit, blĕgdupuk grindan ĕṅkak.

12. ambiyantu munya cĕrik cĕrik, ĕṅkuk kutut dĕrkuku sĕpahan, dupi myarṣa maṅguŋ agé, suwara ṛĕbut bĕsus, lantas antar cĕṭa dumĕliŋ, mèḥ rahina sĕmu baŋ, buyar iṅkaŋ manuk, wurahan andon wohwohan, myaŋ mriŋ tĕgal pĕkṣi kaŋ kulinèŋ wariḥ, mriŋ tlaga jajĕnĕkan.

13. sigĕg paran uṅĕliŋ kaŋ pĕkṣi, wus rahina warog jajaṭilan, woŋ sĕlahuŋ sadayané, amiyarṣa kalamun, mas cĕbolaŋ saréñcaṅnèki, wahu ratri wus liṅgar, sakiŋ iŋ sĕlahuŋ, jalu èstri baluluṅan, sami nusul ṅétan ṅidul ṅalèr sami, lampaḥnya gagañcaṅan.

14. kaŋ kapaṅgya sukané aṅĕntiŋ, giyak giyak mĕṇḍak mĕṇḍak liŋnya, ḍumatĕŋ pundi kĕmasé, dé tĕka nora ḍawuḥ, mriŋ dasihé paran wakmami, kaŋ dados kaḷĕpatan, binĕndon wakiṅsun, wotiŋ tyas mugi waṅsula, mriŋ salahuŋ adaḷĕma wismamami, bhuṣaṇa bhoga arta.

15. ulun iṅkaŋ marṇèkkĕn utawi, rintĕn dalu jagi kasugĕṅan, tĕbiha iŋ saṅsayané, cĕbolaŋ liṅira rum, iya baṅĕt panrimamami, tĕmbé sawaṅsuliṅwaŋ, ṅlĕgani kaṛĕpmu, samĕṅko paḍa waṅsula, nora lawas yĕkti iṅsun bali maliḥ, labĕt kabyatan trĕṣṇa.

16. yèn makatĕn karṣanta woŋ ḍaṇḍiŋ, ulun miwaḥ sakarṣa sadaya, tumuntur iŋ saparané, tan ana sĕdya mantuk, lamun datan saṛĕŋ woŋ mjlaṇṭir, cĕbolaŋ guŋ kèmĕṅan, locitaniŋ kalbu, paran lamun ndaktulaka, iŋ kaṛĕpé milulu saka trĕṣṇa siḥ, upama ḷĕstaria.

17. paḍa mèlu woŋ samono iki, gawé ribĕt amumuruŋ sĕdya, anaṅiŋ ta kaya priyé, lamun wus karṣanipun, iṅkaŋ murba iŋ sahir kabir, iya kinapakĕna, wasana liŋnya rum, jalu èstri mitraniṅwaŋ, kaŋ sutrĕṣṇa mariṅwaŋ woŋ kawlasasiḥ, tumuntur iŋ saparan.

18. sru sukèŋ tyas kaŋ samya sinuŋ liŋ, ḍuḥ kĕmasé sampun susaḥ susaḥ, bab naḍahé sadaṅuné, tuwin arjaniŋ laku, ulun iṅkaŋ aṅuwawèni, sarwi agiyak giyak, lajĕŋ lampahipun, karṣaniŋ hyaŋ maha nasa, dèn nya sami mahawan kasasar mariŋ, wana grĕŋ wĕrit priṅga.

19. swara umyuŋ rèḥ kagiri giri, wrĕkṣa aguŋ sumiyut lir ṛĕbaḥ, kumĕrot sĕmpal ĕpaṅé, prĕbataŋ malaŋ méguŋ, pĕḍut ṇḍĕḍĕt amawa tistis, iŋ akasa limĕṅan, mĕṇḍuŋ aṅĕṇḍanu, jawaḥ drĕs ṭaṭit liwĕran, mas cĕbolaŋ tan pisaḥ lan réñcaṅnèki, laju maṅalèr ṅétan.

20. warog jaṭil saréñcaŋnya sami, biluluṅan asrĕpé kalintaŋ, naṛĕṭĕg sirṇa kiyaté, tan uniŋ kaŋ dèn ĕnut, ṅidul ṅilèn lampaḥnya prapti, karaṅtalun tĕgalan, iŋ ḍusun sĕlahuŋ, byar anon hyaŋ bagaṣkara, liṅsir kilèn sadaya samya ṅuṅun ṅliŋ, ya allaḥ ṅudubilaḥ.

21. nora ndipé yèn tumĕkèŋ tĕgil, sukur nora binaḍog ampuhan, puluḥ puluḥ wus bĕgjané, tan linilan tutpuṅkur, tĕtĕp kinèn muhuŋ ṅĕntèni, ujaré ora lawas, jlamproŋ nuli waṅsul, iya iŋ tĕmbé kéwala, lamun waṅsul tèrèŋ ḍĕmpĕl uḷĕr jisim, ywa ṅanti bisa miṅgat.

22. sowaŋ sowaŋ mantuk mariŋ panti, sigĕg slahuŋ kaŋ naṇḍaŋ kacuwan, nahan cĕbolaŋ lampahé, piṇḍa kabuñcaŋ lésus, sumèlèḥ iŋ tĕpiniŋ tĕgil, iŋ wañci wĕktu ṅasar, klantiḥ naḍaḥ ṅinum, palakarti kartipala, ki saloka ṅalèlèḥ ṅisoriŋ janti, nurwitri mas cĕbolaŋ.

23. ṛĕṛĕmbagan paran kakaŋ iki, bocaḥ katri tan na kĕlar glawat, kakaŋ kariya iŋ kéné, ulun kaŋ maraŋ ḍusun, papariman uruban bukti, miwaḥ mèt toya sĕṇḍaŋ, kinarya aṅinum, nurwitri ririḥ liṅira, dipunsabar laḥ punika wontĕn kèkṣi, jalma èstri mbabĕkta.

24. miyĕk miyĕk gég‍éṇḍoŋ añaṅkiŋ, wusnya paṛĕg ñi wadon abérag, tuṇḍuk atatanya rèrèḥ, kĕtĕmbèn iṅoŋ dulu, papatuté pun anak tĕbiḥ, réñcaṅé sru katoran, cĕbolaŋ liŋnya rum, iṅgiḥ mbokné kasiṅgihan, ulun sakiŋ iŋ mantawis baḍé mariŋ, asramèŋ iŋ majĕnaŋ.

25. sowan mariŋ sèḥ matyasta siddhi, duk nèŋ wana kataman babaya, tan uniŋ praptaniŋ ṅaré, réñcaŋ tri nir iŋ bayu, maṇṭuk maṇṭuk ñi wadon sarwi, ṅuculi bubuṇḍĕlan, nigan ñamuk ñamuk, lambé jinèwèr wus abaŋ, susur anèŋ taṅan kiwa aṅĕcuwis, bagusé kaḷĕṛĕsan.

26. ṅriki niki ran iŋ ardi wilis, iŋ majĕnaŋ laḥ nika katiṅal, éñoŋ puniki réñcaṅé, sèḥ matyasta linuhuŋ, dèrèŋ lami tyaŋ jaḷĕr lalis, dadya iṅoŋ wulañjar, karanné mbok mawur, iṅoŋ baḍé asuŋ tĕḍa, mriŋ kaŋ sami nanĕm bhoga caṇṭèl gagi, pariṅé sèḥ matyasta.

27. réñcaṅndika niku rak kĕlantiḥ, dawĕg niki sĕkul gaṅsal pĕnak, lawan sakĕṇḍi toyané, ndika tĕḍakkĕn gupuḥ, laḥ kantunna ṅantos nèŋ ṅriki, yèn ĕmpun mandum tĕḍa, éñoŋ nuntĕn waṅsul, sĕḍĕŋ niku ĕmpun kuwat, éñoŋ iṅkaŋ ṅlarapakĕn matur kyayi, anaṅiŋ sumĕṛĕpa.

28. caranipun lamun sowan kyayi, kĕdaḥ éñjaŋ lajĕŋ pinaṅgiyan, maṅké dalu prayoginé, sipĕŋ nèŋ suḍuṅulun, mas cĕbolaŋ mèsĕm ñagahi, sĕkulé wus tinampan, ñahi mawur laju, sarampuṅé mandum tĕḍa, waṅsul maraŋ paṅgonanné kaŋ kalantiḥ, wus waluya sadaya.

29. wawi sampun kadaṅon nèŋ ṅriki, lumakṣana ñi lañjar nèŋ ṅarṣa, ñampé sléṇḍaŋ lambéhané, nolaḥ nolèḥ mriŋ puṅkur, praptèŋ wisma tamunya ṅanti, anèŋ ñjawiniŋ ḍaḍaḥ, ñahi mawur gupuḥ, jaga satru ginĕlaran, sĕṇṭoŋ kanan sĕṇṭoŋ kériŋ binaṛĕsiḥ, dinupan sinĕkaran.

30. araratĕŋ nèŋ taṅga sawusiŋ, amiranti tinata nèŋ wisma, ñamikan wédaŋ ron cĕṅkèḥ, liwĕt ayam dĕmuku, sambĕl gorèŋ ṛĕmpĕla ati, karupuk kulit ayam, winaḍahan bumbuŋ, ñahi mawur salin siñjaŋ, tuwuhwatu kĕmbĕn baṭik oraŋ ariŋ, poñcot nèŋ woṅa woṅa.

31. klambi sampir lurik kĕmbaŋ blimbiŋ, bĕnik taṅan saṅa nisiḥ ĕmas, jiṅga loka raṅkĕpané, pupur ñjalirit baṭuk, gĕluŋ goṇḍèl sinuṅan sari, toṅkèŋ argulo mawar, nĕŋna lañjar mawur, cĕbolaŋ saréñcaṅira, kaŋ aṅanti anèŋ sajawiniŋ kikis, cacĕṅkluṅan maṅantya.

32. cĕbolaŋ ṅliŋ èḥ kakaŋ nurwitri, iki priyé tĕka nora prapta, mbok lañjar kaŋ gondrèŋ gondrèŋ, nurwitri mèsĕm muwus, mbokmĕnawi sawĕg ṅrarakit, suṅgata myaŋ sarira, radi mambĕt kalbu, saloka maṅayubagya, rèḥ paduka nami kapotaṅan yĕkti, ṅgé ñahur boya nana.

33. kintĕn ulun ñahi lañjar makṣiḥ, radi majĕŋ ḍatĕŋ mamaḥ mamaḥ, katawis tanduk liriṅé, kuciwané sadumuk, sampun radi luṅsé iŋ wañci, anaṅiŋ takṣiḥ bĕrgas, manis ṅuṇḍuŋ uṇḍuŋ, badan ṅlĕṇṭaŋ sawatara, miṇḍak alus paraŋ jaja gĕmuḥ ñĕṅkir, atut lamun sinĕṅka.

34. biliḥ klèjĕmipun anoŋ aniŋ, lamun sisĕmbadan sampun ĕsaḥ, potaṅé mbok lañjar bĕrèt, mas cĕbolaŋ aṅguguk, apa manèḥ iṅkaŋ pinikir, kajaba asraḥ badan, ki nurwitri ḍahup, ya lañjara ya tuwa a, ana apa woŋ anané amuŋ kuwi, waḥ tĕtĕp kapotaṅan.

35. lañjar mawur wus daṅu aṅintip, myarṣakakĕn kaŋ samya rarasan, rujuka lawan kaṛĕpé, mĕdal siŋ ḍaḍaḥ gupuḥ, ṅañcarani mriŋ tamunèki, laḥ suwawi lajuwa, tumamèŋ iŋ suḍuŋ, cĕbolaŋ saréñcaṅira, pinarṇahkĕn anèŋ jarambahiŋ panti, saṅajĕṅiŋ kroboṅan.

36. ñahi lañjar bikut aṅladèni, paṅudutan paṅinaṅan wédaŋ, cĕṅkèḥ myaŋ ñañamikané, sumaṅga anak bagus, rinahapan sawontĕnnèki, sĕgané tiyaŋ arga, réñcaŋ sĕpi samun, sah‍èstuné mbotĕn pakra, muhuŋ alumayan jampiniŋ kalantiḥ, yèn sampun sami naḍaḥ.

37. lèlèḥ lèlèḥ iŋ sĕṇṭoŋ prayogi, sisi sowaŋ nurwitri cĕbolaŋ, katri nèŋ ñjrambaḥ wismané, gya rinahapan sampun, sasĕgahé sawusnya bukti, lañjar mawur kèṅĕtan, sidiké kaŋ ulun, istipar aṅudubilaḥ, nora éca bĕcik daklapur samaṅkin, maṅsa wuruṅa wikan.

38. ñumĕt obor blarak miṅgaḥ ardi, kawarṇa a sèḥ luhuŋ matyasta, pinarak lan sakabaté, anèŋ srambiniŋ tajug, lañjar mawur maṛĕg wotsari, matyasta mèsĕm liŋnya, babo ñahi mawur, tĕka sira maṇḍan rawa, amamacak agaganda burat waṅi, paran gatiné lampaḥ.

39. baya sira katamuwan santri, mojar sakiŋ nagri ṅèkṣiganda, mas cĕbolaŋ paṅaṛĕpé, makṣiḥ anom binagus, kadi calon aholiya di, papat rowaṅé iku, nurwitri ya bagus, ki saloka kartipala, palakarti aṅgawa tĕrbaŋ kakaliḥ, ñi lañjar matur nĕmbaḥ.

40. iṅgiḥ èstu ḍawuḥ kaŋ kawijil, tan nalimpaŋ marma éñoŋ gañcaŋ, atur uniŋ agé agé, muhuŋ cumaḍoŋ ḍawuḥ, sèḥ matyasta liṅira aris, iku tatamunira, paran sĕdyanipun, iṅgiḥ yun sowan paduka, yèn maṅkana nuli aturana aglis, cĕbolaŋ gambuḥ nĕmbaŋ.

305. gambuḥ

1. mundur ñi lañjar mawur, praptèŋ wisma paṅgiḥ tamunipun, liṅira lon éñoŋ wahu atur uniŋ, naṅiŋ dèrèŋ ṅantos matur, pandaṅunipun cumĕplos.

2. tan nalimpaŋ sarambut, dalaḥ tĕrbaŋ kakaliḥ winuwus, sapunika kémasé saréñcaŋ sami, kinèn lajĕŋ ḍatĕŋ tajug, ki daḷĕm sru ṅantos antos.

3. mas cĕbolaŋ aṇḍĕku, yèn makatĕn sampun dados kalbu, kula dèrèŋ kinantĕn sipĕŋ iŋ ṅriki, èstunipun namuŋ manut, saḍawuhé saŋ kinahot.

4. ñi mawur manis muwus, mbotĕn dados punapi ki bagus, sampun kérit praptaniŋ surambi maśjid, lañjar matur lajĕŋ mantuk, cĕbolaŋ majĕŋ wotsinom.

5. manĕmbrama sèḥ luhuŋ, paḍa bĕcik kaŋ nĕmbé katĕmu, lan iŋ ṅĕndi pinaṅka sinĕdyèŋ kapti, miwaḥ sinambatiŋ arum, lalagon kaya woŋ kulon.

6. cĕbolaŋ nĕmbaḥ matur, kula nami pun cĕbolaŋ èstu, tiyaŋ pĕkir asal iŋ nagri mantawis, pasantrèn tĕbiḥ praja guŋ, réñcaŋ sakawan rumojoŋ.

7. mĕṅgaḥ iŋ sĕdyahulun, sah‍èstuné amalulu manut, krĕntĕgiŋ tyas wasana sumaṅgèŋ kapti, ṇḍèrèk sakarṣa pukulun, pun patik sah‍èstu koṭoŋ.

8. matyasta mèsĕm maṇṭuk, insya allaḥ kaŋ sipat ṅalimun, yèn sambada sira ḷĕṛĕpa nèŋ ṅriki, yèn wus nduṅkap maṅsanipun, pupuṅkasané kalakon.

9. iṅsun kajibaḥ aṅsuŋ, iŋ pituduḥ pañcadaniŋ mantuk, naṅiŋ isiḥ kataman cobaniŋ widdhi, rucahiŋ tiṅkaḥ mèḥ asuŋ, bilahi wit kabasturon.

10. cĕbolaŋ duk aṅruṅu, suka iŋ tyas sumuṅkĕmiŋ kalbu, réñcaŋ catur kawistara nayogyani, samya éca manahipun, amiyarṣa sabda jatos.

11. ṅliŋ maliḥ sira kulup, aso panti apa anèŋ tajug, kaŋ sinuŋ ṅliŋ nĕmbaḥ aturira aris, kawula ñuwun ḷĕstantun, wontĕn iŋ tajug kémawon.

12. matyasta ṅliŋ mriŋ wadu, hèḥ pĕṅawé muṇḍuk moṅkok rambu, mriṅa wisma ñuwunna kalawan ḷĕmpir, lan kĕmulé kĕntèl wuluŋ, apadéné kaŋ susugoḥ.

13. sarapan sabĕn ésuk, maṅan piṇḍo awan lawan dalu, wédaŋ kahwa ñañamikan aywa kari, kinaŋ paṅudutanipun, saanané kaŋ mirantos.

14. paṅawé nĕmbaḥ mundur, waṅsul mbĕkta klasa ḷĕmpir kĕmul, paṅinaṅan paṅudutan wédaŋ kopi, rampuṅiŋ panatanipun, ki wisma liṅira alon.

15. kono sambinĕn kulup, saanané suguhé woŋ gunuŋ, mas cĕbolaŋ sakañcané aṅrahapi, rèhné sira paḍa rapuḥ, bĕcik bacut paḍa aso.

16. paṅawé sakañcamu, gilirana kaŋ jaga nèŋ tajug, sĕmaŋ gaṅgo gaḷĕṇḍoŋ kaḷĕṇṭuŋ siriŋ, muntap majĕmuk talutur, gaḷĕṇḍèḥ ludira boyoŋ.

17. si jĕṇṭur miliŋ lagu, tukuŋ sapaŋ nĕmbĕlas puniku, mapat papat gilirané sabĕn ari, sandika kaŋ tampi ḍawuḥ, sĕḍĕŋ payo paḍa ṅaso.

18. sèḥ matyasta tumurun, praptèŋ wisma lan wah‍éla paṅguḥ, katri nama kacandra roṇḍon malatsiḥ, malat awit sésuk ésuk, sakabèhé bocaḥ wadon.

19. sumĕḍaŋ boṇḍèt mandul, gondrèŋ rimoŋ gĕndré cakĕt maṅu, ḷĕbĕt sèḍĕt gléwaŋ loboŋ titipati, gilir sabĕn ari tĕlu, kaŋ paḍa ṅladèni ḍayoḥ.

20. kalawan sasuguḥmu, ywa kuciwa saananiŋ gunuŋ, ni malatsiḥ sandika wus marintahi, mriŋ wadu wadon sadarum, kunĕŋ dalu tan rinahos.

21. anduṅkap wañci subuḥ, mas cĕbolaŋ lawan santri catur, myaŋ pra santri sami ṅambil toyastuti, ki nurwitri adan gupuḥ, swara arum tumalawoŋ.

22. matyasta wus mriŋ tajug, para santri maca slawat umyuŋ, kinĕplokan cĕp mĕnĕŋ gya dèn kamati, paragatiŋ waktu subuḥ, sèḥ matyasta mulaŋ ṅahos.

23. praptèŋ pĕcak sapuluḥ, bubar iṅkaŋ sami ṅaji mantuk, wĕktu luhur, ṅasar, magrib, ṅisa, subki, sĕmbahyaŋ mariŋ iŋ tajug, bakda ṅisa bakda luhur.

24. maṅgihi tamunipun, sabĕn ari tan lowoŋ kadyèku, myaŋ sasĕgaḥ lumintu tan ṅuciwani, cĕbolaŋ takon mriŋ lagu, kakaŋ abdiné saŋ kahot.

25. èstri kalawan jalu, sami gĕṇḍiŋ niku namanipun, sèḥ matyasta rumuhun sakiŋ iŋ pundi, lagu ṅliŋ gĕṇḍiŋ prèhipun, kula bagus dèrèŋ ṅrĕtos.

26. ñjĕŋ kyayi duk rumuhun, sakiŋ wirasaba asalipun, takṣiḥ mambĕt santana lan saŋ dipati, ṅiŋ watĕkan mbotĕn maṭuk, nèŋ riki lajĕŋ ḍuḍukoḥ.

27. sriŋ criyos duk nèmipun, ṛĕmĕn ṅriṅgit gĕṇḍiŋ gĕṇḍèŋ bahut, é, gla layak kaŋ lagu ki daḷĕm wasis, sanès taḷĕcĕr iŋ gunuŋ, wiryèŋ praja kaŋ cinèṅkok.

28. nahĕn ta laminipun, mas cĕbolaŋ nèŋ majĕnaŋ sampun, tigaŋ ari nuju bakdaniŋ isa i, sèḥ matyasta ṅliŋ mriŋ tamu, cĕbolaŋ kalamun séyos.

29. lagon ukara tĕmbuŋ, sadat kurès mantarum lan ḍusun, maṅañjali èstunipun botĕn sami, rumuhun ulun winuruk, abdidaḷĕm kĕtip winoŋ.

30. lalagon warṇi catur, raras nĕnĕm saṅa mañurèku, méñcok baraŋ utawi ukaranèki, iṅgiḥ wontĕn sanèsipun, muŋ sawatawis kémawon.

31. laḥ mara payo kulup, laras saṅa cikmèné tiniru, para santri bisa a lalagon nagri, kaŋ sinuŋ ṅliŋ nĕmbaḥ laju, gurisa gantiniŋ gamboḥ.

306. girisa

1. bismlahir rahmanir rakim, ĕnawètu aṅukira, bikimatin sadatèni, wa ujuban bil ṅumuri, maharotan wa kidatan, parlallilahi taṅala, niyatiṅsun ṅucapakĕn, iŋ sadat kalimaḥ loro.

2. kallé awajib sapisan, iŋ daḷĕm sahumuriṅsun, paṛĕlu karana allaḥ, asdadu allaḥ ilalaḥ, ilalaḥ assadu anna, muhkamadan rasullolaḥ, ṅawruhi iṅsun satuhu, tan na paṅéran muŋ allaḥ.

3. lawan aṅawruhi iṅsun, satuhu nabi muhkamad, iku utusaniŋ allaḥ, maṅka maknané la ila, la ilolaḥ iku ñata, amot napi lawan ismat, maṅka kaŋ dèn napĕkakĕn, iku sakèhiŋ paṅéran.

4. kaŋ lyan sakiŋ paṅran kita, maṅka kaŋ dèn ismatakan, iku kaŋ ĕsa kaŋ tuṅgal, kaŋ nora dinadèkakĕn, andadèkkĕn alam kabèḥ, ya iku paṅéran kita, kaŋ aguŋ kaŋ mahamulya, ya iku kaŋ aran allaḥ.

5. maṅka tĕgĕsé kaŋ aran, allaḥ iku nuduhakĕn, daḷĕm daté kaŋ mahluhur, ora warṇa ora rupa, ora araḥ ora ĕṅgon, anaṅiŋ wajib ananya, kalawan mokal oranya, siŋ sapa ṅucap tuhunya, aran allahu taṅala.

6. warṇa rupa araḥ ĕṅgon, woŋ iku dadi kupurṇya, utawa nabi duta, muhammad iku manuṅsa, iṅkaŋ lanaŋ amardika, kaŋ akil balèg sañata, kaŋ abagus warṇanira, kaŋ mañcoroŋ cahyanira.

7. kadi purṇamaniŋ wulan, utawa kaya baṣkara, iṅkaŋ katurunan wahya, kaŋ wajib nduwèni sipat, sidik amanat tabĕlik, sidik bĕnĕr maknanira, dé amanat kaŋ pĕrcaya, tablik nĕkakakĕn ñata.

8. mokal liñok mokal cidra, lan mokal aṅumpĕtĕna, wĕnaŋ ṅaral baṅsa riyaḥ, kaŋ ora cinacadakĕn, iŋ daḷĕm martabatira, baṅsa arab baṅsa kurès, baṅsa mim baṅsa muntalib, kaŋ rama radèn ṅabdullaḥ.

9. kaŋ ibu dèwi aminaḥ, kaŋ pinutrakakĕn mĕkaḥ, iŋ wulan rabiṅulawal, iŋ taṅgal kapiŋ rowĕlas, maḷĕm sĕnèn iŋ tahun dal, waktu sahur wañcinira, swiji kahol antaranya, wañci mahrib lawan ṅisa.

10. iṅkaŋ taṅgal kapiŋ wolu, utawané yuswanira, ñjĕŋ nabi muhkamad iku, kawandasa tahun dèn nya, ṅaliḥ maraŋ iŋ madinaḥ, yuswa tigalikur tahun, utawi maliḥ yuswanya, ñjĕŋ nabi muhkamad ika.

11. pan sawidak tigaŋ warṣa, séda ana iŋ madinaḥ, sinarèkkĕn astananya, iŋ madinaḥ wulannira, rabiṅulawal iŋ taṅgal, piŋ rolas iŋ dina sĕnèn, iŋ tahun dal wĕktu luka, maṅka ta iṅkaŋ aṅucap.

12. ñjĕŋ muhkamad rasullolaḥ, kalimahira sahadat, animpĕn aṅèstokakĕn, baraŋ kaŋ dèn tĕkakakĕn, déniŋ kaṅjĕŋ rasullolaḥ, salahu ṅlahi wassalam, salahu ṅlahi wassalam, salahu ṅlahi wassalam.

13. allahuma saliṅala, sayiddina ya muhkamad, allahuma saliṅala, sayiddina ya muhkamad, allahuma saliṅala, sayiddina ya muhkamad, iya wa ṅala alihi, wa sahbihi wa ṅalimi.

14. tamat gya sa takaballa, lahu minkum sasahuran, mina wa minkul takabal, ya karim ṛĕmpĕg swaranya, sèḥ matyasta mèsĕm liŋnya, èḥ pra santri sadaya, sabĕn sakbakdaniŋ ṅisa, bĕcik paḍa sinahuwa.

15. sadat kurès lagu praja, supayané paḍa ḷĕbda, pra santri matur sandika, gya sami mantuk sadaya, kantun sakawan kaŋ jaga, mas cĕbolaŋ ṅaras pada, ulun matur sah‍èstunya, wit sinahu ṅahos amba.

16. ṅantos dumugi samaṅkya, winulaŋ tuwin miyarṣa, sadat kalimaḥ kaliḥnya, namuŋ makatĕn kéwala, duk ulun kulinèŋ praja, supĕkĕt kĕtip ṅulama, kamipurun matur taña, rahos tumañcĕp iŋ nala.

25. mas cĕbolaŋ sasantrinipun ṅlagokakĕn sadat kurès cara mĕntawis, katiru déniŋ santri iŋ majĕnaŋ. isinipun bab tahuhid tuwin karasulanipun nabi muhammad

17. datan wontĕn iṅkaŋ karṣa, namuŋ gumujĕŋ kéwala, kaŋ kapaṛĕŋ aṅandika, iku bah‍é rasakĕna, tĕmbé yèn wus tinarbuka, sayĕkti sira uniṅa, wasana ṅantos samaṅkya, tambaḥ kandĕl kijapira.

18. taṅèḥ lamun karahosa, malaḥ ura ṅayawara, wontĕn wawĕṅaniŋ nala, èstu ḍawahiŋ kaŋ kwasa, tarlèn muhuŋ ñjĕŋ paduka, kaŋ baḍé nĕmbadanana, rahosiŋ manaḥ kawula, kaŋ tumanĕm salaminya.

19. kawula sumaṅgèŋ karṣa, mugi mugi kapaṛĕṅa, pariŋ barkahiŋ minulya, saréñcaŋ ulun sadaya, maṅèstu pada paduka, sèḥ matyasta duk miyarṣa, atur panuwun ṅraṛĕpa, kaŋ lir madu pinaṣṭika.

20. rumĕntaḥ siḥ wĕlasira, pantèn bĕnĕr ciptanira, sayĕktiné pañcèn ana, kĕploké kaya èṣṭinta, anaṅiŋ muṅguḥ manira, walahu alam woŋ liya, pirabara coṇḍoŋ karṣa, antuk idayat sañata.

21. bésuk maḷĕm jumṅaḥ ṅarṣa, pantèn saréñcaŋ sawarda, ulunwĕḍari karṣanta, lamun jĕntus lan wĕktunya, sira paḍa tinarbuka, cĕbolaŋ saréñcaṅira, sukèŋ tyas marwata suta, matur sandika sadaya.

22. matyasta maliḥ ṅandika, nadyan wus kĕṛĕp miyarṣa, réyaŋ carita kinarya, ṅĕntèni mbliyutiŋ mata, bab mriŋ wadon lan woŋ liya, sukur sigit rahosira, nĕmbaḥ suka maraŋ karṣa, matyasta duduk wĕḍarṇya.

307. mĕgatruḥ

1. ana umat sawiji amandĕŋ wahyu, sakiŋ saṅĕt dèn nya miṣkin, tatapa wus pataŋ tahun, antuk lah‍élatulkadri, nuli tutur mriŋ kaŋ wadon.

2. lah‍élatulkadri rupa watu tĕlu, sasmita kaŋ kapiyarṣi, watu tĕtĕlu puniku, dèn umbulna gĕnti gĕnti, apa kaṛĕpé iŋ kono.

3. wus tinĕkan baraŋ kaŋ sanĕdyèŋ kalbu, apan nora miṇḍo kardi, ñjaluka sagunuŋ gunuŋ, ĕmas sosotya pan dadi, tinĕkan sĕdyané kono.

4. lan rabiné sĕdyané aṛĕbut ducuŋ, kaŋ wadon muŋ nĕdya sugiḥ, iṅkaŋ lanaŋ kaṛĕpipun, dèn siṅgiḥ dadi bhupati, duwé nagri sarta gĕḍoŋ.

5. iṅkaŋ wadon ñjaluk nagara tan ṛĕmbug, ṅaṅgur bah‍é dèn asugiḥ, maras mĕnèk kinawayuḥ, payo ñjaluk sugiḥ sugiḥ, duwéya mas pituŋ gĕḍoŋ.

6. sadaṅuné pradondi duruŋ kaṛĕmbug, watuné tiniṅgil tiṅgil, karṣa dèn umbulkĕn iku, añjaluk duwé nagari, sarta dèn aduwé gĕḍoŋ.

7. mèḥ dèn uñcalakĕn kaŋ wadon aṅrĕbut, ywa ñjaluk dadi priyayi, dadi sugiḥ bah‍é ṅaṅgur, bhupati sugiḥ kuwatir, énak ṅaṅgur bah‍é iṅoŋ.

8. iṅkaŋ lanaŋ sahuré sarwi asĕṇḍu, bĕcik woŋ duwé nagari, sarta kaŋ sugiḥ kalaṅkuŋ, aṅrèḥ woŋ rina lan wĕṅi, sugiḥ ĕmas koṅkon uwoŋ.

9. iṅkaŋ èstri ñĕntak aja añjajaluk, sugiḥ arta duwé nagri, sugiha bala kaŋ iku, duwé gĕḍoŋ sèwu sami, kaŋ lanaŋ mĕkṣa ambĕkos.

10. amacicil sarwi ṅumbulakĕn watu, lagi watuné sawiji, uniné pan koṇṭol sèwu, katlicut ñĕntak kaŋ èstri, nuli awaké bak koṇṭol.

11. koṇṭol sèwu jĕjĕl anèŋ awakipun, aṛĕgut ĕṅgon apipit, anèŋ mata wolulikur, gulu jaṅgut baṭuk pipi, ambiyĕt kĕbak iŋ koṇṭol.

12. sarandunniŋ awak kĕbak jĕjĕl suṅsun, abĕntĕt tiṇḍiḥ tiniṇḍiḥ, gumĕdĕr patiŋ guraṇḍul, iṅkaŋ èstri anaṅisi, kaŋ lanaŋ gĕgĕtun ñjombloŋ.

13. mahu mahu aṅguguwa ṛĕmbugiṅsun, sayĕktiné nuli sugiḥ, ṅaṛĕpakĕn gĕḍoŋ sèwu, isi mas barana adi, ujĕr kowé ḍéwé waṅkot.

14. anahuri kaŋ lanaŋ mĕnĕṅa iku, watu kari loro iki, kaŋ siji ṅoŋ arṣa ñjaluk, ilaṅé sakiŋ wak mami, kabèḥ sarupaniŋ koṇṭol.

15. déné siji ṅéṅéyan ṅoŋ karya ñjaluk, nurut sira ñjaluk sugiḥ, aduwéya gĕḍoŋ sèwu, ṅumbulakĕn watu maliḥ, srya sru dèn nya wirahos.

16. koṇṭol kabèḥ luṅa a saka wakiṅsun, nora ṅaṅgo dèn waḷĕri, koṇṭolé kaŋ lawas katut, patiŋ paṛĕsat tan kĕri, koṇṭol lawas mèlu coplok.

17. pan sumĕbruŋ tĕkan dakaré kĕlayu, sawab lah‍élatulkadri, dadi sapaṅucapipun, kalalèn koṇṭolé lami, karayut kĕna wirahos.

18. dèn gagapi koṇṭolé ḍèwè wus suwuŋ, tĕkan dakaré maḷĕñciŋ, aniba gumuluŋ aḍuḥ, aḍuḥ lah‍é koṇṭolmami, rinapu maraŋ kaŋ wadon.

19. wis mĕnĕṅa pan ndilalaḥ duruŋ kuntuŋ, nora kudu sugaḥ sugiḥ, muliya bah‍é koṇṭolmu, watu iki kari siji, gawénĕn aṅundaŋ koṇṭol.

20. gya ṅumbulkĕn watuné kaŋ siji kantun, koṇṭolé kaŋ kinèn bali, tan asuwé nuli waṅsul, tĕtĕp nèŋ ṅgonnira lami, bèn niyaté tan kalakon.

21. mas cĕbolaŋ saréñcaŋ sru gujĕṅipun, èṅĕt lalakon kaŋ uwis, ṅandika maliḥ sèḥ luhuŋ, woŋ wadon iku sayĕkti, tinitahakĕn hyaŋ manon.

22. apan namuŋ dadi gañjaran satuhu, datan kĕna dadi kardi, kaĕnas iŋ para jambur, kaŋ nĕrak araŋ basuki, wit nabi adam kinahot.

23. iṅĕḍunkĕn ntuk babĕndu sakiŋ luhur, purwèŋ garwa kaŋ ñjalari, sapiturut duruŋ antuk, bakdaniŋ rasullolahi, tĕkèŋ ĕntèk kari yĕktos.

24. nora kĕna lamun tinĕraka iku, jaba yèn nĕdya bilahi, akèḥ pra paṇḍita wuruŋ, kuwalèné sakiŋ èstri, sĕdya wicakṣana kahot.

26. sèḥ matyasta ñariosakĕn satuṅgaliŋ tiyaŋ mlarat, ṅlampahi tapa 4 tahun, lajĕŋ aṅsal lah‍élatulkadri rupi séla 3 iji. biliḥ séla wahu kahumbulakĕn gĕntos gĕntos kaṇṭi pañuwun, yĕkti kadumugèn pañuwunipun. tiyaŋ wahu sulaya kalihan sémahipun bab drajat lan kasugihan iṅkaŋ kasuwun, wasana kamisosoḷĕn, kalèntu pañuwunipun sah‍éṅga séla wahu dados tanpa gina.

sèḥ matyasta ñariosakĕn bab adil lan loma. kasbut iŋ sĕrat tajusalatin, adil punika iṅkaŋ sapaliḥ wontĕn iŋ prabhu nurṣiwan sultan madayin.

sapalihipun wontĕn iŋ ratu saṅalam doña. makatĕn ugi loma kabagi dados kaliḥ. sapaliḥ wontĕn ratu saṅalam doña, sapalihipun wontĕn iṅ

satuṅgaliŋ tiyaŋ arab tayi nama pun katim. para raja sami karoban pawarta bab lomanipun katim tayi. woṅsal waṅsul kacobi, tansaḥ kacihna lila ḷĕgawanipun. ṅantos baḍé dipunpĕjahi, ñawanipun dipunuluṅakĕn sah‍éṅga iṅkaŋ baḍé mĕjahi katim muruṅakĕn niyatipun. saṛĕŋ pĕjaḥ kuburanipun kabañjiran, kapaṅgiḥ jasadipun katim tayi wĕtaḥ kadosdéné tiyaŋ tiḷĕm

25. dadi kumpruŋ kaŋ sĕdya wirya sah‍èstu, dadi rusak anĕmahi, iṅkaŋ anĕdya rahayu, tĕmaḥ amaṅgiḥ bilahi, jalaran saka iŋ wadon.

26. mas cĕbolaŋ matur paran criyosipun, tiyaŋ kaŋ loma ṅlaṅkuṅi, pantèn carita kasĕbut, paḍa nèŋ tajusalatin, ḷĕgawa manis kinahot.

308. ḍaṇḍaŋgula

1. kaliḥ prakara iṅkaŋ binagi, kaŋ pinaro adil lawan loma, iṅkaŋ saparo adilé, pinaṛĕṅakĕn sampun, mriŋ nusirwan sultan madayin, saparo dinum samya, para ratu ratu, iŋ ṅalamdoña sadaya, kaŋ saparo muŋ ginaḍuḥ ratu siji, sultan adil nusirwan.

2. kaŋ loloman ya pinarakaliḥ, kaŋ saparo dinum woŋ sajagad, saparo woŋ siji bah‍é, tur iku dudu ratu, kaŋ pinariŋ loman sapaliḥ, woŋ cilik tur mardika, nĕṅgiḥ wadyanipun, śri naranata iŋ arab, nama katim iya kaŋ abaṅsa tahyi, nĕṅgiḥ iŋ péhak ṅarab.

3. assakiyu kabibulaḥ nĕṅgiḥ, wal kabilu amanṅaluwolaḥ, rapal puniku tĕgĕsé, nĕṅgiḥ woŋ loma iku, pan kakasihira hyaŋ widdhi, woŋ kumĕt satruniŋ hyaŋ, pinañci dosa guŋ, mutamat para paṇḍita, dosa loro alané woŋ kumĕt siji, lan bĕciké woŋ loma.

4. lamun ana woŋ loma iŋ bhumi, atas aṅĕn aṅĕné sampurṇa, sinuṅan bĕnĕr tatané, sakiŋ muraḥ tyasipun, nadyan dudu kaŋ dèn lomani, yĕkti mèlu manpaṅat, sakiŋ bhumi luhur, woŋ kumĕt budiné aṇḍap, ya sanadyan duduwa kaŋ dèn kumĕti, tan wandé mèlu mada.

5. sĕbĕl puṛĕt wahyuniŋ hyaŋ widdhi, kamisasat akèḥ kaŋ amada, déné kaniṣṭan budiné, jro kitab sitrul muluk, kocap wontĕn ratu sawiji, anama sultan bahram, ratu guŋ pinuñjul, sawapatira mamĕkas, mriŋ kaŋ putra bésuk yèn iṅsun ṅĕmasi, sira gumantya riŋ waŋ.

6. lamun ana abdiné narpati, wani muni anèŋ ṅarṣanira, aṅaḷĕmbana yĕktiné, lawan sabĕnĕripun, muṅguḥ tindakira narpati, anuli pariṅana, arta dipunaguŋ, sajĕnĕṅé anèŋ doña, aywa koṅsi maṅan artané pribadi, makṣiya artanira.

7. iku wité karaton sayĕkti, mratélakkĕn iŋ wahyu kaŋ prapta, ṅundurakĕn tyasira ṅgèr, solahira kaŋ dudu, yĕkti sira wiraŋ nindaki, pratiṅkahé kaniṣṭan, sabab wus ginuṅguŋ, yèku woŋ magĕri niṣṭa, wontĕn maliḥ jro kitab adabu salin, ratu kaŋ winicara.

8. kaŋ ṅilaṅkĕn pamujiniŋ dasiḥ, ratu kumĕt tan ana utama, saguŋ paṇḍita pujiné, ratu loma puniku, nadyan nora nana kaŋ muji, aja ṅaṅgo paṇḍita, darajaté luhur, tinĕkan baraŋ sinĕdya, iya déné sasat nampani pribadi, duwèk anèŋ potaṅan.

9. ṅuni kaŋ dadi ojatiŋ bhumi, katim tayi kaŋ apéhak ṅarab, ṅĕsorkĕn ratu lomané, dadya ratu tĕtĕlu, kaŋ miyarṣa bramantya sami, déné andina dina, saguŋ wadyanipun, tan nana maliḥ dèn ucap, amuŋ katim tahyi lomané ṅliwati, tan ana kasumbaga.

10. sultan iŋ rum nalika sumiwi, prabhu kah‍ésaruṅi ṅandika, maraŋ saguŋ puṅgawané, wira gujalanipun, iṅkaŋ aran si katim tayi, pira gĕḍoṅé baya, isi artanipun, déné lomané kalintaŋ, iṅkaŋ paḍa narpati aṅrèḥ nagari, nora sida diloka.

11. lan woŋ apa luṅguhé si katim, apa lubalaŋ apa satriya, apa ya juru gĕḍoṅé, mriŋ kaṅjĕŋ kakaŋ prabhu, narapati bandarṇgulami, puṅgawa matur samya, punika pukulun, tiyaŋ ṅaṅguran kéwala, baṅsa tahyi iŋ péhak ṅarab pun katim, muŋ iṅgiḥ amardika.

12. sultan iŋ rum aṅandika maliḥ, ya pagéné aṅluwihi raja, si katim tahyi lomané, apa dèn aṅgo iku, déné nora tampi ubĕkti, nora aṅrèḥ nagara, bisané kadyèku, apa bisa gawé ĕmas, aturipun iṅgiḥ samya tan andugi, muṅguhiŋ takdirolaḥ.

13. sultan iŋ rum aṅandika maliḥ, déné iṅsun iki ratu muraḥ, tĕka tan ana lokané, iya sapa kaŋ ṅruṅu, iŋ samĕṅko iki si katim, kaḍĕmĕnané apa, kaŋ dadya tyasipun, puṅgawa matur tur sĕmbaḥ, wardinipun samaṅké ṛĕmĕn turaṅgi, aṛĕgi tigaŋ ḷĕkṣa.

14. sakalaṅkuŋ ṅgènnira ṅrĕmĕni, taṅèḥ lawan turaṅga ṅakaṭaḥ, gĕŋ luhur miwaḥ uḷĕsé, sanadyan para ratu, datan darbé iṅkaŋ ṅèmpĕri, kadi turaṅganira, pun katim pukulun, gĕḍogan tinuṅgil néndra, iṅgiḥ sakiŋ tan kéṅiŋ pisaḥ pun katim, dèn nya siḥ mriŋ kudanya.

15. sultan iŋ rum aṅandika maliḥ, woŋ tatĕlu mantri acahosa, si katim iṅsun cobané, parakna layaṅiṅsun, lan papariṅiṅsun puniki, si katim duwé kuda, iku iṅsun puṇḍut, duta sigra lumakṣana, tiga mantri datan kawarṇa iŋ margi, praptèŋ jajahan ṅarab.

16. wañci wĕktu ṅasar praptanèki, pun katim mĕntas atatamuwan, pan sadina susuguné, sakiŋ guṅiŋ tatamu, ṅĕntiŋ ṅgènnya añugatani, laṅkuŋ suka tyasira, sabubariŋ tamu, dutané rajèŋ rum prapta, wĕktu ṅasar mĕṇḍuṅé aṅliliwati, prapta udan sok sokan.

17. kadi bañjir sakiŋ iŋ wiyati, awor ampuhan kagila gila, ki katim lawan tamuné, pan sami kabĕr kukut, dèn nya gĕṅiŋ jawaḥ lan aṅin, nalika iku datan, ana woŋ kaŋ mĕtu, sakiŋ jriḥ udan ampuhan, pan pun katim arṣa susuguḥ iŋ tami, kèwĕdan déniŋ udan.

18. kiraŋ warṇané ulamirèki, déniŋ jawaḥ tan kĕna woŋ méntar, ṅupaya saṅĕt jawahé, dadya turaṅganipun, sinambĕlèḥ kaŋ dèn rĕmĕni, iṅolaḥ warṇa warṇa, sinĕgahkĕn tamu, ki katim suka tyasira, tatamuné kacukup dèn nira bukti, maca alkamdulilaḥ.

19. samya ṅuṅun écané abukti, tamu ṅrahos lamun kapotaṅan, kanikmatan iŋ suguhé, arip nétra iŋ ndalu, éñjiṅané samya aliṅgiḥ, muṅgèŋ madé antara, kapat lawan tamu, caraka iŋ rum anulya, mariṅakĕn surat sakiŋ narapati, mriŋ ki katim tinampan.

20. nulya dutèŋ rum amuwus aris, laḥ punika yayi gustiniṅwaŋ, akikirim papariṅé, śri prabhu minulyèŋ rum, katim ṇḍĕku amahos tulis, punika ñjroniŋ surat, muṇḍut kudanipun, katim wusnya mahos surat, nétra pucĕt aclum ṅuṅunnya kĕpati, sènès wadananira.

21. carakèŋ rum miyat maraŋ katim, sawusira amahos kaŋ sĕrat, tĕka aclum wadanané, sarta baṅĕt añjĕtuŋ, kadya nĕṅgak iŋ waṣpanèki, dutèŋ rum tĕrkanira, saṅĕt awratipun, pinuṇḍut turaṅganira, carakèŋ rum palimarma aṅliŋ ririḥ, mila yayi andika.

22. sasampunira mahos kaŋ tulis, cahyanira yayi saṅĕt biyas, sahiṅga maras iŋ tyasé, aywa ta wañcak kalbu, lamun makṣiḥ sira ṛĕmĕni, iṅsun kaŋ anaṅguṅa, dukané saŋ prabhu, kuda makṣiḥ anèŋ sira, sira katim mèsĕm dèn nira nahuri, taha yèn makatĕnna.

23. pun kakaŋ kula tataḥ sakĕḍik, wiṅi wiṅi nalikané prapta, tĕka mbotĕn ṇḍawuhaké, dadya maṅké katrucut, cuwa karṣanira saŋ aji, déné kula punika, kaŋ arṣa pinuṇḍut, takṣiya gĕsaŋ upama, yĕkti katur sumaṅga iŋ siyaŋ ratri, iŋ gusti śri naréndra.

24. sampun mĕṅgahiŋ punika maliḥ, kinarṣakkĕn iŋ prabhu kah‍ésa, yĕkti ḷĕstari karṣané, tan pah‍é aṅgĕpiṅsun, lan kaŋ rayi saŋ natèŋ riki, sultan bandar ṅulama, sami gustiniṅsun, dadya iŋ maṅké kawula, tan kadugi iṅgiḥ ṅupadosi maliḥ, iṅkaŋ mirip punika.

25. iṅkaŋ kasĕmbĕlèḥ wahu ratri, kinarya sĕgahiŋ ndika samya, kiraŋ ulam ulamané, kasaput jawaḥ aguŋ, mila datan kĕna woŋ ṅili, iṅgiḥ ṅupaya ulam, mila manaḥ ṅlampus, turaṅga dadya kapragat, karya ulam iṅabukti wahu ratri, dutèŋ rum duk miyarṣa.

26. rinaṅkul gapyuk sigra pun katim, iya déné nora kaya sira, iṅsun kahinan wiṅiné, duta sigra mit mantuk, tan iṅucap lampahiŋ margi, prapta nagarinira, maṛĕk iŋ saŋ prabhu, katur solahiŋ dinuta, wiwitannya prapta wismané ki katim, malaḥ praptèŋ wasana.

27. katur sasolaḥ bawaniŋ katim, prabhu kah‍ésan rumiŋ ṅandika, ki katim paribawané, kagyat gumujĕŋ ṅguguk, goyaŋ waktra aṅĕmbat wĕntis, bĕnĕr dadiya loka, si katim puniku, liwat sakiŋ ḷĕgawèŋ tyas, kunĕŋ prabhu iŋ ṅĕrum gantya winarṇi, śri naranatèŋ ṅĕsam.

28. amiyarṣa yèn kabaré katim, kaŋ abaṅsa tahyi péhak ṅarab, kahonaŋ onaŋ lokané, kasuwur kamisuwur, warta malaḥ katur para ji, gya śri bhupati ṅĕsam, pan arṣa aṅutus, amuṇḍut kaŋ ora ora, añoñoba iŋ bĕrbudiné ki katim, rakyaté natèŋ ṅarab.

29. nata iŋ sam pan arṣa ṅayoni, mantri kakaliḥ iṅkaŋ dinuta, amuṇḍut kaŋ anèḥ anèḥ, amuṇḍut unta satus, tur kaŋ dawa wuluné sami, kaŋ iṛĕŋ iṛĕŋ samya, mata kalihipun, kaŋ raṅkuŋ raṅkuŋ dĕdĕgnya, duta mĕsat datan kawarṇa iŋ margi, prapta iŋ tanaḥ ṅarab.

30. paṅgiḥ lawan sira katim tayi, ḍinawuhakĕn timbalannira, sultan iŋ sam pamuṇḍuté, laṅkuŋ anèḥ puniku, kaya nora kĕna pinikir, katim ṇḍĕku tur sĕmbaḥ, sandika wakiṅsun, sanajan iṅgiḥ laṅka a, dĕrmi dĕrmi yèn makṣiḥ sihiŋ hyaŋ widdhi, ḍatĕŋ saŋ prabhu iŋ sam.

31. lamun makṣiḥ dinamĕl narpati, natèŋ iŋ sam déniŋ kaŋ amurba, mokal tan antuka maṅké, duta sinĕgaḥ sampun, katim sigra dèn nya ṅulati, maraŋ iŋ paḍukuhan, urut gunuŋ gunuŋ, sanak sanaké sadaya, binobotan samya tumut aṅulati, yèn binudi iŋ majat.

32. ṅĕndi olèḥ unta kaŋ kadyèki, parandéné takdiriŋ hyaŋ sukṣma, datan alami antuké, pĕpĕk kaŋ unta satus, duta ṅĕsam ṅuṅun niṅali, katim pasraḥ iŋ duta, sumaṅga puniku, sami andika parikṣa, bakmanawi wontĕn kaŋ siwaḥ satuṅgil, wĕliṅé prabhu iŋ sam.

33. tinitènan sadaya sayĕkti, kadi puṇḍutané prabhu iŋ sam, caraka mit sinuṅaké, maṅu maṅuna laku, pira pira katim ñaṅoni, unta satus binĕkta, tan kawarṇèŋ ĕnu, nagari iŋ ṅĕsam prapta, katur maraŋ saŋ prabhu unta siŋ katim, ṅuṅun saŋ natèŋ ṅĕsam.

34. sarwi ñjĕtuŋ aṅandika aris, èstu lamun si katim balaba, iku iṅsun coba bah‍é, agawok tĕmĕn iṅsun, dudu ratu bisa ṅulati, unta kaŋ laṅka laṅka, kapotaṅan iṅsun, iŋ jaman iki tan ana, kaya katim kinon amaṅsulna maliḥ, sarta mot rajabrana.

35. papariṅé natèŋ sam mriŋ katim, unta satus kawratan barana, pèni pèni papariṅé, datan kaparèŋ ṅĕnu, duta iŋ sam samana prapti, iŋ tahyi péhak ṅarab, lan katim wus tĕmu, ḍinawuhakĕn sadaya, unta waṅsul sarta winotan papariŋ, pèni mas rajabrana.

36. sira katim aṇḍĕku nampèni, iṅuṇḍakan sanak sanakira, kaŋ anduwé unta kabèḥ, prapta sadaya sinuŋ, katim datan arṣa aṅambil, iŋ paṅaji sadinar, ĕpon tan amuṇḍut, paṅaji sakĕṭi ana, pan sadaya anak putuné ki katim, sugiḥ sami sakala.

37. carakèŋ sam éram apan makṣiḥ, déné katim tan arṣa aṅalap, iŋ barana papariṅé, lajĕŋ mriŋ anak putu, duta iŋ sam pan sampun pamit, prapta iŋ nagari sam, katur iŋ saŋ prabhu, tĕtĕkoné katim mulya, prabhu iŋ sam tĕtĕp mawoṅsanak katim, sakiŋ kayuṅyun myarṣa.

38. kunĕŋ sultan iŋ ṅĕsam winarṇi, prabhu iŋ yahman duk sĕḍĕṅira, miyarṣa katim wartané, duka yayaḥ manĕbut, sru ṅandika mriŋ para mantri, ya ṅĕndi ana kumpra, aṅluwihi ratu, si katim pan woŋ alasan, sajinisé aṅon wĕḍus datan maliḥ, lawan woŋ aṅon unta.

39. pira kadaré woŋ kaŋ aṅon kambiŋ, ndadak duwé pamĕtu saḷĕkṣa, apa kaŋ dèn lomakaké, woŋ biṅuŋ anut umyuŋ, iṅkaŋ paḍa ṅĕḷĕm si katim, iṅsun sèwu sadina, pan sidĕkahiṅsun, mriŋ pĕkir miṣkin katiman, parandéné tan ana iṅkaŋ amuji, kasaru wontĕn duta.

40. dutanira sultan iŋ mahribi, atur surat anunuwun warta, sakiŋ mahribi lokané, ana woŋ baṅsa ḍukuḥ, lomanira aṅlĕliwati, ṅĕsorkĕn para raja, nĕṅgiḥ ojatipun, sakiŋ mahribi kapyarṣa, péhak ṅarab kaŋ abaṅsa katim tahyi, loma kagila gila.

41. samyarṣanya surat siŋ mahribi, natèŋ yahman sumuṅku miyarṣa, latu latuŋ baŋ jajané, asru dèn nira muwus, mriŋ paṇḍéga kaŋ saba wĕṅi, lumakuwa iŋ ṅarab, woṅé kakaŋ prabhu, patènana dipunéṅgal, kaŋ anama si katim kaŋ baṅsa tahyi, caṅkiṅĕn iṅkaŋ murda.

42. ya mulané iku sunpatèni, aja koṅsi iya tiba sasar, kakèhan tampa pujiné, déné woŋ duruŋ wĕruḥ, wus aṅguṅguŋ maraŋ si katim, karana iṅsun wĕnaŋ, matèni woŋ iku, yèn kalakon karyanira, iṅsun gañjar apa iŋ sakarṣanèki, yèn wus yuda kanaka.

309. paṅkur

1. baduwi tur sĕmbaḥ mĕsat, sarta kuda binĕktan pĕḍaŋ kaliḥ, kaguṅanira saŋ prabhu, kaŋ taté baṅkit karya, cinacahkĕn iŋ wĕsi sawĕntis rampuŋ, wus ḷĕpas iŋ lampahira, iŋ marga datan winarṇi.

2. wus prapta jajahan ṅarab, praptèŋ ḍukuḥ wismané katim tahyi, baduwi sayaḥ aṅahub, katim anuju mĕdal, atatanya mriŋ baduwi kaŋ aṅahub, paman iŋ woŋ pundi ndika, lan iṅkaŋ sinĕdyèŋ kapti.

3. baduwi alon sahurṇya, kula anak sakiŋ yahman nagari, sĕdyaniŋ driya nakiṅsun, iṅutus ṅambil unta, katim aṅliŋ paman yèn ndika panuju, kandĕla wisma kawula, mucaŋ aṅinuma wariḥ.

4. bĕgja yèn maṅgiya paman, panĕkulan iṅgiḥ sah‍é abukti, gampil yèn sampun atuwuk, lajĕṅa alalampaḥ, sukur sèwu lajĕṅa iŋ wismaniṅsun, baduwi ḷĕga tyasira, ṛĕsĕp iŋ manaḥ nuruti.

5. praptèŋ wisma sinuṅgata, pan sinuba suba samya abukti, gumatinira kalaṅkuŋ, malaḥ supé iŋ lampaḥ, koṅsi dalu tan pĕgat sugatanipun, ñamikan inum inuman, sadalu ḷĕkĕt iŋ bukti.

6. aṅrahos kapiutaṅan, katim mojar paman lamun suwawi, jaṅkĕpa iŋ pituŋ ndalu, wontĕn wisma kawula, aṅlĕgakna pun paman iŋ manahipun, baduwi lon sahurira, yèn sampuna ṅudur iṅgiḥ.

7. asaṅĕt ṅuduré anak, dédé dédé lampaḥ iṅkaŋ agampil, luwiḥ saṅĕt luwiḥ éwuḥ, anak dédé kinaṇṭa, katim aṅliŋ paman kawula ayun wruḥ, manawi iṅgiḥ pun anak, sagĕd aṅapèn apèni.

8. iŋ susahipun pun paman, pintĕn baṅgi kula ṅawat awati, yèn paman pracayèŋ kalbu, sampun ta walaṅdriya, woŋ baduwi acipta kayapa iku, paṅgawé kaŋ nora gampaŋ, iya lakuniṅsun iki.

9. anak manira awĕca, pan manira dinuta iŋ saŋ aji, kinèn aṅulati iṅsun, mriŋ saŋ prabhu iŋ yahman, woŋ kaŋ aran katim tahyi baṅsanipun, iṅsun kinèn mĕjahana, murdané kinèn añaṅkiŋ.

10. saŋ nata arṣa uniṅa, mriŋ murdané kaŋ aran katim tahyi, ki katim dupi aṅruṅu, gumuyu sarwi mojar, mbotĕn aṅèl paman kalamun puniku, manira paman kaŋ sagaḥ, mirantèni amriḥ kĕni.

11. kadi pĕjahé kaŋ mina, iṅkaŋ sampun mañjiŋ anèŋ piranti, kantun amiṭĕs aṅlĕṭus, iŋ sajatiné paman, tuṅgil ḍusun kaŋ aran katim puniku, iŋ ḍukuḥ punika uga, naṅiŋ taṅguŋ sapuniki.

12. iŋ béñjiŋ éñjiŋ kéwala, karana pun katim sabĕn éñjiŋ, amĕŋ amĕŋ anèŋ ṇḍukuḥ, iṅgiḥ kidul punika, ṅaṇḍap wukir saṅisoriŋ gurda aguŋ, yèn prapta muḍun siŋ kuda, lajĕŋ aṅinum abukti.

13. turaṅganipun cinañcaŋ, lan pun katim iṅgiḥ nuli aguliŋ, kawula andira turut, paman tan wandé kĕna, sampun ṅantos ṅĕntosi kula dèn ésuk, karana yèn koṅsi awan, kasĕlak késaḥ pun katim.

14. laḥ paman punika pĕḍaŋ, luwiḥ laṇḍĕp aṅgonĕn mĕḍaŋ béñjiŋ, ri sĕḍĕŋ turu akukup, sampun dadi kaŋ ṛĕmbag, éliŋ éliŋ sawĕṅi wuwusĕn ésuk, baduwi nulya lumampaḥ, sawĕliṅiŋ katim tahyi.

15. sakṣana baduwi maṅkat, katim tahyi sigra dèn nya kakambil, añilip iŋ marganipun, turaṅganira ñoṅklaŋ, paṣṭi ḍiṅin praptanira anèŋ ḍukuḥ, muḍun sakiŋ iŋ kudanya, cinañcaŋ muṅgèŋ wariṅin.

16. katim sigra api néndra, sarwi kukup kadya guliŋ sakéñjiŋ, baduwi tan daṅu rawuḥ, mulat kuda cinañcaŋ, aṅliŋ aris ñata tĕmĕn tuduhipun, si anak kaŋ duwé wisma, laḥ ika ana woŋ guliŋ.

17. sigra wahu pinĕrpĕkan, kaŋ aguliŋ sigra pĕḍaŋ tinarik, iṅikal mèḥ tibanipun, nulya ṅgrahitèŋ nala, iṅsun iki apan utusaniŋ ratu, yèn nuli iṅsun pĕḍaṅa, kallé duruŋ wruḥ iŋ warṇi.

18. sayĕkti agawé niṣṭa, iṅsun uṅkabané rahiné ḍiṅin, sigra binuka kaŋ kukup, kagyat samya añjola, aṅruṅkĕbi sukuné añjrit aṅuwuḥ, ḍuḥ anak kadi punapa, polaḥ mĕkatĕn puniki.

19. paṅgawé kaŋ botĕn layak, dèn lakoni ambuwaŋ lara pati, katim taṅi sarwi muwus, paman kadi punapa, jĕr kawula sampun saṅgup wahu dalu, aṅilaṅkĕn susaḥ ndika, ṅgiḥ kula kaŋ aran katim.

20. aran ndika woŋ dinuta, mriŋ ratu añaṅkiŋ siraḥ mami, lan paran karṣanirèku, paman woŋ kula lila, ndika paman aywa koṅsi antuk ṛĕṅu, woŋ suwita iŋ naréndra, abot yèn tan aṅlakoni.

21. baduwi aris maṅrĕpa, nadyan siliḥ dinukan awakmami, iṅsun matur bah‍é mbésuk, iŋ gusti rajèŋ yahman, iṅsun pamit sigra mĕsat lampahipun, sinaṅonan kaṅgé marga, sabaraŋ déniŋ pun katim.

22. iŋ marga datan iṅucap, praptèŋ yaman maṛĕk iŋ śri bhupati, baduwi tur sĕmbaḥ matur, sasolaḥ tiṅkahira, katim lila loman sakiŋ ṅumuripun, wus tinutur sadayanya, miwiti malaḥ mĕkasi.

23. prabhu yahman duk miyarṣa, laṅkuŋ suka ṅguguk aṅandika ris, bĕnĕr woŋ akèḥ puniku, kaŋ paḍa ṅaḷĕmbana, duruŋ tumon loma tĕka umuripun, laḥ iya kaṛĕpé uga, wis aja sirapatèni.

24. kunĕŋ kocap jroniŋ kitab, mashur lamun balapa katim tahyi, akaṭaḥ mèt misilipun, kaŋ para raja raja, wontĕn waraḥ yèn aguŋ mupaṅatipun, nĕṅgiḥ sajroné iŋ kitab, jawa hiral amaryati.

25. iŋ jaman wuri kawruhan, nĕṅgiḥ kuburipun ki katim tayi, ana turun piŋ sapuluḥ, iŋ anak putunira, katim tayi kabañjiran kuburipun, astana kaṇḍaḥ iŋ toya, jisimé arṣa dèn ĕliḥ.

26. jisimé wutuḥ kéwala, nora bosok tinon kadya woŋ guliŋ, yèn muṅguḥ ahli tasawub, tiwas tan bisa ilaŋ, déné muṅguḥ iŋ jaman ṅarab iŋ riku, tan kĕna iṅaran tiwas, karana uwitiŋ bĕcik.

27. dadalan sasukanira, sasĕnĕṅé tan kĕna dèn wañcèni, ilaṅa katona iku, saḥ tan antuk cinacat, yèn iŋ tanaḥ jawa maṅkono abusuk, woŋ mati katon tan ana, yèn katon sayĕkti éblis.

28. muŋ iku kinarya taṇḍa, taṇḍa lamun woŋ loma iku bĕcik, woŋ kaŋ kumĕt iku antuk, nama busuk lan ala, uwis tamat katim tayi critanipun, sadaya kaŋ sami myarṣa, sukèŋ tyas nahĕn wus wañci.

27. iŋ tĕṅaḥ dalu sèḥ matyasta nĕraṅakĕn ḍatĕŋ mas cĕbolaŋ sasantrinipun maknaniŋ sahadat kaliḥ sarta pikukuhiŋ islam warṇi gaṅsal.

ugi katĕraṅakĕn maknanipun bab kéblat badan kasar, kéblatiŋ ṅèlmu, kéblatiŋ rasa tuwin kéblatiŋ ruḥ. katraṅan bab alam sakawan, anasir sakawan, bab ḍikir sakawan paṇṭa, martabat pitu, ruḥ saṅar, badan alus sakawan, sadaya wahu kĕdaḥ katampèn kaṇṭi patitis. sakèndĕlipun bĕḍug lajĕŋ kĕṇḍuri

29. tĕṅaḥ dalu sèḥ matyasta, mariŋ panti kaŋ kari lajĕŋ guliŋ, saarinya tan cinatur, maḷĕmipun jumuwaḥ, wus samĕkta laḷĕmbaran sĕkul wuduk, gorèṅan krupuk ḍĕkĕman, saṛĕm lombok kĕñcĕŋ abrit.

30. dupi paragat binĕkta, mariŋ srambi sabakdanira isa i, santri sĕpuḥ datan mantuk, anèŋ sarambi aglar, sèḥ matyasta muṅgèŋ paṅimanan luṅguḥ, cĕbolaŋ saréñcaṅira, nèŋ ṅarṣa samya ñĕpĕṅi.

31. astané tĕṅĕn matyasta, aṅliŋ riri réyaŋ iki muŋ darmi, nuduhakĕn mriŋ darbèkmu, laḥ mara tampanana, gya sahadat kalimaḥ roro rumuhun, assadu alla ilaha, ilalaḥ gya dèn wĕrdèni.

32. tamatiŋ kalimaḥ ṅarṣa, gya kalimaḥ kaŋ kapiŋ kaliḥ nĕṅgiḥ, winĕḍar sawardinipun, assadu anna muhka, maddan rasullolaḥ wus tamat kinumpul, kalimaḥ kaliḥ sahadat, titiga añjiṅirèki.

33. gya mĕḍar pikukuḥ islam, pan lilima sahadat kaŋ rumiyin, salat kapiŋ kalihipun, piŋ tiganipun jakat, kaŋ kapiŋ pat pasa kapiŋ gaṅsalipun, kaji lilima winĕḍar, wardiné sawiji wiji.

34. manèḥ iki kawruhana, kéblat iku ana catur prakawis, déné ta iṅkaŋ rumuhun, kéblaté badan kasar, kaŋ kapiṇḍo puniku kéblatiŋ ṅèlmu, kéblatiŋ roḥ kapiŋ tiga, kéblatiŋ rahsa muṅkasi.

35. winardèn sajuga juga, iki alam catur wajib ṅawruhi, kaŋ rumuhun alam nasut, malakut kapiṇḍonya, kapiŋ tĕlu ya iku ṅalam jabarut, lahut jaṅkĕpé sakawan, sawardinira wus rampiŋ.

36. anasir kawikanana, uga papat bhumi iṅkaŋ rumiyin, gĕni kapiŋ kalihipun, aṅin katiganira, piŋ pat bañu gya winardèn luṅguhipun, añjiŋ miwaḥ wardènira, tamatiŋ anasir ḍikir.

37. pan : la ilaha ilallaḥ, rambaḥ piŋ tri iŋ sarambahanèki, winardèn sajuru juru, kalawan luṅguhira, gya kinumpul iŋ gaṇḍèŋ gaṇḍèṅanipun, dumadya sakawan paṇṭa, jumĕnĕŋ manuṅsa jati.

38. laḥ iki martabat sapta, kawruhana luṅguḥ lan kurubnèki, apa déné nĕptunipun, rumuhun akadiyat, kadwi wahdat wakidiyat katrinipun, kadim ajali abadya, gya arwaḥ kacaturṇèki.

39. minsal iṅkaŋ kapiŋ lima, aj san kanĕm kasapta insankamil, mriŋ añar iṅkaŋ kacatur, wardiné wus kawĕḍar, wusiŋ tamat surasa lan añjiṅipun, pantèn maliḥ kawruhana, roḥ sasaṅa wardinèki.

40. rabbani iṅkaŋ kapisan, dwi nurani rahmani kaŋ kapiŋ tri, badan ilapi piŋ catur, nabadi kaŋ kalima, kanĕm kiyawani tamiyis kapitu, kéwani iŋ aṣṭanira, jaṅkĕp piŋ saṅa kulupi.

41. muṅguḥ ĕroḥ kaŋ sasaṅa, pan kawĕṅku karèḥ iŋ roḥ ilapi, kawruhana manèḥ kulup, badan alus sakawan, adam roḥ rokani myaŋ badan roḥ kanu, roḥ kudus jaṅkĕp sakawan, ṅaḷĕmpak iŋ ati siri.

42. kabèḥ sawusé katampan, patitisé tuwajuḥ iṅkaŋ ati, tumĕkané rahsanipun, iku dudu sraséhan, nora kĕna dibĕḍagal èstunipun, tumampĕg iŋ rasa mulya, gumantuŋ hidayatjati.

43. amuŋ iki mukaranaḥ, kudu bisa iya sawĕṅi iki, kaṅgo sabĕn mapan turu, laḥ paḍa tampanana, gya winĕḍar wus sagĕd sadayanipun, cinatur wit bakda ṅisa, bĕḍug kèndĕl gya kaṇḍuri.

44. minulyakkĕn nabi duta, paragatiŋ pandoṅa gya binagi, wus samya naḍaḥ pikantuk, baṛĕkat binuntĕlan, para santri sadaya wus samya mantuk, muŋ kari catur kaŋ jaga, saṛĕŋ tiḷĕm nèŋ surambi.

28. éñjiṅipun abdi pun paṅawé kaḍawuhan suluk janturan paḍalaṅan prabhu ṅamarta dalaḥ para kadaŋ paṇḍawa kaṇṭi katraṅan tĕgĕsiŋ nama sarta watakipun piyambak piyambak. kasambĕt janturan prabhu mandura, lajĕŋ prabhu ṅastina, dwarawati akhiripun janturan hyaŋ girinata, sadaya jaṅkĕp tuwin runtut. kasambĕt jujulukiŋ nata iṅkaŋ kaṅgé wijjĕr tuwin ada ada nata ṅaḍaton

45. sèḥ matyasta mas cĕbolaŋ, saréwaŋnya waṅsul mriŋ tajug maliḥ, tumĕkané bĕḍug tĕlu, antuk palaliŋ sukṣma, sadaya wus cumĕploŋ rahosiŋ kalbu, kantun ṅlañjèhakĕn maraŋ, tindaké tanajul tarki.

46. sèḥ matyasta lon liṅira, laḥ bubaran gya ṅambil toyastuti, nulya samya salat subuḥ, kadi iŋ saban saban, maḷĕm jumuṅaḥ tan ana néndra puniku, kaŋ sami tampi nugraha, iŋ siyaŋ pantara ratri.

47. kaŋ ginita saraséyan, mas cĕbolaŋ kalayan ki nurwitri, wus srĕg rasaniŋ kaŋ kalbu, cahya wĕnĕs sumunar, sèḥ matyasta sukèŋ tyas mèsĕm liŋnya rum, ḍuḥ pantèn alkamdulillaḥ, anaṅiŋ dèn ṅati ati.

48. isiḥ kuraŋ saaṅkatan, tindak rucaḥ kaŋ ayun koklakoni, naṅiŋ tan ṅapa a iku, cĕbolaŋ matur nĕmbaḥ, tarlèn muhuŋ ñuwun paṅèstu pukulun, rinĕkṣa a iŋ paṅéran, tawĕkal èṅĕt basuki.

49. sigĕg kyayi wusiŋ mulaŋ, sèḥ matyasta pinarak nèŋ paṇḍapi, paṅawé maḍĕp maṅayun, myaŋ dasiḥ sawatara, mas cĕbolaŋ nurwitri saréñcaṅipun, tumurun maraŋ paṇḍapa, kaṇṭi lagu sĕmaŋ miliŋ.

310. kinaṇṭi

1. sèḥ matyasta ṅawé gupuḥ, mbacuta maréné kaki, cĕbolaŋ wus muṅgèŋ ṅarṣa, babasan kapasaŋ yogi, paṅawé ku tilas ḍalaŋ, wit bocaḥ ḍĕmĕn aṅriṅgit.

2. lawas nèŋ nagri mantarum, suwita ki pañjaṅrukmi, kaŋ ginilut jajanturan, blĕjag blĕjag rada apil, duk makṣiḥ nèŋ wirasaba, ṅanti tumĕkèŋ samaṅkin.

3. ḍalaŋ baŋ wétan sadarum, paḍa pruwita anaṅiŋ, wènèhan cĕkak cĕkakan, pantèn duk anèŋ mantawis, apa wus tĕpuŋ kalawan, kyayi ḍalaŋ pañjaṅrukmi.

4. iṅgiḥ ulun sampun tĕpuŋ, kulina ki pañjaṅrukmi, sakiŋ ṛĕmĕn ḍatĕŋ wayaŋ, sabĕn ki ḍalaŋ aṅriṅgit, ulun tumut cĕlak koṭak, añumpiŋ wontĕn iŋ kériŋ.

5. jajanturaniŋ kaḍatun, èstunipun mbotĕn apil, lamun upami miyarṣa, ḍalaŋ kaŋ ñjantur upami, pakĕcapanipun ḷĕpat, ḷĕṛĕsipun ulun uniŋ.

6. sukèŋ tyas mèsĕm liŋnya rum, paṅawé ḷĕkasa aglis, janturané prabhu krĕṣṇa, ana kaŋ kosarasèhi, paṅawé sĕmbaḥ sandika, dadya macak amiwiti.

7. swara tètèḥ buntas arum, nĕṅgiḥ nĕgari iŋ pundi, kaŋ kah‍éka adi dasa, purwa éka mriŋ sawiji, adi mariŋ luwiḥ éndaḥ, dasa sapuluḥ jinarwi.

8. purwa kawitan puniku, wĕnaŋ iṅucapkĕn yĕkti, titahiŋ hyaŋ girinata, sanadyan kaṭaha ugi, kaŋ kuṅlulan iŋ ṅakasa, kaŋ kasaṅga iŋ pratiwi.

9. kaŋ kapit iŋ samodra guŋ, tan wontĕn kadi nagari, dwarawati nagri pañjaŋ, apuñjuŋ mila kadyèki, pañjaŋ mriŋ iŋ adawa, wus prañata iŋ nagari.

10. adawa pocapanipun, atĕbiḥ kuñcaranèki, puñjuŋ mriŋ luhur prañata, nagara luhur ṅlaṅkuṅi, datan ana kaŋ amaḍa, kluhuraniŋ karaton di.

11. tur nagari pasir gunuŋ, iya nagri loḥ jinawi, basa pasir dé nagara, aṅajĕṅkĕn muwara di, anĕṅĕnkĕn bandar arga, basa nagara kawukir.

12. déné ṅuṅkurakĕn gunuŋ, basa nagara loḥ déniŋ, kaapit iŋ pasabinan, basa nagri ajinawi, dé nagara tulus iṅkaŋ, sarwa tinandur ḷĕstari.

13. muraḥ kaŋ sarwa tinuku, tur muraḥ saṇḍaŋ lan bukti, wadya alit datan ana, kaŋ dèn kalarakkĕn sami, nagri karta tur raharja, aprataṇḍa wadya alit.

14. myaŋ wadya tan na kaŋ ṅiṅu, mah‍énda mahiṅsa sapi, méṇṭok bèbèk miwaḥ ayam, rahintĕn praptaniŋ ratri, aglar wontĕn iŋ paṅonan, datan wontĕn dèn kaṇḍaṅi.

15. sakiŋ tan na durṣilèku, naṅkoda kaŋ dagaŋ ṅgili, kaŋ layar tan na pĕḍotnya, pramila iṅaran nagri, raharja maṅka prataṇḍa, wadyabala agĕŋ alit.

16. ṅèstokkĕn préntahiŋ ratu, tan wontĕn cĕṅil cinĕṅil, tur ratu gĕḍé oborṇya, aḍuwur kukussirèki, miwaḥ adoḥ kuñcaranya, tan ṅĕmuṅkĕn tanaḥ jawi.

17. iŋ tanaḥ sabraŋ misuwur, mariŋ sakèhiŋ nagari, kahuṅkulan kasusilan, niŋ ratu iŋ dwarawati, babasan maṅluŋ kaŋ tĕbaḥ, kaŋ prak tumiyuŋ ṅastuti.

18. iŋ bulubĕktiné tamtu, sabĕn tahun asraḥ warṇi, gloṇḍoŋ paṅaṛĕŋ aṛĕŋnya, asuŋ pupuṇḍutan nagri, sapa jujulukiŋ nata, śri bhaṭara krĕṣṇa tuwin.

19. maraja padmanabèku, maraja késawasidḍi, ya maraja danardana, ya maraja arimurti, milané kadaŋ manuṅsa, pinuñjuŋ binaṭara di.

20. prañata titisiŋ wisnu, sirṇaniŋ hyaŋ wisnumurti, bhaṭara krĕṣṇa kaŋ ana, sirṇaniŋ krĕṣṇa narpati, bhaṭara wisnu kaŋ ana, upama lir suruḥ yĕkti.

21. lumaḥ lawan kuṛĕpipun, dinulu séjé kaŋ warṇi, ginigit tuṅgil rasanya, krĕs maraŋ iṛĕṅinèki, na iku mariŋ papaḍaŋ, prañata śri dwarawati.

22. ratu iṛĕŋ mulus tĕrus, tĕkan babaluṅirèki, yèn ayama cĕmani ka, bhaṭara wisnu iŋ uni, kĕna ginawé sarana, nadyan prabhu dwarawati.

23. samani samana jumbuḥ, kĕna ginawé srananiŋ, mbésuk apraŋ bratayuda, sapa kaŋ dèn bĕbotohi, maraŋ śri bhaṭara krĕṣṇa, sayĕkti uṅgul iŋ jurit.

24. na : paḍaŋ prañata ratu, paḍaŋ paniṅalirèki, tĕrus datan kĕsamaran, tur wruḥ duruṅé jinarwi, mila juluk padmanaba, ratu dé ṅgaḍahi sari.

25. wijayakusuma luhuŋ, paṅuripaniŋ kaŋ jalmi, mati kaŋ mawa kabranan, pramila jujuluknèki, nĕṅgiḥ maraja késawa, déné ratu iṅkaŋ baṅkit.

26. triwikrama iṅkaŋ laṅkuŋ, prañata śri dwarawati, sagĕd amañcala putra, baṅkit amañcala putri, mila parab danardana, prañata śri narapati.

27. titisiŋ bhaṭara wisnu, anaṅiŋ namuŋ sapaliḥ, pama gĕni lan urupnya, lir sĕkar lan sarinèki, gĕniné śri danardana, urupé radyan prĕmadi.

28. caṅkoké krĕṣṇa saŋ prabhu, sariné arya jahnawi, ya lir satu lan rimbagan, mila parap arimurti, murti antĕŋ ari muḍa, prañata śri dwarawati.

29. titisiŋ bhaṭara wisnu, dados anèm tur nulusi, iŋ kajatmikani miwaḥ, muñjuli ṅapapak tuwin, mrojoliŋ akĕṛĕp lawan, loma naha bhaṭara di.

30. prataṇḍa pirṣa sah‍èstu, sahosiké kaŋ wadya ji, nĕtiŋ tyas tan kasamaran, awon sah‍éniŋ paṅèṣṭi, sadaya wus kahuniṅan, iṅupamakkĕn saŋ aji.

31. baṅkit aṅilani mĕṇḍuŋ, bisa añjariṅi aṅin, tur siniyan iŋ jawata, kinĕmulan widadari, kinacèk saminiŋ nata, tuwin lalabuhannèki.

32. ratu dwarawati èstu, ṅupadosan soriŋ laṅit, dasa tan antuk satuṅgal, sañut tan tuk sadasèki, ṅobori kaŋ papĕtĕṅan, mbabadi kaŋ sukĕt siṅit.

33. ratyambĕg palamarta nuŋ, awèḥ paṅan woŋ kalantiḥ, awèḥ saṇḍaŋ woŋ kawudan, awèḥ kuḍuŋ woŋ kaŋ lagi, kapanasan miwaḥ suka, soṅsoŋ woŋ kataman riris.

34. wèḥ tĕkĕn woŋ kluñon laku, śri luhur tan na ṅuṅkuli, ratu aṇḍap tan kuṅkulan, sasaminiŋ narapati, śri miguna iŋ aguna, tan ṅĕṇḍak gunaniŋ jalmi.

35. yĕkti ginuṅguŋ saŋ prabhu, kawibawaniŋ narpati, lan lalabuhaniŋ nata, sadalu pantarèŋ ratri, datan wontĕn pĕḍotira, pinuṅgĕl kaŋ murwèŋ kawi.

36. ratu dwarawati nuju, miyos siniwakèŋ muṅgwiŋ, sitiṅgil binata rata, ginarbĕg iŋ wanodya di, kaŋ sami aṅganararas, aḷĕṅgaḥ iŋ ḍampar rukmi.

37. pinatik nawa ṛĕtna rum, pinalipit iŋ sotyadi, alèlèmèk tuṇḍa sapta, kasur babut praṅwĕdani, sirṇa kamanuṅsanira, lir bhaṭara wisnumurti.

38. aṅaṅlaŋ jagad sawĕguŋ, ginarbĕg iŋ widadari, saḷĕṅgahirèŋ ḍaḍampar, saŋ prabhu dwarawati, wadya kaŋ sowan sadaya, tĕka ḷĕṛĕp siṛĕp sami.

39. siḍĕm pramanĕm sadarum, nir bawaniŋ walaŋ slisik, gogoḍoṅan tanpa mobaḥ, aṅin tan purun lumaris, muŋ abdi kaŋ nambutkarya, kĕmasan paṇḍé myaŋ géṇḍiŋ.

40. kaŋ takṣiḥ sami anambut, pandamĕlaniŋ narpati, cat kapyarṣa iŋ cat ora, kalawan swaraniŋ pĕkṣi, ĕṅkuk kaŋ méñcok iŋ gurda, puniku kaŋ kapiyarṣi.

41. sakiŋ paglaran satuhu, tĕka mĕwahi wiṅitiŋ, paséwakan pagĕlaran, paṅawé kèndĕl turṇya ris, èṅĕt kula muŋ punika, loṇṭaŋ janturan ṅariṅgit.

311. loṇṭaŋ

1. cĕbolaŋ ṅliŋ kados wus turut sadaya, datan wontĕn tumpaṅso niŋ kaŋ ukara, naṅiŋ lamun jĕjĕr ratu iŋ ṅamarta.

2. èṅétulun radi wontĕn sanèsira, paṅawé ṅliŋ ḷĕṛĕs iṅkaŋ paṅandika, wawatoniŋ jajanturan nata purwa.

3. wontĕn catur dwarawati wus kawahywa, iŋ ṅamarta madura lawan ṅastina, wontĕn maliḥ janturan hyaŋ girinata.

4. lamun jĕjĕr sanèsé gaṅsal punika, kĕdaḥ mirit sakiŋ iŋ salaḥ sajuga, mĕṇḍĕt sakiŋ pambĕganiŋ naranata.

5. myaŋ ya mirit gĕŋ alité kratonira, kantun ṅĕliḥ iŋ pundi aranniŋ praja, lan parapiŋ kaŋ dadya jĕjĕriŋ nata.

6. sèḥ matyasta sukèŋ tyas bĕcik bacutna, kaŋ minaṅka wawaton janturan ika, ki paṅawé manĕmbaḥ matur sandika.

7. sapunika janturannya śri ṅamarta, wit anĕṅgiḥ dumugi kapit samodra, cap ucapan punika sami kéwala.

8. lajĕṅipun tan wontĕn kados nagara, iŋ batanakawarṣa iya ṅamarta, prañata loḥ ajinawi tur nagara.

9. gĕmaḥ ripaḥ nagara karta raharja, pramilanya iṅaran lohé nagara, kaapit iŋ pasabinan antuk toya.

10. ajĕnawi tulus kaŋ samya tinañja, miraḥ iṅkaŋ sarwa tinumbas sadaya, tur amiraḥ saṇḍaŋ lawan tĕḍanira.

11. wadya lit sapraja batanakawarṣa, tan wontĕn kaŋ dipunkarilakkĕn miwaḥ, iṅaranan nagara gĕmaḥ satata.

12. laṅkuŋ kaṭahiŋ wadya lit kaŋ gĕgriya, iṅkaŋ sakiŋ nĕgari iŋ mañca praja, pramilanya aripaḥ maṅka prataṇḍa.

13. wadya alit kaŋ samya dagaŋ tan ana, kèndĕlira rahintĕn dalu tan pĕgat, datan wontĕn dèn astaani punika.

14. pramilanya winastan nagara karta, aprataṇḍa wadya lit tani kaŋ samya, iṅon iṅon kĕbo sapi bèbèk sata.

15. siyaŋ dalu aglar nèŋ paṅgonan samya, botĕn wontĕn kaŋ kinaṇḍaṅkĕn mriŋ wisma, awit sakiŋ kalisiŋ juti durṣila.

16. pramilanya winastan nagri raharja, aprataṇḍa kawula bala sadaya, anuhoni ṅèstokkĕn paréntaḥ nata.

17. datan wontĕn iṅkaŋ sulaya budinya, wadyabala sabiyantu abipraya, tur ratu agĕḍé murup oborira.

18. ḍuwur iṅkaŋ kukusé doḥ kuñcaranya, pah‍é nagri kaŋ kaṭaḥ kaṭaḥ punika, kaŋ ginuṅguŋ kawibawanniŋ naréndra.

19. lan agĕṅiŋ nagari sasaminira, yèn iŋ praja ṅamarta cintakapura, tan maṅkana kaŋ dèn guṅguŋ labuhannya.

20. naradipa lawan pambĕkaniŋ nata, ṅupadosa sawĕṅkoniŋ ṅarcapada, cacaḥ satus pan datan aṅsal sajuga.

21. cacaḥ sèwu èstu tan aṅsal sadasa, ambĕg paramarta paṇḍita kaliḥnya, tur ta ratu darana sadana bhoga.

22. ambabadi kaŋ asukĕt asuŋ paḍaŋ, aṅobori kaŋ pĕtĕŋ wèḥ kuḍuŋ maraŋ, uwoŋ iṅkaŋ kapanasĕn sartanira.

23. awèḥ payuŋ uwoŋ kodanan punika, awèḥ tĕkĕn woŋ kaluñon awèḥ tĕḍa, woŋ kaluwèn wèḥ saṇḍaŋ uwoŋ kawudan.

24. abotĕna paṇḍawa punika gaṅsal, sami gaḍaḥ watak priyaṅga priyaṅga, pambĕgané ratu ṅamarta punika.

25. woŋ sajagad dèn aku sanak sadaya, woŋ sajagad gĕŋ alit paḍa warata, ĕndaklakonané larané sadaya.

26. woŋ sajagad paḍa suka asugiha, aku iṅkaŋ aṅlakoni sĕṅkĕlira, pambĕgané radèn arya wrĕkodara.

27. sapa ala ya ndakalani pasaja, sapa bĕcik ya ndakbĕciki sañata, maṅkya pambĕkané panĕṅaḥ paṇḍawa.

28. radyan arya janaka añamirana, ñarambahi kaŋ ḍuwur kaŋ ĕṇḍèk ika, iṅkaŋ agĕŋ kaŋ alit kaŋ cĕlak tĕbiḥ.

29. kasrambahan sadaya mriŋ dyan janaka, miwaḥ prawan wulañjar tanapi raṇḍa, myaŋ somahan dèn akĕn bojo sadaya.

30. bojomu ja bojoku aja pépéka, dé bojoku bojoku ḍèwè wruhanta, pambĕkané radèn naṅkula sadéwa.

31. dyan naṅkula ala alamu priyaṅga, dyan sadéwa ala tĕmbé bĕcik béñjaŋ, laḥ punika pambĕkané kaŋ paṇḍawa.

32. sintĕn jululukiŋ ratu iŋ ṅamarta, prabhu puntadéwa prabhu darmaputra, darmawaṅsa prabhu guna talikrama.

33. prabhu darmakusuma śri yuḍiṣṭira, pramilanya ajujuluk puntadéwa, aprañata luwiḥ aṇḍap asorira.

34. tur ta gĕḍé apurané pramilanya, ajujuluk darmaputra prañatanya, dé pinutra mariŋ saŋ bhaṭara darma.

35. milanya ajujuluk prabhu darmawaṅsa, wus prañata jĕnĕṅé śri naranata, aṅahubi riŋ kulawarga sadaya.

36. mila parab prabhu guna talikrama, ucul sakiŋ tatakramaniŋ naréndra, pambĕkannya iṅkaŋ kaloka iŋ jagad.

37. tan aṅĕṇḍak gunaniŋ sasama sama, mila parab saŋ prabhu darmakusuma, ñata ṅlulusakĕn iŋ saciptanira.

38. sakaṭahiŋ iṅkaŋ lampaḥ kapĕnĕdan, pramilanya parab prabhu yuḍiṣṭira, kaŋ kacipta rahayunira bhawana.

39. tur naréndra kaŋ siniyan iŋ jawata, kinamulèn widadari myaŋ binéda, sasaminiŋ ratu yèn ta ginuṅguṅa.

40. lalabuhanira ratu iŋ ṅamarta, iŋ sadalu maṅsa wontĕn pĕḍotira, pan pinuṅgĕl kéwala kaŋ purwakanya.

41. saŋ aprabhu nuju miyos sinéwaka, nĕṅgiḥ wontĕn sitiṅgil binatarata, ginaṛĕbĕg dyaḥ kaŋ sami aṅganararas.

42. aḷĕṅgaḥ iŋ ḍampar kĕñcana minulya, pinatik iŋ miraḥ jumrut nawaṛĕtna, pinalipit sosotya di mawa praba.

43. alèlèmèk kasur babut praṅwĕdani, sirṇa kamanuṅsané kadi jawata, saŋ hyaŋ darma tumĕḍak ṅaṅlaŋ bhawana.

44. ḷĕṅgahira iŋ ḍampar prabhu ṅamarta, salajĕŋnya lan janturan dwarawatya, cap ucapan sami kéwala asmara. 

312. asmaradana

1. maṅkya ta janturannèki, ratu madura winarṇa, awit anĕṅgiḥ prajané, kapit iŋ samodra samya, lajĕṅé datan ana, kados nagri madurèku, babasan nagari pañjaŋ.

2. puñjuŋ ṅantu nagri pasir, awukir loḥ ajinarwya, nagri gĕmaḥ aripahé, nagri karta tur raharja, basa nagara pañjaŋ, mriŋ adawa prañatèku, nagri dawa pocapannya.

3. basa nagri puñjuŋ mariŋ, iŋ aluhur wus prañata, luhur tan na ṅasoraké, kaluhuraniŋ karatyan, tur nagri pasir apan, ṅajĕṅakĕn muwarèku, anĕṅĕnkĕn bandar arda.

4. ana basa nagri wukir, dé ṅuṅkurkĕn paṛĕdènnya, apa basa nagri ĕloḥ, dé nagri kapit sabinan, nagri ajinawi ka, tulus kaŋ sarwa tinandur, muraḥ kaŋ sarwa tinumbas.

5. tur muraḥ kaŋ saṇḍaŋ bukti, wadya alit datan ana, kaŋ kinaraṅlakkĕn ṛĕké, apa basa nagri karta, taṇḍa wadya lit miwaḥ, wadya tani kaŋ aṅiṅu, kĕbo sapi bèbèk ayam.

6. rahina pantara ratri, aṅglar wontĕn iŋ paṅènan, tan wontĕn kinaṇḍaṅaké, sakiŋ kalis iŋ durṣila, kaŋ sami dagaŋ layar, rahintĕn pantarèŋ dalu, datan kèndĕl iŋ pakarya.

7. basa nagri karta nĕṅgiḥ, aprataṇḍa wadyabala, sakiŋ iŋ nagari sanès, kaṭaḥ kaŋ lajĕŋ gagriya, basa nagri raharja, prataṇḍa wadyabala guŋ, tan wontĕn salayèŋ budya.

8. sumuṅkĕm préntahiŋ aji, tan ana kaŋ cacĕṅilan, tur ratu gĕḍé oboré, sarta duwur kukusira, atĕbaḥ kuñcaranya, babasan kaŋ cĕrak maṅluŋ, kaŋ adoḥ tumiyuŋ samya.

9. iŋ bulubĕktinirèki, sabĕn tahun atur asraḥ, gloṇḍoŋ paṅaṛĕŋ aṛĕṅé, miwaḥ asuŋ pupuṇḍutan, lalabuhanniŋ nata, padosa ṅarcapadèku, satus tan aṅsal satuṅgal.

10. sèwu sadasa tan maṅgiḥ, mbabadi kaŋ sukĕt miwaḥ, ṅobori kaŋ pĕtĕŋ ṛĕké, awèḥ saṇḍaŋ woŋ kawudan, wèḥ soṅsoŋ woŋ kodanan, wèḥ tĕkĕn woŋ kluñon laku, wèḥ kuḍuŋ woŋ kapanasan.

11. awèḥ paṅan woŋ kalantiḥ, sapa jujulukiŋ nata, śri kakrasana parabé, iya prabhu jaladara, ya prabhu baladéwa, kusumawalikitèku, mila parab kakrasana.

12. prañata śri narapati, wus gagaḍaṅané karṣa, pramilanya jujuluké, saŋ aprabhu jaladara, tatkalanirèŋ tapa, kwasa ṅambaḥ méga piṅul, mila parab baladéwa.

13. prañata sinuŋ wawaṅi, maraŋ saŋ hyaŋ girinata, kalané ṅarak kramané, iṅiriŋ maraŋ jawata, pramila apaparab, kusumawalikitèku, prañata titisiŋ muḍa.

14. niŋ dadya sĕpuḥ tur makṣiḥ, anĕtĕpi taklimira, maraŋ kaŋ rayi pamasé, tur śri siniyan jawata, kinamulèn wraṅgana, kinacèk saminiŋ ratu, manawa ta ginuṅguṅa.

15. kawibawaniŋ narpati, sadalu tan na pĕḍotnya, pinuṅgĕl kaŋ murwèŋ criyos, nuju miyos sinéwaka, wontĕn iŋ siti bĕntar, binaturata pinatut, iṅayap para wanodya.

16. binusanan sosotya di, kaŋ sami aṅganararas, ilaŋ iŋ kamanuṅsané, kadya hyaŋ bhaṭara brahma, tĕḍak aṅaṅlaŋ jagad, ginaṛĕbĕg para arum, ḷĕṅgaḥ iŋ ḍampar kañcana.

17. pinatik nawaṛĕtna di, pinalipit iŋ sosotya, saḷĕṅgahira saŋ katoŋ, lajĕŋnya sami kéwala, lan janturaniŋ krĕṣṇa, sampun tamat maṅkya ulun, mĕḍar janturan ṅastina.

18. wiwit anĕṅgiḥ dumugi, kapit iŋ samodra samya, makatĕn iŋ salajĕṅé, botĕn wontĕn kados praja, ṅastina ya wastina, ya nagri gajahoyèku, nagri pañjaŋ apuñjuṅan.

19. tur nagri pasir awukir, loḥ jinawi gĕmaḥ ripaḥ, nagri karta raharja, ana basa nagri pañjaŋ, pañjaŋ maraŋ adawa, prañata nagri kacĕluk, adawa pocapannira.

20. basa nagri puñjuŋ mariŋ, ṅaluhur prañata praja, luhur tan ana paḍané, kaluhuraniŋ karatyan, pasir maḍĕp muwara, anĕṅĕnakĕn bandar aguŋ, basa awukir dé praja.

21. ṅuṅkurkĕn paṛĕdèn asri, basa ĕloḥ déné praja, kapit iŋ pasabinané, ajinawi tulus iṅkaŋ, sarwa tinandur dadya, muraḥ kaŋ sarwa tinuku, tur muraḥ saṇḍaŋ lan paṅan.

22. dé gĕmaḥ prataṇḍa jalmi, kaṭaḥ kaŋ sami gagriya, basa aripaḥ taṇḍané, dadya kaŋ sami adagaŋ, rintĕn dalu tan kĕṇḍat, datan wontĕn kèndĕlipun, basa nagara akarta.

23. wadya alit wadya tani, iṅkaŋ sami iṅaḥ iṅaḥ, kĕbo sapi ayam bèbèk, rintĕn dalu glar paṅonan, tan wontĕn kinaṇḍaṅan, sakiŋ kalis iŋ jalma dur, basa kaŋ nagri raharja.

24. wadyabala aguŋ alit, nir kaŋ salaya iŋ budya, mituhu paréntahé rajèŋ, tan ana kaŋ cacĕṅilan, tur gri gĕḍé oborṇya, miwaḥ ḍuwur kukusipun, adoḥ iŋ kuñcaranira.

25. basan kaŋ prak maṅluŋ tuwin, kaŋ adoḥ tumiyuŋ samya, atur iŋ bulubĕktiné, sabĕn iŋ satahun asraḥ, gloṇḍoŋ aṛĕŋ aṛĕṅan, asuŋ pupuṇḍutannipun, tan tanaḥ jawi kéwala.

26. nadyan tanaḥ sabraŋ sami, ṅaturi bulubĕktinya, iŋ sabĕn kala maṅsané, lan lalabuhané nata, naréndra iŋ ṅastina, ṅupados ṅarcapadèstu, satus tan aṅsal satuṅgal.

27. sèwu sadasa tan oliḥ, mbabadi kaŋ sukĕt miwaḥ, ṅobori kaŋ pĕtĕŋ ṛĕké, awèḥ payuŋ woŋ kodanan, wèḥ tĕkĕn woŋ kaluñyan, kapanasĕn sinuŋ tuḍuŋ, awèḥ saṇḍaŋ woŋ kawudan.

28. awèḥ bhoga woŋ kalantiḥ, sintĕn jujulukiŋ nata, jayapitana pamasé, ya prabhu gandariputra, ya prabhu kurupatya, ya śri duryudana iku, liré śri jayapitana.

29. nata kalilan iŋ widdhi, apa iŋ sapanĕḍanya, mila jujuluk saŋ katoŋ, prabhu aṅgĕndariputra, prañata iṅkaŋ putra, dèwi aṅgĕndari tuhu, mila parab kurupatya.

30. prañata ratunirèki, kurawa satus sĕlapan, mila maliḥ jujuluké, śri naréndra duryudana, ñata suyut sadaya, wadyabala kadaṅipun, sakiŋ kahuṅkulan dana.

31. ratu kinasiyan déniŋ, jawata kinamulènan, wraṅgana widadariné, kinacèk saminiŋ nata, lamun ta ginuṅguṅa, iŋ kawibawaniŋ ratu, sadalu tan na pĕḍoté.

32. pinuṅgĕl kaŋ murwèŋ kawi, nuju miyos sinéwaka, nèŋ sitiṅgil binaturé, ginaṛĕbĕg iŋ wanodya, kaŋ samya ṅganararas, pinarak ḍampar masta tur, pinatik iŋ nawaṛĕtna.

33. pinalipit iŋ sotya di, ilaŋ kamanuṅsanira, lir hyaŋ bayu tatkalané, tumĕḍak aṅaṅlaŋ jagad, ginaṛĕbĕg waraṅgana, saḷĕṅgahiŋ ḍampar prabhu, iŋ salajĕṅipun samya.

34. apan kadi janturaniŋ, naréndra iŋ dwarawatya, mas cĕbolaŋ liṅira lon, ḷĕṛĕs turut sadayanya, sampuniŋ paséwakan, kocap kaŋ nèŋ ṅarṣa prabhu, salisiripun ki ḍalaŋ.

313. salisir

1. sèḥ matyasta lon liṅira, hèḥ pĕṅawé wĕḍaṛĕna, janturané hyaŋ prawata, manĕmbaḥ matur sandika.

2. anĕṅgiḥ pundi iṅkaŋ ka, éka adi dasa purwa, éka mriŋ sawiji ñata, adi mriŋ luwiḥ punika.

3. dasa sapuluḥ wardinya, purwa wiwitan jinarwa, maṅké ta iŋ suralaya, iṅkaŋ kinarya bubuka.

4. iya iŋ joṅgriṅsalaka, iya iŋ papagyawarṇa, pah‍é ratu marcapada, kaŋ ginuṅguŋ wibawanya.

5. lan pambĕganiŋ naréndra, sugihé jajahan lawan, agĕṅiŋ iŋ nagararja, iŋ suralaya ta boya.

6. namuŋ iŋ wisésanira, awĕnaŋ lamun misésa, tan wĕnaŋ yèn winasésa, awĕnaŋ lamun amurba.

7. datan wĕnaŋ yèn dèn purba, wĕnaŋ ayoga tan wĕnaŋ, lamun yèn dèn yogyakĕna, sartané wĕnaŋ akarya.

8. datan wĕnaŋ yèn kinarya, sapa jujulukiŋ jawata, kaŋ ṅaḍaton joṅgriṅslaka, ya bhaṭara girinata.

9. bhaṭara siwahabuja, ya bhaṭara nilakaṇṭa, ya bhaṭara gurutama, mila parab girinata.

10. giri ḍuwur wardinira, nata ratu ḍasar ñata, ratu kaŋ luhur pribadya, pramila jujulukira.

11. bhaṭara siwahabuja, ñata astané sakawan, mila parab nilakaṇṭa, aprañata ciri ṅgènnya.

12. iŋ tĕṅgoké bĕlaŋ séta, pramila bĕlaŋ kalanya, ṅuñjuk toya clĕkuṭana, mila jujuluk bhaṭara.

13. guru ñata gurunira, para jawata sadaya, kalamun tan ginuṅguṅan, kluhuran lan wisésanya.

14. sadalu tan na pĕḍotnya, pinuṅgĕl kaŋ murwèŋ kawya, bhaṭara siwababuja, nuju miyos sinéwaka.

15. muṅgèŋ balé martyukuṇḍa, siniwèŋ para jawata, lawan para ṛĕṣi samya, wiku nèŋ ṅarṣané nata.

16. sampun tamat muŋ punika, janturan hyaŋ girinata, matyasta maliḥ ṅandika, jujulukiŋ para nata.

17. bĕcik sira wĕḍaṛĕna, kaŋ kaṅgo jĕjĕr kéwala, mupuŋ ana sĕkṣinira, paṅawé nĕmbaḥ sandika.

18. naréndra nagri wiraṭa, śri basukĕṭi wardinya, prataṇḍa ratu kaŋ bisa, gawé swara pamicara.

19. śri nata iŋ durgandana, éwuḥ yèn ginawé ala, iya prabhu masyahpatya, taṇḍa tan wĕdi palastra.

20. śri naréndra iŋ madura, saŋ aprabhu kuṇṭibuja, taṇḍa śri bĕtaḥ nastapa, śri basudéwa madura.

21. taṇḍa śri lwiḥ wicaranya, prabhu bismaka kumbina, taṇḍa ratu kaŋ ṅaṅgya, gĕm agĕmaniŋ paṇḍita.

22. śri naréndra ṅlésanpura, prabhu satyajit parabnya, prataṇḍa śri naranata, sĕtya tuhu ciptanira.

23. maha prabhu ugraséna, ratu amĕṅku wardinya, dé nata cĕmpalaṛĕja, jujuluk prabhu sucitra.

24. ratu lwiḥ sĕsĕratannya, paparap ratu drupada, prataṇḍa śri naradipa, tan prayoga watĕsira.

25. śri naréndra mandaraka, saŋ aprabhu narasoma, prataṇḍa ratu kaŋ sonya, jujuluk narpati salwa.

26. aprataṇḍa ratu iṅkaŋ, gèsèḥ punika wardinya, nuwun sampun muŋ punika, ḷĕpat ḷĕṛĕsé sumaṅga.

27. cĕbolaŋ alon liṅira, sakiŋ iŋ paṅrahoṣkula, pan sampun ḷĕṛĕs sadaya, sèḥ matyasta aṅandika.

28. paṅawé laḥ wĕḍaṛĕna, ada adané śri nata, ṅaḍaton kaṇḍĕg gapura, manĕmbaḥ matur sandika.

29. lumiyatiŋ kawiryawan, kaḍaton piṇḍa kaswargan, gapura lir mérutula, pattyaka manik dumilaḥ.

30. sĕnĕnniŋ kumala muñcar, kasorotan iŋ raditya, inĕpiŋ gapura gĕḍaḥ, rinéka jalma pasihan.

31. lumiyat wardi niṅali, dé iŋ kawiryan tĕgĕsnya, kawiryaniŋ kraton ika, lir iṅga tumrun kaŋ swarga.

32. wardi kaḍatoné kaya, swarga ṅaliḥ ṅarcapada, gapura lir mérutula, tĕgĕsé rikaŋ gapura.

33. yèn sinawaŋ kadi arga, mahamèru gĕŋ iṅgilnya, patyaka manik dumilaḥ, kasorotan iŋ raditya.

34. wardi pucakiŋ gapura, manik agĕŋ kaŋ kinarya, dumilaḥ mañcoroŋ ika, amaḍaṅi kasorotan.

35. déniŋ hyaŋ prataṅgapatya, pama lir surya tumiba, kasaṅga pucak gapura, inĕpiŋ gapura éndaḥ.

36. wardi inĕpé gapura, kaca kaŋ digawé ika, rinéka jalma pasihan, wardi inĕpiŋ gapura.

37. kaca dèn tulis sujalma, jalu kalawan wanudya, lamun minĕp kadi lagya, papasihan dé yèn mĕṅa.

38. kadi jalma sasĕmayan, nahan ta kaya maṅkana, upa ṛĕṅganiŋ gapura, tliti pan namuŋ punika.

39. cĕbolaŋ mèsĕm liṅira, sampun kacĕkap punika, aṅliŋ maliḥ sèḥ matyasta, paṅawé kalamun sira.

40. kah‍éliṅan janturané, ratu iŋ wayaŋ gĕḍogé, nuwun kaṭaḥ iṅkaŋ supé, awit botĕn naté kaṅgé.

41. cĕbolaŋ matur manawi, punika kakaŋ nurwitri, apil iŋ sadayanèki, wit ṛĕmĕnira ṅlaṅkuṅi.

29. gĕntos nurwitri kaḍawuhan mbèbèr janturan riṅgit gĕḍog jĕjĕr jaṅgala.

lajĕŋ kaḍawuhan nĕraṅakĕn asmaniŋ para ratu dalaḥ patihipun, wiwit ratu iŋ mĕḍaŋkamulan, majapahit, jaṅgala, ṅurawan, siṅasari

42. kita duruŋ tahu kruṅu, apa kèḥ bédané iku, karo kaŋ kawĕḍar mahu, kaṭaḥ kahoté sah‍èstu.

43. riṅgit gĕḍog laṅkuŋ pañjaŋ, bubukanya ilahèṅan, nurwitri pamintaniṅwaŋ, wĕḍaṛĕna aja waṅwaŋ.

44. lagon pélog tandya buka, hoŋ ilahèŋ awigĕna, mastu namas siddhi ana, aratu laṅkuŋ sudibya.

45. pranatèŋ rat pramuditya, lila sĕkariŋ bhuwana, amastutiyèŋ jawata, iŋ saŋ hyaŋ wisésa linaŋ.

46. cana cana mastutiyèŋ, jawata saŋ hyaŋ wisésa, ya hoŋ swasana pratiṣṭa, makuṭa kaṭuŋ kasiya.

47. ya hoŋ swasana pratiṣṭa, makuṭa kaṭuŋ kalapi, iya woŋ witniŋ muṣṭika, sari duruŋ mantra mantra.

48. wétan aṅĕṇḍanu kulon, tatkala ki ḍalaŋ jati, ñritakaké sukma jati, anaṅsir rupa nir rupa.

49. aṅgroñjal sinuŋ mayoga, kawikannana dèn nira, iŋ satuhu tuhunira, kaŋ amurbèŋ rat kapuja.

50. bubukané dèn nya nĕḍak, nukil srat kalimasada, pan katĕḍak iŋ dalañcaŋ, dados riṅgit bèbèr nama.

51. kalampahan jaman purwa, kaŋ dados kalaṅĕnannya, iṅkaŋ amĕṅku nagara, ila ilané punika.

52. aṅgĕmahakĕn iŋ désa, baṛĕkat mupakat barkat, iŋ ratu tumraḥ sapraja, babon maniñjak katĕḍak.

53. rontal dados riṅgit purwa, takṣiḥ lalampahannira, jaman purwa iṅgiḥ dadya, kalaṅĕnannira iṅkaŋ.

54. amĕṅku nagara jawa, ila ilané punika, aṅarjakakĕn nagara, babonné maniñjan nulya.

55. pan katĕḍak iŋ wacucal, dumadya kaŋ riṅgit purwa, lampahan iŋ jaman purwa, iṅgiḥ dadya kalaṅĕnan.

56. iṅkaŋ mĕṅku nagri jawi, ila ilané mĕwahi, kartaniŋ jaman sayĕkti, babonné maniñjan jati.

57. katĕḍak wacucal maliḥ, santun waṅunaniŋ riṅgit, riṅgit gĕḍog wastanèki, lalampahanniŋ narpati.

58. akĕkadaŋ sami aji, atut rukun dèn nya sami, akĕkadaŋ śri bhupati, ṅgiḥ dados klaṅĕnannèki.

59. kaŋ amĕṅku nagri jawi, ila ilané mĕwahi, rarasiŋ nagari jawi, babonné maniñjan jati.

60. katĕḍak iŋ kajĕŋ miriŋ, dados riṅgit krucil nami, utawi kliṭik namèki, lampahannya ratu èstri.

61. iŋ majalaṅu kaŋ nagri, ṅgiḥ dados klaṅĕnannèki, kaŋ mĕṅku nagri jawi, ila ilané mĕwahi.

62. saṅkĕpé lalaṅĕn tumraḥ, sawadyabala sadaya, tĕlas tĕpa palupinya, anĕṅgiḥ kaŋ ḍalaŋ jawa.

63. iŋ saṅkané ana jalma, ṅĕḍog doṅèŋ nopèŋ ika, iṅkaŋ kinarya lampahan, pañji kalawan kirana.

64. na woŋ tuwa nini nini, andoṅèṅké putunèki, iṅkaŋ anĕmbé dumadi, paṅantèn añar supadi.

65. gĕlis atut kaŋ kinarya, lalampahan datan liya, pañji kalawan kirana, sigĕg gya mocuŋ sèbĕt byar.

314. pocuŋ

1. katalika maṅké wontĕn kapanuju, kinarya bubuka, anĕṅgiḥ nagri iŋ pundi, kaŋ kah‍éka iṅkaŋ adi dasa purwa.

2. éka mariŋ, sawiji adi mriŋ luhuŋ, dasa ya sadasa, purwa wiwitan sayĕkti, pan wĕnaṅé ṅucapĕna titahiŋ hyaŋ.

3. girinata, sanadyan kaṭaha iku, kaŋ sami kasaṅga, pratiwi kuṅkulan laṅit, miwaḥ iṅkaŋ kaapit apit samodra.

4. botĕn wontĕn, kadi nagri iŋ jĕṅgala, pramila iŋ praja, jĕṅgala pinurwèŋ kawi, dèn irèstu nagri pañjaŋ apuñjuṅan.

5. tur nagari pasir awukir satuhu, loḥ jinawé miwaḥ, nagri gĕmaḥ ripaḥ tuwin, karta harja punapa ababasannya.

6. winastanan nagari pañjaŋ puniku, pañjaŋ mriŋ adawa, adawa pocapannèki, dé babasan winastan nagri puñjuṅan.

7. wardinipun, puñjuŋ mariŋ iṅaluhur, dé ṅaluhur datan, wontĕn iṅkaŋ aṅuṅkuli, iŋ kaluhuranné nagari jĕṅgala.

8. nagri pasir basa pasir samodra guŋ, ṅajĕṅkĕn muwara, nĕṅĕnkĕn bandar mawardi, dé nagari awukir ṅuṅkurkĕn arga.

9. winastanan nagri ĕloḥ wardinipun, loḥ mriŋ pasawahan, kaŋ tinandur tulus dadi, tur amuraḥ tinumbas saṇḍaŋ lan paṅan.

10. wadya alit botĕn wontĕn iṅkaŋ dipun| karaṅlakkĕn dèn ta, gĕmaḥ iŋ akaṭaḥ yĕkti, titiyaŋ kaŋ sami gagriya aṅrĕdda.

11. nèŋ sajroniŋ nagara bĕntĕt pinatut, winastan aripaḥ, tiyaŋ kaŋ sami gĕgrami, siyaŋ dalu lumĕbĕt sajroniŋ praja.

12. aṅlur sĕlur datan wontĕn pĕḍotipun, sakiŋ nagri mañca, awit tan wontĕn kuwatir, iṅkaŋ dipunsaṅsayakakĕn iŋ marga.

13. dé winastan nagari karta punika, maraŋ kasantosan, dé wadya lit wadya tani, iṅkaŋ sami ṅon iṅon ḷĕmbu mah‍ésa.

14. miwaḥ bèbèk ayam iŋ rahintĕn dalu, aglar nèŋ paṅonan, datan wontĕn dipuṅiriŋ, kinaṇḍaṅan sakiŋ kalis iŋ durṣila.

15. winastanan nagari harja puniku, maraŋ kapĕnĕdan, dé abdidaḷĕm kaŋ sami, mlampaḥ damĕl sabiyantu riŋ kabudya.

16. tur aṅèstokakĕn paréntahiŋ ratu, jriḥ asiḥ mriŋ nata, tur nata guŋ oborṇèki, myaŋ aluhur kukusé doḥ kuñcaranya.

17. basaniŋ kaŋ pĕrak mayuk doḥ tumĕluŋ, iŋ bulubĕktinya, sabĕn kalamaṅsa prapti, asraḥ gloṇḍoŋ paṅaṛĕŋ aṛĕŋ kalawan.

18. aṅaturi iŋ sapamuṇḍutanipun, lan lalabuhannya, bhrawijaya narapati, ṅupadosa sajroniŋ kaŋ madyapada.

19. satus datan antuk satuṅgal yèn sèwu, tan aṅsal sadasa, mbabati kaŋ sukĕt tuwin, aṅobori kaŋ pĕtĕŋ wèḥ saṇḍaŋ maraŋ.

20. woŋ kawudan wèḥ paṅan kaŋ klantiḥ asuŋ, kuḍuŋ kapanasan, awèḥ payuŋ woŋ kariris, awèḥ tĕkĕn woŋ kaluñon amriḥ harja.

21. tur ta ratu sinihan mriŋ jawata guŋ, kinamulèn para, widadara widadari, kinacèk iŋ sasaminira naréndra.

22. pan sadalu botĕn wontĕn pĕḍotipun, maṅké pinuṅgĕl kaŋ, amurwa mĕḍar kakawin, wus tartamtu woŋ aguŋ iŋ jaman kuna.

23. yèn amiyos siniwaka tarlèn amuŋ, ri soma ṛĕspatya, maṅké nuju ri ṛĕspati, pêpak wadyabala kaŋ sami suméwa.

24. bo agĕlar wontĕn pasowanannipun, piyambak piyambak, kaŋ sowan nèŋ sripaṅanti, iya para bhupati gĕḍoŋ kaparak.

25. sakaliwon panèwu myaŋ mantrinipun, kapḍak sakrakyana, jagabaya iṅkaŋ sami, tĕṅga kori iŋ régol iŋ sripaṅantya.

26. ambèr dugi kori kamaṇḍuṅanipun, ya abdi kaparak, piniliḥ kanoman nĕṅgiḥ, asisihan kalawan woŋ patrayuda.

27. bo amèr iŋ sajawiné kori maṇḍuŋ, sintĕn kaŋ asowan, ñjawiniŋ maṇḍuṅan kori, didaḷĕm kaparak miji tanuwastra.

28. bo amblèbèr dumugi saḷĕbĕtipun, kori brajanala, sintĕn kaŋ sowan sajroniŋ, brajanala ya abdidaḷĕm kaparak.

29. siṅamarta kalawan kartiyasèku, ambèr sajawinya, kori brajanala nĕṅgiḥ, kaŋ asowan sajawiniŋ brajanala.

30. abdidaḷĕm kaparak wiryabrajèku, lawan brajanala, dumugi iŋ sitiiṅgil, sapa sintĕn kaŋ sowan iŋ sitibĕntar.

31. abdidaḷĕm panèkĕt panalawèku, kabayan kaparak, nirbaya nirbita tuwin, joḍipati saragni wisapracaṇḍa.

32. wadya ñutra astra naṅga jagapurun, maṇḍuŋ mahudara, ambèr maṅalèr dumugi, saklériŋ kaŋ kaguṅandaḷĕm witana.

33. sintĕn kaŋ asowan ya wadya kĕtaṅguŋ, iŋ gaṇḍok kalawan, gaṇḍok mantri anom tuwin, abdidaḷĕm niyaga lawan majĕgan.

34. kadi ḍoyoŋ pañcakṣuji sitiluhur, kalèṇḍèhan bala, kaŋ sowan ambèr dumugi, saṅaṇḍapiŋ sitiṅgil sintĕn kaŋ sowan.

35. kiwa tĕṅĕn ṇḍak uṇḍakan sitiluhur, didaḷĕm kaparak, martalulut siṅanagri, lawan wadya ṅupacara priyantaka.

36. kaŋ aṅampil soṅsoŋ bawatiŋ kaprabhon, lan wahos sañjata, uḷĕsan saṅkĕlat abrit, jurudĕmuŋ bo ambèr iŋ pagĕlaran.

315. jurudĕmuŋ

1. sapa sintĕn kaŋ asowan, nèŋ iŋ pagĕlaran nĕṅgiḥ, sira mantriwisésa nuŋ, kyayi patiḥ kudanawarṣa, myaŋ pra puṅgawa tumĕṅguŋ, sinaŋ arya pandĕḷĕgan, kaṇḍusuwan kiwanipun.

2. aṇḍalowi pĕcattaṇḍa, dĕmaŋ raṅga ṅabèhi iku, jajar lan para putra nuŋ, miwaḥ kaŋ para santana, aglar iŋ paglaran wimbuḥ, warṇa warṇa bhuṣaṇanya, suṛĕm saŋ hyaŋ rawi kusut.

3. kasĕnĕnanniŋ bhuṣaṇa, bo ambèr sajuru juru, mariŋ pakapalannipun, pra mantri kaŋ sami sowan, sampun tartamtu woŋ aguŋ, iŋ jaman kina yèn arṣa, miyosi siniwakèku.

4. ṅuṅĕlkĕn sañjata iṅgar, ambal kapiŋ tiga namuŋ, kaŋ ñuḷĕt bagéyannipun, para ñahi narantaka, punapa antawisipun, taṅara muṅĕl sapisan, aprataṇḍa yèn saŋ prabhu.

5. arṣa miyos siniwaka, obaḥ iṅkaŋ para wadu, iṅkaŋ ṅgaḍahi puniku, kawajiban cacĕpĕṅan, ṅuḍunkĕn cĕpĕṅanipun, panaḥ gaṇḍéwa sañjata, wahos tamèŋ towok tulup.

6. yèn tĕṅara muṅĕl iṅkaŋ, piŋ kaliḥ obaḥ sadarum, kawula wadyabalèku, mirantos paṅgénannira, rakit iŋ sajuru juru, yèn amuṅĕl kapiŋ tiga, obaḥ bhupati tumĕṅguŋ.

7. myaŋ mantri kaŋ sami sowan, kaŋ léyaṅan gaṇḍagèku, ṅundurkĕn gĕṇḍaganipun, kaŋ léyaṅan ĕpokira, aṅundurkĕn ĕpokipun, kaŋ ḷĕṅgaḥ iŋ lanté samya, aṅundurkĕn lanténipun.

8. prataṇḍa yèn bhrawijaya, wus tĕḍak sakiŋ kaḍatun, maṅké kaŋ gaṭita tĕrus, muṅĕl kaŋ sañjata liṅgar, saḷĕbĕté kaḍaton guŋ, oṛĕg kawula sadaya, kaŋ samya sowan sadarum.

9. i prikañca amĕṇḍaka, sila braja makiḍupuḥ, aja awor aja campur, tĕṅaradaḷĕm wus munya, arṣa umiyos woŋ aguŋ, kawula kaŋ samya darbya, cacĕpĕṅannya sadarum.

10. aṅuḍunkĕn cacĕpĕṅan, muṅĕl kaliḥ tĕṅarèku, kaŋ sañata liṅgar gur, oṛĕg bala kwula wadya, priyayi kañca déné sru, tĕṅaradaḷĕm rinambaḥ, arṣa umiyos woŋ aguŋ.

11. sakèhé kawula bala, kaŋ sami jajar iŋ ṅayun, amirantos prĕnahipun, sowaŋ sowaŋ rakit tata, patiḥ kudanawarṣèku, kakaŋ mĕṅguŋ paṅĕñcanan, wontĕn punapa nindya nuŋ.

12. pĕkĕnira pirṣa kakaŋ, kaŋ sun jajari sadarum, tinata a maṅgènnipun, ywa kalèru paṅgĕnannya, pan arṣa miyos woŋ aguŋ, iṅgiḥ ki luraḥ sandika, ḍawuḥ punapi wus atus.

13. ĕṅgèḥ nuli kapirṣa a, kañca kabayan sadarum, prĕnaḥna kaŋ paḍa ayun, añjajari maṅgonnira, aja na ṅanti kalèru, paṅgonanné kadi saban, muṅĕl maliḥ tĕṅara gur.

14. obaḥ kwula wadyabala, kaŋ léyaṅan gĕṇḍagèku, ṅundurkĕn gĕṇḍaganipun, kaŋ léyaṅan ĕpoknya, ṅundurkĕn ĕpokipun, kaŋ ḷĕṅgaḥ iŋ lanténya, aṅundurkĕn lanténipun.

15. tan antara kaŋ para dyaḥ, kakaliḥ añoṭé ḍuwuŋ, muḍun sakiŋ sitiluhur, ṇḍawuhkĕn timbalan nata, praptèŋ ṅarṣaniŋ nindya nuŋ, ki patiḥ kudanawarṣa, ḍawuḥ daḷĕm saŋ aprabhu.

16. ijĕṅandika ṅandikan, ṅgèḥ sandika aturipun, bocaḥ kapatiyan mĕḍuŋ, lajĕŋ sarta mamĕṇḍapan, kapĕṭuk iŋ pra gustiku, kérit miṅgaḥ sitibĕntar, miyos siniwaka prabhu.

17. bhrawijaya iŋ jĕṅgala, wontĕn siti iṅgil binatur, rana ginarbĕg sadarum, kaŋ sami aṅganararas, ḷĕṅgaḥ iŋ ḍampar mas murub, pinatik iŋ nawa ṛĕtna, tinarètès sosotya nuŋ.

18. ujwala piṇḍa sudama, alèlèmèk kasur alus, babut praŋ wĕdani luhuŋ, tĕka nir kamanuṅsannya, kadya hyaŋ cakra tumurun, ṅaṅlaŋ jagad ginarbĕg dyaḥ, widadari kaŋ linaṅkuŋ.

19. saḷĕṅgahira ḍaḍampar, bhrawijaya saŋ aprabhu, iṅkaŋ séwaka sadarum, tĕka ḷĕṛĕp siṛĕp samya, tiḍĕm pramanĕm mabukuḥ, botĕn wontĕn prabawanya, walaŋ salisik tan purun.

20. gigoḍoṅan tan obaḥ, samirana tan lumaku, tan wontĕn swara karuṅu, sakiŋ iŋ paglaran tan lyan, swaraniŋ abdi kaŋ nambut, karya ya abdi kĕmasan, gĕṇḍiŋ paṇḍé cat karuṅu.

21. kaḍaŋ cat botĕn kapirṣa, lawan swaraniŋ pĕkṣi ĕṅkuk, myaŋ kaŋ pakṣi jalak pĕñu, kaŋ méñcok nèŋ kajĕŋ gurda, tĕka amĕwahi muṅguḥ, wiṅitiŋ kaŋ paséwakan, sintĕn jujulukipun.

22. ajujuluk bhrawijaya, iya ḷĕmbu amiluhur, bhrawijaya jayèṅpupuḥ, añjayèṅpati paparab, ya andéwakusumèku, tĕgĕsé kaŋ bhrawijaya, kaŋ basa bra tĕgĕsipun.

23. añarambahi iŋ kaṭaḥ, tĕgĕsé wi luwiḥ laṅkuŋ, jaya mĕnaŋ wardinipun, wardinipun bhrawijaya, ratu linuwiḥ satuhu, kaṭaḥ kawicakṣanannya, tuwin kadikdayanipun.

24. ḷĕmbu amiluhur ika, ḷĕmbu kaŋ kuwasa mabur, aṅambaḥ iŋ madya luhur, tĕgĕsé añjayèṅrana, asriŋ mĕnaŋ iŋ apupuḥ, añjayèṅpati wardinya, kaŋ digdaya iŋ apupuḥ.

25. tur mĕnaŋ aṛĕbat pĕjaḥ, dé andéwakusumèku, basa déwa pan linaṅkuŋ, kusuma sĕkar kaŋ warṇa, adi gandanira arum, mila miyos siniwaka, saŋ prabhu brawijayèku.

26. wontĕn kaŋ ginaliḥ mila, animbali saŋ nindya nuŋ, miṅgaḥ mariŋ sitiluhur, pinandĕŋ iŋ tiṅal dadya, tumuṅkul amarikĕlu, kaya koñjĕm iŋ pratala, wadanané saŋ nindya nuŋ.

27. nurwitri alon liṅira, muŋ samantĕn èṅĕtulun, matyasta suka liṅipun, apa ana bédanira, janturanné aṅĕḍatun, wayaŋ gĕḍog lawan purwa, iṅgiḥ wontĕn sanèsipun.

28. kalamun sira kèṅĕtan, kaḍatonan gĕḍog jantur, iya sah‍éliŋ éliŋmu, réyaŋ kapéṅin miyarṣa, nurwitri anulya ñjantur, awit jĕṅkar aṅaḍatyan, dumugi iŋ kèndĕlipun.

29. sabdaniŋ paṇḍita ñata, paṅandikaniŋ saŋ prabhu, tan kĕna amiṇḍo wuwus, baraŋ kaŋ dèn andikakna, sapisan tan kéṅiŋ waṅsul, tĕḍak sakiŋ iŋ ḍaḍampar, arṣa kondur aṅĕḍatun.

30. sinoṅsoṅan kĕrtas jĕnar, mubyar pinarada ĕbyur, para biyada gumuruḥ, kaŋ sami ṅampil pacara, taḷĕmpak laṇḍéyan wargu, sinulam kañcana mulya, myaŋ wahos agĕm saŋ prabhu.

31. kaŋ ṅampil capuri jajar, lawan gaṇḍèk anèŋ ṅayun, lawan paṅuñjukanipun, kĕṇḍi pratala kañcana, nèŋ bokor kañcana murub, lan ḍampar kañcana mulya, kĕbut lar mañura luhuŋ.

32. muṅgèŋ kériŋ miwaḥ kanan, pantĕs tan na wiṅwaŋ tuhu, bhrawijaya jaṅgalèku, ayun kondur aṅĕḍatyan, lampahé lir macan aṅluḥ, lémbéhan korakan kontal, riyakan gajaḥ aliwuŋ.

33. ginaṛĕbĕg iŋ baḍaya, kawan lajur sisihipun, pra wanudya ayu ayu, kaŋ sami éndaḥ warṇanya, sajari tlapakanipun, kaŋ samĕkan tĕṅahira, payudara mandul mandul.

34. kaŋ mlok mĕlok wadananya, rompyoḥ rompyoḥ sinomipun, ṅampil upacara prabhu, sap asta mas bañakḍalaŋ, kukuṭuk sababonipun, sawuṅgaliŋ ṛĕṇḍi kidaŋ, liman ardawalikèku.

35. lantaran sopal kañcana, pakĕcohan rukmi murub, kaŋ cakĕt iŋ ṅarṣa prabhu, tĕka nir kamanuṅsannya, kaya jawata tumurun, amilaṅlaŋ iŋ bhawana, widadari grĕbĕg puṅkur.

36. kèndĕl iŋ pundi śri nata, dèn nira arṣa ṅaḍatun, kèndĕl wontĕn madyanipun, iṅkaŋ balé sokasana, ajumĕnĕŋ sartanipun, léyaṅan laré wujul myaŋ, nolèḥ kiwa tĕṅĕnnipun.

37. sapa sintĕn kaŋ atampa, sĕdu maḷĕm saŋ aprabhu, iya nimbok sĕpĕtmadu, myaŋ mbok madu pinaṣṭika, nĕmbaḥ gya lumajĕŋ gupuḥ, ḍatĕŋ iŋ wana pucaṅan, aṅaturi iŋ woŋ aguŋ.

38. guruniŋ putri wus tamat, samantĕn kèṅĕtanulun, ya nur saka paṅrasaku, cukup turut kaŋ ukara, priyé paṅawé sirèku, laḥ mbok iya aṅapalna, tĕmbé yèn ana kaŋ ṅaṅsu.

39. paṅawé nĕmbaḥ turira, kajawi wontĕn kalaku, wĕgaḥ sakiŋ pañjaṅipun, sèḥ matyasta maliḥ mojar, nurwitri yèn sira émut, jujulukiŋ para nata, lawan patiḥ gambuhipun.

316. gambuḥ

1. nurwitri nĕmbaḥ matur, sakiŋ ṛĕmĕn dadya makṣiḥ émut, jujulukiŋ ratu jĕjĕriŋ kaŋ riṅgit, gĕḍog mĕṅgaḥ para ratu, umpak umpakaniŋ katoŋ.

2. bhrawijaya rumuhun, dé wardinya wus kasĕbut ṅayun, lajĕṅipun punika naminiŋ aji, mĕṇḍaṅkamulan rumuhun, jayaḷĕṅkara saŋ katoŋ.

3. wardi saṅĕt satuhu, ṅaṅgit tiṅkaḥ kapĕnĕdan luhuŋ, ratu majapahit kaŋ sĕpuḥ winarṇi, téja aḷĕṅkara prabhu, wardi ṅuniṅani yĕktos.

4. paṅaṅgit tiṅkaḥ tanduk, kapĕnĕdan śri téjaṅkarèku, tĕmbuŋ wañcaḥ wardinipun sami ugi, iŋ jaṅgala amiluhur, iŋ wahu sampun kacriyos.

5. śri kaḍiri winuwus, ḷĕmbu amijaya tĕgĕsipun, ḷĕmbu iṅkaŋ mĕjahi saminiŋ sapi, ya jayanagara èstu, lalanaṅiŋ nagri yĕktos.

6. śri ṅurawan winuwus, ḷĕmbu amisani tĕgĕsipun, ḷĕmbu iṅkaŋ amisésa ya saŋ aji, ḷĕmbu saṅara pan ḷĕmbu, sagĕd ṅambaḥ iŋ toya rob.

7. i jayasana prabhu, sagĕd maṅgènnakĕn sliranipun, maṅkya jujulukiŋ ratu siṅasari, ḷĕmbu maṅaraŋ saŋ prabhu, ḷĕmbu kaŋ sagĕd basa woŋ.

8. ya ḷĕmbu amĕrdadu, wardi ḷĕmbu kaŋ ḷĕmĕs kaŋ alus, ya śri añjawantaka tĕgĕsnèki, kaŋ digdaya iŋ praŋ pupuḥ, maṅkya para patiḥ gumantos.

9. iŋ jaṅgala prajaguŋ, kya kudanawarṣa tĕgĕsipun, kuda aran titihan na awĕniŋ, warṣa tuduḥ iṅkaŋ jawuḥ, pikir lir ḍawaḥ iŋ jawoḥ.

10. tur paḍaŋ rosa pĕṅkuḥ, gantya patiḥ kaḍiri winuwus, nindyamantri jayabadra tĕgĕsnèki, kasagĕdan piṇḍanipun, paḍaṅiŋ wulan mĕñcoroŋ.

11. ṅurawan patihipun, jayasiṅa mĕṅgaḥ wardinipun, jaya mĕnaŋ siṅa macan kajĕṅnèki, sagĕd tur mĕnaŋ apĕṅkuḥ, iŋ ṅurawan winirahos.

12. jayakacĕmba èstu, winardènan baṅkit awor ḷĕmbut, miwaḥ kasap tilas namanipun patiḥ, ki matyasta maṇṭuk maṇṭuk, wasana ṅandika alon.

13. paṅruṅuku wus daṅu, uniné kaŋ bĕḍug iku mahu, wus sĕḍĕṅé wĕktu sĕmbahyaŋ luhur i, prayoga ṅasowa kulup, naḍaḥ bañjur wĕktu lohor.

14. iṅkaŋ kinèn wus mundur, mariŋ tajug naḍaḥ tuwin wĕktu, tan cinatur ratrinya lir sabĕnèki, éñjiṅé sawusnya muruk, samya nèŋ paṇḍapa ñjagoŋ.

15. matyasta liṅira sun, nutugaké wiṅi kaŋ kacatur, janturanné wayaŋ gĕḍog waduwaji, akèḥ kaŋ nora kasĕbut, kaŋ paḍa sumiwèŋ katoŋ.

30. sèḥ matyasta ṅandika biliḥ iŋ janturan wayaŋ gĕḍog, kaṭaḥ para waduwaji iṅkaŋ sami ṅabyantara nata, naṅiŋ botĕn kasĕbut. lajĕŋ katĕraṅakĕn isinipun sĕrat waduwaji utawi raja kapa kapa bab wadyabpuṅgawa tuwin prajuritiŋ nata, sĕsĕbutanipun tuwin kawajibanipun piyambak piyambak. mas cĕbolaŋ tuwin para santrinipun kaḍawuhan ṅlajĕṅakĕn lampaḥ ḍatĕŋ wirasaba

16. cĕbolaŋ lon umatur, sawĕg nĕmbé iŋ pamyarṣahulun, paṅandika kaŋ winastan waduwaji, pañcèn waduwaji iku, sagotraḥ pra wadya katoŋ.

17. iŋ jamannira daṅu, ṅaṅgo winardèn lir kaŋ kasĕbut, layaŋ raja kapa kapa arannèki, mas cĕbolaŋ nĕmbaḥ matur, prayogi biliḥ kawiyos.

18. pantèn iŋ pamintamu, atut aṅiŋ muŋ sah‍éliṅiṅsun, blĕjat blĕjat luṅguḥ lan wardinirèki, loṭuŋ kaṅgo cagak luṅguḥ, timbaŋ ñatur alaniŋ woŋ.

19. patiḥ iṅkaŋ karuhun, wardi paréntaḥ iya puniku, iṅkaŋ wĕnaŋ paréntaḥ pra wadya tuwin, iṅkaŋ kapasrahan tuhu, paṅawasa iŋ saŋ katoŋ.

20. ñampurṇakakĕn ḍawuḥ, saholahiŋ pranata prajèku, maṅkya adipati wardi paṅgĕḍéniŋ, paréntaḥ iya puniku, kaŋ winĕnaŋ iŋ saŋ katoŋ.

21. tampi ḍawuhiŋ ratu, utawa kaŋ kasèrènan iku, paṅuwasaniŋ patiḥ paréntahkĕn yĕkti, patrapiŋ satuhunipun, bĕbĕnĕran kaŋ sayĕktos.

22. sénapati winuwus, wardi amaṅku paréntaḥ tuhu, iṅkaŋ wĕnaŋ aṅgaḍuḥ paṅwasa aji, pinasrahan aṅrèḥ wadu, para prajuritiŋ katoŋ.

23. marikṣani wira nuŋ, iṅĕr gĕlariŋ kaŋ apraŋ pupuḥ, aṅaṅlaṅi priṅgabayaniŋ ajurit, wĕnaŋ lawan mokalipun, maṅkya bhupati rinahos.

24. déné ta wardinipun, bawahaniŋ paréntaḥ puniku, iya iku kaŋ winĕnaŋ maréntahi, bawahiŋ pribadinipun, lawan kaŋ bĕnĕr sayĕktos.

25. nampani préntahipun, sakiŋ papatiḥnya saŋ aprabhu, maṅkya adipati kupu wardinèki, adipati mardikèku, madanani wadu katoŋ.

26. pradikan para wiku, pan winĕnaŋ maréntahkĕn tuhu, saholahiŋ pranata iṅkaŋ agami, déné ta pakaryanipun, aṅlakoni kudu jégos.

27. sakriḍaniŋ puniku, laki rabi apa mĕṣṭinipun, lan bĕciké tĕkèŋ sampunaniŋ jisim, wasis mutusi pamandum, titiṅgalaniŋ kaŋ layon.

28. waṣkiṭèŋ karya rampuŋ, iŋ prakara talak wasiatu, rukun waris waḥ trap tutulak sasakit, amumulaŋ amumuruk, lakuniŋ agamaniṅoŋ.

29. nupikṣa sakèhipun, papan kamukṣan sakaliripun, patilasan atanapi caṇḍi caṇḍi, déné kawajibanipun, kudu maṅrĕti gumaṭok.

30. lumastariniŋ wadu, aṅèstokkĕn riŋ agamanipun, istijratiŋ nagara kudu mĕruhi, sakèḥ agama kawĕṅku, baṅkit nĕgĕsi ñurahos.

31. sakriḍaniŋ kaŋ tĕmbuŋ, ékal ékal iŋ sajuru juru, tinartamtu siṅid wardiniŋ narpati, dé tumĕṅguŋ wardinipun, ḍĕṅguŋ twin tatiṇḍiḥ yĕktos.

32. iṅkaŋ winĕnaŋ tuhu, marikṣani samubaraṅipun, iŋ lalakon ayahaniŋ narapati, miwaḥ kabubuhan iku, olaḥ gagaman kaŋ dados.

33. agĕmiŋ saŋ aprabhu, lawan winajiban tinartamtu, naṅguŋ ala ambĕké kañcanirèki, wadana maṅkya winuwus, wardiniŋ kaŋ winirahos.

34. rahi tuwin paṅayun, kaŋ winĕnaŋ dadi ulu ulu, patrapiŋ kaŋ paṅgawéyan sarta wajib, dadi paṅayuniŋ laku, saḍéṅaḥ pakaryèŋ katoŋ.

35. maṅkya nayaka iku, wardi paṅirit tuwin panuṅgul, déné dadi paṅĕḍéné wadya aji, winĕnaŋ mataḥ karyèku, karèrèhannya pribados.

36. puṅgawa wardinipun, paṅayap myaŋ paṅawinan iku, lawan tĕgĕsé manèḥ iku paṅampil, dumadi titiṇḍihipun, ṅampil pacarèŋ kaprabhon.

37. myaŋ ṅampil préntahipun, myaŋ papatiḥ waraṅkaniŋ ratu, maṅkya paṅkat ariya iṅkaŋ winarṇi, wardi paḍaŋ miwaḥ luhur, yèku santananiŋ katoŋ.

38. iṅkaŋ winĕnaŋ campur, paṅgawéyan lan pra wadanèki, utawa pra wadana kaŋ santana ji, wĕnaŋ sinĕbut aryèku, gurisa salinné pupoḥ.

317. girisa

1. sinaŋ arya wardinira, sinĕbut luhur sañata, iya iku puṅgawa kaŋ, winĕnaŋ nuṅgal pakaryan, kalawan para santana, maṅkya pañji wardinira, tutuṅgul yèku santana, iṅkaŋ winĕnaṅkĕn dadya.

2. paṅaṛĕpé kaŋ prawira, maṅkya praméya wardinya, baṅsa linuwiḥ sañata, iku baṅsané kaŋ para, gĕḍé kaŋ winĕnaŋ dadya, susuliḥ alumakṣana, paṅgawéyané puṅgawa, ṅampil kaprabhoniŋ nata.

3. maṅkya kaliwon wardinya, kapiji déné winĕnaŋ, tampa préntahiŋ bupatya, utawa maliḥ tĕgĕsnya, kaliḥ éwon pan kagawa, saka luṅguhé duk kuna, bhumi loro èwu karya, gantya panèwu wardinya.

4. goloṅan dèn winĕnaŋ, anampèni paréntahan, sakiŋ iŋ kaliwonnira, dyan kaḍawuhakĕn maraŋ, goloṅanné pribadya, utawa maniŋ tĕgĕsnya, panéwon kagawa saka, luṅguḥ bhumi sèwu karya.

5. dé mantri wĕrda wardinya, mantri tuwa iya ika, kaŋ winĕnaŋ ñĕntèg dadya, panèwu kawajibannya, anampèni ḍawuḥ saka, kapanéwon samubaraŋ, préntaḥ sakiŋ kabupatyan, myaŋ pakaryan panéwonan.

6. gantya mantri wardinira, apan linuwiḥ utawa, sapocapan dé winĕnaŋ, imbal wacana kalawan, para luhur pra satriya, sarta luwiha waṣkiṭa, laku kaŋ tĕluŋ prakara, ḍiṅin kaŋ iṅaran niṣṭa.

7. bisa añiṅgahi patrap, iŋ laku kaŋ tibèŋ niṣṭa, dé kaŋ kapiṇḍoné madya, bisa anĕtĕpi patrap, iŋ laku kaŋ tibèŋ madya, kapiŋ tĕluné utama, bisa aṅantĕpi patrap, laku kaŋ tiba utama.

8. layaŋ raja kapa kapa, maṅkéné wiwijaṅannya, man luwiḥ dé tri titiga, linuwiḥ tĕluŋ prakara, iṅkaŋ ḍiṅin iku sĕtya, dé tĕmĕn paṅawulanya, alabuḥ lara pralaya, arumĕkṣa iŋ suṅkawa.

9. lawan wiraṅé gustinya, kapiṇḍo sadu dé bisa, ñarèhkĕn adrĕṅiŋ nala, gĕrètèhiŋ kaŋ wicara, wĕdi aṇḍiṅini karṣa, jriḥ mĕḍar kĕkĕran nata, piŋ tri tahu dé uniṅa, sakaṛĕntĕgiŋ gustinya.

10. tan kasaṅsaya sadaya, iŋ karṣa lumuḥ manawa, rumaṅsa andarbènana, paṅawasanya priyaṅga, amuŋ ṅèṣṭi aṅantĕpi, kasaguhan lawan jañji, gumantya arya papati, wadana préntaḥ kaŋ wardi.

11. yèku iṅkaŋ pinitaya, anampani kaŋ ḍaḍawaḥ, aṅlakokakĕn paréntaḥ, dé arya tiron wardinya, wadana paṅulat yèka, kaŋ pinitayèŋ wuwulaŋ, laku utama utawa, tinartamtu kabutuhan.

12. matrapaké sakaṭaḥnya, pakaryan kaŋ bĕnĕr iku, lawan kaŋ winĕnaŋ jaga, iŋ paṅgawé muṅsuḥ nata, dé arya léka wardinya, pan wadana panaṅgalan, yèku iṅkaŋ pinitaya, aṅlurahi para wadya.

13. kaŋ ahli pétuŋ myaŋ palak, panaṅgalan sasasinya, dé arya jamba wardinya, wadana pasucèn yèka, pinitayèŋ ṅlurahana, pra wadya paṅulu toya, kaŋ ṛĕṛĕsik jroniŋ pura, ṅrĕsiki siraman nata.

14. apadéné pakaryanya, mbĕciki sajroniŋ praja, ṅrawat ṅrĕrukti sabaraŋ, iŋ sajroniŋ ḍatulaya, kaŋ maṅka kuwajibannya, atabĕri amarikṣa, sarta tinartamtu bisa, napsir ṅgal lawasiŋ karya.

15. bisa ṅrarakit ṅraṛĕṅga, baṅkit mrantèni suṅgata, wĕruḥ aranné kaŋ karṣa, lumadi kaṅgo suṅgata, kaŋ tan tumpaŋ so urutnya, amamardi mariŋ rasa, ḍaḍaran sasaminira, ywa ṅanti ṅuciwanana.

16. arya saṅuri wardinya, pan wadana paṅuḍaran, yèku iṅkaŋ pinitaya, ṅlurahi kaŋ wadya jakṣa, wĕnaŋ ṅuḍari krampuṅan, kaŋ duruŋ bĕnĕr sañata, kuwajiban amrayoga, iŋ lakuné kaŋ prakara.

17. apadéné amamaṅkat, patrapiŋ wisésèŋ praja, dé arya niti wardinya, wadana sĕtya yahika, iṅkaŋ tuhu pinitaya, aṅlurahi para wadya, gĕḍoŋ myaŋ winĕnaṅĕna, ṅgĕmèni kaguṅan nata.

18. kalawan amamarikṣa, paṅgawéyané kaŋ para, amoŋ tani sasaminya, gawéné nampani ika, pamĕtuniŋ désa désa, pajĕg kaŋ dadya saṅgannya, lan ṅrawati kaŋ pramatya, mĕruhi ḷĕbu mĕtunya.

19. paṅrukti pandum lan taḍaḥ, déné ta kuwajibannya, amuriḥ iŋ uṇḍakira, pajĕg pamĕtuniŋ désa, kaŋ nora lawan ṛĕkasa, tuwin tan gawé pituna, iŋ paréntaḥ lan uniṅa, cacaḥ glariŋ bhumi désa.

20. apadéné kaŋ pratama, panimbaŋ étuŋ widagda, aṅgĕmèni kaŋ tan niṣṭa, dé arya kaṇḍa wardinya, wadana dagaŋ yahika, iṅkaŋ kapitayèŋ praja, aṅlurahi para wadya, sudagar dé wajibannya.

21. amarikṣani kaŋ samya, aṅlakokkĕn gĕgramènnya, kaŋ mĕtu saka nagara, utawa iŋ ḷĕbunira, gramèn sakiŋ mañca praja, dé patya taṇḍa winarṇi, wardi amarintaḥ taṇḍa, yèku iṅkaŋ pinitaya.

22. madanani pra pabéyan, niŋ bandar ḍarat sadaya, déné kawajibannira, añĕkĕl kaŋ paṅuwasa, pasar sapanuṅgalannya, pĕcat taṇḍa wardinira, mĕcat taṇḍaniŋ bahita, yèku iṅkaŋ pinitaya.

23. amadanani pabéyan, iŋ bandar lahut sadaya, kawajibannya aṅasta, paṅuwasaniŋ muwara, sagara sapanuṅgalannya, taṇḍa mantri wardinira, mantri taṇḍa yèku iṅkaŋ, pinitaya juru dadya.

24. pamupu béyaniŋ pasar, dé taṇḍamohi wardinya, paṅkatiŋ paṅolaḥ ika, kabutuhan amamaṅkat, lakuniŋ pakaryan iṅkaŋ, pañcèn olaḥ iŋ pakaryan, ḷĕmbut utawa kaŋ agal, pinataḥ pakaryanira.

25. maṅkya jakṣa kaŋ winarṇa, wardi jĕjĕnĕŋ yahika, wadya iṅkaŋ binubuhan, aṅrampuṅi bĕbĕnĕran, samoaniŋ kaŋ prakara, tartamtu iku karyanya, muṅguhiŋ kuwajibannya, ṅèstokakĕn aṅgĕr sarta.

26. kiyajatiŋ kaŋ nagara, myaŋ rumĕkṣa paṅadilan, gaṇḍèṅanné guṅguṅannya, karya nampani prakara, wajib maṅèstokkĕn maraŋ, paréntaḥ kaŋ wus tan owaḥ, lan murina maraŋ praja, tuṅgalanné marga tama.

27. gawéné mbĕciki marga, krĕtĕg aṅkruk sasaminya, kuwajibanné ywa ṅantya, kĕsèta tabĕri karya, nahĕn gantya kaŋ winarṇa, jamba léka wardinira, paḍaŋ bulan iya ika, iṅkaŋ kabubuhan dadya.

28. juru mrikṣani sabaraŋ, myaŋ abot mĕṅku wisésa, maraŋ prakaraniŋ jalma, olaḥ wisaya ṅgahota, amisaya iwak toya, maṅkya pujaṅga wardinya, maṅolaḥ mamĕsu raga, yèku iṅkaŋ kabubuhan.

29. aṅaṅgit carita mawa, tinĕmbaṅkĕn kwajibannya, mantĕs urutiŋ ukara, lawan amatrapkĕn tata, kramaniŋ layaŋ kiriman, iṅkaŋ bisa ṅrakĕtĕna, iŋ aṛĕṅgaŋ sasaminya, miluta ñĕs krasèŋ nala.

30. maṅrèḥ carik karyanira, nulis étuŋ kaŋ palaṣṭa, kuwajibané uniṅa, uṅgaḥ uṅguhiŋ tĕmbuŋ myaŋ, sumurup paramasastra, sarta ṅĕkĕr wadi iṅkaŋ, tumrap ana iŋ mustaka, paḍa anaṇḍaŋ supata.

31. kalihé ṛĕkṣa pustaka, karyané rawat rumĕkṣa, layaŋ kaŋ prĕlu sadaya, kwajibané mèṅĕti myaŋ, ñĕkĕl radatan kaŋ kaṅgya, ana iŋ sajroniŋ praja, sarta miṅit wadi samya, carik anaṇḍaŋ supata.

32. katri aran amoŋ siswa, gawéné mardi kagunan, kasusastran sasaminya, déné ta kuwajibannya, amardi kawruḥ kaŋ mawa, cinorèk iŋ papan ika, aṅgambar sasaminira, sigĕg gantya kaŋ winarṇa.

33. pañjaŋ jiwa winardènan, liḍaḥ pañjaŋ yèka iṅkaŋ, ṇḍawuhakĕn paréntahan, dé ulubalaŋ wardinya, paṅajĕṅiŋ kaŋ pacalaŋ, yèku iṅkaŋ kabubuhan, dadya juru ṅlakokkĕn srat, maraŋ iŋ mañca nagara.

34. aṅgaṇḍèk ñaṇḍik wardinya, yèku kaŋ tinuduḥ ṅĕmban, timbalanira śri nata, utawa kaŋ kabubuhan, ṅrukti pranti pagantènan, maṅkya kabayan wardinya, lantaran ya iku iṅkaŋ, aṇḍawuhkĕn paréntahan.

35. déné ṅabèhi wardinya, aṅimpuni déné ñata, narambahi sakèḥ karya, maṅkya dĕmaŋ wardinira, cĕcĕkĕlan bubuṇḍĕlan, yèku iṅkaŋ kabubuhan, ñĕkĕl bawaḥ padésan, utawèku kapitaya.

36. myaŋ winĕnaŋ mamantĕsa, paṅaṅgoné para wadya, maṅkya raṅga wardinira, wĕwĕṅku tawa paṅrĕṅga, yèku iṅkaŋ kabubuhan, mbĕciki wĕṅkon bawahan, iŋ praja miwaḥ padésan, wĕwĕṅkonné sowaŋ sowaŋ.

37. amamaṅun pan winĕnaŋ, sisikoniŋ padamĕlan, iŋ sajĕroniŋ kaḍatyan, miwaḥ ṅrakit pasaṅgrahan, gantya maṅké kaṇḍuruwan, dé wardiné sasèrènan, yèku iṅkaŋ kasèrènan, ḍawaḥ nampurṇakkĕn préntaḥ.

38. maṅkya pasĕpan wardinya, tĕtĕlik kaŋ pinitaya, dadi juru wowor ganda, aṅiṅsĕp iṅsĕp sabaraŋ, gantya pamotan wardinya, paṅĕmotan iya ika, kaŋ iṅandĕl pinitaya, amiṅit wadiniŋ nata.

39. kaṛĕṛĕṅan wardinira, kawiṅitan iya ika, iṅkaŋ pinitaya dadya, juru paṅaṅlaŋ jro pura, kajinĕman wardinira, kasiḍĕman iya ika, iṅkaŋ kabubuhan dadya, juru ṅaṅlaŋ durmèŋ praja.

318. durma

1. maṅkya gantya pandĕḷĕgan wardinira, panĕṅkĕlan utawi, panĕnuṅan ika, kaŋ kabubuhan dadya, juru tĕnuŋ miwaḥ dadi, juru nujuman, myaŋ baṅsa pétuŋ biñcil.

2. maṅkya paṅlimpiṅan wardi pĕrlambaṅan, kaŋ pinitaya dadi, añjuru pralambaŋ, olaḥ jaṅkaniŋ praja, paṅsiṅsiṅan wardinèki, pan sabaraṅan, kaŋ winĕnaṅkĕn yĕkti.

3. ambawahkĕn pra wadya kriya sadaya, ĕmpu paṇḍé maraṅgi, paṅukir pakriyan, kĕmasan myaŋ panataḥ, tapĕl sayaŋ gĕmblak gĕṇḍiŋ, puntu iyaga, tluk gĕbyar wlantĕn gĕrji.

4. tukaŋ corèk pañuṅgiŋ lan adiwarṇa, mataya anuŋ uni, gamĕl lan panĕgar, déné pakaryanira, baṅkit amrantèn mrantèni, sarta rumĕkṣa, lawan baṅkit nandaṅi.

5. kwajibanné wruḥ iŋ taṅguḥ lan sikutan, ḍapur lan waja wĕsi, pamor bĕcik ala, waṅunan kaŋ sampurṇa, maniti sakèhiŋ kardi, tan kaliwatan, turaṅgan rajanari.

6. wruḥ iŋ ukur pratamèŋ agĕṇḍiŋ raras, mataya amumpuni, wasis tĕmbaŋ tĕmbaŋ, ḷĕbda iŋ cacéṅkokan, sakèhé kaŋ analisir, tan mawi waṅwaŋ, mañcèni apatitis.

7. arumĕkṣa gĕmi mriŋ wadi sadaya, dé saliṅsiṅan wardi, apan salisiban, utawa salisiran, iku kaŋ winĕnaŋ nĕṅgiḥ, mbawahkĕn wadya, anon anon sanagri.

8. dé panuṅgul utawa ran pakuluban, pamagaṅan kaŋ wardi, yèku kaŋ winĕnaŋ, ṅrèḥ wadya pamagaṅan, paṅalasan wardinèki, juru wawanan, yèku kaŋ dèn bubuhi.

9. amuṇḍuti kayu maraŋ alas alas, tuwaburu winarṇi, wardinira tukaŋ, mbĕburu iya iku, kabubuhan amèt ṛĕṇḍi, myaŋ satowana, gantya grĕma winarṇi.

10. wardi gĕni kawajiban ñjupuk wrĕkṣa, oboŋ myaŋ mirantèni, gĕni nèŋ jro wana, kirata wardinira, paṅĕtĕr kawajibannèki, ṅĕtĕr jro wana, madik kaŋ baṅsa siṅit.

11. lawan madik anané kaŋ satowana, pragosa kaŋ winarṇi, kĕṭèk iya ika, goloṅan abdi kalaŋ, dé kalaŋ kamploŋ winarṇi, wardiné kalaŋ, aṅgantuŋ maṅgonnèki.

12. winajibkĕn ana iŋ wana kéwala, wisma raraṅgon kadi, gubug muṅgèŋ wrĕkṣa, kaŋ aguŋ siṅit ñata, kwajibanné tuduḥ margi, kaŋ gampaŋ miwaḥ, pañcèn gawat myaŋ suṅil.

13. iku kalaŋ kamploŋ kaŋ asuŋ katraṅan, wijaṅiŋ tĕmbuŋ iki, kalaŋ ubĕŋ ika, kamploŋ téla gumantuŋ, dé kalaṅbrèt wardinèki, kalaŋ sĕnibrat, tan dumunuŋ ṅgyannèki.

14. sak ṅgon ĕṅgon anuṅgal iŋ satowana, kawajibannirèki, kalamun saŋ nata, yun numpu satowana, kalaṅbrèt kaŋ asuŋ uniŋ, paṅgonannira, kanaŋ satowanadri.

15. maṅkya wuruk kusir pĕḍati wardinya, yèku kaŋ dèn bubuhi, rumĕkṣa titiyan, pĕḍati sasaminya, yèn śri paparèŋ wanadri, wuruk pinacak, datan kapaṛĕŋ kari.

16. kanaŋ mantri maṅlima dé wardinira, mantri mañca limèki, yèku paṅgĕḍénya, mantri mañca padésan, aluṅguḥ panèwu mantri, tumbal winarṇa, pupuṇḍèn wardinèki.

17. iya iku kaŋ dadi wadananira, woŋ padésan aliṅgiḥ, mantri panatusnya, dé bubuyut jinarwa, panuwa yèku kaŋ dadi, kamituwanya, woŋ padédésan sami.

18. luṅguḥ mantri panèkĕt gantya winarṇa, adèn adèn jinarwi, kaluwihan yèka, kaŋ dadya guru miwaḥ, paṅuluné uwoŋ cilik, iŋ padédésan, luṅguḥ paṅlawé mantri.

19. maṅkya luraḥ wardi ulu ulu lawan, kapala wardi maliḥ, paṅaṛĕpiŋ uṅgyan, ya iku kaŋ winĕnaŋ, dadi sisirahiŋ kuli, luṅguḥ paronya, mantri paṅlawé nĕṅgiḥ.

20. kaŋ partiṅgi wardi pamaṅkat ya iku, kaŋ winĕnaṅkĕn mamriḥ, mamaṅkat pakaryan, woŋ cilik padédésan, luṅguḥ saparonirèki, apaṅkat luraḥ, maṅkya bĕkĕl winarṇi.

21. wardi añcĕr añcĕr tuṅgul miwaḥ tĕṅga, kaŋ winĕnaṅkĕn mbagi, bĕcik alanira, jroniŋ karaŋ padésan, luṅguḥ saparo patiṅgi, maṅkya paragak, wardi tuṅgu utawi.

22. pakaryèku kabubuhan mbĕnĕrana, prakarané woŋ cilik, sajroniŋ padésan, luṅguhé saparonya, bĕkĕl kaŋ kasĕbut ṅarṣi, sikĕp winarṇa, parinti wardinèki.

23. iya iku woŋ cilik kaŋ ñaṅga karya, luṅguḥ muŋ saparoné, kalawan paragak, dé karaman wardinya, janma arahan utawi, añjrahan yèka, woŋ cilik kaŋ tan ñaṅgi.

24. iŋ pakaryan muŋ ṅaṇḍuŋ ñagak sakawan, kararahan jinarwi, woŋ réna ya iku, tan maṅgon tanpa wisma, myaŋ tanpa caṇṭèlan kardi, uwuḥ basanya, dé ṅlambraŋ wardinèki.

25. woŋ ṅambara yèku jalma iṅkaŋ luṅa, saparan ñambutkardi, dé woŋ ṅulandara, wardi ṅawulèŋ tawaŋ, tanpa caṇṭèlan lawan nir, tambaŋ prantéyan, myaŋ dumunuṅirèki.

26. kajabèku iya ana panuṅgalnya, goloṅan wadu aji, pantèn aywa éram, mriŋ sasurupaniṅwaŋ, samono iku kalaniŋ, réyaŋ duk bocaḥ, anèŋ nagri mantawis.

27. mèlu ipé suwita nèŋ janapuran, kaabdèkakĕn carik, sabĕn ari sowan, réyaŋ sawusé bisa, maca atanapi nulis, kinèn réréwaŋ, wijilé kaŋ pakarti.

319. mijil

1. tĕmaḥ uniŋ wacan warṇi warṇi, kaŋ dadya tyasiṅoŋ, réyaŋ nĕḍak saana anané, wusiŋ akil balèk réyaŋ bali, ma mriŋ wutahrahmami, wuwuḥ trĕṣṇanipun.

2. rinakĕt iŋ risaŋ adipati, pinariṅan joḍo, lamat lamat isiḥ sĕntanané, saya kandĕl paṅawulamami, waḥ saŋ adipati, wuwuḥ trĕṣṇanipun.

3. réyaŋ aniṅali sakiŋ batin, baṅĕt nora cocok, iŋ sabaraŋ kaŋ dadi karṣané, réyaŋ bèbèl matur malimpiṅi, minaṅka palupi, carita iŋ daṅu.

4. niṣṭa madya utama dumadi, naṅiŋ tan rinahos, nora énak tĕmbé ḷĕgĕtané, mula réyaŋ bañjur ñuwun pamit, mahas iŋ asĕpi, añjuruṅi kayun.

5. añañaḍaŋ apurané widdhi, kèhiŋ dosaniṅoŋ, daklakoni anèŋ gunuŋ kéné, mas cĕbolaŋ sawusira dĕliŋ, nĕmbaḥ turira ris, botĕn pisan ṅguṅguŋ.

6. namuŋ ṅuṅun takṣiḥ ṭarik ṭarik, tan wontĕn kaŋ mrojol, sitiṅaṅkaḥ sampun tan ginawé, sèḥ matyasta mèsĕm liṅira ris, palaliŋ hyaŋ widdhi, sadrĕma katèṅsun.

7. dèn bañjurkĕn kaŋ tumrap iŋ jilid, iṅkaŋ kacariyos, layaŋ raja kapa kapa ṛĕké, pañji handaka wardinirèki, tuṅguliṅñjajawi, yèku lurahipun.

8. kaŋ dadya sorsoran paṅayuniŋ, prajuritiŋ katoŋ, nahan wirañcana dé wardiné, pan prajurit aṅliṅan sayĕkti, yèku mirawiji, gantya kaŋ winuwus.

9. wirajaya déné wardinèki, wirakrajan maṅgon, iya iku prajurit ñjĕroné, gantya wirasiṅa wardinèki, pan iya prajurit, pikuwat satuhu.

10. iya iku parajurit ñjawi, gantya winirahos, siṅasari déné ta wardiné, siṅabaroŋ ya iku prajurit, kaŋ rumĕkṣa putri, biyadaniŋ ratu.

11. maṅkya suratani kaŋ winarṇi, wardiné rinahos, dé kakĕndĕlaniŋ ati ṛĕké, kaŋ prajurit désa kaŋ pimiliḥ, wirajanu sami, lan wirañcanèku.

12. galèṭèké amuŋ iku kaki, iya kawruhiṅṅoŋ, laḥ wis wañci liṅsiré tĕṅaṅé, sĕḍĕŋ bañjur sĕmbahyaŋ luhur i, nĕmbaḥ kaŋ sinuŋ liŋ, alon aturipun.

13. ḍuḥ saŋ luhuŋ amba atur jati, barkahiŋ kinahot, rahosiŋ tyas ulun iŋ samaṅké, wusiŋ tampi iŋ pitutur jati, sumèlèḥ iŋ paṣṭi, narimèŋ tumuwuḥ.

14. sèḥ matyasta waṣpadèŋ paṅèkṣi, mèsĕm liṅira lon, waktu iki apan wus sĕḍĕṅé, pantèn mariŋ wirasaba nagri, lèrèha wismaniŋ, jamal ki paṅulu.

15. éwadéné pantèn lamun makṣiḥ, sĕnĕŋ nèŋ wismèṅoŋ, iya nora nana pakéwuhé, mas cĕbolaŋ nĕmbaḥ turira ris, yèn paṛĕṅa galiḥ, maṅké bakda subuḥ.

16. ulun lajĕŋ paṅkat sakiŋ ṅriki, miturut saḍawoḥ, muhuŋ ñuwun paṅèstu harjané, sèḥ matyasta maṇṭuk liṅira ris, alkamdulilahi, rabil ṅalaminu.

17. réyaŋ jumuruŋ myaŋ suŋ pamuji, ayuniŋ lalakon, kaŋ sinuŋ liŋ sru nuwun aturé, mas cĕbolaŋ miwaḥ catur santri, samya aṅabĕkti, wus linilan mundur.

18. hèḥ paṅawé lan kañcanirèki, sésuk bubar suboḥ, lamun kaŋ ana kaŋ sarju atiné, ṅatĕraké réyaŋ aṅlilali, ṅiras tuduḥ margi, naṅiŋ yèn wus tutug.

19. talatahiŋ cĕpaka wanadri, baliya iŋ kono, apan uwis naṛĕṇṭĕŋ dalanné, nora gawé biṅuṅiŋ lumaris, nĕmbaḥ para santri, sandika turipun.

20. pañcèn baḍé ñuwun lilaḥ sami, ṅatĕrkĕn praptèŋ ndon, wit katarik sakiŋ trĕṣṇa sihé, rèhniŋ wontĕn ḍawuhé saŋ yogi, klilan muŋ dumugi, capaka gya waṅsul.

21. tan cinatur siyaŋ praptèŋ ratri, sak bakdané suboḥ, para santri kaŋ yun ṅatĕraké, wus samakta nèŋ srambiniŋ maśjid, nurwitri gya mijil, lan tri réñcaṅipun.

22. asuŋ tilaran mriŋ para santri, warata ñakĕton, lawan mariŋ pawèstri kaŋ ladèn, winantu riŋ mamanis malatsiḥ, suka kaŋ nampèni, pujiné gumrumuŋ.

23. mas cĕbolaŋ saréñcaṅirèki, wusnya pamit boḍol, gumarubyug lir ṅarak paṅantèn, iŋ samargi margi kaŋ udani, tumutur umiriŋ, èstri miwaḥ jalu.

24. yèn kadalon sinipĕṅkĕn mariŋ, ḍusun tuwin ḍukoḥ, wus rinakit poṇḍok sugatané, bakda subuḥ gya lumaris maliḥ, laminya nèŋ margi, nahan tan cinatur.

25. praptaniŋ kaŋ capaka wanadri, iŋ wañci saḍawoḥ, samya kèndĕl aṅliŋ ki paṅawé, punika ṅgèr iṅkaŋ dèn wastani, capaka wanadri, ṅalèr ṅétan laju.

26. dumuginé wirasaba nagri, andum karahayon, mugi mugi iŋ tĕmbé kémasé, kampir maliḥ ḍatĕŋ ardi wilis, cĕbolaŋ liŋ aris, sakalaṅkuŋ nuwun.

27. pinaṛĕṅa dé saŋ amurbèŋ siḥ, sagĕda kalakon, botĕn laṅkuŋ ulun sadayané, sami atur salam paṅabĕkti, katuré saŋ yogi, sumaṅga sakayun.

28. ki paṅawé saréñcaṅirèki, sasalaman gupoḥ, ganti ganti tan ana kaŋ cèwèt, tandya maṅkat maṅidul kaŋ muliḥ, sigĕg tan winarṇi, nĕṅgiḥ kaŋ cinatur.

31. iŋ wirasaba tĕrbaṅanipun mas cĕbolaŋ damĕl kayuṅyunipun tiyaŋ jaḷĕr èstri. pinuju puputan putranipun saŋ bhupati kahul naṅgap mas cĕbolaŋ.

mas cĕbolaŋ dalaḥ para santrinipun dumugi iŋ wirasaba ñjujug iŋ pĕkĕn agĕŋ. sasadéyan sakalaṅkuŋ pêpak, wiwit saṇḍaŋ, paṅan, sayur, wowohan bumbu, pirantos pawon lan balégriya ṅantos baluṅaniŋ griya, wĕlit lss, aṇḍèr kaḍasarakĕn kapaṇṭa paṇṭa. iŋ pĕkĕn kaṭaḥ tiyaŋ èstri kapéñcut mas cĕbolaŋ. sakiŋ pĕkĕn lajĕŋ ḷĕṛĕm iŋ srambiniŋ mĕśjid.

29. mas cĕbolaŋ miwaḥ catur santri, ndĕdĕr ṅétan ṅalor, lumakṣana nurut marga gĕḍé, datan nana saṅsayaniŋ margi, laminya lumaris, apan tan winuwus.

30. praptèŋ kikis kiṭa wañci éñjiŋ, pasaran tumawon, kumaruwuk ramé kumaṇḍaṅé, sinĕṅkakkĕn dèn nira lumaris, praptèŋ pĕkĕn pipit, mèḥ tan bisa mlaku.

31. kagyat suka duk miyat pawèstri, anom tuwa kĕmpoŋ, amarataḥ samya ṅaṅgé aṅgé, suwĕŋ kaluŋ gĕlaŋ gĕlaŋ sikil, pupuran ñjalirit, amuŋ anèŋ baṭuk.

32. kĕmaraṅé dèn ĕmban kinardi, wawaḍaḥ tutukon, mas cĕbolaŋ lan catur réwaṅé, midĕr pasar umiyat kaŋ sami, ḍaḍasar panarik, gagaṇḍèṅannipun.

320. kinaṇṭi

1. kaŋ awadé arum arum, koñoḥ sĕkar lisaḥ waṅi, aḍaliyaḥ aṅgrèk wulan, andoŋ andul okrak ikrik, argulobaŋ jĕnar pĕṭak, noja nala nagasari.

2. calakĕt cèṅgèr baŋ wuṅu, capaka cuwis cĕpiriŋ, rukĕm ragina ṛĕjasa, kalak kanigara kapi, kĕnikir kĕnaṅa kraṇḍaŋ, kalilika kakamuniŋ.

3. kasturi dalima dadu, druju drèṅès doṅoŋ tuwin, daloṅop diaḷĕm daṅan, tuñjuŋ traté tlutur tluki, toṅkèŋ tañjuŋ sumarṣana, sundĕl maḷĕm sĕḍĕp sruni.

4. suṅsaŋ soka sulastrèku, srigaḍiŋ wuṅu warṣiki, wara wari lara kĕṇḍat, lara wuḍu landĕp kuniŋ, pacar kuku pacar cina, pacar bañu purbanagri.

5. puḍak pañcasuda pulu, pañcal pandul paṇḍan waṅi, ḍawé ḍaḍap ḍuru jlampraŋ, jaṅglĕŋ janti mĕnur mlaṭi, maṇḍakaki maya maya, gaḍuŋ gandapura gambir.

6. bakuŋ blaṅgrèŋ ṭĕkĕr pupur, pilis paṛĕm wĕḍak maṅir, ḷĕṅa tuwa ratus mĕñan, jĕruk purut mawi wariḥ, sapétak maliḥ woḥ wohan, jĕruk kĕprok kuwik bali.

7. pacitan adas gumuluŋ, pĕḷĕm ḷĕṅis pakèl kwèni, jambu kaluṭuk dĕrṣana, klampok galar lumut putiḥ, klampok arum ḷĕgèn klapa, bohèl maṭokal karikil.

8. pijĕtan kokosan ḍuku, laṅsĕp sĕmak kléca maṅgis, muṇḍu kĕcapi bĕsaran, gowok sawo salak blimbiŋ, ḍuwĕt kalayu siwalan, gĕḍoṇḍoŋ bogĕm taloḍiŋ.

9. puṇḍuŋ crĕmé blimbiŋ wuluḥ, nam naman kamlaka slastri, kĕtos katès gandaria, durèn naṅka bĕṇḍa kluwiḥ, saraṅan gayam kalaṭak, dĕgan kraṇḍiŋ kolaŋ kaliŋ.

10. pisaŋ raja kusta talun, raja sèwu mas bĕcici, kluṭuk gabu maraséba, ambon wulan raja wliṅi, pulut garahita saba, cĕmpa ĕbyar kĕpok kĕpik.

11. sinambuṅan wadé timun, wuku wataŋ wulan krahi, bĕstru cémé paréyayam, ula béluṅan waloḥ tlik, bokor bligo labu lawan, sĕmaṅka jiṅga myaŋ putiḥ.

12. silaḥ kaŋ wadé bĕsusu, tĕbu gĕmbala gĕmbili, liñjik bĕntul widarapas, uwi ḷĕgi abaŋ kulit, bĕras wilus caciŋ ula, raṇḍa sluku mamayaṅi.

13. glĕpuŋ kĕtan kunir tĕmu, uwi alas paḍa warṇi, kacaŋ pĕṇḍĕm kĕṇṭaŋ téla, balé ranté blituŋ putiḥ, gĕṇḍurak sĕṅgani jiṅga, jaran mĕṇṭik kunir koñit.

14. kimpul bĕntil bĕton arum, céṇṭaŋ ḷĕmpuyaṅan pari, jambon bĕrèt bĕlo gagak, lahosan tambra garigit, garut gaḍuŋ walur suwak, pohuŋ sukuniŋ muṅkasi.

15. kinaŋ rokok kaŋ sumambuŋ, wadé crakèn aṅgi aṅgi, jampi paṛĕm raracikan, saḍĕg gandum dèn buṅkusi, myaŋ kantun ṅuyup kéwala, bras kĕñcur jram pĕcĕl kuniŋ.

16. ĕmpon ĕmponiŋ tinĕpuŋ, tĕmu glèñèḥ iṛĕŋ laṭi, ĕpoḥ giriŋ puyaŋ gajaḥ, kapur ĕmprit jah‍é suṇṭi, dliṅo kunir putiḥ ṛĕta, bĕṅlé lahos kĕñcur kuñci.

17. gogoḍoṅan uyup uyup, tapĕl bobok pupuk pilis, lisaḥ klĕntik lawan jarak, bumbon trasi cĕmĕŋ abrit, saṛĕm asĕm brambaŋ bawaŋ, salam kalapa kĕmiri.

18. kaluwak krècèk karupuk, tigan ayam bèbèk brati, tĕrik kĕñit cĕmĕŋ pĕṭak, grèḥ pèṭèk gatĕl tĕṅiri, wadal gĕmbuŋ toṅkol sĕlar, bandĕŋ balur kutuk itik.

19. lombok caṅak tampar krupuk, wudĕl jĕmprit ijo abrit, kapri kacaŋ buñcis kara, téroŋ kopèk téroŋ glaṭik, mliñjo kroto ucĕŋ miwaḥ, ĕso slèdri lobak kobis.

20. jalégor kaṅkuŋ ḷĕmbayuŋ, bayĕm kĕmbaŋ kléṇṭaŋ turi, kĕmaṅi cambaḥ ṭokolan, ḍĕlé guḍé kacaŋ ruji, ĕbuŋ pĕtuŋ buŋ bĕkakak, pĕté pĕtĕt jiṅkol pĕtir.

21. wosèn tlasiḥ wijèk cabuk, témpé bosok ḍĕlé buṅkil, sampĕt ron kaŋ kukuluban, wadé bĕras anambuṅi, pĕṭak kobĕr abrit cĕmpa, kĕtan pĕṭak cĕmĕŋ mĕnir.

22. gabaḥ tĕpu ḍêḍak katul, pari ginèḍèŋ mawarṇi, kĕtan cĕmĕŋ pĕṭak ṛĕta, otèk caṇṭĕl pĕṭak abrit, jĕwawut jèpèn myaŋ bhoga, oṅgok paṭi warṇi warṇi.

23. gya wadé grabaḥ klĕṇṭiŋ jun, gĕṇṭoŋ wajan dandaŋ kwali, kĕkĕp pĕṅaron jĕmbaṅan, cuwo cowèk lèmpèr kĕṇḍil, layan krĕn aṅlo padasan, layaḥ cĕcèlèṅan kĕṇḍi.

24. sinambuṅan wadé tumbu, téṅgok kĕba piṭi cĕṭiŋ, érok érok ténoŋ tampaḥ, garibigan kalo irig, uḷĕg uḷĕg irus tépas, siwur susuk sajèn sapit.

25. kukusan gawaṅan baṇḍul, pikat kuruṅan mawarṇi, gribig sèsèr ilir iyan, añco jala krakat jariŋ, lawuŋ ambèn galar liñcak, képaŋ gĕḍèg pataṅariŋ.

26. alaŋ alaŋ wĕlit kayu, oboŋ rèñcèk aṛĕŋ sambi, goḍoŋ pisaŋ jati plasa, wuluḥ ĕpriŋ rampal ori, apus pĕtuŋ wuluŋ dĕnta, myaŋ kayu baluṅan panti.

27. kaŋ wadé iwèn sumambuŋ, ayam bañak bèbèk brati, méṇṭok myaŋ sadé suku pat, mah‍énda mah‍ésa sapi, kapal mawi tinumpakan, kidul wétan amuṅkasi.

28. waṅsul ṅalèr kaŋ sĕdya wruḥ, myat iŋ para bakul rukmi, wadé cuṇḍuk kaluŋ sĕṅkaŋ, timaŋ slépé bĕnik pĕndiŋ, ali ali kroñcoŋ gĕlaŋ, wadé ḷĕḷĕmĕs nambuṅi.

29. ciṇḍé plaṅi gunuŋ guntur, solok limar polos driṅin, wadéyan sawitan wiyar, ikĕt kĕmbĕn saruŋ baṭik, gya kaŋ wadé lulurikan, wiyar ciut bakal klambi.

30. sĕmbagi dril kipĕr kacu, ĕtèḥ gula bubuk kopi, gya kaŋ sami kaliṭikan, myaŋ dolanan rarya alit, sakiŋ daluwaŋ suwèkan, ḷĕmpuŋ kayu raṇḍu ĕpriŋ.

31. gya wadé sĕtagèn bĕṅkuŋ, kuniṅan miwaḥ tĕmbaga, kĕṇḍi cèrèt kĕṇḍil dandaŋ, paṅaron jun kèñcèŋ klĕṇṭiŋ, bokor tapsiriḥ kĕcohan, cĕpuk gĕṇṭa carat béri.

32. paṅratusan caṇṭiŋ siwur, cakĕt lawan tukaŋ patri, tukaŋ kulit wadé lapak, saruṅan ambĕn camĕṭi, sinambuṅan balapĕcaḥ, cakĕt lan tukaŋ dondomi.

33. mraṅgi paṅukir sumambuŋ, tukaŋ laṇḍéyan maraṅgi, ḷĕt marga lit pamanukan, wadé pĕkṣi warṇi warṇi, sumambuŋ wadé ratĕṅan, papaṅanan amĕpĕki.

34. jagal méṅsa ménda ḷĕmbu, wadé caṅkokan myaŋ wiji, miwaḥ wadé tiṅi soga, nila ĕñjĕt gampiŋ jobin, séla kijiŋ ompak lumpaŋ, wuṅkal pamipisan gaṇḍik.

35. jantra paṅantiḥ panĕnun, gya piranti amoṅtani, liṅgis pacul cucuk ḍaṇḍaŋ, bĕṇḍo arit kuḍi waṅkil, pĕṭèl waduŋ paṅot gobaŋ, garu waluku muṅkasi.

36. paṇḍéyan tĕbiḥ ḷĕtipun, mas cĕbolaŋ catur santri, kèndĕl ana iŋ paṇḍéyan, myarṣakkĕn gunĕmirèki, ki paṇḍé lan jalma iṅkaŋ, ayun ñĕpuhankĕn kĕris.

37. dina iki tan pakantuk, ñĕpuhi gaman saliriŋ, lawan amacak ukiran, apadéné añaruṅi, kudu miliḥ dina iṅkaŋ, prayoga dimèn ḷĕstari.

38. rahayu sadayanipun, aguŋ pah‍édahirèki, pikantuk dahulat bĕgja, saṇḍaŋ ṛĕjĕkiné mintir, tumrap kaŋ ṅaṅgé kaŋ ṅgarap, déné dina kaŋ prayogi.

39. muŋ ana lima panuju, slasa pahiŋ ṛĕbo pahiŋ, ṛĕbo pon kĕmis pahiŋ, kĕmis pon paḍa prayogi, muṅguḥ kaŋ prayoga ḍawaḥ, iŋ dina salasa pahiŋ.

40. nahan ana ari catur, poma aja wani wani, ñĕpuhi ñaruṅi macak, dina iki sĕnèn ḷĕgi, sédané paṅéran sĕṇḍaŋ, ṛĕbo kliwon amaṛĕṅi.

41. sédané paṅran sĕdayu, sĕtu wagé amaṛĕṅi, sédané paṅéran wĕlaŋ, jaṅkĕpé caturiŋ ari, akat wagé sédanira, paṅran ciṇḍéyamoḥ kaki.

42. dina sésuk luwiḥ atut, nuju ari slasa pahiŋ, sigĕg kaŋ samya rahosan, nahan ta iṅkaŋ winarṇi, mas cĕbolaŋ saréñcaŋnya, saḷĕbĕtira kuliliŋ.

43. kaṭaḥ jalma kaŋ kapéñcut, mariŋ cĕbolaŋ nurwitri, kaŋ arṣa samya tutumbas, kalépyan samya tutwuri, déné kaŋ samya ḍaḍasar, tinumbasan tan pinikir.

44. niṅgal ḍaḍasarannipun, tĕmaḥ ribĕt kaŋ lumaris, sakiŋ uyĕlé kaŋ jalma, cĕbolaŋ saréñcaṅnèki, nilap nora kawistara, kèndĕl nèŋ srambiniŋ maśjid.

45. kaŋ aṅlut patiŋ biluluŋ, tita wus datan kah‍èkṣi, sami waṅsul sowaŋ sowaŋ, ṅoṅgo oṅgo aṅacĕmil, maraŋ ĕndi ika baya, lèrèhé woŋ bagus sigit.

46. namun kaŋ nèm rayatipun, kyayi paṅulu jamali, iṅkaŋ nora katilapan, kinoḍol saparannèki, wus tétéla dèn nya raryan, anèŋ surambiniŋ maśjid.

47. gagañcaṅan asuŋ wĕruḥ, maraŋ iŋ lakinirèki, kyayi ulun atur wikan, wontĕn ḍatĕṅan ki santri, cacahipun tiyaŋ gaṅsal, ambĕkta taṛĕbaŋ kaliḥ.

48. sĕmunipun santri ṅlaṅut, sakiŋ tanaḥ kilèn kyayi, sakĕlaṅkuŋ mĕlasarṣa, sami nèŋ srambiniŋ maśjid, kajawi karṣa sampéyan, prayogi dipunpaṅgihi.

32. pĕṅulu ki jamal maṅgihi mas cĕbolaŋ sasantrinipun sami kaajak ḍatĕŋ griyanipun, lajĕŋ dipunsukani poṇḍokan iŋ griya alit cĕlak régol.

sasampunipun kĕmbul nĕḍa kaḷĕbĕt sémahipun ki pĕṅulu kaliḥ pisan, mas cĕbolaŋ lajĕŋ ñukani aṅsal aṅsal saṛĕm plĕtuk, trasi gèsèk, ḍoraŋ, gĕrèḥ layur, tigan pasir lss. adamĕl gumunipun ñahi pĕṅulu jalaran ḍatĕṅipun botĕn katiṅal ñaṅkiŋ punapa punapa.

49. pintĕn baṅgi yèn saṛĕju, moṇḍok nèŋ paṅulon wajib, kiyayi tan kéṅiŋ sélak, mañcĕṛĕŋ kyayi jamali, sira iku tanpa étuŋ, duruŋ tamtu ntuk liḥ uliḥ.

50. kélaṅané wus tartamtu, ṛĕkasa kaṅgo mbahoni, cikbèn sakaroné ika, ñi jamali aṅliŋ maliḥ, kyayi sakiŋ pamyarṣèṅwaŋ, cariyosé daḷĕm kadis.

51. ñjĕŋ nabi brahim kalaṅkuŋ, asiḥ ṅormati tatami, mbotĕn mawi mawaŋ jalma, utawi kula miyarṣi, gotèkiŋ tyaŋ sambiwara, niku santri iŋ mantawis.

52. kasagĕdanira mashur, rapal makna murad wasis, ḍatĕŋ rahos wus sampurṇa, gĕṇḍiŋ gĕṇḍiŋ amumpuni, ṅèlmu siṅkir wus nĕlas, kaṭaḥ kaŋ sampun udani.

53. criyosé nalikanipun, wontĕn kajoran utawi, wontĕn krajan paricara, talataḥ iŋ wanagiri, aṅĕdalakĕn maṅunaḥ, laṅkuŋ ajahib ajahib.

54. lawan sintĕn tiyaṅipun, iṅkaŋ kaṅgénan gus santri, wus dilalaḥ karṣa allaḥ, aṇḍatĕṅakĕn ṛĕjĕki, kados pados pasugihan, mila kaŋ sampun miyarṣi.

55. ṅucali patiŋ biluluŋ, pinriḥ aso wismanèki, ki jamali duk miyarṣa, ulat ajèr wacana ris, mbokné prakara katunan, iku nora dadi ati.

56. uwis dadi kwajibanku, kudu mbĕciki tatami, sukèŋ tyas liŋ wahu mila, kiyayi kula aturi, nuntĕn nuntĕn maṅgihana, iya mbokné dimiranti.

57. saanané susuguḥmu, muŋ ywa ṅanti ṅuciwani, ki paṅulu gya tumindak, mriŋ maśjid aguŋ dèn iriŋ, santri tri mbĕkta padudan, mbĕkta épok kaŋ sawiji.

58. duk prapta taritisipun, surambi paṅulu myat iŋ, warṇanira mas cĕbolaŋ, ṅunandika jroniŋ ati, dudu santri sabaraṅan, warṇané bagus ṛĕspati.

59. lawan cahyané sumunu, gya miṅgaḥ srambi murugi, tuṇḍuk samya sasalaman, ki paṅulu liṅira ris, anak kula nilakrami, ḍumatĕŋ saŋ anom pĕkik.

321. sinom

1. ṅgèr sintĕn iṅkaŋ sinambat, miwaḥ kawijilan ṅuni, tanapi sĕdyaniŋ karṣa, , cĕbolaŋ namamami, déné réñcaṅulun catur, nurwitri ki saloka, kartipala palakarti, asal sakiŋ ḍusun kabawaḥ mantaram.

2. sakawit èṣṭiniŋ manaḥ, yun ṅahos mriŋ pranaragi, naṅiŋ marga dèrèŋ wikan, tĕmaḥ kasasar dumugi, pacitan pantog tasik, dumadya tyasulun liwuŋ, manut krĕdyatiŋ manaḥ, tumindakiŋ suku kaliḥ, tanpa sĕdya piṇḍa katiup maruta.

3. tan kétaŋ bayaniŋ marga, palaliŋ hyaŋ maha sĕkci, tĕtĕpiŋ asiḥ kasiyan, lami lami praptèŋ ṅriki, kyayi paṅulu mami, linĕpatna saru siku, sarèhniŋ katambĕtan, kamipurun nilakrami, sinambatiŋ kaŋ siḥ tuwin kaḷĕṅgahan.

4. ki paṅulu laṅkuŋ éram, miyarṣa tĕmbuŋ mrakati, manis amamalatiŋ tyas, wasana alon dèn nya ṅliŋ, ulun kyayi jamali, paṅulu satlatahipun, nagari wirasaba, kinasiḥ saŋ adipati, biliḥ wontĕn ruwĕt ṛĕntĕṅiŋ wardaya.

5. ulun kagĕm saraséhan, sinorohan kaŋ wawadi, ndilalaḥ karṣaniŋ allaḥ, punapa saaturmami, kagĕm sagĕd muḍari, rupĕg ṛĕntĕṅiŋ tyas giyuḥ, ḍuḥ ĕṅgèr yèn sambada, sadayanya ulunpuriḥ, kapaṛĕṅa lèrèḥ wontĕn wismaniṅwaŋ.

6. cĕbolaŋ mèsĕm liṅira, ḍuḥ kyayi pandomiŋ nagri, sakiŋ ajriḥ biliḥ dadya, ṛĕṛĕgĕd ribĕtiŋ galiḥ, tĕmahan antuk sarik, taṅèḥ lamun damĕl sarju, mila panuwuniṅwaŋ, kapaṛĕṅa iŋ paṅgaliḥ, ulun lèrèḥ wontĕn iŋ srambi kéwala.

7. tĕkèŋ dalu éñjaŋ biḍal, paṅulu datan nahuri, mas cĕbolaŋ gya cinaṇḍak, kinaṇṭi tandya lumaris, réñcaŋ catur tutwuri, praptèŋ paṅulon jumujug, paṇḍapa wus ginlaran, klasa batu miwaḥ lampit, ñi jamali kaŋ muḍa ṅrakit suṅgata.

8. paṅulu myaŋ tamunira, wus pinarak iŋ paṇḍapi, lumadi kaŋ paṅudutan, pamucaṅan gantèn waṅi, tinuṅka wĕdaŋ kopi, gĕṇḍis tĕbu prĕsan wĕḍus, ñañamikan mawarṇa, ki paṅulu ṅañcarani, laḥ sumaṅga ṅgèr sakawontĕnannira.

9. suṅgatanipun ki bapa, prayogi dipunrahabi, mucaŋ ĕsĕs gya guguraḥ, waja lajĕŋ minum kopi, ñamikané sinambi, cĕbolaŋ saréñcaṅipun, ṅrahabi pasuṅgata, kyayi paṅulu ṅliŋ maliḥ, sĕṛĕp ulun sakiŋ ĕmbok jĕṅandika.

10. ñahiulun iṅkaŋ muḍa, cariyosipun takṣiḥ, nalika wontĕn kajoran, sarta wontĕn wanagiri, sakiŋ kaŋ sampun uniŋ, para sambiwara bakul, cĕbolaŋ mèsĕm liŋnya, sampun pitados pawarti, èstonipun ulun santri puṅguŋ laka.

11. dayahipun muŋ pariman, ki paṅulu añĕblèki, iyaḥ kok siŋ ora ora, èstuné ulun wus myarṣi, tanapi saŋ dipati, sriŋ rahosan mariŋ ulun, saṅĕt ayun uniṅa, ḍatĕŋ santri iṅkaŋ nami, ki nurwitri lawan kimasé cĕbolaŋ.

12. sakiŋ adrĕṅiŋ kaŋ karṣa, gusti allaḥ añjuruṅi, maṅké sabakdaniŋ ṅisa, iṅsun sowan atur uniŋ, cĕbolaŋ liṅira ris, ulun sumaṅga sakayun, kadi aṅganiŋ ulam, kaŋ wus tinata nèŋ piriŋ, badanulun sakañca ṇḍèrèk kéwala.

13. paṅulu nolèḥ mriŋ wisma, èḥ rubiyaḥ lamun uwis, ṅgonmu ṅrukti suguḥ naḍaḥ, mara ladèkna pribadi, ñi paṅulu gya mijil, kaŋ tuwa ambĕkta bucu, kaŋ ĕnèm mbĕkta ajaŋ, , ñamikan lan wédaŋ sumiṅkir ṅanan.

14. rampuŋ panataniŋ naḍaḥ, paṅulu aṅliŋ mriŋ rabi, karo paḍa bagèkĕna, maraŋ anakmu ki santri, ywa taha taha sami, sanadyan nĕmbé katĕmu, rasaniŋ manahiṅwaŋ, wus kadi kulina lami, kaŋ sinuŋ liŋ ganti ganti suŋ pambagya.

15. warata saréñcaṅira, nuwun kaŋ sinuŋ pambagi, ñi paḍa mèluwa naḍaḥ, ṅiras pantĕs aṅladèni, wawi ṅgèr awawantiŋ, naḍaḥ iŋ sawontĕnipun, ṇḍĕku kaŋ sinuŋ sabda, pakantuk kaŋ samya bukti, ñi paṅulu muḍa nora kobĕr nĕḍa.

16. uṭi ṅladèni cĕbolaŋ, kalèjĕmé mambu ati, wus dumugi cinarikan, sinuṅkĕn mriŋ catur santri, paṅulu aṅliŋ aris, prayogi ṅaso nak bagus, punapi moṇḍok laṅgar, punapi moṇḍok wismalit, kidul laṅgar kidul régol mèpèt ḍaḍaḥ.

17. cĕbolaŋ alon liṅira, biliḥ kyayi amaṛĕṅi, wontĕn wisma lit kéwala, ṅgiḥ ĕṅgèr laṅkuŋ prayogi, èḥ ñahi dèn abĕcik, piranti lan susuguḥmu, ésuk wédaŋ sarapan, suguḥ naḍaḥ siyaŋ ratri, ñi paṅulu muḍa ṅliŋ sampun samĕkta.

18. aḥ sukur alkamdullilaḥ, laḥ mara iritĕn ñahi, cĕbolaŋ saréñcaṅira, wus mundur sakiŋ paṇḍapi, praptèŋ poṇḍok ñukani, aṅsal aṅsal saṛĕm plĕtuk, tĕrasi gèsèk ḍoraŋ, gĕrèḥ layur tigan pasir, ayam ati nèŋ bumbuŋ myaŋ ḍèṇḍèŋ saṅsam.

19. limaŋ kĕba jinahitan, ñi paṅulu wus nampèni, santri gaṅsal wus ambĕkta, sisi kĕba aṅisèni, paṅulu duknampèni, laṅkuŋ ajahibiŋ kalbu, sukèŋ tyas ṅudarasa, tĕkané tanpa ñañaṅkiŋ, nora cidra ujaré woŋ sambiwara.

20. iki wujudé maṅunaḥ, baya kaṅgo tĕluŋ sasi, nora tuku iwak uyaḥ, nahan wañciné ṅabĕkti, luhur ṅasar mahribi, atanapi ṅisanipun, cĕbolaŋ saréñcaṅira, amuŋ anut ki jamali, bakda ṅisa sowan maraŋ kabupatyan.

21. saŋ adipati aḷĕṅgaḥ, nèŋ pojok kilèn paṇḍapi, paṅulu maṛĕk manĕmbaḥ, ṅandika saŋ adipati, déné ta bĕṅi bĕṅi, kaya wigati sébamu, paṅulu matur nĕmbaḥ, gusti amba atur uniŋ, wahu siaŋ abdidaḷĕm katamuwan.

22. santri anama cĕbolaŋ, sakawan réñcaṅé santri, wus katur purwa wasana, ṅandika saŋ adipati, ṛĕkṣanĕn kaŋ abĕcik, ywa kuciwa susuguḥmu, laḥ wis sira mundura, nĕmbaḥ matur ki jamali, nuwun iṅgiḥ sandika lèṅsèr siŋ ṅarṣa.

33. para santri sami asiḥ ḍatĕŋ mas cĕbolaŋ lan sami maguru ṅahos kitab sarta sinahu ṅĕntruŋ. kaṭaḥ titiyaŋ kahul naṅgap mas cĕbolaŋ.

pĕṅantèn iṅkaŋ dèrèŋ atut, sasampunipun kataṅgapakĕn kĕntruŋ lajĕŋ sami lulut. tiyaŋ èstri sami gandruŋ ḍatĕŋ mas cĕbolaŋ, tiyaŋ jaḷĕr ugi kapiluyu. aṅsal aṅsalaniŋ taṅgapan, sapaliḥ kacahosakĕn ñi pĕṅulu, sapalihipun kaĕdum waradin ḍatĕŋ para santri.

23. sapraptanira iŋ wisma, awarta mriŋ rabi kaliḥ, iŋ ḍawuhé saŋ dipatya, myaŋ ṅguṅguŋ tamunirèki, tĕṅaḥ ratri aguliŋ, pajar gidib samya subuḥ, mriŋ maśjid lan tamunya, atanapi para santri, kacarita ṅgènnya anèŋ wirasaba.

24. wus lami antaranira, naṅiŋ dèrèŋ waktunèki, tinimbalan saŋ dipatya, sakèḥ santri trĕṣṇa asiḥ, sraséhan surasaniŋ, kitab myaŋ maguru ṅĕntruŋ, laguniŋ taṛĕbaṅan, ṛĕnĕs caṅkĕm karut mintir, asriŋ asriŋ kinarya iŋ pakahulan.

25. kalamun ana paṅantyan, lami tan kĕpaḍaniŋ siḥ, kahul naṅgap mas cĕbolaŋ, kaṭaḥ santri kaŋ umariŋ, ndilalaḥ gya lulut siḥ, lawan kahul sanèsipun, wus kajuwarèŋ prapat, dadya kakĕmbaṅiŋ laṭi, lamun ana kaŋ anaṅgap mas cĕbolaŋ.

26. lakon saratri sadina, asal miyarṣa niṅali, mantuké mriŋ pakahuman, tamtu kiniṇṭil pra santri, kaŋ samya nahĕn braṅti, sĕnajan jalu kalayu, sajèn tiṇḍiḥ binagya, sapaliḥ katur iŋ panti, kaŋ sapaliḥ dèn dum maraŋ santri kaṭaḥ.

27. nahĕn garwaniŋ dipatya, ṅgarbini wus saṅaŋ sasi, karahos ṅĕdalkĕn toya, tigaŋ ari tigaŋ ratri, ki jabaŋ dèrèŋ mijil, jinaga sakèhiŋ ḍukun, iyĕg lamun ambabar, raharja ibu myaŋ siwi, puputannya animbali mas cĕbolaŋ.

28. dipati maṅayubagya, jabaṅbayi nulya lahir, raharja sadayanira, marma puputan nimbali, ki cĕbolaŋ nurwitri, lawan santrinya sadarum, siyaŋ iŋ kabupatyan, gĕlakan anambutkardi, maṅké ratri wĕḍaré amaṅun suka.

29. anuju wulan purṇama, lir rahina paḍaṅnèki, baḍé nèŋ wétan paṇḍapa, ĕṅgènniŋ anaṅgap siṅir, pêpak sajèn mawarṇi, sĕkar koñoḥ lawan kutug, sĕkul tumpĕŋ mĕgana, warṇa pasar amĕpĕki, salawaté nèŋ sajèn salawé réyal.

34. garwanipun kaṅjĕŋ bhupati aṅgarbini sampun lèkipun lan sampun ṅĕdalakĕn toya tigaŋ dintĕn tigaŋ dalu, naṅiŋ jabaŋ bayi dèrèŋ lahir.

kaṭaḥ ḍukun iṅkaŋ añjagi, sadaya sarujuk kahul, naṅgap mas cĕbolaŋ biliḥ jabaṅbayi lahir lan ibunipun sami wilujĕŋ. saŋ adipati nayogyani.

botĕn daṅu jabaṅbayi lahir lan ibunipun wilujĕŋ. mila iŋ dintĕn puputanipun siyaga ṅadani kĕntruṅan mas cĕbolaŋ dalaḥ para santrinipun.

30. rolas waḍaḥ samya ḍulaŋ, liya añcak lawan cĕṭiŋ, miwaḥ bokor gĕlas talam, sadaya dipunsasabi, siñjaŋ sĕkaran tuwin, baṭik lurik lawan wuluŋ, maṅkya rukub kuruṅan, kaŋ siñjaŋ awarṇi warṇi, paḍaŋ bulan binantonan obor samya.

31. myaŋ kaŋ sahos palataran, pati mantri lan prajurit, pandam tiŋ ṭarik tinata, dèn nya ḷĕṅgaḥ saŋ dipati, ṅgĕḍaṅkraŋ anèŋ kurṣi, piṅgir paṇḍapi ṅgènnipun, canéla kinĕmbaŋ mas, pantĕs ṅagĕm ñampiŋ baṭik, nagasari jinĕmbaṅan latar pĕṭak.

32. paniṅsĕt ciṇḍé jobara, rasukan blaḥ bantĕn asri, sĕmbagya lus kapuranta, corèké kĕmbaŋ pinĕṭik, kotaŋ kañciŋ miraḥ brit, paniti jaṅga intĕn byur, ḍuwuŋ gañja tinataḥ, iŋ intĕn miraḥ tulyasri, kuluk cĕmĕŋ baludru iṅrénda ĕmas.

33. gumbalanya kakĕtogan, sumpiŋ sĕkar hèr rinukmi, abagus pupuk sĕmbada, lir kalana aṅĕjawi, iṅayap para cèṭi, busanéndaḥ ayu ayu, kĕña raṇḍa wulañjar, aṇḍèr maṛĕk saŋ dipati, awibawa tinarab para biyada.

34. miwaḥ sasahosannira, ki adipati nèŋ ṅarṣi, kĕnap myaŋ baṅku cañciṅan, sinĕrbèt putiḥ tulyasri, iṅkaŋ aṅladèni, pawèstri samya yu luhuŋ, wédaŋ tèḥ mamanisan, powan roti wédaŋ kopi, anèŋ ṅĕkan sĕmuwa isiniŋ méja.

35. sacaraniŋ laḥ olahan, gugurihan manis manis, pêpak di adi iṅĕlaḥ, miwaḥ woḥ wohan mawarṇi, samya rumat cumawis, latar ginĕlaran sampun, lampit agĕŋ apañjaŋ, ṅgonné pañjak dèn gĕlari, klasa alus ya ta iŋ wahu samana.

36. mas cĕbolaŋ iṅandikan, ki jamali kaŋ aṅirit, bhuṣaṇané mas cĕbolaŋ, baju kotaŋ kĕstiŋ abrit, piṅgir rinénda alit, ñampiṅira kasa wuluŋ, sabuk putiḥ roŋ kilan, kuluké baṭokan sĕrahil, ḍĕstaripun jĕplakan putiḥ rinénda.

37. aḍuwuŋ kĕmalon abaŋ, gayaman laṇḍéyan miliŋ, tulaṅé ulam minatan, miraḥ agĕṅé saranti, santriné kabèḥ ṅiriŋ, gĕḍé cilik luwiḥ satus, woŋ nonton pan atusan, klĕbu abdiné dipati, nadyan jalma padésan kéṅiŋ kéwala.

38. pan paréntaḥ saŋ dipatya, bukakna manahiŋ alit, marma woŋ nonton akapaŋ, jalu èstri pipit pipit, kinĕṇṭĕŋ dèn jagani, winatĕs ywa maju maju, pan wus pêpak sadaya, sajèn sasaminirèki, sapraboté kimas ṅgènnya baḍé ñulap.

39. pan wus ḍawuḥ kinèn ḷĕkas, sandika kaŋ dèn ḍawuhi, anulya ñaṇḍak taṛĕbaŋ, sapolahira ṛĕspati, ḍasar radi kinardi, apacak tĕrbaŋ pinaṅku, iŋ ḍĕṅkul ṇḍaṅak ladak, mbañarak aṅgunuŋ sari, adan ḷĕkas sĕkar jawi gĕṇḍiŋ ḷĕmpaŋ.