mijil
2. labét sakiŋ muḍadamèŋ budi, diguŋ lumuḥ kasor, gégé maṅsa mĕḍar kasurané, pamrihira muŋ ṅulab ulabi, mriŋ saṅgya kaŋ akṣi, dèn aḷĕma puñjul.
3. tan wruḥ lamun akèḥ kaŋ ṅèsĕmi, pinrayitnan batos, kaŋ wus asiḥ suda iŋ ṛĕsĕbé, kaŋ duruŋ wruḥ wus ṅruṅu pawarti, iṅkaŋ sĕṅit dadi, sukurirèŋ kalbu.
4. tĕmaḥ kéṅis watĕké kaŋ wadi, aluné katoṅton, sasolahé linumuhan bahé, nora ana kaŋ barès sawiji, woŋ jahil lan juti, iku paminipun.
5. nadyan mari guŋ sinaṅgaruṅgi, tan ana pitados, wus maṅkono manuṅsa adaté, paranbaya dènira balèni, sapisan dumadi, nir piandĕlipun.
6. yèn paṣṭiya tumitaḥ piŋ kaliḥ, sakabèhiŋ uwoŋ, nora ana kaduwuŋ solahé, lan tan ana iṅkaŋ wĕdi mati, gampaŋ dènnya budi, tan ana pamupus.
7. balik nora tinitahkĕn maliḥ, paran wĕkasiŋ don, muŋ karantan kaduwuŋ atiné, gĕgĕtuné sansaya ṅranuhi, yèn ṅañuta pati, mimbuhi dosaguŋ.
8. wit jisimé woŋ aṅlampus ḍiri, tan kĕna dèn uwor, lan makamé para luluhuré, myaŋ sawiyaḥ makamaniŋ janmi, sinaraŋ sinirik, kaŋ apik tan ayun.
9. krana woŋ kaŋ amatèni janmi, wus dosa lwiḥ asor, maṅka ana woŋ kolu ṅragané, tĕtĕp lamun druhaka ṅuṅkuli, patinira aji, khéwan kĕṭèk lutuŋ.
10. paṅruwaté dosa sawatawis, rèhné wus kalakon, tan lyan amuŋ minta akṣamané, mriŋ kaŋ samya sinakkĕn iŋ galiḥ, praptaa pribadi, maraŋ wismanipun.
11. yèn kĕprĕnaḥ tuwa paṅkat iṅgil, ṅabĕktiya gupoḥ, linahirṇa iŋ kaluputané, lamun prĕnaḥ nom paṅkaté iṅgil, mĕṅku mawa taklim, krama nut iŋ tĕmbuŋ. 12. yèn kĕprĕnaḥ anom mĕnaŋ iṅgil, dèn rahab paṅrĕṅkoḥ, kabèḥ prihĕn lilihé ṛĕṅuné, lamun ana rikuhé iŋ ati, kamotna iŋ tulis, lawan tĕmbuŋ alus.
13. lan nuwuna apuraniŋ widdhi, tobata iŋ batos, rumasaa iŋ driya salahé, mumulènĕn luluhuré sami, kaŋ sira alani, nulak alanipun.
14. mula abot woŋ amĕkṣa kapti, mriḥ rèḥ karahayon, wis maṅkono lumraḥ prabawané, séjé lamun pinriḥ laku juti, ḍaṅan sukèŋ kapti, iku timbaṅipun.
15. lan wus jamak manuṅsa duñèki, sapa ṛĕna kasor, nadyan ana asor sayĕktiné, sakiŋ paṅkat gĕḍé lawan cilik, sugiḥ lawan mĕṣkin, aṇḍap miwaḥ luhur.
16. kayĕktèné paṅkat agĕŋ alit, kaŋ luhur kaŋ asor, sugiḥ mĕṣkin kabèḥ sasamané, yèn ginuluŋ sarta dèn coṇḍoṅi, adoḥ kaŋ sakṣĕrik, cĕḍak sukanipun. 17. dunuṅipun woŋ kaŋ ṅlalu budi, ana bĕcik awon, bĕcikira kaŋ tinuturaké, alanira wus kocap iŋ ṅuni, tan lyan jalaraniŋ, cupĕt iŋ paṅgayuḥ.
18. mriŋ kawiryan myaŋ sabaraŋ kapti, tita tan antuk don, wit tan majad kaŋ kinaṛĕpaké, tanpa srana lumuḥ anoragi, tan arṣa mintasiḥ, tamtu tan jinuruŋ.
19. lamun majad kaŋ sinĕdyèŋ kapti, maṅka tan kalakon, aja agé kagèt iŋ driyané, salaḥ tampa paṅlaluniŋ ati, ṅuriŋ uriŋ ḍiri, nutuḥ ṅamun amun.
20. tampanana sasmitaniŋ widdhi, tañjiḥna iŋ batos, umat kabèḥ iki kakasihé, yĕkti nora binéda sadĕmi, déné duwé kapti, tĕka tan jinuruŋ.
21. bokmanawa kaŋ sira kaṛĕpi, ginawé lalakon, duruŋ waktu iku iŋ tĕgĕsé, ṅadatira kaŋ sinĕdyèŋ kapti, yèn wus kĕmba lali, kono sok jinuruŋ.
22. ṅibaraté lir durywan nèŋ ṅuwit, naṅiŋ makṣiḥ ĕnom, yèn pinènèk aṅèl paṅuṇḍuhé, dupi kĕna tan énak binukti, tiwas andĕrpati, wĕkasan tan urup.
23. pakolèhé añarèhkĕn kapti, andina tan towoŋ, anuṅgoni nèŋ ṅisor uwité, praptèŋ maṅsa jĕr runtuḥ pribadi, gampaŋ dènnya ṅambil, tur énak lan tuwuk.
24. nora béda woŋ gayuḥ kamuktin, yèn kasrĕŋ iŋ batos, sinaṅkanan ṅlalu pratiṅkahé, ṅuriŋ uriŋ kaŋ dinolan kardi, sinĕṅguḥ tan mikir, maraŋ raganipun.
25. ṅĕmpakakĕn rusuhé iŋ batin, kĕmaté linakon, èstu kĕna kaŋ kinaṛĕpaké, kaŋ maṅkono iku wahyu éblis, ṅadat tan ḷĕstari, gĕŋ bĕñcananipun.
26. kadya durywan kaŋ ĕnèm iŋ ṅuni, paḍaniŋ lalakon, séjé lawan kaŋ wantaḥ ḷĕkasé, panĕḍané sakiŋ jro sĕmadi, kalanira wĕṅi, iŋ lahir sinamun. 27. kaŋ minaṅka isarat saari, tan mèṅèŋ sapakon, mriŋ kaŋ wajib maréntaḥ awaké, maṅsrutira tĕmĕn lan tabĕri, sasambèn nor ragi, ñaṅkiŋ tĕmbuŋ arum.
28. aḍaḍasar rahayuniŋ budi, anampik kaŋ asor, tansaḥ kaṛĕm maraŋ sasamané, luwaṅira yèn bisa ṅlakoni, baraŋ kaŋ kinapti, iŋ samajadipun.
29. nora luput kaŋ sarta basuki, iku wahyu yĕktos, pirabara tumurun bakalé, ra orané awaké pribadi, lakuné ḷĕstari, tan saṅsarèŋ kalbu.
30. lir aṅganiŋ duryan kaŋ matĕŋ wit, jumbuhiŋ lalakon, baraŋ sĕja ana jalarané, ora tĕka yèn amuŋ dèn siri, wit kaŋ ma sukci, tan adarbé suku.
31. itiḥ panawuṅiŋ ruwiyadi, ri soma katoṅton, kapiŋ sapta sapar wimbaniŋ lèk, tabuḥ aṣṭa dal saṅkalèŋ warṣi, swara trusiŋ ardi, risaŋ maha prabhu.
