candrané pranåtå måṅså
1. måṅså kaså.
wataké : wĕlasan.
palintaṅan : sapi gumaraŋ.
candrané : sotyå murcå sakiŋ ĕmbanan. sotyå = mutyårå, murcå = ilaŋ. piṇḍané mutyårå coplok sakå ĕmbané. akèḥ goḍoŋ påḍå rontok, wit witan påḍå pruṭul. awal måṅså katigå.
prĕnaḥ mlĕṭèké srĕṅéṅé wiwit maṅidul.
tåtå araniŋ aṅin lor wétan saṅkané, ṅiwå lan nĕṅĕn lakuné, prabhawané pĕtĕŋ sabab dèn amun amun.
kaså, udan råså mulyå, tĕgĕsé udan sapisanan kĕnå kagunakaké minåṅkå paṅupåyå såkå turuné sakèhiŋ wiji, tĕgĕsé baṅsaniŋ walaŋ, baṅsaniŋ kaŋ ambrĕṅĕṅĕŋ lan sapanuṅgalané, iku sumĕdyå mĕtu såkå paṅgonané, wĕtuniŋ bun putiḥ, laṅit paḍaŋ sumilak, bhumi ṅlélå, watu watu ṛĕsik rupané, sakèhiŋ kéwan cilik cilik kaŋ tlisik påḍå mĕnĕŋ, manuså kumĕṇṭus atiné, yèn swårå mĕnĕŋ luput atiné.
palintaṅan : sapi gumaraŋ.
candrané : sotyå murcå sakiŋ ĕmbanan. sotyå = mutyårå, murcå = ilaŋ. piṇḍané mutyårå coplok sakå ĕmbané. akèḥ goḍoŋ påḍå rontok, wit witan påḍå pruṭul. awal måṅså katigå.
prĕnaḥ mlĕṭèké srĕṅéṅé wiwit maṅidul.
tåtå araniŋ aṅin lor wétan saṅkané, ṅiwå lan nĕṅĕn lakuné, prabhawané pĕtĕŋ sabab dèn amun amun.
kaså, udan råså mulyå, tĕgĕsé udan sapisanan kĕnå kagunakaké minåṅkå paṅupåyå såkå turuné sakèhiŋ wiji, tĕgĕsé baṅsaniŋ walaŋ, baṅsaniŋ kaŋ ambrĕṅĕṅĕŋ lan sapanuṅgalané, iku sumĕdyå mĕtu såkå paṅgonané, wĕtuniŋ bun putiḥ, laṅit paḍaŋ sumilak, bhumi ṅlélå, watu watu ṛĕsik rupané, sakèhiŋ kéwan cilik cilik kaŋ tlisik påḍå mĕnĕŋ, manuså kumĕṇṭus atiné, yèn swårå mĕnĕŋ luput atiné.
umuré : 41 dinå. 22 juni - 1 agustus.
2. måṅså karo.
wataké : crobo.
palintaṅan : tagiḥ.
candrané : bantålå ṛĕṅkå.bantålå = ḷĕmaḥ, ṛĕṅkå = pĕcaḥ. ḷĕmaḥ ḷĕmaḥ påḍå nĕlå. maṅsané pacĕklik laraŋ paṅan.
gati araniŋ aṅin, lor saṅkané, lulumbuṅan lakuné, prabhawané sumbĕr pĕpĕt, ḷĕbu sumawur.
karo, gĕṇṭoŋ pĕjaḥ iŋ daḷĕm supĕnå, tĕgĕsé kaŋ sarwå oyod, kaŋ sarwå puñjĕr, lan kaŋ sarwå wiji påḍå sĕmi, baṅsaniŋ caciŋ påḍå ṅĕṇḍog, walaŋ påḍå nĕtĕs, wit witan kumriṅĕt wiwit mĕgar kĕmbaṅé, aṅin milid sumilir aḍĕm, iŋ jåbå panas iŋ jĕro aḍĕm, manuså ḷĕgå atiné paḍaŋ.
umuré : 23 dinå. 2 agustus - 24 agustus.
3. måṅså katĕlu.
wataké : kumĕt.
palintaṅan : lumbuŋ.
candrané : sutå manut iŋ båpå. sutå = anak. piṇḍané anak manut maraŋ bapaké. puṅkasané måṅså katigå. luŋluṅan baṅsané gaḍuŋ, uwi, gĕmbili påḍå mrambat.
wisåyå araniŋ aṅin, prabhawané aḍĕm agawé kapénak iŋ badan, kakayon påḍå sĕmi.
katigå, ṛĕṣmi, tĕgĕsé oyod nuñjĕm iŋ ḷĕmaḥ ĕluŋ ĕluṅan påḍå rumambat, bhumi sumorot kuniŋ, laṅit biru, mégå buyar sinaput aṅin, bañu baṅĕr iŋ ṅisor, iŋ ḍuwur katon bawérå tur ṛĕsik, manuså klĕsik klĕsik lan mikir mikir kaṛĕbèn biså wuwuḥ baraŋ paṅgonané, ḷĕmaḥ gugur mrapat.
umuré : 24 dinå. 25 agustus - 17 sèptèmbĕr.
4. måṅså kapat.
wataké : ṛĕsikan.
palintaṅan : jaran.
candrané : waṣpå kumĕmbĕŋ jroniŋ kalbu. waṣpå = ĕluḥ, kumĕmbĕŋ = kĕmbĕŋ, kĕbak, kalbu = ati. piṇḍané ĕluḥ kĕbak iŋ jĕroné ati. sumbĕr påḍå gariŋ. awal måṅså labuḥ, wit wit raṇḍu påḍå awoḥ, manuk mañar lan ĕmprit påḍå ṅĕṇḍog,
påñcåwårå araniŋ aṅin, lor kulon saṅkané, lulumbuṅan lakuné, prabhawané nĕkakaké udan lan liliḍaḥ.
kapat, lumatiŋ ṛĕṣmi, tĕgĕsé ĕluŋ ĕluṅan påḍå muḷĕt, manuk manuk lan kéwan sikil papat påḍå jojoḍowan, anak kéwan kaŋ måwå swiwi påḍå kakablak, gogoḍoṅan påḍå ṛĕbut ḍuwur, bhumi ijo, laṅit kuniŋ, oyod patiŋ kruwĕl rambuté, aṅin kĕñcĕŋ tumuju maṅidul aṅgåwå udan, lamun bali maṅalor aṅgåwå aṅin, baṅsané iwak loḥ påḍå mĕtu lan milar milar, manuså larané kĕdadak.
umuré : 25 dinå. 18 sèptèmbĕr - 12 oktobĕr.
5. måṅså kalimå.
wataké : juwèḥ.
palintaṅan : bañak.
candranĕ: pañcuran mas sumawur iŋ jagad. mas piṇḍané udan. wiwit ånå udan. pårå amoŋ tani wiwit påḍå ṅgarap sawaḥ, asĕm påḍå tiṅis goḍoṅé, kunir lan gaḍuŋ påḍå ṅrĕmbuyuŋ goḍoṅé.
bayu araniŋ aṅin, lor kulon saṅkané, gĕḍé lakuné, yèn udan tanpå aṅin, yèn aṅin tanpå udan lan prabhawané biså ṅrubuhaké wit witan,
kalimå, kålå mapañcuran påñcå rigat, tĕgĕsé udan ṅratani ésok lan soré, bhumi kåyå baliṇḍis, baṅsané caciŋ påḍå nĕtĕs, kakayon sumunar ijo, sakèhiŋ gogoḍoṅan ḷĕmĕs, pĕḍut lan mégå awor grimis, broboliŋ wĕtuniŋ laron, akèḥ laḷĕr, ulå påḍå mĕtu såkå lèŋ, bhumi sumunar abaŋ putiḥ, sakĕhiŋ kĕmbaŋ kĕmbaŋ ugĕr tumañcĕp biså urip, manuså roså kakaṛĕpané.
umuré : 27 dinå. 13 oktobĕr - 8 nopèmbĕr.
6. måṅså kanĕm.
wataké : lantip.
palintaṅan : gotoŋ mayit.
candrané : råså mulyå kasucèn. piṇḍané mulyå mulyå råså kaŋ suci. woḥ wohan baṅsané pĕlĕm lsp wiwit påḍå awoḥ, manuk mliwis påḍå maṅlar, puṅkasané måṅså labuḥ. wiwit akèḥ udan dĕṛĕs.
prĕnaḥ mlĕṭèké srĕṅéṅé wiwit pantog kidul.
bhutå araniŋ aṅin, kulon saṅkané, gĕḍé kĕñcĕŋ lakuné, prabhawané pĕtĕŋ ḍĕḍĕt.
kanĕm, nikmatiŋ råså mulyå, tĕgĕsé sakèhiŋ woḥ wohan wiwit mĕtu ṛĕjĕkiné, sakèhiŋ kéwan kĕpik bañu påḍå babranahan, sakèhiŋ kaŋ sarwå swårå dadi cilik atiné, bhumi lan laṅit påḍå rupané, manuså påḍå ora pati bĕtaḥ mĕlèk, yèn calaṭu akèḥ gorohé, gogoḍoṅan ijo sumunar kuniŋ.
umuré : 43 dinå. 9 nopèmbĕr - 21 ḍésèmbĕr.
7. måṅså kapitu.
wataké : cĕṅkiliŋ.
palintaṅan : bhimåsĕkti.
candrané : wiså kèntir iŋ marutå. wiså = racun, lalårå: kèntir = kèli, katut : marutå = aṅin. piṇḍané : akèḥ lalårå.
prĕnaḥ mlĕṭèké srĕṅéṅé wiwit maṅalor.
bånå araniŋ aṅin, kulon saṅkané, gĕḍé kĕñcĕŋ lakuné, prabhawané udan bañjir gĕḍé, aṅin turun ora kĕtårå.
kapitu, gĕṇṭoŋ pĕcaḥ, tĕgĕsé udan nĕkani riṇå lan wĕṅi, wit witan subur, gogoḍoṅan kĕtĕl, ĕluŋ lan oyod påḍå mĕnĕŋ, bhumi mlĕkaḥ ṅĕtuk ṅudalaké sumbĕr, bhumi dadi ṅĕmu bañu, kakayon lan susukĕtan påḍå mĕnĕŋ karåṇå kabotan goḍoŋ, wuruṅé goḍoŋ lan kayu supåyå dadi uwohé, manuk manuk påḍå kuraŋ paṅan lan ṅupadi papan paṅéyupan, mégå lan mĕṇḍuŋ dadi prahårå, ora ånå tĕraṅé, manuså atis lan sĕḍiḥ, manuk manuk ugå.
umuré : 43 dinå. 22 ḍésèmbĕr - 2 pébruwari.
8. måṅså kawolu.
wataké : mĕjånå.
palintaṅan : wulañjar.
candrané : añjraḥ jroniŋ kayun. añjraḥ = sumĕbar, waråtå : kayun = karĕp, kapti. piṇḍané akèḥ paṅarĕp arĕp. pårå amoŋ tani påḍå ṅarĕp arĕp asilé tanduran. wit pari påḍå mBlĕdug, wiwité ånå blĕḍèg.
pawånå araniŋ aṅin, kidul kulon saṅkané, uruŋ uruṅan lakuné, araŋ udan, akèḥ blĕḍèg, tumbukiŋ srĕṅéṅé lan ṛĕmbulan, wiwit mĕṇḍaniŋ udan,
kawolu, cantikå, tĕgĕsé wĕtuniŋ luṇḍi lan sabaṅsané, ĕluŋ påḍå buṅkĕr, oyod lan pucuk påḍå warṇané, tanduran pari ijo royo royo, bhumi putiḥ, laṅit iṛĕŋ, aṅin pawånå, sabaraŋ gawé turut, tutuwuhan lumaku påḍå mĕnĕŋ, lèrèn isiniŋ bañu påḍå muni, cĕṅgèrètnoŋ påḍå muni iŋ wayaḥ soré, råså, pikir lan aṅgit påḍå lèrèn.
umuré : 26 dinå. 3 pébruwari - 28 pébruwari.
9. måṅså kasåṅå.
wataké : barabaḥ.
palintaṅan : wuluḥ.
candrané : wĕḍariŋ wacånå mulyå. wĕḍar = wĕtu : wacånå = paṅandikan, swårå, uni : mulyå = luhur, éndaḥ. piṇḍané akèḥ swårå kaŋ kapruṅu éndaḥ, kĕpénak. garèŋpuŋ påḍå muni, gaṅsir påḍå ṅĕṭir, jaṅkrik påḍå ṅĕrik. masané tanduran pari påḍå ṅĕmbaŋ.
samirånå araniŋ aṅin, kidul bĕnĕr saṅkané, udan dĕṛĕs aḍĕm ṅluwihi, wit witan påḍå sĕmi aṛĕp uwoḥ.
kasåṅå, wĕḍariŋ wacånå, tĕgĕsé garèŋ, gaṅsir lan walaŋ påḍå muni, gogoḍoṅan påḍå kåyå wĕlirå, oyod lan paŋ påḍå mĕnĕŋ, bhumi lan laṅit katon jĕmbar, matiniŋ åmå bubuk, tutuwuhan iŋ bhumi påḍå ṅaraŋ, sukĕt katon abaŋ, lalarané saguṅiŋ tumuwuḥ iyå iku : napas, wĕtĕŋ, paṭèk lan guḍig, manuså kĕpénak atiné, påḍå månåsukå, sakèhiŋ kéwan påḍå biṅar, masané gogoḍoṅan påḍå kĕtiwasan, kakayon kĕñcĕŋ kĕras.
umuré : 25 dinå. 1 maṛĕt - 25 maṛĕt.
10. måṅså kasapuluḥ.
wataké : laran atèn.
palintaṅan : waluku.
candrané : gĕḍoŋ minĕb jroniŋ kalbu. piṇḍané akèḥ kéwan påḍå mĕtĕŋ. kuciŋ påḍå gaṇḍik.manuk påḍå ṅĕṇḍog, masané pari påḍå kuniŋ.
wisikan araniŋ aṅin, kidul wétan saṅkané, kĕñcĕŋ lakuné, prabhawané aras arasĕn lan ṅĕlu.
kasadåså, gĕḍoŋ minĕp sajroniŋ kalbu, tĕgĕsé kéwan påḍå mĕtĕŋ, bhumi bĕṇṭèt, sukĕt mĕṇḍak, bhumi putiḥ, laṅit iṛĕŋ, aṅin ṅĕpuḥ bhumi, ṅilaṅaké sakèhiŋ bañu, bhumi kaĕsataké babar pisan, lalaraniŋ manuså paḍa kĕbiṅuṅan.
umuré : 24 dinå. 26 maṛĕtt - 18 april.
11. måṅså ḍéstå.
wataké : calimut.
palintaṅan : lumbuŋ
candrané : sotyå sinåråwèdi. sotyå = mutyårå : sinårdwèdi = baṅĕt ditrĕṣṇani. piṇḍané kayå mutyårå kaŋ baṅĕt ditrĕṣṇani. maṅsané manuk ṅloloḥ anaké. masané panèn pari, wiwité måṅså marèŋ.
tåtå araniŋ aṅin, kidul wétan saṅkané, kĕñcĕŋ lakuné, prabhawané panas, bhumi gĕraḥ.
ḍéstå, pamuṅkasiŋ såråwèdi, tĕgĕsé ilaŋ rasané katon niṣṭå, panèn pålå kapĕṇḍĕm, klĕṅĕr sakèhiŋ tutuwuhan, kayu lan sukĕt påḍå mriṅis, bhumi juṅkar, agawé pĕḍotiŋ oyod, tĕkané bun kuniŋ, sakèhiŋ kéwan sikil papat påḍå gumuliŋ iŋ ḷĕmaḥ, manuk suwiwiné boḍol, kutu kaŋ måwå suwiwi påḍå mati ṅurag, råså aḍĕm lan atis karåså tĕrus ṅanti tumĕkå iŋ baluŋ.
umuré : 23 dinå. 19 april - 11 mèi.
12.måṅså sadå.
wataké : sĕḍĕŋ.
palintaṅan : tagiḥ.
candrané : tirtå saḥ sakiŋ saṣåṇå. tirtå = bañu : saḥ = ilaŋ : saṣåṇå = paṅgonan. piṇḍané woŋ woŋ orå kriṅĕtĕn jalaran måṅså bĕḍiḍiŋ (aḍĕm). akhir måṅså marèŋ.
prĕnaḥ mlĕṭèké srĕṅéṅé wiwit pantog lor.
paṇḍåwå araniŋ aṅin, wétan saṅkané, kĕñcĕŋ tĕrus tĕrusan lakuné, mrigisaké pucukiŋ gogoḍoṅan, prabhawané antarané aḍĕm lan panas.
saddhå, gogrogiŋ gogoḍoṅan, tĕgĕsé sakèhiŋ gogoḍoṅan muŋ kèri gagaṅé bahé, kakayon påḍå rubuḥ, ḷĕmaḥ påḍå mlĕkaḥ lan nĕlå, sakèhiŋ kéwan påḍå mĕnĕŋ, kayu påḍå alum, manuså lalarané atis, tambané adus iŋ wayaḥ ésuk, manuså lumrahé påḍå lalèn, ṅĕmuṅaké nĕdyå turu lan nĕpsu, tĕkané bun putiḥ.
umure : 41 dina. 12 mèi - 21 juni.
