1. ḍaṇḍaŋgula
1. murwèŋ sarkara nata suŋ waṅsit, mriŋ saguṅiŋ wanita kaŋ samya, winĕṅku maraŋ priyané, kudu manut sakayun, ṅayam ayam karṣaniŋ laki, ḷĕlèjĕma mriḥ ṛĕna, karanané iku, dadi jalaraniŋ trĕsna, niŋ woŋ priya yayaḥ guna lawan ḍĕṣṭi, paṣṭiné muŋ éliṅan.
2. aywa liṅluŋ ḷĕṅlĕŋ nora éliŋ, lalu lina lalabaniŋ lara, badan tumĕkèŋ atiné, titi tan mikir wuruk, aṅrĕrusak budi tan wĕniŋ, saṅsaya mriŋ sarira, ras arasĕn nurat, wulaṅiŋ bapa lan biyaŋ, yĕkti pantĕs tinurut jĕr iku dadi, jalaraniŋ tumitaḥ.
3. tĕtĕpana tartamtuniŋ èstri, pan pinĕtri wawadiniŋ badan, dadi tartip iku rané, tartip tĕgĕsé urut, runtut titis wajibiŋ èstri, titis bĕnĕr tĕgĕsña, nĕriŋ driya iku, ywa liya mriŋ lakinira, raḥ arahĕn ywa arda driya dèn manis, ulat wijiliŋ sabda.
4. dadi kaṅgo tinurutiŋ laki, jĕr ta sira miturut tur awas, maraŋ karṣaniŋ lakiné, nuraga dadi iku, marmaniŋ hyaŋ asiḥ mriŋ dasiḥ, sumiṅkir duka cipta, iku adatipun, labĕt labuhaniŋ kuna, kaŋ kasusra wanita kaṅgo iŋ laki, yogya linaluriya.
5. myatiŋ solaḥ myaŋ karṣaniŋ laki, kira kira mriḥ ṛĕsĕpiŋ karṣa, dadi timbaŋ mriḥ prĕluné, laki koṅasiŋ kalbu, buṅaḥ léṅaḥ lèṅèḥ kaŋ èstri, tinurut kasĕmbadan, tan cuwa tyasipun, lir taru katiban warṣa, ṅrĕmbaka ron kĕmbaŋ pĕntilé andadi, tĕntrĕm tan walaŋ driya.
6. driyanira dèn tĕntrĕm ywa giṅsir, sarwa bisa wajibiŋ wanita, mirantèni busanané, priya myaŋ ḍaharipun, iṅkaŋ dadi kaṛĕmiŋ laki, pinatut wayahira, sarapané ésuk, tĕṅaṅé lan liṅsir surya, tĕṅaḥ wĕṅi byar ésuk sayoga salin, tan bosĕn mamriḥ ḷĕjar. 7. jĕr ta iku dudutaniŋ pikir, dadi sumèḥ sĕmuné tan giras, tĕntrĕm krasan nèŋ wismané, yĕkti sira kaŋ untuŋ, tinuṅgonan nora ṅĕmbani, lamun sira sĕmbada, sariranta iku, bĕbrĕsiḥ wida myaŋ sĕkar, sawatara dadi paṅgugahiŋ ati, lakinta nora kĕmba.
8. bisikané saŋ raja iŋ dĕmis (prabhu umum), pan wus umum sakèhiŋ wanita, guŋ nĕpsu cupĕt budiné, lalèn ḍĕmĕn ginuṅguŋ, nora kétuŋ bayar roŋ riṅgit, jañjiné ana ujar, ṅrika wontĕn ḍukun, bisa ñarati wanita, jambé suruḥ saranané kaṅgwèŋ laki, ginugu tan tinimbaŋ.
9. mula akèḥ wanita yèn laki, pituŋ dina branané wus bébas, pinuñjuṅkĕn mriŋ ḍukuné, tombok darbèkiŋ kakuŋ, busanadi prabot anaṅkil, konaṅan jinĕmalan, tur sudasihipun, awak ḷĕsaḥ ati susaḥ, tan tinuluŋ mriŋ lakiné muriŋ muriŋ, gĕriŋ cĕkèk dadakan.
10. ṅagak agak sĕbuté ḍariṇḍil, iya talaḥ nora kaya iṅwaŋ, tĕka dadiné maṅkéné, parikan pantèk kayu (paju), uḷĕr siti kaŋ maṅsa sikil (raŋ), majwèwuḥ mundur wiraŋ, ṅiŋ wus watakipun, wanodya yèn lagi susaḥ, tansaḥ katon bapa biyuŋ dèn aturi, pahé yèn kaṅgwèŋ krama.
11. lali lamun jalaraniŋ urip, pijĕr mikir sukané don karṣa, iṅundaŋ kèḥ sĕmayané, naṅiŋ kalamun padu, jaraṇṭalan prapta pribadi, ḍuḥ aḍuḥ woŋ wanita, sun puji tyasipun, mituruta sakèḥ wulaŋ, ḷĕṛĕpĕna driyanta supaya dadi, tulaḍan maraŋ putra.
12. jĕr ta lumraḥ woŋ iku sisiwi, yèn alaa nunulari putra, dadi tan ana ajiné, tiniṅgal bapa biyuŋ, ṅayaŋ ayaŋ tanna ṅajèni, sama samèŋ tumitaḥ, uripé ṅaliñcut, cinacat turuniŋ sudra, midĕr midĕr mriŋ lyan praja samya uniŋ, yèn iku trahiŋ kompra.
13. aṅalompra taṅèḥ wruhiŋ bĕcik, goroḥ umuk tur sugiḥ carita, yahiku dadi gĕlaré, mriḥ kandĕl mriŋ lyanipun, pakantuka goné ṅapusi, siré lir pokrul jéndral, bisané calaṭu, iku woŋ durjana sabda, dipunéliŋ sakèhiŋ manuṅsa sami, ywa koṅsi naṇḍaŋ branta.
2. asmaradana
1. ywa lalu mandayèŋ laki, lali pijĕr don asmara, kalimput muŋ suka bahé, yogya sira mumujiya, sakadariŋ wanita, titisé dadi tan cubluk, sudibya ṅuṅkuli bapa.
2. pan maṅkono woŋ ahurip, jaṅkané kudu jinaṅkaḥ, kaŋ ririḥ amriḥ ywa cèwèt, katĕkan sakarṣanira, lumintu tan ṛĕkasa, pahé karṣa kaŋ kasusu, suḥ sirṇa tanpa karana.
3. sumaraha mriŋ hyaŋ widdhi, kaŋ asuŋ urip mriŋ sira, dèn rapĕt ṅadu pasĕmon, sĕmuniŋ gusti kawula, dèn jumbuḥ ywa bĕñcoraḥ, ṅaraḥ ḷĕstariniŋ kusuk, pasĕmoné pinriḥ jomblaḥ.
4. jomblaḥ wanuḥ iṅkaŋ wrĕḍi, maṅkéné upamanira, pawèstri iku wajibé, dèn wĕruḥ budiniŋ priya, dimèn tuk siḥ tan kĕṇḍat, bokmanawa wuwuḥ wuwuḥ, wahanèŋ tyas maraŋ sira.
5. ruwiyaniŋ para putri, iŋ kuna wus cinarita, iŋ ṅarab myaŋ jawa kéné, kaŋ utama piniliha, sakadariŋ sarira, linaras lan jamanipun, mriḥ tumraḥ tinoniŋ kaṭaḥ.
6. paṭiniŋ wé jalaniḍi (uyaḥ), ron ḷĕmpuyaŋ misiḥ muḍa (liriḥ), wus sayaḥ kaŋ ṅripta maṅké, aririḥ déra maṅaraḥ, runtuté kaŋ wiyata, tarlèn muŋ dadya paṅémut, tyasiŋ wanita mriḥ arja.
7. kasmaran ṅuṅuné guliŋ, aṅripta kadi supĕna, sĕdya andugèkkĕn manèḥ, pitutur mriŋ pra wanita, yogyané baṛĕsiha, jro wisma myaŋ badanipun, mriḥ rahabiŋ kadaŋ mitra.
8. iṅkaŋ sĕdya amartuwi, piraṅbara lamun bisa, ñugata amriḥ sukané, kadaŋ mitra iṅkaŋ samya, tuwi krasan rarasan, sakiŋ bisa tindak tanduk, iṅaranan bojakrama.
9. boja suguḥ ranirèki, krama tĕmbuŋ kaŋ mriḥ ḷĕjar, tyasiŋ tamu mriḥ jĕnaké, tan agé muliḥ dumadya, prataṇḍané yèn sira, sinihan sasaminipun, janma yogya linuriya.
10. karanané woŋ antuk siḥ, iŋ manuṅsa iku taṇḍa, hyaŋ manon kaŋ ṅosikaké, dèn aguŋ sukuriŋ sukṣma, muga ta ḷĕstariya, sihiŋ hyaŋ turun tumurun, tumĕkèŋ dina kiyamat.
11. mupaṅati lahir batin, woŋ sinihan samèŋ titaḥ, tumruntun prapta drajaté, sasĕdyané pan tinĕkan, maṅkana adatira, manuṅsa kaŋ arṣa luhuŋ, sumiṅkir maraŋ kaniṣṭan.
3. kinaṇṭi
1. ṅaṇṭiya wulaṅiŋ ratu, kaŋ wus mashur ṅuni uni, budwèslam samya titilar, nalar kaŋ amriḥ nulari, mriŋ budi dadiné jĕmbar, brĕkahi mriŋ anak rabi.
2. pirabara lamun sarju, liyaniŋ ahli kapéṅin, miturut wiyata arja, ujĕr iku mupaṅati, mriŋ badan lan ahlinira, ṛĕsĕp antuk kojaḥ bĕcik.
3. cobanĕn kalamun ṅruṅu, ujariŋ kaŋ dadi wiji, wijiniŋ utamèŋ karṣa, yĕkti tĕntrĕm tyas kaŋ giṅsir, lan siré ḍéwé sulaya, janma lèn yĕkti tan sudi.
4. darbé mitra kaŋ kadyèku, tan wandé andarawasi, nulari sakèhiŋ nalar, milar milalu mĕdèni, wis aja sinruwé paḍa, woŋ iṅkaŋ paṅawak ḍĕmit.
5. ḍĕmĕn wadul lir woŋ ṅlindur, dora ragané mriḥ bĕcik, cilakaniŋ lyan sinĕdya, kadya sétan nuṅgaŋ ilir, sabĕn ṅlilir aṅupaya, luputiŋ taṅga pinikir.
6. kĕri gatĕl lambénipun, kalamun nora ṅrasani, mriŋ kañca mitra kĕkadaŋ, iku tétéla yèn dadi, awak uwoŋ ati sétan, tan kĕna dipunlambani.
7. pantĕs ṅalap opaḥ iku, sabĕn sasi siŋ pulisi, cukup digo tuku madat, lan pacitan sawatawis, yèn wus sĕgĕr nuli luṅa, golèk warta mriḥ bilahi.
8. niŋ woŋ kaŋ nora tartamtu, muŋ tamtu antuk pawarti, tinata dènira dora, supadya kandĕliŋ wiṅkiŋ, wuwuḥ blañja wuwuḥ madat, awak kuru gĕlis mati.
9. patiné akèḥ kaŋ sukur, sakṣat kélaṅan kalilip, nora gĕḍé naṅiŋ lara, maraŋ mata brĕbĕs mili, mulané para sujanma, aja kadi ḍuwur iki.
10. pikiṛĕn utamanipun, solaḥ muna lawan muni, ron roda kinarya ajaŋ (takir), goŋ alit muṅgĕl irami (gañjur), pikiṛĕn ḍiṅin supaya, tan kabañjur tindak niṣṭip.
11. buriŋ carma aranipun (èḷĕs), ibu saŋ duryudanaji (gĕndari), ḷĕstariniŋ baraŋ karṣa, aṅèl lamun tan ṅawruhi, sasmitaniŋ maṅsakala, lalu luluḥ tan pakoliḥ.
12. pilihĕn woŋ urip iku, utama kalawan niṣṭip, bĕgja kalawan cilaka, aṇḍap luhur iku sami, wus ginĕlar anèŋ wulaŋ, ywa lalu goné ṅlaluri.
13. jaman katon jroniŋ turu (ṅimpi), marga wé kaŋ muṅgèŋ tritis (talaŋ), dèn kahèpi sakèḥ wulaŋ, tinimbaŋ mriḥ babar budi, budiman baboniŋ gĕsaŋ, sarana paṛĕk mriŋ gusti.
14. gusti iku kèḥ liripun, gusti lahir gusti batin, lahiré sri naranata, iŋ batin kaŋ maha suci, karoné kudu sinĕmbaḥ, mriḥ utamèŋ duña ṅakir.
15. mapan pahé patrapipun, sĕmbaḥ lahir sĕmbaḥ batin, lahiré sarana taṅan, batiné dumunwèŋ ati, tinata dipuntétéla, larapiŋ don pinriḥ titi.
16. tartip tĕtĕp titis tĕguḥ, ginoḍa guṅiŋ paṅèkṣi, tan rinuṅu tan rinasa, muŋ ṅrasa nikmatiŋ ati, ati runtut wus tinata, tataniŋ tindak utami.
17. rinambaḥ liriŋ pitutur, maraŋ samowaniŋ èstri, dèn alus jatmikèŋ tiṅkaḥ, liré sabdanira manis, supadya dadya naŋ onaŋ, sĕṅsĕmiŋ driya mimbuhi.
18. dèn awas sasmitèŋ dunuŋ, dunuṅé karṣaniŋ laki, ḍuḥ babo babo wanodya, yèn tan wruḥ karṣaniŋ laki, rudaḥ iŋ cipta tur dadya, kuwur ṅawur kowar kawir.
19. kawĕran iŋ gĕṅiŋ napsu, kĕsusu tan antuk kasil, kĕsliyo tyas tĕmaḥ ṅrĕḍa, kĕna kaṛĕñcanèŋ éblis, laḥ ta mulané wanita, dèn samya amĕrak ati.
20. titikané duk iŋ daṅu, wanita iṅkaŋ utami, tulaḍan iŋ kuna kuna, caritaniŋ siṅgiḥ, supadya antuk utama, utamèŋ dumadi.
21. ḍuḥ babo babo woŋ ayu, apasihaniŋ widdhi, dimèn tulus ayunira, pasihan ḷĕstari, tan pĕgat sinuŋ darajat, n sira wruḥ iŋ waṅsit.
22. sisiku kaŋ mriḥ smu, poma poma dèn kahèṣṭi, supaya antuk sihira, iŋ lakinta awal akir, dadi awak tanpa, nèŋ duña wimbuḥ kamuktin.
23. gampaŋ woŋ tèŋ kakuŋ, muŋ miturut iŋ sakapti, nastiti sawu ra, aywa wani ñĕñampahi, nadyan karyaa lé wa, dèn bisa manuju kapti.
24. kañcana kaŋ muŋ bahu (gĕlaŋ), ayam kaŋ kĕkuñcuŋ gusti (mĕrak), gugulaṅĕn sabĕn dina, mrak ati muna lan muni, tur dadi sukaniŋ driya, lumunturiŋ siḥ kawijil.
4. mijil
1. darunanirèŋ hyaŋ maha suci, ṅanakkĕn punaŋ woŋ, jalu èstri pan paḍa prĕluné, wujud priya lantaraniŋ wiji, èstri kaŋ maḍahi, kumpul dadi wujud.
2. yèn wus wujud obaḥ aran urip, wajibé tatakon, sajarahé iṅkaŋ ṅanakaké, kaŋ asarèḥ pitakoné titi, patitisiŋ wiwit, puṅkasaniŋ mantuk.
3. supayantuk marga iṅkaŋ sidik, dadi muliḥ mriŋ gon, goné lawas tan uwas wus wèntèḥ, wus tan was was wanuhé wus lami, mimitran wit éliŋ, winulaŋ mriŋ guru.
4. guru iku lantarané yun wrin, wajibiŋ tumuwoḥ, wohiŋ kamal (asĕm) dunuṅé saŋ rajèŋ (kiṭa), dèn waṣkiṭa sĕmuné hyaŋ widdhi, maṇḍiri sajati, jatiné muŋ iku.
5. kaŋ sinĕbut pinuja pinuji, yĕkti muŋ hyaŋ manon, nabi wali oliya myaŋ rajèŋ, apan pantĕs pinuji mriŋ janmi, sabab iku sami, kakasiḥ hyaŋ aguŋ.
6. yèn manuṅsa liya sri bhupati, ṅabdul araniŋ woŋ, apan jĕmak lan manuṅsa kabèḥ, muŋ pinuriḥ aywa srik iŋ galiḥ, lumintu mriḥ puji, iŋ manuṅsa iku.
7. kudu kudu tinarimèŋ ati, manawa kapĕrgok, nabi allaḥ kaŋ miṇḍa druwisé, jabat akèḥ tulaḍané ṅuni, malékat pi api, namur añjĕjaluk.
8. muŋ carita dudu jaman maṅkin, samĕṅko tan kaṅgo, muŋ pinirit jumbuhiŋ maṅsané, dadi nora kaélaṅan lari, ṅlĕluri utami, mamriḥ sugiḥ kaŋ wruḥ.
9. wruha iŋ ala kalawan bĕcik, sakiŋ wulaŋ iŋ woŋ, iṅkaŋ wasis waṣkiṭa budiné, pan iṅĕtrap nèŋ dluwaŋ lan maṅsi, sinimpĕn mriŋ ahli, kitab aranipun.
10. kitab sakiŋ kuran asalnèki, kuran siŋ hyaŋ manon, ya ta maṅsa allaḥ nulis ḍéwé, paṣṭi ñambat manuṅsa kakasiḥ, tinrap nèŋ jro ṅati, niŋ manuṅsa iku.
11. jĕr ta ana kaŋ muni jro dalil, rapalé maṅkono, kalbu mukmin ya bétolahiné, iŋ tĕgĕsé ati iṅkaŋ mukmin, iṅakĕn sayĕkti, uṅgyaniŋ hyaŋ aguŋ.
12. basa mukmin manuṅsa wus napi, liyané hyaŋ manon, dadi kayun pidarèni rané, woŋ kaŋ manuḥ maṅgoné kakaliḥ, duña dèn dunuṅi, iŋ akérat jumbuḥ.
13. wus pinuṅgĕl pitutur mriŋ èstri, sĕḍĕṅé samono, pan kasĕlan lagi mikir ponès, ṛĕbo kliwon piŋ tĕlu kaŋ sasi, iŋ rabiṅulakir, galuṅan kaŋ wuku.
14. kaŋ maṅsaṣṭa kuṇṭara warṣa lip, saṅkala rinahos, kawiḷĕtiŋ kawi waṅsalané, yitmèŋ praja cipta kaŋ kawijil, kaṅjĕŋ sri bhupati, karṣa amanawuŋ.
15. drĕṅiŋ driya tansaḥ amumuji, kalipahiŋ manon, yun maṅèṣṭi saŋ prabhu iŋ maṅké, wulaŋ tumrap maraŋ para èstri, mriḥ ayu pinaṅgiḥ, wit wĕkasanipun.
