añariyosakĕn kawruḥ kasampurṇan sasaṛĕṅan kaliyan anindakakĕn pakaryan, saha iṅkaŋ cocog kalihan kawontĕnanipun iŋ jaman sapunika, baku mĕṭik aṅgitanipun para pujaṅga tuwin sujana sarjana iŋ jaman kina, kahimpun sarta kasĕkarakĕn déniṅ : radèn darma haryana iŋ surakarta.
1. ḍaṇḍaŋgula
1. lir brĕmara maṅisĕp mamanis, kanaŋ puspa dènnya nĕḍĕŋ mĕkar, maṅaras dadar gandané, kĕkĕjĕr manraŋ santun, wuṅa wuṅa arjayèŋ santi, ṅrĕṅiḥ yayaḥ wor raras, sotaniŋ nala yun, gya mañjiŋ tĕḷĕṅiŋ sĕkar, wus kakĕnan wawadiniŋ kanaŋ sari, cĕp tiḍĕm tan sabawa.
2. datan ana swarèŋ kaŋ kapyarṣi, dé wus sida prasidèŋ parasdya, pama janma pipiṇḍané, ṅudi isiniŋ suwuŋ, yèku wadi wadiniŋ bhumi, maṅgyan tĕḷĕṅiŋ driya, ṅuṅun gawatipun, yèn wus wikan kaŋ sinĕmbaḥ, lan kaŋ nĕmbaḥ gambèŋ gambuḥ sarira tri, sampurṇa purṇèŋ tuṅgal.
3. kumawignya manawuŋ luluṅit, aṅlĕṅkara paran sisiriṅa, lir sarjana kaŋ pratamèŋ, ulaḥ sastra dibya nuŋ, déniŋ tansaḥ kataman braṅti, sru karoban rubéda, ṛĕñcana guŋ ṅĕbyuk, tinaṅgulaŋ saṅsayarda, abramantya rèḥ gora kagiri giri, migĕna mriŋ wak iṅwaŋ.
4. parandéné tan ṅrasa guŋ piṅgiŋ, tilar taḷĕriŋ ruwiya tama, marma dahat kuciwané, kaliṅan tyas kumluṅkuŋ, yun amiṇḍa saŋ pramèŋ kawi, wirayaniŋ sĕsĕṇḍaŋ, taṅèḥ miripipun, lan jĕmbariŋ kaŋ samodra, pamintamba srĕḍaniŋ kaŋ nupikṣani, dèn aguŋ apuranta.
5. lowuŋ karya paṅlipuriŋ kiṅkin, sĕpa sĕpi sarasaniŋ gita, karana tilar taḷĕsé, ṅruraḥ paṅrèhiŋ kiduŋ, panuraté datan pratitis, rèḥ tanpa pramasastra, purwakaṇṭi samun, sigug tataniŋ ukara, tambuhiŋ rèḥ palupiniŋ pustakaji, maṅkana kaŋ kawahya.
6. sajatiné janma kaŋ wus uniŋ, nĕŋ niṅiŋ driyasmara kaṛĕnan, karasa bagya batiné, sor laṅĕniŋ jinĕm rum, rarasané pasĕmon kèkṣi, kĕñariŋ tyas kawuryan, ṅumala ṅuṅuwuŋ, sabdané wèḥ srĕpiŋ liyan, muṅkur mariŋ karamèn muŋ mamalatsiḥ, sihiŋ sukṣma kawĕkas.
7. ṅaṅkaḥ ṅikĕt pocapan kaŋ yukti, ayĕm tĕntrĕm narimèŋ wardaya, sarèḥ saniṣkaraniŋ rèḥ, ririḥ bĕk pramarta rum, santya budya pranawèŋ kapti, matuḥ mamèt kotaman, mriḥ susĕtyèŋ kalbu, kéṅis nĕṅiŋ muni swara, déniŋ tyasé wiyar lir akasa kèkṣi, kèsisan ima manda.
8. umyat salwir waranèŋ hyaŋ widdhi, wawadiniŋ wrana nora samar, moriŋ rasa saariné, liniliŋ jroniŋ luyut, yuwananiŋ kaanan jati, kèkṣi karasèŋ rasa, rasa kaŋ satuhu, tuhu jatiniŋ kasidan, ayya korup kèṛĕm kamuktèniŋ ḍiri, tan urup kinuṛĕpan.
9. tétélané manuṅsa puniki, datan lama nèŋ doña kéwala, babasan muŋ mampir ṅombé, nĕcĕp nulyarṣa waṅsul, maraŋ alamira iŋ ṅuni, bagya kaŋ wus waṣkiṭa, wikan rèḥ maṅukut, kinĕlun kĕḷĕmiŋ driya, ardèŋ driya kascaryan kaanan jati, jatiniŋ hyaŋ sutratma.
10. wawarahé wrĕdatama ṅuni, kaŋ wus mumpuni iŋ paṅawikan, wicakṣaṇa lus ambĕké, sĕnĕniŋ budya tulus, widagda riŋ ulaḥ sĕmadi, tan kéwran kriḍaniŋ rat, tĕpĕt suci kĕlun, myaŋ dyatmika tyas ṅumala, déra murwèŋ anané kaanan jati, mĕpak saṅgyaniŋ titaḥ.
11. tri bhawana kalimputan déniŋ, iŋ swasana lwir ambèr balabar, ṅĕbèri kaanan kabèḥ, winulat aṅĕlaṅut, dadya doniŋ saguŋ dumadi, surya candra kartika, isiniŋ rat kĕmput, lampitané pra sujana, yèku ḷĕmbut jinumput pan nora kĕni, kĕbak ṅèbĕki jagad.
12. pañanané janma kaŋ duruŋ wrin, uniṅa mriŋ sajatiniŋ gĕsaŋ, gĕsaŋ iṅkaŋ urip ḍéwé, sinĕṅguḥ yèn hyaŋ aguŋ, dupèḥ mĕṅku saṅgyaniŋ dasiḥ, tan wruḥ lamun punika, trimurti winuwus, wisésané datan siwaḥ, lan hyaŋ widdhi kaŋ nora mobaḥ lan mosik, dadya wakiliŋ gĕsaŋ.
13. tuduhira siŋ buddha agami, pra maharṣi samya suŋ warṣita, kamulané titaḥ kabèḥ, siŋ alam adi iku, iya purusa kaŋ sajati, liré jatiniŋ gĕsaŋ, gĕsaŋ slaminipun, nulya tumrun mariŋ alam, ṅalam iṅkaŋ pipiṅitan dèn wastani, yèku anupaḍaka.
14. dandya marṇèŋ wawajahirèki, tri prakara pan kinarya taṇḍa, taṇḍa yĕkti yèn anané, anané urip iku, kèkṣi sakiŋ solaḥ pakarti, lamun ana pakaryan, apan wus sawastu, ana kaŋ darbèni karya, pra sujana uga muŋ pralambaŋ sami, lir tirta lan ombakña.
15. ombak iku yĕktiniŋ pakarti, karti katon kañataniŋ titaḥ, tirta maṅka totoṇḍéné, karṣa daya puniku, lan uniṅa jaṅkĕp trimurti, tan kĕna pinisaḥna, pamoriŋ tri juru, lamun karṣa ya uniṅa, yèn uniṅa ya daya lan karṣa ugi, yèku jatiniŋ tuṅgal.
16. jroniŋ kitap makripat wawarti, lapalé lapha illa ilallaḥ, lakahiyan illalahé, maknané lapal iku, datan ana iṅkaŋ darbèni, saniṣkarèŋ pakaryan, aṅiŋ allaḥ tuhu, lan ora ana kaŋ gĕsaŋ, aṅiŋ allaḥ iku kaŋ urip pribadi, laṅgĕŋ tan kĕna rusak.
17. amaṅsuli wĕḍariŋ pra ṛĕsi, raniŋ wajaḥ tri warṇa kaŋ éndaḥ, yèku atma lan budiné, manas piŋ katrinipun, tĕtĕp dadya manuṅsa jati, iyèku tri prakara, wĕnèḥ ana muwus, wisnu brahma lan hyaŋ siwaḥ, iku maṅka pipiṇḍan piṇḍa trimurti, wrananiŋ hyaŋ iswara.
18. wisnu iku dayanirèŋ gusti, brahma maṅka kawicakṣaṇaña, hyaŋ siwaḥ piṇḍa karṣané, warṇaniŋ daya iku, myaŋ kawicakṣaṇan tanapi, sidi sidaniŋ karṣa, sayĕkti tan wujud, datan warṇa nora rupa, parandéné krasèŋ tyas yèn ananèki, dinumuk nora kĕna.
19. satuhuné jiwaniŋ pra janmi, tan lyan sakiŋ sorotiŋ papaḍaŋ, pama surya lan soroté, arka maṅka hyaŋ aguŋ, sorot piṇḍa uripiŋ janmi, yĕkti tuṅgal kaanan, tan laṅka sinĕbut, maṅka susulihiŋ gĕsaŋ, ṅaku lamun iṅsun iki kaŋ pribadi, sampurṇané tan béda.
20. iya iku manuṅsa sajati, paparapé risaŋ marbudyèŋ rat, ya nabi kilir asmané, wĕnèḥ wĕnaŋ sinĕbut, risaŋ dwijawara sajati, ya trimurti wastaña, widagdèŋ rèḥ kasup, kaŋ ḍaḍépok ṅargasoña, iku ṅĕndi dunuṅé saŋ mahamuni, ḍuḥ babo ulatana.
21. yĕkti yèn wus tuṅgal ananèki, rinipta iŋ kitab warṣitaña, il ansanu sabañjuré, siri wa anasiru, lawan huwa ya siru uli, salahu illa ana, yèku karṣanipun, manuṅsèku rahsaniŋ hyaŋ, lan hyaŋ iku rahsaniŋ manuṅsa yĕkti, tan liyan aṅiŋ allaḥ.
22. lapalipun ashadu ginurit, lawan alla ilaha illallaḥ, iku maṅkéné tĕgĕsé, aṅawĕruhi iṅsun, satuhuné tan ana gusti, aṅiŋ allaḥ kaŋ ñata, sinĕmbaḥ pra manus, tĕtĕp laṅgĕŋ datan owaḥ, nora mobaḥ amosik myaŋ ĕnĕŋ ĕniŋ, ĕnĕṅé mawèḥ daya.
23. wirayaté dwija tama yogi, kaŋ wus maṅrèḥ ardanirèŋ driya, ñata sĕtya iŋ ṅèlmuné, wicakṣaṇa bĕk sadu, koṅas tyasé ṅumala wĕniŋ, déniŋ sampun waspada, dunuṅé panĕbut, tanapi iṅkaŋ sinĕmbaḥ, putus iŋ rèḥ patrap pamoriŋ déwa di, nirwana purṇèŋ tuṅgal.
24. labĕt antuk nugrahaniŋ widdhi, kaŋ miḍaṅĕt lir samya binuka, wahyanta saŋ wiku wosé, mĕḍar kaananipun, anané hyaŋ wisésa jati, lawan para manuṅsa, iku paminipun, kadya aṅganiŋ raditya, lawan wariḥ muṅgwiŋ pĕṅaron mĕnuhi, mlumaḥ tanpa wilisan.
25. yĕktinira jroniŋ paso siji, isi wayaṅan suryanya tuṅgal, yèku pralambaŋ gĕsaṅé, paso lan ponaŋ ranu, piṇḍa raga lawan trimurti, lamun pasoné pĕcaḥ, blabar warihipun, sinĕsĕp aṅin lan kisma, suryanira kari aṅgana nèŋ ṅiṅgil, ṅaléla nora owaḥ.
26. dé kaŋ lapal wa ashadu tuwin, anla ilaha illallaḥ ika, iku maṅkéné jarwané, lan aṅawruhi iṅsun, satuhuné andika nabi, mukhamad iku utusan, dutané hyaŋ aguŋ, manuṅsa kaŋ mardikèŋ rat, cahyanira lwir péndaḥ hyaŋ sitaṛĕsmi, iṅakĕn rahsaniŋ dat.
27. warṣitané rama krĕsna ṛĕsi, lamun rinasa saya tétéla, yĕkti wus ṅaléla jèṅglèḥ, jiwaniŋ janma iku, lamun makṣiḥ kĕtalèn pamriḥ, kĕbanda ardayèŋ tyas, aranira manus, yèn wus luwar siŋ babandan, yĕkti iku ran allaḥ kaŋ maha sukci, jatiniŋ kasuñatan.
27. warṣitané rama krĕsna ṛĕsi, lamun rinasa saya tétéla, yĕkti wus ṅaléla jèṅglèḥ, jiwaniŋ janma iku, lamun makṣiḥ kĕtalèn pamriḥ, kĕbanda ardayèŋ tyas, aranira manus, yèn wus luwar siŋ babandan, yĕkti iku ran allaḥ kaŋ maha sukci, jatiniŋ kasuñatan.
28. roroñcèné kaŋ pinurwèŋ ruwi, yèn tiniti wus samya tatéla, tĕtĕsiŋ surasa wosé, wosé kinarya pémut, mumuṅu mriŋ wajibiŋ janmi, mriḥ tĕtĕp paṅèṣṭiña, sĕkuṅiŋ paṅgayuḥ, pan maṅkono lakunira, pra sujana sarjana pratamèŋ budi, béda lan pra taruna.
2. sinom
1. utamaniŋ gagayuhan, yèn janma iŋ nuṅswa jawi, wiwit kumuna makuna, sanityasa maṅun tèki, puguḥ paṅgaḥ dĕrpati, raganira winawasuḥ, cĕgaḥ ḍahar lan néndra, pañcadriya pinriḥ kĕṇḍiḥ, kĕṇḍak kaṇḍĕg winasésèŋ hyaŋ iswara.
2. linantiḥ iŋ sabĕn maṅsa, maṅsakalaniŋ asĕpi, sĕpi siṛĕpiŋ sujanma, wuṅu néndra amèṅĕti, maṅsaḥ mĕsu sĕmèdi, mĕḷĕŋ mapan rèḥ ṅasamun, mamalat sihiŋ sukṣma, sinukṣmayèŋ sarira tri, nora ṅétaŋ ṛĕkasèŋ driya tinĕmaḥ.
3. sayĕktiné pra manuṅsa, tumitaḥ nèŋ doña sami, boṅgan yèn tan mrĕlokĕna, wañci kaŋ kinarya ṅlantiḥ, amĕḷĕŋ maladi niŋ, niṅiŋ cipta wèḥ wulaṅun, urubiŋ sadwa ṅléla, nartani alam sakalir, krasèŋ nikmat mupaṅat ñrambahi raga.
4. béda kaŋ lirwa gugulaŋ, galayar gluyur nuruti, kawiḷĕt iŋ tyas aṅkara, murka makĕm arṣa mukir, tan baṅkit ṅĕniṅkĕn kapti, pakaryan ginawé kuḍuŋ, pawadan warṇa warṇa, paṅrasané bisa naṇḍiŋ, paṅaṅgĕpé agama iku tan pédaḥ.
5. janma kaŋ waspadèŋ patrap, trapiŋ tata tur pratitis, titi tamat iŋ rèḥ wéddha, wéwékané amĕṅkoni, mĕṅku yakiniŋ ṅèlmi, ṅèlmu baṅsaniŋ aluhur, lirṇya rèḥ kasuñatan, ñatané kĕna sinambi, kasampurṇan binaṛĕŋ lan nambut karya.
6. naṅiŋ dèn wikan pilahña, wimbuḥ ṛĕkasa wus maṣṭi, nora gampaŋ linakonan, rubédané aṅranuhi, wit manuṅsa wus yĕkti, kĕpikat sĕdya kĕpéñcut, kumañcèlu darbéya, mubaraŋ kaŋ dèn sĕnĕṅi, béda béda nutiŋ karṣa nora paḍa.
7. marma dahat janma samya, umyuŋ rumagaŋ iŋ kardi, paṅañcasé kaŋ sinĕdya, antuka paṅaji aji, urmat lan sugiḥ siṅgiḥ, dĕrajad kaŋ luwiḥ luhur, miwaḥ suwuriŋ asma, ṅambar lir jĕbat kasturi, ganda arum ṅèbĕki samadyapada.
8. maṅkono ṅèlmu kaŋ ñata, sañatané kawruḥ jati, lamun janma makṣiḥ samya, sĕṅsĕm sĕdya andarbèni, kaŋ gumĕlar nèŋ bhumi, iṅkaŋ mawèḥ sri dinulu, miwaḥ éndahiŋ warṇa, yĕkti lamun duruŋ baṅkit, ṅañcik kori ḍatulayaniŋ paṅéran.
9. katitik pakartinira, solahbawa muna muni, samĕṇḍaŋ pan nora siwaḥ, lan éṣṭané kaŋ dèn èṣṭi, manuṅsa iki yĕkti, cinĕṅkalak ñutiŋ kalbu, wayaṅané ṅaléla, ṅéñcoki baraŋ sakalir, warṇa warṇa nutiŋ karṣa kaŋ sinĕdya.
10. laḥ iku darunanira, kaŋ narik manuṅsa bali, mriŋ nuṅswapada tumitaḥ, déniŋ méliknya pribadi, marma tumitaḥ maliḥ, muṅguḥ wigatiniŋ parlu, aṅgĕriŋ kodrat ñata, ṅadili kaṛĕpiŋ janmi, mariṅaké kaŋ dadya péṅinanira.
11. saguṅiŋ para manuṅsa, tumuwuḥ nèŋ doña maṣṭi, kaŋ gaṭuk lan kaananña, mriŋ manuṅsa kaŋ dunuṅi, kodrat tandya rumanti, alam kaŋ timbaŋ lan jumbuḥ, lawan para sujanma, tuwin titaḥ kaŋ ṅĕṅgoni, marma janma kadya cinĕñcaŋ lan doña.
12. déné ñawa kaŋ wus liṅgar, sakiŋ raganira sami, sayĕktiné duruŋ wikan, oñcat saka iŋ tatali, tĕgĕsé duruŋ baṅkit, mardika piṇḍa hyaŋ aguŋ, taṇḍa isiḥ kĕbanda, tabĕté hawané ṅuni, nora gampaŋ muliḥ maraŋ kamulanña.
13. ñawa yèn duruŋ tumĕka, praptèŋ gagayuhan sami, nulya dumunuŋ iŋ alam, ṅalam ghaib milaṅoni, prandéné mĕṣṭi bali, mriŋ doña arṣa tumuwuḥ, kawiyak pakartiña, cipta lan sĕdyané makṣiḥ, aṅguŋ gaṇḍèŋ taturutaniŋ kadoñan.
14. sajatiné iṅaranan, jantraniŋ pati lan lahir, liré yèn wus mati nulya, lahir nuli lalis maniŋ, yèn maṅkono wus maṣṭi, tanpa wasana tinĕmu, tansaḥ mubĕŋ kéwala, ñawané kĕjiṛĕt pranti, déniŋ roḍa ardayèŋ driya priyaṅga.
15. sapantuk nugrahaniŋ hyaŋ, wikan nigas iŋ tatali, tali kaŋ ṅikĕt mriŋ jiwa, liré pamrihira ṅuni, tinatas rontaŋ rantiŋ, tandya oñcat siŋ talikuŋ, ñawanta gya binuka, jumĕnĕŋ urip pribadi, mardikèŋ rat syuḥ sirṇa malaniŋ driya.
16. marma dèn samya waspada, mriŋ pilaḥ pilahiŋ ṅèlmi, kaŋ ran oñcat siŋ babandan, jiwa kaŋ tan darbé pamriḥ, yèn makṣiḥ krakĕt yĕkti, paṣṭi duruŋ baṅkit ucul, dé ta iṅkaŋ winastan, panuṅgal lan nambutkardi, nambutkarya tan mèt mamriḥ kamélikan.
17. laḥ ta mara ṅĕndi ana, manuṅsa bisa ṅlakoni, pambératé rèḥ ruhara, kasĕnĕṅan dèn tambuhi, gĕbyariŋ sugiḥ siṅgiḥ, gandĕsiŋ wanodya ayu, yun siniṅkur kawuntat, krana wus ṅrĕda iŋ kapti, ṅambra ambra aṅĕmbraḥ ṅèbĕki jagad.
18. satuhuné pra manuṅsa, lamun sĕdya amikani, wikan wĕwĕṅkoniŋ alam, ṅalam ghaib aṅlamlami, yĕkti datan bisa wrin, lamun makṣiḥ kumañcèlu, sorotiŋ sotya ṛĕtna, krakĕt lan baraŋ sakalwir, kaŋ dinulu kaliṅan kĕlukiŋ doña.
19. mula iŋ sabisa bisa, pinardiya mriḥ tul lantiḥ, pĕṅlantihé añĕñuda, hawa napsu pinriḥ miṅkir, lamun muṅkar kahuṅkiḥ, maṅkrak krura gya pinikut, katawan dadya boyoṅan, binoyoŋ saŋ cipta ĕniŋ, niṅiŋ cipta kahonaŋ onaŋ iŋ jana.
20. jatiniŋ ruwiya darma, iṅkaŋ kawurṣita ṅuni, aṅkara murka piniṇḍa, saŋ narpa rahwana aji, tan liyan amuŋ mélik, maléla muḷĕg tukipun, siŋ ñawanta priyaṅga, marma tansaḥ aṅlimputi, aṅaliṅi tiṅaliŋ sukṣma kawĕkas.
21. taḷĕs taliniŋ gayuhan, géyoṅan tĕtĕsiŋ ṅèlmi, ṅèlmu ṅamaliŋ manuṅsa, manut tulaḍan utami, batiné pinriḥ wani, ṅlilahaké uwohipun, uwohiŋ pakaryanira, ṅiŋ cipta ywa noliḥ pamriḥ, amèṅĕta mindĕŋ mĕḷĕŋ hyaŋ wisésa.
22. salwiriŋ rèḥ gagayuhan, kaṇṭi saṅgĕman wus maṣṭi, lamun nĕtĕpi saṅgĕman, nadyan tan oliḥ kadadin, tan lama glis aprapti, kaŋ dadya gayuhanipun, maṅkono janma tama, yèn arṣa ṅluri palupi, pan wus maton pamucuṅé mriŋ kasidan.
3. pocuŋ
1. duk iŋ daṅu wirayaté saŋ dyaḥ wiku, iŋ wukir mahéndra, nĕṅgiḥ dèwi rukmawati, milaḥ milaḥ mĕḍar sĕmbaḥ catur warṇa.
2. kaŋ rumuhun tapané raga puniku, cĕgaḥ ḍahar néndra, uwohiŋ mamaṅun tèki, raga mulya nora kuraŋ saṇḍaŋ boga.
3. kadwinipun tapané ṅati mriḥ tulus, tĕmĕn ḷĕgutaña, uwohiŋ tĕmĕn maligi, ati mulya kaŋ sinĕdya glis aprapta.
4. katrinipun tapané ñawa winuwus, éliŋ jiwaṅgaña, uwohiŋ pakarti éliŋ, ñawa mulya kaŋ dèn èṣṭi nulya dadya.
5. jaṅkĕp catur tapané rasa sinĕbut, ĕniŋ rasanira, uwohiŋ paṅgawé ĕniŋ, rasa mulya kaŋ cinipta nuli dadya.
6. yĕktinipun mulyaniŋ raga iŋ daṅu, ati ñawa lawan, rasa tan mèlu ṅlakoni, aṅrasakké kamulyaniŋ raganira.
7. sbalikipun mulyaniŋ driya puniku, raga ñawa lawan, rasa tan tumut wus maṣṭi, aṅrasakké kamulyaniŋ wardayanta.
8. riṅkĕsipun sĕmbaḥ catur kaŋ winuwus, wosiŋ warṣitaña, milaḥ uwohiŋ pakarti, béda béda nutiŋ wiji kaŋ sinĕdya.
9. ĕniŋ iku mumuṅu pakarti émut, émuté mamaraḥ, nĕmahi tĕntrĕmiŋ kapti, ati tĕntrĕm akarya sarasiŋ badan.
10. wĕnèḥ tutur trapiŋ sĕmbaḥ mriŋ hyaŋ aguŋ, dwi warṇa pinilaḥ, iṅkaŋ ḍiṅin ulaḥ puji, kadwinira maṅsaḥ mĕsu tapabrata.
11. ana wiku mĕḍar tumañjaniŋ laku, pinilaha tata, titi tamat mriŋ kadadin, pañcawarṇa kaŋ kawahya pucuŋ sĕkar.
12. kaŋ sajuru ṅiṅiraṅi ḍaharipun, pakantukiŋ kiraŋ, suda ardanirèŋ kapti, amamaraḥ nanarik ati narima.
13. kadwinipun ñĕgaḥ saré mriḥ tan bliyut, pakolèhiŋ cĕgaḥ, cĕglik cĕglik datan guliŋ, gĕḷĕŋ goloŋ éliṅé nora kaliṅan.
14. katrinipun ñuda laṅĕniŋ salulut, pédahiŋ ñĕñuda, mimbuhi pranawèŋ kapti, aṅawruhi tataniŋ susilaṅgama.
15. kaŋ kacatur añĕgaḥ dukaniŋ kalbu, yèn kabul kabuka, kĕkĕsiŋ napsu aṅisis, narik sarèḥ santya budya martotama.
16. pañca juru ñĕgaḥ ṅandika kaŋ lacut, pinikut katawan, kinuñjara jroniŋ kapti, tĕmaḥ tuwuḥ nalaṅsa mriŋ widiwasa.
17. laḥ dèn émut manuṅsa tumitaḥ iku, wĕnaŋ maṅrèḥ cipta, misésèŋ ḍiri pribadi, maṅka juru karya aṅgĕriŋ priyaṅga.
18. wĕnaŋ ḍawuḥ nata mriŋ saliranipun, lan juru aṅrañcaŋ, bĕja cilakaniŋ ḍiri, aṅguŋ guṣṭi pranataniŋ gĕsaṅira.
19. juru ṅukum myaŋ ṅluwari badanipun, aṅsuŋ iŋ gañjaran, mriŋ labuhan kaŋ utami, lan ṅrampuṅi panĕrakiŋ dur aṅkara.
20. ṅadilipun nora mutatuli bawur, wasésané ñata, datan kĕna dèn sélaki, yèn sumimpaŋ tĕmaḥ kapĕṭuk krampuṅan.
21. laḥ dèn karuḥ jroniŋ aṅga kaŋ rinuruḥ, rumĕsĕpiŋ raga, ḷĕkĕt tan lèṅkèt tan kèkṣi, dèn waspada bédané jiwa lan raga.
22. jiwa amuŋ nèŋ aṅga aṅguŋ dumunuŋ, guṣṭi maṅrèḥ raga, jĕnĕk pasĕnĕdan sukci, raga taṅgap nut sasmitanirèŋ jiwa.
23. ṅiŋ yya limut murutiŋ rasa wèḥ luyut, nir krĕkatiŋ raga, iku marganta kaŋ prapti, mriŋ wiwara kasidaniŋ katĕntrĕman.
24. jiwa lamun nora kéntar raganipun, tan kèlu kadadyan, ginaḍaŋ koṇḍaṅiŋ dasiḥ, sihiŋ sukma wus tan kĕna yèn cinandra.
25. wigaripun yèn ṅroñcé ṅrĕrañcaŋ kalbu, kaluluniŋ swara, swaraniŋ doña anaṅis, taṅisira tansaḥ nora pĕgat pĕgat.
4. mĕgatruḥ
1. laḥ ta kaya manuṅsa iṅkaŋ pinuju, anaṇḍaŋ uwas kuwatir, wĕdi babaya kaŋ nĕmpuḥ, lawan kasusahan salwir, aṅguŋ ginagas iŋ batos.
2. aṅrasakké ṅĕṛĕs samar sĕḍiḥ ṛĕṅu, tansaḥ rinasa ṅranuhi, aṅrénaḥ tataniŋ kalbu, aṅlĕs aṅlut jroniŋ ḍiri, ḍarik ḍarik kaŋ rinahos.
3. ati pĕpĕt kĕpèpèt kĕpapan napsu, napsuné nĕsĕg ṅĕjègi, tĕntrĕmé oñcat amampruŋ, pikiré akontraŋ kantriŋ, bosaḥ basiḥ jroniŋ batos.
4. janma miris akarya marasiŋ kayun, kawiḷĕtiŋ tyas rudatin, kĕpatèn muluriŋ kalbu, budiné patiŋ saluwir, yèn tan yitna mĕṣṭi ñlĕmoŋ.
5. aṅguŋ krasa kaṛĕrantanirèŋ kalbu, piduwuṅé ṅèsi èsi, isiniŋ rat ṅrampit ṅripu, arṣa masésèŋ iŋ ḍiri, yèn léna kĕparan tutoḥ.
6. sajatiné kasaṅsaran kaŋ kapuṅkur, sanadyan kaŋ nĕmbé prapti, pantĕsé wus tan pinèlu, naṅiŋ ta kèḥ kèhiŋ janmi, sok bola bali rinahos.
7. asasambat ṅaruara mĕlasayun, nora bisa anayuti, nadyan janmèku wus wĕruḥ, yèn kĕpanduk susaḥ prapti, kipa kipa suṭik bopoŋ.
8. yogya samya rinasakké kalanipun, duk tibané kaŋ wiyadi, riniṅkĕs iku wus cukup, nora andĕdawa sĕḍiḥ, ñuda riribĕtiŋ batos.
9. sayĕktiné kasusahan salwiripun, yèn wus kasaṇḍaŋ iŋ ḍiri, wus rampuŋ tan susaḥ ṅulur, kadya woŋ kasor prakawis, dadak apèl muṅgaḥ rèḥ hop.
10. añjalari gĕriŋ ṅĕnĕs ḷĕmĕs lumpuḥ, akarya rusakiŋ ḍiri, sasat mĕṛĕs raganipun, marmanta yya dèn sĕsĕḍiḥ, ṅéṅgalké tuwa woŋ anom.
11. kulit kisut rékmanira éṅgal mabluk, nétra ṅowok lir woŋ kanin, pamulunèŋ masmu jlĕbut, suṛĕm kĕñariŋ hyaŋ widdhi, kaŋ ujwala jroniŋ batos.
12. janma kaŋ wus suméṇḍé iŋ takdiripun, tan kataman prihiŋ ati, babaya tan pinahèlu, mulya papa tan pinikir, ayĕm tĕntrĕmé wus maṅgon.
13. laḥ ta poma dèn samya waṣkiṭèŋ kalbu, takdir kaŋ tumibèŋ ḍiri, iku siŋ tumusanipun, paṅgawéné ḍéwé ṅuni, kaŋ wus samya linalakon.
14. mula lamun kapanduk wiyogèŋ kayun, nora uwas lan rudatin, kĕdadéyan kaŋ tumimbul, èṅĕt kartyèŋ duk iŋ ṅuni, dèn aṅgĕp piwulaŋ wuwoḥ.
15. kadiparan ihtiyaré amriḥ racut, rucat nora naṇḍaŋ kiṅkin, wit wiragyèŋ tyas tan lipur, samya ṅuṅrum mamalat siḥ, arṣa moṇḍoŋ mriŋ wak iṅoŋ.
16. ñawa lamun tan kèlu ardaniŋ kalbu, nora rinabasèŋ déniŋ, kasaṅsayan kaŋ aṅĕbyuk, wit ḍèwèké wus udani, yèn asal siŋ jiwa maṅgon.
17. woŋ gumĕḍé kumiṅsun gayuhanipun, tan oñcat siŋ doña maṣṭi, maṇṭĕŋ moṭaḥ aṅgĕgayuḥ, giyĕŋ gagéyoṅan kapti, kudu uṅgul lumuḥ kasor.
18. yèn maṅkono kĕna iṅaran katuṅkul, katuṅkul ombakiŋ pikir, nora èṅĕt doña iku, woṅé kèḥ kaŋ tuna budi, budiné kacĕmpluŋ ĕsoŋ.
19. woŋ kumluṅkuŋ sumĕṅaḥ pambĕkanipun, tan muṇḍak luhur wus yĕkti, nora mahèlu sadulur, kaŋ naṇḍaŋ susaḥ lan pĕriḥ, suṅkan tuluŋ malaḥ mléṅos.
20. ayya gĕṭiŋ saguṅiŋ kaanan iku, marga salwiriŋ rèḥ iki, ana kaŋ ana wus tamtu, nadyan sipat agal alit, jroniŋ wujut samya klĕbon.
21. kosokbalinira mamuṅsa puniku, yya ḍĕmĕn sakalwir iki, ḍĕmĕna kaŋ ana iku, ṅiŋ yya klèru iŋ panampi, ḍĕmĕna kaŋ anèŋ batos.
22. lamun bisa ṅaṅkaḥ anĕdya tutuluŋ, tumoliḥ maraŋ sasami, ditrĕsna kadya wakipun, dèn aṅgĕpa dadya siji, wijiné tuṅgal saĕṅgon.
23. ṅupayaa rajabrana kaŋ tan ḷĕbur, ḷĕbar nora dèn pagĕri, tan kĕna ḍinuṣṭèŋ panduŋ, panduṅé pan wus añaṇḍiŋ, suṭik ñaṇḍak ĕmoḥ gotoŋ.
24. rajabrana kaŋ tan kĕna ḍinuṣṭèŋ dur, miwaḥ nora dèn pagĕri, iyèku sajatinipun, karya bĕcik iŋ sasami, yèn gambuḥ gambar lalakon.
.5. gambuḥ
1. poma dèn samya karuḥ, ṅaraḥ ṅruruḥ pamoriŋ tri juru, yèn rumuntuḥ ṛĕṛĕntĕṅé rontaŋ rantiŋ, yèku muṣṭikaniŋ manus, kadyaṅganiŋ sudama byor.
2. wikan mĕṅku sawĕguŋ, murba misésèŋ triloka kĕlun, kalokèŋ rat pardikané bañu urip, kaŋ ginayuḥ saguŋ manus, maṅka sukciniŋ dumados.
3. yĕktiné wus kawĕṅku, wor sawujud ana iŋ sirèku, wujud sorot ṅumala nirmala wĕniŋ, nadyan ta wus nèŋ pra manus, prandéné kèḥ kaŋ tumamboḥ.
3. yĕktiné wus kawĕṅku, wor sawujud ana iŋ sirèku, wujud sorot ṅumala nirmala wĕniŋ, nadyan ta wus nèŋ pra manus, prandéné kèḥ kaŋ tumamboḥ.
4. marmanta saguŋ manus, wus sawastu tinétaḥ mriḥ laju, déniŋ wiku kaŋ nora ñabawa aṅliŋ, sirahé pinèt tumuṅkul, muṅkul kadyatmikan maṅgon.
5. pasĕkṣèn kaŋ kadulu, janmèku naṇḍaŋ rudahiŋ kayun, mriḥ kascaryan ayuniŋ kasidan jati, karosèŋ tyas jroniŋ luyut, mlawaŋ sawaṅaniŋ batos.
6. muṅguhiŋ allaḥ iku, ana iṅkaŋ mujud lan tan wujud, jatinira kaŋ awujud dèn wastani, yèku wawayaṅanipun, déné kaŋ datan katoṅton.
7. laḥ iku mĕlokipun, papaḍaŋ kaŋ tan kĕna dinulu, déniŋ janma kaŋ duruŋ sukci iŋ budi, miwaḥ tan mikaton manus, kaŋ makṣiḥ crobo iŋ batos.
8. daliliŋ kuran muwus, kaŋ rinipta iŋ laṅĕniŋ kiduŋ, lapalé kususé inwada umuni, tĕtĕpiŋ paṅéran iku, mardika nora amomor.
9. datan ika lan iku, nora ñarwé gawé urip lampus, pan tan arṣa aṅgañjar lan nikṣa janmi, midana janma kaŋ luput, sapolahé tan binĕndon.
10. laḥ ta marma dèn émut, upayanĕn kratoniŋ hyaŋ aguŋ, kaŋ sumorot sumiṅit tĕḷĕṅiŋ batin, lamun tĕmĕn pan tinĕmu, antuk nugrahaniŋ batos.
11. muṅguḥ sajatinipun, pamoriŋ kawula lan hyaŋ aguŋ, gampaŋ lamun kinarya pocapan aṅliŋ, aṅèlé yèn arṣa anut, ṅlakoni sĕtyaniŋ batos.
12. yitnaniŋ kapti lamun, nora mutatuli iŋ panĕmu, sajatiné pamoriŋ kawula gusti, dudu raga lan ñawèku, pinriḥ nukṣmèŋ mriŋ hyaŋ manon.
13. yèn maṅkono kalèru, tanpa karya ulaḥ aṇḍèg ṅèlmu, panĕmuné nora mupakat lan ṅèlmi, nadyan mĕsu tapa gĕntur, tan wuruŋ dadya ṭoṅṭoṅsot.
14. taḷĕriŋ salwir ṅèlmu, kaŋ mupakat lawan iŋ panĕmu, panĕmuné nununtun tuduḥ kaŋ yĕkti, yĕktiné pamoriŋ iḍup, wus rumakĕt ḍiri maṅgon.
15. tĕgĕsé pamor amuŋ, tarlèn sakiŋ ulaḥ watak wantu, jĕr tan ajriḥ nulat watakiŋ pribadi, yèn ṅĕplĕki pan wus tamtu, tĕtĕp momor tuṅgal ĕṅgon.
16. muṅguhiŋ pamoripun, trimurti lan pribadi kaŋ aguŋ, kadyaṅganiŋ sorot lan hyaŋ wrahaspati, disorot lan rawinipun, priyé mor misahé kono.
17. watakiŋ gusti iku, wus jinarwa iŋ dalil winuwus, nora dahwèn lan nikṣa myaŋ ika iki, sabar tan kĕna tinĕpus, tĕpané nanarik momot.
18. laḥ iku yakinipun, salwiriŋ rèḥ ruharèŋ sawĕguŋ, yèn tan kèlu kaluluniŋ kosokbali, sugiḥ miṣkin asor luhur, paṅaṅgĕpé sami mawon.
19. iŋ ṅuni wus cinatur, kasukcian tan kĕna cinawuḥ, cawuḥ worṣuḥ lawan ṛĕṛĕgĕtiŋ kapti, yèn wataké kĕṭĕr kĕṭuḥ, sayĕkti tan baṅkit momor.
20. sanadyan mĕḷĕŋ masuḥ, maṅsaḥ mĕsu saari piŋ pitu, lamun makṣiḥ batiné blasar bĕsasik, pamĕḷĕṅé yĕkti kuwur, pĕntogiŋ don nora jégos.
21. ṅiŋ ayya klèru surup, muṅguḥ bédané watak puniku, wus kapĕṭa nèŋ riṅgit purwa iŋ ṅuni, nĕṅgiḥ saŋ baṭara guru, nitiḥ andaka kinahot.
22. riṅkĕsé caritèku, pralambaṅé hyaŋ siwaḥ lan ḷĕmbu, iŋ rèḥ kadya wataké kawula gusti, andaka watakiŋ batur, hyaŋ siwaḥ piṇḍa hyaŋ manon.
23. pasĕkṣèné wus jumbuḥ, jumbuḥ jèṅglèḥ lan pralambaŋ iku, lamun watak wantuniŋ kawula iki, nora pahé lawan ḷĕmbu, samya minum maṅan madon.
24. rañcagiŋ critèŋ ṅayun, salwiriŋ rèḥ ardanirèŋ kalbu, kaŋ kasmaran adiniŋ sosotya rukmi, tarlèn siŋ watakiŋ batur, yèku pamuruṅiŋ lakon.
25. wimbuhiŋ kawruḥ iku, sapira woŋ pĕntogiŋ gènipun, aṅlĕlali mriŋ awakira pribadi, iya muŋ samono iku, paṅwasa kaŋ nukṣmèŋ batos.
26. pardinĕn dimèn atul, tlatèn tĕtĕp sumiwèŋ saŋ wiku, wiku kontap kotamané tanpa siriŋ, tan ñabawèŋ slaminipun, pituturé élok élok.
27. tan ṅaṅgo sarat mĕsrut, kaya guru muruk mĕjaŋ ṅèlmu, ṅaṅgo klasa mori añar tiṇḍiḥ riṅgit, sĕkul iṅkuŋ pisaŋ ayu, candu ayu kaŋ ṅroŋ kĕton.
28. tuturé karya trĕñuḥ, sarira tri amintir lumintu, isiniŋ rat pĕnuḥ wĕḍariŋ saŋ yogi, kaŋ suṅil miwaḥ kaŋ siluk, jroniŋ guwa lan juraŋ soŋ.
29. myaŋ janma muḍa sĕpuḥ, buron wana ibĕran lan ranu, gĕgrĕmĕtan kĕkayon lan kaŋ kumĕlip, sipat agal miwaḥ alus, kaŋ ṛĕmpit nora kaléḍon.
30. ṅiŋ muṅguḥ gawatipun, lamun arṣa pruwitèŋ saŋ wiku, piliḥ janma iṅkaŋ katètèr kuwawi, kajaba kaŋ wus winahyu, krana aṅèlé kĕpatos.
31. sastrarjané saŋ wĕṅku, karasa myaŋ kapruṅu iŋ wulu, ṅiŋ tan gampaŋ manuṅsa bisa nampèni, miwaḥ tan kĕmiṛĕŋ manus, kaŋ makṣiḥ karṇané rusoḥ.
32. tan piliḥ janma sĕpuḥ, muḍa sudra tanapi kaŋ luhur, nadyan tapa nèŋ aṅgraniŋ swélagiri, yèn muŋ muyĕg ṅumbar kayun, pamiṛĕṅé tan gumoloŋ.
33. béda kaŋ wus winahyu, saniṣkaraniŋ rèḥ ṅèlmu luhuŋ, aṅguŋ sarwa krĕtarta luṅitiŋ wadi, baṅkit nukṣmèŋ puranipun, paṅawikaniŋ hyaŋ manon.
34. lamun sukci wus tamtu, wikan ṅaṅkaḥ ṅrukĕt urip tuhu, tuhu yèn wus ṅrĕgĕm ugĕriŋ wawadi, sinĕmbadan sĕdyanipun, kaŋ cinipta mĕṣṭi rawoḥ.
35. yèku kaŋ wus amuṅkur, rèḥ kadoñan tinalak siniṅkur, kĕkuwuṅé kayoman ayĕmiŋ ati, sasat sugiḥ mas maḷĕnuk, maṭuṭuk saĕṅgon ĕṅgon.
