3. kĕṇḍi
iŋ jaman kuna ana sawijiniŋ uwoŋ mara ḍayoḥ, sasuwéné paḍa jajagoṅan ḍayoḥ mahu ñambi dolanan kĕṇḍi kaŋ sumèlèḥ iŋ saṇḍiṅé luṅguḥ, darijiné diḷĕbok ḷĕbokaké iŋ cucukiŋ kĕṇḍi mahu, wasana kajĕṇḍĕḷĕn, didudat dudut aṅèl, aṛĕp dijiyad bahé sumĕlaŋ ambokmanawa poṭol, ora wuruŋ bakal kawiraṅan.
baṛĕŋ ḍayoḥ mahu ṅaṛĕpaké muliḥ, akaṇḍa maraŋ kaŋ duwé omaḥ, tĕmbuṅé : (kaguṅan sampéyan kĕṇḍi punika wĕdalan iŋ pundi ???, tĕka sahé tĕmĕn kisanak).
waṅsulané kaŋ duwé omaḥ : (wĕdalan iŋ ṅriki kémawon).
ḍayoḥ kaṇḍa manèḥ : (laḥ, aṅgèn sampéyan muṇḍut sapintĕn ???, manawi maṛĕṅakĕn baḍé kula gĕntosi, awit iṅkaŋ paṅgénan kula ṅrika dèrèŋ wontĕn kĕṇḍi iṅkaŋ makatĕn sahénipun).
waṅsulané kaŋ duwé omaḥ : (o, miraḥ kémawon, manawi baḍé kakarṣakakĕn sumaṅga sampéyan bĕkta kémawon, botĕn usaḥ kapuṇḍut).
ḍayoḥ tumuli pamit muliḥ, kĕṇḍiné digawa. baṛĕŋ wus tĕkan iŋ dalan, kĕṇḍi mahu dibantiŋ karo kaṇḍa : (kĕṇḍi kuraŋ ajar, miraŋ miraṅaké, hara, sahiki ṛĕmuk kowé).
**********
4. akalé paṅon.
ana sawijiniŋ raṇḍa sugiḥ, baṅĕt cĕṭilé. sakiŋ cĕṭilé ora tahu maṅan kaŋ énak énak lan ñaṇḍaŋ kaŋ bĕcik bĕcik. ḍèwèké duwé paṅon siji isiḥ bocaḥ, iku kaŋ pinitaya aṅrumat kĕbo sapiné.
ñahi raṇḍa paṅrĕṅkuhé maraŋ paṅoné siya baṅĕt, kĕṛĕp disrĕṅĕni, yèn mènèhi paṅan ora tahu waṛĕg tur sĕgané abaŋ gabaḥ araŋ, lawuhé ora liya muŋ jaṅan, sambĕl lan kuluban, maṅka pagawéyané abot baṅĕt, amarga muŋ bocaḥ siji ṅupakara kĕbo sapi sapiraŋ piraŋ.
anuju sawijiniŋ waktu bocaḥ mahu ambudidaya kapriyé bisané kalakon digumatèni lan diĕsihi iŋ bĕndarané. wasana nĕmu akal, iŋ wayaḥ soré ḍèwèké muṅgaḥ iŋ ĕpyan, anuli mapan ana iŋ saḍuwuriŋ paturoné bĕndarané ora obaḥ obaḥ. baṛĕŋ wus liwat tĕṅaḥ wĕṅi, maṅsané sĕpi uwoŋ banjur gawé suwara aṅĕgèt ĕgèti : (grobyag, grobyag)..
ñahi raṇḍa kagèt anuli takon : (sapa, sapa iku ya???)
paṅon añahuri suwarané digawé gawé amiṇḍa miṇḍa ḍañaŋ, tĕmbuṅé : (a ... ku !!!)
ñahi raṇḍa takon manèḥ tĕmbuṅé krama suwarané wél wélan amarga saka wĕdiné : (aku sintĕn ???)
waṅsulané kaŋ miṇḍa ḍañaŋ : (aku kaŋ ambahuṛĕkṣa iŋ désa kéné).
ñahi raṇḍa akaṇḍa : (o iṅgiḥ, iṅgiḥ, wontĕn kapaṛĕŋ sampéyan punapa kyayi, tĕka dalu dalu rawuḥ iŋ ṅriki ???)..
waṅsulané : (mĕṅko ta, bok raṇḍa, aku dak kaṇḍa ruṅokna. kowé sumurupa ya, satĕmĕné paṅonmu iku kakasihku, mulané aja kosiya siya, bĕcik gumatènana, tukokna saṇḍaṅan siŋ bĕcik bĕcik, yèn mènèhi caḍoŋ siŋ akèḥ, lawuhé siŋ énak, aja kĕṛĕp kĕṛĕp kosrĕṅĕni. poma kaṇḍaku iki lakonana, yèn kowé ora ṅéstokaké kaŋ dadi préntahku, kalakon rajakayamu dak tumpĕs kabèḥ).
ñahi raṇḍa gugup amaṅsuli : (sandika kyayi, sandika).
wiwit kala samana woŋ sugiḥ mahu sabanjuré gumati baṅĕt maraŋ paṅoné wus sahéṅga anak.
***********
