1. mijil
1. wijiliŋ kaŋ kintaka sakiŋ siḥ, parimarmaniṅoŋ, maraŋ sira kadaŋ iṅsun kabèḥ, lawan anak kaponakan mami, kaŋ paḍa ṅlakoni, patrapan kinuṅkuŋ.
2. marga sakiŋ luputé pribadi, mĕndĕm aṅaloyoŋ, nuṅgaŋ kréta dudu iŋ wayahé, gora gaḍa aṇḍoḍogi kori, pratiṅkahé kadi, arṣa gawé rusuḥ.
3. babaṛĕṅi gumyakiŋ pawarti, kèḥ kampak lan koyok, dadi gawé salaḥ pañanané, maraŋ sakèḥ kaŋ sami miyarṣi, tan saranta prapti, woŋ tandaŋ gumrubyug.
4. panujuné ana kaŋ udani, lamun putraniṅoŋ, marma sira muŋ dèn aturaké, dadi nĕmu duka dèn waḷĕri, baṅĕt kaya kaŋ wis, paḍa sira ruṅu.
5. mĕṅko sira paḍa sun luwari, lan akṣamaniṅoŋ, pamintèṅwaŋ maraŋ sira kabèḥ, aja paḍa wani wani maliḥ, aṅlakoni kadi, kaŋ wis sira tĕmu.
6. yĕkti sira bakal aṅlakoni, iŋ pidananiṅoŋ, luṅa sakiŋ prajanira kéné, dumunuŋ nèŋ paṅgonan sawiji, kaŋ prasasat mati, datan anèŋ kubur.
7. yèn koṅsiya kalakon sayĕkti, paran wĕkasiŋ don, uripira dadi tanpa gawé, anèŋ duña muŋ sapisan iki, kéna dèn arani, luput iŋ piaṅkuḥ. 8. paḍa lawan uḷĕr wrĕjid caciŋ, lintaḥ lan ṛĕs ṛĕs poḥ, amuŋ mañjiŋ dadi sèn isèné, alam duña tan kawilaŋ janmi, luput lahir batin, pocapané galur.
9. aṅgĕgawa maraŋ yayaḥ bibi, kaŋ wus mulya nèŋ don, tan sambada lawan kudaṅané, anak lanaŋ kaŋ bisa ṅayomi, kadaŋ warga tuwin, maraŋ bapa biyuŋ.
10. taṅèḥ lamun maṅkonowa sami, munduran ñaléroŋ, maraŋ praja myaŋ kadaŋ wargané, marma yoga biratĕn tumuli, tyasira kaŋ juti, amriha rahayu.
11. titi layaŋ kaŋ tĕmbaŋ pamijil, tinulis nèŋ kantor, piŋ salawé bĕntĕt iŋ taṅgalé, jumadilakir wawu kaŋ warṣi, tri lawaŋ kaŋ muni, candra saṅkalèku.
2. pocuŋ
1. mĕndĕm pocuŋ woŋ anon tan maṅan wuruk, waru jĕné ṅarga (timaha), jinada kaŋ sabèŋ kawis (bajiŋ), anĕmaha dadi bajiŋ anèŋ praja.
2. maṅguŋ dadya buburon saparanipun, sĕkariŋ kintaka (puḍak), tuñjuŋ baŋ kaŋ gagaŋ iṅgil (taraté), yèn kacaṇḍak rinanté nèŋ tanaḥ sabraŋ.
3. pahé lawan kasĕṅsĕm manut pitutur, satriya siṅgĕla (bisawarṇa), ḍukut arum sanèŋ ardi (kalajana), yèn wis bisa sinĕbut janma sujana.
4. bisa karya ḷĕgané moŋ tuwanipun, gambir baŋ ṅrĕmbaka (soka), kalabaŋ markatèŋ latri (rĕna), suka ṛĕna mumuji jroniŋ wardaya.
5. ḷĕstariya rahayu salaminipun, pamaṅuniŋ jala (ṅayomi = ñulami), prabhu sèt kaŋ sĕkar putiḥ (kĕmbaŋ daṅan), ṅayomana maraŋ kadaŋ warganira.
6. kaŋ maṅkono kabul iŋ panĕḍanipun, papatiḥ mandura (prabawa), wrĕkṣa lajĕriŋ paḍati ?, awibawa katĕkan baraŋ sinĕdya.
7. aja ñipta sumĕṅaḥ lawan tĕkabur, tambaṅiŋ turaṅga (lis), puṅgawa sri bomapati (añcak ugra), kalis maraŋ iŋ wahyu lawan nugraha.
8. tĕmahipun baraŋ kaŋ sinĕdya luput, wé mijil siŋ aṅga (kriṅĕt), paṇḍita ṅéndrakilardi (mintaraga), dipunèṅĕt kaŋ dadi békaniŋ raga.
9. sayĕktiné gayuḥ tuna ñaṇḍak luput, pamroṅgoliŋ wrĕkṣa (nutuḥ), pĕḍut samar iŋ pratiwi (amun amun), ywa nunutuḥ ṅamun amun mriŋ woŋ tuwa.
10. nora wuruŋ cilaka sajĕgé umur, garwa saŋ wisrawa (sukèkṣi), sĕkar braja (pamor) kaŋ kinawi, kèsi èsi nora amor lan sasama.
11. yèn maṅkono sayĕktiné bĕcik lampus, sabin tanpa toya (gaga), ṛĕṅganiŋ wibawa mukti (mulya), aṅgĕgawa mriŋ woŋ tuwa kaŋ minulya.
