1. paṅkur
1. wuryanta déra manitra, dina isnèn wayaḥ jam wolu éñjiŋ, madilawal piŋ sapuluḥ, nuju maṅsa kalima, iŋ praṅbakat tahun dal saṅkalanipun, atmaja hyaŋ girinata, mulaŋ mriŋ puṅgawa mantri.
2. maṅkunagara kapiŋ pat, kaŋ puwara ṅuni datan marṣudi, mriŋ gunĕm rèḥ kaŋ rahayu, masalahiŋ suwita, muŋ ṅugĕmi ujar kuna kaŋ tan jujur, kabañjur praptaniŋ maṅkya, piaṅkuhé aṅrikuhi.
3. mriŋ kañca sakañcuhira, baraŋ karya tan gagaḥ sami wigiḥ, kéguḥ labĕt tanpa kawruḥ, kéwran nalariŋ nala, yun tinilar kogĕl bokmanawa mĕsgul, mogol magĕl yèn dèn dĕlna, daluya anaṇḍo kardi.
4. karya pitunaniŋ praja, ṅrĕrégoni paréntaḥ kaŋ wus dadi, yèn sinĕṛĕg asriŋ ṛĕṅu, tampané sinrĕṅĕnan, lélémbatan ṅuriŋ uriŋ kañcanipun, kaŋ maṅkono marènana, ruṅunĕn pitutur mami.
5. wruhanta purwané ana, kaŋ puṅgawa wolulas dalaḥ maṅkin, iku iŋ nalikanipun, jĕŋ gusti kaŋ kapisan, miyos sakiŋ prajarṣa ambaṅun tuwuḥ, wité gumanti kaŋ rama, iṅaṅkaḥ saṅkaniŋ jurit.
6. samana ṅumpulkĕn wadya, pinilihan antuk wolulas iji, iku kinarya gul agul, jinĕnĕṅkĕn puṅgawa, lan jinañji iŋ tĕmbé kalamun antuk, pituluṅira hyaŋ sukṣma, kadugèn iṅkaŋ kinapti.
7. linilan milu sarasa, arja papa tumutur datan kari, winaṅĕnan turun pitu, lamun tan dosèŋ praja, sarta iṅkaŋ bĕcik kalakuanipun, myaŋ tan naṇḍaŋ cala ina, pĕṣṭi kalilan gĕntèni.
8. mĕṅko luwiḥ satus warṣa, kaŋ taliti kwèḥ samya nora dadi, awit tanna labĕtipun, naṅiŋ mahu puṅgawa, ginanĕpan sakiŋ liya turunipun, para abdi kaŋ kĕtrima, ginañjar kinèn gĕntèni.
9. iku muṅguḥ kuṅkumira, pra puṅgawa lamun tèk iṅkaŋ waris, wajib kinukup kaŋ luṅguḥ, tan maliḥ sinluṇḍiṅan, jaman mĕṅko bhumi tan kinarya ṅuguŋ, lan tan klĕbu ṅaniaya, muŋ wuruk karṣaniŋ gusti.
10. suprandéné gustinira, misiḥ karṣa ganĕpi kadi ṅuni, naṅiŋ iṅkaŋ dudu turun, iṅaṅgĕpkĕn nèŋ praja, lan iŋ batin iku kinarya tutuluŋ, mriŋ abdi iṅkaŋ sinihan, supaya milua mukti.
11. koṅsi nĕlukaké putra, myaŋ santana taḍaḥ kalawan pañci, misiḥ pilahur sirèku, myaŋ lumuḥ akaryaa, sakiŋ abdi iṅkaŋ bĕcik karyanipun, lan ṅowahi adat lama, misiḥ aṅgaliḥ utami.
12. marma sira dèn rumasa, para abdi sapa kadya sirèki, wus prasasat maṅan ṅaṅgur, kèhé luluṅguhira, bhumi désa nora kuraŋ woluŋ ĕjuŋ, koṅsi praptané sadasa, pamĕtuné aṅalabi.
13. mriŋ anak rabi wandawa, kawiryané kinurmatan sasami, luṅguḥ lampit ṅaṅgo payuŋ, lan sabĕn kalamaṅsa, linilanan luṅguḥ jajar lan gustimu, iṅajak boga drawina, pisukamu dèn turuti.
14. lamun sira tan narima, laḥ dulunĕn kañcanira prajurit, iku pira paṅanipun, tikĕlé lawan sira, suprandéné iŋ pakaryan wĕkĕl wuṅkul, tan ana iṅkaŋ ṅĕrṣula, sĕsĕg sukané tan sipi.
15. kaŋ maṅkono iku taṇḍa, yèn janmadi wĕruḥ wajibiŋ urip, gugu wulaŋ nut iŋ kukum, tĕtĕp nora kamalan, aṛĕp maṅan gĕḷĕm ñambut karyanipun, kaŋ utaŋ ĕsaḥ sañata, kaŋ kalal iŋ lahir batin.
16. mupaṅat tumrapiŋ aṅga, pamulihé iya iŋ jagad kabir, rumĕkṣa iŋ prajanipun, ṅluhurkĕn gustinira, anuhoni prajurit andĕliŋ kéwuḥ, misuwuré sakiŋ mañca, nagarané iṅkaŋ baṭi.
17. balik ta para puṅgawa, kayaparan yèn sira tan nimbaṅi, amriḥ utamaniŋ laku, ṅluhurkĕn gustinira, paṅowĕlé mriŋ praja utamanipun, tuwin jiwanta priyaṅga, apa luhur kaŋ prajurit.
18. kalamun sira kasora, wus tétéla mamak datanpa budi, ḍarusul saparti wĕḍus, tĕtĕp muŋ dadi ama, paḍa lawan uḷĕr ṅaḷĕkĕr tumanduk, mara marani cukulan, kaŋ lagi roné andadi.
19. agahan dènnya mamaṅsa, tèkiŋ goḍoŋ rumambat mriŋ paŋ alit, puṇḍĕsiŋ ĕpaŋ maṇḍuwur, ṅarikit wit kaŋ muḍa, tugĕliŋ wit si uḷĕr tĕmahan katut, nèŋ kisma datanpa tañja, gaṛĕmĕt cinucuk pakṣi.
20. yèku ta pralambaṅira, lamun sira datan bisa marèni, prasasat prajanirèku, kaṅgonan kaŋ mamala, nora wuruŋ sinuŋ usada kaŋ ampuḥ, hèḥ éliŋ éliŋ puṅgawa, aja aṅajab bilahi.
21. mupuŋ duruŋ kĕlampahan, kacilakan kaŋ bakal sira paṅgiḥ, bĕcik tobata hyaŋ aguŋ, mintaa paṅapura, trusiŋ batin ṅakua kaluputamu, tur lulus gonmu suwita, ṅupayaa kawruḥ manis.
2. ḍaṇḍaŋgula
1. ḍuḥ èṅĕta duk lagya prihatin, darbé cipta gayuḥ kawiryawan, sapira ta saṅsarané, acĕgaḥ maṅan turu, déra minta sihirèŋ widdhi, tan jĕnak anèŋ wisma, kulinèŋ asamun, sakiŋ sruniŋ bratanira, katarima sasĕdyanta dèn turuti, sira dadi puṅgawa.
2. dèn narima sukura iŋ widdhi, luwarana punaginiŋ driya, aja batalkĕn niyaté, kaŋ maraŋ rèḥ rahayu, tutumanĕn dimèn ḷĕstari, tumĕraḥ iŋ kawiryan, wuryanta iŋ daṅu, kaŋ wus sinĕbut puṅgawa, yèka mantri kaŋ wicakṣaṇa bèrbudi, koṇḍaŋ maṅulaḥ praja.
3. iṅkaŋ maṅka sudarṣanèŋ dasiḥ, kaŋ sinihan iŋ jĕŋ sri naréndra, ginĕmpilan kamulyané, iŋ paṅkat sama sinuŋ, kawibawan aṅrèḥ wadyalit, iṅkaŋ sumiwèŋ praja, myaŋ kaŋ anèŋ ḍusun, winĕnaṅkĕn darbènana, pamĕtuné iŋ bhumi désa kaŋ dadi, bawaḥ luluṅguhira.
4. binubuhan rumĕkṣa wadyalit, iṅkaŋ ana jroniŋ bawahira, pinriha tata tĕntrĕmé, wit sira kaŋ anaṅguŋ, aja ana kaŋ laku juti, dèn paḍa aṅèstokna, wiradatiŋ ratu, wĕruḥna mriŋ upa jiwa, adarbéya rajakaya karaŋ kitri, mriḥ jĕnak dènnya wisma. 5. yèku wajibiŋ puṅgawa mantri, pamardiné mriŋ wadya iŋ désa, dènnya bantoni prajané, ṅréwaṅi ratunipun, dé paṅrèḥ mriŋ wadyagĕŋ alit, iṅkaŋ sumiwèŋ praja, wruhĕna iŋ khukum, wicara lan tata krama, myaŋ kagunan kalakuan iṅkaŋ bĕcik, dadya piandĕlira.
6. wardiniŋ kaŋ wasita jinarwi, wruḥ iŋ khukum iku watĕkira, adoḥ maraŋ kaniṣṭané, pamicara puniku, wèḥ ṛĕsĕpé iṅka miyarṣi, tata krama punika, ṅadohkĕn pañĕṇḍu, kagunan iku kinarya, ṅupaboga déné kalakuan bĕcik, wèḥ rahayuniŋ raga.
7. rambaḥ maliḥ tumañjaniŋ pamriḥ, karya gayuḥ sihirèŋ naréndra, adol bĕcik mriŋ prajané, mriḥ aḷĕm kañcanipun, dadya srana maraŋ utami, upama kalakona, ujar kaŋ puniku, adoḥ jalaraniŋ ala, ratu mulya puṅgawa mantri prayogi, urip cahyaniŋ praja.
8. aṅlir wulan sadaṅuné kaṇḍiḥ, déniŋ ima sinraŋ iŋ maruta, sumĕblak paḍaŋ lawĕné, ujwalanira campuḥ, lan usara tĕmaḥ martani, mriŋ sakèḥ tarulata, iṅkaŋ mĕntas alum, iŋ siyaŋ kataman surya, sami ṅlilir sĕgĕré ambabar sari, surasané kaŋ praja.
9. kaŋ minaṅka wulan sri bhupati, ima iku pĕpĕtĕṅiŋ praja, kaŋ ulaḥ silip sakabèḥ, déné marutanipun, patiḥ lawan puṅgawa mantri, iṅkaŋ murinèŋ praja, ṅowĕl ratunipun, paḍaṅiŋ wulan upama, tyas naréndra ujwala préntaḥ kaŋ mijil, tumrap iŋ woŋ sapraja.
10. kaŋ usara ibaraté adil, taru wadya kaŋ sumiwèŋ praja, lata woŋ iŋ désa kabèḥ, sari sanépanipun, éṅgarira wadyagĕŋ alit, jujur jĕñjĕmiŋ driya, cukup uripipun, maṅkana ta sulaṅira, lamun praja kèḥ durṣila aṅribĕdi, tamtu ratu suṅkawa.
11. wajib patiḥ lan puṅgawa mantri, kaŋ birata mamala durcara, kabèḥ praja susukĕré, supaya saŋ aprabhu, ḷĕjariŋ tyas aṅudanèni, mriŋ solaḥ bawanira, iŋ wadya sawĕguŋ, kaŋ bĕcik lawan kaŋ ala, awit ratu maṅka wakiliŋ hyaŋ widdhi, naṅguŋ umat sapraja.
12. lamun ratu wus prastawèŋ galiḥ, èstu karya paréntaḥ utama, sumrambaḥ mriŋ praja kabèḥ, sapaṅkat paṅkatipun, dènnya muriḥ mulyaniŋ dasiḥ, yèn sampun kalampahan, kadya kaŋ winuwus, nĕtĕpi nagara arja, kontabiŋ lyan kèḥ ṅayubagya mumuji, yèku cahyaniŋ praja.
