1. pocuŋ
2. dipuntuhu aṅlakonana puniku, kaŋ saṅaŋ prakara, wijaṅé sawiji wiji, ḍiṅin mantĕp liré tan niyat mriŋ liyan.
3. kajaba muŋ ṅamuṅna iṅkaŋ amĕṅku, iku lakinira, kapiṇḍo tĕmĕn winarṇi, tĕmĕn iku nora silip iŋ sabaraŋ.
4. dora wuwus déné ta kaŋ kapiŋ tĕlu, dipunanarima, apa sapandumiŋ laki, piŋ pat sabar tĕgĕsé ywa sriŋ duduka.
5. cĕpak nĕpsu piŋ lima bĕktiyèŋ kakuŋ, dé bĕkti maṅkana, tan wani sarta ṅajèni, nora lañcaŋ ywa wani aṇḍiṅinana.
6. baraŋ laku mĕṅku ṅĕkul nora ayun, babaganiŋ priya, wĕdiya bĕnduniŋ laki, kanĕmira kaŋ gumati maraŋ priya.
7. kusuŋ kusuŋ sasaji ṅopèni kakuŋ, baraŋ kaŋ kinarṣan, tanapi yèn sukĕr sakit, mulasara suŋ usada mriḥ waluya.
8. kaŋ kapitu mituhu sabaraŋ tuduḥ, manut nora pugal, kawolu rumĕkṣèŋ laki, bisa simpĕn yèn ana wadiniŋ garwa.
9. tyasira sru ṅéman ṅowĕl ywa katĕmpuḥ, sakèhiŋ babaya, kasaṅa wiwéka paṣṭi, pradikaniŋ wiwéka iṅkaŋ santosa.
10. ja katuṅkul sadina dina kaŋ émut, aywa pĕgat pĕgat, iŋ rina pantara ratri, sariranta wanita èstu tan daya.
11. amuŋ dipunsantosa sajroniŋ kalbu, mriŋ goḍa ṛĕñcana, sapira goné jagani, priyanira sira yĕkti nimbaṅana.
12. kudu kudu wiwékané dipunbakuḥ, tan kéṅguḥ iŋ coba, iku awakmu pribadi, kaŋ rumĕkṣa sumiṅkira rèḥ tan arja.
13. wanudyèku manawa kuwat iŋ kalbu, yĕkti lakinira, ḍĕmĕn wĕlas tulus asiḥ, tur pitaya ṛĕsĕp rumakĕt sutrĕsna.
14. sun susuwun iŋ gusti kaŋ maha aguŋ, sinuṅa kamulyan, iŋ awal tumĕkèŋ akir, putra putri kaŋ maṅèṣṭi maraŋ garwa.
2. gambuḥ
1. supadi dadi gambuḥ, gonira ṅlakoni wuruk iku, sumarmanta wara sinawuṅiŋ sari, surasané dèn kacakup, kabèḥ wajibiŋ woŋ wadon.
2. witana kaŋ kadulu, kaŋ kapyarṣa wanodya puniku, lamun pĕgat dènira apalakrami, ana piŋ piṇḍo piŋ tĕlu, piŋ pat piŋ lima kalakon.
3. saṅsaya wuwuḥ wuwuḥ, pocapané ala ṅaṅgo saru, li warisé kĕsĕl goné dadi wali, kajaba yèn pĕgatipun, nora tulus karahayon.
4. tinakdir iŋ hyaŋ aguŋ, kayapriyé kawula yèn lumuḥ, yĕkti kudu ṅlakoni lumrahiŋ urip, woŋ wadon ana kaŋ mĕṅku, priya kaŋ wus dadi joḍo.
5. akṣamanta sadarum, pra sujana sarjana dé ulun, kumawawa ṅapus wuwulaŋ mriŋ siwi, silara iŋ saru siku, tan wrin lukita kinahot.
6. muŋ adrĕŋ driya kudu, karya tilas tĕmbé wuri bésuk, iṅkaŋ srĕḍa manulat pariwaradi, dinulurṇa iŋ hyaŋ aguŋ, tinut putra wayaḥ wadon.
7. puji pinuji tulus, sakaronron èstri lawan jalu, antuk brĕkaḥ oyod roṇḍona salami, sawarahiŋ rama ibu, ywa tuna sihiŋ hyaŋ manon.
8. narambahana saguŋ, kulawarga kadaŋ myaŋ sadulur, kacumpuniŋ saṇḍaŋ paṅan sugiḥ siṅgiḥ, titi cuḥ cuḥ para sunu, mituhua iŋ wirahos.
9. dadya paṅémut émut, rikalanira maṅriptèŋ kiduŋ, sampat ari sukra wañji jam saptéñjiŋ, jumadilakir sitaṅsu, nĕmbĕlas wimba katonton.
10. maktal maṅsa ḍĕṣṭèku, alip aṅka sèwu woluŋ atus, lan sawĕlas iṅaran srat darmarini, minaṅka wasitanipun, maraŋ putra wayaḥ wadon.
