watak pasaran utåwå påñcåwårå
kliwon.
nĕptuné 8, rupané klawu utåwå måñcå warṇå, paṅgonané ånå tĕṅaḥ, bañuné madu, kayuné gurdå, manuké gogik, déwané guru.
ukårå pasĕmoné : wiså martå durjånå tĕṅah, ånå bĕciké lan ånå alané, pintĕr micårå, tĕgĕsé biså ṅaṅgit båså, titis panitèné maraᶇ ålå lan bĕcik.
pasĕmon watakiᶇ kéwan : muñuk lan asu.
wataké muñuk : ḍĕmĕn pènèkan, riṅgas ora biså tutut, biså såbå ḍaratan, kakayon utåwå bañu, sanadyan wis dipakani isih gĕḷĕm ñakot lan ṅiwi iwi siᶇ makani, ora kĕnå dicĕḍaki lan dibĕciki, ora lali nindakaké piyålå.
wataké asu : sĕtyå tuhu maraᶇ bandarané naṅiᶇ crobo paṅané, nalaré ajĕg sukåwiryå, gĕḍé kakaṛĕpané, akèh slamĕt lan pujiné.
ḷĕgi.
nĕptuné 5, rupané putiḥ, paṅgonané wétan, bañuné santĕn, kayuné kayu putiḥ, manuké kontul, déwané naradå.
wataké mĕṅku, tĕgĕsé kumudu kudu saguḥ lan ṅuwasani sabaraᶇ patrap, kalawan ḷĕgå ṅaṛĕp atiné, bojåkramané praḍaḥ.mikir ålå bĕcik.
wataké kalahiran ḷĕgi :
ukårå pasĕmoné : sumĕnḍi ṅibaraté råjå utåwå bhupati, pasĕmon watakiᶇ kéwan : kuciᶇ lan tikus.
wataké kuciᶇ : awas, tutut, buṅaḥ atiné tan duwé saṅgaruṅgi, bilahiné dipahékå, sawisé dipahékå lagi mĕtu curigané, biså amor sugiḥ lan mlarat.
wataké tikus : yèn bĕṅi mĕlèk, awas, akèḥ paṅati atiné, biṅuᶇ atiné såkå awaké ḍéwé, saṭiṭik paṅané, mandi cakotané, samubaraᶇ siᶇ dicakot gĕlis mati, nitèni paṅgawé ålå lan bĕcik, sok diwisåyå (disalahi) liyan, gĕḍé bĕgjané naṅiᶇ yå gĕḍé bilahiné.
pahiᶇ.
nĕptuné 9, rupané abaᶇ, paṅgonané ånå kidul, bañuné gĕtiḥ, kayuné iṅas, manuké ĕṅkuk, déwané bråmå.
wataké mélikan, tĕgĕsé kumudu ḍĕmĕn maraᶇ sabaraᶇ kaᶇ katon, ḍĕmĕn praḍaḥ, tĕmĕné muriḥ misil.
wataké kalahiran pahiᶇ :
ukårå pasĕmoné : cĕnḍånå, mélikan baraᶇ, praḍah, tĕmĕné muriḥ misil (éntuk baṭi/untuᶇ).
pasĕmon watakiᶇ kéwan : macan.
wataké macan : adoḥ sabané, luṅguḥ ḍéwé, turu ḍéwé, araᶇ maṅané (bĕtaḥ luwé) kajåbå yèn dadi iṅon iṅoné ratu, akèḥ satruné, yèn diḍisiki (dijalari) mbilahèni, yèn nḍisiki ora dadi åpå, yèn duwé gagaman ṛĕsikan, nĕpsuné såkå woᶇ wadon, kĕṛĕp diapusi, baraṅé kaᶇ ilaᶇ araᶇ kaᶇ biså bali.
pon.
nĕptuné 7, rupané kuniᶇ, paṅgonané ånå kulon, bañuné sarkårå, kayuné kĕmuniᶇ, manuké poḍaᶇ, déwané kåmåjåyå.
wataké pamèr, tĕgĕsé kumudu ṅatonaké doñané, ambĕgé ḍiri kaᶇ ṅutuḥ.
wataké kalahiran pon :
ukårå pasĕmoné : samahitå lakuniᶇ nabi, budiné tutut, pituturé akèḥ digugu, ṅuṭuh.
pasĕmon watakiᶇ kéwan : wĕḍus.
wataké wĕḍus : sabané ora adoh, siᶇ dipaṅan hamuᶇ tanduran, tĕgĕsé muᶇ darbèké ḍéwé, asriᶇ muriṅ muriᶇ maraᶇ bojo lan anak batihé, nalaré kuwur, sĕnĕᶇ bijikan, wani maraᶇ siᶇ ṅiṅu, yèn wani ora kĕnå dipĕṅgak, sabaraᶇ basané kumudu diéndahaké, ora kĕnå cinĕgaḥ lamun wani, sĕḍĕṅan kasugihané.,
wagé.
nĕptuné 4, rupané iṛĕᶇ, paṅgonané ånå lor, bañuné nilå, kayuné tlasiḥ, manuké gagak, déwané wiṣṇu.
wataké kĕñcĕᶇ, tĕgĕsé kĕñcĕᶇ wicarané, luwĕs, kakon atèn.
wataké kalahiran wagé :
ukårå pasĕmoné : prabhu anom lakuniᶇ ḍaṇḍaᶇ : siṅgih naṅiᶇ aṅkuh.
pasĕmon watakiᶇ kéwan : sapi.
wataké sapi : tutut sakaṛĕpé siᶇ ṅĕrèḥ dadi, paṅané kudu diiṅoni, yèn dipĕcut sok ṅamuk, sabaraᶇ tinubruk, saṭiṭik amburu paṅan, yèn mamaṅan lali woᶇ tuwå lan sanak saduluré, pĕtĕᶇ pikiré, asriᶇ kĕnå pitĕnah.
pårå luluhur biyèn aṅgoné mariṅi tĕṅĕr watak pasaran ṅaṅgo pasĕmon wujud tĕmbuᶇ utåwå ukara ṅĕmu suråså.
utåwå ṅaṅgo pasĕmon wataké kéwan. kanṭi maṅkono aṅgoné biså mĕruhi watak wantuné pasaran kudu biså ñuråså tĕmbuᶇ lan ṅirå irå watak wantuné kéwan siᶇ diaṅgo ñĕmoni.
watak pariṅkĕlan utåwå ṣadwårå.
1. tuṅlé (ujuṅan), wataké sagaḥ lan kumbi, miraṅaké, sirikané åja nanandur kaᶇ dèn alap goḍoṅé.
2. aryaᶇ (manuṅså), wataké lalèn, pigunané kaṅgo gawé upas, sirikané åjå ṅanti pålåkråmå lan ṅĕdĕgagé omaḥ.
3. warukuᶇ (kéwan), wataké lénan pigunané ambubujuᶇnå, sirikané åjå ṅanti babad alas, akèḥ mamalané.
4. paniṅron (iwak), wataké kĕnå upas, mèlikan, pigunané gawé wiyåyå iwak, sirikané åjå ṅanti ṅiṅu iwak.
5. uwas (manuk), wataké takabur, pigunané maraṅi utåwå gawé gagaman utåwå mikat manuk, sirikané åjå ṅanti gawé kuruṅan manuk åpå déné kaṇḍaᶇ kéwan sikil loro.
6. mawulu (wiji), wataké ṅirå irå, pigunané maluku lan aṅgaru åpådéné ṅgarap sawaḥ, sirikané åjå ṅanti nanandur wiji utåwå ṅurit pari.
watak padinan utåwå saptåwårå.
1. akad / ṅahad
nĕptuné 5, rupané klawu, paṅgonané ånå lor wétan, bañuné sagårå, kayuné wriṅin, manuké tuhu, nabiné adam.
dåså namané: radité, dité, dinå sṛĕṅéṅe,
sasmitå båså kawiné : mawi såtå kadaluwarså waluyålåyå,
tĕgĕsé : woᶇ luluṅan kaluṅsé iᶇ taun muliḥ mati.
wataké : uripiᶇ jagad, ajĕg, maḍaṅi, panas, marbawani, ṅuripi. samudånå, bĕcik muᶇ iᶇ lahir bahé, kalayu ilå ilå, ambĕgé nuwå.
watak kalahiran ṅahad.
lakuné sṛĕṅéṅé, wataké paḍaᶇ atiné, tur sukå rilå sabaraᶇ darbèké maraᶇ sanak saduluré, wantĕr budiné, asiḥ maraᶇ abdiné, lamun ṅiṅu sakèhiᶇ iṅon iṅon ḍĕmĕn sarwå ṛĕsik, pintĕr micårå, biså préntaḥ maraᶇ woᶇ tuwå.
2. sĕnèn
nĕptuné 4, rupané kuniᶇ, paṅgonané ånå lor kulon, bañuné wédaᶇ, kayuné kunir, manuké kuniran, nabiné ibrahim.
dåså namané : somå, dinå ṛĕmbulan.
sasmitå båså kawiné : waktrå kanisanri nétrå awindé budåyå.
tĕgĕsé : mukå kélaṅan mripat ṅéliṅi budi.
wataké : mlumpat, owaḥ giṅsir, éndaḥ gawé sĕṅsĕm. samuwå, kudu bĕcik sabaraᶇ gawé naṅiᶇ émané kĕṛĕp kaluputan patrapé,
watak kalahiran sĕnèn.
lakuniᶇ lintaᶇ, ora kĕnå digagampaᶇ wicarané, tur baṅĕt panas, rikat cukat sakèhiᶇ pakartiné, sukå rilå iᶇ daḷĕm batin, ḍĕmĕn maraᶇ paṅgawé kaᶇ bĕnĕr.
3. slåså
nĕptuné 3, rupané biru, paṅgonané ånå kidul kulon, bañuné biru amis, kayuné taṅan, manuké bubud, nabiné isa.
dåså namané : aṅgårå, dinå gĕni,
sasmitå båså kawiné : séwå ritayé sogåtå babaṅgånå urå,
tĕgĕsé : sakabat kélaṅan guru pancabakaḥ dadi urå.
wataké : babagan pati, maṅalad alad panas, mbĕsmi, sujånå tegesé prayitnå iᶇ batin, ora låmbå pikiré, ora andĕlan, butaṛĕpan aṅguᶇ kagètan,
watak kalahiran slåså.
lakuniᶇ ṛĕmbulan, durjånå roᶇ prakårå, kĕṛĕp siniṅĕtan déniᶇ sapapaḍané woᶇ, lamun mimitran muᶇ woᶇ loro bahé kaᶇ biså dadi mitrå sajati, wataké julig, ḍaḥwèn, panastèn, sukå rilå naṅiᶇ ånå kalané ora antĕpan.
4. ṛĕbo
nĕptuné 7, rupané dadu, paṅgonané ånå kulon, bañuné udan, kayuné någåsari, manuké uluᶇ, nabiné muså.
dåså namané : buđå, dinå bhumi,
sasmitå båså kawiné : sakaṭanirå darukipaṅirå dalayun,
tĕgĕsé : pĕḍati tanpå kusir paṅiriṅé salèwèṅan.
wataké : uripiᶇ roḥ ( ṛĕjĕki), rådå sĕmbrånå naṅiᶇ momot, antĕᶇ, nrimå. sĕmbådå, kudu pantĕs sabaraᶇ gawé.
watak kalahiran ṛĕbo.
lakuniᶇ bhumi, lamun bĕcik ṅanti kaluwiḥ luwiḥ bĕciké, yèn ålå kaliwat alané, ora kakuraṅan saṇḍaᶇ paṅané, budiné mĕnĕᶇ antĕᶇ, lamun micårå mlantraᶇ, awit pikirané mĕṅku bĕcik lan ålå.
5. kĕmis
nĕptuné 8, rupané abaᶇ, paṅgonané kidul wétan, manuké galugå, kayuné sĕcaᶇ, manuké kutut, nabiné idris.
dåså namané wrahaṣpati, ṛĕṣpati, dinå gĕlap / ṭaṭit,
sasmitå båså kawiné : mamiṅkå ṛĕṅgådikårå karanånyå tunå,
tĕgĕsé :woᶇ niṅgal pagawéyan baku iku dadi dalané atunan.
wataké : purbaniᶇ roḥ ( katurutan sĕdyané), gawé giris suråså, kumudu kudu ṅrasakaké sabaraᶇ prakårå, lumuḥ kahuṅkulan kaṛĕpé,
watak kalahiran kĕmis.
lakuniᶇ gĕni, såpå siᶇ dadi bojoné sok mati ḍisik, akèḥ kaᶇ wĕdi maraᶇ sakèhiᶇ paṅucapé, lamun duwé abdi ora kuwat suwé sabab sarwå panas, såkå paṅaṛĕpan budiné luwiḥ bĕcik tur ḷĕmbut, ḍĕmĕn diguṅguᶇ iᶇ woᶇ, wasånå biså kĕnå binaliṭuk lan iṅakalan.
6. jumuwaḥ
nĕptuné 6, rupané iṛĕᶇ, paṅgonané ånå lor, bañuné maṅsi, kayuné aṛĕᶇ, manuké bèṭèt, nabiné muhammad.
dåsånamané : sukrå, dinå bañu,
sasmitå båså kawiné : katènti nuti jugåyå murkå må durhåkå,
tĕgĕsé : anuruti karså iku murkå.
wataké : råså tuṅgal, awèḥ kasĕgĕran lan kasuburan, mbanḍaᶇ samubaraᶇ, suci, kumudu ṛĕsik sasolaḥ bawané, gumuṅguᶇ amriḥ ginuguwå.
watak kalahiran jumuwaḥ.
lakuniᶇ paṇḍitå, wataké ḍĕmĕn mlarat, lamun duwé baraᶇ darbé rilå ḷĕgåwå nalikå dijaluk sanak kadaᶇ, ḍĕmĕn ulaḥ kapintĕran, budiné alus, sukå rilå, sĕnĕᶇ amimitran, ḍĕmĕn ṅaṅgĕp woᶇ liyan drayan kåyå sanak saduluré, duwé sĕdyå lalaku pintĕr.
7. sĕtu
nĕptuné 9, rupané putiḥ, bañuné ḷĕri, kayuné widårå, namuké waṅan, nabiné sis.
dåsånamané : saniṣcårå, tumpak, dinå aṅin,
sasmitå båså kawiné : samadi måså såyå lano palaksåṇå,
tĕgĕsé : sĕmaya maṅsané tĕkan jaṅji tĕtĕp kalakon.
wataké : dalaniᶇ pati, sumilir sĕgĕr naṅiᶇ ṅgåwå lalårå, kasumbuᶇ, ḍĕmĕn ṅaḷĕm kaᶇ sarwå bĕcik lan mamådå kaᶇ sarwå ålå, srakaḥ,
watak kalahiran sĕtu.
lakuniᶇ agin, kĕṛĕp sinatru woᶇ akèḥ, diwĕdèni woᶇ naṅiᶇ ånå kasugihané, sĕnĕᶇ ṅlarani atiné liyan, yèn laku dol tinuku gampaᶇ payu, gampaᶇ saṇḍaᶇ paṅané.
watak padéwan utåwå haṣṭåwårå.
1. sri, wataké wĕlasan, akèḥ kaᶇ asiḥ, bĕciké nandurå pari kaᶇ tumuju iᶇ pariṅkĕlan warukuᶇ, åjå motaṅaké utåwå ñilihaké baraᶇ sabab akèḥ sulayané.
2. indrå, wataké nastiti, aṅkuḥ, bĕcik kaṅgo ṅaji kawruḥ.
3. guru, wataké ñébå, gañjar, ḷĕmĕr, bĕciké masaṅå tutumbal.
4. yåmå, wataké lumuḥ aguᶇ maklumé, bĕciké kaṅgo dagaᶇ.
5. rudrå, wataké galak , saṅar mrabawani. bĕciké kaṅgo andèrès, gawé sumur lan waṅan.
6. bråmå, wataké panasbaran, bĕcik kaṅgo babad alas, maluku lan ṅgarap sawaḥ.
7. kålå, wataké caṇḍålå murkå, ṅamandåkå, goroḥ, bĕciké gawéyå pacåkå.
8. umå, wataké wĕlasan, susaḥ, jahil atiné, bĕciké gawéyå pagĕr utåwå régol.
watak padaṅon utåwå såṅåwårå.
1 . daṅu tĕgĕsé watu ,
wataké: mĕnĕᶇ naṅiᶇcubluk , abot atos . apĕsé ora narimå, mupaṅaté sirå aminimbulå, ṅèṣṭi pambuṅkusan, pasiropan, palèṅkètan, gawéyå tutuṅgul lan wawaḍaḥ.
2 . jagur tĕgĕsé macan ,
wataké: galak , awas , luwĕs , roså, apĕsé aṅutuḥ, mupaṅaté ṅèṣṭiyå pétak, babayu karosan, gawéyå kĕlan gawaᶇ, macakå kajinĕman.
3 .gigis tĕgĕsé ƀūmi ,
wataké : jĕmbar , ṅṛĕkṣå , momot, apĕsé yèn tan anarimå, mupaṅaté amaḍaknå ålå nĕnuᶇ laku ålå lan sapanuṅgalané, åjå gagawéyan.
4 . kéraṅan tĕgĕsé sṛĕṅéṅé ,
wataké : kĕras , titi , ajĕg , ṅawruhi ålå lan bĕcik , paḍaᶇ, lumuḥ kahuṅkulan, apĕsé yèn tan adil, mupaṅaté ṅèṣṭiyå panrawaṅan, paṅlĕṛĕban lan paṅgĕṇḍaman, ṅĕdĕgnå priyayi utåwå maśjid.
5 . nohan tĕgĕsé ṛĕmbulan ,
wataké : sukå buṅaḥ lan sĕṅsĕm , ṅèman wĕlasan , asriᶇ kĕnå pitĕnaḥ amargå kaṛĕpé sinĕbutan tutuwå, apĕsé tan laṅgĕᶇ, tan asiḥ, tan adil, mupaṅaté ṅèṣṭiyå paṅasihan, gawé baraᶇ dagaṅan bakal akèḥ woᶇ sĕnĕᶇ.
6 . wogan tĕgĕsé uḷĕr ,
wataké : mugĕn , antĕpan, apĕsé cubriyå, mupaṅaté sirå ṅadanan uwas lan gawéyå gagaman.
7 . tulus tĕgĕsé bañu ,
wataké : tĕmĕn , rosa , jĕmbar kaṛĕpé, diérami sapåḍå påḍå, ḷĕmbut paṅarahé , apĕsé yèn kakèhan kaṛĕp, tumuli dèn susupi woᶇ, mulaṅaté sirå macakå woᶇ tampiṅan, ḍuḍukuhå gĕlis ṛĕjå, aṅĕdĕgbå påså ñĕmbadani.
8 . wuruᶇ tĕgĕsé gĕni ,
wataké : panasbaran iᶇ sabaraᶇ kaṛĕpé, apĕsé kĕnå pahékå, dikalahi,
9 . dadi tĕgĕsé kayu ,
wataké : lumuḥ kahuṅkulan, apĕsé yèn aṅiyup kaluputan, mupaṅaté ṅèṣṭiyå kasumbagan, paṅĕmbaran, aṅĕdĕgnå paṇḍåpå utåwå kaṇḍaᶇ, gagawéyan sabaraᶇ luwiḥ awèt, mawacakå ṅĕdĕgnå luraḥ iku bĕcik.
watak påñcå sudå asli.
1. waséså sagårå,
wataké jĕmbar budiné naṅiᶇ asor drajadé.
2. tuṅgak sĕmi,
wataké bĕcik atiné naṅiᶇ saṭiṭik ṛĕjĕkiné.
3. satriyå wibhåwå,
wataké ambĕgé luhur naṅiᶇ tan lånå atiné.
4. satriyå wiraᶇ,
wataké kĕṛĕp kĕsusahan naṅiᶇ kalis iᶇ wiså, rahayu darbèké.
5. ƀūmi kapĕtak,
wataké bĕcik atiné naṅiᶇ cugĕtan.
6. ḷĕbu kĕtiyup aṅin,
wataké mawut rusak, kĕṛĕp susaḥ tur asor drajadé.
watak påñcåsudå pawukon.
1. waséså sagårå.
wataké sugiḥ paṅapurå , praḍaḥ , jĕmbar budiné , mrabawani .
2. tuṅgak sĕmi.
wataké lumintu ṛĕjĕkiné, ḍĕmĕn gĕṛĕjĕgan nadyan pinapas adrĕᶇ.
3. satriyå wiƀåwå.
wataké nåmpå kamulyan, kaluhuran lan kawibhawan.
4. sumur sinåbå.
wataké sugiḥ kawruḥ biså dadi paṅuṅsèn lan diguroni, balåbå iᶇ doñané.
5 . satriyå wiraᶇ.
wataké tansaḥ nĕmu pakéwuḥ lan kĕwiraṅan lan kisinan, sanadyan budi kaᶇ bĕcik dadi ålå.
6 . ƀūmi Kapĕtak.
wataké tabĕri ñambut gawé , kuwat naṇḍaᶇ gĕlå lan lårå låpå , ṛĕsikan , putuṅan ati .
7. ḷĕbu kĕtiyub aṅin.
watakénaṇḍaᶇ susaḥ tan jĕnakan , siᶇ digayuḥ ora klakon , aṅèl bisané klumpuk klumpuk.
watak påñcå riṅkĕs (kamarokam).
1. nuju padu.
wataké ålå, mupaṅaté ṅĕdĕgnå pawon.
2. kålå tinantaᶇ.
wataké ålå, mupaṅaté ṅĕdĕgnå kaṇḍaᶇ lan gĕḍogan.
3. saṅgar wariṅin.
wataké bĕcik, biså ṅayomi kawulå sawaṅsané, mupaṅaté ṅĕdĕgnå masjid lan saṅgar pamĕḷĕṅan, becik ugå kaṅgo niṅkahan, wataké paḍaᶇ atiné lan kaṛĕm maraᶇ ṅèlmu.
4. mantri sinarojå.
wataké bĕcik, déné mantri ganĕp, déné kaṅgo niṅkahan ugå bĕcik, wataké ora kakuraṅan saṇḍaᶇ paṅan, yèn maṅgahotå pakolèḥ lan sugiḥ anak.
5. macan kĕrawan.
wataké sĕḍĕᶇ, watak kèriṅan, mupaṅaté ṅĕdĕgnå paṇḍåpå lan ṛégol.
6. nuju pati.
wataké ålå, mupaṅaté gawéyå pagĕr bhumu lan jabuᶇ utåwå numnumbalå.
watak paṅarasan.
1. nĕptu 7, lakuniᶇ bhumi.
wataké amĕm mĕnĕᶇ, cugĕtan atèn, tan darbé sanak, kĕṭul pamikiré, rådå kaṅgonan ḍĕmĕn sĕmbranan lan woᶇ èstri / lanaᶇ.
2. nĕptu 8, lakuniᶇ gĕni.
wataké panas baranan, ambaṅun praᶇ, panastèn, drĕṅki, akèḥ kaᶇ pinagut, yèn wadon sok aṅguᶇ gawé bilahi.
3. nĕptu 9, lakuniᶇ aṅin utåwå aras pĕkṣi.
wataké mĕnĕᶇ, maṇḍitå, omaḥ omaḥ aṅguᶇ alihan, ḍĕmĕn ginuṅguᶇ, yèn duwé jåpå ora mandi, tĕrañjalan nora jĕñjĕm atiné.
4. nĕptu 10, lakuniᶇ paṇḍitå sĕkti utåwå aras pĕpĕt.
wataké mĕnĕᶇ, aṅgitan, yèn winuruk nuli biså, jĕro nĕpsuné, sok kĕnå tinakonan, biså mĕñaᶇ paḍukunan, pamuwasé sok umuk, jĕnĕṅé misuwur lantaran sastrå.
5. nĕptu 11, aras tudiᶇ utåwå lakuniᶇ sétan.
wataké wani ṅambaḥ iᶇ wayaḥ wĕṅi, kĕndĕl, yèn duwé baraᶇ kumudu didol, calimut, mélikan darbèké liyan.
6. nĕptu 12, lakuniᶇ jojoḍowan utåwå aras kĕmbaᶇ.
wataké tan éman, akèḥ sanaké, linulutan maraᶇ jalmå éstri lan kakuᶇ, gampaᶇ lamun aṅgrahitå lan maṅgahotå.
7. nĕptu 13, lakuniᶇ lintaᶇ.
wataké mĕnĕᶇ, ḷĕmbaḥ manaḥ, naṅiᶇ tan darbé sadulur, tan duwé napsu, bĕtaḥ mĕlèk, adol basané, takdiré dagaᶇ, yèn duwé kaṛèp tan biså dipalaṅi.
8. nĕptu 14, lakuniᶇ ṛĕmbulan.
wataké samubaraᶇ pagawéyan baṅkit, lan saḍélå biså mukti, yèn winuruk éṅgal biså, linulutan maraᶇ jalmå, jĕmbar budiné, naṅiᶇ suṅkanan lan nora sugiḥ.
9. nĕptu 15, lakuniᶇ srĕṅéṅé.
wataké manis pamicarané, akèḥ maklumé, asor yèn duwé padu, biså ñiptå baraᶇ åpå åpå, yèn mamaṅan tan kĕnå iṅawĕran, klĕbu cacad.
10. nĕptu 16. lakuniᶇ bañu.
wataké sok muᶇ dadi koṅkonané woᶇ, kĕras budi lan paduné, ora bĕtaḥ luwé, yèn omaḥ omaḥ hamuᶇ tukaran, lamun wahdad jimawi.
11. nĕptu 17. lakuniᶇ jagad (ƀūmi gĕḍé).
wataké maṅgahotå sok niwasi, ṛĕṇḍaḥ paṅucapé, yèn tutur sok wuruᶇ, sok ṅĕkul papaḍané jalmå, tan duwé sanak, kaṅiᶇ kaṇḍané sayĕkti ñåtå.
12. nĕptu 18. lakuniᶇ dahånå (gĕni gĕḍé).
wataké panas baranan, calaṭuné sok ñĕrikaké woᶇ, ora ñawaᶇ polatané woᶇ, juwĕt guyuné, yèn nĕpsu ora lånå, rådå jiriḥ.
watak dinå taliwaṅké.
tĕgĕsé nalèni waṅké (mayit , baṭaᶇ).
wataké iᶇ dinå iku akèḥ babåyåå kaᶇ gĕḍé, muṅguḥ iᶇ wataké manuṅså : mbrĕṅkélé lan ñlĕkit omoṅané satĕmaḥ gampaᶇ gawé prakårå lan påñcåkårå.
cacahé ånå 6 :
1. sĕnèn iᶇ wuku wuyé,
2. slåså iᶇ wuku wayaᶇ,
3. ṛĕbo iᶇ wuku landĕp,
4. kĕmis iᶇ wuku warigalit,
5. jumuwaḥ iᶇ wuku kuniṅan,
6. sĕtu iᶇ wuku kuruwĕlut.
kabèḥ prayogå disirik.
watak dinå sampar saṅké.
tĕgĕsé ñampar waṅké (mayit, baṭaᶇ).
wataké iᶇ dinå iku akèḥ nĕmoni kasusahan kaᶇ ora ṅĕpénakaké ati. muṅguḥ kaṅgo wataké manuṅså : asriᶇ nĕmoni kasusahan kaᶇ ora kañånå ñånå.
cacahé ånå 5 :
1. sĕnèn iᶇ wuku sintå,
2. sĕnèn iᶇ wuku warigalit,
3. sĕnèn iᶇ wuku laṅkir,
4. sĕnèn iᶇ wuku tambir,
5. sĕnèn iᶇ wuku bålå.
kabèḥ prayogå disirik.
watak dinå sarik aguᶇ.
tĕgĕsé sirikan gĕḍé.
wataké iᶇ dinå iku kudu disirik,
kåyådéné wawalĕr (laraṅan). muṅguḥ kaṅgo wataké manuṅså: aṅèl srawuᶇ karo woᶇ liyå.
cacahé ånå 4 :
1. ṛĕbo iᶇ wuku kurantil,
2. ṛĕbo iᶇ wuku galuṅan,
3. ṛĕbo iᶇ wuku marakèḥ,
4. ṛĕbo iᶇ wuku bålå.
kabèḥ prayogå disirik.
watak dinå kålå dité.
tĕgĕsé babåyå kaᶇ ṅĕṅgoni dinå akad (raḍité).
wataké iᶇ dinå iku akèḥ sambékålå. muṅguḥ kaṅgo wataké manuṅså nduwèni watak wantu sĕnĕᶇ ñusahaké liyan.
cacahé ånå 3:
1. akad iᶇ wuku warigaguᶇ,
2. akad iᶇ wuku kuruwĕlut,
3. akad iᶇ wuku ḍukut.
kabèḥ prayogå disirik.
watak dinå ḍĕṇḍan kukudan / ḍuṅulan.
tĕgĕsé anané ḍĕṇḍå kaᶇ bisa marakaké kukud luḍĕs.
wataké iᶇ dinå iku akèḥ kaᶇ kaḍĕṇḍå lan kukud iᶇ samubaraṅé. muṅguḥ kaṅgo wataké manuṅså : nduwèni watak sĕnĕᶇ mĕṛĕs maraᶇ liyan.
cacahé ånå 3 dinå mahurut ṅahad tumĕkané sĕnèn iᶇ wuku galuṅan.
1. ṅahad, iᶇ wuku galuṅan.
2. sĕnèn, iᶇ wuku galuṅan.
3. slåså, iᶇ wuku galuṅan.
(tĕgĕsé dinå ḍĕṇḍan kukudan iku kabèḥ iᶇ wuku galuṅan).
watak dinå séṅkan turunan.
tĕgĕsé sumĕṅkå (luṅané) lan tumurun (tumĕkané) kahanan ålå utåwå bĕciké dinå manut warṇané séṅkan turunan iku.
cacahé warṇå 5, iᶇ sajroné 30 dinå siji sijiné sumĕṅkå sapisan, tumurun sapisan, ajĕg lĕt 15 dinå. kaṇṭi maṅkono sumĕṅka lan tumuruné mĕsṭi påḍå pasarané.
iᶇ sajroné sahubĕṅan wuku (210 dina) siji sijiné sumĕṅkå kapiᶇ 7, tumuruné ugå kapiᶇ 7, pratélané maṅkéné :
1. asu ajag.
pralambaᶇ kahanan babåyåå maraᶇ kasarasan lan kaslamĕtané jiwå rågå.
manåwå sumĕṅkå atĕgĕs babayané wis luṅå, kaṅgo wataké manuṅså : bisa kasinuṅan mrantasi babåyå.
manåwå tumurun babayané iku tumĕkå, kaṅgo wataké manuṅså : kaṇṭi ora sĕṅåjå nuwuhaké babåyå maraᶇ liyané.
sumĕṅka iᶇ dinå : pasaran pahiᶇ pariṅkĕlan mawulu.
tumurun iᶇ dinå : pasaran pahiᶇ pariṅkĕlan warukuᶇ.
2. sapi gumaraᶇ.
pralambaᶇ dåyå kabirahèn.
manåwå sumĕṅkå kahanan iᶇ dinå iku lĕsu luṅkraḥ, muṅguh kaṅgo wataké manuṅså : kuraᶇ nduwèni grĕgĕt iᶇ kabirahèn.
manåwå tumurun kahanan iᶇ dinå iku ñĕṅsĕmaké lan gawé grĕgĕt, muṅguḥ kaṅgo wataké manuṅså: gĕḍé kabirahèné.
sumĕṅkå iᶇ dinå : pasaran pon pariṅkĕlan paniṅron.
tumurun iᶇ dinå pasaran pon pariṅkĕlan tuṅlé.
3. cèlèᶇ dumaluᶇ.
pralambaᶇ anané gaṅguwan woᶇ golèk ṛĕjĕki saṇḍaᶇ paṅan.
manåwå sumĕṅkå kahanan dinå iku slamĕt tulus kaṅgo golèk rĕjĕki saṇḍaᶇ paṅan, kaṅgoné wataké manuṅså : tansaḥ gampaᶇ saṇḍaᶇ paṅané ora ånå siᶇ ṅrĕribĕti.
manåwå tumurun kahanan iᶇ dinå iku akèḥ sambékålå kaṅgo golék ṛĕjĕki saṇḍaᶇ paṅan, manåwå kaṅgo wataké manuṅså: aṅgoné golèk ṛĕjĕki sandaᶇ paṅan tansaḥ nĕmu rubédå.
sumĕṅka iᶇ dinå pasaran wagé pariṅkĕlan tuṅlé.
tumurun iᶇ dina : pasaran wagé pariṅkĕlan paniṅron,
4. kuṭilapas.
pralambaᶇ kahanan kaᶇ gumyak ñĕnĕṅaké naṅiᶇ asriᶇ salaḥ kadadèn dadi ribut.
manåwå sumĕṅkå kahanan iᶇ dinå iku ayĕm tĕntrĕm sĕpi,muṅguḥ kaṅgo wataké manuṅså : aṅèl srawuᶇ naṅiᶇ ya ora nåtå ṅrusuhi liyan.
manåwå tumurun kahanan iᶇ dinå iku gumyak naṅiᶇ akèh kadadéyan sĕliᶇ surup, muṅguḥ kaṅgo wataké manuṅså : akèḥ kañcané naṅiᶇ ugå asriᶇ digaṅgu karo mitrå kañcané iku.
sumĕṅka iᶇ dinå: pasaran kliwon pariṅkĕlan uwas.
tumurun iᶇ dinå : pasaran kliwon pariṅkĕlan aryaᶇ.
5. sri (srigati)
pralambaᶇ laraᶇ murahé ṛĕjĕki lan kabĕgjan.
manåwå sumĕṅka kahanan iᶇ dinå iku laraᶇ ṛĕjĕki lan akèh kapitunan, muṅguḥ kaṅgo wataké manuṅså : aṅèl ṛĕjĕkiné lan tansaḥ apĕs.
manåwå tumurun kahanan iᶇ dinå iku akèḥ ṛĕjĕki lan kabĕgjan, muṅguḥ kaṅgo wataké manuṅså : gampaᶇ ṛĕjĕki lan kabĕgjané.
sumĕṅkå iᶇ dinå : pasaran ḷĕgi pariṅkĕlan warukuᶇ.
tumurun iᶇ dinå : (pasaran, pariṅkĕlan, dinå 7).
1. ḷĕgi mawulu ṅahad tumurun iᶇ taman.
2. ḷĕgi mawulu śĕnèn tumurun iᶇ pawon.
3. ḷĕgi mawulu slåså tumurun iᶇ kaṇḍaᶇ.
4. ḷĕgi mawulu ṛĕbo tumurun iᶇ paturon.
5. ḷĕgi mawulu kĕmis tumurun iᶇ lumbuᶇ.
6. ḷĕgi mawulu jumuwaḥ tumurun iᶇ pĕdariṅan.
7. ḷĕgi mawulu sĕtu tumurun iᶇ lĕsuᶇ.
siᶇ prĕlu disirik ånå 5, yå iku :
1. asu ajag tumurun,
2. sapi gumaraᶇ tumurun,
3. cèlèᶇ dumaluᶇ tumurun,
4. kuṭilapas sumĕṅkå,
5. srigati sumĕṅkå.
watak måså wuku aṅgårå kasiḥ.
(taṅgal kapétuᶇ iᶇ kurup salasiyaḥ)
1. måså kaså.
kawiwitan dinå aṅgårå kasiḥ wuku 14 maṇḍasiyå, taṅgal kapiᶇ 8 sasi surå tahun alip windu adi.
wataké rahayu.
2. måså wuku karo,
kawiwitan dinå aṅgårå kasiḥ wuku 19 tambir, taṅgal kapiᶇ 13 sasi sapar tahun alip windu adi.
wataké ålå sirå.
3. måså wuku katĕlu.
kawiwitan dinå aṅgårå kasiḥ wuku 24 praᶇbakat, taṅgal kapiᶇ 19 sasi mulud tahun alip windu adi.
wataké antuk tunå kĕmaliṅan.
4. måså wuku kapat.
kawiwitan dinå aṅgårå kasiḥ wuku 29 ḍukut, taṅgal kapiᶇ 24 sasi bakdåmulud tahun alip windu adi.
wataké rahayu.
5. måså wuku kalimå.
kawiwitan dinå aṅgårå kasiḥ wuku 3. kurantil, taṅgal kapiᶇ 30 sasi jumadilawal tahun alip windu adi.
wataké muᶇ alaṅan kaᶇ tinĕmu.
6. måså wuku kanĕm.
kawiwitan dinå aṅgårå kasiḥ wuku 9 juluᶇwaṅi, taṅgal kapiᶇ 6 sasi ṛĕjĕb tahun alip windu adi.
sinambĕr iᶇ gĕlap.
7. måså wuku kapitu.
kawiwitan dinå aṅgårå kasiḥ wuku 14 måndåsiyå, taṅgal 11 kapiᶇ sasi ruwaḥ tahun alip windu adi.
wataké muraḥ ṛĕjĕki, slamĕt.
8. måså wuku kawolu.
kawiwitan dinå aṅgårå kasiḥ wuku 19 tambir, taṅgal 17 kapiᶇ sasi påså tahun alip windu adi.
wataké mukti wibhåwå salawasé sirå.
9. måså wuku kasåṅå.
kawiwitan dinå aṅgårå kasiḥ wuku 24 praᶇ bakat, taṅgal kapiᶇ 22 sasi sawal tahun alip windu adi.
wataké susaḥ salawasé.
10. måså wuku kasapuluḥ.
kawiwitan dinå aṅgårå kasiḥ wuku 29 ḍukut, taṅgal kapiᶇ 28 sasi duqaṅidaḥ tahun alip windu adi.
wataké luwiḥ bĕcik salawasé sirå.
11. måså wuku ḍèstå.
kawiwitan dinå aṅgårå kasiḥ wuku 3 kurantil, taṅgal kapiᶇ 4 sasi surå tahun éhé windu adi.
wataké mati tumpĕs.
12. måså wuku saḍå.
kawiwitan dinå aṅgårå kasiḥ wuku 9 juluᶇwaṅi, taṅgal kapiᶇ 9 sasi sapar tahun éhé windu adi.
wataké wuruᶇ kaṛĕpé kaᶇ ålå.
tumbuké manèḥ måså wuku, wuku, taṅgal lan pasaran lan warigå gĕmĕt sakabèhané bali manèḥ sabĕn iᶇ wuku 14 maṇḍasiyå, taṅgal kapiᶇ 8 sasi surå tahun alip windu adi.
wawatakaniᶇ manuṅså miturut nĕptu dinå lan pasaran.
nĕptu 7,
wataké narimå iᶇ pandum, ḍĕmĕn ulaḥ kapaṇḍitan naṅiᶇ wicarané tan kĕnå kasoran, ḍĕmĕn luluṅan adoḥ.
nabiné yunus : wataké sugiḥ anak, ṅaṛĕpaké awaᶇ uwuᶇ, akèḥ goḍané.
palintaṅan : lintaᶇ mijan.
balané,lintaᶇ kudå, satruné lintaᶇ jadi,
wataké aguᶇ bĕgjané, akèḥ goḍané.
lĕkṣaṇané aṅin, tan kĕnå gogoñjakan.
larané siraḥ,
jayané dinå ṛĕbo sasi bĕsar,
apĕsé dinå jumuwaḥ sasi ṛĕjĕb, yèn lårå iᶇ dinå iku, ṅalamat wus cĕpak umuré.
nĕptu 8,
wataké braṅasan lan panasbaran, drĕṅki kuraᶇ martå kaᶇ ati, akèḥ woᶇ kaᶇ dèn braṅus, ḍĕmĕn padu, yèn napsu sok mBilahèni.
nabiné ayub : wataké gĕḍé paṅané, asriᶇ tukaran.
nĕptu 9,
wataké brañjalan omaḥ omaḥ asriᶇ ṅaliḥ, adoḥ sabané, yèn duwé jåpå ora mandi, malaḥ gawé karusakan.
nabiné muså : wataké akèḥ paṅarahé, mĕnaᶇ pĕraṅé, ṅaṛĕpaké kabĕcikan, ambabaraké wiraᶇ maraᶇ brayat, panastèn.
palintaṅan : lintaᶇ arab.
balané lintaᶇ sur, satruné lintaᶇ kuda.
wataké : ṅawulå kinasihan, goḍané woᶇ wadon, sugih båṇḍå, murah taṅan olèḥ krakaḥ, duwé satru ṅaliḥ paṅgonan, tan ĕnå laku ṅiwå, sasanakané akèḥ begjané , anak anaké ånå kaᶇ mati, ånå kaᶇ urip, paṅgawéne bĕnĕr bĕnĕr, diapusi (diracun) déniᶇ satruné séjé nagårå, kériṅan sugiḥ baraᶇ. larané gĕrok, ṅĕlu lan ḷĕsu.
jayane dina ṛĕbo sasi ruwaḥ. apĕsé dinå slåså sasi muud, yèn lårå dinå lan sasi iku, ṅalamat wus cepak umuré.
nĕptu 10,
wataké antĕᶇ sĕmbådå, yèn diwulaᶇ lantip, jĕro napsuné, bahud lan biså mĕñaᶇ parḍukunan, ora gĕḷĕm tinakonan, juwèḥ, trĕṣṇå maraᶇ sanak sadulur.
nabiné nuḥ : wataké dadi woᶇ dagaᶇ lan tani.
palintaṅan : lintaᶇ jadi.
balané lintaᶇ surtan, satruné lintaᶇ sådå.
wataké : ḷĕkasanané gunuᶇ cilik tumañcĕp iᶇ bhumi, pawakané mBambaᶇ aawak wataké akèḥ bĕgjané, kalané jaran, baṇṭèᶇ, kidaᶇ, meñjaṅan, wĕḍus lan macan, kĕras atiné.
jayané dina ṛĕbo sasi mulud, apĕsé dina sĕtu sasi sawal, yèn lårå dinå lan sasi iku ṅalamat wus cĕpak umuré.
nĕptu 11.
wataké mapan barès tur pralayan, kĕndĕl wani ṅambaḥ iᶇ wayaḥ wĕṅi, wani mati, ḍĕmĕṇ wèwèḥ lan loma maraᶇ sapåḍå påḍå, alané yèn naṇḍaᶇ miṣkin, asriᶇ climut lan gĕḷĕm coloᶇ jupuk baraṅé tåṅgå.
nabiné idris : wataké adoḥ såkå bilahi, kĕṛĕp agawé kabĕcikan, ṅaṛĕpaké nikmat, kĕnå cacad.
nĕptu 12,
wataké kuraᶇ narimå iᶇ titaḥ, akèḥ pañjaṅkané, kasmaran mriᶇ kasiṅgihan, gampaᶇ saṇḍaᶇ paṅané, asriᶇ kélaṅan, tĕtĕpuṅané kuraᶇ manis.
nabiné ibrahim : wataké tan kĕnå adoḥ såkå maśjid, olèḥ artå tiṅgal artå, yèn dudu artané ḍéwé andadékaké rubédå.
nĕpttu 13,
wataké lañaḥ pamicarané, guṅané kĕpati pati naṅiᶇ bĕcik atiné, rukun runtut mriᶇ saduluré, yèn napsu ndrawasi, bĕtaḥ mĕlèk tiṅgal kalbu (mĕlèk tanpå kaprĕluwan), tabĕri iᶇ babagan dagaᶇ.
nabiné adam : wataké bĕgjå olèḥ kanugrahan, akèḥ atiné, sugiḥ anak lan bĕcik bĕcik, asriᶇ dipitĕnaḥ woᶇ, wañci umur satĕṅaḥ tuwuḥ pisaḥ lan anak rabiné.
nĕptu 14,
wataké lantip lan biså sabaraᶇ gawé, yèn diwulaᶇ ṅéram éramaké, cacadé rådå suṅkanan lan aṅèl sugiḥ, naṅiᶇ lĕmbaḥ manaḥ.
nabiné soléman : wataké sugiḥ artå arti, kèḍĕp kériṅan, naṅiᶇ awis putrå, asriᶇ mumuṅsuhan.
nĕptu 15.
wataké gĕjaraḥ biså mréntaḥ woᶇ tuwå, kĕras tatas atiné, cukup pambudiné, ora kuraᶇ saṇḍaᶇ paṅané, akèḥ mitrané kaᶇ påḍå asiḥ, cacadé asriᶇ padu bab tåtåkråmå lan akråmå.
nabiné ḍawud : wataké akèḥ putrané, artiné akèḥ ilaᶇ, aguᶇ prihtiné, sukå sukå muᶇ saanak rabiné.
nĕptu 16.
wataké sĕḍĕp maraᶇ silakråmå, sugiḥ, juwèḥ, sabaraᶇ kaᶇ ciniptå nora luput mĕṣṭi dadi, yèn mamaṅan ora kĕnå pinalaṅan.
nabiné ṅisa : wataké olèḥ kanugrahan, bobot atiné, akèḥ woᶇ påḍå asiḥ.
nĕptu 17,
wataké mĕnĕᶇ lan cugĕtan atèn, yèn ñambut gawé asriᶇ niwasi, kĕṛĕp dipahékå woᶇ, tan kĕnå pinaḍaṅan iᶇ sapåḍå påḍå.
nabiné muhammad : wataké ora duwé artå, nuhoni kabĕcikan, tĕguḥ paṅabĕktiné, ora kĕnå sukå sukå, akèḥ satruné, kanugrahané aguᶇ.
nĕptu 18.
kaladuk wani kuraᶇ dudugå, yèn dinulu paduné sĕmbaraṅan, yèn tukaran diwanèni bañjur ṅalaḥ.
nabiné yusup : wataké akèḥ bĕgjané, sugiḥ artå.
watak manuṅså miturut dinå lan pasaran.
1. ṅahad kliwon.
wataké bĕnĕr, sĕḍĕṅan sabaraᶇ pikiré, kĕnå didadèkaké tutuwå, orå rĕṇå lamun kaḍisikan.
2. sĕnèn ḷĕgi.
wataké yèn lanaᶇ kuraᶇ pikiré, yèn wadon sĕḍĕṅan pikiré, bĕcik lumraḥ, kakon atèn naṅiᶇ bañjur liliḥ.
3. slåså pahiᶇ.
wataké bĕtèt sugiḥ léléwå, prasåjå pikiré, lamun wadon bĕrèt ḍĕmĕn ṅrĕṅgå awak, yèn kuraᶇ paṅajaran dadi ucul nuruti kaṛĕpé ḍéwé.
4. ṛĕbo pon.
watake bĕrèt isinan, tumrap laki rabi biså awèḥ paṅan siji påḍå sijiné.
5. kĕmis wagé.
wataké mĕnĕᶇ pracåyå, yèn juwèḥ tliti maraᶇ samubaraᶇ kaᶇ makéwuhi, pintĕr maraᶇ kawruḥ kaᶇ tĕraᶇ, rådå kuraᶇ prayitnå, rilan.
6. jumuwaḥ kliwon.
wataké yèn lanaᶇ ora sugiḥ wicårå, muᶇ sĕḍĕṅan bahé, lamun wadon wani maraᶇ lakiné
7. sĕtu ḷĕgi.
wataké cukĕᶇ ṅuculaké wĕwĕnaṅé, akèḥ kapintĕrané kaṅgo ṅupåyå råjå darbé, bèrbudi minåṅkå rékådayané, iᶇ daḷĕm batiné ora gĕḷĕm kaloᶇloṅan.
8. ṅahad pahiᶇ.
wataké wĕgig pikiré, ṅati ati iᶇ kaprayitnan naṅiᶇ rådå nandukaké léléwå aṅkuhé, kåyå déné woᶇ aguᶇ.
9. sĕnèn pon.
wataké manis arum wicarané, biså ṅĕpénakaké atiné woᶇ, lamun wadon muḷĕt pikiré.
10. slåså wagé.
wataké yèn lanaᶇ lumuḥ maraᶇ sabaraᶇ pitutur, ora micårå, ḍĕmĕn añjajaluk, lamun wadon awatak bĕcik.
11. ṛĕbo kliwon.
wataké pintĕr micårå, sugiḥ pikir, rådå kaṛĕm madon, lamun wadon sok biṅuᶇ pikiré.
12. kĕmis ḷĕgi.
wataké bèrbudi lumuḥ kahuṅkulan, lamun wadon nakal lan rusuḥ maraᶇ lakiné.
13. junuwaḥ pahiᶇ.
wataké mĕnĕᶇ, yèn busuk baṅĕt boḍoné, yèn pintĕr biså dadi panutané woᶇ akèḥ sabab awatak pujåṅgå.
14. sĕtu pon.
wataké kriyå paṅgawéyan, lamun wĕgig duwé watak kuraᶇ ṛĕnå maraᶇ patrap pratiṅkahé woᶇ liyå, lamun wadon biså golèk saṇḍaᶇ paṅan.
15. ṅahad wagé.
wataké gĕḍé kaṛĕpé, yèn ṭukul pikiré ora kĕnå dipalaṅi, lamun wadon sansåyå ṅluwihi.
16. sĕnèn kliwon.
wataké antĕᶇ pikiré, nom nomané rusuḥ, baṛĕᶇ tuwa alus pikiré, antĕᶇ tåtå lan aṅratani.
17, slåså ḷĕgi.
wataké kuraᶇ micårå, lamun juwèḥ wĕgig sabaraᶇ gawéné, bĕcik alus lan sarèḥ pikiré.
18. ṛĕbo pahiᶇ.
wataké gumĕḍé, pupak ati, aṅkuḥ, lumuḥ kahuṅkulan, kaku aṅkuhé, kåyå déné woᶇ aguᶇ.
19. kĕmis pon.
wataké gĕḍé pikiré, aṅkuḥ, mĕnĕᶇ, bĕrèt sakabèhané, ora kĕtårå aṅkuhé déniᶇ woᶇ liyå.
20. jumuwaḥ wagé.
wataké wĕgig micårå, juwèḥ tĕraᶇ, kĕras trĕp, kaṛĕm madon, rilan sĕḍĕṅan.
21. sĕtu kliwon.
wataké boḍo ṅaku pintĕr, yèn gĕḷĕm madon baṅĕt ora lunraḥ, rusuḥ, ora duwé isin, kĕṭul pikiré, wani caṅkrakan.
22. ṅahad ḷĕgi.
wataké lalèn kuraᶇ pikir, sĕnĕᶇ maraᶇ woᶇ wadon, lamun wadon ugå maṅkono, kuraᶇ tåtå kråmå.
23. sĕnèn pahiᶇ.
wataké murkå maraᶇ paṅgawéyan, sĕḍĕᶇ pikiré, yèn wadon luwiḥ bĕcik.
24. slåså pon.
wataké lumuḥ pikiré maraᶇ samubaraᶇ prakårå, cukĕᶇ, lamun wadon luwiḥ bĕcik.
25. ṛĕbo wagé.
wataké sĕḍĕṅan sabaraᶇ pikiré, maju maraᶇ pagawéyan, lamun wadon wani nakal maraᶇ lakiné.
26. kĕmis kliwon.
wataké kuraᶇ pikir, tabĕri maraᶇ paṅgawéyan, lamun wadon sĕḍĕṅan budiné bĕcik.
27. jumuwaḥ ḷĕgi.
wataké ilon ora duwé krĕntĕg ḍéwé, kĕñcĕᶇ wicarané sok noñjol noñjol, lamun wadon luwiḥ bĕcik.
28. sĕtu pahiᶇ.
wataké sugiḥ ṛĕjĕki, sugiḥ jañji, wicarané sok kasar sok alus.
29. ṅahad pon.
wataké kuraᶇ pikir, pracåyå lilå, mĕnĕᶇ prasåjå, lamun wadon luwiḥ bĕcik.
30. sĕnèn wagé.
wataké kuraᶇ pikiré, manut kaṛĕpé ḍéwé, wani mati, aṅkuḥ, lamun wadon luwiḥ bĕcik.
31. slåså kliwon.
yèn boḍo busuk babar pisan, yèn pintĕr biså dadi pujåṅgå, lamun wadon sĕḍĕṅan pikiré.
32. ṛĕbo ḷĕgi.
wataké bĕcik lumraḥ prasåjå, ḍĕmĕn añjajaluk, ḍijaluki ugå lomå, lamun wadon luwiḥ bĕcik.
33. kĕmis pahiᶇ.
wataké burus ati watak tani, antĕᶇ pikir maju maraᶇ pakaryan, biså dadi priyayi, gunawan cinakĕt woᶇ aguᶇ.
34. jumuwaḥ pon.
wataké wĕgig pikiré, yèn ora kadugå ora andadèkaké sĕnĕṅé, lumuḥ kahuṅkulan sapapaḍané.
35. sĕtu wagé.
wataké lalèn naṅiᶇ luwĕs, ḍĕmĕn ginuṅguᶇ, lamun wadon braṅasan naṅiᶇ gĕlis liliḥ, manis pasĕmoné.
