sĕrat kañcil kriḍa martana

bubukaniŋ paṅikĕt gita

1. ḍaṇḍaŋgula

1. paraniŋ kaŋ sĕkar sarkara mriḥ, dènirarda mamriŋ sinĕmbadan, pantaraniŋ rèḥ sakèhé, jinoḍo mriŋ pakantuk, saanané woyata jati, srananiŋ paṅawikan, wijiliŋ cipta nuŋ, jagad traya kahébĕkan, yayaḥ kadi aṅganiŋ brĕmara ṅrĕṅiḥ, iŋ maduniŋ kusuma.

2. ṅawikani waḍahiŋ wawadi, yogya tama taman tumuwuha, gya ugĕṛĕn rambatané, karṣa sĕṛĕŋ sinĕruŋ, tataliniŋ kawula gusti, iŋ ari kahilaṅan, kaŋ kinĕkĕr amuŋ, mapatiŋ turida brata, ṅiṅiraṅi ruwĕt pandomiŋ dumadi, kĕtir kĕtir katrĕsan.

3. giyuhiŋ tyas sĕsĕg saya rujit, tatayuhé tumibèŋ babaya, sambékalané kĕlalèn, pundi margané ayu, kayuwanan tindak utami, hĕmar amriŋ ama, saḥ sakiŋ sisiku, aṅlirwakkĕn parikrama, kĕni sambaŋ rapĕt nir wiwéka wĕrit, ḍaḍakan warṇa warṇa.

4. tĕṅgĕl tumĕṅgĕl gigal amrĕgil, papalaṅé guŋ kapĕlak pĕlak, ramé ruhara aroṅèḥ, parusa sĕsĕg purun, rawat hawa awawan aṅliŋ, mèṅgal dadi dadalan, kadadyaniŋ dudu, wikan wusiŋ kalampahan, kaŋ kadyèku upadinĕn dèn kapaṅgiḥ, jĕṅgan lamun tan wikan.

5. paṅèṣṭiné arahĕn dèn ririḥ, ṅéman éman manaḥ manohara, ranku riŋ ṅrat sahindĕṅé, sayuk sadaya suyut, srayaniŋ rèḥ maṅka paṅariḥ, niṅiŋ cipta utama, ṅrat jawa kawĕṅku, kadi duk iŋ jaman kuna, liḥ olihan panĕmbahan sénapati, kinoṇḍaŋ koṇḍaŋ iŋ rat.

6. padmasana kĕnèŋ sakiŋ aris, maharaja jĕŋ sultan iŋ pajaŋ, supĕg rupĕg paṅgalihé, sasmitaniŋ hyaŋ aguŋ, trajunira para bhupati, tiniti tanpa tatal, gagaḥ tanpa taṅguḥ, raṛĕmpon muŋ sapaṅinaŋ, dèn gigila giras aṅgĕrus kaŋ baris, poṇṭal poṇṭal kabaṇḍaŋ,.

7. cacad agĕŋ jĕnĕṅiŋ narpati, krĕtarta tama duk timurira, tarpa tilas togiŋ gawé, taṅèḥ tuwuhiŋ bĕndu, sasat sisa sinĕsĕg wani, mirut maraŋ tĕmbayat, siswa guŋ kaplayu, woluŋ sinambĕriŋ sata, taṅèḥ kiwul kawawalé rontaŋ rantiŋ, maboṅlot siŋ palagan.

nusa jawa nalika jaman kitrah

8. sigĕgĕn kaŋ carita ginupit, masa kalané iŋ jaman kitraḥ, nusa jawa santéroné, kéwan wana sadarum, isinira mawarṇi warṇi, makṣiḥ araŋ manusa, kèḥ kéwan wana guŋ, baṅkit tata silèŋ janma, wus pinaṣṭi karṣaniŋ sipatulraḥim, akèḥ kéwan swagñana.

9. bahut sastra aparamèŋ kawi, jawa arab linantiḥ ginulaŋ, gunadika śĕktikané, putus maṅulaḥ junun, agamaniŋ hyaŋ maratani, ginĕlarkĕn nèŋ kéwan, samana anuju, iŋ ṅajam kaŋ madĕg nata, jĕŋ suléman malikulbalad iŋ mĕsir, juru slamétiŋ duña.

jamané ratu aguŋ iŋ ṅajam kaṅjĕŋ nabi suléman

10. ratu aguŋ sila krama niti, putus saliriŋ basa samoha, basukyagĕŋ darajadé, tĕntrĕm arjaniŋ kratun, sakuṛĕbiŋ antarikṣa di, salumahiŋ bhawana, kutu kutu suyud, dalaḥ jin pĕri manusa, kabèḥ kabèḥ wĕdyasiḥ birawèŋ gusti, marma sadaya kéwan.

11. araraton patrapiŋ utami, kabèḥ kéwan mèḥ ṅgulaŋ kadibyan, iŋ gunasti paṅatasé, karardiniŋ tumuwuḥ, nukṣmèŋ tama iŋ agal alit, ulaḥ kriḍaniŋ jagad, swarjananiŋ iḍup, iŋ kawruḥ murti widagda, kasusastran basukiné dèn kawruhi, kaya ta ywa karana.

12. bahusastra dèn ajar tiniti, kitab kuran palak palakiyaḥ, kukum aṅgĕr sasaminé, paṅajaraniŋ kawruḥ, buku buku ananiŋ bhumi, wus dilalaḥ karṣèŋ jad, kaŋ wajibulwujud, tumitaḥ iŋ jaman kitraḥ, kabèḥ kéwan putus saliriŋ pakarti, kinarya lalampahan. masa panas ora ana udan.

13. ya ta iṅkaŋ jinĕjĕr iŋ kawi, samana hyaŋ kaŋ murbèŋ bhuwana, nitahkĕn kahélokané, tan anurunakĕn truḥ, amuŋ panas iŋ masa katri, tan ana kamurahan, antuk saṅaŋ tèṅsu, sukĕt taru lata sirṇa, glagaḥ tuwin alaŋ alaŋ lir kabasmi, bébas trapas baranaŋ.

14. ampak ampak blĕdug mawor aṅin, tumĕmpuḥ karaŋ kirṇa binaṅsa, siṇḍuŋ riwut tanpa lèrèn, mandira wrĕkṣèŋ gunuŋ, sirṇa larut tan ana kari, kaŋ makṣiḥ sawatara, iŋ juraŋ myaŋ trĕjuŋ, naṅiŋ suṅil trĕbis paraŋ, sato datan bisa mañjiŋ ṅupa bukti, wit bĕbĕnduniŋ sukṣma.

15. sumbĕr sumur kali kalèn bĕlik, baṅawan rawa talaga asat, tan ana bañu satètès, saguŋ kéwan aṅuṅun, nrantaŋ ñjutuŋ putĕk anaṅis, samya nĕkuŋ munajad, lunturiŋ siḥ tumrun, salat istika nora saḥ, naṅiŋ makṣa tan ana parmaniŋ widdhi, saṅsara saya arda.

16. kabèḥ sato priyèstri gĕŋ alit, mañjrit sumiyaŋ swarèŋ karuna, ñinta kiyamat tĕkané, maṅkana sambatipun, subkan allaḥ kaŋ sipat basir, kadipundi kawula, tan bukti myaŋ ṅinum, yèn tan pinariṅan paṅan, luhuŋ tuwan muguta uswamba sami, gĕsaŋ dahat saṅsara.

17. èstu datan sagĕd aṅlampahi, ṅluhurakĕn asmaniŋ paṅéran, wit ḷĕsaḥ jiwaragané, kĕkuwataniŋ khayun, saha khayat sakiŋ rijĕki, puji dikir lan duṅa, sakiŋ dayanipun, paṅan papañcèniŋ gĕsaŋ, punapa ta gusti añidrani dalil, kuran kaŋ kabyawara.

18. wus kawĕntar midrawa iŋ bhumi, paṅandikaniŋ allaḥ taṅala, makatĕn lapal uniné, wa amamin dabatun, wa pil arli illa ṅallihi, muradipun kaŋ komram, sawarṇaniŋ wujud, kaŋ gumrĕmĕt mĕṅku khayat, atas sakiŋ kodratiŋ hyaŋ maha sukci, rijĕki pinariṅan,.

19. maṅka sampun tita iŋ watawis, lami tan wontĕn turuniŋ jawaḥ, kaŋ ñukulkĕn ron ronané, rijĕkyamba sadarum, pikuwatiŋ pujarjèŋ gusti, yèn makatĕna tuwan, yun ṅrusak karatun, iṅgiḥ karatoniŋ tuwan, iṅkaŋ tanpa wiwitan laṅgĕŋ dumadi, kaŋ tan ṅalap wusana.

kĕbo kaŋ lagi naṇḍaŋ papa

20. duk samana duruŋ amaṛĕṅi, tibaniŋ siḥ mriŋ kapapa cinta, ya ta kaŋ cinritakaké, pinèt purwa witipun, wontĕn juga mahésa boṭi, jalu nom abirawa, santosa liripun, ṛĕṣpati dĕdĕg prakosa, lagya naṇḍaŋ papa kataman iŋ gĕriŋ, sabab dahat kasrakat.

21. sampun catur dasa ri ṅrĕrintiḥ, anèŋ ṅisor wit sĕmpu ṅalémprak, gagra kusika dagiŋ ntèk, swara srĕt usadèŋ luḥ, lir tinuras rahiné ṅruṅiḥ, lir sundar katyub barat, sulap kaŋ pandulu, mobaḥ molaḥ malik molak, sasambaté aḍuḥ jawataniŋ widdhi, pun boṭi binañjuta.

22. tan kuwawi amba ṅrakĕt urip, sisikuniŋ hyaŋ iṅkaŋ ḍumawaḥ, luhuŋ pinĕcata maṅké, ḍuḥ gustiku kaŋ aguŋ, déné amba puniki urip, sababipun punapa, tan bhoga tan minum, maṅka pikĕkahiŋ gĕsaŋ, guruŋ asat satètès datanpa wariḥ, tan kiraŋ lalantaran.

23. kodratiŋ hyaŋ kaŋ bi la alatin, wus gumĕlar taṇḍa kasatmata, déné makatĕn iŋ maṅké, catur dasa ri sampun, iṅoñcatan punaŋ rijĕki, tan kiraŋ lalantaran, kodratiŋ hyaŋ aguŋ, ṅluhurkĕn dikirulakmal, asmaniŋ jad sakiŋ paṅan kaŋ ṅuwati, iŋ sipat kaliḥ dasa.

24. karya muji ṅĕniṅakĕn budi, ñuwun kawlasan sihiŋ paṅéran, uluhiyaḥ jro ciptané, naṅiŋ tan sagĕd muṅkul, tan tumĕmĕn kĕcapiŋ puji, jalaran goṇḍaŋ asat, wĕtĕŋ asuwuŋ bluŋ, makatĕn rèḥ kĕmlaratan, yèn nunuwun cak cèk tan sagĕd ṅantĕpi, kawarṇaa samana. macan mituluṅi paṅan maraŋ kĕbo

25. mahésa wus pasraḥ maraŋ tahuhid , kocapa kusumèŋ wanawasa, macan gémboŋ panĕṅrané, santosa birawa nuŋ, makṣiḥ anom kukunya luṅit, raḍa aṅapurañcaŋ, tutuk maṅaḥ murub, nétra lir baṣkara kĕmbar, lumampaḥ nèŋ alaŋ alaṅan tan kèkṣi, marma miris pra kéwan.

26. samana moŋ maṛĕṅi kuliliŋ, wana wana amiṛĕŋ suwara, taṅis ṅisor sĕmpu ṅgoné, tiniliŋ saya ṅruntuḥ, mañjiŋ karṇa taṅi kaŋ budi, wĕlas mriŋ kaŋ udrasa, sanadyan duruŋ wruḥ, warṇanira kaŋ karuna, amrĕpĕki sor sĕmpu kagyat maṅèkṣi, mriŋ wujudiŋ mahésa.

27. aṅalémprak tinup laḷĕr wilis, wus tan pisan pisan sipat mésa, sardula tataña agé, ririḥ dènira muwus, paran baya kĕbo sirèki, wus lawas watarèṅwaŋ, kadulu ṅalumpruk, wandanta sawaŋ kunarpa, analaṅsa ṅumbar swara ṅgèndèŋ pikir, kaŋ ṅlunturkĕn kawlasan.

28. danuka sumambuŋ aṅrĕrintiḥ, hèḥ mitrèṅsun kaŋ sudibyèŋ wana, sira takon iŋ purwané, sun anèŋ ṅisor sĕmpu, uwis kawan dasa ri tampi, bĕbĕnduniŋ hyaŋ sukṣma, kĕlantiḥ ragèṅsun, tan bhoga tan ṅombé iṅwaŋ, kinacèk lan sapĕpaḍaniŋ dumadi, tinup lara sĕṅkala.

29. masa iki nadyan kuraŋ wariḥ, laraŋ rijĕki cagakiŋ gĕsaŋ, naṅiŋ muŋ awakku ḍéwé, kaŋ tan antuk pituluŋ, sikṣaniŋ hyaŋ iṅkaŋ ṅrakĕti, kaluwèn ṅĕliḥ ṅĕlak, sun tan bisa suŋ wruḥ, wit paḍa ṅlakoni sira, gémboŋ wĕlas iŋ nala rumasa sami, sasamaniŋ ṅagĕsaŋ.

30. wajib lamun mahyakakĕn asiḥ, supaya mblabara samèŋ titaḥ, wusana moŋ panabdané, ḍuḥ mahésa kalamun, ana iṅkaŋ tutuluŋ asiḥ, awèḥ lantaran gĕsaŋ, srana rijĕkimu, bañu sarta taru lata, mikuwati dadi sasambuṅiŋ urip, punagimu punapa.

2. asmaradana

1. kasmaran kĕbo miyarṣi, dahat asrĕpiŋ tyasira, antuk apuraniŋ manon, mĕtu wasitaniŋ sima, boci alon manabda, krĕpana manuhara rum, aḍuḥ sardula siŋ sapa.

2. tutuluŋ kuripan mami, nambak pralayèṅsun maṅkya, kaŋ uwis laya maṅkéné, paribasané woŋ kuna, ṅanti kambaṅiŋ séla, siḷĕmiŋ parahu gabus, iku dunuṅiŋ ragèṅwaŋ.

3. tĕgĕsé dahat mustakil, kaŋ kaya awak sun macan, yèn nĕmuwa urip manèḥ, sabab badanku wus ḷĕsaḥ, sanadyan ana paṅan, sun kira tan bisa klĕbu, rèḥ guruŋ asat kéwala.

4. éwa sĕmono manawi, rijĕki kalawan toya, babaṛĕṅan tĕkèŋ kéné, sun kira nikmat munpaṅat, tumamèŋ wandaniṅwaŋ, èstu yèn bisa kaḷĕbu, naṅiŋ sun kira tan ana.

5. ana bañu saka ṅĕndi, prasan atiku lor wétan, kidul kulon kali kalèn, sumbĕr bĕlik rawa asat, paran dérantuk tirta, kĕsari sumambuŋ wuwus, bab iku iṅsun kaduga.

6. muŋ paran kaŋ dadi jaṅji, mahésa alon manabda, prakarèku muŋ rumojoŋ, manut miturutiŋ karṣa, aja kaŋ tĕkèŋ lara, nadyan ṛĕmuk dadi glĕpuŋ, sarambut pinara sasra.

7. prabhatapi mandayagni, tumĕmpuḥ masa mirisa, boté sinambuŋ uripé, kaŋ sarta nambahi ñawa, laḥ kayaparan sima, ṅlahirṇa budi rahayu, dadya taṇḍaniŋ susĕtya.

8. tuhu mimitran lan mami, duña akhir ayya pisaḥ, déné yèn sira iŋ tĕmbé, katĕmpuḥ iŋ priṅgabaya, kĕsari sun alaŋna, lakuniŋ tuluŋ tinuluŋ, mamriḥ basukiniŋ gésaŋ.

9. lahirṇa ciptanta maṅkin, tumibèŋ siḥ kawĕlasan, prasasat malakulmahot, ṅijrahil aṅéjawantaḥ, tumurun ñambuŋ ñawa, sèwu yuta panrimèṅsun, suka sukur riŋ hyaŋ sukṣma.

10. sardula wus añaguhi, sigra wisata ṅupaya, lata ron tilarṣa drèṅès, tĕbiḥ watawis saṅsaŋ pal, wusñantuk kinum toya, kèhé watara roŋ paṅgul, ṅrĕṅgunuk ijo ṅrĕmbaka.

11. tan daṅu lampaḥnya prapti, ṅisor sĕmpu ṅgoniŋ mésa, dèn brukkĕn anèŋ ṅarṣané, danuka ñjĕṅĕr duk mulat, lata drèṅès tilarṣa, asrĕpiŋ tyas suka sukur, dahat suka marwatatma,.

12. manĕmbaḥ sujud saŋ boṭi, iŋ ron kaŋ wus kinum toya, saha matur mriŋ arimoŋ, aḍuḥ siṅaniŋ nèdĕrlan, ṅlĕṅkara tamarjanta, satus kĕṭi amba nuwun, pintĕn baṅgi dintĕn béñjaŋ.

13. kula tur waḷĕs ñamèni, sakiŋ dharma marta tuwan, tan laṅkuŋ amuŋ suméṇḍé, atas karṣaniŋ jad mulya, kaŋ tan klimput iŋ ḷĕmbat, ṅalimun bidatis sudur, ṅawruhi krĕntĕkiŋ ḍaḍa.

14. samana ron wus binukti, taṅgap rasa gĕtiḥ tampa, sanalika nétyañajèr, sĕgĕr sumraḥ midrèŋ jiwa, lumpuḥ pĕgĕl mar sirṇa, dahat nikmat sĕsĕk sĕṅkut, tan siwaḥ janma lan kéwan.

15. laraŋ paṅan bĕras pari, sĕga bĕras sĕpur doyan, kalané kĕlantiḥ kĕbo, alaŋ alaŋ gariŋ doyan, kléyaŋ kéwala doyan, kaŋ maṅka maṅké andanu, maṅan taru kinum toya.

16. antara ron tilarṣa ntiŋ, sima tĕraŋ iŋ paniṅal, nulya wisata gé agé, ṅupaya maniŋ rambanan, kaŋ anèŋ tĕpi juraŋ, sadarpa suṅil ṅgonipun, watarantuk nĕm bopoṅan.

17. sinuṅgi mriŋ narmada glis, subadya caṅcut tandaŋnya, dèn brukkĕn samadyaniŋ wé, sasampunira iṅĕntas, binakta wisatéṅgal, binrukkĕn iŋ ṅarṣanipun, boṭi tambaḥ sukèŋ driya.

18. alon matur èsmu taṅis, maraŋ risaŋ budi dharma, aḍuḥ sardula woŋ salèḥ, sèwu yuta panrimamba, naṅiŋ panuwun amba, mugi kaŋ pracayèŋ laku, sraḥna jad iṅkaŋ murwèŋ rat.

19. ywa mamuŋ tindak kaŋ yukti, wahyaniŋ ṅalam susila, kadarmanta kaŋ lumèbèr, atas sadu parikrama, ñrambahi sasiramba , ṅalaṅi pĕḍotiŋ umur, marma sampun wañcak driya.

20. sukṣma tan klimput iŋ ghaib, ṅodrat kalam baṅkit molaḥ, sakiŋ karṣaniŋ hyaŋ manon, nulisi saguŋ klakuwan, awon sahé sinĕrat, kaŋ kadi paduka èstu, anèŋ lokḥ makpul tétéla.

21. waraḥ jĕroniŋ ṅakahid, ṅamal sapi naptun napsa, liripun klakuwan sahé, dados prahuniŋ sarira, kapaṅgiḥ iŋ sakarat, wawaḷĕs tikĕl piŋ satus, atasiŋ basuki tama,.

22. nulya kaŋ sukĕt binukti, dupi kari sawatara, traṅginas kĕsari agé, ṅupaya maliḥ rambanan, kaŋ sampun mawa toya, sadina ajĕg piŋ tĕlu, maṅkono prawirèŋ wagra.

23. wusiŋ watara sapta ri, rinaṅsum piŋ tri sadina, saha solan salin goḍoŋ, sima saṅsaya sihira, koṅsi ñoloŋ luŋ téla, ḷĕmbayuŋ rèndèŋ ron jaguŋ, darbèkiŋ janma padésan.

24. awit katarik trĕṣṇa siḥ, dènnya mèt pawoŋ sudara, lir tuṅgal yayaḥ rénané, tan kĕna bĕṅgaŋ saréma, nir subasitanira, rina wĕṅi tuṅgal turu, samana alama lama.

25. danuka wus ḷĕmu gĕmbil, rèhniŋ datan kĕkuraṅan, waluya waras wus pulèḥ, tambaḥ praptèŋ masa sitra, ṅrĕcèḥ larabiŋ wrĕsa, cukulan iŋ wana tuwuḥ, warata satanaḥ jawa.

26. mahésa wimbuḥ réṣpati, santosa ḷĕmu dagiŋnya, sampil punuk méṇḍol méṇḍol, gĕŋ luhur yayaḥ prabhata, klimis alus araras, suṅu kupĕŋ muka capu, nétrané sumurat daraḥ.

27. tracak lantas kikil triñciŋ, kulit tipis wulu ṅawat, ḍasar lamus sĕmu ijo, jaṅga gĕŋ pranaja jĕmbar, buntut mĕrit tur pañjaŋ, badan gilig wĕtĕŋ ḍaḍut, kuwat śakti dibyèŋ kara.

28. sima miyat paṣṭi giris, kagum katuwawèŋ néndra, pantĕs linĕbokkĕn koṅgrès, tĕntonsĕtĕliŋ hiṇḍiya, yakti antuk gañjaran, apĕsé mĕḍali pruṅgu, mésa kaŋ kadya maṅkana.

macan nagiḥ kabĕcikan maraŋ kĕbo

3. ḍaṇḍaŋgula

1. lir sarkara dènnya mitran sami, sardula gémboŋ lawan danuka, wuwusĕn arimoŋ maṅké, muliḥ riŋ wismanipun, dupi praptèŋ panti ṅupadi, mamaṅsan yun minaṅsa, takdiriŋ hyaŋ aguŋ, waktu samana tan daya, ñjaṅkaḥ tuna nubruk luput koṅsi laṅip, sunya tan antuk maṅsan.

2. lir kiniyas rijĕkiniŋ dèbi, kidaŋ saha mañjaṅan aṇḍapan, kaḍal koḍok luwak rasé, sapta ari tan maṅguḥ, dahat luwé koñcatan bukti, macan gémboŋ klaṅipan, putĕg pĕtĕŋ tambuḥ, kontraŋ kantriṅan kéwala, ṅalor ṅidul ṅétan ṅulon datan maṅgiḥ, nulyèṅĕt kaŋ wardaya.

3. ṅunandika é lo tobil lali, iṅsun déné wus potaŋ kataman , rijĕki mriŋ kĕbo biyèn, drèṅès luŋ tilarṣa guŋ, taru lata manéka warṇi, adoḥ paṅgonanira, lawas tanpa pétuŋ, wiraŋ isin iṅsun tĕmaḥ, sabĕn dina ñuṅgèni mbrĕṅkut lir gliḍig, sakiŋ yun budyatama.

4. tamèŋ gĕsaŋ tutuluŋ sasami, supayané tĕmbé antuk pahlal, wawaḷĕsan sapantĕsé, maṅkya kĕbo wus ḷĕmu, ulur kisi punuké ṅgajiḥ, lantaran saka iṅwaŋ, pikuwatiŋ raṅsum, lumintu iŋ sabĕn dina, rèhniŋ mĕṅko sun tuna ṅupa rijĕki, kéndran baraŋ mamaṅsan.

5. iṅsun minta kawlasaniŋ boṭi, kaŋ supaya naṇḍani katrĕṣṇan, wajibiŋ mitra gĕgĕntèn, rèḥ sun kĕpĕtĕk butuḥ, dahat luwé capé iŋ jisim, iṅsun jaluké coba, punuké andanu, saparo kéwala maṅkya, nadyan kabèḥ sun kira tan malarati, wit adoḥ lawan ñawa.

6. ṅuni ḍasar wus darbé punagi, ri kalané kataman saṅsara, siŋ sapa kaŋ marasaké, yun mituhu satuduḥ, karṣanira kaŋ tumuluŋ siḥ, tan pisan kumĕḍapa, saguhé rumuhun, laḥ coba iṅsun kĕpaṅgya, macan gémboŋ wisata tan daṅu prapti, pinaṅgiḥ lan mahésa.

7. wusiŋ tatakramaniŋ basuki, silaniŋ kaanan titaḥ gĕsaŋ, tan siwaḥ ṅadat sabĕné, nulya moŋ nabda arum, mriŋ danuka praptèṅsun iki, tan katĕmu wus lawas, yun wruḥ krahayonmu, kapiṇḍoné minta wĕlas, maraŋ sira gĕntènan woŋ anèŋ bhumi, wĕnaŋ palar pinalar.

8. iṅsun uwis sapta ri tan bukti, midĕr wana ṅupaya tan daya, wahyakna wĕlasmu maṅké, iki mitranta ḷĕsu, kéndran paṅan sira kaŋ wajib, lamun ḍaṅan iŋ karṣa, punukmu puniku, wus sun timbaŋ kaya nora, mĕlarati rèhniŋ punukira boṭi, adoḥ lan dalan ñawa,.

9. maṅka punuk iṅsun kaŋ murwani, sun rambankĕn ron drèṅès tilarṣa, sukĕt bañu ron ronané, nĕmahi dagiŋ ḷĕmu, aṅlĕṅguruk punukmu ṅgajiḥ, maṅkya wus kyat santosa, sakiŋ kadarmanku, luwar saka kasaṅsaran, marma aja sélak pamintaku uwis, bĕnĕriŋ tatakrama.

10. ujariŋ dalil kalamullahi, woŋ kaŋ potaŋ ṅamal rila éklas, tikĕl satus wawaḷĕsé, kaŋ maṅka pamintèṅsun, muhuŋ trima punuk sapaliḥ, karya cagakiŋ gĕsaŋ, ywa sélak andanu, aja madyèŋ ubaya, gusti allaḥ kaŋ sipat rahmanirrakim, muraḥ duña siḥ khirat.

11. mésa boṭi kumĕpyur iŋ ati, lir glas kréstal kĕmpraŋ tibèŋ srasaḥ, mĕstèr iṅkaŋ mawa sĕmèn, ṅloŋ cipta srira kumyus, kètès kètès swanita mijil, tri pandurat tan nabda, ñjĕtuŋ puṅun puṅun, tuṅtuṅiŋ nala narantaŋ, riṅa riṅa ḷĕsaḥ lir péndaḥ woŋ ṅimpi, sulap paṅèkṣinira.

12. amarlupa nir bayunirèki, cakraniŋ wardaya cipta ilaŋ, kadya kĕṅaṅlaṅan tyasé, wusananiŋ paṅgayuḥ, gayuḥ gayuḥ waṅsulan ririḥ, mriŋ sima ṅaraḥ araḥ, manuhara arum, ḍuḥ dèbi aja maṅkana, dudu padon sira muṇḍut gĕtiḥ dagiŋ, kaŋ tumèmpèl iŋ badan.

13. sèwu taṅèḥ sun uluŋna dèbi, rèḥ sun datan jaṅji lawan sira, awèḥ dagiŋ punuk priyé, prasĕtyèṅsun muŋ taṅguŋ, naṅgulaṅi satru jayasti, kaŋ sun saguhi macan, tĕmpuḥ iŋ pakéwuḥ, prabhatapi tasik waṅwa, tĕkèŋ lara nadyan tumĕkaniŋ pati, tan nĕdyoñcat sakéswa.

14. liya iku tan darbé punagi, iṅkaŋ kadya pamintamu macan, iku nĕdya karya dédé, yèn maṅkono sirèku, woŋ tutuluŋ tĕmaḥ mĕṇṭuṅi, pati dèn ṅgo dolanan, muŋ siji uripku, tan duwé urip padinan, yèn anaa pamèrané bahé gampil, rèḥ sira mitraniṅwaŋ.

15. laḥ éliṅa ywa tindak tan yukti, kayaparan macan kaṛĕpira, landradĕn atimu ḍéwé, tan gampaŋ culiŋ wuwus, kudu ṅaṅgo tinimbaŋ ḍisik, jroniŋ atimu ana, ṛĕmbug bĕnĕr luput, ajara budi kraharjan, potaŋ paṅan èstuné anagiḥ bukti, karya añahur karya.

16. rajabrana tuwin guru dadi, bayar arta sapira iŋ ṛĕga, mirit sapira boboté, bobot utawa traju, karya nimbaŋ amriḥ satiti, yèku lakuniŋ potaŋ, maṅka sira ñjaluk, punuk arṣa sira maṅsa, iṅkaŋ ora wicaramu wani wani, manut pikir tan arja.

17. laḥ trajunĕn kĕcapirèŋ laṭi, ywa kawahya yèn duruŋ tétéla, timbaṅĕn bĕnĕr luputé, sakiŋ prasan atiku, lèḥmu ṅaṅgo caṅkĕm wus lami, dé culé koṅsi salaḥ, tĕmaḥ muraŋ laku, ṅrusak pranataniŋ gĕsaŋ, kaya priyé wicara lèḥmu mbalèni, kagyat dèbi swardana.

18. pasraṅkara aja kumawasis, luṅidiŋ śabda muŋ amriḥ murka, iku dudu sabĕnĕré, ṅatokakĕn tyas palsu, mracihnani budi pranatis, katĕmu nurut ĕmpyak, sajatiné puṅguŋ, ĕ lo kojur raganiṅwaŋ, woŋ tutuluŋ tĕmahan pinĕṇṭuŋ liṅgis, awit alaniŋ sanak.

19. laḥ ta mara liŋ éliṅĕn boṭi, duruŋ kliṅga nata dalu warṣa, makṣiḥ katara tilasé, ṅuni ñaraḥ satuduḥ, iŋ woŋ iṅkaŋ g‍ĕḷĕm nuluṅi, ilaṅé cintrakanta, maṅké muṅkir muṅkur, mara agé katokĕna, dudu gĕni sagara bañu bahé wis, danuka gĕbyurana.

20. kĕbo nulya sumambuŋ mlasasiḥ, ḍuḥ sardula aja klèru tampa, nora maṅkono patrapé, naṅgulaŋ satru muṅsuḥ, sun pamèkkĕn samudra agni, ṛĕmuk kasawuṛĕna, sraḥ jiwaragaku, wruhanira nora ana, mandayagni prabhatapi muŋ upami, ḍasar yèn mula ana.

21. pawakardi yun nĕmpuḥ sirèki, ywa sandéya sun ḍisik pralaya, laḥ ĕndi macan rupané, jamunapi kaŋ magut, déné ṅaṅgo mĕlèhkĕn jaṅji, san atiku wus tuwa, moŋ akèḥ umurmu, déné tan wĕruḥ pralambaŋ, laḥ ṅajiya macan pasĕmon kaŋ luṅit, supaya wruḥ utama,.

22. macan gémboŋ alon nambuŋ aṅliŋ, iya bĕnĕr kĕbo wuwusira, sagara gĕni pasmoné, tĕgĕsé kaŋ puniku, bab babaya pakéwuḥ mami, sira kaŋ wani malaŋ, mriŋ sun atutuluŋ, sèwu sukur nĕḍa nrima, nora sida sun minta punukmu boṭi, yèn ñata tuhu sĕtya.

23. kabĕnĕran baṅĕt anujoni, uwis tigaŋ dasa ri punika, sun pañcakara katitèḥ, lan moŋ lorèk dibya nuŋ, tan kawawa sun muṅsuḥ jurit, wit sura śakti guna, prawira pinuñjul, sasat hyaŋ bhaṭara kala, ṅapurañcaŋ raḍa catur ṅilat ṭaṭit, iṅsun murut ṅéndrarṣa.

24. minta tuluŋ maraŋ sira boṭi, sun karya srana liliru lambaŋ, campuḥ iŋ bandawalagé, naṅiŋ paṅiraniṅsun, tan kuwawa sira ṅalaṅi, marma sun paṅgya sira, datan minta tuluŋ, amuŋ klantihé ragèṅwaŋ, ambĕbana punukmu iṅkaŋ sapaliḥ, iku dagiŋ miruṅga.

25. kaya nora tumĕkaniŋ pati, rèhniŋ adoḥ lan dalaniŋ napas, sira mopo wusanané, saguḥ dadya tataṅgul, lamun baya pakéwuḥ prapti, kapasaŋ yogya bagya, ontuṅé ragèṅsun, sanadyan mati tan maṅan, naṅiŋ nora pinatènan lorèk dèbi, kaŋ maṅkono tyas tama.

26. sira saguḥ aṅalaŋ alaṅi, laḥ ta payo sun tuduhkĕn sira, paṅgonané macan lorèk, kaŋ karya dudu mriŋ sun, kĕbo dupi miyarṣa aṅliŋ, gémboŋ iṅkaŋ maṅkana, pucĕt nétya murut, kĕju ṇḍaṛĕḍĕg kumĕsar, nar ĕnaran bunariŋ tyas tis tis atis, sirṇa dayaniŋ gĕsaŋ.

27. gèḍèg gèḍèg juḍĕgiŋ pamikir, iŋ wusana ñaṅgĕmi jaṅjinya, mañjiŋ maraŋ samudra wé, maṅkono woŋ kasusu, ḍasar boḍo kaburu ṅisin, kĕsari śabdanira, hèḥ ta kĕbo bagus, naṅiŋ sun paṣṭèkkĕn sira, nora klakon éwa samono sun irid, mlakuwa wuriniṅwaŋ.

28. wisata lon arimba nèŋ ṅarṣi, mahésa tut wuri wañcak driya, satus yuta biṅuŋ tyasé, rèhniŋ moŋ ambĕk puṅguŋ, ciptèŋ kĕbo tan wuruŋ mati, rinoda ripu pakṣa, ya sapuluḥ puluḥ, mati mriṅkus lan margagaḥ, yogya paṅgaḥ saguḥ tumĕmpuḥ iŋ jurit, ya saajaṅiŋ ajaŋ.

29. aboté woŋ nĕdya luru urip, datan daṅu karwéka tumĕka, tirahiŋ samudra jèjèr, sima noliḥ andanu, asru nabda payo dèn aglis, ṅgĕbyura mriŋ samudra, ṅatokna paṅgaḥmu, tan susaḥ sagara waṅwa, bañu bahé yèn ñata wani ṅantĕpi, mirib punaginira.

4. sinom

1. rèhniŋ tyas muḍa sru kéwran, kĕbo sakiŋ dahat miris, sumĕlaŋ wĕṅkuniŋ gĕsaŋ, maḷ‍ĕḷĕŋ nétyasmu isin, sĕḍiḥ kaworan ajriḥ, kĕbutuḥ ṅlakoni saguḥ, gugup akĕdandapan, kawĕlèḥ wĕlèḥ iŋ jaṅji, nalarira kasor sawuwusé salaḥ.

2. maṅkono yèn wus kajibaḥ, kasaguhan kaŋ kawijil, tanpa duga lan watara, yèku siratalmustakim, kaplèsèt tibèŋ trĕbis, yèku wiyosirèŋ tutuk, wuwus kaŋ tanpa duga, déné artiniŋ mustakim, bĕnĕr ḷĕmpĕŋ luñuné kagila gila.

3. iku caturiŋ manusa, iṅkaŋ nora dèn ijĕpi, lir talaŋ sèŋ taḍaḥ udan, gumrojog wutahiŋ wariḥ, wéwéka wadi wadi, tan pinikir wĕtunipun, naṅiŋ iku wus lumraḥ, woŋ kasusahan anaṅis, ñjaluk tuluŋ ṅĕsrahaké pĕjaḥ gĕsaŋ.

4. kusuŋ kusuŋ minta wĕlas, mĕlasasiḥ ṅasiḥ asiḥ, panaṅisé amaṅaraḥ, hé saguŋ sarjana murti, tĕraŋna kaŋ satiti, muṅguḥ surasèŋ pituduḥ, tĕpa lupya mahésa, sugiḥ miṣkin iṅkaŋ ṅaṅgit, umañjiṅa puwatiŋ sanubarinta.

5. arimba pasraṅkaranya, ṅèsi èsi saha wĕṅis, hé durcara maḷĕbuwa, sun tonton antĕpmu boṭi, miriba bahé maṅkin, kasaguhanta iŋ daṅu, taṇḍané tuhu sĕtya, ṅantĕpi kĕdaliŋ laṭi, sun paṣṭèkkĕn sira masa ṅuṅkirana.

6. jamaké iṅsun arimba, satriya tamèŋ dumadi, sarambut tan ñuda sĕtya, aja kaŋ wus dèn bĕciki, lagya tĕpuŋ bahé wis, wani toḥ jiwaragaku, apa sirarda dama, mahésa sumahur bĕcik, sigra sigra gumahas ṅgĕbyur samudra,.

7. lumémbak ṅĕlaṅi ṅlaṅak, nĕmpuḥ trunaniŋ udadi, añjagĕḍĕg noliḥ wuntat, sumĕlaṅiŋ ñawa giṅsir, yèn oñcat sakiŋ jisim, ciptèŋ kĕbo aḍuḥ aḍuḥ, iki babaya apa, déné dahat mĕṛĕs budi, yèn maṅkono prayoga mĕntas kéwala.

8. yèn sun cacaka kaŋ toya, maṅidulé tanpa tĕpi, nĕm cĕṅkal kéwala sida, waṛĕg bañu anĕmahi, pati datan patitis, ginawa jĕŋ ratu kidul, kalap iŋ panasaran, mati piŋ piṇḍo kapiŋ tri, utamané sun bali naṅgulaŋ sima.

9. yèn pralayaa sun asap, nulya bali maraŋ gisik, maṛĕki uṅgyaniŋ sima, muka koñjĕm iŋ pratiwi, pasaŋ wĕlas minta siḥ, kĕbo maṅkana kaŋ wuwus, ḍuḥ saŋ maha widagda, maap sambutan kulèṣṭi, ñuwun inaḥ sadaḷĕmiŋ kawan dina.

10. yèn sampun praptèŋ sĕmaya, kawula ṅaturi uniŋ, katĕraṅaniŋ sambutan, sadasa laḥ kadipundi, sardula nabda wĕṅis, kĕbo sira muraŋ laku, ḍuṣṭa kartiniŋ gĕsaŋ, kélasèŋ rat glahiŋ bhumi, nora bĕcik aṅlĕbur silaniŋ krama.

11. utaŋ paṅan sambuŋ ñawa, wiraŋ isin sun labuhi, kalakon ñuṅgi ron ronan, muŋ iku sajĕgku urip, iŋ mĕṅko tĕmaḥ dadi, rubéda wit kacidranan, la dalaḥ apa ora, sahiki saguḥmu éntiŋ, wus tétéla sirèku ṅrusak plaṅgĕran.

12. kĕbo maṅké wruhanira, sun rodapakṣa sun bistik, punukmu saparo iya, wus kĕri untuku ṅèkṣi, ginorèŋ paṣṭi guriḥ, yèn paṅgaḥ tokna budimu, manawa arṣa tĕraŋ, mriŋ dibyèṅsun jayèŋ jurit, sajatiné sun ṅijrahil ṅéjawantaḥ.

13. nagiḥ potaŋ maraŋ sira, iṅuṅkiran tĕmaḥ dadi, padudon atasiŋ duña, sira woŋ utaŋ rijĕki, panas priḥ sun lakoni, wĕkasan muŋ ñahur wuwus, tan ana ĕntèkira, tĕmbuŋ ṅoṅgroŋ muriḥ aris, nora daya iku dudu bĕnĕrira.

14. rijĕki paḍané arta, tan kĕna dèn mamanisi, tansaḥ sakiŋ aḷĕmbana, yéka jatiniŋ pranatis, swara ṅrĕgĕdi kupiŋ, yèn sirarṣa ñahur wuwus, yaktiné kĕna uga, naṅiŋ kaŋ coṇḍoŋ lan pikir, nadyan éwon ḷĕkṣaṇa tan dadi ṅapa,.

15. sirèku dosa roŋ warṇa, kaŋ ḍihin mariŋ hyaŋ widdhi, kapiṇḍoné lan kaŋ potaŋ, yèn sirarṣa ṅadu śakti, sun paṣṭèkkĕn nĕmahi, kuwandamu nora ṅukup, uripa rip uripan, muŋ bakal sun cupĕt boṭi, aja koṅsi alamu kadawa dawa.

16. marma sraḥna patinira, mumpuŋ durakanta tipis, ḍuṣṭa kartiniŋ silarja, ḷ‍ĕḷĕṭĕk sariniŋ juti, bhumi bañu añjĕrit, gumĕtĕr dèn ambaḥ iŋ dur, durṣila salaḥ iŋ rat, sirṇaa kéwala bĕcik, mésa asru kagyat myarṣa sabdèŋ wagra.

17. hèḥ bĕcik tĕmĕn arimba, siya tan kĕna dèn aji, aja ṅlakokaké soba, nindakna budi lastari, aji ajiniŋ urip, sasami kèḥ wĕdi sayuk, triṣṇa lahir batinnya, sirarṣa maḍĕm mriŋ mami, taṅèḥ lamun sun ériṅa maraŋ sira.

18. woŋ kalaḥ siniya siya, wus mlayu binuru wani, mogok rèḥ kajibaḥ sayaḥ, nékad toḥ lara lan pati, apa tan wruḥ kumpĕni, kaŋ ulaḥ marta mriŋ satru, kaŋ wus kalaḥ sinaraḥ, muṅsuhé dipunbĕciki, wĕkasané ala wĕdyasiḥ sutriṣṇa.

19. iku lupiya klakuwan, titènana jroniŋ ati, téga pati rilan duña, subagya yuwana murti, ywa sira maca hadis, yèn makṣiḥ kuṭuŋ pikirmu, yèn swagñana krĕtarta, miriba kaṅjĕŋ guprĕmin, cipta ṅantarikṣa sinuhun sasama.

20. iṅkaŋ sinuhun tĕgĕṣṇya, puniku sinuṅgi suṅgi, susuhunaniŋ bhuwana, sipat kodrat kaŋ pinuji, kumpuliŋ rahśa jati, nèŋ sunan paṅgonanipun, tuṅgal lan sastrajéndra, ayuniŋ bhuwana dèbi, aja ṅrusak ṅalam jroniŋ jisimira.

21. duga lawan kira kira, yudanagara nèŋ ati, yèn tan linakon karwéka, sastrajéndra tanpa dadi, kalaḥ ciptaniŋ éblis, jin sétan maṅka wujudmu, macaa surat kul a, ṅudubirabin hinasi, sabañjuré pardikané takokĕna.

22. kĕsari sira ywa méraŋ, isin mamèt waraḥ mami, dadiya conto kraharjan, ora muŋ suṅkan tinagiḥ, ḍasaré nora apti, kabañjur wĕtuniŋ wuwus, uga bĕnĕr solaḥnya, uwot siratalmustakim, anèŋ tutuk musamané kaŋ sañata,.

23. déné kĕlamun woŋ buddha, iṅaran wot ogal agil, tan pahé paṅgonanira, muŋ béda tĕmbuṅirèki, woŋ arab lan woŋ jawi, naṅiŋ rasanira gaṭuk, paran sardula sira, sinuṅan béda iŋ budi, lahiṛĕna budimu wĕlas mariṅwaŋ.

24. kaŋ mawantaḥ dajal laknat, racutĕn buwaṅĕn tĕbiḥ, kalbulmukmin baitullaḥ, sirèku omahiŋ widdhi, tĕgĕsé mukmin dèbi, sira ḍéwé wruhanamu, kapaṛĕk tur kapurba, purbaniŋ hyaŋ ñaraḥ kapti, rèḥ wus pariŋ gumĕlariŋ kahutaman.

25. lantaran rasuliŋ sukṣma, iya iku kṅjĕŋ nabi, murti mulkuniŋ bhuwana, kutu kutu kaŋ kumĕlip, sléman baladèŋ mĕsir, ibnu dawud sudibya nuŋ, winĕnaṅkĕn wawarta, kaŋ wus katimbaŋ prayogi, maṅka sira muraŋ arjaniŋ bhuwana.

26. wĕtuné kaŋ pañcadriya, muruṅkĕn cipta lastari, saka solan saliniŋ tyas, laknat kaŋ tanpa upami, cĕgaḥ paworiŋ gusti, puniku budi kĕluruŋ, laraṅaniŋ sujana, kaŋ ahli klakuwan akhir, laḥ éliṅa yèn sira bakal pralaya.

27. mamriha tama sampurṇa, urip mati kaŋ ñukupi, paṅudiniŋ saṅkanparan, uṅsĕdĕn kitab lan tapsir, ywa sira géḍag géḍig, gumuṅguŋ sarta kumluṅkuŋ, uripmu muŋ sapisan, yogyané ṅupa utami, laku arja maṅka saṅuniŋ pralaya.

28. bhuṣaṇané mukmin kaŋ khas, kaŋ kaṅgo iŋ ṅrika ṅriki, aja ṅlakokakĕn dajal, lahir batiné ijajil, pragalba sru aṅĕrik, gora rèḥ magĕtĕr wagyut, oṛĕg pratiwi jiñjaŋ, nulya mésa pasaŋ liriŋ, buntut ñjĕṇṭar lir waṅkawaniŋ mandrawa.

kĕbo kĕpĕkṣa naṅgulaŋ macan

29. arimba nubruk sakṣaṇa, katampan murdaniŋ boṭi, tinamèŋ suṅu umĕbrag, ṛĕbut jaya sura śakti, daṅu uṅkiḥ iṅuṅkiḥ, kakaliḥ tĕguḥ timbul tus, wal kontal tiŋ cĕkékal, kĕbo mahyakkĕn gunasti, mbijig séla dadya amun amun awra.

30. kumĕḍut digdèŋ awiyat, ṅampak ampak mawa bahni, mayuta yuta dahana, lir wrĕsa siŋ awiyati, bayak nĕmpuḥ arimbi, arimoŋ kéwran iŋ kalbu, kamayan dahanarda, daruna cidraniŋ muṇḍiŋ, macan gémboŋ mamrĕs budi tiwikrama.

31. mĕkar kaŋ guna widagda, dayèŋ kamayan mawrĕdi, tinarimèŋ janaloka, sakala jawaḥ nĕkani, pañcawora wor riris, gumrujug ñiṛĕp kaŋ latu, wus nir dayaniŋ waṅwa, campuḥ maliḥ danu dèbi, kadibyané karo pisan tanpa guna.

32. danuka mamrĕs iŋ nala, mahyakakĕn aji boṭi, ḷĕṅa rasatala wrata, sakiŋ punuk sudirasti, saciptanira dadi, banduŋ bandawasanipun, dahat subadyèŋ kara, sakala sarira wĕsi, macan gémboŋ nulya mahyakkĕn danuja.

33. asiḍakĕp suku tuṅgal, nutup wiwara nawa di, ñumpĕt kanaŋ pañcadriya, ṅèkṣi tikwèŋ grana luṅit, maṇṭĕŋ kaŋ puja jati, kajatèn katrimèŋ sujud, sakala maliḥ warṇa, wujud waja purasani, iya iku wĕsi ibrani nagara.

34. ṅĕṇḍiḥ kasĕktèniŋ mésa, sanalika dadya glali, ndlèdèk wus tanpa budaya, nulya kasaput iŋ ratri, samya mundurnya kaliḥ, sima tansaḥ ṅuṅgut uṅgut, kétaŋ ardaniŋ driya, dènya sru kapéṅin dagiŋ, saya sĕṅkut rèḥ bĕnĕr ri tata praja.

kĕbo ñjaluk tuluŋ maraŋ mĕñjaṅan

35. ucapĕn sira mahésa, sawuṣṇya ṅaso pribadi, ṅunandika jroniŋ nala, kayaparan awak mami, nir budayaniŋ urip, sun timbaŋ timbaŋ ragèṅsun, kaya tan bisa wuḍar, kaḍaŋ saya ruwĕt maṅkin, nora ana wĕkasané kaŋ prakara.

36. sun saraha karṣèŋ wagra, sun wèhi punuk sapaliḥ, ṅadaté woŋ maṅan énak, tan trima yèn muŋ sapaliḥ, bagja kèri saṭiṭik, cilakané ñawèl guruŋ, kaḍaŋ duruŋ narima, malaḥ ulur liḍaḥ kisi, yèn maṅkono ñawaniṅsun kalambraṅan.

37. mĕnawa iṅsun paṅgaha, pira bobotiŋ kĕsari, ṅadu guna dibyèŋ ṅrana, kapĕkṣa sun tan gumiṅsir, waṅsul watĕkiŋ dèbi, culika durṣilèŋ laku, pĕṅpĕṅané pragalba, ṅlimpé durṣilèŋ pakarti, nubruk guruŋ gulu rantas ṅĕtus daraḥ,.

5. maskumambaŋ

1. kumambaṅiŋ nala danukarda miris, sun gagas tan énak, yogya miruda iŋ wĕṅi, ṅupaya sambuṅiŋ gĕsaŋ.

2. maraŋ ṅĕndi paṅuṅsèné ñawa mami, tiwas yèn tan ṅéndra, istiyar wajibiŋ urip, sun ṅalor kéné kéwala.

3. mriŋ wismané mañjaṅan kaŋ tuṅgal jinis, paḍa baṅsa halal, manawa bisa ṅayomi, patiku kaŋ siya siya.

4. nadyan riṅkiḥ paribasan giri lusi, mokaliŋ tumitaḥ, sigra wañci ratri anis, ḍĕmitan tan daṅu prapta.

5. wismèŋ raṇḍi iṅacaran tata liṅgiḥ, sinuṅan kramarja, bagya binagya iŋ wuri, kĕbo nulya pasraṅkara.

6. hèḥ ta yayi mañjaṅan praptèṅsun iki, arṣa minta wĕlas, pañcasĕn susahiŋ ati, tan ana manèḥ muŋ sira.

7. boṭi nulya jarwa purwa amĕkasi, mañjaṅan sru ñjola, rumasa yèn tuṅgal jinis, halaliŋ kukum agama.

8. nambuŋ śabda mañjaṅan ḍumatĕŋ boṭi, muṇḍiŋ kadyaparan, prakaranta luwiḥ suṅil, bab muṅsuhan séjé baṅsa.

9. iṅsun nora kaduga ṅawat awati, nadyan sun kériga, raṅgaḥ komprèŋ tuwin raṇḍiŋ, sahékaprayambĕk sura.

10. tan kuwawa aja kaŋ tĕmpuhiŋ jurit, pinandĕŋ kéwala, kañcaniṅsun aṅgĕlali, wĕruḥ bahé klĕṅĕr tuwa.

11. rèḥ wus komuk kasébut kabar kĕsari, prawira digdaya, kalana jaya di murti, putus munaḥ guṅiŋ kéwan.

12. hèḥ danuka pratikĕl iṅsun sira glis, coba maṅalora, ana sujanambĕk niti, kuwuk paparab sugriwa.

13. anèŋ kĕṇḍal growoŋ dènnya maṅun tèki, ḍasar tuṅgal baṅsa, lan macan paṅané sami, manawa bisa suŋ mulya.

14. bañjur sraḥna pati uripira boṭi, sun kira kaduga, si kuwuk sanadyan cilik, naṅiŋ putus ṅilmu byakta.

15. saha baṅkit wirasat iman supiṅi, kĕbo glis pamitan, ṅalor wisatanya prapti, saṅisoriŋ kayu kĕṇḍal. kĕbo ñjaluk pituluṅané kuwuk

16. kĕbo ṅuṅak wiwarèŋ kuwuk kapaṅgiḥ, sru kagyat wilpusa, ṅacarani tata liṅgiḥ, kuwuk nabda ñakrabawa.

17. sarwi mèsĕm ñjanur gunuŋ sira boṭi, kadiṅarèn maṅkya, praptèŋ kéné nétya lutiḥ, laḥ apa nĕmu prakara.

18. iṅsun kira prakaramu baṅĕt suṅil, turidaniŋ muka, kucĕm ṅĕlob ĕlob boṭi, apa ta darunanira.

19. kĕbo matur iŋ purwa madya mĕkasi, dènira wawarta, mriŋ sugriwa èsmu taṅis, mukané koñjĕm pratala.

20. ḍuḥ saŋ wiku mugi papariṅa iŋ siḥ, pĕgatiŋ uswamba, paduka ulun watawis, sagĕd ṅĕṇḍiḥ dibyèŋ sima.

21. ulun ṇḍèrèk iŋ duña tumĕkèŋ akhir, kuwuk nambuŋ śabda, iṅkaŋ sarta kirig kirig, ho o yèn mĕṅkono sira.

22. baraŋ pĕtĕŋ siŋ sapa kaṅgonan wĕdi, aṅgèŋ apyun gĕlap, maṅka kĕñcĕŋ pra pulisi, kagléḍaḥ tan wun saṅsara.

23. tibèŋ ḍĕṇḍa kĕna punukmu sapaliḥ, tĕrkaḍaŋ rinampas, bab jaṅjimu kuraŋ ṛĕsik, pratikĕlku wènèhĕna.

24. nadyan mati sapisan slawasé urip, nrimaa kéwala, iŋ béñjaŋ antuk suwargi, laṅgĕŋ nikmat tur munpaṅat.

25. kaŋ maṅka wis mupakat bĕnĕriŋ khakim, siŋ sapa woŋ utaŋ, iku kudu ñahur paṣṭi, maṅka utaŋ séjé baṅsa.

26. apa manèḥ dudu sapaḍamu boṭi, sanadyan bĕnĕra, naṅiŋ sira tan ṅuṇḍili, sasat timun muṅsuḥ duryan.

27. si arimba muṅsuḥ lan sira samĕnit, tan gandra sapira, wagra sura dibya śĕkti, ḍasar siṅaniŋ nèdĕrlan.

28. santéroné iŋ tanaḥ jawa tan mirib, prabhawa goraya, yèn ṅgĕro bhumi sru goñjiŋ, gumĕtĕr siŋ amiyarṣa.

29. mésa dupi kruṅu sugriwa dènnya ṅliŋ, tanduk ṅéraŋ éraŋ, nutuḥ lalakon iṅkaŋ wis, sanalika nir dayanya.

30. ṅgagas gagas tan antuk wĕṅaniŋ pikir, samana mahésa, makṣiḥ nor raga minta siḥ, danuka matur ṅrĕṛĕpa,.

31. ḍuḥ saŋ bréwa kawula sraḥ pati urip, tan sagĕd matura, manuhara mriḥ mamanis, muŋ uswamba kaatura.

32. déné maṅké lamun pun arimba prapti, ulun tan sumiṅgaḥ, rèḥ kajibaḥ soroḥ pati, muŋ paduka sĕkṣènana.

33. kawularṣa naṅgulaŋ ṅĕkahi urip, kuwuk dupi myarṣa, śabdaniŋ kĕbo mlasasiḥ, luntur wĕlasé sakala.

34. pasraṅkara maraŋ sira mésa boṭi, hèḥ kĕbo kaŋ sabar, ywa ṅlalu maṅkono boṭi, sun golèk wĕṅaniŋ driya.

kĕṇṭus kaŋ ambĕk sarjana linuwih

35. nĕŋna gantya kocapa iṅkaŋ kinawi, sajuganiŋ kéwan, kĕṇṭus kasub iŋ pawarti, ĕṇḍèk cilik triñciŋ kĕras.

36. sĕmu bundĕr abaŋ nom gigiré dalir, suṅuné tan pañjaŋ, lir lombok abaŋ aluṅit, wulu ḷĕmĕs alus raras.

37. kulit tipis paṇḍĕs prabhané maṭaṭit, wĕnĕs prabèŋ nétya, sumèḥ sabaré ṛĕṣpati, polatané ḷĕmbaḥ manaḥ.

38. cakĕp cukup basa basaniŋ kumĕlip, putus kasusastran, paṅulahiŋ nitisruti, baṅkèt tĕmbuŋ landa arab.

39. kèhiŋ kitab kuran tapsir kahélani, supi kawruḥ palak, mukarar jurmiyaḥ bahwi, usul wus déné maknunat.

40. tasrip nahwu nahola anwar bajuri, daka bayanullaḥ, kitab sam saraḥ tajuwit, palaṅgĕraniŋ wawacan.

41. mat kaŋ wajib iḍambila gonaḥ prahil, wus ṅĕntèk sadaya, apa manèḥ sastra jawi, pramasastra ywa karana.

42. dasanama bahusastra boma kawi, saha layaŋ babad, aṣṭabrata rama kĕliŋ, tékawardi ramayana.

43. myaŋ anbiya pustakaraja prituwin, layaŋ aṅliṅdarma, nawawi iman buhkari, makuṭaraja lan ménak.

44. marmanira pĕṭaṅkus ahli iŋ budi, wit ḍĕmĕn piwulaŋ, buku saananiŋ bhumi, saka nèdĕrlan hiṇḍiya.

45. kawruḥ ukur algĕbraḥ myaŋ réhél pandri, kèḥ ukuran añar, élo mètĕr dèn kawruhi, bobot lita kilo myaŋ gram,.

46. titimbaṅan cĕṅkal ukuran kalarji, kati pun nèdĕrlan, paḷĕm mil ukuran bhumi, marma kĕṇṭus swarjanèŋ rat.

47. plaṅgĕraniŋ nagara krama sitrukṣi, wèd tuwin sĕtatblad, aṅgĕr pranatan pulisi, buku kaṇḍuṅan datan saḥ.

48. myaŋ nawala pradata lan aṅgĕr ṛĕdi, arubiru miwaḥ, régĕlmèn sadaya ṅĕntiŋ, cukup prabotiŋ ṅagĕsaŋ.

49. kasudibyan cakĕp cukup liriŋ ṅilmi, paṅulahiŋ pĕraŋ, paṅrusakirèŋ dur juti, kaŋ maṅudi karaharjan.

50. ḷĕgawèŋ tyas cipta budi amumpuni, sadu parikrama, tan kaḍo ulaḥ luluṅid, taṅgap grahitané pasaŋ.

51. tan kawĕkèn agal alus suṅil rumpil, sarta ahli brata, mudyastuti mriŋ hyaŋ widdhi, susilarja nraŋ wikara.

52. guna srana krĕtarta wéwéka murti, sabar santa budya, asiḥ iŋ jad maha sukci, putus ubĕṅiŋ bhuwana.

53. paṅadilan kukum lawan yudanagri, kĕñcĕŋ sinantosan, marma sayuk para kumlip, rèḥ wasis mranata basa.

54. basa basa basukiné dèn kawruhi, mriḥ wrata raharja, agama nĕmbaḥ hyaŋ widdhi, saya kasub kasumbaga.

55. panĕṅrané kumĕṇṭus mèt dasanami, paṅrékadayanya, katyaka gumira tuwin, paṭaṅkus saha kéṇṭoraŋ.

56. myaŋ kwandaka kĕṇṭula punika sami, kĕṇṭus jarwanira, kalokèŋ sĕrat pawarti, tĕmbuŋ landa mlayu jawa.

6. mijil

1. wijiliŋ tyas paḍaŋ nrawaŋ miṅis, mèmèt ñamut kamot, widagda iŋ budi wus ṛĕjasèŋ, guna śakti samaniŋ dumadi, marmané kawarti, kĕṇṭus dadi pokrur.

2. baṅkit mañcas prakara kaŋ sluṇḍit, ribĕd ruwĕt boloŋ, sakiŋ dènnya luhur paṅawruhé, ṅayu yukti kayaktèn nastiti, surti ṅati ati, timbuliŋ pitutur. kĕbo kahirid kalantaraké kuwuk añjaluk pituluṅané kĕṇṭus

3. akèḥ lamun rinumpakèŋ tulis, ucapĕn saŋ kĕbo, dènnya minta kuwuk kawlasané, tansaḥ anèŋ ṅarṣa sru maṅudi, wuwusé ṅrĕrintiḥ, manuhara arum.

4. samana wilpusa koguk myarṣi, tĕmahan nabda lon, hèḥ danuka mituruta maṅké, iŋ sapaṅrèḥ pratikĕl sun boṭi, sirarṣa sun irid, riŋ omahiŋ prokrur.

5. kaŋ subrata ḍépok ampélgaḍiŋ, kĕṇṭus prawira nom, bahut munaḥ iŋ prakara gĕḍé, nalar iṅkaŋ dahat ribĕt suṅil, kaŋ sluṇḍit tan klĕmpit, malaŋ malaŋ putuŋ.

6. rawé rawé rantas sirṇa gusis, uṇḍagi iŋ kéwoḥ, wignya laku goroḥ sarta barès, sigra buḍal kuwuk lawan boṭi, wisatanya prapti, ḍépokirèŋ kĕṇṭus.

7. iṅacaran wus satata liṅgiḥ, kĕṇṭoraŋ nabda lon, paran baya karo praptèŋ kéné, kaŋ sawiji anaṇḍaŋ prihatin, kuwuk matur iṅgiḥ, ḍuḥ saŋ maha wiku.

8. rèḥ pininta sraya sumitra di, punika pun kĕbo, waktu maṅkya maṅgiḥ susaḥ gĕḍé, ribĕd laṅkuŋ sakiŋ sèwu kĕṭi, punika pun boṭi, sumaṅga kaŋ atur.

9. alon nabda kĕṇṭus maraŋ boṭi, laḥ kapriyé kĕbo, purwa madya tutura kaŋ barès, aja goroḥ baraŋ laku kaŋ wis, boṭi matur aris, purwa wusana wus.

10. iŋ maṅkyamba asraḥ jiwa ragi, ḍumatĕŋ saŋ kahot, ñumaṅgakkĕn paduka sapaṅrèḥ, ujĕr dédé baṅsa kulit dagiŋ, ñuwun aliŋ aliŋ, pĕsatirèŋ umur.

11. datan sagĕd matur kadipundi, muhuŋ ñjèrèŋ lakon, naṅiŋ dintĕn wiṅkiŋ amba darbé, punagi kaŋ muŋ raharjèŋ urip, yun mruwita ñantrik, dadya uluguntuŋ.

12. saha makmum puja taki taki, ṅataṣkarèŋ manon, kĕṇṭus dupi tĕraŋ pamyarṣané, maraŋ kĕbo dènnya guŋ prihatin, tĕmahan triṣṇa siḥ, wruḥ nalar iṅkaŋ wus,.

13. alon nabda mriŋ mésa hèḥ boṭi, bab nalar maṅkono, datan éwuḥ muṅguḥ pratikĕlé, kaŋ kasĕbut aṅgĕr tanaḥ hindi, kalaku nèŋ jawi, bab sĕlaŋ myaŋ sambut.

14. iya iku ran prakara sipil, nora dadi éwoḥ, wuṣṇya tĕraŋ sugriwa lumèṅsèr, arṣa muliḥ rinilan ḷĕstari, gantya kaŋ winarṇi, sima kaŋ aṅluru.

macan aṅlacak paraniŋ kĕbo

15. maraŋ kĕbo ṅubrĕs iŋ wanadri, pèrèŋ juraŋ jĕro, tan kapaṅgya aṅlaraḥ tapaké, maṅkana osikiŋ nala dèbi, mriŋ ṅĕndi si boṭi, luṅané iŋ dalu.

16. rèhniŋ sima taruna dibya di, tĕguḥ prawira tos, aṅuṅkuli sasami saminé, piliḥ taṇḍiŋ bobotiŋ kumĕlip, tan ana kaŋ mirib, jasĕntikanipun.

17. marma dahat maṅañcam mriŋ boṭi, lalu mĕlok mĕlok, katon bahé saparipolahé, wus linali lali datan lali, lalakon ṅalani, tan nĕdya rahayu.

18. pantĕs lamun pinugut kaŋ urip, ala samèŋ sato, iṅsun puṅsĕŋ iŋ ṅĕndi parané, tan antara moŋ antuk pawarti, kĕbo maṅkya ṇḍĕlik, anèŋ wismèŋ prokrur.

19. mañjaṅan kaŋ ñukani pawarti, katraṅaniŋ kĕbo, moŋ wisata maṅalor parané, prapta wismaniŋ kuwuk pinaṅgiḥ, anèŋ growoṅan wit, kĕṇḍal tata luṅguḥ.

20. wuṣṇya samyandum arjaniŋ wuri, gémboŋ taña alon, hèḥ wa kuwuk tĕkaniṅsun kéné, aṅupaya buroniṅsun muṇḍiŋ, pawarta kaŋ yakin, nèŋ kéné andanu.

21. sira iṅkaŋ ṅumpĕtakĕn maṅkin, yèn ñata maṅkono, sun prajaya wandanta ywa kagèt, rèhniŋ sira sabiyantu juti, patuté pinatin, ṅubuṅi laku dur.

22. kuwuk kagyat tyasira guŋ miris, maras mar ṇḍaroḍog, sru wèl wèlan nir budidayané, tĕmahané kuwuk dahat wĕdi, wandanya pribadi, alon dènnya muwus,.

23. bĕnĕr sira pañakramu dèbi, sun kaṅgonan kĕbo, naṅiŋ ora muŋ mampir ñatané, iŋ mĕṅko nèŋ kulon kéné boṭi, wismaniŋ uṇḍagi, kĕṇṭus karan prokrur.

7. paṅkur

1. kapuṅkur kuwuk wĕlaṣṇya, maraŋ kĕbo sarèhniŋ ati drĕṅki, ṅlahirkĕn krĕnaḥ kaŋ dudu, nir trĕṣṇaniŋ sasama, tanpa tilas kawĕlasané mriŋ danu, pasraṅkara hèḥ arimba, sira maṅkata dèn aglis.

2. anaṅiŋ iṅsun miminta, jaṅji maraŋ sira yèn kĕbo kéṅiŋ, iṅsun mujur wit bakyumu, lagya ñiḍam kaworan, saha rina wĕṅi ṅrĕrintiḥ ñjĕjaluk, gĕtiḥ dagiŋ jantuŋ manaḥ, yèn si kĕbo tĕkèŋ pati.

3. sun paṣṭèkkĕn kabrabéyan, kĕbo lawan sira aṅadu śakti, wus tamtu yèn nora ṅukup, naṅiŋ sumĕlaṅiŋ tyas, kaŋ ṅayomi si kĕbo kĕṇṭus dibya nuŋ, rèḥ adpokat widisana, bahut ṅrékadaya sandi.

prakarané macan karo kĕbo dirampuṅi kĕṇṭus

4. sigra arimba pamitan, lumakṣaṇa ṅulon t‍ĕḷĕṅiŋ ati, ucapĕn kĕbo lan kĕṇṭus, kaŋ lagyèca gunĕman, ya ta wahu katuṅka iŋ praptanipun, moŋ sirṇa kramaniŋ gĕsaŋ, ṅuwuḥ uwuḥ minta taṇḍiŋ.

5. hèḥ danuka prastawakna, kadibyèṅsun siṅa nèdĕrlan iki, kaŋ putus pratamèŋ kéwuḥ, munaḥ durtaniŋ karta, anatasi sukĕrtiniŋ jagad rampuŋ, woŋ muraŋ pranata arja, si cĕmĕr satruniŋ urip.

6. kĕbo ḍasariŋ jahanam, kĕkĕl laṅgĕŋ sajroniŋ nraka api, druhakamu tanpa pétuŋ, ḷĕkṣan kĕṭèn mayutan, wus tétéla woŋ dama tinuntun bagus, sinuŋ bukti tĕkèŋ ḷĕma, dadi papalaṅiŋ pati.

7. sasat sinambuṅan ñawa, ĕmèḥ bahé ragamu tĕkèŋ pati, kalantiḥ tan bukti ṅinum, ṅlémprak yayaḥ guṣṭika, wus rinubuŋ iŋ laḷĕr mahèwu èwu, nulya na woŋ salèḥ prapta, asuŋ rijĕki umintir,.

8. jaṅjimu sraḥ jiwaraga, tĕkaniŋ don muṅkir cidra iŋ jaṅji, koḍik dahat muraŋ patut, damanira midrèŋ rat, aliṅana gunuŋ sèwu bhumi pitu, yèn ala paṣṭi katara, rèḥ gĕlaḥ gĕlahiŋ bhumi.

9. kĕṇṭus dupi myarṣa swara, sru susumbar aṅèsi èsi boṭi, nir tatakramèŋ tumuwuḥ, duka sajroniŋ nala, pasraṅkara hèḥ pragalba ywa kumluṅkuŋ, wĕruha tataniŋ gĕsaŋ, sabar pitukuniŋ swargi.

10. nèŋ duña ṅupa utama, wajibiŋ woŋ mĕṅku trapsila yukti, laḥ apa prakaranipun, éṅgal sira tutura, rèhniŋ kĕbo ana kaŋ kuwasa mĕṅku, tĕgĕsé wĕṅku pikuwat, iṅkaŋ taṅguŋ ala bĕcik.

11. iṅsun kaŋ wĕnaŋ masésa, sahisiné jroniŋ kukuban mami, lamun ana nalaripun, prayoga pratélakna, wus lakuné prakara kudu dèn atur, kamot anèŋ gugat jawab, saha paturaniŋ sakṣi.

12. porṣèṣpĕrbaliŋ paprikṣan, pra kumisi kaŋ wajib ṅudanèni, dakwa myaŋ panaṅkisipun, ĕndi kaŋ bĕnĕr mĕnaŋ, marma jroniŋ aṅgĕr nèdĕrlan kasĕbut, bab kapiŋ nĕnĕm maṅkana, wĕnaŋ wajibiŋ prakawis.

13. hèḥ macan agé tutura, purwa madya wusananiŋ prajaṅji, wañci dina sasi tahun, sun pacaké nèŋ layaŋ, sarta asli kalahiranmu kasĕbut, lan manèḥ paṅgahotanta, yèku lakuniŋ prakawis.

14. lamun nora maṅkonowa, tan tumindak lakuniŋ gugat maṅkin, wit aṅgĕr nèdĕrlan suŋ wruḥ, bab piŋ nĕm likur munya, nora kĕna woŋ kasĕṛĕg déniŋ kukum, yèn tan tĕraŋ nalarira, marma dina taṅgal sasi.

15. kudu kasĕbut nèŋ dakwa, bokmanawa nalar kadaluwarṣi, bab tri dasa juga nutur, prakara kléṅga nata, muŋ roŋ warṇa siji kaŋ ginugat lampus, kapiṇḍo kadaluwarṣa, wus kasèp kaliwat lami.

16. yèn sira wus atur gugat, si danuka sun prikṣa nuli nuli, ṅaku muṅkir jawabipun, uga kamot iŋ layaŋ, yèn wus gaṭuk gugat jawab iṅsun putus, watoné aṅgĕr hindia, marma sun maṅkono dèbi,.

17. miturut ḍawuhiŋ nata, kaṅjĕŋ nabi suléman prajèŋ mĕsir, kaŋ ṅratoni kutu kutu, ḍaratan lan samodra, waktu iki pariŋ bĕbĕnĕran amuŋ, cacahiŋ ṅadil nĕm warṇa, siji bĕbĕnĕran ḍistrik.

18. piṇḍo bĕnĕran bupatya, piŋ tri landrad kapiŋ pat rad kuliliŋ, lima rad yustisi iku, bĕbĕnĕraniŋ jawa, kaŋ kapiŋ nĕm aran paṅadilan luhur, iki uniniŋ pranatan, jroniŋ bab sapisan dèbi.

19. lan manèḥ ana pranatan, kaŋ winĕnaŋ paḍa ñĕkĕl pulisi, uga nĕnĕm cacahipun, sawiji luraḥ désa, piṇḍo luraḥ ḍistrik iṅkaŋ kapiŋ tĕlu, hup jakṣa lan para jakṣa, kapiŋ pat para bhupati.

20. para résiḍèn piŋ lima, kapiŋ nĕmé sarupaniŋ priyayi, lan para woṅé wus tamtu, kaŋ pinarcaya jaga, déné iṅsun iki ḍawuhé saŋ mulku, kinawasa ṅrèḥ kaŋ tata, iṅkaŋ kasĕbut nèŋ buslid.

21. dadya ḍistrik ṅraṅkĕp jakṣa, marma kudu wruḥ pranatan bab kapiŋ, awit pataŋ puluḥ tĕlu, tĕkan bab satus aṣṭa, sarta bab piŋ tĕluŋ puluḥ nĕm kudu wruḥ, tĕkaniŋ bab sèkĕt papat, iku wajibirèŋ ḍistrik.

22. marma macan prayogèṅwaŋ, sun pacaké nèŋ tulis supayèliŋ, ciptaniŋ m bĕnĕr kĕṇṭus, sakèhiŋ gugat jawab, luwiḥ titi iṅatur pratélanipun, hèḥ pĕṭaṅkus ruṅokĕna, juti culikaniŋ boṭi.

23. dèn jarwa purwa wusana, sañatané tan suda tan muwuhi, tinulisan déniŋ kĕṇṭus, satiti tĕrus tĕraŋ, kĕṇṭus nulya nabda mriŋ mahésadanu, sarèhniŋ wus antuk wulaŋ, aturé danuka muṅkir.

8. durma

1. durmaniŋ tyas danuka matur tan ṅrasa, utaŋ kaŋ rupa dagiŋ, ḍumatĕŋ sardula, yakti ṅuni kasrakat, kalantiḥ tan minum bukti, tandya pragalba, tutuluŋ lata wariḥ.

2. ron katéla rèndèŋ drèṅès ron tilarṣa, amba bukti ñĕkapi, aṅsal slapan dina, sadintĕn kapiŋ tiga, sampat tan kiraŋ punapi, praptamba ḷĕma, èstu moŋ kaŋ ṅiṅoni,.

3. déné maṅké moŋ nagiḥ kula sandika, baḍé kula sahuri, sapintĕn kaŋ gugat, darèṅès ron tilarṣa, kinum wariḥ kadya ṅuni, ujĕr wus tĕraŋ, paṅadilan ṇḍawuhi.

4. macan dupi kruṅu jawabiŋ danuka, ṅuṅkiri kaŋ prajaṅji, madĕg suraniŋ tyas, ṅĕrik gora goraya, sru minta lawaniŋ taṇḍiŋ, lir yun ṅuntala, kumĕṇṭus nabda ririḥ.

5. hèḥ sardula ywa gé mahyakkĕn digsura, kumluṅkuŋ kumawani, yèku salaḥ tampa, dudu caraniŋ tata, muṅguḥ tataniŋ prakawis, kudu katimbaŋ, mupakat lan para lid.

6. yèn wus kumpul siji panimbaṅiŋ nalar, nuli ḍawuhiŋ ponis, tĕgĕsé prampuṅan, uga kamot iŋ layaŋ, naṅiŋ arès kudu mawi, dèn sahkĕn maraŋ, hup nagara batawi.

7. tĕrus maraŋ mĕsir koñjuk nabi sléman, ratuniŋ para kumlip, mĕṅko yèn wus tĕka, maṅka sira tan trima, kĕna ṛĕkwès mbadal ponis, dé gugatira, iki prakara sipil.

8. sarèhĕna bahé sawatara dina, kaŋ sabar kaŋ aririḥ, aja muraŋ tata, pragalba wus darana, dupyantara ri kaŋ ponis, satĕkanira, bab prakaraniŋ dèbi.

9. dènnya drĕdaḥ ṛĕbut bĕnĕr lan danuka, prakara potaŋ siliḥ, ṅadiliŋ pradata, wawaton wèt hindia, saka panimbaṅiŋ pra lid, kĕsari mĕnaŋ, bĕnĕr tampa rijĕki.

10. rupa sukĕt taru lata ron tilarṣa, luŋ rèndèŋ tuwin wariḥ, anĕtĕpi gugat, bab gugaté moŋ minta, dagiŋ sacuwil tan kĕni, déné mahésa, iku kudu numpuki.

11. bab piŋ satus sawidak pitu uninya, pranatan tanaḥ hindi, kaŋ dadya gagaran, muṅguḥ apsahiŋ taṇḍa, sajroniŋ prakara sipil, marma danuka, kapĕkṣa ambayari.

12. yèn bab punuk macan nora pisan kĕna, awit tan darbé sakṣi, ḍasar kĕbo siṅlar, ṅaku muŋ utaŋ paṅan, gogoḍoṅan miwaḥ wariḥ, iki putusan, ḍumawuḥ moŋ lan boṭi.

13. sima dupi miyarṣa punaŋ rampuṅan, butĕŋ riwut nétyandik, aṅgĕro lir gĕlap, liwuṅiŋ pañcadriya, kabasmaraniŋ tyas wani, ñat ṅadĕg malaŋ, méguŋ aṅuwuḥ taṇḍiŋ,.

14. aṅgurṇita sayuta jagad kèbĕkan, prabhawané wèḥ miris, giris kaŋ miyarṣa, tandaṅiŋ siṅa rodra, nétra lir danumaya di, dènira sumbar, ṛĕbutĕn iŋ ajurit.

15. iya iki léyo siṅaniŋ nèdĕrlan, kĕṇṭus dulunĕn mami, yèn sirarṣa sirṇa, ḷĕbur luluḥ wor kisma, baṛĕṅa maju lan boṭi, kaŋ dus sukĕrta, ḷ‍ĕḷĕṭĕk satru juti.

16. kĕṇṭus dupi myarṣa śabdaniŋ arimba, nambuŋ śabda suŋ péliŋ, hèḥ moŋ ywa maṅkana, wruha tataniŋ praja, bagéyanirèŋ prakawis, dèn silaḥ silaḥ, muŋ kinarya roŋ warṇi.

17. kaŋ sawiji sipil araniŋ prakara, loro aran kriminil, dé sipil punika, kaya ta apyun gĕlap, myaŋ lakuné potaŋ siliḥ, saha yèn ana, nalar kaŋ cilik cilik.

18. yèn kriminil iku mriŋ bab kadurjanan, kaya ta woŋ ṅapusi, maliŋ cuḷĕŋ kampak, ṅimpĕs woŋ tuwin bégal, ṅoboŋ omaḥ gawé ḍuwit, yèku sadaya, muṅgaḥ landrad wus paṣṭi.

19. maṅka macan prakaranira punika, klĕbu bagéyan sipil, pamañcasiŋ nalar, tan trima kĕna muṅgaḥ, mbadal ponis iya kĕni, kasĕbut nèŋ bab, satus saṅaŋ dasa dwi.

20. tĕkaniŋ bab satus saṅaŋ dasa aṣṭa, kĕna ṛĕkwès maṅiṅgil, añjèrèŋ lampahan, sarta nampik putusan, paprikṣan sadaya bali, yèn wus nèŋ kana, yakti katimbaŋ maliḥ.

21. macan makṣa tan darana ambĕk arda, kĕras mawiṅa wĕṅis, ṅisis siyuṅira, tinon lir kapurañcaŋ, kuku mĕgar ṅilat ṭaṭit, pasaŋ wéwéka, rèhniŋ sura di murti.

22. surawéyan susumbar aminta lawan, kĕṇṭus wikrama wrĕdi, mĕkar jaja jĕmbar, wadana mijil gĕlap, sru tumaṅgap hèḥ kĕsari, tan kulak warta, anon ruṅoniŋ kupiŋ.

23. yèn si kĕṇṭus prawira murti sudibya, putus kriḍaniŋ jurit, iyéku kwandaka, sriŋ ṅgaḍo dagiŋ macan, kapasaŋ yoga sirèki, sun patagihan, duruŋ kambon saari.

24. rèhniŋ sabĕn dina wus naḍaḥ satuṅgal, yèn tan pracaya dèbi, laḥ ta tilikana, sumur iŋ wurinira, luwihan ĕṇḍas moŋ siji, kaŋ kaya sira, nora ĕntèk sun bukti,.

25. kabĕnĕran armba mundur aṅuṅak, sajroniŋ sumur kèkṣi, ana siraḥ macan, gĕŋnya kagila gila, moŋ tandya lumayu ṅgĕndriŋ, tan wruḥ yèn siraḥ, layaṅané pribadi.

26. grahitaniŋ nala si kĕṇṭus sañata, digdaya sura śakti, guna wirotama, sun sakĕṭi tan ñana, yèn bisa munaḥ kĕsari, moŋ nuñjaŋ nuñjaŋ, lumayu sipat kupiŋ.

macan dibomboŋ kuwuk muriḥ bali ṅayoni kĕṇṭus lan kĕbo

27. sarwi ṅgĕro goraya gĕtĕr gumĕntar, ṅétan ya ta winarṇi, kuwuk kruṅu swara, niŋ macan kamigilan, pinĕṭukakĕn sira glis, wusiŋ kapaṅgya, wilpusa taña aris.

28. paran baya sira mlayu sarwi mahyaŋ, gugup dènnya maṅsuli, kuwuk bĕnĕr sira, kĕṇṭus tuhu widagda, ubĕdiŋ nalar maṅĕntiŋ, prakaraniṅwaŋ, kalaḥ sarta mèḥ mati.

29. iŋ samĕṅko si durcara kinukuhan, sun jaluk nora oliḥ, ṅaṅgo gugat jawab, laras lakuniŋ nalar, prampuṅané sun katitiḥ, nĕdya sun pakṣa, tĕmahan sun sinuŋ wrin.

30. jĕron sumur ana ĕṇḍas moŋ sajuga, ika sisaniŋ bukti, kĕṇṭus sabĕn dina, siji taḍahé macan, nuju nora ntèk sun èkṣi, sru kamigilan, lumayu yèn binukti.

31. katujuné kakaŋ sun nora dèn untal, mburu dagiŋ sacuwil, mèḥ kélaṅan ñawa, yèn maṅkono sugriwa, sun rilakaké bahé wis, kĕbo satuṅgal, ṅupaya dina buri.

32. lamun makṣiḥ urip kaya nora ṅuyaŋ, dilalaḥ wus pinaṣṭi, dawa uswèŋ mésa, iŋ wana ora kuraŋ, muŋ ñiṅkiri kĕbo siji, kuwuk tumaṅgap, wuwusé ṅèsi èsi.

33. ho o boḍo tĕmĕn sira iku macan, kĕna dipunapusi, ṅadatiŋ kĕṇṭoraŋ, mbĕbujuk ṅomandaka , bahut ñjĕlag aṅaḷĕntik, sakiŋ blilunta, tan wruḥ dugi prayogi.

34. sayĕktiné kaŋ nèŋ jĕron sumur ika, layaṅanmu pribadi, dudu luluwihan, iku sababé macan, jatiné sirahan dèbi, yèn tan pracaya, ṅombéya maraŋ bĕlik,.

35. mĕṣṭi ana siraḥ macan kaya sira, gĕḍéné nora slisir, moŋ sigra iṅajak, mriŋ bĕlik gagañcaṅan, wuṣṇya prapta ṅuṅak nuli, wĕruḥ iŋ rupa, nira nèŋ jroniŋ bĕlik.

36. dahat ṅuṅuniŋ driya kĕna pahéka, arimba muwus aris, kayaparan bréwa, muṅguḥ pratikĕlira, sun manut sarèhirèki, supaya gampaŋ, si kĕbo sun patèni.

37. sira kuwuk sumambuŋ śabda hèḥ macan, prayogané samaṅkin, baliya kéwala, kaŋ tĕtĕk ywa sumĕlaŋ, caturé ywa piniyarṣi, rak bañjur luṅa, si kĕṇṭus kĕbo kari.

38. nadyan wani paṅgaḥ si kĕṇṭus tan gandra, iṅsun wani praŋ taṇḍiŋ, ṅaduwa kadibyan, sira praŋ lan mahésa, aku muhuŋ ñjaluk ḍiḍiḥ, bakyumu ñiḍam, iku kaŋ dadi ati.

39. déné sira yèn sumlaŋ payo lan iṅwaŋ, kaŋ ṅatĕraké bali, buntutmu cinañcaŋ, kalawan buntut iṅwaŋ, taṇḍa yèn sahékakapti, wus linakṣaṇan, buntut cinañcaŋ nuli.

40. tali pati muriḥ kĕñcĕŋ kukuḥ kuwat, kuwuk némplok nèŋ gigir, sigra moŋ wisata, mriŋ ampèlgaḍiŋ prapta, pĕṭaṅkus kagyat maṅèkṣi, kaloŋ suranya, maṅkana ciptèŋ ati.

41. laḥ ta sapa kaŋ ṅojok ojoki macan, déné ta wani bali, mokal yèn oraa, ana iṅkaŋ ṅgĕgasaḥ, kĕṇṭus nulya traŋ maṅèkṣi, gigiriŋ sima, kuwuk iṅkaŋ mĕṭaṅkriŋ.

42. asru nabda pĕṭaṅkus maraŋ sugriwa, sira mbomboŋ prakawis, pakaryèŋ adpokat, kasbut aṅgĕr hindia, bab piŋ satus tigaŋ dèsi, lan sajroniŋ bab, roŋ atus kawan dèsi.

43. uga kĕna woŋ tutuluŋ iŋ prakara, kudu ṅaṅgo notaris, ñĕkĕl layaŋ kwasa, saka kaŋ darbé nalar, balik palilahé ĕndi, kaŋ wus tinaṇḍan, déniŋ tuwan notaris.

44. yèn maṅkono tĕkamu muŋ ñahur utaŋ, macan sawiji iki, minaṅka anakan, laḥ ta sun datan arṣa, lakuné iŋ jaman iki, akèḥ woŋ utaŋ, kudu kĕndĕl ṅanaki.

45. déné iṅsun kuwuk sĕlak pĕtagihan, koṅsi luṅsé kaŋ wañci, sira paḍa uga, kasèp maṅan raḥ limpa, niŋ macan paṣṭi nagihi, déné ta sira, muŋ ṅgawa macan siji.

46. gawé apa malaḥ aṅgĕgalak racak, nora ṅgawér binukti, yèn sugriwa sira, tan bisaṅsuŋ èntrèsan, sabĕn dina macan kaliḥ, sun wèhi mayar, nicila sabĕn ari.

47. tĕlu tĕlu anaṅiŋ utaŋmu dadya, macan sawidak iji, baboné tri dasa, yèn tan dadya pĕjahan, sabĕn dina aṅanaki, nora saḥ ĕsaḥ, sun wĕlas mriŋ sirèki.

48. sima dupi myarṣa śabdaniŋ kwandaka, yèn muŋ karya ṅrèntĕni, dahat kamigilan, ḍĕg ḍĕgan tĕrataban, kasudiranira ĕntiŋ, ṅgĕmproŋ aṅgiwar, sigra lumayu ṅgĕndriŋ.

49. ñĕraŋ alaŋ alaŋ glagaḥ paḍas paraŋ, buntut kĕsèrèt muntir, sugriwa gaṇḍulan, naṅiŋ tansaḥ linarak, kala maju macan wani, ṅadĕg buntutnya, yèn kalaḥ ṅawĕt silit.

50. kuwuk babak buñak ḍoḍal ḍaḍil buṇḍas, kulit lir dèn sèsèti, akuṭaḥ ludira, tètès samarga marga, nulya maṇḍĕg macan noliḥ, laḥ rasakĕna, woŋ arṣa diṅgo nicil.

9. sinom

1. muḍaniŋ budi surakaḥ, saṇḍaṅĕn wawaḷĕs mami, sandiniŋ cipta wilpusa, mamagan ṅloropké pati, utaŋ utaŋ pribadi, sun nĕdya dèn ṅgo pañahur, malaḥ dudu sahuran, muhuŋ kinarya ṅèntrèsi, tanpa ĕsaḥ yèn nora ñahur tri dasa.

2. kèhé sĕmono utaŋnya, sĕṅadiné wani ṅirid, sun tan uniŋ dèn pitĕnaḥ, tan wruḥ lamun satu budi, lan kĕṇṭus maṅan débi, sahiki sun wruḥ yèn palsu, kuwuk wus kapiḍara, nir kabudayaniŋ urip, mĕgap mĕgap nulya ginugut palastra.

3. patiniŋ kuwuk titiṅgal, swami ñiḍam tĕluŋ sasi, dahat suṅkawaniŋ nala, garbini tinilar ṅlaki, wahu ta sira dèbi, sunya paṅugutiŋ kalbu, mriŋ mahésa wus rila, nadyan kapĕṭukèŋ margi, wus tan pisan darbéya paṅañcam añcam.

wĕḍus prucul wadon iŋ tanaḥ atasaṅin

4. sigĕgĕn wahyaniŋ gita, iŋ nagari atasaṅin, ugi makṣiḥ wanawasa, kéwan wignya tata janmi, tan pahé tanaḥ jawi, wus karṣané hyaŋ maha guŋ, waktu iŋ jaman kitraḥ, kahélokaniŋ hyaŋ widdhi, tanaḥ atasaṅin wontĕn trahiŋ wirya.

5. kèn wĕḍus prucul arannya, makṣiḥ kĕña mati ragi, midĕr midĕr wana priṅga, sabĕn guwa dèn ḷĕboni, ṅambaḥ juraŋ kaŋ suṅil, wus nirbaya gĕntur laku, nĕlas saliriŋ tapa, kaŋ pininta mriŋ hyaŋ widdhi, ṅuṅkulana sasaminirèŋ tataga.

6. ṅuṅsĕd pamuṅsĕṅiŋ cipta, lali néndra ṅinum bukti, kyatiŋ sĕdya murti tama, tumaninaḥ manèt jahis, sirṇa kaŋ jahir lalim, lalu luluḥ labda makbut, budi nukṣmèŋ susila, silarja jananiŋ akhir, karaharjan maḍĕp cukuliŋ kamukṣwan.

7. swatama yun daniswara, puwarèŋ wrĕda kapuṣṭi, dayèŋ aṅga sukṣmantaya, mriḥ tumraḥ mratani warti, murcita dayèŋ budi, adiniŋ wanudya puñjul, ṅĕniṅkĕn mantra sĕdya, sobaṣkara limun anis, piṇḍa suraṅgana dwiṣṭèŋ cakrakĕmbaŋ.

8. bagyarja jawata mulya, mawantaḥ kèkṣi bumyadi, diwaṅkara sor prabhanya, wimbuḥ liwĕraniŋ ṭaṭit, kusut ṛĕbut paṅèkṣi, tétéla nugraha tuhu, rabbana sipat rahman, rakhim kaŋ yitma samadi, nirdéyèstu sĕtya sĕtya taga braṣṭa.

9. tan kaṇḍĕg pamintanira, munaḥ driya mardi budi, lir madubrata manidra, darana muṅsĕŋ maṅanti, diwarèŋ ati mati, pinĕḍĕp saṅkaniŋ iḍup, ṅaḍĕpakĕn arjana, lakṣité kawasulkamsi, tan sapami wit jahèt samapuljanat.

10. tinutug sĕdyaniŋ puja, woŋ tĕmĕn allaḥ nĕmahi, nĕmu riŋ atma pramana, manoñjaya kaŋ kapuṣṭi, pinaṣṭi antuk jahis, kabul tinarimèŋ sujud, mujud hidayatullaḥ, ana kaki kaki prapti, jog tumurun sakiŋ wiyat mawa prabha.

11. rinubuŋ ṭaṭit liwĕran, téja waṅkawa ṅèbĕki, mañcur sumuṇḍul ṅakasa, saputĕn miris kaŋ ṅèkṣi, satĕṅaḥ kadi ṅimpi, satĕmĕné nora turu, saŋ wrĕda pasraṅkara, mriŋ dyaḥ kaŋ muja samadi, hèḥ ta nini munajadira katrima.

12. sinaraḥ karṣèŋ iswara, kinacèk samèŋ dumadi, biratĕn subratanira, wus takdirnya hyaŋ kaŋ luwiḥ, naṅiŋ lantaran nini, nambut tataniŋ tumuwuḥ, sira sinuṅan graja, satriyotama linuwiḥ, gĕntur laku subrata amati raga.

13. asrama iŋ ampèldĕnta, agraniŋ sundara ardi, wus lami antuk nugraha, déné kasubiŋ wawaṅi, radèn pĕṭaṅkus nini, dwija kaŋ susila puñjul, aryaniŋ tanaḥ jawa, maḍaṅi iŋ wana ardi, sira nini iŋ tĕmbé darbé atmaja.

14. jalu nur nukṣmèŋ sasaṅka, paparab dyan bagus yatin, karan kañcil amoṅpraja, lirnya dyan iku wiradi, basa wiradi nagri, laḥ iku pardikanipun, nini sira cupana, ḍawuhiŋ hyaŋ maha sukci, añiptaa paḍĕmèn pañcadriyanta.

15. maṅkya sun untapkĕn sira, sakĕḍap prapta iŋ jawi, wruhanira nini iṅwaŋ, suléman dutaniŋ widdhi, saŋ ṛĕtna wus nampani, sujudiŋ tyas suka sukur, ana maliḥ sasmita, pratima lit mawa ṭaṭit, sakiŋ wiyat mañjiŋ sajĕroniŋ grana.

16. nulya saŋ kusumaniŋ dyaḥ, cahyanya paḍaŋ nĕlahi, nĕrawaŋ sumilak tĕraŋ, mantĕpiŋ budi katawis, asrĕp kuluṅiŋ galiḥ, kaki kaki kaŋ tumurun, makṣiḥ imbal wacana, hèḥ payo kèjĕpa nini, tyasmu sraḥna nurbuwat kaŋ tahuhid jana.

17. gañcaré lalakonira, papaṛĕṅan tuṅgal ratri, kaŋ mardikèṅrat supĕna, lir wĕḍus prucul saŋ dèwi, anaṅiŋ datan guliŋ, jumbuḥ iŋ wirayatipun, samana kèn mahénda, nariswara wus tinarik, kadya ṭaṭit jog tumĕkèŋ tanaḥ jawa.

18. pratiṣṭa agrèŋ sundara, saŋ sukèsi tumrun ririḥ, lir suraṅgana kasasar, midrawa agraniŋ wukir, sajĕg duruŋ tahu wrin, sanadyan pawarta duruŋ, saŋ nariswara mulat, pratapan ṅébat ébati, arṣa ṅinté sapa kaŋ darbé suyasa.

19. ucapĕn kaŋ nuṅku puja, éca pitĕkur pribadi, kagyatiŋ nala dupyana, aturiŋ wuta wèḥ margi, ganda marbuk mrik waṅi, ṅgadag ṅuṅkuli méñak rum, pacoli rasatala, kasoran arumiŋ putri, tanpa saṅkan garjitaniŋ tyas maṅkana.

20. baya iki ana apa, ganda marbuk amrik waṅi, apa déwa ṅéjawantaḥ, tumurun ṅudankĕn waṅi, sajĕg sun duruŋ uniŋ, sari rum kadya puniku, ḷĕṅaniŋ ariloka, jroniŋ jagad suñaruri, téjamaya kratoné bhaṭara maya.

21. paṭiniŋ jayakusuma, lalaṅĕniŋ hyaŋ pramèṣṭi, nilakaṇṭa joṅgriṅslaka, bayèki padmaniŋ kuldi, kaŋ nèŋ janatunnaṅim, sĕsĕṅkĕraniŋ hyaŋ guru, tumaṅgal ṅéjawantaḥ, apa baya iṅkaŋ dadi, dadi apa ganda maṅkéné punika.

wĕḍus prucul ḍahup karo kĕṇṭus

22. samana muṣṭikaniŋ dyaḥ, wus ñipta suyasèŋ ṛĕṣi, katara iṅkaŋ waṅunan, botrawi mubĕŋ ṛĕṣpati, tirtanya biru wĕniŋ, kĕmbaŋ jĕmbaṅan tinatur, nulya kèn ménda wikan, saṅgar pam‍ĕḷĕṅan kèkṣi, iŋ jĕroné ana arya séta mulya.

23. cinakra maharṣi tapa, dyan marpĕki luṅgyèŋ ṅarṣi, kagyat saŋ iswara tama, wruḥ waṅkawa aṅawĕṅi, tuméjaṅkara wĕniŋ, wĕnĕsiŋ cahya sumunu, wiṅit prabhaniŋ nétya, tuhu siwayaniŋ èstri, tri pandurat pĕṭaṅkus aṅuñjal uswa.

24. puṅun puṅun lir supĕna, laḥ apa iki kalkuri, dyan maṅarṣa ḷĕṅgaḥ tata, tĕmpukiŋ nétra kakaliḥ, kumĕsar aṅañut sir, dwi ika sami gĕgĕtun, hyaŋ hyaŋ murcitèŋ kaṇṭa, kakaliḥ sĕmuné isin, kèn mahénda prucul tansaḥ ṅiñcaŋ imba.

25. kaŋ wéni aṅguŋ iṅusap, sĕṅadi ṅupaya itik, ṅuruti liṅsa kaprikṣa, yaktiné tan kĕḍaḥ kĕḍiḥ, wus jamakiŋ pawèstri, kaŋ ṅaṅkat birahi kakuŋ, tĕnaga solaḥ bawa, baṅkit aṅgĕgèndèŋ ati, pawèḥ braṅta iŋ para priya taruna.

26. dupi mawas wus tanpa was, kèn mahénda matur aris, ḍuḥ saŋ dwija amba taña, sajara iṅkaŋ sayakti, pukulun nunuwun siḥ, pituduhiŋ maha wiku, iŋ pundi kaŋ iṅaran, pratapan iŋ ampèlgaḍiŋ, rèḥ kawula atas ḍawuhiŋ hyaŋ sukṣma.

27. praptèŋ ṅriki srana cipta, déniŋ hyaŋ kaŋ maha luwiḥ, ṅlampahi iṅkaŋ pitĕdaḥ, papaṣṭèn tan owaḥ giṅsir, sinuṅan wodiŋ ati, jatukramaniŋ tumuwuḥ, pĕṭaṅkus widisana, uṇḍaginiŋ tanaḥ jawi, amba wĕca mokal paduka yèn dora.

28. ulun siḍĕp wiku tama, tan wontĕn paṇḍita kidip, laḥ iŋ pundi parṇahira, pidikan iŋ ampèlgaḍiŋ, kĕṇṭus grahitèŋ galiḥ, baya iki kaŋ tinuduḥ, hudayatiŋ paṅéran, kaki kaki iṅkaŋ prapti, alon nabda hèḥ téja kaŋ sulakṣaṇa.

29. déné dahat dènta ṅupa, ḍawuhiŋ hyaŋ maha sukci, iŋ ṅĕndi saŋ dyaḥ pinaṅka, yèn wus waraḥ sun sajari, sun ḍèrèkkĕn kapaṅgiḥ, wikwadi baṅbaŋ kumĕṇṭus, asrĕp muṣṭikaniŋ dyaḥ, umatur mariŋ saŋ ṛĕṣi, kawulèstu wanudya traḥ daniswara.

30. wana iŋ atasmaruta, ménda prucul kaŋ kawarti, praptèŋ ṅriki lir supĕna, ñjog agrĕŋ sundara wukir, mèsi suyasèŋ ṛĕṣi, ṅatas yun minta pituduḥ, pĕṭaṅkus nambuŋ śabda, kapasaŋ yogya ṛĕtna di, iya iki yayi ḍukuḥ ampèldĕnta.

31. pituduhé kaki wrĕda, iyèṅsun iṅkaŋ maṇḍiri, wiku iṅkaŋ maha brata, muja maṅĕniṅkĕn budi, wus antuk sasmita di, sujanma wrĕda tumurun, ṅaku nabi suléman, ṅĕmban timbalaniŋ widdhi, duk samana karwéka cocog sajarwa.

wĕḍus prucul aṅgarbini

32. tan winarṇa ḍahupira, kèn ménda lawan saŋ ṛĕṣi, sawuṣṇya antara lama, tan ana winañcak galiḥ, sampat atasiŋ urip, widada kakalihipun, samana kacarita, tètèsiŋ nutpaḥ wus dadi, ménda prucul aṅiḍam iḍam kaworan.

33. sinomé ṅrompyoḥ nèŋ imba, kadi waṅkawa ṅawĕṅi, taṇḍa iŋ guwagarbana, nayakèŋ jagad yun lahir, wirayat wus mratani, iŋ janaloka misuwur, samana saŋ dyaḥ néndra, ṅimpi paṅgya nabi kilir, ṅandikané wus garbini nini sira.

34. iŋ tĕmbé umahya priya, iku aranana béñjiŋ, radèn kañcil wicakṣaṇa, wus paṣṭi karṣèŋ jad sukci, putranira sayĕkti, piṅul dibyambĕk rahayu, murwani daniswara, iṅiḍĕp kéwan sabhumi, laḥ ta nini iṅkaŋ ṅati ati sira.

35. nulya ṅlilir kèn mahénda, dyan maṛĕk ṅarṣèŋ saŋ ṛĕṣi, ṅaturakĕn kaŋ supĕna, ñuwun dipunwahanani, kumĕṇṭus muwus aris, sira mĕnĕṅa muŋ sukur, mriŋ hyaŋ kaŋ maha mulya, ywa konsi kawĕḍar ṅlaṭi, yèn karuṅu iŋ liyan kuraŋ prayoga.

36. wus duṅkap iŋ kawan wulan, mahénda nora saḥ ṅimpi, para nabi suŋ wawaraḥ, lamun jabaŋ bayi lahir, sinuṅan nama kañcil, dupi prapta pituŋ tèṅsu, kĕṇṭus tampi sasmita, ṅalamat ghaib kahèkṣi, mawèḥ taṇḍa yun tumĕkèŋ tĕpĕt mulya.

kĕṇṭus aṛĕp mukṣa ṅanti tumĕka iŋ jañjiné

37. nabda maraŋ swaminira, yayi sira sun jarwani, sun tan mĕnaṅi sutanta, marga wus prapta iŋ takdir, panĕṅĕran wus kèkṣi, kaŋ pintĕr sira moŋ sunu, déné praptèṅsun masa, yayi sira sun jatèni, lan sun ntèni playaran sagara rahmat.

38. praptaniṅsun puput jiwa, amuŋ kuraŋ pituŋ ari, nur mukhammad wus tan ana, iku mukṣisiŋ prajaṅji, marma yèn sira béñjiŋ, wus paṛĕk datan kadulu, yéka ran johar awal, lamun kuraŋ tigaŋ ari, paḷĕṅgahan rasul yayi tan karasa.

39. iŋ tutuk paṅgonanira, déné yèn kuraŋ saari, napas mlĕbu mĕtu kuraŋ, asrĕp kéwala sayĕkti, sumpĕk rasaniŋ ati, wit hyaŋ pramana ginuluŋ, aṅĕn aṅĕn kuwasa, ṅguluŋ napas sakiŋ sikil, iŋ jĕmpolan kaŋ kiwa mañjiŋ sopana.

40. nulya mriŋ bahitalmuharram, iŋ jantuŋ aṅukud gĕtiḥ, ginuluŋ dadya samrica, wusiŋ gĕtiḥ nis maṅiṅgil, kumĕplas yayaḥ ṭaṭit, mriŋ sajroniŋ bahitalmakmur, liré bahit iku omaḥ, makmur praméyaniŋ urip, anèŋ kono ṅukud kèhiŋ pañcadriya.

41. paṅucap ambu pamyarṣa, paniṅal riniṅkĕs mariŋ, sajĕroniŋ bahitmakmurnya, iṅaran tanajultarki, utĕk tĕgĕsé yayi, nulya iṅsun ñipta mlĕbu, maraŋ pañcĕriŋ nétra, aran mukhammad hakiki, sajatiné aṅĕn aṅĕn badan sukṣma.

42. tĕgĕsé abadan napas, kĕna dèn asmani gusti, wus caṛĕm tuṅgal kawula, ya iṅsun iya sirèki, sajatiné muŋ mami, laṅgĕŋ wujud awaŋ uwuŋ, suwuṅé mĕṅku ana, jumĕnĕŋ ṅahénalyakin, nĕmuṅalam jĕmbar tan kĕna cinĕṅkal.

43. liyĕp ṅlaṅut tanpantara, sarwa sarwéndaḥ mĕnuhi, tan krasa sawiji apa, muŋ nikmat munpaṅat yayi, iṅsun lan sira paṅgiḥ, joḍo nèŋ akhir katĕmu, yéka nugrahaniŋ hyaŋ, kiyasmu sipatulkadim, kañjan mahpyan nora aṅalap wasana.

44. hèḥ yayi kaŋ éliŋ sira, kawruhiŋ kéwan wanadri, wus putus mutakayijan, iku yèn sato ṅilmu writ, luhur tan ana ñami, sasamaniŋ kutu kutu, naṅiŋ janma utama, kawruḥ mĕṅkono tan apti, wit manusa tinitaḥ sipat mukarab.

45. liré mukarab kacĕḍak, déniŋ hyaŋ kaŋ maha sukci, marma ywa kapéṅin sira, nora luwiḥ wĕkas mami, makhluk tataniŋ urip, sampurṇakna paṅawruḥmu, wĕruha sastrajéndra, ayuniŋ jagad sakalir, kaŋ mutamat muṅguḥ èṣṭiniŋ paṇḍita.

46. tĕraŋna rupaniŋ sastra, myaŋ swara uniniŋ tulis, muṅguḥ sipaté kaŋ ñata, pĕcahiŋ lambé kaŋ ṅiṅgil, uniné manut aṅin, napasmu kaŋ mañjiŋ kalbu, umuṅgaḥ sipat kodrat, kumpuliŋ rasa sajati, anèŋ utĕk kaŋ mañcoroŋ lir barléyan.

47. wĕḍus prucul wusiŋ tampa, béṅat pamijaṅiŋ ṅilmu, tumañcĕp kuluṅiŋ nala, ya ta tan antara prapti, malakulmahot nuli, sakiŋ jro kodrat tumurun, munpakun khayun khayat, tan ana baraŋ kaŋ kèkṣi, wus sampurṇa kĕṇṭus jatiniŋ tataga.

48. kuwanda iṅupakara, lir ṅadat kéwan iṅkaŋ wis, mahénda dènira wawrat, samanantuk woluŋ sasi, maṅka tinilar ṅlaki, karantan rantan iŋ kalbu, ḷĕṅlĕŋ liṅluṅiŋ nala, dyan ana swara kapyarṣa, sakiŋ wiyat hèḥ nini aja udrasa.

49. wĕlasa kaŋ nèŋ wĕtĕṅan, yun dadi suryaniŋ bhumi, paṅahubanirèŋ kéwan, kutu walaŋ taga asiḥ, nrimaa bahé nini, wus paṣṭi karṣèŋ hyaŋ aguŋ, lakimu nukṣmèŋ swarga, jinaga iŋ widadari, nora wuruŋ iŋ tĕmbé paṅgya lan sira.

50. wus cinĕṭa saduruŋnya, nèŋ lokhil makpul iŋ ṅuni, maṅkya munajada sira, kaŋ nèŋ guwagarba iki, jabaŋ bayi kaŋ sigit, yèn lahir arané bésuk, kañcil minaṅka duta, kanaŋ susila rèḥ niti, wĕḍus prucuk umatur nuwun sandika.

lahiré saŋ kañcil

51. wus sirṇa punaŋ suwara, mahénda gĕtun tan sipi, suka sukuriŋ wardaya, parmaniŋ hyaŋ maha sukci, tan kĕṇḍat sabĕn ratri, para anbiya suŋ tutur, ri wuṣṇya lama lama, sampun duṅkap saṅaŋ sasi, déra wawrat mbabar jalu nukṣmèŋ arya.

52. akèḥ malahékat prapta, saha para widadari, sasanti ṅudankĕn kĕmbaŋ, gunasti jaya basuki, naṅiŋ tan ana kèkṣi, marmané kañcil sĕmpulur, adoḥ kaŋ sambé kala, gara gara aṇḍatĕṅi, liḍaḥ kilat ṭaṭit waṅkawa liwĕran.

53. waṅwaŋ lir sutéjaṅkara, tanpa kara kara yakti, nulya na swara kapyarṣa, hèḥ nini sutamu iki, ḷĕstarèkna kaŋ nami, kañcil paparabé patut, arané kaŋ sañata, dèn bagus yatin prayoga, wruhanira iṅsun iki nabi adam.

54. kañcil nuli rinĕsikan, wĕnĕsiŋ cahya ṛĕṣpati, sumèḥ pasuryan ṅatiraḥ, prabhaniŋ waktra nĕlahi, suṛĕm sorotiŋ sasi, méraŋ kasoran kaŋ sému, lahiré ri salasa, kliwon masa phalguṇadi, tahun iwa iṅétuŋ surya saṅkala.

55. suwara matĕṅgèŋ karṇa, kèn prucul aścaryèŋ ati, dahat suka sukurira, déné cuṇḍuk lawan ghaib, wirayat kaŋ dumĕliŋ, timbuliŋ pawarta maṭuk, muhuŋ kuciwanira, pĕṭaṅkus datan mĕnaṅi, amoŋ suta puwara prucul nalaṅsa.

56. tujuné jinagèŋ mésa, sĕtya tuhuné ḷĕstari, añjaga satru duryasa, kaŋ sarta minaṅka dadi, ĕmban maṅatas pardi, mardi budi anununtun, sakadariŋ kagunan, winahya tĕmĕn nastiti, iŋ kaduñan tĕrus praptaniŋ dĕlahan.

57. ṅrasa sinambuŋ umurnya, déniŋ kĕṇṭoraŋ iŋ ṅuni, samana alama lama, tan kuraŋ siji punapi, lir kagégé saŋ kañcil, tan siwaḥ lawan pĕṭaṅkus, ĕṇḍèk cilik adawa, abaŋ nom gigiré dalir, kulit tipis kĕñcĕŋ apaṇḍĕs tur gilap.

kañcil wis ṅañcik diwasa

58. kocapa antara lama, kañcil mèḥ baligulṅakli, yèn janmaa lagi yuswa, nĕmbĕlas warṣa lumaris, mĕmpĕṅé ulaḥ tulis, kawruḥ titiṅgalanipun, kĕṇṭus sudarmanira, buku landa layaŋ jawi, kitab arab rontal kropak tĕmbuŋ buddha.

59. sadaya kawruḥ ginulaŋ, woŋ sinahu kaŋ tabĕri, lawas lawas iya bisa, nadyan tanpa guru kañcil, rèhné trahiŋ linuwiḥ, tajĕmiŋ tyas yayaḥ puṅlu, pĕsaté sakiŋ tiṅgar, marma jawa rab patitis, mlayu landa moñcol iŋ rat pramudita.

10. asmaradana

1. déné subrataniŋ kañcil, wuṣṇya putus iŋ kagunan, kĕṛĕp papara ṅuṅijèn , malbèŋ wana sunya priṅga, juraŋ trĕbis goṭaka, ñjajaḥ iṅkaŋ siṅit siṅup, muṅgaḥ wukir malbèŋ guwa.

2. ṇḍugal nakalé kĕpati, drĕṅki bahut ṅrĕkadaya, panas baranan panastèn, ṅrusak silarjaniŋ duña, rèḥ makṣiḥ kuraŋ yuswa, déné mahésa andanu, datan craḥ mèstuti karṣa.

3. kañcil yèn nĕrak trap silib, mahésa matur ṅrĕṛĕpa, mañĕgaḥ karṣaniŋ radèn, anaṅiŋ ta tanpa guna, wus maṅkono klakuwan, woŋ ala tan bisa kawus, yèn duruŋ kĕnèŋ rubéda.

4. ciptaniŋ kĕbo ṅantĕpi, tékadé tan nĕdya giṅgaŋ, ṅawula iŋ salawasé, makaṭik amanakawan, duña praptèŋ dĕlahan, ṅĕmbani baraŋ rèḥ nurut, minaṅka waḷĕsiŋ sĕtya.

kañcil léléḍaŋ mraṅguli kéyoṅ

5. warṇanĕn samana kañcil, ñiṅit pribadi léléḍaŋ, maraŋ sapiṅgiriŋ kalèn, kaŋ mili añjog riŋ sawaḥ, tatanèniŋ manusa, nuṅsuŋ tirahirèŋ ranu, tĕbiḥ watawis kaliḥ pal.

6. toya agĕŋ biru wĕniŋ, nèŋ tĕṅahiŋ ara ara, sukĕt ron piṅgiriŋ kalèn, kañcil kacaryan du mulat, ananiŋ cucukulan, phalguṇa sĕdyaniŋ kalbu, yun wruḥ uluniŋ susukan.

7. lumaku sarwi mĕñañi, ṛĕṅĕŋ ṛĕṅĕŋ ṅura gita, tĕmbuṅan kaŋ sarta lagon, suluk kawin saṅsĕkrita, slawatan pupujian, ṅanam anam agal ḷĕmbut, maṅulaḥ lidiŋ prakara.

8. tan daṅu lampaḥnya prapti, ulu kalèn sètubanda, saŋ kañcil siram pamrihé, dupyarṣa mañjiŋ riŋ toya, kañcil kagyat duk wikan, kéwan sajuga gĕgĕtun, nèŋ piṅgir aṅum iŋ toya.

9. ṅgrĕmĕt ṅaraḥ araḥ ririḥ, darana dwiṣṭa iŋ karya, kañcil mèkṣi gèḍèg gèḍèg, rurupan ananiŋ jagad, baṅsaniŋ buron toya, kañcil maṅgrahitèŋ kalbu, laḥ iku buron punapa.

10. mokaliŋ titaḥ dumadi, aṣṇapun kodratiŋ paṅran, kaliwat timĕn saruné, khayat khayun kaŋ caṅkrama, dumunuŋ ananira, palhuna atatanya rum, hèḥ téja kaŋ sulakṣaṇa.

11. tigas maṅkya sun maṅèkṣi, wujud sipatiŋ kaanan, ṅĕndi pinakamu kowé, mriŋ ṅĕndi paraniŋ karṣa, nĕmbé iṅsun uniṅa, hèḥ saru sapa aranmu, asal lan jinisiŋ apa.

12. dé kaliwat saru niṣṭip, niṣṭa kahuripanira, sinahuran iṅsun kéyoŋ, jiniṣku baṅsaniŋ toya, akèḥ tuṅgal manira, iŋ baṅawan miwaḥ lahut, warṇa warṇa kuwasèŋ hyaŋ.

13. kaya ta poṅpoṅan kijiŋ, yodé kima kraca baṅkaŋ, tiṛĕm kĕraŋ sasaminé, iṅsun kira nora béda, titaḥ kaŋ anèŋ wana, sipat iṅkaŋ saru saru, mratani sahisiniŋ rat.

14. balik ta sira pribadi, jinis apa ranmu sapa, tuwin ṅĕndi pinaṅkané, kañcil mèsĕm nambuŋ śabda, sun kañcil ranku riŋ rat, swarjana kaŋ sarwa putus, gunawan mahardikèŋ rat.

kañcil baṅĕt aṅéraŋ éraŋ maraŋ kéyoṅ

15. naṅiŋ salawas sun urip, kĕṛĕp caṅkramèŋ wanarga, samudra kali myaŋ kalèn, duruŋ tahu wĕruḥ sira, buron wé dahat niṣṭa, sudiné kaŋ ṅaku sunu, darbyatma kaŋ kaya sira.

16. luhuŋ cupĕta bahé wis, urip ndĕdawa cilaka, wujud sipatira asor, sarta tyasmu puṅguŋ muḍa, tan kapraḥ makhlukiŋ hyaŋ, mobaḥ molaḥ wisma katut, ṅrĕribĕdi baraŋ karya.

17. cacad baṅĕt ṅgonmu urip, kuraŋ sampurṇa iŋ rupa, mbok matiya bahé kéyoŋ, ñjaluk urip kaŋ utama, aywa cĕmar tan misra, sudiné kaŋ aṅsuŋ susu, nusoni wujudmu ala.

18. mokal darbéya sirèki, kagunan iṅkaŋ mulyarja, pantĕsé atimu boḍo, klĕlar kl‍ĕḷĕr mak ĕmakan, tur tan darbé agama, kitab kuran nora wĕruḥ, apa manèḥ tatakrama.

19. séjé lan iṅsun puniki, muṣṭikèŋ jagad wiryawan, turasiŋ dwija kinahot, ibu trahiŋ daniswara, pantĕs lamun cakṣaṇa, sabaraŋ kawigñan putus, tĕmbuŋ ṅoko krama limpad.

20. luwiḥ manèḥ tĕmbuŋ kawi, nadyan kuran kitab palak, landa iṅgris pran sĕpañol, bab étuŋ wutuḥ pĕcahan, tèḷĕr nomĕr sun bisa, ukur élo mètĕr putus, bobot litĕr kilo myaŋ gram.

21. saréṅat tarékat ṅilmu, hakékat trus iŋ makripat, asma musamaniŋ manon, nora kaya kéyoŋ sira, gĕṇḍĕŋ baṅĕt cilaka, sĕpi kawigñaniŋ makhluk, kéyoŋ piṅgiḥ adoḥ praja.

22. mara coba sun takoni, rupa lan dunuṅiŋ allaḥ, paṣṭi nora wĕruḥ kowé, nadyan bisa ṅaranana, anèŋ luhur akasa, yèku ciptané woŋ gĕmbluŋ, trima lowuŋ aṅgĕr gĕsaŋ.

23. tan pisan nukṣmèŋ utami, saruwa ika tarima, taṇḍa yèn budimu rèmèḥ, romot rucaḥ tan kacacaḥ, cacad duña akhirat, puniku tĕḍakiŋ pikul, kaṛĕm turu doyan maṅan.

24. béda lan sarjana murti, kañcil susilarja tama, aṅur mati lamun boḍo, rèḥ éliŋ trahiŋ kusuma, ṛĕmbĕsiŋ madukara, rina wĕṅi mamriḥ mahut, kahutamaniŋ ṅagĕsaŋ.

25. ywa lir sira taṅguŋ urip, cĕmĕr ratuniŋ kaniṣṭan, sapa kaŋ sudi mriŋ kowé, caturan kéwala suṅkan, iṅsun iki kabĕtaḥ, kajibaḥ awawan wuwus, tan wuruŋ yèn katularan.

26. lan ṅĕdohakĕn rijĕki, mĕrakkĕn ati kiyanat, woŋ cubluk lir kowé kéyoŋ, apa nora darbé wiraŋ, wruḥ sasaminiŋ gĕsaŋ, asor pribadi badanmu, klĕlar kl‍ĕḷĕr tanpa guna.

27. kĕpĕṭuk bahé niwasi, sasat woŋ kélaṅan ṅamal, bĕgja ilaŋ rijĕkiné, jroniŋ pataŋ puluḥ dina, añjaṅkaḥ ṅgayuḥ tuna, wus prasasat tahi asu, kéyoŋ dumunuŋ riŋ sira.

28. paḍa paḍa buron wariḥ, luwiḥ boḍo amuŋ sira, tan mahédahi iŋ akèḥ, maṇḍak nulari iŋ kaṭaḥ, pĕṅuṅira tinélad, luwiḥ gampaŋ tiru blilu, kaṅélan ñonto cakṣaṇa.

29. kaya ta upama janmi, sakolaḥ mriŋ tuwan roorda, slawé tahun duruŋ ĕntèk, balik ṅaji maraŋ sira, sadina bahé pana, rèhniŋ kawruḥmu truwilun, blilu kumpruŋ datan pakra.

30. coba matiya bahé wis, ñjaluka urip kaŋ brĕgas, lamun kapéṅin kinahot, iṅkaŋ sadu parikrama, dibya niti sasmita, iṅsun ṅuntapakĕn saguḥ, tumĕkèŋ jaman kamukṣan.

kéyoŋ tuwuḥ pambudiné nĕdya ṅasoraké kañcil

31. kéyoŋ kaṭada miyarṣi, sabdèŋ kañcil ṅéraŋ éraŋ, tumulya mijil budiné, waṅsulané anorraga, ywa taṅguŋ budi dama, darmambĕk asoriŋ laku, hèḥ kañcil aja maṅkana.

32. sanadyan iṅsun ṅlĕmimir, grumutan kĕṭĕr nèŋ tirta, naṅiŋ tan wégaḥ yèn playon, ṅadu dibya kasĕntikan, rikat rikatan balap, utawa bnatĕriŋ playu, lan sira iṅsun kaduga.

33. lamun pinuju iŋ karṣi, ṅadu guna kaprawiran, ṅatokkĕn kahutamané, sira lumayuwèŋ ḍarat, iṅsun ana iŋ tirta, sira mlajar sun lumayu, cacadé sun kapambĕṅan.

34. tan bisa yèn dina iki, kañcil sru gumuyu lataḥ, toblas tobat aku kéyoŋ, sirèku apa supĕna, ṅlindur mĕlèk mĕlèkan, dé wani playon lan iṅsun, saya édan tĕmĕn sira.

35. pramanakna kéyoŋ ḍisik, luruwa kaca brĕṅgala, kaŋ gĕḍé tĕraŋ paḍaṅé, déné ta wani balapan, mlayu aṅadu yasa, sacĕṅkal kéwala émbuḥ, masa kéyoŋ nututana.

11. paṅkur

1. kéyoŋ maṅkur nabda kĕras, bab palayon duruŋ karuhan kañcil, naṅiŋ sun sĕmaya bésuk, ĕmbèn ésuk balia, marga mĕṅko soré sun éwuḥ nunuwun, mumuja muji raharja, iŋ jad kaŋ murwèŋ dumadi.

2. kañcil tyasira sru giraŋ, marwatatma myarṣa punaŋ prajaṅji, sigra nabda amit mantuk, wusiŋ adoḥ lampaḥnya, kawarṇaa kéyoŋ nalarira cukul, ṅumpulakĕn para wrĕda, kulawarga yun pĕrgadriŋ.

3. pêpak saguŋ nawuṅkriḍa, para nitisurti sasmita luṅid, sinuŋ wruḥ wit kawitipun, dènira pasulayan, lawan kañcil daruna puwaranipun, sadaya kul kéyoŋ ṛĕmbag, déné timbuliŋ pamikir.

4. maṅkana pamuwusira, hèḥ kaŋ guyub kabèḥ ana iŋ piṅgir, susukan gaṇḍulan lumut, ḷĕt pataŋ mètĕr paḍa, yèn si kañcil wus lumayu ṅuwuḥ uwuḥ, kaŋ nèŋ ṅaṛĕp sumahura, hèḥ kañcil iṅsun wus ḍisik.

5. déné kaŋ cĕḍak aṇḍĕgnya, ywa sumahur yèn kĕwiyak kaŋ sandi, kabèḥ sanak sanak iṅsun, éṅgal paḍa mapana, ṅèli bahé supaya rikatiŋ laku, kaŋ koṅsi takan iŋ sawaḥ, kaŋ mulat playuniŋ kañcil.

6. wus abripara samoha, nalar iṅkaŋ wus kasĕbut iŋ ṅarṣi, nulya buḍalan saguŋ kul, lir inpantri kumaṇḍaḥ, nadyan riṇḍik naṅiŋ rikat kĕntir ṅranu, sabĕn pataŋ mètĕr juga, kéyoŋ kaŋ jaga nèŋ piṅgir.

7. susukan aṅĕm iŋ toya, gumaṇḍul iŋ lumut ñamar tan kèkṣi, racak samya agĕṅipun, baṅsaniŋ kasusastran, iŋ sasmita tuwin sampurṇa iŋ kawruḥ, saṅkan paraniŋ ṅagĕsaŋ, cakṣaṇa maṅulaḥ dini.

8. budi wus sahékapraya, bisa naṅguŋ baraŋ pakéwuḥ prapti, dadya tataṅkisiŋ kéwuḥ, yèku dayaniŋ nalar, gĕcul kumpul baṇḍol ṅrompol lasanipun, luwiḥ manèḥ para janma, lamun guyub aṅuwati.

9. upamané sapu sada, sajroniŋ suḥ pinutuŋ nora kĕni, wit dayaniŋ akèḥ kumpul, yèn saka siji gampaŋ, pinutuṅan wus maṅkono ṅadatipun, gĕmaḥ arjané iŋ jawa, siŋ kumpĕni ka saṭiṭik.

kañcil katĕmahan kasor déniŋ kawicakṣaṇaniŋ kéyoṅ

10. sawusiŋ kéyoŋ sumĕbar, kacarita praptanirèŋ prajaṅji, kañcil wayaḥ jam nĕm ésuk, prapta iŋ sètubanda, sru gambira kaŋ nala dahat kumluṅkuŋ, marma anĕtĕpi sĕtya, nèŋ kono uwus pinaṅgiḥ.

11. gumuyu lataḥ tan taha, sarwi nabda hèḥ kéyoŋ prapta mami, kéné makṣiḥ umun umun, yun ñatani ubaya, pratigñanta rikat rikatan malayu, amuŋ tuturku mriŋ sira, yèn kalaḥ poma ywa isin.

12. mumpuŋ duruŋ linampahan, prayogané wuruŋ kéwala maṅkin, aja gĕla tyasirèku, sun paṣṭèkkĕn panimbaŋ, nora pisan pisan bisaa mlayu kul, lakumu bahé katara, répot aṅl‍ĕḷĕr tur riṇḍik.

13. marmané wuruŋ kéwala, yèn sarjana kaŋ duruŋ wus pinikir, pupur saduruṅé bĕñjut, kéyoŋ nambuṅi śabda, iya bĕnĕr naṅiŋ kéné wus sun ṛĕmbug, tan ṅamuṅkĕn sira iṅkaŋ, kaṅgonan budi patitis.

14. kañcil muwus kéyoŋ sira, nora kĕna sun éman maṅkya yakti, kumawani isin mundur, ṅantĕpi culiŋ basa, laḥ ta agé tututana sun lumayu, karo èṅklèk pipiñcaṅan, sirig sirig ṅguyu ṅgligik.

15. playuné muŋ api ora, ciptanira kéyoŋ datan nututi, maṇḍak muṅkur dènnya mlayu, antuk nĕm mètĕr nulya, kañcil maṇḍĕg cĕluk cĕluk sarwi ṅguyu, hèḥ kéyoŋ sun tututana, burunĕn iki saŋ kañcil.

16. kul iṅkaŋ ṅarṣa tumaṅgap, wuwusira rèḥ wus sahéka kapti, kadi kaŋ sampun kasĕbut, hèḥ kañcil tututana, payo ṅadu kabantĕraniŋ palayu, kañcil kagyat dupi myarṣa, swaraniŋ kéyoŋ nèŋ ṅarṣi.

17. sigra sigra pinaranan, paṅgya kéyoŋ muṅgwiŋ tĕpiniŋ wariḥ, pratiṣṭa gaṇḍulan lumut, ḍasar rupané paḍa, nora ṅira yèn puniku ṅakal palsu, kañcil ṅunandikèŋ nala, hé é kéyoŋ ṅgĕgumuni.

18. kéyoŋ nulya sru wacana, kayaparan ĕndi playumu kañcil, kañcil sigra dènnya mlayu, ñirig ñirig añoṅklaŋ, watara wus tĕluŋ puluḥ mètĕr antuk, tandya maṇḍĕg ṅundaŋ undaŋ, kéyoŋ tututana mami.

19. nahuri kaŋ dipunundaŋ, ĕndi kañcil iṅkaŋ ṅaku linuwiḥ, tututana playuniṅsun, kañcil marpĕki wikan, wus tétéla kul kèkṣi gaṇḍulan lumut, phalguṇa nir kaŋ wéwéka, rèḥ sipatiŋ kéyoŋ sami.

20. kañcil traṅginas lumajar, ṅantĕn ṅĕntiṅakĕn iṅkaŋ subadi, paribasan sipat buntut, watara satus cĕṅkal, nuli lèrèn mĕmpis mĕmpis maṅuwuḥ kul, sahiki sun tututana, kaŋ ṅaṛĕp maṅsuli wĕṅis.

21. iki kéyoŋ wicakṣaṇa, laḥ ĕntèkna karosanira kañcil, iya sun kul sudibya nuŋ, murtiniŋ buron tirta, kaŋ mumpuni iŋ kawruḥ saminiŋ makhluk, anaa sèwu lir sira, baṛĕŋ mlayu sun taṇḍiṅi.

22. laḥ wĕtokna kadibyanta, lan rahupa rahimu iṅkaŋ ṛĕsik, kumawani ṅadu playu, lan kéyoŋ dibya tama, kañcil dahat méraŋ dupi myarṣa wuwus, plas lumayu kadya kilat, antuk satus mètĕr nuli.

23. ambruk aṅlémprak sakala, gĕṛĕŋ gĕṛĕŋ ṅrintiḥ waṣpa drĕs mijil, napasé aṅaṅsur aṅsur, anèŋ piṅgir susukan, gĕtuniŋ tyas nora ṅira satus èwu, kahélokaniŋ lampahan, paribasan giri lusi.

24. kéyoŋ tansaḥ paṅuwuḥnya, laḥ ta ĕndi kaŋ ṅaku dibya murti, déné dahat kumaluṅkuŋ, budinĕn sabab apa, tĕka kasor rikat rikatan lumayu, lan umat kaŋ baṅĕt niṣṭa, maṅké utamané kèkṣi.

25. yèki rupaniŋ glaḥ gĕlaḥ, naṅiŋ nora wigiḥ lan gĕḍag gĕḍig, tuwin iṅkaŋ ambĕg diguŋ, pakṣa uṅgul priyaṅga, ṅuṅkak krama wahyèŋ basa tanpa koguk, laḥ ta mara tutugĕna, ĕntèkna budimu kañcil.

26. phalguṇa tĕraŋ miyarṣa, pamuwusiŋ kéyoŋ maṅèsi èsi, dahat méraṅirèŋ kalbu, naṅiŋ ñjĕṅĕr kéwala, narimèŋ tyas alon maju klunun klunun, kawula samaṅké tobat, ḍumatĕŋ paduka kyayi.

27. mugi pariṅa ṅapura, sakaṭahiŋ ḷĕpat kawula kyayi, sampun kaŋ mlajar pukulun, ñjuṅjuŋ kupiŋ kéwala, datan kaṅkat tĕlas krosan amba sampun, bunar liṅluŋ cipta kula, mĕṅgèḥ mĕṅgèḥ kĕmpis kĕmpis.

28. kul gumuyu sarwi nabda, déné amuŋ samono togmu kañcil, tan timbaŋ lan culiŋ claṭu, lir ṅrubuḥna akasa, iya iku rupané woŋ kumaluṅkuŋ, muraŋ arjaniŋ ṅagĕsaŋ, kumiṅsun aṅguṅuŋ ḍiri.

29. prasan atimu kul niṣṭa, dumèḥ kuru kèri karo sasami, dèn piyagaḥ ina tan wruḥ, wĕkasan nawuṅkriḍa, gunardika sujana putus iŋ kawruḥ, satus yuta kaŋ lir sira, taṅèḥ bisa animbaṅi.

kañcil aṅgĕguru maraŋ kéyoŋ

12. ḍaṇḍaŋgula

1. lir cintaka sumbaré mriŋ kañcil, phalguṇaṅguŋ dènnya maṅap maṅap, gumĕtĕr ṅaṛĕpkĕn kalèn, muka nor ṅuswèŋ ḷĕbu, sru mabukuḥ mariklu naṅis, bab kasoriŋ kagunan, déniŋ prawira kul, nulya matur tĕmbuŋ krama, kramèŋ titaḥ tataniŋ woŋ madyèŋ bhumi, darmambĕk silotama.

2. ḍuḥ saŋ kéyoŋ kaŋ swarjana murti, èṣṭiniŋ tyas kularṣa mruwita, ṅatas wasita mriŋ aṅlèŋ, kéyoŋ waṅsulanipun, hèḥ phalguṇa sira wus uniŋ, mubaliŋ pañcadriya, iṅkaŋ klèru gĕtun, dadya piwulaŋ sañata, kèhiŋ wuruk ala bĕcik saka ati, atinira priyaṅga.

3. nadyan para nabi wali wali, wus aṅlanturakĕn jarwotama, naṅiŋ araŋ kaŋ cumaṇṭèl, rèḥ budi nora rujuk, rina wĕṅi asolan salin, akèḥ kaŋ datan yogya, tur ati wis wĕruḥ, naṇḍiŋ ala bĕcikira, parandéné kaŋ ala dipunlakoni, rèḥ duruŋ tahu wiraŋ.

4. wiraŋ iku kasaṅga pribadi, yèn wus ñaṅga lahyéliŋ kluputan, iku wĕruha sababé, uripé woŋ sawĕguŋ, jroniŋ ati ana papali, amumulaŋ klakuwan, ala bĕcik wĕruḥ, rèḥ kuwat riḍuniŋ hawa, èstu budi kèlu paṅgawé kaŋ juti, paḍa sabĕn woŋ gĕsaŋ.

ṅilmu wĕwĕjaṅané kéyoŋ maraŋ kañcil bab kalakuwan lan paṅampahiŋ napsu

5. laḥ pikiṛĕn wasitèṅsun kañcil, aja méraŋ mèt waraḥ woŋ niṣṭa, nadyan rupaniṅsun èlèk, naṅiŋ pitutur bagus, ananarik tyas nitisurti, kalawan maliḥ sira, uṅas ambĕk bahut, saha ṅlahirkĕn paṅéraŋ, ananacad ṅuman uman tanpa kériŋ, tĕmbé éliṅa sira.

6. sakabèhiŋ kéwan kutu kumlip, iṅkaŋ sipat khayun khayatiŋ hyaŋ, paṣṭi gĕḍé pahédahé, nadyan baraŋ kaŋ cukul, wujud gumlar isiniŋ bhumi, kabèḥ dadya piwulaŋ, ṅluhurkĕn hyaŋ aguŋ, kaŋ boḍo myaŋ pra sarjana, karodéné ṅuni ciptamu lan mami, mokal kalaḥ lan iṅwaŋ.

7. lawan sira tikĕl sèwu kĕṭi, sakiŋ gĕḍé ḍuwur sipatira, parandéné kasor kowé, yéka taṇḍaniŋ khayun, nora kĕna dèn wawahoni, kaŋ dama sor niṣṭarda, joḍoné kaŋ puñjul, yèn dama niṣṭa tan ana, wus tĕrtamtu tama luhur tan pinaṅgiḥ, bĕcik joḍoné ala.

8. gĕḍé cilik sugiḥ lawan méṣkin, lanaŋ wadon boḍo lawan limpad, ĕlor kidul wétan kilèn, iŋ ṅisor lawan ḍuwur, surya candra sagara ardi, sakèhiŋ kadadian, kodratiŋ hyaŋ aguŋ, kaŋ gumĕlar bhumi kasa, titimbaṅan duña akhir nraka swargi, iku pikiṛĕn poma.

9. aja sira ṅandĕlaké kañcil, iŋ kagunan tuwin kasantikan, nitisastra lukitèŋ rèḥ, santéro aran puñjul, paṣṭi ana iṅkaŋ muñjuli, sarèhniŋ pañcadriya, paṅambu paṅruṅu, pamuwus saha pamrikṣa, cukul saka iŋ liya marmané kañcil, sira ṅati atia.

10. lamun arṣa swarjana murtyadi, dèn wéwéka wahyaniŋ wicara, ywa kaya duk wiṅènané, marma iṅsun tan gumun, lumyat solaḥ bawanta kañcil, kacihna arda dama, tyas kuṭuŋ truwilun, paṅucapmu wus wèḥ wikan, yèn kaŋ blilu pintĕré amuŋ sacuwil, siraṅgĕp dirgèŋ guna.

11. waṣpadakna umiyat woŋ baṅkit, wus tan tampik sabaraŋ kawigñan, tan tampik takoniŋ akèḥ, kaŋ sawataranipun, séjé kaya sirèku kañcil, pintĕrmu muŋ samĕṇḍaŋ, paṅrasanta putus, umuk trahiŋ daniswara, traḥ paṇḍita ṅaku satriya utami, o gampaŋ tĕmĕn sira.

12. nora kuraŋ satriya traḥ gusti, dadi kompra nrutus adol kaṇḍa, ṅalor ṅidul golèk golèk, yèn kojaḥ katon cubluk, awit nomé tan ulaḥ budi, turun piṇḍo piŋ tiga, nuli dadi bahu, radèné bahé wus ilaŋ, kari ĕmas mas ṅantèn kaḍaŋ amuŋ si, yéka woŋ tanpa guna.

13. iṅkaŋ kadya sariranta kañcil, marma racutĕn budimu rucaḥ, lir kaŋ wus kwĕtu wiṅiné, saha pikiṛĕn kulup, akèḥ para pidak woŋ cilik, traḥ kuli olèḥ bagya, kombul drajatipun, iŋ mañcapraja tan kuraŋ, anak bahu sinĕmbaḥ sĕmbaḥ sasami, iku sababé apa.

14. upayanĕn yèn sirarṣa luwiḥ, iku dadi wuruk traḥ satriya, kusuma kaŋ kaya kowé, antĕpana wuwusmu, ṅaku aku satriyotami, yèn wus paṅgiḥ sababnya, wruḥ jojoḍon mahu, joḍoniŋ gĕsaŋ praléna, jroniŋ urip kudu ṅupa tamèŋ budi, rèḥ urip nora lama.

15. urip iku pacaṅaniŋ pati, masa sira umur sèwu warṣa, saṅaŋ puluḥ bahé jiḍèt, araŋ kaŋ umur satus, urip akhir tanpa winilis, swarga nraka cinaḍaŋ, myata kitab usul, lapal maknané pahamna, pal mayitu piṅalamilkubri yajit, kalibahu tĕgĕṣṇya.

16. pati iku ṅalam kubur maṅgiḥ, badan kadi nèŋ duña tan siwaḥ, olèḥ swarga nraka gĕḍé, marma salawasipun, urip anèŋ duña ṅupadi, budyayu utamarja, mumpuŋ sira kulup, makṣiḥ mgrakĕt pañcadriya, iku iṅkaŋ baṅkit ṅréwaṅi pamuji, sakumrĕntĕkiŋ ḍaḍa.

17. laḥ ajaṛĕn nalamu pribadi, rèhniŋ pañcadriya manut manaḥ, mriŋ jaba jĕro rujuké, tuṅgal sawiji bagus, bagus solaḥ tiṅkaḥ myaŋ karṣi, karṣa kaŋ muraŋ syarak, binuwaŋ linĕbur, ṅrakĕt kaŋ yogyarja tama, tĕmĕn tĕmĕn paṅĕkĕriŋ patrap silip, tĕtĕp woŋ sarjanèŋ rat.

18. siŋ sapa kaŋ baṅkit ṅampaḥ juti, ñirṇakakĕn nĕpsu tri prakara, sida iŋ kono pamoré, kawula gusti kumpul, nora pisaḥ nora sawiji, jarwèṅsun rasakĕna, kaŋ umañjiŋ kalbu, wajibiŋ kawula pana, kaŋ pramanĕm tindak ala tindak bĕcik, iku budi sujana.

19. baṅsa ṅajam iṅaran praŋ sabil, sabilullaḥ dadalan riŋ allaḥ, woŋ kaŋ ñĕgaḥ kanĕpsoné, kaŋ ṅubuṅi rèḥ dudu, tĕtĕp dadi ṛĕgĕdiŋ bhumi, dadya kapir sañata, dalil kuran suŋ wruḥ, walkapir sipatulkadas, pardikané ṛĕṛĕgĕd sipatiŋ kapir, iku iṅkaŋ prastawa.

20. pĕpĕtĕŋ gĕŋ tumĕmpuḥ iŋ pati, tan patitis aḍĕpiŋ kamukṣan, bab saka ṛĕgĕd budiné, luput nukṣmèŋ pamurud, marma sira miriba ṭiṭik, maraŋ sudarmanira, saŋ dwija pĕṭaṅkus, uṇḍagi murti widagda, paṅajaran rèḥ susila kramaniti, duña mukṣwèŋ kasidan.

wĕwĕḍaraniŋ kahuripan iŋ kéné kana

21. kañcil ñjĕṅĕr ḷĕṅlĕŋ jroniŋ ati, ṅuṅun ñjĕtuŋ kalahiran jarwa, warṣitarja sakaṭahé, wus kajaja ḍinaku, awit cuṇḍuk lawan pamikir, luluḥ lumĕkĕt iŋ tyas, atas bahitalmakmur, mantĕpiŋ kawruḥ murtyarja, kañcil saya ṅaṅsĕg nĕsĕg minta maliḥ, blabariŋ kanugrahan.

22. nulya matur ḍuḥ bapak manawi, paṛĕṅiŋ paṅgaliḥ suci éklas, amba ñuwun wijaŋ malèḥ, bab sajatiniŋ layu, murud sakiŋ iradatihi, kéyoŋ marwata suta, insya allaḥ sukur, sira bisa tamba jarwa, pasaŋ cipta karṇi sopana dumĕliŋ, titis tampa wasita.

23. nabda maliḥ kéyoŋ mariŋ kañcil, poma ṭolé aywa ṅlirkĕn wĕkas, bab iŋ urip klakuwané, asiha samèŋ makhluk, urip iki sasmitèŋ bhumi, dadya sakṣinirèŋ jad, kaŋ wajibulwujud, pacĕṅkraman kodratullaḥ, khayat khayun punika sipatiŋ gusti, jad iṅkaŋ sukci mutlak.

24. marma kitab tapsir wus wawarti, khayun bilarahokin tĕgĕṣṇya, allaḥ tanpa rokḥ uripé, balbi khayati iku, balik urip lawan pribadi, tan tĕṅaluk sabaraŋ, nora ṅĕlak ḷĕsu, nora susaḥ tuwin buṅaḥ, mutamaté logat kaŋ maṅkono kaki, dadya jatiniŋ islam.

25. dadi tali pikukuḥ imani, yèn tan jumĕnĕŋ khayun punika, ragamu ḷĕbur yaktiné, amor ḷĕmaḥ tan wujud, bhumi laṅèt danumaya nir, kabèḥ gumlariŋ duña, yéka khayat khayun, kaŋ maṅka sirarṣa tampa, ṅilmu rasa rasané iŋ ṅrika ṅriki, uṅsĕdĕn dèn prayitna.

26. ana rupa kulup kaŋ sajati, sébak tawon gumana manukṣma, laḥ ĕndi dumukĕn ṭolé, wujud kaŋ paḍa ratu, kinawasa aluwiḥ śakti, pañjiŋ pinañjiŋ karṣa, yèku sipat alus, aliru liniru nukṣma, iṅkaŋ dadya mukaniŋ wujud sakalir, laḥ mara aranana.

27. kañcil matur aḍuḥ bapak kyayi, kawula èstu dèrèŋ uniṅa, muhuŋ sawĕg wruḥ asmané, mĕṅgaḥ musamanipun, dèrèŋ sagĕd kawula kyayi, tan liyan muŋ sumaṅga, sraḥ blilu truwilun, ñuwun ṅataṣkarèŋ tĕdaḥ, asma miwaḥ musamané kaŋ hakiki, ambèstu yun prastawa.  

13. sinom

1. pèḥ amba makṣik taruna, sagĕda mukṣisiŋ puji, aywa muja tawaŋ towaŋ, suwuŋ waṅwuŋ tanpa sakṣi, kaŋ cocog sajroniŋ sir, gusti myaŋ kawula jĕmbuḥ, ṅĕnalyakiniŋ cipta, amba èṣṭi kaŋ tan slisir, lakṣitamba iŋ tĕmbé maṅgiḥ punapa.

2. sajatiné kul wus wikan, yèn kañcil titaḥ linuwiḥ, tĕmbé yun kasumbagèŋ rat, mardu mardika iŋ bhumi, susila kramaniti, budya yu maharja tulus, lulus pañjĕnĕṅannya, tata titi yudanagri, ambĕk tama putus mranata agama.

3. ṅluhurkĕn jatulmahula, wĕdi asiḥ amumuji, kañcil sinihan iŋ para, nabi mukmin ulya wali, ahli yukti kaŋ budi, kadarman tyas santa sadu, sutriṣṇa iŋ sasama, kaananirèŋ dumadi, pratigñèŋ rèḥ ṅilmu rasa sasmitarja.

4. saha tĕmbé mĕṅku drajad, nurbuwat midrawèŋ bhumi, kajibaḥ ruwĕt ṛĕntĕŋnya, sukĕrtiniŋ rat tinapis, sato kutu kumĕlip, wĕdyasiḥ manĕmbaḥ sayuk, tuhu yèn wirotama, naṅiŋ maṅké makṣiḥ ṅanti, rèḥ tinutup sinĕṅkĕr déniŋ hyaŋ sukṣma.

5. ciptèŋ kéyoŋ wus tan samar, satiti mèkṣi mriŋ kañcil, sanadyan ambĕké maṅkya, ṅluñat kiyanat adrĕṅki, awit duruŋ nĕkani, jaṅji tarbukaniŋ wahyu, makṣiḥ sinuraŋ lampaḥ, dèrèŋ kawistarèŋ bhumi, wahyèŋ drajad ṅanti lokḥ makpuliŋ kodrat.

6. marma pramana pamrikṣa, taṇḍa kasatmata ghaib, sumĕla antarèŋ imba, kadya waṅkawa ṅawĕṅi, prabhané ṅilat ṭaṭit, pasuryanira ñutèṅsu, kéyoŋ nulya mimijaŋ, mriŋ kañcil sampun dèn ñcupi, kawruḥ murti sampurṇa iŋ saṅkanparan.

7. mukṣwaniŋ aṅga waṣpada, yayaḥ braṅta ulaḥ ṅilmi, kañcil matur aṅrĕṛĕpa, bapak kulèṣṭi yun mukṣis, ywa bawur samar miriŋ, kyayi khususé kaŋ jĕntus, gĕsaŋ trus pĕjaḥ mulya, mulyèŋ akhir kadoṣpundi, ñatanipun kaŋ tétéla kasatmata.

8. kaprikṣa nétra kĕpala, supados mantĕpiŋ ati, ṅèṣṭi ṅaṅgĕp iṅkaŋ muhtas, sahir kabir dèn ṅèṅèri, pinuṅsèŋ jroniŋ urip, tuṅgal rasa cipta jumbuḥ, pamoriŋ gusti kwula, paran dènnya ṅlakṣaṇani, lakṣitanya tĕmbé iṅkaŋ amba sĕdya.

9. kéyoŋ mèsĕm nambuŋ śabda, kañcil wuwusmu patitis, mawèḥ taṇḍa cipta rasa, klahir pĕcaḥ silèŋ budi, yèn maṅkono sirèki, tĕmĕn tĕmĕn paṅuṅsĕdmu, èstu datan sumiṅgaḥ, iṅsun darmawasita di, pami wiji cukul ora wit sasana.

10. sirèku pami paṅgonan, ṅilmu luwiḥ dadi winiḥ, yèn loḥ saha rabuk kaṭaḥ, wijiné luwiḥ andadi, woḥ mĕntĕs mĕratani, mawur sumĕbar misuhur, kaŋ maṅkono sĕdyanta, payo umañjiṅa aglis, maraŋ kana sajĕroniŋ guwagarba.

11. garbaniṅsun ḷĕbonana, kañcil kagyat matur aris, iŋ pundi margi kawula, rèḥ amba agĕŋ tur iṅgil, tinimbaŋ lan kiyahi, buntut kawula kaŋ puṭuk, yakti masa sĕḍĕṅa, kéyoŋ mèsĕm nabda aris, gĕḍé ĕndi sira lan gumlariŋ duña.

12. sakuṛĕbiŋ dirgaloka, kaŋ isi surya sitèṅsi, salumaḥ isiniŋ duña, tan sasak riŋ garba mami, yèn mañjiŋ lobok paṣṭi, kañcil saya dahat sĕṅkut, médĕm danurjèŋ nala, matur sandika iŋ tudiŋ, mèstu tikṣwèŋ sutagnya karṣa tan taha.

13. kakyagé sira paṛĕka, iki grananiṅsun kériŋ, dwara adoḥ tanpantara, kañcil nawaŋ sigra mañjiŋ, cocog wasita uniŋ, pintu sajuga aṅlaṅut, tan daṅu lakṣitanya, praptèŋ jro garba myar mèkṣi, tanpa tiraḥ awaŋ uwuŋ ṅlaṅut ṅlamat.

14. tan wĕruḥ kulon lan wétan, lor kidul myaŋ ṅaṇḍap ṅiṅgil, ṅarṣa wuri kériŋ kanan, dudu rina dudu wĕṅi, kañcil sĕḍiḥ kaŋ ati, kéyoŋ nabda hèḥ ta kulup, ywa maras atinira, sanalika kañcil ṅèkṣi, iŋ kul darmawasita asrĕp tyasira.

15. nulya wruḥ paḍaṅiŋ jagad, lor kidul wétan kulon wrin, ṅisor ḍuwur tétéla traŋ, wĕruḥ surya candra tuwin, tutuwuhaniŋ bhumi, kadulu pêpak sadarum, lawan kéyoŋ pinaṅgya, nèŋ sajroniŋ ṅalam sahir, saha sami sagĕd awawanan śabda.

16. kul nabda ḍatĕŋ phalguṇa, hèḥ kañcil kaŋ awas éliŋ, nuli ndĕduluwa sira, apa kaŋ katon iŋ warṇi, kaŋ kinon matur iṅgiḥ, wontĕn kaŋ kawula dulu, kaṇṭa catur prakara, abrit cĕmĕŋ kuniŋ putiḥ, aḍuḥ kyayi punika jinis punapa.

17. maṅsuli iṅkaŋ tinannya, hèḥ ṭolé sira maṅèkṣi, duruŋ wĕruḥ asmanira, iku sajatiné kaki, pañcabayaniŋ ati, kaŋ nununtun maraŋ dudu, iyèku sipat mokal, dadi maṅgalaniŋ ati, luwiḥ kuwat ṅgĕgèndèŋ sipat kaŋ mulya.

18. yéka paniṅaliŋ cipta, tĕṅĕrana kaŋ sayĕkti, iŋ ṅĕndi paṅgonanira, déné iṛĕŋ abaŋ kuniŋ, iku durtaniŋ budi, ṅèbĕki jagad jisimmu, dayaniŋ tigaŋ warṇa, dadi pamuruŋ utami, ambuntoni maraŋ cipta kahutaman.

19. marma sapa baṅkit nulak, iŋ warṇa baŋ iṛĕŋ kuniŋ, katriké munahiŋ tapa, gunadikané tan yukti, ṅaḍaṅi tyas kaŋ suci, ñirṇakkĕn sakèhiŋ ayu, arda ṅrusak kamulyan, mahyèṅkara durtèŋ bhumi, sapa iṅkaŋ baṅkit nulak sabilullaḥ.

20. bisa wor gusti kawula, yèn sirṇa baŋ iṛĕŋ kuniŋ, ḷĕstari wor sajugarṣa, déné jèrèṅé napsu tri, dayané datan sami, iṅkaŋ iṛĕŋ luwiḥ kukuḥ, mahyakkĕn duka cipta, narik dur pamuriŋ uriŋ, ṅambra ambra braṅasan tanpa wusana.

21. nutupi paṅudi wirya, déné napsu iṅkaŋ kuniŋ, ṅgĕgèndèŋ mriŋ panasaran, cĕgaḥ nĕmbaḥ mriŋ hyaŋ widdhi, sabaraŋ karya yukti, pinambĕṅan kuwat kukuḥ, kudu kaṛĕm musibat, déné kaŋ abaŋ kaṛĕm riŋ, saṇḍaŋ paṅan turu tanpa ṅaṅgo duga.

22. cipta ṅaṅsa aṅsa kuraŋ, drĕṅki srèi kaŋ iṅaṭik, déné kaŋ putiḥ punika, antĕŋ ora ika iki, prawirarja basuki, susila kramambĕg alus, ṅilmu sasmita rasa, sarjana murtiniŋ budi, santa dharma ayu sabariŋ klakuwan.

23. yéka putiḥ tanpa daya, tansaḥ kasoran pribadi, déniŋ iṛĕŋ kuniŋ abaŋ, gĕnti karṣa tan watawis, yèku paminirèki, marma yèn ṅasorkĕn tĕlu, dadi mustikèŋ titaḥ, murtya di sarjana murti, kanugraniŋ hyaŋ kaŋ murwèŋ bhuwana. 24. tandya nir kaŋ kaṇṭa papat, nulya ana maliḥ kèkṣi, maṇṭĕr murub muŋ sajuga, naṅiŋ wowolu kaŋ warṇi, phalguṇa matur aris, ḍuḥ punapa wastanipun, pundi iṅkaŋ sañata, kaŋ yogya dipunulati, wontĕn kadi ṛĕtna muñcar mawa prabha.

25. saha wĕnĕs maya maya, iṣṭa pradapaniŋ jĕriŋ, kaŋ wilis abra markata, biru wĕnĕs aṅébati, wĕnèḥ lir golèk gaḍiŋ, prabhanya adi umañcur, ḍuḥ punika punapa, kéyoŋ amaṅsuli aris, wruhanira iku cipta lan paṅrasa.

26. muṅguḥ sakabèhiŋ warṇa, ana iŋ sira pribadi, samoha gumlariŋ duña, ginambar sajroniŋ jisim, ṅalam sahir lan kabir, nora siwaḥ ananipun, waṣpadakna kaŋ ñata, muhsis pamrikṣaniŋ sahir, iya iku iŋ tĕmbé paṅgonanira.

27. muṅguḥ uripiŋ bhuwana, kaŋ ṅĕbĕki bhumi laṅit, iṅisèn jad wajib mutlak, iṅkaŋ jumĕnĕŋ pribadi, yèn iku tan ṅĕṅgoni, tamtu lamun jagad suwuŋ, sabaraŋ tanpa warṇa, datan maṅgya makhluk kaki, jroniŋ suwuŋ ana isi wujud apa.

28. maṅkya sun riṅkĕs sajuga, datan kakuŋ tan pawèstri, nora rupa nora warṇa, datan kasatmata kèkṣi, muŋ awra midrèŋ bhumi, iku kaananiŋ wujud, jad kaŋ mulyèŋ bhuwana, musamanira hyaŋ widdhi, kaŋ ṅĕbĕki dunuṅé paṅgonan sunya.

29. déné kaŋ cĕṅkrama nukṣma, aran jatul insan kamil, dadi sahadat kaŋ ñata, iṅaranan salat dahim, puni kaŋ tanpa tudiŋ, sahadat kaŋ tanpa asdu, komram dadi pralambaŋ, pasĕmoné pra uṇḍagi, raṇḍu alas mrambat witiŋ kĕsèmbukan.

30. sipaté laṅgĕŋ tan owaḥ, nora milu ṅĕlak ṅĕliḥ, suka buṅaḥ lara lapa, datan pisan dèn rakĕti, dé kaŋ kaṅgonan kaki, mukhammad kaŋ mĕṅku rasul, rusuliŋ sukṣmantaya, iṅkaŋ yogya amumpuni, tur waṣkiṭa pramana rèḥ karṣaniŋ hyaŋ.

31. déné kaŋ cĕṅkramèŋ jiwa, hyaŋ ptamana dèn wastani, iku tĕmbuṅé woŋ buddha, kalamun basa arabi, napas arané kaki, mutamatiŋ para guru, iŋ jawa kaŋ wus pana, napas iku tali urip, aṅĕn aṅĕn paṅgonané kaŋ sañata.

32. yèn pisaḥ urip priyaṅga, jumĕnĕŋ sukṣma sajati, nukṣma mratani bhuwana, phalguṇa umatur iṅgiḥ, yèn makatĕna kyayi, iṅgiḥ punika sahèstu, paṭiniŋ rasa mulya, kaŋ sayogya dèn ulati, wujud tuṅgal tuṅgalé yèn sampun pisaḥ.

33. kéyoŋ alon wuwusira, laḥ pisahé kadipundi, myaŋ kumpulé kayaparan, upayanĕn kaŋ pinaṅgiḥ, yèn wus katĕmu maṅkin, kasĕbut jatiniŋ wujud, raṅka mañjiŋ curiga, tĕtĕpé sira lan mami, iya iṅsun iya sira tuṅgal karṣa.

14. pocuŋ

1. marma lamun sira tinakonan kulup, apa aran islam, waṅsulana kaŋ patitis, basa islam tĕgĕsé slamĕt nèŋ duña.

2. liré ayu pañjiŋ wĕtunirèŋ khayun, kaki dadya sĕmbaḥ, puja puji rina wĕṅi, bakin laṅgĕŋ salami tumitaḥ gĕsaŋ.

3. sapa tan wruḥ islamé iṅkaŋ sahèstu, tumiba iŋ sasar, tlusuṛĕn jĕnĕṅiŋ urip, tanpa kasil prasasat kéwan alasan.

4. kapir kupur kapiran agamanipun, kayaparan sira, tan ulaḥ taṇḍaniŋ urip, kapriyaṅhyaŋ mubĕŋ tan darbé péñcokan.

5. jĕnĕŋ makhluk kadadianiŋ tumuwuḥ, liré kadadian, paṣṭi ana iṅkaŋ kardi, ananira ṭolé saka kodratullaḥ.

6. nora nĕmu paṅéran loro tĕtĕlu, dé jatiniŋ rupa, iya mukhammad hakiki, wujudira mulajamaḥ sipatullaḥ.

7. luwiḥ éwuḥ ṅgĕgulaŋ mukṣisiŋ kawruḥ, kaŋ wĕruḥ satmata, éwuḥ ruṅsit dèn kawruhi, nora wikan yèn cĕḍak tanpa gĕpokan.

8. sira kulup anèŋ jroniŋ garbaniṅsun, yaktiné tan béda, nèŋ jro harbanta pribadi, iya sira wujud tan pisaḥ lan sukṣma.

9. déné sun wus suŋ wruḥ sañataniŋ kawruḥ, tilik mariŋ paran, ṅalam sahir ṅalam kabir, nora béda jaba jĕro warṇa juga.

10. sakṣinipun yèn sira dulu dinulu, apa jroniŋ kaca, sawujud ṅalam sakalir, nora siwaḥ cocog lan daliliŋ kuran.

11. walṅalamu kabir dakala sahiru, jarwané maṅkana, jagad gĕḍé mañjiŋ cilik, wruhanira sira yun mañjiŋ akhirat.

12. warṇanipun iya iki kaŋ tĕrtamtu, nikmat lan munpaṅat, nora ṅrasa ṅĕlak ṅĕliḥ, kaŋ maṅkono aran jaman uluhiyaḥ.

13. kañcil matur kyayi kula ñuwun tuduḥ, kadadosan amba, sakiŋ punapa iŋ ṅuni, wontĕn ṅriki dipunwastani punapa.

14. mĕṅgaḥ ulun dumunuŋ sajroniŋ kalbu, pundi sasananya, mugi kajarwakna kyayi, kéyoŋ darmawasita gya anarbuka.

15. wruhanamu mas kaki dadiniŋ makhluk, wit hidayatullaḥ, iṅaranan rokḥ ilapi, tuṅgal wujud dèn arani johar awal.

16. asal catur bhumi gĕni aṅin bañu, kumpulé satuṅgal, iya gusti iya abdi, sayaktiné gusti kawula sriranta.

17. lamun puput uswamu bali mriŋ usul, aran wujud tuṅgal, tan ana kawula gusti, badan sukṣma laṅgĕŋ iŋ salawasira.

18. kaŋ kadyéku mati muliḥ ilaŋ ṅlaṅut, kaŋ mati rokḥ kadas, kaŋ muliḥ wujudmu kadim, naṅiŋ ṭolé nora katon kasatmata.

19. paṅgonanmu iya kaŋ dèn arani nur, nuriŋ mukhammad khaq, pardikané cahya nabi, hakékaté ĕnur cahyanta priyaṅga.

20. rupa jumbuḥ iṣṭa cahyaniŋ jabarjud, kuniŋ maya maya, iku kaŋ sira ḷĕboni, laḥ puniki rasané karasakĕna.

21. kañcil matur yèn makatĕn kyayi ulun, sampun datan nĕdya, waṅsul sakiŋ ṅriki maṅkin, sampun krahos juḍĕg nikmat amunpaṅat.

22. kéyoŋ muwus ho o kaki iku dudu, yakti duruŋ kĕna, lamun tan kalawan pati, aywa sira ṅgégé masa kodratullaḥ.

23. balik amuŋ ṅĕniŋna muṣṭikèŋ kawruḥ, ṅuṅsĕda iŋ cipta, mumpuŋ gĕsaŋ ywa salisir, baraŋ pikir kabèḥ hidayatiŋ sukṣma.

24. sakṣinipun jroniŋ tapsir suŋ pituduḥ, muni innahuda, hudallaḥ jarwanirèki, karṣanira saka pituduḥ jad mulya.

25. iŋ jro kalbu rumasaa sira makhluk, sakrĕntĕkiŋ cipta, ṅrasaa jad iṅkaŋ sukci, naṅiŋ aja wani aṅaku paṅéran.

26. rèhniŋ wujud kidam baka mukalapu, sinaṇḍaŋ iŋ sira, iŋ ananira pribadi, al insanu siri wa anna sirullaḥ.

27. tĕgĕsipun rasanira rasaniṅsun, tan liya jad mutlak, marma tan pisan sirèki, kagaḍuhan kuwasa kalawan karṣa.

28. mobaḥ muwus kumrĕntĕk arahiŋ kalbu, purbèŋ kodratullaḥ, tan miwiti tan mĕkasi, tan timbaṅan datan ṅaṅgo lalawanan.

29. marma jromu sayaktiné iku dudu, rèhniŋ maha mulya, nora pakrana lan dasiḥ, laḥ budinĕn manawarṣa danurjèŋ rat.

30. hyaŋ maha guŋ nora wĕnèḥ ananipun, kartiniŋ bhuwana, gĕḍé cilik amĕnuhi, panduluné pamyarṣané anèŋ sira.

31. iŋ pamuwus gusti datan mawa tutuk, karṣa tanpa masa, budinĕn paṣṭi pinaṅgiḥ, awit nora adoḥ sakiŋ ananira.

32. tan lyan nĕmu urip kaŋ luwiḥ pakéwuḥ, rasaniŋ ṅagĕsaŋ, wus jamak jĕnĕṅiŋ urip, lir kalpika ĕmbanan kalawan soca.

33. yayaḥ alun lan sagara tuṅgal bañu, myaŋ kalak kĕnaṅa, wiṣṇu krĕṣṇa dadi siji, wujud loro wawayaṅan jroniŋ kaca.

34. paminipun sira yèn dulu dinulu, añar sipat paḍa, jaba pahèsan jro carmin, sapa ika sajati jatiné sira.

35. iṅkaŋ makṣud ṅgĕgulaŋ lakuniŋ wujud, woŋ kaŋ ahli tékad, darajatun duña akhir, kaŋ tan mikir yakti pĕkir budi dama.

36. kudu makṣus lumiyat rupa satuhu, lamun wus waṣkiṭa, titi kasatmata mukṣis, nora lami baṅkit jumbuḥ aṅga sukṣma.

37. yèn wus maṭuk gusti lan kawula jumbuḥ, ywa dèn ṅgo rarasan, suṅkan kasoran pamaṅgiḥ, sasabana maṅkono trahiŋ kusuma.

38. lamun muwus paraḥ paraḥ aja kaduk, awit sĕsĕṅkĕran, laraṅaniŋ dwija wali, yèn koṅsiya kawahya mĕḍotkĕn jaṅga.

39. muŋ wĕkaṣku iṅkaŋ éliŋ pisaḥ kumpul, yèn tuṅgal lir paran, lamun pisaḥ kadipundi, sabĕn dina kudu wĕruḥ kasatmata.

40. aja kanut santri kaŋ krañjiṅan kulhu, allaḥ sabĕn dina, dèn oṅgroŋ oṅgroŋ iŋ dikir, naṅiŋ makṣa nruṭuk mamak tuli wuta.

41. araŋ wĕruḥ wandané ṅalor aṅidul, kinaṇḍut ginawa, ñuṅgi aṅgéṇḍoŋ añaṅkiŋ, marma akèḥ bahé santri kaŋ kiyanat.

42. kitab usul kuran rapsir kaŋ ginilut, prandéné kasasar, èṅĕtané narik silib, ṅambra ambra kèhiŋ dalil mañjiŋ jiwa.

43. naṅiŋ bawur saya gasruḥ mawut mawur, miraŋ miriŋ méraŋ, kĕṇḍo nora na ṅantĕpi, moḥ maṅéran wujud moḥ maṅéran swara.

44. ĕmoḥ ṇḍaku asma moḥ maṅéran suwuŋ, sajatiné sunya, muŋ aran kaŋ dèn gaṇḍuli, sasat cina nèŋ klĕṇṭèŋ mèndĕl carita.

45. duruŋ wĕruḥ nèŋ duña paṅgonanipun, akhir manèḥ wĕruha, ṅantĕpi uniniŋ tulis, panarkané sampurṇa jĕnĕŋ manusa.

46. tiru tiru rukuniŋ islam ḍinaku, sahdat salat jakat, puwasa myaŋ muṅgaḥ khaji, akèḥ bahé santri iṅkaŋ kasaṅsaran.

47. nadyan cukup baṛĕŋ tĕka khajji ñjlĕbut, awit arta tĕlas, ḍasar ḍuwité muŋ ṭiṭik, iṇṭik iṇṭik nèŋ lahut kaṇḍĕgan utaŋ.

48. iṅsun wĕruḥ contoné kĕṛĕp kapaṅguḥ, yogya surakarta, kĕḍu pagĕlèn kĕḍiri, iŋ batawi samaraŋ lan surabaya.

49. wruḥ sahèstu khajji kaṇḍĕg luru butuḥ, anèŋ siṅgapura, mlaka pulo pénaŋ tuwin, ṅlarut aciḥ khajji macul nandur kĕṇṭaŋ.

50. iya iku woŋ jawa kaŋ kapiluyu, kèlu ciptanira, mĕkaḥ madinaḥ kaŋ kèmpi, yun sampurṇa dèn lakoni utaŋ utaŋ.

51. iṅkaŋ putus kudu awas saha émut, niŋ irèŋ sarira, nadyan khajji piŋ sakĕṭi, yèn nora wruḥ wandané pribadi wuta.

52. kuran suŋ wruḥ wa man ṅarapa napsahu, pakat ṅarapalaḥ, tĕgĕsé woŋ wruḥ iŋ jisim, iŋ wandané tĕmĕn tĕmĕn wruḥ hyaŋ sukṣma.

15. asmaradana

1. braṅta nadyan nora khajji, yèn patitis budi cipta, tan darbé polaḥ kaŋ awon, sanadyan budyambĕk murka, yèn badan tan lumakṣa, yakti nora nĕmu dudu, iŋ syarak yudanagara.

2. marma kaŋ baṅkit praŋ sabil, suci dadalan kamukṣan, duña akhir bagya gĕḍé, ambĕk santa budi dharma, tamarja ñiṅgaḥ durta, mukṣisiŋ akhir kajuruŋ, jinuruŋ tutug sĕdyanya.

3. wĕkas iṅsun wanti wanti, ambudi rasaniŋ sukṣma, aywa rumasa siraṅgèr, ṅaku sipatiŋ paṅéran, muŋ narimaa sira, mobaḥ molaḥ mosik muwus, atas karṣaniŋ jad mulya.

4. tĕraŋ yèn sirèku abdi, paminé wayaŋ walulaŋ, mriŋ ki ḍalaŋ muŋ cumaḍoŋ, yèku aṅĕn aṅĕnira, kumpulé tanpa araḥ, yèn pisaḥ kaṇṭiniŋ wujud, paḍa rupa kaya sira.

5. liré wayaŋ kéwan urip, bléñcoṅé hyaŋ danumaya, dĕbog bhumi upamané, kĕliré jagad punika, lor kidul kulon wétan, tĕmu gĕlaŋ koṅsi kĕmput, nurut pakoné ki ḍalaŋ.

6. wit iŋ urip mĕṅku kaliḥ, sira ḍalaṅé myaŋ wayaŋ, aywa nukṣma iŋ tyas awon, rèḥ badan éṅgal lumakṣa, ḍalaṅé tanpa bahya, puniku upamanipun, paṣṭi lamun tibèŋ sasar.

7. phalguṇa umatur iṅgiḥ, kasiṅgihan śabda tuwan, naṅiŋ kula kintĕn dèrèŋ, sagĕd rumakĕt susila, ambĕk santa budyarja, yaktiné klakuwan bagus, aṅèl mĕṅgaḥ iŋ sarjana.

8. gampil iṅkaŋ tanpa budi, ṅantĕpi ulaḥ agama, kaŋ maṅka kintĕn kintĕné, awon awoniŋ manusa, botĕn sanès kaŋ limpat, kaŋ duraka kèhiŋ dudu, dunuṅé iṅgiḥ sarjana.

9. amba yakti dèrèŋ maṅgiḥ, uṇḍagi kaŋ ḷĕmbaḥ manaḥ, kaŋ susanta budi kahot, kaŋ kaṭaḥ durta murkarda, makatĕn sumrĕp kula, pundi iṅkaŋ lampaḥ dudu, èstu janma wicakṣaṇa.

10. kéyoŋ pasraṅkara maliḥ, kañcil bĕnĕr wuwusira, marma mahu sun asuŋ wroḥ, siŋ sapa kaŋ sabilullaḥ, yakti kramat gĕŋ prapta, lirnya sabil bisa ṅĕluk, ati iṅkaŋ durtèŋ kara.

11. sapa kapuḷĕt iŋ katri, kuniŋ iṛĕŋ tuwin abaŋ, sida iŋ kono wuruŋ woŋ, tan bisa wor gusti kwula, sasar tanpa wusana, iŋ duña akhir kalantur, sira ḍéwé tampa sikṣa.

12. kanut tinuntun iŋ juti, kagèndèŋ iŋ pañcadriya, pantogiŋ rèḥ patakané, duña akhir tibèŋ niṣṭa, rèmèḥ tan yun sujana, kalaṅgĕṅan nora ṅrĕmbug, muŋ wĕḍariŋ karṣa ala.

13. kaŋ maṅka urip puniki, nèŋ duña upama sañja, umur sapira lawasé, tatahunan wiwindonan, makṣiḥ ṅaṅgo étuṅan, yèn akhirat tanpa pétiŋ, laṅgĕŋ kaŋ tanpa wusana.

14. phalguṇa umatur iṅgiḥ, kasiṅgihan bab punika, naṅiŋ èṣṭi kula maṅké, rèḥ amba trahiŋ kusuma, ṛĕmbĕsiŋ madukara, kawruḥ wusananiŋ iḍup, amba puṣṭi tan kawahya.

15. naṅiŋ batin kula budi, kaŋ tanpa iṅan pamawas, kaŋ koṅsi waṣkiṭa maṅké, luluḥ paṅudiniŋ laya, prandéné sinasabab, ywa konsi kawiyos muwus, makatĕn trahiŋ satriya.

16. kéyoŋ pasraṅkara aris, iku bĕnĕr tékadira, iṅsun nayogyani aṅgèr, naṅiŋ sasab kaŋ utama, saréṅatiŋ anbiya, wus wrata iŋ jagad aguŋ, lakuniŋ syarak agama.

17. ginĕlar winurukkĕn mriḥ, rata tataniŋ agama, yogya nĕmbaḥ riŋ hyaŋ manon, ḍasar laku wus byawara, narik rèḥ susilarja, mukṣis kinarya kĕkuḍuŋ, mèstu para nabi kuna.

18. ṅalimu kamil mukamil, paṅulaḥ lakṣanèŋ duña, pinuṣṭi akhirat kaṅgo, upama sira luluṅan, iŋ tĕmbé bakal pulaŋ, apa kinaryantuk antuk, kaŋ kaṅgo iŋ kéné kana.

19. yéka saréṅatiŋ bhumi, kaŋ gumĕlar kasatmata, kĕna kaprikṣa iŋ akèḥ, muṅguḥ sréṅatiŋ anbiya, kañcil matur krépana, ḷĕṛĕs bapak kula ñuwun, ṅilmu jĕro kawijaŋna.

20. mumpuŋ wontĕn ṅalam sahir, tan mĕdal yèn dèrèŋ tĕraŋ, mĕṅgaḥ iŋ badan ḷĕṅgahé, iṅkaŋ dados ṅilmu rasa, kéyoŋ mèsĕm wacana, kañcil majuwa sun pĕluk, kaŋ dinuḥ ṅaṅsĕg maṅuswa.

21. murdanya tansaḥ tumiliŋ, pasaṅiŋ karṇa sopana, maṅkana wijaṅiŋ kéyoŋ, aṅgèr iki tampanana, la ilaha illallaḥ, wa anna hu mukhammaddun, rasulullaḥ jarwanira.

22. tan ana paṅran sajati, kaŋ sinĕmbaḥ daḷĕm duña, aṅiŋ allaḥ sajatiné, mukhammaddun rasulullaḥ, kaṅjĕŋ nabi mukhammad, utusanira hyaŋ aguŋ, juru wartaniŋ manusa.

23. dé rasul rasanirèki, mukhammaddun wujudira, mim awal siraḥmu ḍéwé, aké dunuṅé iŋ ḍaḍa, mim akhir pusĕrira, sastra dal tĕgĕsé suku, déné allaḥ iku napas.

24. naṅiŋ napas kaŋ sayĕkti, dudu sipatiŋ paṅéran, kĕmlaḍéyan nunut bahé, khayun arané kaŋ ñata, taṇḍané makṣiḥ muja, ḷĕbuniŋ napas muni hu, lamun mĕtu muni allaḥ.

25. yèku aran salat dahim, mahu iṅsun wus suŋ waraḥ, dudu iku sayaktiné, woŋ buddha ran hyaŋ pramana, muṅguḥ wujudiŋ allaḥ, kaŋ ṅĕbĕki bhuwana guŋ, dudu aṅin dudu hawa.

26. wĕkas iṅsun manèḥ kaki, muṅguḥ kaṇṭaniŋ ṅagĕsaŋ, waṣpadakna tyas rasané, bab jroniŋ wujudmu ana, mosik mĕnĕŋ jad mulya, aṅĕn aṅĕnira kulup, winastan khayatu duña.

27. iṅkaŋ cébol ṅgayuḥ laṅit, lumpuḥ aṅidĕri jagad, luwiḥ mokal budayané, miyarṣa tan mawa karṇa, nupikṣa tanpa nétra, ṅandika tan mawa tutuk, puniku jatiŋ manusa.

28. muṅguḥ luṅguḥ iṅkaŋ paṣṭi, nèŋ utĕk sasananira, iŋ béñjaŋ yèn praptèŋ layon, iku iṅkaŋ ṅikal ñawa, dèn guluŋ kadi bolaḥ, wusiŋ nis ñawa kinĕlun, aṅĕn aṅĕn badan sukṣma.

29. sigra mañjiŋ ṅalam sahir, kaŋ tanpa kinira kira, rokḥ ilapi panĕṅrané, cahya lir nukṣmèŋ cañcala, danumayaniŋ kaṇṭa, luṅsir kuniŋ luṅsir biru, wuṅu warṇaniŋ jabarjat.

30. yéka sasana kaŋ suci, aran jaman uluhiyaḥ, sirèki jumĕnĕŋ ḍéwé, sirṇa gusti lan kawula, sira pribadi iya, tuṅgal wujud atĕtĕmu, papasihan ananira.

31. kañcil puṅun puṅun tampi, aṇḍaḍa surasèŋ jarwa, nulya matur mĕlas asor, miluta lunturiŋ jarwa, kyayi amba yun wikan, panĕṅĕraniŋ tumuwuḥ, lamun mèḥ tĕkèŋ antaka.

16. ḍaṇḍaŋgula

1. madukara kul pasraṅkara ris, sira takon babiŋ panĕṅĕran, yèn arṣa tĕkèŋ jaṅjiné, lamun kuraŋ satahun, kudu mulat iŋ wayaḥ éñjiŋ, sorotiŋ bonu mahya, cahyané umañcur, rupa pitu mañca warṇa, ĕndi iṅkaŋ kaya kaca aṅébati, sajroniŋ kono ana.

2. jalaniḍi ṅlaṅut tanpa tĕpi, ṭolé nulya nétramu kèjĕpna, tamtu gya paṛĕk ĕṅgoné, kasatmata satuhu, koṅsi kaṅgo iŋ tĕluŋ sasi, nuli salin kaŋ taṇḍa, dulunĕn wujudmu, wayaṅan kaŋ warṇa ṛĕkta, paṣṭi katon lir sira rupané putiḥ, solaḥ tiṅkaḥ tan siwaḥ.

3. déné lamun muŋ kuraŋ nĕm sasi, wujud séta mahu tan kaprikṣa, antuk tri wulan laminé, babaṛĕṅan andulu, ana wariḥ kumilaḥ wĕniŋ, kèkṣi iŋ ṅarṣanira, saha maliḥ kulup, plĕṅgahan rasul tan krasa, yèn wus kuraŋ pituŋ dina cahya nabi, nur mukhammad tan ana.

4. yèn kuraŋ tri dina kulit dagiŋ, tan kumrisik myaŋ swarèŋ taliṅan, gumrĕbĕg ilaŋ swarané, yèn kuraŋ sadina wus, hyaŋ pramana asrĕp kapati, ḷĕbu wĕtuné kuraŋ, mahya taṇḍa catur, iṛĕŋ abaŋ kuniŋ séta, añiptaa ana rupa kaŋ sajati, tan slisir lan rupanta.

5. naṅiŋ ṅgawa taṇḍa cap kaŋ yakin, sastra alip mañcĕr iŋ wadana, yèku panĕṅĕran gĕḍé, alip muta kalimun, satrajéndra ayuniŋ bhumi, tumuli sira pasraḥ, nala riŋ hyaŋ aguŋ, mun pakun pĕcat kaŋ uswa, wusiŋ puput aṅĕn aṅĕn ṅguluŋ aṅin, nukṣmèŋ sahiru ṅalam.

6. iya iku sampurṇaniŋ urip, mañjiŋ kañjan mahpiyan tĕgĕṣṇya, gĕḍoŋ samar paṅgonané, ṅahèn musamanipun, ṅalam laṅgĕŋ tanpa winilis, jumĕnĕŋ wujud tuṅgal, ṅahènalyakinu, nugraha munpaṅat nikmat, nora nana iŋ duña kaŋ ṅupamani, karaton iŋ akhirat.

7. tanpa araḥ ṅlaṅut aṅrĕsĕpi, rata jĕmbar tan kĕna kacĕṅkal, kasilir samiranané, ganda kasturi mrĕdu, baṅawan nil nurut botrawi, woḥ aṅgur tinaratag, mas pinatik jumrut, pasèt barliyan sumĕbar, nèŋ plataran marma datan rina wĕṅi, kamulyaniŋ suwarga.

8. akèḥ bahé kaŋ uwis nastiti, taṇḍaniŋ woŋ yun murud kamukṣan, miwaḥ swarga kamulyané, sira sun katĕmu, garwa suta bapa myaŋ bibi, sanak sadulur paṅgya, rèhniŋ jagad aguŋ, jagad cilik nora béda, baṅkit pañjiŋ pinañjiŋ jaṅjiniŋ tapsir, kaŋ tan kliru paniṅal.

9. ṅilmu iki yèn kéwan wus iṅgil, bobotiŋ sato buron wanarga, juḍĕg mulya paṅgonané, séjé lan janma luhur, kaŋ wus muhsis paṅulaḥ ṅilmi, sayakti nora arṣa, kabèḥ mahu palsu, kaŋ sarjana muṣṭikèŋ rat, wus pramana dudu iki kaŋ dèn èṣṭi, makṣiḥ sasar satus grad.

10. ora nana janma kaŋ linuwiḥ, ṅaṅgo ṅilmu lir wijaṅan iṅwaŋ, kaŋ wus kotampani aṅgèr, anaṅiŋ muṅguḥ iṅsun, atasiŋ kul iku wus mukṣis, cukup duña akhirat, taṇḍané wus wĕruḥ, kaṇṭi mantĕp cipta rasa, rasèŋ sukṣma manukṣma iŋ sahir kabir, tamat warṣitaniṅwaŋ.

11. laḥ ta uwis kañcil sira bali, maraŋ jaman ramé tutugĕna, ṅawula uripmu ḍéḍé, mriŋ duña ywa kaliru, ywa kasuwèn sira nèŋ ṅriki, kèjĕpna nétranira, kañcil amituhu, kèjĕp kaŋ dwi akṣa nulya, byar katiṅal ara ara piṅgir kali, kalèn kalané mlajar.

12. pinaṅgiḥ kul anèŋ piṅgir wariḥ, gagaṇḍulan lumut kañcil tĕraŋ, dahat ñjĕntuŋ ṅuṅun tyasé, tapak tilasiŋ playu, nakṣiḥ añar maṅka si kañcil, ciptaniŋ tyas wus lama, piraŋ piraŋ tahun, élok mokaliŋ lampahan, sira kañcil gyèṅĕt patapaniŋ bibi, nèŋ alas ampèldĕnta.

13. nulya pamit kalilan wus muliḥ, tan antara praptèŋ ampèldĕnta, atur uniṅa ibuné, purwa wusananipun, amaguru kaŋ ibu amin, tyas suka marwatatma, awit ṅilmunipun, cocog lan suwarginira, laṅkuŋ maliḥ mahésa suka iŋ ati, titi pañjaganira.

kañcil karo woŋ tani aran sutatruna

14. wus tétéla wahu sira kañcil, putusiŋ kawruḥ sampurṇèŋ gĕsaŋ, tĕrusiŋ kamukṣan tètèḥ, naṅiŋ cacadé amuŋ, kuraŋ yuswa wus ulaḥ ṅilmi, sampurṇaniŋ kasidan, tĕmaḥ kuraŋ laku, watĕkiŋ sato taruna, kaduk wani anaṅiŋ kuraŋ dudugi, dupi alama lama.

15. iŋ panuju ari sira kañcil, papara pribadi muraŋ marga, mriŋ wana guŋ juraŋ pèrèŋ, añjajaḥ ṅgon kaŋ éwuḥ, guwa guwa kaŋ suṅil wĕrit, nulya mriŋ patĕgalan, kaŋ cĕlak lan ḍukuḥ, iŋ janma babara babad, wus raharja kèḥ woṅé sawatawis, samya ḍuḍukuḥ gaga.

16. ana tuwa tuwaniŋ woŋ tani, ḍukuḥ kono aran sutatruna, karan anak pakné kĕdèl , wayahé tĕṅaḥ tuwuḥ, kèḥ sutanya jalu lan èstri, ana kaŋ wus diwasa, anaṅiŋ ta duruŋ, nambut tataniŋ akrama, rèhniŋ mlarat sutatruna mĕṅku siṅgiḥ, kamituwaniŋ désa.

17. upajiwanira amuŋ tani, nandur palawija warṇa warṇa, waktu samana pak kĕdèl, darbé tanduran timun, salor omaḥ wayaḥ sumĕrit, siji loro kaŋ tuwa, karan timun wuku, kaŋ maṅka bĕnĕri masa, laraŋ timun ambaniŋ papan salupit, roŋ atus sèkĕt cĕṅkal.

18. luwiḥ ndadi akèḥ woŋ kaŋ prapti, para bakul ṅañaŋ sèkĕt rupyaḥ, ki sutatruna tan awèḥ, kuduné pituŋ puluḥ, luṅa tĕka bakal kaŋ prapti, ṅañaŋ timun punika, pak kĕdèl tyas sĕṅkut, timuné tansaḥ jinaga, pinagĕran rapĕt sahubĕṅiŋ tĕgil, sato mlĕbu tan bisa.

19. kawuwusa maliḥ wahu kañcil, miliŋ miliŋ jabaniŋ talunan, wayahé jam papat soré, kagyat iŋ tyas dupi wruḥ, pagĕr ṇḍĕṇḍĕŋ rapĕt tur iṅgil, ṅunandikèŋ wardaya, laḥ apa ta iku, atrĕtip ṅaṅgo jinaga, nulya ṅiñjĕn phalguṇa waṣkiṭa ṅèkṣi, hé é déné sarapan.

20. ana timun sĕḍĕŋ ṛĕñaḥ ḷĕgi, tuwa anom naṇḍiŋ miliḥ bisa, sahiba sumraḥ sĕgĕré, samana iṅkaŋ tuṅgu, lagi muliḥ ṅupaya wariḥ, kañcil tuwuḥ budinya, mbarobos maḷĕbu, nèŋ jĕro sukèŋ wardaya, dupi wikan timun lagya kèḥ sumĕrit, agahan ṅaṅsa aṅsa.

21. naṇḍiŋ miliḥ iṅkaŋ tan prayogi, binuwaṅan nadyan kaŋ prayoga, amuŋ cinakot pucuké, sinĕsĕp sĕsĕp muhuŋ, oyod goḍoŋ winolak walik, ron timun tiŋ baléṅkraḥ, kĕmbaŋ pĕlik runtuḥ, pĕntil pĕntil karusakan, ciptanira nutugi sĕnĕṅiŋ ati, wantu kéwan taruna.

22. watawis wus tigaŋ jam tumuli, sampun surup saŋ hyaŋ danuprabha, kañcil mbarobos wĕtuné, paṅunandikanipun, sésuk ésuk bahé sun bali, nutugkĕn sukaniŋ tyas, amaṅani timun, tan daṅu wus praptèŋ wisma, kañcil dènnya turu tansaḥ mĕṛĕm mĕlik, éliŋ timun satĕgal.

23. byar rahina kañcil nulya bali, maraŋ tĕgal timunan anasak, kèḥ bosok gogrog pĕntilé, yèn wus mbigarkĕn kalbu, mlayu mlayu anuli muliḥ, tan daṅu anèŋ wisma, caṅkélak awaṅsul, malbèŋ pagĕr patimunan, ésuk soré guluṅan komiŋ sisirig, nahĕn kaŋ kawuwusa.

24. sutatruna aṅéṇḍaṅi tĕgil, yun maṅèkṣi timun nom tuwanya, dupi wĕruḥ tyasé jèṅkèl, bab rusakirèŋ timun, akèḥ gogrog bosok kaŋ pĕntil, goḍoŋ wit patiŋ sléṅkraḥ, woḥ kèḥ krowak pucuk, ṅuṅun ñjĕntuŋ jroniŋ nala, é lo kojur déné ta sun nora ṅimpi, arda bilahi prapta.

25. kéwan apa iki gawé rugi, kapitunan luwiḥ slawé réyal, wasana sru muwus ṭolé, mrénéya wruhanamu, suta prapta nulya maṅèkṣi, gèḍèg gèḍèg aṅgrĕsaḥ, aḍuḥ bapak kojur, buron punapa punika, kaŋ ṅrĕsahi salami kawula urip, tĕka dèrèŋ uniṅa.

26. kados kidaŋ tapakipun alit, ḷĕbĕtipun ambĕrobos bapak, punika boloŋ marginé, wit sakiŋ alitipun, wontĕn ṅriki aguluŋ komiŋ, tabĕté lusaḥ lusaḥ, kados dèrèŋ daṅu, hé é sépahé aṅĕmbraḥ, kaya kaloŋ pamaṅané dèn sĕsĕpi, anaṅiŋ buron alas.

27. marma kula tan ṅlĕgéwa kyayi, sakiŋ alitipun tan katiṅal, tibané wus rusak kabèḥ, ki sutatruna muwus, narimaa ṭolé wus paṣṭi, rèhniŋ manusa wĕnaŋ, istiyariŋ laku, gawéya uwoŋ uwoṅan, papat pojok lima tĕṅaḥ ñĕkĕl gitik, kayu raṇḍu kéwala.

28. ṅaṅgo siraḥ taṅan tuwin sikil, yèn dinulu katona lir janma, laḥ agé ñjukuka pĕṭèl, nulya atmaja mantuk, sigra bali pĕṭèl cinaṅkiŋ, sinuṅkĕn iŋ sudarma, sigra nĕgor raṇḍu, éṅgaliŋ crita wus dadya, lima iji iṣṭa janma ñĕkĕl gitik, sinuŋ sikil mragagaḥ.

29. siraḥ agĕŋ taṅan malaṅkĕrik, maṇḍi gantar sinampiran gombal, tumuli pinasaṅaké, pojok papat tĕṅaḥ wus, bapa lawan anaké muliḥ, praptèŋ wisma wawarta, bab rusakiŋ timun, gĕtun ṅuṅun woŋ sahomaḥ, kawuwusa phalguṇa kaŋ dahat ṅiñciḥ, timun wuku iŋ tĕgal.

30. lampahira duk nèŋ pagĕr ṅèkṣi, pojok papat lima tĕṅaḥ ana, sujanma ñjĕjĕr adĕgé, maṭèṇṭèŋ ñĕkĕl gĕbug, kañcil muwus laḥ apa iki, mragagaḥ maṇḍi wataŋ, bandéra iŋ pucuk, apa té paṇḍĕl nèdĕrlan, wus pramana tĕraŋ manawa mĕmĕdi, ho o déné woŋ woṅan.

31. nulya mañjiŋ iŋ pagĕr sisirig, mlayu mlayu akomiŋ guluṅan, saha maṛĕki mĕmĕdèn, sru muwus tĕmbuŋ mlayu, apa kahu ini mĕmĕdi, pĕnakut jaṅan saya, masuk makan timun, tapi nin kita tiadak, ambil takut ada sribu saya brani, kayu binijig sigra.

32. wuṣṇya ṅglimpaŋ rumuḥ kañcil nuli, maraŋ pojok papat ṅgon woŋ woṅan, binijigan ambruk kabèḥ, nulya maṅani timun, sarwi ṛĕṅĕŋ ṛĕṅĕŋ mĕñañi, ṅguyu alataḥ lataḥ, ṅunandikèŋ kalbu, iki sèwu kĕṭi bĕgja, muŋ cacadé ora ana cokak landi, anaa diṅgo ṅacar.

33. nahĕn kañcil ucapĕn kiyahi, sutatruna kaŋ darbé tanduran, sabrayat mriŋ tĕgal kabèḥ, praptèŋ kono samya wruḥ, mĕmĕdiné wus rubuḥ sami, tumuli pinaranan, kañcil alon mĕtu, naṅiŋ tan ana kaŋ wikan, dupi paḍa wruḥ woŋ woṅan tibèŋ siti, tilasé binijigan.

34. kanan kériŋ roniŋ timun malik, sĕpaḥ mblasaḥ aṅĕt dadi cihna, yèn luṅané duruŋ suwé, woŋ woṅan lima gupuḥ, tinupikṣa iŋ kanan kériŋ, traŋ rubuḥ sakiŋ kéwan, kaŋ durta silayu, tuwun tyasé sutatruna, alon muwus mriŋ sutané ṭolé yakin, kaŋ rusuḥ iki kéwan.

35. iṅsun kira rubuhiŋ mĕmĕdi, iya saka paṅgawéniŋ kéwan, katara kiwa tĕṅĕné, bosaḥ basihiŋ timun, sĕpaḥ tléṭoŋ aṅĕt katawis, hèḥ ṭolé prayoganya, ṅupayaa pulut, pulut bĕṇḍa pulut goṇḍaŋ, dadèkĕna siji uḷĕtĕn kaŋ murṇi, pasaŋna iŋ woŋ woṅan.

36. iṅkaŋ kandĕl kaŋ alus manawi, g‍ĕḷĕm bali mbijigi woŋ woṅan, paṣṭi pulut plikĕt kĕlèt, wit cilik kiraniṅsun, kéwan iṅkaŋ ṅrusuhi iki, sĕmbranané andadra, gawé krugianku, kaŋ sinuṅan liŋ lumampaḥ, ana iṅkaŋ ṅgawa wĕḍuŋ arit kuḍi, cuwo kinarya waḍaḥ.

17. sinom

1. para muḍa kaŋ ṅupaya, pulut maraŋ wana sami, antuk wit goṇḍaŋ lan bĕṇḍa, cuwoné dipunkĕbaki, tĕkèŋ omaḥ tumuli, winuwuhan maliḥ sampun, pulut naṅka lor wétan, wus winèhkĕn kaŋ sudarmi, tinampanan pinasaṅkĕn iŋ woŋ woṅan.

2. lima pisan kandĕl rata, winatara ñatĕṅaḥ dim, mĕmĕdi dèn dĕgkĕn sigra, sadayatma kinèn muliḥ, sutatruna pribadi, kaŋ tuṅgu ana iŋ gubug, daṅu aṅantya antya, dupi wayaḥ ṅasar iṅgil, samana pak kĕdèl lèyèḥ lèyèḥ néndra.

3. kĕpati woŋ tani yuta, sadina ḍĕg ṅaṅkat kardi, wuwusĕn kañcil wus tĕka, ṅinté inté pagĕr srisig, wĕruḥ iṅkaŋ mĕmĕdi, wus ṅadĕg manèḥ lir wahu, sigra malbèŋ timunan, ñjujug saṇḍiṅiŋ mĕmĕdi, tan uniṅa yèn tinambahan wisaya.

4. kañcil mèsĕm sarwi nabda, hèḥ sira iki mĕmĕdi, ada sribu saya tidak, takut jaṅan ambil posiŋ, apa lu mahu jadi, kéndati trébaŋ trak takut, laḥ mahu mahin apa, sékadrun sékérémdagi, apa sukak marilaḥ kita sĕgotraḥ.

5. apa lu trak cari kabar, ini kañcil mémaŋ cérdik, antéro bukit dan hutan, trak brani lawan sédikit, dari sayini śakti, jaṅan lagilaḥ mukak ku, randu ñaŋ purak purak, rupa oraŋ saya brani, tradak héran kahu mahu kéjadian.

6. tinabok punaŋ woŋ woṅan, tinépaŋ suku kaŋ ṅarṣi, katampan pulut wus makan, suku kanan dèn gaṇḍuli, dinudut nora koṅkiḥ, wali wali pulut ṅgaṇḍul, phalguṇa duruŋ wikan, maṇḍak aścarya iŋ ati, maliḥ nabda hèḥ bĕcik mĕmĕdi sira.

7. sĕmbrana aparikĕna, déné aṅgaṇḍuli sikil, iṅsun dudu mitranira, kojak tabik cara landi, salaman kaya khaji, prasan atinira patut, yaktiné kuraŋ tata, tan wĕruḥ dugi prayogi, tĕtĕp sira muraŋ silaniŋ akrama.

8. déné tĕka sumantana, ṅaṅgo ṅgèndèŋ ṅgèndèŋ sikil, wruha yèn rupamu papa, amuŋ maṇḍi gombal jarik, ciptamu lir aṅampil, paṇḍĕl mas nèdĕrlan umuk, jatiné rontèk niṣṭa, gombal amoḥ jarik lurik, jaran képaŋ kramaléya samarata.

9. punaŋ pulut saya gupak, kañcil tambaḥ sukèŋ ati, gumuyu alataḥ lataḥ, suku kaŋ kériŋ nĕmpiliŋ, ṭèmĕl pulut ṅgaṇḍuli, sigra murdèŋ kañcil numbuk, ganul pitraŋ wus maṅsaḥ, maraŋ caṅkĕm iruŋ kupiŋ, suku iṅkaŋ wiṅkiŋ mañcal wus katampan.

10. pulut muḷĕt gupak wrata, nutupi dalaniŋ aṅin, gébas gèbès sru subadya, nora daya malaḥ mipit, mĕpĕti dalan aṅin, kagyat iŋ tyas wruḥ yèn pulut, pahékaniŋ manusa, sakala kañcil anaṅis, ardaniṅkaŋ saṅsara nĕmpuḥ sarira.

11. ṅantĕp budi tiwikrama, ṅapalakĕn mantra śĕkti, kĕmat banduŋ bandawasa, kĕmayan lan doṅa sĕpi, giliṅkré giliṅwĕsi, tracaḥ bĕsmaḥ balasrèwu, nurbuwat doṅa kasaḥ, ayat ayat sinukṣmèŋ sir, wĕlut putiḥ paṅlèmunan doṅa sléman.

12. pulut makṣiḥ plikĕt kuwat, kĕkĕt lèṅkèt buntut kupiŋ, dadya sakĕpĕl paṅrasa, kañcil rumasa tan baṅkit, hèḥ para mitra sami, kaŋ maca saha kaŋ kruṅu, sapambak kasusastran, myaŋ ṅilmu kaŋ luwiḥ luwiḥ, lamun nora wéwéka tĕmaḥ saṅsara.

13. kañcil ḷĕsu ḷĕsaḥ iŋ tyas, pulut lèṅkèt midrèŋ jisim, dupi wus nir dayanira, maṅkana osikiŋ ati, ho o déné ta dadi, rubéda sèwu miliyun, tan wuruŋ puput jiwa, tiñjo maraŋ jaman akhir, sakiŋ pitraŋ bĕṇḍa iṅkaŋ èṣṭa janma.

14. iṅsun susuwun iŋ sukṣma, manusa kaŋ masaŋ sandi, muga muga ṅuṅkulana, satus saṅsaraku iki, tĕtĕp janma tan yukti, mitĕnaḥ samèŋ tumuwuḥ, waḷĕsiŋ jad wasésa, tan lawas paṣṭi nĕmahi, ṅadat kuna woŋ siya nĕmu cilaka.

15. ḍuḥ allaḥ kaŋ murbèŋ jagad, wĕlasa satriyotami, kaŋ maṅgiḥ bĕnduniŋ sukṣma, lantaran janma tyas drĕṅki, tan wus baḍé ṇḍatĕṅi, khayat khayun yun ginuluŋ, dayaniŋ pulut bĕṇḍa, naṅka goṇḍaŋ pakṣa srèi, wus katĕkĕm paṅwasanirèŋ sujanma.

16. rèḥ sampun tita diwasa, kawula molaḥ tan baṅkit, mupus karṣaniŋ jad mulya, kaŋ wajibulmahujudi, marma mamalad budi, muhuŋ nĕgĕs karṣèŋ ulun, lunturiŋ trĕṣṇa tuwan, kaŋ mayuta yuta margi, datan kiraŋ kodrat iradatiŋ tuwan.

17. kèhiŋ kéwan wanawasa, èstu tan sagĕd nuluṅi, bab pulut ṅakaliŋ janma, marma liyaniŋ hyaŋ widdhi, kaŋ pariŋ siḥ iŋ dasiḥ, wajibiŋ sipat kadirun, bi la alatin lirnya, kawasaniŋ maha sukci, datan mamèt lalantaran ghaibiŋ hyaŋ.

18. kadi datan kĕkiraṅan, matrapkĕn sikṣa mriŋ kañcil, laḥ bok sampun srana pitraŋ, miṇḍak dados kiduŋ béñjiŋ, kañcil gĕlahiŋ bhumi, tĕmaḥ kasasar riŋ laku, kajluṅup iŋ saṅsara, datan saḥ lakuniŋ ṅilmi, dadya koṇḍaŋ lir uṇḍaŋ margi prapatan.

19. pĕjaḥ amba dados koran, locomotiép bramartani, bintaŋ timur slomprèt mlajar, java bodé iŋ batawi, kabagyaniŋ ṛĕdakṣi, pra korèṣpoṇḍèn mañjuruŋ, yèn kañcil kéṅiŋ saya, malbèŋ babad jaman akhir, sinawuŋ iŋ tĕmbaŋ dadya uran uran.

20. sahiba wiraŋ kawula, dados guguyon iŋ béñjiŋ, déné kañcil nawuṅkriḍa, ulaḥ dini dibyèŋ bhumi, susilarja mumpuni, sadu parikrama ayu, tyas dirga samahita, tĕka katamèŋ pranatis, aḍuḥ rabbilṅalaminna tobat amba.

21. iŋ dintĕn wiṅkiŋ tan nĕdya, ṅrusak tanduraniŋ tani, kaŋ tanpa duga watara, wana tan kiraŋ rijĕki, gumĕlar iŋ sabhumi, iṅkaŋ sĕgĕr ḷĕgi kĕcut, dadya paṅaniŋ kéwan, kaŋ maṅka kulambĕk srèi, ṅrusak palawija paṅaniŋ sujanma.

22. sabab kasupèn kawula, amila ñuwun akṣami, hèḥ surya candra traṅgana, bhumi gĕni aṅin wariḥ, réwaṅana minta siḥ, riŋ jad kaŋ wajibulwujud, suwunna luwar iṅwaŋ, sakiŋ saṅsaya puniki, tan wus mati tan pakantuk kĕnèŋ sikṣa.

23. hèḥ kutu woŋ alaŋ taga, mujiya ayuniŋ kañcil, sukur salaḥ siji wignya, awèḥ lantaraniŋ urip, ṅluwari kaŋ piranti, rupa janma carma pulut, kaŋ lumĕkĕt ragèṅwaŋ, kaŋ yun ṅĕlun ñawa mami, laḥ wĕlasa riŋ kusuma witaradya.

24. aḍuḥ ibu sori amba, punapa ta datan ṅimpi, pun kuṣṇun kéṅiŋ rubéda, bapa kĕbo paran mami, tuluṅana dèn aglis, ḍuḥ nabiku satus èwu, saha wali sasaṅa, myaŋ yogiswara mahmuni, ṅulama guŋ musanip para pukaha.

25. pintanĕn luwar kawula, abot sikṣa nĕmpuḥ jisim, dahat susaḥ sayaḥ ḷĕsaḥ, tan wun kulit dagiŋ gusis, lamun kaŋ masaŋ prapti, kawulèstu winayuṅyuŋ, kinarya mamahinan, watĕkiŋ manusa jahil, pinilara tan wandé yèn pinĕjahan.

26. kaŋ maṅka woŋ tani désa, kaya buta doyan dagiŋ, rasé luwak kuwuk doyan, aja iṅkaŋ dagiŋ kañcil, rèḥ sujanma datan wrin, yèn kañcil putus iŋ kawruḥ, cakṣaṇa nawuṅkriḍa, iŋ kasusastran mumpuni, datan wuruŋ kinayaḥ lir kéwan rucaḥ.

27. yèn wruha gunadikèṅwaŋ, wirama ulaḥ luluṅid, putus munaḥ kaŋ tiarda, murtyambĕk susatyèŋ wukir, kaḍaŋ sun dèn guroni, wruha wicarèṅsun ṅilmu, sakiŋ boḍoné iṅkaŋ, masaŋ pulut mikat kañcil, muŋ miyagaḥ iṅsun kéwan boḍo mamak.

28. hé é déné tan ana wlas, wus ratuniŋ paṣṭi mati, yèn tan wis sasaṅat ĕṅkas, tinarik taliniŋ urip, uripé wiji amiŋ, yun mati kabèḥ ragèṅsun, ṅĕntiŋ panlaṅsanira, koṅsi luhé dadi gĕtiḥ, tandya kañcil nĕkuŋ iŋ puji mantrarja.

29. jinumbuḥ iŋ puji puja, tyas wĕniŋ paniṅal ĕniŋ, mĕnĕŋ ṅèkṣi tikṣwèŋ grana, jumbuḥ kawula lan gusti, napi isbat pinuṣṭi, makṣa tan wal sakiŋ pulut, nulya nĕbut istipar, kalimaḥ tayibaḥ ṇḍriṇḍil, makṣa tita diwasa juḍĕg tan daya.

30. aṅapalakĕn kiduṅan, ayat limalas kaŋ pamriḥ, éṅgala luwar siŋ pitraŋ, naṅiŋ pulut aṅranuhi, yèku ḷĕpiya dadi, tĕpa larasiŋ pituduḥ, cocog daliliŋ kuran, kaŋ kajarwa nèŋ ṅakahid, hayukbilulipikdiintisal lirnya.

31. nora tinarima sira, rèḥ sĕpi tan ṅalap warti, tĕraṅé kaŋ sapa maṅgya, rubéda kaŋ ṅgĕgirisi, tan sirṇa sakiŋ puji, awit saduruṅé nĕmpuḥ, tan pinikir daduña , marma janma kaŋ tyas murti, wus pinikir saduruṅé mas kinambaŋ.

18. maskumambaŋ

1. wus maṅkono atiniŋ woŋ ṅaku luwiḥ, wruḥ iŋ kasampurṇan, ambĕk jumbuḥ kwula gusti, prasan atiné wus pana.

2. dupi nĕmu pakéwuḥ gusti tan baṅkit, tutuluŋ wèḥ luwar, paḍa lan kaŋ wus wruḥ ṅilmi, dèn andĕlkĕn nora kĕna.

3. dumèḥ putus iŋ kawruḥ kaŋ dakik dakik, yèn katĕmpuḥ lara, ṅilmu ĕntèk sirṇa gusis, marma paḍa rasakĕna.

4. ri kalané kañcil muraŋ sila yukti, tan tinimbaŋ nalar, aṅĕn aṅĕné tan mikir, muŋ ṅuja wĕḍariŋ durta.

5. apa manèḥ manusa jaman sahiki, dahat muji muja, naṅiŋ yèn wus anèŋ sĕpir, utawa yèn lagi susaḥ.

6. kawuwusa kyayi sutatruna ṅlilir, dènnya ḷĕlèyèhan, grégaḥ taṅi yun maṅèkṣi, woŋ woṅan kaŋ mawa pitraŋ.

7. kagyat iŋ tyas kaŋ lor kulon datan kèkṣi, wus añakrabawa, rinubuhkĕn kéwan drĕṅki, kaŋ dahat gawé pituna.

8. sigra cañcut traṅginas aṅlintiŋ klambi, marani ṅgonira, kagyat pak kĕdèl maṅèkṣi, kéwan kaŋ nakal wus kĕna.

9. nulya surak surak amarwata siwi, tataya tayuṅan, uniŋ unoŋ jĕṇṭik manis, tibaniŋ goŋ pasraṅkara.

10. paḍa manèḥ paḍaa sira lan mami, untap untapana, kéwala prasasat mirib, bilahi antakanira.

11. rasakĕna sira ḍuṣṭa laku juti, maliŋ palawija, mamagan tindak pranatis, panastèn gawé pituna.

12. ana timun lagi wayahé sumĕrit, déné sira ḍuṣṭa, bisa tĕmĕn karya rugi, luwiḥ yèn roṅpuluḥ réyal.

13. dyan cinaṇḍak kañcil makṣiḥ kĕmpis kĕmpis, sutatruna nabda, hé é sukur ijèḥ urip, cilik tĕmĕn tĕka ṅglaṭak.

14. wus sinrimpuŋ sikil papat dadi siji, nuli tinalénan, pulut binuwaṅan ṛĕsik, maraŋ gubuk ginosoṅan.

15. dèn brukakĕn kantĕp phalguṇa añjĕrit, dyan ṭinuṭuk saṅkal, iŋ pĕṭèl ĕṅgon pok kupiŋ, pĕt sumaput konaŋ buyar.

16. huḥ rasakna ĕṇḍasmu sahiki posiŋ, nora wuruŋ maṅkya, praptèŋ wisma dadi tahi, baluṅé kaŋ ĕnom ṛĕñaḥ.

17. muŋ cacadé cilik tĕmĕn tan mratani, taṅga taṅganiṅwaŋ, muŋ baṅĕt ḷĕganiŋ ati, sirṇa wérinirèŋ tĕgal.

18. laḥ kapriyé iki wus soré kaŋ wañci, jam satĕṅaḥ lima, puñjulé patbĕlas mĕnit, bocaḥ ora ana tĕka.

19. prayogané nuli sun gawané muliḥ, yèn kawĕṅèn maṅkya, paṅolahé kéwan iki, éṅgal éṅgal sutatruna.

20. sikil kañcil taliné wus dèn kĕñcĕṅi, cinocol pikulan, kasisihan kayu gariŋ, kañcil gumaṇḍul iŋ ṅarṣa.

21. samantara lakṣaṇanira wus prapti, sapiṅgiriŋ ḍaḍaḥ, pak kĕdèl ṅuwuḥ iŋ siwi, hèḥ ṭolé kéwané kĕna.

22. samya ṅruṅu swami suta priya ĕstri, mĕṭukkĕn gañcaṅan, gumrubyug sabrayat sami, buṅahé marwata suta.

23. suka sukur para taṅga akèḥ prapti, samya takon warta, tuwa anom gĕḍé cilik, lanaŋ wadon ĕlur prapta.

24. sadaya kaŋ nonton duruŋ ana kaŋ wrin, warṇa myaŋ arannya, ñaḷĕnèḥ saminiŋ kumlip, warta kéwala tan ana.

25. kono ana janma wrĕda maṛĕpĕki, mriŋ kaŋ nĕmbé kĕna, pamuwusé kaki kaki, iki kañcil aranira.

26. sasaminiŋ tataga nakal pribadi, bahut ṅomandaka, ṅrékadaya ṅaṭik aṭik, naṅiŋ ujariŋ wirayat.

27. kaŋ wus kocap iŋ kuna rontal tinulis, iki dadi srana, saraté woŋ amoŋ tani, bisa ñiṅkiraké ama.

28. buntut kaṅgo ñĕbar gaga iku béñjiŋ, déné patrapira, pinĕṇḍĕm madyaniŋ tĕgil, winor goḍoŋ ḍaḍap kléyaŋ.

29. muŋ sadina sawĕṅi nuli dèn jraṅkiŋ, sabĕn masa gaga, makṣiḥ kaṅgo bola bali, déné tracak papat pisan.

30. bisa dadi sarak yèn kinarya jugil, nandur kacaŋ tuṅgak, kacaŋ lañjaran andadi, lan ñirṇakkĕn uḷĕr wana.

31. cumpluṅira pinĕṇḍĕm tulakan sabin, kaŋ kiliran toya, ama mĕṇṭèk walaŋ kalis, wulu dadi tamba kaḍas.

32. kulit tipis ḷĕmĕs wuḷĕt kaṅgo mraṅgi, gawé jaṅĕt kuwat, dadi tali jara bĕcik, iwak ḷĕgi guriḥ kĕsat.

33. nadyan dèn ṅgo ulap ulap uga kéṅiŋ, lulaṅé punika, rèhné tipis raṅkĕp kaliḥ, sutatruna suka iŋ tyas.

34. saha para brayat swami tuwin siwi, aṅrubuŋ phalguṇa, ana kaŋ ñjèwèr ñaḷĕṇṭik, ya ta surup danuprabha.

35. kyayi sutatruna nabda maraŋ swami, ĕmbokné lir paran, prayogané iku kañcil, sinambĕlèḥ sapunika.

36. bokmanawa kasulak wĕṅi tan ṛĕsik, iki sun watara, jam nĕnĕm luwiḥ saṭiṭik, olahĕn sakaṛĕpira.

37. biyaŋ kĕntruk maṅsuli ḍumatĕŋ laki, yèn panujwèŋ karṣa, iŋ maṅké dalu prayogi, wañci baṅun mijil ḷĕṅa.

19. mijil

1. iṅkaŋ kapiŋ kalihipun kyayi, kula sampun koṅkon, ṅajak ajak taṅga samya ḍèḍèl, mbucali glagaḥ gaḍaṅan gagi, dintĕn béñjiŋ éñjiŋ, kañcil kaṅgé lawuḥ.

2. nadyan alit tinambahan krambil, rinĕmpaḥ kémawon, muriḥ babar warata iŋ akèḥ, iṅkaŋ priya nabda bĕnĕr yayi, wayaḥ baṅun éñjiŋ, ḷĕmu gajihipun.

3. sarèhniŋ wus kasulak iŋ wĕṅi, dokokna iŋ pawon, ṅaṛĕp luwĕŋ kuruṅana bahé, sĕnik gĕḍé tiṇḍihana nuli, watu kaŋ supadi, kukuḥ nora mĕtu.

4. uculana taliné iŋ sikil, dèn bisa tuturon, mubĕŋ mubĕŋ anèŋ jro sĕniké, nulyatmaja sami ñaṇḍak kañcil, kinuruṅan sĕnik, tiniṇḍihan watu.

5. sutatruna nutug sĕnĕŋ pikir, dèñantuk buburon, kañcil iṅkaŋ karya ṅguyokaké, akèḥ taṅga kiwa tĕṅĕn prapti, pitakon iṅkaŋ wit, kañcil kĕnanipun.

6. sinuŋ wikan yèn kĕnèŋ piranti, pulut kèḥ kaŋ ñjontoŋ, rigĕn nalar muṅguḥ kapikuté, tan ṅapaa rupané añliṇṭis, ṅrusakakĕn pĕntil, timun kèḥ kaŋ runtuḥ.

kañcil karo asu

7. ya ta wahu kañcil kaŋ nèŋ sĕnik, ḍat ḍatan aṇḍroḍog, gĕtĕriŋ sanubari puwaté, ciptaniŋ tyas wus tamtu tan urip, tiwikrama ṅuṅkil, sĕnik nora kéguḥ.

8. dahat kukuḥ watu kaŋ titiṇḍiḥ, ciptèŋ nala ṅaso, pasraḥ iŋ tyas narima patiné, wus rumasa yèn tan antuk margi, lantaraniŋ urip, kaŋ bisa tutuluŋ.

9. nabda ḍuḥ saŋ sukci murbèŋ bhumi, sumaṅga kémawon, kawula muŋ sumaraḥ sapaṅrèḥ, tan rumahos amba darbé jisim, kataman iŋ paṣṭi, sirṇa trahiŋ puṅkur.

10. kabudayanamba sirṇa ĕntiŋ, sinikṣa déniŋ woŋ, awit sakiŋ klakuwan kaŋ dédé, culika guŋ tindak kaŋ tan yukti, katĕmpuḥ bilahi, akṣamanĕn ulun.

11. dyan ṅĕniṅkĕn panĕṅĕran pati, sawiji tan kaloŋ, dahat ṅuṅun paṅunandikané, hèḥ déné ta sèwu mokal iki, sun tan praptèŋ pati, apa marganipun.

12. sigra mĕpĕt napasira kañcil, ñipta ṅañut layon, rumasa wus tan wuruŋ patiné, ya ta iŋ ratri wañci jam kaliḥ, sutatruna ṅlilir, aṅgugaḥ iŋ sunu.

13. kĕntruk mĕnik kinèn marut krambil, sawusé mirantos, bumbu bumbu sapanuṅgalané, anèŋ omaḥ kéwala lamun wis, sadaya rumanti, rèhniŋ makṣiḥ dalu.

14. patiŋ klĕpruk mĕcaḥ marut krambil, jawaḥ cinariyos, kyayi sutatruna ṅon ṅoné, sona lanaŋ abaŋ buntut putiḥ, ratri rèhniŋ riris, srĕṅgala maḷĕbu.

15. mbrobos gĕḍèg aṅupaya gĕni, rèḥ aḍĕm mriŋ pawon, kĕrug kĕrug nèŋ ṅaṛĕp luwĕṅé, ṅriṅkĕl anèŋ awu cĕlak sĕnik, phalguṇa duk uniŋ, asu kĕrag kĕrug.

16. nulya darbé èṅĕt ṅréka sandi, wajib wĕnaŋ goroḥ, woŋ katĕmpuḥ iŋ bilahi gĕḍé, ṅomandaka kĕna yèn ṅuripi, nulya nabda wĕṅis, kañcil maraŋ asu.

17. sigak siguk hus hus mambu saṅit, hèḥ sira sagawon, laḥ luṅaa kaŋ adoḥ dèn agé, ywa nèŋ kéné wèḥ kuwuriŋ ati, kaŋ lagya maṅèkṣi, iŋ jad kaŋ linuhuŋ.

18. sun mulya di susila rèḥ niti, kusuma kinahot, putus guna dibya sasaminé, si ciŋ si ciŋ sumiṅkira añjiŋ, iṅsun lagi sĕḍiḥ, mambu sira laṅu.

19. gawé kuwur ñipta nraŋ iŋ widdhi, najis maṛĕk kĕlon, iŋ pamawas tan awas ciptané, lamun sira cĕraki puniki, jajambaa mariŋ, kali adus slulup.

20. ambunira bacin prĕṅus ḷĕḍis, bab paṅanmu crobo, patut tĕmĕn kirik sipat kéré, kuru kèri karo samèŋ kumlip, tanpa guna niti, muŋ ṅèṅèr uripmu.

21. karam mutlak cĕmĕr tanpa budi, cĕgahanirèŋ woŋ, dahat niṣṭa dama sirik gĕḍé, kitab hadis kuran wus ñjarwani, sor asoriŋ bhumi, tan ana lir asu.

22. sona kagèt kruṅu śabda wĕṅis, ṅiñjĕn kaŋ anèŋ jro, atataña hèḥ ta sapa kowé, nĕŋ jro sĕnik akĕmĕriŋ kĕriŋ, baṅĕt ṅèsi èsi, mriŋ paḍaniŋ makhluk.

23. apa sira kaŋ kĕnèŋ piranti, pulut kaŋ iṣṭa woŋ, uwoŋ woṅan raṇḍu wiṅi kahé, sumakèhan tĕmĕn tur gumahib, kañcil nabda maliḥ, o buḍĕg si asu.

24. nora kruṅu tan yun ṅupa warti, atimu lir togog, tuṅgal koboŋ iku pardikané, iṅsun kira luluhurmu ṅuni, kakèk moyaŋ añjiŋ, marma tyasmu kuṭuŋ.

25. duruŋ mañjiŋ pasamuwan luṅit, d‍ĕḷĕs tyas sagawon, tan wruḥ guna myaŋ tatakramané, apa manèḥ sastra arab jawi, sasmitarja ṅilmi, nora pinahèlu.

26. kitab kuran hadis ulaḥ dini, tan pisan maṅartos, sabab srawuṅanmu salawasé, kirik kuru guḍigĕn agĕriŋ, muŋ ṅupaya tahi, iku kadayanmu.

27. laḥ ajara titi surtèŋ budi, budya yu kinahot, iṅkaŋ néka néka paṅawruhé, supayané bisaa umañjiŋ, mriŋ paḍaṅiŋ bhumi, kumpulan woŋ putus.

28. ho o asu tan ṅrasa sirèki, uripira boḍo, solaḥ wicaranta taṇḍa rèmèḥ, boboté sun iki satriya di, paṅrasamu kéṅiŋ, punaŋ saya puluḥ.

29. tan wruḥ sun dèn ulati wus lami, wit kèḥ barkaḥ iṅoŋ, siji loro tĕlu tĕlu gawé, ḍihin kinèn dadya méstĕr tulis, piṇḍo mulaŋ ṅilmi, piŋ tri pinèt mantu.

30. marma dahat kapuṅsèŋ binudi, muṅguḥ praptaniṅoŋ, mriŋ si bapak sutatruna kinèn, ṅlakṣaṇani tri prapara iki, naṅiŋ sun tan apti, yuwas sun luwiḥ kukuḥ. 31. sapiraa yèn tan pinèt siwi, sinahosan bojo, suta èstri kaŋ gĕḍé karoné, rara kĕntruk kalawan kèn mĕnik, nadyan iṅsun sĕlir, si bapa jumuruŋ.

32. sakiŋ dahat kasĕṅsĕm iŋ warti, bab kotamaniṅoŋ, trahiŋ daniswara iṅsun kiyé, marma nastiti sabaraŋ baṅkit, putusiŋ agami, gagamaniŋ mahut.

33. yèku wité prawan ro guŋ kiṅkin, bapa biyuŋ coṇḍoŋ, uga ṅrujuki si kakaŋ kĕdèl, marma wus katĕkĕm ṅasta mami, si rara kakaliḥ, arṣa iṅsun wayuḥ.

20. kinaṇṭi

1. kĕkaṇṭèŋ roro garwèṅsun, si bapak ñaraḥ iŋ karṣi, amuŋ kinarya jimatan, pinèt turun traḥ sun béñjiŋ, yèn turasiŋ wicakṣaṇa, paṣṭiné baṅkit nuruni.

2. lawasé wus pituŋ tahun, dènnya mriḥ sabĕn kapaṅgiḥ, iṅsun iṅimur kinudaŋ, winèhan śabda mamanis, sinuṅan garwa parawan, dyaḥ kĕntruk lawan kèn mĕnik.

3. ṅuni sun sakĕṭi lumuḥ, nambut tataniŋ akrami, déné maṅkya sun mañaraḥ, watara kĕna iŋ ḍĕṣṭi, sĕmar mèsĕm jaran guyaŋ, marma dèn pasaṅi kéṅiŋ.

4. woŋ woṅan kaŋ crĕma pulut, sun wus wĕruḥ yèn piranti, sakiŋ wĕlas sun mriŋ bapak, nrajaŋ pulut nuli kéṅiŋ, tansaḥ kinuswa kinudaŋ, pinaṅku dèn isik isik.

5. sun molaḥ sarosa gĕtun, yun miruda ciptèŋ galiḥ, laju linĕṛĕpkĕn iṅwaŋ, maḷĕbu jĕroniŋ sĕnik, tinumpaṅan watu krama, sarat supaya sun krami.

6. d‍ĕḷĕṅĕn iŋ duwur iku, watu kaŋ tumumpaŋ sĕnik, adoḥ pinaṅkaniŋ séla, cĕṇṭaŋ kuṭagĕḍé iki, siŋ sapa kaŋ kahuṅkulan, kuwat wayuḥ prawan kaliḥ.

7. sésuk ijab bañjur tĕmu, saṅat ahmad wayaŋ éñjiŋ, nuju wuku maṇḍasiya, déwa kamajaya ratiḥ, suku ro kĕkobok toya, maṇḍi umbul umbul kaliḥ.

8. gĕḍoŋ mĕṅa ṅarṣa puṅkur, kayu gurda manuk nori, étuŋ satriya wibawa, iku dina béñjiŋ éñjiŋ, tumuruné śri sadaya, pañcasuda tiba bĕcik.

9. marmané luraḥmu gusruk, mĕcaḥ krambil marut krambil, ṅolaḥ sidĕkaḥ wiwaha, mumulé ṅatur aturi, ḍañaŋ kaŋ kahyaṅan miwaḥ, kaŋ cakal bakal iŋ ṅriki.

10. bojakrama naṅgap krumpyuŋ, taṅga taṅga dèn suruhi, maṅka kahurmatan iṅwaŋ, jaka antuk prawan kaliḥ, laḥ mara sésuk nontonna, asu iŋ bawahan mami.

11. sahiba untuŋmu baluŋ, ḍasar sira karuḥ mami, baluŋ kaŋ nom tan sun klĕṭak, sun uñcalakĕn sirèki, sĕga wuduk goloŋ punar, tuwin walimaḥ sun wèhi.

12. apa manèḥ roti gandum, martéga kéju sirḍèñcis, lan liḍaḥ sun wèhkĕn sira, ywa sumĕlaŋ yèn sun gĕmi, nora ana traḥ satriya, iṅkaŋ kumĕt saha iṭil.

13. iṅsun rèḥ wus koṇḍaŋ kiduŋ, ranku riŋ rat datan kaliḥ, mardu kasĕbut swarjana, cakṣaṇa budi martani, widagda paṅulaḥ yoda, dibyarja sujana murti.

14. iku sababé dèn luru, midĕr iŋ rat ñjajaḥ wukir, sapira bahé saratnya, masrut kinarya ṅupadi, maraŋ sarirèṅsun maṅkya, katĕmu cĕk lagi wiṅi.

15. pamuṅsĕṅé bapak iku, kabraṅtan saka pawarti, ḍasar ñata kaŋ pawarta, kaŋ midĕr añakrawarti, kañcil trahiŋ yogiswara, kĕṇṭus ḍépok ampèlgaḍiŋ.

16. marma yèn wus dadi mantu, lugyèŋ balé jèjèr liṅgiḥ, lan bapa biyuŋ pra kadaŋ, sun kabĕnĕr tuwa ḍiṅin, maṅan sĕga tuwin iwak, wédaṅan tèḥ nuli ñukit.

17. hèḥ sona tontonĕn sésuk, adiniŋ paṅaṅgo mami, raja kaputran sarwéndaḥ, waḥ iṅsun anèŋ jro sĕnik, watu caṇṭèŋ kaŋ tumumpaŋ, pusaka jĕŋ sénapati.

18. sona duk prastawèŋ wuwus, phalguṇa dahat mĕméṅin, kanikmataniŋ kamulyan, sréṅgala dahat kapéṅin, wit kĕnèŋ siḥ pamiluta, wusana pasraṅkara ris.

19. bagyanta aṅumbuk umbuk, séjé kaya awak mami, ṅèṅèr kirik koṅsi sona, nora dèn trimani siwi, luput saṭiṭik kéwala, pinĕṇṭuṅan dèn pisuhi.

20. pirabara pinèt mantu, muŋ trima ywa dèn kĕṛĕṅi, sayuta suka wiryèṅwaŋ, aja kaŋ lir sira kañcil, tĕka wiṅi kinasihan, maṇḍak tinariman siwi.

21. apa ta kañcil doṅamu, saha saraté punapi, supaya sihiŋ bandara, bok iṅsun ñjaluk saṭiṭik, tutuluṅa woŋ cilaka, paṣṭi yèn sun waḷĕs béñjiŋ.

22. laḥ maliḥ manawa sarju, ciptanta kaŋ rila suci, pacaṅanmu kaŋ sajuga, siŋ ĕndi kaŋ sira tampik, prayoga pariŋna mriŋ waŋ, sun tampani taṅan kaliḥ.

23. tĕluṅané sira bahut, bisa naṇḍiŋ miliḥ rabi, sĕmpulur saciptanira, boboté kéwan wanadri, sadarpa kinayalépa, paran ṅgon sun ṅirib irib.

24. supaya tiru sirèku, apa sun mañjiŋ jro sĕnik, kaŋ koṅkulan wahu bĕgja, paṛĕṅa panĕmpil mami, cuwilna lélatulkadar, kadi kaŋ sinihan widdhi.

25. phalguṇa nabda mriŋ asu, muṅguḥ prayogèṅsun maṅkin, iṅsun ṅalaḥ tampanana, wanudya ro mriŋ sirañjiŋ, anaṅiŋ salaḥ satuṅgal, ywa sira wayuḥ tan bĕcik.

26. siji kéwala wus untuŋ, déné muṅguḥ awak mami, darbé swami woŋ punika, duruŋ maṭuk iŋ paṅgaliḥ, kaŋ ḍihin rupané kiwa, piṇḍo asor tanpa krami.

27. wus maṅkono prawan ḍusun, iṛĕŋ mbĕsisik aḷĕḍis, lamun piṅgiriŋ samudra, rambuté abaŋ ñjuwuwug, cahyané lutiḥ yèn prawan, piṅgiriŋ baṅawan paṣṭi.

28. bĕlaŋ krowak tilasipun, guḍigĕn patiŋ bĕñiñiḥ, rèmbès rahiné amaṅkak, bĕlakĕn sikilé kaliḥ, utawa bubuḷĕn paḍa, ambuné amis abacin.

29. iṅkaŋ iṅsun puṅsĕŋ amuŋ, wanodya atmèŋ priyayi, putus silakramèŋ priya, sutaniŋ panèwu mantri, bokmanawa kabĕnĕran, bapa séda mlĕbu waris.

30. sukur sèwu lamun antuk, ḍuwuré panèwu mantri, saṅkĕpiŋ warṇa utama, ulat taṅguhé ṛĕṣpati, nugraha gumantèŋ drajad, dadi abdiniŋ narpati.

31. biru sèrèt payuṅipun, dèn iriŋ panuruŋ lampit, yèn gawéku bĕcik muṅgaḥ, dadi kaliwon bhupati, koṅsi tumraḥ putra wayaḥ, iku ṅadatiŋ priyayi.

32. maṅkono asu ciptèṅsun, marma pinèt mantu suṭik, rèḥ woŋ désa luwiḥ papa, tanpa tata yudanagri, yèku kyayi sutatruna, woŋ ḍukuḥ tur tani bĕntil.

33. rèḥ sun baṅĕt wĕlas ndulu, maraŋ iŋ sira samaṅkin, urip sapisan nèŋ duña, rina wĕṅi lara ati, yèn darbé bojo manusa, ḍasar bandara pribadi.

34. iba nikmatira bésuk, marma karṣaniṅsun nuli, mañjiṅa sĕnik dèn éṅgal, ṅgĕntèni kawiryan mami, iṅsun sèlèḥ kadrajadan, sira gumantiya waris.

35. sésuk ésuk ijabipun, surup ṛĕp paṅantèn paṅgiḥ, ṅadaté balaṅan gantal, iṅayap kaŋ para ahli, paṅgya nèŋ madyaniŋ lawaŋ, sikilira dèn wisuhi.

36. déniŋ bojomu dyaḥ kĕntruk, nuli kaṇṭèn caṇṭèl jĕṇṭik, luṅgyèŋ kĕbèt séta jajar, samantara aṅabĕkti, mriŋ para wrĕda sadaya, sigra sĕga iwak mijil.

37. kadawan lamun sun tutur, éṅgaliŋ crita sira glis, mañjiŋ jĕroniŋ pasuptan, sakarṣa karṣamu dadi, mahyakkĕn asmara tantra, manuhara rarasiŋ siḥ.

38. srĕṅgala nambuṅi wuwus, kayaparan iṅsun mañjiŋ, iŋ sĕnik rèḥ ṇḍuwur ana, watu caṇṭèŋ maṅka tiṇḍiḥ, apa sun uṅkil kéwala, mĕṅko watuné nibani.

39. phalguṇa sumambuŋ wuwus, é boḍo tĕmĕn si añjiŋ, maṅkono bahé tataña, klimput nalarmu ñaŋ ṅĕndi, laḥ joṅkèṅĕn iku séla, supaya tiba iŋ siti.

21. pocuŋ

1. yayaḥ pucuŋ srĕṅgala aṅuṅkil watu, tuṅku kaŋ tumumpaŋ, anèŋ saḍuwuriŋ sĕnik, tibèŋ kisma phalguṇa tyasira suka.

2. dupi kruṅu watu tibané gumĕbrug, wus ñiptantuk marga, sihiŋ hyaŋ kaŋ murbèŋ urip, lantarané saka pituluṅiŋ sona.

3. kañcil muwus agé maḷĕbuwa asu, mriŋ jro sĕnik ana, kabagyan lélatulkadri, tampanana kamulyan kaŋ tanpopama.

4. iṅkaŋ émut gagañjaraniŋ tumuwuḥ, bĕcik lidé ala, asu mañjiŋ kañcil mijil, mahya sakiŋ sĕnik bablas tĕkèŋ latar.

5. nulya émut aywa katara yèn palsu, bali sigra sigra, maraŋ pawon saṇḍiŋ sĕnik, alon nabda hèḥ sona sun tan kapénak.

6. iṅsun puṇḍut bali kabagyan sun mahu, sun timbaŋ iŋ nala, datan prayoga woŋ nampik, nora wuruŋ antuk sikuniŋ hyaŋ sukṣma.

7. iṅsun émut darmawasita suŋ tutur, ywa nampik sabaraŋ, lamun duruŋ olèḥ taṇḍiŋ, kaŋ sinĕdya yèn wuruŋ katĕkĕm ṅasta.

8. maṅka duruŋ kacĕkĕl kaŋ iṅsun luru, marméṅgal mĕtuwa, sun jabĕl kéwala maṅkin, iṅsun arṣa bali maraŋ sĕnik sona.

9. owĕl gĕtun sira tampani bĕgjaku, amuŋ srana trima, paṅaḷĕmbana iŋ laṭi, sona matur nor raga amĕlas arṣa.

10. sèwu nuwun manawi paduka puṇḍut, bok iṅgiḥ bĕndara, sampun kaguṅan paṅgaliḥ, amaṅsuli ḍawuḥ kaŋ sampun kawahya.

11. datan bahut matur tĕmbé waḷĕs ulun, tan laṅkuŋ muŋ pasraḥ, mriŋ hyaŋ kaŋ samiṅun basir, iṅkaŋ wikan awon sahéniŋ kawula.

12. nambuŋ wuwus kañcil sru gumuyu ṅguguk, yèn maṅkono sira, dahat wus maṭĕm nampani, sèwu suka sukur mantĕp mĕṅku garwa.

13. sun jumuruŋ rahayu bagya sĕmpulur, muga tumĕraha, naṅiŋ iŋ tĕmbé ywa lali, wis ta sona kèriya slamĕt sun luṅa.

14. nulya mlayu sukèŋ tyas marwata sunu, bagya tanpa kira, sasat mati urip maliḥ, wus ṅadaté duka ciptantuk kamulyan.

15. dahat sukur iŋ hyaŋ kaŋ murbèŋ pandulu, nulya guguluṅan, jiṅklak jiṅklak asisirig, sarwi ṛĕṅĕŋ ṛĕṅĕn ṅura ura gita.

16. nahĕn kaŋ wus ucul kacarita wrĕku, kaŋ nèŋ sĕnik tansaḥ, aṅgagas kawiryan adi, ṅajap ajap éṅgala tumĕkèŋ rina.

17. kabagyèṅsun sésuk ésuk tanpa pétuŋ, ijab nuli paṅgya, luṅguḥ jajar lan bok rabi, sun nèŋ tĕṅĕn ki kèn kĕntruk luṅgyèŋ kiwa.

18. tan cinatur paṅrĕmbug mulyaniŋ asu, wus trontoṅiŋ surya, baṅbaŋ wétan mèḥ byar éñjiŋ, jam satĕṅaḥ lima tamburé yun munya.

19. ṅuwuḥ uwuḥ ki sutatruna mriŋ sunu, hèḥ ṭolé taṅia, pragatĕn ika si kañcil, mumpuŋ baṅun ésuk kèḥ gajihé ṅlĕṅa.

20. gupuḥ gupuḥ kaŋ iṅagñan grégaḥ wuṅu, ṅadĕg ñaṅkiŋ gobaŋ, mriŋ pawon marani kañcil, kagyat mulat sĕnik tiṇḍihé wus tiba.

21. kiranipun kĕdèl yèn kañcilé ucul, rinogoḥ yèn ana, nabda hé é sukur isiḥ, sru gambira sĕnik binukak sakala.

22. sikil catur kacaṇḍak tinĕkĕm kukuḥ, glis ginawa mĕdal, kala nèŋ pawon tan kèkṣi, sabab makṣiḥ pĕtĕŋ tan pati ṅlĕgéwa.

23. wuṣṇya mĕtu nèŋ latar tĕraŋ yèn asu, binantiŋ sakṣaṇa, kantĕb tibané tan mosik, pĕt sumaput sona dahat kapiḍara.

24. dyan pinĕṇṭuŋ klèṅkèṅan tansaḥ pinupuḥ, kĕdèl sarwi nabda, aḍuḥ katiwasan kyayi, kañcilipun binaḍog déniŋ srĕṅgala.

25. gupuḥ mĕtu sabrayaté èstri jalu, kyayi sutatruna, dupi myarṣa swarèŋ siwi, ñaṇḍak slumbat milu mala maraŋ sona.

26. sarwi muwus déné ta saya kĕpahuŋ, dénira caluṭak, nora pisan amarèni, ṅiṅu kirik koṅsi sona tanpa tata.

27. nora patut wawaḷĕsé woŋ diiṅu, ñĕkĕl manèḥ yaa, maṇḍak ñĕkèk mriŋ si kañcil, hèḥ ta ṭolé nuli titikĕn tilaṣṇya.

28. apa ucul apa binaḍog iŋ asu, karuhané maṅkya, gampaŋ ĕṅgoné matèni, kudu tĕraŋ ywa koṅsi gawé duraka.

29. pinrikṣa wus kayaktèné kañcil ucul, lamun pinaṅanna, iŋ sona ana kaŋ gĕtiḥ, nadyan ucul uga paṅgawéniŋ sona.

22. asmaradana

1. srĕṅgala kasmaran arṣi, miruda rèḥ yun pinatyan, maraŋ bapakné si kĕdèl, sigra sigra dènnya luṅa, sĕdya nĕgĕs iŋ sukṣma, p‍ĕḷĕṅiŋ tyas mariŋ gunuŋ, malbèŋ guwa suracala.

2. phalguṇa ucapĕn maliḥ, muliḥ praptèŋ ampèldĕnta, nora ĕsaḥ paṅuṅuné, lakuniŋ tumitaḥ gĕsaŋ, tĕraŋ ṅrakĕt saṅsara, wus akèḥ kupiyanipun, iṅkaŋ durga kaŋ susila.

3. bab wus ṅlaya ñjajaḥ bhumi, ñĕraŋ wèṣṭi pañcabaya, kañcil saya mĕmĕt tyasé, ninitèni lalampahan, kéwan sato wanarga, dahat uṇḍagi iŋ kéwuḥ, sakiŋ kaṭahiŋ ḷĕpiyan.

4. kaŋ ganal tuwin kaŋ ghaib, tiṅkaḥ polahiŋ sasama, pinuluŋ manukṣmèŋ batos, marma kèn mahénda buṅaḥ, punapa déné mésa, dahat aścaryaniŋ kalbu, wit momoṅané cakṣaṇa.

kañcil karo gajah

5. dupi samantara lami, léléḍaŋ maliḥ phalguṇa, awit sakiŋ gambirané, mriŋ ṅgon kaŋ duruŋ winruhan, ṅiras pantĕs ṅupaya, paṅan iŋ saholèhipun, samana kacaryan iŋ tyas.

6. ana papan kaŋ prayogi, ṅuni tilas pakaraṅan, manusa iṅkaŋ ḍéḍépok, ñambi amoŋ tani gaga, déné papaniŋ wisma, arja sawataranipun, anaṅiŋ tan koṅsi lama.

7. tinilar kéwala nuli, ana sabab kuraŋ tĕraŋ, makṣiḥ katara tapaké, batur wisma pawon kaṇḍaŋ, wus kaṭukulan glagaḥ, alaŋ alaŋ kandri sĕmbuŋ, kĕmaḍuḥ uyaḥ uyahan.

8. parṇaḥ lor wétan tan tĕbiḥ, ana tilasiŋ guṣkara, tawiṅé mubĕŋ wus loṅsor, awit wĕḍi ḷĕmahira, makṣiḥ jĕro wus asat, korugan romot romot wuḥ, lamun udan kilèn toya.

9. déné ambaniŋ parigi, ana tri mètĕr nèdĕrlan, sapuluḥ mètĕr jĕroné, kañcil sunya pasaŋ cipta, nir prayitnaniŋ nala, nusup nusup kajaluṅup, tĕmaḥ kacĕmpluŋ guṣkara.

10. kagyat iŋ tyasira kañcil, kumĕsar kĕkonaŋ buyar, dupyèṅĕt wruḥ lamun jĕro, paṅunandikaniŋ nala, sahiki iṅsun sida, mati anèŋ jĕro sumur, marga ora bisa mĕntas.

11. nulya klintar klintĕr mlipir, jiñjat jiñjit andĕṅaṅak, tumĕṅa tumuṅkul bahé, ṅira jĕroniŋ guṣkara, apa déné ambanya, kañcil amicarèŋ kalbu, yèn tan antuk ghaibiŋ hyaŋ.

12. nora wuruŋ tĕkèŋ pati, wus ana taṇḍa satmata, sumur saméné jĕroné, sanadyan anaa aṇḍa, sun iki sikil papat, kaya paran pamañcatku, éwasamono manawa.

13. ana pituluṅiŋ widdhi, atas kahuripaniṅwaŋ, malahékat ñuṅgi gĕḍèk, sinèṇḍèkkĕn kéné nulya, paṣṭi sun bisa mĕntas, anaṅiŋ sun duruŋ wĕruḥ, malahékat ṅgawa ĕmpyak.

14. kañcil nuli mĕṛĕs budi, mumuja iŋ sukṣmantaya, ṅĕniṅkĕn kalbu sĕdyané, añjĕrit kanaŋ suwara, sahdat klimaḥ tayibaḥ, tĕlu kaŋ pinudyèŋ tĕmbuŋ, sinahit mutawasitaḥ.

15. mutaakhiraḥ prituwin, muta awilaḥ katrinya, galik galik suwarané, wusirantuk kaliḥ dina, tan ṅombé datan naḍaḥ, nulya na gajaḥ guŋ luhur, wisata kruṅu suwara.

16. aṅĕlik agalik galik, mumuji maraŋ jad mutlak, ṅucap tĕtĕlu klimahé, ṅluhurakĕn nabi sléman, ratuniŋ sato kéwan, dwirada kéñut iŋ kalbu, maṅkana liman osiknya.

17. swara apa ṅgèndèŋ ati, éwuḥ pañakrabawèṅwaŋ, ucapé kaṇṭi pasĕmon, ṅapilkĕn klimaḥ tayibaḥ, ṅluhurkĕn nabiullaḥ, suléman iŋ jagad aguŋ, èstu iki woŋ utama.

18. yèn dudu kéwan murtyadi, tan bahud mriŋ tĕmbuŋ arab, ñjuṅjuŋ karatoniŋ manon, pantĕsé iki utusan, oliyaniŋ paṅéran, sigra linuru katĕmu, ana sajroniŋ guṣkara.

19. kañcil kaŋ sru muja bĕkti, luṅguhé ñjiṅkruŋ amawas, tikṣwèŋ nasika dèn ilo, phalguṇa ṅlirik mriŋ gajaḥ, muŋ wĕruḥ sawatara, kalamun aṅuṅak sumur, agé dènnya pasaŋ cipta.

20. rèhniŋ wus putus iŋ sandi, sakĕplasan nora kéwran, miṅisiŋ budi nalaré, ṅupaya sirṇèŋ saṅsara, sĕṅadi tan uniṅa, malaḥ saya tambaḥ sĕṅkut, sinĕṅkakkĕn swaranira.

21. tandya gajaḥ tanya aris, kañcil sirèku lagyapa, déné ta ana iŋ kono, wataraniṅsun wus lama, katara tapak tilas, punapa kañcil sĕdyamu, kaŋ tinakon taṅgap śabda.

22. sarwi tumĕṅa nahuri, mriŋ èṣṭi kaŋ ṅuṅak uṅak, ho o boḍo tĕmĕn ta nèḥ, apa nora kruṅu warta, caritaniŋ kiyamat, paṅéran wus pariŋ ḍawuḥ, gumĕlar anèŋ musakab.

23. mratani iŋ bhumi bhumi, tinampèn para anbiya, kaŋ sinĕḍahan ṅabarké, mriŋ umat tuṅgal agama, wus déné nabi sléman, rina wĕṅi tansaḥ muruk, bab praptanirèŋ kiyamat.

24. muhuŋ kuraŋ tĕluŋ ari, taṅkĕbiŋ bhumi akasa, muŋ pituŋ dina lawasé, iṅaran kiyamat sogra, uwis aṛĕp tumĕka, laḥ apa sira kalimput, tan ṅèṣṭi uniniŋ kitab.

25. déné wus sinuŋ pamyarṣi, paṅucap ganda paniṅal, paṅaṅgonira wus suwé, tan ṅupaya kahutaman, kaŋ sayogya iṅalap, aywa dahat kumpruŋ pĕṅuŋ, tan mahélu dalil kuran.

26. marma wĕruha sirèki, taṅkĕbé bhumi akasa, kuraŋ tri dina tĕkané, marma sun malbèŋ jugaṅan, rèhniŋ kiyamat sogra , muŋ saḍéla laṅit mumbul, maṅkono ḍawuhiŋ sukṣma.

27. yaktiné yun karya suci, allaḥ ṅrusak woŋ durcara, kèriya kaŋ yukti bahé, marma sun iki istiyar, ywa kataṅkĕban kisma, wajibé atasiŋ makhluk, ṅupaya saratiŋ gĕsaŋ.

28. ḍasar traŋ ḍawuhiŋ nabi, suléman kinèn ṅupaya, jugaṅan sumur kaŋ jĕro, supaya ywa kataṅkĕban, saha sun kinèn maca, klimaḥ tayibaḥ kaŋ jumbuḥ, sirṇaniŋ gusti kawula.

29. la ilaha illallahi, mukhammadan rasulullaḥ, nuli sun guluŋ rasané, ilat tinĕkuk iŋ cĕṭak, mawas wijiliŋ napas, lawan manĕmbaḥ

23. maskumambaŋ

1. ywa kumambaŋ iŋ kono paṅgonan kaŋ niŋ, nĕgĕs iŋ tyas pana, mriŋ jad kaŋ murwèŋ dumadi, nuyla katon kasatmata.

2. panĕṅĕran jad mutlak kaŋ ṅénalyakin, wujud sipat séta, tan siwaḥ solaḥ myaŋ warṇi, mila kodratiŋ paṅéran.

3. kacihna yun ñirṇakkĕn sukĕriŋ bhumi, kaŋ ṅrusak silarja, kaŋ muṅkir tataniŋ dini, karṣèŋ hyaŋ bakal binraṣṭa.

4. bébas larut iṅkaŋ malaŋ malaŋ gusis, muṅguḥ iŋ klakuwan, wus kabyawara nèŋ hadis, nuli nuli klakonira.

5. sakiŋ kira kira panimbaṅsun èṣṭi, tĕluŋ dina ĕṅkas, tumĕkané iṅkaŋ jaṅji, yèn tan ṅandĕl tumĕṅaa.

6. ḍuwur bĕnĕr laṅit iki wus kahèkṣi, ika mĕṅkap mĕṅkap, kèri sèkĕt pal watawis, gajaḥ ndĕṅaṅak osiknya.

7. hé é ñata déné tan ana pawarti, layak kañcil ṅupa, sarana sambuṅiŋ urip, umañjiŋ maraŋ guṣkara.

8. pantĕs bahé muji aṅĕniṅkĕn budi, woŋ wis tampa préntaḥ, déniŋ suléman jĕŋ nabi, ratuniŋ sato wanarga.

9. kutu kutu kaŋ gumrĕmĕt kaŋ kumĕlip, kaŋ sarta wiyaṅga, iŋ bĕnawi myaŋ jaladri, ṅiḍĕp suléman samoha.

10. pantĕs bahé jĕŋ nabi murtiniŋ bhumi, ganal ghaib wikan, aja kaŋ taṅkĕbiŋ laṅit, nadyan khirat wus pramana.

11. brajamuka alon nabda maraŋ kañcil, aḍuḥ saŋ sinihan, wĕlasa mriŋ amba maṅkin, kawula sraḥ jiwa raga.

12. yun mruwita karatoniŋ maha sukci, iŋ duña dĕlahan, ciptamba ṅupaya yukti, nĕtĕpi syarak utama.

13. mèstutyarja iŋ satĕblat puji dikir, muja sukṣmantaya, marma yèn panujwèŋ galiḥ, kawula ṇḍèrèk paduka.

14. sĕg ĕsĕgan wontĕn iŋ jugaṅan sami, duña akhir tuṅgal, mituhu tataniŋ dini, kawula añjlog kéwala.

15. kañcil nabda o gajaḥ sira tan mikir, sakiŋ boḍonira, arṣa tuṅgal anèŋ ṅriki, éwuḥ pakéwuḥ asasak.

16. kapiṇḍoné sira iku aguŋ iṅgil, iṅsun cilik aṇḍap, yèn tan kabĕnĕran mati, golèk urip tĕmaḥ léna.

17. nora wuruŋ macèḍèl kapidak sikil, tlapakanmu kaya, tampaḥ ñamlĕŋ anasabi, sarirèṅsun tanpa polaḥ.

18. nadyan iṅsun ṇḍampèṅa ana iŋ gigir, uga tan kapidak, naṅiŋ tansaḥ iṅsun sĕḍiḥ, marga tléṭoŋmu gajakṣa.

19. maṅka suwé nèŋ kéné nuṅgoni jaṅji, koṅsi pĕṇḍak dina, tléṭoŋmu tan wun ṅrĕgĕdi, iba susahé tyas iṅwaŋ.

20. woŋ wus ṛĕsik suci awoworan tahi, apa manèḥ muja, kalimaḥ tayibaḥ mukṣis, dwirocana nambuŋ śabda.

21. laḥ bok iṅgiḥ paduka tutuluŋ urip, bab sasakiŋ papan, sarta ṛĕgĕdiŋ ṛĕṛĕpiḥ, prayogamba iŋ paduka.

22. kula géṇḍoŋ tansaḥ wontĕna iŋ gigir, gĕgĕr amba wiyar, èstu wagĕd klintaŋ klintiŋ, kañcil suka iŋ wardaya.

23. ṅunandika iŋ tays sukur bagé èṣṭi, saguḥ ṅgéṇḍoŋ iṅwaŋ, yèn wis anèŋ gigir mami, nuli muṅgaḥ amañcolot.

24. iṅsun kira iku gajaḥ rolas kaki, kuraṅa sapira, sun ñĕṅka nrañcag maṅiṅgil, kaya nuli bisa luwar.

25. alon nabda lamun maṅkono prayogi, yèn sira kaduga, salawasé ṅgéṇḍoŋ mami, ṅĕntèni bubar kiyamat.

26. iṅsun ṇḍampèŋ añjloga dwipa dèn aglis, aṅkahĕn ywa midak, sun kamiwĕlasĕn ṅèkṣi, maraŋ sira brajamuka.

27. wĕkasiṅsun dina akhir aja muṅkir, sun sambuṅi gĕsaŋ, sarana nalar utami, olèḥ marganiŋ raharja.

28. nulya kañcil ṇḍampèŋ sanalika èṣṭi, maḷĕbèŋ guṣkara, añjlog kaŋ pratiwi goñjiŋ, nuli ñjĕrum brajamuka.

29. sarwi matur paduka miṅgaha gigir, sampun wañcak driya, pintĕn bobot tuwan iṅgiḥ, kañcil miturut iŋ tĕdaḥ.

30. muṅgwiŋ gigir ṅadĕg mlaku wira wiri, alon pasraṅkara, coba ṅadĕga sirèṣṭi, sun arṣa miyat kaŋ taṇḍa.

31. sun tĕraṅné kapan taṅkĕbiŋ pratiwi, yèn kuraŋ tétéla, mĕṅko sun ṅatas jĕŋ nabi, nuwun prikṣa bésuk apa.

32. wuṣṇya ṅadĕg gajakṣa nuli saŋ kañcil, ṅukur kuraṅira, sakiŋ ḍarat tĕkèŋ gigir, kari roŋ mètĕr kéwala.

33. ciptèŋ nala mañcĕlata duruŋ dugi, kawĕkèn tyasira, mĕnĕŋ ṅupaya pambudi, budayèŋ dora sĕmbada.

34. aywa koṅsi katara dènnya ṅapusi, maraŋ dwirocana, dènira mèt ṅakal sandi, rèḥ atasiŋ urip wĕnaŋ.

35. ṅupa srana isarat iṅkaŋ ṅuripi, naṅiŋ ywa mitĕnaḥ, awit khayat khayun dadi, sipatiŋ hyaŋ maha mulya.

24. paṅkur

1. kapuṅkur guṅiŋ piwulaŋ, kañcil nulya nabda ḍumatĕŋ èṣṭi, kayaparan pamikirmu, apa sun matur nĕraŋ, sowan jaṅkĕŋ nabi ṅatas iṅkaŋ ḍawuḥ, tĕkaniŋ dina kiyamat, bésuk apa kaŋ wus paṣṭi.

2. iṅsun manut kaṛĕpira, apa amuŋ ṅĕntèni anèŋ ṅriki, dwipaṅga alon umatur, bab punika prayoga, lamun sarju paduka ṅatasa ḍawuḥ, sowan jĕŋ nabi suléman, béñjiŋ punapa kaŋ mĕṣṭi.

3. manawi kalamèn tĕṅga, wontĕn ṅriki kaliṛĕn datan bukti, pados gĕsaŋ tĕmaḥ lampus, déné yèn sampun tĕraŋ, béñjiŋ dintĕn punapa iṅkaŋ sahèstu, paduka kaliyan amba, mlĕbĕt iŋ jugaṅan maliḥ.

4. phalguṇa taṅgap iŋ śabda, yèn maṅkono iṅsun arṣa sumiwi, agé uṅgaḥna maṇḍuwur, sarana tlalénira, kañcil nulya kinruwĕl iŋ tlalé sampun, kahiṅgahakĕn ḍaratan, srĕk tan ṛĕkasa nèŋ ṅiṅgil.

5. kañcil alon śabdanira, hèḥ gajakṣa sira tuṅguwèŋ ṅriki, poma poma wĕkas iṅsun, ywa sira luṅa luṅa, lamun iṅsun duruŋ bali aja mĕtu, dwipa maṇṭuk kañcil méntar, sukèŋ tyas marwata siwi.

6. sasat pĕjaḥ maṅgiḥ gĕsaŋ, sukur iŋ tyas antuk parmaniŋ widdhi, sèwu yuta nuwun nuwun, lir maṅgiḥ wukir ṛĕtna, jiṅklak jiṅklak sirig sirig pacak gulu, wus maṅkono kahuripan, tan siwaḥ kéwan lan janmi.

7. phalguṇa èṅĕt iŋ réna, iṅkaŋ anèŋ pasraman ampèlgaḍiŋ, praptaniŋ ḍépok katĕmu, uga samya raharja, dupi antuk roŋ dina kañcil gya émut, ubayané mriŋ dwirada, kaŋ ana iŋ sumur mati.

8. éṅgal dènira wisata, tan kacrita iŋ marga praptèŋ prigi, uluk salam ṅalaikum, akulmikmin dirada, anahuri wa ṅalahikum salamu, kañcil ṅuṅak alon nabda, ho o bĕnĕr sira èṣṭi.

9. iṅsun wus ṅatas paréntaḥ, ñuwun wikan praptanirèŋ prajaṅji, kaṅjĕŋ nabi pariŋ ḍawuḥ, hyaŋ kaŋ murwèŋ bhuwana, duruŋ tĕmtu paṅguluṅiŋ bhumi pitu, taṅkĕbé bhumi akasa, gumantuŋ karṣaniŋ widdhi.

10. anaṅiŋ paṣṭi klampahan, rèḥ wus komram kasĕbut dalil hadis, paṅandikaniŋ pra kutup, kaŋ winahya iŋ kuran, marma kaṅjĕŋ nabi paṅandikanipun, bésuk yèn kuraŋ sapasar, pariŋ ḍawuḥ maraŋ mami.

11. jabarahil kaŋ dinuta, aṅupaya ṅĕndi ṅgoné pinaṅgiḥ, ḍawuhiŋ hyaŋ maṅké mundur, ḍawuḥ iku pacuwan, tan karilan sabĕn kéwan bahé kruṅu, naṅiŋ iṅsun sira paḍa, ḍinawuhan ulaḥ dini.

12. ñjĕnĕṅkĕn klimaḥ tayibaḥ, rina wĕṅi kinèn cipta tyas éliŋ, salat sarta sujud rukuk, kadya préntahiŋ kuran, saha kinèn ṅgĕgulaŋ surasèŋ ṅilmu, kaŋ makṣud sajroniŋ tékad, kaŋ cocog surasèŋ dalil.

13. maṅkana jarwaniŋ cĕgaḥ, wa sréṅatu bi la tarékat batil, tĕgĕsé saréṅat kudu, ṅaṅgo ṅilmu tarékat, lamun datan maṅkono batal kaŋ laku, tarékat bi la makripat, loro iku tanpa dadi.

14. tĕgĕsé ṅilmu makripat, baraŋ kawruḥ kudu wruḥ taṇḍa sakṣi, surasa myaŋ rasanipun, tanpa kacakrabawa, basukiniŋ nala narima satuduḥ, sajroniŋ atimu ana, pataŋ prakara ṅilmu writ.

15. iyèku ṅilmu saréṅat, tarékat lan hakékat makripati, papat pisan kudu wĕruḥ, kaŋ mukṣis iṅkaŋ pana, jĕnĕŋ urip wus paṣṭi joḍoné lampus, nèŋ akhir nĕmu paṅgonan, kaŋ tan ana ṅupamani.

16. dwipaṅga taṅgap iŋ nala, wasitaniŋ kañcil kaŋ wus kawijil, mawèḥ taṇḍa ahli ṅilmu, saṅkĕp silaniŋ gĕsaŋ, praptèŋ layu saṅkanparanira putus, gajaḥ matur ṅanor raga, silakramanirèŋ urip.

17. dworada nir subasita, tanpa kira lamun paṅgawé sandi, amuŋ ṅuṅun mantĕp ñjĕtuŋ, rèḥ tyasé wus kakĕnan, kĕnèŋ wuwus dibya paṅulahiŋ ṅilmu, ḍasar ñata kañcil tama, putus ṅilmu duña akhir.

18. phalguṇa maliḥ manabda, rèhné sira nèŋ sumur kadipundi, laḥ apa ta bisa mĕtu, sakiŋ daya priyaṅga, lamun nora baṅkit iṅsun éṅgal matur, maraŋ bagéṇḍa suléman, malahékat kaŋ nuluṅi.

19. naṅiŋ prayogèṅsun gajaḥ, ĕntèkĕna kuwat rosanta ḍihin, budidayanirèŋ kalbu, déné lamun wus tita, nora bisa iṅsun iṅkaŋ éṅgal muñjuk, brajamuka nambuŋ śabda, yèn namuŋ sĕmantĕn iṅgiḥ.

20. kados kados dèrèŋ wĕgaḥ, éwadéné yèn tĕlas iṅkaŋ budi, tan daya amba pukulun, iṅgiḥ masaboroṅa, waṅsul iṅkaŋ sampun muŋ samantĕn bahud, paduka ñiṅkira éṅgal, kawularṣa mamèt budi.

21. manawi katut iŋ kisma, kañcil miré gajaḥ tumandaŋ aglis, sarosa gaḍiŋ tumanduk, ñjugrugi ṅériŋ ṅanan, ṅarṣa wuri tĕmaḥ loṅsor punaŋ sumur, warata paḍa sakala, maṅkono digdayèŋ èṣṭi.

22. aja kaŋ tilas guṣkara, nadyan juraŋ pèrèŋ wrĕkṣa guŋ gusis, samantara dwipa mĕtu, sakiŋ tilas jugaṅan, kañcil makṣiḥ nuṅgoni arṣa wèḥ tutur, nulya dwirocana méṇḍak, èṣṭané ujuŋ mriŋ kañcil.

gajaḥ minta lan tampa pitutur ṅilmu wéjaṅané kañcil

23. sarwi matur ṅanoraga, manuhara mlas arṣa milutèŋ siḥ, aḍuḥ saŋ widagdèŋ kawruḥ, bijakṣa nawuṅkriḍa, amba ñuwun barkaḥ puruhitèŋ ṅilmu, saréṅat dinilmustapa, kamukṣan tiṅkaḥ agami.

24. agama gaman akhirat, mañjiŋ islam kaṅgé iŋ duña akhir, amba ñuwun wijaṅipun, iṅkaŋ wijaŋ wijaṅan, galur turut tuturutanirèŋ ṅilmu, iṅkaŋ kaṅgé ṅriki ṅrika, rèḥ paduka akulmukmin.

25. amba dèrèŋ naté wikan, kéwan wana kaŋ putus ṅilmu jati, cakĕp silaniŋ tumuwuḥ, wanuḥ lan nabi sléman, saha baṅkit mĕḍarkĕn ṅilmu linuhuŋ, marma sadarpa miminta, sajar wijaṅirèŋ ṅilmi.

26. tĕdaḥna iŋ saṅkanparan, kaŋ sañata kulèṣṭi duña akhir, nadyan kinèn ambĕk sadu, sabar ḷĕgawèŋ nala, yèn wus tĕraŋ gaḍuhan kawula tuhu, dados botĕn ḷĕbar lahan, maṅkana śabdaniŋ kañcil.

27. bab iku luwiḥ prayoga, sira darbé cipta kapéṅin mami, ṅlakoni maṅulaḥ ṅilmu, agama kaŋ sampurṇa, islam kudu mituhu rèhirèŋ rusul, pra nabi kakasihiŋ hyaŋ, gampaŋ kéwala yun ṅilmi.

28. ṅilmu apa bahé ana, iṅkaŋ dakik dakik atasiŋ urip, aboté pitukunipun, ṅgaḍuḥ ṅilmu utama, iṅsun kira sira gajaḥ duruŋ cukup, tyas sudirja paramarta, sabar péraŋ rina wĕṅi.

29. daṛĕdaḥ akèḥ kaŋ ala, rina wĕṅi wahyaniŋ pikir silib, kĕṛĕp kaliṇḍiḥ kaŋ ayu, déniŋ dajal jin sétan, luwiḥ kuwat paṅgoḍa dayaniŋ napsu, yèku lakuniŋ oliya, sapa kaŋ bisa ṅlakoni.

30. sayaktu mukmin utama, manut iŋ rèḥ napsu kaŋ rupa putiḥ, lurus mulus cipta alus, aṅlĕs rasaniŋ driya, budi pasèk bidĕṅaḥ sirṇa sadarum, yèku kaŋ kasĕbut islam, cocog daliliŋ ṅakahid.

31. uniniŋ lapal maṅkana, al islamu dabikulnupussati, tĕgĕsé islam puniku, nambĕlèḥ napsunira, kaŋ maṅkono ṅampaḥ budi cipta dudu, tĕtĕp oliyaniŋ sukṣma, budyarja rilambĕk niti.

32. marma ṅilmu luwiḥ gampaŋ, muŋ lakuné kaŋ éwuḥ ḍĕmit ruṅsit, sèwu siji iṅkaŋ saguḥ, ṅlakoni tyas raharja, ajiniŋ woŋ akulmukmin putus ṅilmu, wranané sabar darana, sĕtyéklas rahina wĕṅi.

33. akèḥ lamun sun jèrèṅa, patrapira pĕraŋ lan napsu katri, sabĕn kéwan bahé wĕruḥ, ṅilmu agama islam, muŋ ṛĕgané luwiḥ laraŋ tanpa pétuŋ, rina wĕṅi nĕmbaḥ iŋ jad, lan prihatin cipta éliŋ.

34. iku muṣṭikaniŋ tama, yèn katiban ṅilmu makripat wĕniŋ, wĕnaŋ winruhkĕn kaŋ jĕntus, paṭiniŋ rasa mulya, iya iku ḍalaŋ sajati kaŋ mĕṅku, mosik mĕnĕŋ ṅatas karṣa, wus tan rumasa ndarbèni.

35. dwipaṅga matur sandika, bab punika nuwun sakĕṭi amin, lampaḥ kaŋ sampun tinutur, cĕgahaniŋ makripat, kĕdaḥ lampaḥ sabar santa budi sadu, bokmanawi aṅsal barkaḥ, kawula sagĕd ṅlampahi.

25. ḍaṇḍaŋgula

1. lir sarkara śabdanirèŋ kañcil, hèḥ dwirada rèḥ sira wus sagaḥ, ṅilmu kinahot lakuné, atasiŋ kéwan saguŋ, iŋ makripat yèn wus ṅawruhi, tĕgĕsirèŋ makripat, wruḥ rasaniŋ ṅilmu, mañjiŋ sajĕroniŋ nala, nora samar pramana jjt mahujudi, tan ana paṅran liya.

2. aṅiŋ allaḥ kaŋ sinĕmbaḥ puji, daliliŋ kitab usul pratéla, la makbuda pilwujudé, illallaḥ tĕgĕsipun, tan manĕmbaḥ wujud sakalir, aṅiŋ allaḥ taṅala, wondéné patrapmu, anĕmbaḥ maraŋ paṅéran, mobaḥ molaḥ mosik mĕnĕŋ atas gusti, iṅkaŋ samiṅun basar.

3. aywa ṅaku kawasa sirèki, paniṅalmu paṅambu pamyarṣa, paṅucap allaḥ kaŋ darbé, cĕṅkrama nèŋ sirèku, yèn wus tĕraŋ tampa bab iki, tamtu karan woŋ wikan, maṅka panĕmbaḥmu, pramana gusti kawula, iya sira dadi kwula dadi gusti, sirṇané anèŋ sira.

4. rusul rasul mukhammad nèŋ jisim, wus tĕṅaluk jaba jĕronira, déné mukhammad jabané, rasa kapénakipun, lara lapa rasa mĕṅkoni, rusul mobaḥ pratiṅkaḥ, awas na bab iku, kabèḥ kawulaniŋ allaḥ, déné allaḥ tanpa rupa tanpa warṇi, naṅiŋ mĕṅku ciptanta.

5. upaminé yèn sira lagya ṅliŋ, aniṅali miṛĕŋ tuwin ṅganda, sapa puniku kaŋ akèn, lan sapa iṅkaŋ kruṅu, sira amuŋ dharma ṅlakoni, sumaraḥ iŋ sapréntaḥ, muṅguḥ hyaŋ maha guŋ, iṅkaŋ sipat kadim baka, tanpa araḥ nora jaman makam sĕpi, nora kacakrabawa.

6. datan ṅalap wiwitan mĕkasi, muŋ jumĕnĕŋ lawan ḍéwé ñata, pira pira pralambaṅé, ḷĕmbut ṅuṅkuli bañu, lumoḥ bisa ṅidĕri bhumi, cébol aṅgayuḥ lintaŋ, kadayané puñjul, kasampar kasaṇḍuŋ kocap, naṅiŋ araŋ sato kéwan kaŋ udani, cĕḍak tanpa gĕpokan.

7. sarta tanpa lésan lamun aṅliŋ, aniṅali tanpa ṅaṅgo nétra, tanpa karṇa pamiṛĕṅé, nukṣma iŋ wicaramu, sajatiné gajaḥ sirèki, nora bisa micara, yèn tan ana iku, paḍaṅé ṅuṅkuli surya, baraŋ karṣa ṅliṇḍuŋ karṣanirèŋ gusti, puṅsĕṅĕn kaŋ kapaṅgya.

8. baraŋ karṣa kudu aṇḍisiki, arṣa sĕmbahhyaŋ iku wus salat, lumaku ḍisik parané, préntaḥ mriŋ rusul rasul, nora kĕna mrĕṅkaŋ pribadi, makṣiḥ aṅatas karṣa, taṇḍané yèn makhluk, datan rumasa kuwasa, aṅiŋ allaḥ kaŋ sipat sulbiyaḥ yakin, wujud kaŋ tanpa warṇa.

9. naṅiŋ yèn wus paṅaṅgĕpmu mukṣis, saha wus wruḥ budayaniŋ ṅakal, salin salin paṅwasané, guṅé sajagad kĕmput, yèn dèn riṅkĕs amuŋ satugi, malaḥ tan kaṇṭa warṇa, sunya ĕmbuḥ mahu, hajaḥ ywa sira pépéka, nora kĕna muṅkir tanpa budi pikir, wus kasaṇḍaŋ nèŋ sira.

10. marma dwipa yèn sira hyun ṅilmi, makripat kaŋ kaṅgo kéné kana, yèn wus wruḥ sipatmu ḍéwé, naṅiŋ ywa sira ṇḍaku, rèhniŋ sira makṣiḥ kakaliḥ, wujud loro jro jaba, uga wĕnaŋ ṅaku, manawa wus warṇa juga, wujud tuṅgal iya kawula ya gusti, saḥ badan sukṣmantaya.

11. déné lakuniŋ ṅurip kudu wrin, atasiŋ sato buron wanarga, sampurṇakna wruḥmu ḍéwé, lan tĕgĕsiŋ sastrayu, yuniŋ jagad ananiŋ tulis, tĕgĕsé jéndra duña, luwiḥ jĕmbar ṅlaṅut, rahayu kaananira, kana kéné ujaré paṇḍita murti, kéwan wruḥ dadya janma.

12. sitijĕnar asal sakiŋ wrĕjit, dupi ṅruṅu kaŋ sastra arjéndra, nulya dadya manusa gé, dinaṅu baṅkit matur, warṇèŋ jéndra rasanirèki, tuwin suwaranira, déné warṇanipun, pĕcahiŋ lambé punika, maratani mĕnuhi badan sakalir, ratunirèŋ antaya.

13. uniné hu umañjiŋ iŋ tarki, bahit almakmur basané woŋ arab, lirnya bahit : omaḥ tĕgĕsé, makmur praméyanipun, yéka ḍatu karaton suci, kasuciyaniŋ kéwan, muṅguḥ aranipun, kaŋ kalumraḥ baṅsa jawa, tĕmbuŋ arab alip mutaklimunwakid, lambé ṅiṅgil gaḷĕrnya.

14. uga paḍa muŋ tĕmbuṅé slisir, woŋ jawa lan woŋ arab tan siwaḥ, naṅiŋ surasané cècèg, marma gajaḥ dèn émut, rumakĕtiŋ ṅilmu sajati, luluḥ wor sĕdya tuṅgal, wruḥ pisaḥ myaŋ kumpul, kumandĕla iŋ jad mutlak, kaŋ tan samar krĕntĕk polaḥ cipta uniŋ, cuṇḍukna dalil kuran.

15. kaŋ jinarwan déniŋ pra musanip, tanaḥ ṅajam géléṅan asiyaḥ, muṅguḥ allaḥ waṣkiṭané, wa allahu ṅalimun, bidatissu sudurinnasi, tĕgĕsé gusti allaḥ, ṅawruhi krĕntĕkmu, ḍaḍaniŋ umat sadaya, marma kudu tiṅkaḥ polaḥmu kaŋ yukti, woŋ tarikulṅapiyaḥ.

16. rina wĕṅi pasraha iŋ widdhi, yèku islam iṅkaŋ ahli ṅamal, aywa saḥ mumuji ḍéwé, nèŋ paṅgonan kaŋ samun, patitiṣṇa kĕcapiŋ laṭi, mahu sun wus wawaraḥ, yèn sira dikir hu, ilatmu tĕkukna cĕṭak, ṅèkṣi grana luluḥ tékad kaŋ sawiji, tarèkna kisbandiyaḥ.

17. yèn sira yun wĕruḥ warṇa putiḥ, sipatmu tétéla rupa séta, nèŋ ṅarṣanta kaya kowé, dikira iṅkaŋ jumbuḥ, pandĕṅĕn trus iŋ lahir batin, taṅanira kaŋ kiwa, nutupa pusĕrmu, tumumpaŋ paṅkon kaŋ kanan, dikira hu hu hu hu tamtu dumĕliŋ, iŋ sipat séta mulya.

18. wus sun ruṅkĕs pamijaṅsun èṣṭi, wuwuhiŋ nugraha ṅilmu rasa, tan iṅan budinĕn ḍéwé, bab jèrèṅaniŋ kawruḥ, pami wit paŋ goḍoŋ lan pĕntil, wuwuhana priyaṅga, rèḥ lajĕré sun wus, awèḥ pañcĕr maraŋ sira, lamun kéwan kawruḥ maṅkono wus iṅgil, yèn manusa tan arṣa.

19. brajamuka dupi wus naṅgapi, sasmita di tumanĕm iŋ puwat, sanubari sadayané, tyas juḍĕg tanpa wuwus, sirṇaniŋ was lakuniŋ urip, paṅulahiŋ kasidan, aṇḍépa lon matur, sèwu panuwun kawula, datan baṅkit atur waḷĕs kaŋ ṅiribi, tarlèn muŋ tuhu sĕtya.

20. botĕn laṅkuŋ amba amĕkaṭik, manakawan ṅlĕbur tapak tilas, mèstu mituhu sapaṅrèḥ, kañcil sumambuŋ wuwus, iṅsun trima sĕtyanta èṣṭi, aywa sira tut wuntat, bésuk dina puṅkur, lamun sira tampa warta, sarirèṅsun saṅsara utawa mukti, éṅgal sira nusula.

21. lan kañcamu dwipa liman èṣṭi, iṅkaŋ paḍa nèŋ krĕṇḍawahana, kaŋ sarju iridĕn kabèḥ, myaŋ tularana kawruḥ, ṅilmu rasa sasmita kaŋ writ, paṅawulaniŋ gĕsaŋ, duña akhiripun, sun arṣa nutugkĕn lampaḥ, mèstu iŋ tyas nuruti paraniŋ sikil, ṅĕndi tibaniŋ mulya.

22. amituhu warahirèŋ dalil, kuran paṅandikaniŋ paṅéran, kaŋ muṅguḥ kalamé ḍéwé, man talaba sahĕun, wajidahu siŋ sapa mamriḥ, sayĕkti tinurutan, rahmaniŋ hyaŋ aguŋ, laḥ agé gajaḥ muliha, mriŋ wismanta krĕṇḍawahana wanadri, dwipa sandika maṅkat.

23. datan lami dwirocana prapti, iŋ wismanya mĕpakakĕn kadaŋ, warga mitra sasaminé, samya winèhan kawruḥ, iŋ makripat dinil agami, tarékat lan hakékat, kaṭaḥ suka sukur, sadayèṣṭi muruhita, mantĕp tĕtĕp tĕmĕn tĕmĕn iŋ paṅèṣṭi, ṅlakoni rèḥ susila.

24. akèḥ iṅkaŋ aṅĕniṅkĕn budi, ṅlakṣaṇani sabar rila éklas, ucapĕn kañcil lampahé, añjajaḥ siṅit siṅup, rumpil suṅil kaŋ wĕrit wĕrit, ṅupa tambahiŋ nalar, lawan kupiya guŋ, pinuluŋ sajroniŋ nala, wus maṅkono tyasiŋ jawa kaŋ linuwiḥ, saka gĕnturiŋ tapa.

25. ninitèni midĕr milaŋ kori, jalak paniṅal kaŋ sĕpi sunya, séjé woŋ éropaḥ wité, pintĕr saka winuruk, paṅajaran mèstĕr kaŋ luwiḥ, sakolaḥ dalu rina, kaananiŋ buku, kagĕluŋ nala ginulaŋ, pan maṅkono caraniŋ woŋ kulit putiḥ, ya ta wahu phalguṇa.

26. dèrèŋ masa praptanirèŋ ghaib, makṣiḥ sinĕṅkĕr déniŋ paṅéran, kudu kasaṅsaya bahé, dènnya muraŋ sila yu, sriŋ kasaṇḍuŋ dalan waradin, kabĕntus ṅawaŋ awaŋ, kasrĕg pagĕr suru, maṅkono iṅkaŋ klakuwan, agĕŋ alit dahat kabyatan iŋ cobi, naṅiŋ ujariŋ jaṅka.

27. yèn iŋ tĕmbé mĕṅku wibawa di, jinuñjuŋ iŋ kutu alaŋ taga, samya aṅaṅgĕp pamasé, sinĕṅkakkĕn iŋ luhur, mĕṅku kukum yudanagari, mañcasi sukrĕtyèŋ rat, doracara ḷĕbur, rawé rawé pĕtĕŋ ilaŋ, kawimbuhan darajadiŋ narapati, pati panatagama.

28. amĕṅku rat iŋ jagad kapuṣṭi, maṅkya dèrèŋ pisan kawistara, makṣiḥ gumantuŋ kodraté, mokal karṣèŋ hyaŋ aguŋ, yun sinĕmbaḥ kutu sakalir, kombul iŋ jagad raya, kasub koṇḍaŋ kiduŋ, kontap tumutur katular, kotamané iŋ kukum tyas susiladil, budyarja samahita.

29. martotama gunardika murti, doracara nir sakiŋ widibya, maliŋ mala méraŋ kabèḥ, wus karṣaniŋ hyaŋ aguŋ, jaman kitraḥ kéwan wanadri, muṅkul budi raharja, tatakrama putus, maṅulaḥ gama sampurṇa, yéka kañcil bakal jumĕnĕŋ sisiliḥ, suléman mulkuniŋ rat.

27. asmaradana

1. phalguṇa braṅtaniŋ ati, kaya paran raganiṅwaŋ, nora ana wĕkasané, yèn maṅkéné bahé ñawa, tan yogyantuk utama, ṅalor ṅidul muŋ ṅgadĕbus, adol dora mrana mrana.

2. bakalé cupĕt iŋ wuri, kagunan lan kasantikan, kanalaran tanpa gawé, kasusastran tanpa guna, yèn kuraŋ mĕṛĕs tékad, tan tumraḥ séwaya putu, cabaré tumibèŋ kompra.

3. yèn sun tan ṅupa utami, anak putuku saṅsara, lanaŋ mikul wadon ṅgéṇḍoŋ, bagjané dadi ojogan, ñuñuṅgi mriŋ samaraŋ, run tumurun dadi bahu, ilaŋ bibitiŋ kusuma.

4. lan maliḥ laku ṅoŋ silib, mĕmĕt ḷĕmbut tan katara, nandukkĕn goroḥ tan katon, naṅiŋ jad kaŋ murwèŋ jagad, kaŋ sipat samak basar, kodrat ṅilmu khayat khayun, waṣkiṭa tiṅkaḥ durcara.

5. ṅawruhi lakuniŋ abdi, ala bĕcik kalamullaḥ, nulisi apa anané, sakiŋ kodratiŋ paṅéran, ujariŋ paribasan, yèn kĕbak sundukanipun, lawas lawas kawadaka.

6. upama uwoŋ mamaliŋ, nadyan tan ana kaŋ wikan, patrap pratikĕliŋ coloŋ, aṅĕn aṅĕn paṣṭi tĕraŋ, sapolaḥ laku jantra, maṅka aṅĕn aṅĕn iku, kawulanirèŋ hyaŋ sukṣma.

7. kaya ta si gajaḥ ṅuni, guŋ luhur śakti sudibya, kalana jayèŋ palugon, prandéné sun palacidra, kapiŋ piṇḍoné iya, iṅsun ṅrusak timun wuku, aṅgĕmpal tĕntrĕmiŋ janma.

8. ñuda rijĕkiniŋ janmi, tĕmahan sun tampa sikṣa, iŋ duña kaŋ luwiḥ gĕḍé, kĕnèŋ saya pulut bĕṇḍa, kapikut kinuruṅan, sĕnik tiniṇḍihan watu, tujuné srĕṅgala tĕka.

9. iṅsun bujuk ujar manis, ṅgugu tyas sona kagiwaŋ, miturut ujar sun goroḥ, yèn maṅkono wus tétéla, sun iki doracara, ḍuḥ allaḥ iṅkaŋ maha guŋ, tobat kula kasahida.

10. lampaḥ dur iṅkaŋ kawuri, yun ṅèṣṭi cĕgahiŋ kuran, ṅluhurkĕn kratoniŋ manon, yaktyamba dahat nalaṅsa, sĕdya mituhu jarwa, syarak kitab kaŋ misuwur, warata cakraniŋ duña.

11. bab ḷĕṭĕg gĕlahiŋ bhumi, durta laknatiŋ paṅéran, marma marma tobat salaminé, hé bhumi laṅit maruta, sahisiniŋ bhuwana, dahana kalawan bañu, para nabi wali saṅa.

12. uliya saha musanip, jamhur pukaha paṇḍita, sakṣènana sĕtyaniṅoŋ, yèn tĕmbé lakuwa ala, ḷĕbura wor pratala, nulya na swara gumluḍug, gĕtĕr patĕr iŋ akasa.

13. traṅgana surya lan sasi, ṅèstrèni kañcil tobatnya, cukulaniŋ bhumi kabèḥ, samya muji sukur suka, kañcil dènnya prasĕtya, bayarṣa timbuliŋ tutur, bakal suciniŋ bhuwana.

14. pamrĕsiŋ budi rudatin, tumulya kañcil wisata, sĕdyèŋ tyas mriŋ guwa laṅsé, guṭaka tĕpi samudra, manraŋ iŋ wèṣṭi priṅga, anĕmpuḥ baya pakéwuḥ, datan ṅétuŋ jiwa raga.

15. sunya wañcakiŋ driya nir, muŋ kétaŋ druhakanira, patrap dur kaŋ wus linakon, cakraniŋ nala narantaŋ, was sumĕlaŋ kabraṣṭa, liṅluŋ lalu tékad luluḥ, ḷĕbura ṛĕjasèŋ kisma.

16. karuna waṣpa drĕs mijil, lir riris yayaḥ kinuras, nirdéya manraŋ pakéwoḥ, nulyañjog iŋ paraṅtigan, laju ṅétan kéwala, nurut titahirèŋ ranu, nĕmpuḥ trunaniŋ udaya.

17. ṅuṅun ṅrĕs rarasiŋ ati, pasraḥ iŋ jad suci mutlaḥ, m‍ĕḷĕŋ cukuliŋ pawartos, kuran ḍawuhiŋ paṅéran, jahètsamanul janat, woŋ tapa mañjiŋ pituku, niŋ swarga duña akhirat.

18. wus ariŋ bab antuk wukir, kaŋ katĕmpuḥ ombak toya, lampahé kañcil nut pèrèŋ, curi tumawiŋ samodra, samantara wus prapta, guwa patilasanipun, kaṅjĕŋ sunan kalijaga.

19. saha sékḥ mulana mahgrib, tuwin hyaŋ bhaṭara suman, nulya winuryan jamané, śri naranata mataram, sultan aguŋ iŋ kĕrta, sinuŋ gawaŋ mawa pintu, tinrapan iŋ gubaḥ mulya.

20. iṅatur rinĕṅga adi, natar pinatut araras, sinuŋ trṇgran guwa laṅsé, samana kañcil kacaryan, sariniŋ kaŋ asrama, ṛĕṣpati pantĕs ṅgon nĕkuŋ, maṅatas iŋ cipta maya.

21. wiwarèŋ guwa sawiji, blumbaṅé pasagi papat, aṅidul ṅétan aṛĕpé, dupi kañcil waṣkiṭèŋ tyas, umaṅsaḥ mañjiŋ sigra, jĕroniŋ guwa luk tĕlu, dĕṛĕs tètèsirèŋ toya.

22. iŋ jĕro kadi garimis, ajĕg slaminé tan kĕṇḍat, botrawi kanan kériṅé, mili añjog iŋ balumbaŋ, kañcil tumĕṅèŋ kéblat, silasta tumumpaŋ jĕṅku, amèkṣi tikṣwaniŋ grana.

23. ciptaniŋ tyasira kañcil, nĕgĕs puwadduljakiyaḥ, mantĕp maṭĕṇṭĕŋ ciptané, luwiha sasamèŋ titaḥ, śakti gunardikanya, luhur mati ḷĕbur luluḥ, yèn tan antuk kaŋ nugraha.

24. nurbuwat drajad narpati, kasub iŋ jagad wiryawan, èstu cabar yèn tan darbé, kadibyan amĕṅku praja, marmané dahat pasraḥ, iŋ jad kaŋ murwèŋ pandulu, ñumpĕt kanaŋ nawasaṅa.

25. napi isbat kaŋ pinuṣṭi, sujud takbirratulékram, jumbuḥ iŋ rahśa rasané, tuṅgal urip lan kaŋ gĕsaŋ, aṅguluŋ cipta maya, wus wĕniŋ wĕnaŋ iŋ kalbu, yayaḥ radèn danañjaya.

26. duk anèŋ héndrakilardi, ana rupa tan kaprikṣa, swara tan rinuṅokaké, ana ambu tan ginanda, muŋ rukyatu taṅala, iṅkaŋ pin‍ĕḷĕŋ wus jumbuḥ, gusti lan kawula tuṅgal.

27. arjuna kalawan kañcil, muŋ slisir kéwan manusa, naṅiŋ surasané cècèg, kamurahaniŋ jad mulya, tan kalimput iŋ ḷĕmbat, hindu arab cina antuk, sapa tĕmĕn tinĕmĕnan.

28. rèḥ sipat rahmanirrakim, muraḥ duña siḥ akhirat, tĕmĕn tinĕmĕnan yaktos, saciptaniŋ nala tĕka, nadyan kapir budḍaa, nora béda aṅgĕpipun, muŋ séjé patrap kéwala.

29. paminta kaṇṭi prihatin, èstu lamun katurutan, apa kaŋ kinaṛĕpaké, nadyan minta ṅéjawantaḥ, hyaŋ sukṣma kasatmata, tĕtĕmon imbal pamuwus, nora wuruŋ tinurutan.

30. kañcil lami nuṅku puji, tan bukti ṅinum lan néndra, ṅalumpruk jiwa ragané, kari gagra lan usika , lir gustika wor kisma, muŋ kĕtĕg kaŋ makṣiḥ wutuḥ, mracihnani makṣiḥ gĕsaŋ.

31. dupyantuk tri warṣa ṅuni, dènnya ana iŋ guṭaka, antuk ilhamiŋ hyaŋ manon, tinarbuka iŋ paniṅal, nuju dina jumuṅaḥ, wayahira liṅsir dalu, ṅèkṣi paḍaṅiŋ akasa.

32. sorot sĕmu ijo kuniŋ, agĕŋnya satabon klapa, pracimantara saṅkané, lir cañcala praptèŋ ṅarṣa, niŋ kañcil nuli ana, cinaṇḍak caṇḍak plas mlĕbu, sahukiran mañjiŋ grana.

33. paḍaṅé saya nĕlahi, lir bĕḍahiŋ laṅit sapta, datan katon guwa laṅsé, nuli ana janma wrĕda, prapta sakiŋ awiyat, pariŋ sasanti rahayu, kañcil gupuḥ pasaŋ cipta.

34. mulat mriŋ kaŋ nĕmbé kèkṣi, wĕnĕsiŋ cahya ariya, ṅasorkĕn diwaṅkarané, ki wrĕda luntur iŋ śabda, hèḥ sira wus tinrima, muṅguḥ iŋ allaḥ tobatmu, déné ta munajadira.

35. ṅuṅkulana iŋ sasami, saminiŋ buburon wana, ṅiḍĕpa iŋ sira kabèḥ, kukum lan yudanagara, mañcasi sukĕrtyèŋ rat, doracara laku dudu, kartané kasraḥ iŋ sira.

36. wus tĕraŋ ḍawuhiŋ widdhi, kinèn mratakakĕn sira, iŋ rata karta tĕntrĕmé, kaŋ sarta dinil mustapa, milati ibrahima, myaŋ saréṅat mukhammadun, rasulullaḥ wratakĕna.

37. kaŋ kapiŋ piṇḍoné kañcil, ḍawuhiŋ hyaŋ kaŋ murwèŋ rat, sira pinariṅan maṅké, kalpika di mawa prabha, lètĕr wé pasèt prasman, gosok nèdĕrlan umañcur, sumorot tuméjaṅkara.

38. iki kaŋ minaṅka buslid, aktĕ piyagĕm wĕwĕnaŋ, paṅĕrèḥmu maraŋ sato, kutu kutu alaŋ taga, katĕkĕm nèŋ astanta, naṅiŋ sira kudu kudu, ṅluhurṇa bagéṇḍa sléman.

39. ibnu dawud prajèŋ mĕsir, yéka ḍuḍuwuranira, kaŋ kadi sĕdyanta ḍéwé, tĕgĕsé sira waraṅka, aran nayakawaktra, patihiŋ suléman mulku, sira sinuŋ mĕṅku praja.

40. antuk paṅkat dyan ṅabèi, moṅpraja gĕbaŋ tinatar, parṇahé lor kulon kéné, babadĕn dadi nagara, rèḥ wus kacĕṭèŋ jaṅka, gĕbaṅtinatar praja guŋ, sira kaŋ murwani yasa.

41. hèḥ kañcil wruhanta mami, jabarahil malahékat, dutaniŋ hyaŋ ṇḍawuhaké, kabèḥ sato iŋ wanarga, miwaḥ buron iŋ toya, ḍawuhiŋ hyaŋ kinèn mèstu, atas iŋ paṅuwasanta.

42. wus biratĕn dènta taki, sĕmadimu wus katrima, sigra malékat tan katon, ucapĕn kañcil samana, malad iŋ cipta maya, paḍaŋ narawaŋ lir bonu, dyan mahya saka iŋ guwa.

43. rampuṅiŋ sĕmadi ĕniŋ, nèŋ plataraniŋ guṭaka, mulat kidul wétan kulon, iṅkaŋ lor kèkṣi aldaka, laju muṅgaḥ iŋ arga, lèrèn anèŋ pucak gunuŋ, sèṇḍèn wrĕkṣa truḥ iŋ driya.

para sato kéwan paḍa añjuñjuŋ saŋ kañcil nama radèn ṅabèi amoŋ praja iŋ gĕbaṅtinatar minaṅka wakiliŋ ratu iŋ mĕsir bagéṇḍa suléman

28. mĕgatruḥ

1. gantya iṅkaŋ kawuwusa kutu kutu, alaŋ tataga kaŋ sami, tampi sasmitèŋ hyaŋ aguŋ, lanaŋ wadon agĕŋ alit, gambirèŋ tyas miṛĕŋ wartos.

2. gajaḥ warak baṇṭèŋ macan mésa danu, kidaŋ mañjaṅan myaŋ kuciŋ, gogor rasé luwak sĕṅguŋ, cèlèŋ kĕṭèk lan añjani, wahuwa raṅutan baṅkoŋ.

3. myaŋ mañawak garaṅan tikus truwèlu, babi jaran wĕḍus sapi, papaṇṭan sabaṅsanipun, tan ana carub wor liṅgiḥ, paṅkat paṅkat lir trapiŋ woŋ.

4. ana iṅkaŋ mlaku ṅidul ṅalor sĕlur, ṅétan ṅulon dupi myarṣi, swara wañci liṅsir dalu, mawa cahya anĕlahi, iŋ laṅit paḍaŋ mañcoroŋ.

5. wĕnèḥ ana kaŋ ṅimpi iŋ wañci dalu, katĕkan woŋ kaki kaki, suŋ wruḥ nuriŋ rat tumurun, kaŋ antuk nuhraha kañcil, sisilihiŋ sléman katoŋ.

6. ana manèḥ kruṅu swara anèŋ luhur, dumĕliŋ mratani bhumi, maṅkana ananiŋ tutur, hèḥ sato kéwan gĕŋ alit, tuwa anom lanaŋ wadon.

7. mituhuwa maṅkya karṣaniŋ hyaŋ aguŋ, nurunkĕn drajad narpati, kaŋ wĕnaŋ masésèŋ kukum, mratakkĕn kitab agami, islam sukciniŋ hyaŋ manon.

8. saha iṅkaŋ kajibaḥ mranata padu, padudon sipil kriminil, rusuḥ saru sirṇa larut, tinrapan kukumiŋ nabi, suléman muriḥ kinahot.

9. musamané anèŋ traḥ yogiswara nuŋ, kañcil sudibya di murti, ambĕk santa martèŋ satru, susilèŋ rèḥ kramaniti, budyarja paramarta nom.

10. anĕtĕpi jaṅka wirayatiŋ daṅu, iŋ gĕbaṅtinatar maṅkin, dadi nagara karta yu, tur ana ratu kaŋ ṅadil, maḍaṅkĕn ruwĕd pakéwoḥ.

11. dina iki kañataniŋ kabar timbul, anèŋ guwa laṅsé wukir, tirahiŋ sagara kidul, wus tampa kalpika buslid, intĕn lètĕr wé mañcoroŋ.

12. sarawèdi barléyan nèdĕrlan mañcur, tuméjaṅkara nĕlahi, mawa waṅkawa kĕkuwuŋ, ṅawĕṅi cahya ṛĕṣpati, déné kañcil prawira nom.

13. iku duruŋ tĕtĕp madĕg dadi ratu, makṣiḥ aran dyan ṅabèi, naṅiŋ kuwasaniŋ ratu, ginaḍuhkĕn mranatadil, yéka taṇḍanirèŋ katoŋ.

14. bakal ana patiḥ jakṣa myaŋ paṅulu, wus paṣṭi kodratullahi, datan salisir sarambut, jayabayaniŋ nagari, iŋ gĕbaṅtinatar mĕṅko.

15. ya ta saguŋ kéwan wana kutu kutu, alaŋ taga kumpul budi, sabiyantu samya tuṅgu, nèŋ gĕbaṅtinatar ṅanti, praptaniŋ muṣṭikèŋ sato.

16. sakiŋ tanaḥ balambaṅan ĕlur sĕlur, lumaku maṅulon mariŋ, gĕbaṅtinatar wana guŋ, samarga margantuk kaṇṭi, gĕḍé cilik lanaŋ wadon.

17. iŋ baŋ kulon tanaḥ bantĕn tĕlukbĕtuŋ, iŋ añĕr saha ciriṅin, andulur maṅétan sĕlur, gumrudug umyuŋ mawarṇi, papaṇṭan baṅsané awor.

18. anèŋ marga marga kèḥ kéwan kaŋ katut, lanaŋ wadon gĕḍé cilik, sadaya ciptaniŋ kalbu, yun mèstutyarja mriŋ kañcil, kaŋ mĕṅku darajad katoŋ.

19. kabar anèŋ gĕbaṅtinatar ṅgènipun, nĕtĕpi jaṅka kaŋ klahir, tarbukaniŋ kanaŋ wahyu, gĕbaṅtinatar nagari, déné sato kaŋ tĕmbiŋ lor.

20. tanaḥ krawaŋ crĕbon tĕgal gunuŋ prahu, aṅidul ṅétan lumaris, gumlèṇḍèŋ saha gumrubyug, siṅa lumiyat tyas giris, samana wus samya añjog.

21. kaŋ lor wétan lumajaŋ pugĕr madiun, iŋ gĕndul loḍaya prapti, ṅlumpuk anèŋ gunuṅkidul, paṛĕṅan tĕkanirèki, bagya binagya kaya woŋ.

22. nulya takon tinakon kaŋ dadi prĕlu, sadaya cocog ṅulati, kañcil kaŋ wus tampa wahyu, dadya sisilihiŋ nabi, suléman ratuniŋ sato.

23. iṅkaŋ antuk buslid lètĕr wé umañcur, barléyan kaŋ sarawèdi, cahyané tuméja ṅuwuŋ, ṅawĕṅi sajagad radin, malukat ghaib kinahot.

24. sato kéwan akèḥ iṅkaŋ gunĕm wuwus, sag‍ĕḷĕṅané pribadi, kabèḥ kañca kañcaniṅsun, ywa luṅa luṅa nèŋ ṅriki, rèḥ kéné timbuliŋ wartos.

25. kaŋ sawĕnèḥ ana kéwan iṅkaŋ muwus, hèḥ ta kañca paran marmi, kéné karan gunuṅkidul, sapa iṅkaŋ asuŋ nami, yèn sun d‍ĕḷĕŋ sakiŋ kulon.

26. pami ana yoja wétan parṇahipun, yèn sakiŋ pacitan nagri, kulon parṇahé kaŋ gunuŋ, kéwan tuwa kaŋ maṅsuli, laḥ ta ruṅokna sun omoŋ.

27. wukir iki marma aran gunuṅkidul, alas pajaŋ ṅuni dadi, nagara karta rahayu, saloriŋ gunuŋ puniki, tĕgĕsé kidul sakiŋ lor.

28. kosokbaliné lor iku saka kidul, marmané gunuŋ puniki, iṅaranan gunuṅkidul, kidul sakiŋ pajaŋ nagri, karan praptané samĕṅko.

29. déné wétan sakiŋ kulon pamètipun, kulon sakiŋ wétan ugi, pikiṛĕn iṅkaŋ sahèstu, yèn sirarṣa nukṣmèŋ murti, aywa kaya woŋ kaŋ boḍo.

30. bisa claṭu wétan ĕlor kulon kidul, ṅisor ḍuwur tan pinikir, muŋ éla èlu lir bahu, wit kakèk moyaṅirèki, tani wudĕlé sabaṭok.

31. wahu kéwan iṅkaŋ anèŋ gunuṅkidul, satanaḥ jawa wus sami, goloṅan sabaṅsanipun, swara kumrĕsĕk tiŋ klĕsik, patiŋ gadĕbug tiŋ clĕmoŋ.

32. tiŋ gadĕbug patiŋ grĕnĕŋ tiŋ katĕpus, pakṣi babaruṅan muni, aṅĕntèni rawuhipun, badaliŋ suléman nabi, kaŋ nindakkĕn karahayon.  

29. ḍaṇḍaŋgula

1. lir sarkara sumiram iŋ bhumi, buron wana dupi kaŋ sinihan, déniŋ hyaŋ prapta iŋ maṅké, jumĕnĕŋ badal ratu, saha mawa taṇḍa kaŋ yakti, warṇi kalpika ṛĕtna, lètĕr wé sumunu, pusakèŋ nabi suléman, iya iku jĕŋ kyayi malukat ghaib, dayané tanpopama.

2. pariṅiŋ hyaŋ sakiŋ suwarga di, kaŋ minaṅka taṇḍa amaréntaḥ, kutu alaŋ taga kabèḥ, kuwat masésa kukum, durtèŋ karta sukĕrtyèŋ bhumi, kaŋ dadya mulyèŋ praja, yéka wus kagaḍuḥ, dumunuŋ nèŋ swéda kanan, kawarṇaa kañcil kaŋ umimba sakiŋ, guwa nèŋ pucak ṅarga.

3. wus tumurun ṅaraḥ araḥ ririḥ, wisata lon sĕdyanirèŋ driya, gĕbaṅtinatar lèr kilèn, sakiŋ dunuŋnya wahu, samantara samana prapti, tirahiŋ wana gĕbaŋ, tinatar puniku, rèrèḥ dupi kruṅu swara, gumarumuŋ kumrusuk patiŋ kaḷĕsik, gadgadèŋ tyas wacana.

4. apa iki déné mawèḥ miris, aṅrĕs raras driya kamigilan, nulya maju ṅinté inté, miṇḍik miṇḍik kaŋ laku, waṣkiṭèŋ tyas dupi maṅèkṣi, buron wana mayuta, warṇa warṇa ṅumpul, rarasané nora béda, ṅajap ajap rawuhé badaliŋ nabi, sulèman natèŋ kéwan.

5. kaŋ paparab kañcil dharma yukti, paran kañca déné nora prapta, ana iŋ ṅĕndi ĕṅgoné, kañcané nambuŋ wuwus, wruhanira kabar kaŋ yakin, nèŋ guwa laṅsé kana, tumuruniŋ wahyu, akhiriŋ maḷĕm jumuṅaḥ, paṅirèṅsun nora lawas praptèŋ ṅriki, papan wahyaniŋ jaṅka.

6. prayogané kaŋ sabar ṅĕntèni, iḍĕp iḍĕp muŋ paḍa tirakat, masa ilaṅa lakuné, sigĕg kaŋ gunĕm catur, sira kañcil titi paniliŋ, yèn pañjĕnĕṅanira, dadya koṇḍaŋ kiduŋ, tumutur tumular tular, sato kéwan rarasané tan salisir, guŋ alit ṅarṣa arṣa.

7. kañcil sukur suka iṅkaŋ ati, déné tan siwaḥ hidayatiŋ hyaŋ, janma wrĕda wirayaté, nulya wisata gandruŋ, ndiṅkik ndiṅkik mriŋ séla iṅgil, luṅguḥ ṅèkṣi pracima, suŋ salam ṅalékum, kabèḥ sato alaŋ taga, saṛĕŋ mulat tumĕṅa wĕruḥ yèn kañcil, sumunu cahyanira.

8. saguŋ sato kéwan iŋ wanadri, wus tan mamaŋ yèku kaŋ sinihan, kacihna taṇḍa yaktiné, prabèŋ nurbuwat mañcur, sumuṇḍul iŋ wiyat ṅawĕṅi, waṅkawa téja sinaŋ, abra markata wus, asrĕp kutu kutu kéwan, lir siniram iŋ tirta marta sayĕkti, sadaya aścaryèŋ tyas.

9. kawuwusa ṅuni liman murid, kaŋ dumunuŋ iŋ krĕṇḍawahana, wus pêpak sumusul kabèḥ, kañcil tan samar ndulu, pan iṅawé gajakṣa nuli, maṛĕk aṅanorraga, tumulya pinĕluk, sinuŋ wruḥ saguŋ sasmita, kadi ḍawuhirèŋ hyaŋ iŋ wañci ratri, dwirocana wus tampa.

10. tandya nabda maraŋ sato sami, hèḥ ṛĕṅĕnta kabèḥ kañcaniṅwaŋ, saka karṣaniṅsun maṅké, saŋ kañcil iṅsun juñjuŋ, sakiŋ ṅaṇḍap sumĕṅkèŋ ṅiṅgil, dyan bèi amoṅpraja, sisilihiŋ mulku, iŋ mĕsir bagéṇḍa sléman, iŋ samĕṅko wawakil ana iŋ ṅriki, tĕraŋ karṣèŋ paṅéran.

11. mawa taṇḍa iṅkaŋ maṅka buslid, iki lètĕr wé gosok barléyan, iṅkaŋ tuméja soroté, puniki warṇanipun, anĕtĕpi jaṅkaniŋ nagri, yèn iŋ gĕbaṅtinatar, dadya praja aguŋ, déné nalika jumuṅaḥ, liṅsir wĕṅi paḍaṅiŋ jagad nĕlahi, iyèki iṅkaŋ mawa.

12. wus mupakat paréntahiŋ èṣṭi, saguŋ kéwan umatur sandika, gumyaḥ suka sukur kabèḥ, aṅèstrèni jujuluk, radyan bèi moṅpraja kañcil, tumulya uwahuwa, andoṅa pañjuñjuŋ, nurbuwatirèŋ karajan, taṅgap saguŋ sato kéwan samya amin, mugi mugi tulusa.

13. nulya gajaḥ ḍawuḥ muñuk sami, nulis pranataniŋ kahurmatan, karaton cara carané, patrap tataniŋ laku, kirabira wakiliŋ aji, paṣṭinira kaŋ dina, samantara rampuŋ, mamèt kupiya iŋ kuna, éṅgalirèŋ carita praptaniŋ jaṅji, ari kanaŋ paṅarak.

14. pêpak saguŋ tatabuhan sami, aṅkluŋ baṅkiluŋ saruni trĕbaŋ, bĕṇḍé campur myaŋ kĕkĕlèŋ, baruŋ suwara umyuŋ, akèḥ kéwan kaŋ aniṅali, kaŋ kayuṅyun tut wuntat, iŋ paṅarakipun, ṅubĕṅi caloniŋ praja, saha muji pajampuwa kaŋ maṇḍiri, ywa kĕnèŋ sambékala.

karaharjaniŋ praja gĕbaṅtinatar

15. wusiŋ rampun pahargyaniŋ aji, kacarita lama lama arja, iyasa kaḍaton agé, srimaṅanti maṅuntur, alun alun uga wus dadi, baluwarti jinagaŋ, saha plĕṅkuŋ plĕṅkuŋ, tuwin wisma pamulaṅan, lan prasada paṅusadan panti yatin, maśjid sapirantinya.

16. kaṭaḥ lamun winarṇa iŋ tulis, ya ta radèn bèi amoṅpraja, amisuḍa kéwan akèḥ, paṅkat sapatutipun, sinuŋ bĕṅkok iṅkaŋ ñukupi, sadaya sukur suka, kaŋ antuk siḥ luṅguḥ, déné patiḥ saha jakṣa, myaŋ paṅulu dèrèŋ tĕtĕp amuŋ wakil, awit kuraŋ kulina.

17. mataḥ kéwan kaŋ dadya pamardi, sastra jawa arab kanalaran, palaṅgĕran sasaminé, saha sakèhiŋ kawruḥ, lahir batin kaŋ ganal ghaib, tatakrama winulaŋ, patrap mriḥ rahayu, kaṅgo salaminiŋ gĕsaŋ, wusiŋ lami kaṭaḥ kaŋ pratamèŋ kawi, nukṣmèŋ budi swarjana.

18. myaŋ wus ana tataniŋ pulisi, ruṇḍa patrol rumakṣèŋ durcara, maliŋ malanirèŋ akèḥ, kabraṣṭa sirṇa larut, kataman iŋ ṅadil nagari, kèḥ alas dadya désa, tĕgal kilèn bañu, ara ara dadya sawaḥ, paṅgahotan tatanèn dipunwĕruhi, kèḥ kéwan mañca prapta.

19. sudagar guŋ mbhuṣaṇani nagri, sakiŋ tanaḥ sabraŋ aṅajawa, santri wĕkĕl paṅajiné, syarak kuran rinasuk, puji dikir aṅulaḥ dini, déné paṇḍita ṅarga, nuṅku iŋ panuwun, kablabaran martèŋ praja, munajad riŋ kaluhuraniŋ nagari, nambahi mulyèŋ radya.

20. ya ta sira wahu dyan ṅabèi, dupi wus mukti mĕṅku wibawa, kèṅĕtan maraŋ ibuné, ṛĕtna yu wĕḍus prucul, kaŋ asrama iŋ ampèlgaḍiŋ, maṅkyarṣa binoyoṅan, kumpul nèŋ kaḍatun, punapa déné mahésa, ĕmban koṇḍaṅira duk nèŋ ampèlgaḍiŋ, samana amoṅpraja.

21. sigra nuduḥ puṅgawa myaŋ mantri, kliwon panèwu sapanĕkarnya, punapa déné paṅrĕmbé, iṅkaŋ tinuduḥ mĕṭuk, sumapta wus maṅkat tumuli, prapta iŋ paḍépokan, mahénda andanu, kaboyoŋ sahulihira, ṛĕréyoṅan iŋ marga datan winarṇi, praptèŋ gĕbaṅtinatar.

22. sinuŋ parṇaḥ sajĕroniŋ puri, mahésa wus pinariṅan wisma, dahat suka sĕnĕŋ tyasé, waḥ tampi dana aguŋ, lumintu lir narmada kaŋ siḥ, mahésa muŋ iṅagñan, sĕmadi manékuŋ, puji dikir ratri rina, marma mésa wĕdyasiḥ mriŋ dyan ṅabèi, déraṅsuŋ martotama.

23. wus misuwur tanaḥ ṅĕndi ĕndi, yèn iŋ gĕbaṅtinatar samaṅkya, wus dadya nagara gĕḍé, iṅkaŋ umadĕg ratu, radèn bèi moṅpraja kañcil, traḥ yogiswara tama, ṛĕmbĕriŋ madu tus, bibitiŋ andaniswara, gĕmaḥ ripaḥ karta tĕntrĕmiŋ nagari, kontap kotamanira.

30. asmaradana

1. kasmaran kaŋ kruṅu warti, kutu kutu alaŋ taga, iŋ satanaḥ jawa kabèḥ, baŋ wétan iŋ balambaṅan, baŋ kulon alas séraŋ, samya mèstu wĕktu wĕktu, mriŋ nagri gĕbaṅtinatar.

2. tata tatané lir janmi, séba tuṅguk gigiliran, sĕnèn kĕmis pasowané, aṅlĕluri adat kuna, añjaga jagèŋ durta, kaŋ muraŋ silaniŋ ayu, rinoda pinriḥ widada.

3. kasub kasumbagèŋ warti, tumular midrawèŋ duña, radèn bèi kotamané, satanaḥ jawa warata, kaprabhan dibyèŋ tama, kataman muṣṭikèŋ wuruk, wus dilalaḥ karṣaniŋ jad.

4. putus iŋ pamardi yukti, yakti mimbuhi nugraha, tan ana kaŋ méroŋ ḍoḍok, panĕmbahé lahir jiwa, bab siyaŋ dalu wutaḥ, ardana warata dinum, guṅiŋ pĕkir niṣṭa papa.

5. sasat jumĕnĕŋ ratwadil, dérambĕk santa martanya, radèn ṅabèi yaktiné, lahir kukumirèŋ praja, tan ṅéman kadaŋ warga, para santana tan kétuŋ, muŋ mardi bĕnĕriŋ tata.

6. nadyan gĕtiḥ kulit dagiŋ, iṅkaŋ tumèmpèl iŋ badan, kaŋ ala èstu yèn pinèt, binuwaŋ jabaniŋ raṅkaḥ, amila prabhawanya, ḷĕbda raratoniŋ kutu, tataga ṅaṅgĕp naréndra.

7. purbané nindakkĕn adil, muŋ sabĕnĕré kéwala, yéka saṅsaya luhuré, pradata pajra pujaṅga, suci cakraniŋ duña, wus déné agamanipun, winulaṅkĕn ṅèṣṭi pana.

8. pramana kawruḥ iṅkaŋ writ, kaŋ maṅulaḥ akmaliyaḥ, napi isbat dikir tarèk, ywa koṅsi nalisir cipta, kaŋ ṅikĕt kawruḥ muhtas, saṅkan paraniŋ tumuwuḥ, iŋ duña akhir kadriya.

9. sira radèn haṅabèi, mrataṇḍani hèrucakra, maṅkono muṅguḥ wardiné, hèru pardikané liya, cakra iku tikṣwana, panuṅkuliŋ kutu kutu, tan marga sakiŋ warastra.

10. muŋ srana sajarwa yukti, sinaraḥ trapiŋ agama, sĕsĕnĕṅan paṅèṣṭiné, tan nacad kawruhiŋ liyan, sumaraḥ saciptanya, naṅiŋ tindakiŋ praja guŋ, tataniŋ nagara krama.

11. bab lakunirèŋ pulisi, santosa ṅupa durjana, ṅrusak pitĕnaḥ iŋ akèḥ, cinĕgaḥ kukuḥ akuwat, ala kaŋ duruŋ klampaḥ, ywa koṅsi ana pakéwuḥ, wuka kasalahanira.

12. marma sayukiŋ kumĕlip, tan ana winañcakdriya, paréntaḥ tan golèk golèk, yèn ñata adil pradata, sabĕn ana prakara, séba pribadi nunuwun, adil tibaniŋ krampuṅan.

13. dyan ṅabèi amuŋ muṣṭi, tajĕmiŋ pèn saha nalar, prakara kaŋ tĕka ḍéwé, ruwĕd ṛĕntĕṅé pinañcas, yéka mulyaniŋ praja, tatané aṅasta kukum, cocog lan daliliŋ kuran.

14. satuhuniŋ khayat khayi, wajibu darbéya tata, kukum sabĕnĕr bĕnĕré, kudu ṅupa mardi tata, dharma karṣanirèŋ hyaŋ, jaba jĕro ana kukum, nora pisaḥ dalu rina.

15. jajaḥ désa ana adil, myaŋ gunuŋ juraŋ guṭaka, tan ṅamuṅkĕn praja bahé, samoha siniŋ pranatan, désa désa ṅadésa, ana kapalané ḍusun, sato kéwan kaŋ micara.

16. sinuṅan sor soran sami, kahum carik kamituwa, kabayan juru pawartos, maraŋ kuli buwaḥ désa, warata kèhiŋ préntaḥ, ajĕg pasébané kumpul, mriŋ kapala pĕṇḍak dina.

17. sajĕroniŋ pituŋ ari, pratéla apa ananya, maṅsuli praja arjané, ṅuṅkurkĕn wukir samudra, akèḥ lalaṅĕnira, pacĕṅkraman baṇḍuŋ baṇḍuŋ, waṅunan añar kawuryan.

18. bakṣaṇa bhoga mĕpĕki, cucukulan lata lata, tan ṛĕkasa paṅamèké, luwiḥ gampaŋ ṅupajiwa, lantaran nambut karya, ya ta mĕné kaŋ winuwus, anuju dina samana.

prakara patiné anakiŋ liṅsaṅ

19. wontĕn harina sawiji, sakiŋ iŋ gĕbaṅtinatar, muliḥ maṅétan lampahé, méṅgok ṅalor sĕdyaniŋ tyas, wismané wanalapa, sigra sigra lampahipun, marga onĕŋ garwa suta.

20. dupi praptèŋ wanamĕsin, iŋ ṅriku wontĕn narmada, kali oya panĕṅrané, anaṅiŋ buṭĕg toyanya, rèḥ bañjir mara saṅa, kidaŋ ñabraŋ tĕpyèŋ ranu, suku papat mañjiŋ lagya.

21. ana yuyu ambĕg drĕṅki, wĕruḥ kidaŋ ñabraŋ toya, nuli sinapit sukuné, kaŋ ṅarṣa ampruné pĕcaḥ, ndalèdèg gĕtihira, harina kagyat iŋ kalbu, sambat aḍuḥ iki apa.

22. kaŋ karya laraniŋ sikil, winawas datan katiṅal, kaŋ awit buṭĕg bañuné, éṅgal mĕntas ṅalor ṅétan, kidaŋ ṅèkṣi brananya, tétéla pĕcahiŋ ampru, darbyèṅĕt yun praptèŋ léna.

23. sanadyan tĕkaniŋ pati, yèn wus ana wismaniṅwaŋ, bisa wĕruḥ anak bojo, sigra kidaŋ lampahira, samana platukṣéta, mĕṭĕṅkruk nèŋ kayu gapuk, wĕruḥ yèn harina mlajar.

24. pambalapé sipat kupiŋ, si platuk gawé suwara, matuk kayu muni ṭor ṭor, kidaŋ kagèt tambaḥ nratap, sĕrik rèḥ kinĕṇṭoṅan, palayuné makṣiḥ tĕrus, ṅlaṅkahi tambiniŋ gayam.

25. iŋ kono sĕlaniŋ tambi, kadunuṅan anak liṅsaŋ, makṣiḥ jabaŋ lanaŋ wadon, kaŋ tuwa kuraŋ wéwéka, dilalaḥ karṣaniŋ hyaŋ, kidaŋ midak bayi iku, tan wruḥ koṅsi praptèŋ wisma.

26. makṣiḥ udrasa rèḥ miris, anak bojoné karuna, sarwi atakon purwané, winaṅsulan tan uniṅa, muŋ waraḥ duk nèŋ toya, wĕruhé wus naṇḍaŋ tatu, kaŋ èstri karya usada.

27. tatu wus tan ñumĕlaṅi, gantya kaŋ kocapa liṅsaŋ, kaŋ nèŋ paran lanaŋ wadon, wus antuk iṅkaŋ sinĕdya, ulihé sigra sigra, praptèŋ wisma nuli wĕruḥ, sutané sami pralaya.

28. tatu ḍaḍa tĕrus gigir, gilaŋ gilaŋ raḥ mbalabar, kami wĕlasĕn sakloron, kontraŋ kantriŋ asasambat, ṅaruwara guluṅan, tan bisa wĕruḥ iŋ sunu, bab patiné kasaṅsara.

29. añjĕrit swara mĕliṅi, nuli klĕṅĕr èstrinira, kaŋ priya aḍĕlog ḍĕlog, saṅga uwaŋ rawas waṣpa, wĕkasan alon nabda, hèḥ uwis mĕnĕṅa gĕṇḍuk, wus paṣṭiné anakira.

30. nora kĕna dèn siṅgahi, cinitra anèŋ loḥ kalam, lochilmakpul duk ṅadamé, ujaré daliliŋ kitab, kaŋ gumĕlar wawaraḥ, idajaa ajalluhum, layastakiru saṅatan.

31. maṅkéné tĕgĕsé yayi, kala tumĕkaniŋ ajal, tan darbé karṣa saḍèḷĕt, samĕnit kéwala tanpa, marma sira nrimaa, muhuŋ mituruta ḍawuḥ, aṅgĕr nawala pradata.

32. jĕroniŋ bab piŋ pat muni, kalamun ana srilara, rajatatu sasaminé, kinèn tĕṅara guṇḍala, paṣṭi yèn prapat tĕka, bab kapiŋ limolas ñĕbut, srilaya bakal kaprikṣa.

33. mañca pat limané ṅriki, kaŋ kajibaḥ aṅupaya, catur dasa ri waṅĕné, kudu olèha katraṅan, taṇḍa sakṣi kaŋ ñata, déné wèt nèdĕrlan kasbut, bab piŋ salikur uninya.

31. sinom

1. paṅrawit luluraḥ désa, yèn ana baṅké kaŋ wajib, darbé atur iŋ paréntaḥ, tan kĕna ṅowahi mayit, saka ĕṅgonirèki, amila prayoganipun, yayi sira titira, minaṅka atur pawarti, sigra liṅsaŋ èstri ṅunèkkĕn gĕntaṅan.

2. ṭuŋ ṭoŋ ṭuŋ ṭoŋ karuṅu lyan, taṇḍa ana karya gati, akèḥ taṅga désa tĕka, sigra patiṅgi mrikṣani, niti ananiŋ pati, kaŋ dadya wit sababipun, wus mupakat yèn kidaŋ, jaṅkaḥ amba tapak lañcip, lamun capu cĕṭèk tapakiŋ mahénda.

3. akèḥ kéwan kagawokan, miyat punaŋ mayit kaliḥ, naṅiŋ wus tétéla tĕraŋ, tan mamaŋ iṅkaŋ matèni, ṅalor ṅétan paraniŋ, kidaŋ ijèn tapakipun, kuwuk lurahé désa, sigra sowan dyan ṅabèi, amoṅpraja kañcil iŋ gĕbaṅtinatar.

4. éṅgal prapta ṅabyantara, cumuṇḍuk muka wor siti, sinrĕŋ iŋ śabda hèḥ bréwa, sébamu tan dèn timbali, laḥ apa ana kardi, sĕmuné gati lakumu, kaŋ dinaṅu aturnya, tiwas cabariŋ pulisi, wontĕn baṅké bayi kaliḥ anak liṅsaŋ.

5. wontĕn saṅaṇḍapiŋ gayam, tatu ḍaḍanya trus gigir, sakiŋ paṅintĕniŋ prapat, pinidosa iŋ sasami, sabab tilas katawis, tapakiŋ kidaŋ sahèstu, ṅalèr ṅétan laraḥnya, dyan bèi mbuka wèt ḍistrik, bab piŋ sèkĕt tĕlu pranatan hindiya.

6. uniné ḍistrik yèn tampa, plapuran sakiŋ patiṅgi, ana baṅké lan srilara, kawajibakĕn kumisi, nulya dandan miranti, upas jinĕman sĕpiyun, palwaga sima dwipa, ṇḍèrèk tindaknya dyan bèi, samantara prapta saṅisoriŋ gayam.

7. amoṅpraja dupi prikṣa, baṅkéniŋ bayi kakaliḥ, gilaŋ gilaŋ raḥ mbalabar, iŋ driya wĕlas tan sipi, ṅunandika ḍuḥ gusti, kawula ñuwun pituluŋ, durcaraniŋ bhuwana, sintĕn kaŋ yogya natasi, kajawi muŋ kawula pun amoṅpraja.

8. mugyantuka barkaḥ tuwan, kapikuta kaŋ tan yukti, kaŋ kalayan tétéla traŋ, saha kaŋ apsaḥ iŋ sakṣi, nulya radèn ṅabèi, ḍaḍawuḥ kinèn aṅukur, sakiŋ taṅga patrolan, sigra iṅĕkar satiti, jinajagan waṭataniŋ baṅké liṅsaŋ.

9. kamot anèŋ prosèṣpĕrbal, umur lan ciriniŋ mayit, tuwin sababiŋ pralaya, apa kaŋ ndadèkkĕn pati, sawusiŋ titi ṛĕsik, punaŋ paprikṣan kaatur, gajakṣa myaŋ sardula, warak sami anèkĕni, myaŋ kapala désa kahum lan kabayan.

10. déné liṅsaŋ èstri priya, gugaté uga tinulis, mula bukané pratéla, iku sakṣi aṅka siji, paṅirané kaŋ kardi, patiniŋ sutanira muŋ, kidaŋ iṅkaŋ dinakwa, sakiŋ tapak kaŋ katitik, cècèg lawan para kumisi aturnya.

11. wus tĕraŋ cocog mupakat, nulya amoṅpraja kañcil, ḍaḍawuḥ nimbali kidaŋ, gopor warak kaŋ tinudiŋ, kuwuk maṅka paṅirid, rèḥ kajibaḥ ṅupaya dur, kinèn ṅiriŋ aristan, tumbak caṅgaḥ aywa lali, kaladèkna kidaŋ mriŋ gĕbaṅtinatar.

12. kori sarayuda méntar, mriŋ siswèŋ kidaŋ tumuli, dyan ṅabèi kondur sigra, prapat kanan kériŋ kĕrid, liṅsaŋ karo tan kari, añaṛĕṅi biḍalipun, baṅké wus ṅupakara, caraniŋ liṅsaŋ ṅĕmasi, dyan ṅabèi tan daṅu wus praptèŋ praja.

13. pêpak para sakṣi gumlar, ibut carik nambut kardi, ṅrĕsikkĕn sĕrat paprikṣan, sakabèhiŋ jurutulis, wus sami amumpuni, tan ana ṅaṅgo tinuntun, limpat limpat sadaya, manitrèŋ kartas ñĕnĕni, tan sulaya ukara ḷĕpiyanira.

14. yèn jurutulis manusa, araŋ kaŋ bisa ñukupi, trakaḍaŋ bahut micara, coṭo yèn mrikṣa prakawis, ana kaŋ baṅkit nulis, ĕtrapiŋ ukara kisruḥ, kaḍaŋ sawĕnèḥ ana, carik ṅaku bisa nulis, tiŋ jĕmpalik ṅlaraḥ ṅlantur ṅayawara.

15. tumpaŋ suḥ abali bola, aṅgĕpé wus bisa nulis, yèn tan tinuntun ukara, kacĕmutan lir woŋ ndlĕmiŋ, séjé lan dyan ṅabèi, amoṅpraja carikipun, kĕṭèk lutuŋ raṅutan, iṅkaŋ dinadèkkĕn carik, cĕkak cukup brĕsiḥ titi sastra cĕṭa.

16. wus nora ana cawaṅan, tanpa tinuntun yèn nulis, bĕnĕr rampak tanpa jidar, gampaŋ siṅa kaŋ niṅali, sakiŋ wus olaḥ budi, maṅkono woŋ maṅan wuruk, prayoga dèn télada, nahĕn kaŋ winarṇa maliḥ, sarayuda wus pinaṅgiḥ lan harina.

17. aṇḍawuhkĕn prĕlunira, iṅutus moṅpraja kañcil, kinèn animbali sira, kidaŋ yèn baṅga sun wisi, kidaŋ nahuri iṅgiḥ, sandika umèstu ḍawuḥ, paréntahiŋ nagara, kidaŋ pinusara nuli, sigra kérid maḷĕbu maraŋ nagara.

18. datan daṅu anèŋ marga, prapta sumahos iŋ ṅarṣi, radèn ṅabèi ṅandika, hèḥ kidaŋ apa kaŋ dadi, sababé dèn talèni, wécaa bahé woŋ bagus, ywa sira matur dora, paréntaḥ waṣkiṭèŋ wèṣṭi, aturipun amba tan darbé prakara.

19. ginrĕjĕg lajĕŋ kabĕsta, kahiriŋ saguŋ pulisi, sumakta tumbak lan caṅgaḥ, ṅĕntosi bukti tan kéṅiŋ, rèḥ prakawis kriminil, naṅiŋ kilap sababipun, sapunika paduka, muṇḍut prikṣa paran marmi, èstu koḍĕŋ manaḥ kawula bĕndara.

20. amba tiyaŋ tani yuta, datan darbé ika iki, salami kawula gĕsaŋ, dèrèŋ naté dèn talèni, iŋ wahu pra pulisi, mikut amba winayuṅyuŋ, kaarak lir paṅantyan, tumbak caṅgaḥ ṅarṣa wuri, akèḥ sato kéwan kaŋ kapapag ñimpaŋ.

32. paṅkur

1. kapuṅkur aturiŋ kidaŋ, dyan ṅabèi mahos sĕrat pĕrklariŋ, makatĕn uṅĕliŋ tĕmbuŋ, atur kula pun liṅsaŋ, klayan tĕmĕn purun ñaṅgi sumpaḥ ulun, umur tigaŋ dasa warṣa, klahiran iŋ wanasamin.

2. griya wontĕn ṅaṇḍap gayam, dintĕn kĕmis jam saṅa taṅgal kapiŋ, wolulas sapar sutèṅsu, iṅgiḥ tahun punika, amba sami kalahipan ṅupa butuḥ, sarimbit lan rabi amba, anak kawula dwi kèri.

3. sawĕg umur tigaŋ wulan, jaḷĕr èstri wontĕn wisma pribadi, sĕlaniŋ tambi ṅgènipun, kintĕn kintĕn tigaŋ jam, jam satĕṅaḥ sawĕlas kawula mantuk, raré kaliḥ sampun pĕjaḥ, tatu ḍaḍanipun sami.

4. gilaŋ gilaŋ kuṭaḥ ĕraḥ, tandya kula nabuḥ tĕṅara titir, samya tandaŋ taṅga ulun, luraḥ lajĕŋ paprikṣa, sami gaḍaḥ kintĕn tapak kidaŋ mlayu, ṅidak sutamba karwéka, dèn maha tĕkaniŋ pati.

5. kawula datan tarima, ñuwun adil kaṅjĕŋ paréntaḥ nagri, wit sakiŋ tĕmĕniŋ atur, taṇḍa dumuk kawula, titiniŋ kaŋ dakwa surasané cukup, nuli mahos prosèṣpĕrbal, paprikṣanirèŋ pulisi.

6. kumisi tétéla tĕraŋ, myaŋ pĕrklariŋ aturiŋ para sakṣi, kidaŋ kruṅu dahat ṅuṅun, aturiŋ pasakitan, ḍuḥ bĕndara radèn ṅabèi sahèstu, midak bayi anak liṅsaŋ, inaniŋ liṅsaŋ pribadi.

7. nilar suta ṅaṇḍap gayam, dyan ṅabèi moṅpraja ṅandika ris, kapriyé kidaŋ kaṛĕpmu, sarupaniŋ kahinan, sĕdya sira patèni sarèhniŋ luput, yèn maṅkono sabĕn ana, kaŋ kahinan paṣṭi mati.

8. putĕg kéwran tyasiŋ liṅsaŋ, nĕdya ṅikal dirgama iŋ panaṅkis, matur makatĕn witipun, sumaṅga ginaliha, awitipun midak bayi koṅsi lampus, bab amba kagèt iŋ nala, dèn gĕṇṭoṅi platukputiḥ.

9. kawula dahat trataban, sigra mlajar midak bayi tan uniŋ, platuk iṅkaŋ karya gugup, giris giras tyas amba, tinulisan harina paturanipun, dyan bèi nulya ḍaḍawaḥ, animbali platukputiḥ.

10. alap alap kaŋ lumampaḥ, samantara platuk wus praptèŋ ṅarṣi, kaprikṣa pun pakṣi platuk, sira matèni liṅsaŋ, bayi loro sabab sira gawé kuwur, mriŋ si kidaŋ nulya midak, bayi koṅsi tĕkèŋ pati.

11. awit kalakuwanira, agĕgĕṇḍoŋ matuki kayu gariŋ, sapiraa yèn tan nĕmu, prakara tan dadya pa, balik lamun ana prakarané iku, tinarik dèn ukum sira, utaŋ pati ñahur pati.

12. aturé platuk nalaṅsa, mĕlas arṣa èstu kawula asriŋ, matuki kajĕŋ kaŋ gapuk, kaŋ awit wisma amba, wontĕn tigan dipunpitĕnaḥ iŋ satru, kĕmamaŋ ḍuṣṭa iŋ lampaḥ, tanpa ṅéman mriŋ sasami.

13. ñuluhi gowok kawula, katĕmahan amba ĕṅrĕm tan dadi, biliḥ bayi nuntĕn lampus, kaŋ wontĕn iŋ gowokan, biliḥ kula gĕṇḍoṅi kĕmamaŋ rikuḥ, kapinujon wontĕn kidaŋ, katĕnta kula tabuhi.

14. sumaṅga karṣaniŋ préntaḥ, paṅadilan sigra ḍawuḥ nimbali, kĕmamaŋ prapta iŋ ṅayun, kaprikṣa aturira, èstu sabĕn dalu obor obor muhuŋ, muriḥ paḍaṅipun lampaḥ, kaŋ awit pun garèṅgati.

15. ṛĕmĕnipun pasaŋ saya, nétra grana amba kéṅiŋ piranti, sumaṅga atur pukulun, purun naṅgi supata, garèṅgati tinimbalan praptèŋ ṅayun, dinaṅu umatur siṅlar, pasaŋ klamar dèn akĕni.

16. maṅka paṅupajiwamba, sampun aṅsal takdir kodratiŋ widdhi, bayi mila koṅsi sĕpuḥ, kados bĕnaŋ wujudnya, sakiŋ dubur wahyaniŋ kĕlamar wahu, sapintĕn kiyat kawula, purun puruna masaṅi.

17. kĕmamaŋ dahat sudibya, awit klamar kawula saṅĕt riṅkiḥ, sumaṅga paréntaḥ luhur, déné pamasaŋ amba, ṅaṅkaḥ kiñjĕŋ iṅkaŋ dahat kumaluṅkuŋ, éñjiŋ sontĕn jojogédan, tayuban tan bosĕn sami.

18. punika kaŋ kawulaṅkaḥ, masa boroŋ paréntaḥ dènnya ṅgaliḥ, amba tiyaŋ tani pikun, tan sagĕd matur dora, sigra kiñjĕŋ tinimbalan wus cumuṇḍuk, ṅarṣaniŋ préntaḥ pradata, kaprikṣa kawrat pĕrklariŋ.

19. tinurut awit harina, tĕkèŋ kiñjĕŋ pinrikṣa matur muṅkir, tĕmĕn ñjogèd ṅlaras lagu, aṅon paṭĕt wirama, pun caṇṭoka nabuḥ gaṅsa siyaŋ dalu, sléndro pélog sabĕn dina, surèṅrana gambirṣawit.

20. amba sakañca jogèdan, dyan ṅabèji utusan animbali, sarpa mandi kaŋ iṅutus, wus kĕrid pun caṇṭoka, praptèŋ ṅarṣa kaprikṣa muṅkir kaŋ atur, bab mĕkahi liṅsaŋ kijab , yèn nabuḥ gaṅsa ṅakĕni.

21. siyaŋ dalu datan kĕṇḍat, awit paḍaŋ sakiŋ kaṭahirèŋ tiŋ, pintĕn pintĕn atus èwu, pandam patiŋ kaḷĕñcar, konaŋ iṅkaŋ sugiḥ dilaḥ pétroliyum, bĕndara dipungaliha, atur kawula puniki.

22. titiniŋ pulisi tama, kèhiŋ saṇḍan wus sami dèn tariki, konaŋ iṅandikan sampun, kaprikṣa matur ñata, didilahan datan kĕṇḍat sabĕn dalu, makatĕn atur kawula, mugi kagaliha maṅkin.

23. purwanipun susuluhan, margi ajriḥ yèn kéṅiŋ wisa mandi, pun lélé sahékakalbu, sami masaṅi boraŋ, dahat mandi sintĕn iṅkaŋ kéṅiŋ èstu, lajĕŋ pĕjaḥ déniŋ boraŋ, manawi amba coloki.

24. boraŋ kaŋ ampuḥ katiṅal, wéla wéla kawula sami ñiṅkir, paréntaḥ dupi myarṣa tur, konaŋ aturanira, saṇḍan lélé tinimbalan wus cumuṇḍuk, kaprikṣa aturé blaka, añjèrèŋ nalar iṅkaŋ wis.

25. kawulèstu pasaŋ boraŋ, sabiyantu sakañca amba sami, kaŋ sadarpa ampuhipun, rèhniŋ kaṭaḥ druhaka, pun ṛĕkaṭa mbĕkta caṅgaḥ siyaŋ dalu, sumaṅkéyan patrapira, kamipurun ambĕk luwiḥ.

26. saĕṅgèn ĕṅgèn sumĕṅaḥ, datan ṅéman ḍatĕŋ sasami sami, kaŋ paṛĕk cinaṅgaḥ purun, sumaṅga ginaliha, sigra sigra pulisi nimbali sampun, yuyu kĕrid pinusara, rikatan sumahos ṅarṣi.

27. dyan bèi kañcil moṅpraja, aṅandika mriŋ yuyu kaŋ nèŋ ṅarṣi, hèḥ yuyu wĕruhanamu, marma sira binanda, ana mayit liṅsaŋ wurisira matur, sirèku kaŋ gawé pĕjaḥ, bapak biyaṅné mintadil.

28. purwané ṅaturkĕn kidaŋ, midak sutanira ro tĕkèŋ pati, harina wus iṅsun daṅu, muṅkir nora rumasa, jawabira wit saka patrapiŋ platuk, platuk iṅsun prikṣa kijat, saṇḍan mriŋ kĕmamaŋ nuli.

29. kĕmamaŋ wus iṅsun prikṣa, uga muṅkir saṇḍan si garèṅgati, paréntaḥ nilas iŋ laku, ndaṅu si kĕmlaṇḍiṅan, tan rumasa ṅaturaké kiñjĕŋ iku, si kiñjĕŋ saṇḍan caṇṭoka, caṇṭoka konaŋ dèn aprik.

30. dupèḥ ṅgawa ĕtiŋ paḍa, paṅadilan mrikṣa si konaŋ nuli, konaŋ saṇḍan buron bañu, lélé amasaŋ boraŋ, nuli lélé sun prikṣa uga tan ṅaku, muṅkir dènnya karya pĕjaḥ, masaŋ boraŋ aṅakoni.

31. sababé amasaŋ boraŋ, rèhniŋ sira yuyu kaŋ kumaśakti, kumériŋ kériŋ kumluṅkuŋ, tan pisaḥ pisaḥ caṅgaḥ, ṛĕkaṭa tan darbé jawab muŋ tumuṅkul, maṛĕbĕs mili kéwala, ṅrasa patrapé iṅkaŋ wis.

33. pocuŋ

1. pan amucuŋ paréntaḥ paprikṣanipun, ubĕtirèŋ nalar, yuyu ndroḍog dahat ajriḥ, watĕkira jiriḥ tumuli balaka.

2. ṅuni ulun ñapit suku kidaŋ mlaku, wontĕn lèpèn oya, samantĕn buṭĕk rèḥ bañjir, tanpa sabab pañapit amba mriŋ kidaŋ.

3. ḍuḥ pukulun kaŋ kawasa ṅasta kukum, atasiŋ tumitaḥ, marma prasaja pun dasiḥ, sakiŋ ajriḥ damĕl susahiŋ paréntaḥ.

4. sanèsipun punika amba datan dur, sampun maliḥ iṅkaŋ, mĕjahi liṅsaŋ kakaliḥ, warṇanipun kéwala dèrèŋ uniṅa.

5. préntaḥ ndaṅu apa ñata kidaŋ iku, sinapit sukunta, duk ñabraŋ oya sirèki, sikilira ṅaṛĕp iku iṅkaŋ kiwa.

6. kidaŋ ñjumbul miṛĕṅkĕn aturiŋ yuyu, hé é nora ñana, si yuyu kaŋ ñapit sikil, kidaŋ matur ḷĕṛĕs pun yuyu punika.

7. iṅgiḥ èstu suku kériŋ ṅgèn ampĕru, amba mèḥ pralaya, sadarpa sadéyèŋ ati, tumulyamba lumajĕŋ midak pun liṅsaŋ.

8. sĕdyèŋ kalbu éṅgala wruḥ rabi sunu, naṅiŋ ri kalanya, watgata sukwamba ṅuni, tan uniṅa sakiŋ édaniŋ ṛĕkaṭa.

9. tĕraṅipun saṛĕŋ wontĕn ṅriki matur, amba duk kaprikṣa, sapisan ṅaturkĕn pakṣi, platukṣéta kaŋ karya sĕrikiŋ nala.

10. maṅkya yuyu sampun ṅakĕn tĕraŋ tĕrus, kawula tan trima, minta adiliŋ nagari, laḥ sumaṅga suku kula kaprikṣaa.

11. tatunipun krowak makṣiḥ sĕmu biru, sawĕg timaḥ timaḥ, nulya rahadèn ṅabèi, aṇḍawuhi sarayuda kinèn mrikṣa.

12. iṅgiḥ sèstu harina aturanipun, cuṇḍuk lan ṛĕkaṭa, dènira akarya kanin, wus kaprikṣa maliḥ yuyu iŋ pradata.

13. hèḥ ta yuyu déné sira ñapit suku, kidaŋ kala ñabraŋ, apa sababé iŋ ṅuni, yuyu matur tanpa sabab muŋ sĕmbranan.

14. sĕmana wus traŋ ṅaku paprikṣanipun, nuli tinulisan, kamot iŋ sĕrat pĕrklariŋ, dyan ṅabèi kañcil moṅpraja ṅandika.

15. wruhanamu para sakṣi sakṣi iku, saha pasakitan, paḍa ḷĕbokna iŋ sĕpir, prakarané kudu muṅgaḥ maraŋ landrad.

16. iṅkaŋ mutus sabab prakaraniŋ yuyu, prĕdidèn rad sambaŋ, kaŋ kuliliŋ mubĕŋ nagri, wus maṅkono uniné aṅgĕr nèdĕrlan.

17. bésuk sabtu hèḷĕp rad yustisi mĕtu, liṅsaŋ èstri priya, lan patiṅgiḥ kĕna muliḥ, lamun ana timbalan éṅgala séba.

18. bubaran wus sadaya sakṣi tinutup, marma pinañjara, awit sakṣi kèmbèt juti, sasaṅkutan jawabé tumbak tinumbak.

19. kiñjĕŋ platuk kĕmamaŋ kidaŋ puniku, garèṅgati konaŋ, koḍok lélé malbèŋ buwi, datan pahé manusa adiliŋ praja.

20. iya iku pulisi yogya tiniru, mblaḍit ruwĕt samar, éwuḥ pakéwuḥ asuṅil, suprandéné bisa antuk katĕraṅan.

21. sakiŋ putus pamarṣudiniŋ laku dur, ñjlimĕt anon warta, paribasaniŋ pawèstri, kaŋ wus komram ṅĕdom dom sumurup toya.

22. tan kadulu jarum lumĕbu iŋ bañu, maṅkono manusa, yèn kinon ṅupaya juti, laḥ miriba pratikĕlé amoṅpraja.

23. yogya dèn nut lalakon iki sahèstu, yèn jaman samaṅkya, sĕpiyun ṅupaya titik, anèŋ paran ñĕkĕl layaŋ gawé umbag.

24. soṅar umuk biwara dèn ṅgo narutus, nrèṭèk sabĕn pakan, muŋ golèk kalèlèt yakti, yèn micara nèŋ humpowa lir adpokad.

25. kèḥ kaŋ kruṅu bisu tuli wuta wĕruḥ, yèn iku utusan, labĕt umuké tan sipi, kawarṇaa kaŋ anèŋ jĕron kuñjara.

26. sampun daṅu sakṣi sakṣinira yuyu, iṅkaŋ anèŋ wisma, liṅsaŋ wus déné patiṅgi, ḍinawuhan arṣa linandrad rad sambaŋ.

27. ari sabtu dinané kaŋ wus tinamtu, kinèn sami séba, papaka jam saṅa éñjiŋ, ṅaḍĕp landrad pasamuwaniŋ para rad.

28. samana wus tĕkaniŋ ari kaŋ tamtu, ki paṅulu jakṣa, puṅgawa gĕḍé ṅraṅkĕp lid, wus papakan nèŋ balé landrad samana.

29. saṅkĕp cukup prajurit kaŋ jagèŋ kéwuḥ, kori sarayuda, upas jinĕman miranti, déné iṅkaŋ maṅka padananiŋ jakṣa.

30. dwirada guŋ muṅguḥ kaŋ dadya paṅulu, yéka uwahuwa, palwaga kaŋ dadi gripir, andaka kaŋ maṅka lid numĕr sajuga.

31. loro tĕlu sima warak samya luṅguḥ, sadayambĕk nalar, mriŋ kukum nèdĕrlan ṅĕntiŋ, déné uwahuwa wus nukṣma iŋ syarak.

32. datan daṅu hèḷĕp rad yustisi rawuḥ, radèn amoṅpraja, para garap aṅurmati, gita gita tataniŋ nagara krama.

34. ḍaṇḍaŋgula

1. mamanisi kumpuliŋ para lid, agĕŋ alit sumaptaniŋ tata, iṅkaŋ jaga pakéwuhé, sirṇa wañcakiŋ kalbu, lir pranatan nèdĕrlan bab piŋ, roŋ atus sĕlawépraḥ, pañjaganirèŋ dur, anèŋ pasamuwan landrad, wusiŋ pêpak pasakitan sakṣi sakṣi, paṅagĕŋ urut ḷĕṅgaḥ.

2. présiḍèné nèŋ kidul pribadi, kiwanira kaŋ luṅguḥ pragosa, nuli paṅulu kériṅé, jakṣa iṅkaŋ sumambuŋ, aṅubĕṅi méja sawiji, samya kurṣèn sadaya, nulya tĕṅĕnipun, présidèn lid nomĕr juga, nomĕr loro praptèŋ tĕlu luṅgyèŋ kurṣi, prabhawa lir mandaya.

3. wus tinata paṅgonaniŋ sakṣi, aywa koṅsi bisa sĕkahitan, mriŋ sakitan mamriḥ rèwèl, présiḍèn aḍaḍawuḥ, pĕsakitan kinèn nimbali, wus sumahos iŋ ṅarṣa, wèt nèdĕrlan ñĕbut, roŋ atus pataŋ puluḥ pat, kudu prikṣa wisma umurira tuwin, kaŋ dadya paṅgotaña.

4. sampun titi présiḍèn tumuli, ḍawuḥ maraŋ wakilirèŋ jakṣa, gajaḥ kinèn ṅunèkaké, pandakwa kaŋ iṅatur, anĕtĕpi aṅgĕr bab kapiŋ, roŋ atus kawan dasa, gaṅsal uṅĕlipun, sawarṇiniŋ paparikṣan, lan pandakwa jakṣa iṅkaŋ pariŋ uniŋ, mriŋ sakṣi myaŋ sakitan.

5. ñĕbutakĕn iŋ purwa madya nis, dyan dinaṅu kidaŋ mulanira, platuk kĕmamaŋ arèntès, mlaṇḍiṅan kiñjĕŋ wahu, koḍok konaŋ lélé turnya ris, sadaya dipunsumpaḥ, sadèrèṅé matur, paturanipun tan siwaḥ, kadya iṅkaŋ sampun kasĕbut pĕrklariŋ, traṅginas gripir landrad.

6. sajĕroné pranatan iŋ hindi, bab piŋ satus saṅaŋ puluḥ papat, iku gripir wĕwĕnaṅé, kaŋ nulis anèŋ buku, datan kĕna nurun pĕrklariŋ, kudu traŋ gugat jawab, ijowaniŋ ṅriku, myaŋ panaṅkisiŋ sakitan, muṅkir ṅaku gripir kaŋ kudu nulisi, maṅkono salamiñé. 7. nulya gugat sakṣi aṅka siji, tinimbalan sumahos iŋ ṅarṣa, iṅagñan sumpahé ḍéwé, jakṣa kaŋ nuntun wuwus, ki paṅulu iṅkaŋ nampani, katib ñĕkĕli kitab, iṅuṅkulakĕn wus, maṅkana prasĕtyèŋ liṅsaŋ, dĕmi allaḥ rasulullaḥ lamun kidib, ywantuk barkahiŋ kuran.

8. iṅkaŋ arṣa amba uñjukkĕn mriŋ, kañjĕŋ priyaguŋ kuwasèŋ landrad, nulya liṅsaŋ matur barès, lir aturé iṅkaŋ wus, purwa madya wusana titi, présiḍèn aṅandika, apa ñata yuyu, sĕkawit kidaŋ añabraŋ, sigra kidaŋ tinimbalan majĕŋ ṅarṣi, sadaya matur tĕraŋ.

9. cocog datan ana kaŋ nalisir, para sakṣi miwaḥ pasakitan, ḍinawuhan mundur kabèḥ, présiḍèn ṅgaliḥ kukum, mriŋ paṅulu jakṣa para lid, lir aṅgĕriŋ panimbaŋ, bab kapiŋ roŋ atus, woluŋ puluḥ ro pratéla, paṅulu kaŋ ṅgarani tibaniŋ adil, mamèt daliliŋ kuran.

10. uwahuwa aturira aris, iṅkaŋ kasĕbut wontĕn musakab, makatĕn lapal uṅĕlé, mankatlayu katipu, pardikané woŋ kaŋ matèni, yaktiné pinaténan, jakṣa lid sarujuk, bab roŋ atus woluŋ dasa, gaṅsal wus saḥ pataŋ prakara mĕpati, panimbaṅiŋ para rad.

11. sampun cuṇḍuk kumpuliŋ pĕrgadriŋ, nora ana siji kaŋ sulaya, kukum aṅgĕr myaŋ kitabé, pañcasiŋ rèḥ kaŋ dudu, arès sakṣi gya dèn ḍawuhi, majĕŋ wus anèŋ ṅarṣa, tata urut luṅguḥ, kañcil présiḍèniŋ landrad, aḍaḍawuḥ mriŋ sakitan saha sakṣi, hèḥ paḍa sumurupa.

12. bab prakara patinirèŋ bayi, anak liṅsaŋ kaŋ nèŋ ṅisor gayam, si yuyu iku purwané, sĕmbrana ala ṅaṅgur, ñapit sikil tanpa prakawis, bakal iṅukum kisas, naṅiŋ makṣiḥ tuṅgu, arès ponisiŋ nagara, mĕsir kaṅjĕŋ nabi suléman ratwadil, kaŋ wĕnaŋ ṅukum kisas.

13. déné kidaŋ sabab dadi margi, midak bayi liṅsaŋ koṅsi pĕjaḥ, kĕnèŋ pakṣa ñambut gawé, satahun lawasipun, platuk lawan kĕmamaŋ sami, karoné paḍa salaḥ, gawé laku dudu, tampa pahukuman krakal, nĕluŋ sasi koḍok kiñjĕŋ garèṅgati, konaŋ ṅroŋ sasi pakṣa.

14. déné lélé kinrakal sasasi, wus maṅkono ĕtrapiŋ wasésa, lajuwa tumapak bahé, dyan présiḍèn pariŋ wruḥ, maraŋ yuyu kaŋ kokum pati, hèḥ yuyu sawusira, maṅkono putusmu, sira arap matur apa, supayané golèk mayarmu pribadi, yuyu matur sandika.

15. muŋ maṅkana ciptanirèŋ ati, iki kukum kasalahan iṅwaŋ, suṅkan ṅaṅgur dadi rèwèl, nĕrak waḷĕriŋ ratu, tĕmaḥ tampa adiliŋ nagri, sumaṅga aturira, amba tan darbyatur, samana landrad bubaran, pasakitan binalèkakĕn mriŋ sĕpir, prantéyan nambut karya.

16. déné para sakṣi lan patiṅgi, santéroné samya ḍinawuhan, muliḥ riŋ wismanira gé, aṅĕntènana ḍawuḥ, arès ponis saka iŋ mĕsir, suléman wicakṣaṇa, bĕbĕnĕran luhur, liṅsaŋ tyasira gambira, sukur sukurira amarwata siwi, wĕdyasiḥ iŋ paréntaḥ.

17. kaŋ maṅkono ukumiŋ hyaŋ widdhi, dadi paribasan adilullaḥ, kaŋ wus kalahir jatiné, prakara samar ḷĕmbut, amuŋ gusti kaŋ sipat ṅalim, waṣkiṭa iŋ aḷĕmbat, woŋ ala katĕmu, kalakuwan palacidra, nadyan nora ana kaŋ wruḥ lami lami, kawadakèŋ prakara.

18. tumibaniŋ wawaḷĕs nagari, kukum adil dadiniŋ prajarja, jĕjĕg ṅawruhi lakoné, kasub pratamèŋ ḷĕmbut, amañcasi sukĕrtyèŋ nagri, kaŋ rawé rawé rantas, titis tĕtĕs tĕrus, iŋ aṅgĕr kukumiŋ kitab, brĕsiḥ titi tata larapiŋ prakawis, mimbuhi kahutaman.

19. marma wajib atasiŋ ṅahurip, ṅgĕgulaṅa kukumirèŋ nalar, kukum iku bènèḥ bènèḥ, sanadyan bapa babu, sadulur myaŋ taṅga tĕpaliḥ, tĕpuṅan sasanakan, ana kukumipun, marma aran amoṅpraja, amarṣudi pranatan tataniŋ ṅurip, maraḥ iŋ paṅadilan.

20. yèn woŋ urip wus bisa ṅadili, sajĕroniŋ ati ana jakṣa, patiḥ paṅulu présiḍèn, kaŋ wajib mĕṅku kukum, aṅukumi baraŋ sakalir, sadulur mitra sanak, tuwin bapa biyuŋ, kasĕbut swarjanotama, kotamané ulaḥ tata tuwin adil, kaṅgo sadina dina.

21. déné kéwan sadaya puniki, sajĕroniŋ raga ana praja, kaŋ bisa amatrapaké, sayakti nora éwuḥ, baraŋ wuwus baraŋ paṅaṅgit, gitaniŋ murti tama, yéka aran kawruḥ, ṅilmu kaŋ luwiḥ utama, bĕnĕr luput jroniŋ ati dèn kawruhi, sugiḥ miṣkin datan was.

22. paḍaŋ nrawaŋ iṅkaŋ pikir wĕniŋ, sĕnĕŋ urip tumĕkèŋ antaka, kukum praja sakaroné, liré jĕro iŋ kalbu, aṅlakoni ayuniŋ budi, sabar paramartèŋ tyas, naṅiŋ kaṇṭi mahkum, tĕgĕsé duga prayoga, liré adil jaba lakuniŋ nagari, tan pahé jĕronira.

23. kaŋ maṅkono gogoloṅan ṅilmi, budi ayu nukṣmèŋ agal ḷĕmbat, duga watarané ṅĕntèk, titi utamèŋ laku, lakuniŋ woŋ swarjana murti, karṣa yu ñamahita, pamĕṅkuniŋ iḍup, wĕruḥ jaba jĕroniŋ tyas, iku kañcil amoṅpraja kaŋ binudi, dayèŋ sinahu nalar.

24. jaba jĕro kaŋ dèn aji aji, kudu dèn ajar iŋ kahutaman, wit raga manut sapaṅrèḥ, kana kéné kacakup, marma ṅupa cukuliŋ ati, saka sajarwèŋ liya, muṅsuḥ dadi wuruk, arda murka dadi wulaŋ, kéré ṅĕmis gawa baṭok mituturi, kaŋ ṅlaṅut lamat lamat.

25. ñamut ñamut iṅkaŋ duruŋ tampi, wulaŋ saka badanirèŋ liya, taṅgapa tyasira aṅgèr, kaŋ ala mulaŋ bagus, wus déné woŋ kaŋ tindak bĕcik, naṅiŋ kaŋ duruŋ tuṅgal, budi aywa ṅgugu, aywa gé agé cinéda, lan aja bèrbudi sarta aja cĕṭil, wruha adil jro jaba.

26. pira pira kaŋ gumlar iŋ bhumi, bocaḥ cilik mulaŋ maraŋ sira, woŋ tuwa nuntun mriŋ kowé, arda dupara iku, naṅiŋ ñata wasita iki, upayanĕn supaya, jajahiŋ paṅawruḥ, dadya kukum jroniŋ nala, lalantihĕn apalna sajroniŋ ati, papan kaŋ tanpa sastra.

27. tĕgĕsira tulis tanpa maṅsi, yèn wus mañjiŋ sajĕroniŋ garba, kalamullaḥ hakikiné, kitab kaŋ baṅsa luhur, wiṅit muluk ṅlaṅit tan kèkṣi, muhuŋ woŋ wicakṣaṇa, iṅkaŋ bisa wĕruḥ, marma ywa pépéka sira, ṅgĕgulaṅa duga wataraniŋ urip, lahir batin prasaja.

35. gambuḥ

1. gambuḥ iṅkaŋ kawuwus, arès ponis maṅkya prapta sampun, sakiŋ mĕsir rad gĕḍé kaŋ wus pĕrgadriŋ, suléman kaŋ maha aguŋ, prakara yuyu kapĕḍot.

2. putus rampuṅiŋ ṛĕmbug, radyan bèi maṅkana kaŋ ḍawuḥ, mriŋ dwirada dina sabtu béñjiŋ éñjiŋ, èstuniŋ paséban kukum, sadaya kinèn mirantos.

3. saha sakṣi sadarum, pinĕpakna anèŋ alun alun, kori sarayuda prajurit kaŋ baris, gajakṣa apariŋ ḍawuḥ, yuyu kaŋ anèŋ jro gĕḍoŋ.

4. maṅkana ḍawuhipun, hèḥ ṛĕkaṭa dina sabtu sésuk, sira èstu katrapan adil nagari, nĕtĕpi putusiŋ ṛĕmbug, ginantuŋ tumĕkèŋ layon.

5. ana iŋ alun alun, sakiŋ ḍawuḥ amuŋ ḷĕt sadalu, sakṣi sakṣi lanaŋ wadon lan patiṅgi, wus sami sumahos kumpul, kañcil amoṅpraja miyos.

6. déné pañcakanipun, pagantuṅan wus samaptèŋ ṅriku, yuyu sakiŋ pañjara iṅiriŋ mijil, gumrudug kaŋ ṅuruŋ uruŋ, kumĕrab sato kaŋ nonton.

7. wus pêpak luṅgyèŋ ṅayun, ponis sakiŋ amoṅpraja muluŋ, tinaṅgapan riŋ jakṣa punaŋ kintaki, gajakṣa nulya ḍaḍawuḥ, hèḥ yuyu ruṅokna mĕṅko.

8. iki layaŋ ponismu, sun wacané akèha kaŋ kruṅu, dadya conto mriŋ ṅati ati iŋ wuri, maṅka kaca bĕṅgala guŋ, mulaŋ sakabèhiŋ sato.

9. riṅkĕsan kaŋ kasĕbut, iṅkaŋ awit asma kaṅjĕŋ mulku, kaŋ abaris iṅaban plassĕntirguwir, iyèku kurmat pañjuñjuŋ, tata luhuriŋ karaton.

10. surasèŋ ponis cukup, riṅkĕsaniŋ nalar kaŋ kasĕbut, sakṣi sakṣi saha panimbaṅirèŋ lid, ṅaku pamuṅkiriŋ yuyu, tibaniŋ krampuṅan layon.

11. kañciṅaniŋ srat ñĕbut, wèt sĕtatblad paṭokaniŋ ṛĕmbug, kaŋ kinarya wawaton pañcasiŋ pati, tuwin kukum saratipun, yuyu muṅgaḥ pañcaka lon.

12. lawé sumiṅsĕt gupuḥ, dyan pinĕsat ṛĕkaṭa gumaṇḍul, wusñantara yuyu yitmakanira nir, ragané kèri gumantuŋ, tandya iṅuḍunkĕn alon.

13. susawa sinuṅkĕn wus, maraŋ liṅsaŋ jaḷĕr èstri gupuḥ, tinampanan gya dèn mamaḥ tĕkèŋ maṅkin, liṅsaŋ pakanané yuyu, sigra bubar kabèḥ sato.

14. akèḥ kéwan kaŋ ṅuṅun, dupi wĕruḥ kasĕntikanipun, amoṅpraja dènira nibakkĕn adil, dadya lupiya sawastu, déniŋ walaŋ taga sato.

15. jatiné kaŋ ginantuŋ, tĕkèŋ pati kéwan kaŋ sami wruḥ, kaŋ supaya dina wuri paḍa éliŋ, ṅuṅkurṇa paṅgawé dudu, ṅaṛĕpkĕn budi krahayon.

16. kaŋ wus mati nora wruḥ, muŋ kaŋ urip paḍaa mituhu, iŋ paréntaḥ tata tĕntrĕmiŋ nagari, saka prabhawaniŋ kukum, kabèḥ iḍĕpa pakéwoḥ.

17. samana saya guyub, sato kéwan satanaḥ jawa guŋ, wĕdi asiḥ mriŋ saŋ amoṅpraja kañcil, sĕtya tuhu ṅèstu ḍawuḥ, kaŋ tuṅguk kaŋ ruṇḍa patrol.

18. wus sasat ratu aguŋ, hèhiŋ kéwan tan kĕna ginuṅguŋ, lamun nuju paséban sĕnèn lan kĕmis, ajĕg jĕjĕgé lastantun, kataman paramarta nom.

19. dupyantara wus daṅu, arjanirèŋ praja ḍusun ḍusun, gĕmaḥ ripaḥ pasir wukir loḥ jinawi, doracara sirṇa larut, akèḥ kaŋ makbud hyaŋ manon.

20. tan pĕgat limaŋ waktu, ṅluhurakĕn karaton hyaŋ aguŋ, akèḥ kéwan kaŋ dadi ṅulama mukmin, kaŋ maṅka luluhuripun, wahuwa pratamèŋ kéwoḥ.

21. pintĕr mriŋ syarak putus, tajĕm iŋ tyas rina wĕṅi sujud, makbudullaḥ narupakkĕn cipta ĕniŋ, aṅlaṅgĕṅakĕn pamuruk, mukmin akèḥ kaŋ sumahos.

22. kèhiŋ dalil ginĕluŋ, tĕmbuŋ arab tĕmbuŋ sam tĕmbuŋ rum, kitab kuran kaŋ mĕmĕt kaŋ wĕrit wĕrit, datan kéwran wus kacakup, sigĕg gantya kacariyos.

prakara drĕdahiŋ baya lan baṇṭèŋ wahananiŋ jaman aṅkara murka

23. wontĕn sawiji bajul, dibya śakti santika guŋ luhur, apaparab kyayi luraḥ kalasrĕṅgi, kaŋ kahyaṅan anèŋ kĕḍuŋ, kali lèrèŋ jĕmbar jĕro.

24. waktu samana nuju, masa katri tanpa ana tĕruḥ, kali iṅkaŋ cilik cilik asat sami, kaŋ gĕḍé mèḥ tanpa bañu, tĕmaḥ araŋ baṭaŋ añjog.

25. maraŋ iŋ ṅlèrèŋ wahu, santéroné kali lèrèŋ ṅriki, yèn janmaa pacĕklik laraŋ rijĕki, kèhiŋ wiyaṅga nunuwun, salat kajad mriŋ hyaŋ manon.

26. kaŋ maṅka adat bajul, yèn ṅupaya bukti baṭaŋ buṭuŋ, nora mĕtu sakiŋ sajĕroniŋ wariḥ, sarèhniŋ cilik kaŋ ranu, araŋ ana baṅké sato.

27. naṅiŋ satuṅgal wahu, kaŋ sadarpa murka tyasira dur, marma koṅsi katĕlaḥ ki kalasrĕṅgi, putus pratikĕl mriḥ dudu, yèn luru parané adoḥ.

28. koṅsi prapta iŋ gunuŋ, wana wana tĕbiḥ sakiŋ bañu, amila tan koṅsi kĕkuraṅan bukti, asriŋ ṅrodapakṣèŋ laku, ṅiñciḥ yèn wĕruḥ buburon.

29. lasar tĕguḥ timbul tus, putus lamun mahéka mriŋ makhluk, yèn sasaba mriŋ ḍaratan alas pripiḥ, kaḍaŋ muṅgaḥ gunuŋ jĕruk, kambaḥ kiwa tĕṅĕn kono.

30. baya siji puniku, kaŋ ṅlurahi kali lèrèŋ wahu, sakiŋ nakalira karan sambaṅmargi, kèḥ dalan mati witipun, bajul kaŋ laku maṅkono.

31. pakṣa kuwawa dir guŋ, kaṭaḥ sato kéwan kaŋ kadahud, kaprajaya déniŋ buwaya wĕwèri, samana iŋ dina sabtu, kalasrĕṅgi luru sato.

32. wus antuk koṅsi tuwuk, turon sukunirèŋ gunuŋ jĕruk, iŋ jugaṅan papané asilir silir, kaŋ sarta bantalan uwuḥ, maskumambaŋ kaŋ gumantos.

36. maskumambaŋ

1. kanan kériŋ jugaṅan akèḥ wit jati, déné ṅiṅgilira, wontĕn prabhataŋ wus lami, ruṅkat suméṇḍé iŋ ĕpaŋ.

2. kintĕn kintĕn sampun wontĕn gaṅsal warṣi, déné agĕṅira, kaliḥ élo winatawis, pañjaṅipun kawan cĕṅkal.

3. wus adaté baya lamun mĕntas bukti, añjajaḥ wanarga, raga capé sigra ṅisis, kasilir iŋ samirana.

4. bajul anèŋ jugaṅan sĕnĕŋ iŋ ati, turu ṅénak énak, nuli ana siṇḍuŋ prapti, bajra riwut pañcawora.

5. prabhataŋ kaŋ suméṇḍé tĕmaḥ ṅĕbruki, naṅiŋ tibanira, nora ṅĕbruki mriŋ srĕṅgi, amuŋ nasabi jugaṅan.

6. ambanira jugaṅan wahu watawis, roŋ mètĕr nèdĕrlan, ujuré limalas kaki, jroné pataŋ élo lawas.

7. mujur ṅétan kaŋ maṅka prabhataŋ jati, ṅulon rubuhira, dadya srĕg naṅiŋ nasabi, buwaya kagèt trataban.

8. wus maṅkana kamokalaniŋ ṅahurip, déné tan katiban, muŋ katiṇḍihan saṭiṭik, baya dahat ṅuṅunira.

9. nulya ndĕdĕl ṅuṅkil mrakuṅkuŋ kaŋ gigir, sakiŋ gĕṅiŋ bataŋ, jati iṅkaŋ aniṇḍihi, ĕntèk rosané tan kaṅkat.

10. siyaŋ ratri ndĕdĕl saha ṅuṅkil uṅkil, naṅiŋ tanpa daya, marma putĕk ciptèŋ srĕṅgi, gĕṛĕŋ gĕṛĕŋ garayahan.

11. mahyakakĕn mantra dibya guna śakti, sadarpa mamalad, kaŋ nala sayuta sĕḍiḥ, naṅiŋ makṣa tanpa daya.

12. ḷĕsaḥ ḷĕsu ḷĕs ḷĕsan lir péndaḥ ṅimpi, panon sunar jĕnanr , nar naran muŋ ñipta pati, munajad riŋ ḍèwèkira.

13. nuli muwus kaniaya tĕmĕn aṅin, sun tan darbé utaŋ, nadyan kaki buyut mami, kaya uga nora utaŋ.

14. pagénéya tĕka gĕṭiŋmu kĕpati, apa ṇḍĕm ĕṇḍĕman, akèḥ kaananiŋ bhumi, muŋ iṅsun iṅkaŋ kĕbrukan.

15. ḍuḥ déwaku hyaŋ baruna kaŋ ṅwasani, buburon iŋ tirta, wĕlasa mriŋ kalasrĕṅgi, umaṅgiḥ sikṣèŋ prabhataŋ.

16. saṅsayarda biṅuŋ dahat mĕpĕt ati, maṅkana ciptanya, kaya paran awak mami, sapa yogya aṅsuŋ wĕlas.

17. maṅka iṅsun iki putus maraŋ ṅilmi, apa sun miminta, tuluŋ maraŋ maha suci, yèn allaḥ paṣṭi tan bisa.

18. nora ana allaḥ bisa mituluṅi, lamun tutuluṅa, yaktiné dudu hyaŋ widdhi, nulya bajul nabda sora.

19. gĕmbar gĕmbor tuluŋ tuluŋ jĕrat jĕrit, iŋ alama lama, antuk kaliḥ dasa ari, kèri gagra lan usika. 20. labĕt datan bhoga tuwin ṅombé wariḥ, wus èṣṭa guṣṭika, taṅisé saṅsaya ririḥ, sabab sakiŋ ḷĕsahira.

21. amuŋ kèri gĕṛĕŋ gĕṛĕŋ ṅrintiḥ ririḥ, samana wus pasraḥ, iŋ nala narimèŋ pati, nulya ana dwi andaka.

22. jalu èstri sami mantuk sakiŋ nagri, déné wismanira, iŋ wanarata kaŋ nami, mukhammad salèḥ pardikan.

23. dĕdĕg agĕŋ luhur mĕmpĕŋ iŋ birahi, dèrèŋ darbé suta, antukira nĕdya mampir, pawoŋ mitrané andaka.

24. ḍatĕŋ wanapaṅasiḥ sipĕŋ saratri, éñjiŋ dènnya maṅkat, ṅidul ṅulon mampir maliḥ, mriŋ gunuŋ jĕruk mèt bhoga.

25. kaṭaḥ taru lata pradapa asĕmi, nutug panaḍaḥnya, midrèŋ titirahiŋ wukir, baṇṭèŋ miyarṣa suwara.

26. mĕlas arṣa naṅis ṅaruhara ririḥ, aṅgĕgèndèŋ triṣṇa, ahmad salèḥ nabda aris, hèḥ yayi sira ruṅokna.

27. ana swara udrasa ṅgĕgèndèŋ ati, yéka sasambatnya, payo yayi dèn ulati, yèn sato kĕnèŋ rubéda.

28. iṅkaŋ èstri sarujuk lajĕŋ ṅulati, samana wus paṅgya, ĕṅgèniŋ taṅis kaŋ ṅrintiḥ, ana saṅisoriŋ wataŋ.

29. baya iṅkaŋ katiṇḍihan kayu jati, baṇṭèŋ duk wruḥ wĕlas, wus darbé kira yèn sakit, katiṇḍihan iŋ prabharaŋ. 30. dahat ñjĕṅĕr gĕtun ṅuṅun baṇṭèŋ kaliḥ, nulya alon nabda, mukhammad salèḥ lan srĕṅgi, karana apa buwaya.

31. iṅsun kira nèŋ kéné sira wus lami, kacihna swaranta, sĕṛĕt nétyanira lutiḥ, laḥ ta sapa aranira.

32. kali ṅĕndi baya kaŋ sira omahi, mréné golèk apa, srĕṅgi maṅsuli wor taṅis, hèḥ baṇṭèŋ wĕruhanira.

33. panĕṅranku woŋ akèḥ kaŋ aṅsuŋ nami, kyayi adipatya, kalasrĕṅgi krajan mami, kali lèrèŋ kulon ika.

34. nadyan baya sun iki dadi bhupati, amasésèŋ tata, mañcasi dora dur karti, putus saliriŋ kagunan.

35. tamtu bahé sira mahido iŋ ati, naṅiŋ iya layak, iṅkaŋ aṅarani kidip, déné nèŋ kéné purwèŋ waŋ.

36. tĕkèŋ dina iki wus roŋ puluḥ ari, ṅuni sun cĕṅkrama, ṅèkṣi wana wana wukir, sayaḥ nuli sun saréyan.

37. nèŋ jugaṅan kaŋ sun turoni puniki, romot romot kaṭaḥ, suda prayitnèṅsun tan wrin, yèn ṇḍuwur ana prabhataŋ.

38. duruŋ suwé nèŋ kéné bajra guŋ prapti, ṅrubuhkĕn prabhataŋ, bagyèṅsun nora niṇḍihi, wus antuk roŋ puluḥ dina.

39. datan néndra tan bukti lan ṅinum wariḥ, sun ṅantĕp karosan, ndĕdĕl bataŋ datan koṅkiḥ, japa mantra nora guna.

40. kèḥ kamayan mujijad dayaniŋ budi, sirṇa tan tumama, wus takdir kodratullahi, yèki marganiŋ pralaya.

41. muŋ gĕtunku lawas tĕmĕn nora mati, marma kamahyaṅan, bagyèṅsun tanpa upami, braṅtaniṅsun tuluṅana.

37. asmaradana

1. wuwusé sarwi anaṅis, ṅrĕṛĕpa norragèŋ śabda, hèḥ baṇṭèŋ wĕlasa mriŋ ṅoŋ, wĕtokna sakiŋ saṅsara, luwara duhkitèṅwaŋ, lamun sira tan tutuluŋ, luhuŋ untapna pralaya.

2. tumĕkaniŋ jaman sukci, sukur sèwu sira bisa, ṅuṅkil wataŋ jati kiyé, sun kira kalamun sira, guyub sahéka karṣa, lan rabinta baṛĕŋ ñjuñjuŋ, paṣṭi kuwasa sun mahya.

3. luwar saka iŋ bilahi, sun muliḥ mriŋ wismaniṅwaŋ, ṅlahirkĕn buṅaḥ sun baṇṭèŋ, katĕmu swami lan putra, sĕlir parara rara, kaŋ wus lawas ṅayun ayun, iba sukaniŋ wardaya.

4. apa manèḥ sun tuturi, mulyèṅsun saka iŋ sira, kaŋ ñambuṅi umur kowé, méndaḥ déné kabagyanta, sajagad tanpa sama, kabotan olèḥmu mikul, nampani piwaḷĕs iṅwaŋ.

5. kahul sun yèn bisa muliḥ, mriŋ kali lèrèŋ wismèṅwaŋ, iba ontuṅira baṇṭèŋ, sun darbé uni yun ṅgañjar, sawiji akik loyaŋ, wus warṇa kalpika mañcur, ṅuṅkuli cahyèŋ jĕbarjat.

6. ĕmbanané wĕsi kuniŋ, akèḥ barkaḥ sawabnya khak, sapisan slamĕt jisimé, kapiṇḍoné mĕṅku drajad, piŋ tri sugiḥ arta mas, sosotya sasaminipun, piŋ pat sinihan iŋ jagad.

7. déné punaŋ wĕsi kuniŋ, puniku ratuniŋ braja, waja wĕsi mandi kawon, tĕnuŋ blutak wisa tawa, jin sétan bubar sirṇa, iŋ ṅuni papariṅipun, nabi kilir maholana.

8. prabhawa kaŋ gĕḍé maliḥ, luwiḥ parlu muṅguḥ sira, yèn ṅaṅgo ana jroniŋ wé, kĕḍuŋ talaga samudra, blas sirṇa lir ḍaratan, tan krasa nèŋ madyèŋ bañu, sabaraŋ apa pratéla.

9. puniku dayaniŋ akik, tamat lir ana ḍaratan, andaka lamun siraṅgo, anèŋ pucukiŋ suṅunta, sun kira nora sasak, lanaṅa wadona iku, kaŋ ṅaṅgo paḍa śĕktinya.

10. lan manèḥ ujar sun ṅuni, siŋ sapa tutuluŋ iṅwaŋ, ñjuñjuŋ wataŋ jati kiyé, sun arṣa kahul nayuban, kaŋ sarta andrawina, ṅaturi para tumĕṅguŋ, bhupati mañcanagara.

11. sagara kidul puniki, bhupatiné pira pira, saha asistèn résiḍèn, wadana asistèn kaṭaḥ, mantri pulisi dĕmaŋ, myaŋ kliwon riya panèwu, mantri sapaṅrĕmbénira.

12. pakampuṅan urut margi, asri tinon sakiŋ ratan, omaḥ gĕḍoŋ pagĕr témbok, toko lusmèn jawa landa, sabĕn dalan prapatan, toko cina lan pak candu, woŋ adol sabaraŋ ana.

13. pasar gĕḍé pasar cilik, gumĕlar dadagaṅannya, kaŋ mañcèrèt kaŋ mañcoroŋ, patiŋ krĕtip patiŋ glĕbyar, kaŋ èdi éndaḥ éndaḥ, triko sutra lakĕn bludru, warṇa warṇa néka néka.

14. pèni pèni rajapèni, guru bakal guru dadya, iṅkaŋ pĕṭa wala ijo, gĕlaŋ kaluŋ timaŋ jlĕbraḥ, suwĕŋ mĕntul juṅkat mas, pinatik barléyan mañcur, pasèt jumĕrut lan miraḥ.

15. ali ali warṇi warṇi, lintriŋ tajug myaŋ baṇḍilan, gunuŋ sapikul ḍapuré, barliyan pasèt klèṭèkan, mas oré ḍaḍacinan, ḍuwit uga tanpa guṅguŋ, sĕmat rupiyaḥ tĕṅahan.

16. talèn kĕṭip sarta kĕlip, béṅgol sèn bribil nèdĕrlan, waŋ krĕtas atusan éwon, ñèkĕt ñalawé ñadasa, sahiba sĕnĕṅira, lan maliḥ punaginiṅsun, yèn sira wus praptèŋ kana.

17. suṅu tracakmu sun rukmi, tinarètès iŋ barléyan, kaŋ tigp tig iba abyoré, sun uga duwé kĕmasan, sarawèdi iŋ bañjar, sun kon gawé kaluŋ gumyur, horloji mas timaŋ jlĕbraḥ.

18. swaminta iṅsun praboti, suwĕŋ kaŋ panuṅgul saṅa, intĕn ñakĕpĕl gĕḍéné, sumpiŋ kaluŋ gĕlaŋ kana, tuwin kaŋ larap sutra, èstu rinta tambaḥ ayu, kaya rarasati swarga.

19. yèn wus sami sun dandani, wastra lakĕn bludru sutra, sun arak gamĕlan gĕḍé, sléndro pélog myaŋ musikan, cokèk aṅkluŋ taṛĕbaŋ, iṅiriŋ ṅulama jamhur, mudyastuti maraŋ sira.

20. mubĕŋ bètèŋ drèl ṅurmati, pistul bĕḍil kalantaka, mriyĕm tiŋ glĕgĕr swarané, arṣa nuṅgaŋ apa sira, krĕmun joli jĕmpana, bèndi siyas karéta kus, iṅsun saḍiyani sira.

21. andrawina rina wĕṅi, lampu sèwu iṅsun pasaŋ, diyan ḍuḍuk gantuŋ triyom, ṛĕsbaŋ kurṣi méja kĕnap, minuman kas ĕkasan, janèwĕr bètĕr lan pĕrmut, sampañĕ aṅgur myaŋ koñak.

22. sĕtrup amanéka warṇi, bañu ès bañu walanda, bir marṣala myaŋ anisèt, pêpak kabèhiŋ minuman, akèḥ lamun iṅétaŋ, srutu pêpak tanpa pétuŋ, ampĕg ampaŋ guriḥ ana.

23. pêpak ananiŋ jaladri, sun tuturi papaṅanan, tahociŋ soñjin taṅkuwèḥ, pastil kĕnari widaran, kĕriṅan baṅkèt adas, mari myaŋ kombinatiyun, pêpak wutuḥ tĕtromolan.

24. bludĕr poḍĕŋ prol myaŋ lapis, soklat makrun kĕmbaṅgula, pankuk koṅkuk lawan kulbèn, liḍaḥ sarḍin lan martéga, saḷĕm masakan sabraŋ, bĕstik asé lapis sĕmur, jaṅan sop gorèŋ gorèṅan.

25. sambĕl gorèŋ pĕté èbi, ḍèṇḍèŋ ragi ḍèṇḍèŋ bakar, bakmi sosis lan capjahé, mihun tahu gorèŋ ana, sĕgané warṇa rolas, wédaŋ tèḥ gulané batu, tĕkané goṇḍok kĕpikan.

26. yèn ésuk wédaṅé kopi, sinariŋ ṅaṅgo pĕṛĕsan, utawa kuniṅiŋ ĕṇḍog, cèrèt kumrĕṅsĕŋ tan kĕṇḍat, anèŋ aṅlo kéwala, rina wĕṅi lamun ṅuñjuk, ajĕg aṅĕté tan gĕla.

27. déné kaŋ ndarbèni akik, pilihan jroniŋ samodra, iŋ kono tan ana loro, iya amuŋ jĕnĕŋ iṅwaŋ, kaŋ darbé akik loyaŋ, marma mukti run tumurun, nutug mahin papaṅanan.

28. mamaṅan madon madati, apyun piraŋ piraŋ ṛĕmbat, iṅsun ésuk soré ñĕrèt, ṅècèŋ candu garaŋ bakal, tayuṅan awar awar, bakalé sugatanipun, baṇṭèŋ maraŋ sira béñjaŋ.

29. puluḥ puluḥ woŋ wus dadi, punagi siŋ sapa bisa, ñambuṅi urip sun baṇṭèŋ, sun tuturkĕn garwa putra, purwèṅsun urip maṅkya, sirèstu iṅuṭun uṭun, widada sinuŋ pradana.

30. abot kapotaṅan urip, kaŋ ñambuṅi umur sira, sasat malahékat kahot, ṅijrahil prapta suŋ ñawa, manawa sira wĕlas, sarimbit paḍa sarujuk, ñjoṅkèŋ sisiḥ kulon wétan.

31. sanadyan sun tĕkèŋ pati, yèn wus paṅgiḥ garwa putra, maris pusakèṅsun kabèḥ, ḍuwit piraŋ piraŋ yuta, masa anaa iṅkaŋ, ṅĕdum yèn sun duruŋ mantuk, dadi ṅamal siya siya.

32. lan waris dadi bhupati, sun srahkĕn putra paṅarṣa, sakiŋ bojo tuwa ḍéwé, kaŋ pantĕs nampani drajad, sukur yuswèṅsun dawa, anakku dadi tumĕṅguŋ, iṅsun pribadi bupatya.

33. payo baṇṭèŋ jalu èstri, lahirṇa wĕlasmu paḍa, maraŋ sapaḍaniŋ sato, kaŋ dahat nĕmu saṅsara, lunturṇa kawlasanta, nulya baṇṭèŋ èstri kéñut, mriŋ śabda kaŋ amiluta.

34. sadarpa wĕlas lan mélik, ujar pratigñaniŋ baya, ki ahmad salèḥ śabdané, hèḥ ta yayi kayaparan, si bajul minta wĕlas, prabhataŋ bisané ṅgluṇḍuŋ, saka gigiriŋ buwaya.

35. iṅkaŋ èstri anambuṅi, ḍuḥ kyayi prayoganira, dipuntuluṅi ḷĕṛĕsé, adatipun kasaṅsaran, yèn tinuluṅan luwar, nĕtĕpi prajaṅjinipun, sanadyan pun baya cidra.

36. kaŋ sipat samiṅun basir, yakti datan kasamaran, mriŋ kaŋ tutuluŋ krahayon, paribasaniŋ akaṭaḥ, wiji sinĕbar paḍas, lawas lawas maṣṭi tuwuḥ, puniku ṅamal utama.

37. punapa maliḥ pun srĕṅgi, darbé atur kaṭaḥ kaṭaḥ, punagi kasagahané, yun ñukani akik loyaŋ, ĕmbanan wĕsi jĕnar, sumaṅga kyayi puniku, kajĕŋ sami dipunuṅkal.

38. jinoṅkèŋ sakiŋ sakĕḍik, sisiḥ séwaŋ kilèn wétan, sarana suṅu kémawon, naṅiŋ baya prayoginya, iṅantĕp kaŋ pratignya, tĕmĕn tĕmĕnirèŋ kalbu, arṣa aṅsuŋ akik loyaŋ.

39. nulya dèn antĕp pun srĕṅgi, sĕtya tuhu wus supata, baṇṭèŋ ro tumandaŋ agé, mahyakkĕn kĕkuwataña, aṅuṅkil kériŋ kanan, umañjiŋ karṇun tumanduk, daṅu datan kaṅkat kaṅkat.

40. mrĕs budi wikramawrĕdi, maṭĕṇṭĕŋ urat myaŋ tulaŋ, bayu kulit dagiŋ kabèḥ, maṇḍak mijilakĕn ḷĕṅa, tala iŋ punuk rata, midrèŋ aṅga sasat adus, yèn kadibyaniŋ andaka.

41. banduŋ bandawasa dadi, prabhataŋ jati wus kaṅkat, kagila gila rosané, sawusiŋ mĕṅa buwaya, mbraṅkaŋ mĕtu sakṣaṇa, bloṅiŋ tyas anaṅiŋ ṅlumpruk, aṅga tan baṅkit ṅgulawat.

42. bab anèŋ kono wus lami, tanpa bhoga araŋ néndra, marma samubaraŋ capé, baya alon śabdanira, baṇṭèŋ iṅsun atĕrus, mriŋ kali lèrèŋ krajanku, aywa taṅguŋ karyotama.

43. lawan bakal anampani, wawaḷĕs kaŋ tanpa timbaŋ, aywa wañcak driya baṇṭèŋ, aṅun aṅun nambuŋ śabda, yèn maṅkono karṣanta, iṅsun tutkĕn salakumu, aja sumĕlaŋ iŋ nala.

44. dyan lumaku ṅl‍ĕḷĕr riṇḍik, sakiŋ ḷĕsahirèŋ aṅga, pĕt pĕtan mĕtu konaṅé, taṇḍa yèn dahat ṅrĕkasa, panon sumunar pita, kuniŋ sabaraŋ kadulu, alon śabdané buwaya.

45. kayaparan awak mami, déné wus nora kuwawa, bok iṅsun géṇḍoṅĕn baṇṭèŋ, babar pisan kadarmanta, tumuluŋ kahuripan, aywa taṅguŋ karya bagus, basuki susilotama.

46. wruhanta budyayu tami, paramarta mriḥ widada, rila ékhlas ati salèḥ, ṅamal katur iŋ ayunan, niŋ jad kaŋ murwèŋ ṅalam, aywa mamaŋ laku bagus, paṅéran sipat ṅaliman.

47. baṇṭèŋ ciptanirèŋ ati, iṅsun tuluṅané pisan, mokal cidraa wuwusé, rèḥ dudu baṅsaniŋ rucaḥ, isiḥ buwaya tĕṅaḥ, taṇḍa kasaguhanipun, awèḥ baraŋ néka néka.

48. yèn tan darbé nora baṅkit, muwus kaŋ kaya maṅkana, tumulya bajul ginéṇḍoŋ, iŋ gigir dé suku ṅarṣa, kaŋ loro ṅraṅkul jaṅga, sirahé tumumpaŋ punuk, baṇṭèŋ wadon atut wuntat.

38. paṅkur

1. samantara lampahira, praptèŋ tĕpiniŋ pragawanta kali, nuli añabraŋ iŋ bañu, rèhniŋ masa katiga, cĕṭèk bahé bañuné kaŋ dudu kĕḍuŋ, baṇṭèŋ nulya pasraṅkara, muḍunna wus praptèŋ kali.

2. mlakuwa sun atut wuntat, masa iṅsun tégakna sira srĕṅgi, bajul muwus mĕlas ayun, payo baṇṭèŋ ṅidula, wruhanira bagawanta iki dudu, karaton iṅsun andaka, kali lèrèŋ kidul iki.

3. yèn wus tumĕkèŋ tĕmpuran, lèrèŋ bagawanta dumadi siji, wus paṛĕk lan karatonku, ujunna jroniŋ pura, kaŋ supaya para putra garwa mĕṭuk, wĕruḥ sira ṅgéṇḍoŋ riŋ waŋ, sahiba buṅahé sami.

4. pramanakna yèn wus cĕḍak, ana taṇḍa manik wariḥ dumĕliŋ, maṅidul saṭiṭik wĕruḥ, sitiṅgil brajanala, srimaṅanti danapratapa kadulu, baṇṭèŋ ḷĕga nalarira, baya makṣiḥ anèŋ gigir.

5. wus tĕbiḥ antaranira, saya ṅidul mĕṇḍak jĕro kaŋ wariḥ, saput sampil toya sampun, baṇṭèŋ maliḥ wuwuṣṇya, laḥ buwaya nèŋ kéné prayoga muḍun, baya mbĕkuḥ aja aja, kataṅguṅan gawé bĕcik.

6. ṅidula saṭiṭik ĕṅkas, iṅsun kira roŋ puluḥ cĕṅkal kèri, yéka alun alun iṅsun, aywa uwas sumĕlaŋ, mĕlaŋ mĕlaŋ watir bab jĕroniŋ bañu, lamun baṛĕŋ lawan iṅwaŋ, nulya baṇṭèŋ ṅidul maliḥ.

7. añjog t‍ĕḷĕṅiŋ narmada, tyas kumĕsar ciptanira iŋ ati, krasa ginĕgĕt kaŋ punuk, cinĕṅkĕṛĕm iŋ cakar, mracihnani baya muraŋ silèŋ ayu, baṇṭèŋ muwus mriŋ swaminya, hèḥ ñahi baliya nuli.

8. aywa sira atut wuntat, nadyan mati yayi salaḥ sawiji, tĕraŋ yèn baya mriḥ dudu, druhaka arda murka, nulya iṅkaŋ èstri caṅkélak wus waṅsul, jiñjit wus tan ṅambaḥ ḷĕmaḥ, ṅlaṅi nulya tĕkèŋ piṅgir.

9. kliṭihan añuṅgar ñuṅgar, ṅétan ṅulon biṅuŋ wĕlas iŋ ati, wĕruḥ lakiné nèŋ bañu, kaloloḥ iŋ pitĕnaḥ, nĕdya labuḥ ambyur kaŋ priya mriŋ ranu, naṅiŋ tan awèḥ tĕmahan, nèŋ tawiŋ kéwala ṅèkṣi.

10. dènnya samyadu karosan, ṅantĕp pakṣa ambĕk dibya gunasti, punaŋ bañu lir kinĕbur, baṇṭèŋ wus tanpa daya, rèḥ punuké wus kinakahan iŋ bajul, kapiṇḍoné kalaḥ rosa, sabab dudu baṅsa wariḥ.

11. mĕnaŋ iṅkaŋ darbé blabag, baṇṭèŋ sabĕn miṅgir tansaḥ tinarik, ginèrèt mriŋ tĕṅaḥ bañu, nadyan piṅgiriŋ paḍas, naṅiŋ malaḥ ana t‍ĕḷĕṅé iŋ kĕḍuŋ, gobak gobik ḷĕmbak ḷĕmbak, buwaya aścaryèŋ ati.

12. wus maṅkana buron tirta, iŋ ṅuni wus capé tan bisa mosik, dupi wus kambaḥ iŋ bañu, puliḥ ndadak sakala, kuwat manèḥ saha ṅisĕp isĕp punuk, suku ṅarṣa ñĕṅkrĕm jaṅga, kaŋ wuri ñĕṅkĕṛĕm sampil.

13. buwaya wus tanpa wĕlas, muhuŋ éliŋ sato ḍarat mriŋ wariḥ, kalasrĕṅgi śabdanipun, mèsĕm winor paṅéraŋ, sira baṇṭèŋ wus paṣṭi dadi maṅsanku, kéwan ḍaratan mriŋ toya, nora wuruŋ sun jujuwiŋ.

14. sun pragat sun ṛĕñcak ṛĕñcak, rèḥ mamaṅsaniŋ wiyaṅga sirèki, tĕka kumasura purun, suṅil rumpil sirambaḥ, dudu sanak pawoŋ mitra kwanuhanku, maṇḍak satru kaŋ wus ñata, pĕpĕṣṭèn kodratullahi.

15. dadi paṅaniŋ buwaya, santéroné buburonirèŋ wariḥ, saha kéwan samudra guŋ, paḍa doyan mriŋ sira, narimaa kinarya pista baṅsaku, sadaya isiniŋ toya, akèḥ kaŋ ṅaṅgo sĕṛĕpin.

16. sarat ḍasariŋ pikuwat, laḥ saṇḍaṅĕn baṇṭèŋ gañjaran mami, aywa kataṅguṅan bagus, budyambĕk paramarta, martotama utama saminiŋ makhluk, rila dagiŋ téga laya, lara tan mundur sañari.

17. kaŋ maṅkono sabilullaḥ, wruhanira dadalan riŋ hyaŋ widdhi, kĕtampan sĕmbaḥ bĕktimu, saḥ sira ṅaku islam, awit wani nĕtĕpi uniniŋ usul, saka kaholiŋ ṅulama, lapal kaŋ maṅkéné iki.

18. kaṇḍané kaŋ ahli kitab, al islamu dabikul nupus ati, tĕgĕsé woŋ islam iku, nambĕlèḥ napsu lirnya, ala napsu déné ñawamu sun kĕlun, nrimaa akhiriŋ duña, iŋ akhirat nĕmu swargi.

19. kaŋ laṅgĕŋ tanpa wusana, luwiḥ nikmat munpaṅat swarga naṅim, séjé kaŋ lir awakiṅsun, wus kapir na kumuna, paṣṭi lamun nraka jahanam sun tĕmu, kĕkĕl nora luwar luwar, cuṇḍuk lan dalil ṅakahid.

20. wa ama kapiru pinar, pardikaniŋ kapir sajroniŋ gĕni, salawasé nora mĕtu, marma baṇṭèŋ nrimaa, ywa sumĕlaŋ sira pasraḥ dagiŋ punuk, dadiya sidĕkahira, gusti allaḥ ṅudanèni.

21. sahiki nadyan tan ana, anaṅiŋ jad mulya iṅkaŋ maṅèkṣi, wallahu naglimun guyub, allaḥ prikṣa iŋ ḷĕmbut, kalamullaḥ nulis iṅkaŋ tanpa ḍawuḥ, ñaṭĕti klakuwan umat, ala bĕciké katulis.

22. sirèku baṇṭèŋ sarjana, murtyèŋ titaḥ salèḥ budya yu tami, raharja nukṣmèŋ sila yu, dadana ñamahita, krĕtartèŋ tyas nirmala wus nora kéguḥ, gagaḥ kuwat ṅudi wirya, wicakṣaṇa ahli budi.

23. koṅas iŋ jagad wiryawan, midrèŋ duña pinacak iŋ pawarti, landa jawa cina mlayu, aṅabarakĕn sira, luwiḥ rilan sabar iŋ tyas luwiḥ bagus, sajagad rat tanpa timbaŋ, karṣanta yu arjèŋ kapti.

24. iki aran akik loyaŋ, iṅkaŋ ṅaṅgo ĕmbanan wĕsi kuniŋ, niŋna baṇṭèŋ tyasirèku, okak akik tan ana, kunaŋ kuniŋ jaba muŋ dagiṅiŋ punuk, kaŋ sun puṇḍut rodapakṣa, krana sira muṅal muṅil.

25. sĕmuné kukuḥ tan rila, wus katara polahira puniki, sun paṣṭèkkĕn aṅun aṅun, kulit dagiŋmu sirṇa, nadyan baluŋ lawas lawas ajur mumur, yèku rupaniŋ sampurṇa, baṇṭèŋ nulya nambuŋ aṅliŋ.

26. krapana amanuhara, aṅrĕrintiḥ muriḥ lumuntura siḥ, ḍuḥ bajul mitrèṅsun bagus, bagas gagaḥ prakosa, satriya tus putus munaḥ silèŋ ayu, muraŋ arjaniŋ susila, ṅrusak tataniŋ ṅahurip.

27. ṅlĕbur pranataniŋ duña, mahyèŋ kara kararda gama suci, mbubraḥ darmaniŋ tumuwuḥ, uripmu muŋ sapisan, sira téga iŋ patiku tanpa koguk, pañjalukku maraŋ sira, muŋ émuta bahé srĕṅgi.

28. tatkala amaṅgiḥ papa, amuŋ kuraŋ saṭiṭik tibèŋ pati, pati dalan nora patut, katiṇḍihan prabhataŋ, aja ana iṅsun sapa kaŋ tutuluŋ, ṅluwari saṅsaranira, mĕtu wus tan sipat srĕṅgi.

29. ḷĕsaḥ ṅlumpruk lir guṣṭika, nulya iṅsun géṇḍoŋ kahulmu ṇḍriṇḍil, kaŋ mokal élok sumaguḥ, punagi maḷĕs mulya, malaḥ sira kala duruŋ bisa mĕtu, prasĕtya kaṇṭi supata, nulya iṅsun lakṣaṇani.

30. sira tan bisa lumampaḥ, wit pĕt pĕtan panon sumunar kuniŋ, sakiŋ baṅĕté kaŋ ḷĕsu, sun géṇḍoŋ praptèŋ toya, sun kon muḍun sira ṅajak maju ṅidul, dupi praptèŋ kéné sira, durṣila téga ṅalani.

31. upama sun balaŋ kĕmbaŋ, kaŋ sarwa rum sira ambalaŋ tahi, buwaya paran kaṛĕpmu, nurut warahé sapa, mirit sakiŋ kitab apa gaṇḍulanmu, surti wulaṅrèḥ wiwaha, pustaka tajusalatin.

32. tékawardi aṣṭabrata, suluk kuran anbiya jroniŋ tapsir, akèḥ kaŋ ñĕgaḥ durta yu, sarupanirèŋ baṅsa, salumahiŋ jagad paḍa ṅulaḥ ayu, dadi gagaman pralaya, cina landa bugis bali.

33. hiṇḍu butun puwapuwa, alipuru aprikaḥ ulaḥ dini, sajarwa tutur kaŋ bagus, supaya tamèŋ nala, nadyan nora luru muŋ ywa karya dudu, mupakat sakubĕŋ duña, kinèn widada nèŋ bhumi.

39. sinom

1. sinomé aṅlĕbur tata, kahutamaniŋ dumadi, baya gaṇḍulanmu apa, ywa kadawa mahyèŋ budi, tumutur tan prayogi, saturunmu tan wus kèlu, émanĕn turunira, yayaḥ tindakiŋ sudarmi, muhuŋ dharma warta utama riŋ suta.

2. yèn maṅkono karṣanira, murwani wulaŋ rèḥ juti, arda murka ṅrusak tata, susilèŋ rèḥ waton dalil, wit ṅadam praptèŋ urip, kinèn ulaḥ kaŋ rahayu, wĕlas mriŋ sapĕpaḍa, apa baya sira lali, kaṅjĕŋ nabi suléman mulaŋ mriḥ tata.

3. lakuniŋ nagara krama, duga prayoga ywa lali, pinriḥ ṅlakokakĕn tĕpa, kaŋ kĕna dipunlakoni, apa manèḥ sahiki, ana kaŋ masésèŋ kukum, atasiŋ sato kéwan, pinardi ṅèkṣi kara di, rina wĕṅi sinakolaḥ ulaḥ arja.

4. wèt sĕtrukṣi sĕtatsĕblad, rèhtĕrlik organisasi, kabèḥ dadi paṅajaran, aywa na durṣilèŋ budi, kaŋ sapa tan mraduli, bakal pinidosèŋ kukum, iyèku amoṅpraja, iŋ gĕbaṅtinatar nagri, kaŋ jumĕnĕŋ wakilnya nabi suléman.

5. swagñana krĕtartotama, mulasara kèḥ pranatis, maṅkya karya mulyaniŋ rat, maliŋ mala sirṇa gusis, akèḥ tobat mriŋ widdhi, paḍa ṅlakokkĕn rahayu, tĕmaḥ sira bidéṅaḥ , pasèk tékatmu lir kapir, laḥ éliṅa ywa koṅsi kadawa dawa.

6. sun kruṅu wicaranira, sarambut pinra sakĕṭi, nora ṅira kélasèŋ rat, dadi woŋ kapir yahudi, kèḥ kitab kuran hadis, siralap pituturipun, naṅiŋ cĕgahé tanpa, sacuwil kaŋ dèn lakoni, laḥ wĕlasa mriŋ uripmu ḍéwé baya.

7. déné wani wani sira, ṅlakoni laku tan yukti, drĕṅki srèi tanpa wĕlas, maraŋ uripiŋ sasami, suka mitĕnaḥ mamriḥ, karusakaniŋ tumuwuḥ, kaŋ kaya raganiṅwaŋ, potaŋ karya taṅguŋ urip, praptèŋ toya kocidra tyasmu durṣila.

8. wĕruha gumlariŋ jagad, gĕbyariŋ traṅgana sasi, surya prabhawané paḍaŋ, siliriŋ maruta midit, iliniŋ bañu kali, sagarané nora pĕnuḥ, yéka kuwasaniŋ jad, kaŋ wajibulmahujudi, kabèḥ ṅalam ginawé déniŋ paṅéran.

9. sanadyan wujudmu baya, wus paṣṭi ana kaŋ kardi, bapa biyuŋ nora bisa, jaba muŋ kaŋ maha sukci, kuwasa sipat ṅilmi, laḥ pagéné sira limut, tan mèstu cĕgahiŋ hyaŋ, kaŋ lantaran para nabi, sinĕḍahan ṅabarakĕn mriŋ kawula.

10. laḥ aja maṅkono baya, uculna ywa ñupĕt urip, kaṇṭi pakṣa rodèṅkara, sira wèḥ dadalan pati, sakiŋ drĕṅkiniŋ budi, ṅlantur ṅumbar hawa napsu, wruha iŋ tĕmbé pĕjaḥ, anèŋ khérat bakal maṅgiḥ, badan kadi déné nèŋ duña tan béda.

11. kaŋ bakal tampa gañjaran, bagya ala bagya bĕcik, yèn sun kèhkĕn jarwèŋ kuran, rèḥ sira wus bisa ṅaji, sakĕcap muwus dalil, tapsir kuran kaŋ kowuwus, mokal yèn kalimputa, gĕtun iṅsun tanpa pami, déné sira darbé tékad siya siya.

12. mamagan maraŋ pahékan, tan ṅéman maraŋ sasami, sun kaŋ tutuluŋ saṅsara, sira wus aṛĕp ṅĕmasi, rina wĕṅi muŋ ṅanti, pĕḍot pĕcaté ñawamu, sèwu kĕṭi tan ñana, nĕmuwa dalaniŋ urip, kaŋ maṅkono pañjalukku muŋ éliṅa.

13. buwaya sumambuŋ śabda, bĕnĕr ujarmu aṅrawit, sosoraḥ mèt kitab kuran, suluk aṣṭabrata surti, liyané awak mami, sakabèhiŋ ala gĕtun, naṅiŋ yèn iṅsun buṅaḥ, rèhniŋ wus putus iŋ wèṣṭi, anĕtĕpi iŋ jaman aṅkara murka.

14. lamun maṅkonowa sira, duruŋ wruḥ ubĕṅiŋ bhumi, salin sumaliniŋ jaman, yèn jagadé nora salin, muŋ lakuniŋ woŋ urip, sabĕn tahun santun santun, iku tĕgĕsiŋ jaman, titènana kaŋ nastiti, yèn waṣkiṭa sirèku nukṣmèŋ sujana.

15. déné cubluk tĕmĕn sira, wulaŋ kuna kogoṇḍèli, nununtun maraŋ woŋ tuwa, woŋ kodanan kopayuṅi, woŋ kluwèn koiṅoni, iku paṅrasamu bagus, olèḥ tikĕl sadasa, wawaḷĕsiŋ maha sukci, iya bĕnĕr naṅiŋ jaman iki cidra.

16. nora kĕna pisan pisan, watara wus satus warṣi, awité aṅkara murka, tumapak sun sĕṅkalani, sirṇa wuk paṇḍita ji, aṅka sèwu pituŋ atus, iku tĕkaniŋ jaman, aṅkara murka puniki, kaŋ waṣpada baṇṭèŋ ṅaṅgo pañcadriya.

17. rèhniŋ sira sasat wuta, ṅaṅgo kupiŋ sasat tuli, caṅkĕmmu bahé katara, glogap glagĕp tan patitis, séjé kaŋ kaya mami, bajul kaŋ yañjanèŋ kéwuḥ, titi surtyèŋ pamawas, ganal ghaib tan kaḷĕmpit, cilik mula sun ulaḥ budi sujana.

18. o béda baṅĕt lan sira, pama bhumi lawan laṅit, yèn kumpul bañu lan ḷĕṅa, nadyan awor séjé pikir, ṅlakokkĕn cipta mĕṭit, miturut jaman kaŋ klaku, sanakku duga duga, sadulurku tapsir ati, déné rowaṅiṅsun muŋ pañakrabawa.

19. nora sukak karya mulya, muŋ mitĕnaḥ sun kaṛĕmi, nasaraké woŋ kaŋ picak, mbliṭuk woŋ kaŋ tanpa budi, lamun sidĕkaḥ mami, wèwèḥ maraŋ woŋ kaŋ cukup, ṅgéṇḍoŋ woŋ nuṅgaŋ kréta, mayuṅi woŋ nuṅgaŋ joli, atutuluŋ maraŋ woŋ kaŋ lagi bĕgja.

20. marma sira sun piala, rèḥ mriŋ sun wus gawé bĕcik, tumuluŋ koripaniṅwaŋ, sun puṇḍut patinira wit, sun nurut jaman maṅkin, aṅkara murka kaŋ klaku, iṅsun lakoni gampaŋ, lakuné jaman sahiki, sugiḥ miṣkin gĕḍé cilik nora béda.

21. sun jèrèṅé tampanana, nrimaa iṅsun patèni, ywa budi kakèhan polaḥ, wus anèŋ kéné yun urip, tégakna bahé bĕcik, gĕtunku déné bojomu, ṅaṅgo sira kon mĕntas, pañcèné baṛĕṅa mati, loro pisan nadyan sèwu iṅsun kuraŋ.

22. aja kaŋ rupa mamaṅsan, bisa dadi gĕtiḥ dagiŋ, nadyan wastra iṅsun kuraŋ, tan bisa cukup tyas mami, ĕṇḍaṣku dadi sikil, jĕr akèḥ tĕmĕn kaṛĕpku, naṅiŋ kodratiŋ paṅran, kaŋ murbèŋ jagad sakalir, nitahaké jaman iki kudu kuraŋ.

23. sun wus ṅlaya midĕr iŋ rat, ñjajaḥ praja ṅĕndi ĕndi, woŋ kaŋ sugiḥ saya ṅrĕda, kaŋ mlarat saya ñĕṭiṭis, wus ḍuwur dèn urugi, kaŋ ḷĕḍok tansaḥ ḍinuḍuk, kaŋ akèḥ tambaḥ kaṭaḥ, yèn cilik saya saṭiṭik, laḥ rasakna baṇṭèŋ sajar sun iŋ sira.

24. sabĕn woŋ kaŋ ñiṭak bata, omahé gĕḍèk tiŋ priṅis, tukaŋ gĕṇḍèŋ omaḥ rajag, tukaŋ kayu lawaṅé priŋ, paṇḍé tan duwé ladiŋ, maraṅgi raṅkané ñjlĕbut, kaḍaŋ aṅaṅgo raṇḍan, maṅkono jaman sahiki, woŋ kĕmasan araŋ duwé timaŋ jlébraḥ.

25. sayaŋ tanpa kĕṇḍil dandaŋ, gĕmblak nora andarbèni, bokor pahidon lan bintaŋ, luṅaa mriŋ désa gampiŋ, kabèḥ omaḥ tabag priŋ, araŋ iṅkaŋ témbok batu, sĕrasaḥ bahé tanpa, lan mĕñaṅa omaḥ kuṇḍi, èstu nora darbé jĕmbaṅan pot kĕmbaŋ.

26. gĕṇḍiŋ tan darbép gamĕlan, apa manèḥ tukaŋ burdir, tan darbé èpèk burdiran, tukaŋ cèt utawa suṅgiŋ, tan iṅĕcèt kaŋ panti, tan pinulas omahipun, sĕdéné tukaŋ lapak, nora ṅiṅu jaran paṣṭi, nuṅgaŋ bahé sajĕgé duruŋ karuhan.

27. iku kagawa iŋ jaman, aṅkara murka sahiki, kabèḥ iṅkaŋ ṅasta praja, myaŋ karti désa tan slisir, woŋ tani nandur pari, tibané cina kaŋ numpuk, nandur tĕbu lan sata, tuwan pabrik kaŋ ndarbèni, déné lamun udud kudu tuku sata.

28. woŋ kaŋ sugiḥ luru arta, woŋ mlarat mbuwaṅi ḍuwit, nd‍ĕḷĕṅa sĕpur ṅayogya, sahuruté luru ḍuwit, kapiŋ lima saari, kaŋ mlarat ḍuwité ṅlumpuk, sun wus nitèni sira, kĕṛĕp nuṅgaŋ kréta api, akèḥ bahé baṇṭèŋ sajariṅsun iya.

29. dadiya panrimanira, ulur punukmu sun bĕstik, iḍĕp iḍĕp sira sidkaḥ, paṣṭi tinarimèŋ widdhi, mumulé aṅaturi, aṅsuŋ ḍahar gusti rasul, iba buṅahé para, kahum sajĕroniŋ kali, nadyan cékoḥ régoha éṅgal tĕkanya.

30. lan manèḥ sira wĕruha, sabĕn woŋ kaŋ sugiḥ jarik, tapihé lurik kéwala, ndĕloka pasar lor loji, cina adol sĕmbagi, sugiḥ sugiḥ makṣiḥ luru, atiné majèḥ kuraŋ, artané duruŋ ñukupi, woŋ kaṭokan sugiḥ jarik bĕbĕnétan.

31. nuli nuruta pacinan, akèḥ jarik patiŋ slampir, myaŋ ginuluŋ tinalénan, ṅaṅgo dèn slĕmpiti kitir, mbuḥ kaṛĕpé sun tan wrin, maṅidul saṭiṭik wĕruḥ, kĕris baris roŋ gantar, jinèjèr lir wayaŋ kliṭik, sun kumisi cinané nora kĕrisan.

32. pĕṭèl waduŋ arit tataḥ, dandaŋ cèrèt sarta kĕṇḍil, bokor pahidon lan bintaŋ, kabèḥ dèn tèmplèki kitir, sun kagèt dupi mèkṣi, nora kaya sira cubluk, aran kuraŋ wéwéka, ṅaṅgo budi tanpa kardi, wruḥ klakuwaniŋ urip tanpa rinĕmbag.

33. prandéné sirèku bisa, ṅĕlèḥ ĕlèhakĕn mami, gaṇḍulanmu wulaŋ apa, kitab kuran tanpa kardi, tan wruḥ sira pribadi, kaŋ boḍo ĕmbahiŋ busuk, ṅantĕpi wulaŋ kuna, sira rèhné potaŋ bĕcik, kaya paran déné sun sahuri ala.

34. tagihĕn baṇṭèŋ kaŋ karya, piwulaŋ ṅlakoni bĕcik, sun paṣṭèkkĕn datan bisa, dluwaŋ maṅsi mituluṅi, sun bahé bisa ṅaṭik, ukara sinawuŋ kiduŋ, kaŋ dakik ḷĕmbat ḷĕmbat, ṅuṅkuli lan layaŋ surti, gampaŋ bahé baṇṭèŋ woŋ gawé piwulaŋ.

35. tĕmbuŋ apa aku bisa, kawi apa iṅsun baṅkit, naṅiŋ wĕdi bokmanawa, dèn guguyu jaman maṅkin, aṅkara murkèŋ budi, wulaŋ kaŋ aṅèl tan tinut, wruha andaka sira, layaŋ tiṅgalné kaki, piraŋ piraŋ wus sun buwaṅi sadaya.

36. kitab kuran primbon déraḥ, rajaḥ rajaḥ myaŋ sĕmahil, tĕkawardi aṣṭabrata, sun oboṅi sarèhniŋ wis, sun timbaŋ tanpa kardi, sulaya kañatanipun, saha akèḥ kaŋ dora, naṅiŋ baṇṭèŋ sira wani, aṅantĕpi piwulaŋ iŋ jaman kuna.

37. maṅké sira kasaṅsara, wus paṣṭi tumĕkèŋ pati, puluḥ puluḥ baṇṭèŋ sira, woŋ boḍo ambĕkmu wasis, ahli nindakkĕn bĕcik, ékhlas ḷĕga rilèŋ laku, khas kuwat santa budya, yèn tumibèŋ jaman iki, kaŋ maṅkono iku lakuniŋ woŋ ala.

38. séjé karo jaman kuna, ri kalané duruŋ salin, iŋ jaman aṅkara murka, akèḥ ṅilmu tanpa kardi, sabab kakèhan pamriḥ, wit kagawa jamanipun, kabèḥ woŋ kudu kuraŋ, kabèḥ woŋ kaṛĕpé sugiḥ, durga ṅaṅsa aṅsa akèḥ palacidra.

39. para sayid surabaya, sémaraŋ tuwin batawi, kaŋ putus ṅilmu agama, arab mratani sabhumi, nora sĕpi iŋ pamriḥ, mawa karénaḥ ñĕñĕdul, sakiŋ kuwatiŋ jaman, marma baṇṭèŋ ywa sakṣĕrik, wicaraku ṅuni kadi badu braṅta.

40. sira sun saguhi baraŋ, pèni pèni rajapèni, supaya sira g‍ĕḷĕma, ṅluwari cintraka mami, yèn sira tanpa pamriḥ, yakti tan arṣa tutuluŋ, kalakon ṅgéṇḍoŋ iṅwaŋ, sakiŋ gunuŋ tĕkèŋ ṅriki, iya iku wus kagawa murkaniŋ tyas.

40. ḍaṇḍaŋgula

1. mamanisiŋ jaman murka luwiḥ, woŋ tutuluŋ potaŋ kabĕcikan, dadi sulaya adaté, craḥ nora sapa aruḥ, woŋ kaŋ niṣṭa papa mlas asiḥ, kinukup binĕcikan, yèn wis sugiḥ tamtu, aṅgĕp kaḍaŋ ñidrasmara, tuwin umbag umuk maṇḍak ṅisin isin, kaŋ klaku sapunika.

2. ana iṅkaŋ tinuluŋ iŋ siṅgiḥ, ṅabdi awit punakawan ala, lawas lawas olèḥ gawé, ṅalani mriŋ kaŋ tuluŋ, ṅadu adu aṅaṭik aṭik, muwuhi basa ala, muriḥ awakipun, éṅgal nuli ginĕntèkna, mriŋ kaŋ tuluŋ taṅguŋ lumĕbuné ṅuni, yèku aṅkara murka.

3. akèḥ iṅkaŋ drĕṅki budi drèi , tumbak tinumbak gugat ginugat, wadul winadul lakuné, andaka wruhanamu, ṅrékadaya dayaniŋ kidip, woŋ utaŋ kudu cidra, yèn barès tan antuk, wèwèḥ maraŋ pra bandara, para gusti apĕsé maraŋ woŋ sugiḥ, kaŋ mlarat tanpa karya.

4. wus bĕnĕré sira aṅsuŋ dagiŋ, maraŋ sarupaniŋ buron toya, yèn iṅsun mulat jamané, kaŋ maṅka sira kukuḥ, makṣiḥ molaḥ duruŋ ḷĕstari, tambaḥ duraka sira, duña akhiripun, nampani sikṣaniŋ sukṣma, rèhniŋ sira muṅkir mriŋ jaman sahiki, kaŋ wus tĕraŋ karṣèŋ hyaŋ.

5. iṅkaŋ maṅka ciptamu kuwalik, iṅsun iṅkaŋ siraṅgĕp duraka, jaré tanpa sikṣa gĕḍé, yéka cipta kĕpahuŋ, taṇḍa makṣiḥ ciṅkraŋ iŋ budi, iṅkaŋ wis wicakṣaṇa, jarwaku kotĕmu, ḷĕbokna kuluṅiŋ nala, sakṣènana lakuniŋ kéwan puniki, mamaṭuk apa ta ora. 6. sadulurmu tuṅgal bapa bibi, mèḥ tan ana bédané lan liya, baraŋ karya kalis bahé, liya dadi sadulur, yèn sadulur satruniŋ ati, sanadyan dudu sanak, yèn sababag maṭuk, utawa paḍa sugiḥnya, wus maṅkono andaka kriḍaniŋ bhumi, wrata sajagad ṅalam.

7. yèn woŋ sugiḥ tĕpuŋ paḍa sugiḥ, yèn woŋ mlarat tĕpuŋ paḍa mlarat, gĕḍé tĕpuŋ paḍa gĕḍé, déné yèn mlarat wanuḥ, lan woŋ sugiḥ bakal muwuhi, woŋ cilik sasanakan, lan priyayi aguŋ, tan wuruŋ bakal dinuta, rèḥ kagawa lakuné iŋ jaman iki, pikiṛĕn kaŋ tétéla.

8. titènana woŋ paḍa ṅlakoni, apa ñata baṇṭèŋ apa ora, paṅucapsun iki kabèḥ, solan saliniŋ waktu, kaŋ waṣkiṭa wĕruḥ pribadi, pira pira ḷĕpiya, adat kaŋ kalaku, doracara ṅrékadaya, kaŋ wus kapraḥ apus bujuk laku sandi, gĕḍé cilik tan béda.

9. para préntaḥ iṅkaŋ ṅasta adil, kèḥ kaŋ mlaṅkaḥ sakiŋ wĕwĕnaŋnya, awit kagawa jamané, marma woŋ nĕmu ṅudur, prakarané mĕnaŋ kaŋ sugiḥ, kaŋ mlarat èstu kalaḥ, kaŋ boḍo kabujuk, yèn kaŋ pintĕr sinĕṅitan, iṅkaŋ rilan saya poṭar paṭir mblĕṇḍis, akèḥ kaŋ tibèŋ papa.

10. kaŋ blaba bèrbudi tĕmaḥ miṣkin, kaŋ ṅandĕl mriŋ allaḥ tèk ĕntèkan, dadi poṭar paṭir prèṭèl, woŋ tĕmĕn tanpa untuŋ, kudu goroḥ kaŋ sugiḥ baṭi, sabaraŋ karya kĕdaḥ, ṅaṅgo goroḥ bujuk, kaŋ blaka akèḥ cilaka, laku goroḥ akèḥ kaŋ nĕmu basuki, sakiŋ kuwatiŋ jaman.

11. mlarat kuraŋ sugiḥ kuraŋ ugi, ḍuwit kuraŋ mas sosotya kuraŋ, baraŋ baraŋ kuraŋ akèḥ, marma kaŋ sugiḥ wuwuḥ, kaŋ malarat saṅsaya ñraṇṭil, kĕṛĕp tumibèŋ lara, maṅkono wus tamtu, lakuné jaman aṅkara, murkèŋ budi kuraŋ bahé kaŋ kinapti, marma akèḥ durjana.

12. grĕsaḥ kabèḥ sarupaniŋ kuli, tani bĕkĕl iŋ désa samoha, uṇḍakiŋ bahu sukuné, pajĕgé sabĕn tahun, wus kapaṣṭi piṇḍo aswarṣi , tan ajĕg kaṭahira, muṇḍak sabĕn tahun, bhumi pamĕtuné suda, sawaḥ cĕṅkar sirṇa barkahirèŋ bhumi, sabĕn mĕlèk dèn gĕbal.

13. woŋ cilik tan bisa gawé ḍuwit, parandéné pinuṇḍutan arta, sarta sabahu sukuné, yèn luput antuk ṛĕṅu, kaḍaŋ ḍĕṇḍa kaŋ rupa ḍuwit, iku sira wĕruha, jaman kaŋ kalaku, dalil syarak kitab kuran, tanpa gawé papacuhé tan pinikir, sakiŋ kuwatiŋ jaman.

14. kitab iṅsun marma sun buwaṅi, primbon déraḥ ṅilmu wiwijaṅan, wus iṅsun buwaṅi kabèḥ, séjé kaya sirèku, pintĕr mĕntaḥ nalaré ṅruwil, kadayanta tan ana, suwuŋ sasat bumbuŋ, ṅgaṇḍuli carita buddha, jaman iki akèḥ murid dadi kyayi, nora sĕpi paṅaraḥ.

15. wus pinaṣṭi karṣaniŋ hyaŋ widdhi, bĕgjaniṅsun tan kĕna kinira, muṇḍuk muṇḍuk tĕka ḍéwé, woŋ ṅantuk nĕmu kĕṭuk, miliŋ miliŋ anĕmu dagiŋ, kloyoṅan nĕmu taṅkar, mlaku nĕmu ulur, baṇṭèŋ ḷĕmu kaya sira, rasakĕna gañjaranku kotampani, iku kamulyanira.

16. rèhniŋ sira ṅandĕl crita tulis, surti wulaṅrèḥ layaŋ séwaka, kitab kuran sasaminé, iŋ mĕṅko dèn guguyu, mriŋ sarjana jĕroniŋ wariḥ, baya mina wiyaṅga, kaŋ wis nirdyèŋ kéwuḥ, putus pamawasiŋ lampaḥ, ubĕṅiŋ rat lakuniŋ bhuwana titi, tĕraŋ kriḍaniŋ duña.

17. yèn jagadé baṇṭèŋ nora salin, awit kuna mula tĕkèŋ maṅkya, muŋ siji iki wujudé, lakuniŋ surya tèṅsu, lintaŋ aṅin lan jalaniḍi, sadaya baraŋ lama, déné iṅkaŋ santun, budi klakuwaniŋ kéwan, salin salin iku jaman iṅkaŋ arti, aywa klèru panampa.

18. kadarmanta ilaŋ ywa sakṣĕrik, awit iṅsun iki manut jaman, kaŋ kaṅgo sahiki baṇṭèŋ, puluḥ puluḥ sapuluḥ, ubĕṅiŋ rat jagad mratani, gĕḍé cilik tan béda, paḍa pamrihipun, tuna liwat syarak kitab, tanpa daya papacaké tan pinikir, bab kalaḥ karo jaman.

19. wruḥ murkané tyasira pribadi, sira kapéṅin śakti prawira, digdaya tĕguḥ timbulé, mélik ujar sun palsu, rèhné ciṅkraŋ nalar sacuwil, kapéṅin timaŋ jlĕbraḥ, gĕlaŋ tuwin kaluŋ, kalpika pasèt barliyan, hèrloji mas ḍuwit ukon gélo riṅgit, paṅrasamu tĕmĕnan.

20. wus iṅétuŋ étuŋ jroniŋ ati, sira ḍĕmĕn maraŋ kasugihan, lakumu katara baṇṭèŋ, yèn sun timbaŋ awakmu, lanaŋ wadon datan kuwawi, ṅuṅkil wataŋ sĕmana, prandéné kajuñjuŋ, sakiŋ tyasira aṅkara, tĕmaḥ luwar sun ñjaluk géṇḍoŋ iŋ gigir, marga pamriḥmu kaṭaḥ.

21. mélik nuṅgaŋ kréta dèn urmati, saka tunané tyasmu priyaṅga, duga kira nora duwé, yèn kaŋ wus nukṣmèŋ putus, baraŋ karṣa pinikir ḍisik, kadadiyaniŋ cipta, pupur duruŋ bĕñjut, tĕgĕsé duha watara, nadyan sira tampaa wijaṅan ṅilmi, yèn pikirmu waṣpada.

22. ala bĕcik kidip saha yakin, tétéla traŋ ñataniŋ wasita, wruḥ iŋ duga watarané, yèku kaŋ bisa taṅguŋ, aṅaḍaṅi pakéwuḥ prapti, pira kuwatiŋ badan, anaḍahi pĕṇṭuŋ, yèn sira ṅaṅgo punika, tumbak kĕris pĕḍaŋ pistul bĕḍil kalis, luṅa doḥ tan tumama.

23. sira ṅuni apa tan mraduli, ṅupa wicakṣaṇaniŋ ṅagĕsaŋ, ciptanta muŋ rosa bahé, yèn kaŋ sujanèŋ kéwuḥ, nora mikir rosaniŋ jisim, kaŋ dèn asaḥ muŋ nalar, budya yu kaŋ cukup, rèhniŋ wus kabacut sira, bokmanawa mĕṅko mati bésuk urip, nitis manèḥ mriŋ duña.

24. muga ṅlakokĕna budi pikir, aṅĕn aṅĕn minaṅka paṅéran, kaŋ rumĕkṣa maraŋ kowé, duga watara kudu, tindakĕna baṇṭèŋ ywa lali, yèn kalalèn ciptanta, sahèstu kaluruŋ, kaḍuŋ tumibèŋ saṅsara, tĕmaḥ mati lir lakunira sahiki, iṅsun ĕṅgo sèmèkan.

25. wus lumrahé boḍo tanpa budi, dadi paṅané kaŋ wicakṣaṇa, yèki sariranta baṇṭèŋ, wruḥ blilu lir sirèku, lagi katon bahé wus kéṅiŋ, dadya mamaṅsanira, ujĕr nora wĕruḥ, sun ubĕŋ ubĕŋ iŋ nalar, laḥ mĕṅkono lakuniŋ jaman sahiki, aṅkara kara murka.

kabijakṣaṇané saŋ kañcil amoṅpraja

26. ya ta wahu ahmad salèḥ èstri, wĕruḥ tĕraŋ sakiŋ tawiŋ paḍas, kaŋ priya ĕntèk krosané, dènira ṛĕbut uṅgul, anèŋ bagawanta lan srĕṅgi, nulyèmut tata praja, mriḥ arjaniŋ kéwuḥ, mriŋ nagri gĕbaṅtinatar, atur prikṣa sigra sigra éṅgal prapti, cumuṇḍuk ṅarṣèŋ préntaḥ.

27. baṇṭèŋ èstri tawan tawan taṅis, pĕgat pĕgat matur tan pratéla, kagyat kaŋ suméwa kabèḥ, daṅu daṅuniŋ atur, tĕraŋ lamun lakinirèki, kĕnèŋ daya pitĕnaḥ, pratikĕliŋ bajul, iŋ kali lèrèŋ ṅgonira, purwa madya wasana aturé titi, watak pulisi tama.

28. miṛĕŋ wontĕn sukĕrtiniŋ bhumi, doracara aṅrusak silarja, nulya dandan mirantyagé, saprabotirèŋ laku, jakṣa èlid tuwin pulisi, upas saha jinĕman, lampahé gumrudug, warak macan gogor raṅas, kĕṭèk lutuŋ wahuwa raṅutan ṅiriŋ, kaŋ kèri sawatara.

29. baṇṭèŋ èstri iṅkaŋ atur margi, lumaku nèŋ ṅarṣa wiṅkiṅira, dyan bèi sapuṅgawané, maṅulon paranipun, nurut tirahirèŋ jaladri, tĕkèŋ sawaṅan opak, makṣiḥ ṅulon tĕrus, datan kawarṇa iŋ marga, wuṣṇya prapta alas glahèŋ dyan ṅabèi, añjog tawiṅiŋ gaṅga.

41. durma

1. durmanira radèn bèi amoṅpraja, sapuṅgawané sami, ṅèkṣi tĕmpurira, lèrèŋ lan bagawanta, nèŋ tawiŋ paḍas dyan bèi, kaŋ piṅgir wétan, kocapa baṇṭèŋ srĕṅgi.

2. iṅkaŋ samya aṅadu kanaŋ karosan, anèŋ tĕṅahiŋ kali, ombak lémbak lémbak, toya kadi iṅubak, wus prasasat dadya gĕtiḥ, rèḥ dagiŋ pĕcaḥ, maṅka kakum iŋ wariḥ.

3. marma dĕṛĕs wijiliŋ raḥ anèŋ toya, baya makṣiḥ nèŋ gigir, caṅkĕm ṅĕmaḥ ĕmaḥ, punukirèŋ andaka, baṇṭèŋ amuŋ priṅas priṅis, bajul agahan, dènnya aṅiṅsĕp gĕtiḥ.

4. dyan ṅabèi amoṅpraja tĕraŋ mulat, sakiŋ tawiṅiŋ kali, dahat wĕlasiŋ tyas, baṇṭèŋ uga wus wikan, yèn ana pulisi prapti, saha sumapta, sadarpa srĕp iŋ ati.

5. lir siniram iŋ tirta marta saduña, sanadyan tĕkèŋ pati, naṅiŋ wus koniṅan, déniŋ kañjĕŋ paréntaḥ, baṇṭèŋ wus nora gumiṅsir, rilékhlas pasraḥ, patiné dèn sakṣèni.

6. dyan ṅabèi ṅandika maraŋ buwaya, hèḥ bajul paran kardi, sira lagi apa, ana samadyèŋ tirta, sun siḍĕp wus suwé srĕṅgi, apa tukaran, patrap tiṅkahé sami.

7. nambuŋ śabda baya maraŋ amoṅpraja, wruhanmu iṅsun kañcil, iki sun kajibaḥ, ṅlakoni takdiriŋ hyaŋ, ṅukuhi pĕpĕṣṭèn yakin, lakuniŋ jaman, aṅkara murka maṅkin.

8. wus wajibé tumitaḥ anut iŋ kodrat, karṣaniŋ jad kaŋ suci, purwané sun warta, kañcil prastawakĕna, iŋ purwa madya mĕkasi, tan suda wawaḥ, tinuturkĕn iŋ kañcil.

9. dyan ṅabèi amoṅpraja śabdanira, yèn maṅkono iṅkaŋ wit, baya bĕnĕr sira, iku tan muraŋ tata, wus lumrahé iŋ ṅahurip, ṅukuhi jaman, awit paḍa ṅlakoni.

10. ubĕṅiŋ rat kahinan kaŋ nora wikan, èstu yèn nĕmu pati, salahé priyaṅga, uripé luwiḥ tuna, lakuniŋ jaman tan uniŋ, prayoganira, baṇṭèŋ ro jalu èstri.

11. kayaparan déné ta amuŋ satuṅgal, pañcèné priya èstri, baya śabdanira, mahuné loro pisan, naṅiŋ siji nuli bali, marma muŋ juga, puputé nrima siji.

12. amoṅpraja maṅsuli sakaṛĕpira, wus ĕsaḥ mirit sakiŋ, ubĕṅiŋ bhuwana, sarupané kaŋ ina, tan wĕruḥ dugi prayogi, naṅiŋ cacadnya, saṭiṭik kuraŋ titi.

13. wruhanamu baya iṅsun arṣa prikṣa, paṅgonanirèŋ ṅuni, wit witiŋ prakara, alas ṅĕndi namanya, kayu apa kaŋ niṇḍihi, gĕḍé dawanya, sapira kudu titi.

14. tinĕraṅkĕn kamot anèŋ purṣèṣprĕbal, ṛĕsikirèŋ kumisi, iku kudu ṅékar, ṅukur ṅgoniŋ sagotraḥ, tinimbaŋ lakuniŋ adil, satiti tĕraŋ, slĕsiḥ waṣkiṭèŋ wèṣṭi.

15. hèḥ wruhanta baya sun iṅkaŋ kajibaḥ, nata ruwĕdiŋ bhumi, ḍawuhiŋ suléman, atas ukumiŋ kéwan, wus ginaḍuhkĕn mriŋ mami, iki kalpika, lètĕr wé maṅka buslid.

16. dadi taṇḍa kuwasa masésèŋ tata, iku kagunan mami, ruwĕd buṇḍĕl wuḍar, kaŋ rawé rawé rantas, malaŋ malaŋ sirṇa gusis, déniŋ prabhawa, niŋ siṅsim iṅsun iki.

17. kaṅjĕŋ kyayi malukatghaib arannya, lètĕr wé intĕn adi, gosoké barliyan, laḥ ĕnya tamatĕna, dupi srĕṅgi tĕraŋ ṅèkṣi, sosotya ṛĕtna, tumĕjaṅkara wĕniŋ.

18. lir cañcala prabhané ṅawĕṅi wiyat, maṅkana tyasiŋ srĕṅgi, ho o kañcil ñata, duta mutus prakara, ruwĕd ṛĕntĕṅiŋ kumĕlip, iṅsun prayoga, nurut kéwala maṅkin.

19. nora luwiḥ muŋ ṅukuhi ubĕṅiŋ rat, lakuné jaman iki, kaŋ kaṅgo iŋ kaṭaḥ, gya baya ris manabda, mriŋ baṇṭèŋ kaŋ dèn kakahi, mad salèḥ éṅgal, miṅgira sun lawani.

20. wruhanira prakara arṣa kaprikṣa, mriŋ kaŋ wus antuk buslid, ṅétanna kéwala, ṅèñcèŋ èñcèŋ mriḥ cĕḍak, baṇṭèŋ asrĕp iŋ tyas miṅgir, tur winĕlahan, déniŋ ki kalasrĕṅgi.

21. dyan ṅabèi majĕŋ sadaya tut wuntat, wus nèŋ tĕpiniŋ kali, gisik wĕḍi rata, baṇṭèŋ wahu kaŋ lampaḥ, wus jajag suku tan jiñjit, anulya mĕntas, baya makṣiḥ nèŋ gigir.

22. sawuṣṇya nèŋ ḍaratan baṇṭèŋ sarosa, mahyakakĕn kaśĕktin, ñjola kirig mĕṅkal, bajul wal tibèŋ kisma, glaṅsaran akĕmpis kĕmpis, dyan amoṅpraja, duka yayaḥ sinipi.

23. maraŋ baṇṭèŋ maṅkana panabdanira, bĕcik tĕmĕn sirèki, ṅaṅgo muraŋ tata, kumawani mriŋ préntaḥ, yèn maṅkono tanpa kardi, jĕnĕṅsun tĕka, kumisi ṅgawa adil.

24. duruŋ ana bĕbĕnĕraniŋ paréntaḥ, gĕḍag gĕḍig gumahib, nĕdya pañcakara, aṅadu kasudiran, duk nèŋ bañu tan ṅuṇḍili, ananiŋ ḍarat, sakiŋ paṅwasa mami.

25. duruŋ mĕṣṭi yèn prakaramu mĕnaŋ, baṇṭèŋ tyaṣṇya wus éliŋ, cakṣaṇaniŋ préntaḥ, mradata pira pira, kaŋ wus putus pramèŋ adil, baṇṭèŋ sakṣaṇa, ṅrĕpa maṅuswèŋ siti.

26. dahat ajriḥ sèwu gĕtunirèŋ nala, sinrĕŋ iŋ śabda wĕṅis, mriŋ dyan amoṅpraja, andaka aturira, aḍuḥ kawula dyan bèi, ñuwun akṣama, patrap iṅkaŋ tan yukti.

27. wuwusira radèn ṅabèi moṅpraja, ḍumatĕŋ kalasrĕṅgi, baya sira aja, sandéya iŋ tyasira, kukumiŋ hyaŋ maha sukci, kaŋ karya jaman, ubĕṅiŋ jagad iki.

28. wus maṅkono tumandukirèŋ kagunan, nulya radèn ṅabèi, ḍawuḥ kinèn mrikṣa, añjani lan pragosa, traṅginas ñaṇḍak pèn sami, tumuli mrikṣa, andaka jaḷĕr èstri.

29. kadi adat pamrikṣané para gugat, iṅatur kadya kaŋ wis, laku manut adat, ḍasar carik sampéka, ukara tumrapiŋ tulis, purwa madyannya, tĕkèŋ wusana titi.

30. nulya baya pinrikṣa aturé blaka, cocog lan dakwa sakṣi, wusiŋ tétéla traŋ, amoṅpraja śabdanya, mriŋ baṇṭèŋ prakara iki, sira kaŋ kalaḥ, naṅiŋ prayoga mami.

31. baya iku géṇḍoṅĕn manèḥ atĕrṇa, mriŋ paṅgonané ṅuni, priyé trapiŋ wataŋ, sun prikṣaṇané maṅkya, sun ukur sun karya titi, ana iŋ kana, sandika kaŋ sinuŋ liŋ.

32. baya nuli traṅginas ṅamplok sakṣaṇa, gigiriŋ baṇṭèŋ nuli, lir duk anèŋ toya, wusiŋ samapta sigra, biḍalan tan ana kèri, mriŋ ardi jĕram, baṇṭèŋ lumaku ṅarṣi.

33. dyan ṅabèi nèŋ wuri saprabotira, sarayuda myaŋ kori, sĕlur ṅampak ampak, datan daṅu samana, prapta paṅgonané ṅuni, punaŋ prabhataŋ, jati kaŋ aniṇḍihi.

34. amoṅpraja ṅandika baṇṭèŋ sèlèḥna, paṅgonané si srĕṅgi, priyé trapiŋ wataŋ, jati iṅkaŋ tumumpaŋ, gigiriŋ baya puniki, nĕdya sun tata, putusaniŋ prakawis.

35. wus dilalaḥ baya miturut kéwala, saparéntahiŋ kañcil, tan ḷĕṅganèŋ nala, baya sumèlèḥ kisma, maḷĕbu jugaṅan nuli, baṇṭèŋ karwéka, jalu èstri maṅuṅkil.

36. kayu jati kaṅkat niṇḍihi sakala, kadya iŋ ṅuni uni, amoṅpraja nabda, hèḥ baya apa ñata, maṅkono ĕtrapé ṅuni, bajul tumaṅgap, iya maṅkéné iki.

37. rasanira tan béda lan duk samana, sigra moṅpraja kañcil, akarya prampuṅan, lir adat kaŋ wus klampaḥ, prakara baṇṭèŋ lan srĕṅgi, rampuŋ pur puran, lara wus ñahur sakit.

38. rèhniŋ gawé lara winaḷĕs iŋ lara, bali kadya puniki, baṇṭèŋ anarima, suka sukur iŋ nala, saṅsaya wĕdi trĕṣṇa siḥ, baṇṭèŋ sadaya, mriŋ amoṅpraja kañcil.

pituturé saŋ kañcil amoṅpraja maraŋ baya kalasrĕṅgi

39. dyan ṅabèi pasraṅkara maraŋ baya, bajul prayoga mami, munajada sira, ñuwuna paṅakṣama, rèḥ jaman murkaniŋ bhumi, dahat tan kĕna, tutuluŋ samèŋ urip.

40. mirit saka baya budimu priyaṅga, saṇḍaṅĕn trapiŋ adil, tan mamèt nawala, pradata aṅgĕr jawa, miwaḥ wèt nèdĕrlan sĕpi, pamañcasira, paréntaḥ amuŋ mirib.

41. wawatoné lakuniŋ jaman samaṅkya, budinira pribadi, wus tan kĕna kijat, ṅuṅkiri ciptèŋ nala, atimu gaṇḍulan juti, ati damarda, mardu koṅas mratani.

42. asmaradana

1. kasmaran tyasira srĕṅgi, rumasa kĕnèŋ pahéka, kalaḥ ḷĕpas paṅawruhé, kéloniŋ nala kagiwaŋ, kĕna iŋ palacidra, iṅapus kramaniŋ bujuk, katĕmpuḥ samliyun papa.

2. sakĕṭi baya tan ṅaṅgit, maṅkono tibaniŋ tata, patut rukun bali manèḥ, katiṇḍihan iŋ prabhataŋ, sumaput nétya ilaŋ, otot bayu lir rinacut, wus sirṇa dayaniŋ gĕsaŋ.

3. wit sakiŋ rumakṣèŋ ati, mriŋ dagiŋ kaŋ sipat añar, wus maṅkono salaminé, janma kéwan nora béda, budi kaŋ tama murka, tinarik ati kaluruŋ, muraŋ ayuniŋ bhuwana.

4. tĕmahan nĕmpuḥ iŋ jisim, nampani lara kapénak, marma baya drĕs waṣpané, kujoniŋ nala ḍat ḍatan, biṅuŋ liṅluŋ sumĕlaŋ, mĕlaŋ mĕlaŋ ñipta lampus, nétrané yayaḥ pañjuta.

5. molak malik aṅrĕrintiḥ, nuli ṅantĕp nduwa wataŋ, tan obaḥ lir ṅuni bahé, géḍag gèḍèg mĕṇḍak mĕṇḍak, noraga pasraṅkara, ḍuḥ dyan ṅabèi ratuku, ñuwun paṅakṣama marta.

6. ñuwun kawĕlasan urip, tobat kawula katura, iŋ dintĕn wiṅkiŋ slaminé, amba lumakṣanèŋ préntaḥ, yun ñirṇakkĕn tyas murka, mĕkaṭik sarèḥ pituduḥ, ṅratu mriŋ gusti paduka.

7. ujĕr kula sinuŋ urip, mèstu sakarṣa paduka, ṅluhurkĕn wicakṣaṇané, sana sĕnĕniŋ kamulyan, kawiryan diniŋ kanaŋ, aḍuḥ gustiku tuwanku, ñuwun gĕsaŋ ñuwun gĕsaŋ.

8. radèn ṅabèi maṅsuli, ḍumatĕŋ sabdèŋ buwaya, hèḥ bajul aja maṅkono, luput sira ñjaluk gĕsaŋ, uripku muŋ satuṅgal, sun ṅgo pribadi tan cukup, awèḥ manèḥ yèn bisaa.

9. tutuluŋ bahé tan baṅkit, maraŋ kasaṅsaranira, iṅsun ḍéwé susaḥ gĕḍé, nalar kaŋ duruŋ tumĕka, sun jaga dalu siyaŋ, sarjanèŋ tyas tamèŋ kéwuḥ, rumakṣa kaŋ duruŋ prapta.

10. tan ṅamuṅkĕn wĕkas mami, baya iṅkaŋ kaya sira, bĕcik narimaa bahé, tĕmpuḥna mriŋ pikirira, kaŋ miwiti murkarda, aywa sira ñjaluk tuluŋ, sapĕpaḍa tan prayoga.

11. sapa kaŋ wani nuluṅi, jamané atimu murka, aṅĕn aṅĕn panariké, hèḥ ta bajul rasakĕna, tumĕmpuḥ badanira, saka ciptaniŋ pikirmu, ṛĕṛĕgĕd muraŋ raharja.

12. ṛĕgĕdiŋ badan mratani, sakojor kĕna kinumbaḥ, adus sabun kramas ĕntèk, yèn budi ṛĕgĕd tan kĕna, sinucèn mawa toya, paṅumbahiŋ ati dudu, saka kawruḥ kaŋ sampurṇa.

13. kawruḥ iṅkaŋ sampurṇa di, tan bisa nuci budyala, kajaba badané ḍéwé, yèn wus katĕmpuḥ saṅsara, kaŋ kadya sariranta, wataŋ tumumpaŋ gigirmu, darbé gĕtun ati ala.

14. éwuḥ woŋ tumitaḥ urip, gampaŋ aṅgayuḥ kasidan, muṅguḥ iŋ ṅurip maṅkéné, waṣpadakna kaŋ sañata, mĕṭèk pikir pribadya, gampaŋ woŋ mañakra ṛĕmbug, mĕca atiné iŋ liya.

15. yèn sira bisa ṅawruhi, pikirmu ḍéwé prasasat, wruḥ ubĕṅiŋ jagad kabèḥ, atiniŋ liya narawaŋ, lir kèkĕr tanaḥ prasman, yèn pikiré ḍéwé éwuḥ, sapa kaŋ bisa waṣpada.

16. basané mraṅkani kuḍi, ñuwita para bĕndara, para gusti tuwin katoŋ, gampaŋ kĕna sinakolaḥ, tata trapsilèŋ nata, woŋ ṅawula atinipun, pribadi araŋ kaŋ bisa.

17. guru ratuniŋ ṅahurip, aṅĕn aṅĕnmu priyaṅga, prasasat dadi hyaŋ manon, kuwasa tanpa karana, naṅiŋ yèn pikir salaḥ, paṅgawéné ati pitu, sanubari béda béda.

18. prayoga kaŋ bisa ṅaṅgit, nitèni sadina dina, ala bĕciké waṣpahos, piniliḥ ywa lumakṣaṇa, nasar salahiŋ cipta, sajatiné ati pitu, nora ana muŋ sajuga.

19. ḷĕbonana tyas sasami, dadi tuṅgal budi rosa, santosa lahir batiné, ati kandĕl ñirṇakkĕn was, sumĕlaŋ sirṇa ilaŋ, nanarik badan sawastu, paṅgahiŋ nétya sarasa.

20. rasané tumĕmpuḥ wani, jiriḥ kĕndĕl saka manaḥ, rikuḥ isin wit atiné, yèn wus sampat tuṅgal cipta, adiniŋ tamaloka, woŋ liya dadi sadulur, sukur kaŋ tuṅgal pinaṅka.

21. yèn wus bisa mañjiŋ ati, atiniŋ woŋ kaŋ kaliṅan, sasat nĕlukaké kowé, woŋ kapir pituŋ bédahab, islamé sakiŋ sira, gĕḍé gagañjaranipun, maḍaṅi pĕtĕṅiŋ liya.

22. luwiḥ manèḥ sira srĕṅgi, bisa lumĕbu iŋ jaman, aṅkara murka kaŋ kaṅgo, budi béda rupa rupa, racutĕn mañjiŋ jiwa, nora éwuḥ iŋ paṅgayuḥ, yayaḥ yun traŋ putĕriŋ rat.

23. woŋ bèrbudi nora bĕcik, woŋ gĕmi nora prayoga, sayogya budi waṣpahos, lumĕbu atiniŋ liya, tĕtĕp nukṣma manukṣma, tĕgĕsé ḷĕbu linĕbu, iku dayaniŋ sasmita.

24. kawruḥ kaŋ sakĕṭi ṅrawit, ruwĕd iṅkaŋ duruŋ tampa, sabab salaḥ panampané, kaŋ bĕcik winaḷĕs ala, ala winaḷĕs tama, ywa sira maṅkono bajul, bĕnĕr ujarmu samana.

25. jamané akèḥ kaŋ lali, kabĕcikan tiba ala, kaŋ mbalaŋ kĕmbaŋ waḷĕsé, ṛĕṛĕgĕd ati drubikṣa, iku atimu baya, ṅaṅgo jaman kaŋ kalaku, adatiŋ pikir manusa.

26. sato kéwan tan salisir, wiyaṅga jroniŋ samudra, maṅkya paḍa klakuwané, yèn maṅkono budi rucaḥ, cacad nora kacacaḥ, prayogané woŋ kaŋ putus, jaman murka linakonan.

27. jaman ayu dèn siṅkiri, naṅiŋ kaŋ wus tyas wéwéka, ala bĕciké dèn aṅgo, iku budiniŋ sujana, éwuḥ woŋ ahli rasa, gampaŋ woŋ cĕguk truwilun, datan darbé kara kara.

28. karana cupĕtiŋ budi, iṅundaŋ sumahur tĕka, kinoṅkon mĕñaŋ kaṅgoné, marmané kañcamu baya, araŋ kaŋ tampa sikṣa, séjé kaŋ kadi awakmu, pintĕr méntaḥ tibèŋ ḍĕṇḍa.

29. sababé kuraŋ pamikir, kira kirané tan ana, woŋ boḍo pintĕr ṅakuné, durakané wéndran yutan, makṣiḥ ṅaṅgo étuṅan, muṅguḥ ñatané atimu, durakané sabĕn dina.

30. rumakĕt iŋ budi ati, ilaṅé sĕḍiḥ yèn néndra, garégaḥ taṅi ñjĕṅgèlèk, éwon durakané tĕka, ṅĕpaḥ ṅisĕp iŋ raga, ṅanti atus tan rinĕmbug, sakiŋ wus manuḥ rubéda.

31. dadi sudaranta tuṅgil, wus nora bĕṅgaŋ sakéswa, makṣiḥ ana antarané, jatiné tuṅgal puḷĕtan, warahiŋ dalil kuran, wa ammakupripinnaru, iku woŋ kaŋ kaya sira.

32. baya matur sarwi naṅis, biliḥ makatĕn kawula, kapĕjahana kémawon, kawula sumaṅga rila, sampun mamañjaŋ dosa, datan sagĕd amba mikul, saṅsara kados punika.

33. èstu lamun tĕkèŋ pati, sintĕn purun tutuluṅa, bab sampun kaĕlun awon, ḷĕpiya klakuwan amba, nuruti budi murka, dyan ṅabèi nambuŋ wuwus, buwaya ñjaluk pralaya.

34. sun tan bisa gawé pati, nora bisa gawé gĕsaŋ, sraḥna kéwala mriŋ manon, yèn muŋ karya marga bisa, sarpa kaŋ mawa wisa, sun undaṅé mĕṅko bajul, sakĕḍap ñakot iŋ sira.

35. satĕṅaḥ jam bahé mati, dyan bèi nimbali sigra, mriŋ ula wĕlaŋ praptagé, mèlèt mèlèt ilatira, kumucur mawa wisa, dyan ṅabèi ḍawuhipun, hèḥ baya kalamun ñata.

43. sinom

1. trunaniŋ ula wiraya, iŋ kéné akèḥ kaŋ mandi, pêpak ula apa ana, saha kèḥ kaŋ ṅuniṅani, nakṣèni lamun yakti, téga rila mriŋ patimu, laḥ ta mara tutugna, baya pañjalukmu mati, iya iki ṅijrahil kaŋ ṅéjawantaḥ.

2. paṣṭèkna patimu baya, yèku malakulmahoti, sajatiné nora ana, jaba napasmu pribadi, pĕcaté sakiŋ jisim, ula wĕlaŋ sipatipun, nĕmpuḥ iŋ badan waḍag, nora wuruŋ aṅin mĕnis, sirṇa ilaŋ jisimmu kari gumilaŋ.

3. datan wuruŋ dadi ḷĕmaḥ, bali mriŋ asalé ṅuni, wadi madi mani sira, manikĕm dalan kaŋ suci, bhumi gĕni lan aṅin, bañu kadadianamu, bali muliḥ iŋ kuna, mara tampanana iki, ula mandi dutaniŋ hyaŋ maha mulya.

4. buwaya mamèt krĕpana, aḍuḥ aḍuḥ dyan ṅabèi, punapa ta datan wĕlas, ḍatĕŋ uripiŋ sasami, yèn amba praptèŋ pati, kadoṣpundi sémaḥ sunu, amba makṣiḥ taruna, sagĕd nurunakĕn wiji, bajul maṅka isèn isènirèŋ toya.

5. dyan bèi mèsĕm ṅandika, bĕnĕr baya kèhiŋ urip, lamun kataman rubéda, aṅajab tĕkaniŋ pati, lamun dèn tĕmĕnani, owĕl kahuripanipun, paribasané ana, woŋ wiraŋ kalawan mati, luwuŋ urip nadyan mblubut balébédan.

6. laḥ iku baya rasakna, pikirmu saḍéla salin, aywa ṅgayuḥ bab pralaya, ṅanti kawĕtu iŋ laṭi, yèn ana woŋ murtyadi, kawĕlèḥ wĕlèḥ wuwusmu, gĕḍé cilik tan béda, yèn wiraŋ duruŋ nĕkani, tuhu téga patiné paṣṭi ṅlĕṅkara.

7. yèn wus katĕmpuḥ iŋ wiraŋ, araŋ kaŋ wani nĕtĕpi, dadi mracihnani baya, wuwusmu duruŋ patitis, aṅaṛĕp aṛĕp pati, baṛĕŋ tinĕkanan mundur, marma hyaŋ sukṣmantaya, muṇḍut pati tanpa nari, apa ñata apa ora waṅsulana.

8. wulaṅsun maṅkono baya, nora muŋ sira kaŋ tampi, kabèḥ kéwan kaŋ miyarṣa, paṣṭi lamun mikir mikir, maraŋ wirayat mami, supaya atiné wĕruḥ, ṅgĕgulaŋ sasmitarja, rèḥ jro budi ana surti, iṅkaŋ bisa maca muhuŋ woŋ swarjana.

9. yèn dudu janma utama, nora bisa maca surti, mĕcani atiniŋ liya, goroḥ yĕktiné nĕtĕsi, yèn sulaya lan ati, wuruk sirṇa tan ginugu, ṅiṅgihana caṅkĕmnya, iŋ batin tan pisan mikir, awit saka sulaya pañcĕriŋ nétya.

10. yèn wus cocog lawan karṣa, tumanĕm iŋ sanubari, rèhniŋ ati wus kaduga, mbuka karṇa nétra ṅèkṣi, tinaṅkĕp aṅuṇḍuhi, èstu iŋ kalbu karuṅu, ujaré crita arab, kutubun samawiyati, pardikané tulisan baṅsa mandrawa.

11. iku pikiriŋ manusa, kaŋ wus bisa maca surti, cèplĕs lan surtiniŋ liya, marma baya kaŋ nastiti, nitèni jroniŋ ati, ala bĕciké kudu wruḥ, ujar lapaliŋ kitab, tarjumatanpikalbihi, badanira kabèḥ dadi jurubasa.

12. iyèku tĕgĕsiŋ lapal, solaḥ bawa muna muni, manut krĕdyatiŋ tyas préntaḥ, paṣṭi badan kaŋ ṅlakoni, ala bĕcik kaŋ uniŋ, aywa nurut baraŋ tuduḥ, jurubasa kaŋ naṅga, katĕmpuḥ murkaniŋ budi, wus maṅkono woŋ ṅawula kahuripan.

13. urip kaŋ duruŋ waṣkiṭa, jurubasa kaŋ ṅlakoni, sabaraŋ pakoniŋ nala, tan ṅaṅgo pinikir ḍisik, lir atimu iṅkaŋ wis, baṇṭèŋ tumuluŋ iŋ bagus, ṅluwari sakiŋ wataŋ, sira ginéṇḍoŋ lumaris, praptèŋ bañu sira cidra rèḥ durṣila.

14. g‍ĕḷĕmé baṇṭèŋ kagawa, dajal panarikiŋ pikir, mélik ujar iṅkaŋ mokal, luput tĕmaḥ mèḥ ṅĕmasi, buwaya sira bali, mriŋ jugaṅan paṅrasamu, sida maṅsa mamaṅsan, tan wĕruḥ murkaniŋ ati, tĕmahané loro pisan rasakĕna.

15. karo pisan paḍa salaḥ, lalu luluḥ nurut pikir, murka jamakirèŋ nala, kaŋ tanpa dugi prayogi, yakti nĕmu bilahi, baya iku trapiŋ kukum, ujarmu nora ana, woŋ ala nĕmu bilahi, yèn woŋ bicil tan ana nĕmu raharja.

16. bĕnĕr ujarira baya, naṅiŋ kudu kaṇṭi pikir, kiraniŋ woŋ murti tama, pramana solaḥ paṅèkṣi, mlĕtik luṅidiŋ ati, ṅuṅkuli tikṣwaniŋ puṅlu, tikĕl sapuluḥ yuta, makṣiḥ laṇḍĕp tyas lastari, kadayaniŋ wardaya ṅĕrobi raga.

17. prasasat wus bètèŋ waja, kaŋ rinakṣa woŋ sabhumi, baṅkit puñjul iŋ apapak, kĕṛĕp rapĕt dèn ḷĕboni, mabur tanpa lar mlĕtik, tanpa suṭaŋ kaŋ wus bahut, iŋ swagñana krĕtarta, di mulya susila niti, sadu parikrama wardaya nirmala.

18. sajroniŋ badanmu ana, ratu jakṣa lawan patiḥ, tuwin paṅulu tan pisaḥ, ṛĕṛĕmbugan rina wĕṅi, yèn durjana iŋ ati, ratuné dadi kaluruŋ, karan ratuniŋ dajal, paṅulu jakṣa papatiḥ, paḍa bahé kaṛĕm riŋ goḍa ṛĕñcana.

19. ratu ratuniŋ dubillaḥ, patiḥ paṅuluniŋ éblis, jakṣaniŋ prayaṅan sétan, dadya paṅawak idajil, pantĕs nampani runtik, tumibèŋ awakmu iku, sapa kaŋ tutuluṅa, lamun sapaḍaniŋ urip, datan sréda rèḥ wus ana kupiyannya.

20. éwa samono manawa, ana kaŋ g‍ĕḷĕm nuluṅi, saguŋ kéwan wanawasa, kaŋ nèŋ kéné kabèḥ iki, sun tariné yèn asri, iṅsun buṅaḥ sèwu sukur, nulya radyan paréntaḥ, mriŋ kéwan tataga sami, sahurpakṣi malaḥ sami ṅéraŋ éraŋ.

21. bajul ṅguguk sru udrasa, swara ṅĕlik galik galik, ṅuṇḍamana ṅuman uman, mariŋ hyaŋ kaŋ murbèŋ urip, maṅkana dènira ṅliŋ, ḍuḥ gusti hyaŋ maha luhur, tobat kula katura, ñuwun luwariŋ kaswasiḥ, sampun wĕniŋ awoniŋ manaḥ kawula.

22. aḍuḥ aḍuk nora jamak, kaniaya dyan ṅabèi, tan pisan asuŋ kawlasan, siḍaŋ siriŋ karya adil, dadalaniŋ prihatin, katrapan kukum ragèṅsun, anèŋ jĕron jugaṅan, tan wuruŋ tĕkaniŋ pati, patiniṅsun duraka duña akhirat.

23. radèn kañcil aṅandika, hèḥ buwaya aywa criwit, ṅuman uman mriŋ paréntaḥ, nrimaa titahiŋ widdhi, kukum puniki srĕṅgi, makṣiḥ mamèt patut rukun, lamun bĕnĕriŋ sikṣa, sira paṣṭi dèn talèni, apĕs mblĕbĕs binuwaŋ roŋ puluḥ warṣa.

24. winiraṅakĕn iŋ kaṭaḥ, ṅaṅgo kinaluṅan wĕsi, ṅaṅkat paṅgawéyan pakṣa, maṅkana ukumiŋ nagri, maṅkya sira muŋ bali, yèku aran patut rukun, marma ywa ṅuṇḍamana, mriŋ allaḥ saha pulisi, kaŋ sayugya nutuha sariranira.

25. sarira nutuha ñawa, ñawanira nutuḥ mariŋ, kodrat kadimaḥ supaya, bali mriŋ kodrat kawadis, iyèku ciptèŋ pikir, aṅĕn aṅĕnmu mriḥ dudu, kodrat kawadis lirnya, paṅgawé kaŋ baṅsa lahir, lahir batin dadi sipatiŋ drubikṣa.

26. awit paḍa papaṛĕṅan, jaba jĕro kumpul kardi, budimu kaŋ nora kapraḥ, jisim muŋ dharma ṅlakoni, naṅiŋ yèn maṅgya sisip, tumĕmpuḥ badan sakojur, ati tan tampa bahya, muŋ gĕtun dènnya ṅlakoni, gĕtiḥ dagiŋ paḍa anampani sikṣa.

27. marma sira iṅkaŋ bisa, aṅawula maraŋ ati, baraŋ karṣa baraŋ karya, timbaṅĕn dugi prayogi, yogyané dèn lakoni, buwaṅĕn adoḥ kaŋ dudu, wit dadi wĕṅku sira, rasul rusul anèŋ jisim, sipat añar pantĕs kataman iŋ ṅaral.

28. lamun wus bisa ñuwita, mriŋ ratunira pribadi, ratuné wĕruḥ kawula, iku ran sarjana murti, wicakṣanèŋ pambudi, daya kagĕlar kaguluŋ, g‍ĕḷĕṅan wirotama, sampurṇa jĕnĕṅiŋ urip, ṅaṛĕp aṛĕp tĕtĕp mantĕpiŋ pamuja.

29. ati puniku upama, samudra kaŋ tanpa tĕpi, mumbul muluk jĕmbar paḍaŋ, maḍaṅi isiniŋ bhumi, rat jagad wus pinuṣṭi, ñjèrèŋ ṅĕjum iya dudu, wruḥ ganal saha ḷĕmbat, ṅora ṅawur nora miriŋ, wus maṅkono kéwan sadu parikrama.

30. prasaja maṅulaḥ tama, agamané dèn kĕñcĕṅi, tan nĕmbaḥ iŋ tawaŋ towaŋ, tan nĕmbaḥ rasaniŋ pikir, cahya warṇa tan apti, lan nora yun manukṣmèŋ nur, tuwin aṅéjawantaḥ, tumaṅgal maraŋ babayi, nora pisan kaŋ maṅkono siya siya.

31. paṇṭĕṅiŋ cipta kaŋ ñata, ñataniŋ tumitaḥ urip, urip ṅaṛĕp aṛĕp arja, aṅupaya ati budi, mriŋ sasamèŋ dumadi, conto klakuwan kaŋ bagus, kaŋ ala kinawruhan, bagus tumanĕm iŋ ati, yèn waṣkiṭa swarjana murti wéwéka.

32. kalakuwan dadya taṇḍa, ala bĕciké ki budi, sanadyan cipta durjana, yèn jisim nora ṅlakoni, yakti tan nĕmu sĕrik, rèḥ dayaniŋ pikir ṅlaṅut, ḷĕmbut nora katara, tanpa apĕs punaŋ karṣi, kaŋ maṅkno sakiŋ sihiŋ sukṣmantaya. 33. baraŋ karṣa aṅlĕṅkara, sarwa anèḥ kaŋ pinikir, aṅĕn aṅĕn kasaktènnya, pañana ñananiŋ pikir, yèn nétra wruḥ pawèstri, iṅkaŋ anom ayu lurus, pikir glis ñidrasmara, wus déné wĕruḥ iŋ ḍuwit, bhoga wastra wus sinaṇḍaŋ wus rinasa.

34. naṅiŋ tanpa tapak tilas, tan dadi bahyaniŋ jisim, marma prayoganiŋ gĕsaŋ, lamun ati mikir silib, bĕcik salina budi, mikira paṅgawé bagus, ywa kaṛĕm tyas durṣila, watĕk jurubasa trampil, yèn ginagas badan éṅgal lumakṣaṇa.  

44. mĕgatruḥ

1. truḥ iŋ śabda kabèḥ baya wasitèṅsun, tampanana mañjiŋ ati, dadi dadalan kaŋ luhuŋ, luluḥ patrap murka juti, ati tĕtĕp tampa tudoḥ.

2. nora boḍo sun mulaŋ mriŋ sira bajul, saduruṅé wus sun pikir, kira kirané atimu, kruṅu wulaŋ bisa tampi, katara alamu mĕlok.

3. lamun datan ala ora darbé bagus, lan manèḥ sipatmu srĕṅgi, roŋ puluḥ jĕjĕg acukup, kĕna sinajarwan bĕcik, pañcadriyamu tan kaloŋ.

4. kaya uga bisa tampa kruṅu tutur, swara dadalaniŋ kupiŋ, wujud dalaniŋ pandulu, loro pisan bisa mañjiŋ, dayaniŋ swara mriŋ jĕro.

5. tinampanan iŋ pikir bisa kacakup, saka aturirèŋ kupiŋ, aturiŋ nétra paṇṭi wruḥ, maṅkono kodratullahi, mokaliŋ titaḥ kinahot.

6. karṇa nétra tutuk grana dadi rusul, baṅkit muñjuk atur uniŋ, mriŋ ratumu jroniŋ kalbu, bĕnĕr jĕjĕg apatitis, papat iku wus pitados.

7. mèḥ tan dora sabaraŋ aturanipun, balik piwaḷĕsmu ĕndi, linadènan siyaŋ dalu, piliḥ kéwan kaŋ udani, kudu sato kaŋ wus moñcol.

8. wruḥ iŋ waḷĕs gusti mriŋ kawulanipun, kawula mriŋ gusti uniŋ, gagañjaran kaŋ ginaḍuḥ, pañcadriyanira mintir, tan pĕgat pĕgat iŋ pakon.

9. laḥ kapriyé sababé paṅgawé dudu, déné badan iṅkaŋ maṅgiḥ, saṅsara kaya awakmu, ṅlakoni préntahiŋ gusti, maṅkantuk sikṣa maṅkono.

10. laḥ pisahĕn paṅgawé ala lan bagus, maṅkya sira bakal uniŋ, wĕniŋ pamawasmu kukuḥ, ṅawula silaniŋ urip, wruḥ jaman murkaniŋ batos.

11. baya dupi wus tampa punaŋ pitutur, luṅidiŋ wardaya miṅis, lir supaniŋ majalaṅu, ṅlar gaṭik waja lan wĕsi, saṅkĕp jaba jĕro cocog.

12. sanalika tan ṅrasa saṅsara bajul, prabhawaniŋ wulaŋ murti, kaŋ mipit panon sumaput, tri pandurat tan bisa ṅliŋ, wusana aturé alon.

13. ḍuḥ déwaji sèwu bagyantuk pituluŋ, wasita di tama kaŋ writ, tumañcĕp kuluṅiŋ kalbu, gumuluŋ sajagad radin, lahir batiniŋ lalakon.

14. wus pracaya kasatmata tétéla wruḥ, wĕniŋ narawaŋ kaŋ uniŋ, pinañcasa gulu jabut, rila ékhlas manaḥ suci, ñumaṅgakkĕn margi layon.

15. dantan ṅgrantĕs sarambut pinara sèwu, tan bĕtaḥ wontĕn duña wit, muraŋ silaniŋ tumuwuḥ, wus paṣṭi jisim añar nis, ḍĕṇḍaniŋ jurubasawon.

16. ḍuḥ rahadèn ṅabèi ambèstu ñuwun, takṣaka wĕlaŋ kaŋ mandi, éṅgal ñakota mriŋ ulun, hèḥ ula cakotĕn mami, aja sumĕlaŋ iŋ batos.

17. yèn wus téga patiku séjé lan mahu, owĕl marga duruŋ uniŋ, kaluputané uripku, lan duruŋ wruḥ ṅilmu jati, iŋ maṅké sun wus waṣpahos.

18. dyan ṅabèi mbĕkuḥ baya iku dudu, patrap sampurṇaniŋ ṅilmi, tan maṅkono marga lampus, tĕmpuḥna bahé kaŋ bĕcik, mriŋ uripmu kaŋ karyawon.

19. awit bali manèḥ saṅisoriŋ kayu, iku pikir kaŋ ṅajani, sajroniŋ kalbu atimu, iyèku kaŋ aran urip, kĕna sinĕbut hyaŋ manon.

20. nora éwuḥ pariŋ lantaran tumuwuḥ, yèn pinaṣṭi makṣiḥ urip, rèḥ tan jumaṅkaḥ muŋ ñuwun, pĕṛĕsĕn tĕmpuḥna mariŋ, kaŋ awèḥ préntaḥ maṅkono.

21. sun jarwani manèḥ baya kaŋ satuhu, ywa sira sandéyèŋ ati, sajatiné sira duruŋ, bajul tumĕkaniŋ pati, ana taṇḍa iṅkaŋ katon.

22. tétéla traŋ yèn makṣiḥ dawa yuswamu, ujaré guru kaŋ luwiḥ, panĕṅĕraniŋ tumuwuḥ, pira pira sun titèni, wus bĕnĕr akèḥ kaŋ cocog.

23. paṅiraku kaŋ tutuluŋ mriŋ uripmu, dudu sapaḍaniŋ kumlip, sabab hyaŋ kaŋ maha luhur, kuwasa masésèŋ urip, lan patiniŋ kabèḥ sato.

24. naṅiŋ bajul wĕkas sun yèn sira iḍup, kaŋ wĕruḥ tataniŋ urip, sayogya tuluŋ tinuluŋ, maraŋ uripiŋ sasami, paḍanĕn uripmu yaktos.

25. kaŋ gumĕlar iŋ jagad khayat myaŋ khayun, ṛĕṅkuhĕn sipatmu srĕṅgi, rèhniŋ paḍa uripipun, iku iṅkaŋ mracihnani, sipaté hyaŋ maha manon.

26. lan maniṅé wĕruha patrapiŋ tĕpuŋ, pawoŋ mitra dina wuri, woŋ tuwa sanak sadulur, guru ratuné nèŋ bhumi, iku kabèḥ ṅloro ṅloro.

27. kaŋ sapisan guru jaba tĕgĕsipun, maguruwa sira srĕṅgi, mriŋ piwulaṅé satrumu, myaŋ durjana murkèŋ budi, kabèḥ wulaṅé kudu wroḥ.

28. déné iṅkaŋ darmambĕk santa budya yu, iku satruné woŋ bĕcik, sun kosok bali ran guru, éwuḥ pañjèrèṅé wadi, guru jaba pétuŋ éwon.

29. kayu watu alas gunuŋ dadi guru, bañu gĕni bhumi aṅin, kabèḥ gumĕlariŋ wujud, cucukulan warṇi warṇi, wawaraḥ kawruḥ kinahot.

30. yèn sun jèrèŋ guru jaba warṇanipun, sayĕkti ṅĕntèkké maṅsi, woŋ kliṭikan sukèŋ kalbu, dagaṅané kartas laris, tur sira tan bisa ṅaṅgo.

31. iṅkaŋ kapiŋ kaliḥ sun tuturi guru, guru jaba kaŋ hakiki, iyèku aṅĕn aṅĕnmu, kaŋ ginugu baraŋ karṣi, ujariŋ budḍa hyaŋ manon.

32. basa manon tĕgĕsé plĕŋ kwasanipun, sabaraŋ kudu ṇḍisiki, dadyaran bhaṭara guru, nilakaṇṭa jatihĕniŋ, tuguwasésa sukṣmanon.

33. hyaŋ sudyarṣa hyaŋ pramana maha luhur, hyaŋ wiṣṇuṅkara dimurti, akèḥ arané puniku, tur wardiné nora tuṅgil, taṇḍa kwasané tan awor.

34. yèn woŋ budḍa iku wus dadi gĕgĕḍug, napas kaŋ mañjiŋ kaŋ mijil, iku kĕmlaḍéyan nunut, sawatara aṅuwati, bab guru iki sun pĕḍot.

35. yèn sun jèrèŋ pira baṅgané taṅanku, uṭak uṭik ndumuk maṅsi, anèŋ ĕpèn waja dèn mut, sun rupakkĕn wanda tulis, kawadis sayaḥ ṇḍaroḍog.

36. yèn ki guru nora capé nora kĕju, sabab paṅgonané suci, hèḥ baya pikiṛĕn iku, caraniŋ guru kakaliḥ, akèḥ jèrèṅé kaŋ wus wroḥ.

37. déné kabèḥ iku kudu kaṇṭi mahkum, arané dugi prayogi, kudu ṅaṅgo uṇḍa usuk, sĕṅkan turunaniŋ ati, aywa koṅsi carub awor.

38. kabèḥ kabèḥ kudu ana kukumipun, myaŋ wĕruḥ iŋ goroḥ yakti, solaḥ trapsila kadulu, katara ala myaŋ bĕcik, ana kukumé kaŋ kaṅgo.

39. wus sun riṅkĕs buwaya pituturiṅsun, yèn tinulis nora ĕntiŋ, kuraŋ papan luwiḥ wuruk, ṅĕbĕki isiniŋ bhumi, iki bahé wus kajlomproŋ.

40. adat kaŋ wus lamun woŋ kakèhan wuruk, tan ana cumaṇṭèl pikir, yèn kaŋ kuraŋ wuruk kumpruŋ, wuruŋ iŋ dandanan sami, maṅkono adatiŋ sato.

41. iki bahé tuturku duruŋ tartamtu, sira bisa anampani, sabĕn kéwan iṅkaŋ kruṅu, muŋ gumuyu doṅèŋ kañcil, yèn iki dudu guguyon.

kañcil amoṅpraja muliḥ maraŋ karajané baya luwar saka paṅuwasaniŋ ṅalam

42. laḥ wis baya kèriya iṅsun yun mantuk, nulya biḍal dyan ṅabèi, sadaya kéwan tut puṅkur, ṅgrubyug amoṅpraja kañcil, samantara sampun añjog.

43. iŋ karajan gĕbaṅtinatar lir kratun, kawuwusa kalasrĕṅgi, iṅkaŋ katiṇḍihan kayu, muja ṅĕniṅakĕn budi, luwarnya saka iŋ kono.

44. wus pinaṣṭi karṣaniŋ hyaŋ maha luhur, samana liṇḍu ṇḍatĕṅi, goñjaŋ gañjiŋ gunuŋ ñjĕblug, prabhataŋ jati sumiṅkir, buwaya tyaṣṇya cumĕploŋ.

45. kadya taṅi sakiŋ pati nĕmu gunuŋ, gunuŋ mas tanpa upami, narimèŋ tyas suka sukur, nulya mbraṅkaŋ ṅiriḥ iriḥ, ririḥ ṅaraḥ araḥ alon.

46. ṅulon bĕnĕr daṅu nèŋ marga wus ñĕgur, iŋ jaraṅkaḥ wus umañjiŋ, narmada bagawanta guŋ, ambyur sakiŋ paḍas piṅgir, kapinujon tirtanya rob.

47. dupi baya raganya umahas ranu, ndadak sakala kaŋ sakit, ḷĕsu pĕgĕl lumpur kĕju, sirṇantiŋ badan wus puliḥ, ṅèli nut ranu maṅisor.

48. baya kanan kiri margi kaṭaḥ ñjumbul, dahat gĕtun kadya ṅimpi, maṅkana pamuwusipun, ho o kyayi luraḥ muliḥ, nuli mèstu lir trapiŋ woŋ.

49. gumarudug samarga margantuk bajul, tut wuri ulihiŋ srĕṅgi, andulur gumrudug sĕlur, lir komassaris ṅajawi, éṅgaliŋ crita wus añjog.

50. kali lèrèŋ toyanya kadya kinĕbur, mbrubul bajul ṅaṇḍap ṅiṅgil, gĕṭok tular mlaku ĕlur, ṅgabag kumambaŋ iŋ wariḥ, nuṅsuŋ kaŋ ṇḍuwur maṅisor.

51. samya baris sébak trapiŋ saraḍaḍu, twéḍĕglid anurut piṅgir, paṅgonan koṅsi kasĕbut, karan tĕkané sĕmaṅkin, iŋ jagabaya kaŋ ḍukoḥ.

52. kinanipun punika kratoniŋ bajul, samana ki kalasrĕṅgi, dadya guru juru tutur, ḍasar tuwa ṅapalani, kĕrig baya lanaŋ wadon.

53. samya ajar ujuriŋ kawruḥ gĕgĕḍug, saṅkan antara paran nis, asalé ṅilmu tinutur, sakiŋ amoṅpraja kañcil, kunĕŋ gĕnti kaŋ kacriyos.

saya wuwuḥ karta raharjaniŋ praja gĕbaṅtinatar

45. asmaradana

1. asmaradana winarṇi, karajan gĕbaṅtinatar, saya wimbuḥ kuñcarané, drajad jumĕnĕŋ karatyan, raharja gĕmaḥ ripaḥ, jĕjĕg tibèŋ kukum jujur, lajĕr kluhuraniŋ jagad.

2. kasub koṇḍaŋ iŋ kumĕlip, dyan ṅabèi amoṅpraja, mañcas durta sabĕnĕré, tan ṅéman kawula warga, paṅrĕkṣaniŋ durcara, mriḥ tata susila ayu, iŋ syarak yudanagara.

3. kotamané midrèŋ bhumi, nukṣmèŋ jagad iŋ wiryawan, kuñcara doḥ ṛĕñcanané, ganda rum ṅambar sumĕbar, rèḥ tabĕri papajar, kèhiŋ kéwan ṅèkṣi tuduḥ, ṅataṣkaraniŋ susila.

4. kaŋ mbrĕñjul cukul katapis, rinusak sanara nalar, pĕtĕŋ rawé rawé pĕḍot, paḍaŋ nrawaŋ dalu siyaŋ, adil lakuniŋ praja, agĕŋ prabhawaniŋ kukum, radyan bèi amoṅpraja.

5. yakti nugraha linuwiḥ, nuwuhkĕn budya yu tama, mĕruhkĕn ṅilmu jaba jro, syarak tataniŋ agama, milati ibrahima, wus déné lakuniŋ kukum, patrapiŋ nagara krama.

6. kèḥ kéwan mumuji suci, mantra nirmalaniŋ praja, añjuñjuŋ lahir batiné, wĕdyasiḥ martaniŋ nata, tyas sadu samahita, wĕniŋ prabhawaniŋ kratun, kañcil moṅpraja samana.

7. wus nĕtĕpakĕn papatiḥ, baṇṭèŋ putus iŋ wéwéka, nalar ruwĕd ṛĕntĕŋ kamot, mĕmĕt ṅubĕṅakĕn praja, nĕtĕpi wajib wĕnaŋ, dadya panarikiŋ luhur, kétaŋ mulyaniŋ nagara.

8. tan pisan bahukapini, tan mélik pajĕg juŋ kaṭaḥ, datan mamriḥ sugiḥ bahé, muŋ ṅrĕkṣa ṛĕṅkaniŋ praja, kèḥ waṅunan winuryan, krĕtĕg krĕtĕg luruŋ luruŋ, bhumi kèḥ kapulasara.

9. opèn maraŋ pĕkir miṣkin, miwaḥ santananiŋ nata, wus déné puṅgawa kabèḥ, panèwu mantri prĕmbénya, widada guŋ dinanan, pradanané kaŋ lumintu, pantĕs patiḥ mataḥ praja.

10. maṅkya wus pinariŋ nami, radyan patiḥ kartipraja, karti gawé pardikané, praja nagara kaŋ mulya, baṇṭèŋ kaŋ maṅun arja, cukup cakĕp agal ḷĕmbut, maṅkono nayakawaktra.

11. kaŋ maṅka jakṣa iŋ maṅkin, dwipaṅga bahut micara, uṇḍagi saṅkĕp nalaré, cukat trampil atraṅginas, gĕnaḥ ganĕpiŋ tata, munaḥ durta laku dudu, dinuhkĕn iŋ tata praja.

12. khas kuwat lumyat prakawis, yèn ana woŋ kasusahan, lir anĕmu susaḥ ḍéwé, paṅrĕṅkuhé mriŋ sasama, sinami badanira, tan ñĕṅkoloŋ para padu, tan amriḥ rusakiŋ kañca.

13. mèḥ cèplĕs radèn ṅabèi, sabaraŋ nindakkĕn nalar, duga prayogané ṅĕntèk, titi surti tur sujana, mĕmĕt rapĕt iŋ basa, pintĕr tan katarèŋ sĕmu, rèḥ putus pamardyèŋ tata.

14. samana wus siniŋ nami, dyan jakṣa amoṅpradata, mĕṅgaḥ pradikané amoŋ, mulat waṣkiṭèŋ rubéda, pradata bĕbĕnĕran, kaŋ maṅka luhuriŋ kratun, wit adil purba wasésa.

15. déné kaŋ iṅaṅkat dini, paṅulu paṅgawé praja, wahuwa tĕtĕp luṅguhé, sinrahan wakil wus lama, tanpa cacad saréma, dènnya ṅlakoni paṅulu, sariniŋ syarak pratéla.

16. putusiŋ basa arabi, dalil madlul makna murad, saréṅat lan tarékaté, hakékat trus iŋ makripat, ginagĕluŋ ginulaŋ, kukum kitab aṅgĕr putus, kramaniŋ nagara wignya.

17. gumuluŋ para ṅulami, akèḥ kaŋ ṅasilkĕn rasa, mriŋ uwahuwa jarwané, pantĕs tuwaṅganèŋ praja, ḍasar kĕñcĕŋ iŋ gama, rukuniŋ islam kacakup, cukup nĕmbaḥ iŋ jad mulya.

18. wus sinuṅan nama kyayi, ki mukhammad khalilullaḥ, punika asma muradé, mukhammad wujud manusa, khalil ṅaraḥ utama, lullaḥ kaŋ sinĕmbaḥ sujud, jad wajibul murwèŋ jagad.

19. wus pêpak prabotiŋ nagri, tĕtĕp jumĕnĕŋ naréndra, ṅasta adil prataṇḍané, misuḍa patiḥ lan jakṣa, paṅulu uwahuwa, iku pirukuniŋ kratun, jĕjĕré pataŋ prakara.

20. marma wus kuwat nĕtĕpi, mañcas durṣilaniŋ praja, kĕna sinĕbuta kraton, bhuṣaṇaniŋ jagad raya, minaṅka suryèŋ ṅalam, papakuniŋ jagad kukuḥ, sumbagèŋ rat tanaḥ jawa.

21. khalipatullaḥ sakalir, jumĕnĕŋ nata agama, papat iku tataliné, maku rat kajibaḥ iŋ rat, wĕnaŋ mulasararda, kaŋ mbaléla iŋ hyaŋ aguŋ, wus winĕnaŋ bahuḍĕṇḍa.

22. kawiryan tanpa upami, bagna lakṣita durcara, akèḥ tobat riŋ hyaŋ manon, déné para puṅguŋ muḍa, winuruk ṅèkṣi kara, tanpa karana sawastu, dayèŋ pardi murti tama.

23. akèḥ kaŋ cukul martani, sadarpa budi wĕlasan, sato kéwan sadayané, jroniŋ budi kukum praja, nawaŋ kara dusana, rumĕbutiŋ pèni mañcur, tan ana winañcak driya.

24. jojoḍowan swami yukti, raraton satuṅgal tuṅgal, awit putus matrapaké, hèrjunarda lir narmada, lumintu dalu rina, sakiŋ gĕŋ karoban tuduḥ, yayaḥ udayèŋ jamuna.

asu kasĕbut saŋ dwija wrĕka iŋ suracala ginuron para sato kéwan iŋ kanan kériŋ kono

25. nahan gantya kaŋ winarṇi, sona iṅkaŋ abaŋ bĕlaŋ, ki sutatruna darbèké, ṅuni kaŋ luṅa martapa, mriŋ guwa suracala, mĕntas anampani bĕndu, pinala sakulawarga.

26. dupi ṅuculakĕn kañcil, nèŋ sĕnik tiniṇḍiḥ séla, samana asu ciptané, nĕgĕs karṣaniŋ hyaŋ sukṣma, manraŋ iŋ priṅga baya, pratiṣṭèŋ guṭaka ñjiṅkruŋ, ṅĕniṅakĕn tyas nirmala.

27. wus tan darbé cipta kaliḥ, muŋ tĕtĕp maḍĕp iŋ sukṣma, prasĕtyané pamintané, baṅkita wujud sampurṇa, lir manusaniŋ taya, jaṅkĕpiŋ sipat roŋ puluḥ, antuka budi cakṣaṇa.

28. rèḥ dahat pugutiŋ ati, duk siniya riŋ manusa, iṅkaŋ karan pakné kĕdèl, marma sona guŋ nalaṅsa, noraga ñjuṅkuŋ sĕdya, ṅiḍĕp iŋ pujwarja jumbuḥ, taki taki ambĕk dwija.

29. nèŋ suracala mumuji, wus gĕntur sutapanira, datan kacrita laminé, samantarantuk nugraha, hidayatiŋ hyaŋ sukṣma, paṅgayuḥ surasèŋ ṅilmu, tatas jĕntus tus ĕtusan.

30. labĕt pamĕṛĕsiŋ budi, bhoga déya nora ṅéman, malaḥ datan saré saré, aṅga samun lir dumaya, kawĕntar kajuwara, sona pratama iŋ kawruḥ, ṅilmu rasa sasmitarja.

31. lakuné ṅanèḥ anèhi, sĕtyambĕk paramartèŋ rat, ḷĕgawa budi krahayon, maṅayu ayuniŋ yoda, ṅawula akhir duña, pinuṣṭi paṭiniŋ ṅilmu, sona mèḥ tanpa warana.

32. antuk tarbukaniŋ ṅilmi, ṅuni sakiŋ nabi ilyas, danurjaniŋ budi boloŋ, narawaŋ tanpa taṅkĕban, dakik ḷĕmbatiŋ cipta, kéwan kanan kériŋ ṅriku, kaṭaḥ sami muruhita.

33. iṅkaŋ pinudyèŋ tyas añjiŋ, makripatullaḥ kaŋ tékad, anrupakakĕn ciptané, dikirulakmalulilaḥ, ṅiñjĕn iñjĕn jatullaḥ, lalu wuru luluḥ jĕmbuḥ, gambuḥ gambiraniŋ puja.

34. jawalaṅajajinati, nastiti titisiŋ saṅkan, paran pramana taṇḍané, rinacut katĕṅkar tĕṅkar, swagñana tanpa kira, sirṇantiŋ caraniŋ makhluk, lir baṣkara lan mandaya.

35. cacad makṣiḥ warṇa añjiŋ, naṅiŋ asu badan sukṣma, polaḥ tiṅkahé ñaḷĕnèḥ, marma kasub kasumbaga, tumular malbèŋ kabar, lir guṇḍala pajar ṅlaṅut, kagawa bakul wawarta.

saŋ kañcil amoṅpraja anduta rasé lan liṅsaŋ laku ñamar lan nimbali saŋ dwija wrĕka

36. koñjuk riŋ radèn ṅabèi, kañcil moṅpraja di karta, karta tĕntrĕmiŋ karaton, gĕbaṅtinatar mulyarja, lyan praja tanpopama, dupi wrin wartaniŋ asu, ṅlĕbur pranatan agama.

37. kagyat wagugĕn iŋ galiḥ, wañcakiŋ driya jĕṅgama, ṅrĕrégoni pranatané, gumĕlarirèŋ agama, iṅkaŋ ñjuñjuŋ wibawa, drajad tumibaniŋ kukum, dinilmustapa santosa.

38. maṅkana locanèŋ galiḥ, kayaparan lamun ñata, si srĕṅgala paṅlĕburé, mbuwaŋ saréṅat kaŋ mulya, maśjid minulya arja, dadya sintruniŋ tyas dudu, rinusak asu kĕparat.

39. kayaparan kaŋ prayogi, yèn sun prikṣa mĕtu praja, sun wĕlas ṅuni kawité, taki taki saka kita, mbujuk sandi upaya, dadi lantaraniŋ iḍup, kalané iṅsun cintaka.

40. naṅiŋ upamané iki, sun saraḥ klakuwanira, èstu tan bĕcik dadiné, woŋ mahido mriŋ agama, wajib kinisas maṅkya, rèhniŋ ñañampahi rusul, rasuliŋ hyaŋ tiba ina.

41. yogyané iṅsun manudiŋ, caraka kaŋ ṅéndrapraṣṭa, kaŋ sĕpi samun lakuné, ywa katara lamun duta, sĕpiyun kaŋ prasaja, radyan bèi sigra nuduḥ, rasé liṅsaŋ kaŋ wisata.

42. kinèn ṅĕmori kaŋ budi, sandi tarèk muruhita, kayaparan pamijaṅé, apa mirib ṅilmu rasa, surasèŋ kitab kuran, karwéka liniṅan wuwus, liṅsaŋ lan rasé sandika.

43. déné yèn wus mañjiŋ murid, sona kinèn nimbalana, kérida laju sumahos, mriŋ nagri gĕbaṅtinatar, nulya wisata samya, samantara wus cumuṇḍuk, iŋ madé wiwarèŋ guwa.

46. ḍaṇḍaŋgula

1. lir sarkara srĕṅgala maṛĕṅi, pêpak tarap pra murid suméwa, kasaru liṅsaŋ lan rasé, silakrama mabukuḥ, maṅrĕpa nor muka riŋ siti, iŋ abyantarèŋ sona, sinambrama arum, matur nuwun iŋ waluyan, kliṅgamurda rasé liṅsaŋ matur aris, aḍuḥ saŋ dwijawara.

2. sowan amba miḍaṅĕt pawarti, kaŋ tumular cakraniŋ bhuwana, paduka wus miridaké, lamun ḍaṅan iŋ kalbu, amba nuwun wijaŋ kajatin, kawruḥ iṅkaŋ sampurṇa, lir para kanaŋ wus, kawijaṅakĕn iŋ kaṭaḥ, sakiŋ dahat puṅguŋ kula saṅu pati, kaŋ patitis iŋ paran.

3. amaṅsuli srĕṅgala hèḥ bĕcik, sira kapéṅin sasmitotama, ṅilmu sagadugmu bahé, rasé liṅsaŋ wus dinuḥ, sinajarwa jarwaniŋ ṅilmi, dupi duta wus tĕraŋ, nulya aḍaḍawuḥ, maṅkana duta wuwuṣṇya, wisatamba ajriḥ dora mriŋ saŋ yogi, winĕliŋ śri naréndra.

4. jĕŋ paduka ṅĕndikan samaṅkin, kérida saṛĕŋ salampaḥ kula, mriŋ gĕbaṅtinatar maṅké, kañcil moṅpraja sampun, nupikṣani warti manawi, saŋ wiku ulaḥ puja, sañataniŋ ṅilmu, saṅĕt suka sukurira, naṅiŋ kĕdaḥ paduka dipuntimbali, kagyat srĕṅgala nabda.

5. hèḥ ta liṅsaŋ rasé sun wus tampi, timbalané moṅpraja manira, kinèn sumahos ṅarṣané, apa ta parlunipun, woŋ martapa dipuntimbali, mriŋ kaŋ mĕṅku wibawa, kapriyé patrapku, kiḍuŋ kiwa tanpa tata, nir kramarja tansaḥ tuna yudanagri, saru ṅusutkĕn praja.

6. woŋ ṇḍĕḍumpil nèŋ guwa saṭiṭik, nora mamriḥ ṅrĕbut kaluhuran, tan ṅrusak bĕbĕnĕrané, sabĕn dina sun éwuḥ, ṅandikan lan kaŋ sipat kadim, abot préntahiŋ sukṣma, lan ḍawuhiŋ ratu, hèḥ liṅsaŋ rasé muliha, sun tan arṣa ṅlakoni éwuḥ pribadi, tan pĕgat sabĕn dina.

7. imbal śabda lan kaŋ maha suci, satĕmĕné sun nora kabawaḥ, nèŋ bhuminé allaḥ ḍéwé, kalané kañcil duruŋ, tumitaḥ nèŋ madyapadèki, bhumi iki wus ana, kaguṅan hyaŋ aguŋ, wis duta sira mundura, atuṛĕna iŋ sapitutur sun iki, rasé liṅsaŋ wus méntar.

8. datan daṅu iŋ marga wus prapti, iŋ gĕbaṅtinatar wus suméwa, mriŋ amoṅpraja aturé, purwa madya nisipun, brĕsiḥ titi datan muwuhi, moṅpraja tansaḥ rudaḥ, dahat ṅuṅun ñjĕtuŋ, miṛĕṅkĕn aturiŋ duta, ucapĕn kaŋ anĕŋ suracala marid, nutugkĕn mĕḍar karṣa.

9. wus misuwur bagawan wrĕka di, kaŋ asrama ḍépok suracala, tuhu wĕniŋ paṅawruhé, cakĕp béṅkas iŋ ṅilmu, mĕmĕt ñamut sarasa ĕniŋ, wus kaloka iŋ jana, tinĕkanan sampun, cundakané amoṅpraja, rasé liṅsaŋ nimbali dwija wrĕka di, mbaṅkaŋ aṅuṭa dlika.

kuwuk anĕkani lan awèḥ péliŋ maraŋ asu

10. ucapĕn kaŋ tĕtrukèŋ wanadri, sawétaniŋ alas ampèldĕnta, wil pusa kuwuk arané, sampun miḍaṅĕt tutur, lamun sona iṅkaŋ mamarid, nuṅku nèŋ suracala, tinimbalan ratu, mogok tan arṣa suméwa, sira kuwuk darbé sumĕlaŋ iŋ ati, wĕlas maraŋ srĕṅgala.

11. bokmanawa koṅsi dèn tĕkani, rinodapakṣa dutaniŋ nata, paran baya kadadyané, tan wuruŋ nĕmu dudu, sigra sigra kuwuk lumaris, mriŋ guwa suracala, sugriwarṣa pémut, sarta nĕdya wruḥ antĕpnya, tan cinatur nèŋ marga samana prapti, paḍépokaniŋ sona.

12. sinambrama tatakramèŋ puji, lir oliya patrapiŋ kaarjan, kuwuk maṅkana śabdané, hèḥ aḍi praptaniṅsun, nilas warta kagawèŋ aṅin, kaŋ tumular riŋ loka, kabur koṇḍaŋ catur, lamun sira tinimbalan, maraŋ gĕbaṅtinatar mogok iŋ kapti, yayi sababé apa.

13. prayogèṅsun aywa waṅkot yayi, tinimbalan mriŋ kaŋ kinawasa, masésani santéroné, sowanna kaŋ sumujud, jĕr puniku khalipaḥ yayi, wajib wĕnaŋ masésa, sésiniŋ rat kagluŋ, gumuluŋ gĕbaṅtinatar, bhumi suracala iki wus kadarbi, kabèḥ satanaḥ jawa.

14. iŋ blambaṅan sapaṅulon prapti, tanaḥ bantĕn wus paḍa kaasta, déniŋ amoṅpraja kabèḥ, pira yayi baṅgamu, ambaguguk maṅlaṅgar nagri, wus akèḥ kupiyanya, malaŋ malaŋ putuŋ, rèḥ lagi sinihan iŋ rat, laḥ ta ĕndi gaṇḍulanmu kaŋ ṅuwati, yayi sira wĕcaa.

15. sira sona mèsĕm nambuŋ aṅliŋ, hé kaŋ kuwuk ṅapiŋ piṇḍo karya, iṅsun iki andĕḍèmpèl, tan nĕdya gaṅgu gaṅgu, amuŋ muja ṅĕniṅkĕn budi, dalaniŋ kasampurṇan, urip praptèŋ lampus, saha satĕmĕné kakaŋ, iṅsun iki dudu kawulaniŋ kañcil, yakti titahiŋ sukṣma.

16. gusti allaḥ kaŋ ṅodrat wus dadi, ananiṅsun mulya praptèŋ paran, sajĕroniŋ urip olèḥ, rijĕki dadi kukuḥ, mikukuhi jĕnĕṅiŋ urip, tumruniŋ udan tiba, bhumi bhumi cukul, nuwuhakĕn tutuwuhan, dadi paṅan iku mracihnani pariŋ, ira hyaŋ kaŋ murwèŋ rat.

17. bhumi laṅit traṅgana surya di, wulan siliriŋ maruta toya, sakiŋ dumaya kwasané, iṅsun lan kañcil sèstu, paḍa bahé dadiniŋ mani, kaliku ran kawula, wus nĕmu kadulu, sabaraŋ isiniŋ duña, dudu kañcil kaŋ murwani jagad iki, apa g‍ĕḷĕm sun sĕmbaḥ.

18. yèn woŋ bĕnĕr paṣṭi kirig kirig, kipa kipa sinĕmbaḥ sasama, sabab tan rumasa gawé, iyèku taṇḍanipun, amoṅpraja paḍa lan mami, nadyan jro jisimira, si kañcil tan wĕruḥ, kaŋ kinaṇḍut kaŋ ginawa, pañjiŋ wĕtuniŋ napas kañcil pribadi, tan wĕruḥ dadinira.

19. nadyan gĕtiḥ dagiṅé pribadi, aja manèḥ pañcadriyanira, si kañcil tan wruḥ dadiné, nora béda lan iṅsun, ṅawur nasar ṅĕrèḥ sasami, apa sababé kakaŋ, mriŋ sapaḍa ṅĕkul, iṅsun allaḥ kaŋ masésa, kinawasa kodrat kadimaḥ kawadis, kabèḥ kaguṅaniŋ hyaŋ.

20. yèn duruŋ wruḥ sabab kaŋ puniki, sun tan arṣa lamun suméwaa, nadyan wĕruha ḍèwèké, isiḥ paḍa lan iṅsun, sipat añar paḍa ṅañari, tumitaḥ anèŋ duña, sakaṛĕp kaṛĕpku, kumawĕnaŋ ambĕk nata, mriŋ sasama déné wani animbali, yèku woŋ tanpa tata.

21. puṅguŋ muḍa tan wruḥ sasmita di, duruŋ wĕruḥ jĕnĕṅiŋ naréndra, ṅĕrèḥ kawulèŋ hyaŋ kabèḥ, éwuḥ woŋ dadi ratu, suka buṅaḥ iṅaji aji, tansaḥ umuk sumĕṅaḥ, swardanambĕk dir guŋ, lamun duruŋ tétéla traŋ, witiŋ sĕmbaḥ saka apa witiŋ asiḥ, kapriyé sababira.

22. lan si kañcil anampani ḍuwit, pajĕg bhumi sakiŋ désa désa, iku kapriyé nalaré, woŋ désa atur atur, maraŋ ratu bhupati mantri, déné nora kaṅèlan, nampani pisuṅsuŋ, yèn si kañcil tan uniṅa, sañatané bab iki sun tan ṅabĕkti, kuwuk gĕtun miyarṣa.

23. śabdanira hèḥ yayi prayogi, luwiḥ kukuḥ gagaṇḍulanira, amuŋ saṭiṭik éwuhé, yèn ana woŋ kaŋ ṅadu, adu basa dèn oṭak aṭik, èstu sira rinoda, kalaḥ kabèḥ asu, déniŋ woŋ kaŋ nora ñaṇḍak, èṅĕtanmu yakti kalakṣaṇan mamriḥ, adat jaman punika.

24. yèn pinakṣa sira dèn timbali, sinantosan iŋ dutaniŋ praja, pira baṅganira aḍèk, srĕṅgala ṅguyu ṅguguk, aḍuḥ kakaŋ sun tan gumiṅsir, ṛĕmuk dadiya kisma, sarambut tan miṅkuḥ, yèn wus paṣṭi karṣaniŋ hyaŋ, tĕkèŋ pati jaṅji nora owaḥ giṅsir, kuwuk suka tyasira.

25. sèwu amin aṅèstuti puji, yayi lamun maṅkono punika, kawruḥmu dahat mĕmĕté, sayuta sun jumuruŋ, laḥ ta uwis kèri basuki, sun muliḥ ñonto ṅlaras, yayi panĕmumu, kaya kaya kabĕnĕran, nulya mundur tan cinatur anèŋ margi, lastari praptèŋ wisma.

saŋ kañcil amoṅpraja anduta uwahuwa aṅgawa caṅkriman binataṅa saŋ dwija wrĕka

26. kawarṇaa amoṅpraja makṣiḥ, suṅkawa gĕŋ paṅugutiŋ driya, sona kaŋ klakuwan anèḥ, kañcil moṅpraja nuduḥ, uwahuwa dinil agami, tinudiŋ cinundaka, kapaṅgiḥ lan asu, kaŋ subrata suracala, aparéntaḥ maraŋ sira kyayi khakim, sira ḍéwé mlakuwa.

27. konĕn mĕcaḥ caṅkrimaniṅsun mriŋ, asu édan kaŋ nèŋ suracala, limaŋ prakara cacahé, ĕndi kanaŋ iṅĕcup, lan tĕmbaṅĕn sréṅat agami, gama kukumiŋ syarak, wawa matur nuwun, pamitan lèṅsèr sakala, bakta santri sakawan samya tut wuri, paṅulu wisatanya.

28. samantara iŋ marga wus prapti, ṅarṣèŋ sona sira uwahuwa, satatandum krahayoné, salamu ṅalahikum, taṅgap śabda wrĕka maṅsuli, wa ṅalahikum salam, nuli tata luṅguḥ, jawab asta raraṅkulan, wusiŋ bagya binagya arjaniŋ wuri, wahuwa alon nabda.

29. hèḥ srĕṅgala praptaniṅsun ṅriki, cinundaka déniŋ amoṅpraja, kaŋ masésani iŋ kéné, dyan bèi kañcil muṇḍut, suméwanta wus wali wali, sira tan g‍ĕḷĕm séba, apa sababipun, déné wani mbaṅkaŋ préntaḥ, lamun sira srĕṅgala panas iŋ ati, pèkĕn gĕbaṅtinatar.

30. iṅkaŋ kapiŋ piṇḍoné sun añjiŋ, kinèn mariṅkèn pasal caṅkriman, limaŋ prakara cacahé, srĕṅgala nambuŋ wuwus, hèḥ kiyahi paṅulu mami, tinimbalan paréntaḥ, apa prĕlunipun, woŋ ṇḍumpil pinuriḥ séba, duruŋ wĕruḥ cara caraniŋ nagari, rèhniŋ dama kiraṭa.

31. sarta manèḥ kinèn mardikani, aṅuculi lambaŋ lima pasal, sun iki boḍo yaktiné, slawasé duruŋ tahu, amuḍari caṅkriman mami, nadyan iṅsun darbéya, caṅkriman iŋ ḍusun, purudya warèŋ caṅkriman, lèṅgok sundĕr puṛĕt bisa narbukani, liya iku tan bisa.

47. sinom

1. taruna budiniŋ désa, tatakrama sĕpa sĕpi, liwat saru acĕṇṭula, ṅrĕgĕdi krama kaŋ suci, saru añañampuri, sama saminirèŋ makhluk, rèḥ sun asor priyaṅga, tan wun lamun antuk runtik, wus ukumé yèn woŋ ṅrusak pasamuwan.

2. tan wuruŋ siniṅkaŋ siṅkaŋ, wahuwa maṅsuli aris, ḍuḥ anak aywa maṅkana, watĕkiŋ préntaḥ bèr ṅalim, maklum maraŋ woŋ jiriḥ, aṅapura woŋ truwilun, ywa waṅkot sira sona, abot saṅgané iŋ wuri, nora bĕcik mbadal karṣaniŋ nagara.

3. sakuṛĕbirèŋ akasa, saha salumahiŋ bhumi, kaŋ kaprabhan diwaṅkara, alas gunuŋ dadi siji, kawĕṅku dyan ṅabèi, kañcil amoṅpraja èstu, mbrĕñjul cukul pinapar, maṅkya sira mbaṅkaŋ karṣi, ywa maṅkono atasiŋ titaḥ punika.

4. kudu raraton iŋ tata, mamriḥ basukiniŋ urip, iŋ mĕṅko sira ḷĕṅgana, bhumi kaŋ sira idaki, bañu bañu rijĕki, kabèḥ kaguṅaniŋ ratu, dyan bèi amoṅpraja, musamanira hyaŋ widdhi, laḥ manuta anak pitutur manira.

5. prayogèṅsun suméwaa, tékadna nĕmbaḥ hyaŋ widdhi, rèhniŋ allaḥ datan kaṇṭa, tanpa jaman makam sĕpi, aṅiŋ śri narapati, kaŋ sinĕmbaḥ kaŋ sinuhun, pinuji wajib wĕnaŋ, tinuhu tuhuniŋ gusti, basukyarja tindakiŋ nagara krama.

6. srĕṅgala sumambuŋ śabda, hèḥ paman puniku silib, nasarkĕn ati katriwal, kaḍaḍuŋ ginawèŋ dajil, dajal laknat kaŋ muṅkir, kodratiŋ hyaŋ maha aguŋ, si kañcil datan pisan, kuwasa karya sabhumi, kabèḥ iki yakti kadiruniŋ sukṣma.

7. ratu puniku kawula, dinadèkkĕn déniŋ gusti, paḍa bahé lawan iṅwaŋ, aja iṅkaŋ narapati, sanadyan para nabi, kawulanirèŋ hyaŋ aguŋ, nora wĕnaŋ masésa, sésiniŋ bhuwana iki, kaŋ gumĕlar iŋ jagad dharma sakarṣa.

8. uga bĕnĕr ujarira, śri naréndra añipati, musamané hyaŋ sudyarṣa, nadyan kutu kutu kumlip, lan manusa sakalir, kabèḥ sarupaniŋ makhluk, dadi taṇḍaniŋ sukṣma, tan ṅamuṅaké si kañcil, dlasan sira kyayi sipatiŋ paṅéran.

9. marma tékadsun punika, wus lawas tapa mumuji, nĕgĕs yun wĕruḥ satmaka, mariŋ hyaŋ wasésa jati, kajatèn sunya sĕpi, sun pupuji sun susuwun, wus piraŋ piraŋ warṣa, tan wĕruḥ wujudiŋ widdhi, tĕmahané pardun wakidun nèŋ jiwa.

10. tĕgĕsé tuṅgal sajuga, iya iṅsun kaŋ pinuji, datan liya awakiṅwaŋ, mĕṅkono mĕṅkéné mami, jumĕnĕṅiŋ hyaŋ luwiḥ, wit kawula asmanipun, dadinirèŋ kawula, wit kodratbila alatin, naṅiŋ kabèḥ saka kita wus tétéla.

11. tan ṅgrantĕs wus datan samar, paṅrĕṅkuḥ iṅsun tan miriŋ, sipat kadim muṅguḥ iṅwaŋ, sipat kawadisi mami, kabèḥ baraŋ kaŋ kèkṣi, jroniŋ bhumi laṅit iṅsun, rusul rasuliŋ sukṣma, iṅsun iṅkaŋ musamani, jroniŋ rasa sasmita kabèḥ manira.

12. iṅsun iṅkaŋ karya syarak, kitab kuran muṅguḥ mami, sahadat salat myaŋ jakat, pasa tuwin muṅgaḥ khajji, pakonira pribadi, batal sajĕroniŋ wudlu, yakti sun iṅkaŋ karya, wus déné yèn puji dikir, iya iṅsun kaŋ nampani kaŋ narima.

13. saṇḍaŋ paṅan sun ṅupaya, dadya cacagakiŋ ṅurip, olèḥ bĕgja lawan ora, sayĕkti tĕka pribadi, dudu ratu kaŋ pariŋ, dudu malékat kaŋ muñjuŋ, allaḥ tan awèḥ sĕga, mĕṅkono mĕṅkéné mami, swarga nraka kabèḥ kawĕṅku déniṅwaŋ.

14. baraŋ solaḥ tiṅkaḥ iṅwaŋ, sĕka karṣèṅsun pribadi, añjĕnĕṅakĕn kaanan, sajagad rat maratani, jroniŋ badan mĕnuhi, baraŋ apa duña nĕmu, badan sasat bhuwana, nadyan sĕpur prahu api, surya wulan pêpak anèŋ jisim kita.

15. rèḥ sira putus agama, ahli tapsir awal akhir, apa cuṇḍuk apa ora, baraŋ wuwus sun puniki, kalamun slisir kyayi, sajara iṅsun yun kruṅu, ĕndi iṅkaŋ sulaya, panĕmuku sun owahi, aywa klantur nurut salahirèŋ cipta.

16. yèn kaŋ bahut iŋ wikara, mamèt waraḥ datan isin, sanadyan woŋ sudra papa, kéré anèŋ piṅgir margi, lamun caturé mirib, kalawan pañcĕriŋ kalbu, kaŋ prayoga iṅalap, nora wiraŋ nora isin, wus maṅkono woŋ mamriḥ swarjana tama.

17. sabĕn dina ṅaṅgo karṇa, ṅaṅgo nétra miliŋ miliŋ, rurupan dadi piwulaŋ, ala bĕcik dèn kawruhi, mañjiŋ pañcĕriŋ budi, woŋ winuruk saka catur, myaŋ saka layaŋ layaŋ, aṣṭabrata rama kawi, suluk suluk surti lan panitisastra.

18. yèn tan sĕnĕŋ datan bisa, awit sulaya lan ati, sanadyan ṅilmu akhirat, sun gulaŋ budi patitis, patrap tataniŋ urip, ṅaḍĕp sampurṇaniŋ layu, wĕruḥ iŋ kañatahan, ñataniŋ kawula gusti, sakiŋ ana hèḥ paṅulu rasakĕna.

19. uwahuwa nambuŋ śabda, iku dudu pamriḥ yukti, yaktiné tumitaḥ gĕsaŋ, anaa kaŋ dèn wĕdèni, jumĕnĕṅiŋ narpati, maṅka badaliŋ hyaŋ aguŋ, kaŋ nindakkĕn kotaman, natasi ruwĕdiŋ bhumi, ñirṇakaké murka iṅkaŋ wus tétéla.

20. karya mulyanirèŋ praja, sabaraŋ karṣèŋ narpati, iṅkaŋ kalawan prayoga, séṇḍé riŋ hyaŋ maha suci, naṅiŋ kuwatiŋ pardi, saka rurukunan kumpul, dèn jak budi raharja, dé sira muṅkir mriŋ aji, laḥ cupana caṅkriman limaŋ prakara.

21. wĕcanĕn iṅkaŋ tétéla, timbalané dyan ṅabèi, maṅkéné kanaŋ caṅkriman, siji sira kinèn miliḥ, urip sa lami lami, lan mati salawasipun, pilihĕn salaḥ juga, déné iṅkaŋ kapiŋ kaliḥ, maṅan sabĕn dina lan maṅan sapisan.

22. caṅkriman kaŋ kapiŋ tiga, kinèn miliḥ salaḥ siji, suwarga utawa nraka, iṅkaŋ kapiŋ catur warṇi, suwuŋ utawa isi, kaŋ kapiŋ lima winuwus, rusak utawa mulya, ḍawuhé radèn ṅabèi, sona ṅguyu ṅguguk sarwi lataḥ lataḥ.

23. ho o ki paṅulu sira, déné kaya bocaḥ cilik, sun wus wawarta sañata, iŋ tékad datan gumiṅsir, caṅkriman patiŋ srĕṇḍil, ko ucap aṅgĕré mĕtu, kuraŋ duga prayoga, paṅulu maṅsuli aris, puluḥ puluḥ wus karṣané amoṅpraja.

24. pañjalukiṅsun mriŋ sira, cupana kéwala bĕcik, aywa anampik caṅkriman, sona pasraṅkara aris, bĕnĕr ujarmu kyayi, sun bataṅé kaŋ rumuhun, urip kalawan pĕjaḥ, sun tan urip datan mati, yèn woŋ mati kaŋ mati nora uniṅa.

25. dadi tĕgĕsé pralaya, sajatiné iṅkaŋ urip, déné ta kalamun gĕsaŋ, sajatiné aran pati, kawruḥ maṅkono kyayi, sèwu siji iṅkaŋ wĕruḥ, déné daliliŋ kuran, watuḥ karijul kayamin, mayittahu watuḥ karijul mayita.

26. minalkayi tĕgĕsira, allaḥ mĕtokaké pati, sakiŋ urip sakanira, allaḥ mĕtokakĕn urip, taṅi saka iŋ pati, iku jarwané paṅulu, sun paṣṭèkaké sira, nora bisa ṅuniṅani, jĕṅkaŋ jĕṅkiŋ tansaḥ nĕmbaḥ tawaŋ towaŋ.

27. suwuŋ waṅwuŋ amuŋ asma, iku kaŋ sira gaṇḍuli, lan mumuji wujud napas, ciptanta sampurṇèŋ pati, saka puji lan dikir, wus bĕnĕr prasan atimu, sakṣiné nora ana, silib yakti datan uniŋ, iya iku amumuji basa swara.

28. iṅkaŋ kapiŋ kalihira, iṅsun pinriḥ narbukani, woŋ mamaṅan sabĕn dina, lan maṅan sapisan kyayi, bab iku kaŋ sun cupi, sabĕn dina iṅkaŋ muluk, yaktiné badan waḍag, kaŋ maṅan sapisan kyayi, aṅĕn aṅĕn waṛĕg salawas lawaṣṇya.

29. iku sun piliḥ sadaya, sajroniṅsun mĕṅku urip, déné iṅkaŋ kapiŋ tiga, kinèn miliḥ salaḥ siki, suwarga myaŋ nrakapi, iku kabèḥ sun tan ayun, nraka manèḥ aṛĕpa, suwarga mulya sun suṭik, kaŋ sun piliḥ sakarṣaniṅsun priyaṅga.

30. déné pasal kaŋ kapiŋ pat, isi sĕpi kinèn miliḥ, kabèḥ iku sun tan arṣa, bab dadi ṛĕñcanèŋ ṅilmi, kaŋ miliḥ maraŋ sĕpi, dadi amaṅéran suwuŋ, yèn miliḥ maraŋ ana, iku wujudiŋ idajil, gusti allaḥ nora wujud nora sunya.

31. kaŋ sun piliḥ wujudiṅwaŋ, iya iṅkaŋ sipat kadim, tan wiwitan tan wĕkasan, pasal kapiŋ lima kyayi, rusak mulya kaŋ ĕndi, kinèn miliḥ sun sumaguḥ, miliḥ kawadis rusaḥ, kadim mulya kaŋ sun ṅgoni, jabèḥ aṛĕp ḍasar wajibiŋ kawula.

32. aja iṅkaŋ raganiṅwaŋ, nadyan para nabi wali, kabèḥ bosok dadi kisma, mukhammad katimun nabi, dagiŋ bosok wor siti, lamun sira datan ṅgugu, wacanĕn dalil kuran, kulusahékun alikin, sabĕn sabĕn sawiji wiji rinusak.

33. sajati jatiniŋ tama, wruḥ iŋ urip wruḥ iŋ pati, waṣpada iŋ saṅkan paran, sahiki wus dèn kawruhi, solaḥ bawaniŋ urip, saha ḷĕlèjĕmiŋ mahut, kukuḥ pamuṣṭiniŋ tyas, jiwa raga wus khayatin, yèn wus ñata tan sumĕlaŋ akhir duña.

34. saka sakṣi kañatahan, tĕmpuḥ wor kawula gusti, sahir kabir nora samar, rina wĕṅi dèn kawruhi, pañcadriya binudi, miwiti kukuhiŋ kawruḥ, sabĕn dina mèt waraḥ, ṅaraḥ iṅkaŋ duruŋ uniŋ, nora amuŋ maṅan turu suka suka.

35. datan ayun tapa budḍa, badané pinati pati, mriḥ katĕkanna hyaŋ sukṣma, kaŋ anèŋ luhuriŋ laṅit, iku ciptaniŋ éblis, hèḥ paṅulu wruhanamu, pambudi srana puja, salaté ambañu mili, awal akhir awit bayi tĕkèŋ tuwa.

36. yèn muŋ trima basa swara, swara tumĕmpuḥ iŋ kupiŋ, géḍag gèḍèg sèwu gampaŋ, lamun woŋ sarjana murti, paṛĕŋ tĕmpuhiŋ budi, lir cañcala tibèŋ lahut, iku sababé apa, sira woŋ wis kaki kaki, jéṅgot dawa kicaḥ kiciḥ sabèŋ toya.

37. limaŋ wĕktu sabĕn dina, sahadat pujiné ṇḍriṇḍil, napi isbat mubĕd ḍaḍa, kaya allaḥ wruḥ sirèki, ṅasihi mriŋ woŋ dikir, la ilaha illallahu, mukhammad rasulullaḥ, ko ḍaku wujudmu kyayi, kaŋ sirèṣṭi iŋ tĕmbé muṅgaha swarga.

38. sakiŋ rasèŋ tyasmu ñata, rèḥ wus wĕruḥ dikir napi, sajatiné napi sunya, tĕmaḥ wujudmu pribadi, sasat kristĕn agami, amumuji yésus kristus, nèŋ gréja mawas grana, nabi ṅisa dèn taṅisi, iya iku paṅulu woŋ kaya sira.

39. yèn maṅkono tékadira, mĕñaṅa iŋ ṅara bĕcik, sakiduliŋ surabaya, iŋ majakarta nagari, akèḥ agama srani, paṣṭi tuṅgal lan budimu, kaŋ maṅkono ciptanta, agama mamèt arabi, laḥ éliṅa ywa koṅsi kadawa dawa.

48. paṅkur

1. wus muṅkur sabdèŋ wahuwa, hèḥ ta anak sakiŋ prayoga mami, sira tinimbalan ratu, kalamun datan arṣa, prayogané sĕmayaa bahé bagus, sajĕroné tigaŋ warṣa, iṅsun kaŋ naṅguŋ atur wrin.

2. yèn ana dukaniŋ préntaḥ, kaŋ ṅèṇṭèṅkĕn ṅaliṅi jĕnĕŋ mami, sun wĕlas maraŋ ragamu, manawa kasusahan, kuna mula tĕkèŋ maṅké duruŋ santun, yèn ana woŋ mbaṅkaŋ karṣa, nora wuruŋ dèn patèni.

3. apa manèḥ iki sira, ṅraṅkĕp budi kaŋ ḍihin mriŋ narpati, kapiṇḍo agama rasul, ina wit sakiŋ sira, añampahi ṅĕṇḍokkĕn tataniŋ makbud, panĕmbaḥ gama sampurṇa, maṅké sira mamahoni.

4. sanadyan tékad sañata, prayogané jisim karèḥ narpati, budimu karèḥ hyaŋ aguŋ, dadi kuwat mupakat, kukuḥ bakuḥ iŋ jaba jĕro kagĕluŋ, iŋ duña akhir ṅawula, pikiṛĕn anak kaŋ bĕcik.

5. srĕṅgala gumuyu lataḥ, hé é sira kyayi duruŋ nampani, pituturku kabèḥ kabur, tan tumanĕm iŋ nala, raganiṅsun wus tarkumasiwallahu, baraŋ tiṅkaḥ solaḥ muna, muni karṣaniŋ hyaŋ widdhi.

6. yèn sun ṅratu jĕro jaba, lir jarwamu dadi miriŋ iŋ kapti, bakal luput paṅrĕṅkuhku, suda aḍĕpiŋ sukṣma, dudu akulmukmin kaŋ paṅgayuḥ putus, tĕtĕp yèn maṅroro tiṅal, ṅawruhi jaba jro sisip.

7. jumĕnĕŋ kawula mamaŋ, sĕmaŋ sĕmaŋ urip tĕkaniŋ pati, sun cikla ciklu nunuṅku, tumĕmĕn nĕkĕm sĕdya, maṅkya batal lamun katarik wuwusmu, dadi amaṅéran duña, kaduñan aṅrĕrubĕdi.

8. aja kaŋ tumĕkèŋ lara, trusiŋ pati dadi awu tan ñiṅkir, rèḥ wus maḍĕp tĕtĕp tĕrus, lahir batin sumagaḥ, gagaḥ kuwat kawula ṅlakoni tuduḥ, préntahiŋ tyas kaŋ wus tĕraŋ, iṅsun tan nĕdya ṅoñcati.

9. woŋ oñcat sĕdyaniŋ nala, nala yukti kaŋ wus katimbaŋ titi, iṅaran mamaŋ sĕkuṭu, samar pañcĕriŋ cipta, nora yogya iku dudu ran woŋ ṅilmu, sabaraŋ pakon kaŋ ñata, ḍawuhiŋ hyaŋ maha suci.

10. sabaraŋ pakoniŋ nala, luwiḥ ghaib ḷĕmbut datan kahèkṣi, woŋ budḍa aran hyaŋ guru, gurunirèŋ manusa, kaŋ tinurut sabĕn dina trapiŋ guru, tanpa tutuk yèn ṅandika, tanpa karṇa yèn miyarṣi.

11. niṅali tan mawa nétra, kuwasané datan ṅaṅgo piranti, puniku dayaniŋ kalbu, ñrambahi budi mulya, kaŋ wus pana bisa nimbaŋ ala bagus, dadi basukiniŋ badan, murwanimbĕk sadu murti.

12. iŋ mĕṅko si kañcil nĕdya, ṅrĕrégoni panĕmbahku mriŋ widdhi, widdhi adiniŋ tumuwuḥ, kaŋ wruḥ iŋ puja mantra, nora bĕcik kaaran woŋ gaṅgu gaṅgu, kaguṅguŋ ṅgagahi murka, iṅsun iki ulaḥ ghaib.

13. tan kabawaḥ tan kapréntaḥ, iṅkaŋ mbawaḥ kaŋ mréntaḥ muŋ hyaŋ widdhi, laḥ kyayi tutura iku, waṅsulanku dèn undaŋ, uwahuwa dupi kruṅu sabdèŋ asu, ḷĕmpĕŋ kĕñcĕŋ tanpopama, juḍĕg pamĕḍariŋ ṅilmi.

14. kéñut wĕniṅirèŋ cipta, iṅĕcupan duña akhir pinuṣṭi, paṭiniŋ rasa ginilut, guḷĕt campur lan jiwa, tan kumlamar datan miriŋ iḍĕpipun, tarbukaniŋ drajad pĕñcar, iŋ kawruḥ kaŋ wĕrit wĕrit.

15. rumasa wus tan kacoṅgaḥ, iŋ sasmita santosa kaŋ dèn èṣṭi, tĕtĕp maḍĕp muja kumpul, ki paṅulu tan jajag, kitab kuran tapsir awal akhir rampuŋ, ahli nujum mukawiyaḥ, pasraṅkara kyayi khakim.

16. ḍuḥ anak iki sasmita, tuhu juḍĕg gĕgĕḍugirèŋ ṅilmi, lamun panuju iŋ kalbu, sun muruhita jarwa, wijaṅira iŋ kawruḥ kaŋ mĕmĕt ñamut, tabaraka ḷĕganana, tarikĕn dalan kaŋ wĕniŋ.

17. supaya niŋ nuriŋ cipta, imaniṅsun kuwur dupi miyarṣi, iŋ wasitanira mahu, sun taṅkĕp mañjiŋ karṇa, trusiŋ nala tajĕm jumalaniŋ kawruḥ, wuwuḥ pamuṅsèṅsun anak, sakiŋ warta kaŋ kawijil.

18. srĕṅgala mèsĕm manabda, sira kyayi kapéṅin kaya mami, sun owĕl kyayi jisimmu, awit isiḥ prasaja, kupiŋ nétra caṅkĕm makṣiḥ ñanuk ñanuk, lir pitik nucuk coṇṭoṅan, ati kapépétan budi.

19. mripatmu kaliṅan paḍaŋ, paṅruṅumu kyayi kaliṅan kupiŋ, tĕmbuŋmu bahé wus luput, mrataṇḍani tyas mamak, muk ĕmukan sumpĕg baraŋ èṅĕtanmu, sun wĕlas yèn nora bisa, nampani wasita mami.

20. ṅilmu iku dudu papan, dudu tulis dudu jarwèṅsun kyayi, dahat aṅèl mbudi ṅilmu, cakĕpiŋ kawruḥ tama, prayogèṅsun sirèku luruwa guru, kaŋ akèḥ ḍisik supaya, bisa tampa kawruḥ mami.

21. akèḥ kaŋ koḍĕŋ pamawas, liṅluŋ biṅuŋ nora bisa patitis, yèn duruŋ akèḥ gurumu, tĕmaḥ kuraŋ tétéla, tétélaniŋ budi sasmita kaŋ ṅlaṅut, ṅalamat datan katara, rasaniŋ jad kwula gusti.

22. gusti wruḥ maraŋ kawula, kawulané bisa wĕruḥ iŋ gusti, wus maṅkono tyas ḷĕstantun, ran tĕpĕt janaloka, jiwa raga wus prasasat tanpa dunuŋ, kanugrahaniŋ hyaŋ sukṣma, kag‍ĕḷĕŋ ciptaniŋ ati.

23. wus sirṇa pataŋ prakara, iṛĕŋ abaŋ kuniŋ kalawan putiḥ, binuwaŋ adoḥ tan kétuŋ, budyambĕk ḷĕgawèŋ tyas, amañcèrèt ṅuṅkuli prabhaniŋ samsu, surya wulan sasadara, dadi kawulanta kyayi.

24. yèn sira yun ṅilmu rasa, rasaniŋ tyas bĕnĕr luput maṅrĕti, titi titahiŋ tumuwuḥ, aṅèl woŋ ṅaku allaḥ, apa manèḥ woŋ ṅaku kawula éwuḥ, kaya paran patrapira, dadi gusti dadi abdi.

25. sirèku aywa sĕmbrana, aṅukuhi mamèt warahiŋ tulis, tan yogya lamun ginugu, sanadyan kitab kuran, datan kĕna ginaṇḍulan warahipun, ṅaraha sarjana mulya, di mulyaniŋ ati titi.

26. tatas iŋ kawruḥ sampéka, tarbukané saka pinikir pikir, kira kiranĕn kaŋ cukup, mamèt daliliŋ kuran, upaminé sira wruḥ wowohan ḍuku, wit gĕḍé ḍuwur woḥ kaṭaḥ, puniku kaŋ bisa ṅambil.

27. tĕgĕsé yèn sira maca, surti wulaŋ kitab kuran myaŋ tapsir, iṅkaŋ koṅsi baṅkit ṅuṇḍuḥ, mañjiŋ pañcĕriŋ nala, kaŋ dadalan sakiŋ kupiŋ nétra koñjuk, maraŋ tyasmu kaŋ nirmala, iku woŋ ṅuṇḍuhi wiji.

28. sukur kaŋ bisa sumĕbar, mbabarakĕn mijèni wuta tuli, sumambuŋ tumraḥ iŋ puṅkur, kacrita kajuwara, tumĕṅkariŋ turun sapta makṣiḥ kombul, tumular cakraniŋ duña, sampurṇa pakaryèŋ sandi.

29. punika tyas sukṣmantaya, añrambahi sajroniŋ bhumi laṅit, paḍaŋ trus praptèŋ sap pitu, tanpa kacakrabawa, sakiŋ déné gumuluṅiŋ budi ṅlaṅut, tan éwuḥ dadi kawula, gampaŋ kaŋ aṅaku gusti.

30. wruḥ wajibiŋ hyaŋ kawula, luwiḥ manèḥ solan saliniŋ budi, atiniŋ manusa ḷĕmbut, kaŋ éwuḥ éwuḥ wikan, midĕr iŋ rat bhuwana bisa kacakup, tan kéwran gumlariŋ duña, rèḥ wus ganĕp ṅaṅgo pikir.

31. kirané swarjana tama, kotamané wus ganĕp ṅaṅgo budi, binudi dunuṅiŋ kawruḥ, kudu wruḥ kasatmata, ṅaṅgo kupiŋ kinèn ṅruṅu baraŋ catur, ṅaṅgo caṅkĕm kinèn ṅucap, ywa ṅawur kuwur iŋ pikir.

32. pikir kaŋ duruŋ waṣpada, pĕtĕŋ bawur sĕmaŋ urip lan pati, wahuwa kaya awakmu, kaŋ kuraŋ paṅgrahita, wus adaté santri amuŋ kaṛĕm turu, mĕlèké muŋ yèn sĕmbahhyaŋ, yèn wus salat datan ṅlisik.

33. tan pisan mamriḥ ywañjana, nukṣmèŋ tama basukyarjaniŋ urip, yèn micara patiŋ crĕbluŋ, lir caṇṭoka nèŋ toya, pra sarjana koḍĕŋ nora bisa kruṅu, rèḥ ucapé tanpa wit paŋ, uwoḥ gabug tan ṅunphuhi.

34. muwus dalil nuñjaŋ nuñjaŋ, sriŋ sulaya makna lapalirèki, wus maṅkono yèn priŋ suwuŋ, kumĕṇḍuŋ isi barat, tur tan ṅrĕti maraŋ dunuṅirèŋ suwuŋ, kumĕṭak yun ṅilmu rasa, paṅulu sira puniki.

49. pocuŋ

1. sĕkar pucuŋ wahuwa saṅsaya kéñut, jarwaniŋ srĕṅgala, iŋ tékad murtiniŋ ṅilmi, sru krĕpana nor raga minta widayat.

2. minta kawruḥ maṅkana sabdèŋ paṅulu, ḍuḥ anak manira, awèḥ tan awèha apti, muruhita wijaṅé kawruḥ punika.

3. kaŋ sahèstu yèn wus tampa iku ṅilmu, bakal sun pupuja, mantĕp tĕtĕp iŋ pamuji, sona ṅguyu sarwi nabda sira paman.

4. iku luput lamun sira nĕdya ṅgayuḥ, putus tyas cakṣaṇa, jarwaniŋ guru kaŋ luwiḥ, aja sira éṅgal éṅgal amarcaya.

5. iṅkaŋ bahut tuturiŋ guru tan ṅgugu, naṅiŋ datan nacad, yèn duruŋ wĕruḥ pribadi, bĕnĕr luput guru atimu priyaṅga.

6. kudu kudu gurumu ḍéwé kaŋ putus, tampa sakiŋ karṇa, tampa sakiŋ nétra mañjiŋ, surti titi sarjana murti wéwéka.

7. wéwéka guŋ kag‍ĕḷĕŋ paṭiniŋ kawruḥ, tumrapiŋ ṅagĕsaŋ, kasaṅsaŋ madyaniŋ bhumi, paṣṭi tatas dayaniŋ pikir raharja.

8. wus tumĕmpuḥ campuḥ jumalaniŋ kawruḥ, nir dama tyas muḍa, cakraniŋ wardaya wĕniŋ, bisa gawé ana bisa gawé sirṇa.

9. iya iku ati budi iṅkaŋ cukup, sajarwaniŋ liyan, yayaḥ midrawa iŋ budi, wruḥ iŋ daya paṅuwaliŋ karṇa nétra.

10. sira ayun amumuṇḍi maraŋ kawruḥ, lamun duruŋ wikan, paṅuwal dayaniŋ ati, caṭo caṭo coṭo wĕḍariŋ wicara.

11. kaŋ dadya wus wasésa sĕmuné luhur, tan darbé sandéya, kumpul lan para priyayi, wruḥ luṅidiŋ basa ḷĕlèjĕmiŋ nétya.

12. bisa ndulu sawiji wijiniŋ wujud, jroniŋ pasamuwan, kaŋ pantĕs putus iŋ wèṣṭi, wus kacakrabawa lir kaca prasana.

13. tĕraŋ tĕrus atiniŋ liya kadulu, ulaḥ kasarjanan, mriŋ wicara kudu uniŋ, goroḥ yakti tinarbuka kasatmata.

14. lamun duruŋ wĕruḥ maṅkono paṅulu, ywa gé muruhita, nampani ṅilmu iṅkaŋ writ, bokmanawa biṅuŋ nora bisa tampa.

15. kawruḥ iku kaṅgo sajĕroniŋ iḍup, ṅaḍĕpkĕn kaanan, wruḥ aḍĕpiŋ mukṣwa titi, jarwaniŋ woŋ mati urip anèŋ sira.

16. ki paṅulu ṅuswa paduka lan sujud, ḍumatĕŋ saŋ dwija, swanita tinuras mijil, ḍuḥ anakmas kadi pundi sariramba.

17. tanpa kawruḥ sacuwil kéwala ulun, gaṇḍulan kawula, sirṇa ĕntiŋ kocar kacir, kèhiŋ ṅilmu kawula paduka buka.

18. mawut mawut sacuwil tan wontĕn kantun, ḍuḥ saŋ dwija wrĕka, wĕlasa mriŋ amba mugi, winijaṅa buṇḍĕlé manaḥ kawula.

19. tiŋ pañjĕlut ruwĕd mawur mawur kuwur, kawula tan méraŋ, mèt waraḥ paduka yĕkti, datan mantuk yèn paduka tan suŋ jarwa.

20. nakmas sampun ñjaṛĕm tumanĕm iŋ kalbu, nir budya di tama, tan rumasa darbé ṅilmi, muhuŋ boḍo bĕlilu gĕsaŋ antaka.

21. ḍuḥ saŋ wrĕku kawularṣa amaṅuyu, ñantrik suracala, iŋ duña tumĕkèŋ akhir, dwijawara maṅkana lunturiŋ śabda.

22. ki paṅulu sadarpa iŋ pamintamu, sobaniŋ dyatmika, nur hidayat cipta ĕniŋ, sun cobané kyayi mĕṅko tampanana.

23. naṅiŋ yèn wus nampani siragé mundur, mriŋ radya tutugna, ṅĕmbat karyaniŋ nagari, dyan rinaṅkul ki paṅulu pasaŋ karṇa.

24. pardyèŋ ṅilmu daṅu paṅikĕtiŋ tutur, jumĕnĕṅiŋ allaḥ, lan rasul rusuliŋ jisim, pamijaṅé srĕṅgala tĕmbaŋ girisa.

50. girisa

1. kaŋ murba masésèŋ siswa, katara rasaniŋ hoswa, pyuḥ pukiran siwahboja, subrata tantara masa, nukṣmèŋ khayat pañcadriya, kadumuk dumuk pramana, lambaŋ pasĕmon wus cakra, déyarda wanda tétéla.

2. dwi sinipat tĕpĕt mulya, janalokaniŋ sasana, tapa dyatmika niṣkara, krana iradat tan ana, sĕdya nir wrĕdyèŋ rahśarja, wanita priya kabraṣṭa, islam kapir tanpa daya, paḍĕmiŋ khayun kadriya.

3. driyarda dayabu bagya, wiṣṇu krĕṣṇa kidulwija, hyun kakasini samantra, dur sasana sana mulya, bagéna ĕmbuḥ pinaṅka, tar lèn saṅkaniŋ pragñana, pucat nayana sakala, wiryawan basa saṅkrĕta.

4. maladi wĕṅaniŋ budya, tarpa cĕdaniŋ wikara, arda kinastawèŋ jarwa, nirèŋ alkamdulillaha, sananya pañjraḥ iŋ graja, midran sakojur maḷĕṅka, kanaŋ draṣṭi kaŋ wiwaha, bismillaḥ arabi puja.

51. pocuŋ

1. ki paṅulu wus tampa muṣṭikèŋ tuduḥ, duhkitèŋ tyas nrawaŋ, lir barliyan tĕmpuḥ rawi, kanaŋ nala nirmala mamalad śabda.

2. wus kacakup iŋ paṭi rasaniŋ iḍup, tĕpĕt antakarja, ayuniŋ yuwanèŋ ati, tanpa kira wus nora kacakrabawa.

3. puṅun puṅun gĕgĕtun dènira ṅuṇḍuḥ, tumanĕmiŋ nala, ragatma dalan kawadis, maraŋ kadim wujud khak kiyasmulkodrat.

4. wus sumurup tanpa daya khayat khayun, antaka mukṣarja, lir pinĕcat jiwèŋ urip, paṅañutnya suka sukur sabilullaḥ.

5. lalu liwuŋ wahuwa tampa wulaṅun, sĕnĕn sana sumraḥ, midĕr midĕr mracihnani, muṅgaḥ muḍun tumañcĕp kuluṅiŋ nala.

6. wruḥ iŋ suwuŋ takbirratulékram lan nur, tĕraŋ tanpa guna, tan mañjiŋ isi tan sĕpi, yakti sĕpa sĕpi yèn duruŋ pratéla.

7. tétéla wus luluḥ pratamaniŋ kawruḥ, lagñana dwi aṅga, tĕmpuhiŋ mandaya kaliḥ, sahir kabir kababar tan mawa masa.

8. ki paṅulu nirdéya manraŋ pakéwuḥ, kamotan sasmita, paṭiniŋ sarkara murti, paḍaŋ nrawaŋ katuwawa lir supĕna.

9. dadya èstu kasidaniŋ budi cukup, saṅkan mulyèŋ paran, wus tan nĕmbaḥ rupa aṅin, datan muji maraŋ sipat wujud asma.

10. datan suwuŋ mariŋ nur mukhammad palsu, tan mamriḥ maṅéja, wantaḥ mañjiŋ rahśa suṭik, mriŋ pratima pañcĕriŋ nala tan arṣa.

11. sorogipun surya crĕmin tan ginugu, myaŋ wujud wayaṅan, kaŋ wĕnĕs warṇané putiḥ, wus binuwaŋ rèḥ gawé ribĕdiŋ gĕsaŋ.

52. gambuḥ

1. gambuḥ surasèŋ tuduḥ, ki paṅulu ḍinawuhan mantuk, kinèn matur prasaja patrapirèki, dènnya ulaḥ pudyèŋ kawruḥ, aywa koṅsi ilon ilon.

2. wahuwa matur nuwun, ḍuḥ saŋ dwija dahat amba pémut, sampun ṅgajaḥ ĕlar ḍumatĕŋ dyan bèi, prayogi kawula sèstu, damĕla inaḥ kémawon.

3. sajĕroniŋ tri tahun, karṣa botĕn karṣaa ki guru, amuŋ karya sintru sĕṅadi tan apti, srĕṅgala wus tan sumahur, uwahuwa mundur alon.

4. wus ḷĕpas lampahipun, samantara paṅulu cumuṇḍuk, radèn bèi amoṅpraja taña aris, hèḥ paman paran lakumu, dènta kumisi lalakon.

5. asu kaŋ karya dudu, uwahuwa maṅkana kaŋ atur, aḍuḥ gusti kawula sampun kapaṅgiḥ, iŋ suracala kaŋ ḍukuḥ, saŋ dwijawara sagawon.

6. nulyamba amaguru, iŋ sasmita rasa kaŋ ginĕluŋ, marma tuhu pun sona cakṣanèŋ ṅilmi, lamyamba tumitaḥ iḍup, dèrèŋ uniŋ lir sagawon.

7. cakĕpiŋ kawruḥ cukup, sasampuniŋ amba sinuŋ tuduḥ, winruhakĕn iŋ tirta nirmaya adi, gèḍèg sutagñarja wuru, warahé sadaya cocog.

8. mĕmĕt aṅlamat ñamut, ṅlaṅut kadya kriḍanirèŋ ĕnur, cahya iṅkaŋ tumĕmpuḥ tikṣwaniŋ ati, nulyamba ḍawuhi mugud, caṅkriman gaṅsal kawiyos.

9. pamĕcahipun turut, winijaŋ wijaŋ tan mawi sintru, malaḥ nétaḥ mriŋ amba kaŋ dakik dakik, dados sukanirèŋ kalbu, taṛĕcĕp kacup acocog.

10. marma ṅiyas pukulun, pinaṣṭèkkĕn kawula tan ṅgayuḥ, dyan winĕḍar ḷĕṛĕs kawula datan wrin, koḍĕŋ dèrèŋ sagĕd paṅguḥ, jarwa makṣiḥ amba batos.

11. ulum puṅsĕŋ iŋ kalbu, awit dalil kuran watonipun, dèn muradi asma musamaniŋ pati, kaŋ patitis iŋ pandulu, amba ugi makṣiḥ kĕpon.

12. wahuwa dènnya matur, bab paṅĕcup caṅkriman agalur, mriŋ dyan bèi purwa madya puwara nis, tandya kawula ḍaḍawuḥ, timbalan paduka katoŋ.

13. utusan wantu wantu, sona kèrida dutaniŋ ratu, kaṭaḥ kaṭaḥ jarwa kawula mriŋ kérid, naṅiŋ kĕkaḥ aturipun, paṅgaḥ tan purun sumahos.

14. kawula dahat gumun, sumĕṛĕp sona klakuwanipun, pamĕḍariŋ warṣita di tama murti, muŋ amba waṅĕni mèstu, jroniŋ tri warṣa sagawon.

15. samana kañcil manut, kapiéramĕn miyarṣa atur, pamĕḍariŋ caṅkriman tuhu patitis, déné bab wijaṅiŋ ṅilmu, kaŋ sinĕṅkĕr tan kacriyos.

16. dyan bèi ṅandika rum, kaya paran paman prayogamu, ki paṅulu muñjuk bab punika gusti, manawi rinodèŋ laku, owĕl prayogi iṅantos.

17. rèhniŋ tan karya rusuḥ, ciptanira muŋ muṣṭi bab layu, datan pisan pisan ṅrĕgonana adil, muhuŋ mogok ambĕguguk, punika sampun rinahos.

18. éman kadibyanipun, éwadèntĕn yèn sampun tri tahun, pĕnĕtipun sona katimbalan maliḥ, winisuḍaa iŋ luṅguḥ, panĕmbahanirèŋ sato.

19. dyan bèi śabdanipun, bĕnĕr naṅiŋ yèn wus tĕluŋ tahun, sun timbali patĕmon aṅadu luṅid, apa gagaṇḍulanipun, ya ta gĕnti kacariyos.

prakarané kuwuk madĕg dadi paguroniŋ para sato ṅanti tumĕka dirampuṅi karampuṅaniŋ paṅadilan praja gĕbaṅtinatar.

53. gambuḥ

1. wontĕn sajuga kuwuk, ṅuni dupi katĕmu lan asu, wruḥ klakuwaniŋ sona ṅanèḥ anèhi, bab tékadira iŋ kalbu, wuwusé kaŋ wus kawiyos.

2. naṅiŋ duruŋ maguru, lagya lambaŋ pasmon adu wuwus, pambĕkané wus baṅkit yayaḥ wrĕka di, putus sarasaniŋ ṅilmu, kuwuk dadya guru kawroḥ.

3. maritkĕn mĕḍar ṅilmu, sato kéwan kanan kériṅipun, muruhita iŋ sasmita lir iŋ pati, maṅkana ṅilmuniŋ kuwuk, méṭok yèn ṅaku hyaŋ manon.

4. uga mogok mbaguguk, ṅuṭa waton tan arṣa umèstu, mriŋ paréntaḥ ṅowahi pranatan kaŋ wis, rina wĕṅi ṅgunĕm ṅilmu, ṅĕḍagakĕn ruṇḍa patrol.

5. déné tékadiŋ kuwuk, iṅsun iki allaḥ kaŋ maha guŋ, nora ana sajatiné maha suci, kawĕṅku ana iŋ aku, gusti kawula wus awor.

6. kèhiŋ murid gumrudug, mèstu iŋ tyas pamardiniŋ kawruḥ, lamun mijaŋ yèn maḷĕm jumuṅaḥ wĕṅi, ragad sarat masrutipun, srikawiné rupa babon.

7. siṅa iṅkaŋ maḷĕbu, ṅaṅgo atur atur babon tĕlu, putiḥ mulus ḍara ḍara dèn sĕnĕṅi, sĕmat mori tĕluŋ kacu, muslim cap ḍuwit kaŋ kaṅgo.

8. rasulan ambĕṅanipun, akèḥ kiwa tĕṅĕn pitik ḷĕbur, déné iṅkaŋ muruhita cèlèŋ babi, luwak saantéronipun, baṅsané kaŋ doyan babon.

9. saya mantĕp si kuwuk, iŋ pamardi ginugu tiniru, rurubané sĕmat pitik mori muslim, kontap kasumbagèŋ catur, kuwuk yèn ṅilmuné moñcol.

10. kuwuk kukuḥ aṅaku, allaḥ mukhammad rasul ḍinaku, dadya akèḥ ḷĕṅlĕŋ kaŋ kaṇḍuhan braṅti, samana katur iŋ ratu, yèn kuwuk maṅuṭa waton.

11. awit édaniŋ asu, majĕnunlaḥ iŋ puji amĕṅku, mĕmĕt umĕtiŋ napi isbat kapuṣṭi, kañcil kagyat dupi ṅruṅu, wartaniŋ kuwuk maṅkono.

12. samana ki paṅulu, aparéntaḥ kĕtib kinèn mlaku, kaŋ wus putus iŋ syarak tataniŋ dini, kakaliḥ liṅsaŋ rasé wus, pratamèŋ kawruḥ sajatos.

13. sakiŋ wulaṅiŋ asu, sira rasé liṅsaŋ maṅkat gupuḥ, mriŋ wismaniŋ kuwuk kinèn animbali, samantara wus kapaṅguḥ, dwi kètib kuwuk taña lon.

14. rasé liṅsaŋ sirèku, tĕkèŋ kéné laḥ apa sĕdyamu, rasé nabda iṅsun dinuta iŋ khakim, wus tĕraŋ ḍawuhiŋ ratu, kañcil amoṅpraja kinon.

15. nimbali sira kuwuk, kudu baṛĕŋ lan salakuniṅsun, kuwuk ñĕntak mariŋ caraka kakaliḥ, hèḥ liṅsaŋ rasé wuwusmu, tanpa tatakramaniŋ woŋ.

16. sun iki muŋ nunuṅku, muja mantra tan pisan ṇḍĕḍaku, tan kabawaḥ déniŋ amoṅpraja kañcil, muŋ allaḥ kaŋ maha luhur, anèŋ kéné wus mbagogok.

54. asmaradana

1. kasmaran duta sun iki, datan nĕdya ṅawulaa, mriŋ sapaḍanirèŋ sato, nora ana iṅkaŋ mréntaḥ, kajaba sukṣmantaya, rina wĕṅi iṅkaŋ kumpul, imbal wacana lan iṅwaŋ.

2. puniku kaŋ sun èstuti, baraŋ solaḥ bawaniṅwaŋ, iṅsun saraḥ sakarṣané, gusti kaŋ murwèŋ rat raya, wus nukṣma ṅéjawantaḥ, anèŋ pañcĕriŋ kalbuku, hèḥ duta sira tutura.

3. liṅsaŋ rasé tanpa pamit, unduré samya plarasan, datan kacrita lakuné, samana wus praptèŋ praja, laju sowan kéwala, mriŋ ki paṅulu umatur, iŋ purwa madya wusana.

4. kagyat wahuwa duk myarṣi, yun paṅgya adu sasmita, samana wisata agé, wus pinaṅgiḥ lan wilpusa, kaŋ nuju ṅgunĕm rasa, paṅulu salam ṅalékum, kuwuk ṅalahikum salam.

5. wuṣṇya kramaniŋ basuki, wahuwa ḍawuḥ mriŋ bréwa, hèḥ kuwuk praptèṅsun kéné, sira tinimbalan préntaḥ, yèku saŋ amoṅpraja, baṛĕṅa lawan lakuku, kuwuk sru sumambuŋ śabda.

6. wahuwa iṅsun tan arṣi, nora kabawaḥ kapréntaḥ, nèŋ bhuminé allaḥ ḍéwé, kalé allaḥ muṅguḥ iṅwaŋ, iya sun rasulullaḥ, iṅkaŋ mĕṅku khayat khayun, maṅani lan maknawiyaḥ.

7. myaŋ sulbiyaḥ wujud mami, tuwin kaŋ sipat napsiyaḥ, tĕtĕp roṅpuluḥ cacahé, sun riṅkĕs dadya sajuga, tĕmahan jĕnĕŋ iṅwaŋ, iṅkaŋ mĕṅku jatullahu, ki paṅulu kipa kipa.

8. laḥ kuwuk iṅsun nĕdya wrin, pĕcahĕn caṅkriman iṅwaŋ, paran muṅguḥ tarbukané, cacahé tĕluŋ prakara, laḥ mara tĕgĕsana, ṅĕndi paṅliṇḍuṅiŋ kalbu, yèn tĕka dayaniŋ apa.

9. yèn lali ñiṅkir mriŋ ṅĕndi, kaŋ kapiŋ kaliḥ caṅkriman, panrima ṅĕndi ĕṅgoné, déné iṅkaŋ kapiŋ tiga, priyé kumpuliŋ rasa, makamé dumukĕn kuwuk, yèn ñata mukmin utama.

10. bakal sun aturkĕn mariŋ, radyan bèi amoṅpraja, sugriwa pasraṅkarané, kyayi sun tan bisa mĕca, nora luwiḥ sadaya, caṅkriman iṅkaŋ kawuwus, datan adoḥ badan iṅwaŋ.

11. maṅkéné maṅkono mami, aja manèḥ kaŋ caṅkriman, gumĕlariŋ jagad kabèḥ, kaguluŋ iŋ jĕnĕŋ iṅwaŋ, allaḥ mukhammad rasa, iku kabèḥ ananiṅsun, déné wijaṅé maṅkana.

12. rasul rasaniṅsun yakti, mukhammad wujud manira, rasul tiṅkaḥ polaḥ iṅoŋ, allaḥ jumĕnĕṅiŋ napas, aṅĕn aṅĕn minaṅka, papatihira hyaŋ aguŋ, kaŋ kuwasa tanpa krana.

13. iṅsun kapréntaḥ pribadi, mariŋ kaŋ masésa iṅwaŋ, mĕṅko si kañcil sĕdyané, ṇḍawuhkĕn dir kumawawa, maréntaḥ mriŋ sasama, apa gagaṇḍulanipun, laḥ kyayi sira wĕcakna.

14. paṅulu sumambuŋ aṅliŋ, hèḥ kuwuk aja maṅkana, kañcil moṅpraja taṇḍané, kabèḥ kéwan wana arga, aṅiḍĕp ṅaṅgĕp nata, saka kumpul kuwatipun, iṅkaŋ gĕḍé hĕḍé rosa.

15. raraton wajibiŋ urip, natasi sukĕrtiniŋ rat, iṅkaŋ tan kapraḥ lakuné, kaŋ mbĕguguk kaya sira, wus déné ṅaku allaḥ, patakon sun warṇa tĕlu, sira nora bisa mĕca.

16. yèn ṅaku allaḥ sirèki, yakti iṅkaŋ ghaib wikan, maṅka sira nora éñjoḥ, muŋ tansaḥ marid mumulaŋ, rina wĕṅi kumpulan, ñiṇṭuŋ ṅlakokaké palsu, siṅa mara ṅgawa ayam.

17. nora bosĕn patiŋ klĕsik, ṅĕḍakkĕn patrol paruṇḍan, akèḥ kaŋ nékad dadiné, suda wĕdiné mriŋ préntaḥ, ṅgĕmpalkĕn tĕntrĕm tama, saka paṅgawému kuwuk, iku kaŋ uwis tétéla.

18. apa sira tan maṅèkṣi, iŋ aṅgĕr pranatan añar, kukum pulisi arané, orḍonnasi piŋ limalas, juni tahun walanda, aṅka sèwu woluŋ atus, pituŋ puluḥ ro sĕtatblad.

19. aṅka satus sawĕlas wis, winuryan iŋ tĕmbuŋ jawa, tuwan wintĕr suwarginé, mamriḥ nétaḥ puṅguŋ muḍa, jroniŋ pasal piŋ tiga, bab kapiṇḍo pariŋ pémut, nora kĕna kĕkumpulan.

20. déné pasal kapiŋ kaliḥ, bab tĕlu likur jajarwa, siŋ sapa kaŋ wani mogok, datan manut iŋ paréntaḥ, iŋ woŋ kaŋ antuk lilaḥ, wusana sirèku kuwuk, tan anut pranatèŋ praja.

21. kaŋ aran aṅgĕr pulisi, akèḥ iṅkaŋ sira laṅgar, déné lakunta maṅkono, laḥ ta apa lali sira, uṇḍaŋ kaŋ kabyawara, iŋ satanaḥ kéné kuwuk, tĕtĕp wus tan bisa siṅlar.

22. lan sira ṅapusi, ṅilmu linirikkĕn sĕmat, iku ṅilmu apa bahé, sanadyan kawruḥ kaŋ ñata, yèn ṅaṅgo mamèt ruba, mori muslim pitik tĕlu, iyèku dubillaḥ sétan.

23. sétan manukṣmèŋ idajil, dajal laknat kaya sira, tĕtĕp yèn ṅilmuné goroḥ, mukhammad rasul nèŋ sira, paṅrasamu wus pana, tan wĕruḥ kalamun tawur, kuwur kuraŋ iŋ sasmita.

24. aṅĕn aṅĕnmu sirèṣṭi, papatihira hyaŋ sukṣma, napasira maha manon, kaya guru panaraga, kaŋ putus napi isbat, lan manèḥ kaŋ paḍa ṅgugu, pikir iṅkaŋ kaya sira.

25. tan wun katiwasan paṣṭi, badanmu kaŋ bakal ñaṅga, ati tan ana sikṣané, kajaba badanmu bréwa, kaŋ anampani sikṣa, wit pambujukmu kasĕbut, aṅgĕr kukumiŋ nèdarlan. 26. déné kukum syarak muni, sapa kaŋ ṅaku paṅéran, tan wuruŋ pinoṭèŋ poṭèŋ, pinatèn tan lumraḥ kaṭaḥ, awit cĕgahiŋ syarak, laḥ éliṅa pituturku, mumpuŋ duruŋ kalampahan.

27. gĕtuna duruŋ nampani, yèn sira bakal sarjana, duña praptèŋ akhir kaṅgo, ṅratuwa khlipahiŋ sukṣma, papakuniŋ bhuwana, panatagamaniŋ rasul, yéka kañcil amoṅpraja.

28. aṅiḍĕpa lahir batin, pranatané kaŋ wus komram, gumlar cakraniŋ rat maṅké, koṅsi praptèŋ praja liyan, pracihnaniŋ sinihan, iŋ sasami sami suyud, mriŋ kañcil kaŋ susilarja.

29. purwarja tĕntrĕmiŋ bhumi, guwa guṭaka myaŋ juraŋ, gunuŋ ḷ‍ĕḷĕṅkèḥ pĕpèrèŋ, alas rañcaḥ tarataban, wus katĕkĕm sadaya, natasi durṣilèŋ laku, sinakolaḥ budi dharma.

30. supaya mulya tyas wĕniŋ, ṅambar ambaré utama, kotamaniŋ tyas yĕktiné, winruhkĕn budyambĕk santa, doracara kabèṅkas, tĕkèŋ maṅké wus tan cukul, dadi ayuniŋ bhuwana.

31. marma sira sun jarwani, supaya atimu aja, kaluruŋ kaya maṅkono, awuniŋ lupiya kuna, pira pira kapĕkṣa, kataman iŋ kukum dudu, apa sira tan miyarṣa.

32. pawarta kaŋ wus waradin, lumĕbu iŋ layaŋ kabar, kañcil amoṅpraja moñcol, koṅas kasumbagèŋ jana, mañcasi doracara, ḷĕbur tĕmahan rahayu, iŋ duña akhir jinaga.

33. kuwuk wus datan mraduli, maraŋ jarwaniŋ wahuwa, kaŋ tansaḥ kukuḥ pikiré, ṅantĕpi ṅaku paṅéran, tan miriŋ tan pramana, sigra mundur ki paṅulu, ḍumatĕŋ gĕbaṅtinatar.

34. iŋ marga datan winarṇi, wus sowan mriŋ amoṅpraja, kyayi paṅulu aturé, aḍuḥ déwaji patikbra, sampun ṅatas wikara, pinaṅgiḥ lawan pun kuwuk, abĕn surasa sasmita.

35. kawula puriḥ ñjarwani, caṅkriman tigaŋ prakara, paṅĕcupipun sumpaṅso, botĕn sagĕd tétéla traŋ, ṅawur nasar iŋ syarak, tĕtĕp kuwuk éla èlu, kèlu saŋ srĕṅgala dwija.

36. naṅiŋ dahat tan patitis, datan wikan iŋ wéwéka, nadyan ṅilmu botĕn éñjoḥ, suprandosipun mampulkun, kaṭaḥ kaŋ asuŋ ruba, sintĕn sintĕn kaŋ maguru, aṅsuŋ sĕmat mori séta.

37. tĕmahan mbaguguk sami, prasasat punika kraman, aṅĕḍagkĕn ruṇḍa patrol, sampun tan mawi pratélan, sakiŋ paṅintĕn kula, datan sahé dadosipun, adatiŋ kina makina.

55. ḍaṇḍaŋgula

1. ṇḍaṇḍaŋ risakipun kaŋ nagari, awit sakiŋ janma pakumpulan, ṅilmu paguron lakuné, kaṭaḥ pra mañca sayuk, watak wantunipun iṅaji, aṅgĕpipun kuwasa, dadya koṇḍaŋ kiduŋ, tumular paṅaḷĕmbana, katĕmahan kaŋ boḍo purun ṅantĕpi, karya risakiŋ praja.

2. amoṅpraja kañcil duk miyarṣi, aturira paṅulu wahuwa, yun tinindakakĕn agé, tumulya aḍaḍawuḥ, maraŋ baṇṭèŋ saŋ nindyamantri, saha jakṣa dirada, kaŋ kinèn aṅrĕmbug, nuli wadananiŋ jakṣa, animbali maraŋ garaṅan kakaliḥ, lan luwak catur prapta.

3. tinalènan linĕbĕtkĕn buwi, luwak sakawan kaliḥ garaṅan, samya dahat gĕgĕtuné, kabèḥ tan antuk turu, datan bhoga ṅombé tan arṣi, anèŋ jroniŋ kuñjara, tan kuraṅan sĕkul, naṅiŋ yèn woŋ kasusahan, sumpĕg pĕtĕŋ iŋ budi ṅranuhi sĕḍiḥ, dupyantara roŋ dina.

4. winĕtokkĕn sakiŋ bluwèn kaṇṭi, pinusara tumbak caṅgaḥ ṅayap, mriŋ pajakṣan lir adaté, mabukuḥ sahos ṅayun, nulya jakṣa pasraṅkara ris, hèḥ luwak lan garaṅan, apa prakaramu, déné sira tinalènan, klĕbèŋ sĕpir blakaa bahé woŋ bĕcik, matur garaṅan luwak.

5. ḍuḥ bĕndara kawula tan uniŋ, tinimbalan ṅarṣaniŋ paréntaḥ, linĕbĕtakĕn iŋ buwèn, dèrèŋ wrin sababipun, kaliḥ dintĕn tansaḥ ṅrĕrintiḥ, tĕmaḥ amba kaprikṣa, iŋ prakawisipun, sèstu kawula tan prikṣa, radèn jakṣa ṅandika sira dèn buwi, nagara miṛĕŋ warta.

6. sira paḍa mbaguguk tan apti, aṅlakoni wajibiŋ padésan, ruṇḍa patrol kamĕṣṭèné, kumpulan siyaŋ dalu, patiŋ klĕsik mulaṅkĕn ṅilmi, akèḥ kaŋ karusakan, rèḥ pitik kobujuk, ñiṇṭuṅi babon kaŋ ḍara, sirapusi liniru catur kaŋ sĕpi, sĕpa kaŋ tanpa ñata.

7. turtur ṅayawara wuruk éblis, sira sĕdul gañjaran akhirat, sarupaniŋ boḍo kabèḥ, paḍa kèlu aṅgugu, aṅgaṇḍuli rèḥ tanpa budi, wit ujarmu ñaarkara, watĕké woŋ ḍusun, ṅgugu mriŋ crita kaŋ mokal, nulya luwak lan garaṅan matur aris, aḍuḥ kaṅjĕŋ paréntaḥ.

8. tan rumahos kawula yèn marid, bab kumpulan iṅgiḥ èstu ndara, pun kuwuk kaŋ miridaké, maṅkya jumĕnĕŋ guru, kaŋ ginĕga jarwaniŋ ṅilmi, kawula saha kañca, muŋ sami maguru, muruhita bab kamukṣan, kapuṇḍutan sĕmat babon mori muslim, katampènan pun bréwa.

9. rèḥ pun kula éla èlu kèli, lalu luluḥ tumanĕm iŋ jiwa, winulaŋ ṅilmu patiné, kuwuk kaŋ dibya tuhu, ulaḥ saṅkan paraniŋ pati, pati patitis dahat, jroniŋ urip wus wruḥ, déné ruṇḍa patrol tanpa, awit kyayi guru kaŋ sampun ṅidèni, tan suka manut kaṭaḥ.

10. bhumi laṅit wus kadarbé kami, makatĕn warahipun mriŋ amba, ḍuḥ bĕndara kula maṅké, pinidosèŋ pakéwuḥ, malbèŋ sĕpir tinaligoci, liṅluŋ biṅuŋ tyas amba, sumpĕké kalaṅkuŋ, datan wandé maṅgiḥ sikṣa, radèn jakṣa pasraṅkara ṅariḥ ariḥ, hèḥ ta garaṅan luwak.

11. lan blakaa bahé sun tulisi, apa ṅilmuniŋ kuwuk aturṇa, myaŋ wĕjaṅan sakabèhé, supayèṇṭèŋ awakmu, rol pulisi dumadi sakṣi, nadyaŋ muṅgaha landrad, yèn blaka aturmu, bésuk sirantuk gañjaran, lakon sapal mĕñaŋ muliḥ tampa ḍuwit, roŋ kĕṭip ran pituwas.

12. sira luwak catur datan apti, matur blaka ḍumatĕŋ paréntaḥ, bab wijaṅan sabarèsé, ṅaku datan maguru, nulya luwak sinĕpir maliḥ, linĕbokkĕn kuñjara, rèhniŋ datan ṅaku, muhuŋ garaṅan karwéka, matur blaka tumulya sinawuŋ tulis, maṅkana wijaṅira.

13. dumunuṅiŋ badan kawulèṣṭi, liripun allaḥ napas kawula, rasul rasamba yaktiné, mukhammad dunuŋ wujud, déné aṅĕn aṅĕn lan pikir, punika kaŋ minaṅka, patihiŋ hyaŋ aguŋ, déné béñjaŋ yèn wus masa, tĕkèŋ jaṅji wontĕn taṇḍa kaŋ kahèkṣi, warṇi pituŋ prakara.

14. nulya aṅĕn aṅĕn ṅguluŋ aṅin, napas kawula tĕmbé dèn ikal, prasasat aṅikal lawé, yèn lawé sampun puput, aṅĕn aṅĕn umijil sakiŋ, giṭok kula punika, jumĕnĕŋ hyaŋ aguŋ, mratani iŋ sabhuwana, iŋ sakarṣa karṣa manira pan dadi, tĕtĕp badan sukṣmana.

15. sirik lamun iṅaranan pati, sahèstuné muŋ ṅaliḥ paṅgènan, gĕsaŋ laṅgĕŋ salaminé, sakarṣa khayun tutug, tanpa pétaŋ iŋ dintĕn akhir, kiyamu sipat baka, kañjan mukmiyanu, sampat sañataniŋ laya, suptèŋ pati kaŋ patitis dèn kawruhi, kadriya tanpa masa.

16. criyosipun ki guru iŋ kami, wajib atasiŋ sato cakṣaṇa, miliḥ sakarṣa karṣané, kaŋ sampun katur wahu, wontĕn waraḥ amiliḥ maliḥ, sasĕnĕŋ sĕnĕŋ amba, rèḥ kaguṅan ulun, tan wontĕn gusti kawula, lamun nĕdya umañjiŋ iŋ rasa kéṅiŋ, tumaṅgal mriŋ manusa.

17. tĕtĕp nukṣma jumĕnĕṅiŋ wadi, madi mani manikĕm tumaṅgal, bayi putraniŋ pamasé, déné yèn arṣa nusup, panĕṅĕran baḍé kahèkṣi, wontĕn pañcĕriŋ nétra, kagèhan kadulu, akaṭaḥ piwulaṅira, iṅkaŋ wados tuwin sirikanirèki, sumaṅga atur kula.

18. jakṣa nabda mriŋ garaṅan kaliḥ, bab wijaṅan kaŋ maṅkono iya, ṅilmu iṅkaŋ wadi kabèḥ, apa kuwuk wus wĕruḥ, lan apa wus tahu ṅlakoni, pribadi kaŋ kadyèka, yèn wus tahu wĕruḥ, myaŋ sira ḍéwé wus wikan, kañataan sigra kinèn anulisi, nèŋ pĕrklariŋ paturan.

19. wus tinulis déniŋ juru tulis, yèku añjani lawan pragosa, rahad sarat lan ṅilmuné, jakṣa paréntaḥ gupuḥ, mriŋ macanan kinèn ṅuculi, bandan garaṅan karwa, garaṅan sru nuhun, tumuli dèn irid sigra, dwi garaṅan katur iŋ saŋ nindyamantri, lajĕŋ sowan moṅpraja.

20. tinupikṣa punaŋ srat pĕrklariŋ, wuṣṇya titi waṣpadèŋ pamawas, gañcar pahamiŋ nalaré, maṅkono woŋ pinuñjul, lamun arṣa mrikṣa prakawis, nalaré kudu apal, yèn tan apal jiguḥ, liṅak liṅuk nora bisa, lamun muwus numpaṅi kéwala gampil, iya iku tyas ciṅkraŋ.

21. séjé lawan amoṅpraja kañcil, yèn ana prakara kudu apal, wĕruḥ bĕnĕr pan luputé, iku yogya tiniru, aywa isin mèt waraḥ kañcil, sanadyan kéwan wana, naṅiŋ tyasé bahut, putus pamawasiŋ nétya, déné jurutulisé uga wus baṅkit, ṅĕtrapakĕn ukara.

22. nulya nabda radèn bèi kañcil, maraŋ jakṣa hèḥ amoṅpradata, si kuwuk tarikĕn agé, santosanana laku, aywa koṅsi cabar iŋ kardi, yèn mogok uwisana, luṅa konĕn ñjujul, lamun lara ginotoṅa, kaŋ iṅagñan sandika nulya anudiŋ, kapĕtĕṅan macanan.

23. iṅkaŋ samya kinèn animbali, gogor wraṅas macan tuwin warak, gumrudug ĕlur lakuné, watara woluŋ puluḥ, saṅkĕp tumbak caṅgaḥ myaŋ tali, tan winarṇa iŋ marga, samantara paṅguḥ, sugriwa lagi mumulaŋ, akèḥ para murid iṅkaŋ dèn warahi, macan sĕṛĕŋ wuwuṣṇya.

24. hèḥ pak kuwuk tĕkaniṅsun iki, cinundaka iṅkaŋ kinawasa, masésani jagad kéné, animbali sirèki, nora kĕna mopo sahiki, wilpusa nabda sugal, hèḥ moŋ sun tan ayun, nora rumasa kabawaḥ, kaparéntaḥ kajaba allaḥ pribadi, kaŋ sun gugu ḍawuḥnya.

25. glis baliya macan kaŋ prayogi, sun tan arṣa lamun sumiwia, sima aṅgrĕgut tandaṅé, kuwuk tandya tinubruk, wus kinuwĕl iŋ suku kériŋ, kuwuk dadi sakluwak, tinalènan gupuḥ, déné para muridira, babi cèlèŋ kaŋ nèŋ kono uga kérid, akèḥ iṅkaŋ karuna.

26. patiŋ glĕro sora swarèŋ taṅis, jalu èstri sambat sambat pĕjaḥ, patiŋ crĕṅèk para raré, atut puṅkur iŋ kuwuk, datan daṅu wontĕn iŋ margi, praptèŋ gĕbaṅtinatar, kĕsari añjujug, pajakṣan saha wilpusa, radèn jakṣa aḍaḍawuḥ maraŋ dèbi, kinèn tĕrus sĕpiran.

27. déné luwak cèlèŋ tuwin babi, santéro tan klilan pinañjara, kuwuk linĕbokkĕn agé, iŋ buwèn akèḥ pra dur, samya surak suka iŋ ati, maṅkono adatira, kuwuk saya suntrut, awit kaŋ nèŋ kono buṅaḥ, cĕkakakan suka suka tiŋ jaḷĕrit, wus watĕkiŋ sakitan.

28. kuwuk kucĕm iŋ nétya rèḥ isin, naṅiŋ pisaḥ tan winor iŋ kaṭaḥ, muŋ suda karikuhané, tansaḥ ñjĕṅĕr añjĕntuŋ, sumpĕk pĕtĕŋ budiné gusis, kira kirané braṣṭa, nalar sirṇa larut, wus tan pisan ñipta gĕsaŋ, sakiŋ déné tinutup buwi asĕḍiḥ, tansaḥ ñipta pralaya.

29. déné saguŋ iṅkaŋ murid murid, samya kèri tuṅgu nèŋ pajakṣan, luwak babi tuwin cèlèŋ, kumpul sila mabukuḥ, aṅĕntèni ḍawuhiŋ nagri, sarta makṣiḥ jinaga, jinĕman sĕpiyun, sarayuda datan pisaḥ, gogor wraṅas macan kombaŋ tutul jagi, ri wusñantara dina.

30. kaparikṣa sarta dèn tulis, dènnya maguru maraŋ wilpusa, ragad sarat lan masruté, apa déné kaŋ ṅilmu, tékadira iṅkaŋ kahèṣṭi, babi wraha prasaja, matur rèntès galur, riṅkĕsanirèŋ pamijaŋ, yèn iŋ tĕmbé sakarṣanira pribadi, cocog lawan garaṅan.

31. tĕraŋ tĕrus kamot iŋ pĕrklariŋ, ḍinawuhan babi lan aṇḍapan, kinèn muliḥ mriŋ wismané, amituhuwa ḍawuḥ, ruṇḍa patrol kadya iṅkaŋ wis, préntahiŋ lurahira, iŋ bab kapiŋ wolu, aṅgĕr indiya nèdĕrlan, pituŋ dina sapisan répot pulisi, caranirèŋ padésan.

32. lawan manèḥ sawatara ari, lamun ana ḍawuhiŋ pradata, séba landrad sira kabèḥ, sébaa yun pinutus, babi cèlèŋ umatur iṅgiḥ, tuwin murid sadaya, wus kari lan mundur, mriŋ wismané sowaŋ sowaŋ, praptèŋ wisma sadaya samya mumuṇḍi, ḍawuhirèŋ paréntaḥ.

56. asmaradana

1. limut braṅtanirèŋ ati, kuwuk nèŋ jroniŋ kuñjara, aṅgagas gagas dadiné, tumĕmpuhiŋ kasaṅsaran, kabĕnĕran samana, kaŋ nuju jaga iŋ ṅriku, liṅsaŋ rasé nirwikara.

2. mrĕpĕki mriŋ èmpèr sami, ṅiñjĕn saka iŋ caṇḍéla, liṅsaŋ rasé taña alon, mriŋ kuwuk kaŋ guŋ suṅkawa, hèḥ bréwa paranbaya, déné ta sira tinutup, iba susahé tyasira.

3. wilpusa maṅsuli ririḥ, wruhanamu rasé liṅsaŋ, sun kĕna pitĕnahiŋ woŋ, dadi guru nora kĕna, jaman maṅké nagara, norantuk maridkĕn ṅilmu, sun duruŋ sumurub warta.

4. laju dèn cĕkĕl sinĕpir, tur ñatané kawruḥ iṅwaŋ, mĕmĕt ñamut ñamut rasé, parandéné pinahéka, apa sababé liṅsaŋ, tuduḥna kluputaniṅsun, tan dosa klĕbèŋ kuñjara.

5. lakuné jaman sahiki, déné tan kĕna mumulaŋ, liṅsaŋ rasé gèḍèg gèḍèg, ho o déné kuwuk sira, tan wruḥ tataniŋ praja, kaŋ wus maratani mashur, pranatanirèŋ nagara.

6. wis tinĕmbuṅakĕn jawi, ordĕnnasi sĕtatsĕblad, nora kĕna woŋ datan wroḥ, wus anèŋ margi prapatan, pira pira cĕgahan, lir klakuwanta kasĕbut, dèn gantuṅi pahukuman.

7. prasan atiku sira wis, iṅsun sira kabèḥ paḍa, winulaŋ apa kĕlalèn, tinuduhkĕn jarwa tama, paṅajaran mulyarja, apa tan cumaṇṭèl kalbu, déné sira tan uniṅa.

8. awèḥ bahé mulaŋ ṅilmi, kawruḥ iṅkaŋ kaya apa, kaŋ dakik dakik kaŋ anèḥ, ujĕr tan mamèt ruruba, kaya patrapmu bréwa, yèn mumuruk kaṇṭi bujuk, mori moslim pitik ḍara.

9. maṇḍak ṅaṅgo ragad riṅgit, akèḥ iṅkaŋ karusakan, tur nora ana ñatané, awit crita ṅayawara, waraḥmu tanpa taṇḍa, kokaṇḍani swarga bésuk, aṅgugu kaŋ puṅguŋ muḍa.

10. sira ḍéwé duruŋ uniŋ, prandéné wani wawaraḥ, wus paṣṭi yèn tutur goroḥ, ḍĕṅĕrmu muŋ kira kira, sira aṅgĕp wus ñata, saka pituturiŋ guru, pinuṇḍi pinuja puja.

11. tur kaŋ nuturi woŋ urip, paḍa bahé lawan sira, duruŋ aṅlakoni mahot, tĕtĕp sira woŋ kasasar, mblasar riŋ kahuripan, dadi klĕbu woŋ mbĕbujuk, tan sĕnĕŋ maraŋ raganta.

12. ṅrusak silakramèŋ bhumi, lan manèḥ sira pĕpréntaḥ, mriŋ para muridmu kabèḥ, ruṇḍa patrol sira cĕgaḥ, aṅĕḍagkĕn plapuran, iŋ mĕṅko sira kaḷĕbu, kuñjara ywa takon dosa.

13. hèḥ boḍo tĕmĕn sirèki, tan wĕruḥ maraŋ plaṅgĕran, apa tan sakolaḥ biyèn, déné anané wus lawas, watara sèkĕt warṣa, praptaniŋ sahiki kuwuk, gumĕlariŋ pamulaṅan.

14. apa sira tan mraduli, ṅaji sastra jawa arab, nadyan umurmu wus akèḥ, kabacut sira wus tuwa, muŋ gĕtun atinira, kaŋ maṅkono iku luput, jamaké atatakonna.

15. ujariŋ kitab woŋ urip, wa ṅamal ṅalam murakab, iku lapal pardikané, ṅamal iku iya sira, murakab tambaḥ tambaḥ, nora ana ĕntèkipun, muṇḍak dina tambaḥ karṣa.

16. nadyan kapintĕran ugi, yèn pinarṣudi iŋ sĕdya, tabĕri paṣṭi yèn éñjoḥ, naṅiŋ sirèki kalénan, tan cukup iŋ agĕsaŋ, jalarané kuraŋ wuwuḥ, iŋ kawruḥ murti sarjana.

17. ciptanta muhuŋ ṅantĕpi, ṅilmu sampurṇèŋ akhirat, sampurṇèŋ dunnya tan dahwèn, nora opèn pisan pisan, maṅkono woŋ katunan, ḍĕmĕn ṅilmu kaŋ cinatur, tiŋ klĕsik lir adol sétan.

18. yèn ana woŋ séjé murid, lir oroŋ oroŋ kapidak, cĕp klakĕp mĕnĕŋ tan ṅoprès, lamun micara gumisa, lir prokrur batawiyaḥ, naṅiŋ wuwus tanpa wujud, kuwuk woŋ kaŋ kaya sira.

19. apa manèḥ kumawani, nékadi ṅaku paṅéran, allaḥ mukhammad nèŋ kowé, rasul rasanira bréwa, lamun maṅkono maṅkya, laḥ coba ñjaluka tuluŋ, allaḥmu kaŋ anèŋ sira.

20. éṅgala bisa nuluṅi, rèhniŋ kuwuk wus satmata, mriŋ paṅéran paṅgonané, jamaké wus sira puja, paṣṭi ṅluwari bisa, aja manèḥ maha luhur, malékat bahé kaprantas.

21. ṅrusak kuñjara puniki, roŋ mĕnit kéwala bubraḥ, akèḥ woŋ wĕdi mriŋ kowé, sun paṣṭèkakĕn wilpusa, sira tan bisa luwar, rèhniŋ salawasé duruŋ, na malékat ṅgawa ḍoṅkrak.

22. gusti allaḥ ṅgawa liṅgis, kaya uga duruŋ ana, rèḥ wus koḍaku wujudé, laḥ mara nuli wĕtokna, dikira napi isbat, isbatna supaya tuluŋ, ṅluwari saka kuñjara.

23. mulané wĕruha kyayi, ṅilmu makripat akhirat, kaŋ tĕmĕn ñamut jaréné, ḷĕmbut muluk lamat lamat, tan bisa naṅguŋ lara, nora bisa awèḥ ayu, ywa ṅĕndĕl ĕndĕlkĕn sira.

24. kawruḥmu bisa nuluṅi, awèḥ sampurṇaniŋ gĕsaŋ, myaŋ sampurṇèŋ akhiraté, akhir manèḥ yèn iyaa, iŋ duña nora daya, iya yèn kaya saŋ wrĕku, kaŋ subrata suracala.

25. swagñana krĕtarta murti, bahut nambuŋ saha mbéṅkas, ṅaku muṅkir putus ñjèrèŋ, ṅatas wikara nirmala, maladi kaŋ jinarwa, wicakṣaṇa ñamut ñamut, murtyadi mandaya ṛĕtna.

26. lir narmada sarkara di, diniŋ kanaŋ kajuwara, kawĕntar riŋ jagad kabèḥ, ṅilmuné agal ṅaléla, kaprikṣa saya tĕraŋ, iṅsun kira pamikirmu, mirib saŋ srĕṅgala dwija.

27. anaṅiŋ datan patitis, pĕtĕŋ gasruḥ nuñjaŋ nuñjaŋ, ambrobos kacaṇṭèl caṇṭèl, séjé lan saŋ dwija sona, kaŋ anèŋ suracala, nora ṅayawara gasruḥ, paṇḍakunira prasaja.

28. ṅaku kawula ñukupi, yèn ṅaku paṅéran limpat, wus ṛĕjasèŋ jaba jĕro, mlĕbu mĕtu campur juga, ṅatas kararjèŋ puja, tapsir awal akhir putus, kĕmput sacakraniŋ duña.

29. warata lir juru warti, locomotiép jawa koran, saŋ srĕṅgala kotamané, tikĕl sayuta lan sira, lan duruŋ pisan mantra, dudu timbaŋ lan kawruḥmu, tan mèmpĕr ṅilmumu bréwa.

30. manawa wujudiŋ pikir, napas bahé sèwu gampaŋ, mukhammad rasul ñjlĕkèṭèk, gumlèṭèk cèṇḍèk cèṇḍèkan, sira wus wani mĕjaŋ, yèn gĕbaṅtinatar iku, sabĕn kéwan bahé wikan.

31. nora pisan dèn ṅgo wadi, rèḥ tan pisan mélik ayam, yèn ṅilmu kaya maṅkono, uga paḍa kinawruhan, naṅiŋ dudu laraṅan, iṅsun nora jĕnĕŋ guru, kaŋ maṅkono sèwu gampaŋ.

32. laḥ bok aja wani wani, mijaŋ patrapiŋ kamukṣan, éman manawa kataṅgor, para murid suracala, kaŋ wus nirdyèŋ dyatmika, putus wikaraniŋ kawruḥ, tamtu sira kaṭèṭèran.

33. hèḥ kuwuk kapriyé ĕndi, allaḥmu kaŋ kowor jiwa, añjaluka pituluṅé, yèn ñata nèŋ duña bisa, iŋ khirat uga bisa, yèn sahiki tan tutuluŋ, akhir manèḥ yèn iyaa.

34. pikiṛĕn tutur sun iki, dudu ujar ṅéraŋ éraŋ, muŋ sajarwa sabĕnĕré, ḷĕbokna cakraniŋ nala, lan maliḥ sun awarta, sajati jatiniŋ ṅilmu, sĕsĕnĕṅan paṅaṅgĕpnya.

35. datan ĕṇḍèk datan iṅgil, jaṅji ywa mélik ruruba, paréntaḥ ṅlilani bahé, rèhniŋ kawruḥ kabèḥ tanpa, ñata sakṣi tan ana, cina landa buddha hiṇḍu, bab akhirat tan pratéla.

36. muŋ dwija suracalardi, traŋ pamawaṣṇya mriŋ arab, dalil kuran pambudiné, titi tètèḥ kasatmata, paṅudiniŋ dalalaḥ, bisa wruḥ isi lan suwuŋ, marma kalané samana.

37. ki paṅulu manraŋ wèṣṭi, sinĕḍahan karṣèŋ praja, dinuta paṅgya sagawon, sarta mariṅkĕn pralambaŋ, caṅkriman limaŋ pasal, kacupan paṅulu sujud, ṅaras padané saŋ dwija.

38. tur tutuwané iŋ ṅriki, kaŋ ambèṅkas maraŋ tékad, mukmin khas sĕmbaḥ pujiné, prandéné wawa kasoran, adu rasa sasmita, mriŋ kañcil moṅpraja matur, kañcil uga kawèḍĕṅan.

39. sakiŋ juḍĕgiŋ pamardi, iŋ maṅkya makṣiḥ rinĕmbag, amuŋ sakiŋ mbaguguké, tinimbalan iŋ nagara, yèku tan dadi apa, awit pamaridiŋ ṅilmu, tan pisan mélik ruruba.

40. séjé lan sirèku kyayi, idĕr ṅilmu mrana mrana, ṅalor ṅidul golèk babon, mori muslim tuwin sĕmat, iku sababmu bréwa, cinĕkĕl laju tinutup, tuṅgu landrad prakaranta.

41. sugriwa dupi miyarṣi, mriŋ jarwaniŋ rasé liṅsaŋ, sadarpa gĕgĕtun tyasé, maṅkana sabdèŋ wilpusa, rasé iki prakara, kawruḥ kuwuk bubar larut, brĕsiḥ gusis tanpa tilas.

42. kaŋ kobuka puṇḍèn mami, yèn maṅkono awak iṅwaŋ, luput anampani babon, paṅrasaniṅsun wus lumraḥ, iŋ yugya surakarta, yèn woŋ aṅgĕguru ṅilmu, ṅaṅgo pitik mori arta.

43. kudu iṅsun tibèŋ sĕpir, wus paṣṭiné awak iṅwaŋ, woŋ dadi guru ginĕḍoŋ, iŋ tanaḥ jawa tan kuraŋ, sabĕn kéwan wus tuwa, akèḥ kaŋ ḍĕmĕn kawruhku, lamun ñata nora kĕna.

44. sun kira akèḥ kaŋ blahi, para guru surabaya, sapaṅétan sapaṅulon, trus batawi bantĕn pisan, rasé sumambuŋ śabda, yakti bahé lamun kruṅu, naṅiŋ adaté woŋ praja.

45. golèk golèk datan arṣi, yèn tan ana iṅkaŋ gugat, kawarta rusakiŋ akèḥ, nora praduli iŋ patrap, maṅkono woŋ danurja, kaŋ putus wasésèŋ kukum, salaḥ bĕnĕriŋ prakara.

57. mijil

1. saŋ amoṅrat mijilakĕn budi, klahiran kémawon, amañcasi durṣila sakèhé, tinétaḥ mriŋ tindak tama yukti, kayaktèn sanagri, tanpa laku dudu.

2. ṅilmu akhir uga yèn binudi, duña praptèŋ mahot, yèn wus cakĕp cukup pracihnané, winulaṅkĕn nora mamriḥ ḍuwit, lir patrapmu kaŋ wis, yèku babiŋ luput.

3. iṅkaŋ maṅka kawruḥmu tan titis, aṅawur tumpaŋ so, gasruḥ bahé tuna luwiḥ rèmèḥ, romot romotan aṅgĕpmu mĕṭit, sajatiné koḍig, kaṇḍĕg duruŋ tĕrus.

4. ṅilmuniṅsun kéwala ṅuṅkuli, tan dadi paguron, aja iṅkaŋ wahuwa ṅilmuné, tikĕl satus duruŋ aṅiribi, wus déné dyan bèi, amoṅpraja puñjul.

5. tikĕl sèwu tinimbaŋ lan mami, déné ta sagawon, tikĕl satus yuta watarané, sira kuwuk saya mĕlasasiḥ, naṅis mĕmpis mĕmpis, kaŋ wus klakon gĕtun.

6. nuli muwus nor raga ṅrĕrintiḥ, mukané acĕlom, kayaparan liṅsaŋ wĕkasané, bésuk apa luwar iṅsun iki, tan bĕtaḥ nèŋ buwi, rasé nambuŋ wuwus.

7. laḥ mĕnĕṅa bahé sira ḍisik, ṅĕntènana ĕrol, nuli muṅgaḥ landrad nora suwé, kawuwusa jakṣa animbali, kuwuk kinèn mijil, tinalènan gupuḥ.

8. iŋ macanan tumuli dèn irid, mriŋ jakṣan sumahos, aṅĕlob ĕlob araŋ kĕḍèpé, nulya jakṣa nabda mriŋ kaŋ kĕrid, hèḥ kuwuk sun puriḥ, iŋ katĕmĕnanmu.

9. kaŋ prasaja kéwala ywa kidip, kabèḥ kaŋ kalakon, sira dadi guru maridaké, ṅilmu apa kaŋ siraṅgo marid, lan watonmu ĕndi, wali nabi kaŋ wus.

10. lawan apa ragadirèŋ murid, saraté santéro, aturira kuwuk datan barès, siṅlar dènnya wus nampani ḍuwit, pitik mori muslim, datan dadya guru.

11. wali wali myaŋ pinindi pindi, kuwuk kukuḥ mopo, lara nadyan tumĕkèŋ patiné, ñumaṅgakkĕn karṣaniŋ nagari, sawusira titi, aturaniŋ kuwuk.

12. wus tinulis kamot iŋ pĕrklariŋ, urutiŋ pitakon, para sakṣi ṅiṅgil paturané, aṅka siji prosèsiŋ kumisi, macan warak tuwin, wraṅas gogor klĕbu.

13. nulya gugat sakṣi aṅka siji, sira garaṅan ro, luwak salira paḍa baṅsané, nulya laṇḍak cèlèŋ gĕñjik babi, luwak iṅkaŋ muṅkir, kapat makṣiḥ tutup.

14. maṇḍak dadi pasakitan awit, paturané mopo, tiniti titi tan g‍ĕḷĕm barès, tĕtĕp lamun wus sahéka kapti, sakoṅkĕlan sami, pambujukiŋ kuwuk.

15. bréwa nuli kinèn bali mariŋ, sĕpiran ginĕḍoŋ, dupyantara lami pambuwiné, pasakitan yun dèn rol pulisi, sigra dèn ḍawuhi, dinané kaŋ tamtu.

16. kinèn sowan paprikṣan kriminil, samana ri ṛĕbo, déné iṅkaŋ minaṅka présiḍèn, patiḥ kartipraja kaŋ ñĕpuhi, jakṣa lan paralid, tiṇḍihé paṅulu.

17. para sakṣi cèlèŋ saha babi, myaŋ garaṅan loro, pasakitan wus sumahos kabèḥ, dyan pinrikṣa sakiŋ siji siji, cocog lan pĕrklariŋ, tan siwaḥ sarambut.

18. sigra luwak catur kuwuk siji, makṣiḥ samya goroḥ, aṅandika kyana patiḥ baṇṭèŋ, hèḥ dwirada bab prakara iki, aran apus krami, sun tan kwasa mutus.

19. muṅgaḥ landrad bésuk dina kĕmis, pamañcasiŋ kéwoḥ, pasakitan ḷĕbokĕna manèḥ, mriŋ kuñjara tuṅgu sawatawis, sigra bubar sami, luwak saha kuwuk.

20. binalèkkĕn maraŋ jroniŋ buwi, ya ta kacariyos, sira luwak papat iṅkaŋ anèŋ, sĕpir sami ṛĕṛĕmbugan muriḥ, èṇṭèṅiŋ prakawis, kaŋ sawiji muwus.

21. hèḥ ta sanak sanak bésuk kĕmis, nèŋ landrad sumahos, paḍa blaka kéwala yogyané, supayèṇṭèŋ bisa mañjiŋ sakṣi, marmané sinĕpir, bab tan g‍ĕḷĕm ṅaku.

22. biyĕn biyĕn aṅakuwa sami, ora yèn ginĕḍoŋ, ḍasar kaṇḍa sabĕnĕr bĕnĕré, wusiŋ guyub luwak punaŋ pikir, nuju maḷĕm kĕmis, praptaniŋ ri tamtu.

23. iŋ sawĕṅi natas tanpa guliŋ, kuwuk luwak ṇḍroḍog, dupi wañci pukul aṣṭa kinèn, mĕtokakĕn pasakitan sami, wus tinali goci, kuwuk luwak wahu.

24. kajaga iŋ macanan miranti, lir adat kaŋ klakon, sumahos nèŋ plataran rad gĕḍé, sakabèhé sakṣi sakṣi sami, dyan présiḍèn mijil, jakṣa lan paṅulu.

25. patiḥ gripir urutiŋ paliṅgiḥ, saŋ présiḍèn maṅgon, amoṅpraja nèŋ tĕṅaḥ luṅguhé, kiwanira kaŋ nambuṅi gripir, paṅulu tumuli, jakṣa kaŋ sumambuŋ.

26. tĕṅĕnira prédiḍèn kaŋ liṅgiḥ, baṇṭèŋ nir pakéwoḥ, sima tuwin mañjaṅan élidé, waṣpadèŋ tyas pamulatiŋ tulis, surasèŋ prakawis, panaṅkisiŋ kuwuk.

27. saha porṣèṣprĕbaliŋ pulisi, wuṣṇya traŋ pamahos, apal kabèḥ gañcariŋ nalaré, tandya ḍawuḥ mriŋ jakṣa lir kaŋ wis, kinèn animbali, pasakitan kuwuk.

28. sarta luwak catur wus sumiwi, iŋ ṅarṣa sumahos, saŋ présiḍèn para lid kabèhé, kudu samya tĕraṅa maṅèkṣi, wajibiŋ prakawis, wruḥ iŋ warṇanipun.

29. bab ciriniŋ kuwuk luwak titi, wus samya waṣpahos, nulya présiḍèn paṅandikané, maraŋ jakṣa kinèn mahos tulis, pandakwa tumuli, maca swaranya sru.

30. supaya traŋ paniliṅiŋ sakṣi, pra lid saantéro, pasakitan wĕruha nalaré, wusiŋ tamat présiḍèn taña ris, kuwuk makṣiḥ muṅkir, kaŋ gugat tinuduḥ.

31. kinèn matur wus kasumpaḥ ḍisik, adaté maṅkono, nulya matur purwa wusanané, gripir kĕṭèk nuli anulisi, garaṅan turnya ris, cocog lir iṅkaŋ wus.

32. tan sulaya kalayan pĕrklariŋ, sigra nomĕr loro, tĕlu papat lima rèntès cècèg, tĕkèŋ luwak uga anocogi, luwak catur nuli, samanantuk ampun.

33. nulya kabèḥ para sakṣi sakṣi, pasakitan kinon, dèn undurkĕn sawatara agé, rèḥ présiḍèn yun manimbaŋ adil, paréntaḥ tumuli, mriŋ kyayi paṅulu.

58. maskumambaŋ

1. maskumambaŋ wahuwa trampil iŋ wèṣṭi, adatiŋ klakuwan, iṅkaŋ kasĕbut iŋ dalil, contoné woŋ ṅaku allaḥ.

2. mamèt misil kéwan kaŋ tan ṅaṅgo budi, tan nĕmbaḥ mriŋ allaḥ, maṇḍak ṅaku dadi gusti, saḥ tibaniŋ kukum pĕjaḥ.

3. para élid nimbaŋ uwitiŋ prakawis, antuk sikṣa pakṣa, binuwaŋ roṅpuluḥ warṣi, baṇṭèŋ maṅkana wuwuṣṇya.

4. rèhniŋ kuwuk kaḷĕbu prakara sipil, tĕraŋ ṅrékadaya, ṅglĕmbuk ragad pitik ḍuwit, tĕtĕp amuŋ apuṣkrama.

5. mori arta linironan catur sĕpi, ujar tanpa taṇḍa, tétéla paṅgawé juti, èṇṭèŋ tibanirèŋ sikṣa.

6. limaŋ tahun ṅaṅgo dèn kaluṅi wĕsi, étuṅaniŋ dina, tĕluŋ puluḥ ran sasasi, rolas sasi sawarṣanya.

7. saŋ présiḍèn amoṅpraja nayogyani, wus kuwat mupakat, kabèḥ rad kumpul sawiji, dyan katĕkan nèŋ pandakwa.

8. amoṅpraja ḍawuḥ kinèn animbali, sakṣi lan sakitan, arṣa pinariṅan uniŋ, jakṣa ṅawé awé nulya.

9. sampun maju sadaya gya dèn ḍawuhi, hèḥ sugriwa sira, taliṅĕn prakara iki, wus kagaliḥ iŋ paréntaḥ.

10. présiḍèniŋ landrad dina kĕmis iki, tĕraŋ sira salaḥ, ṅlakoni iṅkaŋ tan yukti, titi titis tibèŋ sikṣa.

11. binuwaŋ mriŋ sajabaniŋ tanaḥ ṅriki, jroniŋ limaŋ warṣa, saha kinaluṅan wĕsi, wĕsiasatiŋ nagara.

12. ponis landrad iŋ gĕbaṅtinatar kĕmis, taṅgal piŋ limalas, ṛĕjĕb jimawal wit tampi, kĕna ṅétuŋ limaŋ warṣa.

13. naṅiŋ sira makṣiḥ tuṅgu arès ponis, iṅkaŋ kinawasa, iyéka bĕnĕṛĕn iṅgil, hohgrĕṣkop kaŋ kinawasa.

14. sira mĕṅko bali mriŋ buwi ṅĕntèni, iŋ waktu punika, kabèḥ sakṣi dèn gañjari, garaṅan babi aṇḍapan.

15. amuŋ luwak sakawan kaŋ datan tampi, rèḥ ondĕrṣuk rannya, sakṣi magĕpokan juti, sĕkoṅkĕl milu durjana.

16. kacarita wus bubaran présiḍèn lid, kuwuk kawuwusa, tinup iŋ wĕlak ṅranuhi, baliné maraŋ kuñjara.

17. sira bréwa nèŋ jroniŋ bhumi ciptaniŋ, nĕgĕs iŋ hyaŋ sukṣma, murṣuta taliniŋ urip, ñuwun luwariŋ saṅsara.

18. truḥ iŋ supta wor sukṣmané kaŋ linuwiḥ, cĕṅĕṅiŋ paniṅal, surup baṣkaraniŋ wĕṅi, kawĕṅku anèŋ pamrikṣa.

19. kawimbuhan iŋ siḥ pamaṇṭĕṅiŋ budi, jinuruŋ iŋ puja, saka pikiré pribadi, wus sirṇa gusti kawula.

20. al insanu siri rasa wus kawiṅkiŋ, wantahiŋ sukṣmana, lalu m‍ĕḷĕŋ dikir napi, lir hèrṇawa lan samudra.

21. upamané kumaṇḍaŋ lan swara tuṅgil, sakiŋ manraŋ cipta, patitis pañcĕriŋ urip, wus sirṇa tan ana rupa.

22. amatèni wilpusa prabotiŋ urip, rupa tan nupikṣa, swara wus datan kapyarṣi, ana ambu tan ginanda.

23. kaŋ nèŋ crĕmin datan kawasa niṅali, wus nukṣma manukṣma, murcita kĕḍapiŋ pati, tĕpĕt sajĕroniŋ laya.

24. hyaŋ hyaŋ mati ana sajĕroniŋ urip, jumĕnĕŋ priyaṅga, mĕsĕs musus ciptèŋ jisim, jinuruŋ iŋ ḍèwèkira.

25. wus kaguluŋ samudra kaŋ tanpa tĕpi, sahir kabir juga, duña akhir dèn lakoni, jumĕnĕṅé hyaŋ pramana.

26. dupi daṅu rinuwat cakraniŋ pikir, prabotiŋ ṅagwsaŋ, pêpak jumĕnĕŋ lir ṅuni, makṣa nora bisa luwar.

27. paṅgagasiŋ wardaya kuwuk wit tampi, rasé jarwanira, yèn ṅilmu tan mituluṅi, datan bisa naṅguŋ lara.

28. wus tétéla tĕraŋ kalakuwan iki, manĕgĕs iŋ puja, koṅsi nir kawula gusti, sinipatan hyaŋ pramana.

29. parandéné tan ana allaḥ nuluṅi, taṅi kaŋ wardaya, pamikiriŋ budi yukti, yèn maṅkono bĕnĕr liṅsaŋ.

30. hèḥ sarjana kaŋ ulaḥ putus iŋ ṅilmi, rasakna punika, kawruḥ wus rada ñukupi, déné tan bisa suŋ luwar.

31. mracihnani sanadyan putusa ṅilmi, dalil kitab kuran, yèn atiné tanpa budi, ulaḥ maraŋ kasujanan.

32. sajatiné allaḥ sasaminiŋ urip, iku kaŋ masésa, aṅgĕgañjar apapariŋ, saṇḍaŋ iṅkaŋ sarta paṅan.

33. laḥ kapriyé iṅkaŋ maca kaŋ miyarṣi, ywa tinampan lamba, éwuḥ paṅiraniŋ ati, ṅilmuniŋ kuwuk punika.

34. paṣṭi paḍa lan ṅilmuné kaŋ miyarṣi, lamun nora paḍa, aṅgĕpé maṇḍak ṅuṅkuli, taṇḍa yèn ciṅkraŋ kawruḥnya.

35. kawuwusa kuwuk antaraniŋ sasi, ana iŋ kuñjara, tita datan baṅkit mijil, wus mupus karṣaniŋ sukṣma.

36. nulya arès ponis landrad sampun dadi, pinariṅkĕn sigra, lir adatira iṅkaŋ wis, surasanirèŋ putusan.

37. nĕtĕpakĕn landrad panimbaṅiŋ pra lid, iŋ gĕbaṅtinatar, éṅgal éṅgal jakṣa gripir, pariŋ ḍawuḥ mriŋ sakitan.

38. panabdaniŋ kĕṭèk maraŋ ama pitik, kuwuk wruhanira, arès ponismu nĕtĕpi, kaluŋ wĕsi limaŋ warṣa.

39. binuwaŋ mriŋ jaban raṅkaḥ tanaḥ ṅriki, kulon kéné iya, iŋ ayaḥ ṅgoniŋ wĕwĕri, yèn wus saḥ antuk ḷĕpasan.

40. mawa kitir sakiŋ ayaḥ résiḍènsi, sandika aturnya, ranté iṅĕtrapkĕn aglis, kumaluŋ guluniŋ bréwa.

41. dèn aṅkatkĕn gumrudug kaŋ atut wuri, tuṇḍan sabĕn tanaḥ, tĕbiḥ lampaḥnya wus prapti, dèn culakĕn anèŋ ayaḥ.

42. antuk bĕgja nèŋ kono sĕnĕŋ iŋ pikir, awit kèḥ mamaṅsan, naṅiŋ cacadé saṭiṭik, pisaḥ anak bojo kadaŋ.

43. kawarṇaa iŋ gĕbaṅtinatar nagri, wimbuḥ iŋ nugraha, tulus palawija ndadi, tan ṛĕkasa baraŋ karya.

44. muraḥ saṇḍaŋ paṅan rajakaya tuwin, aglar iŋ paṅonan, rèḥ doracara dur gusis, kataman tataniŋ praja.

45. akèḥ sato kéwan cilik iṅkaŋ sugiḥ, iṅkaŋ gĕḍé mulya, satriyané anĕtĕpi, karan kañcil amoṅjagad.

46. wus kasĕbut ratwaguŋ murtiniŋ bhumi, bisikaniŋ nata, kaŋ komram saguŋ kumĕlip, saŋ prabhu kañcil amoṅrat.

47. amoṅjagad kaŋ sarta śri amoṅbhumi, amoṅduryasèṅrat, aji pamasa sisiliḥ, liré pamunahiŋ cara.

48. samana saŋ amoṅpraja makṣiḥ ṅgaliḥ, pañcĕriŋ wardaya, koṅas paṅudyasmarèŋ sir, yun paṅgya lan dwija sona.

49. kaŋ asrama anèŋ suracala wukir, paṅugutiŋ sĕdya, koṅsi katuwawa kèmpi, solaḥ bawané srĕṅgala.

50. marma siyaŋ ratri datan lali lali, ṅaléla waṣpada, sarupa tikṣwaniŋ ṅilmu, malat muḷĕt kuluṅiŋ tyas.  

saŋ dwija wrĕka iŋ ḍépok guwa suracala para muridé jinarwan ṅilmu kaŋ ñata.

59. asmaradana

1. asmaradana winarṇi, kadya saṛĕŋ lalampahan, dwija sona kaŋ martapèŋ, guwa wukir suracala, wus kaṭaḥ muridira, kaŋ mruwita saguŋ asu, iŋ wana wana ṅawula.

2. asu ajag wawar kikik, wrĕka aṅsaŋ tuwin raṅsaŋ, gĕḍé cilik ñantrik kabèḥ, ṅgĕguru patrapiŋ mukṣa, sampurṇaniŋ ṅagĕsaŋ, duña akhiré sinuŋ wruḥ, kabèḥ pinriḥ sarjanèŋ rat.

3. titis tataniŋ ṅahurip, ṅaṛĕpkĕn kawruḥ kaŋ ñata, surasaniŋ jagad kabèḥ, bubuhané woŋ utama, talabul nir wikara, karananiŋ mbudi kawruḥ, sasmita rasa nèŋ duña.

4. ṅawruhi kawula gusti, mati urip tinupikṣa, dwija wrĕka warṣitané, mriŋ para murid sadaya, añjuju dulaŋ maṅap, winruhkĕn paṭi kaŋ ṅlaṅut, iŋ tirtaniŋ kaŋ nirmaya.

5. wus sinipat insan kamil, kamil kamal adiniŋ rat, cakrawala jinarwakké, durariniŋ jiwa raga, gagarané nraŋ cipta, mamèt nétra kupiŋ tutuk, grana wijilé kaŋ daya.

6. dayaniŋ pañcadriya wrin, kaŋ klaku sadina dina, kaṅgo manukṣmèŋ uripé, jinèrèŋ ṅĕbĕki jagad, gatgadanirèŋ sona, kaŋ wus jumbuḥ jaba kalbu, tan sumĕlaŋ akhir duña.

7. ñruwètèḥ sabaraŋ kardi, wruḥ mobaḥ mosikiŋ jagad, kabèḥ binudi sababé, tan pracaya kodratiŋ hyaŋ, tuhu maḍĕppiŋ paṅran, gumĕlariŋ bhumi wĕruḥ, kuṛĕbiŋ laṅit pratéla.

8. kaanan kabèḥ kaŋ kèkṣi, mujudi sandiniŋ sukṣma, katĕmu kañatahané, ṅaṅgĕp iŋ sukṣma antaya, yayaḥ midrawèŋ jiwa, wus maṅkono kéwan putus, mumpuni budi cakṣaṇa.

9. tuhu yèn asu linuwiḥ, pantĕs karan dwijawara, iyèku kawi wardiné, dwi loro ja mĕtu ṅlawaŋ, tĕgĕsé pintu karwa, nasika boloṅanipun, tĕtĕp wuta tuduḥ marga.

10. dalan iṅkaŋ luwiḥ suṅil, marganiŋ puji tan pĕgat, salat dahim panĕṅrané, wus siniṅkur kaŋ sĕṅkĕran, basa dahim artinya, jumĕnĕŋ kalawan iḍup, sinasukma ṅéjawantaḥ.

11. wantahé kawruḥ kaŋ wĕniŋ, sirṇa cobaniŋ dyatmika, cacadé warṇi sagawon, naṅiŋ kawruhé utama, prayogané cupana, aywa isin tiru tiru, iki asu badan sukṣma.

12. pamawas hakékat murti, makripat iŋ jaman mukṣa, manraŋ wèṣṭinirèŋ mahot, tĕtĕp mukmin ṅalimmallaḥ, campur tantara masa, ajali abadi kagluŋ, ginluŋ kadimaḥ kadisaḥ.

13. sasat kyayi taptajani, iŋ anusi al akasan, saṅkĕpiŋ sopana añjog, jumĕgur satanaḥ jawa, wadiné wali saṅa, pasraṅkara tanpa sintru, wus ñipati akmaliyaḥ.

14. rukuniŋ islam nastiti, ḍahup lan paṭiniŋ rasa, ginalarkĕn mriŋ muridé, dadya panuntuniŋ tata, milati kaŋ mustapa, kucĕm pra ṅulama jamhur, ériŋ mariŋ dwija wrĕka.

15. marmané saguṅiŋ añjiŋ, isiniŋ wana samoha, mañrahkĕn jiwa ragané, dupi wus jinarwa tama, pramana paṅĕcupnya, iṅkaŋ boḍo jahlu busuk, yèn wus winaraḥ iŋ wrĕka.

16. tamtu sanubari miṅis, tajĕm lir mimis atĕrṇat, rèḥ tĕraŋ glèṭèk pĕṭèlé, tanpa kijap tanpa lambaŋ, yèn caraniŋ sarjana, gampaŋ lamun awèḥ tutur, siṅa tampa tĕrus tĕraŋ.

17. wus tĕtĕp guru linuwiḥ, nuwuhkĕn taṅiniŋ nala, sakiŋ karṇa wasitané, guru garaniŋ pañipta, ginugu baraŋ jarwa, sampĕt ñataniŋ pituduḥ, aṅĕn aṅĕn iṅkaŋ tampa.

18. srĕṅgala budi martani, wawaraḥ tan ṅayawara, khusus sarèḥ wicarané, kagunaniŋ pañcadriya, driya di murti tama, ñamutiŋ sasmita ṅlaṅut, ṅlamat tan kacakrabawa.

19. kriḍaniŋ bhuwana wĕniŋ, wruḥ iŋ daya dayanira, surya wulan santéroné, sasaḍara cakrawala, wus nirdyèŋ budyotama, ariya cakṣanèŋ kéwuḥ, iku sona diniŋ kanaŋ.

20. nĕtĕpi wajibiŋ urip, mĕruhi kaanan jagad, kaŋ katon taṇḍa yĕktiné, siṅa sinuŋ wruḥ tarima, rèḥ tétéla satmata, tan muruk ṅilmu kaŋ ḷĕmbut, nĕtĕpi daliliŋ kitab.

21. layakjibu makripati, minal ṅilmu dakahika, lapal maṅkono muradé, nora wajib wĕruḥ sira, ṅilmu kaŋ ḷĕmbat ḷĕmbat, awit tan kĕna ginugu, marma saŋ srĕṅgala dwija.

22. warata saya mratani, tumular tulariŋ duña, kidul wétan ĕlor kulon, mlaṅkaḥ sakiŋ tanaḥ jawa, saguŋ sagawon wana, iŋ wĕktu wĕktu cumuṇḍuk, muruhita mriŋ saŋ tapa.

23. ṅasil bab lakuniŋ urip, ṅaṛĕpkĕn murtiniŋ nala, lalu linantiḥ lalakon, klakuwan kaŋ wus kapĕṣṭa, paṣṭi paṭiniŋ rasa, rasaniŋ khirat kacakup, putus sandiniŋ bhuwana.

24. sandiniŋ hyaŋ nukṣmèŋ wadi, wadi wadi wus katara, wruḥ kañatahané kabèḥ, iŋ duña akhir kaḍaḍa, ḍinaku saṅkan paran, yèku sajatiniŋ asu, marma murid pawiyatan.

25. raraton trapiŋ pamardi, dayané maṅulaḥ puja, nirdéya manraŋ pakéwuḥ, aṅgĕpé sadaya sona, kaŋ wus maṅatas jarwa, ñipta umuré jinabut, makṣiḥ rumasa duruŋ saḥ.

26. awit wus ṛĕjasèŋ budi, ṅrasa utaŋ tanpa pétaŋ, kétaŋ nrawaŋ wardayané, ṛĕgané yutan mawĕndran, winruhakĕn iŋ paḍaŋ, iya iku kabèḥ asu, pariŋ saŋ srĕṅgala dwija.

27. sumugun sugun iŋ pikir, jinarwèŋ ṅilmu kaŋ ñata, lir mriŋ paṅran paṅaṅgĕpé, tan rumasa yèn sapaḍa, awit jarwa murtyarja, tinuntun sakaniŋ puṅguŋ, koṅsi putus nraŋ wikara.

28. kaŋ duruŋ wĕruḥ iŋ wèṣṭi, sasat nèŋ jroniŋ kuñjara, gĕḍoŋ pĕtĕŋ sumpĕg tyasé, tinuntun maraŋ papaḍaŋ, jéṅglaŋ sumilak nrawaŋ, sinuŋ lampu pitruliyum, déniŋ risaŋ dwija sona.

29. murwani budi ḷĕstari, nèŋ pabarataniŋ warta, nununtun maraŋ woŋ mĕlèk, aṅĕlèkakĕn iŋ wuta, tan watara tétéla, nilasi kawigñan puṅkur, yun kawĕntar kajuwara.

30. sampurṇa pakaryèŋ sandi, tĕmbuŋ jawa arab limpat, winor juga surasané, kanabiyan kadéwatan, jinarwakkĕn sadaya, kaŋ daya sĕnĕṅiŋ kalbu, wit saka wruḥ tyasiŋ liya.

31. ṅyĕktèkkĕn aryaniŋ bhumi, sor prabhaniŋ diwaṅkara, kasintron ima tan katon, yèn siswa iŋ suracala, kaliṅan wukir sasra, makṣiḥ sumorot umañcur, tanpa dalu tanpa rina.

32. puniku maṅka upami, kinarya maṅaḷĕmbana, koṅsi wus tan bisa ñjèrèŋ, kotamanira srĕṅgala, triloka tanpopama, kadibyan maharja tulus, tĕrus manukṣmèŋ utama.

saŋ kañcil amoṅpraja karo para nayakané ṅrĕmbug ulaḥ bawané saŋ dwija wrĕka nuli anduta baṇṭèŋ maraŋ suracala

33. ya ta amoṅpraja kañcil, kaŋ dahat aṅañcam añcam, pĕcahiŋ nala katonton, iṅkaŋ maṅrusak agama, sona iŋ suracala, kagaliḥ ṅgĕmpal karatun, wiku wikuniŋ antaga.

34. moṅpraja paṅugutiŋ sir, jĕṅgama pamardyèŋ guna, ḍumatĕŋ saguŋ muridé, yèku dwijèŋ suracala, kawĕntar kajuwara, dadya catur koṇḍaŋ kiduŋ, marma dahat ṅañcam añcam.

35. sabĕn yèn miyarṣa warti, manaputi iŋ wardaya, lir bagaṣkara tĕṅaṅé, sĕḍĕṅé masa katiga, kumyus iṅkaŋ swanita, gumĕtĕr padoniŋ tutuk, maṅkana paṅgagasira.

36. déné ta ana kaŋ wani, ṅgĕmpal tata tĕntrĕm maṅkya, asu édan pamijaṅé, ṅuni paman uwahuwa, aṅsuŋ inaḥ tri warṣa, iŋ samĕṅko wus masanipun, srĕṅgala tan ana séba.

37. sigra amoṅpraja kañcil, paréntaḥ maraŋ paṛĕkan, kinèn nimbalana agé, ki paṅulu uwahuwa, saha para ṅulama, pĕrgadriŋ prakara asu, kaŋ iṅagñan dan uméntar.

38. samantara sampun ṅirid, wawa myaŋ catur ṅulama, kaŋ wus mutamat kawruhé, séba ṅarṣaniŋ moṅpraja, nèŋ balé pasĕnĕtan, amoṅpraja śabdanipun, maraŋ kyayi khalilullaḥ.

39. laḥ dèn kapara iŋ ṅarṣi, kabèḥ kañcamu ṅulama, matur sandika kaŋ kinèn, wusiŋ tata pasraṅkara, rahadèn amoṅpraja, hèḥ kaya paran paṅulu, bab sona iŋ suracala.

60. ḍaṇḍaŋgula

1. madukara paṅulu wotsari, ḍuḥ déwaji amba nut iŋ karṣa, ṅuni kawula suŋ sarèḥ, saḷĕbĕtiŋ tri tahun, ulun puriḥ sumahos gusti, kaṭaḥ sajarwa amba, praptèŋ maṅkya sampun, aṅsal tri warṣa tan sowan, kilap sababipun déné tan mèstuti, ḍatĕŋ inaḥ kawula.

2. amoṅpraja aṅandika aris, hèḥ timbaṅĕn paman karṣaniṅwaŋ, yun katĕmu asu maṅké, kaya tan kucĕm bĕṇṭuk, ṅadu kawruḥ kaŋ ganal ghaib, nadyan ṅadu kadibyan, campuḥ iŋ praŋ pupuḥ, sapira bobotiŋ sona, ĕrok bandawala pati sun tan ajriḥ, ṅĕtog guna kasuran.

3. apa iṅsun mriŋ suracalardi, ṅgawa gĕlar tataniŋ ayuda, datan gumiṅsir yaktiné, paṅulu aturipun, nuwun sampun rumiyin gusti, kagaliḥ kaŋ sakéca, sampun lajĕŋ ṅlurug, awrat saṅgènipun sona, amba kintĕn lamun rinabasèŋ jurit, paduka tan kawawa.

4. kakĕrigna siṅha warak èṣṭi, baṇṭèŋ andanu gĕbaṅtinatar, sahèstu kusut campuhé, bab sona ajag guyub, adat iṅkaŋ sampun kawuri, manawi tiwikrama , sato galak mirut, miris mriŋ kasaktènira, wijayanti tĕguḥ timbul iŋ ajurit, lir durèn lan sĕmaṅka.

5. dédé taṇḍiṅipun lawan jurit, dibya kasantikané pun ajag, bahut munaḥ bol èstuné, cukat bantĕriŋ laku, tambaḥ maṅkya putus iŋ ṅilmi, èstu sraḥ jiwa raga, yèn sampun tinuduḥ, kaŋ subrata suracala, marma gusti atur kawula prayogi, nimbalana para rad.

6. iṅkaŋ sampun putus iŋ paṅèṣṭi, dados kumpul santosa mupakat, karṣaniŋ nagri tĕtĕpé, jakṣa patiḥ paṅulu, kumpul guyub kanaŋ pĕrgadriŋ, yèn sampun abipraya, punika ran kukum, ugi karṣaniŋ naréndra, jĕŋ paduka tan kéṅiŋ miṅsĕt sañari, saṛĕŋ braṣṭa lan radya.

7. dyan nimbali jakṣa saha patiḥ, sampun kérid sumiwi iŋ ṅarṣa, satata urut luṅguhé, radyan ṅabèi ḍawuḥ, hèḥ ṛĕmbugĕn prakara kirik, dènnya mbaṅkaŋ paréntaḥ, tan nĕdya maṅèstu, mriŋ nagri gĕbaṅtinatar, kaya paran prayogané jakṣa patiḥ, apa rinodapakṣa.

8. tinimbalan iṅkaŋ klayan aris, apa sun tindak mriŋ suracala, nayaka wantra aturé, ḍuḥ gusti saŋ aprabhu, biliḥ tuwan tindak pribadi, camaḥ asor iŋ lampaḥ, manawi yun pupuḥ, kawula kintan tan kiyat, yèn iṅalus pun sona yakti tan arṣi, mĕṅgaḥ prayoganira.

9. katimbalan maliḥ klayan aris, biliḥ datan purun pun srĕṅgala, paṅgihan kéwala sahé, iŋ paraŋ tigan bĕṇṭuk, abĕn rasa sasmitèŋ ṅilmi, pundi iṅkaŋ kasoran, prayogi maguru, biliḥ ṅabĕn kaluṅidan, baṅsa nalar kawula datan gumiṅsir, déné yèn ṅabĕn kitab.

10. dalil kitab tapsir awal akhir, pun bapak ki paṅhulu wahuwa, kaŋ sampun jajaḥ kitabé, sanadyan muridipun, ki paṅulu prayogi miriŋ, tĕmpuḥnya rasèŋ syarak, yèn pun sona ṅgayuḥ, kawruḥ iṅkaŋ ḷĕmbat ḷĕmbat, prayoginya paduka iṅkaŋ ṅlawani, kados yèn dèrèŋ ṅgandra.

11. tikĕl satus sona dèrèŋ mirib, sakiŋ paṅintĕn amba punika, amuŋ muñjuk sabarèsé, mèsĕm dyan bèi ṅuṅun, mriŋ paṅaḷĕmbananiŋ patiḥ, nulya alon ṅandika, sapa iṅkaŋ cukup, ṅlakoni dadi utusan, paḍami lan srĕṅgala suracalardi, patiḥ paṅgaḥ aturnya.

12. biliḥ paṛĕŋ kawula pribadi, kaŋ lumampaḥ saha ṅlugas wastra, sandi tiyaŋ alit bahé, kaṇṭi sapantĕsipun, kalilanna kawula maliḥ, satuṅgal pun palwaga, lutuŋ kalihipun, dyan bèi ḍaṅan iŋ karṣa, aṅandika bĕnĕr aturira patiḥ, masa boḍowa sira.

13. muŋ wĕliṅku ywa sulayèŋ kapti, tutukaran ṛĕbut kaluhuran, kadi patrapiŋ woŋ rècèḥ, kaŋ rosa gĕlut uṅgul, maṅkonèku cupĕt iŋ budi, dawakna nalarira, muriḥ baṅkit ṅĕjum, pikiṛĕn srananiŋ céda, sirṇakĕna supaya tata lastari, titisuṅutiŋ nalar.

14. laḥ wis paḍa mundura sun ṅanti, patiḥ jakṣa paṅulu umaṇḍap, sapraptanirèŋ wismané, patiḥ nimbali gupuḥ, maraŋ kĕṭèk saha añjani, samya sowan iṅagñan, kakaliḥ sumaguḥ, nuwun suka sukur iŋ tyas, sèwu biṅaḥ kĕṭèk lutuŋ dinuḥ gusti, maṅkono woŋ ṅawula.

15. yèn tinari nĕmpuḥ baya pati, ñandikani biṅar lir ginañjar, iku puṅgawa wajibé, ṅlakoni iŋ satuduḥ, duruŋ tamtu dinaniŋ wuri, ṅuṅgahakĕn darajad, sakiŋ nut iŋ ḍawuḥ, nadyan nora ana karya, gusti paṣṭi waṣkiṭa tĕraŋ mriŋ abdi, misuda iŋ kawula.

16. rèḥ palwaga añjani tyas luṅid, dupi tinari tĕmpuhiŋ baya, tanpa matur akèḥ akèḥ, muŋ bigar gagaḥ saguḥ, wajibiŋ rèḥ puṅgawa murti, nirdéya nraŋ wikara, tan kakèhan saguḥ, tan pisan ṅumbar kasuran, datan sĕlom nétyasmu kĕṛĕŋ nampani, sandika madukara.

17. ṅasorakĕn rasa iṅkaŋ ḷĕgi, iya iku kañcil abdinira, séjé lan kéwan samaṅké, yèn tinari iŋ kéwuḥ, minta jaṅji yayaḥ woŋ gliḍig, iŋ sĕtatsiyun ṅañaŋ, mriḥ plĕṇṭuniŋ waḍuk, kahuntuṅan kaya cina, kaŋ dèn araḥ sajatiné jago ṅucir, wĕdi lok surak surak.

18. yèn muṅguha gĕmak jèṅkèŋ ṅruji, pandiraṅan éṭok éṭok lara, sawĕnèḥ sèlèḥ luṅguhé, uwis maṅkono tamtu, nulya baṇṭèŋ muñuk añjani, wus samya ṅlugas wastra, wisata tri laju, maraŋ guwa suracala, nirdyèṅkara baya pati tan tinoliḥ, sakiŋ wus ulaḥ nalar.

19. ciptaniŋ tyas datan ana pati, pakéwuḥ kaŋ muraŋ iŋ silarja, sakiŋ wus sampat pikiré, sanadyan satru dudu, si srĕṅgala wicara luṅid, manuhararja krama, silaniŋ tumuwuḥ, tan ana sawiji apa, ḍasar kaṇṭi nalar dayaniŋ tyas wĕniŋ, tan lami lampahira.

patĕmoné baṇṭèŋ karo saŋ dwija wrĕka ana iŋ ḍépok suracala

20. praptèŋ suracala amaṛĕṅi, pêpak murid sona warṇa warṇa, ciṅak sadaya praptané, wantuniŋ ajag asu, nétya wĕṅis tan was maṅèkṣi, wruḥ baṇṭèŋ yun tinrajaŋ, pinarjayèŋ kéwuḥ, naṅiŋ saŋ maha paṇḍita, datan paṛĕŋ awit cundaka kaŋ prapti, tumulya iṅacaran.

21. binagèkkĕn raharjaniŋ wuri, baṇṭèŋ nuhun maṅsuli raharja, sakulawarga muridé, cantrik saha maṅuyu, uluguntuŋ prabotiŋ ṛĕṣi, kaŋ sami ulaḥ tapa, muja muṅku gĕntur, dwija sona aṅgrahita, baṇṭèŋ iṅkaŋ prapta pragosa añjani, kinira yèn praméya.

22. wus katara solaḥ bawaniŋ liŋ, trampiliŋ wicara mawèḥ raras, tajĕmiŋ nétya pasmoné, luhur kaworan ṅuṅun, ṅlugas saṇḍaŋ sĕṅadi cilik, dutané amoṅpraja, èstu yèn para guŋ, priyaguŋ gĕbaṅtinatar, dwija wrĕka tumulya tatanya aris, mèsèm saha mardawa.

23. kadiṅarèn jĕṅandika prapti, paṅintĕn kula sami kasasar, datan nĕdya praptèŋ kéné, sèwu mokal katuju, yèn sinĕdya paraniŋ kardi, rèḥ kula puṅguŋ muḍa, kuṭuŋ tyas truwilun, cĕṇḍala nir tatakrama, dahat tuna kajawi kasasar mampir, baṇṭèŋ kagyat miyarṣa.

24. kagawokan wruḥ kĕdaliŋ laṭi, mawèḥ taṇḍa srĕṅgala sarjana, andaka alon sahuré, ḍuḥ saŋ wiku pukulun, dinuta saŋ moṅpraja kañcil, nagri gĕbaṅtinatar, déné kaŋ rumuhun, iṅkaŋ taklim kaatura, kapiŋ kaliḥ paduka dipunaturi, ḍatĕŋ gĕbaṅtinatar.

25. iṅaturan sabiyantu budi, ṅluhurakĕn mriŋ hyaŋ kaŋ murwèŋ rat, nata tĕntrĕmiŋ prajané, mañcasi dur sila yu, ṅajar juti arjaa sami, kumpul mamriḥ yuwana, ywa na salaḥ dudu, sadarpa atur kawula, mugi mugi paduka ñjuruṅi kapti, ṅlĕganana pinaṅgya.

26. sĕmu koḍĕŋ tyasira saŋ ṛĕṣi, mriŋ śabdaniŋ baṇṭèŋ manuhara, amĕlasasiḥ tĕmbuṅé, baṅkit ṅluhurkĕn kalbu, pantĕs lamun dadiya patiḥ, wasana alon nabda, bab punika klintu, kawula sagĕd punapa, datan pisan ṅrégonana drajad ḷĕwiḥ, jawi muŋ ulaḥ puja.

27. amaṅéran kalaṅgĕṅan suci, duña akhir kaŋ kawula jaga, kinukut katon ñatané, tan pisan gaṅgu gaṅgu, datan ṅgĕnpal tataniŋ nagri, muŋ maḍĕp majĕnunlaḥ, siyaŋ lawan dalu, naṅiŋ kañcil amoṅpraja, opèn dahwèn déné purun animbali, mriŋ sasamèŋ tumitaḥ.

28. kula mopo dahat datan arṣi, ki paṅulu uwahuwa prapta, kumawawa ṇḍawuhaké, kula kinèn sumujud, saha maliḥ kinèn ñjarwani, caṅkriman gaṅsal pasal, sasagĕdiŋ ḍukuḥ, kula bataṅi sadaya, kilap ḷĕṛĕs kilap ḷĕpat datan uniŋ, rèhniŋ kula damarda.

29. antya puṅguŋ mriŋ lambaŋ kaŋ mĕṭit, datan baṅkit amuṅkasi karya, sawuṣṇya aṇḍawuhaké, uga sabdèŋ paṅulu, kula pinriḥ sowan pun kañcil, dahat wiraŋ guŋ méraŋ, miroŋ datan purun, tan kabawaḥ tan kapréntaḥ, iṅkaŋ mbawaḥ kaŋ mréntaḥ muŋ maha suci, kaŋ sipat kadim baka.

30. sampun lami praptaniŋ sĕmaṅkin, ijĕṅandika nayakawaktra, tĕmbuŋ krama paṅoṅgroṅé, mriŋ kula ṇḍĕku ḍĕku, aṅaturi praptamba mariŋ, gĕbaṅtinatar paṅgya, lawan kañcil puṅguŋ, kaŋ wus ginuṅguŋ cakṣaṇa, sajatiné sĕpa sĕpi tanpa budi, budinirèŋ durjana.

31. palsu dora wranané sakĕṭi, suṅsun sayuta ambĕk utama, aṅlakokakĕn kukumé, yèn sabĕn bocaḥ gumun, wĕdi asiḥ aṅaji aji, ṅguyu kaŋ wicakṣaṇa, wruḥ patrapiŋ bujuk, sandi kukumullaḥ dora, lamun allaḥ ṅukum kawulané paṣṭi, datan mamèt lantaran.

32. marma kula dahat kirag kirig, srambut pinaraa sèwu yuta, tan ṅgĕga makatĕn baṇṭèŋ, kañcil nindakkĕn apus, kumawani ṅaku aṅirib, amriḥ kajèn kèriṅan, srananiŋ sĕkuṭu, dora raraton sapraja, kumapintĕr kumawasis ṅaṭik aṭik, iṭik iṭik paréntaḥ.

33. kĕcap maṅap ḍawuhiŋ nagari, kidip kĕkuḍuŋ walulaŋ macan, aṅgĕgilani warṇané, tan wruḥ yèn isi palsu, santéroné dika puniki, kaŋ samya aṅgĕp praja, budiné kumiṅsun, gumahib kédaliŋ lésan, sayaktiné ratuniŋ cubluk sabhumi, ṅapusikramèŋ arja.

61. sinom

1. jĕṅandika baṇṭèŋ dadya, patiḥ taruna winasis, punapa jandika wignya, ḍumatĕŋ wajibiŋ patiḥ, gumĕḍé kumabaṅkit, gumuṅguŋ aṅaku aku, yèn ñata dika wignya, jèrèṅĕn kularṣa uniŋ, nadyan dora lamun wranané sĕmbada.

2. kinarya ṅapusi bocaḥ, kaŋ tan bisa sisi wĕdi, déné patiḥ kinawasa, mujudi śri narapati, buṅahé lir kagimir, kaḍaḍuŋ dayaniŋ palsu, rupa intĕn barléyan, ṅaku pariṅiŋ hyaŋ widdhi, yèn woŋ biṅuŋ èstu ṅaṅgĕp yèn sañata.

3. iṅkaŋ bisu tuli wuta, kaŋ kadi jandika ajriḥ, paṣṭiné muṇḍi mumuja, rèḥ sampéyan tanpa budi, nalaré muŋ sacuwil, nir kira kirané suwuŋ, kalpika pasèt prasman, puniku kĕnèkĕr bĕliŋ, yèn kulaa sayuta datan supĕna.

4. gusti allaḥ datan gaḍaḥ, papariŋ kaŋ rupa bĕliŋ, wontĕn wujudnya punika, sahèstu sayuta kidip, punapa maliḥ kañcil, purun ṅaku aku ratu, dika dadi waraṅka, iṅkaŋ dadya jakṣa èṣṭi, uwahuwa paṅulu paṅgawé praja.

5. tĕtĕp rukuniŋ karajan, pataŋ prakara mĕpĕki, anaṅiŋ paniṅal kula, kratoniŋ goroḥ katawis, patiḥ patihiŋ kidip, paṅulu jakṣa ṅgĕdĕbus, dadi dora jéndralan, nĕbu sahuyuniŋ ati, kaŋ pinuriḥ kajèn kèriṅaniŋ bocaḥ.

6. bocaḥ iṅkaŋ duruŋ bisa, mbuwaŋ riyak umbĕl wĕdi, apapayuŋ sèrèt prada, gumrudug akèḥ kaŋ ṅiriŋ, napa dika udani, nĕgĕsi dunuṅiŋ payuŋ, laḥ kula jarwanana, yèn woŋ darbé paṣṭi uniŋ, woŋ maṅaṅgo èstu ṅrĕti dayanira.

7. aywa dika buṅaḥ buṅaḥ, dèn payuṅi milaŋ miliŋ, gléléṅan asosoṅaran, mbaḍĕḍĕg aṅgĕp kapati, lan kula takèn maliḥ, payuŋ abaŋ ijo biru, putiḥ kuniŋ myaŋ gilap, punapa iṅkaŋ pinuriḥ, woŋ maṅaṅgo tamtu tĕraŋ kaṛĕpira.

8. sarèhniŋ baṇṭèŋ waraṅka, bab puniku maṣṭi uniŋ, kaŋ awit ratu yèn arṣa, ṅgañjar payuŋ maraŋ abdi, èstu byantu lan patiḥ, prituwin santananipun, datan kéṅiŋ mlaṅkaha, ṅagĕm karṣanya pribadi, dika patiḥ kapataŋ wĕṅkuniŋ praja.

9. saguŋ kéwan wanawasa, iṅkaŋ cubluk wĕdi asiḥ, wit gumun kawigñanira, kabèḥ pratikĕliŋ kañcil, yèn suracala kirik, kañcil ratuniŋ truwilun, muŋ bisa ṅrékadaya, aturṇa punika patiḥ, maraŋ kañcil ujar kawula sadaya.

10. maṇḍak wuwuhana ala, pamañcaḥ pamoyok sami, punapa maliḥ samaṅkya, paripakṣa kumawani, purun nampèni ḍuwit, pajĕg bhumi ḍusun ḍusun, saha maliḥ sinĕmbaḥ, lan aṅukumi sasami, baḍé kula takèni lamun pinaṅgya.

11. wus kagĕntar amoṅpraja, kabisané muŋ sacuwil, ambĕk bahut ṅĕjum nalar, guna iŋ aguna murti, mumulaŋ muruk ṅilmi, wuluŋ kuciŋ ṅilmu kuwuk, dudu ṅilmu kaŋ ñata, dudu wulaŋ kaŋ sayĕkti, paṅrasané luhur ñamut lamat lamat.

baṇṭèŋ ṅaturi saŋ dwija wrĕka karṣaa tĕtĕmon karo saŋ kañcil ana iŋ paraŋ ĕṇḍog

12. andaka ñjĕṅĕr miyarṣa, dahat gĕtĕrirèŋ ati, wiraŋ rèḥ dèn éraŋ éraŋ, sasat mati jroniŋ urip, sumaput panon mipit, tan darbé nalar saglugut, pintĕrnya sirṇa bubar, mawut mawut tanpa kèri, wus adaté yèn kasoran iŋ wicara.

13. apa manèḥ kalaḥ wignya, lir pĕpĕs kaŋ bayu budi, karoban prabhawèŋ wrĕka, kanaŋ pratiṣṭa sĕmadi, baṇṭèŋ tan bisa mosik, kadi kapuk kĕnèŋ wusu, obahé ṅaraḥ araḥ, pinakṣa umatur aris, ḍuḥ saŋ dwija prayogyamba mriŋ paduka.

14. mugi karṣaa paṅgihan, béñjiŋ punapa kaŋ paṣṭi, wontĕn pundi karṣa tuwan, amoṅpraja muŋ mèstuti, wĕliṅipun iŋ ṅuni, manawi saŋ dwija sarju, wontĕn iŋ paraŋ tigan, abĕn kawruḥ iṅkaŋ murti, pundi iṅkaŋ katitiḥ tyasé ywa cĕla.

15. manawi dèrèŋ paṅgihan, makṣiḥ gumantuŋ iŋ galiḥ, pĕcahiŋ nala narantaŋ, narik gĕtiḥ otot dagiŋ, purbaniŋ ati budi, sona nulya maṇṭuk maṇṭuk, sun sumaraḥ iŋ karṣa, béñjiŋ punapa prayogi, wontĕn pundi kula umèstu kéwala.

16. ḷĕṛĕs iŋ pamrayoginta, yèn sami coṇḍoŋ iŋ galiḥ, sahé wontĕn paraŋ tigan, awit cĕlak jalanidḍi, datan wontĕn kaŋ uniŋ, iŋ ṅriku paṅgénan samun, andaka aturira, iṅgiḥ kuta tur prayogi, béñjiŋ dintĕn jumuṅaḥ ṅajĕŋ punika.

17. kintĕn kintĕn pukul saṅa, paduka sampuna prapti, paṅgihan ṅabĕn kawigñan, ñirṇakkĕn gĕtĕriŋ galiḥ, prayoginipun mawi, pranatan caraniŋ ratu, sanadyan ṅriki tanpa, yèn iŋ ṅrika kĕdaḥ mawi, wuṣṇya téraŋ kyana patiḥ sigra biḍal.

18. sakiŋ guwa suracala, palwaga lutuŋ tan kari, datan daṅu lampahira, samantara sampun prapti, gĕbaṅtinatar nagri, kyana patiḥ gya cumuṇḍuk, ṅarṣèŋ kañcil moṅpraja, matur purwa amĕkasi, amoṅpraja dahat sukaniŋ wardaya.

19. hèḥ patiḥ matahĕn sapa, kaŋ yogya mèstuti mami, maṅun bicara lan sona, kaŋ pantĕs putus iŋ wèṣṭi, kudu tataniŋ patiḥ, pahargyan luhuriŋ ratu, aywa koṅsi kuciwa, myaŋ ajiniŋ para ṛĕṣi, kaŋ iṅagñan sandika préntaḥ palwaga.

20. tandya lèṅsèr sakiŋ ṅarṣa, pranatan kinèn miwiti, tinulis ponaŋ pranatan, mamèt adatiŋ narpati, tan daṅu sampun dadi, baḍé tindaknya saŋ mulku, déné cucukiŋ lampaḥ, sardula sadaya kĕrig, iṅkaŋ kèri tuṅgu praja sawatara.

21. déné kaŋ ṅayap naréndra, warak laṇḍak baṇṭèŋ boṭi, kidaŋ mañjaṅan aṇḍapan, réwanda añjani babi, sumambuŋ pra ṅulami, maṅgalané ki paṅulu, katib modin mutihan, puṅgawa kaŋ tĕṅga puri, jakṣa patiḥ kori tuwin sarayuda.

22. tugur anèŋ pagĕlaran, iŋ magaṅan srimaṅanti, pranatan koñjuk sakṣaṇa, coṇḍoŋ iŋ karṣa narpati, tata tataniŋ abdi, tan iṅowahan ḷĕstantun, paṅgihan paraŋ tigan, ri wuṣṇya antara ari, praptèŋ ari jumuṅaḥ éñjiŋ samana.

23. saṅkĕp miranti samoha, saha kaŋ tumutur sami, kérig saguṅiŋ sudira, ṅalumpuk nèŋ srimaṅanti, mĕnuhi praptèŋ jawi, wuwusĕn sadaya wrĕku, ajag kirik lan wawar, samana wus dèn ḍawuhi, iṅkaŋ ḍèrèk pilihan muŋ kawan dasa.

24. kaŋ wus pratamèŋ wikara, digdaya dibya iŋ jurit, putus paṅulahirèŋ praŋ, samana jam aṣṭa éñjiŋ, dintĕn jumuṅaḥ pahiŋ, kapiŋ wolulas sutèṅsu, ruwaḥ warṣa jimawal, i saka saṅkalèŋ warṣi, gati sirṇa pujaṅga yata kocapa. patĕmoné saŋ kañcil karo saŋ dwija wrĕka ana iŋ paraŋ ĕṇḍog ṅadu kawigñan

25. biḍal saṛĕŋ lir sĕmayan, tindaknya moṅpraja kañcil, ṅilèn tirahiŋ samudra, déné tindaknya saŋ ṛĕṣi, ṅidul suracalardi, trus ardi sèkḥ bélabélu, nuli praptèŋ mañciṅan, dupi nèŋ paraŋ wédaŋ wrin, amoṅpraja tumurun sakiŋ aldaka.

26. pacalaŋ sima atusan, gumuruḥ bhumi lir goñjiŋ, kakaliḥ tĕmpuhiŋ tiṅal, maṅgut sami anampèni, kagyat kañcil maṅèkṣi, wĕnĕsiŋ cahya sumunu, wiṅit prabhaniŋ waktra, nétya sĕmu sumèḥ manis, raras sarwi ṅaraḥ araḥ rum iŋ śabda.

27. tumulya agagaṇḍéṅan, mriŋ paraŋ tigan sarimbit, ciptèŋ tyas moṅpraja tansaḥ, paṅugut ugutirèki, tambaḥ dupi miyarṣi, sakiŋ patiḥ kĕṭèk lutuŋ, marma kañcil maṅajap, iŋ galiḥ yun tĕmpuḥ luṅit, wuṣṇya prapta paraŋ tigan ḷĕṅgag tata.

28. kañcil luṅgyèŋ purwantara, sawadyakuswa kaŋ ṅiriŋ, déné kaŋ kapara pĕrak, paṅulu palwagañjani, mabukuḥ smu kapériŋ, kanan kiri urut luṅguḥ, saŋ dwija nèŋ pracina , sadaya siswanirañjiŋ, samya nĕbiḥ déné kaŋ kaparèŋ ṅarṣa.

29. sakawan srĕṅgala ajag, bahut munaḥ satru śakti, putus paṅulahirèŋ praŋ, mirit sahisiniŋ bhumi, duk samana dyan kañcil, ayun ayunan lan asu, moṅpraja pasraṅkara, pun uwa sami basuki, iṅkaŋ kantun wontĕn wukir suracala.

30. tumĕmpuḥ iŋ karṇèŋ wrĕka, trampil dènira maṅsuli, iṅgiḥ sami karaharjan, tan kiraŋ satu punapa, wusiŋ liriŋ liniriŋ, aso sawataranipun, ki paṅulu wahuwa, alon maju aṅabĕkti, mriŋ srĕṅgala yayaḥ caraniŋ manusa.

paṅuman umané saŋ kañcil akèḥ akèḥ maraŋ saŋ dwija wrĕka

31. marma uwa tinimbalan, nagari miḍaṅĕt warti, jĕṅandika ṅaku allaḥ, myaŋ kumpulan rina wĕṅi, raraton trapiŋ pardi, sadaya siswanta ṅgugu, tampi piwulaŋ dika, pra murid ṅrisak agami, agama kaŋ gumĕlar narik kotaman.

32. dadya sintruniŋ kasmala, kaŋ wus kĕkaḥ kaṅgé lami, winor lan yudanagara, sakiŋ pamardiniŋ nabi, kaŋ lumuḥ paṣṭi tampi, kukumiŋ syarak jinabut, luṅayané mriḥ dadya, crĕmin nĕmbaḥ iŋ hyaŋ widdhi, mriḥ warata tataniŋ dinilmustapa.

33. manawi makatĕn dika, jumĕnĕŋ guru pranatis, mijaŋ ṅilmu tan widada, ndĕdawa dadalan kapir, tan yun mardawèŋ dini, wiku paṇḍita antĕlu, nununtun mañjiŋ nraka, tiktrèŋ tyas yun durtèŋ karti, praja ṛĕṅka kagawa wulaŋ andika.

62. pocuŋ

1. marma mucuŋ cipta kularṣa katĕmu, karana andika, tinimbalan datan prapti, punapa ta botĕn miḍaṅĕt pawarta.

2. yèn wus kagluŋ kukum suléman nèŋ ulun, préntaḥ wus byawara, tĕraŋ ḍawuhiŋ hyaŋ widdhi, ṅaṅgé taṇḍa kalpika di mawa prabha.

3. siŋ a wĕruḥ riŋ waṅkawa liwran sujud, tuméja iŋ kasa, suṛĕm hyaŋ prataṅgapati, laḥ punika lètĕr wé gosok barliyan.

4. duk ḍumawuḥ riŋ kula mèlkat kaŋ rawuḥ, amanidikara, karana kéwan sabhumi, sujud sayuk tumutur pranatèŋ praja.

5. wus sabyantu sapulo jawi umèstu, tan wontĕn mañjila, ṅrĕkṣa sukrĕtyèŋ nagari, sampun kaṭaḥ conto kupiya kaŋ klampaḥ.

6. kèḥ tinĕmpuḥ adil pranataniŋ ratu, sléman ṅéjawantaḥ, añĕgaḥ gĕlahiŋ bhumi, titi tata maṅkya gĕmpal wit andika.

7. nukarta guŋ maṅrĕkṣèŋ nagri sadarum, duryasèŋ rèḥ arda, wus samya tobat mriŋ widdhi, suka bagya kaŋ kula jarwani tama.

8. sèwu sukur kurmat kutu kutu muṅkul, maṅké kasatmata, gĕmaḥ arjaniŋ nagari, wit agama ajriḥ rabbilṅalamina.

9. kaŋ kulayun kumpula ṅrusak iŋ tyas dur, sinajarwotama, gama gaṇḍulaniŋ urip, siyaŋ ratri parasdyaniŋ sudarṣana.

10. gagaran guŋ anaṅgulaŋ dama puṅguŋ, midrawèŋ bhuwana, sumĕbar amĕratani, sasat kabar bramartani surakarta.

11. koṇḍaŋ kiduŋ lir uṇḍaŋ sapiṅgir luruŋ, marduniŋ pratakṣa, wus kalampahan pra kumlip, agĕŋ alit suyud wĕdyasiḥ sutriṣṇa.

12. maṇḍak sampun misuḍa patiḥ paṅulu, jakṣa ulaḥ nalar, rukuniŋ kraton mĕpĕki, wus sampurṇa mahyakkĕn sudarṣanèŋ rat.

13. patiḥ ratu jakṣa kalawan paṅulu, kaŋ karya papaḍaŋ, maḍaṅi aran nagari, jumĕnĕŋnya awit sinihan iŋ jagad.

14. amamatut kèhiŋ baṅsa kaŋ tan turut, durcara iŋ sila, kara karanirèŋ urip, ṅluhurakĕn anĕmbaḥ dinilmustapa.

15. dintĕn puṅkur pinuṣṭèŋ tyas tan siniṅkur, saréṅat anbiya, ywa kadawa damèŋ bhumi, winahyakkĕn siṅa mopo pinidana.

16. ṅuni rusuḥ sèwu siji tan pinaṅguḥ, kaŋ mukṣis iŋ syarak, ṅlakoni amariŋ widdhi, tansaḥ muraŋ krama iṅkaŋ uṅgul mulya.

17. awit suwuŋ patiḥ jakṣa myaŋ paṅulu, ratu datan ana, dadya dur amĕratani, rèhniŋ kéwan tan ana kaŋ winĕdènan.

18. kèhiŋ dudu drubikṣa iṅkaŋ kalaku, maṅkya wus balabar, warata budi kaŋ suci, akèḥ sĕtya tuhu mriŋ dinilmustapa.

19. para dudu kèḥ parikramambĕk ayu, ilaŋ tanpa sésa, amblas tĕmaḥ rata yukti, basa rata ḷĕmpĕŋ atinirèŋ kéwan.

20. tanpa mbrĕñjul cukul budi kaŋ kalantur, paḍaŋ dédé surya, pĕtĕŋ limut dédé wĕṅi, laḥ punika dumunuŋ pañcĕriŋ nala.

21. kéwan saguŋ tutut manut amiturut, nir manaḥ durhaka, malaḥ maṅun puji dikir, suka sukur araŋ kataman iŋ susaḥ.

22. maṅkya muñcul mañcuṅul kaŋ nĕdya ṅlĕbur, mulyaniŋ agama, karana ṅilmunta wradin, sona wrĕka kaŋ yun aṅrĕbasèŋ karta.

23. rèḥ saŋ wiku maridakĕn ṅilmu rusuḥ, wani ṅaku allaḥ, wani ñirṇakkĕn hyaŋ widdhi, sakiŋ pundi purwané ṅilmu jandika.

24. para guru kuna pundi kaŋ kagugu, nabi wali saṅa, paṇḍita jamhur musanip, kitab hadis kuran pundi kaŋ iṅalap.

25. ho o luput déné makatĕn ginilut, kaŋ ñirṇakkĕn allaḥ, maṅrusak budi lastari, tamtu rusuḥ rusiya kaŋ baḍé ṅrĕbda.

26. yèn kabañjur ṅilmu makatĕn kalantur, ṅrisakakĕn praja, ṅambra kasmalaniŋ bhumi, awit baḍé ṅicalkĕn nĕmbaḥ sudyarṣa.

27. sampun tamtu kèḥ kéwan jina sadulur, bapa byuŋ jinanak, akèḥ kaŋ saṛĕsmi mĕdi, awit sakiŋ kukum khirat dikat béra.

28. swarga ḷĕbur nraka sirṇa dika gasruḥ, durtèŋ tyas sudyarṣa, paṅéran iṅaṅgĕp sĕpi, datan ajriḥ mriŋ paṅéran sipat rahman.

29. maṅka sampun sèwu gaṅsal atus tahun, saréṅat punika, arab mratani iŋ bhumi, praptèŋ ṅriki watawis nĕm atus warṣa.

30. purwanipun kraton dĕmak islam klaku, sanadyan budḍaa, kinèn widada iŋ budi, nĕmbaḥ déwa mèt gañjaran swarga mulya.

31. kaṇṭil murub sosotya barliyan mañcur, mas tinatur ṛĕṅga, ciri patra karasidḍi, laṅgĕŋ badan alus paṅawak jawata.

32. kilap èstu kilap dora kudu kudu, atasiŋ agama, anaa kaŋ dèn wĕdèni, nadyan sunya kudu tumurun tyas muja.

33. aṅgĕr patut kalakuwan sahé tinut, sanadyan tan ṅgĕga, yogyané sajroniŋ ati, lahir kudu mèstu yèn pamaṅgiḥ kula.

34. sampun daṅu tikbra braṣṭa nagri ṅiṅu, kèhiŋ paṅajaran, mulaŋ muruk siswa murid, sastra jawa arab winruhkĕn pra muḍa.

35. samya ṅgugu kuwat siyaŋ dalu kukuḥ, maḍĕp iŋ pracima, mumuji jumbuhiŋ gusti, kaŋ kulapti karti kartaniŋ bhuwana.

36. naṅiŋ lamun lir cipta jandika luput, samar ambalasar, mbabar budi ṅèṣṭi ḍiri, wadi wadi kawadaka tanpa daya.

37. dayèŋ kumpruŋ kuṭuŋ ciṅkraŋ ṅgayuḥ suwuŋ, ati cinipta hyaŋ, muraŋ syaraṅirèŋ nabi, klèṅg nata kadaluwarṣa budyala. 38. kaŋ kadyèku dika mahido pitutur, karan guru ṅrusak, murtat lir kapir yahudi, nasarani nétaḥ maḷĕbèŋ naraka.

39. sasar susur slusuran ki guru gasruḥ, pĕtĕŋ tanpa paḍaŋ, aṅlalu ṛĕjasèŋ juti, dika mahid maraŋ murid ṅayawara.

40. ṅuni sampun lupiyané kala kratun, dĕmak wontĕn bidṅaḥ, pinatènan déniŋ nagri, kyagĕŋ pĕṅgiŋ dayaniṅrat ṅrusak syarak.

63. paṅkur

1. muṅkur muŋ ardawalépa, budi dama mahya ṅilmunta kidip, katampan déniŋ woŋ biṅuŋ, ṅuṅun ṅaṅgĕp sañata, dèn atĕpi duña tumĕkaniŋ bésuk, sasar susur byaŋ ĕmbyaṅan, tan wĕruḥ kawruḥ kaŋ mukṣis.

2. nadyan cikla ciklu sira, mahabrata nèŋ madyaniŋ wanadri, bakṣaṇa brĕbĕkan kayu, yèn dika datan wikan, jroniŋ wandanira kaŋ jumĕnĕŋ iḍup, kadya kiñjĕŋ tanpa soca, sasaré sopanèŋ éblis.

3. apa nora gĕtun sira, bĕkakrakan cacad tĕkaniŋ pati, tapané nir tanpa kusur, kagawa maladiŋ tyas, ṅubalakĕn pañcadriyanta kapéñcut, rurupaniŋ duña gumlar, ṅapus kramaniŋ lastari.

4. éman tĕmĕn mahabrata, déné makṣiḥ kĕnèŋ paṅgoḍèŋ dajil, dajal laknat jroniŋ kalbu, ṅubuṅi tyas kasasar, sira tĕtĕp munapèk kaŋ bahélatun, aṅga paṅawak giyota, muŋ miturut juru muḍi.

5. nora wuruŋ prahu pĕcaḥ, yèn kataṅgor séla guŋ paraŋ curi, punika upaminipun, badan manut tyas nasak, muraŋ marga èstu sikil ajur mumur, kawadis kaŋ nora kuwat, kadim tanpa ika iki.

6. kaŋ yogya upama carma, tinataha pinulas amaṅrawit, supaya katona bagus, yéka ṅamal klakuwan, nora nana woŋ ṅlahirkĕn alanipun, tansaḥ pinulas pinrada, sinimpĕn ṛĕgĕdiŋ budi.

7. muŋ bijakṣa nawuŋ kriḍa, kaŋ waṣkiṭa maraŋ ṛĕgĕdiŋ ati, ala yogyané kadulu, kataṇḍa solaḥ bawa, kasatmata tétéla durtaniŋ kalbu, marma ywa muṅkir rasakna, urip nèŋ marcapadèki.

8. aywa ṅĕndĕlaké tapa, yèn duruŋ wruḥ jro wandanta pribadi, jroniŋ musakab asuŋ wruḥ, wa man ṅarapa napsa, kat ṅarapa rabbahu pardikanipun, siŋ sapa wruḥ iŋ sarira, tĕmĕn tĕmĕn wruḥ iŋ widdhi.

9. maṅka sun liliŋ sun sawaŋ, dika makṣiḥ wuta tan wruḥ iŋ jisim, yéka kaŋ mawèḥ kayuṅyun, iŋ tyas dur mriḥ tan arja, mahidakĕn iŋ ṅilmu culika apus, sabĕn sona tampa édan, majĕnun kagèndèŋ silib.

10. dalil kuran tan iṅalap, amuŋ ṅilmu karaŋ kaŋ dèn antĕpi, mrojol sakiŋ watonipun, qiyasé tan kasrambaḥ, tĕmaḥ ṅaṭik aṅĕṭukkĕn mamriḥ bujuk, marma sulaya lan para, ṅulama iŋ tanaḥ jawi.

11. wahu ta saŋ srĕṅgala dwija, prastawèŋ tyas mriŋ paṅuṇḍatiŋ kañcil, mubaliŋ pañcadriya wus, lir bramastra sakṣaṇa, ṅrĕbda ṇḍrĕḍrĕg kumĕdut padoniŋ tutuk, kabasmaran ponaŋ nala, puwadduljakiyaḥ basmi.

12. lir tinĕpak kanaŋ muka, gĕtĕr kĕtug jiwaṅga wus dadyagni, anala mubal gumrubug, sakiŋ tri kanapsonnya, ari siri sanubari mèḥ kalimput, bab śabda ardawalépa, wimbaniŋ liŋ radèn kañcil.

13. bawuriŋ cipta srĕṅgala, ciptanira yun tiwikrama wrĕdi, mĕkar yayaḥ mahamèru, sirṇa ciptaniŋ tapa, nĕdya muṣṭi prĕmadi tikṣwaniŋ siyuŋ, tumulya ki uwahuwa, traṅginas waṣkiṭèŋ wèṣṭi.

14. sigra maju ṅrahup pada, manuhara mriyĕmbada ṅrĕrintiḥ, waṣpanira sru kumucur, aturé kadiparan, datan wandé bhumi laṅit dados awu, yèn paduka tiwikrama, samĕnit datan ṅuḍili.

15. yakti braṣṭa tanpa sésa, iṅkaŋ sabar aṅgèr sampun kagaliḥ, owĕl dibyanta kaŋ komuk, kontab sajagad raya, paduka wus kaloka yèn hamawiku, lamun kanapsoné cĕpak, baḍé tan tumĕṅkar wuri.

16. wĕlasa mriŋ surya candra, bhumi laṅit sahisiné sakalir, punika tan milu milu, yèn padukarṣa duka, ṅlĕbur jagad aḍuḥ saŋ paṇḍita sampun, dwija sona duk miyarṣa, aturiŋ paṅulu khakim.

saŋ dwija wrĕka ṅajokaké patakonan nĕm pasal supaya dijawab saŋ kañcil

17. siṛĕpiŋ driya wikrama, dyan sinamun gĕtuŋ duruŋ ṅlakoni, wus maṅkono mahawiki, kaŋ pratamèŋ wikara, analaṅsa iŋ nala mariŋ hyaŋ aguŋ, sinamun iŋ samudana, mèsĕm mèsĕm ṅandika ris.

18. mriŋ kañcil kaŋ ambĕk nata, pasraṅkara sèwu tarima mami, nuhun nuhun satus èwu, jandika ṅuman uman, awit kula tinimbalan tan cumuṇḍuk, kula prasaja kéwala, kagaliha kaŋ sayakti.

19. lan maliḥ dika jawaba, iṅkaŋ cocog duga watarèŋ ati, sampun kantos salaŋ surup, rèhné sami sarjana, bokmanawi jandika wus tanpa kéwuḥ, baḍé pitakèn kawula, iŋ tyas janurjèṅkara di.

20. kula kintĕn lamun wignya, añjarwani saṭiṭik wus ṅiribi, kaŋ kula gulaŋ kula gluŋ, nalar kaŋ satus yuta, salaminya dèrèŋ wontĕn baṅkit ṅĕcup, kajawiné amuŋ dika, kaŋ wus wicakṣaṇa murti.

21. jandika madĕg naréndra, amisuḍa paṅulu jakṣa patiḥ, nĕtĕpi ugĕriŋ kratun, adĕgirèŋ karatyan, ṅèmpĕr èmpĕr mirib pranataniŋ ratu, balik dika paripakṣa, kumawani tampa ḍuwit.

22. pajĕg bhumi désa désa, saha wani nampani bĕras pari, déné doyan pinisuṅsuŋ, dika tan ñiṭak sawaḥ, datan nandur pucaŋ tirisan tan macul, éṅgak éṅgokiŋ kĕḍokan, sacluwik datan udani.

23. lan étuṅirèŋ cĕṅkalan, apa manèḥ kéblatiŋ grad tan uniŋ, loḥ cĕṅkaré dika tan wruḥ, prandéné mupu béya, mubĕŋ miṅĕr salin salin ambĕbiṅuŋ, pikulan lan panaṅgalan, pĕṭuk panampa wilaḥ wlid.

24. krigaji saṅon pasilan, pluṅguḥ saha panĕtĕp warṇi warṇi, tuluṅan lan gugur gunuŋ, jatiné ṅaraḥ arta, ḍistrik dĕmaŋ cinaḍaŋ kluputanipun, dika datan karya arta, parandéné muṇḍut ḍuwit.

25. talèn wukon rupyaḥ sĕmat, kĕṭip kĕlip béṅgol sèn tuwin bribil, kaṅjĕŋ guprĕmèn sadarum, iṅkaŋ yasa punika, pantĕs lamun para résiḍèn kaŋ mupu, kuwasané rad hindiya, rèhniŋ wus rumasa kardi.

26. waṅsul kañcil pakĕnira, paripakṣa muṇḍut tĕbasan ḍuwit, hèḥ sababna bab puniku, supaya paḍa trima, aywa koṅsi ṅgĕrantĕs sĕrik iŋ kalbu, yèn dika tan asuŋ jarwa, tĕtĕp datan aran ḍuwit.

27. puniku kriṅĕt lawan raḥ, moṇḍoŋ mikul woŋ désa luru ḍuwit, nĕdya kinarya tur atur, pamuṇḍutiŋ paréntaḥ, waṅsul iṅkaŋ nampani napa tan gĕtun, mĕṛĕs gĕtihiŋ sasama, kriṅĕtiŋ sami dumadi.

28. punapa tan darbé wĕlas, ṅĕtus kriṅĕt dagiŋ gĕtihiŋ kuli, kadoṣpundi awitipun, jamané kuna kuna, déné wontĕn lampahan kadya puniku, rèḥ jĕṅandika tan ṅodrat, bhumi bañu gĕni aṅin.

29. yèn dika kaŋ gawé jagad, lan turuniŋ jawaḥ sakiŋ wiyati, dika kaŋ ṅodrat tumurun, kula wus datan tanya, dènta muṇḍut pajĕg lan sadaya wahu, maṅka kañcil nora pisan, ndadèkkĕn gumlariŋ bhumi.

30. paṅintĕn kula jandika, kadadian paḍa bahé lan mami, tan béda lan kuli ḍusun, sami akhayun khayat, pañcadriya datan pahé ananipun, dika tan wĕruḥ hyaŋ sukṣma, kuli tan uniṅèŋ widdhi.

31. sipatnya roŋ puluḥ paḍa, botĕn béda taṇḍa lamun sasami, déné dahat kumaluṅkuŋ, mumuṇḍuti ardana, salin salin pañjaluké supayantuk, dadya pañjĕritiŋ jagad, oṛĕg maṇḍala sru goñjiŋ.

32. yèn bhuminé tan micara, kèhiŋ kéwan kaŋ ñjĕrit sasat bhumi, rèḥ asalé sakiŋ ḷĕbu, laḥ punika rasakna, yèn wus tĕraŋ pañcasĕn aywa aṅgasruḥ, prakara pamupu béya, supaya nrima woŋ cilik.

64. asmaradana

1. kasmaranira tan sipi, dènnya pinrĕs kriṅĕtira, kasirṇakna paṅgrĕsahé, narakarya patrol ruṇḍa, katĕmpuḥ rumakṣaka, rina wĕṅi bahu suku, tumindak ṅlakoni préntaḥ.

2. lamun dika datan baṅkit, mĕḍar pitakon punika, sampun dika madĕg katoŋ, yogyané dadya ojogan, ñuñuṅgi mriŋ samaraŋ, saṭiṭik druhakanipun, nora ulaḥ kawruḥ byuha.

3. wajibiŋ nata mĕruhi, byuha kartiniŋ bhuwana, yèn tan maṅkono woŋ ḍèglèŋ, glèlaŋ glèlèŋ ambĕk nata, jinuñjuŋ winiwaha, yèku naréndranirèŋ dus, kañcil iṅkaŋ kaya sira.

4. ḷ‍ĕḷĕṭĕk durtèŋ pakarti, ratuniŋ niṣṭip paragak, musibat laknat kalbuné, kumawawa gunardika, pakṣa sudirèŋ jagad, jatiné durta rèḥ bujuk, kuṭip nrèṭèk ṭaruṭukan.

5. kélasiŋ rat glahiŋ bhumi, dudu jamak nata tama, koḍĕŋ pakaton maṅkono, pirabara naradipa, baṅkit maluywa praja, byuha byakta ginulaŋ gluŋ, adil karta wiṣṇukara.

6. priyé yèn sira tan mruhi, cupĕt ṅasta witaradya, dudu pramodaniŋ katoŋ, tumpaŋ suḥ aṅayawara, puwaraniŋ ruhara, sabaraŋ karṣa ḍinaku, duruŋ wruḥ péraṅiŋ nata.

7. puniku suwal sun kañcil, sun karya pasal sapisan, déné iṅkaŋ kapiŋ piṇḍo, kula pitakèn jandika, pakĕnira sĕnĕmbaḥ, ḍumatĕŋ samaniŋ makhluk, gĕŋ alit mèstu sumaraḥ.

8. samya jriḥ myaŋ ṅaṅgĕp gusti, awit ṅaku khlipahiŋ hyaŋ, jumĕnĕŋ wakiliŋ manon, mĕṅku adil kukum ṅakal, kĕcap maṅap suléman, kuḍuŋ walulaṅiŋ kuwuk, sabĕn bocaḥ cilik éram.

9. lan maliḥ dika sĕṅadi, antuk buslid pasèt prasman, gosok barliyan mañcoroŋ, ṅaku pariṅiŋ paṅéran, malékat nidikara, tumurun mariṅkĕn wahyu, wahyanirèŋ drajad kobra.

10. kula tan ṅgugu sayĕkti, wit miturut dalil kuran, malahékat datan katon, apa manèḥ maha mulya, tan kaṇṭa warṇa araḥ, kacakra nèŋ jisim dudu, lajamana lamakana.

11. walalidin walanidin, waladihni lakarija, paṣṭi paṇḍakunta goroḥ, ṅakwantuk gañjaraniŋ hyaŋ, sayuta doracara, ṅapusi silaniŋ ayu, nasarkĕn mariŋ kaŋ wuta.

12. prajahlu boḍo wĕdyasiḥ, ṅaṅgĕp puja puji sĕmbaḥ, puniku palsu dayané, justak kĕṭèn wéndran yutan, woŋ ṅaku ratu gampaŋ, laḥ ĕndi wajibiŋ ratu, pariŋ waḷĕs maraŋ wadya.

13. anèŋ nusapada iki, yogyané asiḥ sasama, maṅka dika gawé boḍo, tan wruḥ papacuhiŋ kitab, tĕkĕn sudarṣanarja, parandéné tĕka limut, tan mèstu cĕgahiŋ kuran.

14. muṅguḥ kèḍĕpiŋ kumĕlip, kaŋ warṇa buslit nèdĕrlan, intĕn barléyan lètĕr wé, punika sèwu dupara, bagjané kĕnèkĕr glas, ṅaku sinihan hyaŋ aguŋ, wus tĕtĕp yèn ṅapus krama.

15. nadyan anaa kaŋ bĕliŋ, mokal lamun tanpa saṅkan, gumliṇḍiŋ atinta gĕḍé, tan wruḥ gunaniŋ pisaca, ṅgĕgèndèŋ mañjiŋ nraka, iṅaṅgĕp sakiŋ hyaŋ aguŋ, allaḥ trĕṣṇa maraŋ sira.

16. lamun anaa hyaŋ widdhi, paṣṭiné tinitaḥ paḍa, yèn tan anaa hyaŋ manon, apa sababé sulaya, gĕḍé cilik binéda, sugiḥ miṣkin ala bagus, bagya cilaka saṅsaya.

17. tumulya pasal kapiŋ tri, kula maṅké atataña, makatĕn jarwakna agé, iṅkaŋ tétéla satmata, bab kawruḥ jĕṅandika, pundi sajatiné ṅilmu, iŋ pundi kaŋ dipunpuja.

18. puji puji rina wĕṅi, kaŋ gumĕlar tatèŋ syarak, winor yudanagarané, kukuḥ karṣané jajarwa, makatĕn kula taña, kéwan kadadiyanipun, amĕṇḍĕt sakiŋ punapa.

19. sampun dika pĕṭèk wadi, madi mani manikĕmnya, kaŋ sarta sampun pinĕṭèk, bhumi gĕni aṅin toya, puniku catur bocaḥ, goroḥ tan kéṅiŋ ginugu, gagaṇḍulan kawruḥ kuna.

20. kadadiyaniŋ kumĕlip, iṅkaŋ sipat khayun khayat, laḥ sakiŋ pundi saṅkané, nuli tumitaḥ nèŋ duña, rumakĕt pañcadriya, kala bayi tĕkèŋ sĕpuḥ, punapaa saṅĕt béda.

21. dika kala makṣiḥ bayi, tan wruḥ satuṅgal punapa, paṅambu paṅruṅu koṭoŋ, paniṅal tuwin panabda, sĕpi sunya tan ana, nadyan aṅĕn aṅĕn suwuŋ, tan ṅrasa darbé jiwaṅga.

22. sawusiŋ antara ari, dika wruḥ yèn darbé khayat, khayun sapanuṅgalané, pañcadriyanta rumantya, yèku sabab punapa, jawabĕn kaŋ tĕraŋ tĕrus, cocog lan sakṣi taṇḍanya.

23. ndarbèni daya linuwiḥ, aṅĕn aṅĕn kinawasa, laḥ sakiŋ pundi saṅkané, duk jabaŋ ika tan ana, dika pribadi prikṣa, kala makṣiḥ jabaṅipun, tan wruḥ sawiji punapa.

24. makṣiḥ tuṅgil pasal piŋ tri, bab uripiŋ janma kéwan, sakiŋ punapa sababé, uripé sakiŋ punapa, patiné krana apa, sabĕn dina loṅiŋ umur, tan karasa muṅguḥ dika.

25. puniku laḥ kadipundi, babaṛĕn pitakèn kula, ñawa siyaŋ ratri kaloŋ, pundi iṅkaŋ datan owaḥ, pundi kaŋ klĕṛĕs suda, kañcil moṅpraja wus kasub, patuté bahut narbuka.

26. sampun dika pĕṭèk aṅin, punika pikukuḥ iman, kĕmlaḍéyan nunut bahé, jèrèṅĕn iṅkaŋ tétéla, caturé woŋ sarjana, nora éwuḥ mañjiŋ kalbu, jro nala luwiḥ narima.

27. pasal kapiŋ catur maṅkin, aṅgèr pitakèn manira, lalakoniŋ laku élok, ugi jarwakna kaŋ tĕraŋ, sabab déniŋ punapa, gumĕlar kabèhiŋ wujud, iŋ tĕmbé sadaya sirṇa.

28. iṅkaŋ kapiŋ lima maṅkin, manira taña mriŋ dika, nèŋ akhirat urip maṅgon, iŋ pundi sasananira, punapa nèŋ kuburan, punapa midrawa mabur, ṅawaŋ awaŋ rawismara.

29. punapa maḷĕbèŋ jisim, murda sapaṅaṇḍapira, punika guṣṭika bosok, mumur sadaya susawa, punapa malbèŋ nétra, iŋ kaṇṭa warṇa dumunuŋ, mañjiŋ mriŋ abramarkata.

30. piṅgir putiḥ sĕmu kuniŋ, tĕṅaḥ biru byar katiṅal, byar ilaŋ ana iŋ kono, nuli tumaṅgal mañjanma, nukṣmèŋ putra naréndra, ṛĕjasa rahśèŋ tumuwuḥ, pĕṛĕsan jalu wanudya.

31. sorog pandam surya crĕmin, wayaṅan mayaṅga séta, wus déné wawayaṅané, darusalam kaŋ sasana, muṅguḥ woŋ ahli rasa, punapa mañjiŋ adĕbun, danbi maṅgiḥ bhuwanarja.

32. pundi kaŋ dipundunuṅi, tuduḥna kraton akhirat, kaŋ sarta katon samaṅké, ywa kacakrabawa kira, bĕnĕr luput tan wikan, saka warṣitaniŋ guru, kaŋ ginugu puṅguŋ muḍa.

33. kapiŋ nĕm patakon mami, paḷĕṭèkiŋ surya wétan, soré surupé maṅulon, punika sabab punapa, tuwin maliḥ ṛĕmbulan, yèn makṣiḥ nom krowak ḍuwur, yéka kaliṅan punapa.

34. maṅétan lakuniŋ sasi, déné maṅulon sirṇanya, sakiŋ pundi daya wité, jarwakna iṅkaŋ tétéla, tuhu yèn amoṅjagad, saha maliḥ kula yun wruḥ, pundi tĕṅahiŋ bhuwana.

65. ḍaṇḍaŋgula

1. madubrata ndi watĕsiŋ bhumi, jamaké woŋ aran amoṅjagad, paṣṭi wruḥ iŋ duña kabèḥ, ywa aran maṅkonèku, lamun datan baṅkit saŋ jarwi, tĕtĕpana aranta, kaŋ kruṅu tan mĕsgul, dika aran amoṅjagad, iṅsun kira saglĕpuŋ pinra sakĕṭi, duruŋ wruḥ tĕgĕsira.

2. ciptaniŋ tyas pikirmu pribadi, manonbawa mbawani bhuwana, anaṅiŋ kawruhé rèmèḥ, aṅgĕpé rat ginuluŋ, myaŋ misudḍa paṅulu patiḥ, jakṣa rukuniŋ krajan, saha ṅgañjar payuŋ, putiḥ kuniŋ mawa prada, uṇḍa usuk gĕḍé cilikiŋ paliṅgiḥ, sun koḍĕŋ jarwakĕna.

3. lan jèrèṅĕn pasal nĕm iŋ ṅiṅgil, nĕnĕm wahu kaŋ titi traŋ ñata, sun kira datan kawĕkèn, dadya ṅèṅrèṅan sunu, traḥ tumĕraḥ iŋ dina buri, kawĕntar kajuwara, sampurṇa iŋ kawruḥ, kaanané winatara, pataŋ kĕṇḍaŋ kartasé duruŋ ñukupi, makṣiḥ luwiḥ carita.

4. sun narima riṅkĕsan bahé wis, karya grénda budi iṅkaŋ papak, kĕṭul miṅisé wit kiyé, naṅiŋ sirèku tamtu, siji bahé duruŋ udani, koḍĕŋ biṅuŋ mak makan, juḍĕg pamikirmu, sacuwil tan bisa mbuka, yèn bisaa sasat ṅilmuniṅsun uwis, dumunuŋ anèŋ sira.

5. anaṅiŋ sun watara sirèki, éwuḥ pakéwuḥ nuwuhkĕn tuna, nadyan kawruhira akèḥ, bab sampurṇaniŋ layu, miwaḥ ṅilmu sampurṇèŋ urip, naṅiŋ ta duruŋ pisan, bab iku yèn ṅgayuḥ, wĕruḥ manèḥ yèn wĕruha, kruṅu lagi iki suwal sun nĕm warṇi, dahat ambraṣṭa prana.

6. iṅkaŋ ṅgugu kawruḥmu woŋ piṅgiŋ, pantĕs tĕtĕp luluḥ lalu nrima, kagèndèŋ boḍo atiné, bisa wruḥ jatullahu, hakékatiŋ kéwan kahèṣṭi, èṣṭiniŋ tyas wus ñata, nora wruḥ kĕpahuŋ, wus jamaké kéwan tuna, aṅantĕpi kaŋ dudu dinaliḥ yakti, béda lan manonbawa.

7. nadyan yakin kudu kaṇṭi sakṣi, makṣiḥ binudi dayaniŋ rahśa, duga duga prayogané, yèn wus khusus tyas makṣud, dyan kiniyas jamak murtyadi, tan ṅgugu wĕjaṅiŋ lyan, tan mahido tutur, kabèḥ pinañjiṅkĕn nala, nora lali ala bĕcikiŋ pakarti, karan woŋ wicakṣaṇa.

saŋ kañcil kajuḍĕgan bañjur nalaṅsa maraŋ saŋ dwija wrĕka

8. duk samana kañcil dupi myarṣi, suwalira sona nĕm prakara, braṣṭa nétya ṅloŋ ciptané, wus rumasa tan ṅgayuḥ, sandéyèŋ tyas kañcil kapati, ñjĕṅĕr sapta pandurat, nrantaŋ liṅluŋ limut, sru mumudya rawismaya, mandrawasa yayaḥ supĕna nèŋ kaṇṭil, bab widagdèŋ pataña.

9. widik yayaḥ rawismaya murti, ṅartikèŋ tyas tuhu dwijotama, khusus bahudiŋ pitakèn, maṅkana tyaṣṇya tuwuḥ, sayogyèṅsun maṅanor ḍiri, talabul ṅèkṣikara, karananiŋ iḍup, muriḥ wahyaniŋ wasita, duña akhir yakin kaṅgo ṅrika ṅriki, nulya arṣa maṅrĕpa.

10. jlog tumurun sakiŋ gyaniŋ liṅgiḥ, silakrama asta ṅapurañcaŋ, kañcil moṅpraja aturé, aḍuḥ murtiniŋ wiku, kawruhamba sampun braṣṭa nis, samĕnir tanpa nalar, wit suwal pukulun, kaŋ ṅèbĕki bhumi kasa, amba ñuwun lumuṅsur wibawèŋ aji, narimaḥ nilas karṣa.

11. prajèŋ gĕbaṅtinatar samaṅkin, jakṣa patiḥ paṅulu myaŋ wadya, kaŋ muḍa puṅguŋ iŋ maṅké, kastaa saŋ dibya nuŋ, praḷĕbda mriŋ suracalardi, ṅatas rèḥ samahita, wimbanirèŋ wuruk, tatasilèŋ madyapada, jĕŋ paduka kaŋ sayugya ambawani, wibawaniŋ bhawana.

12. bawanipun amba makṣiḥ piṅgiŋ, gampil tĕmbé yèn sampun prastawa, tatas titis iŋ paṅĕrèḥ, amba ñuwun sumambuŋ, suhunaniŋ prajarjèŋ jawi, sigra pra wadya murda, para pinisĕpuḥ, kyayi paṅulu wahuwa, sardula myaŋ raṅutan kĕṭèk añjani, kaŋ ḍèrèk maṅun basa.

13. samya ṅaras padané saŋ yogi, matrapakĕn silakrama arja, rèḥ gustiné wus katitèḥ, mirut dibyèŋ ratwaguŋ, marma para puṅgawa sami, tan ana iṅkaŋ mrĕṅkaŋ, kabèḥ marikĕlu, tuṇḍuk griwa nor bantala, ṅuñcup asta maṅataṣkaraniŋ urip, iŋ kaṅjĕŋ nayakèṅrat.

66. maskumambaŋ

1. lir maṣkéntar saŋ dwija wahyanirèŋ siḥ, lir glas tibèŋ séla, kumĕpyur sajroniŋ ati, malat triṣṇaniŋ wardaya.

2. dupi mèkṣi siladamanirèŋ kañcil, mabukuḥ krĕpana, muka lir koñjĕm pratiwi, saha wadyabalanira.

3. dwija sona kogĕl kogukiŋ paṅgaliḥ, mriŋ kaŋ mĕlasarṣa, taṇḍa kañcil tyasirèki, tuhu widagdèŋ wéwéka.

4. mahabrata tan kilap waṣkiṭa titi, sajĕroniŋ prana, nira kañcil amoṅbhumi, dènnya masrahkĕn nagara.

5. ḷĕga rila nulya sona nabda aris, ḍuḥ saŋ abipraya, kaŋ mbawani bhawana di, misuḍèŋ siḥ iŋ sasama.

6. prayogané tutugna iṅsun mbyantoni, mĕṅku witaradya, wahyaniŋ wahyu kobra ji, ratwaguŋ lajĕriŋ duña.

7. amasésa sèsiniŋ kutu kumĕlip, yèn sira tan wignya, wajibiŋ ratu mumpuni, bijakṣa rèḥ samahita.

8. lan patakon iṅsun kaŋ nĕnĕm prakawis, iku sèwu gampaŋ, muŋ aṅèl kaliṅan budi, ṅlaṅut sopananiŋ cipta.

9. kaŋ nukarta rumakĕt rasika wrĕdi, tyas mandanumaya, tumĕmpuḥ jamuna rukmi, midrawa pañcĕriŋ nala.

10. iya iku pañjuta tan kĕnèŋ pati, sutarta jiwaṅga, dé urub urubiŋ gĕni, nétra karṇa ganda rasa.

11. kaŋ minaṅka sunarnya sajroniŋ ati, laḥ aṅgèr rasakna, ṅuṅkuli hyaŋ bagaṣpati, jatiné sajarwotama.

12. kaŋ dadya nur karṇa nétranta pribadi, winatarèŋ duga, prayoga dadi sasariŋ, paḍaŋ traŋ lir kèkĕr prasman.

13. patañèṅsun nĕm pasal kaŋ bakal dadi, adiniŋ kasmala, subraṣṭa yèn wus kawarti, lamun sira bisa tampa.

14. luwiḥ éwuḥ wastra bakṣaṇaniŋ ati, tan liya papaḍaŋ, kaŋ pañcadriya rumanti, pirantiniŋ madyapada.

saŋ dwija wrĕka karṣa kaboyoŋ saŋ kañcil bañjur babaṛĕṅan maraŋ gĕbaṅtinatar

15. kañcil matur aḍuḥ saŋ pramodèŋ ṛĕṣi, amba mèstutyarja, paduka ulun aturi, tĕḍak ḍumatĕŋ mudraka.

16. iŋ nagari gĕbaṅtinatar saŋ ṛĕṣi, maṅgut waṣkiṭèŋ tyas, trus traŋ jiwaṅganiŋ kañcil, dènira masrahkĕn praja.

17. anaṅiŋ saŋ ṛĕṣi dahat tan ṅrujuki, muŋ sarjuniŋ driya, suyati yun misĕpuhi, birat rajaḥ kalacakra.

18. nulya jĕṅkar samana murti kakaliḥ, kaŋ maṅka maṅgala, dĕbi arimba arimbi, ñjajari wisatèŋ wuntat.

19. ki paṅulu uwahuwa myaŋ ṅulami, tumutur riŋ wuntat, jajar lan srĕṅgala cantrik, ajag aṅsaŋ kikik wawar.

20. radèn amoṅpraja jajar lan saŋ ṛĕṣi, dupyarṣa kawuntat, kañcil tinarik ñjajari, sasĕtrip mètĕr tan pisaḥ.

21. ĕlur sĕlur tan sĕlaŋ sĕliŋ apḍĕliŋ, goloṅaniŋ lampaḥ, tan kĕna kasĕlan siji, yayaḥ lakuniŋ widagda.

22. tan winarṇa iŋ marga samana prapti, tumamèŋ kaḍatyan, luṅgyèŋ dirgasana rukmi, dwi umakṣi purwantara.

23. duk samana maṛĕṅi ari ṛĕṣpati, iŋ masa kartika, silapaṅga punaŋ warṣi, étaṅiŋ surya saṅkala.

24. swara anrus panagan sumaṅga mugi, sami kahétaṅa, paṅgihiŋ wrĕka lan kañcil, pintĕn tahun praptèŋ maṅkya.

25. sigra sigra kyana patiḥ jakṣa èṣṭi, waṣkiṭèŋ pamawas, gustiné wus éka kapti, karwéka mriŋ ṅabantara. 26. maṇḍaḍap plĕk laku ḍoḍok ṅarṣa saŋ dwi, maṇṭuk murti karwa, patiḥ jakṣa dyan ṅabĕkti, sampéyanira saŋ tapa.

27. iya iku papatiḥ dadi panarik, mulaŋ tyasilèŋ lyan, sĕmbahé minaṅka crĕmin, marma sadaya puṅgawa.

28. kanut maraŋ paṅabĕktinirèŋ patiḥ, nulya narapraja, wrata sadaya gĕŋ alit, iṣṭa tatanirèŋ janma.

saŋ kañcil amoṅpraja añjuñjuŋ saŋ dwija wrĕka linuhurakĕn asma panĕmbahan juruwarta

29. wusñantara wahu amoṅpraja ṅliriŋ, nandukkĕn nayana, patiḥ tampi sasmita ji, alon maṛĕk pasaŋ karṇa.

30. amoṅpraja aṇḍawuhi kyana patiḥ, ṛĕṅĕn kartipraja, ḍawuḥna saguŋ kumĕlip, iŋ juraŋ trĕbis wanarga.

31. yèn samĕṅko wimbaniŋ partisara di, dwijèŋ suracala, sun juñjuŋ luhur wawaṅi, panĕmbahan juruwarta.

32. amartani siswa pawiyatan nagri, iŋ gĕbaṅtinatar, tuwa anom gĕḍé cilik, ṅatas pajaraniŋ gĕsaŋ.

33. panĕmbahan pardikané kaŋ pinuṇḍi, sinĕmbaḥ iŋ kaṭaḥ, ratu paṅulu papatiḥ, jakṣa arya kulawarga.

34. para wadya kaŋ suméwa sahur pakṣi, mantrastutyèŋ karṣa, suka sukur aṅamini, santosanirèŋ paréntaḥ.

67. sinom

1. mupakat préntaḥ śri nata, kabyawara sanagari, pra santana iṅkaŋ séba, ṛĕṣi ajar iṅkaŋ mrĕgil, wus sami aṅèstrèni, partisaranya saŋ wiku, jumĕnĕŋ panĕmbahan, wĕnaŋ sinĕmbaḥ sabhumi, para taki para tapa sukur suka.

2. samana saŋ panĕmbahan, jurumartani pinuṇḍi, sinuŋ suyasa satuṅgal, anèŋ sakulon cĕpuri, ṛĕṣpati siṅit sĕpi, mèṅgĕp pasĕnĕtan wiku, déné murid srĕṅgala, ajag aṅsaŋ wawar kikik, iṅkaŋ kèri nèŋ wukir wus samya séba.

3. samya iṅupa pisrama, ana winisuḍa liṅgiḥ, kapaṅkat sapantĕsira, dadya dwija ṛĕṣi ṛĕsi, iṇḍuŋ maṅuyu cantrik, kaŋ makṣiḥ muja nunuṅku, kèḥ kadanan pradana, lumintu iŋ sabĕn sasi, marma saguŋ srĕṅgala ṅajap sumantra.

saŋ kañcil minta jarwa tĕraṅé ṅilmu sajati saŋ panĕmbahan añjarwakaké ṅilmu pipiṅitan saŋ kañcil bisa nampani kalayan waṣkiṭa

4. samana alama lama, siyaŋ ratri ṅanor budi, moṅpraja mriŋ saŋ sinĕmbaḥ, iṅaṅgĕp ayaḥ sayakti, sadarpa amaṅudi, diniŋ kawruhiŋ tumuwuḥ, gunarjaniŋ prajarja, sadu parikramaniti, ambawani wibawa bhuwana kobra.

5. nuju iŋ ari sajuga, moṅpraja sowan saŋ ṛĕṣi, ñuwun siḥ lunturiŋ jarwa, babaré suwal nĕm warṇi, kaŋ ṅlimputi tyas piṅgiŋ, maṅkana moṅpraja matur, aḍuḥ saŋ panĕmbahan, amba minta wahyèŋ budi, pranawamba yun ṅuṅkuli diwaṅkara.

6. lir śabda tuwan kaŋ mimba, guréndaniŋ ati budi, kaŋ cukul pañca pramana, amba yun tĕraŋ rumiyin, paṅuwaliŋ karṇa dwi, nétra grana tuwin tutuk, yèn punika wus tĕraŋ, umañjiŋ kuluṅiŋ ati, kumacèlu riŋ wahyèŋ warṣitotama.

7. anaṅiŋ paṅintĕn amba, datan sagĕd anampèni, rèḥ kawistara iŋ wĕca, mĕmĕt ñamut amĕtĕṅi, maraŋ kaŋ dèrèŋ tampi, cupĕt manaḥ iṅkaŋ cubluk, éwadèntĕn tan wĕgaḥ, sabab paduka payuṅi, anĕnétaḥ nuntun lumpuḥ midĕr iŋ rat.

8. ṅandika saŋ juruwarta, bĕnĕr ujarmu malar siḥ, aturira ṅgèndèŋ triṣṇa, nanarik wahyaniŋ jarwi, punaŋ kawruḥ sajati, sun kira sira añakup, sukur sèwu iŋ nala, bakal warṣitèṅsun dadi, laḥ bukakĕn aṅgèr pamiṛĕŋmu karwa.

9. karṇa nétra darbé daya, iŋ swara tan wujud kèkṣi, tĕmpuḥ sampyuḥ lir cañcala, mañjiŋ sajĕroniŋ budi, dadi jumĕnĕŋ ati, iŋ kono ana mahujud, aran tirta nirmaya, bañu khayat midrèŋ jisim, laḥ ta iku kaŋ baṅkit liriŋ panĕdya.

10. sajĕromu ana napas, mañjiŋ mahyèŋ nétra kupiŋ, iṅkaŋ datan darbé karṣa, datan krasa ṅĕlak ṅĕliḥ, waras utawa sakit, kaŋ ndarbèni karṣa bañu, mañjiŋ paṅuwal driya, sampèni sabaraŋ kalir, naṅiŋ kudu kaṇṭi dayaniŋ udara.

11. tĕgĕsé udara hawa, hawa basané iŋ ṅarbi, woŋ mlayu aran udara, woŋ jawa tan darbé nami, kasĕbut waṅwuŋ kaki, lirnya waṅwuŋ iku suwuŋ, sajatiné udara, aṅin iṅkaŋ nora mosik, naṅiŋ asuŋ nikmat mratani sajagad.

12. sadaya kaŋ aran gĕsaŋ, antuk hawa mahya mañjiŋ, manukṣmèŋ nupus tĕnapas, nĕmpuḥ tirtaniŋ khayati, lir kaŋ wus kocap ṅarṣi, tanpa paṅruṅu paṅambu, déné warṇiniŋ hawa, datan kakuŋ datan èstri, midĕr iŋ rat naṅiŋ dinumuk tan kĕna.

13. marma pra guru mèḥ warta, iku dèn aṅgĕp hyaŋ widdhi, kaŋ maṅkono duruŋ muhtas, kaŋ tatas sarta patitis, tan arṣa ṅaṅgĕp yĕkti, kajaba muhuŋ pikukuḥ, urip olèḥ udara, tirta maya plas nampani, wus tétéla mañjiŋ purbèŋ pañcadriya.

14. udara ṅlĕlantiḥ nala, nikmat traṅginas nampani, ṅambil paṅruṅu pamrikṣa, kadayaniŋ hara luwiḥ, kuliliŋ midĕr jisim, aṅĕn aṅĕn kuwat kukuḥ, ñjĕnĕṅkĕn solaḥ bawa, dadya pañananiŋ ati, kabèḥ kabèḥ hèḥ ta kaki rasakĕna.

15. napas nupus myaŋ tĕnapas, anpas naṅiŋ séjé margi, laḥ iku asalé tuṅgal, kaŋ séjé muŋ bañu urip, khayati duña kaki, tĕmbuŋ arab wus kalaku, midĕr midrawèŋ raga, dalaḥ pranawanta kaki, ambu rasa paṅruṅu lawan pamrikṣa.

16. akèḥ kaŋ kumpul satuṅgal, uga akèḥ kaŋ tan tuṅgil, maṅkono kodraturrahman, rina wĕṅi mèt pamyarṣi, saha mamèt paṅèkṣi, ṅupa paṅucap paṅambu, dalil kitab muhtasar, pañcadriya darbé pamriḥ, muhuŋ napas kaŋ tan milu apa apa.

17. muŋ dadi pikukuḥ iman, myaŋ pikukuhiŋ sipati, ḷĕbur yèn tan ana napas, subraṣṭa wor asal bhumi, dayèŋ khayun mumpuni, marma ran sipat tasiku, tĕgĕsé kaŋ karya saḥ, kabèḥ ananiŋ dumadi, ñjumĕnĕṅkĕn maraŋ sipat kaliḥ dasa.

18. lan manèḥ wĕruha sira, kéwan iki awit bayi, praptané samĕṅko uga, maguru sasami sami, guru ginuru kaki, nini saha bapa biyuŋ, tan pahé lawan sira, titènana kaŋ nastiti, kaŋ narima pintĕr tuwuḥ sakiŋ liya.

19. amoṅpraja aturira, kasiṅgihan jĕŋ saŋ yogi, panĕmbahaniŋ saduña, amba sèstu sampun tampi, namuŋ nĕraŋ sakĕḍik, bab khayat duña ṅgènipun, tirtaniŋ kaŋ nirmaya, parṇahipun iṅkaŋ pundi, dahat koḍèŋ kawula miminta jarwa.

20. saŋ jurumartani ñjola, ho o siraṅgèr patitis, bab iku sèwu tan kĕna, guru tan wignya suŋ uniŋ, gumlèṭèk naṅiŋ wĕrit, laḥ coba iṅsun awèḥ wruḥ, pasĕmon tampanana, uninoŋ aniŋ ununiŋ, aniṅunoŋ uninoŋ aniŋ anana.

21. laḥ iku kaki ṅgonira, sakṣiné tyasmu pribadi, kéwan araŋ iṅkaŋ wikan, sanadyan kaŋ nulis iki, ṅrĕñcana ṅaṭik aṭik, iṅsun kira duruŋ wĕruḥ, jaba asu ñjlagĕḍag, kaŋ brata suracalardi, amoṅpraja truṣṭèŋ tyas nuṅkĕmi pada.

22. iŋ kaṅjĕŋ mardikabrata, kañcil gĕtun dènnya urip, dupi minum punaŋ tirta, purbèŋ napas miwaḥ pikir, tĕraŋ wus tanpa kardi, sawusira minum wahu, kañcil matur wotsĕkar, maṅkyamba sampun udani, siyaŋ ratri kaloṅé ñawa kawula.

23. biliḥ makatĕn kawula, ñuwun gĕsaŋ datan oliḥ, ñuwun pĕjaḥ datan aṅsal, awon sahé sugiḥ miṣkin, sakéca mulyèŋ jisim, ñuwun tamtu datan antuk, sakadarnya kéwala, paṣṭi punika nututi, tétélanya manawi sampun kawahya.

24. srĕṅgala sumambuŋ nabda, wus bĕnĕr tampanirèki, murub atimu sayuta, danumaya mañjiŋ ati, sranané kayu gariŋ, iyèku aṅĕn aṅĕnmu, pañcadriya mirantya, mulad midĕr jroniŋ jisim, kaŋ maṅkono wus tĕṅaluk warṣitarja.

25. wus wĕruḥ dayaniŋ prana, ganda rasa karṇa èkṣi, tuhu mrĕdu muṣṭikèŋ rat, bijakṣa mañakrawarti, muduḍèŋ siḥ sasami, mbawani bhuwana kasub, iŋ jagad kawiryawan, mijèni cukul iŋ wuri, iŋ sasmita kawruḥ kaŋ murti sarjana.

26. pratakṣitaniŋ utama, pañcèrètiŋ tyas kaŋ miṅis, ginrénda dayaniŋ jarwa, mirut kasmalaniŋ bhumi, tulus midana juti, bahud ṅulaḥ kawruḥ khusus, salawas sun tan wignya, mahyakkĕn sarjana luwiḥ, iṅsun tulis iŋ kartas lagi punika.

27. para siswaniṅsun sona, ajag wawar aṅsaŋ kikik, pawiyatan suracala, duruŋ ana kaŋ sun dumi, paṅuwal nétra karṇi, para ṅulama myaŋ jamhur, duruŋ mirib lan sira, nadyan wus tumrap iŋ dalil, parandéné sayuta siji kaŋ bisa.

28. lawan maliḥ aṅgèr sira, duruŋ koṅsi sun jarwani, papacaṅaniŋ agĕsaŋ, sida séda sakiŋ urip, sira wus mèḥ ṅĕṅgoni, praptaniŋ sasana luhuŋ, muŋ sasiliriŋ bawaŋ, jroniŋ kañjan mahpiyani, sira kaki uniŋ anoŋ uniṅanna.

29. pratakṣitaniŋ utama, baṅkit mèt prana malarṣiḥ, iŋ liyan maharjèŋ kara, kranarda sira maṅudi, tambahiŋ kawruḥ murti, ḷĕpiya di kaŋ wus makṣud, sukur aṅgèr ciptanta, tabĕri ṅatas sajarwi, nora méraŋ ṅĕnorakĕn jiwaraga.

30. yayaḥ kasmaran wanita, mriŋ baraŋ wuwus sun kaki, kabèḥ kaŋ wus mañjiŋ cipta, amoṅpraja matur iṅgiḥ, ḍuḥ saŋ sudibya murti, sadaya èstu kacakup, tumanĕm manaḥ amba, namuŋ wontĕn kaŋ tan uniŋ, bab udara tĕmbuṅipun arab hawa.

31. ñuwun mugi katĕraŋna, supados sagĕd nakṣèni, rèḥ sadaya ṅilminiŋ hyaŋ, kĕdaḥ sumĕṛĕp sajati, yèn datan wrin sayakti, tamtu datan aran ṅilmu, atasiŋ manonbawa, sadaya mimbanirèŋ liŋ, kĕdaḥ uniŋ datan ṅawag ruwag ruwag.

68. asmaradana

1. kasmaran iŋ tyas saŋ ṛĕṣi, myarṣa aturé moṅpraja, nabda hèḥ ta sira aṅgèr, bĕnĕr paṅatasmu prikṣa, katraṅaniŋ udaya, supaya nrima atimu, tĕraṅé dayaniŋ hawa.

2. obahé udara dadi, aṅin midrawa iŋ jagad, kaŋ nora obaḥ arané, hawa déné sakṣènira, yèn sira arṣa tĕraŋ, laḥ agé jukukkĕn gĕndul, kaŋ koṭoŋ kalawan toya.

3. iŋ jĕmbaṅan kaŋ mĕnuhi, nuli gĕndul ḷĕbokĕna, ñjuṅkir boloṅé nèŋ ṅisor, paṣṭi nora klĕbon toya, awit jro gĕndul ana, udara kĕbak iŋ ṅriku, ndarbèni daya santosa.

4. bañuné tan bisa mañjiŋ, nuli gĕndul rubuhĕna, hawa andĕdĕl wĕtuné, mblubuk mblubuk suwaranya, dadyaṅin aranira, mahya sakiŋ jroniŋ gĕndul, cobanĕn aṅgèr iŋ maṅkya.

5. lan maliḥ ñjupuka kĕṇḍi, kaŋ wus kĕbak isi toya, kaŋ ṇḍuwur tutupĕn agé, nuli cucupé ĕcurnya, paṣṭi bañu tan mahya, wit hawa tan bisa mlĕbu, sabab katutupan asta.

6. ana manèḥ kanaŋ sakṣi, kadayanirèŋ udara, upamané klĕṇṭiŋ kaṭoŋ , sèlèḥna ṇḍuwuriŋ toya, èstuné jun kumambaŋ, awit sajĕroniŋ ĕjun, kĕbak kadunuṅan hawa.

7. sababé udara kaki, anduwĕni daya riṅan, liré riṅan iku èṇṭèŋ, tinimbaŋ kalawan toya, marma yèn ĕjun pĕcaḥ, wus tamtu yèn bañjur klĕbu, rèḥ wus koñcatan udaya.

8. ana manèḥ taṇḍa yakti, giyota madyèŋ samudra, kĕna dèn aṅgo woŋ akèḥ, kumambaŋ isi momotan, koṅsi akĕkoyanan, yèn kéṅiŋ bañcana ṛĕmuk, hawa méndra sakiŋ palwa.

9. giyota k‍ĕḷĕm tumuli, akèḥ janma kasaṅsaran, ana taṇḍa ñata manèḥ, mina kali myaŋ samudra, sriŋ nĕṅgak ṅupa hawa, kabèḥ kéwala kaŋ iḍup, santosané saka hawa.

10. pira pira maṅka sakṣi, pituluṅaniŋ udara, baraŋ suwara malbèŋ jro, nĕmpuḥ karṇaniŋ manusa, saha kupiṅiŋ kéwan, lakuné ṅuṅkuli puṅlu, mĕsaté saka iŋ tiṅgar.

11. adoḥ paṛĕk aṇḍisiki, kañataané maṅkana, hèḥ ta wĕruha siraṅgèr, sun nabda sira miyarṣa, awit tanpa antara, nadyan adoḥ hawa mlaku, sira wus kĕṛĕp uniṅa.

12. pistul bĕḍil mriyĕm muni, katon saka iŋ kadohan, kumĕbul ḍisik wĕtuné, kèri nĕmpuhé kaŋ swara, rèḥ hawa lagi mlampaḥ, praptané mañjiŋ paṅruṅu, luwiḥ manèḥ kaŋ tétéla.

13. yèn sira micara muṅgwiŋ, omaḥ gĕḍoŋ ḍuwur dawa, paṣṭi ana kumaṇḍaṅé, kèri nirikakĕn swara, tan siwaḥ uninira, poma kaŋ waṣkiṭa kulup, woŋ bijakṣa nawuṅkriḍa.

14. pañjèrèṅsun ḍuwur iki, upayanĕn wuwuhana, takokna mriŋ kaŋ waṣpahos, aywa méraŋ muruhita, mriŋ pra kriḍa mardawa, kaŋ kasub widagdèŋ kawruḥ, aṅgèr yogya guronana.

15. yèn sirarṣa wĕruḥ maliḥ, lakuniŋ udara rikat, bisa aṅuṅkuli pélor, coba nalènana krĕtas, gantuṅĕn lawan bolaḥ, tumulya bĕḍiḷĕn kulup, kaŋ paṛĕk paṣṭi tan kĕna.

16. awit hawa aṅlañcaṅi, nèŋ ṅaṛĕpiŋ mimis iya, taṇḍané kabur kartasé, kababan déniŋ udara, marma krĕtas kumléyaŋ, tĕmaḥ pélor tan tumanduk, wus mutamat kawruḥ palak.

17. laḥ aṅgèr ñjukuka maliḥ, kinarya taṇḍa satmata, iku sakṣi rupa dĕmon, uga anañcaṅa krĕtas, wawasĕn kaŋ sañata, tumuli sĕbuḷĕn kulup, ḷĕmpuŋ tan tumibèŋ krĕtas.

18. titènana bab puniki, klakuwan sipatiŋ hawa, gĕni murub upamané, norantuk hawa praléna, datan dadi dahana, upĕt ḷĕbokna iŋ bumbuŋ, tutupĕn mati sakala.

19. myaŋ bisa gawé gandamis, arum arum mahu hawa, akèḥ kéwala taṇḍané, sakṣi gumĕlar iŋ duña, watara satus yuta, kuwaté kaanan wujud, kabèḥ dayaniŋ udara.

20. yèn sira lumaku kaki, tutuluŋ ñuruŋ mriŋ sira, yèn ñjaṅkaḥ taṅan kumlawé, anut dumunuŋ wurinta, kaŋ ṅarṣa ñiṅkir piyak, cĕṭa tétéla kadulu, sarana kaca prasana.

21. udara iku nèŋ bhumi, ujariŋ pujaṅga palak, amuŋ sèkĕt pal ḍuwuré, saḍuwuré ora ana, tanpa nĕmu kaanan, déné hawa warṇanipun, lamun adoḥ biru tuwa.

22. iku warṇané kahèkṣi, anaṅiŋ tan kasatmata, prikṣaṇana laṅit aṅgèr, kabèḥ biru warṇanira, sayaktiné akasa, ṅlowoŋ nora warṇa biru, kaŋ biru punika hawa.

23. tan pahé samudra ardi, pinrikṣa sakiŋ kadohan, maṣṭi yèn biru wujudé, uga paḍa lan akasa, myaŋ alas désa désa, andarbèni ḍasar biru, iku ṭolé kaŋ waṣpada.

24. aywa ṅawur bahé kaki, kèlu lalu ṅilo muḍa, puṅguŋ kaŋ cupĕt budiné, wruḥ kaanan tan rinĕmbag, muŋ trima lowuŋ gĕsaŋ, mriŋ guna kagunan tambuŋ, tan nĕdya ulaḥ bijakṣa.

25. marmané wruha sirèki, biru yèn sakiŋ kadohan, wit sakiŋ hawa kandĕlé, darbé rupa biru tuwa, sayaktiné akasa, nora darbé rupa biru, bola bali mriḥ tétéla.

26. yèn kéwan cupĕt iŋ budi, kawruḥ maṅkono tan doyan, dèn arani kawruḥ rèmèḥ, ana iṅkaŋ ṅaṅgĕp allaḥ, aṅgèr iku wus lumraḥ, maṅka sañatané dudu, ywa kèlu salahiŋ cipta.

27. ciptaniŋ woŋ muḍa piṅgiŋ, para guru ṅilmu rasa, kaŋ kaṅgo iŋ kana kéné, datan liya muŋ punika, maṇḍak kaŋ ahli pana, nora pisan wani ndumuk, rèḥ iku wujudiŋ sukṣma.

28. kabèḥ jarwaniṅsun iki, kudu tĕṅalukna iŋ tyas, babasan tĕṅaluk aṅgèr, iku tĕmbuṅé woŋ ĕsam, kasĕbut anèŋ kuran, tĕgĕsé pamrihiŋ kalbu, iṅkaŋ koṅsi bisa paham.

29. apal jaba jĕro baṅkit, liré jaba pañcadriya, kaŋ yogya lañaḥ wĕruhé, ṅupaya tĕmpuhiŋ swara, ñiram tirta nirmaya, yéka dunuṅiŋ tĕṅaluk, paṅudimu ratri rina.

30. wus kaḷĕbu yèn mumpuni, tabĕri saliriŋ guna, èstu murtyañjana kahot, ṅawruhi iŋ jĕro jaba, paniṅal paṅandika, pamyarṣa tuwin paṅambu, wus kasĕbut yèn sarjana.

31. wruhanta sajroniŋ jisim, ana wujud kaya sira, marmané yèn sira saré, tan baṅkit mrikṣa miyarṣa, nadyan anaa ula, iṅkaŋ mandi nora wĕruḥ, iku taṇḍa lamun ana.

32. iṅaranan ati éliŋ, naṅiŋ dudu gusti allaḥ, puniku gurumu ḍéwé, marma kaki golèkana, ĕndi kaŋ ṅajak néndra, ĕndi iṅkaŋ ṅajak iḍup, tuṅgal kaŋ ṅajak pralaya.

33. déné aṅĕn aṅĕn éliŋ, muŋ minta énak kapénak, lara suṅkaŋ mati ĕmoḥ, waṅsul tirta kaŋ nirmaya, adrĕŋ sabaraŋ karṣa, néndra tan kĕna sinayut, luwiḥ manèḥ yèn antaka.

34. sajatiné napas éliŋ, muŋ dadi pikukuḥ islam, laḥ ĕndi aṅgèr islamé, cacadé iki kaŋ maca, kaŋ nulis kaŋ miyarṣa, nora wĕruḥ ĕmbuḥ mahu, upayanĕn kaki poma.

35. sababé atasiŋ pati, tan ana kaŋ bisa nulak, sanadyan ḍoktĕr sĕpañol, iṅgris paris ḍoktĕr prasman, kaŋ wus gunarda pana, ṅupaya ṅgoné tan maṅguḥ, kaŋ aran islam punika.

36. yèn santri buki ṅarani, islam slamĕt tĕgĕsira, kyayi kaŋ wus lumraḥ ṅakèḥ, amuŋ kaboroŋ kéwala, islam klimaḥ tayibaḥ, ana kaŋ ṅarani makbud, ana kaŋ ṅarani pasraḥ.

37. muṅguḥ satĕmĕné kaki, kaŋ aran islam punika, kaŋ nambĕlèḥ kanapsoné, kasĕbut kitab muhtasar, islam dabikulnupas, tĕgĕsé ñĕmbĕlèḥ napsu, wus saḥ sira ṅaku islam.

38. amoṅpraja matur iṅgiḥ, cuṇḍuk lan guru kawula, sajĕroniŋ cipta cocog, ḷĕṛĕs saŋ mardikaniṅrat, nambĕlèḥ napsu hawa, kadya kaŋ kawula uñjuk, uninoŋ aniṅanana.

39. mèsĕm saŋ jurumartani, iku aṅgèr kasiṅgihan, wus madya mĕṅku kaprabhon, pramodaniŋ witaradya, mbawani iŋ bhawana, sira wus ñakup wulaṅun, iŋ kawruḥ agama mulya.

40. wus sun palaṣṭa bab iki, kaki ywa kadawa dawa, mardawa kèḥ tanpa gawé, maṅkya sayogya narbuka, pataña nĕm prakara, pasal sapisan sun tutur, muṅguḥ wĕwĕnaṅiŋ nata.

saŋ panĕmbahan juruwarta bañjur narbuka jawabané patakonan pasal sapisan.

69. pocuŋ

1. kaŋ pinucuŋ jaman kukila rumuhun, kéné tanaḥ jawa, manusa lir péndaḥ pakṣi, tanpa yudanagara tanpa agama.

2. ṅuni rusuḥ iṅkaŋ rosa gĕlut ontuŋ, duruŋ ana sastra, woŋ lagñana wandanya lir, sato kéwan tanpa wisma ṅĕroŋ samya.

3. nuli nĕmu bhuṣaṇa klikaniŋ kayu, murat sinasaban, bakṣaṇa wohiŋ warṣiki, palawija juwawut jaguŋ katéla.

4. watarantuk laminira sèwu tahun, kaŋ jaman kukila, waktu samana woŋ jawi, amuŋ bapa biyuŋ kaŋ dèn aṅgĕp nata.

5. samya ñjuñjuŋ pinuñjuŋ kurmatan aguŋ, kaŋ sawĕnèḥ ana, iṅaṅgĕp hyaŋ maha suci, nulya ana woŋ saṅsĕkrita ṅajawa.

6. amumuruk sastra agama pikantuk, myaŋ yudanagara, duga wĕtaraniŋ urip, nĕmbaḥ déwa iṅaran agama budḍa.

7. iya iku utusan brahma myaŋ wiṣṇu, kawruḥ saṅsĕkrita, hiṇḍu kliŋ basané jawi, duk samana woŋ hiṇḍu dibyèŋ bhawana.

8. akèḥ guru gagaraniŋ tyas rahayu, kala jaman budḍa, misuḍa lajĕriŋ bhumi, kaŋ minaṅka atiniŋ jagad naréndra.

9. marma ratu tĕmbuŋ ratu basa hiṇḍu, kaŋ kaṅgo woŋ jawa, kalantur koṅsi samaṅkin, śri bhupati kaṅgĕp déwa ṅéjawantaḥ.

10. waktu iku aṅadĕgkĕn caṇḍi watu, iṅatur ṛĕṛĕṅgan, gambar patra kara sidḍi, iya ika barabuḍur lan prambanan.

11. caṇḍi sèwu maṅétan maṅulon tĕrus, tan ṅamuṅkĕn jawa, iŋ sabraŋ saha iŋ hiṇḍi, luwiḥ manèḥ patilasan jaman kuna.

12. luwĕs bagus watu watu kaŋ dèn atur, kaki iṅsun kira, jaman iki kinèn kardi, niru caṇḍi wus paṣṭi nora kuwawa.

13. akèḥ watu iṅkaŋ cinitra sastrayu, isi warṣitarja, pĕpèṅĕt nĕmbaḥ iŋ widdhi, supayémut sumiṅgaḥ alaku durta.

14. déné ratu tanaḥ jawa wité mupu, béya pajĕg ḷĕmaḥ, iṅkaŋ rupa pèni pèni, rajapèni pĕpĕlikan mas salaka.

15. rèḥ janma guŋ bhumi désa tanpa kayun, amuŋ śri naréndra, kaŋ dadya waktraniŋ bhumi, wus kasĕbut jumĕnĕŋ gustiniŋ duña.

16. gusti iku aṅĕn aṅĕn jarwanipun, tuṅgal karan prana, atiniŋ jagad sakalir, mobaḥ molaḥ karṣaniŋ śri naranata.

17. watarantuk laminira sèwu tahun, nulya kabalabak, saṅsara guŋ aṇḍatĕṅi, bañjir baṇḍaŋ tanaḥ jawa karusakan.

18. duk rumuhun sumantra borṇéo kumpul, sèḷĕbĕs lan jawa, bali timur dadi siji, pĕcaḥ pĕcaḥ pulo karan jaman tirta.

19. masa bañu ḷĕgok juraŋ kambaḥ ranu, tan lami tumulya, woŋ baṅsa cina ṅa jawi, ṅgawa arta rupa gobog jaman kuna.

20. wismèŋ ḍusun akèḥ cina dadi buyut, lirnya kamituwa, ñaṅga pajĕg riŋ narpati, bayar gobog sabĕn kala masa warṣa.

21. kèḥ kapéñcut woŋ jawa atiru tiru, mriŋ basaniŋ cina, kaya pajĕg iku kaki, kawruhana basa ñiliḥ tĕmbuŋ cina.

22. wawaḷĕsmu yèn sira jumĕnĕŋ ratu, maraŋ narakarya, dènta mupu rupa ḍuwit, aṅadili kaŋ padudon ṛĕbut basa.

23. natrap kukum midana satru jaya guŋ, kaŋ ṅrusak silarja, durkartanirèŋ sabhumi, sandéyané kuli miminta naréndra.

24. kudu kudu misuḍa patiḥ paṅulu, jakṣa rumakṣaka, siyaŋ ratri ṅupakarti, koṅsi lama mamriḥ ṅrabasèŋ mulyarja.

25. siji iku minaṅka waḷĕsiŋ ratu, waḷĕs piŋ kaliḥnya, paṅulu iliniŋ kali, kaŋ mbalabar tatanduran narakarya.

26. sayogyèstu ratu émut siyaŋ dalu, wahyanirèŋ karṣa, budi narmada kaŋ dadi, dadalané sètubanda rumakṣaka.

27. arjanipun marganiŋ bañu tinuntun, sinuŋ pradanarja, supaya kadayan mili, liliruniŋ nata kadanan woŋ désa.

28. kapiŋ tĕlu ratu wruḥ paṅgonan siluk, siṅup limut mulat, rumanti kaṇṭi pambudi, kudu karya sinuŋ naladiŋ pañjuta.

29. sikĕp bahu añjaga jagèŋ pakéwuḥ, dalan dalan wrata, karti kaṛĕtĕg rumanti, kaŋ supaya mlija nukarta kartana.

30. kapiŋ catur ratu waḷĕsé mriŋ wadu, rumakṣèŋ sadéya, niŋ kuli kaŋ duruŋ klahir, rumakṣaka yogya karya tanuita.

31. ḍukun ḍukun kaŋ mbirat saṅsara aguŋ, liré tĕluhbraja, lalara kaŋ maratani, wawaḷĕs kaŋ kapiŋ lima śri naréndra.

32. kudu wĕruḥ kawula kaŋ lara dudu, malarṣiḥ kabraṣṭa, wastra bakṣaṇa pinariŋ, para papa pĕkir miṣkin pinisrama.

33. piŋ nĕm kudu naréndra kajibaḥ muruk, wadya puwa puwa, para raré sayogya ji, karya samahita woŋ bijakṣèŋ basa.

34. tanpa guṅguŋ wawaḷĕsé yèn kapétuŋ, rèḥ paṅulu ḷĕmaḥ, mosikiŋ bhumi narpati, wus narima woŋ cilik pinrĕs kriṅĕtnya.

35. èstunipun woŋ cilik kaŋ aran ratu, jumĕnĕṅiŋ nata, saka kawula wus paṣṭi, tĕtĕpiŋ woŋ akèḥ sakiŋ śri naréndra.

36. marma kudu gusti kumpul lawan wadu, nora kĕna pisaḥ, woŋ cilik kaŋ aṅiṅoni, ḍatu wastra bakṣaṇa sakiŋ woŋ désa.

37. saŋ aprabhu iŋ jaman maṅkya wus tamtu, sasantananira, woŋ cilik iṅkaŋ ṅiṅoni, wadya mantri kamulyan saka woŋ désa.

38. poṇḍoŋ pikul caṇḍak kulak ananandur, paḍa golèk arta, yèn wus ṅlumpuk koñjuk mariŋ, śri naréndra sawadya bala santana.

39. marma ratu marṣudi iliniŋ bañu, myaŋ sirṇaniŋ durta, muriḥ sirṇèŋ durkartadi, supayané sĕmpulur lulus wèḥ arta.

40. daṅu daṅu woŋ baṅsawan akèḥ rawuḥ, anèŋ tanaḥ jawa, ṅgawa tĕmbaga ran ḍuwit, iya iku woŋ portĕgal iṅgris prasman.

41. datan daṅu walanda nèdĕrlan rawuḥ, ṅgawa ĕmas slaka, sarwa sarwéndaḥ mĕpĕki, dukṣamana woŋ jawa wiwit prasaja.

42. sira iku aṅgèr wani ṅaku ratu, tyasmu binaṭara, naṅiŋ satĕmĕné kaki, ratu nunut amuŋ ṅĕmpèk ĕmpèk kwasa.

43. rèhniŋ duruŋ wĕruḥ pardikaniŋ ratu, aranmu sulaya, lan kañatahanirèki, amoṅpraja tĕgĕsé sumaraḥ tata.

44. maṅka tyasmu tan sumaraḥ tan mamatut, kajaba muŋ karṣa, mĕṛĕs gĕtihé woŋ cilik, tansaḥ doyan ruruba pawèwèḥ iŋ lyan.

45. tujunipun tan kaḷ‍ĕḷĕgĕn gulumu, marma ywa pépéka, yèn sirèku ratu cilik, yèn sirarṣa wruḥ nata kaŋ binaṭara.

46. naréndra guŋ mratani iŋ jagad kĕmput, lahutan ḍaratan, alas gunuŋ juraŋ trĕbis, laḥ iŋ kono ana asma lan warṇanya.

47. wruhanamu kawasa rupaniŋ ratu, gambar kaŋ nèŋ sĕmat, yéka kaŋ dibyarja murti, wicakṣaṇa pul kidul praptèŋ utara.

48. tuhu luhuriŋ hyaŋ kaŋ sinipat kayun, aṅgèr prikṣaṇana, ciriniŋ rupiyaḥ riṅgit, lètĕrira gos jié mèt onĕs uninya.

49. hyaŋ sukṣma guŋ awor kawula sadarum, puniku tĕgĕṣṇya, lamun sun jèrèṅa kaki, èstu ĕntèk kartas piraŋ piraŋ kéṇḍaŋ.

50. nora amuŋ pikiṛĕn pribadi kulup, sakèhé jarwèṅwaŋ, tambahé sakiŋ pambudi, dharma bapa wawarta rèḥ martotama.

jawabané patakonan pasal kaŋ kapiṇḍo.

70. gambuḥ

1. pasal piṇḍo aṅgambuḥ, sun jarwani tĕgĕsé woŋ sujud, nĕmbaḥ maraŋ ratu purwakaniŋ ṅuni, agama iṅkaŋ nununtun, tinuntun sujud hyaŋ manon.

2. katamtu siyaŋ dalu, supayèku narik tyas rahayu, ywa na iṅkaŋ ndaluruŋ ṅrusak karta di, diniŋ tumuwuḥ maṅgayuḥ, kamulyan ñiṅkiri awon.

3. sadaya para putus, ṅrékadaya silaniŋ karta yu, nĕmbaḥ mariŋ lata wal hujya pinuṇḍi, sawĕnèḥ déwa hyaŋ guru, jagadpratiṅkaḥ kaŋ élok.

4. ana manèḥ añjuñjuŋ, mariŋ hyaŋ hotipati aṅguṅguŋ, kaŋ sayogya ginañjar sawarga adi, rinĕṅga pocapanipun, satĕmĕné muŋ pasĕmon.

5. marma wĕruha kulup, sarupané agamaniŋ makhluk, kaŋ gumĕlar ṅisor wiyat luhur bhumi, kabèḥ ala kabèḥ bagus, muŋ gumantuŋ ciptèŋ batos.

6. salaḥ sawiji kudu, kaŋ kinasdu ywa kéguḥ iŋ dudu, kèhiŋ gama papacuḥ duryasèŋ bhumi, landa cina budḍa hiṇḍu, cinaḍaŋ gañjaran kahot.

7. woŋ nĕmbaḥ mriŋ hyaŋ aguŋ, rèhniŋ tanpa jaman makam suwuŋ, iṅupadi ṅĕndi ĕndi sĕpa sĕpi, kana kéné paṅgya samun, waṅwuŋ tan ana hyaŋ manon.

8. parasdyaniŋ tumuwuḥ, mantrastuti sucipta kaŋ jumbuḥ, wimbuḥ iŋ tyas gambuḥ kawula lan gusti, jatiné kañcil atimu, ḍéwé kaŋ siraṅgĕp manon.

9. rèḥ sira wus kasĕdul, gaṇḍul gaṇḍul gagaṇḍulan suwuŋ, parandéné sĕmbaḥ sujudmu kaŋ kèṣṭi, iṣṭaniŋ allaḥ sawujud, sipaté tyasmu kaŋ boḍo.

10. saliré gama kukuḥ, yèn tinakon paṅérané ĕmbuḥ, nora ana sawiji gama kaŋ mukṣid, wus paṣṭi hyaŋ mahaluhur, kaŋ dumunuŋ datanpa ṅgon.

11. marma silaniŋ tuwuḥ, yèn yun nĕmbaḥ mriŋ allaḥ pakéwuḥ, muŋ khalipahiŋ paṅran kaŋ dèn bĕktèni, iyèku kaṅjĕŋ saŋ prabhu, kaŋ ñirṇakkĕn sukĕrtyèŋ woŋ.

12. pra siswa yugya kudu, śri naréndra amardiyèŋ sujud, naṅiŋ prĕlu uniṅa dunuṅiŋ bĕkti, ĕndi kaŋ wajib iṅujuŋ, maṅkono jĕnĕṅiŋ katoŋ.

13. déné sĕmbaḥ puniku, iṅsun riṅkĕs roŋ prakara cukup, iṅkaŋ ḍihin nĕmbaha hyaŋ mahasuci, kaŋ paṣṭi prastawèŋ wujud, daliliŋ kuran wawartos.

14. maṅkana lapalipun, tampanana yèn surarṣa khusus, la makbuda pil wujudi illallahi, nora nĕmbaḥ baraŋ wujud, aṅiŋ hyaŋ kaŋ nukṣmèŋ manon.

15. muṅguḥ wujudé kulup, uniŋ unoŋ aninoŋ ananuŋ, dudu napas dudu hawa dudu éliŋ, rèḥ sira kaliṅan suwuŋ, uniŋ unoŋ aninunoŋ.

16. sandéyaniŋ paṅgayuḥ, iŋ pañakrabawa kabèḥ luput, woŋ manĕmbaḥ iŋ allaḥ sakĕṭi gampil, mobaḥ molaḥ mosik muwus, sraḥna dadi sĕmbahiŋ woŋ.

17. naṅiŋ yèn yun wruḥ wujud, diŋ paṅéran sayuta pakéwuḥ, awit sira puniku tinitaḥ laṅip, nĕmbaḥ asma bahé cukup, lamun wus wĕruḥ uninoŋ.

18. amuŋ pamintaniṅsun, rèhniŋ sira traḥ ṛĕmbĕsiŋ madu, ambawahi witaradyèŋ tanaḥ jawi, turasiŋ dwijawara nuŋ, yèn nĕmbaḥ ywa koṅsi katon.

19. aywa lir santri kumpruŋ, mĕndĕm kulhu rina wĕṅi biṅuŋ, kicaḥ kiciḥ lir cakraṅgana nèŋ wariḥ, sumuci suci mèt ranu, caṅkrama lalaṅĕn ciblon.

20. jad kaŋ wajibulwujud, nukṣmèŋ kaṇṭa iṣṭanira kulup, nora siwaḥ baraŋ tiṅkaḥ solaḥ sami, naṅiŋ satĕmĕné kulup, jatmu pribadi kaŋ katon.

21. dadi dunuṅiŋ sujud, yèn sirarṣa wruḥ kaṇṭèŋ mahujud, paḍa ḷĕbu linĕbu pañjiŋ pinañjiŋ, sĕmbaḥ sinĕmbaḥ puniku, gĕḍé cilik datan kahot.

22. yèn sira duruŋ wĕruḥ, sun dumuké sakṣènana kulup, ṭolé iṅkaŋ uninoŋ aniŋ ananiŋ, amoṅpraja matur nuhun, ṅuṅun ṅaṅĕn aṅĕn cocog.

23. tumañcĕp kuluŋ kalbu, truṣṭaniŋ tyas maṭĕm dènnya ṇḍaku, sakiŋ déné kañatahan taṇḍa sakṣi, kaŋ sinĕmbaḥ wus dumunuŋ, wayaṅanirèŋ jad katon.

24. nulya kañcil umatur, ḍuḥ saŋ dibya pramodaniŋ wiku, sampun tĕraŋ èṣṭiniŋ tyas jatullahi, jatiniŋ kawula wĕruḥ, maṅkyamba nuwun wiwiyos.

jawabané patakonan pasal kaŋ kapiŋ tĕlu

25. iṅkaŋ pasal tri mumpuŋ, antuk wĕṅaniŋ kawékèn ulun, kadadyaniŋ kéwan sato kaŋ kumĕlip, asal punapa witipun, jarwakna amba mriḥ boloŋ.

26. kaŋ sarta kawula yun, wruhiŋ tambaḥ kaloṅirèŋ umur, kadoṣpundi kababarṇa bab puniki, sona pasraṅkara arum, aṅgèr bab asaliŋ sato.

27. saka rahśèŋ tumuwuḥ, pĕpĕṛĕsan kodrat bétalmakmur, numi bhumi gĕni bañu lawan aṅin, kaŋ wus lumraḥ para guru, iŋ tanaḥ jawa maṅkono.

28. anaṅiŋ lamun iṅsun, añaḷĕnèḥ sajatiné blilu, satĕmĕné purwa asaliŋ kumĕlip, kaŋ mĕṅku sipat roŋ puluḥ, sakiŋ kidam purwaniŋ woŋ.

29. ṅadam praptaniŋ wujud, jroniŋ wujud mĕṅku ala bagus, swarga nraka bagya cilaka ṅrakĕti, laḥ iŋ kono jatullahu, maṇḍiri jumĕnĕŋ kraton.

30. déné kaki asalmu, sira ḍéwé biyèn kaŋ wus tahu, duk samana iṅaranan ṅadam bakin, iku purwaniŋ tumuwuḥ, sakiŋ ĕmbuḥ jatiniŋ woŋ.

31. ĕmbuḥ mahu mbuḥ mahu, rèḥ panĕmu dèn aṅgĕp woŋ putus, asal sato sakiŋ wadi madi mani, manikĕm wus kaṅgo maphum, sun sumĕlaŋ lamun goroḥ.

32. kaya ta bhumi bañu, gĕni aṅin kaki duruŋ tamtu, awit sira pribadi datan udani, ṅadam mustakkirulwujud, kĕna iṅaṅgĕp pitados.

33. akèḥ kéwala guru, suŋ pituduḥ purwaniŋ tumuwuḥ, kinarya nĕmbĕlas prakara sakawit, pamijaṅé adu baṭuk, anaṅiŋ yaktiné goroḥ.

34. sakṣiné nora wĕruḥ, nadyan yayaḥ ṛĕna uga tan wruḥ, rèhniŋ iku wus kaṅgo satanaḥ jawi, prayogané sira kulup, ṅawruhana ywa mahido.

35. lan maliḥ sirarṣa wruḥ, tétélané bab kaloṅiŋ umur, prakarèku aṅgèr dahat dènnya ruṅsit, éwuḥ pakéwuḥ satuhu, muhuŋ sun wèhi pasĕmon.

36. sajatiné woŋ iku, pacaṅkramanirèŋ khayat khayun, duk makṣiḥ nèŋ guwagarba tĕkèŋ maṅkin, kaki nora wuwuḥ wuwuḥ, rina wĕṅi tansaḥ kaloŋ.

37. kaloṅé uwis tamtu, uniṅunoŋ aninoŋ ananuŋ, pañjalukku cuṇḍukna lawan pamikir, pratakṣitanta wus bahud, kaya lamun datan kéron.

38. amoṅpraja umatur, kaliṅgamurda sinuhun suhun, mañjiŋ sanubari trus tĕkèŋ dimagi, maṭĕṇṭĕŋ maṭĕm mañakup, cakĕp cukupiŋ pasĕmon.

39. wrĕka nabda ywa kéguḥ, lamun ana guru suŋ pituduḥ, dunuŋ sĕmbaḥ ñulayani lawan iki, yèn tan antuk sakṣinipun, poma ywa narimèŋ batos.

jawabané patakonan pasal kaŋ kapiŋ pat

71. kinaṇṭi

1. pasal iṅkaŋ kapiŋ catur, winahyèŋ sĕkar kinaṇṭi, sababé kawadis sirṇa, basa artiniŋ kawadis, iku tĕmbuṅé woŋ arab, tĕgĕsé añar iŋ bhumi.

2. kabèḥ kaanan mahujud, sajĕroniŋ bhumi laṅit, kaŋ gumĕlar kaŋ kumilat, cucukulan pèni pèni, baṣkara wulan traṅgana, sadayèku ran kawadis.

3. lamun kaguluŋ ranipun, ṅalam tĕmbuṅé woŋ ṅarbi, liré kĕkumpulan baraŋ, sakalir iṅaran siji, yèn kapriñci winastanan, sahéun jarwané kaki.

4. sawiji wiji kaŋ mojud, tuṅgal kasatmata jinis, iŋ tĕmbé sadaya sirṇa, braṣṭa ḷĕbur tanpa kèri, marma ujariŋ musakab, myaŋ dalil usul wawarti.

5. kulusahéun alikun, illa wajahhu kaŋ arti, sabaraŋ satuṅgal tuṅgal, kaŋ gumlar tĕmbé kabèḥ nir, naṅiŋ ana kaŋ tan rusak, muŋ allaḥ kaŋ nukṣmèŋ budi.

6. déné mutamatiŋ kawruḥ, kaŋ datan rusak muŋ warṇi, pikiṛĕn dalil punika, yèn tĕmĕn tĕmĕn pinaṅgiḥ, tan adoḥ lawan tyasira, maṅkya sun jèrèŋ saṭiṭik.

7. hakékaté iṅkaŋ makṣud, bhumi laṅit sagarardi, candrama lan danumaya, kabèḥ satĕmĕné kaki, iku datan kĕna rusak, awit kuna praptèŋ béñjiŋ.

8. déné wicaraniŋ usul, iṅkaŋ aran kiyamati, wĕkasaniŋ dina duña, maṅkana uniniŋ dalil, walkyamat akhiru duña, kayĕktèn sira pribadi.

9. miyamat mahu sutèṅsun, satĕmĕné kaliḥ warṇi, sapisan kiyamat kobra, kapiṇḍo kiyamat sahir, kobra gĕḍé jarwanira, sahir pardikané cilik.

10. larapiŋ dalil puniku, sira pribadi ṅĕmasi, sadaya kaanan duña, rusak wus datan kahèkṣi, nora ana apa apa, laḥ sakṣènana pribadi.

11. prikṣanĕn kyamat sahiru, yèn sira néndra tan ṅimpi, apa kaŋ katon nèŋ kana, puniku taṇḍané kaki, nuli taṅi sakiŋ néndra, marma ran kiyamat cilik.

12. kañcil amoṅpraja matur, kasiṅgihan saŋ wikwadi, panĕmbahaniŋ bhuwana, sadayamba sampun tampi, muŋ sakĕḍik ñuwun prikṣa, karananipun aṅimpi.

13. déné yitmaka tan mĕtu, kuliliŋ ñjajaḥ nagari, yèn mahyaa sakiŋ aṅga, sèstu wandané ṅĕmasi, datan wandé dadya sawa, ḍuḥ saŋ wiku kadipundi.

14. mèsĕm nayakaniŋ wiku, saha pasraṅkara ririḥ, bĕnĕr sira yun uniṅa, ywa ṅawur kaworan piṅgiŋ, manawa iŋ tĕmbé nular, maraŋ putra wayaḥ wuri.

15. lamun sun buka bab iku, lamun sira bisa tampi, sirṇa boḍonira maṅkya, cacadé wimbaniŋ wardi, kasintron déniŋ pahèsan, naṅiŋ kaca bĕṅgala di.

16. siŋ sapa kaŋ duruŋ tahu, mèkṣi kaca iku maṣṭi, biṅuŋ tĕṅĕn dadi kiwa, saha wuri dadi ṅarṣi, kaŋ maṅkono iku tuna, budiné kuraŋ tabĕri.

17. bab supĕna sutaniṅsun, nĕmu gumĕlariŋ bhumi, surya candra taraṅgana, wana samudrardi mèkṣi, tan siwaḥ nèŋ kéné iya, prakarèku sun jarwani.

18. wandanira kabèḥ kulup, iṅsun pamèkakĕn crĕmin, kaŋ ñjĕro wus isi rasa, yèku nétranira kaki, gumuluṅiŋ pañcadriya, urip sajĕroniŋ pati.

19. sajroniŋ rétranirèku , ana gambar ṅalam kabir, déné wandanta punika, iṅaranan ṅalam sahir, agal manukṣma iŋ ḷĕmbat, dalil kuran awawarti.

20. analṅalamunkabiru, dakalapi ṅalam sahir, jarwaniŋ lapal punika, jagad gĕḍé mañjiŋ cilik, wujudmu ḍéwé sapira, prandéné kaḷĕbon laṅit.

21. jatiné nora maḷĕbu, muŋ gambariŋ duña maṅgiḥ, yèku tirta kaŋ nirmaya, cĕṅkrama midĕr iŋ ati, mañjiŋ sajĕroniŋ nétra, iṅkaŋ aran bañu urip.

22. marma yèn woŋ ṅimpi kulup, sahuwat lan wanudya di, nĕmahi nikmat munpaṅat, yayaḥ pulaŋ rarasiŋ siḥ, dayaniŋ umahya, datan slisir lir sayĕkti.

23. yèku aran sipat kudus, marmané kaki ṅlabĕti, naṅiŋ yèn sira supĕna, maṅgya saṅsaraniŋ jisim, aṅgèr tan karasa lara, yéka aran rahśa kadim.

24. lirnya kadim sipat alus, muŋ mĕṅku prakara kaliḥ, buṅaḥ iṅkaŋ sarta susaḥ, sajĕroniŋ néndra ṅimpi, marma tĕmbuŋ kawi jarwa, néndra tĕgĕsira tĕbiḥ.

25. sañatané lamun turu, iṅkaŋ tan supĕna kaki, adoḥ ṅlaṅut tanpantara, tan kĕna dinaliḥ yakin, yèn sun jèrèṅa punika, ṅĕntèkkĕn krĕtas saĕrim.

26. anaṅiŋ pamintaniṅsun, pikiṛĕn iṅkaŋ satiti, rèḥ siraṅgèrmĕṅku sipat, roŋ puluḥ kaŋ wus ñukupi, atas pramodèŋ sarjana, rina wĕṅi mardi budi.

27. muŋ lowuŋ tinimbaŋ ṅaṅgur, wajibiŋ ṅahurip mosik, lan mĕnĕŋ swarjana tama, datan kadi séla ṅglintiŋ, gumléṭak bisu tan muna, pantĕs kinarya ñcik añcik.

28. sirèku rèhniŋ woŋ iḍup, yogyané jaba jĕro wrin, jĕro mosik jaba mobaḥ, sirṇa kasmalaniŋ ati, marma ṅakahid suŋ waraḥ, mukmin khayun pidarèni.

29. jarwané mukmin wus tamtu, urip anèŋ désa kaliḥ, makṣudé sira punika, ṭolé luṅguḥ anèŋ ṅriki, pikirmu añjajaḥ jagad, ṅĕndi ĕndi kouripi.

30. nora ṛĕkasa pikirmu, tanpa nétra ṅudanèni, ṅruṅu datan mawa karṇa, ṅandika tan ṅaṅgo laṭi, marma pasĕmobiŋ budḍa, aran lumpuḥ midĕr bhumi.

31. cébol ṅgayuḥ susup susup, iku budayaniŋ ati, sira ḍéwé wus uniṅa, kadayanirèŋ pamikir, yèku liré mosik muna, sahèstu wajibiŋ urip.

32. séjé woŋ kaŋ yayaḥ ĕṇṭuŋ, mobaḥ molaḥ tanpa pamriḥ, uripé urip uripan, iku siṅkirṇa kaŋ tĕbiḥ, pratakṣitaniŋ bijakṣa, rina wĕṅi ṅéliŋ éliŋ.

33. dayaniŋ khayat lan khayun, cĕṅkrama midĕr iŋ jisim, nadyan tirahirèŋ duña, kĕmput iṅubĕṅan aṅin, kadya kaŋ sun jèrèŋ ṅarṣa, ṅuripi isiniŋ bhumi.

34. amoṅpraja aturipun, sampun kawula tampèni, sadaya warṣita tuwan, umañjiŋ iŋ sanubari, sampun tĕṅaluk tyas amba, néndra supé taṅi éliŋ.

35. iŋ maṅkya kawula ñuwun, pasal kapiŋ gaṅsal iṅgiḥ, mugi paduka babarṇa, supados tumaṅkar wiṅkiŋ, sumĕbar riŋ putra wayaḥ, palaṣṭaniŋ muḍa piṅgiŋ.

jawabané patakonan pasal kaŋ kapiŋ lima

36. dwija sona śabdanipun, bĕnĕr ṭolé kèhiŋ ṅilmi, kadibyan lan kasantikan, nora kĕna dèn simpĕni, kaŋ sapa nutup kawigñan, puniku durṣilèŋ bhumi.

37. ṅilmu kumbi sliṅkaḥ sliṅkuḥ, kukuḥ sinumpĕt iŋ ati, wahyèŋ liŋ aṅon iriban, tiŋ klĕsik lir adol ḍĕmit, yèn ana woŋ séjé tĕka, lir oroŋ oroŋ kapidiḥ.

38. kawruḥ kaŋ maṅkono kulup, dadi wisunaniŋ urip, karya pĕpĕtĕṅiŋ manaḥ, datan wuruŋ mbujuk ḍuwit, séjé lawan dwija wrĕka, ṅilmuné ginlar iŋ bhumi.

39. siṅa kruṅu lir maguru, prasasat mijaŋ yèn aṅliŋ, sĕdyèṅsun kaki supaya, winañcaha para baṅkit, rèḥ timbulé kaŋ sañata, wimbané aṅadu budi.

40. piŋ pira bahé iŋ daṅu, léléḍaŋ iŋ bramartani, ṅgĕlar dibyèŋ pramabasa, iŋ gunardika rèḥ luṅit, supaya winañcaḥ para, nawuṅkriḍa bijakṣa di.

41. tan méraŋ kasoran kawruḥ, maṅkono woŋ ulaḥ budi, mèt wignya kawruhiŋ liya, pabarataniŋ pawarti, jamaké palaṣṭa muḍa, sirṇa wus tan ana kèri.

42. séjé guru luru luru, yèn kalaḥ wicara isin, paduné sor ṅaku mĕnaŋ, budi aṇḍap ṅaku iṅgil, muŋ muriḥ payuniŋ kaṇḍa, nulya kèḥ woŋ mañjiŋ murid.

72. ḍaṇḍaŋgula

1. saŋ paṇḍita ṅandika rum manis, ṛĕṅĕn ṭolé pasal kapiŋ lima, bab kraton akhirat ṅgoné, sun tan wigñaṅsuŋ tuduḥ, marga duruŋ tahu ṅĕmasi, sanadyan ṅicipana, sun pribadi layu, kapriyé ṅgon iṅsun mijaŋ, bokmanawa sira datan bisa tampi, awit ṅuni ciptanta.

2. kukuḥ bakuḥ mantĕp iŋ paṅèṣṭi, aṅgaṇḍuli kawruḥmu kaŋ lawas, wijaṅé gurumu biyèn, kaŋ sira ṅgĕp wus jumbuḥ, lima nĕnĕm tuṅgal sawiji, anaa kaŋ sulaya, jaba jabanipun, naṅiŋ kĕkĕrané paḍa, kaŋ sirèṣṭi jumbuḥ kawula lan gusti, tan gusti tan kawula.

3. muŋ pribadi kaŋ sira antĕpi, muliḥ maraŋ asaliŋ manusa, bhumi gĕni aṅin lan wé, wariḥ bali mriŋ bañu, aṅin muliḥ dadyaṅin maliḥ, bhumi muliḥ maṇḍala, dahana dadyapuy, muŋ éliŋ midrawèŋ jagad, kaŋ sawĕnèḥ ana guru suŋ sajarwi, aṅguluŋ badan waḍag.

4. ginawa riŋ ṅalam iṅkaŋ suci, ana guru sajar malbèŋ sunya, suwuŋ waṅwuŋ lir woŋ saré, salaḥ sawiji iku, kowantĕpi salami lami, marma yèn sira tampa, gagaṇḍulan iṅsun, kocakrabawa sulaya, upamané sun wijaŋ bahé sirèki, kaŋ lumraḥ guru kaṭaḥ.

5. tumaṅgal mriŋ babayi sirèki, kadya para guru panitisan, bĕnĕr luput ĕmbuḥ kuwé, tan bisa ṅĕdu tĕlu, wus maṅkono lakuniŋ kyayi, kañcil sumambuŋ śabda, ḍuḥ saŋ maha wiku, kawula minta kaŋ ñata, sañataniŋ ṅilmu mawi taṇḍa sakṣi, lir sajarwa paduka.

6. manawi tan kasakṣèn iŋ ati, guru kawula iŋ jroniŋ nala, kadoṣpundi pitadosé, rèḥ sawarṇiniŋ kawruḥ, amba kĕdaḥ uniŋ hakiki, wigñaa añjum muḍar, añjèrèŋ aṅguluŋ, gumliṇḍiŋ lir kĕnèkĕr glas, yèn kababar midrawa ṅèbĕki budi, makatĕn bijakṣaṇa.

7. kaŋ wignya mot sasmita di murti, rèḥ jroniŋ woŋ kadya jagad raya, baraŋ apa kamot kabèḥ, kaŋ amis bacin arum, rumakĕt iŋ kuluṅiŋ ati, wit kadunuṅan ayat, hidayat hyaŋ aguŋ, kaŋ mèdĕm paḍaŋ narawaŋ, tĕrus tĕraŋ yayaḥ kèkĕr tanaḥ prankrik, adatiŋ manonbawa.

8. aṅandika saŋ jurumartani, yèn maṅkono sĕdyaniŋ tyasira, wus sumaṅgĕm datan mèṅèŋ, sadarpa kumacèlu, riŋ sasana kraton iŋ akhir, sun untapakĕn maṅkya, mriŋ silaniŋ layu, kaŋ wus tan kacakrabawa, rasaniŋ jad tirtamaya ṅañut pati, pati patitis ñata.

9. traṅginas saŋ dwija ṅlakṣaṇani, mugut yitmaka nir saŋ hyaŋ atma, kañcil pinĕluk griwané, sinida dayèŋ tuwuḥ, lalantaran uniŋ ananiŋ, uninoŋ aniṅĕna, sakala wus layu, kadyaṅganiŋ krĕṇḍasawa, wus nir daya yayaḥ guṣṭika kahèkṣi, subraṣṭa tanpa sésa.

10. sisiniŋ jiwaṅga tiarda nis, niṣkarèŋ tyas nora kara kara, karana cupĕt atmané, ṛĕjasèŋ maya mayut, kaniditan rèḥ mantrastuti, pamunahiŋ saŋ dwija, tumanduk ṅéndra nu, kadéwan caṛĕm hyaŋ éndra, téjamaya tĕṅran jagad suñaruri, wus rumakĕt jiwaṅga.

11. nikmat manpaṅat nèŋ tĕpĕt suci, rawi rannya iŋ kañjan mahpiyan, aninoŋ aniŋ ununé, arabé anta mutu, kablar mutu kaŋ rahśa jati, caṛĕm riŋ wiḍiḍuṣṭa, paṭiniŋ rahśa nuŋ, dumunuŋ iŋ suñapriṅga, tanpopama wus layu kayapulyakin, nora kinaya ṅapa.

12. layaklamu illa illullahi, layakripu layakdirulilaḥ, sajatiné ĕmbuḥ kuwé, tan wujud datan suwuŋ, nora néndra myaŋ nora ṅimpi, luluḥ ḷĕbdaniŋ kaṇṭa, abadi ajalu, jaliniŋ arilokarja, kana kéné kakĕnan jumalèŋ pati, yayaḥ séwandakala.

13. tĕtĕp alkajubahitullahi, kañataan tan lyan kalbulinsan, kasdu takrul takyin maṅké, wus kapugut kasuwuk, hyaŋ yitmaka panoniŋ pikir, rahśa surasèŋ léna, pranarda tan wĕruḥ, kapurbèŋ tirta nirmaya, wus tétéla khayat khayun tanpa dadi, sakiŋ bayaniŋ laya.

14. ṛĕjasèŋ tyas dérarṣa malarṣiḥ, parasdyaniŋ kañcil amoṅpraja, nukarta karta kriḍané, goḍa nora kasaṇḍuŋ, muṅgwiŋ kañjan mahpiyan ḷĕwiḥ, diniŋ karti sampéka, agñaniŋ tumuwuḥ, tĕmaḥ tinĕmu sacipta, nèŋ sasana dudu nraka dudu swargi, dudu akhir myaŋ duña.

15. maṅabyariŋ hyaŋ jatulguyubi, abdi manukṣma riŋ jad mahula, sudyarṣa manukṣma agé, iŋ koṭoŋ nukṣmèŋ jumbuḥ, tambuḥ jalu tambuḥ pawèstri, abaŋ séta myaŋ pita, iṛĕŋ ijo ĕmbuḥ, sirṇa sawarṇaniŋ rahśa, jaman mukṣa laṅgĕŋ nora ika iki, uninoŋ aniṅĕna.

16. wus tétéla wijaṅan nocogi, kaŋ wus kacakup iŋ prana ñata, srambut sapara sèwuné, tan salisir rèḥ khusus, kasatmata makripat jati, jatiniŋ kaŋ nupikṣa, iṅkaŋ ṅañut tuwuḥ, muŋ laṅgĕŋ tambuḥ parasdya, masalaḥnya babu makripatulpati, pandoniŋ sukṣmapurba.

17. samanantuk sadina sawĕṅi, amoṅpraja dènnya minum tirta, nirmaya iŋ paṅañuté, saŋ maha brata uluk, salam taṅgap kañcil tarampil, nabda ṅalékum salam, uninoŋ unanuŋ, grégaḥ taṅi liṅgihira, wadana nor maṇḍalasara tumuli, sutikñaniŋ saŋ brata.

18. swanitanya tinuras lir tiris, lalu ḷĕbda tan kĕna tinahan, kadyaṅganiŋ wuṅu saré, jatiné dudu turu, puṅun puṅun ḍ‍ĕḷĕg maṅarti, dènira minum tirta, wimbaniŋ sawuru, koḍĕŋ gĕṇḍĕŋ lir supĕna, ḷĕṅĕr ḷĕṅĕr ṅuṅun ṅunandikèŋ ati, laḥ iki dirgasana.

19. alon matur ḍuḥ saŋ maha ṛĕṣi, iŋ samaṅké kawula uniṅa, iŋ pĕjaḥ kaŋ sahèstuné, umañjiŋ bètullahu, nukṣmèŋ pati wajibiŋ urip, sapisan babar pisan, iṅagnya sinahu, amba prastawa satmata, khayat khayun kodrat iradat myaŋ ṅilmi, iŋ pati tanpa guna.

20. tirtamaya iṅkaŋ murbèŋ urip, dédé ĕrokḥ saha dédé napas, éliŋ aṅĕn aṅĕn dédé, éwuḥ kularṣa dumuk, sasananiŋ kaŋ bañu urip, asma musamèŋ gĕsaŋ, yèn makatĕn sèstu, punika kaŋ nama gĕsaŋ, sadayanya kaanan sajroniŋ jisim, namuŋ dados pikĕkaḥ.

21. sampun tĕraŋ iṅkaŋ ṅajak urip, ṅajak néndra tuwin ṅajak pĕjaḥ, bagya cilaka dunuṅé, aṅĕn aṅĕn tan ayun, lara suṅkan mati tan arṣi, muŋ énak lan kapénak, kaarṣayanipun, ati ḷĕmbut śakti dibya, dadya muka ṅlĕṅkara sabaraŋ kardi, tan wignya karya tilas.

22. baraŋ karṣa kudu aṇḍisiki, ala yogya iŋ sadina dina, datan kapraḥ sasĕdyané, tan kĕna yèn tinurut, siṅa iṅkaŋ nuruti budi, yaktyarda ṅambra ambra, durṣilaniŋ ayu, marma woŋ buddha iṅaran, saŋ hyaŋ guru guruniŋ manusa urip, rèḥ tan wruḥ tirtamaya.

23. amoṅpraja nulya matur maliḥ, kawula mugi ñuwun pitĕdaḥ, kaŋ murba masésa maṅké, punapi ṅgiḥ puniku, dwija sona ṅandika aris, ṭolé sira tatanya, iṅkaŋ murbèŋ tuwuḥ, tuṅgal pañcĕr tirtamaya, naṅiŋ kodratira pribadi kaŋ dadi, ndadèkkĕn wujudira.

24. tanpa saṅkan sarana pribadi, duk sira makṣiḥ nèŋ kalkahosar, iku wus jumĕnĕŋ ḍéwé, murba iŋ siyaŋ dalu, nèŋ ajali praptèŋ abadi, koṅsi sahiki uga, kaki duruŋ tutug, kodrat iṅkaŋ bila alat, yèn woŋ arab ṭolé dèn arani puji, puji alhamdulillaḥ.

25. maṅkya sira sun tuturi maliḥ, rasaniŋ puji midrawèŋ raga, sakojor ana isiné, iyèki warṇanipun, uninunoŋ uniŋ unaniŋ, cuṇḍuk utawa ora, sakṣèkna atimu, kaŋ murba masésèŋ sira, tuṅgal iṅkaŋ karya wujudmu sakalir, dudu rokḥ dudu ñawa.

26. kala makṣiḥ nèŋ jagad kaŋ suci, puji uwis jumĕnĕŋ priyaṅga, gawé maṅkéné kaṇṭané, uninoŋ uninanuŋ, tĕtĕp bapa biyuŋ tan kardi, wus déné malahékat, nabi allaḥ dudu, iŋ ṅuni sun wus wawaraḥ, jroniŋ urip ana nraka suwarga di, karatoniŋ hyaŋ sukṣma.

27. ri kalané sira duruŋ dadi, sunya sĕpi tan ana punapa, muŋ iku jumĕnĕŋ ḍéwé, nadyan sira tan wĕruḥ, kĕna sira dugi prayogi, yogya kacakrabawa, kaŋ aran al hamdu, iki kaṇṭané wĕruha, aniŋ unoŋ amoṅpraja cĕg nampani, suka sukur narima.

28. rèhniŋ cuṇḍuk lawan tyasirèki, kasatmata jarwèŋ nawuŋ kriḍa, traŋ tétéla glèṭèk pĕṭèl, rèḥ woŋ manonbawa nuŋ, datan kaḍuŋ dènnya ṅĕcupi, taṛĕcĕp wus kacakan, jatiniŋ tumuwuḥ, wĕruḥ kaŋ murbèŋ jiwaṅga, lawan taṇḍa sakṣi wus kamil mukamil, sampurṇa kasampurṇan.

29. wuṣṇya titi titisiŋ kara di, saṅkan antara praptaniŋ paran, iŋ sasana kañatané, dayèŋ titaḥ tumuwuḥ, kawruḥ khusus kinosokbali, mutamat sajagad rat, silarjaniŋ kawruḥ, tĕtĕp mukmin baitullaḥ, parasdyaniŋ kañcil ṅilmu duña akhir, kadriya tanpa masa.

30. siyaŋ ratri lumintu maṅèṣṭi, tanpa iṅan jumbuhiŋ nirmala, rèḥ kusumaniŋ wiradèn, pramodèŋ rat sawéguŋ, sinasaban yudanagari, ywa kawistarèŋ kaṭaḥ, jamak satriya nuŋ, lalajĕriŋ witaradya, tan sayogya jiwaṅga ṛĕjasèŋ ṅilmi, nuwuhkĕn praja ṛĕṅka.

73. sinom

1. trunaniŋ tyas amoṅpraja, wusiŋ tampi jarwèŋ ṛĕṣi, pasal kaŋ limaŋ prakara, sawiji wiji nastiti, titis manukṣmèŋ ati, éwuḥ pakéwuḥ kacakup, tĕṅalukiŋ aguna, mañjiŋ puwat sanubari, bétalmakmur pacaṅkramaniŋ cakṣaṇa.

2. muhuŋ pasal kaŋ satuṅgal, kaŋ dèrèŋ dipunjarwani, amoṅpraja aturira, ḍuḥ risaŋ jurumartani, kawula ñuwun nuli, kaŋ kapiŋ nĕm babaripun, kanaŋ ṅoḍĕṅkĕn cipta, bab wijiliŋ surya sakiŋ, purwantara surup mriŋ pracimantara.

3. punapa maliḥ candrama, yèn makṣiḥ nèm krowak ṅiṅgil, miṇḍak ari krowak suda, tĕkèŋ caturwĕlas ari, katon sadaya nuli, krowak maliḥ iṅkaŋ luhur, kadi duk nèŋ pracima, punapa maliḥ kulapti, iṅkaŋ pundi ḷĕṛĕs tĕṅahiŋ bhuwana.

jawabané patakonan pasal kaŋ kapiŋ nĕnĕm

4. srĕṅgala dwija manabda, bab iki luwiḥ mustakil, kasĕbut iŋ kitab palak, palak iku tĕluŋ warṇi, kaŋ siji palak laṅit, kapiŋ piṇḍu palak lahut, katriné palak ḍarat, siji sijiné hèḥ kaki, paḍa dadi kitab crita pira pira.

5. sun saguḥ mĕruhkĕn sira, saha sinawuŋ iŋ gĕṇḍiŋ, macapat tĕmbuŋ tĕmbaŋnya, sun ñjaluk krĕtas pèn maṅsi, kira kira bab laṅit, dluwaŋ roŋ kĕṇḍaŋ tan cukup, apa manèḥ sirarṣa, wruḥ grahana surya sasi, kudu titi maraŋ durariniŋ duña.

6. tuwin ukuraniŋ jagad, sakiŋ pulo piro iṅgris, yéka awit das sapisan, maṅétan maṅulon sami, déné gambariŋ rawi, iku bĕñcèt warṇanipun, dadi jam lan mĕnitan, sĕkoṇḍé pétuṅirèki, iṅsun kira sira nora bisa tampa.

7. awit paṅaṅgonira jam, horlogi duruŋ pisan wrin, tansaḥ muŋ asosoṅaran, saḍéla saḍéla ṅèkṣi, tinèmplèkaké kupiŋ, mbaḍĕḍĕg tyasmu sagunuŋ, karṣèt mas jaran mbaṇḍaŋ, watu mahinan tiŋ kraṇṭil, naṅiŋ tuna rèḥ tan wĕruḥ pahédaḥnya.

8. maṅka horlogi punika, darbé kaṛĕp rolas warṇi, kaṅgo atasiŋ ṅagĕsaŋ, siji bahé sira tan wrin, maṅaṅgo muŋ kapéṅin, tiru tiru woŋ kaŋ blilu, déné ṅuni sakolaḥ, paṅaṅgomu lir woŋ tani, tani yuta tan wruḥ globĕ myaŋ sĕkoṇḍaḥ.

9. aywa kaŋ globĕ lawan jam, éwuḥ pakéwuḥ yèn yun wrin, bab sastra kéwala sira, sacuwil duruŋ maṅarti, apa manèḥ kakawin, jĕjĕr wasésa tan wĕruḥ, wus déné kitab kuran, buku buku tĕmbuŋ jawi, mlayu wlanda saya duruŋ pisan wruha.

10. masa kayaa srĕṅgala, dwija titi ṅèkṣi tulis, yèn katrĕñjuḥ aṅèl ḷĕmbat, maṇḍak pinuṅsèŋ kabudi, nora wis yèn tan paṅgiḥ, yakti kañataanipun, mañjiŋ sajroniŋ nala, éwuḥ woŋ maca sayĕkti, awit kudu bisa krasa kuluṅiŋ tyas.

11. bédané kaki lir sira, wĕruḥ sastra tan pinikir, paṅrasamu yèn wus apal, paham kasĕbut yèn wasis, naṅiŋ sira wus paṣṭi, paṭokaniŋ tulis tan wruḥ, trapiŋ paramasastra, duruŋ pisan pisan ṅarti, suprandéné sira wani ṅaku bisa.

12. kawigñan dudukur gambar, dudu étuŋ règĕl pandri, liré gunadikèŋ praja, kabèḥ kaguluŋ sawiji, sabaraŋ katon ṅarti, ṅisor tĕṅaḥ ḍuwur cukup, béda kaŋ kaya sira, aṅgitmu pintĕr pribadi, yèn katĕmu lan woŋ pintĕr sira éwa.

13. rèḥ kabèḥ kawigñanira, siraṅgĕp pintĕr pribadi, tan ṅaku ṅgĕguru liya, tan rumasa mamèt misil, suka ginuṅguŋ wasis, pintĕr nora aṅgĕguru, tan kadi dwija sona, kabèḥ kagunané luwiḥ, olèḥ saka maguru sapaḍa paḍa.

14. dadi darbé sĕsèṇḍènan, wawaton wimbanirèŋ liŋ, nadyan ṅaduwa kagunan, anèŋ kabar bramartani, javabodé batawi, bintaŋ timur slomprèt mlayu, lamun darbé paṭokan, tuwuhiŋ kagunan sakiŋ, pra bijakṣa sarta kitab kuna kuna.

15. yèn nora maṅkono kalaḥ, nadyan uṅgul wahyaniŋ liŋ, lamun tinakon watonnya, tan wruḥ sinurak pra murti, piŋ pira bahé sun wrin, samyolaḥ dibyaniŋ kawruḥ, nèŋ pabaratan kabar, katara kaŋ tunèŋ budi, kumawasis ṅaku pintĕr tanpa ajar.

16. ṅuni jaman kuna ana, woŋ ṅaku putus pribadi, aran ki puṣpawibawa, sabaraŋ micara mĕṭit, sastra myaŋ kawi kawi, tanpa waton yèn binuru, yèn koṅkulan kawruḥnya, éwa yèn padon muṭakil, ora g‍ĕḷĕm kalaḥ mriŋ sapaḍa paḍa.

17. bab palak mahu basa rab, tĕgĕsé bundĕriŋ bhumi, saha sahisiniŋ jagad, kacrita nèŋ kono sami, kaananiŋ dumadi, sabab masabab kasĕbut, uripiŋ tutuwuhan, surya candra traṅgana di, paḍaṅira kabèḥ kasĕbut iŋ palak.

18. kira kira sèwu koras, kaŋ makṣiḥ tĕmbuŋ arabi, sèwu ruṅsit sèwu ḷĕmbat, iŋ maṅkya baṅsa walandi, kaŋ mrĕtal tĕmbuŋ jawi, muŋ sapara sèwunipun, iṅkaŋ prĕlu kéwala, karya mulaŋ anak murid, para siswa pawiyatan surakarta.

19. iŋ maṅké ṅaliḥ magĕlaŋ, marma pamintèṅsun kaki, kaŋ titi waṣkiṭa pana, mriŋ wicaraniŋ woŋ murti, lan sira kaŋ tabĕri, apa alané woŋ kĕṭul, ywa darbé ati suṅkan, kĕsèt ṅrusakaké ati, tuhu lamun maṅkono susuhiŋ sétan.

20. kĕsèt suṅkan siṅkiṛĕna, kaŋ adoḥ aywa na kèri, manawarṣa ṅaji palak, kaŋ wus salin tĕmbuŋ jawi, sanadyan muŋ saṭiṭik, naṅiŋ cukup yèn atasmu, manawarṣa lir iṅwaŋ, asu iŋ suracalardi, taṅèḥ lamun miriba sapara sasra.

21. iṅsun wus dibya iŋ palak, tinimbaŋ saminiŋ añjiŋ, naṅiŋ kaŋ sun wèhkĕn sira, saṭiṭik kéwala ḍisik, yèn kakèhan tan tampi, iku bahé duruŋ tamtu, rèḥ sira ṅaku limpad, guna kasusastran ṅĕntiŋ, wruhanira kabaṅkitan dudu sastra.

22. marma aṅgèr poma sira, ṅaṅgowa wasita mami, yèn nĕdya wirahutama, pratañjana sun sajari, kulup ṅilmu durari, palak ririṅkĕsan lowuŋ, dadya guréndaniŋ tyas, sakiŋ warṣita kaŋ luwiḥ, sun tuturi aṅgèr wujudiŋ candrama.

23. ujariŋ palak akasa, bonu iku wujud siti, tan pahé duña punika, gĕḍé jĕmbaré tan slisir, luhuré sakiŋ bhumi, katĕmu ukuranipun, roŋ puluḥ yuta ĕpal, lumaku ṅidĕri bhumi, punaŋ tèṅsu punika pĕtĕŋ wijudnya. 24. déné katonira paḍaŋ, awit kasorotan rawi, yèn taṅgal nom ṇḍuwur krowak, kaŋ paḍaŋ ṅisor ñjalirit, sunariŋ bagaṣpati, kaŋ nĕmpuḥ maraŋ sutèṅsu, marma kaŋ antuk paḍaŋ, ñjalirit amuŋ saṭiṭik, déné wulan kaki lumaku maṅétan.

25. saya tuwa saya paḍaŋ, yèn wus praptèŋ wétan nuli, ṛĕmbulan katon sadaya, iṅaran purṇama sidḍi, jatiné muŋ sapaliḥ, kaŋ antuk sunariŋ tèṅsu, naṅiŋ tan kasatmata, saya tuwa krowak maliḥ, anèŋ wétan tan pahé duk nèŋ pracima.

26. lamun pĕtĕŋ babar pisan, candrama iṅaran mati, yaktiné mĕtu rahina, sulap marmané tan kèkṣi, dadya étuṅiŋ sasi, taṅgal pisan piṇḍo tĕlu, tĕkaniŋ tigaŋ dasa, muŋ krowaké kaŋ winilis, kabèḥ mahu titènana warṣitèṅwaŋ.

27. déné taṅgal piŋ sapisan, tan ajĕg krowakirèki, kaḍaŋ sisiḥ kidul kaṭaḥ, kaḍaŋ kaŋ ĕlor tan mĕṣṭi, yèku sakiŋ durari, liré bhumi midĕr guluŋ, ṅalor ṅidul lakunya, yèn kapara ṅalor kaki, abot kidul yèn ṅidul ĕlor kaŋ awrat.

28. déné paṅguluṅiŋ jagad, kajaba obahirèki, guluŋ sakiŋ kulon ṅtan, patlikur jam tĕpuŋ maliḥ, dadiniŋ surya mijil, saka wétan ṅulon surup, kahétuŋ muŋ rolas jam, sadina sawĕṅi ugi, lamun bĕṅi nora kasorotan surya.

29. hèḥ sutèṅsun amoṅpraja, kadiparan ṅgon sun ṅaṅgit, guluṅé kulon maṅétan, bab candrama kuraŋ titi, paḍaŋ pĕtĕṅirèki, miwaḥ yèn grahana kulup, kuraŋ sapuluḥ warṣa, sun wus uniṅa sahiki, tan sulaya tibaniŋ jam lan mĕnitnya.

30. naṅiŋ yèn sinawuŋ tĕmbaŋ, éwuḥ pakéwuḥ tan sipi, awit iṅsun puṅguŋ muḍa, ṅgita wigatiniŋ bhumi, nadyan macapat kaki, saḍéla ḍéla sun kudu, tumĕṅa rèhniŋ ciṅkraŋ, woŋ ṅaṅgit aṅéliŋ éliŋ, sriŋ ṅgantuŋ pèn kaḍaŋ anètèsi kartas.

31. cawaṅané piraŋ piraŋ, tiŋ cluṛĕg patiŋ cĕlarik, lir cinakar cakar ṅayam, masaŋ tĕmbuŋ bolak balik, sastrané tan patitis, ukarané ora ḍahup, jĕjĕr wasésa lèsan, kĕṛĕp bubraḥ tan kapikir, parandéné kumawawa aṅrĕñcana.

32. séjé lawan guruniṅwaŋ, arya lékawa iŋ ṅuni, widagdèŋ paramabasa, gita tĕmbaŋ tĕmbuŋ kawi, lalagon mèt surastri, swara mañjiŋ karṇa turut, tiba sèlèhé énak, titi palané patitis, tumĕkané iṅsun makṣiḥ baṅĕt kuraŋ.

33. muŋ lowuŋ kinarya ṅajar, pawiyatan para murid, palak iṅsun gita tĕmbaŋ, macapat supaya gampil, rèḥ sira sĕnĕŋ gĕṇḍiŋ, sarta adrĕŋ kusuŋ kusuŋ, muṅsĕŋ kaananira, bab surya maṅké sun aṅgit, uga mamèt uniniŋ palak akasa.

34. kulandaragni punika, dèn arani wujud gĕni, kinodrat murub tan pĕgat, gĕḍéné ṅuṅkuli bhumi, tikĕl piŋ satus luwiḥ, makṣiḥ gĕḍé surya iku, tan ṅulon datan ṅétan, tan añjog datan maṅiṅgil, paṅguluṅé nora saḥ luwiḥ rikatnya.

35. jroniŋ pitulikur dina, paṅguluṅé tĕpuŋ lagi, sakiŋ gĕḍéné punika, ana cihnané kaŋ yakti, sakṣiné mawa prapti, sĕmproŋ palak asuŋ tuduḥ, ika srĕṅéṅé ana, blĕntoŋ tétéla kahèkṣi, praptèŋ pitulikur dina blĕntoŋ sirṇa.

36. wus tĕraŋ paṅguluṅira, lir giliṅan wanapĕti, sanadyan mubĕŋ tan owaḥ, saka paṅgonanirèki, ṅalor ṅidulé kaki, iku yaktiné awakmu, katut ubĕṅiŋ ḷĕmaḥ, bumyaṅguŋ aṅolaḥ ṅaliḥ, kaŋ maṅkono dadi masané woŋ budḍa.

37. déné surya winatara, kadunuṅan kutu kumlip, sabab sarupaniŋ papan, iku paṣṭi dèn ĕṅgoni, ĕmbuḥ warṇanirèki, sakiŋ kira kira tamtu, marma pikiṛĕn poma, ywa sira mahido ḍiṅin, saha aja sira agé marcayèŋ tyas.

38. kudu timbaṅĕn iŋ nala, ati kaŋ wruḥ goroḥ yĕkti, maṅkono woŋ ahli cipta, prayitna sarta patitis, mobaḥ mosikiŋ urip, tuwin baraŋ kaŋ mahujud, budinĕn lan katimbaŋ, aywa tambuḥ aywa tambuḥ baraŋ warṇi, kaŋ maṅkono kalbulmukmin baitullaḥ.

39. iŋ mĕṅko sun asuŋ waraḥ, caritaniŋ palak laṅit, kaŋ isi lintaŋ maḷĕkṣan, tan pisan kĕna winilis, adoḥ saka iŋ bhumi, koṅsi tan kĕna iṅukur, muṅguḥ sakèhiŋ lintaŋ, yéka jagad siji siji, luwiḥ gĕḍé ṅuṅkuli duña punika.

40. tinon sakiŋ pranti palak, iŋ kaca prasana kèkṣi, piraŋ piraŋ yuta jagad, koṅsi tan kĕna winilis, prandéné dèn kawruhi, amuŋ satus pataŋ puluḥ, puñjul papat arannya, sawiji wiji tinulis, tan kacrita nèŋ kéné ṅĕbaki papan.

41. akèḥ arané kaŋ lintaŋ, makṣiḥ tĕmbuŋ iŋ arabi, déné lintaŋ kaŋ lumampaḥ, cacahé muŋ rolas iji, samya ṅidĕri bhumi, surya lan candrama kĕmput, araniŋ lintaŋ rolas, uga tan sun tulis ṅriki, sabab tanpa daya maraŋ atasira.

42. sarupaniŋ lintaŋ lintaŋ, antuk sorotiŋ hyaŋ rawi, marmané paḍa sumunar, wit sakiŋ kulandaragni, kajaba iku kaki, ana lintaŋ mawa buntut, iyéka kala kala, mahya mukṣwara lir agni, ḍasar ñata lintaŋ paṅawak dahana.

43. wondéné laṅit punika, tanpa wujud tanpa warṇi, suwuŋ waŋ wuŋ nora kaṇṭa, sanadyan udara sĕpi, ñjĕmbloŋ kéwala kaki, déné iṅkaŋ rupa biru, luhuré muŋ sèkĕt pal, lir kaŋ wus sun jèrèŋ ṅarṣi, piraŋ piraŋ critèŋ palak dadi taṇḍa.

44. mĕṅko sun riṅkĕs kéwala, yèn jinèrèŋ kuraŋ maṅsi, kaananirèŋ akasa, udara maruta sĕpi, marma kèḥ kukus sami, tan mumbul mubĕŋ puniku, tan tĕrus iŋ awiyat, manèḥ sun riṅkĕs bab laṅit, kari jagad gumĕlariŋ duñapada.  

74. asmaradana

1. sira subraṅtaa kaki, kaananiŋ jagad raya, gumĕlariŋ bhumi kabèḥ, kaya ta punaŋ samudra, kasaṅga iŋ bhuwana, déné ṭolé warṇanipun, bundĕr kĕmplĕŋ wus tétéla.

2. bundĕré sahéṅga mimis, marma aran cakrawala, iya iku paṅkĕluké, pinrikṣa sakiŋ kadohan, yakti kaliŋ kaliṅan, kaŋ awit bhumi maḷĕṅkuŋ, taṇḍané waṣpadakĕna.

3. manawa grahana sasi, nuju taṅgal piŋ patbĕlas, adaté katon mañcoroŋ, kasunar iŋ prabhaṅkara, maṅka suṛĕm kaŋ wulan, awit kaliṅan puniku, déniŋ wayaṅaniŋ duña.

4. sorotiŋ prataṅgapati, candrama kala kaliṅan, tĕmahan sirṇa prabhané, wayaṅan mahu tétéla, srana kèkĕr kaprikṣa, kaŋ nasabi candra mahu, bundĕr cĕṭa wéla wéla.

5. marma krowaknya lumaris, saka iŋ ḍuwur maṅaṇḍap, ṅrĕgĕmĕŋ bundĕr wujudé, yéka wayaṅan pratala, rèhniŋ kabèḥ wayaṅan, tan pahé lan wujudipun, sakṣi maliḥ kaŋ sañata.

6. yèn sira nèŋ tĕpi jladri, prikṣanĕn plĕṅkuṅiŋ toya, bundĕr alus rata tinon, lamun ana prahu tĕka, sèstu datan katiṅal, kabèḥ muhuŋ tiyaṅipun, apa déné layarira.

7. sababé kaliṅan makṣiḥ, paṅkĕlukirèŋ pratala, marma prahuné tan katon, lamun lakuné wus pĕrak, kabèḥ saya katiṅal, tiyaŋ layar tuwin prahu, iku iṅkaŋ dadi taṇḍa.

8. taṇḍané yèn bundĕr yakti, saka aṅgitiŋ pujaṅga, palak ginawé gambaré, déniŋ tuwan pitahoras, walanda tanaḥ prasman, saha yasa ukuripun, saya tétéla ñatanya.

9. jĕmbariŋ bhumi pinaṅgiḥ, tĕluŋ atus sawidak grad, saṅaŋ puluḥ sabĕn pojok, ṅaṅgo garisan maṅétan, maṅalor ṅidul uga, ḍéwé ḍéwé aranipun, makṣiḥ basa iŋ éropaḥ.

10. tan ana tĕmbuṅé jawi, marméwuḥ sinawuŋ tĕmbuŋ, iŋ mĕṅko sun rañcag bahé, lowuŋ dadiya bubuka, kawruḥ paminé saraḥ, aṅĕn aṅĕn yayaḥ lahut, baraŋ apa mañjiŋ bisa.

11. yakti tan sasak kaŋ ati, maraŋ kagunaniŋ duña, sira wus wĕruḥ ĕṅgoné, nèŋ madyèŋ jantuŋ lan utak, mañcoroŋ lir jabarjad, kañcil amoṅpraja tur wruḥ, aḍuḥ saŋ maṅgala brata.

12. amba ñuwun prikṣa maliḥ, mugi katarbukakĕna, grahana surya sababé, kaliŋ kaliṅan punapa, déné kéṅiŋ pinétaŋ, nadyan kiraŋ sèkĕt tahun, paduka sampun uniṅa.

13. dwija sona amaṅsuli, sira yun wĕruḥ grahana, kudu ana pirantiné, ṅèkṣiya plĕṭèkiŋ surya, myaŋ surupiŋ pracima, anèŋ ṅĕndi surupipun, iŋ ṅaṛĕp sun wus suŋ warta.

14. grahana surya myaŋ sasi, kudu ṅaṅgo ukur palak, kahétuṅa durariné, dadi ananiŋ grahana, ṛĕmbulan miwaḥ surya, paṣṭi ana sabĕn tahun, tan kèkṣi siŋ tanaḥ jawa.

15. yèn sira wus aṅawruhi, tibèŋ ṅĕndi bahé wikan, iŋ wayaḥ jam mĕnitané, laḥ kaki mara majuwa, iki globĕ ajara, durari ukuranipun, marga tibaniŋ grahana.

16. tumbukanirèŋ tri warṇi, surya wulan tuwin duña, bhumi anèŋ ṅisor ḍéwé, kaŋ nèŋ tĕṅaḥ wulan kaṇṭa, ṅaliŋ ṅaliṅi surya, dadya sunaré katumbuk, suṛĕm paḍa sanalika.

17. marma kudu wayaḥ liṅsir, yèn ana grahana surya, iŋ wulan kaṇṭa tumbuké, payo maraŋ papan ḷĕmpar, kañcil sira sun ajar, kabĕnĕran masanipun, amĕnaṅi taṅgal tuwa.

18. prikṣanĕn obahiŋ bhumi, saha obahiŋ candrama, durariné ṅidul ṅalor, yéka kaŋ dadi grahana, ṛĕmbulan saha surya, kañcil ḷĕṅĕr ḷĕṅĕr ṅuṅun, paṅétuṅiŋ grad bhuwana.

19. amoṅpraja matur maliḥ, ḷĕṛĕs jĕŋ paduka dwija, kĕdaḥ uniṅa étaṅé, durari ukuraniŋ grad, marma iŋ maṅké amba, ñuwun prikṣa wijaṅipun, grad iṅkaŋ satuṅgal tuṅgal.

20. saŋ jurumartani aṅliŋ, kaki sirarṣa ṅukur grad, payo mriŋ pulo piro go, iyèku ṅgon bas sapisan, lintaŋ pĕrikṣaṇana, wawasĕn plorodna kulup, yèn kl‍ĕḷĕp antuk saĕgrad.

21. kapriyé sun ñjèrèŋ maṅkin, anakṣèni ṅukur duña, mil pal cĕṅkal tuwin élo, ririṅkĕsanirèŋ waraḥ, élo iku mèt duña, para satus pataŋ puluḥ, yuta saĕlo nèdĕrlan.

22. kalané iŋ ṅuni uni, ananiŋ ĕlo punika, kumpulan pra pintĕr kabèḥ, woŋ iṅgris itali prasman, ḍitslan bèlgi switsĕrlan, iŋ tahun sèwu aṣṭa tus, lumakṣaṇa ṅukur duña.

23. sakiŋ pulo piru awit, kapal lakuné maṅétan, tan méṅgok méṅgok lakuné, dupi antuk tigaŋ warṣa, kagyat para bijakṣa, praptèŋ pulo piru sampun, déniŋ paṅkatira ṅarṣa.

24. nulya iṅétuŋ kapaṅgiḥ, sapra pataŋ puluḥ yuta, siji iṅaranan ĕlo, mètĕr basané woŋ prasman, woŋ ḍitslan aran towas, samana purwaniŋ rujuk, bobot kaŋ sarta ukuran.

25. koṅsi praptèŋ jaman iki, kaṅgo mriŋ baṅsa walanda, saantéro rujuk kabèḥ, bobot ukuran takĕran, purwané sakiŋ jagad, iku papaṭokanipun, kudu sira kawruhana.

26. sun balèni crita maliḥ, gĕḍé jĕmbaré kaŋ duña, sakiŋ wétan tĕkèŋ kulon, tĕpuŋ koṅsi tĕmu gĕlaŋ, tĕluŋ atus swidak grad, duña dènira aṅguluŋ, ṅubĕṅi ukur punika.

27. jroniŋ sadina sawĕṅi, riniṅkĕs patlikur ĕjam, gradnya ginawé samono, sajam antuk limalas grad, nulya mĕnit kapara, maṅkya tétéla katĕmu, pataŋ mĕnit antuk sagrad.

28. marmané tĕraŋna kaki, amrikṣani horlogi jam, sukur yèn bisa wruḥ bĕñcèt, bĕñcèt mĕṅku roŋ prakara, satuṅgal gambar surya, kapindo ukuranipun, jĕmbarirèŋ janaloka.

29. lan maliḥ wĕruha kaki, iṅkaŋ aran sĕkal prasman, maṅkya ginawé wawaton, paṅriṅkĕsirèŋ ukuran, maliḥ lakuniŋ jaṅka, lan pasikon kaṅgo prĕlu, atasé añĕṅkal ḷĕmaḥ.

30. naṅiŋ sun kira sirèki, kapintĕranmu muŋ lumraḥ, duruŋ wruḥ jaṅka myaŋ sikon, luwiḥ manèḥ étuŋ cĕṅkal, tĕlu iku utama, wruḥmu sĕtun tukaŋ kayu, kaṅgo ṅukur gawaŋ lawaŋ.

31. ṅukur bhumi nora ṅarti, marma aran woŋ sapraja, makṣiḥ lumraḥ bahé ṭolé, séjé lan kaŋ wus bijakṣa, iŋ kawruḥ ṅukur duña, maṅka sayaktiné kulup, sabĕn manusa punika.

32. dadi juru ṅukur paṣṭi, gawé ukur baraŋ baraŋ, naṅiŋ sirèku duruŋ wroḥ, iŋ mĕṅko kaki sun buka, supaya bisa ṅékar, bisa wĕruḥ bahé cukup, aywa koṅsi salaḥ nétra.

33. yèn iṅkaŋ duruŋ maṅarti, mrikṣani gambar gambar kar, kapéñcut wĕruḥ pulasé, saha alusiŋ pañĕrat, ukuran tan rinĕmbag, pira jĕmbar ciyutipun, maṅkono woŋ ṅaṅgo nétra.

34. akèḥ kagunaniŋ bhumi, wawasĕn kaŋ koṅsi wignya, supaya sirṇaniŋ boḍo, gumĕlariŋ pamulaṅan, wus luwiḥ sèkĕt warṣa, wus wĕruḥ kapintĕranmu, lagi sapara sayuta.

35. anaṅiŋ wus ṅaku baṅkit, awit tulismu ñjlagĕḍag, ṅatumbar jawa arabé, wus déné tulisan wlanda, wruḥ papaṭokanira, kabèḥ tĕṅĕran wus ñakup, paṅrasanira sampurṇa.

36. iku witmu ṅaku wasis, nora kuraŋ gunardika, naṅiŋ yèn sira kataṅgor, woŋ bijakṣa nawuŋ kriḍa, tĕmaḥ éwamu tĕka, rumakĕt badan sakojur, dadya bisu tanpa muna.

37. maṅkono woŋ tunèŋ budi, wiraŋ lamun tatakonna, jĕr nalaré muŋ samoté, tan praduli woŋ sarjana, kañcil tumuṅkul nĕmbaḥ, saha matur klunun klunun, ṅèṣṭi wahyaniŋ wasita.

38. kañcil nulya matur maliḥ, aḍuḥ saŋ srĕṅgala dwija, kawula ñuwun pawartos, sakiŋ pandaṅu paduka, ṅuni makṣiḥ kajaja, mrĕṅkĕl saḷĕbĕtiŋ kalbu, koḍĕŋ rèḥ boḍo sadarpa.

39. iṅkaŋ paduka wastani, ĕndi tĕṅahiŋ bhuwana, lan watĕsé jagad kabèḥ, sona alon wuwusira, bab iku luwiḥ gampaŋ, tĕṅahiŋ kaŋ bhuwana guŋ, wawatoné saka sira.

40. wija purwantara tuwin, utawa pracimantara, pugĕraniŋ sujanma kèḥ, wus déné madé pratala, t‍ĕḷĕṅé ṅisorira, coba ukuṛĕn maṅidul, maṅalor èstuné paḍa.

41. marma papaṭokan sakiŋ, sakiŋ iku kramasaka, tĕgĕsé wujudiraṅgèr, pikiṛĕn lamun pinaṅgya, sira wus madyotama, kaŋ sanadyan tiru tiru, bĕcik kaŋ wĕruḥ sababnya.

42. maṅkya sajarwèṅsun wus nis, lagya saméné kaŋ mahya, yogya upayanĕn ḍéwé, warṣitaniṅsun sadaya, palak lan saprabotnya, kaŋ satiti paṅudimu, ywa uwis wis yèn tan paṅgya.

43. wis mundura kaki aji, maraŋ ḍatu prabhayasa, yèn sira tansaḥ nèŋ kéné, léna panĕkĕmiŋ praja, nuwuhkĕn aruhara, kitab palak globĕ iku, gawanĕn saatlasira.

44. sĕkal sikon jaṅka tuwin, blĕbĕs mètĕr busol kompas, kèkĕr sipat gantuŋ plaṅsèt, rontèk iṛĕŋ abaŋ séta, kabèḥ gawanĕn paḍa, bésuk watara satahun, bakal sun takoni sira.

45. wĕkas sun poma kaŋ éliŋ, aywa kĕmba iŋ pamrikṣa, aja mlaṅkaḥ kĕbètané, miliḥ iṅkaŋ gampaŋ gampaŋ, kaŋ aṅèl linaṅkahan, yèn wus juḍĕg pamikirmu, takonna mriŋ baṅsa waswa.

46. algĕbraḥ ukuran bhumi, étuŋ maṅracut pĕcahan, pra puluhan rèhniŋ kowé, uwis katara yèn limpat, muhuŋ kèri sajuga, bab pilasi tĕmbé iṅsun, kaŋ mulaŋ sira priyaṅga.

47. sira rèḥ jumĕnĕŋ aji, nata guŋ binaṭarèṅrat, mbawani bhawana kabèḥ, wahyanirèŋ wahyu wirya, mbawani iŋ bhawana, midana durṣilèŋ ayu, wajibiŋ naréndra tama.

48. déné byuha byakta tuwin, adil karta wiṣṇuṅkara, sun sakarwakakĕn ḍéwé, naṅiŋ sira kudu ḷĕga, paṅulu patiḥ jakṣa, abipraya kapatipun, rumakṣaka iŋ rasika.

49. gumuluŋ dadya sawiji, pramodaniŋ witaradya, yéka tĕtĕpiŋ karaton, ratu paṅulu papatya, jakṣa sabyantu karṣa, ṅatas sudarṣanèŋ kéwuḥ, muwuhi arjaniŋ praja.

75. mijil

1. naṅiŋ ana pamintèṅsun péliŋ, kaŋ mijil saŋ katoŋ, supayarja luhur kotamané, mandrawasa midĕr ñakrawarti, mantrastutyèŋ abdi, kaŋ naṇḍaŋ kaswayun.

2. sun miminta manawa maṛĕṅi, pra murda rumojoŋ, patik jakṣa paṅulu ṛĕmbugé, rèhniŋ makṣiḥ ana kaŋ guŋ tis tis, rina wĕṅi naṅis, iyèku si kuwuk.

3. rèḥ wilpusa ṅuni laku juti, ṅgĕnpal tatèŋ sato, nindakaké apus maridaké, ñjaluk pitik ḍuwit mori muslim, sakèhiŋ patiṅgi, mèstu amituhu.

4. rèhniŋ uwis linakonan lami, sun watara kapok, iṅsun kira tri warṣa sapréné, iku bahé apuranĕn kaki, dimèn muliḥ sakiŋ, ṅayaḥ antuk ampun.

5. awotsĕkar kañcil matur iṅgiḥ, lumèṅsèr lon alon, lampahira wus prapta iŋ madé, baṅsal rukma luṅgyèŋ burḍamanik, nuju ri ṛĕṣpati, paséwakan aguŋ.

kuwuk linuwaran saka sikṣané iŋ pambuwaṅan bañjur winisuḍa dadi buyut tuwaṅgana

6. pêpak para santananiŋ aji, papatiḥ sumahos, pra nayaka bupatyarya akèḥ, hulubalaŋ panèwu lan mantri, paṅrĕmbénya tuwin, narapraja pĕnuḥ.

7. saha para yogiswara ṛĕṣi, sumiwi iŋ katoŋ, uwahuwa kaŋ maṅka huluné, iṇḍuŋ uluguntuŋ cèkèl cantrik, jaṅgan puṭut wasi, atap ucut luṅguḥ.

8. kabupatèn jakṣa anambuṅi, dwirada dibya nom, kori sarayuda sapraboté, gripir carik urutiŋ paliṅguḥ, sadaya wadya ji, bukuḥ marikĕlu.

9. nulya radèn amoṅpraja ṅliriŋ, patiḥ traŋ pasĕmon, taṅgap iŋ tyas maṛĕk byantara gé, agñanira moṅpraja mriŋ patiḥ, hèḥ mukaniŋ mantri, iŋ mĕṅko karṣèṅsun.

10. si wilpusa kaŋ naṇḍaŋ prihatin, kukumiŋ karaton, kaŋ nèŋ ṅayaḥ timbalana agé, anuduha mantri maṅka dadi, dutaniŋ nagari, sugriwantuk ampun.

11. patiḥ nĕmbaḥ sandika anudiŋ, kakaliḥ mantri nom, muṇḍi rontal luwara sikṣané, kuwuk kaŋ nèŋ ṅayaḥ kawlasasiḥ, saliré winaṅsit, duta maṅkat sampun.

12. amoṅpraja bubaran tinaṅkil, kondur aṅaḍaton, kawuwusa caraka lampahé, éṅgaliŋ crita kuwuk wus kérid, marga tan winarṇi, prapta iŋ praja guŋ.

13. nulya sowan dyan bèi maṛĕṅi, siniwi kaprabhon, iṅkaŋ séwaka kadi adaté, kawistara kuwuk nrimèŋ ati, moṅpraja wahyèŋ siḥ, samana mriŋ kuwuk.

14. winisuḍa jinuñjuŋ iŋ liṅgiḥ, wilpusa samĕṅko, dadya buyut tuwaṅgana kinèn, mardi mardawa wiwékèŋ wèṣṭi, sadaya ṅastuti, suka myaŋ jumuruŋ.

15. sasaṛĕṅan amisuḍa liṅgiḥ, pra narapraja nom, uṇḍa usuk pinantĕs paṅkaté, ana dadi puṅgawa maṅuri, panĕkar myaŋ sĕṇḍi, pand‍ĕḷĕgan umbul.

16. dĕmaŋ raṅga kabayan ṅabèi, kaŋ samya maṅartos, punaŋ partisara ñĕbutaké, kaya ta lutuŋ pinariŋ buslid, dadya juru sakit, tanuita ḍukun.

17. sarupané kéwan iṅkaŋ gĕriŋ, wus kontap iŋ criyos, pramèŋ guna usada sranané, wus pira pira lalara mari, wit dayèŋ añjani, tuhu ahli nujum.

18. saha liṅsaŋ pinariṅan iŋ siḥ, kaṅkat sakiŋ ṅisor, dadya samahita pardikané, mardi basa basukyarjèŋ kawi, pawiyatan tulis, para siswa ḍusun.

19. tuhu putus kasusastran tuwin, kaluṅidan ṅartos, wus kasusra nirmala malané, sakiŋ lami ulaḥ sasmita di, amisuḍa maliḥ, luwak juru tĕnuŋ.

tamat caritaniŋ kañcil titimasaniŋ paṅĕcap

20. sampun tamat caritaniŋ kañcil, dintĕn sĕtu kliwon, mulud wawu pitulas taṅgalé, aṅka sèwu woluŋ atus tuwin, kawan dasa siki, iŋ paṅĕcapipun.