1. ḍaṇḍaŋgula
1. kaŋ kariyin prĕluné woŋ ṅabdi, bisa basa taṅgap lan trĕpsila, parigĕl laku bokoṅé, ḍaḍap lan muṇḍuk muṇḍuk, ulat ajèr sarta dèn aris, tĕmbuŋ tatas dèn cĕṭa, dèn saguḥ dèn kukuḥ, aja kamèrèn mriŋ kañca, dosa gĕḍé maraŋ hyaŋ kaŋ maha suci, duraka gĕŋ pinaṅgya.
2. kapiŋ kalihira dèn ṅawruhi, maraŋ karṣané iŋ gustinira, dèn tiru iŋ bubudèné, gusti aṅgĕpĕn guru, iṅkaŋ trĕsna lan dipunwĕdi, aja aṅrusak sanak, ṅlĕbur paḍa batur, yèn dinaṅu iŋ bĕndara, dèn ablaka aja ḍĕmĕn matur silip, tan kandĕl paṇḍuwurṇya.
3. kapiŋ tiga dèn amriḥ abĕcik, mariŋ rowaŋ kañca kañcanira, mumuruka sabisané, déné iṅkaŋ winuruk, diaṅaṅgĕp lan diṅlakoni, yèn paḍa wuwurukña, lan gustinirèku, poma dèn éliŋ éliṅa, baraŋ karya aja ṅlakoni kacĕlik, woŋ anom nastitiya.
2. sinom
1. kapiŋ pat sira éliṅa, tiṅkaḥ ala lawan bĕcik, iku pawitan utama, aṅgonĕn ati kaŋ bĕcik, kaŋ ala dèn simpĕni, kinarya paṅémut émut, supaya aja pisan, kagĕpok paṅgawé sisip, aja sira polaḥ saru lan digsura.
2. kapiŋ lima yèn bĕndara, kaḍayohan gĕŋ lan alit, sira aglis asébaa, ajakĕn kañcamu sami, lamun ana kaŋ lali, utawa yèn ora wĕruḥ, mriŋ tĕkané ḍayohña, aglis ṅaḍĕpa iŋ gusti, dadi nora gawé liṅsĕmiŋ bĕndara.
3. lan tiṅkahmu wuwuhana, kaŋ rikat kaŋ ṅati ati, dèn ruṅon lawan dèn awas, mriŋ watak karṣaniŋ gusti, dèn éliŋ iṅkaŋ wadi, mĕnawa sira kaladuk, bukak wadiniŋ kañca, miwaḥ wawadiniŋ gusti, dadi pantĕs iṅaran turuniŋ kompra.
3. durma
1. tĕmbaŋ durma bab kapiŋ nĕm kaŋ winarṇa, saru niṣṭaniŋ abdi, cacadiŋ acacad, ala alaniŋ ala, woŋ saru digsura paṣṭi, iṅkaŋ cinacad, iṅkaŋ tinampik tampik.
2. yèn dinaṅu sumahur ṅadĕg kéwala, iku polaḥ tan bĕcik, patut siṅkirana, aja sĕja atélad, yèn liṅgiha maṅkrik maṅkrik, bĕndara liwat, tan nĕdya aṅuḍuni.
3. yèn dinukan maṛĕṅut bĕkis uniña, kokum dinulaŋ tahi, nèŋ ṅomaḥ winĕkas, gustiné lagi luṅa, tinakonan api lali, yèku turuña, wijilé woŋ tan kawin.
4. mijil
1. lamun tampa timbalaniŋ gusti, dèn éṅgal linakon, baraŋ karya lamun suwé suwé, muṇḍak ras arasĕn tanpa dadi, wuwuḥ abot kaki, cacad tĕmahipun.
2. aja cidra aṅgorohi gusti, alané katonton, aja ṅétuŋ tuna kaṅèlané, pirabara ta gustinirèki, yèn misiḥ basuki, maḷĕs siḥ satuhu.
3. sira iṅutama woŋ aṅabdi, dèn manut sapakon, apan liṅsĕm cinacad luputé, dèn narima dèn niyat marèni, luputé iŋ ṅuni, tama tĕmahipun.
4. aja aṅlali lali iŋ kardi, ṅribĕdi tyas abot, ananaṇḍo prakara aboté, yèn tinakon kapéṅin saṭiṭik, tabĕri kaŋ dadi, kumambaŋiŋ kayun.
5. maṣkumambaŋ
1. bab kapitu satĕṅaḥ ana woŋ ṅabdi, lawas saya luwas, grĕsahé kapati pati, kañcané kaŋ añar mubyar.
2. kayu tyasé anunutuḥ maraŋ gusti, gusti nora salaḥ, goné asiḥ kandĕl tipis, salusuṛĕn iŋ tyasira.
3. kaŋ sawĕnèḥ aṅarani piliḥ kasiḥ, jatiné ta sira, duruŋ wruḥ karṣaniŋ gusti, tirunĕn pĕṣṭi yèn paḍa.
6. asmaradana
1. kasmaran kaŋ kapiŋ kaliḥ, iṅaran joḍo punika, kaŋ tĕtĕp pĕṣṭi linakon, kawruḥ bĕnĕr lawan tata, joḍoné woŋ ṅawula, éwa maṅkono satuhu, ana pĕṣṭi saprakara.
2. iṅkaŋ aran baṅsa pĕṣṭi, nora maraŋ roŋ prakara, sakĕna kĕnané bahé, bĕnĕr luput kapaṛĕṅan, lan karṣaniŋ bĕndara, iku pĕṣṭi tĕgĕsipun, naṅiŋ tan kĕna tinulad.
3. karana waton bilahi, lalakoné kaŋ maṅkana, aja tiniru lakoné, tĕgĕsé iṅkaŋ maṅkana, gustiné kaŋ tan yogya, karṣané tan ṅaṅgo kukum, karya tĕruhiŋ agama.
7. mĕgatruḥ
1. tĕgĕsipun tĕruhiŋ agama khukum, tanpa waṅĕn waḷĕrṇèki, aṅèl linakon iŋ wadu, lalakon maṅkono iki, bubuhané iṅkaŋ tabon.
2. kaŋ wus mañjiŋ rinĕṅkuḥ kulawargèku, luputé yogya ṅaliṅi, iku uga sababipun, kalamun runtikiŋ gusti, pĕṣṭiné uga kabobot.
3. lawan abdi kaŋ añar añar puniku, liré séjé sahupami, kaŋ añar adosa lampus, kaŋ lawas dinosan sakit, kaŋ duwé bubuhan kono.
8. pocuŋ
1. sĕkar pocuŋ kawula iṅkaŋ duruŋ wruḥ, watakiŋ bĕndara, yogya télad kaŋ wus lami, naṅiŋ sarat waspada iŋ sabĕn dina.
2. agĕmiya sapĕpĕkan anèŋ ṅayun, lan iŋ gustinira, aṅiŋ yun winĕḍar liriŋ, supayanya samaṅsané ana karya.
3. bisa rikat sarèḥ kalamun tinantun, ṅiŋ aja lumañcaŋ, sabab sira misiḥ cilik, paluṅguhmu béda kaŋ wus gambuḥ karṣa.
9. gambuḥ
1. yèku lakuniŋ batur, wĕdi nastiti bĕkti dèn gupuḥ, rikat awas sarèḥ kapiŋ kaliḥ gĕmi, paṅgarapé mariŋ kaguŋ, ané iŋ gusti dèn batos.
2. iki caraniŋ luṅguḥ, iṅaran silakrama trapipun, ḍiṅin ḍaḍap tĕgĕsé ḍaḍap sayĕkti, ṅuṅkrĕd dĕdĕg laku tanduk, manisiŋ ulat dèn katon.
3. yèn mèḥ pĕṛĕk iŋ ṅayun, ṅuṅkrĕd dĕdĕg maniŋ ṅĕmbat ḍĕṅkul, walikaté dèn jakiniŋ ṅĕmbat cĕṭik, iku aran muṇḍuk muṇḍuk, mĕṇḍĕk nĕmbaḥ laku bokoŋ.
.10. kinaṇṭi
1. kaṇṭiné woŋ muṇḍuk muṇḍuk, yèn wis laku bokoŋ nuli, ĕndaŋ jèṅkèŋ lon manĕmbaḥ, ririḥ aris déra liṅgiḥ, wiwit ḍĕṅkul taṅan ṅarṣa, kaŋ kiwa tumulya ririḥ.
2. aywa daya daya muwus, yèn duruŋ atrap wastrèki, mĕnawa ana kaŋ ṅliṅkab, satĕmaḥ andigsurani, yèn wus atap silanira, gya sikut anumpaŋ wĕntis.
3. ṅapurañcaŋ jarijwalus, ḷĕṅgakna caṅklakannèki, lambuŋ kaŋ tĕṅĕn ĕmbatna, kaŋ kiwa rada mriŋ wuri, jaṅga maṅluŋ mèṅlèŋ ṅiwa, amriḥ karṇa amiyarṣi.
4. pandĕṅé nétranirèku, tumanduk jajaniŋ gusti, supaya nora digsura, wĕruha nétraniŋ gusti, yèn kapisor panduluña, léna tan wruḥ ṅulat liriŋ.
5. sĕmbaḥ ta lamun dinaṅu, dèn awas ros rosan aṅliŋ, yèn wus tutug kaŋ timbalan, dèn cĕṭa sira maṅsuli, dèn samĕkta rowaṅira, luṅguḥ umaṛĕk iŋ gusti.
6. ḷĕmĕs tudiṅira tuduḥ, miwaḥ jĕjĕmpol dariji, kalamun duruŋ patrapña, nĕmbaḥ jèṅkèŋ nĕmbaḥ maniŋ, uṅkurira miṅĕr ṅiwa, laku bokoŋ maṛĕp maniŋ.
7. nĕmbaḥ miṅĕr muṇḍuk muṇḍuk, nuli ḍaḍap dèn ṛĕspati, iku uga sila patrap, aṛĕp ora bĕcik ṅaji, basa uga woŋ cinacad, kagĕḍéné wiraŋ isin.
8. yèn wus bisa baraŋ laku, laku laku kaŋ abĕcik, ywa ṅanti cinacad kaṭaḥ, para sasamaniŋ janmi, poma dèn ṅati atiya, ywa ṅaṅgo budiniŋ bayi.
