gambuḥ
2. sampurṇaniŋ dat iku, tan ana wujud loro puniku, iṅkaŋ ana kaananiŋ dat puniki, sampurṇaniŋ salat iku, tan ana jĕnĕṅé kono.
3. sampurṇèŋ sakarètu, tan ana rasa roro puniku, iya rasa kaananiŋ datolahi, jĕnĕṅé kawula iku, kadi saduruṅé katon.
4. sirṇaniŋ kawulèku, déné iṅaṅgé gĕgĕntènipun, dadi kaŋ jumĕnĕŋ anĕmbaḥ amuji, kaŋ sĕmbaḥ sinĕmbaḥ iku, pamoré iŋ wujud kono.
5. iŋ kitab bayan mahut, awawaraḥ iṅkaŋ bĕnĕr luput, iŋ kadadèn marmané dèn ṅati ati, pan maṅkéné lapilipun, nukil sakiŋ bayan maot.
6. pan la rasaṅilma mut, abadan punika tĕgĕsipun, siŋ sapa woṅé tan dadi ṅèlmunèki, mati bahé sajĕgipun, tan ana urip iŋ kono.
7. man saraṅil man lamut, kayan abadan pan tĕgĕsipun, siŋ sapa kaŋ dadi ṅèlmuné woŋ iki, urip bahé sajĕgipun, ṅaliḥ gon boyoŋ kaḍaton.
8. waman dakala pilmut, pajismun suma sipatirabun, lan siŋ sapa woŋ mañjiŋ iŋ daḷĕm pati, maṅka ilaŋ jisimipun, muliḥ sipatiŋ hyaŋ manon.
9. iŋ kono gon pakéwuḥ, éwuhé bok tumpaŋ salaḥ surup, yèn tiba iŋ giliṅan pan ora kasil, miwaḥ yèn tiba iŋ luput, dèn raṅkul maraŋ gĕndruwo.
10. kunir pita kaŋ tĕmbuŋ, déniŋ paṅabaraniŋ kaŋ panduŋ, yèn wis tĕmu siṛĕpĕn aja katawis, poma dèn awĕrit iku, yèn gampaŋ dadi kacĕṇṭok.
11. kacĕṇṭok duraka guŋ, déné iya aṅgĕgampaŋ wuwus, nora ṅaṅgo paraḥ paraḥ lamun aṅliŋ, woŋ tan bisa sĕmonipun, tĕka iṅajak calaṭon.
12. mantĕp lan panrimèku, yèku kaŋ maṅka busananipun, paṅrakité pan ora kaḷĕbu tulis, parabot paṅukutipun, ana laraṅané kono.
13. yèn gĕmpal sarak iku, pan bilahi doña akiripun, sayĕktiné kamlĕkĕṛĕn nora dadi, sarak iku waḍahipun, yèn tiniṅgal dadi borot.
14. tĕmaḥ kècèr tan wuwutuḥ, siya siya maraŋ badanipun, kaŋ maṅkono ṅèlmuné jatiné makṣiḥ, aṅawur kaya si pocuŋ, pantĕs dinulaŋ taléṭoŋ.
tamat
